အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှဂန္တဝင်နှုတ်ကပတ်တော်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၁၁။ သမ္မာတရား၏ စစ်မှန်မှုထဲသို့ ဝင်ရောက်ခြင်းနှင့် ပတ်သက်သည့် ဂန္တဝင် နှုတ်ကပတ်တော်များ

(၉) သင်၏ တာဝန်ကို ပြည့်ဝစွာ ဖြည့်ဆည်းခြင်းနှင့် ပတ်သက်သည့် နှုတ်ကပတ်တော်များ

၁၀၄။ ငါတို့၏ဖြစ်တည်မှုအလုံးစုံမှာ ဘုရားသခင်ထံမှလာပြီး ဘုရားသခင်၏ အချုပ်အခြာအာဏာကြောင့် တည်ရှိခြင်းဖြစ်သဖြင့်၊ လူသားမျိုးနွယ်ဝင်များနှင့် ဘာသာတရားကို ကိုင်းရှိုင်းသော ခရစ်ယာန်များအနေဖြင့် ဘုရားသခင်၏တာဝန်ပေးစေခိုင်းချက်ကို ကျေပွန်အောင် လုပ်ဆောင်ရာတွင် မိမိတို့၏ ကိုယ်စိတ်နှလုံးကို ဆက်ကပ်ထားရန်မှာ ငါတို့အားလုံး၏ တာဝန်နှင့် ဝတ္တရားဖြစ်သည်။ အကယ်၍ ငါတို့၏ကိုယ်စိတ်နှလုံးတို့မှာ ဘုရားသခင်၏ တာဝန်ပေးစေခိုင်းချက်အတွက်လည်းမဟုတ်၊ လူသားတို့၏ ဖြောင့်မတ်ခြင်း အကြောင်းတရားအတွက်လည်း မဟုတ်ပါက၊ ငါတို့၏ဝိညာဉ်များသည် ဘုရားသခင်၏ တာဝန်ပေးစေခိုင်းချက်အတွက် ညှဉ်းဆဲသတ်ဖြတ်ခံခဲ့ကြရသောသူများနှင့် ထိုက်တန်လိမ့်မည် မဟုတ်ပေ၊ ငါတို့ကို အရာရာထောက်ပံ့ပေးနေသော ဘုရားသခင်အတွက်ဆိုလျှင်မူ သာ၍ပင် ထိုက်တန်လိမ့်မည် မဟုတ်ချေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူသားမျိုးနွယ်အားလုံး၏ ကံကြမ္မာအပေါ် ဘုရားသခင် တာဝန်ယူဦးဆောင်သည်” မှ

၁၀၅။ ဘုရားသခင်၏ တာ၀န်ပေးစေခိုင်းချက်ကို သင် မည်သို့ သဘောထားသည်မှာ အလွန်အရေးကြီးသော ကိစ္စရပ်တစ်ခု ဖြစ်သည်။ သင့်ကို ဘုရားသခင် အပ်နှံသည့်အရာကို သင် မပြည့်စုံစေနိုင်လျှင်၊ သူ၏ မျက်မှောက်တော်တွင် အသက်ရှင်ရန် သင်သည် မသင့်တော်သကဲ့သို့၊ အပြစ်ပေးခံရသင့်ပေသည်။ ဘုရားသခင်အပ်နှံသည့်အရာကို ပြည့်စုံစေဖို့မှာ လူသားများအတွက် ကောင်းကင်ဘုံ၏ ဥပဒေဖြစ်ပြီး မြေကြီး၏ အခြေခံသဘောတရား ဖြစ်ပေသည်၊ ဤသည်မှာ ၎င်းတို့၏ အမြင့်ဆုံး တာဝန်ဖြစ်ပြီး၊ ၎င်းတို့၏ အသက်တမျှအရေးကြီးပေသည်။ ဘုရားသခင်၏ တာ၀န်ပေးစေခိုင်းချက်ကို သင် အလေးအနက်မထားလျှင်၊ သင်သည် ဘုရားသခင်ကို အဆိုးရွားဆုံးသော နည်းလမ်းဖြင့် သစ္စာဖောက်နေခြင်း ဖြစ်သည်၊ ဤသည်မှာ ယုဒထက် ပိုမိုကြေကွဲဝမ်းနည်းဖွယ်ကောင်းပြီး သင့်ကို ကျိန်ဆဲခံရ ထိုက်တန်စေသည်။ ၎င်းတို့အပေါ် ဘုရားသခင် အပ်နှံသည့်အရာကို ရှုမြင်ပုံနှင့်ပတ်သက်၍ အကုန်အစင် သိနားလည်မှုတစ်ခု လူတို့ ရရှိရမည်ဖြစ်ပြီး၊ အနည်းဆုံးအနေဖြင့်၊ လူသားမျိုးနွယ်ကို ဘုရားသခင် တာဝန်ပေးစေခိုင်းသည်ကို သဘောပေါက်ရမည်- ဤသည်မှာ ဘုရားသခင်ထံမှ ချီးမြှောက်ခြင်းတစ်ခုနှင့် အထူး မျက်နှာသာပေးခြင်းတစ်ခု၊ ဂုဏ်ကျက်သရေအရှိဆုံးသော အရာတစ်ခု ဖြစ်သည်။ အခြားအရာအားလုံးကို စွန့်ပစ်နိုင်သည်- လူတစ်ဦးသည် သူ၏ အသက်ကိုပင် စွန့်လွှတ်ဖို့ရှိသော်လည်း၊ ဘုရားသခင်၏ တာဝန်ပေးစေခိုင်းချက်ကို သူ ဖြည့်ဆည်းမြဲဖြည့်ဆည်းရမည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူ့သဘာဝကို သိရှိရန် နည်းလမ်း” မှ

