အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ရှစ်ခုမြောက်သော မိန့်မြွက်ချက်

နိုင်ငံတော်၏ ရှင်ဘုရင်ဖြစ်သည့် အနန္တတန်ခိုးရှင် ဘုရားသခင်သည် သက်သေထူခံရပြီး ဖြစ်သည့်အလျောက် ဘုရားသခင်၏ စီမံခန့်ခွဲမှု အတိုင်းအတာကို စကြဝဠာတစ်ခုလုံး အနှံ့အပြားတွင် လုံးလုံးလျားလျား ဖွင့်ဟခဲ့ပြီးဖြစ်သည်။ ဘုရားသခင်၏ ပေါ်ထွန်းခြင်းသည် တရုတ်နိုင်ငံ တစ်ခုတည်းတွင် သာမက ကမ္ဘာပေါ်ရှိ တိုင်းနိုင်ငံအသီးသီးတို့တွင်လည်း ထင်ရှားခဲ့ပြီး ဖြစ်သည်။ ထိုတိုင်းနိုင်ငံ အသီးသီးတွင်ရှိသော လူတို့သည် ဤသန့်ရှင်းသော နာမတော်ကို ဟစ်ကြွေးပြီး မိမိတို့ တတ်နိုင်သော နည်းလမ်းမှန်သမျှဖြင့် ဘုရားသခင်နှင့် မိတ်သဟာရဖွဲ့နိုင်ရန် ကြိုးစားကာ အနန္တတန်ခိုးရှင် ဘုရားသခင်၏ အလိုတော်ကို နားလည်သဘောပေါက်ပြီး အသင်းတော်နှင့် ပူးပေါင်းပါဝင် အစေခံလျက် ရှိကြသည်။ ဤသို့သော အံ့သြဖွယ်နည်းလမ်းဖြင့် သန့်ရှင်းသော ဝိညာဉ်တော်သည် အလုပ်လုပ်လျက်ရှိသည်။

အမျိုးမျိုးသော တိုင်းနိုင်ငံတို့၏ ဘာသာစကားများသည် တစ်ခုနှင့်တစ်ခု ကွဲပြားကြသော်လည်း ဝိညာဉ်တော်သည် တစ်ပါးတည်းသာရှိသည်။ ထိုဝိညာဉ်တော်သည် စကြဝဠာအနှံ့အပြားရှိ အသင်းတော်တို့ကို ပေါင်းစည်းပေးပြီး ထိုဝိညာဉ်တော်သည် ကွာခြားချက် စိုးစဉ်းမျှပင် မရှိဘဲ ဘုရားသခင်နှင့် တစ်လုံးတစ်ဝတည်းဖြစ်ကာ ဤသည်မှာ ယုံမှားဖွယ် မရှိပါ။ ယခုတွင် ဝိညာဉ်တော်သည် ထိုသူတို့ကို ခေါ်တော်မူပြီး ဝိညာဉ်တော်၏ အသံတော်သည် ထိုသူတို့ကို နှိုးဆော်လေသည်။ ထိုအသံတော်သည် ဘုရားသခင်၏ ကရုဏာတော် အသံပင် ဖြစ်ပေသည်။ တိုင်းနိုင်ငံအသီးသီးရှိ လူတို့သည် အနန္တတန်ခိုးရှင် ဘုရားသခင်၏ သန့်ရှင်းသော နာမတော်ကို ဟစ်ကြွေးကြသည်။ ထိုသူတို့သည် ချီးမွမ်းထောမနာပြုပြီး သီဆိုချီးမွမ်းကြ၏။ သန့်ရှင်းသော ဝိညာဉ်တော်၏ လုပ်ဆောင်ခြင်းထဲတွင် မည်သည့်သွေဖည်ခြင်းမျှ မရှိနိုင်ပေ၊ ထို့အပြင် ထိုသူတို့သည် မှန်ကန်သောလမ်းတစ်လျှောက် ရှေ့တိုးချီတက်ရန် ကြိုးစားပမ်းစား လုပ်ကြသည်၊ သူတို့သည် နောက်မဆုတ်ကြချေ၊ ထိုအခြင်းအရာ၏ အံသြဘွယ်ရာများသည် တစ်ခုပြီးတစ်ခု ထပ်ဆင့်လေသည်။ ဤသို့ဖြစ်ခြင်းသည် လူတို့အတွက် စဉ်းစားနားလည်ရန်ခက်ပြီး တွေးတောချင့်ချိန်၍လည်း မရနိုင်သော အမှုဖြစ်သည်။

