၄၃၄ ဘုရားသခင်၏ ချစ်ဖွယ်ကောင်းခြင်းကို ခံစားရန် ကိုယ်တော့်ထံ သင့်နှလုံးသားကို လှည့်လော့
၁ သမ္မာတရားကို ဘုရားသခင်၏ ကျေနပ်မှုရသည်အထိ သင်လက်တွေ့ကျင့်သုံးနိုင်ပါက၊ သင့်နှလုံးသားသည် ဘုရားသခင်ထံ လှည့်လိမ့်မည်။ ဘုရားသခင်ကို ပို၍ ဆုတောင်းကာ ဘုရားသခင်နှင့် ရင်းနှီးလေလေ၊ သူ အဘယ်သို့ ချစ်ဖွယ်ကောင်းကြောင်းကို သင် ပို၍ ရှာဖွေတွေ့ရှိလေလေ ဖြစ်လိမ့်မည်။ အတွင်းစိတ်၌ ဘုရားသခင်ကို ကျေနပ်စေရန် သင်အမှန်တကယ် လိုလိုလားလားရှိပါက၊ သူသည် သင့်အပေါ် သူ့ဝန်ထုပ်ကို ထားရှိလိမ့်မည်ဖြစ်ပြီး၊ ထိုအခါ ကိုယ်တော်၏ ထူးကဲသော ချစ်ဖွယ်ကောင်းခြင်းနှင့်ဆိုင်သည့် ပို၍ပင် ကြီးမားသော ခံစားမှုကို သင်ရရှိလိမ့်မည်ဖြစ်သည်။ ဤအရာက သင့်ကို ဘုရားသခင်အား သင့်စိတ်နှလုံးအကြွင်းမဲ့ ချစ်စေနိုင်လိမ့်မည်ဖြစ်ပြီး၊ ကိုယ်တော်သည် အလွန်ချစ်ဖွယ်ကောင်းကြောင်း အတွင်းစိတ်၌ နက်ရှိုင်းစွာ သင်ခံစားရလိမ့်မည်။ ဘုရားသခင်ကို သင် စိတ်ရင်းအတိုင်း ချစ်နိုင်သည်နှင့်တစ်ပြိုင်နက် သူ၏ ချစ်ဖွယ်ကောင်းခြင်းကို လည်းကောင်း၊ သူ၏ လူ့အချစ်နှင့် ထိုက်တန်ခြင်းကို လည်းကောင်း သင် ပို၍ပို၍ ခံစားရလိမ့်မည်ဖြစ်ပြီး၊ သူ့ကို လိုလိုလားလား ကျိုးနွံနာခံနိုင်ပြီး ဝတ်ပြုကိုးကွယ်နိုင်လိမ့်မည် ဖြစ်သည်။
၂ ထိုအခိုက်အတန့်တွင် သင်သည် ဘုရားသခင်အား လေးစားသဘောကျခြင်းကို နက်ရှိုင်းသော သင့်နှလုံးသားအတွင်းထဲမှ ပေါ်ပေါက်စေနိုင်လိမ့်မည်၊ သင်သည် သူ့အားချီးကျူးလိုပြီး သူ့အပေါ် ပုံအော၍ ကျေးဇူးတော် ချီးမွမ်းလိုလာလိမ့်မည်။ သူ့အား သင်၏ အတွင်းကျဆုံးစိတ်ထဲမှ ချီးကျူးထောပနာပြုသောအခါ၊ သင့်ကို မည်သူမျှ တားဆီးနိုင်လိမ့်မည်မဟုတ်။ ဘုရားသခင် ချစ်ဖွယ်အတိပြီးကြောင်း သင်ခံစားရသောအခါ၊ သူ့အပေါ် သင်၏ ကျေးဇူးတင်စိတ်နှင့် လေးစားသဘောကျခြင်းတို့ ပို၍ပို၍ ကြီးထွားလာလိမ့်မည်၊ ထို့ပြင် သူ့အပေါ် အယူအဆများနှင့် မမှန်ကန်သောအတွေးများ ပို၍ပို၍ လျော့နည်းလာလိမ့်မည်၊ ထိုအခါ စာတန်သည် သင့်အပေါ် လုပ်ဆောင်ရန် အခွင့်အရေးများ ရရှိနေခြင်းက ရပ်တန့်သွားလိမ့်မည်။ ဤအဆင့်ကို သင်ရောက်ရှိသည်နှင့် တစ်ပြိုင်နက်၊ သင်သည် သေခြင်းနှင့်ဆိုင်သော စာတန်၏သြဇာလွှမ်းမိုးမှုမှ လုံးလုံးလျားလျား ထွက်ပြေးလွတ်မြောက်ပြီး ဖြစ်လိမ့်မည်၊ ထို့ပြင် သင့်နှလုံးသားမှာ အလျှင်း လွတ်မြောက်ပြီး လွတ်လပ်သွားလိမ့်မည်ဖြစ်သည်။
“ဘုရားသခင်၏ မိတ်သဟာယဖွဲ့ခြင်း” ကို ကောက်နုတ်၍ ဆီလျော်စွာ ပြုပြင်ထားသည်
