၁

ဘုရားသခင်၏ လူများ ပလ္လင်တော်ရှေ့ ပြန်လာ။

ဘုရားထံ ၎င်းတို့၏ ဆုတောင်းချက်များကို အတူတကွ ပူဇော်ဆက်ကပ်ကြ။

သမ္မာတရားကို ချစ်သောသူတို့က သူ၏အသံတော်ကို

မကြာခင်ကြားနိုင်အောင် ဘုရားက သူတို့ကို လမ်းပြပါစေ။

ပြန်ကြွလာသော ရွေးနုတ်ရှင်ကို အသိအမှတ်ပြုရန် ကြည့်ရှုပြီး

စောင့်မျှော်နေသောသူများကို ဘုရားက အသိဉာဏ်ပွင့်လင်းအောင် လုပ်ပေးပါစေ။

လူများက မှန်သော လမ်းခရီးကို ရှာဖွေပြီး စုံစမ်းစစ်ဆေးနိုင်အောင်

သူတို့အယူအဆများ၏ အချုပ်အနှောင်များမှ ရုန်းထွက်နိုင်ပါစေ။

ဘုရားက ကြိုတင်ပြဋ္ဌာန်းပြီး ရွေးချယ်ထားသောသူများအားလုံး

သိုးသငယ်၏ ခြေလှမ်းများကို အမီလိုက်နိုင်ပါစေ။

လူများ၏ ဝိညာဉ်များက မဆာလောင်တော့စေရန်

ဘုရားနှုတ်ကပတ်တော်၏ ပံ့ပိုးမှုကို သူတို့ ရနိုင်ပါစေ။

လူတို့သည် ပိုင်းခြားသိမြင်နိုင်စွမ်း ရရန် သင်ယူပြီး

စာတန်၏ မုသားများအားဖြင့် နောက်ထပ် အထင်အမြင်မှားစေခြင်း မခံရပါစေနှင့်။

ကျွန်ုပ်တို့ ဧဝံဂေလိတရားဟောပြီး သူ့ကို သက်သေခံဖို့

ဘုရားသခင် ကျွန်ုပ်တို့ကို ဦးဆောင်ပြီး လမ်းပြပါစေ။

ဘုရားရွေးချယ်ထားသောသူများအားလုံး မိမိတို့၏တာဝန်ကို သစ္စာစောင့်သိစွာနှင့် ဖြည့်ဆည်းနိုင်ရန်

ဘုရားက သူတို့နှင့် အမြဲအတူရှိပါစေ။

၂

ကျွန်ုပ်တို့က သူ့နှုတ်ကပတ်တော်ကို သိပြီး သူ့ရည်ရွယ်ချက်များကို နားလည်စေရန်

ဘုရားသခင် ကျွန်ုပ်တို့ကို ဉာဏ်အလင်းပေးပါစေ။

လူအပေါင်းတို့သည် ဘုရားနှုတ်ကပတ်တော်ကို ချစ်မြတ်နိုးပြီး

ဘုရားနှုတ်ကပတ်တော်အားဖြင့် အသက်ရှင်နေထိုင်ကြပါစေ။

ကျွန်ုပ်တို့က လူသားပုံသဏ္ဌာန်ကို အသက်ရှင်နေထိုင်နိုင်ရန်

ဘုရားက ကျွန်ုပ်တို့ကို မကြာခဏ ဆုံးမပဲ့ပြင်ပေးပါစေ။

ကျွန်ုပ်တို့စိတ်သဘောထား ပြောင်းလဲနိုင်ရန် စမ်းသပ်မှုများ ဘုရား ပေးပါစေ။

လူတိုင်း မကောင်းမှုနှင့် ကောင်းမှုကို ပိုင်းခြားသိမြင်နိုင်ပြီး

သမ္မာတရားကို လက်တွေ့လုပ်ဆောင်နိုင်ကာ ဘုရားသခင်ကို ကျိုးနွံနာခံနိုင်ပါစေ။

အသင်းတော်အသက်တာကို အဖျက်အမှောင့်လုပ်ခြင်း မခံရဖို့ မကောင်းမှုပြုသူကို ဘုရား ဆုံးမပါစေ။

ဘုရားသခင်၏ စိတ်တော်နှင့် တညီတညွတ်တည်းဖြစ်ရန်

ပို၍များသောလူများကို ဘုရားသခင် စုံလင်အောင်ပြုပါစေ။

ချစ်ခင်နှစ်လိုဖွယ်ကောင်းသော ဘုရားသခင်အပေါ် စစ်မှန်သော ချစ်ခြင်းကို

လူအားလုံးတို့ ပူဇော်ဆက်ကပ်ကြပါစေ။

သူရွေးချယ်ထားသောလူများအားလုံး အလင်းတွင် အသက်ရှင်နေထိုင်ရန် ဘုရားသခင် ကောင်းချီးပေးပါစေ။

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