ဖြည့်စွက်ချက်- ကနေဒါနိုင်ငံရှိ အသင်းတော်တစ်ပါးကို ကိုင်တွယ်ဖြေရှင်းမှုနှင့်ပတ်သက်၍ လူတို့၏ အထင်လွဲခြင်းများကို ဖြေရှင်းခြင်း

ငါတို့ အတူစုဝေးခဲ့ကြသည့် ပြီးခဲ့သည့်အကြိမ်တွင် ပုံမှန်မဟုတ်သောအရာတစ်ခု ဖြစ်ပျက်ခဲ့သည်။ ယင်းမှာ အဘယ်နည်း။ (ကနေဒါ အသင်းတော်ကို ကိုင်တွယ်ခြင်း ဖြစ်ပါသည်။) ဤအရာသည် လွန်ခဲ့သည့် တစ်လတွင် ဖြစ်ပျက်ခဲ့ခြင်းဖြစ်သည်။ သင်တို့ မှတ်ဉာဏ်တွင် ပူပူနွေးနွေးဖြစ်နေဆဲ ဖြစ်သလော။ (ပူပူနွေးနွေး ဖြစ်နေဆဲဖြစ်ပါသည်။) ဤကိစ္စသည် သင်တို့၏ ခံစားချက်များကို များစွာ လှုပ်ခတ်စေခဲ့သလော။ (လှုပ်ခတ်စေခဲ့ပါသည်။) အသင်းတော်အချို့ သို့မဟုတ် လူအချို့နှင့်ပတ်သက်၍ ပြဿနာများ ပေါ်ပေါက်သည့်အခါ ငါသည် အခြေအနေများကို အခြေခံ၍ ဆုံးဖြတ်ချက်ချမှတ်ကာ စည်းမျဉ်းများနှင့်အညီ ကိုင်တွယ်သည်။ ကနေဒါ အသင်းတော်၏ ကိစ္စကို ကိုင်တွယ်ခဲ့ချိန်တွင် အခြေခံအားဖြင့် ဤအတိုင်းပင် ဖြစ်သည်။ ထို့ကြောင့် ငါ့ကိုပြောလော့၊ ကနေဒါ အသင်းတော်တွင် အန္တိခရစ်တစ်ဦး ပေါ်ထွက်ပြီး လူတို့ကို အထင်အမြင်မှားစေခဲ့ချိန်တွင် ငါ လုပ်ဆောင်ခဲ့သည့် နည်းလမ်းအတိုင်း ကိစ္စရပ်ကို ငါ အဘယ်ကြောင့် ကိုင်တွယ်ခဲ့သနည်း။ ဤအရာနှင့်ပတ်သက်၍ သင်တို့၏ အတွေးများမှာ အဘယ်နည်း။ သိရသရွေ့ ထိုအရာက လူအချို့ကို အထိတ်တလန့် ဖြစ်စေခဲ့သည်။ အဘယ်ကြောင့် ၎င်းတို့ကို အထိတ်တလန့်ဖြစ်စေခဲ့သနည်း။ လူအချို့က “ယင်းသည် ထိုသို့သော ပြင်းထန်သည့် နည်းလမ်းတစ်ခုဖြင့် ကိုင်တွယ်ခြင်းခံခဲ့ရသည်။ ယင်းသည် ထိုမျှ ဆိုးရွားခဲ့သလော။ အဘယ်သို့ဖြစ်ပြီး ထိုသို့ ကိုင်တွယ်ခံရနိုင်ခဲ့သနည်း။ စည်းမျဉ်းများနှင့်အညီ ကိုင်တွယ်ခံခဲ့ရခြင်း ဖြစ်သလော။ တဒင်္ဂစိတ်ကူးပေါက်သည့်အတိုင်း ကိုင်တွယ်ခံခဲ့ရခြင်း ဖြစ်သလော။ ထိုသို့ ကိုင်တွယ်ခြင်း၏ အကျိုးဆက်များက မည်သည့်အရာများ ဖြစ်လိမ့်မည်နည်း။ ထိုလူများ လုပ်ဆောင်ခဲ့သည့်အရာသည် အမှန်တကယ်ပင် ထိုမျှ ဆိုးရွားခဲ့သလော။ ထိုနေရာရှိ လူတို့ကို မေးမြန်းထားသည့်အရာအရလည်းကောင်း၊ ၎င်းတို့၏ သဘောထား၊ ပြောဆိုချက်များနှင့် ၎င်းတို့ထံမှ ကြားရသည့် သတင်းအချက်အလက်အရလည်းကောင်း ၎င်းတို့အနေဖြင့် အလွန်ပြင်းထန်စွာ ကိုင်တွယ်မခံခဲ့ရသင့်သကဲ့သို့ ထင်ရသည်၊ မှန်သလော။ ဤသည်မှာ လူအချို့ တွေးထင်ပုံဖြစ်သည်။ “ထိုအရာကို ထိုသို့ ကိုင်တွယ်ခြင်းအတွက် ဘုရားသခင်တွင် သူ၏ အကြောင်းရင်းများနှင့် စိတ်ကူးများ ရှိကောင်းရှိနိုင်သည်”ဟု ပြောသည့် အခြားသူများရှိသည်။ ထိုစိတ်ကူးများမှာ အတိအကျ မည်သည့်အရာများ ဖြစ်သနည်း။ ကိစ္စရပ်ကို ထိုသို့ ကိုင်တွယ်ခြင်းအတွက် မူလ ကြံရွယ်ချက် သို့မဟုတ် အကြောင်းရင်း တစ်ခုတလေ ရှိခဲ့သလော။ ထိုလူများကို ထိုသို့ ကိုင်တွယ်ခြင်းသည် ယုတ္တိတန်သလော။ (ယုတ္တိတန်ပါသည်။) ယုတ္တိတန်သည်ဟု သင်တို့အားလုံး ပြောကြသည်။ သို့ဖြစ်၍ ယနေ့တွင် ကိစ္စရပ်ကို ဆွေးနွေးကာ ထိုကိစ္စရပ်ကို ထိုသို့ ကိုင်တွယ်ခြင်းက အတိအကျ အဘယ်ကြောင့် ယုတ္တိတန်သည်၊ ဤကိစ္စရပ်နှင့်ပတ်သက်၍ မည်သည့်အရာအတိအကျကို သင်တို့ စဉ်းစားသည်၊ နောက်ပိုင်းတွင် ထိုအရာက သင်တို့အပေါ် မည်သည့် သက်ရောက်မှုရှိသည်၊ ထိုအရာနှင့်ပတ်သက်၍ သင်တို့၏ ထင်မြင်ယူဆချက်များက မှန်သလော၊ မှားသလောဟူသည်နှင့် သင်တို့၏ ထင်မြင်ယူဆချက်များနှင့်ပတ်သက်၍ မှားယွင်းသည့်အရာ သို့မဟုတ် လွဲချော်သည့်အရာ တစ်ခုတလေ ရှိမရှိဟူသည်တို့ကို ကြည့်ကြစို့။ သင်တို့သည် အမြဲ ချုပ်တည်းနေလျှင်၊ မပြောမိအောင် မနည်းအောင့်ထားပြီး မိမိကိုယ်ကို ဖော်ပြခြင်းမရှိလျှင်၊ အမြဲ ရန်လိုနေလျှင် ပြဿနာများက အကောင်းဆုံးနည်းလမ်းဖြင့် လုံးဝ ပြေလည်သွားလိမ့်မည်မဟုတ်၊ ထို့ကြောင့် ဘုံသဘောတူညီချက် ငါတို့ ရရှိရမည်ဖြစ်သည်။ ဘုံသဘောတူညီချက် ရရှိခြင်းအတွက် စည်းမျဉ်းများမှာ အဘယ်နည်း။ သင်တို့သည် ငါ ပြုလုပ်သည့် ဤအကဲဖြတ်ချက်ကို လက်မခံနိုင်သကဲ့သို့ ထိုအရာနှင့်ပတ်သက်၍ သင်တို့တွင် ထင်မြင်ယူဆချက်များနှင့် အယူအဆများရှိလျှင်၊ ထိုအရာအပေါ် သင်တို့ အတိုက်အခံဖြစ်ပြီး ထိုအရာနှင့်ပတ်သက်၍ နားလည်မှုလွဲခြင်းများပင် ထားရှိကာ မေးခွန်းများ သို့မဟုတ် မကောင်းသည့် ထင်မြင်ယူဆချက်များ ထွက်ပေါ်လျှင် ငါတို့ မည်သည့်အရာကို လုပ်ဆောင်သင့်သနည်း။ ထိုကိစ္စကို ငါတို့ ဆွေးနွေးသင့်ပေသည်။ ငါတို့တွင် ကွဲပြားသော အယူအဆများရှိလျှင် ငါတို့ကြား၌ ဘုံသဘောတူညီချက် မရှိပေ။ သို့ဆိုလျှင် ငါတို့သည် အဘယ်သို့ဖြစ်ပြီး ဘုံသဘောတူညီချက်တစ်ခု ရရှိနိုင်မည်နည်း။ ငါတို့၏ ကွဲပြားခြားနားမှုများကို ထိန်းသိမ်းနေရင်း အခြေခံတူညီမှုကို ရှာခြင်းက အဆင်ပြေသလော။ အပေးအယူလုပ်သည့် နည်းလမ်းဖြင့် ကွဲပြားမှုများတစ်ခုတလေကို ငါတို့ ဖြေရှင်းလျှင်၊ ငါက အချို့ကို လျှော့ပေါ့ပေးပြီး သင်တို့က အချို့ကို လျှော့ပေါ့ပေးလျှင်၊ ယင်းမှာ အဆင်ပြေမည်လော။ အဆင်မပြေသည်မှာ သိသာထင်ရှားပေသည်။ ဤသည်မှာ သဟဇာတဖြစ်ခြင်းကို စွမ်းဆောင်ရရှိမည့် နည်းလမ်း မဟုတ်ပေ။ ထို့ကြောင့် ငါတို့အနေဖြင့် ဤကိစ္စရပ်နှင့်ပတ်သက်၍ ဘုံသဘောတူညီချက်တစ်ခုကို ရရှိပြီး တစ်သမတ်တည်းဖြစ်သော သိနားလည်မှုနှင့် ဆုံးဖြတ်ချက်တစ်ခုကို ရရှိချင်လျှင် ယင်ကို လုပ်ဆောင်ရန် နည်းလမ်းမှာ အဘယ်နည်း။ သင်တို့သည် သမ္မာတရားကို ရှာဖွေရမည်၊ သမ္မာတရားအတွက် ကြိုးပမ်းရမည်ဖြစ်ပြီး သမ္မာတရားကို နားလည်ဖို့ ကြိုးပမ်းရမည်ဖြစ်ကာ လူတိုင်းကို ဖြစ်ကြောင်းကုန်စင် ရှင်းပြကာ ရှင်းလင်းသွားစေဖို့ ငါ့အတွက် လိုအပ်ပေသည်။ ထိုအရာနှင့်ပတ်သက်၍ မည်သူကမျှ မိမိတို့ စိတ်နှလုံးတွင် နားလည်မှုလွဲခြင်းများ တစ်ခုတလေ မထားရှိသင့်ပေ။ ဤနည်းဖြင့် ငါတို့သည် ထိုကိစ္စရပ်အပေါ် တစ်သမတ်တည်းဖြစ်သော အမြင်တစ်ခုကို ရရှိလိမ့်မည်ဖြစ်ပြီး ထို့နောက်တွင် ထိုအရာ ပြီးစီးကာ အဆုံးသတ်သွားလိမ့်မည်။ အနာဂတ်၌ အလားတူ ကိစ္စရပ်တစ်ခုကို ငါ ကြုံရလျှင် အလားတူ နည်းလမ်းဖြင့်သာ ငါ ကိုင်တွယ်ကောင်း ကိုင်တွယ်နိုင်သည် သို့မဟုတ် ဤနည်းလမ်းဖြင့် ငါ ကိုင်တွယ်ကောင်းကိုင်တွယ်မည် မဟုတ်ဘဲ၊ ထိုအစား အခြားနည်းလမ်းတစ်ခုခုကို ငါ အသုံးပြုမည် ဖြစ်သည်။ ထို့ကြောင့် ဤကိစ္စရပ်မှ မည်သည့်အရာကို သင်တို့ ရရှိသင့်သနည်း။ (သမ္မာတရားအား မည်သို့ရှာဖွေရမည်ကို သင်ယူသင့်ပြီး ထိုကိစ္စရပ်ကို ဘုရားသခင်က အဘယ်ကြောင့် ဤနည်းလမ်းဖြင့် ကိုင်တွယ်သည်ကို နားလည်သင့်ပါသည်။) ရှုထောင့်နှစ်ခုကို သင်တို့ ဖော်ပြလေပြီ၊ သိပ်ကောင်းပေ၏။ နောက်ထပ် တစ်ခုတလေ ရှိသေးသလော။ (ဘုရားသခင်၏ စိတ်သဘောထားကို ပုန်ကန်ပြစ်မှားခြင်းအား ရှောင်ရှားရန်အလို့ငှာ ဘုရားသခင်၏ လုပ်ရပ်များ၏ စည်းမျဉ်းများကို နားလည်ရန် ကျွန်ုပ်တို့ ကြိုးစားသင့်သည်။ ဤသည်မှာ ကျွန်ုပ်တို့အတွက် သတိပေးချက်တစ်ခု ဖြစ်သည်။) ဤသည်မှာ နောက်ထပ် ရှုထောင့်တစ်ခုဖြစ်၏။

