၁၃၁) အခြားသူများအား သင့်တင့်လျော်ကန်စွာ ဆက်ဆံခြင်းဆိုင်ရာ အခြေခံသဘောတရားများ

(၁) လူအားလုံး၊ အဖြစ်အပျက်များနှင့် အမှုအရာအားလုံးအား ဘုရားသခင်၏ နှုတ်ကပတ်တော်သမ္မာတရားနှင့်အညီ သဘောထားရန် လိုအပ်သည်။ အခြားသူများအား သမ္မာတရား အခြေခံသဘောတရား နှင့်အညီ ဆက်ဆံခြင်းသည်သာ ဘုရားသခင်၏အလိုတော်နှင့် ကိုက်ညီသည်။

(၂) အခြားသူများ၏ အားသာချက်များနှင့် အားနည်းချက်များကို သင့်တင့်လျောက်ပတ်စွာ သုံးသပ်လော့။ လူတို့အား အလွန်အမင်း စေခိုင်းခြင်း သို့မဟုတ် သူတို့ လုပ်ဆောင်နိုင်သည်ထက်ပို၍ တောင်းဆိုခြင်းမပြုလေနှင့်။ ထို့အပြင် ၎င်းတို့အား အလွန်အမင်း မျှော်လင့်ထားခြင်း သို့မဟုတ် သိမ်ငယ်စေခြင်းတို့ကို မပြုလေနှင့်။

(၃) ဘုရားသခင်ရွေးကောက်ထားသူများအပေါ် ချစ်ခြင်းမေတ္တာ စိတ်ထားလော့။ သင်သည် အခြားသူများကို ဆက်ဆံရာ၌ စိတ်၏အလိုအတိုင်းပြုမူခြင်း သို့မဟုတ် အကျိုးအကြောင်းအမှန် အပေါ် အခြေမခံဘဲ မိမိ၏ ထင်မြင်ယူဆချက်အရ ဆုံးဖြတ်ခြင်း မရှိလေနှင့်။ ထို့အပြင် ၎င်းတို့အပေါ် အကျိုးအကြောင်းမသင့်ဘဲ ကန့်သတ်လိုသောသဘောထားတို့ မရှိလေနှင့်။ ၎င်းတို့ကို တိုးတက်စေလိုသော ရှုထောင့်မှ ရှုမြင်လော့။

(၄) စင်ကြယ်သောအကျင့်နှင့် ပါရမီတို့အပေါ် မနာလိုစိတ် မရှိလေနှင့်။ ဆန့်ကျင်ဖက်အမြင်များရှိသူတို့ကို ဖယ်ထားခြင်း သို့မဟုတ် ဖိနှိပ်ခြင်းတို့ မပြုလေနှင့်။ သမ္မာတရားကို မြတ်နိုးပြီး ကောင်းမြတ်သော အရည်အသွေးရှိသူတို့ကို သင်တွေ့ရှိပါက သူတို့အား ထောက်ခံ၍ အထောက်အကူပြုလော့။

(၅) အခြားသူများအား သူတို့၏ ဇာတိပကတိအရင်းခံအတိုင်း ဆက်ဆံရန် လိုအပ်သည်။ ပြစ်မှားခြင်းရှိခဲ့သော ကောင်းမြတ်သူကို သမ္မာတရားအား ချစ်ခြင်းမေတ္တာစိတ်နှင့် မိတ်သဟာယပြုခြင်းဖြင့် ကူညီထောက်ပံ့သင့်ပေသည်။ ဆိုးယုတ်သူကိုမူ စက်ဆုပ်ကာ ပစ်ပယ်သင့်သည်။

ဆက်စပ်သော ဘုရားသခင်၏ နှုတ်ကပတ်တော်များ-

ဘုရားသခင်က လူတို့ကို သူတစ်ပါးတို့အား မည်သို့ဆက်ဆံရန် တောင်းဆိုသနည်း။ (မျှတစွာဆက်ဆံရန်) “မျှတစွာဆက်ဆံရန်” ဆိုသည်မှာ အဘယ်အရာကိုဆိုလိုသနည်း။ သူတစ်ပါးတို့ကို ၎င်းတို့၏ အသွင်အပြင်၊ ဂုဏ်အဆင့်အတန်း၊ မိသားစုနောက်ခံ၊ ချမ်းသာကြွယ်ဝမှု၊ သင်ယူမှုပမာဏ၊ သို့မဟုတ် အသင်းတော်အတွင်း ၎င်းတို့၏ရာထူးကိုကြည့်ပြီး မဆက်ဆံသင့်ပေ။ ဤသို့ဆိုလျှင် မည်သည့်အရာနှင့်အညီ ဖြစ်သင့်သနည်း။ သမ္မာတရားအခြေခံသဘောတရားနှင့်အညီ ဖြစ်ရမည်။ ၎င်းတို့အား ထမ်းဆောင်ရန်စီစဉ်ပေးသော တာဝန်သည် ၎င်းတို့ထမ်းဆောင်နိုင်သည့် တာဝန်အပေါ် အခြေခံသင့်သည်။ ၎င်းတို့သည် တာဝန်တစ်ခုကို ထမ်းဆောင်ရန်မတတ်နိုင်သကဲ့သို့၊ ဝင်ရောက်စွက်ဖက်သည်အထိပင် ပြုလျှင် ၎င်းတို့သည် ထုတ်ပယ်ခံရခြင်းနှင့် ထိုက်တန်သည်ဆိုလျှင် သင်နှင့်ကောင်းမွန်သောဆက်ဆံရေးရှိလျှင်ပင် ၎င်းတို့အား ထုတ်ပယ်သင့်သည်။ ဤသည်မှာ တရားမျှတခြင်းဖြစ်သည်။ ဤသည်မှာ တရားမျှတခြင်း အခြေခံသဘောတရားများတွင် ပါဝင်သည့်အရာဖြစ်သည်။ စီမံခန့်ခွဲမှု အခြေခံသဘောတရားနှင့် သက်ဆိုင်သည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားအား နားလည်သူတို့သာလျှင် ဝိညာဉ်ရေးရာကိစ္စရပ်များအား နားလည်ကြသည်” မှ

