အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

အောင်မြင်သောသူများ၏ သက်သေခံချက်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ဘုရားသခင်၏ နှုတ်ကပတ်တော်သည် အသက်တာတွင် ကျွန်တော်၏ ခွန်အားဖြစ်သည်

ရှုကျီးဂန်း၊ တီရန်ဂျင်း ဒေသန္တရအုပ်ချုပ်ရေးနယ်

အတိတ်တွင် ကျွန်တော်သည် တရုတ်လူမျိုးတို့၏ ရိုးရာစံနှုန်းများ အားဖြင့် အလွန်အမင်း လွှမ်းမိုးခံရပြီး၊ ကျွန်တော့် သားသမီးများနှင့် မြေးများအတွက် အိမ်ခြံမြေဝယ်ယူခြင်းက ကျွန်တော် ဘဝရည်မှန်းချက် ဖြစ်ခဲ့သည်။ ဤအရာကို ဖြစ်မြောက်အောင်မြင်ဖို့၊ ကျွန်တော်က မော်တော်ကားပြင်သည့် နည်းပညာအကြောင်း သင်ယူရန် မိမိကိုယ်ကို ပေးအပ်မြုပ်နှံထားခဲ့သည်။ စက်ပြင်သည့် ကားဂိုဒေါင်တစ်ခုကိုလည်း ကျွန်တော် ဖွင့်လှစ်ခဲ့ပြီး၊ စီးပွားရေးလုပ်ငန်းက အလွန်ကောင်းမွန် ခဲ့လေသည်။ ကျွန်တော့်ဘဝ ထိုအချိန်က ကျွန်တော့် ကံကြမ္မာကို ကျွန်တော် ထိန်းချုပ်သည်ဟု ယုံကြည်ခဲ့သောကြောင့် ကျွန်တော့် ခယ်မက သခင်ယေရှု၏ ဧဝံဂေလိကို ကျွန်တော့်ကို ဟောကြားသည့်အချိန်တွင်၊ ကျွန်တော်က လက်ခံဖို့ ငြင်းဆန်ရုံသာမက၊ သခင့်ကို ယုံကြည်ခြင်း မရှိလည်းပဲ၊ ကျွန်တော် ကောင်းစွာ အသက်ရှင်နိုင်သည်ဟု ခံစားရသော ကြောင့် သူမကို တကယ့်ကို လှောင်ခဲ့သည်။ သို့သော် အချိန်ကောင်း များက ရေရှည်မခံခဲ့ပါ။ ကျွန်တော့် ကားဂိုဒေါင်တွင် စီးပွားရေး လုပ်ငန်းက ဆိုးသည်ထက် ဆိုးလာခဲ့ပြီး၊ ကျွန်တော် မည်မျှ အလုပ် ကြိုးစားပါစေ၊ ပြန်ကောင်းမွန် လာအောင် ကျွန်တော် မကြိုးစားနိုင်ခဲ့ပါ။ ကျွန်တော်က အခြေအနေကို ပြောင်းလဲရန် ခြေကုန်လက်ပမ်းကျအောင် လုပ်ခဲ့ပြီး၊ ကျွန်တော်သည် ပင်ပန်းနွမ်းနယ်ကာ၊ စိတ်မချမ်းမြေ့ဖြစ်ခဲ့ရ သောကြောင့် ကျွန်တော့် စိုးရိမ်ကြောင့်ကျမှုကို သက်သာစေရန် တစ်နေ့လုံး အရက်သောက်ခြင်းကို အားကိုးခဲ့သည်။ အပြန်အလှန် အားဖြင့် တစ်နေ့တွင် ကျွန်တော် ကားမောင်းနေရင်း အာရုံမစိုက်မိခဲ့ဘဲ၊ မတော်တဆ ကားတိုက်မှုဖြစ်ခြင်းဖြင့် အဆုံးသတ်ခဲ့ရသည်။ ကျွန်တော့် ကားက မမှတ်မိနိုင်လောက်အောင် ကြေမွသွားသော်လည်း ကံကောင်း ထောက်မစွာ နှင့် အံ့သြလောက်အောင် ကျွန်တော် အသက်ရှင်ကျန်ရစ် ခဲ့ပါသည်။ နောက်မကြာမီတွင် ၁၉၉၉ ခုနှစ် နွေဦးရာသီတွင် ကျွန်တော့် ဇနီးက ကျွန်တော့်ကို အနန္တတန်ခိုးရှင်ဘုရားသခင်၏ နောက်ဆုံးသော ကာလ ဧဝံဂေလိတရား ဟောကြားခဲ့သည်။ အနန္တတန်ခိုးရှင် ဘုရားသခင် ၏ နှုတ်ကပတ်တော်များကို ဖတ်ရှုခြင်းအားဖြင့် ကျွန်တော် သမ္မာတရား အချို့ကို နားလည်လာခဲ့ပြီး၊ ကျွန်တော်က ထိုကဲ့သို့ စိတ်မချမ်းမြေ့ဖွယ်၊ ခိုကိုးရာမဲ့သော အခြေအနေတစ်ခုတွင် အသက်ရှင်နေခဲ့ရခြင်း အကြောင်း အရင်းမှာ စာတန်က လူများကို သွတ်သွင်းခဲ့သည့် ဘဝ အခြေခံမူများကို ကျွန်တော် လက်ခံခဲ့သောကြောင့်ဖြစ်ကြောင်း ကျွန်တော် သိခဲ့ရသည်။ ကျွန်တော်က မိမိအတွက် ပျော်ရွှင်သော အိမ်ထောင်တစ်ခုကို ဖန်တီးရန် မိမိ၏ကိုယ်ပိုင် အားထုတ်ကြိုးပမ်းမှုကိုသာ မှီခိုလိုခဲ့ပြီး၊ အကျိုးဆက်မှာ ကျွန်တော်က လွန်ကဲသော ဆင်းရဲဒုက္ခရောက်ခဲ့ပြီး၊ မိမိ၏အသက် ဆုံးရှုံးလုနီးဖြစ်သည်အထိ အရူးလုပ်ခံခဲ့ရပါသည်။ ကျွန်တော့်ကို သေမင်းတံခါးဝမှာ ပြန်လည်ခေါ်ဆောင်ပြီး၊ သူ၏အိမ်တော်ထဲသို့ ခေါ်ဆောင်ခဲ့သူမှာ အနန္တတန်ခိုးရှင် ဘုရားသခင်ဖြစ်ပြီး၊ ကျွန်တော့်ကို သနားကရုဏာပြခြင်းအတွက် သူ့ကို ကျွန်တော် အလွန်အမင်း ကျေးဇူးတင်ရှိခဲ့ပါသည်။ ထိုအချိန်မှစ၍ ကျွန်တော် နေ့တိုင်း ဘုရား နှုတ်ကပတ်တော်ကို ဖတ်ရှုသည့်အပြင်၊ ဝတ်ပြု အစည်းအဝေးများ တက်ကာ၊ ကျွန်တော့် ညီအစ်ကိုမောင်နှမများနှင့် မိတ်သဟာယလည်း ပြုခဲ့ပြီး ကျွန်တော့် စိတ်နှလုံးက သိမြင်မှုဖြင့် ပြည့်ခဲ့သည်။ ယင်းကို ကျွန်တော် မွေ့လျော်မိခဲ့ပြီး အသက်တာတွင် စစ်မှန်သော လမ်းကြောင်း ကို ကျွန်တော် ရှာတွေ့ခဲ့သည်ကို ဝမ်းမြောက်ခဲ့ပါသည်။ သို့သော် မကြာမီတွင်ပင် ဘုရားသခင်၌ ကျွန်တော့်၏ ယုံကြည်မှုကြောင့် တရုတ်ကွန်မြူနစ်ပါတီ အစိုးရ၏ ဖမ်းဆီးခြင်းအတွက် ကျွန်တော် ပစ်မှတ်တစ်ခုဖြစ်လာခဲ့ပြီး၊ ကျွန်တော့်မှာ မိမိ၏မိသားစုကို ထားရစကာ ပုန်းကွယ်ခဲ့ရလေသည်။ ထိုအချိန်က အားနည်းခြင်း ကာလများကို ကျွန်တော် ကြုံတွေ့ခဲ့ရသော်လည်း၊ ကျွန်တော် မည်သည့်နေရာသို့ သွားပြီး၊ စာတန်၏ မကောင်းဆိုးဝါးများက ကျွန်တော့်ကို မည်သို့ လိုက်ရှာပါစေ၊ ဘုရားသခင်၏ နှုတ်ကပတ်တော်များက ကျွန်တော့်ကို လမ်းပြမည်ဟု ကျွန်တော် ယုံကြည်ခဲ့ပါသည်။ ဆယ်နှစ်ကျော်ကြာ ပြီးနောက် ဘုရား နှုတ်ကပတ်တော်များ၏ လမ်းပြမှုနှင့် ထောက်ပံ့မှုတို့မှ တစ်ဆင့် သမ္မာတရားအချို့ကို ကျွန်တော် တဖြည်းဖြည်း နားလည်လာ ခဲ့ပြီး၊ ကျွန်တော့် ဘဝက အလွန်စိတ်ချမ်းသာစရာ ဖြစ်ခဲ့သည်။ နောက်ပိုင်းအချိန်ကာလတစ်လျှောက်လုံး၊ ကျွန်တော် အဖမ်းခံရပြီး၊ ညှဉ်းပန်းနှိပ်စက်ခြင်းကို ခံစားရသည့် ကာလအတွင်းတွင်၊ စာတန်ကို နောက်ဆုံးတွင် လုံးလုံး အရှက်ခွဲနိုင်ရန် စာတန်၏ ရက်စက်သော နှိပ်စက်ခြင်းနှင့် ညှဉ်းဆဲခြင်းတို့အလယ်တွင် ကျွန်တော့်ကို ခိုင်မာစွာ ရပ်တည်စေပြီး၊ တည်ကြည်စေကာ၊ ကြောက်စိတ်မရှိစေ ခဲ့သည်မှာ ဘုရားသခင်၏ နှုတ်ကပတ်တော် ဖြစ်သည့်အတွက် ဘုရားသခင်၏ နှုတ်ကပတ်တော်သည် ဘဝတွင် ကျွန်တော်၏ ခွန်အားဖြစ်သည်ကို ပို၍ပင် လက်တွေ့ကျကျ ကျွန်တော် တွေ့ကြုံခံစားခဲ့ရသည်။ ဤအတွေ့အကြုံနောက်ပိုင်းတွင်၊ ဘုရားနှုတ်ကပတ်တော်ကို ကျွန်တော် ပို၍ပင် တန်ဖိုးထားခဲ့ပြီး၊ ဘုရားနှုတ်ကပတ်တော်များထံမှ ကျွန်တော် တခဏလေးပင် မဝေးကွာနိုင်ခဲ့ပါ။