အနန္တတန်ခိုးရှင် ဘုရားသခင်သည် စကြဝဠာထဲ၌ အသက်၏ အရှင်သခင် ဖြစ်ပေသည်။ သူသည် ဘုန်းကြီးသော ပလ္လင်ထက်တွင် ထိုင်နေပြီး လောကကြီးကို တရားစီရင်၍ အရာခပ်သိမ်းကို ကြီးစိုးကာ တိုင်းနိုင်ငံအားလုံးကို အုပ်စိုးလေသည်၊ လူမျိုးတကာတို့သည် ဘုရားသခင်၏ ရှေ့တော်မှောက်တွင် ဒူးထောက်ပျပ်ဝပ်ကာ ဆုတောင်းပဌာနာ ပြုပြီး သူ့ထံပါးသို့ချဉ်းကပ်၍ သူနှင့် အဆက်အသွယ်ပြုကြသည်။ သင်ဘုရားသခင်ကို ယုံကြည်ခဲ့သည်မှာ မည်မျှပင် ကြာခဲ့ပါလေစေ၊ သင့်ရာထူး မည်မျှပင် မြင့်ပါလေစေ သို့မဟုတ် သင်၏ဝါရင့်ခြင်းသည် မည်မျှပင် ကြီးမားပါလေစေ၊ သင်၏နှလုံးသားထဲတွင် ဘုရားသခင်နှင့် ဆန့်ကျင်နေပါက သင်သည် ဘုရားသခင်၏ ရှေ့တော်မှောက်တွင် ဝပ်စင်းကာ နာကျင်စွာ တိုးလျှိုးတောင်းပန်သံများကို ဟစ်ကြော်လျက် တရားစီရင်ခြင်းကို ခံရမည်ဖြစ်ပေသည်။ ဤသည်မှာ သင့်ကိုယ်တိုင် လုပ်ရပ်များ၏ အသီးအပွင့်တို့ကို အမှန်တကယ် ရုတ်သိမ်းခြင်းဖြစ်သည်။ ထိုသို့ငိုကြွေးသောအသံသည် ကန့်နှင့်ရောနှောသော မီးအိုင်ထဲတွင် နှိပ်စက်ခံရ၍ ထွက်ပေါ်လာသောအသံဖြစ်ပြီး၊ ဘုရားသခင်၏ သံလှံတံဖြင့် ရိုက်နှက်ခံရရာမှ ထွက်ပေါ်လာသော အသံဖြစ်သည်။ ဤသို့ဖြစ်ခြင်းမှာ ခရစ်တော်၏ ပလ္လင်တော်ရှေ့တွင် တရားစီရင်ခြင်း အမှုပင်ဖြစ်သည်။

ထိုသို့စီရင်ခြင်းနှင့် တွေ့ကြုံရသောအခါ လူအချို့တို့သည် ကြောက်ရွံ့ကြသည်၊ အချို့တို့သည် ရှက်ကြောက်သွားကြသည်၊ အချို့မှာ နိုးကြားလာပြီး အချို့မှာမူ ပိုပြီး သတိထားကာ နားထောင်ရန် အလေးဂရုပြုကြသည်။ အချို့မှာ အဆုံးစွန်သော နောင်တကို ခံစားကြရပြီး နောင်တရကြကာ အသစ်တစ်ဖန် စတင်ကြသည်၊ လူအချို့မှာ နာကျင်ခြင်းနှင့် ခါးသီးစွာ ငိုကြွေးကြသည်။ အချို့မှာမူ အရာရာကိုစွန့်လွှတ်ကာ သည်းကြီးမည်းကြီး ရှာဖွေကြသည်။ အချို့မှာ မိမိကိုယ်ကိုမိမိ ပြန်လည်ဆန်းစစ်ပြီး