ဘုရားသခင်၏ နေ့စဉ် နှုတ်ကပတ်တော်များ- အသက်အတွင်း ဝင်ရောက်မှု | ကောက်နုတ်ချက် ၄၃၄

လူတို့သည် ဘုရားသခင်ကို သိရှိရန်ဆိုပါက၊ ၎င်းတို့အနေဖြင့် ဘုရားသခင်သည် လက်တွေ့ကျသော ဘုရားသခင်ဖြစ်သည်ကို ပထမဦးစွာ သိရမည်ဖြစ်ပြီး၊ ဘုရားသခင်၏ နှုတ်ကပတ်တော်များ၊ ဘုရားသခင်၏ လက်တွေ့ကျသော လူ့ဇာတိ၌ ပေါ်ထွန်းခြင်းနှင့် ဘုရားသခင်၏ လက်တွေ့ကျသော အမှုတို့ကို သိရှိရမည်။ ဘုရားသခင်၏ အမှုအားလုံး လက်တွေ့ကျသည်ကို သိရှိသည့်နောက်တွင်သာ၊ သင်သည် ဘုရားသခင်နှင့် အမှန်တကယ် ပူးပေါင်းဆောင်ရွက်နိုင်မည် ဖြစ်ပြီး၊ ဤလမ်းကြောင်းမှတစ်ဆင့်သာ သင်၏ အသက်တာ၌ ကြီးထွားမှုကို သင်ရရှိနိုင်ပေသည်။ လက်တွေ့အရှိတရားနှင့် သက်ဆိုင်သည့် အသိပညာမရှိသော သူအားလုံးသည် ဘုရားသခင်၏ နှုတ်ကပတ်တော်ကို တွေ့ကြုံရန် နည်းလမ်း မရှိပေ၊ ၎င်းတို့၏ အယူအဆများတွင် ၎င်းတို့ ပိတ်မိကြသည်၊ ၎င်းတို့၏ စိတ်ကူးစိတ်သန်းများထဲတွင် အသက်ရှင်ကြပြီး၊ ထိုသို့ဖြင့် ၎င်းတို့သည် ဘုရားသခင်၏နှုတ်ကပတ်တော်များနှင့် သက်ဆိုင်သော အသိပညာမရှိကြချေ။ လက်တွေ့အရှိတရားနှင့် သက်ဆိုင်သည့် သင်၏ အသိပညာ ကြီးမားလေလေ၊ သင်သည် ဘုရားသခင်နှင့် နီးစပ်လေလေဖြစ်ပြီး၊ သင်သည် သူနှင့် အကျွမ်းဝင်လေလေဖြစ်သည်။ သင်သည် မရေရာမှု၊ စိတ်ကူးစိတ်သန်းနှင့် အယူဝါဒကို ရှာဖွေလေ၊ သင်သည် ဘုရားသခင်ထံမှ တိုး၍ သွေဖည်လေလေ ဖြစ်ပြီး၊ ထို့ကြောင့် ဘုရားသခင်၏ နှုတ်ကပတ်တော်များကို တွေ့ကြုံခြင်းသည် ပင်ပန်းပြီး ခက်ခဲသည်၊ ပြီးလျှင် သင်သည် ဝင်ရောက်နိုင်စွမ်း မရှိဟု ခံစားရလေလေ ဖြစ်လိမ့်မည်။ သင်သည် ဘုရားသခင်၏ နှုတ်ကပတ်တော်များနှင့်သက်ဆိုင်သည့် လက်တွေ့အရှိတရားထဲသို့လည်းကောင်း၊ သင်၏ဝိညာဉ်ရေးရာ အသက်တာနှင့် သက်ဆိုင်သည့် လမ်းကြောင်းမှန်ပေါ်သို့လည်းကောင်း ဝင်ရောက်ရန် ဆန္ဒရှိပါက၊ ပထမဦးစွာ လက်တွေ့အရှိတရားကို သိရှိရမည်ဖြစ်ပြီး မရေရာသကဲ့သို့ သဘာဝလွန်‌ဖြစ်သော အရာများမှ မိမိကိုယ်ကိုယ် သီးခြားရှိစေရမည်၊ ဆိုလိုသည်မှာ ပထမဦးစွာ သန့်ရှင်းသော ဝိညာဉ်တော်က အတွင်းမှ သင့်ကို မည်သို့ အမှန်တကယ် အသိဉာဏ်ပွင့်လင်းစေပြီး လမ်းပြသည်ကို သင် သိနားလည်ရမည် ဖြစ်သည်။ ဤနည်းဖြင့်၊ လူ့အတွင်းက သန့်ရှင်းသော ဝိညာဉ်တော်၏ စစ်မှန်သော လုပ်ဆောင်ချက်ကို သင် အမှန်တကယ် သဘောပေါက်နိုင်ပါက၊ သင်သည် ဘုရားသခင်၏ စုံလင်စေခြင်း လမ်းကြောင်းမှန်ပေါ်သို့ ဝင်ရောက်ပြီး ဖြစ်ပေလိမ့်မည်။