ကနေဒါအသင်းတော်ကို ကိုင်တွယ်ခြင်းအား အသေအချာ ရှင်းပြရန်အတွက် အစမှ ငါတို့ အစပြုရမည်။ မည်သည့်အရာဖြင့် ငါတို့ အစပြုသင့်သနည်း။ တရုတ်ပြည်ကို ဤလူတို့ စွန့်ခွာခဲ့ချိန်မှ ငါတို့ အစပြုမည်။ ယင်းသည် အလွန်နောက်ပြန်စဉ်းစားလွန်းခြင်းဖြစ်သလော။ ထိုအရာက ရယ်ဖွယ်ရာဖြစ်သည်ဟု သင်တို့ တွေးကောင်း တွေးနိုင်သော်လည်း အမှန်တွင် ဤသည်မှာ ရယ်စရာ ကိစ္စတစ်ခု မဟုတ်ပေ။ ဤသည်မှာ ယခင်က နာကြည်းမှုများကို ဖြေရှင်းခြင်း ကိစ္စတစ်ခု ဖြစ်သလော။ မဟုတ်ပေ။ ငါ၏ အကြောင်းပြချက်များအကြောင်း ငါ ပြောဆိုသည်ကို သင်တို့ ကြားသည့်အခါ အဘယ်ကြောင့် ထိုနေရာမှ ငါ အစပြုရသည်ကို သင်တို့ သိကြလိမ့်မည်။ နိုင်ငံခြားသို့လားကြသူတိုင်းက တာဝန်ပေးစေခိုင်းချက်တစ်ခု၊ အထူးတာဝန်တစ်ခုနှင့် တာဝန်တစ်ခုဖြင့် လာကြခြင်းရှိမရှိဟူသည်ကို ဘေးဖယ်ထားလျက် သေးငယ်သည့် ကိစ္စတစ်ခုဖြင့် ငါတို့ အစပြုမည်။ လူတစ်ဦးစီတိုင်းက တရုတ်နိုင်ငံကို စွန့်ခွာနိုင်ကြသည်မှာ တိုက်ဆိုင်မှုဖြစ်သလော။ (မဟုတ်ပါ။) ဤအရာသည် တိုက်ဆိုင်မှု မဟုတ်ပေ။ သင့်အနေဖြင့် သင်၏ တာဝန်ကို ထမ်းဆောင်ရန် တရုတ်နိုင်ငံကို စွန်ခွာဖို့ စိတ်ဆုံးဖြတ်ချက်ရှိပြီး လိုလားနေခြင်းမှသည် ပင်လယ်ရပ်ခြားသို့ သင် ရောက်ရှိသည်ထိ ဤဖြစ်စဉ်တစ်လျှောက်တွင် သင်၏ ပူးပေါင်းဆောင်ရွက်ခြင်းမှလွဲ၍ တရုတ်နိုင်ငံကို သင် ချောမောစွာ စွန်ခွာနိုင်ခြင်း ရှိမရှိဟူသည်ကို မည်သူက ဆုံးဖြတ်သည်ကို ငါ့ကို ပြောလော့။ (ဘုရားသခင်က ဆုံးဖြတ်ပါသည်။) မှန်ပေ၏။ ထိုအရာကို သင့်တွင် မည်သည့် လူမှုအဆက်အသွယ်များ ရှိသည်ဆိုသည့်အရာက မဆုံးဖြတ်သကဲ့သို့ သင့်တွင် ငွေမည်မျှရှိသည် သို့မဟုတ် သင့်အနေဖြင့် လုပ်ထုံးလုပ်နည်းများအားလုံး ပြင်ဆင်ထားပြီးခြင်း ရှိမရှိဟူသည်တို့ကလည်း မဆုံးဖြတ်ပေ။ နိုင်ငံခြားသို့ ရောက်လာကြသူအားလုံးက တူညီသည့် သိနားလည်မှုနှင့် အတွေ့အကြုံတစ်ခု ရှိသင့်ကြသည်။ ၎င်းတို့အားလုံးက မည်သည့်အရာကို တွေ့ကြုံကြသနည်း။ တစ်စုံတစ်ဦးက တရုတ်နိုင်ငံကို ချောမောစွာ စွန့်ခွာနိုင်ခြင်း ရှိမရှိဟူသည့်အပေါ် ဘုရားသခင်က အချုပ်အခြာအာဏာဖြင့် အုပ်စိုးပေသည်။ ထိုအရာသည် ၎င်းတို့ မည်မျှ တတ်စွမ်းနိုင်သည် သို့မဟုတ် ၎င်းတို့တွင် ကြီးမားသည့် အစွမ်းအစ တစ်ခုခု ရှိမရှိဟူသည့်အရာနှင့် မည်သည့် ပတ်သက်မှုမျှ မရှိပေ။ ဤသည်မှာ နိုင်ငံတစ်ခုခုတွင် ပြည်နယ်တစ်ခုမှ နောက်တစ်ခုသို့ သွားခြင်း မဟုတ်။ ဤသည်မှာ မိမိ၏ နိုင်ငံကို စွန့်ခွာခြင်း ဖြစ်ပြီး အလွန်ခက်ခဲရှုပ်ထွေးသော လုပ်ထုံးလုပ်နည်းများစွာ လိုအပ်သည်။ အထူးသဖြင့် ၎င်းတို့တစ်ဦးစီတိုင်းကို အနီးကပ် စောင့်ကြည့်လျက် ယုံကြည်သူများအပေါ် အဆင်းနီသော နဂါးကြီး၏ ရူးသွပ်သော ဖိနှိပ်မှုနှင့် လိုက်လံဖမ်းဆီးမှုရှိသည့် ဤခေတ်ကာလတွင် တရုတ်နိုင်ငံကို စွန့်ခွာခြင်းအတွက် လုပ်ထုံးလုပ်နည်းများကို ကိုင်တွယ်ရန် သိပ်မလွယ်ကူပေ။ ထို့ကြောင့် ထိုလူများအနေဖြင့် နိုင်ငံခြားသို့ ချောချောမွေ့မွေ့ ရောက်ရှိခြင်းသည် ဘုရားသခင်၏ အချုပ်အခြာအာဏာအောက်တွင် လုံးဝ ရှိပြီး ထိုအရာက ဘုရားသခင်၏ အနန္တတန်ခိုးကို ပြသသည်။ မည်သူက တရုတ်နိုင်ငံကို စွန့်ခွာနိုင်သည်၊ လုပ်ထုံးလုပ်နည်းများကို ချောမွေ့စွာ ကိုင်တွယ်ထားခြင်း ရှိမရှိဆိုသည်နှင့် ယင်းတို့ကို ကိုင်တွယ်ဖို့ အချိန်မည်မျှကြာသည်ဟူသည်တို့ကို ဘုရားသခင်က သတ်မှတ်ထားခြင်းသာဖြစ်ပြီး ဤအရာအားလုံးကို စီစဉ်ညွှန်ကြားကာ စီစဉ်သည်မှာ ဘုရားသခင်၏ လက်တော်ဖြစ်သည်။ ဤအရာကို မယုံကြည်ခြင်းသည် သင့်အတွက် အလုပ်ဖြစ်မည် မဟုတ်သကဲ့သို့ ဤအရာကို အသိအမှတ်မပြုခြင်းသည် သင့်အတွက် အလုပ်ဖြစ်မည် မဟုတ်ပေ။ ဤသည်တို့မှာ အမှန်တရားများဖြစ်သည်။ ထိုကိစ္စရပ်ကို လူတို့၏ ပူးပေါင်းဆောင်ရွက်ခြင်းနှင့် ဘုရားသခင်၏ အချုပ်အခြာအာဏာက အပြီးသတ်ဆုံးဖြတ်ချက်ချသည်။ တရုတ်နိုင်ငံကို သင် စွန့်ခွာခြင်းနှင့်ပတ်သက်၍ ငါတို့က ဆုံးဖြတ်ချက်ချရမည်ဆိုလျှင် ဤအရာကို ဖြစ်မြောက်အောင် ဆောင်ရွက်ပေးသူမှာ မည်သူနည်း။ (ဘုရားသခင်ဖြစ်ပါသည်။) ဘုရားသခင်က ထိုအရာကို လုပ်ဆောင်ခဲ့ခြင်းဖြစ်၏။ လူတို့အနေဖြင့် ဝါကြွားစရာ ဘာမျှမရှိဘဲ ထိုအစား ဘုရားသခင်ကို ကျေးဇူးတင်သင့်ကြသည်။ ထို့ကြောင့် မည်သည့်အရာကို သင် လုပ်ဆောင်သင့်သနည်း။ (ကျွန်ုပ်တို့၏ တာဝန်ကို ထမ်းဆောင်ရာတွင် အားထုတ်သင့်ပါသည်။) သင်၏ တာဝန်ကို ထမ်းဆောင်ရာတွင် သင် အားထုတ်သင့်ပြီး အာရုံစူးစိုက်သည့်စိတ်ဖြင့် ထမ်းဆောင်သင့်သည်။ စေ့စပ်သေချာသော အမြင်တစ်ခုကို ယူလျက် ငါတို့သည် နောက်ဆုံး စိစစ်သတ်မှတ်ချက်တစ်ခုကို ချကာ သင်၏ တာဝန်ကို ထမ်းဆောင်ဖို့ တရုတ်နိုင်ငံကို သင် စွန့်ခွာခြင်းသည် ဘုရားသခင်၏ အစီအစဉ်များနှင့် လမ်းပြမှုတို့ဖြင့်သာ သက်ဆိုင်ပြီး သင်၏ ကိုယ်ပိုင် အစွမ်းအစနှင့် မဆိုင်ဟု ပြော၍ ရနိုင်သလော။ (ရနိုင်ပါသည်။) လူအချို့က “ထိုအရာသည် အဘယ်သို့ဖြစ်ပြီး ကျွန်ုပ်၏ အစွမ်းအစကြောင့် မဟုတ်ရသနည်း။ ကျွန်ုပ်တွင် ဘုရားသခင်၏ လမ်းပြမှုရှိခဲ့သော်လည်း ကျွန်ုပ်သည် အင်္ဂလိပ်ဘာသာတွင် TEM8 အရည်အချင်းဖြင့် ဘွဲ့ရကျောင်းသားတစ်ဦးဖြစ်ပြီး TOEFL စာမေးပွဲအောင်ရန်မှာ ပြဿနာတစ်ခု ဖြစ်မည်မဟုတ်သည်နှင့်အမျှ ဘုရားသခင်က ကျွန်ုပ်ကို လမ်းမပြခဲ့လျှင်လည်း တရုတ်နိုင်ငံကို စွန့်ခွာခြင်းက မည်သို့မျှ ခက်ခဲခဲ့မည် မဟုတ်ပါ”ဟု ပြောကြသည်။ ဤအနေအထားတွင်ရှိသည့် လူများမှာ အလွန်နည်းပါး၏။ ဥပမာအားဖြင့် အချို့သည် ချမ်းသာကြွယ်ဝပြီး ရင်းနှီးမြှုပ်နှံသူဗီဇာဖြင့် အခြားနိုင်ငံတွင်အခြေချနိုင်သော်လည်း ထိုကဲ့သို့သော အခြေအနေမျိုးမှာ ရှားပါးလှသည်။ သို့ဆိုလျှင် ဤလူများက တရုတ်နိုင်ငံကို စွန့်ခွာခြင်းသည် ဘုရားသခင်၏ အချုပ်အခြာအာဏာအောက်တွင်လည်းကောင်း၊ သူ၏ ခွင့်ပြုချက်ဖြင့်လည်းကောင်း ဖြစ်ပျက်ခြင်းဖြစ်သလော။ ဖြစ်ပျက်ခြင်းဖြစ်ပေသည်။ တစ်ဦးချင်း အခြေအနေများကို ငါတို့ ဆွေးနွေးမည်မဟုတ်။ မည်သူက တရုတ်နိုင်ငံကို စွန့်ခွာနိုင်ပြီး မည်သူက မိမိတို့တာဝန်ကို နောက်ပိုင်းတွင် ရိုးသားစစ်မှန်စွာ ထမ်းဆောင်လာကြသည်ဟူသည်တို့အကြောင်းသာ ငါတို့ ပြောဆိုဆွေးနွေးကြမည်ဖြစ်သည်။ ဤအရာသည် ၎င်းတို့ကိုယ်ပိုင် ရည်ရွယ်ချက်များမှ လုံးလုံးလျားလျား ဖြစ်လာခြင်း မဟုတ်ပေ။ တရုတ်နိုင်ငံကို သင် စွန့်ခွာခြင်းနှင့်ဆိုင်သည့် သွင်ပြင်လက္ခဏာတစ်ခုမှာ သင့်တွင် အထူးတာဝန်တစ်ခုရှိခြင်း ဖြစ်လင့်ကစား နောက်ထပ် သွင်ပြင်လက္ခဏာတစ်ခုမှာ သင်သည် ဘုရားသခင်၏ လမ်းပြမှုအောက်တွင် တရုတ်နိုင်ငံကို စွန့်ခွာခဲ့ခြင်း ဖြစ်သည်။ ထိုကိစ္စရပ်ကို ဤအချက်မှကြည့်သည့်အခါ သင်သည် မည်သည့်အရာကို လုပ်ဆောင်ဖို့ တရုတ်နိုင်ငံကို စွန့်ခွာခဲ့သနည်း။ (ကျွန်ုပ်တို့တာဝန်ကို ထမ်းဆောင်ဖို့ ဖြစ်သည်။) အစောပိုင်းအဆင့်များတွင် လုပ်ထုံးလုပ်နည်းများကို ပြီးစီးဖို့ အချိန်မည်မျှကြာသည်ဖြစ်စေ၊ သင် မည်မျှ အသုံးခံသည် သို့မဟုတ် ဘုရားသခင်က ထိုကိစ္စရပ်အပေါ်မည်မျှ အချုပ်အခြာအာဏာဖြင့် အုပ်စိုးသည်ဖြစ်စေ၊ မည်သို့ဆိုစေ သင်သည် တရုတ်နိုင်ငံကို စွန့်ခွာနိုင်ပြီး ဘုရားအိမ်တော်တွင် သင်၏ တာဝန်ကို ထမ်းဆောင်နိုင်သည့်အတွက် သင့်တွင် နိုင်ငံရပ်ခြား၌ ထမ်းဆောင်ရမည့် တာဝန်တစ်ခုရှိသည်ဟု သေချာမှုဖြင့် ငါတို့ ပြောနိုင်သည်။ သင်သည် တာဝန်တစ်ခုနှင့် လေးလံသည့် ဝန်ထုပ်တစ်ခုကို ထမ်းရွက်ပြီး နိုင်ငံခြားသို့ သင် လာရသည့် သင်၏ ရည်မှန်းချက်က အလွန်ရှင်းလင်းနေသင့်သည်။ ပထမဆုံးအနေဖြင့် သင်သည် ဘဝကို မွေ့လျော်ခံစားဖို့ နိုင်ငံခြားသို့လာသည့် ရွှေ့ပြောင်းနေထိုင်သူ မဟုတ်ပေ။ ဒုတိယအနေဖြင့် သင်သည် အသက်မွေးဝမ်းကျောင်းနှင့်ဆိုင်သည့် ရင်းမြစ်တစ်ခုကို ရှာဖွေလျက် နိုင်ငံခြားသို့ လာခဲ့ခြင်း မဟုတ်။ တတိယအနေဖြင့် သင်သည် မတူကွဲပြားသည့် ဘဝနေထိုင်နည်းတစ်ခုကို ရှာဖွေလျက် နိုင်ငံခြားသို့ လာခဲ့ခြင်း မဟုတ်။ စတုတ္ထအနေဖြင့် ကောင်းမွန်သည့် ဘဝတစ်ခုကို နေထိုင်ဖို့အတွက် နိုင်ငံခြားသို့ သင် လာခဲ့ခြင်း မဟုတ်ပေ။ ထိုသို့ဖြစ်သည် မဟုတ်လော။ သင်သည် လောကီကို လိုက်စားဖို့အတွက် နိုင်ငံခြားသို့ လာခဲ့ခြင်း မဟုတ်။ သင်၏ တာဝန်ကို ထမ်းဆောင်ဖို့အတွက် အထူးတာဝန်တစ်ခုနှင့် ဘုရားသခင်၏ တာဝန်ပေးစေခိုင်းချက်တို့ဖြင့် လာခဲ့ခြင်း ဖြစ်သည်။ ထိုအရာကို ဤအချက်မှ ကြည့်သည့်အခါ နိုင်ငံခြားသို့ လာသည့်အခါတွင် သင်၏ ထိပ်တန်း ဦးစားပေးမှုမှာ မည်သည့်အရာ ဖြစ်သင့်သနည်း။ (သင်၏ တာဝန်ကို ထမ်းဆောင်ရန်ဖြစ်သည်။) သင်၏ ထိပ်တန်း ဦးစားပေးမှုမှာ ဘုရားအိမ်တော်သို့ လာကာ သင်၏ နေရာကို ရှာတွေရန်နှင့် ဘုရားအိမ်တော်၏ အစီအစဉ်များအတိုင်း တည်ငြိမ်ပြီး ကောင်းမွန်စွာ ပြုမူသော နည်းလမ်းဖြင့် သင်၏ တာဝန်ကို ထမ်းဆောင်ရန် ဖြစ်သည်။ ယင်းမှာ မှန်သည် မဟုတ်လော။ (မှန်ပါသည်။) မှန်ပေ၏။ ထို့အပြင် တစ်ဦးတလေက သင့်ကို ခြိမ်းခြောက်ခဲ့သောကြောင့် သို့မဟုတ် သင့်ကို ပြန်ပေးဆွဲခဲ့သောကြောင့် နိုင်ငံခြားသို့ သင် လာခဲ့ခြင်း မဟုတ်ပေ။ လိုလိုလားလားဖြင့် သင် လာခဲ့ခြင်း ဖြစ်သည်။ ထိုအရာသည် မည်သည့် ရှုထောင့်မှ သင်ကြည့်သည်ဖြစ်စေ သင်သည် နိုင်ငံခြားသို့ လာပြီးပြီဖြစ်သောကြောင့် သင်၏ တာဝန်ကို ထမ်းဆောင်သင့်ပေသည်။ ယင်းမှာ မှန်ကန်သည် မဟုတ်လော။ ဤသည်မှာ လူတို့အပေါ် ပြုလုပ်ရမည့် မြင့်မားသော တောင်းဆိုချက်တစ်ခု ဖြစ်သလော။ (မဟုတ်ပါ။) ဤသည်မှာ မြင့်မားသည့် တောင်းဆိုချက်တစ်ခု မဟုတ်သကဲ့သို့ လွန်ကဲသည့် တောင်းဆိုချက်တစ်ခုလည်း မဟုတ်ပေ။ ထိုအရာသည် ယုတ္တိမတန်သောအရာ မဟုတ်ပေ။ ယခုတွင် ငါ ပြောပြီးသည့်အရာပေါ် အခြေခံ၍ သင့်ကို ဘုရားသခင် ပေးထားပြီးဖြစ်သည့် တာဝန်ပေးစေခိုင်းချက်နှင့် လျော်ညီအောင် နေဖို့ရန်အလို့ငှာ သင်သည် သင်၏ တာဝန်ကို မည်သို့ သဘောထားပြုမူသင့်ပြီး သင်၏တာဝန်ကို မည်သို့ ထမ်းဆောင်သင့်သနည်း။ ဤအရာများအကြောင်းကို သင် စဉ်းစားသင့်သလော။ သင် လုပ်ဆောင်သင့်သည့် ပထမဆုံးသောအရာမှာ “ငါသည် သာမန်လူတစ်ဦးမျှ မဟုတ်တော့ပါ။ ငါသည် ငါ့ပခုံးပေါ်တွင် ဝန်ထုပ်တစ်ခုကို ယခု ထမ်းနေသည်။ မည်သည့် ဝန်ထုပ်နည်း။ ငါကို ဘုရားသခင် ပေးထားပြီးဖြစ်သည့် တာဝန်ပေးစေခိုင်းချက်၊ ဝန်ထုပ် ဖြစ်သည်။ ဘုရားက နိုင်ငံခြားသို့လာရန် ငါ့ကို လမ်းပြပီးဖြစ်ကာ ဘုရားသခင်၏ ဧဝံဂေလိတရားကို ဖြန့်ရာတွင် ဖန်ဆင်းခံတစ်ဦး ဖြည့်ဆည်းသင့်သည့် တာဝန်နှင့် ဝတ္တရားများကို ငါ ကောင်းမွန်စွာ ဖြည့်ဆည်းသင့်သည်။ ဤသည်မှာ ငါ၏ တာဝန်ဖြစ်သည်။ ပထမဆုံးအနေဖြင့် မည်သည့်တာဝန်အား ငါ ထမ်းဆောင်နိုင်သည်ကို ငါ စဉ်းစားသင့်ပြီး ဒုတိယအနေဖြင့် ငါ့အပေါ် ဘုရားသခင်၏ အချုပ်အခြာအာဏာနှင့် ငါ့တွက် သူ၏ အစီအစဉ်များနှင့် လျော်ညီအောင်နေရန် ငါ မပျက်ကွက်ဖို့အလို့ငှာ ထိုတာဝန်ကို မည်သို့ ကောင်းစွာ ထမ်းဆောင်ရမည်ကို ငါ စဉ်းစားသင့်သည်”ဟု တွေးရန် ဖြစ်သည်။ ဤသည်မှာ သင် စဉ်းစားသင့်သည့်ပုံစံ မဟုတ်လော။ ဤတွေးခေါ်ခြင်းသည် လွန်ကဲသလော။ မုသားတစ်ခု ဖြစ်သလော။ မဟုတ်ပေ။ ထိုအရာသည် ဆင်ခြင်တုံတရားရှိသည့်၊ လူ့သဘာဝရှိပြီး အသိစိတ်ရှိသည့် လူတစ်ဦး တွေးသင့်သော အရာတစ်ခု ဖြစ်သည်။ လူအချို့က “ကျွန်ုပ် နိုင်ငံခြားသို့ လာပြီးနောက်တွင် ဖြစ်လာမည်ဟု ကျွန်ုပ် တွေးခဲ့သည့်အတိုင်း မဖြစ်ခဲ့ဘဲ လာရသည်ကို ကျွန်ုပ် နောင်တရမိပါသည်”ဟု ပြောကြလျှင် ဤလူများသည် မည်သည့်အရာမျိုး ဖြစ်သနည်း။ ထိုသို့သော လူများတွင် လူ့သဘာဝ မရှိသကဲ့သို့ ပြိုကွဲပျက်စီးနေသည့် ယုံကြည်ခြင်း ရှိကြသည်။ သို့သော် နိုင်ငံခြားသို့လာသော လူအများစုသည် မိမိတို့၏တာဝန်ကို ခေါင်းမဖော်တမ်း ထမ်းဆောင်ဖို့ လိုလားနေကြသည်။ ယင်းမှာ လုံလောက်ပေသည်။ ယခုတွင် ကနေဒါ အသင်းတော်နှင့်ဆိုင်သည့် ကိစ္စရပ်အထိ ငါတို့ ပြောဆိုဆွေးနွေးနေသည့်အရာကို ပေါင်းလိုက်ကြစို့။ ကနေဒါ အသင်းတော်ရှိ လူတို့သည် ဤအရာနှင့် မလွတ်ကင်းပေ။ သူတို့အနေဖြင့် ကနေဒါနိုင်ငံသို့ သွားခဲ့ကြခြင်းမှာ တိုက်ဆိုင်မှု ဖြစ်ခဲ့သလော။ တိုက်ဆိုင်မှု မဟုတ်ခဲ့ပေ။ ထိုအရာက ရှောင်လွှဲ၍မရနိုင်ခဲ့ပေ။ ရှောင်လွှဲ၍မရနိုင်ဟု ငါ အဘယ်ကြောင့် ပြောသနည်း။ မည်သည့်လူများက မည်သည့်နိုင်ငံသို့ သွားရမည်ဟူသည်ကို ဘုရားသခင်က အချိန်ကြာမြင့်စွာကတည်းက သတ်မှတ်ထားခဲ့ပြီး ဖြစ်သောကြောင့် ငါ ပြောရခြင်းဖြစ်ပြီး ဤ “ရှောင်လွှဲ၍မရနိုင်ခြင်း”ကို ဘုရားသခင်က အချုပ်အခြာအာဏာဖြင့် အုပ်စိုးထားခဲ့ခြင်း ဖြစ်သည်။ သင့်အနေဖြင့် နိုင်ငံတစ်ခုသို့ သွားရမည်ကို ဘုရားသခင်က အချုပ်အခြာအာဏာဖြင့် အုပ်စိုးသည့်အခါ ယင်းမှာ ဖြစ်ပျက်သည့်အရာ ဖြစ်သည်။ ကနေဒါ အသင်းတော်ရှိ လူတို့တွင်လည်း အထူးတာဝန်တစ်ခုရှိခဲ့ကြပြီး ဘုရားသခင်၏ အချုပ်အခြာအာဏာနှင့် အစီအစဉ်ဖြင့် နိုင်ငံခြားသို့ လာခဲ့ကြခြင်း ဖြစ်သည်။ ဘုရားသခင်က ၎င်းတို့ကို ကနေဒါသို့ လမ်းပြခဲ့ပြီး ၎င်းတို့၏ သက်ဆိုင်ရာ ပါရမီများ၊ ၎င်းတို့၏ အတတ်ပညာဆိုင်ရာ ကျွမ်းကျင်မှုများနှင့် အစွမ်းအစများ စသည်တို့အရ အသင်းတော်က ၎င်းတို့ကို အမျိုးမျိုးသော အလုပ်ရာထူးများတွင် ခန့်အပ်ခဲ့ကာ ၎င်းတို့၏ တာဝန်ကို ထမ်းဆောင်ခွင့်ပေးခဲ့သည်။ ၎င်းတို့သည် အစမှပင် ၎င်းတို့၏ တာဝန်ကို အတော်အတန် ပုံသေကြီးထမ်းဆောင်ခဲ့ကြသည်။ “ပုံသေကြီး” ဆိုခြင်းအားဖြင့်၊ ၎င်းတို့က ရှက်ကြောက်ကာ နှေးကွေးသည်ဟု ငါ ဆိုလိုခြင်းမဟုတ်ဘဲ ထိုအစား ၎င်းတို့ အများစုက မိမိတို့တာဝန်ကို ထမ်းဆောင်ရန် လာခဲ့ကြသော်လည်း သမ္မာတရားကို မလိုက်စားခဲ့ကြခြင်းကို ဆိုလိုသည်။ သမ္မာတရားကို ၎င်းတို့ မလိုက်စားခဲ့ကြဟု ငါ အဘယ်ကြောင့် ပြောသနည်း။ ပြဿနာများကို ၎င်းတို့ ကြုံခဲ့ရချိန်တွင် မိမိတို့၏ လုပ်ရပ်များတွင် သမ္မာတရားကို မရှာဖွေခဲ့ကြသကဲ့သို့ စည်းမျဉ်းများကို မရှာဖွေခဲ့ကြပေ။ တစ်ခါတစ်ရံ အထက်က ၎င်းတို့အတွက် အစီအစဉ်အချို့ကို ပြုလုပ်သည့်အခါ သို့မဟုတ် တစ်စုံတစ်ရာကို လုပ်ဆောင်ရန် ၎င်းတို့ကို စေခိုင်းသည့်အခါ ၎င်းတို့က ဟက်ဟက်ပက်ပက် မရှိခဲ့ကြပေ။ ဤသည်မှာ မိမိတို့တာဝန်ကို ထမ်းဆောင်ခြင်းအတွက် ၎င်းတို့ ယူဆောင်လာသော သဘောထားဖြစ်သည်။ ၎င်းတို့သည် ဤဝတ်ကျေတမ်းကျေ ပုံစံဖြင့် ဆက်လုပ်ဆောင်ခဲ့ကြပြီး ၎င်းတို့၏ တာဝန်ကို ထမ်းဆောင်ခြင်းက ဆိုးရွားသော အခြေအနေ၊ လုံးဝ ကမောက်ကမဖြစ်သော အခြေအနေသို့ ရောက်ရှိလာခဲ့သည်။ ဤလူများ၏ အသင်းတော် အသက်တာ သို့မဟုတ် အသက်ဝင်ရောက်မှုနှင့် ပတ်သက်၍ ကောင်းသည့်အရာ ဘာမျှမရှိ၊ ၎င်းတို့တာဝန်၏ အကျိုးဆက်က ဆိုးခဲ့သည်၊ သမ္မာတရားနှင့်ပတ်သက်၍ ၎င်းတို့၏ မိတ်သဟာယတွင် လက်တွေ့ကျမှု မရှိသကဲ့သို့ အယောင်ဆောင် ခေါင်းဆောင်များနှင့် အန္တိခရစ်များအပေါ် ပိုင်းခြားသိမြင်မှု လုံးဝ မရှိခဲ့ကြပေ။ ၎င်းတို့ လုပ်ဆောင်ခဲ့သည့် အရာတစ်ခုတလေနှင့်ပတ်သက်၍ ကောင်းမွန်သည့်အရာ တစ်ခုမျှမရှိပေ။ အချိန်ကုန်သည်နှင့်အမျှ ယန်ဟု အမည်ရသော အန္တိခရစ်တစ်ဦး ပေါ်ထွက်လာခဲ့ပြီး ၎င်းသည် ဤအန္တိခရစ်နှင့် စိတ်တူကိုယ်တူ ဖြစ်လာခဲ့သည်။ “၎င်းတို့ စိတ်တူကိုယ်တူ ဖြစ်လာခဲ့သည်”ဟူသည်မှာ မည်သည့်အရာကို ဆိုလိုသနည်း။ ဤအန္တိခရစ်သည် အသင်းတော်တွင် နှစ်နှစ်ခွဲကြာ အလုပ်လုပ်နေခဲ့ပြီးဖြစ်သည့် အသက် ၂၆ နှစ်အရွယ် လူငယ်တစ်ဦးသာ ဖြစ်သည်။ ထိုအချိန်ကာလအတောအတွင်းတွင် သူသည် ညီအစ်မ များစွာကို ဆွဲဆောင်ခဲ့သည်မှာ ၁၀ ဦးခန့် ဖြစ်ကောင်းဖြစ်နိုင်သည်။ ဤသူများထဲမှ အချို့ကို ၎င်းက စိတ်ဝင်စားခဲ့ပြီး အချို့ကို စိတ်မဝင်စားခဲ့ဘဲ ဤသူများကို ၎င်းတို့က လျစ်လျူရှုခဲ့သည်၊ သို့တိုင် ဤလူများအားလုံးက