သိမ်းပိုက်ခြင်းခံရသောသူများသည် အဖြည့်ခံများဖြစ်ကြပြီး စုံလင်အောင်ပြုခြင်းခံရပြီးမှသာ လူတို့သည် နောက်ဆုံးသောကာလ အမှု၏ စံပြများနှင့် နမူနာများ ဖြစ်လာ ကြပေသည်။ စုံလင်စေခြင်းမခံရမီ ၎င်းတို့သည် အဖြည့်ခံများ၊ တန်ဆာပလာများဖြစ်သည်သာမက၊ အသုံးတော်ခံများ ပစ္စည်းများ ဖြစ်ကြသည်။ ဘုရားသခင်၏ လုံးလုံးလျားလျား သိမ်းပိုက်ခြင်း ခံရသောသူများသည် သူ၏စီမံခန့်ခွဲမှု အလုပ်နှင့်ဆိုင်သော ပုံဆောင်ခဲဖြစ်သည်သာမက စံပြများနှင့် နမူနာများ ဖြစ်ကြသည်။ ထိုသို့သော လူတို့ကို ဖော်ပြဖို့ ငါ အသုံးပြုခဲ့သည့် စကားများသည် သာမညောင်ည ဖြစ်နိုင်သော်လည်း ယင်းတို့က စိတ်ဝင်စားဖွယ် ဇာတ်လမ်းများစွာ ထုတ်ဖော်ပြ၏။ ယုံကြည်အားနည်းသော သင်တို့သည် သင်တို့၏မျက်နှာ နီမြန်းသည့်အထိ အရေးမပါသော နာမည်ဂုဏ်ပုဒ်တစ်ခုအတွက် အမြဲတစေ ငြင်းခုံကြမည်ဖြစ်ပြီး တစ်ခါတစ်ရံ အကျိုးဆက်အနေဖြင့် ဆက်ဆံရေးများပင် ထိခိုက်လေသည်။ ယင်းသည် သေးငယ်သော နာမည်ဂုဏ်ပုဒ် တစ်ခုမျှသာ ဖြစ်သော်လည်း သင်တို့၏ အတွေးနှင့်သင်တို့၏ ယုံကြည်မှုထဲတွင် ဤအရာမှာ သေးငယ်သော နာမည် ဂုဏ်ပုဒ်ထက် များစွာပိုသည်သာမက သင်တို့၏ ကံကြမ္မာနှင့် သက်ဆိုင်သည့် အရေးကြီးသော ကိစ္စတစ်ခုဖြစ်လေသည်။ ထို့ကြောင့် စဉ်းစားချင့်ချိန်တတ်ခြင်း မရှိသော သူများသည် ယင်းကဲ့သို့ အသေးအမွှားဖြစ်သော ဤအရာအတွက် ကြီးစွာသော ဆုံးရှုံးခြင်းကို မကြာခဏ ခံစားရကြလိမ့်မည်၊ ဤသည်မှာ များစွာ ဆုံးရှုံးဖို့ရန် အနည်းငယ်သာ ချွေတာသကဲ့သို့ ဖြစ်သည်။ အရေးမပါသော ဂုဏ်ပုဒ်အချို့အတွက်ကြောင့် သင်တို့သည် ထွက်ပြေးကြမည်ဖြစ်ပြီး မည်သည့်အခါမျှ ပြန်လာလိမ့်မည် မဟုတ်ပေ။ ဤသည်မှာ အသက်တာသည် အရေးမကြီးဟု သင်တို့မြင်၍ သင်တို့အခေါ်ခံရသည့် အမည်အပေါ် သင်တို့ အဆမတန် တန်ဖိုးထားခြင်းကြောင့် ဖြစ်သည်။ ထို့ကြောင့် သင်တို့၏ ဝိညာဉ်ရေးရာ အသက်တာများ နှင့် သင်တို့၏ လက်တွေ့ အသက်တာများထဲ၌ပင်လျှင် အဆင့်အတန်းနှင့်ပတ်သက်သည့် သင်တို့၏ အယူအဆများကြောင့် သင်တို့သည် ရှုပ်ထွေးခက်ခဲလွန်းပြီး ထူးဆန်းသော ဇာတ်လမ်းများစွာကို မကြာခဏ ဖန်တီးကြလိမ့်မည်။ သင်တို့သည် ဤအရာကို ဝန်ခံကောင်း ဝန်ခံကြလိမ့်မည်မဟုတ်သော်လည်း၊ သင်တို့သည် တစ်ဦးချင်း မထိတွေ့ရသေးသော်လည်း ထိုသို့သော လူများသည် သင်တို့၏ လက်တွေ့ အသက်တာများထဲ၌ အမှန်တကယ်ရှိကြောင်း သင်တို့အား ငါပြောပြီ။ ဤကဲ့သို့သော အရာများသည် သင်တို့ အသက်တာအသီးသီး၌ ဖြစ်ပြီးလေပြီ။ အကယ်၍ သင်မယုံပါက ညီအစ်မ (သို့မဟုတ် ညီအစ်ကိုတစ်ဦး) ၏ အသက်တာ အကြောင်း အကျဉ်းချုပ် ဖော်ပြချက်ကို အောက်တွင် ကြည့်ပါ။ အကယ်စင်စစ် ထိုပုဂ္ဂိုလ်မှာ သင် ဖြစ်နိုင်သည် သို့မဟုတ် ၎င်းမှာ သင်၏အသက်တာထဲတွင် သင်အကျွမ်းဝင်သောသူ တစ်စုံတစ်ဦး ဖြစ်ကောင်းဖြစ်နိုင်သည်။ အကယ်၍ ငါမမှားပါက ဤအကျဉ်းချုပ် ဖော်ပြချက်သည် သင်ရှိခဲ့ဖူးသည့် အတွေ့အကြုံတစ်ခုကို ဖော်ပြ၏။ ဖော်ပြချက်ထဲတွင် မပါဝင်သည့်အရာ တစ်စုံတစ်ခုမျှ မရှိ၊ အယူအဆ သို့မဟုတ် အတွေးအခေါ်တစ်ခုမျှပင် ချန်ထားခဲ့ခြင်း မရှိဘဲ အလုံးစုံကို ဤဇာတ်လမ်းထဲတွင် မှတ်တမ်းတင်ထားသည်။ အကယ်၍ သင်မယုံပါက ဦးစွာပထမ ဖတ်သာကြည့်လိုက်ပါ။

ဤသည်မှာ “ဝိညာဉ်ရေးရာ လူပုဂ္ဂိုလ်” တစ်ဦးထံမှ အတွေ့အကြုံလေး တစ်ခုဖြစ်သည်။

အသင်းတော်အတွင်းရှိ ညီအစ်ကို မောင်နှမများ ပြုလုပ်ခဲ့သည့် အမှုအရာများစွာမှာ ဘုရားသခင်၏အလိုတော်နှင့် မကိုက်ညီသည်ကို မြင်တွေ့ခဲ့ရသောအခါ သူမစိတ်ပူပင်သောက ရောက်ခဲ့ရပြီး၊ ၎င်းတို့ကို ဤသို့ စတင်ဆူပူတော့သည်- “အသင် အသုံးမကျသည့်သူတို့။ သင်တို့သည် အသိစိတ် လုံးဝ မရှိကြသလော။ သင်တို့ အမှန်တကယ် အဘယ်ကြောင့် လွန်လွန်ကဲကဲအရာများ ပြုလုပ်နေကြသနည်း။ သင်တို့ နှစ်သက်သည့် အရာဟူသမျှကို လုပ်မည့်အစား သမ္မာတရားကို အဘယ်ကြောင့် မရှာဖွေကြသနည်း။...ဤအရာများကို သင်တို့အား ကျွန်ုပ် ပြောနေခြင်းဖြစ်၏၊ သို့သော် တစ်ချိန်တည်းမှာပင် ကျွန်ုပ်သည် ကိုယ့်ကိုယ်ကိုယ် မုန်းတီးမိသည်။ ဘုရားသခင်သည် စိတ်မရှည်ခြင်းဖြင့် တောက်လောင်ကြောင်း ကျွန်ုပ်မြင်ရပြီး ကျွန်ုပ်အတွင်းတွင် မီးလောင်နေကြောင်း ကျွန်ုပ်ခံစားရသည်။ ကျွန်ုပ်သည် ဘုရားသခင် ကျွန်ုပ်အား တာဝန်ပေးစေခိုင်းသည့် အမှုကို အပြည့်အဝလုပ်ဆောင်ရန် အမှန်တကယ် လိုလားလျက်ရှိပြီး သင်တို့ကို ကျွန်ုပ် အမှန်တကယ် အစေခံလို၏။ လက်ရှိ အချိန်တွင် ကျွန်ုပ် အလွန် အားနည်းနေခြင်းသာ ဖြစ်သည်။ ဘုရားသခင်သည် ကျွန်ုပ်တို့အပေါ်၌ များလှစွာသော အချိန်ကို အသုံးပြုခဲ့ပြီး များလှစွာသော နှုတ်ကပတ်တော်များကို ပြောဆိုပြီးသော်လည်း ကျွန်ုပ် တို့သည် မပြောင်းမလဲ ရှိကြသေး၏။ ကျွန်ုပ်၏စိတ်နှလုံးထဲ၌ ဘုရားသခင်အပေါ် ကျွန်ုပ်မြောက်မြားစွာ အကြွေးတင်နေကြောင်း အမြဲ ခံစားရသည်...” (သူမ စတင်ငိုကြွေးကာ စကား ဆက်မပြော နိုင်တော့ချေ။) ထို့နောက် သူမစတင်ဆုတောင်းခဲ့သည်မှာ၊ “အို ဘုရားသခင်။ ကျွန်ုပ်ကို ခွန်အားပေးဖို့နှင့် ကျွန်ုပ်ကို ယခင်ထက် သာ၍ စိတ်တို့ထိဖို့ ကျွန်ုပ် အသနားခံပါ၏၊ ထို့အပြင် ကိုယ်တော်၏ ဝိညာဉ်တော် ကျွန်ုပ်အထဲ၌ အလုပ်လုပ် စေတော်မူပါ။ ကျွန်ုပ် ကိုယ်တော်နှင့် အတူပူးပေါင်းလုပ်ဆောင်ရန် အလိုရှိပါ၏။ အဆုံးတွင် ကိုယ်တော် ဘုန်းတော် ရရှိသရွေ့၊ ကျွန်ုပ်၏ အသက်ကိုပင် စွန့်ရမည်ဆိုလျှင်ပင် ကျွန်ုပ်ကိုယ်ကျွန်ုပ် ကိုယ်တော်အား အလုံးစုံပေးရန် ကျွန်ုပ် ယခု လိုလားလျက် ရှိပါ၏။ ကိုယ်တော်၏ သန့်ရှင်းသော နာမတော်ကို ချီးမွမ်းရန်၊ ကိုယ်တော်၏ ဂုဏ်တော်ကို ထင်ရှားစေရန်၊ ကိုယ်တော့်ကို ထင်ရှားစေရန်၊ ကိုယ်တော်၏ အမှုတော် စစ်မှန်သည်ကို အခိုင်အမာ သက်သေထူဖို့နှင့် ကိုယ်တော် သယ်ဆောင်သည့် ဝန်ထုပ်အတွက် ကိုယ်တော့်ကို ဂရုပြုမှုဟူသမျှကို ပေးရန် အတွက် ကျွန်ုပ်တို့၏ ညီအစ်ကို မောင်နှမများက ဝမ်းမြောက်ခြင်းဖြင့် သီဆို ကခုန်နိုင်ဖို့ရန်အလို့ငှာ ကိုယ်တော့်အား ကြီးမြတ်သော ချီးမွမ်းမှုများကို ဆက်ကပ်ဖို့ ကျွန်ုပ်တို့ ဆန္ဒရှိပါ၏...” ဟူ၍ ဖြစ်သည်။ ဤပုံစံဖြင့် သူမ အလေးအနက် ဆုတောင်းခဲ့ပြီး သန့်ရှင်းသော ဝိညာဉ်တော်သည် သူ့အား အမှန်တကယ်ပင် ဝန်ထုပ်ဝန်ပိုးတစ်ခု ပေးခဲ့သည်။ ဤအချိန်အတောအတွင်း သူမ အလွန်အမင်း ဝန်လေးခဲ့ပြီး တစ်နေကုန် စာဖတ်ရှုခြင်း၊ ရေးသားခြင်းနှင့် နားထောင်ခြင်းဖြင့် အချိန်ကုန်လွန်ခဲ့သည်။ သူမသည် အလုပ်များနိုင်သမျှ များခဲ့ပေသည်။ သူမ၏ ဝိညာဉ်ရေးရာ အခြေအနေမှာ အလွန်ကောင်းမွန်ခဲ့ပြီး သူ၏ စိတ်နှလုံးထဲတွင် အမြဲတစေ တက်ကြွပြီး ဝန်လေးလျက်နေခဲ့သည်။ သူသည် ရံဖန်ရံခါ အားနည်းပြီး ရှေ့ဆက်မတိုးတက်နိုင်ခဲ့သော်လည်း၊ များမကြာမီ သူ၏ ပုံမှန်အခြေအနေကို သူပြန်လည်ရရှိခဲ့ပါသည်။ ဤကဲ့သို့သော အချိန်ကာလတစ်ခု ကုန်ဆုံးပြီးနောက် သူမ၏ တိုးတက်မှုမှာ လျင်မြန်ခဲ့သည်၊ သူမသည် ဘုရားသခင်၏ နှုတ်ကပတ်တော်များစွာကို နားလည်ခြင်းတစ်ချို့ ရရှိနိုင်ခဲ့ပြီး ဓမ္မတေးများကိုလည်း လျင်မြန်စွာ သင်ယူလေ့လာခဲ့သည်၊ ယေဘုယျအားဖြင့် သူမ၏ ဝိညာဉ်ရေးရာ အခြေအနေမှာ အလွန်ကောင်းမွန်ခဲ့သည်။ အသင်းတော်ထဲတွင် များစွာသော အမှုအရာတို့မှာ ဘုရားသခင်၏ အလိုတော်နှင့် မကိုက်ညီကြောင်းကို သူတွေ့မြင်ခဲ့သည့်အခါ စိတ်ပူပင်သောက ရောက်လာခဲ့ပြီး သူမ၏ ညီအစ်ကိုမောင်နှမများကို “ဤသည်မှာ သင်တို့၏ တာဝန်အပေါ် ဆက်ကပ်ခြင်းလော။ သင်တို့သည် ထိုမျှလောက် သေးငယ်သော အဖိုးအခ တစ်ခုကိုပင် အဘယ်ကြောင့် မပေးနိုင်သနည်း။ အကယ်၍ သင်တို့ မပေးလိုပါက ကျွန်ုပ် ပေးမည်...” ဟု ဆိုကာ အပြစ်တင်ခဲ့သည်။

