အခန်း ၉

ငါ၏ နှုတ်ကပတ်တော်ပေါ်တွင် အနည်းငယ်မျှပင် မရေမရာဖြစ်၍ မရသလို၊ အရေးမထားခြင်း တစ်စုံတစ်ရာကိုလည်း လက်မခံနိုင်ကြောင်းကို သင့်ကို ငါသတိပေးလိုသည်။ သင်သည် နှုတ်ကပတ်တော်ပေါ်တွင် အလေးထားဂရုပြုပြီး၊ နာခံကာ အမှုအရာများကို ငါ၏ ရည်ရွယ်ချက်များနှင့်အညီ လုပ်ဆောင်ရမည်။ သင်သည် အစဉ်မပြတ် နိုးနိုးကြားကြား နေရမည်ဖြစ်ပြီး၊ မာနကြီးခြင်းနှင့် မိမိသာလျှင် မှန်ကန်သည်ဟု ထင်မြင်သော စိတ်သဘောထား လုံးဝ မထားရှိရ။ ထို့အပြင် သင်၏အထဲ၌ တည်သော ပင်ကို စိတ်သဘောထားဟောင်းကို စွန့်ပစ်ရန် သင်သည် အစဉ်အမြဲပင် ငါ့ကို အားထားရမည်။ သင်တို့သည် ငါ၏ရှေ့တွင် သာမန်အနေအထားကို အစဉ်အမြဲ ထိန်းသိမ်းထားရမည်ဖြစ်ပြီး၊ တည်ငြိမ်သော စိတ်သဘောထား အစဉ်အမြဲ ရှိသင့်သည်။ သင်တို့၏ အတွေးအခေါ်သည် သင့်တင့်လျောက်ပတ်ကာ၊ ကြည်လင်ပြတ်သားပြီး၊ တစ်စုံတစ်ဦး၊ အဖြစ်အပျက် သို့မဟုတ် အရာဝတ္ထုတို့ကြောင့် တိမ်းညွတ်ခြင်း၊ သို့မဟုတ် စိုးမိုးခြယ်လှယ်ခြင်းကို ခံရခြင်းတို့ မဖြစ်ရပေ။ သင်တို့သည် ငါ၏ မျက်မှောက်တွင် ငြိမ်သက်ကာ၊ စဉ်ဆက်မပြတ် ငါနှင့် ရင်းနှီးကျွမ်းဝင်ပြီး အတူတကွ မိတ်သဟာယ ဖွဲ့နေရမည်ဖြစ်သည်။ သင်သည် ကြံ့ခိုင်ခြင်းနှင့် အားမာန်ကို ပြသကာ၊ ငါ၌ ထားရှိသော သင်၏ သက်သေခံချက်ပေါ်တွင် မြဲမြံစွာ ရပ်တည် ရမည်ဖြစ်သည်၊ ထကြွလျက် ငါ၏ကိုယ်စား စကားပြောလော့၊ ထို့ပြင် အခြားသောသူတို့ ပြောကောင်းပြော လာမည့်အရာကို မကြောက်ရွံ့နှင့်။ သူတပါး၏ ထိန်းချုပ်ခြင်းကို မခံရဘဲ၊ ငါ၏ ရည်ရွယ်ချက်များကို ကျေနပ်နှစ်သိမ့်စေရန် စူးစိုက်လော့။ သင့်အပေါ်တွင် ထုတ်ဖော်ပြသသော အရာတို့ကို ငါ၏ ရည်ရွယ်ချက်များ နှင့်အညီ လုပ်ကိုင်ဆောင်ရွက်ရမည်ဖြစ်ပြီး၊ နှောင့်နှေး ကြန့်ကြာခြင်း မရှိရ။ သင်၏ အထဲတွင် မည်ကဲ့သို့ ခံစားရသနည်း။ သင်သည် နာလိုခံခက် ဖြစ်နေသလော။ သင်နားလည်လာပါလိမ့်မည်။ ငါ၏ ဝန်ထုပ်ဝန်ပိုးကို ထောက်ထား ညှာတာလျက် သင်သည် အဘယ့်ကြောင့် ငါ၏ အဖို့အလို့ငှာ မဟောပြော နိုင်သနည်း။ သင်သည် သိမ်ဖျင်းသော လျှို့ဝှက်ကြံစည်မူများတွင် အမြဲလို ပါဝင်နေသော်လည်း၊ ငါသည် အရာအားလုံးကို ရှင်းလင်းစွာ မြင်ရလျက် ရှိသည်။ ငါသည် သင်၏ ကိုးစားရာနှင့် သင်၏ အကွယ်အကာဖြစ်လျက်၊ အရာရာတိုင်းသည် ငါ၏လက်တွင် ရှိသောကြောင့် သင်တို့သည် အဘယ်အရာကို ကြောက်ရအံ့နည်း။ ထိုအရာသည် လွန်ကဲသော စိတ်လှုပ်ရှားခြင်းပင် မဟုတ်လော။ သင်သည် သင်၏စိတ်ခံစားမှုများကို မြန်နိုင်သမျှအမြန်ဆုံး ဖယ်ရှားရမည်၊ ငါသည် စိတ်ခံစားမှုကြောင့် လုပ်ဆောင်ခြင်း မဟုတ်ဘဲ၊ ထို့အစား ဖြောင့်မတ်ခြင်းကိုသာ ကျင့်သုံးသည်။ သင်၏မိဘတို့သည် အသင်းတော်အဖို့ အကျိုးကျေးဇူးမရှိသောအရာ တစ်စုံတစ်ခုကိုပြုလျှင်၊ သူတို့လွတ်မြောက်နိုင်မည် မဟုတ်ပေ။ ငါ၏ ရည်ရွယ်ချက်များအား သင်နှင့်တကွ သင်တို့အားလုံးကို ထုတ်ဖော်ပြသပြီး ဖြစ်သောကြောင့် လျစ်လျူရှုခြင်း မပြုရ။ ထိုအစား အရာအားလုံးကို လျစ်လျူရှုလျက်၊ သင်တို့၏ အာရုံစူးစိုက်မှု အားလုံးကို ထိုရည်ရွယ်ချက်များ အပေါ် ထားရှိကာ စိတ်ပါလက်ပါ လိုက်လျှောက်ရမည်။ ငါသည် သင်တို့အား ငါ၏လက်ထဲတွင် အစဉ်အမြဲ ထားရှိမည်။ သင့်ခင်ပွန်း သို့မဟုတ် ဇနီး၏ ထိန်းချုပ်ခြင်းနှင့် ခြောက်လှန့်ခြင်းကို မခံယူဘဲ၊ သင်တို့သည် ငါ၏ အလိုတော် များကို ထမ်းရွက်ရမည်။