ဤအန္တိခရစ်ကို ကြည်ညိုခဲ့ကြသည်။ ယခင် နှစ်နှစ်ခွဲချိန်က ကနေဒါ အသင်းတော်ရှိ လူများသည် မိမိတို့တာဝန်ကို ထမ်းဆောင်ရာတွင် စံသိပ်မပြည်မီခဲ့ကြသကဲ့သို့ အသက်မဲ့ ထိုင်းမှိုင်းသည့် အခြေအနေတစ်ခုတွင် ရှိနေခဲ့သည်။ အထက်က ၎င်းတို့အတွက် မည်သည့်အလုပ်ကို စီစဉ်ပေးခဲ့သည်ဖြစ်စေ ၎င်းတို့က ထိုအလုပ်ကို ဝတ်ကျေတမ်းကျေ ပုံစံဖြင့် အမြဲ သဘောထားခဲ့ကြပြီး ဟက်ဟက်ပက်ပက်ရှိမနေခဲ့ကြသကဲ့သို့ အလုပ်ကို အကောင်အထည်ဖော်ဖို့အတွက် အားသွန်ခွန်စိုက် အားထုတ်မှုများစွာ လိုအပ်ခဲ့သည်။ အထက်က ၎င်းတို့ကို ပြုပြင်ခဲ့ပြီးနောက်တွင် ၎င်းတို့သည် စိတ်ဓာတ်ကျလာခဲ့ကြသည်၊ ၎င်းတို့သည် စိတ်ညှိုးငယ်လာကြပြီး အထက်နှင့် ဆက်သွယ်ပြောဆိုမှု လုပ်သည်မှာ ရှားပါးလာသည့်အပြင် အလုပ်အပေါ် ၎င်းတို့၏ သဘောထားလည်း အလွန် စိတ်မချမ်းမြေ့ဖြစ်လာခဲ့သည်။ ယန်ဟု အမည်ရသည့် အန္တိခရစ်က ခေါင်းဆောင်တစ်ဦး ဖြစ်လာပြီးနောက်တွင် ၎င်းတို့၏ အခြေအနေက တစ်နေ့ပြီးတစ်နေ့ ဆိုးလာခဲ့ပြီး ၎င်းတို့အများစုက နေ့ရက်ကာလများကို ဖြစ်သလိုသာ ဖြတ်သန်းနေခဲ့ကြသည်။ ၎င်းတို့သည် ကြုံရာကျပန်းနေကြသည့် ဤအခြေအနေသို့ အဘယ်ကြောင့် ရောက်ရှိသွားနိုင်ခဲ့ရသနည်း။ ဤသည်မှာ မည်သည့်အရာနှင့် ဆက်စပ်သနည်း။ ဓမ္မဓိဋ္ဌာန်ကျသော အကြောင်းတရားတစ်ခုမှာ ထိုအရာသည် ခေါင်းဆောင်များနှင့် ဆက်စပ်ခြင်း ဖြစ်နိုင်ပေသည်။ ၎င်းတို့သည် ခေါင်းဆောင်ကောင်းတစ်ဦးမျှ မရှိခဲ့ကြပေ။ ၎င်းတို့ ခေါင်းဆောင်များထဲမှ မည်သူကမျှ သမ္မာတရားကို မလိုက်စားဘဲ ထိုအစား လူလူချင်း ဆက်ဆံရေးများကို ပျိုးထောင်ကာ မရိုးဖြောင့်သော လုပ်ရပ်များကို လုပ်ဆောင်ခဲ့ကြသည်။ ပြီးလျှင် ခံစားချက်အရဖြစ်သော အကြောင်းတရားမှာ မည်သည့်အရာနည်း။ ၎င်းတို့ထဲမှ မည်သူကမျှ သမ္မာတရားကို မလိုက်စားခဲ့ကြခြင်း ဖြစ်သည်။ သမ္မာတရားကို မလိုက်စားသည့် လူတစ်စုအတွက် မိမိတို့တာဝန်ကို သစ္စာစောင့်သိစွာနှင့် စံနှုန်းပြည့်မီသည့် နည်းလမ်းတစ်ခုဖြင့် ထမ်းဆောင်ရန်မှာ လွယ်ကူသလော။ (မလွယ်ကူပါ။) သို့သော် သမ္မာတရားကို မလိုက်စားသည့် လူတစ်စုနှင့် မယုံကြည်သူအချို့အတွက် မရိုးဖြောင့်သော လုပ်ရပ်များကို လုပ်ဆောင်ရန်၊ ဝတ်ကျေတမ်းကျေဖြစ်ရန်နှင့် အထက်ကို ဆန့်ကျင်ရန်မှာ လွယ်ကူသလော။ (လွယ်ကူပါသည်။) ပြီးလျှင် ထိုသို့သောလူတစ်စုအတွက် ယိုယွင်းကျဆင်းလာပြီး ဘာသာတရားမရှိသူများကဲ့သို့ အကျင့်ပျက်လာကြရန်မှာ လွယ်ကူသည်မှာ ဟုတ်သလော။ ထိုအရာသည် အလွန် လွယ်ကူပြီး ဤသည်မှာ ၎င်းတို့ လိုက်လျှောက်နေခဲ့သည့် လမ်းကြောင်းဖြစ်သည်။ မိမိတို့တာဝန်ကို ထမ်းဆောင်ခြင်းနှင့်ဆိုင်သည့် ဟန်ဆောင်မှုအောက်တွင် ၎င်းတို့သည် ဘုရားအိမ်တော်၏ အစားအစာကို စားခဲ့ကြသည်၊ ဘုရားအိမ်တော်နှင့်ဆိုင်သည့် နေရာထိုင်ခင်းတွင် နေထိုင်ခဲ့ကြပြီး ဘုရားအိမ်တော်က ၎င်းတို့ကို ထောက်ပံ့ပေးခဲ့သည်။ ၎င်းတို့သည် အစားအစာနှင့် သောက်စရာအတွက် ဘုရားအိမ်တော်ကို လိမ်လည်လှည့်စားခဲ့ကြသည့်တိုင် ကောင်းကင်နိုင်ငံတော်ထဲသို့ ဝင်ရောက်ခြင်းနှင့် ဆုလာဘ်များ ရရှိခြင်းတို့ကို မျှော်လင့်စောင့်စားနေကြဆဲဖြစ်သည်။ ၎င်းတို့သည် ဤနည်းဖြင့် လှည့်ဖြားမှုအပေါ် မှီခိုလျက် အသက်ရှင်ခဲ့ကြသည်။ အန္တိခရစ်က အသင်းတော်ကို အဖျက်အမှောင့်လုပ်သည့်အခါ ၎င်းတို့ထဲမှ တစ်ဦးကမျှ အထက်သို့ မည်သည့်ကိစ္စကိုမျှ မတိုင်ကြားခဲ့ကြပေ။ အမျိုးသမီးတစ်ဦးကသာ အယောင်ဆောင် ခေါင်းဆောင်တစ်ဦးထံ ပြဿနာကို တိုင်ကြားခဲ့ပြီး ဤအရာ၏ ရလဒ်မှာ ကိစ္စရပ်က ပြေလည်မသွားခဲ့ခြင်း ဖြစ်သည်။ အခြားသူတို့မှာ ကြောင်းကျိုးမမြင်ဖြစ်ခဲ့ကြပြီး အသင်းတော်တွင် အလွန်များသည့် ပြဿနာများ ထွက်ပေါ်သည်ကို မြင်လျက်ဖြင့် ၎င်းတို့က မတိုင်ကြားခဲ့ကြပေ။ ဘုရားအိမ်တော်၏ အလုပ်အစီအစဉ်များက ခေါင်းဆောင်များနှင့် အမှုဆောင်များကို ထုတ်ပယ်ခြင်းအတွက် စည်းမျဉ်းများကို ရှင်းလင်းစွာ ဖော်ပြသော်လည်း မည်သူကမျှ ထိုအရာများကို အာရုံမစိုက်ခဲ့ကြဘဲ ထိုအစား ထိုအန္တိခရစ်နှင့်အတူ နေ့ရက်ကာလများကို ဖြစ်သလိုသာ ဖြတ်သန်းနေခဲ့ကြသည်။ ဤမယုံကြည်သူများထဲတွင် အစွန်းတစ်ဖက်၌ ဘုရားသခင်ကို အနှစ် ၂၀ ကျော် ယုံကြည်ခဲ့ပြီးဖြစ်သည့်သူများရှိပြီး အခြားအစွန်းတစ်ဖက်တွင် အနည်းဆုံး ငါးနှစ်ကြာ ယုံကြည်ခဲ့ပြီးဖြစ်သူများ ရှိကာ မည်သူကမျှ ဤပြဿနာများကို မတိုင်ကြားခဲ့ကြပေ။ သို့သော် သာ၍ဆိုးသည်မှာ မည်သည့်အရာဖြစ်သနည်း။ ဤအန္တိခရစ်နှင့် ပရောပရည်လုပ်သည့် အမျိုးသမီး အဖွဲ့ခေါင်းဆောင်များနှင့် လက်ထောက် အသင်းခေါင်းဆောင်များစွာ ရှိနေခဲ့ပြီး သူ၏ အာရုံစိုက်မှုများ ရရှိရန်အတွက် ၎င်းတို့က အချင်းချင်း ပြိုင်ဆိုင်နေခဲ့ကြသည်။ အမျိုးသားတစ်ဦးနှင့် အမျိုးသမီးတစ်ဦး ချိန်းတွေ့ကြသည့်အခါ ဤအရာကို အရွယ်ရောက်သူများနှင့် သက်ကြီးရွယ်အိုများက တစ်ချက်ကြည့်ရုံဖြင့် သိမြင်နိုင်သည်။ လူတို့သည် အမျိုးသားများနှင့် အမျိုးသမီးတို့ကြား ဆက်ဆံရေးများနှင့်ဆိုင်သည့် ကိစ္စရပ်ကို အလွန်အာရုံခံကောင်းကြသည်ချည်းဖြစ်ကာ တစ်ချက်မျှ ကြည့်လိုက်သည်နှင့် ဖြစ်ပျက်နေသည်ကို သိရှိနိုင်ကြသည်။ သို့သော် ထိုအရာကို မည်သူကမျှ မတိုင်ကြားခဲ့ကြ၊ ၎င်းတို့ကို အပြစ်တင်ဖို့ သို့မဟုတ် ဖော်ထုတ်ဖို့အတွက် မည်သူမျှ ထမရပ်ခဲ့ကြသကဲ့သို့ မည်သူမျှက ၎င်းတို့ကို ပိုင်းခြားသိမြင်နိုင်ခြင်း မရှိခဲ့ကြပေ။ တစ်ဦးတလေက ထိုသူတို့သည် ဤအန္တိခရစ်က ဦးဆောင်သည့် ဂိုဏ်းတစ်ခုဖြစ်သည်ကို မြင်လျက် “သင်တို့နောက် ငါ မလိုက်နိုင်ပါ။ ဤအရာကို အထက်ခေါင်းဆောင်ထံ ငါ တိုင်ကြားရမည်ဖြစ်ပြီး သင်တို့ကို ထုတ်ပယ်ခံရစေမည် သို့မဟုတ်လျှင် သင်တို့ကို ဖြုတ်ဖို့အတွက် တရားမျှတစိတ်ရှိသည့် ညီအစ်ကို မောင်နှမများကို စုစည်းရမည်”ဟု မိမိဘာသာ တွေးကြသလော။ မည်သူကမျှ မတွေးခဲ့ပေ။ ဤကိစ္စ ပေါ်လွင်မသွားမီတွင် မည်သူတစ်ဦးတစ်ယောက်ကမျှ မတိုင်ကြားခဲ့ပေ။ ဤလူများသည် မည်သည့်အရာမျိုးများ ဖြစ်သနည်း။ ၎င်းတို့သည် ဘုရားသခင်၌ စစ်မှန်သည့် ယုံကြည်သူများ ဖြစ်ခဲ့ကြသလော။ သမ္မာတရားကို ၎င်းတို့ လိုက်စားခဲ့ကြသလော။ (မလိုက်စားခဲ့ကြပါ။) ၎င်းတို့၏ မျက်စိရှေ့တည့်တည့်တွင် ထိုသို့သော ကြီးမားသည့်အရာတစ်ခု ဖြစ်ပျက်ပြီး ထိုအရာကို ၎င်းတို့ သတိမပြုမိခြင်းမှာ သမ္မာတရား မလိုက်စားခဲ့သည့် ဤလူများသည် မိမိတို့တာဝန်ကို ကောင်းစွာ ထမ်းဆောင်နိုင်ခဲ့ကြသလော။ ၎င်းတို့၏ တာဝန်အပေါ် ၎င်းတို့၏ သဘောထားမှာ အဘယ်နည်း။ သိသာထင်ရှားစွာပင် ၎င်းတို့သည် တစ်နေ့ပြီးတစ်နေ့ ကပ်ပါးရပ်ပါးလုပ်သည့် ကပ်ပါးရပ်ပါးလုပ်သူများသာ ဖြစ်ခဲ့ကြသည်။ ဘုရားအိမ်တော်တွင် ၎င်းတို့ အလွယ်တကူ ကြုံရာကျပန်းနေနိုင်မည်၊ ပြဿနာတစ်ခု သတိပြုမိလျှင် မည်သူမျှ စကားတစ်ခွန်း မပြောသင့်၊ မည်သူကမျှ မည်သူ့ကိုမျှ ပုန်ကန်ပြစ်မှားခြင်း မပြုသင့်သကဲ့သို့ ၎င်းတို့အနေဖြင့် “ဆရာကြီး”ကို ပုန်ကန်ပြစ်မှားမိလျှင် ယင်းက အလွန်ဆိုးရွားမည်ဖြစ်ပြီး အကျိုးဆက်များက ၎င်းတို့အတွက် ကောင်းမည်မဟုတ်ဟု ၎င်းတို့ ယုံကြည်ခဲ့ကြသည်။ သင်သည် လူတို့အပေါ် ပုန်ကန်ပြစ်မှားမိမည်ကို စိုးရွံ့ပြီး ထိုအရာကို မလုပ်ဝံ့လျှင် ဘုရားသခင်ကို သင် ပုန်ကန်ပြစ်မှားဝံ့သလော။ ဘုရားသခင်ကို သင် ပုန်ကန်ပြစ်မှားမိလျှင် အကျိုးဆက်များက ကောင်းလိမ့်မည်လော။ ဘုရားသခင်က သင့်ကို မည်သို့ ကိုင်တွယ်လိမ့်မည်နည်း။ အကျိုးဆက်များ ရှိလိမ့်မည် မဟုတ်လော။ (အကျိုးဆက်များရှိပါလိမ့်မည်။) အကျိုးဆက်များ ရှိပေလိမ့်မည်။ တစ်ဦးတလေကို ပုန်ကန်ပြစ်မှားမိမည်ကို ၎င်းတို့ စိုးရွံခဲ့ခြင်းက အဓိကအချက် မဟုတ်သည်မှာ အမှန်ဖြစ်၏။ အဓိကအချက်မှာ ၎င်းတို့သည် သမ္မာတရားအတွက် ချစ်ခြင်းမေတ္တာမရှိသည့် ကောက်ကျစ်ဆိုးယုတ်သောလူများ ဖြစ်ခဲ့ကြခြင်း ဖြစ်သည်။ သမ္မာတရားကို မလိုက်စားခြင်းအပြင် ၎င်းတို့သည် စဉ်းစားဉာဏ်မဲ့သောအရာများစွာကိုလည်း လုပ်ဆောင်ခဲ့ကြသည်။ ကနေဒါ အသင်းတော်တွင် လူများစွာ မရှိသော်လည်း ပရမ်းပတာဖြစ်သော ရည်မှန်းချက်များစွာ ရှိကြသည်။ ၎င်းတို့တာဝန်များကို ထမ်းဆောင်ခြင်းသည် သိသိသာသာပင် အကျိုးသက်ရောက်မှု မရှိသည့်တိုင် ၎င်းတို့ အလုပ်၏ နယ်ပယ်ကို ချဲ့ထွင်ချင်နေကြဆဲဖြစ်ပြီး အိမ်ခြံမြေကို ဝယ်ယူခြင်းဖြင့် မိမိတို့ကိုယ်ကို အလုပ်များစေခဲ့ကြသော်လည်း အဆုံးတွင် အိမ်ခြံမြေနှင့်ပတ်သက်၍ စရံငွေကို အချည်းနှီးပေးခဲ့ကြသည်။ ယခုတွင် ဤလူအများစုသည် သီးခြားခွဲထားခြင်းခံကြရပြီးဖြစ်သည်။ ဤလူတစ်သိုက်သည် မည်သည့်အရာများ ဖြစ်ကြသည်ကို ငါ့ကိုပြောလော့။ ၎င်းတို့သည် သားရဲတိရစ္ဆာန်များနှင့် အကောင်ယုတ်တစ်သိုက် ဖြစ်သည် မဟုတ်လော။ သိသိသာသာပင်၊ ၎င်းတို့သည် ဘာမျှမဟုတ်ကြသည့်တိုင် လှူဖွယ်ပစ္စည်းများကို ဤကဲ့သို့ ဖြုန်းတီးပစ်ခဲ့ကြသည်။ မည်သူကမျှ ဘုရားအိမ်တော်၏ အကျိုးစီးပွားများကို စောင့်ရှောက်ခြင်းမရှိပေ၊ မည်သူ့တွင်မျှ တရားမျှတစိတ်မရှိခဲ့ကြ။ ၎င်းတို့သည် မကောင်းဆိုးဝါးတစ်သိုက်သာ ဖြစ်သည်။ ထိုအရာသည် တကယ်ကို ဒေါသထွက်စရာ ဖြစ်သည်။

ကနေဒါ အသင်းတော်တွင် လူများစွာ မရှိပေ၊ ရာဂဏန်းအချို့သာ ရှိသည်။ ၎င်းတို့သည် မိမိတို့တာဝန်တွင် အားသိပ်မစိုက်ထုတ်ခဲ့ကြပေ။ ၎င်းတို့သည် နေ့ရက်ကာလများကို ဖြစ်သလိုချည်းသာ ဖြတ်သန်းလျက် မိမိတို့တာဝန်တွင် တမင်ပျက်ကွက်ခဲ့ကြပြီး အုပ်စုများဖွဲ့ခဲ့ကြသည်။ ယင်းမှာ ဒေါသထွက်စရာ ဖြစ်သည် မဟုတ်လော။ ၎င်းတို့သည် အလုပ်တွင် ထိရောက်မှု မရှိကြသကဲ့သို့ မည်သည့် တိုးတက်မှုမျှ မဖြစ်စေခဲ့ကြပေ။ ၎င်းတို့အားလုံးသည် အချင်းချင်း ကျိတ်ကြံစည်နေခဲ့ကြပြီး သဟဇာတကျကျ ပူးပေါင်းဆောင်ရွက်ခဲ့ကြခြင်း မရှိပေ။ ခေါင်းဆောင်များက အချို့သော အခြားသူများနှင့် မရိုးဖြောင့်သော လုပ်ရပ်များကို လုပ်ဆောင်ခဲ့ကြပြီး ဤအရာနှင့်ပတ်သက်၍ မည်သူကမျှ အရေးတကြီးဖြစ်သည့် စိတ်တစ်ခုမျှ မရှိခဲ့ကြ၊ မည်သူမျှ ဒေါသမထွက်ခဲ့ကြသကဲ့သို့ ဝမ်းမနည်းခဲ့ကြပေ။ ဤကိစ္စနှင့်ပတ်သက်၍ မည်သူကမျှ ဆုမတောင်းခဲ့ကြသကဲ့သို့ အထက်ထံမှ ရှာဖွေခြင်း သို့မဟုတ် ၎င်းတို့ထံမှ အကူအညီ တောင်းလျှောက်ခဲ့ခြင်း မရှိပေ။ မည်သူကမျှ ဤအရာကို မလုပ်ဆောင်ခဲ့ကြသကဲ့သို့ မည်သူကမျှ “ကျွန်ုပ်တို့တာဝန်ကို ဤသို့ ထမ်းဆောင်ခြင်းက မမှန်ပါ။ ကျွန်ုပ်တို့ ထမ်းဆောင်နေသည့် တာဝန်သည် ဘုရားပေးထားသည့် တာဝန်ပေးစေခိုင်းချက်ဖြစ်ပြီး ဘုရားကို ကျွန်ုပ်တို့ စိတ်ပျက်စေ၍ မဖြစ်ပါ”ဟု ပြောဖို့ ရှေ့ထွက်မလာခဲ့ကြပေ။ ၎င်းတို့အနေဖြင့် မည်သည့်အရာမျှ ချို့တဲ့ခြင်း မရှိခဲ့၊ ၎င်းတို့တွင် လူအလုံအလောက်ရှိခဲ့ကြသည်။ ပစ္စည်းကိရိယာ တန်ဆာပလာများ အလုံအလောက် ရှိခဲ့ကြသည်။ ၎င်းတို့ ချို့တဲ့ခဲ့ကြသည့်အရာမှာ လူကောင်းတစ်ဦးတလေ ဖြစ်သည်။ မည်သူကမျှ အသင်းတော်အလုပ်အပေါ် ဝန်တာထးသည့်စိတ် မရှိခဲ့သကဲ့သို့ ဘုရားအိမ်တော်၏ အလုပ်ကိုလည်း မည်သူကမျှ မစောင့်ရှောက်ခဲ့ကြ၊ ရှေ့ထွက်လာပြီး ထုတ်မပြောခဲ့ကြ၊ သို့မဟုတ် လူတိုင်း ထရပ်ပြီး အယောင်ဆောင် ခေါင်းဆောင်များနှင့် အန္တိခရစ်များကို ပိုင်းခြားသိမြင်ကာ ဖော်ထုတ်နိုင်ရန်အလို့ငှာ ပိုင်းခြားသိမြင်နိုင်စွမ်းအကြောင်း သမ္မာတရားနှင့်ပတ်သက်၍ မိတ်သဟာယမပြုခဲ့ပေ။ ဤအရာကို မည်သူမျှမလုပ်ဆောင်ခဲ့ချေ။ ထိုအရာမှာ ဤလူယုတ်များသည် ကြောင်းကျိုးမမြင်ခဲ့ကြဘဲ မည်သည့်အရာဖြစ်နေသည်ကို မမြင်ခဲ့ကြသောကြောင့်လော သို့မဟုတ် ၎င်းတို့အနေဖြင့် အစွမ်းအစ ကင်းမဲ့ပြီး ၎င်းတို့၏ အိုမင်းသော နှစ်ကာလများကြောင့် စိတ်ရှုပ်ထွေးခဲ့ကြသောကြောင့် ဖြစ်သလော။ (တစ်ခုမျှ မဟုတ်ပါ။) တစ်ခုမျှ မဟုတ်ပေ။ သို့ဆိုလျှင် အခြေအနေအမှန်မှာ မည်သည့်အရာ ဖြစ်သနည်း။ ၎င်းတို့အားလုံးက အချင်းချင်း ကာကွယ်ပေးရင်းနှင့် အချင်းချင်း ကပ်ဖားရပ်ဖားလုပ်နေရင်း မည်သူကမျှ မည်သူ့ကိုမျှ မဖော်ထုတ်ဘဲ မကောင်းဆိုးဝါးများ၏ သားရဲတွင်းတွင် အားလုံး အချိန်သာဖြုန်းနေရင်း အန္တိခရစ်များနှင့်အတူတကွ ရှိနေခဲ့ကြခြင်းဖြစ်သည်။ ၎င်းတို့၏ တာဝန် သို့မဟုတ် ဘုရားသခင်၏ တာဝန်ပေးစေခိုင်းချက်အကြောင်း ၎င်းတို့ တစ်ကြိမ်တစ်ခါမျှ တွေးခဲ့ကြသလော။ (မတွေးခဲ့ကြပါ။) ၎င်းတို့သည် မိမိကိုယ်ကို အပြစ်တင်သည့် ခံစားချက်တစ်ခုမျှ မရှိဘဲ ဤနည်းဖြင့် ကြုံသလိုသာ နေချင်ခဲ့ကြသည်။ ၎င်းတို့တွင် မိမိကိုယ်ကို အပြစ်တင်သည့် ခံစားချက်များရှိသည့်အခါ ဤဖြစ်စဉ်မှာ မည်သည့်အရာ ဖြစ်သနည်း။ သန့်ရှင်းသော ဝိညာဉ်တော်က ၎င်းတို့အပေါ်တွင် အလုပ်မလုပ်ခြင်းဖြစ်ပြီး ဘုရားသခင်က ၎င်းတို့ကို စွန့်ပစ်ခဲ့ပြီးဖြစ်ပေသည်။ ၎င်းတို့ကို ဘုရားသခင် စွန့်ပစ်ခြင်းအတွက် နောက်ထပ် ရှင်းပြချက်တစ်ခုရှိပြီး ယင်းမှာ ၎င်းတို့၏ တာဝန်အပေါ် ၎င်းတို့၏ သဘောထား၊ သမ္မာတရားနှင့် ဘုရားသခင်အပေါ် ၎င်းတို့၏ သဘောထားအပြင် ၎င်းတို့၏ အတွေးများကြောင့် ဘုရားသခင်သည် ၎င်းတို့အပေါ် ငြီးငွေ့စိတ်ကုန်လာခဲ့ပြီးဖြစ်ကာ ၎င်းတို့သည် ထိုတာဝန်ကို ထမ်းဆောင်ဖို့ မထိုက်တန်ကြတော့ခြင်း ဖြစ်သည်။ ထို့ကြောင့် ၎င်းတို့အနေဖြင့် ဉာဏ်အလင်းပေးခြင်း သို့မဟုတ် အလင်းပြခြင်းတစ်ခုတလေ၊ ပြုပြင်ခြင်းတစ်ခုတလေ၊ တရားစီရင်ခြင်း သို့မဟုတ် ပြစ်တင်ဆုံးမခြင်း တစ်ခုတလေ ရရှိရန် မဆိုထားနှင့်၊ ၎င်းတို့ထဲတွင် မည်သည့် အပြစ်တင်ခြင်း သို့မဟုတ် ဆုံးမပဲ့ပြင်ခြင်းမျှ မရှိ၊ ၎င်းတို့၏ အသိစိတ် နိုးထခြင်း မရှိပေ။ ဤအရာများသည် ၎င်းတို့နှင့် ဆီလျော်ခြင်း မရှိ၊ ၎င်းတို့အားလုံး ထုံထိုင်းသွားခဲ့ကြပြီး နတ်ဆိုးများနှင့် ကွဲပြားမှုမရှိခဲ့ကြပေ။ ၎င်းတို့သည် ဘုရားအိမ်တော်တွင် တရားဒေသနာများကို နှစ်ချီ နားထောင်နေခဲ့ကြပြီးဖြစ်ကာ အန္တိခရစ်များကို ပိုင်းခြားသိမြင်ခြင်းနှင့်ပတ်သက်သည့် တရားဒေသနာများနှင့် စံနှုန်းပြည့်မီသော နည်းလမ်းတစ်ခုဖြင့် မိမိတာဝန်ကို မည်သည့်ထမ်းဆောင်ရမည် ဟူသည်နှင့်ပတ်သက်သည့် တရားဒေသနာများကိုလည်း နားထောင်ခဲ့ကြပြီးဖြစ်သော်လည်း ဤအချိန်ကာလအတောအတွင်းတွင် ၎င်းတို့သည် သမ္မာတရားကို ရှာဖွေကာ လက်ခံခဲ့ကြသလော။ အန္တိခရစ်များကို ၎င်းတို့ ပိုင်းခြားသိမြင်ခဲ့ကြသလော။ အန္တိခရစ်များ၏ အမျိုးမျိုးသော သရုပ်သကန်များအပေါ် စကားရည်လုပွဲ တစ်ခုတလေ ပြုလုပ်ခဲ့ကြသလော။ မပြုလုပ်ခဲ့ကြပေ။ ၎င်းတို့ အမှန်တကယ် ပြုလုပ်ခဲ့ကြလျှင် ထရပ်နိုင်ကာ ထိုအန္တိခရစ်ကို ဇာတိရုပ်ဖော်ပြီး ဖော်ထုတ်နိုင်ခဲ့မည့် လူနည်းစု သေချာပေါက် ရှိခဲ့မည်ဖြစ်သည့်အပြင် ကိစ္စများက ထိုမျှလောက် ဆိုးရွားသွားခဲ့မည် မဟုတ်ပေ။ ၎င်းတို့သည် နားဝေတိမ်တောင်ဖြစ်ပြီး အသုံးမကျသည့် လူတစ်သိုက်သာ ဖြစ်ခဲ့ကြသည်။ ၎င်းတို့၏ တကယ့်အခြေအနေ၊ ၎င်းတို့၏ အပြုအမူနှင့် ၎င်းတို့ကို ပေးထားသည့် သရုပ်ဖော်ချက်နှင့်အညီ သီးခြားခွဲထားခြင်းနှင့် ပြန်လည်သုံးသပ်ခြင်း ကာလတစ်ခုအတွက် ငါသည် ၎င်းတို့ကို ဘီအုပ်စုသို့ အဆင့်ချခဲ့သည်။ ငါ့အနေဖြင့် ထိုကိစ္စရပ်ကို ဤနည်းဖြင့် ကိုင်တွယ်ခြင်းက လွန်ကဲခဲ့သလော။ (မလွန်ကဲခဲ့ပါ။) လုံးဝ မလွန်ကဲခဲ့ပေ။ မလွန်ကဲခဲ့လျှင် ထိုအရာကို