၁၀၆။ လူ၏တာဝန်နှင့် သူကောင်းချီးမင်္ဂလာခံစားရခြင်း သို့မဟုတ် ကျိန်ခြင်းအမင်္ဂလာခံရခြင်း အကြားတွင် အပြန်အလှန်ဆက်စပ်မှု မရှိ။ တာဝန်မှာ လူအနေဖြင့် ကျေပွန်အောင် ထမ်းဆောင်ရမည့် အရာဖြစ်သည်၊ ၎င်းသည် မလွှဲမရှောင်သာ သူထမ်းဆောင်ရမည့်တာဝန်ဖြစ်ပြီး ဆုလာဘ်ကို မျှော်ကိုးခြင်း၊ အခြေအနေများ သို့မဟုတ် အကြောင်းပြချက်များပေါ်တွင် မမူတည်သင့်ပါ။ ထိုအခါမှသာ သူ၏တာဝန်ကို ထမ်းဆောင်ခြင်းဖြစ်သည်။ ကောင်းချီးမင်္ဂလာခံစားရသော လူတစ်ဦးသည် တရားစီရင်ခြင်းပြီးနောက် ပြီးပြည့်စုံခြင်းသို့ ရောက်သည့်အခါ ကောင်းမြတ်ခြင်းကို ခံစားရသည်။ ကျိန်ခြင်းအမင်္ဂလာခံရသော လူတစ်ဦးသည် ပြစ်တင်ဆုံးမခြင်းနှင့် တရားစီရင်ခြင်းကို ခံရပြီးနောက် စိတ်သဘောထား မပြောင်းလဲသည့်အခါ ပြစ်ဒဏ်ပေးခြင်းကို ခံရသည်၊ တစ်နည်းအားဖြင့် ၎င်းသည် စုံလင်ခြင်းသို့ရောက်ခြင်း မရှိသေး။ ဖန်ဆင်းခံသတ္တဝါဖြစ်သည့် လူသားသည် ကောင်းချီးမင်္ဂလာ ခံစားရသည်ဖြစ်စေ ကျိန်ခြင်းအမင်္ဂလာ ခံရသည်ဖြစ်စေ မိမိ၏တာဝန်ကို ကျေပွန်အောင် ထမ်းဆောင်သင့်သည်၊ မိမိလုပ်သင့်သောအရာတို့ကို လုပ်ဆောင်သင့်ပြီး မိမိလုပ်နိုင်စွမ်းရှိသောအရာတို့ကို လုပ်သင့်သည်။ ဤအရာသည် ဘုရားသခင်ကို ရှာဖွေသော လူသားတစ်ဦးအတွက် အလွန်အခြေခံကျသောအရာ ဖြစ်သည်။ သင်သည် ကောင်းချီးမင်္ဂလာ ခံစားရရန်အတွက်သာ သင်၏တာဝန်ကို မထမ်းဆောင်သင့်၊ ထိုနည်းတူ ကျိန်ခြင်းအမင်္ဂလာခံရမည်ကို စိုးရိမ်ခြင်းကြောင့် လုပ်ဆောင်ရန် ငြင်းပယ်ခြင်း သင်မပြုသင့်။ ဤအရာတစ်ခုကို သင်တို့အား ငါပြောမည်၊ အကယ်၍ လူသည် သူ၏တာဝန်ကို ထမ်းဆောင်နိုင်ပါက ၎င်းသည် သူလုပ်ဆောင်သင့်သောအရာကို သူစွမ်းဆောင်သည်ဟု အဓိပ္ပာယ်ရသည်။ အကယ်၍ လူသည် သူ၏တာဝန်ကို မထမ်းဆောင်နိုင်ပါက ၎င်းသည် လူ၏ဆန့်ကျင်ပုန်ကန်မှုကို ပြသည်ဟု အဓိပ္ပာယ်ရသည်။ လူသည် သူ၏တာဝန်ကို ထမ်းဆောင်နေစဉ်မှာပင် တဖြည်းဖြည်းချင်း ပြောင်းလဲသွားခြင်းမှာ အမြဲဆိုသလို ဖြစ်ပြီး ဤသို့ ထမ်းဆောင်ခြင်းအားဖြင့် သူ၏သစ္စာစောင့်သိခြင်းကို ထင်ရှားစွာ ပြသခြင်းဖြစ်သည်။ ထိုသို့အားဖြင့် သင်သည် သင်၏တာဝန်ကို ပို၍ထမ်းဆောင်နိုင်လေ အမှန်တရားများကို သင်ပို၍ရလေဖြစ်ပြီး သင်၏ထုတ်ဖော်ပြသမှုမှာလည်း ပို၍လက်တွေ့ကျလာမည်။ မိမိတို့၏တာဝန်ကို ထမ်းဆောင်သည့်အခါ စိတ်အားထက်သန်မှုမရှိဘဲ ဝတ်ကျေတမ်းကျေမျှသာ လုပ်သောသူများနှင့် သမ္မာတရားကို မရှာဖွေသောသူများသည် အဆုံးတွင် သုတ်သင်ပယ်ရှင်းခြင်းကို ခံရမည်၊ အဘယ်ကြောင့်ဆိုသော် ထိုသို့သောလူများသည် သမ္မာတရားအတိုင်း ၎င်းတို့၏တာဝန်ကို လက်တွေ့ထမ်းဆောင်ခြင်းမရှိဘဲ ၎င်းတို့၏တာဝန်ကို ကျေပွန်အောင် ထမ်းဆောင်ရာတွင် သမ္မာတရားကို ကျင့်သုံးခြင်းမရှိ။ ထိုသို့သောလူများသည် မပြောင်းမလဲဘဲ ကျန်ရစ်နေမည့်သူများဖြစ်ပြီး ကျိန်ခြင်းကို ခံကြရမည့်သူများဖြစ်သည်။ ၎င်းတို့၏ ထုတ်ဖော်ပြသမှုများမှာ မစင်ကြယ်သည့်အပြင် ၎င်းတို့ ထုတ်ဖော်ပြသသည့် အရာမှာလည်း ကောက်ကျစ်ဆိုးယုတ်မှုပင် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူ့ဇာတိခံယူသော ဘုရားသခင်၏အမှုတော်နှင့် လူ၏တာဝန်တို့အကြား ကွဲပြားခြားနားမှုာ” မှ

