ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၁)

ဘုရားသခင်နောက်လိုက်ခြင်းဖြစ်စဉ်တွင်၊ ဘုရားသခင်ကို အမှန်တကယ် သင်နားလည်သည်၊ အမှန်တကယ် သဘောပေါက်သည်၊ အမှန်တကယ် သိလာသည်၊ လူအမျိုးမျိုးအထွေထွေအပေါ်တွင် ဘုရားသခင်ထားရှိသော သဘောထားကို သင်အမှန်တကယ် သိသည်၊ သင့်အပေါ်တွင် ဘုရားသခင် မည်ကဲ့သို့ အလုပ်လုပ်နေကြောင်းနှင့် သင့်လုပ်ဆောင်မှု တစ်ခုချင်းကို ဘုရားသခင် မည်သို့ သတ်မှတ်သည်တို့ကို သင်အမှန်တကယ် နားလည်သည်၊ နားမလည်သည်ကို မြင်ဖို့ရန် ဘုရားသခင်ကို ယုံကြည်ခြင်းနှင့်ဆိုင်သော သင်တို့၏ အသက်တာကို သင်တို့အယောက်တိုင်း အသစ်တဖန် ပြန်လည်ဆန်းစစ်သင့်ပေသည်။ သင့်တိုးတက်မှု၏ ဦးတည်ရာကို လမ်းညွှန်ပေးလျက်၊ သင့်ကံကြမ္မာကို စီမံလျက်၊ သင့်လိုအပ်ချက်များကို ပံ့ပိုးလျက်၊ သင့်အပါး၌ရှိသော ဤဘုရားသခင်ကို နောက်ဆုံးအကြိမ် ဆန်းစစ်ခြင်းတွင် သင်မည်မျှ နားလည်ပြီး သင်မည်မျှ အမှန်တကယ် သိပါသနည်း။ နေ့စဉ်နေ့တိုင်း သင့်အပေါ် သူ မည်သည့်အမှုပြုသည်ကို သင်သိပါသလော။ သူ၏ လုပ်ဆောင်မှုတိုင်းကို အခြေခံသော နိယာမများနှင့် ရည်ရွယ်ချက်များကို သင်သိပါသလော။ သင့်ကို သူမည်သို့ လမ်းပြသည်ကို သင်သိပါသလော။ သူသည် သင့်အား မည်သည့် နည်းစနစ်များဖြင့် ထောက်ပံ့နေသည်ကို သင်သိပါသလော။ သင့်အား သူဦးဆောင်သော နည်းလမ်းများကို သင်သိပါသလော။ သင့်ထံမှ မည်သည့်အရာကို သူ ရယူလိုသည်၊ သင့်ထံတွင် မည်သည့်အရာကို သူပြီးမြောက်အောင်မြင်လိုသည်ကို သင်သိပါသလော။ သင်ပြုမူသော နည်းလမ်းအမျိုးမျိုးတို့အပေါ် သူမည်သို့ သဘောထားသည်ကို သင်သိပါသလော။ သင်သည် သူချစ်သောလူတစ်ယောက် ဖြစ်မဖြစ်ကို သင်သိပါသလော။ သူ၏ ဝမ်းမြောက်မှု၊ အမျက်ဒေါသ၊ ဝမ်းနည်းမှုနှင့် နှစ်သက်မှု၊ ယင်းတို့၏နောက်ကွယ်ရှိ စိတ်ကူးများနှင့် အကြံအစည်များ၊ သူ၏အနှစ်သာရတို့၏ မူလရင်းမြစ်ကို သင်သိပါသလော။ နောက်ဆုံးအနေဖြင့် သင်ယုံကြည်သော ဤဘုရားသခင်မှာ မည်သည်ကဲ့သို့သော ဘုရားသခင်ဖြစ်ကြောင်း သင်သိပါသလော။ ဤမေးခွန်းများနှင့် အခြားသော မေးခွန်းများတို့သည် သင်ဘယ်တုန်းကမျှ နားမလည်ခဲ့သည့် သို့မဟုတ် မစဉ်းစားခဲ့သည့်အရာများ ဖြစ်နေပါသလော။ ဘုရားသခင်၏ နှုတ်ကပတ်တော်များကို အမှန်တကယ် တန်ဖိုးထားခြင်းနှင့် တွေ့ကြုံခံစားခြင်းတို့မှတဆင့် ဘုရားသခင်ကို သင်၏ယုံကြည်ခြင်းအား သင်လိုက်စားရာတွင် သူနှင့် ပတ်သက်သည့် သင်၏နားလည်မှုလွဲနေခြင်းများကို ရှင်းလင်းပြီးပါပြီလော။ ဘုရားသခင်၏ ပဲ့ပြင်ခြင်းနှင့် ဆုံးမခြင်းတို့ကို ရရှိပြီးနောက်တွင် စစ်မှန်သော နာခံခြင်းနှင့် အရေးစိုက်ခြင်းတို့ကို သင်ပြုပါပြီလော။ ဘုရားသခင်၏ ပြစ်တင်ဆုံးမခြင်းနှင့် တရားစီရင်ခြင်းတို့အလယ်တွင် လူသား၏ ပုန်ကန်လိုစိတ်နှင့် ဆိုးယုတ်သည့် စိတ်သဘောသဘာဝတို့ကို သိမြင်လာပြီး၊ ဘုရားသခင်၏ သန့်ရှင်းခြင်းအကြောင်းအား အနည်းငယ်မျှလောက် နားလည်မှု ရရှိပြီးပါ၏လော။ ဘုရားနှုတ်ကပတ်တော်များ၏ လမ်းညွှန်မှုနှင့် ဉာဏ်အလင်းရခြင်းတို့အောက်တွင် အသက်တာအတွက် အမြင်အသစ်ကို သင်စတင်ရရှိပြီလော။ ဘုရားသခင် စေလွှတ်သော စမ်းသပ်ခြင်းအလယ်တွင် လူသားတို့၏ ပြစ်မှုများအပေါ် သူ၏ သည်းမခံနိုင်မှုအပြင် သင့်ထံမှ သူတောင်းဆိုသောအရာနှင့် သင့်အား မည်သို့ ကယ်တင်နေပုံတို့ကို သင်မခံစားမိဘူးလော။ ဘုရားသခင်အပေါ် နားလည်မှုလွဲခြင်းဆိုသည်မှာ မည်သည့်အရာဖြစ်သည်ကို သင်မသိပါက၊ သို့မဟုတ် ဤနားလည်မှုလွဲခြင်းကို မည်သို့ ရှင်းလင်းရမှန်း သင်မသိပါက၊ သင်သည် ဘုရားသခင်နှင့် စစ်မှန်သည့် ဆက်ဆံရေးမရှိသည့်အပြင် ဘုရားသခင်ကို မည်သည့်အခါမျှ နားလည်ခြင်း မရှိခဲ့ဟု ပြောနိုင်ပါသည်။ သို့မဟုတ် သူ့ကို သင်မည်သည့်အခါမျှ နားလည်လိုစိတ် မရှိခဲ့ဟု ပြောနိုင်ပါသည်။ အကယ်၍သင်သည် ဘုရားသခင်၏ ပဲ့ပြင်ခြင်းနှင့် ပြစ်တင်ဆုံးမခြင်းတို့က မည်သည့်အရာမှန်း သင်မသိပါမူ နာခံခြင်းနှင့် ဂရုစိုက်ခြင်းတို့မှာ မည်သည့်အရာကို ဆိုသည်မှန်း သင် ဧကန်မုချမသိပေ။ သို့မဟုတ် ယုတ်စွအဆုံး ဘုရားသခင်ကို သင်အမှန်တကယ် နာခံခဲ့ခြင်း သို့မဟုတ် ဂရုစိုက်ခြင်း မည်သည့်အခါကမျှ မရှိပေ။ အကယ်၍ သင်သည် မည်သည့်အခါကမျှ ဘုရားသခင်၏ ပြစ်တင်ဆုံးမခြင်းနှင့် တရားစီရင်ခြင်းကို ခံခဲ့ရခြင်းမရှိခဲ့ပါက၊ သူ၏သန့်ရှင်းခြင်းက မည်သည့်အရာဖြစ်သည်ကို ဧကန်မုချ သင် သိလိမ့်မည်မဟုတ်သကဲ့သို့ လူသား၏ ပုန်ကန်ခြင်းမှာ မည်သည်ဆိုသည်ကိုလည်း သာ၍ပင် ရှင်းလင်းစွာ သိလိမ့်မည်မဟုတ်ပေ။ အကယ်၍ သင့်မှာ အသက်တာအပေါ် မှန်ကန်သည့် အမြင် သို့မဟုတ် အသက်တာတွင် မှန်ကန်သည့် ရည်မှန်းချက် မည်သည့်အခါကမျှ အမှန်တကယ် မရှိခဲ့ဘဲ၊ ရှေ့သို့ဆက်လျှောက်ရန် ချီတုံချတုံဖြစ်သည်အထိပင် သင့်အနာဂတ် အသက်တာလမ်းအပေါ် စိတ်ရှုပ်ထွေးခြင်း၊ ဆုံးဖြတ်ချက်မကျခြင်း အခြေအနေတွင် ရှိနေသေးပါလျှင် ဘုရားသခင်၏ ဉာဏ်အလင်းရခြင်းနှင့် လမ်းညွှန်ခြင်းတို့ကို သင်မည်သည့်အခါကမျှ မရရှိကြောင်း သေချာပါသည်။ ထို့ပြင် ဘုရားသခင်၏ နှုတ်ကပတ်တော်အားဖြင့် သင်မည်သည့်အခါကမျှ ထောက်ပံ့ခံရခြင်း၊ ဖြည့်တင်းပေးခံရခြင်းတို့ အမှန်တကယ်မရှိ ဟူ၍လည်း ပြောနိုင်ပါသည်။ အကယ်၍ ဘုရားသခင်၏ စမ်းသပ်ခြင်းကို သင်မခံရသေးပါက လူသား၏ ပြစ်မှုများအတွက် ဘုရားသခင်၏ သည်းမခံနိုင်မှုကိုလည်း သင်အသေအချာ မသိဆိုသည်ကို ပြောစရာပင်မလိုသကဲ့သို့ အဆုံးတွင် သင့်ထံမှ ဘုရားသခင် လိုချင်သည့် အရာကိုလည်း သင်နားလည်မည်မဟုတ်။ ထို့ပြင် လူသားတို့အပေါ် ကိုယ်တော်၏ စီမံခန့်ခွဲမှုနှင့် ကယ်တင်ခြင်းအလုပ် တို့ကိုလည်း သာ၍နားလည်မည် မဟုတ်ချေ။ လူတစ်ယောက်သည် ဘုရားသခင်ကို နှစ်ပေါင်းမည်မျှကြာအောင် ယုံကြည်ပြီးစေကာမူ ဘုရားသခင်၏ နှုတ်ကပတ်တော်များထဲတွင် မည်သည့်အရာကိုမျှ တွေ့ကြုံခံစားဖူးခြင်း၊ သိမြင်နားလည်ခြင်း လုံးဝမရှိခဲ့ပါလျှင် သေချာသည်မှာ ထိုသူသည် ကယ်တင်ခြင်းလမ်းသို့ လျှောက်လှမ်းနေခြင်း မဟုတ်ပေ။ ဘုရားသခင်အပေါ် ၎င်း၏ယုံကြည်ခြင်းသည် အမှန်တကယ် အနှစ်မပါသည့် ယုံကြည်ခြင်းဖြစ်သည်မှာ သေချာပါသည်။ ဘုရားသခင်နှင့် စပ်ဆိုင်သည့် ၎င်း၏အသိပညာမှာလည်း သုညဖြစ်နေသည်မှာ သေချာပါသည်။ ဘုရားသခင်ကို ရိုသေလေးမြတ်ခြင်းက မည်သည့်အရာဖြစ်သည်ကို သူမသိကြောင်းကို ပြောရန်ပင်မလိုပါချေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို သိခြင်းသည် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းဆီသို့ သွားရာလမ်းဖြစ်၏” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၂)

ဘုရားသခင်၏ ပိုင်ဆိုင်မှုများနှင့် ဖြစ်တည်မှု၊ ဘုရားသခင်၏ အနှစ်သာရ၊ ဘုရားသခင်၏ စိတ်သဘောထား- စသည်တို့အားလုံးကို လူသားမျိုးနွယ်ထံ သူ၏ နှုတ်ကပတ်တော်များ၌ သိစေပြီး ဖြစ်သည်။ လူသည် ဘုရားသခင်၏ နှုတ်ကပတ်တော်များကို တွေ့ကြုံခံစားရသည့်အခါ၊ ၎င်းတို့ကို လုပ်ဆောင်စဉ်တွင် ဘုရားသခင် ပြောဆိုသော နှုတ်ကပတ်တော်၏ နောက်ကွယ်မှ ရည်ရွယ်ချက်ကို နားလည်လာလိမ့်မည်။ ဘုရားသခင် နှုတ်ကပတ်တော်များ၏ အရင်းအမြစ်နှင့် နောက်ခံအကြောင်းကို နားလည်လာလိမ့်မည်ဖြစ်ပြီး ဘုရားနှုတ်ကပတ်တော်များ၏ ရည်ရွယ်ထားသည့်ရလဒ်တို့ကို နားလည်လာပြီး တန်ဖိုးထားလာပါလိမ့်မည်။လူသားမျိုးနွယ်အတွက်၊ သမ္မာတရားနှင့် အသက်ကို ရရှိဖို့ရန်၊ ဘုရားသခင်၏ ရည်ရွယ်ချက်များကို သဘောပေါက်ရန်၊ သူ၏ စိတ်သဘောထားထဲတွင် ပြောင်းလဲဖို့နှင့် ဘုရားသခင်၏ အချုပ်အချာ အာဏာနှင့် စီစဉ်ခြင်းများကို နာခံလာနိုင်ရန်အလို့ငှာ၊ ဤအရာများအားလုံးသည် လူသား တွေ့ကြုံရမည့်၊ နားလည်သဘောပေါက်ရမည့်၊ ရယူရမည့်အရာများ ဖြစ်သည်။ ဤအရာများကို လူသားက တွေ့ကြုံကာ၊ သဘောပေါက်ပြီး ရယူသည်နှင့် တချိန်တည်းမှာပင် ဘုရားသခင်နှင့်ဆိုင်သော သိနားလည်မှုကို သူ တဖြည်းဖြည်း ရရှိလိမ့်မည်။ ဤအချိန်တွင် ဘုရားသခင်နှင့် ပတ်သက်သည့် အမျိုးမျိုးသော အသိပညာ အဆင့်များကိုလည်း ရရှိလာပါလိမ့်မည်။ ဤနားလည်ခြင်းနှင့် အသိပညာတို့သည် လူသား စိတ်ကူးသည့်အရာ သို့မဟုတ် ရေးစပ်ထားသည့်အရာမှ ထွက်ပေါ်လာသည့် အရာမဟုတ်ဘဲ ၎င်း၏ စိတ်ထဲတွင် ဖြစ်ပေါ်လာသည့် အသိအမှတ်ပြုသည့်အရာ၊ တွေ့ကြုံသည့်အရာ၊ ခံစားပြီး အတည်ပြုသည့်အရာမှ ဖြစ်ပေါ်လေသည်။ ဤအရာတို့ကို အသိအမှတ်ပြုခြင်း၊ တွေ့ကြုံခြင်း၊ ခံစားခြင်းနှင့် အတည်ပြုခြင်းတို့နောက်တွင်သာ ဘုရားသခင်နှင့်ဆိုင်သည့် လူသား အသိပညာသည် ပါဝင်သည့်အကြောင်းအရာကို ဆည်းပူးလေသည်။ ဤအချိန်တွင် သူရယူသည့် အသိပညာသည်သာ လက်တွေ့ကျကာ၊ စစ်မှန်ပြီး တိကျမှန်ကန်မှု ရှိလေသည်။ ပြီးလျှင် ဘုရားသခင်၏ နှုတ်ကပတ်တော်များကို အသိအမှတ်ပြုခြင်း၊ တွေ့ကြုံခြင်း၊ ခံစားခြင်းနှင့် အတည်ပြုခြင်းတို့မှတဆင့် ဘုရားသခင်နှင့် သက်ဆိုင်သည့် စစ်မှန်သော သိနားလည်မှုနှင့် အသိပညာတို့ကို ရယူခြင်းတည်းဟူသော ဤဖြစ်စဉ်သည် သာလျှင် လူသားနှင့် ဘုရားသခင်အကြား စစ်မှန်သည့် ဆက်ဆံရေး ဖြစ်ပေသည်။ ဤကဲ့သို့ ဆက်ဆံရေးမျိုးအလယ်တွင် လူသားသည် ဘုရားသခင်၏ ရည်ရွယ်ချက်များကို အမှန်တကယ် သဘောပေါက် နားလည်လာပြီး ဘုရားသခင်၏ ပိုင်ဆိုင်မှုနှင့် ဖြစ်တည်မှုကို အမှန် နားလည်ကာ သိရှိလာသည်။ ဘုရားသခင်၏အနှစ်သာရကို အမှန် နားလည်ကာ သိရှိလာသည်။ ဘုရားသခင်၏ စိတ်သဘောထားကို တဖြည်းဖြည်း နားလည်ကာ သိရှိလာသည်။ ထို့နောက် ဖန်ဆင်းခြင်း အရာအားလုံးတို့အပေါ် ဘုရားသခင်၏ အုပ်စိုးမှုဟူသော အမှန်တရားနှင့် ပတ်သက်၍ မှန်ကန်သော မှန်ကန်သော အဓိပ္ပာယ်ဖွင့်ဆိုချက်အပေါ် အမှန် သေချာခြင်းသို့ ရောက်လာပြီး ဘုရားသခင်၏ ကိုယ်ပိုင်လက္ခဏာနှင့် ရပ်တည်ချက်နှင့်ပတ်သက်သည့် အသိပညာအပေါ် ခြေခြေမြစ်မြစ် သိရှိလာသည်။ ဤကဲ့သို့ ဆက်ဆံရေးမျိုးအလယ်တွင် ဘွားကနဲ့ ဘုရားသခင် ပေါ်လာသည်ဟု စိတ်မကူးတော့ဘဲ သို့မဟုတ် ဘုရားသခင်နှင့် ပတ်သက်သည့် မိမိ၏ကိုယ်ပိုင် သံသယများကို အလိုမလိုက်တော့ဘဲ သို့မဟုတ် ကိုယ်တော့်အား နားလည်မှုလွဲခြင်း၊ သို့မဟုတ် ကိုယ်တော့်အား ပြစ်တင်ရှုတ်ချခြင်း သို့မဟုတ် ကိုယ်တော့်ကို ဝေဖန်ခြင်း သို့မဟုတ် ကိုယ်တော့်ကို သံသယရှိခြင်းတို့ မရှိတော့ဘဲ လူသားသည် ဘုရားသခင်နှင့် ပတ်သက်သည့် သူ၏အမြင်များကို တစ်ဆင့်ပြီးတစ်ဆင့် ပြောင်းလဲလေသည်။ အကျိုးဆက်အနေဖြင့် လူသားသည် ဘုရားသခင်နှင့် ငြင်းခုံခြင်း သာ၍နည်းလာမည်ဖြစ်ပြီး ဘုရားသခင်နှင့် ပဋိပက္ခဖြစ်မှု နည်းလာမည်ဖြစ်ကာ ဘုရားသခင်ကို ပုန်ကန်သည့် ဖြစ်ရပ်များ သာ၍နည်းလာပေမည်။ အပြန်အလှန်အားဖြင့် လူသား၏ ဘုရားသခင်အပေါ် ဂရုစိုက်ခြင်းနှင့် နာခံခြင်းတို့မှာ တိုး၍ကြီးထွားလာမည်ဖြစ်ပြီး ဘုရားသခင်ကို သူ၏ကြည်ညိုမှုမှာ ပို၍စစ်မှန်လာမည်ဖြစ်သည့်အပြင် ပို၍လည်း နက်နဲလာပါလိမ့်မည်။ ဤကဲ့သို့ ဆက်ဆံရေးမျိုး အလယ်တွင် လူသားသည် သမ္မာတရား၏ အထောက်အပံ့၊ အသက်နှင့်ဆိုင်သော ဗတ္တိဇံတို့ကို ရလိမ့်မည်သာမက တစ်ချိန်တည်းမှာပင် ဘုရားသခင်နှင့်ဆိုင်သည့် မှန်ကန်သည့် အသိပညာကိုလည်း ရရှိလိမ့်မည် ဖြစ်သည်။ ဤကဲ့သို့ဆက်ဆံရေးမျိုးအလယ်တွင် လူသားသည် မိမိ၏ စိတ်သဘောထားထဲတွင် ပြောင်းလဲပြီး ကယ်တင်ခြင်း ရရှိမည့်အပြင် တချိန်တည်းတွင် ဘုရားသခင်အပေါ် အဖန်ဆင်းခံတစ်ဦး၏ စစ်မှန်သော ကြည်ညိုခြင်းနှင့် ကိုးကွယ်ခြင်းတို့ကိုလည်း ရှာမှီးလိမ့်မည်။ ဤကဲ့သို့ ဆက်ဆံရေးမျိုး ရှိခြင်းအားဖြင့် ဘုရားသခင်၌ လူသား၏ ယုံကြည်ခြင်းသည် စာရွက်အလွတ် တစ်ရွက်၊ သို့မဟုတ် အပြောသက်သက်ဖြစ်သည့် နှုတ်ကတိတစ်ခု၊ သို့မဟုတ် မျက်စိစုံမှိတ် လိုက်စားခြင်းနှင့် ပုဂ္ဂိုလ်ရေးရာ ကိုးကွယ်ခြင်းပုံမျိုး ဖြစ်လိမ့်မည် မဟုတ်တော့ချေ။ ဤကဲ့သို့ ဆက်ဆံရေးမျိုးဖြင့်သာ၊ လူသား၏အသက်တာသည် တစ်ရက်ပြီးတစ်ရက် ရင့်ကျက်ခြင်းဆီသို့ ကြီးထွားပြီး၊ ယခုအချိန်မှသာ သူ၏စိတ်သဘောထား တဖြည်းဖြည်းချင်း ပြောင်းလဲလာမည်ဖြစ်ကာ ဘုရားသခင်၌ သူ၏ ယုံကြည်ခြင်းသည် မရေရာ၊ မသေချာသော ယုံကြည်ခြင်းမှ စစ်မှန်သည့် နာခံခြင်းနှင့် ဂရုထားခြင်း၊ စစ်မှန်သည့် ကြည်ညိုခြင်းအဖြစ်သို့ တစ်ဆင့်ပြီးတစ်ဆင့် ပြောင်းလဲသွားမည် ဖြစ်ပြီး ဘုရားသခင် နောက်လိုက်ခြင်းဖြစ်စဉ်၌ လူသားသည် ခံယူသူအဖြစ်မှ ပြုလုပ်သူအဖြစ်သို့၊ တုန့်ပြန်ပြုမူသူအဖြစ်မှ အပြုသဘောဆောင်သော အလုပ်များကို လုပ်သူအဖြစ်သို့လည်း တဖြည်းဖြည်းချင်း တိုးတက်သွားပေလိမ့်မည်။ ဤကဲ့သို့ ဆက်ဆံရေးမျိုးဖြင့်သာ ဘုရားသခင်နှင့်သက်ဆိုင်သည့် မှန်ကန်သော သိနားလည်မှုနှင့် သဘောပေါက်ခြင်း၊ ဘုရားသခင်နှင့် သက်ဆိုင်သော မှန်ကန်သည့် အသိပညာတစ်ခုသို့ ရောက်ရှိလိမ့်မည်ဖြစ်သည်။ လူအများစုသည် ဘုရားသခင်နှင့် အမှန်တကယ် ဆက်ဆံရေးမရှိသောကြောင့်၊ ၎င်းတို့၏ ဘုရားသခင် နှင့်ဆိုင်သည့် အသိပညာမှာ သဘောတရားများ၊ စာများနှင့် အယူဝါဒများ အဆင့်၌သာ ရပ်တန့်လေသည်။ ယင်းမှာ လူအများစုသည် ဘုရားသခင်ကို နှစ်ပေါင်းမည်မျှကြာ ၎င်းတို့ ယုံကြည်ပြီးသည်ဖြစ်စေ ဘုရားသခင်ကို သိရှိခြင်းနှင့် ပတ်သက်သရွေ့ ၎င်းတို့သည် ၎င်းတို့ စတင်ခဲ့သည့် နေရာတစ်ခုတည်းတွင် ရှိသေး၏၊ ဒဏ္ဍာရီလာ အသွေးအရောင်တို့နှင့် ခေတ်နောက်ကျနေသော အယူသီးမှုတို့ဖြင့် ရိုးရာဓလေ့ဆိုင်ရာ ဂါရဝပြုခြင်း ပုံစံများနှင့်ဆိုင်သည့် အခြေခံအုတ်မြစ်တွင် ပိတ်မိနေကြဆဲဖြစ်သည်ဟု ဆိုရပေမည်။ ဘုရားသခင်နှင့်ဆိုင်သည့် ထိုလူ၏အသိပညာသည် စတင်ခဲ့သည့်နေရာတွင် ရပ်တန့်ထားသင့်သည် ဆိုသည်မှာ လက်တွေ့အားဖြင့် တကယ်ဖြစ်တည်ခြင်း မရှိသည်ကို ဆိုလိုပေသည်။ ဘုရားသခင်၏ ရပ်တည်ချက်နှင့် ကိုယ်ပိုင် လက္ခဏာတို့နှင့်ဆိုင်သည့် လူသား၏ အတည်ပြုချက်မှလွဲ၍၊ ဘုရားသခင်၌ လူသား၏ ယုံကြည်မှုသည် မရေရာ မသေချာသည့် အဆင့်မှာသာ ရှိနေသေး၏။ ဤသို့ဖြစ်ပါက လူသားသည် ဘုရားသခင်အပေါ် အမှန်တကယ် ကြည်ညိုမှု မည်မျှရှိနိုင်သနည်း။

ဘုရားသခင်၏ တည်ရှိခြင်းကို သင်မည်မျှ ခိုင်ခိုင်မာမာ ယုံကြည်စေကာမူ၊ ဤအရာက ဘုရားသခင်နှင့် သက်ဆိုင်သည့် သင်၏ အသိပညာကို လည်းကောင်း၊ ဘုရားသခင်အပေါ် သင်၏ ကြည်ညိုခြင်းကိုလည်းကောင်း အစားမထိုးနိုင်ပေ။ ဘုရားသခင်၏ ကောင်းချီးမင်္ဂလာများနှင့် သူ၏ ကျေးဇူးတော်ကို သင်မည်မျှ မွေ့လျော်ပြီးဖြစ်ပါစေ ဤအရာက ဘုရားသခင်နှင့် သက်ဆိုင်သည့် သင်၏ အသိပညာ၏ နေရာကို အစားမထိုးနိုင်ပေ။ သင့်၌ရှိသမျှအားလုံးကို ဘုရားသခင်အဖို့ အလို့ငှာ ဆက်ကပ်၍ အသုံးခံဖို့ သင်မည်မျှ စိတ်ဆန္ဒရှိသည်ဖြစ်စေ ဤအရာက၊ ဘုရားသခင်နှင့် သက်ဆိုင်သည့် သင်၏ အသိပညာကို အစားမထိုးနိုင်ပေ။ ကိုယ်တော် ပြောဆိုသော နှုတ်ကပတ်တော်များနှင့် အလွန်ရင်းနှီးကျွမ်းဝင်ကာ သင်ကြီးပြင်းလာခြင်း ဖြစ်ကောင်းဖြစ်မည် သို့မဟုတ် ထိုနှုတ်ကပတ်တော်များကို သင်အလွတ်ရကာ သွက်လက်စွာ ပြန်လှန်ရွတ်နိုင်သည့်တိုင် ဤအရာက ဘုရားသခင်နှင့် သက်ဆိုင်သည့် သင့်အသိပညာ၏ နေရာကို အစားဝင်မယူနိုင်ပါ။ လူသည် ဘုရားသခင်နောက် စူးစူးစိုက်စိုက် လိုက်နေနိုင်စေကာမူ၊ အကယ်၍ သူသည်ဘုရားသခင်နှင့် စစ်မှန်သော ဆက်ဆံရေး လုံးဝမရှိခဲ့ပါက သို့မဟုတ် ဘုရားသခင်၏ နှုတ်ကပတ်တော်များနှင့်ဆိုင်သည့် စစ်မှန်သော အတွေ့အကြုံမရှိခဲ့ပါက၊ ဘုရားသခင်နှင့်ဆိုင်သည့် သူ၏ အသိပညာမှာ ဗလာသက်သက် သို့မဟုတ် အဆုံးအစမရှိ လွင့်မျောနေခြင်းထက် ပိုလိမ့်မည်မဟုတ်။ ထိုအားလုံးအတွက် ဘုရားသခင်နှင့် “ပုခုံးချင်းတိုက်” ကာ သင်ဖြတ်သွားကောင်း သွားနိုင်သည် သို့မဟုတ် ကိုယ်တော်နှင့် မျက်နှာချင်းဆိုင် တွေ့ကောင်းတွေ့နိုင်မည်၊ ဘုရားသခင်နှင့်ဆိုင်သည့် သင့်အသိပညာမှာ သုညဖြစ်ဆဲသာ ရှိပေလိမ့်မည်ဖြစ်ပြီး ဘုရားသခင်အပေါ် သင်၏ကြည်ညို မှုမှာ အနှစ်မဲ့သော ကြွေးကြော်သံ သို့မဟုတ် စိတ်ကူးယဉ်မှု တစ်ခုထက် ပိုမည်မဟုတ်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို သိခြင်းသည် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းဆီသို့ သွားရာလမ်းဖြစ်၏” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃)

လူများစွာတို့က ဘုရားသခင်၏နှုတ်ကပတ်တော်များကို နေ့စဉ်နေ့တိုင်း ဖတ်ရှုဖို့ စွဲကိုင်ကြသည်မှာ ဂန္တဝင်မြောက် ကျမ်းပိုဒ်များအားလုံးကို ၎င်းတို့၏ အထူးတန်ဖိုး အထားဆုံး ပိုင်ဆိုင်မှုတစ်ခုအလား မှတ်ဉာဏ်ထဲ သေချာစွာ မှတ်သားထားကြသည့်အပြင် အခြားသူများအား ဘုရားသခင်၏နှုတ်ကပတ်တော်များဖြင့် ထောက်ပံ့ပြီး ပံ့ပိုးလျက် ဘုရားသခင်၏ နှုတ်ကပတ်တော်များကို နေရာအနှံ့ ဟောကြသည်အထိပင် ဖြစ်သည်။ ဤအရာကို လုပ်ဆောင်ခြင်းသည် ဘုရားသခင်ကို သက်သေခံခြင်း၊ သူ့နှုတ်ကပတ်တော် များအား သက်သေခံခြင်း၊ ဘုရားသခင်၏ လမ်းခရီးနောက်ကို လိုက်ခြင်းဖြစ်သည်ဟု ၎င်းတို့က တွေးကြသည်။ ဤအရာကို လုပ်ဆောင်ခြင်းသည် ဘုရားသခင်၏ နှုတ်ကပတ်တော်အားဖြင့် အသက်ရှင်ခြင်း၊ ဘုရားသခင်၏ နှုတ်ကပတ်တော်များကို ၎င်းတို့၏ တကယ့်အသက်တာများထဲသို့ ယူဆောင်ခြင်းတို့ဖြစ်ပြီး၊ ဤအရာက ဘုရားသခင်၏ ချီးကျူးခြင်းကို ၎င်းတို့ လက်ခံရရှိစေမည်၊ ပြီးလျှင် ကယ်တင်ခံရစေပြီး စုံလင်စေခြင်းခံရစေမည်ဟု ၎င်းတို့တွေးထင်ကြသည်။ သို့သော် ဘုရားသခင်၏ နှုတ်ကပတ်တော်များကို ၎င်းတို့က ဟောကြားနေစဉ်တွင်ပင်၊ ဘုရားသခင်၏ နှုတ်ကပတ်တော်များကို လက်တွေ့ လုပ်ဆောင်ခြင်းဖြင့် မည်သည့်အခါမျှ မလိုက်နာသကဲ့သို့၊ ဘုရားသခင်၏ နှုတ်ကပတ်တော်တွင် ထုတ်ဖော်ပြထားသည့် အရာနှင့်အညီ မိမိတို့ ကိုယ်ကိုယ် အားမထုတ်နိုင်ကြပေ။ ယင်းထက် ၎င်းတို့က လိမ်လည်လှည့်စားမှုအားဖြင့် အခြားသူများ၏ ကြည်ညိုမှုနှင့် ယုံကြည်မှုတို့ကိုရရှိဖို့၊ မိမိတို့ဘာသာ စီမံခန့်ခွဲဖို့နှင့် ဘုရားသခင်၏ ဘုန်းအသရေကို အလွဲသုံးစားလုပ်ပြီး၊ ခိုးယူဖို့အလို့ငှာ ဘုရားသခင်၏ နှုတ်ကပတ်တော်များကို အသုံးပြုကြလေသည်။ သူတို့က ဘုရားသခင်၏ အလုပ်နှင့် သူ၏ချီးကျူးခြင်းတို့ကို ချီးမြှင့်ခံရစေဖို့အလို့ငှာ ဘုရားသခင်၏နှုတ်ကပတ်တော်များကို ဖြန့်ဝေခြင်းအားဖြင့် ပေးလာသည့် အခွင့်အလမ်းကို အမြတ်ထုတ်ဖို့ အချည်းနှီး မျှော်လင့်ကြသည်။ နှစ်ပေါင်းမည်မျှကုန်ဆုံးခဲ့ပြီနည်း၊ သို့သော်လည်း ဤလူတို့သည် ဘုရားသခင်၏ နှုတ်ကပတ်တော်များအား ဟောကြားခြင်း လုပ်ငန်းစဉ်တွင် ဘုရားသခင်၏ ချီးကျူးခြင်းကို ထိုက်တန်စွာရရှိနိုင်စွမ်း မရှိရုံမျှမက၊ ပြီးလျှင် ဘုရားသခင်၏ နှုတ်ကပတ်တော်များအား သက်သေခံခြင်း လုပ်ငန်းစဉ်တွင် သူတို့ လိုက်လျှောက်သင့်သည့် လမ်းခရီးကို ရှာဖွေနိုင်စွမ်းလည်းမရှိဘဲ၊ သူတို့သည် အခြားသူများအား ဘုရားသခင်၏ နှုတ်ကပတ်တော်များဖြင့် ထောက်ပံ့ပြီး ပံ့ပိုးခြင်း လုပ်ငန်းစဉ်တွင် မိမိတို့ကိုယ်ကိုယ် ထောက်ပံ့နိုင်စွမ်း သို့မဟုတ် ပံ့ပိုးနိုင်စွမ်းမရှိသလို၊ ဤအရာအားလုံးကို လုပ်ဆောင်ခြင်း လုပ်ငန်းစဉ်တွင် ဘုရားသခင်ကို သိကျွမ်းနိုင်စွမ်း သို့မဟုတ် ဘုရားသခင်အတွက် စစ်မှန်သော ချစ်ကြောက်ရိုသေမှုတွင် မိမိတို့ကိုယ်ကိုယ် နိုးကြားစေနိုင်စွမ်းလည်း မရှိသည်သာမက၊ ဆန့်ကျင်ဖက်အားဖြင့် ဘုရားသခင်နှင့် ပတ်သက်သည့် သူတို့၏ အထင်လွဲမှုများသည် ယခင်ကထက် တိုး၍ နက်ရှိုင်းလာသည်၊ သူနှင့်ပတ်သက်သည့် သူတို့၏ အယုံအကြည် ကင်းမဲ့မှုများသည် ပို၍ ဆိုးရွားလာပြီး၊ သူနှင့် ပတ်သက်သည့် သူတို့၏စိတ်ကူးများသည် ယခင်ထက်ပို၍ လွန်ကဲလာခဲ့သည်။ ဘုရားသခင်၏ နှုတ်ကပတ်တော်နှင့် ပတ်သက်သည့် ၎င်းတို့၏ အယူအဆများအားဖြင့် ထောက်ပံ့ပြီး ဦးဆောင်လမ်းပြခံရလျက်၊ ၎င်းတို့ လုံးလုံး နှစ်သက်ပျော်မွေ့နေပုံရသည်၊ အားထုတ် ကြိုးပမ်းမှုမလိုဘဲ သူတို့၏ ကျွမ်းကျင်မှုများကို သက်သောင့်သက်သာ အသုံးပြုနေကြသည့် အလား၊ အသက်တာတွင် သူတို့ရည်ရွယ်ချက်၊ သူတို့ဘဝပေးတာဝန်ကို ရှာတွေ့ပြီဖြစ်သည့် အလား၊ ပြီးလျှင် အသက်တာအသစ်တစ်ခုကို ရရှိပြီး၊ ကယ်တင်ခံရပြီးဖြစ်သည့်အလား၊ ဘုရားသခင်၏ နှုတ်ကပတ်တော်များကို ရွတ်ဆိုရာတွင် ပြေပြစ်ချောမောစွာ ဌာန်ကရိုဏ်း ကျကျ ရွတ်ဆိုရင်းဖြင့် သူတို့က သမ္မာတရားကို ရရှိပြီးဖြစ်သည့်အလား၊ ဘုရားသခင်၏ ရည်ရွယ်ချက်များကို နားလည်သဘောပေါက်ပြီး ဖြစ်သည့်အလား၊ ပြီးလျှင် ဘုရားသခင်ကို သိကျွမ်းခြင်း လမ်းကြောင်းကို ရှာဖွေတွေ့ရှိပြီးဖြစ်သည့်အလား၊ ဘုရားသခင်၏ နှုတ်ကပတ်တော်များကို တရားဟောကြားခြင်းလုပ်ငန်းစဉ်တွင် ၎င်းတို့က ဘုရားသခင်နှင့် မကြာခဏ မျက်နှာချင်းဆိုင်တွေ့ရပြီးဖြစ်သည့်အလား ထင်ရသည်။ ထို့အပြင် သူတို့က ပြင်းပြင်းထန်ထန် ငိုကြွေးခြင်းဖြင့် မကြာခဏ တို့ထိခံရပြီး၊ ဘုရားသခင်၏ နှုတ်ကပတ်တော်များထဲက ဘုရားသခင်အားဖြင့် မကြာခဏ ဦးဆောင်လမ်းပြ ခံကြရ သည်မှာ၊ သူတို့က သူ၏ အလွန်စိတ်ထက်သန်သော ဂရုစိုက်မှုနှင့် ကြင်နာသော ရည်ရွယ်ချက်တို့ကို မရပ်မနား နားလည်သဘောပေါက်ကာ၊ တစ်ချိန်တည်းမှာပင် လူသားအတွက် ဘုရားသခင်၏ ကယ်တင်ခြင်းနှင့် သူ၏ စီမံခန့်ခွဲမှုတို့ကို နားလည်သဘောပေါက်ပြီး၊ သူ၏အနှစ်သာရကို သိကျွမ်းသည့်အပြင်၊ သူ၏ ဖြောင့်မတ်သော စိတ်သဘောထားကို နားလည်သဘောပေါက်လာခဲ့ပုံ ရကြသည်။ ဤအခြေခံအုတ်မြစ်ပေါ် အခြေပြုကာ၊ သူတို့က ဘုရားသခင်၏ တည်ရှိမှုကို ပို၍ပင် ခိုင်မာစွာ ယုံကြည်ပုံရကာ၊ သူ၏ ချီးမြောက်ခံရသည့် အခြေအနေကို ပိုသတိပြုမိပြီး၊ သူ၏ ကြီးကျယ်ခမ်းနားခြင်းနှင့် ထူးကဲသာလွန်ခြင်းတို့ကို ပို၍ပင် အလွန်အမင်းခံစားပုံရသည်။ ဘုရားနှုတ်ကပတ်တော်များ၏ အပေါ်ယံ သိကျွမ်းခြင်းတွင် နစ်မြုပ်ကာ၊ သူတို့၏ ယုံကြည်မှုများ ကြီးထွားပြီး၊ ဆင်းရဲဒုက္ခကို သည်းခံဖို့ သူတို့၏ သန္နိဌာန်က အားကောင်း လာပုံရသည့်အပြင်၊ ဘုရားသခင်ကို သူတို့၏ သိကျွမ်းခြင်းက ပိုနက်ရှိုင်းလာပုံရလေသည်။ သူတို့မသိသည်မှာ၊ ဘုရားသခင်၏ နှုတ်ကပတ်တော်များကို သူတို့အမှန်တကယ် တွေ့ကြုံ ခံစားခြင်းမရှိသေးခင်ထိ၊ ဘုရားသခင်နှင့် ပတ်သက်သည့် သူတို့၏ သိကျွမ်းမှုများ အားလုံးနှင့် သူတို့၏ အကြံဉာဏ်များသည် သူတို့ ဖြစ်ချင်သော စိတ်ကူးများနှင့် ထင်မြင်ချက်များမှ ထွက်ပေါ်လာခြင်းသာ ဖြစ်သည်။ သူတို့၏ ယုံကြည်မှုသည် ဘုရားသခင်ထံမှ မည်သည့်စမ်းသပ်မှုမျိုးအောက်တွင်မျှ ခံနိုင်မည် မဟုတ်ပေ၊ သူတို့၏ ဝိညာဉ်ရေးရာ ပြည့်ဝခြင်းနှင့် ဝိညာဉ်အသက်တာဟု ခေါ်သည့်အရာသည် ဘုရားသခင်၏ စမ်းသပ်မှု သို့မဟုတ် စစ်ဆေးမှုအောက်တွင် တကယ်ကို ခံနိုင်မည်မဟုတ်၊ သူတို့၏ သန္နိဌာန်က သဲပေါ်တွင်ဆောက်ထားသည့် ရဲတိုက်တစ်ခုမျှသာ ဖြစ်သည်၊ ပြီးလျှင် သူတို့၏ ဘုရားသခင်နှင့် ပတ်သက်သည့် သိကျွမ်းခြင်း ဆိုသည်အရာမှာ သူတို့၏ စိတ်ကူးအထင်သက်သက်သာ ဖြစ်တော့သည်။ အမှန်မှာမူ ဆိုခဲ့သည့်အတိုင်း ဘုရားသခင်၏ နှုတ်ကပတ်တော်များနှင့် ပတ်သက်ပြီး အားထုတ်ကြိုးပမ်းမှု များစွာထည့်သော ဤလူများသည် စစ်မှန်သည့် ယုံကြည်မှု၊ စစ်မှန်သော နာခံခြင်း၊ စစ်မှန်သည့် ဂရုစိုက်မှု သို့မဟုတ် ဘုရားသခင်ကို စစ်မှန်သော သိကျွမ်းခြင်းတို့သည် မည်သည့်အရာ ဖြစ်သည်ကို လုံးဝ နားမလည်ကြပေ။ သူတို့က အယူအဆ၊ စိတ်ကူး၊ အသိပညာ၊ ဆုကျေးဇူး၊ ရိုးရာဓလေ့၊ အစွဲအလမ်းကြီးခြင်းတို့အပြင်၊ လူသားမျိုးနွယ်၏ ကိုယ်ကျင့်တရားဆိုင်ရာ စံနှုန်းများကိုပင် ခံယူကြပြီး၊ ၎င်းတို့ကို ဘုရားသခင်၌ သူတို့၏ ယုံကြည်မှုနှင့် သူ့ကို သူတို့၏ရှာဖွေမှုတို့နှင့် ပတ်သက်သည့် အခြေခံအုတ်မြစ်များအဖြစ်ပင် ပြုလုပ်လျက်၊ ဘုရားသခင်၌ သူတို့၏ ယုံကြည်မှုနှင့် သူ့ကို သူတို့၏ရှာဖွေမှုအတွက် “အရင်းအနှီး” နှင့် “လက်နက်” အဖြစ် ပြုလုပ်ကြသည်။ တစ်ချိန်တည်းမှာပင်၊ သူတို့က ဘုရားသခင်၏ စစ်ဆေးခြင်းများ၊ စမ်းသပ်မှုများ၊ ပြစ်တင်ဆုံးမခြင်းနှင့် တရားစီရင်ခြင်းတို့ကို ရင်ဆိုင်ပြီး၊ ဖြေရှင်းခြင်းတို့ အတွက် ဤအရင်းအနှီးနှင့် လက်နက်တို့ကို ယူကာ၊ သူတို့၏ ဘုရားသခင်ကို သိကျွမ်းဖို့ အသုံးပြုသည့် မှော်ပညာလာဘ်အဆောင်များအဖြစ် ပြုလုပ်ကြသည်။ အဆုံးသတ်တွင် သူတို့ရှာမှီးသည့်အရာသည် ဘာသာရေးဂယက်အနက်တွင်လည်းကောင်း၊ ရှေးဆန်သည့် အစွဲအလမ်းများတို့တွင်လည်းကောင်း စိတ်ကူးယဉ်ဆန်ကာ၊ သဘာဝမကျသကဲ့သို့၊ ပဟေဠိဆန်သော အရာအားလုံးထဲတွင်လည်းကောင်း နစ်မြုပ်နေသည့် ဘုရားသခင် အကြောင်း ကောက်ချက်များထက် မပိုသည့်အရာများဖြင့်သာ ဖွဲ့စည်းထားဆဲဖြစ်သည်။ ဘုရားသခင်ကို သူတို့၏ သိကျွမ်းပြီး အဓိပ္ပါယ်ဖွင့်သည့်ပုံမှာ အထက်ကောင်းကင်ဘုံ၌ သို့မဟုတ် ကောင်းကင်ယံက အဘိုးအိုကိုသာ ယုံကြည်သည့် လူများ၏ ယုံကြည်မှုနှင့် တစ်ထေရာတည်းရှိစဉ်တွင်၊ စစ်မှန်သော ဘုရားသခင် ကိုယ်တော်တိုင်နှင့် ဆက်နွှယ်လျက် ရှိသော အရာအားလုံးဖြစ်သည့် ဘုရားသခင်၏ စစ်မှန်မှု၊ သူ၏အနှစ်သာရ၊ သူ၏စိတ်သဘောထား၊ သူ၏ပိုင်ဆိုင်မှုများနှင့် ဖြစ်တည်မှုများစသည်တို့မှာမူ- သူတို့ အသိပညာမှ နားလည်နိုင်ခြင်းမရှိသည့် အရာများဖြစ်သည်၊ ၎င်းတို့သည် သူတို့၏ အသိပညာနှင့် လုံးလုံး ကင်းကွာပြီး၊ မြောက်ဝင်ရိုးစွန်းနှင့် တောင်ဝင်ရိုးစွန်းတမျှပင် ဝေးကွာလေသည်။ ဤနည်းအားဖြင့် ဤလူများသည် ဘုရားနှုတ်ကပတ်တော်၏ ထောက်ပံ့မှုနှင့် အာဟာရဖြည့်ပေးခြင်းအောက်တွင် အသက်ရှင်ကြသော်လည်း၊ သူတို့သည် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်း လမ်းကြောင်းပေါ်တွင် အမှန်တကယ် လျှောက်လှမ်းနိုင်ခြင်းမရှိကြပေ။ ဤအရာအတွက် စစ်မှန်သည့် အကြောင်းအရင်းမှာ သူတို့သည် ဘုရားသခင်နှင့် မည်သည့်အခါမျှ သိကျွမ်းခြင်းမရှိသကဲ့သို့၊ သူနှင့် စစ်မှန်သော ဆက်သွယ်မှု သို့မဟုတ် စကားပြောဆိုခြင်းလည်း မရှိသောကြောင့် ဖြစ်သည်၊ ထို့ကြောင့် သူတို့က ဘုရားသခင်နှင့် အပြန်အလှန် နားလည်သဘောပေါက်မှု ရရှိဖို့ မဖြစ်နိုင်သလို၊ ဘုရားသခင်ကို စစ်မှန်စွာ ယုံကြည်မှုတွင် နိုးကြားဖို့၊ ဘုရားသခင်နောက်ကို လိုက်ဖို့ သို့မဟုတ် ဘုရားသခင်ကို ကိုးကွယ်ဖို့လည်း မဖြစ်နိုင်ပေ။ ထို့ကြောင့် သူတို့က ဘုရားသခင်၏ နှုတ်ကပတ်တော်များကို အရေးထားသင့်သည်၊ ထို့ကြောင့် သူတို့က ဘုရားသခင်ကို အလေးထားသင့်သည်- ဤအမြင်ရှုထောင့်နှင့် စိတ်နေသဘောထားတို့က သူတို့၏ အားထုတ်ကြိုးပမ်းမှုများမှ လက်ချည်းသက်သက်လှည့်ပြန်ရကိန်းစိုက်စေခဲ့ပြီး၊ ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်း လမ်းကြောင်းကို ထာဝရလျှောက်လှမ်းနိုင်စွမ်း မရှိသည့်ကိန်းစိုက်စေသည်။ သူတို့ ရည်မှန်းနေသည့် ပန်းတိုင်နှင့် သူတို့သွားနေသည့် ဦးတည်ချက်တို့က သူတို့အား ဘုရားသခင်၏ ရန်သူများ ထာဝရဖြစ်စေဖို့နှင့် ကယ်တင်ခြင်းကို ထာဝရတစ်သက်တာ ရရှိနိုင်စွမ်း မရှိစေဖို့ ကြမ္မာဖန်လာစေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို သိခြင်းသည် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းဆီသို့ သွားရာလမ်းဖြစ်၏” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၄)

ဘုရားသခင်နောက်ကို နှစ်ပေါင်းများစွာ လိုက်လျှောက်ပြီး၊ သူ့နှုတ်ကပတ်တော်များ၏ ထောက်ပံ့မှုကို နှစ်ပေါင်းများစွာ ပျော်မွေ့ခဲ့သည့် လူပုဂ္ဂိုလ်တစ်ယောက်၏ အနေဖြင့်၊ ဘုရားသခင်နှင့် ပတ်သက်သည့် သူတို့၏ အဓိပ္ပာယ်ကောက်မှုက ရုပ်ထုဆင်းထုများရှေ့တွင် မိမိကိုယ်ကိုယ်ဝပ်စင်းလျက် ဂါရဝပြုသူတစ်ယောက်၏ အဓိပ္ပာယ်ကောက်မှုနှင့် အခြေခံအားဖြင့် တထေရာတည်း ဖြစ်သည်၊ ထို့နောက်၊ ဤအရာက ဤလူသည် ဘုရားနှုတ်ကပတ်တော်များ၏ လက်တွေ့အရှိတရားကို မရရှိသေးဆိုသည့် သဘောကို ဆောင်မည် ဖြစ်သည်။ ဤသည်မှာ ဘုရားနှုတ်ကပတ်တော်များ၏ လက်တွေ့အရှိတရား ထဲသို့ သူတို့ မဝင်ရောက်ရသေးခြင်း သက်သက်ကြောင့်သာ ဖြစ်ပြီး၊ ဤအကြောင်းအရင်း ကြောင့် ဘုရားသခင်၏ နှုတ်ကပတ်တော်များထဲတွင် တည်ရှိသော အရာအားလုံးဖြစ်သည့် လက်တွေ့အရှိတရား၊ သမ္မာတရား၊ ရည်ရွယ်ချက်များနှင့် လူသားမျိုးနွယ်အပေါ် တောင်းဆိုမှုများ အားလုံးတို့သည် ထိုလူပုဂ္ဂိုလ်နှင့် မည်သို့မျှ မသက်ဆိုင်ပေ။ ဆိုလိုသည်မှာ ထိုကဲ့သို့ လူပုဂ္ဂိုလ်တစ်ယောက်သည် ဘုရားသခင်၏ နှုတ်ကပတ်တော်နှင့် ပတ်သက်သည့် အပေါ်ယံအဓိပ္ပါယ်အတွက် မည်မျှကြိုးစား ဆောင်ရွက်နေပါစေ၊ အားလုံးက အချည်းနှီး ဖြစ်လေသည်။ အကြောင်းမှာ သူတို့ ရှာဖွေလိုက်စားသည့်အရာသည် စကားလုံးများ သက်သက်သာ ဖြစ်ပြီး၊ သူတို့ရရှိသည့်အရာ သည်လည်း စကားလုံးများ သက်သက်သာ ဖြစ်ကိုဖြစ်ရပေမည်။ ဘုရားသခင် မိန့်တော်မူသည့်စကားများသည် အပြင်ပန်း အသွင်အပြင်တွင် ရိုးရှင်းသည်ဖြစ်စေ၊ နက်နဲသည်ဖြစ်စေ၊ ထိုနှုတ်ကပတ်တော်များ အားလုံးတို့သည် လူတစ်ယောက်အနေဖြင့် အသက်တာထဲသို့ ဝင်ရောက်သည့်အခါတွင် သူ့အတွက် မရှိမဖြစ်သော သမ္မာတရားများ အားလုံးဖြစ်လေသည်။ ထိုနှုတ်ကပတ်တော်များသည် လူကို ဝိညာဉ်နှင့် ခန္ဓာနှစ်ခုလုံးတွင် ရှင်သန်စေသည့် အသက်ရေများ၏ ရေသောက်မြစ် ဖြစ်သည်။ ထိုနှုတ်ကပတ်တော်များသည် လူသားများ အသက်ရှင်သန်နေဖို့ လိုအပ်သည့်အရာကို ထောက်ပံ့သည်။ သူ၏နေ့စဉ်အသက်တာ ပြုမူဆောင်ရွက်ခြင်းများအတွက် အခြေခံသဘောတရားများနှင့် အယူဝါဒတို့ကို ထောက်ပံ့သည်။ ကယ်တင်ခြင်း ရရှိဖို့အလို့ငှာ သူဖြတ်ကျော်ရမည့်အရာအတွက် လမ်းကြောင်း၊ ပန်းတိုင်နှင့် ဦးတည်ချက်တို့ကို ထောက်ပံ့ပေးသည်။ ဘုရားသခင်ရှေ့တော်မှောက်တွင် ဖန်ဆင်းခံသတ္တဝါ တစ်ယောက်အဖြစ် သူပိုင်ဆိုင်သင့်သည့် သမ္မာတရားတိုင်းကို ထောက်ပံ့ပေးသည်။ ပြီးလျှင် လူက ဘုရားသခင်ကို မည်သို့ကိုးကွယ်ပြီးနာခံပုံနှင့်ပတ်သက်သည့် သမ္မာတရားတိုင်းကို ထောက်ပံ့ပေးသည်။ ထိုနှုတ်ကပတ်တော်များသည် လူ၏ ရှင်သန်မှုကို သေချာစေသည့် အာမခံချက် ဖြစ်သည်၊ ထိုနှုတ်ကပတ်တော်များသည် လူ၏ နေ့စဉ်ခွန်အားဖြစ်သည်၊ ပြီးလျှင် ထိုနှုတ်ကပတ်တော်များသည် လူကို သန်မာစေပြီး မတ်မတ်ရပ်နိုင်စေသည့် ကြံ့ကြံ့ခံသော ထောက်ပံ့မှုလည်း ဖြစ်သည်။ ဖန်ဆင်းခံ လူသားမျိုးနွယ်က ထိုနှုတ်ကပတ်တော်များအရ အသက်ရှင်နေထိုင်နေသည်နှင့်အညီ သာမာန်လူ့သဘာဝ၏ သမ္မာတရားနှင့် ပတ်သက်သည့် လက်တွေ့အရှိတရားဖြင့် ကြွယ်ဝသည်၊ ထိုနှုတ်ကပတ်တော်များအားဖြင့် လူသားမျိုးနွယ်က ဖောက်ပြန်ပျက်စီးမှုရုန်းထွက်လွတ်မြောက်ဖို့နှင့် စာတန်၏ ကျော့ကွင်းများကို ရှောင်တိမ်းဖို့ အသုံးပြုသည့် သမ္မာတရားဖြင့် ကြွယ်ဝသည်၊ ဖန်ဆင်းခံ လူသားမျိုးနွယ်ကို ဖန်ဆင်းရှင် ပေးသည့် မမောမပန်းသော သွန်သင်ချက်၊ တိုက်တွန်းခြင်း၊ အားပေးမှုနှင့်တို့ဖြင့် ကြွယ်ဝလေသည်။ ထိုနှုတ်ကပတ်တော်များသည် လူသားများအား အပြုသဘောဆောင်သည့်အရာ အားလုံးကို နားလည်စေဖို့ လမ်းပြပြီး ဉာဏ်အလင်းပေးသည့် မီးပြတိုက် ဖြစ်သည်၊ လူတို့သည် ဖြောင့်မတ်ပြီး ကောင်းမြတ်သည့် အရာအားလုံးကို အသက်ရှင် နေထိုင်ပြီး ပိုင်ဆိုင်မည်ကို သေချာစေသည့် အာမခံချက်ဖြစ်သည်၊ လူများ၊ အဖြစ်အပျက်များနှင့် အရာဝတ္ထုများအားလုံးကို တိုင်းတာသည့် စံနှုန်းမှတ်ကျောက်လည်း ဖြစ်သည်၊ ပြီးလျှင် လူတို့ကို ကယ်တင်ခြင်းနှင့် အလင်းလမ်းကြောင်းဆီသို့ ဦးဆောင်လမ်းပြသည့် လမ်းကြောင်းပြ အမှတ်အသားလည်း ဖြစ်သည်။ ဘုရားနှုတ်ကပတ်တော်များ၏ လက်တွေ့ကျသော အတွေ့အကြုံ၌သာလျှင် လူသည် သမ္မာတရားနှင့် အသက်တို့ဖြင့် ထောက်ပံ့ခံရသည်။ ဤ၌သာလျှင် လူသည် မည်သည့်အရာသည် သင့်တော်ကောင်းမွန်သည့် လူ့သဘာဝဖြစ်သည်၊ မည်သည့်အရာသည် အဓိပ္ပာယ်ရှိသော အသက်တာတစ်ခုဖြစ်သည်၊ မည်သည့်အရာသည် စစ်မှန်သော ဖန်ဆင်းခံ သတ္တဝါဖြစ်သည်၊ မည်သည့်အရာသည် ဘုရားသခင်ကို စစ်မှန်သော နာခံခြင်းဖြစ်သည်တို့ကို နားလည်လာသည်။ ဤ၌သာလျှင် လူသားသည် ဘုရားသခင်ကို သူမည်သို့ ဂရုစိုက်သင့်သည်၊ ဖန်ဆင်းခံသတ္တဝါတစ်ယောက်၏ တာဝန်ကို မည်သို့ထမ်းဆောင်ပြီး၊ စစ်မှန်သော လူသားတစ်ယောက်၏ ပုံသဏ္ဌာန်ကို မည်သို့ ပိုင်ဆိုင်ရမည်တို့ကို နားလည်လာသည်။ ဤ၌သာလျှင် လူသည် စစ်မှန်သော ယုံကြည်မှုနှင့် စစ်မှန်သော ဝတ်ပြုကိုးကွယ်ခြင်းတို့အားဖြင့် မည်သည့်အရာကို ဆိုလိုသည်ကို နားလည်လာသည်။ ဤ၌သာလျှင် လူသည် ကောင်းကင်၊ မြေကြီးနှင့် အရာခပ်သိမ်းတို့၏ အုပ်စိုးရှင်မှာ မည်သူဖြစ်သည်ကို နားလည်လာသည်။ ဤ၌သာလျှင် လူသည် ဖန်ဆင်းခြင်း အားလုံး၏ အရှင်သခင်ဖြစ်သူက ဖန်ဆင်းခြင်းကို အုပ်စိုးသော၊ ဦးဆောင်လမ်းပြသော၊ ထောက်ပံ့သော နည်းလမ်းများကို နားလည်လာသည်။ ပြီးလျှင် ဤ၌သာလျှင် လူသည် ဖန်ဆင်းခြင်းအားလုံး၏ အရှင်သခင်ဖြစ်သူ တည်ရှိကာ၊ အထင်အရှားပြလာပြီး၊ အမှုပြုသည့် နည်းလမ်းများကို နားလည်လာပြီး သဘောပေါက်လာသည်...ဘုရား နှုတ်ကပတ်တော်များ၏ စစ်မှန်သော အတွေ့အကြုံနှင့် ကင်းကွာပါက၊ လူသည် ဘုရားနှုတ်ကပတ်တော်များ နှင့် သမ္မာတရားတို့ကိုစစ်မှန်သော သိကျွမ်းမှု သို့မဟုတ် ထိုးထွင်းအမြင် မရှိတော့ပေ။ ထိုကဲ့သို့သော လူတစ်ယောက်သည် တကယ့် အသက်ရှင်နေသော အလောင်းကောင်တစ်ခု၊ လုံးလုံးအခွံ သက်သက်တစ်ခုသာဖြစ်ပြီးလျှင်၊ ဖန်ဆင်းရှင်နှင့် သက်ဆိုင်သည့် အသိပညာ အားလုံးတို့သည် သူနှင့် မည်သို့မျှ ပတ်သက်ခြင်းမရှိပေ။ ဘုရားသခင်၏ အမြင်တွင် ထိုကဲ့သို့သော လူတစ်ယောက်သည် သူ့ကို တစ်ခါမျှ မယုံကြည်သကဲ့သို့၊ သူ့နောက်ကိုလည်း တစ်ခါမျှ မလိုက်ခဲ့ပါ၊ ထို့ကြောင့်၊ ဘုရားသခင်က ထိုသူအား စစ်မှန်သော ဖန်ဆင်းခံ သတ္တဝါတစ်ယောက် အဖြစ် မဆိုထားနှင့်၊ သူ၏ ယုံကြည်သူတစ်ယောက်ဟု အသိအမှတ် မပြုသကဲ့သို့၊ သူ့နောက်လိုက်အဖြစ်လည်း အသိအမှတ်မပြုပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို သိခြင်းသည် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းဆီသို့ သွားရာလမ်းဖြစ်၏” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၅)

ဖန်ဆင်းခံလူသား အစစ်အမှန်သည် ဖန်ဆင်းရှင်မည်သူ ဆိုသည်ကို သိရမည်။ လူသားအား မည်သည့်အတွက် ဖန်ဆင်းထားသည်ကို သိရမည်။ ဖန်ဆင်းခံတစ်ဦး၏ တာဝန်ဝတ္တရားများကို မည်သို့ လုပ်ဆောင်ရမည်ကို သိရမည်။ ဖန်ဆင်းခြင်း အားလုံး၏ အရှင်သခင်ကို မည်သို့ ကိုးကွယ်ရမည်ကို သိရမည်။ ဖန်ဆင်းရှင်၏ ရည်ရွယ်ချက်များ၊ ဆန္ဒများနှင့် တောင်းဆိုချက်များကို နားလည်ရမည်။ သဘောပေါက်ရမည်။ သိရမည်ဖြစ်ပြီး အလေးဂရုပြုရမည်။ ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းဖြစ်သည့် ဖန်ဆင်းရှင်၏ နည်းလမ်းအတိုင်း လုပ်ဆောင်ရမည်။

ဘုရားသခင်ကို ကြောက်ရွံ့ခြင်းမှာ အဘယ်နည်း။ မကောင်းမှုကို မည်သို့ ရှောင်ကြဉ်နိုင်သနည်း။

“ဘုရားသခင်ကို ကြောက်ရွံ့ခြင်း” ဆိုသည်မှာ ဖော်ပြမရနိုင်လောက်အောင် ဆိုးရွားသော ကြောက်လန့်ခြင်းနှင့် တုန်လှုပ်ခြင်းတို့ကို မဆိုလိုသကဲ့သို့၊ ရှောင်တိမ်းဖို့ မဟုတ်သလို၊ ခပ်ဝေးဝေးတွင်နေဖို့လည်းမဟုတ်ပေ၊ မြတ်နိုးကိုးကွယ်ခြင်း သို့မဟုတ် အယူသီးခြင်းလည်း မဟုတ်ပေ။ ယင်းထက် ၎င်းသည် ကြည်ညိုခြင်း၊ ရိုသေကြည်ညိုခြင်း၊ ယုံကြည်ကိုးစားမှု၊ နားလည်သဘောပေါက်ခြင်း၊ ဂရုစိုက်ခြင်း၊ နာခံခြင်း၊ အထွတ်အမြတ် ထားခြင်း၊ ချစ်ခြင်းမေတ္တာ တို့အပြင်၊ အကြွင်းမဲ့နှင့် မညည်းညူသော ဝတ်ပြုကိုးကွယ်မှု၊ အတုံ့အလှည့် နှင့် ကျိုးနွံနာခံခြင်းတို့လည်း ဖြစ်သည်။ ဘုရားသခင်ကို စစ်မှန်သော သိကျွမ်းမှုမရှိပါက၊ လူသားမျိုးနွယ်သည် စစ်မှန်သော လေးစားကြည်ညိုမှု၊ စစ်မှန်သော ယုံကြည်ကိုးစားမှု၊ စစ်မှန်သော နားလည်သဘောပေါက်ခြင်း၊ စစ်မှန်သော ဂရုစိုက်ခြင်း သို့မဟုတ် နာခံခြင်းတို့ မရှိဘဲ၊ ထိတ်လန့်ခြင်းနှင့် စိုးရိမ်ပူပန်ခြင်း၊ သံသယ၊ အထင်မှားခြင်း၊ ရှောင်တိမ်းမှုနှင့် ရှောင်လွှဲခြင်းတို့သာ ဖြစ်လေသည်။ ဘုရားသခင်ကို စစ်မှန်သော သိကျွမ်းမှု မရှိပါက လူသားမျိုးနွယ်သည် စစ်မှန်သော အထွတ်အမြတ်ထားခြင်း နှင့် အတုံ့အလှည့်တို့ ရှိလိမ့်မည်မဟုတ်။ ဘုရားသခင်ကို စစ်မှန်သော သိကျွမ်းမှု မရှိပါက လူသားမျိုးနွယ်သည် စစ်မှန်သော ဝတ်ပြုကိုးကွယ်ခြင်းနှင့် ကျိုးနွံနာခံခြင်းတို့ ရှိလိမ့်မည် မဟုတ်ဘဲ၊ ကြောင်းကျိုးမမြင်တော့ဘဲ မြတ်နိုး ကိုးကွယ်ခြင်းနှင့် အယူသီးခြင်းတို့သာ ရှိလိမ့်မည်။ ဘုရားသခင်ကို စစ်မှန်သော သိကျွမ်းမှု မရှိပါက လူသားမျိုးနွယ်သည် ဘုရားသခင်၏ လမ်းခရီးအတိုင်း မပြုမူနိုင်သလို၊ ဘုရားသခင်ကို မကြောက်နိုင် သို့မဟုတ် မကောင်းမှုကို မရှောင်ကြဉ်နိုင်ပေ။ အပြန်အလှန်အားဖြင့် လူတို့လုပ်ဆောင်သမျှ လုပ်ဆောင်ချက် နှင့် အပြုအမူတိုင်းသည် ပုန်ကန်လိုခြင်းနှင့် အာခံခြင်း၊ သူနှင့်ပတ်သက်ပြီး မဟုတ်မမှန်ပြောဆိုသည့် စွပ်စွဲမှုများနှင့် မကောင်းပြောသည့် ဝေဖန်အကဲဖြတ်မှုများ၊ ပြီးလျှင် သမ္မာတရား၊ ဘုရားနှုတ်ကပတ်တော်၏ စစ်မှန်သော အဓိပ္ပါယ်များတို့နှင့် ဆန့်ကျင်သော ဆိုးယုတ်သော အပြုအမူများတို့ဖြင့် ပြည့်နေလိမ့်မည်။

လူသားမျိုးနွယ်သည် ဘုရားသခင်ကို အမှန်တကယ် ယုံကြည်ကိုးစားခြင်း ရှိသည်နှင့်တစ်ပြိုင်နက် သူတို့သည် ဘုရားသခင်နောက်သို့ လိုက်လျှောက်ခြင်းနှင့် သူ့အပေါ် မှီခိုရာတွင် စစ်မှန်လာပါလိမ့်မည်။ ဘုရားသခင်ကို အမှန်တကယ် ယုံကြည်ကိုးစားပြီး မှီခိုခြင်းဖြင့်သာ လူသားမျိုးနွယ်သည် စစ်မှန်သော သိနားလည်ခြင်းနှင့် သဘောပေါက်ခြင်း ရှိနိုင်ပေသည်။ ဘုရားသခင်ကို အမှန်တကယ် သဘောပေါက်ခြင်းနှင့်အတူ သူ့ကို အမှန်တကယ် အရေးစိုက်ခြင်း လာပေသည်။ ဘုရားသခင်ကို စစ်မှန်စွာ အလေးဂရုပြုခြင်းဖြင့်သာ လူသားမျိုးနွယ်သည် စစ်မှန်သော နာခံခြင်း ရှိနိုင်ပေသည်။ ဘုရားသခင်ကို အစစ်အမှန် နာခံခြင်းဖြင့်သာ လူသားမျိုးနွယ်သည် စစ်မှန်သော အထွတ်အမြတ်ထားခြင်း ရှိနိုင်ပေသည်။ ဘုရားသခင်ကို စစ်မှန်သော အထွတ်အမြတ်ထားခြင်းဖြင့်သာ လူသားမျိုးနွယ်သည် ချွင်းချက်မရှိ၊ ညည်းညူခြင်းမရှိသည့် စစ်မှန်သည့် အတုံ့အပြန် ပေးဆပ်ခြင်း ရှိနိုင်ပေသည်။ စစ်မှန်သည့် ကိုးစားခြင်းနှင့် မှီခိုခြင်း၊ စစ်မှန်သည့် နားလည်မှုနှင့် အလေးဂရုပြုခြင်း၊ စစ်မှန်သည့် နာခံမှု၊ စစ်မှန်သည့် အထွတ်အမြတ်ထားခြင်းနှင့် အတုံ့အပြန် ပေးဆပ်ခြင်းတို့ဖြင့်သာ ဘုရားသခင်၏ စိတ်သဘောထား နှင့် အနှစ်သာရကို လူသားမျိုးနွယ်သည် အမှန်တကယ် နားလည်လာနိုင်ပြီး ဖန်ဆင်းရှင်၏ ကိုယ်ပိုင်လက္ခဏာကို အမှန်တကယ် သိလာနိုင်ပေသည်။ ဖန်ဆင်းရှင်အား ၎င်းတို့ အမှန်တကယ် သိလာသည့်အခါမှသာ လူသားမျိုးနွယ်သည် မိမိတို့ကိုယ်တိုင်ထဲ၌ စစ်မှန်သည့် ကိုးကွယ်မှုနှင့် ကျိုးနွံနာခံခြင်းတို့ နိုးကြားလာမည် ဖြစ်သည်။ ဖန်ဆင်းရှင်အား စစ်မှန်သည့် ကိုးကွယ်ခြင်းနှင့် ကျိုးနွံနာခံခြင်း ရှိသည့်အခါမှသာ၊ လူသားမျိုးနွယ်သည် မိမိတို့၏ ဆိုးယုတ်သော လမ်းများကို အမှန်တကယ် ဘေးဖယ်ထားနိုင်လိမ့်မည်၊ ယင်းမှာ မကောင်းမှုကို ရှောင်ကြဉ်ခြင်းဟု ဆိုရပေမည်။

ဤတွင် “ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်း” လုပ်ငန်းစဉ်တစ်ခုလုံး ပါဝင်ပြီး ဤသည်မှာ ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်း အလုံးစုံပါ အကြောင်းအရာနှင့် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းသို့ ရောက်ရန်အတွက် ကျော်ဖြတ်ရမည့် လမ်းကြောင်းလည်း ဖြစ်ပေသည်။

“ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်း” နှင့် ဘုရားသခင်ကို သိခြင်းတို့သည မြောက်မြားစွာသောကြိုးမျှင်တို့ဖြင့် ခွဲ၍မရနိုင်အောင် ဆက်သွယ်ထားပြီး ၎င်းတို့ကြား ဆက်သွယ်မှုမှာ ပကတိအတိုင်း ရှင်းနေပြီးဖြစ်သည်။ အကယ်၍ တစ်ဦးတစ်ယောက်သည် မကောင်းမှု ရှောင်ကြဉ်ခြင်းကို ရရှိလိုပါက၊ ဦးစွာပထမ ဘုရားသခင်ကို စစ်မှန်သော ကြောက်ရွံ့မှု ရှိရမည်။ အကယ်၍ တစ်ဦးတစ်ယောက်သည် ဘုရားသခင်ကို စစ်မှန်သော ကြောက်ရွံ့ခြင်း ရရှိလိုပါက၊ ဦးစွာပထမ ဘုရားသခင်နှင့်ဆိုင်သည့် စစ်မှန်သော အသိပညာရှိရမည်။အကယ်၍ တစ်ဦးတစ်ယောက်သည် ဘုရားသခင်နှင့်ဆိုင်သည့် စစ်မှန်သော အသိပညာ ရရှိလိုပါက ဦးစွာပထမ ဘုရားသခင်၏ နှုတ်ကပတ်တော်များကို တွေ့ကြုံရမည်၊ ဘုရားနှုတ်ကပတ်တော်များ၏ စစ်မှန်ခြင်းထဲသို့ ဝင်ရောက်ရမည်၊ ဘုရားသခင်၏ ဆုံးမခြင်းနှင့် ပဲ့ပြင်ခြင်း၊ သူ၏ ပြစ်တင်ဆုံးမခြင်းနှင့် တရားစီရင်ခြင်းတို့ကို တွေ့ကြုံရမည် ဖြစ်သည်။ အကယ်၍ တစ်ဦးတစ်ယောက်သည် ဘုရားသခင်၏ နှုတ်ကပတ်တော်များကို တွေ့ကြုံလိုပါက၊ ဦးစွာပထမ ဘုရားသခင်၏ နှုတ်ကပတ်တော်များနှင့် တေ့တေ့ဆိုင်ဆိုင် ဆုံရမည်။ ဘုရားသခင်နှင့် မျက်နှာချင်းဆိုင် ဆုံလာရမည် ဖြစ်ပြီး၊ လူများ၊ အဖြစ်အပျက်များနှင့် အရာဝတ္ထုများပါဝင်သော ပတ်ဝန်းကျင် မျိုးစုံပုံစံဖြင့် ဘုရားသခင်၏ နှုတ်ကပတ်တော်များကို တွေ့ကြုံရန် အခွင့်အရေးများပေးပါရန် ဘုရားသခင်အား တောင်းလျှောက်ရပေမည်။ အကယ်၍ တစ်ဦးတစ်ယောက်သည် ဘုရားသခင်နှင့် ဘုရားသခင်၏ နှုတ်ကပတ်တော်များနှင့် တေ့တေ့ဆိုင်ဆိုင် ဆုံချင်ပါက၊ ဦးစွာပထမ ရိုးစင်းကာ ရိုးသားသော နှလုံးသား၊ သမ္မာတရားကို လက်ခံရန် အဆင်သင့်ဖြစ်မှု၊ ဆင်းရဲဒုက္ခကို ကြံ့ကြံ့ခံလိုသည့် စိတ်ဆန္ဒ၊ မကောင်းမှုကို ရှောင်ကြဉ်ရန် ဆုံးဖြတ်ချက်နှင့် သတ္တိ၊ စစ်မှန်သော ဖန်ဆင်းခံတစ်ဦး ဖြစ်လာရန် ပြင်းပြသည့် ဆန္ဒတို့ကို ပိုင်ဆိုင်ရမည်။...ဤနည်းအားဖြင့် ရှေ့သို့ တစ်လှမ်းချင်း လှမ်းခြင်းဖြင့် သင်သည် ဘုရားသခင်ထံ သာ၍ တိုးဝင်ချဉ်းကပ်လိမ့်မည်။ သင့်နှလုံးသားသည် ပို၍ သန့်စင်လာလိမ့်မည် ဖြစ်ပြီး သင့်အသက်တာနှင့် ရှင်သန်ရခြင်း တန်ဖိုးများသည် ဘုရားသခင်နှင့်ဆိုင်သည့် သင်၏ အသိပညာနှင့်အတူ သာ၍ အဓိပ္ပာယ် ရှိလာမည်ဖြစ်ကာ ပို၍ပင် တောက်ပ အရောင်လက်လာလိမ့်မည်။ တစ်နေ့၊ ဖန်ဆင်းရှင်မှာ ပဟေဠိမဟုတ်တော့ကြောင်း၊ ဖန်ဆင်းရှင်သည် သင့်ထံမှ ဘယ်သောအခါတွင်မျှ မပုန်းကွယ်ဖူးကြောင်း၊ ဖန်ဆင်းရှင်သည် သူ့မျက်နှာအား သင့်ထံမှ မည်သည့်အခါကမျှ ဖုံးကွယ်မထားကြောင်း၊ ဖန်ဆင်းရှင်သည် သင်နှင့် လုံးဝ မဝေးကွာကြောင်း၊ ဖန်ဆင်းရှင်သည် သင့်အတွေးများထဲတွင် စဉ်ဆက်မပြတ် တမ်းတသော်လည်း သင့်ခံစားချက်များဖြင့် လက်လှမ်းမမီနိုင်သည့်သူ မဟုတ်တော့ကြောင်း၊ သင့်ဘဝကို ပံ့ပိုးပေးရင်းနှင့် သင်၏ ကံကြမ္မာကို ထိန်းချုပ်ပေးရင်း သူသည် သင်၏ လက်ဝဲနှင့် လက်ျာနှစ်ဖက်ကို တကယ်ကို အမှန် စောင့်ရှောက်နေကြောင်းကို သင်ခံစားလာရပါလိမ့်မည်။ သူသည် ဝေးလံလှသော မိုးကုပ်စက်ဝိုင်းတွင် ရှိနေသည်မဟုတ်သကဲ့သို့ မိမိကိုယ်ကို တိမ်တောင်မြင့်မြင့်ကြားတွင် ဝှက်ထားသည်မဟုတ်။ သူသည် သင့်အတွက် အရာရာ ဦးဆောင်လျက် သင့်နံဘေးတွင် ရှိနေသည်။ သူသည် သင့်မှာရှိသမျှ ခပ်သိမ်းသောအရာဖြစ်ပြီး သင့်မှာရှိသော တစ်ခုတည်းသောအရာ ဖြစ်သည်။ ထိုကဲ့သို့သော ဘုရားသခင်သည် သင့်စိတ်နှလုံးဖြင့် သူ့ကိုချစ်ခွင့်၊ သူ့ကို ဖက်တွယ်ခွင့်၊ သူ့ကို နီးကပ်စွာ ဆုပ်ကိုင်ခွင့်၊ ကြည်ညိုခွင့်၊ ကိုယ်တော့်ကို ဆုံးရှုံးမှာ ကြောက်ရွံ့ခွင့်တို့ကို ပေးပြီး သူ့ကို စွန့်ခွာရန်၊ သူ့ကို မနာခံရန်၊ သူ့ကို ရှောင်ဖယ်ရန် သို့မဟုတ် သူ့ကို အဝေးတွင်ထားရန် မလိုမလား ဖြစ်စေလေသည်။ သင် လိုချင်သမျှမှာ သူ့ကို အလေးဂရုပြုဖို့၊ နာခံဖို့၊ သင့်ကို သူပေးသမျှအား တုံ့ပြန်ရန်နှင့် သူ၏အုပ်စိုးမှုကို ကျိုးနွံနာခံဖို့ ဖြစ်ပေသည်။ သင်သည် သူ၏လမ်းညွှန်မှု၊ ပံ့ပိုးမှု၊ စောင့်ကြည့်မှု၊ သူ၏ကာကွယ်စောင့်ရှောက်မှုတို့ကို မငြင်းပယ်တော့သကဲ့သို့၊ သင့်အတွက် ဆုံးဖြတ်ပေးခြင်းနှင့် ဘိသိက်ပေးခြင်းတို့ကို သင် မငြင်းပယ်တော့ပေ။ သူ့နောက်လိုက်ဖို့၊ သူ၏ လက်ဝဲ သို့မဟုတ် လက်ျာဘက်တွင် သူနှင့်အတူ လျှောက်လှမ်းရန်သာ သင် လိုချင်၏၊ သူ့ကို သင်၏ တစ်ဦးတည်းသောသူနှင့် တစ်ခုတည်းသော အသက်အဖြစ် လက်ခံရန်၊ သင်၏ သူ့ကို သင်၏ သခင်၊ တစ်ဦးတည်းသော ဘုရားသခင်အဖြစ် လက်ခံရန်သာ သင် လိုချင်လေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို သိခြင်းသည် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းဆီသို့ သွားရာလမ်းဖြစ်၏” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၆)