အခြေခံသဘောတရားအတိုင်း ပြုမူခြင်းတွင် အထူးသဖြင့် မည်သည့်အရာ ပါဝင်သနည်း။ ဥပမာအားဖြင့် အခြားသူများကို မည်သို့ဆက်ဆံရမည်နှင့်စပ်လျဉ်း၍ ဂုဏ်ဒြပ်ရှိသူများနှင့် မရှိသူများအပြင်၊ သာမန် ညီအစ်ကိုမောင်နှမများနှင့် အဆင့်အမျိုးမျိုးမှ ခေါင်းဆောင်များနှင့် အမှုတော်ဆောင်များကို သင်ဆက်ဆံသည့်ပုံစံ၏ နောက်ကွယ်မှ အခြေခံသဘောတရားများမှာ အဘယ်နည်း။ သင်၏ ညီအစ်ကိုမောင်နှမများကို မယုံကြည်သူများက လူများကို ဆက်ဆံသည့်ပုံစံအတိုင်း တစ်ထေရာတည်း ဆက်ဆံ၍ မရနိုင်ပေ။ သင်သည် တရားမျှတပြီး အကျိုးအကြောင်း ဆီလျော်ရမည်။ သင်သည် ဤတစ်ယောက်နှင့် ရင်းနှီး၍ မရသကဲ့သို ထိုတစ်ယောက်နှင့်လည်း ရင်းနှီး၍မရပေ၊ သို့မဟုတ် သင်သည် ဂိုဏ်းများ သို့မဟုတ် အဖွဲ့ဖွဲ့ခြင်းများ မပြုသင့်ပေ။ သင်သည် လူများကို မနှစ်သက်သောကြောင့်၊ ၎င်းတို့ကို အနိုင်ကျင့်၍ မရနိုင်သကဲ့သို့၊ ရှိန်လောက်သော သူများကို ဖော်လံဖားလုပ်၍လည်း မရနိုင်ပေ။ ဤသည်မှာ အခြေခံသဘောတရားများအတိုင်း ဟူသည့်အရာကို ဆိုလိုခြင်းဖြစ်သည်။ အခြားလူများနှင့် သင်ဆက်ဆံသည့် နည်းလမ်း၌ သင်သည် ကိုယ်ကျင့်တရားကောင်းရမည်။ သင်သည် ၎င်းတို့အားလုံးကို မျှတစွာ ဆက်ဆံရမည်။ သင်က အလွန်ကောင်းသည်ဟု ထင်မြင်သည့်သူများကို သင့်ဖက်သို့ ဆွယ်ထားသော်လည်း၊ သင်ချဉ်းကပ်ဖို့ ခက်ခဲသည့်သူများကို ကြဉ်ထားပါက၊ သင်သည် အခြေခံသဘောတရားများ မကင်းမဲ့သလော။ ဤသည်မှာ ကမ္ဘာပေါ်တွင် ရှင်သန်ဖို့အတွက် မယုံကြည်သူများ၏ ဒဿနအမြင်ဖြစ်ပြီး၊ ယင်းက ၎င်းတို့ အခြားသူများကို ဆက်ဆံသည့် နည်းလမ်းနောက်ကွယ်မှ အခြေခံသဘောတရား ဖြစ်သည်။ ဤသည်မှာ စာတန်ဆန်သော စိတ်သဘောထားရော၊ စာတန်ဆန်သော ဆင်ခြင်တွေးခေါ်မှု စနစ်ပါ နှစ်ခုလုံး ဖြစ်ပေသည်။ မည်သည့်အခြေခံသဘောအရ ဘုရားသခင်၏ မိသားစုဝင်များကို သင် ဆက်ဆံသင့်သနည်း။ (ညီအစ်ကို မောင်နှမ အယောက်စီတိုင်းကို မျှမျှတတ ဆက်ဆံရပါမည်။) သူတို့ကို သင်တို့ မျှမျှတတ မည်သို့ ဆက်ဆံကြသနည်း။ အယောက်တိုင်းက အသေးအဖွဲ အမှားများနှင့် အားနည်းချက်များ ရှိကြသည့်အပြင်၊ တစ်ဦးချင်းစီအလိုက် ထူးခြားမှုများအချို့ ရှိကြသည်၊ လူအားလုံးက မိမိကိုယ်ကိုယ် မှန်သည်ဟု ယူမှတ်မှု၊ အားနည်းချက်နှင့် သူတို့ ချို့တဲ့သည့် နယ်ပယ်များ ရှိကြသည်။ သူတို့ကို ချစ်ခင်သော စိတ်နှလုံးတစ်ခုဖြင့် သင် ကူညီသင့်ပြီး၊ စိတ်ရှည်ကာ သည်းခံသင့်သလို သေးငယ်သော အသေးစိတ်အချက်အလက်တိုင်းအပေါ် လွန်စွာ မကြမ်းတမ်းသင့် သို့မဟုတ် အရေးမပေးလွန်းသင့်ပါ။ ငယ်ရွယ်သောသူ၊ သို့မဟုတ် ဘုရားသခင်ကို အချိန်ကြာမြင့်စွာ မယုံကြည်သေးသည့်သူ၊ သို့မဟုတ် သူတို့၏ တာဝန်များကို ဆောင်ရွက်ရန် များမကြာမီကသာ အစပြုရုံပြုကြသည်၊ သီးသန့် တောင်းဆိုမှုအချို့ ရှိကြသည့် ဤလူတို့နှင့် ပတ်သက်၍၊ သင်က ဤအရာများကို စွဲကိုင်ကာ ၎င်းတို့ကို အဆိုးမြင်ပါက၊ ဤသည်မှာ သင်သည် ကြမ်းတမ်းနေခြင်း ဖြစ်သည်။ သင်က ထိုအယောင်ဆောင်သော ခေါင်းဆောင်များနှင့် အန္တိခရစ်တို့ ပြုလုပ်သည့် မကောင်းမှုကို မသိကျိုးကျွန်ပြုသော်လည်း၊ သင်၏ ညီအစ်ကို မောင်နှမများထဲက သေးငယ်သော အားနည်းချက်များနှင့် အမှားများကို ရှာတွေ့သောအခါ သူတို့ကို ကူညီဖို့ သင်ငြင်းပယ်၏၊ ယင်းအစား ထိုအရာများအပေါ် သင် အရေးပေးလွန်းပြီး သူတို့ကွယ်ရာတွင် သူတို့ကို ဝေဖန်သည်၊ ထိုသို့အားဖြင့် သာ၍ပင်များပြားသော လူများက သူတို့ကို ဆန့်ကျင်၊ ဖယ်ထုတ်ပြီး ဝိုင်းပယ်ဖို့ပင် ဖြစ်စေလေသည်။ ဤသည်မှာ မည်သည့် အပြုအမူမျိုး ဖြစ်ပါသနည်း။ ဤသည်မှာ သင်၏ ပုဂ္ဂိုလ်ရေး နှစ်သက်မှုများအပေါ် အခြေခံပြီး အမှုအရာများကို သင် လုပ်ဆောင်ခြင်းသာဖြစ်ပြီး၊ လူတို့ကို မျှမျှတတ မဆက်ဆံနိုင်ခြင်း ဖြစ်သည်၊ ဤအရာက ဖောက်ပြန်ပျက်စီးသော စာတန်ဆန်သည့် စိတ်သဘောထားတစ်ခုကို ဖော်ပြပြီး၊ ယင်းမှာ ပြစ်မှားခြင်းတစ်ခု ဖြစ်သည်။ လူတို့က အမှုအရာများကို လုပ်ဆောင်သည့်အချိန်တွင် ဘုရားသခင်က စောင့်ကြည့်နေ၏၊ မည်သည့်အရာကို သင်လုပ်ဆောင်ပါစေ၊ မည်သို့ သင် စဉ်းစားပါစေ၊ သူ မြင်၏။ ဤအခြေခံသဘောတရားများကို သင်သဘောပေါက်လိုလျှင်၊ သမ္မာတရားကို ဦးစွာ သင်နားလည်ရမည်။ သမ္မာတရားကို သင်နားလည်သည်နှင့် တစ်ပြိုင်နက်၊ ဘုရားသခင်၏ အလိုတော်ကို သင် သဘောပေါက်နိုင်သည်၊ လူတို့ကို မည်သို့ ဆက်ဆံရမည်ကို သမ္မာတရားက သင့်အား ပြောပြပြီး၊ ဤအရာကို သင်နားလည်သည်နှင့်တပြိုင်နက်၊ ဘုရားသခင်၏ အလိုတော်နှင့်အညီ လူတို့ကို မည်သို့ ဆက်ဆံရမည်ကို သင် သိလိမ့်မည်။ သင်သည် သမ္မာတရားကို နားမလည်ပါက၊ ဘုရားသခင်၏ အလိုတော်ကို သင် ဧကန် နားလည်လိမ့်မည် မဟုတ်ချေ။ အခြားသူများကို မည်သို့ ဆက်ဆံရမည်ဆိုသည်ကို ဘုရားသခင်၏ နှုတ်ကပတ်တော်ထဲတွင် ရှင်းရှင်းလင်းလင်း ပြသထား၏၊ သို့မဟုတ် အရိပ်အမြွက်ပြထား၏။ လူသားမျိုးနွယ်ကို ဘုရားသခင် ဆက်ဆံသည့် သဘောထားမှာ ၎င်းတို့ အချင်းချင်းဆက်ဆံရာတွင် လူတို့ ခံယူသင့်သည့် သဘောထား ဖြစ်သည်။ လူအယောက်စီတိုင်းကို ဘုရားသခင်က မည်သို့ ဆက်ဆံပါသနည်း။ လူအချို့တို့သည် မရင့်ကျက်သည့် ဝိညာဉ်ရေးအသက်တာကို ပိုင်ဆိုင်ကြသည်၊ သို့မဟုတ် ငယ်ရွယ်ကြသည်၊ သို့မဟုတ် တိုတောင်းသည့် အချိန်တစ်ခုသာ ဘုရားသခင်ကို ယုံကြည်ဖူးကြ၏။ ဘုရားသခင်သည် ဤလူတို့ကို သဘာဝအနှစ်သာရအားဖြင့် ဆိုးသည်ဟု မြင်ကောင်းမြင်လိမ့်မည် မဟုတ်သကဲ့သို့၊ မလိုမုန်းထားသည်ဟုလည်း မြင်ကောင်းမြင်လိမ့်မည် မဟုတ်ပေ။ ယင်းမှာ သူတို့က အတိုင်းအတာတစ်ခုအထိ မသိနားမလည်ကြ သို့မဟုတ် အရည်အချင်း ချို့တဲ့ကြခြင်း သက်သက်ဖြစ်သည်၊ သို့မဟုတ် လူမှုအဖွဲ့အစည်းအားဖြင့် သူတို့ အလွန်များစွာ ဆိုးညစ်မှုခံရပြီးခြင်း ဖြစ်သည်။ သမ္မာတရား၏ စစ်မှန်မှုထဲ ၎င်းတို့ မဝင်ရောက်ကြသေး၊ ထို့ကြောင့် မိုက်မဲသော အရာအချို့ကို လုပ်ဆောင်ခြင်း သို့မဟုတ် မသိနားမလည်သည့် လုပ်ရပ်အချို့ကို ကျူးလွန်ခြင်းမှ ထိန်းသိမ်းဖို့ရန် သူတို့အတွက် ခက်ခဲပေသည်။ သို့သော်၊ ဘုရားသခင်၏ ရှုထောင့်အမြင်မှ၊ ထိုကိစ္စရပ်များမှာ အရေးမကြီးပေ၊ သူက ဤလူတို့၏ စိတ်နှလုံးများကိုသာ ကြည့်သည်။ သမ္မာတရား၏ စစ်မှန်မှုထဲ ဝင်ရောက်ဖို့ ၎င်းတို့ စိတ်ဆုံးဖြတ်လျှင်၊ မှန်သော ဦးတည်ချက်ကို သူတို့ ဦးတည်နေခြင်းဖြစ်ပြီး၊ ဤသည်မှာ သူတို့၏ ရည်မှန်းချက်ဖြစ်သည်၊ ထို့နောက် ဘုရားသခင်က သူတို့ကို စောင့်ကြည့်နေသည်၊ သူတို့အတွက် စောင့်ဆိုင်းနေပြီး သူတို့ကို ဝင်ရောက်ခွင့်ပေးသည့် အချိန်နှင့် အခွင့်အရေးကို သူတို့အား ပေးနေပါ၏။ ယင်းမှာ ဘုရားသခင်က သူတို့ကို ရိုက်ချက်တစ်ချက်ဖြင့် ထိုးလှဲလိုက်ခြင်းကိစ္စ တစ်ရပ် မဟုတ်သကဲ့သို့ တစ်ကြိမ် သူတို့ ကျူးလွန်မိခဲ့သည့် ချိုးဖောက်မှုတစ်ခုကို ဖမ်းဆုပ်ကာ လက်လွှတ်ရန် ငြင်းပယ်ခြင်းလည်း မဟုတ်ပေ။ ဘုရားသခင်သည် လူတို့ကို ဤသို့ လုံးဝ မဆက်ဆံဖူးပေ။ ဤသို့ဆိုသော်ငြားလည်း၊ လူတို့က အချင်းချင်း ထိုသို့သော ပုံစံဖြင့် အချင်းချင်း ဆက်ဆံကြလျှင်၊ ဤအရာက သူတို့၏ ဖောက်ပြန်ပျက်စီးသော စိတ်သဘောထားကို ပြသသည် မဟုတ်လော။ ဤသည်မှာ ၎င်းတို့၏ ဖောက်ပြန်ပျက်စီးသော စိတ်သဘောထား အတိအကျ ဖြစ်ပေသည်။ မသိနားမလည်ဘဲ မိုက်မဲသော လူတို့ကို ဘုရားသခင်က မည်သို့ ဆက်ဆံသည်၊ မရင့်ကျက်သည့် ဝိညာဉ်အသက်တာရှိသူတို့ကို သူ မည်သို့ ဆက်ဆံသည်၊ လူသားမျိုးနွယ်၏ ဖောက်ပြန်ပျက်စီးသော စိတ်သဘောထားများ၏ ပုံမှန်သရုပ်သကန်များကို သူ မည်သို့ ဆက်ဆံပုံနှင့် မလိုမုန်းထားသော သူတို့ကို သူ ဆက်ဆံပုံတို့ကို သင် ကြည့်ရှုလေ့လာရမည်။ ဘုရားသခင်သည် မတူညီသော လူတို့ကို နည်း အမျိုးမျိုးဖြင့် ဆက်ဆံပြီး၊ မတူညီသော လူတို့၏ အခြေအနေ အမြောက်အများကို စီမံခန့်ခွဲနည်းအမျိုးမျိုးလည်း သူ့ထံတွင် ရှိ၏။ ဤသမ္မာတရားများကို သင် နားလည်ရမည်။ ဤသမ္မာတရားများကို သင်နားလည်သည်နှင့်တစ်ပြိုင်နက်၊ ယင်းတို့ကို သင် ယခု တွေ့ကြုံနိုင်ပေသည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို ရရှိရန်၊ သင့်အနေဖြင့် သင့်ဝန်းကျင်ရှိ လူများ၊ ကိစ္စရပ်များနှင့် အမှုအရာများမှ သင်ယူရမည်” မှ

