၁

ဘုရားသည် ရန်လိုသောလူသားကို မုန်းတီးသော်လည်း ဘုရား၏စိတ်နှလုံးထဲတွင် လူသားမျိုးနွယ်အတွက် သူ၏စောင့်ရှောက်မှု၊ ပူပန်မှုနှင့် သနားကရုဏာတို့သည် မည်သည့်အခါမျှ မပြောင်းလဲ။ လူသားမျိုးနွယ်ကို သူဖျက်ဆီးခဲ့ချိန်တွင်ပင် သူ့စိတ်နှလုံးသည် မပြောင်းမလဲ ဆက်လက် ရှိနေ။ လူသားမျိုးနွယ်သည် ဖောက်ပြန်ပျက်စီးမှုနှင့်ပြည့်ပြီး ဘုရားအပေါ် ဆိုးရွားသည့် အတိုင်းအတာ တစ်ခုအထိ ပုန်ကန်သည့်အခါတွင် သူ၏ စိတ်သဘောထားနှင့် အနှစ်သာရကြောင့် ပြီးလျှင် သူ၏ စည်းမျဉ်းများနှင့်အညီ ဘုရားသခင်သည် လူသားတို့ကို ဖျက်ဆီးဖို့ လိုအပ်လေသည်။ သို့ရာတွင် ဘုရား၏ အနှစ်သာရကြောင့် သူသည် လူသားမျိုးနွယ်ကို သနားဆဲဖြစ်ပြီး ၎င်းတို့ ဆက်လက်ရှင်သန်နိုင်ရန်အလို့ငှာ လူသားမျိုးနွယ်ကို ပြန်လည်ခေါ်ဆောင်ဖို့ နည်းလမ်းအမျိုးမျိုးပင် အသုံးပြုချင်သည်။ သို့ရာတွင် လူသားသည် ဘုရားကို ဆန့်ကျင်ကာ ဘုရားသခင်ကို ဆက်လက်ပုန်ကန်သကဲ့သို့ ဘုရားသခင်၏ ကယ်တင်ခြင်းကို လက်ခံရန် ငြင်းပယ်သည်။ ဆိုလိုသည်မှာ ဘုရား၏ ကောင်းမွန်သည့် ရည်ရွယ်ချက်များကို လက်ခံဖို့ ငြင်းဆန်ပေသည်။ ဘုရားသည် ၎င်းတို့ကို မည်သို့ ခေါ်သည်ဖြစ်စေ၊ မည်သို့ သတိပေးသည်ဖြစ်စေ၊ မည်သို့ ပံ့ပိုးသည်ဖြစ်စေ၊ မည်သို့ ကူညီသည်ဖြစ်စေ၊ ၎င်းတို့ကို မည်သို့သည်းခံသည်ဖြစ်စေ လူသားသည် ထိုအရာကို နားမလည်သကဲ့သို့ သို့မဟုတ် တန်ဖိုးမထားသကဲ့သို့ အာရုံလည်း မစိုက်ပေ။

၂

သူ၏ နာကျင်မှုတွင် ဘုရားသည် လူသားတို့ လမ်းကြောင်းပြောင်းရန် စောင့်ဆိုင်းရင်း သူ၏ အကြီးမားဆုံး သည်းခံမှုကို ပေးဖို့ မမေ့လျော့သေးပေ။ သူ၏အကန့်အသတ်ကို ရောက်ရှိသည့်နောက်တွင် သူသည် သူ လုပ်ဆောင်ရမည့်အရာကို တွန့်ဆုတ်ခြင်းမရှိဘဲ လုပ်ဆောင်သည်။ တစ်နည်းအားဖြင့် ဘုရားသခင်သည် လူသားမျိုးနွယ်ကို ဖျက်ဆီးရန် စီစဉ်သည့်အခိုက်အတန့်မှ လူသားကို ဖျက်ဆီးမည့် သူ၏ အမှုကို အစပြုခြင်းအထိ တိကျသည့် အချိန်ကာလနှင့် ဖြစ်စဉ်တစ်ခု ရှိ၏။ ဤဖြစ်စဉ်သည် လူသားကို လမ်းကြောင်း ပြောင်းနိုင်စေခြင်းတည်းဟူသော ရည်ရွယ်ချက်အတွက် တည်ရှိခြင်းဖြစ်ပြီး ဤသည်မှာ ဘုရားက လူသားကိုပေးသည့် နောက်ဆုံးအခွင့်အရေးဖြစ်သည်။ သို့ဆိုလျှင် လူသားမျိုးနွယ်ကို မဖျက်ဆီးမီတွင် ဤအချိန်ကာလတွင် ဘုရားသခင်သည် သတိပေးခြင်းနှင့် တိုက်တွန်းခြင်း အမှုကို သိသာသော ပမာဏတစ်ခု လုပ်ဆောင်သည်။ ဘုရား၏နှလုံးသားသည် မည်မျှ နာကျင်မှု၊ ဝမ်းနည်းမှုများ၌ ရှိသည်ဖြစ်စေ သူ၏ဂရုစိုက်မှု၊ ပူပန်မှုနှင့် များပြားပြည့်လျှံသည့် သနားကရုဏာတို့ကို လူသားမျိုးနွယ်၌ ဆက်လက်ထားရှိ၏။ ဤအရာမှ လူသားမျိုးနွယ်အတွက် ဘုရား၏ ချစ်ခြင်းမေတ္တာသည် စစ်မှန်ပြီး သူ့ အပြောသက်သက် ဖြစ်သည့်အရာတစ်ခု မဟုတ်သည်ကို ငါတို့ မြင်တွေ့ရသည်။ ယင်းသည် အမှန်တကယ်ဖြစ်သည်၊ လက်ဆုပ်လက်ကိုင်ပြနိုင်ပြီး ခံစားနားလည်နိုင်သည်။

နှုတ်ကပတ်တော်၊ အတွဲ (၂)၊ ဘုရားသခင်ကို သိကျွမ်းခြင်းနှင့် စပ်လျဉ်း၍၊ ဘုရားသခင်၏ အမှုတော်၊ ဘုရားသခင်၏ စိတ်နေသဘောထားနှင့် ဘုရားသခင် ကိုယ်တော်တိုင် (၁) မှ