အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

သင်သည် နာကျင်သည့်စမ်းသပ်မှုများကို တွေ့ကြုံခြင်းဖြင့်သာ ဘုရားသခင်၏နှစ်လိုဖွယ်ကောင်းခြင်းကို သိနိုင်မည်

ယနေ့ဘုရားသခင်ကို သင်တကယ်ပဲ မည်မျှချစ်သနည်း။ ထို့ပြင် သင့်အထဲ၌ ဘုရားသခင် လုပ်ဆောင်ပြီးသောအရာအားလုံးကို သင်တကယ်ပဲ မည်မျှသိသနည်း။ ဤအရာများမှာ သင့်အနေဖြင့် သင်ယူသင့်သည့် အရာများဖြစ်သည်။ ဘုရားသခင် ကမ္ဘာမြေကြီးပေါ်သို့ ရောက်ရှိသည့်အချိန်တွင်၊ လူသားအထဲ၌ သူလုပ်ဆောင်ပေးခဲ့ပြီး လူသားများကို တွေ့မြင်စေသောအရာအားလုံးမှာ လူသားအနေဖြင့် ကိုယ်တော့်ကို ချစ်လာပြီး အမှန်တကယ်သိရှိရန် ဖြစ်သည်။ လူသားသည် ဘုရားသခင်အတွက် ဝေဒနာခံစားနိုင်ပြီး ဤအချိန်အထိ ရောက်ရှိလာနိုင်သည့် အကြောင်းရင်းတစ်ခုမှာ ဘုရားသခင်၏ ချစ်ခြင်းမေတ္တာကြောင့်ဖြစ်ပြီး အခြားအကြောင်းရင်းတစ်ခုမှာ ဘုရားသခင်၏ ကယ်တင်ခြင်းကြောင့်ဖြစ်သည်။ ထိုမျှမက ၎င်းမှာ လူသားအထဲ၌ ဘုရားသခင် လုပ်ဆောင်ပြီးသော တရားစီရင်ခြင်း နှင့် ပြစ်တင်ဆုံးမခြင်းအမှုကြောင့်ဖြစ်သည်။ သင်တို့တွင် တရားစီရင်ခြင်း၊ ပြစ်တင်ဆုံးမခြင်းနှင့် ဘုရားသခင်၏စမ်းသပ်မှုများ မရှိဘဲ၊ ဘုရားသခင်သည် သင်တို့ကို ဝေဒနာမခံစားစေပါက၊ ပွင့်ပွင့်လင်းလင်းပြောရသော်၊ သင်တို့သည် ဘုရားသခင်ကို အမှန်တကယ်မချစ်ပေ။ လူသားအထဲ၌ ဘုရားသခင်၏အမှု ပိုကြီးပြီးလူသား၏ ဒုက္ခဝေဒနာ ကြီးမားလေ၊ ဘုရားသခင်၏အမှုမှာ မည်မျှအဓိပ္ပာယ်ပြည့်ဝကြောင်း ပိုပြသနိုင်လေဖြစ်ပြီး လူသား၏စိတ်နှလုံးမှာ ဘုရားသခင်ကို ပိုပြီး မှန်ကန်စွာ ချစ်နိုင်လေဖြစ်သည်။ ဘုရားသခင်ကို မည်သို့ချစ်မြတ်နိုးရမည့်အကြောင်းကို သင် မည်ကဲ့သို့သင်ယူသနည်း။ ဒုက္ခဆင်းရဲနှင့် စစ်ဆေးခြင်းများ မရှိဘဲ၊ နာကျင်သည့် စမ်းသပ်မှုများ မရှိဘဲ၊ ထို့ပြင် လူသားကို ဘုရားသခင် ပေးခဲ့သည်တို့မှာ ကျေးဇူးတော်၊ ချစ်ခြင်းမေတ္တာနှင့် သနားကရုဏာများသာဖြစ်ပါက ဘုရားသခင်၏စစ်မှန်သည့် ချစ်ခြင်းမေတ္တာကို သင်ရရှိနိုင်မည်လော။။ တစ်ဖက်တွင်၊ လူသားသည် ဘုရားသခင်၏စမ်းသပ်မှု ကာလများအတွင်း သူ၏အားနည်းချက်များကို သိလာပြီး သူသည် အရေးမပါကြောင်း၊ စက်ဆုပ်ဖွယ်ဖြစ်ကြောင်း၊ နိမ့်ကျကြောင်း၊ သူ၌ မည်သည့်အရာမျှ မရှိကြောင်းနှင့် အနတ္တဖြစ်ကြောင်း မြင်လေ၏။ အခြားတစ်ဖက်တွင်၊ ဘုရားသခင်သည် သူ၏စမ်းသပ်မှု ကာလများအတွင်း သူ၏နှစ်လိုဖွယ်ကောင်းခြင်းကို လူသားအနေဖြင့် ပိုမိုတွေ့ကြုံခံစားနိုင်စေသည့် မတူညီသောပတ်ဝန်းကျင်များကို လူသားအတွက် ဖန်တီးပေး၏။ နာကျင်မှု ကြီးမားပြီး တစ်ခါတစ်ရံ မကျော်လွှားနိုင်ဘဲ ၎င်းသည် ပြင်းထန်သော ပူဆွေးမှုအဆင့်အထိပင် ရောက်ရှိနိုင်သော်လည်း၊ ၎င်းကို တွေ့ကြုံခံစားပြီးနောက် လူသားသည် သူ့အထဲ၌ ဘုရားသခင်၏အမှုမှာ မည်မျှနှစ်လိုဖွယ်ကောင်းကြောင်း မြင်တွေ့ပြီး၊ ဤအုတ်မြစ်အပေါ်၌သာ လူသားအတွင်း၌ ဘုရားသခင်၏ စစ်မှန်သည့် ချစ်ခြင်းမေတ္တာ မွေးဖွားလာခြင်းဖြစ်သည်။ မျက်မှောက်တွင်၊ လူသားသည် လူ့အနှစ်သာရကို သိရန်မဆိုထားနှင့်၊ ဘုရားသခင်၏ ကျေးဇူးတော်၊ ချစ်ခြင်းမေတ္တာနှင့် သနားကရုဏာသက်သက်ဖြင့် သူ့ကိုယ်သူ အမှန်တကယ် မသိနိုင်ကြောင်း မြင်လေ၏။ ဘုရားသခင်၏ စစ်ဆေးခြင်းနှင့် တရားစီရင်ခြင်းနှစ်ခုလုံးဖြင့်သာ၊ ထိုကဲ့သို့သော စစ်ဆေးခြင်းကာလအတွင်း၌သာ၊ လူသားသည် သူ၏အားနည်းချက်များကို သိနိုင်ပြီး၊ သူ၌တစ်စုံတစ်ရာမျှမရှိကြောင်း သိနိုင်သည်။ ထို့ကြောင့် ဘုရားသခင်အပေါ် လူသား၏ချစ်ခြင်းမေတ္တာသည် ဘုရားသခင်၏စစ်ဆေးခြင်းနှင့် တရားစီရင်ခြင်းအုတ်မြစ်ပေါ်၌ တည်ဆောက်ထားခြင်းဖြစ်သည်။ အေးချမ်းသည့် မိသားစုဘဝ၊ သို့မဟုတ် ရုပ်ဝတ္တုကောင်းချီးမင်္ဂလာများဖြင့်သာ ဘုရားသခင်၏ ကျေးဇူးတော်ကို သင်ခံစားမွေ့လျော်ပါက၊ သင်သည် ဘုရားသခင်ကို မရရှိသေးဘဲ၊ ဘုရားသခင်ကို သင်၏ယုံကြည်ခြင်း ကျရှုံးလေပြီ။ ဘုရားသခင်သည် လူ့ဇာတိ၌ ကျေးဇူးတော်အမှု၏အဆင့်တစ်ဆင့်ကို လုပ်ဆောင်ခဲ့နှင့်ပြီးဖြစ်၍ လူသားကိုလည်း ရုပ်ဝတ္တုကောင်းချီးမင်္ဂလာများ ပေးအပ်ခဲ့နှင့်ပြီးဖြစ်သည်။ သို့သော် လူသားကို ကျေးဇူးတော်၊ ချစ်ခြင်းမေတ္တာ၊ သနားကရုဏာသက်သက်ဖြင့် စုံလင်အောင် မပြုလုပ်နိုင်ပေ။။ လူသားသည် သူ၏အတွေ့အကြုံများထဲတွင် ဘုရားသခင်၏ ချစ်ခြင်းမေတ္တာအချို့ကို ကြုံတွေ့ရပြီး၊ ဘုရားသခင်၏ ချစ်ခြင်းမေတ္တာနှင့် သနားကရုဏာကို မြင်တွေ့ရသည်။ သို့သော်လည်း သူသည် အချိန်ကာလတစ်ခုအထိ တွေ့ကြုံခံစားပြီးသည့်တိုင်အောင်၊ ဘုရားသခင်၏ ကျေးဇူးတော်၊ ချစ်ခြင်းမေတ္တာနှင့် သနားကရုဏာတို့သည် လူသားကို စုံလင်အောင် မပြုလုပ်နိုင်ကြောင်း၊ လူသားအတွင်း၌ ဖောက်ပြန်ပျက်စီးနေသည်များကို မထုတ်ဖော်နိုင်ကြောင်းနှင့် လူသားအတွင်း၌ ဖောက်ပြန်ပျက်စီးသော စိတ်သဘောထားကို မဖယ်ရှားနိုင်ကြောင်း၊ သို့မဟုတ် သူ၏ချစ်ခြင်းမေတ္တာနှင့် ယုံကြည်မှုကို စုံလင်အောင် မပြုလုပ်နိုင်ကြောင်း တွေ့မြင်လေ၏။ ဘုရားသခင်၏ ကျေးဇူးတော်အမှုသည် ကာလတစ်ခုအတွက် ဖြစ်ပြီး၊ လူသားသည် ဘုရားသခင်ကို သိရှိရန်အတွက် ဘုရားသခင်၏ကျေးဇူးတော်ကို မွေ့လျော်ခံစားခြင်းအပေါ်၌ အမှီပြုနိုင်ခြင်း မရှိပေ။

လူသားကို ဘုရားသခင်၏ စုံလင်အောင် ပြုခြင်းသည် မည်သည့်အရာအားဖြင့် ပြီးမြောက်အောင်မြင်သနည်း။ ဘုရားသခင်၏ ဖြောင့်မတ်သော စိတ်သဘောထားအားဖြင့် ဖြစ်သည်။ ဘုရားသခင်၏ စိတ်သဘောထားတွင် အဓိကအားဖြင့် ဖြောင့်မတ်ခြင်း၊ အမျက်ဒေါသ၊ ဘုန်းအာနုဘော်၊ တရားစီရင်ခြင်းနှင့် ကျိန်ဆိုခြင်းတို့ ပါဝင်ပြီး၊ ဘုရားသခင်သည် လူသားကို အဓိကအားဖြင့် တရားစီရင်ခြင်းမှတစ်ဆင့် စုံလင်စေခြင်းဖြစ်သည်။ လူအချို့က နားမလည်ဘဲ၊ ဘုရားသခင်သည် အဘယ်ကြောင့် တရားစီရင်ခြင်းနှင့် ကျိန်ဆိုခြင်းအားဖြင့်သာ လူသားကိုစုံလင်စေနိုင်သနည်းဟု မေးမြန်းကြ၏။ “အကယ်၍ ဘုရားသခင်သည် လူသားကိုကျိန်ဆိုခဲ့မည်ဆိုလျှင်၊ လူသား သေဆုံးသွားမည် မဟုတ်သလော။ အကယ်၍ ဘုရားသခင်သည် လူသားကိုတရားစီရင်မည်ဆိုလျှင်၊ လူသားသည် အစီရင်ခံရမည် မဟုတ်သလော။ ဤသို့ဆိုသော် သူ့ကို အဘယ်သို့ စုံလင်အောင်ပြုနိုင်ဦးမည်နည်း” ဟု ၎င်းတို့က ပြောကြသည်။ ထိုသို့သော စကားများသည် ဘုရားသခင်၏အမှုကို မသိသောလူများ ပြောသောစကားများ ဖြစ်သည်။ ဘုရားသခင် ကျိန်ဆိုသည့်အရာမှာ လူသား၏ နာခံမှုမရှိခြင်းကို ဖြစ်ပြီး၊ သူ တရားစီရင်သည့်အရာမှာ လူသား၏အပြစ်များ ဖြစ်သည်။ ကိုယ်တော်သည် သနားညှာတာခြင်းမရှိပဲ ပြင်းထန်စွာ ပြောဆိုသော်လည်း၊ သူသည် လူသားအတွင်းမှ အရာအားလုံးကို ထုတ်ဖော်ပြီး၊ ဤခက်ထန်သော နှုတ်ကပတ်တော်များအားဖြင့် လူသားအတွင်း၌ မည်သည့်အရာက အရေးကြီးကြောင်းကို သူဖော်ထုတ်လေ၏။ သို့ရာတွင် ယင်းကဲ့သို့သော တရားစီရင်မှုအားဖြင့်၊ သူသည် လူသားအား လူ့ဇာတိ အနှစ်သာရ၏ လေးနက်သော အသိပညာကို ပေးသောကြောင့် လူသားသည် ဘုရားသခင်၏ရှေ့မှောက်တွင် နာခံခြင်းကို ဆက်ကပ်ခြင်းဖြစ်သည်။ လူသား၏ ဇာတိပကတိသည် အပြစ်ဖြစ်ပြီး၊ စာတန်နှင့်သက်ဆိုင်သည်၊ ယင်းသည် မနာခံခြင်းဖြစ်၍၊ ဘုရားသခင် ပြစ်တင်ဆုံးမသည့် အရာဖြစ်သည်။ ထို့ကြောင့် လူသားအား သူ့ကိုယ်သူ သိစေရန် သူ့အပေါ်တွင် ဘုရားသခင်၏ တရားစီရင်ခြင်း နှုတ်ကပတ်တော်များ ကျရောက်စေကာ စစ်ဆေးခြင်းအမျိုးအစားတိုင်းကို အသုံးပြုရမည်ဖြစ်သည်။ ထိုမှသာလျှင်၊ ဘုရားသခင်၏အမှု ထိရောက်မှုရှိနိုင်မည်ဖြစ်သည်။