၁၀၇။ ဘုရားသခင်ကို ယုံကြည်သောသူတိုင်း သူ၏ အလိုတော်ကို နားလည်သင့်၏။ ၎င်းတို့၏ တာဝန်များကို မှန်မှန်ကန်ကန် ဖြည့်ဆည်းသော သူတို့သာ ဘုရားသခင်ကို စိတ်ကျေနပ်စေနိုင်ကြပြီး၊ ၎င်းတို့ကို သူ အပ်နှံသည့် အလုပ်တာဝန်များကို ဖြည့်ဆည်းခြင်းအားဖြင့်သာ ၎င်းတို့၏ တာဝန်များကို ၎င်းတို့ ဖြည့်ဆည်းခြင်းက စံချိန်မီလိမ့်မည်ဖြစ်သည်။ အလုပ်တာဝန်တစ်ခုကို ပြီးမြောက်စေရာ၌ လူတို့သည် သမ္မာတရားကို လက်တွေ့မကျင့်သုံး သို့မဟုတ် သမ္မာတရားကို မရှာဖွေသည့်အခါ၊ သူတို့သည် သမ္မာတရား၌ သူတို့၏ စိတ်နှလုံးများကို မဆက်ကပ်သည့်အခါ၊ တစ်နည်းအားဖြင့် သူတို့သည် အာဂုံဆောင်ရန် သူတို့၏ ဦးနှောက်များကိုသာ အသုံးပြုခြင်း၊ လုပ်ဆောင်ရန် သူတို့၏ လက်များကိုသာ အသုံးပြုခြင်းနှင့် ပြေးလွှားရန် သူတို့၏ ခြေထောက်များကိုသာ အသုံးပြုခြင်း ရှိသည့်အခါ ဘုရားသခင်၏ တာဝန်ပေးစေခိုင်းချက်ကို သူတို့ အမှန်တကယ် မပြီးမြောက်ကြသေးပေ။ ဘုရားသခင်၏ တာဝန်ပေးစေခိုင်းချက်အား ပြီးမြောက်စေခြင်းအတွက် စံနှုန်းများရှိသည်။ ထိုစံနှုန်းများ အဘယ်နည်း။ သခင်ယေရှုက၊ “သင်၏ဘုရားသခင် ထာဝရဘုရားကို စိတ်နှလုံးအကြွင်းမဲ့၊ ဉာဏ်ရှိသမျှ၊ ကိုယ်စွမ်းရှိသမျှနှင့်ချစ်လော့” ဟု ပြောခဲ့သည်။ ဘုရားသခင်ကို ချစ်ခြင်းမှာ လူတို့အပေါ် ဘုရားသခင် သတ်မှတ်ထားသောအရာထဲမှ ရှုထောင့်တစ်ခုဖြစ်၏။ အမှန်အားဖြင့် ဘုရားသခင်သည် လူတို့အား တာဝန်ပေးစေခိုင်းချက်တစ်ခုကို ပေးသောအခါ၊ ၎င်းတို့သည် ၎င်းတို့၏တာဝန်ကို ယုံကြည်ခြင်းဖြင့် ထမ်းဆောင်သောအခါ၊ ၎င်းတို့အား ကိုယ်တော်သတ်မှတ်ထားသော စံနှုန်းများမှာ ဤအရာများဖြစ်ကြ၏- သင်၏စိတ်နှလုံးအကြွင်းမဲ့၊ ဉာဏ်ရှိသမျှ၊ ကိုယ်စွမ်းရှိသမျှဟူ၍ ဖြစ်သည်။ အကယ်၍ သင်သည် ရောက်လာသော်လည်း သင်၏စိတ်နှလုံးမပါသော်၊ သင်၏ဦးခေါင်းဖြင့် အလုပ်များအကြောင်းကို တွေးပြီး မှတ်ဉာဏ်၌ မှတ်သားသော်လည်း သင်၏စိတ်နှလုံးကို ၎င်းတို့ထဲ၌ မထားသော်၊ သင်၏ကိုယ်ပိုင်အစွမ်းအစများကို အသုံးပြု၍အမှုအရာများကို လုပ်ဆောင်ပြီးစီးလျှင် ယင်းမှာ ဘုရားသခင်၏တာဝန်ပေးစေခိုင်းချက်ကို ပြီးပြည့်စုံစေခြင်းဖြစ်သလော။ ထို့ကြောင့် သင်၏တာဝန်ကို မှန်မှန်ကန်ကန် ထမ်းဆောင်ရန်နှင့် သင့်ကို ဘုရားသခင် အပ်နှံထားသောအရာ ဖြစ်မြောက်စေရန်နှင့် သင်၏တာဝန်ကို သစ္စာရှိရှိ ထမ်းဆောင်ရန်အတွက် မည်သည့်စံနှုန်း ပြည့်မီရမည်နည်း။ ယင်းမှာ သင်၏တာဝန်ကို သင်၏စိတ်နှလုံးအကြွင်းမဲ့၊ ဉာဏ်ရှိသမျှ၊ ကိုယ်စွမ်းရှိသမျှဖြင့် လုပ်ဆောင်ခြင်းဖြစ်၏။ ဘုရားသခင်ကို ချစ်သော စိတ်နှလုံးတစ်ခု သင်၌မရှိလျှင်၊ သင်၏ တာဝန်ကို မှန်မှန်ကန်ကန် ဖြည့်ဆည်းရန် ကြိုးပမ်းခြင်းက အလုပ်ဖြစ်လိမ့်မည် မဟုတ်။ ဘုရားသခင်အတွက် သင်၏ ချစ်ခြင်းမေတ္တာ ပိုတိုး၍ ခိုင်မာလာပြီး ပို၍ပို၍ စစ်မှန်လာလျှင်၊ သင်၏ တာဝန်ကို သင့်စိတ်နှလုံး၊ သင့် ဝိညာဉ်၊ သင့် စိတ်နှင့် ခွန်အား အားလုံးတို့ဖြင့် အလိုအလျောက် သင်ဆောင်ရွက်နိုင်လိမ့်မည် ဖြစ်သည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူတို့ စွဲကိုင်အသက်ရှင်ကြသည့်အရာ” မှ

၁၀၈။ သင်မည်သည့်အရာကို လုပ်ဆောင်ပါစေ၊ အဘယ်ကြောင့် သင်လုပ်ဆောင်နေသည်၊ ဤအရာကို လုပ်ဆောင်ရန် မည်သည့် ရည်ရွယ်ချက်က သင့်ကို ညွှန်ကြားသည်၊ ယင်းကို လုပ်ဆောင်ရာတွင် မည်သည့် အဓိပ္ပါယ်ရှိသည်ဆိုသည်၊ ထိုကိစ္စရပ်၏ သဘောသဘာဝမှာ မည်သည့်အရာဖြစ်သည်နှင့် သင်လုပ်ဆောင်နေသည့်အရာက အပြုသဘောဆောင်သည့်အရာ သို့မဟုတ် အပျက်သဘောဆောင်သည့်အရာ ဟုတ်မဟုတ်ဆိုသည်တို့ကို ဦးစွာပထမ သင်နားလည်သင့်၏။ ဤကိစ္စရပ်အားလုံးကို သင် ရှင်းရှင်းလင်းလင်း သိနားလည်ရမည်၊ ကိုယ်ကျင့်တရားနှင့် ပြုမူနိုင်ရန် ဤအရာက အတော်လေး လိုအပ်ပေသည်။ သင်၏ တာဝန်ကို ဖြည့်ဆည်းဖို့ တစ်စုံတစ်ရာကို သင်လုပ်ဆောင်နေပါက၊ သင် တွေးဆသင့်၏- ဤအရာကို ကျွန်ုပ် မည်သို့ လုပ်သင့်သနည်း။ ကျွန်ုပ်၏ တာဝန်ကို ဝတ်ကျေတမ်းကျေသာ လုပ်ဆောင်မနေဖို့ရန်အလို့ငှာ ကျွန်ုပ်၏ တာဝန်ကို ကျွန်ုပ် မည်သို့ ကောင်းစွာ ဖြည့်ဆည်းသင့်သနည်း။ ဤကိစ္စရပ်တွင် ဘုရားသခင်ထံ သင် တိုးဝင်ချဉ်းကပ်သင့်၏။ ဘုရားသခင်ထံ တိုးဝင်ချဉ်းကပ်ခြင်းဟူသည်မှာ ဤကိစ္စရပ်တွင် သမ္မာတရားကို ရှာဖွေခြင်း၊ လက်တွေ့လုပ်ဆောင်ဖို့ နည်းလမ်းကို ရှာဖွေခြင်း၊ ဘုရားသခင်၏ အလိုတော်ကို ရှာဖွေခြင်းနှင့် ဘုရားသခင်ကို မည်သို့စိတ်ကျေနပ်စေရမည်ကို ရှာဖွေခြင်းတို့ မည်၏။ ဤသည်မှာ သင် လုပ်ဆောင်သမျှတိုင်းတွင် ဘုရားသခင်ထံ တိုးဝင်ချဉ်းကပ်ပုံ ဖြစ်သည်။ ယင်းတွင် ဘာသာရေး အခမ်းအနားတစ်ခု သို့မဟုတ် အပြင်ပန်း လုပ်ရပ်တစ်ခု ဆောင်ရွက်ခြင်း မပါဝင်ပေ၊ ဘုရားသခင်၏ အလိုတော်အား ရှာဖွေပြီးနောက် သမ္မာတရားနှင့်အညီ လက်တွေ့လုပ်ဆောင်ခြင်း ရည်ရွယ်ချက်အတွက် ယင်းကို လုပ်ဆောင်ခြင်းဖြစ်သည်။ သင် မည်သည့်အရာကိုမျှ မလုပ်ဆောင်ရသေးသည့်အချိန်တွင် “ဘုရားသခင်ကို ကျေးဇူးတင်ပါသည်”ဟု သင် အမြဲဆိုသော်လည်း၊ တစ်စုံတစ်ရာကို သင် လုပ်ဆောင်နေသောအခါ ယင်းကို သင် လိုချင်သည့်နည်းလမ်းအတိုင်း ဆက်လက်လုပ်ဆောင်လျှင်၊ ဤသို့သော ကျေးဇူးတင်ရှိခြင်းမျိုးသည် အပြင်ပန်း လုပ်ရပ်တစ်ခုသာ ဖြစ်၏။ သင်၏ တာဝန်ကို ဖြည့်ဆည်းနေချိန် သို့မဟုတ် တစ်စုံတစ်ရာ လုပ်ဆောင်နေချိန်တွင်၊ သင် အမြဲ စဉ်းစားသင့်၏- ဤတာဝန်ကို ကျွန်ုပ် မည်သို့ ဖြည့်ဆည်းသင့်သနည်း။ ဘုရားသခင်၏ ရည်ရွယ်ချက်မှာ အဘယ်နည်း။ သင်လုပ်နေသည့် အရာမှတဆင့် ဘုရားသခင်ထံသို့ တိုးဝင်ချဉ်းကပ်လော့၊ ထိုသို့လုပ်ဆောင်ခြင်းဖြင့်၊ သင်၏ လုပ်ရပ်များနောက်ကွယ်က အခြေခံသဘောတရားများနှင့် သမ္မာတရားအပြင် ဘုရားသခင်၏ ရည်ရွယ်ချက်ကို သင်ရှာဖွေပြီး သင် မည်သည့်အရာ လုပ်ဆောင် သည်ဖြစ်စေ ဘုရားသခင်ထံမှ လမ်းလွဲလိမ့်မည်မဟုတ်ပေ။ ထိုသို့သော လူတစ်ဦးသည်သာ ဘုရားသခင်ကို အမှန်တကယ် ယုံကြည်၏။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်၏အလိုကို ရှာဖွေခြင်းမှာ သမ္မာတရားကို လက်တွေ့ကျင့်ဆောင်ရန်အတွက် ဖြစ်၏” မှ