ယုံကြည်ခြင်း ရှိလော့။ ယုံကြည်ခြင်း ရှိလော့။ ငါသည် သင်၏ အနန္တတန်ခိုးရှင် ဖြစ်ပေသည်။ ထိုအရာသည် သင်နားလည် သဘောပေါက်ပြီးသား ဖြစ်ကောင်းဖြစ်လိမ့်မည် ဖြစ်သော်လည်း၊ သင်သတိထား နေရဦးမည် ဖြစ်သည်။ အသင်းတော်၊ ငါ၏ အလိုတော်နှင့် ငါ၏ စီမံခန့်ခွဲမှု အဖို့အလို့ငှာ သင်တို့သည် အလုံးစုံ ပေးအပ်မြှုပ်နှံထားရမည် ဖြစ်ပြီး၊ အားလုံးသော နက်နဲရာများနှင့် နိဂုံးအဆုံးသတ်များကို သင်တို့အား ရှင်းလင်းစွာ ဖော်ပြမည် ဖြစ်သည်။ ပို၍ နှောင့်နှေးကြန့်ကြာခြင်း ရှိတော့မည် မဟုတ်ဘဲ၊ နေ့ရက်တို့သည် နိဂုံးအဆုံးသို့ ရောက်ရှိလာနေပြီ ဖြစ်သည်။ ထို့ကြောင့် သင်မည်သည့်အရာများ လုပ်ဆောင်မည်နည်း။ သင်၏ အသက် အရွယ်ရောက်လာပြီး ရင့်ကျက်စေဖို့ သင်မည်သို့ ကြိုးစားသင့်သနည်း။ သင့်ကိုယ်သင် မည်ကဲ့သို့ ငါ့အတွက် အသုံးဝင်လာစေရန် အလျင်အမြန် ဆောင်ရွက်မည်နည်း။ သင်သည် ငါ၏ အလိုကို ထမ်းရွက်ရန် မည်ကဲ့သို့ လုပ်ဆောင်မည်နည်း။ ထိုသို့ လုပ်ဆောင်နိုင်ရန်အတွက် စေ့စပ်သေချာစွာ တွေးဆခြင်းနှင့်၊ ငါနှင့် ပို၍နက်ရှိုင်းသော မိတ်သဟာယဖွဲ့ခြင်း လိုအပ်သည်။ ငါ့ကို အမှီပြုလျက်၊ ယုံကြည်လျက်၊ မည်သည့်အခါတွင်မျှ အရေးမထားခြင်းကို မပြုဘဲလျက်၊ ငါ၏ လမ်းညွှန်မှုနှင့်အညီ အမှုအရာများကို လုပ်ဆောင်နိုင်ရမည်။ သမ္မာတရားကို သေချာစွာ ကိုင်စွဲ တပ်ဆင်လျက်၊ သင်သည် ထိုအရာကို မကြာခဏ စားသောက်ရမည်။ သမ္မာတရားတိုင်းကို ရှင်းလင်းစွာ နားလည်လာသည် အထိ ဆွဲကိုင်ထားရမည်။

