၁ ကိုယ်တော်၏မိန့်မြွက်ချက်များနှင့် နှုတ်ကပတ်တော်များက ကျွန်ုပ်ကို ရှေ့သို့ လမ်းညွှန်ပေ။ အသက်တာတွင် မျှော်လင့်ချက်ရှိသည်ကို ကျွန်ုပ် မြင်ဖူးပြီ။ လူသားမျိုးနွယ်ကို တရားစီရင်ပြီး ပြစ်တင်ဆုံးသည့် ကိုယ်တော်၏နှုတ်ကပတ်တော်များက လူများ မည်မျှ နက်ရှိုင်းစွာ ဖောက်ပြန်ပျက်စီးသည်ကို ထုတ်ဖော်ပြပေ။ ကိုယ်တော်က ကျွန်ုပ်ကို ပြုပြင်သည်၊ ကိုင်တွယ်ဖြေရှင်းပြီး ရိုက်နှက်ပေ၊ ပြီးလျှင် ကျွန်ုပ်ကို ဆုံးမပဲ့ပြင်သည်၊ ကျွန်ုပ်က နာခံဖို့ သင်ယူပေ။ ကိုယ်တော်၏နှုတ်ကပတ်တော်များကို တွေ့ကြုံပြီး လက်တွေ့လုပ်ဆောင်လျက်၊ သမ္မာတရားကို ကျွန်ုပ် နားလည်ပြီး ကိုယ်တော့် ရှေ့မှောက်၌ ရှင်သန်ပေ။ ကိုယ်တော့်နှုတ်ကပတ်တော်များပေါ် မှီခိုခြင်းအားဖြင့်၊ ကျွန်ုပ် ယခုထိ ကိုယ်တော့်နောက်လိုက်။ ကျွန်ုပ် ကြီးထွားပြီး ရင့်ကျက်လာပြီ။ ကျွန်ုပ်သည် ကိုယ်တော့် နှုတ်ကပတ်တော်များနှင့် ဝေးကွာခဲ့ပါက၊ ကိုယ်တော့် မျက်မှောက်တော်ကို ဆုံးရှုံးပြီး၊ ကျွန်ုပ် ရှင်လျက် သေရမည်ဖြစ်ပေ။ အသက်နှင့်ဆိုင်သည့် ကိုယ်တော်၏ နှုတ်ကပတ်တော်များက ယနေ့တိုင် ကျွန်ုပ်နှင့် အတူရှိပြီ။ ကိုယ်တော်၏ ကြီးစွာသော ချစ်ခြင်းမေတ္တာကို ကျွန်ုပ် မြည်းစမ်းရပေ။ ခရစ်တော်သည် သမ္မာတရား၊ လမ်းခရီးနှင့် အသက် ဖြစ်သည်ကို ကျွန်ုပ် မြင်ရပေ။ ခရစ်တော်သည် ကျွန်ုပ်၏ တစ်ပါးတည်းသောသူဖြစ်ပေ။

၂ ကိုယ်တော်၏ နှုတ်ကပတ်တော်များက ကျွန်ုပ်အား ဖောက်ပြန်ပျက်စီးခြင်းမှ သန့်စင်ပြီး အသက် အသစ်ပေးသည်။ နာကျင်မှု၊ အတိဒုက္ခ၊ စမ်းသပ်မှုများ၊ စစ်ဆေးခြင်း- ကိုယ်တော်၏နှုတ်ကပတ်တော်က ကျွန်ုပ်ကို ယင်းတို့ အားလုံးမှ ထိုးဖောက်မြင်ပေ။ ကျွန်ုပ်၏ ဇာတိပကတိသည် နာကျင်နေသော်လည်း၊ စာတန်၏ဆိုးယုတ်မှုကို ကျွန်ုပ် ရှင်းလင်းစွာမြင်ရပြီး ဘုရားသခင်အတွက် ကျွန်ုပ်၏ ချစ်ခြင်းမေတ္တာ ကြီးထွားပေ။ ရှေ့ဆက်လမ်းသည် ခက်ခဲကြမ်းတမ်းနိုင်သော်လည်း၊ ကိုယ်တော်၏နှုတ်ကပတ်တော်များက ကျွန်ုပ်ကို