၁ ယနေ့ခေတ်တွင်၊ ဘုရားသခင်ကို ယုံကြည်သူ လူအများစုသည် မှန်ကန်သော လမ်းကြောင်းထဲသို့ မဝင်ရောက်ကြသေးသကဲ့သို့ သမ္မာတရားကို နားလည်မလာကြသေးသောကြောင့်၊ စိတ်ထဲတွင် အနှစ်မဲ့ခြင်းကို ၎င်းတို့ ခံစားရဆဲဖြစ်ပြီး ဘဝတွင် ဆင်းရဲဒုက္ခကို ခံစားကြရဆဲဖြစ်ကာ၊ ၎င်းတို့၏ တာဝန်များကို ဖြည့်ဆည်းရန် ခွန်အားမရှိကြချေ။ ဤသည်မှာ ၎င်းတို့ စိတ်နှလုံးများထဲတွင် ရူပါရုံများမရှိမီ ဘုရားသခင်၏ ယုံကြည်သူများ ဖြစ်သည့်ပုံစံဖြစ်သည်။ ထိုသို့သော လူတို့သည် သမ္မာတရားကို မရရှိကြသေးသကဲ့သို့ ဘုရားသခင်ကို မသိကြသေးပေ၊ ထို့ကြောင့် အတွင်းပိုင်း ပျော်ရွှင်မှုကို ၎င်းတို့ များစွာမခံစားရသေးချေ။ သင်တို့အားလုံးသည် နှိပ်စက်ညှဉ်းပန်းခြင်းကို အထူးသဖြင့် ခံစားခဲ့ပြီဖြစ်ပြီး အိမ်ပြန်ရာ၌ အခက်အခဲကို တွေ့ကြုံခဲ့ပြီဖြစ်သည်၊ သင်သည် ဒုက္ခကြုံတွေ့ကာ သေခြင်းနှင့် အသက်မရှင်လိုခြင်း အတွေးများလည်း ရှိသည်။ ဤအရာများမှာ ဇာတိပကတိ၏ အားနည်းချက် ဖြစ်သည်။ ဘုရားသခင်ကို ယုံကြည်ခြင်းသည် နှစ်သက်ဖွယ် ဖြစ်သင့်သော်လည်း၊ ယနေ့ခေတ် ဘုရားသခင်ကို ယုံကြည်ခြင်းသည် အလွန်အမင်း ဦးနှောက်ခြောက်စရာဖြစ်သည်ဟုပင် လူအချို့က တွေးကြလေသည်။

၂ ဇာတိပကတိ၏ ပျော်ရွှင်မှုမှာ အခြားမည်သည့်အရာမဆိုထက် ပိုမိုကောင်းမွန်သည်ကိုသာ သင်သိသည်။ ဘုရားသခင်သည် ယနေ့ မည်သည့်အမှုကို ပြုနေကြောင်းကို သင်မသိပေ။ ဘုရားသခင်သည် သင်တို့၏ စိတ်သဘောထားကို ပြောင်းလဲရန်အတွက် သင်တို့၏ ဇာတိပကတိကို ဒုက္ခဆင်းရဲခံစေရသည်။ သင်တို့၏ ဇာတိပကတိ ဒုက္ခဆင်းရဲရောက်သော်လည်း သင်၌ ဘုရားသခင်၏ နှုတ်ကပတ်တော်နှင့် ဘုရားသခင်၏ ကောင်းချီးမင်္ဂလာ ရှိသည်။ အကယ်၍ သင်သေလိုလျှင်လည်း မသေနိုင်ရာ- သင်သေပါက ဘုရားသခင်ကိုမသိခြင်းနှင့် သမ္မာတရားအားမရရှိခြင်းကို သင်ကြိတ်မှိတ်၍ လက်ခံနိုင်သလော။ ယခုတွင် အဓိကအားဖြင့် လူတို့သည် သမ္မာတရားကို မရရှိသေးဘဲ၊ အသက်လည်း မရှိခြင်းသာဖြစ်သည်။ လူတို့သည် ယခုအချိန်တွင် ကယ်တင်ခြင်းကို ရှာဖွေနေသည့် လုပ်ငန်းစဉ်၏အလယ်တွင် ရှိနေကြသည့်အတွက်၊ ဤအချိန်ကာလအတွင်း သူတို့သည် ဝေဒနာအချို့ကို ခံစားရပေမည်။

၃ ယနေ့တွင် ကမ္ဘာပေါ်ရှိ လူအယောက်စီတိုင်းသည် စစ်သပ်ခြင်းကိုခံနေရ၏၊ ဘုရားသခင်သည် ဝေဒနာခံစားနေရဆဲဖြစ်သည်၊ သင်တို့ ဝေဒနာမခံစားရခြင်းမှာ တရားနည်းလမ်းကျသလော။ ကြီးမားသည့် ဘေးဒုက္ခကြီးများအားဖြင့် စစ်ဆေးခြင်းမရှိဘဲ၊ လူတို့၌ စစ်မှန်သည့် ယုံကြည်မှု မရှိနိုင်ပေ၊ ထို့ပြင် သမ္မာတရားနှင့် အသက်ကို သူတို့ရရှိလိမ့်မည်မဟုတ်ပေ။ စမ်းသပ်မှုများနှင့် စစ်ဆေးမှုများ မရှိဘဲ အလုပ်မဖြစ်ပါ။ နောက်ဆုံးတွင် ပေတရုသည် ခုနှစ်နှစ်ကြာ စမ်းသပ်ခံခဲ့ရသည်။ ထိုခုနှစ်နှစ်တာတစ်လျှောက် စမ်းသပ်မှုရာပေါင်းများစွာ သူ တွေ့ကြုံခဲ့ရသည်။ ထိုအခါမှသာ အသက်ကို သူ ရရှိပြီး သူ၏ စိတ်သဘောထားထဲတွင် ပြောင်းလဲမှုတစ်ခုကို တွေ့ကြုံခဲ့ရသည်။ ထို့ကြောင့်၊ သမ္မာတရားကို သင် အမှန်တကယ် ရရှိပြီး ဘုရားသခင်ကို သိရှိလာသည့်အခါ၊ ဘုရားသခင်အတွက် သင် အသက်ရှင်နေသင့်သည်ဟု ခံစားရလိမ့်မည်။ ဘုရားသခင်အတွက် သင် အသက်မရှင်လျှင်၊ သင် ဝမ်းနည်းရလိမ့်မည်။ သင်၏ ကျန်သည့် နေ့ရက်အချိန်များကို ခါးသီးသည့် ဝမ်းနည်းမှုနှင့် ပြင်းထန်သော နောင်တဖြင့် အသက်ရှင်နေထိုင်ရလိမ့်မည်။

“နှုတ်ကပတ်တော်၊ အတွဲ (၃)၊ နောက်ဆုံးသော ကာလ ခရစ်တော်၏ ဟောပြောချက်များ၊ လူ့သဘာဝကို သိရှိရန် နည်းလမ်း” ကို ကောက်နုတ်၍ ဆီလျော်စွာ ပြုပြင်ထားသည်