၂၀၁၃ ခုနှစ် ဖေဖော်ဝါရီလ ရက်တစ်ရက်တွင်၊ ကျွန်တော်က အပြင်တွင် ညီအစ်ကိုမောင်နှမအချို့နှင့် ဧဝံဂေလိ ဖြန့်ဝေနေခဲ့သည်၊ သို့သော်၊ ကျွန်တော်တို့ အပြန်လမ်းတွင်၊ ဆီဒန်ကားတစ်စီး၏ တားဆီးခြင်းကို ခံခဲ့ရသည်။ ရဲအရာရှိ သုံးယောက်က ကားထဲမှ ထွက်လာပြီး၊ ကျွန်တော်တို့ မည်သူမည်ဝါဖြစ်ကြောင်း အထောက်အထား များကို မေးခဲ့ကာ၊ သူတို့က ကျွန်တော်တို့၏ နယ်ခံမဟုတ်သည့် လေယူလေသိမ်းကို ကြားသည့်အချိန်တွင်၊ အကြောင်းပြချက်တစ်ခုပင် မပေးဘဲ ကျွန်တော့်ကို အတင်းအကျပ် ရှာဖွေခဲ့သည်။ သူတို့က ယွမ် ၇၀၀ ကျော် ထိန်းသိမ်းထားသည့် တရုတ် စိုက်ပျိုးရေးဘဏ် ကတ်ပြားတစ်ခု၊ ငွေသား ယွမ် ၃၀၀ ကျော်၊ လက်ကိုင်ဖုန်းတစ်လုံး၊ MP5 စက်တစ်ခု နှင့် ဧဝံဂေလိ သတင်းအချက်အလက်အချို့တို့ကို ကျွန်တော့် အိတ်ကပ်များ ထဲမှ သိမ်းဆည်းခဲ့သည်။ အရာရှိများထဲမှ တစ်ယောက်က အနန္တတန်ခိုးရှင် ဘုရားသခင်ကို ကျွန်တော် ယုံကြည်သည်ဟု သိသည်နှင့် တပြိုင်နက်၊ သူ၏ ပြောဆိုပြုမူပုံက အလွန်ကြမ်းကြုတ်လာပြီး၊ သူက ကျွန်တော့်ကို အတင်းအကျပ် လက်ထိပ်ခတ်ကာ၊ ကားထဲသို့ တွန်းထိုး ထည့်လိုက်သည်။ ရဲစခန်းတွင် သူတို့က ကျွန်တော့်ကို နံရံကို မှီကပ်လျက်ရပ်ခိုင်းပြီး၊ အရာရှိတစ်ယောက်က ကျွန်တော့်ကို မျက်နှာထားတင်းတင်းဖြင့် “မင်းနာမည် ဘယ်လိုခေါ်လဲ။ မင်းအိမ် ဘယ်မှာလဲ။ မင်းကို ဘုရားသခင်ကို ယုံကြည်မှုအကြောင်း ဘယ်သူက ဟောခဲ့တာလဲ” ဟု မေးခဲ့သည်။ ကျွန်တော် မဖြေသည်ကို သူတွေ့သည့် အခါတွင် ဒေါသူပုန်ထပြီး၊ ကျွန်တော့် ငှက်မွှေးကုတ်အင်္ကျီကို ဆွဲချွတ် လိုက်ပြီးနောက် ကျွန်တော့်ကို တစ်ဖက်သို့လှည့်ပြီး၊ ကျွန်တော့် ဆွယ်တာကို ကျွန်တော့် နောက်ကျောမှ ခေါင်းပေါ်သို့ ဆွဲမလိုက်ကာ၊ ကျွန်တော့်ကျောကို သူ၏လက်ကိုင်တုတ်ဖြင့် ရက်ရက်စက်စက် ရိုက်နှက် လေသည်။ ရိုက်ချက်အနည်းငယ်တိုင်း သူက “မင်းအခုစကားပြော တော့မလား” ဟု မေးခဲ့သည်။ ကျွန်တော့်ကို ဆယ့်ငါးချက် ထပ်ခါထပ်ခါ ရိုက်နှက်ပြီးနောက်၊ ကျွန်တော့်ကျောမှ အသားများ စုတ်ပြတ်ပေါက်ပြဲ သွားသည်ဟု ခံစားရပြီး၊ ကျွန်တော့် ကျောရိုးက အလွန်နာကျင်ကာ ကျိုးသွားသကဲ့သို့ ခံစားခဲ့ရသည်။ သို့သော်လည်း သူကျွန်တော့်ကို မည်မျှရိုက်နှက်ပါစေ၊ ကျွန်တော် စကားပြောဖို့ ငြင်းဆန်ခဲ့သည်။ နောက်ဆုံးတွင် “ကောင်းပြီ။ ငါအရှုံးပေးတယ်။ မင်းကို ဒီလို ရိုက်ရတာ က ငါ့လက်ကောက်ဝတ်နာတယ်၊ ပြီးတော့ မင်းက စကားမပြောသေး ဘူး” ဟု ပြောရင်း ဒေါသူပုန်ထလျက် ဗလုံးဗထွေးပြောခဲ့သည်။ ကျွန်တော့်ကို ဘုရားသခင်က ကွယ်ကာနေသည်ကို ကျွန်တော့် စိတ်နှလုံး ထဲတွင် သိခဲ့သည်။ ကျွန်တော်က ထိုကဲ့သို့ ကြမ်းတမ်းသော ရိုက်နှက်ခြင်း ကို မိမိဘာသာ တောင့်မခံနိုင်ပါ။ ကျွန်တော် ဘုရားသခင်ကို တိတ်ဆိတ်စွာ ကျေးဇူးတင်ခဲ့ပါသည်။

ရိုက်နှက်ခြင်းသည် ကျွန်တော့်ကို ထိရောက်မှုမရှိသည်ကို တွေ့ သောကြောင့် သူတို့က နည်းဗျူဟာ ပြောင်းခဲ့ကြသည်။ ဤဆိုးယုတ်သော ရဲများထဲမှ တစ်ယောက်က တစ်မီတာခန့်ရှည်ပြီး၊ ခြောက်စင်တီမီတာ လုံးပတ်ရှိသည့် တုတ်တစ်ချောင်းကို ယူဆောင်လာပြီး၊ အန္တရာယ်ပြုမည့် လက္ခဏာရှိသော အပြုံးတစ်ခုဖြင့် “ဒီဟာပေါ်မှာ ဒူးထောက်ရတဲ့ ‘ဝမ်းမြောက်ပျော်ရွှင်ခြင်းများကိုမြည်းကြည့်ပါ’ ဆိုတာကို သူ့ကို ပေး လိုက်ကြရအောင်၊ အဲဒီနောက် သူစကားပြောမပြော ကြည့်တာပေါ့” ဟု ပြောခဲ့သည်။ ဤကဲ့သို့ တုတ်ချောင်းပေါ်တွင် မိနစ် ၃၀ကြာ ဒူးထောက် ပြီးနောက် လူတစ်ယောက်က မတ်မတ် မရပ်နိုင် သို့မဟုတ် လမ်း မလျှောက်နိုင်သည်ကို ကျွန်တော် ကြားခဲ့သည်။ ဤညှဉ်းပန်းမှုမျိုးဖြင့် ရင်ဆိုင်ရလျက်၊ ကျွန်တော့် ဝိညာဉ်အသက်တာသည် အလွန်နုနယ်ပြီး၊ ကျွန်တော့် ခန္ဓာကိုယ်က သည်းခံနိုင်မည် မဟုတ်သည်ကို ကျွန်တော် ခံစားခဲ့ရသည်။ ကျွန်တော်က ကြောက်လန့်သောကြောင့် ဘုရားသခင်ကို “ဘုရားသခင်။ ကျွန်တော့် ဝိညာဉ်အသက်တာက အရမ်းနုနယ်ပြီး၊ ကျွန်တော် ဒီလို ညှဉ်းဆဲမှုမျိုးကို တောင့်မခံနိုင်မှာ စိုးပါတယ်။ ကျေးဇူးပြုပြီး ဒီညှဉ်းပန်းမှုကို တောင့်ခံဖို့ နဲ့ ကိုယ်တော့်ကို သစ္စာမဖောက်ဖို့ ကျွန်တော့် နှလုံးသားကို ကွယ်ကာပြီး၊ ကျွန်တော့်ကို ခွန်အား ပေးတော်မူပါ” ဟု ရှိသမျှ ခွန်အားဖြင့် ကျွန်တော် အော်ခေါ်ခဲ့ ပါသည်။ ဘုရားသခင်ကို ကျွန်တော် အဖန်တလဲလဲ အော်ခေါ်ခဲ့ပြီး၊ ဘုရားသခင်က ကျွန်တော့် ခန္ဓာကိုယ် အားနည်းသည်ကို သိခဲ့သည်။ အဆုံးတွင် ဤဆိုးယုတ်သောရဲများက ဤကဲ့သို့ ညှဉ်းပန်းမှုမျိုး မသုံးဖို့ ဆုံးဖြတ်ခဲ့သောကြောင့် ဘုရားသခင်က ကျွန်တော့် ဆုတောင်းခြင်းကို နားညောင်းခဲ့သည်။ ကျွန်တော့် မျက်စိရှေ့မှ ဖြစ်ရပ်များက ကျွန်တော့် အတွက် ဘုရားသခင်၏ သနားကရုဏာနှင့် ကွယ်ကာခြင်းတို့ကို ထင်ရှားစေခဲ့သည်မှာ ဘုရားသခင်၌ ကျွန်တော့်၏ ယုံကြည်မှုအား တိုးပွားစေသလို ကျွန်တော့် ကြောက်စိတ်ကိုလည်း ကြီးစွာ လျှော့ချ ခဲ့သည်။ ထိုညှဉ်းပန်းနည်းစနစ်ကို အသုံးမပြုဖို့ သူတို့ ဆုံးဖြတ်ခဲ့ သော်လည်း၊ သူတို့က ကျွန်တော့်ကို လွှတ်ဖို့ ဆန္ဒမရှိကြသေးပါ။ ထိုအစား သူတို့က နောက်ထပ် ညှဉ်းပန်းနည်းစနစ် တစ်ခုကို တွေးခဲ့ကြ သည်။ သူတို့က ကျွန်တော့် ခါးကို မတ်မတ်ထားပြီး မြေကြီးပေါ်တွင် အတင်းအကျပ် ထူးထောက်စေပြီးနောက်၊ ၁.၈ မီတာကျော် အရပ်ရှည် သည့် ဧရာမ အမျိုးသား အရာရှိတစ်ယောက်ကို ခြေနှစ်ဖက်လုံးဖြင့် ကျွန်တော့် ခြေသလုံးများပေါ်တွင် မတ်တပ်ရပ်စေပြီး၊ ပြင်းနိုင်သမျှ ပြင်းပြင်း သူ့ကို ဆောင့်နင်းချခိုင်းလေသည်။ သူက ၎င်းတို့ပေါ်တွင် မတ်တပ်ရပ်လိုက်သည့်အခိုက်တွင်၊ ထိုးကျင့်သော နာကျင်မှုတစ်ခုကို ကျွန်တော် ခံစားရပြီးနောက် ဘုရားသခင်ကို ခွန်အားရှိသမျှ ဖြင့် ကျွန်တော် ဆုတောင်းခဲ့ပါသည်၊ “ဘုရားသခင်၊ ဒီလို လူမဆန်တဲ့ ညှဉ်းပန်းမှုကို ကျွန်တော့် တောင့်မခံနိုင်ပေမဲ့၊ ကိုယ်တော့်ကို ကျွန်တော် စိတ်ကျေနပ်စေချင်ပါတယ်၊ ဒါ့ကြောင့် ကျွန်တော့်ကို ယုံကြည်ခြင်း၊ ခွန်အားနဲ့ ဆင်းရဲဒုက္ခခံလိုတဲ့ စိတ်ဆန္ဒတို့ကို ပေးဖို့ အနူးအညွတ် တောင်းပန်ပါတယ်။ ကိုယ်တော့်အတွက် ကျွန်တော်ရဲ့သက်သေခံချက်မှာ ခိုင်မာစွာ ရပ်တည်လိုပါတယ်။” ကျွန်တော့် ဆုတောင်းချက်ကို နောက်တစ်ကြိမ် နားညောင်းခဲ့သည့်အတွက် ဘုရားသခင်ကို ကျေးဇူးတင် ပါသည်။ ထိုဝဝနှင့် ရဲအရာရှိက ကျွန်တော့် ခြေသလုံးပေါ်တွင် ကိုယ်နေ ဟန်ထား ငြိမ်ငြိမ် ထိန်းမထားနိုင်ခဲ့သောကြောင့်၊ မကြာမီမှာပင် ကျွန်တော့်ပေါ်မှ ဆင်းလိုက်ရသည်။ သူ့နံဘေးမှ ဆိုးယုတ်သော ရဲအရာရှိက ဒေါသူပုန်ထပြီး “မင်းက အသုံးမကျတဲ့ ငနုံငအပဲ။ ဘာဖြစ်လို့ ခဏလေးနဲ့ သူ့ပေါ်က ဆင်းလိုက်ရတာလဲ” ဟု ပြောခဲ့သည်။ ဤမကောင်းဆိုးဝါးများသည် နှိုင်းမရအောင် အမှန်တကယ် ကောက်ကျစ် ပြီး၊ ရက်စက်ပါသည်။ သူတို့က ကျွန်တော့်ကို ညှဉ်းပန်းဖို့ ဖြစ်နိုင်သမျှ နည်းစနစ်တိုင်းကို တွေးခဲ့ကြပြီး၊ ကျွန်တော့်၏ သေခြင်းတစ်ခုတည်း ကသာလျှင် သူတို့ကို စိတ်ကျေနပ်စေမည့်အလား ကျွန်တော့်ကို သတ်ဖို့ သူတို့ တရွရွသာ ဖြစ်နေကြလေသည်။ သူတို့က ကျွန်တော့်ကို မတ်မတ် ဒူးထောက်သည့် အနေအထားတစ်ခုတွင် အတင်းနေခိုင်းပြီး၊ လှုပ်ခွင့် မပြုခဲ့ပါ။ နောက်ပိုင်းတွင် ရဲအရာရှိများထဲမှ တစ်ယောက်က အခြား လူများကို အဓိပ္ပါယ်ရှိသော အကြည့်တစ်ခုဖြင့် ကြည့်ပြီးနောက်၊ စောင့်ကြည့်လျက်ရှိသည့် ထိုရဲအရာရှိနှင့်အတူ ကျွန်တော့်ကို တစ်ယောက်တည်း အခန်းထဲတွင် ထားလျက် ကျန်သည့်သူများအားလုံး ထွက်သွားကြလေသည်။ သူက “ငါ့အမေလည်း ဘုရားသခင်ကို ယုံကြည် တယ်ကွ။ မင်းဘယ်လိုယုံလာတာလဲဆိုတာ ပြောပြပါဦး။ ငါက မင်းနဲ့ ဘုရားသခင်ကို ယုံကြည်ချင်တယ်၊ ဒါကြောင့် မင်းရဲ့ လူကြီးတွေနဲ့ တွေ့ဖို့ ငါ့ကို ခေါ်သွားပေး” ဟု ပြောရင်း ဟန်ဆောင်ပန်ဆောင်ပြုံးလျက်၊ ကျွန်တော့်ဆီလာပြီး၊ ကျွန်တော့်ကို မျက်နှာချိုသွေးဖို့ ကြိုးစားလေသည်။ သူ၏ အလိမ်အညာများကို ကြားပြီး၊ သူ၏ မရိုးသားသော အပြုံးကို ကြည့်လျက်၊ ကျွန်တော် ရုတ်တရက် လုံးလုံး ရွံရှာသွားမိခဲ့သည်။ သူ၏ လှည့်ကွက်ကို ကျွန်တော် ဖော်ထုတ်တော့မည့်အခိုက်တွင်၊ ဘုရားသခင်၏ နှုတ်ကပတ်တော်များကို ကျွန်တော် ရုတ်တရက် ပြန်လည် အမှတ်ရမိခဲ့ သည်။ “သင်၏အတွင်း၌ ငါ၏သတ္တိရှိရမည်။...သို့သော် ငါ၏အကျိုး အဘို့ငှာ သင်သည် တစ်စုံတစ်ရာသော မှောင်မိုက်စွမ်းအား တို့ကိုလည်း အလျှော့မပေးရ။ စုံလင်သောလမ်းကို လျှောက်လှမ်းရန် ငါ၏ဉာဏ်ပညာ ကို ကိုးစားလော့။ စာတန်၏ ပူးပေါင်းကြံစည်ခြင်းကို အမြစ်တွယ်စေရန် ခွင့်မပြုနှင့်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၀” အစအဦး၌ ခရစ်တော်၏ မိန့်မြွက်ချက်များ) စာတန်၏ မျက်မှောက်တွင် သတ္တိထက် ဉာဏ်ပညာ ကျွန်တော် ပိုလိုအပ်သည်ကို နားလည်သဘောပေါက် ခွင့်ပေးရင်း၊ ကျွန်တော့်အတွက် အချိန်ကိုက် လမ်းပြမှုကို ဘုရားသခင်၏ နှုတ်ကပတ်တော်က ပေးခဲ့သည်။ စာတန်နှင့် ရင်ဆိုင်ဖို့ ကျွန်တော်တို့ကို ဉာဏ်ပညာပေးရန် ဘုရားသခင်ကို ကျွန်တော်တို့ တစ်ချိန်လုံး မှီခိုရမည်။ ဘုရားနှုတ်ကပတ်တော်၏ ဉာဏ်အလင်းပြခြင်းနှင့် လမ်းပြခြင်းတို့မှတစ်ဆင့်၊ ကျွန်တော် လုပ်ရမည့် အရာကို သိခဲ့ သောကြောင့် ကျွန်တော်က၊ “မင်းတကယ် ယုံကြည်ချင် တယ်ဆိုရင်၊ အိမ်မှာ ဘုရားနှုတ်ကပတ်တော်တွေကို ဖတ်ဖို့ပဲ လိုတာပါ။ မင်းအပြင် ထွက်ပြီး၊ တစ်ယောက်ယောက်ကို တွေ့ဖို့ မလိုပါဘူး” ဟု ပြောခဲ့သည်။ ကျွန်တော် စကားပြောပြီးသည့်နောက်တွင်ပင်၊ ကျွန်တော့် ကို ရိုက်နှက်ခဲ့ သည့် ဆိုးယုတ်သောရဲအရာရှိက ဝင်လာပြီး၊ “မင်းက တော်တော် ခေါင်းစားတဲ့ကောင်ပဲ” ဟု မလိုမုန်းထားစွာ ပြောခဲ့သည်။ စာတန်က ရှုံးနိမ့်ပြီး၊ အရှက်ကွဲသွားသည်ကို ကျွန်တော် သိသောကြောင့် ကျွန်တော် ဘုရားသခင်ကို တိတ်ဆိတ်စွာ ကျေးဇူးတင်ခဲ့သည်။ ဘုရားသခင်သည် ကျွန်တော်ကို လမ်းပြပြီး၊ အားပေးကာ၊ နတ်ဆိုး၏ လက်မည်းကြီး အကြမ်းဖက်မှုကို အံ့သြလောက်အောင် တွန်းလှန်လျက် ကျွန်တော်နှင့် အမြဲတမ်းရှိသည်ကို ကျွန်တော် တွေ့ခဲ့ရသည်။ ကျွန်တော့်အတွက် ဘုရားသခင်၏ ချစ်ခြင်းမေတ္တာက အလွန်ကြီးမြတ် ပါသည်။ ထိုအခိုက်အတန့်တွင် ကျွန်တော်သည် အကျဉ်းခန်းထဲတွင် ပိတ်မိနေ သော်လည်း၊ ဘုရားသခင်နှင့် ကျွန်တော့်၏ ဆက်ဆံရေးသည် ယခင်ကထက် များစွာ ပို၍ နီးကပ်လာသည်ဟု ခံစားရပြီး၊ ကျွန်တော် များစွာ အားပေးခံရပြီး၊ အေးဆေးသက်သာ ဖြစ်လာခဲ့သည်။ သူတို့က ကျွန်တော့်ကို နှစ်နာရီကျော်ကြာ အတင်းအကျပ် ဒူးထောက်ခိုင်းခဲ့သည်။ နောက်ဆုံးတွင် နံနက်၁နာရီနောက်ပိုင်းတွင် စစ်မေးခြင်းသည် မည်သည့် ရလဒ်မှ မထွက်ပေါ်လာသည်ကို သဘောပေါက်သည်နှင့်အညီ၊ သူတ စိတ်ပျက်လက်ပျက်ဖြင့် ထွက်သွားရုံမှလွဲပြီး မည်သည့်အရာမျှ မလုပ်နိုင်ခဲ့ပါ။