ဘုရားသခင်သည် လူသား၏ ဇာတိပကတိကို စီရင်ချက်ချနှင့်ပြီးဖြစ်ကြောင်း ဘုရားသခင်၏ နှုတ်ကပတ်တော်များမှ တွေ့နိုင်သည်။ ထိုသို့ဆိုသော် ဤနှုတ်ကပတ်တော်များမှာ ကျိန်ဆိုသည့် နှုတ်ကပတ်တော်များ ဖြစ်သလော။ ဘုရားသခင်ပြောခဲ့သည့် နှုတ်ကပတ်တော်များသည် လူသား၏ စရိုက်အမှန်ကို ထုတ်ဖော်ပြီး၊ ယင်းကဲ့သို့ ထုတ်ဖော်ခြင်းအားဖြင့် သူသည် တရားစီရင်ခြင်းခံရ၏။ ထို့ပြင် သူသည် ဘုရားသခင်၏ အလိုတော်ကို မဖြည့်ဆည်းနိုင်ကြောင်း မြင်သည့်အခါ သူ၏အတွင်း၌ သောကနှင့် နောင်တကို ခံစားရ၏။ သူသည် ဘုရားသခင်အပေါ် အလွန်အကြွေးတင်နေပြီး ဘုရားသခင်၏အလိုတော်အတွက် ပြည့်စုံခြင်းမရှိဟု ခံစားရ၏။ သန့်ရှင်းသော ဝိညာဉ်တော်သည် အတွင်းမှသင့်ကို ဆုံးမပဲ့ပြင်သော အချိန်များရှိပြီး ဤဆုံးမပဲ့ပြင်ခြင်းသည် ဘုရားသခင်၏တရားစီရင်ခြင်းမှ လာခြင်းဖြစ်သည်။ ဘုရားသခင်သည် သင့်ကို အပြစ်တင်ပြီး သင့်ထံမှ မျက်နှာတော်ကို ဝှက်ထားသောအချိန်များ၊ သင့်ကို ဂရုမပြုဘဲ သင့်အထဲ၌ အလုပ်မလုပ်သည့်အချိန်များ၊ သင့်ကို စစ်ဆေးရန်အတွက် အသံမထွက်ဘဲ ပြစ်တင်ဆုံးမနေသောအချိန်များ ရှိသည်။ လူသားအတွင်း၌ ဘုရားသခင်၏အမှုမှာ အဓိကအားဖြင့် သူ၏ဖြောင့်မတ်သည့် စိတ်သဘောထားကို ထင်ရှားပေါ်လွင်စေရန် ဖြစ်သည်။ လူသားသည် အဆုံး၌ ဘုရားသခင်ထံ မည်သည့်သက်သေခံချက်ကို သက်သေခံသနည်း။ ဘုရားသခင်သည် ဖြောင့်မတ်သည့် ဘုရားသခင်ဖြစ်ကြောင်း၊ သူ၏စိတ်သဘောထားသည် ဖြောင့်မတ်ခြင်း၊ အမျက်ဒေါသ၊ ပြစ်တင်ဆုံးမခြင်းနှင့် တရားစီရင်ခြင်းတို့ ဖြစ်ကြောင်း လူသားက ဘုရားသခင်၏ ဖြောင့်မတ်သော စိတ်သဘောထားကို သက်သေခံ၏။ ဘုရားသခင်သည် လူသားကို စုံလင်စေရန်အတွက် သူ၏တရားစီရင်ခြင်းကို အသုံးပြုသည်။ သူသည် လူသားကို ချစ်မြဲချစ်လျက်ရှိပြီး ကယ်တင်လျက်နေသည်၊ သို့သော် သူ၏ချစ်ခြင်းမေတ္တာထဲတွင် မည်မျှ ပါဝင်သနည်း။ တရားစီရင်ခြင်း၊ ဘုန်းအာနုဘော်၊ အမျက်ဒေါသနှင့် ကျိန်ဆိုမှု ရှိသည်။ ဘုရားသခင်သည် လူသားများကို ယခင်က ကျိန်ဆိုခဲ့သော်လည်း၊ သူသည် လူသားကို အနက်ဆုံးသောတွင်းထဲသို့ လုံးလုံးလျားလျား မကျစေခဲ့ပေ။ သို့သော် ယင်းနည်းလမ်းများကို အသုံးပြု၍ လူသား၏ ယုံကြည်ခြင်းကို စစ်ဆေးခဲ့သည်။ သူသည် လူသားကို အသက်မသေဆုံးစေခဲ့သော်လည်း လူသားကို စုံလင်စေရန် လုပ်ဆောင်ခဲ့သည်။ လူ့ဇာတိ၏ အနှစ်သာရမှာ စာတန်၏အနှစ်သာရ ဖြစ်သည်။ ဘုရားသခင်က ၎င်းကို တိကျမှန်ကန်ကြောင်း ပြောခဲ့သည်။ သို့သော် ဘုရားသခင်၏ လုပ်ဆောင်ခဲ့သော အချက်များသည် ကိုယ်တော်၏ နှုတ်ကပတ်တော်များနှင့်အညီ ပြီးမြောက်ခြင်းမရှိပေ။ သူသည် သင့်ကိုကျိန်ဆိုရခြင်းမှာ သင်သူ့ကို ချစ်လာကောင်းချစ်လာစေရန်နှင့် သင်သည် ဇာတိပကတိ၏ အနှစ်သာရကို သိကောင်းသိနိုင်စေရန် ဖြစ်သည်။ သင်နိုးကြားကောင်းနိုးကြားလာစေရန်၊ သင့်အထဲမှ အားနည်းချက်များကို သင် သိစေရန်နှင့် လူသား၏ အကြွင်းမဲ့ မထိုက်တန်မှုကို သိစေရန် သင့်အား သူ ပြစ်တင်ဆုံးမခြင်းဖြစ်သည်။ ထို့အတွက်ကြောင့်၊ ဘုရားသခင်၏ ကျိန်ဆိုခြင်းများ၊ တရားစီရင်ခြင်းများ၊ ဘုန်းအာနုဘော်နှင့် အမျက်ဒေါသ အားလုံးတို့သည် လူသားကို စုံလင်အောင်ပြုလုပ်ပေးရန်ဖြစ်သည်။ ယနေ့ ဘုရားသခင် လုပ်ဆောင်သည့်အရာများ အားလုံးနှင့် သင်တို့အတွင်း၌ သူ ထင်ရှားပေါ်လွင်စေသည့် ဖြောင့်မတ်သည့် စိတ်သဘောထားသည် လူသားကို စုံလင်စေရန် ပြုလုပ်ခြင်း အားလုံးသာဖြစ်ပြီး၊ ယင်းသည် ဘုရားသခင်၏ ချစ်ခြင်းမေတ္တာပင်ဖြစ်သည်။

