၁။ အန္တိခရစ်များသည် လူတို့၏စိတ်နှလုံးများကို ထိန်းချုပ်၏

ယနေ့တွင် အန္တိခရစ်တို့၏ အမျိုးမျိုးသော သရုပ်သကန်များ၏ ဆယ့်သုံးခုမြောက်အချက်ဖြစ်သည့် ၎င်းတို့သည် လူတို့၏ စိတ်နှလုံးကို ထိန်းချုပ်သည့်အပြင် အသင်းတော်၏ ဘဏ္ဍာရေးကိုလည်း ထိန်းချုပ်သည်ဟူသည့်အချက်ကို ငါတို့ မိတ်သဟာယပြုကြစို့။ အန္တိခရစ်တို့၏ များစွာကွဲပြားသည့် သရုပ်သကန်များမှ အကဲဖြတ်ရလျှင် ဤအချက်များထဲမှ တစ်ခုစီတိုင်းသည် သမ္မာတရားကို အလွန်အမင်း မနှစ်မြို့သည့်၊ ရက်စက်ကြမ်းကြုတ်သည့်၊ ကောက်ကျစ်ဆိုးယုတ်သည့် ၎င်းတို့၏ စိတ်သဘောထားနှင့် အနှစ်သာရတို့ကို ဆက်စပ်နေသည်။ ဆယ့်သုံးခုမြောက်အချက်သည်လည်း ခြွင်းချက် မဟုတ်ပေ။ “၎င်းတို့သည် လူတို့၏ စိတ်နှလုံးကို ထိန်းချုပ်သည့်အပြင် အသင်းတော်၏ ဘဏ္ဍာရေးကိုလည်း ထိန်းချုပ်သည်” ဟူသည့် ဤသရုပ်သကန်အပေါ် အခြေခံ၍ အန္တိခရစ်တို့သည် ရည်မှန်းချက်ကြီးသည်သာမက လောဘလည်းကြီးကြောင်း သင်တွေ့မြင်နိုင်သည်။ ၎င်းတို့သည် မိမိတို့၏ စိတ်နှလုံးအတွင်း၌ လိုအပ်ချက်များစွာကို သိုဝှက်ထားကြသည်။ ဤလိုအပ်ချက်များသည် တရားနည်းလမ်းကျသလော။ (မကျပါ။) လူတို့၏ စိတ်နှလုံးကို ထိန်းချုပ်ခြင်းသည် အပြုသဘောဆောင်သည့်အရာတစ်ခု ဖြစ်သလော။ သိသာထင်ရှားစွာပင် ယင်းသည် အပြုသဘောဆောင်သော အရာတစ်ခု မဟုတ်သည်ကို “ထိန်းချုပ်သည်” ဟူသော စကားလုံးမှ မြင်နိုင်၏။ မည်သည့်ရှုထောင့်၌ ယင်းသည် အပြုသဘောမဆောင်သနည်း။ ထိန်းချုပ်ခြင်းကို ကျင့်သုံးသည်မှာ အဘယ်ကြောင့် မှားသနည်း။ သင်တို့သည် လူတို့၏ စိတ်နှလုံးကို ထိန်းချုပ်လိုသလော။ (အလိုမရှိပါ)။ သင်တို့ ထိုသို့လုပ်ဆောင်လိုခြင်း မရှိသော်ငြားလည်း ထိုနည်းအတိုင်း မလုပ်ဆောင်ဘဲ မနေနိုင်သည့် အချိန်များ ရှိလိမ့်မည်။ ဤသည်ကို “စိတ်သဘောထား” ဟု ခေါ်သည်။ ဤသည်ကို “အနှစ်သာရ” ဟု ခေါ်သည်။ အန္တိခရစ်တို့က လူတို့၏ စိတ်နှလုံးကို ထိန်းချုပ်ခြင်းသည် တရားနည်းလမ်းကျသော လိုအပ်ချက်တစ်ခု မဟုတ်သကဲ့သို့ မျှတပြီး ကျိုးကြောင်းဆီလျော်ခြင်းလည်း မဟုတ်ပေ။ ယင်းမှာ အပျက်သဘောဆောင်သည့် အရာတစ်ခု ဖြစ်သည်။ “လူတို့၏ စိတ်နှလုံးကို ထိန်းချုပ်သည်” ဟူသည်မှာ မည်သည့်အရာကို ဆိုလိုသနည်း။ လူတို့၏ စိတ်နှလုံးကို ထိန်းချုပ်ခြင်းသည် စိတ်ကူးသက်သက် မဟုတ်ပေ။ ထိုအစား ယင်းမှာ သတ်သတ်မှတ်မှတ်ဖြစ်သော နည်းလမ်းများ၊ ကျင့်ကြံမှုနှင့် ဘာသာစကားတို့အပြင် သတ်သတ်မှတ်မှတ်ဖြစ်သော အတွေးအခေါ်များ၊ အမြင်ရှုထောင့်များ၊ ရည်ရွယ်ချက်များနှင့် စေ့ဆော်မှုများဖြင့် အတော်အတန် ခိုင်မာတိကျပြီး သတ်သတ်မှတ်မှတ်ဖြစ်သည့် အရာတစ်ခု ဖြစ်သည်။ ဤသို့ဖြစ်သဖြင့် အန္တိခရစ်တို့က လူတို့၏ စိတ်နှလုံးကို ထိန်းချုပ်ခြင်း၏ ခိုင်မာတိကျသော သရုပ်သကန်များမှာ အဘယ်နည်း။ ပြီးလျှင် ဤထိန်းချုပ်မှုကို အတိအကျ မည်သို့ အဓိပ္ပာယ်ဖွင့်ဆိုသနည်း။ (အခြားသူတို့၏ အသိအမှတ်ပြုခြင်းနှင့် အထင်ကြီးလေးစားမှုကို ရယူရန်နှင့် အခြားသူများကို အထင်အမြင် မှားစေခြင်းဟူသည့် ပန်းတိုင်ကို ဖြစ်မြောက်အောင်မြင်စေရန်အလို့ငှာ အပြင်ပန်း ဆင်းရဲဒုက္ခခံခြင်းနှင့် အဖိုးအခပေးခြင်းကဲ့သို့သော ပြသမှုများကို အသုံးပြုခြင်းအားဖြင့် ဖြစ်ပါသည်။) အန္တိခရစ်တို့သည် လူတို့၏ မျက်နှာသာပေးမှုကို ရရှိရန် သတ်သတ်မှတ်မှတ်ဖြစ်သော ကျင့်ကြံမှုနှင့် သရုပ်သကန် အမျိုးအစားများကို အသုံးပြုကြပြီး ထိုသို့ဖြင့် လူတို့၏ စိတ်နှလုံးထဲ၌ နေရာတစ်ခုကို ရယူကာ လူတို့ကို ၎င်းတို့အား အထင်ကြီးလေးစားစေသည်။ အန္တိခရစ်တို့က အခြားသူတို့၏ အထင်ကြီးလေးစားမှုကို ရရှိသည့်အခါ ဤရလဒ်သည် သဘာဝအားဖြင့် လူများကို အထင်အမြင်မှားစေခြင်းဟူသည့် ရလဒ်တစ်ခု ဖြစ်သည်။ သို့သော် ၎င်းတို့၏ စိတ်နှလုံးထဲတွင် အခြားသူများကို အထင်အမြင်မှားစေရန် ဤနည်းလမ်းများကို အသုံးပြုခြင်းသည် အန္တိခရစ်တို့၏ ခံစားချက်အရဖြစ်သော ဆန္ဒ အမှန်တကယ် မဟုတ်ပေ။ ၎င်းတို့ လိုချင်သည့်အရာမှာ အထင်ကြီးလေးစားခံရရန် ဖြစ်သည်။ ယင်းမှာ ၎င်းတို့၏ ရည်မှန်းချက် ဖြစ်သည်။ အခြားအရာ တစ်ခုခု ရှိသေးသလော။ (အန္တိခရစ်တို့သည် လူများကို အထင်အမြင်မှားစေရန်နှင့် မိမိတို့ဘက်ပါအောင် ဆွဲဆောင်သိမ်းသွင်းရန် အသေးအဖွဲ ကူညီမှုများကို အသုံးပြုကြပြီး အခြားသူတို့ကို ၎င်းတို့အား အထင်ကြီးလေးစားကာ အားကျစေရန်နှင့် ၎င်းတို့၏ အမိန့်များကို နာခံစေရန်၊ လူများကို မိမိတို့ဘက်ပါအောင် စည်းရုံးခြင်းနှင့် ၎င်းတို့အပေါ် ထိန်းချုပ်မှု ရယူခြင်းဟူသည့် ၎င်းတို့၏ ပန်းတိုင်သို့ ရောက်ရှိစေရန်အလို့ငှာ မိမိတို့၏ ကိုယ်ပိုင် လုပ်နိုင်စွမ်းများနှင့် ဆုကျေးဇူးများကို ကြွားဝါကြပါသည်။) ဤသည်မှာ ရှုထောင့်တစ်ခု ဖြစ်သည်။ (အန္တိခရစ်တို့သည် ဝိညာဉ်ရေးရာပြည့်ဝဟန် ဟန်ဆောင်ကြပါသည်။ ၎င်းတို့သည် ပြုပြင်ခြင်းခံရသည့်အခါ ယင်းကို နားလည်ရန် ပျက်ကွက်ကြသည့်တိုင် နားလည်ပြီးဖြစ်ဟန်နှင့် နာခံနိုင်ဟန် ဟန်ဆောင်ကြသည်။ ထိုသို့ဖြင့် အခြားသူတို့က ၎င်းတို့သည် သမ္မာတရားကို စိတ်အားထက်သန်စွာ လိုက်စားနေကြကြောင်းနှင့် ဝိညာဉ်ရေးရာ နားလည်သဘောပေါက်မှု အတော်အတန် များပြားကြောင်း ခံစားရလိမ့်မည်။ အခြားလူများကို ၎င်းတို့အား အထင်ကြီးလေးစားပြီး အားကျစေခြင်းဟူသည့် ရလဒ်ကို ဖြစ်မြောက်အောင်မြင်စေရန်အလို့ငှာ ၎င်းတို့သည် မိမိတို့ကိုယ်ကို သမ္မာတရားကို လိုက်စားပြီး နားလည်သော လူများအဖြစ် ဟန်ဆောင်ကြပါသည်)။ ဤသည်မှာ နောက်ထပ် သွင်ပြင်လက္ခဏာတစ်ခု ဖြစ်သည်။ အန္တိခရစ်တို့သည် မိမိတို့ မည်မျှ ဝိညာဉ်ရေးရာပြည့်ဝကြောင်းနှင့် သမ္မာတရားကို လိုက်စားပြီး ကျိုးနွံနာခံနိုင်ကြောင်း အခြားသူများကို အစဉ်အမြဲ မြင်စေလိုကြသည်။ အမှန်တကယ်တွင် ၎င်းတို့သည် အနည်းငယ်မျှသော နားလည်သဘောပေါက်မှုကိုမျှ မပိုင်ဆိုင်ကြသော်လည်း အခြားသူတို့ကို ၎င်းတို့အား လေးစားပြီး အထင်ကြီးစေရန်အလို့ငှာ ဝိညာဉ်ရေးရာပြည့်ဝသော လူတစ်ဦး၏ အပေါ်ယံရုပ်သွင်ကို ဟန်ဆောင်နေဆဲ ဖြစ်သည်။ ၎င်းတို့သည် လူတို့၏ စိတ်နှလုံးကို ထိန်းချုပ်ရန် ထိုသို့သော နည်းလမ်းများကို အသုံးပြုကြသည်။ နောက်ထပ်ရှိသေးသလော။ (အန္တိခရစ်တို့သည် မိမိတို့ကိုယ်ကို ကြွားဝါရန်နှင့် ဂုဏ်တင်ရန် စကားလုံးများနှင့် အယူဝါဒများအကြောင်း ပြောဆိုကြသည်။ ထိုသို့ဖြင့် အခြားသူတို့က ၎င်းတို့သည် သမ္မာတရားကို နားလည်ပြီး ဝိညာဉ်ရင့်ကျက်မှုကို ပိုင်ဆိုင်သည်ဟု ထင်မှတ်ကာ ၎င်းတို့အား လေးစားပြီး ကိုးကွယ်၍ နာခံကြပါသည်။ ဤနည်းလမ်းများအားဖြင့် ၎င်းတို့သည် လူများကို ထိန်းချုပ်လာကြပါသည်။) ဤသည်မှာ ခိုင်မာတိကျသော သရုပ်သကန်တစ်ခု ဖြစ်သော်လည်း “၎င်းတို့သည် စကားလုံးများနှင့် အယူဝါဒများအကြောင်း ပြောဆိုကြသည်” ဟု ဆိုခြင်းမှာ လုံးလုံးလျားလျား သင့်လျော်ခြင်း မရှိပေ။ အန္တိခရစ်တို့သည် ၎င်းတို့က စကားလုံးများနှင့် အယူဝါဒများအကြောင်း ပြောဆိုနေကြကြောင်း သတိမပြုမိကြပေ။ ၎င်းတို့ ပြောဆိုသည့်အရာများသည် လက်တွေ့ကျမှုဖြစ်ကြောင်း၊ မြင့်မားသော သဘောတရားများနှင့် တရားဒေသနာများဖြစ်ကြောင်း ၎င်းတို့ ယုံကြည်ကြပြီး ဤအရာများကို လူများကို အထင်အမြင်မှားစေရန် ၎င်းတို့ အသုံးပြုကြသည်။ ၎င်းတို့ပြောဆိုနေသည်မှာ စကားလုံးများနှင့် အယူဝါဒများဖြစ်ကြောင်း အန္တိခရစ်တို့ သိရှိခဲ့လျှင် ၎င်းတို့သည် ယင်းတို့အကြောင်း ပြောဆိုခြင်းကို ရပ်တန့်လိုက်မည်ဖြစ်သည်။ အခြားအရာ တစ်ခုခု ရှိသေးသလော။ (အန္တိခရစ်တို့သည် စည်းမျဉ်းများကို မျက်နှာပြောင်တိုက်၍ ဆန့်ကျင်ကြပြီး ၎င်းတို့၌ရှိသော အာဏာနှင့် ဟုတ်မှန်သယောင်ရှိသော်လည်း စင်စစ်မှားယွင်းနေသော ဝိညာဉ်ရေးရာ သဘောတရားများကို အသုံးပြု၍ လူတိုင်း၏ ယုံကြည်ကိုးစားမှုကို လိမ်လည်လှည့်ဖြားကာ ရယူကြပြီး ထိုသို့ဖြင့် လူတို့အပေါ် ထိန်းချုပ်မှု ရယူခြင်းဟူသည့် ၎င်းတို့၏ ပန်းတိုင်သို့ ရောက်ရှိကြပါသည်။) (အန္တိခရစ်တို့သည် ဘုရားသခင် ရွေးချယ်ထားသော လူတို့၏ အထက်နှင့် ဆက်သွယ်မှုကို ဖြတ်တောက်ကြပါသည်။ ၎င်းတို့သည် အလုပ် အစီအစဉ်များကို မဆောင်ရွက်ကြဘဲ မိမိတို့၏ စီရင်ပိုင်ခွင့်အတွင်း၌ အကြွင်းမဲ့အာဏာကို ဆုပ်ကိုင်ထားကြကာ မိမိတို့၏ ကိုယ်ပိုင်နယ်မြေများကို တည်ထောင်ရန်နှင့် လူများကို ထိန်းချုပ်ရန် ကြိုးစားကြပါသည်)။ ဤသည်မှာလည်း ခိုင်မာတိကျသော သရုပ်သကန်တစ်ခု ဖြစ်သည်။ ပို၍ သင့်လျော်စွာ ပြောရလျှင် ၎င်းတို့သည် အထက်ကို လှည့်ဖြားသည်၊ မိမိတို့၏ လက်အောက်ငယ်သားများထံမှ အမှုအရာများကို ဖုံးကွယ်သည်၊ ပြီးလျှင် လူတို့၏ မျက်နှာသာပေးမှုကို ရယူရန် ကြိုးစားကြသည်၊ အခြားသူတို့ကို စစ်မှန်သော အခြေအနေကို မြင်ခွင့်မပေးဘဲ ၎င်းတို့၏ ယုံကြည်မှုကို လိမ်လည်လှည့်ဖြားကာ ရယူကြသည်။ ထိုသို့ဖြင့် လူတို့၏ စိတ်နှလုံးကို ထိန်းချုပ်ခြင်းဟူသည့် ၎င်းတို့၏ ပန်းတိုင်သို့ ရောက်ရှိကြလေ၏။ အထက်ကို လှည့်စားပြီး မိမိတို့၏ အောက်မှလူများထံမှ အမှုအရာများကို ကွယ်ဝှက်ထားခြင်း၌ ၎င်းတို့၏ ရည်ရွယ်ချက်မှာ အထက်နှင့် ညီအစ်ကိုမောင်နှမများအား ၎င်းတို့နှင့်ပတ်သက်သည့် အမှန်တရားကို သိမြင်ခြင်းမှ ဟန့်တားရန်ဖြစ်သည်။ ဤသို့ဖြင့် အထက်နှင့် ညီအစ်ကိုမောင်နှမများသည် ၎င်းတို့အပေါ် ယုံကြည်ကိုးစားကာ အဆုံးတွင် ညီအစ်ကိုမောင်နှမများသည် ၎င်းတို့ကိုသာ ကိုးကွယ်ရန် လာရောက်ကြပြီး ထို့နောက်တွင် လူများ၏ စိတ်နှလုံးကို ထိန်းချုပ်ရန်ဖြစ်သည့် ၎င်းတို့၏ ပန်းတိုင်ကို ဆိုက်ရောက်မည်ဖြစ်သည်။ ရှိသေးသလော။ (အန္တိခရစ်တို့သည် မှန်သယောင်ထင်ရသော စည်းမျဉ်းစည်းကမ်းများကို လူတို့လိုက်နာစောင့်ထိန်းရန် ချမှတ်ပေးပြီး သမ္မာတရားကို အစားထိုးရန် ယင်းတို့ကို အသုံးပြုလေသည်။ ဤသို့ဖြင့် စည်းမျဉ်းစည်းကမ်းများကို ပုံသေစောင့်ထိန်းခြင်းသည် သမ္မာတရားကို လက်တွေ့လုပ်ဆောင်ခြင်းနှင့် တူညီသည်ဟု ယုံကြည်လာလေသည်။ ဤနည်းလမ်းများအားဖြင့် အန္တိခရစ်တို့သည် လူတို့၏ စိတ်နှလုံးထဲတွင် နေရာရကာ လူတို့ကို ၎င်းတို့၏ ရှေ့မှောက်သို့ ဦးဆောင်လမ်းပြနိုင်ပေသည်။) လူတို့က သူတို့ကို နားထောင်စေရန်အလို့ငှာ မိမိတို့ကိုယ်ကို ဝိညာဉ်ရေးရာပြည့်ဝသူများအဖြစ်၊ သမ္မာတရားကို နားလည်သူများအဖြစ် ပုံမှားရိုက်လျက် သမ္မာတရား စည်းမျဉ်းများကို အစားထိုးရန်အတွက် အန္တိခရစ်တို့က စည်းကမ်းများနှင့် စည်းမျဉ်းစည်းကမ်းများ တစ်ပုံတစ်ခေါင်းကို ချမှတ်ခြင်းအဖြစ် ဤအရာကို သရုပ်ဖော်သင့်သည်။ ဤနည်းဖြင့် သူတို့သည် လူတို့၏စိတ်နှလုံးကို ထိန်းချုပ်ခြင်းဟူသည့် သူတို့၏ပန်းတိုင်သို့ ဆိုက်ရောက်သွားကြလေသည်။ သူတို့ ချမှတ်ထားသော စည်းမျဉ်းများက အသင်းတော်အသက်တာအတွက်နှင့် လူများအနေဖြင့် ၎င်းတို့၏ တာဝန်များကို ဖြည့်ဆည်းခြင်းအတွက် အကျိုးပြုပါက ယင်းတို့သည် သမ္မာတရား အခြေခံသဘောတရားများကို မဆန့်ကျင်သည့်အပြင် ဘုရားသခင့်အိမ်တော်၏ အကျိုးစီးပွားများကိုလည်း မထိခိုက်မနစ်နာစေပါက ယင်းနှင့်ပတ်သက်၍ အမှားမရှိပေ။ အသင်းတော်အတွင်းရှိ အမျိုးမျိုးသော လူအမျိုးအစားများကို ကိုင်တွယ်ဖြေရှင်းရာ၌ သမ္မာတရားကို မိတ်သဟာယပြုခြင်းအပြင် လူတို့ကို ထိန်းထားဖို့ စီမံအုပ်ချုပ်ရေးဆိုင်ရာ အမိန့်အချို့ကို ချမှတ်ထားရန် လိုအပ်သည်။ ဤစီမံအုပ်ချုပ်ရေးဆိုင်ရာ အမိန့်များက သမ္မာတရား အခြေခံသဘောတရားများကို မဆန့်ကျင်ဘဲ ထိုအစား လူတို့အတွက် အကျိုးဖြစ်ထွန်းစေပါက ယင်းတို့သည် အပြုသဘောဆောင်သော အရာများဖြစ်၏။ ပြီးလျှင် ဤသည်မှာ လူတို့၏ စိတ်နှလုံးကို ထိန်းချုပ်ခြင်း မဟုတ်ပေ။ ဤစည်းကမ်းများကို သမ္မာတရား စည်းမျဉ်းများအဖြစ် ပုံမှားရိုက်လျှင် ဤသည်မှာ ပြဿနာဖြစ်နေပေပြီ။ ထိုသို့ဆိုလျှင် အန္တိခရစ်များသည် လူတို့အတွက် အကျိုးဖြစ်ထွန်းစေပြီး သမ္မာတရား စည်းမျဉ်းများနှင့် ကိုက်ညီသည့် စည်းကမ်းများကို ဖန်တီးနိုင်ကြသလော။ (မဖန်တီးနိုင်ပါ။) ဤသည်ကို မည်သို့ ပြောဆိုသင့်ကြောင်း အကျဉ်းချုပ်ကြည့်ကြစို့။ (အန္တိခရစ်တို့သည် သမ္မာတရား စည်းမျဉ်းများနှင့် မကိုက်ညီသော စည်းကမ်းအချို့ကို ဖန်တီးကြပြီး လူတို့ကို ၎င်းတို့အား နာခံစေရန်နှင့် လူတို့၏ စိတ်နှလုံးကို ထိန်းချုပ်ခြင်းဟူသည့် ၎င်းတို့၏ ပန်းတိုင်ကို ရရှိစေရန် ဝိညာဉ်ရေးရာပြည့်ဝနှင့် သမ္မာတရားကို နားလည်ဟန် ဟန်ဆောင်ကြပါသည်။) ယင်းမှာ အတော်အတန် သင့်လျော်မှုရှိသည်။ နောက်ထပ်ရှိသေးသလော။ (အန္တိခရစ်တို့သည် မိမိတို့၏ လိမ္မာပါးနပ်မှုနှင့် ထိုးထွင်းသိမြင်မှုကို ပြသရန်နှင့် လူတို့ကို ၎င်းတို့အား လေးစားစေရန် အလွန်ပင် ကြားကောင်းသော စိတ်ကူးများကို တတွတ်တွတ် ပြောဆိုခြင်းကို နှစ်သက်ကြပါသည်။ ဥပမာအားဖြင့် လူတိုင်းသည် ကိစ္စရပ်တစ်ခုကို ဆွေးနွေးပြီးဖြစ်ကာ ယင်းနှင့်ပတ်သက်၍ မည်သို့လုပ်ဆောင်ရမည်ကို ဆုံးဖြတ်ပြီးသည့်နောက်တွင် အန္တိခရစ်တို့သည် အခြားသူတိုင်း၏ အကြံပြုချက်များကို ချေပရန် သဘောတရားတစ်စုံကို ထုတ်ပြောမည်ဖြစ်ပြီး လူတိုင်းကို ၎င်းတို့အား နားထောင်စေမည်ဖြစ်သည်။ အမှန်တကယ်တွင် ၎င်းတို့၏ အမြင်သည် အနည်းငယ်မျှပင် ပို၍ လိမ္မာပါးနပ်ခြင်း မရှိပေ။ ထို့နောက် အချိန်ကြာလာသည်နှင့်အမျှ ကိစ္စရပ်သည် မည်သည့်အရာပင် ဖြစ်ပါစေ မည်သူမျှ သမ္မာတရားကို မိတ်သဟာယဖွဲ့ဝံ့ခြင်း သို့မဟုတ် သမ္မာတရား စည်းမျဉ်းများကို ရှာဖွေဝံ့ခြင်း ရှိကြမည်မဟုတ်ဘဲ အန္တိခရစ်တို့ကို နောက်ဆုံး စီရင်ဆုံးဖြတ်ချက် ချမှတ်ခွင့်ပေးရမည်ဟု ခံစားရမည်ဖြစ်ကာ အဆုံးတွင် အန္တိခရစ်တို့သည် လူတို့ကို ထိန်းချုပ်ခြင်းဟူသည့် ၎င်းတို့၏ ပန်းတိုင်သို့ ရောက်ရှိကြမည်ဖြစ်ပါသည်။) အန္တိခရစ်တို့သည် အခြားသူတို့၏ အကြံပြုချက်များကို ချေပလျက်၊ မိမိတို့ကိုယ်ကို ကြွားဝါလျက်၊ အခြားသူတို့ကို ၎င်းတို့ အလွန် လိမ္မာပါးနပ်ကြောင်း ယုံကြည်စေလျက် အလွန် ကြားကောင်းသော စိတ်ကူးများကို အချိန်တိုင်း တတွတ်တွတ် ပြောဆိုကြပြီး ထိုသို့ဖြင့် အခြားလူများကို အထင်အမြင်မှားစေခြင်းနှင့် ထိန်းချုပ်ခြင်းဟူသည့် ၎င်းတို့၏ ပန်းတိုင်သို့ ရောက်ရှိကြပါသည်။ အန္တိခရစ်တို့က လူများကို ထိန်းချုပ်ခြင်းနှင့် အထင်အမြင်မှားစေခြင်းတို့၏ သရုပ်သကန်များအကြောင်းကို ငါတို့ ယခင်က များစွာ မိတ်သဟာယဖွဲ့ခဲ့ပြီးဖြစ်သည်။ အန္တိခရစ်တို့ ဤသည်ကို လုပ်ဆောင်သည့်အခါ များစွာကွဲပြားသော ပရိယာယ်များ၊ သရုပ်သကန်များနှင့် နည်းလမ်းများ ပါဝင်ပါသည်။ တစ်ခါတစ်ရံ ၎င်းတို့သည် လုပ်ရပ်များကို အသုံးပြုကြသည်၊ တစ်ခါတစ်ရံ ၎င်းတို့သည် စကားကို အသုံးပြုကြပြီး အခြားအချိန်များတွင်မူ ၎င်းတို့သည် လူများကို အထင်အမြင်မှားစေရန် ရှုထောင့်အမျိုးအစားတစ်ခုကို အသုံးပြုကြသည်။ အတိုချုပ်အားဖြင့် အန္တိခရစ်တို့ လုပ်ဆောင်သည့် ဤအရာများအားလုံး၏ နောက်ကွယ်တွင် ဖုံးကွယ်နေသော ပန်းတိုင်များ ရှိ၏။ ဤလုပ်ရပ်များထဲမှ တစ်ခုမျှသည် စင်ကြယ်ပြီး ပွင့်လင်းခြင်း မရှိသကဲ့သို့ တစ်ခုမျှသည် သမ္မာတရားနှင့် ကိုက်ညီခြင်း မရှိပေ။ ၎င်းတို့ လုပ်ဆောင်သမျှသည် လူများကို အထင်အမြင်မှားစေရန်နှင့် လူတို့ကို ၎င်းတို့အား အထင်ကြီးလေးစားပြီး ကိုးကွယ်စေရန်အလို့ငှာ ဖြစ်သည်။ အန္တိခရစ်တို့ အပြင်ပန်း ပြောဆိုပြီး လုပ်ဆောင်သမျှသည် အပေါ်ယံရုပ်သွင်များသာ ဖြစ်သည်။ ယင်းတို့အားလုံးသည် ကောင်းသော အမူအကျင့်ဖြစ်ပြီး လူတို့က ကောင်းသည်ဟု သတ်မှတ်သည့်အရာများ ဖြစ်သည်။ သို့သော် အမှန်တကယ်တွင် ဤအရာများ၏ အနှစ်သာရကို စုံစမ်းစစ်ဆေးခဲ့လျှင် အန္တိခရစ်တို့၏ လုပ်နည်းကိုင်နည်းများ နောက်ကွယ်ရှိ စေ့ဆော်မှုများနှင့် ရည်မှန်းချက်များသည် ပြောမထွက်နိုင်အောင် ဆိုးရွားကာ သမ္မာတရားနှင့် ဆန့်ကျင်ဘက်ဖြစ်သည်၊ ဘုရားသခင် စက်ဆုပ်ရွံရှာသောအရာများ ဖြစ်သည်ဟူသည်တို့မှာ ချွင်းချက်မရှိပေ။

လူတို့၏ စိတ်နှလုံးကို ထိန်းချုပ်ခြင်းဖြစ်သည့် ၎င်းတို့၏ လုပ်နည်းကိုင်နည်းမှ အကဲဖြတ်ရလျှင် အန္တိခရစ်တို့၏ လူ့သဘာဝသည် စက်ဆုပ်ဖွယ်ကောင်းပြီး တစ်ကိုယ်ကောင်းဆန်ကာ ၎င်းတို့၏ စိတ်သဘောထားသည် သမ္မာတရားကို အလွန်အမင်း မနှစ်မြို့သည့်၊ ကောက်ကျစ်ဆိုးယုတ်သည့်၊ ရက်စက်ကြမ်းကြုတ်သည့် စိတ်သဘောထား ဖြစ်သည်။ အန္တိခရစ်တို့သည် မိမိတို့၏ ရည်မှန်းချက်များကို စွမ်းဆောင်ရရှိရန် အရှက်ကင်းမဲ့စွာဖြင့် စက်ဆုပ်ဖွယ်ကောင်းပြီး လက်သီးပုန်းထိုးသော လှည့်ကွက် အမျိုးမျိုးကို အသုံးပြုကြသည်။ ဤသည်မှာ ၎င်းတို့၏ ကောက်ကျစ်ဆိုးယုတ်သော သဘာဝ၏ လက္ခဏာတစ်ရပ် ဖြစ်သည်။ ထို့အပြင် လူတို့သည် လိုလားသည်ဖြစ်စေ၊ မလိုလားသည်ဖြစ်စေ တစ်စက်မျှ ဂရုမစိုက်ဘဲ၊ ၎င်းတို့ကို အသိပေးခြင်း သို့မဟုတ် ၎င်းတို့၏ သဘောတူညီချက်ကို ရယူခြင်း မရှိဘဲ ၎င်းတို့သည် လူတို့ကို အစဉ် ထိန်းချုပ်လိုကြသည်၊ ကြိုးကိုင်ညွှန်ကြားကာ လွှမ်းမိုးလိုကြသည်။ လူတို့က မိမိတို့၏ စိတ်နှလုံးထဲ၌ တွေးတောပြီး တောင့်တသည့် အရာအားလုံးကို ၎င်းတို့၏ ကြိုးကိုင်ညွှန်ကြားမှုများအောက် ရောက်စေလိုကြသည်၊ လူတို့အား ၎င်းတို့ကို မိမိတို့၏ စိတ်နှလုံးထဲတွင် နေရာတစ်ခု ထားရှိစေလိုကြသည်၊ ၎င်းတို့ကို ကိုးကွယ်စေလိုကြသည်၊ အမှုအရာအားလုံးတွင် ၎င်းတို့ကို အထင်ကြီးစေလိုကြသည်။ ၎င်းတို့သည် လူတို့ကို မိမိတို့၏ စကားများနှင့် အမြင်ရှုထောင့်များဖြင့် ဘောင်ခတ်ပြီး လွှမ်းမိုးလိုကြသည့်အပြင် မိမိတို့၏ ကိုယ်ပိုင် လိုအင်ဆန္ဒများအပေါ် အခြေခံ၍ ၎င်းတို့ကို ကြိုးကိုင်ညွှန်ကြားကာ ထိန်းချုပ်လိုကြသည်။ ဤသည်မှာ မည်သို့သော စိတ်သဘောထားမျိုး ဖြစ်သနည်း။ ယင်းမှာ ရက်စက်ကြမ်းကြုတ်ခြင်း မဟုတ်လော။ ယင်းမှာ သင်၏လည်ပင်းကို ပါးစပ်ထဲတွင် ခဲထားသော ကျားတစ်ကောင်ကဲ့သို့ပင် ဖြစ်သည်။ သင်သည် အသက်ရှူရန်နှင့် ရုန်းကန်လှုပ်ရှားရန် မည်မျှပင် ကြိုးစားရုန်းကန်စေကာမူ သင်အလိုရှိသည့်အတိုင်း မလုပ်ဆောင်နိုင်ဘဲ ထိုအစား သင်သည် ၎င်း၏ ကြောက်မက်ဖွယ် ပါးစပ်၏ ခိုင်မြဲသော၊ သေလောက်စေသော ချုပ်ကိုင်မှုအောက်တွင် ရှိနေသည်။ သင်သည် မည်မျှပင် ရုန်းကန်လွတ်မြောက်ရန် ကြိုးစားစေကာမူ မလွတ်မြောက်နိုင်ပေ ပြီးလျှင် ကျားအား ၎င်း၏ မေးရိုးကို ဖြေလျော့ပေးရန် သင်အသနားခံသော်လည်း ယင်းမှာ မဖြစ်နိုင်ပေ၊ ဆွေးနွေးညှိနှိုင်း၍ အကျိုးမရှိပေ။ အန္တိခရစ်တို့တွင် ထိုသို့သော စိတ်သဘောထားမျိုး ရှိလေသည်။ သင်သည် ၎င်းတို့နှင့် ဆွေးနွေးပြီး “လူတို့ကို ထိန်းချုပ်ရန် နည်းလမ်းများ ကြံဆခြင်းကို ကျေးဇူးပြု၍ ရပ်တန့်၍ မရနိုင်ပါသလော။ ကောင်းမွန်စွာ ပြုမူနေထိုင်ပြီး နောက်လိုက်တစ်ဦး ဖြစ်၍မရနိုင်ပါသလော။ ကောင်းမွန်စွာ ပြုမူနေထိုင်ပြီး မိမိ၏တာဝန်များကို ကောင်းမွန်စွာ ထမ်းဆောင်ကာ ကိုယ့်နေရာနှင့်ကိုယ် နေ၍ မရနိုင်ပါသလော” ဟု ပြောဆိုသည် ဆိုပါစို့။ ၎င်းတို့သည် ဤသည်ကို သဘောတူနိုင်မည်လော။ ကောင်းသော ကျင့်ကြံပြုမူခြင်းကို သုံး၍ဖြစ်စေ၊ သင်နားလည်သည့် သမ္မာတရားကို သုံး၍ဖြစ်စေ ၎င်းတို့၏ လမ်းစဉ်အတိုင်း ဆက်လက်လုပ်ဆောင်ခြင်းမှ ၎င်းတို့ကို သင်တားဆီးနိုင်မည်လော။ ၎င်းတို့၏ ရှုမြင်ပုံကို ပြောင်းလဲနိုင်မည့်သူ တစ်ဦးတစ်ယောက် ရှိသလော။ အန္တိခရစ်တို့၏ ရက်စက်ကြမ်းကြုတ်သော စိတ်သဘောထားမှ အကဲဖြတ်ရလျှင် မည်သူမျှ ၎င်းတို့၏ အတွေးအခေါ်များနှင့် ရှုထောင့်များကို ပြောင်းလဲနိုင်မည် မဟုတ်သကဲ့သို့ လူတို့၏ စိတ်နှလုံးကို ထိန်းချုပ်ရန် ၎င်းတို့၏ လိုအင်ဆန္ဒကို မည်သူမျှ ပြောင်းလဲနိုင်မည် မဟုတ်ပေ။ မည်သူမျှ ၎င်းတို့ကို မပြောင်းလဲနိုင်ပေ၊ ပြီးလျှင် ၎င်းတို့နှင့် ညှိနှိုင်းဆွေးနွေး၍ မရနိုင်ပေ။ ဤသည်ကို “ရက်စက်ကြမ်းကြုတ်ခြင်း” ဟု ခေါ်သည်။ လူတို့ကို ထိန်းချုပ်ရန် အန္တိခရစ်တို့၏ ရည်မှန်းချက်နှင့် လိုအင်ဆန္ဒသည် ၎င်းတို့၏ အနှစ်သာရ၏ သရုပ်သကန်တစ်ခု ဖြစ်သည်။ ကောင်းသော ကျင့်ကြံပြုမူခြင်းကို အသုံးပြု၍ ၎င်းတို့ကို ပြုပြင်ပြောင်းလဲလျှင် ယင်းမှာ အလုပ်ဖြစ်မည်လော။ ပြုပြင်ခြင်း၊ တရားစီရင်ခြင်းနှင့် ပြစ်တင်ဆုံးမခြင်းတို့ကို ခံယူခြင်းနှင့်ဆိုင်သော သင်၏ လက်တွေ့ကျသည့် အတွေ့အကြုံကို အသုံးပြု၍ ၎င်းတို့ကို ကူညီပြီး ထောက်ပံ့လျှင် ၎င်းတို့သည် ပြောင်းလဲနိုင်မည်လော။ ၎င်းတို့ လုပ်ဆောင်နေသည့်အရာကို ၎င်းတို့ ရပ်တန့်မည်လော။ (၎င်းတို့ ရပ်တန့်မည် မဟုတ်ပါ။) သင်တို့သည် ဤသို့သော လူအမျိုးအစားကို ယခင်က တွေ့ဖူးသလော။ (တွေ့ဖူးပါသည်။ ဤသို့သော လူအမျိုးအစားနှင့်ပတ်သက်လျှင် ၎င်းတို့ မည်သည့်နေရာ၌ မိမိတို့၏ တာဝန်များကို ထမ်းဆောင်သည်ဖြစ်စေ၊ ၎င်းတို့သည် အကြိမ်အနည်းငယ် ရှုံးနိမ့်ပြီး မှောက်မှားနိုင်သော်လည်း သို့မဟုတ် နာမကျန်းခြင်း၏ ဆုံးမပဲ့ပြင်မှုကိုပင် ကြုံတွေ့ရနိုင်သော်လည်း ရာထူးအဆင့်အတန်းကို လိုက်စားရန် ၎င်းတို့၏ လိုအင်ဆန္ဒသည် ပြောင်းလဲ၍မရနိုင်ပေ။ ၎င်းတို့ မည်သည့်နေရာသို့ သွားသည်ဖြစ်စေ ရာထူးအဆင့်အတန်းနှင့် အာဏာကို ရရှိရန် ဆန္ဒရှိပါသည်။) နေရာ သို့မဟုတ် အုပ်စုတစ်ခု ပြောင်းလဲခြင်းက ၎င်းတို့ကို ပြောင်းလဲစေမည် မဟုတ်လျှင် ၎င်းတို့ အသက်ကြီးလာသည်အထိ စောင့်ဆိုင်းခြင်းနှင့်ပတ်သက်၍ကော အဘယ်သို့နည်း။ ထိုအခါတွင် ၎င်းတို့ အနည်းငယ် ပြောင်းလဲမည်လော။ ၎င်းတို့သည် မိမိတို့၏ အာဏာနှင့် သြဇာအာဏာကို လိုက်စားခြင်းကို အနည်းငယ် စွန့်လွှတ်မည်လော၊ ယင်းသည် အနည်းငယ် အားနည်းသွားမည်လော။ (မဟုတ်ပါ။ ဤသည်မှာ အသက်အရွယ်နှင့် မည်သို့မျှ မသက်ဆိုင်ပါ၊ ၎င်းတို့၏ ဤစိတ်သဘောထားသည် ပြောင်းလဲ၍မရနိုင်ပါ။) ရက်စက်ကြမ်းကြုတ်သော စိတ်သဘောထားတစ်ခုသည် အန္တိခရစ်တို့ကို အုပ်စိုးပြီး ထိန်းချုပ်သောကြောင့် ၎င်းတို့သည် မပြောင်းလဲနိုင်ပေ။ အန္တိခရစ်တို့၏ ရက်စက်ကြမ်းကြုတ်သော စိတ်သဘောထားသည် လူအချို့ မြည်းစမ်းခဲ့ရပြီး ကိုယ်တိုင်တွေ့မြင်ခဲ့ရပြီးဖြစ်သည့် အရာတစ်ခု ဖြစ်ပုံရသည်။ အန္တိခရစ်တို့က လူတို့၏ စိတ်နှလုံးများကို ထိန်းချုပ်ခြင်းသည် လက်တွေ့အရှိတရားတစ်ခု ဖြစ်ပြီး ယင်းကို ဖြစ်ရပ်မှန်ဆိုင်ရာ သက်သေအထောက်အထားက ထောက်ခံသည်။ ယင်းမှာ အတော်အတန် ပြင်းထန်သော ကိစ္စရပ်တစ်ခု ဖြစ်သည်။ ဤကဲ့သို့သော လူများသည် လူတို့၏ စိတ်နှလုံးများကို ထိန်းချုပ်ခြင်း ကိစ္စရပ်ကို မေ့လျော့နိုင်ခြင်း သို့မဟုတ် ဘေးဖယ်ထားနိုင်ခြင်း မရှိကြပေ။ ယင်းမှာ အန္တိခရစ်တို့၏ သဘာဝအနှစ်သာရ ဖြစ်သည်။ ခံစားချက်အရဖြစ်သော ရှုထောင့်မှကြည့်လျှင် ၎င်းတို့သည် ယင်းကို ဘေးဖယ်ထားနိုင်ခြင်း မရှိကြပေ။ အရှိအတိုင်းဖြစ်သော ရှုထောင့်မှကြည့်လျှင် မည်သူမျှ ၎င်းတို့ကို ပြောင်းလဲစေနိုင်ခြင်း မရှိပေ။ ၎င်းတို့သည် အန္တိခရစ်စစ်စစ်များ ဖြစ်ကြသည်။ နှင်ထုတ်ခြင်းခံရပြီးသည့်နောက်တွင် ညီအစ်ကိုမောင်နှမများနှင့် အတူ မရှိကြတော့သည့်အခါ အခြားသူများ၏ စိတ်နှလုံးကို ထိန်းချုပ်လိုသည့် ဆန္ဒ ပျောက်ဆုံးသွားသော အန္တိခရစ် တစ်ဦးတစ်ယောက် ရှိမရှိကို ငါ့ကို ပြောလော့။ အန္တိခရစ်တို့သည် ၎င်းတို့၏ ပတ်ဝန်းကျင် သို့မဟုတ် ပထဝီဝင်ဆိုင်ရာ တည်နေရာတို့တွင် အပြောင်းအလဲများကို အခြေခံ၍ ပြောင်းလဲမည်လော။ (၎င်းတို့ ပြောင်းလဲမည် မဟုတ်ပါ။) ၎င်းတို့သည် အချိန်နှင့် နေရာ အပြောင်းအလဲများနှင့်အတူ ပြောင်းလဲမည် မဟုတ်ပေ။ ဤသည်ကို ၎င်းတို့၏ သဘာဝအနှစ်သာရအားဖြင့် အဆုံးအဖြတ်ပေး၏။ လူတို့၏ စိတ်နှလုံးများကို ထိန်းချုပ်ရာတွင် အန္တိခရစ်တို့သည် လူတို့အလယ်၌ အာဏာကို စွဲကိုင်ရန် အမှန်တကယ် ကြိုးစားနေကြခြင်း ဖြစ်သည်။ စီမံထိန်းချုပ်ရန်၊ ဆုံးဖြတ်ချက်များ ချမှတ်ရန်၊ လူတို့ကို ထိန်းချုပ်ပြီး လူတို့၏ စိတ်နှလုံးများကို ကြိုးကိုင်ညွှန်ကြားရန် အာဏာဖြစ်လေသည်။ ဤအာဏာသည် ၎င်းတို့ ရရှိရန် ဆန္ဒရှိသည့်အရာ ဖြစ်သည်။ လူတို့၏ စိတ်နှလုံးများကို ထိန်းချုပ်ရန် အန္တိခရစ်တို့သည် လူတို့ကို ၎င်းတို့အား လေးစားစေရန်၊ လူတို့ကို လှည့်စားပြီး အထင်အမြင်မှားစေရန်၊ လူတို့ကို မှားယွင်းသော အသွင်အပြင်များ ပြရန် နည်းလမ်းများနှင့် နည်းစနစ်များ အမျိုးမျိုးကို အသုံးပြုမည်ဖြစ်ကာ ၎င်းတို့၏ ဖောက်ပြန်ပျက်စီးသော စိတ်သဘောထားများနှင့် စရိုက်လက္ခဏာကို ဖုံးကွယ်ရန်နှင့် လူတို့က သမ္မာတရားကို အလွန်အမင်း မနှစ်မြို့သည့်၊ အန္တိခရစ်တို့နှင့်ဆိုင်သော ၎င်းတို့၏ အနှစ်သာရကို ပိုင်းခြားသိမြင်ခြင်းမှ သို့မဟုတ် ထိုးဖောက်မြင်ခြင်းမှ တားဆီးရန် အချို့သော နည်းလမ်းများနှင့် နည်းစနစ်များကိုပင် အသုံးပြုမည် ဖြစ်သည်။ ပြင်ပတွင် ၎င်းတို့သည် ဝိညာဉ်ရေးရာပြည့်ဝပြီး စုံလင်သော၊ ချို့ယွင်းချက်များ သို့မဟုတ် အပြစ်အနာအဆာများ ကင်းမဲ့သော သို့မဟုတ် ဖောက်ပြန်ပျက်စီးသော စိတ်သဘောထား တစ်စွန်းတစ်စမျှ မရှိသော လူများအဖြစ် မိမိတို့ကိုယ်ကို အယောင်ဆောင်ကြပြီး ဤနည်းအားဖြင့် ၎င်းတို့သည် အခြားသူတို့ကို လေးစားစေခြင်း၊ အထင်ကြီးစေခြင်း၊ အားကျစေခြင်း၊ ကိုးကွယ်စေခြင်း၊ ၎င်းတို့အပေါ် မှီပင် မှီခိုစေခြင်းဟူသည့် ၎င်းတို့၏ ပန်းတိုင်များသို့ ရောက်ရှိကြသည်။ ဤပန်းတိုင်များသို့ ရောက်ရှိခြင်းသည် အနှစ်သာရအားဖြင့် လူတို့၏ စိတ်နှလုံးကို ၎င်းတို့ ထိန်းချုပ်ခြင်း၏ အကျိုးဆက်တစ်ခု ဖြစ်သည်။ အန္တိခရစ်တို့၏ စိတ်သဘောထားများနှင့် သရုပ်သကန်များ အားလုံးအကြောင်း ငါတို့၏ မိတ်သဟာယအတွင်း၌ အန္တိခရစ်တို့က လူတို့၏ စိတ်နှလုံးကို ထိန်းချုပ်ခြင်းနှင့် အာဏာနှင့် အကျိုးအမြတ်အတွက် တလည်လည် ကြိုးစားခြင်းသည် ဆွေးနွေးမှု အများစုကို နေရာယူထားခဲ့ပြီး ဖြစ်သည်။ ငါတို့သည် ဤအကြောင်းအရာကို များစွာ မိတ်သဟာယပြုခဲ့ပြီး ဖြစ်သောကြောင့် ယနေ့အတွက် ဤမျှသာ ပြောကြစို့။