လူတို့၏ ယုံကြည်ချက်များသည် သမ္မာတရားကို အစားမထိုးနိုင်ပေ

အချို့လူတို့သည် အခက်အခဲများကို သည်းခံနိုင်ခြင်း၊ အဖိုးအခကို ပေးနိုင်ခြင်း၊ အပြင်ပန်းတွင် အလွန်ဣန္ဒြေရခြင်း၊ ကောင်းစွာ လေးစားခံရခြင်း ရှိကြပြီး အခြားသူများ၏ လေးစားမှုကို အကျိုးခံစားကြသည်။ ဤကဲ့သို့ အပြင်ပန်းအပြုအမူမျိုးသည် သမ္မာတရားကို လက်တွေ့လုပ်ဆောင်ခြင်းအဖြစ် ယူဆနိုင်သည်ဟု သင်တို့ဆိုမည်လော။ လူတစ်ဦးက ဤသို့သော လူတို့သည် ဘုရားသခင်၏ အလိုတော်ကို ဖြည့်ဆည်းနေသည်ဟု ဆုံးဖြတ်နိုင်သလော။ လူတို့သည် ဤကဲ့သို့ လူပုဂ္ဂိုလ်မျိုးကို မြင်ရပြီး ၎င်းတို့သည် ဘုရားသခင်ကို ကျေနပ်စေသည်၊ သမ္မာတရားကို လက်တွေ့လုပ်ဆောင်သော လမ်းကြောင်းကို လျှောက်လှမ်းကြသည်၊ ဘုရားသခင်၏ လမ်းအတိုင်း သွားကြသည်ဟု ကြိမ်ဖန်များစွာ ထင်ကြသည်မှာ အဘယ်ကြောင့်နည်း။ လူအချို့သည် အဘယ်ကြောင့် ဤကဲ့သို့ တွေးကြသနည်း။ ၎င်းအတွက် ရှင်းပြချက် တစ်ခုသာ ရှိသည်။ ယင်းမှာ မည်သည့်ရှင်းပြချက်နည်း။ ယင်းမှာ မြောက်မြားစွာသော လူတို့အတွက် သမ္မာတရားကို လက်တွေ့လုပ်ဆောင်ခြင်း၊ ဘုရားသခင်ကို ကျေနပ်စေခြင်းနှင့်၊ သမ္မာတရား၏ စစ်မှန်မှု အမှန်တကယ်ရှိခြင်းမှာ အဘယ်နည်း ဟူသော မေးခွန်းတစ်ချို့က သိပ်မရှင်းလင်းခြင်းပင် ဖြစ်သည်။ ထို့ကြောင့် အပြင်ပန်းအားဖြင့် ဝိညာဉ်ရေးပြည့်ဝသယောင်၊ မြင့်မြတ်သယောင် ခံ့ညားပြီး ကြီးမြတ်သယောင် ထင်ရသောသူများ၏ လှည့်စားခြင်းကို မကြာခဏခံရသော လူအချို့ရှိလေသည်။ ကျမ်းဟောင်းတရားများနှင့် အယူဝါဒများကို ကျွမ်းကျင်စွာ ပြောဆိုနိုင်သောသူများနှင့် ၎င်းတို့၏ အဟောအပြောနှင့် လုပ်ရပ်များမှာ လေးစားထိုက်သယောင် ထင်ရသောသူများနှင့်ပတ်သက်၍၊ ၎င်းတို့၏ လှည့်စားခြင်းကို ခံရသူများသည် ၎င်းတို့လုပ်ရပ်များ၏ အနှစ်သာရ၊ ၎င်းတို့လုပ်ဆောင်ချက်များ၏ နောက်ကွယ်မှ နိယာမများ၊ ၎င်းတို့၏ ရည်မှန်းချက်ပန်းတိုင်များမှာ မည်သည်တို့ဖြစ်ကြောင်းကို မည်သည့်အခါမျှ ကြည့်ရှုစစ်ဆေးခြင်း မပြုလုပ်ဖူးကြပေ။ ထို့အပြင် သူတို့သည် ထိုလူတို့က ဘုရားသခင်ကို အမှန်တကယ် နာခံခြင်းရှိမရှိကို မည်သည့်အခါမျှ စစ်ဆေးကြည့်ရှုခြင်း မရှိခဲ့ကြသည့်အပြင် ထိုလူတို့သည် ဘုရားသခင်ကို စစ်မှန်စွာ ကြောက်ရွံ့ပြီး မကောင်းမှုကို ရှောင်သောသူ ဟုတ်မဟုတ်ကို မည်သည့်အခါမျှ မစိစစ်ခဲ့ကြဖူးပေ။ သူတို့သည် ထိုလူတို့၏ လူသားဖြစ်ခြင်းအနှစ်သာရကို မည်သည့်အခါမျှ သတိပြုမိခဲ့ခြင်း မရှိပေ။ ထို့ထက် ထိုသူတို့နှင့် သိကျွမ်းလာသည့် ပထမခြေလှမ်းမှစတင်ကာ သူတို့သည် တဖြည်းဖြည်းချင်း ထိုလူတို့ကို အားကျခြင်း၊ ကြည်ညိုလေးစားခြင်း ဖြစ်လာပြီး၊ အဆုံးတွင် ထိုလူတို့သည် သူတို့၏ ကိုးကွယ်ရာပုဂ္ဂိုလ်များ ဖြစ်လာတော့သည်။ ထိုမျှမက လူအချို့၏ စိတ်ထဲတွင်ကား သူတို့ဆည်းကပ်သော ကိုးကွယ်ရာပုဂ္ဂိုလ်များ၊ ၎င်းတို့၏ မိသားစုများနှင့် အလုပ်များကို စွန့်လွှတ်နိုင်ကြသည်ဟု သူတို့ ယုံကြည်သောသူများနှင့် အပေါ်ယံတွင် အဖိုးအခပေးနိုင်ဟန်ရှိသောသူများ၊ ထိုပုဂ္ဂိုလ်များမှာ ဘုရားသခင်ကို အမှန်တကယ် ကျေနပ်စေသောသူများနှင့် အဆုံးသတ်ရလဒ်ကောင်းများနှင့် ခရီးဆုံးပန်းတိုင်ကောင်းများကို အမှန်တကယ် ရရှိနိုင်သောသူများပင် ဖြစ်ကြသည်။ သူတို့၏ စိတ်ထဲတွင်မူ ဤကိုးကွယ်ရာ ပုဂ္ဂိုလ်များမှာ ဘုရားသခင်ချီးမွမ်းသောသူများ ဖြစ်ကြသည်။ မည်သည့်အရာက သူတို့အား ဤကဲ့သို့ ယုံကြည်ချက်မျိုးကို ရှိစေသနည်း။ ဤအရေးကိစ္စ၏ အနှစ်သာရမှာ အဘယ်နည်း။ ယင်းကဖြစ်စေနိုင်သော အကျိုးဆက်များမှာ အဘယ်နည်း။ ၎င်း၏ အနှစ်သာရကိစ္စကို ပထမဦးစွာ ဆွေးနွေးကြပါစို့။

လူတို့၏ ရှုထောင့်အမြင်များ၊ လူတို့၏ လက်တွေ့ကျင့်သုံးခြင်း နည်းလမ်းများ၊ မည်သည့် လက်တွေ့ကျင့်သုံးမှု နိယာမများကို သူတို့ ခံယူရန် ရွေးချယ်သည်နှင့် သူတို့အယောက်တိုင်း မည်သည့်အရာကို အလေးထားရန် ရည်ရွယ်သည်နှင့်စပ်လျဉ်းသော ဤကိစ္စရပ်များမှာ အခြေခံအားဖြင့် လူသားမျိုးနွယ်အပေါ် ဘုရားသခင်၏ တောင်းဆိုချက်များနှင့် သက်ဆိုင်ခြင်း မရှိပေ။ လူတို့သည် ပေါ့တန်သော အကြောင်းအရာများ သို့မဟုတ် လေးနက်သော အကြောင်းအရာများ၊ သို့တည်းမဟုတ် ကျမ်းဟောင်းတရားများ နှင့် သြဝါဒများ သို့မဟုတ် စစ်မှန်မှုအပေါ် အာရုံစိုက်သည်ဖြစ်စေ၊ မစိုက်သည်ဖြစ်စေ သူတို့သည် ၎င်းတို့ လိုက်နာစောင့်ထိန်းသင့်ဆုံးသော အရာကို လိုက်နာစောင့်ထိန်းခြင်း မရှိသည့်အပြင် ၎င်းတို့ အသိသင့်ဆုံးသောအရာမှာ မည်သည့်အရာ ဖြစ်ကြောင်းကိုလည်း မသိကြချေ။ ဤအရာ၏ အကြောင်းရင်းမှာ လူတို့သည် သမ္မာတရားကို လုံးဝ မနှစ်သက်ခြင်းကြောင့် ဖြစ်သည်။ သို့ဖြစ်၍ သူတို့သည် ဘုရားသခင်၏ မိန့်မြွက်ချက်များတွင် တွေ့ရသော လက်တွေ့ကျင့်သုံးမှု နိယာမများကို ရှာဖွေရန်နှင့် လက်တွေ့လုပ်ဆောင်ရန် အချိန်နှင့်လုံ့လ မစိုက်ထုတ်လိုကြခြင်း ဖြစ်သည်။ ထို့အစား ၎င်းတို့သည် ဖြတ်လမ်းများကို အသုံးပြုရန်နှင့် ကောင်းသောအလေ့အထနှင့် ကောင်းသောအပြုအမူ ဖြစ်မည်ဟု ၎င်းတို့ နားလည်သိကျွမ်းသော အရာတို့ကို ပေါင်းရုံးရန် ပို၍နှစ်သက်ကြသည်။ ထိုအခါ ဤအကျဉ်းချုပ်သည် လိုက်လျှောက်ရမည့် ၎င်းတို့၏ကိုယ်ပိုင် ရည်မှန်းချက်ပန်းတိုင်ဖြစ်လာပြီး ယင်းကို လက်တွေ့ကျင့်သုံးရမည့် သမ္မာတရားအဖြစ် ၎င်းတို့ သဘောထားကြသည်။ ဤအရာ၏ တိုက်ရိုက် အကျိုးဆက်မှာ လူတို့သည် သမ္မာတရားကို လက်တွေ့လုပ်ဆောင်ရန်အတွက် လူ၏ ကောင်းသောအပြုအမူကို အစားထိုးသည့် အရာတစ်ခုအဖြစ် အသုံးပြုကြသည်၊ ၎င်းက ဘုရားသခင်ထံ မျက်နှာလိုမျက်နှာရလုပ်ရန် လူတို့၏ လိုအင်ဆန္ဒကိုလည်း ဖြည့်ဆည်းပေးသည်။ ဤအရာက သူတို့အား သမ္မာတရားနှင့် ယှဉ်ပြိုင်ရန်အတွက် အရင်းအနှီးပေးပြီး၊ ယင်းကို လူတို့က ဘုရားသခင်အား အကြောင်းပြချက်ပေးပြီး ယှဉ်ပြိုင်ရန် အတွက်လည်း အသုံးပြုကြသည်။ တစ်ချိန်တည်းတွင် လူတို့သည် ဘုရားသခင်ကို မရိုးမဖြောင့်စွာဖြင့် ဘေးဖယ်ထားပြီး ၎င်းတို့၏ ကိုးကွယ်ရာပုဂ္ဂိုလ်များကို ဘုရားသခင်၏ နေရာ၌ ထားကြသည်။ လူတို့အား ဤသို့ပညာမဲ့သော လုပ်ရပ်များနှင့် ရှုထောင့်အမြင်များ သို့မဟုတ် တစ်ဖက်သတ်ဆန်သော ထင်မြင်ချက်များနှင့် ကျင့်သုံးမှုများကို ရရှိစေသော အဓိကအကြောင်းရင်း တစ်ခုသာရှိပြီး ထိုအကြောင်းကို သင်တို့အား ငါ ယနေ့ပြောမည်- အကြောင်းရင်းမှာ လူတို့သည် ဘုရားသခင်နောက်သို့ လိုက်လျှောက်ခြင်း၊ နေ့စဉ် သူ့ထံ ဆုတောင်းခြင်းနှင့် သူ၏ မိန့်မြွက်ချက်များကို နေ့စဉ်ဖတ်ရှုခြင်း ပြုကောင်းပြုနိုင်သော်လည်း ၎င်းတို့သည် ဘုရားသခင်၏ အလိုတော်ကို အမှန်တကယ် နားမလည်ကြပေ။ ပြဿနာ၏ အကြောင်းရင်းမှာ ဤသို့ဖြစ်သည်။ အကယ်၍ တစ်စုံတစ်ဦးသည် ဘုရားသခင်၏ စိတ်နှလုံးကို သိနားလည်ခြင်း၊ သူနှစ်သက်သောအရာ၊ သူစက်ဆုပ်ရွံရှာသောအရာ၊ သူအလိုရှိသောအရာ၊ သူငြင်းပယ်သောအရာ၊ မည်ကဲ့သို့ လူအမျိုးအစားကို သူချစ်ကြောင်း၊ မည်ကဲ့သို့ လူအမျိုးအစားကို သူမနှစ်သက်ကြောင်း၊ လူတို့အပေါ် သူ၏တောင်းဆိုမှုများ ပြုရာတွင် မည်သည့်စံနှုန်းမျိုးကို သူအသုံးပြုကြောင်းနှင့်၊ သူတို့ကို စုံလင်အောင်ပြုလုပ်ပေးရန်အတွက် မည်သည့်နည်းလမ်းမျိုးကို သူကျင့်သုံးကြောင်း သိနားလည်ပါက ထိုလူထံ၌ သူကိုယ်တိုင်၏ တစ်ကိုယ်ရေ ထင်မြင်ချက်များ ရှိနိုင်ဦးမည်လော။ ဤသို့သော လူတို့က အခြားသူတစ်ဦးကို အမှန်ပင် ကိုးကွယ်နိုင်သလော။ သာမန်လူတစ်ဦးသည် ၎င်းတို့၏ ကိုးကွယ်ရာ ပုဂ္ဂိုလ် ဖြစ်လာနိုင်သလော။ ဘုရားသခင်၏ အလိုတော်ကို နားလည်သောလူတို့က ထို့ထက် အနည်းငယ်ပို၍ ဆင်ခြင်တုံတရားရှိသော အမြင်ရှုထောင့်ကို ပိုင်ဆိုင်ပါသည်။ ၎င်းတို့သည် ဖောက်ပြန်ပျက်စီးသော လူတစ်ဦးကို ထင်ရာမြင်ရာ ပုဂ္ဂိုလ်ရေးကိုးကွယ်မည် မဟုတ်သည့်အပြင်၊ သမ္မာတရားအား လက်တွေ့လုပ်ဆောင်သည့် လမ်းကြောင်းကို လျှောက်စဉ် ရိုးရှင်းသော စည်းမျဉ်းများ သို့မဟုတ် နိယာမများ အနည်းငယ်ကို ထင်ရာမြင်ရာ လိုက်နာစောင့်ထိန်းခြင်းသည် သမ္မာတရားကို လက်တွေ့ကျင့်ဆောင်ခြင်းသဘော သက်ရောက်သည်ဟုလည်း ၎င်းတို့ ယုံကြည်ကြလိမ့်မည် မဟုတ်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၇)

လူတို့၏ အဆုံးသတ်ရလဒ်များကို ဘုရားသခင်ဆုံးဖြတ်ရာတွင် အသုံးပြုသည့် စံနှုန်းနှင့်ပတ်သက်၍ ထင်မြင်ချက်များစွာရှိသည်

လူအယောက်တိုင်း ပူပန်သောအရာမှာ ၎င်းတို့၏ အဆုံးသတ်ရလဒ်ပင် ဖြစ်သည်ကို ထောက်ဆလျက်၊ ဘုရားသခင်သည် ထိုအဆုံးသတ်ရလဒ်ကို မည်ကဲ့သို့ အဆုံးအဖြတ်ပေးကြောင်း သင်တို့သိသလော။ ဘုရားသခင်သည် လူတစ်ဦး၏ အဆုံးသတ်ရလဒ်ကို မည်သည့်ပုံစံဖြင့် သတ်မှတ်သနည်း။ ထို့ပြင် ယင်းကိုသတ်မှတ်ရန် မည်သည့်စံနှုန်းအမျိုးအစားကို သူအသုံးပြုသနည်း။ လူ၏အဆုံးသတ်ရလဒ်ကို မသတ်မှတ်ရသေးသည့်အချိန်တွင် ဘုရားသခင်သည် ယင်းကို ထုတ်ဖော်ရန်အတွက် မည်သည့်အရာကို ပြုလုပ်သနည်း။ တစ်ယောက်ယောက် သိသလော။ ခုတင်က ငါပြောခဲ့သည်နှင့်အညီ လူတို့၏ အဆုံးသတ်ရလဒ်အကြောင်း၊ ဤအဆုံးသတ်များကို ပိုင်းခြားသည့် အတန်းအစားများအကြောင်းနှင့် ခြားနားသော လူအမျိုးမျိုးကို စောင့်ဆိုင်းလျက်ရှိသော အဆုံးသတ်ရလဒ် အမျိုးမျိုးအကြောင်း သဲလွန်စများကို ရှာဖွေရန် အားထုတ်ရာတွင် ဘုရားသခင်၏ နှုတ်ကပတ်တော်များကို အချိန်ကြာမြင့်စွာ သုတေသနပြုနှင့်ပြီးသောသူ အချို့ရှိသည်။ ဘုရားသခင်၏ နှုတ်ကပတ်တော်သည် လူတို့၏ အဆုံးသတ်များကို မည်ကဲ့သို့ သတ်မှတ်ကြောင်း၊ သူက မည်သည့်စံနှုန်းမျိုးကို အသုံးပြုကြောင်းနှင့် လူတစ်ဦး၏ အဆုံးသတ်ကို သူ မည်သို့ အတိအကျ သတ်မှတ်ကြောင်းတို့ကိုလည်း ရှာဖွေတွေ့ရှိရန် မျှော်လင့်ကြသည်။ သို့သော်လည်း အဆုံးတွင် ဤလူတို့သည် မည်သည့်အဖြေကိုမျှ လုံးဝမတွေ့ရှိဖြစ်ကြပေ။ အမှန်အားဖြင့် ဘုရားသခင်၏ မိန့်မြွက်ချက်များထဲတွင် ထိုကိစ္စနှင့်ပတ်သက်၍ အလွန်နည်းပါးစွာ ဖော်ပြထားလေသည်။ ဤသည်မှာ အဘယ်ကြောင့်နည်း။ လူတို့၏ အဆုံးသတ်များကို မထုတ်ဖော်သေးသရွေ့ ဘုရားသခင်သည် အဆုံးတွင် အဘယ်အရာ ဖြစ်ပျက်မည့်အကြောင်းအား မည်သူ့ကိုမျှ မပြောလိုသည့်အပြင်၊ သူသည် မည်သူ့ကိုမျှ ၎င်းတို့၏ ခရီးဆုံးပန်းတိုင်အကြောင်း ကြိုတင်၍ အသိပေးလိုခြင်းမရှိ၊ အကြောင်းမှာ ထိုသို့ပြုခြင်းက လူသားတို့အတွက် မည်သည့်အကျိုးကျေးဇူးမျှ ရှိမည်မဟုတ်သောကြောင့် ဖြစ်သည်။ ယခု ဤနေရာတွင် လူ၏ အဆုံးသတ်ရလဒ်ကို ဘုရားသခင် သတ်မှတ်သော ပုံစံ၊ လူတို့၏ အဆုံးသတ်ရလဒ်များကို ဆုံးဖြတ်ပေးသည့် ပုံစံအကြောင်း၊ ဤအဆုံးသတ် ရလဒ်များကို ဆုံးဖြတ်ရန်နှင့် ထင်ရှားစေရန်အတွက် သူ၏အမှုထဲတွင် သူအသုံးချသော နိယာမများအကြောင်းအပြင်၊ တစ်စုံတစ်ဦးက အောင်မြင်ကျော်လွှားနိုင်ခြင်းရှိမရှိ သတ်မှတ်ရန်အတွက် သူသုံးသော စံနှုန်းအကြောင်းကိုသာ ငါ သင်တို့အား ပြောလိုသည်။ ဤသည်တို့မှာ သင်တို့ အပူပန်ဆုံးသော မေးခွန်းများ ဖြစ်သည်မဟုတ်လော။ ထိုသို့ဆိုသော် ဘုရားသခင်သည် လူတို့၏ အဆုံးသတ်ရလဒ်များကို မည်ကဲ့သို့ သတ်မှတ်သည်ဟုလူတို့ ယုံကြည်ကြသနည်း။ ယင်း၏ တစ်စိတ်တစ်ပိုင်းကို ယခုလေးတင် သင်တို့ ဖော်ပြခဲ့ကြသည်- သင်တို့အချို့က ၎င်းသည် လူတစ်ဦး၏ တာဝန်များကို သစ္စာရှိစွာ လုပ်ဆောင်ခြင်း၊ ဘုရားသခင်အတွက် အသုံးခံခြင်း နှင့်ဆိုင်သည်ဟု ဆိုကြသည်။ အချို့က ဘုရားသခင်ကို ကျိုးနွံနာခံခြင်းနှင့် သူ့ကို ကျေနပ်စေခြင်းအကြောင်း ဖြစ်သည်ဟု ပြောကြသည်၊ အချို့က အခြေခံအကြောင်းမှာ ဘုရားသခင် စီရင်သမျှကို ခံယူခြင်းဖြစ်သည်ဟု ဆိုကြပြီး အချို့က အဓိကအချက်မှာ ရိုးရိုးကုပ်ကုပ် အသက်တာကို နေထိုင်ခြင်းဖြစ်သည်ဟု ဆိုကြသည်။...သင်တို့သည် ဤသမ္မာတရားများကို လက်တွေ့လုပ်ဆောင်သည့်အခါနှင့် သင်တို့သည် မှန်ကန်သည်ဟု ယုံကြည်သော နိယာမများနှင့်အညီ လက်တွေ့လုပ်ဆောင်သည့်အခါ ဘုရားသခင်က မည်သို့ သဘောရကြောင်းကို သင်တို့သိသလော။ ဤကဲ့သို့ ရှေ့ဆက်ခြင်းက ဘုရားသခင်၏ အလိုတော်ကို ဖြည့်ဆည်းခြင်းရှိမရှိ သင်တို့ ဆင်ခြင်သုံးသပ်ဖူးသလော။ ၎င်းက သူ၏စံနှုန်းကို ပြည့်မီသလော။ ၎င်းက သူ၏ တောင်းဆိုချက်များကို ဖြည့်တင်းပေးသလော။ လူအများစုသည် ဤမေးခွန်းများကို အမှန်တကယ် အချိန်ယူ မစဉ်းစားကြသည်ကို ငါယုံကြည်သည်။ ၎င်းတို့သည် ဘုရားသခင်၏ နှုတ်ကပတ်တော် အစိတ်အပိုင်းတစ်ခု၊ သို့မဟုတ် တရားဟောချက်များ အစိတ်အပိုင်းတစ်ခု၊ သို့မဟုတ် ၎င်းတို့ ပုဂ္ဂိုလ်ရေးကိုးကွယ်သည့် အချို့သော ဝိညာဉ်ရေးရာပုဂ္ဂိုလ်တို့၏ စံနှုန်များကို စက်ရုပ်ကဲ့သို့သာ ကျင့်သုံးပြီး မိမိကိုယ်ကို ဟိုဟာသည်ဟာလုပ်ရန် ဖိအားပေးလျက်ရှိသည်။ ဤသည်မှာ မှန်ကန်သောနည်းလမ်းဖြစ်သည်ဟု ၎င်းတို့ ယုံကြည်ကြသောကြောင့် အဆုံး၌ မည်သို့ဖြစ်လာစေကာမူ ၎င်းကို ဆက်၍ လိုက်နာစောင့်ထိန်းပြီး လုပ်ဆောင်ကြသည်။ လူအချို့က “ကျွန်ုပ်သည် နှစ်ပေါင်းအတော်ကြာ ယုံကြည်မှုရှိခဲ့ပြီးပြီ၊ ဤနည်းလမ်းကို ကျွန်ုပ်အမြဲ လက်တွေ့လုပ်ဆောင်ခဲ့ပြီးပြီ။ ကျွန်ုပ်သည် ဘုရားသခင်ကို အမှန်တကယ် ကျေနပ်စေပြီဟု ခံစားရပြီး ထိုမှ မြောက်မြားစွာကို ရရှိခဲ့ပြီဟုလည်း ကျွန်ုပ် ခံစားရသည်။ အဘယ်ကြောင့်ဆိုသော် ဤကာလအတွင်း ကျွန်ုပ်သည် မြောက်မြားစွာသော သမ္မာတရားများအပြင် ယခင်က ကျွန်ုပ်နားမလည်ခဲ့သော အမှုအရာများစွာကို နားလည်လာခဲ့ခြင်းကြောင့် ဖြစ်သည်။ အထူးသဖြင့် ကျွန်ုပ်၏ အတွေးအခေါ်များနှင့် အမြင်များစွာ ပြောင်းလဲခဲ့သည်၊ ကျွန်ုပ်၏ အသက်တာ တန်ဖိုးများ အကြီးအကျယ် ပြောင်းလဲခဲ့ပြီဖြစ်ပြီး ဤလောကကြီးအပေါ် အတော်အတန်ကောင်းသော နားလည်ခြင်း ယခု ကျွန်ုပ်၌ရှိသည်” ဟု ထင်တတ်ကြသည်။ ယင်းကဲ့သို့သော လူများက ဤသည်မှာ ရိတ်သိမ်းမှု တစ်ခုဖြစ်ပြီး လူသားတို့အတွက် ဘုရားသခင့်အမှု၏ နောက်ဆုံးရလဒ် ဖြစ်သည်ဟု ယုံကြည်ကြသည်။ သင်တို့၏ ထင်မြင်ချက်ထဲတွင် ဤစံနှုန်းများနှင့် သင်တို့၏ လက်တွေ့လုပ်ဆောင်မှု အားလုံးကို ခြုံငုံ၍ဆိုပါက သင်တို့သည် ဘုရားသခင်၏ အလိုတော်ကို ဖြည့်ဆည်းနေသလော။ လူအချို့က “ဟုတ်ပါသည်၊ ကျွန်ုပ်တို့သည် ဘုရားသခင်၏ နှုတ်ကပတ်တော်နှင့်အညီ လက်တွေ့လုပ်ဆောင် နေသည်၊ ကျွန်ုပ်တို့သည် အထက်တွင် ဟောပြောပြီး မိတ်သဟာယဖွဲ့ခဲ့သည့် အရာနှင့်အညီ လက်တွေ့လုပ်ဆောင်နေသည်၊ ကျွန်ုပ်တို့သည် ကျွန်ုပ်တို့၏ တာဝန်ကို အမြဲထမ်းရွက်နေကြပြီး ဘုရားသခင်နောက် အမြဲလိုက်နေကြကာ ဘုရားသခင်ကို ကျွန်ုပ်တို့ မည်သည့်အခါမှ စွန့်ခွာခဲ့ခြင်းမရှိပါ။ ထို့ကြောင့် ကျွန်ုပ်တို့သည် ဘုရားသခင်ကို ကျေနပ်စေကြောင်း ယုံကြည်မှုအပြည့်အဝဖြင့် ပြောနိုင်ပါသည်။ ကျွန်ုပ်တို့သည် ဘုရားသခင်၏ ရည်ရွယ်ချက်များကို မည်မျှပင် နားလည်ပါစေ၊ ဘုရားသခင်၏ နှုတ်ကပတ်တော်ကို မည်မျှပင် နားလည်ပါစေ၊ ကျွန်ုပ်တို့သည် ဘုရားသခင်နှင့် သဟဇာတဖြစ်ရန် ကြိုးစားရှာဖွေနေခြင်း လမ်းကြောင်းပေါ်၌ အမြဲရှိနေခဲ့သည်။ ကျွန်ုပ်တို့သည် မှန်ကန်စွာပြုမူပြီး မှန်ကန်စွာ လက်တွေ့ လုပ်ဆောင်နေသရွေ့ မှန်ကန်သောရလဒ် ရရှိရန် သေချာပါသည်” ဟု အကြွင်းမဲ့ သေချာမှုဖြင့် ဆိုကြမည်ဖြစ်သည်။ ဤရှုထောင့်နှင့်ပတ်သက်၍ သင်တို့ မည်ကဲ့သို့ထင်သနည်း။ ၎င်းမှာ မှန်ကန်သလော။ “ဤအရာများကို ယခင်က ကျွန်ုပ် တစ်ခါမျှမတွေးမိခဲ့ပါ။ ကျွန်ုပ်သည် ကျွန်ုပ်၏တာဝန်ကို ဆက်လက်ဖြည့်ဆည်းပြီး ဘုရားသခင့် မိန့်မြွက်ချက်များ၏ တောင်းဆိုချက်များနှင့်အညီ ဆက်၍ လုပ်ဆောင်နေသရွေ့ ကျွန်ုပ်သည် အောင်မြင်ကျော်လွှားနိုင်လိမ့်မည်ဟုသာ ကျွန်ုပ်ထင်သည်။ ကျွန်ုပ်သည် ဘုရားသခင်၏ စိတ်နှလုံးကို ကျေနပ်စေနိုင်ခြင်းရှိမရှိ ဟူသော မေးခွန်းကို ကျွန်ုပ် တစ်ခါမှ ဆင်ခြင်သုံးသပ်ခဲ့ခြင်း မရှိသကဲ့သို့ ကျွန်ုပ်သည် သူသတ်မှတ်ထားသော စံနှုန်းနှင့် ပြည့်မီခြင်း ရှိမရှိကို ကျွန်ုပ်တစ်ခါမျှ ဆင်ခြင်သုံးသပ်ခဲ့ခြင်းလည်း မရှိပါ။ ဘုရားသခင်သည် ကျွန်ုပ်အား ရှင်းလင်းသောလမ်းညွှန်ချက် တစ်ခုကိုမျှ ပြောပြခဲ့ခြင်း သို့မဟုတ် ပေးအပ်ခဲ့ခြင်း မရှိသည့်အတွက် ကျွန်ုပ်သည် ဆက်လက်၍ ကြိုးစားလုပ်ဆောင်ပြီး မရပ်တန့်သရွေ့ ဘုရားသခင်သည် ကျေနပ်မည်ဖြစ်ပြီး ကျွန်ုပ်ကို နောက်ထပ် တောင်းဆိုချက်များ ပြုမည်မဟုတ်ဟု ကျွန်ုပ်ယုံကြည်သည်” ဟု ဆိုသော သူအချို့လည်း ရှိကောင်းရှိမည်။ ဤယုံကြည်ချက်များမှာ မှန်သလော။ ငါ၏ခံယူချက်မှာ ဤကဲ့သို့ လက်တွေ့လုပ်ဆောင်ခြင်း၊ ဤကဲ့သို့ တွေးခေါ်ခြင်းနှင့် ဤ ရှုထောင့်အမြင်များအားလုံးတွင် စိတ်ကူးယဉ်မှုများအပြင် ကျိုးကြောင်း မမြင်မှုလည်း အနည်းငယ်ပါဝင်သည်။ ဤအရာကို ငါပြောသည့်အခါ၊ “ကျိုးကြောင်းမမြင်မှု ဟုတ်စ၊ အကယ်၍ ဤအရာက ကျိုးကြောင်းမမြင်မှု ဖြစ်လျှင် ကယ်တင်ခြင်းနှင့် အောင်မြင်ကျော်လွှားခြင်းအတွက် ကျွန်ုပ်တို့၏ မျှော်လင့်ချက်မှာ အလွန်ပင်နည်းပြီး မသေမချာဖြစ်သည် မဟုတ်လော။ ထိုကဲ့သို့ သုံးနှုန်းခြင်းဖြင့် ကိုယ်တော် ကျွန်ုပ်တို့ကို စိတ်ပျက်စေသည် မဟုတ်လော” ဟု စဉ်းစား၍ အချို့သောသင်တို့ကို အနည်းငယ် စိတ်ပျက်အားလျော့ကောင်း အားလျော့စေမည်။ သင်တို့ မည်သည့်အရာကို ယုံကြည်ပါစေ၊ ငါပြောသောအရာများနှင့် ပြုသောအရာများသည် သင်တို့ကို စိတ်ပျက်စေသကဲ့သို့ ခံစားရစေရန် ရည်ရွယ်ခြင်းမဟုတ်ပေ။ ထိုသို့မဟုတ်ဘဲ ၎င်းတို့မှာ ဘုရားသခင်၏ ရည်ရွယ်ချက်များအပေါ် သင်တို့၏ သိနားလည်မှု တိုးတက်စေပြီး ဘုရားသခင် စဉ်းစားသောအရာ၊ သူဖြစ်မြောက်စေလိုသောအရာ၊ သူသဘောကျသော လူအမျိုးအစားများ၊ သူစက်ဆုပ်ရွံရှာသောအရာ၊ သူရွံမုန်းသောအရာ၊ သူရယူလိုသော လူအမျိုးအစားနှင့် သူပစ်ပယ်သော လူအမျိုးအစား နှင့်ပတ်သက်၍ သင်တို့၏ နားလည်သဘောပေါက်မှု တိုးပွားစေရန် ရည်ရွယ်ခြင်း ဖြစ်သည်။ ၎င်းတို့မှာ သင်တို့၏ စိတ်အာရုံတို့ကို ရှင်းလင်းမှုပေးရန်၊ သင်တို့ တစ်ဦး တစ်ယောက်ချင်းစီ၏ လုပ်ဆောင်မှုများနှင့် အတွေးများသည် ဘုရားသခင် သတ်မှတ်ထားသော စံနှုန်းမှ အဘယ်မျှ လမ်းလွဲနေခဲ့ပြီ ဖြစ်ကြောင်းကိုသာ သင်တို့အား ရှင်းလင်းသောနားလည်မှု ပေးရန်အတွက် ရည်ရွယ်ခြင်းဖြစ်သည်။ ဤအကြောင်းအရာများကို ဆွေးနွေးရန် မဖြစ်မနေ လိုအပ်သလော။ အဘယ်ကြောင့်ဆိုသော် သင်တို့သည် ကြာမြင့်စွာ ယုံကြည်ခဲ့ပြီး များလှစွာသော တရားဟောချက်တို့ကို နားထောင်ခဲ့ပြီးဖြစ်ကြောင်း ငါသိသည်၊ သို့သော်လည်း ဤသည်တို့မှာ သင်တို့ အချို့တဲ့ဆုံးသော အရာများပင် အတိအကျဖြစ်သည်။ သမ္မာတရားတိုင်းကို မှတ်စုစာအုပ်များထဲတွင် သင်တို့ ရေးမှတ်ခဲ့ကြပြီး သင်တို့ဖာသာ အရေးကြီးသည်ဟု ယုံကြည်သည့် အချို့သောအရာများကို သင်တို့စိတ်နှလုံးထဲ၌ ကျက်မှတ်ကာ ကမ္ပည်းထိုးထားကြစေကာမူ၊ ထို့ပြင် သင်တို့လက်တွေ့လုပ်ဆောင်စဉ်အတွင်း ဘုရားသခင်ကို ကျေနပ်စေဖို့ ဤအရာများကို အသုံးပြုရန်၊ သင်တို့ မိမိကိုယ်ကိုယ် အကူအညီလိုအပ်သည်ဟု တွေ့မြင်သောအခါ ၎င်းတို့ကို အသုံးပြုရန်၊ ရှေ့လျှောက်ရှိနေသည့် ခက်ခဲသောအချိန်များကို ကျော်ဖြတ်ရာတွင် ၎င်းတို့ကို အသုံးပြုရန်၊ သို့မဟုတ် သင်တို့၏ အသက်တာများကို နေထိုင်စဉ် ဤအရာများကို သင်တို့နှင့်အတူ ပါရှိစေရန်သက်သက်သာ အသုံးပြရန် သင်တို့ ကြံစည်ထားကြစေကာမူ၊ ငါ၏ခံယူချက်မှာ သင်တို့သည် ယင်းကိုသာ ပြုလုပ်နေပါက သင်တို့ မည်သို့မည်ပုံ လုပ်ဆောင်ပါစေ၊ ယင်းက သိပ်အရေးမကြီးပေ။ ထိုသို့ဆိုသော် အလွန်အရေးကြီးသည့် အရာမှာ အဘယ်နည်း။ အရေးကြီးဆုံးမှာ သင် လက်တွေ့လုပ်ဆောင်နေစဉ်တွင် သင် လုပ်ဆောင်နေသမျှ၊ လုပ်ဆောင်မှု တစ်ခုစီတိုင်းသည် ဘုရားသခင် အလိုရှိသောအရာနှင့် သင့်မြတ်မှုရှိမရှိ၊ ထို့ပြင် သင်၏ လုပ်ရပ်များအားလုံး၊ သင်၏ စိတ်ကူးများအားလုံးနှင့် သင်ရရှိလိုသော ရလဒ်များနှင့် ရည်မှန်းချက် ပန်းတိုင်တို့သည် ဘုရားသခင်၏ အလိုတော်ကို အမှန်တကယ် ကျေနပ်စေခြင်းနှင့် ဘုရားသခင်၏ တောင်းဆိုချက်များကို ဖြည့်တင်းပေးခြင်းရှိမရှိ၊ ထို့ပြင် ၎င်းတို့အား ဘုရားသခင် လက်ခံမခံ ဆိုသည်တို့ကို သင်၏ စိတ်နှလုံးက လုံးဝကျိန်းသေသိရမည်ဖြစ်သည်။ ဤသည်တို့မှာ အလွန်အရေးကြီးသော အရာများဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၈)

ဘုရားသခင်၏ လမ်းခရီး၌ လျှောက်လော့- ဘုရားသခင်ကို ကြောက်ရွံ့၍ မကောင်းမှုကို ရှောင်လော့

သင်မှတ်သားသင့်သည့် ဆိုရိုးစကားတစ်ခုရှိ၏။ ဤဆိုရိုးစကားမှာ အလွန်အရေးကြီးသည်ဟု ငါယုံကြည်သည်၊ အဘယ်ကြောင့်ဆိုသော် ၎င်းသည် နေ့စဉ်နေ့တိုင်း အကြိမ်ပေါင်း မရေမတွက်နိုင်အောင် ငါ၏အတွေးထဲ ရောက်လာသောကြောင့် ဖြစ်သည်။ အဘယ်ကြောင့်နည်း။ အဘယ်ကြောင့်ဆိုသော် တစ်စုံတစ်ဦးနှင့် ငါမျက်နှာချင်းဆိုင်သည့် အချိန်တိုင်း၊ တစ်စုံတစ်ဦး၏ ဇာတ်ကြောင်းကို ငါကြားရသည့် အချိန်တိုင်း၊ လူတစ်ဦး၏ အတွေ့အကြုံ သို့မဟုတ် ဘုရားသခင်ကို ယုံကြည်ခြင်းအကြောင်း သက်သေခံချက်ကို ငါ ကြားရသည့် အချိန်တိုင်း ဤလူပုဂ္ဂိုလ်သည် ဘုရားသခင် အလိုရှိသော လူအမျိုးအစားနှင့် ဘုရားသခင် သဘောကျသော လူအမျိုးအစား ဟုတ်မဟုတ် အဆုံးအဖြတ်ပေးရန် ဤဆိုရိုးစကားကို ငါ အမြဲအသုံးပြုခြင်းကြောင့် ဖြစ်သည်။ ထိုသို့ဆိုလျှင် ဤဆိုရိုးစကားမှာ အဘယ်နည်း။ ယခု ငါသည် သင်တို့အားလုံး စိတ်အားထက်သန်စွာ စောင့်ဆိုင်းနေစေသည်။ နှစ်ပေါင်းများစွာ အလုပ်မပါဘဲ အပြောသက်သက်ဖြင့်သာ အစေခံနေကြသောသူများ ရှိခြင်းကြောင့် ဤဆိုရိုးစကားကို ငါဖော်ထုတ်သည့်အခါ သင်တို့ စိတ်ပျက်ကောင်း စိတ်ပျက်ကြလိမ့်မည်။ သို့သော် ငါမူကား မည်သည့်အခါမျှ အပြောသက်သက်ဖြင့်သာ အစေခံခဲ့ဖူးခြင်း အလျင်းမရှိပေ။ ဤဆိုရိုးစကားသည် ငါ၏စိတ်နှလုံးထဲ၌ တည်ရှိသည်။ ထိုသို့ဆိုသော် ဤဆိုရိုးစကားမှာ အဘယ်နည်း။ ဤသည်မှာ- “ဘုရားသခင်၏ လမ်းခရီး၌ လျှောက်လော့- ဘုရားသခင်ကို ကြောက်ရွံ့၍ မကောင်းမှုကို ရှောင်လော့” ဟူ၍ ဖြစ်သည်။ ဤသည်မှာ အလွန့်အလွန် ရိုးရှင်းသော စကားရပ်တစ်ခု မဟုတ်လော။ သို့ပါလျက် ဤဆိုရိုးစကားမှာ ရိုးရှင်းစေကာမူ ဤစကားလုံးများအပေါ် နက်နဲသော နားလည်မှု အမှန်တကယ်ရှိသော သူတို့အနေဖြင့် ၎င်းတို့တွင် သြဇာသက်ရောက်မှု ပါရှိကြောင်း၊ ဤဆိုရိုးစကားမှာ လူတစ်ဦး၏ လက်တွေ့လုပ်ဆောင်မှုအတွက် လွန်စွာတန်ဖိုးရှိကြောင်း၊ ၎င်းသည် သမ္မာတရား၏စစ်မှန်မှု ပါဝင်သော ဘဝ၏ ဘာသာစကားမှလာသည့် စာကြောင်းပင်ဖြစ်ကြောင်း၊ ယင်းက ဘုရားသခင်ကို ကျေနပ်စေရန် ကြိုးစားလျက်ရှိသော သူများအတွက် ရာသက်ပန် ရည်မှန်းချက်ကို ပုံဖော်ကြောင်းနှင့် ဘုရားသခင်၏ ရည်ရွယ်ချက်များကို အရေးထားသည့် မည်သူမဆို လိုက်နာသင့်သော ရာသက်ပန် လမ်းခရီးတစ်ခုဖြစ်ကြောင်း ခံစားရကြလိမ့်မည်။ ထို့ကြောင့် သင်တို့ အဘယ်သို့ ထင်သနည်း- ဤ ဆိုရိုးစကားက သမ္မာတရား မဟုတ်လော။ ၎င်း၌ ဤမျှ အရေးပါမှု ရှိသလော သို့မဟုတ် မရှိသလော။ ထို့ပြင် သင်တို့အချို့သည် ဤဆိုရိုးစကားအကြောင်းကို စဉ်းစားနေပြီး ၎င်းကို နားလည်သဘောပေါက်ရန် ကြိုးစားကောင်း ကြိုးစားနေနိုင်ပြီး၊ ၎င်းကို သံသယဖြစ်သော လူအချို့ပင် ရှိကောင်းရှိနိုင်သည်- ဤဆိုရိုးစကားမှာ အလွန်အရေးကြီးသလော။ ၎င်းက အလွန်အရေးကြီးသလော။ ၎င်းကို လွန်စွာ အလေးထားရန် လိုအပ်သလော။ ဤဆိုရိုးစကားကို သိပ်သဘောမကျသော လူအချို့လည်း ရှိကောင်းရှိနိုင်သည်၊ အဘယ်ကြောင့်ဆိုသော် ဘုရားသခင်၏ လမ်းခရီးကိုယူကာ ၎င်းကို ဤဆိုရိုးစကား တစ်ခုထဲသို့ အနှစ်ချုပ်ခြင်းမှာ အလွန့်အလွန် ပေါ့ပြက်ပြက်လုပ်ခြင်းဖြစ်သည်ဟု ထင်ကြသောကြောင့် ဖြစ်သည်။ ဘုရားသခင်ပြောခဲ့သော အရာအားလုံးကိုယူကာ ဆိုရိုးစကားတစ်ခုအဖြစ် အကျဉ်းချုံးခြင်း- ယင်းမှာ ဘုရားသခင်ကို တစ်ဆိတ် သေးသိမ်လွန်းအောင် ပြုလုပ်ရာ မကျသလော။ ယင်းက ဤသို့ပင်ဖြစ်သလော။ သင်တို့အများစုက ဤစကားလုံးများ၏ လေးနက်သောအဓိပ္ပာယ်ကို အပြည့်အဝ နားမလည်နိုင်ခြင်းကြောင့် ဖြစ်နိုင်သည်။ သင်တို့အားလုံးသည် ၎င်းကို မှတ်စုရေးမှတ်ခဲ့သော်လည်း ဤဆိုရိုးစကားကို သင်တို့၏ စိတ်နှလုံးထဲ၌ သိုထားရန် ရည်ရွယ်ခြင်းမရှိပေ၊ ၎င်းကို အားလပ်ချိန်တွင် ပြန်ကြည့်ရန်နှင့် ဆင်ခြင်တွေးတောရန်အတွက် သင်တို့၏ မှတ်စုစာအုပ်ထဲတွင် ရေးချရုံမျှသာ ရေးချခဲ့ကြခြင်း ဖြစ်သည်။ သင်တို့အချို့သည် ၎င်းကို ကောင်းစွာအသုံးချရန် ကြိုးစားဖို့နေနေသာသာ၊ ဤဆိုရိုးစကားကို အလွတ်ကျက်မှတ်ရန်ပင် ဒုက္ခခံကြမည် မဟုတ်ပေ။ သို့သော် ငါသည် ဤဆိုရိုးစကားကို အဘယ်ကြောင့် ဖော်ပြလိုသနည်း။ သင်တို့၌ မည်သည့်သဘောထား ရှိပါစေ၊ သို့မဟုတ် သင်တို့ အဘယ်သို့ထင်ပါစေ ဤဆိုရိုးစကားကို ငါ ဖော်ပြရမည်၊ အကြောင်းမှာ ၎င်းသည် ဘုရားသခင်က လူတို့၏အဆုံးသတ်များကို အဆုံးအဖြတ်ပေးပုံနှင့် အလွန်အမင်း သက်ဆိုင်သောကြောင့် ဖြစ်သည်။ ဤဆိုရိုးစကားအား သင်တို့၏ လက်ရှိ သိနားလည်ခြင်းမှာ အဘယ်သို့ပင်ဖြစ်စေ သို့မဟုတ် ယင်းကို သင်တို့ မည်ကဲ့သို့ပင် သဘောထားသည်ဖြစ်စေ၊ သင်တို့အား ဤအရာကို ငါ ပြောဦးမည်- အကယ်၍ လူတို့သည် ဤဆိုရိုး၏ စကားလုံးများကို လက်တွေ့လုပ်ဆောင်ပြီး တွေ့ကြုံနိုင်ကာ ဘုရားသခင်ကို ကြောက်ရွံ့ပြီး မကောင်းမှုကိုရှောင်ခြင်း၏ စံနှုန်းကို ရရှိနိုင်ပါက သူတို့သည် အောင်မြင်စွာကျော်လွှားသူများ သေချာပေါက် ဖြစ်လာပြီး အဆုံးသတ်ကောင်းများ ရရှိရန် သေချာသည်။ သို့သော် အကယ်၍ သင်သည် ဤဆိုရိုးစကားက ဖော်ပြထားသော စံနှုန်းကို မပြည့်မီနိုင်ပါက သင်၏အဆုံးသတ်မှာ မသေမချာ ဖြစ်သည်ဟု ဆိုနိုင်သည်။ ထို့ကြောင့် ငါသည် သင်တို့အား ဤဆိုရိုးစကား အကြောင်းကို သင်တို့ကိုယ်၌၏ စိတ်ပိုင်းဆိုင်ရာ အသင့်ပြင်ဆင်မှုအတွက် ပြောခြင်းဖြစ်ပြီး၊ ဘုရားသခင်သည် သင်တို့ကို တိုင်းတာရန် မည်သည့်စံနှုန်းမျိုးကို အသုံးပြုကြောင်း သင်တို့သိစေရန် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၉)

လူတို့သည် ဘုရားသခင်ကိုကြောက်ရွံ့ပြီး မကောင်းမှုကိုရှောင်ခြင်းရှိမရှိ စစ်ဆေးရန် ဘုရားသခင်သည် အမျိုးမျိုးသော စမ်းသပ်မှုများကို အသုံးချသည်

ခေတ်ကာလတိုင်း၌ ဘုရားသခင်သည် လူသားများကြား အမှုပြုနေစဉ် သူတို့အပေါ် နှုတ်ကပတ်တော်အချို့ကို ပေးအပ်ကာ သမ္မာတရားအချို့ကို သူတို့အား ပြောပြသည်။ ဤသမ္မာတရားများသည် လူတို့ လိုက်နာ စောင့်ထိန်းသင့်သည့် လမ်းခရီး၊ သူတို့ လျှောက်လှမ်းရမည့် လမ်းခရီး၊ သူတို့အား ဘုရားသခင်ကို ကြောက်ရွံ့ပြီး မကောင်းမှုကို ရှောင်စေနိုင်သော လမ်းခရီး၊ ထို့ပြင် လူတို့ လက်တွေ့လုပ်ဆောင်သင့်ပြီး ၎င်းတို့၏ အသက်တာများထဲနှင့် ၎င်းတို့၏ အသက်တာခရီးများ တစ်လျှောက်လုံးတွင် လိုက်နာစောင့်ထိန်းသင့်သော လမ်းခရီးအဖြစ် အသုံးတော်ခံသည်။ ဤအကြောင်းရင်းများကြောင့် ဘုရားသခင်သည် လူသားတို့အပေါ် ဤမိန့်မြွက်ချက်များကို ဖော်ပြခြင်း ဖြစ်သည်။ ဘုရားသခင်ထံမှလာသော ဤနှုတ်ကပတ်တော်များကို လူတို့ လိုက်နာစောင့်ထိန်းသင့်ပြီး ၎င်းတို့အား လိုက်နာစောင့်ထိန်းခြင်းမှာ အသက်ကို လက်ခံရယူခြင်းပင် ဖြစ်သည်။ အကယ်၍ လူတစ်ဦးသည် ၎င်းတို့အား လိုက်နာစောင့်ထိန်းခြင်းမရှိ၊ ၎င်းတို့အား လက်တွေ့လုပ်ဆောင်ခြင်း မရှိသည့်အပြင် မိမိတို့၏ အသက်တာထဲတွင် ဘုရားသခင်၏ နှုတ်ကပတ်တော်များအတိုင်း အသက်ရှင်နေထိုင်ခြင်း မရှိပါက ဤသူသည် သမ္မာတရားကို လက်တွေ့လုပ်ဆောင်နေခြင်း မရှိပေ။ ထို့ပြင် လူတို့သည် သမ္မာတရားကို လက်တွေ့လုပ်ဆောင်နေခြင်း မရှိပါက သူတို့သည် ဘုရားသခင်ကို ကြောက်ရွံ့ခြင်းနှင့် မကောင်းမှုကိုရှောင်ခြင်း မရှိသည့်အပြင် ဘုရားသခင်ကို ကျေနပ်စေနိုင်မည် မဟုတ်ပေ။ ဘုရားသခင်ကို ကျေနပ်စေနိုင်ခြင်း မရှိသော လူတို့က သူ၏ချီးကျူးခြင်းကို ရရှိနိုင်မည် မဟုတ်သည့်အပြင် ဤကဲ့သို့သောလူတို့၌ အဆုံးသတ် မရှိပေ။ ထိုသို့ဆိုသော် ဘုရားသခင် အလုပ်လုပ်နေစဉ်တစ်လျှောက်တွင် သူသည် လူတစ်ဦး၏ အဆုံးသတ်ကို မည်ကဲ့သို့ သတ်မှတ်သနည်း။ လူတစ်ဦး၏ အဆုံးသတ်ကို သတ်မှတ်ရန် ဘုရားသခင်သည် မည်သည့်နည်းလမ်းများကို အသုံးပြုသနည်း။ လောလောဆယ်တွင် သင်တို့သည် ဤအရာအပေါ် အနည်းငယ် ယောင်ဝါးဝါးရှိကြဆဲ ဖြစ်နိုင်သော်လည်း သင်တို့အား ဖြစ်စဉ်ကို ငါပြောပြသောအခါ ၎င်းမှာ အတော်ပင် ရှင်းလင်းလာလိမ့်မည်။ အဘယ်ကြောင့်ဆိုသော် သင်တို့များစွာသည် ၎င်းကို ကိုယ်တိုင် တွေ့ကြုံခံစားနှင့်ပြီး ဖြစ်ကြောင့်ပင်တည်း။

အစအဦးမှစ၍ သူ့အမှု၏ ဖြစ်စဉ်တစ်လျှောက် ဘုရားသခင်သည် လူအယောက်တိုင်းအတွက်- သို့မဟုတ် သူ၏နောက်သို့လိုက်သောသူ အယောက်တိုင်းအတွက်ဟု ဆိုနိုင်သည်- စမ်းသပ်မှုများကို စီစဉ်ထားခဲ့ပြီး ဤစမ်းသပ်မှုများမှာ အတိုင်းအတာအမျိုးမျိုးဖြင့် လာတတ်သည်။ မိမိတို့ မိသားစု၏ ငြင်းပယ်ခြင်းခံရသော စမ်းသပ်မှုကို တွေ့ကြုံဖူးသောသူများ၊ ဆိုးရွားသော ပတ်ဝန်းကျင်များအားဖြင့် စမ်းသပ်မှုကို တွေ့ကြုံဖူးသောသူများ၊ ဖမ်းဆီးခြင်းနှင့် နှိပ်စက်ခြင်း ခံရသော စမ်းသပ်မှုကို တွေ့ကြုံဖူးသောသူများ၊ ရွေးချယ်မှုများနှင့် ရင်ဆိုင်ရသော စမ်းသပ်မှုကို တွေ့ကြုံဖူးသောသူများနှင့် ငွေကြေးနှင့် ရာထူးဂုဏ်ဒြပ်အားဖြင့် စမ်းသပ်မှုများကို ရင်ဆိုင်ဖူးသောသူများ ရှိကြသည်။ ယေဘုယျအနေဖြင့် ဆိုပါက သင်တို့ အယောက်တိုင်းသည် စမ်းသပ်မှုအမျိုးမျိုးကို ရင်ဆိုင်ဖူးပြီ ဖြစ်သည်။ ဘုရားသခင်သည် အဘယ်ကြောင့် ထိုကဲ့သို့ အလုပ်လုပ်သနည်း။ ဘုရားသခင်သည် အယောက်တိုင်းကို ထိုကဲ့သို့ အဘယ်ကြောင့် ပြုမူသနည်း။ မည်သည့်ရလဒ်မျိုးကို သူရှာသနည်း။ သင်တို့အား ငါမိတ်သဟာယပြုလိုသော အချက်မှာ ဤသို့ဖြစ်သည်- ဤသူသည် ဘုရားသခင်ကို ကြောက်ရွံ့ပြီး မကောင်းမှုကိုရှောင်သော လူအမျိုးအစား ဟုတ်မဟုတ်ကို ဘုရားသခင် မြင်လိုသည်။ ဤအရာမှာ ဘုရားသခင်သည် သင့်အား စမ်းသပ်မှုတစ်ခုကို ပေးနေသောအခါနှင့် အခြေအနေတစ်ခု မဟုတ်တစ်ခုကို သင့်အား ရင်ဆိုင်စေသောအခါ သူ၏ ရည်ရွယ်ချက်မှာ သင်သည် ဘုရားသခင်ကို ကြောက်ရွံ့ပြီး မကောင်းမှုကို ရှောင်သောသူ ဟုတ်မဟုတ် စမ်းသပ်ရန်အတွက် ဖြစ်သည်။ အကယ်၍ တစ်စုံတစ်ဦးသည် အလှူငွေကို ထိန်းသိမ်းရသည့် တာဝန်နှင့် ရင်ဆိုင်ရပြီး ထိုတာဝန်သည် ဘုရားသခင်၏ အလှူငွေအား ထိတွေ့ကိုင်တွယ်ရန် ဖြစ်လာပါက ဤသည်မှာ ဘုရားသခင် စီစဉ်ထားသောအရာတစ်ခု ဖြစ်သည်ဟု သင် ဆိုမည်လော။ ဧကန်မုချပင် ဖြစ်သည်။ သင် ကြုံတွေ့ရသော အရာခပ်သိမ်းမှာ ဘုရားသခင် စီစဉ်ထားသော အရာတစ်ခု ဖြစ်သည်။ ဤကိစ္စနှင့် သင်ရင်ဆိုင်ရသည့်အခါ ဘုရားသခင်သည် သင့်အား တိတ်တဆိတ် လေ့လာကာ၊ မည်သည့်ရွေးချယ်မှုများ သင်ပြုလုပ်သည်၊ သင် မည်ကဲ့သို့ လက်တွေ့လုပ်ဆောင်သည်၊ သင်၌ မည်သည့်အတွေးများ ရှိသည်တို့ကို စောင့်ကြည့်နေမည်ဖြစ်သည်။ ဘုရားသခင် အလေးထားဆုံးသော အရာမှာ နောက်ဆုံးရလဒ်ဖြစ်သည်၊ အဘယ်ကြောင့်ဆိုသော် သင်သည် ဤစမ်းသပ်မှု၌ပင် သူ၏စံနှုန်းနှင့် လျော်ညီအောင် နေခဲ့ပြီးခြင်း ရှိမရှိကို သူ့အား တိုင်းတာခွင့် ပေးမည့်အရာမှာ ဤရလဒ်ဖြစ်သောကြောင့် ဖြစ်သည်။ သို့သော်လည်း လူတို့သည် ပြဿနာတစ်ခုကို ရင်ဆိုင်ရတိုင်း သူတို့သည် ယင်းကို အဘယ်ကြောင့် ရင်ဆိုင်နေရကြောင်း၊ ဘုရားသခင်က သူတို့ မည်သည့်စံနှုန်းကို ပြည့်မီရန် မျှော်လင့်ထားကြောင်း၊ သူက သူတို့အထဲတွင် မည်သည့်အရာကို တွေ့မြင်လိုကြောင်း သို့မဟုတ် ၎င်းတို့ထံမှ သူ မည်သည့်အရာကို ရရှိလိုကြောင်းကို စဉ်းစားလေ့မရှိကြပေ။ ဤပြဿနာကို ရင်ဆိုင်ရသည့်အခါ ထိုကဲ့သို့သော လူတို့က “ဤအရာသည် ကျွန်ုပ် ရင်ဆိုင်ရသည့်အရာတစ်ခု ဖြစ်သည်၊ ကျွန်ုပ် သတိထားရမည်၊ ဂရုမစိုက်ဘဲ မနေရ။ မည်သို့ပင်ဖြစ်စေ ဤအရာမှာ ဘုရားသခင်၏ အလှူငွေဖြစ်ပြီး ၎င်းကို ကျွန်ုပ်ထိ၍မရပါ။” ဟူ၍သာ တွေးတတ်ကြသည်။ လူတို့သည် ဤကဲ့သို့သော လွယ်သယောင်ရှိသော အတွေးများဖြင့် ပြည့်ဝနေကာ ၎င်းတို့၏ တာဝန်ကို ဖြည့်ဆည်းခဲ့ပြီးပြီဟု ယုံကြည်တတ်ကြသည်။ ဤစမ်းသပ်မှု၏ ရလဒ်က ဘုရားသခင်ကို ကျေနပ်မှုရရှိစေမည်လော သို့မဟုတ် မရရှိစေဘဲ နေမည်လော။ ဤအအကြောင်းကို ဆက်၍ပြောကြလော့။ (အကယ်၍ လူတို့သည် ၎င်းတို့၏ စိတ်နှလုံးထဲတွင် ဘုရားသခင်ကို ကြောက်ရွံ့ပါက ဘုရားသခင်၏ အလှူငွေကို ထိတွေ့ကိုင်တွယ်ခွင့်ရသော တာဝန်တစ်ခုကို ရင်ဆိုင်ရသည့်အခါ ၎င်းတို့က ဘုရားသခင်၏ စိတ်သဘောထားကို ပြစ်မှားဖို့ အဘယ်မျှပင် လွယ်ကူမည်ကြောင်း ဆင်ခြင်သုံးသပ်ကြလိမ့်မည် ဖြစ်ပြီး ယင်းက ၎င်းတို့ကို သတိဖြင့်ဆက်လုပ်ရန် သေချာစေလိမ့်မည်။) သင်၏တုံ့ပြန်မှုမှာ မှန်ကန်သောလမ်းကြောင်းပေါ်၌ ရှိသော်လည်း ၎င်းမှာ သိပ်မဟုတ်သေးပေ။ ဘုရားသခင်၏ လမ်းခရီး၌ လျှောက်လှမ်းခြင်းမှာ အပေါ်ယံစည်းကမ်းများကို လိုက်နာခြင်းအကြောင်း မဟုတ်ပေ။ ယင်းထက် သင်သည် ပြဿနာတစ်ခုကို ရင်ဆိုင်ရသည့်အခါ၊ ပထမဦးစွာ ၎င်းကို ဘုရားသခင် စီစဉ်ထားသော အခြေအနေတစ်ခု၊ သင့်အား သူပေးအပ်ထားသော ဝတ္တရားတစ်ခု သို့မဟုတ် သင့်အား သူ ယုံကြည်အပ်နှံထားသော အလုပ်တာဝန်တစ်ခုအဖြစ် သင်ရှုမြင်ခြင်းကို ဆိုလိုသည်။ ဤပြဿနာကို သင်ရင်ဆိုင်နေရသောအခါ ၎င်းကို ဘုရားသခင်က သင့်အပေါ်ထားရှိသော စမ်းသပ်မှုတစ်ခုအဖြစ်ပင်လျှင် မြင်သင့်သည်။ ဤပြဿနာကို သင်ကြုံတွေ့ရသောအခါ သင်၏စိတ်နှလုံးထဲ၌ စံနှုန်းတစ်ခု သင်ရှိရမည်ဖြစ်ပြီး၊ ဤကိစ္စသည် ဘုရားသခင်ထံမှ လာခဲ့ခြင်းဖြစ်သည်ဟု သင်ထင်မြင်ယူဆရမည်။ သင်သည် ဘုရားသခင်ကို ဆက်လက်၍ သစ္စာစောင့်သိလျက် သင်၏ဝတ္တရားကို ဖြည့်ဆည်းနိုင်မည့် နည်းလမ်းအားဖြင့် ဤကိစ္စရပ်ကို မည်ကဲ့သို့ ရင်ဆိုင်ဖြေရှင်းမည့် အကြောင်းကိုလည်းကောင်း၊ ဘုရားသခင်ကို ဒေါသမထွက်စေဘဲ သို့မဟုတ် သူ၏ စိတ်နေသဘောထားကို မပြစ်မှားဘဲ ၎င်းကို မည်သို့ပြုလုပ်ရမည့် အကြောင်းကိုလည်းကောင်း စဥ်းစားရမည်။ အလှူငွေများကို ထိန်းသိမ်းခြင်းအကြောင်း ငါတို့အခုလေးတင် ပြောခဲ့ပြီးဖြစ်သည်။ ဤကိစ္စရပ်တွင် အလှူငွေများပါဝင်ပြီး သင်၏တာဝန်နှင့် သင်၏ဝတ္တရားလည်း အကျုံးဝင်သည်။ ဤဝတ္တရား ကျေပွန်စေရန် သင်၌ တာဝန်ရှိသည်။ သို့သော်လည်း ဤကိစ္စရပ်ကို သင်ရင်ဆိုင်ရသည့်အခါ စုံစမ်းသွေးဆောင်ခြင်း တစ်စုံတစ်ရာ ရှိသလော။ ရှိပေသည်။ ဤစုံစမ်းသွေးဆောင်ခြင်းက မည်သည့်နေရာမှ လာသနည်း။ ဤစုံစမ်းသွေးဆောင်ခြင်းသည် စာတန်ထံမှလာပြီး ၎င်းသည် လူသားတို့၏ ဆိုးယုတ်၊ ပျက်စီးသော စိတ်သဘောထားများမှလည်း လာသည်။ စုံစမ်းနှောင့်ယှက်ခြင်း ရှိသည်ကို ထောက်ဆလျှင် ဤအရေးကိစ္စတွင် လူတို့ ရပ်တည်သင့်သည့် သက်သေရပ်တည်ခြင်း ပါဝင်ပြီး၊ ယင်းမှာ သင်၏ဝတ္တရားနှင့် တာဝန်လည်း ဖြစ်သည်။ လူအချို့က “ဤအရာမှာ အသေးအမွှားကိစ္စရပ်တစ်ခု ဖြစ်သည်၊ ထိုမှနေ၍ ပုံကြီးချဲ့ရန် အမှန်တကယ် လိုအပ်သလော” ဟု ဆိုကြသည်။ လိုအပ်ပေသည်။ ဤသည်မှာ ဘုရားသခင်၏ လမ်းခရီး၌ လျှောက်လှမ်းရန် ငါတို့ သို့မဟုတ် ငါတို့ဝန်းကျင်၌ ဖြစ်ပျက်သည့် မည်သည့်အရာကိုမဆို၊ အသေးအမွှား အမှုအရာများကိုပင်လျှင် ငါတို့လက်လွှတ်၍ မရသောကြောင့် ဖြစ်သည်။ ငါတို့သည် ၎င်းကို အာရုံစိုက်သင့်သည်ဟု စဉ်းစားသည်ဖြစ်စေ မစဉ်းစားသည်ဖြစ်စေ၊ အခြေအနေ တစ်ခုခုက ငါတို့ကို ရင်ဆိုင်နေပါက ၎င်းကို ငါတို့ လက်မလွှတ်သင့်ပေ။ ဖြစ်ပျက်သည့်အရာ အားလုံးကို ငါတို့အတွက် ဘုရားသခင်ပေးထားသော စစ်ဆေးမှုများအဖြစ် ရှုမြင်သင့်ပေသည်။ အမှုအရာများအား ဤသို့ရှုမြင်ခြင်းကို သင် မည်သို့သဘောထားသနည်း။ အကယ်၍ သင်၌ ဤသဘောထားမျိုး ရှိပါက ၎င်းက သင်သည် စိတ်နှလုံးထဲ၌ ဘုရားသခင်ကို ကြောက်ရွံ့ပြီး မကောင်းမှုကို ရှောင်လိုသည်ဟူသော အဖြစ်မှန်တစ်ခုကို အတည်ပြုသည်။ သင်၌ ဘုရားသခင်ကို ကျေနပ်စေရန် ဤဆန္ဒရှိပါက သင်လက်တွေ့လုပ်ဆောင်သော အရာမှာ ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ခြင်းဟူသော စံနှုန်းနှင့် အလှမ်းဝေးလိမ့်မည် မဟုတ်ပေ။

လူတို့ များစွာအရေးမစိုက်သော ကိစ္စရပ်များနှင့် အများအားဖြင့် ဖော်ပြလေ့မရှိသော ကိစ္စရပ်များမှာ အရေးမပါသော အသေးအဖွဲမျှသာဖြစ်ပြီး ၎င်းတို့က သမ္မာတရားကို လက်တွေ့လုပ်ဆောင်ခြင်းနှင့် သက်ဆိုင်မှုမရှိဟူ၍ ယုံကြည်သောသူများ ရှိတတ်သည်။ ဤလူတို့သည် ယင်းကဲ့သို့သော ကိစ္စရပ်ကို ရင်ဆိုင်ရသည့်အခါ ယင်းကို များစွာ မဆင်ခြင်ဘဲ သတိလက်လွတ် ထားကြသည်။ သို့သော်လည်း အမှန်မှာ ဤအကြောင်းအရာသည် သင်လေ့လာသင့်သော သင်ခန်းစာတစ်ခု၊ ဘုရားသခင်ကို ကြောက်ရွံ့နည်းနှင့် မကောင်းမှုကို ရှောင်နည်းဆိုင်ရာ သင်ခန်းစာတစ်ခု ဖြစ်ခဲ့လေသည်။ ထိုမျှမက သင် ပို၍ပင်အလေးထားသင့်သည့် အရာမှာ သင့်ကိုရင်ဆိုင်ရန် ဤကိစ္စ ပေါ်ပေါက်သည့်အခါ ဘုရားသခင်သည် မည်သည့်အရာကို လုပ်ဆောင်နေကြောင်း သိခြင်းပင် ဖြစ်သည်။ ဘုရားသခင်သည် သင်၏နံဘေး၌ ရှိကာ၊ သင်၏ စကားလုံးတိုင်းနှင့် လုပ်ဆောင်မှုတိုင်းကို အကဲခတ်နေပြီး သင်လုပ်ဆောင်သမျှနှင့် သင်၏ အတွေးများထဲတွင် မည်သည့်အပြောင်းအလဲများ ဖြစ်ပျက်သည်ကို စောင့်ကြည့်နေသည်၊ ဤသည်မှာ ဘုရားသခင်၏ အလုပ်ပင်။ လူအချို့က “ဤသို့မှန်လျှင် ၎င်းကို ကျွန်ုပ် အဘယ်ကြောင့် မခံစားခဲ့ရသနည်း” ဟု မေးကြသည်။ သင်မခံစားရသည့်အကြောင်းမှာ ဘုရားသခင်ကို ကြောက်ရွံ့ပြီး မကောင်းမှုကို ရှောင်သည့်လမ်းခရီးကို သင်၏ ပဓာနလမ်းစဉ်အဖြစ် သင် လိုက်နာစောင့်ထိန်းခြင်း မရှိခဲ့သောကြောင့် ဖြစ်သည်။ ထို့ကြောင့် သင်သည် လူအထဲ၌ ဘုရားသခင်ပြုလုပ်သည့် သိမ်မွေ့သောအမှုကို မခံစားနိုင်ရခြင်း ဖြစ်သည်၊ ၎င်းက လူတို့၏ အတွေးအခေါ်များနှင့် ပြုမူပုံအမျိုးမျိုးနှင့်အညီ ပေါ်လွင်ခြင်းဖြစ်သည်။ သင်သည် နမော်နမဲ့နိုင်သူတစ်ဦး ဖြစ်ပေတကား။ အရေးပါသော ကိစ္စရပ်မှာ အဘယ်နည်း။ အရေးမပါသော ကိစ္စရပ်မှာ အဘယ်နည်း။ ဘုရားသခင်၏ လမ်းခရီး၌ လျှောက်လှမ်းခြင်း ပါဝင်သော ကိစ္စရပ်များကို အရေးပါသော သို့မဟုတ် အရေးမပါသော ကိစ္စရပ်များဟူ၍ ပိုင်းခြားမထားပေ။ ထိုအရာကို သင် လက်ခံနိုင်သလော။ (၎င်းကို ကျွန်ုပ်တို့ လက်ခံနိုင်ပါသည်။) နေ့စဉ်ကိစ္စရပ်များနှင့် စပ်လျဉ်း၍ အလွန်ကြီးမားပြီး အရေးပါသည်ဟု လူတို့ရှုမြင်ကြသော ကိစ္စရပ်အချို့ရှိပြီး အရေးမပါသော အသေးအမွှားများဟု ရှုမြင်ခံရသော အခြားအရာများ ရှိပေသည်။ လူတို့သည် ဤကြီးမားသော ကိစ္စရပ်များကို အလွန်အရေးကြီးသည်ဟု မြင်တတ်ကြပြီး ၎င်းတို့မှာ ဘုရားသခင် ပို့ဆောင်ပေးထားသည်ဟု သူတို့က ယူဆကြသည်။ သို့သော်လည်း ဤကိစ္စရပ်များ ဖြစ်ပျက်နေသည့်အခါတွင် လူတို့၏ မရင့်ကျက်သော ဝိညာဉ်အသက်တာနှင့် သူတို့၏ ညံ့ဖျင်းသော အစွမ်းအစတို့ကြောင့် လူတို့သည် ယေဘုယျအားဖြင့် ဘုရားသခင်၏ အလိုတော်ကို ဖြည့်ဆည်းရန် အဆင့်မမီဘဲရှိကာ၊ မည်သည့် ဗျာဒိတ်တော်ကိုမျှ မရနိုင်သည့်အပြင် တန်ဖိုးရှိသော တကယ့်အသိပညာကို မရရှိနိုင်ကြပေ။ သေးငယ်သော ကိစ္စရပ်များနှင့်စပ်လျဉ်း၍ ၎င်းတို့သည် လူတို့၏ လျစ်လျူရှုခြင်း၊ တစ်စတစ်စ လက်လွတ်ဆုံးရှုံးသွားရန် စွန့်ပစ်ခြင်းကို ခံကြရသည်။ သို့ဖြစ်၍ လူတို့သည် ဘုရားသခင်ရှေ့၌ စစ်ကြောခြင်းနှင့် စစ်ဆေးခြင်းကို ခံရရန် အခွင့်အရေးများစွာ ဆုံးရှုံးခဲ့ကြပြီ ဖြစ်သည်။ သင်သည် လူအများ၊ အမှုအရာများ၊ ကိစ္စရပ်များနှင့် ဘုရားသခင် သင့်အတွက် စီစဉ်ပေးထားသော အခြေအနေများကို အမြဲလျစ်လျူရှုပါက ဤသည်မှာ အဘယ်အရာကို ဆိုလိုသနည်း။ ၎င်းမှာ သင်သည် နေ့စဉ်နေ့တိုင်းနှင့် အချိန်တိုင်းမှာပင် သင့်အပေါ် ဘုရားသခင်၏ စုံလင်အောင်ပြုလုပ်ပေးခြင်းကိုရော သူ၏ ခေါင်းဆောင်မှုကိုပါ အမြဲပစ်ပယ် နေသည်ဟု အဓိပ္ပာယ်သက်ရောက်သည်။ ဘုရားသခင်သည် သင့်အတွက် အခြေအနေတစ်ရပ်ကို စီစဉ်ပေးသည့် အခါတိုင်းတွင် သူသည် တိတ်တဆိတ် စောင့်ကြည့်နေလျက်၊ သင်၏ စိတ်နှလုံးကို စိုက်ကြည့်နေပြီး၊ သင်၏စိတ်ကူးများနှင့် သုံးသပ်ချက်များကို အကဲခတ်နေ၍၊ သင် မည်သို့တွေးပုံကို စောင့်ကြည့်နေကာ သင်မည်ကဲ့သို့ ပြုမူမည့်ပုံတို့ကို ကြည့်ရှုရန် စောင့်ဆိုင်းနေပါသည်။ အကယ်၍ သင်သည် ဂရုမစိုက်သော လူတစ်ဦး၊ ဘုရားသခင်၏ လမ်းခရီး၊ သူ၏ နှုတ်ကပတ်တော်များ သို့မဟုတ် သမ္မာတရားနှင့်ပတ်သက်၍ မည်သည့်အခါမျှ အလေးအနက် မရှိခဲ့သောသူ ဖြစ်နေပါက ဘုရားသခင်သည် သင့်အတွက် အခြေအနေတစ်စုံတစ်ရာကို စီစဉ်ပေးသောအခါ သင်သည် ဘုရားသခင် ပြည့်စုံစေလိုသည့်အရာ သို့မဟုတ် သင်ဖြည့်ဆည်းပေးရန် သူမျှော်လင့်ထားသည့် တောင်းဆိုချက်များကို သင် သတိမူလိမ့်မည်မဟုတ် သို့မဟုတ် အာရုံစိုက်လိမ့်မည် မဟုတ်ပေ။ ထို့ပြင် သင်ကြုံတွေ့သော လူများ၊ ဖြစ်ရပ်များနှင့် အရာဝတ္ထုများသည် သမ္မာတရား သို့မဟုတ် ဘုရားသခင်၏ အလိုတော်နှင့် မည်ကဲ့သို့ ဆက်စပ်မှုရှိကြောင်းကိုလည်း သင်သိလိမ့်မည် မဟုတ်ပေ။ သင်သည် ဤကဲ့သို့ အကြိမ်ကြိမ်ဖြစ်ပွားသော အခြေအနေများနှင့် အကြိမ်ကြိမ်ဖြစ်ပွားသော စမ်းသပ်မှုများကို ရင်ဆိုင်ပြီးနောက် ဘုရားသခင်သည် သင့်အထဲတွင် မည်သည့်ရလဒ်ကိုမျှ မမြင်တွေ့ပါက သူသည် မည်သို့ဆက်လုပ်မည်နည်း။ စမ်းသပ်မှုများကို အကြိမ်ကြိမ်အခါအခါ ရင်ဆိုင်ပြီးနောက် သင်သည် သင်၏စိတ်နှလုံးထဲ၌ ဘုရားသခင်ကို ကြီးမြတ်စေခြင်း သို့မဟုတ် သင့်အတွက် ဘုရားသခင် စီစဉ်ပေးသော အခြေအနေများကို ဘုရားသခင်ထံမှလာသော စမ်းသပ်မှုများနှင့် စစ်ဆေးမှုများ အဖြစ် အရှိကိုအရှိအတိုင်း ရှုမြင်ခြင်း မရှိခဲ့ပေ။ ထိုအစား သင့်အား ဘုရားသခင် ပေးအပ်ခဲ့သော အခွင့်အရေးများကို တစ်ခုပြီးတစ်ခု သင် ငြင်းပယ်ပြီဖြစ်ပြီး ၎င်းတို့အား အကြိမ်ကြိမ်အခါခါ လက်လွှတ် ဆုံးရှုံးခံလျက်ရှိသည်။ ဤသည်မှာ လူတို့ထုတ်ဖော်ပြသည့် လွန်ကဲသော မနာခံခြင်းပင် မဟုတ်လော။ (ဟုတ်ပေသည်။) ဤအရာကြောင့် ဘုရားသခင်သည် စိတ်နာကျင် ထိခိုက်မည်လော။ (သူ နာကျင်ထိခိုက်ပါလိမ့်မည်။) ဘုရားသခင်သည် စိတ်နာကျင်ထိခိုက်မည်မဟုတ်။ ဤကဲ့သို့ ငါပြောသည်ကို ကြားရခြင်းက သင်တို့ကို နောက်ထပ်တစ်ကြိမ် ထိတ်လန့်စေပြန်ပြီ။ “ဘုရားသခင်သည် အမြဲ စိတ်နာကျင်ထိခိုက်မည်ဟု အစောပိုင်း၌ ပြောခဲ့သည် မဟုတ်လော။ ထို့ကြောင့် ဘုရားသခင် နာကျင်ထိခိုက်ခြင်းမရှိဘဲ နေမည်လော။ သို့ဆိုလျှင် သူသည် မည်သည့်အချိန်တွင် နာကျင်ထိခိုက်သနည်း။” တိုတိုပြောရလျှင် ဘုရားသခင်သည် ဤအခြေအနေ၌ နာကျင်ထိခိုက်မည် မဟုတ်ပေ။ ထိုသို့ဆိုသော် အထက်တွင် အကြမ်းဖျင်းဖော်ပြထားသော အပြုအမူ အမျိုးအစားအပေါ် ဘုရားသခင်၏ သဘောထားမှာ အဘယ်နည်း။ လူတို့သည် ၎င်းတို့ထံ ဘုရားသခင် စေလွှတ်သော စမ်းသပ်မှုများနှင့် စစ်ဆေးမှုများကို ငြင်းပယ်သည့်အခါနှင့် ထိုအရာများထံမှ ၎င်းတို့ ခေါင်းရှောင်သည့်အခါ ဤသို့သော လူများအပေါ် ဘုရားသခင်၏ သဘောထား တစ်ခုတည်းသာ ရှိသည်။ ဤသဘောထားမှာ အဘယ်နည်း။ ဘုရားသခင်သည် ဤကဲ့သို့သောလူကို သူ၏ အနက်ရှိုင်းဆုံး နှလုံးသားထဲမှ ပစ်ပယ်သည်။ “ပစ်ပယ်သည်” ဟူသော စကားလုံးအတွက် အဓိပ္ပာယ်နှစ်လွှာ ရှိသည်။ ၎င်းတို့ကို ငါ၏ ရှုထောင့်အမြင်မှ အဘယ်သို့ ရှင်းပြရအံ့နည်း။ အမှန်မှာ “ပစ်ပယ်” ဟူသော စကားလုံးသည် စက်ဆုပ်ရွံရှာခြင်းနှင့် မုန်းတီးခြင်းဟူသော ဂယက်အနက်ကို ဆောင်သည်။ ထိုအဓိပ္ပာယ်၏ အခြားအလွှာမှာ အဘယ်နည်း။ ၎င်းမှာ တစ်စုံတစ်ခုအား စွန့်ခြင်းကို ညွှန်းဆိုသော အပိုင်းဖြစ်သည်။ “စွန့်ခြင်း” ဆိုသည်မှာ မည်သည့်အရာကို ဆိုလိုကြောင်း သင်တို့အားလုံး သိကြသည် မဟုတ်သလော။ လိုရင်းတိုရှင်းဆိုရလျှင် “ပစ်ပယ်ခြင်း” ဆိုသည်မှာ ဤသို့နည်းဖြင့် ပြုမူနေကြသော ထိုလူများအပေါ် ဘုရားသခင်၏ အဆုံးစွန်သော တုံ့ပြန်မှုနှင့် သဘောထားကို သရုပ်ဖော်သည့် စကားလုံးဖြစ်သည်။ ယင်းမှာ ၎င်းတို့ကို အလွန်အမင်း မုန်းတီးခြင်းနှင့် ရွံမုန်းခြင်းဖြစ်သောကြောင့် ၎င်းတို့ကို စွန့်ပစ်မည့် ဆုံးဖြတ်ချက်အဖြစ် အကျိုးသက်ရောက်သည်။ ဤသည်မှာ ဘုရားသခင်၏ လမ်းခရီး၌ မည်သည့်အခါမျှ မလျှောက်လှမ်းခဲ့သောသူနှင့် ဘုရားသခင်ကို မည်သည့်အခါမျှ ကြောက်ရွံ့ပြီး မကောင်းမှုကိုရှောင်ခြင်း မရှိခဲ့သော လူတစ်ဦးအပေါ် ဘုရားသခင်၏ နောက်ဆုံးဆုံးဖြတ်ချက်ပင် ဖြစ်သည်။ ငါအစောပိုင်းက ပြောခဲ့သော ထိုဆိုရိုးစကား၏ အရေးပါပုံကို ယခု သင်တို့အားလုံး မြင်နိုင်ကြပြီလော။

