အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှဂန္တဝင်နှုတ်ကပတ်တော်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၁၂။ ဘုရားသခင်၏ သတ်မှတ်ချက်များ၊ တိုက်တွန်းချက်များ၊ နှစ်သိမ့်မှုများ၊ သတိပေးချက်များနှင့် ပတ်သက်သည့် နှုတ်ကပတ်တော်များ

(၂) လူသားအပေါ် ဘုရားသခင်၏ တိုက်တွန်းချက်များ၊ နှစ်သိမ့်မှုများနှင့် ပတ်သက်သည့် နှုတ်ကပတ်တော်များ

၂၀။ ငါတို့သည် ဘုရားသခင်၏ ခြေရာများကို ရှာဖွေနေကြသည်နှင့်အညီ ဘုရားသခင်၏အလို၊ ဘုရားသခင်၏ နှုတ်ကပတ်တော်များနှင့် သူ၏မိန့်မြွက်ချက်များကို ငါတို့ရှာဖွေအပ်သည်၊ အဘယ်ကြောင့်ဆိုသော် ဘုရားသခင်မိန့်ကြားသည့် အသစ်သော နှုတ်ကပတ်တော်များရှိသော မည်သည့်နေရာ၌မဆို ဘုရားသခင်၏ အသံရှိပြီး၊ ဘုရားသခင်၏ ခြေလှမ်းများရှိသော မည်သည့်နေရာ၌မဆိုလည်း ဘုရားသခင်၏ လုပ်ဆောင်မှုများ ရှိသောကြောင့်ဖြစ်သည်။ ဘုရားသခင်၏ ဖော်ပြချက်ရှိသောနေရာတိုင်း၌ ဘုရားသခင်ပေါ်ထွန်းပြီး၊ ဘုရားသခင်ပေါ်ထွန်းသော နေရာတိုင်း၌ လမ်းခရီး၊ သမ္မာတရားနှင့် အသက်တို့ တည်ရှိသည်။ ဘုရားသခင်၏ ခြေရာများကို ရှာသောအခါ၌ “ဘုရားသခင်သည် လမ်းခရီးဖြစ်၏။ သမ္မာတရားလည်းဖြစ်၏။ အသက်လည်းဖြစ်၏” ဟူသည့် နှုတ်ကပတ်တော်များကို သင်တို့ လျစ်လျူရှုခဲ့ကြသည်။ ထို့ကြောင့် များစွာသောလူတို့သည် သမ္မာတရားကို ရရှိသောအခါ၌ပင်လျှင်၊ ဘုရားသခင်၏ ခြေရာများကို သူတို့ရှာတွေ့ပြီဟု မယုံကြည်ကြသည့်အပြင်၊ ဘုရားသခင်၏ ပေါ်ထွန်းခြင်းကို သာ၍ပင် အသိအမှတ် မပြုကြပေ။ စိုးရိမ်ဖွယ်ကောင်းလှသော အမှားပေတကား။ ဘုရားသခင်၏ ပေါ်ထွန်းခြင်းသည် လူတို့၏ အယူအဆများနှင့် ဆက်စပ်ညီညွတ်မှု မရှိနိုင်ပါ၊ လူသား၏ စေခိုင်းချက်ကြောင့် ပေါ်ထွန်းသည့် ဘုရားသခင် လုံးဝမဟုတ်ပါ။ ဘုရားသခင်သည် မိမိ၏အလုပ်ကို လုပ်သောအခါ၌ မိမိကိုယ်ပိုင် ရွေးချယ်ချက်များနှင့် မိမိကိုယ်ပိုင်အစီအစဉ်များကို ချမှတ်သည်။ ထို့အပြင် သူ၌ မိမိကိုယ်ပိုင် ရည်ရွယ်ချက်များနှင့် မိမိကိုယ်ပိုင်နည်းစနစ်များ ရှိသည်။ မည်သည့်အလုပ်ကို သူလုပ်သည်ဖြစ်စေ၊ လူနှင့်တိုင်ပင်ဖို့ သို့မဟုတ် လူ့ထံမှ အကြံဉာဏ်တောင်းဖို့ မလိုအပ်ပေ၊ အယောက်စီတိုင်းကို သူ၏အလုပ်အကြောင်း အသိပေးဖို့လည်း သာ၍ပင် မလိုအပ်ပေ။ ဤသည်မှာ ဘုရားသခင်၏ စိတ်သဘောထားဖြစ်သည့်အပြင် လူတိုင်း အသိအမှတ်ပြုသင့်သည့် အချက်ဖြစ်သည်။ ဘုရားသခင်၏ ပေါ်ထွန်းခြင်းကို သင်တို့မြင်တွေ့လိုလျှင်၊ ဘုရားသခင်၏ ခြေလှမ်းများနောက်သို့ လိုက်လိုလျှင်၊ ရှေးဦးစွာ သင်တို့၏ ကိုယ်ပိုင်အယူအဆများကို ရှောင်ခွာရမည်ဖြစ်သည်။ ဘုရားသခင်ကို သင်၏ကိုယ်ပိုင်အကန့်အသတ်ထဲတွင် ဘောင်ခတ်ထားရန်နှင့် သင်၏ကိုယ်ပိုင်အယူအဆများအတွင်း ကန့်သတ်ထားရန်တို့ကို မဆိုထားနှင့်၊ ဘုရားသခင်ကို ဟိုအရာလုပ်၊ သည်အရာလုပ်ဟုပင် မတောင်းဆိုရပေ။ ထိုအစား ဘုရားသခင်၏ ခြေရာများကို သင်တို့ မည်သို့ရှာဖွေသင့်ပုံ၊ ဘုရားသခင်၏ ပေါ်ထွန်းခြင်းကို မည်သို့လက်ခံသင့်ပုံ၊ ထို့ပြင် ဘုရားသခင်၏ အသစ်သော အလုပ်ကို မည်သို့နာခံသင့်ပုံတို့ကို မေးသင့်သည်၊ ဤသည်မှာ လူတို့ လုပ်ဆောင်သင့်သည့်အရာ ဖြစ်သည်။ လူသည် သမ္မာတရား မဟုတ်သည့်အပြင် သမ္မာတရားကိုလည်း မပိုင်ဆိုင်သောကြောင့် သူ့အနေဖြင့် ရှာဖွေကာ လက်ခံပြီး နာခံသင့်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ ပေါ်ထွန်းခြင်းသည် ခေတ်သစ်တစ်ခေတ်ကို အစပြုခဲ့၏” မှ

၂၁။ ဘုရားသခင် ပေါ်ထွန်းသော နေရာတိုင်းသည် သမ္မာတရားဖော်ပြခြင်းခံရသောနေရာ၊ ဘုရားသခင်၏အသံ ရှိမည်ဖြစ်သောနေရာ ဖြစ်သည်။ သမ္မာတရားကို လက်ခံနိုင်သောသူများသာ ဘုရားသခင်၏ အသံကို ကြားနိုင်လိမ့်မည်ဖြစ်ပြီး ထိုသို့သော သူများသည်သာ ဘုရားသခင်၏ ပေါ်ထွန်းခြင်းကို ကိုယ်တိုင်မြင်တွေ့နိုင်ဖို့အတွက် အရည်အချင်း ပြည့်မီသူများ ဖြစ်သည်။ သင်၏ အယူအဆများကို ဘေးဖယ်ထားလော့။ တိတ်တိတ်နေကာ ဤနှုတ်ကပတ်တော်များကို သေသေချာချာ ဖတ်လော့။ သင့်အနေဖြင့် သမ္မာတရားကို တောင့်တလျှင် ဘုရားသခင်သည် သင့်ကို ဉာဏ်အလင်းပေးလိမ့်မည်ဖြစ်ပြီး သူ၏အလိုနှင့် သူ၏နှုတ်ကပတ်တော်များကို သင်နားလည်လိမ့်မည်။ “မဖြစ်နိုင်” ဟူသည့် သင့်အမြင်များကို ဘေးဖယ်ထားလော့။ လူများအနေဖြင့် တစ်စုံတစ်ခုကို မဖြစ်နိုင်ဟု ယုံကြည်လေလေ၊ ယင်းမှာ ဖြစ်နိုင်ခြေ များလေလေဖြစ်သည်။ အဘယ်ကြောင့်ဆိုသော် ဘုရားသခင်၏ ဉာဏ်ပညာသည် ကောင်းကင်ထက် မြင့်မားပေ၏၊ ဘုရားသခင်၏ အကြံအစည်များသည်လည်း လူ၏အကြံအစည်များထက် သာ၍မြင့်မားကာ ဘုရားသခင်၏ အလုပ်သည် လူ့အတွေးအခေါ်နှင့် အယူအဆတို့၏ အကန့်အသတ်များကို သာလွန်သောကြောင့် ဖြစ်သည်။ တစ်စုံတစ်ခုသည် မဖြစ်နိုင်ဟု ထင်ရလေလေ၊ ယင်း၌ ရှာဖွေနိုင်သည့် သမ္မာတရား သာ၍များလေလေ ဖြစ်သည်။ တစ်စုံတစ်ခုသည် လူတို့၏ အယူအဆနှင့် စိတ်ကူးနိုင်စွမ်းထက် ကျော်လွန်သော အရာဖြစ်လေလေ၊ ယင်း၌ ဘုရားသခင်၏ အလိုဆန္ဒ သာ၍ပါလေလေဖြစ်သည်။ အဘယ်ကြောင့်ဆိုသော် မည်သည့်နေရာ၌ ဘုရားသခင်က သူ့ကိုယ်သူ ထုတ်ဖော်သည်ဖြစ်စေ ဘုရားသခင်သည် ဘုရားသခင်ပင် ဖြစ်သည်။ ထို့ပြင် ဘုရားသခင်ပေါ်ထွန်းသည့်နည်းဟန်နှင့် တည်နေရာကြောင့် သူ၏အနှစ်သာရမှာ ဘယ်သောအခါမျှ ပြောင်းလဲမည် မဟုတ်ပေ။ ဘုရားသခင်၏ ခြေရာများ မည်သည့်နေရာ၌ ရှိသည်ဖြစ်စေ ဘုရားသခင်၏ စိတ်သဘောထားက ပြောင်းလဲခြင်း မရှိပါ။ ထို့ပြင် ဘုရားသခင်၏ ခြေရာများ မည်သည့်နေရာ၌ ရှိသည်ဖြစ်စေ ဘုရားသခင်သည် လူသားအားလုံး၏ ဘုရားသခင်ဖြစ်သည်။ ယင်းအချက်မှာ သခင်ယေရှုသည် ဣသရေလလူမျိုးတို့၏ ဘုရားသာမဟုတ်ဘဲ အာရှ၊ ဥရောပနှင့် အမေရိကတိုက်ရှိ လူအားလုံး၏ ဘုရားဖြစ်သည်သာမက စကြဝဠာတစ်ခုလုံး၌ တစ်ဆူတည်းသော ဘုရားဖြစ်သကဲ့သို့ပင် ဖြစ်သည်။ ထို့ကြောင့် ဘုရားသခင်၏ အလိုကို ငါတို့ ရှာဖွေကြပါစို့။ ဘုရားသခင်၏ ပေါ်ထွန်းခြင်းကို သူ၏မိန့်မြွက်ခြင်းများထဲတွင် ရှာဖွေကြပါစို့။ ထို့ပြင် သူ၏ခြေလှမ်းများကို အမီလိုက်ကြပါစို့။ ဘုရားသခင်သည် လမ်းခရီးဖြစ်သည်၊ သမ္မာတရားလည်း ဖြစ်သည်၊ အသက်လည်း ဖြစ်သည်။ သူ၏နှုတ်ကပတ်တော်များနှင့် သူ၏ပေါ်ထွန်းခြင်းတို့သည် တစ်ပြိုင်တည်း တည်ရှိကြသည်။ သူ၏ စိတ်သဘောထားနှင့် ခြေရာများသည်လည်း လူသားများအဖို့ အစဉ် လမ်းဖွင့်ပေးထားသည်။ ချစ်သော ညီအစ်ကို မောင်နှမတို့၊ ဤနှုတ်ကပတ်တော်များထဲ၌ ဘုရားသခင်၏ ပေါ်ထွန်းခြင်းကို သင်တို့မြင်နိုင်မည်ဟု ငါမျှော်လင့်သည်။ ခေတ်သစ်တစ်ခေတ်ထဲသို့ သင်တို့ရှေ့တိုးလျက် လှမ်းသွားသည်နှင့် ဘုရားသခင်၏ခြေလှမ်းများနောက်သို့ စတင်လျှောက်လှမ်းပြီး ဘုရားသခင်၏ ပေါ်ထွန်းခြင်းကို စောင့်မျှော်နေကြသူများအတွက် ဘုရားသခင် ပြင်ဆင်ပေးထားသည့် လှပသော ကောင်းကင်သစ်နှင့် မြေကြီးသစ်ဆီသို့ ဝင်ရောက်ကြလိမ့်မည်ဟု ငါမျှော်လင့်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ ပေါ်ထွန်းခြင်းသည် ခေတ်သစ်တစ်ခေတ်ကို အစပြုခဲ့၏” မှ

၂၂။ လူမျိုးတိုင်း၊ တိုင်းနိုင်ငံတိုင်းနှင့် လုပ်ငန်းများမှ လူတိုင်းကို ဘုရားသခင်၏ အသံတော်ကို နားထောင်ရန်၊ ဘုရားသခင်၏ အမှုတော်ကို ကြည့်ရှုရန်၊ လူသားတို့၏ ကံကြမ္မာကို သတိမူကြရန် ငါတိုက်တွန်းနှိုးဆော်လိုသည်။ ဤနည်းအားဖြင့် ဘုရားသခင်အား အသန့်ရှင်းဆုံး၊ ဂုဏ်အသရေအရှိဆုံး၊ အမြင့်မားဆုံးနှင့် လူသားတို့ ကိုးကွယ်ဆည်းကပ်ရာ တစ်ပါးတည်းသောသူ ဖြစ်စေလျက် မူလအစက ဘုရားသခင် ဖန်ဆင်းခဲ့သော အာဒံနှင့်ဧဝတို့က ဧဒင်ဥယျာဉ်အတွင်း နေထိုင်ခဲ့သည့်အတိုင်း၊ ထို့ပြင် အာဗြဟံ၏ မျိုးဆက်များက ယေဟောဝါ၏ ကတိတော်များအောက်၌ နေထိုင်ခဲ့ကြသည့်အတိုင်းပင် လူသားအားလုံးကို ဘုရားသခင်၏ ကောင်းချီးမင်္ဂလာအောက်၌ နေထိုင်စေမည် ဖြစ်သည်။

ဘုရားသခင်၏အလုပ်သည် အားပါးတရ တဟုန်ထိုးတက်နေသော လှိုင်းလုံးများကဲ့သို့ ဖြစ်သည်။ မည်သူတစ်ဦးတစ်ယောက်ကမျှ သူ့ကို မထိန်းချုပ်နိုင်သကဲ့သို့ မည်သူကမျှလည်း သူ၏ခြေလှမ်းများကို မရပ်တန့်စေနိုင်ပါ။ ဘုရားသခင်၏ နှုတ်ကပတ်တော်ကို သေချာနားထောင်သောသူများနှင့် ဘုရားသခင်ကို ဆာငတ်လျက် ရှာဖွေသောသူများသည်သာ ဘုရားသခင်၏ ခြေလှမ်းများနောက်သို့ လိုက်နိုင်မည်ဖြစ်ပြီး သူ၏ကတိတော်များကို ရရှိမည်ဖြစ်သည်။ ထိုသို့မဟုတ်သူများမှာမူ ပြင်းထန်သော ဘေးဒုက္ခကို တွေ့ကြုံခံစားရမည်ဖြစ်ပြီး အပြစ်ဒဏ်ကျခံထိုက်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူသားမျိုးနွယ်အားလုံး၏ ကံကြမ္မာအပေါ် ဘုရားသခင် တာဝန်ယူဦးဆောင်သည်” မှ