၂။ အန္တိခရစ်များသည် အသင်းတော်ဘဏ္ဍာရေးကို ထိန်းချုပ်၏

ယနေ့ ငါတို့ မိတ်သဟာယပြုမည့် အဓိကအချက်မှာ အန္တိခရစ်တို့သည် လူတို့၏စိတ်နှလုံးကို ထိန်းချုပ်ရန် ကြိုးစားခြင်းနှင့် အာဏာအတွက် သူတို့၏ရည်မှန်းချက်၊ လိုအင်ဆန္ဒတို့အပြင် အခြားသေစေနိုင်သော သရုပ်သကန်တစ်ခု ရှိသေးသည်ဟူသော အချက်ပင်ဖြစ်သည်။ ဆိုလိုသည်မှာ သူတို့သည် အသင်းတော်၏ ဘဏ္ဍာရေးအတွက်လည်း ကြီးမားသောလိုအင်ဆန္ဒကို ပြသကြသည်၊ ဤလိုအင်ဆန္ဒကို လောဘဟုလည်း ခေါ်ဆိုနိုင်သည်။ အဆင့်အတန်းကို ၎င်းတို့၏ နှစ်သက်ခုံမင်ခြင်းအပြင် အန္တိခရစ်တို့သည် ဘဏ္ဍာရေးကိုလည်း အထူးနှစ်သက်ခုံမင်ကြသည်။ ဘဏ္ဍာရေး၌ သူတို့ခံစားရသော စိတ်ဝင်စားမှုနှင့် ပျော်ရွှင်မှုမှာ များပြားပြီး အတိုင်းအဆမရှိပေ။ ဤသည်ကို အန္တိခရစ်တို့က အသင်းတော်၏ဘဏ္ဍာရေးကို ထိန်းချုပ်ခြင်းဖြစ်သည်ဟု ငါတို့ အဓိပ္ပာယ်ဖွင့်ဆိုသည်။ အန္တိခရစ်တို့က အသင်းတော်၏ဘဏ္ဍာရေးကို ထိန်းချုပ်ရန် ကြိုးစားခြင်းနှင့် လူတို့၏စိတ်နှလုံးကို ထိန်းချုပ်ရန် ကြိုးစားခြင်းတို့မှာ တူညီသည်။ နှစ်ခုလုံးသည် တန်းတူရည်တူ တရားနည်းလမ်းမကျသကဲ့သို့ ဆင်ခြင်တုံတရား မရှိသော ကြိုးပမ်းမှုများဖြစ်သည်။ သိသာထင်ရှားစွာပင် ဤအရာက ဂုဏ်သိက္ခာမဲ့သောအရာတစ်ခု ဖြစ်သည်။ လူတို့၏စိတ်နှလုံးကို ထိန်းချုပ်လိုသည့် ရည်မှန်းချက်နှင့် လိုအင်ဆန္ဒ ရှိခြင်းသည်ပင်လျှင် အလွန် ရွံရှာဖွယ်ကောင်းပြီးသားဖြစ်သည်၊ အလွန်ပင် ဂုဏ်သိက္ခာမဲ့ပြီးဖြစ်သည်၊ သို့တိုင် အန္တိခရစ်တို့က အသင်းတော်၏ ဘဏ္ဍာရေးကိုလည်း ထိန်းချုပ်လိုကြသေးသည်။ ယင်းမှာ သူတို့ထံတွင် ဖြစ်ပျက်သည့် ပို၍ပင် စက်ဆုပ်ဖွယ်ကောင်းသော အရာတစ်ခုဖြစ်သည်။ သို့ဆိုလျှင် အန္တိခရစ်တို့က အသင်းတော်၏ ဘဏ္ဍာရေးကို ထိန်းချုပ်ရန် ကြိုးစားသောအခါ ဤအရာ၏ ခိုင်မာတိကျသော သရုပ်သကန်များကား အဘယ်နည်း။ ဤသည်မှာ သူတို့က လူတို့၏စိတ်နှလုံးကို ထိန်းချုပ်ရန် ကြိုးစားသည့်အချိန်ထက် ပို၍ လွယ်ကူစွာ ပိုင်းခြားသိမြင်နိုင်မည်လော။ အန္တိခရစ်တို့က လူတို့၏ စိတ်နှလုံးကို ထိန်းချုပ်ရန် ကြိုးစားသည့်အခါ၊ သူတို့အသုံးပြုသည့် အချို့သော လုပ်နည်းကိုင်နည်းများနှင့် စိတ်သဘောထားများကို လူတို့က ပိုင်းခြားသိမြင်နိုင်သည်။ သို့သော် သူတို့သည် အလွန်လျှို့ဝှက်ပြီး စဉ်းလဲပါက သူတို့၏နောက်ကွယ်၌ အန္တိခရစ်တို့က အပေါ်ယံ ထုတ်မပြဘဲ မိမိတို့၏ ကိုယ်ပိုင်အတွေးများထဲ၌သာ စဉ်းစားသည့် အချို့သော ပြောဆိုချက်များ၊ နည်းစနစ်များ၊ သို့မဟုတ် စာတန်ဆန်သော လှည့်ဖြားမှုများ ရှိနေပါက ဤအရာများကို လွယ်ကူစွာ ပိုင်းခြားသိမြင်နိုင်မည် မဟုတ်ပေ။ သို့ရာတွင် အသင်းတော်၏ ဘဏ္ဍာရေးကို ထိန်းချုပ်ရန် ကြိုးစားခြင်း၌ အချို့သော ခိုင်မာတိကျသည့် သရုပ်သကန်များနှင့် လုပ်နည်းကိုင်နည်းများ ရှိသင့်သည်။ သင်တို့သည် ဤချဉ်းကပ်နည်းများကို ပိုင်းခြားသိမြင်ရန် လွယ်ကူသည်ဟု မြင်သလော။ သင်တို့သည် ဤအရာများကို သင်တို့၏မျက်စိဖြင့် ကိုယ်တိုင်မြင်တွေ့ပြီး သင်တို့၏နားဖြင့် ကိုယ်တိုင်ကြားသိရသောအခါ ဤသည်တို့မှာ အန္တိခရစ်တို့၏ လုပ်ရပ်များဖြစ်ကြောင်း သင်တို့ပိုင်းခြားသိမြင်နိုင်သလော။ (သိသာသောပြုမူမှုများ ဖြစ်လျှင် ပိုင်းခြားသိမြင်နိုင်ပါသည်။ ဥပမာအားဖြင့် အန္တိခရစ်တို့သည် လှူဖွယ်ပစ္စည်းများနှင့် အလားတူအရာများကို မည်သူက ထိန်းသိမ်းစောင့်ရှောက်ရန် တာဝန်ရှိသည်ကို စုံစမ်းမေးမြန်းကြလိမ့်မည်။) ဤအရာကို လွယ်ကူစွာ ပိုင်းခြားသိမြင်နိုင်မည်ဖြစ်သည်၊ အဘယ်ကြောင့်ဆိုသော် ဘဏ္ဍာရေးသည် အထိမခံသော ကိစ္စရပ်တစ်ခုဖြစ်ပြီး လူအများစုသည် ဘဏ္ဍာရေးကို ရယူရန် ကြံစည်မှုများဖြင့် ငမ်းငမ်းတက်နေသည့်သူများ မဟုတ်ပါက ယင်းနှင့်ပတ်သက်၍ စုံစမ်းမေးမြန်းကြမည် မဟုတ်ပေ၊ သူတို့သည် ထိုသို့သောသူ ဖြစ်ပါက ဤသို့သော သတင်းအချက်အလက်အမျိုးအစားကို စိတ်ဝင်စားပြီး စုံစမ်းမေးမြန်းကြလိမ့်မည်။ သို့ဖြစ်၍ အန္တိခရစ်တို့က အသင်းတော်၏ဘဏ္ဍာရေးကို ထိန်းချုပ်ရန် ကြိုးစားခြင်း၌ မည်သို့သော ခိုင်မာတိကျသည့် သရုပ်သကန်များ ရှိသည်ကို ငါတို့မိတ်သဟာယပြုကြစို့။

အန္တိခရစ်တို့က အသင်းတော်၏ဘဏ္ဍာရေးကို ထိန်းချုပ်သည့် အကြောင်းအရာနှင့်ပတ်သက်လာသည့်အခါ လူအများစုသည် ယခင်က သူတို့မြင်တွေ့ခဲ့ဖူးသည့် အသင်းတော်၏ ပစ္စည်းဥစ္စာကို လိမ်လည်ခြင်း သို့မဟုတ် အလွဲသုံးစားလုပ်ခြင်း၏ ဥပမာများနှင့် သူတို့၏စိတ်ထဲတွင် ဆက်စပ်မိကြမည် မဟုတ်လော။ သို့မဟုတ် အချို့သောလူများသည် ငယ်ရွယ်ခြင်းကြောင့်ဖြစ်စေ ဘုရားသခင်ကို အချိန်တိုအတွင်းသာ ယုံကြည်ခဲ့ခြင်းကြောင့်ဖြစ်စေ ဤအရာများကို သိပ်ပြီးအရေးမလုပ်သကဲ့သို့ လုံးဝ မစဉ်းစားကြသူများလည်း ရှိကောင်းရှိနိုင်သည်။ သို့ဖြစ်၍ ဤအကြောင်းကို ငါတို့ အသေးစိတ် မိတ်သဟာယပြုကြစို့၊ ဤသို့ဖြင့် သင်တို့သည် အသင်းတော်၏ ဘဏ္ဍာရေးနှင့်ပတ်သက်သည့် အချို့သောပြဿနာများ၊ စည်းမျဉ်းများနှင့် ရှောင်ကြဉ်ရမည့်အရာများကို နားလည်လာနိုင်မည်ဖြစ်သည်။ “ကျွန်ုပ်သည် အသင်းတော်၏ ဘဏ္ဍာရေးကိစ္စများကို ဘယ်သောအခါမျှ စိတ်မဝင်စားခဲ့သလို စုံစမ်းမေးမြန်းခြင်းလည်း မပြုခဲ့ပါ။ ကျွန်ုပ်၌ ထိုသို့သော လောဘမျိုးမရှိပါ။ ဤသည်မှာ ကျွန်ုပ်နှင့် ဘာမျှမဆိုင်ပါ၊ ပြီးလျှင် ဤသည်မှာ အသင်းတော်၌ အတော်ပင် အကြောင်းအရာတစ်ခုဖြစ်သည်၊ ထို့ကြောင့် ကျွန်ုပ်သည် ထိုအကြောင်းသိသည်ဖြစ်စေ မသိသည်ဖြစ်စေ အဆင်ပြေပါသည်” ဟု ပြောကြသည့်သူအချို့ ရှိလေသည်။ ဤအမြင်ရှုထောင့်သည် မှန်ကန်သလော။ (မဟုတ်ပါ၊ မှန်ကန်ခြင်းမရှိပါ။) အဘယ်သို့နည်း။ သင်တို့ မည်သို့ပင် ထင်မြင်နေစေကာမူ ယနေ့ ငါတို့ မိတ်သဟာယပြုနေသည့် အကြောင်းအရာသည် အန္တိခရစ်တို့၏ စိတ်သဘောထား ပါဝင်ပြီး အန္တိခရစ်တို့၏ စိတ်သဘောထားကို ခွဲခြမ်းစိတ်ဖြာပြီး စိစစ်သည့် ရှုထောင့်မှကြည့်လျှင် သင်တို့တစ်ဦးချင်းစီတိုင်းအတွက် ဤအရာအားလုံးကို နားလည်ပြီး ရှင်းလင်းစွာ နားလည်ခြင်းသည် အကျိုးရှိလိမ့်မည်။ ငါတို့သည် အန္တိခရစ်တို့၏ စိတ်သဘောထားကို စိစစ်ရန် ဤကိစ္စရပ်ကို အသုံးပြုမည်ဖြစ်သောကြောင့် အန္တိခရစ်တို့က အသင်းတော်၏ ပစ္စည်းဥစ္စာကို မည်သို့ဆက်ဆံသည်၊ သူတို့၏စိတ်ထဲ၌ အသင်းတော်၏ ပစ္စည်းဥစ္စာသည် အတိအကျ မည်သည့်အဓိပ္ပာယ်ရှိပြီး မည်သူနှင့်သက်ဆိုင်သည်၊ ထို့အပြင် အန္တိခရစ်တို့သည် ဤပစ္စည်းဥစ္စာကို မည်သို့သဘောထားပြီး သူတို့၏ကိုယ်ပိုင်အတွေးများထဲ၌ မည်သို့ခွဲဝေသည်ဟူသည်တို့ကို ဦးစွာမိတ်သဟာယပြုကြစို့။ ပထမဦးစွာ အန္တိခရစ်တို့သည် အသင်းတော်၏ ညီအစ်ကိုမောင်နှမများက ပူဇော်ဆက်ကပ်သည့် ငွေကြေးနှင့် အမျိုးမျိုးသောပစ္စည်းများကို မည်သို့အဓိပ္ပာယ် သတ်မှတ်ကြသနည်း။ သူတို့၏ အကျင့်စရိုက်မှ အကဲဖြတ်ရသော် အန္တိခရစ်တို့သည် လောဘကြီးကြပြီး သူတို့၏ လောဘသည် အလွန်ကြီးမားသည်၊ ထို့ကြောင့် သူတို့သည် ဤပစ္စည်းဥစ္စာကို လျစ်လျူရှုမည်မဟုတ်ပေ။ ထို့ထက်သူတို့သည် ယင်းကို အလွန်စိတ်ဝင်စားကြမည်ဖြစ်ပြီး အသင်းတော်ပစ္စည်းဥစ္စာ မည်မျှရှိသည်၊ မည်သူက ယင်းကို ထိန်းသိမ်းစောင့်ရှောက်ရန် တာဝန်ရှိသည်၊ မည်သည့်နေရာ၌ သိမ်းဆည်းထားသည်ဟူသည်နှင့် လူမည်မျှက ထိုအကြောင်းသိသည်ဟူသည်တို့ကို ဆန်းစစ်ပြီး သိရှိရန် အသေအချာ အာရုံစိုက်ကြလိမ့်မည်။ အသင်းတော် ဘဏ္ဍာရေးအကြောင်း အခြေခံအချက်အလက်များနှင့် ပတ်သက်လာလျှင် ဦးစွာ အန္တိခရစ်တို့သည် ဤအရာကို အဆုံးစွန် စိတ်ဝင်စားမှု ပြသမည်ဖြစ်ပြီး ၎င်းတို့၏ အထူးအာရုံစိုက်မှုကို ပေးကာ စုံစမ်းမေးမြန်းခြင်း၊ လိုက်လံမေးမြန်းခြင်းများ ပြုလုပ်၍ ဤသတင်းအချက်အလက်ကို ရရှိရန် သူတို့ အစွမ်းကုန် ကြိုးစားကြလိမ့်မည်။ သူတို့၌ လောဘမရှိခဲ့လျှင်၊ သူတို့၌မသမာသောကြံစည်မှုများ မထားရှိခဲ့လျှင် သူတို့သည် ဤအရာများကို စိတ်ဝင်စားကြမည်လော။ (လုံးဝ စိတ်ဝင်စားမည်မဟုတ်ပါ။) အန္တိခရစ်တို့သည် ပုံမှန်လူ့သဘာဝ ရှိသောလူများနှင့် မတူညီကြပေ၊ အဘယ်ကြောင့်ဆိုသော် သူတို့၏ စိုးရိမ်ပူပန်မှု၌ ဖုံးကွယ်ထားသော ရည်ရွယ်ချက်တစ်ခု ရှိသောကြောင့်ဖြစ်သည်။ သူတို့၏ စိုးရိမ်ပူပန်မှုမှာ ဤပစ္စည်းဥစ္စာကို ထိန်းသိမ်းစောင့်ရှောက်ခြင်းအကြောင်း မဟုတ်ဘဲ ထိုအစား ယင်းကို ပိုင်ဆိုင်လိုကြသည်၊ သို့မဟုတ် သူတို့ အလိုရှိသလို အသုံးပြုနိုင်ရန် အလိုရှိကြသည်။ ထို့ကြောင့် အန္တိခရစ်တို့က အသင်းတော် ဘဏ္ဍာရေးကို ထိန်းချုပ်ခြင်း၏ ပထမဆုံးသရုပ်သကန်မှာ အသင်းတော်ပစ္စည်းဥစ္စာကို သူတို့ပိုင်ဆိုင်ခြင်းနှင့် အသုံးပြုခြင်းတို့အား ဦးစားပေးခြင်းပင်ဖြစ်သည်။

က။ အသင်းတော်ပစ္စည်းဥစ္စာကို မိမိတို့၏ ပိုင်ဆိုင်ခြင်းနှင့် အသုံးပြုခြင်းကို ဦးစားပေးမှု

အန္တိခရစ်တို့သည် အဆင့်အတန်းရရှိသည်နှင့်တစ်ပြိုင်နက် သူတို့၏စိတ်နှလုံးအတွင်းတွင် မှားယွင်းပြီး အရှက်ကင်းမဲ့သော စိတ်ကူးတစ်ခု ပေါ်ပေါက်လာသည်၊ ခေါင်းဆောင်တစ်ဦး ဖြစ်လာခြင်းသည် သူတို့ကို အသင်းတော် ဘဏ္ဍာရေးနှင့်ပတ်သက်၍ သိရှိပိုင်ခွင့်သာမက ယင်းတို့ကို ထိန်းချုပ်ရန် အကြွင်းမဲ့အာဏာကိုပါ ရရှိစေသင့်သည်ဟူ၍ဖြစ်သည်။ အသင်းတော်ဘဏ္ဍာရေးအပေါ် ထိန်းချုပ်မှုရှိခြင်း၌ သူတို့၏ရည်မှန်းချက်ကား အဘယ်နည်း။ အသင်းတော်ပစ္စည်းဥစ္စာကို သူတို့ပိုင်ဆိုင်ခြင်းနှင့် အသုံးပြုခြင်းကို ဦးစားပေးရန် အာဏာရဖို့ဖြစ်သည်။ အသင်းတော်ပစ္စည်းဥစ္စာကို သူတို့ပိုင်ဆိုင်ခြင်းနှင့် အသုံးပြုခြင်းကို ဦးစားပေးခြင်းဟူသည်မှာ မည်သည့်အရာကို ဆိုလိုသနည်း။ ထိုအရာက သူတို့သည် အသင်းတော်တစ်ခုကို တာဝန်ခံနေသမျှကာလပတ်လုံး သူတို့၏ ကြီးကြပ်မှုအောက်ရှိ ညီအစ်ကိုမောင်နှမများက ပူဇော်ဆက်ကပ်သည့် ငွေကြေးနှင့် ပစ္စည်းများအားလုံးသည် သူတို့၏စီမံခန့်ခွဲမှု၊ အသုံးပြုမှုနှင့် ပိုင်ဆိုင်မှုအောက်သို့ ရောက်ရှိလာသည်ဟု ဆိုလိုပေသည်။ ဤစိတ်ကူးသည် မှန်ကန်သလော သို့မဟုတ် မှားယွင်းသလော။ သိသာထင်ရှားစွာပင် ဤသည်မှာ မမှန်ကန်ပေ။ သို့သော် အန္တိခရစ်တို့သည် ထိုသို့ပင် စဉ်းစားကြသည်။ ခေါင်းဆောင်တစ်ဦး ဖြစ်လာပြီးနောက် သူတို့ပထမဆုံး ပြုလုပ်သည့်အရာမှာ ဘဏ္ဍာရေးနှင့်ပတ်သက်၍ ကြိုးပမ်းအားထုတ်ပြီး အကြံအစည်များ ဖန်တီးခြင်းဖြစ်သည်။ ပထမဦးစွာ သူတို့သည် ဘဏ္ဍာရေးကို မည်သူကစီမံခန့်ခွဲနေသည်၊ လူမည်မျှက စီမံခန့်ခွဲနေသည်၊ စာရင်းများတွင် ငွေမည်မျှ ရှိသည်ဟူသည်နှင့် ဤဘဏ္ဍာရေးကို စီမံခန့်ခွဲနေသူများသည် သူတို့၏အရည်အချင်းရှိသော ညာလက်ရုံးများ သို့မဟုတ် ယုံကြည်စိတ်ချရသော ကိုယ်စားလှယ်များ ဟုတ်မဟုတ်ဟူသည်တို့ကို ရှာဖွေစုံစမ်းကြသည်။ သို့မဟုတ်ပါက သူတို့သည် အကြောင်းပြချက်တစ်ခုခုဖြင့် ထိုသူတို့ကို အလျင်အမြန် ဖြုတ်ချပြီးနောက် သူတို့၏ကိုယ်ပိုင် ကိုယ်စားလှယ်များဖြင့် အစားထိုးကြသည်။ ဘဏ္ဍာရေးစီမံခန့်ခွဲမှုကို တာဝန်ယူသည့်လူများကို လဲလှယ်လိုက်ရုံမျှဖြင့် သူတို့ရပ်တန့်ကြသလော။ မရပ်တန့်ကြ၊ ထိုမျှမရိုးရှင်းပေ။ သူတို့၏ ရည်မှန်းချက်များသည် ဤထက်များစွာ ကျော်လွန်သည်၊ သူတို့သည် အသင်းတော်၏ ပစ္စည်းဥစ္စာနှင့် ပတ်သက်သည့် ကိန်းဂဏန်းများကို လုံးဝ ရှင်းလင်းစွာ နားလည်ရမည်ဖြစ်သည်။ လူများကို လှူဖွယ်ပစ္စည်းများ ပေးလှူရန် တောင်းဆိုခြင်းအပြင် အန္တိခရစ်တို့သည် ဤပစ္စည်းဥစ္စာကို မည်သို့ကိုင်တွယ်ကြသနည်း။ သူတို့ အဝတ်အစားတစ်ခုခုဝယ်ရန် လိုအပ်သည့်အခါ အသင်းတော်မှ ငွေကိုယူကြသည်၊ ပြီးလျှင် ဆရာဝန်ထံ သွားသည့်အခါ၌လည်း ထပ်မံယူကြသည်၊ သူတို့ အဝတ်အစား မရှိပါက ညီအစ်ကိုမောင်နှမများက လှူဒါန်းသည့်အထဲမှ ပိုကောင်းသောအဝတ်အချို့ကို ရွေးချယ်ကြသည်။ သူတို့ရွေးချယ်ပြီးသည့်နောက်၌ပင် မပြီးသေးပေ၊ သူတို့သည် အဝတ်အထည်တိုင်းကို ဝတ်ဆင်ကြည့်ရမည်ဖြစ်ပြီး အကောင်းဆုံးများကို မိမိတို့အတွက် သိမ်းထားကာ သူတို့ မလိုချင်တော့သည့် အညံ့ဆုံးများကိုသာ အသင်းတော်အတွက် ချန်ထားခဲ့သည်။ တိုတိုပြောရလျှင်၊ သူတို့သည် မိမိတို့၏ စားသောက်စရိတ်နှင့် ကုန်ကျစရိတ်များ၊ ယွမ် ၀.၂ ကျသင့်သည့် ခရီးစရိတ်အထိပင် အသင်းတော်၏ငွေကို အသုံးပြုကြမည်ဖြစ်ပြီး သူတို့ထဲမှအချို့သည် အသင်းတော်၏ ငွေကိုအသုံးပြု၍ ဇိမ်ခံပစ္စည်းများ၊ ကျန်းမာရေးဖြည့်စွက်စာများ၊ အလှကုန်များနှင့် သူတို့၏ ကိုယ်ပိုင်သုံးပစ္စည်းအမျိုးမျိုးကိုပင် ဝယ်ယူကြလိမ့်မည်။ အန္တိခရစ်တို့သည် ခေါင်းဆောင်နေရာများသို့ ရောက်ရှိသည်နှင့်တစ်ပြိုင်နက် အလုပ်တစ်စက်မျှ မလုပ်မီတွင်ပင် အသင်းတော်၏ ပစ္စည်းဥစ္စာကို မွေ့လျော်ခံစားခြင်းနှင့် ပတ်သက်လာသည့်အခါ အလွန်တက်ကြွပြီး ဤသည်ကို ဦးစားပေး လုပ်ဆောင်ကြသည်။ အန္တိခရစ်တို့သည် ဤပစ္စည်းဥစ္စာကို မွေ့လျော်ခံစားပြီးနောက် သူတို့၏ဝိညာဉ်ရေးရာ အမြင်ရှုထောင့်တစ်ခုလုံးနှင့် ဘဝအရည်အသွေးသည် ယခင်ကနှင့် လုံးဝကွဲပြားသွားပြီး အလုံးစုံပြောင်းလဲသွားသည်။ အခွင့်အရေးရတိုင်း သူတို့သည် ဆံပင်ပုံစံသွင်းခြင်း၊ ခန္ဓာကိုယ်ကို အနှိပ်ခံခြင်းများပြုလုပ်မည်၊ မိမိကိုယ်ကို ပိုးမွေးသလိုမွေးထားမည်၊ သူတို့၏ကျန်းမာရေးကို ဂရုစိုက်သည့်အရာများ ပြုလုပ်မည်ဖြစ်ပြီး အားဖြည့်ဟင်းရည်များ ချက်သောက်မည်ဖြစ်ကာ သူတို့အသုံးပြုသည့် အမျိုးမျိုးသော လျှပ်စစ်ပစ္စည်းများကိုပင်လျှင် အဆင့်မြှင့်တင်လိမ့်မည်။ ခေါင်းဆောင်များ ဖြစ်လာသည်နှင့်တစ်ပြိုင်နက် အန္တိခရစ်တို့သည် အသင်းတော်ရှိ ချမ်းသာသောလူများနှင့် လှူဖွယ်ပစ္စည်းများ ပေးနိုင်စွမ်းရှိသူများကို မှတ်သားထားကြသည်။ ထို့နောက် ဤချမ်းသာသော လူများသည် ငွေအမြောက်အမြား ဆုံးရှုံးကြရမည်ဖြစ်ပြီး မကြာခဏ လှူဖွယ်ပစ္စည်းများ ပေးသူများသည် အသင်းတော်၏ တန်ဖိုးထားရသော အဖွဲ့ဝင်များဖြစ်လာကာ အန္တိခရစ်တို့၏ မျက်စိထဲတွင် ပင့်ထားရသော အချစ်တော်များ ဖြစ်လာကြသည်။ အန္တိခရစ်တို့ အသင်းတော်သို့ ဝင်ရောက်သည့်အခါ မြေခွေးတစ်ကောင် စပျစ်ခြံထဲသို့ ဝင်ရောက်သည့်အခါနှင့် အတူတူပင်ဖြစ်သည်၊ ထို့ကြောင့် စပျစ်ခြံသည် ဘေးဒုက္ခ ကျရောက်တော့မည်။ မြေခွေးသည် ကောင်းသော စပျစ်သီးများကို စားသုံးရုံသာမက နေရာတစ်ခုလုံးကိုလည်း ရမ်းကားဖျက်ဆီးပစ်လိမ့်မည်။

အန္တိခရစ်တို့၏စိတ်ထဲတွင် ညီအစ်ကိုမောင်နှမများက ပူဇော်ဆက်ကပ်သည့် ငွေကြေးနှင့် ပစ္စည်းများအားလုံးကို စုပေါင်း၍ “လှူဖွယ်ပစ္စည်းများ” ဟု သိကြသည့်အရာအားလုံးသည် အသင်းတော်၏ “ပြည်သူပိုင်” ပစ္စည်းဥစ္စာများဖြစ်သည်။ ဤပြည်သူပိုင် ပစ္စည်းဥစ္စာသည် လူတိုင်းအတူတကွ အသုံးပြုရန် ဖြစ်သည်ဟု မဆိုလိုပေ၊ ထိုအစား ယင်းမှာလူတိုင်းထံမှလာသော အများနှင့်ဆိုင်သော လှူဖွယ်ပစ္စည်းဖြစ်ကြောင်းကို ရည်ညွှန်းသော်လည်း ယင်း၏အသုံးပြုခွင့်မှာမူ လက်တွေ့အခြေအနေတွင် ခေါင်းဆောင်များထံသို့ ရောက်ရှိသွားသည်။ အန္တိခရစ်တို့၏ အမြင်ရှုထောင့်မှကြည့်လျှင် သူတို့သည် အသင်းတော်၏ ပစ္စည်းဥစ္စာကို ပိုင်ဆိုင်ရန်နှင့် အသုံးပြုရန်ကို ဦးစားပေးခြင်းသည် ရှောင်လွှဲ၍မရသောတာဝန်ဖြစ်သည်၊ အဘယ်ကြောင့်ဆိုသော် သူတို့သည်ခေါင်းဆောင်များ ဖြစ်ကြသည်၊ သူတို့သည် ဦးဆောင်သူများဖြစ်ကြပြီး အသင်းတော်ရှိအရာအားလုံး၊ အထူးသဖြင့် ကောင်းသောအရာများ အားလုံးသည် သူတို့နှင့် သက်ဆိုင်ရမည်ဖြစ်ပြီး သူတို့၏အာဏာအောက်သို့ ရောက်ရှိရမည်ဖြစ်သည်။ အန္တိခရစ်တို့က “ညီအစ်ကိုမောင်နှမများ ပူဇော်ဆက်ကပ်သည့် ငွေကြေးနှင့် ပစ္စည်းများသည် ဘုရားသခင်အား ပေးအပ်ခြင်းဖြစ်သည်ဟု ဆိုခြင်းမှာ အပေါ်ယံ အသုံးအနှုန်းမျှသာ ဖြစ်သည်။ ဤအရာများထဲမှ မည်မျှကို ဘုရားသခင် အသုံးပြုနိုင်မည်နည်း။ ဘုရားသခင်သည် ကောင်းကင်ဘုံမှ ဆင်းသက်လာပြီး ဤလှူဖွယ်ပစ္စည်းများကို လူတို့နှင့်အတူ မျှဝေသုံးစွဲနိုင်မည်လော။ သို့ဖြစ်လျှင် ဤလှူဖွယ်ပစ္စည်းများကို မည်သို့သုံးစွဲမည်၊ မည်သို့ခွဲဝေမည်၊ မည်သို့အသုံးပြုမည်ကို လူတို့က ဆုံးဖြတ်သင့်သည်မဟုတ်လော” ဟုယုံကြည်ကြသည်။ ယင်းမှာ အန္တိခရစ်တို့က အသင်းတော် ပစ္စည်းဥစ္စာနှင့်ပတ်သက်၍ သိုဝှက်ထားသည့် အရှက်ကင်းမဲ့သော စိတ်ကူးပင်ဖြစ်သည်။ ပို၍ပင် အရှက်ကင်းမဲ့သောအရာကား အဘယ်နည်း။ သူတို့က “ကောင်းကင်ဘုံရှိ ဘုရားသည် မြေကြီးပေါ်၌ လူတို့ ပူဇော်ဆက်ကပ်သည့် ငွေကြေးနှင့် ပစ္စည်းများကို မခံစားသုံးစွဲနိုင်ပါ၊ သို့ဖြစ်လျှင် ဤအရာများကို မည်သို့ခွဲဝေပြီး အသုံးပြုရမည်နည်း။ အသင်းတော်၏ ခေါင်းဆောင်များက ယင်းတို့ကို စားသုံးခြင်း၊ အသုံးပြုခြင်းနှင့် ပျော်မွေ့ခံစားခြင်းတို့၌ ကူညီသင့်သည် မဟုတ်လော။ ယင်းမှာ ကောင်းကင်ဘုံရှိ ဘုရားသခင်က ယင်းတို့ကို အသုံးပြုခြင်းနှင့် ညီမျှပေလိမ့်မည်” ဟုပြောကြသည်။ သို့ဖြစ်၍ အန္တိခရစ်တို့သည် ဖြစ်ရိုးဖြစ်စဉ်အတိုင်း ညီအစ်ကိုမောင်နှမများ၏ လှူဖွယ်ပစ္စည်းများကို သူတို့၏ ကိုယ်ပိုင်ပစ္စည်းအဖြစ် ပြုလုပ်ကြသည်။ မည်သူက မည်သည့်အရာကို မည်သည့်အချိန်၌ ပူဇော်သည်ကို သူတို့ လုံးဝ ရှင်းလင်းစွာ သိရှိကြသည်။ ဤအရာများကို သူတို့ထံ သတင်းပို့ရမည်ဖြစ်ပြီး သူတို့ သိရှိရမည်ဖြစ်သည်။ အခြားကိစ္စရပ်များကို သူတို့အရေးမလုပ်ကြပေ။ သူတို့၏ ကိုယ်ပိုင်အာဏာကို ခိုင်မြဲစွာ ဆုပ်ကိုင်ထားခြင်းအပြင် သူတို့အတွက် အလွန်အရေးကြီးသောအရာတစ်ခု ရှိသေးသည်။ ယင်းမှာ အသင်းတော်၏ ဘဏ္ဍာရေးကို ထိန်းချုပ်ခြင်းပင်ဖြစ်သည်။ ယင်းကြောင့် ခေါင်းဆောင်တစ်ဦး ဖြစ်ရခြင်းက သူတို့အတွက် တန်ဖိုးရှိခြင်းဖြစ်၏။ အန္တိခရစ်တို့က အသင်းတော်ပစ္စည်းဥစ္စာကို ရှုမြင်ပြီး ကျင့်သုံးပုံ၌ သမ္မာတရားနှင့် သို့မဟုတ် ဘုရားသခင်၏ တောင်းဆိုချက်များနှင့် ကိုက်ညီသည့် သွင်ပြင်လက္ခဏာ တစ်ခုတလေ ရှိသလော။ (မဟုတ်ပါ၊ မရှိပါ။) အစအဦးမှသည် မျက်မှောက်ခေတ်အထိ ညီအစ်ကိုမောင်နှမများက ကိုယ်တော်အား ပေးအပ်သည့် လှူဖွယ်ပစ္စည်းများကို မည်သည့်ပုဂ္ဂိုလ်က ပိုင်ဆိုင်သင့်သည် သို့မဟုတ် အသုံးပြုသင့်သည်ဟု ဘုရားသခင် မိန့်ကြားခဲ့ဖူးသလော။ အသင်းတော်ခေါင်းဆောင်များနှင့် အမှုဆောင်များ၊ တမန်တော်များနှင့် ပရောဖက်များသည် အသင်းတော်ပစ္စည်းဥစ္စာကို ပိုင်ဆိုင်ရန်နှင့် အသုံးပြုရန် ဦးစားပေးဖို့ ဩဇာအာဏာ ရှိသင့်သည်ဟု ဘုရားသခင် ပြောခဲ့ဖူးသလော။ မည်သူမဆိုခေါင်းဆောင် ဖြစ်လာလျှင် အသင်းတော်ပစ္စည်းဥစ္စာကို အသုံးပြုခြင်းနှင့် ပိုင်ဆိုင်ခြင်းသည် ထိုသူထံသို့ ကျရောက်သည်ဟု ဘုရားသခင် မိန့်ကြားခဲ့သလော။ (မဟုတ်ပါ၊ ကိုယ်တော် မိန့်ကြားခဲ့ခြင်းမရှိပါ။) သို့ဖြစ်လျှင် အန္တိခရစ်တို့၌ ဤသို့သောအထင်မှားမှု အဘယ်ကြောင့်ရှိသနည်း။ ဘုရားသခင်၏ နှုတ်ကပတ်တော်များ၌ အသင်းတော်၏ ပစ္စည်းဥစ္စာနှင့်ပတ်သက်၍ ဤသို့သော အကျိုးသက်ရောက်စေသည့် တိကျပြတ်သားသော ပြဋ္ဌာန်းချက်များ မပါရှိသည့်အတွက် အဘယ်ကြောင့် အန္တိခရစ်တို့သည် ယင်းအပေါ် ဤသို့သော အမြင်ရှိကြသနည်း။ (သူတို့၌ ဘုရားသခင်ကို ကြောက်ရွံ့သော စိတ်နှလုံး ကင်းမဲ့ပါသည်။) ဤမျှရိုးရှင်းသလော။ ဤအခြေအနေ၌ သူတို့၌ ဘုရားသခင်ကို ကြောက်ရွံ့သော စိတ်နှလုံးများ ကင်းမဲ့သည်ဟု ဆိုခြင်းမှာ အနှစ်မဲ့သော စကားများသာ ဖြစ်သည်။ ဤစကားများသည် အန္တိခရစ်တို့၏ စိတ်သဘောထားကို ထည့်သွင်းဆွေးနွေးရန် ပျက်ကွက်လေသည်။ အန္တိခရစ်တို့သည် ခေါင်းဆောင်နေရာများ၌ မရှိသည့်အခါ အသင်းတော်၏ ပစ္စည်းဥစ္စာကို လောဘတက်ကြသလော။ (လောဘတက်ကြပါသည်။) သို့ဖြစ်လျှင် သူတို့ခေါင်းဆောင်များ ဖြစ်လာပြီးနောက် သူတို့၏ ဘုရားသခင်ကို ကြောက်ရွံ့သော စိတ်နှလုံး ပျောက်ဆုံးသွားသည်ဟု သင်တို့ပြောနိုင်မည်လော။ ဧကန်မုချပင် သူတို့ခေါင်းဆောင်များ မဖြစ်မီက သူတို့၌ ဘုရားသခင်ကို ကြောက်ရွံ့သော စိတ်နှလုံး မရှိခဲ့ဘူး မဟုတ်လော။ ဤသို့ပြောနိုင်မည်လော။ (မပြောနိုင်ပါ။) ထို့ကြောင့် ဤရှင်းလင်းချက်သည် ခိုင်လုံခြင်းမရှိပေ။ အန္တိခရစ်တို့သည် အသင်းတော်၏ ပစ္စည်းဥစ္စာကို လောဘတက်ကြသည်။ အဘယ်ကြောင့် ဤသို့ဖြစ်သနည်း။ (သူတို့၌ ကောက်ကျစ်ဆိုးယုတ်သော စိတ်သဘောထား ရှိသောကြောင့် ဖြစ်ပါသည်။) (သူတို့သည် သဘာဝအားဖြင့် လောဘကြီးကြသည်။) (သူတို့သည် သဘာဝအားဖြင့် အကျိုးအမြတ်ကိုသာ အဓိကထား ရှာဖွေကြသည်။) အန္တိခရစ်တို့၏ စိတ်သဘောထား အနှစ်သာရသည် အကျိုးအမြတ်ကိုသာ အဓိကထား ရှာဖွေခြင်းဖြစ်သလော။ (မဟုတ်ပါ။) ဤသည်မှာ သူတို့၏စာရိတ္တ၏ သရုပ်သကန်တစ်ခုမျှသာ ဖြစ်သည်။ သို့ဖြစ်လျှင် အန္တိခရစ်တို့၏ အတွင်းစိတ် သဘောထားကား အဘယ်အရာဖြစ်သည်ကို စိစစ်ကြည့်ကြစို့။ (ယင်းမှာ ကောက်ကျစ်ဆိုးယုတ်ပြီး ရက်စက်ကြမ်းကြုတ်သည်။) ပထမဦးစွာ ယင်းမှာ ရက်စက်ကြမ်းကြုတ်သည်၊ ထို့နောက် ကောက်ကျစ်ဆိုးယုတ်သည်။ ရက်စက်ကြမ်းကြုတ်သည်ဟူသည် မည်သည့်အရာကို ဆိုလိုသနည်း။ ဆိုလိုသည်မှာ အခြားလူများ သဘောတူသည်ဖြစ်စေ၊ ထိုသူတို့ မည်သို့ပင် ထင်မြင်သည်ဖြစ်စေ သူတို့နှင့်မသက်ဆိုင်သင့်သော သို့မဟုတ် သူတို့မပိုင်ဆိုင်သင့်သောအရာများကို အတင်းအဓမ္မ သိမ်းပိုက်ရန် စီစဉ်ခြင်းပင်ဖြစ်သည်။ ဤသည်မှာ ရက်စက်ကြမ်းကြုတ်သော စိတ်သဘောထားဖြစ်သည်။ ဤနတ်ဆိုးများနှင့် စာတန်များဖြစ်ကြသော အန္တိခရစ်တို့၏ ပင်ကိုသဘာဝအနှစ်သာရမှာ အရာခပ်သိမ်းအတွက် ဘုရားသခင်နှင့် ပြိုင်ဆိုင်ခြင်းပင်ဖြစ်သည်။ အသင်းတော်အတွင်း၌ ဘုရားသခင် ရွေးချယ်ထားသော လူများနှင့်ပတ်သက်၍ ဘုရားသခင်နှင့် ယှဉ်ပြိုင်တိုက်ခိုက်ခြင်းအပြင် အန္တိခရစ်တို့သည် လူတို့က ကိုယ်တော်အား ပေးလှူသည့် လှူဖွယ်ပစ္စည်းများကိုလည်း လုယူရန်ကြိုးစားကြသည်။ အပေါ်ယံအားဖြင့် အန္တိခရစ်တို့သည် ငမ်းငမ်းတက် ဖြစ်နေကြသည်ဟု ထင်ရသော်လည်း အမှန်တကယ်တွင်မူ သူတို့၌ အန္တိခရစ်တို့၏ စိတ်သဘောထားနှင့် အနှစ်သာရ ရှိသောကြောင့်ဖြစ်သည်။ လူတို့က ဘုရားသခင်အား ပူဇော်ဆက်ကပ်သည့် ငွေကြေးနှင့်ပစ္စည်းများကို သူတို့သိမ်းပိုက်ပြီး ဝါးမျိုလိုခြင်းဖြစ်သည့် ဤအရာသည် အနှစ်သာရအားဖြင့် ရက်စက်ကြမ်းကြုတ်ခြင်းပင် ဖြစ်သည်။ ဥပမာအားဖြင့် သင်သည် စတိုင်ကျပြီး အရည်အသွေးကောင်းသော ငှက်မွေးအပေါ်အင်္ကျီ အသစ်တစ်ထည် ဝယ်လိုက်သည်ဆိုပါစို့၊ ထို့နောက် တစ်စုံတစ်ယောက်က ယင်းကိုမြင်ပြီး “သင်၏ ဤ ငှက်မွေးအပေါ်အင်္ကျီသည် ငါ့အင်္ကျီထက် ပိုကောင်းပါတကား။ ငါဝတ်ဆင်နေသည့် စုတ်ပြတ်နေသောအင်္ကျီမှာ အပေါက်များပင်ရှိနေပြီး ခေတ်လည်းမမီတော့ပြီ။ သင်၏အင်္ကျီမှာ အဘယ်ကြောင့် ဤမျှကောင်းနေရသနည်း” ဟုပြောပြီး သူစကားဆုံးသည်နှင့် သင်၏ ငှက်မွေးအပေါ်အင်္ကျီကို သင့်ထံမှ အတင်းဆွဲချွတ်ကာ သူ၏ပျက်စီးနေသော အင်္ကျီကို သင့်အားပေးသည်။ သင် သူနှင့်လဲလှယ်ရန် ငြင်းဆန်၍မရနိုင်ပေ။ သူသည် သင့်ကိုဒုက္ခပေးမည်၊ ရိုက်နှက်မည်၊ သူ သင့်ကို သတ်ပင်သတ်နိုင်သည်၊ သင်သူ့ကိုခုခံဝံ့မည်လော။ သင်သူ့ကို ခုခံဝံ့မည်မဟုတ်ဘဲ သူသည် သင်၏ပစ္စည်းများကို သင်၏ဆန္ဒမပါဘဲ ယူသွားလိမ့်မည်။ သို့ဖြစ်လျှင် ဤပုဂ္ဂိုလ်၏ စိတ်သဘောထားကား အဘယ်နည်း။ ယင်းမှာ ရက်စက်ကြမ်းကြုတ်သော စိတ်သဘောထားဖြစ်သည်။ ဤအရာနှင့် အသင်းတော်ပစ္စည်းဥစ္စာကို သိမ်းပိုက်ခြင်း၊ အသုံးပြုခြင်း၌ အန္တိခရစ်တို့၏ စိတ်သဘောထားတို့အကြား ခြားနားချက် တစ်စုံတစ်ရာရှိသလော။ (မရှိပါ။) အန္တိခရစ်တို့၏ ပစ္စည်းဥစ္စာအပေါ် အမြင်ရှုထောင့်အရ သူတို့ခေါင်းဆောင်များနှင့် “အရာရှိများ” ဖြစ်လာသည်နှင့်တစ်ပြိုင်နက်၊ ပြီးလျှင် အသင်းတော်၏ ပစ္စည်းဥစ္စာသည် သူတို့လက်ဝယ်သို့ ရောက်ရှိသွားပြီးနောက် အသင်းတော်၏ ပစ္စည်းဥစ္စာသည် သူတို့နှင့်သက်ဆိုင်သွားသည်။ မည်သူက လှူဖွယ်ပစ္စည်း ပေးလှူသည်ဖြစ်စေ၊ ၎င်းတို့ မည်သည့်အရာကို လှူဖွယ်ပစ္စည်းအဖြစ် ပေးအပ်သည်ဖြစ်စေ အန္တိခရစ်တို့သည် ယင်းကို မိမိတို့အတွက် သိမ်းပိုက်ကြလိမ့်မည်။ တစ်စုံတစ်ခုကို သိမ်းပိုက်သည်ဟူသည်မှာ မည်သည့်အရာကို ဆိုလိုသနည်း။ယင်းမှာ အသင်းတော် စည်းမျဉ်းများနှင့်အညီ သင့်လျော်စွာ အသုံးပြုပြီး ခွဲဝေသင့်သည့် အသင်းတော်၏ ပစ္စည်းဥစ္စာသည် အန္တိခရစ်တို့၏ ထိန်းချုပ်မှုအောက်သို့ ရောက်ရှိသွားပြီးနောက် သူတို့တစ်ဦးတည်းသာလျှင် ယင်းကိုအသုံးပြုရန် သီးသန့်အာဏာရှိသွားသည်ကို ဆိုလိုသည်။ ဤပစ္စည်းဥစ္စာကို အသင်းတော်၏ အလုပ်အတွက် သို့မဟုတ် အသင်းတော်ရှိ အမှုဆောင်များအတွက် လိုအပ်သည့်အခါ၌ပင် အန္တိခရစ်တို့သည် ယင်းကိုအသုံးပြုခွင့်မပြုပေ။ သူတို့တစ်ဦးတည်းသာလျှင် အသုံးပြုခွင့်ရှိသည်။ အသင်းတော်၏ ပစ္စည်းဥစ္စာကို မည်သို့အသုံးပြုပြီး ခွဲဝေသည်နှင့်ပတ်သက်၍ အန္တိခရစ်တို့သာလျှင် ဆုံးဖြတ်ပိုင်ခွင့်ရှိသည်၊ သူတို့က သင့်ကို အသုံးပြုခွင့်ပေးလိုပါက သင်အသုံးပြုနိုင်ပြီး မဟုတ်ပါက သင်အသုံးပြုနိုင်မည်မဟုတ်ပေ။ အသင်းတော်၏ လှူဖွယ်ပစ္စည်းရန်ပုံငွေများ မများပြားဘဲ အန္တိခရစ်တို့ သိမ်းပိုက်ပြီးနောက် သူတို့၏ကိုယ်ပိုင် အသုံးစရိတ်များအတွက် လုံးဝကုန်ဆုံးသွားပါက အသင်းတော်အလုပ်အတွက် ငွေမကျန်တော့သည်ကို သူတို့ဂရုမစိုက်ပေ။ သူတို့သည် အသင်းတော်၏ အလုပ်ကိုဖြစ်စေ၊ အသင်းတော်၏ ပုံမှန်အသုံးစရိတ်များကိုဖြစ်စေ ထည့်သွင်းစဉ်းစားခြင်း မရှိပေ။ သူတို့လိုချင်သမျှမှာ ဤရန်ပုံငွေများကိုယူပြီး မိမိတို့ကိုယ်တိုင်သုံးစွဲရန်၊ ယင်းတို့ကို မိမိတို့၏ ကိုယ်ပိုင်ဝင်ငွေအဖြစ် သဘောထားပြုမူရန်ဖြစ်သည်။ ဤသို့ပြုမူလုပ်ဆောင်ပုံမှာ ရှက်ဖွယ်မဟုတ်လော။ (ဟုတ်ကဲ့၊ ရှက်ဖွယ်ဖြစ်ပါသည်။) အတော်အတန် ကုံလုံကြွယ်ဝသော ဒေသများရှိ အချို့သောအသင်းတော်များ၌ အန္တိခရစ်တို့က “ဤနေရာသည် အတော်ပင် ကောင်းမွန်သည်။ အသုံးစရိတ်များနှင့်ပတ်သက်ပါက ကျွန်ုပ်သုံးဖြုန်းနိုင်ပြီး ကျွန်ုပ်အလိုရှိသလို ပြုလုပ်နိုင်သည်၊ အသင်းတော် စည်းမျဉ်းစည်းကမ်းများနှင့် စည်းမျဉ်းများကို လိုက်နာရန် မလိုအပ်ပေ။ ငွေကို ကျွန်ုပ် အလိုရှိသလိုသုံးစွဲနိုင်ပါသည်။ ကျွန်ုပ် အသင်းတော် ခေါင်းဆောင် ဖြစ်လာပြီးကတည်းက တွက်ချက်နေရန် မလိုအပ်ဘဲ ပိုက်ဆံသုံးရသော ဘဝတစ်ခုကို နောက်ဆုံးတွင် ပျော်မွေ့ခံစားနိုင်ပြီဖြစ်သည်။ ကျွန်ုပ်က တစ်စုံတစ်ခုအတွက် ငွေကြေးသုံးစွဲလိုလျှင် အမိန့်ပေးလိုက်ရုံသာ ဖြစ်သည်၊ ယင်းအတွက် ကျွန်ုပ် စိုးရိမ်ရန် မလိုအပ်သကဲ့သို့ မည်သူနှင့်မျှ ယင်းအကြောင်းဆွေးနွေးရန် ဧကန်မုချ မလိုအပ်ပါ” ဟု စဉ်းစားကြသည်။ အသင်းတော်၏ ပစ္စည်းဥစ္စာများကို သုံးခြင်းနှင့်ပတ်သက်လာပါက အန္တိခရစ်တို့သည် မိမိတို့ဘာသာ အာဏာစွဲကိုင်ထားကာ မဆင်မခြင် ပြုမူဆောင်ရွက်ပြီး ငွေကို ရေလို သုံးကြသည်။ အသင်းတော်၏ စည်းမျဉ်းများနှင့်အညီဖြစ်စေ၊ အလုပ်အစီအစဉ်များနှင့်အညီဖြစ်စေ အလုပ်တစ်စုံတစ်ရာကို မလုပ်ဆောင်ခြင်းအပြင် အန္တိခရစ်တို့သည် အသင်းတော် ပစ္စည်းဥစ္စာကို စည်းမျဉ်းတစ်ခုမျှမရှိဘဲ ထိုနည်းအတိုင်းပင် သဘောထားပြုမူသည်။ ၎င်းတို့သည် စည်းမျဉ်းများကို နားမလည်၍များ ဖြစ်နိုင်သလော။ မဟုတ်ပေ။ ၎င်းတို့သည် အသင်းတော်၏ ပစ္စည်းဥစ္စာကို ခွဲဝေခြင်းနှင့် သုံးစွဲခြင်းကို အုပ်စိုးထားသော စည်းမျဉ်းများကို လုံးလုံး ကောင်းမွန်စွာ သိကြသော်လည်း သူတို့ကိုယ်တိုင်၏ လောဘနှင့် လိုအင်ဆန္ဒများကို ၎င်းတို့ မထိန်းချုပ်နိုင်ကြချေ။ သူတို့သာမန်လူများဖြစ်ပြီး မည်သည့်အဆင့်အတန်းမျှ မရှိသည့်အခါ သူတို့သည် နှိမ့်ချပြီး ရိုးရှင်းသော နေ့စဉ်ဘဝများဖြင့် နေထိုင်ကြသော်လည်း ခေါင်းဆောင်များ ဖြစ်လာသည်နှင့်တစ်ပြိုင်နက် သူတို့သည် မိမိတို့ကိုယ်ကို အရေးပါသူများဟု ထင်မြင်ကြသည်။ သူတို့သည် ဝတ်စားပုံနှင့် စားသောက်ပုံကို ဇီဇာကြောင်လာကြသည်။ သူတို့သည် သာမန်အစားအစာများကို မစားသုံးတော့ဘဲ မိမိတို့ကိုယ်ကို အဝတ်အစား ဆင်မြန်းရာတွင် အရည်အသွေးကောင်းပြီး နာမည်ကြီးသောတံဆိပ်များကို ရှာဖွေတတ်လာကြသည်။ အရာအားလုံးသည် ဈေးအကြီးဆုံးဖြစ်ရမည်၊ ထိုအခါမှသာ သူတို့၏ဂုဏ်ပုဒ်၊ အဆင့်အတန်းတို့နှင့် လိုက်ဖက်သည်ဟု သူတို့ခံစားရသည်။ အန္တိခရစ်တို့ ခေါင်းဆောင်များ ဖြစ်လာသည်နှင့်တစ်ပြိုင်နက် ညီအစ်ကိုမောင်နှမများအားလုံးက သူတို့ကို ကြွေးတင်နေသကဲ့သို့ဖြစ်ပြီး သူတို့အား လက်ဆောင်များ ဆက်သရမည်ဖြစ်သည်။ ကောင်းသောအရာ တစ်စုံတစ်ရာ ပေါ်ပေါက်လာပါက သူတို့ကို ဦးစားပေးရမည်ဖြစ်ပြီး ညီအစ်ကိုမောင်နှမများအနေဖြင့် မိမိတို့၏ငွေကို သူတို့အတွက် သုံးစွဲရန် မျှော်လင့်ခြင်းခံရသည်။ ခေါင်းဆောင်ဖြစ်လာခြင်းဆိုသည်မှာ သူတို့သည် အသင်းတော်၏ ပစ္စည်းဥစ္စာကို ပိုင်ဆိုင်ရန်နှင့် အသုံးပြုရန် ဦးစားပေးဖို့ အာဏာရှိသင့်သည်ဟု အန္တိခရစ်တို့ ယုံကြည်ကြသည်။ သူတို့သည် ဤသို့စဉ်းစားရုံသာမက ဤသို့ပြုမူလုပ်ဆောင်ကြသည်။ ထို့အပြင် သူတို့သည် အခြားလူများက ရွံရှာမုန်းတီးသည်အထိ အလွန်အကျွံပြုလုပ်ကြသည်။ ဤရှုထောင့်မှကြည့်လျှင် အန္တိခရစ်တို့၏ အကျင့်စရိုက် မည်သို့ရှိသနည်း။ ခေါင်းဆောင်များဖြစ်လာပြီးနောက် အလုပ်တစ်စက်မျှ မလုပ်ဘဲ သူတို့သည် လှူဖွယ်ပစ္စည်းများကို သိမ်းပိုက်လိုပြီး ယင်းတို့ကို အသုံးပြုခြင်းအား ဦးစားပေးလိုကြသည်။ ဤသို့သောအရာများကို မည်သည့်လူစားမျိုးက လုပ်ဆောင်နိုင်စွမ်းရှိသနည်း။ ဓားပြ၊ အာဏာရှင်၊ သို့မဟုတ် ဒေသခံအနိုင်ကျင့်သူတစ်ဦးသာလျှင် ဤအရာများကို ပြုလုပ်လိမ့်မည်။