၁၀၉။ သင်မည်သည့်တာဝန်ကို ထမ်းဆောင်သည်ဖြစ်ပါစေ၊ သင်၏တာဝန်နှင့်ပတ်သက်၍ ဘုရားသခင်၏အလိုတော်နှင့် ကိုယ်တော်၏ သတ်မှတ်ချက်များကို နားလည်သဘောပေါက်ရန် အစဉ်ကြိုးစားရမည်၊ သို့မှသာ အမှုကိစ္စများကို ကိုယ်ကျင့်တရားနှင့်အညီ ကိုင်တွယ်ဖြေရှင်းနိုင်မည် ဖြစ်သည်။ သင်၏တာဝန်ကို ထမ်းဆောင်ရာတွင် သင်ပြုလိုသည်အတိုင်း ပြုခြင်း၊ သင် လုပ်၍ပျော်သည့်အရာနှင့် လုပ်ဆောင်ရန် သက်သောင့်သက်သာရှိသော အရာမှန်သမျှ၊ သို့မဟုတ် သင့်ကို အကောင်းမြင်စေမည့် အရာမှန်သမျှကိုသာ လုပ်ဆောင်ခြင်းဖြင့် သင်၏ ကိုယ်ပိုင်နှစ်သက်မှုများအရ လုံး၀ မပြုနိုင်ပေ။ အကယ်၍ သင်သည် သင်၏နှစ်သက်မှုများကို ဘုရားသခင်အပေါ် အခိုင်အမာ သတ်မှတ်ခြင်း သို့မဟုတ် ၎င်းတို့အား သမ္မာတရားကဲ့သို့ လက်တွေ့လုပ်ဆောင်ခြင်းပြုပါက၊ ၎င်းတို့မှာ သမ္မာတရား၏အခြေခံသဘောတရားများကဲ့သို့ ၎င်းတို့အား လိုက်နာပါက၊ ၎င်းမှာ သင်၏တာဝန်ကို ကျေပွန်အောင်ထမ်းဆောင်နေခြင်း မဟုတ်၊ ထို့အပြင် သင်၏တာဝန်ကို ဤကဲ့သို့ ထမ်းဆောင်နေခြင်းကို ဘုရားသခင်မှ အမှတ်ရမည် မဟုတ်ပေ။…လူအချို့တို့သည် သမ္မာတရားကို နားမလည်ကြသကဲ့သို့၊ ၎င်းတို့၏ တာဝန်များကို ဖြည့်ဆည်းခြင်းမှာ မည်သည့်အရာ ဆိုလိုသည်ကို သူတို့ မသိကြ။ ၎င်းတို့၏ စိတ်နှလုံးနှင့် အားထုတ်မှုတို့ကို ယင်းတွင် ထားရှိပြီးဖြစ်ကာ၊ ဇာတိပကတိကို စွန့်လွှတ်ခြင်း၏ အကျိုးဆက်တစ်ခုအဖြစ် ဆင်းရဲဒုက္ခ ခံစားပြီးဖြစ်သည့်အတွက်၊ ၎င်းတို့၏ တာဝန်များကို ဖြည့်ဆည်းခြင်းသည် စံချိန်မီသင့်သည်ဟု ၎င်းတို့ ခံစားကြသည်- သို့ဆိုလျှင်၊ ဘုရားသခင်သည် အဘယ်ကြောင့် အစဉ်အမြဲ စိတ်မကျေမနပ်ဖြစ်နေသနည်း။ ဤလူတို့သည် မည်သည့်နေရာတွင် မှားယွင်းခဲ့ကြပြီနည်း။ ၎င်းတို့၏ အမှားမှာ ဘုရားသခင်၏ သတ်မှတ်ချက်များကို ရှာဖွေရန် မကြိုးစားခြင်း မဟုတ်ဘဲ၊ ယင်းအစား မိမိတို့၏ ကိုယ်ပိုင် ရည်ရွယ်ချက်များအတိုင်း ပြုမူကြခြင်း ဖြစ်သည်၊ ၎င်းတို့၏ ကိုယ်ပိုင် စိတ်ဆန္ဒများ၊ နှစ်သက်မှုများနှင့် တစ်ကိုယ်ကောင်းဆန်သော ရည်ရွယ်ချက်များကို သမ္မာတရားအဖြစ် ၎င်းတို့ သဘောထားကြသည်။ ထို့ပြင် သူတို့သည် ထိုအရာများကို ဘုရားသခင်၏ နှစ်သက်မှုများဖြစ်ကြသကဲ့သို့၊ သူ၏ စံနှုန်းများနှင့် သတ်မှတ်ချက်များကို ၎င်းတို့ ပြည့်မီကြသည့်အလား သဘောထားကြသည်။ သူတို့သည် မှန်ကန်၊ ကောင်းမြတ်ပြီး လှပသည်ဟု သူတို့ ယုံကြည်သည့်အရာများကို သမ္မာတရားအဖြစ် မြင်ကြလေသည်။ ဤသည်မှာ အမှားတစ်ခုဖြစ်ပေ၏။ တစ်စုံတစ်ရာ မှန်ကန်သည်ဟု သင် ထင်ကောင်းထင်နိုင်သော်လည်း၊ အခြေခံသဘောတရားများကို သင် ရှာဖွေရဦးမည်ဖြစ်ကာ သင် စဉ်းစားနေသည့်အရာသည် ဘုရားသခင်၏ သတ်မှတ်ချက်များနှင့် ပြည့်မီခြင်းရှိမရှိ ကြည့်ရဦးမည်။ ယင်းက သူ၏ သတ်မှတ်ချက်များနှင့် ဝိရောဓိ ဖြစ်နေခဲ့လျှင်၊ ယင်းမှာ လူ့စိတ်ကူးဖြစ်သည့်အတွက်မှန်သည်ဟု သင်စဥ်းစားလျှင်ပင် မှားနေပြီး ယင်းကို သင် စွန့်ပစ်ရမည်။ တာဝန်ကား အဘယ်နည်း။ ယင်းမှာ ဘုရားသခင် အပ်နှံထားသည့် ဝာာဝန်ပေးစေခိုင်းချက်တစ်ခုပင် ဖြစ်သည်။ ဤသို့ဆိုလျှင် သင်၏တာဝန်ကို သင် အဘယ်သို့ ဖြည့်ဆည်းသင့်သနည်း။ လူသား၏ ဓမ္မဓိဋ္ဌာန်မကျသော စိတ်ဆန္ဒများအပေါ် အခြေခံသည်ထက် ဘုရားသခင်၏ သတ်မှတ်ချက်များနှင့် စံနှုန်းများနှင့်အညီ ပြုမူခြင်းနှင့် သမ္မာတရား၏ အခြေခံသဘောတရားများပေါ် သင်၏ အပြုအမူကို အခြေခံခြင်းအားဖြင့်ဖြစ်သည်။ ဤနည်းအားဖြင့် သင်၏ တာဝန်များမှာ စံချိန်မီလိမ့်မည်ဖြစ်သည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရား၏အခြေခံသဘောတရားများကို ရှာဖွေခြင်းဖြင့်သာ သင်၏တာဝန်ကို ကောင်းစွာ ထမ်းဆောင်နိုင်မည်” မှ