ယနေ့တွင်၊ အရာရာသည် လက်တွေ့အရှိတရားမှ အစပြုကြ၏။ ဘုရားသခင်၏အမှုသည် လက်တွေ့အကျဆုံးဖြစ်ပြီး၊ လူတို့ ထိတွေ့ နိုင်သည်။ ယင်းသည် လူတို့ ကြုံတွေ့ကာ စွမ်းဆောင်ရရှိနိုင်သည့်အရာ ဖြစ်သည်။ လူတို့အထဲတွင် မရေရာသကဲ့သို့ သဘာဝလွန်ဖြစ်သည့် အရာများစွာရှိပြီး၊ ယင်းက ၎င်းတို့ကို ဘုရားသခင်၏ လက်ရှိအမှုကို သိခြင်းမှ တားဆီးထားလေသည်။ ထို့ကြောင့်၊ ၎င်းတို့၏ အတွေ့အကြုံများတွင် ၎င်းတို့သည် အမြဲ သွေဖည်ကြပြီး၊ အမှုအရာများက ခက်ခဲသည်ဟု အမြဲခံစားရကာ၊ ဤအရာအားလုံးမှာ ၎င်းတို့၏ အယူအဆများက ဖြစ်စေသည့်အရာများသာ ဖြစ်သည်။ လူတို့သည် သန့်ရှင်းသောဝိညာဉ်တော်၏ လုပ်ဆောင်ချက်နှင့် သက်ဆိုင်သော အခြေခံသဘောတရားများကို သဘောမပေါက်နိုင်ကြပေ၊ ၎င်းတို့သည် လက်တွေ့အရှိတရားကို မသိကြသောကြောင့်၊ ၎င်းတို့၏ ဝင်ရောက်ခြင်း လမ်းကြောင်းတွင် အမြဲအပျက်သဘောဆောင်ကြလေသည်။ ၎င်းတို့သည် ဘုရားသခင်၏ သတ်မှတ်ချက်များကို မစွမ်းဆောင်နိုင်ကြဘဲ၊ အဝေးမှ ကြည့်ရှုကြသည်။ ဘုရားသခင်၏ နှုတ်ကပတ်တော်များက အမှန်တကယ် ကောင်းမွန်သည်ကို မြင်ရုံမျှ မြင်ကြသော်လည်း၊ ဝင်ရောက်ရန် လမ်းကြောင်းကို ရှာမတွေ့နိုင်ကြပေ။ သန့်ရှင်းသောဝိညာဉ်တော်သည် ဤအခြေခံသဘောတရားအားဖြင့် အမှုပြု၏- လူတို့၏ ပူးပေါင်းဆောင်ရွက်ခြင်းမှတစ်ဆင့်၊ ၎င်းတို့ တက်ကြွစွာ ဆုတောင်းခြင်း၊ ဘုရားသခင်ကို ရှာဖွေခြင်းနှင့် ဘုရားသခင်ထံသို့ တိုးဝင်ချဉ်းကပ်ခြင်း တို့မှတစ်ဆင့်၊ ရလဒ်များကို ရရှိနိုင်ပြီး ၎င်းတို့သည် သန့်ရှင်းသောဝိညာဉ်တော်၏ အသိဉာဏ်ပွင့်လင်းစေခြင်းခံရကာ အလင်းပေးခြင်း ခံရနိုင်ပေသည်။ ယင်းမှာ သန့်ရှင်းသော ဝိညာဉ်တော်က တစ်ဖက်သတ် လုပ်ဆောင်သည် သို့မဟုတ် လူသားက တစ်ဖက်သတ် လုပ်ဆောင်သည် မဟုတ်ပေ။ နှစ်ဦးလုံးသည် မရှိမဖြစ်ဖြစ်ပြီး၊ လူတို့က ပူးပေါင်းဆောင်ရွက်လေလေ၊ ၎င်းတို့သည် ဘုရားသခင်၏ သတ်မှတ်ချက်များနှင့်သက်ဆိုင်သည့် စံချိန်စံနှုန်းများကို ရရှိရန် အားထုတ်လေလေ၊ သန့်ရှင်းသော ဝိညာဉ်တော်၏ လုပ်ဆောင်ချက်က သာ၍ ကြီးမားလေလေ ဖြစ်သည်။ သန့်ရှင်းသော ဝိညာဉ်တော်၏ လုပ်ဆောင်ချက်အပြင်၊ လူတို့၏ စစ်မှန်သော ပူးပေါင်းဆောင်ရွက်မှုသည်သာ၊ စစ်မှန်သော အတွေ့အကြုံများနှင့် ဘုရားသခင်၏ နှုတ်ကပတ်တော်များနှင့်သက်ဆိုင်သည့် ထိရောက်သော အသိပညာကို ဖြစ်ပေါ်စေနိုင်ပေသည်။ တဖြည်းဖြည်းနှင့်၊ ဤနည်းလမ်းဖြင့် တွေ့ကြုံခြင်းမှတစ်ဆင့်၊ နောက်ဆုံးတွင် စုံလင်သည့် လူတစ်ဦး ထွက်ပေါ်၏။ ဘုရားသခင်သည် သဘာဝလွန်ကဲသည့် အရာများကို မလုပ်ဆောင်ပေ- လူတို့၏အယူအဆများတွင် ဘုရားသခင်သည် အနန္တတန်ခိုးရှင်ဖြစ်ပြီး၊ အရာအားလုံးကို ဘုရားသခင် လုပ်ဆောင်သည်— အကျိုးဆက်အနေဖြင့် လူတို့သည် မလှုပ်မယှက် စောင့်ဆိုင်းကြသည်၊ ဘုရားသခင်၏ နှုတ်ကပတ်တော်များကို မဖတ်ရှုကြချေ၊ သို့မဟုတ် ဆုတောင်းခြင်း မရှိကြချေ၊ ပြီးလျှင် သန့်ရှင်းသော ဝိညာဉ်တော်၏တို့ထိမှုကို စောင့်ရုံမျှ စောင့်ကြလေသည်။ သို့သော် မှန်ကန်သော သိနားလည်မှုရှိသူများက ဆက်လက်ဖော်ပြပါအရာကို ယုံကြည်ကြသည်- ဘုရားသခင်၏ လုပ်ဆောင်မှုများသည် ကျွန်ုပ် ပူးပေါင်းဆောင်ရွက်သလောက်အထိသာ သွားပြီး၊ ကျွန်ုပ်အထဲ၌ ဘုရားသခင်၏အမှု သက်ရောက်မှုသည် ကျွန်ုပ် မည်သို့ပူးပေါင်းဆောင်ရွက်သည် ဆိုသည့်အပေါ် တည်မှီသည်။ ဘုရားသခင်က စကားပြောဆိုသည့်အခါတွင်၊ ကျွန်ုပ်သည် ဘုရားသခင်၏ နှုတ်ကပတ်တော်ကို ရှာဖွေရန် တတ်နိုင်သမျှ လုပ်ဆောင်သင့်ပြီး ရှေ့ဆက်ကြိုးပမ်းသင့်သည်။ ဤသည်ကား ကျွန်ုပ် စွမ်းဆောင် ရရှိသင့်သည့် အရာဖြစ်သည်။

—နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ လက်တွေ့အရှိတရားကို သိရှိပုံ

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

ဘုရားသခင်၏ နေ့စဉ် နှုတ်ကပတ်တော်များ- ဘုရားသခင်ကို သိမြင်ခြင်း | ကောက်နုတ်ချက် ၅၁

ယောဘ၏ စစ်မှန်သော သဘောသဘာဝ၊ လိမ်ညာမှု ကင်းပြီး စစ်မှန် ဖြူစင်ခြင်း ယောဘ ၂:၇-၈ ကို ဖတ်ကြပါစို့- “သို့ဖြင့် စာတန်သည် ယေဟောဝါ၏ထံတော်မှောက်မှ...

ဘုရားသခင်၏ နေ့စဉ် နှုတ်ကပတ်တော်များ- ဘုရားသခင်ကို သိမြင်ခြင်း | ကောက်နုတ်ချက် ၁၅၁

လူသားကို ဖောက်ပြန်ပျက်စီးစေရန် စာတန်က လူမှုခေတ်ရေစီးကြောင်းများကို အသုံးပြုပုံ လူမှုခေတ်ရေစီးကြောင်းများက မည်သည့်အချိန်တွင် စတင်...

ဘုရားသခင်၏ နေ့စဉ် နှုတ်ကပတ်တော်များ- ဘုရားသခင်၏ ပေါ်ထွန်းခြင်း နှင့် အမှုတော် | ကောက်နုတ်ချက် ၇၁

ဘုရားသခင်၏ နှစ်ခြောက်ထောင် စီမံခန့်ခွဲမှု အစီအစဉ်က အဆုံးသို့ ရောက်လုနီးပြီ ဖြစ်သည်။ ထို့ပြင် ဘုရားသခင်၏ ပေါ်ထွန်းခြင်းကို...

ဘုရားသခင်၏ နေ့စဉ် နှုတ်ကပတ်တော်များ- ဘုရားသခင်ကို သိမြင်ခြင်း | ကောက်နုတ်ချက် ၁၆၁

ဘုရားသခင်၏ လက်ရှိ နောက်ဆုံးသောကာလ အမှုတော်ထဲတွင်၊ ဘုရားသခင်သည် ယခင်က လုပ်ဆောင်ခဲ့သည့်အတိုင်း လူသားအပေါ် ကျေးဇူးတော် နှင့်...

Messenger မှတဆင့် ကျွန်ုပ်တို့ကို ဆက်သွယ်လိုက်ပါ။