အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း လေး နောက်ဆုံးသော ကာလရှိ ဘုရားသခင် အလုပ်၏ သမ္မာတရားများကို သင်သိရမည်

၃။ ဘုရားသခင်၏တရားစီရင်ခြင်းနှင့် ပြစ်တင်ဆုံးမခြင်း အမှု၏ အရေးပါမှု

ဆက်စပ်သော ဘုရားသခင်၏ နှုတ်ကပတ်တော်များ -

နောက်ဆုံးသောကာလ၏ အမှုသည် အရာအားလုံးတို့ကို ၎င်းတို့၏ အမျိုးအစားအလိုက် ပိုင်းခြားရန်၊ ဘုရားသခင်၏ စီမံခန့်ခွဲမှု အစီအစဉ်ကို အပြီးသတ်ရန်ဖြစ်သည်၊ အကြောင်းမှာ အချိန်သည် နီးလာပြီး ဘုရားသခင်၏ နေ့ရက်သည် ရောက်လာခဲ့ပြီ ဖြစ်သောကြောင့် ဖြစ်သည်။ ဘုရားသခင်သည် သူ့နိုင်ငံတော်သို့ ဝင်လာသူ၊ အဆုံးတိုင် သူ့ကို သစ္စာရှိသူများအားလုံးကို ဘုရားသခင် ကိုယ်တိုင်၏ ခေတ်အတွင်းသို့ ဆောင်ယူခဲ့၏။ သို့သော် ဘုရားသခင် ကိုယ်တိုင်၏ ခေတ်သို့ ရောက်လာသည့်တိုင် ဘုရားသခင် ပြုမည့်အမှုသည် လူ၏ လုပ်ဆောင်ချက်များကို စောင့်ကြည့်ရန်၊ သို့မဟုတ် လူ၏ အသက်တာထဲသို့ ဝင်ရောက်၍ စုံစမ်းမှုပြုရန် မဟုတ်ပေ။ သို့သော် သူ၏ ပုန်ကန်မှုကို တရားစီရင်ရန် ဖြစ်ရာ ဘုရားသခင်သည် သူ၏ပလ္လင်ရှေ့သို့ ရောက်လာသူတိုင်းတို့အား သန့်စင်ပေးလိမ့်မည်။ ယနေ့ချိန်ထိ ဘုရားသခင်၏ ခြေလှမ်းများအတိုင်း လိုက်လျှောက်ခဲ့သူ အားလုံးတို့သည် ဘုရားသခင်၏ ပလ္လင်ရှေ့သို့ လာရောက်ကြသူများ ဖြစ်ကြသည့်အတွက် ဘုရားသခင်အမှု၏ နောက်ဆုံးအဆင့်ကို လက်ခံသောလူတိုင်းသည် ဘုရားသခင်၏ သန့်စင်ပေးမှုကို ခံရာဝတ္ထုများ ဖြစ်ကြသည်။ တစ်နည်းအားဖြင့် ဘုရားသခင်အမှု၏ နောက်ဆုံး အဆင့်ကို လက်ခံသောသူတိုင်းသည် ဘုရားသခင် တရားစီရင်ခြင်း ခံရာဝတ္ထုများဖြစ်၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ခရစ်တော်သည် တရားစီရင်ခြင်း အမှုကို သမ္မာတရားဖြင့် ဆောင်ရွက်၏" မှ

နောက်ဆုံးသော ကာလတွင် ခရစ်တော်သည် လူသားကို သွန်သင်ရန်၊ လူသား၏အနှစ်သာရကို ဖော်ထုတ်ရန်နှင့် လူသား၏ အပြုအမူများနှင့် စကားလုံးများကို ခွဲခြမ်းစိတ်ဖြာရန် အမျိုးမျိုးသော သမ္မာတရားများကို အသုံးပြု၏။ ထိုနှုတ်ကတ်တော်များတွင် အမျိုးမျိုးသော သမ္မာတရားများ ပါရှိသည်။ လူသား၏တာဝန်၊ လူသားသည် ဘုရားသခင်ကို မည်သို့ နာခံသင့်သည့် အကြောင်း၊ လူသားသည် ဘုရားသခင်ကို မည်သို့သစ္စာရှိသင့်ကြောင်း၊ လူသားသည် ပုံမှန်လူ့သဘောသဘာဝဖြင့် မည်သို့နေထိုင်ရမည့်အကြောင်း၊ ထို့အပြင် ဘုရားသခင်၏ ဉာဏ်ပညာနှင့် စိတ်နေသဘာထားကဲ့သို့သော အရာများ ပါဝင်သည်။ ထိုနှုတ်ကပတ်တော်များ အားလုံးသည် လူသား၏အနှစ်သာရနှင့် သူ၏ ယိုယွင်းပျက်စီးနေသော စိတ်သဘောထားတို့ကို ညွှန်ပြသည်။ အထူးသဖြင့် ဘုရားသခင်ကို လူသားက မည်ကဲ့သို့ ပစ်ပယ်သည့်အကြောင်း ဖော်ထုတ်ပြသည့် ထိုနှုတ်ကပတ်တော်များမှာ လူသည် စာတန်၏ပုံဆောင်မှု မည်ကဲ့သို့ ဖြစ်ကြောင်း၊ ဘုရားသခင်ကို ဆန့်ကျင်သော ရန်သူ့အင်အား မည်ကဲ့သို့ဖြစ်ကြောင်းနှင့် စပ်လျဉ်း၍ ပြောထားခြင်းဖြစ်သည်။ သူ၏ တရားစီရင်ခြင်း အမှုကို ဆောင်ရွက်ရာတွင် ဘုရားသခင်သည် လူသား၏ သဘာဝကို စကားလုံး အနည်းငယ်မျှသာဖြင့် ရှင်းလင်းရန် ရိုးရှင်းစွာ မပြုခဲ့ပေ။ သူသည် ရေရှည်အတွက် ဖွင့်ပြခြင်း၊ ရိုက်နှက်ဆုံးမခြင်းနှင့် ပြုပြင်ပေး၏။ ထိုဖွင့်ပြခြင်း၊ ရိုက်နှက်ဆုံးမခြင်းနှင့် ပြုပြင်ပေးခြင်း နည်းလမ်းတို့ကို သာမန်စကားလုံးဖြင့် အစားမထိုးနိုင်ပဲ၊ လူသားများ လုံးဝ မပိုင်ဆိုင်သော သမ္မာတရားအားဖြင့်သာ အစားထိုးနိုင်သည်။ ဤအမျိုးအစားပါ နည်းလမ်းများကသာ၊ တရားစီရင်မှုဟု စဉ်းစားယူဆခဲ့သည်။ ဤတရားစီရင်မှု အမျိုးအစားအားဖြင့်သာ လူသားကို သိမ်းပိုက်ရရှိနိုင်ပြီး ဘုရားသခင်ထံသို့ လုံးဝပါဝင်ဆက်ကပ်လာနိုင်ကာ ဆက်၍ ဘုရားသခင်နှင့် ပတ်သက်သည့် မှန်သော အသိတရားကို ရရှိလာပေမည်။ ဘုရားသခင်၏ မှန်သောမျက်နှာကို လူက သိနားလည်ခြင်း အကြောင်းနှင့် သူကိုယ်တိုင်၏ ပုန်ကန်မှုအကြောင်း သမ္မာတရားတို့ကို တရားစီရင်ခြင်း အမှုက ယူဆောင်လာပါသည်။ တရားစီရင်ခြင်းအမှုသည် ဘုရားသခင်၏ အလိုတော်၊ ဘုရားသခင်အမှု၏ ရည်ရွယ်ချက်နှင့် သူ့အတွက် နားမလည်နိုင်သော နက်နဲရာများတို့ကို အလွန်များပြားလှစွာဖြင့် သဘောပေါက် နားလည်မှု ရရှိလာစေရန် လူသားကို အခွင့်ပေးသည်။ ယင်းသည် လူသားကို သူ၏ ယိုယွင်းပျက်စီးသော အနှစ်သာရနှင့် ယိုယွင်းပျက်စီးမှု၏ ဇစ်မြစ်ကို သိနားလည်စေရန် အခွင့်ပေးလေ၏။ ထို့ပြင် လူသား၏ အကျည်းတန်မှုကိုပါ ရှာဖွေတွေ့ရှိ စေလေသည်။ ဤအကျိုးသက်ရောက်မှု အားလုံးတို့မှာ တရားစီရင်ခြင်း အမှုနှင့် ပတ်သက်၍ ဆောင်ယူရရှိခဲ့လေ၏။ အကြောင်းမှာ ဤအမှု၏ အခြင်းအရာသည် အမှန်တွင်တော့ ဘုရားသခင်အား ယုံကြည်သူများ အားလုံးထံသို့ ဘုရားသခင်၏ သမ္မာတရား၊ လမ်းခရီးနှင့် အသက်တို့ကို ဖွင့်ပြပေးရန်ပင်ဖြစ်သည်။ ဤအမှုသည် ဘုရားသခင်ပြုသော တရားစီရင်ခြင်းအမှုပင် ဖြစ်ပေ၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ခရစ်တော်သည် တရားစီရင်ခြင်း အမှုကို သမ္မာတရားဖြင့် ဆောင်ရွက်၏" မှ

ခေတ်ကိုအဆုံးသတ်သော သူ၏ နောက်ဆုံးအလုပ်တွင် ဘုရားသခင်၏ စိတ်သဘောထားသည် ပြစ်တင် ဆုံးမခြင်းနှင့် တရားစီရင်ခြင်း တစ်ခုဖြစ်ပြီး ယင်းတွင် လူအားလုံးကို လူအများရှေ့မှောက်တွင် တရားစီရင်ရန်နှင့် သူ့ကို ရိုးဖြောင့်သော စိတ်နှလုံးဖြင့် ချစ်မြတ်နိုးသော သူများကို ပြည့်စုံခြင်းသို့ ရောက်စေရန် သူသည် မဖြောင့်မတ်မှုများကို ဖော်ထုတ်သည်။ ဤသို့သော စိတ်သဘောထားသည်သာလျှင် ခေတ်ကို အဆုံးသတ်သို့ ရောက်စေနိုင်သည်။ နောက်ဆုံးသော ကာလသည် ရောက်ရှိလာပြီ ဖြစ်သည်။ ဖန်ဆင်းထားသော အရာအားလုံးကို သူတို့၏ အမျိုးအစားအလိုက် ခွဲခြားသတ်မှတ်ပြီး သူတို့၏ သဘာဝအပေါ်မူတည်၍ အမျိုးအမျိုးသော အမျိုးအစား များအဖြစ် ခွဲခြားလိမ့်မည်။ ယင်းအချိန်သည် ဘုရားသခင်က လူသားမျိုးနွယ်၏ ရလဒ်နှင့် သူတို့၏ ခရီးဆုံး ပန်းတိုင်ကို ဖော်ထုတ်သည့် အချိန်ဖြစ်သည်။ ပြစ်တင်ဆုံးမခြင်းနှင့် တရားစီရင်ခြင်းကို မခံရသော လူများ သည် သူတို့၏ မနာခံမှုနှင့် မဖြောင့်မတ်မှုများကို ဖော်ထုတ်ရန် နည်းလမ်းရှိလိမ့်မည် မဟုတ်ပေ။ ပြစ်တင် ဆုံးမခြင်းနှင့် တရားစီရင်ခြင်းမှ တစ်ဆင့်သာလျှင် ဖန်ဆင်းခံအားလုံးအတွက် ရလဒ်များကို ဖော်ထုတ်နိုင် သည်။ လူသည် ပြစ်တင်ဆုံးမခြင်းနှင့် တရားစီရင်ခြင်းခံရသော အခါမှသာ သူ၏ စရိုက်အမှန်ကို ပြသသည်။ မကောင်းမှုပြုသူများကို မကောင်းသောသူများ၊ ကောင်းသောသူများကို ကောင်းသောသူများနှင့်အတူ ထားရှိ လိမ့်မည်ဖြစ်ပြီး လူသားမျိုးနွယ်အားလုံးသည် သူ့အမျိုးအစားအလိုက် ခွဲခြားသတ်မှတ်ခြင်း ခံရလိမ့်မည်။ ပြစ်တင်ဆုံးမခြင်းနှင့် တရားစီရင်ခြင်းမှတစ်ဆင့် ဖန်ဆင်းခံ အားလုံးအတွက် ရလဒ်များကို ဖော်ထုတ်နိုင်ခြင်း ဖြင့် မကောင်းသောသူများသည် အပြစ်ဒဏ်ပေးခံရပြီး ကောင်းသောသူများသည် ဆုလာဘ်များရရှိကာ လူအားလုံးတို့သည် ဘုရားသခင်၏ အုပ်စိုးခြင်းကို ခံကြရလိမ့်မည်။ ယင်းအလုပ်များ အားလုံးသည် ဖြောင့်မတ်သော ပြစ်တင်ဆုံးမခြင်းနှင့် တရားစီရင်ခြင်းမှတစ်ဆင့် ရရှိရမည်။ အဘယ်ကြောင့်ဆိုသော် လူသား၏ ပျက်စီးခြင်းသည် အမြင့်ဆုံးသို့ ရောက်ရှိပြီး သူ၏ မနာခံခြင်းသည်လည်း အလွန်အကျွံ ဆိုးဝါးလာနေခြင်းကြောင့်၊ ဘုရားသခင်၏ ဖြောင့်မတ်သော စိတ်သဘောထားသည်သာလျှင် ပြစ်တင် ဆုံးမခြင်းနှင့် တရားစီရင်ခြင်း အခြေခံ ရောစပ်မှုတစ်ခုဖြစ်ပြီး နောက်ဆုံးသောကာလတွင် ဖော်ထုတ်ခြင်းဖြင့် လူသားကိုအပြည့်အဝ ပြောင်းလဲပြီး ပြီးပြည့်စုံစေလိမ့်မည်။ ဤစိတ်သဘောထားသည်သာလျှင် မကောင်းမှု ပြုသူများကို ဖော်ထုတ်နိုင်ပြီး မဖြောင့်မတ်မှုအားလုံးကို ပြင်းထန်စွာ အပြစ်ဒဏ်ပေးနိုင်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင့်အမှုတော်၏ ရူပါရုံ (၃)" မှ

ယနေ့ဘုရားသခင် သင့်အား စီရင်၊ ဆုံးမ၍ အပြစ်ဒဏ်ပေးသည်။ သင့်အား ပြစ်တင်ရှုတ်ချသည်။ သို့သော် သင့်အပေါ် ပြစ်တင်ရှုတ်ချမှုကို သင်နားလည်ပြီး သင့်ကိုယ်သင် သိလာကောင်း သိလာနိုင်သည်။ ဝေဖန်ရှုတ်ချခြင်း၊ ကျိန်ဆိုခြင်း၊ တရားစီရင်ခြင်း၊ ပြစ်တင်ဆုံးမခြင်း—ဤအရာအားလုံးတို့ကြောင့် သင်သည် မိမိကိုယ်ကိုယ် သိလာနိုင်မည်။ ထို့ကြောင့် သင့်ဇာတိစိတ်ပြောင်းလဲကောင်း ပြောင်းလဲလာမည်။ ထို့အပြင် သင့်တန်ဖိုးကို သင်သိလာမည်။ ဘုရားသခင်၏ လုပ်ဆောင်မှုများအားလုံးသည် မှန်ကန်ကြောင်း သိမြင်လာမည်ဖြစ်ပြီး ဘုရားသခင်၏ စိတ်တော်နှင့် ဘုရားသခင့်အလုပ်၏ လိုအပ်ချက်အတိုင်း ဖြစ်ကြောင်း၊ ဘုရားသခင်၏ အစီအစဉ်အတိုင်း လူသားတို့ ကယ်တင်ခြင်းရရန် ဘုရားသခင် လုပ်ဆောင်ကြောင်း၊ ဘုရားသခင်သည် လူသားတို့ကို ချစ်သော၊ ကယ်တင်သော၊ မှန်ကန်သော ဘုရားသခင်ဖြစ်ကြောင်း၊ လူသားတို့ကို တရားစီရင်ပြီး ပြစ်တင်ဆုံးမသောသူ ဖြစ်ကြောင်း သင်သိကောင်းသိလာနိုင်မည်ဖြစ်သည်။ အကယ်၍ သင်သည် သင်၏ နိမ့်ပါးသော အခြေအနေကို သိရှိပြီး အကျင့်ပျက်ကာ မနာခံတတ်သူ ဖြစ်သော်လည်း ဘုရားသခင်၏ ကယ်တင်ခြင်းကို ယနေ့ သင့်အပေါ်တွင်ပြုသော တရားစီရင်ခြင်းနှင့် ဆုံးမပေးခြင်းတို့ဖြင့် ထင်ရှားစွာ ဘုရားသခင်ပြုလိုသည်ကို သင်မသိပါက သင်ရှေ့သို့ ဆက်နိုင်စွမ်း မရှိနိုင်သည့်အပြင် မည်သည့်နည်းနှင့်မျှ သင်တွေ့ကြုံခံစားရမည် မဟုတ်ပေ။ ဘုရားသခင်သည် သတ်ရန် သို့မဟုတ် ဖျက်ဆီးရန်အလို့ငှာ လာသည်မဟုတ်။ သို့သော် တရားစီရင်ရန်၊ ကျိန်ဆဲရန်၊ ဆုံးမရန်နှင့် ကယ်တင်ရန်အတွက် ကြွလာပါသည်။ ဘုရားသခင်၏ နှစ် ၆၀ဝ၀ စီမံအုပ်ချုပ်မှု အစီအစဉ် အဆုံးမသတ်မီ ယခင်က လူသားတစ်မျိုးစီအတွက် အဆုံးသတ်ကို