လူသား၏ ရှေးရိုးစွဲအယူအဆများထဲတွင်၊ ဘုရားသခင်၏ ချစ်ခြင်းမေတ္တာသည် သူ၏ကျေးဇူးတော်၊ သနားကရုဏာနှင့် လူသား၏ အားနည်းချက်အတွက် ညှာတာမှုဖြစ်သည်။ ဤအရာများသည် ဘုရားသခင်၏ ချစ်မေတ္တာဖြစ်သော်လည်း၊ ၎င်းတို့သည် တစ်ဖက်သတ်ဖြစ်လွန်း၍ ဘုရားသခင်အနေဖြင့် လူသားကို စုံလင်အောင်ပြုလုပ်သည့် အဓိက နည်းလမ်းများ မဟုတ်ပေ။ အချို့သောလူတို့သည် ဘုရားသခင်ကို မကြာသေးမီကပင် စတင်ယုံကြည်လာကြခြင်းမှာ နာမကျန်းဖြစ်ခြင်းကြောင့်ဖြစ်သည်။ ဤနာမကျန်းဖြစ်ခြင်းမှာ သင့်အတွက် ဘုရားသခင်၏ကျေးဇူးတော်ဖြစ်သည်။ ၎င်းမရှိဘဲ သင်သည် ဘုရားသခင်ကို ယုံကြည်လာမည်မဟုတ်ပေ၊ ထို့ပြင် ဘုရားသခင်ကို သင် မယုံကြည်ခဲ့ပါက ယခုထက်တိုင်ရောက်လာခဲ့လိမ့်မည်မဟုတ်ပေ။ ထို့ကြောင့် ဤကျေးဇူးတော်ပင်လျှင်ဘုရားသခင်၏ ချစ်ခြင်းမေတ္တာဖြစ်သည်။ ယေရှုကို ယုံကြည်သည့်အချိန်တွင် လူတို့သည် သမ္မာတရားကို နားမလည်ခဲ့သောကြောင့် ဘုရားသခင် မချစ်မနှစ်သက်သည်တို့ကို များစွာပြုလုပ်ခဲ့ကြသည်။ သို့သော် ဘုရားသခင်၌ ချစ်ခြင်းမေတ္တာနှင့် သနားကရုဏာ ရှိပြီး သူသည် လူသားကို ယခုအချိန်အထိ ခေါ်ဆောင်ခဲ့ပြီးသည်သာမက လူသားသည် မည်သည့်အရာကိုမျှ နားမလည်သော်လည်း၊ ဘုရားသခင် လူသားကို သူ့နောက်သို့လိုက်ရန် ခွင့်ပြုဆဲဖြစ်သည်။ ထိုမျှမက လူသားကို ယနေ့တိုင်အောင် ဦးဆောင်လမ်းပြနေခဲ့သည်။ ဤသည်မှာ ဘုရားသခင်၏ ချစ်ခြင်းမေတ္တာ မဟုတ်သလော။ ဘုရားသခင်၏ စိတ်သဘောထားထဲ၌ ပေါ်လွင်သည့်အရာသည် ဘုရားသခင်၏ ချစ်ခြင်းမေတ္တာပင်ဖြစ်သည်။ ဤသည်မှာ အပြည့်အဝမှန်ကန်မှုရှိသည်။ အသင်းတော် တည်ဆောက်မှု အထွတ်အထိပ်သို့ ရောက်သောအခါ၊ ဘုရားသခင်သည် အစေခံသူများ၏လုပ်ငန်းအဆင့်ကို လုပ်ဆောင်ပြီး၊ လူသားကို အနက်ဆုံးသောတွင်းထဲသို့ ပစ်ချလေ၏။ အစေခံသူများ၏ကာလမှ စကားလုံး နှုတ်ကပတ်တော်များသည် ကျိန်ဆိုခြင်းများသာဖြစ်ခဲ့သည်။ သင်၏လူ့ဇာတိကို ကျိန်ဆိုခြင်းများ၊ စာတန်အုပ်စိုးထားသည့် သင်၏ ဖောက်ပြန်ပျက်စီးသော စိတ်သဘောထားကို ကျိန်ဆိုခြင်းများနှင့် ဘုရားသခင်၏အလိုတော်ကို မဖြည့်ဆည်းနိုင်သည့် သင်၏အရာများကို ကျိန်ဆိုခြင်းများ ဖြစ်ကြသည်။ ထိုအဆင့်တွင် ဘုရားသခင်ပြုလုပ်ခဲ့သည့် အမှုသည် ဘုန်းအာနုဘော်အဖြစ် ပေါ်လွင်စေခဲ့ပြီးနောက် များမကြာမီ ဘုရားသခင်သည် ပြစ်တင်ဆုံးမခြင်းအမှု၏ အဆင့်ကို လုပ်ဆောင်ခဲ့ခြင်းဖြစ်သည်၊ ထို့နောက်တွင် သေခြင်းတရား စမ်းသပ်မှု ရောက်ရှိလာခဲ့သည်။ ယင်းကဲ့သို့အမှုထဲတွင်၊ လူသားသည် အမျက်ဒေါသ၊ ဘုန်းအာနုဘော်၊ တရားစီရင်ခြင်းနှင့် ဘုရားသခင်၏ ပြစ်တင်ဆုံးမခြင်းကို မြင်တွေ့ခဲ့သည့်အပြင် ဘုရားသခင်၏ ကျေးဇူးတော်၊ သူ၏ချစ်ခြင်းမေတ္တာနှင့် သနားကရုဏာတို့ကိုလည်း မြင်တွေ့ခဲ့သည်။ ဘုရားသခင် ပြုခဲ့သမျှနှင့် သူ၏စိတ်သဘောထားအဖြစ် ပေါ်လွင်စေသမျှမှာ လူသားအပေါ် ချစ်ခြင်းမေတ္တာပင်ဖြစ်ပြီး၊ ဘုရားသခင် ပြုခဲ့သမျှမှာ လူသား၏လိုအပ်ချက်များကို ဖြည့်ဆည်းပေးနိုင်ရန်ဖြစ်သည်။ လူသားကို စုံလင်စေရန်အလို့ငှာ သူလုပ်ဆောင်ခဲ့ခြင်းဖြစ်ပြီး၊ လူသား၏ဝိညာဉ်အသက်တာအတိုင်း ထောက်ပံ့ပေးခဲ့ခြင်းဖြစ်သည်။ ဤအရာကို ဘုရားသခင် မလုပ်ဆောင်ခဲ့ပါက၊ လူသားသည် ဘုရားသခင်ရှေ့မှောက်သို့ မရောက်ရှိလာနိုင်ဘဲ ဘုရားသခင်၏ စစ်မှန်သည့် သဘောသဘာဝကိုလည်း လုံးဝသိလိမ့်မည်မဟုတ်ပေ။ လူသားသည် ဘုရားသခင်ကို ကနဦး စတင်ယုံကြည်သည့် အချိန်မှစပြီး ယနေ့ထိတိုင်၊ ဘုရားသခင်သည် လူသား၏ ဝိညာဉ်အသက်တာနှင့်အညီ သူ့ကိုထောက်ပံ့ပေးခဲ့သည့်အတွက်၊ လူသားသည် ဘုရားသခင်ကို အတွင်း၌ တဖြည်းဖြည်း သိလာခြင်းဖြစ်သည်။ ယနေ့ထိတိုင်ရောက်ရှိလာမှသာလျှင် လူသားသည် ဘုရားသခင်၏ တရားစီရင်ခြင်းမှာ မည်မျှ အံ့သြဖွယ်ကောင်းသည်ကို နားလည်သဘောပေါက်ခြင်းဖြစ်သည်။ အစေခံသူများ၏ လုပ်ငန်းအဆင့်မှာ ဖန်ဆင်းခြင်း အချိန်မှ ယနေ့ထိတိုင် ကျိန်ခြင်းအမှု၏ ပထမဦးဆုံး ဖြစ်ရပ်ဖြစ်သည်။ လူသားသည် အနက်ဆုံးသောတွင်းထဲသို့ ကျိန်ခြင်းကိုခံခဲ့ရသည်။ ထိုသို့ ဘုရားသခင် မပြုလုပ်ခဲ့ပါက၊ ယနေ့တွင် လူသားသည် ဘုရားသခင်နှင့်ပတ်သက်၍ မှန်ကန်သောဉာဏ်ပညာရှိမည် မဟုတ်ပေ။ ဘုရားသခင်၏ ကျိန်ခြင်းအားဖြင့်သာ လူသားသည် ဘုရားသခင်၏ စိတ်သဘောထားကို တရားဝင် ကြုံတွေ့ထိတွေ့ရခြင်းဖြစ်သည်။ လူသား၏ သစ္စာရှိမှုသည် လက်ခံနိုင်ဖွယ်မရှိကြောင်း၊ သူ၏ဝိညာဉ်အသက်တာမှာ သေးငယ်လွန်းကြောင်း၊ သူသည် ဘုရားသခင်၏ အလိုတော်ကို ကျေနပ်မှု မပေးနိုင်ကြောင်းနှင့် ဘုရားသခင်ကို ကျေနပ်မှုပေးသည်ဟူ၍ တစ်ချိန်လုံးပြောဆိုနေခြင်းမှာ စကားလုံးများသာဖြစ်ကြောင်း လူသားကို ဤအတွေ့အကြုံများက ပြသခဲ့သည်။ အစေခံသူများ၏ အလုပ်အဆင့်တွင် ဘုရားသခင်သည် လူသားကို ကျိန်ခဲ့သော်လည်း၊ ယနေ့ခေတ်မှကြည့်လျှင် ထိုလုပ်ငန်းအဆင့်သည် အံ့သြဖွယ်ကောင်းသည်။ ယင်းသည်လူသားကို ကြီးမားသည့် အလှည့်အပြောင်းကို ယူဆောင်လာပေးခဲ့ပြီး၊ သူ၏အသက်တာ စိတ်သဘောထား၌ ကြီးမားသည့် ပြောင်းလဲမှုကို ဖြစ်စေခဲ့သည်။ အစေခံသူများ၏ အချိန်ကာလမတိုင်မီတွင်က လူသားသည် အသက်နောက် လိုက်လျှောက်ခြင်းအကြောင်း၊ ဘုရားသခင်ကို ယုံကြည်ခြင်းဆိုသည်မှာ မည်သည့်အရာကိုဆိုလိုကြောင်း၊ သို့မဟုတ် ဘုရားသခင့်အမှု၏ ဉာဏ်ပညာအကြောင်း နားလည်ခြင်းမရှိသည့်အပြင် ဘုရားသခင်၏အမှုသည် လူသားကို စစ်ဆေးနိုင်ကြောင်းကိုလည်း သူနားမလည်ခဲ့ပေ။ အစေခံသူများ၏ အချိန်ကာလမှစ၍ ယနေ့ထိတိုင် လူသားသည် ဘုရားသခင်၏အမှုမှာ မည်မျှအံ့သြဖွယ်ကောင်းကြောင်း၊ ၎င်းကို လူသားတို့ဉာဏ်ဖြင့် စဉ်းစား၍မမီနိုင်သည့်အပြင် သူ၏ဉာဏ်ကို အသုံးပြု၍ ဘုရားသခင် မည်ကဲ့သို့ လုပ်ဆောင်ပုံကို မစဉ်းစားနိုင်ကြောင်း မြင်ရပြီး သူ၏ဝိညာဉ်အသက်တာမှာ မည်မျှ သေးငယ်ကြောင်းနှင့် သူ့ထံ၌ မနာခံမှု အလွန်များပြားနေကြောင်းကိုလည်း မြင်တွေ့ရသည်။ ဘုရားသခင်သည် လူသားကိုကျိန်သည့်အချိန်တွင် အကျိုးသက်ရောက်မှုတစ်ခုရရှိရန် ဖြစ်ပြီး လူသားကို သေဆုံးစေခြင်းမရှိပေ။ ဘုရားသခင်သည် လူသားကို ကျိန်ဆိုခဲ့သော်လည်း၊ သူသည် နှုတ်ကပတ်တော်အားဖြင့်သာ ကျိန်ဆိုခဲ့ခြင်းဖြစ်ပြီး၊ သူ၏ကျိန်ဆိုခြင်းများသည် လူသားအပေါ် အမှန်တကယ် မကျရောက်ခဲ့ပေ၊ အဘယ်ကြောင့်ဆိုသော် ဘုရားသခင် ကျိန်ဆိုခဲ့သည်မှာ လူသား၏ မနာခံခြင်းဖြစ်သောကြောင့် သူကျိန်ဆိုခဲ့သည့် နှုတ်ကပတ်တော်များမှာ လူသားကို စုံလင်အောင်ပြုရန်လည်းဖြစ်သည်။ ဘုရားသခင်သည် လူသားကို တရားစီရင်သည်ဖြစ်စေ သို့မဟုတ် ကျိန်ဆိုသည်ဖြစ်စေ၊ နှစ်ခုစလုံးမှာ လူသားကို စုံလင်အောင် ပြုခြင်းဖြစ်သည်။ လူသားအတွင်း၌ မသန့်ရှင်းသောအရာကိုစုံလင်စေရန်ဖြစ်သည်။ ဤနည်းအားဖြင့် လူသားသည် စစ်ဆေးခြင်းခံရပြီး သူ၏ နှုတ်ကပတ်တော်များနှင့် အမှုအားဖြင့် လူသားအတွင်း လိုအပ်သောအရာကို စုံလင်ခြင်းသို့ ရောက်ရှိစေသည်။ ပြင်းထန်သောနှုတ်ကပတ်တော်များဖြစ်စေ၊ တရားစီရင်မှုဖြစ်စေ၊ ပြစ်တင်ဆုံးမမှုဖြစ်စေ၊ ဘုရားသခင်၏ လုပ်ငန်းအဆင့်စီတိုင်းသည် လူသားကိုစုံလင်စေရန်ဖြစ်ပြီး၊ လုံးဝသင့်လျော်မှုရှိသည်။ ဘုရားသခင်သည် ဤကဲ့သို့သော အမှုကို ခေတ်ကာလအဆက်ဆက်တွင် တစ်ခါမျှလုပ်ဆောင်ခဲ့ဖူးခြင်းမရှိပေ။ ယနေ့ သူသည် သင်တို့အတွင်း၌ အမှုပြုသဖြင့် သင်တို့သည် သူ၏ဉာဏ်ပညာကို အသိအမှတ်ပြုပြီးခြင်းဖြစ်သည်။ သင်တို့၏အတွင်း၌ နာကျင်မှုအချို့ကို သင်တို့ခံစားခဲ့ပြီးသော်လည်း၊ သင်တို့၏စိတ်နှလုံးသည် တည်ကြည်မှုကို ခံစားရပြီး ငြိမ်သက်ခြင်း ရှိနေသည်။ ဘုရားသခင်၏ ဤလုပ်ငန်းအဆင့်ကို သင်တို့အနေဖြင့် မွေ့လျော်ခံစားနိုင်ခြင်းမှာ သင်တို့၏ကောင်းချီးမင်္ဂလာပင်ဖြစ်သည်။ အနာဂတ်တွင် သင်တို့ မည်သည့်အရာကို