အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ခြောက်ဆယ်ကိုးခုမြောက်သော မိန့်မြွက်ချက်

ငါ၏အလိုသည် ထွက်သောအခါ ခုခံရဲသောသူကိုလည်းကောင်း၊ တရားစီရင်ရဲသောသူ၊ သံသယရှိရဲသောသူကိုလည်းကောင်း ငါသည်ချက်ချင်း ပြည်နှင်ဒဏ်ပေးမည်။ ယနေ့ငါ့အလိုအတိုင်းမလုပ်ဆောင်သောသူ သို့မဟုတ် ငါ့အလိုကို မှားယွင်စွာယူဆသောသူအား ငါ၏နိုင်ငံတော်မှ လွှင့်ပစ်ပြီး သုတ်သင်ခြင်း ခံရမည်။ ငါ၏နိုင်ငံတော်တွင် ငါ့ကိုစာနာထောက်ထား၍ ငါချစ်သောသားများမှတစ်ပါး အခြားအဘယ်သူမျှမရှိပေ။ ထို့အပြင် ထိုသူတို့သည် ငါ့စကားအတိုင်း ပြုလုပ်တတ်သောသူများနှင့် နိုင်ငံသားအားလုံးနှင့် လူမျိုးတကားတို့ကို တရားစီရင်ရန် တန်ခိုးဖြင့် ငါ့ကိုယ်စားအုပ်စိုးနိုင်သော သူများဖြစ်သည်။ ထိုမျှမက ထိုသူတို့သည် အပြစ်ကင်း၍ သွက်လက်သော သားဦးများဖြစ်ကြသည်။ ရိုးရှင်း၍ပွင့်လင်းကြသည်။ ရိုးသားဖြောင့်မတ်၍ဉာဏ်ပညာရှိကြသည်။ သင်တို့တွင် ငါ၏အလိုသည်ပြည့်ဝပြီး ငါလုပ်လိုသောအရာသည်လည်း သင်တို့တွင် ဖြည့်ဆည်းပြီး ဖြစ်သည်။ အမှားအယွင်းမရှိ၊ လုံးလုံးလျားလျား ပွင့်လင်းပြီးထုတ်ဖော်ခဲ့ပြီး ဖြစ်သည်။ မှားယွင်းသောအကြံနှင့် ရည်ရွယ်ချက်ရှိသောသူများကို စွန့်ပစ်ရန် ငါအစပြုပြီဖြစ်၍ တစ်ယောက်ပြီးတစ်ယောက် ငါသည်လဲကျစေမည်။ ထိုသူတို့အသက်ရှင်ကျန်ရစ်ခြင်း မရှိစေရန် တစ်ယောက်ပြီးတစ်ယောက် ငါဖျက်ဆီးမည်။ ထို့သူတို့၏ စိတ်သည်လည်းကောင်း၊ ဝိညာဉ်သည်လည်းကောင်း၊ ခန္ဓာကိုယ်သည် လည်းကောင်း၊ အသက်ရှင်ကျန်ရစ်မည် မဟုတ်ပေ။