ထင်ရှားစွာ ပြလေပြီ။ ကမ္ဘာမြေကြီးပေါ်ရှိ ဘုရားသခင်၏အလုပ်သည် ကယ်တင်ရန် အတွက်သာဖြစ်သည်။ ဘုရားသခင့်အား ချစ်သောသူများကို လုံးဝပြီးပြည့်စုံစေရန်နှင့် သူ၏ အုပ်စိုးမှုအောက်သို့ တိုးလျှိုးလာဖို့ ခေါ်ဆောင်လာရန် ဖြစ်ပါသည်။… လူသားတို့အမြင်တွင် ကယ်တင်ခြင်းမှာ ဘုရားသခင်၏ မေတ္တာဖြစ်ပြီး ဘုရားသခင်၏ မေတ္တာမှာ ပြင်းထန်စွာ ဆုံးမဒဏ်ခတ်ခြင်း၊ စီရင်ခြင်းနှင့် ကျိန်ဆဲခြင်းတို့ မပြုလုပ်နိုင်။ ကယ်တင်ခြင်းဆိုရာ၌ မေတ္တာ၊ ကရုဏာတို့ ပါဝင်သည့်အပြင် စိတ်သက်သာမှုပေးသည့် စကားလုံးများလည်း ပါဝင်ပြီး ဘုရားသခင်က ပေးသနားသည့် အကန့်အသတ်မဲ့သော ကောင်းကြီးမင်္ဂလာများ ပါဝင်ရမည်။ ဘုရားသခင်က လူသားတို့ကို ကယ်တင်သည့်အခါ လူသားတို့အား တို့ထိခြင်း၊ ဘုရားသခင်၏ ကောင်းကြီးမင်္ဂလာများနှင့် ကျေးဇူးတော်တို့ကြောင့် ဘုရားသခင့်ထံ ၎င်းတို့၏ နှလုံးသားများကို ပေးစေခြင်းတို့အားဖြင့် ကယ်တင်သည်ဟု လူတို့က ယုံကြည်ကြသည်။ ဘုရားသခင်သည် လူသားတို့ နှလုံးသားကို တို့ထိသောအခါ ကယ်တင်ခြင်းရသည်ဟု ပြောရမည်ဖြစ်သည်။ ဤကဲ့သို့ ကယ်တင်ခြင်းမျိုးသည် ဖလှယ်ယူရမည့် ကယ်တင်ခြင်းဖြစ်ပါသည်။ ၎င်းတို့အား အဆတစ်ရာ ပေးသောအခါမှသာ လူသားတို့သည် ဘုရားသခင်၏ နာမတော် အောက်သို့ လာမည်ဖြစ်ပြီး ဘုရားသခင်အတွက် ကောင်းစွာ အလုပ်လုပ်ပေးကာ ဘုရားသခင့်အတွက် ဂုဏ်ကျက်သရေကို ဆောင်ယူလာပါလိမ့်မည်။ ဤသည်မှာ လူသားတို့အတွက် ဘုရားသခင်၏ဆန္ဒ မဟုတ်ပါချေ။ ဘုရားသခင်သည် အကျင့်ပျက်သောသူများအား ကယ်တင်ရန် မြေကြီးပေါ်သို့ကြွလာသည်။ ဤအချက်မှာ မုသားမပါပါ။ ယင်းကဲ့သို့ မဟုတ်ပါက ဘုရားသခင်သည် သူ၏အလုပ်ကိုလုပ်ရန် ကိုယ်တိုင် ကြွလာမည့်မဟုတ်။ ယခင်က ဘုရားသခင်ဆိုလိုသည့် ကယ်တင်ခြင်းမှာ အနှိုင်းမဲ့မေတ္တာနှင့် ကရုဏာတော်တို့ကို ပြခြင်းဖြစ်သည်။ လူသားအားလုံးအတွက် ကယ်တင်ခြင်းရဖို့ အလဲအလှယ်လုပ်ရန် ဘုရားသခင်သည် မိမိကိုယ်ကို စာတန်အား အပ်နှင်းခဲ့သည်။ ယခုအခါတွင် ယခင်ကနှင့် လုံးဝမတူ။ သင်၏ ကယ်တင်ခြင်းမှာ လူသားတို့အား ၎င်းတို့အမျိုးအစားအတိုင်း အမျိုးအစားခွဲခြားစဉ် နောက်ဆုံးသောကာလတွင် ဖြစ်လာမှာဖြစ်သည်။ သင်၏ကယ်တင်ခြင်းမှာ ချစ်ခြင်းသို့မဟုတ် ကရုဏာတော်ကြောင့် မဟုတ်။ လူသားတို့ကို ပို၍စေ့စေ့စပ်စပ် ကယ်တင်ခြင်း ခံရစေရန်အလို့ငှာ ဆုံးမခြင်းနှင့် စီရင်ချက်ချခြင်းတို့ ဖြစ်သည်။ ထို့ကြောင့် ဆုံးမခြင်း၊ တရားစီရင်ခြင်းနှင့် ကြင်နာမှုကင်းသော ရိုက်နှက်ခြင်းတို့သာလျှင် သင်တို့ရရှိမှာဖြစ်သည်။ သို့သော် ဤကဲ့သို့ အကြင်နာမဲ့ ရိုက်နှက်ခြင်းတွင် အနည်းငယ်မျှသော အပြစ်ပေးခြင်းမရှိ။ ငါ၏စကားတို့သည် မည်မျှ ပြင်းထန်သည်ဖြစ်စေ၊ သင့်အတွက် အကြင်နာမဲ့သည့် စကားလုံးအနည်းငယ်ကို သာလျှင် သင်ကြားမည်ဖြစ်၍ ငါ့ဒေါသ မည်မျှပင် ကြီးပါစေ သင့်အပေါ် ကျရောက်သည်မှာ ဆိုဆုံးမခြင်းသာ ဖြစ်ပါသည်။ သင့်တို့အား နာကျင်စေရန် သို့မဟုတ် သတ်ရန် ငါမရည်ရွယ်။ ဤသည်မှာ အမှန်ချည်းပင် မဟုတ်ပါလော။ ယခုအခါ မှန်ကန်သည့် စီရင်ချက်ပင်ဖြစ်စေ၊ အကြင်နာကင်းမဲ့သည့် မွမ်းမံမှုနှင့် ဆုံးမခြင်းပင်ဖြစ်စေ အားလုံးတို့မှာ ကယ်တင်ခြင်းရရန်အတွက် ဖြစ်ကြောင်း သိထားပါ။ ယနေ့ လူသားများအတွက် အမျိုးအစား ခွဲခြားမှုရှိသည်ဖြစ်စေ၊ လူသားတို့ အမျိုးအစားများကို ဖော်ပြသည်ဖြစ်စေ၊ ဘုရားသခင်၏ ဖွင့်ဟခြင်းများနှင့် အလုပ်တို့မှာ ဘုရားသခင်ကို အမှန်တကယ် ချစ်ကြသူများအား ကယ်တင်ရန်အတွက် ဖြစ်ပါသည်။ မှန်ကန်သည့် စီရင်ချက်မှာ လူသားတို့အား မကောင်းမှုဒုစရိုက်တို့မှ ခဝါချရန်ဖြစ်ပြီး အကြင်နာကင်းမဲ့သည့် မွမ်းမံမှုမှာ လူသားတို့အား သန့်ရှင်းသွားစေရန် ဖြစ်သည်။ ပြင်းထန်သည့် စကားလုံးများ သို့မဟုတ် ပြင်းစွာဆုံးမခြင်းတို့မှာ မကောင်းမှု ဒုစရိုက်တို့မှ ခဝါချရန်ဖြစ်ပြီး ကယ်တင်ခြင်းအတွက်သာလျှင် ဖြစ်ပါသည်။ ထို့ကြောင့် ယနေ့ကယ်တင်ခြင်း၏ နည်းလမ်းမှာ ရှေးယခင်ကနှင့် မတူပါ။ ယနေ့တွင် မှန်ကန်သည့် စီရင်ချက်ချခြင်းဖြင့် သင့်ကို ကယ်တင်နိုင်သည်။ သင်တို့၏ အမျိုးအစားအလိုက် ခွဲခြားသည့် လက်နက် ကိရိယာကောင်းပင် ဖြစ်သည်။ ရက်စက်သည့် ဆုံးမခြင်းသည် သင်တို့ကို ကယ်တင်ခြင်း အထွတ်အထိပ်သို့ ခေါ်ဆောင်သွားပါလိမ့်မည်။ ပြင်းစွာ ဆုံးမခြင်းနှင့် တရားစီရင်ခြင်းတို့နှင့် ရင်ဆိုင်တွေ့သောအခါ သင်တို့ ဘာပြောစရာ ရှိပါသနည်း။ ကယ်တင်ခြင်း အစမှအဆုံးတိုင်အောင် သင်တို့ မမွေ့လျော်ဘူးလား။ ဘုရားသခင် လူသားအဖြစ် ကြွလာခြင်းနှင့် ဘုရားသခင်၏ အတိုင်းအဆမရှိ တန်ခိုးတော်နှင့် ဉာဏ်ပညာတို့ကို သင်မြင်ခဲ့ပြီးဖြစ်သည်။ ထို့အပြင် ထပ်ကာထပ်ကာ ရိုက်နှက်ခြင်းနှင့် စည်းကမ်းတို့ကိုလည်း သင်တို့တွေ့ကြုံပြီး ဖြစ်သည်။ သို့သော် ကျေးဇူးတော်အထွတ်အထိပ်ကို သင်မရရှိပါသလော။ သင့်ကောင်းကြီးမင်္ဂလာများသည် အခြားသောသူများ၏ ကောင်းကြီးမင်္ဂလာတို့ထက် ပို၍သာသည် မဟုတ်ပါလော။ သင့်တို့ရရှိသော ကျေးဇူးတော်များမှာ ရှောလမုန်မင်းကြီး ခံစားခဲ့ရသော အောင်မြင်မှုနှင့် ချမ်းသာကြွယ်ဝမှုထက် ပို၍ ရက်ရောသည် မဟုတ်ပါလော။ စဉ်းစားကြည့်ပါ- ငါ၏လာခြင်းသည် သင်တို့အား ပြစ်တင်ရှုတ်ချရန်နှင့် အပြစ်ပေးရန်ဖြစ်ပါက၊ သင့်အား ကယ်တင်ရန်မဟုတ်ပါက၊ သင်တို့နေ့ရက်များသည် ကြာရှည်ခံပါဦးမည်လော။ အပြစ်ရှိသော အသွေးအသားများဖြစ်သည့် သင်တို့သည် ယနေ့တိုင်အောင် ရှင်သန်နေဦးမည်လော။ အကယ်၍ သင်တို့အား အပြစ်ပေးရန်သာဖြစ်ပါက၊ ငါအဘယ်ကြောင့် လူသားအဖြစ်ခံယူပြီး ကြီးလေးသော လုပ်ငန်းကြီးမျိုးကို စပြီး လုပ်ရပါမည်နည်း။ သေမျိုးမျှသာဖြစ်သော သင်တို့ကို ပြစ်ဒဏ်ပေးရန် စကားတစ်ခွန်းက လုံလောက်ပြီ ဖြစ်ပါသလော။ သင်တို့အား ပြစ်တင်ရှုတ်ချပြီးနောက် ဖျက်ဆီးပစ်ရန် အရေးစိုက်နေရဦးမည်လော။ ငါပြောသော ဤစကားများအား သင်မယုံသေးပါသလော။ ချစ်ခြင်းမေတ္တာနှင့် ကရုဏာတို့ဖြင့်သာ လူသားတို့ကို ကယ်တင်ရမည်လော။ သို့မဟုတ် ကားတိုင်ပေါ်တွင် အသေခံခြင်းကိုသာ လူသားတို့ကယ်တင်ရန် ငါအသုံးပြုရမည်လော။ ငါ၏မှန်ကန်သော စိတ်သဘောထားက လူသားတို့ လုံးဝနာခံလာရန် ပိုပြီးထောက်ကူနေသည် မဟုတ်လော။ လူသားတို့ကို စေ့စပ်စွာ ကယ်တင်ရန် ပိုမိုစွမ်းဆောင်နိုင်သည် မဟုတ်ပါလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "သင်တို့သည် ရာထူးအဆင့်အတန်း၏ ကောင်းကြီးများကို ဘေးဖယ်ပြီး လူသားတို့အားကယ်တင်ရန်ဖြစ်သော ဘုရားသခင်၏ အလိုတော်ကို နားလည်သင့်၏" မှ

