၁ တစ်နေ့တွင်၊ သင်တို့၏ အတွေ့အကြုံများကြောင့် သင်တို့သည် သာမန်လူသားသဘာဝ၏ ဇာတိပကတိဖြစ်သော ဘုရားသခင်၏ လူ့ဇာတိခံခြင်းမှာ လူသားမျိုးနွယ်အားလုံး လိုအပ်သည့်အရာဖြစ်သည်ကို နားလည်ကြလိမ့်မည်။ ဘုရားသခင်၏ လူ့ဇာတိခံယူခြင်း၊ လူသားသဘာဝနှင့် သူ ထုတ်ဖော်ပြသည့်အရာအားလုံး ပိုမိုသာမန်ဖြစ်လေ၊ ကျွန်ုပ်တို့၏ ကယ်တင်ခြင်း ပိုမိုကြီးမာလေဖြစ်ပြီး ၎င်းတို့ ပို၍ သာမန်ဖြစ်လေ၊ ၎င်းတို့သည် ကျွန်ုပ်တို့ လိုအပ်သည့်အရာ ပိုဖြစ်လေ ဖြစ်သည်။ ဘုရားသခင်၏ လူ့ဇာတိခံယူခြင်းက သဘာဝလွန်ဖြစ်ခဲ့လျှင်၊ ဘုရားသခင်အားဖြင့် ကျွန်ုပ်တို့ ရွေးချယ်ခံခဲ့ရသော်လည်း၊ ကျွန်ုပ်တို့ထဲမှ မည်သူမျှ ကယ်တင်ခံရနိုင်မည် မဟုတ်ပေ။ အတိအကျအားဖြင့် လူတို့ ကယ်တင်ခြင်း အခွင့်အရေးရှိကြသည်မှာ ဘုရားသခင်၏ နှိမ့်ချခြင်းနှင့် ကွယ်ဝှက်နေခြင်းကြောင့်၊ ဤထူးခြားပုံမရသည့် ဘုရားသခင်၏ သာမန်ဖြစ်ခြင်းနှင့် လက်တွေ့ကျခြင်းတို့ကြောင့် ဖြစ်သည်။ လူတို့အထဲတွင် မနာခံခြင်းနှင့် ဖောက်ပြန်ပျက်စီးသော စာတန်ဆန်သည့် စိတ်သဘောထားနှင့်ဆိုင်သည့် ဂုဏ်ဒြပ်ရှိပြီး၊ ဤအရာကြောင့်၊ ဘုရားသခင်အပေါ် အယူအဆမျိုးစုံ၊ နားလည်မှုလွဲခြင်းမျိုးစုံနှင့် ရန်ငြိုးမျိုးစုံ ဖြစ်ပေါ်ရလေသည်။ ဤအယူအဆများ၏ ရလဒ်တစ်ခုအနေဖြင့်၊ လူတို့သည် ဤခရစ်တော်ကို ငြင်းပယ်ကြပြီး သူ၏ သာမန်လူသားသဘာဝကို ငြင်းပယ်ကြသည်မှာ အမှန်ပင်ဖြစ်သည်၊ ယင်းသည် အမှားကြီးတစ်ခု ဖြစ်ပေသည်။

၂ သင်သည် ကယ်တင်ခံရလိုလျှင်၊ ဘုရားသခင်၏ ကယ်တင်ခြင်းကို လက်ခံရရှိလိုလျှင်၊ ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်းတို့ကို သင် လက်ခံလိုလျှင်၊ ခရစ်တော်အကြောင်း သင်၏ မတူညီသောအယူအဆအားလံုးနှင့် မှားယွင်းသော အဓိပ္ပါယ်ဖွင့်ဆိုချက်များကို သင်ပထမဦးစွာ ဘေးဖယ်ထားရမည်၊ ခရစ်တော်အကြောင်း သင်၏ သိမြင်မှုအမျိုးမျိုးနှင့် ခံယူချက်အမျိုးမျိုးတို့ကို ဘေးဖယ်ထားရမည်ဖြစ်ပြီး သူ့ထံမှလာသည့် အရာအားလုံးကို လက်ခံဖို့နည်းလမ်းကို စဥ်းစားရမည်။ ထို့အခါတွင်မှ သူပြောဆိုသည့် နှုတ်ကပတ်တော်များနှင့် သူဖော်ပြသည့် သမ္မာတရားတို့က သင်၏ စိတ်နှလုံးထဲသို့ ဝင်ရောက်မှုတစ်ခု ရှာတွေ့လိမ့်မည်ဖြစ်ပြီး သင်၏ အသက်ဖြစ်လာလိမ့်မည်။ ခရစ်တော်နောက် သင် လိုက်လိုလျှင်၊ သူနှင့်ဆက်နွှယ်သည့် အရာအားလုံးကို သင် လက်ခံသင့်၏။ သူ့ကို သင် မဆန့်ကျင်သင့်ပေ၊ သင်၏ ကိုယ်ပိုင်အယူအဆများအားဖြင့်လည်း နားလည်မှု မလွဲသင့်ပေ။ သင်၏ ကိုယ်ပိုင် အယူအဆများကို မဖက်တွယ်သင့်သကဲ့သို့၊ သူ့ကို စဉ်ဆက်မပြတ် နားလည်မှုလွဲကာ သံသယမထားသင့်၊ သို့မဟုတ် သူ့ကို အာခံကာ ဆန့်ကျင်ရန်ပင် မသင့်ပေ။ ထိုသို့သော သဘောထားတစ်ခုဖြင့်၊ သင်သည် မိမိကိုယ်ကိုယ်သာ နာကျင်စေနိုင်သည်။ ယင်းသည် သင့်ကို အနည်းငယ်မျှ အကျိုးမပြုပေ။

“နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောချက်များ၊ မိမိ၏ အယူအဆများကို ဖြေရှင်းခြင်းအားဖြင့်သာ ဘုရားသခင်ကို ယုံကြည်ခြင်း၏ မှန်သော လမ်းကြောင်းကို စတင်နိုင်သည် (၁)” ကို ကောက်နုတ်၍ ဆီလျော်စွာ ပြုပြင်ထားသည်