အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ကိုးဆယ့်ခြောက်ခုမြောက်သော မိန့်မြွက်ချက်

ငါ၏အထဲမှ မွေးဖွားသော်လည်း ငါ့အား မသိသောသူများအပေါ်သို့ ငါ၏အမျက်ဒေါသ၊ ငါ၏ ကြီးမားသောတန်ခိုးနှင့် ငါ၏ဉာဏ်ပညာပြည့်ဝခြင်းတို့ကိုပြသရန် ငါ ပြစ်တင်ဆုံးမမည်။ ငါ၏အထဲတွင် အရာမှန်သမျှသည် ဖြောင့်မတ်ခြင်းသဘောရှိ၍ မဖြောင့်မတ်ခြင်း၊ လိမ်လည်လှည့်ဖြားခြင်း၊ ကောက်ကျစ်ခြင်းသဘော လုံးဝမရှိ- ကောက်ကျစ်စဉ်းလဲသောသူ မည်သူမဆိုသည် ငရဲ၏သားဖြစ်ပြီး- မရဏနိုင်ငံတွင် မွေးဖွားရမည်ဖြစ်သည်။ ငါ၌ အရာအားလုံးသည် ဖုံးကွယ်ခြင်းမရှိ၊ ငါပြီးမြောက်စေဟု ပြောဆိုသမျှသည် ပြီးမြောက်ရမည်၊ တည်မြဲစေဟု ပြောဆိုသမျှသည် တည်မြဲစေရမည်ဖြစ်ပြီး မည်သူမျှ ထိုအရာများကို ပြောင်းလဲခြင်း သို့မဟုတ် အတုယူခြင်းမပြုလုပ်နိုင်၊ အဘယ့်ကြောင့်ဆိုသော် ငါသည်တစ်ဆူတည်းသော ဘုရားသခင်ကိုယ်တော်တိုင်ဖြစ်သောကြောင့်ဖြစ်သည်။ ဖြစ်လာလတ္တံ့သောအရာ၌၊ ရှေ့မဆွက ငါခွဲခန့်မှတ်သား ၍ ရွေးကောက်ထားသော သားဦးများ၏ အဖွဲ့ထဲတွင် ရှိသောသူအားလုံးအား တစ်ဦးပြီးတစ်ဦးဖော်ထုတ်ခြင်းခံရလိမ့်မည်ဖြစ်ပြီး၊ သားဦးများ၏ အဖွဲ့တွင် မရှိသောသူအားလုံးကို ဤနည်းအားဖြင့် ငါဖယ်ရှားလိမ့်မည်။ ဤသည်မှာ ငါ၏အလုပ်ကို ငါမည်သို့လုပ်ဆောင် ပြီးမြောက်စေပုံ ဖြစ်သည်။ ယခုအချိန်၌ ငါ၏အံ့သြဖွယ်လုပ်ဆောင်ချက်များကို ငါ၏သားဦးများမြင်စေရန်အလို့ငှာသာလျှင် လူအချို့ကို ထုတ်ဖော်ပြသထားသည်၊ သို့သော် နောက်ပိုင်းတွင် ထိုနည်းလမ်းဖြင့် လုပ်ဆောင်တော့မည် မဟုတ်ပေ။ တစ်ဦးပြီးတစ်ဦး ၄င်းတို့၏ ဗီဇအမှန်များကို ပြသခွင့်ပေးထားခြင်းအစား ယေဘုယျအခြေအနေမှတစ်ဆင့် ငါသည် ဆက်လက်လုပ်ဆောင်မည် (အဘယ့်ကြောင့်ဆိုသော် နတ်ဆိုးများသည် အခြေခံအားဖြင့် တူညီကြသဖြင့် နားလည်အောင်ဖော်ပြရန်အတွက် အနည်းငယ်ကိုရွေးချယ်ခြင်းသည် လုံလောက်သည်)။ ငါ၏ သားဦးများအားလုံးသည် ၄င်းတို့၏ နှလုံးသားထဲတွင် ရှင်းလင်းစွာသိကြပြီး ငါအသေးစိတ်ဖော်ပြရှင်းလင်းရန် မလိုပေ (အဘယ့်ကြောင့်ဆိုသော် ချိန်းချက်ထားသော အချိန်ကာလရောက်သောအခါ ၄င်းတို့သည် တစ်ဦးပြီးတစ်ဦး ထုတ်ဖော်ခြင်းကို ခံရမည်ဖြစ်သောကြောင့် ဖြစ်၏။)

ငါ၏ ကတိများကိုတည်ရန်မှာ ငါ၏သဘောသဘာဝဖြစ်ပြီး ငါ၌ လျှို့ဝှက်ဖုံးကွယ်သောအရာ တစုံတခုမျှ မရှိပေ။ သင်တို့နားလည်သင့်သည်ဟု ငါထင်မှတ်သောအရာအားလုံးကို သင်တို့အားငါပြောပြမည်၊ သို့သော် သင်တို့ ခိုင်မြဲစွာ ရပ်တည်နိုင်ခြင်း မရှိမည်စိုးသောကြောင့် သင်တို့မသိသင့်ဟု ငါထင်သောအမှုများကို ငါလုံးဝ ပြောပြမည်မဟုတ်။ သုံးအပ်သောအရာ၌ တွန့်တိုခြင်းကြောင့် ကုန်သင့်သောပမာဏထက် ပို၍ကုန်စေရန် မပြုကြနှင့် - အကယ်ပင် ထိုသို့ပြုရကျိုးနပ်လိမ့်မည် မဟုတ်ပေ။ ငါသည် အနတ္တတန်ခိုးရှင် ဘုရားသခင် ဖြစ်ကြောင်းနှင့် ခပ်သိမ်းသောအရာတို့သည် ပြီးပြည့်စုံပြီး လွယ်ကူချမ်းမြေ့လာမည်ဖြစ်ကြောင်းကို ယုံကြည်ကြလော့။ ဤသည်မှာ အရာများကို ငါလုပ်ဆောင်ပုံဖြစ်သည်။ ယုံကြည်သည့် မည်သူ့ကိုမဆို၊ ငါသည် သူ့အား မြင်ခွင့်ကိုပေးသည်၊ မယုံကြည်သည့် မည်သူ့ကိုမဆို ငါသည် သူ့အား သိရှိခွင့်မပေးဘဲ မည်သည့်အခါမှ နားလည်စေခွင့်ပေးသည် မဟုတ်။ ငါ့ထဲတွင် ခံစားချက် သို့မဟုတ် ကရုဏာမရှိ၊ ထို့အတူပင် ငါ၏ ပြစ်တင်ဆုံးမခြင်းကို ပြစ်မှားသောသူများအား တန်းတူဆက်ဆံ ၍ စာနာထောက်ထားခြင်းမရှိဘဲ သူ့ကို မလွဲဧကန် ငါသတ်မည်။ ငါသည် လူတိုင်းအပေါ် အတူတူပင်ဖြစ်သည်- ငါ၌ ပုဂ္ဂိုလ်ရေးအရ ခံစားချက်များမရှိဘဲ စိတ်ခံစားချက်အရ မည်သို့မျှလုပ်ဆောင်ခြင်းမရှိ။ ငါ၏ဖြောင့်မတ်ခြင်းနှင့် ဘုန်းအာနုဘော်ကို လူတို့အား ငါ မြင်ခွင့်မပြုဘဲ အဘယ်သို့ နေနိုင်မည်နည်း။ ဤသည်မှာ မည်သူမျှ မပြောင်းလဲနိုင်ဘဲ အပြည့်အဝမသိနိုင်သည့် ငါ၏ ဉာဏ်ပညာနှင့် ငါ၏စိတ်သဘောထားဖြစ်သည်။ ငါ၏လက်များသည် အမြဲတမ်း အချိန်တိုင်း အရာအားလုံးကိုစီမံခန့်ခွဲပြီး ငါသည် အရာအားလုံးကို အရိပ်ပြခေါ်လိုက်သည်နှင့် ငါ့အတွက် အစေခံစေရန် ငါအမြဲစီစဉ်သည်။ ငါ့စီမံခန့်ခွဲမှု အစီအစဉ် ပြည့်စုံစေရန်အလို့ငှာ လူတော်တော်များကို ငါ့ကိုယ်စား လုပ်ဆောင်စေသည်၊ သို့သော် အဆုံးတွင် သူတို့သည် ကောင်းကြီးများကို မြင်တွေ့ရသော်လည်း ထိုအရာတို့ကိုမခံစားနိုင်ကြပေ- သနားစရာကောင်းလိုက်လေခြင်း။ သို့သော် မည်သူမျှ ငါ့နှလုံးသားအား မပြောင်းလဲနိုင်။ ဤသည်မှာ ငါ၏ စီမံခန့်ခွဲခြင်း အမိန့်ဖြစ်သည် (စီမံခန့်ခွဲခြင်း အမိန့် နှင့်ပတ်သက်ပါက၊ ၄င်းသည် မည်သူမျှ မပြောင်းလဲနိုင်သည့် အရာဖြစ်သည်၊ ထို့ကြောင့် အနာဂတ်တွင် ငါစကားပြောသောအခါ၊ ငါသည် တစ်စုံတစ်ခုအပေါ်သို့ စိတ်ပိုင်းဖြတ်ခဲ့လျှင် ၄င်းသည် ငါ၏ စီမံခန့်ခွဲခြင်းအမိန့်ဖြစ်သည်မှာ အသေအချာပင်ဖြစ်သည်။ သင်အရှုံးခံရမည်ကို စိုးရိမ်သဖြင့် သတိရလော့။ ၄င်းကို ပြစ်မှား၍မရပေ။) ထို့ပြင် ၄င်းသည် ငါ့စီမံခန့်ခွဲမှုအစီအစဉ်၏ တစ်စိတ်တစ်ပိုင်းလည်းဖြစ်သည်။ ဤသည်မှာ ငါ့ကိုယ်ပိုင်အလုပ်ဖြစ်သည်၊ အခြားလူတစ်စုံတစ်ယောက်မှ လုပ်နိုင်သည့် အရာတစ်စုံတစ်ခုမဟုတ်ပေ။ ငါသည် ဤအရာကို လုပ်ရမည်- ငါသည် ဤအရာကို စီစဉ်ရမည်၊ ၄င်းသည် ငါ၏ အတိုင်းအဆမရှိသော တန်ဖိုးကြီးခြင်းကို ပြသရန် နှင့် ငါ၏ အမျက်ဒေါသအား ဖော်ထုတ်ပြရန်လုံလောက်သည်။

လူအများစုသည် ငါ၏လူ့သဘာဝနှင့်ပတ်သက်၍ မသိရှိကြသေး၊ မရှင်းလင်းကြသေးပေ။ ငါ အကြိမ်ကြိမ် ပြောဆိုခဲ့ပြီးပြသော်လည်း သင်တို့သည် ဇဝေဇဝါဖြစ်ပြီး ကောင်းကောင်းနားမလည်ကြသေးပေ။ သို့သော် ဤအရာသည် ငါ့အလုပ်ဖြစ်ပြီး ယခုအချိန်၌ သိသောသူများသိကြပြီး မသိသောသူများကိုလည်း ငါအတင်းအကျပ်မခိုင်း။ ၄င်းသည် ဤနည်းလမ်းအဖြစ်သာ ဖြစ်နိုင်သည်။ ငါသည် ရှင်းလင်းစွာ ပြောထားပြီးဖြစ်ပြီး