၂၃။ သမ္မာတရားကို လက်ခံနိုင်စွမ်းရှိသူများအတွက် ယေရှုတစ်ဖန်ပြန်ကြွလာခြင်းသည် ကြီးမားသည့် ကယ်တင်ခြင်းတစ်ရပ်ဖြစ်သော်လည်း သမ္မာတရားကို လက်ခံနိုင်စွမ်းမရှိသူများအတွက် ဤသည်မှာ ပြစ်ဒဏ်စီရင်ခြင်း၏ လက္ခဏာတစ်ရပ်ဖြစ်သည်။ သင်တို့သည် မိမိလမ်းကြောင်း မိမိရွေးချယ်ရမည်ဖြစ်ပြီး သန့်ရှင်းသော ဝိညာဉ်တော်ကို ပြစ်မှားပြောဆိုခြင်းနှင့် သမ္မာတရားကို ငြင်းပယ်ခြင်းတို့ မပြုရ။ သင်တို့သည် အသိဉာဏ်ကင်းမဲ့သူနှင့် ဝင့်ဝါသူများ မဖြစ်ရ။ သို့သော် သန့်ရှင်းသောဝိညာဉ်တော်၏ လမ်းပြမှုကို လိုက်နာ၍ သမ္မာတရားကို တမ်းတကာ ရှာဖွေသူများ ဖြစ်ရမည်။ ဤနည်းဖြင့်သာ သင့်အတွက် အကျိုးရှိမည်။ ဘုရားသခင်အား ယုံကြည်သည့်လမ်းကြောင်းကို သတိဖြင့်လျှောက်လှမ်းရန် သင်တို့ကို ငါအကြံပြု၏။ အလွယ်တကူ ကောက်ချက်ချခြင်း မပြုနှင့်။ ထို့အပြင် ဘုရားသခင်အပေါ် သင်တို့ယုံကြည်ခြင်းအရာတွင် သာမန်ကာလျှံကာဖြစ်ခြင်းနှင့် ပူပန်ကြောင့်ကြမဲ့ခြင်းတို့ မဖြစ်စေနှင့်။ ဘုရားသခင်ကို ယုံကြည်သောသူတို့သည် အနည်းဆုံးအနေဖြင့် စိတ်နှလုံးနှိမ့်ချ၍ ရိုသေလေးမြတ်မှု ရှိရမည်ဖြစ်ကြောင်း သင်တို့သိသင့်သည်။ သမ္မာတရားကို ကြားဖူးသော်လည်း ၎င်းတို့အတွက် သေးသိမ်သဖြင့် လက်မခံသောသူတို့သည် မိုက်မဲ၍ အသိဉာဏ်ကင်းမဲ့ကြ၏။ သမ္မာတရားကို ကြားဖူးသော်လည်း သတိမပြုဘဲ အလွယ်တကူကောက်ချက်ချသူများ သို့မဟုတ် ရှုတ်ချသူများသည် ဝင့်ဝါခြင်းဖြင့် ဒုက္ခ ခံစားနေကြ၏။ ယေရှုကိုယုံကြည်သူ မည်သူမျှ တစ်ပါးသူအား ကျိန်ဆဲခြင်း၊ ရှုတ်ချခြင်းများပြုရန် မသင့်တော်ပေ။ သင်တို့အားလုံးသည် ဆင်ခြင်တုံတရားရှိ၍ သမ္မာတရားကို လက်ခံသူများ ဖြစ်ရမည်။ သင်သည် သမ္မာတရားလမ်းအကြောင်းကို ကြားခဲ့ပြီး အသက်နှင့်ဆိုင်သော နှုတ်ကပတ်တော်ကို ဖတ်ပြီးသည့်နောက် ဤစကားလုံး ၁၀,၀၀၀ အနက် စကားတစ်လုံးသာလျှင် သင်၏ခံယူချက်များနှင့် သမ္မာကျမ်းစာတို့နှင့် ကိုက်ညီသည်ဟု သင်ယူဆကောင်းယူဆနိုင်သည်။ ထို့နောက် သင်သည် ဤ ၁၀,၀၀၀ မြောက်သောစကားလုံးကို ဆက်လက်ရှာဖွေရမည်။ သင်သည် နှိမ့်ချမှုရှိရန်၊ မိမိကိုယ်ကိုယုံကြည်စိတ် မလွန်ကဲရန်နှင့် မိမိကိုယ်ကို လွန်ကဲစွာ မချီးကျူးရန် ငါအကြံပြုသေး၏။ သင်၏နှလုံးသားတွင် ဘုရားသခင်ကို ထိုသို့အနည်းငယ် ရိုသေလေးမြတ်မှု ရှိလျှင်ပင် သင်သည် ပို၍ကြီးမားသော အလင်းကိုရလိမ့်မည်။ သင်သည် ဤနှုတ်ကပတ်တော်များကို သေချာစွာစစ်ဆေး၍ ကြိမ်ဖန်များစွာ ဆင်ခြင်ပါက ၎င်းတို့သည် သမ္မာတရား ဟုတ်မဟုတ်နှင့် ၎င်းတို့သည် အသက်ဟုတ်မဟုတ်ကို သင်နားလည်လိမ့်မည်။ အချို့သူများသည် ဝါကျတစ်ကြောင်း နှစ်ကြောင်းကိုသာ ဖတ်ပြီး “ဤသည်မှာ သန့်ရှင်းသော ဝိညာဉ်တော်၏ ဉာဏ်အလင်းရစေခြင်းပင်ဖြစ်သည်” ဟူ၍ဖြစ်စေ၊ “ဤသည်မှာ လူသားတို့အားလှည့်ဖြားရန် ရောက်လာသည့် ခရစ်တော်၏ အယောင်ကိုဆောင်သောသူဖြစ်၏” ဟူ၍ဖြစ်စေ ပြောဆိုလျက် ဤနှုတ်ကပတ်တော်များကို ကြောင်းကျိုးမမြင်ဘဲ ရှုတ်ချနိုင်သည်။ ထိုကဲ့သို့သောအရာများကို ပြောသူတို့သည် အသိဉာဏ်ကင်းမဲ့မှုဖြင့် မျက်ကန်းနေကြသည်တကား။ ဘုရားသခင်၏အမှုတော်နှင့် ဉာဏ်အမြော်အမြင်ကို သင်နားလည်သည်မှာ နည်းပါးလွန်း၏။ ထို့ကြောင့် အစမှပြန်စရန် သင့်ကိုငါအကြံပြု၏။ နောက်ဆုံးကာလတွင် ခရစ်တော်၏အယောင်ကိုဆောင်သောသူများ ပေါ်ထွက်လာခြင်းကြောင့် သင်တို့သည် ဘုရားသခင် ထုတ်ဖော်ပြောဆိုသော နှုတ်ကပတ်တော်များကို ဆင်ကန်းတောတိုး ရှုတ်ချခြင်း မပြုရ။ သင်တို့သည် လှည့်ဖြားမှုကို ကြောက်ရွံ့သဖြင့် သန့်ရှင်းသော ဝိညာဉ်တော်ကို ပြစ်မှားပြောဆိုခြင်း ပြုသူတစ်ဦး မဖြစ်ရ။ ဤသို့ဖြစ်ပါက လွန်စွာ သနားဖွယ်မကောင်းပေဘူးလော။ များစွာစစ်ဆေးပြီးသည့်နောက် ဤနှုတ်ကပတ်တော်များသည် သမ္မာတရားမဟုတ်၊ လမ်းခရီးမဟုတ်၊ ဘုရားသခင်၏ ထုတ်ဖော်ပြောဆိုချက် မဟုတ်ဟု သင်ယုံကြည်ဆဲဖြစ်ပါက သင်သည် အဆုံးတွင် အပြစ်ဒဏ်ပေးခြင်းခံရမည်ဖြစ်ပြီး သင်သည် ကောင်းချီးမင်္ဂလာများ ကင်းမဲ့လိမ့်မည်။ ထိုသို့သော သိသာထင်ရှားလှစွာ ပြောဆိုထားသည့် သမ္မာတရားကို သင်လက်မခံနိုင်ပါက သင်သည် ဘုရားသခင်၏ကယ်တင်ခြင်းနှင့် မထိုက်တန်ပေ။ သင်သည် ဘုရားသခင်၏ပလ္လင်တော်ရှေ့ တစ်ဖန်ပြန်ရောက်ရန် အခွင့်မသာသောသူတစ်ဦး ဖြစ်နေမည် မဟုတ်ပေသလော။ စဉ်းစားကြည့်စမ်းလော့။ အလျင်မလိုနှင့်၊ စိတ်မြန်လက်မြန် မလုပ်နှင့်။ ထို့အပြင် ဘုရားသခင်အပေါ် ယုံကြည်ခြင်းအရာကို ကစားပွဲတစ်ခုအဖြစ် မမှတ်ယူနှင့်။ သင်၏ခရီးဆုံးပန်းတိုင်အတွက်၊ သင်၏ အလားအလာများအတွက်၊ သင်၏အသက်တာအတွက် စဉ်းစားလော့၊ မိမိကိုယ်ကို ပြက်တီးပြက်ချော်မပြုနှင့်။ ဤနှုတ်ကပတ်တော်များကို သင်လက်ခံနိုင်သလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ယေရှု၏ဝိညာဉ်ခန္ဓာကို သင်တွေ့သည့်အချိန်သည် ဘုရားသခင်မှ ကောင်းကင်နှင့်မြေကြီး အသစ်တစ်ဖန်ပြန်၍ပြုလုပ်ပြီးချိန် ဖြစ်မည်” မှ

၂၄။ လူအများက ဘုရားသခင်၏ ဒုတိယအကြိမ် လူ့ဇာတိခံယူခြင်း အကြောင်းအား ခံစားမှုမကောင်းကြရသည်မှာ တရားစီရင်ခြင်းအမှုကို ဘုရားသခင်က လူ့ဇာတိခံယူ လုပ်ဆောင်မည်ကို လူအနေနှင့် ယုံရန်ခက်သောကြောင့်ဖြစ်၏။ သို့သော်လည်း သင့်ကို ငါပြောလိုသည်မှာ ဘုရားသခင်၏ အမှုသည် လူသားတို့ မျှော်လင့်ထားသည်များထက် မကြာခဏ သာလွန်တတ်ပြီး လူသားတို့စိတ်နှင့် လက်ခံရန် ခက်ခဲသည်ဆိုခြင်းပင်။ အကြောင်းမှာ လူတို့သည် ကမ္ဘာမြေကြီးပေါ်မှ ပိုးလောက်ကောင်မျှသာဖြစ်၍ ဘုရားသခင်မှာမူ စကြဝဠာအနှံ့ ဖြည့်သည့် အာဏာအမြင့်ဆုံးသော ပုဂ္ဂိုလ်ဖြစ်သောကြောင့် ဖြစ်သည်၊ လူ၏စိတ်မှာမူ ပိုးလောက်များကိုသာ ထကြွစေသည့် ညစ်ညမ်းသောရေအိုင်နှင့် သဏ္ဌာန်တူသည်။ ဘုရားသခင်၏ ဉာဏ်ပညာမှ ညွှန်သော အမှုအဆင့်တိုင်းမှာမူ ဘုရားသခင် ဉာဏ်ပညာ၏ အဆီအနှစ်ပင်တည်း။ လူသားသည် တသမတ်တည်း ဘုရားသခင်ကို စောဒက တက်ရန် ဆန္ဒရှိသည်။ ထိုသို့ဖြစ်လျှင် နောက်ဆုံးတွင် ဆုံးရှုံးမှုခံရမည့် ကိုယ်ပိုင် သက်သေပင် ဖြစ်ကြောင်း ငါပြောမည်။ သင်တို့ကို ငါတိုက်တွန်းလိုသည်မှာ ကိုယ့်ကိုယ်ကို ရွှေထက် သာ၍ အရေးပါသည်ဟု မမှတ်ယူကြနှင့်။ အခြားလူများက ဘုရားသခင်၏ တရားစီရင်မှုကို လက်ခံနိုင်လျှင် သင်က ဘာ့ကြောင့် လက်မခံနိုင်သနည်း။ သင်သည် အခြားသူများထက် မည်မျှ ရပ်တည်မှု မြင့်သနည်း။ အခြားသူများက သမ္မာတရားကို ဦးညွှတ်နိုင်ကြသော်လည်း သင်က ဘာ့ကြောင့် သူတို့ကဲ့သို့ မလုပ်နိုင်ရသနည်း။ ဘုရားသခင်၏ အမှုသည် ရပ်တန့်မှုကင်းသော အရှိန်အဟုန် တစ်ခုပင်ဖြစ်၏။ သူသည် သင်၏ “အထောက်အကူပြုသော ဆောင်ရွက်မှု” အတွက်နှင့် တရားစီရင်သည့်အလုပ်ကို ထပ်လုပ်မည်မဟုတ်၊ သင်သည် ထိုမျှ အခွင့်ကောင်းတစ်ခုကို လွဲချော်ခဲ့ပါက နောင်တစိတ်နှင့် ပြည့်ရလိမ့်မည်။ ငါ၏စကားများကို သင်မယုံလျှင် မိုးကောင်းကင်တွင် ပေါ်လာမည့် မဟာပလ္လင်ဖြူမှ သင့်အပေါ်သို့လာမည့် တရားစီရင်ချက်ကို စောင့်ပါ။ သင်သိသင့်သည်မှာ ဣသရေလတို့သည် ယေရှုကို ပယ်ချငြင်းပယ်သော်လည်း ယေရှု၏ လူသားမျိုးနွယ်အပေါ် ရွေးနုတ်ခြင်းဟူသော အချက်သည် ယခုထိ စကြဝဠာအဆုံးတိုင် ပျံ့ နှံ့ လျက်ရှိလေသည်။ ယင်းသည် လွန်ခဲ့သောအချိန်က ဘုရားသခင်ပြုခဲ့သော အဖြစ်မှန် မဟုတ်လား။ အကယ်၍ သင့်ကို ယေရှုရှင်က ကောင်းကင်သို့ ချီဆောင်ပေးရန် စောင့်မျှော်ဆဲ ဆိုလျှင် သင်သည် ခေါင်းမာသော သစ်တိုင်သေ၏ အပိုင်းအစတစ်ခုက ပင် ဖြစ်သည်ဟု ငါပြောမည်။ သင်ကဲ့သို့ ကောင်းချီးများကိုသာရှာပြီး၊ သမ္မာတရားအပေါ် သစ္စာမဲ့သော ယုံကြည်မှုမှားနေသူကို ယေရှုသည် အသိအမှတ်ပြုလိမ့်မည်မဟုတ်။ သင်ယုံသည်နှင့် ဆန့်ကျင်ဖက် ဖြစ်သော ငရဲမီးအိုင်ထဲ နှစ်သောင်းချီ၍ သင်ကျရောက်ရန် အနှင်ခံရသည့်အခါ သူက သင့်ကို ဂရုဏာ ပြလိမ့်မည် မဟုတ်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ခရစ်တော်သည် တရားစီရင်ခြင်း အမှုကို သမ္မာတရားဖြင့် ဆောင်ရွက်၏” မှ

၂၅။ သင်တို့အားများစွာသော ကြိုတင်သတိပေးချက်များနှင့် များစွာသော သမ္မာတရားများကို သင်တို့အား သိမ်းပိုက်နိုင်စေဖို့ရန် ငါပေးအပ်ခဲ့ပြီး ဖြစ်ပေသည်။ ယနေ့တွင် သင်တို့သည် သင်တို့ယခင်က ပြုလုပ်ခဲ့သည့် အရာထက် သာ၍များစွာ ကြွယ်ဝနေသည်၊ လူတစ်ဦး၌ ဖြစ်နေသင့်သည့် နိယာမများစွာတို့အားလည်း နားလည်ထားသည်၊ သစ္စာရှိသော သူတစ်ယောက်၌ ရှိထားသင့်သည့် သာမန်အသိဉာဏ် များစွာကိုလည်း ရှိထားသည်ဟု ခံစားရပေမည်။ ထိုအရာတို့သည် ယခုတွင် သင်၌ နှစ်ပေါင်းများစွာမှ ရရှိလာသည့် အရာပင် ဖြစ်သည်။ သင်တို့၏ အောင်မြင်မှုများကို ငါမငြင်းလိုပါ၊ သို့သော်လည်း သင်တို့၏ မြောက်များလှသည့် နာမခံတတ်ခြင်း၊ နှစ်များစွာတိုင် ငါ့အား ပုန်ကန်ခြင်းတို့ကိုလည်း ငါမငြင်းလိုကြောင်းကို ပွင့်လင်းစွာ ငါပြောရပေမည်၊ အဘယ်ကြောင့်ဆိုသော် သင်တို့အထဲ၌ စင်ကြယ်သောသူ တစ်ယောက်မျှ မရှိဘဲ၊ သင်တို့သည် စာတန်အားဖြင့် ပျက်စီးယိုယွင်းသောသူဖြစ်ကြပြီး ခရစ်တော်၏ ရန်သူများပင် ဖြစ်ကြသောကြောင့်ဖြစ်သည်။ သင်တို့၏ ဒုစရိုက်အပြစ်များနှင့် လက်ရှိကာလထိတိုင်အောင် နာမခံမှုများက မရေတွက် နိုင်အောင်ပင် ရှိနေသောကြောင့်၊ ငါသည် သင်တို့၏ရှေ့မှောက်၌ မိမိကိုယ်ကိုယ် ထပ်ကျော့ပြန်နေရသည် မှာလည်း မထူးဆန်းလှပေ။ ဤကဲ့သို့သောနည်းဖြင့် သင်တို့နှင့်အတူ ငါအသက်မရှင်ချင်ပေ၊ သို့သော် သင်တို့၏ အနာဂတ်နှင့် သင်တို့၏ ခရီးဆုံးပန်းတိုင်ကြောင့်သာလျှင် ငါတစ်ကြိမ် ပြောကြားခဲ့ပြီးသည့် အရာကို ဤနေရာတွင် နောက်တစ်ဖန် ငါထပ်ပြောဦးမည်။ သင်တို့သည် ငါ၏အလိုကျ လုပ်ဆောင်ပေးမည်ဟု ငါမျှော်လင့်သည်၊ ထို့အပြင် ငါပြောသော စကားတိုင်းအားလည်း သင်တို့သည် ယုံကြည်နိုင် လိမ့်မည်ဟု ငါသည် သာ၍မျှော်လင့်ပေသည်၊ ထိုမျှမကပင်၊ ငါ၏ စကားတို့ကို နက်ရှိုင်းစွာ ဆင်ခြင်သုံးသပ် လိုက်လျှောက်မည်ဟု မျှော်လင့်သည်။ ငါပြောသည့်အရာကို သံသယမရှိနှင့်၊ သို့မဟုတ်ပါက၊ ငါသည်းမခံနိုင်သော အရာဖြစ်သည့် ငါပြောသည့် စကားတို့ကို သင်တို့ အလိုရှိသည်အတိုင်း ကောက်ယူခြင်း၊ စိတ်ကြိုက် လွင့်ပစ်ခြင်းများ သာ၍ မပြုနှင့်။ ငါ၏ စကားများကို ဝေဖန်ခြင်းမပြုနှင့်၊ ငါ၏ စကားများကို ပေါ့ပေါ့တန်တန် သဘောထားခြင်းကို သာ၍မပြုနှင့်၊ သို့မဟုတ် ငါသည်သင့်အား အစဉ်ပင် သွေးဆောင်နေသည်ဟု မပြောနှင့်၊ သို့မဟုတ် သင့်အား ငါပြောခဲ့ပြီးသော အရာတို့သည် တိကျမှန်ကန်မှု ကင်းမဲ့သည်ဟု သာ၍မပြောနှင့်။ ဤအရာများကို ငါသည်းမခံနိုင်ပေ။ သင်တို့သည် ငါနှင့် ငါပြောသောစကားများကို မခံယူခြင်း၊ သံသယများ ဖြင့် ဆက်ဆံခြင်း ပြုကြသောကြောင့် ငါသည် သင်တို့တစ်ဦးချင်းစီအား လေးလေးနက်နက် ပြောဆိုနေပါသည်- ငါပြောသော အရာများကို အတွေးအခေါ်ပညာနှင့် ဆက်အပ်စေခြင်း မပြုနှင့်၊ ဆရာယောင် သမားယောင်တို့၏ လိမ်ညာခြင်းများနှင့် ငါပြောသောအရာတို့ကို အတူထားရှိခြင်း မပြုနှင့်၊ ထို့အပြင် ငါ၏ စကားများကို မထီမဲ့မြင်ပြုခြင်းဖြင့် တုံ့ပြန်ခြင်း မပြုနှင့်။ အနာဂါတ်တွင် မည်သူတစ်ဦးတစ်ယောက်မျှ ငါသင်တို့ကို ပြောနေသော အရာများကို သင်တို့အား ပြောဆိုနိုင်ခြင်း ရှိမည်မဟုတ်၊ သို့မဟုတ် သင်တို့အား သနား ကြင်နာစွာဖြင့် ပြောဆိုခြင်း ရှိမည်မဟုတ်၊ ထို့ထက်မက စိတ်ရှည်စွာနှင့် သင်တို့အား ဤအချက်များ တစ်လျှောက် သာ၍ပင် လိုက်လျှောက် ပေးနိုင်မည်မဟုတ်။ ရောက်ရှိလာမည့် နေ့ရက်များသည် အချိန်အခါ ကောင်းများကို ပြန်လည်အမှတ်ရခြင်း သို့မဟုတ် ကျယ်လောင်စွာငိုကြွေးခြင်း၊ သို့မဟုတ် နာကျင်ခြင်း များဖြင့် ညည်းတွားနေရခြင်းဖြင့် ကုန်ဆုံးကြရမည် ဖြစ်သည်၊ သို့မဟုတ် သင်တို့သည် သမ္မာတရား သို့မဟုတ် အသက်၏ ထောက်ပံ့မှု စိုးစဉ်းမျှ မပါရှိဘဲနှင့် အမှောင်ညများတစ်လျှောက် အသက်ရှင်ရ လိမ့်မည်၊ သို့မဟုတ် သင်သည် မျှော်လင့်ချက် ကင်းမဲ့စွာနှင့်၊ သို့မဟုတ် သင်တို့သည် မဆင်ခြင်နိုင်သည် အထိပင် ထိုကဲ့သို့ ခါးသီးသော နောင်တရခြင်းနှင့် စောင့်မျှော်နေရလိမ့်မည်။ ဤအခြားသော ဖြစ်နိုင်ချေများသည် သင်တို့အထဲမှ လူတိုင်းနီးပါး မလွဲရှောင်နိုင်သည့် အရာများဖြစ်ပေသည်။ အကြောင်းမှာ သင်တို့ အထဲမှ မည်သူတစ်ဦး တစ်ယောက်မျှ သင်တို့ အမှန်တကယ် ကိုးကွယ်သည့် ဘုရားသခင်အား နေရာပေးခြင်း မရှိကြဘဲ၊ မကောင်းဆိုးဝါးအမှုနှင့် ကိုယ်ကျင့် သိက္ခာကင်းမဲ့သည့် လောကထဲ၌ ကိုယ်တိုင် ကျင်လည်နစ်မြုပ်ကာ၊ သင်တို့၏ ယုံကြည်ချက်များထဲသို့၊ ဝိညာဉ်များထဲသို့၊ ခန္ဓာကိုယ်များထဲသို့၊ အသက်နှင့် သမ္မာတရားနှင့် မည်သို့မျှ မစပ်ဆိုင်ဘဲ တကယ်တမ်းတွင်မူ ယင်းအရာများကို ဆီးတားသည့် များစွာသော အရာများကို ရောစပ်ကြလေသောကြောင့် ဖြစ်သည်။ ထို့ကြောင့် သင်တို့အတွက် ငါမျှော်လင့်သည့် အရာသည် အလင်း၏ လမ်းကြောင်းထဲသို့ သင်တို့အား ခေါ်ဆောင်လာရန်ပင် ဖြစ်သည်။ ငါ၏ တစ်ခုတည်းသော မျှော်လင့်ချက်မှာ သင်တို့သည် မိမိတို့ကိုယ်မိမိ စောင့်ရှောက်နိုင်ရန်၊ မိမိတို့ကိုယ်ကိုယ် ဂရုစိုက်နိုင်ရန်၊ သင်တို့၏ အကျင့် လက္ခဏာနှင့် ဒုစရိုက်အပြစ်များကို ဥပက္ခာပြုသည်အထိ သင်တို့၏ ခရီးဆုံးပန်းတိုင်ကို အလွန်တရာ အလေးအနက်ထားရှိခြင်း မပြုရန်ပင် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဒုစရိုက်အပြစ်များက လူကိုငရဲသို့ ပို့ဆောင်လိမ့်မည်” မှ

