၂၉၁ အနန္တတန်ခိုးရှင် ဘုရားသခင်၏ ချစ်ခြင်းမေတ္တာ အဖြူစင်ဆုံးဖြစ်ပေ
၁ အို ဘုရားရှင်။ ကိုယ်တော် လူ့ဇာတိခံကာ လူသားမျိုးနွယ်ကို ကယ်တင်ဖို့ အရာရာကို စွန့်လွှတ်လေပြီ။ လူသားမျိုးနွယ်ကြား နွေးထွေးမှုကို ကိုယ်တော် ဘယ်သောအခါမျှ မတွေ့ကြုံရပေ၊ လူသား၏ စိတ်နှလုံးကို မရယူခဲ့ပေ။ ဆယ်စုနှစ်များကြာ တိတ်ဆိတ်စွာ အမှုပြုရင်း၊ လောက၏ ခါးသီးမှုအားလုံးကို ကိုယ်တော် မြည်းစမ်းပြီ။ ကိုယ်တော် ဖော်ပြသည့် နှုတ်ကပတ်တော်များအားလုံးက လူသားထံ ထာဝရအသက်လမ်းကို ယူဆောင်ဖို့ သမ္မာတရား ဖြစ်ပေ။ သို့သော် ယင်းကို လူတို့ မသိကြ၊ ကိုယ်တော်၏ ကယ်တင်ခြင်းကို လက်ခံရရှိဖို့ ငြင်းပယ်ရင်း၊ ကိုယ်တော်ကို သူတို့ ရှုတ်ချကာ အသရေဖျက်ကြပေ။ လူသားမျိုးနွယ်ကို ဖြစ်နိုင်သမျှ အစွမ်းကုန် ကယ်တင်ရင်း၊ အရှက်ရခြင်းကို ကိုယ်တော် သည်းခံခဲ့သော်လည်း၊ လူတို့ကို ချစ်ခြင်းမှတဆင့် တို့ထိဆဲပင်။ အို ဘုရားရှင်။ ကိုယ်တော်၏ ချစ်ခြင်းအားလုံးကို လူသားကို ကိုယ်ကျိုးမငဲ့စွာ ပေးလေပြီ။ ကောင်းကင်နှင့် မြေကြီးပေါ်တွင် ကိုယ်တော်သာ ချစ်ခြင်းမေတ္တာ ဖြစ်ပေ၊ အနန္တတန်ခိုးရှင် ဘုရားသခင်၏ ချစ်ခြင်းမေတ္တာ အဖြူစင်ဆုံး ဖြစ်ပေ။
၂ အို ဘုရားရှင်။ တရားစီရင်ပြီး ပြစ်တင်ဆုံးမဖို့ ကိုယ်တော် ဖော်ပြသည့် သမ္မာတရားများမှာ လူသားမျိုးနွယ်ကို ကယ်တင်ဖို့သက်သက် ဖြစ်ပေ။ ကိုယ်တော်၏ နှုတ်ကပတ်တော်များက လူ၏ သဘာဝကို ထုတ်ဖော်ပြ၊ ဆင်းရဲဒုက္ခနှင့် စမ်းသပ်မှုများက လူ၏ ဖောက်ပြန်ပျက်စီးခြင်းကို သန့်စင်စေ။ သမ္မာတရားကို ကျွန်ုပ်တို့ နားလည်စေဖို့ လူများ၊ အဖြစ်အပျက်များနှင့် အမှုအရာများကို ကိုယ်တော် စီစဉ်ပေ။ သို့သော် ကိုယ်တော်၏ အလိုတော်ကို ကျွန်ုပ်တို့ နားမလည်၊ အယူအဆများကို ကျွန်ုပ်တို့ သိုထားကာ ကိုယ်တော်၏ စီစဉ်မှုများကို မကျိုးနွံနိုင်ကြ။ ကိုယ်တော်၏ တရားစီရင်ခြင်းကို ကျွန်ုပ်တို့ ရှောင်ရှားကြ၊ ကျွန်ုပ်တို့ ခေါင်းမာကာ ပုန်ကန်တတ်ကြပေ၊ ကျွန်ုပ်တို့ အသိစိတ်အားလုံး ကင်းမဲ့ကာ ကိုယ်တော်၏ စိတ်နှလုံးကို အလွန်နက်ရှိုင်းစွာ နာကျင်စေကြလေပြီ။ ကျွန်ုပ်တို့ကို အားဖြစ်စေကာ ရေလောင်းရင်း ကိုယ်တော် အစဉ်အမြဲ စိတ်ရှည်ကာ သည်းခံခဲ့ပေ၊ ကျွန်ုပ်တို့၏ ခံစားချက်မဲ့သော နှလုံးသားများ နိုးကြားလာကြပေ။ အို ဘုရားရှင်၊ ကျွန်ုပ်တို့ကို ကယ်တင်ဖို့ အသက် အဖိုးအခကို ပေးရင် ကိုယ်တော် အစွမ်းကုန် အမှုပြုလေပြီ။ ကောင်းကင်နှင့် မြေကြီးပေါ်တွင် ကိုယ်တော်သာ ချစ်ခြင်းမေတ္တာ ဖြစ်ပေ၊ အနန္တတန်ခိုးရှင် ဘုရားသခင်၏ ချစ်ခြင်းမေတ္တာ အဖြူစင်ဆုံး ဖြစ်ပေ။ အနန္တတန်ခိုးရှင် ဘုရားသခင်။ လူ၏ ချစ်ခြင်းမေတ္တာဖြင့် ကိုယ်တော် အထိုက်တန်ဆုံး၊ ကိုယ်တော်ကို ကျွန်ုပ်တို့ အမြဲချစ်ကာ သက်သေခံမည်။
