၁  မိမိ၏ ဖောက်ပြန်ပျက်စီးမှု ကြီးထွားရင်းဖြင့်၊ ကျွန်ုပ်သည် လောကထဲတွင် နှစ်ပေါင်းများစွာ မျောလွင့်နေခဲ့ပြီ။ သမ္မာတရားကို ဘုရားသခင် မိန့်မြွက်ခြင်း နှင့် ကျွန်ုပ်ကို ကယ်တင်ခြင်းတို့၏ ကျေးဇူးကြောင့်၊ ကျွန်ုပ်သည် ဘုရားမိသားစုထံသို့ ပြန်လာခဲ့ပြီ။ ဘုရားသခင်၏ တရားစီရင်ခြင်း နှင့် ပြစ်တင်ဆုံးမခြင်းတို့မှတစ်ဆင့်၊ ကျွန်ုပ်သည် မိမိ၏ စရိုက်မှန်ကို မြင်ခဲ့ရပြီ။ စာတန်ကြောင့် အလွန်ဆိုးရွားစွာ ဖောက်ပြန်ပျက်စီးခဲ့သည်၊ ကျွန်ုပ်ထံတွင် လူသားပုံသဏ္ဌာန် တစ်စက်မျှ မရှိပါ။ စာတန်၏ ဒဿနများနှင့် နိယာမများဖြင့် အသက်ရှင်နေထိုင်ရင်း၊ ကျော်ကြားမှု နှင့် ကြွယ်ဝမှု တို့အတွက် ကျွန်ုပ် ကြိုးပမ်းခဲ့သည်။ ကျွန်ုပ်သည် မာနထောင်လွှားသည်၊ မိမိကိုယ်ကိုယ် မှန်ကန်သည်ဟု မှတ်ယူသည်၊ အစဉ် လိမ်ညာပြီး လှည့်စားသော်လည်း၊ မိမိကိုယ်ကိုယ် အထင်ကြီးသည်။ ဘုရားသခင်၏တရားစီရင်ခြင်းသာ ကျွန်ုပ်ပေါ်သို့ မကျရောက်ခဲ့ပါက၊ ကျွန်ုပ် မည်မျှ နစ်မြှုပ်ခဲ့မည်ကို ကျွန်ုပ် မသိရ။ ဘုရားသခင် ရှေ့မှောက် ကျွန်ုပ် လဲကျ၊ သူ၏နောက်ဆုံးသောကာလ ကယ်တင်ခြင်းအတွက် ကျေးဇူးတင်မိပေ။

၂  ဘုရားသခင်၏တရားစီရင်ခြင်းမှတစ်ဆင့်၊ သူ၏ ဖြောင့်မတ်ခြင်းနှင့် သန့်ရှင်းခြင်းတို့ကို ကျွန်ုပ် တွေ့ဖူးပေ။ သူ၏ တရားစီရင်ခြင်းနှင့် ပြစ်တင်ဆုံးမခြင်းတို့ကို ပျော်ရွှင်စွာ လက်ခံလျက်၊ သူ့ရှေ့မှောက်တွင် ကျွန်ုပ် မိမိကိုယ်ကိုယ် ပျပ်ဝပ်သည်။ သမ္မာတရားကို နားလည်ပြီး မိမိကိုယ်ကိုယ် သိကျွမ်းခြင်းအားဖြင့်သာ လူများသည် မည်မျှ နက်ရှိုင်းစွာ ဖောက်ပြန်ပျက်စီးသည်ကို ကျွန်ုပ် သတိပြုမိခဲ့ပေ။ ထိုသို့သော မာနထောင်လွှားခြင်း၊ စိတ်ကြီးဝင်ခြင်း၊ တစ်ကိုယ်ကောင်းဆန်ခြင်းနှင့် လှည့်စားသော စိတ်သဘောထားတို့ဖြင့်၊ ကျွန်ုပ်သည် ဘုရားသခင်ကို သက်သေခံပြီး အစေခံထိုက်သူ မည်သို့ဖြစ်သနည်း။ စစ်ဆေးခြင်း သို့မဟုတ် နာကျင်မှုကို ကျွန်ုပ် မည်မျှ တွေ့ကြုံရပါစေ၊ ဘုရားသခင်၏ စုံလင်စေခြင်းခံရဖို့ ကြိုးစားမည်။ ဘုရားသခင်၏ တရားစီရင်မှုကကျွန်ုပ်ကို သန့်စင်စေခဲ့ပြီ၊ ယခု ကျွန်ုပ်သည် တကယ့် လူသားပုံသဏ္ဌာန်အတိုင်း အသက်ရှင်နေထိုင်သည်။ ခရစ်တော်သည် သမ္မာတရား၊ လမ်းခရီး၊ အသက် ဖြစ်ကြောင်း ကျွန်ုပ်သိသည်၊ ကျွန်ုပ် ဘုရားသခင်ကို အဆုံးအထိ စွဲစွဲမြဲမြဲ နောက်လိုက်မည်။ ဘုရားသခင်၏ ကယ်တင်ခြင်းဆိုင်ရာ ကျေးဇူးတော်သည် ကျယ်ပြောသည်၊ ကျွန်ုပ်သည် သူ၏ချစ်ခြင်းမေတ္တာကို ပြန်လည်ပေးဆပ်ဖို့ ကျွန်ုပ် အသက်တာကို ပေးမည်။