၁ လူသားနှင့် ဘုရားသခင်သည် အခြေခံအားဖြင့် ခြားနားပြီး မတူညီသော နယ်ပယ်နှစ်ခုတွင် နေထိုင်ကြသည်။ လူသားသည် ဘုရားသခင်၏ ဘာသာစကားကို နားလည်နိုင်ခြင်းမရှိ၊ ဘုရားသခင်၏အတွေးများကို သိရန်မှာ ပို၍ပင်မဖြစ်နိုင်ပေ။ ဘုရားသခင်သည်သာ လူသားကို နားလည်နိုင်ပြီး လူသားက ဘုရားသခင်ကို နားလည်ရန် မဖြစ်နိုင်ချေ။ ဘုရားသခင်သည် လူ့ဇာတိခံပြီး လူသားနှင့် တစ်မျိုးနွယ်တည်း ဖြစ်ရန်လိုအပ်ခြင်း ဖြစ်၍၊ လူသားမျိုးနွယ်ကို ကယ်တင်ရန်အတွက် ကြီးစွာသောအရှက်ကွဲခြင်းနှင့် နာကျင်ခြင်းကို သည်းခံလျက်နေ၏၊ ထိုအခါမှသာ ၎င်းတို့သည် ဘုရားသခင်၏အမှုကို နားလည်ပြီး သိနိုင်ကြမည်။ ဘုရားသခင်သည် လူသားကို အဘယ်ကြောင့် အစဉ်ကယ်တင်ပြီး မည်သည့်အခါမျှ လက်မလျှော့သနည်း. ၎င်းမှာ လူသားအပေါ် သူ၏ချစ်ခြင်းမေတ္တာကြောင့် ဖြစ်သည်မဟုတ်လော။ လူသားမျိုးနွယ်သည် စာတန်၏ဖျက်ဆီးခြင်းကို ခံနေရကြောင်းကို သူမြင်ပြီး သူသည် စွန့်လွှတ်ရက်မည် သို့မဟုတ် လက်လျှော့ရက်မည်မဟုတ်ပေ။ ထို့ကြောင့် သူ၌စီမံခန့်ခွဲမှုအစီအစဉ်တစ်ခု ရှိခြင်းဖြစ်၏။

၂ အကယ်၍ လူတို့စိတ်ကူးသကဲ့သို့ ဖြစ်ပြီး သူသည် ဒေါသထွက်သည်နှင့်တစ်ပြိုင်နက် လူသားမျိုးနွယ်ကို ဖျက်ဆီးခဲ့မည်ဆိုပါက လူသားကိုကယ်တင်ရန်အတွက် ဤပုံစံဖြင့် ဒုက္ခဆင်းရဲခံရန် လိုအပ်မည်မဟုတ်ပေ။ သူ၏ ချစ်ခြင်း ပေါ်လွင်လာသည်မှာ သူ၏လူဇာတိခံခြင်းအားဖြင့် ခံစားရသောနာကျင်မှုကြောင့်ဖြစ်ပြီး သူ၏ချစ်ခြင်းမေတ္တာကို လူသားတို့ တဖြည်းဖြည်း တွေ့မြင်လာပြီး လူအပေါင်း သိလာခြင်းမှာ ဧကန်အမှန်ဖြစ်၏။ အကယ်၍ ဘုရားသခင်သည် ဤကဲ့သို့သောအမှုကို ယခု မလုပ်ဆောင်ပါက ဘုရားသခင်သည် ကောင်းကင်ဘုံ၌ ရှိပြီး သူသည် လူသားမျိုးနွယ်အပေါ် ချစ်ခြင်းမေတ္တာရှိကြောင်းကိုသာ လူတို့သိကြမည် ဖြစ်သည်။ အကယ်၍ ယင်းကဲ့သို့ ဖြစ်ခဲ့သော် ၎င်းမှာ သြဝါဒသာဖြစ်၍ လူတို့သည် ဘုရားသခင်၏စစ်မှန်သောချစ်ခြင်းမေတ္တာကို မည်သည့်အခါမျှ လေ့လာနိုင်ခြင်းနှင့် ကြုံတွေ့နိုင်ခြင်းရှိလိမ့်မည်မဟုတ်ပေ။

၃ ဘုရားသခင်သည် လူ့ဇာတိ၌ သူ၏အမှုကို လုပ်ဆောင်ခြင်းဖြင့်သာ လူတို့သည် သူ့အကြောင်း စစ်မှန်သောနားလည်မှုတစ်ခုကို ရနိုင်ကြမည်။ ဤနားလည်မှုမှာ မရေမရာ သို့မဟုတ် အချည်းနှီး မဟုတ်သည့်အပြင် တစ်စုံတစ်ဦးက နှုတ်ပြောမျှသာ ဖြစ်သောသြဝါဒတစ်ခု မဟုတ်ဘဲ ၎င်းမှာ အလွန်စစ်မှန်သောနားလည်မှုတစ်ခု ဖြစ်သည်၊ အဘယ်ကြောင့်ဆိုသော် လူသားကို ဘုရားသခင်ပေးသော ချစ်ခြင်းမေတ္တာတွင် ထိရောက်သောအကျိုးကျေးဇူးရှိသောကြောင့်ဖြစ်၏။ လူတို့ကို ယေရှုပေးသည့် ချစ်ခြင်းမေတ္တာ အဘယ်မျှ ကြီးမားခဲ့သနည်း။ ဖောက်ပြန်ပျက်စီးသည့် လူသားမျိုးနွယ်ကိုယ်စား သူ ကားစင်တင်ခံခဲ့ရပြီး၊ အပြစ်ဖြေရာယဇ်တစ်ခုအဖြစ် အသုံးတော်ခံခဲ့သည်။ သူ ကားစင်တင်ခံခဲ့ရသည်အထိတိုင် သူသည် လူသားမျိုးနွယ်အတွက် ရွေးနုတ်ခြင်းအမှုကို ပြည့်စုံစေဖို့ ကြွလာခဲ့သည်။ ဤချစ်ခြင်းမေတ္တာသည် အကန့်အသတ်မဲ့ဖြစ်ပြီး၊ ဘုရားသခင် လုပ်ဆောင်ခဲ့သည့် အမှုသည် လေးလေးနက်နက် အရေးပါပေသည်။

“နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောချက်များ၊ လူသားမျိုးနွယ်အပေါ် ဘုရားသခင်၏ချစ်ခြင်းမေတ္တာကို သင်သိသလော” ကို ကောက်နုတ်၍ ဆီလျော်စွာ ပြုပြင်ထားသည်