အထိန်းအကွပ်မဲ့ ပြုမူရန် မဝံ့ရဲတော့ပေ။ အချို့သောသူတို့မှာ ဘုရားသခင်ထံတော်သို့ တိုးဝင်ရန် အပူတပြင်း ကြိုးစားကြသည်။ အချို့မှာ မိမိတို့၏ အသက်တာများသည် အဘယ့်ကြောင့် မတိုးတက်လာရသနည်းဟူသော မေးခွန်းကို မေးလျက် မိမိတို့၏ အသိစိတ်များကို ဆန်းစစ်ကြသည်။ အချို့မှာ တွေဝေနေဆဲရှိပြီး အချို့မှာမူ မိမိတို့၏ ခြေများကို အချုပ်အနှောင်မှ လွှတ်စေပြီး မိမိတို့၏ အသက်တာများကို ထည့်သွင်းစဉ်းစားရန် အချိန်မဆိုင်းဘဲ အဓိကအရာကို နားလည်သဘောပေါက်လျက် သတ္တိရှိရှိဖြင့် ရှေ့ဆက်သွားကြသည်။ အချို့မှာ တွန့်ဆုတ်နေဆဲဖြစ်ပြီး ရူပါရုံများနှင့် ပတ်သက်၍ မရှင်းမလင်း ဖြစ်နေကြကာ သူတို့၏ စိတ်နှလုံးများထဲ၌ ထမ်းထားရသော ထမ်းပိုးမှာ ဧကန်ပင် လေးလံပေသည်။

သင်၏စိတ်ထဲတွင် ရှင်းရှင်းလင်းလင်းမရှိဖြစ်နေပါက သန့်ရှင်းသော ဝိညာဉ်တော်သည် သင်၏ အထဲ၌ အလုပ်လုပ်ရန်လမ်းမရှိပါ။ သင်မျက်မှောက်ပြုလေသမျှ၊ သင်သွားသော လမ်းနှင့် သင့်နှလုံးသားမှ တောင့်တလေသမျှသော အရာအားလုံးတို့သည် သင်၏ထင်မြင်ယူဆချက်များ၊ မိမိကိုယ်မိမိ မှန်သည်ဟု ခံယူချက်များနှင့်သာ ပြည့်နှက်နေသည်။ သင်တို့ကို ယခုပင် စုံလင်ခြင်းသို့ရောက်စေပြီး ငါ့အတွက်အသုံးခံကာ ငါ၏လေးလံသောဝန်ကို ပေါ့စေရန် ငါသည် စိတ်ပြင်းပြလျက်ရှိသည်။ သို့သော်လည်း သင်တို့ကို ကြည့်သောအခါ ရလဒ်များကိုရရှိရန် ဆန္ဒစောနေခြင်းမှာ မဖြစ်နိုင်ဟု ငါမြင်ရသည်။ ငါသည် စိတ်ရှည်စွာ စောင့်နေခြင်း၊ သင်တို့ကို ဖြည်းညှင်းစွာတွဲခေါ်ခြင်းနှင့် ကူညီမစခြင်း၊ ဦးဆောင်ခြင်းတို့ကိုသာ လုပ်ဆောင်နိုင်သည်။ သင်၏ခေါင်းထဲက အရာများကို ရှင်းထုတ်ပစ်လိုက်ပါ။ အဘယ်အရာတို့ကို သင်စွန့်လွှတ်သင့်သနည်း၊ အဘယ်အရာများသည် သင်၏ တန်ဖိုးရှိသော အရာများဖြစ်သနည်း၊ အဘယ်အရာတို့သည် သင်၏ သေလောက်သော အာနည်းချက်များဖြစ်သနည်း၊ အဘယ်အရာတို့သည် သင့်အတွက်အနှောင့်အယှက် အဟန့်အတား ဖြစ်နေသနည်း အစရှိသည့်မေးခွန်းတို့ကို သင်၏ စိတ်ဝိညာဉ်ထဲ၌ ပိုမိုသိရှိပြီး ငါနှင့် သာ၍မိတ်သဟာရဖွဲ့ပါ။ ငါအလိုရှိသော