၂၆။ ယနေ့၊ သင်မည်သို့ သိမ်းပိုက်ခံရကြောင်းကိုသာ ကျေနပ်အားရနေ၍မဖြစ်၊ အနာဂတ်တွင် သင်လျှောက်လှမ်းမည့် လမ်းကြောင်းကိုလည်း သင်စဉ်းစားရမည်။ သင့်တွင် စုံလင်အောင်ပြုခံရခြင်းငှာ ရည်မှန်းချက်များနှင့် ရဲရင့်ခြင်းရှိရမည်။ သင့်ကိုယ်သင် မစွမ်းဆောင်နိုင်သူဟု အမြဲမတွေးသင့်။ သမ္မာတရားတွင် မျက်နှာသာပေးခြင်းများ ရှိသလော။ သမ္မာတရားသည် လူများကို တမင်ရည်ရွယ်ကာ ဆန့်ကျင်နိုင်ပါသလော။ သမ္မာတရားနောက်သို့ သင်လိုက်လျှင် ယင်းက သင့်အား ဒုက္ခပေးနိုင်သလော။ တရားမျှတမှုအတွက် သင်ရပ်တည်လျှင် ယင်းက သင့်ကို လဲပြိုစေမည်လော။ အသက် နောက်သို့လိုက်ရန် သင့်တွင် ရည်မှန်းချက် အမှန်ရှိပါက အသက်က သင့်ကို တိမ်းရှောင်မည်လော။ သင်သည် သမ္မာတရားနှင့်အတူ မရှိလျှင် ယင်းမှာ သမ္မာတရားက သင့်ကို မသိကျိုးကျွန်ပြုခြင်း မဟုတ်ဘဲ သင်က သမ္မာတရားနှင့်ဝေးရာမှာ နေသောကြောင့်သာဖြစ်သည်။ တရားမျှတမှုအတွက် သင်ခိုင်မြဲစွာ မရပ်တည်နိုင်လျှင် ယင်းမှာ တရားမျှတမှုတွင် တစ်စုံတစ်ခု မှားယွင်းနေခြင်းမဟုတ်ဘဲ အချက်အလက်များနှင့်မညီဟု သင်ထင်သောကြောင့်ဖြစ်သည်။ နှစ်ပေါင်းများစွာ သင်ရှာဖွေသော်လည်း အသက်ကို သင်မရသေးလျှင် ယင်းမှာ အသက်တာက သင်အပေါ် စောင့်သိမှုမရှိခြင်း မဟုတ်ဘဲ သင်က အသက်တာအပေါ် မစောင့်သိဘဲ အသက်ကို မောင်းထုတ်ထားခြင်းတို့ကြောင့် ဖြစ်သည်။ သင်သည် အလင်းထဲ၌နေပြီး အလင်းကိုရယူရန် မစွမ်းဆောင်နိုင်ခဲ့ပါက သင့်အပေါ်သို့ အလင်းထွန်းတောက်ရန် မဖြစ်နိုင်ခြင်း မဟုတ်ဘဲ အလင်းတည်ရှိခြင်းကို သင်အာရုံမစိုက်သောကြောင့် အလင်းသည် သင့်ထံမှ တိတ်ဆိတ်စွာ ဖယ်ခွာသွားခြင်းသာဖြစ်သည်။ သင်ရှာမှီးခြင်း မရှိပါက သင်သည် အဖိုးမတန်သော အမှိုက်ဖြစ်သည်၊ သင့်အသက်တာတွင် ရဲရင့်ခြင်းမရှိ၊ အမှောင်စွမ်းအားကို ခုခံရန် စွမ်းအားမရှိဟုသာ ပြောနိုင်သည်။ သင်သည် ပျော့ညံ့လွန်းသည်။ သင့်ကိုဝိုင်းထားသော စာတန်၏ စွမ်းအားများမှ လွတ်မြောက်နိုင်ခြင်းမရှိဘဲ ဤသို့သော လုံခြုံဘေးကင်းသောဘဝကို ဦးဆောင်ပြီး မသိနားမလည်မှုများဖြင့် သေဆုံးသွားရန်သာ သင်အလိုရှိသည်။ သင်လုပ်ဆောင်ရမည်မှာ သိမ်းပိုက်ခြင်း ခံရဖို့ဖြစ်သည်၊ ယင်းသည် သင်၏ အလေးအနက်ထားရမည့် တာဝန်ဖြစ်သည်။ အကယ်၍ သင်သည် သိမ်းပိုက်ခံရမှုကို ကျေနပ်နေပါက အလင်းတည်ရှိမှုကို သင်မောင်းထုတ်ခြင်းဖြစ်သည်။ သမ္မာတရားအတွက် ခက်ခဲမှုကို သင်ခံစားရမည်၊ သမ္မာတရားအတွက် သင့်ကိုယ်သင် ပေးဆပ်ရမည်၊ သမ္မာတရားအတွက် အရှက်တကွဲဖြစ်ခြင်းကို ခံရမည်၊ ထို့နောက် သမ္မာတရားကို သင်ပိုမိုရရှိရန်အတွက် ပို၍ပင် ဒုက္ခဆင်းရဲခံရပေမည်။ ဤသည်မှာ သင်လုပ်သင့်သည့်အရာဖြစ်သည်။ ငြိမ်းချမ်းသော မိသားစုဘဝတစ်ခုအတွက် သမ္မာတရားကို သင်လက်မလွှတ်ရ၊ တဒင်္ဂပျော်ရွှင်မှုအတွက် သင့်ဘဝ ဂုဏ်သိက္ခာနှင့် သမာဓိကို အဆုံးရှုံးမခံရ။ လှပကောင်းမွန်သောအရာအားလုံးကို သင်လေ့လာလိုက်စားရမည်၊ ပိုမိုလေးနက်သော ဘဝလမ်းကြောင်းကို ရှာမှီးသင့်သည်။ ဤသို့သော ပေါ့တန်သည့်ဘဝတွင် သင်နေထိုင်ပြီး မည်သည့်ရည်ရွယ်ချက်နောက်ကိုမျှ မလိုက်လျှင် သင့်ဘဝကို အချည်းနှီးဖြစ်စေသည် မဟုတ်လော။ ထိုသို့သောဘဝမှ မည်သည့်အရာကို သင်ရနိုင်မည်နည်း။ သမ္မာတရားတစ်ခုအတွက် ဇာတိပကတိ၏ ပျော်မွေ့ဖွယ်ရာများ အားလုံးကို သင်ကျောခိုင်းသင့်ပြီး ပျော်ရွှင်မှုအနည်းငယ်အတွက် သမ္မာတရားအားလုံးကို မစွန့်ပယ်သင့်။ ဤကဲ့သို့သောသူများတွင် သမာဓိ၊ သို့မဟုတ် ဂုဏ်သိက္ခာ မရှိ၊ သူတို့၏ ဖြစ်တည်မှုသည် အဓိပ္ပာယ်အလျှင်းမရှိ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ပေတရု၏ အတွေ့အကြုံများ- သူသိသော ပြစ်တင်ဆုံးမခြင်းနှင့် တရားစီရင်ခြင်းအကြောင်း” မှ

၂၇။ သင်လိုက်စားသော အရာမှာ သမ္မာတရားကို ရှာဖွေခြင်း မဟုတ်ပါက ဤအခွင့်အရေးကို စိတ်မပါတပါ အသုံးချပြီး လောကထဲသို့ ပြန်ပြီး လိုက်စားသော အရာတွင် အောင်မြင်အောင် လုပ်နိုင်ပါသည်။ ဤပုံစံဖြင့် သင်၏အချိန်ကို ဖြုန်းတီးခြင်းမှာ အမှန်တကယ် မတန်ပါ၊ အဘယ်ကြောင့် သင့်ကိုယ်သင် နှိပ်စက်ရသနည်း။ လှပသော လောကကြီးထဲတွင် အမျိုးမျိုးသော အရာတို့ကို သင်မွေ့လျော်ခံစားနိုင်ခြင်း မရှိသလော။ ငွေ၊ လှပသော အမျိုးသမီးများ၊ ရာထူးအဆင့်အတန်း၊ ပကာသန၊ မိသားစု၊ သားသမီးနှင့် အစရှိသည့် ထိုအရာ အားလုံးမှာ သင်မွေ့လျော်ခံစားနိုင်သည့် လောကကြီး၏ အကောင်းဆုံးသော ရလဒ်များ မဟုတ်သလော။ ဤနေရာတွင် တဝဲလည်လည်လုပ်၍ သင်ပျော်ရွင်နိုင်မည့် နေရာတစ်ခုကို ရှာဖွေနေခြင်းမှာ အဘယ် အကျိုးရရှိနိုင်သနည်း။ လူသားမူကား ခေါင်းချရာမျှ မရှိ၊ ထို့ကြောင့် သင်၌ သောကကင်းဝေးသော နေရာတစ်ခု အဘယ်အတွက်ကြောင့် ရှိနိုင်သနည်း။ သူသည် သင့်အတွက် သောကကင်းဝေးပြီး လှပသောနေရာတစ်ခုကို အဘယ်အတွက် ဖန်တီးပေးနိုင်သနည်း။ ၎င်းမှာ ဖြစ်နိုင်ချေ ရှိသလော။ ငါ၏တရားစီရင်ခြင်းအပြင် သမ္မာတရားနှင့်ပတ်သက်သည့် သွန်သင်ချက်များကိုသာ သင်ယနေ့ရရှိနိုင်သည်။ ငါ့ထံမှ နှစ်သိမ့်မှုကို သင်မရနိုင်သကဲ့သို့ နေ့ရောညပါ သင်တွေးနေသည့် ပျော်ရွှင်စရာ အသိုက်အမြုံကိုလည်း သင်ရနိုင်မည် မဟုတ်ပါ။ သင့်အပေါ်သို့ လောက၏ ကြွယ်ဝချမ်းသာမှုများကို ငါပေးအပ်မည်မဟုတ်။ အကယ်၍ သင်စစ်မှန်စွာ လိုက်စားပါက ငါသည် သင့်အား အသက်လမ်းကို အပြည့်အဝ ပေးလိုပြီး သင့်အား ရေထဲသို့ ပြန်လွှတ်ပေးသော ငါးတစ်ကောင်ကဲ့သို့ ဖြစ်စေမည်။ အကယ်၍ သင်စစ်မှန်စွာ မလိုက်စားပါက အရာခပ်သိမ်းကို ငါပြန်ယူမည်။ ငါ၏နှုတ်မှ နှုတ်ကပတ်တော်များကို နှစ်သိမ့်မှုအတွက် လောဘကြီးသောသူများနှင့် ဝက်များနှင့် ခွေးများကဲ့သို့သောသူများကိုပေးရန် ငါအလိုမရှိ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အဖြည့်ခံဖြစ်ရန် သင်အဘယ်ကြောင့် အလိုမရှိသနည်း” မှ

၂၈။ ဘုရားသခင်၏ မတုန်မလှုပ်နောက်လိုက် မဖြစ်ပါစေနှင့်၊ ထူးဆန်းသည့် အရာများနောက် မလိုက်နှင့်။ အအေးမဟုတ်၊ အပူမဟုတ် နေခြင်းအားဖြင့် သင့်ကိုယ်သင် ပျက်စီးစေပြီး သင့်အသက်တာ နှောင့်နှေးပေလိမ့်မည်။ ထိုသို့မတုန်မလှုပ်ဖြစ်ခြင်းနှင့် တက်ကြွမှုမရှိခြင်းတို့ကို သင့်ထံမှ ဖယ်ရှားပစ်ရမည်။ အပြုသဘောဆောင်သော အရာများ၌ ကျွမ်းကျင်လာအောင်ပြုပြီး သင့်အားနည်းချက်များကို ကျော်လွှားရမည်။ သို့နှင့် သင်သည် သမ္မာတရားကို ပိုင်ဆိုင်ပြီး သမ္မာတရားနှင့်အညီ နေထိုင်နိုင်ပေမည်။ သင့်အားနည်းချက်များအကြောင်း စိုးရိမ်စရာမရှိပါ။ သင့်ချို့ယွင်းချက်များသည်လည်း သင့်အတွက် အကြီးမားဆုံးပြဿနာ မဟုတ်ပါ။ သင်၏အကြီးမားဆုံးပြဿနာနှင့် အကြီးကျယ်ဆုံး ချို့ယွင်းချက်မှာ သင်၏ မပူမအေးဖြစ်နေခြင်းနှင့် သမ္မာတရားကို ရှာဖွေလိုစိတ် မရှိခြင်းပေတည်း။ သင်တို့၌ရှိသမျှ၏ အကြီးဆုံးပြဿနာမှာ အရှိအတိုင်း ပျော်မွေ့နေသော သတ္တိကြောင်သည့် စိတ်နေစိတ်ထားနှင့် မတုန်မလှုပ် စောင့်စားနေခြင်းပင်ဖြစ်သည်။ ဤသည်မှာ သင်တို့ သမ္မာတရားနောက်သို့ လိုက်ရာတွင် သင်တို့အတွက် အကြီးမားဆုံး အဟန့်အတားနှင့် အကြီးမားဆုံး ရန်သူပင်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ပေတရု၏ အတွေ့အကြုံများ- သူသိသော ပြစ်တင်ဆုံးမခြင်းနှင့် တရားစီရင်ခြင်းအကြောင်း” မှ

၂၉။ ဤလမ်းစဉ်တွင် လူများစွာက အသိပညာ ဗဟုသုတဆိုင်ရာ စကားများစွာ ပြောနိုင်သည်။ သို့သော်လည်း ထိုသူတို့ သေသည့်အချိန် ရောက်သောအခါ အရွယ်အိုသည်ထိ အလဟာသ အချိန်ဖြုန်းခဲ့သည့် မိမိတို့၏ အသက်တာကြောင့် မျက်ရည်မျက်ခွက် အပြည့်နှင့် ယူကျုံးမရ၊ ကိုယ့်ကိုယ်ကိုယ် မုန်းနေစမြဲပင် ဖြစ်သည်။ သူတို့သည် သြဝါဒများကိုသာ သဘောပေါက်မှုရှိခဲ့ပြီး သမ္မာတရားကို လက်တွေ့လုပ်ဆောင်ပြီး ဘုရားသခင်အတွက် သက်သေခံခြင်း မလုပ်နိုင်ပေ၊ ယင်းအစား သူတို့သည် ပျားတစ်ကောင်ကဲ့သို့ အလုပ်များကာ ဟိုဟိုသည်သည် ပြေးလွှားနေကြသည်၊ သူတို့ သေအံ့ဆဲဆဲအချိန်ရောက်လျှင် သူတို့၌ စစ်မှန်သော သက်သေခံချက် မရှိကြောင်းနှင့် ဘုရားသခင်ကို လုံးဝ မသိခဲ့ကြောင်းတို့ကို နောက်ဆုံးတွင် သိမြင်လာသည်။ ၎င်းအချိန်သည် နောက်ကျလွန်းပြီ မဟုတ်ပါလား။ အချိန်ကောင်းကို လက်မလွှတ်တမ်း အသုံးမချဘဲ သင်ချစ်မြတ်နိုးသော သမ္မာတရားကို အဘယ်ကြောင့် မရှာဖွေဘဲနေသနည်း။ မနက်ဖြန်ကို အဘယ်ကြောင့် စောင့်ဆိုင်းသနည်း။ အသက်ရှင်သည့်အချိန်တွင် သမ္မာတရားအတွက် အနစ်နာမခံရလျှင် သို့မဟုတ် သမ္မာတရားကို ဆည်းပူးရယူရန် မရှာဖွေလျှင်၊ သေအံ့ဆဲဆဲအချိန်တွင်မှ နောင်တတရားကို သင်ခံစားလိုသည်မှာ ဖြစ်နိုင်ပါသလား။ သို့ဖြစ်လျှင်၊ အဘယ်ကြောင့် ဘုရားသခင်ကို သင်ယုံကြည်သနည်း။ အကယ်စင်စစ်၊ လူသည် အနည်းငယ် အားစိုက်၍ ဆက်ကပ်မှုရှိလျှင် ဘုရားသခင်ကို ကျေနပ်စေနိုင်သည့်အရာ၊ သမ္မာတရားကို လက်တွေ့ကျင့်သုံးနိုင်သည့် အရာများ ရှိပေ၏။ လူ့စိတ်နှလုံးသည် အစဉ်မပြတ် နတ်ဆိုးများ ဖိစီးနှိပ်စက်နေသောကြောင့် ဘုရားသခင်အတွက် လူသည် မလုပ်မဆောင်နိုင်ခြင်း ဖြစ်သည်။ နောက်ဆုံး အကျိုးအမြတ် ဘာမျှ မဖြစ်စေသော ဇာတိပကတိအတွက် မနားမနေ ခရီးနှင်တော့သည်။ ဤအကြောင်းများကြောင့် လူ၌ ဒုက္ခများ၊ ဝေဒနာများနှင့် အမြဲတွေ့ကြုံနေရခြင်း ဖြစ်၏။ ၎င်းသည် စာတန်၏ ညှဉ်းဆဲခြင်းပင် မဟုတ်ပေလော။ ဇာတိပကတိ၏ ယိုယွင်းပျက်စီးခြင်းလည်း မဟုတ်ပေလော။ ဘုရားသခင်ကို နှုတ်ခမ်း အပြောသက်သက်နှင့် အစေခံခြင်းဖြင့် အပြောင်အပြက် မလုပ်သင့်ပါ။ လက်ဆုပ်လက်ကိုင် ပြနိုင်သော လုပ်ဆောင်မှုကို သင်သည်လုပ်ရမည်။ မိမိကိုယ်ကို မလှည့်စားပါနှင့်၊ ထိုသို့ပြုလျှင် မည်သည့်အဓိပ္ပာယ် ရှိသနည်း။ သင်၏ ဇာတိပကတိအတွက် အသက်ရှင်ခြင်း၌လည်းကောင်း၊ ကျော်ကြားမှုနှင့် အခွင့်လမ်းကောင်းအတွက်လည်းကောင်း ပင်ပင်ပန်းပန်း ကြိုးစားလုပ်ဆောင်ခြင်းအားဖြင့် သင်သည် အဘယ်မည်သော အကျိုးအမြတ် ရရှိနိုင်သနည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို ယုံကြည်သော သင်သည် သမ္မာတရားအတွက် အသက်ရှင်သင့်သည်” မှ

