အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

သင်တို့၏စရိုက်မှာ အလွန်အောက်တန်းကျလေစွ

သင်တို့ အားလုံးသည် ခမ်းနားထည်ဝါသော ထိုင်ခုံများပေါ်တွင် ထိုင်ကာ သင်တို့နှင့် အလားတူသည့် ငယ်ရွယ်သော မျိုးဆက်များကို သွန်သင်ကြပြီး ၎င်းတို့အား သင် နှင့်အတူ ထိုင်စေသည်။ သင်တို့၏ “သားသမီးများ” ဖြစ်ကြသော ၎င်းတို့၌ ထွက်သက်ဝင်သက် မရှိနှင့်ကြောင်းကို သာမက ငါ ပြုသော အမှုသည် ကုန်လွန်ခဲ့ပြီးသော အချိန်ကတည်းက ၎င်းတို့၌ မတည်ရှိကြောင်းကို သင်တို့ အဘယ်အတွက်ကြောင့် မသိနိုင်ခဲ့သနည်း။ ငါ၏ ဘုန်းတော်သည် အရှေ့ပြည်မှ အနောက်ပြည်သို့ ပေါ်ထွန်းသော်လည်း ကမ္ဘာမြေ အဆုံးအထိ ငါ၏ ဘုန်းတော် ပျံ့နှံ့ကာ နိုးထမှု ဖြစ်ပြီး ပေါ်ထွန်းသည့်အခါ အရှေ့ အရပ်၏ ဘုန်းကို ငါ နုတ်ယူ၍ အနောက်အရပ်သို့ ယူဆောင်လာမည် ဖြစ်သောကြောင့် ငါ့ကို စွန့်ပယ်သော အရှေ့ အရပ်ရှိ အမှောင်ထုထဲမှ ယင်း လူတို့၌ ထို အချိန်မှ စတင်ကာ နောင်တွင် ထွန်းလင်းသော အလင်း ရှိတော့မည် မဟုတ်။ ထို အချိန်တွင် သင်တို့သည် အရိပ်လွှမ်းမိုးသော ချိုင့်ဝှမ်းထဲတွင် နေရလိမ့်မည်။ ယနေ့ခေတ် လူတို့သည် ယခင်ကထက် အဆ တစ်ရာ ပို၍ ကောင်းကြသော်လည်း ၎င်းတို့သည် ငါ၏ သတ်မှတ်ချက်များနှင့် ပြည့်မီနိုင်ခြင်း မရှိကြသေးဘဲ ၎င်းတို့သည် ငါ့အတွက် ဘုန်းတော် ထင်ရှားစေသော သက်သေခံ မဟုတ်ကြသေး။ သင်တို့ ယခင်ကထက် အဆ တစ်ရာ ပို၍ ကောင်းနိုင်ကြခြင်းမှာ ငါ ပြုသော အမှု၏ ရလဒ်ကြောင့် လုံးလုံး ဖြစ်သည်၊ ၎င်းမှာ ကမ္ဘာမြေကြီးပေါ်တွင် ငါ ပြုသော အမှုအားဖြင့် သီးပွင့်လာသော အသီး ဖြစ်သည်။ သို့သော်လည်း ငါ့အပေါ် သင်တို့ တစ်စုံတစ်ရာမျှ သိနားလည်မှု မရှိသည့်အတွက် သင်တို့၏ အပြောအဆိုများ နှင့် အကျင့်များကို သာမက သင်တို့၏ စရိုက်ကို ငါ ရွံ့ရှာသေးသည့်အပြင် ငါ့ ရှေ့မှောက် သင်တို့၏ ပြုမူပုံများကို ငါ အလွန့်အလွန် အခဲမကျေ ဖြစ်နေသည်။ ထို့ကြောင့် သင်တို့သည် ငါ၏ ဘုန်းတော်ကို ထင်ရှားစေကာ အသက်ရှင်သော သူ အဘယ်သို့ ဖြစ်နိုင်မည်နည်း၊ သင်တို့သည် အနာဂတ်တွင် ငါ ပြုမည့် အမှုတို့ကို အဘယ်သို့ လုံးလုံးလျားလျား သစ္စာစောင့်သိနိုင်မည်နည်း။ သင်တို့၏ ယုံကြည်ခြင်းမှာ အလွန် နှစ်လိုဖွယ် ဖြစ်သည်၊ ငါ၏ အမှုအတွက် သင်တို့၏ အသက်တာကို နှစ်မြှုပ်ဆက်ကပ်လိုကြောင်း၊ ၎င်းအရာအတွက် မည်သည့် အမှုအရာကိုမဆိုနှင့် ခပ်သိမ်းသော အရာမှန်သမျှကို လုပ်ဆောင်လိုကြောင်း သင်တို့ ဆိုကြသော်လည်း သင်တို့၏ စိတ်သဘောထားမှာ မည်မည်ရရ ပြောင်းလဲပြီးခြင်း မရှိသေး။ မာနကြီးသော အပြောအဆိုများသာ ရှိနေပြီး သင်တို့၏ အမှန်တကယ် ပြုမူပုံများမှာ အလွန် စိတ်ပျက်စရာကောင်းသည်။ တစ်ယောက်သော သူ၏ လျှာ နှင့် နှုတ်ခမ်းတို့မှာ ကောင်းကင်ဘုံတွင် ရှိသော်လည်း တစ်ယောက်သော သူ၏ ခြေထောက်များမှာ အလွန် ဝေးကွာသော ကမ္ဘာမြေကြီးပေါ်၌ ရှိနေသောကြောင့် သူ၏ အပြောအဆိုများ နှင့် အကျင့်များ သာမက သူ၏ ဂုဏ်သတင်းမှာ ဆိုးရွားသော အခြေအနေထဲ၌ ဆက် ရှိနေသဖွယ် ထင်ရသည်။ သင်တို့၏ ဂုဏ်သတင်းမှာ အဖျက်ဆီးခံခဲ့ရသည်၊ သင်တို့၏ အမူအရာမှာ ရှက်ဖွယ် ဖြစ်နေသည်၊ သင်တို့၏ ပြောပုံဆိုပုံမှာ အောက်တန်းကျသည်၊ သင်တို့၏ အသက်တာမှာ စက်ဆုပ်ဖွယ်ကောင်းပြီး သင်တို့ အားလုံး၏ လူသားဖြစ်ခြင်းပင်လျှင် အောက်တန်းကျနေသည်။ သင်တို့သည် လူအများအပေါ် အမြင် ကျဉ်းမြောင်းပြီး အသေးအမွှား အရာတိုင်းအပေါ် သင်တို့ ကတ်ကတ်သတ်သတ် ပြောဆိုကြသည်။ ငရဲ မီးအိုင်ထဲသို့ သင်တို့ ဆင်းလိုကြလောက်အောင်ပင် သင်တို့၏ ဂုဏ်သတင်း နှင့် အဆင့်အတန်းအတွက် သင်တို့ ငြင်းခုံတတ်ကြသည်။ သင်တို့၏ လတ်တလော အပြောအဆိုများ နှင့် အကျင့်များမှာ သင်တို့၌ အပြစ်ရှိကြောင်း ငါ ဆုံးဖြတ်နိုင်သည်အထိ ်လုံလောက် သည်။ ငါ ပြုသော အမှုအပေါ် သင်တို့၏ သဘောသည် သင်တို့အား မတရားသော သူများ ဖြစ်သည်ဟု ဆုံးဖြတ်ရန်အတွက် ငါ့အဖို့ ံ လုံလောက် ပြီး သင်တို့၏ စိတ်သဘောထားများ အားလုံးကို ကြည့်ပါက သင်တို့သည် စက်ဆုပ်ရွံ့ရှာမှုများဖြင့် ပြည့်နှက်နေသော ညစ်ညမ်းသော သူများ ဖြစ်သည်ဟု ဆိုရန်အတွက် လုံလောက် သည်။ သင်တို့ ၏ သရုပ်သကန် များ နှင့် သင်တို့ ပြသသော အရာများမှာ သင်တို့သည် ညစ်ညူးသော ဝိညာဉ်များ၏ အသွေးကို အတော် သောက်ပြီးသော လူများ ဖြစ်သည်ဟု ဆိုရန် လုံလောက်သည်။ နိုင်ငံတော်ထဲ ဝင်ရောက်ခြင်း အကြောင်း သင်တို့အား ပြောပြသည့်အခါ သင်တို့သည် သင်တို့၏ ခံစားချက်များကို သစ္စာမဖောက်ကြပေ။ သင်တို့၏ ယခု ပုံစံဖြင့် ငါ့ ကောင်းကင် နိုင်ငံတော်၏ တံခါးပေါက်အတွင်းထဲ သင်တို့ ဝင်ရောက်ရန် လုံလောက်သည်ဟု သင်တို့ ယူဆသလော။ သင်တို့၏ အပြောအဆိုများ နှင့် အကျင့်များ ငါ၏ စမ်းသပ်မှုကို မခံရဘဲ ငါ စီရင်သော သန့်ရှင်းသော ပြည် နှင့် နှုတ်ကပတ်တော်ထဲသို့ ဝင်စားခွင့် သင်တို့ ရနိုင်သည်ဟု သင်တို့ ယူဆသလော။ ငါ၏ မျက်စိ နှစ်ဖက်ကို မည်သူ အောင်မြင်စွာ လှည့်စားနိုင်သနည်း။ သင်တို့၏ စက်ဆုပ်ဖွယ်ကောင်းသော၊ အောက်တန်းကျသော ပြုမူပုံများ နှင့် စကားများသည် ငါ၏ မျက်စိအောက်မှ မည်သို့ လွဲရှောင်နိုင်မည်နည်း။ သင်တို့သည် ငါ့ ရှေ့မှောက်၌ ညစ်ညူးသော ဝိညာဉ်များ၏ ပုံသဏ္ဌာန်ကို နေ့စဉ် ဆောင်ကြသောကြောင့် သင်တို့၏ အသက်တာများကို ညစ်ညူးသော ဝိညာဉ်များ၏ အသွေးကို သောက်ပြီး ညစ်ညူးသော ဝိညာဉ်များ၏ အသားကို စားသော အသက်တာများအဖြစ် ငါ သတ်မှတ်သည်။ သင်တို့၏ ပြုမူပုံသည် ငါ့ ရှေ့၌ အထူးသဖြင့် ဆိုးယုတ်သောကြောင့် ငါ မရွံရှာဘဲ အဘယ်သို့ နေနိုင်မည်နည်း။ သင်တို့ ပြောဆိုသည့် အရာများထဲတွင် ညစ်ညူးသော ဝိညာဉ်များ၏ မသန့်ရှင်းခြင်းများ ပါရှိနေသည်၊ သင်တို့သည် မှော်အတတ်ကို စီရင်သော သူတို့ကဲ့သို့ လည်းကောင်း၊ လိမ်လည်လှည့်စား၍ မတရားသော သူတို့၏ အသွေးကို သောက်သော သူတို့ကဲ့သို့ လည်းကောင်း၊ လိမ်လည်လှည့်စားတတ်ကြသည်၊ ဖုံးကွယ်တတ်ကြသည်၊ မြှောက်ပင့်ပြောဆိုတတ်ကြသည်။ လူသားမျိုးနွယ်၏ သရုပ်သကန် အားလုံးမှာ အလွန် မတရားသောကြောင့် ဖြောင့်မတ်သော သူများ ရှိသည့် သန့်ရှင်းသော ပြည်ထဲတွင် လူ အားလုံးကို မည်ကဲ့သို့ နေရာပေးနိုင်မည်နည်း။ သင်၏ စက်ဆုပ်ဖွယ်ကောင်းသော ပြုမူပုံသည် သင့်အား မတရားသော သူများထဲမှ သန့်ရှင်းသူအဖြစ်သို့ ကွဲပြားခြားနားစေနိုင်သည်ဟု သင်ထင်သလော။ ပျက်စီးစေတတ်ပြီး စက်ဆုပ်ရွံရှာဖွယ်ရာများကို ပြုတတ်သော သင်၏ သွေးသားဇာတိကို သင်၏ မြွေဆိုးကဲ့သို့သော လျှာသည် နောက်ဆုံးတွင် ဖျက်ဆီးလိမ့်မည်၊ ထို့အပြင် ညစ်ညူးသော ဝိညာဉ်များ၏ အသွေးဖြင့် စွန်းထင်းဖုံးလွှမ်းနေသော သင်၏ လက်များသည်လည်း သင်၏ စိတ်ဝိညာဉ်ကို နောက်ဆုံးတွင် ငရဲထဲသို့ ဆွဲချလိမ့်မည်၊ ထို့ကြောင့် ညစ်ညမ်းမှုဖြင့် ဖုံးလွှမ်းနေသော သင်၏ လက်များကို သန့်စင်ရန် ဤ အခွင့်အရေးကို သင်အဘယ်ကြောင့် အလျင်အမြန် မယူကြသနည်း။ ထိုမျှမက မတရားသော စကားများကို ပြောသော သင်၏ လျှာကို ဖြတ်ပစ်ရန်အတွက် ဤ အခွင့်အရေးကို သင်အဘယ်ကြောင့် အသုံးမချကြသနည်း။ သင်ိ၏ လက် နှစ်ဖက် နှင့် သင်၏ လျှာ နှင့် နှုတ်ခမ်းများ အတွက့် ငရဲ မီးလျှံထဲတွင် သင် ဝေဒနာခံစားရန် ဆန္ဒ ရှိနေသည့်အတွက်ကြောင့် ဖြစ် နိုင် သလော။ လူ အားလုံး၏ စိတ်နှလုံးများကို ငါ၏ မျက်စိ နှစ်ဖက်ဖြင့် ငါ စောင့်ကြည့်ရသည့် အကြောင်းမှာ လူသားမျိုးနွယ်ကို ငါ မဖန်ဆင်းမီ လွန်လေပြီးသော အချိန်က ၎င်းတို့၏ စိတ်နှလုံးများကို ငါ၏ လက်ထဲတွင် ဆုပ်ကိုင်ထားခဲ့ခြင်းကြောင့် ဖြစ်သည်။ လွန်လေပြီးသော အချိန်ကတည်းက လူ၏ စိတ်နှလုံးကို ငါ ထွင်းဖောက်တွေ့မြင်ခဲ့ပြီး ဖြစ်သောကြောင့် လူ၏ စိတ်နှလုံးထဲမှ အကြံအစည်များသည် ငါ၏ မျက်စိအောက်မှ အဘယ်သို့ တိမ်းရှောင်လွတ်မြောက်နိုင်မည်နည်း။ ထို့အပြင် ငါ့ ဝိညာဉ် လောင်ကျွမ်းတောက်လောင်ခြင်းမှ ၎င်းတို့ အချိန်မီ အဘယ်သို့ တိမ်းရှောင်လွတ်မြောက်နိုင်မည်နည်း။

သင်၏ နှုတ်ခမ်းတို့သည် ခိုများထက် သာ၍ ကြင်နာသော်လည်း သင်၏ စိတ်နှလုံးသည် ရှေးမြွေဟောင်းထက် ပို၍ ဆိုးယုတ်သည်၊ သင်၏ နှုတ်ခမ်းတို့သည် လေဗနုန် အမျိုးသမီး တစ်ဦးကဲ့သို့ အဆင်းလှသော်လည်း သင်၏ စိတ်နှလုံးသည် လေဗနုန် အမျိုးသမီးများ၏ စိတ်နှလုံးကဲ့သို့ ကြင်နာ မှု မရှိသည့် အပြင် ခါနန်သူများ၏ နှစ်သက်ဖွယ်သော စိတ်နှလုံးနှင့် ကျိန်းသေ နှိုင်းယှဉ်နိုင်မည် မဟုတ်။ သင်၏ စိတ်နှလုံးသည် လွန်စွာ လိမ်လည်လှည့်ဖြားတတ်သည်။ ငါ ရွံမုန်းသော အရာမှာ မတရားသော သူတို့၏ နှုတ်ခမ်းများ နှင့် မတရားသော သူတို့၏ စိတ်နှလုံးများသာ ဖြစ်သည်။ လူတို့အပေါ် ငါ၏ သတ်မှတ်ချက်များမှာ သူတော်စင်များထက် ပို၍ အဆင့် မြင့်မားခြင်း မဟုတ်၊ မတရားသော သူတို့၏ ဆိုးယုတ်သော အကျင့်တို့ကို ငါ ရွံ့မုန်းခြင်းသာ ဖြစ်ပြီး၊ ၎င်းတို့သည် မတရားသော သူတို့ထဲမှ ခွဲထုတ်ခြင်းကို ခံရကာ ဖြောင့်မတ်သော သူတို့ နည်းတူ သန့်ရှင်းကြပြီး ထိုသူတို့ နှင့်အတူ အသက်ရှင်နေနိုင်ရေးအတွက်၊ မတရားသော