အောက်ပါအတိုင်း ပြုမူခဲ့သည့် ခေါင်းဆောင်တစ်ဦးရှိ၏။ သူပြုခဲ့သော ဤအမှုကို ပိုင်းခြားသိမြင်ပြီး စိစစ်ရန် ကြိုးစားလော့။ တစ်နေ့တွင် ငါသည် တရုတ်ဆေးဖက်ဝင် ဖြည့်စွက်စာထုပ် တစ်ထုပ်ကို လက်ခံရရှိခဲ့သည်။ ငါက “ဤအရာကို ငါ့အတွက်ဝယ်ပေးရန် ငါမည်သူ့ကိုမျှ မခိုင်းခဲ့ပါ၊ သို့ဖြစ်လျှင် ယင်းကို မည်သည့်နေရာမှ ပေးပို့ခဲ့သနည်း။ မည်သူဝယ်ခဲ့သနည်း။ ငါဘာမှမသိရခြင်းမှာ အဘယ်သို့နည်း” ဟု မိမိဘာသာ တွေးတောမိသည်။ နောက်ပိုင်းတွင် စုံစမ်းမေးမြန်းပြီးသည့်နောက်တွင် အထက်သို့ မမေးမြန်းဘဲ ယင်းကို ဝယ်ယူရန် တာဝန်ခံယူခဲ့သော ခေါင်းဆောင်တစ်ဦးဖြစ်ကြောင်း ငါသိရှိခဲ့ရသည်။ ဤပစ္စည်းကို အထက်မှ လိုအပ်သည်ဟု သူပြောခဲ့သည်။ ဤသည်ကိုကြားသောအခါ လက်အောက်ငယ်သား ညီအစ်ကိုမောင်နှမတို့က ဤသို့ပြောဆိုခဲ့ကြသည် “အထက်မှ ဝယ်ယူစေချင်သည်ဖြစ်၍ လွယ်ပါသည်။ ကျွန်ုပ်တို့ အသင်းတော်၏ငွေကို သုံး၍ ဝယ်ယူနိုင်သည်။ အထက်မှ ဝယ်ယူချင်သမျှသည် အဆင်ပြေသည်။ အထူးသဖြင့် ဘုရားသခင်အတွက်ဖြစ်သောကြောင့် ကျွန်ုပ်တို့ ကန့်ကွက်စရာမရှိပါ” ဟူ၍ ဖြစ်သည်။ သုံးစွဲခဲ့သောငွေမှာ မည်သူ့ငွေဖြစ်သနည်း။ (ဘုရားသခင်၏ လှူဖွယ်ပစ္စည်းများ ဖြစ်ပါသည်။) ဘုရားသခင်၏ လှူဖွယ်ပစ္စည်းများကို သုံးစွဲရာတွင် သူသည် အဘယ်ကြောင့် ဤမျှ လက်လွတ်စပယ်နိုင်ရသနည်း။ ဤဝယ်ယူမှုမှာ အထက်၏ ခွင့်ပြုချက်ရရှိပြီးဖြစ်သလော။ ငါ၏သဘောတူညီချက်ကို မတောင်းခံဘဲ သူသည် မိမိသဘောဖြင့် လျှို့ဝှက်ဆုံးဖြတ်ကာ ထိုဖြည့်စွက်စာကို ဝယ်ယူခဲ့သည်။ ဝယ်ယူသည့်အခါတွင်လည်း သူသည် “ဤသည်မှာ အထက်အတွက် အသုံးဝင်မည်လော။ ငါဝယ်ယူနေသောအရာမှာ သင့်လျော်ပါသလား။ မည်မျှဝယ်ယူသင့်သနည်း။ ဤငွေကို သုံးစွဲရန် အထက်မှ ငါ့ကို ခွင့်ပြုမည်လော” ဟု ခဏရပ်၍ မစဉ်းစားခဲ့ပေ။ ဤအရာများကို သူမေးမြန်းခဲ့သလော။ (မမေးမြန်းခဲ့ပါ။) မေးမြန်းခြင်းပင်မရှိဘဲ သူသည် ဤပစ္စည်းကို ချက်ချင်း ဝယ်ယူခဲ့သည်။ ဤလက်လွတ်စပယ်နိုင်မှုမှာ မည်သည့်နေရာမှ လာသနည်း။ ဤသည်မှာ မည်သို့သော ကိုယ်ရေးကိုယ်တာ သစ္စာစောင့်သိမှုမျိုး ဖြစ်သနည်း။ သူသည် ဘုရားသခင်၏ ငွေကိုသုံး၍ ဘုရားသခင်အတွက် တစ်စုံတစ်ခု ဝယ်ယူခဲ့သည်၊ ဤသည်ကို မိမိ၏ မဖြစ်မနေလုပ်ရမည့် တာဝန်အဖြစ် မှတ်ယူကာ ထိုအရာကိုဝယ်ယူပြီး ဘုရားသခင်ကို ကျေနပ်စေရန် မည်သည့်အရာကိုမဆို လုပ်ဆောင်ပြီး အခက်အခဲဟူသမျှကို ကျော်လွှားခဲ့သည်။ ဤနေရာတွင် ဘုရားသခင်ကို ကျေနပ်စေခြင်းဟူသည် အဘယ်အရာကို ဆိုလိုသနည်း။ ဆိုလိုသည်မှာ “သင့်ကို မကျော်ဘဲ ကျွန်ုပ်က သင့်ကို ကြည်နူးဖွယ် အံ့အားသင့်စေနိုင်ပါသည်။ ကြည့်ပါ၊ ကျွန်ုပ်တွင် ဤအရည်အချင်းရှိပါသည်။ ကျွန်ုပ် ဤသို့လုပ်နိုင်မှန်း သင်သိခဲ့ပါသလား။ ဘယ်လိုထင်ပါသနည်း။ ဤသည်မှာ ကောင်းမွန်သော အံ့အားသင့်စရာတစ်ခု မဟုတ်ပါသလား။ သင်မပျော်ရွှင်သလော။ သင်စိတ်သက်သာရာရပါသလား” ဟူ၍ဖြစ်သည်။ သင်သုံးစွဲခဲ့သောငွေမှာ မည်သူ့ငွေဖြစ်သနည်း။ ယင်းမှာ သင်၏ငွေဖြစ်သလော။ သင်သုံးစွဲခဲ့သောအရာမှာ ဘုရားသခင်၏ ငွေဖြစ်ပါက ဘုရားသခင်၏ သဘောတူညီချက်ကို သင်ရရှိခဲ့သလော။ သင်သည် ဘုရားသခင်ထံမှ ခိုးယူခဲ့သောငွေကို သုံးစွဲခဲ့ပြီး ထို့နောက် ဘုရားသခင်ကို ကောင်းမွန်သော အံ့အားသင့်ခြင်းတစ်ခု ပေးလိုသည်ဟု သင်ပြောဆိုခဲ့သည်၊ ဤသည်မှာ မည်သို့သောဆင်ခြင်တွေးခေါ်မှု စနစ်မျိုး ဖြစ်သနည်း။ ပြီးလျှင် မည်သူ့ငွေနှင့် သင် ဤမျှ လက်လွတ်စပယ်နိုင်ခဲ့ရသနည်း။ (ဘုရားအိမ်တော်နှင့် သက်ဆိုင်သောငွေ ဖြစ်ပါသည်)။ ဘုရားအိမ်တော်နှင့် သက်ဆိုင်သောငွေဖြင့် လက်လွတ်စပယ်ပြုခြင်းသည် ဘုရားသခင်၏ လှူဖွယ်ပစ္စည်းများကို လက်လွတ်စပယ်ပြုခြင်းပင်ဖြစ်သည်။ ဤသည်မှာ စက်ဆုပ်ဖွယ် မကောင်းသလော။ (စက်ဆုပ်ဖွယ်ကောင်းပါသည်)။ ဤသည်ကိုကြားရ၍ သင်တို့ စက်ဆုပ်ရွံရှာမိနိုင်သည်၊ သို့သော် ပါဝင်ပတ်သက်သူမှာ စက်ဆုပ်ရွံရှာခြင်း လုံးဝ မရှိသည့်အပြင် မိမိကိုယ်ကို အလွန်ကျေနပ်နေခဲ့သည်။ ပစ္စည်းကို ပေးပို့ပြီးသည့်နောက် သူသည် မိမိဘာသာ ဤသို့တွေးတောနေခဲ့သည် “အကြောင်းပြန်ကြားချက် အဘယ်ကြောင့်မရှိရသနည်း။ ကျွန်ုပ်က သင့်အတွက် ဤမျှ ကောင်းမွန်သောအမှုတစ်ခုကို လုပ်ဆောင်ပေးခဲ့သည်၊ သို့ဖြစ်လျှင် အဘယ်ကြောင့် သင်က ကျွန်ုပ်ကို ကျေးဇူးမတင်ရသနည်း။ ပစ္စည်းနှင့်ပတ်သက်၍ သင်မည်သို့ထင်မြင်သနည်း။ ယင်းနှင့်ပတ်သက်၍ သင်ကျေနပ်ပါသလား။ နောင်တွင် ယင်းထဲမှအချို့ကို ကျွန်ုပ် ထပ်မံဝယ်ယူပေးစေချင်ပါသလား။ ကျွန်ုပ်ကို သင်မည်သို့သော အကဲဖြတ်ချက်မျိုး ပေးပါသနည်း။ ယခုမှစ၍ ကိုယ်တော်က ကျွန်ုပ်ကို အရေးကြီးသော ရာထူးတစ်ခုတွင် ထားရှိမည်လော။ ကျွန်ုပ်လုပ်ဆောင်ခဲ့သော အရာနှင့်ပတ်သက်၍ သင်ကျေနပ်ပါသလား။ ကျွန်ုပ်က သင့်ငွေကိုသုံး၍ သင့်အတွက် တစ်စုံတစ်ခု လုပ်ဆောင်ပေးခဲ့သည်၊ ကျွန်ုပ်၏ ကြင်နာမှုနှင့်ပတ်သက်၍ သင် မည်သို့ထင်မြင်ပါသနည်း။ သင်ပျော်ရွှင်ပါသလား။ အို၊ တစ်စုံတစ်ရာတော့ ပြောပါဦးလော့။ အဘယ်ကြောင့် အကြောင်းပြန်ကြားချက် မရှိရသနည်း” ဟူ၍ ဖြစ်၏။ သူ့ကို ငါအကြောင်းပြန်သင့်သလော။ (မပြန်သင့်ပါ)။ အဘယ်ကြောင့် မပြန်သင့်သနည်း။ ဤအဖြစ်အပျက်မှာ အတန်ကြာသော အချိန်က ဖြစ်ပွားခဲ့သည်၊ သို့သော် ဤအချိန်တစ်လျှောက်လုံး ငါသည် ယင်းကို စက်ဆုပ်ရွံရှာခြင်းမှ မရပ်တန့်သေးပါ။ သူဝယ်ခဲ့သော ထိုအရာကို ငါကြည့်မိသည့်အခါတိုင်း ငါစက်ဆုပ်ရွံရှာမိသည်။ စက်ဆုပ်ရွံရှာခြင်းမှာ ကျိုးကြောင်းဆီလျော်သလောဟူသည်ကို သင်တို့ ငါ့ကို ပြောလော့။ ဤအဖြစ်အပျက်ကို စိစစ်ခြင်းက အကျိုးရှိမည်လော။ (ဟုတ်ပါသည်၊ အကျိုးရှိပါမည်။) ဤသည်မှာ မည်သို့သောကျင့်ကြံမှုမျိုး ဖြစ်သနည်း။ သစ္စာစောင့်သိမှု၏ ဖော်ပြချက်လော။ သို့မဟုတ် ကြင်နာမှုလော။ သို့မဟုတ် ဘုရားသခင်ကို ကြောက်ရွံ့သော စိတ်နှလုံးလော။ (ဤအရာများထဲမှ တစ်ခုမျှမဟုတ်ပါ။) ဤသည်ကို တစ်စုံတစ်ဦးအား မျက်နှာလုပ်ခြင်းနှင့် လှည့်ဖြားခြင်း ဟုခေါ်သည်၊ ဆိုလိုသည်မှာ “ကျွန်ုပ်ကို သင် ပို၍ မျက်နှာသာပေးသော အလင်းတွင် ရှုမြင်စေရန်အလို့ငှာ ကျွန်ုပ်က သင်၏ အလိုကို ဖြည့်ဆည်းရန်နှင့် ကျွန်ုပ်အပေါ် သင်အကောင်းမြင်စေရန် တစ်စုံတစ်ခုကို ဝယ်ပေးဖို့အတွက် သင်၏ငွေကို ကျွန်ုပ် သုံးသည်။” ဟူ၍ဖြစ်သည်။ ဤခေါင်းဆောင်သည် ငါ၏အလိုဆန္ဒကို ဖြည့်ဆည်းရန်၊ ငါ့ကို မြှောက်ပင့်ပြီး ဖားယားလုပ်ရန် ဆန္ဒရှိခဲ့သည်၊ သို့သော် အဆုံးတွင် သူရှုံးနိမ့်ခဲ့ပြီး ထိုးထွင်းသိမြင်ခြင်း ခံခဲ့ရသည်။ သူမည်သည့်အမှားများကို ကျူးလွန်ခဲ့သနည်း။ ပထမဦးစွာ ဤသည်မှာ ငါ့အတွက်လုပ်ဆောင်ရန် သူ့ကို ငါ တာဝန်ပေးစေခိုင်းခဲ့သော အရာတစ်ခုမဟုတ်ပေ၊ ဤသို့လုပ်ဆောင်ရန် သူ့ကို ငါမှာကြားခဲ့ခြင်းမရှိ။ ဒုတိယအချက်မှာ အကယ်၍ သူသည် သူ၏စိတ်နှလုံး ကြင်နာမှုကြောင့် ဤသို့လုပ်ဆောင်လိုခဲ့ပါက ဆက်လက်မဆောင်ရွက်မီ သူသည် ဦးစွာမေးမြန်းပြီး သဘောတူညီချက် ရယူသင့်သည်။ ပြီးလျှင် ဤသည်ကို သူဆောင်ရွက်နေစဉ် သူသိရှိရန်လိုအပ်သော ဆီလျော်သော ကိစ္စရပ်များကို သူ စုံစမ်းမေးမြန်းခဲ့သင့်သည် မဟုတ်လော။ ဥပမာအားဖြင့် မည်သည့်ပမာဏဝယ်ယူရမည်၊ ငွေမည်မျှတန်ဖိုးရှိသော ပစ္စည်းဝယ်ယူရမည်၊ မည်သည့်အဆင့်အတန်း ရှိသောကုန်ပစ္စည်းများ ဝယ်ယူရမည်၊ ငွေကိုမည်သို့သုံးစွဲရမည်ဟူသည့် ဤအရာများကို သူစုံစမ်းမေးမြန်းခဲ့သင့်သည် မဟုတ်လော။ ဤအရာများကို စုံစမ်းမေးမြန်းခြင်းသည် သမ္မာတရား စည်းမျဉ်းများနှင့်အညီ ပြုမူဆောင်ရွက်ခြင်းပင် ဖြစ်ခဲ့လိမ့်မည်။ သို့ဆိုလျှင် ဤစုံစမ်းမေးမြန်းမှုများကို သူပြုရန် ပျက်ကွက်ခြင်း၏သဘာဝမှာ အဘယ်နည်း။ အသေးစားအဆင့်တွင် သူသည် မိမိကိုယ်ကို အလွန်ထက်မြက်သည်ဟု ထင်မှတ်နေခဲ့သည်၊ ပိုကြီးမားသောအဆင့်တွင် ဤသည်ကို တစ်ဇွတ်ထိုး ပြုမူခြင်း၊ ဘုရားသခင်ကို အလေးမထားခြင်း၊ မဆင်မခြင် ပြုမူခြင်းဟုခေါ်သည်။ ငါသည် ထိုပစ္စည်းကိုဝယ်ရန် သူ့ကို ဘယ်သောအခါမျှ မတောင်းဆိုခဲ့ပါ၊ သို့ဖြစ်လျှင် သူသည် အဘယ်အတွက်များ ကောင်းမွန်သော ရည်ရွယ်ချက်များနှင့်ပတ်သက်သော ဤပြသမှုကို ပြုနေခဲ့သနည်း။ သူသည် ပြဿနာရှာနေခဲ့ခြင်း မဟုတ်လော။ ထို့အပြင် သူ၏အကြီးမားဆုံးပြဿနာမှာ အန္တိခရစ်တို့ ပစ္စည်းဥစ္စာအပေါ် ထားရှိသော အမြင်ဖြစ်သည်၊ ၎င်းမှာ ယနေ့ ကျွန်ုပ်တို့ မိတ်သဟာယဖွဲ့ပြီး စိစစ်နေသည့်အရာပင်တည်း။ ထိုအသင်းတော်၏ ခေါင်းဆောင်အနေဖြင့် အသင်းတော်ရှိ ဘုရားသခင် ရွေးချယ်ထားသောလူများက ဘုရားသခင်အတွက် ပေးလှူသော လှူဖွယ်ပစ္စည်းများကို သူ့အနေဖြင့် ပျော်မွေ့ခံစားရန် အရည်အချင်း ပြည့်မီသည်ဟုလည်းကောင်း၊ ဘုရားသခင်အတွက်ဖြစ်သော ဤလှူဖွယ်ပစ္စည်းများကို အသုံးပြုရန်နှင့် ပိုင်ဆိုင်ရန် သူ့တွင် အာဏာရှိသည်ဟုလည်းကောင်း၊ ယင်းတို့နှင့်ပတ်သက်၍ သူ့တွင် ဆုံးဖြတ်ပိုင်ခွင့် ရှိသည်ဟုလည်းကောင်း သူယုံကြည်ခဲ့သည်။ ထိုအသင်းတော်တွင် သူသည် ဘုရင်၏ အာဏာကို ကိုင်စွဲကာ လုပ်အုပ်စိုးကာ ဒေသခံအာဏာရှင်တစ်ဦး ဖြစ်လာခဲ့သည်။ သူစဉ်းစားသည်မှာ “ကျွန်ုပ်ဝယ်ယူသော အရာများနှင့်ပတ်သက်၍ သင့်ကို အကြောင်းကြားရန် သို့မဟုတ် မေးမြန်းရန် မလိုအပ်ပါ၊ ကျွန်ုပ်က သင့်အတွက် ကိုင်တွယ်ဖြေရှင်း၍သာ ပေးပါမည်။ သင်သဘောတူသည်ဖြစ်စေ မတူသည်ဖြစ်စေ ဤသို့သောနည်းလမ်းဖြင့် လုပ်ဆောင်ခြင်းသည် ကောင်းမည်ဟု ကျွန်ုပ်ခံစားရသရွေ့၊ ပြီးလျှင် ဤသို့သောနည်းလမ်းဖြင့် လုပ်ဆောင်လိုသရွေ့ ထိုသို့ပင် ကျွန်ုပ်လုပ်ဆောင်မည်ဖြစ်သည်” ဟူ၍ဖြစ်သည်။ သူသည် မည်သို့သောအရာမျိုးဖြစ်သနည်း။ သူသည် အန္တိခရစ်တစ်ဦး မဟုတ်လော။ အန္တိခရစ်တို့သည် ထိုမျှလောက် အရှက်မဲ့ကြ၏။ ဤသူသည် အဆင့်အတန်းရရှိပြီး ခေါင်းဆောင်တစ်ဦး ဖြစ်လာသည့်အခါ သူသည် ဘုရင်တစ်ပါးဖြစ်လိုခဲ့သည်၊ အသင်းတော်၏ ပစ္စည်းဥစ္စာကို သိမ်းပိုက်လိုခဲ့သည်။ အသင်းတော်၏ ပစ္စည်းဥစ္စာနှင့်ပတ်သက်၍ သူတစ်ဦးတည်းသာ စီမံထိန်းချုပ်သည်ဟု ရှိသည်ဟုလည်းကောင်း၊ ၎င်းကို ပိုင်ဆိုင်ရန်နှင့် အသုံးပြုရန် သူ့တွင် အာဏာရှိသည်ဟုလည်းကောင်း သူထင်မှတ်ခဲ့သည်။ ငါ့အတွက်ပစ္စည်းများ ဝယ်ယူခြင်းနှင့် မည်သည့်ပစ္စည်းများ ဝယ်ယူရမည်ကိုပင် သူဆုံးဖြတ်ပိုင်ခွင့် ရှိသည်ဟု သူထင်မှတ်ခဲ့သည်။ သို့သော် ငါ့အတွက် ပစ္စည်းများဝယ်ပေးရန် သင့်ကို ငါလိုအပ်သလော။ ငါမည်သည့်အရာကိုမဆို အသုံးပြုသည်ဖြစ်စေ မည်သို့ပင် အသုံးပြုသည်ဖြစ်စေ သင်ပါဝင်ပတ်သက်ရန် ငါလိုအပ်သလော။ ဤသည်မှာ ဆင်ခြင်တုံတရား ကင်းမဲ့ခြင်း မဟုတ်သလော။ ဤသည်မှာ အရှက်မရှိခြင်း မဟုတ်သလော။ သင်မည်သူဖြစ်သည်ကို သင်မေ့နေပြီလော။ ဤသည်မှာ ရာထူးအဆင့်အတန်း ရရှိပြီးနောက် ဘုရားသခင်နှင့် တန်းတူရည်တူ ဖြစ်လိုခဲ့သော ကောင်းကင်တမန်မင်းကဲ့သို့ပင် မဟုတ်သလော။ ဤအရာ ပြုလုပ်ခဲ့သူသည် အမှားမည်မျှ ကျူးလွန်ခဲ့သနည်း။ ပထမအမှားမှာ သူသည် အသင်းတော်၏ပစ္စည်းဥစ္စာကို သူ၏ကိုယ်ပိုင်ပစ္စည်း ဖြစ်သည့်အလား ခွဲဝေခဲ့ခြင်းဖြစ်သည်၊ ဒုတိယအမှားမှာ သူသည် ငါ့အတွက်ပစ္စည်းများ ဝယ်ယူခြင်းနှင့်ပတ်သက်၍ ဆုံးဖြတ်ချက်များကို မိမိသဘောအတိုင်း ချမှတ်ခဲ့ခြင်း ဖြစ်သည်၊ တတိယအမှားမှာ ဤဆုံးဖြတ်ချက်ကို မိမိဘာသာ ချမှတ်ပြီးသည့်နောက် သူသည် ဤအကြောင်းကို အထက်သို့ အကြောင်းမကြားခဲ့ချေ၊ ၎င်းတို့ထံမှ တောင်းခံခြင်း သို့မဟုတ် ၎င်းတို့ထံ သတင်းပို့ခြင်း မပြုလုပ်ခဲ့ပေ။ ဤအမှားများထဲမှ တစ်ခုချင်းစီသည် ယင်းကိုယ်၌ကပင် အတော်အတန် ဆိုးရွားခဲ့လေသည်။ ဤအန္တိခရစ်သည် ထိုနေရာတွင် အတော်ပင် ချောမွေ့သော လုပ်ငန်းကို ဦးစီးနေပုံရသည်။ သူအမိန့်ပေးလိုက်သည်နှင့် သူ၏ လက်ပါးစေများက သူ၏အမိန့်များကို ကျိုးနွံနာခံသော ဟန်ပန်ဖြင့် ဆောင်ရွက်ကြလိမ့်မည်။ ၎င်းတို့သည် “ကျွန်ုပ်တို့က ဤပစ္စည်းကိုဝယ်ရန် ဤမျှများပြားသောငွေကို သုံးစွဲနေသည်၊ ဘုရားသခင်က ဤသို့အမိန့်ပေးခဲ့သလော။ ငွေကို ဤသို့သော နည်းလမ်းဖြင့် အသုံးပြုနိုင်သလော။ သင့်လျော်ပါမည်လော။ မည်သူက အမှန်တကယ် ဤသို့အမိန့်ပေးခဲ့သနည်း” ဟူ၍ မေးမြန်းရန်ပင် မရပ်တန့်ခဲ့ကြပေ။ ထိုလက်ပါးစေများသည် ဤအရာများကိုပင် မမေးမြန်းခဲ့ကြပေ။ ၎င်းတို့ တစ်စုံတစ်ရာ တာဝန်ယူခဲ့ကြသလော။ ၎င်းတို့၌ သစ္စာစောင့်သိမှု တစ်စုံတစ်ရာ ရှိခဲ့သလော။ မရှိပေ၊ ၎င်းတို့၌ သစ္စာစောင့်သိမှုမရှိခဲ့ပေ၊ ၎င်းတို့ကို ဖယ်ရှားရှင်းလင်းသင့်သည်။ ဤသည်မှာ တစ်စုံတစ်ယောက်က လှူဖွယ်ပစ္စည်းများကို မိမိတို့၏ ကိုယ်ပိုင်ဆန္ဒအတိုင်းနှင့် မည်သည့်စည်းမျဉ်းမျှမရှိဘဲ အသုံးပြုခဲ့သည့် အတိတ်မှ ဥပမာတစ်ခုဖြစ်သည်။ ငါ၏ခွင့်ပြုချက်မရရှိဘဲ ဘုရားသခင်အတွက် ပစ္စည်းများဝယ်ယူရန် ဘုရားသခင်၏ လှူဖွယ်ပစ္စည်းများကို သုံးခြင်း၊ ဤအရာကို ပြုလုပ်ခြင်းသည် ကြီးလေးသောအမှားတစ်ခုကို ကျူးလွန်ခြင်းပင်ဖြစ်သည်။

