Myanmar Sermon Series - ဘုရားသခင်၏ နောက်ဆုံးသောကာလ တရားစီရင်ခြင်းအမှုသည် လူသားမျိုးနွယ်ကို မည်သို့သန့်စင်ကယ်တင်သနည်း
08.01.2022
ကပ်ဘေးကြီးတွေက ကျွန်တော်တို့အပေါ် ကျရောက်နေပြီဆိုတာ လူတွေက သတိပြုမိလာကြသလို သခင်မိုးတိမ်စီးပြီး ကြွလာတာကို မျှော်လင့်နေသူတွေဟာလည်း အသက်တောင်ရဲရဲမရှူရဲဘဲ စောင့်မျှော်နေကြပါတယ်။ နှစ်ချီစောင့်ပြီးတဲ့နောက်မှာ သခင်ကြွလာတာကို မမြင်ကြရသေးပါဘူး။ အဲဒီအစား အရှေ့အရပ်မှ လျှပ်ပြက်ခြင်းက အနန္တတန်ခိုးရှင်ဘုရားသခင်ရဲ့ နောက်ဆုံးသောကာလ တရားစီရင်ခြင်းအမှုကို သက်သေခံနေတာပဲ သူတို့မြင်ကြရတယ်။ ဒါက သူတို့အတွက် လုံးဝစိတ်ပျက်စရာကြီးပါ။ လူအမြောက်အမြားက သူတို့ရဲ့ အယူအဆတွေနဲ့ စိတ်ကူးတွေကို ဖက်တွယ်ထားကြပြီး စစ်မှန်တဲ့လမ်းကို ရှာဖွေစူးစမ်းဖို့ မလိုလားကြဘူး။ ဒါကြောင့် သူတို့ဟာ သခင့်ကို မကြိုဆိုရသေးဘဲ ကပ်ဘေးတွေထဲကို ကျရောက်နေခဲ့ကြပါတယ်။ ဒါပေမဲ့ သမ္မာတရားကို ချစ်သူတွေ အများကြီးရှိပြီး သူတို့က အနန္တတန်ခိုးရှင်ဘုရားသခင်ရဲ့ နှုတ်ကပတ်တော်တွေကို ဖတ်တဲ့အခါမှာ နှုတ်ကပတ်တော်တွေရဲ့ တန်ခိုးနဲ့ အာဏာကို မြင်ကြတယ်။ အားလုံးက သမ္မာတရားဖြစ်တယ်ဆိုတာ မြင်ကြတယ်။ ဘုရားသခင်ရဲ့ အသံတော်ကို သတိပြုမိကြပြီး သူတို့အယူအဆတွေရဲ့ ဆွဲထားတာကို မခံရတော့ဘဲ စစ်မှန်တဲ့လမ်းကို ဆက်ပြီး လေ့လာစုံစမ်းကြတယ်။ သူတို့ရဲ့ ပထမဆုံးမေးခွန်းတွေက သူတို့အပြစ်တွေ ခွင့်လွှတ်ခံရပြီး ဘုရားက သူတို့ကို ဖြောင့်မတ်တယ်လို့ မှတ်ယူပြီးသွားပြီကို ဘုရားသခင်က ဘာလို့ တရားစီရင်ခြင်းအမှုကို ပြုဖို့လိုသေးတာလဲ ဆိုတာနဲ့ နောက်ဆုံးသောကာလမှာ အဲဒီအမှုကတစ်ဆင့် ဘုရားသခင်က လူသားမျိုးနွယ်ကို ဘယ်လို သန့်စင်ပြီး ကယ်တင်သလဲဆိုတာပဲ။ ဒါတွေက စစ်မှန်တဲ့လမ်းကို လေ့လာနေတဲ့ လူတိုင်းအတွက် အရေးပါဆုံးနဲ့ အရှုပ်ထွေးဆုံး မေးခွန်းနှစ်ခုပါပဲ။ ဒီ စစ်မှန်သော ယုံကြည်ခြင်းကို ရှာဖွေခြင်း အပိုင်းက သင့်ကို သမ္မာတရားကို ရှာဖွေပြီး အဖြေရှာဖို့အတွက် လမ်းပြပါလိမ့်မယ်။
ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။
အခြား ဗီဒီယိုအမျိုးအစားများ
မျှဝေရန်
