အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

မကြာခဏမေးတတ်သော မေးခွန်းများ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အရှေ့ရပ်မှ လျှပ်ပြက်ခြင်း၏ ဇာစ်မြစ်မှာ အဘယ်နည်း

ယခု ကျွန်ုပ်တို့ နောက်ဆုံးသော ကာလတွင် ရောက်ရှိနေပြီဖြစ်သည်။ သခင်၏ ပြန်ကြွလာခြင်းနှင့်ဆိုင်သည့် ပရောဖက်ပြုချက်များ အခြေခံကျကျ ပြည့်စုံပြီဖြစ်ပြီး ဘာသာတရားကိုင်းရှိုင်းသော အထောင်အသောင်း ယုံကြည်သူများသည် သခင်ယေရှု၏ ပြန်ကြွလာခြင်းကို ပြင်းပြစွာ မျှော်လင့်နေကြ၏။ သို့သော် တစ်ချိန်တည်းတွင်၊ အရှေ့ရပ်မှ လျှပ်ပြက်ခြင်းက သခင်ယေရှု ပြန်ကြွလာနှင့်ပြီ၊ ယင်းမှာ နောက်ဆုံးသော ကာလ လူ့ဇာတိခံယူခြင်းဖြစ်သည့် အနန္တတန်ခိုးရှင် ဘုရားသခင်ဖြစ်ပြီး၊ ဘုရားအိမ်တော်မှ အစပြုသည့် သူ၏ တရားစီရင်ခြင်း အမှုတော်ကို သူ လုပ်ဆောင်ပြီးနှင့်ပြီဟု ပွင့်ပွင့်လင်းလင်း သက်သေခံလေသည်။ အရှေ့ရပ်မှ လျှက်ပြက်ခြင်း ပေါ်ထွက်ခြင်းသည် ဘာသာရေးလောကတစ်ခုလုံးအပြင် ဘုရားသခင်ကို စစ်မှန်စွာ ယုံကြည်ပြီး သမ္မာတရားကို ဆာငတ်သူအားလုံးကို တုန်လှုပ်သွားစေခဲ့သည်။ အနန္တတန်ခိုးရှင် ဘုရားသခင်၏ နှုတ်ကပတ်တော်များနှင့် အမှုတော်တို့ကို ရှာဖွေခြင်းနှင့် လေ့လာဆန်းစစ်ခြင်းမှတဆင့်၊ လူများစွာတို့သည် အနန္တတန်ခိုးရှင် ဘုရားသခင်မှာ ပြန်ကြွလာသည့် သခင်ယေရှုဖြစ်သည်ဟု အတည်ပြုခဲ့ကြပြီး တစ်ယောက်ပြီးတစ်ယောက် အနန္တတန်ခိုးရှင် ဘုရားသခင် ရှေ့မှောက်သို့ လာကြလေသည်။ ဤအရာက ဘာသာရေးလောက၏ သင်းအုပ်ဆရာများနှင့် အကြီးအကဲများအပြင်၊ စီစီပီအစိုးရကို ချောက်ချားသွားစေခဲ့သည်။ သူတို့သည် ကောလဟလများစွာကို လုပ်ကြံဖန်တီးရင်းနှင့် အရှေ့ရပ်မှ လျှပ်ပြက်ခြင်းကို မိစ္ဆာအယူဝါဒအဖြစ် ရက်ရက်စက်စက် ရှုတ်ချကာ သွားပုပ်လေလွင့်ပြောဆိုရင်း၊ အရှေ့ရပ်မှ လျှပ်ပြက်ခြင်းကို ဖိနှိပ်ဖို့ရန်နှင့် တရားမဝင်ကြောင်းကြေငြာဖို့ရန် အတူတကွ ပေါင်းကြံခဲ့ကြသည်။ နောက်ဆုံးသော ကာလ အနန္တတန်ခိုးရှင် ဘုရားသခင်၏ ပေါ်ထွန်းခြင်းနှင့် အမှုတော်တို့ကို ရှာဖွေပြီး လေ့လာဆန်းစစ်လိုသည့် စစ်မှန်သည့် ယုံကြည်သူများကို တားဆီးဖို့နှင့် နှောင့်ယှက်ဖို့ရန် သူတို့ တတ်နိုင်သမျှ လုပ်ဆောင်ကြလေသည်။ သခင်ယေရှုကို ရက်စက်စွာ ဖိနှိပ်ဖို့ ဂျူးဘာသာရေးလောကကိုယ်၌က ရောမအစိုးရနှင့် ပူးပေါင်းခြင်းတည်းဟူသော သမိုင်းဆိုင်ရာ အဖြစ်ဆိုးက တစ်ဖန် ဖြစ်ပျက်လျက်ရှိသည်။ အရှေ့ရပ်မှ လျှပ်ပြက်ခြင်းက သခင်ယေရှု၏ ပြန်ကြွလာခြင်း ဟုတ် မဟုတ်၊ ဘုရားသခင်၏ အမှုတော် ဟုတ် မဟုတ်နှင့်ပတ်သက်ပြီး အမြင်များက ခြားနားကြသည်။ လူအချို့က ၎င်းတို့၏ ငြင်းပယ်ခြင်းနှင့် ရှုတ်ချခြင်းတို့တွင် ဘာသာရေးလောက၏ သင်းအုပ်ဆရာများနှင့် အကြီးအကဲများနှင့်အတူ လိုက်သွားကြသော်လည်း၊ အရှေ့ရပ်မှ လျှပ်ပြက်ခြင်းသည် “လျှပ်စစ်သည် အရှေ့မှပြက်၍အနောက်တိုင်အောင် ထွန်းလင်းသကဲ့သို့၊ လူသားသည် ကြွလာတော် မူလတံ့။” (ရှင်မဿဲခရစ်ဝင် ၂၄:၂၇) ဟူသည့် သမ္မာကျမ်းစာထဲက သခင်ယေရှု၏ ပရောဖက်ပြုချက်နှင့် ဆက်စပ်သလို ယင်းမှာ နောက်ဆုံးသောကာလ လူသား၏ ကြွလာခြင်းနှင့် ဆက်နွယ်မှုရှိသည်ဟု ယုံကြည်ကြသူအချို့လည်း ရှိလေသည်။ သို့ဆိုလျှင်၊ အရှေ့ရပ်မှ လျှပ်ပြက်ခြင်း၏ ဇာစ်မြစ်မှာ အမှန်တကယ် မည်သည့်အရာနည်း။ ထိုအရာက ဘုရားသခင်၏ အမှုတော်ဖြစ်ပါသလား၊ မည်သို့သော နက်နဲမှုများကို ထိုအရာက ကိုင်စွဲထားပါသနည်း။