ကမ္ဘာကို ဖန်ဆင်းသည့်အချိန်မှ အစပြုပြီး ယနေ့ထက်ထိတိုင် ဘုရားသခင်၏ အလုပ်၌ သူလုပ်ဆောင်ခဲ့သမျှသည် ချစ်ခြင်းမေတ္တာ ဖြစ်သည်၊ လူကို မုန်းတီးသည့်စိတ် နည်းနည်းမျှ မရှိပေ။ သင်မြင်တွေ့ခဲ့သည့် ပြစ်တင်ဆုံးမမှုနှင့် တရားစီရင်မှုပင်လျှင် ချစ်ခြင်းမေတ္တာ ဖြစ်သည်၊ သာ၍ စစ်သော၊ မှန်သော မေတ္တာဖြစ်သည်၊ လူ့အသက်တာအတွက် မှန်သောလမ်းထဲသို့ လူကို လမ်းပြသည့် ချစ်ခြင်းမေတ္တာ ဖြစ်သည်။ နောက်တစ်ဖက်၌ သင်တို့၌ ပြုသော သိမ်းပိုက်ခြင်း အလုပ်သည် စာတန်၏ ရှေ့၌ သက်သေခံဖို့ ဖြစ်သည်။ တစ်ဖက်၌မူ ထိုအလုပ်သည် အနာဂတ်တွင် ဧဝံဂေလိတရားကို ဖြန့်ဝေရန်အတွက် အုတ်မြစ်ချဖို့လုပ်သောအလုပ် ဖြစ်သည်။ သူလုပ်ခဲ့သော အလုပ်အားလုံးသည် လူ့အသက်တာအတွက် မှန်သောလမ်းထဲသို့ လူတို့ကို လမ်းပြရန်အတွက် ရည်ရွယ်ပြီး လုပ်သည့် အလုပ်များ ဖြစ်သည်။ လူသားမျိုးနွယ်၏ ပုံမှန်ဘဝကို သူတို့ ရရှိနိုင်ဖို့အတွက် ဖြစ်သည်။ အဘယ်ကြောင့်ဆိုသော် လူသည် မည်သို့ အသက်ရှင်ရမည်ကို မသိသောကြောင့် ဖြစ်သည်။ ထိုသို့ မည်သို့ အသက်ရှင်ရမည်ကို မသိလျှင် သင်သည် အတွင်း၌ လစ်ဟာနေသော အသက်တာ၊ တန်ဖိုး မရှိသော၊ အဓိပ္ပါယ်ကင်းမဲ့သော အသက်တာကိုသာ ရှင်သန်နိုင်လိမ့်မည်။ ပုံမှန်လူတစ်ဦး ဖြစ်အောင် မည်သို့ လုပ်ရမည်ကို သင်သိမည် မဟုတ်ပေ။ ယင်းသည် လူကို သိမ်းပိုက် အောင်မြင်သည့် အလုပ်အတွက် အရေးအကြီးဆုံးအရာ ဖြစ်သည်။… သင်တို့အားလုံးသည် အပြစ်တရားနှင့် ကာမဂုဏ် လွန်ကျူးသော နေရာတွင် အသက်ရှင်နေကြသည်။ သင်တို့အားလုံးသည် ကာမဂုဏ် လွန်ကျူးသော သူများ၊ အပြစ်ရှိသော သူများ ဖြစ်သည်။ ယနေ့ သင်တို့သည် ဘုရားသခင်ကို မြင်နိုင်ရုံသာမက သာ၍ အရေးကြီးသည်မှာ သင်တို့သည် ပြစ်တင်ဆုံးမမှုနှင့် တရားစီရင်မှုကို လက်ခံရရှိခဲ့ကြသည်၊ အနက်ရှိုင်းဆုံးဖြစ်သည့် ထိုသို့သော ကယ်တင်ခြင်းကို လက်ခံရရှိခဲ့ကြသည်၊ တစ်နည်းအားဖြင့် ဘုရားသခင်၏ အကြီးမြတ်ဆုံးဖြစ်သော မေတ္တာကို လက်ခံရရှိခဲ့ကြသည်။ သူလုပ်သမျှသည် သင်တို့အတွက် စစ်မှန်သောမေတ္တာကို ဖော်ကျူးသည်။ သူ၌ မကောင်းသော ရည်ရွယ်ချက် မရှိပေ။ သင်တို့၏ အပြစ်များကြောင့် သူက သင်တို့ကို စီရင်ခြင်းဖြစ်သည်။ ထိုသို့ စီရင်ခြင်းကြောင့် သင်တို့သည် ကိုယ့်ကိုယ်ကို စစ်ဆေးမည်ဖြစ်သည်၊ ထူးကဲလှသော ဤကယ်တင်ခြင်းကို လက်ခံရရှိမည် ဖြစ်သည်။ လုပ်ဆောင်ခဲ့သမျှ အားလုံးသည် လူ၌ အလုပ်လုပ်ဖို့အတွက် ဖြစ်သည်။ အစမှ အဆုံးတိုင် ဘုရားသခင်သည် လူကို ကယ်တင်ဖို့အတွက် သူ၏ အကောင်းဆုံးကို လုပ်ဆောင်လျက်ရှိသည်။ သူ့လက်ဖြင့် ဖန်ဆင်းခဲ့သော လူများကို လုံးလုံးလျားလျား ဖျက်ဆီးလိုစိတ် မရှိသည်မှာ သေချာပါသည်။ ယခု သူသည် အလုပ်လုပ်ရန်အတွက် သင်တို့အကြားသို့ ရောက်လာပြီး ဖြစ်သည်။ ယင်းသည် သာ၍ကောင်းသော ကယ်တင်ခြင်း မဟုတ်လော။ သူက သင်တို့ကို မုန်းခဲ့လျှင် သူကိုယ်တိုင် သင်တို့ကို ဦးဆောင်လမ်းပြရန် အတွက် ထိုမျှပမာဏရှိသော အလုပ်ကို ဆက်လုပ်မည်လော။ အဘယ်ကြောင့် သူအလွန်အမင်း ဒုက္ခခံသင့်သနည်း။ ဘုရားသခင်က သင်တို့ကို