အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၂၆

နေ့ရက်တိုင်းကုန်လွန်သွားသည်နှင့်အမျှ ဘုရားသခင်၏နေ့ရက်နီးလာသည်ကို ဘုရားသခင်ပြောသော နှုတ်ကပတ်တော်အားလုံးမှ တွေ့နိုင်သည်။ ယင်းမှာ ဤနေ့ရက်သည် လူတို့၏မျက်စိရှေ့တွင်ရှိနေကာ မနက်ဖြန်တွင် ရောက်လာမည့်အလားဖြစ်သည်။ ထို့ကြောင့် ဘုရားသခင်၏နှုတ်ကပတ်တော်များကို ဖတ်ပြီးနောက် လူအားလုံးတို့သည် ကြောက်လန့်မှုနှင့်ပြည့်လျက်နေကြပြီး လောက၏ ဝမ်းနည်းညှိုးငယ် စိတ်ဆင်းရဲဖွယ် နေရာဖြစ်မှုကို အနည်းငယ်သိကြ၏။ ယင်းမှာ သစ်ရွက်များကြွေ၍ မိုးဖွဲကျကာ လူတို့အားလုံးသည် သဲလွန်စမကျန်ဘဲ ပျောက်သွားခဲ့ကြသည့်အလား၊ ကမ္ဘာမြေကြီးမှ အားလုံးဖျောက်ဖျက်ခံလိုက်ရသည့်အလား ဖြစ်၏။ ၎င်းတို့အားလုံး နိမိတ်ဆိုးတစ်ရပ် ခံစားကြရ၏။ ဘုရားသခင်၏ အလိုတော်သည် အတားအဆီးမရှိဘဲ ချောမွေ့စွာ ရှေ့ဆက်နိုင်ရေးအတွက် ဘုရားသခင်၏ ရည်ရွယ်ချက်များကို ဖြည့်စွမ်းရန် အားလုံးသည် ၎င်းတို့၏ရှိသမျှခွန်အားကို အသုံးပြုလျက် ကြိုးစားသော်လည်း၊ ဘုရားသခင်၏ရည်ရွယ်ချက်များကို ဖြည့်ဆည်းလိုကြသော်လည်း၊ ထိုကဲ့သို့သော သဘောထားသည် အစဉ်ပင် နိမိတ်မကောင်းဟူသည့် ခံစားချက်နှင့် ရောနေ၏။ ယနေ့မိန့်မြွက်ချက်များကို ကြည့်လော့၊ ၎င်းတို့ကို လူအုပ်ကြီးများသို့ ထုတ်ပြန်ပါက၊ စကြဝဠာတစ်ခုလုံးသို့ ကြေညာပါက၊ လူတို့အားလုံးသည် ခေါင်းငုံ့လျက် ငိုကြမည်ဖြစ်သည်၊ အဘယ်ကြောင့်ဆိုသော် နှုတ်ကပတ်တော်တွင် "ငါသည် ကမ္ဘာမြေကြီးတစ်ခုလုံးအပေါ်သို့ စောင့်ကြည့်မည်ဖြစ်ပြီး၊ လောကကြီး၏ အရှေ့အရပ်တွင် ဖြောင့်မတ်ခြင်း၊ ဘုန်းအာနုဘော်၊ အမျက်ဒေါသ၊ ပြစ်တင်ဆုံးမခြင်းတို့နှင့် ပေါ်လာလျက်၊ လူသားမျိုးနွယ် အသင်္ချေထံသို့ ငါ့ကိုယ်ငါ ထုတ်ဖော်ပြမည်။" ဝိညာဉ်ရေးရာများကို နားလည်သူအားလုံးသည် ဘုရားသခင်၏ပြစ်တင်ဆုံးမခြင်းမှ မည်သူမျှ မလွတ်မြောက်နိုင်ကြောင်း၊ ပြစ်တင်ဆုံးမခြင်း၏ဒုက္ခကို တွေ့ကြုံခံစားပြီးနောက် အားလုံးသည် ၎င်းတို့ကိုယ်တိုင်၏ အမျိုးအစားနောက်သို့ လိုက်ကြလိမ့်မည်ဖြစ်ကြောင်းကို တွေ့ကြသည်။ ဤသည်မှာ ဘုရားသခင်၏အမှု၏ အဆင့်တစ်ရပ် စင်စစ်ဖြစ်၍ ယင်းကို မည်သူမျှ မပြောင်းလဲနိုင်ပေ။ ဘုရားသခင်သည် လောကကိုဖန်ဆင်းခဲ့စဉ်၊ လူသားမျိုးနွယ်အား လမ်းပြခဲ့စဉ်၊ သူသည် သူ၏ဉာဏ်အမြော်အမြင်နှင့် အံ့သြဖွယ်ရာကောင်းခြင်းတို့ကို ပြသခဲ့ကာ၊ ဤခေတ်ကာလကို သူအဆုံးသတ်သည့်အခါမှသာ သူ၏ဖြောင့်မတ်ခြင်း၊ ဘုန်းအာနုဘော်၊ ဒေါသအမျက်နှင့် ပြစ်တင်ဆုံးမခြင်းတို့ကို လူတို့မြင်ကြ၏။ ထို့အပြင် ပြစ်တင်ဆုံးမခြင်းအားဖြင့်သာ ၎င်းတို့သည် သူ၏ဖြောင့်မတ်ခြင်း၊ ဘုန်းအာနုဘော်နှင့် ဒေါသအမျက်တို့ကို တွေ့နိုင်၏၊ ဤသည်မှာ သွားရမည့် လမ်းကြောင်းဖြစ်၏။ နောက်ဆုံးသောကာလတွင် ဘုရားသခင်၏ လူ့ဇာတိခံယူခြင်းသည် လိုအပ်၍ မရှိမဖြစ်သကဲ့သို့ ဖြစ်၏။ လူသားမျိုးနွယ်အားလုံး၏အဆုံးကို ကြေညာပြီးနောက် ဘုရားသခင်သည် သူယနေ့လုပ်သည့်အမှုကို လူသားအားပြ၏။ ဥပမာ ဘုရားသခင်မှ "ဟောင်းနွမ်းသော ဣသရေလသည် မတည်ရှိတော့ဘဲ၊ ယနေ့ကာလ၏ ဣသရေလသည် ထမြောက်လေပြီ၊ လောကကြီးတွင် ယင်းသည် မားမားမတ်မတ်နှင့် မြင့်မြင့်မားမားပင် လူသားမျိုးနွယ် အားလုံးတို့၏ နှလုံးသားများထဲတွင် တည်ထားလျက်ရှိသည်။ ယနေ့ကာလ၏ ဣသရေလသည် ငါ၏လူများမှတစ်ဆင့် တည်ရှိဖြစ်တည်မှု၏ ရင်းမြစ်ကို ဧကန်အမှန်ပင် ရရှိလိမ့်မည်။" "အိုး… မုန်းတီးခြင်းနှင့်ပြည့်သော အဲဂုတ္တု၊ … သင်သည် ငါ၏ပြစ်တင်ဆုံးမခြင်းအတွင်း၌ အဘယ်သို့လျှင် တည်ရှိမနေနိင်ရသနည်း" ဟုပြော၏။ ဘုရားသခင်သည် လူတို့အား ဘုရားသခင်၏လက်များရှိ ဖြောင့်ဖြောင့်ကြီး ဆန့်ကျင်နေသော နိုင်ငံနှစ်နိုင်ငံမှ ရရှိသည့်အသီးများကို တမင်သက်သက်ပြ၏။ တစ်ခုမှာ ဥစ္စာပစ္စည်းဖြစ်သည့် ဣသရေလကို ရည်ညွှန်းသည့်သဘောဖြစ်၍ အခြားတစ်ခုမှာ ဘုရားသခင်၏ရွေးကောက်ခြင်း ခံရသူအားလုံးကို ညွှန်ပြနေသည့်သဘောဖြစ်၏၊ ဆိုလိုသည်မှာ ဣသရေလပြောင်းလဲသကဲ့သို့ ဘုရားသခင်၏ ရွေးကောက်ခြင်းခံရသူများ မည်သို့ပြောင်းလဲသည်ကို ညွှန်ပြသည့်သဘောဖြစ်၏။ ဣသရေလသည် ၎င်း၏မူလပုံစံသို့ လုံးဝပြန်ရောက်သွားသည့်အခါ၊ ရွေးကောက်ခံရသူအားလုံးသည် နောက်ပိုင်းတွင် စုံလင်စေခြင်းခံရမည်၊ ဆိုလိုသည်မှာ ဣသရေလသည် ဘုရားသခင်ချစ်သောသူတို့၏ အဓိပ္ပာယ်ရှိသော သင်္ကေတအမှတ်အသားတစ်ခုဖြစ်၏။ ထိုအတောအတွင်း အဲဂုတ္တုသည် ဘုရားသခင်မုန်းတီးသူများ၏ ကိုယ်စားလှယ်များ ပေါင်းဆုံရာအရပ်ဖြစ်၏။ ၎င်းယိုယွင်းပျက်စီးလေလေ၊ ဘုရားသခင်၏မုန်းတီးခြင်းခံရသူတို့သည် ဖောက်ပြန်လေလေဖြစ်လာပြီး ထို့နောက်တွင် ဗာဗုလုန် ကျဆင်းလေ၏။ ဤသည်မှာ ထင်ရှားစွာကွဲပြားမှုဖြစ်စေ၏။ ဣသရေလနှင့် အဲဂုတ္တုတို့၏အဆုံးကို ကြေညာခြင်းဖြင့် ဘုရားသခင်သည် လူအားလုံးတို့၏ ပန်းတိုင်ကို ထုတ်ဖော်၏၊ ထို့ကြောင့် ဣသရေလအကြောင်း ပြောသောအခါ ဘုရားသခင်သည် အဲဂုတ္တုအကြောင်းကိုလည်းပြော၏။ ဤသည်မှ အဲဂုတ္တုပျက်စီးရာနေ့သည် လောကပျက်သုဉ်းရာနေ့ဖြစ်ကြောင်း၊ ဘုရားသခင်မှ လူတို့အားလုံးကို