ဤတွင် နောက်ထပ်ဥပမာတစ်ခုရှိသည်၊ ဤလူတို့ ပြုလုပ်ခဲ့သည့်အရာကို သင်တို့နားထောင်ပြီး ယင်းကို သင်တို့ စိတ်ပျက်ဖွယ်ကောင်းသည်ဟု မြင်ခြင်း ရှိမရှိ ကြည့်စေလိုသည်။ အသင်းတော်စုဝေးပွဲများအတွင်း ငါထိုင်နေသော ကုလားထိုင်သည် အလွန်နူးညံ့ပျော့ပျောင်းပြီး ယင်းပေါ်၌ ငါထိုင်လိုက်သောအခါ အတော်ပင် နိမ့်ကျသွားသည်။ စားပွဲသည်လည်း အလွန်မြင့်မားသောကြောင့် ငါ့အနေဖြင့် ငါ၏ ခါးကို မတ်မတ်ထားရပြီး ဤသို့ အချိန်ကြာမြင့်စွာ ထိုင်နေခြင်းက ငါ့ကို ပင်ပန်းစေခဲ့သည်။ သို့ဖြစ်၍ အနည်းငယ်ပိုမြင့်ပြီး ထိုင်သည့်နေရာတွင် အနည်းငယ်ပိုမာသော ကုလားထိုင်တစ်လုံးဝယ်ရန် သူတို့ကို ငါတောင်းဆိုခဲ့သည်။ ဤသည်မှာ လွယ်ကူလောက်သည့် လုပ်ဆောင်မှုတစ်ခု မဟုတ်လော။ (ဟုတ်ပါသည်။) ဤသည်မှာ အမှန်တကယ်ပင် အလွန်ရိုးရှင်းသော ကိစ္စရပ်တစ်ခုဖြစ်သည်။ ပထမဦးစွာ သူတို့သည် ထိုအချိန်က ငါထိုင်နေသော ကုလားထိုင်၏ အမြင့်ကို တိုင်းတာရန်လိုအပ်ပြီး ထို့နောက် နှစ်လက်မ သို့မဟုတ် ထို့ထက်အနည်းငယ် ပိုမြင့်သောတစ်ခုကို ရှာဖွေရန် လိုအပ်ကာ ထို့နောက်တွင် ထိုင်သည့်နေရာသည် မည်မျှပျော့သည်ကို သူတို့စစ်ဆေးရန် လိုအပ်ပြီး အနည်းငယ် ပိုမာသော ထိုင်ခုံတစ်ခုကို ရှာဖွေရန်လိုအပ်သည်။ အစဦးဆုံးအနေဖြင့် သူတို့သည် ဆိုင်ထဲတွင် လျှောက်ပတ်ကြည့်ရှုနိုင်ပြီး သင့်လျော်သောအရာတစ်ခုခုကို သူတို့မတွေ့ရှိပါက အွန်လိုင်းတွင် ထပ်မံရှာဖွေနိုင်သည်။ ဤသည်မှာ အလွယ်တကူ ဆောင်ရွက်၍ ရနိုင်သည့်အရာတစ်ခု မဟုတ်လော။ ယင်းက အခက်အခဲတစ်စုံတစ်ရာ ရှိသလော။ တစ်စုံတစ်ခုဝယ်ရန် ငွေသုံးစွဲခြင်းကို စိန်ခေါ်မှုတစ်ခုဟု မခေါ်ဆိုနိုင်သည့်အပြင် ထို့ထက်ပို၍ လူအချို့သည် သူတို့၏စိတ်ကူးများကို စုပေါင်းလိုက်ပါက ယင်းမှာ စီမံခန့်ခွဲရန် လွယ်ကူသော တာဝန်တစ်ခု ဖြစ်သင့်သည်။ သို့ဖြစ်၍ အတန်ကြာပြီးနောက် ငါသည် ထိုအသင်းတော်ရှိ အခြားစုဝေးပွဲတစ်ခုသို့ သွားရောက်ခဲ့ပြီး ကုလားထိုင်အသစ်တစ်လုံး သွားဝယ်ပြီးခြင်း ရှိမရှိကို သူတို့ကို ငါမေးခဲ့သည်။ သူတို့က “ကျွန်ုပ်တို့ ကြည့်ရှုခဲ့ပါသည်၊ သို့သော် အမှန်တကယ် သင့်လျော်သော အရာတစ်ခုကိုမျှ ကျွန်ုပ်တို့မတွေ့ရှိခဲ့ပါ၊ ပြီးလျှင် သင်အလိုရှိသော ကုလားထိုင်အမျိုးအစားကိုလည်း ကျွန်ုပ်တို့မသိခဲ့ပါ” ဟု ပြောခဲ့သည်။ ဤသည်ကိုကြားရ၍ ငါ အံ့အားသင့်သွားခဲ့သည်။ ငါဤသို့တွေးထင်မိသည်၊ “ငါနားလည်သလောက်ဆိုလျှင် ဤနေရာတွင် အရည်အသွေးအမျိုးမျိုးဖြင့် အရာအမျိုးမျိုးကို ရောင်းချသော ဆိုင်အမျိုးအစား များစွာရှိသည်၊ သို့ဖြစ်၍ ကုလားထိုင်တစ်လုံးဝယ်ရန်မှာ ထိုမျှမခက်ခဲလောက်ပေ။ ငါလည်း အလွန်အကျွံ မျှော်လင့်နေခြင်းမဟုတ်ပေ” ဟူ၍ ဖြစ်သည်။ သို့သော် ဝယ်ယူမှုကို တာဝန်ယူသောသူက “ဝယ်ရန်မလွယ်ကူပါ၊ သင်အလိုရှိသော သတ်မှတ်ချက်များဖြင့် ရောင်းချရန် တစ်လုံးတလေမျှ မရှိပါ။ သင်သည် ဤနေရာ၌ ရှိပြီးသားတစ်ခုကို မှေးသုံးလိုက်၍ ရကောင်းရနိုင်သည်” ဟု ပြောခဲ့သည်။ ငါက “ကောင်းပြီ၊ အကယ်၍ မင်းတို့တစ်လုံး မဝယ်ခဲ့လျှင်လည်း ကိစ္စမရှိပါ၊ ယင်းက ငွေအနည်းငယ် ချွေတာရာရောက်သည်၊ သို့ဖြစ်၍ ယခုလောလောဆယ် ငါဤတစ်ခုကိုသာ ငါမှေးသုံးလိုက်မည်” ငါ့ဘာသာ တွေးလိုက်သည်။ အတန်ကြာပြီးနောက် ငါသည် အခြားနေရာတစ်ခုသို့ သွားရောက်ခဲ့ရာ ထိုနေရာ၌ ထိုင်ရန် သက်သောင့်သက်သာရှိသော အတော်အတန် ကောင်းမွန်သည့် ကုလားထိုင်အများအပြားရှိပြီး ယင်းတို့မှာ ခေတ်ဟောင်းပုံစံဖြစ်ကာ အရည်အသွေးကောင်းကြောင်း တစ်ချက်ကြည့်ရုံဖြင့် သင်ပြောနိုင်သည်။ သို့ဖြစ်၍ ငါသည် ဓာတ်ပုံတစ်ပုံရိုက်ပြီး သူတို့အား ကုလားထိုင်ဝယ်ရာတွင် ဤအရာကို လမ်းညွှန်အဖြစ် အသုံးပြုခိုင်းခဲ့ကာ ယင်း၏အရောင်နှင့်ပတ်သက်၍ မည်သည့်ဦးစားပေးမှုကိုမျှ မသတ်မှတ်ခဲ့သည့်အပြင် ဆိုင်များတွင် တစ်လုံးတလေမျှ မရှိပါက အွန်လိုင်းတွင် ကြည့်ရှုသင့်ကြောင်း သူတို့ကို ငါပြောခဲ့သည်။ ရုံးသုံးပစ္စည်းများ ရောင်းချသော နေရာများတွင် သွားရောက်ရှာဖွေသင့်ကြောင်းကိုပင် ငါ အသေးစိတ်ပြောခဲ့သည်။ ထို့နောက်တွင် သူတို့သည် အောက်ပါအတိုင်း ပြန်လည်ဖြေကြားခဲ့သည်၊ “ကျွန်ုပ်တို့ အွန်လိုင်းတွင် သွားရှာဖွေခဲ့ပါသည်၊ သို့သော် တစ်လုံးတလေမျှ မရှိခဲ့ပါ။ ထုတ်လုပ်သူများအားလုံးက ဤသည်မှာ ခေတ်နောက်ကျသော ပုံစံဖြစ်ပြီး ယနေ့ခေတ်တွင် ကုလားထိုင်များကို ထိုပုံစံဖြင့် မည်သူမျှ မထုတ်လုပ်တော့ကြောင်း ပြောခဲ့ကြသည်၊ သို့ဖြစ်၍ ကျွန်ုပ်တို့တစ်လုံးမျှ မဝယ်နိုင်ခဲ့ပါ” ဟူ၍ဖြစ်သည်။ ဤသည်ကိုကြားရ၍ ငါနောက်တစ်ကြိမ် အံ့အားသင့်သွားခဲ့ပြီး ငါ ဤသို့တွေးထင်မိသည်၊ “ဤလူတို့သည် အမှုအရာများကို ကိုင်တွယ်ရာ၌ အမှန်ပင် အလွန်ညံ့ဖျင်းကြပြီး သူတို့ကို အမှန်ပင် အားကိုး၍ မရနိုင်ပေ။ သူတို့ကို ဤသေးငယ်သော တာဝန်လေးတစ်ခုသာ ပေးအပ်ခဲ့သော်လည်း နှစ်ကြိမ်တိုင်တိုင် ငါအလိုရှိသောအရာကို သူတို့မဝယ်နိုင်ခဲ့ကြောင်း ပြောခဲ့ကြပြီး ငါ့ကို ငြင်းဆိုခဲ့ကြသည်” ငါသည် သူတို့ကို ဆက်လက် ရှာဖွေရန်နှင့် အခြားဝက်ဘ်ဆိုက်များတွင် တစ်လုံးတလေမျှ ရရှိနိုင်ခြင်းရှိမရှိ ကြည့်ရှုရန် တောင်းဆိုခဲ့သည်။ ဤအတောအတွင်း စောင့်ဆိုင်းနေစဉ်၊ အသင်းတော်၏ သိုလှောင်ခန်းတစ်ခုထဲ၌ ကုလားထိုင်တစ်လုံးကို ငါတွေ့ရှိခဲ့သည်။ ပန်းရောင်ပန်းပွင့်ပုံစံဖြင့် ဖုံးအုပ်ထားသော ဖော့ကူရှင်တပ်ဆင်ထားသည့် ထိုကုလားထိုင်မှာ အပြည့်အစုံ ပြီးစီးခြင်းမရှိသေးပေ။ ယင်း၌ လုံးဝမတ်သော ကျောမှီ၊ လုံးဝတည့်သော လက်တန်းများ၊ လုံးဝဖြောင့်တန်းသော ခြေထောက်များနှင့် လုံးဝမတ်နေသော ထိုင်ခုံတစ်ခု ရှိခဲ့သည်။ ကုလားထိုင်၏ အစိတ်အပိုင်းတိုင်းသည် ဖြောင့်တန်းနေခဲ့သည်၊ ယင်း၌ ထောင့်မှန်များနှင့် လေးထောင့်စွန်းများသာ ရှိခဲ့သည်။ ငါက “ဒီကုလားထိုင်ကို တစ်ယောက်ယောက်က ကိုယ်တိုင် လုပ်ထားတာလား” ဟု ပြောခဲ့သည်။ လူတစ်ဦးက အလျင်အမြန် ရှေ့သို့တိုးလာပြီး “သင် ကုလားထိုင်တစ်လုံး လိုအပ်နေသည် မဟုတ်လော။ ကျွန်ုပ်တို့ ဤတစ်လုံးကို သင့်အတွက် ပြုလုပ်ပေးခဲ့ပြီး ယင်းအကြောင်းကို သင့်အားပြောပြရန်နှင့် စမ်းထိုင်ကြည့်ရန် သင့်အားတောင်းဆိုဖို့ အခုလေးတင် အသင့်ပြင်နေခဲ့ကြသည်” ဟု ပြန်ဖြေခဲ့သည်။ သူတို့သည် အလွန်အမင်း ကြင်နာနေကြသောကြောင့် ငါ “ကောင်းပြီ၊ ငါစမ်းထိုင်ကြည့်မည်” ဟု တွေးမိသည်။ ငါသည် ကုလားထိုင်ပေါ်သို့ အပီအပြင် ထိုင်ချလိုက်ရာ ကူရှင်ထဲရှိဖော့မှာ အလွန်မာကျောသောကြောင့် ကျောက်တုံးပေါ်၌ ထိုင်နေရသကဲ့သို့ အလွန်ပင် သက်သောင့်သက်သာ မရှိမှုကို ခံစားခဲ့ရသည်။ ငါ့ဘေးတွင်ရပ်နေသောသူက “အဆင်ပြေပါသည်၊ ယင်းကို အနည်းငယ် ပိုပျော့အောင် ပြုလုပ်၍ရပါသည်။ ယင်းမှာ မပြီးသေးပါ။ ကျွန်ုပ်တို့ ယင်းကို ပိုကောင်းအောင် ပြုလုပ်ပေးမည်ဖြစ်ပြီး ထို့နောက် သင် နောက်တစ်ကြိမ် စမ်းထိုင်ကြည့်နိုင်ပါသည်” ဟု ပြောခဲ့သည်။ နောက်တစ်ခါတောင် စမ်းထိုင်ရဦးမည် ဟုတ်စ။ ထိုကုလားထိုင်ထက်စာလျှင် သစ်သားခွေးခြေပုလေးပေါ်၌ ထိုင်ခြင်းကပင် သာ၍ကောင်းလိမ့်မည်၊ အနည်းဆုံးအနေဖြင့် ငါကျောက်တုံးပေါ်၌ ထိုင်နေရသကဲ့သို့ ခံစားရမည်မဟုတ်ပေ။ ငါက “မဟုတ်ဘူး၊ ဤသည်မှာ အဆင်မပြေပါ။ သင်တို့ရှာနိုင်လျှင် ဆက်ရှာကြည့်လော့။ တစ်ခုမျှ မတွေ့လျှင်လည်း ဤအတိုင်းသာ ထားလိုက်လော့” ဟု ပြောခဲ့သည်။ သို့ဖြစ်၍ သူတို့ကို ငါဆက်လက်ရှာဖွေခိုင်းခဲ့သည်။ ကုလားထိုင် ပြုလုပ်ခဲ့သောလူတို့သည် နားလည်ခြင်း မရှိခဲ့ကြဟန်တူသည်။ သူတို့ ဤသို့တွေးထင်ကောင်း တွေးထင်ခဲ့ကြခြင်း ဖြစ်ပေမည်၊ “ကျွန်ုပ်တို့သည် သင့်အပေါ် အလွန်ကြင်နာမှု ပြသခဲ့ပြီး ပစ္စည်း၊ ပုံစံနှင့် အရွယ်အစားကို ရွေးချယ်ကာ သင့်အတွက် ကုလားထိုင်တစ်လုံးကို အထူးပြုလုပ်ပေးခဲ့သည်။ အဘယ်ကြောင့် သင်သည် ဤကြင်နာသောလုပ်ရပ်ကို တန်ဖိုးမထားရသနည်း။ ထို့အပြင် သင်က ကျောက်တုံးပေါ်၌ ထိုင်နေရသကဲ့သို့ ခံစားရသည်၊ မာကျောသည်ဟု ဆိုသေးသည်။ အဘယ်ကြောင့် သင်သည် ဤမျှ ဇီဇာကြောင်ရသနည်း။ ကျွန်ုပ်တို့ သင့်အတွက် မည်သည့်အရာကိုမဆို ပြုလုပ်ပေးသည်ဖြစ်စေ သင်သည် ယင်းကို အသုံးပြုသင့်သည်၊ ဇာတ်လမ်းပြီးပြီ။ သို့သော် သင်ကမူ ယင်းအစား ကုလားထိုင်တစ်လုံး ဝယ်လိုနေသေးသည်။ သင်အလိုရှိသော ပုံစံမျိုးကို မည်သည့်နေရာ၌မျှ ရှာမတွေ့နိုင်ကြောင်း သင့်ကို ကျွန်ုပ်တို့ အကြိမ်ပေါင်းများစွာ ပြောခဲ့ပြီးဖြစ်သော်လည်း သင်ကမူ ထိုအရာများထဲမှ တစ်လုံးကိုဝယ်ရန် အတင်းအကျပ် တောင်းဆိုနေဆဲဖြစ်သည်။ ယင်းက ငွေကုန်မည်မဟုတ်လော။ ပိုက်ဆံနည်းနည်းပါးပါး ချွေတာခြင်းသည် ကောင်းသည်မဟုတ်လော။ ကုလားထိုင်တစ်လုံး လုပ်ခြင်းက ပိုပြီး ချွေတာရာရောက်သည်၊ ကုန်ကြမ်းများက သိပ်ဈေးမကြီးပါ။ ဝယ်ယူမည့်အစား ကိုယ်တိုင်လုပ်နိုင်သမျှ အရာအားလုံးကို ကိုယ်တိုင်လုပ်သင့်သည်။ သင်သည် အဘယ်သို့ဖြစ်၍ ချွေတာရကောင်းမှန်း မသိရသနည်း” ဟူ၍ ဖြစ်လေသည်။ သင်တို့ ငါ့ကိုပြောကြလော့၊ ငါသည် ထိုကုလားထိုင်ကို အသုံးပြုခြင်းက ပိုကောင်းမည်လော၊ သို့မဟုတ် မဟုတ်လော။ (ကိုယ်တော် မသုံးခြင်းက ပိုကောင်းပါလိမ့်မည်။) သူတို့ပြုလုပ်ခဲ့သော ကုလားထိုင်ကို ငါအသုံးပြုမည် မဟုတ်ကြောင်း သူတို့မြင်သောအခါ ယင်းကို ဘေးတစ်ဖက်သို့ ပစ်ထားလိုက်ကြပြီး သူတို့ထဲမှ တစ်ဦးတစ်ယောက်မျှလည်း ယင်းကို အသုံးမပြုခဲ့ကြပေ။ ငါ့ကိုပြောကြလော့၊ အကယ်၍ ငါယင်းကို အသုံးမပြုခဲ့ပါက လူတို့၏စိတ်ခံစားချက်များကို ငါထိခိုက်စေမည်လော။ (မဟုတ်ပါ၊ ကိုယ်တော် ထိခိုက်စေမည်မဟုတ်ပါ။) ငါ၏နှစ်များတစ်လျှောက်လုံး ဤမျှမာကျောသော ကူရှင်တပ်ကုလားထိုင်၌ ငါတစ်ခါမျှ မထိုင်ခဲ့ဖူးပေ၊ ယင်းမှာ အတော်ပင် ထူးခြားသော အတွေ့အကြုံတစ်ခု ဖြစ်ခဲ့သည်။ ဤလူတို့ ငါ့အပေါ်ပြသခဲ့သော ကြီးမားသည့် “ကြင်နာမှု” မှာ ဤသို့ပင်တည်း။ အတန်ကြာပြီးနောက် မည်သို့သော မမျှော်လင့်ထားသည့် အခြေအနေများ ပေါင်းစပ်မှုကြောင့်မှန်း မည်သူမျှမသိဘဲ ကုလားထိုင်တစ်လုံးကို ငါ့အတွက် အမှန်တကယ် ဝယ်ယူခဲ့ကြသည်၊ သို့ဖြစ်၍ ထိုလူတို့သည် နောက်ဆုံးတွင် ငါ့အပေါ် “ကြင်နာမှု” အချို့ကို ပြသခဲ့ကြသည်ပင်။ ယင်းမှာ သူတို့ကို ငါ့အတွက် တစ်စုံတစ်ခုဝယ်ပေးရန် ငါပထမဆုံးအကြိမ် တောင်းဆိုခဲ့ခြင်းဖြစ်ပြီး သူတို့သည် ငါ့ထံမှ တိုက်ရိုက်ကြားသိခဲ့ကာ ထိုတာဝန်ကို သူတို့ကိုင်တွယ်ခဲ့ပုံမှာ အလွန်စက်ဆုပ်ဖွယ်ကောင်းခဲ့သည်။ ငါ့အတွက် ကုလားထိုင်တစ်လုံး ဝယ်ယူခြင်းမှာ အလွန်အမင်း ခက်ခဲပြီး ကြိုးပမ်းအားထုတ်ခဲ့ရသည်၊ အရာရာတိုင်းသည် သူတို့၏ အတည်ပြုချက်ကို လိုအပ်သကဲ့သို့ သူတို့နှင့် ဆွေးနွေးတိုင်ပင်ခဲ့ရသည့်အပြင် သူတို့၏ စိတ်နေစိတ်ထားကိုလည်း ငါသတိပြုခဲ့ရသည်။ အကယ်၍ သူတို့စိတ်ကောင်းဝင်နေပါက သူတို့ငါ့အတွက် ဝယ်ပေးကောင်း ဝယ်ပေးမည်ဖြစ်ပြီး သို့မဟုတ်ပါက သူတို့ဝယ်ပေးမည် မဟုတ်သည့်အပြင် ထိုအခါ ငါတစ်လုံးမျှ အသုံးမပြုရဘဲ နေရပေမည်။ “သင် သက်သောင့်သက်သာရှိသော ကုလားထိုင်ကို အသုံးပြုလိုသည်၊ သို့သော် ကျွန်ုပ်တို့မူကား ထိုသို့အသုံးမပြုရသေး၊ သို့ဖြစ်၍ အိပ်မက်သာမက်နေလော့။ လက်သမားပြုလုပ်ခဲ့သော ဤတစ်လုံးကိုသာ အသုံးပြုလော့။ ကျွန်ုပ်တို့ သက်သောင့်သက်သာရှိသော ကုလားထိုင်များကို အသုံးပြုရသောအခါ သင်လည်း တစ်လုံးအသုံးပြုနိုင်မည်” ဟူ၍ ဖြစ်လေသည်။ ဤလူတို့သည် အတိအကျ ဤသို့သောအရာမျိုးများ မဟုတ်လော။ သူတို့သည် မည်သို့သောလူစားမျိုးများ ဖြစ်ကြသနည်း။ သူတို့သည် နိမ့်ကျသော အကျင့်စရိုက်ရှိသောလူများ မဟုတ်ကြလော။ ငါသည် လှူဖွယ်ပစ္စည်းအချို့ကိုသုံးစွဲ၍ တစ်စုံတစ်ခုဝယ်ပေးရန် သူတို့ကို တောင်းဆိုနေခြင်းမျှသာဖြစ်သည်၊ သူတို့လိုအပ်သမျှမှာ သူတို့၏လက်များနှင့် မျက်စိများကို အနည်းငယ် လှုပ်ရှားရန်သာ ဖြစ်သော်လည်း ထိုတာဝန်ကို သူတို့ကိုကိုင်တွယ်ခိုင်းရန်မှာ ဤမျှခက်ခဲပြီး ဤမျှစိတ်အနှောင့်အယှက်ဖြစ်စရာ ဖြစ်ခဲ့သည်။ အကယ်၍ သူတို့ကို သူတို့၏ကိုယ်ပိုင်ငွေကို သုံးစွဲရန် တောင်းဆိုခဲ့ပါက အဘယ်သို့ဖြစ်မည်နည်း။ အစပိုင်းတွင် မည်သူ့ငွေကို သုံးစွဲမည်ကို ငါမပြောခဲ့ပေ၊ သူတို့က ငါသည် သူတို့ကို သူတို့၏ကိုယ်ပိုင်ငွေကို သုံးစွဲစေလိုသည်ဟု ထင်မှတ်ခဲ့ပြီး အကျိုးဆက်အားဖြင့် ဝယ်ယူရန် ငြင်းပယ်လောက်အောင် ထိုမျှ ထိတ်လန့်သွားခဲ့ခြင်း ဖြစ်နိုင်သလော။ ယင်းမှာ အကြောင်းရင်းတစ်ခု ဖြစ်နိုင်သလော။ သင့်ကို တစ်စုံတစ်ခု ဝယ်ခိုင်းသောအခါ သင့်ကိုယ်ပိုင်ငွေကို သုံးစွဲအောင် ငါအဘယ်သို့ လုပ်နိုင်မည်နည်း။ အကယ်၍ အသင်းတော်၌ ရန်ပုံငွေရှိပါက သွား၍ဝယ်ယူလော့၊ မရှိပါက မဝယ်နှင့်။ ငါသည် သင့်အား သင့်ကိုယ်ပိုင်ငွေကို သုံးစွဲအောင်လုပ်မည်ဟူသည်မှာ ဖြစ်နိုင်ချေ မရှိပေ။ သို့ဆိုလျှင် ဤသေးငယ်သော တာဝန်လေးတစ်ခုကို သူတို့အား ဆောင်ရွက်ခိုင်းရန် အဘယ်ကြောင့် ဤမျှအားထုတ်မှုများစွာ လိုအပ်ခဲ့ရသနည်း။ ဤလူတို့၌ လူ့သဘာဝမရှိပေ။ သူတို့ တစ်စုံတစ်ခုကို ပြီးမြောက်အောင် ကြိုးစားလုပ်ဆောင်နေခြင်း မရှိသည့်အခါနှင့် ငါသူတို့နှင့် အပြန်အလှန် ဆက်ဆံနေခြင်း မရှိသည့်အခါ သူတို့သည် ကြင်နာပြီး ဆင်ခြင်တုံတရား ရှိပုံပေါ်သော်လည်း သူတို့ တာဝန်တစ်ခုကို စတင်ဆောင်ရွက်ပြီးသည့်နောက် ဤကြင်နာမှုနှင့် ဆင်ခြင်တုံတရားမှာ ပျောက်ဆုံးသွားသည်။ ဤလူတို့သည် နားဝေတိမ်တောင်ဖြစ်ကြသည်။ သူတို့နှင့် ငါအဘယ်သို့ ပေါင်းသင်းဆက်ဆံနိုင်မည်နည်း။

ဤတွင် လှူဖွယ်ပစ္စည်းများ၏ အကြောင်းအရာနှင့် သက်ဆိုင်သော နောက်ထပ်ဥပမာတစ်ခု ရှိသေးသည်။ သေးငယ်သောမီးဖိုချောင်တစ်ခုရှိသည့် နေရာတစ်ခုရှိပြီး ထိုနေရာ၌ ချက်ပြုတ်ရေးအသုံးအဆောင်များနှင့် စားပွဲတင် အသုံးအဆောင်များအားလုံးမှာ အများသုံးဖြစ်ကာ တစ်ခါတစ်ရံ ဆောင်းရာသီတွင် ထိုနေရာရှိလူတို့သည် တုပ်ကွေးမိခြင်းကို ရှောင်လွှဲ၍မရနိုင်ပေ။ ချက်ပြုတ်ရေး အသုံးအဆောင်များနှင့် အများသုံးစားပွဲတင် အသုံးအဆောင်များအားလုံးကို ပိုးသတ်ရန်အတွက် ပိုးသတ်ဗီရိုတစ်ခု သို့မဟုတ် အိုဇုန်းပိုးသတ်စက်တစ်ခု ဝယ်ယူရန် သူတို့ကို ငါပြောခဲ့သည်။ ဤသည်မှာ ဘေးကင်းပြီး တစ်ကိုယ်ရေသန့်ရှင်းမှု ရှိပေလိမ့်မည်။ ဤသည်မှာ တောင်းဆိုမှုကြီးတစ်ခု ဟုတ်သလော။ (မဟုတ်ပါ၊ မဟုတ်ခဲ့ပါ။) ငါသည် ဤတာဝန်ကို တစ်စုံတစ်ယောက်ထံ အပ်နှင်းခဲ့ပြီး အချိန်တိုအတွင်း အိုဇုန်းပိုးသတ်စက်တစ်လုံး ဝယ်ယူပြီးဖြစ်ကြောင်း ငါကြားသိခဲ့ရသည်။ ငါ၏စိုးရိမ်ပူပန်မှုများ ပြေပျောက်သွားခဲ့ပြီး ထို့နောက် ဤကိစ္စရပ်ကို ငါနောက်ထပ် မစုံစမ်းမေးမြန်းခဲ့တော့ပေ။ သို့သော် တစ်စုံတစ်ခု မှားယွင်းသွားခဲ့ကြောင်း ထွက်ပေါ်လာခဲ့သည်။ ဤသူဝယ်ယူခဲ့သောစက်မှာ နောက်ဆုံးတွင် ဖြစ်ချင်တော့ အိုဇုန်းပိုးသတ်စက် မဟုတ်ဘဲ လေမှုတ်အခြောက်ခံစက်တစ်လုံး ဖြစ်နေခဲ့သည်။ ယင်းမှာ မရိုးသားသော ဝယ်ယူမှုတစ်ခု ဖြစ်သည့်အပြင် အရည်အသွေးမှာ အလွန်ညံ့ဖျင်းကာ ပိုးသတ်သည့်အာနိသင် လုံးဝမရှိခဲ့ပေ။ ဤတာဝန်ကို ကိုင်တွယ်ခဲ့သောသူသည် ဤသည်ကို သိခဲ့သလော။ (သူသိခဲ့လောက်ပါသည်။) သို့သော် ဤလူယုတ်မာက မသိခဲ့သည်မှာ ဖြစ်ကောင်း ဖြစ်နိုင်သည်။ အဘယ်ကြောင့် ဤသို့ဖြစ်ရသနည်း။ ငါဤတာဝန်ကို အပ်နှင်းခဲ့သောသူသည် မိမိကိုယ်တိုင် သွားရောက်ဆောင်ရွက်ခဲ့ခြင်းမရှိဘဲ သူ့အတွက် ဆောင်ရွက်ပေးရန် ကြားခံလူတစ်ဦးကို ရှာဖွေခဲ့သည်၊ သို့ဖြစ်၍ မည်သည့်ပစ္စည်းကို အတိအကျဝယ်ယူခဲ့သည်ကိုဖြစ်စေ၊ ယင်းမှာ အရည်အသွေးကောင်းသည်၊ မကောင်းသည်ကိုဖြစ်စေ သူဘယ်သောအခါမျှ မသိခဲ့ပေ။ ဤကိစ္စရပ်ကို ကိုင်တွယ်ဖြေရှင်းခဲ့ပုံနှင့်ပတ်သက်၍ သင် မည်သည့်အရာ ထင်မြင်ပါသနည်း။ ယင်းကို အသိစိတ်ဖြင့် လုပ်ဆောင်ခဲ့ခြင်း ဖြစ်သလော၊ သို့မဟုတ် မဖြစ်သလော။ ဤသူ၌ အများယုံကြည်စိတ်ချမှု တစ်စုံတစ်ရာ ရှိခဲ့သလော။ သူသည် အားကိုးခံရထိုက်သလော။ (မဟုတ်ပါ၊ သူအားကိုးခံရထိုက်ခြင်း မရှိခဲ့ပါ။) ဤသူသည် မည်သို့သောလူစားမျိုး ဖြစ်ခဲ့သနည်း။ သူသည် တည်ကြည်သော သို့မဟုတ် လူ့သဘာဝရှိသော တစ်စုံတစ်ယောက် ဟုတ်သလော။ (မဟုတ်ပါ။) ဤသည်မှာ နားဝေတိမ်တောင်ဖြစ်သော လူတစ်ဦး၊ လူယုတ်မာစစ်စစ်တစ်ဦး ဖြစ်ခဲ့သည်။ ပြီးလျှင် ဤသည်မှာ အဖြစ်အပျက်၏ အဆုံးမဟုတ်သေးပေ။ ဤအရာပြီးနောက် မကြာမီတွင် ဤတာဝန်ကို တာဝန်ယူသောသူသည် ဤသို့တွေးတောဆင်ခြင်လာသည်၊ “အရာဝတ္ထုများကို ပိုးသတ်ရန် အိုဇုန်းပိုးသတ်စက်ကို အသုံးပြုခြင်းသည် ကောင်းမွန်လှသည်။ ကျွန်ုပ်တို့၏ စားသောက်ခန်းမများကို အသုံးပြုနေသောလူများစွာ ရှိသောကြောင့် ထိုနေရာများအတွက်လည်း အိုဇုန်းပိုးသတ်စက်များ ဝယ်ယူသင့်သည်ထင်သည်။ သင်တစ်လုံးဝယ်ခဲ့သည်၊ သို့ဖြစ်၍ ကျွန်ုပ်တို့လည်း အချို့ဝယ်ယူမည်။ သင်၏ သေးငယ်သော မီးဖိုချောင်အတွက် သင်သေးငယ်သောတစ်ခုကို ဝယ်ယူခဲ့သည်၊ သို့ဖြစ်၍ ကျွန်ုပ်တို့၏ ကြီးမားသော စားသောက်ခန်းမများအတွက် ကျွန်ုပ်တို့ကြီးမားသော စက်များကို ဝယ်ယူမည်” ဟူ၍ ဖြစ်သည်။ သူဤစိတ်ကူးကို လျှို့ဝှက်ကြံစည်ပြီးသည်နှင့်တစ်ပြိုင်နက် အခြားလူယုတ်မာ အများအပြားနှင့်အတူ ယင်းကိုဆွေးနွေးခဲ့ပြီး ထို့နောက် ဆုံးဖြတ်ချက်ချခဲ့ကြသည်။ ထိုအိုဇုန်းပိုးသတ်စက်များ ဝယ်ယူပြီးသည့်နောက် လူတိုင်း မိမိတို့၏ကိုယ်ပိုင်စားပွဲတင် အသုံးအဆောင်များကို အသုံးပြုကြပြီး မည်သည့်အသုံးအဆောင်ကိုမျှ မျှဝေသုံးစွဲခြင်းမရှိသောကြောင့် ယင်းတို့ကိုပိုးသတ်ရန် မလိုအပ်ကြောင်းနှင့် ပိုးသတ်ခြင်းသည် မလိုအပ်ဘဲ ပိုလျှံနေမည်ဖြစ်ကြောင်း ညီအစ်ကိုမောင်နှမများက ပြောခဲ့ကြသည်ဟု ထွက်ပေါ်လာခဲ့သည်။ အဆုံးတွင် ထိုစက်များကို အသုံးမပြုဘဲ ပစ်ထားခဲ့ကြပြီး ယခုအချိန်အထိ အချို့မှာ ထုပ်ပိုးမှုမပျက်ဘဲ သိုလှောင်ခန်းထဲ၌ ရှိနေဆဲဖြစ်သည်။ ဤကိစ္စရပ်ကို ကိုင်တွယ်ဖြေရှင်းခဲ့ပုံနှင့်ပတ်သက်၍ သင်တို့အဘယ်သို့ ထင်မြင်သနည်း။ ယင်းကို ဆင်ခြင်တုံတရား ရှိသောပုံစံဖြင့် လုပ်ဆောင်ခဲ့သလော။ ဤသည်မှာ အချိန်များစွာရှိပြီး လုပ်စရာဘာမျှမရှိသော တစ်စုံတစ်ယောက်က ငွေသုံးစွဲရန် ကြုံရာကျပန်းနည်းလမ်းများ ရှာဖွေနေသည့်ကိစ္စရပ်တစ်ခု မဟုတ်လော။ ဤဝယ်ယူမှုများ ပြုလုပ်ရန် အမိန့်မှာ အထက်မှလာသည်ဟု ထင်မှတ်သော လူအချို့က “ညည်းညူခြင်းမပြုနှင့်။ ကျွန်ုပ်တို့ ဤသည်ကို ဘုရားသခင်ထံမှ ခံယူရမည်။ ဘုရားသခင်သည် လူတို့ကို အလွန်ချစ်တော်မူသောကြောင့် ကျွန်ုပ်တို့ အသုံးမပြုသည့် အရာများကိုပင် သူဝယ်ပေးတော်မူသည်။ သူသည် ကျွန်ုပ်တို့အပေါ် ငွေအမြောက်အမြား သုံးစွဲလိုစိတ် ရှိတော်မူသည်။ ဘုရားသခင်သည် ကျွန်ုပ်တို့အပေါ် အလွန်ကောင်းမြတ်တော်မူပါသည်တကား” ဟုပင် ပြောခဲ့ကြသည်။ သို့သော် ယခုအခါ ဤဝယ်ယူမှုများမှာ လူယုတ်မာတစ်သိုက်၏ လျှို့ဝှက်လုပ်ဆောင်ချက်များ၏ ရလဒ်ဖြစ်ကြောင်း သူတို့သိရှိကြလေပြီ။ သူတို့သည် လှူဖွယ်ပစ္စည်းများကို ဤသို့ ဖြုန်းတီးခဲ့ကြသည်။ မည်သူမျှ တာဝန်မယူ၊ မည်သူမျှ အမှုအရာများကို မစစ်ဆေး၊ ဤဝယ်ယူမှုများ သင့်လျော်ခြင်း ရှိမရှိကို မည်သူမျှ မစစ်ဆေးသည့်အပြင် ဝယ်ယူမှုများ ပြုလုပ်ပြီးသည့်နောက်တွင်လည်း သတင်းမပို့ခဲ့ကြပေ။ ဤသူသည် မည်သည့်အခြေခံအကြောင်းပြချက်ဖြင့် ဤအရာများကို ဝယ်ယူခဲ့သနည်း။ သေးငယ်သော မီးဖိုချောင်အတွက် ပိုးသတ်ဗီရိုတစ်လုံး ဝယ်ယူရန် သူ့ကို ငါတောင်းဆိုခဲ့ခြင်းကြောင့် ဖြစ်သည်။ စားသောက်ခန်းမ အားလုံးအတွက် ဝယ်ယူရန် သူ့ကို ငါတောင်းဆိုခဲ့သလော။ ထိုသို့သောတာဝန်မျိုးကို သူ့အား ငါဘယ်သောအခါမျှ တာဝန်ပေးစေခိုင်းခဲ့ခြင်း မရှိချေ။ သို့ဆိုလျှင် စားသောက်ခန်းမအားလုံးအတွက် ဝယ်ယူရာ၌ သူ၏ရည်ရွယ်ချက်မှာ အဘယ်နည်း။ ဤသည်မှာ သူက လှူဖွယ်ပစ္စည်းများကို သူ၏ကိုယ်ပိုင်ပစ္စည်းအဖြစ် မှတ်ယူပြီး သူခွဲဝေချထားလိုသည့်အတိုင်း ခွဲဝေချထားနေခြင်း မဟုတ်လော။ ယင်းတို့ကို ခွဲဝေချထားရန် သူ၌ အခွင့်အာဏာ ရှိခဲ့သလော။ (မရှိခဲ့ပါ။) ဤစက်များကို မဝယ်ယူမီ သူက ငါ့ကို “ကျွန်ုပ်တို့ သေးငယ်သောမီးဖိုချောင်အတွက် တစ်လုံးဝယ်ယူခဲ့သောကြောင့် ကြီးမားသော စားသောက်ခန်းမများအတွက်လည်း အချို့ကို ဝယ်ယူသင့်သလော” ဟု ဘယ်သောအခါမျှ မမေးမြန်းခဲ့ပေ။ ဝယ်ယူမှုပြုလုပ်ပြီးသည့်နောက်တွင်လည်း သူအိုဇုန်းပိုးသတ်စက် မည်မျှဝယ်ယူခဲ့သည်၊ အားလုံးပေါင်း မည်မျှကုန်ကျခဲ့သည်ကို သူသတင်းမပို့ခဲ့သည့်အပြင် ညီအစ်ကိုမောင်နှမများက ယင်းတို့အတွက် အသုံးမဝင်ဟု မြင်သည့်အချက်ကိုလည်း သူသတင်းမပို့ခဲ့ပေ။ ဤသည်မှာ ဤကိစ္စရပ်ကို ကိုင်တွယ်ဖြေရှင်းခဲ့သည့် စက်ဆုပ်ဖွယ်ကောင်းသောပုံစံ ဖြစ်သည်။ ဤသို့သော နားဝေတိမ်တောင် ဖြစ်သောသူတစ်ဦးသည် သူပြုပြင်ခံရသောအခါ၌ပင် ဆန့်ကျင်ဖီဆန်နေခဲ့သေးသည်။ ဤသို့သောလူစားမျိုးကို မည်သို့ဆက်ဆံသင့်သနည်း။ (သူ့ကို အသင်းတော်မှ နှင်ထုတ်သင့်ပါသည်။) ဤအဖြစ်အပျက်၏ သဘောသဘာဝကို ကြည့်ခြင်းအားဖြင့် သူ့ကို အသင်းတော်မှ နှင်ထုတ်ခြင်းသည် လွန်ကဲမည်မဟုတ်ပေ၊ အဘယ်ကြောင့်ဆိုသော် ဤသည်မှာ လှူဖွယ်ပစ္စည်းများနှင့် သက်ဆိုင်သောကိစ္စရပ်တစ်ခုဖြစ်ပြီး လှူဖွယ်ပစ္စည်းများနှင့် သက်ဆိုင်ရာ၌ ယင်းက စီမံအုပ်ချုပ်ရေးဆိုင်ရာ အမိန့်များကို ချိုးဖောက်ခဲ့သောကြောင့် ဖြစ်သည်။ ဤသည်မှာ မဆင်မခြင် ပြုမူခြင်းပင်တည်း။ ထိုငွေသည် သူ၏ငွေဖြစ်သည်ဟု သူထင်မှတ်ခဲ့သလော။ ယင်းကို အသုံးပြုရန်နှင့် ဖြုန်းတီးပစ်ရန် သူ၌ အခွင့်အာဏာ ရှိခဲ့သလော။ ငါ့အတွက် လူတို့ကို ငါအပ်နှင်း၍ ဝယ်ယူစေခဲ့သော ဝယ်ယူမှုနှင့်ပတ်သက်၍ သူတို့သည် အခက်အခဲအမျိုးမျိုးကို ဖန်တီးခဲ့ကြပြီး ထိုတာဝန်ကို ပြီးမြောက်အောင်ဆောင်ရွက်ရန်မှာ သူတို့အတွက် အလွန်ကြီးမားသော ရုန်းကန်မှုတစ်ခု ဖြစ်ခဲ့သည့်အပြင် ဤအပေါ်၌ အရာရာတိုင်းကို သူတို့နှင့် ငါဆွေးနွေးတိုင်ပင်ခဲ့ရသည်။ လူတို့ကို ငါမအပ်နှင်းခဲ့သော၊ မဝယ်ယူခိုင်းခဲ့သောအရာများနှင့် ပတ်သက်၍မူ သူတို့သည် မျက်တောင်တစ်ချက်မခတ်ဘဲ ထိုအရာများကို ဝယ်ယူခဲ့ကြပြီး ယင်းတို့ အသုံးဝင်သောပစ္စည်းများ ဖြစ်မည်၊ မဖြစ်မည်ကို အများစုနှင့် စီမံကိန်းရေးဆွဲခြင်း သို့မဟုတ် တိုင်ပင်ခြင်း ဘယ်သောအခါမျှ မပြုလုပ်ဘဲ သူတို့သဘောအတိုင်း ငွေကို ဖြုန်းတီးခဲ့ကြသည်။ တစ်ချိန်က စားစရာအလုံအလောက် မရှိမည်ကို စိုးရိမ်၍ ခြောက်လမှတစ်နှစ်စာအထိ အစားအသောက်ဝယ်ယူရန် အချို့သောလူတို့အား တောင်းဆိုခဲ့သည့် အထူးအခြေအနေအချို့ ရှိခဲ့သည်။ ကိစ္စရပ်ကို သူတို့အား ဤသို့ တိုတိုတုတ်တုတ်နှင့် ရိုးရိုးရှင်းရှင်း ရှင်းပြခဲ့ပြီး တစ်ပတ်အတွင်း သူတို့သည် အော်ဂဲနစ်ထုတ်ကုန်များနှင့် အော်ဂဲနစ်အဖြစ် အသိအမှတ်ပြုခံရလုနီးပါးဖြစ်သော ထုတ်ကုန်နှစ်မျိုးလုံးကို ဝယ်ယူပြီးသည့်နောက် သုံးရက်အတွင်း သူတို့၏ဝယ်ယူမှုများ ပြီးစီးကြောင်း ပြန်လည်သတင်းပို့ခဲ့ကြသည်။ သူတို့ မည်သို့လုပ်ဆောင်ခဲ့ကြသနည်း။ သူတို့ အလွန်ကောင်းမွန်စွာ မလုပ်ဆောင်ခဲ့ကြဘူးလော။ ငါ့အနေဖြင့် အခြားမည်သည့်အရာမျှ ပြောရန်မလိုအပ်ဘဲ ကိစ္စရပ်မှာ ကိုင်တွယ်ဖြေရှင်းပြီး ဖြစ်ခဲ့သည်။ သူတို့သည် ဤတာဝန်ကို မိမိတို့ဘာသာ ရွှင်လန်းတက်ကြွစွာဖြင့် ကိုင်တွယ်ဖြေရှင်းခဲ့ကြပြီး အထူးကျွမ်းကျင်သော၊ လျင်မြန်သော၊ ထက်မြက်သောနှင့် စဉ်းစားချင့်ချိန်တတ်သောသူများဖြစ် ပုံပေါက်ခဲ့ကြသည်။ သူတို့သည် မိမိတို့လိုအပ်သော အစားအသောက်ကိုသာမက နေ့စဉ်သုံးပစ္စည်းများကိုပါ ဝယ်ယူခဲ့ကြသည်။ ထိုနေ့စဉ်သုံးပစ္စည်းများတွင် သူတို့လိုအပ်သမျှ အရာအားလုံး ပါဝင်ခဲ့သည်၊ သင်တို့ စိတ်ကူးနိုင်သမျှ အရာအားလုံး၊ သကြားလုံးများ၊ ဖရဲစေ့များနှင့် အခြားသရေစာများကဲ့သို့သော အရာများကိုပင် သူတို့ဝယ်ယူနိုင်ခဲ့ကြသည်။ ဤလူတို့သည် အမှန်ပင် မည်သို့အသက်ရှင်ရမည်ကို သိကြသည်၊ သူတို့သည် ငွေမည်သို့သုံးစွဲရမည်ကို သိကြသည့်အပြင် ငွေကိုလည်း သုံးရဲကြသည်ဟု ငါ့ဘာသာငါ တွေးထင်မိခဲ့သည်။ သူတို့သည် တောရိုင်းတိရစ္ဆာန်များထက်ပင် ပို၍အားကောင်းသော အလွန်ခိုင်မာသည့် ရှင်သန်မှုစွမ်းရည်များဖြင့် အရည်အချင်း ရှိကြပြီး ငါမျှော်လင့်ထားသည်ထက်ပင် ပို၍လျင်မြန်စွာ လှုပ်ရှားခဲ့ကြသည်။ ရှင်သန်ရန်အတွက် သူတို့သည် မဖြစ်နိုင်ဟု ထင်ရသော အလုပ်များကို လုပ်ဆောင်နိုင်ခဲ့ကြသည်၊ သူတို့မလုပ်ဆောင်နိုင်သည့်အရာ ဘာမျှမရှိခဲ့ပေ။ ဤအဖြစ်အပျက်မှ ဤလူတို့သည် လုံးဝဦးနှောက်မရှိသူများ သို့မဟုတ် တာဝန်များကို လုံးဝမပြီးမြောက်နိုင်သူများ မဟုတ်ကြောင်း၊ သို့သော် ယင်းမှာ အဓိကအားဖြင့် သူတို့မည်သူ့အတွက် တာဝန်များကို ကိုင်တွယ်ဖြေရှင်းနေသည်အပေါ်၌ မူတည်ကြောင်း ငါတွေ့မြင်ခဲ့သည်။ အကယ်၍ သူတို့သည် မိမိတို့အတွက် တာဝန်များကို ကိုင်တွယ်ဖြေရှင်းနေပါက သူတို့သည် အထူးတလည် တက်ကြွသော၊ လိမ္မာပါးနပ်သော၊ သူတို့၏လုပ်ဆောင်ချက်များ၌ လျင်မြန်ကာ ထိရောက်သောသူများ ဖြစ်ပုံပေါ်သည်၊ သူတို့ကို တိုက်တွန်းရန် မလိုအပ်သည့်အပြင် သူတို့အတွက် ငါစိုးရိမ်ပူပန်ရန်လည်း မလိုအပ်ခဲ့ပေ။ သို့သော် သူတို့ ဘုရားအိမ်တော်၌ တာဝန်တစ်ခုကို ထမ်းဆောင်နေသည့်အခါ မည်သည့်တာဝန်ကိုမဆို ကိုင်တွယ်ရန် ခက်ခဲကြောင်း သူတို့တွေ့ရှိခဲ့ကြသည်၊ သူတို့သည် စည်းမျဉ်းများကို ဘယ်သောအခါမျှ ရှာမတွေ့နိုင်ခဲ့သည့်အပြင် အမြဲတမ်း အမှားလုပ်ခဲ့ကြသည်။ ဖြစ်ချင်တော့ ဤအရာအတွက် အကြောင်းရင်းတစ်ခု ရှိခဲ့ကြောင်းနှင့် သူတို့ မိမိတို့အတွက် အမှုအရာများ လုပ်ဆောင်ခြင်းနှင့် ဘုရားအိမ်တော်အတွက် အမှုအရာများ လုပ်ဆောင်ခြင်းအကြား ကြီးမားသော ကွာခြားချက်တစ်ခု ရှိခဲ့ကြောင်း ထွက်ပေါ်လာခဲ့သည်။ ယခုလောလောဆယ် ဤလူတို့ မည်သို့သောစိတ်သဘောထား သို့မဟုတ် အနှစ်သာရကို ပိုင်ဆိုင်ခဲ့သည်ကို မပြောကြစို့နှင့်။ ဤလူတို့ အမှုအရာများကို ကိုင်တွယ်ခြင်းအပေါ် ထားရှိသော လုံးဝကွဲပြားသည့် သဘောထားနှစ်မျိုးက သူတို့၌ အမှန်ပင် နိမ့်ကျသောအကျင့်စရိုက်ရှိကြောင်း ထုတ်ဖော်ပြသခဲ့သည်။ သူတို့၏အကျင့်စရိုက်မှာ မည်မျှပင် နိမ့်ကျခဲ့သနည်း။ သင်တို့အတွက် ဤသည်ကို ငါအဓိပ္ပာယ်ဖွင့်ဆိုပေးမည်၊ ဤလူတို့သည် လူသားများမဟုတ်ကြ၊ သူတို့သည် တိရစ္ဆာန်တစ်သိုက်မျှသာ ဖြစ်ကြသည်။ ဤအဓိပ္ပာယ်ဖွင့်ဆိုချက်သည် သူတို့နှင့် ကိုက်ညီသလော။ (ဟုတ်ပါသည်၊ ကိုက်ညီပါသည်။) ဤစကားများသည် နားခါးဖွယ်ဖြစ်နိုင်ပြီး ယင်းတို့ကိုကြားရ၍ စိတ်မချမ်းမသာ ဖြစ်နိုင်သော်လည်း ဤသည်မှာ ဤလူတို့ တာဝန်များကို ကိုင်တွယ်ဖြေရှင်းခဲ့သည့် ပုံစံအတိအကျဖြစ်ပြီး ဤသည်မှာ သူတို့ဖြစ်သည့်အရာမျိုး ဖြစ်သည်။ ငါပြောသည့်အရာသည် အချက်အလက်များအပေါ် အခြေခံပြီး အခြေအမြစ်မရှိသော အသရေဖျက်မှုမဟုတ်ပေ။ ဘုရားအိမ်တော်သည် အချို့သောလူတို့ကို အသုံးပြုနေသည့်အခါ သူတို့ငယ်ရွယ်သည့်၊ အစွမ်းအစ အနည်းငယ်ညံ့ဖျင်းသည့်၊ အခြေခံအုတ်မြစ်နှင့် ဝိညာဉ်ရင့်ကျက်မှု ကင်းမဲ့သည့်အချက်ကို ရှုမြင်၍ သူတို့ကို အဆက်မပြတ် ကူညီမည်ဖြစ်ပြီး သူတို့နှင့်အတူ သမ္မာတရားနှင့် စည်းမျဉ်းများအပေါ် မိတ်သဟာယဖွဲ့မည်ဖြစ်သည်။ သို့သော် အဆုံးတွင် ညံ့ဖျင်းသောအကျင့်စရိုက်သည် ညံ့ဖျင်းသော အကျင့်စရိုက်သာဖြစ်သည်၊ လူ့တိရစ္ဆာန်သည် လူ့တိရစ္ဆာန်သာဖြစ်ပြီး ဤလူတို့သည် ဘယ်သောအခါမျှ ပြောင်းလဲကြမည်မဟုတ်ပေ။ သူတို့သည် သမ္မာတရားကို လက်တွေ့လုပ်ဆောင်မည် မဟုတ်ရုံသာမက မျက်နှာသာပေးပါက ပို၍ကမ်းတက်တတ်လျက် ပို၍ဆိုးရွားသော အခြေအနေသို့ ရောက်ရှိသွားကြမည်ဖြစ်ပြီး ပုံမှန်လူ့သဘာဝ၏အစိတ်အပိုင်းတစ်ခုဖြစ်သော အရှက်တရား စိုးစဉ်းမျှပင် ပိုင်ဆိုင်ကြမည်မဟုတ်ပေ။ သူတို့ ဘုရားအိမ်တော်အတွက် တစ်စုံတစ်ခုဝယ်ယူသည့်အခါ သို့မဟုတ် တာဝန်တစ်ခုကို ဆောင်ရွက်သည့်အခါ ဤအရာများသည် ဈေးပေါပြီး လက်တွေ့ကျသကဲ့သို့ ငွေချွေတာရာလည်းရောက်သည့် နည်းလမ်းနှင့်ပတ်သက်၍ ဘယ်သောအခါမျှ အကြံဉာဏ် မတောင်းခံကြပေ။ သူတို့ ဤသို့ ဘယ်သောအခါမျှ မလုပ်ဆောင်ကြပေ။ သူတို့သည် ငွေကို မစဉ်းမစားသုံးစွဲကြသည်၊ ပစ္စည်းများကို ပေါ့ပေါ့ဆဆ ဝယ်ယူကြပြီး အသုံးမဝင်သော ထုတ်ကုန်အချို့ကိုသာ ဝယ်ယူကြသည်။ သို့သော် ငါ့အတွက် ကိုယ်ရေးကိုယ်တာ တာဝန်တစ်ခုကို ပြီးမြောက်အောင်ဆောင်ရွက်ရန် သို့မဟုတ် တစ်စုံတစ်ခုဝယ်ယူရန် အချိန်ကျရောက်သောအခါ သူတို့သည် ယင်းကို အလေးအနက်ထား စတင်ဆောင်ရွက်ကြပြီး ကုန်ကျစရိတ်များ လျှော့ချရန်နှင့် ပို၍ပြီးမြောက်အောင် ဆောင်ရွက်နိုင်စဉ် ပို၍သက်သက်သာသာ သုံးစွဲရန် မည်သို့လုပ်ဆောင်ရမည်ကို စဉ်းစားကြသည်။ ဤသို့သောနည်းလမ်းများဖြင့် အမှုအရာများ လုပ်ဆောင်ခြင်းသည် စည်းမျဉ်းများကို စွဲကိုင်ခြင်းနှင့် သမ္မာတရားကို လက်တွေ့လုပ်ဆောင်ခြင်း ဖြစ်သည်ဟု သူတို့ထင်မှတ်ကြသည်။ ဤလူတို့၌ ဆင်ခြင်တုံတရား တစ်စက်တစ်လေမျှ ရှိသလော။ ဤငွေသည် မည်သူ့ငွေဖြစ်သည်၊ မည်သူ့အပေါ်၌ ယင်းကို သုံးစွဲသင့်သည်ဟူသော ဤအရာများသည် သူတို့အတွက် ရှင်းလင်းခြင်းပင်မရှိပေ။ ဤသည်မှာ လူယုတ်မာတစ်ဦးကဲ့သို့ အမှုအရာများကို ကိုင်တွယ်ဖြေရှင်းနေခြင်း မဟုတ်လော။ သင်တို့ပတ်ဝန်းကျင်၌ ဤသို့သောလူများ ရှိသလော။ အသင်းတော်အတွက် တန်ဖိုးရှိသော သို့မဟုတ် ဈေးကြီးသောပစ္စည်းများ ဝယ်ယူသည့်အခါ ဘဏ္ဍာရေးဌာန သို့မဟုတ် သူတို့အတူတကွ အလုပ်လုပ်သော ညီအစ်ကိုမောင်နှမများနှင့် ဆွေးနွေးတိုင်ပင်ခြင်း မပြုဘဲ လှူဖွယ်ပစ္စည်းများကို မိမိတို့သဘောအတိုင်း ဖြုန်းတီးပစ်သူများ၊ မိမိတို့၏ ကိုယ်ပိုင်ငွေကို သုံးစွဲနေသည့်အခါ ငွေချွေတာပြီး မိမိတို့၏ အသုံးစရိတ်များကို ရသုံးငွေစာရင်း ထားရမည်ကို သိသော်လည်း ဘုရားသခင်၏ လှူဖွယ်ပစ္စည်းများကို သုံးစွဲနေသည့်အခါ ငွေကို ထင်ရာမြင်ရာ ဖြုန်းတီးပစ်သူများ ဤသို့သောလူစားမျိုးတို့သည် အလွန်အမင်း စက်ဆုပ်ဖွယ်ကောင်းလှပေသည်။ သူတို့သည် အလွန်ရွံရှာဖွယ်ကောင်းလှပေသည်။ ဟုတ်သည် မဟုတ်လော။ (ဟုတ်ပါသည်။) ထိုသို့သောအရာများသည် ငါထိုအရာများအကြောင်း စဉ်းစားမိသည့်အခါတိုင်း ငါ့ကို စက်ဆုပ်ရွံရှာစေသည်။ ထိုလူ့တိရစ္ဆာန်များသည် အစောင့်ခွေးများထက်ပင် နိမ့်ကျသေးသည်။ သူတို့ ဘုရားအိမ်တော်၌ နေထိုင်ရန် ထိုက်တန်သလော။