သင်တို့၏နေ့စဉ်အသက်တာတွင် မည်သည့်အခြေအနေများနှင့် အခြေအနေမည်မျှ၌ သင်တို့သည် ဘုရားသခင်ကို ကြောက်ရွံ့သူဖြစ်ပြီး မည်သည့်အရာများ၌ ဘုရားသခင်ကို ကြောက်ရွံ့သူ မဖြစ်သနည်း။ သင်တို့သည် လူများကို မုန်းတီးနိုင်စွမ်းရှိသလော။ သင်တို့သည် တစ်စုံတစ်ဦးကို မုန်းတီးသည့်အခါ ထိုလူကို ချေမှုန်းခြင်း၊ သို့မဟုတ် လက်စားချေခြင်းတို့ လုပ်နိုင်သလော။ (လုပ်နိုင်ပါသည်။) သို့ဆိုလျှင် သင်တို့သည် အတော်အတန် ကြောက်ဖို့ကောင်းသည်တကား။ သင်တို့သည် ဘုရားသခင်ကို ကြောက်ရွံ့သူများ မဟုတ်။ သင့်အနေဖြင့် ထိုသို့သော အမှုအရာများကို လုပ်ဆောင်နိုင်ခြင်းက သင်၏စိတ်သဘောထားသည် အတော်အတန် လေးနက်သည့် အတိုင်းအတာအထိပင် အတော်ယုတ်မာနေကြောင်း ဆိုလိုသည်။ ချစ်ခြင်းမေတ္တာနှင့် မုန်းတီးမှုတို့မှာ ပုံမှန် လူ့သဘာဝက ပိုင်ဆိုင်သင့်သည့် အရာများဖြစ်သော်လည်း၊ သင် ချစ်သည့်အရာနှင့် မုန်းသည့်အရာများကြား ရှင်းရှင်းလင်းလင်း သင် ခွဲခြားရပေမည်။ သင်၏ စိတ်နှလုံးတွင်၊ ဘုရားသခင်ကို သင် ချစ်သင့်သည်၊ သမ္မာတရားကို ချစ်သင့်သည်၊ အပြုသဘောဆောင်သည့် အရာများကို ချစ်သင့်ပြီး၊ သင်၏ ညီအစ်ကို မောင်နှမများကို ချစ်သင့်သည်၊ နတ်ဆိုးစာတန်ကိုမူ သင် မုန်းသင့်သည်၊ အပျက်သဘောဆောင်သော အရာများကို သင် မုန်းသင့်သည်၊ အန္တိခရစ်များကို မုန်းသင့်ပြီး ဆိုးယုတ်သော လူတို့ကို မုန်းသင့်သည်။ သင်၏ ညီအစ်ကို မောင်နှမများအတွက် မုန်းတီးမှုကို သင် သိုထားပါက၊ သင်သည် ၎င်းတို့ကို ဖိနှိပ်လေ့ရှိလိမ့်မည် ဖြစ်ပြီး ၎င်းတို့အပေါ် လက်တုန့်ပြန်လိမ့်မည် ဖြစ်သည်။ ဤသည်မှာ အလွန် ထိတ်လန့်စရာ ဖြစ်ပေမည်။ လူအချို့သည် မုန်းတီးမှု အတွေးများနှင့် ဆိုးယုတ်သည့် စိတ်ကူးများသာ ရှိကြ၏။ တစ်ခဏ ကြာပြီးနောက်၊ ထိုသို့သော လူတို့သည် ၎င်းတို့ မုန်းတီးသည့် လူနှင့် အဆင်မပြေနိုင်တော့ပါက ထိုသူနှင့် ကင်းအောင် စတင်၍ နေလိမ့်မည် သို့သော်၊ ၎င်းတို့သည် မိမိတို့၏ စိတ်နှလုံးများထဲတွင် ဘုရားသခင်ရှိပြီး သူ့ကို ကြည်ညိုကြသောကြောင့်၊ ဤအရာကို ၎င်းတို့၏ တာဝန်များအား သက်ရောက်ခွင့် မပေးကြပေ၊ သို့မဟုတ် ၎င်းတို့၏ ပုံမှန်လူလူချင်း ဆက်ဆံရေးများကို လွှမ်းမိုးခွင့် မပေးကြချေ။ ၎င်းတို့သည် ဘုရားသခင်ကို ပုန်ကန်ပြစ်မှားခြင်း မပြုချင်ကြသကဲ့သို့၊ ထိုသို့ လုပ်ဆောင်မိမည်ကို စိုးရွံ့ကြလေသည်။ ဤလူတို့သည် တစ်စုံတစ်ဦးနှင့် ပတ်သက်သည့် အမြင်အချို့ သိုထားကောင်းသိုးထားမည် ဖြစ်သော်လည်း၊ ထိုအတွေးများကို လုံးဝ မလုပ်ဆောင်ကြပေ၊ သို့မဟုတ် ဘုရားသခင်ကို ပြစ်မှားရန် လိုလားခြင်းမရှိဘဲ မပြောသင့်သည့် စကားတစ်လုံးကိုမျှပင် လုံးဝ မပြောဆိုကြချေ။ ဤသည်မှာ မည်သည့် အပြုအမူမျိုးနည်း။ ဤသည်မှာ မိမိကိုယ်ကိုယ် ပြုမူနေထိုင်ခြင်းနှင့် အမှုအရာများကို ကိုယ်ကျင့်တရားနှင့် သမာသမတ်ကျမှုဖြင့် ကိုင်တွယ်ခြင်း ဥပမာတစ်ခု ဖြစ်ပေသည်။ သင်သည် တစ်စုံတစ်ဦး၏ ပင်ကိုစရိုက်နှင့် သဟဇာတဖြစ်ကောင်း ဖြစ်လိမ့်မည် မဟုတ်သကဲ့သို့၊ သူ့ကို သင် မနှစ်သက်ကောင်း မနှစ်သက်နိုင်သော်လည်း၊ သူနှင့်အတူ သင် အလုပ်လုပ်သည့်အခါ၊ သင်သည် သမာသမတ်ကျမြဲကျကာ သင်၏တာဝန်ကို လုပ်ဆောင်ရာတွင် သင်၏ စိတ်ပျက်မှုများအတွက် ဒေါသထွက်မည်မဟုတ်၊ သင်၏ တာဝန်ကို စတေးလိမ့်မည် မဟုတ်၊ သို့မဟုတ် သင်၏စိတ်ပျက်မှုများကြောင့် ဘုရားသခင်၏မိသားစု အကျိုးစီးပွားများအပေါ် ဆိုးရွားစွာ ပြုမူလိမ့်မည်မဟုတ်ပေ။ သင်သည် အမှုအရာများကို အခြေခံသဘောတရားအတိုင်း လုပ်ဆောင်နိုင်သည်။ ထိုသို့ဖြစ်သည့်အတွက် သင်သည် ဘုရားသခင်အတွက် အခြေခံ ကြည်ညိုမှုတစ်ခု ရှိပေသည်။ သင်သည် ထို့ထက် အနည်းငယ် သာ၍ရှိပါက၊ တစ်စုံတစ်ဦးသည် အပြစ်အနာအဆာများ သို့မဟုတ် အားနည်းချက်များ အချို့ ရှိသည်ကို သင် မြင်သည့်အခါ- သူက သင့်ကို ပြစ်မှားလျှင်ပင် သို့မဟုတ် သင်၏ ကိုယ်ကျိုးများကို ထိခိုက်စေလျှင်ပင်- သူ့ကို သင်ကူညီနိုင်ဆဲ ဖြစ်သည်။ ထိုသို့လုပ်ဆောင်ခြင်းက သာ၍ပင် ကောင်းလိမ့်မည်။ ယင်းမှာ သင်သည် လူ့သဘာဝ၊ သမ္မာတရား၏ စစ်မှန်မှုနှင့် ဘုရားသခင်ကို ကြည်ညိုခြင်းပိုင်ဆိုင်သော လူတစ်ဦးဖြစ်သည်ဟု ဆိုလိုပေလိမ့်မည်။ သင်သည် သင်၏လက်ရှိ ဝိညာဉ်ရင့်ကျက်မှုဖြင့် ဤသည်ကို မစွမ်းဆောင်မရရှိနိုင်သော်လည်း အခြေခံသဘောတရားအတိုင်း အမှုအရာများကို လုပ်ဆောင်နိုင်ကာ ပြုမူနေထိုင်နိုင်ပြီး လူများကို ဆက်ဆံနိုင်ပါက ဤသည်ကိုလည်း ဘုရားသခင်ကို ကြောက်ရွံ့ခြင်းအဖြစ် ထည့်တွက်နိုင်သည်။ ဤသည်မှာ အခြေခံအကျဆုံးဖြစ်၏။ သင်သည် ဤအရာကို မစွမ်းဆောင်မရရှိနိုင်ဘဲ သင့်ကိုယ်သင် မထိန်းချုပ်နိုင်ပါက သင်သည် ကြီးစွာသော အန္တရာယ်ရှိနေပြီး အတော်ကြောက်ဖို့ကောင်းနေသည်။ သင့်ကို ရာထူးတစ်ခုပေးအပ်ပါက သင်သည် လူများကို အပြစ်ပေးပြီး ၎င်းတို့အကျပ်ရိုက်အောင် လုပ်နိုင်သည်။ ထို့နောက်တွင် သင်သည် အချိန်မရွေး အန္တိခရစ်တစ်ဦးဖြစ်သွားနိုင်ဖွယ် ရှိလိမ့်မည်။ မည်သို့သော လူစားမျိုးသည် အန္တိခရစ်တစ်ဦး ဖြစ်လာသည့်သူ ဖြစ်သနည်း။ ထိုသူသည် သုတ်သင်ဖယ်ရှင်းခြင်း ခံရမည့်သူဖြစ်သည် မဟုတ်လော။ လူတစ်ဦးသည် ကောင်းသည် ဆိုးသည်၊ ပြီးလျှင် သူ သို့မဟုတ် သူမကို မည်သို့ ဆက်ဆံသင့်သည် ဆိုသည်အတွက်မူ၊ လူတို့သည် အပြုအမူနှင့်ဆိုင်သည့် မိမိတို့၏ ကိုယ်ပိုင် အခြေခံသဘောတရားများ ရှိသင့်ကြ၏။ သို့သော်၊ ထိုလူ၏ရလဒ်က မည်သည့်အရာဖြစ်မည် ဆိုသည်အတွက်မူ- သူ သို့မဟုတ် သူမသည် ဘုရားသခင်၏ အပြစ်ပေးခံရခြင်းဖြင့် အဆုံးသတ်သည်ဖြစ်စေ မသတ်သည်ဖြစ်စေ၊ သို့မဟုတ် သူ သို့မဟုတ် သူမသည် တရားစီရင်ခံရကာ ပြစ်တင်ဆုံးမခံရခြင်းဖြင့် အဆုံးသတ်သည်ဖြစ်စေ၊ မသတ်သည်ဖြစ်စေ- ယင်းသည် ဘုရားသခင်၏ အရေးကိစ္စဖြစ်၏။ လူတို့ ဝင်ရောက်မစွက်ဖက်သင့်ပေ။ ဘုရားသခင်သည် သူ့ကိုယ်စား သင့်ကို ပဏာမခြေလှမ်း လှမ်းခွင့်ပေးလိမ့်မည် မဟုတ်ပေ။ ထိုသူကို မည်သို့ ဆက်ဆံရမည်မှာ ဘုရားသခင်၏ အရေးကိစ္စဖြစ်သည်။ ထိုသို့သော လူများ မည်သည့် ရလဒ်မျိုးကို ရှိလိမ့်မည်ကို ဘုရားသခင် မဆုံးဖြတ်သေးသရွေ့၊ ၎င်းတို့ကို မနှင်ထုတ်သေးသကဲ့သို့၊ ၎င်းတို့ကို အပြစ်မပေးသေးသရွေ့၊ ပြီးလျှင် ၎င်းတို့ ကယ်တင်ခြင်းခံရသရွေ့၊ သင်သည် ၎င်းတို့ကို ချစ်ခြင်းမေတ္တာဖြင့် စိတ်ရှည်စွာ ကူညီသင့်ပေသည်။ ထိုသို့သော လူတို့၏ ရလဒ်ကို ဆုံးဖြတ်ဖို့ သင် မမျှော်လင့်သင့်သကဲ့သို့၊ ၎င်းတို့ကို ထိထိရောက်ရောက် နှိမ်နှင်းဖို့ သို့မဟုတ် အပြစ်ပေးဖို့ရန် လူ့နည်းလမ်းများကို သင် အသုံးမပြုသင့်ပေ။ ထိုသို့သော လူတို့ကို သင် ကိုင်တွယ်ဖြေရှင်းပြီး ပြုပြင်နိုင်သည် သို့မဟုတ် ၎င်းတို့ကို ကူညီဖို့ရန် သင်၏ စိတ်နှလုံးကို ဖွင့်ပြီး အူလှိုက်သည်းလှိုက် မိတ်သဟာယဖွဲ့ခြင်းဖြင့် ပါဝင်ပေးနိုင်သည်။ သို့သော်၊ ဤလူတို့ကို အပြစ်ပေးခြင်း၊ ဖယ်ကြဉ်ခြင်းနှင့် အမှုဆင်ခြင်းတို့ကို သင် စဉ်းစားပါက၊ သင် ဒုက္ခရောက်လိမ့်မည်။ ထိုသို့ လုပ်ဆောင်ခြင်းသည် သမ္မာတရားနှင့် ကိုက်ညီလိမ့်မည်လော။ ထိုသို့သော အတွေးများရှိခြင်းသည် စိတ်ပြင်းထန်ခြင်းမှ ဖြစ်ပေါ်ပေသည်။ ထိုသို့သော အတွေးများသည် စာတန်ထံမှ လာပြီး လူသား၏မကျေမချမ်းဖြစ်မှုအပြင် လူသား၏ မနာလိုခြင်းနှင့် စက်ဆုပ်ခြင်းတို့မှ ပေါ်ပေါက်၏။ ထိုသို့သော အပြုအမူသည် သမ္မာတရားနှင့် မကိုက်ညီပေ။ ဤသည်မှာ သင့်ကို ဒဏ်ခတ်ခံစေရမည့် အရာတစ်ခုဖြစ်ပြီး ဘုရားသခင်၏ အလိုတော်နှင့် မကိုက်ညီပေ။ လူများသည် သင်တို့၏ အကြိုက်မဟုတ်ကြသောကြောင့် သို့မဟုတ် ၎င်းတို့က သင်နှင့် အဆင်မပြေကြသောကြောင့် ၎င်းတို့ကို အပြစ်ပေးဖို့ နည်းလမ်းများစွာ သင်တို့ အကြံထုတ်နိုင်စွမ်း ရှိကြသလော။ ထိုသို့သော အရာမျိုးကို ယခင်က သင်တို့ လုပ်ဆောင်ဖူးကြပါသလော။ ထိုအရာ မည်မျှ သင်တို့ လုပ်ဆောင်ပြီးကြပြီနည်း။ သင်တို့သည် လူတို့ကို အမြဲ သွယ်ဝိုက်၍ သိမ်ငယ်နေစေခဲ့သည်၊ ထိခိုက်နာကြည်းစေသော ဝေဖန်ချက်များ ပြုလုပ်နေခဲ့ပြီး ၎င်းတို့ကို ထေ့ငေါ့နေခဲ့ကြသည် မဟုတ်လော။ (ဟုတ်ပါသည်။) ထိုသို့သော အရာများကို လုပ်ဆောင်နေခဲ့ချိန်တွင် သင်တို့သည် မည်သည့်အခြေအနေများတွင် ရှိခဲ့ကြသနည်း။ ထိုအချိန်တွင်၊ သင်တို့သည် မကျေနပ်ချက်ဖွင့်ပြောနေခဲ့ကြပြီး ပျော်ရွှင်ခဲ့ကြပေသည်။ သင်တို့ အသားစီးရထားခဲ့ကြသည်။ သို့သော်၊ နောက်ပိုင်းတွင်၊ သင်တို့က၊ “လွန်စွာစက်ဆုပ်ဖွယ် အရာတစ်ခုကို ငါ လုပ်ဆောင်ခဲ့သည်။ ငါသည် ဘုရားသခင်ကို ကြောက်ရွံ့သောသူ မဟုတ်သကဲ့သို့၊ ထိုလူကို အလွန် မတရား ငါ ဆက်ဆံမိလေပြီ” ဟု မိမိတို့ကိုယ်ကိုယ် တွေးခဲ့သည်။ စိတ်ထဲတွင်၊ အပြစ်ရှိခြင်းကို သင် ခံစားခဲ့ရပါသလော။ (ခံစားရပါသည်။) သင်တို့သည် ဘုရားသခင်ကို ကြောက်ရွံ့သောသူများ မဟုတ်သော်လည်း၊ သင်တို့သည် အနည်းဆုံးအနေဖြင့် အသိတရား ခံစားချက်တစ်စုံတစ်ရာ ရှိလေသည်။ ထို့ကြောင့်၊ သင်သည် အနာဂတ်တွင် ဤအရာမျိုးကို တစ်ဖန် လုပ်ဆောင်နိုင်စွမ်း ရှိသေးသလော။ ထိုသူတို့ကို ဒုက္ခပေးရင်းနှင့် ၎င်းတို့ကို သင် အထင်သေးသည့်အခါတိုင်းနှင့် ၎င်းတို့နှင့် အဆင်မပြေသည့်အခါတိုင်း၊ သို့မဟုတ် သင့်ကို ၎င်းတို့ မနာခံသည့်အခါတိုင်း သို့မဟုတ် နားမထာင်သည့်အခါတိုင်းတွင် အာဏာပြရင်း၊ ၎င်းတို့ကို တိုက်ခိုက်ခြင်းနှင့် လက်တုန့်ပြန်ရန် ကြိုးစားခြင်းတို့ကို သင် စဉ်းစားနိုင်သလော။ သင်က၊ “ငါ လုပ်စေချင်သည့်အရာကို သင် မလုပ်ဆောင်ပါက၊ မည်သူမျှမသိဘဲ သင့်ကို အပြစ်ပေးဖို့ အခွင့်အရေးတစ်ခု ငါ ရှာမည်။ မည်သူမျှ သိမည်မဟုတ်ဘဲ ငါ့ရှေ့ သင် ကျိုးနွံနာခံအောင် ငါ လုပ်မည်။ ငါ၏ အာဏာကို သင့်အား ပြမည်။ ထို့နောက်တွင်၊ မည်သူမျှ ငါ့ကို ဒုက္ခပေးဝံ့မည်မဟုတ်” ဟု ပြောလိမ့်မည်။ ငါ့ကို ပြောလော့- ထိုသို့သော အရာတစ်ခုကို လုပ်ဆောင်သော လူတစ်ဦးသည် မည်သည့် လူ့သဘာဝမျိုးကို ပိုင်ဆိုင်သနည်း။ ၎င်းတို့၏ လူ့သဘာဝအရ၊ သူသည် မလိုမုန်းထားသောသူ ဖြစ်ပေသည်။ သမ္မာတရားနှင့်ယှဉ်၍ တိုင်းတာပါက၊ သူသည် ဘုရားသခင်ကို မကြောက်ရွံ့ပေ။ သူ၏စကားနှင့် လုပ်ရပ်များတွင် သူ၌ အခြေခံသဘောတရားများ လုံးဝ မရှိပေ။ သူသည် လက်လွတ်စပယ် ပြုမူပြီး သူ့သဘောရှိ လုပ်ဆောင်သည်။ ဘုရားသခင်ကို ကြောက်ရွံ့ခြင်းနှင့်စပ်လျဉ်း၍ ထိုသို့သော လူများသည် အသက် ဝင်ရောက်မှုကို စွမ်းဆောင်ရရှိပြီးဖြစ်သလော။ လုံးဝမဟုတ်ပေ။ အဖြေမှာ ရာနှုန်းပြည့်ပင် “မဟုတ်” ဟု ဖြစ်သည်။ ဘုရားသခင်ကို ရိုသေလေးမြတ်ခြင်းနှင့် ပတ်သက်၍ လူတစ်ဦးသည် မည်သည့်ဝင်ရောက်မှုကိုမျှ မရရှိသေးပါက ဤလူ့စိတ်နှလုံး၏ တစ်ရွေးသားမျှ ဘုရားသခင်ကို ရိုသေလေးမြတ်ခြင်းမရှိဟု ဆိုနိုင်သလော။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်ကို ယုံကြည်သောလမ်းမှန်သို့ မဝင်ရောက်မီ လူတို့၌ရှိသော သတ်မှတ်ချက်ငါးချက်” မှ