၁၁၀။ သင်တို့၏ တာဝန်ကို ဖြည့်ဆည်းနေသည့် သင်တို့ အသီးသီးအတွက်၊ သမ္မာတရားကို သင် မည်သို့ နက်နက်နဲနဲ နားလည်ပါစေ၊ သမ္မာတရား၏ လက်တွေ့အရှိတရားထဲသို့ သင်တို့ ဝင်ရောက်လိုလျှင်၊ လက်တွေ့လုပ်ဆောင်ဖို့ အရိုးရှင်းဆုံးသော နည်းလမ်းမှာ သင်တို့ လုပ်ဆောင်သမျှတိုင်းတွင် ဘုရားသခင့် အိမ်တော်၏ အကျိုးများကို တွေးဖို့ရန်နှင့် သင်၏ တစ်ကိုယ်ကောင်းဆန်သော စိတ်ဆန္ဒများ၊ သင်၏ တစ်ဦးချင်း အကြံ၊ ရည်မှန်းချက်များ၊ မျက်နှာပန်းနှင့် ရာထူးဂုဏ်ဒြပ်တို့ကို လက်လွှတ်ဖို့ ဖြစ်သည်။ ဘုရားသခင့် အိမ်တော်၏ အကျိုးများကို ဦးစားပေးလော့- ဤသည်မှာ သင် အနည်းဆုံး လုပ်ဆောင်သင့်သည့် အရာဖြစ်၏။ ၎င်းတို့၏ တာဝန်ကို ဆောင်ရွက်နေသည့် လူတစ်ဦးသည် ဤမျှလောက်ပင် မလုပ်ဆောင်နိုင်လျှင်၊ သူတို့၏ တာဝန်ကို လုပ်ဆောင်နေပါသည်ဟု သူတို့ကို အဘယ်သို့ ပြောနိုင်မည်နည်း။ ဤသည်မှာ လူတစ်ဦး၏ တာဝန်ကို လုပ်ဆောင်နေခြင်း မဟုတ်ပေ။ ဘုရားသခင့် အိမ်တော်၏ အကျိုးများကို သင် ပထမဦးဆုံး စဉ်းစားသင့်သည်၊ ဘုရားသခင်၏ ကိုယ်ပိုင်အကျိုးများနှင့် သူ၏ အမှုတော်တို့ကို စဉ်းစားသင့်ပြီး၊ ဤအရာများကို ဦးစွာပထမ ထည့်သွင်းစဉ်းစားသင့်၏။ ထို့နောက်တွင်မှ၊ သင့်အဆင့်အတန်း၏ တည်ငြိမ်မှု သို့မဟုတ် အခြားသူများက သင့်ကို မည်သို့ မြင်သည်တို့နှင့်ပတ်သက်၍ သင် စဉ်းစားသင့်ပေသည်။ ယင်းကို ဤအဆင့်များအဖြစ်သို့ ပိုင်းခြားလိုက်ပြီး အပေးအယူအချို့ ပြုလုပ်သည့်အခါ၊ အနည်းငယ် ပိုမို လွယ်ကူသွားသည်ဟု သင် မခံစားရသလော။ ခဏတာ ဤအရာကို သင် လုပ်ဆောင်လျှင်၊ ဘုရားသခင်ကို စိတ်ကျေနပ်စေခြင်းမှာ ခက်ခဲသော ကိစ္စရပ်တစ်ခု မဟုတ်ဟု သင် ခံစားလာရလိမ့်မည်။ ထို့အပြင်၊ သင်၏ တာဝန်များကို သင်ဖြည့်ဆည်းနိုင်လျှင်၊ သင်၏ တာဝန်များနှင့် ဝတ္တရားများကို ဆောင်ရွက်နိုင်လျှင်၊ သင်၏ တစ်ကိုယ်ကောင်းဆန်သော စိတ်ဆန္ဒများကို ဘေးဖယ်ထားနိုင်လျှင်၊ သင်၏ ကိုယ်ပိုင် အကြံများနှင့် ရည်ရွယ်ချက်များကို ဘေးဖယ်ထားနိုင်လျှင်၊ ဘုရားသခင်၏ အလိုတော်ကို အရေးထားနိုင်ပြီး ဘုရားသခင်နှင့် သူ၏အိမ်တော်တို့၏ အကျိုးများကို ဦးစားပေးနိုင်လျှင်၊ ဤအတွေ့အကြုံမျိုး တစ်ခဏကြာပြီးနောက်တွင်၊ ဤသည်မှာ အသက်ရှင်ရန် ကောင်းမွန်သော နည်းလမ်းတစ်ခု ဖြစ်သည်ဟု သင်ခံစားရလိမ့်မည်- ယင်းမှာ ယုတ်ညံ့သောလူတစ်ဦး သို့မဟုတ် အသုံးမကျသောလူတစ်ဦး မဖြစ်ဘဲ ရိုးရိုးစင်းစင်းနှင့် ရိုးသားစွာ အသက်ရှင်ခြင်း ဖြစ်ပြီး၊ စိတ်သဘောထားကျဉ်းမြောင်းခြင်း သို့မဟုတ် ခက်ထန်ခြင်းထက် မျှမျှတတ နှင့် သိက္ခာရှိရှိ အသက်ရှင်ခြင်း ဖြစ်သည်၊ ဤသည်မှာ လူတစ်ဦး အသက်ရှင်၊ ပြုမူသင့်သည့်ပုံဖြစ်သည်ဟု သင်ခံစားရလိမ့်မည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သောစိတ်နှလုံးကို ဘုရားသခင်ထံလှည့်ပြီးသည့်အခါမှ သမ္မာတရားကို သင်ရနိုင်မည်” မှ