မမုန်းသကဲ့သို့ သင်တို့အတွက် မကောင်းသော ရည်ရွယ်ချက်လည်း မရှိပေ။ ဘုရားသခင်၏ ချစ်ခြင်းမေတ္တာသည် အစစ်မှန်ဆုံး ချစ်ခြင်းမေတ္တာ ဖြစ်ကြောင်းကို သင်တို့ သိသင့်သည်။ လူတို့၏ မနာခံမှုကြောင့်သာ သူသည် လူတို့ကို တရားစီရင်မှုအားဖြင့် ကယ်တင်ရခြင်း ဖြစ်သည်။ ထိုသို့မပြုလျှင် သူတို့သည် ကယ်တင်ခြင်း ခံရမည် မဟုတ်ပေ။ သင်တို့သည် မည်သို့ အသက်ရှင်ရမည် သို့မဟုတ် မည်သို့ နေထိုင်ရမည်ကို မသိသောကြောင့်၊ ကာမဂုဏ် လွန်ကျူး၍ အပြစ်တရားနှင့် ပြည့်နေသော နေရာတွင် ရှင်သန်နေကြသောကြောင့်၊ ကာမဂုဏ်လွန်ကျူးကာ ညစ်ညူးသော နတ်ဆိုးများဖြစ်သောကြောင့် ဘုရားသခင်သည် သင်တို့အား သာ၍ စာရိတ္တပျက်ပြားလာသူများ ဖြစ်လာခွင့် မပေးရက်ပေ။ စာတန် စိတ်ရှိသလို နင်းခြေနေသည်ကို ခံရပြီး ထိုသို့ ညစ်ညူးသောနေရာ၌ အသက်ရှင် နေသည်ကိုလည်း မကြည့်ရက်ပေ၊ သို့မဟုတ် မရဏာနိုင်ငံသို့ သင်တို့ ကျသွားမှာကိုလည်း မလိုလားပေ။ ဘုရားသခင်သည် သင်တို့အဖွဲ့ကို ရယူလိုစိတ်နှင့် သင်တို့ကို လုံးလုံးလျားလျား ကယ်တင်လိုစိတ်သာ ရှိသည်။ ထိုသို့လုပ်ဆောင်ခြင်းသည် သင်တို့၌ သိမ်းပိုက်ခြင်း အလုပ်ကို လုပ်သည့် အဓိကရည်ရွယ်ချက် ဖြစ်သည်။ ကယ်တင်ခြင်း အတွက်သာ ဖြစ်သည်။… ယခု သင်သည် တရားစီရင်မှုကြောင့် နာကျင်မှုနှင့် စစ်ဆေးမှုအချို့ကို ခံနေရသော်လည်း ထိုနာကျင်မှုသည် တန်ဖိုးရှိသည်၊ အဓိပ္ပါယ်လည်း ရှိသည်။ ပြစ်တင်ဆုံးမမှုနှင့် တရားစီရင်မှုသည် လူ၏အပြစ်အတွက် ဒဏ်ပေးရန်နှင့် လူ၏ ဇာတိပကတိကို ဒဏ်ပေးရန်အတွက်ဖြစ်သော စစ်ဆေးမှုများ၊ လူအား ဂရုဏာမဲ့စွာ ထုတ်ဖော်ပြောဆိုမှုများ ဖြစ်သော်လည်း ယင်းတို့အထဲတွင် လူကို ပြစ်တင်ရှုတ်ချရန်နှင့် လူ၏ ဇာတိခန္ဓာကို ချုပ်ငြိမ်းစေရန်အတွက် ရည်ရွယ်ပြီးလုပ်သည့် အလုပ်တစ်ခုမျှ ထိုအလုပ်၌ မပါပေ။ နှုတ်ကပတ်တော်ကို ပြင်းပြင်းထန်ထန် ထုတ်ဖော်ပြောဆိုမှုများသည် သင့်ကို မှန်သောလမ်းသို့ ဦးဆောင်လမ်းပြရန်အတွက်သာ ဖြစ်သည်။ သင်တို့သည် ထိုအလုပ်နှင့် ပတ်သက်လျှင် မြောက်များစွာ ကိုယ်တိုင် ကြုံတွေ့ခံစားပြီး ဖြစ်သည်။ သိသာသည့်အရာမှာ ထိုအလုပ်သည် သင်တို့ကို ဆိုးယုတ်သော လမ်းသို့ ဦးဆောင်လမ်းပြခြင်း မရှိပေ။ ထိုအရာများအားလုံးသည် သင်တို့ ပုံမှန် လူ့သဘောသဘာဝအတိုင်း အသက်ရှင်နေထိုင်နိုင်စွမ်း ရှိဖို့ဖြစ်သည်။ အားလုံးသည် သင်၏ ပုံမှန်လူ့သဘောသဘာဝက ထမြောက်အောင်မြင်အောင် လုပ်ဆောင်နိုင်သောအရာ ဖြစ်သည်။ အလုပ်၏ အဆင့်တိုင်းသည် သင်၏ လိုအပ်ချက်များ၊ သင်၏ အားနည်းချက်များနှင့် သင်၏ ဝိညာဉ်အသက်တာစစ် အပေါ်၌ အခြေခံကာ လုပ်ခဲ့သော အဆင့်များဖြစ်ပြီး သင်တို့ မခံနိုင်သောဝန်ကို သင်တို့ အပေါ်၌ မတင်ပေ။ သင်သည် ယခု ထိုအချက်ကို ရှင်းလင်းစွာ မြင်နိုင်စွမ်း မရှိသော်လည်း၊ ငါက သင့်အပေါ်၌ ကြမ်းသလို ခံစားရသော်လည်း၊ ငါသင့်ကို ပြစ်တင်ဆုံးမကာ နေ့တိုင်း တရားစီရင်ပြီး နေ့တိုင်း ဝေဖန်သည်မှာ ငါသင့်ကို မုန်းသောကြောင့် ဖြစ်သည်ဟု သင်တွေးနေသော်လည်း၊ သင်လက်ခံရရှိသော အရာသည် ပြစ်တင်ဆုံးမမှုနှင့် တရားစီရင်မှုဖြစ်သော်လည်း၊ လက်တွေ့တွင် အားလုံးသည် သင်အတွက်ဖြစ်သော ချစ်ခြင်းမေတ္တာ ဖြစ်သည်၊ သင့်အတွက် ကြီးမားသော အကာအကွယ်လည်း ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "သိမ်းပိုက်ခြင်းအလုပ်၏ အတွင်းသမ္မာတရား (၄)" မှ