သူမ၌ ဝန်ထုပ်ဝန်ပိုးတစ်ခု ရှိခဲ့စဉ်တွင်၊ သန့်ရှင်းသော ဝိညာဉ်တော်သည် ပို၍အမှုပြုလေသည်နှင့်အမျှ၊ သူမသည် သူမ၏ ယုံကြည်ခြင်း ပို၍ ခိုင်မာလာသည်ဟု ခံစားခဲ့ရသည်။ သူမသည် အခက်အခဲအချို့ကို တစ်ခါတစ်ရံကြုံတွေ့ရပြီး အပျက်သဘောဆောင်လာခဲ့သော်လည်း၊ ဤအရာများကို သူမ ကျော်လွှားနိုင်ခဲ့သည်။ တစ်နည်းအားဖြင့်ဆိုသော် သန့်ရှင်းသော ဝိညာဉ်တော်၏ အမှုကို သူမကြုံတွေ့ခံစားရခဲ့သည့်အချိန်တွင် သူ၏ အခြေအနေမှာ နှစ်သက်ပျော်ရွှင်ဖွယ်ကောင်းသည့် အချိန်တွင်ပင် သူမသည် အချို့သော အခက်အခဲများ သို့မဟုတ် အတော်အတန်ခွန်အားနည်းမှုကို ကြုံဆုံရခြင်းအား မရှောင်ရှားနိုင်ခဲ့ပေ။ ထိုသို့သော အရာများသည် မလွဲမရှောင်သာ ဖြစ်ပျက်သော်လည်း၊ များမကြာမီ သူမသည် ယင်းအခြေအနေများထဲမှ ထွက်လာနိုင်ခဲ့သည်။ အားနည်းခြင်းကို ကြုံတွေ့သည့် အချိန်တွင် သူမဆုတောင်းပြီး သူ၏ ဝိညာဉ်အသက်တာမှာ အမှန်တကယ် လုံလောက်မှုမရှိဟု ခံစားခဲ့ရသည်၊ သို့သော် ဘုရားသခင်နှင့်အတူ သူမ ပူးပေါင်း လုပ်ဆောင်လိုခဲ့သည်။ မည်သည့်အရာကို ဘုရားသခင် လုပ်ဆောင်ခဲ့ပါစေ၊ ဘုရားသခင်၏ အလိုတော်ကို ဖြည့်ဆည်းဖို့နှင့် ဘုရားသခင်၏ အစီအစဉ်များ အားလုံးကို နာခံဖို့ သူမ လိုလားလျက်ရှိခဲ့သည်။ သူမအပေါ် အချို့သော ထင်မြင်ချက်များနှင့် မလိုမုန်းထားမှုများ ရှိခဲ့ကြသည့် လူအချို့ရှိခဲ့သော်လည်း၊ သူမသည် မိမိကိုယ်ကိုယ် ဘေးချိတ်ပြီး အခြေအနေကို ဖန်တီးယူလျက် ၎င်းတို့နှင့်အတူ မိတ်သဟာယဖွဲ့ရာတွင် ပါဝင်နိုင်ခဲ့သည်။ ဤသည်မှာ သန့်ရှင်းသော ဝိညာဉ်တော်က သူ၏ပုံမှန်လုပ်ဆောင်ချက်ကို ဆောင်ရွက်သည့်အချိန်တွင် လူတို့အခြေအနေများသည် ဤကဲ့သို့ ဖြစ်သည်။ အချိန်ကာလတစ်ခု ပြီးသည့်နောက်၊ ဘုရားသခင်၏အမှုသည် စတင်ပြောင်းလဲခဲ့ပြီး၊ လူတို့သည် ၎င်းတို့အတွက် ဘုရားသခင်၏ မတူညီသော သတ်မှတ်ချက်များ ပါရှိသည့် အမှု၏ နောက်အဆင့်ထဲသို့ အားလုံး ဝင်ရောက်ခဲ့ကြသည်။ ထို့ကြောင့် လူတို့နှင့်ဆိုင်သည့် အသစ်သော သတ်မှတ်ချက်များ ပြုလုပ်သည့် နှုတ်ကပတ်တော်အသစ်များ ရှိခဲ့ပေသည်- “...ငါသည် သင်တို့အတွက် အမုန်းတရားသာ ရှိသည်၊ ကောင်းချီးမင်္ဂလာများ မည်သည့်အခါမျှမရှိခဲ့။ သင်တို့သည် ပုန်ကန်လွန်းကြသည့်အတွက် သင်တို့ကို ကောင်းချီးပေးရန် မည်သည့်အခါကမျှ ငါမစဉ်းစားခဲ့သကဲ့သို့ သင်တို့ကို စုံလင်စေရန်လည်း မည်သည့်အခါကမျှ ငါအကြံအစည် မရှိခဲ့ချေ။ သင်တို့သည် ကောက်ကျစ်ပြီး လိမ်လည် လှည့်ဖြားတတ်သောကြောင့်၊ ထို့အပြင် သင်တို့၌ အစွမ်းအစ မရှိသကဲ့သို့ သင်တို့၏ အဆင့်အတန်း နိမ့်ကျသောကြောင့် သင်တို့သည် ငါ၏ မျက်မှောက်အတွင်း သို့မဟုတ် ငါ၏စိတ်နှလုံးထဲတွင် မည်သည့်အခါမျှ မရှိခဲ့ဖူးပေ။ ငါ၏အမှုသည် သင်တို့ကို စီရင်ချက်ချမှတ်ရန် ရည်ရွယ်ချက် တစ်ခုတည်းဖြင့် လုပ်ဆောင်ခြင်း ဖြစ်သည်၊ ငါ၏လက်သည် မည်သည့်အခါမျှ သင်တို့နှင့် ဝေးရာ၌ မရှိခဲ့ဖူးသကဲ့သို့ ငါ၏ပြစ်တင်ဆုံးမခြင်းသည်လည်း မရှိခဲ့ဖူးပေ။ ငါသည် သင်တို့ကို ဆက်၍ တရားစီရင်ကာ ကျိန်ဆဲခဲ့လေပြီ။ သင်တို့သည် ငါ့ကို သိနားလည်ခြင်း မရှိသောကြောင့် ငါ၏အမျက်ဒေါသသည် သင်တို့အပေါ်၌ အမြဲရှိနေခြင်းဖြစ်သည်။ ငါသည် သင်တို့ အကြားတွင် အမြဲ အမှုပြုခဲ့သော်လည်း သင်တို့အပေါ် ငါ၏ သဘောထားကို သင်တို့သိသင့်သည်။ ယင်းမှာ စက်ဆုပ်ရွံရှာမှုသာလျှင် ဖြစ်သည်၊ အခြားသော သဘောထား သို့မဟုတ် ထင်မြင်ချက် မရှိပေ။ သင်တို့ကို ငါ၏ ဉာဏ်ပညာနှင့် ငါ၏ ကြီးမြတ်သော တန်ခိုးတို့အတွက် အဖြည့်ခံများအဖြစ် ပြုမူရန်သာ ငါအလိုရှိသည်။ ငါ၏ ဖြောင့်မတ်ခြင်းကို သင်တို့၏ ပုန်ကန်ဆန့်ကျင်ခြင်းမှတစ်ဆင့် ထုတ်ဖော် ပြသခြင်းကြောင့် သင်တို့သည် ငါ၏ အဖြည့်ခံများ ဖြစ်သည်ထက် ဘာမျှမပိုပေ။ ငါသည် သင်တို့ကို ငါ့အမှုအတွက် အစိတ်အပိုင်းများ အဖြစ်၊ ငါ၏ အမှုအတွက် အဖြည့်ခံများအဖြစ် ငါပြုမူစေသည်... “အစိတ်အပိုင်းများ” နှင့် “အဖြည့်ခံများ” စကာလုံးများကို သူတွေ့လျှင်တွေ့ချင်း သူစတင်ကာ စဉ်းစားခဲ့သည်မှာ- “ဤနှုတ်ကပတ်တော်များအရ ငါအဘယ်သို့ လိုက်လျှောက် ရမည်နည်း။ ဤမျှ အဖိုးအခတစ်ခုကို ပေးပြီးဖြစ်လျက်နှင့်၊ ငါသည် အဖြည့်ခံ တစ်ခုသာ ဖြစ်နေသေးသည်။ အဖြည့်ခံတစ်ခု ဆိုသည်မှာ အစေခံသူတစ်ဦးပင် မဟုတ်လော။ ငါတို့သည် အစေခံများ ဖြစ်မည် မဟုတ်၊ ဘုရားသခင်၏ လူများဖြစ်လိမ့်မည်ဟု အတိတ်တွင် ဆိုထားသော်လည်း ယနေ့တွင် ဤနေရာ၌ ငါတို့သည် အစေခံများ ကဏ္ဍတွင် ရှိကြသေးသည် မဟုတ်လော။ အစေခံသူများသည် အသက်ကင်းမဲ့ကြသည် မဟုတ်လော။ ငါသည် ဒုက္ခဆင်းရဲမည်မျှ ကြံ့ကြံ့ခံရစေကာမူ ယင်းအတွက် ဘုရားသခင်သည် ငါ့ကို ချီးကျူးလိမ့်မည် မဟုတ်။ အဖြည့်ခံတစ်ခု ငါဖြစ်ပြီးသည့်အခါ ဇာတ်သိမ်းသွားမည် မဟုတ်လော။...” ထိုအကြောင်းကို သူမ စဉ်းစားလေလေ၊ စိတ်ဓာတ်ကျလေလေ ဖြစ်ခဲ့သည်။ အသင်းတော်သို့ သူမလာပြီး သူမ၏ညီအစ်ကို မောင်နှမများ၏ အခြေအနေများကို တွေ့မြင်ခဲ့သည့်အခါ ပို၍ပင် ဆိုးဆိုးဝါးဝါး ခံစားရခဲ့သည်၊ “သင်တို့သည် အဆင်မပြေ။ ငါသည်လည်း အဆင်မပြေ။ ငါသည် အပျက်သဘော ဆောင်လေပြီ။ ဟာ။ အဘယ်သို့ ပြုရမည်နည်း။ ဘုရားသခင်သည် ငါတို့ကို အလို မရှိသေးပေ။ ဤကဲ့သို့ အမှုမျိုးကို ပြုရာ၌ သူသည် ငါတို့အား အပျက်သဘော မဆောင်စေမည်မှာ မဖြစ်နိုင်။ ငါနှင့်ပတ်သက်၍ မည်သည့်အရာ မှားယွင်းသည်ကို ငါ မသိ။ ငါသည် ဆုပင်မတောင်းချင်။ မည်သို့ပင် ဖြစ်စေ၊ ငါသည် ယခု အဆင်မပြေသကဲ့သို့ ငါ၏ အတွင်းစိတ်ဓာတ်ခွန်အားကို အမှန်တကယ် မလှုံ့ဆော်နိုင်ပေ။ ငါ အကြိမ်များစွာ ဆုတောင်းပြီးသော်လည်း ငါမတတ်နိုင်သေး သကဲ့သို့၊ ရှေ့ဆက်ရန် ငါ မလိုလားဘဲရှိနေသည်။ ဤသည်မှာ ငါမြင်သည့်ပုံ ဖြစ်သည်။ ငါတို့သည် အဖြည့်ခံများ ဖြစ်ကြသည်ဟု ဘုရားသခင်က ဆိုသည်၊ ထို့ကြောင့် အဖြည့်ခံများ ဆိုသည်မှာ အစေခံသူများဖြစ်သည် မဟုတ်လော။ ဘုရားသခင်က ငါတို့သည် အဖြည့်ခံများ ဖြစ်သည်၊ သူ၏သားများ မဟုတ်သကဲ့သို့ သူ၏ လူများလည်း မဟုတ်ဟု ဆိုသည်။ ငါတို့သည် သူ၏ သားများ မဟုတ်ကြပေ၊ သူ၏ သားဦးများ သာ၍ပင် မဟုတ်ပေ။ ငါတို့သည် မည်သည့် အရာမျှ မဟုတ်ဘဲ အဖြည့်ခံများသာ ဖြစ်ကြသည်။ ယင်းမှာ ငါတို့ ဖြစ်သည့်အရာဖြစ်ပါက၊ ငါတို့၌ ကောင်းသောရလဒ်တစ်ခု ရှိနိုင်မည်လော။ အဖြည့်ခံများ၌ အသက်မရှိကြသောကြောင့် ၎င်းတို့၌ မျှော်လင့်ချက်မရှိပေ။ အကယ်၍ ငါတို့သည် သူ၏သားများ၊ သူ၏ လူများဖြစ်ခဲ့ပါက ထိုအရာ၌ မျှော်လင့်စရာအကြောင်း ရှိမည်- ငါတို့သည် စုံလင်စေခြင်းခံရနိုင်မည် ဖြစ်သည်။ အဖြည့်ခံများသည် ဘုရားသခင်၏ အသက်ကို သယ်ဆောင်နိုင်သလော။ ဘုရားသခင်သည် သူ့အတွက် အစေခံသော သူတို့၏ အတွင်း၌ အသက်ကို ထည့်ပေးနိုင်သလော။ သူချစ်သော သူများမှာ သူ၏အသက် ရှိသောသူများ ဖြစ်ကြပြီး သူ၏အသက် ရှိသောသူများသာလျှင် သူ၏သားများ၊ သူ၏လူများ ဖြစ်ကြသည်။ ငါသည် အပျက်သဘောဆောင်ပြီး အားနည်းသော်လည်း သင်တို့ အားလုံးသည် အပျက်သဘော မဆောင်မည့်အကြောင်း ငါ မျှော်လင့်သည်။ ဤကဲ့သို့ ဆုတ်ယုတ်ခြင်းနှင့် အပျက်သဘော ဆောင်ခြင်းမှာ ဘုရားသခင်၏ အလိုတော်ကို မဖြည့်ဆည်းနိုင်ကြောင်းကို ငါ သိသော်လည်း ငါသည် အဖြည့်ခံတစ်ခုဖြစ်ရန် မလိုလားပေ။ အဖြည့်ခံတစ်ခု ဖြစ်မည်ကို ကျွန်ုပ်စိုးရိမ်သည်။ မည်သို့ပင်ဖြစ်စေ ငါ၌ အားအင် ဤမျှသာ ရှိပြီး ငါ ယခု ရှေ့ဆက် မသွားနိုင်။ သင်တို့ တစ်ယောက်မျှ ငါလုပ်ဆောင်ခဲ့သည့်အတိုင်း လုပ်ဆောင်လိမ့်မည် မဟုတ်ဘဲ ငါ့ထံမှ လှုံ့ဆော်မှု ပမာဏအချို့ကို သင်တို့ ရရှိနိုင်လိမ့်မည်ဟု ငါ မျှော်လင့်၏။ ငါ သွားသေလိုက်သင့်သည်ဟု ငါ ခံစားရသည်။ ငါ မသေမီ သင်တို့အတွက် နောက်ဆုံး နှုတ်ကပတ်တော်အချို့ကို သင်တို့နှင့်အတူ ငါ ချန်ထားခဲ့မည်- သင်တို့သည် အဆုံးတိုင်အောင် အဖြည့်ခံများအဖြစ် ပြုမူနိုင်ကြမည်ဟု ငါ မျှော်လင့်သည်၊ နောက်ဆုံးတွင် ဘုရားသခင်သည် အဖြည့်ခံများကို