၁၁၁။ သင်ပြုသမျှအရာတိုင်းတွင် ဘုရားသခင်၏ အလိုတော်ကို ဖြည့်ဆည်းဖို့အတွက် ဆက်ကပ်ရန် သင်ဆန္ဒရှိပါက သင်သည် တာဝန်တစ်ခုကိုသာ ထမ်းဆောင်ရုံ ထမ်းဆောင်၍မရနိုင်ပေ၊ သင့်အပေါ် ဘုရားသခင်နှင်းအပ်သည့် မည်သည့် တာဝန်ပေးခိုင်းစေချက်ကိုမဆို လက်ခံရမည်။ သင့်အကြိုက်များနှင့် ကိုက်ညီပြီး သင့်စိတ်ဝင်စားမှုများ အတိုင်းအတာအတွင်း ရှိသည်ဖြစ်စေ၊ မရှိသည်ဖြစ်စေ၊ သင် မပျော်ပိုက်သော သို့မဟုတ် ယခင်က မည်သည့်အခါမျှ မပြုလုပ်ခဲ့ဖူးသောအရာ ဖြစ်စေ၊ သို့မဟုတ် ခက်ခဲသောအရာတစ်ခု ဖြစ်စေဦးတော့၊ ယင်းကို သင်လက်ခံပြီး ံနာခံသင့်သည်။ သင် လက်ခံရမည်သာမက ယင်းကို တက်ကြွထက်သန်စွာ ပူးပေါင်းလုပ်ဆောင်၊ သင်ယူလေ့ကျက်ပြီး ဝင်ရောက်မှု ရှိရမည်။ အကယ်၍ သင်သည် ဒုက္ခဆင်းရဲခံစားရပြီး ကြံ့ကြံ့ခံနိုင်စွမ်းနှင့် ထင်ပေါ်နိုင်စွမ်း မရှိခဲ့ဖူးလျှင်ပင် သင်၏ ဆက်ကပ်မှု၌ သင် သစ္စာစောင့်သိရဦးမည် ဖြစ်သည်။ ယင်းကို သင်ဖြည့်ဆည်းရမည့် တာဝန်အဖြစ် သင်မှတ်ယူရမည်ဖြစ်ပြီး၊ ကိုယ်ပိုင်လုပ်ငန်းမဟုတ်ဘဲ သင်၏တာဝန်အဖြစ် မှတ်ယူရပေမည်။ လူတို့သည် သူတို့၏ တာဝန်များကို အဘယ်သို့ နားလည်သင့်သနည်း။ ဖန်ဆင်းရှင် ဘုရားသခင်က လူတစ်ဦးကို ပြုလုပ်ရမည့် အလုပ်တာဝန်တစ်ခု ပေးသည့်အခါနှင့် ထိုအခိုက်အတန့်တွင် ထိုလူ၏တာဝန် ပေါ်လာခြင်းဖြစ်သည်။ သင့်ကို ဘုရားသခင်ပေးသည့် အလုပ်တာဝန်များ၊ သင့်ကို ဘုရားသခင်ပေးသည့် တာဝန်ပေးခိုင်းစေချက်များ၊ ဤအရာများမှာ သင်၏ တာဝန်များဖြစ်သည်။ ယင်းတို့ကို သင်၏ ပန်းတိုင်များအဖြစ် သင်လိုက်လျှောက်ပြီး ဘုရားသခင်ကို ချစ်သောနှလုံးသား သင်၌ အမှန်တကယ်ရှိသောအခါ ဘုရားသခင်၏ တာဝန်ပေးခိုင်းစေချက်ကို သင်ငြင်းဆန်လိမ့်မည်လော။ (မငြင်းဆန်ရပေ။) ယင်းမှာ ငြင်းဆန်နိုင်သည်၊ သို့မဟုတ် မငြင်းဆန်နိုင်ဟူသည့် ကိစ္စတစ်ရပ် မဟုတ်၊ သင်မငြင်းဆန်သင့်ပါ ဟူသည့်အကြောင်းပင် ဖြစ်သည်။ ယင်းကို သင်လက်ခံသင့်သည့် မဟုတ်ပါလော။ ဤသည်မှာ လက်တွေ့လုပ်ဆောင်ခြင်း၏ လမ်းကြောင်းဖြစ်သည်။ လက်တွေ့လုပ်ဆောင်ခြင်း၏ လမ်းကြောင်းမှာ အဘယ်နည်း။ (အရာခပ်သိမ်းတို့တွင် လုံးလုံးလျားလျား ဆက်ကပ်ခြင်းပင် ဖြစ်သည်။) ဘုရားသခင်၏ အလိုတော်ကို ဖြည့်ဆည်းရန်အတွက် အရာခပ်သိမ်း၌ ဆက်ကပ်လော့။ ဤတွင် မည်သည့်အရာက အခရာဖြစ်သနည်း။ ယင်းမှာ “အရာခပ်သိမ်း” ပင် ဖြစ်သည်။ “အရာခပ်သိမ်း” ဟူသည်မှာ သင်နှင့် ရင်းနှီးပြီးသား အရာများကို မဆိုထားနှင့်၊ သင်နှစ်သက်သော သို့မဟုတ် သင်ကျွမ်းကျင်သောအရာများကို ဆိုလိုသည် မဟုတ်ပါပေ။ တစ်ခါတစ်ရံ သင် လေ့လာသင်ယူရန် လိုလိမ့်မည်၊ တစ်ခါတစ်ရံ အခက်အခဲများကို သင်ကြုံကြိုက်ရလိမ့်မည်၊ ထို့ပြင် တစ်ခါတစ်ရံ သင် ဒုက္ခခံရမည်ဖြစ်သည်။ သို့သော်လည်း အဘယ်အလုပ်တာဝန်ဖြစ်စေ၊ ယင်းကို ဘုရားသခင်က ခိုင်းစေခြင်းဖြစ်သရွေ့ ယင်းကို သူ့ထံမှ လက်ခံရမည်၊ သင်၏ တာဝန်အဖြစ် မှတ်ယူရမည်၊ ယင်းကို ပြည့်စုံစေရန် ဆက်ကပ်ပြီး ဘုရားသခင်၏ အလိုတော်ကို ဖြည့်ဆည်းလော့- ဤသည်မှာ လက်တွေ့လုပ်ဆောင်မှု လမ်းကြောင်းပင်တည်း။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ရိုသားသောလူတစ်ဦး ဖြစ်ခြင်းအားဖြင့်သာ လူတစ်ဦးသည် အမှန်တကယ် ပျော်ရွှင်နိုင်၏” မှ

၁၁၂။ သင်တို့သည် ပွင့်လင်းပြီး တည်ကြည်သော နှလုံးသားများဖြင့် သင်တို့၏တာဝန်ကို ကျေပွန်အောင် အစွမ်းကုန် လုပ်ဆောင်သင့်သည်၊ မည်သည့်အရာကိုမဆို ပေးဆပ်ဖို့ ဝန်မလေးဘဲ လုပ်ဆောင်လိုသောစိတ် ရှိသင့်သည်။ သင်တို့ ပြောခဲ့ကြသည့်အတိုင်း နေ့ရက်အချိန် ကျရောက်သည့်အခါ ဘုရားသခင်သည် သူ့အတွက် ဒုက္ခခံခဲ့သူ သို့မဟုတ် ပေးဆပ်ခဲ့သူ မှန်သမျှကို မတရားဆက်ဆံမည် မဟုတ်ပေ။ ဤခံယူချက်မျိုးသည် စွဲကိုင်ထားထိုက်သည့် ခံယူချက်မျိုးဖြစ်ပြီး ထိုအရာကို သင်မည်သည့်အခါမျှ မမေ့သင့်ပေ။ ဤနည်းအားဖြင့်သာ သင်တို့ကို ငါစိတ်ချနိုင်မည်ဖြစ်သည်။ သို့မဟုတ်လျှင် သင်တို့နှင့်ပတ်သက်၍ မည်သည့်အခါမျှ ငါစိတ်အေးလက်အေးနေနိုင်မည် မဟုတ်သည့်အပြင် သင်တို့သည် ငါ၏ မနှစ်မြို့ခြင်းခံရသူများ အစဉ်ဖြစ်နေလိမ့်မည်။ သင်တို့အားလုံးသည် သင်တို့၏ သြတပ္ပစိတ်ကို နာခံပြီး ငါ့အတွက် သင်၏အရာအားလုံးကို ပေးဆပ်ကာ ငါ၏အလုပ်အတွက် အစွမ်းကုန်ကြိုးစားရုံသာမက ငါ၏ဧဝံဂေလိလုပ်ငန်းအတွက် တစ်သက်လုံး ကြိုးပမ်းဆောင်ရွက်နိုင်မည်ဆိုပါက ငါ၏နှလုံးသားသည် သင်တို့အတွက် ဝမ်းမြောက်မှုဖြင့် မကြာခဏခုန်ပေါက်နေမည် မဟုတ်လော။ သင်တို့နှင့်ပတ်သက်၍ ငါ လုံးလုံးစိတ်ချနိုင်မည် မဟုတ်လော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ပန်းတိုင်” မှ

