၁ စာတန်၏ ဘဝအတွေးအခေါ်များကို လက်ကိုင်ပြုရင်း၊ အားလုံးအထက်တွင် ငြိမ်သက်ခြင်းနှင့် သည်းခံခြင်းတို့ကို တန်ဖိုးထားရင်းဖြင့်၊ မည်သူနှင့်မျှ ဘယ်သောအခါမျှ မငြင်းခုံဘဲ ကျွန်ုပ် ဟုတ်ကဲ့သမားတစ်ဦး ဖြစ်လေ့ရှိခဲ့သည်။ အမှုအရာများကို လုပ်ဆောင်ချိန် သို့မဟုတ် အခြားသူများနှင့် အပြန်အလှန်ဆက်ဆံချိန်တွင် ကျွန်ုပ်၏ ဝင့်ဝါမှု၊ မိမိကိုယ်ကို အရေးထားမှုနှင့် အဆင့်အတန်းတို့ကို ကျွန်ုပ်ကာကွယ်ခဲ့သည်။ သမ္မာတရားကို ကျွန်ုပ်မျက်ကွယ်ပြုခဲ့ပြီး ကျွန်ုပ် ရှင်းလင်းစွာ မြင်ရသည့်အရာကို ကျွန်ုပ် ပြောမည်မဟုတ်။ တစ်စုံတစ်ရာသည် ကျွန်ုပ်နှင့် မပတ်သက်လျှင် ကျွန်ုပ်၏ ကိုယ်ကျင့်တရားကို လက်လျှော့ကာ မသိကျိုးကျွံပြုခဲ့သည်။ ကျွန်ုပ် မိမိကိုယ်ကို ကာကွယ်ခဲ့သည်၊ မည်သူ့ကိုမျှ သဘောမကျမဖြစ်စေဖို့ ကျွန်ုပ်၏ ကိုယ်ပိုင်အသိစိတ်ကို ကျွန်ုပ် သစ္စာဖောက်ခဲ့သည်။ အခက်အခဲကို ကျွန်ုပ် ကြိတ်မှိတ်လက်ခံထားသည်၊ ယုတ်ညံ့သော ဘဝတစ်ခုကို ကျွန်ုပ်အသက်ရှင်ခဲ့ကာ ကျွန်ုပ်၏လူ့သဘာဝကို ဆုံးရှုံးခဲ့သည်။ အကျင့်စရိုက် သို့မဟုတ် သိက္ခာမရှိဘဲနှင့် လူသားတစ်ဦးဖြစ်ရန် ကျွန်ုပ် မထိုက်တန်ခဲ့။

၂ ဘုရားနှုတ်ကပတ်တော်များ၏ တရားစီရင်ခြင်းကို တွေ့ကြုံရင်း ရုတ်တရက် ကျွန်ုပ်နိုးထခဲ့သည်။ သမ္မာတရားကို နားလည်ကာ လူသားမျိုးနွယ်၏ ဆိုးယုတ်မှုနှင့် ဖောက်ပြန်ပျက်စီးမှု အမှန်တရားကို ကျွန်ုပ် ရှင်းရှင်းလင်းလင်း မြင်ခဲ့သည်။ ဘုရားသခင်ရှေ့မှောက် ကျွန်ုပ်လဲကျခဲ့ပြီး ကျွန်ုပ်စိတ်နှလုံးထဲ နောင်တကြီးစွာ ခံစားခဲ့ရသည်။ ကျွန်ုပ် မည်မျှ ဖောက်ပြန်ပျက်စီးခဲ့ပြီး ကျွန်ုပ်၏ အသိစိတ်နှင့် ဆင်ခြင်တုံတရားတို့ကို ဆုံးရှုံးရခြင်းကို ကျွန်ုပ် မုန်းမိခဲ့သည်။ ကျွန်ုပ်သည် အခြေခံသဘောတရားမရှိဘဲ ပြုမူသည့် လူမုန်းမခံချင်သူတစ်ဦး ဖြစ်ခဲ့သည်။ ကျွန်ုပ်သည် ကြောင်သူတော် တစ်ယောက် ဖြစ်ခဲ့သည်။ ကျွန်ုပ်သည် စိတ်မချရဘဲ၊ လှည့်စားတတ်ပြီး မိမိကိုယ်ကိုယ် ပါးနပ်သည်ဟု တွေးထင်ကာ၊ မိမိကိုယ်တိုင်၏အသက်တာကို ပျက်စီးစေခဲ့သည်။ ကျွန်ုပ်၏စိတ်နှလုံးကို နောက်ဆုံးတွင် နိုးထစေခဲ့သည်မှာ ဘုရားသခင့်နှုတ်ကပတ်တော်များ၏ တရားစီရင်ခြင်း ဖြစ်သည်။ ကျွန်ုပ်သည် ရိုးသားသောလူတစ်ယောက် ဖြစ်ဖို့ ဆန္ဒရှိပြီး တရားစီရင်ခံရခြင်းအားဖြင့် သန့်စင်ခြင်းခံရဖို့ ကျွန်ုပ် ဆန္ဒရှိသည်။ ကျွန်ုပ်သည် အခြေခံသဘောတရားဖြင့် ပြုမူနိုင်ဖို့အလို့ငှာ အရာခပ်သိမ်း၌ သမ္မာတရားကို ရှာဖွေဖို့ ဆန္ဒရှိသည်။ ကျွန်ုပ်သည် မိမိ၏လှည့်စားတတ်ခြင်းကို ဖယ်ရှားဖို့၊ သမ္မာတရားကို လက်တွေ့လုပ်ဆောင်ပြီး အလင်းတွင် ရှင်သန်ဖို့ ဆန္ဒရှိသည်။ ဘုရားသခင်၏လမ်းခရီးနောက် လိုက်ပြီး ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းတို့ကို လက်တွေ့လုပ်ဆောင်ဖို့ ကျွန်ုပ် ဆန္ဒရှိသည်။ ကျွန်ုပ်၏ တာဝန်ကို သစ္စာရှိရှိ ဆောင်ရွက်ကာ ဘုရားသခင်ကို ဘုန်းထင်ရှားစေဖို့ မှန်ကန်သော လူသားတစ်ဦးပုံသဏ္ဌာန်ကို ကျွန်ုပ် အသက်ရှင်နေထိုင်မည်။