အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၃၉။ ဘုရားသခင်၏ နှုတ်ကပတ်တော်ကို မှန်တစ်ချပ်သဖွယ် ကျင့်သုံးခြင်း

ဝူကျာ၊ လင်းရီမြို့၊ ရှန်းဒုံ ပြည်နယ်

နောက်ဆုံးသောကာလ ဘုရားသခင်၏ အမှုတော်ကို လက်ခံပြီး၊ ဘုရားသခင်၏ နှုတ်ကပတ်တော်ကို သောက်သုံးပြီးနောက်တွင် မိမိကိုယ်ကို နားလည်ခြင်းက အလွန်အရေးပါကြောင်း ရှင်းရှင်းလင်းလင်း သိလာရပါသည်။ အကျိုးဆက်အနေဖြင့် ဘုရားသခင်၏ နှုတ်ကပတ်တော်ကို သောက်သုံးစဉ်တွင် လူသားတို့ကို ဖော်ထုတ်ရာတွင် ဘုရားသခင် အသုံးပြုတော်မှုခဲ့သော နှုတ်ကပတ်တော်ဖြင့် ကိုယ့်ကိုယ်ကို ပြန်လည် သေချာစစ်ဆေးပါသည်။ ကိစ္စတော်တော်များများတွင် ကျွန်မ၏ လိုအပ်ချက်များ၊ မပြည့်စုံမှုများကို ကျွန်မ သိရှိလာနိုင်ခဲ့ပါသည်။ ကျွန်မကိုကျွန်မ အမှန်တကယ် နားလည်လာလိမ့်မည်ဟု ခံစားမိခဲ့ပါသည်။ သို့သော် ဘုရားသခင်၏ နှုတ်ကပတ်တော်အရ ကျန်မကို ကျွန်မ စစ်မှန်စွာ နားမလည်နိုင်သေးကြောင်းကို သိရှိလာသည်မှာ ဘုရားသခင်၏ ထုတ်ဖော်မှုမှတစ်ဆင့်သာဖြစ်ပါသည်။

တစ်နေ့တွင် ငွေအချို့ထုတ်ရန်အတွက် ခရိုင်ခေါင်းဆောင်နှင့်အတူ နေရာတစ်ခုသို့ ကျွန်မ သွားခဲ့ပါသည်။ ငွေပမာအတည်ပြုပြီး ပြေစာရေးပြီးချိန်တွင် ဘာသာရေးယုံကြည်မှုနှင့် တ်သက်ပြီး စီစီပီအစိုးရ၏ ရက်စက်သည့် ဖိနှိပ်မှုမှာ ယခုတွင် ပိုပိုပြီး ပြင်းထန်လာသလို အသင်းတော်၏ ပိုင်ဆိုင်မှုများအား သိမ်းပိုက်ဖို့ရန် တတ်နိုင်သမျှကြိုးစားနေသည်ကို ကျွန်မ စဉ်းစားမိခဲ့သည်။ ထို့ကြောင့် စိတ်ချရစေဖို့အတွက်၊ ယခင်က ငွေပြေစာများအားလုံးကို ဖျောက်ဖျက်လိုက်ဖို့ ကျွန်မ အကြံပေးခဲ့သည်။ ထိုအချိန်တွင် ခရိုင်ခေါင်းဆောင်က “နင် နောက်ဆုံးရတဲ့ပြေစာကို ဖျောက်ဖျက်ပစ်လိုက်ရင် အထောက်အထားရှိမှာမဟုတ်တော့ဘူး။ ငွေတွေ နင့်ဘာသာနင် ယူထားရင် ဘယ်လိုလုပ်မလဲ” ဟု ပြောလာပါသည်။ ထိုစကားကြားပြီးနောက် ကျွန်မ ဘယ်လို ခံစားရသလဲဆိုသည်ပင် မသိတော့ပေ။ ကျွန်မသိက္ခာကို