အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၄၆

ဤ နှုတ်ကပတ်တော် အားလုံးထဲတွင် ယခုခေတ် နှုတ်ကပတ်တော်များထက် ပို၍ မမေ့နိုင်သော နှုတ်ကပတ်တော်ဟူ၍ မရှိ။ ဘုရားသခင်၏ နှုတ်ကပတ်တော်များသည် လူသား၏ အခြေအနေများ သို့မဟုတ် ကောင်းကင်ဘုံ၏ နက်နဲမှုများကို ယခင်က ထုတ်ဖော်ခဲ့သော်လည်း ဤ မိန့်မြွက်ချက်သည် အတိတ်က မိန့်မြွက်ချက်များ နှင့် ခြားနားသည်။ ၎င်းမှာ သရော်ခြင်း သို့မဟုတ် နောက်ပြောင်းခြင်း မရှိဘဲ လုံးဝ မမျှော်လင့်ထားသော တစ်စုံတစ်ရာ ဖြစ်သည်၊ ဘုရားသခင်သည် ထိုင်ကာ လူတို့နှင့် အေးအေးဆေးဆေး စကားပြောခဲ့သည်။ သူ၏ ရည်ရွယ်ချက်မှာ အဘယ်နည်း။ “ယနေ့တွင် ငါသည် စကြဝဠာများ၏ အထက်တွင် အလုပ်သစ်ကို စတင်ခဲ့ပြီး ဖြစ်သည်။ ကမ္ဘာမြေကြီးပေါ်ရှိ လူတို့အား အသစ်သော အစအဦး တစ်ခုကို ငါ ပေးခဲ့ပြီး ဖြစ်၍ ငါ၏ အိမ်မှ ၎င်းတို့အားလုံး ထွက်သွားရန် စေခိုင်းခဲ့ပြီး ဖြစ်သည်။ ထို့အပြင် လူတို့သည် အမြဲတစေ ၎င်းတို့ကိုယ်ကို အလိုလိုက်ရန် နှစ်သက်ကြသဖြင့် ငါသည် ၎င်းတို့အား မိမိတို့ကိုယ်ကိုယ် သိကြရန်နှင့် ငါ၏ အလုပ်အား အမြဲ မနှောင့်ယှက်ကြရန် အကြံပြုသည် ” ဟု ဘုရားသခင် ပြောသောအခါ သင်တို့သည် မည်သည့်အရာကို မြင်ကြသနည်း။ ထို့အပြင် ဘုရားသခင် ပြောသည့် “အသစ်သော အစအဦး” ဆိုသည်မှာ အဘယ်နည်း။ ဘုရားသခင်သည် လူတို့အား ထွက်သွားကြရန် ယခင်က အကြံပြုခဲ့ပြီး ဖြစ်သည်၊ သို့သော် ထိုစဉ်က ဘုရားသခင်၏ ရည်ရွယ်ချက်မှာ ၎င်းတို့၏ ယုံကြည်ခြင်းကို စမ်းသပ်ရန် ဖြစ်သည်။ ထို့ကြောင့် ယနေ့တွင် သူသည် မတူညီသော သဘောလက္ခဏာ တစ်ခုဖြင့် ပြောသောအခါ သူသည် သဘောရိုးဖြင့် ဖြစ်သလော သို့မဟုတ် ဟန်ဆောင်ခြင်း ဖြစ်သလော။ လူတို့သည် ဘုရားသခင် ပြောခဲ့သော စမ်းသပ်မှုများကို ယခင်က မသိခဲ့ကြပေ။ အစေခံသူများ၏ အလုပ် အဆင့်ကြောင့်သာ ၎င်းတို့၏ မျက်လုံးများသည် မြင်ခဲ့ကြပြီး ၎င်းတို့ကို ဘုရားသခင်၏ စမ်းသပ်မှုများကို ကိုယ်တိုင် ကြုံတွေ့ခဲ့ရခြင်း ဖြစ်သည်။ ထို့ကြောင့် ပေတရု၏ ရာပေါင်းများစွာသော စမ်းသပ်မှုများ၏ဥပမာ ကျေးဇူးကြောင့် ထိုအချိန်မှ စတင်ကာ လူတို့သည် “၎င်းမှာ ဘုရားသခင်၏ စမ်းသပ်မှု ဖြစ်သည်” ဟူ၍ မကြာခဏ တလွဲ ယုံကြည်ခဲ့ကြသည်။ ထိုမျှမက ဘုရားသခင်၏ နှုတ်ကပတ်တော်များထဲတွင် ဖြစ်ရပ်မှန်များ လာခဲ့သော်လည်း ရံဖန်ရံခါမျှသာ ဖြစ်သည်။ ထိုအကြောင်းကြောင့် လူတို့သည် ဘုရားသခင်၏ စမ်းသပ်မှုများ နှင့်ပတ်သက်ပြီး ပို၍ အစွဲအလမ်းကြီးလာခဲ့ကြသဖြင့် ဘုရားသခင် ပြောခဲ့သော နှုတ်ကပတ်တော် အားလုံးတွင် ဤအရာသည် ဘုရားသခင် လုပ်ဆောင်ခဲ့သော ဖြစ်ရပ်မှန်များ၏ အလုပ် ဖြစ်ကြောင်းကို မည်သည့်အခါမျှ ၎င်းတို့ မယုံကြည်ခဲ့ကြခြင်း ဖြစ်သည်၊ ယင်းအစား ဘုရားသခင်သည် အခြား လုပ်စရာ မရှိဘဲ အတိအကျအားဖြင့် နှုတ်ကပတ်တော်များကို အသုံးပြုကာ လူတို့အား စမ်းသပ်ခြင်း ဖြစ်သည်ဟု ယုံကြည်ခဲ့ကြလေသည်။ မျှော်လင့်ချက်ကင်းမဲ့သော်လည်း မျှော်လင့်ချက်ကမ်းလှမ်းပုံရသည့် ဤသို့သော စမ်းသပ်မှုများ အလယ်တွင် လူတို့ လိုက်လျှောက်ခဲ့ကြသဖြင့် “ကျန်ရစ်သောသူ အားလုံးသည် အဆုံး၌ အဖြစ်ဆိုး နှင့် ကံနည်းခြင်းကို ကြုံရန် အလားအလာ ရှိလိမ့်မည်” ဟု ဘုရားသခင် ပြောခဲ့ပြီးသည့် နောက်တွင် လူတို့သည် ၎င်းတို့၏ အာရုံကို လိုက်လျှောက်ခြင်းတွင် ဆက်၍ နှစ်မြှုပ်ခဲ့ကြသောကြောင့် ထွက်သွားရန် ရည်ရွယ်ချက် မရှိခဲ့ကြခြင်း ဖြစ်သည်။ လူတို့သည် ယင်းကဲ့သို့ အတွေးမှားများကြားတွင် လိုက်လျှောက်ခဲ့ကြပြီး မျှော်လင့်ချက် မရှိကြောင်းကို ၎င်းတို့ တစ်ဦးတစ်ယောက်မျှ ကျိန်းသေပေါက် မဆိုရဲကြပေ၊ ၎င်းမှာ ဘုရားသခင်၏ အောင်မြင်ခြင်း၏ သက်သေ တစ်စိတ်တစ်ပိုင်း ဖြစ်သည်။ ဘုရားသခင်သည် အရာခပ်သိမ်းအား သူ၏ အစေခံမှု အောက်တွင် ရှိစေရန် ပဲ့ကိုင်ကြောင်းကို သူ၏ သဘောထားက ပြသလျက်ရှိသည်။ လူတို့၏ အတွေးမှားများသည် မည်သည့် အချိန် သို့မဟုတ် နေရာ၌ ဖြစ်စေ ၎င်းတို့အား ဘုရားသခင်ထံမှ ထွက်မသွားကြရန် တိုက်တွန်းပေးသဖြင့် ဤ အဆင့် အတောအတွင်း