အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

လက်တွေ့လုပ်ဆောင်ခြင်း (၆)

ယခုခေတ်တွင် လူများစွာသည် ပေတရု၏ ဆင်ခြင်တုံတရားကို ရရှိရန်နေနေသာသာ၊ ပေါလု၏ ဆင်ခြင်တုံတရားကိုပင် ရရှိနိုင်ခြင်း မရှိပေ။ ၎င်းတို့၌ ပေါလု၏ မိမိကိုယ်ကို အသိပင် မရှိကြချေ။ ပေါလုသည် သခင်ယေရှုကို ဖိနှိပ်ခဲ့သည့်အတွက် သခင်ဘုရား၏ ဆုံးမခြင်းကို ခံခဲ့ရသော်လည်း နောက်ပိုင်းတွင် သခင်ဘုရားအတွက် လုပ်ဆောင်ရန်နှင့် ဒုက္ခဆင်းရဲခံရန် သူဆုံးဖြတ်ခဲ့သည်။ ပေါလုသည် ယခုခေတ်မှ သင်တို့ထက် ပို၍သာသော အရည်အချင်းများစွာ ရှိခဲ့သည်၊ သူ၌ ကောင်းသောအရည်အချင်း ရှိရုံမျှမက မိမိကိုယ်ကို သိခြင်းလည်း ရှိပြီး သင်တို့ထက် ဆင်ခြင်တုံတရား ပို၍ရှိခဲ့သည်။ ပေါလုသည် ယေရှု၏ ဆုံးမခြင်းကို ခံခဲ့ပြီးနောက် သူသည် ယေရှု၏ တပည့်တော်များအား ညှဉ်းပန်းနှိပ်စက်ခြင်းကို ရပ်တန့်ခဲ့ပြီး စတင်၍ တရားဟောကာ ယေရှုအတွက် ဒုက္ခဆင်းရဲခံခဲ့သည်။ ဒုက္ခဆင်းရဲခြင်းကို ကြံ့ကြံ့ခံရန် မည်သည့်အရာက သူ့ကို လှုံ့ဆော်ခဲ့သနည်း။ ပေါလုသည် ကြီးစွာသောအလင်းကို ရှုမြင်ခဲ့ပြီးသည့်အတွက် သခင်ယေရှုအတွက် သက်သေခံရမည် ဟူ၍လည်းကောင်း၊ သခင်ယေရှု၏ တပည့်တော်များကို ဆက်လက်၍ ညှဉ်းပန်းနှိပ်စက်ခြင်း၊ ဘုရားသခင်၏ အမှုကို ဆန့်ကျင်ခြင်း မပြုရမည် ဟူ၍လည်းကောင်း ယုံကြည်ခဲ့သည်။ ဘာသာရေးထဲတွင် ပေါလုသည် အလွန်ရာထူးမြင့်သော ပုဂ္ဂိုလ်တစ်ဦး ဖြစ်ခဲ့သည်။ သူသည် အလွန်နှံ့စပ်သော၊ ဆုကျေးဇူးနှင့်ပြည့်စုံပြီး အရည်အချင်း ရှိသူတစ်ဦး ဖြစ်ခဲ့သည်၊ သူသည် သာမန်လူများကို အထင်သေးခဲ့ပြီး သူ၏ ပင်ကိုစရိုက်သည် လူအများစုထက် ခိုင်မာခဲ့သည်။ သို့သော်လည်း “ကြီးစွာသောအလင်း” သည် သူ့အပေါ် တောက်ပပြီးသောအခါ သူသည် သခင်ယေရှုအတွက် လုပ်ဆောင်နိုင်ခဲ့သည်၊ ဘုရားသခင်အတွက် ဒုက္ခဆင်းရဲခံရန် ဆုံးဖြတ်နိုင်ခဲ့ပြီး သူ့ကိုယ်သူ ဘုရားသခင်ထံ ဆက်ကပ်နိုင်ခဲ့သည်။ ထို့အပြင် ဤအရာမှာ သူ၏ ဆင်ခြင်တုံတရား ဖြစ်ခဲ့သည်။ သူသည် ယေရှု၏ တပည့်တော်များကို ညှဉ်းပန်းနှိပ်စက်ပြီး ဖမ်းဆီးချုပ်နှောင်သည့် အချိန်တွင် ယေရှုသည် သူ့ထံ ပေါ်ထွန်ခဲ့ပြီး “ပေါလု၊ သင် အဘယ်ကြောင့် ငါ့ကို ညှဉ်းပန်းနှိပ်စက်သနည်း” ဟု ဆိုခဲ့သည်။ ပေါလုကလည်း ချက်ချင်း ပြပ်ဝပ်လျက် “သခင်၊ ကိုယ်တော်သည် အဘယ်သူနည်း” ဟု ပြောခဲ့သည်။ ကောင်းကင်မှ အသံက “ငါသည် သင် ညှဉ်းပန်းနှိပ်စက်သော ယေရှုပင် ဖြစ်သည်” ဟု ဆိုခဲ့သည်။ ပေါလုသည် ရုတ်တရက် နိုးကြားခဲ့ပြီးသည့်အခါမှသာ ယေရှုသည် ခရစ်တော် ဖြစ်ကြောင်း၊ ဘုရားသခင် ဖြစ်ကြောင်းကို သူ သိခဲ့သည်။ “ငါသည် ယေရှုကို ညှဉ်းပန်းနှိပ်စက်ခဲ့သောကြောင့် သူ့ကို ငါ နာခံရမည်၊ သို့သော် သူသည် ငါ့ကို သေဆုံးစေခြင်းနှင့် ကျိန်ဆဲခဲ့ခြင်း မရှိပေ၊ သူသည် ငါ့အပေါ် ကြီးစွာသောအလင်းကိုပင် တောက်ပစေခဲ့သည်၊ သူသည် ငါ့ကို ထိုမျှလောက် ကျေးဇူးတော်ကို ငါ့အား ပြသခဲ့သည်။ ငါသည် သူ့အတွက် ဒုက္ခဆင်းရဲခံရမည်။” ဤအရာသည် သူ့ကို လှုံ့ဆော်ခဲ့ပြီး သူက “ငါသည် သူ၏ မျက်နှာကို မော်၍မကြည့်ခဲ့သော်လည်း သူ၏အသံကို ငါ ကြားခဲ့ရပြီး ကြီးစွာသော အလင်းကို ရှုမြင်ခဲ့ရသည်။ ဘုရားသခင်သည် ငါ့ကို အမှန်တကယ် ချစ်ကြောင်းနှင့် သခင်ယေရှုခရစ်တော်သည် လူသားအပေါ် သနားခြင်းကရုဏာ ရှိသော ဘုရားသခင် ဧကန်အမှန် ဖြစ်ကြောင်းနှင့် သူသည် လူသား၏ ဒုစရိုက်အပြစ်များကို ထာဝရ ခွင့်လွှတ်ကြောင်းကို ယခုမှသာ ငါ စစ်မှန်စွာ မြင်ရခြင်းဖြစ်သည်။ ငါသည် အပြစ်သားတစ်ဦး ဖြစ်ကြောင်းကို စစ်မှန်စွာ ငါမြင်ပြီ” ဟု ဆိုခဲ့သည်။ နောက်ပိုင်းတွင် ဘုရားသခင်သည် အမှုပြုရန်အတွက် ပေါလု၏ ဆုကျေးဇူးများကို အသုံးပြုခဲ့သော်လည်း ဤအရာကို လေလောဆယ် မေ့ထားလော့။ ထိုအချိန်က သူ၏ ဆုံးဖြတ်ချက်၊ သူ၏ မှန်ကန်သော လူ့ဆင်ခြင်တုံတရားနှင့် သူ၏ မိမိကိုယ်ကို သိခြင်းတို့ကို သင်တို့သည် ရရှိနိုင်စွမ်း မရှိကြပေ။ ယနေ့တွင် သင်တို့သည် ဘုရားသခင်၏ အလင်း မြောက်မြားစွာကို ရခဲ့ကြပြီ မဟုတ်လော။ ဘုရားသခင်၏ စိတ်သဘောထားသည် ဘုန်းအာနုဘော်၊ အမျက်ဒေါသ၊ တရားစီရင်ခြင်းနှင့် ပြစ်တင်ဆုံးမခြင်း ဖြစ်ကြောင်းကို လူများစွာတို့သည် ရှုမြင်ခဲ့ကြပြီ မဟုတ်လော။ ကျိန်ခြင်းအမင်္ဂလာများ၊ စမ်းသပ်မှုများ နှင့် စစ်ဆေးခြင်းများသည် လူတို့အပေါ် အကြိမ်များစွာ ကျရောက်ခဲ့ပြီ မဟုတ်လော၊ ၎င်းတို့သည် မည်သည့်အရာတို့ကို သင်ယူခဲ့ကြပြီနည်း။ သင်သည် ဆုံးမပဲ့ပြင်ခံရပြီး ရိုက်နှက်ဆုံးမခံရခြင်းမှ မည်သည့်အရာကို ရခဲ့ပြီနည်း။ ရိုက်နှက်ခြင်းနှင့် ပြင်းထန်သော နှုတ်ကပတ်တော်များ၏ တရားစီရင်ခြင်းတို့သည် သင့်အပေါ် အကြိမ်များစွာ ကျရောက်ခဲ့ပြီး ဖြစ်သော်လည်း သင်သည် ၎င်းတို့ကို အရေးမစိုက်ချေ။ ပေါလု၌ ရှိခဲ့သော ဆင်ခြင်တုံတရား သင်၌ အနည်းငယ်မျှပင် မရှိပေ၊ သင်သည် အလွန့်အလွန် ဆုတ်ယုတ်နေသည် မဟုတ်လော။ ပေါလု ရှင်းလင်းစွာ မမြင်ခဲ့သော အရာများစွာလည်း ရှိခဲ့သည်။ သူ့အပေါ် အလင်းရောင် တောက်ပခဲ့ကြောင်းကိုသာ သူသိခဲ့သော်လည်း သူသည် ဆုံးမခြင်းကို ခံခဲ့ရကြောင်းကို သတိမပြုမိခဲ့ပေ။ သူ၏ ကိုယ်ပိုင် ထင်မြင်ချက်ထဲတွင် သူ့အပေါ် အလင်းရောင် တောက်ပပြီးနောက် သူသည် ဘုရားသခင်အတွက် သူ့ကိုယ်သူ အသုံးခံရမည်၊ ဘုရားသခင်အတွက် ဒုက္ခဆင်းရဲခံရမည်၊ သခင်ယေရှုခရစ်တော်အတွက် လမ်းခင်းပေးရန် နှင့် သခင်ဘုရားသခင်၏ ရွေးနုတ်ကယ်တင်ခံရရန်အလို့ငှာ နောက်ထပ် အပြစ်သားများကို ရရန် အရာခပ်သိမ်းကို လုပ်ဆောင်ရမည် ဖြစ်သည်။ ဤသည်မှာ သူ၏ ဆုံးဖြတ်ချက် ဖြစ်ပြီး သူ၏အမှု၏ တစ်ခုတည်းသော ရည်မှန်းချက် ဖြစ်ခဲ့သည်။ ပေါလုသည် နှစ်ပေါင်းနှစ်ဆယ်ကျော် လုပ်ဆောင်ခဲ့သည်။ သူသည် မြောက်မြားစွာ ဒုက္ခဆင်းရဲခံခဲ့ရပြီး ကြီးစွာသော ညှဉ်းပန်းနှိပ်စက်ခြင်း နှင့် ဘေးဒုက္ခမာျးစွာကို ခံစားခဲ့ရသော်လည်း ဤအရာများမှာ ပေတရု၏ စမ်းသပ်မှုများထက် နည်းသည်မှာ အမှန်ပင် ဖြစ်သည်။ သင်တို့သည် ပေါလု၏ ဆင်ခြင်တုံတရားကိုပင် ပိုင်ဆိုင်ခြင်း မရှိပါက အဘယ်မျှ သနားစဖွယ်ကောင်းသနည်း။ ဘုရားသခင်သည် ဤနည်းဖြင့် သင်တို့အပေါ် သာ၍ကြီးသော အမှုကို အဘယ်သို့ စတင်လုပ်ဆောင်နိုင်မည်နည်း။

ပေါလုသည် ဧဝံဂလိတရားကို ဟောပြောစဉ် ကြီးစွာသော ညှဉ်းဆဲခြင်းကို ခံခဲ့ရသည်။ သူ ပြုခဲ့သောအမှု၊ ထိုအချိန်က သူ၏ ဆုံးဖြတ်ချက်၊ ယုံကြည်ခြင်း၊ သစ္စာရှိခြင်း၊ ချစ်ခြင်းမေတ္တာ၊ သည်းခံခြင်းနှင့် နှိမ့်ချခြင်းနှင့် သူ အသက်ရှင်နေထိုင်ခဲ့သော အခြား ပြင်ပအရာများစွာတို့သည် ယနေ့ခေတ်မှ သင်တို့ထက် ပို၍အဆင့်မြင်ခဲ့သည်။ ပို၍ခက်ထန်စွာ ဆိုသော် သင်တို့၌ မှန်သော ဆင်ခြင်တုံတရား မရှိလိုက်လေချင်း။ သင်၌ အသိစိတ် သို့မဟုတ် လူ့သဘာဝ တစ်စုံတစ်ရာမျှပင် မရှိပေ၊ ထို့ပြင် မိမိကိုယ်ကို သိခြင်း လက္ခဏာ မရှိ၊ သင်သည် လွန်စွာချို့တဲ့လေစွ။ ပေါလု ဆုံးမခြင်းကို ခံခဲ့ရပြီးနောက် သူသည် ခန္ဓာကိုယ် နာမကျန်းဖြစ်ခြင်းကို ခံစားခဲ့ရသော်လည်း သူသည် သခင်ဘုရားအတွက် ဆက်လက်၍ လုပ်ဆောင်နိုင်ခဲ့သည့်အပြင် ဆုတောင်းခြင်းနှင့် ရှာဖွေခြင်းကို ပြုခဲ့သည်၊ “ဤ နာမကျန်းခြင်းမှာ မည်သည့် အရာ အမှန်တကယ် ဖြစ်သနည်း။ ငါသည် သခင်ဘုရားအတွက် ဤအလုပ်အားလုံးကို လုပ်ခဲ့ပြီး ဖြစ်သည်၊ ဤရောဂါသည် ငါ့ထံမှ အဘယ်ကြောင့် မထွက်သွားသနည်း။ သခင်ယေရှုသည် ငါ့ကို စမ်းသပ်နေခြင်း ဖြစ်သလော။ သူသည် ငါ့ကို ဆုံးမခဲ့ခြင်း ဖြစ်နိုင်သလော။ အကယ်၍ သူသည် ငါ့ကို ဆုံးမခဲ့သော် ငါသည် ထိုစဉ်အချိန်က သေဆုံးခဲ့မည် ဖြစ်ပြီး သူ့အတွက် ဤအလုပ်အားလုံးကို လုပ်နိုင်စွမ်းရှိမည် မဟုတ်သည့်အပြင် မြောက်မြားစွာသော အလင်းကို ရရှိနိုင်ခဲ့မည် မဟုတ်ပေ။ သူသည်လည်း ငါ၏ ဆုံးဖြတ်ချက်ကို သဘောပေါက်ခဲ့သည်။” ဤ နာမကျန်းဖြစ်ခြင်းသည် ဘုရားသခင် မိမိအပေါ် စမ်းသပ်နေခြင်း ဖြစ်ကြောင်း၊ မိမိ၏ ယုံကြည်ခြင်းနှင့် စိတ်စွမ်းအားကို မီးဆေးနေခြင်း ဖြစ်ကြောင့် ပေါလု အမြဲ ခံစားခဲ့ရသည်၊ ဤကဲ့သို့ ပေါလု မြင်ခဲ့သည်။ လက်တွေ့ဘဝတွင် သူ၏ နာမကျန်းဖြစ်ခြင်းမှာ သခင်ယေရှု သူ့ကို ဆုံးမသည့်အခါက ကျန်ခဲ့သော နောက်ဆက်တွဲတစ်ခုပင် ဖြစ်ခဲ့သည်။ ၎င်းသည် သူ့အား စိတ်ခံစားမှုဆိုင်ရာ ဖိအားအောက်သို့ ရောက်စေခဲ့ပြီး သူ၏ ပုန်ကန်မှုထဲ၌ ဇက်ကိုင်ခဲ့သည်။ အကယ်၍ သင်တို့သည် ပေါလု၏ အခြေအနေများထဲ၌ ရောက်ရှိနေပါက သင်တို့ အဘယ်သို့ လုပ်မည်နည်း။ သင်၏ ဆုံးဖြတ်ချက် နှင့် ဒုက္ခဆင်းရဲခံနိုင်စွမ်းကို ပေါလု၏ ဆုံးဖြတ်ချက် နှင့် ဒုက္ခဆင်းရဲခံနိုင်စွမ်းနှင့် နှိုင်းဆနိုင်သလော။ အကယ်၍ သင်တို့သည် ယနေ့ အသေးအဖွဲ နာမကျန်း ဖြစ်ခြင်းအချို့ကို ခံရပါက သို့မဟုတ် ကြီးမားသော စမ်းသပ်မှုတစ်ခုကို ကြုံရပါက သင်တို့သည် မည်ကဲ့သို့ ဖြစ်ကြလိမ့်မည်ကို မည်သူသိမည်နည်း။ အကယ်၍ သင်တို့သည် ငှက်လှောင်အိမ် တစ်ခုထဲတွင် ပိတ်လှောင်ခံရပြီး အထောက်အပံ့များကို အဆက်မပြတ် ရမည်ဆိုပါက သင်တို့ အဆင်ပြေကြလိမ့်မည်။ ထိုသို့မဟုတ်ပါက သင်တို့သည် လူ့သဘာဝ ကင်းမဲ့သော ဝံပုလွေများကဲ့သို့ ဖြစ်ကြလိမ့်မည်။ ထို့ကြောင့် သင်တို့သည် အနည်းငယ်သော အကန့်အသတ် သို့မဟုတ် အခက်အခဲတစ်ခုကို ကြုံရသည့်အခါ ၎င်းမှာ သင်တို့အတွက် ကောင်းသည်၊ အကယ်၍ သင်တို့သည် လွယ်ကူသက်သောသော အချိန်တစ်ခုကို ပေးခြင်းခံရပါက သင်တို့သည် ပျက်စီးကြလိမ့်မည် ဖြစ်၍ သင်တို့သည် မည်ကဲ့သို့ အကာအကွယ်ပေးခြင်းကို ခံနိုင်ကြမည်နည်း။ ယနေ့တွင် သင်တို့သည် ပြစ်တင်ဆုံးမခံရခြင်း၊ တရားစီရင်ခံရခြင်းနှင့် ကျိန်ခြင်းအမင်္ဂလာကို ခံရခြင်းကြောင့် အကာအကွယ်ပေးခြင်းကို ခံကြရခြင်း ဖြစ်သည်။ ထိုသို့မဟုတ်လျှင် သင်သည် ယခင်ကတည်းက ဆိုးယုတ်ခြင်းထဲသို့ ကျဆင်းခဲ့မည် ဖြစ်သည်။ ဤသည်မှာ သင်တို့အတွက် အမှုအရာများကို တမင်တကာ ခက်ခဲအောင် လုပ်နေခြင်း မဟုတ်ပေ၊ လူသား၏ သဘာဝမှာ ပြောင်းလဲရန် ခက်ခဲပြီး လူတို့၏ စိတ်သဘောထားများကို ပြောင်းလဲရန် ဤနည်းဖြင့်သာ ရသည်။ ယနေ့ သင်တို့၌ ပေါလု၏ အသိစိတ် သို့မဟုတ် ဆင်ခြင်တုံတရားကိုပင် ပိုင်ဆိုင်ခြင်း မရှိသည့်အပြင် သူ၏ မိမိကိုယ်ကို သိခြင်းကိုပင် မရှိကြပေ။ သင်တို့ကို အမြဲတစေ ဖိအားပေးရန် လိုအပ်ပြီး သင်တို့၏ ဝိညာဉ်များ နိုးထစေရန် သင်တို့သည် အမြဲ ပြစ်တင်ဆုံးမခြင်းနှင့် တရားစီရင်ခြင်းကို ခံရန် လိုအပ်ကြသည်။ ပြစ်တင်ဆုံးမခြင်း နှင့် တရားစီရင်ခြင်းတို့မှာ သင်တို့၏ ဘဝအတွက် အကောင်းဆုံးအရာများ ဖြစ်သည်။ ထို့အပြင် မဖြစ်မနေ လိုအပ်သောအခါ ဖြစ်ရပ်မှန်များ၏ ပြစ်တင်ဆုံးမမှု သင့်အပေါ် ကျရောက်လာခြင်းလည်း ရှိရမည်ဖြစ်သည်၊ ထိုအခါမှသာ သင်တို့သည် အပြည့်အဝ ကျိုးနွံနာခံကြမည် ဖြစ်သည်။ သင်တို့၏ သဘာဝများမှာ ပြစ်တင်ဆုံးမခြင်း နှင့် ကျိန်ဆဲခြင်း မရှိသော၊ သင်တို့၏ ဦးခေါင်းများကို ကိုင်းညွတ်ရန် နှင့် ကျိုးနွံနာခံရန် အလိုမရှိသော သဘာဝ ဖြစ်သည်။ သင်၏ မျက်စိရှေ့တွင် ဖြစ်ရပ်မှန်များ မရှိပါက မည်သည့် အကျိုးရလဒ်များကိုမှ ရရှိနိုင်မည်မဟုတ်ပေ။ သင်တို့သည် အလွန်အောက်တန်းကျပြီး စာရိတ္တပိုင်းတွင် တန်ဖိုးမဲ့ကြသည်။ ပြစ်တင်ဆုံးမခြင်း နှင့် တရားစီရင်ခြင်း မရှိပါက သင်တို့ကို သိမ်းပိုက်ရန် ခက်ခဲပြီး သင်တို့၏ မဖြောင့်မတ်ခြင်း နှင့် နာခံမှု မရှိခြင်းတို့ကို ချိုးနှိမ်နိုင်ရန် ခဲယဉ်းလိမ့်မည်ဖြစ်သည်။ သင်တို့၏ သဘာဝဟောင်းသည် အလွန်နက်ရှိုင်းစွာ အမြစ်တွယ်လျက်ရှိသည်။ အကယ်၍ သင်တို့ကို ပလ္လင်ပေါ်တွင် နေရာချထားမည် ဆိုပါက သင်တို့သည် ကောင်းကင်ဘုံ၏ အမြင့် နှင့် မြေကြီး၏ အနက်ကို သိကြလိမ့်မည် မဟုတ်ပေ၊ သင်တို့ မည်သည့် နေရာသို့ ဦးတည်နေကြောင်းကိုမူ ပြောရန်ပင် မလိုတော့ချေ။ သင်တို့ မည်သည့်နေရာမှ လာကြောင်းကိုပင် မသိကြသဖြင့် သင်တို့သည် ဖန်ဆင်းခြင်း၏ အရှင်သခင်ကို အဘယ်သို့ သိနိုင်ကြမည်နည်း။ ယနေ့ အချိန်မီ ပြစ်တင်ဆုံးမခြင်း နှင့် ကျိန်ဆဲခြင်း မရှိပါက သင်တို့၏ နောက်ဆုံးသော နေ့ရက် ရောက်ခဲ့သည်မှာ ကြာနှင့်ပြီဖြစ်သည်။ ယင်းမှာ သင်တို့၏ ကံကြမ္မာ အကြောင်း တစ်စုံတစ်ရာ ဆိုခြင်း မဟုတ်ပေ၊ ၎င်းသည် ပို၍ပင် အန္တရာယ်ကျအံ့ဆဲဆဲ ဖြစ်လိမ့်မည် မဟုတ်လော။ အချိန်မီ ဖြစ်သော ဤ ပြစ်တင်ဆုံးမခြင်း နှင့် တရားစီရင်ခြင်း မရှိပါက သင်တို့သည် မည်မျှ မာနထောင်လွှားကြမည် သို့မဟုတ် သင်တို့သည် မည်မျှ စာရိတ္တပျက်ပြားကြမည်ကို မည်သူ သိသနည်း။ ဤ ပြစ်တင်ဆုံးမခြင်း နှင့် တရားစီရင်ခြင်းသည် သင်တို့ကို ယနေ့တိုင် ခေါ်ဆောင်လာခဲ့ခြင်း ဖြစ်ပြီး ၎င်းသည် သင်တို့၏ ဖြစ်တည်ခြင်းကို ကာကွယ်စောင့်ရှောက်လျက်ရှိသည်။ အကယ်၍ သင်တို့သည် သင်တို့၏ “ဖခင်” ၏ နည်းလမ်းများအတိုင်း အသုံးပြုကာ “ပညာတတ်” ဖြစ်နေဦးမည်ဆိုပါက သင်တို့သည် မည်သည့် လောကထဲသို့ ဝင်ရောက်ရမည်ကို မည်သူ သိသနည်း။ သင်တို့သည် သင်တို့ကိုယ်ကို ထိန်းချုပ်နိုင်စွမ်း နှင့် ဆင်ခြင်သုံးသပ်နိုင်စွမ်း မရှိကြချေ။ သင်တို့ကဲ့သို့ လူများအတွက်မူကား အကယ်၍ သင်တို့သည် ဝင်ရောက်စွက်ဖက်ခြင်း သို့မဟုတ် အနှောင့်အယှက် တစ်စုံတစ်ရာ ဖြစ်စေခြင်း မရှိဘဲ နာခံ လိုက်နာမည်ဆိုလျှင် ငါ၏ ရည်မှန်းချက်များ ပြည့်မီလိမ့်မည် ဖြစ်သည်။ သင်တို့သည် ယနေ့၏ ပြစ်တင်ဆုံးမခြင်း နှင့် တရားစီရင်ခြင်းကို လက်ခံရာ၌ ပို၍ကောင်းစွာ မပြုသင့်သလော။ သင်၌ အခြား မည်သည့် ရွေးချယ်စရာများ ရှိသနည်း။ သခင်ယေရှု စကားပြောနေ၍ အမှုပြုကြောင်းကို ပေါလု မြင်သောအခါ သူ မယုံကြည်ခဲ့သေးပေ။ သူသည် ဗိမာန်တော်ထဲ၌ တရားဒေသနာများကို ဟောပြောပြီး တိုင်းပြည်အနှံ့ တရားဟောနေဆဲ ဖြစ်၍ ယေရှုကို ဆန့်ကျင်လျက်နေခဲ့သည်။ သူသည် မည်သည့် လူသားကိုမဆို နာခံရန် ဟိတ်ကြီးဟန်ကြီးဖြင့် ငြင်းဆိုခဲ့သူ ဖြစ်သည်။ ဤအရာများသည် ထိုအချိန်က အမှုအတွက် ကြီးမားသော အတားအဆီးတစ်ခု ဖြစ်လာခဲ့သည်။ ယေရှု အမှုပြုနေခဲ့သည့် အချိန်တွင် ပေါလုသည် လူတို့ကို ညှဉ်းပန်းနှိပ်စက်ခြင်း နှင့် ဖမ်းဆီးခြင်းတို့ကို တိုက်ရိုက် မပြုခဲ့သော်လည်း ယေရှု၏ အမှုကို ဖြိုဖျက်ရန် သူသည် တရားဟောပြောခြင်း