ပြစ်တင်ဆုံးမရာနေ့ဖြစ်ကြောင်း တွေ့နိုင်၏။ ဤသည်မှာ မကြာမီဖြစ်ပေါ်လိမ့်မည်၊ ယင်းကို ဘုရားသခင်မှ အထမြောက်တော့မည်ဖြစ်ပြီး ယင်းသည်လူတို့၏ ပကတိမျက်စိဖြင့် လုံးဝမမြင်နိုင်သော အရာတစ်ခုဖြစ်၏၊ သို့သော် ၎င်းသည် မရှိမဖြစ်လိုအပ်သည်လည်းဖြစ်၍ မည်သူမျှလည်း ပြောင်းလဲ၍မရပေ။ ဘုရားသခင်မှ "ငါ့တဘက်၌ထကြသော ထိုသူအားလုံးတို့သည်ကား ဧကန်အမှန်ပင် ငါ၏ပြစ်တင်ဆုံးမခြင်းကို ထာဝရကာလတိုင် ခံကြရပေလိမ့်မည်။ အကြောင်းမူကား၊ ငါသည် သတိနှင့် စောင့်ရှောက်ကာကွယ်လျက်ရှိသော ဘုရားသခင်ဖြစ်၏၊ ငါသည် လူအားလုံးကို သူတို့ပြုခဲ့သောအရာများကြောင့် ပေါ့တန်စွာ ချမ်းသာပေးလိမ့်မည်မဟုတ်" ဟုပြော၏။ ဘုရားသခင်သည် ဤကဲ့သို့ အကြွင်းမဲ့ သတ်မှတ်ချက်များဖြင့် အဘယ်ကြောင့်ပြောသနည်း။ ထို့အပြင် သူသည် အဆင်းနီသောနဂါးကြီး၏နိုင်ငံတွင် အဘယ်ကြောင့် ကိုယ်တိုင်ကိုယ်ကျ လူ့ဇာတိခံယူခဲ့သနည်း။ ဘုရားသခင်၏ နှုတ်ကပတ်တော်များမှ သူ၏ရည်မှန်းချက်ကို သိနိုင်၏၊ သူသည် လူသားတို့ကို ကယ်တင်ရန်ရောက်လာခဲ့ခြင်း မဟုတ်ပေ၊ ၎င်းတို့အပေါ် ကြင်နာရန်၊ ၎င်းတို့ကို စောင့်ရှောက်ရန် သို့မဟုတ် ကာကွယ်ရန် ရောက်လာသည်လည်း မဟုတ်ဘဲ သူ့ကိုဆန့်ကျင်သူအားလုံးအား ပြစ်တင်ဆုံးမရန် ရောက်လာခြင်းဖြစ်၏။ အဘယ်ကြောင့်ဆိုသော် ဘုရားသခင်မှ "ငါ၏ပြစ်တင်ဆုံးမခြင်းမှ မည်သူမျှ မလွတ်မြောက်နိုင်" ဟု ပြောသည့်အတွက်ဖြစ်၏။ ဘုရားသခင်သည် လူ့ဇာတိ၌နေ၏၊ ထို့အပြင် သူသည် သာမန်လူတစ်ဦးဖြစ်၏၊ သို့သော် သူသည် လူသားတို့အား သူ့ကို ပုဂ္ဂလဓိဋ္ဌာန်ကျကျ မသိနိုင်ခြင်းဟူသည့် သူတို့၏အားနည်းမှုအတွက် ခွင့်မလွှတ်ပေ၊ ယင်းအစား သူသည် သာမန်ဖြစ်သောကြောင့် လူတို့အား ၎င်းတို့၏အပြစ်အားလုံးအတွက် ပြစ်တင်ရှုတ်ချ၏၊ သူ၏လူ့ဇာတိကိုမြင်သူတိုင်းအား ပြစ်တင်ဆုံးမခံရသူများ ဖြစ်စေ၏၊ ထို့ကြောင့် ထိုသူတို့သည် အဆင်းနီသော နဂါးကြီး၏ နိုင်ငံသားတို့နှင့် မသက်ဆိုင်သူများ၏ သားကောင်များဖြစ်သွားကြ၏။ သို့ရာတွင် ဤသည်မှာ ဘုရားသခင် လူ့ဇာတိခံယူခြင်း၏ အဓိကရည်မှန်းချက်တစ်ရပ်မဟုတ်ပေ။ လူ့ဇာတိ၌ အဆင်းနီသောနဂါးကြီးနှင့် တိုက်ပွဲဝင်ရန်နှင့် တိုက်ပွဲအားဖြင့် ၎င်းကို အရှက်ရစေရန် အဓိကအားဖြင့် လူ့ဇာတိခံယူခြင်းဖြစ်၏။ ဘုရားသခင်၏ ကြီးမားသောတန်ခိုးသည် ဝိညာဉ်၌ တိုက်ပွဲဝင်ခြင်းထက် အဆင်းနီသောနဂါးကြီးအား လူ့ဇာတိ၌တိုက်ပွဲဝင်ခြင်းအားဖြင့် သာ၍ထင်ရှား၏၊ ဘုရားသခင်သည် သူ၏လုပ်ဆောင်ချက်များနှင့် အနန္တတန်ခိုးတို့ကိုပြရန် လူ့ဇာတိ၌ တိုက်ခိုက်၏။ ဘုရားသခင်၏ လူ့ဇာတိခံယူခြင်းကြောင့် မရေမတွက်နိုင်သောသူများသည် "အပြစ်ကင်းစွာ" ပြစ်တင်ရှုတ်ချခံရ၏၊ မရေမတွက်နိုင်သောသူများသည် ငရဲအတွင်းပစ်ချခံရကာ ပြစ်တင်ဆုံးမခြင်းအတွင်းသို့ အပစ်ခံရလျက် ဇာတိ၌ ဒုက္ခခံကြရ၏။ ဤသည်မှာ ဘုရားသခင်၏ ဖြောင့်မတ်သောစိတ်သဘောထားကို ပြသခြင်းဖြစ်ပြီး၊ ဘုရားသခင်ကို ဆန့်ကျင်သူများသည် ယနေ့မည်သို့ပင်ပြောင်းလဲသည်ဖြစ်စေ၊ ဘုရားသခင်၏ဖြောင့်မတ်သော စိတ်သဘောထားသည် မည်သည့်အခါမျှ ပြောင်းလဲမည်မဟုတ်ပေ။ တစ်ကြိမ် ပြစ်တင်ရှုတ်ချခံရသည်နှင့် လူတို့သည် ထာဝရပြစ်တင်ရှုတ်ချခံရ၍ မည်သည့်အခါမျှ တစ်ဖန်ပြန်ထနိုင်မည်မဟုတ်ပေ။ လူသား၏စိတ်သဘောထားသည် ဘုရားသခင်ကဲ့သို့ဖြစ်နိုင်စွမ်း မရှိပေ။ ဘုရားသခင်ကို ဆန့်ကျင်သူတို့အပေါ် လူတို့သည် ပူလိုက်၊ အေးလိုက် အလှည့်ကျဖြစ်၏၊ ၎င်းတို့သည် ဘယ်နှင့်ညာ ယိမ်းယိုင်ကြ၏၊ ၎င်းတို့သည် အပေါ်တက်လိုက် အောက်ဆင်းလိုက်လုပ်ကြ၏၊ ၎င်းတို့သည် တစ်လျှောက်လုံး တစ်သမတ်တည်းနေနိုင်စွမ်း မရှိကြပေ၊ တစ်ခါတစ်ရံတွင် ၎င်းတို့အား အရိုးထိမုန်းကြ၏၊ တစ်ခါတစ်ရံ ဖက်ထားကြ၏၊ ယနေ့အခြေအနေများ ပေါ်ပေါက်လာခြင်းမှာ လူတို့သည် ဘုရားသခင်၏အမှုကို မသိသောကြောင့်ဖြစ်၏။ ဘုရားသခင်သည် "အဆုံးတွင် ကောင်းကင်တမန်တို့သည် ကောင်းကင်တမန်များဖြစ်၏၊ အဆုံးတွင် ဘုရားသခင်သည် ဘုရားသခင်ဖြစ်၏၊ အဆုံးတွင် နတ်ဆိုးတို့သည် နတ်ဆိုးများဖြစ်၏၊ ဖြောင့်မတ်ခြင်းမရှိသူတို့သည် ဖြောင့်မတ်ခြင်းမရှိဆဲဖြစ်ပြီး သန့်ရှင်းသူတို့သည် သန့်ရှင်းဆဲဖြစ်၏" ဟူသော နှုတ်ကပတ်တော်တို့ကို အဘယ်ကြောင့်ပြောသနည်း။ ယင်းကို သင်နားမလည်နိုင်သလော။ ဘုရားသခင်သည် အမှတ်လွဲနေခြင်းများ ဖြစ်နိုင်သလော။ သို့ဖြစ်၍ ဘုရားသခင်မှ "၎င်းတို့၏ အမျိုးအစားအလိုက်၊ လူများသည် သတိမပြုမိဘဲ ၎င်းတို့မိသားစုများ၏ ရင်ခွင်အောက်သို့ ပြန်ရာလမ်းကို ရှာတွေ့ကြမည်" ဟုပြောခြင်းဖြစ်၏။ ဘုရားသခင်သည် "အကန့်အသတ်မရှိသောကမ္ဘာ" မဖြစ်စေတော့ရန်နှင့် လူတို့သည် အိုးကြီးတစ်လုံးတည်းမှ မစားတော့ဘဲ ၎င်းတို့၏ကိုယ်ပိုင်အိမ်များတွင် ၎င်းတို့၏အလုပ်ကိုလုပ်ကိုင်လျက် မိမိတို့၏ကိုယ်ပိုင် အခန်းကဏ္ဍတွင် ပါဝင်ရန် အရာခပ်သိမ်းကို မိသားစုအလိုက် ခွဲခြားပြီးသားဖြစ်သည်ကို ယနေ့ ဤသည်မှ တွေ့နိုင်၏။ ဤသည်မှာ လောကကိုဖန်ဆင်းချိန်က ဘုရားသခင်၏ မူလအစီအစဉ်ဖြစ်သည်၊ အမျိုးအစားအလိုက် ခွဲခြားခံရပြီးသောအခါ လူတို့သည် "တစ်ဦးစီ ကိုယ့်အစာကိုယ်စားကြလိမ့်မည်"၊ ဘုရားသခင်သည် တရားစီရင်ခြင်းကို စတင်လိမ့်မည်။ အကျိုးဆက်အနေဖြင့် ဘုရားသခင်၏နှုတ်မှ "ငါသည် ဖန်ဆင်းခြင်း၏ ယခင်အခြေအနေကို ပြန်လည်တည်ထောင်မည်၊ ငါသည် အရာခပ်သိမ်းကို ယင်းတို့၏ မူလအခြေအနေများဆီသို့ ပြန်လည်ထူထောင်မည်၊ အရာခပ်သိမ်းကို ထူးကဲသာလွန်စွာ ပြောင်းလဲခြင်းအားဖြင့်၊ အရာခပ်သိမ်းသည် ငါ့အစီအစဉ်၏ ရင်ခွင်အောက်သို့ ပြန်လာကြလိမ့်မည်" ဟူသည့် နှုတ်ကပတ်တော်များ ထွက်လာခဲ့၏။ ဤသည်မှာ ဘုရားသခင့်အမှုအားလုံး၏ ရည်မှန်းချက်အတိအကျဖြစ်၍ ယင်းမှာ နားလည်ရန်မခက်ပေ။ ဘုရားသခင်သည် သူ၏အမှုကို စုံလင်စေမည်၊ လူသားသည် သူ၏အမှုကို တားဆီးနိုင်သလော။ ထို့အပြင် ဘုရားသခင်သည် သူနှင့်လူသားအကြား ထားရှိသည့် ပဋိညာဉ်ကို ဆုတ်ဖြဲပစ်နိုင်သလော။ ဘုရားသခင်၏ဝိညာဉ် ပြုလုပ်ထားသည့်အရာကို မည်သူပြောင်းလဲနိုင်သနည်း။ လူသားတို့အကြားရှိ တစ်စုံတစ်ဦး ဖြစ်နိုင်သလော။

အတိတ်က လူတို့သည် ဘုရားသခင်၏နှုတ်ကပတ်တော်များ၌ နိယာမတစ်ရပ်ရှိခဲ့ကြောင်းကို နားလည်ခဲ့ကြ၏၊ ဘုရားသခင်စကားပြောသည်နှင့် အမှန်တရားများသည် များမကြာမီ အထမြောက်ခဲ့ကြသည်။ ယင်းတွင် မုသားမပါချေ။ လူတို့အားလုံးကို သူပြစ်တင်ဆုံးမမည်ဟု ဘုရားသခင်ပြောခဲ့သည့်အပြင် သူသည် စီမံအုပ်ချုပ်မှုအမိန့်များကို ထုတ်ပြန်ခဲ့သဖြင့် ဘုရားသခင်၏အမှုသည် အတိုင်းအတာတစ်ခုအထိ ဆောင်ရွက်ပြီးကြောင်းကို မြင်နိုင်သည်။ အတိတ်က လူတို့အားလုံးထံ ထုတ်ပြန်လိုက်သည့် ဖွဲ့စည်းပုံအခြေခံဥပဒေသည် ၎င်းတို့၏ဘဝများနှင့် ဘုရားသခင်အပေါ် ၎င်းတို့၏သဘောထားများကို ပစ်မှတ်ထားခဲ့၏။ ယင်းသည် အမြစ်အထိမရောက်ခဲ့ပေ၊ ယင်းမှာ ဘုရားသခင်၏ ခွဲခန့်မှတ်သားမှုအပေါ် အခြေခံထားသည်ဟု မပြောပေ၊ သို့သော် ထိုအချိန်က လူသား၏အပြုအမူအပေါ် အခြေခံထားခြင်းဖြစ်၏။ ယနေ့ စီမံအုပ်ချုပ်မှုဆိုင်ရာအမိန့်များသည် ထူးကဲကာ ၎င်းတို့မှ "လူသားမျိုးနွယ် အားလုံးသည် မိမိတို့၏ တူရာအမျိုးအစားနောက်သို့ လိုက်ကြလိမ့်မည်ဖြစ်ပြီး၊ သူတို့ပြုခဲ့သော အရာများအလိုက် ကွဲပြားသော ပြစ်တင်ဆုံးမခြင်းများကို ခံယူကြရမည် ဖြစ်သည်" အကြောင်းကို ပြော၏။ အသေးစိတ်ဖတ်ရှုခြင်း မရှိပါက ယင်းတွင် မည်သည့်ပြဿနာမျှ တွေ့နိုင်မည် မဟုတ်ပါ။ နောက်ဆုံးသောခေတ်အတွင်းတွင်သာ ဘုရားသခင်သည် အရာခပ်သိမ်းအား ၎င်းတို့၏အမျိုးအစားနောက် လိုက်စေသဖြင့်၊ ဤအရာကို ဖတ်ပြီးနောက် လူအများစုသည် အကြံအိုက်နေကာ စိတ်ဇဝေဇဝါဖြစ်ကျန်နေ၏၊ ၎င်းတို့သည် စိတ်မပါ့တပါသာ ရှိနေဆဲဖြစ်၍ ခေတ်အချိန်များ၏ အရေးတကြီးဖြစ်ပုံကို မမြင်သောကြောင့် ၎င်းတို့သည် ဤသည်ကို သတိပေးချက်တစ်ရပ်အဖြစ် သဘောမထားပေ။ စကြဝဠာတစ်ခွင်လုံးသို့ ကြေညာထားသော ဘုရားသခင်၏ စီမံအုပ်ချုပ်မှုအမိန့်များကို ယခုအချိန်တွင် လူသားအား အဘယ်ကြောင့်ပြသနည်း။ ဤသူတို့သည် စကြဝဠာတစ်ခွင်လုံးတွင်ရှိသူအားလုံးကို ကိုယ်စားပြုသလော။ နောက်တွင် ဘုရားသခင်သည် ဤသူများအပေါ် သနားကြင်နာမှုထပ်ပေးသည်များ ဖြစ်နိုင်သလော။ ဤသူတို့သည် ဦးခေါင်းနှစ်လုံးများ ပေါက်လာသလော။ ဘုရားသခင်သည် စကြဝဠာတစ်ခွင်လုံးရှိ လူတို့ကို ပြစ်တင်ဆုံးမသည့်အခါ၊ ကပ်ဘေးအမျိုးမျိုး ကျရောက်သည့်အခါ၊ ဤကပ်ဘေးတို့၏အကျိုးဆက်အနေဖြင့် နေနှင့်လတို့တွင် အပြောင်းအလဲများ ဖြစ်ပေါ်ကြမည်ဖြစ်ပြီး ဤကပ်ဘေးများအဆုံးသတ်သည့်အခါ နေနှင့်လတို့သည် ပြောင်းလဲခဲ့ပြီး ဖြစ်လိမ့်မည်ဖြစ်ကာ၊ ဤသည်ကို အကူးအပြောင်းဟု ခေါ်၏။ အနာဂတ်၏ ဘေးအန္တရာယ်များသည် အလွန်ဆိုးရွားလိမ့်မည်ဟုသာ ဆိုကြပါစို့။ ညသည် နေ့၏နေရာကို ယူကောင်းယူနိုင်၏၊ နေသည် တစ်နှစ်ကြာ မပေါ်ထွက်ဘဲ ရှိကောင်းရှိနိုင်၏၊ ချစ်ချစ်တောက်ပူသည့် လပေါင်းအချို့ ရှိကောင်းရှိနိုင်သည်၊ ဆုတ်နေသောလသည် လူသားမျိုးနွယ်ကို အစဉ်မျက်နှာချင်းဆိုင်ကောင်းဆိုင်နိုင်သည်၊ နေနှင့်လ အတူတကွ ထွက်လာသော ထူးခြားဆန်းကြယ်သည့် အနေအထား ပေါ်ထွက်နိုင်သည်၊ အစရှိသည်ဖြင့်။ သံသရာလည်နေသော အပြောင်းအလဲ အချို့နောက်၊ အဆုံးတွင် အချိန်ကုန်လွန်ပြီးနောက် ၎င်းတို့သည် အသစ်ပြုပြင်ခြင်းခံရမည်။ ဘုရားသခင်သည် နတ်ဆိုးနှင့်သက်ဆိုင်သောသူများ၏ အစီအမံများကို အထူးဂရုပြု၏။ ထို့ကြောင့် သူသည် "စကြဝဠာအတွင်းရှိ သက်ရှိလူသားများတွင် မာရ်နတ်နှင့် သက်ဆိုင်သော ထိုသူအားလုံးတို့သည် ရှင်းရှင်းသုတ်သင်ခြင်းကို ခံရလိမ့်မည်" ဟု တမင်ပြော၏။ ဤ "လူတို့" သည် ၎င်းတို့၏စရိုက်မှန်ကို မပြရသေးသည့်အခါ၊ ဘုရားသခင်သည် ၎င်းတို့၏ အစေခံမှုကို အစဉ် အပြည့်အဝ အသုံးချ၏၊ အကျိုးဆက်အနေဖြင့် သူသည် ၎င်းတို့၏လုပ်ဆောင်ချက်များကို ဂရုမပြုပေ၊ ၎င်းတို့ မည်မျှပင် ကောင်းစွာပြုလုပ်သည်ဖြစ်စေ သူသည် ၎င်းတို့အား "ဆု" မချပေ၊ သူတို့၏ဆောင်ရွက်မှုသည် မည်မျှပင် ဆိုးရွားသည်ဖြစ်စေ သူသည် ၎င်းတို့၏ "လုပ်ခများ" ကို ဖြတ်တောက်ခြင်းလည်း မရှိပေ။ ထိုသို့ဖြစ်သဖြင့် သူသည် ၎င်းတို့အား ဂရုမစိုက်ပေ၊ ၎င်းတို့အား တမင်မသိကျိုးကျွန်ပြု၏။ သူသည် ၎င်းတို့၏ "ကောင်းမွန်မှု" ကြောင့် ရုတ်တရက် မပြောင်းလဲပေ၊ အဘယ်ကြောင့်ဆိုသော် အချိန် သို့မဟုတ် နေရာနှင့် မသက်ဆိုင်ဘဲ လူသား၏ အနှစ်သာရသည် မပြောင်းလဲပေ၊ ဘုရားသခင်နှင့် လူသားအကြား ထားရှိသည့် ပဋိညာဉ်ကဲ့သို့ပင်၊ လူသားမှ "ပင်လယ်တို့ ခန်းခြောက်ကုန်၍ ကျောက်တုံးတို့ တစ်စစီပဲ့ပြိုသော်လည်း အပြောင်းအလဲရှိမည်မဟုတ်၊" ဟု ပြောသကဲ့သို့ ဖြစ်၏။ ထို့ကြောင့် ဘုရားသခင်သည် ထိုသူတို့အား အတန်းအစားသာခွဲခြား၍ ၎င်းတို့အား အလွယ်တကူ ဂရုမပြုပေ။ ဖန်ဆင်းချိန်မှ ယနေ့အထိ နတ်ဆိုးသည် မိမိကိုယ်ကို မည်သည့်အခါမျှ ကောင်းမွန်စွာ ကျင့်ကြံပြုမူခဲ့ခြင်း မရှိပေ။ ၎င်းသည် အစဉ်ပင် ကြားဖြတ်ခဲ့၊ နှောင့်ယှက်ခဲ့ကာ သဘောထားကွဲလွဲခဲ့သည်။ ဘုရားသခင်သည် လုပ်ကိုင်သည့်အခါ သို့မဟုတ် ပြောဆိုသည့်အခါ ၎င်းသည် ပါဝင်ရန် အစဉ်ကြိုးစားသော်လည်း ဘုရားသခင်သည် ဂရုမပြုပေ။ နတ်ဆိုးအကြောင်းပြောသည်နှင့် ဘုရားသခင်၏ အမျက်ဒေါသသည် ဖိနှိပ်၍မရဘဲ ထွက်လာ၏၊ ယင်းသည် ဝိညာဉ်နှင့် တစ်လုံးတစ်ဝတည်းမရှိသဖြင့် ဆက်နွှယ်မှု မရှိပေ၊ ဝေးကွာမှုနှင့် ကွဲကွာခြင်းတို့သာ ရှိ၏။ တံဆိပ်ခုနစ်ချက်ကို ထုတ်ဖော်ပြီးနောက် ကမ္ဘာမြေကြီး၏အခြေအနေသည် တိုး၍ ထိခိုက်ခံရ၏၊ အရာအားလုံးသည် "တံဆိပ်ခုနစ်ချက်နှင့် ပခုံးချင်းယှဉ်လျက် ရှေ့သို့တက်ကြ၏၊" စိုးစဉ်းမျှ နောက်ကျန်ရစ်ခြင်းမရှိပေ။ ဘုရားသခင်၏ နှုတ်ကပတ်တော်များအားလုံးတွင် လူတို့သည် ဘုရားသခင်မှ ထုံထိုင်းတွေဝေသည်ဟု အမြင်ခံရ၏၊ သို့သော် ၎င်းတို့သည် လုံးဝမနိုးထသေးပေ။ သာ၍မြင့်သောနေရာသို့ ရောက်ရန်၊ လူတို့အားလုံး၏ ခွန်အားကို ထွက်ပေါ်စေရန်နှင့် ထိုထက်သာ၍ ဘုရားသခင်၏ အမှုကို ၎င်း၏အထွတ်အထိပ်၌ အဆုံးသတ်ရန်၊ ဘုရားသခင်သည် လူတို့ကို ၎င်းတို့၏ဝမ်းဗိုက်များအား ဖောင်းပွနေစေသကဲ့သို့ မေးခွန်းတသီတသန်းကြီးမေးကာ ဤနည်းအားဖြင့် လူအားလုံးတို့ကို သူဖြည့်တင်းပေး၏။ ဤလူတို့တွင် စစ်မှန်သောဝိညာဉ်အသက်တာ မရှိသဖြင့် အမှန်တကယ် အခြေအနေများအပေါ် အခြေခံ၍ ဖောင်းပွစေခြင်းခံရသူများသည် အဆင့်အတန်းမီသော ကုန်ပစ္စည်းများဖြစ်ပြီး ဖောင်းပွစေခြင်း မခံရသူများသည် အသုံးမကျသော အမှိုက်ဖြစ်၏။ ဤသည်မှာ လူသားအပေါ် ဘုရားသခင်၏သတ်မှတ်ချက်ဖြစ်ပြီး သူစကားပြောသည့်နည်း၏ ရည်မှန်းချက်ဖြစ်၏။ အထူးသဖြင့် ဘုရားသခင်က "ဤသည်မှာ ငါသည် ကမ္ဘာမြေကြီးပေါ်၌ ရှိစဉ်က၊ ကောင်းကင်ဘုံမှ ငါနှင့် မတူခြင်းကြောင့်များပင်လော။ ဤသည်မှာ ငါသည် ကောင်းကင်ဘုံ၌ ရှိစဉ်က၊ ကမ္ဘာမြေကြီးသို့ မဆင်းကြွနိုင်ခဲ့ခြင်းကြောင့်များပင်လော။ ဤသည်မှာ ငါသည် ကမ္ဘာမြေကြီးပေါ်၌ ရှိစဉ်က၊ ကောင်းကင်ဘုံအား ယူတင်ရန် မထိုက်တန်ခြင်းကြောင့်များပင်လော" ဟုပြောသောအခါ လူတို့ကို ဘုရားသခင်အား သိစေရာတွင် ဤမေးခွန်းများသည် သာ၍ပင် ထိရောက်၏။ ဘုရားသခင်၏နှုတ်ကပတ်တော်များမှ ၎င်းတို့သည် ဘုရားသခင်၏ အရေးတကြီးဖြစ်နေသော အလိုတော်ကို မြင်ရ၏၊ လူတို့သည် ယင်းကို ရယူနိုင်စွမ်းမရှိပေ၊ ထို့အပြင် ဘုရားသခင်သည် စည်းကမ်းများကို ကြိမ်ဖန်တလဲ ထပ်ထည့်၍ လူတို့အားလုံးအား ကမ္ဘာမြေကြီးပေါ်တွင် ကောင်းကင်ဘုံရှိဘုရားသခင်ကိုသိရန်နှင့် ကောင်းကင်ဘုံတွင်ရှိသော်လည်း မြေကြီးပေါ်တွင်နေသော ဘုရားသခင်ကို သိရန်သတိပေး၏။

ဘုရားသခင်၏နှုတ်ကပတ်တော်များမှ လူသား၏အနေအထားတို့ကို တွေ့နိုင်၏၊ "လူအားလုံးသည် ငါ၏နှုတ်ကပတ်တော်များတွင် လုံ့လစိုက်ထုတ်ခဲ့ကြသည်၊ ငါ၏ အပြင်ပန်းသဏ္ဌာန်ကို သူတို့ကိုယ်တိုင် စုံစမ်းစစ်ဆေးခြင်းများ လုပ်ဆောင်ကြသည်၊ သို့သော်ငြားလည်း သူတို့အားလုံးသည် ပြသစရာ မည်သည့်ရလဒ်များမျှ မရှိဘဲ အရှုံးနှင့်ရင်ဆိုင်ကြရသည်၊ ထိုအစား ငါ့နှုတ်ကပတ်တော်များ၏ ထိုးနှက်ခြင်းကို ခံကြရပြီး နောက်တစ်ဖန် ပြန်၍ထရန် မဝံ့ရဲကြ။" ဘုရားသခင်၏သောကကို မည်သူနားလည်နိုင်သနည်း။ ဘုရားသခင်၏နှလုံးသားကို မည်သူနှစ်သိမ့်နိုင်သနည်း။ ဘုရားသခင်တောင်းဆိုသည့်အရာ၌ မည်သူသည် ဘုရားသခင်နှင့် စိတ်နှလုံး၌ ညီညွတ်သနည်း။ လူတို့ထံမှ မည်သည့်ရလဒ်မျှ မထွက်ပေါ်သောအခါ ၎င်းတို့သည် မိမိကိုယ်ကို ငြင်းပယ်ကြ၍ ဘုရားသခင်၏ စီစဉ်ညွှန်ကြားချက်များ၏ စိတ်ကူးပေါက်ရာတွင် စစ်မှန်စွာရှိနေကြသည်။ ၎င်းတို့၏စစ်မှန်သောနှလုံးသားကို ပြသည်နှင့်အမျှ တစ်ဦးစီသည် ၎င်းတို့ကိုယ်တိုင်၏အမျိုးအစားနောက်သို့ တဖြည်းဖြည်းလိုက်ကြကာ ကောင်းကင်တမန်တို့၏ အနှစ်သာရသည် ဘုရားသခင်ကို ဖြူစင်စွာနာခံခြင်းဖြစ်ကြောင်းကို တွေ့ရ၏။ ထို့ကြောင့် ဘုရားသခင်က "လူသားမျိုးနွယ်သည် ၎င်းတို့၏ မူလပုံသဏ္ဌာန်အတိုင်း ထုတ်ဖော်ခြင်းခံရ၏" ဟုပြောခြင်းဖြစ်၏။ ဘုရားသခင်၏အမှုသည် ဤအဆင့်သို့ရောက်သောအခါ ဘုရားသခင်၏အမှုအားလုံး ပြည့်စုံခဲ့ပြီးဖြစ်လိမ့်မည်။ ဘုရားသခင်သည် သူ၏သားများနှင့်လူတို့အတွက် စံနမူနာတစ်ရပ်ဖြစ်ခြင်းအကြောင်း ဘာမျှမပြောဘဲ ယင်းအစား လူတို့အား ၎င်းတို့၏မူလပုံစံကို ပြသစေရန်သာ အလေးထားပုံရ၏။ ဤနှုတ်ကပတ်တော်များ၏ စစ်မှန်သော အဓိပ္ပာယ်ကို သင်နားလည်သလော။

ယခင်က:အခန်း ၂၄ နှင့် ၂၅

နောက်တစ်ခုသို့:အခန်း ၂၇

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