နောက်ပိုင်းတွင်ပြောမည်မဟုတ် ( အဘယ့်ကြောင့်ဆိုသော် ငါများစွာပြောဆိုခဲ့ပြီးဖြစ်ပြီး ၄င်းကို အလွန်ရှင်းလင်းစွာ ပြောဆိုခဲ့ပြီးသောကြောင့် ဖြစ်သည်။ ငါ့ကို သိသော သူသည် သန့်ရှင်းတော်ဝိညာဉ်တော်၏ လုပ်ဆောင်မှုရှိသည်မှာ သေချာ၍ ငါ၏သားဦးများထဲမှ တစ်ယောက်ဖြစ်ကြောင်းမှာ သေချာ၏။ ငါ့ကို မသိသောသူတစ်ယောက်သည် လုံးဝမသိ၊ သူ၏အထဲမှ ငါ၏ဝိညာဉ်ကို ငါထုတ်ထားပြီးဖြစ်ကြောင်း သက်သေပြနေသည်)။ သို့သော် အဆုံးတွင်၊ လူတိုင်းငါ့အား သိစေရန်ငါလုပ်မည်- ငါ၏လူ့သဘာဝအရနှင့် ငါ၏ဘုရားသဘောသဘာဝအရ နှစ်ခုစလုံးကို လုံးဝသိစေမည်။ ဤအရာများသည် ငါ့အလုပ်၏ ခြေလှမ်းများဖြစ်ပြီး ငါသည် ဤနည်းလမ်းဖြင့်လုပ်ဆောင်ရမည်။ ဤသည်မှာ ငါ၏ စီမံခန့်ခွဲခြင်းအမိန့်လည်းဖြစ်သည်။ လူတိုင်းသည် ငါ့အား တစ်ဆူတည်းသောမှန်ကန်သည့်ဘုရားဟု ခေါ်ဆိုရမည်ဖြစ်ပြီး ငါ့အား ရပ်နားခြင်းမရှိ ချီးမွမ်းထောမနာပြုရမည်။

ငါ၏စီမံခန်ခွဲမှုအစီအစဉ်သည် လုံးဝပြီးပြည့်စုံပြီးဖြစ်ပြီး၊ အရာခပ်သိမ်းတို့ပြီးပြည့်စုံနေသည်မှာ ကြာပြီဖြစ်သည်။ လူ့မျက်စိဖြင့်ကြည့်လျှင် ငါ၏အစီအစဉ်များသည် လုပ်ဆောင်နေဆဲဖြစ်သော်လည်း ငါသည် ၄င်းကို ကောင်းမွန်စွာစီစဉ်ထားပြီးဖြစ်ပြီး စောင့်ဆိုင်းနေသောအရာ အားလုံးမှာ ငါ့ခြေလှမ်းများ၏ တစ်ဆင့်ပြီး တစ်ဆင့်အရ ၄င်း၏ ပြီးစီးမှုသာဖြစ်သည်။ (အဘယ့်ကြောင့်ဆိုသော် ကမ္ဘာမြေအားမဖန်ဆင်းမီကပင် မည်သူက စုံစမ်းနှောင့်ယှက်ခြင်းကို တွန်းလှန်နိုင်သောသူ၊ မည်သူက ငါ၏ ခွဲခန့်မှတ်သားခြင်း နှင့် ရွေးကောက်ခြင်းမခံရနိုင်သောသူ၊ မည်သူက ငါ၏ဒုက္ခဆင်းရဲအား မျှဝေမခံစားနိုင်သူဖြစ်ကြောင်း ခွဲခန့်မှတ်သားပြီးဖြစ်၍ ဖြစ်သည်။ ငါ၏ဆင်းရဲဒုက္ခအား မျှဝေခံစားနိုင်သည့်သူများ၊ ဆိုလိုသည်မှာ ငါခွဲခန့်မှတ်သားထားကာ ရွေးကောက်ထားသည့်သူများကို ငါထိန်းသိမ်းမည်မှာ သေချာပြီး အရာအားလုံးထက် သာလွန်ကောင်းမွန်ခြင်းကို