ဒုတိယမြောက်နေ့ နံနက်တွင် ရဲများက ပြည်သူ့လုံခြုံရေးဌာန၏ ဌာနခွဲသို့ ရဲများက ကျွန်တော့်ကို ခေါ်ဆောင်သွားခဲ့သည်။ ကျွန်တော် စစ်မေးခန်းထဲသို့ ဝင်ပြီးနောက်၊ မှုခင်းရဲဌာန အကြီးအကဲက ကျွန်တော့်ကို “မင်းနာမည် ဘယ်လိုခေါ်လဲ။ မင်းအိမ်က ဘယ်မှာလဲ။ ဘုရားသခင်ကို ယုံကြည်တာကို မင်းကို ဘယ်သူက မိတ်ဆက်ပေးခဲ့ တာလဲ။ မင်း ဘုရားသခင်ကို ယုံကြည်ခဲ့တာ ဘယ်လောက်ကြာပြီလဲ။ မင်းရဲ့ အဆက်အသွယ်တွေက ဘယ်သူတွေလဲ။ ငါ့ကို အကုန်ပြောပြ ဒါမှမဟုတ်ရင်တော့ မင်းနောင်တရသွားစေရမယ်” ဟု အပြင်းအထန် မေးခဲ့သည်။ သို့သော်လည်း သူမည်သည့်အရာကို မေးသည်ဖြစ်စေ၊ ကျွန်တော် သူ့ကို တစ်ခုမျှ မပြောခဲ့ပါ။ တစ်နေ့လုံး သူက ကျွန်တော့်ကို အနုနည်းနှင့် အကြမ်းနည်းများ နှစ်မျိုးလုံး သုံးပြီး မေးခဲ့သော်လည်း၊ ကျွန်တော်ထံမှ မည်သည့်အရာမျှ မရခဲ့ဘဲ၊ နောက်ဆုံးတွင်၊ ဒေါသထွက် လျက် “မင်းမပြော ဘူးလား။ အဲဒါဆိုရင် ထိန်းသိမ်းရေးစခန်းက ဘဝကို မင်းကြိုက်ရဲ့လားလို့ ငါတို့ ကြည့်ရအောင်။ မင်းက ကိစ္စတွေကို ခက်ခဲစေချင်ရင်၊ ငါတို့က သေချာပေါက် လုပ်နိုင်တာပေါ့။ ငါတို့လိုချင်တဲ့ အဖြေတွေ မင်းက မပေးဘူးဆိုရင်၊ အဲဒီထဲမှာ မင်းကို ငါတို့ တစ်သက်လုံး သော့ပိတ်ထားမယ်” ဟု အော်ခဲ့သည်။ ထို့ကြောင့် ကျွန်တော် ထိန်းသိမ်းရေး စခန်းသို့ ခေါ်သွားခံရပြီး၊ ပြစ်မှုကြီးသမား များစွာ ထားသည့် အကျဉ်းခန်းထဲတွင် ပိတ်ခံရသည်။ အကျဉ်းခန်းထဲသို့ ဝင်ရောက်သည်နှင့် တပြိုင်နက်၊ ထိုနေရာ၏ မှုန်မှိုင်းနေပြီး ကြောက်မက် ဖွယ်ကောင်းသည့် အငွေ့အသက်ကြောင့် ကျွန်တော် ကျောချမ်းသွား ခဲ့သည်။ အကျဉ်းခန်း၏နံရံသည် လေးမီးတာမြင့်ကာ၊ မှောင်မိုက်ပြီး စိုထိုင်းနေသည်၊ တစ်ခုတည်းသော ပြတင်းပေါက် အသေးလေးတစ်ခု ကသာ မစို့မပို့ နေရောင်ခြည်လေးများကိုသာ ဝင်ခွင့်ပြုသည်၊ ပြီးလျှင် ဆီချေးစော်နံသော အနံ့အသက်က လေထုကို အသက်ရှုဖို့ မဖြစ်နိုင် လုနီးပါး ဖြစ်စေလေသည်။ ဤသေးငယ်သော အခန်းလေးက ရာဇဝတ် သားများအပြည့်ဖြင့် ပြွတ်သိပ်နေကြသည်။ ၎င်းတို့က လူသတ်သမား များ၊ မူးယစ်ဆေးဝါး သုံးစွဲသူများနှင့် ဓားပြများ၊ အားလုံး ပြစ်မှုကြီးသူ များ ဖြစ်သည်။ သူတို့တစ်ယောက်ချင်းစီက ရိုင်းစိုင်းပြီး၊ ရက်စက် ကြမ်းကြုတ် သရဲမရဲစီးကာ၊ အချို့မှာ အရပ်ရှည်ပြီး၊ ဗလတောင့်ကာ၊ မျက်နှာသွယ်ပြီး အကျည်းတန်ကြသည်၊ ခန္ဓာကိုယ်များက နဂါးများ၊ ဖီးနစ်ငှက်များ၊ မြွေများ နှင့် အလားတူ ဆေးမှင်ကြောင်များဖြင့် ဖုံးလွှမ်းနေကြသည်။ အကျဉ်းသားအချို့က ထွန်ခြစ်များကဲ့သို့ ပိန်ပါးကာ၊ သက်ရှိအရိုးပဒေသာများကဲ့သို့ ဖြစ်ပြီး၊ သူတို့ကို ကြည့်ရုံဖြင့်ပင် ကျွန်တော့်ကို ကျောချမ်းစေသည်။ ထိန်းသိမ်းခံရသူများအလယ်တွင် ကြီးနိုင်ငယ်ညှဉ်းစနစ် တစ်ခုရှိပြီး၊ အနန္တတန်ခိုးရှင် ဘုရားသခင်ကို ယုံကြည်သူများသည် စကားပြောပိုင်ခွင့်များ လုံးလုံးမရှိဘဲ တကယ့် အောက်ခြေတွင် ရှိကြလေသည်။ နံရံတွင် တပ်ဆင်ထားသည့် လူခေါ်ခလုတ်က အရေးပေါ် အခြေအနေများတွင် အကျဉ်းသားများက ထောင်စောင့်ကို ခေါ်ဖို့အတွက် အသုံးပြုရန် နဂိုက ရည်ရွယ်ထားခြင်း ဖြစ်သော်လည်း အနန္တတန်ခိုးရှင် ဘုရားသခင်ကို ယုံကြည်သူများတွင် ၎င်း၏ အသုံးဝင်မှုကို လုံးဝ “နှစ်သက်ခံစား” ခွင့်မရှိပါ။ နှိပ်စက်ခြင်းက မည်မျှ လူမဆန်ပါစေ၊ မည်သူမျှ တစ်ကြိမ်တစ်ခါမျှ မတုံ့ပြန်ခဲ့ကြပါ။