လမ်းပြခြင်းဖြင့်၊ ကျွန်ုပ် ကြောက်မည် မဟုတ်ပေ။ သမ္မာတရားကို နားလည်ခြင်းအားဖြင့်၊ ကိုယ်တော်၏ ကျေးဇူးတော်အားဖြင့်သာ ကျွန်ုပ်၏ စိတ်သဘောထား ဖြည်းဖြည်းချင်း ပြောင်းလဲပေ။ ကိုယ်တော့်နှုတ်ကပတ်တော်၏ တရားစီရင်ခြင်းနှင့် စမ်းသပ်မှုများက ကျွန်ုပ်အား သမ္မာတရားနှင့် အသက်ကို ရရှိစေသည်။ ကျွန်ုပ်သည် စာတန်၏ အမှောင်စွမ်းအားမှ လွတ်မြောက်ပြီး ဘုရားသခင်၏ကြီးစွာသော ကယ်တင်ခြင်း ရရှိပေ။ ခရစ်တော်သည် သမ္မာတရား၊ လမ်းခရီးနှင့် အသက် ဖြစ်သည်ကို ကျွန်ုပ် မြင်ရပေ။ ခရစ်တော်သည် ကျွန်ုပ်၏ တစ်ပါးတည်းသောသူဖြစ်ပေ။

၃ ကိုယ်တော်သည် သမ္မာတရား၊ လမ်းခရီးနှင့် အသက်ဖြစ်ပေ။ ကိုယ်တော်၏နှုတ်ကပတ်တော်များက ရှိသမျှအားလုံးထိန်းချုပ်ပေ။ ကိုယ်တော်သည် ကယ်တင်ရှင်ဖြစ်သည်၊ ပြီးလျှင် လူသားမျိုးနွယ်က ကိုယ်တော် ဖော်ပြသည့် နှုတ်ကပတ်တော်များအားလုံးကို လိုအပ်သည်။ ကျွန်ုပ်၏ ဖောက်ပြန်ပျက်စီးခြင်းကို ဖယ်ရှားပြီး အလင်း၌ လုံးလုံး ရှင်သန်နိုင်ခြင်းသည် ကိုယ်တော်၏ နှုတ်ကပတ်တော်က ကျွန်ုပ်အား ကယ်တင်ပြီး ဖြစ်သောကြောင့် ဖြစ်ပေ။ လူ့ဇာတိခံယူလျက်၊ ကိုယ်တော်၏ ချစ်ခြင်းမေတ္တာက နက်ရှိုင်းပြီး၊ ကိုယ်တော်၏ခင်မင်တွယ်တာမှုက ပြင်းထန်ပေ။ ကိုယ်တော်၏နှုတ်ကပတ်တော်များ တန်ဖိုးအရှိဆုံး ဖြစ်ပေ။ စမ်းသပ်မှုများ မည်မျှကြီးမားပါစေ၊ အတိဒုက္ခများ မည်မျှ စိုးရိမ်ဖွယ်ဖြစ်ပါစေ၊ ကိုယ်တော်၏ နှုတ်ကပတ်တော်များကို ကျွန်ုပ် ကောင်းစွာ နားလည်မည်။ ကိုယ်တော်၏ ပေးဆပ်မှုသည် အချည်းနှီး မဖြစ်ရလေအောင်၊ ကျွန်ုပ် ကိုယ်တော်၏ နှုတ်ကပတ်တော်များကို လက်တွေ့လုပ်ဆောင်ပြီး ကိုယ်တော့်ကို သက်သေခံမည်။ ချစ်ခြင်းမေတ္တာသည် ကိုယ်တော်၏အနှစ်သာရ၊ ဖြောင့်မတ်ခြင်းက ကိုယ်တော်၏စိတ်သဘောထား ဖြစ်ပေ၊ ကိုယ်တော့်ကို ထာဝရ ချီးမွမ်းမည်။ ခရစ်တော်သည် သမ္မာတရား၊ လမ်းခရီးနှင့် အသက် ဖြစ်သည်ကို ကျွန်ုပ် မြင်ရပေ။ ခရစ်တော်သည် ကျွန်ုပ်၏ တစ်ပါးတည်းသောသူဖြစ်ပေ။