လုံလောက်သော အချိန်မရှိဟု ယခုသင်သည် ခံစားရသလော။ ယခင်နှင့် နှိုင်းယှဉ်ပါက သင်၏ အတွင်း၌ မတူညီတော့ဘဲ၊ သင်၏ ဝန်ထုပ်ဝန်ပိုးမှာ အလွန်လေးလံပုံရသည်ဟု ခံစားရသလော။ သင့်အပေါ်တွင် ထားရှိသော ငါ၏ ရည်ရွယ်ချက်များမှာ၊ သင်တို့သည် ဦးခေါင်း ရှင်းလင်းလျက်၊ ထိုအရာများကို မချိုးဖောက်ဘဲ၊ အမြဲတမ်း ငါ၌တည်နေလျက် ဆက်သွယ်ထား ရမည် ဖြစ်သည်။ ငါ၏ ရည်ရွယ်ချက်များကို သင်တို့အား အစဉ်အမြဲ ထုတ်ဖော်ပြသစိမ့်သောငှာ ငါနှင့်အတူ အမြဲ နီးကပ်စွာနေလော့၊ ငါနှင့် အမြဲဆက်သွယ်လော့၊ ငါ၏ နှလုံးသားအား ထောက်ထား ညှာတာလော့၊ ပူးပေါင်းပါဝင်ဆောင်ရွက်လျက် အစေခံနိုင်ခြင်းရှိလော့။ အစဉ်အမြဲ သေချာစွာ အထူးဂရုပြုရမည်။ သေချာစွာ အာရုံစူးစိုက်ပါ။ အနည်းငယ်မျှပင် ပေါ့ဆခြင်း မရှိရ။ ထိုအရာသည် သင်၏ တာဝန်ဖြစ်လျက်၊ ငါ၏ အမှုသည် ထိုအထဲတွင် တည်လျက်ရှိသည်။