ဆင်းရဲသူများအားပံ့ပိုးခြင်း၊ ငါ့ကိုချစ်သောသူများအား စောင့်ရှောက်ကာကွယ်ခြင်း၊ ငါ၏စီမံခန့်ခွဲမှုတွင်မနှောင့်ယှက်သော အသိမဲ့ကာ စိတ်အားထက်သန်သောသူများအား ကယ်တင်ခြင်း၊ ငါ့ကိုခုံခံ၍ ငါနှင့်တတ်ကြွစွာ ပူပေါင်းဆောင်ရွက်မှုများအား ပြစ်ဒဏ်ပေးခြင်း အစရှိသော ငါ့လက်ဖြင့် လုပ်နေသောအမှုအရာတို့ကို ငါပြောခဲ့ပြီးသည့်အတိုင်း တစ်ခုပြီးတစ်ခု အတည်ပြုမည်ကို နားလည်ကြလော့။ သင်သည် ငါ့ကိုအမှန်ချစ်သောသူလော။ သင်သည်ငါ့အတွက် သစ္စာရှိစွာ မိမိကိုယ်ကို အသုံးပြုသောသူလော။ သင်သည် ငါ၏နှုတ်ကပတ်တော်ကို နားထောင်၍ ၎င်းနှင့်အညီ ပြုမူသူလော။ သင်သည် ငါ့ကိုဆန့်ကျင်သောသူ သို့မဟုတ် ငါနှင့် သဟဇာတဖြစ်သောသူလော။ ဤအရာများအပေါ် သင်၏အသိဉာဏ်သည် ရှင်းလင်းသလော။ ငါပြောသောအရာများကို တစ်ခုပြီးတစ်ခု သင်တာဝန်ယူနိုင်သလော။ တာဝန်မယူနိုင်ခဲ့လျှင် သင်သည်စိတ်ပါဝင်စားစွာဖြင့် လိုက်လံစူးစမ်းသော်လည်း ငါ၏အလိုကိုသဘောမပေါက်သောသူ ဖြစ်သည်။ ဤသို့သောပုဂ္ဂိုလ်သည် ငါ၏စီမံခန့်ခွဲမှုကို နှောက်ယှက်၍ ငါ၏အလိုကိုလည်း မှားယွင်းစွာယူဆရန် အလွယ်တကူ ဆုံးသောသူဖြစ်သည်။ ဤသို့သော ပုဂ္ဂိုလ်သည် ခဏတာအတွင်း မှားယွင်းသောရည်ရွယ်ချက်ရှိလျှင် ငါ၏ပြည်နှင်ဒဏ်ပေးခြင်းနှင့် ဖျက်ဆီးခြင်းကို ခံရလိမ့်မည်။