နှင့် နှုတ်ကပတ်တော်တို့ကို အသုံးပြုခဲ့သည်။ နောက်ပိုင်းတွင် သခင်ယေရှု လက်ဝါးကပ်တိုင်းပေါ်တွင် သံဖြင့် ရိုက်နှက်ချိတ်ဆွဲခြင်းကို ခံခဲ့ရပြီး ရှင်ပြန်ထမြောက်ခဲ့သောအခါ၊ သူသည် ဤ အဖြစ်မှန်ကို သိခဲ့သော်လည်း တစ်နေရာမှ တစ်နေရာ အလျင်အမြန် သွားကာ တပည့်တော်များကို ဖမ်းဆီးရန်နှင့် ညှဉ်းပန်းနှိပ်စက်ရန် သူ တတ်နိုင်သမျှကို ပြုလျက်နေခဲ့သည်။ ဤအရာမှာ တမင်တကာဖြစ်သော ကျူးလွန်မှုတစ်ခု ဖြစ်သဖြင့် သူသည် ဘုရားသခင်၏ ဆုံးမခြင်းကို ခံခဲ့ရခြင်း ဖြစ်သည်။ ယေရှုသည် သူ့ကို ဆုံးမခဲ့ပြီးနောက် ဝေဒနာတစ်ခုကို ပေးခဲ့သည်။ သူ၏ လူ့ဇာတိထဲ၌ ဆူးတစ်ခု ရှိသည်ဟု အဘယ်ကြောင့် သူ ဆိုခဲ့သနည်း။ အကယ်စင်စစ် ထိုဆူးမှာ ဝေဒနာတစ်ခု ဖြစ်ခဲ့ပြီး ၎င်းသည် သူ့အတွက် သေစေနိုင်သော ဒဏ်ရာတစ်ခု ဖြစ်ခဲ့သည်၊ သူ၏ နောက်ဆက်တွဲ အလုပ်တွင် သူ၏ နာမကျန်းဖြစ်ခြင်းသည် သူ့ထံမှ မည်သည့်အခါမျှ ထွက်ခွာသွားခဲ့ခြင်း မရှိဘဲ ဤ နာမကျန်း ဖြစ်ခြင်းကြောင့်သာ မြောက်မြားစွာသော အလုပ်ကို သူ လုပ်ခဲ့ခြင်း ဖြစ်သည်။ ယေရှုသည် ပေါလု၏ မာနကြီးခြင်း နှင့် တမင်တကာ ကျူးလွန်ခြင်းတို့ကြောင့် သူ့ထဲ၌ ဤ နာမကျန်း ဖြစ်ခြင်းကို ထည့်ပေးခဲ့သည်ဟု ဆိုနိုင်သည်၊ ၎င်းမှာ သူ့အတွက် ပြစ်ဒဏ်တစ်ခု ဖြစ်ခဲ့သော်လည်း ဘုရားသခင်၏ သာ၍ ကြီးမြတ်သော အမှုအတွက်လည်း ဖြစ်ခဲ့သည်။ အမှန်အားဖြင့် ဘုရားသခင် ၏ရည်ရွယ်ချက်မှာ ပေါလုကို ကယ်တင်ရန် မဟုတ်ဘဲ အသုံးပြုရန် ဖြစ်သည်။ သို့သော်လည်း ပေါလု၏ စိတ်သဘောထားသည် အလွန် မောက်မာပြီး တမင်တကာကျူးလွန်ခြင်း ဖြစ်ခဲ့သောကြောင့် သူ့အထဲ၌ “ဆူး” တစ်ခု ထည့်ပေးခဲ့ခြင်း ဖြစ်သည်။ အဆုံးတွင် ပေါလုသည် သူ၏ အလုပ် အဆုံးသတ်သောအခါ နာမကျန်း ဖြစ်ခြင်းသည် သူ့အတွက် ထိုမျှလောက် ကြီးမားသော ညှဉ်းပန်းမှုတစ်ခု မဟုတ်တော့ဘဲ သူ၏ အလုပ် ပြီးဆုံးသည့်အခါ သူက “ငါသည် ကောင်းသော တိုက်ပွဲတစ်ခုကို တိုက်ခဲ့ပြီ၊ ငါ၏ တာဝန်ကို ထမ်းဆောင်ခဲ့ပြိ၊ ယုံကြည်ခြင်းကို ငါ စောင့်ထိန်းခဲ့သည်၊ ယခုမှစ၍ ငါ့အတွက် ဖြောင့်မတ်ခြင်း သရဖူတစ်ခုကို ချထားလေပြီ” ဟူသော စကားများကို ပြောနိုင်ခဲ့သည်၊ သူသည် ဘုရားသခင်၏ အမှုကို မသိခဲ့ခြင်းကြောင့် ယင်းသို့ ပြောခဲ့ခြင်း ဖြစ်သည်။ သင်တို့ကြား၌ ပေါလုကဲ့သို့ သူများစွာ ရှိကြသော်လည်း အကယ်၍ သင်တို့သည် လမ်းဆုံးတိုင်အောင် လိုက်လျှောက်ရန် ဆုံးဖြတ်ချက်ကို အမှန်တကယ် ပိုင်ဆိုင်ပါက သင်တို့သည် မတရား ဆက်ဆံခြင်းကို ခံကြရမည် မဟုတ်ပေ။ ပေါလု ပုန်ကန်ခဲ့ပုံ နှင့် အတိုက်အခံ လုပ်ခဲ့ပုံတို့ကို ဤနေရာတွင် ငါတို့ ဆွေးနွေးမည် မဟုတ်ပေ၊ သူ၏ အပြုသဘောဆောင်ပြီး ချီးကျူးထိုက်သော အပိုင်းကို ဆက်၍ ကြည့်ကြပါစို့၊ သူ၌ အသိစိတ် ရှိခဲ့ပြီး “လင်း” ကို ရပြီးသည်နှင့်တစ်ပြိုင်နက် သူသည် ဘုရားသခင်ထံ မိမိကိုယ်ကို နှစ်မြှပ်ဆက်ကပ်နိုင်ခဲ့ပြီး ဘုရားသခင်အတွက် ဒုက္ခဆင်းရဲ ခံနိုင်ခဲ့သည်။ ဤသည်မှာ သူ၏ အားသာချက်တစ်ခု ဖြစ်ခဲ့သော်လည်း သူ၌ အားသာချက်များ ရှိခဲ့ခြင်းကြောင့် သူသည် ကောင်းချီးမင်္ဂလာကို ခံစားခဲ့ရသော သူတစ်စုံတစ်ဦး ဖြစ်ကြောင်း ပြသခြင်း ဖြစ်သည်ဟုလည်းကောင်း၊ သူသည် ပြစ်တင်ဆုံးမခြင်းကို ခံခဲ့ရခြင်းမှာ သေချာပေါက် မဟုတ်ကြောင်း ယုံကြည်ကြသောသူများ ရှိပါက ဤအရာမှာ အသိတရား ကင်းမဲ့သော လူများ၏ စကားများပင် ဖြစ်သည်။