ယခုအချိန်တွင် သင်သည် အနည်းငယ်မျှ နားလည်မူ ရှိကောင်းရှိမည်ဖြစ်ပြီး၊ ထိုအရာသည် အလွန်ပင် အံ့သြဖွယ်ဖြစ်သည်ဟု ခံစားရနိုင်သည်။ ယခင်က သင်သည် သံသယအချို့ ရှိကောင်းရှိခဲ့မည်ဖြစ်ပြီး၊ ထိုအရာသည် လူသားများ၏ စိတ်ကူးများ၊ အကြံအစည်များနှင့် အယူအဆများဖြင့် လုံးဝကွဲပြားနေသည်ဟု ခံစားရကောင်း ခံစားခဲ့ နိုင်သော်လည်း ယခုတွင် အခြေခံအားဖြင့် နားလည်သဘောပေါက်ပြီး ဖြစ်သည်။ ဤအရာသည်ပင် ငါ၏ အံ့သြဖွယ်သော အမှု ဖြစ်ပြီး၊ ဘုရားသခင်၏ အံသြဖွယ်သော အမှုလည်း ဖြစ်သည်။ သင်သည် အပြည့်အဝ နိုးကြားကာ စောင့်စားရမည် ဖြစ်ပြီး ထိုအမှုထဲ၌ လျှောက်လှမ်းရမည်။ အချိန်သည် ငါ၏လက်ထဲတွင် ရှိသည်၊ ထိုအရာကို မဖြုန်းတီးနှင့်၊ ၎င်းအပြင် တစ်ခဏတာမျှပင် ပျင်းရိခြင်း မရှိစေနှင့်၊ အချိန်ဖြုန်းတီးခြင်းက ငါ၏ အလုပ်ကို နှောင့်နှေးကြန့်ကြာစေပြီး၊ ယင်းက ငါ၏အလိုတော်ကို သင့်အပေါ်တွင် အဟန့်အတား ဖြစ်စေသည်။ သင်တို့သည် တစိမ့်စိမ့် ချင့်ချိန်ပြီး၊ ငါနှင့်မကြာခဏ ဆက်သွယ်ရမည်။ သင်သည် လုပ်ဆောင်ချက်များ၊ လှုပ်ရှားမှုများ၊ စိတ်ကူးများ၊ အကြံအစည်များ၊ မိသားစု၊ ခင်ပွန်းသည်၊ သားများနှင့် သမီးများ အလုံးစုံတို့ကို ငါ၏ ရှေ့မှောက်သို့ ယူဆောင်လာရမည်။ သင်၏ လက်တွေ့ကျင့်ဆောင်ခြင်း၌ မိမိကိုယ်ကို မှီခိုခြင်းမရှိနှင့်၊ ထိုသို့ဖြစ်လျှင် ငါသည် ပြင်းစွာသော ဒေါသထွက်ပြီး၊ သင်၏ ဆုံးရှုံးမှုများသည် ကြီးမြင့်လိမ့်မည်။