၃၀။ နွေဦးကာလ၏ နွေးထွေးမှုရောက်ရှိလာကာ ပန်းများပွင့်လန်းချိန်၊ ကောင်းကင်အောက်ရှိ အရာခပ်သိမ်း အစိမ်းရောင်နှင့် ဖုံးလွှမ်းချိန်နှင့် မြေကြီးပေါ်ရှိ အရာခပ်သိမ်းသည် နေရာတကျရှိနေသည့်အခါ၊ လူတို့အားလုံးနှင့် အရာခပ်သိမ်းတို့သည် ဘုရားသခင်၏ ပြစ်တင်ဆုံးမမှုအတွင်း တဖြည်းဖြည်း ဝင်ရောက်ကြကာ ၎င်းအချိန်တွင် မြေကြီးပေါ်ရှိ ဘုရားသခင်၏အမှုသည် ပြီးဆုံးလိမ့်မည်။ ဘုရားသခင်၏ ကြီးမြတ်သော အမှုသည် ပြီးဆုံးခဲ့ပြီးဖြစ်လိမ့်မည် ဖြစ်သောကြောင့် ဘုရားသခင်သည် မြေကြီးပေါ်တွင် လုပ်ကိုင်ဆောင်ရွက်ခြင်း သို့မဟုတ် နေထိုင်ခြင်းတို့ ပြုတော့မည် မဟုတ်ပေ။ လူတို့သည် ဤခဏတာကာလအတွင်း ၎င်းတို့၏ဇာတိပကတိကို ဘေးဖယ်ထားနိုင်စွမ်း မရှိသလော။ လူသားနှင့် ဘုရားသခင်အကြား ချစ်ခြင်းမေတ္တာကို မည်သည့်အရာများက ခွဲခြမ်းနိုင်သနည်း။ လူသားနှင့် ဘုရားသခင်အကြား ချစ်ခြင်းမေတ္တာကို မည်သူသည် တခြားစီ ဆွဲဖြဲနိုင်သနည်း။ မိဘများ၊ ခင်ပွန်းများ၊ ညီအစ်မများ၊ ဇနီးများ သို့မဟုတ် နာကျင်သည့် စစ်ဆေးမှုတို့လော။ လူသားတွင်းရှိ ဘုရားသခင်၏ပုံရိပ်ကို အသိတရားခံစားချက်များက ဖယ်ရှားပစ်လိုက်နိုင်သလော။ လူတို့ အချင်းချင်းအပေါ် ကျေးဇူးတင်ရှိနေမှုနှင့် ပြုမူချက်များသည် ၎င်းတို့ကိုယ်တိုင်၏ လုပ်ဆောင်ချက်ပင် မဟုတ်သလော။ ၎င်းတို့ကို လူသားမှ ပြုပြင်နိုင်မည်လော။ မည်သူသည် မိမိကိုယ်ကို ကာကွယ်နိုင်သနည်း။ လူတို့သည် ၎င်းတို့ကိုယ်ကို ၎င်းတို့ ထောက်ပံ့ပေးနိုင်သလော။ ဘဝတွင် သန်စွမ်းသူများမှာ မည်သူတို့နည်း။ မည်သူသည် ငါ့ထံမှစွန့်ခွာ၍ ၎င်းဘာသာ နေနိုင်သနည်း။ လူတို့အားလုံး မိမိကိုယ်ကို ဆင်ခြင်သုံးသပ်ခြင်းအမှုကို ပြုရန် ဘုရားသခင်မှ အဘယ်ကြောင့် အဖန်တလဲ တောင်းဆိုသနည်း။ ဘုရားသခင်သည် အဘယ်ကြောင့် “မည်သူ၏အခက်အခဲကို ၎င်းတို့ကိုယ်တိုင်၏ လက်များဖြင့် စီမံခဲ့သနည်း” ဟုဆိုသနည်း။

နှုတ်ကပတ်တော်သည် လူ့ဇာတိ၌ ပေါ်လာ၏စာအုပ်ထဲရှိ “အခန်း ၂၄ နှင့် ၂၅” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များနှင့်သက်ဆိုင်သော နက်နဲမှုများ၏ အနက်ဖွင့်ဆိုချက် မှ

၃၁။ သင့်အနေဖြင့် ယုံကြည်ခြင်းမရှိလျှင် ဤပြစ်တင်ဆုံးမမှုမျိုး သို့မဟုတ် ဤတရားစီရင်ခြင်းမျိုးကို သင်ခံစားရမည်မဟုတ်ဟု သင်ပြောကောင်း ပြောပါလိမ့်မည်။ သို့သော် သင်သိသင့်သည်မှာ ယုံကြည်ခြင်းမရှိလျှင် အနန္တတန်ခိုးရှင်ထံမှ ဤပြစ်တင်ဆုံးမမှုမျိုး သို့မဟုတ် ဤပြုစုစောင့်ရှောက်မှုမျိုးကို သင်လက်ခံရရှိနိုင်လိမ့်မည် မဟုတ်သည်သာမက ဖန်ဆင်းရှင်ကို မြင်တွေ့ဖို့ အခွင့်အလမ်းအား သင်ထာဝရ ဆုံးရှုံးလိမ့်မည် ဖြစ်သည်။ သင်သည် လူသားမျိုးနွယ်၏ မူလအစကို ဘယ်သောအခါမျှ သိလိမ့်မည်မဟုတ်သလို သူ့အသက်တာ၏ အရေးပါမှုကိုလည်း လုံးဝ နားလည်လိမ့်မည်မဟုတ်။ သင့်ကိုယ်ခန္ဓာ သေဆုံးပြီး သင်၏ဝိညာဉ်ထွက်ခွာလျှင်ပင် ဖန်ဆင်းရှင်၏ လုပ်ဆောင်မှုအားလုံးကို သင် နားလည်လိမ့်ဦးမည်မဟုတ်ပါ။ လူသားမျိုးနွယ်ကို ဖန်ဆင်းပြီးနောက် ဖန်ဆင်းရှင်သည် ကမ္ဘာမြေကြီးပေါ် ဤမျှ ကြီးမားသော အလုပ်ကို လုပ်ဆောင်တော်မူခဲ့သည်ကို နည်းနည်းသာ သင်သိရလိမ့်မည်။ သူဖန်ဆင်းသော လူသားမျိုးနွယ်၏ အဖွဲ့ဝင်တစ်ဦးအဖြစ် သင်သည် ဤသို့ နားမလည်စွာဖြင့် မှောင်မိုက်ထဲသို့ လဲကျပြီး ထာဝရ ပြစ်ဒဏ်စီရင်ခြင်းကို ခံစားလိုပါသလား။ သင်သည် ယနေ့ပြစ်တင်ဆုံးမှုနှင့် တရားစီရင်ခြင်းတို့မှ သင့်ကိုယ်သင် ခွဲခြားမည်ဆိုပါက၊ သင်ဆုံတွေ့ရမည့်အရာမှာ အဘယ်အရာနည်း။ လက်ရှိတရားစီရင်ခြင်းမှ ကွဲကွာသည်နှင့်တပြိုင်နက် ဤခက်ခဲသောဘဝမှ သင်လွတ်မြောက်နိုင်လိမ့်မည်ဟု ထင်သလော။ “ဤအရပ်” ကို သင်စွန့်ခွာလျှင် သင်ကြုံတွေ့ရမည့်အရာမှာ ညှဉ်းဆဲခြင်း သို့မဟုတ် နတ်ဆိုးအားဖြင့် ဒဏ်ခံစားရသည့် ရက်စက်သော ဒဏ်ရာ ဒဏ်ချက်များဖြစ်သည်မှာ အမှန်မဟုတ်လော။ သည်းမခံနိုင်သော နေ့နှင့်ညများကို သင် ရင်ဆိုင်နိုင်သလော။ ယနေ့ ဤတရားစီရင်ခြင်းနှင့် သင်လွတ်သောကြောင့် အနာဂတ်ညှဉ်းပန်းနှိပ်စက်ခြင်းကို သင်ထာဝရ ရှောင်လွှဲနိုင်သည်ဟု သင်ထင်သလော။ သင့်လမ်း၌ အဘယ်အရာ လာလိမ့်မည်နည်း။ သင်မျှော်လင့်သောအရာမှာ အမှန်ပင် ရှန်ဂရီလာဖြစ်နိုင်သလော။ သင်လုပ်ဆောင်နေသော နည်းလမ်း အစစ်အမှန်မှ အဝေးသို့ ပြေးခြင်းအားဖြင့် နောက်နောင် ထိုထာဝရ ပြစ်တင်ဆုံးမမှုကို သင် လွတ်မြောက်နိုင်သည်ဟု ထင်သလော။ ယနေ့ပြီးနောက် ဤအခွင့်အလမ်းမျိုးနှင့် ဤကောင်းကြီးမင်္ဂလာမျိုး နောက်တဖန် သင်အမြဲရှာတွေ့နိုင်လိမ့်မည်လော။ ဘေးဥပဒ် သင့်အပေါ်ကျရောက်သောအခါ ၎င်းတို့ကို သင်ရှာတွေ့နိုင်လမ့်မည်လော။ လူသားမျိုးနွယ်အားလုံး ချမ်းသာထဲသို့ ဝင်ရောက်သောအခါ ၎င်းတို့ကို သင်ရှာတွေ့နိုင်လိမ့်မည်လော။ သင်၏ လက်ရှိပျော်ရွှင်သောဘဝနှင့် သဟဇတဖြစ်သော သင့်မိသားစုငယ်လေး— ၎င်းတို့က သင်၏အနာဂတ် ထာဝရ ခရီးပန်းတိုင်ကို အစားထိုးနိုင်သလော။ သင့်အနေဖြင့် စစ်မှန်သော ယုံကြည်ခြင်း ရှိလျှင်၊ သင်၏ ယုံကြည်ခြင်းအားဖြင့် ကြီးစွာ ရရှိလျှင် ထိုအရာအားလုံးသည်— အဖန်ဆင်းခံ ဖြစ်တည်မှုတစ်ခု— သင်ရရှိသင့်သောအရာဖြစ်ပြီး သင်ပိုင်ဆိုင်ခဲ့သင့်သော အရာလည်း ဖြစ်သည်။ ဤသိမ်းပိုက်ခြင်းမျိုးသည် သင်၏ ယုံကြည်ခြင်းအတွက် အကျိုးအပြုဆုံးဖြစ်ပြီး သင်၏ အသက်တာအတွက် အကျိူးပြုဆုံးသော အရာဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သိမ်းပိုက်ခြင်းအလုပ်၏ အတွင်းသမ္မာတရား (၁)” မှ

၃၂။ စမ်းသပ်မှု၏ ဆင်းရဲဒုက္ခမှ ထွက်ပြေးရင်း ငါ့နှုတ်ကပတ်တော်၏ အပြင်ဘက်မှာ နေကြသောသူများအားလုံးသည်လည်း လောကတစ်လျှောက် လွင့်မျောနေကြသည် မဟုတ်လော။ သူတို့သည် ဟိုဟိုသည်သည် တဖျပ်ဖျပ်လွင့်နေကြသည့် ဆောင်းဦးသစ်ရွက်ကြွေများနှင့် ဆင်တူကြပြီး ငါ့နှုတ်ကပတ်တော်များ၏ ဖြေသိမ့်ရာ ရှိရန်ပင် မဆိုထားနှင့် အနားယူရန် နေရာပင်မရှိချေ။ ငါ၏ ပြစ်တင်ဆုံးမခြင်းနှင့် စစ်ဆေးခြင်းသည် သူတို့နောက်သို့ မလိုက်သော်ငြားလည်း ထိုသူတို့သည် ကောင်းကင်နိုင်ငံတော်၏ အပြင်ဘက်လမ်းမများ၌ ဟိုဟိုသည်သည် လှည့်လည်သွားလာလျက် တစ်နေရာပြီး တစ်နေရာ လွင့်မျောနေကြသည့် သူတောင်းစားများ ဖြစ်ကြသည် မဟုတ်လော။ ကမ္ဘာကြီးသည် အကယ်ပင် သင်၏နားခိုရာနေရာ ဟုတ်သလော။ ငါ၏ ပြစ်တင်ဆုံးမခြင်းကို ရှောင်ရှားခြင်းအားဖြင့် လောကကြီးထံမှ အားရကျနပ်သည့်အနေနှင့် အမှေးမှိန်ဆုံး အပြုံးတစ်ခုပင် သင်ရရှိသလော။ ဖုံးကွယ်ထား၍ မရသည့် သင့်နှလုံးသားတွင် ဘာမျှမရှိခြင်းကို ဖုံးဖိထားစိမ့်သောငှာ သင်၏တဒင်္ဂပျော်ရွှင်မှုကို အမှန်တကယ် အသုံးပြု၍ ရသလော။ သင့်မိသားစုထဲမှ မည်သူ့ကိုမဆို သင်လှည့်စား၍ ရနိုင်သော်လည်း ငါ့ကိုကား မည်သည့်အခါမျှ သင်လှည့်စားနိုင်မည် မဟုတ်။ သင်၏ယုံကြည်ခြင်းသည် အလွန်အားနည်းလှသောကြောင့် သင်သည် ယနေ့အထိ ဘဝက လက်ကမ်းပေးရန်ရှိသော ဝမ်းမြောက်မှုများကို တွေ့ရှိဖို့ရန် မတတ်နိုင်ဘဲ ရှိဆဲဖြစ်သည်။ လူတစ်ယောက် ခံနိုင် ရုံမျှသာရှိသော ဆင်းရဲဒုက္ခကို သင်တောင့်ခံရင်း ဇာတိပကတိအတွက် အလုပ်ရှုပ်ကာ သာမန်ညောင်ညအဆင့်တွင် သင့်တစ်ဘဝလုံးကို ကုန်ဆုံးစေမည့်အစား သင့်ဘဝသက်တမ်း၏ တစ်ဝက်လောက်ကို ငါ့အတွက် ရိုးသားစွာ ပို၍ အသုံးပြုသင့်သည်ဟု ငါသင့်ကို တိုက်တွန်းသည်။ သင့်ကိုယ်သင် အလွန်တန်ဖိုးထားပြီး ငါ၏ ပြစ်တင်ဆုံးမခြင်းမှ ထွက်ပြေးခြင်းမှာ အဘယ်အကျိုးရှိသနည်း။ ငါ၏ ခဏမျှသာဖြစ်သော ပြစ်တင်ဆုံးမခြင်းမှ သင့်ကိုယ်သင် ပုန်းရှောင်နေပြီး ထာဝရအရှက်တကွဲ အကျိုးနည်းဖြစ်ရခြင်းနှင့် ထာဝရပြစ်တင်ဆုံးမခြင်းကိုသာ ရိတ်သိမ်းရလျှင် အဘယ်အကျိုးရှိသနည်း။ အကယ်စင်စစ် မည်သူ့ကိုမျှ ငါ့အလိုကို လိုက်လျောအောင် အတင်းအဓမ္မ ငါမပြု။ အကယ်၍ လူတစ်ယောက်သည် ငါ၏ အစီအစဉ်များကို အကယ်ပင် နာခံလိုစိတ် ရှိပါက၊ ငါသူ့ကို ဆိုးရွားစွာ ဆက်ဆံမည် မဟုတ်။ သို့သော် ယောဘသည် ငါ့ကို ယုံကြည်ခဲ့သကဲ့သို့ပင် လူအားလုံးသည် ယေဟောဝါဖြစ်သည့် ငါ့ကို ယုံကြည်ကြရန် ငါအလိုရှိသည်။ အကယ်၍ သင်တို့၏ ယုံကြည်ခြင်းသည် သောမ၏ ယုံကြည်ခြင်းထက် သာလွန်လျှင် သင်တို့၏ ယုံကြည်ခြင်းသည် ငါ၏ ထောမနာပြုခြင်းကို ခံရမည်၊ သင်တို့၏ သစ္စာတရားထဲ၌ ငါ၏ပီတိဖြာမှုကို သင်တွေ့လိမ့်မည်၊ ပြီးလျှင် သင်တို့၏ နေ့ရက်များထဲ၌ ငါ၏ ဘုန်းအာနုဘော်ကို ဧကန်မုချ သင်တို့တွေ့လိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စစ်မှန်သော လူသားဆိုသည်မှာ အဘယ်နည်း” မှ