လူတို့၏ အဆုံးသတ်ရလဒ်ကို သတ်မှတ်ရန်အတွက် ဘုရားသခင် အသုံးပြုသော နည်းလမ်းကို ယခု သင်တို့ နားလည်ကြပြီလော။ (နေ့စဉ်နေ့တိုင်းပင် မတူညီသောအခြေအနေများကို သူစီစဉ်သည်။) “မတူညီသော အခြေအနေများကို သူစီစဉ်သည်” ဟု ဆိုရာ၌ ဤအရာတို့မှာ လူတို့ခံစားပြီး ထိတွေ့နိုင်သော အရာများဖြစ်သည်။ ထိုသို့ဆိုသော် ဤသို့ပြုခြင်းအတွက် ဘုရားသခင်၏ အကြောင်းရင်းမှာ အဘယ်နည်း။ သူ၏ရည်ရွယ်ချက်မှာ ဘုရားသခင်သည် လူတစ်ဦးချင်းစီတိုင်းအား မတူညီသော အချိန်များနှင့် မတူညီသော နေရာများ၌ စမ်းသပ်မှုအမျိုးမျိုးကို ပေးရန်ဖြစ်သည်။ စမ်းသပ်မှုတစ်ခု၌ လူ၏ မည်သည့်ကဏ္ဍမှာ စစ်ဆေးခြင်းကို ခံရသနည်း။ သင်သည် သင်ရင်ဆိုင်ရသော၊ ကြားရ၊ မြင်ရသော၊ ထို့ပြင် ကိုယ်တိုင်ကိုယ်ကျ ကြုံတွေ့ရသော အကြောင်းကိစ္စတိုင်း၌ ဘုရားသခင်ကို ကြောက်ရွံ့ပြီး မကောင်းမှုကိုရှောင်သော လူအမျိုးအစား ဟုတ်မဟုတ် စမ်းသပ်မှုက အဆုံးအဖြတ်ပေးသည်။ ဘုရားသခင်သည် လူအားလုံးအပေါ် တရားမျှတသောကြောင့် အယောက်တိုင်းက ဤစမ်းသပ်မှု အမျိုးအစားကို ရင်ဆိုင်ကြရလိမ့်မည်။ လူအချို့က “ကျွန်ုပ်သည် ဘုရားသခင်ကို နှစ်ပေါင်းများစွာ ယုံကြည်ခဲ့ပါပြီ၊ ထို့ကြောင့် စမ်းသပ်မှုတစ်ခုမျှ ကျွန်ုပ် အဘယ်ကြောင့် ရင်မဆိုင်ရဖူးသနည်း” ဟု ဆိုကြသည်။ မည်သည့်စမ်းသပ်မှုကိုမျှ မရင်ဆိုင်ဖူးကြောင်း သင်ခံစားရခြင်းမှာ ဘုရားသခင်သည် သင့်အတွက် အခြေအနေများကို စီစဉ်ပေးသောအခါတိုင်း သင်သည် ၎င်းတို့ကို အလေးအနက် မထားခဲ့ဘဲ ဘုရားသခင်၏ လမ်းခရီး၌ လိုက်လျှောက်လိုခဲ့ခြင်း မရှိသောကြောင့် ဖြစ်သည်။ ထို့ကြောင့် သင်သည် ဘုရားသခင်၏ စမ်းသပ်မှုများကို လုံးလုံး သတိမပြုမိခြင်းသာ ဖြစ်သည်။ လူအချို့က “ကျွန်ုပ်သည် စမ်းသပ်မှု အနည်းငယ်ကို ရင်ဆိုင်ခဲ့ဖူးသည်၊ သို့သော် ကျွန်ုပ်သည် မည်သို့ မှန်မှန်ကန်ကန် လက်တွေ့လုပ်ဆောင်ရမည်ကို မသိပါ။ ကျွန်ုပ်သည် လက်တွေ့လုပ်ဆောင်ခဲ့သောအခါ၌ပင် ဘုရားသခင်၏ စမ်းသပ်မှုများအတွင်း ကျွန်ုပ် မြဲမြံစွာရပ်တည်ခဲ့ခြင်း ရှိမရှိကို မသိသေးပါ” ဟု ဆိုကြသည်။ ဤအခြေအနေမျိုး၌ရှိသော လူများမှာ လူနည်းစုထဲ၌ မရှိကြသည်မှာ သေချာပါသည်။ ထိုသို့ဆိုသော် လူတို့အား ဘုရားသခင်တိုင်းတာသော စံနှုန်းမှာ အဘယ်နည်း။ ၎င်းမှာ စောစောက ငါပြောခဲ့သည့်အတိုင်းပင် ဖြစ်သည်- သင်လုပ်သမျှ၊ တွေးသမျှနှင့် ထုတ်ဖော်ပြသမျှ၌ သင်သည် ဘုရားသခင်ကို ကြောက်ရွံ့ခြင်းပြီး မကောင်းမှုကိုရှောင်ခြင်း ရှိမရှိပင် ဖြစ်သည်။ ဤသည်မှာ သင်သည် ဘုရားသခင်ကို ကြောက်ရွံ့ပြီး မကောင်းမှုကို ရှောင်သောသူတစ်ဦး ဟုတ်မဟုတ်ကို အဆုံးအဖြတ်ပေးပုံ ဖြစ်သည်။ ဤအယူအဆမှာ ရိုးရှင်းသလော၊ မရိုးရှင်းဘူးလော။ ပြောရသည်မှာ ရိုးရှင်းသော်လည်း လက်တွေ့လုပ်ဆောင်ရန် လွယ်ကူသလော။ (သိပ်မလွယ်ကူပါ။) ၎င်းမှာ အဘယ်ကြောင့် သိပ်မလွယ်ကူသနည်း။ (အဘယ်ကြောင့်ဆိုသော် လူတို့သည် ဘုရားသခင်ကို မသိကြသည့်အပြင်၊ ဘုရားသခင်သည် လူတို့အား မည်ကဲ့သို့ စုံလင်အောင် ပြုလုပ်ပေးသည်ကို သူတို့မသိကြပေ၊ ထို့ကြောင့် ၎င်းတို့သည် ကိစ္စရပ်များကို ရင်ဆိုင်ရသည့်အခါ မိမိတို့၏ ပြဿနာများကို ဖြေရှင်းရန်အတွက် သမ္မာတရားအား မည်ကဲ့သို့ ရှာဖွေရမည်ကို မသိကြခြင်းဖြစ်သည်။ လူတို့သည် ဘုရားသခင်အား ကြောက်ရွံ့ခြင်း၏ လက်တွေ့အရှိတရားကို မပိုင်ဆိုင်နိုင်မီ အမျိုးမျိုးသော စမ်းသပ်မှုများ၊ စစ်ဆေးခြင်းများ၊ ပြစ်တင်ဆုံးမခြင်းများနှင့် တရားစီရင်ခြင်းများကို သူတို့ ဖြတ်သန်းကြရသည်။) သင်တို့ ထိုကဲ့သို့ ဆိုကောင်းဆိုနိုင်သော်လည်း သင်တို့၏ ထင်မြင်ချက်တွင် ဘုရားသခင်ကို ကြောက်ရွံ့ပြီး မကောင်းမှုကိုရှောင်ခြင်းမှာ ယခုပင်လျှင် လွယ်ကူစွာ လုပ်ဆောင်၍ရနိုင်သယောင် ထင်ရသည်။ ဤသို့ အဘယ်ကြောင့် ငါပြောသနည်း။ အဘယ်ကြောင့်ဆိုသော် သင်တို့သည် တရားဟောချက် မြောက်မြားစွာကို နားထောင်ခဲ့ကြပြီဖြစ်ပြီး သမ္မာတရား၏ စစ်မှန်မှုမှ ပမာဏမနည်းသော ရေလောင်းပေးခြင်းကို ခံခဲ့ကြပြီးသောကြောင့် ဖြစ်သည်။ ဤအရာက သင်တို့အား သဘောတရားအရနှင့် ဉာဏ်ပညာအရ ဘုရားသခင်အား မည်ကဲ့သို့ကြောက်ရွံ့ပြီး မကောင်းမှုကို ရှောင်ရမည်ကို နားလည်စေပြီဖြစ်သည်။ ထိုဘုရားသခင်အား ကြောက်ရွံ့ခြင်းနှင့် မကောင်းမှုအား ရှောင်ခြင်းကို လက်တွေ့လုပ်ဆောင်ပုံ နှင့်ပတ်သက်၍၊ ဤသိနားလည်ခြင်းအားလုံးသည် အလွန် အထောက်အကူ ဖြစ်နေပြီး ထိုကဲ့သို့သော အရာတစ်ခုကို လွယ်ကူစွာ ရရှိနိုင်သကဲ့သို့ သင်တို့အား ခံစားစေခဲ့သည်။ ထိုသို့ဆိုသော် လူတို့သည် ၎င်းကို အဘယ်ကြောင့် မည်သည့်အခါမျှ အမှန်တကယ် မရရှိနိုင်ကြသနည်း။ ဤသည်မှာ လူ့သဘာဝ၏ အနှစ်သာရသည် ဘုရားသခင်ကို ကြောက်ရွံ့ခြင်း မရှိဘဲ မကောင်းမှုကို နှစ်သက်ခြင်းကြောင့် ဖြစ်သည်။ ဤသည်မှာ တကယ့်အကြောင်းရင်းဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၁၀)

ဘုရားသခင်ကို မကြောက်ရွံ့ခြင်းနှင့် မကောင်းမှုကို မရှောင်ခြင်းမှာ ဘုရားသခင်ကို ဆန့်ကျင်ခြင်းဖြစ်သည်

သင်တို့သည် ယခုအခါ ဘုရားသခင်နှင့် မျက်နှာချင်းဆိုင်ရှိ၍ ဘုရားသခင်၏ နှုတ်ကပတ်တော်များနှင့် မျက်နှာချင်းဆိုင် ရှိကြသည်။ သင်တို့သည် ယောဘထက် ဘုရားသခင်ကိုသိသော အသိသည် များစွာပိုသည်။ ဤအရာကို အဘယ်ကြောင့် ငါတင်ပြရသနည်း။ ဤအရာများကို ပြောပြရာ၌ ငါ၏ရည်ရွယ်ချက်မှာ အဘယ်နည်း။ သင်တို့အား အဖြစ်မှန်တစ်ခုကို ငါရှင်းပြလိုသည်၊ သို့သော် ငါမရှင်းပြမီ သင်တို့အား မေးခွန်းတစ်ခုကို မေးလိုသည်- ယောဘသည် ဘုရားသခင်အကြောင်း တကယ့်အနည်းအကျဉ်းသာ သိခဲ့သော်လည်း သူ့ကို ကြောက်ရွံ့ပြီး မကောင်းမှုကို ရှောင်နိုင်ခဲ့သေးသည်။ ယနေ့ခေတ် လူတို့သည် အဘယ်ကြောင့် ထိုသို့ပြုရန် ပျက်ကွက်ကြသည်မှာ အဘယ့်ကြောင့်နည်း။ (သူတို့သည် အကြီးအကျယ် ဖောက်ပြန်ပျက်စီးကြသည်။) အကြီးအကျယ် ဖောက်ပြန်ပျက်စီးခြင်း- ဤသည်မှာ ပြဿနာကို ဖြစ်ပွားစေသော အပေါ်ယံဖြစ်ရပ် ဖြစ်သည်၊ သို့သော်လည်း ငါသည် ၎င်းကို ထိုနည်းအတိုင်း ဘယ်သောအခါမှ ယူဆမည် မဟုတ်ပေ။ “အကြီးအကျယ် ဖောက်ပြန်ပျက်စီးခြင်း”၊ “ဘုရားသခင်ကို ပုန်ကန်ခြင်း”၊ “ဘုရားသခင်အပေါ် သစ္စာမဲ့ခြင်း”၊ “နာခံမှုမရှိခြင်း”၊ “သမ္မာတရားကို မနှစ်သက်ခြင်း” စသည် ကဲ့သို့သော ခဏခဏအသုံးပြုသည့် သြဝါဒများနှင့် ဝေါဟာရများကို မကြာခဏမှတ်ယူကာ ဤမှတ်သားရလွယ်သော စကားရပ်များအား အရေးကိစ္စ တစ်ခုချင်းစီ၏ အနှစ်သာရကို ရှင်းပြရန် အသုံးပြုတတ်ကြသည်။ ဤသည်မှာ အားနည်းချက်ရှိသော လက်တွေ့လုပ်ဆောင်မှု နည်းလမ်းတစ်မျိုးဖြစ်သည်။ ကွဲပြားသော သဘောသဘာဝများ၏ အရေးကိစ္စများကို ရှင်းပြရန် တူညီသောအဖြေကို အသုံးပြုခြင်းက သမ္မာတရားနှင့် ဘုရားသခင်အကြောင်း ပြစ်မှားစော်ကားသော သံသယများကို မလွဲမရှောင်သာ ဖြစ်ပေါ်စေသည်။ ဤကဲ့သို့သော အဖြေမျိုး ကြားရသည်ကို ငါမကြိုက်ပေ။ ၎င်းကို လုံးစေ့ပတ်စေ့ ဆင်ခြင်လော့။ သင်တို့ တစ်ဦးတစ်ယောက်မျှ ဤအကြောင်းအရာကို ဆင်ခြင်ခဲ့ဖူးခြင်း မရှိကြပေ၊ သို့သော်လည်း ၎င်းကို နေ့စဉ် ငါမြင်နိုင်ပြီး နေ့စဉ် ငါခံစားနိုင်သည်။ ထို့ကြောင့် သင်တို့ လုပ်ဆောင်နေကြစဉ် ငါစောင့်ကြည့်နေ၏။ သင်တို့သည် တစ်စုံတစ်ခုကို ပြုလုပ်နေသည့်အချိန်တွင် ၎င်း၏ အနှစ်သာရကို မခံစားနိုင်ကြပေ။ သို့သော် ငါကြည့်သည့်အခါ ၎င်း၏အနှစ်သာရကို ငါမြင်နိုင်ပြီး ၎င်း၏အနှစ်သာရကိုလည်း ငါခံစားနိုင်သည်။ ထိုသို့ဆိုသော် ဤအနှစ်သာရမှာ အဘယ်နည်း။ အဘယ်ကြောင့် ယနေ့ခေတ် လူများသည် ဘုရားသခင်ကို ကြောက်ရွံ့ပြီး မကောင်းမှုကိုရှောင်နိုင်စွမ်း မရှိကြသနည်း။ သင်တို့၏အဖြေများမှာ ဤပြဿနာ၏ အနှစ်သာရကို ရှင်းလင်းနိုင်ရန်အတွက် အလှမ်းဝေးသည့်အပြင် ၎င်းတို့က ထိုအရာကိုလည်း မရှင်းပြနိုင်ပေ။ အဘယ်ကြောင့်ဆိုသော် ယင်း၌ သင်တို့ သတိမပြုမိသော အရင်းအမြစ်တစ်ခု ရှိသောကြောင့်ဖြစ်သည်။ ဤအရင်းအမြစ်မှာ အဘယ်နည်း။ ထိုအကြောင်းကို သင်တို့ ကြားလိုကြောင်း ငါသိသည်၊ ထို့ကြောင့် ဤပြဿနာ၏ အရင်းအမြစ်အကြောင်းကို သင်တို့အား ငါ ပြောပြမည်။

ဘုရားသခင်သည် အမှုကို စလုပ်ခဲ့ကတည်းက သူသည် လူသားများကို မည်သို့ သဘောထားခဲ့သနည်း။ ဘုရားသခင်သည် သူတို့ကို ကယ်ဆယ်ခဲ့သည်။ သူသည် လူသားတို့ကို သူ၏မိသားစုဝင်များအဖြစ်၊ သူ့အမှု၏ ဦးတည်ရာများအဖြစ်၊ သူ သိမ်းပိုက်လိုခဲ့သောသူများနှင့်၊ သူ စုံလင်စေလိုသောသူများအဖြစ် ရှုမြင်ထားခဲ့သည်။ ဤသည်မှာ သူ့အမှု၏ အစ၌ လူသားတို့အပေါ် ဘုရားသခင်၏သဘောထား ဖြစ်ခဲ့သည်။ သို့ဆိုလျှင် ထိုအချိန်က ဘုရားသခင်အပေါ် လူသားတို့၏ သဘောထားမှာ အဘယ်နည်း။ ဘုရားသခင်သည် လူသားများအတွက် စိမ်းနေခဲ့ပြီး ဘုရားသခင်ကို သူတို့က သူစိမ်းတစ်ယောက်အဖြစ် သဘောထားခဲ့ကြသည်။ ဘုရားသခင်အပေါ် သူတို့၏သဘောထားမှာ မှန်ကန်သော ရလဒ်များကို မဖြစ်ထွန်းစေခဲ့ဘဲ၊ သူတို့က ဘုရားသခင်ကို မည်ကဲ့သို့ ဆက်ဆံသင့်ကြောင်း ရှင်းလင်းသော နားလည်ခြင်း မရှိခဲ့ကြပါဟု ဆိုနိုင်ပါသည်။ သို့ဖြစ်၍ သူတို့သည် ဘုရားသခင်ကို သူတို့အလိုရှိသကဲ့သို့ ဆက်ဆံခဲ့ပြီး သူတို့နှစ်သက်သည့် အရာမှန်သမျှကို လုပ်ခဲ့ကြသည်။ သူတို့၌ ဘုရားသခင်အကြောင်း ထင်မြင်ချက်တစ်စုံတစ်ရာ ရှိခဲ့ကြသလော။ အစ၌ သူတို့ မရှိကြပေ။ သူတို့၏ မည်ကာမတ္တ ထင်မြင်ချက်များတွင် ဘုရားသခင်နှင့် သက်ဆိုင်သည့် အချို့သော အယူအဆများနှင့် ခန့်မှန်းစိတ်ကူးများသာ ပါဝင်ခဲ့သည်။ သူတို့သည် သူတို့၏ အယူအဆများနှင့် ကိုက်ညီသည့်အရာကို လက်ခံခဲ့ပြီး၊ တစ်စုံတစ်ရာက သူတို့၏အယူအဆများနှင့် မကိုက်ညီသောအခါ သူတို့က ယင်းကို အပေါ်ယံ၌သာ နာခံခဲ့ကြသော်လည်း စိတ်နှလုံးထဲတွင် ၎င်းကို ပြင်းထန်စွာ ကွဲလွဲသည်ဟု ခံစားပြီး ယင်းကို ဆန့်ကျင်ခဲ့ကြသည်။ ဤသည်မှာ အစအဦး၌ ဘုရားနှင့် လူသားများကြားက ဆက်ဆံရေး ဖြစ်ခဲ့သည်- ဘုရားသခင်က သူတို့ကို မိသားစုဝင်များအဖြစ် သဘောထားခဲ့သော်လည်း သူတို့က ဘုရားသခင်ကို သူစိမ်းတစ်ဦးအဖြစ် ဆက်ဆံခဲ့ကြသည်။ သို့သော်လည်း ဘုရားသခင့်အမှု၏ အချိန်ကာလတစ်ခုနောက်တွင် သူက မည်သည့်အရာကိုရရှိရန် ကြိုးစားနေကြောင်းကို လူသားတို့ နားလည်လာခဲ့ကြပြီး သူသည် စစ်မှန်သော ဘုရားဖြစ်ကြောင်းကို သူတို့ သိခဲ့ကြသည်။ သူတို့သည် ဘုရားသခင်ထံမှ မည်သည့်အရာကို ရရှိနိုင်ကြောင်းကိုလည်း သူတို့ သိလာခဲ့ကြသည်။ ဤအချိန်၌ လူတို့သည် ဘုရားသခင်ကို မည်ကဲ့သို့ သဘောထားခဲ့ကြသနည်း။ သူတို့သည် သူ့ကို အသက်သွေးကြောအဖြစ် ရှုမြင်ခဲ့ကြပြီး သူ၏ကျေးဇူးတော်၊ ကောင်းချီးမင်္ဂလာများနှင့်၊ ကတိတော်များကို ပေးအပ်ခြင်းခံရရန် မျှော်လင့် ခဲ့ကြသည်။ ဤအချိန်တွင် ဘုရားသခင်သည် လူသားတို့အား မည်ကဲ့သို့ သဘောထားခဲ့သနည်း။ သူသည် လူတို့အား သူ့သိမ်းပိုက်ခြင်း၏ ပစ်မှတ်များအဖြစ် ရှုမြင်ခဲ့သည်။ ဘုရားသခင်သည် သူတို့ကို တရားစီရင်ရန်၊ သူတို့ကို စစ်ဆေးရန်နှင့်၊ သူတို့အား စမ်းသပ်မှုများကြား၌ ထားရှိရန်အတွက် နှုတ်ကပတ်တော်များကို အသုံးပြုလိုခဲ့သည်။ သို့သော်လည်း ထိုအချိန်၌ လူတို့အနေဖြင့် ဘုရားသခင်သည် သူတို့ကိုယ်တိုင်၏ ရည်မှန်းချက်ပန်းတိုင်များ ရရှိရန် သူတို့အသုံးပြုနိုင်သော အရာဝတ္ထုတစ်ခုမျှ ဖြစ်ခဲ့သည်။ ဘုရားသခင် ထုတ်ပြန်သော သမ္မာတရားသည် ၎င်းတို့အား သိမ်းပိုက်ပြီး ကယ်တင် နိုင်ကြောင်းနှင့် ၎င်းတို့သည် ဘုရားသခင်ထံမှ ၎င်းတို့အလိုရှိသော အရာတို့ကို ရရန်သော်လည်းကောင်း၊ ၎င်းတို့အလိုရှိသော ခရီးဆုံးပန်းတိုင်သို့ ရောက်ရန်သော်လည်းကောင်း ၎င်းတို့၌ အခွင့်အရေး တစ်ခုရှိကြောင်း မြင်ခဲ့ကြသည်။ ဤအရာကြောင့် ၎င်းတို့၏ စိတ်နှလုံးထဲ၌ ရိုးသားမှု အစအနလေး ဖြစ်တည်လာခဲ့ပြီး ၎င်းတို့သည် ဤဘုရားသခင် နောက်သို့လိုက်ရန် အလိုရှိလာခဲ့ကြသည်။ အချိန်ကျော်လွန်ခဲ့သည်နှင့်အမျှ လူတို့၌ ဘုရားသခင် အကြောင်း အပေါ်ယံနှင့် သြဝါဒဆိုင်ရာ သိနားလည်မှု ရှိလာခဲ့ခြင်းကြောင့် လူသားတို့သည် ဘုရားသခင်နှင့် သူပြောဆိုသော နှုတ်ကပတ်တော်များ၊ သူ၏ ဟောပြောချက်၊ သူထုတ်ပြန်လိုက်သော သမ္မာတရားများနှင့် သူ၏အမှုတို့နှင့် စတင် “ရင်းနှီးကျွမ်းဝင်” လာသည်ဟုပင် ဆိုနိုင်ပါသည်။ ထို့ကြောင့် ၎င်းတို့မှာ ဘုရားသခင်သည် မစိမ်းတော့ကြောင်းနှင့် ၎င်းတို့သည် ဘုရားသခင်နှင့် သဟဇာတဖြစ်လာမည့် လမ်းကြောင်း၌ လျှောက်လှမ်းနှင့်ပြီးပြီဖြစ်ကြောင်း မှားယွင်းသော အယူအဆအောက်တွင် ရှိခဲ့ကြသည်။ ယခုတွင်မူ လူတို့သည် သမ္မာတရားနှင့်စပ်လျဉ်း၍ တရားဟောချက်များစွာကို နားထောင်ခဲ့ကြပြီး ဘုရားသခင်၏ များစွာသောအမှုတို့ကို တွေ့ကြုံခဲ့ဖူးကြပြီ ဖြစ်သည်။ သို့သော်လည်း အမျိုးမျိုးသော အကြောင်းရင်းများနှင့် အခြေအနေများက ဖြစ်ပေါ်စေသော နှောင့်ယှက်မှုနှင့် တားဆီးပိတ်ဆို့မှုတို့ကြောင့် လူအများစုသည် သမ္မာတရားကို လက်တွေ့လုပ်ဆောင်ရာ၌ ရှေ့မဆက်နိုင်ကြသလို ဘုရားသခင်ကိုလည်း မကျေနပ်စေနိုင်ကြချေ။ လူတို့သည် ပို၍ပို၍ လျော့ရဲလာကြပြီး ယုံကြည်စိတ်ချမှုအပိုင်း၌ ပို၍ပို၍ ချို့တဲ့လာကြသည်။ ၎င်းတို့ကိုယ်တိုင်၏ အဆုံးသတ်ရလဒ်ကို မသိရပါဟု ပို၍ပို၍ ခံစားလာကြရသည်။ ၎င်းတို့သည် လွန်ကဲသောအကြံအစည် တစ်စုံတစ်ရာမျှ မရှိဝံ့ကြဘဲ တိုးတက်မှုပြုလုပ်ရန်အတွက် မကြိုးပမ်းကြတော့ပေ၊ ၎င်းတို့သည် အင်တင်တင်ဖြင့်သာ လိုက်ပါကြပြီး ရှေ့သို့ တစ်လှမ်းချင်း သွားနေကြသည်။ လူသားတို့၏ လက်ရှိအခြေအနေနှင့် ပတ်သက်၍ သူတို့အပေါ် ဘုရားသခင်၏ သဘောထားမှာ အဘယ်နည်း။ ဘုရားသခင်သည် လူတို့အား ဤသမ္မာတရားများကို ပေးရန်နှင့် သူ၏ လမ်းခရီးကို လူတို့အထဲ၌ ပြည့်ဝစေပြီး သူတို့ကို မတူညီသော ပုံစံများဖြင့် စစ်ဆေးရန်အတွက် အမျိုးမျိုးသော အခြေအနေများကို စီစဉ်ရန်သာ အလိုရှိသည်။ သူ၏ ရည်မှန်းချက်ပန်းတိုင်မှာ ဤနှုတ်ကပတ်တော်များ၊ ဤသမ္မာတရားများနှင့် သူ၏ အမှုတို့ကိုယူကာ လူသားများသည် ဘုရားသခင်ကို ကြောက်ရွံ့ပြီး မကောင်းမှုကို ရှောင်နိုင်စွမ်းရှိလာမည့် အဆုံးသတ်ရလဒ်တစ်ခုကို ဖြစ်ပေါ်စေရန် ဖြစ်သည်။ ငါမြင်ဖူးသော လူအများစုသည် ဘုရားသခင်၏ နှုတ်ကပတ်တော်များကို ယူကာ သြဝါဒများ၊ စာရွက်ပေါ်က ကျမ်းဟောင်းတရားသက်သက်၊ လိုက်နာရမည့် စည်းမျဉ်းများအဖြစ်သာလျှင် သဘောထားကြသည်။ သူတို့၏ လုပ်ဆောင်များနှင့် စကားပြောဆိုပုံတို့တွင်၊ သို့မဟုတ် စမ်းသပ်မှုများကို ရင်ဆိုင်ရသည့်အခါ သူတို့သည် ဘုရားသခင်၏ လမ်းခရီးကို သူတို့ လိုက်နာသင့်သော လမ်းခရီးအဖြစ် သဘောမထားကြချေ။ ဤသည်မှာ လူတို့သည် ကြီးမားသော စမ်းသပ်မှုများကို ရင်ဆိုင်ရသည့်အခါ အထူးသဖြင့် မှန်ပေသည်။ ဘုရားသခင်ကို ကြောက်ရွံ့ပြီး မကောင်းမှုရှောင်သည့် ဦးတည်ရာဘက်၌ လက်တွေ့လုပ်ဆောင်နေသော မည်သူတစ်ဦးတစ်ယောက်ကိုမျှ ငါမမြင်ဖူးပေ။ ဤအရာကြောင့် လူသားများ အပေါ် ဘုရားသခင်၏ သဘောထားမှာ အလွန်အမင်း စက်ဆုပ်ရွံရှာခြင်းနှင့် မနှစ်သက်ခြင်းတို့ဖြင့် ပြည့်လျက်ရှိပေသည်။ ဘုရားသခင်သည် လူတို့အား စမ်းသပ်မှုများကို အကြိမ်ရာပေါင်းများစွာပင် အဖန်ဖန် ပေးခဲ့ပြီးသော်လည်း ၎င်းတို့က “ငါသည် ဘုရားသခင်ကို ကြောက်ရွံ့ပြီး မကောင်းမှုကို ရှောင်လိုပါသည်” ဟူသည့် စိတ်ပိုင်းဖြတ်ချက်ကို လက်တွေ့ပြသည့် ရှင်းလင်းသော မည်သည့်သဘောထားကိုမျှ မရှိကြသေးပေ။ လူတို့၌ ဤ ဤစိတ်ပိုင်းဖြတ်ချက် မရှိကြဘဲ ဤကဲ့သို့ ပြသခြင်းမျိုး မရှိကြသည့်အတွက် ၎င်းတို့အပေါ် ဘုရားသခင်၏ လက်ရှိသဘောထားသည် အတိတ်ကကဲ့သို့ သူတို့အား သူ၏ သနားခြင်းကရုဏာ၊ သည်းခံခြင်း၊ သဘောထားကြီးခြင်းနှင့် စိတ်ရှည်ခြင်းကို တိုးပေးခဲ့သည့်အချိန်နှင့် မတူညီတော့ပေ။ ထိုအစား သူသည် လူသားတို့အပေါ် အလွန်အမင်း စိတ်ပျက်လာသည်။ မည်သူက ဤစိတ်ပျက်ခြင်းကို ဖြစ်စေခဲ့သနည်း။ လူသားတို့အပေါ်ရှိသော ဘုရားသခင်၏ သဘောထားမှာ မည်သူ့အပေါ် မူတည်သနည်း။ ၎င်းမှာ ဘုရားသခင်နောက်လိုက်သောသူ အယောက်တိုင်းအပေါ် မူတည်သည်။ သူ၏ နှစ်ပေါင်းများစွာ အလုပ်လုပ်နေသည့် ကာလအတွင်း ဘုရားသခင်သည် လူတို့အား တောင်းဆိုချက်များစွာ ပြုခဲ့ပြီး သူတို့အတွက် အခြေအနေများစွာကို စီစဉ်ခဲ့သည်။ သို့သော်လည်း သူတို့သည် မည်သို့ပင် လုပ်ဆောင်ထားပြီးစေကာမူ၊ ဘုရားသခင်အပေါ် သူတို့၏ သဘောထားမှာ မည်သို့ပင်ဖြစ်ပါစေ၊ လူတို့သည် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ခြင်း၏ ရည်မှန်းချက်ပန်းတိုင် နှင့် လုံးဝအညီ လက်တွေ့လုပ်ဆောင်ရန် ပျက်ကွက် ခဲ့ကြသည်။ ထို့ကြောင့် ငါသည် အနှစ်ချုပ်စကားရပ်တစ်ခုကို ပေးပြီး လူတို့သည် အဘယ်ကြောင့် ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ခြင်းဟူသော ဘုရားသခင်၏ လမ်းခရီး၌ မလျှောက်လှမ်းနိုင်ခြင်းနှင့် ပတ်သက်၍ ငါတို့ ယခုတင်ပြောခဲ့သည့် အရာမှန်သမျှကို ရှင်းပြရန် ဤဆိုရိုးစကားကို ငါအသုံးပြုမည်။ ဤစကားရပ်မှာ အဘယ်နည်း။ ယင်းမှာ- ဘုရားသခင်သည် လူသားများကို သူ့ကယ်တင်ခြင်း၏ ဦးတည်ရာများနှင့် သူ့အမှု၏ ဦးတည်ရာများအဖြစ် သဘောထားပြီး၊ လူသားများက ဘုရားသခင်ကို သူတို့၏ရန်သူ၊ သူတို့၏ ပကတိဆန့်ကျင်ဘက်အဖြစ် သဘောထားကြသည် ဟူ၍ဖြစ်သည်။ ဤအကြောင်းအရာအပေါ် ရှင်းလင်းသောနားလည်မှု သင် ယခုရှိပြီလော။ လူသားတို့၏ သဘောထားမှာ မည်သည့်အရာဖြစ်ကြောင်း၊ ဘုရားသခင်၏ သဘောထားမှာ မည်သည့်အရာဖြစ်ကြောင်းနှင့်၊ လူသားများနှင့် ဘုရားသခင်အကြား ဆက်ဆံရေးမှာ မည်သို့ဖြစ်ကြောင်း ၎င်းတို့ အားလုံးမှာ အလွန်ပင် ရှင်းလင်းပေသည်။ သင်တို့သည် တရားဟောချက် မည်မျှကို နားထောင်ခဲ့စေကာမူ ဘုရားသခင်အပေါ် သစ္စာရှိခြင်း၊ ဘုရားသခင်ကို ကျိုးနွံနာခံခြင်း၊ ဘုရားသခင်နှင့် သဟဇာတဖြစ်လာမည့်လမ်းကို ရှာဖွေခြင်း၊ ဘုရားသခင်အတွက် ရာသက်ပန် အသုံးတော်ခံလိုခြင်းနှင့်၊ ဘုရားသခင်အတွက် အသက်ရှင်လိုခြင်းကဲ့သို့သော သင်တို့ကိုယ်တိုင်၏ ကောက်ချက်ဆွဲခြင်းများ၊ ငါ့အတွက်မူကား ထိုအရာများမှာ ဘုရားသခင်ကို ကြောက်ရွံ့ခြင်းနှင့် မကောင်းမူကို ရှောင်ခြင်းတည်းဟူသော ဘုရားသခင်၏ လမ်းခရီး၌ သတိရှိစွာ လျှောက်လှမ်းခြင်း၏ ပြယုဂ်များ မဟုတ်ပေ။ ထို့ထက် ၎င်းတို့မှာ သေချာသော ရည်မှန်းချက်ပန်းတိုင်များကို သင်တို့ ရနိုင်သော လမ်းကြောင်းများသာလျှင် ဖြစ်သည်။ ဤရည်မှန်းချက်ပန်းတိုင်များကို ရယူရန် သင်တို့သည် အချို့သော စည်းမျဉ်းများကို ဝန်လေးစွာဖြင့် လိုက်နာကြသည်။ ထို့အပြင် လူတို့အား ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ခြင်း၏ လမ်းခရီးမှ ပို၍ပင် အဝေးသို့ ခေါ်ဆောင်သွားပြီး ဘုရားသခင်အား လူတို့နှင့် ဆန့်ကျင်ဘက်အဖြစ် နောက်ထပ်တစ်ကြိမ် ရောက်ရှိစေသည်မှာ ဤစည်းမျဉ်းများပင် အတိအကျဖြစ်သည်။

ယနေ့ ခေါင်းစဉ်မှာ အနည်းငယ် ခက်ခဲနက်နဲပါသည်၊ သို့သော် မည်သို့ပင်ဖြစ်စေ၊ သင်တို့သည် ရောက်လာမည့် အတွေ့အကြုံများနှင့် ကျရောက်လာမည့် အချိန်များကို ကျော်ဖြတ်သည့်အခါ သင်တို့အား ငါ ယခုလေးတင် ပြောခဲ့သောအရာများကို သင်တို့လုပ်နိုင်ကြမည်ဟု ငါ မျှော်လင့်နေဆဲဖြစ်သည်။ ဘုရားသခင်ကို ဘာမျှမရှိသော လေထုကြီးကဲ့သို့၊ သင့်အတွက် အသုံးဝင်သည့်အခါ၌ သူတည်ရှိသော်လည်း အသုံးမဝင်သည့် အခါ၌ သူမတည်ရှိသကဲ့သို့ သဘောမထားကြနှင့်။ သင်သည် ဤကဲ့သို့သော အတွေးမျိုး သင်၏မသိစိတ်ထဲတွင် ရှိသည့်အခါ သင်သည် ဘုရားသခင်ကို ဒေါသထွက်စေပြီ ဖြစ်သည်။ “ကျွန်ုပ်သည် ဘုရားသခင်ကို ဘာမျှမရှိသော လေသက်သက်အဖြစ် သဘောမထားပါ။ ဘုရားသခင်ထံ ကျွန်ုပ် အမြဲဆုတောင်းပြီး ဘုရားသခင်ကို ကျေနပ်စေရန် ကျွန်ုပ် အမြဲကြိုးစားသည့်အပြင် ကျွန်ုပ်ပြုသမျှမှာ ဘုရားသခင်တောင်းဆိုသော နယ်ပယ်၊ စံနှုန်းနှင့် နိယာမများအတွင်း၌ ရှိပါသည်။ ကျွန်ုပ်သည် ကျွန်ုပ်၏ ကိုယ်ပိုင်စိတ်ကူးများဖြင့် လက်တွေ့လုပ်ဆောင်ခြင်း လုံးဝမပြုပါ” ဟု ဆိုသောလူများ ရှိကောင်းရှိနိုင်ပါသည်။ ဟုတ်ပါသည်၊ သင်လက်တွေ့လုပ်ဆောင်နေသော ပုံစံမှာ မှန်ကန်ပါသည်။ သို့သော်လည်း ပြဿနာတစ်ခုကို မျက်နှာချင်းဆိုင် သင်ရင်ဆိုင်ရသည့်အခါ သင် မည်ကဲ့သို့ စဉ်းစားသနည်း။ ကိစ္စရပ်တစ်ခုကို သင်ရင်ဆိုင်ရသည့်အခါ သင် မည်ကဲ့သို့ လက်တွေ့လုပ်ဆောင်သနည်း။ လူအချို့က ၎င်းတို့ ဘုရားသခင်ထံ ဆုတောင်းသည့်အခါနှင့် ဘုရားသခင်ထံ အသနားခံသည့်အခါ ဘုရားသခင် တည်ရှိကြောင်း ခံစားကြသော်လည်း ပြဿနာတစ်ခုကို ရင်ဆိုင်ရသည့်အခါတိုင်း ၎င်းတို့သည် မိမိတို့၏ကိုယ်ပိုင် စိတ်ကူးများ ရလာပြီး ယင်းတို့ကို လိုက်နာလိုကြသည်။ ဤသည်မှာ သူတို့က ဘုရားသခင်အား ဘာမျှမရှိသော လေထုကြီးကဲ့သို့ သဘောထားသည်ဟု ဆိုလိုခြင်းဖြစ်ပြီး ဤကဲ့သို့သော အခြေအနေမျိုးက ၎င်းတို့၏ စိတ်ထဲ၌ ဘုရားသခင်ကို မတည်ရှိသောသူ ဖြစ်စေသည်။ လူတို့က ဘုရားသခင်သည် ၎င်းတို့ သူ့ကို လိုအပ်သည့်အချိန်၌ ရှိသင့်ပြီး ၎င်းတို့ သူ့ကို မလိုအပ်သည့်အခါ မရှိသင့်ဟု တွေးတတ်ကြသည်။ လူတို့က ၎င်းတို့၏ကိုယ်ပိုင် စိတ်ကူးများအပေါ် အခြေခံ၍ လက်တွေ့လုပ်ဆောင်ခြင်းမှာ လုံလောက်သည်ဟု ထင်ကြသည်။ ၎င်းတို့က မိမိနှစ်သက်သည့် မည်သည့်အရာကိုမဆို လုပ်နိုင်သည်ဟု ထင်တတ်ကြသည်။ ၎င်းတို့သည် ဘုရားသခင်၏ လမ်းခရီးကို ရှာဖွေရန် လိုအပ်သည်ဟု တကယ့်ကို မတွေးကြပေ။ ဤကဲ့သို့သော အနေအထားမျိုး၌ လောလောဆယ် ရှိနေပြီး ဤကဲ့သို့သော အခြေအနေမျိုး၌ နစ်နေသော လူများအနေဖြင့် သူတို့သည် အန္တရာယ်ကို ဖိတ်ခေါ်နေကြသည် မဟုတ်လော။ လူအချို့က “ကျွန်ုပ်သည် အန္တရာယ်ကို ဖိတ်ခေါ်နေသည်ဖြစ်စေ၊ မခေါ်သည်ဖြစ်စေ၊ ကျွန်ုပ်သည် နှစ်ပေါင်းများစွာ ယုံကြည်ခဲ့ပြီဖြစ်၍ ဘုရားသခင်သည် ကျွန်ုပ်အား စွန့်ပစ်ရက်မည် မဟုတ်သောကြောင့် ကျွန်ုပ်အား စွန့်ပစ်လိမ့်မည် မဟုတ်ဟု ကျွန်ုပ်ယုံကြည်သည်” ဟု ဆိုကြသည်။ အခြားလူတို့က “ကျွန်ုပ်သည် မိခင်၏ဝမ်းထဲ၌ ရှိနေခဲ့သည့် အချိန်မှစ၍ သခင့်ကို ယုံကြည်ခဲ့ပြီ။ နှစ်ပေါင်းလေးဆယ် သို့မဟုတ် ငါးဆယ် ရှိပြီဖြစ်သဖြင့် အချိန်အားဖြင့်ဆိုလျှင် ကျွန်ုပ်သည် ဘုရားသခင်၏ ကယ်တင်ခြင်းကိုခံရရန် အရည်အချင်း အပြည့်မီဆုံးဖြစ်ပြီး ကျွန်ုပ်သည် အောင်မြင်ကျော်လွှားရန် အရည်အချင်း အပြည့်မီဆုံးဖြစ်သည်။ ဤဆယ်စုနှစ် လေးစု သို့မဟုတ် ငါးစုအတွင်း ကျွန်ုပ်သည် ကျွန်ုပ်၏မိသားစုနှင့် ကျွန်ုပ်၏အလုပ်ကို ပစ်ထားခဲ့သည်။ ငွေကြေး၊ ရာထူးဂုဏ်ပုဒ်၊ ပျော်ရွှင်မှုနှင့် မိသားစုအချိန် ကဲ့သို့သော ကျွန်ုပ်၌ရှိသမျှ အရာများအားလုံးကို စွန့်လွှတ်ခဲ့သည်။ အရသာရှိသည့် အစားအစာများစွာ ကျွန်ုပ်မစားဖူးခဲ့၊ ပျော်ရွှင်စရာများစွာ ကျွန်ုပ်မပျော်မွေ့ဖူးခဲ့ပါ၊ စိတ်ဝင်စားဖွယ်ကောင်းသော နေရာများစွာ ကျွန်ုပ် မလည်ပတ်ခဲ့ဖူးပါ၊ ထို့ပြင် ကျွန်ုပ်သည် သာမန်လူတို့ မခံနိုင်သော ဒုက္ခဆင်းရဲကိုပင် ကြုံတွေ့ခံစားခဲ့ဖူးသည်။ အကယ်၍ ဘုရားသခင်သည် ဤအရာအားလုံးအတွက်ကြောင့် ကျွန်ုပ်အား မကယ်တင်နိုင်ပါက ကျွန်ုပ်သည် မျှတမှုမရှိဘဲ ဆက်ဆံခံနေရပြီဖြစ်ပြီး ဤကဲ့သို့သော ဘုရားသခင်မျိုးကို ကျွန်ုပ် မယုံကြည်နိုင်ပါ” ဟု ဆိုကြသည်။ ဤကဲ့သို့သော အမြင်မျိုးရှိသည့် လူတို့ များစွာရှိသလော။ (များစွာရှိပါသည်။) ထိုသို့ဆိုသော် ယနေ့ သင်တို့အား အဖြစ်မှန်တစ်ခုကို နားလည်စေဖို့ ငါကူညီမည်- ဤကဲ့သို့သော အမြင်မျိုးနှင့် လူတို့အားလုံးမှာ မိမိကိုယ်ကိုယ် အခက်တွေ့အောင် လုပ်နေကြခြင်းပင် ဖြစ်သည်။ ဤသည်မှာ အဘယ်ကြောင့်ဆိုသော် ၎င်းတို့သည် မိမိတို့၏ကိုယ်ပိုင် စိတ်ကူးများဖြင့် မိမိတို့၏မျက်လုံးများကို ဖုံးကွယ် နေကြသောကြောင့် ဖြစ်သည်။ လူသားများ ဖြည့်ဆည်းရန် ဘုရားသခင်တောင်းဆိုသော စံနှုန်းကို အစားထိုးပြီး ဘုရားသခင်၏ တကယ့်ရည်ရွယ်ချက်များကို လက်ခံခြင်းမှ ၎င်းတို့အား ပြန်ဆွဲထားသည်မှာ ဤစိတ်ကူးယဉ်များရော သူတို့၏ကိုယ်ပိုင် ကောက်ချက်များပါ ဧကန်ဖြစ်သည်။ ယင်းက သူ့တို့အား ဘုရားသခင်၏ အမှန်တကယ် တည်ရှိခြင်းကို မခံစားရနိုင်စေရန် ပြုလုပ်ပြီး ယင်းက သူတို့အား ဘုရားသခင်၏ ကတိတော်ထဲတွင်ရှိသော အစိတ်အပိုင်း သို့မဟုတ် ဝေစုဟူသမျှကို ပစ်ပယ်ကာ ဘုရားသခင်၏ စုံလင်အောင်ပြုလုပ်ပေးခြင်းကို ခံရမည့် အခွင့်အရေးကိုလည်း ဆုံးရှုံးစေပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၁၁)

လူတို့၏ အဆုံးသတ်ရလဒ်များကို ဘုရားသခင် သတ်မှတ်ပုံနှင့် ထိုသို့ပြုရာ၌ သူအသုံးပြုသော စံနှုန်းများ

သင်သည် မည်သည့်အမြင် သို့မဟုတ် ကောက်ချက် တစ်စုံတစ်ရာကို မရွေးချယ်မီ သင်သည် သင့်အပေါ်၌ ရှိသော ဘုရားသခင်၏ သဘောထားနှင့် စဉ်းစားနေသည့်အရာကို ဦးစွာ နားလည်သင့်ပြီး၊ ထို့နောက် သင်၏ကိုယ်ပိုင် အတွေးအခေါ် မှန်သည်မမှန်သည်ကို ဆုံးဖြတ်နိုင်သည်။ ဘုရားသခင်သည် လူတစ်ဦး၏ အဆုံးသတ်ရလဒ်ကို သတ်မှတ်ရန်အတွက် အချိန်ကို အတိုင်းအတာယူနစ်အဖြစ် မည်သည့်အခါမျှ အသုံးပြုခြင်း မရှိခဲ့ဖူးသကဲ့သို့ သူသည် လူတစ်ဦးက မည်မျှ ဒုက္ခခံစားခဲ့ရသည် ဟူသည့် စိစစ်သတ်မှတ်ခြင်းမျိုး အပေါ်၌လည်း မည်သည့်အခါမျှ အခြေမခံခဲ့ဖူးပါပေ။ ထိုသို့ဆိုသော် လူတစ်ဦး၏ အဆုံးသတ်ရလဒ်ကို သတ်မှတ်ရန် စံနှုန်းတစ်ခုအဖြစ် မည်သည့်အရာကို ဘုရားသခင် အသုံးပြုသနည်း။ အချိန်ကိုအခြေခံ၍ သတ်မှတ်ခြင်းမှာ လူတို့၏ အယူအဆများနှင့် အကိုက်ညီဆုံးသော အရာပင်ဖြစ်မည်။ ထို့အပြင် သင်တို့ မကြာခဏတွေ့မြင်ရသည့် တစ်ချိန်တစ်ခါက များစွာဆက်ကပ်ခဲ့သော၊ အသုံးတော်ခံခဲ့သော၊ အဖိုးအခကြီးစွာ ပေးခဲ့သော၊ ကြီးမားစွာ ဒုက္ခဆင်းရဲခံခဲ့သောသူများ ရှိသည်။ သင်တို့၏အမြင်တွင် ထိုသူများမှာ ဘုရားသခင်၏ ကယ်တင်ခြင်းကို ခံရနိုင်သောသူများ ဖြစ်ကြသည်။ ဤလူများ ပြသပြီး အသက်ရှင်နေထိုင်ခဲ့သည့်အရာ မှန်သမျှသည် လူတစ်ဦး၏ အဆုံးသတ်ရလဒ်ကို သတ်မှတ်ရန်အတွက် ဘုရားသခင်ချမှတ်ထားသော စံနှုန်းများနှင့်ပတ်သက်၍ လူသားတို့၏ အယူအဆများနှင့် အတိအကျ ကိုက်ညီပေသည်။ သင်တို့ မည်သည့်အရာကို ယုံကြည်သည်ဖြစ်စေ၊ ငါသည် ဤဥပမာများကို တစ်ခုပြီးတစ်ခု စာရင်းမှတ်မည်မဟုတ်ပေ။ အချုပ်အားဖြင့်ဆိုရလျှင် ဘုရားသခင်ကိုယ်တိုင်၏ အယူအဆ၌ရှိသော စံနှုန်းမဟုတ်သည့်အရာ မှန်သမျှသည် လူ၏ စိတ်အထင်မှ လာခြင်းသာဖြစ်ပြီး ထိုကဲ့သို့သော အရာအားလုံးမှာ လူ၏ အယူအဆများပင် ဖြစ်သည်။ သင်၏ ကိုယ်ပိုင်အယူအဆများ နှင့် စိတ်ကူးများအပေါ် ကျိုးကြောင်းမမြင်ဘဲ အခိုင်အမာပြောနေလျှင် ရလဒ်က အဘယ်အရာဖြစ်မည်နည်း။ ဤအရာ၏ အကျိုးဆက်မှာ ဘုရားသခင် သင့်အား ပစ်ပယ်ခြင်းသာလျှင် ဖြစ်နိုင်သည်မှာ အတော်ပင် သိသာပါသည်။ ဤသည်မှာ အဘယ်ကြောင့်ဆိုသော် သင်သည် သင်၏ အရည်အချင်းများကို ဘုရားသခင်ရှေ့၌ အမြဲကြွားလုံးထုတ်ကာ သူနှင့် ယှဉ်ပြိုင်ပြီး သူနှင့် အငြင်းပွားသောကြောင့် ဖြစ်ပြီး၊ သင်တို့သည် သူ၏ တွေးခေါ်ခြင်းကို အမှန်တကယ် နားလည်သဘောပေါက်ရန် မကြိုးစားသည့်အပြင် လူသားမျိုးနွယ်အပေါ် သူ၏အလိုတော်နှင့် သူ၏သဘောထားကို နားလည်သဘောပေါက်ရန် မကြိုးစားကြသောကြောင့် ဖြစ်သည်။ ဤပုံစံအတိုင်း ရှေ့ဆက်ခြင်းက သင့်ကိုယ်သင် အရာခပ်သိမ်းအထက်၌ ချီးမြှောက်ခြင်းဖြစ်ပြီး၊ ဘုရားသခင်ကို ကြီးမြတ်စေခြင်း မဟုတ်ပေ။ သင်သည် သင့်ကိုယ်သင် ယုံကြည်ပြီး၊ ဘုရားသခင်ကို မယုံကြည်ပေ။ ဘုရားသခင်သည် ဤကဲ့သို့သော လူတို့ကို အလိုမရှိသည့်အပြင် သူသည် သူတို့အတွက် ကယ်တင်ခြင်းကိုလည်း ယူဆောင်လာမည် မဟုတ်ပေ။ အကယ်၍ သင်သည် ဤအမြင်မျိုးကို လက်လွှတ်နိုင်သည်သာမက အတိတ်က သင်ရှိခဲ့သည့် မှားယွင်းသော ထိုအမြင်များကို ပြုပြင်နိုင်ပါက၊ အကယ်၍ သင်သည် ဘုရားသခင်၏ တောင်းဆိုချက်များနှင့်အညီ ရှေ့ဆက်နိုင်ပါက၊ ယခုအချိန်မှစ၍ ဘုရားသခင်ကို ကြောက်ရွံ့ပြီး မကောင်းမှုအား ရှောင်ခြင်းလမ်းခရီးကို လက်တွေ့လုပ်ဆောင် နိုင်ပါက၊ အရာခပ်သိမ်းတွင် ဘုရားသခင်ကို ကြီးမြတ်သောအရှင်အဖြစ် ချီးမြှောက်လာနိုင်ပြီး မိမိကိုယ်ကိုယ်နှင့် ဘုရားသခင်ကို အဓိပ္ပာယ်ဖွင့်ရန်အတွက် သင်ကိုယ်တိုင်၏ တစ်ကိုယ်ရေစိတ်ကူးများ၊ သဘောထားများ၊ သို့မဟုတ် ယုံကြည်ချက်များကို အသုံးပြုခြင်းမှ ရှောင်ကျဉ်နိုင်ပါက၊ ထို့ပြင် ယင်းအစား သင်သည် ကဏ္ဍတိုင်း၌ ဘုရားသခင်၏ ရည်ရွယ်ချက်များကို ရှာဖွေနိုင်ခြင်း၊ လူသားတို့အပေါ် ဘုရားသခင်၏ သဘောထားအား သဘောပေါက်ခြင်းနှင့် သိနားလည်ခြင်းကို ရရှိလာခြင်းနှင့် သူ၏စံနှုန်းများကို ဖြည့်ဆည်းပေးခြင်း အားဖြင့် သူ့ကို ကျေနပ်စေခြင်းတို့ ရှိမည်ဆိုပါက ၎င်းမှာ ချီးကျူးလောက်စရာ ဖြစ်ပေမည်။ ယင်းက သင်သည် ဘုရားသခင်ကို ကြောက်ရွံ့ပြီး မကောင်းမှုကို ရှောင်သည့် လမ်းခရီးပေါ်၌ စတင်လုနီးပါးဖြစ်ကြောင်း ညွှန်ပြလိမ့်မည်။

ဘုရားသခင်သည် လူတို့၏ အဆုံးသတ်ရလဒ်များကို သတ်မှတ်ပေးမည့် စံနှုန်းများအဖြစ် သူတို့၏ အမျိုးမျိုးသော စိတ်ကူးများ၊ ထင်မြင်ချက်များနှင့် သဘောထားများကို အသုံးမပြုပါက လူတို့၏ အဆုံးသတ်ရလဒ်များကို သတ်မှတ်ရန်အတွက် မည်သည့် စံနှုန်းမျိုးကို သူအသုံးပြုသနည်း။ ဘုရားသခင်သည် သူတို့၏ အဆုံးသတ်ရလဒ်များကို သတ်မှတ်ရန် စမ်းသပ်မှုများကို အသုံးပြုပါသည်။ လူတို့၏ အဆုံးသတ်ရလဒ်များကို သတ်မှတ်ရန် စမ်းသပ်မှုများကို ဘုရားသခင် အသုံးပြုခြင်းအတွက် စံနှုန်းနှစ်ခု ရှိလေသည်- ပထမမှာ လူတို့ ကြုံတွေ့ရသော စမ်းသပ်မှုအရေအတွက်ဖြစ်ပြီး ဒုတိယမှာ ဤစမ်းသပ်မှုများက လူတို့အပေါ်တွင် ရရှိသော ရလဒ်များပင် ဖြစ်သည်။ လူတစ်ဦး၏ အဆုံးသတ်ရလဒ်ကို သတ်မှတ်ပေးသောအရာမှာ ဤအညွှန်းနှစ်ခုပင် ဖြစ်သည်။ ယခု ငါတို့ ဤစံနှုန်းနှစ်ခုနှင့်ပတ်သက်၍ အကျယ်တဝင့် ရှင်းလင်းကြမည်။

ဦးစွာ လူတစ်ဦးသည် ဘုရားသခင်ထံမှ စမ်းသပ်မှုတစ်ခုကို ရင်ဆိုင်ရပါက (မှတ်သားရန်- ဤစမ်းသပ်မှုသည် သင်၏အမြင်တွင် ဖော်ပြရန် မထိုက်တန်သည့်၊ သေးငယ်သော စမ်းသပ်မှုတစ်ခု ဖြစ်ကောင်းဖြစ်နိုင်ပါသည်)၊ ဤသည်မှာ သင့်အပေါ် သူ၏ပြုလုပ်ချက်ဖြစ်ကြောင်းနှင့် ဤအခြေအနေကို သင့်အတွက် စီစဉ်ခဲ့သူမှာ သူဖြစ်ကြောင်းကို ဘုရားသခင်သည် သင့်အား ထင်ရှားစွာ သတိပြုမိစေမည်။ သင်သည် ဝိညာဉ်အသက်တာ မရင့်ကျက်သေးသည့်အခါ ဘုရားသခင်သည် သင့်ကို စစ်ဆေးရန်အလို့ငှာ စမ်းသပ်မှုများကို စီစဉ်ပေးလိမ့်မည်ဖြစ်ပြီး ဤစမ်းသပ်မှုများမှာ သင်၏ ဝိညာဉ်အသက်တာ၊ သင်တို့ သဘောပေါက်နိုင်သည့်အရာနှင့် သင်တို့ ကြံ့ကြံ့ခံနိုင်သော အရာတို့နှင့် ညီမျှပါလိမ့်မည်။ သင်၏ မည်သည့်အပိုင်းက စစ်ဆေးခြင်း ခံရမည်နည်း။ ဘုရားသခင်အပေါ် သင်၏ သဘောထားပင်။ ဤသဘောထားမှာ အလွန် အရေးကြီးသလော။ အမှန်တကယ် အရေးကြီးပါသည်။ ၎င်းမှာ အထူးအရေးကြီးသည့် အရာဖြစ်သည်။ လူသားတို့၌ရှိသော ဤသဘောထားမှာ ဘုရားသခင် အလိုရှိသော ရလဒ်ပင်ဖြစ်သောကြောင့် ဘုရားသခင်နှင့် ပတ်သက်၍ကား ၎င်းမှာ အားလုံးထက် အရေးကြီးဆုံးသောအရာ ဖြစ်သည်။ ထိုသို့မဟုတ်ပါက ဘုရားသခင်သည် ထိုသို့သောအလုပ်ကို ဝင်ရောက်လုပ်ဆောင်ခြင်းအားဖြင့် လူတို့အပေါ်တွင် သူ၏ကြိုးပမ်းမှုများကို အသုံးပြုခဲ့လိမ့်မည် မဟုတ်ပေ။ ဤစမ်းသပ်မှုများအားဖြင့် ဘုရားသခင်သည် သူ့အပေါ် သင်၏ သဘောထားကို မြင်လိုသည်။ သင်သည် မှန်သောလမ်းကြောင်းပေါ်၌ ရှိမရှိကို သူမြင်လိုသည်။ သင်သည် ဘုရားသခင်ကို ကြောက်ရွံ့ပြီး မကောင်းမှုကို ရှောင်ခြင်းရှိမရှိကိုလည်း သူမြင်လိုသည်။ ထို့ကြောင့် သင်သည် သီးသန့်အချိန်တစ်ခုခု၌ သမ္မာတရားကို များစွာ သို့မဟုတ် အနည်းငယ် နားလည်သည်ဖြစ်စေ သင်သည် ဘုရားသခင်၏ စမ်းသပ်မှုများကို ရင်ဆိုင်ရဦးမည် ဖြစ်ပြီး သင်နားလည်သော သမ္မာတရားအတိုင်းအတာ တိုးပွားလာပြီးနောက်တွင် သင့်အတွက် ဆီလျော်သော စမ်းသပ်မှုများကို သူ ဆက်လက်စီစဉ်လိမ့်မည် ဖြစ်သည်။ သင်သည် စမ်းသပ်မှုတစ်ခုကို နောက်ထပ်တစ်ကြိမ် ရင်ဆိုင်ရသည့်အခါ သူ့အပေါ်ထားသော သင်၏ရှုထောင့်၊ အတွေးအခေါ်များနှင့် သဘောထားတို့သည် ထိုကြားကာလအချိန်အတွင်း တိုးတက်မှုတစ်စုံတစ်ရာ ရှိမရှိကို ဘုရားသခင်မြင်လိုသည်။ လူအချို့က “ဘုရားသခင်က အဘယ်ကြောင့် လူတို့၏ သဘောထားများကို အမြဲမြင်လိုသနည်း။ ၎င်းတို့သည် သမ္မာတရားကို မည်ကဲ့သို့ လက်တွေ့လုပ်ဆောင်ကြောင်းကို ဘုရားသခင် မမြင်သေးသလော။ လူတို့၏ သဘောထားများကို အဘယ်ကြောင့် သူမြင်လိုရသေးသနည်း” ဟု တွေးတတ်ကြသည်။ ဤသည်မှာ ထင်ရာမြင်ရာပြောသော ပေါက်ကရစကား ပါတကား။ ဘုရားသခင်သည် ဤပုံစံအတိုင်း အမှုပြုသည်ကို ထောက်ဆလျှင် သူ၏ အလိုတော်မှာ ယင်း၌ရှိရမည်။ ဘုရားသခင်သည် ဘေးမှနေ၍ လူတို့ကို အမြဲတမ်း လေ့လာနေကာ၊ သူတို့၏ စကားလုံးနှင့် လုပ်ဆောင်မှုတိုင်း၊ သူတို့၏ ဆောင်ရွက်ချက်နှင့် လှုပ်ရှားမှုတိုင်းကို စောင့်ကြည့်နေသည်။ သူသည် ၎င်းတို့၏ အတွေးနှင့် စိတ်ကူးတိုင်းကိုပင် စောင့်ကြည့်သည်။ ၎င်းတို့၏ ကောင်းသော လုပ်ဆောင်ချက်များ၊ ၎င်းတို့၏ အမှားများ၊ ၎င်းတို့၏ ကျူးလွန်ပြစ်မှားမှုများ၊ ၎င်းတို့၏ ပုန်ကန်မှုများနှင့် သစ္စာဖောက်မှုများစသည့် လူတို့၌ ဖြစ်ပျက်သမျှကိုပင်လျှင် ဘုရားသခင်သည် ၎င်းတို့၏ အဆုံးသတ်ရလဒ်များကို သတ်မှတ်ရာ၌ အထောက်အထားအဖြစ် မှတ်သားထားသည်။ ဘုရားသခင်၏ အမှုသည် တစ်ဆင့်ပြီးတစ်ဆင့် အရှိန်မြင့်လာသည်နှင့်အမျှ သင်သည် နောက်ထပ်သမ္မာတရားများကို ကြားရပြီး အပြုသဘောဆောင်သော အရာများနှင့် အချက်အလက်တို့ကို နောက်ထပ် လက်ခံလာမည် ဖြစ်သည့်အပြင် သင်သည် သမ္မာတရား၏ စစ်မှန်မှုကို နောက်ထပ်ရရှိလိမ့်မည် ဖြစ်သည်။ ဤဖြစ်စဉ်တစ်လျှောက်တွင် သင့်အပေါ် ဘုရားသခင်၏ တောင်းဆိုချက်များ မှာလည်း တိုးပွားလာမည် ဖြစ်ကာ တိုးပွားလာသည်နှင့်အမျှ ဘုရားသခင်သည် သင့်အတွက် ပို၍ပြင်းထန်သော စမ်းသပ်မှုများကို စီစဉ်ပေးလိမ့်မည်။ သူ၏ရည်မှန်းချက်မှာ ဘုရားသခင် အပေါ်၌ရှိသော သင်၏ သဘောထားသည် ထိုအချိန်အတောအတွင်း ရင့်ကျက်လာခြင်း ရှိမရှိကို ဆန်းစစ်ရန် ဖြစ်သည်။ ဤသို့ဖြစ်သောအခါ သင့်အား ဘုရားသခင်တောင်းဆိုသော အမြင်သဘောထားက သမ္မာတရား၏ စစ်မှန်မှုအပေါ် သင်၏နားလည်မှုနှင့် ကိုက်ညီမည်မှာ အမှန်ပင် ဖြစ်သည်။

သင်၏ ဝိညာဉ်အသက်တာ တဖြည်းဖြည်း ကြီးထွားလာသည်နှင့်အမျှ သင့်အား ဘုရားသခင်တောင်းဆိုသော စံနှုန်းမှာလည်း တဖြည်းဖြည်း မြင့်တက်လာမည် ဖြစ်သည်။ သင် မရင့်ကျက်သေးသည့်အခါ ဘုရားသခင်သည် သင်ဖြည့်ဆည်းဖို့ အလွန်နိမ့်သော စံနှုန်းတစ်ခုကို ချမှတ်ပေးမည် ဖြစ်သည်၊ သင်၏ ဝိညာဉ်အသက်တာ အနည်းငယ်ကြီးမားသည့်အခါ သူသည် သင့်စံနှုန်းကို အနည်းငယ်ပိုမြှင့်ပေးမည် ဖြစ်သည်။ သို့သော်လည်း သင်သည် သမ္မာတရားအားလုံးကို နားလည်ခြင်း ရရှိပြီးနောက်တွင် ဘုရားသခင်သည် မည်ကဲ့သို့ ပြုလိမ့်မည်နည်း။ သူသည် သင့်အား ပို၍ပင် ကြီးမားသော စမ်းသပ်မှုများကို ရင်ဆိုင်စေမည် ဖြစ်သည်။ ဤစမ်းသပ်မှုများအကြားတွင် ဘုရားသခင် သင့်အား ရရှိစေလိုသောအရာ၊ ဘုရားသခင် သင့်ထံမှ မြင်တွေ့လိုသောအရာမှာ ဘုရားသခင်အပေါ် ပို၍နက်ရှိုင်းသော သိနားလည်ခြင်းနှင့် သူ့အပေါ် သင်၏ စစ်မှန်သော ကြောက်ရွံ့မှု ဖြစ်သည်။ ဤအချိန်တွင် သင့်အပေါ် ဘုရားသခင်၏ တောင်းဆိုချက်များမှာ သင်၏ ဝိညာဉ်အသက်တာ မရင့်ကျက်ခဲ့သေးသည့် ယခင်ကထက် ပို၍မြင့်လာပြီး “ပို၍ပြင်းထန်” လာလိမ့်မည် ဖြစ်သည် (မှတ်ချက်- လူတို့က ၎င်းကို ပြင်းထန်သည်ဟု မြင်သော်လည်း၊ ဘုရားသခင်က ၎င်းမှာ အသင့်အတင့် ဖြစ်သည်ဟု မြင်သည်။) ဘုရားသခင်သည် လူတို့အား စမ်းသပ်နေသည့်အခါ မည်ကဲ့သို့သော စစ်မှန်မှုမျိုးကို သူဖန်တီးလိုခြင်း ဖြစ်သနည်း။ ဘုရားသခင်က လူတို့အား မိမိတို့၏ စိတ်နှလုံးကိုပေးရန် အဆက်မပြတ် တောင်းနေသည်။ လူအချို့က “၎င်းကို ကျွန်ုပ် မည်ကဲ့သို့ပေးရမည်နည်း။ ကျွန်ုပ်သည် ကျွန်ုပ်၏ တာဝန်ကို ကျေပွန်အောင် ထမ်းဆောင်ခဲ့ပြီ။ နေအိမ်နှင့် အသက်မွေးဝမ်းကျောင်းကို စွန့်လွှတ်ခဲ့ပြီး ကျွန်ုပ်သည် မိမိကိုယ်ကိုယ် အသုံးတော်ခံခဲ့သည်။ ဤအရာများအားလုံးမှာ ကျွန်ုပ်၏ စိတ်နှလုံးကို ဘုရားသခင်အားပေးခြင်း၏ သာဓကများပင် ဖြစ်သည်မဟုတ်လော။ ကျွန်ုပ်၏ စိတ်နှလုံးကို ဘုရားသခင်အား နောက်ထပ်မည်ကဲ့သို့ ပေးနိုင်မည်နည်း။ ဤအရာများမှာ ကျွန်ုပ်၏ စိတ်နှလုံးကို ဘုရားသခင်အားပေးသော နည်းလမ်းများ အမှန်တကယ် မဟုတ်ခြင်းကြောင့် ဖြစ်နိုင်သလော။ ဘုရားသခင်၏ တောင်းဆိုချက် အတိအကျမှာ အဘယ်နည်း။” ဟု ဆိုတတ်ကြသည်။ သတ်မှတ်ချက်မှာ အလွန် လွယ်ကူရိုးရှင်းလှသည်။ အမှန်အားဖြင့် လူအချို့တို့သည် ၎င်းတို့၏ အမျိုးမျိုးသော စမ်းသပ်မှုများ အဆင့်ဆင့်တွင် ၎င်းတို့၏ စိတ်နှလုံးများကို ခြားနားသော အတိုင်းအတာဖြင့် ဘုရားသခင်အား ပေးနှင့်ပြီးသောသူများ ဖြစ်သည်။ သို့သော်လည်း လူပေါင်းမြောက်မြားစွာတို့သည် ၎င်းတို့၏ စိတ်နှလုံးကို ဘုရားသခင်အား မည်သည့်အခါမျှ မပေးကြပေ။ ဘုရားသခင်သည် သင့်အား စမ်းသပ်သောအခါ၊ သင်၏ စိတ်နှလုံးသည် ဘုရားသခင်၌၊ ဇာတိပကတိ၌ သို့မဟုတ် စာတန်၌ ရှိမရှိကို မြင်သည်။ ဘုရားသခင်သည် သင့်အား စမ်းသပ်သည့်အခါ သင်သည် ဘုရားသခင်ကို ဆန့်ကျင်ခြင်းရှိမရှိ သို့မဟုတ် ဘုရားသခင်နှင့် သဟဇာတ ဖြစ်သည့် အနေအထား၌ ရပ်တည်ခြင်းရှိမရှိ ဘုရားသခင်မြင်ပြီး သင်၏ စိတ်နှလုံးသည် သူ့ဘက်၌ရှိမရှိ သူမြင်သည်။ သင်သည် ရင်ကျက်ခြင်းမရှိဘဲ စမ်းသပ်မှုများကို ရင်ဆိုင်ရသည့်အခါ သင်၌ မိမိကိုယ်ကိုယ်ယုံကြည်မှု နည်းပါးပြီး သင်၌ သမ္မာတရားအား သိနားလည်ခြင်းမှာ နည်းပါးသောကြောင့် ဘုရားသခင်၏ ရည်ရွယ်ချက်များကို ဖြည့်ဆည်းရန်အလို့ငှာ သင်ပြုဖို့လိုအပ်သည်တို့ကို အတိအကျ သိနိုင်မည် မဟုတ်ပေ။ သို့သော်လည်း အကယ်၍ သင်သည် ဘုရားသခင်ထံ စစ်မှန်စွာနှင့် ရိုးသားစွာ ဆုတောင်းနိုင်သေးပါက၊ ထို့ပြင် သင့်စိတ်နှလုံးကို သူ့အားပေးရန်၊ သူ့အား သင်၏ အချုပ်အခြာအာဏာပိုင် ဖြစ်စေရန်နှင့် တန်ဖိုးအရှိဆုံးဟု သင်ယုံကြည်သော ထိုအရာများအားလုံးကို ဘုရားသခင်ထံ ဆက်ကပ်ရန် ဆန္ဒရှိပါက သင်သည် သင်၏စိတ်နှလုံးကို ဘုရားသခင်ထံ ပေးနှင့်ပြီးဖြစ်လိမ့်သည်။ သင်သည် နောက်ထပ် တရားဒေသနာများကို နားထောင်ပြီး သမ္မာတရားကို ပို၍နားလည် လာသည်နှင့်အမျှ သင်၏ ဝိညာဉ်အသက်တာသည်လည်း တဖြည်းဖြည်း ကြီးထွားလာမည် ဖြစ်သည်။ ဤအချိန်တွင် ဘုရားသခင့် တောင်းဆိုချက်များ၏ စံနှုန်းမှာ သင်မရင့်ကျက်သည့် အချိန်ကနှင့် တူတော့မည် မဟုတ်ပေ။ သူသည် သင့်အား ပိုမြင့်သော စံနှုန်းတစ်ခုကို တောင်းဆိုလိမ့်မည်။ လူတို့သည် မိမိတို့၏ စိတ်နှလုံးကို တဖြည်းဖြည်းချင်း ဘုရားသခင်ထံ ပေးလာသည့်အခါ ၎င်းတို့၏ စိတ်နှလုံးသည် တဖြည်းဖြည်းချင်း ဘုရားသခင်နှင့် သာ၍နီးကပ်လာသည်၊ လူတို့သည် ဘုရားသခင်ထံ အမှန်တကယ် နီးကပ်လာနိုင်သည်နှင့်အမျှ ၎င်းတို့၏ စိတ်နှလုံးသည် သူ့ကို သာ၍ပင် ကြောက်ရွံ့လာလိမ့်မည် ဖြစ်သည်။ ဘုရားသခင် အလိုရှိသော အရာမှာ ထိုစိတ်နှလုံးမျိုးပင် ဖြစ်သည်။

ဘုရားသခင်သည် တစ်စုံတစ်ဦး၏ စိတ်နှလုံးကို ရလိုသည့်အခါ သူသည် ထိုသူအား စမ်းသပ်မှုအတော်များများကို ခံစားစေလိမ့်မည်။ ဤစမ်းသပ်မှုများ အတွင်း အကယ်၍ ဘုရားသခင်သည် ထိုသူ၏ စိတ်နှလုံးကိုမရ သို့မဟုတ် ထိုသူ၌ သဘောထား တစ်စုံတစ်ရာရှိကြောင်း မမြင်သည့်အခါ၊ တစ်နည်းအားဖြင့်ဆိုသော် ဤလူသည် ဘုရားသခင်ကို ကြောက်ရွံ့သောပုံစံဖြင့် လက်တွေ့ကျင့်သုံးကြောင်း သို့မဟုတ် ပြုမူကြောင်း သူ မမြင်ရသည့်အခါနှင့် ဤလူထံ၌ မကောင်းမှုကို ရှောင်ရှားသည့် သဘောထားနှင့် စိတ်ဆုံးဖြတ်ချက်ကိုလည်း မမြင်ရသည့်အခါ စမ်းသပ်မှု အတော်များများ အပြီးတွင် ထိုသူတို့အပေါ် ဘုရားသခင်၏ စိတ်ရှည်ခြင်းကို ရုပ်သိမ်းမည်ဖြစ်ပြီး ဤလူကို သူ နောက်ထပ်သည်းခံတော့မည် မဟုတ်ပေ။ သူသည် ဤလူအား ဆက်၍စမ်းသပ်တော့မည် မဟုတ်သည့်အပြင် သူသည် သူ့အပေါ် အမှုပြုတော့မည် မဟုတ်ပေ။ ထိုသို့ဆိုလျှင် ဤလူ၏ အဆုံးသတ်အတွက် ယင်းက အဘယ်အရာကို ညွှန်ပြသနည်း။ ၎င်းတို့၌ အဆုံးသတ် မရှိဟု ဆိုလိုခြင်းဖြစ်သည်။ ဤလူသည် မကောင်းမှု ပြုဖူးကောင်းပြုဖူးမည် မဟုတ်ပါ။ ၎င်းတို့သည် မည်သည့်အရာမျှ ဖျက်လိုဖျက်ဆီး မလုပ်ဖူးသည့်အပြင် အနှောင့်အယှက်လည်း မဖြစ်ပေါ် စေခဲ့ဖူးလောက်ပေ။ ၎င်းတို့သည် ဘုရားသခင်အား ပွင့်ပွင့်လင်းလင်း ဆန့်ကျင့်ခြင်း မပြုဖူးလောက်ပါပေ။ သို့သော်လည်း ဤလူ၏စိတ်နှလုံးမှာ ဘုရားသခင်ထံမှ ဖုံးကွယ်ထားလေသည်။ ၎င်းတို့ထံ၌ ဘုရားသခင်အပေါ် ရှင်းလင်းသော သဘောထားနှင့် အမြင် မည်သည့်အခါမျှ မရှိခဲ့ပေ၊ ထို့ပြင် ၎င်းတို့၏ စိတ်နှလုံးကို သူ့အား ပေးပြီးခဲ့ကြောင်း သို့မဟုတ် ၎င်းတို့သည် ဘုရားသခင်ကို ကြောက်ရွံ့ပြီး မကောင်းမှုကိုရှောင်ရန် ကြိုးပမ်းနေကြောင်းကို သူ ရှင်းလင်းစွာ မမြင်ရပေ။ ဘုရားသခင်သည် ဤကဲ့သို့သော လူများအပေါ် စိတ်ရှည်ခြင်း ကုန်ဆုံးပြီး၊ သူတို့အတွက် မည်သည့်အဖိုးအခပေးခြင်း၊ သူတို့အား မည်သည့် သနားခြင်းကရုဏာကိုမျှ တိုးပေးခြင်း သို့မဟုတ် ၎င်းတို့အပေါ် အမှုပြုခြင်း နောက်ထပ် ပြုတော့မည်မဟုတ်ပေ။ ဘုရားသခင်အပေါ် ဤကဲ့သို့သောလူ၏ ယုံကြည်ခြင်းအသက်တာမှာ အဆုံးသတ်ပြီဖြစ်သည်။ ဤသည်မှာ အဘယ်ကြောင့်ဆိုသော် သူတို့အား ဘုရားသခင်ပေးပြီးသည့် များစွာသော စမ်းသပ်မှုများ အားလုံး၌ ဘုရားသခင်သည် သူ အလိုရှိသော ရလဒ်ကို မရသေးခြင်းကြောင့် ဖြစ်သည်။ သို့ဖြစ်၍ ၎င်းတို့အထဲ၌ သန့်ရှင်းသော ဝိညာဉ်တော်၏ ဖွင့်ပြခြင်းနှင့် အလင်းပေးခြင်းကို ငါ တစ်ခါမျှ မမြင်ခဲ့ဖူးသော လူတစ်စုရှိ၏။ ဤအရာကို အဘယ်သို့ မြင်ရနိုင်မည်နည်း။ ဤလူတို့သည် ဘုရားသခင်ကို နှစ်ပေါင်းများစွာ ယုံကြည်ခဲ့ပြီးသားဖြစ်ကောင်းဖြစ်နိုင်ပြီး အပေါ်ယံတွင် ၎င်းတို့သည် အားကြိုးမာန်တက် ပြုမူခဲ့ကြပြီးဖြစ်သည်။ ၎င်းတို့သည် စာအုပ်များစွာကို ဖတ်ရှုခဲ့ပြီးကာ၊ အရေးကိစ္စများစွာကို ကိုင်တွယ်ခဲ့ကြပြီးကြပြီး မှတ်စုစာအုပ် ၁၂ အုပ်ခန့်ကို ရေးမှတ်ခဲ့ကြပြီးသကဲ့သို့ ဝေါဟာရများနှင့် သြဝါဒများ မြောက်မြားစွာကို ကျွမ်းကျင်ပိုင်နိုင်ခဲ့ကြပြီဖြစ်သည်။ သို့သော်လည်း သူတို့၌ သိသာထင်ရှားသော မည်သည့်ကြီးထွားမှုမျှ လုံးဝမရှိ၊ ဘုရားသခင်အပေါ် သူတို့၏ရှုထောင့်များမှာ သိသာထင်ရှားမှု မရှိသေးသည့်အပြင် သူတို့၏ သဘောထားများမှာ ရှင်းလင်းမှု မရှိသေးပေ။ တစ်နည်းအားဖြင့် သူတို့၏ စိတ်နှလုံးကို မမြင်ရနိုင်ပေ။ ၎င်းတို့၏ စိတ်နှလုံးမှာ အမြဲလုံးထွေးနေပြီး ၎င်းတို့မှာ ဘုရားသခင်ထံမှ ပိတ်ဆို့ထားကြသည်- အကျိုးဆက်မှာ သူသည် သူတို့၌စစ်မှန်သော စိတ်နှလုံးကို မမြင်ဖူးခဲ့ရ၊ ဘုရားသခင်သည် ဤလူတို့အထဲ၌ သူ့အား စစ်မှန်သော ကြောက်ရွံ့ခြင်းကို မမြင်ဖူးခဲ့ရသည့်အပြင် ထိုမျှမက ဤလူတို့သည် ဘုရားသခင်၏ လမ်းခရီး၌ မည်ကဲ့သို့ လျှောက်လှမ်းကြောင်းကို သူ မမြင်ခဲ့ဖူးပါပေ။ အကယ်၍ ယခုတိုင်အောင် ဘုရားသခင်သည် ဤသို့သော လူတို့ကို မရယူသေးပါက အနာဂတ်တွင် ၎င်းတို့ကို သူ ရယူနိုင်မည်လော။ မရယူနိုင်ပါပေ။ ဘုရားသခင်သည် မရယူနိုင်သော အရာများအတွက် ဆက်၍ ထပ်တလဲလဲ တောင်းဆိုလိမ့်မည်လော။ တောင်းဆိုလိမ့်မည်မဟုတ်။ ထိုအခါ ဤသို့သော လူများအပေါ် ဘုရားသခင်၏ လက်ရှိသဘောထားမှာ အဘယ်နည်း။ (သူသည် ၎င်းတို့အား ပစ်ပယ်ပြီး၊ မသိကျိုးကျွန်ပြုသည်။) သူသည် ၎င်းတို့ကို မသိကျိုးကျွန်ပြုသည်။ ဘုရားသခင်သည် ဤသို့သော လူတို့ကို အလေးဂရုမပြုပေ၊ ၎င်းတို့ကို သူပစ်ပယ်ထားသည်။ သင်တို့သည် ဤနှုတ်ကပတ်တော်များကို အလွန်လျင်မြန်စွာနှင့် အလွန်တိကျမှန်ကန်စွာ အလွတ်ကျက်မှတ်ကြပြီး ဖြစ်သည်။ သင်တို့သည် သင်တို့ကြားခဲ့ပြီးသော အရာကို နားလည်ပြီးသကဲ့သို့ ထင်ရပါသည်တကား။

ဘုရားသခင်နောက်သို့ စလိုက်သည့်အချိန်တွင် ရင့်ကျက်ခြင်းမရှိဘဲ ပညာမဲ့ကြသော လူအချို့ ရှိလေသည်။ ၎င်းတို့သည် ဘုရားသခင်၏ အလိုတော်ကို နားမလည်သည့်အပြင်၊ ဘုရားသခင်ကို ယုံကြည်ခြင်းမှာ အဘယ်အရာ ဖြစ်ကြောင်းကိုလည်း ၎င်းတို့ မသိကြပေ။ ၎င်းတို့သည် ဘုရားသခင်ကို ယုံကြည်ခြင်းနှင့် နောက်လိုက်လျှောက်ခြင်း နှင့်ပတ်သက်၍ လူ့စိတ်ကူးနှင့် လွဲမှားသော နည်းလမ်းတစ်ခုကို ခံယူကြသည်။ ဤကဲ့သို့သော လူတို့သည် စမ်းသပ်မှုများကို ရင်ဆိုင်ရသည့်အခါ ၎င်းတို့သည် ယင်းကို သတိမထားမိကြဘဲ ဘုရားသခင်၏ လမ်းညွှန်မှုနှင့် ဉာဏ်အလင်းပေးခြင်းအပေါ် ထုံအမြဲ ထုံအကြသည်။ ၎င်းတို့သည် ၎င်းတို့၏ စိတ်နှလုံးကို ဘုရားသခင်ထံ ပေးခြင်းဆိုသည်မှာ မည်သည့်အရာဖြစ်သည် သို့မဟုတ် စမ်းသပ်မှုတစ်ခုအတွင်း မြဲမြံစွာရပ်တည်ခြင်းဆိုသည်မှာ မည်သည့်အရာ ဖြစ်သည်ကို မသိကြပေ။ ဘုရားသခင်သည် ဤသို့သော လူတို့အား အချိန်အကန့်အသတ်တစ်ခုကို ပေးပြီး ဤအချိန်အတောအတွင်း သူသည် ၎င်းတို့အား သူ့စမ်းသပ်မှုများ၏ သဘောသဘာဝနှင့် သူ၏ရည်ရွယ်ချက်များမှာ အဘယ်အရာ ဖြစ်ကြောင်းကို နားလည်စေမည် ဖြစ်သည်။ ထို့နောက်တွင် ဤလူသည် ၎င်းတို့၏ ရှုထောင့်အမြင်များကို ပြသရပေမည်။ ဤအဆင့်၌ရှိသော ထိုလူများကို ဘုရားသခင် စောင့်ဆိုင်းနေဆဲဖြစ်သည်။ အမြင်အချို့ရှိသော်လည်း ယိမ်းယိုင်နေသေးသောသူများ၊ ၎င်းတို့၏ စိတ်နှလုံးကို ဘုရားသခင်အား ပေးလိုသော်လည်း ထိုသို့ပေးရန် မပြေလည်သောသူများနှင့်၊ အခြေခံ သမ္မာတရားအချို့ကို လက်တွေ့လုပ်ဆောင်ခဲ့ပြီးစေကာမူ ကြီးမားသော စမ်းသပ်မှုများကို ရင်ဆိုင်ရသည့်အခါ ပုန်းရှောင်ပြီး လက်လျှော့ရန် ကြိုးစားသောသူများ နှင့်ပတ်သက်၍ ၎င်းတို့အပေါ် ဘုရားသခင်၏ သဘောထားမှာ အဘယ်နည်း။ ဘုရားသခင်သည် ၎င်းတို့အပေါ် အနည်းငယ် မျှော်လင့်နေသေးပြီး ရလဒ်မှာမူ ၎င်းတို့၏ သဘောထားနှင့် လုပ်ဆောင်မှုအပေါ် မူတည်ပါသည်။ အကယ်၍ လူတို့သည် တိုးတက်ခြင်း၌ ထိရောက်မှုမရှိလျှင် ဘုရားသခင် မည်သို့ပြုသနည်း။ ၎င်းတို့အား သူလက်လျှော့လိုက်၏။ ဤသည်မှာ အဘယ်ကြောင့်ဆိုသော် ဘုရားသခင်သည် သင့်ကို လက်မလျှော့မီ သင်သည် သင့်ကိုယ်သင် လက်လျှော့နှင့်ပြီးပြီဖြစ်သည်။ ထို့ကြောင့် ဘုရားသခင် ဤသို့လက်လျှော့ခြင်းကြောင့် သူ့ကို အပြစ်တင်၍ မရနိုင်သည် မဟုတ်လော။ ဤသည်မှာ တရားမျှတသလော၊ မမျှတသလော။ (မျှတပါသည်။)