သူတစ်ပါးကို သင်ဆက်ဆံသည့်ပုံစံသည် မတရားသည်ကို သင်သိပါက အဘယ်ကြောင့် ထိုသို့ဆက်လက် လုပ်ဆောင်နေမည်နည်း။ မည်သည့်အရာက သင့်ကို ထိုပုံစံဖြင့် ပြုမူစေသနည်း။ မည်သည့်အရာကို သင်တွေးနေသနည်း။ သင်သည် ၎င်းတို့ကို အဘယ့်ကြောင့် မမျှမတပြုသနည်း။ ဤသည်တွင် အခြားအရာများ ရှိသေးသလော။ “သူတို့ကို ငါအထင်သေးသည်။ သူတို့ထက် ငါသာသည်။ သူတို့ကို မျှမျှတတ ငါမဆက်ဆံလို။ သူတို့အပေါ် မထီလေးစားသာ ဆက်ဆံလိုသည်” ဟု သင်ဆိုသည်။ ဤတွင် မည်သည့်အရာ ဖြစ်ပျက်နေသနည်း။ ယင်းမှာ မာနထောင်လွှားသည့် စိတ်သဘောထားတစ်ခုဖြစ်သည်။ မာနထောင်လွှားသည့် စိတ်သဘောထားတစ်ခုသည် သင့်အတွင်း၌ ဤအခြေအနေများကို ပေါ်ပေါက်လာစေသည်— သင်သည် ထိုသူ၏ ကောင်းချက်များအကြောင်း ပြောဖို့ရန်မဆိုထားနှင့်၊ သူ့ကို မျှမျှတတ မဆက်ဆံလိုသကဲ့သို့ သမာသမတ်ကျစွာ အကဲမဖြတ်လိုပေ။ သင်၏ စိတ်နှလုံးထဲတွင် ၎င်းတို့ကို အထင်သေးသောကြောင့် လုပ်ဆောင်ဖို့ အလုပ်တစ်ခုရှိသည့်အခါ သင်သည် ယင်းကို လုပ်ဆောင်ဖို့ ၎င်းတို့ကို မရွေးချယ်လိုပေ။ ဤအခြေအနေများကို သင်နားလည်ပြီး ဖြစ်သည့်အခါ ထိုလူနှင့်ပတ်သက်သည့် သင်၏ထင်မြင်ယူဆချက်ကို ကုစားဖို့ လွယ်ကူသလော။ မဟုတ်ပေ၊ မလွယ်ကူချေ။ ထို့ကြောင့် စိတ်သဘောထားတစ်ခုက အခြေအနေများစွာကို ဖြစ်ပေါ်စေသည်၊ ဤအခြေအနေများက သင့်အတွင်း၌ရှိသည်၊ သင့်ကို၊ သင်၏ လုပ်ဆောင်ချက်များကို၊ သင်၏စကားကို၊ သင်၏အမြင်များနှင့် လူများကို သင်ဆက်ဆံသည့် ပုံစံတို့ကို ထိန်းချုပ်နေသည်— ယင်းတို့က သင်၏ ဖြစ်တည်မှုတစ်ခုလုံးကို ထိန်းချုပ်သည်။ ဤအခြေအနေများ မည်သို့ပေါ်ပေါက်လာသနည်း။ ယင်းတို့က သင်၏စိတ်သဘောထားမှ ပေါ်ပေါက်လာခြင်း ဖြစ်သည်— အမှန်တွင် သင့်ကို ထိန်းချုပ်နေသည်မှာ သင်၏စိတ်သဘောထားဖြစ်သည်၊ သင်၏အခြေအနေ မဟုတ်ပေ။ ထိုသို့သော စိတ်သဘောထားသည် သင့်ကို သမ္မာတရားအား ဆန့်ကျင်ဖီဆန်စေသည်။ ထို့ကြောင့် သင်သည် ဤစိတ်သဘောထားကို ဖြေရှင်းဖို့နှင့် သင့်အခြေအနေ၏ လမ်းကြောင်းကို ပြောင်းပြန်လှည့်ဖို့ သမ္မာတရားကို အသုံးမပြုပါက သင်သည် သင်၏ စာတန်ဆန်သော စိတ်သဘောထားမှ မည်သည့်အခါမျှ လွတ်မြောက်မည် မဟုတ်ပေ။ သို့ဆိုလျှင် ထိုသို့သော အခြေအနေများ၏ လမ်းကြောင်းကို မည်သို့ ပြောင်းပြန်လှည့်နိုင်သနည်း။ သင်သည် ဘုရားသခင်အပေါ် ပွင့်လင်းရမည်၊ ဆုတောင်းရန် သူ့ရှေ့မှောက်သို့ လာရမည်၊ ပြဿနာ၏ အဖြစ်အနေကို နှံ့နှံ့စပ်စပ် နားလည်ရမည်၊ ပြီးလျှင် သင့်ကို ဆုံးမပဲ့ပြင်ဖို့နှင့် သင့်ကို ကိုင်တွယ်ဖြေရှင်းဖို့၊ သင့်ကို အတည်ပြုချက်ပေးဖို့နှင့် သင့်ကို နားလည်စေဖို့ ဘုရားသခင်ကို တောင်းလျှောက်ရမည်။ ထို့နောက်တွင် သင်၌ ပူးပေါင်းဆောင်ရွက်ဖို့နှင့် သင့်ကိုယ်သင် စွန့်လွှတ်ဖို့ လိုအင်ဆန္ဒတစ်ခု ရှိရမည်။ “ကျွန်ုပ် နောက်တစ်ဖန် ထိုသို့မပြုမူတော့ပါ။ ဤလူ၏ အစွမ်းအစသည် အနည်းငယ် ညံ့ဖျင်းနိုင်သော်လည်း ထိုသူကို သူဆက်ဆံခံရသင့်သည့်အတိုင်း ကျွန်ုပ်ဆက်ဆံပါမည်။ ထိုသူသည် တာဝန်အချို့ကို လုပ်ဆောင်ဖို့ သင့်တော်ပါက ကျွန်ုပ်သည် ထိုသူအား ယင်းကို လုပ်ဆောင်ခိုင်းပါမည်။ ထိုတာဝန်အတွက် မသင့်တော်သည့် နောက်လူတစ်ယောက်နှင့် ကျွန်ုပ်သည် ဆက်ဆံရေးကောင်းလျှင်ပင် ထိုသူကို ကျွန်ုပ်တာဝန်ပေးမည် မဟုတ်ပါ။ ပထမလူကိုသာ ကျွန်ုပ် ထိုတာဝန်ပေးပါမည်” ဟု ပြောလော့။ သင့်အခြေအနေ၏ လမ်းကြောင်းသည် ပြောင်းပြန်လှည့်သွားပြီ မဟုတ်လော။ တစ်နည်းဆိုရလျှင် သင်၏ယခင် ပြုမူပုံကို ကျောခိုင်းပြီးဖြစ်သဖြင့် သင်သည် သင့်အခြေအနေ၏ ဖြစ်နိုင်ခြေရှိသည့် အကျိုးဆက်များကို ပြုပြင်ပြီးဖြစ်လေသည်။ ဤသည်က လက်တွေ့လုပ်ဆောင်ခြင်း ရှုထောင့်တစ်ခု မဟုတ်လော။ ထို့ကြောင့် သင်သည် ဤလက်တွေ့လုပ်ဆောင်မှုမျိုးကို မည်သို့ တာဝန်ယူဆောင်ရွက်နိုင်မည်နည်း။ သင်သည် ပူးပေါင်းလုပ်ဆောင်ခြင်း မရှိပါက၊ ထို့ပြင် သင်၏ ပုဂ္ဂလဓိဋ္ဌာန်ကျသော အလိုကို လုံးဝ စွန့်လွှတ်ခြင်း မရှိပါက ဤရလဒ်ကို သင်ရနိုင်သလော။ လုံးဝ မရနိုင်ပေ။ ထို့ကြောင့် ပူးပေါင်းလုပ်ဆောင်ခြင်းသည် သော့ချက်ဖြစ်သည်။ သင်သည် လုံးဝ ပူးပေါင်းလုပ်ဆောင်ရမည်ဖြစ်ပြီး သမ္မာတရားကို လုံးဝ နာခံနိုင်ရမည်၊ ပြီးလျှင် သမ္မာတရားကို နာခံသည့် သဘောထားတစ်ခု ရှိရမည်ဖြစ်ပြီး ယင်းကို နာခံဖို့ စိတ်ပိုင်းဖြတ်ရမည်— ထိုအခါမှသာ သင်သည် သင်၏ သီးခြား ပုဂ္ဂလဓိဋ္ဌာန်ကျသည့် အလိုနှင့် ကိုယ်ပိုင် အခြေအနေများကို စွန့်လွှတ်နိုင်လိမ့်မည်ဖြစ်ပြီး ထိုသို့ဖြင့် သင်၏လမ်းကြောင်းသည် ဖြည်းဖြည်းချင်း ပြောင်းလဲသွားလိမ့်မည်။ သင်သည် တစ်စုံတစ်ယောက်ကို အထင်သေးကောင်း သေးနိုင်၏၊ ယင်းမှာ သင်၏အခြေအနေဖြစ်သည်— သို့ရာတွင် ထိုအခြေအနေအတိုင်း သင်အသက်မရှင်ဘဲ ထိုလူအတွက် သူလုပ်ဆောင်နိုင်သည့် အရာများကို စီစဉ်ပေးပြီး သူ့ကို မျှမျှတတ ဆက်ဆံပါက ထိုလူအကြောင်းကို ပြောဆိုကြသည့်အခါတိုင်း သင်သည် လိပ်ပြာသန့်လိမ့်မည်ဖြစ်ကာ သင့်ကို ဘုရားသခင်က မတရားသဖြင့် မပြုထားကြောင်းကို သင်ခံစားရလိမ့်မည်။ သင်သည် သမ္မာတရားကို လက်တွေ့လုပ်ဆောင်နေပြီး ခဏအကြာတွင် ထိုလူနှင့် ပတ်သက်သည့် သင်၏ ထင်မြင်ယူဆချက်သည် ပြောင်းလဲလိမ့်မည်။ ယင်းမှာ မည်သို့ဖြစ်ပျက်သနည်း။ ယင်းက ဘုရားသခင်၏ လုပ်ဆောင်ချက်ဖြစ်သည်။ သမ္မာတရားသည် သင်၏အခြေအနေကို ပြောင်းလဲပြီး ယင်း၏ လမ်းကြောင်းကို ပြောင်းပြန်လှည့်လျက် သင့်ထဲ၌ ဖြည်းဖြည်းချင်း စတင် အစွမ်းပြသည်။ အစတွင် ယင်းက သင့်အတွက် ခက်ခဲပေသည်။ ထိုလူကို သင်အသုံးပြုပြီးသည့်နောက် သင့်စိတ်နှလုံးသည် ထိုသူကို တွေ့သည့်အချိန်တိုင်း ချာချာလည်နေပြီး သင်၏ တည်ကြည်မှုကို ဆုံးရှုံးသွားလေပြီဟု သင်ခံစားရသည်။ ၎င်းတို့ကို အသုံးပြုပြီးသည့်နောက်တွင်ပင် သင်သည် ၎င်းတို့နှင့် များစွာ စကားမပြောလိုဘဲ သင်၏စိတ်နှလုံးထဲတွင် သင်သည် ၎င်းတို့ကို အထင်သေးနေဆဲဖြစ်သည်။ သင်၏အခြေအနေသည် လုံးလုံး ပြောင်းလဲသွားခြင်း မရှိသေးပေ၊ ယင်းက ဖောက်ပြန်ပျက်စီးသော သင့်စိတ်သဘောထား၏ အရင်းအမြစ်သည် ရှိနေဆဲဖြစ်သည်ဟု ဆိုလိုသည်။ ထိုသို့သော သေးငယ်လှသည့် အခြေအနေတစ်ခုသည် သင့်ကို များစွာနာကျင်ခံစားစေနိုင်သည်— ဤသည်က စိတ်သဘောထားနှင့်သက်ဆိုင်သည့် ပြဿနာတစ်ခု မဟုတ်လော။ ယင်းက လူ၏သဘာဝ အဖြစ်အနေရှိ ပြဿနာတစ်ခုဖြစ်သည်။ သင်သည် သင်၏လမ်းကြောင်းကို ဖြည်းဖြည်းချင်း ပြောင်းလဲသည်နှင့်အမျှ ထိုလူနှင့် ပို၍ စကားပြောလာသည်၊ သူနှင့် ပို၍ မိတ်သဟာယပြုလာပြီး သူ့ကို သာ၍ နားလည်သဘောပေါက်လာသည်။ သူ၏အားသာချက်များကို သင်တွေ့ပြီး သူသည် အချို့သော တာဝန်များအတွက် အမှန်တကယ် သင့်တော်သည်ကို တွေ့ရှိလာသည်။ ထို့နောက်တွင် သင်သည် သင်၏ယုတ်ညံ့မှုနှင့် ရှက်ဖွယ်ကောင်းမှုတို့ကိုလည်းကောင်း၊ သင်၏လက်ရှိ လုပ်ဆောင်ချက်များနှင့် ထိုလူကို သင်ယခု ဆက်ဆံသည့်ပုံစံသည် သမာသမတ်ကျကာ သမ္မာတရားနှင်အညီ ဖြစ်သည်ကိုလည်းကောင်း ဖြည်းဖြည်းချင်း သတိထားမိလာလိမ့်မည်ဖြစ်ပြီး ထိုအခါ သင်၏စိတ်နှလုံးသည် ငြိမ်းအေးလာလိမ့်မည်။ သို့ရာတွင် ဤသည်မှာ အစမျှသာ ဖြစ်သည်။ သင်သည် ထပ်တူပြဿနာကို တစ်ဖန် ကြုံတွေ့သည့်အခါ ယင်းကို ကိုင်တွယ်ဖြေရှင်းဖို့ ယခင်လူအပေါ် သင်အသုံးပြုခဲ့သည့် ထပ်တူနည်းစနစ်များကို အသုံးပြုနိုင်လိမ့်မည်ကား မဟုတ်ပေ။ သင်သည် သမ္မာတရားကို မည်မျှချစ်သည်ကိုလည်းကောင်း၊ သင်၏ကိုယ်ပိုင် ဖောက်ပြန်ပျက်စီးသော စိတ်သဘောထားနှင့် သင့်အလိုတို့ကို စွန့်လွှတ်ဖို့ သင်၏စိတ်ပိုင်းဖြတ်ချက်ကိုလည်းကောင်း စမ်းသပ်သည့် အခြား အမျိုးမျိုးသော အခြေအနေများလည်း တည်ရှိနေနိုင်သည်၊ သို့မဟုတ် လူများ၊ အရေးကိစ္စများနှင့် အမှုအရာများကဲ့သို့ ပတ်ဝန်းကျင်သည်လည်း ကွဲပြားကောင်း ကွဲပြားနိုင်သည်။ ဤသည်တို့မှာ ဘုရားသခင်၏ စမ်းသပ်မှုများဖြစ်သည်။ အခြားသူများနှင့် သင်၏ဆက်ဆံမှုများ အားလုံးတွင် မည်သည့်အချိန်တွင်ဖြစ်ပါစေ၊ ၎င်းတို့သည် မည်သူဖြစ်ပါစေ၊ ပြီးလျှင် သင်၏ဆက်ဆံရေးသည် ကောင်းသည်ဖြစ်စေ၊ ဆိုးသည်ဖြစ်စေ၊ ၎င်းတို့သည် သင်နှင့်ရင်းနှီးသည်ဖြစ်စေ၊ မရင်းနှီးသည်ဖြစ်စေ၊ ၎င်းတို့သည် သင့်ကို မျက်နှာလိုမျက်နှာရ လုပ်သည်ဖြစ်စေ၊ မလုပ်သည်ဖြစ်စေ၊ ပြီးလျှင် ၎င်းတို့၏ အစွမ်းအစ မည်သို့ရှိပါစေ— သင်သည် ၎င်းတို့ကို မျှမျှတတနှင့် မှန်မှန်ကန်ကန် ဆက်ဆံနိုင်သည့်အခါ သင်၏အခြေအနေသည် လုံးလုံး ပြောင်းလဲပြီး ဖြစ်လိမ့်မည်။ အခြားသူများကို သင်ဆက်ဆံသည့်ပုံစံသည် သင်၏စိတ်ကူးအထင်များ၊ သင်၏စိတ်ခံစားချက်များ၊ သို့မဟုတ် သင်၏စိတ်ပြင်းပြမှုတို့အပေါ် မမှီခိုပါက သင်သည် သမ္မာတရား၏ ဤရှုထောင့်ကို ရရှိပြီးဖြစ်လိမ့်မည်။

နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဖောက်ပြန်ပျက်စီးသည့် စိတ်သဘောထားကိုဖြေရှင်းရန် လမ်းကြောင်း” မှ

အရှေ့သို့- ၁၃၀) ဆန့်ကျင်ဖက်လိင်နှင့် အပြန်အလှန် ထိတွေ့ဆက်ဆံခြင်းဆိုင်ရာ အခြေခံသဘောတရားများ

နောက်တစ်ခုသို့- ၁၃၂) အခြားသူများအား ၎င်းတို့၏ ဇာတိပကတိအရင်းခံအတိုင်း ဆက်ဆံခြင်းဆိုင်ရာ အခြေခံသဘောတရားများ

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

၂၁၇ သန့်ရှင်းသောဝိညာဉ်တော်ရဲ့ အမှုတော်သစ်အတိုင်းလိုက်နာ၍ ဘုရားရဲ့ချီးမွမ်းခြင်း ရယူပါ

၁ သန့်ရှင်းသောဝိညာဉ်တော်ရဲ့အမှုကို လိုက်နာတာ လူတွေ ယနေ့ဘုရားအလိုတော်ကို နားလည်၊ ဘုရားရဲ့တောင်းဆိုချက်အတိုင်း ပြုမူ၊ ဘုရားကို နာခံ၊...

၅၇၇ ဘုရားပေးတာဝန်ဆောင်ရွက်ဖို့ စိတ်နဲ့ခန္ဓာ ပေးအပ်စို့

၁လူသားမျိုးနွယ်ဝင်အနေဖြင့်ခရစ်တော်ရဲ့နောက်လိုက်အနေဖြင့်ကိုယ်တော် ရဲ့ မဟာစေခိုင်းချက်ကို ပြည့်စုံဘို့ရန်ကျွန်ုပ်တို့ စိတ်ခန္ဓာကို...

၉၃၆ ခပ်သိမ်းသောအရာတို့ တည်ရှိသည့် နိယာမများကို ဘုရားသခင် အုပ်စိုး၏

၁ လူသားတို့က ဘုရားသခင် တည်ရှိသည်ကို ဝန်မခံသကဲ့သို့၊ ဖန်ဆင်းရှင်က အရာအားလုံးကို ပြုလုပ်ပြီး အုပ်စိုးသည်ဆိုသည့်အချက်ကို လက်မခံသော်လည်း၊...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည်ဘုရားသခင်၏ အသံတော်ကို ကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်