၁၉၉၁ ခုနှစ်မှာ ဘုရားသခင်ဟာ နိုင်ငံတော်ခေတ်ရဲ့ အမှုကို တရားဝင် စတင်ခဲ့ပြီး အနန္တတန်ခိုးရှင် ဘုရားသခင် အသင်းတော်ကို တည်ထောင်ခဲ့ပါတယ်။ ၁၉၉၅ ခုနှစ်မှာ နိုင်ငံတော် ဧဝံဂေလိတရားဟာ တရုတ်ပြည်မကြီးမှာ တရားဝင် စတင်ပျံ့နှံ့ခဲ့ပြီးချိန်ကစလို့ ဘုရားသခင်ရဲ့ ပေါ်ထွန်းခြင်းကို တောင့်တကြတဲ့ ဘာသာတရားနဲ့ ဂိုဏ်းဂဏအသီးသီးက လူတွေဟာ ကိုယ်တော်ရဲ့ အသံတော်ကို ကြားခဲ့ကြပြီး၊ ကိုယ်တော်ရဲ့ နောက်ဆုံးသော ကာလ အမှုတော်ကို လက်ခံတဲ့အပြင် ဘုရားသခင်ရဲ့ အိမ်တော်ထဲကို ပြန်လည်စီးဝင်လာခဲ့ကြပါတယ်။ နေရာဒေသအသီးသီးမှာ ဘာသာတရားအားလုံး တစ်ခုတည်းအဖြစ် ပေါင်းဆုံကြပြီး၊ လူမျိုးအားလုံး ဘုရားသခင်ရဲ့ အိမ်တော်တည်တဲ့ တောင်ဆီကို စီးဝင်လာကြတဲ့ မြင်ကွင်းမျိုး ပေါ်ပေါက်လာခဲ့ပါတယ်။ ဘာသာရေးလောကဟာ လုံးဝပြိုကွဲလုနီးပါး အခြေအနေကို ရောက်ခဲ့ပါတယ်။ အဲဒီနောက်မှာတော့ အနန္တတန်ခိုးရှင် ဘုရားသခင် အသင်းတော်ဟာ ဘာသာရေးလောကရဲ့ ရှုတ်ချမှုတွေ၊ တိုက်ခိုက်မှုတွေကို ခံခဲ့ရပြီး၊ တရုတ်ကွန်မြူနစ်ပါတီ အစိုးရကလည်း အသင်းတော်အပေါ်မှာ ပိုပြီး ရက်စက်ကြမ်းကြုတ်တဲ့ ဖိနှိပ်ညှဉ်းပန်းမှုတွေ ပြုလုပ်ခဲ့ပါတယ်။ ဒီလိုဖြစ်နေပေမဲ့လည်း ဘုရားသခင်ရဲ့ လမ်းပြမှုအောက်မှာ ဘုရားသခင် ရွေးချယ်ထားသောလူများစွာဟာ မရေမတွက်နိုင်တဲ့ အခက်အခဲတွေကို ခံရပ်ပြီး အတားအဆီးများစွာကို ကျော်ဖြတ်ခဲ့ကြပါတယ်။ ၂၀၀၇ ခုနှစ်မှာတော့ သူတို့ဟာ ဘုရားသခင်ရဲ့ နိုင်ငံတော် ဧဝံဂေလိတရားကို ပင်လယ်ရပ်ခြားထိ နောက်ဆုံးမှာ ပျံ့နှံ့စေခဲ့ပြီး ထိုင်ဝမ်မှာ ပထမဆုံး အနန္တတန်ခိုးရှင် ဘုရားသခင် အသင်းတော်ကို တည်ထောင်ခဲ့ပါတယ်။ နိုင်ငံတော် ဧဝံဂေလိတရားဟာ အာရှတိုက်ကနေ ဥရောပတိုက်၊ ပြီးတော့ အမေရိကတိုက်တွေ၊ အာဖရိကနဲ့ အိုရှန်းနီးယားတိုက်တွေဆီ လျင်မြန်စွာ ပျံ့နှံ့ခဲ့ပြီး အခုဆိုရင် ကမ္ဘာတစ်ဝန်း နိုင်ငံပေါင်း ၁၂၀ ကျော်မှာ အနန္တတန်ခိုးရှင် ဘုရားသခင် အသင်းတော်ကို တည်ထောင်ခဲ့ပြီး ဖြစ်ပါတယ်။ နိုင်ငံတော် ဧဝံဂေလိတရားဟာ တိုက်ကြီးအားလုံးမှာ မီးဟုန်းဟုန်းတောက်သလို ဆက်လက်ပျံ့နှံ့နေပါတယ်။

ဒီအပိုင်းမှာတော့ အီတလီနိုင်ငံက အနန္တတန်ခိုးရှင် ဘုရားသခင် အသင်းတော်ရဲ့ အသင်းတော်အသက်တာထဲကို ခေါ်ဆောင်သွားမှာ ဖြစ်ပါတယ်။