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၁၂)

ဘုရားသခင်နောက်သို့ လိုက်သည့်အခါ လူတို့သည် သူ၏အလိုတော်ကို အာရုံစိုက်ခဲ့ကြပြီး လူသားများအပေါ် သူ၏အတွေးများနှင့် သူ၏သဘောထားတို့ကို သူတို့ ဂရုစိုက်ခဲကြသည်။ လူတို့သည် ဘုရားသခင်၏ အတွေးများကို နားမလည်ကြသဖြင့် သူ၏ရည်ရွယ်ချက်များနှင့် သူ၏ စိတ်နေသဘောထားအကြောင်း မေးသည့်အခါ သင်တို့ စိတ်ရှုပ်ထွေးတတ်ကြသည်။ သင်တို့သည် ကြီးမားသော မသေချာမှုထဲသို့ ရောက်ရှိသွားပြီးနောက် မှန်းဆခြင်းဖြစ်စေ အလောင်းအစားဖြစ်စေ သင်တို့ပြုကြသည်။ ဤသည်မှာ မည်သို့သော အတွေးအခေါ်မျိုး ဖြစ်သနည်း။ ၎င်းက ဘုရားသခင်ကို ယုံကြည်ကြသော လူအများစုသည် သူ့ကို ဘာမျှမရှိသော လေထုကြီးအဖြစ်၊ ထို့ပြင် တဒင်္ဂသာရှိပြီး တစ်ခဏနေ မရှိတော့ပုံရသည့် အရာတစ်ခုအဖြစ် သဘောထားကြသည့်အချက်ကို သက်သေပြပါသည်။ ထိုကဲ့သို့ ငါ အဘယ်ကြောင့် ဆိုသနည်း။ အဘယ်ကြောင့်ဆိုသော် သင်တို့သည် ကိစ္စတစ်ခုကို ရင်ဆိုင်ရသည့်အခါ ဘုရားသခင်၏ အလိုတော်ကို သင်တို့ မသိကြပေ။ သူ၏အလိုတော်ကို သင်တို့ အဘယ်ကြောင့် မသိကြသနည်း။ ယခုမှသာမဟုတ်၊ အစမှအဆုံးတိုင်၊ ဤကိစ္စအပေါ် ဘုရားသခင်၏ သဘောထားကို သင်တို့မသိကြပေ။ သင်သည် ယင်းကို နားလည်သဘောပေါက်နိုင်ခြင်း မရှိသည့်အပြင် ဘုရားသခင်၏ သဘောထားက အဘယ်အရာဖြစ်သည်ကို မသိသော်လည်း သင်သည် ၎င်းကို ကောင်းစွာ ဆင်ခြင်သုံးသပ်ဖူးသလော။ ၎င်းကို သိနားလည်ရန် သင် ရှာဖွေဖူးသလော။ ထိုအကြောင်းကို သင် မိတ်သဟာယပြုဖူးသလော။ မလုပ်ဖူးပါ။ ဤအရာက သင့်ယုံကြည်ချက်နှင့်ယှဉ်သော ဘုရားသခင်နှင့် စစ်မှန်မှုနှင့်ယှဉ်သော ဘုရားသခင်မှာ ဆက်စပ်မှုမရှိပါ ဟူသည့်အချက်ကို အတည်ပြုပေသည်။ ဘုရားသခင်အပေါ် သင်၏ယုံကြည်ခြင်းတွင် သင်သည် သင်၏ကိုယ်ပိုင် ရည်ရွယ်ချက်များနှင့် သင့်ခေါင်းဆောင်များ၏ ရည်ရွယ်ချက်များကိုသာ ချင့်ချိန်တွေးဆသည်၊ သင်သည် ဘုရားသခင့် နှုတ်ကပတ်တော်များ၏ အပေါ်ယံနှင့် သြဝါဒဆိုင်ရာ အဓိပ္ပာယ်ကိုသာလျှင် စဉ်းစားသုံးသပ်ကာ ဘုရားသခင်၏ အလိုတော်ကိုသိဖို့ သို့မဟုတ် ရှာဖွေဖို့ အမှန်တကယ်ကြိုးစားခြင်း လုံးဝမရှိပေ။ ဤသည်မှာ ထိုအကြောင်းပင် ဖြစ်သည်မဟုတ်လော။ ဤကိစ္စ၏ အနှစ်သာရမှာ အတော့်ကို ဆိုးရွားလိုက်လေခြင်း။ နှစ်ပေါင်းများစွာပြီးမှ ငါသည် ဘုရားသခင်ကို ယုံကြည်သော လူမြောက်မြားစွာကို မြင်ဖူးသည်။ သူတို့၏ စိတ်ထဲတွင် သူတို့၏ယုံကြည်မှုက ဘုရားသခင်ကို မည်သည့်အရာအဖြစ်သို့ ပုံသဏ္ဌာန်ပြောင်းလဲလိုက်ကြသနည်း။ လူအချို့က ဘုရားသခင်သည် ဘာမျှမရှိသော လေထုကြီးဖြစ်သကဲ့သို့ ယုံကြည်ကြသည်။ ဤလူများ၌ ဘုရားသခင်၏ တည်ရှိခြင်းဆိုင်ရာ မေးခွန်းများအတွက် အဖြေမရှိပေ၊ အဘယ်ကြောင့်ဆိုသော် ၎င်းတို့သည် ဘုရားသခင်၏ ရှိခြင်း သို့မဟုတ် မရှိခြင်းကို ရှင်းလင်းစွာ သိမြင်ခြင်း သို့မဟုတ် နားလည်ခြင်း ရှိဖို့နေနေသာသာ၊ ခံစားနိုင်ခြင်း သို့မဟုတ် သိနိုင်ခြင်း မရှိကြချေ။ မသိစိတ်၏ နှိုးဆော်မှုအရ ဤလူများက ဘုရားသခင်မတည်ရှိဟု ထင်တတ်ကြသည်။ အခြားသူများက ဘုရားသခင်သည် လူသားတစ်ဦး ဖြစ်သကဲ့သို့ ယုံကြည်ကြသည်။ ဤလူတို့က ၎င်းတို မလုပ်နိုင်သော အရာများအားလုံးကို ဘုရားသခင်လည်း မလုပ်နိုင်ပါ ဟူ၍လည်းကောင်း၊ ဘုရားသခင်သည် ၎င်းတို့ တွေးသည့်ပုံစံအတိုင်း တွေးရလိမ့်မည် ဟူ၍လည်းကောင်း ယုံကြည်ကြသည်။ ဘုရားသခင်အပေါ် သူတို့၏ အဓိပ္ပာယ်ဖွင့်ဆိုချက်မှာ “မမြင်ရသော၊ ကိုင်တွယ်၍မရသော ပုဂ္ဂိုလ်တစ်ဦး” ပင် ဖြစ်သည်။ ဘုရားသခင်သည် ရုပ်သေးရုပ် တစ်ရုပ်ကဲ့သို့ ဖြစ်သည်ဟု ယုံကြည်သော လူတစ်စုလည်း ရှိသည်။ ဤလူများက ဘုရားသခင်၌ ခံစားချက်မရှိဟု ယုံကြည်ကြသည်။ သူတို့က ဘုရားသခင်သည် ရွှံ့စေးရုပ်တစ်ရုပ် ဖြစ်ပြီး ကိစ္စတစ်ရပ်ကို ရင်ဆိုင်ရသည့်အခါ ဘုရားသခင်၌ သဘောထားမရှိ၊ ရှုထောင့်မရှိ၊ သို့မဟုတ် အတွေးအခေါ်များမရှိဟု ထင်ကြသည်။ သူသည် လူ၏ ပြုသမျှနုရမည်ဟု သူတို့က ထင်ကြသည်။ လူတို့သည် ၎င်းတို့ ယုံကြည်လိုသည့်အတိုင်းသာ ယုံကြည်ကြသည်။ အကယ်၍ ၎င်းတို့က သူ့အား ကြီးမြတ်စေပါက သူ ကြီးမြတ်သည်၊ အကယ်၍ ၎င်းတို့က သူ့အား သေးသိမ်စေပါက သူ သေးသိမ်သည်။ လူတို့သည် အပြစ်ပြုပြီး ဘုရားသခင်၏ သနားခြင်းကရုဏာ၊ သည်းခံခြင်းနှင့် ချစ်ခြင်းမေတ္တာကို လိုအပ်သည့်အခါ ဘုရားသခင်သည် သူ၏ သနားခြင်းကရုဏာကို ပေးသင့်သည်ဟု သူတို့ယူဆကြသည်။ ဤလူများသည် ၎င်းတို့၏ ကိုယ်ပိုင်အတွေးများထဲ၌ “ဘုရားသခင်” တစ်ပါးကို ပုံဖော်ကြကာ ဤ “ဘုရားသခင်” အား ၎င်းတို့၏ တောင်းဆိုချက်များကို ဖြည့်ဆည်းပေးရန်နှင့် ၎င်းတို့၏ အလိုဆန္ဒအားလုံးကို ပြည့်ဝစေရန် ခိုင်းတတ်ကြသည်။ မည်သည့်အချိန် သို့မဟုတ် မည်သည့်နေရာ၌ဖြစ်စေ၊ ထို့ပြင် ဤသို့သော လူတို့သည် မည်သည့်အရာ ပြုလုပ်သည်ဖြစ်စေ ၎င်းတို့သည် ဘုရားသခင်အပေါ် ၎င်းတို့၏ ဆက်ဆံမှုနှင့် ၎င်းတို့၏ ယုံကြည်မှု၌ ဤစိတ်ကူးကို ခံယူကြလိမ့်မည် ဖြစ်သည်။ ဘုရားသခင်၏ စိတ်သဘောထားကို အနှောင့်အယှက် ပေးမိပြီးနောက် ဘုရားသခင်သည် ၎င်းတို့အား ကယ်တင်နိုင်မည်ဟူ၍ ယုံကြည်ကြသော သူများပင် ရှိသည်၊ အဘယ်ကြောင့်ဆိုသော် ၎င်းတို့က ဘုရားသခင်၏ ချစ်ခြင်းမေတ္တာသည် အကန့်အသတ်မဲ့သည်၊ သူ၏ စိတ်သဘောထားသည် ဖြောင့်မတ်ပြီး၊ လူတစ်ဦးက ဘုရားသခင်ကို မည်မျှပင်ပြစ်မှားပါစေ သူသည် ထိုအရာ တစ်စုံတစ်ခုကိုမျှ အမှတ်ရလိမ့်မည်မဟုတ်ဟု ယုံကြည်ကြခြင်းကြောင့် ဖြစ်သည်။ လူ၏ အမှားများ၊ လူ၏ ကျူးလွန်မှုများ နှင့် လူ၏ မနာခံမှုတို့မှာ ထိုလူ့စိတ်သဘောထား၏ တဒင်္ဂဖော်ပြချက်များ ဖြစ်သောကြောင့် ဘုရားသခင်သည် လူတို့အား အခွင့်အရေးများကိုပေးပြီး ၎င်းတို့အပေါ် သည်းခံပြီး စိတ်ရှည်လိမ့်မည်ဟု သူတို့က ထင်ကြသည်။ ဘုရားသခင်က ၎င်းတို့အား ယခင်ကကဲ့သို့ပင် ချစ်နေဦးမည်ဟု သူတို့ယုံကြသည်။ ထို့ကြောင့် ၎င်းတို့သည် ကယ်တင်ခြင်းကို ရရှိရန်အတွက် မြင့်မားသော မျှော်လင့်ချက်များကို ဆုပ်ကိုင်ထားကြသည်။ အမှန်မှာ လူတို့သည် ဘုရားသခင်ကို မည်သို့ပင် ယုံကြည်စေကာမူ၊ သူတို့သည် သမ္မာတရားကို လေ့လာလိုက်စားနေခြင်း မရှိပါက ဘုရားသခင်သည် ၎င်းတို့အပေါ် အနှုတ်လက္ခဏာဆောင်သော သဘောထားတစ်ခုကို စွဲကိုင်ထားမည် ဖြစ်သည်။ ဤသည်မှာ အဘယ်ကြောင့်ဆိုသော် သင်သည် ဘုရားသခင်ကို သင်ယုံကြည်စဉ်တစ်လျှောက်တွင် သင်သည် ဘုရားသခင်၏ နှုတ်ကပတ်တော်စာအုပ်ကို ရတနာအဖြစ် သတ်မှတ်ရှုမြင်ထားကာ ၎င်းကို နေ့စဉ် လေ့လာဖတ်ရှုသော်လည်း သင်သည် စစ်မှန်သော ဘုရားသခင်ကို ဘေးဖယ်ထားသည်။ သင်သည် သူ့အား ဘာမျှမရှိသော လေသက်သက်အဖြစ် သို့မဟုတ် လူတစ်ဦးသက်သက်အဖြစ် သဘောထားပြီးလျှင်၊ သင်တို့အချို့က သူ့ကို ရုပ်သေးရုပ်တစ်ရုပ် အဖြစ်လောက်သာ သဘောထားကြသည်။ ငါသည် ယင်းကို အဘယ်ကြောင့် ဤသို့ဆိုရသနည်း။ ဤသို့ ငါဆိုခြင်းမှာ အဘယ်ကြောင့်ဆိုသော် ၎င်းကို ငါမြင်သည့်ပုံစံအတိုင်းဆိုလျှင် သင်တို့သည် ကိစ္စတစ်ရပ်ကို ရင်ဆိုင်ရသည်ဖြစ်စေ သို့မဟုတ် အခြေအနေတစ်ခုခုကို ကြုံတွေ့ရသည်ဖြစ်စေ သင်တို့၏ မသိစိတ်ထဲ၌ရှိသော ထိုအရာများ၊ အတွင်း၌ သင်ကြီးထွားလာစေသော ထိုအရာများသည် ဘုရားသခင်၏ နှုတ်ကပတ်တော်များ သို့မဟုတ် သမ္မာတရားအား လိုက်စားခြင်းနှင့် မည်သည့်ဆက်နွှယ်မှုမျှ လုံးဝ မရှိခဲ့ဖူးပေ။ သင်သည် သင်ကိုယ်တိုင် မည်သည့်အရာကို တွေးနေသည်၊ သင်၏ ကိုယ်ပိုင်ရှုထောင့်က မည်သည့်အရာ ဖြစ်သည်ကိုသာ သိပြီး၊ ထို့ပြင် သင်သည် သင်၏ကိုယ်ပိုင် အတွေးအခေါ်များနှင့် ရှုထောင့်များအတိုင်း ဘုရားသခင်အပေါ် အတင်းအကျပ်ပြုကြသည်။ သင်၏ စိတ်ထဲတွင် ၎င်းတို့သည် ဘုရားသခင်၏ ရှုထောင့်များ ဖြစ်လာကြပြီး ဤရှုထောင့်များကို မဆုတ်မနစ် လိုက်နာစောင့်ထိန်းသည့် စံနှုန်းများအဖြစ် သင် ပြုလေသည်။ အချိန်ကြာလာသည်နှင့်အမျှ ဤကဲ့သို့ ရှေ့ဆက်သွားခြင်းက သင့်ကို ဘုရားသခင်ထံမှ သာ၍သာ၍ ဝေးကွာသွားစေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၁၃)

ဘုရားသခင်၏ သဘောထားကို နားလည်ပြီး ဘုရားသခင်အပေါ် နားလည်မှုလွဲမှားခြင်းများ အားလုံးကို စွန့်လော့

သင်တို့ လက်ရှိယုံကြည်ကြသော ဤဘုရားသခင်သည် မည်ကဲ့သို့သော ဘုရားသခင်ပင် ဖြစ်သနည်း။ ထိုအကြောင်းကို သင်တို့ စဉ်းစားဖူးသလော။ ဆိုးယုတ်သောသူတစ်ဦး မကောင်းမှုများ ကျူးလွန်နေသည်ကို သူမြင်သည့်အခါ ယင်းကို သူစက်ဆုပ်ရွံရှာသလော။ (စက်ဆုပ်ရွံရှာပါသည်။) ပညာမဲ့သော လူများက အမှားများ ပြုလုပ်သည်ကို သူမြင်သည့်အခါ သူ၏သဘောထားမှာ အဘယ်သို့ ရှိသနည်း။ (ဝမ်းနည်းခြင်း။) သူ၏ အလှူငွေများကို လူတို့ ခိုးယူနေသည်ကို သူမြင်သည့်အခါ သူ၏သဘောထားမှာ အဘယ်နည်း။ (၎င်းတို့ကို သူ စက်ဆုပ်ရွံရှာသည်။) ဤအရာအားလုံးမှာ အလွန်ရှင်းသည်၊ မှန်သလော။ သမ္မာတရားကို လေ့လာလိုက်စားခြင်း လုံးဝမရှိသောသူ တစ်စုံတစ်ဦးသည် ဘုရားသခင်အပေါ် ၎င်း၏ ယုံကြည်မှုတွင် ရှုပ်ထွေးနေသည်ကို သူမြင်သည့်အခါ ဘုရားသခင်၏ သဘောထားမှာ အဘယ်သို့ ရှိသနည်း။ သင်တို့ သိပ်မသေချာကြသည် မဟုတ်လော။ “ရှုပ်ထွေးခြင်း” မှာ သဘောထား ဖြစ်သည့်အတွက် အပြစ်မဟုတ်သကဲ့သို့ ၎င်းက ဘုရားသခင်ကို စော်ကားပြစ်မှားရာလည်း မရောက်သည့်အပြင် ၎င်းမှာ ကြီးမားသောအမှားမျိုး မဟုတ်ပါဟု လူတို့က ယူဆကြသည်။ ထိုသို့ဆိုသော် ငါ့အားပြောလော့၊ ဤအရေးကိစ္စတွင် ဘုရားသခင်၏ သဘောထားမှာ အဘယ်နည်း။ (သူသည် ၎င်းတို့ကို အသိအမှတ် မပြုလိုပေ။) “အသိအမှတ် မပြုလိုခြင်း”၊ ဤသည်မှာ အဘယ်သို့သော သဘောထားမျိုး ဖြစ်သနည်း။ ၎င်းမှာ ဘုရားသခင်က ဤလူများကို အထင်အမြင်သေးပြီး သူတို့အား အရေးမစိုက်ခြင်းကို ဆိုလိုလေသည်။ ထိုကဲ့သို့သော လူတို့ကို ဘုရားသခင် ကိုင်တွယ်ဖြေရှင်းသည့် နည်းလမ်းမှာ သူတို့ကို အေးတိအေးစက်ဖြင့် ဆက်ဆံလိုက်ခြင်းပင်ဖြစ်သည်။ သူ၏ ကိုင်တွယ်ဖြေရှင်းနည်းမှာ ၎င်းတို့အပေါ် မည်သည့်အလုပ်ကိုမျှ မပြုလုပ်ဘဲ၊ ၎င်းတို့အား ဘေးဖယ်ထားခြင်းဖြစ်ပြီး၊ ဤအရာတွင် ဉာဏ်ပွင့်စေခြင်း၊ အလင်းပေးခြင်း၊ ပြစ်တင်ဆုံးမခြင်းနှင့် ဆုံးမပဲ့ပြင်ခြင်းဆိုင်ရာ အလုပ်တို့ ပါဝင်လေသည်။ ထိုကဲ့သို့သော လူတို့ကို ဘုရားသခင်၏ အမှုထဲ၌ အမှန်ပင် ထည့်သွင်းရေတွက်မထားပေ။ သူ၏ စိတ်သဘောထားကို အနှောင့်အယှက်ပေးပြီး သူ၏ စီမံအုပ်ချုပ်ရေးဆိုင်ရာ အမိန့်များကို ချိုးဖောက်သော သူတို့အပေါ် ဘုရားသခင်၏ သဘောထားမှာ အဘယ်နည်း။ အလွန်အမင်း စက်ဆုပ်ရွံ့ရှာဖွယ်ပင်။ သူ၏ စိတ်သဘောထားကို အနှောင့်အယှက်ပေးခြင်းနှင့် ပတ်သက်၍ နောင်တမရသော လူများအားဖြင့် ဘုရားသခင်သည် အလွန်အမင်း ဒေါသထွက်သည်။ “ဒေါသထွက်သည်” ဆိုသည်မှာ ခံစားမှုတစ်ခု၊ စိတ်နေစိတ်ထား တစ်ခုမျှသာ မဟုတ်တော့ပေ၊ ၎င်းသည် ရှင်းလင်းသော သဘောထားတစ်ခုနှင့် အလားတူခြင်းမရှိပေ။ သို့သော်လည်း ဤခံစားမှု၊ ဤစိတ်နေစိတ်ထားက ဤသို့သော လူတို့အတွက် အဆုံးသတ်ရလဒ်တစ်ခုကို ဖြစ်ပေါ်စေမည် ဖြစ်သည်- ယင်းက ဘုရားသခင်ကို အလွန်အမင်း စက်ဆုပ်ရွံရှာမှုဖြင့် ပြည့်စေလိမ့်မည် ဖြစ်ပါတကား။ ဤအလွန်အမင်း စက်ဆုပ်ရွံရှာမှု၏ အကျိုးဆက်မှာ အဘယ်နည်း။ ၎င်းမှာ ဘုရားသခင်သည် ဤလူကို ဘေးဖယ်ထားပြီး လောလောဆယ် တုန့်ပြန်မှု ပြုလိမ့်မည် မဟုတ်ခြင်းဖြစ်သည်။ ထို့နောက် “ဆောင်းဦးကာလပြီးနောက်” တွင် ၎င်းတို့ကိုနှိပ်ကွပ်ရန် သူ စောင့်ဆိုင်းလိမ့်မည်။ ဤသည်မှာ မည်သည့်အရာကို သွယ်ဝိုက်ညွှန်းဆိုသနည်း။ ဤလူတို့၌ အဆုံးသတ်ရလဒ်များ ရှိလိမ့်ဦးမည်လော။ ဘုရားသခင်သည် ဤသို့သော လူတို့ကို မည်သည့်အဆုံးသတ်ရလဒ်ကိုမျှပေးရန် လုံးဝမရည်ရွယ်ခဲ့ပါပေ။ ထို့ကြောင့် ဘုရားသခင်သည် ဤသို့သော လူတို့ကို ယခု မတုံ့ပြန်သည်မှာ လုံးဝ ပုံမှန်ပင်ဖြစ်သည် မဟုတ်လော။ (ပုံမှန်ဖြစ်ပါသည်။) ဤသို့သော လူတို့သည် မည်သည့်အရာ ပြုလုပ်ရန် ပြင်ဆင်နေသင့်သနည်း။ ၎င်းတို့သည် ၎င်းတို့၏ အပြုအမူနှင့် ၎င်းတို့ကျူးလွန်ခဲ့ပြီးသည့် မကောင်းသော လုပ်ရပ်များ၏ အပျက်သဘောဆောင်သော အကျိုးဆက်များကို တာဝန်ယူရန် ပြင်ဆင်သင့်သည်။ ဤသည်မှာ ဤကဲ့သို့သော လူစားမျိုးအတွက် ဘုရားသခင်၏ တုံ့ပြန်မှုဖြစ်သည်။ ထို့ကြောင့် ဤကဲ့သို့သော လူတို့ကို ယခု ငါ ရှင်းရှင်းလင်းလင်း ပြောမည်- သင်တို့၏ ထင်ယောင်ထင်မှားဖြစ်ခြင်းများကို နောက်ထပ် ဆုပ်ကိုင်မထားကြနှင့်၊ ထို့ပြင် ဖြစ်လိုသော စိတ်ကူးများကို ဆက်၍ မတွေးကြနှင့်။ ဘုရားသခင်သည် လူတို့ကို အကန့်အသတ်မဲ့ သည်းခံလိမ့်မည် မဟုတ်ပေ။ သူသည် ၎င်းတို့၏ ကျူးလွန်မှုများ သို့မဟုတ် မနာခံမှုတို့ကို ထာဝရသည်းခံလိမ့်မည် မဟုတ်ပေ။ လူအချို့က “ကျွန်ုပ်သည်လည်း ဤကဲ့သို့သော လူအနည်းငယ်ကို မြင်ဖူးပြီး ၎င်းတို့ ဆုတောင်းသောအခါ အထူးသဖြင့် ဘုရားသခင်၏ တို့ထိခြင်းကို ၎င်းတို့ခံကြရကာ အသည်းအသန် ငိုကြွေးကြသည်။ အများအားဖြင့် ၎င်းတို့သည် အလွန်လည်း ပျော်ရွှင်ကြသည်။ ၎င်းတို့သည် မိမိတို့အပေါ် ဘုရားသခင်၏ မျက်မှောက်တော်နှင့် ဘုရားသခင်၏ လမ်းပြမှုကို ရရှိဟန်တူသည်။” ဟု ဆိုကြသည်။ ထိုကဲ့သို့ အဓိပ္ပာယ်မရှိသော စကားကို မပြောလေနှင့်။ အသည်းအသန် ငိုကြွေးခြင်းမှာ ဘုရားသခင်၏ လမ်းပြမှုဖြစ်ဖို့ နေနေသာသာ၊ ဘုရားသခင်၏ တို့ထိမှုကိုခံရခြင်း သို့မဟုတ် ဘုရားသခင်၏ မျက်မှောက်တော်အား အကျိုးခံစားရခြင်းကို သေချာပေါက် ဆိုလိုသည်မဟုတ်ပေ။ အကယ်၍ လူတို့သည် ဘုရားသခင်ကို ဒေါသထွက်စေပါက ဘုရားသခင်သည် ၎င်းတို့အား လမ်းပြဦးမည်လော။ အချုပ်အားဖြင့် ဘုရားသခင်သည် တစ်စုံတစ်ဦးကို သုတ်သင်ဖယ်ရှင်းရန်နှင့် စွန့်ပစ်ရန် ဆုံးဖြတ်ပြီးသောအခါ ထိုလူ၌ အဆုံးသတ်ရလဒ် ကင်းမဲ့ပြီဖြစ်သည်။ ၎င်းတို့ ဆုတောင်းသည့်အခါ ၎င်းတို့၏ ခံစားချက်များမှာ မည်သို့ပင် အားရကျေနပ်ဖွယ် ကောင်းသည်ဖြစ်စေ၊ သို့မဟုတ် ၎င်းတို့၏ စိတ်နှလုံးထဲ၌ ဘုရားသခင်အပေါ် ယုံကြည်မှု မည်မျှပင် ရှိသည်ဖြစ်စေ ယင်းက အကျိုးဆက်နှင့် မဆိုင်တော့ပါ။ အရေးကြီးသည့်အရာမှာ ဘုရားသခင်သည် ဤယုံကြည်မှုမျိုးကို မလိုအပ်ပေ၊ သူသည် ဤလူတို့ကို ပစ်ပယ်ထားပြီးဖြစ်သည်။ အနာဂတ်တွင် ၎င်းတို့အား မည်ကဲ့သို့ ကိုင်တွယ်ဖြေရှင်းရမည်မှာလည်း အရေးမကြီးပေ။ အရေးကြီးသောအရာမှာ ဤလူတို့က ဘုရားသခင်ကို ဒေါသထွက်စေသည့် အခိုက်အတန့်မှာပင် ၎င်းတို့၏ အဆုံးသတ်ရလဒ်များမှာ သတ်မှတ်ထားပြီး ဖြစ်သည်။ အကယ်၍ ဘုရားသခင်သည် ဤကဲ့သို့သော လူတို့ကို ကယ်တင်ရန် ဆုံးဖြတ်ထားပြီး မဟုတ်ပါက ၎င်းတို့သည် ပြစ်ဒဏ်ခတ်ခံရရန်အတွက် ချန်ရစ်ထားခြင်းကို ခံရလိမ့်မည် ဖြစ်သည်။ ဤသည်မှာ ဘုရားသခင်၏ သဘောထားပင် ဖြစ်သည်။

ဘုရားသခင်၏ အနှစ်သာရတွင် ချစ်ခြင်းမေတ္တာ၏ အရိပ်လက္ခဏာ ပါဝင်ပြီး သူသည် တစ်ဦးတစ်ယောက်စီတိုင်းအား သနားခြင်းကရုဏာစိတ် ရှိသော်လည်း သူ၏ အနှစ်သာရမှာ ဂုဏ်သိက္ခာရှိသောသူလည်း ဖြစ်သည် ဟူသည့်အချက်ကို လူတို့ လျစ်လျူရှုပြီး မေ့လျော့ကြပြီးဖြစ်သည်။ သူ့၌ ချစ်ခြင်းမေတ္တာရှိ၏ ဟူသည်မှာ သူ့အထဲ၌ ခံစားချက်များ သို့မဟုတ် တုံ့ပြန်ချက်တစ်ခုကို နှိုးဆွခြင်းမရှိဘဲ၊ လူတို့က သူ့ကို လွတ်လပ်စွာ ပြစ်မှားနိုင်သည်ဟု ဆိုလိုခြင်း မဟုတ်သည့်အပြင် သူ၌ သနားခြင်းကရုဏာ ရှိ၏ ဟူသည်မှာ လူတို့ကို သူဆက်ဆံရာ၌ အခြေခံစည်းမျဉ်းများ မရှိပါဟု ဆိုလိုခြင်း မဟုတ်ပေ။ ဘုရားသခင်သည် အသက်ရှင်သည်၊ သူသည် အမှန်တကယ် တည်ရှိသည်။ သူသည် စိတ်ကူးဖြင့်ပုံဖော်ထားသော ရုပ်သေးရုပ်တစ်ရုပ် သို့မဟုတ် အခြားအရာဝတ္ထု တစ်ခုခုလည်း မဟုတ်ပေ။ သူသည် တည်ရှိသည့်အတွက် ငါတို့သည် သူ့စိတ်နှလုံး၏အသံကို အချိန်တိုင်း ဂရုတစိုက် နားထောင်သင့်ကာ သူ၏ သဘောထားကို အနီးကပ် အာရုံစိုက်ပြီး သူ၏ ခံစားချက်များကို နားလည်လာသင့်သည်။ ငါတို့သည် ဘုရားသခင်ကို အဓိပ္ပာယ်ဖွင့်ရန်အတွက် လူသား၏ စိတ်ကူးယဉ်မှုများကို အသုံးမပြုသင့်သည့်အပြင် ဘုရားသခင်အား လူသား၏ စိတ်ကူးယဉ်မှုများအပေါ် အခြေခံ၍ လူ့နည်းဟန်ဖြင့် လူတို့ကို ဆက်ဆံစေကာ၊ သူ့အပေါ် လူ့ထင်မြင်ချက်များ သို့မဟုတ် ဆန္ဒပြုချက်များကို မသွတ်သွင်းသင့်ပေ။ အကယ်၍ သင် ဤသို့ပြုပါက သင်သည် ဘုရားသခင်ကို ဒေါသထွက်စေခြင်း၊ သူ၏ အမျက်ဒေါသကို ဆွဲဆောင်ခြင်းနှင့် သူ၏ ဂုဏ်သိက္ခာကို စိန်ခေါ်ခြင်းပင် ဖြစ်နေပေသည်။ ထို့ကြောင့် ဤကိစ္စ၏ ကြီးလေးမှုကို သင်တို့ နားလည်လာပြီးသောအခါ သင်တို့ အယောက်စီတိုင်းကို သတိထားရန်နှင့် သင်တို့၏ လုပ်ဆောင်ချက်များ၌ ချင့်ချိန်တတ်ရန် ငါတိုက်တွန်းသည်။ သင်တို့၏ စကားပြောခြင်း၌လည်း သတိထားပြီး ချင့်ချိန်မှု ရှိကြလော့၊ ဘုရားသခင်ကို သင်တို့ မည်ကဲ့သို့ ဆက်ဆံသည်နှင့်စပ်လျဉ်း၍ သင်တို့သည် ပို၍သတိထားပြီး ပို၍ချင့်ချိန်လေ ပို၍ကောင်းလေ ဖြစ်လေသည်။ သင်သည် ဘုရားသခင်၏ သဘောထားမှာ မည်သည့်အရာ ဖြစ်သည်ကို နားမလည်သောအခါ မဆင်မခြင်စကားပြောခြင်းမှ ရှောင်ကျဉ်လော့၊ သင်၏ လုပ်ဆောင်ချက်များ၌ မဆင်မခြင် မပြုနှင့်၊ ထို့ပြင် ပေါ့ပေါ့တန်တန် တံဆိပ်ကပ်ခြင်း မပြုနှင့်။ ပို၍ပင် အရေးကြီးသည်မှာ ထင်ရာမြင်ရာ မည်သည့် ကောက်ချက်ချခြင်းများကိုမျှ မပြုလေနှင့်။ ထို့အစား သင်သည် စောင့်ဆိုင်းပြီး ရှာဖွေသင့်သည်။ ဤလုပ်ဆောင်ချက်များမှာလည်း ဘုရားသခင်ကို ကြောက်ရွံ့ပြီး မကောင်းမှုကိုရှောင်ခြင်း၏ သရုပ်သကန်တစ်ခု ဖြစ်သည်။ အကယ်၍ အရာခပ်သိမ်းထက် ဤအရာကို သင်ရရှိနိုင်ပြီး အရာခပ်သိမ်းထက် ဤသဘောထားကို သင်ပိုင်ဆိုင်နိုင်ပါက ဘုရားသခင်သည် သင်၏ မိုက်မဲခြင်း၊ ပညာမဲ့ခြင်းနှင့် အမှုအရာများနောက်ကွယ်မှ အကြောင်းအရင်းများအား နားလည်မှု ကင်းမဲ့ခြင်းတို့အတွက် သင့်ကို အပြစ်တင်မည်မဟုတ်ပေ။ ထို့ထက် ဘုရားသခင်အား ပြစ်မှားမိမည်ကို ကြောက်ရွံ့ခြင်းနှင့်ယှဉ်သော သင်၏ သဘောထား၊ သူ၏ ရည်ရွယ်ချက်များအပေါ် ရိုသေလေးစားခြင်းနှင့် သူ့အားနာခံရန် ဆန္ဒရှိခြင်းတို့ကြောင့် ဘုရားသခင်က သင့်ကို အောက်မေ့မည်၊ သင့်ကို လမ်းပြပြီး ဉာဏ်အလင်းပွင့်စေမည်၊ သို့မဟုတ် သင်၏ မရင့်ကျက်ခြင်းနှင့် ပညာမဲ့ခြင်းကို သည်းခံမည်ဖြစ်သည်။ ဆန့်ကျင်ဘက်အနေဖြင့် အကယ်၍ သူ့အပေါ် သင်၏သဘောထားမှာ သူ့ကို မိမိသဘောကျ တရားစီရင်ခြင်း သို့မဟုတ် ဘုရားသခင်၏ အတွေးအခေါ်များကို ထင်ရာမြင်ရာ မှန်းဆခြင်းနှင့် အဓိပ္ပာယ်ဖွင့်ခြင်းဖြင့် မထီမဲ့မြင်ပြုမည်ဆိုပါက ဘုရားသခင်သည် သင့်ကို စီရင်ချက်ချမည်၊ ဆုံးမပဲ့ပြင်မည်၊ ထို့ပြင် အပြစ်ဒဏ်ပင် ခတ်လိမ့်မည်။ သို့မဟုတ်ပါက သူသည် သင့်ကို အကဲဖြတ်ချက် ပေးကောင်းပေးမည် ဖြစ်သည်။ ဤအကဲဖြတ်ချက်တွင် သင်၏ အဆုံးသတ်ရလဒ် ပါဝင်ကောင်းပါဝင်လိမ့်မည်။ ထို့ကြောင့် ငါသည် နောက်ထပ်တစ်ကြိမ် အသားပေး၍ ပြောလိုသည်- သင်တို့ အယောက်စီတိုင်းသည် ဘုရားသခင်ထံမှလာသောအရာ မှန်သမျှအပေါ် သတိရှိပြီး ဆင်ခြင်မြော်တွေးသင့်သည်။ မဆင်မခြင် စကားမပြောနှင့်၊ ထို့ပြင် သင်၏ လုပ်ဆောင်ချက်များ၌ သတိလက်လွတ် မဖြစ်စေနှင့်။ တစ်စုံတစ်ခုကို သင်မပြောမီ ရပ်ဆိုင်းပြီး ဆင်ခြင်သင့်သည်- ကျွန်ုပ်၏ ဤလုပ်ဆောင်ချက်က ဘုရားသခင်ကို ဒေါသထွက်စေမည်လော။ ဤအရာကို လုပ်ရာတွင် ဘုရားသခင်ကို ကျွန်ုပ် ကြောက်ရွံ့ရိုသေ ပါ၏လော။ သာမန်ကိစ္စရပ်များ၌ပင်လျှင် ဤမေးခွန်းများကို ဆက်၍ သင် နားလည်သဘောပေါကရန် ကြိုးစားပြီး ၎င်းတို့ကို ဆင်ခြင်သုံးသပ်ရန် အချိန်ပိုယူသင့်သည်။ အကယ်၍ သင်သည် ဤနိယာမများနှင့်အညီ ကဏ္ဍတိုင်း၊ အမှုအရာတိုင်း၊ အချိန်တိုင်းတွင် အမှန်တကယ် လက်တွေ့လုပ်ဆောင်နိုင်ပြီး အထူးသဖြင့် သင် တစ်စုံတစ်ခုကို နားမလည်သောအခါ ထိုကဲ့သို့သော သဘောထားကို ခံယူနိုင်ပါက ဘုရားသခင်သည် သင့်ကို အမြဲလမ်းပြပြီး လိုက်လျှောက်ရန် လမ်းကြောင်း တစ်ခုကို သင့်အား ပေးမည်ဖြစ်သည်။ လူတို့သည် မည်သည့် အပြင်ပန်း သဏ္ဌာန်မျိုးကို ဟန်ဆောင်ပြသစေကာမူ ဘုရားသခင်သည် ယင်းတို့ကို အတော်ပင် ရှင်းလင်းပြတ်သားစွာ မြင်သည်ဖြစ်၍ သူသည် သင်၏ ဤထုတ်ဖော်ပြချက်များအပေါ် မှန်ကန်တိကျပြီး သင့်လျော်သော သုံးသပ်ချက်တစ်ခုကို ပေးလိမ့်မည်။ သင်သည် နောက်ဆုံးစမ်းသပ်မှုကို တွေ့ကြုံခံစားပြီးနောက်တွင် ဘုရားသခင်သည် သင်၏ အပြုအမူအားလုံးကို ယူကာ သင်၏ အဆုံးသတ်ရလဒ်ကို သတ်မှတ်ရန်အတွက် ၎င်းကို ပြည့်စုံစွာ ပေါင်းရုံးသုံးသပ်မည် ဖြစ်သည်။ ဤရလဒ်က တစ်ဦးတစ်ယောက်စီတိုင်းကို သံသယအရိပ်အငွေ့ မရှိဘဲ လက်ခံယုံကြည်စေမည်။ ဤတွင် သင်တို့ကို ငါပြောလိုသောအရာမှာ ဤသို့ဖြစ်သည်- သင်တို့၏ လုပ်ဆောင်ချက်တိုင်း၊ သင်တို့၏ အပြုအမူတိုင်းနှင့် သင်တို့၏ စိတ်ကူးတိုင်းက သင်တို့၏ကံကြမ္မာကို အဆုံးအဖြတ်ပေးပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၁၄)

လူတို့၏ အဆုံးသတ်ရလဒ်များကို မည်သူ သတ်မှတ်သနည်း

ဆွေးနွေးဖို့ရန် အဆုံးစွန်အရေးကြီးသော အခြားကိစ္စရှိပြီး ၎င်းမှာ ဘုရားသခင်အပေါ် သင်တို့၏ သဘောထားပင် ဖြစ်သည်။ ဤသဘောထားမှာ အလွန်တရာ အရေးပါပေသည်။ သင်တို့သည် နောက်ဆုံးတွင် ပျက်စီးခြင်းရှိရာသို့ လျှောက်လှမ်းမည် မလှမ်းမည် သို့မဟုတ် သင်တို့အတွက် ဘုရားသခင် ပြင်ဆင်ပေးထားသည့် လှပသော ခရီးဆုံးပန်းတိုင်တစ်ခုသို့ လျှောက်လှမ်းမည် မလှမ်းမည်ကို ၎င်းသဘောထားက အဆုံးအဖြတ်ပေးသည်။ နိုင်ငံတော်ခေတ်တွင် ဘုရားသခင်သည် နှစ်ပေါင်းနှစ်ဆယ်မက အလုပ်လုပ်ခဲ့ပြီးဖြစ်၍ ဤဆယ်စုနှစ်ခု ကာလအတွင်း သင်တို့သည် စိတ်နှလုံးထဲတွင် သင်တို့၏ ဆောင်ရွက်ခဲ့ပုံနှင့် ပတ်သက်ပြီး အနည်းငယ် မရေမရာ ဖြစ်ကောင်းဖြစ်နိုင်သည်။ သို့သော်လည်း ဘုရားသခင်၏ စိတ်နှလုံးထဲ၌ သူသည် သင်တို့ အယောက်စီတိုင်းအတွက် အမှန်တကယ်ရှိပြီး ရိုးသားမှန်ကန်သော မှတ်တမ်းကို မှတ်သားခဲ့ပြီး ဖြစ်သည်။ လူတစ်ယောက်ချင်းစီသည် သူ့နောက်သို့ စတင်လိုက်လျှောက်ပြီး သူ၏ တရားဟောချက်များကို နားထောင်သည့် အချိန်မှစ၍ သမ္မာတရားကို ပို၍ပို၍ နားလည်လာပြီး ၎င်းတို့၏တာဝန်ကို ၎င်းတို့ စတင်လုပ်ဆောင်သည်အထိ ဘုရားသခင်က လူတစ်ဦးစီအတွက် မှတ်သားနိုင်သော အပြုအမူ အမျိုးမျိုးအတွက် မှတ်တမ်းတစ်ခု ရေးမှတ်ထားသည်။ ၎င်းတို့၏ တာဝန်ကို လုပ်ဆောင်ပြီး ပတ်ဝန်းကျင်နှင့် စမ်းသပ်မှု အမျိုးမျိုးကို ရင်ဆိုင်ရသည့်အခါ လူတို့၏ သဘောထားမှာ အဘယ်နည်း။ ၎င်းတို့သည် မည်ကဲ့သို့ လုပ်ဆောင်ကြသနည်း။ ၎င်းတို့သည် မိမိတို့၏ စိတ်နှလုံးထဲ၌ ဘုရားသခင်အပေါ် မည်ကဲ့သို့ ခံစားကြသနည်း။...ဘုရားသခင်၌ ဤအရာအားလုံး၏ စာရင်းတစ်ခုရှိသည်၊ သူ၌ ထိုအရာ အားလုံး၏ မှတ်တမ်းတစ်ခု ရှိသည်။ သင်တို့၏ ရှုထောင့်မှကြည့်ပါက ဤကိစ္စရပ်များမှာ ရှုပ်ထွေးကောင်း ရှုပ်ထွေးနိုင်ပါသည်။ သို့သော်လည်း ဘုရားသခင်ရပ်တည်သည့်ဘက်မှ ကြည့်ပါက ၎င်းတို့မှာ ရှင်းလင်းပြတ်သားပြီး ဖြစ်ကတတ်ဆန်းဖြစ်သော အရိပ်အယောင် စိုးစဉ်းမျှပင် မရှိချေ။ ဤသည်မှာ လူတစ်ဦးချင်းစီ၏ အဆုံးသတ်ရလဒ် ပါဝင်ပြီး လူတစ်ဦးချင်းစီ၏ ကံကြမ္မာနှင့် အနာဂတ်အလားအလာများကိုပါ ထည့်သွင်းသော ကိစ္စရပ်တစ်ခု ဖြစ်သည်၊ ထိုမျှမက ဤသည်မှာ ဘုရားသခင်သည် သူ၏ အပတ်တကုပ် ကြိုးပမ်းမှုအားလုံးကို သုံးစွဲသည့်နေရာ ဖြစ်သည်။ ထိုအတွက်ကြောင့် ဘုရားသခင်သည် ၎င်းကို တစ်စက်မျှပင် လုံးဝလျစ်လျူရှုမည် မဟုတ်သည့်အပြင် မည်သည့် အရေးမထားမှုကိုမျှ သည်းမခံပေ။ အစအဦးမှ အဆုံးထိတိုင်အောင် ဘုရားသခင်သည် လူသားမျိုးနွယ်အကြောင်း ဤစာရင်းကို မှတ်တမ်းတင်နေကာ၊ ဘုရားသခင်နောက်သို့ သူတို့လိုက်ရာတွင် လူသားတို့၏ လမ်းကြောင်း တစ်ခုလုံးကို မှတ်စုရေးထားလျက် ရှိသည်။ ဤကာလ အတောအတွင်း၌ ဘုရားသခင်အပေါ် သင်၏ သဘောထားက သင်၏ ကံကြမ္မာကို အဆုံးအဖြတ် ပေးပြီးဖြစ်သည်။ ဤအရာမှာ မမှန်သလော။ ဘုရားသခင် ဖြောင့်မတ်ကြောင်းကို သင်တို့ ယခု ယုံကြည်သလော။ ဘုရားသခင်၏ လုပ်ဆောင်ချက်များမှာ လျော်ကန်သလော။ သင်တို့၏ စိတ်ထဲတွင် ဘုရားသခင်အကြောင်း အခြားသော စိတ်ကူးစိတ်သန်း တစ်စုံတစ်ရာ ရှိနေဆဲလော။ (မရှိပါ။) ထိုသို့ဆိုသော် လူတို့၏ အဆုံးသတ်ရလဒ်များမှာ ဘုရားသခင် သတ်မှတ်ဖို့ဖြစ်သည် သို့မဟုတ် လူတို့ မိမိကိုယ်တိုင် သတ်မှတ်ဖို့ဖြစ်သည်ဟု သင်တို့ဆိုမည်လော။ (၎င်းတို့မှာ ဘုရားသခင် သတ်မှတ်ဖို့ဖြစ်သည်။) ၎င်းတို့ကို သတ်မှတ်သောသူမှာ အဘယ်သူ ဖြစ်သနည်း။ (ဘုရားသခင်ပင်။) သင်တို့ မသေချာကြပေ၊ ဟုတ်သလော။ ဟောင်ကောင်မှ ညီအစ်ကို မောင်နှမတို့ အသံကျယ်ကျယ် ပြောကြလော၊ ၎င်းတို့ကို အဘယ်သူ သတ်မှတ်သနည်း။ (လူတို့ကိုယ်တိုင်က ၎င်းတို့ကို သတ်မှတ်သည်။) ၎င်းတို့ကို လူတို့က ကိုယ်တိုင်သတ်မှတ်သလော။ ထိုသို့ဆိုသော် လူတို့၏ အဆုံးသတ် ရလဒ်များမှာ ဘုရားသခင်နှင့် မသက်ဆိုင်ဟု ဆိုလိုခြင်း ဖြစ်မည်မဟုတ်လော။ တောင်ကိုးရီးယားမှ ညီအစ်ကိုမောင်နှမများ၊ အသံကျယ်ကျယ် ပြောကြလော့။ (ဘုရားသခင်သည် လူတို့၏ အဆုံးသတ် ရလဒ်များကို ၎င်းတို့၏ ဆောင်ရွက်ချက်များနှင့် လုပ်ဆောင်မှုများ အားလုံးကို အခြေခံသည့်အပြင် ၎င်းတို့ မည်သည့်လမ်းကြောင်းပေါ်ရှိသည် ဟူသည်နှင့်အညီ သတ်မှတ်သည်။) ဤအရာမှာ အလွန်ဓမ္မဓိဌာန်ကျသော အဖြေတစ်ခုပင် ဖြစ်သည်။ ဤတွင် သင်တို့အားလုံးကို ငါအသိပေးရမည့် အချက်တစ်ခု ရှိသည်- ဘုရားသခင်၏ ကယ်တင်ခြင်းအမှု တစ်လျှောက်တွင် သူသည် လူသားများအတွက် စံနှုန်းတစ်ခုကို ချမှတ်ထားသည်။ ဤစံနှုန်းမှာ ဘုရားသခင်၏ နှုတ်ကပတ်တော်ကို သူတို့ နာခံပြီး ဘုရားသခင်၏ လမ်းခရီး၌ လျှောက်လှမ်းရမည် ဟူသည်ပင်ဖြစ်သည်။ လူတို့၏ အဆုံးသတ်ရလဒ်များကို တွက်ဆရန် အသုံးပြုသည့်အရာမှာ ဤစံနှုန်းပင် ဖြစ်သည်။ အကယ်၍ သင်သည် ဘုရားသခင်၏ ဤစံနှုန်းနှင့်အညီ လက်တွေ့လုပ်ဆောင်ပါက သင်သည် ကောင်းသော အဆုံးသတ်ရလဒ်ကို ရရှိနိုင်သည်၊ အကယ်၍ သင် ထိုသို့မပြုပါက ကောင်းသော အဆုံးသတ်ရလဒ်ကို သင် မရနိုင်ပေ။ ထိုသို့ဆိုသော် ဤအဆုံးသတ်ရလဒ်ကို မည်သူသတ်မှတ်သည်ဟု သင်ဆိုမည်နည်း။ ၎င်းကို သတ်မှတ်သည်မှာ ဘုရားသခင် တစ်ပါးတည်းမဟုတ်ဘဲ ဘုရားသခင်နှင့် လူသားများ အတူတကွပင် ဖြစ်သည်။ ဤအရာမှာ မှန်သလော။ (မှန်ပါသည်။) ၎င်းမှာ အဘယ်ကြောင့်နည်း။ အဘယ်ကြောင့်ဆိုသော် လူသားမျိုးနွယ်၏ ကယ်တင်ခြင်းအမှု၌ တက်ကြွစွာ ပါဝင်လုပ်ဆောင်ရန်နှင့် လူသားတို့အတွက် လှပသော ခရီးဆုံးပန်းတိုင်တစ်ခုကို ပြင်ဆင်ပေးရန် ဆန္ဒရှိသူမှာ ဘုရားသခင်ပင်လျှင် ဖြစ်သည်၊ လူသားများသည် ဘုရားသခင့်အမှု၏ ဦးတည်ရာများဖြစ်ပြီး ဤအဆုံးသတ်ရလဒ်၊ ဤခရီးဆုံးပန်းတိုင်သည် သူတို့အတွက် ဘုရားသခင်ပြင်ဆင်ထားသောအရာ ဖြစ်သည်။ အကယ်၍ သူ အမှုပြုရန်အတွက် ဦးတည်ရာများ မရှိခဲ့ပါက သူသည် ဤအမှုကိုပြုရန် လိုအပ်မည်မဟုတ်ပေ။ သူ ဤအမှုကို ပြုနေခြင်းမရှိပါက လူတို့၌ ကယ်တင်ခြင်းကို ရယူရန်အတွက် အခွင့်အရေးရှိလိမ့်မည် မဟုတ်ပေ။ လူသားများမှာ ကယ်တင်ခံရမည့်သူများ ဖြစ်ပြီး ကယ်တင်ခံရခြင်းမှာ ဤလုပ်ငန်းစဉ်၏ ပြုခြင်းခံရသောအပိုင်း ဖြစ်သော်လည်း၊ ယင်းမှာ ဘုရားသခင်က လူသားမျိုးနွယ်ကို ကယ်တင်မည့် သူ၏အလုပ်တွင် အောင်မြင်မည် မအောင်မြင်မည်ကို အဆုံးအဖြတ်ပေးသည့် ဤအပိုင်းကို တင်ဆက်နေသောသူများ၏ သဘောထားဖြစ်သည်။ အကယ်၍ သင့်ကို ဘုရားသခင်ပေးသော လမ်းပြမှုကြောင့် မဟုတ်ပါက သင်သည် သူ၏စံနှုန်းကိုသိမည် မဟုတ်သည့်အပြင် သင်၌ ရည်မှန်းချက်လည်း ရှိလိမ့်မည်မဟုတ်ပေ။ အကယ်၍ သင်၌ ဤစံနှုန်း၊ ဤရည်မှန်းချက် ရှိသော်လည်း သင်သည် ပူးပေါင်းဆောင်ရွက်ခြင်း၊ ၎င်းကို လက်တွေ့လုပ်ဆောင်ခြင်း၊ သို့မဟုတ် အဖိုးအခပေးခြင်း မရှိပါက သင်သည် ဤအဆုံးသတ်ရလဒ်ကို ရရှိလိမ့်မည် မဟုတ်ပေ။ ဤအကြောင်းရင်းကြောင့် လူတစ်ဦး၏ အဆုံးသတ်ရလဒ်ကို ဘုရားသခင်နှင့် ခွဲခြား၍ မရနိုင်ကြောင်းနှင့် ၎င်းကို ထိုလူနှင့်လည်း ခွဲခြား၍ မရနိုင်ကြောင်း ငါပြောရခြင်းဖြစ်သည်။ သို့ဖြစ်၍ ယခုတွင် လူတို့၏ အဆုံးသတ်ရလဒ်များကို မည်သူသတ်မှတ်ကြောင်း သင်တို့သိကြလေပြီ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၁၅)

လူတို့သည် အတွေ့အကြုံကို အခြေခံကာ ဘုရားသခင်ကို အဓိပ္ပာယ်ဖွင့်တတ်ကြသည်

ဘုရားသခင်ကိုသိခြင်းဟူသည့် ခေါင်းစဉ်အပေါ် မိတ်သဟာယပြုသောအခါ သင်တို့သည် တစ်စုံတစ်ခုကို သတိပြုခဲ့မိသလော။ မျက်မှောက်ခေတ်၌ ဘုရားသခင်၏ သဘောထားက အပြောင်းအလဲတစ်ခု ကြုံရပြီးဖြစ်သည်ကို သင်တို့ သတိပြုမိပြီးပြီလော။ လူသားများအပေါ် သူ၏ သဘောထားမှာ ပြောင်းလဲ၍ရနိုင်သလော။ ဘုရားသခင်သည် ဤကဲ့သို့ လူသားများအပေါ် သူ၏ ချစ်ခြင်းမေတ္တာနှင့် သနားခြင်းကရုဏာ အလုံးစုံကို အကန့်အသတ်မရှိပေးလျက် အမြဲသည်းခံလိမ့်မည်လော။ ဤအကြောင်းအရာတွင် ဘုရားသခင်၏ အနှစ်သာရလည်း ပါဝင်သည်။...ဘုရားသခင်က လူသားမျိုးနွယ်ကို ချစ်ကြောင်း သိသည့်အခါ၊ သူတို့က သူ့အား ချစ်ခြင်းမေတ္တာ၏ သင်္ကေတတစ်ခုအဖြစ် အဓိပ္ပာယ်ဖွင့်ကြသည်- လူတို့ မည်သည့်အရာကို လုပ်ပါစေ၊ ၎င်းတို့ မည်ကဲ့သို့ ပြုမူပါစေ၊ ဘုရားသခင်ကို ၎င်းတို့ မည်ကဲ့သို့ ပြုမူဆက်ဆံပြီး ၎င်းတို့သည် မည်မျှ မနာခံတတ်ကြပါစေ ထိုအရာတစ်ခုမျှ အမှန်တကယ် အရေးမကြီးပေ။ အကြောင်းမှာ ဘုရားသခင်၌ ချစ်ခြင်းမေတ္တာရှိပြီး သူ၏ ချစ်ခြင်းမေတ္တာသည် အကန့်အသတ်မဲ့ကာ တိုင်းတာ၍မရသောကြောင့် ဖြစ်သည်။ ဘုရားသခင်၌ ချစ်ခြင်းမေတ္တာ ရှိသောကြောင့် သူသည် လူတို့ကို သည်းခံနိုင်ခြင်း ဖြစ်သည်၊ ထို့ပြင် ဘုရားသခင်၌ ချစ်ခြင်းမေတ္တာ ရှိသောကြောင့် သူသည် လူတို့အပေါ် သနားခြင်းကရုဏာ ရှိနိုင်ခြင်း၊ ၎င်းတို့၏ မရင့်ကျက်ခြင်းအပေါ် သနားခြင်းကရုဏာရှိနိုင်ခြင်း၊ ၎င်းတို့၏ ပညာမဲ့ခြင်းအပေါ် သနားခြင်းကရုဏာ ရှိနိုင်ခြင်းနှင့် ၎င်းတို့၏ နာခံမှုမရှိခြင်းအပေါ် သနားခြင်းကရုဏာရှိနိုင်ခြင်းပင် ဖြစ်သည်။ ဤသည်မှာ အမှန်တကယ် ထိုကဲ့သို့ဖြစ်သလော။ အချို့လူ အတွက်မူကား ဘုရားသခင်၏ စိတ်ရှည်ခြင်းကို သူတို့ တစ်ကြိမ် သို့မဟုတ် အကြိမ်အနည်းငယ် ခံစားဖူးသောအခါ သူသည် ၎င်းတို့အပေါ် ထာဝစဉ်သည်းခံပြီး သနားခြင်းကရုဏာ ထားလိမ့်မည်ဟု ယုံကြည်လျက်၊ သူတို့သည် ဘုရားသခင် အပေါ် ၎င်းတို့ကိုယ်တိုင်၏ သိနားလည်ခြင်းတွင် ဤအတွေ့အကြုံများကို အရင်းအဖြစ် သဘောထားကြမည်ဖြစ်ပြီး၊ ထို့နောက် ၎င်းတို့၏ ဘဝ တစ်လျှောက်လုံး သူတို့သည် ဘုရားသခင်၏ ဤစိတ်ရှည်ခြင်းကိုယူကာ ယင်းအား ဘုရားသခင် ၎င်းတို့ကိုဆက်ဆံသော စံနှုန်းအဖြစ် သတ်မှတ်ကြသည်။ ဘုရားသခင်၏ သည်းခံခြင်းကို တစ်ကြိမ်ခံစားပြီးနောက်တွင် ဘုရားသခင်ကို သည်းခံခြင်းအဖြစ် အစဉ်အမြဲအဓိပ္ပာယ်ဖွင့်ပြီး သူတို့၏စိတ်ထဲတွင် ဤသည်းခံခြင်းမှာ အကန့်အသတ်မဲ့၊ အခြေအနေအပေါ် မမူတည်ဘဲ၊ လုံးလုံးလျားလျား မူမရှိခြင်းပင် ဖြစ်သည်ဟု အဓိပ္ပာယ်ဖွင့်ကြသော လူများလည်းရှိသည်။ ဤကဲ့သို့သော ယုံကြည်ချက်များမှာ မှန်ကန်သလော။ ဘုရားသခင်၏ အနှစ်သာရ သို့မဟုတ် ဘုရားသခင်၏ စိတ်သဘောထားနှင့်ဆိုင်သော အကြောင်းအရာများကို ဆွေးနွေးသည့်အခါတိုင်း သင်တို့မှာ စိတ်ရှုပ်ထွေးသွားဟန်တူသည်။ သင်တို့အား ဤကဲ့သို့ မြင်ရသည်မှာ ငါ့ကို အလွန် စိုးရိမ်ပူပန်စေသည်။ ဘုရားသခင်၏ အနှစ်သာရနှင့်သက်ဆိုင်သော သမ္မာတရား မြောက်မြားစွာကို သင်တို့ ကြားခဲ့ပြီးဖြစ်သည်။ ဘုရားသခင်၏ စိတ်သဘောထားနှင့် ပတ်သက်၍ဆို အလွန်တရာ များပြားသော ဆွေးနွေးချက်များကို သင်တို့ နားထောင်ခဲ့ကြပြီး ဖြစ်သည်။ သို့သော်လည်း သင်တို့၏ စိတ်ထဲတွင် ဤအရေးကိစ္စများနှင့် ဤကဏ္ဍများ၏ အမှန်တရားမှာ အယူအဆနှင့် ရေးထားသော စကားလုံးများအပေါ် အခြေခံသော မှတ်ဉာဏ်များသာ ဖြစ်ကြသည်။ သင်တို့၏ နေ့စဉ် အသက်တာများထဲတွင် ဘုရားသခင်၏ စိတ်သဘောထားမှာ အမှန်တကယ် သူဖြစ်သည့်အတိုင်းပင် သင်တို့ တစ်ဦးတစ်ယောက်မျှ ခံစားခြင်း သို့မဟုတ် တွေ့မြင်ခြင်း မရှိနိုင်ဖူးကြပေ။ ထို့ကြောင့် သင်တို့သည် သင်တို့၏ ယုံကြည်မှုများထဲ၌ အကုန်လုံး ယောင်ချာချာဖြစ်ကာ သင်တို့၌ ဘုရားသခင်အပေါ် မရိုသေသော သဘောထားရှိပြီး သူ့ကို ဘေးဖယ်ထားသည်အထိပင် သင်တို့အားလုံး မျက်စိစုံလုံးကန်း ယုံကြည်ကြသည်။ ဘုရားသခင်အပေါ် သင်တို့၏ ဤကဲ့သို့ သဘောထားမျိုးက အဘယ်သို့ ဦးတည်သနည်း။ ၎င်းသည် သင်တို့အား ဘုရားသခင်အကြောင်း အမြဲတစေ ကောက်ချက်ချသည့် ဘက်သို့ ဦးတည်ပေးသည်။ သင်တို့သည် အနည်းငယ်သော သိနားလည်ခြင်းကို ရထားပြီးသည့်အခါ ဘုရားသခင်၏ အလုံးစုံကို ရရှိထားကြသကဲ့သို့ အလွန်ကျေနပ်အားရ ဖြစ်ကြသည်။ ထို့နောက်တွင် သင်တို့က ဤသည်မှာ ဘုရားသခင် ဖြစ်သည့်ပုံစံဟု ကောက်ချက်ချပြီး သူ့အား လွတ်လပ်စွာလှုပ်ရှားခွင့် မပြုတော့ပေ။ ထို့ပြင် ဘုရားသခင်သည် အမှုသစ်တစ်ခုကို ပြုသောအခါတိုင်း သင်တို့က သူသည် ဘုရားသခင်ဖြစ်ကြောင်းကို တကယ်ဝန်ခံကြခြင်း မရှိပေ။ တစ်နေ့သောအခါ ဘုရားသခင်က “ငါသည် လူသားမျိုးနွယ်ကို မချစ်တော့ပေ၊ လူသားတို့ကို သနားခြင်းကရုဏာ နောက်ထပ်ပေးမည် မဟုတ်တော့ပေ၊ ငါသည် သူတို့အပေါ် ဆက်၍ မည်သည့်သည်းခံခြင်း သို့မဟုတ် စိတ်ရှည်ခြင်းမျှ မရှိတော့ပေ၊ ငါသည် သူတို့အပေါ် အလွန်အမင်း စက်ဆုပ်ရွံရှာခြင်းနှင့် ရွံမုန်းခြင်းတို့နှင့် ပြည့်လျက်ရှိသည်” ဟု ပြောသောအခါ ထိုကဲ့သို့သော ပြောဆိုချက်များက လူတို့၏ စိတ်နှလုံးအတွင်းထဲ၌ ပဋိပက္ခကို ဖြစ်ပေါ်စေလိမ့်မည်။ ၎င်းတို့ထဲမှ အချို့က “ကိုယ်တော်သည် ကျွန်ုပ်၏ ဘုရားသခင်မဟုတ်တော့၊ ကိုယ်တော်သည် ကျွန်ုပ် နောက်လိုက်လိုသော ဘုရားသခင် မဟုတ်တော့ပေ။ အကယ်၍ ဤအရာမှာ ကိုယ်တော်ပြောသည့်အရာ ဖြစ်ပါက ကိုယ်တော်သည် ကျွန်ုပ်၏ ဘုရားသခင်ဖြစ်ဖို့ အရည်အချင်း မပြည့်မီတော့သဖြင့် ကျွန်ုပ်သည် ကိုယ်တော့်နောက်သို့ ဆက်လိုက်ဖို့ မလိုအပ်ပေ။ အကယ်၍ ကိုယ်တော်သည် ကျွန်ုပ်အား သနားခြင်းကရုဏာ၊ ချစ်ခြင်းမေတ္တာနှင့် သည်းခံခြင်းကို မပေးတော့ပါက၊ ကိုယ်တော့်နောက်သို့ ကျွန်ုပ် ဆက်၍လိုက်မည် မဟုတ်ပေ။ အကယ်၍ ကိုယ်တော်သည် ကျွန်ုပ်အပေါ် အတိုင်းမသိ သည်းခံခြင်းရှိမည်၊ ကျွန်ုပ်အပေါ် အမြဲစိတ်ရှည်ပြီး၊ ကိုယ်တော်သည် ချစ်ခြင်းမေတ္တာဖြစ်ကြောင်း၊ ကိုယ်တော်သည် စိတ်ရှည်ခြင်းဖြစ်ကြောင်း၊ ကိုယ်တော်သည် သည်းခံခြင်းဖြစ်ကြောင်း ကျွန်ုပ်ကို မြင်တွေ့ခွင့်ပေးမှသာ ကျွန်ုပ်သည် ကိုယ်တော့်နောက်သို့ လိုက်နိုင်မည်ဖြစ်ပြီး၊ သို့မှသာ အဆုံးတိုင်အောင် ကိုယ်တော့်နောက်လိုက်ရန် ကျွန်ုပ်၌ ယုံကြည်စိတ်ချမှု ရှိလိမ့်မည် ဖြစ်သည်။ ကျွန်ုပ်၌ ကိုယ်တော်၏ စိတ်ရှည်ခြင်းနှင့် သနားခြင်းကရုဏာ ရှိခြင်းကြောင့် ကျွန်ုပ်၏မနာခံခြင်းနှင့် ကျွန်ုပ်၏ ကျူးလွန်မှုများက အကန့်အသတ်မရှိ ခွင့်လွတ်ခြင်းနှင့် လွတ်ငြိမ်းစေခြင်းကို ခံရနိုင်မည် ဖြစ်သည်၊ ထို့အပြင် ကျွန်ုပ်သည် အချိန်မရွေး နေရာမရွေး အပြစ်ပြုနိုင်မည်၊ အချိန်မရွေး နေရာမရွေး အပြစ်ဝန်ခံပြီး လွတ်ငြိမ်းရာရနိုင်မည် ဖြစ်၍ ကိုယ်တော့်အား အချိန်မရွေး နေရာမရွေး ဒေါသထွက်စေနိုင်မည် ဖြစ်သည်။ ကျွန်ုပ်နှင့်ပတ်သက်၍ ကိုယ်တော်၌ မည်သည့်ထင်မြင်ချက် သို့မဟုတ် သုံးသပ်ချက်မျှ မရှိသင့်ပေ” ဟူ၍ပင် ဆိုကြလိမ့်မည်။ သင်တို့ တစ်ဦးတစ်ယောက်သည် ဤအရေးကိစ္စမျိုးကို လွန်စွာ ပုဂ္ဂလဓိဌာန်ကျကျ သို့မဟုတ် သတိပြုမိသောပုံစံဖြင့် တွေးကောင်းတွေးမည် မဟုတ်သော်လည်း၊ သင်သည် ဘုရားသခင်အား သင်၏အပြစ်များကို ခွင့်လွှတ်ရန်အတွက် တန်ဆာပလာတစ်ခုအဖြစ် သို့မဟုတ် သာယာသော ခရီးဆုံးပန်းတိုင်တစ်ခုကို ရောက်ရှိရန်အတွက် အသုံးပြုသည့် အရာဝတ္ထု တစ်ခုအဖြစ် သဘောထားသည့်အခါတိုင်း သင်သည် အသက်ရှင်သော ဘုရားသခင်ကို သင်၏ရန်သူအဖြစ် သင်၏ ဆန့်ကျင်ဘက်၌ ထူးမခြားနား ထားရှိပြီးပြီဖြစ်သည်။ ဤသည်မှာ ငါမြင်သောအရာ ဖြစ်သည်။ “ကျွန်ုပ်သည် ဘုရားသခင်ကို ယုံကြည်သည်”၊ “ကျွန်ုပ်သည် သမ္မာတရားကို လေ့လာ လိုက်စားသည်”၊ “ကျွန်ုပ်သည် ကျွန်ုပ်၏ စိတ်သဘောထားကို ပြောင်းလိုသည်”၊ “ကျွန်ုပ်သည် အမှောင်စွမ်းအားမှ လွတ်မြောက်လိုသည်”၊ “ကျွန်ုပ်သည် ဘုရားသခင်ကို ကျေနပ်စေလိုသည်”၊ “ကျွန်ုပ်သည် ဘုရားသခင်ကို ကျိုးနွံနာခံလိုသည်”၊ “ကျွန်ုပ်သည် ဘုရားသခင်အပေါ် သစ္စာရှိလိုပြီး ကျွန်ုပ်၏တာဝန်ကို ကောင်းစွာ ထမ်းရွက်လိုသည်”၊ အစရှိသဖြင့် ထိုကဲ့သို့သော အရာတို့ကို သင် ဆက်၍ ပြောကောင်းပြောနိုင်သည်။ သို့သော်လည်း သင်၏စကားလုံးများသည် မည်မျှ ကြားကောင်းပါစေ၊ အယူအဆ မည်မျှကို သင်သိပါစေ၊ ထိုအယူအဆမှာ မည်သို့ပင် ထည်ဝါပါစေ သို့မဟုတ် ခံ့ညားပါစေ၊ အကြောင်းအရာ၏ အမှန်တရားမှာ ယခုတွင် ဘုရားသခင်အကြောင်း ကောက်ချက်များချရန်အတွက် သင်တို့ ကျွမ်းကျင်တတ်မြောက်ထားသော စည်းမျဉ်းများ၊ သြဝါဒများ၊ အယူအဆများအား မည်ကဲ့သို့အသုံးပြုပုံကို လေ့လာထားပြီးသည့် များစွာသောသင်တို့ ရှိသောကြောင့် ဘုရားသခင်အား သင်တို့နှင့် ဆန့်ကျင်ဘက်၌ အလိုအလျောက် ထားကြခြင်း ဖြစ်သည်။ သင်သည် ကျမ်းဟောင်းတရားများနှင့် သြဝါဒများကို ကျွမ်းကျင်တတ်မြောက်ပြီး ဖြစ်နိုင်သော်လည်း သမ္မာတရား၏ စစ်မှန်မှုထဲသို့ အမှန်တကယ် မဝင်ရောက်သေးသဖြင့် ဘုရားသခင်နှင့် နီးကပ်ရန်၊ ဘုရားသခင်ကို သိရန်နှင့်၊ ဘုရားသခင်ကို နားလည်ရန်မှာ သင့်အတွက် အလွန်ခက်ခဲပေသည်။ ဤသည်မှာ သနားစဖွယ်ပါတကား။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၁၆)

သူ၏အမှုတော်အတွင်း ထွက်ပြေးသောသူများအပေါ် ဘုရားသခင်၏ သဘောထား

ဤကဲ့သို့သော လူများမှာ နေရာတကာတွင်ရှိသည်- ၎င်းတို့သည် ဘုရားသခင်၏ လမ်းခရီးနှင့်ပတ်သက်၍ သေချာသိပြီးသောအခါ အကြောင်းအမျိုးမျိုးကြောင့် နှုတ်ဆက်စကား တစ်ခွန်းမျှမပြောဘဲ ၎င်းတို့၏ စိတ်နှလုံးအလိုဆန္ဒရှိတိုင်း သွားလုပ်ရန် တိတ်တဆိတ် ထွက်ခွာသွားကြသည်။ ယခုလောလောဆယ်တွင် ဤလူတို့ ထွက်ခွာသွားရသည့် အကြောင်းရင်းများကို ငါတို့ အသေးစိတ် ကြည့်မည်မဟုတ်ပေ။ ဤကဲ့သို့သော လူမျိုးအပေါ် ဘုရားသခင်၏ သဘောထားမှာ အဘယ်သို့ဖြစ်ကြောင်းကို ပထမဦးစွာ ငါတို့ကြည့်ကြမည်။ ၎င်းမှာ အလွန်ရှင်းပါသည်။ ဤလူတို့ ထွက်သွားသည့် အခိုက်အတန့်မှစ၍ ဘုရားသခင်၏ အမြင်တွင် ၎င်းတို့၏ ယုံကြည်မှုသက်တမ်း ကုန်လွန်ပြီဖြစ်သည်။ သက်တမ်းကို အဆုံးသတ်ခဲ့သူမှာ ဤလူကိုယ်တိုင်မဟုတ်ဘဲ ဘုရားသခင်သာ ဖြစ်သည်။ ဤလူက ဘုရားသခင်အား စွန့်ခွာခဲ့ခြင်းမှာ ၎င်းတို့သည် ဘုရားသခင်အား ငြင်းပယ်ပြီးဖြစ်ကြောင်း၊ ၎င်းတို့သည် ဘုရားသခင်ကို အလိုမရှိတော့ကြောင်းနှင့် ၎င်းတို့သည် ဘုရားသခင်၏ ကယ်တင်ခြင်းကို လက်မခံတော့ကြောင်းကို ဆိုလိုသည်။ ဤသို့သောလူတို့က ဘုရားသခင်ကို အလိုမရှိသည့်အတွက် ဘုရားသခင်က ၎င်းတို့အား အလိုရှိနိုင်ဦးမည်လော။ ထိုမျှမက ဤကဲ့သို့သော လူတို့က ဤသဘောထားမျိုး၊ ဤအမြင်မျိုးကို ပိုင်ဆိုင်ပြီး ဘုရားသခင်ကို စွန့်ခွာရန် ဆုံးဖြတ်လာပြီးသောအခါ ၎င်းတို့သည် ဘုရားသခင်၏ စိတ်သဘောထားကို အနှောင့်အယှက်ပြုပြီးပြီ ဖြစ်သည်။ ဤသည်မှာ ၎င်းတို့သည် ဒေါသပေါက်ကွဲပြီး ဘုရားသခင်ကို ဆဲဆိုခြင်း မရှိခဲ့ကြစေကာမူ၊ ၎င်းတို့သည် ဆိုးညစ်သော သို့မဟုတ် လွန်ကဲသော မည်သည့်အပြုအမူကိုမျှ မပြုခဲ့ကြစေကာမူ၊ ထို့ပြင် ဤလူတို့က “ကျွန်ုပ်သည် အပြင်တွင် အီလောက်သည်အထိ ပျော်ပါးခဲ့ပြီးသော သို့မဟုတ် တစ်စုံတစ်ခုအတွက် ဘုရားသခင်ကို ကျွန်ုပ် လိုအပ်သေးသောတစ်နေ့ ရောက်ရှိလာပါက ကျွန်ုပ်ပြန်လာမည်။ သို့မဟုတ် အကယ်၍ ဘုရားသခင်သည် ကျွန်ုပ်ကို မေတ္တာရပ်ခံပါက ကျွန်ုပ် ပြန်လာမည်။” ဟု စဉ်းစားနေကြသည် သို့မဟုတ် ၎င်းတို့က “ကျွန်ုပ်သည် အပြင်၌ ထိခိုက်နာကျင်သည့်အခါ၊ သို့မဟုတ် အပြင်လောကသည် အလွန်မှောင်မိုက်၍ အလွန်ဆိုးယုတ်ကြောင်းကို ကျွန်ုပ် မြင်သောအခါနှင့် ကျွန်ုပ်သည် အလိုက်သင့်စီးမျောလိုခြင်း မရှိတော့သည့်အခါ ဘုရားသခင်ထံ ကျွန်ုပ်ပြန်လာမည်။” ဟု ပြောကြစေကာမူ ဤသို့ဖြစ်သည်။ ဤလူတို့သည် ၎င်းတို့၏စိတ်ထဲတွင် မည်သည့်အချိန် အတိအကျ၌ ၎င်းတို့ပြန်လာမည်ကို တွက်ချက်ထားသော်လည်း၊ ထို့ပြင် ၎င်းတို့သည် ၎င်းတို့၏အပြန်အတွက် တံခါးကိုဖွင့်ထားရန် ကြိုးစားထားသော်လည်း ၎င်းတို့အနေဖြင့် မည်သည့်အရာကို ယုံကြည်ပြီး သို့မဟုတ် မည်သို့ပင် ကြံစည်စေကာမူ ဤအရာအားလုံးမှာ ဆန္ဒအတွေးသက်သက်သာ ဖြစ်ကြောင်းကို ၎င်းတို့ သဘောမပေါက်ကြချေ။ ၎င်းတို့၏ အကြီးမားဆုံးအမှားမှာ ၎င်းတို့ ထွက်ခွာလိုသည့်ဆန္ဒက ဘုရားသခင်ကို မည်သို့ခံစားစေကြောင်း မသဲကွဲခြင်းပင် ဖြစ်သည်။ ဘုရားသခင်ကို စွန့်ခွာရန် သူတို့ ဆုံးဖြတ်ခဲ့သည့် အချိန်မှစ၍ပင် ဘုရားသခင်က ၎င်းတို့ကို လုံးလုံးလျားလျား စွန့်ပစ်လိုက်သည်၊ ထိုစဉ်တွင် ဘုရားသခင်သည် သူ၏စိတ်နှလုံးထဲ၌ ထိုသို့သောလူ၏ အဆုံးသတ်ရလဒ်ကို သတ်မှတ်ထားပြီး ဖြစ်သည်။ ယင်းမှာ မည်သည့်အဆုံးသတ်ရလဒ်နည်း။ ဤလူသည် သနားစရာ့ သတ္တဝါလေးများထဲမှ တစ်ကောင်ဖြစ်သဖြင့် အခြားသတ္တဝါတို့နှင့်အတူ ပျက်စီးခြင်းသို့ ရောက်လိမ့်မည်ဖြစ်သည်။ ထို့ကြောင့် တစ်စုံတစ်ဦးသည် ဘုရားသခင်ကို စွန့်ပစ်သော်လည်း ပြစ်ဒဏ်ခတ်ခြင်းကို မခံရသည့် ဤအခြေအနေမျိုးကို လူတို့ မကြာခဏ မြင်ရခြင်းဖြစ်သည်။ ဘုရားသခင်သည် သူ၏ကိုယ်ပိုင် နိယာမများနှင့်အညီ စီမံခန့်ခွဲသည်။ အမှုအရာအချို့ကိုသာ မြင်ရနိုင်ပြီး အခြားအမှုအရာတို့မှာ ဘုရားသခင်၏ စိတ်နှလုံးထဲ၌သာ ဆုံးဖြတ်ချက်ချသောကြောင့် လူတို့သည် ရလဒ်များကို မမြင်နိုင်ကြပေ။ လူတို့အတွက် မြင်ရသောအရာများမှာ အမှုအရာများ၏ စစ်မှန်သောမျက်နှာပြင် သေချာပေါက် မဟုတ်ပေ။ သို့သော်လည်း သင်မမြင်သောဘက်၊ ထိုတစ်ဘက်ခြမ်းတွင် ဘုရားသခင်၏ စစ်မှန်သော ရင်းတွင်းဖြစ် အတွေးများနှင့် သုံးသပ်ချက်များ အမှန်ပင် ပါရှိလေသည်။

ဘုရားသခင်၏ အမှုတော်အတွင်း ထွက်ပြေးသောလူများမှာ မှန်သောလမ်းကို စွန့်ပစ်သောသူများပင် ဖြစ်သည်