တစ်ချိန်က နေရာအမျိုးမျိုးရှိ ညီအစ်ကိုမောင်နှမများ ဘုရားသခင်ထံ ပူဇော်ဆက်ကပ်သည့် တန်ဖိုးကြီးပစ္စည်းများ၊ သာမန်အဝတ်အစားများ၊ စားသုံးနိုင်သော ကျန်းမာရေးဖြည့်စွက်စာများ စသည်တို့အပါအဝင် ပစ္စည်းများအားလုံးကို သူ၏ “ဘေးကင်းသောထိန်းသိမ်းမှု” အောက်သို့ ယူဆောင်တတ်သော ခေါင်းဆောင်တစ်ဦး ရှိခဲ့သည်။ နာမည်ကြီး အမှတ်တံဆိပ်အိတ်များသည် သူ၏ကျောပေါ်သို့ ရောက်ရှိသွားသည်၊ သားရေဖိနပ်များသည် သူ၏ခြေထောက်အောက်သို့ ရောက်ရှိသွားသည်၊ လက်စွပ်များသည် သူ၏လက်ချောင်းများပေါ်သို့ ရောက်ရှိသွားသည်၊ လည်ဆွဲများကို သူ၏လည်ပင်း၌ ဆွဲထားသည် စသည်ဖြင့် သူအသုံးပြုနိုင်သမျှ အရာအားလုံးကို မည်သူတစ်ဦးတစ်ယောက်၏ သဘောတူညီချက်ကိုမျှ မရယူဘဲ သူ၏ပိုင်ဆိုင်မှုအဖြစ် ယူဆောင်ပြီး အသုံးပြုလေ့ရှိသည်။ တစ်နေ့တွင် အထက်မှညီအစ်ကိုက နေရာအမျိုးမျိုးရှိ ညီအစ်ကိုမောင်နှမများ ဘုရားသခင်ထံ ပူဇော်ဆက်ကပ်သည့် ပစ္စည်းများအားလုံး အဘယ်ကြောင့် လွှဲပြောင်းပေးအပ်ခြင်း မရှိသေးကြောင်းကို သူ့အား မေးခဲ့သည်။ သူက “ညီအစ်ကိုမောင်နှမများက ဤအရာများသည် အသင်းတော်သို့ ပေးအပ်ခြင်းဖြစ်သည်ဟု ပြောခဲ့ကြသည်၊ သူတို့က ဘုရားထံ ပူဇော်ဆက်ကပ်ခြင်းဖြစ်သည်ဟု မပြောခဲ့ကြပါ” ဟု ပြန်ဖြေခဲ့သည်။ သူသည် ဤအရာများကို အသင်းတော်သို့ ပေးအပ်ခဲ့ခြင်း ဖြစ်သည်ဟူသောအချက်ကိုပင် အထူးအလေးပေးပြောကြားခဲ့ပြီး သူ၏ ထုတ်မပြောသည့် သွယ်ဝိုက်ညွှန်းဆိုချက်မှာ သူကိုယ်တိုင်သည် အသင်းတော်၏ အာဏာကုန်လွှဲအပ်ခြင်းခံရသော ကိုယ်စားလှယ်ဖြစ်သောကြောင့် ဤအရာများကို ဘုရားသခင်၏လက်ဝယ်သို့ ရောက်ရှိရန် မျှော်လင့်ချက် ထားရှိခြင်းကို ဘုရားသခင်က ရပ်တန့်လိုက်လျှင်ပင် ကောင်းမည်၊ ဤအရာများသည် ဘုရားသခင်အတွက် မဟုတ်ဘဲ အသင်းတော် အသုံးပြုရန်အတွက်သာ ဖြစ်သည် ဟူ၍ဖြစ်သည်။ ဤသည်ကို ပို၍တိကျသောစကားလုံးများဖြင့် ပြောရမည်ဆိုလျှင် သူဆိုလိုသည်မှာ “ဤအရာများသည် ငါအသုံးပြုရန်အတွက်ဖြစ်သည်၊ ဘုရားအသုံးပြုရန် ပူဇော်ဆက်ကပ်ခဲ့ခြင်း မဟုတ်ပေ။ သင်အဘယ်အရာကို တောင်းဆိုနေသနည်း။ သင်ဤသို့မေးရန် အရည်အချင်းပြည့်မီသလော” ဟူ၍ဖြစ်သည်။ ဤသည်ကိုကြားရ၍ သင်တို့ဒေါသထွက်သလော။ (ထွက်ပါသည်။) ဤသည်ကိုကြားရလျှင် မည်သူမဆို ဒေါသထွက်ပေလိမ့်မည်။ ငါ့ကိုပြောကြလော့၊ ညီအစ်ကိုမောင်နှမများ အသင်းတော်သို့ ပေးအပ်သည့်အရာများသည် အသင်းတော် ခေါင်းဆောင်များထံ ပူဇော်ဆက်ကပ်ခြင်းဖြစ်သည်ဟု ယုံကြည်သောသူ တစ်စုံတစ်ယောက် ရှိသလော။ အသင်းတော်သို့ အရာဝတ္ထုများ ပူဇော်ဆက်ကပ်ရာ၌ အသင်းတော်ခေါင်းဆောင် မည်သူမည်ဝါထံ ပူဇော်ဆက်ကပ်ခြင်းဖြစ်သည်ဟု ဆိုသော တစ်စုံတစ်ယောက် ရှိသလော။ တစ်စုံတစ်ယောက်၌ ဤရည်ရွယ်ချက် ရှိသလော။ (မရှိပါ။) သူတို့ပူဇော်ဆက်ကပ်သည့်အခါ “ဤအရာကို မည်သူမည်ဝါထံသို့ ပေးပို့ပါ” ဟု သူတို့ရေးသားထားမှသာလျှင် ဤအရာဝတ္ထုသည် ဤခေါင်းဆောင်၏ ကိုယ်ပိုင်ပိုင်ဆိုင်မှုအဖြစ်သို့ ရောက်ရှိသွားသည်။ သို့မဟုတ်ပါက ပူဇော်ဆက်ကပ်သည့်အရာအားလုံး၊ ယင်းတို့ငွေကြေးဖြစ်စေ၊ ပစ္စည်းများဖြစ်စေ၊ ညီအစ်ကိုမောင်နှမများက ဘုရားသခင်ထံ ပေးအပ်ခြင်းဖြစ်သည်။ ဘုရားသခင်ထံ ပူဇော်ဆက်ကပ်သည့်အရာများကို စုပေါင်း၍ ပူဇော်ဆက်ကပ်သော လှူဖွယ်ပစ္စည်းများဟု ခေါ်သည်။ ယင်းတို့ကို လှူဖွယ်ပစ္စည်းများအဖြစ် သတ်မှတ်ပြီးသည်နှင့်တစ်ပြိုင်နက် ယင်းတို့သည် ဘုရားသခင် အသုံးပြုရန်အတွက် ဖြစ်သည်။ ယင်းတို့ ဘုရားသခင် အသုံးပြုရန်အတွက် ဖြစ်သောအခါ ဘုရားသခင်သည် ယင်းတို့ကို မည်သို့အသုံးပြုတော်မူသနည်း။ ဘုရားသခင်သည် ဤအရာများကို မည်သို့ခွဲဝေချထားတော်မူသနည်း။ (ကိုယ်တော်သည် ယင်းတို့ကို အသင်းတော်က ယင်း၏အလုပ်၌အသုံးပြုရန် ပေးအပ်တော်မူသည်။) မှန်ပေသည်။ အသင်းတော်အလုပ်၌ ယင်းတို့အသုံးပြုရန်အတွက် စည်းမျဉ်းများနှင့် တိကျသော အသေးစိတ်အချက်များ ရှိသည်၊ အသင်းတော်၌ အချိန်ပြည့် မိမိတို့၏ တာဝန်များကို ထမ်းဆောင်သောသူတို့အတွက် စားဝတ်နေရေးစရိတ်များနှင့် အသင်းတော်အလုပ်၏ အသုံးစရိတ် အမျိုးမျိုးတို့ ပါဝင်သည်။ ဘုရားသခင်လူ့ဇာတိခံယူသည့်ကာလအတွင်း ဤအသုံးပြုမှုတွင် ဤအချက်နှစ်ချက်ပါဝင်သည်၊ ခရစ်တော်၏ နေ့စဉ်အသုံးစရိတ်များနှင့် အသင်းတော်အလုပ်၏ ကုန်ကျစရိတ် အားလုံးတို့ ဖြစ်သည်။ ယခု ဤအချက်နှစ်ချက်အတွင်း၌ လှူဖွယ်ပစ္စည်းများကို ကိုယ်ပိုင်လစာများ၊ ဆုလာဘ်များ၊ အသုံးစရိတ်များနှင့် ပေးချေမှုများအဖြစ် ပြောင်းလဲနိုင်သည်ဟု ဆိုသောအရာ တစ်ခုခုရှိသလော။ (မရှိပါ။) လှူဖွယ်ပစ္စည်းများသည် မည်သူတစ်ဦးတစ်ယောက်နှင့်မျှ မသက်ဆိုင်ပေ။ လှူဖွယ်ပစ္စည်းများ၏ အသုံးပြုမှုနှင့် ခွဲဝေချထားမှုကို ဘုရားအိမ်တော်က စီစဉ်ရမည်ဖြစ်ပြီး ယင်းတို့ကို အဓိကအားဖြင့် အသင်းတော်အလုပ်၌ အသုံးပြုသည်၊ မည်သူမဆို အသင်းတော်ခေါင်းဆောင်ဖြစ်ပါက လှူဖွယ်ပစ္စည်းများကို ပိုင်ဆိုင်ရန် သို့မဟုတ် အသုံးပြုရန် အခွင့်အာဏာရှိရမည်ဟု ဤနေရာ၌ မပါဝင်ပေ။ သို့ဆိုလျှင် ယင်းတို့ကို အတိအကျ မည်သို့အသုံးပြုရမည်နည်း။ ဤလှူဖွယ်ပစ္စည်းများကို အသင်းတော်ပိုင်ဆိုင်မှုအသုံးပြုခြင်းကို စိုးမိုးသော စည်းမျဉ်းများနှင့်အညီ ခွဲဝေချထားရမည်။ ဤရှုထောင့်မှကြည့်လျှင် အန္တိခရစ်တို့သည် လှူဖွယ်ပစ္စည်းများကို သူတို့၏ပိုင်ဆိုင်ခြင်းနှင့် အသုံးပြုခြင်းကို အစဉ်ဦးစားပေးလိုခြင်းသည် ရှက်ဖွယ်ရာမဟုတ်လော။ အန္တိခရစ်တို့သည် ညီအစ်ကိုမောင်နှမများ ပူဇော်ဆက်ကပ်သည့် ငွေကြေးနှင့် ပစ္စည်းများသည် ခေါင်းဆောင်နေရာ၌ရှိသော မည်သူမဆိုနှင့် သက်ဆိုင်သည်ဟု အစဉ်ထင်မှတ်ကြသည်။ ဤသည်မှာ အရှက်ကင်းမဲ့သော တွေးခေါ်ပုံတစ်ရပ် မဟုတ်လော။ (ဟုတ်ပါသည်။) ယင်းမှာ အလွန်အမင်း အရှက်ကင်းမဲ့လှပါတကား။ အန္တိခရစ်တို့သည် သူတို့၏စိတ်သဘောထား၌ ကောက်ကျစ်ဆိုးယုတ်ပြီး ရက်စက်ကြမ်းကြုတ်ရုံသာမက သူတို့၏ အကျင့်စရိုက်သည်လည်း အရှက်တရားကင်းမဲ့စွာဖြင့် ယုတ်ညံ့ပြီး နိမ့်ကျလှပေသည်။

ဤအကြောင်းအရာများနှင့်ပတ်သက်၍ မိတ်သဟာယဖွဲ့ခြင်းနှင့် ဤကိစ္စရပ်များအကြောင်း ပြောဆိုခြင်းအားဖြင့် လူတို့နားလည်သင့်ပြီး လက်တွေ့လုပ်ဆောင်သင့်သော သမ္မာတရားများသည် ရှင်းလင်းလာမည်ဖြစ်သည်။ သို့ရာတွင် အကယ်၍ ငါတို့သည် ဤအရာများအပေါ် မိတ်သဟာယမဖွဲ့ပါက အချို့သော သမ္မာတရားများအပေါ် လူတို့၏နားလည်မှုသည် စာသားအတိုင်း အဓိပ္ပာယ်ကောက်မှုနှင့် အယူဝါဒပိုင်းဆိုင်ရာအဆင့်၌ အစဉ်သဖြင့် ရပ်တန့်သွားမည်ဖြစ်ပြီး အတော်ပင် ပေါ့တန်မြဲ ပေါ့တန်နေမည်ဖြစ်သည်။ အကယ်၍ ငါတို့သည် သမ္မာတရားအပေါ် ငါတို့၏မိတ်သဟာယဖွဲ့ခြင်းတွင် လက်တွေ့ကိစ္စရပ်အချို့ကို ပေါင်းစပ်ထည့်သွင်းပါက လူတို့အနေဖြင့် အမှုအရာများကို ရိပ်စားမိရန် များစွာ ပို၍လွယ်ကူမည်ဖြစ်ပြီး သမ္မာတရားအပေါ် သူတို့၏နားလည်မှုသည် ပို၍တိကျပြီး လက်တွေ့ကျလာမည်ဖြစ်သည်။ ထို့ကြောင့် ဤအရာများအပေါ် မိတ်သဟာယဖွဲ့ခြင်းသည် မည်သူတစ်ဦးတစ်ယောက်ကိုမျှ အသရေဖျက်ရန် သို့မဟုတ် သူတို့အတွက် အခက်အခဲဖြစ်စေရန် လုံးဝရည်ရွယ်ခြင်း မဟုတ်ပေ။ ဤသည်တို့မှာ အမှန်တကယ် ဖြစ်ပျက်ခဲ့ပြီးဖြစ်သော အမှုအရာများဖြစ်သည့်အပြင် ထို့ထက်ပို၍ ယင်းတို့သည် ငါတို့မိတ်သဟာယဖွဲ့နေသော အကြောင်းအရာနှင့် ဆက်စပ်နေသည်။ သို့ဖြစ်၍ အချို့သောလူတို့သည် အသက်ရှင်နေသော သင်ကြားရေး အထောက်အကူပစ္စည်းများ ဖြစ်လာခဲ့ကြပြီး ငါတို့မိတ်သဟာယဖွဲ့ကာ စိတ်ဖြာလေ့လာဆွေးနွေးနေသော စံပြုလောက်သည့် ဥပမာများထဲရှိ ပုဂ္ဂိုလ်များနှင့် ဇာတ်ကောင်များ ဖြစ်လာခဲ့ကြသည်။ ဤသည်မှာ အလွန်ပုံမှန်ပင်ဖြစ်သည်။ သမ္မာတရားသည် အဓိပ္ပာယ်ဖွင့်ဆိုချက်အရ လူ့အသက်တာ လမ်းစဉ်အတွင်း ထုတ်ဖော်ပြသည့် စကားလုံးများ၊ အတွေးအခေါ်များ၊ ရှုထောင့်အမြင်များ၊ လုပ်ဆောင်ချက်များ၊ စိတ်သဘောထားများနှင့် ဆက်စပ်နေသည်။ အကယ်၍ ငါတို့သည် သမ္မာတရား၏စာသားအတိုင်း အဓိပ္ပာယ်ကိုသာ မိတ်သဟာယဖွဲ့ပြီး ရှင်းလင်းတင်ပြကာ ယင်းကို လက်တွေ့ဘဝမှ ခွဲထုတ်ထားမည်ဆိုလျှင် လူတို့သည် သမ္မာတရားကို စစ်မှန်သောနားလည်မှု မည်သည့်အခါ၌ ရရှိနိုင်မည်နည်း။ ထိုသို့သောနည်းလမ်းများဖြင့် အမှုအရာများ လုပ်ဆောင်ခြင်းသည် လူတို့သမ္မာတရားကို နားလည်ရန် များစွာ ပို၍ခက်ခဲစေမည်ဖြစ်ပြီး လူတို့သည် သမ္မာတရားလက်တွေ့ကျမှုသို့ ဝင်ရောက်ရန် အခက်ကြုံရပေမည်။ မိတ်သဟာယဖွဲ့ရန်နှင့် စိစစ်ရန် စံပြုလောက်သည့်ဥပမာအနည်းငယ်ကို တင်ပြခြင်းသည် လူတို့အနေဖြင့် သမ္မာတရားကိုလည်းကောင်း၊ သူတို့လက်တွေ့လုပ်ဆောင်သင့်သော စည်းမျဉ်းများကိုလည်းကောင်း၊ ဘုရားသခင်၏ ရည်ရွယ်ချက်များကိုလည်းကောင်း၊ သူတို့လိုက်လျှောက်သင့်သော လမ်းခရီးကိုလည်းကောင်း နားလည်ရန် ပို၍ အထောက်အကူ ပြုပေလိမ့်မည်။ ဤအကြောင်းကြောင့် မည်သို့ပင်ဖြစ်စေ ဤနည်းလမ်းသည် လူတို့အတွက် သင့်လျော်ပြီး အကျိုးပြုသည်။ အကယ်၍ ဤကိစ္စရပ်များသည် သမ္မာတရားနှင့်ဖြစ်စေ၊ ငါတို့စိတ်ဖြာလေ့လာဆွေးနွေးနေသော အန္တိခရစ်တို့၏ စိတ်သဘောထားနှင့်ဖြစ်စေ မသက်ဆိုင်ပါက ယင်းတို့နှင့်ပတ်သက်၍ ငါပြောဆိုလိုစိတ်ရှိမည် မဟုတ်ပေ။ သို့သော် ဤအမှုအရာများကို ပြုလုပ်ခဲ့သောလူတို့၏ စိတ်သဘောထားများနှင့် အနှစ်သာရများသည် ငါတို့မိတ်သဟာယဖွဲ့နေသော အကြောင်းအရာနှင့် သက်ဆိုင်သောကြောင့် လိုအပ်သည့်အခါ၌ ယင်းတို့အပေါ် ငါတို့မိတ်သဟာယဖွဲ့ရမည်ဖြစ်သည်။ ဤအရာအပေါ် မိတ်သဟာယဖွဲ့ခြင်း၏ ရည်ရွယ်ချက်မှာ လူတို့ကို ဖိနှိပ်ရန် သို့မဟုတ် သူတို့ကို အခက်ကြုံစေရန် မဟုတ်သကဲ့သို့ သူတို့ကို လူအများရှေ့၌ အရှက်ခွဲရန်လည်းမဟုတ်ပေ၊ ထိုအစား ယင်းမှာ လူသားတို့၏ စိတ်သဘောထားနှင့် အနှစ်သာရကို စိတ်ဖြာလေ့လာဆွေးနွေးရန်ဖြစ်ပြီး ပို၍အရေးကြီးသည်မှာ လူသားတို့အတွင်းရှိ အန္တိခရစ်တို့၏ စိတ်သဘောထားကို စိတ်ဖြာလေ့လာဆွေးနွေးရန် ဖြစ်သည်။ အကယ်၍ ငါတို့၏ မိတ်သဟာယဖွဲ့ခြင်းသည် ဤအကြောင်းအရာများနှင့် ပတ်သက်သည့်အခါတိုင်း သင်တို့စိတ်ထဲသို့ ရောက်ရှိလာသမျှမှာ မည်သူမည်ဝါက ဤအရာထိုအရာကို ပြုလုပ်ခဲ့သည်ဟူ၍သာဖြစ်ပြီး ဤသည်မှာ သမ္မာတရားနှင့်လည်းကောင်း၊ လူတို့၏ ဖောက်ပြန်ပျက်စီးသော စိတ်သဘောထားများနှင့်လည်းကောင်း မည်သို့ဆက်စပ်နေသည်ကို သင်တို့စဉ်းစားရန် ပျက်ကွက်ပါက ဤသည်မှာ သင်တို့သမ္မာတရားကို နားလည်ပြီးဖြစ်ကြောင်း သက်သေပြသလော။ (မပြပါ။) အကယ်၍ သင်တို့သည် ကိစ္စရပ်တစ်ခု သို့မဟုတ် သီးခြားလူတစ်ဦးကိုသာ အမှတ်ရပြီး ထိုသူအပေါ် သင်တို့၌ ဘက်လိုက်မှုများ၊ ထင်မြင်ယူဆချက်များနှင့် အာဃာတများ ပေါ်ပေါက်လာပါက သင်သည် သမ္မာတရားကို နားလည်မှုတစ်ခုသို့ ရောက်ရှိပြီးဖြစ်သည်ဟု ဆိုနိုင်သလော။ ဤသည်မှာ သမ္မာတရားကို နားလည်ခြင်းမဟုတ်ပေ။ သို့ဆိုလျှင် မည်သည့်အခြေအနေများအောက်၌ သင်သည် သမ္မာတရားကို နားလည်မှုတစ်ခုသို့ ရောက်ရှိပြီးဖြစ်သည်ဟု မှတ်ယူနိုင်မည်နည်း။ အန္တိခရစ်တို့၏ အနှစ်သာရနှင့်ဆိုင်သော အမျိုးမျိုးသောသရုပ်သကန်များကို ငါတို့ မိတ်သဟာယဖွဲ့ပြီး စိတ်ဖြာလေ့လာဆွေးနွေးသည့်အခါတိုင်းနီးပါး ငါသည် စံပြုလောက်သည့် ဥပမာများအဖြစ် အသုံးပြုရန် ပုံဥပမာအများအပြားကို တင်ပြပြီး ဤပုံဥပမာများထဲတွင် မည်သည့်နေရာ၌ အမှားများ ရှိသည်ကိုလည်းကောင်း၊ လူတို့လိုက်လျှောက်သင့်သော လမ်းခရီးအကြောင်းကိုလည်းကောင် သင်တို့နှင့်အတူ ငါမိတ်သဟာယဖွဲ့သည်။ အကယ်၍ ဤသို့သော မိတ်သဟာယဖွဲ့ခြင်းအပြီး၌ သင်တို့နားမလည်သေးပါက ဤသည်မှာ သင်တို့၏နားလည်နိုင်စွမ်း၌ ပြဿနာတစ်ခုရှိကြောင်း၊ သင်တို့၏ အစွမ်းအစမှာ အလွန်ညံ့ဖျင်းပြီး သင်တို့၌ ဝိညာဉ်ရေးရာ နားလည်သဘောပေါက်မှု ကင်းမဲ့ကြောင်း ဆိုလိုသည်။ သို့ဆိုလျှင် မည်သည့်အခြေအနေများအောက်၌ သင်သည် သဘောပေါက်နားလည်နိုင်စွမ်းရှိသည်၊ ဝိညာဉ်ရေးရာ နားလည်သဘောပေါက်မှု ပိုင်ဆိုင်သည်၊ ပြီးလျှင် ငါတို့မိတ်သဟာယဖွဲ့ခဲ့သော ဥပမာများအတွင်းရှိ သမ္မာတရားကို နားလည်ပြီးဖြစ်သည်ဟု မှတ်ယူနိုင်မည်နည်း။ ပထမဦးစွာ သင်သည် ငါတို့မိတ်သဟာယဖွဲ့နေသော ဥပမာများနှင့် မိမိကိုယ်ကိုနှိုင်းယှဉ်နိုင်ပြီး မိမိကိုယ်ကိုသိရှိလာနိုင်ရမည်၊ သင်၌လည်း ဤသို့သော စိတ်သဘောထားမျိုး ရှိမရှိ၊ အကယ်၍ သင်၌ အဆင့်အတန်းနှင့် ဩဇာအာဏာရှိပါက ထိုသို့သောအမှုအရာများကို သင်လုပ်ဆောင်နိုင်စွမ်း ရှိမရှိနှင့် သင်၌လည်း ထိုသို့သောအတွေးအခေါ်များနှင့် ထင်မြင်ယူဆချက်များ ပိုင်ဆိုင်ခြင်း ရှိမရှိ သို့မဟုတ် ဤသို့သော စိတ်သဘောထားမျိုးကို ထုတ်ဖော်ပြခြင်း ရှိမရှိ ကြည့်ရှုနိုင်ရမည် ဖြစ်သည်။ ဤသည်မှာ သွင်ပြင်လက္ခဏာတစ်ခုဖြစ်သည်။ ထို့အပြင် ငါတို့မိတ်သဟာယဖွဲ့နေသော ဥပမာများအကြား၌ သင်သည် အပြုသဘောဆောင်သောနည်းလမ်းဖြင့် သင်နားလည်သင့်ပြီး လိုက်နာစောင့်ထိန်းသင့်သော သမ္မာတရားစည်းမျဉ်းများကို ရှာဖွေရမည်။ ဤသည်မှာ သင်လက်တွေ့လုပ်ဆောင်သင့်သော လမ်းခရီးကို ရှာဖွေခြင်းနှင့် ဤအခြေအနေများ၌ သင်မည်သည့်နေရာ၌ ရပ်တည်သင့်သည်၊ မှန်ကန်ပြီး ဘုရားသခင်၏ရည်ရွယ်ချက်များနှင့် ကိုက်ညီသောနည်းလမ်းဖြင့် မည်သို့လက်တွေ့လုပ်ဆောင်ရမည်ကို သိရှိခြင်းကို ဆိုလိုသည်။ ထို့ထက်ပို၍ စိတ်ဖြာလေ့လာဆွေးနွေးခြင်းမှတစ်ဆင့် သင်၏စိတ်သဘောထားသည် အန္တိခရစ်တို့၏စိတ်သဘောထားနှင့် တူညီကို အသိအမှတ်ပြုမိကာ ထိုဆက်စပ်မှုကို ပြုလုပ်ပြီး ယင်းကို မည်သို့ဖြေရှင်းရမည်ကို သိရှိနိုင်ရမည်။ ဤနည်းအားဖြင့် သင်သည် သမ္မာတရားကို နားလည်မှုတစ်ခုသို့ ရောက်ရှိမည်ဖြစ်ပြီး သင်သည် ဝိညာဉ်ရေးရာ နားလည်သဘောပေါက်မှု ပိုင်ဆိုင်သောသူတစ်ဦး၊ သမ္မာတရားကို သဘောပေါက်နားလည်နိုင်စွမ်းရှိသော သူတစ်ဦး ဖြစ်လာမည်ဖြစ်သည်။ အကယ်၍ သင်ပုံဥပမာတစ်ပုဒ်ကို နားထောင်ပြီးသည့်နောက် အဖြစ်အပျက်အလုံးစုံ၊ အကြောင်းရင်းများနှင့် အကျိုးဆက်များအားလုံးကို သင်အမှတ်ရပြီး ယင်းတို့နှင့်ပတ်သက်၍ ရှင်းလင်းတင်ပြနိုင်သော်လည်း လူတို့လက်တွေ့လုပ်ဆောင်ပြီး ဝင်ရောက်သင့်သော သမ္မာတရား စည်းမျဉ်းများကို သင်နားမလည်ပါက၊ အခြေအနေတစ်ခုနှင့် ရင်ဆိုင်ရသည့်အခါ လူများနှင့် အမှုအရာများကို ထိုးထွင်းသိမြင်နိုင်ရန်နှင့် မိမိကိုယ်ကိုသိရှိနိုင်ရန် ဤသမ္မာတရားများကို မည်သို့အသုံးချရမည်ကို သင်မသိပါက ဤသည်မှာ သင်သဘောပေါက်နားလည်နိုင်စွမ်း ကင်းမဲ့ကြောင်း ဆိုလိုသည်။ သဘောပေါက်နားလည်နိုင်စွမ်း ကင်းမဲ့သောသူတစ်ဦးသည် ဝိညာဉ်ရေးရာ နားလည်သဘောပေါက်မှု ကင်းမဲ့သောသူတစ်ဦး ဖြစ်သည်။