အရာမှာ သင်တို့၏ အပြောသက်သက် မဟုတ်ဘဲ၊ နှလုံးသားနှင့် တိတ်ဆိတ်ငြိမ်သက်စွာ ငါ့ကိုမျှော်ကြည့်ရန်ဖြစ်သည်။ ငါ့ကိုအမှန်တကယ် ရှာသောသူတို့အား ငါသည် အရာခပ်သိမ်းကို ဖော်ပြမည်။ ငါ့နောက်သို့ သင်သည် အစဉ်လိုက်နေသမျှနှင့် သင်၏ နှလုံးသားသည် ငါ့ကိုမျှော်ကြည့်နေသမျှ သင်တို့အဖို့ငါ၏ အရှိန်ကိုလျင်မြန်စေပြီး ငါ၏အလိုတော်ကို လှုံ့ဆော်အားပေးခြင်းဖြင့် သင့်ထံသို့ ချပေးနိုင်ပြီး အချိန်အခါမရွေးဘဲ ဖော်ပြနိုင်မည်။ စောင့်မျှော်ခြင်းငှာ ဂရုပြုသောသူတို့သည် ခွန်အားနှင့် ပြည့်စုံပြီး ရှေ့သို့ဆက်သွားမည့် လမ်းရှိလိမ့်မည်။ စဉ်းစားဆင်ခြင် ညဏ်ကင်းမဲ့သူတို့မူကား ငါ၏စိတ်နှလုံးကို နားလည်မည်မဟုတ်ဘဲ လမ်းဆုံးသို့ လျှောက်သွားကြပေမည်။

သင်တို့အားလုံး မြန်မြန်နိုးထပြီး ငါနှင့်အတူတကွ လက်တွဲလုပ်ဆောင်ရန်၊ တစ်ရက်တည်း၊ တစ်ညတည်းမဟုတ်၊ အချိန်တိုင်းတွင် ငါနှင့်နီးကပ်စွာ ရှိနေရန် ငါအလိုရှိသည်။ ငါ၏လက်နှင့် သင်တို့ကို အစဉ်အမြဲဆွဲခေါ်မည်၊ လှုံ့ဆော်မည်၊ တွန်းပို့မည်၊ သင်လုပ်ရမည့် အလုပ်များကို ဆက်လက်လုပ်ဆောင်ရန် သွေးဆောင်ခေါ်ယူမည်၊ သင့်အားရှေ့ဆက်လျှောက်လှမ်းရန် ခွန်အားကိုပေးမည်။ သင်တို့သည် ငါ၏အလိုတော်ကို နားမလည်နိုင်ကြသေးပေ။ သင်တို့၏ ကိုယ်ပိုင်အယူအဆများ၏ အဟန့်အတားများနှင့် လောကီချည်နှောင်မှုများသည် ကြီးမား ပြင်းထန်လွန်းသောအခါ သင်တို့သည် ငါနှင့်လေးနက်သော ရင်းနှီးမှုကို မရရှိနိုင်တော့ပေ။ ပွင့်ပွင့်လင်းလင်း ပြောရမည်ဆိုလျှင် သင်တို့သည် ဒုက္ခရောက်သော အခါ၌သာ ငါ့ထံသို့လာတတ်ကြပြီး၊ ဒုက္ခ ပြသာနာမရှိချိန်တွင်မူကား သင်တို့၏ စိတ်နှလုံးသည် ဒုက္ခဖြစ်လာကြသည်။ သင်တို့၏စိတ်နှလုံးသည် အုပ်ချုပ်သူမရှိသော ဈေးတစ်ခုကဲ့သို့ စာတန်၏ စိတ်သဘောထားနှင့် ပြည်ဝလာတတ်သည်။ လောကီနှင့် ဆိုင်သောအရာများက သင်တို့၏စိတ်နှလုံးတွင် နေရာယူလာပြီး ငါနှင့်မည်သို့ မိတ်သဟာရဖွဲ့ရမည်ကို သင်တို့မသိကြတော့ပေ။ သင်တို့အတွက် ငါသည်စိတ်မပူဘဲ အဘယ်သို့နေရမည်နည်း။ သို့သော်စိတ်ပူနေ၍မဖြစ်။ အချိန်သည် လွန်စွာအရေးကြီးပြီး လုပ်ရမည့်အလုပ်သည်လည်း ခက်ခဲနက်နဲလှသည်။ ငါ၏ခြေလှမ်းတို့သည် ရှေ့သို့ချီတက်နေသည်။ သင်တို့သည် ငါ့အား ရှိသမျှခွန်အားနှင့် မြဲမြံစွာကိုင်ဆွဲထားပြီး အချိန်တိုင်းတွင် ငါ့အားမျှော်ကြည့်ကာ ငါနှင့်အကျွမ်းတဝင်ဖြစ် နေရမည်။ ထိုသို့ပြုလျှင် သင်တို့အား အချိန်မရွေး ငါသည် ငါ၏အလိုကို ဖော်ပြမည်။ ငါ၏စိတ်နှလုံးကို သင်တို့နားလည်လျှင် သင်တို့ ရှေ့ဆက်လျှောက်လှမ်းရမည့် လမ်းကိုတွေ့ပေမည်။ အချိန် ထပ်ဆွဲ၍မဖြစ်ပါ။ ငါနှင့်စစ်မှန်သော မိတ်သဟာရဖွဲ့ပါ။ လှည့်စားရန် မလုပ်ဆောင်နှင့် သို့မဟုတ် ပါးနပ်ရန် မကြိုးစားနှင့်။ ထိုသို့ပြုခြင်းသည် မိမိကိုယ်ကို လှည့်ဖျားခြင်းသာဖြစ်ပြီး ခရစ်တော်၏ ပလ္လင်တော်ရှေ့၌ တစ်ချိန်ချိန်တွင် ထင်ရှားမည်သာဖြစ်သည်။ ရွှေစစ်လျှင် မီးကိုမကြောက်ပါ။ ဤအရာသည် အမှန်တရားဖြစ်သည်။ သံသယများမထားနှင့်။ အားနည်းခြင်း၊ ပျော့ညံ့ခြင်း မရှိစေနှင့်။ သင်တို့၏ စိတ်ဝိညာဉ်၌ ငါနှင့်တိုး၍ တိုက်ရိုက်မိတ်သဟာရဖွဲ့ပါ။ စိတ်ရှည်စွာဖြင့် စောင့်မျှော်၍နေပါ။ ငါ၏ အချိန်တန်သောအခါ ငါသည်သင်တို့ကို ဧကန်အမှန် ဖော်ပြမည်။ သင်တို့သည် အမှန်တကယ်ပင် အကြွင်းမဲ့ ဂရုစိုက်ရန် လိုအပ်သည်။ သင်တို့အတွက် ငါ၏ကြိုးစားအားထုတ်ထားသော အရာတို့ကို အလဟဿ မဖြစ်စေနှင့်။ အချိန်ကို လက်လွတ်မခံနှင့်။ သင်တို့စိတ်နှလုံးသည် ငါနှင့်အတူ အစဉ်အမြဲ မိတ်သဟာရဖွဲ့နေလျှင်၊ ငါ၏မျက်မှောက်တွင် အစဉ်ရှိနေလျှင်၊ မည်သူကမှ၊ မည်သည့်အခြေအနေကမှ၊ မည့်သည့်အရာကမှ၊ မည့်သည့်ခင်ပွန်းနှင့် သားသမီးကမှ သင်တို့၏ စိတ်နှလုံးထဲ၌ရှိသည့် သင်တို့နှင့် ငါ၏အကြား မိတ်သဟာရရှိမှုကို နှောင့်ယှက် ဖျက်ဆီးနိုင်မည် မဟုတ်ပေ။ သင်တို့၏ စိတ်နှလုံးသည် သန့်ရှင်းသောဝိညာဉ်တော်၏ ချုပ်ချယ်ခြင်းကို ဆက်တိုက်ခံယူရရှိသောအခါ၊ သင်သည် ငါနှင့် အချိန်တိုင်းတွင် မိတ်သဟာရဖွဲ့နေသောအခါ ငါ၏ အလိုတော်ကို သင်တို့အား ဧကန်အမှန်ပင်ဖွင့်ပြမည်။ ဤသို့ သင်တို့၏စိတ်နှလုံးသည် အစဉ်တစိုက် ငါနှင့် နီးကပ်စွာရှိနေလျှင် သင့်ပတ်လည်တွင် အခြေအနေတို့ မည့်သို့ပင်ဖြစ်နေပါလေစေ၊ မည်ကဲ့သို့သော အခက်အခဲမျိုးနှင့် သင်တွေ့ကြုံရပါလေစေ သင်သည် ကစဉ့်ကလျားမဖြစ်ဘဲ သင်ရှေ့ဆက်သွားရမည့် လမ်းကိုတွေ့ရှိပေမည်။

