အဖြေ- ဒါကို ခွဲခြားဖို့ သိပ်လွယ်ပါတယ်ရှင် ခရစ်တော်ဟာ လူ့ဇာတိခံယူထားတဲ့ ဘုရားသခင်ဖြစ်ပြီး၊ ဘုရားသခင်ရဲ့ ဝိဉာဉ်တော်ဟာ လူ့သွေးသားအသွင်နဲ့ ပုံပေါ်နေတာ ဖြစ်ပါတယ် ဘုရားသခင်ရဲ့ဝိညာဉ်တော်က ကိုယ်တော့်ဆီကို နောက်ပိုင်းကျမှ လာရောက်ကိန်းဝပ်တာ မဟုတ်ပါဘူး ခရစ်တော်ဟာလည်း အဲဒီအတိုင်းပဲ မွေးဖွားခဲ့တာပါ။ မွေးလာတဲ့အချိန်ကတည်းက ခရစ်တော်ဖြစ်နေတာပါ ခရစ်တော်အဖြစ် မွေးဖွားလာပြီး၊ ခရစ်တော်အဖြစ်နဲ့ပဲ ထာဝရဆက်ရှိနေမှာပါ ခုနပြောသလို မွေးဖွားလာတာ မဟုတ်ဘူးဆိုရင်တော့၊ ဘယ်တော့မှ ခရစ်တော် ဖြစ်မှာမဟုတ်ဘူး ဒါကြောင့် သခင်ယေရှုဟာ မွေးဖွားကတည်းက ခရစ်တော် ဖြစ်ခဲ့တာပါ သန့်ရှင်းသောဝိညာဉ်တော်က သူ့အပေါ် ကိန်းဝပ်သွားတဲ့ နောက်ပိုင်းကျမှ ခရစ်တော်ဖြစ်တာ မဟုတ်ပါဘူး သခင်ယေရှု နှစ်ခြင်းမင်္ဂလာခံယူတုန်းက သန့်ရှင်းသောဝိညာဉ်တော်ဟာ ကိုယ်တော့်အပေါ်ကို ချိုးငှက်တစ်ကောင်လို ကိန်းဝပ်ခဲ့ပါတယ်။ အထက်ဘဝဂ်က အသံတစ်ခုက ဆိုတယ်- “ဤသူကား ငါနှစ်သက်မြတ်နိုးရာ၊ ငါ၏ချစ်သားပေတည်း။” (ရှင်မဿဲခရစ်ဝင် ၃:၁၇) ဒါဟာ သန့်ရှင်းသောဝိညာဉ်တော်ရဲ့သက်သေဖြစ်ပါတယ်။ သခင်ယေရှုဟာ လူ့ဇာတိခံယူထားတဲ့ ဘုရားသခင်ကိုယ်တိုင်ဖြစ်တယ်ဆိုတာ လူတွေသိအောင်ပေါ့ အဲဒီအချိန်ကစလို့ သခင်ယေရှုဟာ ကျေးဇူးတော်ခေတ်အတွက် အမှုတော်ကို တရားဝင် စတင်ဖြည့်ဆည်းခဲ့တာပါ နောက်ဆုံးသောကာလရဲ့လူ့ဇာတိခံ အနန္တတန်ခိုးရှင်ဘုရားသခင်ဟာလည်း သူဟာ ခရစ်တော်ဖြစ်ကြောင်း၊ လူ့ဇာတိခံယူထားတဲ့ ဘုရားသခင်ဖြစ်ကြောင်း သက်သေခံဖို့အတွက် သမ္မာတရားတွေကို ဖော်ပြပါတယ် ခရစ်တော်ရဲ့အနှစ်သာရဟာ သမ္မာတရား၊ လမ်းခရီးနဲ့ အသက်ဖြစ်ပါတယ် ဒါကြောင့် ခရစ်တော်က အမှုတော်ပြုဖို့လာတဲ့အခါ၊ သမ္မာတရားတွေကို သေချာပေါက် ဖော်ပြမှာပါပဲ ဒါပေမဲ့ ဘုရားသခင်ရဲ့ဝိညာဉ်တော်ဟာ သူတို့အပေါ် ကိန်းဝပ်နေတယ်လို့ ကြွေးကြော်တဲ့ ခရစ်တော်အတုအယောင်တွေကတော့ ဘယ်လို သမ္မာတရားမျိုးကိုမှ ဖွင့်ဟနိုင်မှာ မဟုတ်ပါဘူး သူတို့ဟာ လူတွေကိုလှည့်စားဖို့အတွက် ခရစ်တော်ယောင်ဆောင်ထားတဲ့ မိစ္ဆာဝိညာဉ်တွေဖြစ်တယ်ဆိုတာ ဒါက လုံလောက်တဲ့သက်သေပါပဲ ဒါကြောင့် ဘုရားသခင်ရဲ့ဝိညာဉ်တော်ဟာ သူတို့မှာ ကိန်းဝပ်နေတယ်လို့ လှည့်ဖြားကြွေးကြော်ကြတဲ့ ခရစ်တော်အတုတွေဟာ တကယ်တော့ မိစ္ဆာဝိညာဉ်တွေရဲ့ပူးကပ်မှု ခံနေရတာပါ။ ဒါဟာ အမှန်တကယ်ပါပဲရှင်။ အနန္တတန်ခိုးရှင် ဘုရားသခင် ပြောကြားသလိုပေါ့- “ဆိုးညစ်သော ဝိညာဉ်များ၏ ဝင်ပူးခြင်းကို ခံရပြီး ‘ငါသည် ဘုရားဖြစ်သည်’ ဟု အာပေါင်အာရင်းသန်သန် ကြွေးကြော်ကြသူ အချို့ ရှိ၏။ သို့ရာတွင် သူတို့သည် မိမိတို့ကိုယ်စားပြုသည့်အရာတွင် မှားယွင်းကြသည့်အတွက် အဆုံး၌ ထုတ်ဖော်ခြင်းကို ခံကြရသည်။ သူတို့သည် စာတန်ကို ကိုယ်စားပြုပြီး၊ သန့်ရှင်းသော ဝိညာဉ်တော်သည် သူတို့ကို အရေးမထားပေ။ သင်သည် မိမိကိုယ်ကိုယ်မည်မျှပင် မြင့်မားစွာ ချီးမြှောက်သည်ဖြစ်စေ၊ သို့မဟုတ် မည်မျှပင် ပြင်းပြင်းထန်ထန် ဟစ်ကြွေးသည်ဖြစ်စေ၊ သင်သည် ဖန်ဆင်းခံတစ်ဦး ဖြစ်နေဆဲဖြစ်ပြီး၊ စာတန်နှင့် သက်ဆိုင်သောသူ ဖြစ်သည်။...သင်သည် အသစ်သော လမ်းကြောင်းများကို မဆောင်ကြဉ်းနိုင် သို့မဟုတ် ဝိညာဉ်တော်ကို ကိုယ်စားမပြုနိုင်ပေ။ သင်သည် ဝိညာဉ်တော်၏ အလုပ် သို့မဟုတ် သူပြောသည့် နှုတ်ကပတ်တော်များကို သင်မဖော်ပြနိုင်။ ဘုရားသခင် ကိုယ်တော်တိုင်၏အမှုကို သင် မလုပ်ဆောင်နိုင်သကဲ့သို့ ဝိညာဉ်တော်၏ အလုပ်ကို သင်မလုပ်နိုင်ပေ။ ဘုရားသခင်၏ ဉာဏ်ပညာ၊ အံ့ဖွယ်ရာနှင့် ဉာဏ်မမီနိုင်မှုများ၊ ပြီးလျှင် လူသားကို ဘုရားသခင် ပြစ်တင်ဆုံးမသည့် စိတ်သဘောထား အလုံးစုံ- ဤအရာအားလုံးသည် သင်၏ ဖော်ပြနိုင်စွမ်းကို ကျော်လွန်သည်။ သို့ဖြစ်ရာ ဘုရားသခင်ဖြစ်သည်ဟု အခိုင်အမာဆိုရန် ကြိုးစားခြင်းသည် အချည်းနှီး ဖြစ်လိမ့်မည်၊ သင်သည် နာမည်သာရှိပြီး မည်သည့် အနှစ်သာရမျှ ရှိလိမ့်မည်မဟုတ်။ ဘုရားသခင် ကိုယ်တော်တိုင် လာပြီးဖြစ်သော်လည်း၊ မည်သူမျှ သူ့ကိုမမှတ်မိပေ၊ သို့သော် သူသည် သူ၏အလုပ်ကို ဆက်လက်လုပ်ဆောင်ပြီး၊ ဝိညာဉ်တော်ကို ကိုယ်စားပြုခြင်းကိုလည်း ဆက်လက် လုပ်ဆောင်သည်။...