မတွေးတတ်အောင်ခက်ခဲနက်နဲသော အဆုံးမဲ့ လျှို့ဝှက်ချက်များစွာငါ၌ရှိသည်။ ၎င်းတို့အား ငါ၏အစီစဉ်နှင့်အညီ တစ်ခုပြီးတစ်ခု လူတို့ထံသို့ ငါထုတ်ဖော်မည်။ ဆိုလိုရင်းမှာ ၎င်းတို့ကို ငါ၏သားဦးများထံသို့ ငါထုတ်ဖော်မည်။ မယုံကြည်သူများနှင့် ငါ့ကိုခုခံသောသူတို့မူကား ငါခွင့်ပြုထားမည်သာဖြစ်သော်လည်း နောက်ဆုံးတွင် ငါသည်ဘုန်းအာနုဘော်ဖြစ်သော တရားစီရင်ခြင်းဖြစ်ကြောင့် သူတို့အား ငါသဘောပေါက်စေရမည်။ ယနေ့မယုံကြည်သူများသည် ၎င်းတို့၏မျက်လုံးအရှေ့၌ ဖြစ်ပျက်နေသောအရာကိုသာ သိပြီး ငါ၏အလိုကိုမူ မသိကြပေ။ ငါချစ်သော ငါ၏သားများသာလျှင် ငါ၏အလိုကို သိ၍ သဘောပေါက်ကြသည်။ ငါသည်ငါ့သားများထံသို့ ပွင့်လင်းစွာထုတ်ဖော်ပြီး စာတန်အတွက်မူ ငါသည်ဘုန်းအာနုဘော်ဖြစ်သော တရားစီရင်ခြင်းဖြစ်၏။ ဖုံးကွယ်ခြင်းမရှိပေ။ ယနေ့ ငါ၏သားဦးများသာလျှင် ငါ၏အလိုကိုသိရှိရန် ထိုက်တန်သောသူများ ဖြစ်ကြသည်။ အခြား အဘယ်သူမျှ အရည်အချင်းမပြည့်မီကြပေ။ ဤအရာသည် ဖန်ဆင်းခြင်းမတိုင်မီ ငါ၏ကြိုတင်စီစဉ်သောအရာဖြစ်သည်။ အဘယ်သူသည် မင်္ဂလာရှိ၍ အဘယ်သူသည် နှိပ်ကွပ်ခံရမည်အကြောင်းကို ငါသည်အစောပိုင်းကတည်းက စနစ်တကျ စီစဉ်ခဲ့သည်။ ဤအရာ၌ငါသည် ရှင်းလင်း၍ ယနေ့ပြည့်စုံစွာ ဖော်ပြခဲ့ပြီဖြစ်သည်။ မင်္ဂလာရှိသောသူတို့သည် ၎င်းတို့ကို စ၍ခံစားကြပြီ နှိပ်ကွပ်ခံရသောသူတို့သည်လည်း ဘေးဒုက္ခကိုကြံဖို့ စ၍ခံစားကြပြီဖြစ်သည်။ နှိပ်ကွပ်ခြင်းကို မခံလိုကြသူတို့သည် မခံလိုသော်လည်း ၎င်းကိုခံရကြသည်။ အကြောင်းမူကား ဤအရာသည် ငါချမှတ်ခဲ့သော ဆုံးဖြတ်ချက်ဖြစ်၍ ဤအရာသည် ငါ၏ စီမံခန့်ခွဲမှုအမိန့်များ၏ လက်များဖြင့် စီစဉ်ခဲ့သော အရာဖြစ်သည်။ တိကျစွာ မည်သို့သော ပုဂ္ဂိုလ်သည် မင်္ဂလာရှိ၍ မည်သို့သောပုဂ္ဂိုလ်သည် နှိပ်ကွပ်ခံရသနည်း။ ဤအရာများကို ငါထုတ်ဖော်ပြီးပြီ ဖြစ်သည်။ ဤအရာသည် သင်တို့အတွက် လျှို့ဝှက်ချက်မဟုတ်ဘဲ ပွင့်လင်းမြင်သာသော အရာဖြစ်သည်။ ငါ့ကိုလက်ခံသော်လည်း မှားယွင်သောအကြံများ ရှိသူများ၊ ငါ့ကိုလက်ခံသော်လည်း လိုက်လံစူးစမ်ခြင်း မရှိသူ၊ ငါ့ကိုသိသော်လည်း နာခံခြင်း မရှိသူများ၊ မရိုးဖြောင့်ခြင်းနှင့် သစ္စာဖောက်ခြင်းအားဖြင့် ငါ့ကိုလှည့်ဖြားရာတွင် ပါဝင်သောသူများ၊ ငါ၏နှုတ်ကပတ်တော်များကို ဖတ်ရှုသော်လည်း အပျက်သဘောအန်တုသူများ၊ မိမိကိုယ်ကိုယ်မသိ၊ မိမိသည်မည်သည့်အရာဖြစ်သည်ကို မသိဘဲ မိမိကိုယ်ကိုယ်အထင်ကြီး၍ (စာတန်ပမာ) ရင့်ကျက်ပြီဟု ထင်မှတ်သူများ၊ ၎င်းအားလုံးတို့သည် နှိပ်ကွပ်ခြင်းကိုခံရန် ဦးတည်သောအရာများဖြစ်ကြသည်။ ငါ့ကိုလက်ခံ၍ ၎င်းတို့၏ကြံရွယ်ချက်သည် ငါ့ဘက်သို့ပါသောသူများ (၎င်းတို့သည် ကြားဝင်ဖြတ်တောက်ခြင်းများဖြစ်စေ ၎င်းတို့၏ ကျူးလွန်မှုများကို ငါမမှတ်မိမည်မဟုတ်ပေ။ သို့သော် သူတို့၏ အကြံများသည် မှန်ကန်၍ ၎င်းတို့သည် အမြဲသတိရှိမည်ဖြစ်ပြီး ကိုယ်ကျင့်သိက္ခာလျော့ရဲခြင်း မရှိအောင် ဂရုစိုက်ရမည်။ ထို့မအပြင် သူတို့သည် ငါ့ကိုနားထောင်၍ နာခံရန် မိမိ၏စိတ်နှလုံးကို အမြဲစောင့်လျှောက်ရမည်။) သန့်ရှင်းသောသူများ၊ ပွင့်လင်းသောသူများ၊ ရိုးသားဖြောင့်မတ်သောသူများ၊ မည်သည်ပုဂ္ဂိုလ်ဖြစ်စေ၊ မည်သည်အရာဖြစ်စေ၊ မည်သည်ကိစ္စဖြစ်စေ။ ထိန်းချုပ်မှုအောက်၌ မနေသောသူများ၊ အသက်တာရင့်ကျက်သော်လည်း သူငယ်ကဲ့သို့သော ပုံပန်းရှိသူများ၊ ၎င်းတို့သည် ငါချစ်သောသူများဖြစ်၍ ငါ့ကောင်းချီးများခံရရန် ဦးတည်ထားသောသူများလည်း ဖြစ်ကြသည်။ ယခု ထိုသူတို့ အယောက်တိုင်းသည် မိမိအနေအထားနှင့်အညီ မိမိနှင့် သင့်လျော်သော နေရာယူကြရမည်။ သို့ဖြစ်၍ သင်သည် မင်္ဂလာရှိသူ သို့မဟုတ် နှိပ်ကွပ်ခံရသူ ဖြစ်ကြောင်းကို သင်သိရလိမ့်မည်။ ထင်ရှားစွာ ငါပြောပြရန် မလိုအပ်ပေ။ မင်္ဂလာရှိသောသူတို့သည် ဝမ်းမြောက်၍ ပျော်ရွှင်အပ်သော်လည်းနှိပ်ကွပ်ခံသောသူတို့သည် စိတ်ဒုက္ခရောက်သောသူ မဖြစ်အပ်ပေ။ ဤကိစ္စနှစ်ရပ်လုံးကို ငါ့လက်အားဖြင့်စီစဉ်ခဲ့သော်လည်း ငါကိုအပြစ်မတင်အပ်ပေ။ ဤအရာသည် သင်ကိုယ်တိုင် ငါနှင့်အတူ တက်တက်ကြွကြွ ပူးပေါင်းခြင်း မရှိသောကြောင့်နှင့် ငါသည် လူသားများ၏ စိတ်နှလုံး၏ အနက်ရှိုင်းဆုံးအရပ်ကို ရှာဖွေသော ဘုရားဖြစ်ကြောင်းကို သင်သည် နားလည်းမှု မရှိသောကြောင့်ဖြစ်သည်။ ဤအရာသည် ကြိုတင်လျက် ငါဆုံးဖြတ်သည့် အရာဖြစ်ကာ၊ သင်သည် ညံ့ဖျင်းသော ကိုယ်ပိုင်လှည့်စားမှုအားဖြင့် မိမိကိုယ်ကို ထိခိုက်စေခြင်းပင်ဖြစ်သည်။ ၎င်းသည် မိမိကိုယ်ကိုယ် ဘေးသင့်စေခြင်း ဖြစ်သည်။ သင်သည် မရဏနိုင်ငံထဲသို့ ကျသွားသည်မှာ သင့်ကိုမတရားဆက်ဆံခြင်း မဟုတ်ပေ။ ဤအရာသည် သင်၏ အဆုံးဖြစ်၏။ သင်၏အကျိုးတရားပင်ဖြစ်သည်။

