၁ ဘုရားသခင် လုပ်ဆောင်သည့်အရာတိုင်းတွင် သူ၏ အနန္တတန်ခိုးရှင်ဖြစ်သည့် ဘက်အပြင်၊ သူ၏ လက်တွေ့ကျသောသူ ဖြစ်သည့်ဘက် ပါဝင်သည်။ ဘုရားသခင်၏ အနန္တတန်ခိုးမှာ သူ၏ အနှစ်သာရဖြစ်သော်လည်း၊ သူ၏ လက်တွေ့ကျခြင်းမှာလည်း သူ၏ အနှစ်သာရဖြစ်သည်။ ဤသွင်ပြင်လက္ခဏာနှစ်ခုကို ခွဲခြား၍မရနိုင်ပေ။ လုပ်ဆောင်ချက်များကို စစ်မှန်၊ လက်တွေကျသည့် ပုံစံတစ်ခုဖြင့် ဘုရားသခင်၏ လုပ်ဆောင်ခြင်းသည် သူ၏ လက်တွေ့ကျသော သွင်ပြင်လက္ခဏာ အမှုပြုနေခြင်း ဖြစ်ပြီး ဤနည်းဖြင့် သူ အမှုပြုနိုင်ခြင်းကလည်း သူ၏ အနန္တတန်ခိုးရှင်ဖြစ်သည့် သွင်ပြင်လက္ခဏာကို ပြလေသည်။ ဘုရားသခင် လုပ်ဆောင်သည့် မည်သည့်အရာမဆို၊ သူ၏ အနန္တတန်ခိုးနှင့် လက်တွေ့ကျခြင်းတည်းဟူသော သွင်ပြင်လက္ခဏာနှစ်ခုလုံး ပါရှိပြီး၊ အားလုံးကို သူ၏ အနှစ်သာရအပေါ် အခြေခံကာ လုပ်ဆောင်ခြင်း ဖြစ်သည်။ ယင်းသည် သူ၏ စိတ်သဘောထားနှင့်ဆိုင်သော ဖော်ပြချက်တစ်ခုဖြစ်သည့်အပြင်၊ သူ၏ အနှစ်သာရနှင့် သူ၏ဖြစ်ခြင်းတို့နှင့်ဆိုင်သော ထုတ်ဖော်ပြချက်တစ်ခု ဖြစ်သည်။ 

၂ သူ၏ အမှုကို အမှန်တကယ်နှင့် လက်တွေ့ကျကျ လုပ်ဆောင်ရန်၊ သမ္မာတရားကို ဖော်ပြခြင်းဖြင့် လူသားမျိုးနွယ်၏ ဖောက်ပြန်ပျက်စီးခြင်းကို သန့်စင်စေရန်နှင့် ဖြေရှင်းရန် ဘုရားသခင်၏ တတ်နိုင်စွမ်းအပြင်၊ လူတို့ကို သူ၏ တိုက်ရိုက် ဦးဆောင်နိုင်စွမ်း- ဤအရာများက သူ၏ လက်တွေ့ကျသောဘက်ကို ပြသကြသည်။ သူသည် သူ၏ ကိုယ်ပိုင် စိတ်သဘောထားနှင့် သူ၏ဖြစ်ခြင်းကို ဖော်ပြပြီး၊ လူသားတို့ မလုပ်နိုင်သည့် အမှုတိုင်းကို သူ လုပ်ဆောင်နိုင်သည်။ ဤအရာတွင် သူ၏ အနန္တတန်ခိုးရှင်ဖြစ်သည့်ဘက်ကို မြင်နိုင်ပေသည်။ ဘုရားသခင်သည် သူ ပြောဆိုသည့်အရာ ဖြစ်တည်လာစေဖို့ရန်၊ သူ၏ အမိန့်များ မြဲမြံစွာ ရပ်တည်ဖို့ရန်နှင့် သူပြောဆိုသည့်အရာ ဖြစ်မြောက်စေဖို့ရန် သြဇာအာဏာ ရှိလေသည်။ ဘုရားသခင် မိန့်ဆိုစဉ်တွင်၊ သူ၏ အနန္တတန်ခိုးကို ထုတ်ဖော်ပြသည်။ ဘုရားသခင်သည် အရာခပ်သိမ်းအပေါ် အုပ်စိုးသည်၊ စာတန်ကို သူ့အား အစေခံဖို့ ကိုင်တွယ်ထိန်းသိမ်းသည်၊ လူတို့ကို စမ်းသပ်ဖို့နှင့် စစ်ဆေးဖို့၊ ပြီးလျှင် ၎င်းတို့၏ စိတ်သဘောထားများကို သန့်စင်ကာ ပြောင်းလဲစေဖို့ ပတ်ဝန်းကျင်များကို စီစဉ်ပေးသည်- ဤအရာအားလုံးသည် ဘုရားသခင်၏ အနန္တတန်ခိုးရှင်ဖြစ်သည့်ဘက်နှင့်ဆိုင်သော သရုပ်သကန်များ ဖြစ်ကြသည်။ ဘုရားသခင်၏ အနှစ်သာရသည် အနန္တတန်ခိုးရှင်နှင့် လက်တွေ့ကျသောသူ နှစ်ခုစလုံးဖြစ်ပြီး၊ ဤသွင်ပြင်လက္ခဏာရပ်နှစ်ခုသည် အချင်းချင်း ပြည့်စုံစေကြလေသည်။ ဘုရားသခင် လုပ်ဆောင်သမျှတိုင်းသည် သူ၏ စိတ်သဘောထား ဖော်ပြချက်တစ်ခုဖြစ်ပြီး သူဖြစ်သည့်အရာ၏ ထုတ်ဖော်ပြချက်တစ်ခု ဖြစ်သည်။ သူ၏ ဖြစ်ခြင်းတွင် သူ၏ အနန္တတန်ခိုး၊ သူ၏ ဖြောင့်မတ်ခြင်းနှင့် သူ၏ ဘုန်းအာနုဘော်တော်တို့ ပါဝင်လေသည်။

“နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောချက်များ၊ အပိုင်း သုံး” ကို ကောက်နုတ်၍ ဆီလျော်စွာ ပြုပြင်ထားသည်