၁ ရုတ်တရက် ကျွန်ုပ် အတိတ်ကို ပြန်သတိရရင်း၊ နောင်တများစွာ ရသွားလေသည်။ ဘုရားသခင်၏ ချစ်ခြင်းမေတ္တာကို အလွန် ကျွန်ုပ် ပျော်မွေ့သော်လည်း၊ ကိုယ်တော့်ကို ကျွန်ုပ် ပေးခဲ့သမျှက နာကျင်မှုသာ ဖြစ်ပေ။ ဘုရားသခင်ကို ချစ်သည်ဟု ကျွန်ုပ် ဆိုခဲ့သော်လည်း ကျွန်ုပ်၏ စိတ်နှလုံးသားမှာ တစ်ကိုယ်ကောင်း ဆန္ဒများဖြင့် ပြည့်ပေ။ ကျွန်ုပ်သည် မိမိ၏တာဝန်၌ ပေါ့ဆခြင်းနှင့် ဇာတိပကတိ၏ သာယာမှုကို ငမ်းငမ်းတက်လိုချင်သည်။ ညှဉ်းပန်းနှိပ်စက်မှု၊ အတိဒုက္ခနှင့် စမ်းသပ်မှုတို့က ကျွန်ုပ်ထံ ကျရောက်သည့်အခါ၊ ကျွန်ုပ်၏စိတ်နှလုံးက ကြောက်ရွံ့ကာ၊ ကျွန်ုပ် စတင် ညည်းညူသည်။ ဘုရားသခင်၏ ချစ်ခြင်းမေတ္တာကို ပြန်ပေးဆပ်ဖို့ ကျွန်ုပ် သစ္စာကတိပြုသော်လည်း၊ စမ်းသပ်မှုများ၏ စစ်ဆေးမှုကို မခံနိုင်။ ဘုရားသခင်ထံမှ သူ၏ ကောင်းချီးမင်္ဂလာများအား လိမ်ယူဖို့သာ ကျွန်ုပ် ဆန္ဒရှိရင်း၊ ရိုးသားယောင်ဆောင်လျက်၊ အနှစ်မဲ့သော စကားများကိုသာ ကျွန်ုပ် ပြောမိပေ။ ဘုရားသခင်၏အလိုတော်အတွက် လုံးဝ ဂရုမစိုက်ဘဲ၊ ကျွန်ုပ်၏ ကိုယ်ပိုင် အနာဂတ်နှင့် ပန်းတိုင်တို့ကိုသာ ကျွန်ုပ်တွေးသည်။ ဘုရားသခင်၏ ရှေ့မှောက် ကျွန်ုပ် ရပ်သော်လည်း၊ ကျွန်ုပ်၏ စိတ်နှလုံးက သူ့ထံမှ ဝေးကွာပေ။ အတိတ်သည် သည်းမခံနိုင်လောက်သည့် သတိရစရာများနှင့် ပြည့်ပေ။

၂ ဘုရားသခင်၏ ချစ်ခြင်းမေတ္တာ ကျွန်ုပ်နှင့်အတူ အမြဲရှိပေ၊ ကိုယ်တော်၏ နှုတ်ကပတ်တော်များက ကျွန်ုပ်ကို ဉာဏ်အလင်းပေး၊ လမ်းပြကာ ဦးဆောင်ပေ။ ကြိမ်ဖန်များစွာ ကျွန်ုပ် တရားစီရင်ခံရကာ ပြစ်တင်ဆုံးမခံရ၊ စမ်းသပ်မှုများနှင့် စစ်ဆေးမှုများစွာကို ကျွန်ုပ် ဖြန်သန်းဖူးပေပြီ။ ကျွန်ုပ်၏ မာကျောပြီး၊ ခံစားချက်မဲ့သည့် စိတ်နှလုံးက နောက်ဆုံးတွင် စတင်နိုးထကာ ပြောင်းလဲလာပြီ။ ကျွန်ုပ်သည် မည်မျှ တစ်ကိုယ်ကောင်းဆန်ပြီး စက်ဆုပ်ဖွယ်ကောင်းပုံနှင့် ကျွန်ုပ်၏အသိစိတ်နှင့် ဆင်ခြင်တုံတရားကို ကြာမြင့်သော အချိန်ကတည်းက မည်သို့ဆုံးရှုံးပုံကို ကျွန်ုပ်မြင်ရပေ။ ဘုရားသခင်၏ သနားကရုဏာနှင့် ကယ်တင်ခြင်းမရှိဘဲ၊ ယနေ့ထိ ကျွန်ုပ် မည်သို့ အခက်အခဲများလွန်မြောက်မည်နည်း။ သမ္မာတရားကို ရရှိဖို့ အလွန်နောက်ကျစွာ နိုးထပြီး အခွင့်အရေးများစွာ လွဲချော်ရသည်ကို ကျွန်ုပ် မုန်းမိသည်။ ကျွန်ုပ်ကို ကယ်တင်ဖို့ အင်မတန် အပင်ပန်းခံသော အဖိုးအခတစ်ခုကို ဘုရားသခင် ပေးလေပြီ။ ဘုရားသခင်၏ ချစ်ခြင်းနှင့် ကယ်တင်ခြင်းနှင့် ရင်ဆိုင်ရလျက်၊ ကျွန်ုပ် အဘယ်သို့ တစ်ဖန် ပုန်ကန်နိုင်မည်နည်း။ သမ္မာတရားကို လိုက်စားခြင်း၊ ဘုရားသခင်ကို ချစ်ခြင်းနှင့် စိတ်ကျေနပ်စေခြင်းဖြင့်သာ လူသည် နောင်တမရှိဘဲ ရှင်သန်နိုင်။ ကြီးမားသော စမ်းသပ်မှုများနှင့် ဆင်းရဲဒုက္ခများကို ခံစားရသည့်အခါတွင်ပင်၊ ဘုရားသခင်ကို ပြန်ပေးဆပ်ဖို့ ကျွန်ုပ်၏ တာဝန်ကို ကျွန်ုပ် ဖြည့်ဆည်းဆဲ ဖြစ်လိမ့်မည်။ ကျွန်ုပ်၏ နောက်ဆုံး နေ့ရက်များကို မြတ်နိုးကာ ကျွန်ုပ်၏ ဖြူစင်သော ချစ်ခြင်းမေတ္တာကို ဘုရားသခင်ထံ ဆက်ကပ်မည်။