ထို့ကြောင့် ဘုရားသခင်သည် ဤကဲ့သို့သော လူစားမျိုးများအား အဘယ်ကြောင့် ထိုမျှပြင်းထန်သော အပြစ်ဒဏ်ကို ပေးနိုင်သနည်း။ ၎င်းတို့အပေါ် အဘယ်ကြောင့် သူ အလွန်ဒေါသထွက်ရသနည်း။ ပထမဦးစွာ ဘုရားသခင်၏ စိတ်နေသဘောထားသည် ဘုန်းအာနုဘော်နှင့် အမျက်ဒေါသ ဖြစ်ကြောင်းကို ငါတို့သိကြသည်။ သူသည် လူတို့ အလိုရှိသည့်အတိုင်း ထိန်းချုပ်ခြင်းခံရမည့် ရုပ်သေးရုပ်တစ်ခု ဖြစ်ဖို့မဆိုနှင့်၊ တစ်စုံတစ်ဦး၏ သတ်ဖြတ်ခြင်းကို ခံရမည့် သိုးတစ်ကောင် မဟုတ်ပေ။ သူသည် သြဇာပေးခံရမည့် ဘာမျှမရှိသော လေတစ်ပွေလည်း မဟုတ်ပေ။ သင်သည် ဘုရားသခင်တည်ရှိကြောင်းကို အမှန်တကယ်ယုံကြည်ပါက သင်၌ ဘုရားသခင်ကို ကြောက်ရွံ့သော စိတ်နှလုံးရှိသင့်ပြီး ဘုရားသခင်၏ အနှစ်သာရမှာ ဒေါသထွက်အောင် လုပ်ရမည့်အရာတစ်ခု မဟုတ်ကြောင်းကို သင် သိသင့်ပေသည်။ ဤဒေါသကို စကားတစ်လုံးအားဖြင့်၊ သို့မဟုတ် အတွေးတစ်ခု အားဖြင့်၊ သို့မဟုတ် ဆိုးညစ်သော အပြုအမူတစ်မျိုးမျိုးအားဖြင့်ဖြစ်စေ၊ သို့မဟုတ် လူတို့၏အမြင်နှင့် လူသားတို့၏ ကိုယ်ကျင့်တရားအားဖြင့် အတန်အသင့်ဖြစ်သော သိမ်မွေ့သည့် အပြုအမူအားဖြင့်ဖြစ်စေ ဖြစ်ပွားစေနိုင်သည်။ သို့တည်းမဟုတ် ယင်းကို သြဝါဒတစ်ခု သို့မဟုတ် အယူအဆသဘောတရား တစ်ခုအားဖြင့် နှိုးဆွပေးနိုင်သည်။ သို့သော်လည်း ဘုရားသခင်ကို သင် ဒေါသ ထွက်စေပြီးသည်နှင့် တစ်ပြိုင်နက် သင်၏ အခွင့်အရေးပျောက်ဆုံးပြီး သင်၏ နောက်ဆုံးနေရက်များ ရောက်ရှိလာပြီဖြစ်သည်။ ဤသည်မှာ ဆိုးဝါးသော အရာတစ်ခုပင်။ အကယ်၍ ဘုရားသခင်အား ပုန်ကန်ပြစ်မှား၍ မရသည်ကို သင် နားမလည်ပါက သင်သည် ဘုရားသခင်ကို မကြောက်ခြင်း ဖြစ်ကောင်းဖြစ်နိုင်ပြီး သင်သည် သူ့အား အချိန်တိုင်းလိုလို ပြစ်မှားနေခြင်း ဖြစ်နိုင်သည်။ သင်သည် ဘုရားသခင်အား မည်ကဲ့သို့ ကြောက်ရွံ့ရမည်ကို မသိပါက သင်သည် ဘုရားသခင်ကို ကြောက်ရွံ့နိုင်စွမ်း မရှိသည့်အပြင် သင်သည် ဘုရားသခင်ကို ကြောက်ရွံ့ပြီး မကောင်းမှုကို ရှောင်ခြင်းတည်းဟူသော ဘုရားသခင်၏ လမ်းခရီး၌ လျှောက်လှမ်းခြင်း လမ်းကြောင်းပေါ်သို့ မိမိကိုယ်ကိုယ် မည်သို့ထားရှိရမည်ကို သိလိမ့်မည်မဟုတ်ပေ။ သင်သည် ဘုရားသခင်ကို ပြစ်မှား၍မရကြောင်း သတိပြုမိလာပြီး အသိနိုးကြားသည်နှင့်တစ်ပြိုင်နက် သင်သည် ဘုရားသခင်ကို ကြောက်ရွံ့ပြီး မကောင်းမှုကိုရှောင်ခြင်းမှာ အဘယ်အရာ ဖြစ်ကြောင်း သိလိမ့်မည်ဖြစ်သည်။

ဘုရားသခင်ကိုကြောက်ရွံ့ပြီး မကောင်းမှုကိုရှောင်ခြင်း၏ လမ်းကြောင်းတွင် လျှောက်ခြင်းမှာ သမ္မာတရားကို သင်မည်မျှသိသည်၊ စမ်းသပ်မှု မည်မျှကို သင် ကြုံတွေ့ခဲ့ဖူးသည် သို့မဟုတ် ဆုံးမပဲ့ပြင်ခြင်းကို သင်မည်မျှခံခဲ့ဖူးသည် ဟူသည့်အကြောင်း သေချာပေါက် မဟုတ်ပေ။ ယင်းထက် ၎င်းမှာ သင်၏ စိတ်နှလုံး၌ ဘုရားသခင်အပေါ် သင် ထားရှိသည့် သဘောထားမျိုးနှင့် မည်သည့် အနှစ်သာရကို သင် ဖော်ပြသည် ဆိုသည့်အပေါ် မူတည်သည်။ လူတို့၏အနှစ်သာရများနှင့် သူတို့၏ ပုဂ္ဂလဓိဌာန်ကျသော သဘောထားများ၊ ဤအရာများမှာ အလွန်အရေးကြီးပြီး အလွန်အဓိကကျသည်။ ဘုရားသခင်ကို ကျောခိုင်းပြီး စွန့်ခွာသွားခဲ့သော ထိုလူများနှင့်စပ်လျဉ်း၍ ၎င်းတို့၏ ဘုရားသခင်အပေါ် စက်ဆုပ်ဖွယ် သဘောထားများနှင့် သမ္မာတရားကို မထီမဲ့မြင်ပြုသော ၎င်းတို့၏ စိတ်နှလုံးများသည် ဘုရားသခင်၏ စိတ်နေသဘောထားကို အနှောင့်အယှက်ဖြစ်စေပြီ ဖြစ်သောကြောင့် ဘုရားသခင်နှင့် ပတ်သက်သရွေ့ ၎င်းတို့သည် မည်သည့်အခါမျှ ခွင့်လွှတ်ခြင်း ခံရလိမ့်မည် မဟုတ်ပေ။ ၎င်းတို့သည် ဘုရားသခင်၏ တည်ရှိခြင်းကို သိထားကြပြီ၊ ဘုရားသခင် ရောက်ရှိပြီဖြစ်ကြောင်း သတင်းရရှိခဲ့ပြီဖြစ်ပြီး၊ ဘုရားသခင်၏ အသစ်သောအမှုကိုပင် ကြုံတွေ့ခဲ့ကြပြီးဖြစ်သည်။ ၎င်းတို့၏ ထွက်ခွာခြင်းမှာ ၎င်းတို့သည် ထွက်ခွာသွားရန် အတင်းအကျပ် ဖိအားပေးခံရဖို့ မဆိုထားနှင့်၊ ထင်ယောင်ထင်မှားဖြစ်ခြင်းနှင့် ဝိုးတိုးဝါးတား ဖြစ်ခြင်းကိစ္စတစ်ခု မဟုတ်ပေ။ ထို့ထက် ၎င်းတို့သည် အသိနိုးကြားလျက်နှင့် ပြတ်သားသောစိတ်ဖြင့် ဘုရားသခင်ကို စွန့်ခွာရန် ရွေးချယ်ခဲ့ခြင်းဖြစ်သည်။ ၎င်းတို့၏ ထွက်ခွာခြင်းမှာ ၎င်းတို့ လမ်းပျောက်ခြင်းကိစ္စ မဟုတ်သကဲ့သို့၊ ၎င်းတို့ နှင်ထုတ်ခံရခြင်းလည်း မဟုတ်ပေ။ ထို့ကြောင့် ဘုရားသခင်၏အမြင်တွင် ၎င်းတို့မှာ အပြင်တွင် မိမိ၏လမ်းပျောက်ဆုံးသော ပျောက်သောသားများ ဖြစ်ဖို့နေနေသာသာ၊ သိုးအုပ်ထဲမှ လမ်းလွဲသွားသော သိုးများပင် မဟုတ်ကြပေ။ ၎င်းတို့သည် ဒဏ်ခတ်မခံရဘဲ ထွက်ခွာခဲ့ကြပြီး ယင်းအနေအထားတစ်ခု၊ ယင်းအခြေအနေ တစ်ခုက ဘုရားသခင်၏ စိတ်နေသဘောထားကို အနှောင့်အယှက် ဖြစ်စေကာ ဤအနှောင့်အယှက် ဖြစ်စေခြင်းကြောင့် သူသည် ၎င်းတို့အား မျှော်လင့်ချက်မဲ့သော အဆုံးသတ်ရလဒ်များကို ပေးခြင်းဖြစ်လေသည်။ ဤကဲ့သို့သော အဆုံးသတ် ရလဒ်မျိုးမှာ ကြောက်မက်ဖွယ် မကောင်းသလော။ ထို့ကြောင့် လူတို့သည် ဘုရားသခင်ကို မသိပါက ဘုရားသခင်ကို ပြစ်မှားမိနိုင်သည်။ ဤအရာမှာ သေးငယ်သောကိစ္စ မဟုတ်ပါပေ။ အကယ်၍ လူတို့သည် ဘုရားသခင်၏ သဘောထားကို အလေးအနက်မထားဘဲ မိမိတို့သည် သူ၏ ပျောက်ဆုံးနေသော သိုးများဖြစ်ပြီး ပြောင်းလဲသော စိတ်နှလုံးသားရှိရန် သူတို့ကို ဘုရားသခင်ဆက်၍ စောင့်ဆိုင်းနေခြင်းဖြစ်သောကြောင့် သူတို့ပြန်အလာကို ဘုရားသခင်က မျှော်နေသည်ဟု ယုံကြည်နေသေးပါက ဤလူတို့သည် မိမိတို့၏ ပြစ်ဒဏ်ခတ်ခံရမည့်နေ့ရက်နှင့် မလွဲလှချေ။ ဘုရားသခင်သည် ၎င်းတို့အား လက်ခံရန် ငြင်းပယ်ရုံငြင်းပယ်လိမ့်မည် မဟုတ်ပေ၊ ဤသည်မှာ သူ၏ စိတ်သဘောထားကို ၎င်းတို့ အနှောင့်အယှက်ပေးခြင်းက ဒုတိယအကြိမ် ဖြစ်သည့်အတွက် ထိုကိစ္စမှာ ပို၍ပင် ဆိုးဝါးလှသည်တကား။ ဤလူတို့၏ မရိုသေသော သဘောထားများက ဘုရားသခင်၏ စီမံအုပ်ချုပ်ရေးအမိန့်များကို ချိုးဖောက်ပြီးဖြစ်လေသည်။ ဘုရားသခင်သည် ၎င်းတို့ကို လက်ခံလိမ့်ဦး မည်လော။ သူ၏စိတ်နှလုံးထဲတွင် ဤအကြောင်းအရာနှင့် ပတ်သက်သည့် ဘုရားသခင်၏ နိယာမများမှာ၊ အကယ်၍ တစ်စုံတစ်ဦးသည် မှန်သောလမ်းက အဘယ်လမ်းဖြစ်သည် ဟူသည့်အကြောင်းကို သေချာမှု ရထားလင့်ကစား ဘုရားသခင်ကို အသိနိုးကြားလျက်နှင့် ပြတ်သားသောစိတ်ဖြင့် ငြင်းပယ်နိုင်သေးပြီး ဘုရားသခင်ထံမှ သွေဖည်ပါက၊ ဘုရားသခင်သည် ထိုသို့သောလူ၏ ကယ်တင်ခြင်းလမ်းကို ပိတ်ဆို့ပြီး နိုင်ငံတော်၏ ဂိတ်ဝသည် ဤအချိန်မှစ၍ ထိုသူအတွက် ပိတ်ထားလိမ့်မည် ဖြစ်သည်။ ဤလူသည် နောက်ထပ်တစ်ကြိမ် တံခါးလာခေါက်သည့်အခါ ဘုရားသခင်သည် တံခါးဖွင့်ပေးလိမ့်မည် မဟုတ်ပေ။ ဤလူကို ထာဝရ အဝင်ခံလိမ့်မည်မဟုတ်ပေ။ သင်တို့အချို့သည် သမ္မာကျမ်းစာထဲမှ မောရှေ၏ ဇာတ်ကြောင်းကို ဖတ်ဖူးကောင်း ဖတ်ဖူးကြမည်ဖြစ်သည်။ မောရှေသည် ဘုရားသခင်၏ ဘိသိက်ပေးခြင်း ခံခဲ့ရပြီးနောက် သူ၏ လုပ်ဆောင်ချက်များနှင့် အမျိုးမျိုးသော အခြားအကြောင်းရင်းများကြောင့် ခေါင်းဆောင်အယောက် ၂၅၀ တို့က မောရှေအား သူတို့၏ မနာခံမှုကို ပြသခဲ့ကြသည်။ ၎င်းတို့သည် မည်သူ့ကို ကျိုးနွံနာခံရန် ငြင်းဆန်ခဲ့ကြသနည်း။ ၎င်းက မောရှေမဟုတ်ပါ။ ၎င်းတို့သည် ဘုရားသခင်၏ ကြိုတင်စီစဉ်မှုများကို ကျိုးနွံနာခံရန် ငြင်းဆန်ခဲ့ကြသည်၊ ၎င်းတို့သည် ဤအရေးနှင့်ပတ်သက်၍ ဘုရားသခင်၏အမှုကို ကျိုးနွံနာခံရန် ငြင်းဆန်ခဲ့ကြခြင်းဖြစ်သည်။ ၎င်းတို့က ဆက်လက်ဖော်ပြပါအတိုင်း ပြောခဲ့ကြသည်မှာ- “သင်တို့သည် ပရိသတ်အပေါ် အလွန်အကျွံ တာဝန်ယူကြ၏။ ပရိသတ်အပေါင်း၊ အယောက်တိုင်းတို့သည် သန့်ရှင်းကြသည်ကို မြင်ရပြီး ယေဟောဝါသည် သူတို့အလယ်တွင် ရှိတော်မူ၏။...” ဟူ၍ဖြစ်သည်။ လူသား၏ ရှုထောင့်အမြင်မှနေ၍ ဤစကားများနှင့် စာကြောင်းများမှာ အလွန်လေးနက် ပြင်းထန်သလော။ ၎င်းတို့မှာ မပြင်းထန်ပါပေ။ အနည်းဆုံးအနေဖြင့် ဤစကားလုံးများ၏ လုံးချင်းအဓိပ္ပာယ်မှာ မပြင်းထန်ပေ။ တရားဥပဒေ သဘောအရ ၎င်းတို့မှာ မည်သည့်ဥပဒေကိုမျှ ချိုးဖောက်ခြင်း မရှိပေ၊ အဘယ်ကြောင့်ဆိုသော် ၎င်း၌ မည်သည့် ရုန့်ရင်းကြမ်းတမ်းသော ဂယက်အနက်များ ပါဖို့မဆိုထားနှင့်၊ ယင်း၏ တကယ့်အပေါ်ယံ၌ ဤသည်မှာ ရန်လိုသော အသုံးအနှုန်း သို့မဟုတ် ဝေါဟာရပင် မဟုတ်ပေ။ ဤသည်တို့မှာ သာမန်ဝါကျများဖြစ်ပြီး ဘာမျှမပိုပေ။ ထိုသို့ဆိုလျှင် ဤစကားလုံးများက ဘုရားသခင်ထံမှ အမျက်ကို အဘယ်ကြောင့် နှိုးဆော်နိုင်သနည်း။ ယင်းမှာ အဘယ်ကြောင့်ဆိုသော် ထိုစကားများမှာ လူကို ပြောဆိုခြင်းမဟုတ်ဘဲ ဘုရားသခင်ကို ပြောဆိုနေခြင်းပင် ဖြစ်သည်။ ၎င်းတို့ ထုတ်ဖော်ပြသော သဘောထားနှင့် စိတ်သဘောထားသည် ဘုရားသခင်၏ စိတ်သဘောထားကို အနှောင့်အယှက်ဖြစ်စေသောအရာ အတိအကျပင်ဖြစ်ပြီး၊ အထူးသဖြင့် ပုန်ကန်ပြစ်မှား၍ မရသည့် ဘုရားသခင်၏ စိတ်သဘောထားကို ၎င်းတို့ ပုန်ကန်ပြစ်မှားကြခြင်း ဖြစ်သည်။ နောက်ဆုံး၌ ထိုခေါင်းဆောင်တို့၏ အဆုံးသတ်ရလဒ်များမှာ မည်သည့်အရာဖြစ်ကြောင်းကို ငါတို့အားလုံးသိကြသည်။ ဘုရားသခင်ကို စွန့်လွှတ်ထားခဲ့သော သူများနှင့်ပတ်သက်၍ ၎င်းတို့၏ ရှုထောင့်မှာ အဘယ်နည်း။ ၎င်းတို့၏ သဘောထားမှာ အဘယ်နည်း။ ထို့ပြင် ၎င်းတို့၏ ရှုထောင့်နှင့် သဘောထားက ဘုရားသခင်အား ၎င်းတို့ကို ထိုကဲ့သို့သော ပုံစံဖြင့် အဘယ်ကြောင့် ရိုက်နှက်ဆုံးမစေသနည်း။ အကြောင်းရင်းမှာ ၎င်းတို့က သူသည် ဘုရားသခင်ဖြစ်ကြောင်းကို ရှင်းရှင်းလင်းလင်း သိကြသော်လည်း သူတို့သည် သူ့ကို သစ္စာဖောက်ရန် ရွေးချယ်ခဲ့သေးသောကြောင့်ဖြစ်ပြီး ထိုအကြောင်းကြောင့် ၎င်းတို့သည် ကယ်တင်ခြင်းအတွက် ၎င်းတို့၏ အခွင့်အရေးကို လုံးလုံးလျားလျား ချွတ်ယူခံရခြင်း ဖြစ်သည်။ သမ္မာကျမ်းစာ ထဲတွင် ပြောထားသည်နှင့်အညီ “အကြောင်းမူကား၊ သမ္မာတရားကို သိပြီးမှ ကိုယ်အလိုသို့ လိုက်၍ ပြစ်မှားပြန်လျှင်၊ နောက်တဖန် အပြစ်ဖြေသာယဇ်ကို ပူဇော်ရာအခွင့် မရှိ။” ဟူ၍ ဖြစ်သည်။ ယခု ဤအကြောင်းအရာနှင့်ပတ်သက်၍ သင်တို့တွင် ရှင်းလင်းသော နားလည်မှု ရှိပြီလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၁၇)

လူတို့၏ ကံကြမ္မာကို ဘုရားသခင်အပေါ်၌ရှိသော သူတို့၏ သဘောထားအားဖြင့် ဆုံးဖြတ်သည်

ဘုရားသခင်သည် အသက်ရှင်သော ဘုရားသခင်ဖြစ်ပြီး လူတို့က ခြားနားသော အခြေအနေများတွင် ခြားနားစွာ ပြုမူကြသကဲ့သို့ ဘုရားသခင်သည် ရုပ်သေးရုပ်တစ်ရုပ် မဟုတ်သကဲ့သို့ ဘာမျှမရှိသော လေတစ်ပွေ မဟုတ်သောကြောင့် ဤပြုမူချက်များအပေါ် သူ၏သဘောထားမှာ ကွဲပြား ပေသည်။ ဘုရားသခင်၏ သဘောထားကိုသိရခြင်းမှာ လူသားမျိုးနွယ်အတွက် ထိုက်တန်သော လေ့လာလိုက်စားမှုတစ်ခုပင် ဖြစ်သည်။ လူတို့သည် ဘုရားသခင်၏ သဘောထားကို သိခြင်းအားဖြင့် ဘုရားသခင်၏ စိတ်သဘောထားကို တဖြည်းဖြည်းချင်း မည်ကဲ့သို့သိနိုင်မည့်အကြောင်းနှင့် သူ၏စိတ်နှလုံးကို နားလည်လာရန် လေ့လာသင်ယူသင့်သည်။ သင်သည် ဘုရားသခင်၏ စိတ်နှလုံးကို တဖြည်းဖြည်းချင်း နားလည်လာသောအခါ ဘုရားသခင်ကို ကြောက်ရွံ့ပြီး မကောင်းမှုကို ရှောင်ခြင်းမှာ လုပ်ဆောင်ပြီးမြောက်ဖို့ အင်မတန်ခက်ခဲသောအရာတစ်ခု ဖြစ်သည်ဟု သင်ခံစားရလိမ့်မည် မဟုတ်ပေ။ ထိုမျှမက သင်သည် ဘုရားသခင်ကို နားလည်သည့်အခါ သင်သည် သူနှင့်ပတ်သက်၍ ကောက်ချက်များချရန် အလားအလာ ရှိတော့မည် မဟုတ်ပေ။ ဘုရားသခင်အကြောင်း ကောက်ချက်များချခြင်းကို သင် ရပ်လိုက်သည့်အခါ သင်သည် ဘုရားသခင်ကို ပြစ်မှားရန် အလားအလာ လျော့နည်းသွားမည် ဖြစ်ပြီး ဘုရားသခင်သည် သင့်အား သူ၏အကြောင်း သိကျွမ်းခြင်းရရှိစေရန် သင်သတိမထားလိုက်ဘဲ ဦးဆောင်သွားမည် ဖြစ်သဖြင့် ဤအရာက သင်၏စိတ်နှလုံးကို ဘုရားသခင်အား ကြောက်ရွံ့ခြင်းနှင့် ပြည့်ဝစေလိမ့်မည် ဖြစ်သည်။ ထိုအခါ သင်ကျွမ်းကျင်တတ်မြောက်သော သြဝါဒများ၊ ကျမ်းဟောင်းတရားများနှင့် အယူအဆ သဘောတရားများကို အသုံးပြု၍ ဘုရားသခင်အား အဓိပ္ပာယ်ဖွင့်ခြင်းကို သင်ရပ်တန့်လိမ့်မည် ဖြစ်သည်။ ထိုအစား အရာခပ်သိမ်း၌ ဘုရားသခင်၏ ရည်ရွယ်ချက်များကို အစဉ်ရှာဖွေခြင်းဖြင့် သင်သည် ဘုရားသခင်၏ စိတ်နှလုံးနှင့် ညီညွတ်သော လူတစ်ဦး ဖြစ်မှန်းမသိ ဖြစ်လာလေမည်။

ဘုရားသခင်၏အမှုကို လူသားများက မြင်နိုင်ခြင်းနှင့် ကိုင်တွယ်နိုင်ခြင်း မရှိသော်လည်း ဘုရားသခင်နှင့် ပတ်သက်သရွေ့ သူ့အပေါ် လူတစ်ဦး တစ်ယောက်ချင်းစီ၏ သဘောထားနှင့်အတူ လုပ်ဆောင်ချက်များမှာ ဘုရားသခင် အတွက် သိသာထင်ရှားသည်သာမက မြင်လည်းမြင်နိုင်ပေသည်။ ဤအရာမှာ လူတိုင်းလက်ခံထားပြီး ရှင်းရှင်းလင်းလင်း သိသင့်သောအရာ ဖြစ်သည်။ သင်သည် သင့်ကိုယ်သင် “ဤနေရာတွင် ကျွန်ုပ် လုပ်နေသောအရာကို ဘုရားသခင်သိသလော။ ယခုလက်ငင်း ကျွန်ုပ်တွေးနေသောအရာကို သူသိသလော။ သူ သိကောင်းသိနိုင်သည်၊ မသိကောင်းလည်း မသိနိုင်” ဟု အမြဲတစေ မေးနေနိုင်သည်။ အကယ်၍ သင်သည် ဤသို့ရှုထောင့်မျိုးကို ခံယူကာ ဘုရားသခင်ကို ယုံကြည်ပြီး နောက်သို့လိုက်နေလျက်နှင့် သူ၏အမှုနှင့် သူ၏တည်ရှိခြင်းကို သံသယထားပါက သင်သည် အန္တရာယ်ရှိသော ချောက်ကမ်းပါးတစ်ခု၏ အစပ်တွင် ယိုင်တီးယိုင်တိုင် လျှောက်နေပြီ ဖြစ်သောကြောင့် သင် သူ၏ဒေါသကို နိုးဆွပေးမည့် နေ့ရက်တစ်ခု အနှေးနှင့်အမြန် ရောက်လာမည် ဖြစ်သည်။ ဘုရားသခင်ကို နှစ်ပေါင်းများစွာ ယုံကြည်ခဲ့ပြီးသော်လည်း ဘုရားသခင်၏ အလိုတော်ကို နားလည်ဖို့ မဆိုနှင့်၊ သမ္မာတရား၏ စစ်မှန်မှုကို မရသေးသော လူတို့ကို ကျွန်ုပ်တွေ့မြင်ခဲ့ပြီ။ ဤလူတို့သည် ၎င်းတို့၏ဘဝနှင့် ဝိညာဉ်အသက်တာ၌ တိုးတက်မှုမရှိဘဲ အတိမ်ပါးဆုံးသော သြဝါဒများကိုသာ လိုက်နာစောင့်ထိန်းလျက် ရှိကြသည်။ ဤသည်မှာ အဘယ်ကြောင့်ဆိုသော် ဤသို့သော လူများသည် ဘုရားသခင်၏ နှုတ်ကပတ်တော်ကိုယ်၌ကို အသက်အဖြစ် မည်သည့်အခါမျှ သဘောထားခြင်း မရှိဖူးခဲ့ကြသည့်အပြင် ၎င်းတို့သည် ဘုရားသခင်၏ တည်ရှိခြင်းကို မည်သည့်အခါမျှ ရင်ဆိုင်ခြင်းနှင့် လက်ခံခြင်း မရှိဖူးခဲ့ကြသောကြောင့် ဖြစ်သည်။ ဘုရားသခင်သည် ယင်းကဲ့သို့သော လူများကိုမြင်သောအခါ ပျော်ရွှင်မှုဖြင့် ပြည့်နေမည်ဟု သင် ထင်သလော။ ၎င်းတို့သည် သူ့ကို စိတ်ချမ်းသာစေကြသလော။ ထို့ကြောင့် ယင်းမှာ ၎င်းတို့၏ ကံကြမ္မာကို အဆုံးအဖြတ်ပေးသည့် ဘုရားသခင်အပေါ် လူတို့ ယုံကြည်သည့်ပုံစံပင် ဖြစ်သည်။ လူတို့က ဘုရားသခင်ကို မည်သို့ရှာဖွေပြီး၊ မည်သို့ချဉ်းကပ်ကြောင်းနှင့် ပတ်သက်၍ လူတို့၏ သဘောထားများသည် အထူးသဖြင့် အရေးကြီးပါသည်။ ဘုရားသခင်သည် သင်၏ ဦးခေါင်းအနောက်ဘက်မှ ဘာမျှမရှိသော လေထုကဲ့သို့သမျှ သူ့အား လျစ်လျူမရှုနှင့်။ သင်၏ ယုံကြည်သော ဘုရားသခင်သည် အသက်ရှင်သော ဘုရားသခင်၊ စစ်မှန်သောဘုရားသခင် ဖြစ်ကြောင်းကို အမြဲ ဆင်ခြင်လော့။ သူသည် ဘာမျှလုပ်စရာမရှိဘဲ တတိယကောင်းကင်ဘုံထက်၌ ငုတ်တုတ်ထိုင်နေခြင်း မဟုတ်ပါ။ ထို့ထက် သူသည် အယောက်တိုင်းစီ၏ စိတ်နှလုံးထဲကို အစဉ်မပြတ် ကြည့်ရှုစစ်ဆေးလျက်၊ သင် လုပ်ဆောင်မည့်အရာကို အကဲခတ်ခြင်း၊ သင်၏ သေးငယ်သော စကားလုံးတိုင်းနှင့် သေးငယ်သော လုပ်ဆောင်မှုတိုင်းကို စောင့်ကြည့်ခြင်း၊ သင် မည်ကဲ့သို့ပြုမူပုံကို စောင့်ကြည့်ခြင်းနှင့် ဘုရားသခင်အပေါ် သင်၏ သဘောထားမှာ အဘယ်သို့ရှိကြောင်းကို ကြည့်မြင်ခြင်းတို့ကို ပြုလုပ်နေသည်။ သင်သည် ဘုရားသခင်အတွက် သင့်ကိုယ်သင် ပေးလိုသည်ဖြစ်စေ မပေးလိုသည်ဖြစ်စေ၊ သင်၏အပြုအမူနှင့် သင်၏ အတွင်းဆုံးမှ အတွေးများနှင့် စိတ်ကူးများအားလုံးသည် ဘုရားသခင်ရှေ့၌ ထီးတည်းပြသလျက် ရှိပြီး သူ၏စောင့်ကြည့်ခြင်းကို ခံနေကြရသည်။ သင်၏ အပြုအမူကြောင့်၊ သင်၏ လုပ်ဆောင်ချက်များကြောင့်အပြင် ဘုရားသခင်အပေါ် သင်၏သဘောထားကြောင့် သင့်အပေါ် သူ၏ခံယူချက်နှင့် သင့်အပေါ် သူ၏သဘောထားမှာ အဆက်မပြတ် ပြောင်းလဲနေခြင်း ဖြစ်သည်။ လူတစ်ချို့ကို ငါအကြံတစ်ချို့ ပေးလိုသည်- ဘုရားသခင်သည် သင့်ကို အလွန်ချစ်သင့်သကဲ့သို့၊ သင့်ကို သူဘယ်သောအခါမျှ မစွန့်ခွာနိုင်သကဲ့သို့၊ သင့်အပေါ် သူ၏ သဘောထားမှာ လုံးဝသတ်မှတ်ထားပြီး ဘယ်သောအခါမျှ မပြောင်းလဲနိုင်သကဲ့သို့ ဘုရားသခင်၏ လက်ထဲတွင် မွေးကင်းစကလေးများကဲ့သို့ သင်တို့ကိုယ်သင်တို့ မထားကြနှင့်၊ ထို့ပြင် စိတ်ကူးယဉ်နေသည်ကို ရပ်တန့်လိုက်ဖို့ သင့်ကို ငါအကြံပေးသည်။ ဘုရားသခင်သည် လူအယောက်စီတိုင်းအပေါ် သူ၏ဆက်ဆံမှု၌ ဖြောင့်မတ်ပေသည်။ လူတို့အား သိမ်းပိုက်ခြင်းနှင့် ကယ်တင်ခြင်းအမှုတို့အတွက် သူ၏လုပ်ကိုင်ပုံ၌ အလွန်စိတ်အားထက်သန်သည်။ ဤသည်မှာ သူ၏စီမံခန့်ခွဲမှု ဖြစ်သည်။ သူသည် လူတစ်ဦးချင်းစီကို နောက်ပြောင်ကျီစယ်စရာ အိမ်မွေးတိရစ္ဆာန် တစ်ကောင်ကဲ့သို့ မဟုတ်ဘဲ အလေးအနက်ထား၍ ဆက်ဆံသည်။ လူသားများအတွက် ဘုရားသခင်၏ ချစ်ခြင်းမေတ္တာမှာ ပိုးမွေးသကဲ့သို့သော သို့မဟုတ် အလိုလိုက်ပြီး ပျက်စီးစေသော ချစ်ခြင်းမေတ္တာမျိုး မဟုတ်သကဲ့သို့ လူသားမျိုးနွယ်အပေါ် သူ၏ သနားခြင်းကရုဏာနှင့် သည်းခံခြင်းမှာ အလိုလိုက်ခြင်း သို့မဟုတ် အမှုမဲ့အမှတ်မဲ့ပြုခြင်း မဟုတ်ပေ။ ဆန့်ကျင်ဘက်အနေဖြင့် လူသားများအပေါ် ဘုရားသခင်၏ ချစ်ခြင်းမေတ္တာမှာ အမြတ်တနိုးထားခြင်း၊ သနားကြင်နာခြင်းနှင့် ဘဝကို အလေးထားခြင်းတို့ ပါဝင်သည်၊ သူ၏ သနားခြင်းကရုဏာနှင့် သည်းခံခြင်းသည် လူအပေါ် သူ၏မျှော်မှန်းချက်များကို သိရှိစေပြီး၊ ယင်းတို့မှာ လူသားတို့ အသက်ဆက်ရန်အတွက် လိုအပ်သောအရာပင် ဖြစ်သည်။ ဘုရားသခင်သည် အသက်ရှင်ပြီး အမှန်တကယ် တည်ရှိသည်၊ လူသားမျိုးနွယ်အပေါ် သူ၏သဘောထားမှာ စည်းစနစ်ကျပြီး တရားသေ စည်းမျဉ်းများ တစ်ပွေ့တစ်ပိုက် လုံးဝမဟုတ်ဘဲ ၎င်းမှာ ပြောင်းလဲနိုင်သည်။ လူသားတို့အပေါ် သူ၏ ရည်ရွယ်ချက်များသည် အချိန်နှင့်အမျှ၊ အခြေအနေ ဖြစ်ပေါ်လာသည့်အပေါ် မူတည်ပြီး လူအယောက်စီတိုင်း၏ သဘောထားအလိုက် တဖြည်းဖြည်း ပြောင်းလဲလျက် အသွင်ပြောင်းနေ၏။ ထို့ကြောင့် သင်သည် ဘုရားသခင်၏ အနှစ်သာရမှာ ပြောင်းလဲခြင်းမရှိကြောင်း နှင့် သူ၏ စိတ်သဘောထားသည် မတူညီသော အချိန်များနှင့် မတူညီသော အခြေအနေများတွင် ထွက်ပေါ်လာလိမ့်မည် ဖြစ်ကြောင်းကို သင်၏ စိတ်နှလုံးထဲတွင် လုံးလုံးလျားလျား ရှင်းလင်းပြတ်သားမှုဖြင့် သိထားသင့်သည်။ ဤအရာမှာ လေးနက်သော ကိစ္စတစ်ခုဖြစ်သည်ဟု သင် ထင်ကောင်းထင်မည် မဟုတ်သည့်အပြင် ဘုရားသခင်က အမှုအရာတို့ကို မည်ကဲ့သို့ ပြုသင့်ကြောင်း စိတ်ကူးရန် သင်၏ကိုယ်ပိုင် တစ်ကိုယ်ရေအယူအဆများကို သင်အသုံးပြုကောင်း ပြုမည်။ သို့သော်လည်း သင့်ရှုထောင့်၏ ဖြောင့်ဖြောင့်ကြီး ဆန့်ကျင်သောဘက်မှာ မှန်ကန်သည့်အချိန်များရှိပြီး ဘုရားသခင်ကို ကြိုးစား၍ တွက်ချက်ရန် သင်၏ကိုယ်ပိုင် တစ်ကိုယ်ရေ အယူအဆများကို အသုံးပြုခြင်းဖြင့် သင်သည် သူ့ကို ဒေါသထွက်စေပြီးပြီ ဖြစ်သည်။ ဤသည်မှာ အဘယ်ကြောင့်ဆိုသော် ဘုရားသခင်သည် သူပြုမည်ဟု သင်ထင်သည့်နည်းအတိုင်း စီမံခန့်ခွဲခြင်း မဟုတ်သည့်အပြင် ဤအကြောင်းအရာကို ဤသို့သူမှတ်ယူမည်ဟု သင်ပြောသည့်အတိုင်း မမှတ်ယူခြင်းကြောင့် ဖြစ်သည်။ ထို့ကြောင့် သင်၏ ပတ်လည်၌ရှိသော အရာမှန်သမျှအပေါ် သင်ကိုင်တွယ်ဖြေရှင်းရာတွင် သတိထားရန်နှင့် မြော်မြင်ချင့်ချိန်ရန်သာမက အရာခပ်သိမ်းတွင် ဘုရားသခင်ကို ကြောက်ရွံ့ပြီး မကောင်းမှုကို ရှောင်ခြင်းတည်းဟူသော ဘုရားသခင်၏ လမ်းခရီး၌ လျှောက်လှမ်းသည့် နိယာမအား မည်ကဲ့သို့ လိုက်လျှောက်ရမည်ကို သင်ယူလေ့လာရန် သင့်အား ငါသတိပေးခြင်း ဖြစ်သည်။ သင်သည် ဘုရားသခင်၏အလိုတော်နှင့် ဘုရားသခင်၏ သဘောထာဆိုင်ရာ အကြောင်းအရာများနှင့် စပ်လျဉ်း၍ ခိုင်ခံ့သော နားလည်ခြင်းတစ်ခု တိုးပွားလာရမည်၊ ဤအကြောင်းအရာများကို မိတ်သဟာယပြုပေးရန် ဉာဏ်အလင်းဖွင့်ပြခံရသောလူများကို ရှာရမည်ဖြစ်ပြီး သင် အသည်းအသန် ရှာဖွေရမည်။ သင်ယုံကြည်သည့် ဘုရားသခင်ကို သဘောရှိ တရားစီရင်ခြင်း၊ သူ့အပေါ် စိတ်ထင်ရာ ကောက်ချက်ချခြင်းများနှင့်၊ ဘုရားသခင်နှင့်ထိုက်တန်သော ရိုသေလေးစားမှုဖြင့် ဘုရားသခင်အား မဆက်ဆံခြင်းအားဖြင့် ရုပ်သေးရုပ် တစ်ရုပ်အဖြစ် မရှုမြင်နှင့်။ ဘုရားသခင်သည် သင့်အား ကယ်တင်ခြင်း ယူဆောင်လာစဉ်နှင့် သင်၏ အဆုံးသတ်ရလဒ်ကို သတ်မှတ်နေစဉ် သူသည် သင့်အား သနားခြင်းကရုဏာ၊ သို့မဟုတ် သည်းခံခြင်း၊ သို့မဟုတ် တရားစီရင်ခြင်း နှင့် ပြစ်တင်ဆုံးမခြင်းကို ပေးကောင်း ပေးနိုင်သော်လည်း၊ မည်သို့ပင်ဖြစ်စေ သင့်အပေါ် သူ၏ သဘောထားမှာ ပုံသေမဟုတ်ပေ။ ၎င်းမှာ ဘုရားသခင်အပေါ် သင်၏သဘောထားသာမက သူ့အပေါ် သင်၏ သိနားလည်ခြင်းအပေါ် မူတည်သည်။ ဘုရားသခင်အပေါ် တစ်ခဏမျှသာ ဖြစ်သော သင်၏သိခြင်း သို့မဟုတ် နားလည်မှု ရှုထောင့်တစ်ခုအား သူ့ကို ရာသက်ပန် အဓိပ္ပာယ်ဖွင့်ရန် အခွင့်မပေးနှင့်။ အသက်မရှိသော ဘုရားသခင်ကို မယုံကြနှင့်၊ အသက်ရှင်သော ဘုရားသခင်ကို ယုံကြည်ကြလော့။ ဤအရာကို အောက်မေ့ကြလော့။ ဤနေရာတွင် သင်တို့ကြားရန် လိုအပ်ခဲ့သော အမှန်တရားအချို့ကို ငါ ဆွေးနွေးပြီးသော်လည်း သင်တို့၏ လက်ရှိ အခြေအနေနှင့် လက်ရှိ ဝိညာဉ်အသက်တာအရ သင်တို့၏ စိတ်အားထက်သန်မှု မကုန်ခန်းစေရန်အတွက် ငါသည် ပို၍ကြီးမားသော မည်သည့် တောင်းဆိုချက်များကိုမျှ ပြုလုပ်မည်မဟုတ်ပေ။ ထိုသို့လုပ်ခြင်းသည် သင်တို့၏ စိတ်နှလုံးများကို စိတ်ဓာတ်ကျစရာ မြောက်များစွာနှင့် ပြည့်နှက်စေ၍ သင့်အား ဘုရားသခင်အပေါ် စိတ်ပျက်မှု မြောက်များစွာကို ခံစားရစေနိုင်ပါသည်။ ယင်းအစား သင်တို့သည် သင်တို့၏ စိတ်နှလုံးထဲ၌ရှိသည့် ဘုရားသခင်၏ ချစ်ခြင်းမေတ္တာကို အသုံးပြုနိုင်ပြီး ရှေ့တွင်ရှိသည့်လမ်းကြောင်း၌ လျှောက်လှမ်းသည့်အခါ ဘုရားသခင်အပေါ် ရိုသေလေးစားသော သဘောထားတစ်ခုကို အသုံးပြုနိုင်မည်ဟု ငါမျှော်လင့်ပါသည်။ ဘုရားသခင် အပေါ် မည်သို့ယုံကြည်ရမည့် အကြောင်းအရာကို အိုးနင်းခွက်နင်း မပြုနှင့်။ ယင်းကို အကြီးမားဆုံးသော ရှိရင်းစွဲပြဿနာများထဲမှ တစ်ခုအဖြစ် သဘောထားလော့။ ၎င်းကို သင်၏ စိတ်နှလုံးထဲ၌ ထားလော့၊ ၎င်းကို လက်တွေ့လုပ်ဆောင်ပြီး၊ ၎င်းကို လက်တွေ့ဘဝနှင့် ဆက်စပ်လော့။ နှုတ်ပြောမျှဖြင့်သာ မပြုကြနှင့်၊ အဘယ်ကြောင့်ဆိုသော် ဤအရာမှာ သေရေးရှင်ရေး ကိစ္စတစ်ခုဖြစ်ပြီး သင်၏ ကံတရားကို ဆုံးဖြတ်မည့် ကိစ္စတစ်ခု ဖြစ်သည်။ ၎င်းကို ဟာသတစ်ခုအဖြစ် သို့မဟုတ် အလွန်လွယ်ကူသောအရာ တစ်ခုကဲ့သို့ သဘောမထားကြလေနှင့်။ ဤနှုတ်ကပတ်တော်များကို သင်တို့အား ယနေ့ ငါဝေငှပြီးနောက်တွင် သင်တို့၏ စိတ်နှလုံးက သိနားလည်ခြင်း အဘယ်မျှ ဆွတ်ခူးထားသည်ကို ငါသိလိုသည်။ ယနေ့ ဤနေရာတွင် ငါပြောခဲ့ပြီးသော အရာများနှင့်ပတ်သက်၍ သင်တို့မေးလိုသော မေးခွန်းတစ်စုံတစ်ရာ ရှိသလော။

ဤအကြောင်းအရာများမှာ အနည်းငယ် အသစ်ဖြစ်ပြီး သင်တို့၏ အမြင်များ၊ သင်တို့၏ ပုံမှန် လေ့လာလိုက်စားမှုများနှင့် အာရုံစိုက်သောအရာများနှင့် အနည်းငယ် ခြားနားသော်လည်း ၎င်းတို့ကို အချိန်ကာလတစ်ခုအထိ သင်တို့ မိတ်သဟာယပြုပြီးသည့်အခါ ဤနေရာတွင် ငါပြောခဲ့ပြီးသော အရာတိုင်းအပေါ် သင်တို့၌ သာမန်သိနားလည်ခြင်း တိုးပွားလာမည်ဟု ငါထင်ပါသည်။ ဤအရာများမှာ လုံးဝအသစ်ချည်းဖြစ်ပြီး ယခင်က သင်တို့ ဆင်ခြင်သုံးသပ်ခြင်း လုံးဝမရှိခဲ့ဖူးသော အကြောင်းအရာအသစ်များ ဖြစ်သောကြောင့် ၎င်းတို့က မည်သည့်နည်းနှင့်မျှ သင်တို့၏ဝန်ကို ထပ်တိုးစေလိမ့်မည် မဟုတ်ဟု ငါမျှော်လင့်ပါသည်။ ငါသည် ယနေ့ ဤ နှုတ်ကပတ်တော်များကို သင်တို့အား ခြောက်လှန့်ရန် ပြောနေခြင်း မဟုတ်သည့်အပြင် သင်တို့ကို အရေးယူမည့် နည်းလမ်းတစ်ခုအဖြစ် အသုံးပြုနေခြင်းလည်း မဟုတ်ပေ။ ထို့ထက် ငါ၏ရည်မှန်းချက်မှာ အမှန်တရား၏ တကယ့် အချက်အလက်များကို သင်တို့နားလည်ဖို့ အကူအညီပေးရန်ပင် ဖြစ်သည်။ လူသားမျိုးနွယ်နှင့် ဘုရားသခင်အကြားတွင် ကွာဟချက်တစ်ခုရှိသောကြောင့် လူတို့သည် ဘုရားသခင်ကို ယုံကြည်ကြသော်လည်း သူတို့သည် ဘုရားသခင်ကို မည်သည့်အခါမျှ နားလည်ခြင်း သို့မဟုတ် သူ၏သဘောထားကို သိခြင်း မရှိခဲ့ပေ။ လူတို့သည် ဘုရားသခင်၏ သဘောထားအတွက် သူ၏ အလေးထားမှုတွင် မည်သည့်အခါမျှ စိတ်အားထက်သန်ခဲ့ဖူးခြင်းလည်း မရှိပေ။ ထို့ထက် သူတို့သည် မမြင်မကန်းနှင့် ယုံကြည်လျက် ရှေ့ဆက်ခဲ့ပြီး ဘုရားသခင်အပေါ် သူတို့၏ သိခြင်းနှင့် နားလည်မှုတွင် အရေးထားခဲ့ခြင်း မရှိပေ။ ထို့ကြောင့် ငါသည် သင်တို့အတွက် ဤအကြောင်းအရာများကို ရှင်းလင်းရန်နှင့် သင်တို့ ယုံကြည်သော ဤဘုရားသခင်မှာ မည်ကဲ့သို့သော ဘုရားသခင်မျိုးဖြစ်ကြောင်းသာမက သူသည် မည်သည့်အရာကို စဉ်းစားနေကြောင်း၊ မတူညီသော လူအမျိုးမျိုးအပေါ် သူ၏ဆက်ဆံမှု၌ သူ၏သဘောထားမှာ မည်သည့်အရာဖြစ်ကြောင်း၊ သူ၏ သတ်မှတ်ချက်များ ဖြည့်ဆည်းခြင်းမှ သင်တို့ မည်မျှဝေးကွာနေကြောင်းနှင့် သင်တို့၏ လုပ်ဆောင်ချက်များနှင့် သူတောင်းဆိုသော စံနှုန်းအကြား ကွာဟချက်မှာ မည်မျှကြီးမားကြောင်း သင်တို့ နားလည်စေဖို့ မဖြစ်မနေကူညီရမည်ဟု ငါခံစားရသည်။ ဤအရာများကို သင်တို့အား အသိပေးခြင်း၏ ရည်မှန်းချက်မှာ မိမိကိုယ်ကိုယ် တိုင်းတာရမည့် စံတစ်ခုကိုပေးရန် ဖြစ်ပြီး သို့မှသာ သင်တို့ရှိနေသောလမ်းသည် မည်ကဲ့သို့သော အကျိုးဆက်မျိုးရှိရာဆီ ဦးတည်နေပြီဖြစ်ကြောင်း၊ ဤလမ်းပေါ်တွင် သင်တို့မရရှိသေးသော အရာများနှင့် မည်သည့်နယ်ပယ်များတွင် သင်တို့ တကယ်မပါဝင်ရသေးကြောင်း သင်တို့ သိလိမ့်မည်ဖြစ်သည်။ သင်တို့အကြားတွင် မိတ်သဟာယပြုသောအခါ သင်တို့သည် အတိုင်းအတာ အလွန်ကျဉ်းမြောင်းပြီး အချက်အလက်၌ အလွန်တိမ်ပါးသည့် ဆွေးနွေးနေကျ အကြောင်းအရာများ အနည်းငယ်အပေါ်တွင် အများအားဖြင့် ပြောဆိုလေ့ရှိကြသည်။ သင်တို့ ဆွေးနွေးသောအရာနှင့် ဘုရားသခင်၏ ရည်ရွယ်ချက်များအကြား၌ လည်းကောင်း၊ သင်တို့၏ ဆွေးနွေးချက်များနှင့် ဘုရားသခင့် တောင်းဆိုချက်များ၏ အတိုင်းအတာနှင့် စံနှုန်းအကြားတွင် လည်းကောင်း အကွာအဝေးတစ်ခု၊ ကွာဟချက်တစ်ခု ရှိသည်။ ဤကဲ့သို့ ရှေ့ဆက်ခြင်းဖြင့် အချိန်ကြာလာသည်နှင့်အမျှ သင်တို့၏ လမ်းလွဲခြင်းကို ဘုရားသခင်၏ လမ်းမှ ပို၍ပို၍ ဝေးကွာသွားစေလိမ့်မည် ဖြစ်သည်။ သင်တို့သည် ဘုရားသခင်၏ လက်ရှိနှုတ်ကပတ်တော်များကို ယူ၍ ၎င်းတို့ကို ကိုးကွယ်ရာပစ္စည်းများအဖြစ် ပြောင်းလဲကာ၊ ၎င်းတို့ကို ထုံးတမ်းဓလေ့များနှင့် စည်းမျဉ်းများအဖြစ် ရှုမြင်နေကြသည်။ ၎င်းမှာ သင်တို့လုပ်နေသမျှပင် ဖြစ်သည်။ အမှန်စင်စစ်အားဖြင့် ဘုရားသခင်သည် သင်တို့၏ စိတ်နှလုံးထဲ၌ နေရာလုံးလုံး မရှိသည့်အပြင် သူသည် သင်တို့၏ စိတ်နှလုံးကို မည်သည့်အခါမျှ အမှန်တကယ် မရရှိခဲ့ပေ။ လူအချို့က ဘုရားသခင်ကို သိရန်မှာ အလွန်ခက်ခဲသည်ဟု ထင်ကြပြီး ဤသည်မှာ အမှန်တရားပင် ဖြစ်သည်။ ခက်ခဲပေစွ။ လူတို့ကို အပြင်ပန်းအားဖြင့် ၎င်းတို့၏ တာဝန်များကို လုပ်ဆောင်ရန်နှင့် အမှုအရာများကို လုပ်ဆောင်ပြီးစီးစေရန်အပြင် ကြိုးစားလုပ်ဆောင်ရန် ခိုင်းစေပါက၊ လူတို့က ဘုရားသခင်ကို ယုံကြည်ခြင်းမှာ အလွန်လွယ်ကူသည်ဟု ထင်ကြလိမ့်မည်၊ အဘယ်ကြောင့်ဆိုသော် ထိုအရာ အားလုံးမှာ လူ့တတ်နိုင်စွမ်း၏ အတိုင်းအတာအတွင်း၌ ရှိခြင်းကြောင့်ဖြစ်သည်။ သို့သော်လည်း ဘုရားသခင်၏ ရည်ရွယ်ချက်များနှင့် လူသားတို့အပေါ် ဘုရားသခင်၏ သဘောထားဘက်သို့ အကြောင်းအရာ ပြောင်းသွားသည့်အခါ လူတိုင်း၏ ရှုထောင့်မှနေ၍ အမှုအရာများက အမှန်တကယ် အနည်းငယ်ပို၍ ခက်ခဲလာသည်။ ယင်းမှာ အဘယ်ကြောင့်ဆိုသော် ဤအရာတွင် သမ္မာတရားအပေါ် လူတို့၏ နားလည်မှုနှင့် စစ်မှန်မှုထဲ သူတို့၏ ဝင်ရောက်ခြင်း ပါဝင်သောကြောင့် ဖြစ်သည်၊ ထို့ကြောင့် ခက်ခဲမှု အတိုင်းအတာတစ်ခု အမှန်ပင် ရှိမည်ဖြစ်လေသည်။ သို့သော်လည်း သင်သည် ပထမတံခါးကို ဖြတ်ကျော်ပြီး ဝင်ရောက်မှုကို စတင်ရရှိပြီးနောက်တွင် ၎င်းတို့သည် တဖြည်းဖြည်း ပို၍ လွယ်ကူလာမည် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၁၈)

ဘုရားသခင်ကို ကြောက်ရွံခြင်း၏အစမှာ သူ့အား ဘုရားသခင်အဖြစ် ဆက်ဆံခြင်း ဖြစ်သည်

တစ်စုံတစ်ဦးက ကျွန်ုပ်တို့သည် ဘုရားသခင်ကို ယောဘထက်ပင် ပို၍သိသော်လည်း ဘုရားသခင်ကို ကျွန်ုပ်တို့ ကြောက်ရွံ့ခြင်း မရှိနိုင်သေးသည်မှာ အဘယ်သို့နည်းဟူသော မေးခွန်းတစ်ခုကို ခုလေးတင် မေးခဲ့၏။ ဤအကြောင်းနှင့်ပတ်သက်၍ ယခင်က ကျွန်ုပ်တို့ အနည်းငယ် ဆွေးနွေးခဲ့သည် မဟုတ်လော။ အမှန်အားဖြင့် ဤမေးခွန်း၏ အနှစ်သာရကိုလည်း ယခင်က ကျွန်ုပ်တို့ ဆွေးနွေးခဲ့ပြီးဖြစ်သည်၊ ၎င်းမှာ ယောဘသည် ထိုစဉ်အချိန်က ဘုရားသခင်ကို မသိခဲ့သော်လည်း သူသည် ဘုရားသခင်ကို ဘုရားသခင်အဖြစ် ဆက်ဆံခဲ့ပြီး သူ့အား ကောင်းကင်၊ မြေကြီးနှင့် အရာခပ်သိမ်းတို့၏ အရှင်သခင်အဖြစ် မှတ်ယူခဲ့သည် ဟူသောအချက် ဖြစ်သည်။ ယောဘသည် ဘုရားသခင်အား ရန်သူတစ်ဦးအဖြစ် သဘောထားခဲ့ခြင်းမရှိပေ။ ယင်းထက်၊ သူသည် ဘုရားသခင်အား အရာခပ်သိမ်း၏ ဖန်ဆင်းရှင်အဖြစ် ကိုးကွယ်ခဲ့သည်။ ယနေ့ခေတ် လူတို့သည် ဘုရားသခင်ကို အဘယ်ကြောင့် အလွန်ပင် ဆန့်ကျင်ကြသနည်း။ ဘုရားသခင်ကို သူတို့ အဘယ်ကြောင့် မကြောက်ရွံ့နိုင်သနည်း။ အကြောင်းရင်းတစ်ခုမှာ ၎င်းတို့သည် စာတန်၏ အလွန်အမင်း ဖျက်ဆီးခြင်းကို ခံထားရပြီး အလွန်အမင်း အရိုးစွဲနေသည့် ဆိုးယုတ်သော သဘာဝနှင့်အတူ သူတို့သည် ဘုရားသခင်၏ ရန်သူများ ဖြစ်လာကြပြီဖြစ်သည်။ ထို့ကြောင့် ၎င်းတို့သည် ဘုရားသခင်ကို ယုံကြည်ပြီး လက်ခံကြသော်လည်း ၎င်းတို့သည် ဘုရားသခင်ကို အတိုက်အခံပြုပြီး ၎င်းတို့ကိုယ်ကို ဘုရားသခင်အား ဆန့်ကျင်သည့် အခြေအနေတွင် ရောက်နိုင်ကြသေးကြသည်။ ဤအရာကို လူသား သဘာဝအားဖြင့် ဆုံးဖြတ်ထားခြင်း ဖြစ်သည်။ အခြားသော အကြောင်းရင်းမှာ ဘုရားသခင်၌ သူတို့၏ယုံကြည်မှု ရှိလင့်ကစား လူတို့သည် ဘုရားသခင်ကို ဘုရားသခင်အဖြစ် တကယ့်ကို သဘောမထားကြပေ။ ယင်းအစား၊ သူတို့က ဘုရားသခင်ကို လူ၏ ဆန့်ကျင်ဘက်အဖြစ် သဘောထားကြသည်၊ သူ့ကို သူတို့၏ ရန်သူအဖြစ် မှတ်ယူကြပြီး ၎င်းတို့သည် ဘုရားသခင်နှင့် မကျေအေးနိုင်ကြပေ။ ၎င်းမှာ ရိုးရှင်းပါသည်။ ဤအကြောင်းအရာသကို ယခင်အစည်းအဝေးအတွင်း၌ အစပျိုးထားခဲ့သည် မဟုတ်သလော။ ၎င်းကို စဉ်းစားကြည့်ပါ- ယင်းမှာ အကြောင်းရင်း မဟုတ်သလော။ သင်၌ ဘုရားသခင်အကြောင်း အနည်းငယ်သော သိနားလည်ခြင်း ရှိသော်လည်း ဤသိနားလည်ခြင်းက မည်သည့်အရာကို ဖြစ်ပေါ်စေသနည်း။ ဤအရာမှာ အယောက်တိုင်းက ပြောနေသော အရာဖြစ်သည် မဟုတ်သလော။ ၎င်းမှာ ဘုရားသခင် သင့်အား ပြောခဲ့သောအရာ ဖြစ်သည် မဟုတ်သလော။ သင်သည် အယူအဆဆိုင်ရာနှင့် သြဝါဒဆိုင်ရာ ရှုထောင့်များကိုသာ အကျွမ်းတဝင်က ရှိသည်၊ သို့သော် သင်သည် ဘုရားသခင်၏ စစ်မှန်သော ရှုထောင့်ကို နားလည်သက်ဝင်ဖူးသလော။ သင်၌ ပုဂ္ဂလဓိဌာန်ကျသော သိနားလည်ခြင်းရှိသလော။ သင်၌ လက်တွေ့ကျသော သိနားလည်ခြင်းနှင့် အတွေ့အကြုံ ရှိသလော။ အကယ်၍ ဘုရားသခင်သည် သင့်အား မပြောထားခဲ့ပါက သင် သိနိုင်ခဲ့မည်လော။ သင်၏ အယူအဆဆိုင်ရာ သိနားလည်ခြင်းသည် စစ်မှန်သော သိနားလည်ခြင်းကို ကိုယ်စားမပြုပေ။ အချုပ်အားဖြင့် ယင်းကို သင် မည်မျှပင်သိပြီး သို့မဟုတ် သင် မည်သို့ပင် သိလာခဲ့သည်ဖြစ်စေ၊ ဘုရားသခင်အကြောင်း စစ်မှန်သော သိနားလည်ခြင်း တစ်ခုကို သင် မရမီတိုင်အောင် ဘုရားသခင်သည် သင်၏ ရန်သူဖြစ်လိမ့်မည် ဖြစ်ပြီး သင်သည် ဘုရားသခင်ကို အမှန်တကယ် ဘုရားသခင်ကဲ့သို့ စတင်ဆက်ဆံရသည်တိုင်အောင် သင်သည် စာတန်၏ ပြယုဂ်တစ်ခု ဖြစ်သောကြောင့် သင် အမှန်တကယ် သဘောမထားမီ သူသည် သင်ကို ဆန့်ကျင်ပေလိမ့်မည်။

သင်သည် ခရစ်တော်နှင့်အတူ ရှိသည့်အချိန်တွင် သင်သည် သူ့အား တစ်နေ့သုံးကြိမ် ထမင်းကျွေးခြင်း၊ သို့မဟုတ် သူ့အား လက်ဘက်ရည် တည်ခင်းပေးခြင်းနှင့် သူ၏ ဘဝလိုအပ်ချက်များကို ကူညီလုပ်ဆောင်ပေးခြင်း ရှိကောင်းရှိနိုင်ပြီး ခရစ်တော်ကို ဘုရားသခင်အဖြစ် သဘောထားသည့်ပုံ ပေါက်မည်ဖြစ်သည်။ တစ်စုံတစ်ခု ဖြစ်သည့်အခါတိုင်း လူတို့၏ ရှုထောင့်များမှာ ဘုရားသခင်၏ ရှုထောင့်များနှင့် အမြဲဆန့်ကျင်ဘက် ဖြစ်သည်။ လူတို့သည် ဘုရားသခင်၏ရှုထောင့်ကို နားလည်ရန်နှင့် လက်ခံရန် အမြဲပျက်ကွက်ကြသည်။ လူတို့သည် ဘုရားသခင်နှင့် အပေါ်ယံအားဖြင့် အဆင်ပြေကောင်း ပြေနိုင်သော်လည်း ဤသည်မှာ ၎င်းတို့သည် သူနှင့် သဟဇာတဖြစ်သည်ဟု မဆိုလိုပါ။ တစ်စုံတစ်ခု ဖြစ်လျှင်ဖြစ်ချင်း လူသားတို့၏ မနာခံခြင်း အမှန်တရားသည် ထွက်ပေါ်လာပြီး လူသားများနှင့် ဘုရားသခင်ကြား၌ရှိသော ရန်လိုမှုကို ခိုင်မာစေလျက်ရှိသည်။ ဤရန်လိုမှုမှာ ဘုရားသခင်က လူကို ဆန့်ကျင်နေခြင်း သို့မဟုတ် ဘုရားသခင်က လူအပေါ် ရန်လိုရန် ဆန္ဒရှိနေခြင်းမျိုး မဟုတ်သည့်အပြင်၊ ယင်းမှာ သူက လူတို့ကို သူ၏ ဆန့်ကျင်ဘက်၌ထားပြီး သူတို့ကို ထိုကဲ့သို့ ဆက်ဆံနေခြင်းမျိုးလည်း မဟုတ်ပေ။ ထို့ထက် လူသားများ၏ ပုဂ္ဂလဓိဌာန်ကျသော အလိုဆန္ဒနှင့် သူတို့၏ မသိစိတ်ထဲတွင် ဖြစ်ပေါ်နေသည့် ဘုရားသခင်အား ဆန့်ကျင်ဘက်ပြုသော ဤအနှစ်သာရကိစ္စပင် ဖြစ်သည်။ လူတို့သည် ဘုရားသခင်ထံမှလာသည့် အရာခပ်သိမ်းကို သူတို့၏ သုတေသနပြုစရာများအဖြစ် မှတ်ယူခြင်းကြောင့် ဘုရားသခင်ထံမှ လာသည့်အရာအပေါ်နှင့် ဘုရားသခင် ပါဝင်ပတ်သက်သော အရာတိုင်းအပေါ် သူတို့၏ တုံ့ပြန်မှုမှာ အဓိကအားဖြင့် မှန်းဆခြင်း၊ သံသယဖြစ်ခြင်းနှင့်၊ ဘုရားသခင်ကိုဆန့်ကျင်ပြီး ပုန်ကန်တတ်သော သဘောထားတစ်ခုကို အလျင်အမြန်ခံယူခြင်းတို့ပင် ဖြစ်သည်။ များမကြာမီတွင် လူတို့သည် အပျက်သဘောဆောင်သော စိတ်နေစိတ်ထားတစ်ခုကိုယူကာ ထိုကဲ့သို့သော ဘုရားသခင်ကို နောက်လိုက်ဖို့ ထိုက်တန်မထိုက်တန် သံသယဖြစ်သည့် အဆင့်အထိ ဘုရားသခင်နှင့် ငြင်းခုံခြင်းများ သို့မဟုတ် ယှဉ်ပြိုင်ခြင်းများသို့ ရောက်ရှိကြသည်။ သူတို့၏ ဆင်ခြင်တုံတရားက သူတို့သည် ဤပုံစံအတိုင်း ရှေ့မဆက်သင့်ကြောင်း ပြောသော်လည်း သူတို့သည် အလိုလို ထိုသို့လုပ်ရန် ရွေးချယ်လိမ့်မည်ဖြစ်ပြီး အဆုံးတိုင်အောင် တွန့်ဆုတ်ခြင်းမရှိဘဲ ရှေ့ဆက်ဦးမည့် သဘောဖြစ်သည်။ ဥပမာအားဖြင့်၊ လူအချို့သည် ဘုရားသခင် နှင့်ပတ်သက်သည့် ကောလာဟလများ သို့မဟုတ် မဟုတ်မမှန် ပြောသောစကားကို ကြားသည့်အခါ ၎င်းတို့ ပြုလုပ်တတ်သည့် ပထမဆုံးတုံ့ပြန်ချက်မှာ အဘယ်နည်း။ သူတို့၏ ပထမဆုံးတုံ့ပြန်ချက်မှာ ဤကောလာဟလများ မှန်မမှန်နှင့် ဤကောလာဟလများ တကယ်ရှိမရှိကို စဉ်းစားရန်နှင့် စောင့်ကြည့်တတ်သည့် စိတ်ထားကို ခံယူရန်ပင် ဖြစ်သည်။ ထို့နောက် သူတို့သည် “ဤအရာကို မှန်ကန်ကြောင်း အတည်ပြုရန် စစ်ဆေးမည့် နည်းလမ်းမရှိပေ။ ၎င်းမှာ အမှန်တကယ် ဖြစ်ပျက်သလော။ ဤ ကောလာဟလက မှန်သလော သို့မဟုတ် မမှန်သလော” ဟူ၍ စတင် စဉ်းစားကြသည်။ ဤကဲ့သို့သော လူတို့သည် အပေါ်ယံတွင် ဤသို့ မဖော်ပြသော်လည်း ၎င်းတို့၏ စိတ်နှလုံးထဲက စတင်သံသယရှိထားပြီဖြစ်ပြီး ဘုရားသခင်ကို စတင်၍ ငြင်းပယ်ထားပြီး ဖြစ်သည်။ ဤကဲ့သို့သော သဘောထားနှင့် ဤကဲ့သို့သော ရှုထောင့်၏ အနှစ်သာရမှာ အဘယ်နည်း။ ၎င်းမှာ သစ္စာဖောက်ခြင်းပင် မဟုတ်လော။ ဤအကြောင်းအရာကို ၎င်းတို့ မရင်ဆိုင်ရမချင်း ဤလူတို့၏ ရှုထောင့်များမှာ အဘယ်အရာဖြစ်ကြောင်းကို သင်မမြင်နိုင်ပေ။ ၎င်းတို့သည် ဘုရားသခင်နှင့် ကွဲပြားဆန့်ကျင်မှု မရှိသကဲ့သို့၊ ထို့ပြင် ၎င်းတို့သည် ဘုရားသခင်ကို ရန်သူတစ်ဦးအဖြစ် မှတ်ယူခြင်း မရှိသကဲ့သို့ ထင်ရသည်။ သို့သော်လည်း ၎င်းတို့သည် ပြဿနာတစ်ခုကို ရင်ဆိုင်ရလျှင်ရချင်း စာတန်ဘက်၌ ချက်ချင်း ရပ်တည်ကာ ဘုရားသခင်ကို ပုန်ကန်ကြလေသည်။ ဤအရာက မည်သည့်အရာကို ညွှန်ပြသနည်း။ ၎င်းမှာ လူနှင့် ဘုရားသခင်သည် ဆန့်ကျင်ဘက် ဖြစ်ကြောင်းကို ညွှန်ပြပေသည်။ ဘုရားသခင်က လူသားတို့ကို ရန်သူအဖြစ် မှတ်ယူသည် မဟုတ်သော်လည်း လူ၏အနှစ်သာရ ကိုယ်၌က ဘုရားသခင်အပေါ် ရန်လိုခြင်းပင် ဖြစ်သည်။ တစ်စုံတစ်ဦးသည် ဘုရားသခင်နောက်သို့ မည်မျှကြာကြာ လိုက်ခဲ့ပြီးပါစေ သို့မဟုတ် ၎င်းတို့သည် မည်မျှကြီးမားစွာ ပေးဆပ်ခဲ့ပြီးပါစေ၊ ထို့ပြင် သူတို့က ဘုရားသခင်ကို မည်သို့ပင် ချီးမွမ်းပါစေ၊ သူတို့က ဘုရားသခင်ကို အတိုက်အခံမပြုမိရန် မိမိကိုယ်ကိုယ် မည်သို့ရှောင်ပါစေ၊ သူတို့က ဘုရားသခင်ကို ချစ်ရန် မိမိကိုယ်ကိုယ် မည်သို့ပင် အစွမ်းကုန်နှိုးဆော်ပါစေ သူတို့သည် ဘုရားသခင်ကို ဘုရားသခင်အဖြစ် မည်သည့်အခါမျှ ဆက်ဆံနိုင်ခြင်း မရှိပေ။ ဤအရာကို လူတို့၏ အနှစ်သာရအားဖြင့် အဆုံးအဖြတ်ပေးသည် မဟုတ်လော။ အကယ်၍ သင်သည် သူ့ကို ဘုရားသခင်အဖြစ် သဘောထားပြီး သူ့ကို ဘုရားသခင်ဖြစ်သည်ဟု စစ်မှန်စွာ ယုံကြည်ပါက သင်၌ သူ့အပေါ် သံသယတစ်စုံတစ်ရာ ရှိနိုင်သေးသလော။ သင်၏စိတ်နှလုံးက သူနှင့်ပတ်သက်၍ ယုံမှားသံသယဖြစ်ခြင်း တစ်စုံတစ်ရာ ကိန်းအောင်းစေနိုင်ဦးမည်လော။ နောက်ထပ်မရှိနိုင်သည် မဟုတ်လော။ ဤလောက၏ ဦးတည်ရာများမှာ အလွန်ဆိုးယုတ်ပြီး ဤလူသားမျိုးသည်လည်း အလွန်ဆိုးယုတ်သည်ဆိုလျှင် သင်၌ ၎င်းတို့နှင့်ပတ်သက်၍ မည်သည့်အယူအဆမျှ မရှိသည်မှာ အဘယ်သို့ ဖြစ်နိုင်မည်နည်း။ သင်ကိုယ်တိုင်ပင်လျှင် အလွန်ကောက်ကျစ်သည်ဆိုလျှင် သင်၌ ၎င်းနှင့်ပတ်သက်၍ အယူအဆတစ်ခုမျှ မရှိသည်မှာ အဘယ်သို့နည်း။ သို့သော်လည်း ကောလာဟလ အနည်းငယ်နှင့် မဟုတ်မမှန် စကားအချို့က ဘုရားသခင်နှင့်ပတ်သက်၍ ထိုမျှကြီးမားသော အယူအဆများကို ဖြစ်ပေါ်စေနိုင်ပြီး သင်၏ စိတ်ကူးစိတ်သန်း၌ များစွာသောအရာတို့ကို ပေါ်လာစေနိုင်သည်၊ ၎င်းက သင်၏ ဝိညာဉ်အသက်တာ အဘယ်မျှ ရင့်ကျက်မှုမရှိကြောင်းကို ပြသသည်တကား။ ခြင်အနည်းငယ်နှင့် ရွံစရာကောင်းသော ယင်ကောင်အနည်းငယ် “တဝီဝီ” မြည်သံအလား သင့်ကို လှည့်စားရန် ဤမျှသာ လိုအပ်သလော။ ဤသည်မှာ မည်ကဲ့သို့သော လူအမျိုးအစားနည်း။ ဤကဲ့သို့သော လူတို့ကို ဘုရားသခင်သည် မည်ကဲ့သို့ယူဆကြောင်း သင်သိသလော။ ဘုရားသခင်သည် ဤလူများကို ဆက်ဆံပုံနှင့်စပ်လျဉ်း၍ သူ၏သဘောထားမှာ အမှန်အားဖြင့် အလွန် ရှင်းလင်းပါသည်။ ဤလူတို့အား ဘုရားသခင်၏ ဆက်ဆံမှုမှာ ၎င်းတို့အား တမင်အဖက်မလုပ်ခြင်းသာ ဖြစ်ကာ၊ သူ၏ သဘောထားမှာ ၎င်းတို့အား မည်သည့်အာရုံစိုက်မှုမျှ မပြုခြင်းနှင့် ပညာမဲ့သော ဤလူတို့အား အလေးအနက် မထားခြင်းပင် ဖြစ်သည်။ အဘယ်ကြောင့် ဖြစ်သနည်း။ ယင်းမှာ အဘယ်ကြောင့်ဆိုသော် သူ၏ စိတ်နှလုံးထဲတွင် သူ့အပေါ် အဆုံးအထိပင် ရန်လိုဖို့ ကတိပြုခဲ့ပြီး သူနှင့် သဟဇာတကျမည့် လမ်းခရီးကို ရှာဖွေရန်အတွက် မည်သည့်အခါမျှ မရည်ရွယ်ထားသော ထိုလူများကိုရယူရန် ဘုရားသခင်သည် လုံးဝ မကြံစည်ခဲ့သောကြောင့် ဖြစ်သည်။ ငါမိန့်မြွက်ထားသော ဤနှုတ်ကပတ်တော်များက လူတစ်ချို့ကို နာကျင်ကောင်း နာကျင်စေမည်။ ကောင်းပြီ၊ သင်တို့အား ငါ ဤသို့ အမြဲနာကျင်စေရန် သင်တို့ အလိုရှိသလော။ သင်တို့ အလိုရှိသည်ဖြစ်စေ မရှိသည်ဖြစ်စေ ငါပြောသမျှမှာ အမှန်တရား ဖြစ်သည်။ အကယ်၍ ငါသည် သင့်တို့အား ဤသို့ အမြဲတမ်းနာကျင်စေပြီး သင်၏အမာရွတ်များကို ထုတ်ဖော်ပြပါက သင်တို့၏ စိတ်နှလုံးထဲမှ အလွန်မြင့်မြတ်သော ဘုရားသခင်၏ ပုံသဏ္ဌာန်ကို ယင်းက ထိခိုက်စေမည်လော။ (မထိခိုက်စေပါ။) ယင်းက ထိခိုက်စေမည် မဟုတ်ကြောင်း ငါ လက်ခံသည်။ အဘယ်ကြောင့်ဆိုသော် သင်တို့၏ စိတ်နှလုံးထဲ၌ ဘုရားသခင် မရှိခြင်းကြောင့်သာလျှင် ဖြစ်သည်။ သင်၏ စိတ်နှလုံးထဲ၌ နေထိုင်သော အလွန်မြင့်မြတ်သည့် ဘုရားသခင်၊ သင်တို့ အပြင်းအထန် ခုခံပြီး ကာကွယ်သောသူမှာ ဘုရားသခင် မဟုတ်ပေ။ ထို့ထက် သူသည် လူ့စိတ်အာရုံ၏ စိတ်ကူးသက်သက်ဖြစ်သည်၊ သူသည် တကယ်ပင် မတည်ရှိပေ။ ထို့ကြောင့် ငါသည် ဤပဟေဠိ၏ အဖြေကို ဖော်ထုတ်ခြင်းမှာ ပို၍ပင်ကောင်းပေသည်။ ဤအရာက သမ္မာတရားတစ်ခုလုံးကို ဖွင့်ချသည်မဟုတ်လော။ စစ်မှန်သော ဘုရားသခင်မှာ လူသားများက သူ အဘယ်အရာဖြစ်မည်ဟု စိတ်ကူးကြသည့်အရာ မဟုတ်ပေ။ ဤအမှန်တရားကို သင်တို့အားလုံး ရင်ဆိုင်နိုင်မည်ဟု ငါမျှော်လင့်ပြီး ၎င်းက ဘုရားသခင်အပေါ် သင်တို့၏ သိနားလည်ခြင်းအတွက် အထောက်အကူပြုလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၁၉)

ဘုရားသခင်၏ အသိအမှတ်ပြုခြင်းမခံရသော ထိုလူများ

ဘုရားသခင်၏ စိတ်နှလုံးထဲတွင် သူတို့၏ယုံကြည်ချက် မည်သည့်အခါမျှ အသိအမှတ်ပြုမခံရသော လူတစ်ချို့ ရှိလေသည်။ တစ်နည်းအားဖြင့် ဘုရားသခင်က ထိုလူများသည် သူ၏နောက်လိုက်များ ဖြစ်သည်ဟု အသိအမှတ်မပြုပေ၊ အဘယ်ကြောင့်ဆိုသော် သူသည် ၎င်းတို့၏ ယုံကြည်မှုများကို ချီးကျူးခြင်းမရှိပေ။ ဤလူများမှာမူ ဘုရားသခင်နောက်သို့ နှစ်ပေါင်းမည်မျှ သူတို့လိုက်ခဲ့ပြီးသည်ဖြစ်စေ ၎င်းတို့၏ အတွေးများနှင့် အမြင်များမှာ မည်သည့်အခါမျှ ပြောင်းလဲခြင်း မရှိပါပေ။ ၎င်းတို့သည် မယုံကြည်သူများကဲ့သို့ပင် ဖြစ်ကာ မယုံကြည်သူများ၏ နိယာမများနှင့် အမှုအရာများ လုပ်ပုံလုပ်နည်းများအပြင် မယုံကြည်သူများ၏ အသက်ရှင်သန်ရေးနှင့် ယုံကြည်မှုဆိုင်ရာ ပညတ်ချက်များကို လိုက်နာစောင့်ထိန်းကြသည်။ ၎င်းတို့သည် ဘုရားသခင်၏ နှုတ်ကပတ်တော်ကို ၎င်းတို့၏ အသက်အဖြစ် မည်သည့်အခါမျှ လက်ခံခဲ့ခြင်းမရှိ၊ ဘုရားသခင်၏ နှုတ်ကပတ်တော်သည် သမ္မာတရားဖြစ်ကြောင်း မည်သည့်အခါမျှ ယုံကြည်ခဲ့ခြင်းမရှိ၊ ဘုရားသခင်၏ ကယ်တင်ခြင်းကို လက်ခံရန် မည်သည့်အခါမျှ ရည်ရွယ်ခဲ့ခြင်း မရှိသည့်အပြင် ဘုရားသခင်ကို ၎င်းတို့၏ ဘုရားသခင်အဖြစ် မည်သည့်အခါမျှ လက်ခံခဲ့ခြင်း မရှိကြပေ။ ဘုရားသခင်အား ယုံကြည်ခြင်းကို အပျော်တမ်း ဝါသနာတစ်မျိုးအဖြစ် ၎င်းတို့က မှတ်ယူကြပြီး ဘုရားသခင်ကို ဝိညာဉ်ရေးရာ အာဟာရအဖြစ်မျှသာ သဘောထားကြသည်။ သို့ဖြစ်၍ ၎င်းတို့က ဘုရားသခင်၏ စိတ်နေသဘောထား သို့မဟုတ် အနှစ်သာရကို ကြိုးစား၍ နားလည်ဖို့ မထိုက်တန်ပါဟု ထင်ကြသည်။ စစ်မှန်သောဘုရားသခင်နှင့် စပ်လျဉ်းသော အရာမှန်သမျှမှာ ဤလူတို့နှင့် မသက်ဆိုင်ပါဟု ဆိုနိုင်ပါသည်။ ၎င်းတို့သည် အာရုံစိုက်မှုပေးရန် စိတ်ဝင်စားခြင်း မရှိသည့်အပြင် စိတ်အနှောင့်အယှက်လည်း မခံနိုင်ကြပေ။ ဤသည်မှာ အဘယ်ကြောင့်ဆိုသော် ၎င်းတို့၏ စိတ်နှလုံးထဲ၌ “ဘုရားသခင်ကို မျက်မြင်မရ၊ ကိုင်တွယ်၍မရသဖြင့် မတည်ရှိပါ” ဟူ၍ ၎င်းတို့အား အမြဲပြောနေသည့် အလွန်ပြင်းထန်သော အသံတစ်သံရှိနေသည်။ ဤကဲ့သို့သော ဘုရားသခင်မျိုးကို နားလည်ရန် ကြိုးစားခြင်းမှာ သူတို့ကြိုးပမ်းရကျိုးနပ်မည် မဟုတ်သည့်အပြင်၊ ထိုသို့ပြုလုပ်ခြင်းမှာ ၎င်းတို့ မိမိကိုယ်ကိုယ်သာ အရူးလုပ်ခြင်း ဖြစ်သည်ဟု ၎င်းတို့က ယုံကြည်ကြသည်။ ၎င်းတို့သည် အမှန်တကယ် မည်သည့်ရပ်တည်မှုမျှ မထားဘဲ ဘုရားသခင်ကို စကားလုံးများဖြင့်သာ အသိအမှတ်ပြုခြင်း သို့မဟုတ် မိမိကိုယ်ကိုယ် အမှန်တကယ် မည်သည့် လုပ်ရပ်ဆောင်ချက်၌မျှ ပေးဆပ်မှုမရှိခြင်းအားဖြင့် မိမိကိုယ်ကိုယ် တော်လှပြီဟု ယုံကြည်နေကြသည်။ ဘုရားသခင်သည် ဤသို့သောလူတို့အပေါ် မည်ကဲ့သို့ ထင်မြင်ယူဆသနည်း။ သူသည် ၎င်းတို့အား မယုံကြည်သူများအဖြစ် ရှုမြင်သည်။ လူအချို့က “မယုံကြည်သူများသည် ဘုရားသခင်၏ နှုတ်ကပတ်တော်များကို ဖတ်နိုင်သလော။ ၎င်းတို့သည် ၎င်းတို့၏ တာဝန်ကို ထမ်းရွက်နိုင်သလော။ ၎င်းတို့က ‘ကျွန်ုပ်သည် ဘုရားသခင်အတွက် အသက်ရှင်မည်’ ဟူသော စကားများကို ဆိုနိုင်သလော။” ဟု မေးကြသည်။ လူသားများက ယေဘုယျအားဖြင့် မြင်သောအရာမှာ လူတို့ အပေါ်ယံခင်းကျင်းသည့် ပြသချက်များပင် ဖြစ်သည်။ ၎င်းတို့သည် လူတို့၏ အနှစ်သာရကို မမြင်ကြပေ။ သို့သော်လည်း ဘုရားသခင်သည် ဤအပေါ်ယံ ပြသချက်များကို မကြည့်ပေ။ သူသည် ၎င်းတို့၏ အတွင်းမှ အနှစ်သာရကိုသာ ကြည့်သည်။ ထို့ကြောင့် ဤသည်မှာ ဤလူတို့အပေါ် ဘုရားသခင်ထားသည့် သဘောထားနှင့် အဓိပ္ပာယ်ဖွင့်ဆိုချက်မျိုးပင် ဖြစ်သည်။ ဤလူတို့က “ဘုရားသခင်သည် အဘယ်ကြောင့် ဤအရာကို ပြုသနည်း။ ဘုရားသခင်သည် အဘယ်ကြောင့် ထိုအရာကို ပြုသနည်း။ ဤအရာကို ကျွန်ုပ်နားမလည်ပါ၊ ထိုအရာကို ကျွန်ုပ်နားမလည်ပါ၊ ဤအရာသည် လူ၏အယူအဆများနှင့် မကိုက်ညီပါ၊ ၎င်းကို ကိုယ်တော် ကျွန်ုပ်အား ရှင်းပြရမည်။...” ဟု ပြောတတ်ကြသည်။ ဤအရာကို ဖြေဖို့အတွက် ငါပြန်မေးသည်မှာ- ဤအကြောင်းအရာများကို သင့်အား ရှင်းပြရန် အမှန်ပင် လိုအပ်သလော။ ဤအကြောင်းအရာများသည် အမှန်တကယ် သင်နှင့် တစ်စုံတစ်ရာ သက်ဆိုင်သလော။ သင့်ကိုယ်သင် မည်သူဟု သင်ထင်သနည်း။ သင် မည်သည့်နေရာမှ လာခဲ့သနည်း။ သင်သည် ဘုရားသခင်ကို အကြံဉာဏ်များ ပေးရန် အမှန်တကယ် အရည်အချင်း ပြည့်မီသလော။ သူ့ကို သင်ယုံကြည်သလော။ သူသည် သင်၏ယုံကြည်မှုကို အသိအမှတ် ပြုသလော။ သင်၏ယုံကြည်မှုသည် ဘုရားသခင်နှင့် မသက်ဆိုင်ခြင်းကြောင့် သူ၏ လုပ်ဆောင်မှုများတွင် သင်မည်သည့်အကြောင်းကိစ္စ ရှိသနည်း။ သင်သည် ဘုရားသခင်၏ စိတ်နှလုံးထဲတွင် မည်သည့်နေရာ၌ ရှိနေကြောင်းကို မသိသောကြောင့် သင်သည် ဘုရားသခင်နှင့် အပြန်အလှန်ဆွေးနွေးမှု ပြုလုပ်ရန် အဘယ်သို့ အရည်အချင်း ပြည့်မီနိုင်မည်လော။