နောက်ထပ်ဥပမာတစ်ခု သင့်ကို ငါပေးမည်။ ခေါင်းဆောင်တစ်ဦးအဖြစ် ခုလေးတင် ရွေးကောက်တင်မြှောက်ခံထားရသော ဤလူတစ်ဦးရှိခဲ့သည်။ သူသည် အလုပ်၏ကဏ္ဍအမျိုးမျိုး၏ အမှန်တကယ်ဖြစ်သော အခြေအနေကို တကယ် နားလည်ပြီး သဘောပေါက်ခြင်းမရှိမီ၊ တစ်နည်းအားဖြင့်ဆိုသော် သူသည် အလုပ်၏ကဏ္ဍအမျိုးမျိုး၏ တစ်ခုချင်းစီထဲတွင် ကောင်းမွန်စွာ စိတ်နှစ်ထားခြင်း မရှိမီ သူက “ကျွန်ုပ်တို့အသင်းတော်၌ ဘုရားထံ ပူဇော်ဆက်ကပ်သော လှူဖွယ်ပစ္စည်းများကို ထိန်းသိမ်းစောင့်ရှောက်ခြင်းကို ကြီးကြပ်သောလူများမှာ မည်သူတို့ဖြစ်သနည်း။ သူတို့၏အမည်စာရင်းဖြင့် ကျွန်ုပ်ထံ သတင်းပို့ပါ။ ထို့အပြင် အကောင့်နံပါတ်များနှင့် စကားဝှက်များအားလုံးကို ကျွန်ုပ်အားပေးပါ။ ငွေမည်မျှရှိသည်ကို ကျွန်ုပ်သဘောပေါက်လိုသည်” ဟု ကိုယ်ပိုင်စုံစမ်းမေးမြန်းမှုများ စတင် ပြုလုပ်လာခဲ့သည်။ သူသည် မည်သည့်အလုပ်ကိုမျှ စိတ်ဝင်စားခြင်းမရှိခဲ့ပေ။ သူစိတ်အဝင်စားဆုံးဖြစ်ပြီး အာရုံအစိုက်ဆုံးဖြစ်သော တစ်ခုတည်းသောအရာမှာ လှူဖွယ်ပစ္စည်းများကို ထိန်းသိမ်းစောင့်ရှောက်နေသော လူတို့၏အမည်များအပြင် အကောင့်နံပါတ်များနှင့် စကားဝှက်များ ဖြစ်ခဲ့သည်။ တစ်စုံတစ်ခု မှားယွင်းတော့မည်မဟုတ်လော။ သူသည် လှူဖွယ်ပစ္စည်းများကို ရယူချုပ်ကိုင်လိုခဲ့သည် မဟုတ်လော။ သင်တို့ ဤသို့သော အခြေအနေမျိုးနှင့် ကြုံတွေ့ရသည့်အခါ မည်သည့်အရာကို ပြုလုပ်သင့်သနည်း။ သူခေါင်းဆောင်တစ်ဦး ဖြစ်လာခဲ့သောကြောင့် အသင်းတော်၏ပိုင်ဆိုင်မှုကို သူ့ထံလွှဲပြောင်းပေးအပ်သင့်ပြီး ယင်းအကြောင်းကို သူသိပိုင်ခွင့်နှင့် ယင်းကိုထိန်းချုပ်ရန်အာဏာ သူ၌ရှိသင့်သည်ဟု ဆိုလိုသလော။ (မဟုတ်ပါ၊ ဤအချက်အလက်ကို သူ့အားမပေးသင့်ပါ။) အဘယ်ကြောင့် မပေးသင့်သနည်း။ အကယ်၍ သင်သူ့ကို မပေးခဲ့ပါက သင်သည် အမိန့်မနာခံမှုအတွက် အပြစ်ရှိမည် မဟုတ်လော။ (သူ ဤသရုပ်သကန်များကို ပြသခဲ့ခြင်းအချက်မှာ သူ့၌တစ်စုံတစ်ခု မှားယွင်းနေကြောင်း သက်သေဖြစ်ပြီး သို့ဖြစ်၍ ဘုရားသခင်ထံသို့ ပူဇော်ဆက်ကပ်သော လှူဖွယ်ပစ္စည်းများကို ကာကွယ်ရန် ဤအချက်အလက်ကို ကျွန်ုပ်တို့ သူ့အားမပေးနိုင်ပါ။) မှန်ပေသည်၊ သူသည် တစ်စုံတစ်ခု မှားယွင်းနေသောကြောင့် သင်သူ့ကို မပေးနိုင်ပေ။ သင်တို့၏ပြန်ကြားချက်က ငါ၏ ယခင်မိတ်သဟာယဖွဲ့ချက်သည် အချည်းနှီး မဖြစ်ခဲ့ကြောင်းနှင့် သင်တို့နားလည်ခဲ့ကြောင်း သက်သေပြသည်။ အဘယ်ကြောင့် သင်ဤအချက်အလက်ကို သူ့အားမပေးနိုင်သနည်း။ ခေါင်းဆောင်တစ်ဦး၏ တာဝန်ဝတ္တရားများနှင့် တာဝန်မှာ လှူဖွယ်ပစ္စည်းများအပေါ် သူတို့၏အာရုံစိုက်မှုကို စူးစိုက်ထားခြင်း သို့မဟုတ် လှူဖွယ်ပစ္စည်းများနှင့်သက်ဆိုင်သော မည်သည့်အချက်အလက်ကိုမဆို ရယူရန်ကြိုးစားခြင်းတို့၌ မပါဝင်ပေ။ ဤသည်တို့မှာ ခေါင်းဆောင်တစ်ဦး၏တာဝန် သို့မဟုတ် ဝတ္တရားများ မဟုတ်ပေ။ နေရာတိုင်းရှိ အသင်းတော်များ၌ လှူဖွယ်ပစ္စည်းများကို စီမံခန့်ခွဲရန်နှင့် ဘေးကင်းစွာထိန်းသိမ်းရန် သတ်မှတ်ထားသောလူများ ရှိကြသည်။ ထို့အပြင် အသင်းတော်၌ လှူဖွယ်ပစ္စည်းများအသုံးပြုခြင်းကို စီမံအုပ်ချုပ်ရန် တင်းကျပ်သောစည်းမျဉ်းများနှင့် စည်းကမ်းချက်များ ရှိသည်။ မည်သူမျှ လှူဖွယ်ပစ္စည်းများ အသုံးပြုခြင်းကို ဦးစားပေးပိုင်ခွင့် အာဏာမရှိသည့်အပြင် လှူဖွယ်ပစ္စည်းများပိုင်ဆိုင်ခြင်းကို ဦးစားပေးပိုင်ခွင့်အာဏာ သာ၍ပင်မရှိပေ။ ဤသည်မှာ ခြွင်းချက်မရှိ လူတိုင်းနှင့် သက်ဆိုင်သည်။ ဤသည်မှာ အဖြစ်မှန် မဟုတ်လော။ ဤသည်မှာ မှန်ကန်သည်မဟုတ်လော။ (မှန်ကန်ပါသည်။) အန္တိခရစ်တို့ လှူဖွယ်ပစ္စည်းများကို သူတို့၏ပိုင်ဆိုင်ခြင်းနှင့် အသုံးပြုခြင်းကို ဦးစားပေးလိုသည့်အခါ ယင်းကိုယ်၌က မှားယွင်းသည်။ သူတို့သည် ခေါင်းဆောင်များအနေဖြင့် လှူဖွယ်ပစ္စည်းများအသုံးပြုခြင်းကို လွတ်လပ်စွာ ပျော်မွေ့ခံစားနိုင်သင့်သည်ဟု ထင်မှတ်ကြသည်၊ ဤသည်မှာ သမ္မာတရား ဟုတ်သလော။ ဤငွေသည် ဘုရားသခင်နှင့် သက်ဆိုင်သည်၊ အဘယ်ကြောင့် သူတို့ယင်းကို အလွဲသုံးစားပြုကြသနည်း။ သူတို့သည် ယင်းကို သူတို့၏ သဘောရှိအတိုင်း အသုံးပြုခြင်းတွင် အဘယ်ကြောင့် ပျော်မွေ့ခံစားကြသနည်း။ သူတို့ဤသို့ပြုလုပ်ရန် အရည်အချင်း ပြည့်မီသလော။ ဘုရားသခင်က သူတို့ကို ဤသို့သောနည်းလမ်းဖြင့် လှူဖွယ်ပစ္စည်းများ အသုံးပြုရန် သဘောတူသလော။ ဘုရားသခင် ရွေးချယ်ထားသောလူတို့က ယင်းကို အသိအမှတ်ပြုမည်လော။ အန္တိခရစ်တို့ လှူဖွယ်ပစ္စည်းများကို သိမ်းပိုက်ပြီး ဖြုန်းတီးပစ်ခြင်းမှာ သူတို့၏ရက်စက်ကြမ်းကြုတ်သော စိတ်သဘောထားက အဆုံးအဖြတ်ပေးသည်၊ ယင်းမှာ သူတို့၏လောဘမှ ပေါ်ပေါက်လာသော အရာများကို ရှုမြင်ပုံတစ်ရပ်ဖြစ်ပြီး ဘုရားသခင်၏ နှုတ်ကပတ်တော်က သတ်မှတ်ပြဋ္ဌာန်းထားသည့်အရာတစ်ခု မဟုတ်ပေ။ ဤအန္တိခရစ်သည် လှူဖွယ်ပစ္စည်းများအားလုံးအပြင် ယင်းတို့ကို ဘေးကင်းစွာထိန်းသိမ်းရန် ကြီးကြပ်သော လူများနှင့်ပတ်သက်သည့် အချက်အလက်အားလုံး၊ အကောင့်နံပါတ်များနှင့် စကားဝှက်များအားလုံးကိုပါ ထိန်းချုပ်နိုင်ရန် အစဉ်သဖြင့် အလိုရှိခဲ့သည်။ ဤသည်မှာ ကြီးလေးသောပြဿနာတစ်ခု ဖြစ်သည် မဟုတ်လော။ သူသည် ဘုရားသခင်၏ လှူဖွယ်ပစ္စည်းများနှင့်ပတ်သက်သည့် ကွယ်ဝှက်နေသော အချက်အလက်များကို သိရှိလိုပြီး ယင်းတို့ကို ကောင်းမွန်စွာ လုံလုံခြုံခြုံ ထိန်းသိမ်းစောင့်ရှောက်ကာ ထို့နောက် မည်သူတစ်ဦးတစ်ယောက်ကိုမျှ လွတ်လပ်စွာနှင့် မဆင်မခြင် သုံးစွဲခွင့်မပြုဘဲ ဆင်ခြင်တုံတရားရှိပြီး ခြေရာလက်ရာမပျက် ထိန်းသိမ်းထားသည့်နည်းလမ်းဖြင့် ယင်းတို့ကို နေရာချထားပေးလိုစိတ် ရှိခဲ့သလော။ သူ၌ ဤသို့ပြုလုပ်ရန် စိတ်တစ်စုံတစ်ရာ ရှိခဲ့သလော။ သူ၏လုပ်ဆောင်ချက်များမှနေ၍ ကောင်းသောရည်ရွယ်ချက်များ၏ အရိပ်အယောင်တစ်ခုခုကို သတိပြုမိနိုင်သလော။ (သတိမပြုမိနိုင်ပါ။) သို့ဆိုလျှင် အကယ်၍ လူတစ်ဦးသည် လှူဖွယ်ပစ္စည်းများကို အမှန်တကယ် မတပ်မက်ပါက ခေါင်းဆောင်အဖြစ် ရွေးကောက်တင်မြှောက်ခံရလျှင် သူတို့အဘယ်သို့ ပြုလုပ်ကြမည်နည်း။ (သူတို့သည် ရှေးဦးစွာ အသင်းတော်ရှိအလုပ်၏ ကဏ္ဍအသီးသီး၏ ထိရောက်မှုအပြင် လှူဖွယ်ပစ္စည်းများကို မည်သို့ဘေးကင်းစွာ ထိန်းသိမ်းထားကြောင်းနှင့် ယင်းတို့ကို ထိန်းသိမ်းထားသည့်နေရာ ဘေးကင်းခြင်းရှိမရှိကိုပါ ရှာဖွေစုံစမ်းကြလိမ့်မည်။ သို့ရာတွင် သူတို့သည် အကောင့်နံပါတ်များ၊ စကားဝှက်များ သို့မဟုတ် ထိန်းသိမ်းထားသည့်ပမာဏများကို စုံစမ်းမေးမြန်းကြမည် မဟုတ်ပေ။) မှန်သည်၊ သို့သော် နောက်ထပ်အရာတစ်ခု ရှိသေးသည်။ လှူဖွယ်ပစ္စည်းများကို အမှန်တကယ် မတပ်မက်သောလူတစ်ဦး ခေါင်းဆောင်အဖြစ် ရွေးကောက်တင်မြှောက်ခံရပြီးနောက် သူတို့သည် လှူဖွယ်ပစ္စည်းများကို ထိန်းသိမ်းထားသည့်နေရာ ဘေးကင်းခြင်းရှိမရှိအပြင် ယင်းတို့ကို ဘေးကင်းစွာထိန်းသိမ်းရန် ကြီးကြပ်သောလူများ သင့်လျော်ပြီး ယုံကြည်စိတ်ချရခြင်း ရှိမရှိ၊ သူတို့လှူဖွယ်ပစ္စည်းများကို အလွဲသုံးစားပြုလုပ်မည်၊ မပြုလုပ်မည်နှင့် သူတို့လှူဖွယ်ပစ္စည်းများကို စည်းမျဉ်းများနှင့်အညီ ဘေးကင်းစွာ ထိန်းသိမ်းခြင်းရှိမရှိကိုပါ စစ်ဆေးကြလိမ့်မည်။ သူတို့သည် ဤအရာများကို ရှေးဦးစွာ ထည့်သွင်းစဉ်းစားကြလိမ့်မည်။ လှူဖွယ်ပစ္စည်းများ၏အရေအတွက်နှင့် စကားဝှက်များကဲ့သို့သော အထိခိုက်မခံသော အချက်အလက်များနှင့် ပတ်သက်၍မူ လောဘမရှိသောလူများ၊ သင့်တင့်လျောက်ပတ်ပြီး ဂုဏ်သရေရှိသောလူများသည် ဤအရာကို ရှောင်ရှားကြလိမ့်မည်။ သို့သော် လောဘကြီးသောလူတစ်ဦးမှာမူ ယင်းကို ရှောင်ရှားမည်မဟုတ်ဘဲ သူတို့က “ကျွန်ုပ်က ခေါင်းဆောင်တစ်ဦးဖြစ်သည်။ အလုပ်၏ ကဏ္ဍတိုင်းကို ကျွန်ုပ် လွှဲပြောင်းယူသင့်သည် မဟုတ်လော။ အခြားအရာအားလုံးကို ကျွန်ုပ်ထံ လွှဲပြောင်းပေးပြီးပြီဖြစ်သောကြောင့် လှူဖွယ်ပစ္စည်းများကိုမူ လွှဲပြောင်း မပေးရသနည်း” ဟူသော အယောင်ဆောင်မှုကို အသုံးပြုကြလိမ့်မည်။ သူတို့၌ရှိသော အာဏာကိုအသုံးပြု၍ သူတို့သည် ဤအကြောင်းပြချက်ဖြင့် အသင်းတော်၏ဘဏ္ဍာရေးကို ထိန်းချုပ်မှုရယူလိုကြလိမ့်မည်။ ယင်းမှာ ပြဿနာတစ်ခုဖြစ်သည်။ သူတို့သည် သူတို့၏အလုပ်ကို လုပ်ဆောင်ခြင်း သို့မဟုတ် သူတို့၏တာဝန်ဝတ္တရားများကို ကောင်းမွန်စွာ ဖြည့်ဆည်းခြင်း ပြုလုပ်ကြမည်မဟုတ်သကဲ့သို့ အသင်းတော်၏ဘဏ္ဍာရေးကိုလည်း ပုံမှန်လုပ်ထုံးလုပ်နည်းများ၊ စည်းမျဉ်းများနှင့်အညီ စီမံခန့်ခွဲနေကြမည် မဟုတ်ပေ။ ထိုအစား သူတို့၌ ယင်းတို့အတွက် ကိုယ်ပိုင်အစီအစဉ်များ ရှိကြလိမ့်မည်။ ပုံမှန်လူသားတစ်ဦးကဲ့သို့ တွေးခေါ်နိုင်စွမ်းရှိသော မည်သူမဆို ဤသည်ကို သိမြင်နိုင်သည်။ ဤခေါင်းဆောင် ဤသို့စတင်ပြုလုပ်သည်နှင့်တစ်ပြိုင်နက် တစ်စုံတစ်ယောက်က သတင်းပို့ခဲ့ပြီး သူ့ကို တားဆီးခဲ့သည်။ ထို့နောက် ထိုသူက ဤသို့ပြုလုပ်ခြင်း မှန်ကန်ခြင်းရှိမရှိ မေးမြန်းလျက် ငါ့ထံသို့ သတင်းပို့ခဲ့ရာ ငါက မှန်ကန်ကြောင်း ပြောခဲ့သည်။ ဤသည်ကို ဘုရားအိမ်တော်၏ အကျိုးစီးပွားကို ကာကွယ်ခြင်းဟု ခေါ်သည်၊ ထိုအချက်အလက်ကို ထိုသို့သောလူတစ်ဦးအား ပေး၍မရပေ။ အလုပ်တစ်စက်မျှမလုပ်ရသေးဘဲ ဘုရားအိမ်တော်၏ငွေကို အလျင်ဦးဆုံး ထိန်းချုပ်လိုခြင်းဟူသည့် ဤသည်မှာ အဆင်းနီသောနဂါးကြီးနှင့် အနည်းငယ်တူသည်မဟုတ်လော။ အဆင်းနီသောနဂါးကြီး ညီအစ်ကိုမောင်နှမများကို ဖမ်းဆီးသည့်အခါ သူပထမဆုံးပြုလုပ်သည့်အရာမှာ သူတို့ကို ရိုက်နှက်ခြင်းမဟုတ်ပေ၊ အဘယ်ကြောင့်ဆိုသော် ရိုက်နှက်၍ သတိလစ်သွားပြီးနောက် သူတို့ရှင်းလင်းစွာ မပြောနိုင်မည်ကို စိုးရိမ်သောကြောင့်ဖြစ်သည်၊ သူသည် အသင်းတော်၏ငွေကို မည်သည့်နေရာ၌ ထိန်းသိမ်းထားသည်၊ မည်သူက ဘေးကင်းစွာထိန်းသိမ်းထားသည်၊ မည်မျှရှိသည်တို့ကို ရှေးဦးစွာ မေးမြန်းသည်။ ထို့နောက်မှသာ သူအသင်းတော်၏ခေါင်းဆောင်များ မည်သူဖြစ်သည်ကို မေးမြန်းလိမ့်မည်။ သူ၏ရည်ရွယ်ချက်မှာ ငွေကိုလုယူရန်မျှသာ ဖြစ်သည်။ ဤခေါင်းဆောင်ပြုလုပ်ခဲ့သည့်အရာနှင့် အဆင်းနီသောနဂါးကြီးပြုလုပ်သည့်အရာတို့မှာ သဘောသဘာဝချင်း တူညီသည်။ သူသည် မည်သည့်အလုပ်ကိုမျှ မစုံစမ်းမေးမြန်းခဲ့၊ သို့မဟုတ် မည်သည့်အရာတစ်ခုအတွက်မျှ ဝန်ထုပ်မခံယူခဲ့ဘဲ ဘဏ္ဍာရေးကိုသာ အာရုံစိုက်ခဲ့သည်၊ ဤသည်မှာ ယုတ်မာနေခြင်းမဟုတ်လော။ ဤယုတ်မာသောလူ၏ လုပ်ဆောင်ချက်များမှာ အလွန်သိသာထင်ရှားလှသည်။ သူ၏အဆင့်အတန်း ခိုင်မာခြင်း မရှိသေးမီကပင် သူငွေကိုလုယူလိုခဲ့သည်။ သူအလွန်အမင်း အလျင်လိုနေခဲ့သည် မဟုတ်လော။ အခြားသူများ သူ့ကိုပိုင်းခြားသိမြင်လာခဲ့သည်ကို သူအနည်းငယ်မျှမသိခဲ့ဘဲ မကြာမီ သူဖြုတ်ချခြင်းခံခဲ့ရသည်။ ဤသို့သော သိသာထင်ရှားသည့်ပုံစံဖြင့် ပြုမူသော ဤသို့သောလူစားမျိုးနှင့်ပတ်သက်လာလျှင် သင်တို့ဤသည်ကို အမှတ်ရရမည်၊ သူတို့ကို အလျင်အမြန််ဖြုတ်ချလော့။ ဤသို့သော လူစားမျိုးနှင့်ပတ်သက်၍ သူတို့၏စိတ်သဘောထားများ၊ လူ့သဘာဝ၊ ပညာရေး၊ မိသားစုနောက်ခံ၊ ဘုရားသခင်ကို ယုံကြည်ခဲ့သည့်အချိန်ကာလ၊ သူတို့အခြေခံအုတ်မြစ်ရှိမရှိ၊ သူတို့၏အသက်တာအတွေ့အကြုံများ မည်သည့်ပုံစံရှိသည် ဟူသကဲ့သို့သော အခြားမည်သည့်အရာကိုမျှ ပိုင်းခြားသိမြင်ရန်မလိုအပ်ပေ၊ ဤအရာများထဲမျှ တစ်ခုကိုမျှ သင်ပိုင်းခြားသိမြင်ရန် မလိုအပ်ချေ၊ ဤအရာတစ်ခုတည်းကပင် ထိုသို့သောလူတစ်ဦး အန္တိခရစ်တစ်ဦးဖြစ်ကြောင်း ဆုံးဖြတ်ရန် လုံလောက်သည်။ သင်တို့အားလုံး ပူးပေါင်း၍ ဤသူကို ဖြုတ်ချပြီး ဖယ်ရှားသင့်သည်။ သင်တို့သူ့ကို ခေါင်းဆောင်အဖြစ် မလိုအပ်ပေ။ အဘယ်ကြောင့်နည်း။ အကယ်၍ သင်သူ့ကို သင်တို့ကိုဦးဆောင်ခွင့်ပြုပါက အသင်းတော်၌ ငွေမည်မျှပင်ရှိစေကာမူ သူဖြုန်းတီးပစ်မည်ဖြစ်ပြီး အားလုံးကို အလွဲသုံးစားပြုလုပ်မည်ဖြစ်ကာ ထိုအခါ အသင်းတော်၏ အလုပ်မှာ ရပ်တန့်သွားပြီး ဆောင်ရွက်ရန် မဖြစ်နိုင်တော့ပေ။ အကယ်၍ သင်သည် ငွေလုယူရန်စွဲလမ်းနေသော၊ ဥစ္စာဓနအပေါ် သူ၏အာရုံစိုက်မှု အမြဲတမ်း မယိမ်းမယိုင်စွဲမြဲနေသော၊ ငမ်းငမ်းတက်နေသော ဤသို့သောလူစားမျိုးနှင့် ကြုံတွေ့ရပြီး သူ၏စစ်မှန်သော သဘောသဘာဝ၏ အရိပ်အယောင်များ ထွက်ပေါ်လာခြင်း မရှိသေးဘဲ လူတိုင်းက သူတို့၌ ဆုကျေးဇူးအချို့ရှိသည်၊ သူတို့၌ အလုပ်လုပ်နိုင်စွမ်း အချို့ရှိသည်၊ သူတို့လူတိုင်းကို သမ္မာတရားလက်တွေ့ကျမှုသို့ ဝင်ရောက်ရန် ဦးဆောင်နိုင်စွမ်းရှိသည်ဟု ထင်မှတ်လျက် နားဝေတိမ်တောင် ဖြစ်သောပုံစံဖြင့် သူ့ကို ရွေးကောက်တင်မြှောက်ခဲ့ပြီး သူခေါင်းဆောင်ဖြစ်လာသည်နှင့်တစ်ပြိုင်နက် သူသည် ငွေကို ကိုယ့်အိတ်ထဲကိုယ် စတင်ထည့်သွင်းမည်ကို မမျှော်လင့်ခဲ့ပါက သင်သူ့ကို သူ၏ရာထူးမှ အလျင်အမြန် ဖယ်ရှားသင့်သည်။ ဤသည်မှာ လုံးဝမှန်ကန်သော လုပ်ရပ်ဖြစ်သည်။ ထို့နောက် သင်အခြားတစ်စုံတစ်ဦးကို ရွေးကောက်တင်မြှောက်နိုင်သည်။ အသင်းတော်သည် တစ်ရက်မျှ ခေါင်းဆောင်မရှိပါက ပြိုကွဲသွားမည် မဟုတ်ပေ။ ဘုရားသခင် ရွေးချယ်ထားသောလူတို့သည် မည်သည့်သီးခြားခေါင်းဆောင်ကိုမျှ မဟုတ်ဘဲ ဘုရားသခင်ကို ယုံကြည်ကြသည်။ ငါ့ကိုပြောကြလော့၊ ညီအစ်ကိုမောင်နှမများ ဆုံးဖြတ်ချက်ချရာ၌ ခဏတာ မှားယွင်းသည့်အချိန်များ ရှိသလော။ ဤသူခေါင်းဆောင်တစ်ဦးမဖြစ်မီ သူလောဘကြီးကြောင်း ပြောရန်နည်းလမ်း မရှိခဲ့ပေ။ အခြားသူများနှင့် သူ၏ဆက်ဆံရေးများတွင် သူအခွင့်အရေးယူရန် မကြိုးစားခဲ့၊ ပစ္စည်းများဝယ်ယူသည့်အခါ သူ၏ကိုယ်ပိုင်ငွေကို သုံးစွဲခဲ့ပြီး သူ အလှူအတန်းပင် ပြုလုပ်ခဲ့သည်။ သို့ရာတွင် ခေါင်းဆောင်တစ်ဦးဖြစ်လာသည်နှင့် သူပထမဆုံး ပြုလုပ်ခဲ့သည့်အရာမှာ အသင်းတော်ဘဏ္ဍာရေးနှင့်ပတ်သက်သည့် အချက်အလက်များကို အတင်းအကျပ်တောင်းဆိုခြင်း ဖြစ်ခဲ့သည်။ လူအများစုသည် ဤသို့သောကောက်ကျစ်ဆိုးယုတ်သည စိတ်ဆန္ဒကို မချုပ်တည်းနိုင်ကြပေ၊ ယင်းမှာ အလွန်မယုံနိုင်စရာပင်တည်း။ သူတစ်ညအတွင်း မည်သို့ပြောင်းလဲသွားနိုင်ခဲ့သနည်း။ သူတစ်ညအတွင်း ပြောင်းလဲသွားခဲ့ခြင်းမဟုတ်ဘဲ သူသည် အစကတည်းက ထိုသို့သော သတ္တဝါအမျိုးအစားသာဖြစ်ပြီး တစ်ခုတည်းသောကွာခြားချက်မှာ ယခင်က သူ့ကိုထုတ်ဖော်ပြမည့် အခြေအနေများ၌ သူရှိမနေခဲ့ဘဲ ယခုမူ ဤအခြေအနေက သူ့ကိုထုတ်ဖော်ပြသခဲ့ခြင်း ဖြစ်သည်။ ဤသူထုတ်ဖော်ပြသခြင်း ခံခဲ့ရပြီးဖြစ်သောကြောင့် အဘယ်ကြောင့် သင်သူ့အပေါ် သနားကြင်နာနေဦးမည်နည်း။ သူ့ကို ဤနေရာမှ ထွက်သွားစေရန် ကန်ထုတ်လော့၊ ဝေးလေကောင်းလေဖြစ်၏။ သင်တို့ ဤသို့ပြုလုပ်ဝံ့သလော။ (ပြုဝံ့ပါသည်။) အသင်းတော်ပိုင်ဆိုင်မှုနှင့် ပတ်သက်၍ အစဉ်သဖြင့် အကြံအစည်များ ဖန်တီးနေသော မည်သူနှင့်မဆိုပတ်သက်လာပါက သူတို့ကို အပြည့်အဝ နားမလည်သေးဘဲ ရွေးကောက်တင်မြှောက်ခြင်း မပြုနှင့်။ သင်သည် မသိနားမလည်သည့် အခိုက်အတန့်တစ်ခုတွင် ထိုသူတို့ကို အပြည့်အဝ နားလည်ခြင်းမရှိသေးဘဲ ရွေးကောက်တင်မြှောက်ခဲ့ပြီး ထို့နောက် သူတို့သည် ဝိသမလောဘသားတစ်ဦးနှင့် ယုဒတစ်ဦးဖြစ်ကြောင်း သင်တွေ့ရှိပါက သူတို့ကို အလျင်အမြန်ကန်ထုတ်ပြီး ရှင်းလင်းပစ်သင့်သည်။ သနားကရုဏာ ထားခြင်းမရှိနှင့်၊ တုံ့ဆိုင်းခြင်းမရှိနှင့်။ “ထိုသူ လောဘကြီးသော်လည်း အခြားအရာအားလုံး၌ သူကောင်းမွန်ပါသည်။ သူသည် လူတို့ကို ဘုရားသခင်၏နှုတ်ကပတ်တော်ကို နားလည်မှုတစ်ခုဆီသို့ လမ်းညွှန်နိုင်ပြီး သူတို့၏တာဝန်များကို ပုံမှန်အတိုင်းထမ်းဆောင်စေနိုင်သည်” ဟု ဆိုသောသူများ ရှိသည်။ သို့သော် သူတို့ဤသို့ဖြစ်နေခြင်းမှာ တစ်ခဏတာမျှသာ ဖြစ်သည်။ အချိန်ကြာလာသည်နှင့်အမျှ သူတို့ဤသို့ဆက်ဖြစ်နေမည်မဟုတ်တော့ပေ။ သူတို့၏နတ်ဆိုးမျက်နှာ ထင်ရှားလာရန် ရက်အနည်းငယ်မျှသာ လိုတော့သည်။ ငါတို့အတိတ်က မိတ်သဟာယဖွဲ့ခဲ့သော အန္တိခရစ်တို့၏ သရုပ်သကန်များနှင့် စိတ်သဘောထားများအားလုံးသည် သူတို့၌ တဖြည်းဖြည်း ထုတ်ဖော်ပြခြင်းခံရလိမ့်မည်။ ထိုအချိန်ကျမှ သူတို့ကို ဖြုတ်ချခြင်းသည် နောက်ကျသွားမည်မဟုတ်လော။ အသင်းတော်၏ အလုပ်မှာ ထိခိုက်ပြီးဖြစ်နေပေလိမ့်မည်။ အကယ်၍ သင်ငါပြောခဲ့သည့်အရာကို မယုံကြည်ဘဲ တုံ့ဆိုင်းနေပါက သင်နောင်တရသည့်အခါ ချူသံပါအောင် မညည်းနှင့်။ ရှေးဦးစွာ လူတစ်ဦးလှူဖွယ်ပစ္စည်းများကို မည်သို့ဆက်ဆံပြုမူသည်ကို ကြည့်လော့၊ ဤသည်မှာ လူတစ်ဦး၌အန္တိခရစ်တို့၏အနှစ်သာရ ရှိမရှိကို ထိုးထွင်းသိမြင်ရန် အရှင်းလင်းဆုံး နည်းဗျူဟာဖြစ်သည့်အပြင် တိုက်ရိုက် အဖြစ်ဆုံးနှင့် အပွင့်လင်းဆုံးနည်းဗျူဟာလည်း ဖြစ်သည်။ ငါတို့အတိတ်က မိတ်သဟာယဖွဲ့ခဲ့သော အကြောင်းအရာများနှင့်ပတ်သက်၍ ငါတို့သည် အချို့သောသရုပ်သကန်များ၊ ထုတ်ဖော်ချက်များ၊ ရှုထောင့်အမြင်များ၊ စကားလုံးများနှင့် လုပ်ဆောင်ချက်များမှတစ်ဆင့် အန္တိခရစ်တို့၏ စိတ်သဘောထားများကို ခွဲခြားသတ်မှတ်ခဲ့ရပြီး သူတို့၏ စိတ်သဘောထားများအပေါ် အခြေခံ၍ သူတို့၌အန္တိခရစ်တို့၏အနှစ်သာရ ရှိမရှိကို ကြည့်ရှုခဲ့ရသည်။ ဤကိစ္စရပ်တစ်ခုတည်း၌မူ ဤအရာများကို ပြုလုပ်ရန်မလိုအပ်ပေ၊ ယင်းမှာ တိုက်ရိုက်ဖြစ်ပြီး ပွင့်လင်းသည်၊ ရိုးရှင်းပြီး ပို၍နည်းပါးသော အချိန်အင်အား၊ လူအင်အားကိုသာ လိုအပ်သည်။ လူတစ်ဦး ဤသရုပ်သကန်ကို ပြသနေသရွေ့၊ လှူဖွယ်ပစ္စည်းများကို သူတို့ ပိုင်ဆိုင်ခြင်းကိုဖြစ်စေ၊ လှူဖွယ်ပစ္စည်းများကို အတင်းအဓမ္မ သိမ်းပိုက်ခြင်းဖြစ်စေ ဦးစားပေးရန် အစဉ်သဖြင့် ဆန္ဒရှိနေသရွေ့ သူတို့သည် တစ်ရာရာခိုင်နှုန်း အန္တိခရစ်ဖြစ်ကြောင်း သင်သေချာနိုင်သည်။ သူတို့ကို အန္တိခရစ်အဖြစ် သတ်မှတ်နိုင်ပြီး သူတို့ခေါင်းဆောင်အဖြစ် ထမ်းဆောင်၍မရနိုင်ဘဲ ညီအစ်ကိုမောင်နှမများ၏ ဖြုတ်ချခြင်းနှင့် ငြင်းပယ်ခြင်းတို့ကို ခံရမည်ဖြစ်သည်။

ငါတို့သည် အန္တိခရစ်များ လှူဖွယ်ပစ္စည်းများကို သူတို့၏ပိုင်ဆိုင်ခြင်းနှင့် အသုံးပြုခြင်းကို ဦးစားပေးသည့် သရုပ်သကန်များအပေါ် ခုလေးတင် မိတ်သဟာယဖွဲ့ခဲ့ပြီးဖြစ်သည်။ ထို့အပြင် အသင်းတော်၏ဘဏ္ဍာရေးကို ထိန်းချုပ်ရန် သူတို့၏ကြိုးပမ်းမှု၌ အန္တိခရစ်များ ဖော်ပြသည့် စိတ်သဘောထားများနှင့် အနှစ်သာရများကို ရှင်းလင်းတင်ပြရန်နှင့် စိတ်ဖြာလေ့လာဆွေးနွေးရန် ဤအရာကို အသုံးပြုခဲ့သည်။ ဤသည်မှာ ပထမအချက် ဖြစ်သည်။ ပိုင်ဆိုင်ခြင်းနှင့် အသုံးပြုခြင်းဟူသည့် ဤသည်တို့မှာ အသင်းတော်၏ ပိုင်ဆိုင်မှုနှင့်ပတ်သက်လာလျှင် အန္တိခရစ်တို့၏ အစောဆုံးနှင့် အခြေခံအကျဆုံး ချဉ်းကပ်နည်းများ ဖြစ်ကြသည်။ ဤအချက်၌ အန္တိခရစ်တို့ အသင်းတော်၏ပိုင်ဆိုင်မှုကို မည်သို့ပိုင်ဆိုင်ပြီး အသုံးပြုသည်ကို တိကျသောပုံစံဖြင့် ငါတို့မိတ်သဟာယမဖွဲ့ခဲ့ပေ။ နောက်အချက်ဖြစ်သည့် အန္တိခရစ်များ လှူဖွယ်ပစ္စည်းများကို ဖြုန်းတီးခြင်း၊ တလွဲအသုံးပြုခြင်း၊ ချေးငှားပေးခြင်း၊ လိမ်လည်လှည့်ဖြား၍ အသုံးပြုခြင်းနှင့် ခိုးယူခြင်း၌ ငါတို့ ပို၍တိကျသော အသေးစိတ်အချက်များကို ဆက်လက်၍ ဆွေးနွေးသွားမည်ဖြစ်သည်။

ခ။ လှူဖွယ်ပစ္စည်းများကို ဖြုန်းတီးခြင်း၊ အလွဲသုံးစားပြုခြင်း၊ ချေးငှားပေးခြင်း၊ လိမ်လည်လှည့်ဖြား၍ အသုံးပြုခြင်းနှင့် ခိုးယူခြင်း

၁။ လှူဖွယ်ပစ္စည်းများကို ဖြုန်းတီးခြင်း

အဆင့်အတန်းနှင့် အာဏာရှိခြင်းသည် လှူဖွယ်ပစ္စည်းများကို ၎င်းတို့၏ ပိုင်ဆိုင်ခြင်းနှင့် အသုံးပြုခြင်းအပေါ် ဦးစားပေးရန် အခွင့်အာဏာကို သူတို့အား ပေးခြင်းဖြစ်သည်ဟု အန္တိခရစ်များက ထင်ကြသည်။ သို့ဆိုလျှင် ထိုအာဏာကို သူတို့ရရှိပြီးသည်နှင့် လှူဖွယ်ပစ္စည်းများကို သူတို့ မည်သို့ ခွဲဝေပြီး သုံးစွဲကြသနည်း။ သူတို့သည် ဤအရာကို အသင်းတော်၏ စည်းမျဉ်းများအတိုင်း သို့မဟုတ် အသင်းတော်အလုပ်၏ လိုအပ်ချက်များကို စိုးမိုးသော စည်းမျဉ်းများအတိုင်း လုပ်ဆောင်ကြသလော။ သူတို့ ဤအရာကို လုပ်ဆောင်နိုင်သလော။ (မဟုတ်ပါ၊ သူတို့ မလုပ်ဆောင်နိုင်ပါ။) သူတို့ မလုပ်နိုင်ခြင်းဟူသည့် အချက်သည် အမှုအရာများစွာနှင့် သက်ဆိုင်သည်။ အန္တိခရစ်များသည် အဆင့်အတန်း ရရှိပြီးသည်နှင့် အသင်းတော်အလုပ်နှင့် သက်ဆိုင်သော အမှုအရာအချို့ကို လုပ်ဆောင်ခြင်းမှ မရှောင်လွှဲနိုင်ကြဘဲ ဤအလုပ်၏ အစိတ်အပိုင်းတစ်ခုသည် အသင်းတော်ပိုင်ပစ္စည်းများကို သုံးစွဲခြင်းနှင့် ခွဲဝေမှုများ ပါဝင်သည်။ ထိုသို့ဖြစ်လျှင် အသင်းတော်ပိုင်ပစ္စည်းများ ခွဲဝေမှုကို သူတို့ ကိုင်တွယ်ဖြေရှင်းသည့် စည်းမျဉ်းများမှာ အဘယ်နည်း။ စေ့စေ့စပ်စပ် သုံးစွဲခြင်းလော။ အသုံးစရိတ်များကို စေ့စေ့စပ်စပ် စီစဉ်ခြင်း၊ ဖြစ်နိုင်သည့်နေရာတိုင်း၌ ချွေတာခြင်းလော။ အမှုအရာအားလုံး၌ ဘုရားအိမ်တော်ကို ထည့်သွင်းစဉ်းစားခြင်းလော။ မဟုတ်ပေ။ သူတို့သည် စက်ဘီးဖြင့် သွားနိုင်သည့်နေရာသို့ ဘတ်စ်ကားကို ငွေကုန်ခံကာ စီးနေဆဲဖြစ်သည်။ ထို့ပြင် ဘတ်စ်ကားဖြင့် သို့မဟုတ် ကားငှား၍ အမြဲတမ်းသွားလာခြင်းကို အဆင်မပြေဘဲ သက်သောင့်သက်သာမရှိဟု သူတို့မြင်သောအခါ ကားတစ်စီးဝယ်ဖို့ ဘုရားအိမ်တော်၏ငွေကို အသုံးပြုရန် စတင်စဉ်းစားကြသည်။ ကားဝယ်ရာ၌ ဈေးနှုန်းချိုသာပြီး သာမန်စွမ်းဆောင်ရည်ရှိသော ပုံစံအမျိုးအစားများကို သူတို့ နှာခေါင်းရှုံ့ကြပြီး အထူးသဖြင့် စွမ်းဆောင်ရည်မြင့်သော၊ ပြည်ပမှ တိုက်ရိုက်တင်သွင်းသည့် နာမည်ကြီးအမှတ်တံဆိပ်ဖြစ်ပြီး တန်ဖိုး ယွမ်တစ်သန်းကျော်သော ကားကို ရွေးချယ်ကြသည်။ သူတို့က “ဤသည်မှာ အရေးမကြီးပါ၊ မည်သို့ပင်ဖြစ်စေ ယင်းမှာ ဘုရားအိမ်တော်က ပေးချေခြင်းဖြစ်ပြီး ဘုရားအိမ်တော်၏ငွေသည် လူတိုင်း၏ငွေ ဖြစ်သည်။ လူတိုင်း အတူတကွ ကားတစ်စီး ဝယ်ခြင်း၌ အခက်အခဲမရှိပါ။ ဘုရားအိမ်တော်သည် အလွန်ကြီးမားသည်၊ စကြဝဠာကမ္ဘာ တစ်ခုလုံးသည် ဘုရားနှင့်သက်ဆိုင်သည်၊ သို့ဖြစ်၍ ဘုရားအိမ်တော်က ကားတစ်စီးဝယ်လျှင် ယင်းမှာ ထိုမျှအရေးကြီးသလော။ စာတန်၏ လောကတွင် လူတို့မောင်းနှင်သော ကားများအားလုံးသည် ယွမ်သန်းပေါင်းများစွာ တန်ကြေးရှိသည်၊ သို့ဖြစ်၍ ကျွန်ုပ်တို့ အသင်းတော်က ယွမ်တစ်သန်းသာ တန်သောကားတစ်စီး ဝယ်ခြင်းသည် အတော်ပင် ခြိုးခြံခြင်း ဖြစ်သည်။ ထို့အပြင် ဤကားသည် ကျွန်ုပ်တစ်ဦးတည်း သုံးရန်မဟုတ်၊ အသင်းတော်တစ်ခုလုံးက အတူတကွ သုံးစွဲကြမည်ဖြစ်သည်” ဟု တွေးကြသည်။ အန္တိခရစ်များ ပါးစပ်ဟလိုက်သည့်တစ်ပြိုင်နက် မျက်တောင်တစ်ချက် မခတ်ဘဲဖြစ်စေ၊ နှလုံးတစ်ချက် မခုန်ဘဲဖြစ်စေ အပြစ်ရှိစိတ် ရေးရေးမျှမရှိဘဲ ယွမ်တစ်သန်းကျော် ထွက်သွားလေသည်။ ကားဝယ်ပြီးနောက် သူတို့သည် ယင်းကို စတင်၍ အကျိုးခံစားကြသည်။ သူတို့သည် လမ်းလျှောက်သွားသင့်သော နေရာများသို့ နောက်ထပ် ခြေကျင်မသွားကြတော့ပေ၊ စက်ဘီးစီးသွားသင့်သော နေရာများသို့ သူတို့ နောက်ထပ် စက်ဘီးစီးမသွားကြတော့ပေ၊ ကားငှား၍ သွားနိုင်သော နေရာများသို့ သူတို့ နောက်ထပ် ကားငှား၍ မသွားကြတော့ပေ။ ထိုအစား သူတို့သည် မိမိတို့ကိုယ်ပိုင်ကားကို မရမက အသုံးပြုကြသည်။ သူတို့သည် ကြီးမားသောအလုပ်ကို လုပ်နိုင်စွမ်းရှိသည့်အလား အမှန်ပင် ဟန်များနေကြသည်။ အန္တိခရစ်များသည် ငွေကို အလွန်ဖြုန်းတီးစွာ သုံးစွဲကြသည်၊ သူတို့ဝယ်သမျှသည် ပစ္စည်းကောင်း၊ အဆင့်မြင့်ပစ္စည်းနှင့် နောက်ဆုံးပေါ်ပစ္စည်းများ ဖြစ်ရမည်။ ဥပမာအားဖြင့် အချို့သော စက်ပစ္စည်းနှင့် ကိရိယာအမျိုးအစားများ၏ အခြေခံနှင့် အဆင့်မြင့်ပုံစံအမျိုးအစားများကြား ဈေးနှုန်းကွာခြားချက်သည် ယွမ်သောင်းပေါင်းများစွာ ကွာခြားနိုင်သည်။ ဤအခြေအနေများတွင် အန္တိခရစ်များသည် အဆင့်မြင့်ပုံစံ အမျိုးအစားကို ဝယ်လိုကြမည်ဖြစ်ပြီး မိမိတို့ကိုယ်ပိုင်ငွေကို သုံးစွဲနေခြင်းမဟုတ်သရွေ့ ဤသို့ပြုလုပ်ခြင်းသည် သူတို့ကို လုံးဝ အနှောင့်အယှက်ပေးမည် မဟုတ်ပေ။ အကယ်၍ သူတို့ကိုယ်တိုင်ငွေဖြင့် ပေးချေရမည်ဆိုလျှင် အခြေခံ သို့မဟုတ် အညံ့စားပစ္စည်းတစ်ခုကိုပင် သူတို့ ဝယ်နိုင်မည်မဟုတ်ပေ၊ သို့သော် ဘုရားအိမ်တော်က ပေးချေမည်ဟု သင်ပြောသောအခါ သူတို့သည် ဈေးအကြီးဆုံးပစ္စည်းကို လိုချင်ကြလိမ့်မည်။ ဤသူတို့သည် လူ့တိရစ္ဆာန်များ မဟုတ်လော။ သူတို့သည် ဆင်ခြင်တုံတရားမဲ့သည် မဟုတ်လော။ ဤသည်မှာ လှူဖွယ်ပစ္စည်းများကို ဖြုန်းတီးခြင်း မဟုတ်လော။ (ဟုတ်ပါသည်။) လှူဖွယ်ပစ္စည်းများကို ဖြုန်းတီးသောသူတို့သည် လူ့သဘာဝ ညံ့ဖျင်းကြသည်၊ သူတို့သည် တစ်ကိုယ်ကောင်းဆန်ပြီး စက်ဆုပ်ဖွယ်ကောင်းကြသည်။ အန္တိခရစ်များသည် လှူဖွယ်ပစ္စည်းများကို အသုံးပြုခွင့်အာဏာ ရရှိပြီးသည်နှင့် လှူဖွယ်ပစ္စည်းများကို မိမိတို့အတွက် အပိုင်သိမ်းလိုကြပြီး စည်းမျဉ်းများကို လုံးဝဂရုမစိုက်ဘဲ အသုံးပြုကာ ဝယ်ယူမှုတိုင်းအတွက် ဈေးအကြီးဆုံးပစ္စည်းများကို ရရှိရန် အတင်းအကျပ် တောင်းဆိုကြသည်။ မျက်မှန်တစ်လက် ဝယ်သောအခါ အပြာရောင်အလင်းနှင့် ခရမ်းလွန်ရောင်ခြည်ကို ကာကွယ်ပေးသော၊ အကြည်လင်ဆုံး မှန်ဘီလူးများပါသည့် ဈေးအကြီးဆုံးအမျိုးအစားကို သူတို့ လိုချင်ကြပြီး ကွန်ပျူတာတစ်လုံး ဝယ်သောအခါ ဈေးအကြီးဆုံးသောနောက်ဆုံးပေါ် ပုံစံအမျိုးအစားကို သူတို့ လိုချင်ကြသည်။ မိမိတို့၏ တာဝန်များတွင် အမျိုးမျိုးသော ကိရိယာများနှင့် စက်ပစ္စည်းများကို အသုံးပြုရန် ရှိသည်ဖြစ်စေ၊ မရှိသည်ဖြစ်စေ ထိုသို့သောအရာများကို ဝယ်ယူခြင်းအကြောင်း ပေါ်လာသည်နှင့် သူတို့သည် ဈေးအကြီးဆုံးသောပစ္စည်းကို လိုချင်ကြသည်။ ဤသည်မှာ လှူဖွယ်ပစ္စည်းများကို ဖြုန်းတီးခြင်း မဟုတ်လော။ မိမိတို့၏ ကိုယ်ပိုင်ငွေနှင့် ပတ်သက်လာလျှင် သူတို့သည် ခြိုးခြံချွေတာတတ်ကြပြီး ပစ္စည်းသည် လက်တွေ့ကျလျှင် လုံလောက်ပြီဖြစ်သည်၊ သို့သော် ဘုရားအိမ်တော်အတွက် တစ်စုံတစ်ခု ဝယ်ယူခြင်းနှင့် ပတ်သက်လာလျှင် လက်တွေ့ကျမှုနှင့် ငွေစုဆောင်းခြင်းဆိုင်ရာ ကိစ္စရပ်များသည် ထည့်သွင်းစဉ်းစားစရာ မဖြစ်တော့ပေ။ သူတို့စဉ်းစားသမျှမှာ နာမည်ကြီးအမှတ်တံဆိပ် ဖြစ်ရမည်၊ သူတို့၏ အဆင့်အတန်းကို ဖော်ပြရမည်ဖြစ်ပြီး တန်ဖိုးအကြီးဆုံးဖြစ်သည့် မည်သည့်အရာကိုမဆို ဝယ်ယူကြသည်။ ဤသည်မှာ မိမိတို့ကိုယ်တိုင်၏ ပျက်စီးခြင်းကို ရှာဖွေခြင်း မဟုတ်လော။ လှူဖွယ်ပစ္စည်းများကို ရေလိုသုံးခြင်း၊ ဤသည်မှာ အန္တိခရစ်များ လုပ်ဆောင်သည့်အရာ မဟုတ်လော။ (ဟုတ်ပါသည်။)

ညီအစ်ကိုတစ်ဦးသည် အထက်လူကြီး ညီအစ်ကိုနှင့်အတူ သွားတိုက်တံများဝယ်ရန် အပြင်ထွက်ခဲ့သည်။ သူသည် အထက်လူကြီး ညီအစ်ကိုအတွက် တစ်ဒေါ်လာကျော် တန်ဖိုးရှိသော သွားတိုက်တံတစ်ချောင်းကို ဝယ်ခဲ့သော်လည်း သူ့အတွက်မူကား ဒေါ်လာ ၁၅ ထက်ပို၍ တန်ဖိုးရှိသော ပြည်ပမှတင်သွင်းသည့် သွားတိုက်တံတစ်ချောင်းကို ယူခဲ့သည်။ ယခု အထက်လူကြီး ညီအစ်ကိုနှင့် ဤသာမန်ညီအစ်ကိုကြားတွင် သူတို့၏ အဆင့်အတန်းအရ ခြားနားမှုအချို့၊ ကွာဟမှုအချို့ ရှိသည်ဟု သင်တို့ ဆိုမည်မဟုတ်လော။ (ဟုတ်ပါသည်။) ယုတ္တိဗေဒအရဆိုလျှင် အဆင့်အတန်း၊ ရပ်တည်ချက်၊ သို့မဟုတ် ဘုရားသခင် ခွဲဝေပေးသည့်နည်းလမ်း ကဲ့သို့သော အရာများကို ဖယ်ထားပြီး အထက်လူကြီး ညီအစ်ကိုသည် ဤနှစ်များတစ်လျှောက်လုံး အလုပ်ကြိုးစားလုပ်ဆောင်ခဲ့သည်ဟူသည့်အချက်ကိုသာ ဆွေးနွေးကြပါစို့။ သူသည် သာလွန်ကောင်းမွန်သော အရည်အသွေးရှိသည့်အရာတစ်ခုကို အသုံးပြုသင့်သည် မဟုတ်လော။ သို့သော် သူသည် ဤအရာနှင့်ပတ်သက်၍ အထူးတလည် စိစစ်ရွေးချယ်တတ်သူ မဟုတ်ခဲ့ပေ။ သူလိုက်နာကျင့်သုံးနေသည့် စည်းမျဉ်းများမှာ အဘယ်နည်း။ ဖြစ်နိုင်သည့်နေရာတိုင်း၌ ချွေတာရန် ဖြစ်သည်။ ဤပစ္စည်းအမျိုးအစားသည် မည်သည့် ခေတ်မီဆန်းပြားသည့်အရာမျှ မဟုတ်ပေ။ သို့ဖြစ်၍ ထိုမျှဈေးကြီးသောတစ်ခုကို အသုံးပြုရန် မတန်ပေ။ ပြီးလျှင် ယင်းအပေါ် ထိုမျှပိုက်ဆံများစွာ သုံးစွဲရန် မလိုအပ်ပေ။ အသုံးပြု၍ရသော တစ်ခုဆိုလျှင် လုံလောက်ပြီ။ ယခု ဤလူနှစ်ဦး၏ ပင်ကိုလက္ခဏာ၊ ရပ်တည်မှုနှင့် အဆင့်အတန်းတို့နှင့် ပတ်သက်လာသောအခါ သူတို့ကြားတွင် ကွာဟမှုတစ်ခုရှိသည်။ ပြီးလျှင် ကောင်းမွန်သောအမျိုးအစားကို အသုံးပြုသင့်သောသူအတွက် အလွန်သာမန်အရည်အသွေးရှိသော ပစ္စည်းတစ်ခုကို ဝယ်ခဲ့ပြီး သာမန်အမျိုးအစားကို အသုံးပြုသင့်သောသူအတွက် အကောင်းဆုံးအရည်အသွေးရှိသော ပစ္စည်းတစ်ခုကို ဝယ်ခဲ့သည်။ ဤနေရာတွင် ပြဿနာမှာ အဘယ်နည်း။ ဤလူနှစ်ဦးအနက် မည်သူ၌ ပြဿနာရှိခဲ့သနည်း။ ကောင်းသောပစ္စည်းကို အသုံးပြုသောသူ၌ ပြဿနာရှိခဲ့ခြင်း ဖြစ်သည်။ သူသည် မည်သူမည်ဝါဖြစ်ကြောင်း မသိခဲ့သကဲ့သို့ အရှက်တရားလည်း မရှိခဲ့ပေ။ ပြီးလျှင် ဘုရားအိမ်တော်က ပေးချေနေသရွေ့ အကောင်းဆုံးနှင့် အဈေးအကြီးဆုံး ပစ္စည်းကို ဝယ်မည်သာဖြစ်သည်။ ဤသူ၌ ဆင်ခြင်တုံတရား တစ်စက်တစ်လေမျှ ရှိခဲ့သလော။ အထက်လူကြီး ညီအစ်ကိုနှင့် အတူ ဈေးဝယ်ထွက်စဉ် သူ၏ရှေ့မှောက်၌ ဤရွေးချယ်မှုများကို ပြုလုပ်လျက် သူ ဤသို့ပြုခဲ့လျှင် တစ်ယောက်တည်း ဈေးဝယ်ထွက်ပါက သူ မည်သို့ပြုလုပ်ခဲ့မည်နည်။ သူသည် မည်မျှ ဖြုန်းတီးခဲ့မည်နည်။ သူသည် ဤထက်မက များစွာသာ၍ပြုခဲ့ပေလိမ့်မည်။ ပြီးလျှင် ကွာခြားချက်မှာလည်း ဒေါ်လာဆယ်ဂဏန်းမျှသာ ဖြစ်လိမ့်မည်မဟုတ်ပေ။ သူသည် လှူဖွယ်ပစ္စည်းများနှင့် ဘုရားအိမ်တော်၏ငွေကို ဤနည်းအတိုင်း သုံးစွဲခဲ့သည်။ သူသည် မိမိကိုယ်တိုင်၏ ပျက်စီးခြင်းကို ရှာဖွေနေခြင်း မဟုတ်လော။ “ငါသည် ဘုရားအိမ်တော်အတွက် ထိုမျှကြီးမားသော အလုပ်ကို လုပ်ဆောင်ခဲ့ပြီး အလွန်များပြားသော စွန့်စားမှုများကို လုပ်ဆောင်ကာ အလွန်များပြားသော အခက်အခဲများကို ကြံ့ကြံ့ခံခဲ့ပြီး အကြိမ်ပေါင်းများစွာ ထောင်ချခြင်းကို ခံခဲ့ရသည်။ ငါသည် အမှန်အားဖြင့် အထူးအခွင့်အရေးကို ခံစားသင့်သည်” ဟု ထင်သောသူများ ရှိသည်။ သင်၏ ဤ “အမှန်အားဖြင့်” ဟူသည်မှာ သမ္မာတရား ဟုတ်ပါသလော။ ဘုရားသခင်၏ မည်သည့်နှုတ်ကပတ်တော်ထဲ၌ ထောင်ကျခြင်းကို ခံခဲ့ရသော၊ သို့မဟုတ် အခက်အခဲများကို ကြံ့ကြံ့ခံခဲ့သော၊ သို့မဟုတ် သူ့အတွက် နှစ်ပေါင်းများစွာ ခရီးလှည့်လည်ခဲ့သော မည်သူမဆို အထူးအခွင့်အရေးကို အမှန်အားဖြင့် ခံစားသင့်သည်၊ လှူဖွယ်ပစ္စည်းများကို အသုံးပြုခြင်းနှင့် သိမ်းပိုက်ခြင်း၌ ပထမဦးစားပေးမှုကို အမှန်အားဖြင့် ခံစားသင့်ပြီး ယင်းတို့ကို မိမိသဘောအတိုင်း ဖြုန်းတီးသင့်ကာ ဤသည်မှာ စီမံအုပ်ချုပ်ရေးဆိုင်ရာ အမိန့်တစ်ခုဖြစ်သည်ဟူသော ပြဋ္ဌာန်းချက်ကို သူ ပြုခဲ့သနည်း။ ဘုရားသခင်သည် ဤအကျိုးသက်ရောက်မှုရှိသော စကားတစ်ခွန်းကိုမျှ မြွက်ဆိုခဲ့ဖူးပါသလော။ (မဟုတ်ပါ၊ သူ မြွက်ဆိုခဲ့ခြင်း မရှိပါ။) သို့ဆိုလျှင် ဤသို့သောလူစားမျိုးသည် ခေါင်းဆောင်များ၊ အမှုဆောင်များ၊ ဘုရားအိမ်တော်၌ မိမိတို့၏ တာဝန်များကို ထမ်းဆောင်သောလူအားလုံးတို့နှင့်အတူ လှူဖွယ်ပစ္စည်းများကို မည်သို့ အသုံးပြုရန် မျှော်လင့်ထားကြောင်းနှင့် ပတ်သက်၍ ဘုရားသခင် အဘယ်အရာ မိန့်တော်မူခဲ့သနည်း။ ၎င်းတို့သည် ပုံမှန်အသုံးစရိတ်များနှင့် ပုံမှန်ကုန်ကျစရိတ်များအတွက် ယင်းတို့ကို အသုံးပြုရန်ဖြစ်သည်၊ လှူဖွယ်ပစ္စည်းများကို အသုံးပြုရန် သို့မဟုတ် ပိုင်ဆိုင်ရန်အတွက် မည်သူမျှ အထူးအခွင့်အာဏာ မရှိပေ။ ဘုရားသခင်သည် သူ၏ လှူဖွယ်ပစ္စည်းများကို မည်သည့်တစ်ဦးတစ်ယောက်၏ ကိုယ်ပိုင်ပစ္စည်းအဖြစ်မျှ ပြုလုပ်မည်မဟုတ်ပေ။ တစ်ချိန်တည်းမှာပင် လှူဖွယ်ပစ္စည်းများကို အသုံးပြုခြင်းနှင့် ခွဲဝေခြင်းအပေါ် လူတို့ ငွေဖြုန်းတီးသင့်သည်ဟု ဘုရားသခင် ပြဋ္ဌာန်းခဲ့ခြင်း မရှိပေ။ မည်သို့သော လူစားမျိုးက ငွေကို ဖြုန်းတီးသနည်း။ ငွေကို ဖြုန်းတီးသောသူ၌ မည်သို့သော စိတ်သဘောထားမျိုး ရှိသနည်း။ ဤသည်မှာ တိရစ္ဆာန်များ၊ အာဏာရှင်များ၊ လူမိုက်များ၊ လူဆိုးလူသွမ်းများနှင့် အရှက်တရားကင်းမဲ့သော စက်ဆုပ်ဖွယ်လူဆိုးများ ပြုလုပ်တတ်သည့်အရာဖြစ်ပြီး အန္တိခရစ်များ ပြုလုပ်တတ်သည့်အရာ ဖြစ်သည်။ လူ့သဘာဝအနည်းငယ်ရှိပြီး အရှက်တရားအချို့ကို သိသော မည်သူမဆို ဤအဆင့်အထိ နိမ့်ကျမည်မဟုတ်ပေ။ အသင်းတော်ခေါင်းဆောင် ဖြစ်လာပြီးနောက် ဤအရာက သူတို့ကို လှူဖွယ်ပစ္စည်းများနှင့် အသင်းတော်၏ ပိုင်ဆိုင်မှုကို အသုံးပြုရန် အခွင့်အာဏာ ပေးသည်ဟု ယုံကြည်သော လူအချို့ ရှိသည်။ ၎င်းတို့သည် မည်သည့်အရာကိုမဆို၊ အရာရာတိုင်းကို ဝယ်လိုစိတ်ရှိပြီး ဝယ်ရဲသည့်အပြင် မည်သည့်အရာကိုမဆို၊ အရာရာတိုင်းကို တောင်းခံလိုကြသည်။ ၎င်းတို့ဝယ်သမျှ၊ ၎င်းတို့ခံစားသမျှသည် ၎င်းတို့ ကောင်းစွာ ထိုက်တန်သည်ဟု ခံစားကြရသည်၊ ထို့ထက်ပို၍ ဈေးနှုန်းကို စုံစမ်းမေးမြန်းရန် သူတို့ မည်သည့်အခါမျှ စိတ်မညစ်ခံကြပေ။ ပြီးလျှင် တစ်စုံတစ်ယောက်က သူတို့အတွက် ဈေးပေါပြီး သာမန်ပစ္စည်းတစ်ခုကို ဝယ်ပေးပါက သူတို့ စိတ်ဆိုးပြီး ထိုသူအပေါ် အငြိုးအတေးပင် ထားရှိကြလိမ့်မည်။ ဤသူတို့သည် အန္တိခရစ်များ ဖြစ်ကြသည်။