ဆုတောင်းခြင်း နှင့် ဘုရားသခင်၏ နှုတ်ကပတ်တော်များကို ဖတ်ရှုခြင်းကို ပြုသောအခါ လူများစွာက ၎င်းတို့သည် ဘုရားသခင်ထံ ဆက်ကပ်လိုကြကြောင်း ဆိုကြသော်လည်း နောက်ထပ်တဖန် တိတ်တဆိတ် သောက်စားပျော်မြူးကြပြီး ၎င်းနှင့်ပတ်သက်၍ တစ်စုံတစ်ရာ တွေးတောခြင်း မရှိကြပေ။ ဘုရားသခင်၏ နှုတ်ကပတ်တော်များကို ထပ်ခါတလဲလဲ ပြောခံပြီး ဖြစ်၍ တစ်လွှာပြီး တစ်လွှာ ထုတ်ဖော်လျက်ရှိပြီး လူတို့၏ အောက်ဆုံး အလွှာကို ထုတ်ဖော်သည့်အခါမှသာ ၎င်းတို့သည် “ငြိမ်သက်ခြင်းကို ရှာဖွေ” ပြီး မောက်မာခြင်း နှင့် တမင်တကာ ကျူးလွန်ခြင်း လျော့နည်းလာကြသည်၊ သည်းမခံနိုင်အောင် မာနကြီးခြင်း လျော့နည်းလာသည်။ သင်တို့၏ ယနေ့ အခြေအနေများဖြင့် သင်တို့သည် အကြင်နာမဲ့စွာ ဆုံးမခြင်း နှင့် ထုတ်ဖော်ခြင်းကို ခံရဦးမည် ဖြစ်၍ ပိုက်စိတ်တိုက် အသေးစိတ် တရားစီရင်ခြင်းကို ခံကြရမည် ဖြစ်သဖြင့် သင်တို့သည် သင်တို့၏ အသက်ကို ရှိုက်ရန်ပင် အခွင့်အရေး ရှိမည် မဟုတ်ပေ။ သင်တို့အတွက်မူကား ပြင်းထန်သော ပြစ်တင်ဆုံးမခြင်း နှင့် တရားစီရင်ခြင်းသည် သင်တို့ထံမှ စွန့်ခွာမသွားဘဲ၊ ပြစ်တင်ဝေဖန်ခြင်း နှင့် ကျိန်ဆဲခြင်းများသည် သင်တို့နှင့် ဝေးရာ၌ မရှိဘဲ ဘုရားသခင်၏ လက်ထဲရှိ စီမံခန့်ခွဲမှုဆိုင်ရာအမိန့်များသည် သင်တို့ထံမှ မည်သည့်အခါမျှ မထွက်သွားကြောင်း သင်တို့ကို မြင်စေခြင်းမှာ သာ၍ကောင်းသည်။ ပညတ်တော်ခေတ်တွင် မိမိထံမှ ယေဟောဝါသည် မည်သည့်အခါမျှ မစွန့်ခွာကြောင်းကို အာရုန် ရှုမြင်ခဲ့သည့်နည်းတူ (သူ ရှုမြင်ခဲ့ရသည်မှာ ယေဟောဝါ၏ အဆက်မပြတ်ဖြစ်သော လမ်းပြခြင်းနှင့် ကာကွယ်ခြင်း ဖြစ်သည်၊ သင်တို့ ယနေ့ ရှုမြင်ရသော ဘုရားသခင်၏ လမ်းပြခြင်းမှာ ပြစ်တင်ဆုံးမခြင်း၊ ကျိန်ဆဲခြင်း နှင့် တရားစီရင်ခြင်းတို့ ဖြစ်သည်) ယနေ့တွင် ယေဟောဝါ၏ စီမံခန့်ခွဲမှုဆိုင်ရာ အမိန့်များသည် သင်တို့ကိုလည်း စွန့်ခွာမည် မဟုတ်ပေ။ သို့သော်လည်း သင်တို့ စိတ်ချနိုင်သော အရာတစ်ခု ရှိသည်၊ သင်တို့ မည်သို့ပင် ဆန့်ကျင်ခြင်း၊ ပုန်ကန်ခြင်း နှင့် စီရင်ချက်များကို ချပါစေ သင်တို့သည် ဖျက်လိုဖျက်ဆီး မလုပ်သည့်ကာလပတ်လုံး သင်တို့၏ လူ့ဇာတိအပေါ် အန္တရာယ်တစ်စုံတစ်ရာ ရှိလိမ့်မည်မဟုတ်ပေ။ သို့သော်လည်း မိမိတို့၏ ဆန့်ကျင်ခြင်းတွင် အတိုင်းထက်လွန်သော လူများ ရှိပြီး အမှုတော်ကို နှောင့်ယှက်ပါက ဤအရာမှာ လက်မခံနိုင်ပါ၊ အကန့်အသတ်တစ်ခု ရှိသည်။ အသင်းတော် အသက်တာကို နှောင့်ယှက်ခြင်း သို့မဟုတ် ဖျက်လိုဖျက်စီး မပြုနှင့်၊ ထို့အပြင် သန့်ရှင်းသောဝိညာဉ်တော်၏ အမှုကို မနှောင့်ယှက်နှင့်။ ကျန်သည့်အရာမှန်သမျှကို သင့်အလိုကျ သင် လုပ်နိုင်သည်။ အကယ်၍ သင်က အသက်ကို ရှာဖွေလိုခြင်း မရှိဘဲ လောကထဲသို့ ပြန်သွားလိုပါက အလျင်အမြန် သွားလော့။ ဘုရားသခင်၏ အမှုကို အနှောင့်အယှက် မပြုသည့်ကာလပတ်လုံး သင်တို့ အလိုရှိသည့် အရာကို လုပ်နိုင်သည်။ သို့သော်လည်း သင် သိကိုသိရမည့် နောက်ထပ် အရာတစ်ခု ရှိသည်၊ အဆုံးတွင် ယင်းကဲ့သို့ တမင်တကာ ကျူးလွန်သော အပြစ်သားများ အားလုံးသည် သုတ်သင်ဖယ်ရှင်းခြင်းကို ခံကြရမည်။ သင်သည် ယနေ့ အပြစ်တင်ခြင်းကို မခံကောင်း မခံရနိုင်သော်လည်း အဆုံးတွင် လူတစ်စုသာ ဘုရားသခင်အတွက် သက်သေခံကြလိမ့်မည် ဖြစ်၍ ကျန်သည့်လူအပေါင်းမှာ အန္တရာယ်ထဲ၌ ရှိနေလိမ့်မည်။ အကယ်၍ သင်သည် ဤ ရေစီးကြောင်းထဲ၌ မရှိလိုပါက ရပါသည်။ ယနေ့ခေတ် လူများသည် သည်းခံစွာဖြင့် ဆက်ဆံခြင်းကို ခံကြရသည်၊ မနက်ဖြန်၏ ပြစ်တင်ဆုံးမခြင်းကို သင် မစိုးရိမ်သည့်အတွက် သင့်ကို