ဘုရားသခင်၏ အမှုတော်ကို နားလည်သူအားလုံးက ဘုရားသခင်၏ အမှုတော်သည် အမြဲအသစ်ဖြစ်ပြီး ယင်း၏ ရှေ့ဆက်တိုးတက်မှုတွင် ရပ်တန့်ခြင်းမရှိသည်ကို သိကြသည်။ ဥပမာအားဖြင့်၊ ပညတ်တော်ခေတ်တွင် ဘုရားသခင်သည် ဝိညာဉ်တော်မှတဆင့် အမှုပြုခဲ့ပြီး ကမ္ဘာမြေပေါ်က လူသား၏ ဘဝများကို ဦးဆောင်လမ်းပြမည့် ပညတ်တရားများကို ထုတ်ပြန်ခဲ့သည်။ ထို့နောက်၊ ကျေးဇူးတော်ခေတ်တွင်၊ ဘုရားသခင်သည် နာမကျန်းဖြစ်သူကို ပျောက်ကင်းစေလျက်၊ နတ်ဆိုးများကို နှင်ထုတ်လျက်၊ အံ့ဖွယ်လုပ်ဆောင်ချက်များစွာကို ဆောင်ရွက်ပြီး “နောင်တရကြလော့။ ကောင်းကင်နိုင်ငံတော်သည် တည်လုနီးပြီ။” (ရှင်မဿဲခရစ်ဝင် ၄:၁၇) ဆိုသည့် လမ်းခရီးကို ဖော်ပြလျက်၊ သူ၏ အမှုတော်ကို လုပ်ဆောင်ရန် လူသားအဖြစ် လူ့ဇာတိခံကာ ပေါ်ထွန်းခဲ့သည်။ ထို့နောက် သူသည် ကားတိုင်ပေါ်တွင် သံမှိုရိုက်ခံခဲ့ရပြီး လူသားမျိုးနွယ်ကို ရွေးနုတ်ရန် သူ၏ အမှုတော်ကို ပြည့်စုံစေခဲ့သည်။ သို့သော် ဘုရားသခင်၏ အမှုတော်ကို လူတို့ မသိကြသည့်အပြင်၊ မာနထောင်လွှားသော ဆိုးယုတ်သည့် သဘာဝတစ်ခု ရှိကြပြီး အားလုံးက မိမိကိုယ်ကိုယ် မှန်သည်ဟု ထင်ကာ၊ သဘောထားမာကျောပြီး ခေါင်းမာကြလေသည်။ ၎င်းတို့သည် အယူအဆများနှင့် စိတ်ကူးများကိုလည်း ဖက်တွယ်ကြသည်မှာ၊ သမ္မာတရားကို သူတို့ ငြီးငွေ့လာကြပြီး မုန်းတီးလာကြသည်အထိ ဖြစ်သည်။ ဤအကြောင်းကြောင့် ဘုရားသခင်အမှုတော်သစ်ဆောင်ရွက်သည့်အခါတိုင်းတွင် သူသည် ဘာသာရေးလောကနှင့် အုပ်စိုးဆဲ အာဏာစက်များ၏ ပြင်းထန်သည့် ပြစ်မှားစော်ကားမှု၊ ညှင်းပန်းနှိပ်စက်မှုနှင့် ရှုတ်ချခြင်းတို့ကို ခံစားရမည်ဖြစ်သည်။ ဘုရားသခင်၏ အမှုတော်သစ်ကို ဖြန့်ဝေပြီး သက်သေခံကြသူတို့သည်လည်း စွပ်စွဲချက်မျိုးစုံနှင့် ချိုးချိုးဖဲ့ဖဲ့ပြောသည့်စကားလုံးတို့ဖြင့် ရိုက်ခံရနိုင်သည့်အပြင် နှိပ်စက်ညှင်းပန်းခံရနိုင်သည်။ ဤအချက်ကို ဓမ္မသစ်ကျမ်းတွင် မှတ်တမ်းတင်ထားပါသည်။ လူသားမျိုးနွယ်ကို ၎င်းတို့ မစောင့်ထိန်းနိုင်သည့် ပညတ်တရားများကို ချိုးဖောက်ခြင်းအတွက် အပြစ်ပေးခံရမည့် အန္တရာယ်မှ ကယ်တင်ဖို့ရန်အလို့ငှာ၊ ဘုရားသခင်သည် သခင်ယေရှု၏ အသွင်သဏ္ဍာန်ဖြင့် လူ့ဇာတိခံယူခဲ့ပြီး ကျေးဇူးတော်ခေတ်တွင် ရွေးနုတ်ခြင်းအမှုကို အစပြုခဲ့သည်။ သခင်ယေရှုသည် သူ၏ အမှုတော်ကို ယုဒပြည်တွင် ဆောင်ရွက်နေခဲ့ချိန်တွင်၊ အံ့ဖွယ်လုပ်ဆောင်ချက်များစွာကို ဆောင်ရွက်ခဲ့သည်၊ နာမကျန်းဖြစ်သူများကို ကုသပျောက်ကင်းစေခဲ့ပြီး နတ်ဆိုးများကို နှင်ထုတ်ခဲ့သည်။ လူသားအပေါ် အလျှံပယ် ကျေးဇူးတော် အပ်နှင်းခဲ့ပြီး သမ္မာတရားများစွာကို ဖော်ပြခဲ့သည်။ ဤသည်မှာ သခင်ယေရှုသည် ဘုရားသခင် ကိုယ်တော်တိုင်ဖြစ်ပြီး ဣသရေလတို့ စောင့်စားခဲ့ကြသည့် မေရှိယဖြစ်သည်ကို သက်သေပြရန် လုံလောက်ပါသည်။ သို့သော်၊ ဂျူးလူမျိုး ယဇ်ပရောဟိတ်အကြီးအကဲများ၊ ကျမ်းတတ်ပုဂ္ဂိုလ်များနှင့် ဖာရိရှဲတို့က ဘာသာရေး အယူအဆများကို ခေါင်းမာမာနှင့် ဖက်တွယ်ခဲ့ကြပြီး သခင်ယေရှုကို သူတို့ အချိန်အလွန်ကြာမြင့်စွာ စောင့်စားခဲ့ကြသည့် မေရှိယဖြစ်သည်ဟု ယုံကြည်ရန် အလွယ်တကူငြင်းပယ်ခဲ့ကြသည်။ ဆန့်ကျင်ဖက်အနေဖြင့်၊ ယေရှုကို ဆန့်ကျင်အသုံးပြုဖို့ အကြောင်းအရာများအတွက် သမ္မာကျမ်းစာကို ၎င်းတို့လှန်လှောရှာခဲ့ကြသည်။ သခင်ယေရှု၏ အမှုတော်ကို ၎င်းတို့က မိစ္ဆာအယူအဖြစ်(တမန်တော် ၂၄:၁၄ ကို ကြည့်ပါ)နှင့် သခင်ယေရှုကိုယ်တိုင်ကို “နာဇရက်သားတို့ ဂိုဏ်း၏ ဂိုဏ်းခေါင်းဆောင်” အဖြစ် အသရေဖျက်ခဲ့ကြသည်၊ ဝေဖန်ခဲ့ကြပြီး ရှုတ်ချခဲ့ကြသည်။ (တမန်တော် ၂၄:၅ ကို ကြည့်ပါ) သခင်ယေရှုကို ရှုတ်ချဖို့ ဂျုးလူမျိုးများကို သူတို့ လှည့်ဖြားပြီး လှုံ့ဆော်ခဲ့ကြသလို၊ သူ့ကို ကားစင်တင်ဖို့ ရောမအစိုးရနှင့် သူတို့ကိုယ်တိုင် ပူးပေါင်းခဲ့ကြသည်။ ဤသည်မှာ ဘုရားသခင်၏ စိတ်သဘောထားကို ဂျူးတစ်နိုင်ငံလုံးက ပုန်ကန်ပြစ်မှားခဲ့ပြီး တစ်ခါမှ မဖြစ်ပျက်ဖူးသည့် ပျက်စီးခြင်းကို ခံစားခဲ့ရသည့် အကြောင်းရင်းဖြစ်သည်။ ဘာသာရေးလောကနှင့် အာဏာရှိသူတို့ ရှုတ်ချခဲ့ပြီး ဆန့်ကျင်ခဲ့သည့် အရာတစ်ခုသည် သေချာပေါက်မှားယွင်းခြင်း မဟုတ်သည်မှာ သိသာထင်ရှားလေသည်။ ထိုအရာသည် ဘုရားသခင်ထံမှ လာပြီး ဘုရားသခင်၏ အမှုတော်ဖြစ်ဖို့ အလားအလာမြင့်မားလေသည်။ ထို့ကြောင့်၊ တစ်စုံတစ်ခုသည် ဘုရားသခင်၏ အမှုတော် ဟုတ်၊ မဟုတ် ဆန်းစစ်သည့်အခါ ဘာသာရေးလောက နှင့် အာဏာရှိသူတို့က ထိုအရာကို အသိအမှတ်ပြုသည် မပြုသည် သို့မဟုတ် လက်ခံသည် လက်မခံသည်ကို အခြေခံပြီး ဤ အကဲဖြတ်မှုကို လုပ်ဆောင်၍ မရနိုင်ပါ။ တစ်စုံတစ်ခုက ဘုရားသခင်၏ အမှုတော် ဟုတ်သည်၊ မဟုတ်သည်ကို ဆုံးဖြတ်ဖို့ရန်၊ ထိုပုံစံဖြင့် ဖော်ပြသည့်အရာသည် သမ္မာတရား ဟုတ် မဟုတ်၊ လက်ရှိအခိုက်အတန့် လူသားမျိုးနွယ် အရေးပေါ်လိုအပ်သည့်အရာတစ်ခု ဟုတ် မဟုတ်ဆိုသည်နှင့် ထိုအရာက သန့်ရှင်းသော ဝိညာဉ်တော်၏ အမှုတော် ဟုတ် မဟုတ်ဆိုသည်တို့အပေါ် အဓိက မှီခိုသည်ကို ပညတ်တော်ခေတ်နှင့် ကျေးဇူးတော်ခေတ်တို့တွင် ပြီးခဲ့သည့် အမှုတော်အားလုံးမှ ကျွန်ုပ်တို့ တွေ့မြင်နိုင်သည်။ ဤနည်းဖြင့်သာ ထိုအရာက ၎င်း၏ အနှစ်သာရအားဖြင့် ဘုရားသခင်၏ အမှုတော် ဟုတ် မဟုတ်ကို သိမြင်နိုင်ပေသည်။ ဤသည်မှာ အရေးအကြီးဆုံး ဖြစ်သည်။

လူသားမျိုးနွယ်၏ ဖောက်ပြန်ပျက်စီးခြင်းသည် နောက်ဆုံးသော ကာလတွင် တိုး၍ နက်သထက်နက်လာနေသည်။ လူသားသည် မကြာခဏ တမင်တကာမဟုတ်ဘဲ ကျူးလွန်မိနေလျက်၊ အားလုံးက နေ့တွင် အပြစ်ပြုပြီး ညတွင် ဝန်ချသည့် အသက်တာများကို ရှင်သန်လျက် ၎င်းတို့၏ ဆိုးယုတ်ပြီး ဖောက်ပြန်ပျက်စီးသည့် သဘာဝ၏ ထိန်းချုပ်မှုအောက်တွင် လုံးဝရှိနေသည်။ ၎င်းတို့သည် မခံမရပ်နိုင်သည့် နာကျင်မှုထဲတွင် အသက်ရှင်နေကြသည်။ လူသားမျိုးနွယ်သည် ဘုရားသခင်ထံမှ ဝေးကွာသထက် ပိုဝေးကွာလာခဲ့ပြီး ကယ်တင်ခြင်း ရရှိခြင်းအတွက် ၎င်းတို့၏ မျှော်လင့်ချက်မှာ ပိုပိုပြီး အလှမ်းဝေးလာနေသည်။ လူသားကို အပြစ်ပြုခြင်းနှင့် ဝန်ချခြင်း၊ ဝန်ချခြင်းနှင့် အပြစ်ပြုခြင်းတို့နှင့်ဆိုင်သော ဤဘယ်တော့မှမဆုံးနိုင်သည့် အကျပ်အတည်းမှ ကယ်တင်ပြီးဖို့ရန်အတွက်နှင ၎င်းတို့ သန့်စင်ခံရကာ ဘုရားသခင်၏ ကယ်တင်ခြင်းရရှိဖို့ရန်အလို့ငှာ ၎င်းတို့၏ ဆိုးယုတ် ဖောက်ပြန်ပျက်စီးသည့် စိတ်သဘောထားများအပြင် အပြစ်တရား၏ အချုပ်အချယ်များနှင့် ချုပ်နှောင်မှုများကို လုံးလုံးလျားလျား စွန့်ပစ်နိုင်ဖို့ရန်အတွက် ဘုရားသခင်သည် သမ္မာတရားကို