အဖြေ- ပေါလုက သူ့အတွက် အသက်ရှင်တဲ့အရာဟာ ခရစ်တော်ဖြစ်တယ်လို့ ပြောခဲ့တယ်။ ဒါပေမဲ့ ဒါက သူ့ကိုယ်ပိုင်စကားပါ ဒါတွေက သန့်ရှင်းသောဝိညာဉ်တော်ရဲ့သက်သေခံချက် မဟုတ်သလို၊ သခင်ယေရှုရဲ့နှုတ်ကပတ်တော်တွေအားဖြင့် ထောက်ပံ့ထားတာလည်း မဟုတ်ဘူး ပေါလုအတွက် အသက်ရှင်တဲ့အရာဟာ ခရစ်တော်ဖြစ်တယ်လို့ တခြားတမန်တော်တွေက တစ်ခါမှ မပြောခဲ့ဘူး ဒါကို ပေါလုရဲ့စကားတွေအပေါ်ပဲအခြေခံတာဟာ မယုံကြည်ထိုက်ဘူး။ ရှေးခေတ်က သူတော်စင်တွေ၊ ပရောဖက်တွေဆိုလည်း သူတို့အတွက် အသက်ရှင်တဲ့အရာဟာ ခရစ်တော်ပါလို့ မပြောဆိုရဲခဲ့ပါဘူး ပေါလုတစ်ယောက်ပဲ ဒါကို ပြောရဲခဲ့တာ။ ဒါကြောင့် သူဟာ အရမ်းစိတ်ကြီးဝင်ပြီး၊ ကျိုးကြောင်းမညီညွတ်ခဲ့ဘူးဆိုတာ တွေ့နိုင်တယ် ကျေးဇူးတော်ခေတ်တုန်းက၊ သခင်ယေရှုဟာ ခရစ်တော်ဖြစ်တယ်ဆိုတာကို သန့်ရှင်းသောဝိညာဉ်တော်ကပဲ သက်သေခံခဲ့တာပါ သခင်ယေရှုရဲ့ရွေးနုတ်ခြင်းအမှု၊ သူ ဖော်ပြခဲ့တဲ့ စိတ်သဘောထားနဲ့ သူ့ရဲ့အရာအားလုံးနဲ့ဖြစ်ခြင်းတွေအရ သူ့ရဲ့ဝိသေသလက္ခဏာဟာ ခရစ်တော်ရဲ့လက္ခဏာဖြစ်မှန်း အကြွင်းမဲ့ သက်သေပြခဲ့တယ် ပေါလုကတော့ သမ္မာတရားကို မုန်းတီးပြီး၊ ဘုရားသခင်ကို ဆန့်ကျင်ခဲ့တဲ့ အဓိကတရားခံပါပဲ သူ့အတွက် အသက်ရှင်တဲ့အရာဟာ ခရစ်တော်ဖြစ်တယ်လို့ သူ ပြောခဲ့တယ်။ ဒါက သူဟာ ခရစ်တော်ကို နည်းနည်းမှ မသိခဲ့ဘူးဆိုတာကို ပြတယ် ဒီမေးခွန်းအတွက်တော့၊ အနန္တတန်ခိုးရှင်ဘုရားသခင်က ဘာပြောလဲဆိုတာ ကြည့်ကြရအောင်

“လူ့ဇာတိခံ ဘုရားသခင်ကို ခရစ်တော်ဟုခေါ်ပြီး ခရစ်တော်သည် ဘုရားသခင်၏ ဝိညာဉ်တော်က ဆင်မြန်းထားသည့် ဇာတိခန္ဓာ ဖြစ်သည်။ ဤဇာတိခန္ဓာသည် အသွေးအသားရှိသည့် မည်သည့် လူနှင့်မျှ မတူညီပေ။ ဤသို့ ကွဲပြားခြားနားရခြင်းမှာ ခရစ်တော်သည် အသွေးအသားနှင့် မဆိုင်သောကြောင့် ဖြစ်သည်။ သူသည် ဝိညာဉ်တော်၏ လူ့ဇာတိခံယူခြင်း