ချီးကျူးကောင်း ချီးကျူးနိုင်၏...” ညီအစ်ကို မောင်နှမများ ဤအရာကို မြင်သည့်အခါ၊ “သူ အဘယ်ကြောင့် အလွန် အပျက်သဘောဆောင်ရသနည်း။ ယခင် ရက် အနည်းငယ်က သူ လုံးဝအကောင်း မဟုတ်ခဲ့သလော။ သူအဘယ်ကြောင့် ရုတ်တရက် အားလုံးဝကုန်သွားသနည်း။ သူအဘယ်ကြောင့် ပုံမှန်မဟုတ်သနည်း” ဟူ၍ ၎င်းတို့ စဉ်စားခဲ့ကြသည်။ သူမက ဤသို့ပြောသည်၊ “ငါ့ကို ပုံမှန် မဟုတ်ဟု မဆိုကြနှင့်။ အမှန်မှာ ငါ၏ စိတ်နှလုံးထဲတွင် အရာခပ်သိမ်းမှာ ရှင်းလင်းလျက်ရှိသည်။ ငါသည် ဘုရားသခင်၏ အလိုတော်ကို မဖြည့်ဆည်းရသေးခဲ့ကြောင်းကို ငါသိသည်၊ သို့သော် ၎င်းမှာ ငါသည် သူ၏အဖြည့်ခံအဖြစ် ဆောင်ရွက်ရန် အလို မရှိသည့်အတွက်ကြောင့် ဖြစ်သည် မဟုတ်လော။ ဆိုးဝါးသည့် မည်သည့်အရာကိုမျှ ငါ မပြုရသေးပေ။ ဘုရားသခင်သည် တစ်နေ့တွင် ‘အဖြည့်ခံများ’ ဟူသော နာမည်ဂုဏ်ပုဒ်အား ‘အဖန်ဆင်းခံများ’အဖြစ် ပြောင်းလိမ့်မည်ဖြစ်ပြီး၊ ထိုမျှသာမက အရေးပါသော နည်းလမ်းများဖြင့် သူ၏ အသုံးပြုခြင်းကို ခံရသော သူ၏ ဖန်ဆင်းခံများအဖြစ် ပြောင်းလဲပေလိမ့်မည်။ ဤအရာ၌ မျှော်လင့်ချက် အချို့ မရှိသလော။ သင်တို့သည် အပျက်သဘော မဆောင်မည့်အကြောင်း သို့မဟုတ် စိတ်ဓာတ်မကျမည့် အကြောင်းနှင့် ဘုရားသခင်နောက်သို့ ဆက်၍လိုက်နိုင်ကာ အဖြည့်ခံများအဖြစ် အကောင်းဆုံး အသုံးတော်ခံနိုင်လိမ့်မည်ဟု ငါမျှော်လင့်သည်။ မည်သို့ပင်ဖြစ်စေ၊ ငါသည် ရှေ့ဆက်၍ မရနိုင်ပေ။ ငါ၏အပြုအမူများအား သင်တို့ကို မထိန်းချုပ် စေနှင့်။” အခြားလူတို့က ယင်းကို ကြားခဲ့ပြီး ၎င်းတို့က၊ “ဘုရားသခင်သည် ကျွန်ုပ်တို့ကို ဘယ်သောအခါမျှ မမျှမတ မဆက်ဆံသည့်အတွက် သူ့နောက်လိုက်ခြင်းကို သင် ရပ်လိုက်လျှင်ပင် ကျွန်ုပ်တို့ ဆက်လိုက်ကြပါမည်။ သင် အပျက်သဘောဆောင်ခြင်းကြောင့် ငါတို့ထိန်းချုပ်ခံရလိမ့်မည် မဟုတ်” ဟု ဆိုခဲ့ကြသည်။

ဤအတွေ့အကြုံကို အချိန်ကာလ တစ်ခုအထိ ဖြတ်သန်းပြီးနောက်တွင်၊ သူမသည် အဖြည့်ခံတစ်ခု ဖြစ်ခြင်းနှင့်ပတ်သက်၍ အပျက်သဘောဆောင်နေဆဲ ဖြစ်သောကြောင့် သူ့ကို၊ “ငါ၏အမှုအကြောင်း သင်နားလည်ခြင်း မရှိ။ ငါ့ နှုတ်ကပတ်တော်များ၏ အတွင်းပိုင်းသမ္မာတရား၊ အနှစ်သာရ သို့မဟုတ် ရည်ရွယ်ထားသော အကျိုးရလဒ်များ အကြောင်း သင်နားလည်ခြင်း မရှိ။ ငါ့အမှု၏ ရည်မှန်းချက် ပန်းတိုင်များအကြောင်း သင် မသိသကဲ့သို့ ယင်း၏ ဉာဏ်ပညာ အကြောင်းကိုလည်း သင်မသိ။ ငါ၏အလိုတော်ကို သင် သဘောပေါက် နားလည်ခြင်း မရှိ။ အဖြည့်ခံတစ်ခ ုဖြစ်သည့်အတွက်ကြောင့် နောက်ပြန်ဆုတ်ရန်သာ သင်သိသည်၊ သင်သည် အဆင့်အတန်းဖြင့် အလွန်များလှစွာ အချိန်ကုန်လွန် စေ၏။ သင် မိုက်မဲလေစွတကား။ အတိတ်က သင့်ကို ငါ အလွန်မြောက်မြားစွာ ပြောခဲ့ပြီးဖြစ်၏။ သင့်ကို စုံလင်စေမည်ဟု ငါပြောပြီးဖြစ်သည်။ သင်မေ့သွားပြီလော။ အဖြည့်ခံများ အကြောင်းကို မပြောမီ စုံလင်စေခြင်း အကြောင်းကို ငါပြောခဲ့သည် မဟုတ်လော” ဟု ငါပြောခဲ့သည်။ “ခဏစောင့်ပါ၊ ကျွန်ုပ်စဉ်းစားဦးမည်။ ဟုတ်ပါသည်။ အဖြည့်ခံများအကြောင်းကို မပြောမီ ထိုအကြောင်းကို သင်အမှန်တကယ် ပြောခဲ့ပါသည်” “စုံလင်စေခြင်းအကြောင်းကို ငါပြောခဲ့သည့်အခါ လူတို့သည် သိမ်းပိုက်ခြင်းကို ခံရပြီးသည့်နောက်မှသာ စုံလင်စေခြင်း ခံရလိမ့်မည်ဟု ငါမပြောခဲ့သလော။” “ပြောခဲ့သည်။” “ငါ၏နှုတ်ကပတ်တော်များမှာ စစ်မှန်မှု မရှိခဲ့သလော။ သဘောရိုးဖြင့် ၎င်းတို့ကို ပြောခဲ့သည် မဟုတ်လော။” “ဟုတ်ပါသည်။ ကိုယ်တော်သည် မရိုးဖြောင့်သောအရာ တစ်စုံတစ်ခုကို မည်သည့်အခါကမျှ မပြောခဲ့သော ဘုရားသခင်တစ်ပါးဖြစ်ပါသည်- ဤအရာကို မည်သူမျှ မငြင်းဝံ့ပါ။ သို့သော်လည်း အလွန်များလှသော နည်းလမ်း အမျိုးမျိုးဖြင့် ကိုယ်တော် ပြောပါသည်။” “ငါ၏ စကားပြောသည့် ပုံစံများသည် အမှု၏ အဆင့်များအလိုက် ပြောင်းလဲသည် မဟုတ်လော။ ငါပြောသည့်အရာများသည် သင်၏လိုအပ်ချက်များအပေါ် အခြေခံ၍ လုပ်ဆောင်ကာ ပြောဆိုခဲ့သည် မဟုတ်သလော။” “ကိုယ်တော်သည် လူတို့၏ လိုအပ်ချက်များနှင့်အညီ အမှုပြုပြီး ၎င်းတို့ လိုအပ်သော အရာတို့ကို ကိုယ်တော် ထောက်ပံ့ပေးပါသည်။ ဤအချက်မှာ မမှားပါ။” “ထိုသို့ဆိုလျှင်သင့်အား ငါပြောခဲ့သည့်အရာများမှာ သင့်အတွက် အကျိုးမရှိခဲ့သလော။ ငါ၏ပြစ်တင်ဆုံးမမှုများသည် သင့်အကျိုးအတွက် ဆောင်ရွက်ခဲ့သည် မဟုတ်သလော။” “၎င်းမှာ ကျွန်ုပ်၏အကျိုးအတွက်ဟု အဘယ်ကြောင့် ကိုယ်တော် ပြောနိုင်ရသေးသနည်း။ ကိုယ်တော်သည် အကျွန်ုပ်ကို သေလုမျောပါးဖြစ်သည်အထိ ပြစ်တင်ဆုံးမခဲ့၏- ကျွန်ုပ် နောက်ထပ် အသက်မရှင်လိုတော့ပေ။ ယနေ့ ကိုယ်တော် ဤအရာကို ပြောပြီး မနက်ဖြန် ထိုအရာကို ပြော၏။ ကျွန်ုပ်ကို စုံလင်အောင် ကိုယ်တော်ပြုခြင်းမှာ ကျွန်ုပ်၏အကျိုးအတွက် ဖြစ်ကြောင်း ကျွန်ုပ်သိသော်လည်း ကိုယ်တော်သည် ကျွန်ုပ်ကို စုံလင်အောင်မပြုလေပြီ၊ ကိုယ်တော်သည် ကျွန်ုပ်ကို အဖြည့်ခံတစ်ခုဖြစ်စေပြီး ကျွန်ုပ်ကို ပြစ်တင်ဆုံးမသေးသည်။ ကျွန်ုပ်ကို ကိုယ်တော် မုန်းသည် မဟုတ်လော။ မည်သူမျှ ကိုယ်တော်၏ နှုတ်ကပတ်တော်များကို မယုံကြည်ဝံ့ကြသကဲ့သို့ ကိုယ်တော်၏ ပြစ်တင်ဆုံးမခြင်းသည် ကိုယ်တော်၏ စိတ်နှလုံးထဲမှ အမုန်းတရားကို ဖြေရှင်းရန်အတွက်သာ ဖြစ်ပြီး ကျွန်ုပ်ကို ကယ်တင်ဖို့ မဟုတ်သည်ကို ကျွန်ုပ် ယခုမှ ရှင်းရှင်းလင်းလင်း မြင်ခဲ့ရပါပြီ။ ကျွန်ုပ်ကို ကယ်တင်ရန် မဟုတ်။ ယခင်က သမ္မာတရားကို ကျွန်ုပ်ထံမှ ကိုယ်တော် ဖုံးကွယ်ခဲ့သည်၊ ကိုယ်တော်သည် ကျွန်ုပ်ကို စုံလင်စေမည် ဟုလည်းကောင်း ပြစ်တင်ဆုံးမခြင်းမှာ ကျွန်ုပ်အား စုံလင်စေရန် ဖြစ်သည်ဟုလည်းကောင်း ကိုယ်တော်ဆိုခဲ့သည်။ ထို့ကြောင့် ကိုယ်တော်၏ ပြစ်တင်ဆုံးမခြင်းကို ကျွန်ုပ် အမြဲတစေ နာခံခဲ့သည်၊ ယနေ့ ကျွန်ုပ်သည် အဖြည့်ခံတစ်ဦး၏ နာမည် ဂုဏ်ပုဒ်ကို ရခဲ့လိမ့်မည်ဟု ကျွန်ုပ် မည်သည့်အခါကမျှ စိတ်ကူးခဲ့ခြင်း မရှိပါ။ ဘုရားသခင်၊ အကယ်၍ ကိုယ်တော်သည် ကျွန်ုပ်ကို အခြားအရာ တစ်ခုခုကဲ့သို့ ပြုမူစေခဲ့မည်ဆိုလျှင် ပို၍ မကောင်းသလော။ အဖြည့်ခံ ဦးထုပ်ကို ကိုယ်တော်သည် ကျွန်ုပ်အား ဆောင်းစေရမည်လော။ နိုင်ငံတော်ထဲတွင် တံခါးစောင့်ဖြစ်ခြင်းကိုပင် ကျွန်ုပ် လက်ခံပါမည်။ ကျွန်ုပ် ဟိုဟိုသည်သည် ပြေးလွှားပြီး မိမိကိုယ်ကိုယ် အသုံးတော်ခံနေပြီး ဖြစ်သော်လည်း၊ နောက်ဆုံးတွင် ကျွန်ုပ်သည် လက်ချည်းဗလာ ဖြစ်၏- ကျွန်ုပ်သည် လုံးဝ ခြူးတစ်ပြားမျှမရှိပါ။ သို့တိုင် ကျွန်ုပ်ကို ကိုယ်တော်၏ အဖြည့်ခံဖြစ်စေမည်ဟု ယခုပင် ကိုယ်တော် ကျွန်ုပ်ကို ပြောသည်။ အကျွန်ုပ်၏ မျက်နှာကိုပင် ကျွန်ုပ် မည်ကဲ့သို့ ပြနိုင်မည်နည်း။” “မည်သည့် အရာကို သင် ပြောနေခဲ့ပါသနည်း။ အတိတ်တွင် တရားစီရင်ခြင်းအမှု မြောက်မြားစွာကို ငါပြုခဲ့ပြီးဖြစ်ကာ သင်နားမလည်သလော။ သင်သည် မိမိကိုယ်ကိုယ် စစ်မှန်သော သိနားလည်မှု မရှိသလော။ “အဖြည့်ခံ” ဟူသော နာမည်ဂုဏ်ပုဒ်သည်လည်း နှုတ်ကပတ်တော်များ၏ တရားစီရင်ခြင်း မဟုတ်သလော။” အဖြည့်ခံများနှင့် ပတ်သက်၍ ငါ ပြောသမျှသည် နည်းလမ်းတစ်ခု၊ သင့်ကို တရားစီရင်သည့် နည်းလမ်း တစ်ခုလည်း ဖြစ်သည်ဟု သင် ထင်သလော။ ထိုသို့ဆိုသော် သင် မည်ကဲ့သို့ ငါ့နောက်လိုက်မည်နည်း။”. “ကိုယ်တော့်နောက် အဘယ်သို့ လိုက်ရမည်ကို ကျွန်ုပ် မစီစဉ်ရသေးပါ။ ပထမဦးစွာ ကျွန်ုပ် သိရှိရပါမည်- ကျွန်ုပ်သည် အဖြည့်ခံ တစ်ခု ဟုတ်သလော၊ မဟုတ်သလော။ အဖြည့်ခံများသည်လည်း စုံလင်စေခြင်း ခံရနိုင်သလော။ ‘အဖြည့်ခံ’ ဟူသော နာမည်ဂုဏ်ပုဒ်ကို ပြောင်းလဲနိုင်သလော။ အဖြည့်ခံတစ်ခု ဖြစ်ခြင်းမှတစ်ဆင့် ထူးကဲသော သက်သေခံချက်ကို ကျွန်ုပ် သက်သေခံနိုင်ပြီးနောက် စုံလင်စေခြင်းခံရပြီးသောသူ၊ ဘုရားသခင်ကို ချစ်ခြင်း နှင့်ဆိုင်သည့်စံပြတစ်ဦးနှင့် ဘုရားသခင်၏ လူယုံတော်တစ်ဦး ဖြစ်နိုင်သလော။ အကျွန်ုပ်အား စုံလင်ခြင်းခံရနိုင်သလော။ အကျွန်ုပ်အား အမှန်ပြောပြပါ။” “အမှုအရာများသည် အမြဲ ဖြစ်ပေါ်နေကာ၊ အမြဲပြောင်းလဲနေကြောင်းကို သင်မသိသလော။ အဖြည့်ခံတစ်ခုအနေဖြင့် သင်၏ ကဏ္ဍတွင် လောလောဆယ် သင်နာခံရန် လိုလားနေသရွေ့ သင်သည် ပြောင်းလဲနိုင်လိမ့်မည်။ သင်အဖြည့်ခံတစ်ခုဖြစ်သည်၊ မဖြစ်သည်မှာ သင်၏ ကံတရားနှင့် မသက်ဆိုင်ပေ။ အဓိကကျသည့် အချက်မှာ သင်သည် မိမိ၏ အသက်တာ စိတ်သဘောထား၌ ပြောင်းလဲမှုတစ်ခု ရှိသော သူတစ်ဦး ဖြစ်နိုင်၊ မဖြစ်နိုင်ဟူသော အချက်ဖြစ်သည်။” “ကိုယ်တော်သည် ကျွန်ုပ်ကို စုံလင်စေနိုင်ခြင်း ရှိမရှိဆိုသည်ကို ကျွန်ုပ်အား ပြောနိုင်ပါသလော။” “အဆုံးတိုင်အောင် သင်နောက်လိုက်၍ နာခံသရွေ့ သင့်ကို စုံလင်အောင် ငါပြုနိုင်သည်ဟု ငါအာမခံသည်။” “ပြီးလျှင်မည်သည့် ဒုက္ခ ဆင်းရဲမျိုးကို ကျွန်ုပ် တွေ့ကြုံရလိမ့်မည်နည်း။” “ဘေးဒုက္ခ အပြင် နှုတ်ကပတ်တော်များ၏ တရားစီရင်ခြင်းနှင့် ပြစ်တင်ဆုံးမခြင်း၊ အထူးသဖြင့် နှုတ်ကပတ်တော်များ၏ ပြစ်တင်ဆုံးမခြင်းကို ခံရမည်ဖြစ်သည်၊ ယင်းသည် အဖြည့်ခံတစ်ဦး ဖြစ်ခြင်းနှင့်ဆိုင်သော ပြစ်တင်ဆုံးမခြင်းနှင့် တူညီပေသည်။” “အဖြည့်ခံတစ်ဦးခံရသည့် တူညီသော ပြစ်တင်ဆုံးမခြင်းလော။ ကောင်းပေ၏၊ အကယ်၍ ဘေးဒုက္ခကို ကြုံခြင်းအားဖြင့် ကျွန်ုပ်ကို စုံလင်အောင် ကိုယ်တော် ပြုပေးနိုင်ပါက၊ အကယ်၍ မျှော်လင့်ချက် ရှိပါက ကောင်းပါပြီ။ မျှော်လင့်ချက် အနည်းငယ်မျှပင် ဖြစ်ပါကလည်း အဖြည့်ခံတစ်ဦး ဖြစ်ခြင်းထက် ပို၍ ကောင်းပါသည်။ ‘အဖြည့်ခံ’ ဟူသော နာမည်ဂုဏ်ပုဒ်မှာ အလွန်ဆိုးရွားသည်ဟု ထင်ရသည်။ အဖြည့်ခံဖြစ်ရန် ကျွန်ုပ် မလိုလားပါ” “အဖြည့်ခံနှင့်ပတ်သက်၍ မည်သည့် အရာက အလွန်ဆိုးရွားသနည်း။ အဖြည့်ခံများသည် ကိုယ်တိုင်ကိုက လုံးဝ ကောင်းကြသည် မဟုတ်လော။ အဖြည့်ခံများသည် ကောင်းချီးမင်္ဂလာများကို ခံစားရန် မထိုက်တန်ကြသလော။ အကယ်၍ အဖြည့်ခံများသည် ကောင်းချီးမင်္ဂလာများကို ခံစားနိုင်သည်ဟု ငါဆိုပါက သင်သည် ကောင်းချီးမင်္ဂလာများကို ခံစားနိုင်လိမ့်မည် ဖြစ်သည်။ ငါ၏အမှုကြောင့် လူတို့၏ နာမည်ဂုဏ်ပုဒ်များ ပြောင်းလဲသည်မှာ မှန်သည် မဟုတ်လော။ သို့တိုင် နာမည်ဂုဏ်ပုဒ် တစ်ခုမျှသာသည် သင့်အား ဤမျှလောက် စိတ်အနှောင့်အယှက် ဖြစ်စေသလော။ ဤကဲ့သို့သော အဖြည့်ခံမျိုးဖြစ်ခြင်းမှာ အလွန် ဖြစ်ထိုက်သည်။ လိုက်လျှောက်ရန် သင်လိုလားသလော၊ မလိုလားသလော။” “ကောင်းပေ၏၊ ကိုယ်တော်သည် ကျွန်ုပ်ကို စုံလင်စေနိုင်သလော၊ မစုံလင်စေနိုင်သလော။ ကိုယ်တော်၏ ကောင်းချီးမင်္ဂလာများကို ခံစားခွင့် ကျွန်ုပ်အား ကိုယ်တော် ပေးနိုင်သလော။” “သင် အဆုံးတိုင်အောင်လိုက်ရန် လိုလားသလော၊ မလိုလားသလော။ သင့်ကိုယ်သင် ဆက်ကပ်ရန် သင် လိုလားသလော။” “ကျွန်ုပ် သေချာ စဉ်းစားပါရစေ။ အဖြည့်ခံတစ်ဦးသည်လည်း ကိုယ်တော်၏ ကောင်းချီးမင်္ဂလာများကို ခံစားနိုင်ပြီး စုံလင်ခြင်း ခံရနိုင်သည်။ စုံလင်ခြင်းရပြီးနောက် ကျွန်ုပ်သည် ကိုယ်တော်၏ လူယုံတော်ဖြစ်ကာ ကိုယ်တော်၏ အလိုတော်ကို အလုံးစုံ နားလည်မည် ဖြစ်သည်သာမက ကိုယ်တော် ပိုင်ဆိုင်သည့် အရာကို ကျွန်ုပ် ပိုင်ဆိုင်မည် ဖြစ်သည်။ ကိုယ်တော် မွေ့လျော်သည့်အရာကို ကျွန်ုပ် မွေ့လျော်နိုင်ကာ ကိုယ်တော် သိသောအရာကို ကျွန်ုပ်သိနိုင်လိမ့်မည် ဖြစ်သည်။... ဘေးဒုက္ခကိုကြုံကာ စုံလင်စေခြင်းခံရပြီးနောက် ကောင်းချီး မင်္ဂလာများကို ကျွန်ုပ် ခံစားနိုင်လိမ့်မည်။ ဤသို့ဆိုသော် မည်သည့် ကောင်းချီးမင်္ဂလာများကို ကျွန်ုပ် အမှန်တကယ် ခံစားနိုင်လိမ့်မည်နည်း။” “မည်သည့် ကောင်းချီးမင်္ဂလာများကို သင်ခံစားရမည့်အကြောင်းကို မစိုးရိမ်နှင့်။ ငါသင့်ကို ပြောပြလျှင်လည်း ဤအရာများသည် သင်၏ စိတ်ကူးကို ကျော်လွန်ပေသည်။ ကောင်းသော အဖြည့်ခံတစ်ခု ဖြစ်ပြီးသည့်နောက်တွင် သင်သည် သိမ်းပိုက်ခြင်းကို ခံရလိမ့်မည် ဖြစ်ပြီး သင်သည် အောင်မြင်သော အဖြည့်ခံတစ်ခု ဖြစ်လိမ့်မည်။ ဤသည်မှာ သိမ်းပိုက်ခြင်းကို ခံရသောသူတစ်ဦး၏ စံပြနှင့် နမူနာတစ်ခု ဖြစ်သော်လည်း သိမ်းပိုက်ခြင်းကို ခံရပြီးနောက်တွင်သာ သင်သည် စံပြနှင့် နမူနာ အမှန် ဖြစ်နိုင်သည်။” “စံပြနှင့် နမူနာတစ်ခု ဆိုသည်မှာ အဘယ်နည်း။” “၎င်းသည် သိမ်းပိုက်ခြင်း မခံရသေးသောသူများဖြစ်သည့် တစ်ပါးအမျိုးသားများ အားလုံးအတွက် စံပြနှင့် နမူနာတစ်ခုဖြစ်သည်။” “ယင်းသည် လူ မည်မျှပါဝင်နည်း။” “အလွန် များလှစွာသော လူများ ဖြစ်သည်။ သင်တို့ထဲမှ လူလေးထောင် သို့မဟုတ် ငါးထောင်သာ မဟုတ်၊ တစ်လောကလုံးအနှံ့က ဤနာမကို လက်ခံသောသူများ အားလုံး သိမ်းပိုက်ခြင်း ခံရကြမည် ဖြစ်သည်။” “သို့ဆိုလျှင် ယင်းသည် မြို့ငါးမြို့ သို့မဟုတ် ဆယ်မြို့မျှသာ မဟုတ်။” “ဤအရာအတွက်ယခု ပူပန်ခြင်း မရှိနှင့်၊ ပြီးလျှင် အလွန်အမင်း စိုးရိမ်ခြင်း မရှိနှင့်။ သင်ယခု မည်ကဲ့သို့ ဝင်ရောက်သင့်သည် ကိုသာ အာရုံစိုက်လော့။ သင်စုံလင်စေခြင်း ခံရနိုင်သည်ဟု ငါအာမခံ၏။” “မည်သည့် အတိုင်းအတာအထိနည်း။ ပြီးလျှင် ကျွန်ုပ် မည်သည့် ကောင်းချီးမင်္ဂလာများကို ခံစားနိုင်သနည်း။” “သင်အဘယ်ကြောင့် အလွန်ပူပန်နေသနည်း။ သင်စုံလင်စေခြင်း ခံရနိုင်ကြောင်း ငါအာမခံပြီးဖြစ်သည်၊ ငါသည် ယုံကြည်အားကိုး ရကြောင်းကို သင်မေ့လျော့ပြီလော။” “ကိုယ်တော်သည် ယုံကြည်အားကိုးရသည်မှာ မှန်ပါသည်၊ သို့သော်လည်း ကိုယ်တော် စကားပြောသည့် နည်းလမ်း အချို့တို့မှာ အမြဲ ပြောင်းလဲနေပါသည်။ ကျွန်ုပ် စုံလင်စေခြင်းခံရနိုင်ကြောင်း ကိုယ်တော် အာမခံသည်ဟု ယနေ့ ဆိုသော်လည်း နံနက်ဖြန်တွင် ၎င်းမှာ မသေချာကြောင်း ကိုယ်တော် ဆိုကောင်းဆိုနိုင်သည်။ ထို့အပြင် အချို့သော လူတို့အား‘ သင်ကဲ့သို့ လူတစ်ဦးသည် စုံလင်ခြင်း မခံရနိုင်ကြောင်း ငါအာမခံသည်’ ဟု ကိုယ်တော်ဆိုသည်။ ကိုယ်တော်၏ နှုတ်ကပတ်တော်များမှာ အဘယ်သို့ ဖြစ်နေသည်ကို ကျွန်ုပ် မသိပါ။ ကျွန်ုပ် ယင်းကို အကယ်ပင် မယုံကြည်ဝံ့ပါ။” “သို့ဆိုသော် သင့်ကိုယ်သင် ဆက်ကပ်နိုင်သလော၊ မဆက်ကပ်နိုင်သလော။” “မည်သည်ကို ဆက်ကပ်ရမည်နည်း။” “သင်၏ အနာဂတ်၊ သင်၏ မျှော်လင့်ချက်များကို ဆက်ကပ်လော့။” “ထိုအရာများကို လက်လွှတ်ဖို့ လွယ်ပါသည်။ အဓိကအရာမှာ ‘အဖြည့်ခံ’ ဟူသော နာမည်ဂုဏ်ပုဒ် ဖြစ်သည်၊ ထိုအရာကို ကျွန်ုပ် တကယ် မလိုချင်ပါ။ အကယ်၍ ကျွန်ုပ်ထံမှ ‘အဖြည့်ခံ’ ဟူသော နာမည်ဂုဏ်ပုဒ်ကို ကိုယ်တော် ဖယ်ရှားပေးပါက၊ ကျွန်ုပ် မည်သည့်အရာကိုမဆို လိုလိုလားလား လက်ခံပါမည်၊ မည်သည့် အရာကိုမဆို လုပ်နိုင်ပါလိမ့်မည်။ ၎င်းတို့မှာ မပြောပြလောက်သော ကိစ္စများသာ ဖြစ်သည် မဟုတ်လော။ ထိုရွေးချယ်သတ်မှတ်ခြင်းကို ကိုယ်တော် ဖယ်ထုတ် နိုင်ပါမည်လော။” “ထိုအရာမှာ အလွန်လွယ်ကူနေမည် မဟုတ်လော။ အကယ်၍ ငါသည် ထိုနာမည်ဂုဏ်ပုဒ်ကို သင့်အား ပေးနိုင်ပါက ၎င်းကို ငါ ဧကန်မုချ ဖယ်ထုတ်နိုင်ပေသည်။ သို့သော် ယခု အချိန် မကျသေး၊ ဤအမှု၏ အဆင့်နှင့်ဆိုင်သော သင်၏အတွေ့အကြုံကို ဦးစွာပထမ သင်ပြည့်စုံစေရမည်၊ ထို့နောက်မှသာ နာမည်ဂုဏ်ပုဒ် အသစ်တစ်ခုကို သင်ရနိုင်ပေသည်။ လူတစ်ဦးသည် သင်ကဲ့သို့ ဖြစ်လေလေ၊ ၎င်းသည် အဖြည့်ခံတစ်ခုဖြစ်ရန် လိုအပ်လေလေ ဖြစ်သည်။ သင်သည် အဖြည့်ခံတစ်ခု ဖြစ်ရမည်ကို ကြောက်လန့်လေလေ၊ သင့်ကို ယင်းကဲ့သို့ ငါအမည်တပ်လေလေ ဖြစ်သည်။ သင်ကဲ့သို့သော လူတစ်ဦးသည် တင်းကျပ်စွာ ဆုံးမပဲ့ပြင်ပြီး ရိုက်နှက်ဆုံးမခံရမည် ဖြစ်သည်။ လူတစ်ဦးသည် ပုန်ကန်လေလေ ၎င်းသည် အစေခံတစ်ဦး ဖြစ်လေလေ ဖြစ်ပြီး အဆုံးတွင် ၎င်းတို့သည် မည်သည်ကိုမျှ ရလိမ့်မည် မဟုတ်ပေ။” “ထိုသို့ လုံ့လရှိစွာ ကျွန်ုပ် ကြိုးစားနေသည်ကို ထောက်ဆလျှင်၊ အကျွန်ုပ်သည် ‘အဖြည့်ခံ’ ဟူသော အမည်ကို အဘယ်ကြောင့် မဖယ်ရှားနိုင်ရပါသနည်း။ ကျွန်ုပ်တို့သည် ဤနှစ်ပေါင်းများစွာ တစ်လျှောက်လုံး ကိုယ်တော့် နောက်သို့ လိုက်ခဲ့ပြီး ဒုက္ခခံစားခဲ့ရသည်တို့မှာ အနည်းငယ်သော ပမာဏ မဟုတ်ပါ။ ကျွန်ုပ်တို့သည် ကိုယ်တော်အတွက် အမှုအရာများစွာ လုပ်ဆောင်ခဲ့ပါသည်၊ ကျွန်ုပ်တို့သည် လေနှင့် မိုးကို ဖြတ်၍ သွားကြပြီးဖြစ်သည်။ ကျွန်ုပ်တို့၏ ပျိုရွယ်မှု ကုန်ဆုံးချိန် နီးလာနေပြီ။ ကျွန်ုပ်တို့သည် အိမ်ထောင်ပြုခြင်း မရှိသကဲ့သို့ မိသားစု အစပြုခြင်း မရှိသေးဘဲ ကျွန်ုပ်တို့ထဲမှ ထိုကဲ့သို့ ပြုခဲ့ကြသူများမှာလည်း ဆက်လက်၍ ထွက်လာကြဆဲ ဖြစ်သည်။ ကျွန်ုပ်သည် အထက်တန်းကျောင်းကို တစ်လျှောက်လုံး ကျောင်းတက်နေခဲ့ပါသည်၊ သို့သော် ကိုယ်တော် ကြွလာ ခဲ့သည်ကို ကျွန်ုပ် ကြားလျှင်ကြားချင်း တက္ကသိုလ်သွားမည့် ကျွန်ုပ်၏ အခွင့်အရေးကို ကျွန်ုပ် စွန့်လွှတ်ခဲ့ပါသည်။ ပြီးလျှင် ကျွန်ုပ်တို့သည် အဖြည့်ခံများ ဖြစ်ကြသည်ဟု ကိုယ်တော် ဆိုပါသည်၊ ကျွန်ုပ်တို့သည် များစွာ ဆုံးရှုံးခဲ့ကြပြီး ဖြစ်သည်။ ဤအရာများ အားလုံးကို ကျွန်ုပ်တို့ လုပ်ဆောင်သော်လည်း ယခု လက်စသတ်တော့ ကျွန်ုပ်တို့မှာ ကိုယ်တော်၏အဖြည့်ခံများသာ ဖြစ်ပေသည်။ ဤအရာက ကျွန်ုပ်၏ အတန်းဖော်ဟောင်းများနှင့် ကျွန်ုပ်နှင့် သက်တူရွယ်သူများကို ကျွန်ုပ်အား မည်ကဲ့သို့ ထင်စေမည်နည်း။ ၎င်းတို့ ကျွန်ုပ်ကို မြင်တွေ့ပြီး ကျွန်ုပ်၏ နေရာနှင့် ရာထူးအဆင့်အတန်းအကြောင်း မေးသည့်အခါ ၎င်းတို့အား ပြောပြရမည်ကို ကျွန်ုပ်မရှက်ဘဲ အဘယ်သို့ နေနိုင်မည်နည်း။ ပထမတွင် ကိုယ်တော့်အပေါ် ကျွန်ုပ်၏ ယုံကြည်ချက်ကြောင့် မည်သည့် အဖိုးအခကိုမဆို ကျွန်ုပ်ပေးခဲ့ပြီး အခြားသူအားလုံးတို့က ကျွန်ုပ်အား မိုက်မဲသူတစ်ဦးအဖြစ် လှောင်ပြောင်ခဲ့ကြသည်။ သို့သော်လည်း ကျွန်ုပ် နောက်လိုက် မြဲလိုက်ခဲ့ပြီး မယုံကြည်ခဲ့သော သူအားလုံးကို ပြသမည့် အချိန်ဖြစ်သည့် ကျွန်ုပ်၏နေ့ရက် ရောက်လာမည့်အချိန်ကို တောင့်တခဲ့ပါသည်။ သို့သော်လည်း ယင်းအစား၊ ကျွန်ုပ်သည် အဖြည့်ခံတစ်ခုဖြစ်ကြောင်း ယနေ့ ကိုယ်တော် ဆိုလေပြီ။ အကယ်၍ ကိုယ်တော်သည် ကျွန်ုပ်အား နာမည်ဂုဏ်ပုဒ်များ အနက် အနိမ့်ဆုံး ကို ပေးခဲ့ပါက၊ အကယ်၍ ကိုယ်တော်သည် ကျွန်ုပ်အား နိုင်ငံတော်သားများထဲမှ တစ်ဦး ဖြစ်ခွင့်ပေးခဲ့ပါက၊ အဆင်ပြေပါလိမ့်မည်။ အကယ်၍ ကျွန်ုပ်သည် ကိုယ်တော်၏ တပည့်တော် သို့မဟုတ် ကိုယ်တော်၏ လူယုံတော် မဖြစ်နိုင်ခဲ့လျှင်လည်း ကိုယ်တော်၏ နောက်လိုက်ဖြစ်ခြင်းမျှဖြင့် အဆင်ပြေပါလိမ့်မည်။ ကျွန်ုပ်တို့သည် ဤနှစ်ပေါင်းများစွာ တစ်လျှောက်လုံး ကိုယ်တော့်နောက်သို့ လိုက်ကြပြီးဖြစ်သည်၊ ကျွန်ုပ်တို့၏ မိသားစုများကို စွန့်လွှတ်ခဲ့ပြီး ယခုထိတိုင်အောင် တစ်လျှောက်လုံး ဆက်လက် ကြိုးပမ်းရန် အလွန်ခက်ခဲခဲ့ကာ ကျွန်ုပ်တို့တွင် ပြစရာက ‘အဖြည့်ခံ’ ဟူသော နာမည် ဂုဏ်ပုဒ်သာ ရှိသည်။ ကိုယ်တော့်အတွက် ကျွန်ုပ် အရာခပ်သိမ်းကို စွန့်လွှတ်ပြီး ဖြစ်သည်။ လောက၏ ကြွယ်ဝချမ်းသာမှု အားလုံးကို ကျွန်ုပ် စွန့်လွှတ်ပြီး ဖြစ်သည်။ ယခင်က တစ်စုံတစ်ဦးသည် ကျွန်ုပ်အား အလားလာရှိသော အိမ်ထောင်ဖက်တစ်ဦးကို မိတ်ဆက်ပေးခဲ့ပါသည်။ သူသည် အမှန်တကယ် ရုပ်ရည်ချောမောပြီး ကောင်းမွန်စွာ ဝတ်စားသူ ဖြစ်ပါသည်၊ သူသည် ရာထူးမြင့်သော အစိုးရအရာရှိ တစ်ဦး၏သားဖြစ်သည်။ ထိုအချိန်က ကျွန်ုပ်သည် သူ့အား စိတ်ဝင်စားခဲ့ပါသည်။ သို့သော်လည်း ဘုရားသခင်သည် ပေါ်ထွန်းခဲ့ပြီးဖြစ်ကာ သူ၏အမှုကို လုပ်ဆောင်နေသည်ကို လည်းကောင်း၊ ကိုယ်တော်သည် ကျွန်ုပ်တို့အား နိုင်ငံတော်ထဲသို့ ဦးဆောင်ခေါ်သွားပြီး စုံလင်စေမည်ကို လည်းကောင်း၊ ပြီးလျှင်အရာခပ်သိမ်းကို ထားခဲ့ရာ၌ အချိန်မဖြုန်းဖို့ စိတ်ပိုင်းဖြတ်ချက်ရှိရန် ကိုယ်တော်သည် ကျွန်ုပ်တို့အား တောင်းဆိုသည်ကိုလည်းကောင်း ကျွန်ုပ်ကြားလျှင်ကြားချင်း၊ ယင်းကို ကြားရသည်နှင့် တပြိုင်နက်၊ ကျွန်ုပ်၌ စိတ်ပိုင်းဖြတ်ချက် လုံးဝကင်းမဲ့နေသည်ကို ကျွန်ုပ်မြင်ခဲ့ပါသည်။ ထိုအခါ ကျွန်ုပ် ကိုယ့်ကိုယ်ကိုယ် စိတ်တင်းကာ ထိုအခွင့်အရေးကို ငြင်းပယ်ခဲ့ပါသည်။ ထို့နောက်တွင် သူသည် ကျွန်ုပ်၏ မိသားစုထံ လက်ဆောင်များကို အကြိမ်အနည်းငယ် ပို့ခဲ့သော်လည်း ထိုအရာများကို ကျွန်ုပ် ကြည့်ပင် မကြည့်ခဲ့ပေ။ ထိုအချိန်တွင် ကျွန်ုပ် ဝမ်းနည်းခဲ့သည်ဟု ကိုယ်တော် ထင်ပါသလား။ ယင်းမှာ အလွန်ကောင်းမွန်သောအရာ ဖြစ်ခဲ့ပြီး မည်သည့်အရာမျှ ဖြစ်မလာခဲ့ပါ။ ကျွန်ုပ် စိတ်မကောင်းမဖြစ်ဘဲ အဘယ်သို့ နေနိုင်ခဲ့မည်နည်း။ ယင်းအတွက် ကျွန်ုပ် ညမအိပ်နိုင်လောက်သည့်အထိ ရက်အချို့ စိတ်မကောင်း ဖြစ်ခဲ့သော်လည်း အဆုံးတွင် ကျွန်ုပ် ၎င်းကို လက်လွှတ် ခဲ့ပါသေးသည်။ ကျွန်ုပ်ဆုတောင်းသည့် အကြိမ်တိုင်းတွင်‘ ငါ့အတွက် အရာခပ်သိမ်းကို သင်စွန့်လွှတ်ရန် လိုလားသလော။ ငါ့အတွက် သင့်ကိုယ်သင် အသုံးပြုရန် လိုလားသလော’ ဟုပြောခဲ့သည့် သန့်ရှင်းသော ဝိညာဉ်တော်သည် ကျွန်ုပ်အား တို့ထိခဲ့ပါသည်။ ကိုယ်တော်၏ ထိုနှုတ်ကပတ်တော်များကို ကျွန်ုပ် စဉ်းစားသည့်အခါတိုင်း ကျွန်ုပ် ငိုကြွေးခဲ့ပါသည်။ ကျွန်ုပ် စိတ်တို့ထိခဲ့ပြီး ဝမ်းနည်းငိုကြွေးခဲ့သည့် အကြိမ်များမှာ ကျွန်ုပ်သိသည်ထက် ပို၍ များခဲ့ပါသည်။ တစ်နှစ်ကြာပြီးနောက် ထိုလူ အိမ်ထောင်ပြု သွားကြောင်းကို ကျွန်ုပ် ကြားခဲ့ရပါသည်။ ကျွန်ုပ် စိတ်မချမ်းမမြေ့ ဖြစ်ခဲ့သည်ကို ပြောရန်ပင် မလိုတော့ပါ၊ သို့သော်လည်း ကိုယ်တော့်အတွက် ထိုအရာကို ကျွန်ုပ် လက်လွှတ်ခဲ့ပါသေးသည်။ ကျွန်ုပ်၏ အစားအစာများနှင့် အဝတ်အစားတို့မှာ မကောင်းကြောင်းကိုပင် မဆိုနှင့်၊ ကျွန်ုပ်သည် ထိုအိမ်ထောင်ရေးကို စွန့်လွှတ်ခဲ့သည်၊ ဤအရာ အားလုံးကို ကျွန်ုပ်စွန့်လွှတ်ခဲ့ပါသည်၊ ထို့ကြောင့် ကျွန်ုပ်အား အဖြည်ခံတစ်ခုအဖြစ် ကိုယ်တော် မပြုမူစေသင့်ပါ။ ကိုယ့်ကိုယ်ကိုယ် ကိုယ်တော့်ထံသို့ ကျွန်ုပ်ဆက်ကပ်ရန်အတွက် ကျွန်ုပ်၏ ဘဝထဲတွင် အရေးကြီးဆုံးသော အဖြစ်အပျက် ဖြစ်သည့် ကျွန်ုပ်၏ အိမ်ထောင်ရေးကို ကျွန်ုပ် စွန့်လွှတ်ခဲ့ပါသည်။ လူတစ်ဦး၏ ဘဝတစ်ခုလုံးသည် အိမ်ထောင်ဖက်ကောင်း တစ်ဦးကို ရှာဖွေခြင်းနှင့် ပျော်ရွှင်သော မိသားစုတစ်စုကို ရရှိခြင်းထက် မပိုပါ။ အရာအားလုံးထဲမှ အကောင်းဆုံးဖြစ်သည့် ဤအရာကို ကျွန်ုပ်လက်လွှတ်ခဲ့ပြီး ယခု ကျွန်ုပ်တွင် ဘာမျှမရှိသကဲ့သို့ ကျွန်ုပ်တစ်ကိုယ်တည်းသာ ဖြစ်ပါသည်။ ကိုယ်တော်သည် ကျွန်ုပ်အား မည်သည့် နေရာသို့ သွားစေလိမ့်မည်နည်း။ ကိုယ်တော့်နောက်သို့ စတင်ကာ လိုက်ခဲ့သည့် အချိန်မှစ၍ ကျွန်ုပ် ဒုက္ခဆင်းရဲခံရသည်။ ကျွန်ုပ်၌ ကောင်းမွန်သောဘဝတစ်ခု မရှိခဲ့ဖူးပါ။ ကျွန်ုပ်သည် ကျွန်ုပ်၏ မိသားစုနှင့် ကျွန်ုပ်၏အလုပ်အကိုင်ကိုသာမက ဇာတိပကတိ၏ သာယာမှုအားလုံးကို လက်လွှတ်ခဲ့ပြီး ကျွန်ုပ်တို့ အားလုံး လုပ်ဆောင်ခဲ့သော ဤစွန့်လွှတ်မှုသည် ကိုယ်တော်၏ ကောင်းချီး မင်္ဂလာများကို ခံစားရရန်အတွက် မလုံလောက်သေးသလော။ သို့ဖြစ်၍ယခု ဤ ‘အဖြည့်ခံ’ အရာ ဖြစ်သည်။ ဘုရားသခင်၊ ကိုယ်တော် လွန်လွန်းပါသည်။ ကျွန်ုပ်တို့ကို ကြည့်ပါ၊ ဤလောကကြီးထဲတွင် ကျွန်ုပ်တို့ မှီခိုရန် တစ်စုံတစ်ခုမျှ မရှိပါ။ ကျွန်ုပ်တို့ထဲမှ အချို့တို့သည် ကျွန်ုပ်တို့၏ သားသမီးများကို စွန့်လွှတ်ခဲ့ကြသည်၊ အချို့တို့သည် ကျွန်ုပ်တို့၏အလုပ်၊ ကျွန်ုပ်တို့၏ ဇနီးခင်ပွန်းသည်များ^က နှင့် အစရှိသည်တို့ကို စွန့်လွှတ်ခဲ့ကြသည်၊ ကျွန်ုပ်တို့သည် ဇာတိပကတိနှင့်ဆိုင်သော ပျော်ရွှင်မှုအားလုံးကို စွန့်လွှတ်ခဲ့ကြပါသည်။ ကျွန်ုပ်တို့အတွက် နောက်ထပ် မျှော်လင့်စရာ မည်သည့်အရာ ရှိသနည်း။ လောကကြီးထဲတွင် ကျွန်ုပ်တို့ မည်သို့လျှင် ဆက်လက်၍ အသက်ရှင်နိုင်မည်နည်း။ ကျွန်ုပ်တို့ပေးခဲ့သော ဤစွန့်လွှတ်မှုများသည် တစ်ပြားမျှပင် မတန်သလော။ ကိုယ်တော် ထိုအရာကို လုံးဝ မမြင်နိုင်သလော။ ကျွန်ုပ်တို့၏ အဆင့်အတန်းသည် နိမ့်ကျပြီး ကျွန်ုပ်တို့၏ အစွမ်းအစ ကင်းမဲ့ပါသည်၊ ယင်းကို ကျွန်ုပ်တို့ လက်ခံပါသည်၊ သို့သော်လည်း ကိုယ်တော် ကျွန်ုပ်တို့အား ပြုစေလိုသည့် အရာတို့ကို ကျွန်ုပ်တို့ မည်သည့်အခါက ဂရုမစိုက်ခဲ့ပါသနည်း။ ယခု ကိုယ်တော်သည် ကျွန်ုပ်တို့အား အကြင်နာမဲ့စွာ စွန့်ပယ်နေပြီး ‘အဖြည့်ခံ’ ဂုဏ်ပုဒ်ဖြင့် ‘ပြန်ဆပ်ပေး’ နေသလော။ ယင်းမှာ ကျွန်ုပ်တို့၏ အနစ်နာခံမှုက ကျွန်ုပ်တို့ထံ ယူဆောင်ခဲ့သမျှလော။ နောက်ဆုံးတွင် ဘုရားသခင်ကို ယုံကြည်ခြင်းဖြင့် ကျွန်ုပ် မည်သည့်အရာတို့ကို ရရှိခဲ့ကြောင်းကို လူအများက မေးကြလျှင် ‘အဖြည့်ခံ’ ဟူသော စကားလုံး ကို ၎င်းတို့အား အမှန်တကယ် မြင်ခွင့် ကျွန်ုပ်ပေးနိုင်မည်လော။ ကျွန်ုပ်သည် အဖြည့်ခံ တစ်ခု ဖြစ်ကြောင်း ပြောရန် ကျွန်ုပ်၏ နှုတ်ကို မည်သို့ ဖွင့်နိုင်မည်နည်း။ ကျွန်ုပ်၏ မိဘများအား ကျွန်ုပ် မရှင်းပြနိုင်သကဲ့သို့ ကျွန်ုပ်၏ ယခင်က အလားလာရှိသော အိမ်ထောင်ဖက်ကို မရှင်းပြနိုင်ပါ။ ကျွန်ုပ်သည် အင်မတန်ကြီးသော အဖိုးအခတစ်ခုကို ပေးခဲ့ပြီး ကျွန်ုပ်ပြန်ရသည့် အရာမှာ အဖြည့်ခံတစ်ခု ဖြစ်နေသည်။ အား။ ကျွန်ုပ် အင်မတန် ဝမ်းနည်းမိသည်။” (သူမ၏ ပေါင်များကို ထုကာ စတင်ငိုကြွေးတော့သည်။) “အကယ်၍ ငါသည် သင့်အား အဖြည့်ခံတစ်ခုဟူသော နာမည်ဂုဏ်ပုဒ်ကို မပေးဘဲ ငါ၏ လူများထဲမှ တစ်ဦးဖြစ်စေကာ ဧဝံဂလိသတင်းကို သွား၍ ဖြန့်ဖို့ သင့်အား ညွှန်ကြားပါက၊ အကယ်၍ သင် အလုပ်လုပ်ဖို့အတွက် သင့်အားငါ အဆင့်အတန်းတစ်ခုကို ပေးခဲ့မည်ဆိုပါက ၎င်းကို သင်လုပ်ဆောင်နိုင်မည်လော။ ဤအမှု၏ အဆင့် တစ်ဆင့်ပြီး တစ်ဆင့်မှ မည်သည့်အရာကို သင်အမှန်တကယ် ရရှိပြီနည်း။ သို့သော်လည်း ဤနေရာတွင် သင်သည် သင်၏ အဖြစ်အပျက်ကို အသေးစိတ်ပြန်ပြောလျက် ရှိ၏၊ သင်၌ အရှက်တရား မရှိပါတကား။ သင်သည် အဖိုးအခတစ်ခုကို ပေးခဲ့သော်လည်း တစ်စုံတစ်ရာကိုမျှ မရရှိခဲ့ကြောင်း သင်ဆိုသည်။ လူတစ်ဦးကို ရရန်အတွက် ငါ၏ သတ်မှတ်ချက်များမှာ အဘယ်အရာများ ဖြစ်သည်ကို ငါသင့်အား ပြောရန် ပျက်ကွက်မိခဲ့ခြင်း ဖြစ်နိုင်သလော။ ငါ၏အမှုသည် မည်သူ့အတွက် ဖြစ်သနည်း။ သင် သိသလော။ သင်သည် ဤနေရာတွင် နာကြည်းချက်ဟောင်းများကို ပြန်ဖော်နေသည်။ လူသားတစ်ဦး အဖြစ်ပင် သင် အရေးပါသေးသလော။ သင် ကြုံတွေ့‌ခဲ့သည့် ဒုက္ခဆင်းရဲ တစ်စုံတစ်ရာသည် သင်၏ ကိုယ်ပိုင် ဆန္ဒအလျောက် လက်ခံခဲ့သည် မဟုတ်လော။ ပြီးလျှင် သင်၏ ဒုက္ခဆင်းရဲသည် ကောင်းချီးမင်္ဂလာများကို ရရန်အတွက် လက်ခံခဲ့ခြင်း မဟုတ်သလော။ ငါ၏သတ်မှတ်ချက်များနှင့် သင်ပြည့်မီပြီလော။ သင်အလိုရှိသမျှမှာ ကောင်းချီးမင်္ဂလာများ ရရန်ဖြစ်သည်။ သင်၌ အရှက်တရား မရှိပါတကား။ ငါ၏ သတ်မှတ်ချက်များသည် မည်သည့်အခါက သင့်အတွက် မဖြစ်မနေ လုပ်ရမည့် အရာများ ဖြစ်ခဲ့သနည်း။ အကယ်၍ သင်သည် ငါ့နောက်သို့ လိုက်လိုပါက အရာအားလုံးတွင် ငါ့ကို သင်နာခံရမည်။ သတ်မှတ်ချက်များကို ညှိနှိုင်းဖို့ မကြိုးစားနှင့်။ အကယ်စင်စစ်၊ ဤလမ်းကြောင်းသည် ဒုက္ခဆင်းရဲခံခြင်း လမ်းကြောင်းတစ်ခု ဖြစ်ကြောင်းကို ကြိုတင်၍ သင့်အား ငါပြောကိုပြောခဲ့သည်။ ယင်းသည် အနည်းငယ်သော မင်္ဂလာရှိပြီး စိတ်ပျက်ဖွယ်ရာ အလားအလာများနှင့် အတိပြီးသော လမ်းကြောင်း ဖြစ်သည်။ သင်မေ့လျော့ သွားပြီလော။ ဤအရာကို ငါအကြိမ်များစွာ ပြောပြီးလေပြီ။ အကယ်၍ သင်ဒုက္ခဆင်းရဲ ခံရန် လိုလားပါက ငါ့နောက်သို့ လိုက်လော့။ အကယ်၍ သင်ဒုက္ခဆင်းရဲ ခံရန် မလိုလားပါက ရပ်လော့။ ငါသည် သင့်ကို အတင်းအကျပ် မပြု၊ သင်လွတ်လပ်စွာ သွားနိုင် လာနိုင်သည်။ သို့သော်လည်း ဤသည်မှာ ငါ၏အမှုကို လုပ်ဆောင်သည့် ပုံစံဖြစ်ပြီး သင်၏ တစ်ဦးချင်း ပုန်ကန်လိုမှုကြောင့် ငါ၏အမှုတစ်ခုလုံးကို ငါမနှောင့်နှေးစေနိုင်။ သင်သည် နာခံရန် မလိုလားဘဲ ရှိကောင်း ရှိနိုင်သော်လည်း နာခံလိုသည့် အခြားသူများ ရှိ၏။ သင်တို့ အားလုံးသည် ထင်ရာစိုင်းသော သူများ ဖြစ်ကြသည်တကား။ မည်သည့် အရာကိုမျှ မကြောက်။ သင်သည် သတ်မှတ်ချက်များကို ငါနှင့် ညှိနှိုင်းနေသည်- သင်ဆက်၍ အသက်ရှင်လိုသလော၊ မရှင်လိုသလော။ သင်သည် သင့်အတွက်သင် အစီအစဉ်ဆွဲပြီး သင်၏ ကိုယ်ပိုင် ကျော်ကြားမှုနှင့် အကျိုးအတွက် အလုအယက်ကြိုးပမ်းသည်။ ငါ၏အမှု အားလုံးသည် သင်တို့အတွက် မဟုတ်သလော။ သင်မျက်စိကန်းနေသလော။ ငါ လူ့ဇာတိမခံမီတွင် သင်သည် ငါ့ကို မတွေ့မြင်နိုင်ခဲ့၊ ထို့ကြောင့် သင် ပြောဆိုခဲ့သည့် ဤစကားများမှာ ထိုအခါက ခွင့်လွှတ်နိုင်သော စကားများ ဖြစ်သော်လည်း၊ ယခု ငါသည် လူ့ဇာတိခံယူထားပြီး သင်တို့၏အကြားတွင် ငါအမှုပြုနေသည်၊ သို့တိုင် သင် မမြင်နိုင်သေးသလော။ သင် မည်သည့်အရာကို နားမလည် သနည်း။ ဆုံးရှုံးမှုကို သင်ခံစားခဲ့ရကြောင်း သင်ဆိုသည်၊ ထို့ကြောင့် ငါသည် ထင်ရာစိုင်းနေသော လူများဖြစ်ကြသည့် သင်တို့ကို ကယ်တင်ရန် လူ့ဇာတိကို ခံယူခဲ့ကာ အမှုများစွာကို ပြုခဲ့ပြီး၊ ယခုပင်လျှင် သင်သည် ညည်းတွားနေသေးသည်၊ ငါဆုံးရှုံးမှု ခံစားခဲ့ရသည်ဟု သင်ဆိုလိမ့်မည် မဟုတ်လော။ ငါပြုခဲ့သောအရာဟူသမျှမှာ သင်တို့အတွက် မဟုတ်သလော။ ဤနာမည်ဂုဏ်ပုဒ်ကို ငါသည် လူတို့၏ လက်ရှိ ဝိညာဉ် အသက်တာအပေါ် အခြေခံကာ ၎င်းတို့အဖို့ အသုံးပြုခဲ့ခြင်း ဖြစ်သည်။ အကယ်၍ ငါသည် သင့်အား ‘အဖြည့်ခံ’ တစ်ခုဟု ခေါ်လျှင် အဖြည့်ခံတစ်ခုသည် သင်ချက်ချင်း ဖြစ်သွားသည့်အရာ ဖြစ်သည်။ ထိုနည်းတူ၊ အကယ်၍ ငါသည် သင့်အား ‘ဘုရားသခင်၏ လူများထဲမှ တစ်ဦး’ ဟု ခေါ်လျှင် ယင်းသည် သင် ချက်ချင်း ဖြစ်သွားသည့်အရာ ဖြစ်သည်။ ငါခေါ်သည့် အတိုင်း သင် ဖြစ်သည်။ ဤအရာအားလုံးသည် ငါ၏ နှုတ်ခမ်းများမှ အနည်းသော နှုတ်ကပတ်တော်များဖြင့် ရရှိသည် မဟုတ်လော။ ငါ၏ ဤနှုတ်ကပတ်တော် အနည်းငယ်မျှသည် သင့်အတွက် အလွန်ဒေါသထွက်စရာအကြောင်း ဖြစ်သလော။ ထိုသို့ဆိုသော် ကောင်းပြီ၊ ငါ့အား ခွင့်လွှတ်ပါလေ။ အကယ်၍ သင်ယခု နာခံခြင်းမရှိပါက အဆုံးတွင် ကျိန်ဆဲခြင်းကို သင်ခံရလိမ့်မည်၊ ထိုအခါ သင်ပျော်ရွှင်လိမ့်မည်လော။ အသက်လမ်းကို သင် အာရုံမစိုက်ဘဲ သင်၏အဆင့်အတန်းနှင့် နာမည်ဂုဏ်ပုဒ် အပေါ်သာ သင်အာရုံစိုက်သည်၊ သင်၏ အသက်တာမှာ မည်သည့်အရာနှင့် တူသနည်း။ ကြီးသော အဖိုးအခတစ်ခု သင်ပေးခဲ့ရသည်ကို ငါမငြင်းပေ၊ သို့သော်လည်း သင်၏ဝိညာဉ်အသက်တာနှင့် လက်တွေ့လုပ်ဆောင်မှုကို တစ်ချက် ကြည့်လော့။ ယခုပင်လျှင် သင်သည် သတ်မှတ်ချက်များကို ညှိနှိုင်းဖို့ ကြိုးစားနေသေးသည်။ ဤသည်မှာ သင်၏စိတ်ဆုံးဖြတ်ချက်မှတဆင့် သင်ရရှိပြီး ဖြစ်သော ဝိညာဉ်အသက်တာလော။ သင်၌ ဂုဏ်သိက္ခာ တစ်ခုတစ်လေ ရှိသေးသလော။ သင်၌ အသိစိတ် ရှိသလော။ အမှားတစ်စုံတစ်ခုကို ပြုခဲ့သူမှာ ငါလော။ သင့်အပေါ် ငါ၏သတ်မှတ်ချက်များမှာ မှားယွင်းခဲ့သလော။ ကောင်းပြီ၊ မည်သည့် အရာနည်း။ ငါသည် သင့်ကို ရက်အနည်းငယ် အဖြည့်ခံအဖြစ် ပြုမူစေမည် ဖြစ်သော်လည်း၊ သင်သည် ထိုသို့လုပ်ဆောင်ရန် လိုလားခြင်းမရှိပေ။ ၎င်းမှာ မည်ကဲ့သို့သော စိတ်ဆုံးဖြတ်ချက်မျိုးနည်း။ သင်တို့အားလုံးသည် စိတ်ပျော့ညံ့ကာ၊ သူရဲဘောကြောင်သောသူများ ဖြစ်လေတကား။ ယခု သင်ကဲ့သို့ လူများကို အပြစ်ဒဏ်ပေးခြင်းမှာ လုပ်ရိုးလုပ်စဉ် တစ်ခုပင် ဖြစ်သည်။” ဤအရာကို ငါပြောလိုက်သည်နှင့် စကားတစ်လုံးမှ သူမ မပြောခဲ့ပေ။