၃၃။ လူအများစုသည် အဆက်မပြတ် “တိုးတက်ရန်” လုပ်ဆောင်ကြပြီး ရောင့်ရဲသည်ဟု မရှိကြပါ။ ဘုရားသခင်၏ လက်ရှိလိုလားသောရွည်ရွယ်ချက်ကို သူတို့အားလုံး နားမလည်ကြသောကြောင့် လွတ်မြောက်ရန်သာ ကြံစည်ကြသည်။ သူတို့သည် ဇက်ကြိုးမှလွတ်လာသော မြင်းရိုင်းကဲ့သို့ သဲကန္တာရတွင် လှည့်လည်သွားလာချင်ကြသည်။ သို့သော် လူ့ဘဝလမ်းကို ရှာဖွေရန် ကောင်းသောပြည်၊ ခါနာန်ပြည်တွင် လူအနည်းငယ်ကသာ အခြေချနေထိုင်လို ကြသည်။နို့နှင့်ပျားရည်စီးသောပြည်သို့ သူတို့ဝင်ရောက်ကြလျက်နှင့် လူတို့ မပျော်မွေ့ကြလျင် မည်သည့်အရာကို သူတို့ ပိုမို လိုချင်ကြပါသနည်း။ ရှင်းရှင်းပြောရလျှင်၊ ကောင်းသောခါနာနန်ပြည်မှလွဲ၍ နေရာအားလုံးတို့သည် သဲကန္တာရဖြစ်သည်။ လူတို့သည် နားခိုရာနေရာကို ဝင်ရောက်ပြီးကြသည့်အခါတွင်လည်း မိမိတို့၏တာဝန်ကို မထိန်းသိမ်းနိုင်ကြပေ။ သူတို့သည် ပြည့်တန်ဆာများသာ ဖြစ်ကြသည်မဟုတ်လော။ ထိုပတ်ဝန်းကျင်တွင် သင့်အား ဘုရားသခင် စုံလင်စေမည့် အခွင့်အရေးကို သင်ဆုံးရှုံးပါက သင်၏နေ့ရက်ကာလတစ်လျှောက်လုံး နောင်တရမည်ဖြစ်သည်။ သင်သည် အတိုင်းမသိ နောင်တရမည်ဖြစ်သည်။ သင်သည် ခါနာန်ပြည်ကို မြင်ရုံသာမြင်ရပြီး မပျော်မွေ့ရဘဲ လက်သီးဆုပ်ကာ နောင်တအပြည့်နှင့် သေဆုံးခဲ့သော မောရှေကဲ့သို့ နိဂုံးချုပ်သွားလိမ့်မည်။ ၎င်းသည် ရှက်ဖွယ်ကောင်းသည်ဟု သင်မထင်သလော။ သူတပါး၏ လှောင်ပြောင်သရော်ခြင်းကို ခံရခြင်းသည် ရှက်ဖွယ်ကောင်းသည်ဟု သင်မထင်သလော။ သူတပါး၏ အရှက်ခွဲခြင်းကို ခံရန် သင်ဆန္ဒရှိသလော။ သင့်ကောင်းစားခြင်းအတွက် ကြိုးစားလုပ်ဆောင်လိုသော နှလုံးသား သင့်တွင် မရှိသလော။ ဘုရားသခင်၏ စုံလင်စေခြင်းကို ခံရပြီး ဂုဏ်သိက္ခာရှိပြီး တော်ဖြောင့်သောပုဂ္ဂိုလ် မဖြစ်ချင်သလော။ သင်သည် ဆုံးဖြတ်ချက် လုံးဝမရှိသောပုဂ္ဂိုလ် ဖြစ်နေသလော။ သင်သည် အခြားသောလမ်းများကိုလည်း မလျှောက်လို၊ သင့်အတွက် ဘုရားသခင် ဘိသိတ်ပေးခဲ့သည့်လမ်းကိုလည်း မလျှောက်လို။ ကောင်းကင်၏အလိုတော်ကို သင်ဆန့်ကျင်ရဲသလော။ သင်၏ကျွမ်းကျင်မှုသည် မည်မျှပင် ကြီးမားပါစေ၊ ကောင်းကင်ကို သင်ပုန်ကုန်ပြစ်မှားနိုင်သလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လမ်းကြောင်း … (၇)” မှ

၃၄။ ဘုရားသခင်သည် လူတို့ကို ဆုံးမပြစ်တင်ခြင်းဖြင့် မသိမ်းပိုက်လိုပါ။ သူသည် လူတို့ကို အတင်းအဓမ္မဖြင့် အမြဲ မဦးဆောင်ပါ။ သူသည် လူတို့ကို သူ၏ နှုတ်ကပတ်တော် နာခံရန်နှင့် ဆုံးမပဲ့ပြင်သည့်ပုံစံဖြင့် အလုပ်လုပ်ခြင်းဖြင့် သူ၏အလိုတော်ကို ကျေနပ်စေရန် အလိုရှိသည်။ သို့သော်၊ လူတို့သည် အရှက်တရားမရှိဘဲ သူ့ကို အဆက်မပြတ် ပုန်ကန်ကြသည်။ သူ့ကိုကျေနပ်နှစ်သက်စေရန် အရိုးရှင်းဆုံးနည်းလမ်းကို ရှာခြင်းသည် ငါတို့အတွက် အကောင်းဆုံးဖြစ်သည်ဟု ငါယုံကြည်သည်။ ၎င်းမှာ သူ၏စီစဉ်ပေးမှုအားလုံးကို နာခံရန်ဖြစ်သည်။ ၎င်းကို သင်အမှန်တကယ် လုပ်ဆောင်နိုင်လျှင် သင်သည် စုံလင်ခြင်းကို ခံရမည်ဖြစ်သည်။ ဤအရာသည် လွယ်ကူပြီး ဝမ်းမြောက်ဖွယ်ကောင်းသည့်အရာမဟုတ်လော။ သူတပါးပြောသည့်အရာများ၊ စဉ်းစားခြင်းများကို အလွန်အကျွံအာရုံမစိုက်ဘဲ သင်လိုက်ရမည့်လမ်းကြောင်းကို လိုက်ပါ။ သင်၏ အနာဂတ်နှင့် ကံကြမ္မာသည် သင်၏လက်ထဲတွင် ရှိသလော။ သင်သည် အမြဲထွက်ပြေးပြီး လောကီဆန်သောလမ်းကိုသာ လျှောက်လိုသည်။ သို့သော် အဘယ်ကြောင့် သင်မလွတ်နိုင်သနည်း။ အဘယ်ကြောင့် သင်သည် နှစ်ပေါင်းများစွာ လမ်းဆုံများတွင် ဝေခွဲမရဖြစ်ပြီး ဤလမ်းကြောင်းကိုသာ ရွေးချယ်ပြန်သနည်း။ နှစ်ပေါင်းများစွာ ရောက်တတ်ရာရာ လျှောက်သွားပြီးနောက်၊ သင့်ထံသို့ပြန်လာမည့်အစား အဘယ်ကြောင့် ဤအိမ်သို့ ပြန်လာသနည်း။ ဤသည်မှာ သင်၏ကိုယ်ပိုင်ကိစ္စသာ ဖြစ်သလော။ ဤရေစီးကြောင်းတွင် ရှိသောသူများ၊ ဤအရာကို သင်တို့မယုံကြည်ပါက ငါပြောသည့်အရာကို နားထောင်ပါ။ ထွက်သွားဖို့ သင်အကြံရှိပါက၊ ဘုရားသခင် သင့်ကို ခွင့်ပြုမပြုကို စောင့်ကြည့်ပြီး သန့်ရှင်းသောဝိညာဉ်တော် သင့်ကို မည်သို့လှုံ့ဆော်မှုပေးသည်ကို သိရန် စောင့်ကြည့်ပါ။ သင်ကိုယ်တိုင် တွေ့ကြုံခံစားပါ။ ပွင့်ပွင့်လင်းလင်းပြောရလျှင်၊ ကံဆိုးမှုကို သင်ခံစားရလျှင်လည်း ဤရေစီးကြောင်းတွင်သာ သင်ခံစားရမည်။ ဆင်းရဲဒုက္ခရှိလျှင် ဤနေရာ၊ ယနေ့တွင် သင်ခံစားပြီး အခြားနေရာသို့ သင်မသွားနိုင်ပါ။ ဤသည်ကို သင်ရှင်းရှင်းလင်းလင်း မြင်သလော။ မည်သည့်နေရာသို့ သင်သွားမည်နည်း။ ဤအရာသည် ဘုရားသခင်၏ စီမံအုပ်ချုပ်ရေးဆိုင်ရာအမိန့်ဖြစ်သည်။ ဤလူအုပ်စုကို ရွေးချယ်ခြင်းသည် ဘုရားသခင်အတွက် အဓိပ္ပာယ်မရှိသည့်အရာဟု သင်ထင်မှတ်သလော။ ယနေ့၊ ဘုရားသခင်၏အမှုတော်တွင် ဘုရားသခင်သည် လွယ်ကူစွာ ဒေါသမထွက်ပါ။ သို့သော်၊ လူများသည် သူ၏အကြံအစည်တော်ကို နှောင့်ယှက်လိုပါက သူ၏မျက်နှာထားကို ချက်ချင်းပြောင်းလဲနိုင်ပြီး တောက်ပခြင်းမှ အုံ့မှိုင်းခြင်းသို့ ပြောင်းပစ်နိုင်သည်။ ထို့ကြောင့်၊ မိမိကိုယ်မိမိ ထိန်းပြီး ဘုရားသခင်၏ စီမံခြင်းများအောက် မိမိကိုယ်မိမိ အပ်နှံကာ သင့်ကို စုံလင်စေရန် ဘုရားသခင်ကို ခွင့်ပြုဖို့ ငါအကြံပြုလိုသည်။ ၎င်းသည် ချက်ချာပါးနပ်သော ပုဂ္ဂိုလ်တစ်ဦးဖြစ်ရန် တစ်ခုတည်းသောနည်း ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လမ်းကြောင်း … (၇)” မှ

၃၅။ ပြစ်တင်ဆုံးမခြင်းနှင့် တရားစီရင်ခြင်း ပြီးသည့်နောက် သိမ်းပိုက်ခံရရန် သို့မဟုတ် ပြစ်တင်ဆုံးမခြင်းနှင့် တရားစီရင်ခြင်း ပြီးသည့်နောက် သန့်ရှင်းစေရန်၊ အကာအကွယ်ရရန်နှင့် စောင့်ရှောက်ခံရရန်တို့အတွက် သင်လုပ်ဆောင်သောအရာများ ဟုတ်ပါသလော။ ဤအရာများထဲမှ မည်သည်ကို သင်လုပ်ဆောင်သနည်း။ သင်၏အသက်တာသည် လေးနက်သောအသက်တာ ဖြစ်ပါသလော၊ သို့မဟုတ် အဓိပ္ပာယ်ကင်းမဲ့ကာ တန်ဖိုးမရှိသည့် ဘဝလော။ သင်သည် ဇာတိပကတိကို လိုချင်သလော၊ သို့မဟုတ် သမ္မာတရားကို လိုချင်သလော။ တရားစီရင်ခြင်းကို သင်ဆန္ဒရှိပါသလော သို့မဟုတ် သက်သောင့်သက်သာ နေချင်သလော။ ဘုရားသခင်၏အလုပ်ကို များစွာတွေ့ကြုံခဲ့ပြီး၊ ဘုရားသခင်၏ သန့်ရှင်းမြင့်မြတ်ခြင်းနှင့် ဖြောင့်မတ်ခြင်းတို့ကို ရှုမြင်ခဲ့ပြီးခြင်းဖြင့် သင်မည်သို့ လိုက်လျှောက်မည်နည်း။ ဤလမ်းကြောင်းတွင် သင်မည်သို့လျှောက်လှမ်းမည်နည်း။ ဘုရားသခင်အပေါ် သင်၏ချစ်ခြင်းကို မည်သို့လက်တွေ့လုပ်ဆောင်သင့်သနည်း။ ဘုရားသခင်၏ ပြစ်တင်ဆုံးမခြင်းနှင့် တရားစီရင်ခြင်းတို့သည် သင့်အပေါ်၌ တစ်စုံတစ်ရာသော သက်ရောက်မှု ရှိခဲ့သလော။ ဘုရားသခင်၏ ပြစ်တင်ဆုံးမခြင်းနှင့် တရားစီရင်ခြင်းအကြောင်း သင်သိခြင်း၊ မသိခြင်းသည် သင်အသက်ရှင်နေထိုင်မှုနှင့် ဘုရားသခင်အား သင်ချစ်သည့် အတိုင်းအတာအပေါ် မှီတည်နေသည်။ သင့်နှုတ်ခမ်းများက ဘုရားသခင်အား သင်ချစ်သည်ဟုဆိုသည်။ သို့သော် သင်သည် ယခင်အတိုင်း၊ ပျက်စီးနေသည့် စိတ်သဘောထားဖြင့် ရှင်သန်နေထိုင်နေသည်။ ဘုရားသခင်ကို သင်ကြောက်ရွံ့ခြင်းမရှိ၊ အသိတရားလုံးဝမရှိ။ ယင်းကဲ့သို့သောသူများက ဘုရားသခင်ကို ချစ်ပါသလော။ ယင်းကဲ့သို့သော သူများသည် ဘုရားသခင်ကို သစ္စာစောင့်သိပါ၏လော။ သူတို့သည် ဘုရားသခင်၏ ပြစ်တင်ဆုံးမခြင်းနှင့် တရားစီရင်ခြင်းကို လက်ခံသူများ ဟုတ်သလော။ သင်က ဘုရားသခင်ကို ချစ်ပါသည်၊ ယုံကြည်ပါသည်ဟု ပြောသည်၊ သို့သော် သင်သည် သင်၏ သဘောထားခံယူချက်များကို မစွန့်လွှတ်။ သင့်အလုပ်၊ ဝင်ရောက်မှု၊ သင်ပြောသောစကားများနှင့် သင့်အသက်တာထဲတွင် ဘုရားသခင်အား သင်ချစ်ခြင်းသည် ပေါ်လွင်ထင်ရှားမှု မရှိဘဲ ဘုရားသခင်ကို ရိုသေလေးမြတ်ခြင်းလည်း မရှိ။ ထိုသူသည် ပြစ်တင်ဆုံးမခြင်းနှင့် တရားစီရင်ခြင်းကို ခံရပြီးသူလော။ ယင်းကဲ့သို့သောသူသည် ပေတရု ဖြစ်နိုင်ပါမည်လော။ ပေတရုကဲ့သို့သော သူများသည် အသိပညာသာရှိပြီး ထိုသို့ အသက်ရှင်နေထိုင်ခြင်း မရှိသလော။ ယနေ့တွင်၊ စစ်မှန်သောအသက်တာဖြင့် အသက်ရှင်နေထိုင်ရန် မည်သည့် သတ်မှတ်ချက်များ လိုအပ်ပါသနည်း။ ပေတရု၏ ဆုတောင်းသံများသည် သူ့နှုတ်မှထွက်လာသော စကားများနှင့် မထူးခြားပါသလော။ ယင်းတို့သည် သူ့နှလုံးသား အတွင်းထဲမှ ထွက်လာသော စကားများ မဟုတ်ပါသလော။ ပေတရုက ဆုတောင်းရုံသာ ဆုတောင်းပြီး သမ္မာတရားကို လက်တွေ့ကျင့်သုံးခြင်း မရှိပါသလော။ သင်လုပ်ဆောင်သည်မှာ မည်သူ့အတွက်ပါနည်း။ ဘုရားသခင်၏ ပြစ်တင်ဆုံးမခြင်းနှင့် တရားစီရင်ခြင်းကာလတွင် သင့်ကိုယ်သင် မည်သို့ကာကွယ်စောင့်ရှောက်မည်နည်း၊ မည်သို့သန့်ရှင်းစေမည်နည်း။ ဘုရားသခင်၏ ပြစ်တင်ဆုံးမခြင်းနှင့် တရားစီရင်ခြင်းသည် လူအတွက် အကျိုးမရှိပါသလော။ တရားစီရင်မှုမှန်သမျှသည် ပြစ်ဒဏ်ပေးခြင်းဖြစ်ပါသလော။ ငြိမ်းချမ်းခြင်းနှင့် ဝမ်းမြောက်ခြင်းတို့သာ၊ ပစ္စည်းဥစ္စာကောင်းချီးမင်္ဂလာများနှင့် တဒင်္ဂသက်သောင့်သက်သာရှိမှုတို့သာ လူ့အသက်တာအတွက် အကျိုးရှိခြင်း ဖြစ်နိုင်ပါသလော။ လူသည် သာယာပြီး သက်သောင့်သက်သာရှိသော ပတ်ဝန်းကျင်တွင်နေထိုင်ကာ တရားစီရင်ခြင်းကင်းမဲ့သည့် အသက်တာတွင် သန့်ရှင်းခြင်းသို့ ရောက်နိုင်ပါမည်လော။ လူသည် ပြောင်းလဲလိုပြီး သန့်ရှင်းခြင်းသို့ရောက်ရန် အလိုရှိပါက စုံလင်စေခြင်းကို မည်သို့လက်ခံသင့်ပါသနည်း။ ယနေ့ မည်သည့်လမ်းကြောင်းကို သင်ရွေးချယ်သင့်သနည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ပေတရု၏ အတွေ့အကြုံများ- သူသိသော ပြစ်တင်ဆုံးမခြင်းနှင့် တရားစီရင်ခြင်းအကြောင်း” မှ

၃၆။ သင်သည် တရားစီရင်ခြင်း၊ ပြစ်တင်ဆုံးမခြင်း၊ ကိုင်တွယ်ဖြေရှင်းခြင်းနှင့် ဘုရားသခင်၏ နှုတ်ကပတ်တော်၏ စစ်ဆေးပြုပြင်ခြင်းကို လက်ခံနိုင်စွမ်းရှိခြင်းကြောင့် လည်းကောင်း၊ ဘုရားသခင်၏ တာဝန်ပေးစေခိုင်းချက်များကို လက်ခံနိုင်စွမ်းရှိခြင်းကြောင့်လည်းကောင်း၊ အစဦးကတည်းက ဘုရားသခင်၏ ခွဲခန့်မှတ်သားခြင်းကို ခံခဲ့ရခြင်းကြောင့် လည်းကောင်း၊ သင့်အား ဆုံးမသည့်အခါ လွန်စွာစိတ်မပျက်ရ။ သင်တို့အထဲ၌ ပြုခဲ့ပြီးသောအလုပ်နှင့် သင်တို့၏အတွင်း၌ ပေးအပ်ထားသော ကောင်းချီးမင်္ဂလာများကို မည်သူမျှ မနုတ်ယူနိုင်ပါ၊ ထို့အပြင် သင်တို့အား ပေးထားပြီးသော အရာအားလုံးကို မည်သူမျှ မနုတ်ယူနိုင်ပါ။ ဘာသာရေးရေစီးကြောင်းမှလူများသည် သင်တို့နှင့် ယှဉ်နိုင်စရာ အကြောင်းမရှိ။ သင်တို့သည် သမ္မာကျမ်းစာ နှံ့စပ်ကျွမ်းကျင်မှုကို ပိုင်ဆိုင်ခြင်းမရှိသည့်အပြင် ဘာသာရေးဆိုင်ရာ အယူအဆဖြင့် ပြည့်ဝခြင်း မရှိသော်လည်း ဘုရားသခင်သည် သင်တို့အတွင်း၌ အလုပ်လုပ်ခဲ့ပြီးသောကြောင့် သင်တို့သည် ခေတ်အဆက်ဆက်က လူများထက် ပို၍ရခဲ့ခြင်းဖြစ်သည်၊ ထို့ကြောင့် ဤအရာသည် သင်တို့၏ အကြီးမားဆုံးသော ကောင်းချီးမင်္ဂလာဖြစ်သည်။ ဤအချက်ကြောင့် သင်တို့သည် ဘုရားသခင်ကို ပို၍ဆက်ကပ်ပြီး ဘုရားသခင်အပေါ် ပို၍ပင် သစ္စာရှိကြရမည်။ ဘုရားသခင်သည် သင့်အား ချီးမြှောက်သောကြောင့် သင်၏ကြိုးပမ်းမှုများကို သင်တိုးမြှင့်ရပြီး ဘုရားသခင်၏ တာဝန်ပေးစေခိုင်းချက်များကို လက်ခံရန် သင်၏ဝိညာဉ်အသက်တာကို အသင့်ပြင်ဆင်ထားရမည်။ သင့်အား ဘုရားသခင် ပေးထားသောနေရာ၌ သင်မြဲမြံစွာရပ်တည်ရမည်၊ ဘုရားသခင်၏ လူများထဲမှ တစ်ဦးဖြစ်လာစေရန် လေ့လာလိုက်စားရမည်၊ နိုင်ငံတော်၏သင်တန်းကို လက်ခံရမည်၊ ဘုရားသခင်၏ ရယူခြင်းခံရမည်ဖြစ်ပြီး ဘုရားသခင်အတွက် မွန်မြတ်သော သက်သေခံတစ်ဦး အကြွင်းမဲ့ဖြစ်ရမည်။ ထိုဆုံးဖြတ်ချက် မည်မျှကို သင်ပိုင်ဆိုင်သနည်း။ အကယ်၍ သင်သည် ထိုဆုံးဖြတ်ချက်များကို ပိုင်ဆိုင်ထားပါက သင်သည် ဘုရားသခင်၏ ရယူခြင်းကို အကြွင်းမဲ့ခံရမည်မှာ သေချာပြီး ဘုရားသခင်အတွက် မွန်မြတ်သော သက်သေခံတစ်ဦး ဖြစ်လာမည်။ အဓိကကျသော တာဝန်ပေးစေခိုင်းချက်မှာ ဘုရားသခင်၏ ရယူခြင်းကို ခံရခြင်းနှင့် ဘုရားသခင်အတွက် မွန်မြတ်သော သက်သေခံတစ်ဦး ဖြစ်လာခြင်းဖြစ်ကြောင်း သင်နားလည်သင့်သည်။ ဤသည်မှာ ဘုရားသခင်၏ အလိုတော်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အသစ်ဆုံးသော အလုပ်ကို သိပြီး ဘုရားသခင်၏ ခြေလှမ်းများအတိုင်း လိုက်လျှောက်ပါ” မှ