သင်သူ့ကို မည်သို့ခေါ်သည်ဖြစ်စေ၊ ဘုရားသခင်နှင့် ပတ်သက်သရွေ့ သူသည် ဘုရားသခင်၏ဝိညာဉ်တော်၏ လူ့ဇာတိခံ ကိုယ်ခန္ဓာ ဖြစ်သည်။ သူသည် ဝိညာဉ်တော်ကို ကိုယ်စားပြုပြီး ဝိညာဉ်တော်၏ထောက်ခံမှုကို ရသည်။ အကယ်၍ သင်သည် ခေတ်သစ်တစ်ခုအတွက် လမ်းခရီး မဖန်တီးနိုင်ပါက၊ ခေတ်ဟောင်းကို အဆုံးမသတ်နိုင်ပါက၊ ခေတ်သစ်ကို မဖွင့်လှစ်ပေးနိုင်ပါက၊ အသစ်သော အလုပ်ကို မလုပ်ဆောင်နိုင်ပါက၊ သင့်ကို ဘုရားသခင်ဟု ခေါ်၍မရပေ။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ လူ့ဇာတိခံယူခြင်း၏ နက်နဲရာအချက် (၁))

ကိုယ့်ဘာသာ ခရစ်တော်လို့ ပြောရုံနဲ့ ခရစ်တော်ဖြစ်တာမှမဟုတ်တာ လူသားတွေကို တရားစီရင်ဖို့ ကယ်တင်ဖို့အတွက် အလုံးစုံသောသမ္မာတရားတွေကို မဖော်ပြနိုင်ရင် ဘုရားသခင်ရဲ့နောက်ဆုံးသောကာလ တရားစီရင်ခြင်းအမှုကို မဆောင်ရွက်နိုင်ရင် ခေတ်ဟောင်းကို အဆုံးသတ်ပြီး ခေတ်သစ်တစ်ခုကို မစတင်နိုင်ရင် ဘယ်လောက်ပဲ ကိုယ့်ကိုယ်ကိုယ် ခရစ်တော်လို့ ကြွေးကြော်နေပါစေ၊ အဲဒီလူဟာ အယောင်ဆောင်တစ်ယောက်ပါပဲ နောက်ဆုံးသောကာလရဲ့လူ့ဇာတိခံ ခရစ်တော်ဖြစ်တဲ့ အနန္တတန်ခိုးရှင်ဘုရားသခင်ဟာ လူသားတွေကို တရားစီရင်ဖို့ သန့်စင်ဖို့အတွက် အလုံးစုံသောသမ္မာတရားတွေကို ဖော်ပြပါတယ် တရားစီရင်ခြင်းအမှုကို ဘုရားသခင်ရဲ့အိမ်တော်ကနေ စတင်ဆောင်ရွက်ပါတယ် ကျေးဇူးတော်ခေတ်ကို အဆုံးသတ်ပြီး၊ နိုင်ငံတော်ခေတ်ကို စတင်ရင်းနဲ့ပေါ့ရှင် အနန္တတန်ခိုးရှင်ဘုရားသခင်ရဲ့နှုတ်ကပတ်တော်တွေဟာ ဘုရားသခင်ရဲ့စိတ်သဘောထားနဲ့ ဘုရားသခင်ရဲ့အရာအားလုံးနဲ့ဖြစ်ခြင်းကို ဖော်ပြတာတွေဖြစ်ပါတယ် ဒါဟာ လူသားအားလုံး ဆောင်ယူထားသင့်တဲ့ ဘဝအသက်တာ အရှိတရားဖြစ်ပါတယ် အကျင့်ပျက်လူသားရဲ့ ဘုရားသခင်အပေါ် ဆန့်ကျင်မှု၊ သစ္စာဖောက်မှု ပြဿနာတွေအားလုံးကို ဒါကပဲ ဖြေရှင်းပေးနိုင်ပါတယ် ကျွန်မတို့အနေနဲ့ ဘုရားသခင်ရဲ့အမှုတော်၊ သူ့ရဲ့စိတ်နေသဘောထားနဲ့အနှစ်သာရကို နားလည်ဖို့အတွက် ဒါတွေဟာ သိပ်ကိုအရေးကြီးပါတယ်။ အဖိုးတန်တဲ့အရာ ဖြစ်ပါတယ် ဘုရားသခင်ရဲ့အနှစ်ခြောက်ထောင် စီမံခန့်ခွဲမှုအစီအစဉ်ရဲ့နက်နဲမှုတွေ၊ ဘုရားသခင်ရဲ့အဆင့်သုံးဆင့်အမှုတော်ရဲ့အတွင်းသဘောနဲ့ အနှစ်သာရတွေကို အနန္တတန်ခိုးရှင်ဘုရားသခင်က ဖော်ထုတ်ပြထားပါတယ် စာတန်ဟာ လူတွေကို