အချိန်တိုင်း သင်၏ ခြေလှမ်းများကို ထိန်းချုပ်လော့၊ အစဉ်အမြဲ ငါ၏ နှုတ်ကပတ်တော်အတွင်း၌ လျှောက်လှမ်းနိုင်ခြင်း ရှိလော့။ သင်သည် ငါ၏ ဉာဏ်ပညာရှိမှသာ ထိုအရာကို လုပ်ဆောင်နိုင်မည်။ သင်သည် အခက်အခဲများ ကြုံရသည့်အခါ ငါ၏ ရှေ့မှောက်သို့ လာလော့၊ ငါသည် သင်ကို လမ်းညွှန်ပေးမည်။ အချိန်ဖြုန်းကာ မဆင်မခြင် ပြောဆိုဆွေးနွေးခြင်း မပြုနှင့်။ သင်၏အသက်တာသည် အကျိုးကျေးဇူးကို မခံစားရပါက၊ သင်သည် ပညာမဲ့ခြင်း ကြောင့်ဖြစ်ပြီး၊ ကောင်းသောစကားနှင့် ဆိုးသောစကားကို ဝေဖန်ခွဲခြားနိုင်မှု မရှိခြင်းကြောင့် ဖြစ်သည်။ သင်သည် အန္တရာယ် ကျရောက်ကာ၊ သင်၏ အခြေအနေတို့သည်လည်း ညံ့ဖျင်းသော အချိန်အထိ၊ သင်သည် ဤအရာကို နားမလည်၊ ထို့အပြင် သင်၌ သန့်ရှင်းသော ဝိညာဉ်တော်၏ မျက်မှောက်လည်း မရှိ။ ထိုအချိန်သည် အလွန်အမင်း နောက်ကျနေပြီ ဖြစ်သည်။ ယခုတွင် အချိန်သည် အရေးတကြီး ဖြစ်နေသောကြောင့် သင်သည် အသက်တာ၏ပြိုင်ပွဲ၌ အနည်းငယ်မျှပင် နောက်ကျကျန်ရစ်ခြင်း မဖြစ်ရ၊ သင်သည် ငါ၏ ခြေလှမ်းများအတိုင်း နီးကပ်စွာ လျှောက်လှမ်းရမည်။ အခက်အခဲများ ပေါ်လာသည့် အချိန်တွင်၊ တစိမ့်စိမ့်ချင့်ချိန်ကာ မကြာခဏ ငါနှင့် အနီးကပ် အသက်ရှင်ပြီး၊ ငါနှင့် တိုက်ရိုက် ပြောဆိုဆွေးနွေးရမည်။ ဤလမ်းကြောင်းကို မိမိရရ ဖမ်းဆုပ်နိုင်ခဲ့လျှင်၊ ရှေ့သို့ တိုး၍ လျှေက်လှမ်းလာသည်နှင့်အမျှ သင်၏ ဝင်ရောက်ခြင်း သည်လည်း လွယ်ကူလာလိမ့်မည်။