၃၇။ ငါ့အသံကို ကြားကြပြီဖြစ်သော ညီအကိုမောင်နှမအပေါင်းတို့- သင်တို့သည် ငါ၏ တင်းကျပ်သော တရားစီရင်သံကို ကြားခဲ့ကြပြီး ကြီးစွာသော ဆင်းရဲဒုက္ခကို ကြံ့ကြံ့ခံပြီးဖြစ်သည်။ သို့ရာတွင် ငါ၏ တင်းမာသောအသံ နောက်ကွယ်တွင် ငါ၏ ရည်ရွယ်ချက်တို့ပါကြောင်း သင်တို့ သိသင့်၏။သင်တို့ ကယ်တင်ခြင်းရဖို့ရန်အလို့ငှာ သင်တို့ကို ငါဆုံးမပဲ့ပြင်၏။ ငါချစ်သောသားတို့အတွက်၊ သင်တို့ကို ငါဆုံးမပဲ့ပြင်ပြီး၊ သင်တို့ကို ပြုပြင်ကာမကြာမီ စုံလင်ခြင်းသို့ ရောက်စေမည်ဖြစ်ကြောင်း သင်တို့သိသင့်၏။ ငါ့စိတ်နှလုံးသည် အလွန်ထက်သန်သော်လည်း သင်တို့သည် ငါ့စိတ်နှလုံးကို နားမလည်ဘဲ ငါ့နှုတ်ကပတ်တော်စကား အတိုင်း လိုက်နာပြုမူခြင်း မရှိကြ။...ငါ၏ရည်ရွယ်ချက်မှာ ငါ့အား ထက်သန်စွာ အလိုရှိသောသူများကို ငါအလိုရှိပြီး စစ်မှန်သော နှလုံးသားဖြင့် ငါ့နောက်သို့ လိုက်သူများသည်သာ ငါ့ကို ကျေနပ်စေနိုင်သည်- ထိုသူတို့အတွက် ငါ့လက်များဖြင့် အသေအချာ ထောက်ပံ့ပေးမည်ဖြစ်ပြီး သူတို့ ဘေးဒုက္ခနှင့် မတွေ့ကြုံကြောင်း သေချာစေမည်။ ဘုရားသခင်ကို အမှန်တကယ် အလိုရှိသောသူတို့သည် ဘုရားသခင်၏ စိတ်နှလုံးကို အလေးထားရန် လိုလားပြီး ငါ့အလိုအတိုင်း လုပ်ဆောင်ကြလိမ့်မည်။ ထို့ကြောင့် သင်တို့သည် မကြာမီ လက်တွေ့အရှိတရားထဲသို့ ဝင်ရောက်သင့်ပြီး သင်တို့၏ အသက်အဖြစ် ငါ့နှုတ်ကပတ်တော်စကားများကို လက်ခံသင့်ကြ၏။ ဤသည်မှာ ငါ့အတွက် အကြီးလေးဆုံးသောဝန် ဖြစ်၏။ အကယ်၍ အသင်းတော်များနှင့် သန့်ရှင်းသူများအားလုံးသည် လက်တွေ့အရှိတရားထဲသို့ ဝင်ရောက်ကြပြီး ငါနှင့် တိုက်ရိုက် မိတ်သဟာယဖွဲ့နိုင်ကာ ငါနှင့် မျက်နှာချင်းဆိုင်ပြီး သမ္မာတရားနှင့် ဖြောင့်မတ်မှုကို လက်တွေ့လုပ်ဆောင် ကြလျှင်သာ သူတို့သည် ငါ၏ ချစ်လှစွာသော သားများ၊ ငါ့ကို ကျေနပ်အားရစေနိုင်သောသူများ ဖြစ်ကြပြီး ကြီးစွာသော ကောင်းချီးကြီးမ င်္ဂလာ အလုံးစုံကို သူတို့အပေါ်သို့ ငါနှင်းအပ်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၃” အစအဦး၌ ခရစ်တော်၏မိန့်မြွက်ချက်များ မှ

၃၈။ လူအားလုံးသည် ဘုရားသခင်၏ နှုတ်ကပတ်တော်အားဖြင့် စစ်ဆေးခြင်းကို ခံကြရသည်။ လူ့ဇာတိ ခံယူသော ဘုရားသခင်ကြောင့်သာမဟုတ်ပါက လူသားမျိုးနွယ်သည် ထိုကဲ့သို့ဒုက္ခခံစားရဖို့ ကောင်းချီးခံရမည် မဟုတ်ပေ။ ဘုရားသခင်၏ နှုတ်ကပတ်တော်၏ စမ်းသပ်ခြင်းကို လက်ခံနိုင်သော သူများသည် ကောင်းချီးခံစားရသော သူများဖြစ်သည်ဟုလည်း ပြော၍ရသည်။ လူများ၏ နဂိုအရည်အသွေး၊ သူတို့၏ အပြုအမူနှင့် ဘုရားသခင်အပေါ် သူတို့၏ သဘောထားများကို အခြေခံကြည့်ပါက သူတို့သည် ဤကဲ့သို့သော စစ်ဆေးခြင်းကို လက်ခံရရှိဖို့ မထိုက်တန်ကြပေ။ ဘုရားသခင်က သူတို့ကို မြှင့်တင်ခဲ့သည့်အတွက်ကြောင့် ထိုသူတို့သည် ဤကောင်းချီးကို ခံစားရခြင်းဖြစ်သည်။ လူတွေက မိမိတို့မှာ ဘုရားသခင်၏ မျက်နှာကို မြင်ရရန် သို့မဟုတ် သူ၏နှုတ်ကပတ်တော်များကို ကြားရရန် မထိုက်တန်ကြပါဟု ပြောလေ့ရှိကြသည်။ ယနေ့ လူများသည် ဘုရားသခင်၏ နှုတ်ကပတ်တော်များ၏ စစ်ဆေးခြင်းကို ရရှိကြခြင်းမှာ ဘုရားသခင်၏ မြှင့်တင်ခြင်းသက်သက်နှင့် သူ့၏ ကရုဏာသက်သက်ကြောင့် ဖြစ်သည်။ ဤသည်မှာ နောက်ဆုံးသော ကာလ၌ အသက်ရှင်နေထိုင်ကြသော လူတစ်ဦးချင်းစီတိုင်း၏ ကောင်းချီးဖြစ်၏။ ဤသည်ကို သင်တို့ကိုယ်တိုင် တွေ့ကြုံဖူးသလော။ လူများသည် မည်သည့်ရှုထောင့်များမှ ဒုက္ခခံရပြီး အခက်အခဲများ ရှိမည်ဆိုခြင်းကို ဘုရားသခင်က ကြိုတင်သတ်မှတ်ထားခြင်းဖြစ်ပြီး လူတို့ကိုယ်တိုင်၏ လိုအပ်ချက်များကို အခြေခံထားခြင်း မဟုတ်ပေ။ ဤအချက်က လုံးဝ မှန်ကန်သည်။ ယုံကြည်သူတိုင်းသည် ဘုရားသခင်၏ နှုတ်ကပတ်တော်၏ စမ်းသပ်မှုကို တွေ့ကြုံနိုင်စွမ်းနှင့် သူ့နှုတ်ကပတ်တော်အတွင်း၌ ဒုက္ခခံစားကြနိုင်စွမ်းကို ပိုင်ဆိုင်ကြရမည်။ ဤသည်မှာ သင်တို့ ရှင်းရှင်းလင်းလင်းမြင်နိုင်သောအရာ ဖြစ်သလော။ ထို့ကြောင့် သင်ကြုံတွေ့ခဲ့ရသော ဆင်းရဲဒုက္ခနှင့် ယနေ့ကောင်းချီးများကို ဖလှယ်လိုက်ခြင်း ဖြစ်သည်။ အကယ်၍ သင်သည် ဘုရားသခင်အတွက် ဒုက္ခမခံပါက သူ၏ချီးမွမ်းမှုကို မရရှိနိုင်ပေ။ သင်သည် ယခင်က မကျေမနပ် ညည်းညူခဲ့နိုင်သည်၊ သို့သော် သင်သည် မည်မျှပင် ညည်းညူပြောဆိုခဲ့ပါစေ ဘုရားသခင်က သင်နှင့်ပတ်သက်၍ ထိုအကြောင်းကို သတိရမည် မဟုတ်ပေ။ ယနေ့သည် ရောက်လာလေပြီ၊ ယမန်နေ့က ကိစ္စများကို ပြန်ကြည့်ဖို့ရန် အကြောင်းမရှိချေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်အတွက် စစ်မှန်သောချစ်ခြင်းသည် အလိုအလျောက် ဖြစ်သည်” မှ

၃၉။ ဘုရားသခင်အား ယုံကြည်သောသူ တစ်ယောက်ဖြစ်သော သင်သည် ယနေ့ နောက်ဆုံးသောကာလရှိ ဘုရားသခင်၏အမှုနှင့် သင့်အထဲ၌ ဘုရားသခင်၏စီမံချက်၏ အမှုအားလုံးကိုလက်ခံရာ၌၊ သင်သည် ဘုရားသခင်၏ ကြီးစွာသော ချီးမြှောက်ခြင်းနှင့် ဘုရားသခင်ထံမှ ကယ်တင်ခြင်းကို အမှန်တကယ်ပင် လက်ခံရရှိပြီး ဖြစ်ကြောင်း နားလည်သင့်သည်။ စကြဝဠာတစ်ဝှမ်းလုံးရှိ ဘုရားသခင်၏ အမှုအားလုံးသည် ဤလူတစ်စုအပေါ်တွင် အာရုံစူးစိုက်ထားလျက်ရှိခဲ့သည်။ ဘုရားသခင်သည် သူ၏ ကြိုးစားအားထုတ်မှုအားလုံးအား သင်တို့အတွက် ပေးအပ်မြှုပ်နှံထားပြီး၊ သင်တို့အတွက် အရာအားလုံးကို စွန့်လွှတ်ပေးဆပ်ခဲ့၏၊ သူသည် စကြဝဠာတစ်ခွင်လုံးမှ ဝိညာဉ်တော်၏ အမှုများအား ပြန်လည်သိမ်းယူကာ သင့်အားပေးအပ်ခဲ့၏။ ထိုအကြောင်းကြောင့် သင်တို့သည် မင်္ဂလာရှိသူများ ဖြစ်သည်ဟု ငါပြောဆိုရခြင်းဖြစ်သည်။ ထို့အပြင် ဘုရားသခင်သည် သင်တို့ လူစုမှတစ်ဆင့် သူ့အစီအစဉ်၏ ရည်ရွယ်ချက်ကို အပြည့်အဝ ထင်ရှားပြသနိုင်ရန် သူ၏ဘုန်းတော်အား သူ၏ရွေးကောက်ခံ လူမျိုးဖြစ်သည့် ဣသရေလလူမျိုးထံမှ သင်တို့ထံသို့ ပြောင်းရွှေ့ခဲ့ခြင်းဖြစ်သည်။ ထို့ကြောင့် သင်တို့သည် ဘုရားသခင်၏ အမွေအား လက်ခံရရှိမည့်သူများ ဖြစ်ရုံမျှသာမက ဘုရားသခင်၏ ဘုန်းတော်အား ဆက်ခံသော သူများလည်း သာ၍ ဖြစ်နေသည်။ “အကြောင်းမူကား ယခုခဏခံရ၍ ပေါ့ပါးသော ဆင်းရဲခြင်းဒုက္ခသည် အတိုင်းအထက် အလွန်ကြီးမြတ် လေးလံသော နိစ္စထာဝရ ဘုန်းအသရေကို ငါတို့အဖို့ ဖြစ်စေတတ်၏” ဟူသည့် နှုတ်ကပတ်တော်အား သင်တို့အားလုံး မှတ်မိကောင်းမှတ်မိလိမ့်မည်။ အတိတ်ကာလက ဤစကားအား သင်တို့အားလုံး ကြားဖူးကြသော်လည်း မည်သူမျှ ဤနှုတ်ကပတ်တော်များ၏ စစ်မှန်သောအဓိပ္ပာယ်ကို နားမလည်ခဲ့ကြပေ။ ယနေ့ ၎င်းတို့၏ စစ်မှန်သောရည်ရွယ်ချက်အား သင်တို့ ကောင်းစွာသိရှိ နေပြီဖြစ်သည်။ ဤနှုတ်ကပတ်တော်များသည် နောက်ဆုံးသောကာလတွင် ဘုရားသခင် ပြီးမြောက်စေမည့် အရာများဖြစ်ကြသည်။ ထိုအရာများတို့သည် အဆင်းနီသော နဂါးကြီး၏ ကိန်းဝပ်ရာနေရာ၌ ရက်စက်စွာ ဒုက္ခပေးခြင်းကို ခံစားရသူများအပေါ် ပြီးပြည့်စုံစေမည် ဖြစ်သည်။ အဆင်းနီသော နဂါးကြီးသည် ဘုရားသခင်အား နှိပ်စက်ညှဉ်းပန်းပြီး ဘုရားသခင်၏ ရန်သူဖြစ်သောကြောင့် ဤနယ်မြေတွင် ဘုရားသခင်အား ယုံကြည်သော သူများတို့သည် အရှက်ကွဲခြင်းနှင့် နှိပ်စက်ညှဉ်းပန်းခြင်းတို့ ခံစားကြရသည်။ ထိုအကြောင်းကြောင့် ဤနှုတ်ကပတ်တော်များသည် သင်တို့လူစုအတွင်းတွင် အမှန်တရားတစ်ခု ဖြစ်လာမည်။ ဘုရားသခင်အား ဆန့်ကျင်သည့်နယ်မြေတွင် ဤအမှုအား ဆောင်ရွက်နေစဉ်အတွင်း ဘုရားသခင်၏အမှုအားလုံးသည် လွန်ကဲသည့် အတားအဆီးများနှင့် တွေ့ကြုံရကာ သူ၏နှုတ်ကပတ်တော် များစွာသည်လည်း အချိန်အခါ ကောင်း၌ ပြည့်စုံနိုင်ခြင်း မရှိပေ၊ သို့ဖြစ်၍ လူတို့သည် ဘုရားသခင်၏ နှုတ်ကပတ်တော်များကြောင့် စစ်ဆေးခြင်းခံကြရသည်။ ၎င်းအရာသည်လည်း ဒုက္ခဆင်းရဲခံခြင်း၏ အခြေခံကျသည့် အရာတစ်ခုဖြစ်သည်။ အဆင်းနီသောနဂါးကြီး၏ နယ်မြေ၌ သူ၏အမှုအား လုပ်ဆောင်ရခြင်းသည် ဘုရားသခင်အဖို့ လွန်စွာ အားစိုက် လုပ်ဆောင်ရသည့် ကိစ္စဖြစ်သော်လည်း ဘုရားသခင်သည် သူ၏ ဉာဏ်ပညာနှင့် အံ့သြဖွယ်ကောင်းသည့် အမှုအရာများအား ထင်ရှားစေရန် ဤကဲ့သို့သော ခက်ခဲမှုမှတစ်ဆင့် သူ့အမှု၏ အဆင့်တစ်ဆင့်အား ဆောင်ရွက်ခြင်းဖြစ်သည်။ ဘုရားသခင်သည် ဤလူစုအား စုံလင်စေရန် ဤအခွင့်အရေးကို အသုံးချသည်။ လူတို့၏ ဒုက္ခခံစားရခြင်း၊ သူတို့၏ အရည်အသွေးနှင့် ဤမသန့်ရှင်းသည့် နယ်မြေ၌ ရှိနေကြသည့် လူတို့၏ စာတန်ဆန်သော သဘောထားအားလုံးတို့ကြောင့်၊ ဘုရားသခင်သည် သူ၏ သန့်ရှင်းစေခြင်းနှင့် သိမ်းပိုက်အောင်မြင်ခြင်းအမှုအား ပြုရခြင်းဖြစ်ပြီး ထိုအရာမှတဆင့် သူဘုန်းပွင့်ကာ လုပ်ရပ်များအား သက်သေခံသူများ ရရှိရန်ဖြစ်သည်။ ၎င်းသည် ဤလူစုအတွက် ဘုရားသခင်ပြုသော စွန့်လွှတ်ခြင်းအရာများတို့၏ ရည်ရွယ်ချက် အပြည့်ပင်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူသားတွေးခေါ်သည့်အတိုင်း ဘုရားသခင်၏ အမှုသည် ရိုးရှင်းလွန်းသလော” မှ