ဘုရားသခင်သည် လူတို့၏ မစုံလင်သော စိတ်ပါဝင်စားမှုများကို အသုံးပြုကာ ၎င်းတို့အား သူ့အတွက် သက်သေခံစေသည်၊ ၎င်းမှာ “ငါသည် လူ တစ်စုကို ရခဲ့ပြီ” ဟု ဘုရားသခင် ပြောစဉ်က အလွန်လေးနက်သော အဓိပ္ပာယ်ပင် ဖြစ်သည်။ စာတန်သည် လူ၏ စိတ်ပါဝင်စားမှုများကို အသုံးပြုကာ အနှောင့်အယှက် ဖြစ်စေသော်လည်း ဘုရားသခင်သည် လူ၏ စိတ်ပါဝင်စားမှုများကို အသုံးပြုကာ သူ့အား အစေခံစေသည်၊ ဤသည်မှာ “၎င်းတို့သည် အကြံအဖန်လုပ်၍ ဝင်နိုင်ကြမည်ဟု စိတ်ကူးကြသော်လည်း ၎င်းတို့၏ ဝင်ခွင့် လက်မှတ်အတုများကို ငါ့အား ကမ်းပေးသောအခါ ငါသည် ၎င်းတို့ကို မီးအိုင်ထဲသို့ ချက်ချင်း ပစ်ချမည်၊ ၎င်းတို့၏ “အပတ်တကုတ်လုပ်ရသော ကြိုးပမ်းမှုများကို” မီးလျှံများထဲတွင် ကြည့်ကာ ၎င်းတို့ မျှော်လင့်ချက်မဲ့ကြလေမည်” ဟူသော ဘုရားသခင်၏ နှုတ်ကပတ်တော်များ၏ စစ်မှန်သော အဓိပ္ပာယ် ဖြစ်သည်။ ဘုရားသခင်သည် အရာခပ်သိမ်းကို ပဲ့ကိုင်ကာ ၎င်းတို့အား အစေခံစေသဖြင့် သူသည် လူ၏ အမျိုးမျိုးသော ထင်မြင်ချက်များကို ရှောင်ကွင်းမသွားဘဲ လူတို့အား ထွက်သွားကြရန် ရဲတင်းစွာ ပြောသည်၊ ဤသည်မှာ မှန်ကန်သော နှုတ်ကပတ်တော်များ နှင့် နည်းလမ်းကို တစ်ခုတည်း ပေါင်းစပ်၍ လူတို့အား မိန်းမောမူးဝေစေပြီး စိတ်ရှုပ်ထွေးစေသည့် အံ့သြဖွယ် ဖြစ်ပြီး ဘုရားသခင်၏ အလုပ်၏ အမြော်အမြင်ပင် ဖြစ်သည်။ ဘုရားသခင်သည် လူတို့အား သူ၏ အိမ်မှ အမှန်တကယ် ထွက်ခိုင်းခြင်း ဖြစ်ကြောင်း၊ ဤသည်မှာ စမ်းသပ်မှု အမျိုးအစား တစ်ခု မဟုတ်ကြောင်း နှင့် ဘုရားသခင်သည် ဤ အခွင့်အရေးကို ယူကာ “သို့သော်လည်း လူတို့သည် ကောင်းချီးမင်္ဂလာများကို ရရန် ပျက်ကွက်သည့်အခါ ငါ့ကို မည်သူ တစ်ဦးတစ်ယောက်မျှ ညည်းညူကြမည် မဟုတ်ကြောင်းကိုလည်း ၎င်းတို့အား ငါ ဆိုပြီ” ဟူ၍ ပြောရန် ဖြစ်ကြောင်း ဤအရာမှ မြင်နိုင်သည်။ ဘုရားသခင်၏ နှုတ်ကပတ်တော်များမှာ အစစ်အမှန် ဖြစ်သည် သို့မဟုတ် အတုအယောင် ဖြစ်သည်ကို မည်သူ တစ်ဦးတစ်ယောက်မျှ နားလည်သဘောပေါက်နိုင်ခြင်း