၂။ လှူဖွယ်ပစ္စည်းများကို အလွဲသုံးစားပြုခြင်း

အသင်းတော်၏ ဘဏ္ဍာရေးကို ထိန်းချုပ်ရန် ကြိုးစားသည့် အန္တိခရစ်များ၏ နောက်ထပ် သရုပ်သကန်တစ်ခုမှာ အလွဲသုံးစားပြုခြင်း ဖြစ်သည်။ “အလွဲသုံးစားပြုခြင်း” ဟူသော ဝေါဟာရကို နားလည်ရန် လွယ်ကူသင့်သည်။ အလွဲသုံးစားပြုခြင်းဆိုသည်မှာ အသင်းတော်၏ ပိုင်ဆိုင်မှုကို ယူပြီး ညီအစ်ကိုမောင်နှမများထံ ပေးခြင်း သို့မဟုတ် အသင်းတော်အလုပ်အတွက် ခွဲဝေချထားပေးခြင်းကို ဆိုလိုပါသလော၊ သို့မှသာ ယင်းကို သင့်လျော်စွာ အသုံးပြုနိုင်မည်လော။ (မဟုတ်ပါ၊ မဆိုလိုပါ။) သို့ဆိုလျှင် “အလွဲသုံးစားပြုခြင်း” ဆိုသည်မှာ အဘယ်အရာကို ဆိုလိုသနည်း။ (ယင်းမှာ သင့်လျော်သောပုံစံဖြင့် သုံးစွဲခြင်းမဟုတ်ဘဲ မိမိသဘောအတိုင်း သို့မဟုတ် ခိုးကြောင်ခိုးဝှက် ပုံစံဖြင့် အသုံးပြုခြင်းကို ဆိုလိုပါသည်။) “ခိုးကြောင်ခိုးဝှက် ပုံစံဖြင့် အသုံးပြုခြင်း” ဟု ဆိုခြင်းသည် မှန်ကန်သော်လည်း အထူးတလည် တိကျခြင်း မရှိပေ။ အကယ်၍ လူတစ်ဦးသည် အချိန်ပြည့် တာဝန်ထမ်းဆောင်နေသူတို့၏ စားဝတ်နေရေးစရိတ်အတွက် အသင်းတော်၏ ပိုင်ဆိုင်မှုကို ခိုးကြောင်ခိုးဝှက် ပုံစံဖြင့် အသုံးပြုပါက ဤအရာ၌ မည်သည့်အမှားမျှ မရှိသည့်အပြင် ယင်းမှာ အလွဲသုံးစားပြုခြင်းလည်း မဟုတ်ပေ။ အလွဲသုံးစားပြုခြင်းကို ပြစ်တင်ရှုတ်ချပြီး ယင်းမှာ စည်းမျဉ်းများနှင့် မကိုက်ညီပေ။ ဥပမာအားဖြင့် အချို့သော အသင်းတော်ခေါင်းဆောင်များသည် အသင်းတော်၏ ငွေကို ထိန်းချုပ်ထားပြီး သူတို့၏ သားသမီးများက ကောလိပ်တက်ရန် ရန်ပုံငွေ လိုအပ်သောအခါ၊ အိမ်တွင်လည်း ထိုမျှပိုက်ဆံများများစားစား မရှိသောအခါ ဘုရားသခင်ထံတော်သို့ လာ၍ ဤသို့ ဆုတောင်းကြသည်၊ “အို ဘုရားသခင်၊ ကျွန်ုပ်၏အပြစ်ကို ဦးစွာဝန်ခံပြီး ကိုယ်တော့်ထံမှ ခွင့်လွှတ်မှုကို တောင်းခံပါရစေ။ အကယ်၍ ကိုယ်တော် အပြစ်ပေးရမည်ဆိုလျှင် ကျွန်ုပ်၏သားသမီးကို မဟုတ်ဘဲ ကျွန်ုပ်ကိုသာ အပြစ်ပေးတော်မူပါ။ ဤအရာသည် မမှန်ကန်ကြောင်း ကျွန်ုပ်သိပါသည်၊ သို့သော် ယခု ကျွန်ုပ်သည် အခက်အခဲကြုံတွေ့နေရသဖြင့် ဤသို့ပြုလုပ်ရပါမည်။ သင်၏ ကျေးဇူးတော်သည် အစဉ်သဖြင့် ကြွယ်ဝပြည့်စုံပါသည်၊ သို့ဖြစ်၍ ဤတစ်ကြိမ်တွင် ကျွန်ုပ်ကို သင် ခွင့်လွှတ်ပြီး ကောင်းချီးပေးတော်မူမည်ဟု ကျွန်ုပ် မျှော်လင့်မိပါသည်။ ကျွန်ုပ်၏ သားသမီး ကောလိပ်တက်ရန်အတွက် ယွမ် နှစ်သောင်း သို့မဟုတ် သုံးသောင်းခန့် လိုနေပြီး နေရာအနှံ့မှ စုဆောင်းချေးငှားပြီးသည့်တိုင် လုံလောက်ခြင်း မရှိသေးပါ။ ကျွန်ုပ်၏ သားသမီး ကျောင်းလခပေးရန်အတွက် သင့်ငွေကို ကျွန်ုပ် အသုံးပြု၍ ရနိုင်ပါမည်လော” ဟူ၍ ဖြစ်သည်။ ထို့နောက် သူတို့ ဆုတောင်းပြီးသောအခါ အလွန်ငြိမ်သက်မှုကို ခံစားရပြီး ဘုရားသခင်က ဤအရာကို သဘောတူညီပြီးဖြစ်သည်ဟု ထင်မှတ်ကာ ထိုငွေကို သူတို့၏ ကိုယ်ပိုင်အသုံးပြုမှုအတွက် ယူငင်ကြသည်။ ဤသည်မှာ အလွဲသုံးစားပြုခြင်း ဖြစ်သည် မဟုတ်လော။ ငွေကို အသုံးပြုသင့်သည့်အရာအတွက် အသုံးမပြုဘဲ အခြားနေရာတွင် အသုံးပြုခြင်း၊ ဘုရားအိမ်တော်၌ လှူဖွယ်ပစ္စည်းများ အသုံးပြုခြင်းကို စိုးမိုးသော စည်းမျဉ်းများကို ချိုးဖောက်ခြင်းကို “အလွဲသုံးစားပြုခြင်း” ဟု ခေါ်သည်။ မိသားစုဝင်တစ်ဦး ဖျားနာပြီး ငွေလိုအပ်သောအခါ သို့မဟုတ် စီးပွားရေးလုပ်ငန်း ကိစ္စရပ်တစ်ခုတွင် ရန်ပုံငွေ ပြတ်တောက်သွားသောအခါ သူတို့သည် လှူဖွယ်ပစ္စည်းများနှင့် ပတ်သက်၍ အကြံအစည်များ စတင်ဖန်တီးကြပြီး သူတို့၏ စိတ်နှလုံးထဲ၌ ဤသို့ ဆုတောင်းကြသည်၊ “အို ဘုရားသခင်၊ ကျွန်ုပ်ကို ခွင့်လွှတ်တော်မူပါ၊ ကျွန်ုပ် တမင်တကာ ပြုလုပ်ခဲ့ခြင်း မဟုတ်ပါ၊ ကျွန်ုပ်၏ မိသားစုသည် အမှန်တကယ် အခက်အခဲအချို့ ကြုံတွေ့နေရပါသည်။ သင်၏ ချစ်ခြင်းမေတ္တာသည် သမုဒ္ဒရာကဲ့သို့ ကျယ်ပြောပြီး ကောင်းကင်ဘုံကဲ့သို့ အဆုံးမရှိပါ၊ သင်သည် လူတို့၏ ပြစ်မှားခြင်းများကို အောက်မေ့တော်မူသည် မဟုတ်ပါ။ ဤငွေကို ကျွန်ုပ် အသုံးပြုပြီးသည့်နောက် မိသားစုစီးပွားရေးမှ ငွေကြေးရရှိသောအခါ သင့်ထံ နှစ်ဆပြန်လည် ပေးဆပ်ပါမည်၊ သို့ဖြစ်၍ ကျွန်ုပ်ကို ဤငွေကို အသုံးပြုခွင့် ပေးတော်မူပါ” ဟူ၍ ဖြစ်သည်။ ဤသည်မှာ သူတို့ ဘုရားသခင်ထံ လှူဖွယ်ပစ္စည်းများကို အသုံးပြုသည့် ပုံစံဖြစ်သည်။ ငွေလိုအပ်သော ဆွေမျိုးတစ်ဦး သို့မဟုတ် သူငယ်ချင်းတစ်ဦး ဖြစ်သည်ဖြစ်စေ ဤခေါင်းဆောင်များ၏ လက်ထဲ၌ ငွေရှိသရွေ့ သူတို့သည် စည်းမျဉ်းများနှင့်အညီ ပြုမူခြင်းမရှိ၊ အခြားသူတို့၏ သဘောတူညီချက်ကို ရယူခြင်းလည်းမရှိဘဲ ထိုသူတို့ထံ ပေးမည်ဖြစ်ပြီး၊ ဤအရာများမှာ ဘုရားသခင်ထံ ဆက်ကပ်ထားသော လှူဖွယ်ပစ္စည်းများဖြစ်သည်ဟူသော အချက်ကိုမူ တစ်စက်မျှပင် ထည့်သွင်းစဉ်းစားခြင်း ရှိလိမ့်မည်မဟုတ်ချေ။ ဤသည်မှာ အလွဲသုံးစားပြုခြင်း မဟုတ်လော။ (ဟုတ်ပါသည်။) ဤသည်မှာ အလွဲသုံးစားပြုခြင်း ဖြစ်သည်။ ယခုတွင် အချို့သောလူတို့သည် လှူဖွယ်ပစ္စည်းများကို ခိုးကြောင်ခိုးဝှက် အလွဲသုံးစားပြုပြီးနောက် ငွေကို အပြည့်အဝ ပြန်ပေးကြသည်။ ဤသည်မှာ သူတို့သည် လှူဖွယ်ပစ္စည်းများကို အလွဲသုံးစားပြုခြင်းအပြစ်အတွက် နောက်ထပ် အပြစ်မရှိတော့ဟု ဆိုလိုပါသလော။ သူတို့ကို ခွင့်လွှတ်ခံရနိုင်သည်ဟု ဆိုလိုပါသလော။ သို့မဟုတ် အလွဲသုံးစားပြုချိန်တွင် သူတို့၌ အကြောင်းရင်းများ၊ သီးခြားအခြေအနေတစ်ရပ် သို့မဟုတ် အခက်အခဲများ ရှိခဲ့ပြီး ငွေကို အလွဲသုံးစားပြုရန်မှတစ်ပါး အခြားရွေးချယ်စရာ မရှိခဲ့လျှင် ဤအလွဲသုံးစားပြုခြင်းကို ခွင့်လွှတ်ပြီး ပြစ်တင်ရှုတ်ချခြင်း မခံရနိုင်သလော။ (မဟုတ်ပါ၊ မခံရနိုင်ပါ။) ထိုသို့ဖြစ်လျှင် လှူဖွယ်ပစ္စည်းများကို အလွဲသုံးစားပြုခြင်း အပြစ်သည် အလွန်ကြီးလေးသော အပြစ်တစ်ခုပင်တည်း။ ယင်းသည် ယုဒပြုခဲ့သောအရာနှင့် တစ်စုံတစ်ရာ ကွာခြားပါသလော။ လှူဖွယ်ပစ္စည်းများကို အလွဲသုံးစားပြုသောသူတို့သည် ယုဒနှင့် အမျိုးအစားတူကြသည် မဟုတ်လော။ (ဟုတ်ပါသည်။) သူတို့၏ သားသမီးများ တက္ကသိုလ်တက်သောအခါ၊ သူတို့၏ မိသားစုဝင်တစ်ဦး စီးပွားရေးလုပ်သောအခါ၊ သို့မဟုတ် သက်ကြီးရွယ်အိုတစ်ဦး ဆေးကုသမှု လိုအပ်သောအခါ၊ သို့မဟုတ် လယ်ယာစိုက်ပျိုးရန် ဓာတ်မြေသြဇာ မရှိသောအခါ၊ ဤအခြေအနေအားလုံး၌ သူတို့သည် အသင်းတော်၏ ငွေကို သုံးစွဲလိုကြသည်။ အချို့သည် ညီအစ်ကိုမောင်နှမများ ပြုလုပ်သော လှူဖွယ်ပစ္စည်းများအတွက် ပြေစာများကိုပင် ဖျက်ဆီးပြီးနောက် ထိုငွေကို မိမိတို့၏ ကိုယ်ပိုင်အိတ်ထဲသို့ ထည့်ကာ မျက်နှာတစ်ချက်မပျက်၊ နှလုံးတစ်ချက်မတုန်ဘဲ မိမိတို့သဘောအတိုင်း သုံးစွဲကြသည်။ အချို့သည် စုဝေးပွဲများ၌ ညီအစ်ကိုမောင်နှမများထံမှ ငွေလှူဒါန်းမှုများကိုပင် လက်ခံပြီးနောက် စုဝေးပွဲပြီးသည်နှင့်တစ်ပြိုင်နက် ထိုငွေဖြင့် ပစ္စည်းများ သွားဝယ်ကြသည်။ ထို့နောက် ဤလူတို့ လှူဖွယ်ပစ္စည်းများကို အလွဲသုံးစားပြုနေသည်ကို မိမိတို့မျက်စိဖြင့် တွေ့မြင်ခဲ့ပြီးဖြစ်သော ညီအစ်ကိုမောင်နှမအချို့ ရှိနေသေးပြီး သူတို့သည် ထိုငွေကို ဆက်လက်ထိန်းသိမ်းထားခွင့် ပြုကြကာ မည်သူမျှ တာဝန်မယူသည့်အပြင် မည်သူမျှ ထိုအရာကို ရပ်တန့်ရန် ထွက်ပေါ်လာခြင်း မရှိပေ။ သူတို့အားလုံးသည် ဤခေါင်းဆောင်များကို စိတ်အနှောင့်အယှက်ဖြစ်စေမည်ကို ကြောက်ရွံ့ကြသဖြင့် သူတို့ သုံးစွဲနေစဉ် ကြည့်နေကြရုံသာ ဖြစ်သည်။ သို့ဆိုလျှင် သင်သည် ဤငွေကို ဘုရားသခင်ထံ လှူဒါန်းခဲ့သလော၊ မလှူဒါန်းခဲ့သလော။ အကယ်၍ သင်သည် အခြားလူတို့ထံ ပရဟိတလုပ်ငန်း ပြုလုပ်နေပါက သင်သည် ဤငွေကို ဘုရားသခင်ထံ လှူဒါန်းနေခြင်း မဟုတ်ကြောင်း ရှင်းလင်းစွာ ပြောကြားသင့်ပြီး ထိုအခါ ဘုရားသခင်သည် ယင်းကို အောက်မေ့တော်မူမည် မဟုတ်ပေ။ ထို့နောက် ဤငွေသည် မည်သူပိုင်ဆိုင်သည်၊ မည်သူသုံးစွဲသည်၊ မည်သို့သုံးစွဲသည်ဟူသော ဤအရာများသည် ဘုရားအိမ်တော်နှင့် လုံးဝ သက်ဆိုင်တော့မည် မဟုတ်ပေ။ အခြားတစ်ဖက်တွင် အကယ်၍ သင်၏ ဤငွေသည် ဘုရားသခင်ထံ အမှန်တကယ် လှူဒါန်းပြီးဖြစ်သော်လည်း အသင်းတော်က ယင်းကို အသုံးပြုရန် အခွင့်အရေးမရသေးမီ လူတစ်ဦးက ထိုသို့ သုံးစွဲလိုက်သည်၊ ထိုသို့ ဖြုန်းတီးလိုက်ပြီး သင်သည် အနည်းငယ်မျှပင် စိုးရိမ်ပူပန်ခြင်းမရှိဘဲ ယင်းကို ရပ်တန့်ခြင်း သို့မဟုတ် တိုင်ကြားခြင်း မပြုပါက ထိုသို့ဖြစ်လျှင် သင်၌ ပြဿနာရှိနေပြီ၊ သင်သည် သူတို့၏ အပြစ်၌ ပါဝင်ပတ်သက်နေပြီ ဖြစ်ပြီး သူတို့ ပြစ်တင်ရှုတ်ချခြင်း ခံရသောအခါ သင်လည်း လွတ်မြောက်နိုင်မည် မဟုတ်ပေ။

၃။ လှူဖွယ်ပစ္စည်းများကို ချေးငှားပေးခြင်း

လှူဖွယ်ပစ္စည်းများကို မိမိသဘောအတိုင်း အသုံးပြုခြင်း၊ လှူဖွယ်ပစ္စည်းများကို မသင့်လျော်စွာ စားသုံးခြင်းနှင့် သုံးစွဲခြင်းတို့ ပါဝင်သည့် အရာအားလုံးသည် စီမံအုပ်ချုပ်ရေးဆိုင်ရာ အမိန့်များနှင့် မလွဲမသွေ သက်ဆိုင်ပြီး ယင်းတို့ကို ချိုးဖောက်သည့် အရည်အသွေး ရှိသည်။ အသင်းတော်ပိုင်ဆိုင်မှုကို စီမံခန့်ခွဲရာ၌ “အသင်းတော်၏ ပိုင်ဆိုင်မှုသည် ထားသည့်အတိုင်းပင် ရှိနေသည်။ ယခုအခါ ဘဏ်များတွင် ငွေချေးစာချုပ်များနှင့် ရန်ပုံငွေများကဲ့သို့သော ရင်းနှီးမြှုပ်နှံမှု အစီအစဉ်အမျိုးမျိုး ရှိနေပြီး အားလုံးက အတိုးနှုန်းကောင်းများ ပေးကြသည်။ အကယ်၍ ကျွန်ုပ်တို့သည် အသင်းတော်မှ ငွေကိုယူ၍ ရင်းနှီးမြှုပ်နှံပြီး အတိုးအနည်းငယ် ရရှိပါက ဤအရာသည် ဘုရားအိမ်တော်အတွက် အကျိုးကျေးဇူး ဖြစ်စေမည် မဟုတ်လော” ဟု ဆိုကောင်းဆိုနိုင်သော သူအချို့ ရှိသည်။ ထို့နောက် သူတို့သည် ယင်းကို ဆွေးနွေးခြင်းမရှိဘဲ၊ အသင်းတော်ရှိ မည်သူတစ်ဦးတစ်ယောက်၏ သဘောတူညီချက်ကိုမျှ မရယူဘဲ ထိုငွေကို မိမိတို့ဘာသာ ချေးငှားပေးလိုက်ကြသည်။ ထိုသို့ပြုလုပ်ခြင်း၏ ရည်ရွယ်ချက်မှာ အဘယ်နည်း။ ကောင်းမွန်စွာ ပြောရမည်ဆိုလျှင် ဤသည်မှာ ဘုရားအိမ်တော်အတွက် အတိုးအချို့ ရရှိခြင်း၊ ဘုရားအိမ်တော်အတွက် စဉ်းစားပေးခြင်း ဖြစ်သည်၊ သို့သော် အမှန်တကယ်တွင် ဤလူတို့သည် တစ်ကိုယ်ကောင်းဆန်သော ရည်ရွယ်ချက်ကို ထားရှိကြသည်။ သူတို့သည် မည်သူမျှမသိဘဲ ငွေကို ချေးငှားပေးလိုပြီး နောက်ဆုံးတွင် အတိုးကို မိမိတို့အတွက် ထားရှိကာ ငွေရင်းပမာဏကို ဘုရားအိမ်တော်သို့ ပြန်ပေးလိုကြသည်။ ဤသည်မှာ သစ္စာမဲ့သော ရည်ရွယ်ချက်ထားရှိခြင်း မဟုတ်ပေဘူးလော။ ဤသည်ကို လှူဖွယ်ပစ္စည်းများကို ချေးငှားပေးခြင်းဟု ခေါ်သည်။ လှူဖွယ်ပစ္စည်းများကို ချေးငှားပေးခြင်းကို ယင်းတို့၏ သင့်လျော်သော အသုံးပြုမှုအဖြစ် မှတ်ယူနိုင်ပါသလော။ (မဟုတ်ပါ၊ မမှတ်ယူနိုင်ပါ။) “ဘုရားသခင်သည် လူသားမျိုးနွယ်ကို ချစ်တော်မူသည်၊ ဘုရားအိမ်တော်သည် နွေးထွေးမှုရှိသည်။ တစ်ခါတစ်ရံ ကျွန်ုပ်တို့၏ ညီအစ်ကိုမောင်နှမများ ငွေကြေးအခက်အခဲရှိသောအခါ ဘုရားသခင်၏ လှူဖွယ်ပစ္စည်းများကို သူတို့အား ကျွန်ုပ်တို့ မချေးငှားပေးနိုင်သလော” ဟု ဆိုသော အခြားသူများလည်း ရှိသည်။ ထို့နောက် အချို့သောလူတို့သည် မိမိတို့ဘာသာ ဆုံးဖြတ်ချက်ချကြပြီး အချို့သော အန္တိခရစ်များသည် ညီအစ်ကိုမောင်နှမများကိုပင် ဤသို့ တောင်းပန်ကာ လှုံ့ဆော်ကြသည်၊ “ဘုရားသခင်သည် လူသားမျိုးနွယ်ကို ချစ်တော်မူသည်၊ ဘုရားသခင်သည် အသက်ကို ပေးတော်မူသည်၊ လူကို အရာရာတိုင်း ပေးတော်မူသည်၊ သို့ဖြစ်၍ ငွေအနည်းငယ် ချေးငှားပေးခြင်းသည် အရေးမကြီးသည့်ကိစ္စ ဖြစ်မည်မဟုတ်ပေ၊ ဟုတ်သည်မဟုတ်လော။ ကျွန်ုပ်တို့၏ ညီအစ်ကိုမောင်နှမများကို အရေးပေါ် လိုအပ်ချိန်များတွင် ကူညီရန်၊ သူတို့၏ ဘဝအခက်အခဲများကို ကူညီကျော်လွှားရန် ငွေချေးငှားပေးခြင်းသည် ဘုရားသခင်၏ ရည်ရွယ်ချက် မဟုတ်လော။ အကယ်၍ ဘုရားသခင်သည် လူသားမျိုးနွယ်ကို ချစ်တော်မူပါက လူတို့သည် အချင်းချင်း မည်သို့ မချစ်ဘဲ နေနိုင်မည်နည်း။ ချေးငှားပေးလိုက်ပါ” ဟူ၍ ဖြစ်သည်။ ဤသည်ကို ကြားသောအခါ အသိဉာဏ်မဲ့သော လူအများစုကြီးက “ဟုတ်ပါသည်၊ သင် ဆိုသည့်အတိုင်း ဖြစ်ပါစေ။ မည်သို့ပင်ဖြစ်စေ ဤငွေသည် လူတိုင်းပိုင်ဆိုင်သည်၊ သို့ဖြစ်၍ ဤအရာကို ကျွန်ုပ်တို့အားလုံး တစ်စုံတစ်ယောက်ကို ကူညီနေသည်ဟု မှတ်ယူကြပါစို့” ဟု ဆိုကြသည်။ ဤသို့ဖြင့် လူတစ်ဦးက ကြီးကျယ်ခမ်းနားသော စိတ်ကူးများကို ထုတ်ဖော်ပြောဆိုပြီး ဖော်လံဖားအုပ်စုက ထိုသူ့ကို မျက်နှာလုပ်ကြကာ နောက်ဆုံးတွင် ထိုငွေသည် ထွက်သွားလေတော့သည်။ သို့ဆိုလျှင် “ဤငွေသည် ဘုရားသခင်ထံ ဆက်ကပ်ပြီးဖြစ်သည်” ဟု သင် ဆိုခြင်းသည် အတည်ဖြစ်ပါသလော။ အကယ်၍ အတည်ဖြစ်ပါက ထိုငွေသည် ဘုရားသခင်နှင့် သက်ဆိုင်ပြီးဖြစ်ကာ ယခုအခါ သန့်ရှင်းစေပြီး ဖြစ်သောကြောင့် ဘုရားသခင် ချမှတ်ထားသော စည်းမျဉ်းများနှင့်အညီ ယင်းကို အသုံးပြုခြင်းသည်သာ သင့်လျော်မည် ဖြစ်သည်။ အကယ်၍ အတည်မဖြစ်ပါက၊ သင် လှူဒါန်းသောငွေသည် အတည်မဖြစ်ပါက သင်၏ ဤလှူဒါန်းခြင်းသည် မည်သို့သော လုပ်ရပ်မျိုး ဖြစ်သနည်း။ ယင်းမှာ ကစားပွဲတစ်ခုမျှသာလော။ သင်သည် ဘုရားသခင်ကို ပြက်ရယ်ပြုပြီး လှည့်ဖြားနေခြင်းလော။ သင် လှူဒါန်းလိုသော အရာများကို ယဇ်ပလ္လင်ပေါ်၌ တင်ထားပြီးနောက် ထိုအရာများကို ထိုနေရာ၌ ထားရှိပြီးဖြစ်သော်လည်း ဘုရားသခင်က ယင်းတို့ကို အသုံးမပြုသောကြောင့်၊ အမှန်စင်စစ် သူသည် ယင်းတို့ကို အသုံးပြုရန် မလိုဟု ထင်ရသောကြောင့် သင်သည် ထိုအရာများကို နှမြောလာသည်။ သို့ဖြစ်၍ သင်သည် ယင်းတို့ကို အသုံးပြုရန် လိုအပ်သောအခါ မိမိအတွက် ယူငင်ပြီး အသုံးပြုလိုက်သည်။ သို့မဟုတ် သင်သည် အလွန်များပြားစွာ လှူဒါန်းခဲ့ပြီး နောက်ပိုင်းတွင် နောင်တရကာ အချို့ကို ပြန်ယူလိုက်သည်။ သို့မဟုတ် သင်သည် လှူဒါန်းစဉ်က ရှင်းလင်းစွာ မစဉ်းစားမိဘဲ ယခုအခါ ယင်းအတွက် အသုံးဝင်မှုကို တွေ့ရှိသောကြောင့် သင်သည် ယင်းကို ပြန်ယူလိုက်သည်။ ဤအပြုအမူ၏ သဘောသဘာဝမှာ အဘယ်နည်း။ ဤငွေနှင့် ဤအရာများမှာ လူတစ်ဦးက ယင်းတို့ကို ဘုရားသခင်ထံ လှူဒါန်းပြီးသည်နှင့်တစ်ပြိုင်နက် ယဇ်ပလ္လင်ပေါ်၌ တင်လှူခြင်းနှင့် တူညီပြီး ယဇ်ပလ္လင်ပေါ်၌ တင်လှူထားသော အရာများမှာ အဘယ်နည်း။ ယင်းတို့သည် လှူဖွယ်ပစ္စည်းများ ဖြစ်ကြသည်။ ယင်းမှာ ကျောက်တုံးတစ်တုံး၊ သဲတစ်ပွင့်၊ ပေါင်မုန့်တစ်လုံး သို့မဟုတ် ရေတစ်ခွက်မျှသာ ဖြစ်နေလျှင်ပင် သင်သည် ယင်းကို ယဇ်ပလ္လင်ပေါ်၌ တင်ထားပြီးဖြစ်သရွေ့ ဤအရာဝတ္ထုသည် လူနှင့်မသက်ဆိုင်ဘဲ ဘုရားသခင်နှင့်သာ သက်ဆိုင်ပြီး မည်သည့်လူသားမျှ ယင်းကို နောက်ထပ် မထိတွေ့ရတော့ပေ။ သင်သည် မိမိအတွက် ယင်းကို လိုချင်တပ်မက်သည်ဖြစ်စေ၊ ယင်းအတွက် သင့်လျော်သောအသုံးပြုမှုတစ်ခု ရှိသည်ဟု သင် ထင်သည်ဖြစ်စေ မည်သည့်လူသားမျှ ယင်းကို အသုံးပြုပိုင်ခွင့် မရှိတော့ပေ။ “ဘုရားသခင်သည် လူသားမျိုးနွယ်ကို ချစ်တော်မူသည် မဟုတ်လော။ သူသည် လူသားမျိုးနွယ်ကို ဝေမျှခွင့်ပြုလျှင် အဘယ်ဖြစ်သနည်း။ ယခု သင်သည် ရေမဆာသကဲ့သို့ ရေလည်းမလိုအပ်ပါ၊ သို့သော် ကျွန်ုပ် ရေဆာနေသည်၊ သို့ဖြစ်၍ ကျွန်ုပ် အဘယ်ကြောင့် မသောက်သုံးနိုင်ရမည်နည်း” ဟု ဆိုသော သူအချို့ ရှိသည်။ သို့သော် ထိုအခါ ဘုရားသခင် သဘောတူသည်၊ မတူသည်ကို သင် ကြည့်ရပေမည်။ အကယ်၍ ဘုရားသခင် သဘောတူပါက ဤသည်မှာ သူက သင့်အား အခွင့်အာဏာ ပေးအပ်ပြီးဖြစ်ကြောင်းနှင့် သင်၌ ယင်းကို အသုံးပြုပိုင်ခွင့် ရှိကြောင်း သက်သေပြသည်။ သို့သော် အကယ်၍ ဘုရားသခင် သဘောမတူပါက သင်၌ ယင်းကို အသုံးပြုပိုင်ခွင့် မရှိပေ။ သင့်၌ အခွင့်အာဏာမရှိသည့် အခြေအနေတွင်၊ ဘုရားသခင်က သင့်အား အခွင့်အာဏာ မပေးအပ်ထားသည့် အခြေအနေတွင် ဘုရားသခင်နှင့် သက်ဆိုင်သော အရာတစ်ခုခုကို အသုံးပြုခြင်းသည် ဘုရားသခင် အလွန်ရွံရှာစက်ဆုပ်ဆုံးဖြစ်သော ကြီးမားသည့် တားမြစ်ချက်တစ်ခုကို ချိုးဖောက်ခြင်း ဖြစ်ပေလိမ့်မည်။ ဘုရားသခင်သည် လူသား၏ ပြစ်မှားခြင်းများကို သည်းခံတော်မမူဟု လူတို့ အမြဲတမ်း ပြောဆိုနေကြသော်လည်း ဘုရားသခင်၏ စိတ်သဘောထားသည် အမှန်တကယ် မည်သို့ရှိသည်ကို၊ သို့မဟုတ် သူတို့ပြုလုပ်သော အရာများအနက် မည်သည့်အရာက သူ၏ စိတ်သဘောထားကို ပုန်ကန်ပြစ်မှားရန် အလားအလာအရှိဆုံးဖြစ်သည်ကို သူတို့ မည်သည့်အခါမျှ နားလည်ခြင်း မရှိခဲ့ကြပေ။ ဘုရားသခင်၏ လှူဖွယ်ပစ္စည်းများ ကိစ္စတွင် လူများစွာတို့သည် ယင်းတို့ကို မိမိတို့သဘောအတိုင်း အသုံးပြုရန် သို့မဟုတ် ခွဲဝေရန်၊ မိမိတို့၏ ကိုယ်ပိုင်အလိုဆန္ဒအရ အသုံးပြုရန်၊ ပိုင်ဆိုင်ရန် သို့မဟုတ် ဖြုန်းတီးပစ်ရန်ပင် အစဉ်သဖြင့် စိတ်ထဲ၌ ထားရှိကြသည်။ သို့သော် သင့်ကို ငါပြောမည်၊ သင်တို့ ကိစ္စချောပြီ။ သင်တို့ သေထိုက်သည်တကား။ ထိုသို့သော ဘုရားသခင်၏ စိတ်သဘောထား ဖြစ်သည်။ ဘုရားသခင်သည် မည်သူ့ကိုမျှ သူ၏ ပိုင်ဆိုင်မှုများကို ထိတွေ့ခွင့် မပြုပေ၊ ထိုသို့သော သူ၏ ဂုဏ်သိက္ခာ ဖြစ်သည်။ လူတို့အား ဘုရားသခင်က ယင်းတို့ကို အသုံးပြုရန် အခွင့်အာဏာ ပေးအပ်သည့် အခြေအနေတစ်ခုတည်းသာ ရှိပြီး ယင်းမှာ အသင်းတော် စည်းမျဉ်းများနှင့် ယင်းတို့၏ အသုံးပြုမှုကို စိုးမိုးသော စည်းမျဉ်းများအရ ၎င်းတို့၏ သင့်လျော်သော အသုံးပြုမှု ဖြစ်သည်။ ဤကန့်သတ်ချက်များအတွင်း၌ ရှိနေခြင်းသည် ဘုရားသခင် လက်ခံနိုင်ဖွယ်ဖြစ်သော်လည်း ဤကန့်သတ်ချက်များ အပြင်ဘက်သို့ ကျော်လွန်သွားခြင်းသည် ဘုရားသခင်၏ စိတ်သဘောထားကို ပုန်ကန်ပြစ်မှားခြင်းနှင့် စီမံအုပ်ချုပ်ရေးဆိုင်ရာ အမိန့်များကို ချိုးဖောက်ခြင်း ဖြစ်ပေလိမ့်မည်။ ယင်းမှာ ထိုမျှ တင်းကျပ်ပြီး ညှိနှိုင်းစရာနေရာ မကျန်ရစ်သည့်အပြင် အခြားရွေးချယ်စရာ နည်းလမ်းလည်း မရှိပေ။ ထို့ကြောင့် လှူဖွယ်ပစ္စည်းများကို ဖြုန်းတီးခြင်း၊ အလွဲသုံးစားပြုခြင်း သို့မဟုတ် ချေးငှားပေးခြင်းကဲ့သို့သော အမှုအရာများကို ပြုလုပ်သောသူတို့သည် ဘုရားသခင်၏ အမြင်တွင် အန္တိခရစ်များအဖြစ် သတ်မှတ်ခြင်း ခံရသည်။ အဘယ်ကြောင့် သူတို့ကို အန္တိခရစ်များအဖြစ် သတ်မှတ်ခြင်းကဲ့သို့ ထိုမျှ ပြင်းထန်စွာ ဆက်ဆံရသနည်း။ အကယ်၍ ဘုရားသခင်ကို ယုံကြည်သောသူတစ်ဦးသည် ဘုရားသခင်နှင့် သက်ဆိုင်ပြီး သန့်ရှင်းစေပြီးဖြစ်သော အရာဝတ္ထုများကို ထိတွေ့ရန်၊ အသုံးပြုရန် သို့မဟုတ် မိမိသဘောအတိုင်း ဖြုန်းတီးပစ်ရန်အထိပင် ရဲတင်းဝံ့လျှင် သူသည် မည်သို့သော လူစားမျိုး ဖြစ်သနည်း။ ထိုသို့သော ပုဂ္ဂိုလ်သည် ဘုရားသခင်၏ ရန်သူဖြစ်သည်။ ဘုရားသခင်၏ ရန်သူများသာလျှင် သူ၏ ပိုင်ဆိုင်မှုများအပေါ် ထိုသို့သော သဘောထားမျိုး ထားရှိကြမည် ဖြစ်သည်၊ သာမန် ဖောက်ပြန်ပျက်စီးသော မည်သည့်လူကမျှ ဤသို့ ပြုလုပ်မည်မဟုတ်၊ တိရစ္ဆာန်တစ်ကောင်ပင် ဤသို့ ပြုလုပ်မည်မဟုတ်၊ ဘုရားသခင်၏ ရန်သူများ၊ စာတန်နှင့် အဆင်းနီသော နဂါးကြီးတို့သာ ထိုသို့သော အမှုအရာမျိုးကို ပြုလုပ်ကြလိမ့်မည်။ ဤသည်မှာ လွန်လွန်ကဲကဲ ပြောဆိုခြင်းလော။ မဟုတ်ပါ၊ ဤသည်မှာ အချက်အလက်ဖြစ်ပြီး လုံးဝ တိကျမှန်ကန်သည်။ စာတန်အမျိုးအစားသည် ဘုရားသခင်နှင့် သက်ဆိုင်သော အရာများကို မည်သို့ ထိတွေ့နိုင်မည်နည်း။ ထိုသို့သော ဘုရားသခင်၏ ဂုဏ်သိက္ခာပင်တည်း။

၄။ လှူဖွယ်ပစ္စည်းများကို လိမ်လည်လှည့်ဖြား၍ အသုံးပြုခြင်း

“ကျွန်ုပ်တို့ အသင်းတော်တွင် ထိုင်ခုံတစ်လုံး လိုနေသောကြောင့် ကျွန်ုပ်တို့အတွက် တစ်လုံး ဝယ်ပေးပါ။ ကျွန်ုပ်တို့ အသင်းတော်ရှိ ညီအစ်ကိုမောင်နှမအချို့သည် သူတို့၏ တာဝန်များကို ထမ်းဆောင်ရန်အတွက် အသုံးပြုရန် ကွန်ပျူတာ မရှိကြသောကြောင့် ကျွန်ုပ်တို့အတွက် မက်ခ်ကွန်ပျူတာ တစ်လုံး ဝယ်ပေးပါ။ ကျွန်ုပ်တို့သည် ကျွန်ုပ်တို့၏ အလုပ်အတွင်း လူများနှင့် မကြာခဏ ဆက်သွယ်ရပြီး ကျွန်ုပ်တို့၌ ဖုန်းတစ်လုံး မရှိလျှင် အလုပ်မဖြစ်နိုင်သောကြောင့် ကျွန်ုပ်တို့အတွက် အိုင်ဖုန်းတစ်လုံး ဝယ်ပေးပါ။ သို့သော် တစ်လုံးတည်း ရှိရုံမျှဖြင့် မကောင်းပါ၊ ယင်းမှာ အလွန် အဆင်မပြေ ဖြစ်ပါလိမ့်မည်၊ အကြောင်းမှာ တစ်ခါတစ်ရံ ကျွန်ုပ်တို့သည် လူအမျိုးမျိုးနှင့် ဆက်သွယ်ရသောကြောင့် ဖြစ်သည်။ ပြီးလျှင် လိုင်းတစ်လိုင်းတည်းမှာလည်း စောင့်ကြည့်စစ်ဆေးခြင်း ခံရရန် အလွန် လွယ်ကူပါသည်၊ ထို့ကြောင့် ကျွန်ုပ်တို့ လိုင်းအချို့ ရရှိမှသာ အဆင်ပြေပါလိမ့်မည်” ဟု ဆိုလျက် အကြောင်းပြချက် အမျိုးစုံပေးကာ ဘုရားသခင်၏ မိသားစုထံမှ ငွေကြေးနှင့် ပစ္စည်းများတောင်းဆိုသော အခြားလူအချို့လည်း ရှိသည်။ ဤသို့ဖြင့် ဤလူအချို့သည် သူတို့ထံ၌ လက်ကိုင်ဖုန်း လေးငါးလုံး ရှိကြပြီး တစ်ချိန်တည်းတွင် လက်ပ်တော့ပ် နှစ်လုံး သို့မဟုတ် သုံးလုံးကို သယ်ဆောင်သွားလာကြသည်။ သူတို့၌ အလွန် အထင်ကြီးလောက်ဖွယ် အသွင်အပြင် ရှိသော်လည်း သူတို့၏ အလုပ်လုပ်ဆောင်မှုမှာမူ ညံ့ဖျင်းလှသည်။ သူတို့သည် ဤပစ္စည်းအားလုံးကို မည်သို့ ရရှိခဲ့ကြသနည်း။ သူတို့သည် ယင်းတို့အားလုံးကို လိမ်လည်လှည့်ဖြား၍ ရယူခဲ့ကြခြင်း ဖြစ်သည်။ ယခင်က ငါတို့သည် အန္တိခရစ်စစ်စစ်တစ်ဦးဖြစ်သော စဉ်းစားဉာဏ်မဲ့သည့် အမျိုးသမီးတစ်ဦးအကြောင်း ပြောဆိုခဲ့ဖူးသည်။ ဘုရားသခင်၏ အိမ်တော်က အသင်းတော် အဆောက်အအုံတစ်ခုကို ပြန်လည်ပြုပြင်နေစဉ် သူသည် အသင်းတော်၏ ငွေကို လိမ်လည်လှည့်ဖြား၍ အသုံးပြုရန် လူတစ်ယောက်နှင့် ပူးပေါင်းခဲ့ရာ ဘုရားသခင်၏ အိမ်တော်အတွက် အတော်ပင်များပြားသော ဆုံးရှုံးမှုများကို ဖြစ်ပေါ်စေခဲ့သည်။ ဤလူသည် ပြန်လည်ပြုပြင်မှုများကို လုပ်ဆောင်သောအခါ သူသည် ဘာသာတရားမရှိသော ကန်ထရိုက်တာတစ်ဦး ပြုလုပ်နိုင်သည့် နည်းလမ်းအတိုင်းပင် ကြားမှ အမြတ်ထုတ်ခဲ့ပြီး သူဝယ်ယူခဲ့သော အရာအားလုံးကို စျေးကြီးသောပစ္စည်းများကိုသာ ရွေးချယ်ဝယ်ယူကာ အပိုငွေ အမြောက်အမြားကို သုံးစွဲခဲ့သည်။ လူအချို့က ပြဿနာတစ်ခု ရှိနေသည်ကို သတိပြုမိသောအခါ ဤအသိဉာဏ်မဲ့သည့် အမျိုးသမီးသည် ဤအရာကို ဖုံးကွယ်ပြီး ဝှက်ထားရန် သူ့ကို ကူညီခဲ့ကာ ဘုရားသခင်၏ အိမ်တော်မှ ငွေများကို သူတို့နှစ်ဦး အတူတကွ လိမ်လည်ခဲ့ကြသည်။ အဆုံးတွင် သူတို့ အဖမ်းခံခဲ့ရပြီး သူတို့နှစ်ဦးလုံး နှင်ထုတ်ခြင်း ခံခဲ့ရသည်။ ဤအရာ၌ သူတို့သည် ကိုယ့်သေတွင်းကိုယ်တူးခဲ့ကြပြီး မိမိတို့၏ အသက်တာများကို ဖျက်ဆီးခဲ့ကြသည်။ ချူသံပါအောင် ညည်းညူခြင်းက သူတို့ကို အကျိုးတစ်စုံတစ်ရာ ပြုခဲ့သလော။ အဆုံးတွင် အမှုအရာများ ဤသို့ ဖြစ်လာခဲ့သည်ဖြစ်၍ အစကတည်းက သူတို့ အဘယ်ကြောင့် ထိုသို့ ပြုမူခဲ့ကြသနည်း။ ထိုအသိဉာဏ်မဲ့သည့် အမျိုးသမီးသည် လှူဖွယ်ပစ္စည်းများကို လိမ်လည်လှည့်ဖြား၍ အသုံးပြုနေစဉ် အဘယ်ကြောင့် အမှုအရာများကို သေချာစွာ မစဉ်းစားခဲ့သနည်း။ ဘုရားသခင်၏ အိမ်တော်က သူ့ကို နှင်ထုတ်ပြီး ငွေပြန်ပေးခိုင်းခြင်းသည် လွန်ကဲခဲ့သလော။ (မဟုတ်ပါ၊ မလွန်ကဲခဲ့ပါ။) နည်းပင်နည်းသေးသည်။ ဤသို့သော လူစားမျိုးသည် သနားကြင်နာမှုနှင့် မထိုက်တန်ပေ။ သူတို့နှင့်ပတ်သက်၍ သနားကရုဏာ ထား၍မရပေ။ ထို့နောက် ကျွန်ုပ်တို့ ယခင်က ပြောဆိုခဲ့သော အမျိုးသမီးခေါင်းဆောင်တစ်ဦးလည်း ရှိသေးသည်။ သူသည် အသင်းတော်၏ ငွေအမြောက်အမြားကို လျှို့ဝှက်စွာ ယူငင်ပြီး ဘာသာတရားမရှိသူတစ်ဦးထံ ချေးငှားခဲ့သည်။ နောက်ပိုင်းတွင် သူလည်း ကိုင်တွယ်ဖြေရှင်းခြင်း ခံခဲ့ရသည်။ အချို့သူများ မိမိတို့ဘာသာ ဤသို့ တွေးထင်ကောင်း တွေးထင်နိုင်သည်၊ “သူက ငွေအနည်းငယ် ချေးငှားခဲ့ခြင်းသာ ဖြစ်သည်။ သူ့ကို ပြန်ဆပ်ခိုင်းပြီး ဤနေရာတွင် ထားလိုက်ကြစို့။ အဘယ်ကြောင့် သူ့ကို ဖယ်ရှားပစ်ရသနည်း။ ယင်းမှာ အတော်အတန် ကောင်းမွန်သော လူတစ်ဦးသည် မျက်စိတစ်မှိတ်တွင် ဘာသာတရားမရှိခြင်း ဖြစ်သွားပြီး စားဝတ်နေရေးအတွက် အပြင်ထွက် အလုပ်ရှာဖို့ လိုအပ်သည့်သဘော ဖြစ်လေသည်။ သူသည် သနားစရာကောင်းပါတကား” ဟူ၍ဖြစ်သည်။ ဤသူသည် သနားစရာ ကောင်းသလော။ အဘယ်ကြောင့် သူသည် စက်ဆုပ်ရွံရှာဖွယ်ကောင်းသည်ဟု သင် မပြောသနည်း။ အဘယ်ကြောင့် သူပြုလုပ်ခဲ့သော အမှုအရာများကို သင် မကြည့်သနည်း။ သူပြုလုပ်ခဲ့သည့်အရာသည် သင်၏ တစ်သက်တာလုံးအတွက် သင့်ကို စက်ဆုပ်ရွံရှာစေရန် လုံလောက်ပြီး သင်ကမူ သူ့ကို သနားနေပါတကား။ သူ့ကို သနားသောသူများမှာ မည်သို့သော လူစားမျိုးများ ဖြစ်ကြသနည်း။ သူတို့အားလုံးသည် ငတုံးများနှင့် လူတိုင်းအပေါ် မဆင်မခြင် ကြင်နာမှုပြသောသူများ ဖြစ်ကြသည်။