ဖြစ်စေမည်) အခန်းကဏ္ဍတစ်ခုစီသည် မည်သူမည်ဝါအတွက် ဖြစ်ကြောင်းကို ငါ၏ နှလုံးသားထဲတွင် ရှင်းလင်းပြီးဖြစ်သည်။ ငါသည် မည်သူက ငါ့အတွက် အစေခံကြောင်း၊ မည်သူက ငါ၏ သားဦးဖြစ်ကြောင်း၊ မည်သူက ငါ၏သားများနှင့် ငါ၏လူများဖြစ်ကြောင်းကိုကောင်းစွာ သိရှိသည်။ ဤသည်ကို ငါ၏လက်ဖမိုးအားသိသကဲ့သို့ သိ၏။ အတိတ်ကာလက ငါ၏သားဦးဖြစ်သည်ဟု ငါပြောဆိုခဲ့သော မည်သူမဆိုသည် ယခုတွင်လည်း ငါ၏သားဦးဖြစ်ဆဲဖြစ်၍ အတိတ်ကာလက ငါ၏ သားဦးမဟုတ်ဟု ငါပြောဆိုခဲ့သောမည်သူမဆိုသည် ယခုတွင်လည်း ငါ၏သားဦး မဟုတ်ဆဲဖြစ်၏။ ငါလုပ်သော အဘယ်အရာမဆို ငါနောင်တမရဘဲ ၄င်းကို အလွယ်တကူမပြောင်းပေ။ ငါပြောသည့် အရာကို ငါဆိုလိုသည် (ငါ၌ မည်သည့်အရာမျှ ပေါ့ပြက်ပြက်မဟုတ်ပေ)၊ ထို့အတူ ၄င်းသည် မည်သည့်အခါမျှ မပြောင်းလဲပေ။ ငါ့အတွက် အစေခံသူများသည် ငါ့အတွက် အမြဲတစေ အစေခံသည်။ သူတို့သည် ငါ၏ကျွဲနွားများ၊ ငါ၏မြင်းများဖြစ်သည်။ (သို့သော်လည်း ထိုသူတို့၏ဝိညာဉ်၌ မည်သည့်အခါမျှ အသိဉာဏ်ပွင့်လင်းခြင်းမခံရကြပေ။ ငါသည် ထိုသူတို့အားအသုံးပြုသည့်အခါ ထိုသူတို့သည်အသုံးဝင်ကြသည်၊ သို့သော် ငါသည် ထိုသူတို့အား အသုံးမပြုသည့်အခါ သူတို့ကို ငါသတ်သည်။ ငါသည် ကျွဲနွားများ၊ မြင်းများဟု ပြောရာ၌ ၄င်းတို့၏ဝိညာဉ်၌ မည်သည့်အခါမျှ အသိဉာဏ်ပွင့်လင်းခြင်းမခံရသည့်သူများ၊ ငါ့အားမသိကြသောသူများ၊ ငါ့အား မနာခံသူများကို ဆိုလိုပြီး ထိုသူတို့သည် အကယ်၍ နာခံခြင်း၊ ရိုကျိုးခြင်း၊ ရိုးရှင်းခြင်းနှင့် ရိုးသားခြင်းရှိသော်မှ ထိုသူတို့သည် ကျွဲနွားများ၊ မြင်းများ စစ်စစ်သာ ဖြစ်နေဆဲဖြစ်သည်)။ ယခုတွင် လူအများစုတို့သည် ငါ၏ရှေ့မှောက်၌ ပျော်မြူး လွတ်လပ်လျက်ရှိသည်၊ ပေါ့ပါးစွာ ပြောဆို ရယ်မောလျက်ရှိသည်၊ မရိုမသေ မလေးမစားပြုမူလျက်ရှိသည် - ထိုသူတို့သည် ငါ၏ လူ့သဘာဝကိုသာ မြင်ကြပြီး ငါ၏ဘုရားသဘောသဘာဝကို မမြင်ကြ။ ငါ၏ လူ့သဘာဝ၌ ထိုသို့သော