ဘုရားသခင်သည် လူသားကသူ့အား သိကောင်းသိလာစေရန်အတွက်နှင့် သူ့အတွက်သက်သေခံချက်ဖြစ်ရန် တရားစီရင်ခြင်းနှင့် ဆုံးမခြင်းတို့ကို လုပ်ကိုင်ပါသည်။ လူသားတို့၏ ပျက်စီးယိုယွင်းသည့်စိတ်သဘောထားများအပေါ်ဘုရားသခင်၏တရားစီရင်မှုမရှိပါက လူသားသည် မကောင်းမှုကို လက်မခံသည့် ဘုရားသခင်၏ဖြောင့်မတ်သောစိတ်သဘောထားကိုသိနိုင်မည်မဟုတ်ပဲ၊ ဘုရားသခင်နှင့် ပတ်သတ်သော သူ၏အသိတရားဟောင်းကို အသစ်တစ်ခုဆီသို့ ပြောင်းလဲနိုင်မည် မဟုတ်ပေ။ ဘုရားသခင်သည်သူ၏သက်သေခံချက်နှင့် သူ၏စီမံခန့်ခွဲမှုအတွက် သူ၏ အကြောင်းအရာ အလုံးစုံကို အများသိရှိအောင်ပြုလုပ်သည်။… ယနေ့လူ့ဇာတိခံယူထားသည့် ဘုရားသခင်သည် ကမ္ဘာကြီးပေါ်တွင် သူ၏အမှုတော်ကို လုပ်ကိုင်ရန် ရောက်လာခဲ့ခြင်းဖြစ်ပြီး၊ လူသားအနေဖြင့် သူနှင့်ပတ်သက်သော အသိတရားကိုရရှိစေလာစေရန်၊ သူ့ကိုရိုသေစေရန်၊သူ့အတွက် သက်သေခံရန်ကို သူအလိုရှိပါသည်။ သူ၏လက်တွေ့နှင့် သာမန်အလုပ်ကိုသိရန်၊ သူ၏နှုတ်ကပတ်တော်များအားလုံးကို နာခံရန်နှင့် လူသားတို့ တွေးထင်မြင်ချက်နှင့်အညီ အလုပ်မလုပ်ကိုင်ရန်၊ လူသားကိုကယ်တင်ရန် သူ၏ လုပ်ဆောင်ချက်အားလုံးကို သက်သေခံနိုင်ရန်နှင့် လူသားကို အောင်နိုင်စေရန်အတွက် သူပြုလုပ်ခဲ့သော အမှုအားလုံးကို သိရှိစေရန် သူအလိုရှိပါသည်။ ဘုရားသခင်အတွက် သက်သေခံချက်ပေးသောသူသည် ဘုရားသခင်နှင့်ပတ်သက်သော အသိဉာဏ်ရှိရပါသည်။ ဤကဲ့သို့သော သက်သေခံချက်သာလျှင် တိကျပြီးစစ်မှန်သည်။ ဤကဲ့သို့သော သက်သေခံချက်သာလျှင် စာတန်ကိုအရှက်ရစေနိုင်သည်။ ဘုရားသခင်သည် သူ၏စီရင်ဆုံးဖြတ်မှုနှင့် ဆုံးမမှုတို့ကို ဖြတ်သန်းခဲ့ရပြီး၊ သူ့အတွက် သက်သေခံနိုင်ရန်အတွက် ပတ်သက်ဆက်ဆံခြင်းနှင့် စီစစ်ခြင်းတို့ကိုဖြတ်သန်းခဲ့ရပြီးနောက် သူ့ကိုသိရှိ လာသူများကို အသုံးပြုသည်။ ဘုရားသခင်သည်စာတန်မှ ဖျက်ဆီးခဲ့သောသူများကို သူ့အတွက် သက်သေခံရန် အသုံးပြုသည်။ မိမိ၏ ပင်ကိုယ်သဘာထားကို ပြုပြင်ပြောင်းလဲခဲ့သူများနှင့် သူ၏ ကောင်းချီးမင်္ဂလာများ ကို ရယူနိုင်ခဲ့သူများကိုလည်း သူ့အတွက် သက်သေခံပေးရန် အသုံးပြုသည်။ ဘုရားသခင်သည် လူသား၏စကားလုံးများဖြင့်သာ ချီးမွမ်းခြင်းကို မလိုအပ်သလို၊ သူကယ်တင်ခြင်းမပေးခဲ့သော စာတန်ပုံစံဖြင့် ချီးမွမ်းခြင်း နှင့် သက်သေခံခြင်းတို့ကို မလိုအပ်ပါ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ "ဘုရားသခင်ကိုသိသောသူများသာလျှင် ဘုရားသခင်အတွက် သက်သေကို ခံနိုင်ကြသည်" မှ

ယခင်က:ဘုရားသခင့်နှုတ်ကပတ်တော် အမှု၏ အရေးပါမှု

နောက်တစ်ခုသို့:ဘုရားသခင်၏ စမ်းသပ်မှုများနှင့် စစ်ဆေးခြင်းအမှု၏ အရေးပါမှု

သင်နှစ်သက်နိုင်သည့် အရာများ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ စစ်မှန်သော လမ်းခရီးကို စုံစမ်းခြင်းအပေါ် အမေးအဖြေတစ်ရာ နောက်ဆုံးသောကာလ၏ ခရစ်တော်အတွက် သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