ဘုရားသခင်၏ နေ့စဉ် နှုတ်ကပတ်တော်များ | “သင်တို့၏ လုပ်ဆောင်ချက်များကို သင်တို့ သုံးသပ်ဆင်ခြင်သင့်သည်” | ကောက်နုတ်ချက် ၃၅၄

အစတွင် ငါသည်သင်တို့ကို သမ္မာတရားများဖြင့် ပို၍ထောက်မရန် ဆန္ဒရှိခဲ့သည်။ သို့ရာတွင် သမ္မာတရားအပေါ် ထားသော သင်တို့၏ သဘောထားသည် ပို၍ပင် အေးစက်ကာ ထူးခြားမှုမရှိသဖြင့် ငါလက်လျှော့လိုက်ရသည်။ ငါ၏ကြိုးစားမှုများကို အလဟဿဖြစ်စေရန် ဆန္ဒမရှိပါ။ လူတို့သည် ငါ၏ နှုတ်ကပတ်များကို နေရာတိုင်း၌ ကိုင်စွဲပြီး ငါ့အားဆန့်ကျင်၊ အပုပ်ချ၍၊ ဆဲဆိုနေသည်ကိုလည်း တွေ့လိုသော ဆန္ဒမရှိပါ။ သင်တို့၏ သဘောထားများနှင့် လူ့သဘောသဘာဝအရ သင်တို့ကို စမ်းသပ်သည့်အနေဖြင့် သင်တို့အတွက် အလွန်အရေးကြီးသည့် နှုတ်ကပတ်တော်၏ အစိတ်အပိုင်း အနည်းငယ်ကိုသာ သင်တို့အား ပေးအပ်ထားပါသည်။ ယခုချိန်ထိ ငါပြုလုပ်ခဲ့သော ဆုံးဖြတ်ချက်များနှင့် အစီအစဉ်များသည် သင်တို့လိုအပ်သောအရာနှင့် ကိုက်ညီမှု ရှိသည်ကို ငါမှန်ကန်စွာ အတည်ပြုသည်။ ဆက်လက်၍ လူသားအတွက် ငါ၏သဘောထားသည် မှန်ကန်သည် ဆိုကြောင်းကိုလည်း ငါအတည်ပြုသည်။ သင်တို့၏ ငါ့ရှေ့တွင် လုပ်ဆောင်ခဲ့သော နှစ်ပေါင်းများစွာ ကြာမြင့်သည့် လုပ်ဆောင်ချက်များသည် ယခင်က ငါတစ်ကြိမ်တစ်ခါမျှ မရဖူးသောအဖြေကို ပေးခဲ့ပါသည်။ ဤအဖြေ၏ မေးခွန်းမှာ- “သမ္မာတရားနှင့် စစ်မှန်သော ဘုရားသခင်ရှေ့တွင် လူသားတို့၏ သဘောထားသည် မည်သို့ဖြစ်သနည်း” ပင်ဖြစ်သည်။ လူသားတို့အတွက် ငါပြုလုပ်ခဲ့သော ကြိုးပမ်းချက်သည် လူသားတို့အပေါ် ငါ့ချစ်ခြင်း၏ အနှစ်သာရကို သက်သေပြနေပြီး၊ ငါ့မျက်မှောက်တွင် လူသားတို့ ပြုလုပ်သော လုပ်ရပ်များနှင့် လုပ်ဆောင်ချက်များမှာမူ လူသားတို့၏ သမ္မာတရားကို စက်ဆုပ်ရွံရှာမှုနှင့် ငါ့အား ဆန့်ကျင်မှုတို့ကို ပြသနေသည်။ ငါသည် ငါ့နောက်သို့ လိုက်သောသူအားလုံးအတွက် အချိန်တိုင်းတွင် စိတ်ပူပန်နေပါသည်။ သို့ရာတွင် ငါ့နောက်သို့ လိုက်သူများသည် ငါ၏နှုတ်ကပတ်တော်ကို မည်သည့်အခါမျှ လက်ခံနိုင်ခြင်း မရှိကြပေ၊ ငါ့ထံမှလာသော အကြံပေးချက် တစ်စုံတစ်ရာကိုပင် လက်ခံရန် လုံးဝ မတတ်နိုင်ကြပေ။ ဤအချက်သည် ငါ့ကို ဝမ်းအနည်းစေဆုံး အချက်ဖြစ်သည်။ ငါ၏သဘောထားသည် စိတ်ရင်းမှန်ပြီး ငါ့နှုတ်ကပတ်တော်များသည် နူးညံ့သော်လည်း မည်သူမျှ ငါ့ကို နားမလည်နိုင်ပေ၊ ထိုမျှမက ငါ့အား မည်သူမျှ လက်မခံနိုင်ကြပေ။ ငါတာဝန်ပေးစေခိုင်းထားသော လုပ်ငန်းများကို သူတို့၏ မူလရည်ရွယ်ချက်များအတိုင်း အားလုံးတို့သည် လုပ်ဆောင်လျက်ရှိသည်၊ ငါ၏ တောင်းဆိုမှုများအား မေးရန်ကို မဆိုထားနှင့်၊ ငါ၏ ရည်ရွယ်ချက်ကိုပင် သူတို့သည် မရှာဖွေကြ။ သူတို့သည် ငါ့အား သစ္စာရှိစွာ အစေခံသည်ဟု ဆိုဆဲဖြစ်သော်လည်း တစ်ဖက်တွင် ငါ့ကိုပုန်ကန် နေကြသည်။ လူအများတို့သည် သူတို့ လက်သင့်မခံနိုင်သည့် သမ္မာတရားများနှင့် သူတို့ မကျင့်ဆောင်နိုင်သည့် အရာများသည် သမ္မာတရားများမဟုတ်ဟု ယုံကြည်ကြသည်။ ထိုသို့သော လူသားများအတွက် ငါ၏သမ္မာတရားသည် ငြင်းဆန်ဖွယ်ရာ ဖြစ်လာပြီး ဘေးသို့ချထားစရာဖြစ်လာသည်။ တစ်ချိန်တည်းတွင်ပင် ငါသည် လူသားတို့က စကားအားဖြင့်သာ ဘုရားဟု အသိအမှတ်ပြုထားသောသူ ဖြစ်လာသော်လည်း လမ်းခရီး၊ သမ္မာတရား သို့မဟုတ် အသက်တို့ မဟုတ်သည့် အပြင်လူတစ်ဦးအဖြစ် သတ်မှတ်ခြင်း ခံရပါသည်။ မည်သူမျှ ဤသမ္မာတရားကို မသိပါ။ ငါ၏နှုတ်ကပတ်တော်များသည် အစဉ်မပြောင်းလဲသော သမ္မာတရားဖြစ်သည်။ ငါသည် လူသားအတွက် အသက်ကို ထောက်မပေးသူဖြစ်ပြီး၊ လူသားတို့အတွက် တစ်ခုတည်းသော လမ်းညွှန်မှု ဖြစ်သည်။ ငါ့နှုတ်ကပတ်တော်များ၏ တန်ဖိုးနှင့် အဓိပ္ပာယ်တို့သည် လူသားတို့ အသိအမှတ်ပြု လက်ခံမှုရှိ၊ မရှိဖြင့် သတ်မှတ်ထားခြင်းမဟုတ်ပဲ ထိုနှုတ်ကပတ်တော်တို့၏ အနက်၊ အခြေအမြစ်အားဖြင့် သတ်မှတ်ထားခြင်းဖြစ်သည်။ ဤကမ္ဘာပေါ်မှ လူတစ်ဦးကမျှ ငါ့နှုတ်ကပတ်တော်များကို လက်မခံလျှင်လည်း၊ ငါ့နှုတ်ကပတ်တော်များ၏ တန်ဖိုးနှင့် လူသားအား အကူအညီပေးခြင်းတို့ကို မည်သူမှ ခန့်မှန်းနိုင်လိမ့်မည် မဟုတ်ပေ။ သို့ဖြစ်၍ ငါ့ကိုဆန့်ကျင်သော၊ ငြင်းဆန်သော သို့မဟုတ် ငါ့နှုတ်ကပတ်များကို လုံးဝ အထင်သေးသော သူများနှင့် ရင်ဆိုင်ရသောအခါ ငါ၏ ရပ်တည်မှုသည် ဤသို့ဖြစ်သည်၊ ငါ့နှုတ်ကပတ်များသည် လမ်းခရီး၊ သမ္မာတရားနှင့် အသက်တို့ ဖြစ်ကြောင်းကို အချိန်နှင့် အမှန်တရားတို့က သက်သေအဖြစ် ပြသပါလိမ့်မည်။ ငါပြောသည့် အရာတိုင်းသည် မှန်ကန်ပြီး၊ လူသားတို့အနေဖြင့် ယင်းကိုအသုံးပြုကာ မိမိကိုယ်ကို ကောင်းမွန်အောင် လုပ်ဆောင်ရမည် ဖြစ်သည်။ ထို့အပြင် လူသားတို့ လက်ခံသင့်သည့် အရာလည်း ဖြစ်ပါသည်။ ငါ့နောက်လိုက်သော သူအားလုံးကို ဤအချက်ကိုသိရှိ စေမည်ဖြစ်သည်။ ငါ၏နှုတ်ကပတ်တော်များကို အပြည့်အဝ လက်မခံနိုင်သော သူများ၊ ငါ၏နှုတ်ကပတ်တော်များကို လက်တွေ့ကျင့်သုံးခြင်း မပြုနိုင်သူများ၊ ငါ၏နှုတ်ကပတ်တော်များထဲတွင် ရည်ရွယ်ချက်တစ်ခုကို မရှာဖွေနိုင်သူများနှင့် ငါ၏နှုတ်ကပတ်တော်များအားဖြင့် ကယ်တင်ခြင်းကို လက်ခံမရရှိနိုင် သူများသည် ငါ့နှုတ်ကပတ်တော်များ၏ စီရင်ခြင်းကို ခံရမည်ဖြစ်ပြီး၊ ငါ့ကယ်တင်ခြင်းကို လက်လွှတ်ဆုံးရှုံးကာ ငါ၏ ကြိမ်တုတ်သည် သူတို့နှင့် ဘယ်တော့မှ သွေဖည်သွားမည် မဟုတ်တော့ပေ။

