၁ အတိတ်က ဘုရားသခင်အပေါ် ကျွန်ုပ်၏ ယုံကြည်မှုကို စဉ်းစားရင်း ကျွန်ုပ်၏ စိတ်နှလုံးက အင်မတန် ကျေးဇူးတင်ရှိမှု ခံစားရပေ။ သမ္မာတရားကို ကျွန်ုပ် မလိုက်စားခဲ့သောကြောင့် ဝမ်းနည်းမှုများစွာဖြင့် ကျွန်ုပ်ကျန်ရစ်သည်။ ကျွန်ုပ်၏တာဝန်ကို လုပ်ဆောင်ရန် ဘုရားသခင်က ကျွန်ုပ်ကို ချီးမြှောက်ခဲ့သော်လည်း ကိုယ်တော်၏ အလိုတော်ကို ကျွန်ုပ် အရေးမထားခဲ့။ မိမိကိုယ်ကို အခြားသူများနှင့် နှိုင်းယှဉ်ဖို့ရန် အဓိကထားလျက် ကျွန်ုပ်အလုပ်လုပ်ပြီး တရားဟောခဲ့သည်။ အခြားသူများ၏ ကြည်ညိုခံရခြင်းနှင့် လေးစားခံရခြင်းကို ကျွန်ုပ် ပျော်မွေ့ခဲ့သည်။ ဘုရားသခင်ကို အမည်ခံဖြင့် ကျွန်ုပ်အစေခံခဲ့သော်လည်း အမှန်တွင် ကျွန်ုပ်သည် မိမိကိုယ်ကိုယ် တည်ဆောက်နေခဲ့သည်။ ဘုရားသခင်၏နှုတ်ကပတ်တော်များက ကျွန်ုပ်ကို အသိပေးခဲ့ပြီး သတိပေးခဲ့သော်လည်း ကျွန်ုပ် အရေးမစိုက်ခဲ့ပေ။ ကျွန်ုပ်သည် ဆုလာဘ်များအတွက်၊ သရဖူအတွက်သာ အလျှော့မပေးတမ်း ပြေးလွှားနေခဲ့သည်။ နာမည်နှင့် ဂုဏ်ဒြပ်အတွက် ကျွန်ုပ်ရုန်းကန်ခဲ့သည်၊ ယင်းမှာ ဘုရားသခင်အဖို့ အလွန်စက်ဆုပ်ဖွယ်ရာပင်။

၂ ဘုရားသခင်သည် သူ၏မျက်နှာကို ကွယ်ဝှက်သဖြင့် လှည့်ပြန်စရာနေရာမရှိဘဲ အမှောင်ထဲသို့ ကျွန်ုပ်လဲကျခဲ့သည်။ လမ်းလျှောက်နေသော အလောင်းကောင်အလား နှစ်များစွာကဲ့သို့ ခံစားရသည့် နေ့များကို ကျွန်ုပ် ရှင်သန်ဖြတ်သန်းခဲ့ရပေ။ စမ်းသပ်မှုများကြားတွင် ဘုရားသခင်၏တရားစီရင်ခြင်းကို ကျွန်ုပ် လက်ခံပြီး မိမိကိုယ်ကိုယ် ပြန်လည်သုံးသပ်ခဲ့၊ ထို့နောက်မှသာ ကျွန်ုပ်သည် မာနထောင်လွှားလွန်းလှသည်မှာ ဆင်ခြင်တုံတရားအားလုံး ပျောက်ဆုံးခဲ့သည်ကို သတိပြုမိသည်။ ကျွန်ုပ်သည် သမ္မာတရားမရှိဘဲ၊ မိမိကိုယ်ကို ဝါကြွားခဲ့သည်_ ယင်းက အလွန်ရှက်ဖွယ်ကောင်းပေသည်။ ကောင်းကင်တမန်မင်း၏ သဘာဝကဲ့သို့ဖြစ်သော ကျွန်ုပ်၏ သဘာဝသည် ဘုရားသခင်၏ ကျိန်ဆဲခြင်းကို ခံသင့်ပေသည်။ ကြောက်ရွံ့မှုဖြင့် တုန်လှုပ်ရင်း နောင်တကြီးစွာဖြင့် ဘုရားသခင်ရှေ့ ကျွန်ုပ်လဲကျခဲ့သည်။ ဘုရားသခင်ကို အလွန်ပုန်ကန်တတ်ပြီး အာခံတတ်သည့် ကျွန်ုပ် လူသားဟု အခေါ်ခံရဖို့ အဘယ်မှာ ထိုက်တန်နိုင်မည်နည်း။ ဘုရားသခင်၏ တရားစီရင်ခြင်းကို လက်ခံကာ စိတ်သဘောထားပိုင်း ပြောင်းလဲမှုကို ရရှိဖို့ ကျွန်ုပ်ဆန္ဒရှိသည်။

၃ ဘုရားသခင်၏ တရားစီရင်ခြင်းကို တွေ့ကြုံခြင်းအားဖြင့် ဘုရားသခင်၏ စိတ်သဘောထား ဖြောင်မတ်သည်ကို ကျွန်ုပ်သိလာရသည်။ ကျွန်ုပ်၏ စိတ်နှလုံးထဲတွင် ဘုရားသခင်ကို ကျွန်ုပ်ကြည်ညိုပြီး နာခံကာ လူသားပုံသဏ္ဍာန်အနည်းငယ်ကို ကျွန်ုပ် အသက်ရှင်နေထိုင်သည်။ စိတ်သဘောထားပိုင်း ပြောင်းလဲမှုမရှိဘဲ ဘုရားသခင်ကို အစေခံဖို့ ကျွန်ုပ်မထိုက်တန်သည်ကို ယခုမှ ကျွန်ုပ်သိသည်။ ကျွန်ုပ်ကို ကိုယ်တော်၏ ကွယ်ကာမှုအောက်သို့ ပို့ဆောင်ပေးသည့် ဘုရားသခင်၏ အချိန်မီတရားစီရင်ခြင်းကို ကျွန်ုပ်ကျေးဇူးတင်မိပါသည်။ ယခုတွင် ဘုရားသခင်၏ ချစ်ခြင်းမေတ္တာကို ကျွန်ုပ်မြည်းစမ်းပြီးဖြစ်ကာ ယင်းသည် အလွန်မှန်ကန်ပြီး အလွန်စစ်မှန်ပေသည်။ အို ဘုရားသခင်၊ ကိုယ်တော့်ကို ကျွန်ုပ်ဘယ်သောအခါမျှ ပုန်ကန်မည် မဟုတ်တော့ပါ သို့မဟုတ် ကိုယ်တော့်ကို ဝမ်းနည်းစေမည် မဟုတ်တော့ပါ။ ကျွန်ုပ်သည် ဤနောက်ဆုံး အချိန်နာရီများကို မြတ်နိုးရန်နှင့် လူသစ်တစ်ဦး ဖြစ်လာရန်၊ အခြားသူများ၏ အထင်ကြီးမှုကို မရှာဖွေဘဲ ကိုယ်တော်၏ အလိုတော်ကိုသာ ကျေနပ်စေရန်၊ ကိုယ်တော်၏ နှုတ်ကပတ်တော်များဖြင့် အသက်ရှင်ကာ အရာခပ်သိမ်းတွင် ကိုယ်တော်ကို ချီးမြောက်ပြီး သက်သေခံရန်သာ ဆန္ဒရှိပါသည်။