ငါ မကန့်သတ်ပေ။ သို့သော်လည်း အကယ်၍ သင်သည် ဤ ရေစီးကြောင်းထဲ၌ ရှိပါက ဘုရားသခင်ကို သက်သေခံပြီး ပြစ်တင်ဆုံးမခြင်းကို ခံရမည်ဖြစ်သည်။ အကယ်၍ သင်သည် ၎င်းကို ငြင်းပယ်လိုပြီး လောကထဲသို့ ပြန်သွားလိုပါက ရပါသည်၊ မည်သူမျှ သင့်ကို မတားပါ။ သို့သော်လည်း သင်သည် ဘုရားသခင်၏ အမှုကို ဖျက်လိုဖျက်စီး နှင့် အနှောင့်အယှက် ဖြစ်စေသော အလုပ်ကို သင် လုပ်ပါက ယင်းအတွက် သင့်ကို လုံးဝ ခွင့်လွှတ်နိုင်မည် မဟုတ်ပေ။ မည်သည့် လူများသည် ပြစ်တင်ဆုံးမခြင်းကို ခံရပြီး မည်သူ၏ မိသားစုဝင်များသည် ကျိန်ဆဲခြင်းကို ခံရသည့်အကြောင်း သင်၏ မျက်လုံးများဖြင့် မြင်၍ နားဖြင့် ကြားသည့် အကြောင်းနှင့်ပတ်သက်၍ ဤအရာ အားလုံးအတွက် အကန့်အသတ်များ နှင့် နယ်နိမိတ်များ ရှိသည်။ သန့်ရှင်းသောဝိညာဉ်တော်သည် အမှုအရာများကို ပေါ့ပေါ့တန်တန် လုပ်ဆောင်ခြင်း မရှိပေ။ သင်တို့ ကျူးလွန်သော ဒုစရိုက်အပြစ်များကို အခြေခံပြီး အကယ်၍ သင်တို့ကို သင်တို့၏ မဖြောင့်မတ်ခြင်းနှင့်အညီ ဆက်ဆံပြီး အလေးအနက် ယူရမည် ဆိုပါက သင်တို့ထဲမှ မည်သူသည် ဆက်လက် ရှင်သန်နိုင်လိမ့်မည်နည်း။ သင်တို့ အားလုံး ဘေးဒုက္ခကို ခံစားကြရလိမ့်မည်။ အကယ်၍ သင်တို့သည် အသက်ကို စစ်မှန်စွာ ရှာဖွေပါက သင်တို့သည် အနည်းငယ်သော ပြစ်တင်ဆုံးမခြင်းကို ခံရပြီး ခွဲစိတ်ကုသရန်အတွက် ခွဲစိတ်စားပွဲသို့ သွားရန် သင် ချစ်ခင်ခုံမင်သော အရာနှင့် ခွဲခွာရခြင်းကြောင့် နာကျင်ခြင်းကို ကြံ့ကြံ့ခံရမည်၊ ပေတရုသည် စမ်းသပ်မှုများ နှင့် ဒုက္ခဆင်းရဲကို လက်ခံခဲ့သကဲ့သို့ သင်သည် နာကျင်ခြင်းကို ကြံ့ကြံ့ခံရမည်။ ယနေ့တွင် သင်သည် တရားစီရင်ခြင်း ပလ္လင်ရှေ့တွင် ရှိသည်။ အနာဂတ်တွင် သင်သည် “ခေါင်းဖြတ်စက်” ပေါ်သို့ သွားရမည်၊ ၎င်းမှာ သင်တို့သည် သင်တို့ကိုယ်ကို စွန့်လွှတ်သည့် အချိန် ဖြစ်လိမ့်မည်။

နောက်ဆုံးသောကာလ၏ အမှု၏ နောက်ဆုံး ဤအဆင့် အတောအတွင်း ဘုရားသခင်သည် သင်၏ လူ့ဇာတိကို အမြစ်ဖြတ် သုတ်သင်မည် မဟတု်ဟု သင် ယုံကြည်ကောင်း ယုံကြည်နိုင်သည်၊ ထို့အပြင် သင်သည် သူ့ကို ဆန့်ကျင်ပြီး တရားစီရင်သည့်အတွက် နာမကျန်း ဖြစ်ခြင်းတစ်စုံတစ်ရာကို ခံစားရမည် မဟုတ်ဟု ဆိုနိုင်သော်လည်း ဘုရားသခင်၏ ပြင်းထန်သော နှုတ်ကပတ်တော်များ သင့်ထံ ရောက်လာသောအခါ၊ သင်၏ ပုန်ကန်မှု၊ အတိုက်အခံ ပြုမှု၊ သင်၏ အကျည်းတန်သော မျက်နှာထားများ အားလုံး ထုတ်ဖော်ခြင်းခံရသောအခါ သင်သည် ပုန်းအောင်းနိုင်လိမ့်မည် မဟုတ်ပေ။ မည်သည့် အရာကို လုပ်ရမှန်း သင် သိလိမ့်မည် မဟုတ်ပေ။ ယနေ့တွင် သင်တို့၌ အနည်းငယ်သော ဆင်ခြင်တုံတရား ရှိရမည်။ ဘုရားသခင်ကို ဆန့်ကျင်ပြီး ပုန်ကန်သည့် ဆိုးယုတ်သောသူများ၏ အခန်းကဏ္ဍကို မယူကြနှင့်။ သင်သည် သင်၏ ဘိုးဘေးဘီဘင် အဟောင်းကို ကျောခိုင်းသင့်သည်၊ ဤသည်မှာ သင်၌ ရှိသင့်သော ဝိညာဉ်အသက်တာ ဖြစ်ပြီး ဤအရာမှာ သင် ပိုင်ဆိုင်ထိုက်သော လူ့သဘာဝ ဖြစ်သည်။ သင်သည် သင်၏ အနာဂတ် တက်လမ်းများ သို့မဟုတ် ယနေ့၏ သာယာကြည်နူးမှုများကို ဘေးချိတ်နိုင်စွမ်း အစဉ် မရှိပေ။ ဘုရားသခင်က ငါ့ နောက်သို့ လိုက်ရန် နှင့် သမ္မာတရားကို ရှာဖွေရန် သင်တို့ တတ်နိုင်သမျှကို ပြုသည့် ကာလပတ်လုံး ငါသည် သင်တို့ကို ဧကန်အမှန် စုံလင်ခြင်းသို့ ရောက်စေမည်ဟု ဆိုသည်။ သင်တို့ စုံလင်ခြင်းသို့ ရောက်သောအခါ သင်တို့၌ လှပသော ခရီးပန်းတိုင်တစ်ခု ရှိလိမ့်မည်၊ သင်တို့သည် ငါနှင့်အတူ ကောင်းချီးမင်္ဂလာများကို