၄၀။ စိတ်မပျက်နှင့်၊ ခွန်အားမနည်းနှင့်၊ ငါသည် သင့်ကို ထုတ်ဖော်ပြသမည်။ နိုင်ငံတော်သို့ သွားသောလမ်းသည် ထိုမျှလောက် ချောမွေ့ခြင်းမရှိ၊ မည်သည့်အရာမျှ ထိုမျှလောက် မရိုးရှင်းပေ။ ကောင်းချီးများကို သင်သည် အလွယ်တကူ လိုချင်သည်၊ ဟုတ်သည်မဟုတ်လော။ ယနေ့တွင် လူတိုင်းသည် ခါးသီးသော စမ်းသပ်ခြင်းများကို ကြုံတွေ့ရလိမ့်မည်၊ ထိုကဲ့သို့မဟုတ်လျှင် သင်တို့၏ ငါ့ကို ချစ်သော နှလုံးသားသည် ကြီးထွားသန်မာလာလိမ့်မည် မဟုတ်ဘဲ၊ သင်သည်လည်း ငါ့အတွက် စစ်မှန်သော ချစ်ခြင်းမေတ္တာ ရှိလိမ့်မည်မဟုတ်။ ဤအရာသည် အရေးမပါသော အခြေအနေများသာ ဖြစ်လျှင်ပင်၊ လူတိုင်း ၎င်းတို့ကို ကျော်ဖြတ်ရမည်၊ ၎င်းတို့မှာ အတိုင်းအတာတစ်ခုထိသာ ကွာခြားခြင်း ဖြစ်သည်။ အခြေအနေသည် ငါ၏ ကောင်းချီးများထဲမှ တစ်ခုဖြစ်ပြီး၊ အဘယ်မျှလောက်သော လူတို့သည် မကြာခဏ ငါ့ရှေ့၌ ဒူးထောက်ကာ၊ ငါ၏ ကောင်းချီးကို တောင်းခံသနည်း။ မိုက်မဲသော ကလေးတို့။ အနည်းငယ်သော ကံကောင်းသည့် စကားလုံးတို့ကို ငါ၏ကောင်းချီးဖြစ်သည်ဟု သင်တို့သည် အမြဲတမ်း ယူဆကြသည်၊ သို့သော် ခါးသီးမှုသည်လည်း ငါ၏ ကောင်းချီးများထဲမှ တစ်ခုဖြစ်ကြောင်း မယူဆကြပေ။ ငါ၏ ခါးသီးခြင်းများထဲ၌ ဝေငှသော သူတို့သည် ငါ၏ ချိုမြိန်ခြင်းကို ဧကန်အမှန် ဝေမျှရလိမ့်မည်။ ဤအရာသည် သင်တို့အတွက် ငါ၏ ကတိနှင့် ငါ၏ ကောင်းချီးဖြစ်သည်။ စားသောက်ရန်နှင့် မွေ့လျော်ရန် မတွန့်ဆုတ်နှင့်။ ဤနေရာကို အမှောင်ထုသည် ဖြစ်သန်းပြီးလျှင် အလင်းဖြစ်လိမ့်မည်။ အရုဏ်တက် မတိုင်ခင် အမှောင်ဆုံးဖြစ်ကာ၊ ဤအချိန်ပြီးလျှင် တဖြည်းဖြည်း ပိုမိုလင်းလက်လာပြီး၊ နောက်မှ နေသည် ပေါ်ထွက်လာလိမ့်မည်။ ကြောက်ရွံ့ခြင်း၊ တွန့်ဆုတ်ခြင်း မဖြစ်နှင့်။ ယနေ့တွင် ငါ၏ သားတို့အား ငါသည် အားပေးပြီး၊ ငါ၏ တန်ခိုးတို့အား သူတို့အတွက် ကိုင်စွဲမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၄၁” အစအဦး၌ ခရစ်တော်၏မိန့်မြွက်ချက်များ မှ

၄၁။ ယခုခေတ်၌ ဖြောင့်မတ်သည့် တရားစီရင်မှုဖြစ်စေ၊ အကြင်နာကင်းမဲ့သည့် စစ်ဆေးခြင်းနှင့် ပြစ်တင်ဆုံးမခြင်းပင်ဖြစ်စေ အားလုံးသည် ကယ်တင်ခြင်းအဖို့အလို့ငှာဖြစ်ကြောင်း သိမှတ်လော့။ ယနေ့ တစ်ဦးစီကို အမျိုးအစားအလိုက် အုပ်စုခွဲခြားမှုရှိသည်ဖြစ်စေ၊ သို့မဟုတ် လူသား၏ အမျိုးအစားများကို ဖော်ထုတ်ပြသည်ဖြစ်စေ၊ ဘုရားသခင်၏ မိန့်မြွက်ချက်များနှင့် အမှုတို့သည် ဘုရားသခင်ကို အမှန်တကယ် ချစ်ကြသူများကို ကယ်တင်ရန်အတွက်ပင် ဖြစ်သည်။ ဖြောင့်မတ်သည့် တရားစီရင်ခြင်းမှာ လူသားကို သန့်စင်စေရန်ဖြစ်သည်၊ အကြင်နာကင်းမဲ့သည့် စစ်ဆေးခြင်းမှာ လူသားကို သန့်စင်စေရန်ဖြစ်သည်၊ ကြမ်းတမ်းသောစကားလုံးများ၊ သို့မဟုတ် ဆုံးမခြင်းတို့မှာ သန့်စင်စေရန်သာဖြစ်ပြီး ကယ်တင်ခြင်းအတွက်သာလျှင် ဖြစ်သည်။ ထို့ကြောင့် ယနေ့ကယ်တင်ခြင်း၏ နည်းစနစ်မှာ ရှေးယခင်ကနှင့် မတူပေ။ ယနေ့တွင် ဖြောင့်မတ်သည့် တရားစီရင်ခြင်းက သင်တို့ကို ကယ်တင်သည့်အပြင် အမျိုးအစားအလိုက် သင်တို့တစ်ဦးစီကို အုပ်စုခွဲခြားရန်အတွက် တန်ဆာပလာကောင်းပင်ဖြစ်သည်၊ ရက်စက်သည့် ပြစ်တင်ဆုံးမခြင်းသည် သင်တို့အတွက် အမြင့်ဆုံးသော ကယ်တင်ခြင်းကို ယူဆောင်လာပေးသည်။ ပြစ်တင်ဆုံးမခြင်းနှင့် တရားစီရင်ခြင်းတို့နှင့် ရင်ဆိုင်တွေ့သောအခါ သင်တို့၌ အဘယ်ပြောစရာရှိသနည်း။ ကယ်တင်ခြင်းကို အစမှအဆုံးတိုင်အောင် သင်တို့မွေ့လျော်ခဲ့သည် မဟုတ်လော။ လူ့ဇာတိခံယူသော ဘုရားသခင်၊ သူ၏အနန္တတန်ခိုးနှင့် ဉာဏ်ပညာနှစ်ခုလုံးကို သင်တို့မြင်ခဲ့ကြပြီးဖြစ်သည်၊ ထို့အပြင် အကြိမ်ကြိမ် ရိုက်နှက်ခြင်းနှင့် ဆုံးမပဲ့ပြင်ခြင်းကိုလည်း သင်တို့တွေ့ကြုံပြီးဖြစ်သည်။ သို့သော် အဆုံးစွန်ကျေးဇူးတော်ကိုလည်း သင်တို့ရရှိထားကြသည် မဟုတ်လော။ သင်တို့၏ကောင်းချီးမင်္ဂလာများသည် အခြားသူများ၏ ကောင်းချီးမင်္ဂလာတို့ထက် ပို၍ကြီးမားသည် မဟုတ်သလော။ သင်တို့ရရှိသော ကျေးဇူးတော်များမှာ ရှောလမုန်မင်းကြီး ခံစားခဲ့ရသည့် ဂုဏ်ကျက်သရေနှင့် ချမ်းသာကြွယ်ဝမှုများထက် ပို၍ရက်ရောကုံလုံသည် မဟုတ်လော။ စဉ်းစားကြည့်ကြလော့- ငါကြွလာခြင်း၏ ရည်ရွယ်ချက်သည် သင်တို့ကို စီရင်ချက်ချရန်နှင့် အပြစ်ဒဏ်ပေးရန်ဖြစ်ပြီး သင်တို့ကို ကယ်တင်ရန်မဟုတ်ပါက၊ သင်တို့၏နေ့ရက်များသည် ဤမျှကြာရှည်ခံနိုင်ခဲ့လိမ့်မည်လော။ အပြစ်နှင့်ပြည့်သော အသွေးအသားနှင့်ဖြစ်တည်သည့် သင်တို့သည် ယနေ့တိုင်အောင် ရှင်သန်နိုင်ခဲ့လိမ့်မည်လော။ အကယ်၍ ငါကြွလာခြင်း၏ ရည်ရွယ်ချက်သည် သင်တို့ကို အပြစ်ဒဏ်ပေးရန်သာဖြစ်ပါက၊ ငါသည် အဘယ့်ကြောင့် လူ့ဇာတိကိုခံယူပြီး ယင်းသို့သော ကြီးလေးသည့်အမှုကို စတင်လုပ်ဆောင်ခဲ့ရမည်နည်း။ သေမျိုးမျှသာဖြစ်သော သင်တို့ကို ပြစ်ဒဏ်ပေးရန်မှာ စကားတစ်ခွန်းကို မိန့်မြွက်ချိန်သာ ကြာမည်မဟုတ်လော။ ငါသည် သင်တို့ကို စီရင်ချက်ချပြီးနောက် ဖျက်ဆီးပစ်ရန် လိုလားနေဦးမည်လော။ ငါပြောသော ဤနှုတ်ကပတ်တော်များကို သင်တို့မယုံကြသေးသလော။ ငါသည် ချစ်ခြင်းမေတ္တာနှင့် သနားခြင်းကရုဏာအားဖြင့်သာ လူသားကို ကယ်တင်နိုင်မည်လော။ သို့တည်းမဟုတ် လူသားကို ကယ်တင်ရန် ကားတိုင်ပေါ်တွင် အသေခံခြင်းကိုသာ ငါအသုံးပြုနိုင်မည်လော။ ငါ၏ဖြောင့်မတ်သောစိတ်သဘောထားက လူသားတို့ကို လုံးလုံးနာခံလာရန် ပို၍ထောက်ကူနေသည် မဟုတ်လော။ ဤအရာက လူသားတို့ကို စေ့စေ့စပ်စပ် ပို၍ကယ်တင်နိုင်သည် မဟုတ်လော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်တို့သည် ရာထူးဂုဏ်ဒြပ်ဆိုင်ရာ ကောင်းချီးများကို ဘေးဖယ်ပြီး လူသားတို့ကို ကယ်တင်ရန်ဖြစ်သော ဘုရားသခင်၏ အလိုတော်ကို နားလည်သင့်၏” မှ

၄၂။ ယနေ့သင်လုပ်ဆောင်သည့် လုပ်ရပ်များပေါ်အခြေခံပြီး သင်သည် အနာဂတ်တွင် ကောင်းချီး ပေးခံရမည်လား သို့မဟုတ် ကျိန်ဆဲခြင်း ခံရမည်လားဆိုသည်ကို အဆုံးအဖြတ်ပေးမည်။ သင်တို့သည် ဘုရားသခင်၏ စုံလင်စေခြင်းကို ရရှိမည်ဆိုပါက၊ ယခုခေတ် ယခုအချိန်တွင် ရရှိလိမ့်မည်။ အနာဂတ်တွင် နောက်ထပ် အခွင့်အရေးတစ်ခု ရှိတော့မည် မဟုတ်ပေ။ ယခုလက်ရှိအချိန်တွင် ဘုရားသခင်က သင်တို့ကို အမှန်တကယ် ပြည့်စုံစေလိုသည်၊ ထို့ပြင် ဤအရာသည် တစ်နည်းအားဖြင့် ပြောရုံသက်သက်မဟုတ်ပါ။ အနာဂတ်တွင်၊ မည်ကဲ့သို့သော စမ်းသပ်မှုများ သင်တို့အပေါ် ကျရောက်သည်ဖြစ်စေ၊ မည်သည့်ဖြစ်ရပ်များ ရှိလာသည်ဖြစ်စေ၊ သို့မဟုတ် မည်သည့်ဘေးဒုက္ခများ သင်တို့အပေါ် ကျရောက်သည်ဖြစ်စေ၊ ဘုရားသခင်က သင်တို့ကို ပြည့်စုံစေလိုသည်- ဤအရာသည် တိကျသေချာပြီး အငြင်းပွားဖွယ် မဟုတ်သည့် အချက်တစ်ခု ပင်ဖြစ်သည်။ ဤအရာကို အဘယ်နေရာကနေ မြင်နိုင်ပါသနည်း။ နှစ်ပေါင်းများစွာနှင့် မျိုးဆက်ပေါင်း များစွာတို့တွင် ယနေ့ကဲ့သို့ ကြီးကျယ်မြင့်မြတ်ခြင်းကို မရရှိခဲ့သည့် ဘုရားသခင်၏ နှုတ်ကပတ်တော် ဟူသည့်အချက်မှ- အမြင့်ဆုံးသော နယ်ပယ်ထဲ ဝင်ရောက်ခဲ့ပြီး၊ ယနေ့တွင် အားလုံးသော လူသားများ အကြား သန့်ရှင်းသော ဝိညာဉ်တော်၏ လုပ်ဆောင်မှုက မကြုံစဖူးအောင်ပင် ဖြစ်သည်။ အတိတ်ကာလက မျိုးဆက်များထဲမှ တစ်စုံတစ်ဦးမျှ ဤအရာကို မမြည်းစမ်းခဲ့ရပါ။ ယေရှု၏ ခေတ်ကာလ အချိန်ကပင်၊ မျက်မှောက်ကာလ၏ ဗျာဒိတ်တော်များ မရှိခဲ့ပါ။ သင်တို့ကိုပြောခဲ့သည့် စကားလုံးများ၊ သင်တို့ နားလည် သည့် အရာများနှင့် သင်တို့တွေ့ကြုံရသည့် အရာများထဲတွင် ကြီးကျယ်မြင့်မြတ်သည့် အနေအထားသို့ ရောက်ရှိနေသည်။ စမ်းသပ်မှုများနှင့် ပြစ်တင်ဆုံးမမှုများ အလယ်တွင် သင်တို့သည် သွေဖည်မသွားဘဲ၊ ဤကား ဘုရားသခင်၏ လုပ်ဆောင်မှုသည် မကြုံစဖူးသည့် ခမ်းနားထည်ဝါမှုကို ရောက်ရှိပြီဟု သက်သေ ပြရန် လုံလောက်သည်။ ဤအရာသည် လူကပြုလုပ်နိုင်သည့် အရာတစ်ခုနှင့် လူက ထိန်းသိမ်းထားနိုင်သည့် အရာတစ်ခု မဟုတ်ပါ။ သို့သော် ယင်းသည် ဘုရားသခင် ကိုယ်တိုင်၏ လုပ်ဆောင်မှုဖြစ်သည်။ ထို့ကြောင့်၊ ဘုရားသခင် လုပ်ဆောင်ခဲ့သည့် အချက်များစွာတွင် တွေ့ရသည်မှာ ဘုရားသခင်က လူကိုပြည့်စုံစေလိုသည်။ ဘုရားသခင်က ဧကန်အမှန်ပင် သင်တို့ကို ပြည့်စုံအောင် ပြုလုပ်ပေးနိုင်သည်။ ဤအမြင်ကို သင်တို့ရရှိပါက၊ ဤရှာဖွေတွေ့ရှိချက် အသစ်ကို သင်တို့ရရှိနိုင်ပါက၊ သင်တို့သည် ယေရှုဒုတိယအကြိမ် ကြွလာမည်ကို စောင့်နေမည်မဟုတ်။ သို့သော် ယင်းအစား၊ မျက်မှောက်ခေတ်တွင်ပင် ဘုရားသခင်က သင်တို့ကို စုံလင်စေဖို့ သင်တို့ ခွင့်ပြုမည်ဖြစ်သည်။ ထို့ကြောင့် သင်တို့အယောက်စီတိုင်းသည် ဘုရားသခင်၏ ပြီးပြည့်စုံစေခြင်းကို ရရှိနိုင်ရန် အစွမ်းကုန်ကြိုးစားပြီး၊ အားထုတ်မှုကို ချန်လှပ်မထားသင့်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မိမိတို့၏ တာဝန်ထမ်းဆောင်ကြသူတို့ တစ်ဦးတစ်ယောက်စီတိုင်း အပေါ်တွင်” မှ

၄၃။ လက်ရှိ ခေတ်ရေစီးကြောင်းထဲတွင် ဘုရားသခင်ကို စစ်မှန်စွာ ချစ်မြတ်နိုးသော လူတစ်ဦး တစ်ယောက်စီတိုင်း၌ သူ၏ စုံလင်စေခြင်းကို ရရှိရန် အခွင့်အလမ်းရှိသည်။ အသက်ငယ်သည်ဖြစ်စေ၊ အသက်ကြီးသည်ဖြစ်စေ စသည်တို့နှင့် မသက်ဆိုင်ပဲ သူတို့သည် သူတို့၏ စိတ်နှလုံးကို ဘုရားသခင်ထံ နာခံခြင်းနှင့် အလေးအမြတ်ထားခြင်းတို့ကို ထိန်းသိမ်းထားသည်နှင့်အမျှ သူ၏ စုံလင်စေခြင်းကို ခံစား ရနိုင်သည်။ ဘုရားသခင်သည် လူသားတို့ကို သူတို့၏ မတူညီသော လုပ်ငန်းဆောင်တာများ အပေါ်မူတည်၍ စုံလင်စေသည်။ သင်၏ အစွမ်းရှိသ၍ ဘုရားသခင်၏ လုပ်ငန်းများအပေါ်တွင် သင့်ကိုယ်သင် ဆက်ကပ်ထား သည်နှင့်အမျှ သင်သည် သူ၏ စုံလင်စေခြင်းကို ရရှိနိုင်သည်။ လက်ရှိတွင် သင်တို့ တစ်ဦးတစ်ယောက်မျှ စုံလင်ခြင်း မရှိကြ။ တစ်ခါတစ်ရံတွင် သင်တို့သည် လုပ်ငန်းဆောင်တာတစ်မျိုးကို လုပ်ဆောင်နိုင်စွမ်းရှိပြီး တစ်ခါတစ်ရံတွင် လုပ်ငန်းဆောင်တာ နှစ်မျိုးကို ထမ်းရွက်နိုင်သည်။ သင်တို့၏ အစွမ်းရှိသမျှ ဆက်ကပ်သည်နှင့်အမျှ ဘုရားသခင်အတွက် သင်တို့ကိုယ်သင်တို့ အသုံးခံသည်နှင့်အမျှ သင်တို့ကို ဘုရားသခင် သည် စုံလင်စေပါလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မိမိတို့၏ တာဝန်ထမ်းဆောင်ကြသူတို့ တစ်ဦးတစ်ယောက်စီတိုင်း အပေါ်တွင်” မှ