မရှိပေ၊ သို့သော်လည်း လူတို့အား တည်ငြိမ်စေရန်၊ ၎င်းတို့၏ ထွက်သွားလိုသည် ဆန္ဒကို ခွာချရန်အတွက် ဤ အခွင့်အရေးကို ဘုရားသခင် အသုံးပြုသည်။ ထို့ကြောင့် အကယ်၍ တစ်နေ့တွင် ၎င်းတို့ ကျိန်ခြင်းကို ခံရသည့်အခါ၊ “အကျည်းတန်သော စကားများသည် ကောင်းသော စကားများ ဖြစ်သည်” ဟူ၍ လူတို့ ဆိုကြသည့်အတိုင်း ၎င်းတို့သည် ဘုရားသခင်၏ နှုတ်ကပတ်တော်များအားဖြင့် ကြိုတင်သတိပေးခြင်းကို ခံခဲ့ရပြီး ဖြစ်လိမ့်မည်။ မျက်မှောက်ခေတ်တွင် ဘုရားသခင်အပေါ် လူတို့၏ ချစ်ခြင်းသည် လေးနက်ပြီး စစ်မှန်သည်၊ ထို့ကြောင့် စစ်မှန်သည်၊ အတုအယောင် ဖြစ်သည်ကို ၎င်းတို့ မပြောနိုင်ခဲ့သော နှုတ်ကပတ်တော်များအားဖြင့် ၎င်းတို့သည် သိမ်းပိုက်ခြင်းကို ခံခဲ့ကြရပြီး ဘုရားသခင်ကို ချစ်တတ်လာခဲ့သည်၊ ဤအကြောင်းကြောင့် ဘုရားသခင်က “ငါ၏ ကြီးမြတ်သော အလုပ်ကို ငါ လုပ်ဆောင်ပြီးမြောက်နှင့်ပြီ” ဟု ဆိုခဲ့ခြင်း ဖြစ်သည်။ “၎င်းတို့သည် ၎င်းတို့၏ ဆက်လက်ရှင်သန်ရန် လမ်းကို ရှာတွေ့မည်ဟု ငါ မျှော်လင့်ပြီး ဤအရာ၌ ငါ တန်ခိုးမရှိပေ” ဟု ဘုရားသခင် ပြောသောအခါ၊ ဤအရာသည် ဘုရားသခင် မိန့်မြွက်သော ဤ နှုတ်ကပတ်တော်များ အားလုံး၏ကို လက်တွေ့ကျခြင်း ဖြစ်သည်၊ သို့သော်လည်း လူတို့သည် ထိုကဲ့သို့ မထင်ကြဘဲ ၎င်းတို့သည် ဘုရားသခင်၏ နှုတ်ကပတ်တော်များကို အနည်းငယ်မျှပင် အာရုံမစိုက်ဘဲ အမြဲ လိုက်လျှောက်ခဲ့ကြသည်။ ထိုအကြောင်းကြောင့် “အနာဂတ်တွင် ငါတို့ အကြား၌ စကား တခွန်းတလေမျှ ရှိတော့မည် မဟုတ်၊ ငါတို့၌ ပြောရန် အကြောင်းအရာ တစ်စုံတစ်ခု ရှိတော့မည် မဟုတ်၊ ငါတို့သည် တစ်ဦး နှင့် တစ်ဦး အနှောင့်အယှက် မပေးဘဲ၊ ငါတို့သည် ကိုယ့်လမ်းကို ကိုယ်သွားကြလိမ့်မည်၊” ဟု ဘုရားသခင် ပြောသောအခါ ဤနှုတ်ကပတ်တော်များမှာ လက်တွေ့ကျပြီး အမည်းစက်ထင်ခြင်း လုံးဝ မရှိပေ။ လူတို့ မည်သို့ပင်ထင်စေကာမူ ဤသည်မှာ ဘုရားသခင်၏ ယုတ္တိမရှိခြင်း ဖြစ်သည်။ ဘုရားသခင်သည် စာတန် ရှေ့တွင် သက်သေခံနှင့်ပြီး