အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အတွေ့အကြုံအားဖြင့်

ပေတရု၏ အတွေ့အကြုံများ တစ်လျှောက်တွင် သူသည် ရာနှင့်ချီသော စမ်းသပ်မှုများကို ပက်ပင်းကြုံခဲ့သည်။ ယနေ့ခေတ်၏ လူတို့သည် “စမ်းသပ်မှု” ဟူသော ဝေါဟာရကို သတိပြုမိကြသော်လည်း သူတို့သည် ၎င်း၏ စစ်မှန်သော အဓိပ္ပာယ် နှင့် အခြေအနေများနှင့်ပတ်သက်၍ ရှုပ်ထွေးနေကြသည်။ ဘုရားသခင်သည် လူတို့၏ စိတ်ပိုင်းဖြတ်မှုကို ထုဆစ် ပုံသွင်းသည်၊ သူတို့၏ ယုံကြည်စိတ်ချမှုကို စစ်ဆေးပြုပြင်သည်၊ သူတို့၏အစိတ်အပိုင်း အားလုံးကို စုံလင်စေပြီး၊ ဤအရာကို စမ်းသပ်မှုမှ အဓိကအားဖြင့် ရရှိကာ ယင်းတို့သည် သန့်ရှင်းသော ဝိညာဉ်တော်၏ ဖုံးကွယ်ထားသော လုပ်ဆောင်မှုလည်းဖြစ်သည်။ ဘုရားသခင်သည် လူသားကို စွန့်ပစ်ထားသည့်ဟန်တူပြီး ထို့ကြောင့် သူတို့သည် ဂရုမစိုက်လျှင် သူတို့သည် ဤစမ်းသပ်မှုများကို စာတန်၏ စုံစမ်းနှောင့်ယှက်မှုများအဖြစ် ရှုမြင်ကြလိမ့်မည်ဖြစ်သည်။ အမှန်တကယ်တွင် စမ်းသပ်မှုအများအပြားကို စုံစမ်းနှောင့်ယှက်မှုများအဖြစ် သတ်မှတ်နိုင်ပြီး ဤသည်မှာ ယင်းအားဖြင့် ဘုရားသခင်လုပ်ဆောင်သည့် ဥပဒေသနှင့် စည်းမျဉ်းပင်ဖြစ်သည်။ လူတို့သည် ဘုရားသခင်၏ ရှေ့မှောက်တွင် အမှန်တကယ် အသက်ရှင်လျှင် သူတို့သည် ထိုအရာများကို ဘုရားသခင်ထံမှ စမ်းသပ်မှုများအဖြစ်သတ်မှတ်ပြီး ယင်းတို့အား လက်လွတ်ဆုံးရှုံးစေလိမ့်မည် မဟုတ်ပေ။ အကယ်၍ တစ်စုံတစ်ဦးသည် သူတို့နှင့်အတူ ဘုရားသခင် ရှိနေခြင်းကြောင့် စာတန်သည် သူတို့ကို ဧကန်မုချ ချဥ်းကပ်လိမ့်မည် မဟုတ်ဟု ပြောဆိုလျှင် ယင်းမှာ လုံးဝမှန်ကန်မှု မရှိပါ။ သို့ဆိုလျှင် ကန္တာရထဲတွင် ရက်ပေါင်းလေးဆယ် အစာရှောင်ပြီးနောက်တွင် ယေရှုသည် စုံစမ်းနှောင့်ယှက်မှုများ တွေ့ကြုံခဲ့ရသည်ကို မည်သို့ရှင်းပြမည်နည်း။ ထို့ကြောင့် လူတို့သည် ဘုရားသခင်၌ ယုံကြည်ခြင်းတွင် သူတို့၏ အမြင်များကို တည့်မှန်စွာ ထားရှိလျှင် သူတို့သည် အမှုအရာများစွာကို