(နှုတ်ကပတ်တော်သည် လူ့ဇာတိ၌ ပေါ်လာ၏ မှ)

ဘုရား၏စကားသည် ထာဝရအမှန်တရား

ဘုရား၏စကားသည် ထာဝရအမှန်တရား အသက်ပေးသွင်းသူ လူသားတို့ရဲ့လမ်းပြရှင် သူ့စကား၏ တန်ဖိုးအနက်အဓိပ္ပာယ်များ အနှစ်သာရနဲ့ ဆုံးဖြတ် လူသားများ အသိအမှတ်ပြုသည်မပြုသည်ဖြစ်စေ လောကသားများ သူ၏စကား လက်မခံသော်လည်း တန်ဖိုးနဲ့ လူသားများဖေးကူးမှု တိုင်းတာမရ ဘုရား၏စကားသည် ထာဝရအမှန်တရား အသက်ပေးသွင်းသူ လူသားတို့ရဲ့လမ်းပြရှင်

သူ့စကား ပုန်ကန် ငြင်းဆို မရိုသေသူတို့အား သူတို့ကို ဘုရားဤသို့တုံ့ပြန် အချိန်နဲ့ အမှန်တရားတို့သူ့သက်သေဖြစ်စေပြီ သူ့စကားသည် အမှန်တရား လမ်းခရီးနဲ့အသက်ကိုပြစေ သူပြောခဲ့သမျှ ဟုတ်မှန်ကြောင်းဖြစ်စေ လူတွေရင်ဝယ်ပိုက်ထား လိုက်နာသင့်ကြောင်းပြစေ ဘုရား၏စကားသည် ထာဝရအမှန်တရား အသက်ပေးသွင်းသူ လူသားတို့ရဲ့လမ်းပြရှင်

