၁ လောက၏ စိတ်ပျက်ဖွယ်ကောင်းခြင်းကို ကြည့်ပါ၊ စာတန်သည် လူသားမျိုးနွယ်ကို အလွန် ရက်စက်ကြမ်းကြုတ်စွာ ဖောက်ပြန်ပျက်စီးစေလေပြီ။ နာကျင်မှုနှင့် အမှောင်ထဲတွင် စမ်းတစ်ဝါးဝါးနှင့် ရုန်းကန်ရင်း၊ အသက်၏ တောက်ပသည့် လမ်းခရီးကို လူသားမျိုးနွယ် မည်သို့ ရှာတွေ့နိုင်မည်နည်း။ ကံအားလျော်စွာ အနန္တတန်ခိုးရှင် ဘုရားသခင်သည် သမ္မာတရားများကို ဖော်ပြလေပြီ။ သူ၏ အသံကို ကျွန်ုပ်ကြားရပြီး၊ သူ့ထံသို့ ကျွန်ုပ် ပြန်သွားပြီ။ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော်ကို ကျွန်ုပ် သက်သေခံသည်၊ သို့သော် တရုတ်အစိုးရ၏ ရှာဖွေခြင်းနှင့် နှိပ်စက်ညှင်းပန်းမှုကို ကျွန်ုပ် ခံစားရသည်။ မှောင်မိုက်သော ညများတစ်လျှောက် ကျွန်ုပ် မကြာခဏ ဆုတောင်းသည်၊ ဘုရားသခင်၏ နှုတ်ကပတ်တော်များက ကျွန်ုပ်ကို ယုံကြည်ခြင်းနှင့် ခွန်အားပေးသည်။ လူသားမျိုးနွယ်ကို ကယ်တင်ဖို့၊ ဘုရားသခင်သည် ကြီးမားသော အရှက်ကွဲခြင်းကို ကြံ့ကြံ့ခံသည်၊ ခရစ်တော်နှင့်အတူ ဒုက္ခဆင်းရဲ ခံစားခြင်းသည် အင်မတန် ကြီးမြတ်သော အခွင့်ထူးတစ်ခု ဖြစ်သည်။ ဘုရားသခင်၏ မိန့်မြွက်ချက်များကို ကြားရခြင်းသည် ကျွန်ုပ် ကောင်းချီးခံစားရခြင်း ဖြစ်သည်၊ ကျွန်ုပ် သမ္မာတရားကို မရရှိပါကဘဝတွင် နောင်တရခြင်းမှတစ်ပါး အခြားအရာမရှိပါ။ ရှေ့တွင် မည်သည့် အန္တရာယ်များနှင့် အခက်အခဲများ ရှိပါစေ၊ ခရစ်တော်နောက် အဆုံးထိ လိုက်လျှောက်ဖို့ အရာရာကို ကျွန်ုပ် စွန့်လွှတ်သည်။

၂ မှောင်မိုက်ပြီး ထိတ်လန့်စရာ တရုတ်အကျဉ်းထောင်ထဲတွင်၊ ညှင်းပန်းမှုတစ်လျှောက်လုံး ကျွန်ုပ် သေမလား၊ ရှင်မလား ဖြစ်နေခဲ့သည်။ မျှော်လင့်ချက်ပျက်သုန်းခြင်းထဲတွင် ဘုရားသခင်၏ နှုတ်ကပတ်တော်များက ကျွန်ုပ်ကို နှစ်သိမ်မှုနှင့် အားပေးမှု ပေးခဲ့သည်။ ဘုရားသခင်၏ ချစ်ခြင်းမေတ္တာကို ခံစားရင်း၊ ကျွန်ုပ် အသည်းအသန် ငိုကြွေးခဲ့သည်။ ဘုရားသခင်၏ စဉ်ဆက်မပြတ် ဂရုစိုက်ခြင်းနှင့် ကွယ်ကာခြင်းကို ကျွန်ုပ် မြင်ခဲ့ရသည်။ သူ့နှုတ်ကပတ်တော်များ၏ သြဇာအာဏာနှင့် တန်ခိုးတို့ကို ကျွန်ုပ် သိသည်။ နတ်ဆိုး၏ အကျဉ်းထောင်သည် ငရဲကဲ့သို့ ဖြစ်ခဲ့သည်၊ နာကျင်မှုတွင် ကျွန်ုပ် ရှိခဲ့သော်လည်း၊ ဘုရားသခင်နှင့် တိုး၍ နီးခဲ့သည်။ နှိပ်စက်ညှင်းပန်းခြင်း၊ ဆင်းရဲဒုက္ခ၊ စမ်းသပ်မှုများမှတဆင့်၊ တရုတ်ကွန်မြူနစ်ပါတီ၏ ဆိုးယုတ်သော စရိုက်ကို နောက်ဆုံးတွင် ကျွန်ုပ် မြင်ရပြီ။ နတ်ဆိုးတို့၏ ဘုရင်သည် အာဏာရှိနေသည်၊ လိမ်လှည်ပြီး လှည့်စားသည်၊ လူတို့ကို ဆိုးယုတ်ခြင်းထဲသို့ သွေးဆောင်သည်။ နောက်ဆုံးသော ကာလ၏ ခရစ်တော်သည် လူသားမျိုးနွယ်ထံ အလင်းနှင့် သမ္မာတရားနှစ်ခုလုံး ယူဆောင်ရင်း ပေါ်ထွန်းပြီး အမှုပြုလေပြီ။ စိတ်နှလုံးနှင့် ဝိညာဉ်ရှိသောသူတို့သည် မိမိတို့၏ အသက်ကို စွန့်လွှတ်ရဖို့ ဖြစ်လျှင်ပင်၊ သမ္မာတရားနှင့် ဖြောင့်မတ်ခြင်းကို ရွေးရမည်။ ခရစ်တော်သည် သမ္မာတရား၊ လမ်းခရီးနှင့် အသက်ဖြစ်သည်ကို ခိုင်ခိုင်မာမာ ယုံကြည်ရင်း၊ အလင်း၏ လမ်းကြောင်းဆီသို့ ကျွန်ုပ် ပြေးသည်။