ပိုမိုရှင်းလင်းစွာ မြင်လိမ့်မည်ဖြစ်ပြီး သူတို့၏ နားလည်မှုတွင် လွဲချော်တိမ်းစောင်းမှုနှင့် မှားယွင်းမှုတို့ ရှိလိမ့်မည် မဟုတ်ပေ။ တစ်ဦးတစ်ယောက်သည် ဘုရားသခင်၏ စုံလင်အောင် ပြုခြင်းကိုခံရရန် အမှန်တကယ် ဆုံးဖြတ်ထားလျှင် သူတို့ကို ရင်ဆိုင်နေသော ကိစ္စများကို လက်ဝဲ၊ လက်ယာ တိမ်းစောင်းခြင်းမရှိဘဲ အမျိုးမျိုးသော ရှုထောင့်များမှ ချည်းကပ်ရပေမည်။ ဘုရားသခင်၏ လုပ်ဆောင်မှုကို သိကျွမ်းခြင်း သင်၌မရှိပါက ဘုရားသခင်နှင့် မည်သို့ ပူးပေါင်းလုပ်ဆောင်ရမည်ကို သင်သိလိမ့်မည် မဟုတ်ပါ။ သင်သည် ဘုရားသခင့် လုပ်ဆောင်မှုများ၏ ဥပဒေသများကို မသိကျွမ်းဘဲ စာတန်သည် လူ့အထဲ၌ မည်သို့ လုပ်ဆောင်သည်ကို သတိမမူမိပါက သင့်တွင် ကျင့်သုံးရန် လမ်းကြောင်းရှိမည် မဟုတ်ပေ။ စိတ်အားထက်သန်စွာ လိုက်နာခြင်း တစ်ခုတည်းက သင်သည် ဘုရားသခင် တောင်းဆိုသော ရလဒ်များကို ရရှိနိုင်ခွင့် ပေးမည်မဟုတ်ပေ။ ယင်းသို့သော တွေ့ကြုံခြင်းနည်းလမ်းသည် လောရင့်၏ တွေ့ကြုံခြင်းနည်းလမ်းနှင့် ဆင်တူသည်၊ မည်သို့မျှ ကွဲပြားခြားနားမှုများ မရှိ၊ အတွေ့အကြုံကိုသာ အာရုံစိုက်ပြီး စာတန်၏ အလုပ်၊ သန့်ရှင်းသော ဝိညာဉ်တော်၏ အလုပ်၊ ဘုရားမျက်မှောက် မရှိသည့် လူသည် မည်သို့ရှိသည်၊ ထို့ပြင် ဘုရားသခင်က မည်သည့်ပုဂ္ဂိုလ်မျိုးကို စုံလင်အောင်ပြုပေးလိုသည် စသည်တို့ကို လုံးဝသတိမမှုမိပါပေ။ မတူညီသော လူအမျိုးအစားတို့နှင့် ဆက်ဆံရသောအခါ မည်သည့် ဥပဒေသများကို ခံယူသင့်သည်၊ ဘုရားသခင်၏ မျက်မှောက်အလိုတော်ကို မည်သို့ နားလည်သဘောပေါက်ရမည်၊ ဘုရားသခင်၏ စိတ်နေသဘောထားကို မည်သို့ သိရမည်၊ ထို့ပြင် မည်သူ့ကို၊ မည်သည့် အခြေအနေများတွင်နှင့် မည်သည့် ခေတ်ကာလတို့တွင် ဘုရားသခင်၏ ဂရုဏာ၊ ကြီးမြတ်မှုနှင့် ဖြောင့်မတ်ခြင်းတို့ကို ဦးတည်ရည်ညွှန်းသည် စသည့် ဤမည်သည့်အရာတို့ကိုမျှ သူသည် ထိုးထွင်းသိမြင်မှု မရှိပေ။ လူတို့သည် သူတို့၏အတွေ့အကြုံများအတွက် အုတ်မြစ်အဖြစ် ရူပါရုံများ အဆင့်ဆင့် မရှိလျှင်၊ အတွေ့အကြုံကို မဆိုထားနှင့်၊ အသက်တာသည်ပင် စဥ်းစားရန် မလိုတော့ပေ။ သူသည် မိုက်မဲစွာ အရာရာကို ဆက်၍ အညံ့ခံနေပြီး သည်းညည်းခံနိုင်မည် ဖြစ်သည်။ ထိုကဲ့သို့သော လူတို့ကို စုံလင်အောင် ပြုလုပ်ရန် ခက်ခဲလှပေသည်။ သင်သည် အထက်တွင် ပြောထားသော ရူပါရုံများ ဘာတစ်ခုမျှ မရှိလျှင် သင်သည် ငတုံးငအဖြစ်ကြောင်း၊ သင်သည် ဣသရေလနိုင်ငံတွင် အမြဲရပ်တည်နေသော ဆားတိုင်နှင့် အလားတူကြောင်း လုံလောက်သော သက်သေပင် ဖြစ်သည်။ ယင်းကဲ့သို့သော လူများသည် အသုံးမကျသောသူများ၊ အသုံးဝင်သောသူများ ဖြစ်ကြသည်တကား။ အချို့လူများသည် မျက်စိမှိတ်လျက်သာ အညံ့ခံကြသည်၊ သူတို့သည် သူတို့ကိုယ်သူတို့ အစဉ်အမြဲ သိပြီး အသစ်သော အကြောင်းအရာများကို ကိုင်တွယ်ဖြေရှင်းသည့်အခါ သူတို့ကိုယ်တိုင် လုပ်ဆောင်သည့် သူတို့၏ကိုယ်ပိုင် နည်းလမ်းများကိုသာ အစဉ်အသုံးပြုတတ်သည်၊ သို့မဟုတ် ဖော်ပြရန် မထိုက်တန်သည့် အသေးအဖွဲကိစ္စများကို ကိုင်တွယ်ဖြေရှင်းရန် “ဉာဏ်ပညာ”ကို အသုံးပြုကြသည်။ ထိုကဲ့သို့သော လူများသည် ထိုးထွင်းသိမြင်မှု ကင်းမဲ့သူများဖြစ်ပြီး၊ ယင်းသည် သူတို့၏ သဘာဝမှာ ရမယ်ရှာခံရခြင်းကို ကြိတ်မှိတ်လက်ခံထားမည့် အလားဖြစ်ပြီး၊ သူတို့သည် အစဉ်အမြဲ မထူးခြား၊ ဘယ်တော့မှ မပြောင်းလဲပေ။ ဤကဲ့သို့သောလူတို့သည် ပိုင်းခြားသိမြင်နိုင်မှု စိုးစဥ်းမျှပင်မရှိသည့် လူမိုက်များပင် ဖြစ်ကြသည်။ သူတို့သည် ဆောင်ရွက်မှုများကို အခြေအနေများ သို့မဟုတ် မတူညီသောလူများနှင့် သဟဇာတဖြစ်ရန် မည်သည့်အခါမျှ မကြိုးစားကြပါ။ ယင်းသို့သော လူများတွင် အတွေ့အကြုံမရှိကြ။ အချို့လူများသည် မကောင်းဆိုးဝါးဝိညာဥ်များ၏ အလုပ်၏ သိမ်းပိုက်ခြင်းခံရသည့် လူတို့နှင့် ရင်ဆိုင်တွေ့ရသောအခါ ကိုယ့်ကိုယ်ကိုသိခြင်းထဲ၌ နစ်မြုပ်နေကြသော လူတစ်ချို့ကို ငါမြင်ခဲ့ပြီ၊ သူတို့သည် ဦးခေါင်းများကို ငုံ့ထားကြပြီး အပြစ်များကို ဝန်ခံကြသည်၊ ရပ်တည်ပြီး ထိုသူတို့ကို ပြစ်တင်ရှုံ့ချရန် မဝံ့ရဲကြချေ။ ထို့နောက် သန့်ရှင်းသောဝိညာဉ်တော်၏ သိသာထင်ရှားသော လုပ်ဆောင်မှုနှင့် တွေ့ကြုံသောအခါ သူတို့သည် မနာခံဝံ့ကြပါ။ ဤမကောင်းဆိုးဝါး ဝိညာဉ်များသည်လည်း ဘုရားသခင်၏ လက်ထဲတွင် ရှိသည်ဟု သူတို့ယုံကြည်ကြသော်လည်း၊ ထကြွ၍ ယင်းတို့ကို ဆန့်ကျင်ခုခံရန် သတ္တိစိုးစဥ်းမျှ သူတို့၌ မရှိကြချေ။ ဤလူများသည် ဘုရားသခင်၏ ဂုဏ်သိက္ခာ မရှိသောသူများ ဖြစ်ကြပြီး၊ ဘုရားသခင်အတွက် လေးလံသောဝန်ကို ထမ်းရွက်ခြင်းငှာ လုံးလုံးလျားလျား မစွမ်းနိုင်ကြသူများ ဖြစ်ကြသည်။ ထိုကဲ့သို့သော ငတုံးငအများတွင် မည်သည့် ထူးခြားသောအရည်အသွေးမျိုးမှ မရှိကြပေ။ ထို့ကြောင့် ထိုကဲ့သို့သော အတွေ့အကြုံ နည်းလမ်းသည် ဘုရားသခင်၏ အမြင်တွင် မရပ်တည်နိုင်သဖြင့် ယင်းတို့ကို ပစ်ပယ်သင့်ပေသည်။

ဘုရားသခင်သည် လူတို့အထဲတွင် များစွာသောအရာများကို အမှန်ပင် လုပ်ဆောင်ပေးသည်၊ တစ်ခါတစ်ရံ သူတို့အား စုံစမ်းခြင်း၊ တစ်ခါတစ်ရံ သူတို့အား စုံစမ်းနှောင့်ယှက်သည့် ပတ်ဝန်းကျင်များကို ဖန်တီးခြင်းနှင့် တစ်ခါတစ်ရံ သူတို့ကို လမ်းပြရန်နှင့် သူတို့၏ အားနည်းချက်များကို ပြုပြင်ပေးရန် နှုတ်ကပတ်တော်များ ပြောကြားခြင်း စသဖြင့်တို့ကို လုပ်ဆောင်သည်။ တစ်ခါတစ်ရံ သန့်ရှင်းသော ဝိညာဉ်တော်သည် ဘုရားသခင် ပြင်ဆင်ထားပေးသော ပတ်ဝန်းကျင်များသို့ လူများကို ဦးဆောင်ခေါ်သွားပြီး သူတို့တွင် မရှိသေးသည့် အရာများကို သတိမထားလိုက်မိဘဲ ရှာဖွေတွေ့ရှိစေသည်။ လူတို့၏ ပြောဆိုခြင်းနှင့် လုပ်ဆောင်ခြင်းအားဖြင့်၊ လူတို့က အခြားသူတို့အား ဆက်ဆံသည့်ပုံနှင့် အမှုအရာများကို ကိုင်တွယ်ဖြေရှင်းပုံများအားဖြင့်၊ ယင်းကို သူတို့မသိဘဲ၊ သန့်ရှင်းသော ဝိညာဉ်တော်က သူတို့အား ဉာဏ်အလင်းပေးခြင်းဖြင့် ယခင်က သူတို့ နားမလည်ခဲ့သည့်အရာများစွာကို နားလည်လာစေကာ၊ များစွာသောအရာများနှင့် လူများကို ပိုမိုရှင်းရှင်းလင်းလင်း နားလည်စေပြီး၊ ယခင်က သူတို့ ဂရုမပြုမိခဲ့သည့် များစွာသော အရာများကို တွေ့မြင်လာစေရန် အခွင့်ပေးသည်။ သင်သည် လောကကမ္ဘာနှင့် ထိတွေ့မှုရှိသောအခါ ကမ္ဘာပေါ်ရှိ အမှုအရာများကို တဖြည်းဖြည်းနှင့် စတင်ထိုးထွင်းသိမြင်လာပြီး၊ သင်၏ အဆုံးသတ်ကို မတွေ့ရခင် “လူတစ်ယောက် ဖြစ်ရသည်မှာအမှန်တကယ် ခက်ခဲလှပေသည်”ဟု သင် ကောက်ချက်ချမိပေမည်။ သင်သည် ဘုရားသခင်၏ မျက်မှောက်ကို တွေ့ကြုံခံစားရင်း အချိန်အနည်းငယ်ယူပြီး၊ ဘုရားသခင်၏ အမှုနှင့် သူ၏ စိတ်နေဘောထားကို သင်နားလည်လာပါက၊ သင်မသိလိုက်ဘဲ ထိုးထွင်းသိမြင်နိုင်သော ဉာဏ်စွမ်းကို များစွာ သင်ရရှိပြီး၊ သင့်ဝိညာဥ်အသက်တာသည်လည်း တဖြည်းဖြည်း ကြီးထွားလာပေလိမ့်မည်။ သင်သည် များစွာသော ဝိညာဉ်ရေးရာများကို ပိုမိုနားလည်လာပြီး၊ အထူးသဖြင့် ဘုရားသခင်၏ လုပ်ဆောင်မှု အကြောင်းကို ပိုမိုရှင်းလင်းလာလိမ့်မည်။ သင်သည် ဘုရားသခင်၏ နှုတ်ကပတ်တော်များ၊ ဘုရားသခင်၏ အလုပ်၊ ဘုရားသခင်၏ လုပ်ဆောင်မှု တစ်ခုစီတိုင်း၊ ဘုရားသခင်၏ စိတ်နေသဘောထား၊ ဘုရားသခင်၏ ဖြစ်ခြင်းနှင့် အရာအားလုံးတို့ကို သင်၏ ကိုယ်ပိုင်အသက်တာအလား လက်ခံလာလိမ့်မည်။ သင်သည် လောကကမ္ဘာတွင် လှည့်လည်သွားလာခြင်းကိုသာ ပြုလုပ်နေပါက၊ သင့်အတောင်ပံများသည် ပိုမာသည်ထက် မာလာပြီး၊ ဘုရားသခင်ကို သင်အတိုက်အခံလုပ်ခြင်းသည် ပိုပြီး ကြီးမားလာပေလိမ့်မည်။ ဘုရားသခင်က သင့်ကို အသုံးပြုရန် ခက်ခဲပါလိမ့်မည်။ အဘယ်ကြောင့်ဆိုသော် သင့်ထဲတွင် “ကျွန်ုပ်အမြင်အရ ဆိုလျှင်” ဟူသည့်အရာ များလွန်းနေသည့်အတွက်၊ ဘုရားသခင်အတွက် သင့်ကို အသုံးပြုရန် ခက်ခဲပါလိမ့်မည်။ သင်သည် ဘုရားသခင်၏မျက်မှောက်၌ ရှိလေလေ၊ သင် အတွေ့အကြုံများ ရရှိလေဖြစ်လိမ့်မည်။ သင်သည် ကမ္ဘာလောကထဲတွင် သားရဲကဲ့သို့ ဆက်လက်ရှိနေပြီး၊ သင့်နှုတ်ဖျားက ဘုရားသခင်ကို ယုံကြည်ကြောင်း ကြွေးကြော်နေသော်လည်း သင့်စိတ်နှလုံးက အခြားတစ်နေရာ ရောက်ရှိနေကာ၊ ကမ္ဘာလောက၏ ဘဝဒဿနများကို သင်ယူနေပါက၊ ဤအရာသည် ယခင်က သင်၏ အားထုတ်မှုများ အားလုံးမှာ အချည်းနှီးဖြစ်သွားလိမ့်မည် မဟုတ်လော။ ထို့ကြောင့် လူတို့သည် ဘုရားသခင်၏ မျက်မှောက်တွင် ရှိနေလေလေ၊ ဘုရားသခင်၏ စုံလင်စေခြင်းကို ရရှိရန် လွယ်ကူလေဖြစ်သည်။ ဤသည်မှာ သန့်ရှင်းသောဝိညာဉ်တော်က သူ၏ အမှုကို ဆောင်ရွက်သည့် လမ်းကြောင်းပင်ဖြစ်သည်။ သင်သည် ဤအရာကို နားမလည်ပါက၊ သင့်အတွက် မှန်ကန်သည့် လမ်းကြောင်းပေါ်ကို ဝင်ရောက်ရန် မဖြစ်နိုင်ဘဲ၊ ဘုရားသခင်၏ စုံလင်စေခြင်းကို ရရှိရန်မှာမူ စဥ်းစားစရာလိုတော့မည် မဟုတ်ပေ။ သင်သည် ပုံမှန်ဝိညာဉ်ရေးရာအသက်တာကို မရရှိနိုင်၊ ယင်းက သင်သည် ဒုက္ခိတဖြစ်နေသကဲ့သို့ ရှိလိမ့်မည်၊ သင်၌ ဘုရားသခင်၏ အမှုတစ်ခုမျှမပါဘဲ သင့်ကိုယ်ပိုင် ကြိုးစားလုပ်ဆောင်မှုသာလျှင် ရှိနေလိမ့်မည်။ ဤအရာသည် သင့်အတွေ့အကြုံထဲတွင် တစ်ခုခုမှားနေခြင်းပင် ဖြစ်လိမ့်မည် မဟုတ်လော။ သင်သည် ဘုရားသခင်၏ မျက်မှောက်ထဲ ရောက်ရှိနေစေဖို့အတွက် ဆုတောင်းရန် လုံးဝမလိုအပ်ပါ၊ တစ်ခါတစ်ရံ သင် ဘုရားသခင်ကို အာရုံပြု ဆင်ခြင်နေခြင်း သို့မဟုတ် သူ၏ လုပ်ဆောင်မှုကို တွေးဆနေခြင်း၊ တစ်ခါတစ်ရံ အခြားကိစ္စများကို ကိုယ်တွယ်ဖြေရှင်းနေခြင်းနှင့် တစ်ခါတစ်ရံ ဖြစ်ရပ်တစ်ခုတွင် သင် ထုတ်ဖော်ခံရခြင်းတို့အားဖြင့် သင် ဘုရားသခင်မျက်မှောက်ထဲသို့ ရောက်ရှိနေခြင်းဖြစ်သည်။ လူအများစုတို့သည်၊ “မိမိမကြာခဏ ဆုတောင်းသည့်အတွက် မိမိသည် ဘုရားသခင်၏ မျက်မှောက်ထဲသို့ မရောက်ရှိနေဘူးလား” ဟု ပြောဆိုကြသည်။ လူများစွာတို့သည် “ဘုရားသခင်၏ မျက်မှောက်ထဲတွင်” အဆုံးမရှိ ဆုတောင်းကြသည်။ ဆုတောင်းချက်များသည် အမြဲတမ်း သူတို့နှုတ်ဖျားတွင် ရှိကောင်း ရှိနေနိုင်သော်လည်း ဘုရားသခင်၏ မျက်မှောက်ထဲတွင် သူတို့ အမှန်တကယ် အသက်မရှင်ကြပါ။ ဤသည်မှာ ထိုကဲ့သို့သောလူများသည် ဘုရားသခင်၏ မျက်မှောက်ရှိ သူတို့၏ အခြေအနေများကို ထိန်းသိမ်းထားနိုင်သည့် နည်းလမ်းသာဖြစ်သည်။ သူတို့သည် ဘုရားသခင်နှင့် အချိန်ပြည့် ထိတွေ့မှုရှိဖို့အလို့ငှာ သူတို့၏ စိတ်နှလုံးများကို အသုံးပြုရန် လုံးလုံးလျားလျား မစွမ်းဆောင်နိုင်ကြပါ၊ သို့မဟုတ် ဘုရားသခင်၏ ဝန်ထုပ်များကို သတိချပ်ခြင်းအားဖြင့် သူတို့၏ စိတ်နှလုံးများထဲ၌ ဘုရားသခင်နှင့် ထိတွေ့မှုရရန်အလို့ငှာ ဆင်ခြင်ခြင်း၊ တိတ်ဆိတ်စွာ အာရုံပြုခြင်း၊ သို့မဟုတ် သူတို့၏ စိတ်နှလုံးများကို အသုံးပြုခြင်းမှတစ်ဆင့် တွေ့ကြုံခံစားရခြင်း နည်းလမ်းအားဖြင့် ဘုရားသခင်၏ ရှေ့သို့ ရောက်လာရန်လည်း မစွမ်းဆောင်နိုင်ကြပါပေ။ သူတို့သည် မိုးကောင်းကင်ထိတိုင်အောင် သူတို့၏ နှုတ်များဖြင့် ဆုတောင်းချက်များကို လျှောက်တင်ကြသည်။ လူများအများစု၏ စိတ်နှလုံးများထဲတွင် ဘုရားသခင် ကင်းမဲ့နေကြသည်။ သူတို့သည် ဘုရားသခင်ထံ တိုးဝင်လာကြသောအခါမှသာ ဘုရားသခင် ရှိနေခြင်းဖြစ်သည်၊ များသောအားဖြင့် ဘုရားသခင် လုံးဝရှိမနေတတ်ပါ။ ဤအရာက မိမိစိတ်နှလုံးထဲ ဘုရားသခင် မရှိသည့် သရုပ်သကန်ပင် မဟုတ်သလော။ အကယ်၍ သူတို့၌ အမှန်တကယ်ပင် ဘုရားရှိပါက၊ ဓားပြများနှင့် သားရဲများ လုပ်တတ်သော အရာများကို သူတို့ လုပ်နိုင်ပါမည်လော။ အကယ်၍ လူတစ်ဦးတစ်ယောက်သည် ဘုရားသခင်ကို အမှန်တကယ် ကြောက်ရွံ့လျှင်၊ သူတို့၏ စစ်မှန်သည့် နှလုံးသားကို ဘုရားသခင်နှင့် ဆက်သွယ်စေပြီး၊ သူတို့၏ အကြံအစည်များနှင့် အတွေးအခေါ်များသည်လည်း ဘုရားသခင်၏ နှုတ်ကပတ်တော်များ၏ အမြဲနေရာယူခြင်းကို ခံရပေလိမ့်မည်။ သူတို့သည် လူများ စွမ်းဆောင်နိုင်စွမ်းရှိသည့် အပြင်ပန်းအရာများတွင် အမှားများပြုလုပ်မိရန် အလားအလာမရှိဘဲ၊ ဘုရားသခင်အား သိသိသာသာ ဆန့်ကျင်သည့် မည်သည့်အရာကိုမျှ လုပ်ကြလိမ့်မည် မဟုတ်ပါ။ ထိုအရာမျိုးသည် ယုံကြည်သူတစ်ဦး ဖြစ်ခြင်းအတွက် စံနှုန်းပင် ဖြစ်ပေသည်။

ယခင်က:ပြည့်စုံသော သိုးထိန်းတစ်ဦး ရှိထားရမည့် အင်္ဂါရပ်

နောက်တစ်ခုသို့:ခေတ်သစ်၏ ပညတ်တော်များ

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