၁  ဘုရားသခင်ကို ချစ်သောသူများသည် သမာဓိရှိသည်၊ သူတို့နှလုံးသားများက ရိုးသားပြီး၊ ဖြူစင်ကြသည်။ သူတို့က ယုံမှားမှုများ သို့မဟုတ် သံသယများ မရှိဘဲခရစ်တော်နောက် စိတ်ပါလက်ပါ လိုက်ကြသည်။ ဘုရားသခင်ကို အမှန်တကယ် ချစ်သူများသည် ဖြောင့်မတ်ခြင်းပါရမီအတွက် ဆာငတ်ခင်မွတ်ကြသည်။ သူတို့က သမ္မာတရားကို ချစ်ပြီး၊ အသက်ရှင်ဖို့ ဘုရားသခင်၏ နှုတ်ကပတ်တော်များကို မြတ်နိုးကာ အားကိုးကြသည်။

၂  ဘုရားသခင်ကို ချစ်သောသူများသည် သူ့ကို နာခံကြသည်၊ သူတို့သည် သူတို့၏ နှလုံးသားမှ နက်ရှိုင်းစွာ ကြင်နာပြီး၊ လူဆန်ကြသည်။ သူတို့၏ တာဝန်များတွင် ဝတ်ကျေတမ်းကျေ သူတို့ လုံးဝ မပြုပါ၊ အမှုအရာအားလုံးတွင် ဘုရားသခင်၏ အလိုတော်ကို သူတို့ အရေးထားကြသည်။ ဘုရားသခင်ကို အမှန်တကယ် ချစ်သူများသည် ဘုရားသခင်၏အတွေးများနှင့် ပူပန်မှုများကို မျှဝေခံစားကြသည်။ သူတို့က မိမိကိုယ်ကိုယ် သစ္စာရှိစွာ အသုံးခံပြီး၊ ညည်းညူခြင်း မရှိဘဲနှင့် ဆင်းရဲဒုက္ခကို သည်းခံကြသည်၊ ဆုလာဘ် တစ်စုံတစ်ရာကိုလည်း ထုတ်မပြောကြပါ။

၃  ဘုရားသခင်ကို ချစ်သောသူများသည် ဘုရားသခင်ကို ကြောက်ရွံ့ကြသည်၊ သူတို့က သမ္မာတရားကို နားလည်သည်နှင့် တပြိုင်နက် လက်တွေ့လုပ်ဆောင်ကြသည်။ အမှုအရာများအားလုံးတွင် ဘုရားသခင်၏ စစ်ဆေးခြင်းကို သူတို့ လက်ခံကြသည်၊ သူတို့က ပွင့်လင်းရိုးသားသူများ ဖြစ်သည်၊ အလင်းထဲတွင် သူတို့ အသက်ရှင်နေထိုင်ကြသည်။ ဘုရားသခင်ကို အမှန်တကယ် ချစ်သူများသည် အမှုအရာ အားလုံးတွင် သူ့အလိုတော်ကို ရှာဖွေကြသည်။ သူတို့က စကား နှင့် လုပ်ရပ်များတွင် ကိုယ်ကျင့်တရားကောင်းပြီး၊ သမ္မာတရား၏ စစ်မှန်မှုကို အသက်ရှင်နေထိုင်သည်။

၄  ဘုရားသခင်ကို ချစ်သောသူများသည် သူ့ကို ဆက်ကပ်အပ်နှံထားကြသည်၊ သူတို့က စမ်းသပ်မှုများကို ရင်ဆိုင်ရာတွင် သက်သေခံကြသည်။ သူတို့က ဘုရားသခင်ကို သစ္စာဖောက်ခြင်းထက် သူတို့၏ အသက်ကို ဆုံးရှုံး လိုသည်။ ဘုရားသခင်ကို အမှန်တကယ် ချစ်သောသူများသည် ဘုရားသခင်ကို သိကျွမ်းဖို့ ကြိုးစားရာတွင် အာရုံစိုက်ကြသည်။ သူတို့က ဘုရားသခင်၏ စီစဉ်ညွှန်ကြားမှုများကို ညည်းညူခြင်း မရှိဘဲ အပ်နှံကြသည်၊ ဘုရားသခင်အတွက် သူတို့ ချစ်ခြင်းနှလုံးသားများ မည်သည့်အခါမျှ မပြောင်းလဲပေ။

ဘုရားသခင်ကို ချစ်သောသူများသည် သူတို့တာဝန်ကို သစ္စာရှိစွာ ထမ်းဆောင်ပြီး၊ ဘုရားသခင်၏ ကောင်းကြီးမင်္ဂလာကို အများဆုံး ခံစားကြရသည်။ ဘုရားသခင်ကို ချစ်သောသူများသည် ဘုရားသခင်က ချစ်သော ရိုးသားသည့် လူများဖြစ်သည်။ ဘုရားသခင်ကို ချစ်သူများသည် သူ့ကို နာခံပြီး၊ သူ့အလိုတော်ကို လိုက်နာသည်။ ဘုရားသခင်ကို ချစ်သော သူများသာလျှင် တရားစီရင်ခြင်းနှင့် ပြစ်တင်ဆုံးမခြင်းတို့မှတစ်ဆင့် စုံလင်ခြင်း ခံရရန် အရည်အချင်း ပြည့်ဝသည်။