ဖြစ်၏။ သူသည် ပုံမှန်လူ့သဘာဝနှင့် ပြီးပြည့်စုံသော ဘုရားသဘောသဘာဝ နှစ်ခုလုံးရှိသည်။ သူ၏ ဘုရားသဘောသဘာဝကို မည်သည့်လူကမျှ မပိုင်ဆိုင်ပေ။ သူ၏ဘုရားသဘောသဘာဝက ဘုရားသခင်ကိုယ်တော်တိုင်၏ အမှုကို ဆောင်ရွက်နေစဉ်တွင်၊ သူ၏ ပုံမှန်လူ့သဘာဝက ဇာတိခန္ဓာထဲက သူ၏ ပုံမှန် လှုပ်ရှားမှု အားလုံးကို အားဖြည့်ပေးလေသည်။ သူ၏ လူ့သဘာဝဖြစ်စေ သို့မဟုတ် ဘုရားသဘောသဘာဝ ဖြစ်စေ နှစ်ခုလုံးသည် ကောင်းကင်ဘုံရှိ ခမည်းတော်၏ အလိုကို ကျိုးနွံနာခံလေသည်။ ခရစ်တော်၏အနှစ်သာရမှာ ဝိညာဉ်တော် ဖြစ်သည်၊ ဆိုလိုသည်မှာ ဘုရားသဘောသဘာဝ ဖြစ်သည်။ ထို့ကြောင့် သူ၏အနှစ်သာရသည် ဘုရားသခင် ကိုယ်တော်တိုင်နှင့် သက်ဆိုင်ပေသည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ခရစ်တော်၏ အနှစ်သာရမှာ ကောင်းကင်ဘုံရှိ ခမည်းတော်၏ အလိုတော်ကို နာခံခြင်းဖြစ်သည်)

“လူ့ဇာတိခံယူသော ဘုရားသခင်ကို ခရစ်တော်ဟုခေါ်သည်၊ ထို့ကြောင့် လူတို့ကို သမ္မာတရား ပေးနိုင်သော ခရစ်တော်ကို ဘုရားသခင်ဟု ခေါ်၏။ သူသည် ဘုရားသခင်၏ အနှစ်သာရ ပိုင်ဆိုင်ပြီး၊ သူ၏ အမှုတွင် လူသားက မရရှိနိုင်သည့် ဘုရားသခင်၏ စိတ်သဘောထားနှင့် ဉာဏ်ပညာတို့ ပိုင်ဆိုင်သည့်အတွက်၊ ဤအရာနှင့်ပတ်သက်၍ လွန်ကဲသောအရာတစ်ခုမျှ မရှိပေ။ မိမိတို့ကိုယ်ကိုယ် ခရစ်တော်ဟု ခေါ်သော်လည်း၊ ဘုရားသခင်၏အမှုကို မလုပ်ဆောင်နိုင်သော သူတို့သည် လူလိမ်များ ဖြစ်၏။ ခရစ်တော်သည် ကမ္ဘာမြေကြီးပေါ်ရှိ ဘုရားသခင်၏ သရုပ်သကန်ဖြစ်ရုံသာမက၊ ဘုရားသခင်က လူသားအလယ် သူ၏အမှုကို ဆောင်ရွက်ပြီး၊ ပြည့်စုံစေသည်နှင့်အမျှ သူခံယူသော အထူးလူ့ဇာတိလည်း ဖြစ်၏။ ဤဇာတိခန္ဓာကို မည်သည့်လူသားမဆိုက အစားထိုး၍ မရနိုင်ဘဲ၊ ကမ္ဘာမြေပေါ်တွင် ဘုရားသခင်၏အမှုကို ပြည့်စုံလုံလောက်စွာ တာဝန်ယူ ထမ်းဆောင်နိုင်ပြီး ဘုရားသခင်၏ စိတ်သဘောထားကို ဖော်ပြနိုင်ကာ၊ ဘုရားသခင်ကို ကောင်းစွာ ကိုယ်စားပြုနိုင်သကဲ့သို့၊ လူသားကို အသက်ဖြင့် ထောက်ပံ့ပေးနိုင်သော ဇာတိခန္ဓာ တစ်ခုဖြစ်၏။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ နောက်ဆုံးသော ကာလ၏ ခရစ်တော်သည်သာ လူသားအား ထာဝရအသက်၏ လမ်းခရီးကို ပေးနိုင်သည်)

လူ့ဇာတိခံ ဘုရားသခင်ကို ခရစ်တော်လို့ခေါ်ကြောင်း၊ ဘုရားသခင်ရဲ့နှုတ်ကပတ်တော်တွေကနေ ကျွန်တော်တို့တွေ့နိုင်ပါတယ် ခရစ်တော်ဆိုတာ ဘုရားသခင်ရဲ့ဝိညာဉ်တော်က လူ့ဇာတိမှာ ပေါ်ပေါက်ခြင်းပါပဲ ခရစ်တော်ဟာ ဘုရားသခင်ရဲ့ပေါ်ထွန်းခြင်းဖြစ်ပါတယ်။ ဆိုလိုတာက အမှုတော်ကို ကိုယ်တိုင်ပြုဖို့အတွက် ဆင်းသက်တဲ့အခါ ဘုရားသခင် အသုံးပြုတဲ့လူ့ဇာတိပါပဲ ဒါ့ကြောင့် ခရစ်တော်ဟာ ဘုရားသခင်ဖြစ်တယ်။ ခရစ်တော်ဟာ လူသားကို သမ္မာတရား ပေးစွမ်းနိုင်ပြီး၊ အသက်တာအားဖြင့် ထောက်ပံ့နိုင်တယ် ဘုရားသခင်ရဲ့ဖြောင့်မတ်တဲ့ စိတ်သဘောထားနဲ့ သူ့အမှုတော်ရဲ့ဉာဏ်ပညာကို သူက ဖော်ပြနိုင်တယ်။ ခရစ်တော်ဟာ ဖြောင့်မတ်ပြီးသန့်ရှင်းတဲ့ ဘုရားသခင်ကိုယ်တိုင်ပဲဖြစ်တယ်။ ခရစ်တော်ရဲ့အသက်တာကို ပင်ကိုအားဖြင့် သူကပဲ ပိုင်ဆိုင်ပါတယ် သူဟာ မွေးဖွားခဲ့တဲ့အချိန်ကတည်းက လူ့ဇာတိခံယူတဲ့ ဘုရားသခင်ပါပဲ။ ယုံကြည်မှုလမ်းကြောင်းတစ်ဝက်ရောက်မှ ဘုရားသခင် ဖြစ်လာတာမဟုတ်ဘူး မွေးကတည်းက ခရစ်တော်ဖြစ်တဲ့သူဟာ ထာဝရခရစ်တော်ပဲဖြစ်တယ်။ မွေးကတည်းက ခရစ်တော်မဟုတ်တဲ့သူတွေက ဘယ်တော့မှ ခရစ်တော်ဖြစ်လာမှာမဟုတ်ဘူး။ လူတွေအနေနဲ့ သမ္မာတရားကို ဘယ်လောက်ပဲ လက်ကိုင်ထားပါစေ၊ သူတို့ဟာ ခရစ်တော် ဖြစ်လာနိုင်မှာမဟုတ်ဘူး ခရစ်တော်ရဲ့အသက်တာဆိုတာ ဖန်ဆင်းခံသက်ရှိတွေရော ဖန်ဆင်းမခံရတဲ့ သက်ရှိတွေရော ဘယ်တော့မှ ရယူ ပိုင်ဆိုင်နိုင်တဲ့အရာမဟုတ်ပါဘူး။ ပေါလုက သူ့အတွက် အသက်ရှင်တဲ့အရာဟာ ခရစ်တော်ဖြစ်တယ်လို့ ပြောခဲ့တယ် ဒါဆိုရင် ဘုရားသခင်ရဲ့စိတ်သဘောထားနဲ့ ဘုရားသခင်ရဲ့အရာအားလုံးနဲ့ဖြစ်ခြင်းတွေကို သူက ပိုင်ဆိုင်ခဲ့လို့လား လူတွေကို ကယ်တင်ဖို့အတွက် သမ္မာတရားတွေကို သူက ဖော်ပြနိုင်ခဲ့လို့လား သူ့မှာ ခရစ်တော်ရဲ့အသက်တာရှိခဲ့ရင်၊ သူက ဘာလို့များ သခင်ယေရှုကို ဆန့်ကျင်ပြီး၊ အပြစ်တွေ ဆက်လုပ်နိုင်ခဲ့သေးတာလဲ သူဟာ “အပြစ်သားအားလုံးရဲ့အထင်ကရ” ဖြစ်ခဲ့တယ်လို့ ပေါလုကိုယ်တိုင်ဝန်ခံခဲ့တယ်။ အပြစ်သားတစ်ယောက်အတွက် အသက်ရှင်တဲ့အရာဟာ ခရစ်တော်ဖြစ်တယ်ဆိုတာမျိုးလား။ ဒါက ဘုရားသခင်ကို စော်ကားတာ မဟုတ်ဘူးလား အလုပ်တွေ ပင်ပင်ပန်းပန်းလုပ်ပြီး အမှုထမ်းသူတွေက ခရစ်တော်ဖြစ်လာနိုင်တယ်လို့ ခင်ဗျားပြောနေတာလား။ အဲဒါက အယူအဆအမှားတစ်ခုမဟုတ်ဘူးလား။ ပေါလုဟာ အစကတော့ ခရစ်တော်ကို ဆန့်ကျင်ခဲ့တဲ့ အဓိကတရားခံပါ။ ဒါက လူတိုင်း သိထားတဲ့အချက်တစ်ခုပဲ နောက်ပိုင်းနှစ်တွေမှာမှ ယေရှုခရစ်တော်ကို အစားထိုးပြီး၊ နေရာဝင်ယူဖို့ ကြိုးစားရင်းနဲ့ သူ့အတွက် အသက်ရှင်တဲ့အရာဟာ ခရစ်တော်ပါလို့ သက်သေခံခဲ့တာပါ စာတန်လိုလူမျိုးဖြစ်တဲ့ တစ်သက်စာ အန္တိခရစ်တစ်ယောက်ဟာ ဘယ်လိုလုပ် ခရစ်တော် ဖြစ်လာနိုင်မှာလဲ ပေါလုက သူ့အတွက် အသက်ရှင်တဲ့အရာဟာ ခရစ်တော်ပါလို့ ပြောခဲ့တယ်။ ဒါက အစစ်အမှန်မဟုတ်ခဲ့ဘူးဆိုတာ ရှင်းနေတာပဲ ဒါက ဆိုးယုတ်တဲ့ သူ့ရည်မှန်းချက်ကို တိုးချဲ့ထားတာတစ်ခုပဲ ဘုရားသခင် ဖြစ်လာချင်တဲ့ ပေါလုရဲ့ဆန္ဒကို ဒါက လုံး၀ ဖော်ထုတ်ပြခဲ့တာပါ သူဟာ လူတွေရဲ့နှလုံးသားထဲက သခင်ယေရှုရဲ့နေရာကိုယူချင်ခဲ့တာ။ ပေါလုရဲ့သဘာဝအမှန်ဟာ အန္တိခရစ်တစ်ယောက်ရဲ့သဘာ၀ ဖြစ်ခဲ့သလို သူဟာ အန္တိခရစ်တစ်ယောက်ရဲ့လမ်းအတိုင်း လျှောက်ခဲ့တယ်ဆိုတာကို ဒါက သက်သေပြပါတယ်။

နာကြည်းဖွယ်ရာ အမှတ်တရများ ၏ ရုပ်ရှင် ဇာတ်ညွှန်း မှ