အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ဘုရားသခင်၏ အလုပ်နှင့် လူ၏လက်တွေ့လုပ်ဆောင်မှု

လူအများကြား ဘုရားသခင်၏ အလုပ်တွင် လူသည် ဤအလုပ်၏ ပြုလုပ်ခံရသူဖြစ်ပြီး၊ ဘုရားသခင်ကို သက်သေခံနိုင်သည့် ဘုရားသခင် ဖန်ဆင်းထားသည့် တစ်ခုတည်းသော သတ္တဝါ ဖြစ်သောကြောင့် ထိုအလုပ်နှင့် လူသည် ခွဲ၍ မရပေ။ လူ၏ အသက်တာနှင့် လူ၏ လှုပ်ရှားမှုအားလုံးသည် ဘုရားသခင်နှင့် ခွဲ၍မရဘဲ ဘုရားသခင်၏ လက်များက အားလုံးကို ထိန်းချုပ်ထားကာ ဘုရားသခင်နှင့် ကင်းကွာပြီး မည်သည့် ပုဂ္ဂိုလ်မျှ မတည်ရှိနိုင်ဟုပင် ပြောနိုင်သည်။ ယင်းသည် အချက်အလက်အမှန်ဖြစ်၍ မည်သူမျှ ယင်းကိုမငြင်းနိုင်။ ဘုရားသခင်လုပ်ဆောင်သမျှ အလုံးစုံသည် လူသားအကျိုးအတွက် ဖြစ်ပြီး၊ စာတန်၏ အကြံအစည်များကို ဦးတည်သည်။ လူ၏ လိုအပ်ချက်အားလုံးသည် ဘုရားသခင်ထံမှလာပြီး ဘုရားသခင်သည် လူသား၏ အသက်တာအတွက် အရင်းအမြစ်ဖြစ်သည်။ သို့ဖြစ်ရာ လူသည် ရိုးရှင်းစွာပင် ဘုရားသခင်မှ ခွဲထွက်နိုင်ခြင်း မရှိပေ။ ထို့အပြင် ဘုရားသခင်တွင်လည်း လူသားနှင့်ခွဲရန် မည်သည့်အခါမျှ ရည်ရွယ်ချက် မရှိခဲ့ပေ။ ဘုရားသခင် လုပ်ဆောင်သော အလုပ်သည် လူသားမျိုးနွယ်အားလုံးအကျိုးအတွက်ဖြစ်ပြီး သူ၏ ကြံစည်ချက်များမှာ အစဉ်အမြဲ ကြင်နာမှုရှိသည်။ လူအတွက် ဘုရားသခင်၏ အလုပ်နှင့် ဘုရားသခင်၏ အကြံအစည် (ယင်းမှာ ဘုရားသခင်၏ အလိုတော်ဖြစ်သည်) နှစ်ခုစလုံးတို့သည် လူတို့သိသင့်သော “ရူပါရုံများ” ဖြစ်သည်။ ယင်းရူပါရုံများသည်လည်း ဘုရားသခင်၏ စီမံခန့်ခွဲမှု ဖြစ်ပြီး လူသားတို့ လုပ်နိုင်စွမ်းမရှိသော အလုပ်ဖြစ်သည်။ တစ်ချိန်တည်းမှာပင် ဘုရားသခင်၏ အလုပ်လုပ်ဆောင်ချိန်တွင် လူသားအပေါ် ဘုရားသခင်ထားရှိသည့် သတ်မှတ်ချက်များကို လူ၏ “လက်တွေ့လုပ်ဆောင်မှု”ဟု ခေါ်သည်။ ရူပါရုံများသည် ဘုရားသခင် ကိုယ်တော်တိုင်၏အလုပ် သို့မဟုတ် လူသားများအပေါ် သူ၏ အလိုတော် သို့မဟုတ် သူ့အလုပ်၏ ရည်ရွယ်ချက်များနှင့် ထင်ရှားချက်များ ဖြစ်သည်။ ဤစီမံခန့်ခွဲမှုသည် ဘုရားသခင်၏ အလုပ်ဖြစ်သဖြင့် ရူပါရုံများကို စီမံခန့်ခွဲမှု၏ အစိတ်အပိုင်းဖြစ်သည်ဟုလည်း ပြောနိုင်ပြီး ထိုရူပါရုံများသည် လူသားအတွက် ရည်ရွယ်သည်။ ဆိုလိုသည်မှာ ယင်းအလုပ်သည် ဘုရားသခင်က လူအများကြားတွင် လုပ်သော အလုပ်ဖြစ်သည်။ ဤအလုပ်သည် ဘုရားသခင်ကို လူက သိလာသော အထောက်အထားနှင့် လမ်းကြောင်းဖြစ်ပြီး လူအတွက် အရေးအကြီးဆုံးလည်း ဖြစ်သည်။ အကယ်၍ လူတို့သည် ဘုရားသခင်၏ အလုပ်နှင့်ပတ်သက်သည့် အသိပညာကို အာရုံစိုက်မည့်အစား ဘုရားသခင်ကို ယုံကြည်မှုနှင့်ပတ်သက်သည့် အယူဝါဒများ သို့မဟုတ် လုံးဝအရေးမကြီးသော အသေးစိတ်များကိုသာ အာရုံစိုက်ကြမည်ဆိုပါက သူတို့သည် အကယ်ပင် ဘုရားသခင်ကို သိကြမည်မဟုတ်ဘဲ၊ ထိုမျှသာမက ဘုရားသခင်၏ စိတ်နှလုံးနှင့်လည်း ညီညွတ်ကြမည်မဟုတ်ပေ။ ဘုရားသခင်၏ အလုပ်သည် ဘုရားနှင့်ပတ်သက်သော လူ၏ အသိပညာကို အလွန်အထောက်အကူပြုပေးပြီး ယင်းကို ရူပါရုံများဟု ခေါ်သည်။ ယင်းရူပါရုံများသည် ဘုရားသခင်၏ အလုပ်၊ ဘုရားသခင်၏ အလိုတော်၊ ဘုရားသခင် အလုပ်၏ ရည်မှန်းချက်များနှင့် ထင်ရှားချက်များဖြစ်သည်။ ယင်းတို့ အားလုံးသည် လူကို အကျိုးကျေးဇူး ရှိစေသည်။ လက်တွေ့လုပ်ဆောင်မှုဆိုသည်မှာ လူလုပ်သင့်သောအရာ၊ ဘုရားသခင်နောက်လိုက်သော သတ္တဝါများ လုပ်သင့်သောအရာကို ဆိုလိုသည်။ ယင်းမှာ လူ၏ တာဝန်လည်း ဖြစ်သည်။ လူသား လုပ်သင့်သော အရာသည် အစဦးကတည်းက လူသား နားလည်ခဲ့သော အရာမဟုတ်ဘဲ ဘုရားသခင်က သူ၏အလုပ်အတွင်း လူသားအပေါ် ထားရှိသော သတ်မှတ်ချက်များ ဖြစ်သည်။ ယင်းသတ်မှတ်ချက်များသည် တဖြည်းဖြည်း နက်ရှိုင်းလာပြီး ဘုရားသခင် အလုပ်လုပ်သည်နှင့်အမျှ ပို၍မြင့်မားလာခဲ့သည်။ ဥပမာ၊ ပညတ်တော်ခေတ်တွင် လူသည် ပညတ်တော်ကို လိုက်နာရပြီး ကျေးဇူးတော်ခေတ်တွင် လူသားသည် လက်ဝါးကပ်တိုင်ကို ထမ်းခဲ့ရသည်။ နိုင်ငံတော်ခေတ်တွင်မူ ကွာခြားသည်။ လူသားအပေါ် သတ်မှတ်ချက်များသည် ပညတ်တော်ခေတ်နှင့် ကျေးဇူးတော်ခေတ်များအတွင်းကထက် ပိုမိုမြင့်မားသည်။ ရူပါရုံများသည် ပိုမို မြင့်မားလာသည်နှင့်အမျှ၊ လူသားအပေါ် သတ်မှတ်ချက်များသည်လည်း ပိုမြင့်လာပြီး ယခင်ကနှင့် မတူအောင် ရှင်လင်းလာကာ ပို၍စစ်မှန်လာသည်။ အလားတူပင် ရူပါရုံများသည်လည်း တိုး၍ စစ်မှန်လာသည်။ ယင်းစစ်မှန်သော ရူပါရုံ အများအပြားသည် လူသား၏ ဘုရားသခင်အား နာခံခြင်းကို အားဖြည့်ပေးရုံသာမက၊ ဘုရားသခင်နှင့်ပတ်သက်သော သူ၏ အသိပညာကိုလည်း ပိုမို အားဖြည့်ပေးသည်။

ယခင်ခေတ်များနှင့် နှိုင်းယှဉ်ပါက နိုင်ငံတော်ခေတ်အတွင် ဘုရားသခင်၏ အလုပ်သည် ပို၍လက်တွေ့ကျပြီး၊ လူသားဖြစ်တည်မှုနှင့် သူ၏ စိတ်သဘောထား ပြောင်းလဲမှုများကို ပိုမိုရည်မှန်းပြီး၊ သူ့ကို လိုက်လျှောက်သူတို့ အားလုံးအတွက် ဘုရားသခင်ကိုယ်တော်တိုင်ကို ပိုမိုသက်သေခံစေနိုင်သည်။ တစ်နည်းဆိုသော် နိုင်ငံတော်ခေတ်တွင် သူအလုပ်လုပ်သည် နှင့်အမျှ၊ အတိတ်ကာလ မည်သည့်အချိန်ကထက်မဆို ပိုမိုပြီး ဘုရားသခင်သည် သူ့အကြောင်းကို ပြသတော်မူသည်။ ဆိုလိုသည်မှာ လူသားက သိသင့်သော ရူပါရုံများသည် ယခင်ခေတ်များထက် ပိုမို မြင့်မားသည်။ လူတို့အကြားရှိ ဘုရားသခင်၏ အလုပ်သည် ယခင်မရောက်ဖူးသေးသော နယ်ပယ်ကို ဝင်ရောက်ခဲ့သည့်အတွက်၊ နိုင်ငံတော်ခေတ်တွင် လူသားက သိသော ရူပါရုံများသည် စီမံခန့်ခွဲမှုအလုပ်များ အားလုံးတွင် အမြင့်ဆုံးဖြစ်သည်။ ဘုရားသခင်၏ အလုပ်သည် ယခင်က မရောက်ဖူးသေးသော နယ်ပယ်ကို ဝင်ရောက်ခဲ့ပြီး၊ လူသားက သိမြင်ရမည့် ရူပါရုံများသည် ရူပါရုံများအားလုံးတွင် အမြင့်ဆုံးဖြစ်ပြီး၊ ရလဒ်ဖြစ်သော လူသား၏ လက်တွေ့လုပ်ဆောင်မှုသည်လည်း ယခင်ခေတ်များထက် ပိုမိုမြင့်မားသည်။ အကြောင်းမှာ ရူပါရုံများနှင့်အတူ လူ၏လက်တွေ့လုပ်ဆောင်မှုများသည် အဆင့်လိုက် ပြောင်းလဲမှုများရှိပြီး ရူပါရုံများ၏ ပြည့်စုံခြင်းသည်လည်း လူ့သတ်မှတ်ချက်၏ ပြည့်စုံခြင်းကို အမှတ်အသားပြုသောကြောင့် ဖြစ်သည်။ ဘုရားသခင်၏ စီမံခန့်ခွဲမှုအားလုံး ရပ်တန့်သွားသည်နှင့် တစ်ပြိုင်နက် လူသား၏ လက်တွေ့လုပ်ဆောင်မှုသည်လည်း ရပ်တန့်သွားသည်၊ ထို့အပြင် ဘုရားသခင်၏ အလုပ်မရှိပါက လူသည် အတိတ်ကာလများ၏ အယူဝါဒကို ထိန်းသိမ်းရန်မှလွဲ၍ အခြားရွေးချယ်စရာမရှိဘဲ ဖြစ်လိမ့်မည်၊ သို့တည်းမဟုတ် အကယ်ပင် အားကိုးရာမရှိဘဲ ဖြစ်လိမ့်မည်။ ရူပါရုံအသစ်များမရှိဘဲ လူ၏ လက်တွေ့ လုပ်ဆောင်မှုအသစ်များ ရှိမည်မဟုတ်၊ ပြီးပြည့်စုံသော ရူပါရုံများမရှိဘဲ လူ၏ စုံလင်သော လက်တွေ့ လုပ်ဆောင်မှု ရှိလိမ့်မည် မဟုတ်ပေ။ ပိုမို မြင့်မားသော ရူပါရုံများ မရှိဘဲ လူ၏ ပိုမို မြင့်မားသော လက်တွေ့လုပ်ဆောင်မှုလည်း ရှိမည်မဟုတ်ပေ။ လူ၏ လက်တွေ့လုပ်ဆောင်မှုသည် ဘုရားသခင်၏ ခြေလှမ်းများနှင့်အတူ ပြောင်းလဲသည်၊ အလားတူပင် လူ၏ အသိပညာနှင့် အတွေ့အကြုံသည်လည်း ဘုရားသခင်၏ အလုပ်နှင့်အတူ ပြောင်းလဲသည်။ လူသည် မည်မျှ လုပ်ဆောင်နိုင်စွမ်း ရှိသည်ဖြစ်စေ၊ သူသည် ဘုရားသခင်နှင့် ခွဲ၍ မရနိုင်ဆဲပင် ဖြစ်သည်၊ အကယ်၍ ဘုရားသခင်သည် အချိန်အခိုက်အတန့်မျှ အလုပ်လုပ်ခြင်းကို ရပ်လိုက်ပါက လူသည် သူ၏ ဒေါသကြောင့် ချက်ချင်း သေဆုံးသွားလိမ့်မည်။ ယနေ့တွင် လူ၏ အသိပညာသည် မည်မျှ မြင့်သည်ဖြစ်စေ၊ သူ၏ အတွေ့အကြုံများ မည်မျှ ကြီးမားသည်ဖြစ်စေ၊ သူသည် ဘုရားသခင်၏ အလုပ်နှင့် ခွဲနိုင်ခြင်းမရှိသဖြင့် လူ၌ ကြွားဝါစရာ ဘာမျှမရှိ၊ အဘယ်ကြောင့်ဆိုသော် လူ၏ လက်တွေ့လုပ်ဆောင်မှုနှင့် ထိုလုပ်ဆောင်မှုမှတစ်ဆင့် သူ့အနေဖြင့် ဘုရားသခင်အပေါ် သူ၏ယုံကြည်မှုကို ရှာဖွေရန်တို့မှာ ရူပါရုံများနှင့် ခွဲခြား၍ မရသောကြောင့် ဖြစ်သည်။ ဘုရားသခင်အလုပ်၏ ဖြစ်စဉ်တိုင်းသည် လူသားသိသင့်သော ရူပါရုံများဖြစ်သည်၊ လူအပေါ်ထားသော သင့်တင့်လျောက်ပတ်သည့် ဘုရားသခင်၏ သတ်မှတ်ချက်များ ဆက်လိုက်လာသော ရူပါရုံများဖြစ်သည်။ ယင်းရူပါရုံများကို အခြေခံအဖြစ်မပါရှိဘဲ လူသည် လက်တွေ့လုပ်ဆောင်မှုကို ဧကန်စင်စစ် မတတ်နိုင်သကဲ့သို့၊ လူသည် ဘုရားသခင်ကို မဆုတ်မနစ် လိုက်လျှောက်နိုင်မည်လည်း မဟုတ်ပေ။ အကယ်၍ လူသည် ဘုရားသခင်ကို မသိပါက၊ သို့မဟုတ် ဘုရားသခင်၏ အလိုတော်ကို နားမလည်ပါက လူသား လုပ်ဆောင်သမျှ အလုံးစုံသည် အချည်းနှီးသာဖြစ်ပြီး ဘုရားသခင်၏ အတည်ပြုမှုကို ရနိုင်မည် မဟုတ်ပေ။ လူသား၏ ဆုကျေးဇူးများသည် မည်မျှပင် များပြားသည်ဖြစ်စေ၊ သူသည် ဘုရားသခင်၏ အလုပ်နှင့် ဘုရားသခင်၏ လမ်းပြမှုမှ ခွဲမရနိုင်ဘဲ ရှိသေးသည်။ လူ၏ လုပ်ဆောင်မှုများသည် မည်မျှကောင်းသည်ဖြစ်စေ၊ မည်မျှ များပြားသည်ဖြစ်စေ၊ ယင်းတို့သည် ဘုရားသခင်၏ အလုပ်ကို အစားထိုးနိုင်ခြင်း မရှိသေးပေ။ သို့ဖြစ်ရာ မည်သည့် အခြေအနေအောက်တွင်မျှ လူ၏ လက်တွေ့လုပ်ဆောင်မှုသည် ရူပါရုံများမှ ခွဲထွက်၍မရနိုင်ပေ။ ရူပါရုံအသစ်များကို လက်မခံသူသည် လက်တွေ့ လုပ်ဆောင်မှုအသစ်များ ရှိမည်မဟုတ်ပေ။ ထိုသူတို့၏ လက်တွေ့လုပ်ဆောင်မှုသည် သမ္မာတရားနှင့် ဆက်နွယ်မှု မရှိ၊ အဘယ်ကြောင့်ဆိုသော် သူတို့သည် အယူဝါဒများကို လိုက်နာပြီး အသက်မရှင်သော ပညတ်တော်များကိုသာ ထိန်းသိမ်းထား၍ ဖြစ်သည်။ သူတို့တွင် ရူပါရုံသစ်များ လုံးဝမရှိ၊ ရလဒ်အဖြစ် သူတို့သည် ခေတ်သစ်တွင် မည်သည့်အရာကိုမျှ လက်တွေ့မလုပ်ဆောင်ကြပေ။ သူတို့သည် ရူပါရုံများ ပျောက်ဆုံးနေခဲ့ပြီး၊ ထိုသို့ဖြစ်သည့်အတွက် သူတို့သည် သန့်ရှင်းသော ဝိညာဉ်တော်၏ အလုပ်ကိုလည်း ဆုံးရှုံးကာ၊ သမ္မာတရားကိုလည်း ဆုံးရှုံးရသည်။ သမ္မာရားမရှိသူတို့သည် အဓိပ္ပာယ်မဲ့မှု၏ အနွှယ်များသာ ဖြစ်သည်။ သူတို့သည် စာတန်၏ ပြယုဂ်ဖြစ်ကြသည်။ တစ်ဦးတစ်ယောက်သည် မည်သို့သော ပုဂ္ဂိုလ်မျိုးဖြစ်စေကာမူ၊ ဘုရားသခင်အလုပ်၏ ရူပါရုံများမရှိဘဲ မရပ်တည်နိုင်၊ သန့်ရှင်းသော ဝိညာဉ်တော်၏ မျက်မှောက်တော်ကို ဆုံးရှုံး၍လည်း မရပေ။ တစ်စုံတစ်ယောက်သည် ရူပါရုံဆုံးရှုံးသည်နှင့် တစ်ပြိုင်နက်တည်းတွင် သူတို့သည် မရဏနိုင်ငံသို့ သက်ဆင်းရပြီး အမှောင်ထုတွင် နေထိုင်ကြသည်။ ရူပါရုံများ မရှိသူတို့သည် ဘုရားသခင်ကို မိုက်မဲစွာ လိုက်လျှောက်သူတို့ဖြစ်သည်၊ သန့်ရှင်းသော ဝိညာဉ်တော်၏ အလုပ် ကင်းမဲ့သူများ ဖြစ်ကြပြီး သူတို့သည် ငရဲတွင် နေထိုင်နေကြသည်။ ထိုသို့သော လူများသည် သမ္မာတရားကို မီအောင်မလိုက်လျှောက်ဘဲ ဘုရားသခင်၏ နာမတော်ကို ဆိုင်းဘုတ်တစ်ခုကဲ့သို့သာ ချိတ်ဆွဲသူများဖြစ်သည်။ သန့်ရှင်းသော ဝိညာဉ်တော်၏ အလုပ်ကို မသိသူ၊ လူ့ဇာတိခံယူသော ဘုရားသခင်ကို မသိသူ၊ ဘုရားသခင် စီမံခန့်ခွဲမှု တစ်ခုလုံးတွင် အလုပ်အဆင့် သုံးဆင့်ကို မသိသူ၊ ထိုသူတို့သည် ရူပါရုံများကို မသိကြ၊ ထို့ကြောင့် သမ္မာတရား မရှိကြပေ။ သမ္မာတရားကို မပိုင်ဆိုင်သူတို့သည် မကောင်းမှုလုပ်သူများ မဟုတ်လော။ သမ္မာတရားကို လက်တွေ့လုပ်ဆောင်လိုသူ၊ ဘုရားသခင်အား သိရှိနားလည်ခြင်းကို ရှာဖွေလိုသူနှင့် ဘုရားသခင်နှင့် အမှန်တကယ် ပူးပေါင်းလိုသူတို့အတွက်၊ ရူပါရုံများသည် အခြေခံအုတ်မြစ်ဖြစ်ကြသည်။ သူတို့ကို ဘုရားသခင်က လက်ခံသည်။ အဘယ်ကြောင့်ဆိုသော် သူတို့သည် ဘုရားသခင်နှင့် ပူးပေါင်းသောကြောင့် ဖြစ်သည်။ ယင်းပူးပေါင်းဆောင်ရွက်မှုမှာ လူတို့ လက်တွေ့လုပ်ဆောင်သင့်သော အရာဖြစ်ပေသည်။