၁၁၃။ ယခုတွင် ငါသည် သင်တို့ကို လက်တွေ့လုပ်ဆောင်ခြင်း၏ အခြေခံသဘောတရား တစ်ခုအကြောင်း ပြောမည်- သင် မည်သည့်အရာကို ကြုံသည်ဖြစ်စေ၊ ထိုအရာသည် သင့်ကို စမ်းသပ်စစ်ဆေးသည် ဖြစ်စေ၊ သို့မဟုတ် သင် ကိုင်တွယ်ဖြေရှင်းခြင်း ခံနေရသည့် အခြေအနေတစ်ခု၌ ဖြစ်စေ၊ အခြားသူများက သင့်ကို မည်သို့ပင် ပြုမူဆက်ဆံစေကာမူ၊ ပထမဦးစွာ သင်သည် ထိုအရာကို ဘေးဖယ်ထားပြီး ဘုရားသခင်ရှေ့၌ ဆုတောင်းရမည်။ သင်သည် စိတ်ဝိညာဉ်ထံ ပြန်သွားရမည်၊ သင့်စိတ်ဝိညာဉ်၌ သဟဇာတဖြစ်ခြင်းကို ပြန်လည်ထိန်းသိမ်းပြီး သင်၏ အခြေအနေကို နေသားတကျ ပြန်ဖြစ်စေရမည် ဖြစ်သည်။ ဤသည်မှာ ဦးစွာ ဖြေရှင်းသင့်သည့် အရာဖြစ်သည်။ “ဒီအရာ ဘယ်လောက်ကြီးမားကြီးမား၊ မိုးပြိုကျပြီး ဓားမိုးရွာချပါစေ၊ ငါ့တာဝန်ကို ငါ ကောင်းကောင်း ထမ်းဆောင်ရမယ်၊ ငါ အသက်ရှူနေသရွေ့ ငါ့တာဝန်ကို ငါ အရှုံးမပေးနိုင်ဘူး” ဟု သင်ဆိုသည်။ ဤသို့ဆိုလျှင် သင်၏ တာဝန်ကို သင် အဘယ်သို့ ကောင်းစွာ ထမ်းဆောင်နိုင်မည်နည်း။ ယင်းသည် ဟန်ဆောင်လုပ်ပြရုံမျှ မဟုတ်သည့်အပြင် ခန္ဓာအားဖြင့် ရှိနေသော်လည်း စိတ်မပါဘဲနေခြင်းလည်း မဟုတ်ပါပေ။ သင်သည် သင့်တာဝန်ကို ဖြည့်ဆည်းရာ၌ သင်စိတ်ပါရမည်ဖြစ်သည်။ သင် ရင်ဆိုင်တွေ့နိုင်သည့် ပြဿနာမှာ မည်မျှကြီးမားပါစေ၊ သင်သည် ယင်းကို ဘေးဖယ်ပြီး ဘုရားသခင်ထံ လှည့်ပြန်ရမည်ဖြစ်ကာ၊ ဘုရားသခင်၏ ကျေနပ်အားရမှုအတွက် သင်၏တာဝန်အား မည်သို့ ထမ်းဆောင်ရမည်ကို ရှာဖွေရမည်ဖြစ်သည်။ သင်သည် “ဒီပြဿနာကို ဒီနေ့ ကြုံနေရတဲ့အခါမှာ ငါ့တာဝန်ကို ဖြည့်ဆည်းဖို့ ဘာလုပ်သင့်သလဲ။ အရင်က ဝတ်ကျေတမ်းကျေပုံစံနဲ့ ငါ အမှုအရာတွေကို ပြုလုပ်ခဲ့တယ်၊ ဒါပေမဲ့ ဒီနေ့တော့ ငါ့ရဲ့ လုပ်နည်းကိုင်နည်းကို ပြောင်းလဲပြီး အဲဒါကို ပိုကောင်းအောင် လုပ်ဖို့ ကြိုးစားရမယ်၊ ဒါမှသာ အဲဒါဟာ လုံးဝ ချို့ယွင်းချက်ကင်းမယ်။ အဓိကကတော့ ငါ ဘုရားသခင်ကို စိတ်မပျက်စေဖို့ပဲ၊ ငါ ကိုယ်တော့်ကို အေးအေးလူလူ ဖြစ်စေပြီးတော့ ငါ့တာဝန်ကို ငါထမ်းဆောင်နေတဲ့အခါမှာ ကောင်းကောင်းပြုမူပြီး နာခံရုံသာမက ငါ သစ္စာလည်းရှိတယ် ဆိုတာ ကိုယ်တော့်ကို တွေ့မြင်စေရမယ်” ဟု တွေးဆသင့်သည်။ သင် ဤနည်းအတိုင်း လက်တွေ့လုပ်ဆောင်ပါက၊ ထို့ပြင် ဤအရာ၌ သင်အားထုတ်ကြိုးပမ်းပါက သင်၏တာဝန်မှာ ထိခိုက်မည် မဟုတ်ဘဲ၊ သင်သည် ယင်းကို ကောင်းစွာ ထမ်းဆောင်နိုင်စွမ်း ရှိလိမ့်မည်။ ပြီးလျှင် သင် ဆက်လက်ဆုတောင်းပြီး ပြင်ဆင်ချက်များ ပြုလုပ်သည့်အခါ သင်၏ အခြေအနေမှာ ပို၍ပို၍ ပုံမှန်ဖြစ်လာလိမ့်မည်၊ ယင်းနောက်တွင်ကား သင်သည် သင်၏တာဝန်ကို ဖြည့်ဆည်းရာ၌ ပို၍ပို၍ ကျွမ်းကျင်လာလိမ့်မည်ဖြစ်သည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “အသက်တာထဲဝင်ရောက်ခြင်းသည် သင်၏တာဝန်များကို ဖြည့်ဆည်းခြင်းမှ စတင်ရမည်” မှ