အကျဉ်းခန်းထဲတွင် ကျွန်တော့် ပထမနေ့၌၊ အကျဉ်းသား ခေါင်းဆောင်က ကျွန်တော့် အခြေအနေကို သိပြီးနောက် “မင်းက အနန္တတန်ခိုးရှင် ဘုရားသခင်ကို ယုံကြည်တယ်ဆိုတော့၊ မင်းကို ဒီကနေ သူ့ကို ထုတ်ခိုင်းလိုက်လေ။ မင်းဘုရားက အရမ်းကောင်းတယ်ဆိုရင်၊ သူက မင်းကို ဒီနေရာမှာ ရောက်အောင် ဘာဖြစ်လို့ လုပ်တာလဲ” ဟု ပြောလျက် ကျွန်တော့်ကို ပြောင်လှောင်ခဲ့သည်။ ကျွန်တော့်နံဘေးမှ ဆိုးညစ်သော အကျဉ်းသားက “ဘယ်သူက ပိုကောင်းတယ်ထင်လဲ။ ဒီက ငါတို့ အကြီးအကဲလား၊ မင်းဘုရားလား” ဟု ဝင်ပြီးပြောင်လှောင်ခဲ့သည်။ ဘုရားသခင်ကို သူတို့ ပြစ်မှားခြင်းနှင့် စော်ကားခြင်းများ လုပ်နေသည်ကို ကြားရခြင်းက ကျွန်တော့်ကို ဒေါသအမျက်ခြောင်းခြောင်း ထွက်စေသည်။ ကျွန်တော် သူတို့နှင့် ငြင်းခုံလိုသော်လည်း၊ ထိုသို့လုပ်ဆောင်ရန် ခိုကိုးရာမဲ့လေသည်။ ကျွန်တော်က အသက်တာထဲ ဝင်ရောက်ခြင်းအပေါ် မိတ်သဟာယဖွဲ့ခြင်းနှင့် တရားဟောချက်များတွင် မကောင်းမှုပြု သူများ၏ အနှစ်သာရသည် မကောင်းဆိုးဝါးများ၏ အနှစ်သာရဖြစ် သည်ဟု ဖော်ပြထားသည်ကို ပြန်လည်အမှတ်ရမိပြီး၊ ဤသည်မှာ လုံးဝ မှန်ကန်ပါသည်။ ဤမကောင်းဆိုးဝါးများသည် လုံးလုံး အကျိုး အကြောင်းကင်းမဲ့ကြပြီး၊ ကျိန်ဆဲခံထိုက်သည်။ ကျွန်တော် မတုံ့ပြန် သည့်အခါ၊အကျဉ်းသားခေါင်းဆောင်က ဒေါသထွက်ပြီး၊ ကျွန်တော့်ကို ရက်ရက်စက်စက် နှစ်ကြိမ်တိုင်တိုင် ပါးရိုက်ခဲ့သည်၊ ထို့နောက် ကျွန်တော့်ကို ကြမ်းပြင်ပေါ်သို့ လဲကျစေရင်း မေးစေ့ကို ပြင်းထန်စွာ ထိုးခဲ့သည်။ ဤနတ်ဆိုးများနှင့် ရင်ဆိုင်ရလျက် ကျွန်တော် အလွန် ကြောက်လန့်ပြီး၊ ဘုရားသခင်ကို အော်မခေါ်ပဲ မနေနိုင်ခဲ့ပါ။ “အိုဘုရားသခင်၊ ကျွန်တော်က သူရဲဘောကြောင်ပြီး အားနည်းတယ်၊ ပြီးတော့ လူရမ်းကားတွေ နဲ့ လူဆိုးဂိုဏ်းဝင်တွေကို ကျွန်တော် အမြဲ ကြောက်တာကို ကိုယ်တော် သိပါတယ်။ ကျေးဇူးပြုပြီး ကျွန်တော့်ကို ကွယ်ကာတော်မူပါ၊ ကျွန်တော့်ကို ယုံကြည်မှုနှင့် ခွန်အားပေးတော်မူပါ၊ ပြီးတော့ ဒီအခြေအနေမှာ ကျွန်တော့် သက်သေခံချက်ကို ဆုံးရှုံးခွင့် မပေးပါနဲ့။” ဤနတ်ဆိုးများက ကျွန်တော် စကားမပြောသည်ကို မြင်သောကြောင့် ကျွန်တော့်ကို ညှဉ်းပန်းဖို့ ကွဲပြားသည့် နည်းလမ်း တစ်ခုကို တွေးခဲ့ကြသည်။ အရိုးပဒေသာတစ်ခုနှင့် တူသည့် ရာဇဝတ်သား တစ်ယောက်က ကျွန်တော်ဆီသို့ လာပြီး၊ နံရံကို အတင်းကျောပေး ရပ်ခိုင်းသည်။ ထို့နောက် သူက အခြားအကျဉ်းသားနှစ်ဦးကို ကျွန်တော့် ပခုံးအား နံရံကို မှီပြီး ထိန်းခိုင်းထားသည်၊ ထို့နောက်တွင် သူက ကျွန်တော့် ပေါင်တွင်းသားကို ပြင်းနိုင်သမျှ ပြင်းပြင်း ဆွဲဆိတ် လေသည်၊ ပထမတွင် ဘယ်ဘက်၊ ထို့နောက် ညာဘက်ကို ဆွဲဆိတ်ပြီး အကြိမ်တိုင်းတွင် ကျွန်တော်သည် ပြောရက်စရာမရှိအောင် နာကျင် သည့် ပြင်းထန်သော နာကျင်မှုကို ခံစားရလေသည်။ (နောက်ပိုင်းတွင် ကျွန်တော့် ခြေထောက်များသည် ကြီးမားသည့် အဖုအပိန့်အချို့ဖြင့် ဖုံးလွှမ်းနေသည်မှာ ယနေ့ထိတိုင်ပင် မပျောက်ခဲ့ပါ။) ထို့နောက် သူက ကျွန်တော်ပေါင်အပြင်သားကို သူ့လက်သီးဖြင့် ရက်ရက်စက်စက် ထိုးနှက်ခဲ့သည်။ မကြာမီပင် ကျွန်တော် ကြမ်းပြင်ပေါ်တွင် ဆောင့်ကြောင့် ထိုင်လိုက်ရပြီး၊ ကျွန်တော် မတ်တပ်ရပ်ဖို့ မဖြစ်နိုင်လုနီးပါး ဖြစ်ခဲ့သည်။ ထို့နောက်တွင်ပင်၊ သူတို့က ကျွန်တော့်ကို ညှဉ်းပန်းမှု မရပ်တန့်ခဲ့ပါ။ ၎င်းသည် ဆောင်းလယ်ပိုင်းဖြစ်ပြီး၊ အရိုးခိုက်အောင် ချမ်းအေးလှ သော်လည်း ဤနတ်ဆိုးများက ကျွန်တော့် အင်္ကျီများကို ချွတ်ခိုင်းပြီး၊ ရေပိုက်ခေါင်းတစ်ခုအောက်တွင် နံရံကို ကျောပေးပြီး ဆောင့်ကြောင့် ထိုင်ခိုင်းလေသည်။ ခိုက်ခိုက်တုန်ခြင်းက မခံမရပ်နိုင်အောင် ကျွန်တော့် ကို အရမ်းချမ်းစေရင်း၊ သူတို့က ကျွန်တော့်ပေါ်သို့ အဆက်မပြတ် ရေလောင်းချခဲ့ပြီး၊ ပြတင်းပေါက်ကို တမင်သက်သက်ဖွင့်ထားခဲ့သည်။ ညှဉ်းပန်းမှုကို တောင့်ခံဖို့ ကျွန်တော် သွားကြိတ်ထားသည်ကို အကျဉ်းသားများထဲမှ တစ်ယောက်က မြင်သည့်အချိန်တွင် သူက ဖော့ပြားတစ်ခုကို ဆွဲကိုင်ပြီး၊ ကျွန်တော့်ဆီသို့ လေအေးများ တိုက်ရန် ကျွန်တော့်ရှေ့တွင် ယပ်တောင်တစ်ခုကဲ့သို့ ခတ်နေခဲ့ကာ၊ ကျွန်တော့် သွေးများ အေးခဲသွားသည့်အလား ရုတ်ချည်း ခံစားရစေပြီး၊ ကျွန်တော် သွားများရိုက်ခြင်းမှ မရပ်တန့်နိုင်ခဲ့ပါ။ ကျွန်တော် ဘုရားသခင်ကို တိတ်ဆိတ်စွာ ဆုမတောင်းဘဲ မနေနိုင်ခဲ့ပါ၊ “အိုဘုရားသခင်။ အခု ကျွန်တော့်ကို ဖြစ်နေတဲ့အရာတွေ နောက်ကွယ်မှာ ကိုယ်တော်ရဲ့ ရည်ရွယ်ချက်ကောင်းတွေရှိတယ်ဆိုတာ ကျွန်တော် သိတဲ့အတွက်ကြောင့် ကိုယ်တော့် အလိုတော်ကို နားလည်သဘောပေါက် ရာမှာ ကိုယ်တော့်ရဲ့ လမ်းပြမှုအတွက် အနူးအညွတ်တောင်းလျှောက် ပါတယ်၊ ဘာဖြစ်လို့လဲ ဆိုတော့ တစ်ယောက်တည်းဆိုရင်၊ ဒီနတ်ဆိုးတွေ ရဲ့ နှိပ်စက်မှုတွေကို ကျွန်တော် တကယ့်ကို သည်းမခံနိုင်လို့ပါ။ အိုဘုရားသခင်။ ကျွန်တော် ဒီအခက်အခဲတွေကို အောင်မြင်ကျော်လွှားဖို့ စိတ်ဆန္ဒနဲ့ သန္နိဌာန်တွေ ရှိဖို့ ကျွန်တော့်ကို ပိုပြီးကြီးမားတဲ့ ယုံကြည်မှုနဲ့ ခွန်အားတို့ ကျေးဇူးပြုပြီး ပေးသနားတော်မူပါ။” ကျွန်တော် ဆုတောင်း ပြီးနောက် ဘုရားသခင်၏ နှုတ်ကပတ်တော်များကို ကျွန်တော် ပြန်လည်သတိရမိခဲ့သည်။ “‘အကြောင်းမူကား ယခုခဏခံရ၍ ပေါ့ပါးသော ဆင်းရဲခြင်းဒုက္ခသည် အတိုင်းအထက် အလွန်ကြီးမြတ် လေးလံသော နိစ္စထာဝရ ဘုန်းအသရေ ကို ငါတို့အဖို့ ဖြစ်စေတတ်၏’ ဟူသည့် နှုတ်ကပတ်တော်အား သင်တို့ အားလုံး မှတ်မိကောင်းမှတ်မိလိမ့်မည်။ အတိတ်ကာလက ဤစကားအား သင်တို့အားလုံး ကြားဖူးကြသော်လည်း မည်သူမျှ ဤနှုတ်ကပတ်တော် များ၏ စစ်မှန်သောအဓိပ္ပာယ်ကို နားမလည် ခဲ့ကြပေ။ ယနေ့ ၎င်းတို့၏ စစ်မှန်သောရည်ရွယ်ချက်အား သင်တို့ ကောင်းစွာသိရှိ နေပြီဖြစ်သည်။ ဤနှုတ်ကပတ်တော်များသည် နောက်ဆုံးသောကာလတွင် ဘုရားသခင် ပြီးမြောက်စေမည့် အရာများ ဖြစ်ကြသည်။ ထိုအရာများတို့သည် အဆင်းနီသောနဂါးကြီး၏ ကိန်းဝပ်ရာနေရာ၌ ရက်စက်စွာ ဒုက္ခပေး ခြင်းကို ခံစားရသူများအပေါ် ပြီးပြည့်စုံစေမည် ဖြစ်သည်။ အဆင်းနီသော နဂါးကြီးသည် ဘုရားသခင်အား နှိပ်စက်ညှဉ်းပန်းပြီး ဘုရားသခင်၏ ရန်သူဖြစ် သောကြောင့် ဤနယ်မြေတွင် ဘုရားသခင်အား ယုံကြည်သော သူများတို့သည် အရှက်ကွဲခြင်းနှင့် နှိပ်စက်ညှဉ်းပန်းခြင်းတို့ ခံစားကြရ သည်။ ထိုအကြောင်းကြောင့် ဤနှုတ်ကပတ်တော်များသည် သင်တို့လူစု အတွင်းတွင် အမှန်တရားတစ်ခု ဖြစ်လာမည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူသားတွေးခေါ်သည့်အတိုင်း ဘုရားသခင်၏ အမှုသည် ရိုးရှင်းလွန်းသလော”) ဘုရားသခင်၏ နှုတ်ကပတ်တော်များကို အာရုံပြုခြင်းအားဖြင့် ကျွန်တော် ဘုရားသခင်၏ အလိုတော်ကို နားလည်သဘောပေါက်ခဲ့သည်။ ဘုရားသခင်ကို ကျွန်တော့် ယုံကြည်မှုအတွက် ယခုကျွန်တော် ဒုက္ခခံနေရခြင်းမှာ ဂုဏ်ဝင့်ဖွယ် ကောင်းသည့်အရာတစ်ခု ဖြစ်ပြီး၊ ၎င်းမှာ ကျွန်တော့်၏ ဂုဏ်ဖြစ်ပါသည်။ ကျွန်တော်က သွေးသားဆိုင်ရာ ဆင်းရဲဒုက္ခကို တောင့်မခံနိုင်သောကြောင့် ဘုရားသခင်ကို သစ္စာဖောက်ပြီး ငြင်းပယ်စေဖို့ ဟူသည့် ပန်းတိုင်ဖြင့် စာတန်က ကျွန်တော့်ကို ညှဉ်းပန်းနေခြင်းဖြစ်သောကြောင့် ကျွန်တော်က စာတန်ကို လုံးဝ မကျိုးနွံနိုင်ပါ။ ထိုအခိုက်အတန့်တွင် ဆိုးယုတ်သော ရဲများက ကျွန်တော့်ကို ထိန်းသိမ်းရေးစခန်းမှ ဘဝဖြင့် မည်သို့ ခြိမ်းခြောက်ခဲ့သည်ကို ရုတ်တရက် အမှတ်ရပြီး၊ ကျွန်တော့်မှာ ရုတ်ချည်း သဘောပေါက်မှုတစ်ခုရှိခဲ့သည်- ထောင်သားများသည် ကျွန်တော့်ကို အလွန်မသနားမညှာတာ ညှဉ်းပန်းပြီး၊ စော်ကားနေသည်မှာ သူတို့က ဆိုးယုတ်သော ရဲများ၏ အမိန့်ပေးခံထားရသောကြောင့် ဖြစ်သည်။ ထို့နောက်မှသာလျှင် ဤသူတော်ကောင်း ဟိတ်ဟန်ထုတ်သော “ပြည်သူ့ရဲ” သည် အမှန်တကယ် အလွန့်အလွန် အန္တရာယ်ပြုတတ်သည့် လက္ခဏာရှိပြီး၊ စက်ဆုပ်ဖွယ်ကောင်းသည်ကို ကျွန်တော် သိသာ ထင်ရှားစွာ တွေ့မြင်ခဲ့သည်။ သူတို့က ၎င်းတို့၏ မရိုးသားသော အလုပ်များကို လုပ်ဖို့ အကျဉ်းသားများကို အသုံးချနေခဲ့ခြင်း ဖြစ်သည်။ သူတို့က ရိုးတွင်းခြင်ဆီအထိ လုံးလုံး ရက်စက်ကြပြီး၊ သူတို့ကိုယ်တိုင်ပင် သွေးစွန်းစရာမလိုဘဲ လူသတ်မှု ကျူးလွန်နိုင်သည့် နတ်ဆိုးများသာ ဖြစ်သည်။ ကျွန်တော် သူတို့ကို ကျိုးနွံနာခံစေဖို့ စာတန်က ၎င်းလုပ်နိုင် သမျှ နည်းစနစ်တိုင်းကို ကြိုးစားသော်လည်း ဘုရားသခင်၏ ဉာဏ်ပညာ သည် စာတန်၏ လှည့်ကွက်များပေါ်တွင် အခြေခံကျင့်သုံးလေသည်။ ဘုရားသခင်က ကျွန်တော့်အား သူ့အထဲ၌ စစ်မှန်သည့် ယုံကြည်မှုပေးရန်၊ စာတန်၏ အကျည်းတန်သည့် စရိုက်နှင့် ဆိုးယုတ်သော အနှစ်သာရကို သိသာထင်ရှားစွာ မြင်တွေ့စေရန်၊ ထိုသို့ဖြင့် ကျွန်တော့် နှလုံးသားထဲတွင် သူတို့အတွက် စစ်မှန်သော စက်ဆုပ်ရွံရှာခြင်း နိုးကြွစေဖို့အတွက် ဤပတ်ဝန်းကျင်ကို အသုံးပြုနေခြင်းဖြစ်သည်။ ဘုရားသခင်၏ အလိုတော်ကို ကျွန်တော် နားလည်သဘောပေါက်သည်နှင့် တပြိုင်နက် ကျွန်တော့် နှလုံးသားက အားတက်လာခဲ့ပြီး၊ ကျွန်တော့် ခွန်အားကို ရှာတွေ့ခဲ့သည်။ ကျွန်တော် မိမိကိုယ်ကိုယ် စာတန်၏အရူးလုပ်ခွင့် မပြုနိုင်ပါ။ မည်မျှ အသွေးအသားဆိုင်ရာ နာကျင်မှု သို့မဟုတ် အားနည်းခြင်းကို ကျွန်တော် ခံစားရပါစေ၊ ဘုရားသခင်အတွက် ကျွန်တော့် သက်သေခံချက်တွင် ခိုင်မာစွာ ရပ်တည်ရပါမည်။ ဤနတ်ဆိုးများ၏ ညှဉ်းပန်းမှု နှင့် ညှဉ်းဆဲမှုများကို အောင်မြင် ကျော်လွှားနိုင်ရန်နှင့် စာတန်ကို နောက်တစ်ကြိမ် အနိုင်ယူရန် ကျွန်တော့်ကို ခွန်အားပေးခြင်းအတွက် ကျွန်တော် ဘုရားသခင်ကို အလွန်ပင် ကျေးဇူးတင်ပါသည်။

