အန်ဒီ ဂွင်နီ ဟာ မော်တိုရိုလာ နဲ့ နိုကီယာ လိုမျိုး ကမ္ဘာလုံးဆိုင်ရာ ဆက်သွယ်ရေး ကုမ္ပဏီကြီးတွေမှာ နှစ်ပေါင်း ၂၀ ကျော် အလုပ်လုပ်ခဲ့ပါတယ်။ စက်ရုံထုတ်လုပ်ရေးပိုင်းကနေ စတင်ခဲ့ပြီး ပရောဂျက် မန်နေဂျာနဲ့ ကုန်ပစ္စည်းတင်သွင်းမှု မန်နေဂျာ အဆင့်အထိ တက်လှမ်းနိုင်ခဲ့တယ်၊ ကမ္ဘာလုံးဆိုင်ရာ ပရောဂျက်တွေကို စီမံခန့်ခွဲပြီး လုပ်ငန်းစဉ်တွေကို အကောင်းဆုံးဖြစ်အောင် လုပ်ဆောင်ရင်း သူ့အသက်မွေးဝမ်းကျောင်းရဲ့ အထွတ်အထိပ်ကို ရောက်လာခဲ့ပါတယ်။ သူက ကြိုးစားအားထုတ်ရင် သူ့ကံကြမ္မာကို ပြောင်းလဲနိုင်ပြီး ကိုယ်ပိုင် အောင်မြင်မှုကို ဖန်တီးနိုင်တယ်လို့ ခိုင်ခိုင်မာမာ ယုံကြည်ခဲ့တယ်။ ဒါပေမဲ့ သူ့ရဲ့ အသက်မွေးဝမ်းကျောင်းက တိုးတက်နေချိန်မှာပဲ မမျှော်လင့်ထားတဲ့ အဖြစ်အပျက်တွေ ဆက်တိုက်ဖြစ်လာပြီး သူ့ဘဝကို လုံးဝ လမ်းကြောင်းလွဲသွားစေခဲ့ပါတယ်။ နိုင်ငံတကာ ကုမ္ပဏီကြီးတစ်ခုရဲ့ မန်နေဂျာဘဝကနေ ဝေါလ်မတ် မှာ ပစ္စည်းစီတဲ့သူ ဖြစ်သွားတယ်၊ အဲဒီနောက် စက်ရုံထုတ်လုပ်ရေးပိုင်းမှာ သွားလုပ်ခဲ့ရပြီး တစ်ချိန်က သူ အရမ်းဂုဏ်ယူခဲ့တဲ့ သူ့ရဲ့ အရည်အချင်းတွေ၊ အတွေ့အကြုံတွေနဲ့ ထူးချွန်တဲ့ ကိုယ်ရေးရာဇဝင်တွေက ညတွင်းချင်းပဲ တန်ဖိုးမရှိတော့သလို ဖြစ်သွားခဲ့တယ်။ အစွမ်းကုန် ကြိုးစားခဲ့ပေမဲ့ အခွင့်အရေးတွေ တစ်ခုပြီးတစ်ခု လက်လွတ်ဆုံးရှုံးသွားတာကို ကြည့်နေခဲ့ရပြီးနောက်မှာ သူ ကိုယ့်ကိုယ်ကိုယ် စတင် မေးခွန်းထုတ်လာတယ်၊ ငါ ပိုကြိုးစားလေ၊ ကိစ္စတွေက ငါ့ဆန္ဒအတိုင်း ဖြစ်မလာလေ ဘာလို့ ဖြစ်ရတာလဲ။ လူတစ်ယောက်ရဲ့ ကံကြမ္မာက တကယ်ပဲ သူ့လက်ထဲမှာ ရှိရဲ့လား ဆိုပြီးတော့ပေါ့။ နိုင်ငံတော် ဧဝံဂေလိတရား စကားဝိုင်း ဒီအစီအစဉ်မှာတော့ အန်ဒီ ဂွင်နီက သူ့ဘဝရဲ့ ကြီးမားတဲ့ အချိုးအကွေ့တွေနဲ့အတူ အောက်ခြေကို ရောက်သွားပြီးတဲ့နောက် သူ့ရဲ့ စစ်မှန်တဲ့ ဦးတည်ချက်ကို ဘယ်လို ရှာတွေ့ခဲ့လဲဆိုတာ မျှဝေပေးသွားမှာ ဖြစ်ပါတယ်။

00:10 ကမ္ဘာလုံးဆိုင်ရာ ကုမ္ပဏီမန်နေဂျာ တစ်ဦး၏ အချိုးအကွေ့

02:14 ကြိုးစားအားထုတ်မှု သုံး၍ ကံကြမ္မာကို ပြောင်းလဲခြင်း

05:22 ကိုယ့်ကိုယ်ကိုယ် သက်သေပြဖို့ အစွမ်းကုန် ကြိုးစားခြင်း

08:43 စက်ရုံထုတ်လုပ်ရေးပိုင်းမှ အသက်မွေးဝမ်းကျောင်း၏ အထွတ်အထိပ်ကို ရောက်ရှိခြင်း

16:53 ကုမ္ပဏီရာထူးများ တက်လှမ်းပြီး အသိအမှတ်ပြုခံရခြင်း

24:14 အကြီးတန်း မန်နေဂျာဘဝမှ ပစ္စည်းစီသည့်သူ ဖြစ်သွားခြင်း

28:30 ကိုယ့်ကိုယ်ကိုယ် ထပ်ပြီး သက်သေပြဖို့ ကြိုးစားသော်လည်း ထပ်မံ ကျရှုံးခဲ့ရခြင်း

34:39 လုံးဝ မျှော်လင့်ချက်မဲ့သွားပြီးနောက် အချိုးအကွေ့

39:49 ကံကြမ္မာက ကိုယ့်လက်ထဲတွင် မရှိကြောင်းကို သဘောပေါက်လာခြင်း

50:33 “ကံမကောင်းဘူး” ဟူသည်၏ နောက်ကွယ်တွင် ဖုံးကွယ်နေသည့် ဘုရားသခင်၏ ရည်ရွယ်ချက်ကောင်းများ

01:08:14 အောင်မြင်မှုကို လိုက်စားရာမှ သမ္မာတရားကို လိုက်စားခြင်းဆီသို့

01:12:27 စစ်မှန်သည့် ငြိမ်သက်ခြင်းနှင့် လွတ်လပ်မှုကို ရှာတွေ့ခြင်း