ဖော်ပြရန် နှင့် ဖောက်ပြန်ပျက်စီးသော လူသားမျိုးနွယ်ကို တရားစီရင်ရန် နောက်တစ်ဖန် လူ့ဇာတိဖြစ်လာခဲ့ပြီး လူသားမျိုးနွယ်ကို လုံးဝ သန့်စင်ပြီး ကယ်တင်ဖို့ အမှုတော်၏ အဆင့်သစ်ကို ဆောင်ရွက်လေသည်။ ဤအကြိမ်တွင်၊ ဘုရားသခင်သည် ကမ္ဘာ့အရှေ့အရပ်ရှိ တရုတ်ပြည်တွင် ပေါ်ထွန်းရင်းနှင့် သူ၏ အမှုတော်ကို ဆောင်ရွက်ရင်း လူ့ဇာတိခံယူခဲ့သည်။သူသည် ကျေးဇူးတော်ခေတ်ကို အဆုံးသတ်ခဲ့ပြီး နိုင်ငံတော်ခေတ်ကို အစပြုခဲ့သည်။ သူသည် အရင်ကထက် ပိုမိုမြင့်မားပြီး ပိုမို အလျှံပယ်ဖြစ်သည့် သမ္မာတရားများကို ယူဆောင်ခဲ့သည်။ ကမ္ဘာကြီး၏ ဖန်ဆင်းခြင်းကတည်းက ဘုရားအမှုတော်များ၏ နက်နဲမှုများကို သူ ဖွင့်ပြပြီဖြစ်ပြီး၊ လူသားအပေါ် ၎င်းတို့ကို သန့်စင်စေပြီး ကယ်တင်သည့် သမ္မာတရားအားလုံးကို ပေးပြီဖြစ်သည်။ အနန္တတန်ခိုးရှင် ဘုရားသခင်၏ နောက်ဆုံးသော ကာလအမှုတော်ကို လက်ခံသောသူတို့သည် အနန္တတန်ခိုးရှင် ဘုရားသခင် ဖော်ပြသည့် နှုတ်ကပတ်တော်များမှ သမ္မာတရားများစွာကို နားလည်လာကြပြီဖြစ်သည်။ နောက်ဆုံးသော ကာလတွင် သမ္မာတရားကို ဖော်ပြသည့် အနန္တတန်ခိုးရှင် ဘုရားသခင်သည် အမှန်တကယ် ပြန်ကြွလာသည့် သခင်ယေရှုဖြစ်သည်ကို သူတို့ ရှင်းရှင်းလင်းလင်း မြင်ကြပြီးဖြစ်သည်။ သူတို့သည် မိမိတို့၏ ကိုယ်ပိုင် ဖောက်ပြန်ပျက်စီးသော သဘာဝနှင့် မိမိတို့ အပြစ်များ၏ ဖြစ်ရသည့်အကြောင်းရင်းတို့နှင့်ဆိုင်သည့် ရှင်းလင်းသည့် အသိပညာ ရရှိကြပြီးဖြစ်သည်။ ၎င်းတို့၏ ဆိုးယုတ်ပြီး ဖောက်ပြန်ပျက်စီးသည့် စိတ်သဘောထားများကို ဖြေရှင်းဖို့ လမ်းကြောင်းကို ၎င်းတို့ ရှာတွေ့ခဲ့ကြပြီး ၎င်းတို့၏ နှလုံးသားများ ထက်မြက်ကာ ကြည်လင်ကြလေသည်။ ဘုရားနှုတ်ကပတ်တော်များ၏ တရားစီရင်ခြင်း၊ ပြစ်တင်ဆုံးမခြင်း၊ စမ်းသပ်မှုများနှင့် စစ်ဆေးမှုတို့ကို တွေ့ကြုံခြင်းအားဖြင့်၊ ၎င်းတို့၏ အသက်တာ စိတ်သဘောထားတို့သည် စဉ်ဆက်မပြတ် ပြောင်းလဲနေကြသည်။ ကယ်တင်ခြင်း မျှော်လင့်ချက်ကို ၎င်းတို့ တွေ့မြင်ကြပြီး ဘုရားသခင်၏ ကောင်းမြတ်ပြီး သန့်ရှင်းသည့် အနှစ်သာရအပြင် သူ၏ ဖြောင့်မတ်ပြီး ချိုးဖောက်၍မရသည့် စိတ်သဘောထားတို့နှင့်ဆိုင်သည် မှန်ကန်သည့် အသိပညာကို ၎င်းတို့ ရရှိကြလေသည်။ သူတို့သည် ကိုယ်တော်၏ အနန္တတန်ခိုးရှိခြင်း၊ ဉာဏ်ပညာတော် နှင့် သြဇာအာဏာတို့ကဲ့သို့သော ဘုရားသခင်၏ အရာအားလုံးနှင့် ဖြစ်ခြင်းတို့နှင့်ဆိုင်သည့် ပိုမိုလက်တွေ့ကျသော သိနားလည်မှုနှင့် အသိပညာ ရှိကြပြီး၊ ဘုရားသခင်ကို ၎င်းတို့၏ ယုံကြည်ခြင်းက အနှစ်မမဲ့တော့သလို မရေမရာမဖြစ်တော့ဘဲ ယင်းအစား ပိုပိုပြီး စစ်မှန်လာနေသည်ကို ၎င်းတို့အားလုံး တွေးဆမိကြသည်။ ဘုရားသခင်ကို အလွန်နှစ်လိုဖွယ်နှင့် ချစ်ဖွယ်ကောင်းသူအဖြစ် သူတို့ အမှန်တကယ် တွေ့ကြုံကြရပြီး၊ ထိုသို့ဖြင့် ဘုရားသခင်ကို ကြောက်ရွံ့သည့် နှလုံးသားတစ်ခု ဖြစ်ပေါ်စေကြသည်။ ဘုရားသခင်အတွက် စစ်မှန်သော နာခံမှုနှင့် အရေးထားမှုတို့ကို သူတို့ ဖြစ်ပေါ်စေခဲ့ကြပြီး သူတို့အားလုံးသည် နောက်ဆုံးသော ကာလ အနန္တတန်ခိုးရှင် ဘုရားသခင်၏ အမှုတော်က လူသားကို အမှန်သန့်စင်နိုင်ပြီး ကယ်တင်နိုင်သည်ကို ရှင်းရှင်းလင်းလင်း နားလည်ကြသည်။ နောက်ဆုံးသော ကာလတွင်၊ အနန္တတန်ခိုးရှင် ဘုရားသခင်၏ တရားစီရင်ခြင်းနှင့် သန့်စင်ခြင်း အမှုတော်၏ အချိန်သည် တိုတောင်းပြီး၊ မိုးကြိုးလျှပ်စီးတစ်ခုအလား အလွန်လျင်မြန်စွာ ရွေ့လျားလေသည်။တိုတောင်းသည့် ဆယ်စုနှစ်နှစ်ခုမျှ တစ်လျှောက်၊ ဘုရားသခင်၏ နိုင်ငံတော် ဧဝံဂေလိတရားသည် တရုတ်ပြည်မတစ်လျှောက်လုံး ပျံ့နှံ့ခဲ့ပြီး အောင်မြင်သူများ အုပ်စုတစ်ခုကို ဖန်တီးခဲ့သလို၊ ယခုတွင် ဧဝံဂေလိတရားက တိုင်းနိုင်ငံအားလုံးဆီ၊ ကမ္ဘာ့နေရာအနှံ့ဆီသို့ တစ်ဟုန်ထိုး တိုးချဲ့သွားနေသည်။ ဤအရာက သခင်ယေရှု၏ ပရောဖက်ပြုချက်ဖြစ်သည့်၊ “လျှပ်စစ်သည် အရှေ့မှပြက်၍အနောက်တိုင်အောင် ထွန်းလင်းသကဲ့သို့၊ လူသားသည် ကြွလာတော် မူလတံ့။” (ရှင်မဿဲခရစ်ဝင် ၂၄:၂၇) ဆိုသည်ကို အတိအကျ ပြည့်စုံစေခဲ့သည်။ သို့သော်၊ ဘာသာရေးလောက၏ သင်းအုပ်ဆရာများနှင့် အကြီးအကဲများသည် ဘာသာရေး အယူအဆများကို ခေါင်းမာမာ ဖက်တွယ်ထားကြပြီး၊ လူသား၏ အယူအဆများနှင့် သဘောကွဲလွဲသည့် ဘုရားသခင်၏ အမှုတော်သစ်နှင့် ရင်ဆိုင်ရသည့်အခါ၊ ယင်းကို ၎င်းတို့ မရှာဖွေ သို့မဟုတ် မလေ့လာမဆန်းစစ်ရုံသာမက၊ အနန္တတန်ခိုးရှင် ဘုရားသခင်၏ နောက်ဆုံးသော ကာလ အမှုတော်ကို ဆင်ခြင်မှုကင်းမဲ့စွာ ဝေဖန်ပြီး ရှုတ်ချလျက်၊ အနန္တတန်ခိုးရှင် ဘုရားသခင် အသင်းတော်ကို အရှေ့ရပ်မှ လျှပ်ပြက်ခြင်း ဂိုဏ်းနှင့် မိစ္ဆာအယူဝါဒအဖြစ် သွားပုပ်လေလွင့်ပြောဆိုရင်း ကျမ်းစာကို ဝေ့ရမ်းပြီး ဘုရားသခင်ကို ဆန့်ကျင်ရာတွင် သုံးဖို့ အမှားများကို ရှာဖွေကြလေသည်။ ၎င်းတို့၏ လုပ်ရပ်များနှင့် လုပ်ဆောင်ချက်များသည် ထိုဂျူးလူမျိုး ယဇ်ပုရောဟိတ်အကြီးအကဲများ၊ ကျမ်းတတ်ဆရာများနှင့် ဖာရိရှဲတို့က သခင်ယေရှုကို ရှုတ်ချခဲ့ကြသည့်အချိန်နှင့် အတူတူပင် ဖြစ်သည်။ နောက်ဆုံးသော ကာလ ဘုရားသခင်၏ အမှုတော်ကို ၎င်းတို့ အာခံကာ တိုက်ခိုက်နိုင်ပြီး ဘုရားသခင်၏ ခြေလှမ်းများကို လေ့လာကြည့်ရှုခြင်း၊ လိုက်လျှောက်ခြင်းနှင့် ဘုရားသခင်ကို နာခံခြင်းတို့မှ လူတို့ကို တားဆီးနိုင်ကြခြင်းသည် ၎င်းတို့ကို အမှန်တကယ် ခရစ်တော်ကို အာခံပြီး ရှုတ်ချသည့် ခေတ်သစ် ဖာရိရှဲများ ဖြစ်စေသည်မဟုတ်ပါလား။ ၎င်းတို့ လုပ်ရပ်များ၏ အနှစ်သာရမှာ သမ္မာတရားကို မုန်းတီးခြင်းနှင့် သန့်ရှင်းသော ဝိညာဉ်တော်ကို ပြစ်မှားစော်ကားခြင်း မဟုတ်လော။ အနန္တတန်ခိုးရှင် ဘုရားသခင်၏ ပေါ်ထွန်းခြင်းအပေါ် ရက်စက်ကြမ်းကြုတ်သော ရှုတ်ချခြင်းနှင့် ဘာသာရေးလောက ခေါင်းဆောင်များ၏ အလုပ်သည်လည်း သခင်ယေရှုက သူ၏ ပြန်ကြွလာခြင်းကို ပရောဖက်ပြုခဲ့သည့်အချိန်တွင် ပြောခဲ့သည့် နှုတ်ကပတ်တော်များကို လုံးဝ ပြည့်စုံစေခဲ့ပါသည်။ “ကောင်းကင်တဘက်မှ ပြက်သောလျှပ်စစ်သည် ကောင်းကင်အနှံ့အပြား ထွန်းလင်းသကဲ့သို့၊ လူသားသည် မိမိနေ့ရက်၌ ဖြစ်တော်မူလတံ့။ ထိုသို့မဖြစ်မှီ သူသည် များစွာသောဆင်းရဲဒုက္ခကိုလည်းကောင်း၊ ယခုလူမျိုး၏ ငြင်းပယ်ခြင်းကိုလည်းကောင်း ခံရမည်။” (ရှင်လုကာခရစ်ဝင် ၁၇:၂၄-၂၅)