ထိန်းသိမ်းရေးစခန်းတွင် ကျွန်တော်တို့ နေ့စဉ်အစားအစာများက ရေလုံပြုတ်ထားသည့် အေးခဲနေသော ဂေါ်ဖီထုပ်၊ ဟင်းသီးဟင်းရွက် သနပ်နှင့် ပြောင်းဖူးပေါင်မုန့်ပေါင်းလေးတစ်လုံး ပါဝင်ပြီး၊ ၎င်းတို့က ဗိုက်မပြည့်စေနိုင်ပါ။ ညပိုင်းတွင် အကျဉ်းသားခေါင်းဆောင်နှင့် သူ၏ နောက်တော်ပါအဖွဲ့တို့က အိပ်စက်ရာ ပလက်ဖောင်းပေါ်တွင် အပ်နေစဉ်၊ ကျန်သည့် ကျွန်တော်တို့ အားလုံးက ကြမ်းပြင်ပေါ်တွင် အိပ်ရလေသည်။ ရေခဲတမျှအေးသော ကြမ်းပြင်ပေါ်တွင် ကျွန်တော်လှဲလျောင်းသည် နှင့်အမျှ ကျွန်တော့် အနီးတဝိုက်မှ အကျဉ်းသားများကို ကြည့်ရင်း၊ ကျွန်တော်၏ သနားဖွယ် အခြေအနေများအကြောင်း တွေးမိပြီး၊ အထီးကျန်သော စိတ်ဓာတ်ညှိုးငယ်ခြင်းတစ်ခုက ကျွန်တော့် နှလုံးသားကို ရုတ်ချည်းဖမ်းစားလိုက်သည်။ ကျွန်တော့်၏ ညီအစ်ကို မောင်နှမများနှင့်အတူ ရှိခဲ့သည့်အချိန်နှင့် နေ့စဉ်နေ့တိုင်း ပျော်ရွှင်ခဲ့ရပြီး၊ ဝမ်းမြောက်ခြင်း ပြည့်ခဲ့သည်ကို ကျွန်တော် တွေးမိသည်။ သို့သော် ယခုအခါတွင်မူ၊ ဤရာဇဝတ်သားများနှင့် ကျွန်တော် နေ့တိုင်း အချိန်ကုန် ရပြီး၊ သူတို့၏ အနိုင်ကျင့်ခြင်း နှင့် စော်ကားပြောဆိုခြင်းများကိုလည်း ကျွန်တော့်မှာ သည်းခံရကာ၊ ကျွန်တော် ပြောရက်စရာ မရှိ အောင်၊ ဒုက္ခကြီးစွာ စိတ်မချမ်းမြေ့ဖြစ်ရသည်ဟု ခံစားရသည်..ကျွန်တော် ဘုရားသခင် ရှေ့တော်မှောက်သို့သွားပြီး၊ သူ့ကို “အိုဘုရားသခင်။ ဒီလိုမျိုး ဘယ်လောက်ကြာကြာ အသက်ရှင်သန်ရဦးမယ်ဆိုတာ ကျွန်တော် မသိပါဘူး၊ ပြီးတော့ လာမည့်နေ့တွေကို ဘယ်လိုကျော်ဖြတ်ရ မယ်ဆိုတာလည်း ကျွန်တော် မသိပါဘူး။ အခု ကျွန်တော့် ခန္ဓာကိုယ်က အားနည်းနေပြီးတော့၊ ဒီအခြေအနေကို ကျွန်တော် နောက်ထပ် ရင်ဆိုင်ဖို့ ဆန္ဒမရှိတော့ပါဘူး။ အိုဘုရားသခင်၊ ဒီအခြေအနေမှာ ကိုယ်တော့်ကို စိတ်ကျေနပ်စေနိုင်ဖို့ ကျေးဇူးပြုပြီးတော့ ဆင်းရဲဒုက္ခကို ခံဖို့ ကျွန်တော့်ကို စိတ်ဓာတ်ကြံ့ခိုင်ခြင်း ပေးတော်မူပါ၊ ပြီးတော့ ကိုယ်တော့် အလိုတော်ကို နားလည်သဘောပေါက်ခြင်းမှာ ကျွန်တော့်ကို လမ်းပြတော်မူပါ။” ဟု ဆုတောင်းခဲ့သည်။ ကျွန်တော် ဆုတောင်းပြီးနောက်၊ ဘုရားသခင်၏ နှုတ်ကပတ်တော်များက ကျွန်တော့်စိတ်ထဲတွင် သိသာထင်ရှားစွာ လျှပ်တပြက် ထွက်ပေါက်လာခဲ့သည်။ “လူသား၏အလုပ်အတွက် ဘုရားသခင် အောင့်ခံခဲ့သည့် အိပ်မပျော်သောညများမှာ များစွာဖြစ်၏။ အထက်အမြင့်အရပ်မှ အနိမ့်ဆုံးအနက်များအထိ သူသည် သူ၏နေ့ရက် များကို လူသားနှင့်အတူ ကျော်လွန်ရန် လူသားနေထိုင်သော အသက်ရှင် လျက် ငရဲရောက်နေသကဲ့သို့ ခံစားရသည့်အရပ်သို့ ဆင်းသက် လာခဲ့ကာ လူသားအကြားယုတ်ညံ့မှုကို မည်သည့်အခါမျှ ညည်းညူခဲ့ဖူး ခြင်းမရှိ၊ လူသားအား ၎င်း၏နာခံမှုမရှိခြင်းအတွက် အပြစ်တင်ခဲ့ဖူးခြင်း မရှိခဲ့ဘဲ သူ၏အမှုကို သူကိုယ်တိုင်ထမ်းဆောင်ရင်း အကြီးမားဆုံးသော အရှက်ကွဲခြင်းကို အောင့်ခံ၏။...လူသားမျိုးနွယ်တစ်ရပ်လုံးသည် သာ၍ ဆောလျင်စွာ သက်သာခြင်းသို့ရောက်ရန် သူသည် လူသားမျိုးနွယ် တစ်ရပ်လုံးအတွက် ကမ္ဘာမြေကြီးသို့လာရန် အရှက်ကွဲခြင်းကို အောင့်ခံ ခဲ့ကာ တရားမျှတမှုမရှိခြင်းကို ခံခဲ့သည့်အပြင် လူသားကို ကယ်တင်ရန် သူကိုယ်တိုင် ‘ငရဲ’ နှင့် ‘မရဏနိုင်ငံ’ အတွင်း၊ ကျားအောင်းဂူအတွင်း ဝင်ရောက်ခဲ့၏။ လူသားသည် ဘုရားသခင်အားဆန့်ကျင်ရန် အဘယ်သို့ အရည်အချင်းမီသနည်း။ ဘုရားသခင်အကြောင်း နောက်ထပ်တစ်ကြိမ် ညည်းညူရန် ၎င်းတွင် မည်သည့်အကြောင်းရင်း ရှိသနည်း။ ဘုရားသခင် ကို နောက်ထပ်ကြည့်ရန် သူသည် အဘယ်သို့ အတင့်ရဲနိုင်မည်နည်း။ ကောင်းကင်ဘုံ၏ဘုရားသခင်သည် အညစ်ပေဆုံးသော ဤဒုစရိုက်ပြည် သို့ လာရောက်ခဲ့ပြီး သူ၏မကျေနပ်မှုများကို မည်သည့်အခါမျှ ထွက်ပေါက်ရှာ ခဲ့ဖူးခြင်း သို့မဟုတ် လူသားအကြောင်း ညည်းညူခဲ့ခြင်း မရှိဘဲ ယင်းအစား လူသား၏ ဒဏ်ရာဒဏ်ချက်များ နှင့် ဖိနှိပ်မှုတို့ကို တိတ်ဆိတ်စွာ လက်ခံ၏။ လူသား၏ မလျော်ကန်သော တောင်းဆိုမှုများ ကို မည်သည့် အခါမျှ တုံ့ပြန်ထိုးနှက်တိုက်ခိုက်ခြင်း မရှိ၊ မည်သည့်အခါမျှ လူသားအပေါ် တောင်းဆိုမှုများ လွန်ကဲစွာ မပြုခဲ့ဖူးဘဲ လူသားအပေါ် မလျော်ကန်သော တောင်းဆိုမှုများ မည်သည့်အခါမျှ မပြုလုပ်ခဲ့ဖူးပေ၊ သူသည် သင်ကြား ခြင်း၊ အသိဉာဏ်ပွင့်လင်းစေခြင်း၊ အပြစ်တင်ခြင်း၊ နှုတ်ကပတ်တော် များအား စစ်ဆေးခြင်း၊ သတိပေးခြင်း၊ အလေးအနက် တိုက်တွန်းခြင်း၊ နှစ်သိမ့်ခြင်း၊ တရားစီရင်ခြင်းနှင့် ထုတ်ဖော်ခြင်းစသည့် လူသား လိုအပ်သည့်အလုပ်ကို ညည်းညူမှုမရှိဘဲ လုပ်ဆောင်ရုံ သာရှိ၏။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမှုတော် နှင့် ဝင်ရောက်ခြင်း (၉)”) ဘုရားသခင်၏ နှုတ်ကပတ်တော်များကို ကျွန်တော် သုံးသပ်ဆင်ခြင်ပြီး၊ ကမ္ဘာလောက ထဲသို့လာရောက် လူ့ဇာတိခံသည့် နှစ်ကြိမ်လုံးတွင် လူသားမျိုးနွယ် အတွက် ဘုရားသခင် သည်းခံတော်မူခဲ့သည့် ဆင်းရဲဒုက္ခများအကြောင်း တွေးကာ၊ ကျွန်တော့်မျက်လုံးများကမျက်ရည်များဖြင့် အလိုအလျောက် စိုရွှဲလာခဲ့သည်။ သခင်ယေရှုသည် စာတန်အားဖြင့် ဖောက်ပြန်ပျက်စီး ခဲ့သည့် လူသားမျိုးနွယ်ကို ရွေးနှုတ်ရန် သူ၏ အသက်ကို အသုံးပြုလျက် ကားတိုင်တော်ပေါ်တွင် သံမှိုစွဲခံခဲ့ရသည်။ လက်ရှိတွင် အနန္တတန်ခိုးရှင် ဘုရားသခင်သည် တစ်ဖန် လူ့ဇာတိခံယူပြီး၊ ဘုရားသခင်ကို အာအခံဆုံး နိုင်ငံတစ်နိုင်ငံဖြစ်သည့်၊ သူ့နှုတ်ကပတ်တော်များကို ပြောရန် နှင့် ကျွန်တော်တို့ကို ကယ်တင်ရန် သူ့အသက်ကို စွန့်စားခဲ့သည့်နေရာ တရုတ်ပြည်သို့ ကြွလာပြီဖြစ်သည်။ ထိုသို့လုပ်ဆောင်ရန် သူသည်းခံခဲ့ ရသည့် အခက်အခဲများနှင့် ဆင်းရဲဒုက္ခတို့ကို မည်သူ သိနိုင်မည်နည်း။ ၎င်းကို မည်သူက အသိအမှတ်ပြုနိုင်မည်နည်း။ ထိုအချိန် အတောအတွင်း ဖောက်ပြန်ပျက်စီးသည့် လူသားမျိုးနွယ်ဝင်တစ်ယောက် ဖြစ်သည့် ကျွန်တော်က ထိုရာဇဝတ်သားများနှင့် ရက်အနည်းငယ်သာ ကုန်ဆုံးခဲ့ ပြီးနောက်မခံမရပ်နိုင်အောင် စိတ်မချမ်းမြေ့ဖြစ်ကာ၊ ကျွန်တော့် အခြေအနေမှ ရုန်းထွက်လွတ်မြောက် ဖို့ထက်ပိုပြီး မည်သည့်အရာမျှ မလိုချင်ခဲ့ပါ။ သန့်ရှင်းပြီး၊ ဖြောင့်မတ်သော ဘုရားသခင်သည် ဤဆိုးယုတ်ပြီး ကျဆုံးနေသည့် ကမ္ဘာပေါ်တွင် ဆယ်စုနှစ်များစွာ ကျွန်တော်တို့နှင့်အတူ အသက်ရှင်နေထိုင်ခဲ့သည်။ ဘုရားသခင်က ပို၍ ဒုက္ခခံခဲ့ပြီ မဟုတ်ပါလား။ ထို့အပြင် ကျွန်တော်က မိမိကိုယ်ကို ဖောက်ပြန်ပျက်စီးခြင်းမှ ဖယ်ရှားပြီး၊ စစ်မှန်သည့် ကယ်တင်ခြင်းကို ရရှိဖို့ ဒုက္ခခံနေရခြင်းဖြစ်သည်။ သို့သော်လည်း ဘုရားသခင်သည် အပြစ်မဲ့ပြီး၊ ဤကမ္ဘာလောကမှ မဟုတ်သကဲ့သို့၊ ဤကမ္ဘာမြေပေါ်က ငရဲမှလည်း မဟုတ်ဘဲ၊ လူသားမျိုးနွယ်အတွက် သူ၏ချစ်ခြင်းမေတ္တာ သက်သက်ဖြင့် လူသားမျိုးနွယ်ကို ကယ်တင်ဖို့ သူ့အသက်ကို စွန့်လွှတ်ရန် ဆန္ဒရှိလျက်၊ အဆင်းနီသောနဂါးကြီး၏ သားရဲတွင်းဇောက်ထဲသို့ သူလာရောက်ခဲ့သည်။ ဘုရားသခင်၏ ချစ်ခြင်းမေတ္တာသည် အမှန် တကယ်ပင် မယုံကြည်နိုင်လောက်အောင် ဖြစ်သည်။ ကျွန်တော်က ဘုရားသခင်အတွက် ချစ်ခြင်းမေတ္တာ တစ်စုံတစ်ရာ ရှိခဲ့ပါက၊ ကျွန်တော့်၏ကိုယ်ပိုင်အခြေအနေများက သည်းမခံနိုင်စရာဖြစ်သည်ဟု မခံစားသင့်သလို၊ အလွန် ထိခိုက်နစ်နာစေသည်ဟု မခံစားသင့်ပါ။ ဘုရားသခင်၏ ချစ်ခြင်းမေတ္တာနှင့် ရင်ဆိုင်ရာတွင် နောင်တနှင့် အရှက်ကိုသာ ကျွန်တော် ခံစားခဲ့ရသည်။ ဘုရားသခင်၏ ချစ်ခြင်း မေတ္တာကို ကျွန်တော် အာရုံပြုရာတွင်၊ ကျွန်တော့် စိတ်နှလုံးထဲတွင် တလိပ်လိပ်တက်လာသည့် နွေးထွေးမှုကို ခံစားခဲ့ရသည်။ ဘုရားသခင် သည် အမှန်တကယ်ပင် ကြီးမြတ်ပြီး၊ လူသားမျိုးနွယ်အတွက် သူ့ချစ်ခြင်း မေတ္တာက အလွန်နက်ရှိုင်းပြီး၊ အလွန်မှန်ကန်သည်။ ထိုသို့သော အခြေအနေများကို ကျွန်တော်ကိုယ်တိုင် တွေ့ကြုံခံစားရခြင်း မရှိခဲ့ပါက၊ ဘုရားသခင်၏ ချစ်မြတ်နိုးခြင်းနှင့် ချစ်ဖွယ်ကောင်းခြင်းတို့ကို ကျွန်တော် သိမည်မဟုတ်ပါ။ ဤအခြေအနေများကို တွေ့ကြုံခံစားခြင်းက ကျွန်တော့် ခန္ဓာကိုယ်ကို ဖွတ်ဖွတ်ညက်ညက်ကြေစေသော်လည်း၊ ၎င်းမှာ ကျွန်တော့် အသက်တာအတွက် အလွန့်အလွန် အကျိုးရှိလေသည်။ ဤအရာကို တွေးလျက်၊ ကျွန်တော့် စိတ်နှလုံးက ဘုရားသခင်ကို ကျေးဇူးတင်ရှိခြင်းဖြင့် ပြည့်နှက်ခဲ့ပြီး၊ လွန်ကဲသော နာကျင်မှုရှိ သော်ငြားလည်း ကျွန်တော့် သက်သေခံချက်၌ ခိုင်မာစွာ ရပ်တည်ဖို့ စိတ်ဓာတ်ကြံ့ခိုင်ခြင်းကို ကျွန်တော် ရှာတွေ့ခဲ့သည်။

