၁

အောင်ပွဲခံသော ရှင်ဘုရင်သည် ဘုန်းအသရေနှင့်ပြည့်သော သူ၏ပလ္လင်ပေါ်၌ ထိုင်လေ၏။ သူသည် ရွေးနုတ်ခြင်း ပြီးမြောက်ပြီးဖြစ်ကာ ဘုန်းအသရေဖြင့် ပေါ်ထွန်းဖို့ သူ၏လူအပေါင်းကို ဦးဆောင်ပြီးလေပြီ။ သူသည် အရာခပ်သိမ်းကို သူ၏လက်ထဲ၌ ထိန်းချုပ်ထားကာ သူ၏ဘုရားသဘောသဘာဝ ဉာဏ်တော်နှင့် တန်ခိုးတော်ဖြင့် ဇိအုန်ကို တည်ဆောက်ကာ ခိုင်ခံ့စေလေပြီ။ သူ၏ဘုန်းအာနုဘော်ဖြင့် အပြစ်ရှိသော လောကကြီးကို တရားစီရင်၏၊ သူသည် မြောက်မြားလှစွာသော တိုင်းနိုင်ငံများနှင့် လူများ၊ ကမ္ဘာမြေကြီး၊ ပင်လယ်များနှင့် ယင်းတို့ထဲရှိ သက်ရှိအရာအားလုံးအပြင် မတရားသောမေထုန်၏ စပျစ်ရည်ဖြင့် ယစ်မူးကြသူများကို တရားစီရင်ပြီဖြစ်သည်။ ဘုရားသခင်သည် ၎င်းတို့ကို ဧကန်မုချ တရားစီရင်လိမ့်မည်။

၂

သူသည် ၎င်းတို့ကို မုချအမျက်ထွက်မည်ဖြစ်ကာ ယင်း၌ ဘုရားသခင်၏ ဘုန်းအာနုဘော်အား ထုတ်ဖော်ပြလိမ့်မည်၊ သူ၏ တရားစီရင်ခြင်းကို အချိန်မဆိုင်းဘဲ၊ နှောင့်နှေးခြင်း အလျှင်းမရှိဘဲ ပြုလေသည်။ ဘုရားသခင်၏ အမျက်ဒေါသမီးသည် ၎င်းတို့၏ ကြီးမားသော အပြစ်များကို ဧကန်မုချ မီးရှို့ဖျက်ဆီးမည်ဖြစ်ပြီး ၎င်းတို့အပေါ် အချိန်မရွေး ကပ်ဘေးကျရောက်လေမည်။ ၎င်းတို့သည် လွတ်မြောက်ရန် လမ်းကို သိကြမည်မဟုတ်ဘဲ ပုန်းအောင်းစရာ နေရာမရှိ ဖြစ်ကြမည်၊ ၎င်းတို့သည် ငိုကြွေးကာ အံသွားခဲကြိတ်ကြလေမည်ဖြစ်ပြီး ကိုယ့်သေတွင်းကိုယ် တူးကြလိမ့်မည်။ ဘုရားသခင်၏ အောင်ပွဲခံသော ချစ်သားများသည် ဇိအုန်၌ မုချနေထိုင်ကြမည်ဖြစ်လိမ့်မည်၊ ထိုနေရာမှ မည်သည့်အခါမျှ ထွက်ခွာကြ မည်မဟုတ်။ မြောက်မြားစွာသော လူတို့သည် သူ၏အသံတော်ကို စေ့စေ့နားထောင်ကြလိမ့်မည်၊ ၎င်းတို့သည် သူ၏ လုပ်ဆောင်ချက်များကို အသေအချာ အလေးဂရုပြုကြလိမ့်မည်ဖြစ်ပြီး ၎င်းတို့၏ ချီးမွမ်းခြင်း အသံများသည် မည်သည့်အခါတွင်မျှ ရပ်စဲမည်မဟုတ်ပေ။

နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ အစအဦး၌ ခရစ်တော်၏ မိန့်မြွက်ချက်များ၊ အခန်း (၃) မှ