၅။ လှူဖွယ်ပစ္စည်းများကို ခိုးယူခြင်း

အသင်းတော်၏ ဘဏ္ဍာရေးကို ထိန်းချုပ်သည့် အန္တိခရစ်များ၏ နောက်ဆုံး သရုပ်သကန်တစ်ခု ရှိသေးပြီး ယင်းမှာ လှူဖွယ်ပစ္စည်းများကို ခိုးယူခြင်း ဖြစ်သည်။ စဉ်းစားဉာဏ်မဲ့သော လူအချို့သည် လှူဖွယ်ပစ္စည်းများ ပူဇော်ဆက်ကပ်သောအခါ “ညာလက်ပြုသောအမှုကို ဘယ်လက်မျှ မသိစေနှင့်” ဟူသော စည်းမျဉ်းကို စွဲကိုင်ကြပြီး ထို့နောက် သူတို့ ပူဇော်ဆက်ကပ်နေသော အလှူငွေများကို သူတို့ ယုံကြည်စိတ်ချနိုင်ခြင်း ရှိမရှိပင် မသေချာသော လူတစ်ဦး၏ လက်ထဲသို့ ထည့်လိုက်ကြသည်။ သူတို့က “ကျွန်ုပ် ဤတစ်ကြိမ် ပူဇော်ဆက်ကပ်သော လှူဖွယ်ပစ္စည်းသည် တော်တော်လေး များပြားသော ပမာဏဖြစ်သည်၊ ထို့ကြောင့် အခြားမည်သူ့ကိုမျှ ဤအကြောင်းကို မသိစေနှင့်၊ စာရင်းစာအုပ်ထဲတွင်လည်း ယင်းကို မထည့်နှင့်။ ကျွန်ုပ်သည် ဤအရာကို အခြားလူများရှေ့မှောက်၌ မဟုတ်ဘဲ ဘုရားသခင်ရှေ့မှောက်၌ ပြုလုပ်နေခြင်း ဖြစ်သည်။ ဘုရားသခင် ဤအကြောင်းကို သိနေသရွေ့ အဆင်ပြေပါသည်။ အကယ်၍ ကျွန်ုပ်တို့ ညီအစ်ကိုမောင်နှမများကို သိစေမည်ဆိုလျှင် သူတို့သည် ကျွန်ုပ်ကို ကိုးကွယ်ကြဖွယ် ရှိသည်။ ထို့ကြောင့် သူတို့ ကျွန်ုပ်ကို အထင်ကြီးခြင်းမှ ရှောင်ရှားရန်အလို့ငှာ ကျွန်ုပ်သည် ဤအရာကို လျှို့ဝှက်စွာ ပြုလုပ်နေခြင်း ဖြစ်သည်” ဟု ဆိုကြသည်။ ဤသို့ ပြုလုပ်ပြီးနောက် သူတို့သည် မိမိတို့ကိုယ်ကို အလွန် ကျေနပ်နေကြပြီး “ငါသည် ငါ၏ လှူဖွယ်ပစ္စည်းကို စည်းမျဉ်းကျသောနည်းလမ်း၊ ခပ်လျှိုလျှိုနှင့် အေးဆေးတည်ငြိမ်သော နည်းလမ်းဖြင့် ပူဇော်ဆက်ကပ်ခဲ့သည်၊ ယင်းကို မှတ်တမ်းမတင်ဘဲ ထားရှိခဲ့ပြီး ညီအစ်ကိုမောင်နှမများထဲမှ မည်သူတစ်ဦးတစ်ယောက်ကိုမျှ အသိမပေးဘဲ ပူဇော်ဆက်ကပ်ခဲ့သည်” ဟု တွေးထင်ကြသည်။ သို့သော် ဤစဉ်းစားဉာဏ်မဲ့သော ပြုလုပ်ပုံနည်းလမ်းသည် လောဘကြီးသောလူများ အမြတ်ထုတ်ရန်အတွက် အခွင့်အလမ်းတစ်ခုကို ဖန်တီးပေးခဲ့သည်။ လှူဖွယ်ပစ္စည်းကို ပူဇော်ဆက်ကပ်ပြီးသည်နှင့်တစ်ပြိုင်နက် သူတို့ ပေးအပ်ခဲ့သော အန္တိခရစ်သည် ယင်းကို ဘဏ်ထဲ၌ သွား၍ အပ်နှံလိုက်ပြီး မိမိ၏ ကိုယ်ပိုင်အဖြစ် ယူငင်လိုက်သည်။ ပြီးလျှင် သူတို့သည် လှူဖွယ်ပစ္စည်း ပူဇော်ဆက်ကပ်သောသူကိုပင် ဤသို့ ပြောကြလိမ့်မည်၊ “နောက်တစ်ကြိမ် သင် လှူဖွယ်ပစ္စည်း ပူဇော်ဆက်ကပ်သောအခါ သင်သည် ယင်းကို ထိုနည်းအတိုင်းပင် ပူဇော်ဆက်ကပ်ရမည်။ ဤနည်းအတိုင်း ပူဇော်ဆက်ကပ်ခြင်းသည် မှန်ကန်ပြီး စည်းမျဉ်းများနှင့် ကိုက်ညီသည်၊ လှူဖွယ်ပစ္စည်းများ ပူဇော်ဆက်ကပ်စဉ် ခပ်လျှိုလျှို နေရမည်။ ဘုရားအိမ်တော်က လူတို့ကို လှူဖွယ်ပစ္စည်းများ ပူဇော်ဆက်ကပ်ရန် မတောင်းဆိုဖို့ ပြောဆိုခဲ့ပြီးဖြစ်သည်။ ဤသည်မှာ လူတို့ကို ခပ်လျှိုလျှိုနေရန်၊ သူတို့၏ လှူဖွယ်ပစ္စည်းများကို ပူဇော်ဆက်ကပ်ပြီးသည့်တိုင် ယင်းအကြောင်းကို မပြောဆိုရန်၊ သို့မဟုတ် ပေးအပ်ခဲ့သော ပမာဏကိုလည်း မထုတ်ဖော်ရန်၊ မည်သူ့ကို ပေးအပ်ခဲ့သည်ကို သာ၍ပင် မပြောဆိုရန် တောင်းဆိုနေခြင်း ဖြစ်သည်” ဟူ၍ ဖြစ်သည်။ ဤလှူဖွယ်ပစ္စည်းကို ပူဇော်ဆက်ကပ်ခဲ့သောသူသည် လူတို့ကို ထွင်းဖောက်မြင်နိုင်သလော။ အဘယ်ကြောင့် သူတို့ ထိုသို့ မိုက်မဲသော လှုပ်ရှားမှုမျိုးကို ပြုလုပ်ကြမည်နည်း။ လူ့စိတ်နှလုံး မည်မျှ ကောက်ကျစ်ဆိုးယုတ်ပြီး အန္တရာယ်ပြုတတ်သည်ကို လုံးဝ မသိမြင်ဘဲ သူတို့သည် ဤလူအပေါ် ထိုမျှ ယုံကြည်မှုအားလုံးကို ထားရှိခဲ့ကြပြီး အဆုံးတွင် သူတို့၏ ငွေများ အခိုးခံခဲ့ရသည်။ ဤသည်မှာ တစ်စုံတစ်ယောက်က အန္တိခရစ်တစ်ဦးကို အခွင့်အလမ်း ပေးအပ်ခဲ့ပြီး သူတို့ကို ငွေခိုးယူခွင့် ပြုခဲ့သည့် ကိစ္စရပ်တစ်ခု ဖြစ်သည်။ သို့သော် အခွင့်အလမ်း မပေးအပ်ဘဲ အန္တိခရစ်တစ်ဦး ငွေခိုးယူနိုင်ဆဲဖြစ်သော ကိစ္စရပ်တစ်ခု ရှိသလော။ လူတစ်ဦးသည် စာရင်းများ ထိန်းသိမ်းနေစဉ် မှားယွင်းသော ပမာဏကို တမင်တကာ မှတ်တမ်းတင်ပြီး သို့မဟုတ် ပိုနည်းသော ပမာဏကို မှတ်တမ်းတင်ပြီး လူများ အာရုံမစိုက်နေချိန်တွင် ငွေကို တစ်ကြိမ်လျှင် အနည်းငယ်စီ ခိုးကြောင်ခိုးဝှက် ထုတ်ယူသည့် ကိစ္စရပ်များ ရှိသလော။ ဤသို့သော လူစားမျိုး တော်တော်များများ ရှိကြသည်။ ထိုသို့သော လူများသည် ဥစ္စာဓနကို အလိုကြီးကြသည်၊ သူတို့၏ အကျင့်စရိုက်သည် နိမ့်ကျပြီး မလိုမုန်းထားတတ်ကြကာ အခွင့်အရေး ရရှိသရွေ့ မည်သည့်အရာကိုမဆို လုပ်ဆောင်နိုင်စွမ်း ရှိကြသည်။ “အခွင့်အလမ်းသည် ပြင်ဆင်ထားသူများကို မျက်နှာသာပေးသည်” ဟူသော ဆိုရိုးစကားတစ်ခု ရှိသည်။ လောဘမရှိသော လူများသည် ဤအရာများကို အာရုံမစိုက်ကြသော်လည်း လောဘကြီးသော လူများမှာမူ အမြဲတမ်း အာရုံစိုက်ကြသည်။ သူတို့၏ စိတ်များသည် ငွေနှင့်ပတ်သက်လာလျှင် အကြံအစည်များ ဖန်တီးရန်နှင့် အမြတ်ထုတ်ဖို့ အခွင့်အလမ်းများကို ရှာဖွေရန်၊ သူတို့ မည်သို့ အခွင့်ကောင်းယူနိုင်ပြီး ငွေကို ခိုးကြောင်ခိုးဝှက် သုံးစွဲနိုင်သည်ကို တွက်ချက်ရန် အစဉ်မပြတ် တွေးတောနေကြသည်။

ဤသို့သော လူနုံလူအ အမျိုးသမီးတစ်ဦး ရှိခဲ့သည်။ တစ်ကြိမ်တွင် ငါ သူနှင့် စကားပြောနေသည့်အချိန်တွင် အသင်းတော်က စာအုပ်အချို့ကို ပုံနှိပ်လိုသည့်အကြောင်းအရာကို ငါ ထုတ်ဖော်ပြောကြားခဲ့ပြီး ပုံနှိပ်ခြင်းနှင့်ပတ်သက်၍ သူ တစ်စုံတစ်ရာ သိရှိခြင်း ရှိမရှိကို မေးမြန်းခဲ့သည်။ သူသည် သဘောတရားများ တစ်ပုံတစ်ပင်ဖြင့် တုံ့ပြန်ခဲ့ပြီး ထို့နောက် ချက်ချင်းပင် ဤသို့ ဆက်လက်ပြောဆိုခဲ့သည်၊ “ပုံမှန်အားဖြင့် ပုံနှိပ်စက်များသည် စာအုပ်များ ပုံနှိပ်သည့်အခါ ကော်မရှင်ခ ပေးကြသည်။ အကယ်၍ ကျွန်ုပ်တို့သည် ဘာသာတရားမရှိသူတစ်ဦးကို ဤအလုပ်ကို လုပ်ဆောင်စေမည်ဆိုလျှင် မသမာသော လုပ်ရပ်အမြောက်အမြား အသေအချာ ရှိနေမည်ဖြစ်ပြီး သူတို့သည် မိမိတို့ကိုယ်တိုင်အတွက် တိတ်တိတ်ပုန်း အမြတ်အစွန်း အမြောက်အမြားကို အသေအချာ ရရှိကြလိမ့်မည်” ဟူ၍ ဖြစ်သည်။ သူ စကားပြောနေစဉ် သူသည် ဝမ်းမြောက်မှုဖြင့် ပြုံးရွှင်လာခဲ့သည်။ သူ၏ မျက်လုံးများ တောက်ပလာသည်၊ သူ၏ မျက်ခုံးများ နဖူးပေါ်၌ အလွန်ပင် ပင့်တက်လာသည်၊ သူ၏ ပါးပြင်များ နီမြန်းလာခဲ့ပြီး သူ ပျော်ရွှင်ကာ စိတ်လှုပ်ရှားလာခဲ့သည်။ ငါ့စိတ်ထဲ၌ ဤသို့ တွေးထင်မိသည်၊ “အကယ်၍ သင်သည် ဤပုံနှိပ်ခြင်းအလုပ်ကို ကိုင်တွယ်နိုင်ပါက ယင်းကို တာဝန်ယူလော့၊ ပြီးလျှင် သင် ဤအကြောင်း မည်မျှပင် သိရှိသည်ဖြစ်စေ၊ ထိုမျှလောက်သာ ငါ့ကို ပြောလော့။ သင် အဘယ်ကြောင့် ထိုမျှ စိတ်လှုပ်ရှားနေရသနည်း” ဟူ၍ ဖြစ်သည်။ သို့သော် ငါ ဤအရာကို ငါ့စိတ်ထဲ၌ စတင်၍ ပြန်လည်စဉ်းစားမိသည်နှင့်တစ်ပြိုင်နက် ငါ အဖြေရှာတွေ့ခဲ့သည်၊ ဤနေရာ၌ အမြတ်အစွန်း ရရှိနိုင်စရာ ရှိနေသည်။ ပုံနှိပ်ခြင်းကို မည်သို့ လုပ်ဆောင်ရမည်၊ မည်သည့်စာအုပ်များကို ပုံနှိပ်ရမည်၊ အရည်အသွေး မည်သို့ ဖြစ်မည်၊ သို့မဟုတ် ပုံနှိပ်တိုက်ကို မည်သို့ ရှာဖွေရမည်တို့ကို သူ လုံးဝ စိုးရိမ်ပူပန်ခြင်း မရှိခဲ့ပေ၊ သူ ဂရုစိုက်ခဲ့သည့်အရာအားလုံးမှာ အမြတ်ဝေစု ရယူရန်သာ ဖြစ်သည်။ မည်သည့်အရာမျှ လုပ်ဆောင်ပြီးခြင်း မရှိသေးဘဲ သူသည် ရာခိုင်နှုန်းခွဲတမ်း ရယူခြင်းအကြောင်းကို ပြောဆိုနေခဲ့ပြီးဖြစ်သည်။ ငါ တွေးထင်မိသည်မှာ “ဆင်းရဲမွဲတေမှုက သင့်ကို စိတ်ဖောက်ပြန်သွားစေခဲ့ပြီ ဖြစ်ရမည်။ ဘုရားသခင်၏ အိမ်တော်အတွက် စာအုပ်များ ပုံနှိပ်ရာ၌ ရာခိုင်နှုန်းခွဲတမ်း ရရှိရန် သင် မည်သို့ မျှော်လင့်နိုင်မည်နည်း။ စာအုပ်များ ဖြန့်ဝေသောအခါ ဘုရားသခင်၏ အိမ်တော်သည် တစ်ပြားတစ်ချပ်မျှ အမြတ်မယူပေ၊ အရာအားလုံးကို အခမဲ့ ပေးအပ်ပြီး သင်ကမူ အမြတ်ဝေစု ရယူလိုသည်လော” ဟူ၍ ဖြစ်သည်။ ဤအမျိုးသမီးသည် ကိုယ့်သေတွင်းကိုယ်တူးနေခြင်း မဟုတ်လော။ ဘုရားသခင်၏ အိမ်တော်က သူ့ကို ဤအလုပ်ကို တာဝန်ယူခွင့်ပြုရန် သဘောတူညီခြင်း မရှိသေးမီ ငါက စုံစမ်းမေးမြန်းရုံမျှ ပြုလုပ်နေစဉ်တွင်ပင် သူသည် အမြတ်ဝေစု ရယူခြင်းအကြောင်းကို ပြောဆိုနေခဲ့ပြီးဖြစ်သည်။ အကယ်၍ ဤအလုပ်ကို သူ၏လက်ထဲသို့ အမှန်တကယ် အပ်နှံခဲ့မည်ဆိုလျှင် သူသည် ရာခိုင်နှုန်းခွဲတမ်း ရယူရုံမျှဖြင့် ရပ်တန့်မည်မဟုတ်ဘဲ သူသည် ငွေအားလုံးကို ယူဆောင်ထွက်ပြေးသွားနိုင်ဖွယ် အလွန် ရှိသည်၊ သင် သူ့ကို မည်မျှပင် ပေးအပ်သည်ဖြစ်စေ ထိုမျှလောက် သူ သင့်ကို လိမ်လည်လှည့်ဖြားမည်ဖြစ်ပြီး ထိုမျှလောက် သူ ခိုးယူလိမ့်မည်။ ငါ လွန်လွန်ကဲကဲ ပြောဆိုနေသလော။ ဤစဉ်းစားဉာဏ်မဲ့သော အမျိုးသမီးသည် အမှန်ပင် အတော်ဆိုးသည့် လူစားမျိုးပင် မဟုတ်လော။ အကယ်၍ သင် ငါ့ကို မေးလျှင် သူသည် သူ ရယူနိုင်သော မည်သည့်ငွေကိုမဆို ရယူဝံ့သော ဓားပြတစ်ဦးနှင့် လူဆိုးလူသွမ်းတစ်ဦး ဖြစ်ခဲ့သည်။ ဘုရားသခင် ဤအရာကို သဘောတူညီခြင်း ရှိမရှိ မေးမြန်းခြင်းကို လောလောဆယ် ဘေးဖယ်ထားပြီး ညီအစ်ကိုမောင်နှမများကိုသာ သူ ဤအရာကို အသိစိတ်ဖြင့် ကိုင်တွယ်ခြင်း ရှိမရှိ၊ သူ ကိုင်တွယ်သည့်ပုံစံကို သူတို့ လက်ခံနိုင်ခြင်း ရှိမရှိ နှင့် ဘုရားသခင် ရွေးချယ်ထားသောလူများ သူ့ကို ခွင့်လွှတ်နိုင်ခြင်း ရှိမရှိ မေးမြန်းကြည့်ကြစို့။

ထို့နောက် စကားထဲထည့်ပြောရန်ပင် စက်ဆုပ်ရွံရှာဖွယ် ကောင်းသော လူအချို့ ရှိသေးသည်။ သူတို့သည် ဘုရားသခင်၏ အိမ်တော်အတွက် အလုပ်တစ်ခုကို တာဝန်ယူသောအခါ သူတို့သည် ဈေးနှုန်းမြှင့်တင်ရန် ဘာသာတရားမရှိသူများနှင့် ပူးပေါင်းကြပြီး ဘုရားသခင်၏ အိမ်တော်ကို မတန်တဆ ပမာဏကို ပေးချေစေကာ ဆုံးရှုံးမှုများ ဖြစ်ပေါ်စေသည်။ အကယ်၍ သင်က ယင်းကို လက်မခံကြောင်းဖြစ်စေ၊ သူတို့၏ အဆိုပြုချက်ကို သဘောတူမည် မဟုတ်ကြောင်းဖြစ်စေ ပြောဆိုပါက သူတို့သည် အလွန် စိတ်ဆိုးကြလိမ့်မည်ဖြစ်ပြီး သင့်ကို ဖျောင်းဖျရန် သို့မဟုတ် သင့်ကို တားဆီးရန် ဤအရာ၊ ထိုအရာနှင့် အခြားအရာများကို ကြိုးစားကာ အသင်းတော်မှ ငွေကို ရယူကြလိမ့်မည်။ ငွေကို ဘာသာတရား မရှိသူများထံ ပေးအပ်ပြီးသည့်အခါ သူတို့ အကျိုးအမြတ် ရရှိပြီး သူတို့၏ ဂုဏ်သတင်းလည်း တိုးတက်လာသည့်အချိန်တွင် သူတို့သည် ထီပေါက်ခဲ့သကဲ့သို့ ပျော်ရွှင်ကြသည်။ ဤသည်မှာ ကျွေးသောလက်ကို ပြန်ကိုက်ခြင်း၊ လှူဖွယ်ပစ္စည်းများကို ဖြုန်းတီးခြင်းနှင့် ဘုရားသခင်၏ အိမ်တော်အတွက် အနည်းငယ်မျှသော အကျိုးကျေးဇူးကိုမျှ ရရှိရန် မည်သည့်အခါမျှ မကြိုးစားခြင်း ဖြစ်သည်။ စာအုပ်များ ပုံနှိပ်ခြင်းကို တာဝန်ယူခဲ့သော ထိုစဉ်းစားဉာဏ်မဲ့သော အမျိုးသမီးများကို အဘယ်ကြောင့် ဖြုတ်ချခဲ့သနည်း။ အကြောင်းမှာ သူတို့သည် ဘုရားသခင်၏ အိမ်တော်ကို ဆုံးရှုံးမှုများ ဖြစ်ပေါ်စေခဲ့ပြီး မဆင်မခြင် ပြုမူခဲ့သောကြောင့် ဖြစ်သည်။ သူတို့သည် ဘာသာတရားမရှိသူများနှင့် ညှိနှိုင်းသောအခါ ဈေးနှုန်းကို တတ်နိုင်သမျှ အပြင်းအထန် ဖိနှိပ်ခဲ့ကြသည်မှာ ဈေးနှုန်းက ထုတ်လုပ်မှု ကုန်ကျစရိတ်ထက်ပင် နိမ့်ကျသွားသည့်အထိ၊ စက်ဆုပ်ရွံရှာဖွယ်ကောင်းပြီး ဘာသာတရားမရှိသူများက သူတို့နှင့် စီးပွားရေး မလုပ်လိုတော့သည့်အထိ ဖြစ်ခဲ့သည်။ အဆုံးတွင် ဘာသာတရားမရှိသူများက အင်တင်တင်ဖြင့် သဘောတူခဲ့ကြသော်လည်း အရည်အသွေးမှာမူ အလွန်အမင်း ကျဆင်းသွားခဲ့သည်။ ငါ့ကို ပြောလော့၊ အရှုံးခံ၍ လိုလိုလားလား စီးပွားရေးလုပ်မည့်သူ လူတစ်ဦးတစ်ယောက်မျှ ရှိသလော။ ဤလောကရှိ လူတို့သည် အသက်ရှင်ရပ်တည်ရန် လိုအပ်ပြီး စီးပွားရေးလုပ်ငန်း လုပ်ဆောင်ရာ၌ သူတို့သည် ထုတ်လုပ်မှု ကုန်ကျစရိတ်အပြင် သူတို့၏ စားဝတ်နေရေးစရိတ်များနှင့် လုပ်အားခများကို ပေးချေရန် လုံလောက်သောငွေကို ရှာဖွေကြရမည်ဖြစ်သည်။ ဤအမျိုးသမီးများသည် ဤဘာသာတရား မရှိသူများကို ငွေတစ်စုံတစ်ရာမျှ အမြတ်မရရှိစေခဲ့ဘဲ ဈေးနှုန်းကို ဆင်ခြင်တုံတရားမရှိသော နည်းလမ်းဖြင့် ညှိနှိုင်းခဲ့ကြပြီး တတ်နိုင်သမျှ အပြင်းအထန် ဖိနှိပ်ခဲ့ကြကာ တစ်ချိန်လုံး သူတို့သည် ဘုရားသခင်၏ အိမ်တော်အတွက် ငွေသက်သာအောင် လုပ်ဆောင်နေသည်ဟု တွေးထင်နေခဲ့ကြသည်၊ ပြီးလျှင် အဆုံးတွင် မည်သို့ ဖြစ်ခဲ့သနည်း။ အခြားတစ်ဖက်ကမူ အလုပ်၏ အရည်အသွေးနှင့် ချုပ်လုပ်မှုအပေါ် လျှော့ပေါ့လုပ်ဆောင်ခဲ့ကြသည်။ အကယ်၍ သူတို့သည် ဤနေရာ၌ လိုငွေကို မဖြည့်ဆည်းခဲ့ပါက၊ သူတို့ အရှုံးခံရမည် မဟုတ်လော။ အကယ်၍ သူတို့ အရှုံးခံခဲ့ရမည်ဆိုလျှင် သူတို့ အလုပ်ကို လုပ်ဆောင်ခဲ့ကြမည်လော။ ထိုအမျိုးသမီးများကို အသာစီးရသွားသည်ကို သူတို့ ခံနိုင်စွမ်း ရှိကြမည်လော။ ယင်းမှာ မဖြစ်နိုင်ပေ။ အကယ်၍ သူတို့သည် ထိုအမျိုးသမီးများကို အသာစီးရစေရန် ခွင့်ပြုခဲ့လျှင် သူတို့သည် စီးပွားရေးလုပ်ငန်း လုပ်ဆောင်နေခြင်း မဟုတ်ဘဲ ပရဟိတလုပ်ငန်း လုပ်ဆောင်နေခြင်း ဖြစ်ပေလိမ့်မည်။ ထိုစဉ်းစားဉာဏ်မဲ့သော အမျိုးသမီးများသည် ဤအရာကို ထွင်းဖောက်မြင်နိုင်ခြင်း မရှိခဲ့ကြဘဲ သူတို့သည် ဘုရားသခင်၏ အိမ်တော်အတွက် တာဝန်ကို ဤနည်းအတိုင်း ကိုင်တွယ်ခဲ့ကြပြီး အရာအားလုံးကို လုံးဝ ရှုပ်ထွေးသွားစေခဲ့သည်။ အဆုံးတွင် သူတို့သည် ဆင်ခြေများဖြင့် ပြည့်နေဆဲဖြစ်ပြီး ဤသို့ ဆိုကြသည်၊ “ကျွန်မ ဘုရားသခင်၏ အိမ်တော်အတွက် စဉ်းစားနေခဲ့ခြင်းဖြစ်သည်။ ကျွန်မ ဘုရားသခင်ရဲ့ အိမ်တော်အတွက် ငွေအကုန်အကျ သက်သာစေရန် လုပ်ဆောင်နေခဲ့ခြင်း ဖြစ်သည်။ တစ်ပြားသက်သာလျှင် တစ်ပြားချွေတာပြီးဖြစ်ကာ နှစ်ပြားသက်သာလျှင် တစ်ပြားအမြတ်ရခြင်းဖြစ်သည်” ဟူ၍ ဖြစ်သည်။ သူတို့သည် အဓိပ္ပာယ်မဲ့သော စကားများကို လေပန်းနေခဲ့ကြသည်။ လုပ်ငန်းဆိုင်ရာ စည်းမျဉ်းများဟု ဆိုလိုသည့်အရာကို သူတို့ သိရှိခဲ့ကြသလော။ လက်ခံကျင့်သုံးနေသော ကျင့်ထုံးများနှင့် ဆင်ခြင်တုံတရားရှိခြင်းအားဖြင့် ဆိုလိုသည့်အရာကို သူတို့ သိရှိခဲ့ကြသလော။ သို့ဖြစ်၍ နောက်ဆုံးရလဒ်မှာ အဘယ်နည်း။ စာအုပ်အချို့မှာ အရည်အသွေး အလွန် ညံ့ဖျင်းခဲ့ပြီး အကြိမ်အနည်းငယ် လှန်လှောပြီးနောက် စာမျက်နှာများ စတင်၍ ပြုတ်ထွက်လာကာ စာအုပ်တစ်အုပ်လုံး တစ်စစီဖြစ်ကုန်ပြီး ဖတ်ရှုရန် မဖြစ်နိုင်တော့သဖြင့် အရာအားလုံးကို ပြန်လည်ပုံနှိပ်ရန်မှတစ်ပါး အခြားရွေးချယ်စရာ မရှိတော့ပေ။ ဤသည်မှာ ငွေချွေတာခြင်းလော၊ သို့မဟုတ် ပို၍ ကုန်ကျခြင်းလော။ (ပို၍ ကုန်ကျခြင်း ဖြစ်ပါသည်။) ဤသည်မှာ ထိုစဉ်းစားဉာဏ်မဲ့သော အမျိုးသမီးများ ဖြစ်ပေါ်စေခဲ့သော အရှုံးကြီးရှုံးခြင်း ဖြစ်ခဲ့သည်။

အန္တိခရစ်များ လှူဖွယ်ပစ္စည်းများကို ကိုင်တွယ်ပုံ နည်းလမ်းသည် စည်းမျဉ်းနှင့် လူ့သဘာဝ လုံးဝကင်းမဲ့နေပြီး သူတို့၏ ကောက်ကျစ်ဆိုးယုတ်ပြီး ရက်စက်ကြမ်းကြုတ်သော စိတ်သဘောထား၏ ခိုင်လုံသော သက်သေသာဓက ဖြစ်သည်ဟူသော အချက်ပင်ဖြစ်သည်။ သူတို့ လှူဖွယ်ပစ္စည်းများနှင့် ဘုရားသခင်နှင့် သက်ဆိုင်သမျှအရာအားလုံးကို ကိုင်တွယ်ပုံနည်းလမ်းမှ အကဲဖြတ်ရလျှင် အန္တိခရစ်တစ်ဦး၏ စိတ်သဘောထားသည် ဘုရားသခင်ကို အမှန်တကယ် ဆန့်ကျင်သည်။ သူတို့သည် ဘုရားသခင်နှင့် သက်ဆိုင်သော လှူဖွယ်ပစ္စည်းများကို အဆုံးစွန် မထီမဲ့မြင်ပြုခြင်းဖြင့် မှတ်ယူကြပြီး သူတို့အလိုရှိသလို ကပြက်ကချော် လုပ်ကာ သဘောထားပြုမူကြလျက် လေးစားမှု တစ်စက်တစ်မျှ မပြဘဲ စည်းတစ်စက်မျှ မထားရှိကြချေ။ အကယ်၍ သူတို့သည် ဘုရားသခင်နှင့် သက်ဆိုင်သော အရာများကို သဘောထားပြုမူရာ၌ ဤသို့ဖြစ်နေပါက သူတို့သည် ဘုရားသခင်ကိုယ်တော်တိုင်ကို မည်သို့ ဆက်ဆံကြမည်နည်း။ သို့မဟုတ် ကိုယ်တော် မိန့်ကြားခဲ့သော နှုတ်ကပတ်တော်များကိုကော မည်သို့ ဆက်ဆံကြသနည်း။ အဖြေမှာ သိသာထင်ရှားပါသည်။ ဤသည်မှာ အန္တိခရစ်တစ်ဦး၏ သဘာဝအနှစ်သာရ၊ ကောက်ကျစ်ဆိုးယုတ်မှုနှင့် ရက်စက်ကြမ်းကြုတ်မှုတို့ လွှမ်းမိုးနေသော အန္တိခရစ်တစ်ဦး၏ အနှစ်သာရ ဖြစ်သည်၊ ဤသည်မှာ အန္တိခရစ်တစ်ဦးသဖွယ် ဖြစ်သည်။ ဤအရာကို မှတ်သားထားလော့၊ လှူဖွယ်ပစ္စည်းများကို ဖြုန်းတီးခြင်း၊ တလွဲအသုံးပြုခြင်း၊ ချေးငှားပေးခြင်း၊ လိမ်လည်လှည့်ဖြား၍ အသုံးပြုခြင်း၊ သို့မဟုတ် ခိုးယူခြင်းတို့ကို လုပ်ဆောင်နိုင်စွမ်းရှိသော တစ်စုံတစ်ယောက်နှင့် ပတ်သက်လာလျှင်၊ အခြား သရုပ်သကန်များကို စောင့်ကြည့်လေ့လာရန် မလိုအပ်ပေ။ ဤအမျိုးအစားများထဲမှ တစ်ခုခု ရှိနေသရွေ့ ဤသူကို အန္တိခရစ်တစ်ဦးအဖြစ် သတ်မှတ်ရန် လုံလောက်ပေလိမ့်မည်။ သူတို့သည် ဤသို့သော လူစားမျိုး ဟုတ်မဟုတ်၊ အနာဂတ်တွင် သူတို့ ဤသို့သော အမှုအရာမျိုးများကို လုပ်ဆောင်နိုင်စွမ်း ရှိနိုင်မည် ဟုတ်မဟုတ်ကို တွေ့မြင်ဖို့ သူတို့ကို ဆန်းစစ်ရန် မဆိုထားနှင့်၊ သင့်အနေဖြင့် သူတို့ကို စုံစမ်းမေးမြန်းရန် သို့မဟုတ် စုံစမ်းစစ်ဆေးရန် မလိုအပ်ချေ။ သူတို့သည် ဤအမျိုးအစားများထဲမှ တစ်ခုခုနှင့်ပင် ကိုက်ညီနေသရွေ့ ဤအရာက သူတို့ကို အန္တိခရစ်တစ်ဦး၊ ဘုရားသခင်၏ ရန်သူတစ်ဦး ဖြစ်စေရန် သေချာပေါက် ဖြစ်စေသည်။ သင်တို့အားလုံး ကြည့်ရှုကြလော့၊ သင်တို့ ရွေးကောက်တင်မြှောက်ပြီးဖြစ်သော ခေါင်းဆောင်တစ်ဦး ဖြစ်စေ၊ သင်တို့ ရွေးကောက်တင်မြှောက်ရန် ဆုံးဖြတ်ထားသော ခေါင်းဆောင်တစ်ဦး ဖြစ်စေ၊ သို့မဟုတ် သင်တို့ အလွန်ကောင်းသည်ဟု မှတ်ယူထားသော လူများထဲမှ တစ်ဦး ဖြစ်စေ၊ ဤသို့သော အပြုအမူမျိုး၊ သို့မဟုတ် ဤသို့သော အလားအလာမျိုးကို ပြသသူ မည်သူမဆိုသည် အန္တိခရစ်တစ်ဦး ဖြစ်ခြင်းမှ မလွတ်မြောက်နိုင်ပေ။

ယနေ့ ငါ မိတ်သဟာယဖွဲ့ခဲ့သော အရာများမှ သင်တို့ သင်ခန်းစာတစ်စုံတစ်ရာ ရရှိခဲ့ကြသလော။ သမ္မာတရားတစ်ခုကို သင်တို့ နားလည်သဘောပေါက်မှု ရရှိခဲ့ကြသလော။ သင်တို့ ဤအကြောင်းကို ရှင်းလင်းစွာ မပြောနိုင်ကြပေ၊ ထို့ကြောင့် သင်တို့ မည်သို့သော သင်ခန်းစာမျိုးကို သင်ယူသင့်သည်ကို ငါ သင်တို့ကို ပြောမည်။ လူတို့ ဘုရားသခင်ထံ ပူဇော်သော အရာများနှင့်ပတ်သက်၍ သင်သည် မည်သည့်အကြံအစည်မျှ မဖန်တီးရ။ ဤအရာများ မည်သို့ပင် ဖြစ်စေကာမူ ယင်းတို့ တန်ဖိုးရှိသည်ဖြစ်စေ မရှိသည်ဖြစ်စေ၊ သင် ယင်းတို့ကို အသုံးပြုရန် ရှိသည်ဖြစ်စေ မရှိသည်ဖြစ်စေ၊ ယင်းတို့ အဖိုးတန်သည်ဖြစ်စေ မတန်သည်ဖြစ်စေ သင်သည် ယင်းတို့နှင့်ပတ်သက်၍ မည်သည့်အကြံအစည်မျှ မဖန်တီးရ။ အကယ်၍ သင့်၌ အရည်အချင်းရှိပါက အပြင်ထွက်၍ ငွေရှာလော့၊ သင်အလိုရှိသလောက် ရှာဖွေလော့၊ မည်သူမျှ ဤအရာကို ဝင်ရောက်စွက်ဖက်မည်မဟုတ်၊ သို့သော် သင်သည် ဘုရားသခင်၏ လှူဖွယ်ပစ္စည်းများနှင့်ပတ်သက်၍ လုံးဝ မည်သည့်အကြံအစည်မျှ မဖန်တီးရ။ ဤသတိဝီရိယသည် သင်တို့ ရှိသင့်သည့်အရာတစ်ခု ဖြစ်သည်၊ ဤဆင်ခြင်တုံတရားသည် သင်တို့ ရှိသင့်သည့်အရာတစ်ခု ဖြစ်သည်။ အထက်ပါအချက်မှာ သင်ခန်းစာတစ်ခု ဖြစ်သည်။ နောက်ထပ် သင်ခန်းစာတစ်ခုမှာ လှူဖွယ်ပစ္စည်းများကို ဖြုန်းတီးခြင်း၊ တလွဲအသုံးပြုခြင်း၊ ချေးငှားပေးခြင်း၊ လိမ်လည်လှည့်ဖြား၍ အသုံးပြုခြင်းနှင့် ခိုးယူခြင်းတို့၌ ပါဝင်ပတ်သက်သူ မည်သူကိုမဆို ယုဒ၏ အမျိုးအစားအဖြစ် မှတ်ယူရမည် ဖြစ်သည်။ ဤသို့သော လုပ်ရပ်များနှင့် ကျင့်ကြံပြုမူမှုများကို လုပ်ဆောင်ခဲ့သော လူများသည် ဘုရားသခင်၏ စိတ်သဘောထားကို ပုန်ကန်ပြစ်မှားပြီးဖြစ်၍ ဘုရားသခင်သည် သူတို့ကို ကယ်တင်တော်မူမည် မဟုတ်ပေ။ သင်သည် ဤကိစ္စနှင့်ပတ်သက်၍ မည်သည့် အချည်းနှီးသော အတွေးဆန္ဒကိုမျှ မထားရှိရ။ ငါ ဤသို့ မိန့်ကြားခဲ့ပြီးဖြစ်၍ ဘုရားသခင်သည် ဤအရာများကို ဖြစ်ပေါ်စေတော်မူလိမ့်မည်။ ဤသည်မှာ ဆုံးဖြတ်ပြီးဖြစ်၍ ညှိနှိုင်းစရာနေရာ မရှိပေ။ လူအချို့က ဤသို့ ဆိုကြလိမ့်မည်၊ “ကျွန်ုပ် တလွဲအသုံးပြုခဲ့စဉ်က အကြောင်းဆက်စပ်မှုတစ်ခု ရှိခဲ့ပါသည်၊ ကျွန်ုပ် ထိုငွေကို ပေါ့ပေါ့ဆဆ သုံးစွဲခဲ့စဉ်က ငယ်ရွယ်ပြီး မသိနားမလည်ခဲ့ပါ၊ သို့သော် ကျွန်ုပ်သည် ဘုရားအိမ်တော်မှ ငွေအများအပြားကို မလိမ်လည်ခဲ့ပါ၊ ကျွန်ုပ်သည် ယွမ် ၂၀ မှ ၃၀၊ သို့မဟုတ် ၃၀ သို့မဟုတ် ၅၀ ခန့်သာ ခိုးယူခဲ့ခြင်း ဖြစ်ပါသည်” ဟူ၍ ဖြစ်သည်။ သို့သော် ယင်းမှာ ပမာဏနှင့် မသက်ဆိုင်ပေ၊ ပြဿနာမှာ သင် ဤသို့ ပြုလုပ်သောအခါ သင်၏ လုပ်ဆောင်ချက်များ၏ ပစ်မှတ်သည် ဘုရားသခင် ဖြစ်နေခြင်းပင်။ သင်သည် ဘုရားသခင်၏ ပစ္စည်းဥစ္စာများကို တို့ထိခဲ့ပြီး ထိုသို့ ပြုလုပ်ခြင်းသည် လက်ခံနိုင်ဖွယ်မရှိပေ။ ဘုရားသခင်၏ ပစ္စည်းဥစ္စာများသည် အများပြည်သူပိုင် ပစ္စည်းမဟုတ်၊ ယင်းတို့သည် လူတိုင်းနှင့် မသက်ဆိုင်၊ ယင်းတို့သည် အသင်းတော်နှင့် မသက်ဆိုင်၊ ယင်းတို့သည် ဘုရားအိမ်တော်နှင့် မသက်ဆိုင်ပေ၊ ယင်းတို့သည် ဘုရားသခင်နှင့်သာ သက်ဆိုင်ပြီး သင်သည် ဤအယူအဆများကို မရောထွေးရ။ ဘုရားသခင် ထိုသို့ မတွေးထင်သကဲ့သို့ ကိုယ်တော်သည် သင့်အား “ငါ၏ ပစ္စည်းဥစ္စာများနှင့် လှူဖွယ်ပစ္စည်းများသည် အသင်းတော်နှင့် သက်ဆိုင်ပြီး ယင်းတို့ကို အသင်းတော်က ခွဲဝေချထားရမည်” ဟု မိန့်တော်မူခဲ့ခြင်း မရှိသကဲ့သို့ “ငါ့ထံ ပူဇော်ဆက်ကပ်သော လှူဖွယ်ပစ္စည်းအားလုံးသည် အသင်းတော်နှင့်လည်းကောင်း၊ ဘုရားအိမ်တော်နှင့်လည်းကောင်း သက်ဆိုင်ပြီး ညီအစ်ကိုမောင်နှမများ၏ ကြီးကြပ်မှုအောက်၌ ရှိကာ ယင်းတို့ကို အသုံးပြုလိုသူ မည်သူမဆို သတင်းပို့ရုံမျှဖြင့် လုံလောက်သည်” ဟု သာ၍ပင် မိန့်တော်မူခဲ့ခြင်း မရှိပေ။ ဘုရားသခင် ထိုသို့သော အရာကို မိန့်တော်မူခဲ့ခြင်း မရှိ၊ ကိုယ်တော် ဘယ်တော့မှ ဤသို့ မိန့်တော်မူခဲ့ခြင်း မရှိပေ။ သို့ဆိုလျှင် ဘုရားသခင် အဘယ်အရာ မိန့်တော်မူခဲ့သနည်း။ ဘုရားသခင်ထံ ပူဇော်ဆက်ကပ်သောအရာသည် ဘုရားသခင်နှင့် သက်ဆိုင်သည်၊ ဤအရာကို ယဇ်ပလ္လင်ပေါ်၌ ဆက်သပြီးသည်နှင့်တစ်ပြိုင်နက် ယင်းသည် ဘုရားသခင်နှင့် အပြီးပိုင် သက်ဆိုင်သွားပြီး မည်သည့်လူသားမျှ ယင်းကို ခွင့်ပြုချက်မရှိဘဲ အသုံးပြုပိုင်ခွင့် သို့မဟုတ် အာဏာ မရှိတော့ပေ။ လှူဖွယ်ပစ္စည်းများနှင့်ပတ်သက်၍ အကြံအစည်များ ထုတ်ခြင်းနှင့် ယင်းတို့ကို တလွဲအသုံးပြုရန်၊ လိမ်လည်လှည့်ဖြား၍ အသုံးပြုရန်၊ ခိုးယူရန်၊ ချေးငှားပေးရန်နှင့် ဖြုန်းတီးပစ်ရန် တာဝန်ယူခြင်းဟူသည့် ဤလုပ်ဆောင်ချက်အားလုံးသည် ဘုရားသခင်၏ စိတ်သဘောထားကို ပုန်ကန်ပြစ်မှားခြင်းအဖြစ်၊ အန္တိခရစ်တို့၏ လုပ်ဆောင်ချက်များအဖြစ် ပြစ်တင်ရှုတ်ချခြင်း ခံရပြီး သန့်ရှင်းသော ဝိညာဉ်တော်ကို ပြစ်မှားစော်ကားခြင်းအပြစ်နှင့် ညီမျှရာ ဘုရားသခင်သည် သင့်ကို မည်သည့်အခါမျှ ခွင့်လွှတ်တော်မူမည် မဟုတ်ပေ။ ယင်းမှာ ဘုရားသခင်၏ ဂုဏ်သိက္ခာ ဖြစ်သည်၊ လူတို့ ယင်းကို လျှော့မတွက်ရ။ သင်သည် အခြားလူများထံမှ လုယက်ခြင်း သို့မဟုတ် ခိုးယူခြင်း ပြုလုပ်သောအခါ သင့်ကို ဥပဒေအရ တစ်နှစ်မှ နှစ်နှစ်၊ သို့မဟုတ် သုံးနှစ်မှ ငါးနှစ်အထိ ထောင်ဒဏ်ချမှတ်ခြင်း ခံရနိုင်ပြီး သင် သုံးနှစ်မှ ငါးနှစ်အထိ ထောင်ကျပြီးသည့်အခါ သင်သည် မည်သည့်ပြစ်မှုမှ အပြစ်ရှိတော့မည် မဟုတ်ပေ။ သို့သော် သင်သည် ဘုရားသခင်၏ ပစ္စည်းဥစ္စာများ၊ ဘုရားသခင်၏ လှူဖွယ်ပစ္စည်းများကို ယူငင်ပြီး အသုံးပြုသောအခါ ဤသည်မှာ ဘုရားသခင်၏ အမြင်၌ ထာဝရတည်မြဲသော အပြစ်၊ ခွင့်လွှတ်ခြင်း မခံရနိုင်သော အပြစ်တစ်ခု ဖြစ်သည်။ ငါသည် ဤစကားများကို သင့်အား မိန့်ကြားခဲ့ပြီးဖြစ်၍ ယင်းတို့ကို ဆန့်ကျင်သူ မည်သူမဆို အကျိုးဆက်များကို ခံယူရလိမ့်မည်။ အချိန်တန်သောအခါ သင်သည် ငါ သင့်ကို မပြောခဲ့ကြောင်း ညည်းညူခြင်း မပြုလျှင် ပိုကောင်းမည်။ ငါသည် ငါ၏ နှုတ်ကပတ်တော်များကို ယနေ့ ဤနေရာ၌ သင့်အား ရှင်းလင်းစွာ မိန့်ကြားခဲ့ပြီးဖြစ်သည်၊ ယင်းတို့ကို ပျဉ်ပြားထဲသို့ သံများ ရိုက်သွင်းသကဲ့သို့ ခိုင်မာစွာ စွဲမြဲစေခဲ့ပြီး ဤသည်မှာ ဖြစ်ပေါ်လာမည့်အရာ ဖြစ်သည်။ သင် ဤသည်ကို ယုံကြည်သည်ဖြစ်စေ၊ မယုံကြည်သည်ဖြစ်စေ သင့်သဘောပင်။ မိမိတို့ မကြောက်ရွံ့ဟု ဆိုသောသူများ ရှိကြသည်။ ကောင်းပြီ၊ အကယ်၍ သင် မကြောက်ရွံ့ပါက အမှုအရာများ မည်သို့ ဖြစ်လာမည်ကို စောင့်ကြည့်လော့။ သင် အပြစ်ပေးခံရသည့်အချိန်အထိ မစောင့်နှင့်၊ အကြောင်းမှာ ထိုအချိန်ရောက်လျှင် ငိုကြွေးခြင်း၊ အံသွားခဲကြိတ်ခြင်းနှင့် ရင်ဘတ်စည်တီးခြင်းတို့ ပြုလုပ်ရန် အလွန် နောက်ကျသွားပြီ ဖြစ်သောကြောင့်တည်း။

၂၀၂၀ ခုနှစ်၊ အောက်တိုဘာလ ၂၄ ရက်