အကြီးအကျယ် စော်ကားလိုက်သည် ဟု ခံစားရသည်။ မြိုသိပ်ရန် အလွန်ခက်ပါသည်။ ရှင်က ကျွန်မကို ဘယ်လို လူစားများထင်နေလဲ၊ ကျွန်မက ဘုရားသခင်နောက် နှစ်ပေါင်းများစွာ လိုက်လာတာ၊ ကျွန်မက လူကောင်းပါ၊ ဒီလိုလုပ်ရပ်မျိုး ဘယ်လုပ်ပါ့မလဲ၊ ဒါ့အပြင် ဒီအလုပ်ကို နှစ်ပေါင်းများစွာ တာဝန်ယူလာတာ၊ ငွေကြေးနဲ့ ပတ်သက်ပြီး အမှားအယွင်းမရှိဖူးဘူး၊ ဒီတော့ အသင်းတော်က ငွေကို ဘာကြောင့် ခိုးမလဲ၊ ကျွန်မက ဘယ်လို ပုံစံမျိုးနဲ့ ယုဒနဲ့ သွားတူနေတာလဲ စသဖြင့် စိတ်ထဲက တွေးနေမိသည်။ ထိုအကြောင်း ကျွန်မတွေးလေ ဒေါသထွက်လာလေဖြစ်သည်။ များများတွေးလေ သူမက ကျွန်မကို အထင်သေးပြီး ဆရာကြီးလုပ်နေသည်ဟု ခံစားရလေဖြစ်သည်။ ကျွန်မ အလွန်နာကျင်ပြီး မျက်ရည်ကျလုမတတ်ဖြစ်ခဲ့ရသည်။

နာကျင်ခံစားနေရသော ကျွန်မသည် ဘုရားသခင်၏ နှုတ်ကပတ်တော် “ငါတို့၏ ပတ်လည်မှ ပတ်ဝန်းကျင်သာမက လူများ၊ အကြောင်းကိစ္စများ နှင့် အရာဝတ္ထုများ အားလုံးမှာ သူ၏ ပလ္လင်ထက်မှ အခွင့်ပေးထားခြင်း ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၆” အစအဦး၌ ခရစ်တော်၏မိန့်မြွက်ချက်များ မှ) ဆိုသည့် စကားကို ရုတ်တရက် သတိရမိသည်။ ဒီအစ်မက ဒီလိုစကားမျိုး ပြောမယ့်အခြေအနေကို ဘုရားသခင်က ဘာကြောင့် ဖန်ဆင်းခဲ့ရပါလိမ့်၊ ဘုရားသခင်က ငါ့ကို ဘာသွန်သင်နေတာလဲ ဟု တွေးမိသည်။ ဤအရာကို တွေးရင်း ကျွန်မ စိတ်နှလုံး အေးချမ်းစပြုလာသည်။ ထိုအစ်မပြောသည့် စကားအပေါ် ကျွန်မ၏ နာကျင်ရသော တုန့်ပြန်မှုကို ကျွန်မစိတ်က စတင်မေးခွန်းထုတ်လာသည်။ "ငွေတွေကို နင့်ဘာသာနင် ယူထားရင် ဘယ်လိုလုပ်မလဲ"လို့ သူပြောတာ မှားနေလို့လား၊ လူဆိုတာ ဘယ်အချိန်၊ ဘယ်နေရာမှာမဆို ဖြောင့်မတ်မှုကို သစ္စာဖောက်ပြီး ဘုရားသခင်နဲ့ ကင်းကွာသွားတတ်တယ်လို့ ဘုရားသခင်က ပြောထားတယ်၊ ဘယ်သူမှ ယုံကြည်ရတာမဟုတ်ဘူး၊ ငါက ခြွင်းချက်မို့လား၊ ဒါ့အပြင် ငါ့စိတ်သဘောထားကရော ဘယ်လောက် ပြောင်းလဲသွားပြီလဲ၊ ငါ သမ္မာတရားဘယ်လောက် ရပြီးပြီလဲ၊ ငါ သမ္မာတရား ကို မရသေးဘူး၊ စိတ်သဘောထားမပြောင်းသေးဘူးဆိုရင် ငါ့အပေါ် အခြားလူတွေ အဲဒီလိုမျိုး ဘာကြောင့်မြင်ခွင့် မပြုနိုင်ရမှာလဲ၊ ငါ့ကိုယ်ငါ မြင့်မြတ် ဖြူစင်ပါတယ်လို့ ဘယ်လို အခြေခံမျိုးနဲ့ မြင်ရမှာလဲ၊ လှူဒါန်းထားတာတွေကို ငါဘယ်တော့မှ မခိုးဘူးလို့ ဘာကြောင့် ယုံကြည်နေရတာလဲ၊ တစ်ခါက ဘုရားသခင်က ဒီလို မိန့်ဖူးတယ်- “သင်၏ အသက်တာ မည်မျှ ရင့်ကျက်ပါစေ၊ သင်၏ အတွေ့အကြုံ မည်မျှ နက်ရှိုင်းပါစေ၊ သင်၏ ယုံကြည်ချက် မည်မျှကြီးမားပြီး မည်သည့်နေရာတွင် သင်မွေးဖွားခဲ့၍ မည်သည့် နေရာကို သင်သွားနေသည် ဖြစ်ပါစေ ဘုရားသခင်ကို သစ္စာဖောက်တတ်သော သင်၏ သဘာဝသည် အချိန်မရွေး နေရာမရွေး ထွက်ပေါ်လာနိုင်ကြောင်းကို ဘုရားသခင်သည် လူအားလုံးကို သတိပေးခြင်း ဖြစ်သည်။ အယောက်တိုင်းစီနှင့် လူအားလုံးကို ဘုရားသခင် ပြောလိုသော အရာမှာ၊ ဘုရားသခင်အား သစ္စာဖောက်ခြင်းမှာ လူသားတို့၏ သဘာဝ ဖြစ်ကြောင်းပင် ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ကျမ်းထဲရှိ နိဒါန်းအခန်းမှသည် အသင်းတော်များတွင် ခရစ်တော်လျှောက်သွားစဉ် သူ၏နှုတ်ကပတ်တော်များအခန်းအထိ) “လူသား၏သဘာဝသည် စာတန်၏ သဘာဝနှင့် ပြည့်နှက်လျက်ရှိသည်၊ ၎င်းတို့သည် လုံးလုံးလျားလျား အတ္တဆန်ကြသည်၊ တစ်ကိုယ်ကောင်းဆန်ကြသည်၊ လောဘကြီးပြီး အသုံးအဖြုန်းကြီးကြသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူတို့သည် ဘုရားသခင်ကို အလွန်မြောက်မြားစွာ တောင်းဆိုကြသည်”) ဒီစကားတော်ဟာ တခြားလူတွေနဲ့ သာသက်ဆိုင်ပြီး ငါနဲ့ မသက်ဆိုင်ဘူးလား၊ လူတိုင်းဟာ လူ့သဘာ၀အရ လောဘကြီးကြပြီး ငါ့ကျမှ ခြွင်းချက်လား၊ အစ်မပြောတဲ့စကားက အချက်အလက်တွေနဲ့ လွဲနေလို့လား ဟု မေးခွန်းထုတ်မိသည်။ ဘုရားသခင်၏ နှုတ်ကပတ်တော်ကို သောက်သုံးသောအခါ ဘုရားသခင်၏ ထုတ်ဖော်ပြသမှု အလင်းရောင်တွင် ကျွန်မကိုကျွန်မ သတိရှိရှိ စစ်ဆေးနိုင်ဟန်ရှိသည်။ သို့သော် ဤအစ်မက လူသား၏ သဘာ၀အကြောင်း ဘုရားသခင်၏ ထုတ်ဖော်ပြသမ ကို အခြေခံပြီး အမှန်တရားကို ခံစားချက်မပါဘဲ ပြောလာသောအခါ ကျွန်မ အလွန်ဒေါသထွက်ခဲ့မိသည်။ ဤ အခြေအနေက ကျွန်မသည် ဘုရားသခင်၏ နှုတ်ကပတ်တော်အတိုင်း ကိုယ့်ကိုယ်ကို မသိသေးသည်ကို ဖော်ထုတ်ပေးလိုက်သည် မဟုတ်ပါလား။ ကျွန်မအတွင်းက စာတန်၏ သဘောသဘာဝကို ကောင်းစွန်နားလည်မှုမရှိကြောင်း ဖော်ပြလိုက်သည်မဟုတ်ပါလား။ ယခုမတိုင်ခင်အထိ ဘုရားသခင်၏ နှုတ်ကပတ်တော်ကို သောက်သုံးပြီး ကျွန်မကိုယ်ကျွန်မ သိသည်ဆိုသည်မှာ သီအိုရီအရ သိခြင်း၊ အပေါ်ယံ နားလည်ခြင်းထက် မပိုကြောင်း သဘောမပေါက်ခဲ့ချေ။ ဘုရားသခင့်နှုတ်ကပတ်တော်၏ ဖော်ထုတ်မှုမှတစ်ဆင့် ကျွန်မ၏ သဘာ၀အမှန်ကို သိရှိရန် အထူး အလေးမပေးမိခဲ့ပေ။ ထို့ကြောင့် ဤအခြေအနေပေါ်ပေါက်ခဲ့ခြင်းဖြစ်သည်။ ကျွန်မ စကားပြော ဆက်ဆံသည့်အခါ ကျွန်မကိုယ်ကျွန်မ နားလည်သကဲ့သို့ ပြောတတ်သည်၊ လူသားတို့ကို ထုတ်ဖော်ရန် ဘုရားသခင် သုံးစွဲခဲ့သည့် နှုတ်ကပတ်တော်ကို လက်ခံ ခေါင်းညိတ်သည်၊ သို့သော် အမှန်တရားများနှင့် ရင်ဆိုင်ရသောအခါ၊ ဘုရားသခင် ထုတ်ဖော်လိုက်သည့် လူမျိုးဖြစ်ခြင်းကို ဝန်မခံမီ ကျွန်မ သေသွားလိမ့်မည်။ အတိတ်ကို ပြန်တွေးမိသည်။ ကျွန်မကိုယ် ကျွန်မ လူသားအသိနည်းကြောင်း အကြိမ်ကြိမ် ဝန်ခံပြောဆိုသော်လည်း တစ်ယောက်ယောက်က ကျွန်မသည် လူသားအသိနည်းကြောင်း ပြောလာလျှင် ချက်ချင်းငြင်းဆိုကာ ကျွန်မကိုကျွန်မ သေသည်အထိ ကာကွယ်မည်ဖြစ်သည်။ ကျွန်မ၏ တာဝန်များကို စိတ်မပါလက်မပါ ဆောင်ရွက်သည်ဟု ကျွန်မ နှုတ်ဖျားက အကြိမ်ကြိမ်ပြောသော်လည်း အခြားလူများက ပြောလာလျှင်တော့ အပြစ်လွတ်စေရန်အတွက် ကျွန်မကိုယ်ကျွန်မ ကာကွယ်ရန်၊ ရှင်းချက်ထုတ်ရန် ဖြစ်နိုင်သမျှ နည်းလမ်းမျိုးစုံ စဉ်းစားမည်ဖြစ်သည်။ အခြားလူများရှေ့တွင် ကျွန်မသည် ဘာမျှမဟုတ်သူတစ်ဦးဖြစ်ကြောင်း အကြိမ်ကြိမ်ပြောသော်လည်း တစ်ယောက်ယောက်က ကျွန်မသည် မှန်ရာကို မလုပ်ကြောင်း ပြောလာသည့်အခါ မကြေမလည်ဖြစ်မိကာ စိတ်မရွှင်နိုင်ပဲ အဆိုး မြင်နေခဲ့သည်။ ကျွန်မသည့် အလုပ်လုပ်ရန်အတွက် အရည်အချင်း ညံ့ဖျင်းပြီး၊ စွမ်းရည်နည်းကြောင်း အကြိမ်ကြိမ် ပြောဆိုတတ်သော်လည်း ကျွန်မက အရည်အချင်းမရှိ၊ ခေါင်းဆောင်မဖြစ်နိုင်ဟု အခြားသူများကပြောလာသည်ကို ကြားသောအခါ လက်မြှောက်အရှုံးပေးကာ အလုပ်မလုပ်ဘဲနေတတ်သည်။ ကျွန်မမှာ အမှန်ပင် သူတော်ကောင်းယောင်ဆောင်သောသူ ဖြစ်ပေသည်။ ကျွန်မကိုယ်ကျွန်မ ဖောက်ပြန်ပျက်စီးနေသည်ဟုပြောလျှင် ဘာမှမဖြစ်သော်လည်း အခြားလူများက ပြောလာလျှင် လက်မခံနိုင်ဘဲ ငြင်းဆန်မိသည်။ ကျွန်မကိုယ်ကျွန်မ နားလည်သည်ဟု ဆိုခြင်းမှာ ပါးစပ်ကသာ နားလည်ခြင်းဖြစ်ကြောင်း ဤအရာက လုံလုံလောက်လောက် ပြသနေသည်။ အခြားလူများကို လိမ်လည်လှည့်ဖြားပြီး ဘဝင်မြင့်နေသည်။ ဘုရားသခင့်နှုတ်ကပတ်တော်များ၏ ထုတ်ဖော်ပြခြင်းမှတစ်ဆင့် မိမိ၏ သဘာ၀အမှန်ကို ခွဲခြမ်းစိတ်ဖြာ နားလည်နိုင်စွမ်းမရှိခဲ့သောကြောင့် ကျွန်မကိုယ်ကျွန်မ အမှန်တကယ် သိနားလည်ခြင်းထဲ မဝင်ရောက်နိုင်သေးပဲ ကျွန်မ၏ စိတ်သဘောထားလည်း မပြောင်းလဲခဲ့ပေ။

ထိုစဉ်က ကျွန်မ၏ အတ္တဆန်သည့် သဘောထားကို သုံးသပ်မိပြီး ရှက်စရာကောင်းကြောင်း သိသွားသည်။ ဘုရားသခင်၏ ထုတ်ဖော်ပြမှုများက ကျွန်မကို အမှန်တကယ် ယုံကြည်လက်ခံစေပြီး မိမိကိုယ်ကိုယ် အမှန်တကယ်နားမလည်သေးကြောင်း ရှင်းလင်းစွာ သိရှိလာစေသည်။ ယခုအချိန်မှစကာ လူသား၏ သဘာ၀ကို ဖော်ထုတ်ရန် ဘုရားသခင်သုံးသော နှုတ်ကပတ်တော်မှ တစ်ဆင့် ကျွန်မ၏ ဖောက်ပြန်ပျက်ဆီးသော အနှစ်သာရကို သိရှိလိုနေပါသည်။ ကျွန်မ၏ စိတ်သဘောထားကို ပြောင်းလဲနိုင်ရန်အတွက် အမှန်တရားများကို သတ္တိရှိစွာ ရင်ဆိုင်ကာ ကျွန်မကိုယ်ကျွန်မ စစ်မှန်စွာ နားလည်လိုပါသည်။

ယခင်က:ကောင်းမွန်သည့်ရည်ရွယ်ချက်များနှင့် ကျွန်တော် စုံလုံးကန်း မဖြစ်လိုတော့ပါ

နောက်တစ်ခုသို့:သန့်ရှင်းသောဝိညာဉ်တော်၏ အမှုတော်ကို နာခံရန် အလွန်အရေးကြီးပါသည်

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