ထိန်းသိမ်းရေးစခန်းတွင် အကျဉ်းသားခေါင်းဆောင်က ဘုရားသခင်ကို ယုံကြည်သည့် “ရာဇဝတ်သားများ” ကို ညှဉ်းပန်းဖို့ ထောင်စောင့်များ အသုံးပြုသည့် နည်းလမ်းအားလုံးအကြောင်း ကျွန်တော့်ကို မကြာခဏ ပြောပြခဲ့သည်။ သူတို့က ပြောမထွက်နိုင် လောက်အောင် ဆိုးရွားသော နာကျင်မှုကို ဖြစ်စေလျက် ယုံကြည်သူများ ၏ လက်ချောင်းများထဲသို့ သံမှိုများ ထိုးထည့်ကြသည်။ ရေဘူးတစ်ခု ထဲတွင် ရေနွေးပူများဖြည့်ပြီး၊ ယုံကြည်သူတစ်ယောက်ကို သူတို့၏ လက်ချောင်းများထဲမှ တစ်ခုကို အတင်းထိုးထည့်ခိုင်းပြီး၊ အရေပြား အပူလောင်သွားပြီးနောက်၊ ထိုယုံကြည်သူကို သူ၏ လက်ချောင်းအား ပြန်ထုတ်စေသည်၊ ပြီးနောက် သူတို့က ရည်ကြည်ဖု များကို ငရုတ်သီးမှုန့် များဖြင့် ပွတ်လေသည်...ဤထိတ်လန့် ကြောက်ရွံ့ဖွယ် ညှဉ်းပန်းမှုများ အား သရုပ်ဖော်ပြောပြသည်ကို နားထောင်ရင်း ဒေါသဖြင့် ကျွန်တော် ဗလောင်ဆူပြီး၊ ဤဆိုးယုတ်သော အစိုးရစနစ်ဖြစ်သည့် တရုတ် ကွန်မြူနစ်ပါတီ အစိုးရအတွက် ကျွန်တော့်၏ စက်ဆုပ်မှုက ပို၍ နက်ရှိုင်းလာခဲ့သည်။ ၎င်းက အပြုသဘောဆောင်သည့် နည်းဟန်တိုင်း ဖြင့် သူ့ကိုယ်သူ ထုတ်ဖော်ပြောနေစဉ် ယုတ်ကန်းသော အပြုအမူတိုင်း ကိုလည်း ကျူးလွန်ခဲ့သည်။ ၎င်းက “ဘာသာတရား ယုံကြည်မှု လွတ်လပ်ခွင့်” နှင့် “ပြည်သူအားလုံး တရားဝင်လူ့အခွင့်အရေးနှင့် နိုင်ငံသားများ၏ အကျိုးစီးပွားများကို နှစ်သက်ခံစားသည်”၊ ပြီးလျှင် “အကျဉ်းသားများသည် မိသားစုကဲ့သို့ ဆက်ဆံခံရသည်” ဟု ကြွေးကြော်နေစဉ်၊ လူ့အသက်အတွက် မည်သည့် အလေးထားမှုမျှ မပြသကဲ့သို့၊ လူတို့ကို လူသားများကဲ့သို့ မဆက်ဆံဘဲ လူတို့ကို တိတ်တဆိတ် မတရားဖိနှိပ်ပြီး၊ ညှဉ်းပန်းနေခဲ့လေသည်။ ဘုရားသခင်ကို ယုံကြည်သူ တစ်ယောက်အတွက် သူတို့လောကသို့ ဝင်ရောက်ခြင်းသည် ညှဉ်းပန်းခံရပြီး၊ ယုတ်ညံ့သည့် အခြေအနေကို ရောက်သည့် နေရာ၊ မိမိတို့၏ အသက်များဖြင့် လွတ်လာမည် မလွတ်လာမည်ကို မည်သည့် အခါမျှ မသိနိုင်သည့်နေရာတစ်ခုဖြစ်သော ငရဲကို ဝင်ရောက်ခြင်းနှင့် တူညီလေသည်။ ထိုညှဉ်းပန်းမှုများကို ကျွန်တော့်အပေါ် အသုံးပြုမည်ကို ကြောက်သောကြောင့် ထိုအတွေးက ကျွန်တော့်ကို ကြောက်လန့်စေသည်။ ထောင်စောင့်များက သတ္တုတံခါးပေါ်မှ ပြတင်းပေါက်ငယ်လေးကို ဖွင့်သည်ကို ကြားသည့်အချိန်တိုင်း၊ ကျွန်တော် တရွတ်တိုက် အပြင်ဆွဲ ခေါ်ခံရပြီး ညှဉ်းပန်းခံရမည်ကို ကြောက်သောကြောင့် ကျွန်တော့် လည်ချောင်းထဲ တစ်ဆို့ခဲ့ရလေသည်။ နေ့တိုင်း ကျွန်တော့်ကို အကြောက်တရားက လွှမ်းမိုးခြင်းဖြင့် ကုန်ဆုံးခဲ့ပြီး၊ ထွက်၍ မရနိုင် အောင် ပိတ်မိနေသည်ဟု ခံစားခဲ့ရသည်။ ကျွန်တော့်၏ ဒုက္ခထဲတွင်၊ ကျွန်တော် ဘုရားသခင်ကို တိတ်ဆိတ်စွာ ဆုတောင်းရုံသာ တတ်နိုင် ခဲ့သည်။ “အိုဘုရားသခင်။ ကျွန်တော့် နှလုံးသားက အခု အားနည်း နေပြီး၊ ကျွန်တော် အရမ်းကြောက်နေပေမဲ့ ကိုယ်တော့်ကို စိတ်ကျေနပ် စေလိုပါတယ်၊ ဒါ့ကြောင့် ကျွန်တော့်ကို ယုံကြည်မှုနဲ့ ခွန်အားတို့ ကျေးဇူးပြုပြီး ပေးတော်မူပါ။ စာတန်ရဲ့ စုံစမ်းနှောင့်ယှက်ခြင်းကို အောင်မြင်ကျော်လွှားဖို့ ကိုယ်တော့်ကို ကျွန်တော် မှီခိုလိုပါတယ်။” ကျွန်တော် ဆုတောင်းပြီးနောက်၊ ဘုရား နှုတ်ကပတ်တော်ထဲတွင် လမ်းပြမှုကို ကျွန်တော် ရှာတွေ့ခဲ့သည်။ “မကြောက်နှင့်။ ဗိုလ်ခြေများ၏ အနန္တတန်ခိုးရှင် ဘုရားသခင်သည် သင်နှင့်အတူ ဧကန်အမှန် ရှိလိမ့်မည်။ သူသည် သင့်ကို ထောက်မပေးပြီး သူသည် သင်၏ ဒိုင်းလွှားဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၆” အစအဦး၌ ခရစ်တော်၏ မိန့်မြွက်ချက်များ) “လူတို့သည် ၎င်းတို့၏ ဘဝကို ဆက်ကပ်ပူဇော်ရန် အဆင်သင့်ရှိသည့်အခါ အရာခပ်သိမ်းသည် မပြောပလောက်သော အရာများဖြစ်သွား၍ မည်သူမျှ ၎င်းတို့ထက် တစ်ပန်းသာ၍မရနိုင်ပေ။ မည်သည့်အရာသည် အသက်ထက် သာ၍ အရေးကြီးနိုင်သနည်း။ ထို့ကြောင့် စာတန်သည် လူတို့အထဲတွင် သာ၍ လုပ်နိုင်စွမ်း မရှိတော့ပေ။ ၎င်းသည် လူသားနှင့် မည်သည့်အရာမျှ လုပ်၍ မရနိုင်ပေ။” (နှုတ်ကပတ်တော်သည် လူ့ဇာတိ၌ ပေါ်လာ၏စာအုပ်ထဲရှိ “အခန်း ၃၆” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ နှင့်သက်ဆိုင်သော နက်နဲမှုများ၏ အနက်ဖွင့်ဆိုချက်) ဘုရားသခင်၏ နှုတ်ကပတ်တော်က ကျွန်တော့်ကို မယုံကြည်နိုင်လောက်သော နှစ်သိမ့်မှု နှင့် အားပေးမှုတို့ ပေးခဲ့သည်။ “ဟုတ်တယ်” ဟု ကျွန်တော် တွေးမိသည်။ “ငါယုံကြည်တဲ့ ဘုရားသခင် က ကောင်းကင်၊ မြေကြီး နဲ့ အဲဒီထဲက အရာအားလုံးကို ဖန်ဆင်းသူ၊ အရာခပ်သိမ်းအပေါ် အချုပ်အခြာအာဏာရှိသလို၊ အရာတိုင်းနဲ့ လူတိုင်း ကို ထိန်းချုပ်တဲ့ ဖန်ဆင်းခြင်းရဲ့ အရှင် ဖြစ်တယ်။ အဲဒီအပြင် လူတစ်ယောက်စီတိုင်းရဲ့ သေခြင်း နဲ့ ရှင်ခြင်းက ဘုရားသခင်ရဲ့ လက်ထဲမှာ ထိန်းချုပ်ထားတာမဟုတ်ဘူးလား။ ဘုရားသခင်ရဲ့ ခွင့်ပြုချက် မရှိဘဲနဲ့ စာတန်နတ်ဆိုးက ငါ့ကို ဘာမှ မလုပ်ရဲပါဘူး။ ထိတ်လန့်ကြောက်ရွံ့တဲ့ အခြေအနေတစ်ခုမှာ ငါတစ်နေ့လုံး ကုန်ဆုံးနေရ တာက ငါရဲ့ သေခြင်းတရားကို ကြောက်စိတ်နဲ့ ရုပ်ပိုင်းဆိုင်ရာ ဆင်းရဲ ဒုက္ခကို ကြောက်စိတ်သက်သက်ကြောင့် မဟုတ်ဘူးလား။ စာတန်က ငါ့ကို တိုက်ခိုက်ဖို့၊ ငါက အဲဒါကို မလွန်ဆန်နိုင်ဘဲ ဘုရားသခင်ကို သစ္စာဖောက်ဖို့အတွက် ငါ့အားနည်းချက်ကို အသုံးပြုနေတာပဲ။ ဒါဟာ လူတွေကို ဝါးမြိုဖို့ စာတန်ရဲ့ လှည့်ကွက်ပဲ။ ဒါပေမဲ့ ငါက ငါ့အသက်ကို စွန့်လွှတ်ဖို့ ဆန္ဒရှိတယ်ဆိုရင်၊ ငါမခံနိုင်တဲ့အရာတစ်ခုခု တကယ့်ကို ရှိပါဦးမလား။” ယောဘ၏ အတွေ့အကြုံအကြောင်း ကျွန်တော်တွေးမိ သည်။ စာတန်က ဘုရားသခင်နှင့် သူ၏ အလောင်းအစား လုပ်သည့် အချိန်တွင် ယောဘသည် အသွေးအသားဆိုင်ရာ ဆင်းရဲဒုက္ခကို တွေ့ကြုံ ခံစားခဲ့ရသော်လည်း ဘုရားသခင်၏ ခွင့်ပြုချက်မရှိဘဲနှင့် စာတန်က ယောဘကို မည်မျှ ညှဉ်းပန်းပါစေ၊ သူ့အသက်ကို မယူနိုင်ခဲ့ပါ။ ယခုအခါတွင် ကျွန်တော့် ခန္ဓာကိုယ်သည် မကောင်းဆိုးဝါးများ၏ သေသည့်အထိ ညှဉ်းပန်းခံ ရလျှင်ပင်၊ ကျွန်တော့် စိတ်ဝိညာဉ်သည် ဘုရားသခင်၏ လက်တော် ထဲတွင် ရှိသောကြောင့် ကျွန်တော်က ယောဘ၏ နမူနာနောက်လိုက်ပြီး၊ ဘုရားသခင်ကို စစ်မှန်သော ယုံကြည်မှု ရှိလိုသည်။ ဤမကောင်း ဆိုးဝါးများက ကျွန်တော့်ကို မည်သို့ ညှဉ်းပန်းနိုင်ပြီး ညှဉ်းဆဲနိုင်ပါစေ၊ သူ့ နိုင်လိုမင်းထက်ပြုသော မတရား ပြုခြင်းကို ကျွန်တော် မည်သည့် အခါမျှ အလျှော့ပေးမည် မဟုတ်ပါ။ ကျွန်တော်သည် မည်သည့်အခါမျှ ယုဒတစ်ယောက် ဖြစ်လာမည် မဟုတ်ဟု ကျိန်ဆိုခဲ့ပါသည်။ သေခြင်းတရား၏ အကျဉ်းသားဘဝ နှင့် အချုပ်အချယ်တို့မှ ရုန်းထွက်လာရန် ဦးဆောင်ပေးခြင်းနှင့် စာတန်၏ အကြံအစည်ထဲသို့ သားကောင်အဖြစ် ကျရောက်ရန် ခွင့်မပြုခြင်း တို့အတွက် ဘုရားသခင်၏နှုတ်ကပတ်တော်တွင် ကျွန်တော်တွေ့ရသည့် အချိန်ကိုက် လမ်းပြမှုကို ကျွန်တော် ကျေးဇူးတင်ပါသည်။ ဘုရားသခင် ၏ ကွယ်ကာမှုကျေးဇူးကြောင့် ကျွန်တော်က ထိုညှဉ်းပန်းမှုမျိုးများကို မခံစားရဘဲ၊ ဤအရာတွင် ကျွန်တော့်အတွက် ဘုရားသခင်၏ ချစ်ခြင်းမေတ္တာနှင့် သနားကရုဏာတို့ကို ကျွန်တော် တစ်ဖန် တွေ့မြင်ခဲ့ပါသည်။

