အာဏာရလာချိန်ကတည်းက စီစီပီဟာ နိုင်ငံရေးလှုပ်ရှားမှုပေါင်းမရေမတွက်နိုင်အောင် စတင်ခဲ့ပြီး၊ ဘာသာရေးယုံကြည်မှုကို အသရေဖျက်ဖို့၊ ပုံဖျက်ဖို့နဲ့ ဂုဏ်သိက္ခာချဖို့ လုပ်ဆောင်ခဲ့ပါတယ်။ ယုံကြည်မှုကို နတ်ဆိုးပမာပုံဖော်ခဲ့ပြီး လူ့အဖွဲ့အစည်းတစ်ခုလုံးကို ဘာသာရေးအပေါ် ရန်လိုအောင် လှုံ့ဆော်ခဲ့ပါတယ်။ ပါတီခေါင်းဆောင်အဆက်ဆက်ဟာ ဘာသာရေးယုံကြည်မှုကို အမြစ်ပြတ်ချေမှုန်းဖို့ ဖိနှိပ်တဲ့ မူဝါဒတွေ ဆက်တိုက်ထုတ်ပြန်ခဲ့ပြီး ရက်ရက်စက်စက် နှိပ်စက်ညှဉ်းပန်းမှုနဲ့ ဖိနှိပ်မှုတွေကို ခံစားစေခဲ့ပါတယ်။ နှစ်ပေါင်း ၇၀ ကျော်ကြာ စီစီပီရဲ့ အုပ်ချုပ်မှုဟာ တရုတ်ပြည်သူတွေရဲ့ အတွေးအခေါ်၊ ကိုယ်ကျင့်တရားနဲ့ ယုံကြည်မှုတွေကို အကြီးအကျယ် ပျက်စီးစေခဲ့ပါတယ်။ ဒါဟာ ခရစ်ယာန်တွေအပေါ် ဘေးအန္တရာယ် ကျရောက်စေရုံသာမက တရုတ်နိုင်ငံသား မျိုးဆက်တွေကိုလည်း ဖျက်ဆီးအားကြီးတွေ ကပ်ဘေးတွေ ကျရောက်စေခဲ့ပါတယ်။ ဒီနေ့မှာတော့ စီစီပီက ဘာသာရေးယုံကြည်မှုကို ဖိနှိပ်နှိမ်နင်းပြီး နှိပ်စက်ညှဉ်းပန်းရာမှာ အသုံးပြုတဲ့ ရက်စက်ကြမ်းကြုတ်တဲ့ မူဝါဒတွေနဲ့ နည်းလမ်းတွေကို ကျွန်တော်တို့ ဆက်ဖော်ထုတ်ပြီး ခြေရာခံသွားမှာဖြစ်တဲ့အပြင် သူ့ရဲ့ ခေတ်နောက်ပြန်ဆွဲတဲ့၊ လူသားမဆန်တဲ့၊ ကောက်ကျစ်ဆိုးယုတ်တဲ့ အနှစ်သာရကိုလည်း ပရိသတ်တို့အတွက် ထပ်ပြီး အသေးစိတ် စိစစ် တင်ပြသွားမှာပါ။

00:19 စီစီပီ၏ နှစ်ပေါင်းခုနစ်ဆယ်ကျော် ရက်စက်ယုတ်မာမှုများ- ခရစ်ယာန်တို့၏ သွေးနှင့်မျက်ရည် ရာဇဝင်

01:49 ၃။ “ဘာသာရေးကို တရုတ်မူပြုခြင်း”- ဘာသာရေး ယုံကြည်မှုအားလုံးကို ဖယ်ရှားရှင်းလင်းရန် ပါတီနှင့် ရှီကျင့်ဖျင်၏ အတွေးအခေါ်အသုံးပြုခြင်း

16:01 နံပါတ် ၄။ ကမ္ဘာ့အကြီးဆုံး ဗီဒီယို စောင့်ကြည့်ရေး ကွန်ရက်ကို တည်ဆောက်ပြီး ပြည်သူတွေကို စောင့်ကြည့်ဖို့ နိုင်ငံတော် အရင်းအမြစ်တွေကို အသုံးပြုခြင်း

28:40 နံပါတ် ၅။ အိမ်တိုင်းစေ့ ဝင်ရောက်လာသော “စူးရှသောမျက်လုံး” (ရှပ်အိုင်း) စီမံကိန်း၊ ပြည်သူများ ပုန်းစရာနေရာ မရှိတော့

39:01 ၆။ နိုင်ငံတစ်ဝှမ်းလုံးကို နည်းလမ်းပေါင်းစုံအသုံးပြု၍ ထိန်းချုပ်မှုကို တင်းကျပ်ခြင်း

44:53 ၇။ တရုတ်ပြည်၏ နတ်ဆိုးတွင်း၌ ပိတ်မိနေသော်လည်း ခရစ်ယာန်များသည် ၎င်းတို့၏ ယုံကြည်ခြင်းကို အလျှော့မပေးဘဲ ဆက်လက်စွဲကိုင်ထားခြင်း