ရူပါရုံများတွင် လက်တွေ့လုပ်ဆောင်ရမည့် လမ်းကြောင်းများ များစွာပါဝင်သည်။ လူသားတောင်းဆိုသော လက်တွေ့ကျသည့် တောင်းဆိုချက်များသည် လူသားသိသင့်သော ဘုရားသခင်၏ အလုပ်ဖြစ်ရာ ယင်းတို့သည် ရူပါရုံများအတွင်းတွင် ပါဝင်သည်။ ယခင်က နေရာအမျိုးမျိုးတွင် ပြုလုပ်သော အထူးစုဝေးခြင်းများ သို့မဟုတ် ကြီးမားသော စုဝေးခြင်းများအတွင်း လက်တွေ့လုပ်ဆောင်မှု လမ်းကြောင်း၏ ရှုထောင့်တစ်ခုတည်းကိုသာ ပြောခဲ့သည်။ ထိုလက်တွေ့လုပ်ဆောင်မှုမှာ ကျေးဇူးတော်ခေတ်အတွင်း လက်တွေ့လုပ်ဆောင်ခဲ့သင့်သော အရာဖြစ်ပြီး၊ ကျေးဇူးတော်ခေတ်၏ ရူပါရုံမှာ ယေရှု လက်ဝါးကပ်တိုင်တွင်အသေခံခြင်း ရူပါရုံသာ ဖြစ်ပြီး၊ ပိုမိုကြီးမားသော ရူပါရုံမရှိသဖြင့် ဘုရားသခင်အား သိနားလည်မှုနှင့် ပတ်သက်ဆက်နွှယ်မှု အနည်းငယ်မျှသာ ရှိခဲ့သည်။ လက်ဝါးကပ်တိုင်တွင် အသေခံခြင်းအားဖြင့် လူသားမျိုးနွယ်ကို ကယ်နုတ်သည့် အလုပ်ထက်ပိုပြီး လူအနေဖြင့် သိရှိရန် မလိုပါ၊ ထို့ကြောင့် ကျေးဇူးတော်ခေတ်တွင်လည်း လူကသိရမည့် အခြားရူပါရုံများ မရှိခဲ့ပါ။ ဤနည်းလမ်းဖြင့်၊ လူသည် ဘုရားကို သာမန်ကာလျှံကာသာသိပြီး၊ ယေရှု၏ ချစ်ခြင်းနှင့် ကရုဏာမှလွဲ၍၊ သူ့အတွက်မှာ လက်တွေ့လုပ်ဆောင်စရာမှာ အခြားရိုးရှင်းပြီး နုံချာသည့် အရာများ အနည်းငယ်သာ ရှိသည်၊ ထိုအရာများသည် ယနေ့အရာများနှင့် တခြားစီပင် ဖြစ်သည်။ ယခင်က၊ မည်သည့်အရာက စုဝေးခြင်းကို ဖြစ်ပေါ်စေသည်ဖြစ်စေ၊ လူသည် ဘုရားသခင်အလုပ်၏ လက်တွေ့ကျသော အသိပညာကို မပြောဆိုနိုင်ပေ၊ အဘယ်အရာက လူသားဝင်ရောက်နိုင်သည့် လက်တွေ့လုပ်ဆောင်ရန် အသင့်တော်ဆုံး လမ်းကြောင်းဖြစ်သည်ကို ရှင်းလင်းစွာ ပြောပြနိုင်ရန် သာ၍ပင် ဝေးနေသေးသည်။ သူသည် စိတ်ရှည်ခြင်းနှင့် သည်းခံခြင်းအခြေခံတွင် ရိုးရှင်းသည့် အသေးစိတ် အချက်အနည်းငယ်ကို ဖြည့်စွက်မျှရုံသာဖြစ်သည်။ သူ၏လက်တွေ့လုပ်ဆောင်မှု အနှစ်သာရတွင် အမှန်ပင် ပြောင်းလဲမှုမရှိပါ၊ အကြောင်းမှာ တူညီသည့်ခေတ်အတွင်း ဘုရားသခင်က မည်သည့်အလုပ်သစ်ကိုမျှ မလုပ်ဘဲ၊ လူ့အပေါ် သူထားရှိသည့် သတ်မှတ်ချက်များမှာ စိတ်ရှည်ခြင်းနှင့် သည်းခံခြင်း၊ သို့မဟုတ် လက်ဝါးကပ်တိုင်ကို ထမ်းခြင်းတို့သာ ဖြစ်သောကြောင့် ဖြစ်သည်။ ထိုကဲ့သို့သော လက်တွေ့လုပ်ဆောင်ခြင်းများမှလွဲ၍၊ ယေရှု လက်ဝါးကပ်တိုင်တွင် အသေခံခြင်းထက် ပိုမြင့်မားသည့် ရူပါရုံများ မရှိတော့ပါ။ ယခင်က၊ ဘုရားသခင်သည် များလှစွာသော အလုပ်ကို မလုပ်ဆောင်ခဲ့ဘဲ လူ့ထံမှ အကန့်အသတ်ဖြင့်သာ တောင်းဆိုမှုများပြုခဲ့သဖြင့် အခြားရူပါရုံများကို ပြောဆိုခြင်းများမရှိခဲ့ပါ။ ဤနည်းလမ်းအားဖြင့်၊ လူက အဘယ်အရာပင် လုပ်ခဲ့သည်ဖြစ်စေ၊ သူသည် လူ့အနေဖြင့် လက်တွေ့လုပ်ဆောင်ရန် ရိုးရှင်းပြီး ပေါ့တန်သော အရာအနည်းငယ်ဖြစ်သည့် ဤနှောင်ဖွဲ့မှုများကို မချိုးဖျက်နိုင်ပေ။ ယနေ့တွင် အခြားရူပါရုံများကို ငါပြောသည်၊ အဘယ်ကြောင့်ဆိုသော် ယနေ့တွင် သာ၍များသော အလုပ်ကို လုပ်ဆောင်ခဲ့ပြီး၊ ယင်းအလုပ်သည် ပညတ်တော်ခေတ်နှင့် ကျေးဇူးတော်ခေတ်ထက် အဆပေါင်းများစွာ ပိုများသည်။ လူသားများ၏ လိုအပ်ချက်များကလည်း ပြီးခဲ့သည့် ခေတ်များထက် အဆပေါင်းများစွာ မြင့်မားသည်။ အကယ်၍ လူအနေဖြင့် ထိုသို့သော အလုပ်ကို အပြည့်အဝ မသိနိုင်ပါက၊ ထင်ရှားကြီးမြတ်သည်များကို ပိုင်ဆိုင်မည်မဟုတ်ပါ။ လူသည် အသက်တာ တစ်ခုလုံး ဆက်ကပ်ပြီး မကြိုးစားပါက၊ ထိုသို့သော အလုပ်ကို အပြည့်အဝသိရန် ခက်ခဲလိမ့်မည်ဟု ပြောနိုင်သည်။ သိမ်းပိုက်ခြင်းအလုပ်တွင်၊ လက်တွေ့လုပ်ဆောင်ခြင်း လမ်းကြောင်းကိုသာ ပြောဆိုခြင်းက လူသားအား သိမ်းပိုက်ခြင်းကို မဖြစ်နိုင်အောင် ပြုလိမ့်မည်။ ရူပါရုံများကို ပြောဆိုရုံမျှသာဖြစ်ပြီး လူသား၏ လိုအပ်ချက် အနည်းငယ်မျှ မပါရှိပါကလည်း လူသားအားသိမ်းပိုက်ခြင်းကို မဖြစ်နိုင်စေပါ။ လက်တွေ့လုပ်ဆောင်သည့် လမ်းကြောင်းမှလွဲ၍ ဘာကိုမျှ ပြောဆိုခြင်းမရှိပါက၊ လူ၏ပျော့ကွက်ကို တိုက်ခိုက်ရန်၊ သို့မဟုတ် လူ၏အယူအဆများကို လွင့်ပျောက်စေရန် ဖြစ်နိုင်လိမ့်မည်မဟုတ်။ လူသားကို အပြည့်အဝ သိမ်းပိုက်ရန်လည်း ဖြစ်နိုင်လိမ့်မည် မဟုတ်ပေ။ ရူပါရုံများသည် လူသားကို သိမ်းပိုက်ရန်အတွက် အဓိကကိရိယာ ဖြစ်သည်။ သို့သော်လည်း ရူပါရုံများကလွဲ၍ အခြားသောလမ်းကြောင်းမရှိလျှင်၊ လူသားများ ဝင်ရောက်မည့် နည်းလမ်းများရှိရန် မဆိုထားနှင့်၊ လိုက်လျှောက်ရန် လမ်းကြောင်းပင် ရှိလိမ့်မည်မဟုတ်။ ဤကား အစမှ အဆုံးထိတိုင် ဘုရားသခင်အလုပ်၏ နိယာမဖြစ်နေသည်။ ရူပါရုံများထဲတွင် လက်တွေ့ လုပ်ဆောင်နိုင်သည်များ ပါဝင်ပြီး၊ ထိုသို့သော လက်တွေ့လုပ်ဆောင်မှုအတွက် သီးသန့် ရူပါရုံများလည်း ရှိသည်။ လူ့အသက်တာနှင့် သူ၏ စိတ်သဘောထားထဲရှိ ပြောင်းလဲမှုပမာဏသည် ရူပါရုံများထဲရှိ ပြောင်းလဲမှုများနှင့် ဒွန်တွဲနေသည်။ လူသည် သူ၏ကိုယ်ပိုင် အားထုတ်မှုကိုသာ အားကိုးနေခဲ့မည်ဆိုလျှင်၊ ကြီးမားသည့် ပမာဏရှိသော ပြောင်းလဲမှုကို စွမ်းဆောင်ရရှိရန် သူ့အတွက် ဖြစ်နိုင်လိမ့်မည် မဟုတ်ပေ။ ရူပါရုံများက ဘုရားသခင် ကိုယ်တိုင်၏အလုပ်နှင့် ဘုရားသခင်၏ စီမံခန့်ခွဲမှုကို ပြောပြသည်။ လက်တွေ့လုပ်ဆောင်မှုသည် လူ၏လုပ်တွေ့လုပ်ဆောင်ခြင်း လမ်းကြောင်းနှင့် လူ၏ဖြစ်တည်မှု ပုံစံကို ရည်ညွှန်းသည်။ ဘုရားသခင်၏ စီမံခန့်ခွဲမှု အားလုံးအတွင်းတွင် ရူပါရုံများနှင့် လက်တွေ့လုပ်ဆောင်မှု၏ ဆက်နွှယ်မှုမှာ ဘုရားသခင်နှင့် လူတို့အကြားရှိ ဆက်နွှယ်မှုဖြစ်သည်။ ရူပါရုံများကို ဖယ်ရှားခဲ့မည်၊ သို့မဟုတ် လက်တွေ့လုပ်ဆောင်မှုကို မပြောဘဲ ရူပါရုံများကိုသာ ပြောခဲ့မည်ဆိုလျှင်၊ သို့မဟုတ် ရူပါရုံများသာရှိခဲ့ပြီး လူ၏လက်တွေ့လက်ဆောင်မှုများကို ချေဖျက်ခဲ့မည်ဆိုလျှင်၊ ဘုရားသခင်၏ အလုပ်သည် လူသားမျိုးနွယ်အတွက် ဖြစ်သည်ဟု ပြောရန်မဆိုထားနှင့် ထိုသို့သော အရာများကို ဘုရားသခင်၏ စီမံခန့်ခွဲမှုအဖြစ် မှတ်ယူ၍ရတော့မည်မဟုတ်။ ဤနည်းအားဖြင့်၊ လူ၏တာဝန်သည် ဖယ်ရှားခံရမည်သာမက၊ ယင်းသည် ဘုရားသခင်အလုပ်၏ ရည်ရွယ်ချက်ကို ငြင်းပယ်ရာ ကျလိမ့်မည်။ အကယ်၍ အစမှအဆုံးတိုင် ဘုရားသခင်၏ အလုပ်မပါဝင်ဘဲ လူ့အနေဖြင့် လက်တွေ့ လုပ်ဆောင်ရန်သာ လိုအပ်ခဲ့မည် ဆိုပါက၊ ထို့အပြင် လူသည် ဘုရားသခင်၏ အလုပ်ကို သိရန် မလိုအပ်ခဲ့ပါက၊ ထိုသို့သော အလုပ်ကို ဘုရားသခင်၏ စီမံခန့်ခွဲမှုဟု သာ၍ပင် မခေါ်ဆိုနိုင်ပေ။ လူသည် ဘုရားသခင်ကို မသိရှိခဲ့ဘဲ ဘုရားသခင်၏ အလိုတော်ကို မသိနားမလည်ဘဲ၊ မိမိ၏ လက်တွေ့လုပ်ဆောင်မှုကို မရေရာသည့် စိတ်ကူးသက်သက်ပုံစံဖြင့် အမြင်ကန်းစွာ လုပ်ဆောင်ခဲ့မည်ဆိုလျှင်၊ သူသည် ဘယ်သောအခါမှ ပြည့်ဝစွာ အရည်အချင်းမီသည့် သတ္တဝါတစ်ဦး ဖြစ်လာမည် မဟုတ်ပေ။ ထို့အတွက်ကြောင့်၊ ဤအရာနှစ်ခုစလုံးတို့သည် မရှိမဖြစ် ဖြစ်သည်။ ဘုရားသခင်၏ အလုပ်တစ်ခုတည်းသာ ရှိမည်ဆိုလျှင်၊ ဆိုလိုသည်မှာ၊ ရူပါရုံများသာ ရှိပြီး လူ၏ပူးပေါင်းဆောင်ရွက်မှု သို့မဟုတ် လက်တွေ့လုပ်ဆောင်မှု မရှိပါက၊ ထိုသို့သော အရာများကို ဘုရားသခင်၏ စီမံခန့်ခွဲမှုဟု မခေါ်ဆိုနိုင်ပါ။ လူ၏ လက်တွေ့လုပ်ဆောင်မှုနှင့် ဝင်ရောက်မှုသာရှိပါက၊ မည်မျှမြင့်မားသည့် လမ်းကြောင်းကို လူကဝင်ရောက်ပါစေ၊ ဤအရာသည်လည်း လက်ခံနိုင်ဖွယ်ရာ ဖြစ်လိမ့်မည် မဟုတ်ပါ။ လူ၏ဝင်ရောက်မှုကို အလုပ်နှင့် ရူပါရုံများနှင့်အညီ တဖြည်းဖြည်း ပြောင်းလဲရမည်။ စိတ်ကူးပေါက်သည့်အတိုင်း ပြောင်းလဲ၍ မရနိုင်ပါ။ လူ့လက်တွေ့လုပ်ဆောင်မှု၏ နိယာမများသည် လွပ်လပ်နေခြင်းနှင့် ထိန်းမနိုင်သိမ်းမရ မဟုတ်သော်လည်း ချည်နှောင်မှု အချို့အတွင်း၌ရှိသည်။ ထိုသို့သော နိယာမများသည် အလုပ်၏ ရူပါရုံများများနှင့်အညီ ပြောင်းလဲသည်။ ထို့အတွက်ကြောင့် နောက်ဆုံးတွင်မူ ဘုရားသခင်၏ စီမံခန့်ခွဲမှုသည် ဘုရားသခင်၏ အလုပ်နှင့် လူ၏လက်တွေ့လုပ်ဆောင်မှုပင် ဖြစ်တော့သည်။

လူသားမျိုးနွယ်ကြောင့်သာ စီမံခန့်ခွဲမှုအလုပ် ဖြစ်လာခြင်းဖြစ်သည်၊ လူသား၏ ဖြစ်တည်ခြင်း အားဖြင့်သာ ထိုအလုပ် ထွက်ပေါ်လာခြင်းဖြစ်သည်ဟု ဆိုလိုသည်။ လူသားမျိုးနွယ်မရှိခင်က သို့မဟုတ် ကောင်းကင်၊ မြေကြီးနှင့် အရာအားလုံးကို ဖန်ဆင်းခဲ့သည့် အစအဦးတွင် စီမံခန့်ခွဲမှု မရှိခဲ့ပေ။ ဘုရားသခင်၏ အလုပ်အားလုံးတွင်၊ လူအတွက် အကျိုးရှိသည့် လက်တွေ့လုပ်ဆောင်မှု မရှိပါက၊ တစ်နည်းအားဖြင့်၊ ဖောက်ပြန်ပျက်စီးနေသည့် လူသားမျိုးနွယ်အတွက် သင့်လျော်သည့် သတ်မှတ်ချက်များကို ဘုရားသခင်က မပြုလုပ်ခဲ့လျှင် (ဘုရားသခင် လုပ်ဆောင်သည့် အလုပ်ထဲတွင်၊ လူမှ လက်တွေ့လုပ်ဆောင်ရန် သင့်တော်သည့် လမ်းကြောင်းများ မရှိခဲ့လျှင်)၊ ဤအလုပ်ကို ဘုရားသခင်၏ စီမခံခန့်ခွဲမှုဟု မခေါ်ဆိုနိုင်ပါ။ ဘုရားသခင်၏ အလုပ်တစ်ခုလုံး၌ ဖောက်ပြန်ပျက်စီးနေသည့် လူသားမျိုးနွယ်အား သူတို့၏ လက်တွေ့ လုပ်ဆောင်မှုကို မည်ကဲ့သို့ လုပ်ဆောင်ရမည်ကို ပြောပြခြင်းသာ ပါဝင်မည်ဆိုပါက၊ ဘုရားသခင်သည် သူ၏ကိုယ်ပိုင် လုပ်ငန်းတစ်ခုကိုမျှ မလုပ်ဆောင်ခဲ့ပါက၊ သူ၏အတိုင်းအဆမရှိသည့် တန်ခိုးနှင့် ဉာဏ်ပညာကိုလည်း စိုးစဉ်းမျှ မထုတ်ဖော် မပြသခဲ့ပါက၊ ဘုရားသခင်၏ လူသားအပေါ်ထားရှိသော သတ်မှတ်ချက်များသည် မည်မျှပင် မြင့်မားပါစေ၊ ဘုရားသခင်သည် လူသားများအကြား မည်မျှကြာအောင် နေထိုင်ခဲ့ပါစေ၊ လူသားအနေဖြင့် ဘုရားသခင်၏ စိတ်သဘောထားကို လုံးဝသိရှိမည် မဟုတ်ပေ။ ထိုသို့သာဆိုလျှင်၊ ထိုသို့သော အလုပ်မျိုးသည် ဘုရားသခင်၏ စီမံခန့်ခွဲမှုဟု အခေါ်ခံရရန်ပင် မထိုက်တန်ပါ။ ရိုးရှင်းစွာပြောရလျှင် ဘုရားသခင်၏ စီမံခန့်ခွဲမှု အလုပ်သည် ဘုရားသခင်က လုပ်သည့်အလုပ်ဖြစ်ပြီး၊ ဘုရားသခင်ကို ရရှိခဲ့သည့် ထိုသူများက ဘုရားသခင်၏ လမ်းညွှန်မှုအောက်တွင် လုပ်ဆောင်သော အလုပ်များအားလုံးပင်ဖြစ်သည်။ ထိုသို့သော အလုပ်ကို စီမံခန့်ခွဲမှုအဖြစ် အတိုချုံးနိုင်ပြီး၊ လူသားများအကြားရှိ ဘုရားသခင်၏ အလုပ်ကိုလည်းကောင်း၊ သူ့နောက်လိုက်သူများ အားလုံးနှင့် ပူးပေါင်းလုပ်ဆောင်ခြင်းကိုလည်းကောင်း