ရက်အနည်းငယ်ကြာပြီးနောက် ထိုဆိုးယုတ်သော ရဲအရာရှိက ကျွန်တော့်ထံမှ အသင်းတော် ခေါင်းဆောင်များအကြောင်း သတင်း အချက်အလက် ရရှိရန် မျှော်လင့်လျက် ကျွန်တော့်ကို တစ်ဖန် စစ်မေးဖို့ လာခဲ့သော်လည်း၊ ကျွန်တော် မဖြေသည့်အခါ၊ သူက လုံးလုံး ရိုင်းစိုင်းကြမ်းကြုတ်လာသည်။ သူက ကျွန်တော့် မေးစေ့ကို ဆွဲကိုင်ပြီး ကျွန်တော့် ခေါင်းကို ဘယ်ညာ ယိမ်းခါရင်း ကျွန်တော့်ကို စိန်းစိန်းဝါးဝါး ကြည့်ပြီးနောက်၊ အံ့ကြိတ်လျက် “မင်းမှာ လူသားဆန်မှု တစ်ခုတစ်လေ ရောရှိရဲ့လား။ ဒါဆိုလည်း လုပ်စမ်းပါ၊ ဘုရားသခင်ကို ယုံကြည်လိုက်။ မင်းဓာတ်ပုံကို ငါအင်တာနက်ပေါ်တင်ပြီး၊ မင်းအကြောင်း ဇတ်လမ်း နည်းနည်း ထွင်လိုက်မယ်၊ ပြီးတော့ အနန္တတန်ခိုးရှင် ဘုရားသခင်ကို ယုံကြည်တဲ့ လူတိုင်းက မင်းဟာ ဘုရားသခင်နဲ့ မင်းညီအစ်ကို မောင်နှမတွေကို သစ္စာဖောက်လိုက်တယ်လို့ ထင်အောင် ငါလုပ်မယ်။ ဘယ်သူကမှ မင်းကို ထပ်စကားပြောမှာ မဟုတ်တော့ဘူး။ ပြီးတော့၊ မင်းကိုငါ ဘယ်သူမှ မသိတဲ့ တစ်နေရာကို ခေါ်သွားမယ်၊ တွင်းတူးပြီး၊ မင်းကို အရှင်လတ်လတ် မြေမြုပ်မယ်၊ တစ်ချိန်လုံး ဘယ်သူမှ သိမှာ မဟုတ်ဘူး” ဟု ပြောခဲ့သည်။ ဤနတ်ဆိုးက ဒေါသဖြင့် သူ၏ အရှက်မဲ့သော လျှို့ဝှက် လှည့်ကွက်များနှင့် အကြံအစည်များကို ရှင်းပြပြီး ဤသည်မှာ လူများကို ကြိုးကိုင်ချယ်လှယ်သည့် သူတို့၏ လုပ်နေကျ နည်းလမ်းလည်း ဖြစ်လေသည်- အမှုဆင်ခြင်း၊ အသရေဖျက်ခြင်း၊ ပြစ်မှုများဖြင့် မှားယွင်းသော စွဲချက်များတင်ခြင်း နှင့် လူသတ်မှုတို့ ဖြစ်ပါသည်။ သူတို့က လူများ၏ အသက်အတွက် မည်သည့် အလေးထား မှုမျှ လုံးလုံး မပြဘဲ၊ မည်မျှသော လူမဆန်သည့်၊ အကြင်နာမဲ့သော လုပ်ဆောင်ချက်များကို သူတို့ တိတ်တဆိတ် လုပ်ခဲ့သည်ကို မပြောနိုင် ပေ။ ဤအချိန်တွင် သူ၏ အော်ပြောသည့် ခြိမ်းခြောက်မှုများကို ကြားလျက်၊ ဘုရားသခင်သည် ကျွန်တော်၏ ခိုင်မာသော အထောက်အပံ့ ဖြစ်သောကြောင့် ကျွန်တော် စိတ်တည်ငြိမ်ခဲ့ပြီး၊ လုံးဝ မကြောက်ခဲ့ပါ။ ဘုရားသခင်သည် ကျွန်တော်နှင့် အတူရှိသောကြောင့် ကျွန်တော် မည်သည့်အရာကိုမျှ ကြောက်ဖို့မလိုပါ။ စာတန်က ပိုမို ရိုင်းစိုင်း ကြမ်းကြုတ်လာလေ၊ ၎င်း၏ အကျည်းတန်ခြင်း နှင့် စွမ်းအားမဲ့ခြင်းကို ပို၍ ထုတ်ဖော်လေလေ ဖြစ်သည်။ ၎င်းက ယုံကြည်သူများကို ပို၍ ညှဉ်းပန်းနှိပ်စက်လေ၊ ဘုရားသခင်၏ ရန်သူတစ်ယောက်ဖြစ်စေခြင်း၊ အကျင့်ပျက်သည့် အရာများ လုပ်ဆောင်ခြင်းနှင့် ကောင်းကင်ဘုံနှင့် သဘာဝတို့ကို ဆန့်ကျင်ခြင်းတို့နှင့် ပတ်သက်သည့် ၎င်း၏ ဆိုးယုတ်သော ဖောက်ပြန်ရေးဝါဒီ အနှစ်သာရကို ပို၍ ဖော်ထုတ်လေ ဖြစ်သည်။ ၎င်းက ဘုရားသခင်ကို ယုံကြည်သူများအား ပို၍ အန္တရာယ် ပြုလေ၊ အဆုံးအထိ ဘုရားသခင်ကို ယုံကြည်ရန်နှင့် ဘုရားသခင် နောက်ကို လိုက်ရန် ကျွန်တော့်၏ စိတ်ပိုင်းဖြတ်ခြင်းကို ပို၍ လှုံ့ဆော်လေ ဖြစ်သည်။ ကျွန်တော့်၏ အသက်ကို ဘုရားသခင်ကို ကျွန်တော် ဆက်ကပ်အပ်နှံလိုပြီး၊ စာတန်ကို အပြီးအပြတ် စွန့်လွှတ်လိုပါသည်။ ဘုရားနှုတ်ကပတ်တော်များက ပြောသကဲ့သို့ ဖြစ်သည်။ “လူသားသည် ကြာမြင့်စွာ ကတည်းကပင် သူ၏ ခွန်အား အလုံးစုံ ကို စုစည်းခဲ့လေပြီ၊ သူ၏ ကြိုးထုတ်မှု အားလုံးကို ပေးအပ်မြှုပ်နှံခဲ့ကာ အဖိုးအခတိုင်းကို ဤအရာအတွက် ပေးဆပ်ခဲ့လေပြီ။ မာရ်နတ်၏ အ ကျည်း တန်သော မျက်နှာကို ဆုတ်ဖြဲကာ၊ မျက်စိကွယ်စေခြင်း ခံခဲ့ရပြီး ဆင်းရဲ ဒုက္ခနှင့် ဝေဒနာ အမျိုးမျိုးကို ကြံ့ကြံ့ခံခဲ့ရသော လူများကို ၎င်းတို့၏ နာကျင်မှုမှ ထလာစေလျက် ဤဆိုးညစ်သော မာရ်နတ်အိုအား သူတို့ ကျောခိုင်းခွင့်ပြုပေးရန် ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမှုတော်နှင့် ဝင်ရောက်ခြင်း (၈)”) ဤအချိန်တွင် ကျွန်တော့်သွေးများက ဒေါသဖြင့် ဗလောင်ဆူနေပြီး၊ သစ္စာဝတ်တစ်ခုကို ကျွန်တော် တိတ်ဆိတ်စွာ ကျိန်ဆိုခဲ့သည်။ ထိုနေရာတွင် ကျွန်တော် မည်မျှကြာအောင် နေရပါစေ၊ ထိုနတ်ဆိုးများက ကျွန်တော့် မည်မျှ ညှဉ်းပန်းပါစေ၊ ဘုရားသခင်ကို ကျွန်တော် မည်သည့်အခါမျှ သစ္စာဖောက်မည် မဟုတ်ပါ။ ရဲများက ကျွန်တော် မဖြေသည်ကို မြင်ပြီး၊ အဆုံးတွင် ကျွန်တော့်ကို အကျဉ်းခန်းထဲသို့ ပြန်ခေါ်သွားခဲ့ကြသည်။ ထို့ကြောင့် ဘုရားနှုတ်ကပတ်တော်၏ လမ်းပြမှု ကျေးဇူးကြောင့် ကျွန်တော့်ထံမှ ခံဝန်ချက်တစ်ခုကို အတင်းအကျပ် ညှစ်ထုတ်ဖို့ ထပ်ခါထပ်ခါ ကြိုးပမ်းအားထုတ်မှုများနှင့် သူတို့၏ ညှဉ်းပန်းမှုများတို့ကို ကျွန်တော် အောင်မြင်ကျော်လွှားနိုင်ခဲ့သည်။ ကျွန်တော်က အသင်းတော်အကြောင်း မည်သည့် သတင်း အချက်အလက်မျှ လုံးဝမထုတ်ဖော်ခဲ့ဘဲ၊ ထိန်းသိမ်းရေးစခန်းတွင် ရက်ပေါင်း ၅၀ ကျော် ကုန်ခဲ့ပြီးနောက် ရဲများက ကျွန်တော့်ကို စွဲချက်မရှိဘဲ လွှတ်ပေးခဲ့ရသည်။