ငါ၏ နှုတ်ကပတ်တော်များသည် သင့်ကို တိုက်ရိုက် ရည်ရွယ်ခြင်းသာမဟုတ်၊ အသင်းတော်တွင်းရှိသော သူတိုင်းသည် အမျိုးမျိုးသော လက္ခဏာသွင်ပြင်များ ကင်းမဲ့နေကြသည်။ သင်တို့သည် ပို၍ မိတ်သဟာယဖွဲ့ကာ၊ သင်တို့၏ ဝိညာဉ်ရေးရာ ဝတ်ပြုကိုးကွယ်ခြင်းတွင် တစ်ဦးချင်းစားသောက်နိုင်ပြီး၊ မနှေးချက်ချင်း လက်တွေ့ကျင့်သုံးနိုင်ရန် အလို့ငှာ သမ္မာတရား၏ သော့ချက်ကို နားလည် သဘောပေါက်နိုင်ရမည်။ သင်တို့သည် ငါ့နှုတ်ကပတ်တော်၏ စစ်မှန်မှုကို ခံစားရမည်။ အခြေအမြစ်နှင့် အခြေခံသဘောတရားများကို နားလည်သဘောပေါက်နိုင်ကာ၊ လှုပ်ရှား အားထုတ်မှု မလျော့ပါးပါစေနှင့်။ ငါ၏ နှုတ်ကပတ်တော်ကို အစဉ်အမြဲ ဆင်ခြင်လျက်၊ ငါနှင့် အစဉ်အမြဲ ဆက်သွယ်လော့၊ ထို့နောက် ထိုအရာများသည် တဖြည်းဖြည်း ထုတ်ဖော်ခြင်းခံရမည်။ သင်သည် ဘုရားသခင်ထံတော်ပါးသို့ တခဏမျှပင် မတိုးဝင်နိုင်၊ ပြီးလျှင် သင်၏ နှလုံးသားသည် ဘုရားသခင်၏ ရှေ့တော်မှောက်တွင် ငြိမ်ဝပ်ခြင်း မရှိနိုင်ဘဲ၊ သင့်တွင် အခြားသော အကြောင်းအရာများ ပေါ်ပေါက်လာသည့်အခါ စိုးရိမ်စိတ်ဝေဒနာကို ခံစားရသည်။ သင်သည် အစဉ်အမြဲ ဇဝေဇဝါဖြစ်လျက်၊ အကြောင်းအရာများအပေါ် ရှင်းလင်းခြင်းမရှိ၊ ငါ၏ မျက်နှာကို မမြင်နိုင်သောကြောင့် သင်သည် ငါ၏ စိတ်နှလုံးကို ရှင်းလင်းစွာ သဘောပေါက် နားလည်နိုင်ခြင်း မရှိပေ။ အကယ်၍ သင်သည် အနည်းငယ်မျှ နားလည် သဘောပေါက်သော်ငြားလည်း၊ သင်သည် သေချာမှုမရှိဘဲ သံသယဖြစ်လျက် ရှိသေးသည်။ သင်၏ နှလုံးသားကို ငါသည် အလုံးစုံ ပိုင်သပြီး၊ သင်၏ စိတ်အာရုံတို့သည် လောကအရာတို့၏ နှောက်ယှက်ခြင်းကို မခံရတော့ဘဲ၊ သင်သည် ကြည်လင်ပြတ်သားပြီး ငြိမ်သက်သော စိတ်အာရုံဖြင့် စောင့်စားသောအချိန်ရောက်မှ၊ ငါသည် ငါ၏ ရည်ရွယ်ချက်များ နှင့်အညီ တစ်စချင်းစီ ထုတ်ဖော်ပြသမည်ဖြစ်သည်။ သင်တို့သည် ငါနှင့် နီးကပ်စေဖို့ရန် ဤလမ်းကြောင်းကို မိမိရရ ဖမ်းဆုပ်ထားသင့်သည်။ သင်တို့အား ဆဲဆိုခြင်း သို့မဟုတ် ရိုက်နှက်ခြင်းပြုသော မည်သူမဆို၊ သို့မဟုတ် သင်တို့အား သူတစ်ပါးတို့ ကမ်းလှမ်းသော အရာများသည် မည်မျှပင် ကောင်းမွန်စေကာမှု၊ ထိုသူများသည် သင်တို့ကို ဘုရားသခင်နှင့် ဝေးကွာစေလျှင် လက်ခံနိုင်ဖွယ်ရာမရှိ။ သင်၏နှလုံးသားကို ငါ၏လက်ထဲ၌ ရှိစေလော့၊ သင်သည် ငါ့ထံမှ လုံးဝ မထွက်ခွာနှင့်။ ထိုကဲ့သို့သော ရင်းနှီးကျွမ်းဝင်ခြင်းနှင့် မိတ်သဟာယဖွဲ့ခြင်းအားဖြင့်၊ သင်၏ မိဘ၊ ခင်ပွန်း၊ သားသမီးများ၊ အခြားသော မိသားစု ဆက်ဆံရေးများ သို့မဟုတ် လောကီရေးရာ သံယောဇဉ် အနှောင်အဖွဲ့များ ဖြစ်ပါစေ၊ မည်သို့သော အရာများမဆို လွင့်ပါးသွားပါလိမ့်မည်။ သင်၏ နှလုံးသားထဲတွင် ဖော်ပြရန် မတတ်စွမ်းနိုင်သည့် အလွန်ချိုမြိန်မှုဖြင့် မွေ့လျော်ရမည် ဖြစ်ပြီး၊ မွှေးကြိုင်သော အနံ့နှင့် အရသာကို ခံစားရမည်ဖြစ်ကာ သင်သည် ငါ့ထံမှ ဧကန်အမှန် ခွဲခွာ၍ ရနိုင်မည်မဟုတ်။ ထိုကဲ့သို့ အစဉ်အမြဲဖြစ်နေပါက၊ သင်တို့သည် ငါ၏ နှလုံးသားထဲတွင် ရှိသောအရာကို နားလည် သဘောပေါက်လာလိမ့်မည်။ ငါသည်သင်တို့၏ လမ်းခရီး ဖြစ်ပြီး အရာခပ်သိမ်းသည် ငါ့ကြောင့် ဖြစ်တည်နေသောကြောင့်၊ သင်တို့သည် ရှေ့သို့ ပို၍ တိုးတက်လာသည်နှင့်အမျှ မည်သည့်အခါမျှ လမ်းပျောက်ခြင်း ရှိလိမ့်မည်မဟုတ်။ သင်၏ဘဝအသက်တာ မည်မျှရင့်ကျက်သည်၊ မည်သည့်အချိန်၌ လောကီရေးရာများကို သင်ရပ်ဆိုင်းပြတ်တောက်မည်၊ သင်၏ စိတ်လှုပ်ရှားမှုများကို မည်သည့်အချိန်၌ သင်ဖယ်ရှားမည်၊ သင်၏ ခင်ပွန်းနှင့် သားသမီးတို့ကို မည်သည့်အချိန်၌ သင်ချန်ထားခဲ့နိုင်မည်၊ သင်၏ဘဝ အသက်တာ မည်သည့်အချိန်၌ ရင့်ကျက်လာမည်၊ စသောအရာ အားလုံးတို့သည် ငါ၏ အစီအစဉ်နှင့်အညီ ဖြစ်သည်။ စိုးရိမ်ကြောင့်ကြခြင်း ရှိရန် မလိုအပ်ပေ။