ဤကဲ့သို့ အမှုမျိုးကို ယခုကြုံတွေ့ရာတွင် သင်တို့၌ ဘုရားသခင့်အမှု၏အဆင့်များနှင့် လူတို့အား ပြောင်းလဲစေသည့် သူ၏ နည်းလမ်းများအပေါ် နားလည်သဘောပေါက်မှု တစ်စုံတစ်ခု ရှိရမည်။ ဤအရာ ရှိခြင်းသည် ပြောင်းလဲခြင်းတွင် ရလဒ်များရရှိရန် တစ်ခုတည်းသောနည်း ဖြစ်သည်။ သင်တို့ ရှာဖွေရာတွင်၊ တစ်ဦးချင်းစီ၌ များစွာသော အယူအဆများ၊ မျှော်လင့်ချက်များနှင့် အနာဂတ်များ ရှိကြသည်။ လက်ရှိအမှုမှာ ရာထူးအဆင့်အတန်းအပေါ် သင်တို့၏ တပ်မက်မှုနှင့် သင်တို့၏ လွန်ကဲသော အလိုဆန္ဒများကို ကိုင်တွယ်ဖြေရှင်းရန်အတွက် ဖြစ်သည်။ မျှော်လင့်ချက်များ၊ အဆင့်အတန်းနှင့် အယူအဆများ အားလုံးသည် စာတန်ဆန်သော စိတ်သဘောထား၏ ဂန္တဝင် ကိုယ်စားပြုချက်များ ဖြစ်သည်။ လူတို့၏ စိတ်နှလုံးများထဲတွင် ဤအရာများ တည်ရှိနေရသည့် အကြောင်းရင်းမှာ စာတန်၏ အဆိပ်အတောက်သည် လူတို့၏ အတွေးအခေါ်များအား အမြဲတစေ ပျက်စီးယိုယွင်းစေနေခြင်းကြောင့်ဖြစ်ပြီး လူတို့သည် စာတန်၏ ဤစုံစမ်းနှောင့်ယှက်မှုများကို အမြဲတစေ မဖယ်ရှား နိုင်ခြင်းကြောင့် ဖြစ်သည်။ ၎င်းတို့သည် အပြစ်တရားကြားတွင် အသက်ရှင်နေကြသော်လည်း၊ ၎င်းအား အပြစ်ဟု မယုံကြည်ကြ သကဲ့သို့၊ ၎င်းတို့သည်၊ “ငါတို့သည် ဘုရားသခင်ကို ယုံကြည်သောကြောင့် သူသည် ငါတို့အပေါ် ကောင်းချီး မင်္ဂလာများကိုပေးပြီး ငါတို့အတွက် အရာခပ်သိမ်းကို သင့်တော်သလို စီစဉ်ပေးရမည်။ ငါတို့သည် ဘုရားသခင်ကို ယုံကြည်သောကြောင့် ငါတို့သည် အခြားသူများထက် သာလွန်ကာ ငါတို့၌ အခြားသူများထက် သာလွန်သော အဆင့်အတန်းနှင့် အနာဂတ်တစ်ခု ရှိရမည်။ ငါတို့သည် ဘုရားသခင်ကို ယုံကြည်သည့်အတွက် သူသည် ငါတို့အား အကန့်အသတ်မရှိသော ကောင်းချီးမင်္ဂလာများကို ပေးကို ပေးရမည်။ သို့မဟုတ်ပါက ၎င်းကို ဘုရားသခင်အား ယုံကြည်ခြင်းဟု ခေါ်လိမ့်မည် မဟုတ်” ဟူ၍ ယုံကြည် ကြသေးသည်။ လူတို့သည် ၎င်းတို့ အသက်ရှင်ရန်အတွက် အမှီပြုခဲ့သော အတွေးအခေါ်များသည် ၎င်းတို့ သစ္စာဖောက်သော သူများ၊ သူရဲဘောကြောင်သောသူများ နှင့် စက်ဆုပ်ဖွယ် ကောင်းသောသူများ ဖြစ်လာသည်အထိ ၎င်းတို့၏ စိတ်နှလုံးများကို နှစ်ပေါင်းများစွာ ပျက်စီးယိုယွင်းစေခဲ့သည်။ ၎င်းတို့၌ စိတ်ဓာတ်ခွန်အားနှင့် စိတ်ဆုံးဖြတ်ချက် ကင်းမဲ့ကြသည်သာမက ၎င်းတို့သည် လောဘကြီးလာကြပြီး၊ မောက်မာလာကြကာ၊ တစ်ဇွတ်ထိုး လုပ်လာကြလေသည်။ ၎င်းတို့၌ အတ္တကို ကျော်လွန်သော စိတ်ဆုံးဖြတ်ချက် တစ်ခုတစ်လေ လုံးဝကင်းမဲ့နေပြီး ထိုမျှမက ၎င်းတို့၌ ဤမှောင်မိုက် လွှမ်းမိုးမှုများ၏ ချုပ်ချယ်မှုများကို ဖယ်ရှားရန် သတ္တိ အနည်းငယ်ပင် မရှိကြချေ။ လူတို့၏ အတွေးအခေါ်များ နှင့် အသက်တာများသည် ပုပ်သိုးလွန်းသည်မှာ ဘုရားသခင် အပေါ် ယုံကြည်ခြင်းနှင့် သက်ဆိုင်သော ၎င်းတို့၏ ရှုထောင့်အမြင်များမှာ သည်းမခံနိုင်အောင် အကျည်းတန် နေသေးသည်သာမက ဘုရားသခင်အပေါ် ယုံကြည်ခြင်း အကြောင်း ၎င်းတို့၏ ရှုထောင့်အမြင်များကို လူတို့ ပြောကြသည့်အခါ ၎င်းမှာ တကယ်ပင် နားမခံနိုင်စရာ ဖြစ်သည်။ လူအားလုံးသည် သူရဲဘောကြောင်ကြသည်၊ အစွမ်းအစမရှိ၊ စက်ဆုပ်ရွံရှာဖွယ် ဖြစ်ကြသည်သာမက ခိုင်ခံ့ခြင်းလည်း မရှိကြပေ။ ၎င်းတို့သည် အမှောင်စွမ်းအားများကို ရွံရှာခြင်း မရှိကြသကဲ့သို့ အလင်းနှင့် သမ္မာတရားကို ချစ်ခြင်း မရှိကြ၊ ထိုသို့ဖြစ်ရမည့်အစား ၎င်းတို့ကို ထုတ်ပစ်ရန်အတွက် အစွမ်းကုန် လုပ်ဆောင်ကြသည်။ သင်တို့၏ လက်ရှိအတွေးအခေါ်များနှင့် ရှုထောင့်အမြင်များမှာ “ငါသည် ဘုရားသခင်ကို ယုံကြည်သည့် အတွက် ငါ့အား ကောင်းချီးမင်္ဂလာများကိုသာ သွန်းလောင်း ပေးသင့်ပြီး ငါ၏ အဆင့်အတန်းသည် မည်သည့်အခါမျှ ကျဆင်းခြင်း မရှိမည့်အကြောင်းနှင့် ၎င်းသည် မယုံကြည်သူများ၏ အဆင့်အတန်းထက် ပို၍ မြင့်မားသည်မှာ သေချာစေသင့်သည်။” ဟူ၍ ဤကဲ့သို့ပင် ဖြစ်သည် မဟုတ်လော။ သင်တို့သည် ထိုကဲ့သို့ ရှုထောင့်အမြင်မျိုးကို တစ်နှစ် သို့မဟုတ် နှစ်နှစ်သာမဟုတ်ဘဲ နှစ်ပေါင်းများစွာ သင်တို့အထဲ၌ သိုထားကြလေပြီ။ သင်တို့၏ အလဲအလှယ် သဘောတွေးခေါ်ပုံသည် အလွန်အကျွံ တိုးတက်လျက်ရှိသည်။ သင်တို့သည် ယနေ့ ဤအဆင့်သို့ ရောက်ခဲ့ကြသော်လည်း၊ တစ်နေ့ သင်၏ အဆင့်အတန်း ဆုံးရှုံးသွားကာ သင်၏နာမည် ပျက်စီးသွားမည်ကို ကြီးမားစွာပူပင်၍၊ သင်တို့သည် အဆင့်အတန်းကို လက်မလွှတ်သေးဘဲ၊ ၎င်းကို နေ့စဉ် စုံစမ်းမေးမြန်းရန်နှင့် လေ့လာရန် အမြဲတစေ ရုန်းကန်သည်။ လူတို့သည် ၎င်းတို့၏ သက်သောင့်သက်သာ ရှိလိုသောဆန္ဒကို မည်သည့်အခါမျှ ဘေးဖယ်ထားခဲ့ခြင်း မရှိကြပေ။ ထို့ကြောင့် ယနေ့ သင်တို့ကို ထိုသို့ ငါ တရားစီရင်သည်နှင့်အမျှ၊ အဆုံးတွင် သင်တို့ မည်သည့် အတိုင်းအတာအထိ နားလည်မှု ရှိလိမ့်မည်နည်း။ သင်တို့၏ အဆင့်အတန်း မမြင့်သော်လည်း ဘုရားသခင်၏ မြှင့်တင်ခြင်းကို ခံစားခဲ့ရသည်ဟု သင်တို့ဆိုကြလိမ့်မည်။ သင်တို့သည် နိမ့်ကျစွာ မွေးဖွား လာခဲ့သောကြောင့် သင်တို့၌ အဆင့်အတန်း မရှိပေ၊ သို့သော် ဘုရားသခင်သည် သင့်ကို မြှင့်တင်သော‌ကြောင့် သင် အဆင့်အတန်း ရရှိပေသည်- ယင်းမှာ ဘုရားသခင် သင်တို့အား ပေးသနားသောအရာဖြစ်သည်။ ယနေ့ သင်တို့သည် ဘုရားသခင်၏ လေ့ကျင့်သင်ကြားပေးခြင်း၊ သူ၏ ပြစ်တင်ဆုံးမခြင်းနှင့် သူ၏ တရားစီရင်ခြင်းကို ကိုယ်တိုင်ကိုယ်ကျ လက်ခံရရှိနိုင်သည်။ ဤသည်မှာ သူ၏ မြှင့်တင်ပေးခြင်း သာ၍ပင်ဖြစ်သည်။ သင်တို့သည် သူ၏ သန့်စင်ပေးခြင်းနှင့် လောင်မြိုက်စေခြင်းကို ကိုယ်တိုင်ကိုယ်ကျ လက်ခံရရှိနိုင်သည်။ ဤသည်မှာ ဘုရားသခင်၏ ကြီးမားသော ချစ်ခြင်းမေတ္တာ ဖြစ်သည်။ ခေတ်ကာလများတစ်လျှောက်တွင် သူ၏ သန့်စင်ပေးခြင်းနှင့် လောင်မြိုက်စေခြင်းကို လက်ခံ ရရှိခဲ့သောသူ တစ်ဦးတစ်ယောက်မျှ မရှိခဲ့သကဲ့သို့၊ သူ၏ နှုတ်ကပတ်တော်များအားဖြင့် စုံလင်ခြင်းခံရသည့် လူတစ်ဦးမျှ မရှိခဲ့ပေ။ ဘုရားသခင်သည် ယခု သင်တို့အား မျက်နှာချင်းဆိုင် စကားပြောနေသည်၊ သင်တို့အား သန့်စင်ပေးနေသည်၊ သင်တို့၏ ဆန့်ကျင်ပုန်ကန်လိုသော အတွင်းသဘောကို ထုတ်ဖော်ပြသ နေပေသည်- ဤသည်မှာ သူ၏ မြှင့်တင်ပေးခြင်း အစစ်အမှန်ပင် ဖြစ်သည်။ လူတို့သည် မည်သည့် အရည်အချင်းများ ရှိကြသနည်း။ ၎င်းတို့သည် ဒါဝိဒ်၏မျိုးဆက် သို့မဟုတ် မောဘ၏ သားစဉ်မြေးဆက်များ ဖြစ်ပါစေ အကျဉ်းချုပ်အားဖြင့်၊ လူများသည် ဝါကြွားစရာ အကြောင်းမရှိသော ဖန်ဆင်းခံများ ဖြစ်ကြသည်။ သင်တို့သည် ဘုရားသခင်၏ ဖန်ဆင်းခံများ ဖြစ်ကြသည့်အတွက် သင်တို့သည် ဖန်ဆင်းခံတစ်ဦး၏ တာဝန်ကို ထမ်းရွက်ရမည်။ သင်တို့အပေါ် အခြားသော သတ်မှတ်ချက်များ မရှိပေ။ သင်တို့သည်- “အို ဘုရားသခင်။ ကျွန်ုပ်၌ အဆင့်အတန်း ရှိသည်ဖြစ်စေ မရှိသည်ဖြစ်စေ၊ ကျွန်ုပ် ကိုယ့်ကိုယ်ကိုယ် ယခု သဘောပေါက်ပါပြီ။ အကယ်၍ ကျွန်ုပ်၏ အဆင့်အတန်း မြင့်ပါက ၎င်းမှာ ကိုယ်တော်၏ ချီးမြှောက်ခြင်းကြောင့်ဖြစ်ပြီး၊ အဆင့်အတန်း နိမ့်ပါက ကိုယ်တော်၏ စီမံပေးခြင်းကြောင့် ဖြစ်ပါ၏။ အရာခပ်သိမ်းသည် ကိုယ်တော်၏ လက်တော်ထဲ၌ ရှိပါ၏။ ကျွန်ုပ်၌ ရွေးချယ်စရာ မရှိသကဲ့သို့ ညည်းတွားစရာအကြောင်း တစ်စုံတစ်ရာ မရှိပါ။ ကျွန်ုပ်သည် ဤနိုင်ငံနှင့် ဤလူမျိုးအကြားတွင် မွေးဖွားလာမည့် အကြောင်းနှင့် အရာခပ်သိမ်းသည် ကိုယ်တော်၏စီမံမှုအတွင်း ရှိခြင်းကြောင့် ကျွန်ုပ် လုပ်ဆောင်သင့်သမျှမှာ ကိုယ်တော်၏ အုပ်စိုးမှုအောက်တွင် အကြွင်းမဲ့ နာခံဖို့ဖြစ်ကြောင်းကို ကိုယ်တော် စီမံခဲ့ခြင်း ဖြစ်ပါ၏။ ကျွန်ုပ်သည် အဆင့်အတန်းအပေါ် အာရုံမစိုက်ပါ၊ အမှန်မှာတော့ ကျွန်ုပ်သည် ဖန်ဆင်းခံတစ်ဦးသာ ဖြစ်ပါ၏။ အကယ်၍ ကိုယ်တော်သည် အကျွန်ုပ်အား အဆုံးမဲ့သော တွင်းနက်၊ ကန့်နှင့်ရောသော မီးအိုင်ထဲသို့ ထည့်လျှင်လည်း ကျွန်ုပ်သည် ဘာမျှမဟုတ်ဘဲ ဖန်ဆင်းခံ တစ်ဦးမျှသာ ဖြစ်ပါ၏။ အကယ်၍ ကိုယ်တော်သည် ကျွန်ုပ်ကို အသုံးပြုပါက ကျွန်ုပ်သည် ဖန်ဆင်းခံတစ်ဦး ဖြစ်ပါ၏။ အကယ်၍ ကိုယ်တော်သည် ကျွန်ုပ်ကို စုံလင်စေလျှင်၊ ကျွန်ုပ်သည် ဖန်ဆင်းခံ တစ်ဦးသာ ဖြစ်ပါသေး၏။ အကယ်၍ ကိုယ်တော်သည် ကျွန်ုပ်ကို စုံလင်စေခြင်း မပြုလျှင်လည်း၊ ကျွန်ုပ်သည် ဖန်ဆင်းခံ တစ်ဦးထက် မပိုခြင်းကြောင့် ကျွန်ုပ်သည် ကိုယ်တော့်အား ဆက်၍ ချစ်နေဦးမည် ဖြစ်သည်။ ကျွန်ုပ်သည် ဖန်ဆင်းရှင်သခင်၏ ဖန်ဆင်းခြင်းကိုခံခဲ့ရသော ဘာမျှ မပြောပြလောက်သည့် ဖန်ဆင်းခံ တစ်ဦးထက် ဘာမျှမပိုပါ၊ အဖန်ဆင်းခံ လူသားအားလုံးထဲမှ တစ်ဦးသာ ဖြစ်ပါ၏။ ကျွန်ုပ်အား ဖန်ဆင်းခဲ့သူမှာ ကိုယ်တော်ဖြစ်ပြီး ယခု ကိုယ်တော်သည် အကျွန်ုပ်အား ကိုယ်တော်၏ အလိုရှိသည့် အတိုင်း ပြုရန် ကိုယ်တော်၏ လက်တော်ထဲ၌ တစ်ဖန် ထားတော်မူ၏။ အရာခပ်သိမ်းသည် ကိုယ်တော် စီမံပြီးဖြစ်သည့် အရာ ဖြစ်သောကြောင့် ကျွန်ုပ်သည် ကိုယ်တော်၏ တန်ဆာပလာနှင့် ကိုယ်တော်၏ အဖြည့်ခံဖြစ်ရန် လိုလားပါ၏။ မည်သူမျှ ထိုအရာကို မပြောင်းလဲနိုင်ပါ။ ခပ်သိမ်းသော အရာနှင့် အဖြစ်အပျက်မှန်သမျှသည် ကိုယ်တော်၏ လက်တော်ထဲ၌ ရှိကြပါ၏။” ဟု ဆုတောင်းသင့်သည်။ ရာထူးအဆင့်အတန်း အပေါ် သင်အာရုံ မပြုတော့မည့်အချိန် ရောက်လာသည့်အခါ၊ သင်သည် ထိုအရာမှ လွတ်မြောက်လိမ့်မည် ဖြစ်သည်။ ထိုအခါမှသာ သင်သည် ယုံကြည်ရဲရင့်စွာ ကြိုးစားနိုင်လိမ့်မည် ဖြစ်ပြီး၊ ထိုအခါမှသာ သင်၏ စိတ်နှလုံးသည် မည်သည့် ချုပ်နှောင်မှုမဆိုထံမှ လွတ်မြောက်လာနိုင်ပေမည်။ လူတို့သည် ဤအရာများမှ ကယ်ထုတ်ခြင်းကို ခံရသည်နှင့်တစ်ပြိုင်နက်၊ ၎င်းတို့၌ စိုးရိမ်ပူပန်စရာများ ရှိတော့မည် မဟုတ်ပေ။ သင်တို့ အများစု၌ ယခု ရှိနေသော စိုးရိမ်ပူပန်စရာများမှာ အဘယ်နည်း။ သင်တို့သည် အဆင့်အတန်း၏ ကန့်သတ်ခြင်းကို အမြဲ ခံနေကြရပြီး သင်တို့၏ ကိုယ်ပိုင် တက်လမ်းများကိုသာ ပူပန်နေကြသည်။ သင်တို့သည် ဘုရားသခင်၏ မိန့်မြွက်ချက် စာမျက်နှာများကို စဉ်ဆက်မပြတ် လှန်‌လှောနေကြသည်၊ လူသားမျိုးနွယ်၏ ခရီးပန်းတိုင်နှင့် သက်ဆိုင်၍ ပြောဆိုမှုများကို ဖတ်ရှုရန် ဆန္ဒရှိနေကြပြီး၊ သင်တို့၏ တက်လမ်းများက မည်သည့်အရာများဖြစ်သည်ဆိုသည်နှင့် သင်တို့၏ ခရီးပန်းတိုင်က မည်သည့်အရာဖြစ်သည်ဆိုသည်တို့ကို သိချင် နေကြသည်။ “ငါသည် တက်လမ်းတစ်ခုတစ်လေ အမှန် ရှိသလော။ ဘုရားသခင်က ထိုတက်လမ်းများကို ဖယ်ရှားလိုက် ပြီလော။ ငါသည် အဖြည့်ခံတစ်ဦး ဖြစ်သည်ဟုသာ ဘုရားသခင် ပြော၏။ သို့ဆိုလျှင် ငါ၏ တက်လမ်းများမှာ အဘယ်နည်း” ဟု သင်တို့ သိချင်ကြသည်။ သင်တို့၏ တက်လမ်းများနှင့် ကံကြမ္မာကို ဘေးဖယ်ထားဖို့ သင်တို့အတွက် ခက်ပေသည်။ ယခုတွင် သင်တို့သည် နောက်လိုက်များ ဖြစ်ကြပြီး အမှု၏ ဤအဆင့်ကို သိနားလည်မှုအချို့ ရရှိကြပြီးဖြစ်သည်။ သို့သော်၊ အဆင့်အတန်းအတွက် သင်တို့၏ တပ်မက်မှုကို သင်တို့ ဘေးမဖယ်ထားကြသေး။ သင်တို့၏ အဆင့်အတန်း မြင့်မားသည့်အခါ သင်တို့ ကောင်းစွာ ကြိုးစားကြသော်လည်း၊ သင်တို့၏ အဆင့်အတန်း နိမ့်သည့်အခါ သင်တို့ မကြိုးစား ကြတော့ပေ။ အဆင့်အတန်းနှင့်ဆိုင်သော ကောင်းချီး မင်္ဂလာများမှာ သင်တို့၏ စိတ်ထဲ၌ အမြဲရှိနေသည်။ လူအများစုသည် အပျက်သဘောဆောင်ခြင်းမှ အဘယ်ကြောင့် မိမိတို့ကိုယ်ကိုယ် မဖယ်ရှားနိုင်ကြပါသနည်း။ အဖြေမှာ စိတ်ပျက်ဖွယ်ရာ တက်လမ်းများကြောင့် အမြဲတစေ ဖြစ်သည် မဟုတ်လော။ ဘုရားသခင်၏ မိန့်မြွက်ချက်များကို ထုတ်ပြန်သည်နှင့်တစ်ပြိုင်နက် သင်တို့သည် သင်တို့၏ အဆင့်အတန်းနှင့် ကိုယ်ပိုင်လက္ခဏာမှာ အကယ်စင်စစ် မည်သည့်အရာ ဖြစ်ကြောင်းကို အလောတကြီး ကြည့်ကြသည်။ သင်တို့သည် အဆင့်အတန်းနှင့် ကိုယ်ပိုင်လက္ခဏာကို ဦးစားပေးကြပြီး၊ ရူပါရုံကို ဒုတိယနေရာသို့ အဆင့်ချသည်။ တတိယနေရာမှာ သင်တို့ ဝင်ရောက်သင့်သည့် အရာတစ်ခု ဖြစ်ပြီး စတုတ္တနေရာမှာ ဘုရားသခင်၏ လက်ရှိ အလိုတော် ဖြစ်သည်။ သင်တို့အတွက် ဘုရားသခင်ပေးသော နာမည် ဂုဏ်ပုဒ်ဖြစ်သည့် “အဖြည့်ခံများ” မှာ ပြောင်းလဲခြင်း ရှိ မရှိ သင်တို့ ဦးစွာပထမ ကြည့်ကြသည်။ သင်တို့ အဖန်တလဲလဲ ဖတ်ရှုကြပြီး “အဖြည့်ခံ” ဟူသော နာမည်ဂုဏ်ပုဒ်ကို ဖယ်ရှားလိုက်ကြောင်းကို သင်တို့ မြင်သည့်အခါ သင်တို့ ပျော်ရွှင်လာကာ ဘုရားသခင်ကို အားပါးတရ ကျေးဇူးတင်ကြပြီး သူ၏ ကြီးမြတ်သော တန်ခိုးကို ချီးမွမ်းကြသည်။ သို့သော်လည်း သင်တို့သည် အဖြည့်ခံများ ဆက်ဖြစ်နေသေးကြောင်းကို မြင်သည့်အခါ သင်တို့သည် ဝမ်းနည်းလာကြကာ၊ ချက်ချင်းဆိုသလို သင်တို့၏ စိတ်နှလုံးထဲက လှုံ့ဆော်မှုက ပျောက်ကွယ်သွားလေသည်။ ဤနည်းလမ်းဖြင့် သင်ရှာဖွေလေလေ ရိတ်သိမ်းမှု နည်းလေလေ ဖြစ်လိမ့်မည်။ အဆင့်အတန်းအတွက် လူတစ်ဦး၏ အလိုဆန္ဒ ကြီးမားလေလေ၊ ၎င်းတို့အား ပို၍ပြင်းထန်စွာ ကိုင်တွယ်ဖြေရှင်းရန် လိုလေလေ ဖြစ်ပြီး ၎င်းတို့သည် ကြီးမားသော စစ်ဆေးခြင်းကို ကြုံရလေလေဖြစ်သည်။ ထိုသို့သော လူတို့သည် အသုံးမကျသောသူများ ဖြစ်သည်။ ၎င်းတို့အနေဖြင့် ဤအရာများကို လုံးလုံးလျားလျား လက်လွှတ်ရန်အလို့ငှာ ၎င်းတို့အား လုံလောက်စွာ ကိုင်တွယ်ဖြေရှင်းပြီး တရားစီရင်ရမည် ဖြစ်သည်။ အကယ်၍ သင်တို့သည် ဤနည်းဖြင့် အဆုံးတိုင်အောင် လိုက်စားပါက၊ မည်သည့် အရာကိုမျှ ရိတ်သိမ်းရမည် မဟုတ်ပေ။ အသက်ကို မလိုက်စားသောသူများသည် ပြောင်းလဲခြင်း မခံရနိုင်သကဲ့သို့၊ သမ္မာတရားကို ဆာငတ်ခြင်းမရှိသော သူများသည် သမ္မာတရားကို မရနိုင်ကြပေ။ သင်သည် ကိုယ်တိုင်ကိုယ်ကျ ပြောင်းလဲခြင်းနှင့် ဝင်ရောက်ခြင်းကို လိုက်စားခြင်းအား အာရုံမစိုက်ဘဲ၊ ယင်းအစား လွန်ကဲသော တပ်မက်မှုများနှင့် ဘုရားသခင်အပေါ် သင်၏ချစ်ခြင်းမေတ္တာကို ကန့်သတ်ပြီး သူ့ထံ တိုးဝင်ချဉ်းကပ်ခြင်းကို တားဆီးသော အရာများအပေါ် သင် အမြဲတစေ အာရုံစိုက်၏။ ထိုအရာများသည် သင့်အား ပြောင်းလဲစေနိုင်သလော။ ၎င်းတို့သည် သင့်အား နိုင်ငံတော်ထဲသို့ ခေါ်ဆောင်လာနိုင်သလော။ သင်၏ လိုက်စားခြင်း ရည်ရွယ်ချက်မှာ သမ္မာတရားကို ရှာဖွေရန် မဟုတ်ပါက သင်သည် ဤအခွင့်အရေးကို အသုံးချပြီး လောကထဲသို့ ပြန်သွားပြီး အောင်မြင်အောင် လုပ်သင့်သည်။ ဤပုံစံဖြင့် သင်၏အချိန်ကို ဖြုန်းတီးခြင်းမှာ အမှန်တကယ် မတန်ပေ၊ အဘယ်ကြောင့် သင့်ကိုယ်သင် နှိပ်စက်ရသနည်း။ လှပသော အပြင်လောကကြီးထဲတွင် အမျိုးမျိုးသော အရာတို့ကို သင်မွေ့လျော်ခံစားနိုင်သည်မှာ မမှန်သလော။ ငွေ၊ လှပသော အမျိုးသမီးများ၊ အဆင့်အတန်း၊ ပကာသန၊ မိသားစု၊ သားသမီး၊ စသဖြင့်- လောက၏ ဤထုတ်ကုန်များမှာ သင်မွေ့လျော် ခံစားနိုင်သည့် အကောင်းဆုံးသောအရာများ ဖြစ်သည် မဟုတ်လော။ သင်ပျော်ရွင်နိုင်မည့် နေရာတစ်ခုကို ရှာဖွေလျက် ဤနေရာတွင် တဝဲလည်လည်လုပ်နေခြင်းမှာ အဘယ် အသုံးဝင်သနည်း။ လူသား၌ ခေါင်းချရာမျှ မရှိ၊ ထို့ကြောင့် သင်၌ သောကကင်းဝေးသော နေရာတစ်ခု အဘယ်သို့ ရှိနိုင်မည်နည်း။ သူသည် သင့်အတွက် သောကကင်းဝေးပြီး လှပသောနေရာ တစ်ခုကို အဘယ်သို့ ဖန်တီးပေးနိုင်မည်နည်း။ ၎င်းမှာ ဖြစ်နိုင်ပါသလော။ ငါ၏တရားစီရင်ခြင်းအပြင် သမ္မာတရားနှင့် ပတ်သက်သည့် သွန်သင်ချက်များကိုသာ ယနေ့ သင်ရရှိနိုင်သည်။ ငါ့ထံမှ နှစ်သိမ့်မှုကို သင်မရနိုင်သကဲ့သို့ နေ့ရောညပါ သင် တောင့်တသည့် ပန်းခင်းလမ်းကို သင်ရနိုင်မည် မဟုတ်ပေ။ သင့်အပေါ်သို့ လောက၏ ကြွယ်ဝချမ်းသာမှုများကို ငါအပ်နှင်းမည်မဟုတ်။ အကယ်၍ သင်စစ်မှန်စွာ လိုက်စားပါက ငါသည် သင့်အား အသက်လမ်းကို အလုံးစုံပေးလိုပြီး သင့်အား ရေထဲသို့ ပြန်လွှတ်ပေးသော ငါးတစ်ကောင်ကဲ့သို့ ဖြစ်စေရန် ငါသည် လိုလားလျက်ရှိသည်။ အကယ်၍ သင်စစ်မှန်စွာ မလိုက်စားပါက အရာခပ်သိမ်းကို ငါပြန်ယူမည်။ သက်သောင့်သက်သာဖြစ်ခြင်းကို လောဘကြီးသောသူများနှင့် ဝက်များနှင့် ခွေးများကဲ့သို့သောသူများကို ငါ နှုတ်မှလာသော နှုတ်ကပတ်တော်များကို ပေးရန် ငါအလိုမရှိပေ။

အောက်ခြေမှတ်စု(များ)-

က။ မူရင်းစာသားတွင် “ဇနီးမယားများ”။