၁ ဘုရားသခင်သည် လူ့ဇာတိဖြင့် အလုပ်လုပ်ရန် ပေါ်ထွန်းခဲ့သည့်အချိန်တွင် ကြီးမားသော အရှက်ရခြင်းကို သူ ခံစားခဲ့ရသည်။ နှိမ့်ချပြီး ပုန်းကွယ်လျက် လူသားကိုကယ်တင်ရန် သမ္မာတရားကို သူ ဖော်ပြခဲ့သည်။ သို့တိုင်အောင် ဘုရားသခင်၏ အသံတော်ကို ကျွန်ုပ်ကြားသည့်အခါ ကိုယ်တော့်ကို ကျွန်ုပ် မမှတ်မိခဲ့ဘဲ ကိုယ်တော်၏ အမှုတော်အပေါ် ငြင်းဆန်ခြင်းနှင့် ဝေဖန်ခြင်းပြုရာတွင် အကြီးအကဲများနှင့် သင်းအုပ်ဆရာများနောက်သို့ ကျွန်ုပ် လိုက်ခဲ့သည်။ ကျွန်ုပ်၏ ကျူးလွန်မှုများအတွက် ကျွန်ုပ်အား ဘုရားသခင် အပြစ်ဒဏ်မပေးခဲ့ဘဲ ကျွန်ုပ်၏မနာခံခြင်းကို သည်းခံခဲ့ပြီး ကျွန်ုပ်၏တံခါးကို ခေါက်ခဲ့သည်။ ကျွန်ုပ်အပေါ် ဘုရားသခင်၏ သနားကရုဏာကို မြင်ရလျက် ကျွန်ုပ်သည် မခံနိုင်လောက်အောင် ရှက်ရွံ့မိခဲ့သည်။ ကျွန်ုပ်သည် ဘုရားသခင်၏ ချစ်ခြင်းမေတ္တာကို လက်ခံရရှိရန် အမှန်ပင် မသင့်လျော်ခဲ့ပါ။

၂ ဘုရားသခင်၏နှုတ်ကပတ်တော်တို့သည် ချွန်ထက်သည့် ဓါးတစ်ချောင်းကဲ့သို့ ကျွန်ုပ်၏စိတ်နှလုံးကို ထိုးဖောက်သည်။ ကျွန်ုပ်၏ မာနထောင်လွှားမှုသည် အသိတရားနှင့် လူ့သဘာဝအားလုံးကို ကျွန်ုပ်ထံမှ ဖယ်ရှားခဲ့သည်ကို ကျွန်ုပ်မြင်ရသည်။ ယုံကြည်သူများစွာ၏ ကယ်တင်ခြင်းအခွင့်အလမ်းကို ပိတ်ဆို့လျှက် ကျွန်ုပ်သည် ဘုရားသခင်၏ ပေါ်ထွန်းခြင်းနှင့်အမှုတော်ကို ရှုတ်ချရန် အယူအဆများနှင့် စိတ်ကူးများကို အသုံးပြုခဲ့သည်ကို မြင်ရသည်။ ဘုရားသခင်အား ဆန့်ကျင်ပြီး ဝေဖန်မှုပြုသည်မှာ ကျွန်ုပ် အမှန်တကယ်ပင် အပြစ်ရှိလိုက်လေခြင်း။ ကျွန်ုပ်သည် ဘုရားသခင်၏ကျိန်ဆိုခြင်းကို အမှန်စင်စစ် ခံထိုက်သည်။ ကျွန်ုပ်သည် ကိုယ်တော့်ရှေ့တွင် နေထိုင်ဖို့ မသင့်လျော်ပါ။ ကိုယ်တော်၏ တရားစီရင်ခြင်းကို တွေ့ကြုံရခြင်းက ကျွန်ုပ်ကိုနိုးထစေခဲ့ပြီး ကျွန်ုပ်၏ စိတ်နှလုံးသည် စိတ်ပျက်ခြင်းနှင့် ပြည့်ခဲ့သည်။ သမ္မာတရားကို ရှာဖွေလိုက်စားပြီး ဘုရားသခင်အား ကျေနပ်စေရန်အတွက် အသစ်တစ်ဖန် ပြန်လည်စတင်ဖို့ ကျွန်ုပ် စိတ်ပိုင်းဖြတ်ခဲ့သည်။ ဘုရားသခင်သည် အလွန်ပင် ကြင်နာသည်။ ယင်းက ကျွန်ုပ်၏နှလုံးသားမှ မာကျောမှုကို အရည်ပျော်စေသည်။ ကျွန်ုပ်သည် မိမိ၏တာဝန်ကို သစ္စာရှိစွာ ထမ်းဆောင်ဖို့ကို ဆန္ဒရှိပြီး ဘုရားသခင် နှစ်သိမ့်မှုရနိုင်ဖို့သာ ကျွန်ုပ် တောင်းဆိုသည်။ ကျွန်ုပ်ရင်ဆိုင်ရသည့် ညှဉ်းပန်းနှိပ်စက်ခြင်းနှင့် အတိဒုက္ခတို့မည်မျှ ကြီးမားပါစေ၊ ကျွန်ုပ် အဆုံးတိုင်အောင် သစ္စာရှိပါမည်။ ဘုရားသခင်အတွက် ထူးကဲလှသော သက်သေကိုခံပြီး ကိုယ်တော်ထံသို့ ဘုန်းကျက်သရေကို ယူဆောင်ဖို့အတွက် ကျွန်ုပ် စိတ်ပိုင်းဖြတ်သည်။