ရည်ညွှန်းသည်။ ယင်းတို့အားလုံးကို စုပေါင်းပြီး စီမံခန့်ခွဲမှုဟု ခေါ်သည်။ ဤတွင် ဘုရားသခင်အလုပ်ကို ရူပါရုံများဟု ခေါ်ပြီး၊ လူ၏ပူးပေါင်းဆောင်ရွက်မှုကို လက်တွေ့ လုပ်ဆောင်ခြင်းဟု ခေါ်သည်။ ဘုရားသခင်အလုပ်က မြင့်မားလေ (ဆိုလိုသည်မှာ၊ ရူပါရုံများက မြင့်မားလေ)၊ ဘုရားသခင်၏ စိတ်သဘောထားက လူသားများအတွက် ပို၍ပေါ်လွင်လေဖြစ်ကာ၊ ထိုစိတ်သဘောထားသည် လူသား၏ အယူအဆများနှင့် ပို၍ ကွဲလွဲလေ၊ လူသား၏ လက်တွေ့လုပ်ဆောင်မှုနှင့် ပူးပေါင်းဆောင်ရွက်မှုသည်လည်း ပို၍မြင့်မားလေဖြစ်သည်။ လူသား၏ လိုအပ်ချက်များက မြင့်မားလေ၊ ဘုရားသခင်အလုပ်က လူ့အယူအဆများနှင့် ပို၍ ကွဲလွဲလေဖြစ်ရကား၊ ရလဒ်အနေနှင့် လူကို စမ်းသပ်မှုများနှင့် လူကပြည့်မီရန် လိုအပ်သည့် စံနှုန်းများက ပို၍မြင့်မားလာသည်။ ဤအလုပ်အဆုံးသတ်တွင်၊ ရူပါရုံများအားလုံး ပြီးမြောက်သွားမည်ဖြစ်ပြီး၊ လူသားက လက်တွေ့လုပ်ဆောင်ရန် လိုအပ်သည်များကလည်း ပြီးပြည့်စုံခြင်း၏ အထွတ်အထိပ်သို့ ရောက်ရှိပြီးဖြစ်လိမ့်မည်။ ထိုအချိန်သည် လူအသီးသီးကို သူ့အမျိုးအစားအလိုက် ခွဲခြားမည့် အချိန်လည်း ဖြစ်သည်။ အကြောင်းမှာ လူသားက သိသင့်သည်ကို လူသားအား ပြသပြီးဖြစ်မည် ဖြစ်သောကြောင့် ဖြစ်သည်။ ထို့အတွက်ကြောင့်၊ ရူပါရုံများက ၎င်းတို့၏အထွတ်အထိပ်သို့ ရောက်ချိန်တွင်၊ အလုပ်သည်လည်း ယင်းနှင့်အညီ အဆုံးသတ်သို့ ချဉ်းကပ်လာမည်ဖြစ်ကာ၊ လူသား၏ လက်တွေ့လုပ်ဆောင်မှုသည်လည်း အထွတ်အထိပ်သို့ ရောက်ရှိပြီးဖြစ်လိမ့်မည် ဖြစ်သည်။ လူ၏လုပ်တွေ့လုပ်ဆောင်မှုက ဘုရားသခင်၏ အလုပ်အပေါ်တွင် အခြေခံထားပြီး၊ ဘုရားသခင်၏ စီမံခန့်ခွဲမှုက လူ၏ လက်တွေ့လုပ်ဆောင်မှုနှင့် လူ၏ ပူးပေါင်းဆောင်ရွက်မှုတို့ကြောင့် အပြည့်အဝ ဖော်ပြခြင်းကို ခံရသည်။ လူသည် ဘုရားသခင်အလုပ်၏ ထင်ရှားသည့် ဥပမာဖြစ်ပြီး၊ ဘုရားသခင်အလုပ်၏ စီမံခန့်ခွဲမှုအားလုံး၏ အပြုခံအရာနှင့် ဘုရားသခင်၏ စီမံခန့်ခွဲမှုတစ်ခုလုံး၏ ထုတ်ကုန်လည်းဖြစ်သည်။ အကယ်၍ ဘုရားသခင်သည် လူ၏ပူးပေါင်းဆောင်ရွက်မှု မပါဝင်ဘဲ တစ်ပါးတည်း လုပ်ဆောင်ခဲ့ပါက၊ သူ့အလုပ်တစ်ခုလုံး၏ အကောင်အထည်ပေါ်လာသည့်အရာအဖြစ် အစေခံမည့်အရာ ဘာမျှရှိလိမ့်မည် မဟုတ်ပေ။ ဤနည်းလမ်းအားဖြင့် ဘုရားသခင်၏ စီမံခန့်ခွဲမှုသည် အနည်းငယ်မျှပင် အရေးပါမှု ရှိမည်မဟုတ်ပေ။ ဘုရားသခင်၏ အလုပ်ပြင်ပမှ အံကိုက်ဖြစ်မည့် အပြုခံအရာ၊ ဤအလုပ်ကို ဖော်ပြနိုင်ပြီး၊ အလုပ်၏ အတိုင်းအဆမရှိသည့် တန်ခိုးနှင့် ဉာဏ်ပညာကို သက်သေပြနိုင်သည့် အပြုခံအရာကို ရွေးချယ်ခြင်းအားဖြင့်သာ ဘုရားသခင့် စီမံခန့်ခွဲမှု၏ ရည်မှန်းချက်ကို စွမ်းဆောင်ရရှိရန် ဖြစ်နိုင်မည်ဖြစ်ပြီး၊ ဤအလုပ်အားလုံးကို အသုံးပြုခြင်းဖြင့် စာတန်ကို အပြည့်အဝ အနိုင်ယူရန် ရည်မှန်းချက်ကို စွမ်းဆောင်ရရှိနိုင်သည်။ ထို့ကြောင့် လူသည် ဘုရားသခင် စီမံခန့်ခွဲမှုအလုပ်၏ မရှိမဖြစ်သော အစိတ်အပိုင်းဖြစ်ပြီး၊ လူသားတစ်ဦးတည်းကသာလျှင် ဘုရားသခင်၏ စီမံခန့်ခွဲမှုကို အသီးသီးစေရန်နှင့် ယင်း၏အဆုံးစွန်သော ရည်မှန်းချက်ကို စွမ်းဆေင်ရရှိရန် ပြုလုပ်ပေးနိုင်သည်။ လူသားကလွဲ၍ မည်သည့် သက်ရှိအမျိုးအစားကမှ ထိုကဲ့သို့သော အခန်းကဏ္ဍကို တာဝန်မယူနိုင်ပါ။ လူသားသည် စီမံခန့်ခွဲမှုအလုပ်၏ စစ်မှန်သည့် အကောင်အထည် ပေါ်လာသည့်အရာ ဖြစ်လာဖို့ဆိုလျှင်၊ ဖောက်ပြန်ပျက်စီးနေသည့် လူသားမျိုးနွယ်၏ မနာခံမှု အလုံးစုံသည် ပျောက်ပျက်သွားရမည်ဖြစ်သည်။ ထိုအတွက် လိုအပ်သည်များမှာ လူကို မတူညီသည့် အချိန်များအတွက် လူကို သင့်တော်သည့် လက်တွေ့လုပ်ဆောင်မှုပေးရန်နှင့်၊ ဘုရားသခင်က လူသားများအကြား ကိုက်ညီသည့်အလုပ်ကို လုပ်ဆောင်သွားရန်ဖြစ်သည်။ ဤနည်းလမ်းအားဖြင့်သာ စီမံခန့်ခွဲမှုအလုပ်၏ အကောင်အထည်ပေါ်လာသည့် အရာဖြစ်သော လူတစ်စုသည်သာ နောက်ဆုံးတွင် ရယူခြင်းခံရမည် ဖြစ်သည်။ လူများအကြားရှိ ဘုရားသခင်၏ အလုပ်ကို ဘုရားသခင်တစ်ပါးတည်းလုပ်သော အလုပ်ဖြင့်သာ ဘုရားသခင်ကိုယ်တိုင်က သက်သေခံပေး၍ မရနိုင်ပါ။ အောင်မြင်မှု ရရှိရန်အတွက် ထိုကဲ့သို့သော သက်သေခံချက်က သူ့အလုပ်အတွက် သင့်တော်သည့် အသက်ရှင်နေသော လူသားများကို လိုအပ်သည်။ ပထမဦးစွာ ဘုရားသခင်က ထိုသူများအပေါ် လုပ်ဆောင်ပြီး၊ ထိုသူများအားဖြင့် သူ့အလုပ်ကို ဖော်ပြလိမ့်မည်၊ ထို့အတွက်ကြောင့် ဘုရားသခင်၏ ထိုသို့သော သက်သေခံချက်သည် သတ္တဝါများအကြားတွင် ပြုခြင်းခံရလိမ့်မည်။ ဤတွင် ဘုရားသခင်က သူ့အလုပ်၏ ရည်မှန်းချက်ကို ရရှိအောင်မြင်ပြီး ဖြစ်ပေလိမ့်မည်။ ဘုရားသခင်သည် သတ္တဝါများအကြားတွင် သူကိုယ်တိုင် တိုက်ရိုက် သက်သေခံ၍ မရသောကြောင့်၊ သူသည် စာတန်ကို အောင်နိုင်ရန်အတွက် တစ်ပါးတည်း မလုပ်ဆောင်ပေ။ သူသာ ထိုသို့လုပ်ဆောင်ရမည်ဆိုလျှင်၊ လူသားကို အကြွင်းမဲ့ လက်ခံယုံကြည်လာစေရန် ဖြစ်နိုင်မည် မဟုတ်ပေ။ ထို့ကြောင့် လူကို သိမ်းပိုက်ရန်အတွက် ဘုရားသခင်က လူ့အပေါ် လုပ်ဆောင်ရမည်ဖြစ်ပြီး၊ သို့မှသာလျှင် သူသည် သတ္တဝါများ အားလုံးအကြားတွင် သက်သေခံမှုကို ရရှိနိုင်မည်ဖြစ်သည်။ ဘုရားသခင် တစ်ပါးတည်းကသာ လုပ်ဆောင်ရမည်ဆိုလျှင်၊ လူ၏ပူးပေါင်းလုပ်ဆောင်မှု ရှိတော့မည်မဟုတ်ပေ၊ သို့မဟုတ် လူကသာ ပူးပေါင်းလုပ်ဆောင်ရန် မလိုအပ်ပါက၊ လူ့အနေဖြင့် ဘုရားသခင်၏ စိတ်သဘောထားကို ဘယ်သောအခါမျှ သိနိုင်မည်မဟုတ်ဘဲ ဘုရားသခင်၏ အလိုတော်ကိုလည်း ထာဝစဉ် သတိပြုမိလိမ့်မည် မဟုတ်ပေ။ ဤနည်းလမ်းနှင့်ဆိုလျှင်၊ ယင်းကို ဘုရားသခင်အလုပ်၏ စီမံခန့်ခွဲမှုဟု ခေါ်ဆို၍ မရနိုင်ပါ။ လူကပင် သူကိုယ်တိုင် ရုန်းကန်ရ၊ ရှာဖွေရပြီး ကြိုးစားလုပ်ကိုင်ရပါသော်လည်း၊ ဘုရားသခင်၏ အလုပ်ကို နားမလည်ခဲ့ပါက၊ လူအနေဖြင့် နောက်ပြောင်ကျီစယ်နေသကဲ့သို့ ဖြစ်ချေမည်။ သန့်ရှင်းသော ဝိညာဉ်တော်၏ အလုပ်မပါဝင်ပါက၊ လူက လုပ်ဆောင်နေသည်မှာ စာတန်၏ အလုပ်ပင်ဖြစ်ပြီး၊ လူသည် ပုန်ကန်သူဖြစ်ကာ မကောင်းမှုကို လုပ်ဆောင်သူ တစ်ဦးဖြစ်သည်။ ဖောက်ပြန်ပျက်စီးနေသည့် လူသားမျိုးနွယ်၏ လုပ်ဆောင်မှု အားလုံးတွင် စာတန်က ထုတ်ဖော်ပြသခြင်း ခံရသည်။ ထိုအထဲတွင် ဘုရားသခင်နှင့် သဟဇာတဖြစ်သောအရာ တစ်ခုမျှမရှိဘဲ၊ အားလုံးက စာတန်၏ သရုပ်သကန်ပင် ဖြစ်သည်။ ရူပါရုံများနှင့် လက်တွေ့လုပ်ဆောင်မှုမပါသည့် မည်သည့်အရာကိုမျှ မပြောခဲ့ပေ။ ရူပါရုံများ၏ အခြေခံပေါ်တွင် လူက လက်တွေ့လုပ်ဆောင်မှုကို ရှာတွေ့သည်၊ နာခံခြင်း လမ်းကြောင်းကို သူရှာတွေ့သည်၊ ထိုသို့အားဖြင့် သူသည် သူ၏ အယူအဆများကို ဘေးဖယ်ထားပြီး ယခင်က မပိုင်ဆိုင်ဖူးသည့် ထိုအရာများကို ရရှိစိမ့်သောငှာ ဖြစ်သည်။ ဘုရားသခင်မှ လူသားက သူနှင့် ပူးပေါင်းဆောင်ရွက်ရန်၊ သူ၏သတ်မှတ်ချက်များကို လူသားက အပြည့်အဝ နာခံရန်နှင့် ဘုရားသခင် ကိုယ်တိုင် လုပ်ဆောင်သည့်အလုပ်ကို ရှုမြင်ခြင်းငှာ လူသားက တောင်းဆိုရန်၊ အနန္တတန်ခိုးရှင် ဘုရားသခင်၏ တန်ခိုးကို ကြုံတွေ့ရန်နှင့် ဘုရားသခင်၏ စိတ်သဘောထားကို သိရန် အလိုရှိသည်။ အချုပ်အားဖြင့် ထိုအရာများသည် ဘုရားသခင်၏ စီမံခန့်ခွဲမှု ဖြစ်သည်။ ဘုရားသခင်၏ လူသားနှင့် ပေါင်းစည်းခြင်းက စီမံခန့်ခွဲမှု၊ အကြီးမြတ်ဆုံးသော စီမံခန့်ခွဲမှုဖြစ်သည်။

ယင်းတွင် ဘုရားသခင်ကိုယ်တိုင်၏ အလုပ်ကို အဓိကအားဖြင့် ရည်ညွှန်းသည့် ရူပါရုံများပါဝင်ပြီး၊ ယင်းတွင် လူက လုပ်ဆောင်သင့်သည့် လက်တွေ့လုပ်ဆောင်မှုပါဝင်ကာ၊ ဘုရားသခင်နှင့် ဆက်နွှယ်မှု မရှိချေ။ ဘုရားသခင်၏အလုပ်ကို ဘုရားသခင် ကိုယ်တိုင်က ပြီးမြောက်စေခဲ့ခြင်းဖြစ်ပြီး၊ လူ၏လက်တွေ့လုပ်ဆောင်မှုကို လူကိုယ်တိုင်မှ စွမ်းဆောင်ရမည် ဖြစ်သည်။ ဘုရားသခင် ကိုယ်တိုင်က လုပ်ဆောင်သင့်သည်ကို လူက လုပ်ဆောင်ပေးရန် မလိုအပ်သကဲ့သို့၊ လူက လက်တွေ့လုပ်ဆောင်သင့်သည့်အရာကလည်း ဘုရားသခင်နှင့် ဆက်နွှယ်မှု မရှိပေ။ ဘုရားသခင်၏အလုပ်သည် သူ၏ကိုယ်ပိုင် အမှုတော်ဖြစ်ပြီး လူနှင့်သက်ဆိုင်မှု မရှိပေ။ ဤအလုပ်ကို လူကလုပ်ဆောင်ပေးရန် မလိုချေ၊ ထို့ပြင်၊ ထပ်ပြောရမည်ဆိုလျှင်၊ ဘုရားသခင်လုပ်ရမည့် အလုပ်ကို လူအနေဖြင့် လုပ်ဆောင်နိုင်လိမ့်မည် မဟုတ်ပေ။ လက်တွေ့လုပ်ဆောင်ရန် လိုအပ်သည့် အရာကိုသာ လူ့အနေဖြင့် ဖြစ်မြောက်စေရမည်ဖြစ်သည်၊ ထိုသို့လုပ်ဆောင်ခြင်းသည် သူ့အသက်တာကို ဆက်ကပ်ခြင်း ဖြစ်စေ၊ သို့မဟုတ် သက်သေခံရန်အလို့ငှာ စာတန်ထံသို့ သူ့ကို ပေးပို့ခြင်းဖြစ်စေ၊ ဤအရာအားလုံးကို လူမှ ဖြစ်မြောက်စေရမည် ဖြစ်သည်။ ဘုရားသခင်ကိုယ်တော်တိုင်သည် သူလုပ်ဆောင်သင့်သည့် အလုပ်များအားလုံးကို လုပ်ဆောင် ပြီးစီးသည်၊ လူက လုပ်ဆောင်ရမည့်အရာကို လူအား ပြသပြီးဖြစ်သည်၊ ကျန်ရှိသည့် အလုပ်ကို လူသားအတွက် ချန်ထားခဲ့သည်။ ဘုရားသခင်သည် အပိုအလုပ် မလုပ်ပါ။ သူ့အမှုတော်အတွင်း၌ရှိသော အလုပ်ကိုသာ သူလုပ်ဆောင်သည်။ လမ်းခရီးကိုသာ လူအားပြသပြီးနောက်၊ လမ်းဖွင့်ပေးသည့်အလုပ်ကို လုပ်ဆောင်ကာ၊ လမ်းခင်းပေးသည့် အလုပ်ကို မလုပ်ဆောင်ပေ။ ဤအရာကို လူသားအနေဖြင့် နားလည်ထားသင့်သည်။ သမ္မာတရားကို လက်တွေ့ကျင့်ဆောင်ခြင်းဆိုသည်မှာ ဘုရားသခင်၏ နှုတ်ကပတ်တော်ကို လက်တွေ့ ကျင့်ဆောင်ခြင်းဟု အဓိပ္ပာယ်ရသည်။ ထို့အပြင် ဤအရာအားလုံးသည် လူသား၏တာဝန်၊ လူက လုပ်ဆောင်သင့်သော အရာဖြစ်ပြီး ဘုရားသခင်နှင့် မသက်ဆိုင်ပေ။ ဘုရားသခင်သည် ညှဉ်းဆဲခြင်းနှင့် စစ်ဆေးခြင်းကို သမ္မာတရားထဲတွင် လူသားနည်းတူ ခံစားရန် လူကတောင်းဆိုပါက၊ လူသားသည် မနာခံသူ ဖြစ်လိမ့်မည်။ ဘုရားသခင်၏ အလုပ်သည် သူ၏အမှုတော်ကို လုပ်ဆောင်ရန်နှင့် လူ၏တာဝန်မှာ ဘုရားသခင်၏ လမ်းညွှန်မှုအားလုံးကို အတိုက်အခံ တစ်ခုမျှမလုပ်ဘဲ နာခံရန်ဖြစ်သည်။ ယင်းကား ဘုရားသခင်သည် မည်သည့်နည်းဟန်ဖြင့် လုပ်ဆောင်သည်ဖြစ်စေ သို့မဟုတ် နေထိုင်သည်ဖြစ်စေ၊ လူသည် ဖြစ်မြောက်အောင် ပြုလုပ်ထိုက်သည်ကို ကြိုးပမ်းရရှိရမည်ဖြစ်သည်။ ဘုရားသခင် ကိုယ်တိုင်သည်သာလျှင် လူသားအပေါ် သတ်မှတ်ချက်များကို ပြဋ္ဌာန်းနိုင်သည်၊ ပြောရမည်ဆိုလျှင်၊ ဘုရားသခင် ကိုယ်တိုင်သာလျှင် လူသားအပေါ် သတ်မှတ်ချက်များကို ပြဋ္ဌာန်းရန် သင့်လျော်သည်။ လူသားသည် ရွေးချယ်စရာမရှိသင့်၊ ဘာကိုမျှ မလုပ်သင့်ဘဲ အပြည့်အဝ ဆက်ကပ်ကာ လက်တွေ့လုပ်ဆောင်သင့်သည်။ ဤအရာက လူအနေဖြင့် လက်ဝယ်ထားရှိသင့်သည့် အသိစိတ်ဖြစ်သည်။ ဘုရားသခင် ကိုယ်တိုင်က လုပ်ဆောင်သင့်သည့် အလုပ်ကို လုပ်ဆောင်ပြီးပါက၊ လူအနေဖြင့် ယင်းကို တစ်ဆင့်ပြီးတစ်ဆင့် တွေ့ကြုံရန် လိုအပ်သည်။ အကယ်၍ အဆုံးတွင် ဘုရားသခင်၏ စီမံခန့်ခွဲမှုအားလုံး ပြီးမြောက်သည့်အချိန်၌၊ ဘုရားသခင်က အလိုရှိသည်ကို လူအနေဖြင့် မလုပ်ဆောင်ရသေးပါက၊ လူသားသည် အပြစ်ဒဏ်ပေးခြင်း ခံရပေမည်။ ဘုရားသခင် သတ်မှတ်ချက်များကို လူအနေဖြင့် မဖြည့်စွမ်းနိုင်ပါက၊ ယင်းသည် လူ၏ မနာခံမှုကြောင့်ဖြစ်သည်။ ဘုရားသခင်အနေဖြင့် သူ၏အလုပ်ကို မခြွင်းမချန်ပြည့်ဝစွာ မလုပ်ဆောင်ဟု မဆိုလိုချေ။ ဘုရားသခင်၏ နှုတ်ကပတ်တော်များကို လက်တွေ့မလုပ်ဆောင်နိုင်သည့် ထိုသူများအားလုံး၊ ဘုရားသခင်၏ သတ်မှတ်ချက်များကို မဖြည့်စွမ်းနိုင်သူများအားလုံးနှင့်၊ မိမိတို့၏ တာဝန်ကို သစ္စာမစောင့်သိ၊ မဖြည့်စွမ်းနိုင်သူများ အားလုံးသည် အပြစ်ဒဏ်ပေးခြင်း ခံရလိမ့်မည်။ ယနေ့ သင်ပြီးမြောက်ရန် လိုအပ်သည်မှာ ထပ်ဆောင်း တောင်းဆိုမှုများ မဟုတ်ဘဲ၊ လူအားလုံးက လုပ်ဆောင်သင့်သည့် လူ၏တာဝန်သာ ဖြစ်သည်။ အကယ်၍ မိမိ၏တာဝန်ကိုပင် သင်မလုပ်ဆောင်နိုင်ဘူးဆိုပါက၊ သို့မဟုတ် ထိုတာဝန်ကို ကောင်းစွာ သင်မလုပ်ဆောင်နိုင်ပါက၊ သင်သည် မိမိကိုယ်တိုင်အပေါ်သို့ ပြဿနာများ ယူဆောင်လာခြင်းပင် မဟုတ်ပေလော။ သင်သည် သေခြင်းတရားကို ဖိတ်ခေါ်နေသည် မဟုတ်လော။ အနာဂတ်နှင့် အလားအလာများကို သင်သည် အဘယ်သို့လျှင် မျှော်လင့်နေနိုင်သေးသနည်း။ ဘုရားသခင်၏ အလုပ်သည် လူအတွက်ဖြစ်ပြီး၊ လူ၏ ပူးပေါင်းဆောင်ရွက်မှုက ဘုရားသခင်၏ စီမံခန့်ခွဲမှုအတွက် ဖြစ်သည်။ ဘုရားသခင်က သူလုပ်သင့်သည့်အရာ အားလုံးကို လုပ်ဆောင်ပြီးနောက်၊ လူအနေဖြင့် သူ၏လက်တွေ့လုပ်ဆောင်မှုတွင် တွန့်တိုခြင်းမရှိဘဲ ဘုရားသခင်နှင့် ပူးပေါင်းဆောင်ရွက်ရန် လိုအပ်သည်။ ဘုရားသခင်၏အလုပ်ထဲတွင် လူက လုံ့လစိုက်ထုတ်ရန် မသင့်ဘဲ မိမိ၏သစ္စာရှိမှုကို ဆက်ကပ်ရန်လိုအပ်ကာ၊ အယူအဆအမျိုးမျိုးတွင် မွေ့လျော်မနေသင့်၊ သို့မဟုတ် သေခြင်းကိုသာ မလှုပ်မယှက် ထိုင်စောင့်မနေသင့်ပါ။ ဘုရားသခင်သည် သူ့ကိုယ်သူ လူသားအတွက် အနစ်နာခံနိုင်သည်၊ သို့ပြုလျှင် လူက မိမိ၏သစ္စာခံခြင်းကို ဘုရားသခင်အား အဘယ်ကြောင့် မဆက်ကပ်နိုင်သနည်း။ လူသားအပေါ်တွင် ဘုရားသခင်သည် တစ်စိတ်တစ်ဝမ်းတည်း ထားရှိရာ၊ လူက အဘယ်ကြောင့် ပူးပေါင်းဆောင်ရွက်မှု အနည်းငယ်မျှကိုပင် မဆက်ကပ်နိုင်ရသနည်း။ ဘုရားသခင်က လူသားမျိုးနွယ်အတွက် လုပ်ဆောင်သည်၊ သို့ပြုလျှင် လူက ဘုရားသခင်၏ စီမံခန့်ခွဲမှုအတွက် မိမိ၏ တာဝန်အချို့ကို အဘယ်ကြောင့် မလုပ်ဆောင်နိုင်သနည်း။ ဘုရားသခင်၏ အလုပ်သည် ဤအထိရောက်ရှိလာပြီ၊ သို့သော်လည်း သင်မြင်နေရသော်ငြား မလုပ်ဆောင်သေး၊ ကြားပါသော်ငြား သင်မရွေ့။ ထိုသို့သော လူများသည် ထာဝရပြစ်ဒဏ်ခံရသူများ မဟုတ်လော။ ဘုရားသခင်သည် သူ၏အရာအားလုံးကို လူအတွက် ပေးအပ်မြှုပ်နှံထားပြီး ဖြစ်သည်၊ သို့ဆိုလျှင် ယနေ့တွင် လူသည် မိမိ၏တာဝန်ကို အဘယ်ကြောင့် စိတ်အားထက်သန်စွာဖြင့် မလုပ်ဆောင်နိုင်ရသနည်း။ ဘုရားသခင်အတွက် သူ၏အလုပ်သည် ပထမဦးစားပေးဖြစ်ပြီး၊ သူ့စီမံခန့်ခွဲမှု အလုပ်က အရေးအကြီးဆုံးဖြစ်သည်။ လူသားအတွက် ဘုရားသခင်၏ နှုတ်ကပတ်တော်များကို လက်တွေ့လုပ်ဆောင်ခြင်းနှင့် ဘုရားသခင်၏ သတ်မှတ်ချက်များကို ဖြည့်စွမ်းခြင်းက ပထမဦးစားပေးကိစ္စဖြစ်သည်။ ထိုအရာကို သင်တို့အားလုံး နားလည်သင့်သည်။ သင့်ကိုပြောသည့် နှုတ်ကပတ်တော်များသည် သင့်အနှစ်သာရ၏ ဗဟိုချက်ကို ရောက်ရှိနေပြီး၊ ဘုရားသခင်၏အလုပ်သည် တစ်ခါမျှ မရောက်ဖူးသည့် ပိုင်နက်နယ်မြေသို့ ဝင်ရောက်နေပြီဖြစ်သည်။ လူအများတို့သည် ဤနည်းလမ်း၏ သမ္မာတရား သို့မဟုတ် မုသားကို နားမလည်ဆဲဖြစ်နေသည်။ သူတို့သည် စောင့်နေဆဲနှင့် မြင်နေဆဲဖြစ်ကာ၊ သူတို့၏တာဝန်ကို မလုပ်ဆောင်ကြပေ။ ယင်းအစား၊ သူတို့သည် ဘုရားသခင်၏ နှုတ်ကပတ်တစ်လုံးစီနှင့် လုပ်ဆောင်မှု တစ်ရပ်စီကို စစ်ဆေးကြပြီး၊ သူအဘယ်အရာကို စားသည်နှင့် အဘယ်အရာအား ဝတ်သည်ကိုသာ အာရုံစိုက်ကာ၊ သူတို့၏ အယူအဆများက ပို၍ပင်ဆိုးရွားလာသည်။ ထိုသို့သော လူများသည် ဘာမျှမဟုတ်သည်ကို ရေးကြီးခွင်ကျယ် လုပ်နေကြခြင်းပင် မဟုတ်လော။ ထိုလူများက မည်သို့လျှင် ဘုရားသခင်ကို ရှာဖွေသူများ ဖြစ်နိုင်မည်နည်း။ ထို့အပြင် ထိုသူတို့သည် ဘုရားသခင်ကို ရည်ရွယ်ချက်ရှိရှိဖြင့် ဆက်ကပ်သူများ မည်ကဲ့သို့ဖြစ်နိုင်မည်နည်း။ သူတို့၏သစ္စာခံမှုနှင့် တာဝန်ကို သူတို့စိတ်များ၏ နောက်သို့ပို့ထားပြီး၊ ဘုရားသခင် ဘယ်ဆီဘယ်ဝယ် ရောက်နေသည်ကိုသာ အာရုံစိုက်ကြသည်။ သူတို့သည် ရက်စက်ရမ်းကားသူပင် ဖြစ်တော့သည်တကား။ အကယ်၍ လူအနေဖြင့် မိမိနားလည်သင့်သည်များ အားလုံးကို နားလည်ခဲ့ပြီး၊ မိမိလက်တွေ့လုပ်ဆောင်သင့်သည်များ အားလုံးကို လက်တွေ့ လုပ်ဆောင်ခဲ့ပါက၊ ဘုရားသခင်မှ သူ၏ ကောင်းချီးမင်္ဂလာများကို လူအပေါ်သို့ ချပေးမည်မှာ သေချာလှပါသည်။ အကြောင်းမှာ လူထံမှ သူအလိုရှိသည်မှာ လူ၏တာဝန်ဖြစ်ပြီး၊ ယင်းတာဝန်မှာ လူလုပ်ဆောင်သင့်သည့်အရာပင် ဖြစ်သည်။ အကယ်၍ လူသည် မိမိနားလည်သင့်သည်ကို နားမလည်နိုင်၊ မိမိလက်တွေ့ လုပ်ဆောင်သင့်သည်ကို လက်တွေ့မလုပ်ဆောင်နိုင်ပါက၊ အပြစ်ဒဏ်ပေးခြင်း ခံရမည်။ ထင်ရှားစွာ ဆန့်ကျင်သည့် အဘယ်အရာကိုမျှ မလုပ်ဆောင်လျှင်ပင် ဘုရားသခင်နှင့် ပူးပေါင်းမဆောင်ရွက်သည့် ထိုသူများသည် ဘုရားသခင်ကို ရန်လိုသူများဖြစ်သည်၊ အလုပ်သစ်ကို လက်မခံသည့် ထိုသူများသည် ယင်းကို ဆန့်ကျင်သူများဖြစ်သည်။ ဘုရားသခင်က အလိုရှိသည့် သမ္မာတရားအား လက်တွေ့လုပ်ဆောင်ခြင်းကို မလုပ်ဆောင်သည့် ထိုသူများ အားလုံးသည်၊ သန့်ရှင်းသော ဝိညာဉ်တော်၏ အလုပ်ကို အထူးတလှယ် အလေးထားသည့်တိုင်အာင်၊ ထိုသူများသည် ဘုရားသခင်၏ နှုတ်ကပတ်တော်များကို နာခံမှုမရှိဘဲ တမင်တကာ ဆန့်ကျင်နေသူများဖြစ်သည်။ ဘုရားသခင်၏ နှုတ်ကပတ်တော်များကို မနာခံ၊ ဘုရားသခင်ကို မဆက်ကပ် မအပ်နှံသူများသည် ပုန်ကန်သူများ၊ ဘုရားသခင်ကို ဆန့်ကျင်သူများ ဖြစ်ကြသည်။ မိမိတို့၏ တာဝန်ကို မလုပ်ဆောင်သူများသည် ဘုရားသခင်နှင့် ပူးပေါင်းဆောင်ရွက်မှု မရှိသူများဖြစ်ပြီး၊ ဘုရားသခင်နှင့် ပူးပေါင်းဆောင်ရွက်မှု မရှိသူများသည် သန့်ရှင်းသော ဝိညာဉ်တော်၏ အလုပ်ကို လက်မခံသူများဖြစ်ကြသည်။

ဘုရားသခင်၏ အလုပ်နှင့် သူ၏ စီမံခန့်ခွဲမှုတို့သည် နေရာတစ်ခုသို့ ရောက်ရှိပါက၊ သူ့စိတ်နှလုံးနှင့် ညီညွတ်သော သူအားလုံးတို့သည် သူ၏သတ်မှတ်ချက်များ အားလုံးကို ဖြည့်စွမ်းနိုင်ပြီ ဖြစ်သည်။ ဘုရားသခင်သည် လူတို့ ရရှိအောင်မြင်နိုင်မှုအရနှင့် သူ၏စံနှုန်းများအရ လူတို့အပေါ် သတ်မှတ်ချက်များကို ပြဋ္ဌာန်းသည်။ သူ့စီမံခန့်ခွဲမှု အကြောင်းကို ပြောနေစဉ်တွင်၊ လူအတွက် နည်းလမ်းကိုလည်း ညွှန်ပြပေးပြီး အသက်ရှင်နိုင်ရန် လမ်းကြောင်းကို ထောက်ပံ့ပေးသည်။ ဘုရားသခင်၏ စီမံခန့်ခွဲမှုနှင့် လူ၏လက်တွေ့ကျင့်ဆောင်မှုတို့သည် တူညီသည့် အလုပ်အဆင့်ဖြစ်ပြီး၊ တစ်ပြိုင်နက်တည်း လုပ်ဆောင်ကြသည်။ ဘုရားသခင်၏ စီမံခန့်ခွဲမှုအကြောင်း ပြောဆိုခြင်းတွင် လူ၏စိတ်သဘောထား ပြောင်းလဲမှုများ အကြောင်း ပါဝင်သည်၊ ထို့အပြင် လူသားက အဘယ်အရာကို လုပ်ဆောင်သင့်သည့်အကြောင်းနှင့် လူသား၏ စိတ်သဘောထားရှိ ပြောင်းလဲမှုများအကြောင်းကို ပြောဆိုခြင်းတွင် ဘုရားသခင်၏ အလုပ်အကြောင်း ပါဝင်သည်။ ထိုနှစ်ခု ခွဲခြားခြင်းခံရသည့် အချိန်သည် မရှိပေ။ လူသား၏ လက်တွေ့လုပ်ဆောင်မှုက တစ်ဆင့်ချင်းစီ ပြောင်းလဲနေသည်။ ဤသို့ဖြစ်ရခြင်းမှာ လူအတွက် ဘုရားသခင်၏ သတ်မှတ်ချက်များသည်လည်း ပြောင်းလဲနေသောကြောင့် ဖြစ်ပြီး၊ ဘုရားသခင်၏ အလုပ်သည် အမြဲတမ်း ပြောင်းလဲနေပြီး တိုးတက်နေသောကြောင့် ဖြစ်သည်။ အကယ်၍ လူသားများ၏ လုပ်ဆောင်မှုသည် အယူဝါဒအထဲတွင် မိနေမည်ဆိုလျှင်၊ ဤအရာက သူသည် ဘုရားသခင်၏ လုပ်ဆောင်မှုနှင့် လမ်းညွှန်မှုတို့ ကင်းမဲ့နေပြီဟု သက်သေပြနေခြင်းပင် ဖြစ်သည်။ အကယ်၍ လူသား၏ ကျင့်ဆောင်မှုသည် ဘယ်သောအခါမျှ မပြောင်းလဲ သို့မဟုတ် သာ၍ မနက်နဲလာဘူးဆိုလျှင်၊ ဤအရာမှာ လူ၏ကျင့်ဆောင်မှုသည် လူ၏ ဆန္ဒအတိုင်းသာ လုပ်ဆောင်နေကြောင်း သက်သေပြနေပြီး၊ ယင်းသည် သမ္မာတရားကို ကျင့်ဆောင်ခြင်း မဟုတ်ပေ။ အကယ်၍ လူတွင် နင်းလျှောက်ရန် လမ်းကြောင်းမရှိပါက၊ သူသည် စာတန်၏ လက်အတွင်းသို့ ကျရောက်ပြီးသား ဖြစ်ပြီး၊ စာတန်၏ ချုပ်ကိုင်မှုကို ခံနေရပြီး ဖြစ်သည်၊ ဆိုလိုသည်မှာ သူသည် ဆိုးသော ဝိညာဉ်၏ ချုပ်ကိုင်မှုကို ခံနေရသည်။ အကယ်၍ လူ၏ကျင့်ဆောင်မှုက ပိုမိုနက်နဲမသွားဘူးဆိုလျှင်၊ ဘုရားသခင်၏ အလုပ်သည် ဖွံ့ဖြိုးလာမည် မဟုတ်ပေ။ ထို့ပြင် ဘုရားသခင်၏ အလုပ်က ပြောင်းလဲမှုမရှိလျှင်၊ လူ၏ဝင်ရောက်မှုသည်လည်း ရပ်နားသွားလိမ့်မည်။ ဤအရာက ရှောင်လွှဲ၍မရပေ။ ဘုရားသခင်၏ အလုပ်များအားလုံး တစ်လျှောက်တွင်၊ လူသည် ယေဟောဝါ၏ ဥပဒေသကို အမြဲလိုက်နာရမည် ဆိုပါက၊ ဘုရားသခင်၏ အလုပ်သည် တိုးတက်နိုင်မည်မဟုတ်ပေ၊ ခေတ်တစ်ခုလုံးကို အဆုံးသတ်နိုင်ရန် သာ၍ပင် ဖြစ်နိုင်လိမ့်မည် မဟုတ်ချေ။ အကယ်၍ လူသည် လက်ဝါးကပ်တိုင်ကို ဆုပ်ကိုင်ထားပြီး စိတ်ရှည်ခြင်းနှင့် နှိမ့်ချခြင်းကို အမြဲကျင့်ဆောင်နေရမည် ဆိုပါက၊ ဘုရားသခင်၏ အလုပ်ကို ဆက်လက်တိုးတက်စေရန် ဖြစ်နိုင်မည် မဟုတ်ပေ။ ဥပဒေသများကိုသာ လိုက်နာနေသည့် လူသားများအကြား၊ သို့မဟုတ် လက်ဝါးကပ်တိုင်ကိုသာ ဆုပ်ကိုင်ထားပြီး စိတ်ရှည်ခြင်းနှင့် နှိမ့်ချခြင်းကို အမြဲကျင့်ဆောင်နေသော လူသားများအကြားသို့ အနှစ်ခြောက်ထောင် စီမံခန့်ခွဲမှုကို အကယ်ပင် အဆုံးသတ်နိုင်မည်မဟုတ်ပေ။ ယင်းအစား၊ နောက်ဆုံးသော ကာလမှ ဘုရားသခင်ကို သိပြီး စာတန်၏ လက်တွင်းမှ ပြန်လည်ရယူခြင်း ခံရကာ စာတန်၏ အုပ်စိုးမှုမှ မိမိတို့ကိုယ်မိမိ အပြည့်အဝ ကင်းလွှတ်စေပြီး ဖြစ်သည့် သူတို့အကြားတွင် ဘုရားသခင်၏ စီမံခန့်ခွဲမှု တစ်ခုလုံးကို အဆုံးသတ်သည်။ ဤကား ဘုရားသခင်အလုပ်၏ လွှဲရှောင်၍မရသော ဦးတည်ရာဖြစ်သည်။ ဘာသာရေး အသင်းတော်များမှ လက်တွေ့ လုပ်ဆောင်မှုသည် ခေတ်နောက်ကျနေသည်ဟု အဘယ်ကြောင့်ဆိုသနည်း။ သူတို့ လက်တွေ့လုပ်ဆောင်သော အရာသည် ယနေ့အလုပ်နှင့် ကွဲပြားနေသောကြောင့် ဖြစ်သည်။ ကျေးဇူးတော်ခေတ်တွင်၊ သူတို့ လက်တွေ့ လုပ်ဆောင်သောအရာက မှန်ကန်သည်၊ သို့သော် ခေတ်ကကုန်ဆုံးသွားပြီ ဖြစ်ပြီး ဘုရားသခင်၏ အလုပ်ကလည်း ပြောင်းလဲသွားပြီဖြစ်သည်၊ သူတို့၏ လက်တွေ့လုပ်ဆောင်မှုက တဖြည်းဖြည်းနှင့် ခေတ်နောက်ကျသွားသည်။ အလုပ်သစ်နှင့် အလင်းသစ်တို့က ယင်းကို စွန့်ပစ်ထားခဲ့ပြီး ဖြစ်သည်။ ယင်း၏ မူလအခြေခံအုတ်မြစ်ကို အခြေပြုပြီး၊ သန့်ရှင်းသော ဝိညာဉ်တော်၏ အလုပ်က သာ၍နက်နဲသော အဆင့်အချို့သို့ တိုးတက်လာပြီး ဖြစ်သည်။ သို့သော်လည်း ထိုသူတို့သည် ဘုရားသခင် အလုပ်၏ မူလအဆင့်တွင် တည်ရှိသောင်တင်နေဆဲ ဖြစ်ပြီး၊ လက်တွေ့လုပ်ဆောင်မှု အဟောင်းများနှင့် အလင်းဟောင်းကို ဖက်တွယ်ထားဆဲဖြစ်သည်။ ဘုရားသခင်၏ အလုပ်သည် သုံးနှစ် သို့မဟုတ် ငါးနှစ်အတွင်း ကြီးမားစွာ ပြောင်းလဲနိုင်သည်၊ သို့ဖြစ်၍ အနှစ် ၂၀၀၀ ကာလအတွင်း ပိုမိုကြီးမားသည့် ပြောင်းလဲမှုများ မဖြစ်လာနိုင်ပေလော။ အကယ်၍ လူသား၌ အသစ်သော အလင်း သို့မဟုတ် လက်တွေ့လုပ်ဆောင်မှု မရှိပါက၊ သူသည် သန့်ရှင်းသော ဝိညာဉ်တော်၏ အလုပ်ကို မီအောင်လိုက်ခြင်း မရှိခဲ့ဟု အဓိပ္ပာယ်သက်ရောက်သည်။ ဤကား လူ၏ချွတ်ယွင်းချက်ပင် ဖြစ်သည်။ ဘုရားသခင် အလုပ်သစ်၏ ဖြစ်တည်ခြင်းကို ငြင်းဆန်၍မရပါ၊ အဘယ်ကြောင့်ဆိုသော်၊ ယနေ့တွင် သန့်ရှင်းသော ဝိညာဉ်တော်၏ မူလရှိသည့် ထိုသူများသည် ခေတ်နောက်ကျသည့် လက်တွေ့လုပ်ဆောင်မှုများကို လိုက်နာနေကြဆဲဖြစ်သည်။ သန့်ရှင်းသော ဝိညာဉ်တော်၏ အလုပ်သည် အမြဲတမ်း ရှေ့သို့ရွေ့လျားနေပြီး၊ သန့်ရှင်းသော ဝိညာဉ်တော်၏ စီးဆင်းမှုထဲတွင် ရှိနေသည့် လူအားလုံးတို့သည် တစ်ဆင့်ပြီးတစ်ဆင့်၊ ပိုနက်နဲစွာ တိုးတက်ပြီး ပြောင်းလဲနေရမည်ဖြစ်သည်။ သူတို့သည် အဆင့်တစ်ဆင့်တွင် မရပ်တန့်သင့်ပေ။ သန့်ရှင်းသောဝိညာဉ်တော်၏ အလုပ်ကို မသိသော ထိုသူများသာ သူ၏ မူလအလုပ်တွင် ရှိနေလိမ့်မည်ဖြစ်ပြီး၊ သန့်ရှင်းသောဝိညာဉ်တော်၏ အလုပ်သစ်ကို လက်ခံလိမ့်မည် မဟုတ်ပေ။ နာခံခြင်းမရှိသည့် ထိုသူများသာလျှင် သန့်ရှင်းသောဝိညာဉ်တော်၏ အလုပ်ကို ရရှိနိင်လိမ့်မည် မဟုတ်ပေ။ လူ၏ လက်တွေ့လုပ်ဆောင်မှုသည် သန့်ရှင်းသောဝိညာဉ်တော်၏ အလုပ်သစ်ကို အမီမလိုက်နိုင်ပါက၊ လူ၏လက်တွေ့လုပ်ဆောင်မှုသည် ယနေ့အလုပ်နှင့် ပိုင်းပြတ်နေမည်မှာ သေချာပြီး၊ ယနေ့အလုပ်နှင့် သဟဇာတဖြစ်မည် မဟုတ်ကြောင်း သေချာနေသည်။ ထိုသို့ ခေတ်နောက်ကျသည့် လူများသည် ဘုရားသခင်၏ သက်သေခံမည့် ထိုနောက်ဆုံးသောလူများဖြစ်ရန် မဆိုထားနှင့် ဘုရားသခင်၏ အလိုတော်ကို အကယ်ပင် မလုပ်ဆောင်နိုင်ချေ။ ထို့ထက်ပိုပြီး စီမံခန့်ခွဲမှုအလုပ် တစ်ခုလုံးကို ထိုသို့သော လူစုအကြားတွင် အဆုံးမသတ်နိုင်ပေ။ ယေဟောဝါ၏ ပညတ်ချက်ကို တစ်ချိန်ကကိုင်စွဲသူနှင့် လက်ဝါးကပ်တိုင်အတွက် တစ်ချိန်က ဒုက္ခဆင်းရဲခံရသည့် ထိုသူတို့သည်၊ နောက်ဆုံးသောကာလ၏ အလုပ်အဆင့်ကို လက်မခံနိုင်ပါက၊ သူတို့ လုပ်ဆောင်ခဲ့သည်များ အားလုံးက အနှစ်မဲ့ပြီး အသုံးမဝင် ဖြစ်သွားလိမ့်မည်။ သန့်ရှင်းသော ဝိညာဉ်တော်၏ အရှင်းဆုံးသော ဖော်ပြချက်မှာ ယခုအချိန်နှင့် ယခုနေရာအတွက် အကျုံးဝင်နေပြီး၊ ယခင်အတိတ်ကို ဖက်တွယ်မနေခြင်း ဖြစ်သည်။ ယနေ့အလုပ်ကို လိုက်မမီသည့် ထိုသူများနှင့် ယနေ့လက်တွေ့လုပ်ဆောင်မှုမှ ကွဲပြားသွားသည့် ထိုသူများတို့သည် သန့်ရှင်းသော ဝိညာဉ်တော်၏ အလုပ်ကို ဆန့်ကျင်ကာ လက်မခံသော သူများ ဖြစ်သည်။ ထိုသို့သော လူများသည် ဘုရားသခင်၏ လက်ရှိအလုပ်ကို ဖီဆန်ကြသည်။ သူတို့သည် အတိတ်က အလင်းကို ဆုပ်ကိုင်သော်လည်း၊ ထိုသို့ပြုခြင်းသည် သန့်ရှင်းသော ဝိညာဉ်တော်၏ အလုပ်ကို မသိဟု ငြင်းပယ်ရန် ဖြစ်နိုင်သည်ဟု မဆိုလိုပါ။ လူ၏လက်တွေ့လုပ်ဆောင်မှု ပြောင်းလဲခြင်း အကြောင်း၊ ယခင်နှင့် ယနေ့အကြား လက်တွေ့လုပ်ဆောင်မှု မတူညီပုံများ၊ ပြီးခဲ့သည့်ခေတ်က လက်တွေ့လုပ်ဆောင်မှု မည်သို့ လုပ်ဆောင်ခဲ့သည်နှင့် ယနေ့တွင် မည်သို့လုပ်ဆောင်သည်ကို အဘယ်ကြောင့် အားလုံးက ပြောဆိုနေသနည်း။ သန့်ရှင်းသော ဝိညာဉ်တော်၏ အလုပ်က အစဉ်မပြတ် ရှေ့သို့ရွေ့လျားနေသည့်အတွက် လူသား၏ လက်တွေ့လုပ်ဆောင်မှု အပိုင်းအခြားများသည် အမြဲပြောဆိုခြင်း ခံရပြီး၊ ထို့အတွက်ကြောင့် လူသား၏ လက်တွေ့လုပ်ဆောင်မှုက အစဉ်မပြတ် ပြောင်းလဲမှုရှိရန် လိုအပ်သည်။ လူသည် အဆင့်တစ်ခုတွင် ရပ်တန့်ကျန်ရစ်နေပါက၊ ဤကား သူသည် ဘုရားသခင်၏အလုပ်နှင့် အသစ်သော အလင်းကို အမီလိုက်ရန် မတတ်နိုင်ကြောင်းကို သက်သေပြနေခြင်းပင် ဖြစ်သည်။ ဘုရားသခင်၏ စီမံခန့်ခွဲမှု အစီအစဉ်သည် ပြောင်းလဲခြင်း မရှိခဲ့ဟု သက်သေပြခြင်း မဟုတ်ပေ။ သန့်ရှင်းသော ဝိညာဉ်တော်၏ ရေစီးကြောင်းပြင်ပတွင် ရှိနေသည့် ထိုသူများက မိမိတို့မှန်ကန်သည်ဟု အမြဲတမ်း တွေးထင်သော်ငြားလည်း၊ အမှန်တကယ်မှာ၊ သူတို့အတွင်းမှ ဘုရားသခင်၏အလုပ်သည် ကြာမြင့်စွာ ကတည်းကပင် ရပ်တန့်သွားပြီး၊ သူတို့ထဲတွင် သန့်ရှင်းသော ဝိညာဉ်တော်၏ အလုပ်လည်း ကင်းမဲ့နေပြီဖြစ်သည်။ ကြာမြင့်စွာကတည်းကပင် ဘုရားသခင်၏ အလုပ်သည် အခြားလူတစ်စုဆီသို့၊ သူ၏အလုပ်သစ်ကို ပြီးမြောက်အောင်ဆောင်ရွက်ရန် သူရည်ရွယ်သည့် လူတစ်စုဆီသို့ လွှဲပြောင်းသွားပြီဖြစ်သည်။ အဘယ်ကြောင့်ဆိုသော် ဘာသာရေးအတွင်း ရှိနေသည့် ထိုသူများသည် ဘုရားသခင်၏ အလုပ်သစ်ကို လက်မခံနိုင်ကြဘဲ၊ ယခင်က အလုပ်ဟောင်းကိုသာ စွဲကိုင်ထားကြသောကြောင့် ဖြစ်သည်။ ထို့အတွက်ကြောင့် ဘုရားသခင်က ထိုသူများကို စွန့်ပစ်ခဲ့ပြီး၊ ဤအလုပ်သစ်ကို လက်ခံသည့် သူများအပေါ် သူ၏အလုပ်သစ်ကို လုပ်ဆောင်သည်။ ထိုလူတို့သည် သူ၏အလုပ်သစ်ကို ပူးပေါင်းဆောင်ရွက်သည့်သူများဖြစ်ပြီး၊ ဤနည်းလမ်းအားဖြင့်သာ သူ၏စီမံခန့်ခွဲမှုက အောင်မြင်နိုင်မည် ဖြစ်သည်။ ဘုရားသခင်၏ စီမံခန့်ခွဲမှုသည် အမြဲတမ်း ရှေ့သို့ရွေ့လျားနေပြီး၊ လူ၏လက်တွေ့လုပ်ဆောင်မှုကလည်း အမြဲတမ်း မြင့်မားလာသည်။ ဘုရားသခင်သည် အစဉ်အမြဲ အလုပ်လုပ်နေပြီး၊ လူသည် အမြဲတမ်း လိုအပ်နေသည်။ ဤသို့ဖြင့် နှစ်ဦးနှစ်ဖက်လုံး အထွတ်အထိပ်သို့ရောက်ကာ၊ ဘုရားသခင်နှင့် လူသည် ပြည့်ဝစွာ ပေါင်းစည်းသည်။ ဤကား ဘုရားသခင်အလုပ် အောင်မြင်မှု၏ ဖော်ပြမှုဖြစ်ပြီး၊ ဘုရားသခင်၏ စီမံခန့်ခွဲမှု တစ်ခုလုံး၏ နောက်ဆုံးရလဒ်ဖြစ်သည်။

ဘုရားသခင်အလုပ်၏ အဆင့်တစ်ဆင့်စီတွင်လည်း လူသားနှင့် လိုက်လျောညီထွေသော သတ်မှတ်ချက်များ ရှိသည်။ သန့်ရှင်းသော ဝိညာဉ်တော်၏ စီးဆင်းမှုအတွင်း ရှိနေသူများအားလုံးသည် သန့်ရှင်းသော ဝိညာဉ်တော်၏ မျက်မှောက်တော်နှင့် ဆုံးမပဲ့ပြင်ခြင်းတို့ ရှိကြပြီး၊ သန့်ရှင်းသော ဝိညာဉ်တော်၏ စီးဆင်းမှုအတွင်း ရှိမနေသူများက သန့်ရှင်းသော ဝိညာဉ်တော်၏ မည်သည့်လုပ်ဆောင်မှုမျှ မရှိဘဲ စာတန်၏ ကွပ်ကဲမှုအောက်တွင် ရှိနေကြသည်။ သန့်ရှင်းသော ဝိညာဉ်တော်၏ စီးဆင်းမှုအတွင်း ရှိနေသူများက ဘုရားသခင်၏ အလုပ်သစ်ကို လက်ခံသူများဖြစ်ပြီး၊ ဘုရားသခင်၏ အလုပ်သစ်တွင် ပူးပေါင်းဆောင်ရွက်သူများဖြစ်သည်။ ဤစီးဆင်းမှုအတွင်း ရှိနေသူများက ပူးပေါင်းဆောင်ရွက်မှုကို မတတ်နိုင်ဘဲ၊ ယခုအချိန်တွင် ဘုရားသခင် အလိုရှိသည့် သမ္မာတရားကို လက်တွေ့လုပ်ဆောင်နိုင်ခြင်း မရှိပါက၊ သူတို့သည် ဆုံးမပဲ့ပြင်ခြင်းကို ခံရလိမ့်မည်ဖြစ်ပြီး၊ အဆိုးဆုံးအနေဖြင့် သန့်ရှင်းသော ဝိညာဉ်တော်၏ စွန့်ပစ်ခြင်းကို ခံရလိမ့်မည်။ သန့်ရှင်းသော ဝိညာဉ်တော်၏ အလုပ်အသစ်ကို လက်ခံသူသည်၊ သန့်ရှင်းသော ဝိညာဉ်တော်၏ စီးဆင်းမှုအတွင်းတွင် နေထိုင်နေမည်ဖြစ်ပြီး၊ သန့်ရှင်းသော ဝိညာဉ်တော်၏ စောင့်ရှောက်ခြင်းနှင့် ကာကွယ်ခြင်းကို ရရှိလိမ့်မည်။ သမ္မာတရားကို လက်တွေ့လုပ်ဆောင်ရန် ဆန္ဒရှိသူများသည် သန့်ရှင်းသော ဝိညာဉ်တော်၏ ဉာဏ်ဖွင့်ပေးခြင်းကို ရရှိမည်ဖြစ်ပြီး၊ သမ္မာတရားကို လက်တွေ့ လုပ်ဆောင်ရန် ဆန္ဒမရှိသူများသည် သန့်ရှင်းသော ဝိညာဉ်တော်၏ ဆုံးမပဲ့ပြင်ခြင်းကိုခံရပြီး၊ အပြစ်ဒဏ်ပေးခြင်းကိုပင် ခံရကောင်း ခံရမည်။ သူတို့သည် မည်သို့သောလူမျိုး ဖြစ်နေပါစေ၊ သန့်ရှင်းသော ဝိညာဉ်တော်၏ စီးဆင်းမှုအတွင်း သူတို့ရှိနေပါက၊ သူ၏နာမအတွက် သူ့အလုပ်ကို လက်ခံသည့်သူများအားလုံးကို ဘုရားသခင်က တာဝန်ယူလိမ့်မည်။ သူ၏နာမကို ဘုန်းထင်ရှားစေပြီး၊ သူ၏နှုတ်ကပတ်တော်ကို လက်တွေ့လုပ်ဆောင်ရန် ဆန္ဒရှိသူများသည် သူ၏ ကောင်းချီးများကို ရရှိလိမ့်မည်။ သူ့ကို နာခံမှုမရှိဘဲ သူ၏ နှုတ်ကပတ်တော်ကို လက်တွေ့မလုပ်ဆောင်သူများက သူ၏ အပြစ်ဒဏ်ပေးခြင်းကို ခံရလိမ့်မည်။ သန့်ရှင်းသော ဝိညာဉ်တော်၏ စီးဆင်းမှုအတွင်း ရှိနေသည့် လူများသည် အလုပ်သစ်ကို လက်ခံသူများဖြစ်သည်။ သူတို့သည် အလုပ်သစ်ကို လက်ခံသူများ ဖြစ်သည့်အတွက် သူတို့သည် ဘုရားသခင်နှင့် သင့်လျော်သည့် ပူးပေါင်းဆောင်ရွက်မှု ရှိသင့်ပြီး၊ မိမိတို့၏ တာဝန်ကို မထမ်းဆောင်သည့် ပုန်ကန်သူများကဲ့သို့ မလုပ်ဆောင်သင့်ပေ။ ဤကား လူသားအပေါ်ထားရှိသည့် ဘုရားသခင်၏ တစ်ခုတည်းသော သတ်မှတ်ချက်ဖြစ်သည်။ အလုပ်သစ်ကို လက်မခံသည့် လူများအတွက်မူ ထိုသို့မဟုတ်ပေ။ သူတို့သည် သန့်ရှင်းသော ဝိညာဉ်တော်၏ စီးဆင်းမှုပြင်ပတွင် ရှိပြီး၊ သန့်ရှင်းသော ဝိညာဉ်တော်၏ ဆုံးမပဲ့ပြင်မှုနှင့် အပြစ်တင်မှုတို့က သူတို့အပေါ် သက်ရောက်မှု မရှိပေ။ ထိုသူများသည် တစ်နေ့တာလုံး ဇာတိပကတိအတွင်း၌ နေသည်၊ မိမိတို့၏ စိတ်အတွင်း၌နေပြီး၊ သူတို့၏ လုပ်ဆောင်မှု အလုံးစုံသည် သူတို့ကိုယ်ပိုင် ဦးနှောက်များနှင့် ခွဲခြမ်းစိတ်ဖြာ သုတေသနပြုပြီး ထွက်လာသည့် အယူဝါဒများအတိုင်းသာ ဖြစ်သည်။ ယင်းသည် ဘုရားသခင်နှင့် ပူးပေါင်းဆောင်ရွက်မှု ဖြစ်ရန်မဆိုထားနှင့်၊ သန့်ရှင်းသော ဝိညာဉ်တော် အလုပ်သစ်၏ သတ်မှတ်ချက်များ မဟုတ်ပေ။ ဘုရားသခင်၏ အလုပ်သစ်ကို လက်မခံသူများသည် ဘုရားသခင်၏ မျက်မှောက်တော် ကင်းမဲ့ပြီး၊ ထို့အပြင် ဘုရားသခင်၏ ကောင်းချီးများနှင့် ကာကွယ်ခြင်းကို လုံးဝမရှိပေ။ သူတို့၏ စကားများနှင့် လုပ်ဆောင်မှု အများစုတို့သည် သန့်ရှင်းသော ဝိညာဉ်တော်အလုပ်၏ ယခင်က သတ်မှတ်ချက်များကို ထိန်းသိမ်းထားသည်။ ယင်းတို့သည် အယူဝါဒဖြစ်ပြီး၊ သမ္မာတရားမဟုတ်ချေ။ ထိုသို့သော ဥပဒေသနှင့် စည်းမျဉ်းများသည် ထိုသူတို့ကို အတူတကွ စုစည်းစေသည့် တစ်ခုတည်းသောအရာက ဘာသာတရားဖြစ်ကြောင်း သက်သေပြရန် လုံလောက်သည်။ ထိုသူတို့သည် ရွေးချယ်ခံရသည်များ၊ သို့မဟုတ် ဘုရားသခင် အလုပ်၏ အပြုခံအရာများ မဟုတ်ပါ။ ထိုသူတို့အားလုံးကြားမှ စုစည်းမှုကို ဘာသာတရား၏ ကြီးကျယ်သော ညီလာခံတစ်ခုအဖြစ်သာ ခေါ်ဆိုနိုင်ပြီး၊ အသင်းတော်တစ်ခုအဖြစ် မခေါ်ဆိုနိုင်ပါ။ ယင်းသည် ပြောင်း၍မရသည့် အချက်တစ်ခုဖြစ်သည်။ သူတို့တွင် သန့်ရှင်းသော ဝိညာဉ်တော်၏ အလုပ်သစ်မရှိ၊ သူတို့လုပ်ဆောင်သည်က ဘာသာရေးကို ပြန်လည်အမှတ်ရစေသည့်ပုံ ပေါ်နေသည်။ သူတို့၏ အသက်ရှင် နေထိုင်သည့်အရာသည် ဘာသာတရားနှင့် ပြည့်နှက်နေသည်။ သူတို့သည် သန့်ရှင်းသော ဝိညာဉ်တော်၏ ဆုံးမပဲ့ပြင်မှုနှင့် ဉာဏ်ဖွင့်ပေးခြင်းကို ရရှိစိမ့်သောငှာ သင့်လျော်ရန် မဆိုထားနှင့် သန့်ရှင်းသော ဝိညာဉ်တော်၏ မျက်မှောက်တော်နှင့် လုပ်ဆောင်မှုကို မပိုင်ဆိုင်ပေ။ ထိုလူများအားလုံးတို့သည် အသက်မရှိသည့် အလောင်းကောင်များနှင့် ဝိညာဉ်ရေးရာ လုံးဝမရှိသည့် လောက်ကောင်များ ဖြစ်ကြသည်။ သူတို့သည် ဘုရားသခင်၏ အလုပ်နှင့် ဘုရားသခင်၏ လက်ရှိအလိုတော်တို့ကို သိရန် မဆိုထားနှင့်၊ လူသား၏ ပုန်ကန်မှုနှင့် ဆန့်ကျင်မှုကို သိနားလည်ခြင်းမရှိ၊ လူသား၏ မကောင်းမှုပြုခြင်းကို သိနားလည်ခြင်းမရှိ။ သူတို့အားလုံးသည် ပညာမဲ့သော၊ အသုံးမကျသောလူများ ဖြစ်ကြသည်၊ သူတို့သည် ယုံကြည်သူများဟုပင် ခေါ်ဆိုရန် မထိုက်တန်သော ဆန်ကုန်မြေလေးများပင် ဖြစ်တော့သည်။ သူတို့လုပ်သမျှတွင် ဘုရားသခင်၏ အစီအစဉ်များကို နှောင့်ယှက်နိုင်ရန် မဆိုထားနှင့် ဘုရားသခင်၏ စီမံခန့်ခွဲမှုနှင့် ဆက်စပ်သည့်အရာ ဘာတခုမျှ မရှိပေ။ သူတို့၏ စကားများနှင့် လုပ်ဆောင်မှုများက စက်ဆုပ်ရွံရှာဖွယ် ကောင်းလှသည်၊ သနားစရာ ကောင်းလွန်းပြီး၊ ရှင်းပြရလောက်အောင်ပင် လုံးဝမထိုက်တန်ချေ။ သန့်ရှင်းသော ဝိညာဉ်တော်၏ စီးဆင်းမှုအတွင်း ရှိမနေသည့်သူများ လုပ်ဆောင်သည့် အရာမှန်သမျှသည် သန့်ရှင်းသော ဝိညာဉ်တော်၏ အလုပ်သစ်နှင့် မည်သို့မျှ သက်ဆိုင်မှုမရှိချေ။ ထို့အတွက်ကြောင့်၊ သူတို့ မည်သည့်အရာကို လုပ်ဆောင်သည် ဖြစ်စေ၊ သူတို့တွင် သန့်ရှင်းသော ဝိညာဉ်တော်၏ ဆုံးမပဲ့ပြင်မှု မရှိသည့်အပြင်၊ သန့်ရှင်းသော ဝိညာဉ်တော်၏ ဉာဏ်ဖွင့်ပေးမှုလည်း မရှိပေ။ အကြောင်းမှာ သူတို့သည် သမ္မာတရားကို ချစ်သည့်သူများမဟုတ်၊ ထို့အပြင် သန့်ရှင်းသော ဝိညာဉ်တော်က မုန်းတီးပြီး ငြင်းပယ်ခြင်းကို ခံရသည့် လူအားလုံး ဖြစ်နေသည့်အတွက်ကြောင့် ဖြစ်သည်။ သူတို့သည် ဇာတိပကတိထဲတွင် လျှောက်နေကြပြီး၊ ဘုရားသခင်၏ ဆိုင်းဘုတ်အောက်တွင် သူတို့စိတ်ကျေနပ်သည့် ဘယ်အရာကိုမဆို လုပ်ဆောင်နေသည့်အတွက် သူတို့ကို မကောင်းမှုပြုသူများဟု ခေါ်ဆိုသည်။ ဘုရားသခင် အလုပ်လုပ်နေစဉ်တွင်၊ သူတို့သည် တမင်တကာ သူ့ကိုဆန့်ကျင်ပြီး၊ သူနှင့် ဆန့်ကျင်ဘက်သို့ ပြေးကြသည်။ ဤလူများ၏ ဘုရားသခင်ထံပါးမှ တမင်တကာ ထွက်ပြေးသွားခြင်းကို ထည့်မတွက်နှင့်ဦး၊ လူသားက ဘုရားသခင်နှင့် ပူးပေါင်းဆောင်ရွက်ရန် ကျရှုံးခြင်းကိုယ်၌ကပင်လျှင် အဆုံးစွန် ပုန်ကန်ခြင်းဖြစ်သည်။ ဤသို့ဆိုလျှင် သူတို့သည် ဒဏ်ခတ်ခြင်းကိုသာ ရရှိမည် မဟုတ်လော။ ဤလူများ၏ မကောင်းမှုပြုခြင်းကို ထုတ်ဖော်ရာဝယ်၊ လူအချို့တို့က သူတို့ကို မကျိန်ဆဲဘဲ မနေနိုင်ကြပေ၊ ဘုရားသခင်ကမူ သူတို့ကို လျစ်လျူရှုသည်။ လူသားအတွက်မူ သူတို့၏ လုပ်ရပ်များသည် ဘုရားသခင်၏ နာမတော်နှင့် သက်ဆိုင်သည့်ပုံပေါက်သည်၊ သို့သော်လည်း ဧကန်အားဖြင့် သူတို့သည် သူ၏ နာမတော်နှင့် ဆက်နွှယ်မှု လုံးဝမရှိ၊ သို့မဟုတ် သူ့၏ သက်သေခံခြင်း မရှိပေ။ ဤလူများ မည်သည့်အရာလုပ်လုပ်၊ ဘုရားသခင်နှင့် မသက်ဆိုင်ပေ။ ဘုရားသခင်နာမနှင့် ယနေ့သူ့အလုပ် နှစ်ခုစလုံးနှင့် သက်ဆိုင်မှု မရှိပေ။ ဤလူတို့သည် သူတို့ကိုယ်သူတို့ အရှက်ရစေပြီး၊ စာတန်ကို ပေါ်လွင်စေသည်။ သူတို့သည် ဒေါသအမျက်ခံရာ နေ့ရက်ကာလအတွက် သိုမှီးနေကြသည့် မကောင်းမှုပြုသူများ ဖြစ်ကြသည်။ ယနေ့တွင် သူတို့၏ လုပ်ဆောင်မှုများနှင့် မသက်ဆိုင်ဘဲ၊ သူတို့သည် ဘုရားသခင်၏ စီမံခန့်ခွဲမှုကို မပိတ်ဆို့ဘဲ ဘုရားသခင်၏ အလုပ်သစ်နှင့် ဘာမျှမသက်ဆိုင်ဟု ဆိုပါက ထိုသူတို့သည် သက်ဆိုင်ရာ ပြစ်ဒဏ်ခတ်ခြင်းကို ခံရလိမ့်မည် မဟုတ်ပေ။ အကြောင်းမှာ ဒေါသအမျက်ခံရာ နေ့ရက်ကာလ မရောက်သေးသည့်အတွက် ဖြစ်သည်။ ထိုမကောင်းမှုပြုသူများသည် ဒဏ်ခတ်ခြင်းကို စောနိုင်သမျှစောစွာ ခံရသင့်ပြီး၊ ဘုရားသခင်က ဖြေရှင်းပြီးသင့်သည့်အရာ များစွာရှိသည်ဟု ယုံကြည်သည့် လူများစွာရှိသည်။ သို့ရာတွင် ဘုရားသခင်၏ စီမံခန့်ခွဲမှုသည် အဆုံးသတ်သို့ မရောက်သေးသည့်အပြင်၊ ဒေါသအမျက်ခံရာ နေ့ရက်ကာလလည်း ရောက်မလာသေးသည့်အတွက် ဖြောင့်မတ်ခြင်းမရှိသူများသည် သူတို့၏ မဖြောင့်မတ်သည့် လုပ်ဆောင်မှုများကို ဆက်လက်လုပ်ဆောင်နေဆဲ ဖြစ်သည်။ ဘာသာရေးထဲတွင်ရှိသော သူများသည် သန့်ရှင်းသော ဝိညာဉ်တော်၏ မျက်မှောက်တော် သို့မဟုတ် လုပ်ဆောင်မှုတို့ မပါရှိဘဲ၊ ဘုရားသခင်၏ နာမတော်ကို အရှက်ရအောင် လုပ်ဆောင်နေခြင်း ဖြစ်သည်ဟု အချို့က ဆိုကြသည်။ သို့ဆိုလျှင် ဘုရားသခင်က သူတို့၏ မနာခံမှုကို ဆက်လက် သည်းခံနေမည့်အစား အဘယ်ကြောင့် သူတို့ကို မဖျက်ဆီးသနည်း။ စာတန်၏ သရုပ်သကန်ဖြစ်ပြီး ဇာတိပကတိကို ဖော်ပြသည့် ထိုသူတို့သည် ပညာမဲ့သောလူများ၊ အသုံးမကျသောလူများ၊ အဓိပ္ပာယ်မရှိသော လူများဖြစ်ကြသည်။ ဘုရားသခင်သည် သူ၏အလုပ်ကို လူသားအကြား မည်ကဲ့သို့လုပ်သည်ကို သူတို့ နားလည်မလာမီတွင် ဘုရားသခင်၏ အမျက်ဒေါသရောက်လာခြင်းကို သူတို့ရှုမြင်ရလိမ့်မည် မဟုတ်ပေ။ သူတို့သည် အပြည့်အဝ သိမ်းပိုက်ခြင်းခံရပြီးသည်နှင့် တစ်ပြိုင်နက်၊ ဤမကောင်းမှုပြုသူ အားလုံးသည် သူတို့၏ ဒဏ်ခတ်ခံရခြင်းကို ရရှိလိမ့်မည်ဖြစ်ပြီး၊ သူတို့ထဲမှ မည်သူတစ်ဦးတစ်ယောက်မျှ ဒေါသအမျက်ခံရာ နေ့ရက်ကာလမှ လွတ်မြောက်နိုင်ကြလိမ့်မည် မဟုတ်ပေ။ ယခုကား လူသားကို အပြစ်ဒဏ်ပေးသည့်အချိန် မဟုတ်သေးဘဲ သိမ်းပိုက်ခြင်းအမှုကို လုပ်ဆောင်နေသည့်အချိန်ဖြစ်၍၊ ဘုရားသခင်၏ စီမံခန့်ခွဲမှုကို အနှောင့်အယှက်ပေးသူ ရှိနေပါက၊ ထိုကိစ္စနှင့်ပတ်သက်၍ သူတို့၏လုပ်ရပ်များ မည်မျှပြင်းထန်သည့်အပေါ်တွင် အခြေခံပြီး သူတို့သည် ပြစ်ဒဏ်ပေးခြင်းကို ခံရမည်ဖြစ်သည်။ ဘုရားသခင်၏ လူသားမျိုးနွယ်ကို စီမံခန့်ခွဲမှု အချိန်အတွင်းတွင်၊ သန့်ရှင်းသော ဝိညာဉ်တော်၏ စီးဆင်းမှုအတွင်း ရှိနေသူများသည် ဘုရားသခင်နှင့် ဆက်နွှယ်မှုရှိနေသည်။ သန့်ရှင်းသောဝိညာဉ်တော်၏ စက်ဆုပ်မုန်းတီးမှုနှင့် ငြင်းပယ်မှုကို ခံရသူများသည် စာတန်၏ အုပ်စိုးမှုအောက်တွင် နေထိုင်ကြပြီး၊ သူတို့ လက်တွေ့လုပ်ဆောင်သည့်အရာသည် ဘုရားသခင်နှင့် ဆက်နွှယ်မှု မရှိပေ။ ဘုရားသခင်၏ အလုပ်သစ်ကို လက်ခံပြီး၊ ဘုရားသခင်နှင့် ပူးပေါင်းဆောင်ရွက်သော သူများသာလျှင် ဘုရားသခင်နှင့် ဆက်နွှယ်မှုရှိသည်။ အကြောင်းမှာ လူတို့လက်ခံသည်ဖြစ်စေ၊ လက်မခံသည်ဖြစ်စေ ဘုရားသခင်၏ အလုပ်သည် လူအားလုံးကို မဟုတ်ဘဲ ထိုအလုပ်ကို လက်ခံသည့် လူများကိုသာ ဦးတည်ထားသောကြောင့် ဖြစ်သည်။ ဘုရားသခင် ပြုသည့်အမှုသည် အစဉ်သဖြင့် အပြုခံအရာရှိပြီး၊ စိတ်ကူးပေါက်ရာ လုပ်ဆောင်ခြင်းမဟုတ်ပေ။ စာတန်နှင့် ပေါင်းဖော်သူများသည် ဘုရားသခင်၏ သက်သေခံရန် မထိုက်တန်၊ ဘုရားသခင်နှင့် ပူးပေါင်းဆောင်ရွက်ရန် သာ၍ပင် မထိုက်တန်။

သန့်ရှင်းသော ဝိညာဉ်တော်၏ အလုပ်တစ်ဆင့်ချင်းစီတွင် လူသား၏ သက်သေခံခြင်းကို တစ်ပြိုင်နက်တည်း လိုအပ်သည်။ အလုပ်တစ်ဆင့်ချင်းစီသည် ဘုရားသခင်နှင့် စာတန်အကြား တိုက်ပွဲတစ်ခုဖြစ်ပြီး၊ စစ်ပွဲ၏ဦးတည်သူမှာ စာတန်ဖြစ်နေစဉ်၊ ဤအလုပ်အားဖြင့် စုံလင်ခြင်းအောင် ပြုခြင်းခံရမည့်သူမှာ လူသားဖြစ်သည်။ ဘုရားသခင်၏ အလုပ်က အသီးသီးခြင်း ရှိမည် မရှိမည်က လူသား၏ ဘုရားသခင်အတွက် သက်သေခံမည့် နည်းနာအပေါ်တွင် မူတည်နေသည်။ ဤသက်သေခံခြင်းဆိုသည်မှာ သူ့နောက် လိုက်လျှောက်သူများထံမှ ဘုရားသခင် အလိုရှိသည့် အရာပင်ဖြစ်သည်။ ယင်းသည် စာတန်ရှေ့မှောက်တွင် ပြုလုပ်သည့် သက်သေခံခြင်းဖြစ်ပြီး၊ သူ့အလုပ်၏ အကျိုးသက်ရောက်မှုကို သက်သေပြခြင်းလည်း ဖြစ်သည်။ ဘုရားသခင်၏ စီမံခန့်ခွဲမှု တစ်ခုလုံးကို အဆင့်သုံးဆင့်ဖြင့် ပိုင်းခြားထားသည်၊ အဆင့်တစ်ခုစီတွင်၊ လူသားအပေါ် သင့်လျော်သည့် သတ်မှတ်ချက်များကို ချမှတ်ထားခဲ့သည်။ ထို့အပြင် ခေတ်များ ပြီးဆုံးပြီး တိုးတက်လာသည်နှင့်အမျှ လူသားမျိုးနွယ် အားလုံးအပေါ် ဘုရားသခင်၏ သတ်မှတ်ချက်များက သာ၍ပင် မြင့်မားလာသည်။ ထို့အတွက်ကြောင့်၊ တစ်ဆင့်ချင်းစီသွားခြင်းဖြင့်၊ ဘုရားသခင်၏ ဤစီမံခန့်ခွဲမှုအလုပ်က အထွတ်အထိပ်သို့ ရောက်ရှိလာသည်မှာ လူသားသည် “လူ့ဇာတိထဲတွင် နှုတ်ကပတ်တော်၏ ပေါ်ထွန်းလာခြင်း” ဆိုသည့်အချက်ကို ရှုမြင်လာသည်အထိဖြစ်ပြီး၊ ဤနည်းလမ်းအားဖြင့် လူသားများအပေါ် သတ်မှတ်ချက်များက သာ၍ပင် မြင့်မားလာကာ၊ လူသား၏ သက်သေခံရန် သတ်မှတ်ချက်များကလည်း သာ၍ပင် မြင့်မားလာသည်။ လူသားသည် ဘုရားသခင်နှင့် အမှန်တကယ် ပူးပေါင်းဆောင်ရွက်နိုင်လေ၊ ဘုရားသခင်ကို ဘုန်းထင်ရှားစေလေ ဖြစ်သည်။ လူသား၏ ပူးပေါင်းဆောင်ရွက်မှုက သူခံရန် လိုအပ်သည့် သက်သေဖြစ်ပြီး၊ လူသား၏ လက်တွေ့ လုပ်ဆောင်မှုတွင် သူလုပ်ဆောင်သည့် သက်သေခံချက်ဖြစ်သည်။ ထို့ကြောင့် ဘုရားသခင်၏ အလုပ်က ထိုက်သင့်သည့် အကျိုးသက်ရောက်မှု ရှိသည်ဖြစ်စေ မရှိသည်ဖြစ်စေ၊ သို့မဟုတ် စစ်မှန်သည့် သက်သေခံချက် ရှိသည်ဖြစ်စေ မရှိသည်ဖြစ်စေ၊ ယင်းတို့သည် လူသား၏ ပူးပေါင်းဆောင်ရွက်မှုနှင့် သက်သေခံချက်တို့နှင့် ခွဲခြားမရဘဲ ဆက်နွှယ်နေသည်။ အလုပ်ပြီးမြောက်သည့်အခါတွင်၊ ပြောရမည်ဆိုလျှင်၊ ဘုရားသခင်၏ စီမံခန့်ခွဲမှု အားလုံး အဆုံးသတ်သို့ ရောက်ရှိသည့်အချိန်တွင်၊ လူသားသည် ပိုမိုအဆင့်မြင့်မားသည့် သက်သေခံမှုကို ပြုလုပ်ရန် လိုအပ်ပြီး၊ ဘုရားသခင်၏ အလုပ် အဆုံးသတ်သို့ ရောက်ရှိသည့်အချိန်တွင်၊ လူသား၏ လက်တွေ့ လုပ်ဆောင်မှုနှင့် ဝင်ရောက်မှုတို့သည် ယင်းတို့၏ အထွတ်အထိပ်သို့ ရောက်ရှိလိမ့်မည်။ ယခင်က၊ လူသားသည် ပညတ်တော်များ၊ ဥပဒေသများနှင့်အညီ လိုက်နာရန်လိုအပ်ခဲ့ပြီး၊ စိတ်ရှည်သည်းခံပြီး စိတ်နှိမ့်ချရန်လည်း လိုအပ်ခဲ့သည်။ ယနေ့တွင်၊ လူသားသည် ဘုရားသခင်၏ စီစဉ်မှု အားလုံးကို လိုက်နာရန်လိုအပ်ပြီး၊ ဘုရားသခင်၏ ချစ်မေတ္တာ အထွတ်အထိပ်ကို လယ်ဝယ်ရှိထားရန်နှင့် ဆင်းရဲဒုက္ခအလယ် ရောက်ရှိစဉ်တွင် ဘုရားသခင်ကို ဆက်လက်ချစ်မြတ်နိုးရန် အဆုံးစွန် လိုအပ်သည်။ သူ၏ စီမံခန့်ခွဲမှု တစ်ခုလုံးတွင်၊ ဤအဆင့်သုံးဆင့်မှာ ဘုရားသခင်က လူသားအပေါ် ပြဋ္ဌာန်းထားသော တစ်ဆင့်ပြီးတစ်ဆင့် လုပ်ဆောင်စေသည့် သတ်မှတ်ချက်များဖြစ်သည်။ ဘုရားသခင်၏ အမှုအဆင့်တစ်ဆင့်စီသည် ယခင်ကထက် ပိုနက်နဲလာပြီး၊ အဆင့်တစ်ဆင့်စီတွင် လူသားအပေါ် သတ်မှတ်ချက်များက ယခင်ကထက်ပို၍ လေးနက်လာသည်။ ဤနည်းအားဖြင့်၊ ဘုရားသခင်၏ စီမံခန့်ခွဲမှု တစ်ခုလုံးက တဖြည်းဖြည်းနှင့် ပုံစံကျလာသည်။ ယင်းမှာ လူသားအပေါ် သတ်မှတ်ချက်များသည် ခါတိုင်းထက် မြင့်မားနေပြီး လူသား၏ စိတ်သဘောထားသည် ဘုရားသခင် အလိုတော်ရှိသော စံညွှန်းများနှင့် သာ၍ နီးစပ်လာသောကြောင့် အတိအကျဖြစ်သည်။ ထို့နောက်တွင်သာ လူသားမျိုးနွယ် တစ်ရပ်လုံးသည် စာတန်၏ လွှမ်းမိုးမှုမှ တစ်ဖြည်းဖြည်း ခွဲခွာလာပြီး၊ ဘုရားသခင်၏ အလုပ်သည် ပြီးပြည့်စုံသော အဆုံးသို့ရောက်သောအခါ လူသားမျိုးနွယ် တစ်ရပ်လုံးသည် စာတန်၏ လွှမ်းမိုးမှုမှ ကယ်တင်ပြီးဖြစ်လိမ့်မည်။ ၎င်းအချိန် ရောက်ရှိလာသည့်အခါ၊ ဘုရားသခင်၏ အလုပ်သည် အဆုံးသတ်သို့ ရောက်ရှိပြီးဖြစ်လိမ့်မည်ဖြစ်ပြီး၊ လူသားသည် သူ၏စိတ်သဘောထား ပြောင်းလဲစေရန်အတွက် ဘုရားသခင်နှင့် ပူးပေါင်းဆောင်ရွက်မှုက ဆက်လက်ရှိတော့မည် မဟုတ်ပေ။ ထို့အပြင် လူသားမျိုးနွယ် တစ်ရပ်လုံးသည် ဘုရားသခင်၏ အလင်းအောက်တွင် နေထိုင်လိမ့်မည်ဖြစ်ပြီး၊ ထိုအချိန်မှစ၍၊ ဘုရားသခင်ကို ပုန်ကန်ခြင်းများ သို့မဟုတ် ဆန့်ကျင်ခြင်းများ ရှိလိမ့်မည် မဟုတ်တော့ပေ။ ဘုရားသခင်သည်လည်း လူသားကို တောင်းဆိုမှုများ ပြုတော့မည်မဟုတ်ဘဲ၊ လူသားနှင့် ဘုရားသခင်တို့အကြား ပိုမို၍ သဟဇာတဖြစ်သည့် ပူးပေါင်းဆောင်ရွက်မှု ရှိလိမ့်မည်ဖြစ်သည်။ ထိုပူးပေါင်းဆောင်ရွက်မှုသည် လူသားနှင့် ဘုရားသခင်တို့ အတူတကွ ရှိသည့် အသက်တာဖြစ်လိမ့်မည်၊ ဘုရားသခင်၏ စီမံခန့်ခွဲမှုနောက်တွင် ဆက်လိုက်လာသည့် အသက်တာက လုံးဝအဆုံးသတ်သွားမည်ဖြစ်ပြီး၊ ထို့နောက်တွင် လူသည် စာတန်၏ လက်တွင်းမှ ဘုရားသခင်၏ အပြည့်အဝ ကယ်တင်ခြင်းကို ခံရမည်ဖြစ်သည်။ ဘုရားသခင်၏ ခြေလှမ်းများကို အနီးကပ် မလိုက်လျှောက်နိုင်သူများသည် ထိုသို့သော အသက်တာတစ်ခုကို မရရှိနိုင်ပေ။ သူတို့ကိုယ်သူတို့ ငိုကြွေးကာ အံသွားခဲကြိတ်နေရမည့် အမှောင်ထဲတွင် နှိမ့်ချနေရလိမ့်မည်။ သူတို့သည် ဘုရားသခင်ကို ယုံကြည်သော်လည်း သူ့နောက်သို့ မလိုက်လျှောက်သူများ၊ ဘုရားသခင်ကို ယုံကြည်သောသူများ ဖြစ်သော်လည်း သူ့အလုပ်ကို မနာခံသူများ ဖြစ်ကြသည်။ လူသားသည် ဘုရားသခင်ကို ယုံကြည်သည့်အတွက်၊ သူသည် ဘုရားသခင်၏ ခြေလှမ်းများကို အနီးကပ်၊ တစ်လှမ်းပြီး တစ်လှမ်း၊ လိုက်လျှောက်သင့်သည်။ သူသည် “သိုးသငယ်သွားလေရာရာ အရပ်သို့ နောက်တော်၌ လိုက်သောသူ” ဖြစ်သင့်သည်။ ဤကဲ့သို့သော လူများသာလျှင် မှန်သော လမ်းကြောင်းကို ရှာဖွေသူ၊ သန့်ရှင်းသော ဝိညာဉ်တော်၏ အလုပ်ကို သိသောသူများသာ ဖြစ်ကြသည်။ စကားလုံးများနှင့် အယူဝါဒများကို စုံမှိတ်ပြီး လိုက်လျှောက်သော လူတို့သည် သန့်ရှင်းသော ဝိညာဉ်တော် အလုပ်၏ ပယ်ရှားခြင်းကို ခံရသည့် သူများဖြစ်ကြသည်။ အချိန်ကာလ တစ်ခုစီအတွင်းတွင်၊ ဘုရားသခင်သည် အလုပ်သစ်ကို စတင်လိမ့်မည်။ ထို့နောက် အချိန်ကာလတစ်ခုစီ အတွင်းတွင်၊ လူသားများအကြား အသစ်သော စတင်မှု တစ်ခုရှိလိမ့်မည်။ ခေတ်တစ်ခုအတွက်သာ အကျိုးသက်ရောက်မှုရှိသည့် “ယေဟောဝါသည် ဘုရားသခင်ဖြစ်သည်” နှင့် “ယေရှုသည် ခရစ်တော်ဖြစ်သည်” ဟူသည့် အမှန်တရားများကိုသာ လူသားက လိုက်နာနေပါက၊ လူသားသည် သန့်ရှင်းသော ဝိညာဉ်တော်၏ အလုပ်ကို ဘယ်သောအခါမျှ အမီလိုက်နိုင်မည် မဟုတ်ဘဲ၊ သန့်ရှင်းသော ဝိညာဉ်တော်၏ အလုပ်ကို ထာဝရ ရရှိနိုင်လိမ့်မည် မဟုတ်ပေ။ ဘုရားသခင် မည်သို့ပင် လုပ်ဆောင်သည်ဖြစ်စေ၊ လူသားသည် သံသယ စိုးစဉ်းမျှမရှိဘဲ လိုက်လျှောက်ပြီး၊ နီးကပ်စွာ လိုက်လျှောက်သည်။ ဤနည်းလမ်းအားဖြင့်၊ လူသားသည် သန့်ရှင်းသော ဝိညာဉ်တော်၏ ဖယ်ရှားခြင်းကို မည်သို့လျှင် ခံရနိုင်မည်နည်း။ ဘုရားသခင် မည်သည့် အရာကိုပင် လုပ်ဆောင်နေပါစေ၊ ယင်းသည် သန့်ရှင်းသော ဝိညာဉ်တော်၏ အလုပ်ဖြစ်သည်ဟု လူသားဘက်က သေချာနေပြီး၊ သံသယအနည်းငယ်မျှ မရှိဘဲ သန့်ရှင်းသော ဝိညာဉ်တော်၏ အလုပ်ကို ပူးပေါင်းဆောင်ရွက်ကာ၊ ဘုရားသခင်၏ သတ်မှတ်ချက်များသို့ ရောက်ရှိအောင် ကြိုးစားနေသရွေ့၊ သူသည်မည်သို့လျှင် အပြစ်ဒဏ်ပေးခြင်း ခံရမည်နည်း။ ဘုရားသခင်၏ အလုပ်သည် ဘယ်သောအခါမျှ ရပ်တန့်သွားခြင်းမရှိ၊ သူ့ခြေလှမ်းများသည် ဘယ်သောအခါမျှ ရပ်နားခြင်းမရှိပေ။ ထို့အတူ သူ့အလုပ် စီမံခန့်ခွဲမှု ပြီးဆုံးခြင်း မတိုင်မီတွင်၊ သူသည် အစဉ်အမြဲ အလုပ်ရှုပ်နေပြီး၊ ဘယ်သောအခါမျှ ရပ်တန့်ခြင်းမရှိချေ။ သို့သော် လူသားက ကွဲပြားသည်။ သန့်ရှင်းသော ဝိညာဉ်တော်၏ အနည်းသော အလုပ်ကိုသာ ရရှိသော်လည်း၊ ယင်းကို ဘယ်သောအခါမျှ ပြောင်းလဲခြင်းမရှိသကဲ့သို့ သဘောထားသည်။ အသိပညာ အနည်းငယ်သာရရှိသော်လည်း၊ ဘုရားသခင်၏ ပို၍သစ်သော အလုပ်ခြေလှမ်းများကို သူရှေ့တိုးပြီး နောက်ထပ်မလိုက်လျှောက်ပေ။ ဘုရားသခင်၏ အလုပ်အနည်းငယ်ကိုသာ သူမြင်ခဲ့သည်ဖြစ်သော်လည်း၊ ဘုရားသခင်ကို တစ်စုံတစ်ရာသော သစ်သားပုံတော်တစ်ခုအဖြစ် သူချက်ချင်း သရုပ်ဖော်ပြီး၊ သူ့ရှေ့တွင် သူမြင်သည့် ပုံသဏ္ဌာန်အတိုင်း ဘုရားသခင်က အစဉ်အမြဲ တည်ရှိနေလိမ့်မည်ဟု သူယုံကြည်သည်။ ယင်းမှာ ယခင်က ထိုသို့ ဖြစ်နေသည့်အတွက် အနာဂတ်တွင်လည်း ထိုကဲ့သို့ အမြဲ ဖြစ်နေလိမ့်မည်ဟု ယုံကြည်သည်။ အပေါ်ယံ အသိပညာကို ရရှိယုံမျှဖြင့်၊ လူသည် အလွန်ထောင်လွှားသဖြင့် သူ့ကိုယ်သူ မေ့လျော့ပြီး အကယ်ပင် တည်ရှိမှု မရှိသည့် ဘုရားသခင်၏ သဘောထားနှင့် ဖြစ်ခြင်းကို လက်လွတ်စပယ် စတင်ကြေညာသည်။ ထို့အပြင် သန့်ရှင်းသော ဝိညာဉ်တော် အလုပ်၏ အဆင့်တစ်ခုအပေါ် တွယ်ထားပြီးဖြစ်ရာ ဘုရားသခင်၏ အလုပ်သစ်ကို ကြေညာသည့် မည်သို့သော လူပုဂ္ဂိုလ်မျိုးပင် ဖြစ်စေကာမူ လူသည် ယင်းကို လက်မခံပေ။ ဤသူတို့သည် သန့်ရှင်းသော ဝိညာဉ်တော်၏ အလုပ်သစ်ကို လက်မခံနိုင်သည့် လူများ ဖြစ်ကြသည်။ သူတို့သည် အလွန် ရှေးရိုးစွဲသူများဖြစ်ကြပြီး၊ အသစ်သော အရာများကို လက်မခံနိုင်ကြပေ။ ထိုသို့သော လူများသည် ဘုရားသခင်ကို ယုံကြည်သော်လည်း ငြင်းပယ်ကြသူများဖြစ်သည်။ ဣသရေလလူမျိုးတို့သည် “ယေဟောဝါကိုသာ ယုံကြည်ပြီး ယေရှုကို မယုံကြည်ကြ”သည့်အတွက် မှားယွင်းနေသည်ဟု လူကယုံကြည်သည်။ သို့သော် လူအများစုတို့သည် “ယေဟောဝါကိုသာ ယုံကြည်ပြီး ယေရှုကို ငြင်းပယ်သည်” နှင့် “မေရှိယ ပြန်ကြွလာခြင်းကို တောင့်တသည်၊ သို့သော် ယေရှုဟုခေါ်သည့် မေရှိယကို ဆန့်ကျင်သည်” ဟူသည့် ဇာတ်ထုပ်ကို ကနေကြသည်။ သို့ဖြစ်၍ ထိုလူတို့သည် သန့်ရှင်းသောဝိညာဉ်တော်၏ အလုပ်တစ်ဆင့်ကို လက်ခံပြီးသည့်နောက် စာတန်၏ အုပ်စိုးမှုအောက်တွင် နေထိုင်နေဆဲဖြစ်ပြီး၊ ဘုရားသခင်၏ ကောင်းချီးများကို မရရှိဆဲဖြစ်သည်မှာ မထူးဆန်းပေ။ ဤသည်ကား လူသားပုန်ကန်မှု၏ ရလဒ်ပင် မဟုတ်ပေလော။ ယနေ့၏ အလုပ်သစ်ကို လိုက်မမီသည့် ကမ္ဘာတစ်လွှားရှိ ခရစ်ယာန်များသည် သူတို့၏ ဆန္ဒတစ်ခုချင်းစီကို ဘုရားသခင်က ဖြည့်ဆည်းပေးသည့်အတွက် သူတို့က ကံကောင်းသူများဖြစ်ကြသည်ဟူသော ယုံကြည်မှုကို ဆုပ်ကိုင်ထားကြသည်။ သို့တိုင် သူတို့စိတ်ကူးထားသည့် နေ့ရက်တွင် ယေရှုသည် ဖြူသောမိုးတိမ်ကို စီးပြီး ဧကန်အမှန် ရောက်လာ မလာကို သူတို့သည် မုချသေချာမှုနှင့် ပြောနိုင်ရန် မဆိုထားနှင့်၊ ဘုရားသခင်က သူတို့ကို အဘယ်ကြောင့် တတိယကောင်းကင်သို့ ခေါ်ဆောင်သွားမည်ကို သူတို့ သေချာမပြောနိုင်သကဲ့သို့၊ ဘုရားသခင်က ဖြူသောမိုးတိမ်ကို စီးပြီး သူတို့ကို မည်သို့ လာရောက်ကောက်ယူမည့် အကြောင်းနှင့် ပတ်သက်၍လည်း သူတို့မသေချာပေ။ သူတို့အားလုံးတို့သည် သောကရောက်နေပြီး အဘယ်အရာ လုပ်ရမည်မှန်းမသိ ဖြစ်နေကြသည်။ ဘုရားသခင်က ဂိုဏ်းဂဏတစ်ခုစီမှ ကွဲပြားသည့် သေးငယ်သော လူလက်တစ်ဆုပ်စာ ဖြစ်သည့် သူတို့တစ်ယောက်စီကို ခေါ်မည် မခေါ်မည်ကိုပင် သူတို့ကိုယ်တိုင် မသိရှိကြပေ။ လက်ရှိခေတ်တွင် ဘုရားသခင်ပြုသည့် အမှုမှာ ဘုရားသခင်၏ အလိုတော်ဖြစ်သည်၊ သူတို့သည် ယင်းတို့၏ တစ်စုံတစ်ရာကိုမျှ နားလည်သဘောပေါက်ခြင်းမရှိ၊ ဘာကိုမျှ မလုပ်နိုင်ဘဲ၊ သူတို့၏လက်ချောင်းများကို ချိုးကာ နေ့ရက်များကိုသာ ရေတွက်နေကြသည်။ သိုးသငယ်၏ ခြေလှမ်းများကို အဆုံးတိုင် လိုက်လျှောက်သည့် ထိုသူများသာလျှင် နောက်ဆုံး ကောင်းချီးကို ရရှိနိုင်သည်။ ထိုစဉ် အဆုံးထိ လိုက်မလျှောက်နိုင်သော်လည်း သူတို့ အလုံးစုံကို ရရှိပြီးပြီဟု ယုံကြည်ကြသည့် ထို“လူတော်များ”သည် ဘုရားသခင်၏ ပေါ်ထွန်းခြင်းကို သက်သေမခံနိုင်ကြပေ။ သူတို့သည် ကမ္ဘာမြေကြီးပေါ်တွင် အတော်ဆုံးလူများဖြစ်ကြသည်ဟု သူတို့အားလုံးက ယုံကြည်နေကြပြီး၊ အဘယ် အကြောင်းပြချက်မျှ မရှိဘဲ ဘုရားသခင် အလုပ်၏ ဆက်လက်၍ဖွံ့ဖြိုးမှုကို သူတို့က ဖြတ်တောက်လိုက်သည်။ ပြီးလျှင် သူတို့သည် “ဘုရားသခင်ကို အဆုံးစွန်သစ္စာရှိသူ၊ ဘုရားသခင်နောက်လိုက်သူနှင့် ဘုရားသခင်၏ နှုတ်ကပတ်တော်များကို လိုက်နာသူ” များဖြစ်သည့် သူတို့ကို ဘုရားသခင်က ကောင်းကင်ဘုံသို့ ချီဆောင်သွားလိမ့်မည်ဟု မုချသေချာစွာဖြင့် ယုံကြည်နေပုံပေါက်သည်။ သူတို့သည် ဘုရားသခင်ပြောခဲ့သော နှုတ်ကပတ်တော်များကို “အဆုံးစွန်သစ္စာရှိ” သော်လည်း၊ သူတို့သည် သန့်ရှင်းသော ဝိညာဉ်တော်၏အလုပ်ကို ဆန့်ကျင်ပြီး၊ ဆိုးယုတ်မှုနှင့် လှည့်ဖြားမှုများကို ကျူးလွန်သည့်အတွက်၊ သူတို့၏ စကားများနှင့် လုပ်ရပ်များသည် ရွံ့ရှာဖွယ်ခံစားရဆဲ ဖြစ်သည်။ အဆုံးထိတိုင် လိုက်မလျှောက်သော သူတို့၊ သန့်ရှင်းသော ဝိညာဉ်တော်၏ အလုပ်ကို ဆက်လက်လုပ်ဆောင်ခြင်း မရှိသူတို့နှင့်၊ ဟောင်းသောအလုပ်ကို ဖက်တွယ်သူတို့သည် ဘုရားသခင်အား သစ္စာရှိခြင်း မရှိသည့်အပြင်၊ ဆန့်ကျက်ဘက်ဖြစ်သည့်၊ ဘုရားသခင်ကို ဆန့်ကျင်သူများဖြစ်လာကာ၊ သူတို့သည် အပြစ်ဒဏ်ပေးခြင်းခံရမည့်သူ၊ ခေတ်သစ်က ငြင်းပယ်ခြင်းကို ခံရသည့်သူများ ဖြစ်လာကြသည်။ သူတို့ထက်ပိုပြီး သနားဂရုဏာသက်စရာ တစ်စုံတစ်ရာ ရှိသေးသလော။ ပညတ်ဟောင်းကို ပယ်ဖျက်ပြီး အလုပ်သစ်ကို လက်ခံသူတို့သည် အသိစိတ်မရှိသူများဟုပင် များစွာသော လူတို့က ယုံကြည်ကြသည်။ “အသိစိတ်” ကိုသာ ပြောဆိုကြသည့် ဤလူတို့သည်၊ သန့်ရှင်းသော ဝိညာဉ်တော်၏ အလုပ်ကို မသိဘဲ၊ သူတို့ကိုယ်တိုင်၏ အသိစိတ်များဖြင့်သာ သူတို့၏ မျှော်လင့်ချက်များ တိုတောင်းသွားပါလိမ့်မည်။ ဘုရားသခင်၏ အမှုသည် အယူဝါဒကို လိုက်နာခြင်းမရှိ၊ ယင်းသည် ဘုရားသခင်၏ ကိုယ်ပိုင်အမှုဖြစ်သော်ငြားလည်း သူသည် ယင်းကို ဖက်တွယ်ထားခြင်း မရှိပေ။ ငြင်းပယ်သင့်သည့်အရာကို ငြင်းပယ်ပြီး၊ ဖယ်ထုတ်သင့်သည့်အရာကို ဖယ်ထုတ်ရမည်။ လူသားသည် ဘုရားသခင်စီမံခန့်ခွဲမှု အလုပ်၏ အစိတ်အပိုင်း အသေးလေးတစ်ခုကိုသာ ဆုပ်ကိုင်ပြီး၊ သူ့ကိုယ်သူ ဘုရားသခင်အား ရန်လိုသည့်နေရာကို ယူထားသည်။ ဤသည်မှာ လူသား၏ ရယ်ဖွယ်ကောင်းခြင်းတစ်ခု မဟုတ်လော။ ဤသည်မှာ လူသား၏ မသိနားမလည်မှု မဟုတ်လော။ လူသားများသည် ဘုရားသခင်၏ ကောင်းချီးများ မရရှိမည်ကို ကြောက်ရွံ့သည့်အတွက် သူတို့သည် တွန့်ဆုတ်ပြီး လိုသည်ထက် ပိုသတိရှိနေလေ၊ သူတို့သည် နောက်ဆုံးသော ကောင်းချီးနှင့် သာ၍ ကြီးမားသည့် ကောင်းချီးများကို ပိုမိုမရရှိနိုင်လေ ဖြစ်သည်။ ပညတ်တော်ကို စုံမှိတ်ပြီး လိုက်နာသည့် ထိုသူများ အားလုံးသည် ပညတ်တော်အပေါ် အဆုံးစွန် သစ္စာရှိပြကြသည်။ သူတို့သည် ပညတ်တော်အပေါ် ထိုသို့ပိုပြီး သစ္စာရှိပြလေ၊ သူတို့သည် ဘုရားသခင်ကို ဆန့်ကျင်သည့် ပုန်ကန်သူများ ပိုဖြစ်လေပင် ဖြစ်သည်။ အကြောင်းမှာ ယခုသည် နိုင်ငံတော်ခေတ်ဖြစ်ပြီး ပညတ်တော်ခတ်မဟုတ်ပေ၊ ယနေ့အလုပ်ကို ယခင်ကအလုပ်နှင့် ယှဉ်၍ မရပေ၊ ထို့အတူ ယခင်က အလုပ်ကိုလည်း ယနေ့အလုပ်နှင့် နှိုင်းယှဉ်၍ မရပေ။ ဘုရားသခင်၏ အလုပ်သည် ပြောင်းလဲခဲ့ပြီး၊ လူသား၏ လက်တွေ့ လုပ်ဆောင်မှုသည်လည်း ပြောင်းလဲခဲ့ပြီ ဖြစ်သည်။ ပညတ်တော်ကို ကိုင်စွဲထားရန် သို့မဟုတ် လက်ဝါးကပ်တိုင်ကို ထမ်းထားရန် မဟုတ်တော့ပါ။ ထို့ကြောင့် ပညတ်တော်နှင့် လက်ဝါးကပ်တိုင်ကို လူတို့၏ သစ္စာရှိမှုသည် ဘုရားသခင်၏ ထောက်ခံမှုကို ရရှိမည် မဟုတ်ပေ။