အဖမ်းခံရခြင်းကို ကြုံရခြင်းဖြင့် တရုတ်ကွန်မြူနစ် ပါတီ အစိုးရ၏ ဘီလူးသရဲစီးသော အနှစ်သာရကို ကျွန်တော် သိသာ ထင်ရှားစွာ တွေ့မြင်ခဲ့သည်။ ၎င်းက ကောင်းကင်ဘုံနှင့် ဆန့်ကျင် တိုက်ခိုက်ပြီး၊ ဘုရားသခင်၏ ရန်သူတစ်ယောက် ဖြစ်စေသည်။ ၎င်းက ဘုရားသခင်ကို ဝတ်ပြုကိုးကွယ်ဖို့ ငြင်းဆန်ပြီး၊ လူများကို လှည့်စားဖို့နှင့် ချုပ်ကိုင်ဖို့၊ ပြီးလျှင် ဘုရားသခင်ကို ယုံကြည်ခြင်း သို့မဟုတ် ကိုးကွယ်ခြင်းမှ လူတို့ကို တားဆီးဖို့ ဖြစ်နိုင်သမျှ နည်းလမ်းအားလုံးကို အသုံးပြုခဲ့သည်။ ၎င်းနှင့်အတူ လူတို့က ငရဲတွင် ဖျက်ဆီးခံရစေရန် အလို့ငှာ၊ လူများအား ဘုရားသခင်ကို ရှောင်ကြဉ်ပြီး ခုခံစေရန် ၎င်းက အားထုတ်ကြိုးပမ်းလေသည်။ ၎င်းသည် အလွန် စက်ဆုပ်ရွံရှာဖွယ် ကောင်းကာ၊ ရက်စက်ပြီး၊ ဆိုးယုတ်လေသည်။ သို့သော် ပို၍ အရေးကြီး သည်မှာ၊ ဤအတွေ့အကြုံက ကျွန်တော့်ကို ဘုရားသခင်၏ အံ့သြဖွယ် ကောင်းခြင်း၊ ဉာဏ်ပညာ၊ နှင့် သူ့နှုတ်ကပတ်တော်၏ သြဇာအာဏာ၊ တန်ခိုးတို့နှင့် ပတ်သက်သည့် စစ်မှန်သည့် နားလည်သဘောပေါက် မှုပေးခဲ့သည်။ ဘုရားသခင်ကို ခါးသီးသော ရန်သူတစ်ယောက်အဖြစ် ရှုမြင်သည့် ထိုကဲ့သို့ နိုင်ငံတစ်နိုင်ငံတွင် ဘုရားသခင်ကို ယုံကြည်သူ များသည် ဘုရားမဲ့အစိုးရ၏ မျက်စိနှင့် ခန္ဓာကိုယ်ထဲကဆူးများ ဖြစ်သည်။ သို့သော်လည်း ၎င်းသည် ဘုရားသခင်ကို အမှန်တကယ် ယုံကြည်သူများအား လုံးလုံး ချုပ်ချယ်နိုင်စွမ်း မရှိပါ။ ၎င်းက ကျွန်တော်တို့ ခန္ဓာကိုယ်ကို မည်မျှ ဖိနှိပ်၊ အကျဉ်းချပြီး ထိခိုက်ပါစေ၊ အလင်းရောင်ဆီသို့သွားပြီး၊ သမ္မာတရားကို လိုက်စားဖို့ဖြစ်သော ကျွန်တော်တို့၏ ဆန္ဒကို မထုတ်ပစ်နိုင်သလို၊ ဘုရားသခင်ကို ယုံကြည်ပြီး၊ ဘုရားသခင် နောက်လိုက်ဖို့ ကျွန်တော်တို့၏ သန္နိဌာန်ကို မကိုင်လှုပ်နိုင်ပါ။ ကျွန်တော် အဖမ်းခံရပြီး ဤမကောင်းဆိုးဝါးများ၏ ရိုင်းစိုင်းကြမ်းကြုတ်သော ရက်စက်မှုကို ကိုယ်တိုင် တွေ့ကြုံခံစား ခဲ့ရသည်။ စာတန်က ကျွန်တော့်ကို ဖမ်းဆီးခြင်း နှင့် ညှဉ်းပန်း နှိပ်စက် ခြင်းတို့အားဖြင့် သူ၏ အာဏာရှင်ဆန်သော အုပ်စိုးမှုကို ကျွန်တော့်အား မလွန်ဆန်နိုင်စေဖို့ အချည်းနှီးတောင့်တသော်လည်း၊ ဘုရားသခင်၏ နှုတ်ကပတ်တော်က ကျွန်တော့်ကို အမြဲမပြတ် လမ်းပြခဲ့ပြီး၊ ဉာဏ်ပညာ နှင့် ယုံကြည်မှု၊ ပြီးလျှင် စာတန်၏ ရက်စက်သော ညှဉ်းပန်းနှိပ်စက်ခြင်း အလယ်တွင် ခိုင်မာစွာ ရပ်တည်ခွင့်ပြုသည့် ခွန်အားတို့ကို ပေးခဲ့သည်။ ကျွန်တော့်၏တကယ့်အတွေ့အကြုံမှတဆင့်၊ ဘုရားသခင်၏ အံ့သြဖွယ် လုပ်ဆောင်ချက်များကို ကျွန်တော် မြင်ခဲ့ပြီး၊ ဘုရားသခင်၌ ကျွန်တော့်၏ ယုံကြည်ခြင်းသည် ကြီးစွားတိုးလာကာ၊ ဘုရား၏နှုတ်ကပတ်တော်များ နှင့် ပတ်သက်သည့် ပို၍လက်တွေ့ကျသော နားလည်သဘောပေါက်မှုကို ကျွန်တော် ရရှိခဲ့သည်။ ဘုရားနှုတ်ကပတ်တော်သည် သမ္မာတရားဖြစ်ပြီး၊ လူတို့ အသက်တာများ၏ ခွန်အားနှင့် အရင်းအမြစ်ဖြစ်သည်ကို ကျွန်တော် တွေ့ကြုံခံစားခဲ့ရသည်။ ဘုရားနှုတ်ကပတ်တော်၏ လမ်းပြမှု ဖြင့် ကျွန်တော် မည်သည့်အရာကိုမျှ ကြောက်စရာမလိုဘဲ၊ ရှေ့လျှောက် လမ်းတွင် မည်မျှ အခက်အခဲများနှင့် အဟန့်အတားများကို ကျွန်တော် ရင်ဆိုင်ရပါစေ၊ ဘုရားသခင်နောက်ကို အဆုံးထိ လိုက်ဖို့ ကျွန်တော် ဆန္ဒရှိပါသည်။

အောက်ခြေမှတ်စု(များ)-

၁။ “ဒဏ်ရာဒဏ်ချက်များ” ကို လူသားတို့၏ နာခံမှုမရှိခြင်းကို ဖော်ထုတ်ရန် အသုံးပြုထား၏။

ယခင်က:ဘုရားသခင်၏ အလင်းက ခက်ခဲသည့် အခြေအနေတစ်လျှောက် ကျွန်မကို လမ်းပြသည်

နောက်တစ်ခုသို့:မကောင်းဆိုးဝါးများ၏ ရက်စက်မှုကို အောင်မြင်ကျော်လွှားဖို့ ဘုရားသခင်က ကျွန်မကို လမ်းပြသည်

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