ဖြစ်၍ ဘုရားသခင်က သူသည် လူအပေါင်းတို့အား မည်သည့် အချိန် သို့မဟုတ် နေရာ ဖြစ်ပါစေ သူ့ထံမှ ထွက်သွားစေမည် မဟုတ်ဟု ဆိုခဲ့သဖြင့် ဤ အလုပ်၏ အဆင့်မှာ ပြီးပြည့်စုံခဲ့ပြီ ဖြစ်၍ ဘုရားသခင်သည် လူ၏ ညည်းတွားချက်ကို ဂရုစိုက်မည် မဟုတ်ပေ။ သို့သော်လည်း ဘုရားသခင်သည် ဤအရာကို အစကတည်းက ရှင်းလင်းအောင် ပြောခဲ့ပြီး ဖြစ်သဖြင့် လူတို့သည် ခိုကိုးရာမဲ့သော အခြေအနေတွင် ချန်ရစ်ခြင်းကို ခံရပြီး ဝန်ခံတောင်းပန်ရသည့်အဖြစ်သို့ အတင်းအဓမ္မ ရောက်စေမည်ဖြစ်သည်။ ဘုရားသခင် နှင့် စာတန် အကြားရှိ တိုက်ပွဲသည် လူသားအပေါ်၌ လုံး၀မူတည်သည်။ လူတို့သည် မိမိတို့ကိုယ်ကို ထိန်းချုပ်နိုင်ခြင်း မရှိပေ၊ ၎င်းတို့သည် ကောင်းသော ရုပ်သေးရုပ်များပင် အမှန် ဖြစ်သော်လည်း ဘုရားသခင် နှင့် စာတန်သည် ဖြစ်ရပ်များ၏ နောက်ကွယ်မှ ကြိုးများကို ဆွဲကိုင်သော သူများ ဖြစ်ကြသည်။ ဘုရားသခင်သည် လူတို့ကို အသုံးပြု၍ သူ့အတွက် သက်သေခံစေသောအခါ သူသည် သူ စဉ်းစားနိုင်သမျှကို သူ ပြုသည်၊ ဖြစ်နိုင်သမျှကို ပြုကာ လူတို့ကို အသုံးပြု၍ သူ့အတွက် အစေခံခြင်းအမှုကို ပြုစေသည်၊ လူတို့အား စာတန်၏ ကြိုးကိုင်ခြယ်လှယ်ခြင်းကို သာမက ဘုရားသခင်၏ လမ်းပြခြင်းကို ခံစေသည်။ ထို့အပြင် ဘုရားသခင် သက်သေခံစေလိုသော သက်သေခံချက် ပြီးပြတ်သောအခါ သူသည် လူတို့အား တစ်ဖက်သို့ ခါချပြီး သူတို့အား ဒုက္ခဆင်းရဲကို ခံစားစေသည့် အချိန်တွင် ဘုရားသခင်သည် ၎င်းတို့နှင့် မသက်ဆိုင်သကဲ့သို့ ပြုမူလေ၏။ သူသည် လူတို့ကို တဖန် အသုံးပြုလိုသောအခါ ၎င်းတို့အား နောက်ထပ်တစ်ကြိမ် သူ ကောက်ကာ အသုံးပြုပြီး လူတို့သည် ဤအရာကို အနည်းငယ်မျှပင် သတိမပြုမိခဲ့ကြပေ။ ၎င်းတို့သည် သခင် အလိုကျ အသုံးပြုသော နွား သို့မဟုတ် မြင်းတစ်ကောင်မျှသာ ဖြစ်သည်၊ ၎င်းတို့ တစ်ဦးတစ်ယောက်မျှ မိမိကိုယ်ကို ထိန်းချုပ်နိုင်ခြင်း မရှိပေ။ ဤသည်မှာ အနည်းငယ် ဝမ်းနည်ဖွယ်ကောင်းသည်ဟု ထင်ရသော်လည်း လူတို့သည် မိမိတို့ကိုယ်ကို