နိုင်ငံတော်ခေတ်တွင် လူသားသည် စုံလင်ခြင်းသို့ ရောက်ရန် ပြုလုပ်ခြင်းကို လုံးလုံးလျားလျား ခံရလိမ့်မည်။ သိမ်းပိုက်ခြင်း အမှုအပြီးတွင်၊ လူသားသည် စစ်ဆေးခြင်းနှင့် အတိဒုက္ခ ခံရလိမ့်မည်။ ဒုက္ခဆင်းရဲ ခံရချိန်တွင် ယင်းကို ကျော်လွှားနိုင်ပြီး သက်သေခံအဖြစ် ရပ်တည်နိုင်သည့် သူတို့သည်၊ အဆုံးတွင် စုံလင်ခြင်းအောင် ပြုလုပ်ခံရမည့်သူများ ဖြစ်သည်။ သူတို့သည် အောင်နိုင်သူများ ဖြစ်ကြသည်။ ဤဒုက္ခဆင်းရဲ ခံရချိန်တွင် လူသားသည် ဤစစ်ဆေးခြင်းကို လက်ခံရန်လိုအပ်ပြီး၊ ဤစစ်ဆေးခြင်းက ဘုရားသခင် အမှု၏ နောက်ဆုံး ဖြစ်စဉ်ဖြစ်သည်။ ဘုရားသခင်အလုပ်၏ စီမံခန့်ခွဲမှု တစ်ခုလုံး အဆုံးမသတ်မီတွင် ယင်းသည် လူသားက စစ်ဆေးခြင်းခံရမည့် နောက်ဆုံးအချိန်ဖြစ်သည်။ ဘုရားသခင်နောက် လိုက်သည့်သူအားလုံးသည် ဤနောက်ဆုံးစမ်းသပ်ခြင်းနှင့် စစ်ဆေးခြင်းကို လက်ခံရမည်ဖြစ်သည်။ ဒုက္ခဆင်းရဲ၏ ဝန်းရံတိုက်ခိုက်ခြင်းကို ခံရသော ထိုသူများသည်၊ သန့်ရှင်းသောဝိညာဉ်တော်၏ အလုပ်နှင့် ဘုရားသခင်၏ လမ်းပြခြင်း မရှိသူများ ဖြစ်ကြသည်။ သို့သော်၊ ဘုရားသခင်ကို အမှန်တကယ် ရှာဖွေပြီး အမှန်တကယ် သိမ်းပိုက်ခြင်း ခံရသူများသည် နောက်ဆုံးတွင် မားမားမတ်မတ်ရပ်တည်နိုင်လိမ့်မည်။ သူတို့သည် လူ့သဘာဝကို ပိုင်ဆိုင်သူများ၊ ဘုရားသခင်ကို အမှန်တကယ် ချစ်မြတ်နိုးသူများ ဖြစ်ကြသည်။ ဘုရားသခင် မည်သည့်အရာကိုပင် လုပ်ဆောင်ပါစေ၊ ဤအောင်နိုင်သူတို့သည် ရူပါရုံများနှင့် ကင်းမဲ့နေမည် မဟုတ်ဘဲ၊ သူတို့၏ သက်သေခံချက်များတွင် ချွတ်ယွင်းခြင်းမရှိဘဲ သမ္မာတရားကို လက်တွေ့လုပ်ဆောင်ဆဲ ဖြစ်လိမ့်မည်။ သူတို့သည် နောက်ဆုံးတွင် ကြီးမားသည့် ဒုက္ခဆင်းရဲမှ ထွက်ပေါ်လာသည့်သူများ ဖြစ်လာလိမ့်မည်။ ဒုက္ခပင်လယ်တွင် ငါးဖမ်းသူများသည် ယနေ့တွင် အချောင်ရနိုင်သေးသော်လည်း၊ မည်သူတစ်ဦး တစ်ယောက်မျှ နောက်ဆုံးသော ဒုက္ခဆင်းရဲမှ လွှတ်မြောက်နိုင်မည် မဟုတ်ပေ။ မည်သူကမျှ နောက်ဆုံးသော စမ်းသပ်ခြင်းမှ လွှတ်မြောက်နိုင်မည် မဟုတ်။ အောင်နိုင်သည့် သူများအတွက် ထိုသို့သော ဆင်းရဲဒုက္ခသည် ကြီးမားသည့် စစ်ဆေးခြင်း ဖြစ်သော်လည်း ဒုက္ခပင်လယ်တွင် ငါးဖမ်းသူများအတွက်ကား၊ ထိုဒုက္ခဆင်းရဲသည် ရှင်းရှင်းသုတ်သင်သည့် အလုပ်ပင် ဖြစ်သည်။ သူတို့ မည်သို့ပင် ကြိုးစားစေကာမူ၊ စိတ်နှလုံးထဲတွင် ဘုရားသခင်ကို သစ္စာခံထားသည့် ထိုသူတို့သည် ပြောင်းလဲသွားခြင်း မရှိပေ။ စိတ်နှလုံးထဲတွင် ဘုရားသခင်မရှိသော ထိုသူများမူကား၊ ဘုရားသခင်၏ အလုပ်သည် သူတို့ဇာတိခန္ဓာအတွက် အကျိုးမပြုသည်နှင့် ဘုရားသခင်အပေါ် သူတို့၏အမြင်ကို ပြောင်းလဲကြပြီးနောက်၊ ဘုရားသခင်ထံမှပင် စွန့်ခွာကြသည်။ ဘုရားသခင်၏ ကောင်းချီးများကိုသာ ရှာဖွေပြီး ဘုရားသခင်အဘို့ အသုံးခံရန်နှင့် သူ့ထံတွင် သူတို့ကိုယ်သူတို့ ဆက်ကပ်ရန် ဆန္ဒမရှိသူတို့သည်၊ အဆုံးသတ်တွင် မားမားမတ်မတ် မရပ်နိုင်မည့်လူများ ဖြစ်ကြသည်။ ဘုရားသခင်၏အလုပ် အဆုံးသတ်သို့ ရောက်လာသည့်အချိန်တွင်၊ ထိုကဲ့သို့ ယုတ်ညံ့သော သူများသည် နှင်ထုတ်ခံရမည်ဖြစ်ပြီး၊ စာနာထောက်ထားခြင်းလည်း တစ်စက်မျှ မထိုက်တန်သူများ ဖြစ်ကြသည်။ လူ့သဘာဝ မရှိသူများသည် ဘုရားသခင်ကို အမှန်တကယ် မချစ်နိုင်ကြပေ။ ပတ်ဝန်းကျင်က လုံခြုံပြီး စိတ်ချရသောအခါ၊ သို့မဟုတ် သူတို့ အကျိုးအမြတ် ရရှိနိုင်သည့်အခါတွင် သူတို့သည် ဘုရားသခင်ကို လုံးဝ နာခံကြပါသော်လည်း၊ သူတို့လိုအင်သည် အပေးအယူရှိပြီး သို့မဟုတ် ငြင်းဆန်ခြင်းခံရသည့်အခါတွင်၊ သူတို့ချက်ချင်းပင် ပုန်ကန်ကြသည်။ တစ်ညတာ အချိန်အတွင်းလေးတွင်ပင်၊ သူတို့သည် ပြုံးရွှင်နေသည့် “စိတ်နှလုံးကောင်း” ပုဂ္ဂိုလ်အဖြစ်မှ ကြည့်ရဆိုးသော ရက်စက်ကြမ်းကြုတ်သည့် လူသတ်သမား အဖြစ်သို့ ပြောင်းလဲသွားပြီး၊ ယုတ္တိမရှိ သို့မဟုတ် အကြောင်းပြချက်မရှိဘဲ၊ မနေ့က သူတို့၏ ကျေးဇူးရှင်အဖြစ် ဆက်ဆံသူကို ရုတ်တရက်ပင် သူတို့ အသေအကြေတိုက်မည့် ရန်သူအဖြစ် ဆက်ဆံသည်။ မျက်စိတစ်မှိတ်အတွင်း သတ်ဖြတ်နိုင်သည့် ဤနတ်ဆိုးများကို မနှင်ထုတ်လျှင်၊ သူတို့သည် နောက်ထပ် ဝေဒနာခံစားရစေမည့် အရင်းအမြစ်ဖြစ်လာမည် မဟုတ်လော။ သိမ်းပိုက်ခြင်း အမှုအဆုံးသတ်နောက်တွင် လူသားကို ကယ်တင်ခြင်း အမှုကို နောက်ဆက်တွဲ ရရှိမည် မဟုတ်ပါ။ သိမ်းပိုက်ခြင်း အမှုက အဆုံးသတ်သို့ ရောက်လာပါသော်လည်း၊ လူသားကို သန့်စင်စေသည့် အမှုက အဆုံးမသတ်သေးပေ။ လူသားသည် အပြည့်အဝ သန့်စင်လာသည့်အခါ၊ ဘုရားသခင်ကို အမှန်တကယ် ဆက်ကပ်သူများ စုံလင်ခြင်းသို့ ရောက်ရှိပြီး၊ စိတ်နှလုံးထဲတွင် ဘုရားသခင် မရှိသည့် အယောင်ဆောင်များ ထုတ်ပယ်ခြင်းခံသည့်အခါမှသာ၊ လူသားကို သန့်စင်စေသည့် အမှုက ပြီးမြောက်ခြင်းသို့ ရောက်ရှိလာလိမ့်မည်။ ဘုရားသခင်အလုပ်၏ နောက်ဆုံးအဆင့်တွင် သူ့အားကျေနပ်မှု မပေးနိုင်သူများသည် လုံးဝ သုတ်သင်ခြင်း ခံရမည်ဖြစ်ပြီး၊ ထိုသို့ သုတ်သင်ခြင်း ခံရသည့် ထိုသူများသည် နတ်ဆိုး၏ လူများဖြစ်ကြသည်။ သူတို့သည် ဘုရားသခင်ကို ကျေနပ်မှု မပေးနိုင်သဖြင့်၊ သူတို့သည် ဘုရားသခင်ကို ပုန်ကန်ကြသည်။ ထိုသူတို့သည် ယနေ့တွင် ဘုရားသခင်နောက် လိုက်နေပါသော်လည်း၊ သူတို့သည် နောက်ဆုံးအထိ တည်ရှိနေမည့်သူများဟု သက်သေမပြပါ။ “ဘုရားသခင်နောက်တော်သို့ အဆုံးတိုင် လိုက်သောသူသည် ကယ်တင်ခြင်းကို ရရှိလိမ့်မည်” ဟူသော နှုတ်ကပတ်တော်ထဲတွင် “နောက်တော်လိုက်ခြင်း” ၏ အဓိပ္ပာယ်မှာ ဒုက္ခဆင်းရဲ အလယ်တွင် မားမားမတ်မတ် ရပ်တည်ခြင်းပင်ဖြစ်သည်။ ယနေ့တွင်၊ လူများစွာတို့သည် ဘုရားသခင်နောက်သို့ လိုက်ခြင်းက လွယ်ကူသည်ဟု ထင်ကြသည်၊ သို့ရာတွင် ဘုရားသခင်၏ အလုပ်အဆုံးသတ်ခါနီးတွင်၊ “နောက်တော်သို့လိုက်ခြင်း”၏ အဓိပ္ပာယ်အမှန်ကို သင်သိလာလိမ့်မည်။ သင်သည် သိမ်းပိုက်ခြင်းခံရပြီးနောက် ယနေ့တွင် ဘုရားသခင်နောက်သို့ လိုက်နိုင်သေးခြင်းက၊ သင်သည် စုံလင်အောင် ပြုလုပ်ခြင်းခံရမည့် လူအများထဲမှ တစ်ဦးဖြစ်သည်ဟု သက်သေမပြပေ။ စမ်းသပ်မှုများကို မခံနိုင်သည့် သူများ၊ ဒုက္ခဆင်းရဲ၏ အလယ်တွင် အောင်နိုင်ခြင်း မရှိသူများသည် နောက်ဆုံးတွင် မားမားမတ်မတ် ရပ်တည်မနေနိုင်ဘဲ၊ ဘုရားသခင်နောက်သို့ အဆုံးတိုင်အောင် လိုက်လျှောက်နိုင်မည် မဟုတ်ပေ။ ဘုရားသခင်နောက်သို့ အမှန်တကယ်လိုက်လျှောက်သူများသည် သူတို့အလုပ်၏ စမ်းသပ်မှုကို ခံနိုင်ရည် ရှိကြသည်၊ သို့ရာတွင် ဘုရားသခင်နောက်သို့ အမှန်တကယ် မလိုက်လျှောက်သူများသည် ဘုရားသခင်၏ မည်သည့် စစ်ဆေးမှုများကိုမဆို ခံနိုင်စွမ်းရည် မရှိကြပေ။ အနှေးနှင့် အမြန်ပင် သူတို့သည် ထုတ်ပယ်ခြင်း ခံရကြလိမ့်မည်။ ထိုအချိန်တွင် အောင်နိုင်သူများက နိုင်ငံတော်တွင် တည်ရှိနေလိမ့်မည်။ လူသားက ဘုရားသခင်ကို အမှန်တကယ် ရှာဖွေသည် သို့မဟုတ် မရှာဖွေသည်ကို သူ့အလုပ်၏ စစ်ဆေးမှုအားဖြင့် (ဆိုလိုသည်မှာ ဘုရားသခင်၏ စစ်ဆေးမှုများဖြင့်) ဆုံးဖြတ်ပေးပြီး လူက မိမိကိုယ်တိုင် ချမှတ်သည့် ဆုံးဖြတ်ချက်နှင့် လားလားမျှ မသက်ဆိုင်ပေ။ ဘုရားသခင်သည် စိတ်ကူးပေါက်ရာဖြင့် မည်သူတစ်ဦးတစ်ယောက်ကိုမျှ မငြင်းပယ်ပေ။ သူလုပ်ဆောင်သည့် အလုံးစုံမှာ လူသားက အကြွင်းမဲ့ ယုံကြည်ကောင်း ယုံကြည်လာစေရန်သာ ဖြစ်သည်။ သူသည် လူသားက မမြင်နိုင်သည့် မည်သည့်အရာကိုမျှ၊ သို့မဟုတ် လူသားက မယုံကြည်နိုင်သည့် မည်သည့်အလုပ်ကိုမျှ မလုပ်ဆောင်ပါ။ လူသား၏ ယုံကြည်ခြင်းက မှန်သည် သို့မဟုတ် မမှန်သည်ကို ဖြစ်ရပ်မှန်များအားဖြင့် သက်သေပြသည်၊ လူသားအနေဖြင့် မဆုံးဖြတ်နိုင်ပါ။ “ဂျုံစပါးပင်ကို ပေါင်းပင်များ အဖြစ်သို့ မပြုလုပ်နိုင်သကဲ့သို့၊ ပေါင်းပင်များကိုလည်း ဂျုံစပါးပင်အဖြစ်သို့ မပြုလုပ်နိုင်ပါ” ဆိုသည်မှာ ယုံမှားဖွယ်ရာ မရှိပေ။ ဘုရားသခင်ကို အမှန်တကယ် ချစ်မြတ်နိုးသူများအားလုံးသည် နောက်ဆုံးတွင် နိုင်ငံတော်အတွင်း တည်ရှိနေလိမ့်မည်ဖြစ်ပြီး၊ ဘုရားသခင်သည် သူ့အားအမှန်တကယ် ချစ်မြတ်နိုးသည့် မည်သူကိုမဆို နှိပ်စက်မည် မဟုတ်ပါ။ သူတို့၏ မတူညီသည့် လုပ်ဆောင်မှုများနှင့် သက်သေခံချက်များကို အခြေခံပြီး၊ နိုင်ငံတော်အတွင်းရှိ အောင်နိုင်သူများက ယဇ်ပရောဟိတ်များ သို့မဟုတ် နောက်လိုက်များအဖြစ် အစေခံကြလိမ့်မည်။ ဒုက္ခဆင်းရဲအလယ်တွင် အောင်နိုင်သူများက နိုင်ငံတော်ထဲတွင် ယဇ်ပရောဟိတ်များအဖွဲ့ ဖြစ်လာလိမ့်မည်။ စကြဝဠာ တစ်လျှောက်တွင် ဧဝံဂေလိတရားအလုပ် ပြီးဆုံးသည့် အချိန်တွင်၊ ယဇ်ပရောဟိတ်များအဖွဲ့ ပေါ်ပေါက်လာမည်။ ထိုအချိန်ရောက်လျှင်၊ လူကလုပ်ရမည်မှာ ဘုရားသခင်၏ နိုင်ငံတော်အတွင်း သူ၏တာဝန်ကို ထမ်းဆောင်ရန်နှင့် ဘုရားသခင်နှင့်အတူ နိုင်ငံတော်အတွင်း အတူနေထိုင်ရန်ဖြစ်သည်။ ယဇ်ပရောဟိတ်များ အဖွဲ့တွင် ယဇ်ပရောဟိတ် အကြီးအကဲများနှင့် ယဇ်ပရောဟိတ်များ ပါဝင်မည်ဖြစ်ပြီး၊ ကျန်ရှိသူများက ဘုရားသခင်၏ လူများနှင့် သားများ ဖြစ်လိမ့်မည်။ ဤအရာအားလုံးကို ဒုက္ခဆင်းရဲ ကြီးစွာခံစားရသည့်အချိန်တွင် ဘုရားသခင်ထံသို့ သူတို့ သက်သေခံသည့်အပေါ်တွင် ဆုံးဖြတ်ပေးခဲ့ခြင်းဖြစ်သည်။ ယင်းတို့သည် စိတ်ကူးတည့်ရာ ပေးသည့် ဂုဏ်ပုဒ်များ မဟုတ်ပေ။ လူ၏ အခြေအနေသည် အခြေကျသည်နှင့် တစ်ပြိုင်နက်၊ ဘုရားသခင်၏ အလုပ်သည် ရပ်ဆိုင်းသွားမည် ဖြစ်သည်၊ အကြောင်းမှာ တစ်ယောက်စီကို သူတို့၏ အမျိုးအစားအတိုင်း အဆင့်ခွဲထားပြီး သူတို့၏ မူလအနေအထားကို ပြန်လည် ရောက်ရှိသွားသောကြောင့် ဖြစ်ကာ၊ ယင်းသည် ဘုရားသခင်အလုပ် အောင်မြင်ခြင်း၏ အမှတ်အသားဖြစ်သည်။ ဤကား ဘုရားသခင် အလုပ်၏ နောက်ဆုံးရလဒ်ဖြစ်ပြီး လူသား၏ လက်တွေ့လုပ်ဆောင်မှုဖြစ်သည်။ ဘုရားသခင်အလုပ်၏ ရူပါရုံများနှင့် လူသား၏ ပူးပေါင်းလုပ်ဆောင်မှုအား ပုံဆောင်မှုလည်းဖြစ်သည်။ အဆုံးမှာတော့၊ လူသားသည် ဘုရားသခင်၏ နိုင်ငံတော်တွင် အနားယူမှုကို တွေ့ရှိလိမ့်မည်၊ ဘုရားသခင်သည်လည်း သူ၏ကျိန်းဝပ်ရာအရပ်သို့ အနားယူရန် ပြန်သွားလိမ့်မည်။ ဤကား အနှစ် ၆၀၀၀ ကျော် ဘုရားသခင်နှင့် လူသားအကြား ပူးပေါင်းဆောင်ရွက်မှု၏ နောက်ဆုံးရလဒ် ဖြစ်သည်။

ယခင်က:ဘုရားသခင် ကိန်းဝပ်သော ဇာတိခန္ဓာ၏ အနှစ်သာရ

နောက်တစ်ခုသို့:ခရစ်တော်၏ဂုဏ်ဒြပ်မှာ ကောင်းကင်ဘုံ၌ ရှိတော်မူသော အဖဘုရားသခင်၏ အလိုတော်ကိုဆောင်ခြင်း ဖြစ်သည်

သင်နှစ်သက်နိုင်သည့် အရာများ