မည်သည့်ပြဿနာကြီးငယ်ကိုမျှ သင်တို့ထဲသို့ ဝင်ရောက်ခွင့်မပြုလျှင်၊ သင်တို့၏ စိတ်နှလုံးသန့်ရှင်းလျှင်၊ သင်တို့၏ စိတ်ဝိညာဉ်၌ ငြိမ်ဝပ်စွာရှိမည်ဆိုလျှင် သင်တို့၌ ကိစ္စတစ်စုံတစ်ရာ ပေါ်ပေါက်လာသောအခါ ငါ၏ နှုတ်ကပတ်တော်သည် ထိုခဏချင်းတွင်ပင် သင်တို့ကိုယ်သင်တို့ တိုက်ဆိုင် ဆန်းစစ်ရန်အလို့ငှာ လင်းလက်တောက်ပသော မှန်တစ်ချပ်ကဲ့သို့ သင်တို့၏အထဲ၌ ထင်ရှားစေပြီးသင်တို့ လုပ်ဆောင်ရမည့်အရာတို့ကိုပြသမည်။ ဤသို့ဖြစ်ခြင်းသည် အနာနှင့်ဆေး တွေ့သည်ဟု ခေါ်ဆိုနိုင်သည်။ မည်ကဲ့သို့သော အခြေအနေမျိုးကိုမဆို သေချာပေါက် ပျောက်ကင်းအောင် ကုသပေးနိုင်သည်။ ဘုရားသခင်သည် ဤမျှလောက် အနန္တတန်ခိုးကြီးမားပေသည်။ ဖြောင့်မတ်ခြင်းတရားကို ဆာငတ်သူတို့နှင့် စိတ်ရင်းမှန်ဖြင့် ရှာဖွေသောသူတို့အား ငါသည်အလင်းကိုပေးပြီး ထိုသူတို့၏ ဉာဏ်ကိုထွန်းလင်းစေမည်။ ငါသည်သင်တို့အား ဝိညာဉ်လောကနှင့်ဆိုင်သော ဆန်းကြယ်သောအရာ အားလုံးတို့ကို ဖော်ပြ၍ သင်တို့ရှေ့သို့သွားရမည့် လမ်းကိုပြသမည်။ သင်တို့၏ လွန်ခဲ့သောအချိန်က ရှိခဲ့သော ဖောက်ပြန်ပျက်စီးသော စိတ်သဘောထားဟောင်းတို့ကို အမြန်ဆုံးစွန့်လွှတ်နိုင်ရန် လုပ်ဆောင်ပေးမည်။ ထိုသို့အားဖြင့် သင်တို့၏အသက်တာ ရင့်ကျက်မှုကိုရှိစေပြီး ငါ့အတွက်အကျိုးရှိစေမည်၊ သတင်းကောင်းအလုပ်ကိုလည်း အတားအဆီးမရှိ ဆက်လက်ဖြန့်ဝေနိုင်မည်။ သို့မှသာငါ၏ အလိုပြည့်စုံလိမ့်မည်။ သို့မှာသာ ဘုရားသခင်၏ နှစ်ခြောက်ထောင်စီမံကိန်းသည် လျင်မြန်စွာ ပြီးမြောက်လိမ့်မည်။ ဘုရားသခင်သည် နိုင်ငံတော်ကို ရယူလိမ့်မည်။ ဘုရားသခင်၏ နိုင်ငံတော်သည် မြေကြီးပေါ်သို့ ဆင်းကြွလာပြီး ငါတို့အတူတကွ ဘုန်းတော်သို့ ဝင်စားကြရမည်ဖြစ်သည်။

ယခင်က:အခန်း ၅

နောက်တစ်ခုသို့:ကိုးခုမြောက်သော မိန့်မြွက်ချက်

သင်နှစ်သက်နိုင်သည့် အရာများ