အပြုသဘောဆောင်သည့်ဘက်မှ သင်သည် ဝင်ရောက်ရမည်။ မလှုပ်မယှက် စောင့်စားနေခဲ့လျှင်၊ ထိုအရာသည် အပျက်သဘောဆောင် နေဆဲသာ ဖြစ်နေပေမည်။ သင်သည် ငါနှင့်အတူ ပူးပေါင်းဆောင်ရွက်ရာ၌ တင်ကြိုတက်ကြွနေရမည် ဖြစ်ပြီး၊ ကြိုးစားအားထုတ်လျက်၊ ဘယ်သောအခါမျှ ပျင်းရိခြင်း မရှိရ။ ငါနှင့်အစဉ်မပြတ် မိတ်သဟာယဖွဲ့ခြင်းနှင့်၊ ပို၍ နက်ရှိုင်းသော ရင်းနှီးကျွမ်းဝင်ခြင်း ရှိရမည်။ အကယ်၍ သင်နားမလည်ပါက၊ ရလဒ်များ အလျင်အမြန် ရရန်အတွက် သည်းမခံနိုင်ခြင်း မဖြစ်ရ။ ငါသည် သင့်အား ထိုအရာကို မပြောပြဘဲ နေခြင်းမျိုး မဟုတ်ဘဲ၊ သင်သည် ငါ့မျက်မှောက်တွင် ငါ့အား အမှီပြုခြင်း ရှိမရှိနှင့်၊ ငါ့အပေါ်တွင် ယုံကြည်စိတ်ချခြင်းဖြင့် မှီခိုအားထားမှု ရှိမရှိကို မြင်တွေ့လိုခြင်းသာဖြစ်သည်။ သင်တို့သည် အစဉ်အမြဲ ငါနှင့် နီးကပ်စွာ တည်နေပြီး၊ အကြောင်းအရာ အလုံးစုံတို့ကို ငါ့လက်ထဲတွင် ထားရှိရမည်။ အချည်းနှီး ပြန်လှည့်မသွားနှင့်။ အချိန် အတိုင်းအတာ တစ်ခုအထိ အမှတ်တမဲ့ ငါနှင့် နီးကပ်စွာ ရှိနေပြီးလျှင်၊ သင့်အား ငါ၏ ရည်ရွယ်ချက်များကို ထုတ်ဖော်ပြသမည်။ သင်သည် ထိုအရာများကို သဘောပေါက်နားလည်လျှင်၊ ငါနှင့် မျက်နှာချင်းဆိုင် အမှန်တကယ် တွေ့ဆုံပြီး၊ သင်သည် ငါ၏ မျက်နှာကို အမှန်တကယ်ပင် ရှာဖွေတွေ့ရှိပြီး ဖြစ်လိမ့်မည်။ သင်သည် စိတ်နှလုံး အတွင်း၌ အလွန်တရာ ရှင်းလင်းလျက်၊ တည်ငြိမ်လိမ့်မည် ဖြစ်ပြီး၊ သင်၌ မှီခိုအားထားစရာ တစ်စုံတစ်ရာ ရှိလိမ့်မည် ဖြစ်ကာ၊ သင်၌ တန်ခိုးနှင့် ယုံကြည်မှုတို့လည်း ရှိလိမ့်မည်။ သင်သည် ရှေ့ဆက်ရမည့် လမ်းကြောင်း ရှိလာလိမ့်မည်ဖြစ်ပြီး၊ အရာအားလုံးသည် သင့်အတွက် လွယ်ကူ လာပေလိမ့်မည်။

