သင်တို့သည် ရွှံ့မြေမှ ဖယ်ထုတ်ခြင်းကို ခံခဲ့ကြရပြီး၊ မည်သို့ပင်ဖြစ်ပါစေ၊ သင်တို့သည် အနည်အနှစ်မှ ရွေးချယ်ခြင်း ခံခဲ့ရသည့် ညစ်ညမ်းကာ ဘုရားသခင် မုန်းတီးသော အရာဖြစ်ခဲ့ကြလေသည်။ သင်တို့သည် စာတန်နှင့် သက်ဆိုင်ခဲ့ကြပြီး တစ်ချိန်က နင်းခြေခံခဲ့ရပြီး ၎င်း၏ စွန်းထင်းစေခြင်းကို ခံခဲ့ကြရသည်။ ယင်းမှာ သင်တို့သည် ရွှံ့မြေမှ ဖယ်ထုတ်ခြင်းကို ခံခဲ့ကြရပြီး၊ သန့်ရှင်းနေဖို့ အလှမ်းဝေးလျက် ယင်းအစား အချိန်ကြာမြင့်စွာ စာတန်၏ လိမ်လည်လှည့်စားမှု ခံခဲ့ရသည့် လူသားမဟုတ်သည့်အရာများ ဖြစ်ကြသည်ဟု ဆိုရသည့် အကြောင်းရင်း ဖြစ်သည်။ ဤသည်မှာ သင်တို့နှင့်သက်ဆိုင်သည့် အသင့်လျော်ဆုံးသော ချင့်ချိန်ဆုံးဖြတ်ချက် ဖြစ်သည်။ သင်တို့ထံမှ ပျော်ရွှင်မှုပေးသည့် မည်သည့်အရာမျှ မရရှိနိုင်သည့်အတွက်၊ သင်တို့သည် ငါးနှင့်ပုစွန်များကဲ့သို့ လိုချင်စဖွယ်ဖြစ်သော ဖမ်းမိသည့်အရာများနှင့် တခြားစီဖြစ်လျက်၊ မူလက ရေပုပ်နှင့် ရွှံ့မြေထဲတွင် တွေ့ရှိရသော အညစ်အကြေးများ ဖြစ်ခဲ့ကြသည်ကို သိဖို့လိုအပ်၏။ တဲ့တိုးပြောရမည်ဆိုပါက၊ သင်တို့သည် ဝက်များနှင့် ခွေးများထက် ဆိုးရွားသည့်၊ နိမ့်ကျသော လူ့အဖွဲ့အစည်း၏ အဆင့်အနိမ့်ကျဆုံးသော သားရဲများ ဖြစ်ကြပေသည်။ ပွင့်ပွင့်လင်းလင်း ပြောရမည်ဆိုပါက၊ သင်တို့အား ထိုသို့သော ဝေါဟာရများဖြင့် ခေါ်ဝေါ်ရန်မှာ ပုံကြီးချဲ့ခြင်း မဟုတ်သကဲ့သို့ ချဲ့ကားပြောဆိုခြင်းလည်း မဟုတ်ပေ။ ထို့ထက် ယင်းသည် ပြဿနာကို ရိုးရှင်းလွယ်ကူစေ၏။ သင်တို့အား ထိုသို့သော ဝေါဟာရများဖြင့် ခေါ်ဝေါ်ခြင်းသည် သင်တို့ကို အရိုအသေပေးသည့် နည်းလမ်းတစ်ခုဟုပင် ဆိုနိုင်မည်ဖြစ်သည်။ လူသားများအဖြစ် သင်တို့၏ ထိုးထွင်းသိမြင်မှု၊ စကား၊ အပြုအမူနှင့် ရွှံ့မြေထဲမှ သင်တို့၏ အဆင့်အတန်းအပါအဝင် သင်တို့ အသက်တာ၏ ကဏ္ဍတိုင်းသည် သင်တို့၏ ကိုယ်ပိုင်လက္ခဏာမှာ “ထူးထူးခြားခြား” ဖြစ်သည်ကို သက်သေပြရန် လုံလောက်ပေသည်။