ဘယ်လိုအကျင့်ပျက်စေတယ် ပြီးတော့ ဘုရားသခင်ဟာ လူတွေကို တစ်ဆင့်ချင်း ဘယ်လိုကယ်တင်တယ်ဆိုတာအပြင် ဘုရားသခင်ရဲ့နောက်ဆုံးသောကာလ တရားစီရင်ခြင်းအမှုရဲ့ မရှိမဖြစ်လိုအပ်မှုနဲ့ အရေးပါတဲ့အဓိပ္ပာယ်ကိုလည်း ဖော်ထုတ်ပြထားပါတယ် လူသားတွေဟာ သူတို့ရဲ့ အပြစ်ရှိတဲ့ သဘာဝကို ဘယ်လိုဖြေရှင်းရမယ်၊ စာတန်ရဲ့ လွှမ်းမိုးမှုက လွတ်မြောက်ပြီး ဘယ်လို ကယ်တင်ခံခြင်းကို ရရှိမယ်၊ ကောင်းကင်ဘုံမှာရှိတော်မူတဲ့ အဘရဲ့အလိုတော်ကို ဖော်ဆောင်နိုင်သူတစ်ဦးအဖြစ် ဘယ်လိုရောက်ရှိနိုင်တယ် ဘယ်လိုလူမျိုးတွေကို ဘုရားသခင်ဟာ ကယ်တင်ပြီး၊ ဘယ်လိုလူမျိုးတွေကို ရှင်းလင်းပစ်တယ်၊ ဘယ်လိုလူမျိုးတွေကို ကောင်းကင်နိုင်ငံတော်ဆီ ခေါ်ဆောင်ပြီး၊ လူကောင်းနဲ့ လူဆိုးကို ဘယ်လိုခွဲခြားမယ်ဆိုတာတွေ လူတစ်ဦးစီရဲ့အဆုံးသတ်ကို ဘုရားသခင်က ဘယ်လိုအဆုံးအဖြတ်ပေးတယ်ဆိုတာတွေ စသဖြင့်၊ ဒါတွေအားလုံးကို အနန္တတန်ခိုးရှင်ဘုရားသခင်က ဖော်ထုတ်ပြထားတာပါ လူသားရဲ့ကယ်တင်ခံရခြင်းနဲ့ စုံလင်စေခြင်းတို့နဲ့ပတ်သက်တဲ့ နက်နဲမှုတွေ၊ သမ္မာတရားတွေကို လူသားတွေ သိအောင်၊ အနန္တတန်ခိုးရှင်ဘုရားသခင်က ဖွင့်ဟပြထားတာပါ ဒါက သခင်ယေရှုရဲ့ဗျာဒိတ်ကို ပြည့်မြောက်စေပါတယ်။ “သင်တို့အား ငါပြောစရာ စကားအများ ရှိသော်လည်း၊ သင်တို့သည် ယခုမခံနိုင်ကြ။ သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။ ထိုဝိညာဉ်တော်သည် ကိုယ်အလိုအလျောက်ဟောပြောမည်မဟုတ်။ ကြားသမျှတို့ကို ဟောပြောလိမ့်မည်။ နောင်လာလတ္တံ့သောအရာတို့ကိုလည်း သင်တို့အား ဖော်ပြလိမ့်မည်။” (ရှင်ယောဟန်ခရစ်ဝင် ၁၆:၁၂-၁၃) အနန္တတန်ခိုးရှင်ဘုရားသခင်ရဲ့အမှုတော်ဟာ နိုင်ငံတော်ခေတ်ရဲ့အမှုတော် ဖြစ်ပါတယ် မှောင်မိုက်ကြမ်းတမ်းတဲ့ ဒီ ကမ္ဘာအိုကြီးကို အဆုံးသတ်စေတဲ့ အမှုတော်လည်း ဖြစ်တယ် အနန္တတန်ခိုးရှင်ဘုရားသခင် ဆောင်ရွက်ထားတဲ့ အမှုတော်နဲ့ ဖော်ပြထားတဲ့ သမ္မာတရားတွေက အနန္တတန်ခိုးရှင်ဘုရားသခင်ဟာ နောက်ဆုံးသောကာလရဲ့ခရစ်တော်၊ သခင်ယေရှု ဒုတိယအကြိမ်ပြန်လာခြင်းဖြစ်တယ်ဆိုတာ အပြည့်အဝ သက်သေပြတယ်

ပြန်လာခဲ့သူ ဘယ်သူပါလဲ ၏ ရုပ်ရှင် ဇာတ်ညွှန်း မှ