အနန္တတန်ခိုးရှင် ဘုရားသခင်သည် သူ၏ နှုတ်ကပတ်တော်ကို မမိန့်မြွက်ဘဲ နက်နဲမှုများကို မဖွင့်ပြပါက၊ “လျှပ်စစ်သည် အရှေ့မှပြက်၍အနောက်တိုင်အောင် ထွန်းလင်းသကဲ့သို့” ဆိုသည့် ပရောဖက်ပြုချက်အားဖြင့် အမှန်တကယ် ဆိုလိုသည့်အရာကို ကျွန်ုပ်တို့ ဘယ်သောအခါမျှ နားလည်ကြလိမ့်မည်မဟုတ်ပါ။ အနန္တတန်ခိုးရှင် ဘုရားသခင်က ပြောပါသည်။ “လူအပေါင်း နာခံလိုက်နာသည့်အချိန်၊ အရာခပ်သိမ်း အသစ်ပြုပြင်ခံရပြီး အားသစ်လောင်းသည့်အချိန်၊ အယောက်တိုင်း စိတ်စနိုးစနောင့်မဖြစ်ဘဲ ဘုရားသခင်အား အပ်နှံသည့်အချိန်နှင့် ဘုရားသခင်၏ လေးလံသော ဝန်ထုပ်ဝန်ပိုး တာဝန်ကို ထမ်းရွက်ရန် အလိုရှိသည့် အချိန်သည် အရှေ့အရပ်မှ လျှပ်ပြက်ခြင်း ထွက်ပေါ်လာ၍ အရှေ့အရပ်မှစ၍ အနောက်အရပ်တိုင် ရှိရှိသမျှအား အလင်းပေးခြင်း၊ ဤအလင်း၏ ရောက်ရှိလာခြင်းသည် ကမ္ဘာမြေတစ်ခုလုံးအား တုန်လှုပ်စေခြင်းတို့ကို ဖြစ်ပေါ်စေသော အချိန်ဖြစ်သည်၊ ထို့အပြင် ဤကာလတွင် ဘုရားသခင်သည် သူ၏အသက်သစ်ကို နောက်ထပ်တစ်ကြိမ် စတင်လေသည်။... တစ်နည်းဆိုရသော် ကမ္ဘာမြေကြီး၏ အရှေ့အရပ်၌ ဘုရားသခင်ကိုယ်တော်တိုင် သက်သေ စတင်သည့်အချိန်မှ သူစတင်အလုပ်လုပ်သောအချိန်အထိ၊ ဘုရားသဘောသဘာဝသည် ကမ္ဘာမြေကြီးအနှံ့ အချုပ်အခြာအာဏာ တန်ခိုးကို စွဲကိုင်သောအချိန်အထိ အရှေ့အရပ်မှ လျှပ်ပြက်ခြင်း၏ တောက်ပသော ရောင်ခြည်မျှင်တန်းလွှတ်ခြင်းဖြစ်ပြီး ယင်းသည် စကြဝဠာတစ်ခုလုံးအပေါ် မကြုံစဖူး ထွန်းတောက်ခဲ့ခြင်းပင် ဖြစ်သည်။ မြေကြီးပေါ်မှ တိုင်းနိုင်ငံများ ခရစ်တော်၏ နိုင်ငံတော် ဖြစ်လာသော အချိန်သည် စကြဝဠာတစ်ခုလုံး အလင်းပေးခြင်းခံရသော အချိန်ဖြစ်သည်။ ယခုအချိန်သည် အရှေ့အရပ်မှ လျှပ်ပြက်ခြင်း ထွက်ပေါ်လာသော အချိန်ဖြစ်သည်၊ လူ့ဇာတိခံယူသော ဘုရားသခင်သည် စတင်အလုပ်လုပ်လေပြီ၊ ထို့အပြင် ဘုရားသဘောသဘာဝဖြင့် တိုက်ရိုက် ပြောပြီဖြစ်သည်။ ဘုရားသခင်သည် ကမ္ဘာမြေကြီးပေါ်၌ စတင်ပြောသည့် အချိန်သည် အရှေ့အရပ်မှ လျှပ်ပြက်ခြင်း ထွက်ပေါ်လာသော အချိန်ဖြစ်သည်ဟု ဆိုနိုင်ပါသည်။ ပို၍ အတိအကျဆိုသော် ပလ္လင်မှ အသက်ရေ စီးဆင်းသည့်အခါ- ပလ္လင်တော်မှ မိန့်မြွက်ချက်များ စတင်သည့်အခါ- ဝိညာဉ်ခုနှစ်ပါး၏ မိန့်မြွက်ချက်များ တရားဝင် စတင်သောအချိန် အတိအကျဖြစ်သည်။” (“နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၂”) “စကြဝဠာတစ်ခွင်တွင် ငါသည် ငါ၏အမှု ထမ်းဆောင်လျှက်ရှိပြီး အရှေ့တိုင်းတွင် စဉ်ဆက်မပြတ် မိုးပျက်ကျနေလျက် တိုင်းနိုင်ငံအားလုံးနှင့် ဂိုဏ်းဂဏအားလုံးကို တုန်လှုပ်နေစေသည်။ လူသားအားလုံးကို ပစ္စုပ္ပန်သို့ လမ်းပြခဲ့သည်မှာ ငါ၏အသံဖြစ်သည်။ ငါ၏အသံဖြင့် လူသားအားလုံးကို အနိုင်ယူမည်။ လူသားအားလုံးကို ဤစမ်းချောင်းအတွင်း ကျစေပြီး ငါ၏ရှေ့မှောက် နာခံစေမည်။ အကြောင်းမူကား ကြာမြင့်စွာကတည်းက ငါ၏ဘုန်းတော်ကို ကမ္ဘာတစ်ခုလုံးထံမှ ငါပြန်လည်ရယူခဲ့ပြီး အရှေ့တိုင်းတွင် အသစ်တစ်ဖန် ထုတ်ဝေခဲ့ပြီ ဖြစ်သည်။ အဘယ်သူသည် ငါ၏ဘုန်းကိုမြင်ရရန် မတောင့်တသနည်း။ အဘယ်သူသည် ငါပြန်လာမည့် အချိန်ကို စိုးရိမ်ကြီးစွာ စောင့်၍ မနေသနည်း။ အဘယ်သူသည် ငါတစ်ဖန် ပြန်ပေါ်လာမည်ကို မတောင့်တ သနည်း။ အဘယ်သူသည် ငါ၏ ချစ်ခင်နှစ်လိုဖွယ် ကောင်းခြင်းကို အောက်မေ့တမ်းတခြင်း မရှိသနည်း။ အဘယ်သူသည် အလင်းသို့ မလာဘဲနေမည်နည်း။ အဘယ်သူသည် ခါနာန်ပြည်၏ ကြွယ်ဝမှုအကြောင်း မစဉ်းစားဘဲ နေမည်နည်း။ အဘယ်သူသည် ရွေးနုတ်မည့်သူ ပြန်လာမည်ကို မတောင့်တဘဲနေသနည်း။ ကြီးမြတ်သည့် အနန္တတန်ခိုးရှင်အား မမြတ်နိုးသူ အဘယ်သူနည်း။ ငါ၏အသံသည် ကမ္ဘာတစ်ဝန်း ပျံ့နှံ့သွားမည်။ ငါရွေးကောက်ထားသူများအား မျက်နှာချင်း ဆိုင်လျှက် နှုတ်ကပတ်တော်ကို ပိုမိုပြောကြားရန် ငါအလိုရှိသည်။ တောင်များနှင့် မြစ်များကို တုန်လှုပ်စေသည့် အစွမ်းကြီးသော မိုးချုန်းသံများကဲ့သို့ စကြဝဠာတစ်ခုလုံးနှင့် လူသားမျိုးနွယ်တို့အား ငါ၏ နှုတ်ကပတ်တော်ကို ငါပြောကြားသည်။ ထို့ကြောင့် ငါ၏ခံတွင်း အတွင်းရှိ နှုတ်ကပတ်တော်သည် လူသား၏ ရတနာဖြစ်ပြီး လူသားအားလုံး ငါ၏ နှုတ်ကပတ်တော်ကို ချစ်ခင် မြတ်နိုးသည်။ အရှေ့တိုင်းမှသည် အနောက်တိုင်းအထိ တစ်လျှောက်လုံး လျှပ်ပြက်သည်။ လူသားသည် ငါ၏ နှုတ်ကပတ်တော်ကို စွန့်လွှတ်ရန် ရွံမုန်းပြီး တစ်ချိန်တည်းတွင် မတွေးတတ်အောင် နက်နဲသည်ဟု မြင်သည်။ သို့သော် နှုတ်ကပတ်တော်တွင် ပျော်ပိုက်ခြင်းမှာ ပို၍များပါသည်။ မွေးကင်းစ ကလေးငယ် တစ်ဦးကဲ့သို့ လူသားအားလုံးသည် ဝမ်းမြောက်ပျော်ရွှင်လျက် ငါကြွလာမည့် အချိန်အတွက် ပျော်ပွဲရွှင်ပွဲများ ကျင်းပ နေကြပါသည်။ ငါ၏အသံအားဖြင့် ငါသည် လူသားအားလုံးကို ငါ၏ ရှေ့မှောက်သို့ ခေါ်ယူမည်။ ထိုအချိန်မှစ၍ လူသားတို့သည် ငါ့ကိုလာရောက် ဝတ်ပြုရန်အလို့ငှာ ငါသည် လူသားအမျိုးအနွယ်အကြား တရားဝင် ဝင်ရောက်မည်။ ဖြာထွက်လျက်ရှိသော ငါ၏ဘုန်းတန်ခိုးနှင့် ငါ၏ ခံတွင်းရှိ နှုတ်ကပတ်တော် အားဖြင့် လူသားအားလုံးကို ငါ၏ ရှေ့မှောက်လာစေပြီး အရှေ့တိုင်းမှ လျှပ်ပြက်ခြင်းများကို မြင်စေကာ...အကြောင်းမူကား ငါသည် ကြာမြင့်စွာ ကတည်းက ရှင်ပြန်ထမြောက်ပြီးဖြစ်ပြီး လူသားမျိုးနွယ်အကြားမှ ထွက်ခွာလာပြီးနောက်၊ ဘုန်းတန်ခိုးဖြင့် လူသားတို့ အကြား ပြန်လည် ပေါ်ပေါက်လာခဲ့၏။ ငါသည် ယခုမတိုင်မီ မရေမတွက်နိုင်သော နှစ်ပေါင်းများစွာ ကတည်းက ဝတ်ပြုခံခဲ့ရသူဖြစ်ပြီး ယခုမတိုင်မီ နှစ်ပေါင်းများစွာက ဣသရေလအမျိုးတို့ စွန့်ပစ်ခဲ့သူ မွေးကင်းစလည်း ဖြစ်သည်။ ၎င်းအပြင် ငါသည် မျက်မှောက်ခေတ်၏ ဘုန်းကြီးသော အနန္တတန်ခိုးရှင် ဘုရားသခင်လည်းဖြစ်သည်။” (“နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ကောင်းကင်နိုင်ငံတော်၏ ဧဝံဂေလိတရားများ စကြဝဠာတစ်ခွင်လုံး ပျံ့နှံ့သွားမည်ဟု နိမိတ်ပြနေသည့် မိုးချုန်းသံ ခုနစ်ချက်”) အနန္တတန်ခိုးရှင် ဘုရားသခင်၏ နှုတ်ကပတ်တော်များမှ၊ နောက်ဆုံးသောကာလ ဘုရားသခင်၏ အမှုတော်နှင့် နှုတ်ကပတ်တော်တို့သည် အရှေ့အရပ်မှ လင်းလက်ခဲ့သည့် လျှပ်စစ်ဖြစ်သည်ကို ကျွန်ုပ်တို့ တွေ့မြင်နိုင်သည်။ “လျှပ်စစ်”သည် ကြီးမားသော အလင်း၊ ဘုရားသခင်၏ နှုတ်ကပတ်တော်ဟု အဓိပ္ပါယ်ရပြီး၊ နောက်ဆုံးသော ကာလတွင် ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်း နည်းလမ်းဖြစ်သည်။ “လျှပ်စစ်သည် အရှေ့မှပြက်၍” ဟူသည့် စကားရပ်မှာ တရုတ်ပြည်မှ လာခြင်းကို ဆိုလိုပြီး “အနောက်တိုင်အောင် ထွန်းလင်းသကဲ့သို့” ဆိုသည်မှာ အနောက်တိုင်းဆီ ပျံ့နှံ့ခြင်းကို ဆိုလိုလေသည်။ နောက်ဆုံးတွင် “လူသားသည် ကြွလာတော် မူလတံ့”ဆိုသည့်အရာက ဘုရားသခင် လူ့ဇာတိဖြစ်လာခြင်းနှင့် ဦးစွာပထမ အရှေ့အရပ် တရုတ်ပြည်တွင် မိမိကိုယ်ကိုယ် ထုတ်ဖော်ပြခြင်းနှင့် သူ၏ အမှုတော်ကို စတင်ခြင်းအား ရည်ညွှန်းလေသည်။ ထိုနေရာတွင် ဘုရားသခင်ကို အမှန်တကယ် သိရှိသည့် လူအုပ်စုတစ်စုကို စုံလင်စေပြီး ၎င်းတို့သည် ဗျာဒိတ်ကျမ်းထဲတွင် ပရောဖက်ပြုထားသကဲ့သို့ အောင်မြင်သောသူများဖြစ်ကြသည်။ ထို့နောက် ဤလူတို့မှတဆင့်၊ နောက်ဆုံးသော ကာလ ဘုရားသခင်၏ ကယ်တင်ခြင်းကို အားလုံး ရရှိနိုင်စေဖို့အလို့ငှာ နောက်ဆုံးသော ကာလ ဧဝံဂေလိတရားသည် အနောက်အရပ်ဆီသို့ ပျံ့နှံ့လေသည်။ ဤနှုတ်ကပတ်တော်များသည် ယခု ပြည့်စုံပြီးဖြစ်သည်။ ဤသည်မှာ အယောက်တိုင်း မြင်နိုင်သည့် အမှန်တရားတစ်ခု ဖြစ်သည်။ အရှေ့အရပ်၏ လျှပ်ပြက်ခြင်း (နောက်ဆုံးသော ကာလအတွင် တရုတ်ပြည်ထဲက ဘုရားသခင်၏ တရားစီရင်ခြင်း အမှုတော်) သည် လူသားအပေါ် ဘုရားသခင် အပ်နှင်းသည့် ချစ်ခြင်းမေတ္တာအားလုံးနှင့် ကယ်တင်ခြင်းတို့ကို ရရှိဖို့ ကျွန်ုပ်တို့အား အခွင့်ပေးနိုင်သည်။ ဘုရားသခင်၏ မျက်နှာတော်အစစ်အမှန်ကို သိရှိဖို့ ကျွန်ုပ်တို့ကို အခွင့်ပေးနိုင်ပြီး ကျွန်ုပ်တို့အတွင်းတွင် ဘုရားသခင်ကို အစစ်အမှန် ကြောက်ရွံ့ခြင်းနှင့် ကိုးကွယ်ခြင်းတို့ကို ဖြစ်ပေါ်စေနိုင်လေသည်။ လျှပ်စစ်မိုးကြိုးတစ်ခုကဲ့သို့ပင်၊ ဘုရားသခင်၏ နှုတ်ကပတ်တော်က လူကို အလင်းနှင့် မျှော်လင့်ချက်ပေးသည်။ ဘုရားသခင်၏ နောက်ဆုံးသော ကာလအမှုတော်ဖြစ်သော အရှေ့အရပ်၏ လျှပ်ပြက်ခြင်းကို လက်ခံသူအားလုံးသည် ဤအရာကို သက်သေခံနိုင်ကြလေသည်။

ဤအချိန်တွင်၊ အရှေ့ရပ်မှ လျှပ်ပြက်ခြင်း၏ ဇာစ်မြစ်မှာ မည်သည့်အရာဖြစ်သည်ဆိုသည့် မေးခွန်းအတွက် ရှင်းလင်းသည့်အဖြေတစ်ခုကို သင်တို့အားလုံး ရှိကြပြီဟု ကျွန်ုပ် ယုံကြည်ပါသည်။ ဘုရားသခင်သည် ကောင်းကင်၊ မြေကြီးနှင့် အရာခပ်သိမ်းတို့၏ ဖန်ဆင်းရှင်ဖြစ်တော်မူ၏။ လူသားသည် စာတန်အားဖြင့် ဖောက်ပြန်ပျက်စီးခဲ့သောကြောင့် ဘုရားသခင်သည် သူ၏ ကယ်တင်ခြင်းအမှုတော်ကို အစပြုခဲ့သည်။ ဘုရားသခင်သည် စကြဝဠာရှိ လူအားလုံးက သူ၏ လုပ်ဆောင်ချက်များကို မြင်ကြဖို့ရန်၊ ဖန်ဆင်းရှင်ကို ကိုးကွယ်လျက် ယုံကြည်မှုအားလုံး တစ်ခုတည်းဖြစ်လာရန်နှင့် ဘုရားသခင်၏ ပေါ်ထွန်းခြင်းကို အမှန်တကယ် ရှာဖွေပြီး သူ၏ ခြေလှမ်းများနောက်လိုက်သောသူအားလုံးက သန့်စင်ခြင်းကို ရရှိပြီး ကယ်တင်ခြင်း ရရှိဖို့ ဆန္ဒရှိလေသည်။ ဘုရားသခင်၏ အလိုတော်နှင့် ကိုက်ညီသော ဤလူတို့ကို သူနှင့်အတူ အနားယူဖို့ နိုင်ငံတော်ထဲသို့ သူဆောင်ယူလိမ့်မည်ဖြစ်သည်။ ထို့ကြောင့်၊ ဘုရားသခင်ကို အမှန်တကယ်ယုံကြည်ပြီး သခင်ယေရှု၏ ပြန်ကြွလာခြင်းကို စိတ်အားထက်သန်စွာ စောင့်ဆိုင်းကြသည့် ကျွန်ုပ်တို့၏ ညီအစ်ကို မောင်နှများအနေဖြင့် ၎င်းတို့၏ ဘာသာရေး အယူအဆများကို ဘေးဖယ်ထားပြီး မှန်သော လမ်းခရီးကို လေ့လာသင့်ပါသည်။ ကောလဟလများကို အာရုံမစိုက်ဘဲ ယင်းက နောက်ဆုံးသောကာလ ဘုရားသခင်၏ ကယ်တင်ခြင်းကို ဆုံးရှုံးခြင်းတွင် အဆုံးသတ်လိမ့်မည်ဖြစ်သည့်အားလျော်စွာ မှန်သော လမ်းခရီးကို ကျိုးကြောင်းမမြင်ဘဲ မဆန့်ကျင်ပါနှင့်။ ဘုရားသခင်၏ ခြေလှမ်းများကို နီးကပ်စွာ လိုက်လျှောက်ရင်း ဘုရားသခင်၏ အမှုတော် အဆင့်များ၏ နေရာကို ကျွန်ုပ်တို့ ထိန်းသိမ်းရမည်။ ဤသည်မှာ နောက်ဆုံးတွင် ကိုယ်တော်၏ ကယ်တင်ခြင်းကို ကျွန်ုပ်တို့ရရှိပြီး သူ၏ နိုင်ငံတော်ထဲ ခေါ်ဆောင်ခံရနိုင်သည့် တစ်ခုတည်းသော နည်းလမ်းဖြစ်ပေသည်။

ယခင်က:အနန္တတန်ခိုးရှင် ဘုရားသခင်၏ အသင်းတော်၏ အခြေခံယုံကြည်ချက်များ

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