အရှေ့သို့- အခန်း ၈

နောက်တစ်ခုသို့- အခန်း ၁၀

သင်သည် သခင် ပြန်ကြွလာခြင်းကို ကြိုဆိုသည့်နည်းလမ်း၊ ဘုရားသခင်နှင့် သာ၍ နီးစပ်သော ပေါင်းသင်းဆက်ဆံရေးတစ်ခုကို တည်ထောင်သည့်နည်းလမ်း၊ ဘုရားသခင်ထံ ဆုတောင်းသည့်နည်းလမ်း စသည်တို့ကို သင်ယူလေ့လာ လိုပါသလား။ ကျွန်ုပ်တို့ကို ဆက်သွယ်လိုက်ဖို့ အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ဘုရားသခင်သည် သူ၏စိတ်တော်နှင့် ထိတွေ့သောသူတို့ကို စုံလင်စေသည်

ယခု ဘုရားသခင်သည် သူနှင့်အတူ ပူးပေါင်း ဆောင်ရွက်ရန် ကြိုးပမ်းသူ၊ သူ၏အလုပ်ကို နာခံနိုင်သူ၊ ဘုရားသခင်ပြောသော နှုတ်ကပတ်တော်များကို အမှန်...

နိုင်ငံတော်ခေတ်၌ ဘုရားသခင်၏ရွေးချယ်ခံရသူများလိုက်နာရမည့် အုပ်ချုပ်မှုဆိုင်ရာ အမိန့်တော် ဆယ်ရပ်

၁။ လူသားသည် မိမိကိုယ်ကိုယ် ဂုဏ်တင် ချီးမွမ်းခြင်း မပြုရ။ ဘုရားသခင်ကို ၀တ်ပြု၍ ချီးမွမ်းရမည်။၂။ ဘုရားသခင်၏အမှုတော်အတွက် အကျိုးရှိသမျှကို...

ဆိုးရွားလှသော ပြဿနာ— သစ္စာဖောက်ခြင်း (၁)

များမကြာမီ ငါ၏အမှု ပြီးစီးမည်ဖြစ်ကာ အတူဖြတ်သန်းသော နှစ်ပေါင်းစွာသည် မခံရပ်နိုင်သော မှတ်ဉာဏ်တစ်ခု ဖြစ်လာလေပြီ။ ငါသည် ငါ၏နှုတ်ကပတ်တော်တို့ကို...

ဖောက်ပြန်ပျက်စီးနေသော လူသားမျိုးနွယ်သည် လူ့ဇာတိခံ ဘုရားသခင်၏ ကယ်တင်ခြင်းကို ပို၍လိုအပ်သည်

ဘုရားသခင် လူ့ဇာတိခံယူခဲ့သည့် အကြောင်းမှာ သူ့အမှု၏ အပြုခံအရာသည် စာတန်၏ဝိညာဉ်၊ သို့မဟုတ် အကောင်အထည် မရှိသော မည်သည့်အရာမျှမဟုတ်ဘဲ...

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်