သတိပေးချက်ဆိုင်ရာ နှုတ်ကပတ်တော်များ

ဤမှတ်ချက်များကို ကြားပြီးနောက်တွင် သင်တို့သည် နေမထိထိုင်မသာ မဖြစ်ကြသလော။ သင်တို့သည် ၎င်းတို့ကို နားထောင်ရန် အလိုမရှိခြင်း သို့မဟုတ် ၎င်းတို့ကို လက်ခံရန် အလိုမရှိခြင်း ဖြစ်ကောင်းဖြစ်နိုင်သော်လည်း ၎င်းတို့အားလုံးမှာ အမှန်တရားများပင် ဖြစ်သည်။ အမှု၏ ဤအဆင့်ကို ဘုရားသခင်လုပ်ဆောင်ရမည် ဖြစ်သောကြောင့် သင်တို့သည် သူ၏ ရည်ရွယ်ချက်များနှင့် မသက်ဆိုင်ပါက၊ သူ၏ သဘောထားကို အလေးထားမှု မရှိပါက၊ ထို့ပြင် သူ၏ အနှစ်သာရနှင့် စိတ်နေသဘောထားကို နားမလည်ပါက နောက်ဆုံးတွင် အခွင့်အရေးဆုံးရှုံးရမည့်သူမှာ သင်ဖြစ်လိမ့်မည်။ ငါ၏ နှုတ်ကပတ်တော်များမှာ နားထောင်ရန် ခက်ခဲသည့်အတွက် အပြစ်မတင်နှင့်၊ ထို့ပြင် သင်တို့၏ စိတ်အားထက်သန်မှု လျော့ကျခြင်းအတွက် ၎င်းတို့ကို အပြစ်မတင်ကြနှင့်။ ငါသည် အမှန်တရားကို ပြော၏။ သင်တို့ စိတ်ဓာတ်ကျစေရန်မှာ ငါ၏ ရည်ရွယ်ချက်မဟုတ်ပါ။ သင်တို့အား ငါ မည်သည့်အရာကို စေခိုင်းသည်ဖြစ်စေ၊ ထို့ပြင် ၎င်းကိုလုပ်ဆောင်ရန် သင်တို့အား မည်ကဲ့သို့ သတ်မှတ်ထားသည်ဖြစ်စေ သင်တို့သည် မှန်ကန်သောလမ်းကြောင်းကို လျှောက်ကာ ဘုရားသခင်၏လမ်းသို့ လိုက်လျှောက်မည့်အကြောင်းနှင့် မှန်ကန်သောလမ်းကြောင်းမှ မည်သည့်အခါမျှ လမ်းလွဲမသွားမည့်အကြောင်း၊ ငါ မျှော်လင့်ပါသည်။ အကယ်၍ သင်သည် ဘုရားသခင်၏ နှုတ်ကပတ်တော်နှင့်အညီ ရှေ့ဆက်ခြင်းမရှိပါက သို့မဟုတ် သူ၏ လမ်းခရီးနောက်သို့ မလိုက်လျှောက်ပါက သင်သည် ဘုရားသခင်ကို ပုန်ကန်နေပြီး မှန်ကန်သောလမ်းကြောင်းမှ သွေဖည်သွားပြီ ဖြစ်သည်မှာ သံသယဖြစ်စရာ မရှိနိုင်ပေ။ ထို့ကြောင့် သင်တို့ကို ငါ ရှင်းပြပေးရမည့် အကြောင်းအရာ အချို့ရှိပြီး တိတိကျကျ၊ ရှင်းရှင်းလင်းလင်းနှင့် မသေချာမှု တစ်စက်မျှမရှိဘဲ သင်တို့ကို ယုံကြည်စေရမည် ဖြစ်သည့်အပြင် ဘုရားသခင်၏ သဘောထား၊ သူ၏ ရည်ရွယ်ချက်များ၊ သူကလူကို စုံလင်အောင် ပြုလုပ်ပေးပုံနှင့် လူတို့၏ အဆုံးသတ်များကို မည်သည့်ပုံစံဖြင့် သူသတ်မှတ်ကြောင်း ရှင်းလင်းသော နားလည်မှုတစ်ခု သင်တို့ရရှိရန် ကူညီပေးရမည်ဖြစ်သည်ဟု ငါယူဆသည်။ သင်သည် ဤလမ်းကြောင်းကို မစတင်နိုင်သော နေ့ရက်တစ်ရက် ရောက်ခဲ့ပါလျှင် ငါ၌တာဝန်မရှိပေ၊ အကြောင်းမှာ ဤနှုတ်ကပတ်တော်များကို သင့်အား အလွန်ရှင်းလင်းစွာ ပြောခဲ့ပြီးပြီဖြစ်သည်။ သင်ကိုယ်တိုင်၏ အဆုံးသတ်ရလဒ်ကို သင် မည်သို့ကိုင်တွယ်ဖြေရှင်းသည် နှင့်စပ်လျဉ်း၍၊ ဤသည်မှာ သင့်အပေါ်၌ လုံးလုံးလျားလျား မူတည်သည့်ကိစ္စ ဖြစ်သည်။ ဘုရားသခင်၌ မတူညီသော လူအမျိုးအစားများ၏ အဆုံးသတ်ရလဒ်များနှင့် စပ်လျဉ်း၍ခြားနားသော သဘောထားများရှိသည်။ သူ၌ ၎င်းတို့ကို ချိန်ဆသည့် ကိုယ်ပိုင် နည်းလမ်းများရှိပြီး ၎င်းတို့အတွက် သတ်မှတ်ချက်များနှင့်ဆိုင်သော သူ၏ ကိုယ်ပိုင်စံနှုန်းလည်း ရှိသည်။ လူတို့၏ အဆုံးသတ်များကို ချိန်ဆသည့် သူ၏စံနှုန်းမှာ အယောက်တိုင်းအတွက် မျှတသောစံနှုန်းတစ်ခု ဖြစ်ကာ၊ ထိုအရာအတွက် သံသယမရှိပါပေ။ ထို့ကြောင့် အချို့တို့၏ စိုးရိမ်ကြောက်ရွံ့မှုများမှာ မလိုအပ်ပေ။ သင်တို့ ယခု စိတ်သက်သာရာ ရကြပြီလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားနှင့် သူ့အမှုတော်မှရရှိမည့် ရလဒ်များကို သိနားလည်ပုံ” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၂၀)

အမှန်မှာ ဘုရားသခင်၏စိတ်သဘောထားသည် လူတိုင်း အတွက် ဖွင့်လှစ်ထားခြင်းဖြစ်ပြီး ဖုံးကွယ်ထားခြင်း မရှိပေ။ အဘယ့်ကြောင့်ဆိုသော် ဘုရားသခင်သည် မိမိကို လူများက သိရှိနိုင်ခြင်း သို့မဟုတ် နားလည်နိုင်ခြင်း မရှိရမည်အကြောင်း မည်သည့်အခါမျှ တစ်စုံတစ်ဦးကို သိသိကြီး ရှောင်ဖယ်ခြင်း မရှိသကဲ့သို့ မိမိကိုယ်ကို ဖုံးကွယ်ရန် မည်သည့်အခါမျှ သိသိကြီး မရှာကြံဖူးပေ။ ဘုရားသခင်၏စိတ်သဘောထားသည် အစဉ်အမြဲ ပွင့်လင်းပြီး လူသား တစ်ယောက်စီတိုင်းကို ပွင့်ပွင့်လင်းလင်း မျက်နှာမူလျက်နေသည်။ ဘုရားသခင်၏စီမံခန့်ခွဲမှု အတော အတွင်းတွင် ဘုရားသခင်သည် မိမိ၏အမှုကို လုပ်ဆောင်ပြီး လူသားတိုင်းကို မျက်နှာမူလျက်နေတော်မူ၏။ ထို့ပြင် သူ၏အမှုကို လူသားတိုင်းအပေါ်၌ လုပ်ဆောင်ခဲ့သည်။ ထိုအမှုကို သူလုပ်ဆောင်နေစဉ်တွင် သူ၏စိတ်သဘောထားကို အစဉ်မပြတ် ဖော်ပြနေပြီး အယောက်စီတိုင်းကို မစ၍ လမ်းပြဖို့ရန် သူ၏အနှစ်သာရနှင့် သူ၏အရာအားလုံးနှင့် ဖြစ်ခြင်းကို အစဉ်အမြဲ အသုံးချလျက်နေတော်မူ၏။ ခေတ်တိုင်းနှင့် အဆင့်တိုင်းတွင် အခြေအနေများမှာ ဆိုးသည်ဖြစ်စေ၊ ကောင်းသည် ဖြစ်စေ၊ ဘုရားသခင်၏စိတ်သဘောထားသည် တစ်ယောက်စီတိုင်းအတွက် အစဉ်အမြဲပွင့်လင်းမှုရှိပြီး သူ၏ အရာအားလုံးနှင့် ဖြစ်ခြင်းတို့သည်လည်း အယောက်စီတိုင်း အတွက် အစဉ်အမြဲ ပွင့်လင်းမှုရှိတော်မူ၏။ ထိုနည်းတူစွာ ဘုရားသခင်၏အသက်သည်လည်း ရပ်တန့်ခြင်းအလျှင်းမရှိဘဲ လူသားတိုင်းကို ကြည့်ရှုစောင့်ရှောက်လျက် ကူညီဖေးမလျက် နေတော်မူ၏။ သို့သော်လည်း ဘုရားသခင်၏ စိတ်သဘောထား သည် လူတချို့အဖို့ ဖုံးကွယ်ခြင်းခံရသည်။ အဘယ့်ကြောင့် ထိုသို့ဖြစ်ရသနည်း။ ဤသည်မှာ အဘယ့်ကြောင့်ဆိုသော် ဤလူတို့သည် ဘုရားသခင်၏ အမှုတော်ထဲတွင် ရှင်သန်ပြီး ဘုရားသခင်နောက် လိုက်ကြသော်လည်း ဘုရားသခင်နှင့် သာ၍ နီးစပ်ဖို့ နေနေသာသာ ဘုရားသခင်ကို နားလည် သဘောပေါက်ရန် ကြိုးစားခြင်း သို့မဟုတ် ဘုရားသခင်ကို သိရှိရန် လိုလားခြင်းတို့ မည်သည့်အခါမျှ မပြုခဲ့ကြပေ။ ထိုလူတို့အဖို့ ဘုရားသခင်၏စိတ်သဘောထားကို နားလည်ခြင်း သည် သူတို့၏အဆုံးသတ်ချိန်မှာ ရောက်လုနေပြီဖြစ်ကြောင်းကို ဆိုလိုသည်။ ထိုအရာက သူတို့သည် ဘုရားသခင်၏ စိတ်သဘောထားအားဖြင့် တရားစီရင်ခံရမည့်ဆဲဆဲနှင့် စီရင်ချက်ချခံရမည့်ဆဲဆဲဖြစ်ကြောင်းကို ဆိုလိုသည်။ ထို့ကြောင့် ဤလူတို့သည် ဘုရားသခင်ကို နားလည်သဘောပေါက်ဖို့ သို့မဟုတ် သူ၏စိတ်သဘောထားကို နားလည်ဖို့ လိုလားသော စိတ် မည်သည့်အခါမျှ မရှိဖူးကြပေ။ ဘုရားသခင်၏အလိုတော်ကို သာ၍နက်ရှိုင်းစွာ သဘောပေါက်ရန် သို့မဟုတ် သိရှိရန် မည်သည့်အခါမျှ မတပ်မက်ကြပေ။ သူတို့သည် သတိရှိရှိ ပူးပေါင်းလုပ်ဆောင်ခြင်းဖြင့် ဘုရားသခင်၏အလိုတော်ကို နားလည်ဖို့ မရည်ရွယ်ကြပေ။ သူတို့သည် အမြဲပျော်ရွှင်ပြီး သူတို့လုပ်ချင်သောအရာများကို လုပ်ဆောင်ရာတွင် မည်သည့် အခါမျှ မောပန်းခြင်းမရှိကြပေ။ သူတို့ယုံကြည်ချင်သော ဘုရားကို သူတို့ယုံကြည်ကြ၏။ သူတို့၏ စိတ်ကူးများ၌သာ တည်ရှိသည့် ဘုရား၊ သူတို့၏ အယူအဆများထဲ၌သာ တည်ရှိသည့် ဘုရားကို ယုံကြည်ကြပြီး သူတို့၏နေ့စဉ် အသက်တာထဲမှ ခွဲခြား၍မရသော ဘုရားကို ယုံကြည်ကြသည်။ စစ်မှန်သော ဘုရားသခင်ကိုယ်တော်တိုင်အတွက်ဆိုလျှင် သူတို့သည် လုံးဝအထင်အမြင်သေးပြီး သူ့ကိုနားလည်ဖို့ဆန္ဒမရှိ၊ သူ့ကိုဂရုမစိုက်၊ သူနှင့် သာ၍နီးစပ်လိုသော ရည်ရွယ်ချက် သာ၍မရှိကြပေ။ သူတို့သည် ဘုရားသခင် ဖော်ပြသည့် နှုတ်ကပတ်တော်များကို မိမိတို့ကိုယ်ကို အမွှမ်းတင်ဖို့ နှင့် ပြရုပ်တင်ဖို့အတွက်သာ အသုံးပြုနေကြသည်။ သူတို့အတွက် ထိုသို့ပြုခြင်းသည် အောင်မြင်သောယုံကြည်သူများနှင့် သူတို့၏ စိတ်နှလုံးထဲတွင် ဘုရားသခင်ကို ယုံကြည်သောသူများ ဖြစ်စေပြီဟု ခံယူကြသည်။ သူတို့၏စိတ်နှလုံးထဲတွင် သူတို့သည် သူတို့၏စိတ်ကူးများ၊ သူတို့၏အယူအဆများနှင့် ဘုရားသခင်နှင့် စပ်လျဉ်း၍ သူတို့၏ကိုယ်ပိုင် ဖွင့်ဆိုချက်များဖြင့်ပင် လမ်းပြခြင်း ခံရသည်။ သို့သော်ငြားလည်း စစ်မှန်သော ဘုရားသခင် ကိုယ်တော်တိုင်ကမူ သူတို့နှင့် ပါဝင်ပတ်သက်ခြင်း လုံးဝမရှိပေ။ အဘယ့်ကြောင့်ဆိုသော် စစ်မှန်သော ဘုရားသခင် ကိုယ်တော်တိုင်ကို သူတို့နားလည်ပြီး ဘုရားသခင်၏ စိတ်သဘောထားအမှန်ကို နားလည်ကာ ဘုရားသခင်၏ အရာ အားလုံးနှင့် ဖြစ်ခြင်းတို့ကို နားလည်သည်နှင့် သူတို့၏ လုပ်ဆောင်ချက်များ၊ သူတို့၏ယုံကြည်ခြင်းနှင့် သူတို့၏ အားထုတ်မှုတို့သည် ရှုတ်ချခြင်းကိုခံရမည်ဟု ဆိုလိုသောကြောင့် ဖြစ်သည်။ ထို့အတွက်ကြောင့် သူတို့သည် ဘုရားသခင်၏ အနှစ်သာရကို နားလည်ခြင်းငှာလည်းကောင်း၊ ဘုရားသခင်ကို သာ၍ ကောင်းမွန်စွာ နားလည်ဖို့ ဆုတောင်းခြင်းငှာ လည်းကောင်း သို့မဟုတ် စိတ်အားထက်သန်စွာ ရှာဖွေခြင်းငှာ လည်းကောင်း၊ ဘုရားသခင်၏အလိုတော်ကို သာ၍ ကောင်းမွန်စွာ သိရှိခြင်းငှာလည်းကောင်း၊ ဘုရားသခင်၏ စိတ်သဘောထားကို သာ၍ကောင်းမွန်စွာ နားလည်ခြင်းငှာ လည်းကောင်း မလိုလားခြင်းဖြစ်သည်။ သူတို့သည် ဘုရားသခင်ကို လုပ်ကြံဖန်တီးထားပြီး ဖော်ပြရန်ခက်ခဲကာ အနှစ်သာရမဲ့သော တစ်စုံတစ်ရာ ဖြစ်စေလိုကြသည်။ ဘုရားသခင်ကို သူတို့တွေးထင်ထားသည့်အတိုင်းနှင့် သူတို့ခေါ် တိုင်း သူတို့၏အလိုကျဆောင်ရွက် ပေးမည့်သူအဖြစ် ရှိစေလိုကြ ပြီး သူတို့အတွက် အမြဲမောပန်းနွမ်းနယ်ခြင်းမရှိဘဲ ဖြည့်ဆည်း ပေးမည့်သူ ဖြစ်စေလိုကြသည်။ ဘုရားသခင်၏ကျေးဇူးတော်ကို သူတို့ခံစားလိုသောအခါ ထိုကျေးဇူးတော်ဖြစ်ပေးရန် ဘုရားသခင် ကို တောင်းဆိုကြသည်။ ဘုရားသခင်၏ ကောင်းချီးမင်္ဂလာကို သူတို့လိုချင်သောအခါ ထိုကောင်းချီးမင်္ဂလာဖြစ်ပေးရန် ဘုရားသခင်ကို တောင်းဆိုကြသည်။ အခက်အခဲကို ရင်ဆိုင်ကြ သောအခါ သူတို့ကို ရဲဆေးတင်ပေးရန်နှင့် သူတို့ခြေချော် လက်ချော်ဖြစ်လျှင် ကယ်ပေးမည့်အားကိုးစရာဖြစ်ပေးရန် ဘုရားသခင်ကို တောင်းဆိုတတ်ကြသည်။ ဤလူတို့၏ ဘုရားသခင်ကို သိရှိခြင်းသည် ကျေးဇူးတော်နှင့် ကောင်းချီး မင်္ဂလာ ဘောင်အတွင်း၌သာ စွဲကပ်နေသည်။ ဘုရားသခင် အမှုတော်အပေါ်၌လည်းကောင်း၊ ဘုရားသခင်၏ စိတ်သဘောထား အပေါ်၌လည်းကောင်း၊ ဘုရားသခင်အပေါ်၌ လည်းကောင်း သူတို့၏ သဘောပေါက်နားလည်ခြင်းသည် သူတို့၏စိတ်ကူးများထဲတွင် ကန့်သတ်ထားခြင်းခံရပြီး စာလုံးများနှင့် အယူဝါဒမျှသာ ဖြစ်ပေသည်။ သို့ရာတွင် ဘုရားသခင်၏စိတ်သဘောထားကို နားလည်ဖို့ အလွန် စိတ်ထက်သန်သူများ၊ ဘုရားသခင် ကိုယ်တော်တိုင်ကို အမှန်တကယ် တွေ့မြင်လိုသူများ၊ ဘုရားသခင်၏ စိတ်သဘောထားနှင့် ဘုရားသခင်၏ အရာအားလုံးနှင့် ဖြစ်ခြင်းတို့ကို စစ်မှန်စွာနားလည်လိုသော လူတချို့ရှိကြသည်။ ဤလူတို့သည် သမ္မာတရားနှင့် ဘုရားသခင်၏ ကယ်တင်ခြင်း တရား၏ စစ်မှန်မှုကို လိုက်လံစူးစမ်းပြီး ဘုရားသခင်၏ သိမ်းပိုက်ခြင်း၊ ကယ်တင်ခြင်းနှင့် စုံလင်စေခြင်းတို့ကို ရရှိရန် ရှာဖွေကြသည်။ ဤလူတို့သည် ဘုရားသခင်၏ နှုတ်ကပတ်တော်ကို ဖတ်ရှုရန် သူတို့၏စိတ်နှလုံးကို အသုံးပြုပြီး သူတို့အတွက် ဘုရားသခင်ပြင်ဆင်ပေးသည့်အရာများ သို့မဟုတ် ဖြစ်ပျက်သမျှသောအရာများ၊ လူတိုင်းနှင့် အခြေအနေတိုင်းကို ကျေးဇူးတင်တတ်ရန် သူတို့၏စိတ်နှလုံးကို အသုံးပြုကြသည်။ ထို့ပြင် သူတို့သည် စိတ်ရင်းအမှန်နှင့် ဆုတောင်းလျက် ရှာဖွေစူးစမ်းကြသည်။ သူတို့အလိုချင်ဆုံးအရာမှာ ဘုရားသခင်၏ အလိုတော်ကို သိရှိရန်နှင့် ဘုရားသခင်၏ စစ်မှန်သောစိတ်သဘောထား သို့မဟုတ် ဘုရားသခင်၏ အနှစ်သာရကို သိရှိရန်ဖြစ်သည်။ ဤသို့ဖြင့် သူတို့သည် ဘုရားသခင်ကို နောက်ထပ်တစ်ခါ မပြစ်မှားတော့ဘဲ သူတို့၏ အတွေ့အကြုံများအားဖြင့် ဘုရားသခင်၏ ချစ်ခင်နှစ်လိုဖွယ် ကောင်းခြင်း နှင့် သူ၏စစ်မှန်သည့်ဘက်ကို သာ၍မြင်တွေ့နိုင်ရန် ဖြစ်သည်။ စစ်မှန်သော ဘုရားသခင်သည် သူတို့၏စိတ်နှလုံး ထဲတွင် တည်ရှိရန်နှင့် ဘုရားသခင်သည် သူတို့၏စိတ်နှလုံးထဲ၌ နေရာတစ်နေရာ ရှိရန်လည်းဖြစ်ပြီး သူတို့သည် နောက်ထပ် တစ်ခါ စိတ်ကူးများ၊ အယူအဆများ သို့မဟုတ် ဖော်ပြရန် ခက်ခဲမှုတို့ထဲတွင် မကျင်လည်ကြတော့ရန် ဖြစ်သည်။ ဤလူများအတွက် သူတို့၌ ဘုရားသခင်၏ စိတ်သဘောထားနှင့် သူ၏အနှစ်သာရတို့ကို နားလည်ဖို့ရန်ဟူသည့် အပူတပြင်းဆန္ဒ ရှိကြခြင်းမှာ ဘုရားသခင်၏ စိတ်သဘောထားနှင့် အနှစ်သာရ တို့သည် လူသားမျိုးနွယ်တို့၏ အတွေ့အကြုံများထဲ၌ အချိန်မရွေး လိုအပ်လာနိုင်သော အရာများဖြစ်ပြီး သူတို့၏ အသက်တာတစ်လျှောက်တွင် အသက်ကို ထောက်ပံ့ပေးနိုင်သော အရာများဖြစ်သောကြောင့် ဖြစ်သည်။ သူတို့သည် ဘုရားသခင်၏ စိတ်သဘောထားကို နားလည်သောအခါ ဘုရားသခင်ကို သာ၍ ကောင်းမွန်စွာ ရိုသေလေးမြတ်နိုင်ကြမည်ဖြစ်ပြီး ဘုရားသခင်၏ အမှုတော်၌ သာ၍ကောင်းမွန်စွာ ပူးပေါင်းလုပ်ဆောင်နိုင်ကာ ဘုရားသခင်၏အလိုတော်ကို သာ၍အရေးထားနိုင်၍ သူတို့၏ တာဝန်ကို မိမိတို့အစွမ်းရှိသမျှ လုပ်ဆောင်နိုင်ကြမည်ဖြစ်သည်။ ဤသည်မှာ ဘုရားသခင်၏စိတ်သဘောထားအပေါ် သူတို့၏ စိတ်နေသဘောထားနှင့်သက်ဆိုင်သည့် လူနှစ်မျိုးနှစ်စား ဖြစ်သည်။ ပထမလူစားမှာ ဘုရားသခင်၏ စိတ်သဘောထားကို နားလည်ရန် မလိုလားပေ။ ဘုရားသခင်၏စိတ်သဘောထားကို သူတို့နားလည်လိုသည်၊ ဘုရားသခင်ကိုယ်တော်တိုင်ကို သူတို့ သိရှိ လိုသည်၊ ဘုရားသခင်၏ အရာအားလုံးနှင့်ဖြစ်ခြင်းကို မြင်တွေ့လိုသည်၊ ဘုရားသခင်၏အလိုတော်ကို အမှန်တကယ် နားလည်လိုသည်ဟု သူတို့ပြောဆိုကြသော်လည်း အတွင်းထဲ တွင်မူ ဘုရားသခင်မတည်ရှိစေရန် ပိုမိုလိုလားကြသည်။ ယင်းသို့ဖြစ်ရခြင်းမှာ ဤသို့သောလူမျိုးတို့သည် ဘုရားသခင်ကို အဆက်မပြတ် နာခံခြင်းမရှိဘဲ ပုန်ကန်သူများဖြစ်ကာ သူတို့၏စိတ်နှလုံးထဲမှ နေရာအတွက် ဘုရားသခင်ကို တိုက်ခိုက် ကြကာ ဘုရားသခင်၏တည်ရှိခြင်းကို မကြာခဏ သံသယ ဝင်ခြင်း သို့မဟုတ် ငြင်းပင်ငြင်းပယ်ခြင်း တို့ကြောင့်ဖြစ်သည်။ သူတို့သည် ဘုရားသခင်၏စိတ်သဘောထား သို့မဟုတ် စစ်မှန်သည့် ဘုရားသခင် ကိုယ်တော်တိုင်ကို မိမိတို့၏ စိတ်နှလုံးထဲ၌ နေရာယူရန် အခွင့်မပေးလိုကြပေ။ သူတို့သည် မိမိတို့၏ လိုအင်ဆန္ဒများ၊ စိတ်ကူးများနှင့် ရည်ရွယ်ချက်များ ကိုသာ ဖြည့်ဆည်းလိုကြသည်။ သို့ဖြစ်၍ ဤသို့သော လူတို့သည် ဘုရားကို ယုံကောင်းယုံမည်။ ဘုရားသခင်နောက် လိုက်ကောင်း လိုက်မည်။ ထို့ပြင် ဘုရားသခင်အတွက် သူတို့၏ မိသားစုများနှင့် အလုပ်များကို စွန့်လွှတ်ကောင်းစွန့်လွှတ်လိမ့်မည်ဖြစ်သော်လည်း သူတို့၏ ဆိုးယုတ်သောလမ်းစဉ်ကို အဆုံးမသတ်လိုကြပေ။ အခြားသူများသည် မိမိတို့၏ရာထူးများကိုအသုံးပြုပြီး ထပ်တလဲလဲ သူတို့ကိုယ်သူတို့ သက်သေခံကာ မိမိတို့၏ သြဇာအာဏာကို ချဲ့ကားပြီး လူများနှင့် အဆင့်အတန်းအတွက် ဘုရားသခင်ကို ယှဉ်ပြိုင်နေစဉ်တွင် အချို့မှာ အလှူများကို ခိုးယူခြင်း သို့မဟုတ် ဖြုန်းတီးခြင်းပင်ပြုကြသည်၊ သို့တည်းမဟုတ် ဘုရားသခင်ကို တိတ်တဆိတ် ကျိန်ဆဲကြသည်။ သူတို့ကို လူများကိုးကွယ်လာစေရန် နည်းလမ်းအမျိုးမျိုးနှင့် စီမံချက်အမျိုးမျိုးကို အသုံးပြုကြသည်။ လူတို့ကို အစဉ်ဆက် မပြတ်သိမ်းသွင်းရန်နှင့် ထိန်းချူပ်ရန် အားထုတ်လျက် နေကြသည်။ လူအချို့သည် ဘုရားအဖြစ် ဆက်ဆံခြင်းခံရ စိမ့်သောငှာ မိမိတို့မှာ ဘုရားဖြစ်သည်ဟု ထင်မှတ်ကြစေရန် လူတို့ကိုရည်ရွယ်ချက်ရှိရှိ လှည့်စားကြသည်။ သူတို့သည် ဖျက်ဆီးခြင်းခံခဲ့ရဖူးကြောင်း၊ သူတို့သည်လည်း ပျက်စီးယိုယွင်း ပြီး မောက်မာသောသူများဖြစ်ကြောင်းကို မည်သည့်အခါမျှ ပြောမည်မဟုတ်ပေ၊ သူတို့ကို မကိုးကွယ်ဖို့လည်း ပြောမည် မဟုတ်သည့်အပြင် သူတို့မည်မျှကောင်းအောင်လုပ်သည်ဖြစ်စေ ယင်းတို့အားလုံးမှာ ဘုရားသခင်၏ ချီးမြှောက်ခြင်းကြောင့် ဖြစ်သည့်အပြင် သူတို့လုပ်ဆောင်သင့်သည့်အရာလည်း ဖြစ်သည် ဟု ပြောမည်မဟုတ်ပေ။ အဘယ့်ကြောင့် ထိုသူတို့သည် ထိုအရာများကို မပြောကြသနည်း။ အကြောင်းမှာ လူတို့၏ စိတ်နှလုံးထဲ၌ မိမိတို့၏နေရာ ဆုံးရှုံးသွားမည်ကို သူတို့ ကြောက်ရွံ့စိုးရိမ်သောကြောင့်ဖြစ်သည်။ ဤအကြောင်းကြောင့် ထိုသို့သောလူတို့သည် ဘုရားသခင်ကို သဘောပေါက် နားလည်ရန် မည်သည့်အခါမျှ ကြိုးစားအားထုတ်မှုမရှိ သည်နှင့်အညီ ဘုရားသခင်ကို မည်သည့်အခါမျှ မချီးမြှောက်၍ ဘုရားသခင်ကို မည်သည့်အခါမျှ သက်သေမခံခြင်းဖြစ်သည်။ ဘုရားသခင်ကို သဘောပေါက်နားလည်ခြင်းမရှိဘဲ သူတို့သည် ဘုရာသခင်ကို သိရှိနိုင်ကြမည်လော။ လုံးဝမဖြစ်နိုင်ပေ။ ထို့ကြောင့် “ဘုရားသခင်၏အမှုတော်၊ ဘုရားသခင်၏ စိတ်သဘောထားနှင့် ဘုရားသခင်ကိုယ်တော်တိုင်” ဟူသောစကားလုံးတို့သည် ရိုးရှင်းကောင်း ရိုးရှင်းနိုင်သော်လည်း ၎င်းတို့၏အနက်အဓိပ္ပာယ်ကား လူတိုင်းအတွက် ခြားနားနိုင် သည်။ ဘုရားသခင်ကို မကြာခဏမနာခံသောသူ၊ ဘုရားသခင်ကို ဆန့်ကျင်သောသူနှင့် ဘုရားသခင်အပေါ် ရန်လိုသောသူအဖို့ ၎င်းသည် ပြစ်တင်ရှုတ်ချခြင်းဟု ဆိုလိုသည်။ သမ္မာတရား၏ စစ်မှန်မှုကို လိုက်စားသောသူ၊ ဘုရားသခင်၏အလိုတော်ကို ရှာဖွေရန် ဘုရားသခင်ရှေ့တော်မှောက်သို့ မကြာခဏ လာသောသူအဖို့မူ ထိုသို့သော စကားများကို လွယ်ကူသကဲ့သို့ မှတ်ယူပေသည်။ ထို့ကြောင့် သင်တို့အထဲတွင် ဘုရားသခင်၏ စိတ်သဘောထားနှင့် ဘုရားသခင်၏အမှုတော်အကြောင်း ပြောဆိုသည်ကို အချို့က ကြားသောအခါ သူတို့ခေါင်း စကိုက်လာပြီး သူတို့၏စိတ်နှလုံးသည် ဆန့်ကျင်မှုနှင့် ပြည့်နှက်လာကာ အလွန်ပင် မနေတတ်မထိုင်တတ်ဖြစ်လာကြသည်။ သို့သော် သင်တို့အထဲ၌ ဤသို့တွေးသော အခြားသူများရှိသည်၊ ဤအကြောင်းအရာသည် ငါအမှန်တကယ်လိုအပ်သော အကြောင်းအရာဖြစ်သည်၊ အကြောင်းမှာ ဤအကြောင်းအရာ သည် ငါ့အဖို့ အလွန်အကျိုးကျေးဇူးရှိသည်။ ၎င်းသည် ငါ့ဘဝအတွေ့အကြုံ၌ လစ်ဟာ၍မရနိုင်သည့်အပိုင်းဖြစ်ပြီး အထူးအခရာကျကာ ဘုရားသခင်ကို ယုံကြည်ခြင်း၏ အုတ်မြစ်ဖြစ်လျက် လူသားများက မစွန့်လွှတ်နိုင်သည့် အရာဖြစ်သည်။ သင်တို့အားလုံးအတွက် ဤအကြောင်းအရာ သည် နီးသည်ဟု ထင်ရသလို ဝေးသည်ဟုလည်း ထင်ကောင်းထင်နိုင်သည်။ မသိသော်လည်း ရင်းနှီးသည်ဟု ထင်ကောင်း ထင်နိုင်သည်။ သို့သော် မည်သို့ပင်ဖြစ်စေ ဤအကြောင်းအရာသည် ဤနေရာ၌ လူတိုင်းက နားထောင် ရမည့်အရာ၊ သိရှိကာ သဘောပေါက်နားလည် ရမည့်အရာ ဖြစ်သည်။ ဤအကြောင်းအရာကို သင်မည်သို့ ကိုင်တွယ်သည်ဖြစ်စေ၊ မည်သို့မြင်သည်ဖြစ်စေ သို့မဟုတ် သင်မည်သို့ လက်ခံသည်ဖြစ်စေ ဤအကြောင်းအရာ၏ အရေးပါမှုကို လျစ်လျူရှု၍မရနိုင်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၂၁)

ဘုရားသခင်သည် လူသားကိုဖန်ဆင်းပြီးကတည်းက သူ့အမှုတော်ကို သူလုပ်လျက်နေတော်မူ၏။ အစပိုင်းမှာ အမှုသည် အလွန်ရိုးရှင်းခဲ့သော်လည်း ထိုအမှု၌ ဘုရားသခင်၏ အနှစ်သာရ နှင့် စိတ်သဘောထားတို့၏ ဖော်ပြမှုများ ပါဝင်နေဆဲ ဖြစ်ခဲ့သည်။ ဘုရားသခင်၏အမှုတော်မှာ ယခုမြှင့်တင်ခြင်းခံရသောအခါ သူ့နောက်ကိုလိုက်သော လူတိုင်းအပေါ် ပမာဏကြီးမားလှသည့် ခိုင်မာသောအမှုကိုပြုလျက် သူ၏နှုတ်ကပတ်တော်ကို ဖော်ပြ လျက်နေ၏၊ အစအဦးမှစ၍ ယနေ့ချိန်ခါထိ ဘုရားသခင်၏ ဇာတိအဖြစ်တော်သည် လူသားများထံမှ ဖုံးကွယ်ထားသည်။ ကိုယ်တော်သည် သမ္မာကျမ်းစာအချိန်မှစပြီး ယနေ့ချိန်ခါထိ လူ့ဇာတိကိုနှစ်ကြိမ်ခံယူခဲ့ပြီးသော်လည်း ဘုရားသခင်၏ ဇာတိ အဖြစ်တော်အမှန်ကို မည်သူတွေ့ဖူးသနည်း။ သင်တို့၏ နားလည်မှုအရ ဘုရားသခင်၏ ဇာတိအဖြစ်တော်အမှန်ကို တစ်စုံတစ်ယောက်တွေ့ဖူးသလော။ မတွေ့ဖူးကြပေ။ မည်သူမျှ ဘုရားသခင်၏ ဇာတိအဖြစ်တော်အမှန်ကို မတွေ့ဖူးကြပေ။ မည်သူမျှ ဘုရားသခင်၏ ပင်ကိုအမှန်ကို မတွေ့ဖူးကြဟု ဆိုလိုသည်။ ဤသည်မှာ လူတိုင်းသဘောတူသည့် အရာပင် ဖြစ်သည်။ တစ်နည်းအားဖြင့်ဆိုသော် ဘုရားသခင်၏ ဇာတိ အဖြစ်တော်အမှန် သို့မဟုတ် ဘုရားသခင်၏ဝိညာဉ်တော်သည် သူဖန်ဆင်းခဲ့သည့် အာဒံနှင့်ဧဝ၊ သူလက်ခံခဲ့သော ဖြောင့်မတ်သည့် ယောဘအပါအဝင် လူသားမျိုးနွယ်အားလုံးထံမှ ဖုံးကွယ်ထားခဲ့သည်။ ထိုသူတို့သည်ပင် ဘုရားသခင်၏ ဇာတိအဖြစ်တော်အမှန်ကို မတွေ့မြင်ခဲ့ကြပေ။ သို့သော် ဘုရားသခင်သည် မိမိ၏ဇာတိအဖြစ်တော်အမှန်ကို တမင်တကာ အဘယ့်ကြောင့် ဖုံးကွယ်ထားသနည်း။ အချို့က “ဘုရားသခင် သည် လူများအထိတ်တလန့် ဖြစ်သွားမည်ကို စိုးရွံ့သည်” ဟူ၍ဆိုကြသည်။ အခြားသူများကလည်း “လူသားသည် အလွန်သေးငယ်ပြီး ဘုရားသခင်မှာ အလွန်ကြီးမားသောကြောင့် ဘုရားသခင်သည် သူ၏ဇာတိအဖြစ်တော်အမှန်ကို ဖုံးကွယ်ထား သည်။ လူများသည် ဘုရားသခင်ကို တွေ့မြင်ခွင့်မရှိပါ၊ တွေ့မြင်မိလျှင် သေသွားနိုင်ပါသည်” ဟူ၍ ဆိုကြပြန်သည်။ “ဘုရားသခင်သည် နေ့စဉ် သူ့အမှုတော်ကို စီမံခန့်ခွဲလျက် အလုပ်များနေ၏၊ လူများ သူ့အား မြင်စေဖို့ ထင်ရှားပြရန် သူ၌ အချိန်မရှိခြင်း ဖြစ်ကောင်းဖြစ်နိုင်ပါသည်” ဟူ၍ဆိုကြသော လူအချို့ရှိသေးသည်။ သင်တို့ မည်သို့ပင်ယုံကြည်ကြပါစေ၊ အရေးမကြီးပေ၊ ငါ၌သုံးသပ်ချက်တစ်ခုရှိသည်။ ထိုသုံးသပ်ချက် ကား အဘယ်သို့နည်း။ ယင်းမှာ ဘုရားသခင်သည် မိမိ၏ ဇာတိအဖြစ်တော်အမှန်ကို လူသားများ တွေ့မြင်ရန်ပင် အလိုမရှိ ခြင်းဖြစ်သည်။ လူသားများထံမှ ပုန်းကွယ်နေခြင်းသည် ဘုရားသခင် တမင်တကာလုပ်ဆောင်ခြင်းပင်ဖြစ်သည်။ တစ်နည်းအားဖြင့် မိမိ၏ဇာတိအဖြစ်တော်အမှန်ကို လူသားများ မတွေ့မြင်ရန်မှာ ဘုရားသခင်၏ရည်ရွယ်ချက်ဖြစ်သည်။ ယခုမူ အားလုံးရှင်းလင်းသွားသင့်ပေပြီ။ အကယ်၍ ဘုရားသခင်သည် မိမိ၏ဇာတိအဖြစ်တော်ကို မည်သူ့ကိုမျှ မဖော်ပြဖူးလျှင် ဘုရားသခင်၏ ဇာတိအဖြစ်တော်တည်ရှိခြင်းကို သင်တို့ ယုံကြည်မည်လော။ (ကိုယ်တော်သည် အမှန်တကယ် တည်ရှိပါ သည်။) မှန်ပေသည်၊ ကိုယ်တော်တည်ရှိသည်။ ဘုရားသခင်၏ ဇာတိအဖြစ်တော် တည်ရှိခြင်းသည် ငြင်းပယ်၍မရသော အရာဖြစ်သည်။ သို့ရာတွင် ဘုရားသခင်၏ ဇာတိအဖြစ်တော်မှာ အဘယ်မျှလောက်ကြီးသည် သို့မဟုတ် မည်သည့်အရာနှင့် တူသည် စသည့်မေးခွန်းများကို လူသားများက စုံစမ်း မေးမြန်း သင့်သလော။ မမေးမြန်းသင့်ပေ။ အဖြေမှာ ဆန့်ကျင်သော သဘောရှိသည်။ ဘုရားသခင်၏ ဇာတိအဖြစ်တော်သည် ငါတို့စူးစမ်းသင့်သည့် အကြောင်းအရာမဟုတ်လျှင် ငါတို့စူးစမ်း သင့်သည့်မေးခွန်းကား အဘယ်အရာနည်း။ (ဘုရားသခင်၏ စိတ်သဘောထားဖြစ်ပါသည်။) (ဘုရားသခင်၏အမှုတော် ဖြစ်ပါ သည်။) တကယ့်အကြောင်းအရာကို စတင်ပြောဆိုခြင်းမပြုမီ ခုနက ငါတို့ဆွေးနွေးခဲ့သောအရာဆီသို့ ပြန်သွားကြစို့။ ဘုရား သခင်သည် မိမိ၏ ဇာတိအဖြစ်တော်ကို အဘယ့်ကြောင့် လူသားများအား မည်သည့်အခါမျှ မပြဖူးသနည်း။ ဘုရား သခင်သည် မိမိ၏ဇာတိအဖြစ်တော်ကို လူသားများထံမှ အဘယ့်ကြောင့် တမင်တကာဖုံးကွယ်ထားသနည်း။ အကြောင်း ပြချက် တစ်ခုသာရှိသည်။ ၎င်းမှာ ဖန်ဆင်းခံ လူသားသည် ဘုရားသခင်၏အမှု နှစ်ပေါင်းထောင်ချီကို ဖြတ်သန်းခဲ့ရ သော်လည်း ဘုရားသခင်၏အမှုတော်၊ ဘုရားသခင်၏ စိတ်သဘောထားနှင့် ဘုရားသခင်၏ အနှစ်သာရကို သိရှိသူ တစ်ယောက်မျှ မရှိသောကြောင့်ဖြစ်သည်။ ဘုရားသခင်၏ အမြင်၌ ထိုသို့သောသူများသည် သူ့ကိုဆန့်ကျင်နေကြသူများသာ ဖြစ်ပြီး ဘုရားသခင်သည် မိမိအပေါ် ရန်လိုနေသူများထံသို့ သူ့ကိုယ်ကိုပြလိမ့်မည် မဟုတ်ပေ။ ၎င်းသည် ဘုရားသခင်က သူ၏ဇာတိအဖြစ်တော်ကို လူသားများအား မည်သည့်အခါမျှ မပြသသည့် တစ်ခုတည်းသော အကြောင်းရင်းနှင့် လူသားများ ထံမှ သူ၏ဇာတိအဖြစ်တော်ကို တမင်တကာ ကွယ်ထားခြင်း၏ အကြောင်းရင်းဖြစ်သည်။ ဘုရားသခင်၏စိတ်သဘောထားကို သိရှိခြင်း၏အရေးပါပုံကို ယခုသင်တို့ ရှင်းကြပြီလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၂၂)

ဘုရားသခင်၏စီမံခန့်ခွဲမှု တည်ရှိကတည်းက သူ့အမှုကို အကောင်အထည်ဖော်ရန် အစဉ်အမြဲ အပြည့်အဝ အချိန်ပေး မြှုပ်နှံနေခဲ့သည်။ ကိုယ်တော်သည် လူသားများထံမှ သူ၏ဇာတိ အဖြစ်တော်ကို ဖုံးကွယ်ထားသော်လည်း လူတို့အပေါ်တွင် အမှုပြုလျက်၊ သူ၏စိတ်သဘောထားကို ဖော်ပြလျက်၊ လူသားမျိုးနွယ်များကို သူ၏အနှစ်သာရနှင့် လမ်းပြပေးလျက် လူသားဘေးတွင် အမြဲရှိနေခဲ့သည်။ ထို့ပြင် သူ၏အစွမ်းတန်ခိုး၊ သူ၏ဉာဏ်ပညာနှင့် သူ၏အခွင့်အာဏာတို့အားဖြင့် တစ်ယောက် ချင်းစီအပေါ်တွင် သူ၏အမှုကို ပြုနေခဲ့သည်။ ထိုသို့ဖြင့် ပညတ်တော်ခေတ်၊ ကျေးဇူးတော်ခေတ်နှင့် ယနေ့နိုင်ငံတော်ခေတ် ဟူ၍ ရှိလာရခြင်းဖြစ်သည်။ ဘုရားသခင်သည် သူ၏ဇာတိ အဖြစ်တော်ကို လူသားများထံမှ ဖုံးကွယ်ထားသော်လည်း သူ၏စိတ်သဘောထား၊ သူ၏ဖြစ်ခြင်းနှင့် သူ၏အရာအားလုံးတို့ အပြင် လူသားများအတွက် သူ၏အလိုတော်ကိုမူ လူသားများ မြင်တွေ့ပြီး တွေ့ကြုံနိုင်ရန် မခြွင်းမချန် ဖော်ပြတော်မူ၏။ တစ်နည်းအားဖြင့် လူသားများသည် ဘုရားသခင်ကိုမမြင်နိုင်၊ မထိတွေ့နိုင်သော်လည်း လူသားမျိုးနွယ်မှ ထိတွေ့ဆက်ဆံနေ ခဲ့သည့် ဘုရားသခင်၏စိတ်သဘောထားနှင့် အနှစ်သာရတို့သည် ဘုရားသခင်ကိုယ်တော်တိုင်၏ ဖော်ပြခြင်း ဧကန်ပင်ဖြစ်သည်။ ၎င်းသည် သမ္မာတရား မဟုတ်ပေလော။ မည်သို့သောနည်းလမ်း၊ သို့မဟုတ် မည်သို့သောရှုထောင့်ဖြင့် ဘုရားသခင်သည် မိမိအမှုကို ပြုသည်ဖြစ်စေ ဘုရားသခင်သည် သူပြုသင့်သည့်အရာကို ပြုလျက် သူပြောသင့်သည့်အရာကိုပြောကာ လူသားတို့ကို မိမိ၏စစ်မှန်သည့် ကိုယ်ပိုင်လက္ခဏာဖြင့် အမြဲဆက်ဆံ၏။ ဘုရားသခင်သည် တတိယကောင်းကင်တွင် တည်နေကောင်း တည်နေနိုင်သည်၊ သို့မဟုတ် ဇာတိခန္ဓာထဲတွင် တည်နေကောင်း တည်နေနိုင်သည်၊ သို့မဟုတ် သာမန်လူသားအဖြစ်ပင် ဖြစ်နေနိုင်သည်၊ မည်သည့်အနေအထားမှ ဘုရားသခင်ပြောဆို သည်ဖြစ်စေ၊ သူသည် လှည့်စားခြင်းနှင့် ဖုံးကွယ်ထားခြင်းမရှိဘဲ မိမိ၏စိတ်နှလုံးအကြွင်းမဲ့ဖြင့် လူသားတို့ကို အစဉ်အမြဲ ပြောဆို၏။ ဘုရားသခင်သည် မိမိ၏အမှုကို လုပ်ဆောင် သောအခါ မိမိ၏နှုတ်ကပတ်တော်နှင့် စိတ်သဘောထားကို ဖော်ပြပြီး မိမိ၏အရာအားလုံးနှင့်ဖြစ်ခြင်းကို မည်သည့်အရာမျှ ခြွင်းချန်ထားခြင်းမရှိဘဲ ဖော်ပြ၏။ လူသားမျိုးနွယ်ကို မိမိ၏အသက်၊ မိမိ၏ဖြစ်ခြင်းနှင့် အရာအားလုံးတို့ဖြင့် သူလမ်းပြ၏။ ဤသည်ကား လူသားမျိုးနွယ်၏ အစပျိုးရာခေတ် ဖြစ်သည့် ပညတ်တရားခေတ်၌ မြင်တွေ့၍မရ၊ ထိတွေ့၍မရသော ဘုရားသခင်၏ လမ်းပြခြင်းဖြင့် လူသားများ မည်ကဲ့သို့ အသက်ရှင်ခဲ့သည့်အကြောင်းဖြစ်သည်။

ဘုရားသခင်သည် ပညတ်တော်ခေတ်ပြီးနောက် ပထမဆုံး အကြိမ် လူ့ဇာတိကိုခံယူခဲ့သည်။ ထိုသို့လူ့ဇာတိ ခံယူခြင်းသည် သုံးဆယ့်သုံးနှစ်ခွဲကြာခဲ့သည်။ လူသားတစ်ယောက်အတွက် သုံးဆယ့်သုံးနှစ်ခွဲသည် ရှည်ကြာသော အချိန်ဟုတ်သလော။ (မရှည်ကြာပါ။) လူသားများ၏ပျှမ်းမျှသက်တမ်းသည် နှစ်ပေါင်း သုံးဆယ်ထက် များစွာရှည်လျားသည်နှင့်အညီ ထိုသက်တမ်းမှာ လူသားတစ်ဦးအတွက် အလွန်ရှည်လျားသည့် အချိန်ကာလ မဟုတ်ပေ။ သို့သော် လူ့ဇာတိခံယူသော ဘုရားသခင်အတွက်မူ သုံးဆယ့်သုံးနှစ်ခွဲသည် အလွန်ကြာသည်။ သူသည် လူပုဂ္ဂိုလ် တစ်ဦးဖြစ်လာပြီး ဘုရားသခင်၏ အမှုတော်နှင့် တာဝန်ပေး စေခိုင်းချက်ကို ထမ်းဆောင်ခဲ့သော သာမန်လူတစ်ယောက်ပင် ဖြစ်သည်။ ထိုသို့ဆိုရာတွင် သာမန်လူတစ်ဦးမခံရပ်နိုင်သော ဆင်းရဲဒုက္ခကို သည်းခံလျက် သာမန်လူတစ်ဦး မနိုင်နင်းသည့် အမှုကို တာဝန်ယူခဲ့သည်ဟု ဆိုလိုသည်။ သူ၏အမှုတော်အစမှ ကားတိုင်ပေါ် သံမှိုစွဲနှက်ခြင်းခံရသည်အထိ ကျေးဇူးတော်ခေတ် အတွင်း သခင်ယေရှုခံစားခဲ့ရသည့် နာကျင်မှုပမာဏ၊ ယနေ့ လူသားများက မျက်မြင်တွေ့နိုင်မည့်အရာမျိုး မဟုတ်သော်လည်း အနည်းဆုံးအနေဖြင့် သမ္မာကျမ်းစာထဲ၌ ဖော်ပြထားသည့် အကြောင်းအရာများအားဖြင့် ၎င်းကို အနည်းငယ်လောက်မျှ သင်တို့ နားလည်နိုင်သလော။ ထိုမှတ်တမ်းတင်ထားသည့် အချက်အလက်များတွင် အသေးစိတ်အချက်များ မည်မျှရှိသည် ဖြစ်စေ၊ ခြုံကြည့်သော် ဤကာလအတွင်း ဘုရားသခင်၏ အမှုသည် ခက်ခဲမှုနှင့် ဆင်းရဲဒုက္ခများဖြင့် ပြည့်နှက်နေခဲ့သည်။ ပျက်စီးနေသည့် လူသားတစ်ယောက်အတွက်ဆိုလျှင် သုံးဆယ့် သုံးနှစ်ခွဲဟူသောအချိန်မှာ ကြာလှသည်မဟုတ်ပေ။ အနည်းငယ် သော ဆင်းရဲဒုက္ခသည် မပြောပလောက်ပေ။ သို့ရာတွင် လူသားအပေါင်းတို့၏ အပြစ်များကို ထမ်းသွားရသောသူ၊ အပြစ်သားများနှင့် အသက်ရှင်နေထိုင် စားသောက်သည့် သန့်ရှင်းပြီး ပြစ်မျိုးမှဲ့မထင်သော ဘုရားသခင်အတွက်မူ ဤဆင်းရဲဒုက္ခသည် အလွန်ကြီးလေးလှသည်။ သူသည် ဖန်ဆင်းရှင်ဖြစ်ပြီး၊ အရာအားလုံး၏သခင်နှင့် အရာအားလုံးကို အုပ်စိုးသူဖြစ်သော်လည်း လောကသို့ သူဆင်းကြွလာသောအခါ ပျက်စီးနေသော လူသားများ၏ ဖိနှိပ်ချုပ်ချယ်မှုနှင့် နှိပ်စက်မှုကို ခံခဲ့ရသည်။ ကိုယ်တော်သည် သူ၏အမှုကို ပြီးမြောက်ဖို့နှင့် လူသားများကို ဝေဒနာထဲမှ ကယ်လွတ်ဖို့ရန်အလို့ငှာ လူသားများ၏ ပြစ်တင်ရှုတ်ချခြင်းကို ခံခဲ့ရပြီး လူအပေါင်းတို့၏ အပြစ်များကို ထမ်းခဲ့ရသည်။ သူကြုံတွေ့ခံစားခဲ့ရသည့် ဆင်းရဲဒုက္ခပမာဏကို သာမန်လူသားများက ဉာဏ်မီနိုင်ခြင်း သို့မဟုတ် နားလည်နိုင်ခြင်းမရှိပေ။ ဤဆင်းရဲဒုက္ခသည် မည်သည့်အရာကို ကိုယ်စားပြုသနည်း။ ၎င်းသည် လူသားများ အပေါ်၌ ဘုရားသခင်၏ ကြီးမားသောသံယောဇဉ်ကို ကိုယ်စားပြုသည်။ ၎င်းသည် လူသားများကို အပြစ်ထဲမှ ရွေးနုတ်ရန်နှင့် သူ့အမှု၏ဤအဆင့်ကို ပြီးမြောက်ရန် သူခံစားခဲ့ရသည့် အရှက်ကွဲခြင်းနှင့် လူသားတို့၏ ကယ်တင်ခြင်းအတွက် သူပေးဆပ်ခဲ့ရသည့် အဖိုးအခဖြစ်သည်။ လူသားသည် ဘုရားသခင်အားဖြင့် ကားတိုင်မှ ရွေးနှုတ်ခြင်းခံရလိမ့်မည်ဟုလည်း ဆိုလိုသည်။ ၎င်းသည် အသွေးဖြင့်၊ အသက်ဖြင့် ပေးချေရသော အဖိုးအခဖြစ်ပြီး ဖန်ဆင်းခံသတ္တဝါများ မတတ်နိုင်သောအရာဖြစ်သည်။ သူ၌ ဘုရားသခင်၏အနှစ်သာရရှိပြီး သူသည် ဘုရားသခင်၏ အရာအားလုံးနှင့်ဖြစ်ခြင်းတို့နှင့် ပြည့်စုံသောကြောင့် ဤသို့သော ဆင်းရဲဒုက္ခနှင့် ဤသို့သောအမှုကို သူထမ်းဆောင်နိုင်ခြင်း ဖြစ်သည်။ ဤအရာသည် သူ့ကိုယ်စား မည်သည့်ဖန်းဆင်းခံ သတ္တဝါမျှ မလုပ်နိုင်သောအရာ ဖြစ်သည်။ ဤသည်မှာ ကျေးဇူးတော်ခေတ်အတွင်း ဘုရားသခင်၏အမှုဖြစ်ပြီး သူ၏ စိတ်သဘောထားကို ဖော်ပြခြင်းလည်းဖြစ်သည်။ ၎င်းသည် ဘုရားသခင်၏ အရာအားလုံးနှင့်ဖြစ်ခြင်းအကြောင်း တစ်စုံ တစ်ရာကို ဖော်ပြသလော။ ၎င်းကို လူသားများ သိထိုက်သလော။

ထိုကာလ၌ လူသားတို့သည် ဘုရားသခင်၏ ဇာတိ အဖြစ်တော်ကို မမြင်ရသော်လည်း သူတို့သည် ဘုရားသခင်၏ အပြစ်ဖြေရာယဇ်ကို ရရှိခဲ့ကြပြီး ဘုရားသခင်အားဖြင့် ကားတိုင်မှ ရွေးနှုတ်ခြင်းခံခဲ့ကြ၏။ လူသားတို့သည် ကျေးဇူးတော်ခေတ် အတွင်း ဘုရားသခင်လုပ်ဆောင်ခဲ့သည့်အမှုနှင့် ရင်းနှီးမှုမရှိခြင်း ဖြစ်ကောင်း ဖြစ်နိုင်သည်။ သို့ရာတွင် ထိုကာလအတွင်း၌ ဘုရားသခင်ဖော်ပြခဲ့သည့် စိတ်သဘောထားနှင့် အလိုတော်နှင့် ရင်းနှီးသည့်သူ တစ်စုံတစ်ယောက်ရှိသလော။ လူသားသည် မတူညီသည့်ခေတ်ကာလများတစ်လျှောက်တွင် အမျိုးမျိုးသော လမ်းကြောင်းများမှတစ်ဆင့် ဘုရားသခင်အမှု၏ အသေးစိတ် အကြောင်းအရာများကို သိရုံမျှသာရှိသည်၊ သို့မဟုတ် ဘုရားသခင်သည် သူ့အမှုကို လုပ်ဆောင်နေသည့် တစ်ချိန်တည်းတွင် ဖြစ်ပျက်ခဲ့သည့် ဘုရားသခင်နှင့် ဆက်စပ်သည့် အကြောင်းအရာများကိုသာ သိရှိသည်။ ဤအသေးစိတ်အချက်အလက်များနှင့် အဖြစ်အပျက်များသည် ဘုရားသခင်နှင့်ပတ်သက်သည့် သတင်းအချက်အလက် သို့မဟုတ် ထုံးဟောင်းပုံပြင်များသာဖြစ်ပြီး ဘုရားသခင်၏ စိတ်သဘောထားနှင့် အနှစ်သာရတို့နှင့် ဘာမျှပတ်သက်မှု မရှိပေ။ ထို့ကြောင့် လူတို့သည် ဘုရားသခင်နှင့်ပတ်သက်သည့် အကြောင်းအရာ မည်မျှပင် သိနေပါစေ ထိုသို့သိရှိခြင်းက သူတို့သည် ဘုရားသခင်၏ စိတ်သဘောထားနှင့် အနှစ်သာရကို နက်နဲသော နားလည် သဘောပေါက်မှုရှိသည်ဟု ဆိုလိုခြင်း မဟုတ်ပေ။ ပညတ်တော်ခေတ် နည်းတူ ကျေးဇူးတော်ခေတ်မှ လူများသည် လူ့ဇာတိရှိ ဘုရားသခင်ကို နီးနီးကပ်ကပ်နှင့် ရင်းနှီးသော ဆက်ဆံမှုကို တွေ့ကြုံခဲ့ကြသော်လည်း ဘုရားသခင်၏ စိတ်သဘောထားနှင့် အနှစ်သာရအပေါ် သူတို့၏ သိကျွမ်းခြင်းသည် အမှန်တကယ် မတည်ရှိခဲ့ပေ။

နိုင်ငံတော်ခေတ်တွင် ပထမအကြိမ်ပြုခဲ့သကဲ့သို့ ဘုရားသခင်သည် လူ့ဇာတိအဖြစ်ကို နောက်ထပ်တစ်ခါ ခံယူ ခဲ့သည်။ ဤအမှုကာလတွင် ဘုရားသခင်သည် သူ၏ နှုတ်ကပတ်တော်ကို ပွင့်ပွင့်လင်းလင်းဖော်ပြလျက် သူလုပ်သင့်သော အမှုကို လုပ်ဆောင်ကာ သူ၏အရာအားလုံးနှင့် ဖြစ်ခြင်းတို့ကို ဖော်ပြဆဲရှိ၏။ တစ်ချိန်တည်းမှာပင် လူသားတို့၏ မနာခံမှုနှင့် မသိနားမလည်မှုကို သူဆက်လက်အောင့်အည်း သည်းခံခဲ့သည်။ ဘုရားသခင်သည် ဤအမှုကာလ၌ သူ၏ စိတ်သဘောထားကို စဉ်ဆက်မပြတ်ဖော်ပြပြီး သူ၏ အလိုတော်ကို ဖော်ပြသည်မဟုတ်လော။ ထို့ကြောင့် လူသားကို ဖန်ဆင်းသည့်အချိန်မှစ၍ယနေ့ထိ ဘုရားသခင်၏ စိတ်သဘောထား၊ သူ၏ဖြစ်ခြင်းနှင့် အရာအားလုံး၊ သူ၏ အလိုတော်တို့ကို လူအယောက်တိုင်းထံ အစဉ်ဖွင့်ပြထား၏။ ဘုရားသခင်သည် သူ၏ အနှစ်သာရ၊ သူ၏စိတ်သဘောထားနှင့် သူ၏အလိုတော်တို့ကို မည်သည့်အခါမျှ တမင်တကာ ဖုံးကွယ်မထားဖူးပေ။ လူသားများကသာ ဘုရားသခင် လုပ်ဆောင်နေသည့်အရာနှင့် ဘုရားသခင်၏ အလိုတော်ကို အလေးမထားခြင်း ဖြစ်သည်။ ထို့ကြောင့် ဘုရားသခင်နှင့် ပတ်သက်၍ လူသား၏နားလည်ခြင်းသည် အလွန် သိမ်ဖျင်းလှခြင်း ဖြစ်သည်။ တစ်နည်းအားဖြင့် ဘုရားသခင်သည် သူ၏ဇာတိအဖြစ်တော်ကို ဖုံးကွယ်ထားစဉ် သူ၏အလိုတော်၊ သူ၏ စိတ်သဘောထားနှင့် အနှစ်သာရများကို ထင်ရှားစွာ ဖော်ပြလျက် သူသည် အချိန်တိုင်း၌ လူသားတို့၏ အနားမှာ ရပ်လျက်နေတော်မူ၏။ တစ်နည်းအားဖြင့် ဘုရားသခင်၏ ဇာတိအဖြစ်တော်ကို လူတို့ထံဖွင့်ပြသော်လည်း လူသားတို့၏ မျက်ကန်းမှုနှင့် မနာခံမှုတို့ကြောင့် သူတို့သည် ဘုရားသခင်၏ ပုံပန်းသဏ္ဌာန်ကို အစဉ်အမြဲ မမြင်တွေ့နိုင်ကြပေ။ ဤသို့ဆိုလျှင် ဘုရားသခင်၏စိတ်သဘောထားနှင့် ဘုရားသခင် ကိုယ်တော်တိုင်ကို နားလည်ခြင်းသည် လူတိုင်းအတွက် လွယ်ကူ သင့်သည်မဟုတ်လော။ ၎င်းသည် ဖြေဆိုရန် အလွန်ခက်ခဲသော မေးခွန်းဖြစ်၏၊ မှန်သလော။ ၎င်းသည် လွယ်ကူသည်ဟု သင်တို့ဆိုနိုင်သည်။ သို့သော် လူအချို့ ဘုရားသခင်ကို သိကျွမ်းဖို့ ရှာဖွေကြသောအခါ သူတို့သည် ဘုရားသခင်ကို အမှန်တကယ် မသိရှိနိင်ကြ သို့မဟုတ် ဘုရားသခင်ကို ရှင်းလင်းစွာ နားမလည်နိုင်ကြပေ။ အမြဲမထင်မရှား၊ မရေရာသာဖြစ်သည်။ အကယ်၍ သင်တို့က ၎င်းသည် မလွယ်ကူဟုပြောလျှင်လည်း မမှန်ပြန်ပေ။ ဘုရားသခင်၏ အမှုပြုခြင်းခံရသည့်အရာအဖြစ် ကြာမြင့်စွာ ရှိနေခဲ့ပြီးဖြစ်၍ အယောက်စီတိုင်းသည် မိမိတို့၏ အတွေ့အကြုံများမှတစ်ဆင့် ဘုရားသခင်နှင့် စစ်မှန်သော အဆက်အသွယ်ရှိသင့်ပြီဖြစ်သည်။ သူတို့သည် အနည်းဆုံး မိမိတို့၏နှလုံးသားထဲတွင် ဘုရားသခင်ကို အထိုက်အလျောက် သိသင့်သည်၊ သို့မဟုတ် ယခင်က ဝိညာဉ်ရေးရာအဆင့်၌ ဘုရားသခင်နှင့် ဆုံမိခဲ့သင့်သည်။ ထို့ကြောင့် သူတို့၌ ဘုရားသခင်၏စိတ်သဘောထားအပေါ် နားလည် သဘောပေါက် သည့် အမြင်အချို့ အနည်းဆုံး ရှိသင့်သည် သို့မဟုတ် ဘုရားသခင်နှင့်စပ်လျဉ်း၍ နားလည်ခြင်းအချို့ ရှိသင့်သည်။ လူသားသည် ဘုရားသခင်နောက်ကို လိုက်သည့် အချိန်မှစ၍ ယခုထိ လူသားတို့သည် များစွာရရှိပြီးဖြစ်သည်။ သို့သော် လူသား၏ အရည်အချင်း ညံ့ဖျင်းခြင်း၊ မသိနားမလည်ခြင်း၊ ဆန့်ကျင်ပုန်ကန်ခြင်းနှင့် ရည်ရွယ်ချက် အမျိုးမျိုးတို့ဖြစ်သည့် အကြောင်းရင်းအမျိုးမျိုးကြောင့် လူသားတို့သည် ထိုအရာများစွာ ကိုလည်း ဆုံးရှုံးခဲ့ရသည်။ ဘုရားသခင်သည် လူသားတို့ကို လုံလုံလောက်လောက် ပေးအပ်ခဲ့ပြီမဟုတ်လော။ ဘုရားသခင် သည် မိမိ၏ဇာတိအဖြစ်တော်ကို လူသားများထံမှ ဖုံးကွယ်ထား သော်လည်း မိမိ၏အရာအားလုံးနှင့်ဖြစ်ခြင်းတို့အပြင် မိမိ၏ အသက်ဖြင့်ပင် သူတို့ကို ကူညီဖေးမ၏။ ဘုရားသခင်အပေါ် လူသားတို့၏အသိပညာသည် ယခုဖြစ်သည့်အတိုင်းအတာသာ မဖြစ်သင့်ပေ။ ထိုအကြောင်းကြောင့် ဘုရားသခင်၏အမှုတော်၊ ဘုရားသခင်၏စိတ်သဘောထားနှင့် ဘုရားသခင်ကိုယ်တော်တိုင် ဟူသည့် အကြောင်းအရာတို့နှင့်ပတ်သက်၍ သင်တို့နှင့် ဆက်လက်မိတ်သဟာယဖွဲ့ရန် လိုအပ်သည်ဟု ငါယူဆခြင်း ဖြစ်သည်။ ရည်မှန်းချက်မှာ လူသားများအပေါ် ဘုရားသခင် သွန်းလောင်းပေးခဲ့သည့် နှစ်ပေါင်းထောင်နှင့်ချီသည့် ဂရုစိုက်မှု နှင့် အတွေးတို့သည် အချည်းနှီးအဆုံးသတ် မသွားရန်ဖြစ်ပြီး လူသားတို့သည် မိမိတို့အပေါ်ထားသည့် ဘုရားသခင်၏ အလိုတော်ကို အမှန်တကယ်နားလည်ကာ သဘောပေါက်နိုင်ရန် ဖြစ်သည်။ ဤသည်မှာ လူသားတို့သည် ဘုရားသခင်ကို သူတို့၏သိကျွမ်းမှု၌ အဆင့်သစ်ဆီသို့ ရှေ့တိုးနိုင်ရန်ဖြစ်သည်။ ၎င်းသည် လူသားတို့၏နှလုံးသားထဲ၌ ဘုရားသခင်ကို သူ၏နေရာမှန်သို့ ပြန်ပို့ပေးမည်ဖြစ်သည်၊ ဆိုလိုသည်မှာ သူ့ကို တရားမျှတစွာ ဆက်ဆံရန်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၂၃)

၁။ အာဒံကို ဘုရားသခင်ပေးသည့် ပညတ်တရား

ကမ္ဘာဦးကျမ်း ၂:၁၅-၁၇ ထိုအခါ ယေဟောဝါ ဘုရားသခင်သည် လူကိုယူပြီး ဧဒင်ဥယျာဉ်ထဲတွင် ပြုစုစောင့်ရှောက်စေရန် ထားတော်မူ၏။ ယေဟောဝါ ဘုရားသခင်က ဥယျာဉ်ထဲရှိသည့် ခပ်သိမ်းသောအပင်တို့ကို သင်သည် လွတ်လပ်စွာ စားသုံးနိုင်၏။ သို့သော် အကောင်း၊ အဆိုး သိကျွမ်းရာအပင်ကို သင်သည် မစားရ။ သင်စားသောနေ့တွင် ဧကန်မုချ သေရမည်ဟု လူကို အမိန့်ပေးတော်မူ၏။

ဤကျမ်းပိုဒ်များမှ သင်တို့ မည်သည့်အရာကို ရလိုက်ကြသနည်း။ ကျမ်းစာ၏ ဤအပိုင်းက သင်တို့ကို မည်သို့ ခံစားရစေသနည်း။ “အာဒံကို ဘုရားသခင်ပေးသည့် ပညတ်တရား” ကို မည်သည့်အတွက်ကြောင့် ကျမ်းစာထဲမှ ကောက်နုတ်ထားသနည်း။ ယခုတွင် သင်တို့ တစ်ယောက်ချင်းစီသည် မိမိတို့၏စိတ်ထဲ၌ ဘုရားသခင်နှင့် အာဒံ၏ပုံစံကို မြင်သလော။ သင်တို့ ကြိုးစားစိတ်ကူး ကြည့်နိုင်သည်။ သင်တို့သည် ထိုအဖြစ်အပျက်တွင် ပါဝင်နေပါက သင်တို့နှလုံးသားထဲမှ ဘုရားသခင်သည် မည်သည့်အရာနှင့် တူမည်နည်း။ ဤပုံသဏ္ဌာန်က သင်တို့ကို မည်သည့် စိတ်ခံစားမှုများကို ခံစားရစေမည်နည်း။ ဤသည်မှာ တို့ထိပြီး ကြည်နူးအားရဖွယ်ကောင်းသည့် ပုံတစ်ပုံဖြစ်သည်။ ထိုပုံတွင် ဘုရားသခင်နှင့် လူတို့သာ ပါရှိသော်လည်း၊ သူတို့အကြားမှ ရင်းနှီးကျွမ်းဝင်မှုသည် အလွန်မနာလိုစရာကောင်းသည်။ ဘုရားသခင်၏ များပြားလှသည့် ချစ်ခြင်းမေတ္တာကို လူသားကို အခမဲ့ပေးအပ်ပြီး ထိုလူသားကို ဝန်းရံစေသည်။ လူသားသည် နုံအပြီး အပြစ်ကင်းသည်။ တာဝန်ကင်းကာ ပူပင် ကြောင့်ကြမဲ့သည်။ ဘုရားသခင်၏မျက်မှောက်တော်အောက်တွင် အလွန်ပျော်ရွှင်စွာ နေထိုင်သည်။ လူသားသည် ဘုရားသခင်၏ ကောင်းချီးနှင့် အကာအကွယ်အောက်တွင် နေထိုင်နေစဉ် ဘုရားသခင်သည် လူသားအတွက် ပူပန်ပေးသည်။ လူသား ပြုလုပ်ပြောဆိုသည့် အရာတစ်ခုစီတိုင်းသည် ဘုရားသခင်နှင့် နီးကပ်စွာ ဆက်စပ်နေပြီး ဘုရားသခင်နှင့် ခွဲခြား၍မရပေ။

ဤသည်မှာ အာဒံကိုဖန်ဆင်းပြီးကတည်းက သူ့ကို ဘုရားသခင်ပထမဆုံးချမှတ်ခဲ့သည့် ပညတ်တရားဟု သင်တို့ ဆိုနိုင်သည်။ ဤပညတ်တရားတွင် မည်သည့်အချက်များ ပါဝင်သနည်း။ ထိုအထဲတွင် ဘုရားသခင်၏ အလိုတော် ပါဝင်သည်။ သို့ရာတွင် လူသားမျိုးနွယ်အပေါ်ထားရှိသည့် ဘုရားသခင်၏ စိုးရိမ်ပူပန်မှုများလည်း ပါဝင်နေသည်။ ဤသည်မှာ ဘုရားသခင်၏ ပထမဆုံးပညတ်တရားဖြစ်ပြီး လူသားအတွက် ဘုရားသခင်၏ ပထမဆုံး စိုးရိမ်ပူပန်ခြင်းလည်း ဖြစ်သည်။ ဆိုလိုသည်မှာ ဘုရားသခင်သည် လူသားကို ဖန်ဆင်းလိုက်သည့် အချိန်မှစပြီး သူ့ထံတွင် လူသားနှင့် ပတ်သက်သည့် တာဝန်တစ်ခုရှိလာခဲ့သည်။ သူ၏ထိုတာဝန်က အဘယ်အရာနည်း။ လူသားကို သူကာကွယ်ရမည်၊ လူသားကို သူကြည့်ရှုစောင့်ရှောက်ရမည်။ လူသားအနေဖြင့် သူ၏ နှုတ်ကပတ်တော်များကို ယုံကြည်ပြီး နာခံဖို့ ဘုရားသခင် မျှော်လင့်သည်။ ဤသည်မှာ လူသားအပေါ်တွင် ဘုရား၏ ပထမဆုံးသော မျှော်လင့်ချက်လည်းဖြစ်သည်။ ဤမျှော်လင့်ချက်နှင့် ဤနှုတ်ကပတ်တော်များကို ဘုရားသခင် ဆိုခဲ့ခြင်းဖြစ်သည်။ “ကောင်းမကောင်းကို သိကျွမ်းရာ အပင်မှတပါး ထိုဥယျာဉ်၌ ရှိသမျှသော အပင်တို့၏အသီးကို သင်သည် စားရသောအခွင့်ရှိ၏။ ထိုအပင်၏ အသီးကိုကား မစားရ။ စားသောနေ့တွင် ဧကန်အမှန်သေရမည်။” ဤရိုးရှင်းသော နှုတ်ကပတ်တော်များသည် ဘုရားသခင်၏ အလိုတော်ကို ကိုယ်စားပြုသည်။ ဘုရားသခင်၏နှလုံးသားသည် လူသားအတွက် စတင်စိုးရိမ်ပူပန်လာခဲ့ပြီဖြစ်သည်ကိုလည်း ဖော်ပြသည်။ အားလုံးသောအရာများထဲတွင် အာဒံတစ်ဦးတည်း ကိုသာ ဘုရားသခင်၏ပုံသဏ္ဌာန်တော်နှင့်အညီ ဖန်ဆင်းထားခြင်းဖြစ်သည်။ အာဒံသည် ဘုရားသခင်၏ ဇီဝအသက်ကိုရထားသည့် တစ်ဦးတည်းသော သက်ရှိဖြစ်သည်။ သူသည် ဘုရားသခင်နှင့်အတူ လမ်းလျှောက်နိုင်သည်။ စကားစမြည်ပြောဆိုနိုင်သည်။ ထို့ကြောင့် ထိုသို့သော ပညတ်တော်ကို အာဒံအတွက် ဘုရားသခင်က ချမှတ်တော်မူခဲ့ခြင်းဖြစ်သည်။ ဤပညတ်တွင် လူသားလုပ်ဆောင်နိုင်သည့်အရာအပါအဝင် မလုပ်ဆောင်နိုင်သည့် အရာကိုလည်း ဘုရားသခင်က ရှင်းလင်းစွာ ဖော်ပြထားသည်။

ဤရိုးရှင်းသည့် နှုတ်ကပတ်တော်အနည်းငယ်ထဲတွင် ဘုရားသခင်၏နှလုံးသားကို ငါတို့ မြင်တွေ့ရသည်။ သို့ရာတွင် မည်သို့သောနှလုံးသားမျိုးကို ငါတို့မြင်တွေ့ရသနည်း။ ဘုရားသခင်၏နှလုံးသားထဲတွင် ချစ်ခြင်းမေတ္တာ ရှိသလော။ ထိုအထဲတွင် စိုးရိမ်ပူပန်မှု ရှိသလော။ ဤကျမ်းပိုဒ်များထဲတွင် ရှိသည့် ဘုရားသခင်၏ချစ်ခြင်းမေတ္တာနှင့် စိုးရိမ်ပူပန်မှုတို့ကို လူသားများက နားလည်နိုင်ရုံတင်မကဘဲ အမှန်တကယ် ကောင်းစွာ ခံစားရနိုင်သည်။ ထိုသို့ဖြစ်သည် မဟုတ်လော။ ဤအရာများကို ငါပြောပြီးနောက် ၎င်းတို့မှာ ရိုးရှင်းသည့် နှုတ်ကပတ်တော်အချို့သာ ဖြစ်သည်ဟု သင်တို့ ထင်သေးသလော။ ထိုမျှလောက် မရိုးရှင်းပေ၊ မှန်သလော။ ယခင်က ထိုအချက်ကို သင်တို့မြင်နိုင်ခဲ့သလော။ ဘုရားသခင် ကိုယ်တိုင်က သင့်ကို ဤနှုတ်ကပတ်တော်များကို ပြောဆို လာခဲ့လျှင် သင့်စိတ်ထဲတွင် မည်သို့ခံစားရမည်နည်း။ သင်သည် အကြင်နာတရားရှိသော ပုဂ္ဂိုလ်တစ်ဦး မဟုတ်ပါက၊ သင့်နှလုံးသားသည် အေးစက်မာကျောနေပါက သင်သည် မည်သည့်အရာကိုမျှ ခံစားရမည် မဟုတ်ပေ။ ဘုရားသခင်၏ ချစ်ခြင်းမေတ္တာကို သင်အသိအမှတ်ပြုမည်မဟုတ်ပေ။ ထို့ပြင် ဘုရားသခင်၏နှလုံးသားကို နားလည်ဖို့ ကြိုးစားမည်မဟုတ်ပေ။ သို့ရာတွင် သင်သည် အသိစိတ်ရှိသည့် စာနာတတ်သည့် လူတစ်ယောက်ဆိုလျှင် သင့်အနေဖြင့် ကွဲပြားစွာ ခံစားရလိမ့်မည်။ သင်သည် နွေးထွေးမှုကိုခံစားရမည်။ သင်သည် ချစ်ခြင်းမေတ္တာနှင့် ဂရုစိုက်မှုကို ခံစားရမည်။ ထို့ပြင် သင်သည် ပျော်ရွှင်မှုကို ခံစားရပေမည်။ မှန်သည် မဟုတ်လော။ ဤအရာများကို သင်ခံစားရသည့်အခါ ဘုရားသခင်ကို သင်မည်သို့ပြုမူမည်နည်း။ ဘုရားသခင်ကို သံယောဇဉ်တွယ်သွား မည်လော။ သင့်ရင်ထဲမှ ဘုရားသခင်ကို လှိုက်လှိုက်လှဲလှဲ ချစ်ပြီး ရိုသေလေးစားမည်လော။ သင့်နှလုံးသားက ဘုရားသခင်ထံ တိုးဝင်ချဉ်းကပ်မည်လော။ ဘုရားသခင်၏ ချစ်ခြင်းမေတ္တာသည် လူသားအတွက် မည်မျှအရေးကြီးကြောင်းကို ဤအချက်မှ သင်မြင်တွေ့နိုင်သည်။ သို့ရာတွင် ပိုပြီးအရေးကြီးသည်မှာ ဘုရားသခင်၏ချစ်ခြင်းမေတ္တာအပေါ်တွင် လူသား၏ အသိအမှတ်ပြုမှုနှင့် သိရှိနားလည်မှုပင်ဖြစ်သည်။ အမှန်မှာမူ ဘုရားသခင်သည် သူ့အမှုတော်၏ ဤအဆင့်တွင် အလားတူသော အရာများကို များစွာပြောခဲ့သည် မဟုတ်လော။ သို့ရာတွင် ယနေ့ခေတ်လူသားများသည် ဘုရားသခင်၏ နှလုံးသားကို နားလည်ကြသလော။ ယခုပင် ငါပြောသွားသည့် ဘုရားသခင်၏အလိုတော်ကို သင်တို့နားလည်နိုင်သလော။ ဤမျှခိုင်လုံပြီး လက်ဆုပ်လက်ကိုင် ပြနိုင်ကာ လက်တွေ့ကျသည့် ဘုရားသခင်၏အလိုတော်ကိုပင် သင်တို့သည် သတိမပြုမိနိုင် ကြပေ။ ထို့ကြောင့် သင်တို့သည် ဘုရားသခင်အပေါ် စစ်မှန်သည့်အသိနှင့် နားလည်ခြင်းမရှိဟု ငါပြောရခြင်း ဖြစ်သည်။ ဤသည်မှာ မမှန်သလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၂၄)