သူတို့သည် ၎င်းတို့၏ ညစ်ညမ်းမှုကို ပယ်ရှားနိုင်ကာ ၎င်းတို့၏ လတ်တလော ဒုက္ခအကျပ်အတည်းထဲမှ လွတ်မြောက်နိုင်မည်ဟု ငါ မျှော်လင့်သည်။ သင်တို့ ရောက်ရှိနေသော အခြေအနေများသည် ငါ ရောက်ရှိနေသော အခြေအနေများနှင့် ထပ်တူ ဖြစ်သော်လည်း သင်တို့သည် ညစ်ညမ်းမှုနှင့် ဖုံးလွှမ်းလျက်ရှိသည်၊ သင်တို့အထဲတွင် အစဦး၌ ဖန်ဆင်းခဲ့သော လူသား သဏ္ဌာန် အနည်းငယ်မျှပင် မရှိ၊ ထို့အပြင် သင်တို့သည် ညစ်ညူးသော ဝိညာဉ်များ၏ သဏ္ဌာန်ကိုသာ နေ့စဉ် အတုခိုးကြပြီး သူတို့ လုပ်သလို၊ ပြောသလို သင်တို့လည်း လုပ်ကြ၊ ပြောကြ သောကြောင့် သင်တို့၏ ကိုယ်ခန္ဓာ အစိတ်အပိုင်း အားလုံး နှင့် သင်တို့၏ နှုတ် လျှာများသည်ပင် သူတို့၏ မိလ္လာရေထဲတွင် စိမ်ထားကြသည်။ သင်တို့ တစ်ကိုယ်လုံး ထို အစွန်းအထင်းများဖြင့် လုံးလုံးလျားလျား ဖုံးလွှမ်းထားပြီး ငါ၏ အမှုအတွက် အသုံးပြုနိုင်သော အစိတ်အပိုင်း တစ်ခုမျှ မရှိသည့် အနေအထားအထိ ရောက်နေ၏။ ၎င်းမှာ အလွန် စိတ်နှလုံး ကြေကွဲစရာ ဖြစ်လေခြင်း။ သင်တို့သည် မြင်များ နှင့် ကျွဲနွား တိရိစ္ဆာန်များ နေထိုင်သော လောကထဲတွင် နေထိုင်ကြသော်လည်း သင်တို့ အမှန်တကယ် စိတ်ပူပန်ခြင်း မရှိကြသည့်အပြင် သင်တို့ ပျော်ရွှင်မြူးတူးနေကြပြီး လွတ်လွတ်လပ်လပ် နှင့် ပေါ့ပေါ့ပါးပါး အသက်ရှင်ကြသည်။ ဤ မိလ္လာရေထဲတွင် သင်တို့ တဝဲလည်လည် ကူးခတ်နေကြသော်လည်း ယင်းကဲ့သို့ အခြေအနေများထဲသို့ သင်တို့ အမှန်တကယ် ရောက်ရှိသွားကြောင်းကို မသိကြ။ သင်သည် ညစ်ညူးသော ဝိညာဉ်များနှင့် နေ့စဉ် ပေါင်းဖော်ကာ “မစင်” နှင့် ဆက်ဆံလျက်ရှိသည်။ သင်၏ အသက်တာသည် အလွန် အောက်တန်းကျနေသော်လည်း သင်သည် လူ့လောကကြီးထဲတွင် ဆက်လက်ရှင်သန်နေခြင်း မဟုတ်ကြောင်းကို သာမက သင်သည် သင် ကိုယ်တိုင် လက်လှမ်းမီသည့် အတိုင်းအတာအတွင်း မရှိကြောင်းကို သင် လုံးဝ မသိ။ သင်၏ အသက်တာသည် ကာလကြာရှည်ချိန်ကတည်းက ညစ်ညူးသော ဝိညာဉ်များ၏ နင်းခြေခြင်းကို ခံခဲ့ရကြောင်း၊ သင်၏ စရိုက်သည် ကာလကြာရှည်ချိန်ကတည်းက မိလ္လာရေဖြင့် ညစ်ပေနေကြောင်းကို သင် မသိသလော။ သင်သည် လောက ပရဒိသုဘုံထဲတွင် အသက်ရှင်နေထိုင်ကာ ပျော်ရွှင်ဝမ်းမြောက်မှု အကြားတွင် ရောက်ရှိနေသည်ဟု သင် ထင်သလော။ သင်သည် ညစ်ညူးသော ဝိညာဉ်များ နှင့်အတူ ဘဝ တစ်ခုကို အသက်ရှင်နေထိုင်ခဲ့ကြောင်းကို သာမက သင်သည် ၎င်းတို့ သင့်အတွက် ပြင်ဆင်ပေးသော အရာမှန်သမျှ နှင့်အတူ ဘဝ တစ်ခုကို အသက်ရှင်နေထိုင်ခဲ့ကြောင်းကို သင် မသိသလော။ သင်၏ အသက်ရှင်ခြင်းမှာ အဓိပ္ပါယ် တစ်စုံတစ်ရာ မည်သို့ ရှိနိုင်မည်နည်း။ သင်၏ အသက်တာ၌ တန်ဖိုး တစ်စုံတစ်ရာ မည်သို့ ရှိနိုင်မည်နည်း။ သင်သည် သင်၏ ညစ်ညူးသော ဝိညာဉ် မိဘများအတွက် ယခုတိုင် ဟိုဒီ ပြေးလွှား အလုပ်ရှုပ်နေခဲ့ သော် လည်း သင့်အား ပိတ်လှောင်သော သူများမှာ သင့်အား မွေးဖွား၍ ကြည့်ရှုပျိုးထောင်ခဲ့သော သင်၏ ထို ညစ်ညူးသော ဝိညာဉ် မိဘများပင် ဖြစ်ကြောင်းကို