မင်္ဂလာရှိသောသားဦးများ ကောင်းချီးဩဘာပေးရန် လျင်မြန်စွာ ထကြလော့။ ကျေးဇူးတော်ချီးမွမ်းရန် လျင်မြန်စွာ ထကြလော့။ ယခုမှစ၍ ခါးသီးမှုများ၊ ဒုက္ခများ မရှိတော့ပေ။ ထို့အပြင် အရာရာသည် ငါတို့၏လက်များ၌ ရှိကြကုန်၏။ ငါနှင့်ညီညွတ်သောသူ မည်သူမဆိုသည် ငါချစ်သောသူဖြစ်၍ ဘေးဒုက္ခမရောက်ရပေ။ သင့်စိတ်ဆန္ဒရှိသမျှတို့ကို ငါဖြည့်ဆည်းပေးမည်။ (သို့သော် ထင်ရာမြင်ရာ မဖြစ်နိုင်ပေ)။ ဤအရာသည် ငါ၏အလုပ်ဖြစ်သည်။

ယခင်က:ခြောက်ဆယ့်ခြောက်ခုမြောက် မိန့်မြွက်ချက်

နောက်တစ်ခုသို့:ခုနှစ်ဆယ့်ခုနှစ်ခုမြောက် မိန့်မြွက်ချက်

သင်နှစ်သက်နိုင်သည့် အရာများ