၁၁၄။ ဘုရားသခင်သည် သင့်အပေါ် မည်သည့်အရာတောင်းဆိုသည်ဖြစ်စေ၊ ယင်းအား သင်၏အလုံးစုံကိုသာ ပေးရန်လို၏။ သင်သည် အဆုံး၌ ဘုရားသခင်၏ရှေ့မှောက်တွင် သူ့အား သင်၏သစ္စာရှိမှုကို ပြနိုင်မည်ဟု မျှော်လင့်ရသည်၊ ထို့အပြင် ဘုရားသခင်၏ ပလ္လင်တော်ပေါ်၌ သူ၏ကျေနပ်နှစ်သက်သော အပြုံးကို သင်မြင်နိုင်သမျှ၊ သင်သေဆုံးသည့်အချိန်ဖြစ်သော်လည်း၊ သင်၏မျက်လုံးများပိတ်စဉ် သင်သည် ရယ်နိုင်၍ ပြုံးနိုင်လိမ့်မည်။ သင်ကမ္ဘာမြေကြီးပေါ် ရှိနေချိန်အတွင်း ဘုရားသခင်အတွက် သင်၏နောက်ဆုံးတာဝန်ကို ဆောင်ရွက်ရမည်။ အတိတ်က ပေတရုသည် ဘုရားသခင်အတွက် ကားစင်တင်၍ ဇောက်ထိုး အဆုံးစီရင်ခံခဲ့ရ၏၊ သို့သော် သင်သည် အဆုံး၌ ဘုရားသခင်ကို ကျေနပ်စေသင့်ပြီး ဘုရားသခင်အတွက် သင်၏အင်အားအလုံးစုံကို သုံးသင့်သည်။ ဖန်ဆင်းခံသတ္တဝါတစ်ဦးသည် ဘုရားသခင်အတွက် ဘာများပြုလုပ်ပေးနိုင်သနည်း။ ထို့ကြောင့် သင်သည် သင့်ကိုယ်သင် ဘုရားသခင်၏ အကြင်နာထံ အချိန်ဆွဲမနေဘဲ မြန်မြန်အပ်နှံသင့်သည်။ ဘုရားသခင်သည် ပျော်ရွှင်၍ကျေနပ်နေသမျှကာလပတ်လုံး၊ သူလုပ်လိုသမျှကို လုပ်စေလော့။ လူသားများတွင် ညည်းညူရန် မည်သည့်အခွင့်ရှိသနည်း။

နှုတ်ကပတ်တော်သည် လူ့ဇာတိ၌ ပေါ်လာ၏စာအုပ်ထဲရှိ “အခန်း ၄၁” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များနှင့်သက်ဆိုင်သော နက်နဲမှုများ၏ အနက်ဖွင့်ဆိုချက် မှ

၁၁၅။ ယနေ့ သင်ပြီးမြောက်ရန် လိုအပ်သည်မှာ ထပ်ဆောင်း တောင်းဆိုမှုများ မဟုတ်ဘဲ၊ လူအားလုံးက လုပ်ဆောင်သင့်သည့် လူ၏တာဝန်သာ ဖြစ်သည်။ အကယ်၍ မိမိ၏တာဝန်ကိုပင် သင်မလုပ်ဆောင်နိုင်ဘူးဆိုပါက၊ သို့မဟုတ် ထိုတာဝန်ကို ကောင်းစွာ သင်မလုပ်ဆောင်နိုင်ပါက၊ သင်သည် မိမိကိုယ်တိုင်အပေါ်သို့ ပြဿနာများ ယူဆောင်လာခြင်းပင် မဟုတ်ပေလော။ သင်သည် သေခြင်းတရားကို ဖိတ်ခေါ်နေသည် မဟုတ်လော။ အနာဂတ်နှင့် အလားအလာများကို သင်သည် အဘယ်သို့လျှင် မျှော်လင့်နေနိုင်သေးသနည်း။ ဘုရားသခင်၏ အလုပ်သည် လူအတွက်ဖြစ်ပြီး၊ လူ၏ ပူးပေါင်းဆောင်ရွက်မှုက ဘုရားသခင်၏ စီမံခန့်ခွဲမှုအတွက် ဖြစ်သည်။ ဘုရားသခင်က သူလုပ်သင့်သည့်အရာ အားလုံးကို လုပ်ဆောင်ပြီးနောက်၊ လူအနေဖြင့် သူ၏လက်တွေ့လုပ်ဆောင်မှုတွင် တွန့်တိုခြင်းမရှိဘဲ ဘုရားသခင်နှင့် ပူးပေါင်းဆောင်ရွက်ရန် လိုအပ်သည်။ ဘုရားသခင်၏အလုပ်ထဲတွင် လူက လုံ့လစိုက်ထုတ်ရန် မသင့်ဘဲ မိမိ၏သစ္စာရှိမှုကို ဆက်ကပ်ရန်လိုအပ်ကာ၊ အယူအဆအမျိုးမျိုးတွင် မွေ့လျော်မနေသင့်၊ သို့မဟုတ် သေခြင်းကိုသာ မလှုပ်မယှက် ထိုင်စောင့်မနေသင့်ပါ။ ဘုရားသခင်သည် သူ့ကိုယ်သူ လူသားအတွက် အနစ်နာခံနိုင်သည်၊ သို့ပြုလျှင် လူက မိမိ၏သစ္စာခံခြင်းကို ဘုရားသခင်အား အဘယ်ကြောင့် မဆက်ကပ်နိုင်သနည်း။ လူသားအပေါ်တွင် ဘုရားသခင်သည် တစ်စိတ်တစ်ဝမ်းတည်း ထားရှိရာ၊ လူက အဘယ်ကြောင့် ပူးပေါင်းဆောင်ရွက်မှု အနည်းငယ်မျှကိုပင် မဆက်ကပ်နိုင်ရသနည်း။ ဘုရားသခင်က လူသားမျိုးနွယ်အတွက် လုပ်ဆောင်သည်၊ သို့ပြုလျှင် လူက ဘုရားသခင်၏ စီမံခန့်ခွဲမှုအတွက် မိမိ၏ တာဝန်အချို့ကို အဘယ်ကြောင့် မလုပ်ဆောင်နိုင်သနည်း။ ဘုရားသခင်၏ အလုပ်သည် ဤအထိရောက်ရှိလာပြီ၊ သို့သော်လည်း သင်မြင်နေရသော်ငြား မလုပ်ဆောင်သေး၊ ကြားပါသော်ငြား သင်မရွေ့။ ထိုသို့သော လူများသည် ထာဝရပြစ်ဒဏ်ခံရသူများ မဟုတ်လော။ ဘုရားသခင်သည် သူ၏အရာအားလုံးကို လူအတွက် ပေးအပ်မြှုပ်နှံထားပြီး ဖြစ်သည်၊ သို့ဆိုလျှင် ယနေ့တွင် လူသည် မိမိ၏တာဝန်ကို အဘယ်ကြောင့် စိတ်အားထက်သန်စွာဖြင့် မလုပ်ဆောင်နိုင်ရသနည်း။ ဘုရားသခင်အတွက် သူ၏အလုပ်သည် ပထမဦးစားပေးဖြစ်ပြီး၊ သူ့စီမံခန့်ခွဲမှု အလုပ်က အရေးအကြီးဆုံးဖြစ်သည်။ လူသားအတွက် ဘုရားသခင်၏ နှုတ်ကပတ်တော်များကို လက်တွေ့လုပ်ဆောင်ခြင်းနှင့် ဘုရားသခင်၏ သတ်မှတ်ချက်များကို ဖြည့်စွမ်းခြင်းက ပထမဦးစားပေးကိစ္စဖြစ်သည်။ ထိုအရာကို သင်တို့အားလုံး နားလည်သင့်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အလုပ်နှင့် လူ၏လက်တွေ့လုပ်ဆောင်မှု” မှ

ယခင်က:(၈) ဘုရားသခင်ကို မည်သို့မည်ပုံ နာခံရန်နှင့် ပတ်သက်သည့် နှုတ်ကပတ်တော်များ

နောက်တစ်ခုသို့:(၁၀) ဘုရားသခင်ကို ကြောက်ရွံ့ခြင်းနှင့် မကောင်းမှုကို ရှောင်ကြဉ်ခြင်းတို့နှင့် ပတ်သက်သည့် နှုတ်ကပတ်တော်များ

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