၄၄။ ဘုရားသခင်၏ ကယ်တင်ခြင်းအမှုကာလအတွင်း ကယ်တင်ခြင်း ခံရနိုင်သူများသည် အဆုံးစွန်ထိ ကယ်တင်ခြင်းခံကြရမည်ဖြစ်ပြီး၊ ဘုရားသခင့်အမှု၏ ရည်ရွယ်ချက်မှာ လူသားတို့ကို ကယ်တင်ရန်ဖြစ်သည့်အားလျော်စွာ ထိုသူတို့အထဲမှ မည်သူတစ်ဦးတစ်ယောက်ကိုမျှ စွန့်ပစ်ထားခဲ့မည်မဟုတ်။ လူသားတို့ကို ကယ်တင်သည့် ဘုရားသခင့်အမှု၏အချိန်ကာလအတွင်း၌ မိမိတို့၏ စိတ်နေသဘောထား၌ အပြောင်းအလဲဖြစ်ပေါ်စေရန် မတတ်နိုင်သောသူများအားလုံးနှင့် ဘုရားသခင်ကို အပြည့်အဝ နာခံခြင်းမပြုနိုင်သောသူများအားလုံးမှာ အပြစ်ဒဏ်ပေးခြင်းကို ခံရသူများ ဖြစ်လာကြလိမ့်မည်။ နှုတ်ကပတ်တော်များနှင့်ဆိုင်သည့် အမှုဖြစ်သော အမှု၏ယခုအဆင့်သည် လူသားတို့ နားမလည်သည့် နည်းလမ်းများနှင့် နက်နဲမှုများကို သူတို့အား ဖွင့်ပြပေးသည်၊ ထိုသို့အားဖြင့် လူသားတို့သည် ဘုရားသခင်၏ အလိုတော်နှင့် လူသားတို့အပေါ်ထားသည့် ဘုရားသခင်၏ သတ်မှတ်ချက်များကို နားလည်နိုင်ရန်ဖြစ်သည့်အပြင်၊ ဘုရားသခင်၏ နှုတ်ကပတ်တော်များကို လက်တွေ့ကျင့်သုံးရန်အတွက် လူတို့ထံ၌ အခြေအနေများ ရှိနိုင်ကြစေရန်နှင့် သူတို့၏ စိတ်သဘောထား၌ အပြောင်းအလဲများ ရှိလာစေနိုင်ရန်ဖြစ်သည်။ ဘုရားသခင်သည် သူ၏အမှုကိုပြုရန် နှုတ်ကပတ်တော်များကိုသာ အသုံးပြုသည်၊ ထို့ပြင် ယခုအချိန်အခါသည် ကယ်တင်ခြင်းအမှုကို လုပ်ဆောင်နေသော အချိန်အခါဖြစ်သောကြောင့် လူသားတို့ အနည်းငယ် ပုန်ကန်တတ်ခြင်းအတွက်နှင့် ၎င်းတို့ကို အပြစ်ဒဏ်မပေးပေ။ အကယ်၍ ပုန်ကန်တတ်သော လူတိုင်းကို အပြစ်ဒဏ်ပေးမည်ဆိုပါက မည်သူတစ်ဦးတစ်ယောက်ကမျှ ကယ်တင်ခံရရန်အခွင့် ရှိကြလိမ့်မည် မဟုတ်ဘဲ အားလုံးအပြစ်ဒဏ်ပေးခံရပြီး မရဏနိုင်ငံသို့ သက်ဆင်းကြရမည်သာ ဖြစ်သည်။ လူသားတို့ကို နှုတ်ကပတ်တော်၏ တရားစီရင်ခြင်းရည်ရွယ်ချက်မှာ သူတို့ကို မိမိတို့ကိုယ်မိမိ သိရှိခွင့်ကိုပေးပြီး ဘုရားသခင်အား နာခံနိုင်ခွင့်ကိုပေးရန်ဖြစ်သည်။ နှုတ်ကပတ်တော်၏ တရားစီရင်ခြင်းအားဖြင့် ၎င်းတို့ကို အပြစ်ဒဏ်ပေးရန် မဟုတ်ချေ။ နှုတ်ကပတ်တော် အမှုပြုစဉ်အချိန်အတွင်းတွင် များစွာသောလူတို့သည် ၎င်းတို့၏ ပုန်ကန်မှုနှင့် အာခံမှုတို့ကို ဖော်ပြကြလိမ့်မည်ဖြစ်ပြီး လူ့ဇာတိခံယူသည့် ဘုရားသခင်အပေါ် ၎င်းတို့၏ မနာခံခြင်းကို ဖော်ပြကြလိမ့်မည်။ သို့သော်လည်း ထိုအချက်ကြောင့် ထိုလူများအားလုံးကို ဘုရားသခင်အပြစ်ပေးမည်မဟုတ်ပေ၊ ယင်းသို့ပြုမည့်အစား ရိုးတွင်းခြင်ဆီအထိ ဖောက်ပြန်ပျက်စီးနေသူများနှင့် ကယ်တင်ခြင်း မခံရနိုင်သူများကိုသာလျှင် သူဖယ်ထားလိမ့်မည်။ ထိုသူတို့၏ ဇာတိခန္ဓာများကို စာတန်အား သူပေးပစ်လိမ့်မည်ဖြစ်ပြီး အချို့အခြေအနေများတွင် ၎င်းတို့၏ဇာတိခန္ဓာကို အဆုံးသတ်ပစ်လိမ့်မည်။ ကြွင်းကျန်သောသူများသည် နောက်တော်သို့ ဆက်လက်လိုက်ကြပြီး ရိုက်နှက်ဆုံးမခြင်းနှင့် ပြုပြင်ခြင်းတို့ကို ဆက်လက်ကြုံတွေ့ကြရမည်ဖြစ်သည်။ အကယ်၍ ၎င်းတို့အနေဖြင့် နောက်တော်လိုက်နေစဉ်တွင် ရိုက်နှက်ဆုံးမခြင်းနှင့် ပြုပြင်ခြင်းတို့ကို လက်မခံနိုင်သေးပါက ၎င်းတို့သည် ပို၍ပို၍ ယိုယွင်းကျဆင်းလာကြမည်ဖြစ်ပြီး ကယ်တင်ခြင်းခံရရန် အခွင့်အရေးကို ၎င်းတို့ဆုံးရှုံးသွားကြလိမ့်မည်။ နှုတ်ကပတ်တော်၏ သိမ်းပိုက်ခြင်းကို လက်ခံထားသောသူ တစ်ယောက်စီတိုင်းသည် ကယ်တင်ခြင်းအတွက် အခွင့်အရေး အလျှံအပယ် ရပါလိမ့်မည်။ ဤလူ တစ်ဦးတစ်ယောက်ချင်းစီအတွက် ဘုရားသခင်၏ကယ်တင်ခြင်းက သူ၏အစွမ်းကုန်သက်ညှာမှုကို ပြသလျက်ရှိသည်၊ ဆိုလိုသည်မှာ ၎င်းတို့အနေဖြင့် အစွမ်းကုန် သည်းခံပေးမှုကို ခံကြရခြင်းဖြစ်သည်။ လူတို့သည် လမ်းမှားကို ကျောခိုင်းနေသမျှ၊ လူတို့သည် နောင်တရနေနိုင်သမျှ သူ၏ကယ်တင်ခြင်းကို ခံရနိုင်သောအခွင့်အရေးကို ဘုရားသခင်ပေးပါလိမ့်မည်။ လူတို့သည် ဘုရားသခင်ကို ဦးစွာပုန်ကန်ကြစဉ်က ၎င်းတို့ကို သတ်ပစ်ရန် ဘုရားသခင်၌ ဆန္ဒမရှိခဲ့ဘဲ ထိုအစား ၎င်းတို့အားလုံးကို ကယ်တင်ရန် တတ်နိုင်သမျှ သူလုပ်ခဲ့သည်။ အကယ်၍ တစ်စုံတစ်ဦးသည် ကယ်တင်ခြင်းခံရရန် အခွင့်မရှိတော့ပါလျှင် ဘုရားသခင်သည် ထိုသူကို ဖယ်ထားလိမ့်မည်ဖြစ်သည်။ ဘုရားသခင်အနေဖြင့် တစ်စုံတစ်ယောက်ကို အပြစ်ဒဏ်ပေးရန် နှေးရသည့် အကြောင်းရင်းမှာ ကယ်တင်နိုင်သူများ အားလုံးကို သူကယ်တင်လိုသောကြောင့်ဖြစ်သည်။ သူသည် လူတို့ကို တရားစီရင်ခြင်း၊ ဉာဏ်အလင်းဖွင့်ပေးခြင်းနှင့် လမ်းညွှန်ပေးခြင်းတို့ကို နှုတ်ကပတ်တော်များဖြင့်သာ ပြုလုပ်ပြီး ၎င်းတို့ကို သတ်ရန် တုတ်ကို အသုံးမပြုပါချေ။ နှုတ်ကပတ်တော်များကို အသုံးပြု၍ လူတို့ကို ကယ်တင်ခြင်းသည် အမှုနောက်ဆုံးအဆင့်၏ ရည်ရွယ်ချက်နှင့် အရေးပါမှုပင် ဖြစ်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်တို့သည် ရာထူးဂုဏ်ဒြပ်ဆိုင်ရာ ကောင်းချီးများကို ဘေးဖယ်ပြီး လူသားတို့ကို ကယ်တင်ရန်ဖြစ်သော ဘုရားသခင်၏ အလိုတော်ကို နားလည်သင့်၏” မှ

၄၅။ ဘုရားသခင်သည် လူသား၏နှလုံးသားတို့ကို နိုးထစေရန်အတွက် အမျိုးမျိုးသောနည်းလမ်းတို့ကို သုံးပင်သော်ငြား၊ လူသား၏နှလုံးသားတို့ အဆုံးသတ်နိုးထမလာခင်အထိ လျှောက်လှမ်းရမည့် ခရီးရှည်တစ်ခုမှာ ရှိနေဆဲဖြစ်သည်။ ဘုရားသခင်သည် ၎င်းတို့အား ချန်လှပ်ထားခဲ့ပြီဟူ၍လည်းကောင်း၊ ဘုရားသခင်သည် ၎င်းတို့အား စွန့်ပစ်ထားခဲ့ပြီဟူ၍ လည်းကောင်း၊ ၎င်းတို့အား ကျောခိုင်းသွားပြီဟူ၍လည်းကောင်း၊ ခံစားကြမည်ကို ငါသည် မမြင်ချင်ပေ။ လူတိုင်းသည် သမ္မာတရားကိုရှာဖွေသော၊ ဘုရားသခင်ကို နားလည်ရန် ကြိုးပမ်းသော လမ်းထက်တွင် တွေဝေခြင်းများ ဝန်ထုပ်ဝန်ပိုးများ ကင်းစွာဖြင့်၊ မယိမ်းယိုင်သော စိတ်ဓါတ်ဖြင့်၊ ရဲဝံ့စွာ ရှေ့ခရီးဆက်သည်ကိုသာ ငါသည် မြင်ချင်လှ၏။ သင်သည် မည်သို့သော အမှားများကို ကျူးလွန်ထားသည်ဖြစ်စေ၊ သင်သည် မည်မျှ လမ်းလွဲနေသည်ဖြစ်စေ၊ သို့မဟုတ် သင်သည် မည်မျှ ချိုးဖောက်ထားသည်ဖြစ်စေ၊ ဤအရာတို့သည် ဘုရားသခင်ကို နားလည်ရန် သင်၏ရှာဖွေမှု၌ သင်နှင့်အတူ သယ်ဆောင်သွားရမည့် ဝန်ထုပ်ဝန်ပိုးများ သို့မဟုတ် အပို ဝန်စည်စလယ်များဖြစ်မလာပါစေနှင့်- ရှေ့သို့သာ ဆက်၍ ချီတက်လော့။ မည်သည့်အချိန်၌ ပေါ်ပေါက်သည်ဖြစ်စေ၊ လူသား၏ကယ်တင်ခြင်းဖြစ်သော ဘုရားသခင်၏ နှလုံးသားသည် ဘယ်သောအခါမျှ မပြောင်းလဲချေ။ ဤသည်မှာ ဘုရားသခင်၏ အနှစ်သာရတွင် အဖိုးတန်ဆုံး အစိတ်အပိုင်းဖြစ်၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၆)” မှ

၄၆။ အနန္တတန်ခိုးရှင်သည် အလွန်အမင်း ဒုက္ခဆင်းရဲကိုခံဖူးသော ဤလူများအပေါ် သနားကရုဏာရှိ၏၊ တစ်ချိန်တည်းတွင် သူသည် လူသားတို့ထံမှ အဖြေတစ်ခုကို စောင့်ဆိုင်းနေခဲ့ရသည်မှာ အလွန်ကြာလှပြီဖြစ်သောကြောင့် အသိဉာဏ်ကင်းမဲ့သော ဤလူများကိုလည်း စိတ်ပျက်၏။ သင်သည် ရေငတ်ခြင်းနှင့် ဆာလောင်ခြင်းကို မခံရတော့မည့်အကြောင်း သူသည် ရှာဖွေရန်၊ သင်၏စိတ်နှလုံးနှင့် ဝိညာဉ်ကို ရှာဖွေရန်၊ သင့်ထံ ရေနှင့် အစာကို ယူဆောင်လာရန်နှင့် သင့်ကို နှိုးရန် ဆန္ဒရှိတော်မူ၏။ သင် ပင်ပန်းနွမ်းနယ်သောအခါနှင့် ဤလောကကြီး၏ စိတ်ဓာတ်ကျဖွယ် ပျက်စီးခြောက်ကပ်ခြင်း တစ်စုံတစ်ရာကို စတင်ခံစားရသောအခါ၊ လမ်းပျောက်ခြင်းမရှိစေနှင့်၊ မငိုကြွေးလေနှင့်။ စောင့်ကြည့်တော်မူသောသူ အနန္တတန်ခိုးရှင်ဘုရားသခင်သည် သင်၏ရောက်လာခြင်းကို အချိန်မရွေး လက်ခံပွေ့ဖက်လေမည်။ သူသည် သင့်ထံပါး၌ အိပ်ဖန်စောင့်လျက် သင်နောက်ပြန်လှည့်လာရန် စောင့်ဆိုင်းနေ၏။ သင်၏မှတ်ဉာဏ် ရုတ်တရက် ပြန်ရသောနေ့ရက်ကို သူစောင့်ဆိုင်းလျက်နေ၏၊ ထိုနေ့ရက်မှာ သင်သည် ဘုရားသခင်ထံမှ လာခဲ့ကြောင်း၊ မသိခဲ့သောအချိန်တစ့်ချိန်တွင် သင်ဦးတည်ချက်ပျောက်ခဲ့ကြောင်း၊ မသိခဲ့သောအချိန်တစ့်ချိန်တွင် လမ်းပေါ်၌ အသိဉာဏ်ပျောက်ဆုံးခဲ့ရကြောင်းနှင့် မသိခဲ့သောအချိန်တစ့်ချိန်တွင် “အဖ” တစ်ဦးရခဲ့ကြောင်း သဘောပေါက်သောနေ့ရက်၊ ထိုမျှမက အနန္တတန်ခိုးရှင်သည် အစဉ်သဖြင့် အိပ်ဖန်စောင့်နေကာ သင်ပြန်လာမည်ကို ထိုနေရာ၌ အလွန့်အလွန် အချိန်ကြာမြင့်စွာ စောင့်ဆိုင်းလျက်နေကြောင်း သင်သဘောပေါက်သောနေ့ရက် ဖြစ်ပေသည်။ သူသည် ပြင်းပြသောတောင့်တမှုဖြင့် စောင့်ကြည့်နေကာ အဖြေမပါသော တုံ့ပြန်မှုတစ်ခုကို စောင့်ဆိုင်းလျက်နေ၏။ သူ၏အမြဲတစေ စောင့်ကြည့်ခြင်းမှာ တန်ဖိုးမဖြတ်နိုင်ပေ၊ ထို့ပြင် ၎င်းမှာ လူသား၏စိတ်နှလုံးနှင့် ဝိညာဉ်အဖို့အလို့ငှာ ဖြစ်၏။ ဤသို့ အမြဲတစေစောင့်ကြည့်ခြင်းမှာ အချိန်အကန့်အသတ်မဲ့ ဖြစ်ကောင်းဖြစ်နိုင်၍ ၎င်းမှာ ဆုံးခန်း၌လည်း ရှိကောင်းရှိနေနိုင်သည်။ သို့သော်လည်း ယခုအခါ သင်၏စိတ်နှလုံးနှင့် ဝိညာဉ်တို့မှာ မည်သည့်နေရာ၌ ရှိနေကြောင်းကို သင်အသိအကျ သိသင့်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အနန္တတန်ခိုးရှင် သက်ပြင်းချတော်မူခြင်း” မှ

၄၇။ ဘုရားသခင်၏မေတ္တာနှင့် ကရုဏာသည် သူ့စီမံခန့်ခွဲမှုအမှုတော်၏ အသေးစိတ်တစ်ခုစီအတွင်း စိမ့်ဝင်ပျံ့နှံ့နေပြီး လူသားများအနေဖြင့် ဘုရားသခင်၏ ကောင်းမွန်သော ရည်ရွယ်ချက်များကို နားလည်နိုင်ခြင်းရှိသည်ဖြစ်စေ၊ မရှိသည်ဖြစ်စေ၊ ဘုရားသခင်သည် ပြီးမြောက်အောင်မြင်အောင်လုပ်ဆောင်ရန် ရည်ရွယ်ထားသည့် အမှုတော်ကို မမောမပန်း ဆောင်ရွက်နေဆဲဖြစ်သည်။ ဘုရားသခင်၏စီမံခန့်ခွဲမှုကို လူသားတို့မည်မျှနားလည်သည်ဖြစ်စေ ဘုရားသခင်ပြုခဲ့သော အမှုတော်၏ အကျိုးကျေးဇူးများနှင့် အကူအညီကို လူတိုင်းနားလည်နိုင်ပါသည်။ ယနေ့ သင်သည် ဘုရားသခင်ပေးသော မေတ္တာကိုသော်လည်းကောင်း၊ အသက်ကိုသော်လည်းကောင်း၊ မခံစားရဘဲ ရှိကောင်းရှိနေပါမည်။ သို့သော် ဘုရားသခင်ကို သင်မစွန့်လွှတ်သရွေ့၊ သမ္မာတရားကို လေ့လာလိုက်စားရန် သင်၏ဆုံးဖြတ်ချက်အပေါ် အရှုံးမပေးသရွေ့ ဘုရားသခင်၏အပြုံး သင့်အပေါ်ထင်ရှားသည့်တစ်နေ့ အမြဲရှိနေပါမည်။ အကြောင်းမှာ ဘုရားသခင်၏စီမံခန့်ခွဲမှုအလုပ်ဆိုင်ရာ ရည်မှန်းချက်မှာ စာတန်၏ အုပ်စိုးမှုအောက်ရှိ လူသားတို့ကို ကယ်တင်ရန်၊ စာတန်၏ဖျက်ဆီးခြင်းကိုခံထားရပြီး ဘုရားသခင်ကိုဆန့်ကျင်သော လူသားတို့ကို ပစ်မထားရန်ဖြစ်သောကြောင့်တည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စီမံခန့်ခွဲမှုအထဲ၌သာ လူသားသည် ကယ်တင်ခြင်း ခံရနိုင်သည်” မှ

အောက်ခြေမှတ်စု(များ)-

က။ သစ်တိုင်သေ၏ အပိုင်းအစတစ်ခု- တရုတ်ဓလေ့ အသုံးအနှုန်း၊ အဓိပ္ပာယ် “ကူကယ်ရာမဲ့ခြင်း”။

ယခင်က:(၁) လူသားအပေါ် ဘုရားသခင်၏ သတ်မှတ်ချက်များနှင့် ပတ်သက်သည့် နှုတ်ကပတ်တော်များ

နောက်တစ်ခုသို့:(၃) လူသားအတွက် ဘုရားသခင်၏ သတိပေးချက်များနှင့် ပတ်သက်သည့် နှုတ်ကပတ်တော်များ

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