သင် မသိ။ ထို့အပြင် သင်၏ ညစ်ညမ်းမှု မှန်သမျှမှာ အကယ်စင်စစ် ၎င်းတို့က သင့်အား ပေးခဲ့ခြင်း ဖြစ်ကြောင်းကို သင် မသိ၊ ၎င်းတို့သည် သင့်အား “သာယာကြည်နူးမှု” ပေးနိုင်သည်ဟူ၍ လည်းကောင်း၊ ၎င်းတို့သည် သင့်အား ပြစ်တင်ဆုံးမခြင်း မပြုသကဲ့သို့ တရားစီရင်ခြင်းလည်း မပြုဘဲ ၎င်းတို့သည် အထူးသဖြင့် သင့်အား ကျိန်ဆဲခြင်း မပြုဟူ၍သာ သင် သိထားသည်။ ၎င်းတို့သည် သင့်အပေါ် အမျက်ဒေါသ ပေါက်ကွဲခြင်း မည်သည့်အခါကမျှ မရှိခဲ့ဘဲ ၎င်းတို့သည် သင့်အား ဖော်ရွေစွာ နှင့် ကြင်နာစွာ ဆက်ဆံကြသည်။ ၎င်းတို့ ပြောသော စကားများသည် သင်၏ စိတ်နှလုံးကို ခွန်အား ဖြစ်စေပြီး သင့်ကို ဆွဲဆောင်သဖြင့် သင်သည် မျက်စိလည်လမ်းပျောက်ကာ သတိ မပြုမိဘဲ ၎င်းတို့နှင့် ပါဝင်ပတ်သက်ကာ ၎င်းတို့အား အစေခံရန် လိုလိုလိုလား ရှိ လာသည်၊ ၎င်းတို့၏ ထွက်ပေါက် သာမက အစေခံလည်း ဖြစ်ရန် လိုလိုလားလားိ ရှိ လာသည်။ သင်၌ မကျေနပ်ကြောင်း စောဒကတက်ရန် လုံးဝ မရှိဘဲ ၎င်းတို့ အလိုရှိသလို အသုံးခံရန် လိုလိုလားလား ရှိ လာသည်၊ သင်သည် ၎င်းတို့၏ လှည့်ဖြားခြင်းကို ခံရလေပြီ။ ဤ အကြောင်းကြောင့် သင်သည် ငါ ပြုသော အမှုအပေါ် လုံးဝ တုံ့ပြန်မှု မရှိ၊ သင်သည် အမြဲတစေ ငါ၏ လက်ထဲမှ အလစ်တွင် တိတ်တဆိတ် ထွက်သွားလိုသည်မှာ အထူးအဆန်း မဟုတ်ဘဲ ငါ ပေးသော မျက်နှာသာကို မရိုးမသား ရယူရန် ချိုသော စကားလုံးများကို သင် အမြဲတစေ အသုံးပြုလိုသည်မှာလည်း အထူးအဆန်း မဟုတ်။ သင်၌ အခြားသော အကြံအစည်၊ အခြားသော အစီအစဉ် ရှိနှင့်နေကြောင်း ထင်ရှားနေသည်။ အနန္တတန်ခိုးရှင်၊ ငါ၏ လုပ်ဆောင်ချက်များကို သင် အနည်းငယ် မြင်နိုင်သော်လည်း ငါ၏ တရားစီရင်ခြင်း နှင့် ပြစ်တင်ဆုံးမခြင်း အကြောင်းကို သင် အနည်းငယ်မျှ မသိ။ ငါ၏ ပြစ်တင်ဆုံးမခြင်း မည်သည့် အချိန်တွင် စတင်ခဲ့ကြောင်းကို သင် မသိ၊ ငါ့အား ဘယ်လို လိမ်ညာရမည်ကိုသာ သင် သိသော်လည်း ငါသည် လူ၏ စော်ကားခြင်း သည်းမခံကြောင်းကို သင် မသိ။ ငါ့ကို အစေခံရန် သင်၏ စိတ်ပိုင်းဖြတ်ချက်ကို သင် ချမှတ်ပြီးသား ဖြစ်ခြင်းကြောင့် ငါသည် သင့်ကို အလွတ်ပေးမည် မဟုတ်။ ငါသည် မကောင်းမှုကို မုန်းသော ဘုရားသခင် ဖြစ်ပြီး လူ့အပေါ် သဝန်တိုတတ်သော ဘုရားသခင် ဖြစ်သည်။ သင်၏ စကားများကို ပလ္လင်တော်ထက်သို့ သင် လျှောက်တင်ခဲ့ပြီးသား ဖြစ်ခြင်းကြောင့် ငါ၏ မျက်စိ ရှေ့မှ သင် ထွက်ပြေးသည်ကို ငါ သည်းခံမည် မဟုတ်သည့်အပြင် သခင် နှစ်ဦးအား သင် အစေခံနေသည်ကို ငါ သည်းခံမည် မဟုတ်။ ငါ၏ ပလ္လင်တော်ထက်တွင် လည်းကောင်း၊ ငါ၏ မျက်စိ ရှေ့တွင်လည်း သင်၏ စကားများကို လျှောက်တင်ပြီးကာမှ သင် ချစ်ရမည့် အခြားအရာ ရှိနိုင်မည်ဟု သင် ထင်ခဲ့သလော။ ထို ပုံစံဖြင့် ငါ့ကို အရူးလုပ်ရန် လူတို့အား ငါ အဘယ်သို့ အခွင့်ပေးနိုင်မည်နည်း။ သာမန်ကာလျှံကာ သဘောဖြင့် ငါ့အား သင် အဓိဌာန်များ ပြုနိုင်မည်၊ သင်၏ လျှာဖြင့် သစ္စာများကို ပြုနိုင်မည်ဟု သင် ထင်ခဲ့သလော။ အမြင့်ဆုံးသော ဘုရားသခင်၊ ငါ၏ ပလ္လင်တော်ကို တိုင်တည်၍ သင် အဘယ်အတွက်ကြောင့် သစ္စာများကို ကျိန်ဆိုရသနည်း။ သင်၏ သစ္စာများသည် ဆိတ်သုဉ်းသွားနှင့်ပြီဟု သင် ထင်ခဲ့သလော။ သင်တို့ကို ငါ ပြောမည်၊ သင်တို့၏ သွေးသားခန္ဓာကိုယ်များ ပျက်စီးသွားသော်မှ သင်တို့၏ သစ္စာများ ဆိတ်သုဉ်းနိုင်ခြင်း မရှိ။ နောက်ဆုံးတွင် သင်တို့၏ သစ္စာများအပေါ် အခြေခံကာ သင်တို့အား ငါ စီရင်ချက်ချမည်။ သို့ရာတွင် ငါ နှင့် ရင်ဆိုင်ဖြေရှင်းရန် သင်တို့၏ စကားများကို ငါ့ ရှေ့တွင် ထားနိုင်ကာ သင်တို့၏ စိတ်နှလုံးများသည် ညစ်ညူးသော ဝိညာဉ်များ နှင့် နတ်ဆိုးများကို အစေခံနိုင်မည်ဟု သင်တို့ ထင်ကြသည်။ ငါ့ကို လိမ်ညာသော ခွေး ကဲ့သို့၊ ဝက် ကဲ့သို့သော ထို လူများကို ငါ၏ အမျက်ဒေါသသည် အဘယ်သို့ သည်းခံနိုင်ရမည်နည်း။ ငါ၏ စီရင်ဆုံးဖြတ်နိုင်သော အမိန့်အာဏာများအတိုင်း ငါ လုပ်ဆောင်ရမည် ဖြစ်ပြီး ရှေးဆန်သော သူများ၊ ငါ့အား စနစ်တကျ “အစေခံ”သော ပုံစံဖြင့် ယုံကြည်သည့် “ဘာသာတရားကိုင်းရှိုင်းသော” သူများ အားလုံးကို ညစ်ညူးသော ဝိညာဉ်များ၏ လက်ထဲမှ ငါ ပြန်လုယူပြီး ငါ၏ နွား၊ ငါ၏ မြင်း ဖြစ်စေကာ သတ်ဖြတ်မည် သို့မဟုတ် အသက်ရှင်ခွင့်ပေးမည်စသဖြင့် ငါ၏ အဆုံးအဖြတ်ကို ခံစေမည်။ “သင်၏ ယခင်က စိတ်ပိုင်းဖြတ်ချက်ကို သင့်အား ငါ ပြန်ကောက်ယူစေကာ ငါ့အား နောက်တစ်ဖန် ပြန်အစေခံခိုင်းမည်။ ငါ့ကို လိမ်လည်သော ဖန်ဆင်းခံ တစ်စုံတစ်ရာကိုမျှ ငါ သည်းခံမည် မဟုတ်။ ငါ့ ရှေ့မှာ သင် လက်လွတ်စပယ် တောင်းလျှောက်ပြီး လက်လွတ်စပယ် လိမ်လည်နိုင်မည်ဟု သင် ထင်ခဲ့သလော။ သင်၏ အပြောအဆိုများ နှင့် အကျင့်များကို ငါ မကြားခဲ့ရ သို့မဟုတ် မမြင်ခဲ့ရဟု သင် ထင်ခဲ့သလော။ သင်၏ အပြောအဆိုများ နှင့် အကျင့်များသည် ငါ၏ မြင်ကွင်းထဲမှ အဘယ်အတွက်ကြောင့် မရှိရမည်နည်း။ ထို ပုံစံဖြင့် ငါ့ကို လိမ်လည်ရန် လူတို့အား ငါ အဘယ်သို့ အခွင့်ပေးနိုင်မည်နည်း။

ငါသည် သင်တို့ အကြားတွင် ရှိနေခဲ့သည်၊ နှစ်ကြိမ်မကသော နွေဦး နှင့် ဆောင်းဦး ကာလများတွင် သင်တို့ နှင့်အတူ ဆက်နွယ်ပတ်သက်နေခဲ့သည်၊ သင်တို့ အကြားတွင် အချိန် ကြာမြင့်စွာ ငါ နေထိုင်ခဲ့သည်၊ သင်တို့ နှင့်အတူ ငါ နေထိုင်ခဲ့သည်။ သင်တို့၏ စက်ဆုပ်ဖွယ်ကောင်းသော ပြုမူပုံသည် ငါ၏ မျက်စိ ရှေ့ တည့်တည့်မှ မည်မျှ လွတ်ထွက်သွားခဲ့ပြီနည်း။ သင်တို့၏ စိတ်ရောကိုယ်ပါ ထို စကားလုံးများသည် ငါ၏ နားထဲတွင် အဆက်မပြတ် ပဲ့တင်သံထပ်နေသည်၊ သင်တို့၏ သိန်း သန်းချီသော ပြင်းပြသည့် အလိုဆန္ဒများသည် ငါ၏ ပလ္လင်ပေါ်တွင် ပုံနေပြီ၊ ၎င်းတို့မှာ မရေမတွက်နိုင် ဖြစ်သည်။ သို့သော်လည်း သင်တို့၏ နှစ် မြှုပ် ဆက်ကပ်မှု နှင့် သင်တို့ အသုံးပြု ခဲ့သည်များ းကို ကြည့်ပါက အနည်းငယ်မျှပင် မရှိ။ ငါ၏ ပလ္လင်ပေါ်၌ သင်တို့၏ ရိုးသားမှု အစက်ငယ်လေး တစ်စက်မျှပင် မရှိ။ ငါ့အပေါ် သင်တို့၏ ယုံကြည်ခြင်း အသီးများ အဘယ်မှာ ရှိသနည်း။ ငါ့ထံမှ အဆုံးမရှိသော ကျေးဇူးတော်ကို သင်တို့ ခံရပြီး ကောင်းကင်ဘုံမှ အဆုံးမရှိသော နက်နဲဆန်းကြယ်မှုများကို သင်တို့ မြင်ခဲ့ရသည့်အပြင် ကောင်းကင်ဘုံ၏ မီးတောက်မီးလျှံများကို သင်တို့အား ငါ ပြခဲ့ပြီးသော်လည်း သင်တို့အား လောင်မြိုက်ရန် စိတ်နှလုံးကို ငါ မရသေး၊ သင်တို့ ငါ့အား တုံ့ပြန်သည့်အနေဖြင့် မည်မျှ ပြန်ပေးပြီးပြီနည်း။ သင်တို့ ငါ့အား မည်မျှ ပေးရန် လိုလိုလားလားသနည်း။ သင့်အား ငါ ပေးသော အစာကို ကိုင်ပြီး ငါ့အားပြန်၍ ပေးလှူ၏။ သင် ကိုယ်တိုင် ကြိုးစားအားထုတ်၍ လုပ်ဆောင်ရာမှ ကျသည့် ချွေးစက်အားဖြင့် ရသည့် တစ်စုံတစ်ခုကို ငါ့အား ပေးလှူခြင်း ဖြစ်သည်ဟုပင် ဆိုလိုက်သေး၊ ငါ့အား သင်၌ ရှိသမျှကို သင် ပေးလှူခြင်း ဖြစ်သည်ဟုပင် ဆိုလိုက်သေး၏။ ငါ့အတွက် သင်၏ “ပေးလှူသောအရာများ” မှာ ငါ၏ ပလ္လင်မှ အခိုးယူခံခဲ့ရသော အရာများ အားလုံး ဖြစ်ကြောင်း သင် အဘယ်အတွက်ကြောင့် မသိရသနည်း။ နောက်ပြီး ထို အရာများကို သင် ငါ့အား ယခု ပေးလှူနေသည်၊ ငါ့ကို သင် လှည့်စားနေခြင်းပင် မဟုတ်လော။ ယနေ့ ငါ စိတ်တွေ့သော အရာများမှာ ငါ၏ ပလ္လင်ပေါ်မှ အလုံးစုံသော ယဇ်များ ဖြစ်ကြောင်း၊ သင် ကြိုးစားအားထုတ်၍ လုပ်ဆောင်ရာမှ ရရှိပြီးနောက် ငါ့အား ပေးလှူသော အရာများ မဟုတ်ကြောင်းကို သင် အဘယ်အတွက်ကြောင့် မသိရသနည်း။ ဤ နည်းဖြင့် သင်တို့ ငါ့ကို အကယ်စင်စစ် လိမ်လည်ရဲကြသဖြင့် သင်တို့ကို ငါ အဘယ်သို့ ခွင့်လွှတ်နိုင်မည်နည်း။ ဤ အရာကို ငါ ဘယ်လို ဆက်ပြီး သည်းခံရမည်နည်း။ သင်တို့အား အရာခပ်သိမ်းကို ငါ ပေးပြီးပြီ။ သင်တို့အတွက် ခပ်သိမ်းသော အရာတို့ကို ငါ ဖွင့်ပြခဲ့ပြီးပြီ၊ သင်တို့၏ လိုအပ်ချက်များကို ထောက်ပံ့ပေးခဲ့ပြီး သင်တို့၏ မျက်စိများကို ပွင့်စေခဲ့သည့်တိုင် သင်တို့ ငါ့ကို ဤ နည်းဖြင့် လိမ်လည်ကြကာ သင်တို့၏ သြတ္တပ္ပစိတ်ကို လျစ်လျူရှုကြသည်။ သင်တို့ ဒုက္ခဆင်းရဲခံရ သော်လည်း ကောင်းကင်ဘုံမှ ငါ ယူဆောင်လာပေးသော အရာခပ်သိမ်းကို သင်တို့ ငါ့ထံမှ ရကြပြီး ဖြစ်စေရန် သင်တို့အား ငါ တစ်ကိုယ်ကောင်းမဆန်ဘဲ အရာခပ်သိမ်းကို ပေးအပ်ခဲ့၏။ သို့သော်လည်း သင်တို့၌ နှစ် မြှုပ် ဆက်ကပ်မှု လုံးဝ မရှိဘဲ သင်၌ အသေးအမွှား ပါဝင်ပေးလှူမှု တစ်ခု ရှိခဲ့လျှင်လည်း ထိုသို့ ပါဝင်ပေးလှူပြီးသည့်အတွက် ငါ နှင့် သင်တို့ စာရင်းရှင်းကြသေးသည်။ သင်၏ ပါဝင်ပေးလှူမှုမှာ အချည်းနှီးသော အရာနှင့် ညီမျှသည် မဟုတ်သလော။ သင် ငါ့ကို ပေးသော အရာမှာ ဘာမျှ မဟုတ်၊ သဲ တစ်ပွင့်မျှသာ ဖြစ်သော်လည်း သင် ငါ့ထံမှ တောင်းသော အရာမှာ တန်ချိန်အလိုက်ရှိသော ရွှေ ဖြစ်သည်။ သင်သည် အကျိုးသင့်အကြောင်းသင့် မဟုတ်သလော။ ငါသည် သင်တို့ အကြား၌ အမှု ပြုသည်။ နောက်ထပ် ယဇ် တစ်စုံတစ်ရာရရန် နေနေသာသာ၊ ငါ ရသင့်သော တစ်ဆယ် ရာခိုင်နှုန်း မှာ အစအနမျှပင် လုံးဝ မရှိ။ နောက်ထပ် ရှိသေးသည်၊ ဘာသာရေးကိုင်းရှိုင်း သူတို့ ပေးလှူသော တစ်ဆယ် ရာခိုင်နှုန်းမှာ စဉ်းလဲသူတို့၏ သိမ်းပိုက်ခြင်းကို ခံရသည်။ သင်တို့ အားလုံး ငါ့ထံမှ အသီးသီး ခွဲထွက်သွားကြသည် မဟုတ်လော။ သင်တို့ အားလုံး ငါ့ကို ရန်လိုကြသည် မဟုတ်လော။ သင်တို့ အားလုံး ငါ၏ ပလ္လင်ကို ဖျက်ဆီးနေကြသည် မဟုတ်လော။ ဤကဲ့သို့ လူ အမျိုးအစားသည် ငါ၏ မျက်စိထဲတွင် တန်ဖိုးရှိသော ရတနာ တစ်ခု အဘယ်သို့ ဖြစ်နိုင်မည်နည်း။ ၎င်းတို့သည် ငါ ရွံမုန်းသော ဝက်များ၊ ခွေးများ မဟုတ်သလော။ သင်တို့ ပြုသော မကောင်းမှုကို ရတနာတစ်ပါးအဖြစ် ငါ အဘယ်သို့ ညွှန်းဆိုနိုင်မည်နည်း။ ငါ၏ အမှုသည် မည်သူ့အတွက် အမှန်တကယ် ဖြစ်သနည်း။ ငါ၏ သြဇာအာဏာကို ပြရန် သင်တို့ အားလုံးကို အလဲထိုးရန် အကြောင်းသာ ဖြစ်နိုင်သလော။ သင်တို့၏ အသက်များ အားလုံးကို ငါ့ထံမှနှုတ်ကပတ်တော် တစ်လုံးဖြင့် ထိန်းသိမ်းထားခြင်း မဟုတ်သလော။ သင်တို့ကို သွန်သင်ရန် ငါ သည် နှုတ်ကပတ်တော်များကို အသုံးပြုနေ ရုံသာ ဖြစ်ပြီး သင်တို့အား တတ်နိုင်သမျှ အမြန် အလဲထိုးရန် ထို နှုတ်ကပတ်တော်များကို ဖြစ်ရပ်မှန်များအဖြစ် ငါ အသွင်မပြောင်းရသေးခြင်း မှာ အဘယ်ကြောင့် နည်း။ ငါ၏ နှုတ်ကပတ်တော်များ နှင့် ငါ၏ အမှုသည် လူသားမျိုးနွယ်ကို အလဲထိုးရန်အတွက်သာ ဖြစ်သလော။ ငါသည် အပြစ်မဲ့သော သူများကို မဆင်မခြင် သေစေသော ဘုရားသခင် ဖြစ်သလော။ ယခု လောလောဆယ် ငါ့ ရှေ့မှောက်၌ သင်တို့ထဲမှ ဘယ်နှစ်ဦးသည် လူ့ဘဝ၏ မှန်သော လမ်းကို ကိုယ်စွမ်းဥာဏ်စွမ်းရှိသမျှဖြင့် ရှာဖွေနေကြသနည်း။ ငါ့ ရှေ့တွင် သင်တို့၏ ကိုယ်ခန္ဓာများသာ ရှိနေကြသော်လည်း သင်တို့၏ စိတ်နှလုံးများမှာ လွတ်နေဆဲဖြစ်ပြီး ငါ့ထံမှ အလွန် အလှမ်းဝေးနေကြသည်။ အကယ်စင်စစ် ငါ ပြုသော အမှုမှာ မည်သည့်အရာ ဖြစ်ကြောင်းကို သင်တို့ မသိကြသောကြောင့် သင်တို့ထဲတွင် ငါ့ထံမှ ထွက်ခွာသွားလိုသူ၊ ငါ့ထံမှ ၎င်းတို့ကိုယ်ကို ခပ်ကင်းကင်း နေသူ နှင့် ပြစ်တင်ဆုံးမခြင်း မရှိ၊ တရားစီရင်ခြင်း မရှိသော ထို ပရဒိသုဘုံတွင် အသက်ရှင်လိုသူ မြောက်များစွာ ရှိကြသည်။ ဤ အရာသည် လူတို့၏ စိတ်နှလုံးထဲတွင် အလိုရှိသော အရာပင် မဟုတ်လော။ ငါသည် သင့်အား အတင်းအကျပ် လုံးဝ လုပ်နေသည် မဟုတ်။ သင် မည်သည့် လမ်းကိုမဆို လိုက်လျှောက်ခြင်းမှာ သင်၏ ကိုယ်ပိုင် ရွေးချယ်မှုပင် ဖြစ်ပြီး ယနေ့ လိုက်လျှောက်သော လမ်းတွင် တရားစီရင်ခြင်း နှင့် ကျိန်ခြင်း အတူ ပါလာမည် ဖြစ်သည်၊ သို့သော်လည်း တရားစီရင်ခြင်း ဖြစ်စေ၊ ပြစ်တင်ဆုံးမခြင်း ဖြစ်စေ သင်တို့အပေါ် ငါ ပေးအပ်ထားသော အရာတို့မှာ သင်တို့အား ငါ ပေးနိုင်သော အကောင်းဆုံး ဆုလဒ်များ အားလုံးပင် ဖြစ်ပြီး ၎င်းတို့မှာ သင်တို့ အရေးတကြီး လိုအပ်သော အရာ အားလုံးလည်း ဖြစ် ကြောင်းကို သင်တို့ အားလုံး သိသင့်သည်။

ယခင်က:ဧဝံဂေလိတရားကို ဖြန့်ဝေသည့် အလုပ်သည် လူသားကို ကယ်တင်သည့် အလုပ်လည်းဖြစ်သည်

နောက်တစ်ခုသို့:ရွေးနှုတ်တော်မူခြင်းအမှုတော်နောက်ကွယ်မှ အဖြစ်မှန်

သင်နှစ်သက်နိုင်သည့် အရာများ