သူ့နောက်လိုက်သူတွေအားလုံး ဤအချက်ကို ဘုရားသိစေမည် သူ့စကားကို လက်မခံ မလိုက်လျှောက်သောသူများနှင့် ရည်ရွယ်ချက်မရှိ၍ သူ့စကားများတွင် ကယ်တင်ခြင်းရှာမတွေ့သူများ လူတွေအားလုံး ဘုရားစီရင်ထားသူများဖြစ် သူတို့ ကယ်တင်ခြင်းဆုံးရှုံး သူ့ဒဏ်ခတ်မှုနဲ့လုံးလုံးလွဲချော်မည်မဟုတ် ဘုရား၏စကားသည် ထာဝရအမှန်တရား အသက်ပေးသွင်းသူ လူသားတို့ရဲ့လမ်းပြရှင် ဘုရား၏စကားသည် ထာဝရအမှန်တရား

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

သင်သည် သခင် ပြန်ကြွလာခြင်းကို ကြိုဆိုသည့်နည်းလမ်း၊ ဘုရားသခင်နှင့် သာ၍ နီးစပ်သော ပေါင်းသင်းဆက်ဆံရေးတစ်ခုကို တည်ထောင်သည့်နည်းလမ်း၊ ဘုရားသခင်ထံ ဆုတောင်းသည့်နည်းလမ်း စသည်တို့ကို သင်ယူလေ့လာ လိုပါသလား။ ကျွန်ုပ်တို့ကို ဆက်သွယ်လိုက်ဖို့ အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်ကို သင်မည်သို့ နားလည်သနည်း” | ကောက်နုတ်ချက် ၃၂၃

ဘုရားသခင်အပေါ် လူတို့ ယုံကြည်ခဲ့သည်မှာ ကြာပြီဖြစ်သော်လည်း လူအများစုမှာ “ဘုရားသခင်” ဟူသည့် စကားလုံးကို လုံးဝနားလည်ခြင်း မရှိပါ။ ၄င်းတို့သည်...

ဘုရားသခင်၏ နေ့စဉ် နှုတ်ကပတ်တော်များ | “ဖောက်ပြန်ပျက်စီးနေသော လူသားမျိုးနွယ်သည် လူ့ဇာတိခံ ဘုရားသခင်၏ ကယ်တင်ခြင်းကို ပို၍လိုအပ်သည်” | ကောက်နုတ်ချက် ၁၂၇

လူသား၏ ဇာတိခန္ဓာကို စာတန်မှ ဖျက်ဆီးခဲ့ပြီး၊ အဆုံးစွန်မျက်ကွယ်စေခဲ့ကာ ကြီးစွာအန္တရာယ် ဖြစ်စေခဲ့သည်။ ဘုရားသခင်သည် ဇာတိခန္ဓာထဲ၌...

ဘုရားသခင်၏ နေ့စဉ် နှုတ်ကပတ်တော်များ -“အရာအားလုံးကို ဘုရားသခင်၏ နှုတ်ကပတ်တော်ဖြင့် စွမ်းဆောင်ရရှိသည်” -ကောက်နုတ်ချက် ၄၀၅

“နိမိတ်လက္ခဏာများနှင့် အံ့သြဖွယ်ရာများကို မြင်တွေ့ရဖို့ ကြိုးစားသူများအားလုံးသည် စွန့်ပစ်ခြင်းကို ခံရလိမ့်မည်၊ သူတို့သည် စုံလင်အောင်...

ဘုရားသခင်၏ နေ့စဉ် နှုတ်ကပတ်တော်များ | “ဘုရားသခင်သည် လူ့အသက်၏ အရင်းအမြစ်ဖြစ်သည်” | ကောက်နုတ်ချက် ၂၆၀

ကမ္ဘာမြေကြီးပေါ်သို့ ရောက်ရှိလာသူ အားလုံးသည် အသက်ရှင်ခြင်းနှင့် သေခြင်းကို ကြုံတွေ့ရမည် ဖြစ်ပြီး၊ လူများစွာတို့သည် သေဆုံးခြင်းနှင့်...