အပြုအမူများသည် ကျော်လွန် သွားနိုင်ပြီး သူတို့ကိုခွင့်လွှတ်နိုင်သော်လည်း ငါ၏ဘုရားသဘောသဘာဝတွင်မူ ထိုမျှမလွယ်ကူပေ။ နောင်ကာလတွင် ငါ့အား ပြစ်မှားခြင်းအားဖြင့် သင် အပြစ်ကျူးလွန်ခဲ့ပြီဟု ငါဆုံးဖြတ်မည်။ တစ်နည်းအားဖြင့်ဆိုသော် ငါ၏လူ့သဘာဝကို ပြစ်မှားနိုင်သော်လည်း ငါ၏ဘုရားသဘောသဘာဝကိုမူ ပြစ်မှား၍မရပေ၊ အနည်းငယ်မျှပင် ငါနှင့်သဘောထားကွဲသည့် မည်သူ့ကိုမဆို ငါသည် ဆိုင်းငံ့ခြင်းမရှိ ချက်ချင်းတရားစီရင်မည်။ သင်သည် ငါနှင့် နှစ်ပေါင်းများစွာ အတူတကွ လုပ်ဆောင်ပြီး ငါနှင့် ရင်းနှီးလာခြင်းကြောင့် သင်ပေါ့ပါးစွာ ပြောဆိုပြုမူနိုင်သည်ဟု မထင်နှင့်။ ငါအမှန်တကယ် လွန်စွာ ဂရုမစိုက်။ မည်သူပင်ဖြစ်စေကာမူ ငါသည်သူ့ကို ဖြောင့်မတ်ခြင်းအရ ဆက်ဆံမည်။ ဤသည်မှာ ငါ၏ ဖြောင့်မတ်ခြင်းပင်ဖြစ်သည်။

ငါ၏ လျှို့ဝှက် ဆန်းကြယ် ၏မှု များကို လူတို့အား တစ်နေ့ပြီး တစ်နေ့ဖော်ထုတ်လျက်ရှိပြီး ဗျာဒိတ်တော်အဆင့်များနောက်ပိုင်းတွင် ထိုအရာတို့သည် တစ်နေ့ထက် တစ်နေ့ သာ၍ရှင်းလင်းလာကြသည်၊ ၄င်းသည် ငါ့လုပ်ဆောင်မှုအရှိန်အား ပြသရန်လုံလောက်သည်။ ဤသည်မှာ ငါ၏ အသိပညာဖြစ်သည် (ငါသည် ဤအရာကို တိုက်ရိုက်မပြောပေ။ ငါသည် ငါ၏သားဦးတို့အား အသိဉာဏ်ပွင့်လင်းစေပြီး အဆင်းနီသော နဂါးကြီး၏ သားသမီးများကို မျက်ကန်းစေသည်။) ထိုမျှသာမက ယနေ့တွင် ငါ၏ ဆန်းကြယ်မှုကို ငါ၏သားမှ တစ်ဆင့် သင်တို့အား ငါဖော်ထုတ်ပြမည်။ လူတို့မတွေးတောနိုင်သည့် အရာများကို သင်တို့ကောင်းစွာသိစေရန် နှင့် ရှင်းလင်းစွာ နားလည်မှုရှိစေရန် ယနေ့တွင် သင်တို့့အား ငါဖော်ထုတ်ပြမည်။ ထိုမျှမက ဤ လျှို့ဝှက် ဆန်းကြယ်မှုသည် ငါ့သားဦးများပြင်ပမှ လူတိုင်း၌ တည်ရှိသော်လည်း ၄င်းကို မည်သူမျှ နားမလည်နိုင်ပေ။ ၄င်းသည် လူတစ်ယောက်စီတိုင်းနှင့် အတူရှိနေသော်လည်း ၄င်းကို မည်သူမျှ မမှတ်မိနိုင်ပေ။ ငါမည်သည်ကို ပြောနေသနည်း။ ယခုကာလအတွင်း ငါ့အလုပ်နှင့် ငါ့ဖွင့်ဆိုချက်များတွင် ငါသည် အဆင်းနီသော နဂါးကြီး၊ စာတန်၊ မာရ်နတ်နှင့် ကောင်းကင်တမန်မင်းအား မကြာခဏဖော်ပြသည်။ ထိုသူတို့သည် အဘယ်အရာများနည်း။ ၄င်းတို့၏ ဆက်နွယ်မှုများသည် အဘယ်နည်း။ ထိုအရာများတွင် မည်သည့်အရာ ပြသထားသနည်း။ အဆင်းနီသော နဂါးကြီး၏ သရုပ်သကန်များမှာ ငါ့အားခုခံခြင်း၊ ငါ့နှုတ်ကပတ်တော်များ၏အဓိပ္ပါယ်ကို နားလည်သဘောပေါက်နိုင်စွမ်းမရှိခြင်း၊ ငါ့အား မကြာခဏ ဖိစီးနှိပ်စက်ပြီး ငါ့စီမံခန့်ခွဲမှုအား နှောင့်ယှက်ရန်အလို့ငှာ စီမံချက်များကို အသုံးပြုရန် ကြိုးစားခြင်းတို့ဖြစ်သည်။ စာတန်အား အောက်ပါအတိုင်း ပြသထားသည်- အာဏာအတွက် ငါနှင့်အားထုတ်ယှဉ်ပြိုင်ခြင်း၊ ငါရွေးချယ်ထားသည့် လူများကို ပိုင်ဆိုင်လိုခြင်းနှင့် ငါ့လူများကို လှည့်စားရန်အလို့ငှာ မကောင်းသော စကားလုံးများကို ထုတ်ပြန့်ခြင်းတို့ ဖြစ်သည်။ မာရ်နတ်၏ပြသချက်များမှာ (ငါ၏ အမည်ကို လက်မခံသောသူများ၊ မယုံကြည်သူများအားလုံးသည် မာရ်နတ်များဖြစ်သည်) အောက်ပါအတိုင်းဖြစ်သည်- ဇာတိပကတိ၏ ပျော်ရွှင်မှုများကို အငမ်းမရလိုချင်ခြင်း၊ မကောင်းသော တပ်မက်မှုများ၌ ပျော်မွေ့ခြင်း၊ စာတန်၏ ချည်နှောင်မှုအောက်တွင် နေထိုင်ခြင်း၊ ငါ့ကို အချို့ကအာခံကြပြီး အချို့ကပံ့ပိုးကြသည် (သို့သော် သူတို့သည် ငါချစ်မြတ်နိုးသော သားများဖြစ်ကြောင်း သက်သေမပြကြ)။ ကောင်းကင်တမန်မင်း၏ သရုပ်သကန်များမှာ အောက်ပါအတိုင်းဖြစ်သည်- မောက်မာစွာပြောဆိုခြင်း၊ ဘုရားတရား မကြည်ညိုခြင်း၊ လူများကို ပို့ချရန် မကြာခဏ ငါ့လေသံကိုအတုခိုးခြင်း၊ အပြင်ပန်းအရ ငါအားအတုခိုးရန်ကိုသာ အာရုံစိုက်ခြင်း၊ ငါစားသည့်အရာကိုစား၍ ငါသုံးသည့်အရာကိုသုံးခြင်း။ အတိုချုပ်ရသော် ငါနှင့်အဆင့်အတန်း တူရန် လိုလားပြီး ရည်မှန်းချက်ကြီးသော်လည်း ငါ၏အရည်အသွေးနှင့် ငါ့အသက်တာမရှိ၊ အချည်းနှီးသက်သက်ဖြစ်ခြင်းဖြစ်သည်။ စာတန်၊ မာရ်နတ်နှင့် ကောင်းကင်တမန်မင်း တို့ အားလုံးသည် အဆင်းနီသောနဂါးကြီး၏ သာဓကများစစ်စစ်ဖြစ်ကြသောကြောင့် ငါ၏ ခွဲခန့်မှတ်သားပြီး ရွေးချယ်ခြင်းမခံရသော သူများသည် အဆင်းနီသော နဂါးကြီး၏ သားသမီးများဖြစ်ကြသည်။ လုံးဝ ထိုကဲ့သို့ပင်ဖြစ်သည်။ ဤအရာများသည် ငါ၏ရန်သူများအားလုံး ဖြစ်ကြသည်။ (သို့သော်လည်း စာတန်၏ ဖြိုခွဲခြင်းများကို ဖယ်ထားသည်။ သင်၏ ဗီဇသည် ငါ့အရည်အသွေးအတိုင်းဖြစ်လျှင်၊ ၄င်းကို မည်သူမျှ မပြောင်းလဲနိုင်ပေ။ အဘယ့်ကြောင့်ဆိုသော် ယခုတွင် သင်တို့သည် ဇာတိပကတိ၌ အသက်ရှင်လျက် ရှိနေသေးသောကြောင့် မကြာခဏဆိုသလိုပင် စာတန်၏ ဖြားယောင်းသွေးဆောင်ခြင်းများကို မုချခံရမည်- ဤသည်မှာ မလွဲမသွေဖြစ်သည်- သို့သော် သင်တို့သည်အမြဲသတိရှိရမည်။) ထို့ကြောင့် ငါသည် ငါ၏ သားဦးများပြင်ပမှ အဆင်းနီသော နဂါးကြီး၏ သားသမီးများအားလုံးကို စွန့်ပစ်မည်။ သူတို့၏ဗီဇသည် ဘယ်တော့မှ မပြောင်းလဲနိုင်ဘဲ ၄င်းသည် စာတန်၏ အရည်အသွေးဖြစ်သည်။ ၄င်းသည် ထိုသူတို့ ပြသသည့် မာရ်နတ်ဖြစ်ပြီး ၄င်းသည် ထိုသူတို့ အသက်ရှင်လိုက်လျှောက်သည့် ကောင်းကင်တမန်မင်းဖြစ်သည်။ ဤသည်မှာ လုံးဝဥဿုံအမှန်တရားဖြစ်သည်။ ငါပြောသော အဆင်းနီသော နဂါးကြီးသည် ကြီးမားသော အနီရောင် နဂါးကြီးမဟုတ်၊ ဤသို့ဖြစ်မည့်အစား ၄င်းသည် ငါ့အား ဆန့်ကျင်သောဝိညာဉ်ဆိုးအား “ အဆင်းနီသော နဂါးကြီး”အဖြစ် ပမာပြုသုံးနှုန်းထားခြင်းဖြစ်သည်။ ထို့ကြောင့် သန့်ရှင်းသောဝိညာဉ်တော်မှလွဲ၍ အခြားသောဝိညာဉ်များသည် ဝိညာဉ်ဆိုးများဖြစ်၍ မဟာနဂါးနီ၏ သားသမီးများလည်းဖြစ်သည်ဟု ပြောဆိုနိုင်သည်။ ဤအရာအားလုံးကို လူတိုင်းအတွက် ကျောက်သလင်းကဲ့သို့ ရှင်းလင်းပြတ်သားသင့်သည်။

ယခင်က:ကိုးဆယ်ခုမြောက်သော မိန့်မြွက်ချက်

နောက်တစ်ခုသို့:ကိုးဆယ့်ကိုးခုမြောက်သော မိန့်မြွက်ချက်

သင်နှစ်သက်နိုင်သည့် အရာများ