ရရှိနိုင်ပါစေ၊ ယနေ့တွင် သင်တို့အတွင်း၌ သင်တို့မြင်ရသမျှ ဘုရားသခင်၏အမှုမှာ ချစ်ခြင်းမေတ္တာပင်ဖြစ်သည်။ လူသားသည် ဘုရားသခင်၏ တရားစီရင်ခြင်းနှင့် စစ်ဆေးခြင်းကို မကြုံတွေ့ရပါက၊ သူ၏လုပ်ဆောင်မှုများနှင့် စိတ်အားထက်သန်မှုသည် အပြင်ပန်းတွင်အမြဲရှိပြီး သူ၏စိတ်သဘောထားသည်လည်း အမြဲမပြောင်းမလဲ တည်ရှိနေမည်ဖြစ်သည်။ ဤအရာသည် ဘုရားသခင်၏သိမ်းပိုက်ခြင်းကို ခံခဲ့ရပြီဟု တွက်ဆသလော။ ယနေ့တွင် လူသားအတွင်းတွင် ထောင်လွှားမှု နှင့် မိမိကိုယ်ကို အထင်ကြီးမှုများ များစွာရှိနေသေးသော်လည်း၊ လူသား၏ စိတ်သဘောထားသည့် ယခင်ကထက် များစွာတည်ငြိမ်၏။ ဘုရားသခင် သင့်အား ရိုက်နှက်ဆုံးမခြင်းမှာ သင့်ကို ကယ်တင်ရန်ဖြစ်၍ ထိုအချိန်တွင် သင်သည် နာကျင်မှုအနည်းငယ် ခံစားကောင်းခံစားရနိုင်သော်လည်း၊ သင့်စိတ်သဘောထား ပြောင်းလဲမှု ဖြစ်ပေါ်လာသည့် နေ့ရက် ရောက်ရှိလာပါလိမ့်မည်။ ထိုအချိန်တွင်၊ သင်သည် နောက်ကိုပြန်ကြည့်ပြီး ဘုရားသခင်၏အမှုသည် မည်မျှအမြော်အမြင်ရှိကြောင်းကို မြင်ပြီး၊ ထိုအချိန်သည် ဘုရားသခင်၏အလိုတော်ကို သင် အမှန်တကယ် နားလည်လာသည့်အချိန်ဖြစ်လိမ့်မည်။ ယနေ့တွင်၊ ဘုရားသခင်၏အလိုတော်ကို နားလည်သည်ဟု ပြောဆိုသည့် လူအချို့ရှိကြသည်၊ သို့သော် မည်သည့်အရာမှလက်တွေ့မကျပေ၊ ၎င်းတို့သည် အဓိပ္ပာယ်မရှိသောအရာကို ပြောနေကြခြင်းဖြစ်သည်၊ အဘယ်ကြောင့်ဆိုသော် ဘုရားသခင်၏ အလိုတော်မှာ လူသားကို ကယ်တင်ရန် သို့မဟုတ် လူသားကို ကျိန်ဆိုရန်ဖြစ်ကြောင်း လက်ရှိတွင် ၎င်းတို့နားမလည်သေးခြင်းကြောင့်ဖြစ်သည်။ ယခုတွင် ၎င်းကို သင်ရှင်းလင်းစွာ မမြင်ကောင်းမမြင်နိုင်သေးသော်လည်း ဘုရားသခင်၏ ဘုန်းတန်ခိုးတော် ရောက်ရှိလာသည့် နေ့ရက်ကို သင်မြင်ရသော နေ့ရက်ရောက်ရှိလာပြီး၊ ဘုရားသခင်ကို ချစ်မြတ်နိုးခြင်းမှာ မည်မျှအဓိပ္ပာယ်ရှိကြောင်း သင်တွေ့မြင်ရသဖြင့် သင်သည် လူ့ဘဝကို သိလာပြီး၊ သင့်ဇာတိပကတိသည် ချစ်ခင်ကြင်နာသောဘုရားသခင်၏ ကမ္ဘာထဲတွင် နေထိုင်ရလိမ့်မည်။ သင့်ဝိညာဉ် လွတ်မြောက်မှု ရရှိပြီး၊ သင့်အသက်တာသည် ပျော်ရွှင်ခြင်းနှင့်ပြည့်စုံကာ၊ သင်သည် ဘုရားသခင်နှင့် အမြဲနီးကပ်ပြီး ဘုရားသခင်အား အစဉ်မျှော်ကြည့်လေမည်။ ထိုအချိန်တွင် ယနေ့ ဘုရားသခင်၏အမှုသည် မည်မျှတန်ဖိုးရှိကြောင်းကို သင်အမှန်တကယ်သိရှိလာလိမ့်မည်။

ယနေ့တွင် လူအများစု၌ ထိုအသိပညာ မရှိကြပေ။ ဒုက္ခဝေဒနာခံစားရခြင်းမှာ တန်ဖိုးမရှိဟု ၎င်းတို့ယုံကြည်ကြသည်၊ ၎င်းတို့သည် လောကကြီး၏ စွန့်ပစ်ခြင်းကိုခံကြရသည်၊ ၎င်းတို့၏ နေအိမ်အသက်တာ၌ သောကရောက်ကြသည်၊ ၎င်းတို့သည် ဘုရားသခင်၏ ချစ်မြတ်နိုးခြင်းခံရသူများ မဟုတ်ဘဲ ၎င်းတို့၏ မျှော်လင့်ချက်များမှာ စိတ်ဓာတ်ကျဖွယ်ရာဖြစ်၏။ အချို့သူများ၏ ဒုက္ခဝေဒနာခံစားရခြင်းမှာ အဆင့်တစ်ခုသို့ ရောက်ရှိပြီး ၎င်းတို့၏အတွေးများသည် သေခြင်းတရားဘက်သို့ လှည့်သွားကြသည်။ ဤသည်မှာ ဘုရားသခင်ကို အမှန်တကယ် ချစ်မြတ်နိုးခြင်းမဟုတ်ပေ။ ထိုသို့သော လူများသည် သူရဲဘောကြောင်သူများဖြစ်ပြီး၊ ၎င်းတို့၌ ဇွဲလုံ့လဝီရိယ မရှိကြပေ၊ ၎င်းတို့သည် အားနည်းပြီး အစွမ်းမရှိသူများဖြစ်လေတကား။ ဘုရားသခင်သည် လူသားများ သူ့ကို ချစ်မြတ်နိုးရန် စိတ်ပြင်းပြသော်လည်း လူသားများသည် သူ့ကိုချစ်လေ၊ လူသားက ဒုက္ခဝေဒနာ ပိုခံစားရလေဖြစ်ပြီး၊ လူသားများသည် သူ့ကိုချစ်လေ၊ စမ်းသပ်မှုပိုကြီးလေဖြစ်သည်။ သင်သူ့ကိုချစ်လျှင် ဒုက္ခဝေဒနာမျိုးစုံ သင့်အပေါ်သို့ ကျရောက်လိမ့်မည်ဖြစ်ပြီး သင်သူ့ကို မချစ်လျှင်၊ သင့်အတွက် အရာရာ အဆင်ပြေချောမွေ့နေ၍ သင့်ပတ်ပတ်လည်၌ အရာခပ်သိမ်းငြိမ်းချမ်းကောင်း ငြိမ်းချမ်းနေလိမ့်မည်။ ဘုရားသခင်ကို သင်ချစ်သည့်အခါ၊ သင့်ပတ်ပတ်လည်၌ ရှိနေသည့်အရာများစွာကို ကျော်လွှားနိုင်မည်မဟုတ်ဟု သင်ခံစားရလိမ့်မည်၊ သင်၏ဝိညာဉ်အသက်တာ အလွန်နုနယ်သည့်အတွက် သင်သည် စစ်ဆေးခြင်းကို ခံရလိမ့်မည်။ ထိုမျှမက သင်သည် ဘုရားသခင်ကို ကျေနပ်အားရစေနိုင်ခြင်း မရှိဘဲ ဘုရားသခင်၏ အလိုတော်မှာ အလွန်မြင့်မားပြီး လူတို့လက်လှမ်းမမီနိုင်ဟု သင်အမြဲ ထင်မြင်ယူဆလိမ့်မည်။ ဤအရာအားလုံးကြောင့် သင်သည် စစ်ဆေးခြင်းခံရမည်၊ သင့်အတွင်း၌ အားနည်းချက် များစွာရှိပြီး ဘုရားသခင်၏ အလိုတော်ကို ဖြည့်ဆည်းပေးနိုင်ခြင်း မရှိသောအရာများစွာ ရှိသည့်အတွက်၊ သင်သည် အတွင်း၌ စစ်ဆေးခြင်းကို ခံရလိမ့်မည်။ စစ်ဆေးခြင်းဖြင့်သာ သန့်စင်စေခြင်းသို့ ရောက်နိုင်ကြောင်းကို သင်တို့ ရှင်းလင်းစွာ တွေ့မြင်ကြရမည်။ ထို့ကြောင့် ဤနောက်ဆုံးသောကာလအတောအတွင်း သင်တို့သည် ဘုရားသခင်ကို သက်သေခံကြရမည်။ သင်တို့၏ဒုက္ခဝေဒနာ မည်မျှပင် ကြီးမားပါစေ၊ သင်တို့သည် ဆုံးခန်းတိုင်အောင် လျှောက်သွားသင့်သည်၊ သင်တို့၏နောက်ဆုံးထွက်သက်၌ပင်လျှင် သင်တို့သည် ဘုရားသခင်ကို သစ္စာရှိပြီး ဘုရားသခင်၏ထိန်းချုပ်မှုအောက်၌ ရှိနေရမည်။ ဤအရာသည်သာ ဘုရားသခင်ကို အမှန်တကယ် ချစ်မြတ်နိုးခြင်းဖြစ်ပြီး ခိုင်မာ၍ ထူးကဲသည့် သက်သေခံချက်ဖြစ်သည်။ သင်သည် စာတန်၏စုံစမ်းနှောင့်ယှက်ခြင်း ခံရသည့်အချိန်တွင် “ကျွန်ုပ်၏စိတ်နှလုံးသည် ဘုရားသခင်နှင့်သက်ဆိုင်ပြီး၊ ဘုရားသခင်သည် ကျွန်ုပ်ကိုရရှိပြီးဖြစ်သည်။ ကျွန်ုပ်သည် သင့်ကို ကျေနပ်မှုမပေးနိုင်၊ ကျွန်ုပ်၏ဖြစ်တည်သမျှကို ဘုရားသခင် ကျေနပ်မှုရှိစေရန် ဆက်ကပ်ရမည်” ဟု သင်ပြောသင့်သည်။ သင်သည် ဘုရားသခင်ကို ကျေနပ်မှုပေးလေ၊ ဘုရားသခင်သည် သင့်ကို ပို၍ကောင်းချီးပေးလေဖြစ်ပြီး၊ ဘုရားသခင်ကို ချစ်မြတ်နိုးသည့် သင်၏ခွန်အားလည်း ပိုကြီးမားလာလေဖြစ်သည်။ ထို့နည်းတူ၊ သင်၌ ယုံကြည်ခြင်းနှင့် စိတ်ဆုံးဖြတ်ချက် ရှိပြီး၊ ဘုရားသခင်ကို ချစ်ခြင်းဖြင့် အသက်တာကို ကုန်ဆုံးစေခြင်းထက် မည်သည့်အရာကမျှ မထိုက်တန်၊ သို့မဟုတ် အရေးမပါဟု သင်ခံစားရလာလိမ့်မည်။ လူသားသည် သောကမရှိစေရန် ဘုရားသခင်ကို ချစ်မြတ်နိုးရမည်ဟု ဆိုနိုင်ပါသည်။ သင်သည် အကြိမ်များစွာ သင်၏ဇာတိပကတိ အားနည်းပြီး သင်သည် အမှန်တကယ်ဖြစ်သော ဒုက္ခပြဿနာများ၏ ဝန်းရံခြင်းကို ခံရသော်လည်း၊ ယင်းအချိန်ကာလများတွင် သင်သည် ဘုရားသခင်ကို အမှန်တကယ် အားကိုးပြီး သင့်ဝိညာဉ်အတွင်း သင်သည်နှစ်သိမ့်ခြင်းခံရ၍ သင်သည် စိတ်ချသေချာမှုနှင့် သင်၌ အားကိုးမှီခိုရန် တစ်စုံတစ်ရာရှိကြောင်းကို ခံစားရမည်။ ဤနည်းလမ်းအားဖြင့် သင်သည် ပတ်ဝန်းကျင်အခြေအနေများစွာကို အောင်မြင်ကျော်လွှားနိုင်ပြီး၊ သင်ခံစားရသည့် ပြင်းထန်သောဝေဒနာအတွက် ဘုရားသခင်ကို သင်ညည်းညူတော့မည် မဟုတ်ပေ။ သင်သည် သီဆိုကခုန်ပြီး ဆုတောင်းပဌနာပြုရန်၊ စုဝေးပြီး ပြောဆိုဆွေးနွေးရန်၊ ဘုရားသခင်အကြောင်း ဆင်ခြင်ရန် ဆန္ဒရှိလာ၍ သင့်ပတ်လည်၌ ဘုရားသခင် စီစဉ်ပေးထားသည့် လူများ၊ ကိစ္စများနှင့် အရာများအားလုံးမှာ အံကိုက်ဖြစ်နေကြောင်းကို သင်ခံစားရလိမ့်မည်။ ဘုရားသခင်ကို သင်မချစ်လျှင်၊ သင်ကြည့်သမျှအရာအားလုံးမှာ သင့်အတွက် စိတ်တိုစရာ ဖြစ်နေမည်၊ သင့်အမြင်တွင် မည်သည့်အရာကမျှ ကျေနပ်မှုမရှိ ဖြစ်လိမ့်မည်။ သင့်ဝိညာဉ်အတွင်း၌ သင်သည် လွတ်လပ်မှုမရှိဘဲ ဖိနှိပ်ခံနေရလိမ့်မည်၊ သင့်စိတ်နှလုံးသည် ဘုရားသခင်နှင့်ပတ်သက်ပြီး အမြဲညည်းညူပြီး သင်သည် ညှဉ်းပန်းနှိပ်စက်မှုများစွာခံရကာ ၎င်းမှာ အလွန်တရားမျှတမှုမရှိဟူ၍ သင်အမြဲခံစားရလိမ့်မည်။ သင်သည် ပျော်ရွှင်မှုအတွက် လိုက်လျှောက်ခြင်းမဟုတ်ဘဲ၊ ဘုရားသခင်ကို ကျေနပ်မှုပေးရန်နှင့် စာတန်၏ စွပ်စွဲမှုကို မခံရရန် လိုက်လျှောက်သည်ဆိုပါက၊ ထိုကဲ့သို့သော လိုက်လျှောက်မှုသည် သင့်ကို ဘုရားသခင်အား ချစ်မြတ်နိုးရန် ကြီးမားသည့်ခွန်အားပေးလိမ့်မည်။ လူသားသည် ဘုရားသခင်မြွက်ကြားခဲ့သမျှကို လုပ်ဆောင်နိုင်စွမ်းရှိပြီး၊ သူလုပ်ဆောင်သမျှသည် ဘုရားသခင်ကို ကျေနပ်မှုပေးနိုင်သည်၊ ဤသည်ကား စစ်မှန်မှုကို ပိုင်ဆိုင်ခြင်းဟု အဓိပ္ပာယ်ရသည်။ ဘုရားသခင်၏ ကျေနပ်မှုကို လိုက်စားခြင်းသည် သူ၏နှုတ်ကပတ်တော်များကို လက်တွေ့ကျင့်ကြံရန်အတွက် ဘုရားသခင်အား ချစ်ခြင်းကို အသုံးပြုခြင်းဖြစ်သည်။ အချိန်ကို ပဓာနမထားဘဲ၊ အခြားသူများ အင်အားမရှိသည့် အချိန်တွင်ပင်၊ သင့်အတွင်း၌ ဘုရားသခင်ကို ချစ်နေဆဲဖြစ်သည့်၊ ဘုရားသခင်ကို နက်နဲစွာ တောင့်တနေပြီး၊ ဘုရားသခင်ကို လွမ်းဆွတ်နေသည့် စိတ်နှလုံးတစ်ခု ရှိနေသေးသည်။ ဤသည်ကား စစ်မှန်သည့် ဝိညာဉ်အသက်တာဖြစ်၏။ သင်၏ဝိညာဉ်အသက်တာ မည်မျှကြီးရင့်ခြင်းသည် ဘုရားသခင်အပေါ် သင်၏ချစ်ခြင်း မည်မျှကြီးမားခြင်း၊ စစ်ဆေးခြင်း ခံရသည့်အချိန်တွင် သင်သည် မြဲမြံစွာရပ်တည်နိုင်ခြင်း ရှိမရှိ၊ အခြေအနေတစ်ခု သင့်ထံရောက်လာသည့်အချိန်တွင် သင်အားနည်းခြင်း ရှိမရှိ၊ ထို့နောက် သင်၏ညီအစ်ကိုမောင်နှမများ သင့်ကိုငြင်းပယ်သည့်အချိန်တွင် သင်သည် မားမားရပ်နေနိုင်ခြင်း ရှိမရှိစသည်တို့အပေါ် မူတည်သည်။ ဤအဖြစ်များ ရောက်ရှိလာခြင်းဖြင့် ဘုရားသခင်အပေါ်၌ သင်၏ချစ်ခြင်းမေတ္တာ အမှန်တကယ် မည်သည့်ပုံစံ ရှိကြောင်းကို ပြသလိမ့်မည်။ ဘုရားသခင်သည် လူသားကို အမှန်တကယ်ချစ်မြတ်နိုးကြောင်း ဘုရားသခင်၏ လုပ်ဆောင်မှုများထဲတွင် မြင်တွေ့နိုင်ပါသည်။ လူသား၏ ဝိညာဉ်မျက်လုံးများကို လုံးလုံးလျားလျား မဖွင့်ပေးသေးခြင်းနှင့် သူသည် ဘုရားသခင်၏အမှုများစွာ၊ ဘုရားသခင်၏အလိုတော်နှင့် ဘုရားသခင်နှင့်ပတ်သက်၍ နှစ်လိုဖွယ်ကောင်းသောအရာများစွာကို ရှင်းလင်းစွာမြင်နိုင်စွမ်း မရှိခြင်းသာ ဖြစ်သည်။ လူသား၌ ဘုရားသခင်ကို အမှန်တကယ်ချစ်သည့်မေတ္တာ အလွန်နည်းပါးသည်။ သင်သည် ဘုရားသခင်ကို ဤကာလတစ်လျှောက်လုံး ယုံကြည်နေပြီး၊ ယနေ့ ဘုရားသခင်သည် လွတ်မြောက်မှု နည်းလမ်းများအားလုံးကို ဖြတ်တောက်ခဲ့ပြီဖြစ်သည်။ လက်တွေ့ကျကျပြောရမည်ဆိုလျှင်၊ သင်သည် မှန်ကန်သည့်လမ်းကို လျှောက်ရန်မှအပ ရွေးစရာမရှိပေ၊ သင့်အား လမ်းပြခေါ်ဆောင်ပေးသော မှန်ကန်သည့်လမ်းကို ပြင်းထန်သည့် တရားစီရင်ခြင်းနှင့် ဘုရားသခင်၏ အမြင့်မြတ်ဆုံးသော ကယ်တင်ခြင်းက လမ်းပြနေခြင်း ဖြစ်သည်။ လူသားသည် အခက်အခဲနှင့် စစ်ဆေးခြင်းကို ကြုံတွေ့ပြီးမှသာလျှင်၊ ဘုရားသခင်၏ နှစ်လိုဖွယ်ကောင်းခြင်းကို သိရှိလာသည်။ ယနေ့ထိတိုင် ကြုံတွေ့ခဲ့ပြီးမှ လူသားသည် ဘုရားသခင်၏ နှစ်လိုဖွယ်ကောင်းခြင်း တစ်စိတ်တစ်ပိုင်းကို သိရှိလာသည်ဟု ပြောနိုင်သည်၊ သို့သော် လူသား၌ ချို့တဲ့မှု များလွန်းသည့်အတွက် ဤအရာမှာ မလုံလောက်သေးပါ။ သူသည် ဘုရားသခင်၏ နောက်ထပ် အံ့သြဖွယ်အမှုများနှင့် ဘုရားသခင် ပြင်ဆင်ပေးသည့် နောက်ထပ် စစ်ဆေးခြင်း အားလုံးကို တွေ့ကြုံရဦးမည်။ သို့မှသာလျှင် လူသား၏ အသက်တာ စိတ်သဘောထားကို ပြောင်းလဲနိုင်မည်ဖြစ်သည်။

အောက်ခြေမှတ်စု(များ)-

က။ မူရင်းစာသားတွင် “အချိန်ကာလ” ဟူသော စကားစု မပါဝင်ပါ။

ခ။ မူရင်းစာသားတွင် “အချိန်ကာလ” ဟူသော စကားစု မပါဝင်ပါ။

ယခင်က:စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်

နောက်တစ်ခုသို့:ဘုရားသခင်ကို ချစ်ခြင်းသည်သာလျှင် ဘုရားသခင်ကို အမှန်တကယ် ယုံကြည်ခြင်းဖြစ်သည်

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