၂။ ဘုရားသခင် ဧဝကို ဖန်ဆင်းသည်

ကမ္ဘာဦးကျမ်း ၂:၁၈-၂၀ ထိုအခါ ယေဟောဝါ ဘုရားသခင်က လူသည် တစ်ယောက်တည်းနေမည်မှာ မကောင်းပေ။ သူ့အတွက် သူနှင့်သင့်တော်သော အထောက်အမကို ငါဖန်တီးမည်။ ယေဟောဝါ ဘုရားသခင်သည် မြေထဲမှ မြေသားရဲတိရစ္ဆာန်တိုင်းနှင့် မိုးကောင်းကင် ငှက်အားလုံးတို့ကို ဖြစ်ပေါ်စေခဲ့ပြီး ၎င်းတို့ကို အာဒံ အဘယ်သို့ သတ်မှတ်ခေါ်ဝေါ်လိမ့်မည်ကို သိရန်အတွက် သူ့ထံသို့ ခေါ်ဆောင်လာခဲ့သည်။ အသက်ရှင်သော သတ္တဝါအပေါင်းတို့ကို အာဒံ သတ်မှတ်ခေါ်ဝေါ်သော အမည်တိုင်းမှာ ယင်းနှင့် သက်ဆိုင်သောအမည် ဖြစ်လာခဲ့သည်။ အာဒံသည် ကျွဲနွား တိရစ္ဆာန်အပေါင်း၊ မိုးကောင်းကင်ငှက်များနှင့် မြေသားရဲ တိရစ္ဆာန်တိုင်းကို အမည်များပေးလေသည်။ သို့သော်လည်း အာဒံအတွက် သူနှင့် သင့်တော်သော အထောက်အမ မတွေ့ရသေးပေ။

ကမ္ဘာဦးကျမ်း ၂:၂၂-၂၃ ထိုအခါ ယေဟောဝါ ဘုရားသခင်သည် လူထဲကယူခဲ့သောနံရိုးဖြင့် မိန်းမတစ်ဦးကို ဖန်ဆင်းကာ လူသားထံသို့ သူမကို ဆောင်ခဲ့လေ၏။ ထို့နောက် အာဒံက ယခု ဤသူမှာ ငါ၏အရိုးများထဲကအရိုး၊ ငါ၏အသားထဲကအသား ဖြစ်၏၊ သူ့ကို လူ၏အထဲမှ ထုတ်ယူသောကြောင့် လူမိန်းမဟု ခေါ်ရမည်ဟု ဆိုလေသည်။

ကျမ်းစာ၏ဤအပိုင်း၌ အဓိကကျသည့် စာစုအချို့ရှိသည်။ ၎င်းတို့ကို မျဉ်းတားကြလော့။ “လူသည်လည်း အသက်ရှင်သော သတ္တဝါအပေါင်းတို့ကို ခေါ်ဝေါ်သမုတ်သည့်အတိုင်း နာမည်အသီးအသီး ရှိကြ၏။” သက်ရှိသတ္တဝါအားလုံးကို မည်သူက နာမည်ပေးခဲ့သနည်း။ အာဒံဖြစ်သည်။ ဘုရားသခင် မဟုတ်ပေ။ ဤစာစုက လူသားမျိုးနွယ်အား အောက်ပါအချက်ကို ပြောသည်။ လူသားကို ဖန်ဆင်းစဉ်က ဘုရားသခင်သည် သူ့ကို အသိဉာဏ်ပေးခဲ့သည်။ တစ်နည်းအားဖြင့်ဆိုရလျှင် လူသား၏အသိဉာဏ်က ဘုရားသခင်ထံမှ လာခြင်းဖြစ်သည်။ ဤသည်မှာ ကျိန်းသေပင်ဖြစ်သည်။ သို့သော် အဘယ်ကြောင့်နည်း။ ဘုရားသခင်သည် အာဒံကိုဖန်ဆင်း ပြီးနောက် အာဒံသည် ကျောင်းတက်ခဲ့သလော။ သူစာဖတ်တတ် သလော။ ဘုရားသခင်သည် သတ္တဝါအမျိုးမျိုးကို ဖန်ဆင်းပြီးနောက်တွင် ဤသတ္တဝါအားလုံးကို အာဒံမှတ်မိခဲ့ သလော။ ၎င်းတို့၏နာမည်များက မည်သို့ဖြစ်သည်ကို ဘုရားသခင်က အာဒံကို ပြောခဲ့သလော။ သေချာပေသည်၊ ဤသတ္တဝါများကို မည်သို့နာမည်ပေးရမည်ဆိုသည်ကို ဘုရားသခင်က သူ့ကို သင်မပေးခဲ့ပေ။ ဤသည်မှာ အမှန်တရားဖြစ်သည်။ ဤသို့ဆိုလျှင် သတ္တဝါများ၏ နာမည်များကို မည်သည့်နာမည်မျိုးပေးရမည်ဆိုသည်ကို သူမည်သို့သိခဲ့သနည်း။ ဤသည်မှာ ဘုရားသခင်က အာဒံကို ဖန်ဆင်းခဲ့စဉ်တွင် သူ့ကို အဘယ်အရာထည့်ပေးလိုက်သနည်း ဆိုသည့် မေးခွန်းနှင့်ဆိုင်သည်။ ဘုရားသခင်သည် လူကိုဖန်ဆင်းခဲ့စဉ်က သူ၏အသိဉာဏ်ကို လူသားထံ ထည့်သွင်း ပေးလိုက်သည်ကို အချက်အလက်များက သက်သေပြုသည်။ ဤသည်မှာ အဓိကကျသည့် အချက်ဖြစ်သည်။ သင်တို့အားလုံး ဂရုတစိုက် နားထောင်ခဲ့ကြသလော။ သင်တို့သေချာ နားလည်ထားရမည့် နောက်ထပ် အဓိကကျသည့်အချက်တစ်ခု ရှိသေးသည်။ ဤသက်ရှိသတ္တဝါများကို အာဒံက ၎င်းတို့၏ နာမည်များ ပေးပြီးသည့်အခါတွင် သူတို့နာမည်များသည် ဘုရားသခင်၏ ဝေါဟာရထဲတွင် ပြဋ္ဌာန်းခြင်းခံရသည်။ ငါအဘယ်ကြောင့် ထိုအရာကို ပြောသနည်း။ ဤအချက်၌လည်း ဘုရားသခင်၏စိတ်သဘောထား ပါဝင်သည်။ ငါရှင်းပြမှ ဖြစ်မည်။

ဘုရားသခင်သည် လူကိုဖန်ဆင်းခဲ့ပြီး လူအတွင်းသို့ ဇီဝအသက်ကို မှုတ်သွင်းခဲ့ကာ သူ၏အသိဉာဏ်၊ သူ၏ အစွမ်းများနှင့် သူ၏အရာအားလုံးနှင့်ဖြစ်ခြင်းကိုလည်း လူကိုပေးခဲ့သည်။ ဘုရားသခင်က လူကို ဤအရာအားလုံးပေး ပြီးနောက်တွင် လူသားသည် အချို့အရာများကို တသီးတခြား လုပ်လာနိုင်ပြီး သူ့ဘာသာ တွေးခေါ်နိုင်လာသည်။ လူသားက ကြံစည်တွေးတောပြီး ပြုလုပ်သည့်အရာများက ဘုရားသခင်၏ အမြင်၌ ကောင်းမွန်သည်ဆိုလျှင် ဘုရားသခင်သည် လက်သင့်ခံပြီး ဝင်ရောက်စွက်ဖက်ခြင်းမရှိပေ။ လူသားပြုသည့် အရာက မှန်ကန်သည်ဆိုလျှင် ဘုရားသခင်သည် ဤအတိုင်းသာ လွှတ်ထားမည်ဖြစ်သည်။ ဤသို့ဆိုလျှင် “လူသည်လည်း အသက်ရှင်သော သတ္တဝါအပေါင်းတို့ကို ခေါ်ဝေါ်သမုတ် သည့်အတိုင်း နာမည်အသီးအသီးရှိကြ၏” ဟူသည့်စာစုက အဘယ်အရာကို ညွှန်ပြသနည်း။ သတ္တဝါအမျိုးမျိုးတို့၏ နာမည်များကို ဘုရားသခင်သည် ပြန်လည်ပြင်ဆင်ခြင်း မရှိခြင်းကို ဖော်ပြသည်။ အာဒံက မည်သည့်နာမည်ကို ပေးခဲ့သည်ဖြစ်စေ ဘုရားသခင်က “ကောင်းပြီ” ဟုပြောပြီး ထိုနာမည်အတိုင်း စာရင်းသွင်းလိုက်မည်ဖြစ်သည်။ ဘုရားသခင်သည် သူ့ထင်မြင်ချက်များကို ပြောပြခဲ့သလော။ မပြောပေ၊ ဤသည်မှာ သေချာသည်။ ဤသို့ဆိုလျှင် ဤနေရာတွင် သင်တို့ အဘယ်အချက်ကိုမြင်သနည်း။ ဘုရားသခင်သည် လူကို အသိဉာဏ်ပေးခဲ့ပြီး လူသည် ဘုရားသခင်ပေးထားသည့် သူ၏အသိဉာဏ်ကို အမှုအရာများ လုပ်ဆောင်ရာ၌ အသုံးချခဲ့သည်။ လူသားလုပ်သည့်အရာက ဘုရားသခင်၏အမြင်တွင် အပြုသဘောဆောင်လျှင် မည်သည့်အကဲဖြတ်ခြင်း သို့မဟုတ် ဝေဖန်ခြင်းမျှမရှိဘဲ ဘုရားသခင်သည် အတည်ပြု အသိအမှတ်ပြုပြီး လက်ခံသည်။ ဤသည်မှာ လူပုဂ္ဂိုလ်၊ သို့မဟုတ် ဝိညာဉ်ဆိုး သို့မဟုတ် စာတန်တို့က ပြုလုပ်နိုင်သည့်အရာ မဟုတ်ပေ။ ဤနေရာတွင် ဘုရားသခင်၏စိတ်သဘောထား ဖွင့်ပြမှုကို သင်တို့မြင်သလော။ လူသားတစ်ဦး၊ ဖောက်ပြန်ပျက်စီးနေသည့် လူသားတစ်ဦး သို့မဟုတ် စာတန်သည် မိမိရှေ့တည့်တည့်တွင် သူတို့ကို ကိုယ်စားပြုပြီး အမှုအရာများ ပြုလုပ်နေခြင်းကို လက်ခံပါ့ မည်လော။ လုံးဝလက်ခံမည် မဟုတ်ပေ။ သူတို့နှင့်မတူညီသည့် ထိုအဖွဲ့ သို့မဟုတ် ထိုလူပုဂ္ဂိုလ်ကို ရာထူးနေရာအတွက်နှင့် သူတို့တိုက်ခိုက်မည်လော။ တိုက်ခိုက်မည်မှာ အသေအချာ ပင်တည်း။ ထိုအချိန်၌ အာဒံနှင့်အတူရှိနေခဲ့သည်မှာ ဖောက်ပြန်ပျက်စီးသည့် လူတစ်ယောက် သို့မဟုတ် စာတန်သာဆိုလျှင် အာဒံလုပ်နေခဲ့သည့်အရာကို သေချာပေါက် ငြင်းပယ်ကြမည် ဖြစ်သည်။ သူတို့၌ တသီးတခြားတွေးခေါ်နိုင်စွမ်းနှင့် ကိုယ်ပိုင် အသိဉာဏ်ရှိသည်ကို သက်သေပြဖို့ရန် အာဒံလုပ်သည့်အရာမှန်သမျှကို လုံးဝငြင်းပယ်ခဲ့ကြမည်ဖြစ်သည်။ “၎င်းကို ဤသို့သင်ခေါ်ချင်သလော။ ၎င်းကို ထိုသို့ ငါခေါ်မည်မဟုတ်။ ဤသို့သာ ငါခေါ်မည်။ ၎င်းကို သင်က တွမ်ဟုခေါ်သည်။ သို့သော် ငါမူကား ၎င်းကို ဟယ်ရီဟုခေါ်မည်။ ငါ၏ ဉာဏ်ထက်မြက်ခြင်းကို ငါကြွားရမည်။” ဤသည်မှာ မည်သို့သော သဘောသဘာဝမျိုး ဖြစ်သနည်း။ ယင်းမှာ အလွန်အမင်း မာနထောင်လွှားနေခြင်း မဟုတ်လော။ သို့ရာတွင် ဘုရားသခင်ထံ၌ ဤသို့သော စိတ်သဘောထားမျိုးရှိသလော။ အာဒံလုပ်သည့်အရာအပေါ်တွင် ထူးထူးခြားခြား ကန့်ကွက်ခြင်းမျိုး ဘုရားသခင်၌ ရှိခဲ့သလော။ မရှိဟု အတိအလင်းဖြေရပေမည်။ ဘုရားသခင်ဖော်ပြသည့် စိတ်သဘောထား၌ အငြင်းအခုန်ပြုခြင်း၊ မာနထောင်လွှားခြင်း သို့မဟုတ် မိမိသာမှန်ကန်သည်ဟူသည့်သဘောတို့ နည်းနည်းမျှ မပါဝင်ပေ။ ဤအချက်မှာ လုံးဝရှင်းသည်။ ဤသည်မှာ အသေးအဖွဲလေးသာ ရှိသေးသည်။ သို့ရာတွင် ဘုရားသခင်၏အနှစ်သာရကို သင်နားမလည်ပါက၊ သင့်နှလုံးသားသည် ဘုရားသခင်၏သဘောထားနှင့် ဘုရားသခင်ပြုမူပုံကို နားလည်ဖို့ မကြိုးစားပါက၊ ဘုရားသခင်၏ စိတ်သဘောထားနှင့် ဘုရားသခင်၏ စိတ်သဘောထား ဖွင့်ပြချက်နှင့် ဖော်ပြချက်တို့ကို သင်သိမည် မဟုတ်ပေ။ ထိုသို့ဖြစ်သည်မဟုတ်လော။ သင့်ကိုငါ ယခုရှင်းပြခဲ့သည့်အရာကို သင်သဘောတူသလော။ အာဒံ၏လုပ်ရပ်များအပေါ်တွင် ဘုရားသခင်က “ကောင်းမွန်စွာ သင်ပြုခဲ့ပေသည်။ မှန်ကန်စွာ သင်ပြုခဲ့ပြီ။ ငါထောက်ခံသည်” ဟူ၍ ကျယ်လောင်စွာ မကြွေးကြော်ပေ။ သို့ရာတွင် သူ့နှလုံးသားတွင်း၌မူ အာဒံလုပ်ခဲ့သည့်အရာကို အတည်ပြုခြင်း၊ အသိအမှတ်ပြု တန်ဖိုးထားခြင်းနှင့် အတည်ပြုခြင်းတို့ ပြုခဲ့သည်။ ဤသည်မှာ ဖန်ဆင်းမှုပြီးကတည်းက ဘုရားသခင်၏ ညွှန်ကြားချက်အတိုင်း လူသားလုပ်ဆောင်သည့် ပထမဆုံးသောအရာဖြစ်သည်။ ဤသည်မှာ လူသားက ဘုရားသခင်၏ကိုယ်စား ဘုရားသခင်ကိုအစားပြုပြီး လုပ်ခဲ့သည့်အရာဖြစ်သည်။ ဘုရားသခင်၏အမြင်တွင် ဤသည်မှာ လူသားကို သူပေးသနားခဲ့သည့် အသိဉာဏ်မှ ပေါ်ထွက်လာခြင်းဖြစ်သည်။ ဘုရားသခင်သည် ၎င်းကို ကောင်းသောအရာ၊ အပြုသဘောဆောင်သောအရာအနေနှင့် မြင်ခဲ့သည်။ ထိုအချိန်က အာဒံပြုခဲ့သည့်အရာမှာ လူသားအပေါ်၌ ဘုရားသခင့် အသိဉာဏ်၏ ပထမဆုံးသော သရုပ်သကန်ပင်ဖြစ်ခဲ့သည်။ ဤသည်မှာ ဘုရားသခင်၏ အမြင်အရ ကောင်းမွန်သည့် သရုပ်သကန်တစ်ခုဖြစ်ခဲ့သည်။ ဤအရာ၌ သင်တို့ကို ငါပြောချင်သည့် အရာမှာ ဘုရားသခင်သည် သူ၏အရာအားလုံးနှင့်ဖြစ်ခြင်း၊ သူ့အသိဉာဏ်၏ အစိတ်အပိုင်းတစ်ခုအား လူသားကို ထည့်ပေးခြင်းက လူသားသည် ဘုရားသခင်ကို ပေါ်လွင်ထင်ရှား စေသည့် သက်ရှိသတ္တဝါဖြစ်နိုင်ရန်ဖြစ်သည်။ ထိုသက်ရှိ သတ္တဝါများသည် သူ့ကိုယ်စား အမှုအရာများကို ပြုလုပ်ခြင်းမှာ ဘုရားသခင်မြင်ချင်နေခဲ့သည့်အရာတစ်ခု ဖြစ်သည့်အတွက် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၂၅)

၃။ ဘုရားသခင်သည် အာဒံနှင့် ဧဝအတွက် သားရေဝတ်လုံကို လုပ်ပေး၏

ကမ္ဘာဦးကျမ်း ၃:၂၀-၂၁ သူသည် အသက်ရှင်သောသူ အပေါင်းတို့၏အမိဖြစ်သောကြောင့် အာဒံက သူ့ဇနီး၏အမည်ကို ဧဝဟု ခေါ်လေသည်။ ထို့အပြင် အာဒံနှင့် သူ၏ဇနီးတို့အတွက် ယေဟောဝါ ဘုရားသခင်သည် သားရေဖြင့် အင်္ကျီကို ပြုလုပ်ပြီးလျှင် သူတို့ကို ဝတ်စေခဲ့သည်။

“အာဒံနှင့် သူ၏ဇနီးတို့အတွက် ယေဟောဝါ ဘုရားသခင်သည် သားရေဖြင့် အင်္ကျီကို ပြုလုပ်ပြီးလျှင် သူတို့ကို ဝတ်စေခဲ့သည်။” ဟူသည့် ဤရုပ်လွှာတွင် အာဒံနှင့်ဧဝတို့နှင့် အတူရှိနေစဉ်၌ ဘုရားသခင်သည် မည်သည့်အခန်းကဏ္ဍမျိုးမှာ ပါဝင်လှုပ်ရှားသနည်း။ လူသားနှစ်ဦးသာရှိသည့် ကမ္ဘာတွင် ဘုရားသခင်က မည်သည့်အခန်းကဏ္ဍတွင် ပေါ်ထွန်းလာ သနည်း။ ဘုရားသခင်၏ အခန်းကဏ္ဍလော။ ဟောင်ကောင်မှ ညီအစ်ကိုမောင်နှမများ ကျေးဇူးပြု၍ ဖြေကြပါ။ (မိဘတစ်ဦး၏ အခန်းကဏ္ဍတွင်ဖြစ်ပါသည်။) တောင်ကိုရီးယားမှ ညီအစ်ကို မောင်နှမတို့၊ ဘုရားသခင်သည် မည်သည့်အခန်းကဏ္ဍမှ ပေါ်ထွန်းသည်ဟု သင်တို့ထင်သနည်း။ (မိသားစု၏ ဦးစီးအခန်းကဏ္ဍမှ ဖြစ်ပါသည်။) ထိုင်ဝမ်မှ ညီအစ်အကို မောင်နှမတို့၊ သင်တို့ မည်သို့ထင်သနည်း။ (အာဒံနှင့်ဧဝတို့၏ မိသားစုထဲရှိ သူတစ်ယောက်၏ အခန်းကဏ္ဍ၊ မိသားစုဝင် တစ်ယောက်၏အခန်းကဏ္ဍမှ ဖြစ်ပါသည်။) သင်တို့ထဲမှ အချို့က ဘုရားသခင်သည် အာဒံနှင့်ဧဝ၏ မိသားစုဝင်အဖြစ် ပေါ်ထွန်းသည်ဟုထင်ပြီး အချို့က ဘုရားသခင်သည် မိသားစု၏ ဦးစီးအနေနှင့် ပေါ်ထွန်းသည်ဟု ဆိုကြကာ အချို့က မိဘအနေနှင့်ဟု ပြောသည်။ ဤအချက်အားလုံးသည် အင်မတန်မှ ဆီလျော်လှသည်။ သို့ရာတွင် ငါဆိုလိုချင်သည်မှာ အဘယ်အရာနည်း။ ဘုရားသခင်သည် ဤလူနှစ်ဦးကို ဖန်ဆင်းခဲ့ပြီး သူ၏အဖော်များအဖြစ် ဆက်ဆံခဲ့သည်။ သူတို့၏ တစ်ခုတည်းသော မိသားစုအနေနှင့် ဘုရားသခင်သည် သူတို့ရှင်သန်နေထိုင်နိုင်ဖို့အတွက် ကြည့်ရှုစောင့်ရှောက်ပြီး သူတို့၏ အခြေခံလိုအပ်ချက်များကို ဖြည့်ဆည်းပေးခဲ့သည်။ ဤနေရာတွင် ဘုရားသခင်က အာဒံနှင့်ဧဝ၏ မိဘအနေနှင့် ပေါ်ထွန်းသည်။ ဘုရားသခင်က ဤသို့ပြုနေသည့်အခါတွင် ဘုရားသခင် မည်မျှမြင့်မြတ်သည်ကို လူသားက မမြင်ပေ။ ဘုရားသခင်၏ ကြီးမြတ်သည့်သာလွန်မှု၊ သူ၏လျှို့ဝှက်နက်နဲမှုနှင့် အထူးသဖြင့် သူ၏အမျက်ဒေါသ သို့မဟုတ် ဘုန်းအာနုဘော်တို့ကို မမြင်ပေ။ ဘုရားသခင်၏ နှိမ့်ချမှု၊ သူ၏ချစ်ခင်မှု၊ လူသားအတွက် သူ၏သောကနှင့် လူသားအပေါ် သူ၏တာဝန်နှင့် ဂရုစိုက်မှုတို့ကိုသာ လူက မြင်သည်။ အာဒံနှင့် ဧဝတို့ကို ဘုရားသခင် ဆက်ဆံသည့်နည်းလမ်းနှင့် သဘောထားသည် လူသား မိဘများက သူတို့သားသမီးအပေါ် ပူပန်မှုကို ပြသပုံနှင့် ဆင်တူသည်။ ဤသည်မှာ လူသားမိဘများသည် သူတို့၏ကိုယ်ပိုင် သားများနှင့် သမီးများကို ချစ်သည့်၊ ကြည့်ရှုစောင့်ရှောက်သည့်၊ ဂရုစိုက်သည့်ပုံစံနှင့်လည်း ဆင်တူသည်။ စစ်မှန်၍ မြင်နိုင်ကာ လက်ဆုပ်လက်ကိုင်ပြနိုင်၏။ သူ့ကိုယ်သူ မြင့်မားပြီးအစွမ်းထက်သည့် နေရာတွင် ထားမည့်အစား ဘုရားသခင်သည် လူသားအတွက် အဝတ်ပြုလုပ်ရန် သားရေကို ကိုယ်တိုင်ကိုယ်ကျ အသုံးပြုခဲ့သည်။ ဤသားရေဝတ်လုံက သူတို့၏ အရှက်ကိုကွယ်ဖို့ အသုံးပြုသည်ဖြစ်စေ၊ သို့မဟုတ် အအေးဒဏ်မှ သူတို့ကို ကာကွယ်ဖို့ အသုံးပြုသည်ဖြစ်စေ အရေးမကြီးပေ။ အတိုပြောရလျှင် လူ့ကိုယ်ခန္ဓာကို ခြုံဖို့အသုံးပြုသည့် ဤအဝတ်အစားသည် ဘုရားသခင် ကိုယ်တိုင် သူ၏လက်နှင့်လုပ်ထားခြင်းဖြစ်သည်။ လူများ စိတ်ကူးထင်မြင်သကဲ့သို့ အတွေးနှင့် သို့မဟုတ် ထူးဆန်းသည့် နည်းလမ်းများနှင့် ဖန်ဆင်းလိုက်ခြင်းမျိုးမဟုတ်ဘဲ ဘုရားသခင်သည် လူများက ဘုရားသခင်အနေဖြင့် မလုပ်နိုင်သည့်အရာ၊ မလုပ်သင့်သည့်အရာဟု ထင်ထားသည့်အရာတစ်ခုကို အမှန်တကယ် လုပ်ခဲ့သည်။ ဤသည်မှာ ပြောရန်ပင် မထိုက်ဟု အချို့က ထင်ကောင်းထင်နိုင်သည့် ရိုးရှင်းသောအရာ ဖြစ်နိုင်သည်။ သို့ရာတွင် ဤသည်မှာ ဘုရားသခင်နောက်လိုက်သော်လည်း ယခင်က ဘုရားသခင်နှင့်ပတ်သက်ပြီး မပြတ်သားသည့် ယူဆချက်များနှင့်ပြည့်နေသူများ အားလုံးကို သူ၏စစ်မှန်ခြင်းနှင့် ချစ်ခင်ဖွယ်ကောင်းခြင်းနှင့်ပတ်သက်၍ ထိုးထွင်းအမြင် ရစေသည့်အပြင်၊ သူ၏ သစ္စာရှိပြီး နှိမ့်ချသောသဘောကိုလည်း တွေ့မြင်စေသည်။ မိမိတို့ကိုယ်မိမိ မြင့်မားပြီး အစွမ်းရှိသည်ဟု ထင်နေကြသည့် သည်းမခံနိုင်လောက်အောင် မာနထောင်လွှားသည့် လူများကို ဘုရားသခင်၏ စစ်မှန်ခြင်းနှင့် နှိမ့်ချခြင်းတို့ရှေ့၌ အရှက်ရလျက် သူတို့၏ထောင်လွှားသော ခေါင်းများကို ကိုင်းညွတ်စေသည်။ ဤနေရာတွင်၊ ဘုရားသခင်သည် မည်မျှချစ်ဖွယ်ဖြစ်သည်ကို ဘုရားသခင်၏ စစ်မှန်ခြင်းနှင့် နှိမ့်ချခြင်းက လူတို့ကို ပိုပြီးမြင်စေသည်။ ဆန့်ကျင်ဖက်အနေနှင့် လူသားများ၏နှလုံးသားထဲတွင်ရှိသည့် အလွန့်အလွန် ကြီးမားသည့် ဘုရားသခင်၊ ချစ်ဖွယ်ကောင်းသည့် ဘုရားသခင်နှင့် အနန္တတန်ခိုးကြီးသည့် ဘုရားသခင်သည် အလွန်သေးငယ်ကာ စိတ်ဝင်စားဖွယ်ရာမကောင်းဖြစ်ပြီး ထိုးနှက်မှု တစ်ချက်ကိုပင် မခံရပ်နိုင်ပေ။ သင့်အနေဖြင့် ဤကျမ်းပိုဒ်ကို မြင်ပြီး ဤအဖြစ်အပျက်ကို ကြားသည့်အခါ ဘုရားသခင်သည် ဤအရာမျိုးကိုလုပ်သည့်အတွက် သူ့ကို သင်အထင်သေးသလော။ အချို့လူများက အထင်သေးကောင်း အထင်သေးနိုင်သည်။ သို့ရာတွင် အခြားလူများအတွက်မူ လုံးဝဆန့်ကျင်ဖက်ဖြစ်သည်။ ဘုရားသခင်သည် စစ်မှန်ပြီး ချစ်ဖွယ်ဖြစ်သည်ဟု သူတို့ထင်မြင်ကြလိမ့်မည်ဖြစ်ပြီး၊ သူတို့ကို တို့ထိသည်မှာ ဘုရားသခင်၏စစ်မှန်မှုနှင့် ချစ်ဖွယ်ကောင်းမှုပင် အတိအကျဖြစ်သည်။ ဘုရားသခင်၏ စစ်မှန်သောဘက်ကို သူတို့မြင်လေလေ၊ ဘုရားသခင်၏ချစ်ခြင်းမေတ္တာ အမှန်တကယ်တည်ရှိမှု၊ သူတို့နှလုံးသားထဲတွင် ဘုရားသခင်၏အရေးကြီးမှုနှင့် အချိန်တိုင်း၌ ဘုရားသခင်သည် သူတို့အနားမှာ ရှိနေပုံတို့ကို သူတို့ နားလည်လေလေဖြစ်သည်။

ဤနေရာတွင် ငါတို့၏ဆွေးနွေးမှုကို လက်ရှိအချိန်နှင့် ဆက်သွယ်သင့်သည်။ အစအဦး၌ သူဖန်ဆင်းခဲ့သည့် လူသားများအတွက် အမျိုးမျိုးသော ဤအသေးအဖွဲအရာလေးများ၊ အချို့လူများအနေဖြင့် မတွေးဝံ့သည့် သို့မဟုတ် မမျှော်လင့်ဝံ့သည့် အရာများကိုပင် ဘုရားသခင်သည် လုပ်ပေးနိုင်လျှင်၊ ယနေ့ခေတ်လူများအတွက် ဤသို့သောအရာမျိုးကို ဘုရားသခင် လုပ်ပေးနိုင်သလော။ အချို့လူများက “လုပ်နိုင်သည်” ဟုပြောကြမည်။ အဘယ်ကြောင့်နည်း။ ဘုရားသခင်၏ အနှစ်သာရသည် အတုမဟုတ်၍ဖြစ်သည်၊ သူ၏ချစ်ဖွယ်ကောင်းခြင်းက အတုမဟုတ်၍ဖြစ်သည်။ ဘုရားသခင်၏ အနှစ်သာရသည် အမှန်တကယ်တည်ရှိပြီး အခြားလူများ ဖြည့်စွက်ထားသည့်အရာ တစ်ခု မဟုတ်ဘဲ အချိန်၊ နေရာနှင့် ခေတ်ကာလများ ပြောင်းလဲမှုနှင့်အညီ ပြောင်းလဲသည့် အရာတစ်ခု လုံးဝမဟုတ်ပေ။ မထူးခြားသည့်အရာနှင့် အရေးမပါသည့်အရာဟု လူများထင်ကြသည့် အရာတစ်ခု၊ သေးငယ်လွန်းသဖြင့် ဘုရားသခင်မည်သည့်အခါမျှ ပြုလုပ်မည်ဟု လူတို့ထင်ပင် ထင်မထားသည့် အရာတစ်ခုကို ပြုလုပ်ခြင်းမှတစ်ဆင့် ဘုရားသခင်၏စစ်မှန်ခြင်းနှင့် ချစ်ဖွယ်ကောင်းခြင်းတို့ကို အမှန်တကယ် ထင်ရှားပေါ်လွင် စေနိုင်သည်။ ဘုရားသခင်သည် ဟန်ပန်မများပေ။ သူ၏စိတ်သဘောထားနှင့် အနှစ်သာရမှာ ချဲ့ကားခြင်း၊ ဟန်ဆောင်ခြင်း၊ မာန သို့မဟုတ် ထောင်လွှားခြင်းတို့ မပါဝင်ပေ။ သူသည် မည်သည့်အခါမျှ မကြွားဝါဘဲ ကြွားဝါမည့်အစား၊ သစ္စာရှိခြင်း၊ စိတ်ရင်းအမှန်တို့ဖြင့် သူဖန်ဆင်းခဲ့သည့် လူသားများကို ချစ်ခင်၍ စိုးရိမ်ပူပန်မှုပြကာ စောင့်ရှောက်ပြီး ဦးဆောင်လမ်းပြသည်။ လူများက ထိုအရာ၏မည်မျှကိုသာ နားလည်နိုင်သည်ဖြစ်စေ၊ ခံစားနိုင်သည်ဖြစ်စေ၊ သို့မဟုတ် မြင်နိုင်သည်ဖြစ်စေ၊ ဘုရားသခင်က ဤအရာများကို တကယ်ပင် လုပ်နေသည်။ ဘုရားသခင်၌ ဤသို့သောအနှစ်သာရရှိသည်ကို သိခြင်းက သူ့အပေါ်ထားသည့် လူသားများ၏ ချစ်ခြင်းမေတ္တာ အပေါ် သက်ရောက်မှု ရှိနိုင်သလော။ ဘုရားသခင်အား သူတို့ကြောက်ရွံ့ခြင်းကို လွှမ်းမိုးသွားမည်လော။ သင်သည် ဘုရားသခင်၏ပုံစံအစစ်ကို နားလည်သောအခါ သူ့ထံသို့ သာ၍တိုးဝင်ချဉ်းကပ်ပြီး လူသားများပေါ်တွင်ထားသည့် သူ၏ချစ်ခြင်းမေတ္တာနှင့် ဂရုစိုက်မှုကို သာ၍စစ်မှန်စွာ နားလည်နိုင်မည်ဟု ငါမျှော်လင့်သည်။ တစ်ချိန်တည်းမှာပင် သင့်နှလုံးသားကို ဘုရားသခင်အား ပေးအပ်ပြီး သူ့အပေါ်တွင် ယုံမှားသံသယများ မရှိတော့ဖို့ ငါမျှော်လင့်သည်။ ဘုရားသခင်သည် လူသားအတွက် အရာအားလုံးကို တိတ်ဆိတ်စွာ ပြုလုပ်ပေးနေသည်။ အားလုံးကို သူ၏စိတ်ရင်းအမှန်၊ သစ္စာရှိမှု၊ ချစ်ခြင်းမေတ္တာတို့နှင့် တိတ်ဆိတ်စွာ ပြုလုပ်ပေးနေသည်။ သို့သော် ဘုရားသခင်သည် သူလုပ်သည့် အရာများအားလုံးအပေါ်တွင် ပူပန်ကြောင့်ကြခြင်း သို့မဟုတ် နောင်တရခြင်းတို့ မည်သည့်အခါမျှ မရှိသကဲ့သို့ သူ့ကို တစ်နည်းနည်းနှင့်ပြန်ပေးဆပ်ဖို့ မည်သူ့ကိုမျှ မည်သည့်အခါမျှ မလိုအပ်ခဲ့ပေ သို့မဟုတ် လူသားမျိုးနွယ်ထံမှ တစ်စုံတစ်ခုရဖို့ ရည်ရွယ်ချက်များလည်း မရှိခဲ့ပေ။ သူလုပ်ခဲ့သည့်အရာများ အားလုံး၏ တစ်ခုတည်းသော ရည်ရွယ်ချက်မှာ လူသားမျိုးနွယ်၏ စစ်မှန်သည့် သစ္စာနှင့် ချစ်ခြင်းမေတ္တာကို သူလက်ခံရရှိနိုင်ရန်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၂၆)

၁။ ဘုရားသခင်သည် ကမ္ဘာကို ရေလွှမ်းမိုးပြီး ဖျက်ဆီးရန် ရည်ရွယ်၏၊ နောဧကို သင်္ဘောဆောက်ရန် ညွှန်ကြားသည်

ကမ္ဘာဦး ၆:၉-၁၄ နောဧအတ္ထုပ္ပတ္တိဟူမူကား၊ နောဧသည် ဖြောင့်မတ်သောသူ၊ မိမိအမျိုး၌ စုံလင်သောသူဖြစ်၏။ ဘုရားသခင်နှင့် အတူသွားလာ၏။ နောဧသည် ရှေမ၊ ဟာမ၊ ယာဖက်တည်းဟူသော သားသုံးယောက်ကို မြင်လေ၏။ ထိုအခါ မြေကြီးသည် ဘုရားသခင့်ရှေ့မှာ ပုပ်စပ်လျက်ရှိ၏။ မြေကြီးသည် အဓမ္မအမှုနှင့် ပြည့်စုံလေ၏။ ဘုရားသခင်သည် မြေကြီးကို ကြည့်ရှုသောခါ၊ ပုပ်စပ်လျက်ရှိသည်ကို မြင်တော်မူ၏။ အကြောင်းမူကား မြေကြီးပေါ်မှာ လူအပေါင်းတို့သည် ဖေါက်ပြန်ခြင်းသို့ ရောက်ကြပြီ။ ထိုအခါ ဘုရားသခင်သည်၊ နောဧအား မိန့်တော်မူသည်ကား၊ သတ္တဝါအပေါင်းတို့၏ အဆုံးသည် ငါ့မျက်မှောက်တွင် ပေါ်လာပြီ။ သူတို့ကြောင့် မြေကြီးသည် အဓမ္မမှုနှင့်ပြည့်စုံလေ၏။ အကယ်စင်စစ် မြေကြီးနှင့်တကွ သူတို့ကို ငါဖျက်ဆီးမည်။ ဂေါဖရသစ်သားဖြင့် သင်္ဘောကို ကိုယ်ဘို့ တည်လုပ်လော့။ အထဲ၌လည်း အခန်းများကို လုပ်လော့။ အတွင်း၊ ပြင်၊ ပတ်လည်ကို ထင်းရူးစေးနှင့်သုတ်လော့။

ကမ္ဘာဦး ၆:၁၈-၂၂ သင်၌မူကား၊ ငါ့ပဋိညာဉ်ကို ငါတည်စေမည်။ သင်သည် သား၊ မယား၊ ချွေးမများနှင့်တကွ၊ သင်္ဘောထဲသို့ ဝင်ရမည်။ အသက်ရှင်သော တိရစ္ဆာန် အမျိုးမျိုးထဲက၊ အထီးအမ၊ အစုံတို့ကိုယူ၍၊ သင်နှင့်အတူ အသက်ချမ်းသာစေခြင်းငှါ၊ သင်္ဘောထဲသို့ သွင်းရမည်။ ငှက်လည်းအမျိုးအလိုက်၊ သားလည်း အမျိုးအလိုက်၊ တွားတက်သော တိရစ္ဆာန်အပေါင်းလည်း အမျိုးအလိုက်၊ အထီးအမ၊ အစုံတို့သည် အသက်ချမ်းသာ စေခြင်းငှါ၊ သင့်ထံသို့ လာကြလိမ့်မည်။ ကိုယ်စားစရာအဘို့၊ တိရစ္ဆာန်တို့စားစရာအဘို့၊ စားအပ်သော အစာအမျိုးမျိုးကို ယူ၍ သိုထားရမည်ဟု၊ ဘုရားသခင် မှာထားတော်မူ၏။ မှာထားတော်မူသည် အတိုင်းလည်း နောဧ ပြုလေ၏။

ဤကျမ်းပိုဒ်များကိုဖတ်ပြီးသည့်နောက် နောဧက မည်သူဖြစ်သည်ကို သင်တို့အနေဖြင့် အကြမ်းဖျင်း နားလည် လာသလော။ နောဧက မည်သို့သောပုဂ္ဂိုလ်မျိုးနည်း။ မူရင်းစာသား၌ “နောဧသည် ဖြောင့်မတ်သောသူ၊ မိမိအမျိုး၌ စုံလင်သောသူဖြစ်၏” ဟုဆိုထားသည်။ ယခုခေတ်လူများ၏ နားလည်မှုအရ ထိုအချိန်အခါက ဖြောင့်မတ်သောသူဆိုသည်မှာ မည်သို့သောလူမျိုးနည်း။ ဖြောင့်မတ်သောသူဆိုသည်မှာ စုံလင်သည့်သူ ဖြစ်ရမည်။ ဤစုံလင်သည့်လူသည် လူ့အမြင်၌စုံလင်ခြင်းလော၊ သို့တည်းမဟုတ် ဘုရားသခင်၏ အမြင်၌ စုံလင်ခြင်းလော ဆိုသည်ကို သင်တို့သိသလော။ ဤစုံလင်သည့်လူသည် ဘုရားသခင်၏အမြင်၌ စုံလင်သည့်သူ ဖြစ်ပြီး လူ့အမြင်၌ မဟုတ်သည်မှာ ယုံမှားဖွယ်ရာမရှိပေ။ ဤအချက်မှာ သေချာသည်။ ဤသို့ဖြစ်ရခြင်းမှာ လူသားသည် မျက်စိကန်းပြီး မမြင်နိုင်သောကြောင့်ဖြစ်ပြီး ဘုရားသခင် သာလျှင် ကမ္ဘာတစ်ခုလုံးနှင့် လူအယောက်ချင်းစီတိုင်းကို ကြည့်ရှုကာ နောဧမှာ စုံလင်သည့်သူဖြစ်သည်ကို ဘုရားသခင်သာလျှင် သိသောကြောင့်ဖြစ်သည်။ ထို့ကြောင့် ကမ္ဘာကို ရေလွှမ်းမိုးခြင်းနှင့် ဖျက်ဆီးရန်ဖြစ်သော ဘုရားသခင်၏အစီအစဉ်သည် နောဧကို သူခေါ်သည့် အခိုက်အတန့်မှ စတင်ခဲ့သည်။

နောဧသည် ခေါ်တော်မူခြင်းခံရသည်မှာ ရိုးရှင်းသည့် အချက်တစ်ခုဖြစ်သည်။ သို့ရာတွင် ငါတို့ပြောနေသည့် အဓိကအချက်ဖြစ်သည့် ဤမှတ်တမ်းထဲမှ ဘုရားသခင်၏ စိတ်သဘောထား၊ သူ၏အလိုတော်နှင့် သူ၏အနှစ်သာရတို့မှာ မရိုးရှင်းပေ။ ဘုရားသခင်၏ ဤသွင်ပြင်လက္ခဏာအချို့ကို နားလည်ရန် အရင်ဦးဆုံး ဘုရားသခင်ခေါ်လိုရှိသည့် လူပုဂ္ဂိုလ်မျိုးကို ငါတို့နားလည်ရမည်။ ဤသည်မှတစ်ဆင့် သူ၏စိတ်သဘောထား၊ အလိုတော်နှင့် အနှစ်သာရကို နားလည်ရမည်ဖြစ်သည်။ ဤသည်မှာ အင်မတန် အရေးကြီးသည်။ သို့ဆိုလျှင် ဘုရားသခင်၏အမြင်၌ သူခေါ်ဆိုသည့်ဤသူက မည်သို့သောလူမျိုးနည်း။ ဤသူမှာ သူ၏ညွှန်ကြားချက်များကို လိုက်လျှောက်နိုင်သည့်၊ သူ၏နှုတ်ကပတ်တော်များကို နားထောင်နိုင်သည့်သူဖြစ်ရမည်။ တစ်ချိန်တည်းမှာပင် တာဝန်ဝတ္တရားကို နားလည်သည့်သူ၊ ဘုရားသခင်၏နှုတ်ကပတ်တော်ကို ပြီးမြောက်အောင် ပြုလုပ်ရမည့် တာဝန်ဝတ္တရားအဖြစ် သတ်မှတ်ပြီး ဆောင်ရွက်မည့်သူဖြစ်ရမည်။ ဤသို့ဆိုလျှင် ဤလူက ဘုရားသခင်ကို သိသည့်လူ ဖြစ်ဖို့ရန် လိုအပ်သလော။ မဟုတ်ပေ။ ထိုအချိန်အခါက နောဧသည် ဘုရားသခင်၏အမှုကို ကြုံဖူးခြင်း သို့မဟုတ် ဘုရားသခင်၏သွန်သင်ချက်များကို ကြားဖူးခြင်းတို့ သိပ်မရှိခဲ့ပေ။ ထို့ကြောင့် ဘုရားသခင်နှင့် ပတ်သက်၍ နောဧသိထားချက်မှာ အလွန်နည်းသည်။ နောဧသည် ဘုရားသခင်နှင့်အတူ လျှောက်လှမ်းခဲ့သည်ဟု ဤနေရာတွင် မှတ်တမ်းတင်ထားသော်လည်း ဘုရားသခင်ကို သူကိုယ်တိုင်မြင် ခဲ့ဖူးသလော။ လုံးဝ မမြင်ဖူးပေ။ အဘယ်ကြောင့်ဆိုလျှင် ထိုခေတ်၌ ဘုရားသခင်၏ သတင်းစကားပို့ဆောင်သူများသာ လူတို့ထံ လာခြင်းဖြစ်သည်။ သူတို့သည် အကြောင်းကိစ္စများကို လုပ်ကိုင်ပြောဆိုရာတွင် ဘုရားသခင်ကို ကိုယ်စားပြုနိုင် သော်လည်း သူတို့သည် ဘုရားသခင်၏အလိုတော်နှင့် ရည်မှန်းချက်များကို သယ်ဆောင်ပေးခြင်း သက်သက်သာ ဖြစ်သည်။ ဘုရားသခင်၏ ဇာတိအဖြစ်တော်သည် လူသားရှေ့၌ မျက်နှာချင်းဆိုင် ကိုယ်ထင်ပြခြင်း မရှိပေ။ ကျမ်းစာ၏ ဤအပိုင်း၌ နောဧဟူသည့် ဤပုဂ္ဂိုလ်က အဘယ်အရာကို ပြုလုပ်ခဲ့ရသည်နှင့် သူ့ကို ဘုရားသခင်ပေးသည့် ညွှန်ကြားချက်များကိုသာ ငါတို့မြင်ရသည်။ ဤသို့ဆိုလျှင် ဤနေရာတွင် ဘုရားသခင်ဖော်ပြခဲ့သည့် အနှစ်သာရက မည်သို့ဖြစ်သနည်း။ ဘုရားသခင်လုပ်ဆောင်သည့် အရာအားလုံးသည် သေသေချာချာ စီစဉ်ထားခြင်းဖြစ်သည်။ ဘုရားသခင်သည် အကြောင်းအရာတစ်ခုကို မြင်သည့်အခါ၊ သို့မဟုတ် အခြေအနေတစ်ခု ပေါ်ပေါက်လာသည်ကို မြင်သည့်အခါ၊ ထိုအရာကို တိုင်းတာသတ်မှတ်သည့် စံတစ်ခု သူ့အမြင်တွင် ရှိလိမ့်မည်။ ဤစံသတ်မှတ်ချက်က ဤအကြောင်းကိစ္စကို ကိုင်တွယ်ရန် အစီအစဉ်တစ်ခု စတင်လုပ်ဆောင်မည်လော သို့မဟုတ် အခြေအနေနှင့် အကြောင်းအရာများကို မည်သို့ကိုင်တွယ်မည်နည်းဆိုသည်ကို ဆုံးဖြတ်မည်ဖြစ်သည်။ သူသည် စိတ်မဝင်စားခြင်း သို့မဟုတ် အရာအားလုံးအပေါ်၌ ခံစားချက်မရှိခြင်း မဟုတ်ပေ။ စင်စစ်အားဖြင့် ထိုအချက်နှင့် လုံးဝ ဆန့်ကျင်ဘက်ပင်ဖြစ်သည်။ ဤနေရာတွင် ဘုရားသခင်က နောဧကိုပြောသည့် ကျမ်းပိုဒ်တစ်ခုရှိသည်။ “သတ္တဝါအပေါင်းတို့၏ အဆုံးသည် ငါ့မျက်မှောက်တွင် ပေါ်လာပြီ။ သူတို့ကြောင့် မြေကြီးသည် အဓမ္မမှုနှင့်ပြည့်စုံလေ၏။ အကယ်စင်စစ် မြေကြီးနှင့်တကွ သူတို့ကို ငါဖျက်ဆီးမည်။” ဤအကြိမ်၌ ဘုရားသခင်၏ နှုတ်ကပတ်တော်တွင် သူသည် လူသားကိုသာ ဖျက်ဆီးမည်ဟု ပြောခဲ့သလော။ မဟုတ်ပေ။ ဘုရားသခင်က သူသည် အသွေးအသားရှိသည့် သက်ရှိသတ္တဝါအားလုံးကို ဖျက်ဆီးမည်ဟု ပြောခဲ့ခြင်းဖြစ်သည်။ ဘုရားသခင်က အဘယ်ကြောင့် ဖျက်ဆီးလိုသနည်း။ ဤနေရာတွင် ဘုရားသခင်၏ စိတ်သဘောထားနှင့်ပတ်သက်၍ နောက်ထပ် ဖွင့်ပြချက် တစ်ခုရှိသည်။ ဘုရားသခင်၏အမြင်တွင် လူသား၏ ဖောက်ပြန်ပျက်စီးမှု၊ ညစ်ညမ်းမှု၊ အဓမ္မအမှုနှင့် သတ္တဝါ အားလုံးတို့၏ မနာခံမှုတို့အပေါ်တွင် သူ၏သည်းခံမှုနှင့် ပတ်သက်၍ အကန့်အသတ်တစ်ခုရှိသည်။ သူ၏ အကန့်အသတ်က မည်သို့ဖြစ်သနည်း။ ဘုရားသခင် ပြောသကဲ့သို့ ပင်ဖြစ်သည်။ “ဘုရားသခင်သည် မြေကြီးကိုကြည့်ရှုသောအခါ ပုပ်စပ်လျက်ရှိသည်ကို မြင်တော်မူ၏။ အကြောင်းမူကား မြေကြီးပေါ်မှာ လူအပေါင်းတို့သည် ဖေါက်ပြန်ခြင်းသို့ ရောက်ကြပြီ။” “အကြောင်းမူကား မြေကြီးပေါ်မှာ လူအပေါင်းတို့သည် ဖေါက်ပြန်ခြင်းသို့ ရောက်ကြပြီ” ဟူသည့် စာစုက အဘယ်အရာကို ဆိုလိုသနည်း။ ဘုရားသခင်နောက် လိုက်ခဲ့ကြသည့်သူများအပါအဝင်၊ ဘုရားသခင်၏ အမည်နာမကို ခေါ်ဆိုခဲ့သည့်၊ ဘုရားသခင်ထံ မီးရှို့ရာယဇ်ကို ပူဇော်ခဲ့ကြသည့်၊ ဘုရားသခင်ကို နှုတ်အားဖြင့် ဝန်ခံပြီး ချီးမွမ်းပင် ချီးမွမ်းခဲ့ကြသည့်၊ သက်ရှိအားလုံးကို ဆိုလိုသည်။ သူတို့၏အပြုအမူသည် ဖောက်ပြန်ပျက်စီးမှုတို့နှင့်ပြည့်ပြီး ဤသည်ကို ဘုရားသခင်မြင်သည့်အခါ ဘုရားသခင်သည် သူတို့ကို ဖျက်ဆီးရမည်ဖြစ်သည်။ ဤသည်မှာ ဘုရားသခင်၏ အကန့်အသတ်ဖြစ်သည်။ ဤသို့ဆိုလျှင် သတ္တဝါအားလုံး၏ ဖောက်ပြန်ပျက်စီးခြင်းနှင့် လူသားကို ဘုရားသခင်က မည်မျှအထိ သည်းခံသနည်း။ ဘုရားသခင်၏ နောက်လိုက်များ ဖြစ်စေ သို့မဟုတ် မယုံကြည်သူများဖြစ်စေ လူအားလုံးသည် လမ်းမှန်ကို မလျှောက်တော့သည့် အတိုင်းအတာထိဖြစ်သည်။ လူသားသည် အကျင့်စာရိတ္တ ဖောက်ပြန်ပျက်စီးပြီး မကောင်းမှုနှင့်ပြည့်ရုံသာမကဘဲ ကမ္ဘာကို ဘုရားသခင်က အုပ်ချုပ်သည်၊ ဘုရားသခင်သည် လူသားများကို အလင်းနှင့် မှန်ကန်သည့်လမ်းကြောင်းကို ယူဆောင်ပေးနိုင်သည်ဟု ယုံကြည်သည့်သူကို မဆိုထားနှင့်၊ ဘုရားသခင်၏ တည်ရှိမှုကို ယုံကြည်သူတစ်ယောက်မျှ မရှိတော့သည့် အတိုင်းအတာထိ ဖြစ်သည်။ လူသားသည် ဘုရားသခင်၏ တည်ရှိမှုကို စက်ဆုပ်ရွံရှာပြီး ဘုရားသခင်ကို တည်ရှိခွင့်မပြုသည့် အတိုင်းအတာထိဖြစ်သည်။ လူသား၏ ပျက်စီးမှုသည် ဤအခြေအနေကိုရောက်သည်နှင့် ဘုရားသခင်သည် ဆက်ပြီး သည်းခံတော့မည် မဟုတ်ပေ။ မည်သည့်အရာနှင့် အစားထိုး မည်နည်း။ ဘုရားသခင်၏ အမျက်ဒေါသ၊ ဘုရားသခင်၏ အပြစ်ဒဏ်ခတ်ခြင်းတို့ ကျရောက်ခြင်းနှင့်ဖြစ်သည်။ ဤသည်မှာ ဘုရားသခင်၏စိတ်သဘောထားကို တစ်ပိုင်းတစ်စ ဖွင့်ပြခြင်းတစ်ခု မဟုတ်သလော။ လက်ရှိခေတ်ကာလတွင် ဘုရားသခင်၏အမြင်၌ ဖြောင့်မတ်သူ ရှိသေးသလော။ ဘုရားသခင်၏အမြင်၌ စုံလင်သည့်သူရှိသေးသလော။ ဤခေတ်ကာလတွင် ကမ္ဘာပေါ်တွင်ရှိသည့် သတ္တဝါအားလုံး၏ အပြုအမူသည် ဘုရားသခင်၏အမြင်၌ ပျက်စီးနေပြီလော။ ယနေ့ခေတ်ကာလတွင် ဘုရားသခင်မှ စုံလင်အောင် ပြုလိုသည့်သူများ၊ ဘုရားသခင်၏နောက်ကိုလိုက်နိုင်ပြီး သူ၏ကယ်တင်ခြင်းကို လက်ခံနိုင်သည့်သူများမှလွဲ၍ အသွေးအသားနှင့် လူသားအားလုံးသည် ဘုရားသခင်၏ သည်းခံမှုအတိုင်းအတာကို စိန်ခေါ်နေကြသည် မဟုတ်လော။ သင်တို့၏ဘေးတွင် ဖြစ်ပျက်နေသည့်အရာအားလုံး၊ သင်တို့၏ နားနှင့် ကြားနေရသည့်အရာများ၊ သင်တို့၏ မျက်လုံးနှင့် မြင်တွေ့နေရသည့်အရာများနှင့် ဤကမ္ဘာ၌ နေ့စဉ် သင်တို့ ကိုယ်တိုင်ကိုယ်ကျ ကြုံတွေ့နေရသည့်အရာများသည် အဓမ္မ အမှုနှင့် ပြည့်စုံနေသည် မဟုတ်လော။ ဘုရားသခင်၏ အမြင်၌ ဤသို့သောကမ္ဘာ၊ ဤသို့သောခေတ်သည် အဆုံးသတ်သင့်သည် မဟုတ်လော။ လက်ရှိခေတ်ကာလ၏ နောက်ခံသည် နောဧတုန်းကကာလ၏ နောက်ခံနှင့် လုံးဝ မတူညီသော်လည်း လူသား၏ ဖောက်ပြန်ပျက်စီးမှုအပေါ် ဘုရားသခင်၏ ခံစားမှုများနှင့် အမျက်ဒေါသသည် ထိုအချိန်အခါကနှင့် လုံးဝ အတူတူပင် ရှိနေသည်။ ဘုရားသခင်သည် သူ၏အမှုကြောင့် စိတ်ရှည်သည်းခံနိုင်သော်လည်း အခြေအနေအရပ်အရပ်ကို ကြည့်လျှင် ဘုရားသခင်၏အမြင်၌ ဤကမ္ဘာသည် ဖျက်ဆီးခြင်းခံရသင့်သည်မှာ ကြာလှချေပြီ။ ကမ္ဘာက ရေနှင့်လွှမ်းမိုးပြီး ဖျက်ဆီးခံရသည့်အချိန်နှင့်စာလျှင် ယခုအခြေအနေသည် လုံးဝမတူပေ။ သို့ရာတွင် ကွာခြားချက်က အဘယ်အရာနည်း။ ဤသည်မှာ ဘုရားသခင်၏နှလုံးသားကို ဝမ်းအနည်းစေဆုံးသောအရာတစ်ခုလည်းဖြစ်ပြီး သင်တို့ထဲမှ မည်သူမျှ နားမလည်နိုင်သည့် အရာတစ်ခုလည်း ဖြစ်ချင်ဖြစ်နေမည်ဖြစ်သည်။

ဘုရားသခင်သည် ကမ္ဘာကို ရေလွှမ်းမိုးခြင်းနှင့် ဖျက်ဆီးနေခဲ့စဉ်က သင်္ဘောဆောက်ပြီး ပြင်ဆင်မှုအချို့ ပြုလုပ်ရန်အတွက် ဘုရားသခင်သည် နောဧကို ခေါ်နိုင်ခဲ့သည်။ ဘုရားသခင်က ဤအလုပ်တသီတတန်းကို လုပ်ဆောင်ဖို့အတွက် နောဧဟူသည့် လူတစ်ဦးကို ခေါ်ယူနိုင်ခဲ့သည်။ သို့ရာတွင် ယခုလက်ရှိခေတ်ကာလ၌ ဘုရားသခင် ခေါ်ယူရန် လူတစ်ယောက်မျှ မရှိပေ။ အဘယ်ကြောင့်နည်း။ ဤနေရာတွင် ထိုင်နေသည့် လူအယောက်ချင်းစီတိုင်းက အကြောင်းရင်းကို ကောင်းစွာ နားလည်ပြီး သိကောင်းသိနေနိုင်သည်။ ငါထုတ်ဖော်ပြောဆိုရန် လိုအပ်သလော။ ၎င်းကို ကျယ်လောင်စွာ ထုတ်ဖော်ပြောဆိုခြင်းက သင်တို့ကို အရှက်ရစေပြီး အားလုံးကို စိတ်ဆိုးသွားစေနိုင်သည်။ အချို့လူများက ဤသို့ ပြောကောင်း ပြောနိုင်သည်- “ဘုရားသခင်၏အမြင်၌ ကျွန်ုပ်တို့သည် ဖြောင့်မတ်သည့်လူများ၊ စုံလင်သည့် လူများ မဟုတ်သော်လည်း ဘုရားသခင်က ကျွန်ုပ်တို့ကို တစ်စုံတစ်ခုပြုလုပ်ရန် ညွှန်ကြားလာပါက ကျွန်ုပ်တို့သည် ထိုအရာကို လုပ်နိုင်ဦးမည် ဖြစ်သည်။ ယခင်က ကပ်ဘေးတစ်ခု ကျရောက်တော့မည်ဟု ဘုရားသခင်ပြောခဲ့သောအခါ ကျွန်ုပ်တို့သည် ကပ်ဘေး ကျရောက်လျှင် လိုအပ်မည့် အစားအစာများနှင့် ပစ္စည်းများကို စတင်ပြင်ဆင်ခဲ့ကြပါသည်။ ဤအရာအားလုံးကို ဘုရားသခင်၏ တောင်းဆိုချက်များအတိုင်း လုပ်ခဲ့ကြသည် မဟုတ်ပါလော။ ကျွန်ုပ်တို့သည် ဘုရားသခင်၏အမှုနှင့် အကယ်ပင် ပူးပေါင်း ဆောင်ရွက်နေခဲ့ခြင်းဖြစ်သည် မဟုတ်ပါလော။ ကျွန်ုပ်တို့ ပြုခဲ့သည့် ဤအရာများသည် နောဧပြုခဲ့သည့်အရာနှင့် ယှဉ်၍ မရသလော။ ကျွန်ုပ်တို့ပြုခဲ့သည့်အရာကို ပြုလုပ်ခြင်းမှာ စစ်မှန်သည့် နာခံမှုပင် မဟုတ်လော။ ကျွန်ုပ်တို့သည် ဘုရားသခင်၏ ညွှန်ကြားချက်များကို လိုက်နာနေခဲ့ခြင်း မဟုတ်လော။ ဘုရားသခင်၏နှုတ်ကပတ်တော်များကို ယုံကြည်သည့်အတွက် ကျွန်ုပ်တို့သည် ဘုရားသခင်ပြော သည့်အတိုင်း လုပ်ခဲ့ကြသည်မဟုတ်လော။ ထိုသို့ဖြစ်ပါက၊ ဘုရားသခင်သည် အဘယ်ကြောင့် ဝမ်းနည်းနေဆဲရှိသနည်း။ ဘုရားသခင်သည် သူခေါ်စရာ လူတစ်ယောက်မျှ မရှိဟု အဘယ်ကြောင့်ပြောသနည်း။” သင်တို့၏လုပ်ရပ်များနှင့် နောဧ၏လုပ်ရပ်ကြား၌ ကွာခြားချက်တစ်စုံတစ်ရာ ရှိသလော။ မည်သည့်ကွာခြားချက်နည်း။ (ကပ်ဘေးအတွက် အစားအစာ ပြင်ဆင်သည်မှာ ကျွန်ုပ်တို့၏ ကိုယ်ပိုင် ရည်ရွယ်ချက် ဖြစ်ပါသည်။) (ဘုရားသခင်၏အမြင်၌ နောဧသည် ဖြောင့်မတ်သူ ဖြစ်သော်လည်း ကျွန်ုပ်တို့၏ လုပ်ရပ်များသည် “ဖြောင့်မတ်ခြင်း” ကို မရောက်နိုင်ပါ။) သင်တို့ပြောသည့် အရာများက သိပ်အလှမ်းမဝေးပေ။ နောဧလုပ်ခဲ့သည့်အရာမှာ ယခုခေတ်လူများလုပ်နေသည်နှင့် အခြေခံအားဖြင့် ကွဲပြားသည်။ ဘုရားသခင်ညွှန်ကြားခဲ့သည့်အတိုင်း နောဧလုပ်ခဲ့သောအခါ ဘုရားသခင်၏ ရည်ရွယ်ချက်မှာ အဘယ်အရာဖြစ်သည်ကို သူမသိခဲ့ပေ။ ဘုရားသခင်သည် အဘယ်အရာလုပ်ချင်သည်ကို သူမသိခဲ့ပေ။ ဘုရားသခင်သည် သူ့ကို အမိန့်တစ်ခုသာပေးခဲ့ပြီး တစ်စုံတစ်ခုလုပ်ဖို့ ညွှန်ကြားခဲ့သည်။ သို့ရာတွင် ရှင်းပြချက် အများအပြား မပါဘဲနှင့် သူထလုပ်ခဲ့သည်။ သူသည် ဘုရားသခင်၏ရည်ရွယ်ချက်များကို နားလည်ဖို့ တိတ်တဆိတ် မကြိုးစားခဲ့သကဲ့သို့ ဘုရားသခင်ကို ခုခံခြင်း သို့မဟုတ် စိတ်နှစ်ခွလည်း မရှိခဲ့ပေ။ သူသည် သန့်စင်ပြီး ရိုးရှင်းသည့် နှလုံးသားနှင့် လျော်ညီစွာ လုပ်ခဲ့ခြင်းသာဖြစ်သည်။ ဘုရားသခင်က သူ့ကို လုပ်စေသမျှကို သူလုပ်ခဲ့သည်၊ ဘုရားသခင်၏နှုတ်ကပတ်တော်များကို နာခံခြင်းနှင့် နားထောင်ခြင်းတို့က အလုပ်လုပ်သည့်နေရာတွင် သူ၏ခံယူချက်ဖြစ်သည်။ ဤသည်မှာ ဘုရားသခင် တာဝန်ပေးစေခိုင်းသည့်အရာနှင့် ပတ်သက်ပြီး ရိုးရှင်းစွာနှင့် တည့်မတ်စွာ သူကိုင်တွယ်သည့် ပုံစံပင်ဖြစ်သည်။ သူ၏အပြုအမူများ၏ အနှစ်သာရသည် နာခံခြင်းဖြစ်ပြီး၊ သူ၏အနှစ်သာရသည် ကြိုတွက်ခြင်းနှင့် ခုခံခြင်း မဟုတ်သည့်အပြင် မိမိ၏ ကိုယ်ကျိုးများ၊ မိမိ၏အမြတ်အစွန်းနှင့် ဆုံးရှုံးခြင်းတို့ကိုတွေးခြင်း မဟုတ်ပေ။ ထို့အပြင် ဘုရားသခင်က ကမ္ဘာကို ရေလွှမ်းမိုးခြင်းနှင့် ဖျက်ဆီးမည်ဟုပြောသည့်အခါ မည်သည့်အချိန်တွင် ပြုမည်နည်းဟု သူမမေးခဲ့ပေ သို့မဟုတ် အမှုအရာများ မည်သို့ဖြစ်လာမည်ကိုလည်း မမေးခဲ့ပေ။ ကမ္ဘာကို မည်သို့ ဖျက်ဆီးမည်နည်းဆိုသည်ကိုလည်း ဘုရားသခင်အား လုံးဝ မမေးခဲ့ပေ။ ဘုရားသခင်ညွှန်ကြားခဲ့သည့်အတိုင်းသာ သူလုပ်ဆောင်ခဲ့သည်။ ဘုရားသခင်သည် ထိုအရာကို မည်သို့ပင် လုပ်စေလိုသည်ဖြစ်စေ၊ မည်သည့်အရာနှင့် လုပ်စေလိုသည်ဖြစ်စေ ဘုရားသခင်တောင်းဆိုသည့်အတိုင်း အတိအကျ သူလုပ်ခဲ့ပြီး ချက်ချင်းပင် စတင်လုပ်ဆောင်ခဲ့သည်။ ဘုရားသခင်ကို ကျေနပ်စေလိုသည့် သဘောထားနှင့် သူသည် ဘုရားသခင်၏ ညွှန်ကြားချက်များအတိုင်း ပြုမူလုပ်ဆောင်ခဲ့သည်။ ကပ်ဘေးမှ လွတ်မြောက်ရေးအတွက် အထောက်အကူဖြစ်ရန် သူလုပ်ခဲ့ခြင်းလော။ မဟုတ်ပေ။ ကမ္ဘာကြီး မပျက်စီးမီ မည်မျှကြာမည်ဆိုသည့်အကြောင်း ဘုရားသခင်ကို သူမေးခဲ့သလော။ မမေးခဲ့ပေ။ သင်္ဘောကို တည်ဆောက်ဖို့ မည်မျှကြာမည်ဆိုသည်ကို ဘုရားသခင်ကို မေးခဲ့သလော သို့မဟုတ် သူ သိခဲ့သလော။ ထိုအရာကိုလည်း သူမသိခဲ့ပေ။ သူသည် နာခံ၍ နားထောင်ခဲ့ကာ သင့်လျော်သလို လုပ်ဆောင်ခဲ့ခြင်းသာဖြစ်သည်။ ယခုခေတ်လူများမှာ ထိုကဲ့သို့မဟုတ်ပေ- ဘုရားသခင်၏ နှုတ်ကပတ်တော်မှတစ်ဆင့် အချက်အလက်အနည်းငယ် ပေါက်ကြားသည်နှင့်၊ အနှောင့်အယှက် သို့မဟုတ် ပြဿနာတစ်ခုခု၏ အရိပ်လက္ခဏာကို သိသည်နှင့် ကပ်ဘေးအပြီးမှာ စားရမည့်အရာ၊ သောက်ရမည့်အရာနှင့် အသုံးပြုမည့်အရာကို ပြင်ဆင်ဖို့၊ ကပ်ဘေးကျရောက်လျှင် ထွက်ပြေးလွတ်မြောက်ရန် လမ်းများကိုပင် ပြင်ဆင်လျက် မည်သည့်အဖိုးအခပင်ဖြစ်ပါစေ၊ အဖိုးအခကို ဂရုမထားဘဲ သူတို့ချက်ချင်း စတင်လှုပ်ရှားကြလိမ့်မည်။ ပိုပြီးစိတ်ဝင်စားစရာကောင်းသည်မှာ ဤအရေးပါသည့် အခိုက်အတန့်တွင် လူ့ဦးနှောက်များသည် အင်မတန်မှ “အသုံးဝင်” ကြသည်။ ဘုရားသခင်က မည်သည့်ညွှန်ကြားချက်မျှ မပေးသည့်အခြေအနေတွင် လူသားသည် အရာအားလုံးကို အလွန်သင့်တော်စွာစီစဉ်နိုင်သည်။ ထိုအရာကို ဖော်ပြရန် “စုံလင်သည်” ဟူသည့် စကားကို သင်တို့အသုံးပြုနိုင်သည်။ ဘုရားသခင်ပြောသည့်အရာ၊ ဘုရားသခင်၏ရည်ရွယ်ချက်များ၊ သို့မဟုတ် ဘုရားသခင် လိုလားသည့်အရာကိုမူ မည်သူမျှ ဂရုမစိုက်ကြဘဲ နားလည်ဖို့ရန် မည်သူမျှ မကြိုးစားကြပေ။ ဤသည်မှာ ယနေ့ခေတ် လူများနှင့် နောဧတို့၏ အကြီးဆုံးကွာခြားချက် မဟုတ်သလော။

နောဧအဖြစ်အပျက်၏ ဤမှတ်တမ်းတွင် ဘုရားသခင်၏ စိတ်သဘောထား တစ်စိတ်တစ်ပိုင်းကို သင်တို့ မြင်သလော။ လူသား၏ဖောက်ပြန်ပျက်စီးမှု၊ ညစ်ညမ်းမှုနှင့် အဓမ္မမှုတို့ အပေါ်တွင် ဘုရားသခင်၏ သည်းခံမှုမှာ အကန့်အသတ်ရှိသည်။ ထိုအကန့်အသတ်ကို သူရောက်သွားသည့်အခါ သူသည် ဆက်လက်သည်းခံမည် မဟုတ်တော့ဘဲ သူ၏စီမံခန့်ခွဲမှု အသစ်နှင့် အစီအစဉ်အသစ်တို့ကို အစပြုလိမ့်မည်။ သူလုပ်ရမည့်အရာကို စလုပ်မည်ဖြစ်ကာ သူ၏ လုပ်ဆောင်ချက်များနှင့် သူ့စိတ်သဘော၏ အခြားတစ်ဖက်ကို ဖွင့်ပြလိမ့်မည်။ သူ၏ ဤလုပ်ရပ်သည် လူသားအနေဖြင့် သူ့ကို ဘယ်တော့မျှ မစော်ကားရပေဆိုခြင်းကို ပြသရန် သို့မဟုတ် သူသည် အာဏာ၊ အမျက်ဒေါသတို့နှင့် ပြည့်နေသည်ကို ပြသရန်မဟုတ်သကဲ့သို့ သူ့အနေဖြင့် လူသားမျိုးနွယ်ကို ဖျက်ဆီးပစ်နိုင်သည်ကို ပြသဖို့ရန်လည်းမဟုတ်ပေ။ သူ၏စိတ်သဘောထားနှင့် သူ၏သန့်ရှင်းသည့် အနှစ်သာရသည် ဤသို့သောလူသားမျိုးနွယ်မျိုးကို သူ၏မျက်မှောက်တွင် ရှင်သန်ခွင့်ပြုရန်၊ သူ၏ အုပ်စိုးမှုအောက်တွင် ရှင်သန်ခွင့်ပြုရန် ခွင့်မပြုနိုင်တော့ခြင်း၊ စိတ်ရှည်သည်းခံမှု မရှိတော့ခြင်းသာ ဖြစ်သည်။ တစ်နည်းအားဖြင့် လူသားအားလုံးသည် သူ့ကို ဆန့်ကျင်သည့်အခါ၊ တစ်ကမ္ဘာလုံးတွင် သူကယ်နိုင်သည့်သူ တစ်ယောက်မျှ မရှိတော့သည့်အခါ၊ သူသည် ထိုသို့သော လူသားမျိုးနွယ်မျိုးကို ဆက်၍ သည်းခံတော့မည် မဟုတ်ဘဲ ဤသို့သော လူသားမျိုးနွယ်ကို ဖျက်ဆီးဖို့ရန်ဖြစ်သည့် သူ၏အစီအစဉ်ကို တွန့်ဆုတ်မနေဘဲ လုပ်ဆောင်မည်ဖြစ်သည်။ ဘုရားသခင်၏ ဤသို့သောလုပ်ရပ်ကို သူ့စိတ်သဘောထားနှင့် ပိုင်းခြားဆုံးဖြတ်သည်။ ဤသည်မှာ မလွှဲမရှောင်သာသည့် အကျိုးဆက်ဖြစ်ပြီး ဘုရားသခင်၏အုပ်စိုးမှုအောက်၌ နေထိုင်သည့် ဖန်ဆင်းခံအရာအားလုံး ခံယူရမည့် အကျိုးဆက်ဖြစ်သည်။ ဤသည်က လက်ရှိခေတ်ကာလတွင် ဘုရားသခင်သည် သူ၏အစီအစဉ်ကို ပြီးမြောက်စေရန်နှင့် သူကယ်တင်လိုသည့်လူများကို ကယ်တင်ရန် မစောင့်နိုင်ဖြစ် သည်ကို ပြသည်မဟုတ်လော။ ဤသို့သော အခြေအနေမျိုး အောက်တွင် ဘုရားသခင်သည် အဘယ်အရာကို ဂရုအစိုက်ဆုံး ဖြစ်သနည်း။ သူ့နောက်ကို လုံးဝမလိုက်လျှောက်သည့်သူများ၊ သို့မဟုတ် သူ့ကို ဘာပဲဖြစ်ဖြစ် ဆန့်ကျင်သည့်သူများ အနေဖြင့် သူ့ကို မည်ကဲ့သို့ဆက်ဆံပုံ သို့မဟုတ် ခုခံပုံကို မဟုတ်ပေ၊ သို့တည်းမဟုတ် လူသားမျိုးနွယ်က သူ့ကို မည်ကဲ့သို့ မကောင်းပြောဆိုကြပုံကို မဟုတ်ပေ။ သူ့နောက်ကို လိုက်လျှောက်သောသူများ၊ သူ၏စီမံခန့်ခွဲမှု အစီအစဉ်ထဲတွင် သူ၏ကယ်တင်ခြင်းခံရသည့် အရာများ၊ သူ့အားဖြင့် စုံလင်အောင်ပြုခြင်း ခံရသည့်သူများသည် သူ့ကို ကျေနပ်အားရစေခြင်း ရှိမရှိကိုသာ သူဂရုစိုက်သည်။ သူ့နောက်ကိုလိုက်သူများမှလွဲပြီး အခြားလူများအတွက်မူ သူ၏အမျက်ဒေါသကိုဖော်ပြရန် အပြစ်ဒဏ်ပေးခြင်း အနည်းငယ်ကိုသာ ရံဖန်ရံခါ ပြုလုပ်သည်။ ဥပမာ ဆူနာမီများ၊ ငလျင်လှုပ်ခြင်းများ၊ မီးတောင်ပေါက်ကွဲခြင်းများ အစရှိသဖြင့်။ တစ်ချိန်တည်းမှာပင် သူ့နောက်ကိုလိုက်ပြီး သူ့အားဖြင့် ကယ်တင်ခြင်းခံရဆဲဆဲရှိသည့် သူများကို ကောင်းမွန်စွာ ကာကွယ်စောင့်ရှောက်နေသည်။ ဘုရားသခင်၏ စိတ်သဘောထားမှာ ဤသို့ဖြစ်သည်။ တစ်ဖက်တွင် သူသည် စုံလင်အောင်ပြုပေးရန် သူရည်ရွယ်ထားသည့် လူများကို အဆုံးစွန်သော စိတ်ရှည်သည်းခံခြင်းကို ပေးနိုင်ပြီး ထိုသူတို့ကို သူတတ်နိုင်သမျှ ကြာကြာစောင့်နိုင်သည်။ အခြားတစ်ဖက်တွင်မူ သူ့နောက်ကိုမလိုက်ဘဲ သူ့ကိုဆန့်ကျင်သည့် စာတန်ကဲ့သို့သော လူများကို အလွန်အမင်း ရွံရှာမုန်းတီးသည်။ ဤစာတန်ကဲ့သို့သော လူများသည် သူ့နောက်ကိုလိုက်ခြင်း သို့မဟုတ် ကိုးကွယ်ခြင်းများ ပြုမပြုကို ဂရုမစိုက်သော်လည်း သူ့နှလုံးသားထဲတွင် သူတို့အတွက် သည်းခံပေးလျက် သူတို့ကို စက်ဆုပ်ရွံရှာဆဲဖြစ်ပြီး ဤစာတန်ကဲ့သို့သော လူများ၏အဆုံးသတ်ကို သူသတ်မှတ်သကဲ့သို့ပင် သူ့စီမံခန့်ခွဲမှု အစီအစဉ်၏ အဆင့်များရောက်ရှိလာဖို့ကိုလည်း သူစောင့်နေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၂၇)

၂။ ရေလွှမ်းမိုးခြင်းပြီးနောက် နောဧကိုပေးသော ဘုရားသခင်၏ကောင်းချီး

ကမ္ဘာဦး ၉:၁-၆ ဘုရားသခင်သည်လည်း၊ နောဧနှင့် သူ၏သား တို့ကိုကောင်းကြီးပေးတော်မူ၍၊ သင်တို့သည် များပြားစွာ မွေးဖွားလျက် မြေကြီးပြည့်စေကြလော့။ မြေတိရစ္ဆာန်၊ မိုဃ်းကောင်းကင်ငှက်အစရှိသော၊ မြေပေါ်မှာ လှုပ်ရှားတတ်သမျှနှင့်၊ ပင်လယ်ငါးအပေါင်းတို့သည်၊ သင်တို့ရှေ့မှာကြောက်ရွံ့ တုန်လှုပ်ခြင်းသဘောရှိကြလိမ့်မည်။ ထိုတိရစ္ဆာန်တို့ကို သင်တို့ လက်၌ငါ အပ်၏။ အသက်ရှင်၍ လှုပ်ရှားတတ်သမျှသည်၊ အသီးအရွက်ကဲ့သို့၊ သင်တို့စားစရာဘို့ ဖြစ်ရမည်။ ခပ်သိမ်း သောအရာတို့ကို သင်တို့၌ ငါအပ်ပေး၏။ သို့သော်လည်း အသက်တည်းဟူသော အသွေးနှင့်တကွ အသားကို မစားရ။ အကယ်၍ သင်တို့အသက်တည်းဟူသော၊ သင်တို့ အသွေးကို ငါတောင်းမည်။ လူ၊ တိရစ္ဆာန်အပေါင်း တို့၌ ငါတောင်းမည်။ ခပ်သိမ်းသော လူတို့၏ ညီအစ်ကို၌ လူ၏အသက်ကို ငါတောင်းမည်။ အကြင်သူသည် လူ၏အသွေးကို သွန်း၏။ ထိုသူ၏အသွေးကို လူလက်ဖြင့် သွန်းရမည်။ အကြောင်းမူကား ဘုရားသခင်သည် မိမိပုံသဏ္ဍာန်နှင့်အညီ လူကို ဖန်ဆင်းတော်မူ၏။

နောဧက ဘုရားသခင်၏ညွန်ကြားချက်များကို လက်ခံပြီး သင်္ဘောကိုတည်ဆောက်ကာ ကမ္ဘာကြီးကို ဖျက်ဆီးခြင်းငှာ ရေလွှမ်းမိုးခြင်းကို ဘုရားသခင်အသုံးပြုသည့်နေ့များကို ဖြတ်သန်းကျော်လွှားခဲ့ပြီး သူ့မိသားစုဝင် ရှစ်ယောက်လုံး အသက်ရှင်ကျန်ရစ်ခဲ့သည်။ နောဧ၏ မိသားစု ရှစ်ယောက်မှလွဲ၍ လူသားမျိုးနွယ်အားလုံး ဖျက်ဆီးခြင်းခံခဲ့ရပြီး ကမ္ဘာပေါ်ရှိ သက်ရှိသတ္တဝါအားလုံး ဖျက်ဆီးခံခဲ့ရသည်။ နောဧကိုမူ ဘုရားသခင်က ကောင်းချီးပေးပြီး သူ့သားနှင့်သူ့ကို အချို့အရာများပြောခဲ့သည်။ ဤအရာများက ဘုရားသခင်က သူ့ကို ပေးသနားသည့်အရာများဖြစ်ပြီး သူ့အတွက် ဘုရားသခင်၏ကောင်းချီးလည်းဖြစ်သည်။ ဤသည်မှာ သူ့ကို နားထောင်နိုင်ပြီး သူ၏ညွှန်ကြားချက်များကို လက်ခံနိုင်သူကို ဘုရားသခင်ပေးသည့် ကောင်းချီးနှင့် ကတိတို့ဖြစ်ကာ ဘုရားသခင် လူသားများကို ဆုချီးမြှင့်သည့် ပုံစံလည်းဖြစ်သည်။ တစ်နည်းအားဖြင့် နောဧသည် ဘုရားသခင်အမြင်တွင် စုံလင်သောသူဖြစ်ခြင်း သို့မဟုတ် ဖြောင့်မတ်သည့်လူ ဖြစ်ခြင်းတို့နှင့် မသက်ဆိုင်ဘဲ၊ ဘုရားသခင်ကို သူမည်မျှ သိသည်ဆိုသည်နှင့်မသက်ဆိုင်ဘဲ၊ အတိုချုပ်ပြောရလျှင် နောဧနှင့် သူ့သားသုံးယောက်သည် ဘုရားသခင်၏ နှုတ်ကပတ်တော်များကို နားထောင်ခဲ့ပြီး ဘုရားသခင်၏အမှုနှင့် ပူးပေါင်းဆောင်ရွက်ခဲ့ကာ ဘုရားသခင်၏ ညွှန်ကြားချက်နှင့်များအညီ သူတို့လုပ်သင့်သည့်အရာကို လုပ်ခဲ့ ကြသည်။ အကျိုးရလဒ်အနေနှင့် ရေလွှမ်းမိုးခြင်းအားဖြင့် ကမ္ဘာကို ဖျက်ဆီးခဲ့ပြီးနောက် သက်ရှိသတ္တဝါအမျိုးမျိုးနှင့် လူသားများကို ထိန်းသိမ်းရာတွင် ဘုရားသခင်ကို ကူညီခဲ့ကြပြီး ဘုရားသခင်၏ စီမံခန့်ခွဲမှုအစီအစဉ် နောက်တစ်ဆင့်အတွက် ကြီးမားသည့်အထောက်အပံ့ ဖြစ်စေခဲ့သည်။ နောဧ လုပ်ဆောင်ခဲ့သည့်အရာအားလုံးအတွက် ဘုရားသခင်က သူ့ကို ကောင်းချီးပေးခဲ့ခြင်းဖြစ်သည်။ ယနေ့ခေတ်လူများအတွက်မူ နောဧလုပ်ခဲ့သည့်အရာက ထုတ်ဖော်ပြောဆိုရန်ပင် မထိုက်တန်ခြင်းမျိုး ဖြစ်ကောင်းဖြစ်နိုင်သည်။ အချို့က ဤကဲ့သို့ပင် တွေးနိုင်သည်။ နောဧသည် ဘာမျှမလုပ်ခဲ့ပေ။ သူ့ကိုကယ်ဖို့ ဘုရားသခင်က စိတ်ဆုံးဖြတ်ချက်ချပြီးသား ဖြစ်သည်။ ထို့ကြောင့် သူသည် သေချာပေါက် ကယ်တင်ခြင်းခံရမှာဖြစ်သည်။ သူအသက်ရှင်ကျန်ရစ်သည်မှာ သူ့ကြောင့်မဟုတ်ပေ။ လူက အားနည်းသည့်အတွက် ဤအရာသည် ဘုရားသခင်က ဖြစ်စေချင်ခဲ့သည့်အရာဖြစ်သည် စသဖြင့်ဖြစ်သည်။ သို့ရာတွင် ဤသည်မှာ ဘုရားသခင် စဉ်းစားနေခဲ့သည့်အရာ မဟုတ်ပေ။ ဘုရားသခင်အတွက်မူ လူတစ်ယောက်သည် ကြီးမြတ်သည်ဖြစ်စေ သို့မဟုတ် အရေးမပါသည်ဖြစ်စေ သူ့နှုတ်ကပတ်တော်ကို နားထောင်နိုင်ကာ သူ၏ညွှန်ကြားချက်များနှင့် သူတာဝန်ပေးစေခိုင်းသည့်အရာကို နာခံနိုင်ပြီး သူ၏အလိုတော်နှင့် သူ၏အစီအစဉ်တို့က ချောမွေ့စွာ ပြီးမြောက်နိုင်ဖို့ သူ၏အမှုတော်၊ သူ၏အလိုတော်နှင့် သူ၏ အစီအစဉ်တို့၌ ပူးပေါင်းဆောင်ရွက်နိုင်သရွေ့ ထိုသူသည် သူ၏ အမှတ်ရခြင်းနှင့် ကောင်းချီးကို လက်ခံရရှိဖို့ ထိုက်တန်သည်။ ဘုရားသခင်သည် ဤသို့သောလူမျိုးများကို တန်ဖိုးထားပြီး သူတို့၏အပြုအမူ၊ ချစ်ခြင်းနှင့် သူ့အပေါ်တွင် ချစ်ခင်မှုများကို နှစ်သက်သည်။ ဤသည်မှာ ဘုရားသခင်၏ သဘောထား ဖြစ်သည်။ ဤသို့ဆိုလျှင် ဘုရားသခင်သည် နောဧကို အဘယ်ကြောင့် ကောင်းချီးပေးခဲ့သနည်း။ အဘယ်ကြောင့် ဆိုလျှင် ဤသည်မှာ လူသား၏ထိုသို့သောလုပ်ရပ်များနှင့် နာခံခြင်းအပေါ်တွင် ဘုရားသခင် ပြုမူဆက်ဆံသည့် ပုံစံဖြစ်၍ဖြစ်သည်။