ထိန်းချုပ်နိုင်ခြင်း ရှိသည် ဖြစ်စေ မရှိသည် ဖြစ်စေ ဘုရားသခင်အတွက် အစေခံရခြင်းမှာ ဂုဏ်ယူဖွယ်ရာ ဖြစ်ပြီး စိတ်မကောင်းဖြစ်စေသည့်အကြောင်း တစ်စုံတစ်ရာ မဟုတ်ပေ။ ဘုရားသခင်သည် ဤနည်းဖြင့် ပြုမူသင့်သကဲ့သို့ပင် ဖြစ်သည်။ အနန္တတန်ခိုးရှင်၏ လိုအပ်ချက်ကို ဖြည့်ဆည်းပေးနိုင်ခြင်းမှာ ဂုဏ်ယူဖွယ်သောအရာ တစ်စုံတစ်ခုဖြစ်သည် မဟုတ်လော။ ထို့ကြောင့် သင် အဘယ်သို့ ထင်သနည်း။ ဘုရားသခင်အတွက် အစေခံရန် သင် ဆုံးဖြတ်ချက် ချမှတ်ခဲ့ဖူးသလော။ သင်သည် သင်၏ ကိုယ်ပိုင် လွတ်လပ်ခွင့်ကို ရှာရန် အခွင့်အရေးကို စွဲကိုင်လိုသေး၍ ဖြစ်နိုင်သလော။

မည်သို့ပင်ဖြစ်စေ၊ ဘုရားသခင် ပြုသမျှသည် ကောင်း၍ အတုယူထိုက်သည်၊ ထို့အပြင် အကယ်စင်စစ်တွင် လူသားနှင့် ဘုရားသခင်မှာ ကွဲပြားလှသည်။ ဤ အခြေခံအကြောင်းရင်းကြောင့် သင်၏ ချစ်ခြင်းကို ဘုရားသခင် အလေးထားခြင်း ရှိသည်ဖြစ်စေ မရှိသည်ဖြစ်စေ သင်သည် ဘုရားသခင်ကို လူသားစိတ်နှလုံးဖြင့် ချစ်သင့်ပေသည်။ ဘုရားသခင်၏ စိတ်နှလုံးထဲတွင် ကြီးစွာသော ဝမ်းနည်းမှု ရှိကြောင်းကိုလည်း ဘုရားသခင်၏ နှုတ်ကပတ်တော်များက ပြသလျက်ရှိသည်။ ဘုရားသခင်၏ နှုတ်ကပတ်တော်များကြောင့်သာလျှင် လူတို့သည် စစ်ဆေးခြင်းကို ခံရခြင်း ဖြစ်သည်။ သို့သော်လည်း အကယ်စင်စစ် ဤ အလုပ်သည် မနေ့က အမှန် ဖြစ်ပေါ်ခဲ့သဖြင့် ဘုရားသခင်သည် နောက်ထပ် မည်သည့်အမှုကို ဧကန် ပြုလိမ့်မည်နည်း။ ယနေ့တိုင် ဤအရာသည် လျှို့ဝှက်ချက်တစ်ခုအဖြစ် ဆက်လက်တည်ရှိနေသောကြောင့် လူတို့သည် ၎င်းကို နားလည်နိုင်စွမ်း သို့မဟုတ် နားလည်သဘောပေါက်နိုင်စွမ်း မရှိသော်လည်း ဘုရားသခင်၏ တေးသွားကို စည်းကိုက်၀ါးကိုက် သီဆိုနိုင်ကြမည်။ မည်သို့ပင် ဖြစ်စေကာမူ ဘုရားသခင် ပြောသမျှမှာ အစစ်အမှန် ဖြစ်သည်၊ အားလုံး အမှန်တကယ် ဖြစ်လာသည်၊ ဤသည်မှာ သံသယဖြစ်ဖွယ် မဟုတ်ပေ။

ယခင်က:သုံးဆယ့်ခြောက်ခုမြောက် မိန့်မြွက်ချက်၏ အနက်ဖွင့်ချက်

နောက်တစ်ခုသို့:လမ်းကြောင်း… (၁)

သင်နှစ်သက်နိုင်သည့် အရာများ