မွေ့လျော်ခံစားရန် ငါ၏ နိုင်ငံတော်ထဲသို့ ဆောင်ယူခြင်းကို ခံကြရလိမ့်မည်။ သင်တို့အတွက် လှပသော ခရီးပန်းတိုင်တစ်ခုကို ကတိပေးခဲ့ပြီး ဖြစ်သော်လည်း သင်တို့အပေါ် သတ်မှတ်ချက်များမှာ မည်သည့်အခါမျှ လျော့နည်းစေနိုင်မည် မဟုတ်ပေ။ လိုအပ်ချက်တစ်ခုလည်း ရှိသည်၊ သင်တို့သည် သိမ်းပိုင်ခြင်းကို ခံရမည် ဖြစ်စေ သို့မဟုတ် စုံလင်ခြင်းသို့ ရောက်မည် ဖြစ်စေ သင်တို့သည် ယနေ့တွင် အနည်းငယ်သော ပြစ်တင်ဆုံးမခြင်း နှင့် ဒုက္ခဆင်းရဲကို ခံကြရမည်၊ သင်တို့သည် ရိုက်နှက်ခြင်း နှင့် ဆုံးမပဲ့ပြင်ခြင်းကို ခံကြရမည်၊ သင်တို့သည် ငါ၏ နှုတ်ကပတ်တော်များကို နားထောင်ရမည်၊ ငါ၏ လမ်းကို လိုက်လျှောက်ပြီး ဘုရားသခင်၏ အလိုကို လုပ်ဆောင်ရမည်။ သင် မည်ကဲ့သို့ ရှာဖွေသည် ဖြစ်စေ၊ ဤအရာသည် သင့်အတွက် ရှင်းလင်းစွာ ဖွင့်ပြခဲ့ပြီး ဖြစ်သည်၊ အကယ်၍ သင်၌ ဤ လမ်းနှင့်ပတ်သက်ပြီး စစ်မှန်သော ထိုးထွင်းအမြင်များ ရှိပါက သင်သည် ဆက်လက်၍ လိုက်လျှောက်နိုင်သည်။ အကယ်၍ ဤနေရာတွင် တက်လမ်းများ သို့မဟုတ် မျှော်လင့်ချက်များ မရှိဟု သင် ယုံကြည်ပါက သင် သွားနိုင်သည်။ သို့သော်လည်း အကယ်၍ သင် အမှန်တကယ် သွားလိုပါက သင်၌ ဆင်ခြင်တုံတရား အနည်းငယ်မျှ မရှိကြောင်းကိုသာ ဤအရာက ပြသမည်ဖြစ်သည်၊ သင်၏ ဤ လုပ်ရပ်မှာ သင်သည် နတ်ဆိုးတစ်ကောင် ဖြစ်ကြောင်းကို သက်သေပြရန် လုံလောက်သည်။ ဘုရားသခင်၏ စီစဉ်ညွှန်ကြားမှုများအပေါ် အလုံးစုံ အပ်နှံသည်ဟု သင် ဆိုသော်လည်း လူ့ဇာတိ၌ သင် အသက်ရှင်နေထိုင်သည့် အရာကို အခြေခံပြီးဆိုသော် သင်သည် စာတန်၏ အုပ်စိုးမှုအောက်တွင် အသက်ရှင်နေဆဲဖြစ်သည်။ စာတန်သည်လည်း ဘုရားသခင်၏ လက်ထဲ၌ ရှိသော်လည်း သင် ကိုယ်တိုင်သည် စာတန် နှင့်သက်ဆိုင်ပြီး ဘုရားသခင်၏ စစ်မှန်စွာ ကယ်တင်ခြင်းကို မခံရသေးချေ။ ကယ်တင်ခံရရန် သင် မည်ကဲ့သို့ ရှာဖွေရမည်နည်း။ ရွေးချယ်မှုသည် သင့်အပေါ် မူတည်သည်၊ သင် လျှောက်မည့် လမ်းကြောင်းကို သင် ရွေးချယ်သင့်သည်။ အဆုံးတွင် အကယ်၍ သင်က “ငါ၌ ပို၍ကောင်းသောအရာ တစ်စုံတစ်ခုမျှ မရှိ၊ ငါသည် ဘုရားသခင်၏ ချစ်ခြင်းမေတ္တာကို ငါ၏ ဆင်ခြင်တုံတရားဖြင့် ပြန်ပေးဆပ်ပြီး ငါ၌ အနည်းငယ်သော လူ့သဘာဝ ရှိရမည်။ ငါသည် ပို၍ ကြီးမားသော အရာတစ်စုံတစ်ခုကို ရရှိနိုင်ခြင်း မရှိသည့်အပြင် ငါ၏ အရည်အချင်းလည်း အလွန်မမြင့်ပေ။ ငါသည် ရူပါရုံများ နှင့် ဘုရားသခင်၏ အမှု၏ အဓိပ္ပာယ်ကို နားလည်ခြင်း မရှိပေ။ ငါသည် ဘုရားသခင်၏ ချစ်ခြင်းမေတ္တာကို ပြန်ပေးဆပ်ရုံမျှသာ ဖြစ်သည်၊ ဘုရားသခင် စေခိုင်းသမျှကို ငါလုပ်ပြီး ငါ တတ်နိုင်သမျှကို ငါ လုပ်သည်။ ငါသည် ဘုရားသခင်၏ ဖန်ဆင်းခံသတ္တဝါတစ်ဦးအဖြစ် ငါ၏ တာဝန်ကို ငါ ထမ်းဆောင်သည်” ဟု ဆိုနိုင်ပါက ငါသည် ကျေနပ်ဝမ်းမြောက်မည်ဖြစ်သည်။ ဤသည်မှာ သင် အစွမ်းဆောင်နိုင်သမျှ အမြင့်မားဆုံး သက်သေခံချက်ပင် ဖြစ်သည်။ ဤသည်မှာ လူတစ်စုအပေါ် သတ်မှတ်ထားသည့် အမြင့်ဆုံး စံနှုန်း ဖြစ်သည်၊ ယင်းမှာ ဘုရားသခင်၏ ဖန်ဆင်းခံသတ္တဝါတစ်ဦးအဖြစ် တာဝန် ထမ်းဆောင်ခြင်းပင် ဖြစ်သည်။ များနိုင်သမျှ များစွာ သင် ပြုလော့၊ သင့်အပေါ် သတ်မှတ်ချက်များမှာ အလွန်မမြင့်မားချေ။ သင် တတ်နိုင်သမျှကို သင် လုပ်ဆောင်သည့် ကာလပတ်လုံး ဤသည်မှာ သင်၏ သက်သေခံချက်ပင် ဖြစ်၏။

ယခင်က:သိမ်းပိုက်ခြင်းအလုပ်၏ အတွင်းသမ္မာတရား (၄)

နောက်တစ်ခုသို့:လက်တွေ့လုပ်ဆောင်ခြင်း (၇)

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