နောဧကို ဘုရားသခင်ကောင်းချီးပေးခြင်းနှင့်ပတ်သက်၍ အချို့လူများက ဤသို့ပြောလိမ့်မည်။ “လူသားက ဘုရားသခင်ကိုနားထောင်ပြီး ဘုရားသခင်ကို ကျေနပ်စေလျှင် ဘုရားသခင်အနေဖြင့် လူသားကို ကောင်းချီးပေးသင့်ပါသည်။ ဤအချက်က ပြောနေရန်ပင် မလိုသည့်အရာမဟုတ်လော။” ငါတို့ ထိုကဲ့သို့ ပြောနိုင်သလော။ “မပြောနိုင်ပါဘူး” ဟု အချို့ကပြောသည်။ အဘယ်ကြောင့် ထိုကဲ့သို့ ငါတို့မပြောနိုင်ရသနည်း။ အချို့လူများက “လူသားသည် ဘုရားသခင်၏ကောင်းချီးကို မွေ့လျော်ခြင်းငှာ မထိုက်တန်ပါ” ဟုပြောကြသည်။ ၎င်းက လုံးဝဥဿုံ မှန်နေခြင်းမျိုး မဟုတ်ပေ။ အဘယ်ကြောင့်ဆိုလျှင် ဘုရားသခင်တာဝန်ပေးစေခိုင်းထားသည့် အရာကို လူတစ်ယောက်က လက်ခံလိုက်သည့်အခါ သူ၏လုပ်ရပ်များသည် ကောင်းသလော ဆိုးသလော၊ သူသည် နာခံမှုရှိသလော၊ ထိုသူသည် ဘုရားသခင်၏အလိုတော်ကို ကျေနပ်စေသလောနှင့် သူတို့၏လုပ်ဆောင်သည့် အရာသည် အဆင့်မီသလော စသည့်အရာတို့ကို စီရင်ဆုံးဖြတ်ရန် ဘုရားသခင်၌ စံသတ်မှတ်ချက်တစ်ခုရှိသည်။ ဘုရားသခင် ဂရုစိုက်သည့်အရာမှာ လူသား၏နှလုံးသားဖြစ်ပြီး သူတို့၏ အပေါ်ယံလုပ်ရပ်များမဟုတ်ပေ။ လူများက မည်သို့လုပ်ဆောင် သည်နှင့် မဆိုင်ဘဲ သူတို့သည် လုပ်ဆောင်နေသရွေ့ ဘုရားသခင်က ထိုသူကို ကောင်းချီးပေးသင့်သည်ဆိုခြင်းမှာ မမှန်ကန်ပေ။ ဤသည်မှာ လူသားက ဘုရားသခင်ကို နားလည်မှုလွဲခြင်း ဖြစ်သည်။ ဘုရားသခင်သည် အဆုံးသတ်ရလဒ်ကိုသာ ကြည့်ရုံသက်သက်တင်မဟုတ်ဘဲ အကြောင်းကိစ္စများ တိုးတက်ပြောင်းလဲလာစဉ်အတွင်း၌ လူတစ်ဦး၏နှလုံးသားနှင့် ထိုသူ၏သဘောထားက မည်သို့ပုံစံရှိသည်ကို သာ၍အလေးပေးပြီး သူတို့နှလုံးသား၌ နာခံမှု၊ စာနာထောက်ထားမှု၊ ဘုရားသခင်ကို ကျေနပ်စေဖို့ အတွက် ဆန္ဒတို့ ရှိမရှိကိုလည်း ကြည့်ရှုသည်။ ထိုအချိန်အခါက နောဧသည် ဘုရားသခင်ကို မည်မျှသိခဲ့သနည်း။ ယခု သင်တို့သိသည့် အယူဝါဒများလောက် များသလော။ ဘုရားသခင်နှင့်ပတ်သက်သည့် အယူအဆများနှင့် အသိပညာကဲ့သို့သော သမ္မာတရား၏ အချက်အလက်များနှင့် ပတ်သက်လျှင် သူသည် သင်တို့ကဲ့သို့ ရေလောင်းပေးမှုနှင့် ထိန်းကျောင်းပေးမှုများကို ရရှိခဲ့သလော။ မရခဲ့ပေ။ သို့ရာတွင် ငြင်း၍မရသည့် အချက်တစ်ချက်ရှိသည်။ ယနေ့ခေတ်လူတို့၏ သိမှု၊ စိတ်နှင့် နှလုံးသားအတွင်းမှာပင်လျှင် ဘုရားသခင် အပေါ်တွင်ထားသည့် သူတို့၏ သဘောထားနှင့် အယူအဆများက ဝေဝါးပြီး ရှုပ်ထွေးနေသည်။ လူအချို့သည် ဘုရားသခင်၏တည်ရှိမှုအပေါ်တွင် အဆိုးမြင်သည့် သဘောထားကို ကိုင်စွဲထားသည်ဟူ၍ပင် ပြောနိုင်သည်။ သို့ရာတွင် နောဧ၏ နှလုံးသားနှင့် သူ၏အသိစိတ်ထဲတွင်မူ ဘုရားသခင်၏တည်ရှိမှုဟာ အကြွင်းမဲ့ဖြစ်ပြီး ယုံမှားဖွယ်ရာ မရှိခဲ့ပေ။ ထို့ကြောင့် ဘုရားသခင်အပေါ် သူ၏နာခံမှုသည် အစစ်အမှန်ဖြစ်ပြီး စမ်းသပ်မှုကို ခံနိုင်ပေသည်။ ဘုရားသခင်အပေါ်တွင် သူ့နှလုံးသားသည် သန့်စင်ပြီး ပွင့်လင်းသည်။ ဘုရားသခင်၏နှုတ်ကပတ်တော်တိုင်းကို လိုက်လျှောက်စိမ့်သောငှာ သူ့ကိုယ်သူ ယုံကြည်လက်ခံအောင် ပြုရန် အယူဝါဒများနှင့်ဆိုင်သည့် အသိပညာများစွာကို သူမလိုအပ်ခဲ့သကဲ့သို့ ဘုရားသခင် တာဝန်ပေး စေခိုင်းသည့်အရာကို လက်ခံနိုင်ပြီး ဘုရားသခင်လုပ်ခိုင်းသည့် အရာများကို လုပ်ဆောင်နိုင်ရန်အလို့ငှာ ဘုရားသခင်၏ တည်ရှိမှုကို သက်သေပြရန် အချက်အလက်များစွာကိုလည်း သူမလိုအပ်ခဲ့ပေ။ ဤသည်မှာ ယနေ့ခေတ်လူများနှင့် နောဧ၏အကြားမှ ပဓာနကျသည့် ကွာခြားချက်ဖြစ်ပြီး ဘုရားသခင်၏အမြင်၌ စုံလင်သည့်လူ၏ တိကျသည့် အဓိပ္ပာယ်သတ်မှတ်ချက်အမှန်ဖြစ်သည်။ ဘုရားသခင် အလိုရှိသည်မှာ နောဧကဲ့သို့သော လူမျိုးများဖြစ်သည်။ သူသည် ဘုရားသခင်ချီးမွမ်းသည့်လူစားမျိုးဖြစ်ပြီး ဘုရားသခင် ကောင်းချီးပေးသည့်လူစားမျိုး အတိအကျပင်ဖြစ်သည်။ ဤအချက်မှ ဉာဏ်အလင်းတစ်စုံတစ်ရာကို သင်တို့ရကြသလော။ လူများက အခြားလူများကို အပြင်ပန်းမှကြည့်ကြသော်လည်း ဘုရားသခင်ကြည့်သည့် အရာကမူ လူတို့၏နှလုံးသားနှင့် သူတို့၏ အနှစ်သာရကိုဖြစ်သည်။ ဘုရားသခင်သည် လူအားလုံးကို သူ့အပေါ်တွင် စိတ်မပါ့တပါဖြစ်ခြင်း သို့မဟုတ် သံသယများရှိခြင်းတို့ကို ခွင့်မပြုသကဲ့သို့ သူ့ကို လူများက သံသယရှိခြင်း သို့မဟုတ် စမ်းသပ်ခြင်းတို့ကို မည်သို့မျှ ခွင့်မပြုပေ။ ထို့ကြောင့် ယနေ့ခေတ်လူများက ဘုရားသခင်၏ နှုတ်ကပတ်တော်များကို မျက်နှာချင်းဆိုင်မြင်နေရသော်လည်း သို့မဟုတ် ဘုရားသခင်နှင့် မျက်နှာချင်းဆိုင်၍ပင် စကားပြောဆိုနိုင်သော်လည်း သူတို့နှလုံးသားနက်ရှိုင်းရာထဲမှ တစ်စုံတစ်ခုကြောင့်၊ သူတို့၏ ပျက်စီးသည့် အနှစ်သာရ၏ တည်ရှိခြင်းနှင့် ဘုရားသခင်အပေါ်တွင် သူတို့၏ ရန်လိုသည့် သဘောထားတို့ကြောင့် ဘုရားသခင်ကို အမှန်တကယ် ယုံကြည်ခြင်းမှ ပိတ်ဆို့ခံထားရပြီး ဘုရားသခင်အပေါ်တွင် နာခံမှုမရှိစေရန် ပိတ်ကာထားခံရသည်။ ထိုအကြောင်းကြောင့် နောဧအပေါ် ဘုရားသခင်ပေးသနားခဲ့သည့် တူညီသည့် ကောင်းချီးကို လက်ခံရရှိဖို့ရန် သူတို့အတွက် အင်မတန်မှ ခက်ခဲသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၂၈)

၃။ လူသားနှင့်ပြုလုပ်သည့် ပဋိညာဉ်၏ သင်္ကေတအနေနှင့် ဘုရားသခင်သည် သက်တံကို ပြုလုပ်သည်

ကမ္ဘာဦး ၉:၁၁-၁၃ သင်တို့နှင့် ငါပြုသော ပဋိညာဉ်ဟုမူကား၊ ရေလွှမ်းမိုးခြင်းအားဖြင့်၊ ခပ်သိမ်းသော သတ္တဝါတို့သည် နောက်တဖန် မဆုံးရကြ။ မြေကြီးကို ဖျက်ဆီးဘို့ရာ နောက်တဖန် ရေလွှမ်းမိုးခြင်း မရှိရ။ ထိုမှတပါး ငါတဘက်၊ သင်တို့နှင့် သင်တို့ထံမှာ အသက်ရှင်သမျှသော တိရစ္ဆာန်တို့ တဘက်၌ သားမြေး အစဉ်အဆက်မပြတ်၊ ငါပြုသော ပဋိညာဉ်၏ လက္ခဏာ သက်သေဟူမူကား၊ ငါ၏ သက်တံကို မိုဃ်းတိမ်၌ ငါထား၏။ ထိုသက်တံသည် မြေကြီးနှင့် ငါပြုသော ပဋိညာဉ်၏ သက်သေဖြစ်လိမ့်မည်။

ဆက်လက်၍ လူသားနှင့်ပြုလုပ်သည့် ပဋိညာဉ်၏ သင်္ကေတအနေနှင့် ဘုရားသခင်က သက်တံကို ပြုလုပ်ခဲ့ပုံနှင့်ပတ်သက်သည့် ကျမ်းစာ၏ ဤအပိုင်းကို ကြည့်ကြစို့။

သက်တံက အဘယ်အရာဖြစ်သည်ကို လူအများစုသိပြီး သက်တံနှင့်ပတ်သက်သည့် ဖြစ်ရပ်အချို့ကို ကြားဖူးခဲ့ကြသည်။ သမ္မာကျမ်းစာထဲတွင်ပါသည့် သက်တံနှင့်ပတ်သက်သည့် အဖြစ်အပျက်ကိုမူ အချို့က ယုံသည်။ အချို့ကလည်း ယုံတမ်းစကားကဲ့သို့ သဘောထားသည်။ အချို့ကမူ လုံးဝမယုံပေ။ မည်သို့ပင်ဖြစ်စေ သက်တံနှင့်ပတ်သက်၍ ဖြစ်ပျက်ခဲ့သမျှအားလုံးသည် တစ်ကြိမ်က ဘုရားသခင် လုပ်ခဲ့သည့်အရာအားလုံးဖြစ်ပြီး လူသားအပေါ် ဘုရားသခင်၏ စီမံခန့်ခွဲမှု အမှုအတွင်း၌ ဖြစ်ပျက်ခဲ့သည့်အရာများ ဖြစ်သည်။ ဤအရာများကို သမ္မာကျမ်းစာထဲတွင် တိတိကျကျ မှတ်တမ်းတင်ထားခဲ့သည်။ ဤမှတ်တမ်းများက ဘုရားသခင်က ထိုအချိန်အခါက မည်သို့စိတ်နေစိတ်ထားရှိခဲ့သည် သို့မဟုတ် ဘုရားသခင်ပြောခဲ့သည့် နှုတ်ကပတ်တော်များ၏ နောက်ကွယ်မှ ရည်ရွယ်ချက်တို့ကို ငါတို့အား မပြောပေ။ ထို့အပြင် ဘုရားသခင်က ထိုအရာများကို ပြောခဲ့သည့်အခါ မည်ကဲ့သို့ခံစားနေခဲ့ရသည်ကိုလည်း မည်သူကမျှ နားမလည်နိုင်ပေ။ သို့ရာတွင် ဤအဖြစ်အပျက်တစ်ခုလုံးနှင့် ပတ်သက်ပြီး ဘုရားသခင်၏ စိတ်အခြေအနေကိုမူ စာကြောင်းများကြားထဲတွင် ဖွင့်ပြထားသည်။ ထိုအချိန်အခါက သူ၏အတွေးများသည် ဘုရားသခင့်နှုတ်ကပတ်တော်၏ စာလုံးအသီးသီးနှင့် စာစုအသီးသီးမှတစ်ဆင့် စာမျက်နှာမှ ခုန်ထွက်လာဘိသည့်အလားဖြစ်သည်။

လူများအလေးထားသင့်သည့်အရာမှာ ဘုရားသခင်၏ အတွေးများဖြစ်ပြီး သူတို့သိဖို့ရန် အလုပ်သင့်ဆုံး အရာတစ်ခု ဖြစ်သည်။ ဤသို့ဖြစ်ရခြင်းမှာ ဘုရားသခင်၏အတွေးများသည် ဘုရားသခင်အပေါ် လူသား၏ နားလည်မှုနှင့် နီးကပ်စွာ ဆက်နွှယ်နေပြီး ဘုရားသခင်အပေါ် လူသား၏နားလည်မှုသည် အသက်တာထဲသို့ လူသား၏ ဝင်ရောက်ခြင်းနှင့်ပတ်သက်၍ မရှိမဖြစ်သည့် ကွင်းဆက်တစ်ခုဖြစ်သောကြောင့်တည်း။ ဤသို့ဆိုလျှင် ဤအရာများ ဖြစ်ပျက်ခဲ့သည့် ထိုအချိန်တွင် ဘုရားသခင်က အဘယ်အရာကို စဉ်းစားနေခဲ့သနည်း။

နဂိုမူလက ဘုရားသခင်သည် သူ့အမြင်၌ အလွန် ကောင်းမွန်ပြီး သူ့နှင့်နီးစပ်သည့် လူသားကို ဖန်ဆင်းခဲ့သည်။ သို့ရာတွင် သူ့ကို ပုန်ကန်ကြပြီးနောက် ထိုသူတို့သည် ရေလွှမ်းမိုးခြင်းအားဖြင့် ဖျက်ဆီးခံခဲ့ရသည်။ ထိုသို့သော လူသားမျိုးနွယ်သည် ထိုကဲ့သို့ ချက်ချင်း ပျောက်ကွယ် သွားသည်မှာ ဘုရားသခင်ကို နာကျင်စေသလော။ နာကျင်စေ သည်မှာ အမှန်ပင်ဖြစ်၏။ ဤသို့ဆိုလျှင် ဤနာကျင်မှုကို သူမည်သို့ဖော်ပြသနည်း။ သမ္မာကျမ်းစာထဲ၌ ၎င်းကို မည်သို့ မှတ်တမ်းတင်ထားသနည်း။ သမ္မာကျမ်းစာ၌ ဤကဲ့သို့ မှတ်တမ်းတင်ထားသည်။ “သင်တို့နှင့် ငါပြုသော ပဋိညာဉ်ဟုမူကား၊ ရေလွှမ်းမိုးခြင်းအားဖြင့်၊ ခပ်သိမ်းသော သတ္တဝါတို့သည် နောက်တဖန် မဆုံးရကြ။ မြေကြီးကို ဖျက်ဆီးဘို့ရာ နောက်တဖန် ရေလွှမ်းမိုးခြင်း မရှိရ။” ဤရိုးရှင်းသည့် စာကြောင်းသည် ဘုရားသခင်၏ အတွေးများကို ဖွင့်ပြနေသည်။ ကမ္ဘာကြီးကို ဖျက်ဆီးခြင်းက သူ့ကို အင်မတန်မှ နာကျင်စေခဲ့သည်။ လူသား၏စကားနှင့်ပြောရလျှင် သူသည် အင်မတန်မှ ဝမ်းနည်းခဲ့၏။ ငါတို့ စိတ်ကူးကြည့်နိုင်ရသည်။ တစ်ချိန်က သက်ရှိသတ္တဝါများနှင့်ပြည့်နေခဲ့သည့် ကမ္ဘာသည် ရေလွှမ်းမိုးခြင်းအားဖြင့် ဖျက်ဆီးခံရခြင်းအပြီးတွင် မည်သို့ပုံစံမျိုးဖြစ်နေမည်နည်း။ တစ်ချိန်က လူသားတို့နှင့်ပြည့်နေခဲ့သည့် ကမ္ဘာသည် ယခု မည်သို့ပုံစံမျိုးဖြစ်နေမည်နည်း။ လူနေထိုင်မှုများမရှိ၊ သက်ရှိသတ္တဝါများမရှိ၊ နေရာတိုင်းတွင် ရေများနှင့် ရေမျက်နှာပြင်ပေါ်တွင် လုံးဝ ရှုပ်ပွနေသည်။ ဤကဲ့သို့သော မြင်ကွင်းမျိုးသည် ကမ္ဘာကို သူဖန်ဆင်းခဲ့စဉ်က ဘုရားသခင်၏ မူရင်း ရည်ရွယ်ချက်ဖြစ်သလော။ လုံးဝမဟုတ်ပေ။ ဘုရားသခင်၏မူရင်း ရည်ရွယ်ချက်မှာ ကုန်းမြေ တစ်လျှောက်တွင် သက်ရှိသတ္တဝါများကို မြင်ရဖို့၊ သူဖန်ဆင်းခဲ့သည့် လူသားများက သူ့ကို ကိုးကွယ်နေကြသည်ကို မြင်ရဖို့ဖြစ်ပြီး နောဧသာလျှင် သူ့ကို ကိုးကွယ်နေသည့် တစ်ဦးတည်းသောသူဖြစ်ရန် သို့မဟုတ် သူတာဝန်ပေး စေခိုင်းသည့်အရာကို ပြီးမြောက်စိမ့်သောငှာ သူ၏ခေါ်ဆိုမှုကို တုံ့ပြန်နိုင်သည့် တစ်ဦးတည်းသောသူဖြစ်ရန် မဟုတ်ပေ။ လူသားမျိုးနွယ် ပျောက်ကွယ်သွားသည့်အခါ ဘုရားသခင်သည် မူလက သူရည်ရွယ်ထားသည့်အရာကို မဟုတ်ဘဲ လုံးဝ ဆန့်ကျင်ဖက်ဖြစ်နေခြင်းကို မြင်ခဲ့သည်။ သူ့နှလုံးသားသည် မည်သို့မနာကျင်ဘဲ နေမည်နည်း။ ထို့ကြောင့် သူ၏သဘောထားနှင့် သူ၏စိတ်ခံစားချက်များကို ဖွင့်ပြသည့်အခါတွင် ဘုရားသခင်သည် ဆုံးဖြတ်ချက်တစ်ခုကို ချမှတ်ခဲ့သည်။ မည်သည့်ဆုံးဖြတ်ချက်မျိုးကို သူချမှတ်ခဲ့ သနည်း။ ဘုရားသခင်သည် လူသားကို ရေလွှမ်းမိုးခြင်းနှင့် နောက်တစ်ကြိမ် မဖျက်ဆီးတော့ဟူသော ကတိတစ်ခုဖြစ်သည့် လူသားနှင့်ပြုလုပ်သည့် ပဋိညာဉ်အဖြစ် တိမ်ထဲတွင် လေးတစ်ခုပြုလုပ်ရန် (မှတ်ရန်၊ ငါတို့မြင်ရသည့် သက်တံ) ဖြစ်သည်။ တစ်ချိန်တည်းမှာပင် ဤသည်မှာ ဘုရားသခင်သည် ကမ္ဘာကြီးကို ရေလွှမ်းမိုးခြင်းနှင့် တစ်ကြိမ်ဖျက်ဆီးခဲ့သည်ကို ပြောရန်၊ ဤသို့သောအရာကို ဘုရားသခင်က အဘယ်ကြောင့် ပြုခဲ့သည်ကို လူသားတို့ ထာဝရသတိရနေစေရန်ဖြစ်သည်။

ဤအကြိမ်၌ ကမ္ဘာကြီးကို ဖျက်ဆီးခြင်းက ဘုရားသခင် လိုလားခဲ့သည့် အရာဖြစ်သလော။ ဘုရားသခင် လိုလားသည့်အရာ လုံးဝ မဟုတ်ပေ။ ကမ္ဘာပျက်စီးပြီးနောက် ကမ္ဘာ၏သနားစရာမြင်ကွင်း၏ သေးငယ်သည့် တစ်စိတ်တစ်ပိုင်းကို ငါတို့ စိတ်ကူးကြည့်၍ရနိုင်သည်။ သို့ရာတွင် ထိုအချိန်အခါက ဘုရားသခင်၏အမြင်၌ ဤမြင်ကွင်းသည် မည်သို့ဖြစ်ခဲ့မည်ဆိုသည်ကို ငါတို့နီးစပ်အောင် စိတ်ကူးကြည့်၍မရနိုင်ပေ။ ထိုအချိန်အခါမှ လူများဖြစ်ဖြစ် ယခုခေတ်မှ လူများဖြစ်ဖြစ် ရေလွှမ်းမိုးခြင်းအားဖြင့် ဖျက်ဆီးခံရပြီးနောက် ကမ္ဘာ၏ပုံရိပ်ဖြစ်သည့် ထိုမြင်ကွင်းကို ဘုရားသခင်မြင်သည့်အခါ သူမည်သို့ခံစားနေခဲ့ရမည်ကို မည်သူမျှ စိတ်ကူးကြည့်နိုင်မည် သို့မဟုတ် နားလည်နိုင်မည်မဟုတ်ဟု ငါတို့ဆိုနိုင်သည်။ လူသား၏မနာခံမှုကြောင့် ဘုရားသခင်သည် ထိုကဲ့သို့လုပ်ဖို့ရန် ဖြစ်လာရသည်။ သို့ရာတွင် ရေလွှမ်းမိုးခြင်းအားဖြင့် ကမ္ဘာကြီး၏ ပျက်စီးခြင်းကြောင့် ဘုရားသခင်၏ နှလုံးသား၌ ခံစားရသည့် နာကျင်မှုသည် မည်သူမျှ ဉာဏ်မမီနိုင်သည့် သို့မဟုတ် နားမလည်နိုင်သည့် လက်တွေ့အရှိတရားတစ်ခုဖြစ်သည်။ ဤအကြောင်းကြောင့် ဘုရားသခင်သည် ထိုကဲ့သို့သောအရာကို တစ်ကြိမ်က လုပ်ခဲ့ဖူးသည်ကို လူများကိုပြဖို့ရန်ဖြစ်သည့်၊ ဤကဲ့သို့ပုံစံမျိုးနှင့် ဘုရားသခင်သည် ကမ္ဘာကို ထပ်၍ဖျက်ဆီးမည်မဟုတ်သည်ကို လူသားများအား ကျိန်ဆိုပြဖို့ရန်ဖြစ်သည့် ပဋိညာဉ်တစ်ခုကို လူသားမျိုးနွယ်နှင့် ပြုလုပ်ခဲ့သည်။ ဤပဋိညာဉ်၌ ဘုရားသခင်၏ နှလုံးသားကို ငါတို့မြင်ရသည်။ လူသားမျိုးနွယ်ကို သူဖျက်ဆီးခဲ့သည့်အခါ ဘုရားသခင်၏ နှလုံးသားသည် နာကျင်ခံစားရသည်ကို ငါတို့မြင်တွေ့ရသည်။ လူ့ဘာသာစကားအရပြောရလျှင် လူသားမျိုးနွယ်ကို ဘုရားသခင်ဖျက်ဆီးပြီး လူသားအားလုံး ပျောက်သွားသည်ကို ဘုရားသခင် မြင်သည့်အခါ သူ့နှလုံးသားသည် ငိုကြွေးရင်း သွေးများယိုစီးနေခဲ့သည်။ ငါတို့ အကောင်းဆုံးဖော်ပြနိုင်သမျှမှာ ထိုမျှသာဖြစ်သည် မဟုတ်လော။ ဤစကားလုံးများကို လူသား၏စိတ်ခံစားမှုများကို ဖော်ပြဖို့ရန် လူသားများက အသုံးပြုသည်။ သို့ရာတွင် လူ့ဘာသာစကားသည် ချို့တဲ့လှသည့်အတွက် ဘုရားသခင်၏ခံစားချက်များနှင့် စိတ်ခံစားမှုများကို ဖော်ပြဖို့ရန် ၎င်းတို့ကို အသုံးပြုခြင်းသည် ငါ့အတွက် အလွန်ဆိုးဝါးသည့်ပုံ မထင်ရသကဲ့သို့ ၎င်းတို့မှာ လွန်ကဲလှသည်ဟုလည်း မရှိပေ။ အနည်းဆုံးအနေဖြင့် ထိုအချိန်အခါက ဘုရားသခင်၏စိတ်အခြေအနေမှာ မည်သို့ဖြစ်နေခဲ့သည်ကို အလွန်ရှင်းလင်း၍ လျော်ကန်သည့်နားလည်မှုအား ထိုအရာက သင်တို့ကိုပေးသည်။ သက်တံကို နောက်တစ်ခါ မြင်ရသည့်အခါ သင်တို့မည်သို့စဉ်းစားကြမည်နည်း။ အနည်းဆုံးအနေဖြင့် ဘုရားသခင်သည် တစ်ချိန်က ရေလွှမ်းမိုးခြင်းအားဖြင့် ကမ္ဘာကို ဖျက်ဆီးခဲ့ခြင်းကို မည်ကဲ့သို့ ဝမ်းနည်းခဲ့ရသည်ကို သင်တို့ သတိရပေလိမ့်မည်။ ဘုရားသခင်က ဤလောကကိုမုန်းတီးခဲ့ပြီး လူသားများကို ရွံရှာခဲ့သော်လည်း သူ၏လက်များနှင့် သူကိုယ်တိုင် ဖန်ဆင်းခဲ့သည့် လူသားများကို သူဖျက်ဆီးခဲ့စဉ်က သူ့နှလုံးသားက မည်သို့နာကျင်ခဲ့ရသည်၊ ဖြေဖျောက်ဖို့ရန် မည်သို့ကြိုးစားခဲ့ရသည်၊ တွန့်ဆုတ်ခြင်းများ မည်သို့ခံစားခဲ့ရပြီး ခံယူနိုင်ဖို့ မည်သို့ခက်ခဲခဲ့သည်ကို သင်တို့အနေဖြင့် အမှတ်ရပေလိမ့်မည်။ သူ့ကိုသက်သာစေသည့် တစ်ခုတည်းသောအရာက နောဧ၏မိသားစုရှစ်ယောက်သာ ဖြစ်သည်။ ဖန်ဆင်းထားသည့်အရာအားလုံးအပေါ် ဘုရားသခင်၏ အပတ်တကုတ် လုံ့လစိုက်ထုတ်ခဲ့ရမှုများကို အကျိုးရှိစေခဲ့သည်မှာ နောဧ၏ ပူးပေါင်းလုပ်ဆောင်မှုဖြစ်သည်။ ဘုရားသခင်သည် နာကျင်နေရသည့်အချိန်မှာ သူ့နာကျင်မှုကို သက်သာစေနိုင်သည်မှာ ထိုအရာသာဖြစ်ခဲ့သည်။ ထိုအချိန်မှစပြီး ဘုရားသခင်သည် နောဧမိသားစုသည် သူ၏ကျိန်ဆိုမှုအောက်၌မဟုတ်ဘဲ ကောင်းချီးမင်္ဂလာအောက်၌ နေထိုင်နိုင်ဖို့ မျှော်လင့်လျက်၊ ဘုရားသခင်က ကမ္ဘာကို ရေလွှမ်းမိုးခြင်းနှင့် ဖျက်ဆီးသည်ကို သူတို့အနေဖြင့် မည်သည့်အခါမျှ ထပ်မမြင်ရစေဖို့ရန် မျှော်လင့်လျက်၊ ထို့ပြင် သူတို့သည်လည်း ဖျက်ဆီးခြင်းမခံရဖို့ မျှော်လင့်လျက် ဘုရားသခင်သည် လူသားမျိုးနွယ်အပေါ် သူ၏မျှော်လင့်ချက်များ အားလုံးကို နောဧ၏မိသားစုအပေါ်တွင် ပုံအပ်ထားခဲ့သည်။

ဤနေရာတွင် ဘုရားသခင့်စိတ်သဘောထား၏ မည်သည့်အပိုင်းကို ငါတို့နားလည်သင့်သနည်း။ လူသားသည် ဘုရားသခင်နှင့် ရန်သူကဲ့သို့ဖြစ်ခဲ့သည့်အတွက် ဘုရားသခင်သည် လူသားကို ရွံရှာခဲ့သည်။ သို့ရာတွင် သူ့နှလုံးသားထဲတွင်မူ လူသားမျိုးနွယ်အတွက် သူ၏ဂရုစိုက်မှု၊ အလေးထားမှုနှင့် သနားညှာတာမှုတို့သည် မပြောင်းမလဲ တည်ရှိခဲ့သည်။ လူသားမျိုးနွယ်ကို သူဖျက်ဆီးခဲ့သည့်အခါ ပင်လျှင် သူ့နှလုံးသားသည် မပြောင်းမလဲ တည်ရှိခဲ့သည်။ လူသားတို့သည် ဖောက်ပြန်ပျက်စီးမှုနှင့်ပြည့်ပြီး ဘုရားသခင်ကို အတိုင်းအတာတစ်ခုအထိ မနာခံသည့်အခါ သူ၏စိတ်သဘောထားနှင့် အနှစ်သာရကြောင့် သူ၏စည်းမျဉ်းများနှင့်အညီ ဘုရားသခင်သည် လူသားတို့ကို ဖျက်ဆီးခဲ့ရသည်။ သို့ရာတွင် ဘုရားသခင်၏အနှစ်သာရကြောင့် သူသည် လူသားမျိုးနွယ်ကို သနားကြင်နာဆဲဖြစ်ပြီး သူတို့ ဆက်လက်ရှင်သန်နိုင်ရန်အတွက် လူသားမျိုးနွယ်ကို ရွေးနုတ်ရန် နည်းအမျိုးမျိုးပင် အသုံးပြုခဲ့သည်။ သို့ရာတွင် လူသားသည် ဘုရားသခင်ကိုဆန့်ကျင်ကာ ဘုရားသခင်ကို မနာခံမှုတို့ကို ဆက်လက်ပြုလုပ်ခဲ့ပြီး ဘုရားသခင်၏ကယ်တင်ခြင်းကို လက်ခံရန် ငြင်းဆန်ခဲ့သည်။ ဆိုလိုသည်မှာ ဘုရားသခင်၏ ကောင်းမွန်သည့် ရည်ရွယ်ချက်များကို လက်ခံဖို့ ငြင်းဆန်ခဲ့သည်။ ဘုရားသခင်သည် သူတို့ကို မည်သို့ပင် ခေါ်သည်ဖြစ်စေ၊ သတိပေးသည်ဖြစ်စေ၊ ပံ့ပိုးပေးသည်ဖြစ်စေ၊ ကူညီပေးသည်ဖြစ်စေ သို့မဟုတ် သူတို့ကို သည်းခံသည်ဖြစ်စေ၊ လူသားသည် ထိုအရာကို နားမလည်ခဲ့ပေ သို့မဟုတ် အသိအမှတ်မပြုခဲ့သကဲ့သို့ အာရုံလည်း မစိုက်ခဲ့ပေ။ သူ၏ နာကျင်မှုအလယ်တွင် လူသားတို့ နောက်ပြန်လှည့်လာရန် စောင့်စားရင်း သူ၏သည်းခံမှုကို အဆုံးစွန်ထိပေးဖို့ကို ဘုရားသခင်သည် မမေ့သေးပေ။ သူ၏အကန့်အသတ်ကို ရောက်သွားသည့်အခါတွင်မူ တွန့်ဆုတ်နှောင့်နှေးနေခြင်းမရှိဘဲ သူလုပ်စရာရှိသည်ကို လုပ်ခဲ့သည်။ တစ်နည်းအားဖြင့်ဆိုရလျှင် လူသားကို ဖျက်ဆီးခြင်းအမှုမှာ ဘုရားသခင်သည် လူသားကိုဖျက်ဆီးဖို့ စပြီးစီစဉ်သည့်အချိန်မှ သူ့အမှုကို အမှန်တကယ် အစပြုခြင်းကာလအထိ တိကျသည့် အချိန်အပိုင်းအခြားနှင့် ဖြစ်စဉ်တစ်ခု ရှိခဲ့သည်။ ဤဖြစ်စဉ်သည် လူသားကို နောက်ပြန်လှည့်စေဖို့ဟူသည့် ရည်ရွယ်ချက်အတွက် တည်ရှိခဲ့ခြင်းဖြစ်ပြီး ဘုရားသခင်က လူသားကိုပေးခဲ့သည့် နောက်ဆုံးအခွင့်အရေးဖြစ်သည်။ ဤသို့ဆိုလျှင် လူသားမျိုးနွယ်ကို မဖျက်ဆီးမီ ဤအချိန်ကာလ၌ ဘုရားသခင်က မည်သည့်အရာကိုလုပ်ခဲ့သနည်း။ ဘုရားသခင်သည် သတိပေးခြင်းနှင့် တိုက်တွန်းခြင်းတို့ကို များစွာပြုလုပ်ခဲ့သည်။ ဘုရားသခင်၏နှလုံးသားမှာ မည်မျှပင် နာကျင်မှု၊ ဝမ်းနည်းမှုများ ရှိနေပါစေ လူသားမျိုးနွယ်အပေါ်တွင် သူ၏ဂရုစိုက်မှု၊ အလေးထားမှုနှင့် များပြားလှသည့် သနားကြင်နာမှုများကို ဆက်လက်ထားရှိခဲ့သည်။ ဤအချက်မှ ငါတို့ အဘယ်အရာကို တွေ့ရသနည်း။ လူသားတို့အတွက် ဘုရားသခင်၏ချစ်ခြင်းမေတ္တာသည် စစ်မှန်ပြီး အပြောသက်သက်မဟုတ်ခြင်းကို သံသယဖြစ်နေစရာမလိုဘဲ မြင်တွေ့ရသည်။ ဤသည်မှာ စစ်မှန်ပြီး လက်ဆုပ်လက်ကိုင်ပြနိုင်ကာ သိသာသည်။ အတုမဟုတ်ပေ၊ မသန့်ရှင်းခြင်း၊ လှည့်စားခြင်း သို့မဟုတ် အယောင်ဆောင်ခြင်းတို့ မရှိပေ။ လူများက သူ့ကိုချစ်ခင်ဖွယ်ကောင်းသူအဖြစ် မြင်စေရန် ပရိယာယ် သို့မဟုတ် ပုံရိပ်အတုအယောင်များ ဖန်တီးခြင်းတို့ကို ဘုရားသခင်သည် မည်သည့်အခါမျှ အသုံးမပြုပေ။ သူ၏ ချစ်ခင်နှစ်လိုဖွယ်ကောင်းခြင်းကို လူများမြင်တွေ့စေဖို့ရန် သို့မဟုတ် သူ၏ချစ်ခင်နှစ်လိုဖွယ်ကောင်းခြင်းနှင့် သန့်ရှင်းခြင်းကို ကြွားဝါဖို့ရန် မှားယွင်းသည့်သက်သေကို မည်သည့်အခါမျှ သူအသုံးမပြုပေ။ ဘုရားသခင်၏ စိတ်သဘောထားနှင့်ပတ်သက်သည့် ဤသွင်ပြင်လက္ခဏာများက လူသား၏ချစ်ခြင်းနှင့် ထိုက်တန်သည် မဟုတ်လော။ ယင်းတို့ကို ကိုးကွယ်ရန် မထိုက်တန်သလော။ ချစ်ခင်နှစ်သက်ဖို့ရန် မထိုက်တန်သလော။ ဤနေရာတွင် ငါသင်တို့ကို မေးလိုသည်။ ဤနှုတ်ကပတ်တော်များကို ကြားရပြီးနောက် ဘုရားသခင်၏ကြီးမြတ်ခြင်းသည် စာတစ်ရွက်ပေါ်မှ စကားလုံးများသက်သက်မျှသာဟု သင်တို့ထင်သလော။ ဘုရားသခင်၏ ချစ်ခင်နှစ်လိုဖွယ်ကောင်းခြင်းသည် အနှစ်မဲ့သည့် စကားလုံးများသာဖြစ်သလော။ မဟုတ်ပေ။ လုံးဝ မဟုတ်ပေ။ ဘုရားသခင်၏ သာလွန်ခြင်း၊ ကြီးမြတ်ခြင်း၊ သန့်ရှင်းခြင်း၊ သည်းခံခြင်း၊ ချစ်ခြင်း အစရှိသည့် ဘုရားသခင်၏ စိတ်သဘောထားနှင့် အနှစ်သာရ၏ အမျိုးမျိုးသော သွင်ပြင်လက္ခဏာများ အားလုံးသည် သူအမှုပြုသည့်အခါတိုင်း အသုံးပြုခြင်းခံရပြီး လူသားအပေါ်ထားရှိသည့် သူ၏အလိုတော်၌ သရုပ်ထင်ကာ လူတစ်ယောက်ချင်းစီ အပေါ်တွင် ထင်ဟပ်၍ ဖြည့်ဆည်းထားသည်။ သင်သည် ယခင်က ဤအချက်ကို ခံစားဖူးခြင်းရှိသည်ဖြစ်စေ မရှိသည်ဖြစ်စေ ဘုရားသခင်သည် လူတစ်ဦးချင်းစီ၏ နှလုံးသားကို နွေးထွေးစေရန်နှင့် လူတစ်ဦးချင်းစီ၏ ဝိညာဉ်ကို နိုးထစေရန် သူ၏ ရိုးသားသည့် နှလုံးသား၊ ဉာဏ်ပညာနှင့် အမျိုးမျိုးသောနည်းလမ်းများကို အသုံးပြုလျက် လူတိုင်းကို ဖြစ်နိုင်သမျှ နည်းလမ်းများနှင့် ဂရုစိုက်နေသည်။ ဤသည်မှာ ငြင်း၍မရသည့် အချက်တစ်ခုဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၂၉)

ဘုရားသခင်သည် လူသားကိုဖန်ဆင်းခဲ့သည်။ သူတို့သည် ဖျက်ဆီးခြင်း ခံရပြီးသည်ဖြစ်စေ သို့မဟုတ် ဘုရားသခင် နောက်ကို လိုက်လျှောက်ကြသည်ဖြစ်စေ ဘုရားသခင်သည် လူသားများကို သူ၏ကစားစရာများကဲ့သို့ မဟုတ်ဘဲ သူ အမြတ်နိုးရဆုံး ချစ်ရသူများအဖြစ်၊ သို့မဟုတ် လူသားများပြောသကဲ့သို့ သူ၏အချစ်မြတ်နိုးရဆုံးသော လူများအဖြစ် ဆက်ဆံသည်။ ဘုရားသခင်က သူသည်ဖန်ဆင်းရှင်ဖြစ်ပြီး လူသားသည် သူ၏ဖန်ဆင်းခြင်း ဖြစ်သည်ဟုပြောသော်လည်း ထိုစကားတွင် အဆင့်အတန်း ကွာခြားမှု အနည်းငယ်ရှိမည်ဟု ထင်ကောင်းထင်ရနိုင် သော်လည်း စင်စစ်အားဖြင့် ဘုရားသခင်က လူသားများအတွက် လုပ်ပေးခဲ့ပြီးသည့် အရာရာတိုင်းသည် ဤဆက်နွှယ်မှုသဘာဝကို များစွာကျော်လွန်နေသည်။ ဘုရားသခင်သည် လူများကိုချစ်၏၊ ဂရုစိုက်၏၊ လူသားများကို သူအရေးထားသည့်အပြင် စဉ်ဆက်မပြတ် ရပ်တန့်ခြင်းမရှိဘဲ လူသားတို့ကို ထောက်ပံ့ပေးသည်။ ဤကဲ့သို့လုပ်ရခြင်းမှာ အပိုအလုပ်ဖြစ်ပြီး နာမည်ကောင်းများစွာရထိုက်သည့်အရာဖြစ်သည်ဟု သူ့နှလုံးသားထဲ၌ ဘုရားသခင်သည် မည်သည့်အခါကမျှ မခံစားရပေ။ ထို့အပြင် လူသားများကို ကယ်တင်ခြင်း၊ ထောက်ပံ့ခြင်းနှင့် အရာရာပေးအပ်ခြင်းသည် လူသားများကို ကြီးစွာကူညီပေးနေခြင်းဖြစ်သည်ဟုလည်း သူမခံစားရချေ။ သူသည်လူသားများကို သူ၏နည်းလမ်း၊ သူ၏အနှစ်သာရနှင့် သူ၏အရာအားလုံးနှင့်ဖြစ်ခြင်းတို့မှတစ်ဆင့် တိတ်ဆိတ် ငြိမ်သက်စွာ ထောက်ပံ့နေခြင်းဖြစ်သည်။ လူသားများသည် သူ့ထံမှ မည်မျှထိ ထောက်ပံ့မှုနှင့် အကူအညီတို့ ရရှိနေသည်ဖြစ်စေ ဘုရားသခင်သည် နာမည်ကောင်းရဖို့ တွေးတောခြင်း သို့မဟုတ် ကြိုးစားခြင်း မည်သည့်အခါမျှ မရှိပေ။ ဤအချက်ကို ဘုရားသခင်၏အနှစ်သာရက သတ်မှတ်ပေး ထားပြီး ဘုရားသခင့် စိတ်သဘောထား၏ စစ်မှန်သည့်ဖော်ပြမှု အတိအကျပင်ဖြစ်သည်။ ထို့ကြောင့်လည်း သမ္မာကျမ်းစာထဲတွင် သို့မဟုတ် အခြားမည်သည့်စာအုပ်ထဲတွင်ပင်ဖြစ်စေ ဘုရားသခင် အနေဖြင့် သူ၏အတွေးများကို ဖော်ပြထားခြင်းကို ငါတို့ မည်သည့်အခါမျှ မတွေ့ရခြင်းဖြစ်ပြီး လူသားများ သူ့ကိုကျေးဇူးတင်စိမ့်သောငှာ သို့မဟုတ် သူ့ကိုချီးမွမ်းစိမ့်သောငှာ သူသည် ဤအရာများကိုလုပ်ရခြင်းအကြောင်း သို့မဟုတ် လူသားများကို အင်မတန် ဂရုစိုက်ရခြင်းအကြောင်း ဖော်ပြထားခြင်း သို့မဟုတ် တရားဝင်ကြေညာထားခြင်းကို မည်သည့်အခါမျှ မတွေ့ရခြင်း ဖြစ်သည်။ သူစိတ်ထိခိုက် နေရလျှင်ပင်၊ သူ့နှလုံးသားသည် အပြင်းအထန် နာကျင် နေရလျှင်ပင်၊ လူသားများအပေါ် ထားရှိသည့် သူ၏ဝတ္တရား သို့မဟုတ် စိုးရိမ်စိတ်ကို မည်သည့်အခါမျှ မမေ့ဘဲ သူသည် ဤနာကျင်မှုများကို တစ်ကိုယ်တည်း တိတ်ဆိတ်စွာ ခံစားနေခြင်းဖြစ်သည်။ အခြားတစ်ဖက်မှာ ဘုရားသခင်သည် သူလုပ်နေကျအတိုင်း လူသားများကို ဆက်လက်ထောက်ပံ့သည်။ လူသားများသည် တစ်ခါတစ်ရံ သူ့ကိုချီးမွမ်းပြီး သက်သေခံ လျှင်ပင် ဤအပြုအမူသည် ဘုရားသခင်တောင်းဆိုသည့် အရာများမဟုတ်ပေ။ ဤသို့ဖြစ်ရခြင်းမှာ ဘုရားသခင်သည် လူသားများအတွက် သူလုပ်ပေးခဲ့သည့် ကောင်းသောအရာများ အတွက် ကျေးဇူးတင်မှုနှင့် အလဲအလှယ်ပြုရန် သို့မဟုတ် ထိုအရာအတွက် ပြန်လည်ပေးဆပ်စေရန် မည်သည့်အခါမျှ မရည်ရွယ်ခဲ့ပေ။ တစ်ဖက်မှာလည်း ဘုရားသခင်ကိုကြောက်ရွံ့ပြီး မကောင်းမှုကိုရှောင်ရှားသူများ၊ ဘုရားသခင်နောက် အမှန်လိုက်လျှောက်ကာ သူ့စကားကိုနားထောင်ကာ သူ့အပေါ် သစ္စာစောင့်သိသူများနှင့် နာခံသူများဖြစ်သည့် ဤသို့သော လူများသည် ဘုရားသခင်၏ကောင်းချီးများကို မကြာခဏရရှိ မည့်သူများဖြစ်ပြီး ဘုရားသခင်သည် ထိုသို့သော ကောင်းချီးများကို မခြွင်းမချန် ချပေးသနားလိမ့်မည်။ ထို့အပြင် ဘုရားသခင်ထံမှ လူသားများရရှိသည့် ကောင်းချီးများသည် မကြာခဏပင် သူတို့၏စိတ်ကူးများထက်သာလွန်ကာ လူသားများ ပြုလုပ်ခဲ့သည့်အရာ သို့မဟုတ် အဖိုးအခပေးကာ လဲလှယ်၍ရသည့်အရာများထက်လည်း သာလွန်နေသည်။ လူသားများသည် ဘုရားသခင်၏ကောင်းချီးများကို ခံစားရသောအခါ ဘုရားသခင်မည်သည့်အရာလုပ်နေသည်ကို ဂရုစိုက်သည့်သူရှိသလော။ ဘုရားသခင် မည်ကဲ့သို့ ခံစားနေရသည်ကို အရေးထားသည့်သူ ရှိသလော။ ဘုရားသခင်၏ နာကျင်မှုကို နားလည်ဖို့ရန် ကြိုးစားသည့်သူ ရှိသလော။ ဤမေးခွန်းသုံးခုလုံးအတွက် အဖြေမှာ မရှိပါဟူ၍ပင် ဖြစ်တော့သည်။ နောဧ အပါအဝင် လူသားတိုင်းက ထိုအခိုက်အတန့်တွင် ဘုရားသခင်ခံစားနေခဲ့ရသည့် ခံစားချက်ကို နားလည်နိုင်သလော။ ဘုရားသခင်သည် ထိုသို့သော ပဋိညာဉ်ကို တည်ထောင်ရခြင်းအကြောင်း မည်သူနားလည်နိုင်သနည်း။ နားမလည်နိုင်ကြပေ။ လူသားများသည် ဘုရားသခင်၏ နာကျင်မှုကို အသိအမှတ်မပြုခြင်းမှာ သူတို့အနေဖြင့် ဘုရားသခင်၏နာကျင်မှုကို နားမလည်၍မဟုတ်သကဲ့သို့ လူသားနှင့် ဘုရားသခင်အကြားမှ ခြားနားချက်ကြောင့်လည်း မဟုတ် သို့မဟုတ် သူတို့၏ ဂုဏ်အဆင့်အတန်း ကွာခြားမှုကြောင့်လည်း မဟုတ်ဘဲ လူသားသည် ဘုရားသခင်၏ ခံစားချက်များကို အလေးမထား၍ဖြစ်သည်။ ဘုရားသခင်သည် အမှီအခိုကင်းသည်ဟု လူသားများထင်ကြသည်၊ ဘုရားသခင်သည် လူသားများ၏ ဂရုစိုက်မှုကို မလိုအပ်၊ သူ့ကိုနားလည်ရန်နှင့် သူ့ကို အရေးထားရန် မလိုအပ်ဟု ထင်ကြသည်။ ဘုရားသခင်သည် ဘုရားဖြစ်သည်၊ ထို့ကြောင့် သူ့ထံ၌ နာကျင်မှုမရှိ၊ စိတ်ခံစားမှုမရှိ၊ ဘုရားသခင်သည် ဝမ်းနည်းမည်မဟုတ်၊ သောကကို မခံစားရဘဲ ငိုပင်မငို။ ဘုရားသခင်သည် ဘုရားဖြစ်သည်၊ ထို့ကြောင့် သူသည် စိတ်ခံစားမှုဆိုင်ရာ ဖော်ပြချက်များကို မလိုအပ်၊ စိတ်ပိုင်းဆိုင်ရာ နှစ်သိမ့်မှုကို မလိုအပ်။ အကယ်၍ သူသည် အချို့သော အခြေအနေများ၌ ဤအရာများကို လိုအပ်ပါက သူသည် သူကိုယ်တိုင် ဖြေရှင်းလိမ့်မည်ဖြစ်ပြီး လူသားများထံမှ မည်သည့်အကူအညီမျှ လိုအပ်မည်မဟုတ်။ အပြန်အလှန်အားဖြင့် ဘုရားသခင်၏ နှစ်သိမ့်ခြင်း၊ ထောက်ပံ့ခြင်း၊ အားပေးခြင်းနှင့် အချိန်တိုင်း၊ နေရာတိုင်းတွင်ပင် သူတို့၏ စိတ်ခံစားမှုများကို နှစ်သိမ့်ပေးရန် ဘုရားသခင်ကို လိုအပ်ကြသည်မှာ အားနည်းပြီး မရင့်ကျက်သည့် လူသားများဖြစ်သည်။ လူသားသည် အားနည်းသူ ဖြစ်သည်၊ သူတို့သည် ဘုရားသခင်၏ ဘက်ပေါင်းစုံမှ စောင်မကြည့်ရှုခြင်းကို လိုအပ်သည်၊ ဘုရားသခင်ထံမှ သူတို့လက်ခံရရှိသည့် ဂရုစိုက်မှုမှန်သမျှကို သူတို့ရထိုက်သည်၊ မိမိတို့ဥစ္စာဟု သူတို့ခံစားရသည့် ဘယ်အရာကိုမဆို ဘုရားသခင်ထံမှ တောင်းဆိုသင့်သည်ဟူသည့် ဤသို့သော အတွေးသည် လူသား၏နှလုံးသား နက်ရှိုင်းသောနေရာတွင် ပုန်းကွယ်နေ၏။ ဘုရားသခင်သည် သန်မာသူဖြစ်သည်၊ သူ့ထံ၌ အရာအားလုံးရှိပြီး သူသည် လူသားမျိုးနွယ်ကို ကာကွယ်စောင့်ရှောက်သူနှင့် ကောင်းချီးများကို ချပေးသူဖြစ်သင့်သည်။ သူသည် ဘုရားသခင်ဖြစ်နေပြီး ဖြစ်သောကြောင့် သူသည် အတိုင်းအဆမဲ့ တန်ခိုးကြီးပြီး လူသားမျိုးနွယ်ထံမှ အဘယ်အရာမျှ မလိုအပ်ဟု ထင်တတ်ကြသည်။

လူသားသည် ဘုရားသခင်၏ဖွင့်ဟချက်များ တစ်ခုတလေကိုမျှ ဂရုမစိုက်သောကြောင့် လူသားသည် ဘုရားသခင်၏ပူဆွေးခြင်း၊ နာကျင်ခြင်းနှင့် ပျော်ရွှင်ခြင်းများကို မည်သည့်အခါကမျှ မခံစားခဲ့ဖူးပေ။ သို့ရာတွင် အပြန်အလှန် အနေဖြင့် လူသား၏မျက်နှာအမူအရာများ အားလုံးကို ဘုရားသခင်သည် သူ၏လက်ဖမိုးကဲ့သို့ သိရှိလေသည်။ လူအယောက်စီတိုင်း၏ ပြောင်းလဲနေသည့် အတွေးများကို လေ့လာကာ ထိုသို့အားဖြင့် သူတို့ကို နှစ်သိမ့်ပေးကာ တိုက်တွန်းပြီး သူတို့ကို လမ်းပြလျက် အလင်းပေးကာ လူတိုင်း၏ လိုအပ်ချက်များကို အချိန်တိုင်း နေရာတိုင်းတွင် ဘုရားသခင်အနေဖြင့် ဖြည့်ဆည်းပေးနေသည်။ လူသားမျိုးနွယ် အပေါ် ဘုရားသခင်လုပ်ပေးခဲ့သည့် အရာအားလုံးနှင့် ထိုသူတို့ကြောင့် သူပေးဆပ်ခဲ့ရသည့် အဖိုးအခများနှင့်ဆိုရလျှင် ဘုရားသခင်သည် လူသားထံမှ တစ်စုံတစ်ခုကို တောင်းဆိုလိမ့်မည်ဆိုသည်ကို ရှင်းရှင်းလင်းလင်း ဖော်ပြထားသည့် ကျမ်းပိုဒ်ကို ကျမ်းစာထဲတွင် သို့မဟုတ် ယနေ့အချိန်ထိ ဘုရားသခင်ပြောဆိုခဲ့သည့်အရာများထဲမှ လူသားများသည် ရှာတွေ့နိုင်သလော။ မရှာတွေ့နိုင်ပေ။ တစ်ခြားတစ်ဖက်မှာ လူသားများသည် ဘုရားသခင်၏ တွေးတောခြင်းကို မည်မျှပင် လျစ်လျူရှုပါစေ ထိုသူတို့အတွက် ဘုရားသခင်ပြင်ဆင်ထားသည့် လှပသောပန်းတိုင်ကို သူတို့ လက်ခံရရှိနိုင်ရန် ဘုရားသခင်၏ လမ်းခရီးကို သူတို့ကိုလိုက်လျှောက်ခွင့်ပြုခြင်းငှာ ဘုရားသခင်သည် လူသားမျိုးနွယ်ကို ထပ်တလဲလဲ ဦးဆောင်ကာ၊ လူသားမျိုးနွယ်ကို ထပ်တလဲလဲ ထောက်ပံ့၍ ကူညီပေးသည်။ ဘုရားသခင်အတွက် ဆိုရလျှင် သူ၏အရာအားလုံးနှင့်ဖြစ်ခြင်း၊ သူ၏ကျေးဇူးတော်၊ သူ၏ကရုဏာ၊ သူ၏ကြင်နာခြင်းနှင့် သူ၏ဆုလာဒ်များအားလုံးသည် သူ့ကိုချစ်ကာ သူ့နောက် လိုက်လျှောက်သည့် သူများအပေါ် ခြွင်းချန်ထားခြင်းမရှိဘဲ ချပေးသနားခြင်းခံရမည့်အရာဖြစ်သည်။ သို့ရာတွင် ဘုရားသခင်သည် သူခံစားရသည့် နာကျင်မှုနှင့် သူ၏ စိတ်အခြေအနေကို မည်သူတစ်ဦးတစ်ယောက်ထံသို့မျှ ဖွင့်ပြခြင်းမရှိဘဲ သူ့အပေါ် စာနာထောက်ထားမှု မရှိခြင်း သို့မဟုတ် သူ့အလိုတော်ကို မသိရှိခြင်းတို့အတွက် မည်သူ့ကိုမျှ စောဒကမတက်ခဲ့ပေ။ ဘုရားသခင်သည် ဤအရာများ အားလုံးကို တိတ်တဆိတ် ခံစားဖြစ်ပြီး လူသားများ နားလည်လာမည့်နေ့ကို စောင့်မျှော်နေပေသည်။

ဤအရာများကို ဤနေရာတွင် အဘယ်ကြောင့် ငါပြောနေရသနည်း။ ငါပြောခဲ့သည့်အရာများမှ သင်တို့အနေဖြင့် အဘယ်အရာကို မြင်တွေ့ခဲ့ပြီနည်း။ ဘုရားသခင်၏ အနှစ်သာရနှင့် စိတ်သဘောထားထဲတွင် မျက်စိအလျှမ်းတတ် ကြဆုံး အရာတစ်စုံတစ်ခုရှိနေသည်၊ ကြီးမြတ်သည့်လူများအဖြစ်၊ လူကောင်းများအဖြစ်၊ သို့မဟုတ် မိမိတို့စိတ်ကူး၏ ဘုရားအဖြစ် လူများက မှတ်ယူကြသည့် သူများအပါအဝင် မည်သည့် လူပုဂ္ဂိုလ်ကမျှ မပိုင်ဆိုင်ဘဲ ဘုရားသခင်သာလျှင် ပိုင်ဆိုင်သည့် အရာတစ်စုံတစ်ခုရှိသည်။ ထိုအရာမှာ အဘယ်အရာနည်း။ ၎င်းမှာ ဘုရားသခင်၏ ကိုယ်ကျိုးမငဲ့မှုဖြစ်သည်။ ကိုယ်ကျိုးမငဲ့မှုအကြောင်းပြောရလျှင် သင်၏သားသမီးများနှင့် ပတ်သက်လာလျှင် သင်သည် မည်သည့်အရာကိုမျှ မကတ်သတ်ဘဲ ရက်ရောတတ်သောကြောင့် သင်သည် မိမိမှာ အင်မတန်မှပင် ကိုယ်ကျိုးမငဲ့တတ်သည့်သူဖြစ်သည်ဟု သင်တွေးကောင်းတွေးနိုင်သည် သို့မဟုတ် သင်၏မိဘနှင့် ပတ်သက်လာပါကလည်း သင်သည် ကိုယ့်ကိုယ်ကိုယ် ကိုယ်ကျိုးမငဲ့ဟု ထင်တတ်သည်။ သင်မည်သို့တွေးသည်ဖြစ်စေ အနည်းဆုံးအနေနှင့် သင့်ထံတွင် “ကိုယ်ကျိုးမငဲ့ခြင်း” ဟူသည့်စကားလုံးနှင့်ပတ်သက်သည့် အယူအဆတစ်ခုရှိပြီး ထိုစကားလုံးကို အပြုသဘောဆန်သည့် အရာအဖြစ်မှတ်ယူကာ ကိုယ်ကျိုးမငဲ့သောသူတစ်ဦး ဖြစ်ခြင်းမှာ အင်မတန် မြင့်မြတ်သည်ဟု မှတ်ယူထားကြသည်။ သင်သည် ကိုယ်ကျိုးမငဲ့သည့်အချိန်၌ သင့်ကိုယ်သင် ကြီးမြတ်သည်ဟု ထင်သည်။ သို့ရာတွင် အရာများအားလုံးအကြား၊ လူများ၊ အဖြစ်အပျက်များ၊ အရာဝတ္ထုများ အကြားနှင့် ဘုရားသခင်၏ အမှုမှတစ်ဆင့် ဘုရားသခင်၏ ကိုယ်ကျိုးမငဲ့ခြင်းကို မြင်နိုင်သည့်သူ တစ်ယောက်မျှ မရှိပေ။ အဘယ်ကြောင့် ထိုသို့ဖြစ် ရသနည်း။ လူသားသည် အလွန်အမင်း တစ်ကိုယ်ကောင်းဆန်၍ ဖြစ်သည်။ အဘယ်ကြောင့် ငါထိုသို့ပြောသနည်း။ လူသားမျိုးနွယ်သည် ရုပ်ဝတ္ထုလောကတွင်နေ၏။ သင်သည် ဘုရားသခင်နောက်ကို လိုက်လျှောက်ကောင်း လိုက်လျှောက် လိမ့်မည်ဖြစ်သော်လည်း ဘုရားသခင်သည် သင်တို့ကို မည်သို့ထောက်ပံ့ပေးနေသည်၊ မည်သို့ချစ်သည်နှင့် မည်သို့ အရေးထားသည်ကို မည်သည့်အခါမျှ မတွေ့မြင်ပေ သို့မဟုတ် နားမလည်ပေ။ ဤသို့ဆိုလျှင် မည်သည့်အရာကို သင်မြင်သနည်း။ သင့်ကို ချစ်မြတ်နိုးသည့် သို့မဟုတ် တုန်နေအောင်ချစ်ကြသည့် သွေးသားရင်းချာ ဆွေမျိုးများကို သင်မြင်သည်။ သင်၏ အသွေးအသားအတွက် အကျိုးရှိမည့် အရာများ၊ သင်တို့ဂရုစိုက်သည့်လူများနှင့် ချစ်မြတ်နိုးသည့် အရာများကို သင်မြင်သည်။ ဤသည်မှာ လူသားက ကိုယ်ကျိုးမငဲ့ခြင်းဟုပြောသည့်အရာပင် ဖြစ်တော့သည်။ သို့ရာတွင် ထို “ကိုယ်ကျိုးမငဲ့သော” လူများသည် သူတို့ကိုအသက်ပေးသည့် ဘုရားသခင်ကိုမူ မည်သည့်အခါကမျှ အလေးမထားခဲ့ကြပေ။ ဘုရားသခင်နှင့်ဆန့်ကျင်စွာ လူသား၏ ကိုယ်ကျိုးမငဲ့မှုသည် တစ်ကိုယ်ကောင်းဆန်လာပြီး စက်ဆုပ်ရွံရှာဖွယ် ကောင်းလာသည်။ လူသားများယုံကြည်သည့် ကိုယ်ကျိုးမငဲ့မှုသည် အနှစ်မဲ့ပြီး ယုတ္တိမတန်ကာ ညစ်ညူး နေလျက် ဘုရားသခင်နှင့် သဟဇာတမဖြစ်ဘဲ သက်ဆိုင်ခြင်း လည်းမရှိပေ။ ဘုရားသခင်၏ ကိုယ်ကျိုးမငဲ့ခြင်းသည် သူ့အတွက်သာလျှင် ဖြစ်သည်၊ ဘုရားသခင်၏ ကိုယ်ကျိုးမငဲ့ခြင်းမှာမူ သူ့အနှစ်သာရ၏ စစ်မှန်သည့် ဖော်ပြချက်ဖြစ်ပေသည်။ ဘုရားသခင်၏ ကိုယ်ကျိုးမငဲ့မှုကြောင့် လူသားများသည် ဘုရားသခင်ထံမှ တည်ငြိမ်သည့် ထောက်ပံ့မှုကို ရရှိနေခြင်းဖြစ်သည်။ ယနေ့ငါပြောသည့် ခေါင်းစဉ်နှင့် ပတ်သက်ပြီး သင်တို့အနေဖြင့် နက်နက်ရှိုင်းရှိုင်း ထိရောက်ခြင်း မရှိကောင်းမရှိဘဲဖြစ်နိုင်ပြီး ထောက်ခံသည့်အနေဖြင့် ခေါင်းလေးညိတ်နေရုံသာ ဖြစ်ကောင်းဖြစ်မည်၊ သို့ရာတွင် သင်၏နှလုံးသားထဲတွင် ဘုရားသခင်၏ စိတ်နှလုံးကို နားလည်ဖို့ သင်ကြိုးစားသည့်အခါ၊ ဘုရားသခင်၏ ချစ်ခြင်းမေတ္တာသည်သာလျှင် အခြေအနေပေါ် မမူတည်၊ ပြစ်မျိုးမှဲ့မထင်ခြင်းကြောင့် ဤလောကကြီးထဲ၌ သင်ခံစားသိရှိနိုင်သော လူများ၊ အမှုအရာများနှင့် အရာဝတ္ထုများ အားလုံးအထဲတွင် ဘုရားသခင်၏ ကိုယ်ကျိုးမငဲ့မှုသာလျှင် စစ်မှန်ပြီး ခိုင်မာသည်ကို သင်သည် အမှုမဲ့စွာ ရှာဖွေတွေ့ရှိ လာလိမ့်မည်။ ဘုရားသခင်မှလွဲပြီး ကိုယ်ကျိုးမငဲ့မှုဟုခေါ်သော အခြားသူများ၏ ထိုအရာအားလုံးသည် မရိုးသားသည့် အပေါ်ယံ အတုယောင်သာဖြစ်သည်။ ထိုအထဲ၌ ရည်မှန်းချက်၊ ရည်ရွယ်ချက်အချို့နှင့် အပေးအယူသဘော ပါဝင်ကာ စမ်းသပ်ခြင်းကို မခံနိုင်ပေ။ ထိုအရာသည် ညစ်ညူးကာ စက်ဆုပ်ဖွယ် ဖြစ်သည်ဟုပင် သင်တို့ပြောနိုင်သည်။ သဘောတူကြသလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၃၀)

ကမ္ဘာဦး ၉:၁၁-၁၃ သင်တို့နှင့် ငါပြုသော ပဋိညာဉ်ဟုမူကား၊ ရေလွှမ်းမိုးခြင်းအားဖြင့်၊ ခပ်သိမ်းသော သတ္တဝါတို့သည် နောက်တဖန် မဆုံးရကြ။ မြေကြီးကို ဖျက်ဆီးဘို့ရာ နောက်တဖန် ရေလွှမ်းမိုးခြင်း မရှိရ။ ထိုမှတပါး ငါတဘက်၊ သင်တို့နှင့် သင်တို့ထံမှာ အသက်ရှင်သမျှသော တိရစ္ဆာန်တို့ တဘက်၌ သားမြေး အစဉ်အဆက်မပြတ်၊ ငါပြုသော ပဋိညာဉ်၏ လက္ခဏာ သက်သေဟူမူကား၊ ငါ၏ သက်တံကို မိုဃ်းတိမ်၌ ငါထား၏။ ထိုသက်တံသည် မြေကြီးနှင့် ငါပြုသော ပဋိညာဉ်၏ သက်သေဖြစ်လိမ့်မည်။

နောဧအဖြစ်အပျက်၏အဆုံး၌ ဘုရားသခင်သည် ထိုအချိန်က သူ၏ခံစားချက်များကို ဖော်ပြဖို့ရန် သာမန် မဟုတ်သည့် နည်းလမ်းတစ်ခုကို သုံးခဲ့သည်ကို ငါတို့မြင်ရသည်။ ဤနည်းလမ်းသည် အလွန်ထူးခြားသည်၊ ၎င်းနည်းလမ်းမှာ လူသားများနှင့် ပဋိညာဉ်ဖွဲ့ရန်ဖြစ်သည်။ ဤသည်မှာ ကမ္ဘာကြီးကို ဖျက်ဆီးရန် ရေလွှမ်းမိုးခြင်းကို ဘုရားသခင် အသုံးပြုခြင်းသည် အဆုံးသတ်ကြောင်း ကြေညာခြင်းနည်းလည်းဖြစ်သည်။ ပြင်ပမှကြည့်လျှင် ပဋိညာဉ်ဖွဲ့ခြင်းသည် အင်မတန်မှပင် သာမန်ဖြစ်သည့် လုပ်ရပ်တစ်ခုဟုထင်ရသည်။ နှစ်ဦးနှစ်ဘက်၏ အကျိုးစီးပွားများကို ကာကွယ်ခြင်းဟူသည့် ရည်ရွယ်ချက် ဖြစ်မြောက်နိုင်ရန်အလို့ငှာ ကျူးလွန်ဖောက်ဖျက်သည့် လုပ်ရပ်များမပြုရန် နှစ်ဘက်စလုံးကို လိုက်နာဆောင်ရွက်စေရန် စကားလုံးများကို အသုံးပြုခြင်းထက် ဘာမျှမပိုပေ။ ပုံစံအရ ဤသည်မှာ အင်မတန်မှပင် သာမန်ဆန်သည်၊ သို့သော် နောက်ကွယ်မှ အရင်းခံအကြောင်းများနှင့် ဤအရာကို ဘုရားသခင်လုပ်ဆောင်ရခြင်း၏ အဓိပ္ပာယ်တို့အရ ဤသည်မှာ ဘုရားသခင်၏စိတ်သဘောထားနှင့် စိတ်အခြေအနေတို့၏ မှန်ကန်သည့် ဖော်ပြခြင်းဖြစ်သည်။ သင်သည် ဤစကားများကို ဘေးဖယ်၍ လျစ်လျူရှုပါက၊ အကယ်၍ ငါသည် ဤအရာများ၏ သမ္မာတရားကို သင်တို့အား မပြောခဲ့ပါက၊ လူသားများသည် ဘုရားသခင်၏တွေးတောခြင်းကို အမှန်တကယ်ပင် မည်သည့်အခါမျှ သိရှိရမည် မဟုတ်ပေ။ ဤပဋိညာဉ်ကို ဖွဲ့နေစဉ်တွင် ဘုရားသခင်သည် ပြုံးနေခဲ့လိမ့်မည် သို့မဟုတ် သူ၏ မျက်နှာအမူအရာသည် လေးနက်ကောင်း လေးနက် နေလိမ့်မည်ဟု သင့်စိတ်ကူးထဲ၌ ထင်ကောင်းထင်လိမ့်မည်၊ သို့သော် လူများ၏စိတ်ကူးထဲတွင် ဘုရားသခင်သည် မည်သည့် အဖြစ်များဆုံးသော ဖော်ပြမှုပုံစံ ရှိသည်ဖြစ်စေ၊ ဘုရားသခင်၏ အထီးကျန်မှုကို မဆိုထားနှင့်၊ ဘုရားသခင်၏နှလုံးသားနှင့် နာကျင်မှုကို မည်သူမျှ မမြင်နိုင်ပေ။ မိမိတို့ကို ဘုရားသခင်ယုံကြည်လာအောင် သို့မဟုတ် ဘုရားသခင်၏ ယုံကြည်မှုနှင့် ထိုက်တန်လာအောင် မည်သူမျှ မလုပ်နိုင်ပေ သို့မဟုတ် ဘုရားသခင်အနေဖြင့် သူ၏အတွေးများကို ဖော်ပြပေးနိုင်သည့်သူ သို့မဟုတ် သူ၏နာကျင်မှုကို ပြောပြပေးနိုင်သည့် လူတစ်ယောက်ဖြစ်လာအောင် မလုပ်နိုင်ပေ။ ထို့ကြောင့် ဘုရားသခင်သည် ထိုသို့သောအရာကို လုပ်ရုံမှတစ်ပါး အခြားရွေးချယ်စရာ မရှိခဲ့ခြင်းဖြစ်သည်။ အပေါ်ယံအားဖြင့် ဘုရားသခင်သည် အတိတ်ကို ပြီးပြတ်စေပြီး ရေလွှမ်းမိုးခြင်းအားဖြင့် ကမ္ဘာကြီးကို သူဖျက်ဆီးခြင်းအတွက် ပြီးပြည့်စုံသည့် အဆုံးသတ်ကို ပြုလုပ်လျက် ယခင်လက်ဦးလူသားများကို နှုတ်ဆက်ဖို့ရန် လွယ်ကူ သည့်အရာကို ပြုခဲ့သကဲ့သို့ ဖြစ်သည်။ သို့သော် ဘုရားသခင်သည် ဤအခိုက်အတန့်မှ နာကျင်မှုကို သူ၏ အတွင်းနှလုံးသားထဲတွင် မြှုပ်နှံခဲ့သည်။ ဘုရားသခင်သည် ပြောပြရမည့်လူတစ်ယောက်မျှ မရှိသည့်အချိန်က ဘုရားသခင်သည် ကမ္ဘာကြီးကို ရေလွှမ်းမိုးခြင်းနှင့် မဖျက်ဆီးတော့ဟုပြောလျက် လူသားများနှင့် ပဋိညာဉ်ဖွဲ့ခဲ့သည်။ သက်တံပေါ်လာသောအခါ ဤသည်မှာ လူသားများကို ဤသို့သောကိစ္စများဖြစ်ခဲ့ဖူးမှန်း အသိပေးရန် ဖြစ်ပြီး ဆိုးယုတ်သောအရာများ မပြုကြရန် လူသားများကို သတိပေးရန်ဖြစ်သည်။ ထိုကဲ့သို့သော နာကျင်ရသည့် အခြေအနေ၌ပင်လျှင် ဘုရားသခင်သည် လူသားများကို မမေ့ဘဲ သူတို့ကို အလေးထားနေဆဲ ဖြစ်ခဲ့သည်။ ဤသည်မှာ ဘုရားသခင်၏ ချစ်ခြင်းနှင့် ကိုယ်ကျိုးမငဲ့မှုတို့ မဟုတ်သလော။ သို့ရာတွင် လူသားများ ခံစားနေရသည့်အချိန်တွင် သူတို့သည် အဘယ်အရာကို တွေးကြသနည်း။ ဤသည်မှာ လူသားများ ဘုရားသခင်ကို အလိုအပ်ဆုံး အချိန်မဟုတ်သလော။ ဤသို့သောအချိန်များတွင် လူများသည် သူတို့ကိုနှစ်သိမ့်ပေးဖို့ရန် ဘုရားသခင်ကို အတင်းဆွဲခေါ်ကြသည်။ မည်သည့်အချိန်ပင် ဖြစ်ပါစေ ဘုရားသခင်သည် လူသားများကို စိတ်ပျက်စေမည်မဟုတ်သည့်အပြင် ဘုရားသခင်သည် လူများကို သူတို့၏အကျပ်အတည်းများမှ အစဉ်အမြဲ လွတ်မြောက်စေပြီး အလင်းထဲတွင် နေစေမည်ဖြစ်သည်။ ဘုရားသခင်သည် လူများကို များစွာထောက်ပံ့ပေးသော်လည်း လူများ၏ နှလုံးသားထဲတွင်မူ ဘုရားသခင်သည် နှစ်သိမ့်ရာအားဆေး ဟူသည့် စိတ်ချသေချာစေခြင်း ဆေးလုံးထက်မပိုခဲ့ပေ။ ဘုရားသခင်သည် ခံစားနေရသည့်အခါ၊ သူ၏နှလုံးသားသည် ထိခိုက်သည့်အခါ၊ သူ့ကိုအဖော်ပြုနှစ်သိမ့်ပေးရန် ဖန်ဆင်းခံလူသားတစ်ယောက်ရှိခြင်းသည် သူ့အတွက်မူ လွန်ကဲလှသည့် ဆန္ဒဖြစ်သည်မှာ ယုံမှားဖွယ်ရာမဟုတ်ပေ။ လူသားသည် ဘုရားသခင်၏ ခံစားချက်များကို မည်သည့်အခါမျှ အလေးမပေးခဲ့ပေ၊ ထို့ကြောင့် ဘုရားသခင်သည် သူ့ကိုနှစ်သိမ့်ပေးနိုင်မည့် လူတစ်ယောက်ရှိနေဖို့ မည်သည့်အခါမျှ မတောင်းဆိုပေ သို့မဟုတ် မမျှော်လင့်ပေ။ သူ၏စိတ်နေစိတ်ထားကို ဖော်ပြဖို့ ဘုရားသခင်သည် သူ့ကိုယ်ပိုင်နည်းကိုသာ သုံးခဲ့သည်။ ဘုရားသခင်အနေဖြင့် ဆင်းရဲဒုက္ခအချို့ကို ခံစားရခြင်းမှာ ကြီးကျယ်သည့်ကိစ္စဖြစ်သည်ဟု လူသားများက မတွေးကြပေ၊ သို့ရာတွင် သင်သည် ဘုရားသခင်ကို အမှန်တကယ် နားလည်သည့်အခါမှသာ၊ သူလုပ်သမျှအရာတိုင်း၌ ဘုရားသခင်၏ လေးနက်သည့် ရည်ရွယ်ချက်များကို စစ်မှန်စွာ သဘောပေါက်လာနိုင်သည့်အခါမှသာ၊ ဘုရားသခင်၏ကြီးမြတ်မှုနှင့် ကိုယ်ကျိုးမငဲ့မှုတို့ကို သင်ခံစားနိုင်မည် ဖြစ်သည်။ ဘုရားသခင်သည် သက်တံကို အသုံးပြုပြီး လူသားနှင့် ပဋိညာဉ်ဖွဲ့ခဲ့သော်လည်း အဘယ်ကြောင့် ထိုအရာကို သူပြုခဲ့သည်၊ အဘယ်ကြောင့် ထိုပဋိညာဉ်ကို ဖွဲ့ဆိုခဲ့သည်ကို မည်သူ့ကိုမျှ လုံးဝ မပြောခဲ့ပေ၊ သူသည် သူ၏အတွေးမှန်များကို မည်သူ့ကိုမျှ မပြောခဲ့ဟု ဆိုလိုသည်။ ဤသို့ဖြစ်ရခြင်းမှာ သူကိုယ်တိုင် သူ့လက်နှင့် ဖန်ဆင်းခဲ့သည့် လူသားများအတွက် ထားရှိသည့် ဘုရားသခင်၏ ချစ်ခြင်းမေတ္တာ အတိမ်အနက်ကို နားလည်နိုင်သည့်သူ တစ်ယောက်မျှ မရှိ၍ဖြစ်ပြီး ဘုရားသခင် လူသားများကို ဖျက်ဆီးခဲ့သည့်အချိန်က သူ၏နှလုံးသားမှာ မည်မျှနာကျင်ခံစားခဲ့ရသည်ကို သဘောပေါက်နိုင်သည့်သူ တစ်ယောက်မျှ မရှိ၍ဖြစ်သည်။ ထို့ကြောင့် ဘုရားသခင်က သူမည်သို့ခံစားရသည်အား လူများကို ပြောပြလျှင်ပင် သူတို့သည် ဤယုံကြည်မှုကို ခံယူနိုင်မည်မဟုတ်ပေ။ နာကျင်နေရသော်လည်း ဘုရားသခင်သည် သူ့အမှု၏ နောက်တစ်ဆင့်နှင့်အတူ ရှေ့ဆက်နေဆဲဖြစ်သည်။ ဆင်းရဲဒုက္ခကို သူကိုယ်တိုင် တိတ်တဆိတ် သည်းညည်းခံလျက် ဘုရားသခင်သည် သူ၏အကောင်းဆုံးအပိုင်းနှင့် အကောင်းဆုံးအရာများကို အစဉ်အမြဲ ပေးနေခဲ့သည်။ ဘုရားသခင်သည် ဆင်းရဲဒုက္ခများကို မည်သည့်အခါမျှ ပွင့်ပွင့်လင်းလင်း ဖွင့်ချမပြခဲ့ပေ။ ထိုအစား သူသည် ၎င်းတို့ကို ကြံ့ကြံ့ခံပြီး တိတ်တဆိတ် စောင့်နေသည်။ ဘုရားသခင်၏ ခံနိုင်ရည်သည် အေးစက်၊ ထုံထိုင်းကာ ကူကယ်ရာမဲ့နေခြင်း မဟုတ်ပေ သို့မဟုတ် အားနည်းမှု၏ လက္ခဏာတစ်ရပ်မဟုတ်ပေ။ ဘုရားသခင်၏ချစ်ခြင်းနှင့် အနှစ်သာရသည် အစဉ်အမြဲ ကိုယ်ကျိုးကိုမငဲ့ခြင်းသာဖြစ်သည်။ ဤသည်မှာ သူ၏စိတ်သဘောထားနှင့် အနှစ်သာရတို့၏ သဘာဝအလျောက် ဖော်ပြခြင်းဖြစ်ပြီး စစ်မှန်သည့် ဖန်ဆင်းရှင်ဖြစ်သော ဘုရားသခင်၏ ပင်ကိုလက္ခဏာ၏ စစ်မှန်သည့် သရုပ်သကန်လည်းဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် (၁)” မှ