လုံးဝ သင့်တင့်လျောက်ပတ်သောအရာအဖြစ် ယူဆ၍ ရနိုင်သလော။ ၎င်းတို့ကို အခွင့်အရေးတစ်ခုခု ပေးဖို့ ထိုအရာကို လုပ်ဆောင်ခဲ့ခြင်း ဖြစ်သည်။ မည်သည့် အခွင့်အရေးနည်း။ ၎င်းတို့တွင် လူ့သဘာဝနှင့် အသိစိတ်တစ်ခုခု အမှန်တကယ် ရှိလျှင်၊ ၎င်းတို့ နောင်တရပြီး လမ်းကြောင်းပြောင်းနိုင်လျှင် အသင်းတော်သို့ ပြန်လာဖို့ ၎င်းတို့ အခွင့်အရေး ရှိကြလိမ့်မည်။ ၎င်းတို့အနေဖြင့် နောင်တရရန်ပင် လိုအင်ဆန္ဒမရှိလျှင် ၎င်းတို့ဘဝများ၏ ကျန်သည့်အချိန်များတစ်လျှောက်လုံး သီးခြားသာ အထားခံနေရလိမ့်မည်ဖြစ်ပြီး အသင်းတော်၏ ဖယ်ထုတ်ပစ်ခြင်းကိုပင် ခံရလိမ့်မည်။ ဤသည်မှာ ပကတိအခြေအနေ ဖြစ်လေသည်။ ၎င်းတို့ကို နောင်တရခွင့်ပေးရန်အလို့ငှာ ၎င်းတို့ ချက်ချင်း ဖယ်ထုတ်ပစ်ခြင်း မခံခဲ့ရကြပေ။ ၎င်းတို့က “ဤမကောင်းသည့်အရာကို ကျွန်ုပ်တို့ လုပ်ဆောင်ခဲ့ပြီး ကိုယ်တော် ဒေါသထွက်ကာ ကျွန်ုပ်တို့ကို သီးခြားခွဲထားခဲ့သည်။ ထို့ကြောင့် ယခင်က ကျွန်ုပ်တို့ တာဝန်ကို ထမ်းဆောင်ရင်း မည်သည့်အောင်မြင်မှုမျှ မရှိခဲ့ကြသော်လည်း ထိုတာဝန်အတွက် သေချာပေါက် ဆင်းရဲဒုက္ခခံစားခဲ့ရပေသည်။ ယင်းကို ကိုယ်တော် အဘယ်ကြောင့် မမြင်ပါသနည်း”ဟု ပြောကောင်းပြောနိုင်သည်။ သို့သော် အမှန်တွင် ၎င်းတို့ကို သီးခြားခွဲထားခြင်းသည် လုံလောက်သော သက်ညှာမှုကို ပြသပြီး ၎င်းတို့၏ လုပ်ရပ်များနှင့် အပြုအများအတိုင်းဆိုလျှင် ၎င်းတို့ ထုတ်ပယ်ပစ်ခံရသင့်ပြီး ဖြစ်သည်။ ၎င်းတို့တွင်ရှိသည့် ဤသဘောထားကို ကြည့်လော့။ ၎င်းတို့သည် အလွန်ကြီးမားသော အန္တရာယ်တွင် ရှိကြပေသည်။ သို့ဆိုလျှင် ဤကိစ္စရပ်ကို မည်သို့ ကိုင်တွယ်သင့်သနည်း။ ငါ၏ လုပ်နည်းကိုင်နည်းကို အဆင့်နှစ်ခုအဖြစ် ငါ ခွဲရမည်။ ပထမအဆင့်မှာ ၎င်းတို့ကို သီးခြားခွဲထားရန်ဖြစ်ပြီး ဒုတိယအဆင့်မှာ ၎င်းတို့၏ သီးခြားခွဲထားခံရသည့်ကာလ အတောအတွင်း ၎င်းတို့၏ အခြေအနေနှင့် ၎င်းတို့၏ တစ်ဦးချင်း အပြုအမူတို့ကို အခြေခံ၍ သင့်တော်သည်ဟု ငါ မြင်သည့်အတိုင်း ကိုင်တွယ်ပြီး ၎င်းတို့ကို အသင်းတော်တွင် ထိန်းသိမ်းထားမည်လော သို့မဟုတ် ထုတ်ပယ်ပစ်ရမည်လောဟူသည်ကို ဆုံးဖြတ်ရန် ဖြစ်သည်။ ဤသည်မှာ ၎င်းတို့အပေါ် လုံလောက်သည့် သက်ညှာမှုကို ပြသခြင်း ဖြစ်သည် မဟုတ်လော။

ကနေဒါအသင်းတော်တွင်ရှိသည့် လူများသည် မကောင်းသည့်အရာများစွာကို လုပ်ဆောင်ခဲ့ကြပြီး ၎င်းတို့၏ အပြုအမူနှင့်အညီ ၎င်းတို့ကို သီးခြားခွဲထားခြင်းက ကြီးစွာသော သက်ညှာမှုကို ပေါ်လွင်စေခဲ့သည်။ သို့ဆိုလျှင် ထိုကိစ္စရပ်အား ကိုင်တွယ်ခဲ့ပုံနှင့်ပတ်သက်၍ လူတို့တွင် အဘယ်ကြောင့် မိမိတို့ကိုယ်ပိုင် စိတ်ကူးများ ရှိကြသေးသနည်း။ လူအချို့က “ကိုယ်တော့်အနေဖြင့် ထိုကိစ္စရပ်ကို ထိုသို့ ကိုင်တွယ်ခြင်းက မှန်ခဲ့မည်ဖြစ်သော်လည်း ပြဿနာ အနည်းငယ် ရှိသေးသည်။ ကနေဒါ အသင်းတော်ရှိ လူတို့က ကိုယ့်ဒုက္ခကိုယ်ရှာခဲ့ခြင်းဖြစ်ပြီး ၎င်းတို့နှင့် ထိုက်တန်သည့်အရာကို ၎င်းတို့ ရရှိခဲ့ခြင်း ဖြစ်သော်လည်း ထိုအရာကို ဤသို့ ကိုင်တွယ်ခြင်းအားဖြင့် ကိုယ်တော်သည် အခြားသူတို့အတွက် စံနမူနာချမှတ်ရန် ၎င်းတို့ကို ပြင်းထန်စွာ အပြစ်ဒဏ်ပေးနေခြင်း ဖြစ်သည် မဟုတ်လော”ဟု ပြောကြသည်။ ဤသည်မှာ မှန်ကန်သော သိနားလည်မှု ဖြစ်သလော။ (မဟုတ်ပါ။) လူအချို့က “ဤသည်မှာ ထိုအရာကို ကိုင်တွယ်ရမည့် မှန်ကန်သော နည်းလမ်းဖြစ်သည်။ ကိုယ်တော်သည် အခြားသူတို့အတွက် စံနမူနာချမှတ်ရန် သူတို့ကို ပြင်းထန်စွာ အပြစ်ဒဏ်ပေးသင့်သည်၊ အခြားသူတို့အတွက် သူတို့ကို သတိပေးချက်တစ်ခု ဖြစ်စေသင့်ပြီး အခြားသူတို့ကို သတင်းစကားတစ်ခု ပါးဖို့အတွက် ဩဇာပြသင့်သည်”ဟု ပြောကြသည်ကို ငါ ကြားရလေပြီ။ ဤသည်မှာ ဘာသာတရားမရှိသူတစ်ဦးက ပြောမည့်အရာတစ်ခု မဟုတ်လော။ ဤသည်မှာ ဘာသာတရားမရှိသူတစ်ဦးက အမှုအရာများအပေါ် ရှိမည့် အမြင်တစ်ခု ဖြစ်သည်။ သင်တို့သည် ဤပြဿနာ၏ အနှစ်သာရကို ထိုးထွင်းမမြင်သေးနိုင်သေးခြင်း ဖြစ်ကောင်းဖြစ်နိုင်ပြီး ထိုအကြောင်းကြောင့် သင်သည် ဘာသာတရားမရှိသူတစ်ဦး၏ အမြင်ကို ဖော်ပြနိုင်ဆဲဖြစ်သည်။ တစ်စုံတစ်ဦးအနေဖြင် ဤအရာကို ပြောရန်မှာ အနည်းငယ် စက်ဆုပ်ဖွယ်ဖြစ်သည်ဟု သင်တို့ မထင်ကြသလော။ သင်တို့သည် ဤကိစ္စရပ်ကို ရှင်းပြရန် ထိုသို့သော စကားများကို အသုံးပြုလျှင် ယင်းသည် သက်ဆိုင်ခြင်းမရှိသကဲ့သို့ ဤသည်မှာ အမှုအရာများ၏ ပကတိအခြေအနေ မဟုတ်ဟု သင် ပြောနေခြင်းဖြစ်သည်။ သို့ဆိုလျှင် ထိုကိစ္စရပ်ကို ငါ ကိုင်တွယ်ပြီးသည့်ပုံစံအား သင် မည်သို့ ဖော်ပြမည်နည်း။ (ကိုယ်တော်သည် စည်းမျဉ်းများအတိုင်း ကိုင်တွယ်ပြီးဖြစ်သည်။) မှန်ပေ၏၊ စည်းမျဉ်းများအတိုင်း ထိုအရာကို ငါ ကိုင်တွယ်ပြီးဖြစ်သည်။ ဤသည်မှာ လက်တွေ့ကျသည့် စကားတစ်ခွန်း ဖြစ်သည်။ အခြားတစ်ဦးတလေ ရှိသေးသလော။ ဤသည်မှာ ၎င်းတို့သည် ကိုယ့်ဒုက္ခကိုယ်ရှာခြင်း မဟုတ်လော။ (ဟုတ်ပါသည်။) ပြီးလျှင် ဤအရာကို ဖော်ပြရန် အရိုးရှင်းဆုံးသော နည်းလမ်းမှာ အဘယ်နည်း။ (၎င်းတို့၏ တရားမျှတသည့် ထိုက်တန်ရာကို ၎င်းတို့ ရခဲ့ကြသည်။) မှန်ပေ၏။ ၎င်းတို့ ပြုမူခဲ့ပုံအရ ၎င်းတို့၏ တရားမျှတသည့် ထိုက်တန်ရာကို ၎င်းတို့ ရခဲ့ကြခြင်းဖြစ်ပြီး ဤသည်မှာ ၎င်းတို့သည် ကိုယ့်ဒုက္ခကိုယ်ရှာခြင်းဖြစ်သည်။ ဘုရားသခင်က သမ္မာတရား စည်းမျဉ်းများနှင့်အညီ ပြုမူဆောင်ရွက်သည်။ သူသည် လူတို့အပေါ် ၎င်းတို့၏ အပြုအမူနှင့်အညီ အပြစ်ဒဏ်ကို ပေးသည်။ ထို့အပြင် လူတို့သည် မိမိတို့လုပ်ရပ်များ၏ အကျိုးဆက်များကို တာဝန်ယူသင့်ပြီး မှားယွင်းသည့် အရာများကို ၎င်းတို့ လုပ်ဆောင်သည့်အခါ အပြစ်ဒဏ်ပေးခြင်း ခံရသင့်သည်။ ဤသည်မှာ သင့်တင့်လျောက်ပတ်ပေသည်။ ဘုရားသခင်သည် လူတို့အပေါ် ၎င်းတို့၏ အပြုအမူနှင့်အညီ အပြစ်ဒဏ်ကို ပေးသည်။ ဤသည်မှာ ကနေဒါ အသင်းတော်ရှိ လူတို့အပေါ် အပြစ်ဒဏ် ပေးခြင်းဖြစ်ပြီး မျက်မှောက် ဝေါဟာရကို အသုံးပြုရလျှင် ၎င်းတို့သည် စည်းမျဉ်းများနှင့်အညီ ကိုင်တွယ်ခံခဲ့ရခြင်း ဖြစ်သည်။ ငါ့ကို ပြောလော့၊ ငါဖော်ထုတ်ပြီးဖြစ်သည့် ၎င်းတို့နှင့်ပတ်သက်သော ဤအရာများထဲမှ မည်သည့်အရာသည် အဖြစ်မှန်များ မဟုတ်သနည်း။ ဤကိစ္စရပ်များအပေါ် ငါ၏ စိစစ်မှုများနှင့် အဓိပ္ပာယ်ဖွင့်ဆိုချက်များထဲမှလည်းကောင်း၊ ယင်းတို့နှင့်ပတ်သက်သော ငါ၏ သရုပ်ဖော်ခြင်းများထဲမှလည်းကောင်း မည်သည့်အရာသည် အဖြစ်မှန်များ မဟုတ်သနည်း။ ယင်းတို့က အဖြစ်မှန်များချည်းသာ ဖြစ်သည်။ ထို့ကြောင့် ၎င်းတို့အပေါ် အပြစ်ဒဏ်ပေးခြင်းသည် ဤသရုပ်သကန်များအတိုင်းဖြစ်ပြီး ၎င်းတို့၏ လုပ်ရပ်များနှင့် အပြုအမူတိုင်း ဖြစ်သည်။ ယင်းနှင့်ပတ်သက်၍ မည်သည့်အရာ မှားယွင်းသနည်း။ အခြားသူတို့ကို သတင်းစကားတစ်ခု ပါးရန် ဩဇာပြခြင်း၊ အခြားသူတို့အတွက် စံနမူနာချမှတ်ရန် လူတို့ကို ပြင်းထန်စွာ အပြစ်ဒဏ်ပေးခြင်းနှင့် အခြားသူတို့အတွက် လူတို့ကို သတိပေးချက်တစ်ခု ဖြစ်စေခြင်းဟူသည့် ဤလုပ်ရပ်များ၏ သဘာဝသည် ကနေဒါ အသင်းတော်ကို ငါ ကိုင်တွယ်ခဲ့သည့် နည်းလမ်းအတိုင်း ဖြစ်သလော။ (မဟုတ်ပါ။) သို့ဆိုလျှင် အခြားသူတို့အတွက် စံနမူနာချမှတ်ရန် လူတို့ကို အဘယ်ကြောင့် ပြင်းထန်စွာ အပြစ်ဒဏ်ပေးသနည်း။ ဤအရာ၏ သဘာဝမှာ အဘယ်နည်း။ အခြားသူတို့အတွက် စံနမူနာချမှတ်ရန် လူတို့ကို ပြင်းထန်စွာ အပြစ်ဒဏ်ပေးခြင်း၊ အခြားသူတို့ကို သတင်းစကားတစ်ခုပါးရန် ဩဇာပြခြင်းနှင့် အခြားသူတို့အတွက် လူတို့ကို သတိပေးချက်တစ်ခု ဖြစ်စေခြင်း ဟူသည့် ဤလုပ်ရပ်သုံးခု၏ သဘာဝမှာ အခြေခံအားဖြင့် အတူတူပင် ဖြစ်သည်။ ယင်းသဘာဝမှာ အဘယ်နည်း။ ထိုအရာသည် အုပ်စိုးသူ သို့မဟုတ် ဩဇာတိက္ကမကြီးသော လူတစ်ဦးက သတ်သတ်မှတ်မှတ်ဖြစ်သော အခြေအနေတစ်ခုတွင် မိမိတို့၏ ဩဇာအာဏာကို ထူထောင်ရန် လိုအပ်သည်ဟု ၎င်းတို့ ယုံကြည်သည့် တစ်စုံတစ်ရာကို လုပ်ဆောင်ခြင်းနှင့် အခြားသူတို့ကို ခြိမ်းခြောက်ရန် ထိုအရာကို အသုံးပြုခြင်း လုပ်ရပ်ဖြစ်သည်။ ဤအရာကို အခြားသူတို့အတွက် စံနမူနာချမှတ်ရန် လူတို့ကို ပြင်းထန်စွာ အပြစ်ဒဏ်ပေးခြင်းဟု ခေါ်သည်။ ဤအရာကို လုပ်ဆောင်ရာတွင် ၎င်းတို့၏ ရည်မှန်းချက်မှာ အဘယ်အရာ ဖြစ်မည်နည်း။ အခြားသူတို့အား ၎င်းတို့ကို နာခံစေရန်၊ ကြောက်စေရန်နှင့် ၎င်းတို့ရှေ့တွင် မည်သည့်အရာကိုမျှ စိတ်မြန်လက်မြန် မလုပ်ဆောင်ဖို့အတွက်လည်းကောင်း၊ ၎င်းတို့ရှေ့မှောက်တွင် သူတို့ လုပ်ဆောင်ချင်သည့် မည်သည့်အရာကိုမျှ မလုပ်ဆောင်ဖို့အတွက် ၎င်းတို့ကို အကြောက်လွန်စေရန် ဖြစ်သည်။ ဤအရာကို ၎င်းတို့ လုပ်ဆောင်ခြင်းသည် စည်းမျဉ်းများနှင့် ကိုက်ညီမည်လော။ (ကိုက်ညီမည် မဟုတ်ပါ။) ထိုအရာက စည်းမျဉ်းများနှင့် ကိုက်ညီမည်မဟုတ်ဟု သင် အဘယ်ကြောင့် ပြောသနည်း။ အုပ်စိုးသူတစ်ဦးသည် ပြုမူဆောင်ရွက်ခြင်းနှင့်ပတ်သက်၍ သူ့အကြောင်းနှင့်သူ ရှိမည်ဖြစ်ပြီး သူ၏ အရင်းခံအကြောင်းမှာ သူ၏ အစိုးရစနစ်ကို ခိုင်မာစေရန်နှင့် သူ၏ တန်ခိုးအာဏာကို စောင့်ရှောက်ကာကွယ်ရန် ဖြစ်ပေမည်။ သူသည် ထိုကိစ္စရပ်အပေါ် ရေးကြီးခွင့်ကျယ်လုပ်ချင်မည်ဖြစ်ပြီး ဤသည်မှာ သူ့လုပ်ရပ်၏ သဘာဝ ဖြစ်ပေမည်။ ကနေဒါ အသင်းတော်အပေါ် ကိုင်တွယ်ခြင်း ကိစ္စသည် သမ္မာတရား စည်းမျဉ်းများအပေါ် အခြေခံပြီး ဘာသာတရားမရှိသူတို့၏ စာတန်ဆန်သော အတွေးအခေါ်များအပေါ် အခြေမခံပေ။ အန္တိခရစ်က လူတို့ကို အထင်အမြင်မှားစေခဲ့သည်၊ သူသည် အသင်းတော်၏ အလုပ်ကို နှောင့်ယှက်ကာ အဖျက်အမှောင့်လုပ်ခဲ့သည်။ သူသည် အသင်းတော်ကို မှောက်လှန်ခဲ့ပြီး လူအများစုက သူ့ကို ကာကွယ်သည့်အနေဖြင့် ပြောပေးနေကြဆဲဖြစ်သည်။ သူ့လုပ်ရပ်များ၏ သဘာဝမှာ တကယ်ကို အလွန်စက်ဆုပ်ဖွယ်ပါတကား။ ဤနည်းဖြင့် ဖြစ်သလိုနေသည့်အခါ အသင်းတော်ကို စွန့်ခွာပြီး မိမိ၏ကိုယ်ပိုင်ဘဝများကို သွားအသက်ရှင်ခြင်းက ၎င်းအတွက် ပိုကောင်းပေမည်။ ထိုအခါ အနည်းဆုံးအနေဖြင့် ဘုရားအိမ်တော်၏ ရင်းမြစ်များက ပြုန်းတီးခဲ့မည် မဟုတ်သကဲ့သို့ ယင်းမှာ ကောင်းမွန်သည့်အရာတစ်ခု ဖြစ်ခဲ့ပေမည်။ သို့သော် ယင်းကို ၎င်းတို့ လုပ်ဆောင်ခဲ့ကြသလော။ ၎င်းတို့၏ အသိစိတ်က ဤအသိမရှိခဲ့သကဲ့သို့ ဘုရားအိမ်တော်၏ ငွေကြေးနှင့် ပစ္စည်း အရင်းအမြစ်များကို ၎င်းတို့ ဖြုန်းတီးခဲ့ကြသည်။ မိမိတို့တာဝန်ကို ထမ်းဆောင်ရာတွင် ၎င်းတို့ အားမထုတ်ခဲ့ကြသကဲ့သို့ အန္တိခရစ်နှင့် တစ်ကျိတ်တည်းတစ်ဉာဏ်တည်း ဖြစ်ပြီး သူနှင့်အတူတကွ မကောင်းမှုကို လုပ်ဆောင်ခဲ့ကြသည်။ ဤလုပ်ရပ်များ၏ သဘာဝမှာ အလွန်ဆိုးရွား၏။ ၎င်းတို့အနေဖြင့် လမ်းကြောင်းပြောင်းကာ နောင်တရဖို့ သိရှိရန်အလို့ငှာ ၎င်းတို့ကို မိမိတို့ကိုယ်ကို ပြန်လည်သုံးသပ်ပြီး သိရှိလာစေသည့် ဤနည်းလမ်းဖြင့် ဘုရားအိမ်တော်က ၎င်းတို့ကို ကိုင်တွယ်ပြီးဖြစ်ကာ ဤသည်မှာ ၎င်းတို့၏ အကျိုးအတွက်ဖြစ်သည်။ ၎င်းတို့ ကိုင်တွယ်ခြင်းမခံခဲ့ရပါက ယခုမှစ၍ တစ်နှစ်အကြာတွင် ၎င်းတို့အားလုံးသည် ဘုရားသခင်ကို သစ္စာဖောက်ကာ လောကဆီသို့ ပြန်သွားကြပြီး ဖြစ်ကောင်းဖြစ်ပေမည်။ ကံအားလျော်စွာ ၎င်းတို့သည် အချိန်မီ သီးခြားခွဲထားခြင်းခံရပြီး ကိုင်တွယ်ခံခဲ့ရကာ ဤအရာက သာ၍ပင်များသော လူတို့ကို မကောင်းမှု မလုပ်ဆောင်စေရန် တားဆီးပြီး အသင်းတော်အား သာ၍ ကြီးမားသော ဆုံးရှုံးမှု မခံစားရစေရန် တားဆီးခဲ့သည်။ ဤအရာကို လုပ်ဆောင်ခြင်းအားဖြင့် ၎င်းတို့သည် ကယ်တင်ခံရခြင်း ဖြစ်သလော သို့မဟုတ် ဖယ်ရှားရှင်းလင်းခံရခြင်း ဖြစ်သလော။ (ကယ်တင်ခံရခြင်း ဖြစ်ပါသည်။) ၎င်းတို့သည် အမှန်တကယ်တွင် ကယ်တင်ခံရခြင်း ဖြစ်သည်။ ၎င်းတို့ကို ကူညီရန်၊ ၎င်းတို့ကို သတိပေးရန်၊ ၎င်းတို့အတွက် အချက်ပေးခေါင်းလောင်းသံ မြည်စေရန်၊ ထိုသို့ ပြုမူခြင်းက ၎င်းတို့အတွက် မမှန်ကြောင်း၊ ထိုသို့ ၎င်းတို့ ဆက်လက်ဆောင်ရွက်လျှင်၊ ထာဝရပြစ်ဒဏ်ကို ခံစားရကြမည်ဖြစ်ပြီး ပျက်စီးဆုံးရှုံးကာ ကယ်တင်ခြင်း ရရှိမည့် မျှော်လင့်ချက် ဆုံးရှုံးမည်ဖြစ်ကြောင်းကို ၎င်းတို့အား ပြောပြရန် ထိုအရာကို လုပ်ဆောင်ခြင်း ဖြစ်သည်။ ဤအချက်ကို ၎င်းတို့ နားလည်သဘောပေါက်နိုင်လျှင် ၎င်းတို့တွင် မျှော်လင့်ချက် ရှိသေး၏။ ဤအချက်ကိုပင် ၎င်းတို့ သဘောမပေါက်နိုင်ဘဲ အထက်ကို ဆန့်ကျင်ရင်းနှင့် အပျက်သဘောဆောင်သော စိတ်အခြေအနေဖြင့် မိမိတို့ အယူအဆများကို ထုတ်ပြောနေရင်း ဆက်လက် စိတ်မချမ်းမြေ့ခံစားနေရလျှင်၊ အကျင့်ပျက်နေပြီး စိတ်ပျက်လက်ပျက်ဖြစ်နေလျှင် ၎င်းတို့ ဒုက္ခရောက်လိမ့်မည်။ ၎င်းတို့အတွက် သင်တို့ မည်သည့်အရာကို အလိုရှိကြသနည်း။ (၎င်းတို့ကို နောင်တရစေချင်သည်။) ၎င်းတို့ အဆင်ပြေပြီး နောင်တရဖို့ သင်တို့အားလုံး အလိုရှိကြသည်။ ပြီးလျှင် ၎င်းတို့အတွက် မည်သည့်အရာကို ငါ အလိုရှိသနည်း။ ၎င်းတို့ နောင်တမရမည့်အရေး၊ ၎င်းတို့ကို ရှင်းလင်းပစ်နိုင်ရန်၊ ဤလူများမရှိဘဲ အသင်းတော်က သာ၍ ကောင်းမည့်အရေးကို ငါ ဆန္ဒရှိသလော။ ဤသည်မှာ ငါ လိုချင်သောအရာ ဖြစ်သလော။ (မဟုတ်ပါ။) ၎င်းတို့ အဆင်ပြေပြီး နောင်တရမည့်အရေး၊ ၎င်းတို့ နောင်တရပြီးနောက် ဘုရားအိမ်တော်သို့ ပြန်လာကြမည့်အရေးနှင့် ယခင်က မိမိတို့ တာဝန်ကို ထမ်းဆောင်ခဲ့သကဲ့သို့ တစ်ဖန် မထမ်းဆောင်မည့်အရေးကို ငါ အလိုရှိသည်။ ထိုကျမ်းချက်က မည်သို့ ပြောသနည်း။ “အယောက်တိုင်း မိမိတို့၏ ဆိုးယုတ်သောလမ်းမှလည်းကောင်း၊ မိမိတို့လက်များထဲက အဓမ္မအမှုများမှလည်းကောင်း လှည့်ပြန်ကြစေ။” (ယောနဝတ္ထု ၃:၈) ၎င်းတို့နှင့်ပတ်သက်သရွေ့ ဤအကျိုးတရားကို ၎င်းတို့ စွမ်းဆောင်ရရှိနိုင်လျှင် ယင်းသည် ၎င်းတို့ အသက်ရှင်သရွေ့ လုံးဝ ဖျောက်ဖျက်မရနိုင်သည့် အမှတ်ရစရာတစ်ခုနှင့် ၎င်းတို့အတွက် အံ့မခန်းသော အတွေ့ကြုံတစ်ခု ဖြစ်လိမ့်မည်။ ထိုအရာသည် အံ့ဩဖွယ်ကောင်းသော ဖြစ်ရပ်တစ်ခု ဖြစ်လာလိမ့်မည်။ ဤအရာသည် ၎င်းတို့ တစ်ဦးချင်း လိုက်စားသည့်အရာအပေါ် မူတည်ပေသည်။

ကနေဒါအသင်းတော်ရှိ အန္တိခရစ်၏ ကိစ္စရပ်ကို ကိုင်တွယ်သည်နှင့်တစ်ပြိုင်နက် လူအချို့က “ဤလူများသည် မိမိတို့တာဝန်ကို နှစ်များစွာ ထမ်းဆောင်ပြီးဖြစ်သည့်တိုင် အန္တိခရစ်တစ်ဦး ပေါ်ထွက်လာပြီး အဖျက်အမှောင့် ဖြစ်စေခဲ့သောကြောင့် ၎င်းတို့ သီးခြားခွဲထားခြင်းခံရလေပြီ”ဟု တွေးခဲ့ကြသည်။ ၎င်းတို့က “အို၊ ဘုရားသခင်က ဒေါသထွက်ပြီး လူတို့အား ကျိန်ဆဲသည်ကို ငါ တွေ့ရသည်မှာ ဤအကြိမ်က ပထမဆုံးအကြိမ်ဖြစ်သည်။ အန္တိခရစ်များ၏ အပေါင်းအသင်းများ၊ ကြံရာပါများနှင့် နောက်လိုက်များပင်လျှင် ချမ်းသာပေးခြင်းမခံခဲ့ရပါ။ ဘုရားသခင်သည် လူတစ်ဦးတလေ၏ ခံစားချက်များကို တကယ် စာနာထောက်ထားမှုမရှိလေပြီ။ အများအားဖြင့် ဘုရားသခင်သည် လူသားအပေါ် ချစ်ပြီး သနားကရုဏာထားသည်ဟု မကြာခဏ ပြောထားသော်လည်း ဤအကြိမ် သူ၏ ဒေါသသည် တကယ်ကို မခံမရပ်နိုင်ဖွယ်ရာ ဖြစ်သည်တကား”ဟု တွေးလျက် အန္တရာယ်ကြီးမားမှုနှင့်ဆိုင်သော ခံစားချက်တစ်ခု ရှိကြသည်။ ၎င်းတို့သည် မိမိတို့ စိတ်နှလုံးများတွင် စတင် ဘဝင်မကျ ဖြစ်လာကြသည်။ ငါ့ကို ပြောလော့၊ ဤသို့တွေးထင်ခြင်းသည် လူတို့အတွက် မှန်ကန်သလော။ (မမှန်ကန်ပါ။) အဘယ်ကြောင့် မမှန်ကန်သနည်း။ လူတို့သည် ဤကိစ္စရပ်ကို မည်သို့ ချဉ်းကပ်သင့်သနည်း။ သင်တို့သည် တရားဒေသနာများကို နှစ်ပေါင်းမည်မျှ နားထောင်နေကြပြီး ဖြစ်သနည်း။ အနည်းဆုံး ငါးနှစ်ရှိပြီ မဟုတ်လော။ ပြီးလျှင် များစွာသော ကိစ္စရပ်များတွင်၊ အထူးသဖြင့် စည်းမျဉ်းများ အတော်လေး ရှင်းလင်းသည့် ကိစ္စရပ်အချို့တွင် ဘုံသဘောတူညီချက်တစ်ခု ငါတို့ ရှိနိုင်သင့်ကြသည် မဟုတ်လော။ (ဟုတ်ပါသည်။) “ဘုံသဘောတူညီချက်”ဟူသည်မှာ အဘယ်နည်း။ ဖွင့်ဟရန်မလိုသော အပြန်အလှန် နားလည်မှုတစ်မျိုးကို ဆိုလိုသည်။ ငါသည် အကြောင်းရင်းကို သင်တို့အား မပြောပြဘဲ တစ်စုံတစ်ရာကို လုပ်ဆောင်ပြီး သင်တို့က အကြောင်းရင်းကို ကောင်းစွာ အပြည့်အဝ သိရှိကြသည်၊ ထိုအရာကို သင်တို့ နားလည်နိုင်သည်၊ လက်ခံနိုင်ပြီး အပြုသဘောဆောင်သည့် ရှုထောင့်မှ သဘောပေါက်နိုင်ကြသည်။ ဤသည်မှာ ဖွင့်ဟပြောရန်မလိုသော အပြန်အလှန် နားလည်မှုကို ဆိုလိုသည့်အရာဖြစ်သည်။ ဖွင့်ဟပြောရန်မလိုသော ဤအပြန်အလှန် နားလည်မှုက မည်သို့ ဖြစ်လာသနည်း။ သင့်အနေဖြင့် တရားဒေသနာများစွာ နားထောင်ပြီးဖြစ်သည်၊ သမ္မာတရားအပေါ် သိနားလည်မှု အဆင့်တစ်ခုကို စွမ်းဆောင်ရရှိပြီးဖြစ်ကာ ငါတို့က အချင်းချင်း ပိုမိုသိကျွမ်းသွားကြသည်ဆိုပါစို့။ သင့်ကို အမှုအရာများစွာ ငါ ရှင်းပြပြီးဖြစ်သည် ငါ၏ အမြင်များ၊ ငါ၏ စိတ်ကူးများ၊ လုပ်ရပ်အတွက် ငါ၏ စည်းမျဉ်းများအပြင် သင် နားလည်ကာ လုပ်ဆောင်ရန်လိုအပ်သည့် အရာများကို သင့်အား ပြောပြပြီးဖြစ်သည်။ ဤအရာအားလုံးကိုလည်းကောင်း၊ ငါ၏ အမြင်များက မည်သည့်အရာများ ဖြစ်သည်ကိုလည်းကောင်း သင်တို့ကို ငါ ပြောပြပြီးဖြစ်ကာ ထိုအခါ ငါ၏ အမြင်များကို သင်တို့ လက်ခံခဲ့ပြီး အမှုအရာများ၊ သင်၏ တာဝန်၊ ယုံကြည်ခြင်း၊ ဘဝနှင့် အခြားလူတို့ကို ငါ၏ အမြင်များနှင့်အညီ သင်တို့ ချဉ်းကပ်ပြီးဖြစ်သည်။ ထိုအခါ ငါတို့ကြားရှိ ဖွင့်ဟပြောရန်မလိုသော အပြန်အလှန် နားလည်မှုသည် ကြီးထွားသည်ထက် ကြီးထွားပြီးဖြစ်မည် မဟုတ်လော။ (ဟုတ်ပါသည်။) သို့ဆိုလျှင် ကနေဒါ အသင်းတော်ကို ကိုင်တွယ်ခြင်းနှင့်စပ်လျဉ်း၍ သင်တို့သည် ဖွင့်ဟပြောရန်မလိုသော ဤအပြန်အလှန် နားလည်မှုမျိုးကို ငါတို့ ရရှိပြီးပြီလော။ ငါရှင်းပြနေသည့်အတိုင်း ထိုကိစ္စကို ငါ မရှင်းပြခဲ့လျှင် ငါတို့၏ ဖွင့်ဟရန်မလိုသော အပြန်အလှန် နားလည်မှုသည် မည်သည့်သဘောသက်ရောက်မည်နည်း။ “အခြားသူများအတွက် စံနမူနာတစ်ခု ချမှတ်ရန် လူတို့ကို ပြင်းထန်စွာ အပြစ်ဒဏ်ပေးခြင်း” နှင့် “အခြားသူတို့အတွက် လူတို့ကို သတိပေးချက်တစ်ခု ဖြစ်စေခြင်း ဟူသည့် ဤသည်မှာ ငါတို့၏ ဖွင့်ဟရန်မလိုသော အပြန်အလှန် နားလည်မှု ဖြစ်သလော။ (မဟုတ်ပါ။) ဤလူများသည် တရားဒေသနာများကို နှစ်ပေါင်းများစွာ နားထောင်ခဲ့သည်၊ သို့ဆိုလျှင် ဤလုပ်ရပ်ကို ငါ လုပ်ဆောင်ခြင်းက ၎င်းတို့ထံမှ ထိုသို့သော တုံ့ပြန်ချက်တစ်ခုကို မည်သို့ဖြစ်၍များ ဆွပေးနိုင်ခဲ့သနည်း။ ငါ့ကို ပြောလော့၊ ထိုသို့သော အမြင်များကို ၎င်းတို့ ဖွင့်ပြောသည်ကို ကြားရသည့်အခါ ငါ မည်သို့ ခံစားခဲ့ရသနည်း။ လူတို့က ထိုသို့သောအရာများ ပြောနိုင်ကြသည်မှာ မည်မျှပင် ဝမ်းနည်းစရာဖြစ်သည်ကို ငါ့အား ခံစားရစေသည်။ သင့်ကို ငါ မေးသည်၊ ထိုသို့ ငါ ခံစားခဲ့သင့်သလော။ (ခံစားခဲ့သင့်ပါသည်။) အဘယ်ကြောင့် ထိုသို့ သင်ပြောသနည်း။ ဤပြောဆိုချက်မျိုး၊ ဤရှုထောင့်အမြင်မျိုး၊ ဤသိနားလည်မှုမျိုးနှင့် ဤသဘောပေါက်နားလည်မှုမျိုး မတည်ရှိခဲ့သင့် သို့မဟုတ် မထွက်ပေါ်ခဲ့သင့်ပေ။ ယခု ယင်းတို့သည် ထွက်ပေါ်လာပြီးဖြစ်ကာ ငါ၏ မျှော်လင့်ချက်များကို ကျော်လွန်ပြီးဖြစ်သည်။ ယင်းတို့သည် ငါ၏ အကဲဖြတ်ချက်နှင့်လည်းကောင်း၊ မျှော်လင့်ချက်များနှင့်လည်းကောင်း အလွန်ကွာခြားလွန်းသဖြင့် ဤကိစ္စရပ်အပေါ် ငါ ရှက်မိခြင်း ဖြစ်သည်။ တစ်စုံတစ်ဦးက “ထိုအရာသည် ထိုမျှဆိုးရွားသလော။ သင်သည် ဘာမျှမဟုတ်သည့်အရာကို ရေးကြီးခွင့်ကျယ် လုပ်နေခြင်းသာ ဖြစ်သည် မဟုတ်လော”ဟု ပြောလိမ့်မည်။ သင်တို့ကို ငါ ပြောမည်၊ ဤသည်မှာ ကြီးမားသည့် ကိစ္စတစ်ခု မဟုတ်သော်လည်း အသေးအဖွဲ ကိစ္စရပ်တစ်ခုလည်း မဟုတ်ပေ။ ဘုရားသခင်ကို သင် စတင်ယုံကြည်သည့်အချိန်မှစ၍ ဘုရားသခင်က သင်၏ ဘုရားသခင်နှင့် သင်၏ သခင်ဖြစ်ကြောင်း သင် အသိအမှတ်ပြုသည့်အချိန်၊ ဘုရားနှုတ်ကပတ်တော်များကို သင် စားသောက်ချင်သည့်အချိန်၊ ဘုရားသခင်နောက် လိုက်ချင်သည့်အချိန်၊ သူ၏ စီစဉ်ညွှန်ကြားမှုများနှင့် အစီအစဉ်များကို လက်ခံပြီး သင့်အပေါ် ဘုရားသခင် တောင်းဆိုသည့်အရာတိုင်းကို ကျိုးနွံနာခံချင်သည့်အချိန် ထိုနေ့ရက်အချိန်မှစ၍ သင်သည် ဘုရားသခင်နှင့် ဆက်ဆံရေးတစ်ခု ထူထောင်ပြီးဖြစ်သည်။ ဤဆက်ဆံရေးကို သင် ထူထောင်ပြီးသည်နှင့်တစ်ပြိုင်နက် သင်နှင့် ဘုရားသခင်ကြားတွင် တည်ရှိသည့် အရေးအပါဆုံးသော ပြဿနာတစ်ခုရှိသည်။ ယင်းမှာ မည်သည့် ပြဿနာဖြစ်သနည်း။ သင့်အနေဖြင့် ဘုရားသခင် လုပ်ဆောင်သည့်အရာများနှင့် ဘုရားသခင် ပြုမူသည့် ပုံစံများကို လက်မခံနိုင်လျှင် ဤအရာများကို သင် နားမလည်နိုင်သကဲ့သို့ ယင်းတို့ကို ရှာဖွေကာ နားလည်သဘောပေါက်ရန် ကနဦးခြေလှမ်း မလှမ်းနိုင်လျှင် ဘုရားသခင်နှင့် သင်၏ ဆက်ဆံရေးသည် အချိန်တိုင်းတွင် အန္တရာယ်ရှိသည့် အခြေအနေတစ်ခုတွင် ရှိလိမ့်မည်ဟူ၍ ဖြစ်သည်။ ဤအန္တရာယ်ရှိသည့် အခြေအနေတစ်ခုက မည်သည့်အရာကို ညွှန်ပြသနည်း။ ဘုရားနှုတ်ကပတ်တော်များကို သင် မည်မျှ စားသောက်သည်ဖြစ်စေ၊ ဘုရားသခင်ကို ကျိုးနွံနာခံဖို့ သင် မည်သို့ စီစဉ်သည်ဖြစ်စေ ဤအန္တရာယ်ရှိသည့် အခြေအနေက တစ်နေ့တာအတွက်ပင် တည်ရှိနေသရွေ့ ဘုရားသခင်နောက် သင် လိုက်လိုခြင်းနှင့်ဆိုင်သည့် အမှန်တရားနှင့် ဘုရားသခင်၏ ကယ်တင်ခြင်းကို လက်ခံလိုသည့် သင်၏လိုအင်ဆန္ဒတို့သည် ပျက်စီးကောင်းပျက်စီးသွားနိုင်သည်၊ မခိုင်လုံသောအရာ ဖြစ်ကောင်းဖြစ်လာနိုင်ပြီး စိတ်ကူးယဉ်သက်သက်တစ်ခုသာ ဖြစ်ကောင်းဖြစ်လာနိုင်သည်။ အဘယ်ကြောင့် ဤသို့ ငါ ပြောသနည်း။ ဘုရားသခင်နှင့် သင်၏ ဆက်ဆံရေးက ပုံမှန်ဆက်ဆံရေးတစ်ခု မဟုတ်သရွေ့၊ ပြီးလျှင် ဤအန္တရာယ်ရှိသည့် အခြေအနေတစ်ခု တည်ရှိနေသရွေ့ ဘုရားသခင်နှင့် ပုံမှန်ဆက်ဆံရေးကို သင် ထိန်းသိမ်းနိုင်လိမ့်မည်လော။ ထို့နောက် သင်သည် ဘုရားသခင်နှင့် မည်သည့်ဆက်ဆံရေးမျိုး ရှိလိမ့်မည်နည်း။ ထိုအရာသည် သဟဇာတဖြစ်သော ဆက်ဆံရေးတစ်ခု ဖြစ်လိမ့်မည်လော။ မိသားစု ဆက်ဆံရေးတစ်ခု သို့မဟုတ် လုပ်ဖော်ကိုင်ဖက်များကြား ဆက်ဆံရေးတစ်ခု ဖြစ်လိမ့်မည်လော။ ထိုအရာသည် အတိအကျအနေဖြင့် မည်သည့်ဆက်ဆံရေးမျိုး ဖြစ်လိမ့်မည်နည်း။ ဘုရားသခင်နှင့် သင်၏ ဆက်ဆံရေးက အန္တရာယ်ရှိသော အခြေအနေတစ်ခုတွင် ရှိသရွေ့ သင်သည် အချိန်မရွေး၊ နေရာမရွေး ဘုရားသခင်၏ လုပ်ဆောင်ချက်များနှင့် အပြုအမူကို အကဲဖြတ်ကာ အထင်လွဲနိုင်စွမ်း ရှိလိမ့်မည် ဖြစ်ပြီး ဘုရားသခင် လုပ်ဆောင်သည့်အရာများကို သင် ဆန့်ကျင်ကာ လက်ခံရန် ငြင်းပယ်နိုင်စွမ်းပင် ရှိလိမ့်မည် ဖြစ်သည်။ ထိုအခါ သင်သည် အန္တရယ်ကျရောက်မည် မဟုတ်လော။ ဤအန္တရာယ်သည် အဘယ်သို့ ဖြစ်လာသနည်း။ ဘုရားသခင်ကို သင် မသိသောကြောင့် ဖြစ်လာပေသည်။ ငါတို့သည် အပြုသဘောဆောင်သော ဘက်မှပြောမည်မဟုတ်ဘဲ ထို့ထက် အပျက်သဘောဆောင်သည့်ဘက်မှ ပြောမည်။ ဥပမာအနေဖြင့် သင်သည် ဘုရားသခင်ကို တစ်နည်းနည်းဖြင့် အမြဲ သိမြင်ကာ ဘုရားသခင်သည် ကမ္ဘာမြေပေါ်တွင် ရှင်ဘုရင်တစ်ပါး ဖြစ်ကြောင်း၊ အရေးအကြီးဆုံးသော အရာရှိတစ်ဦး၊ ကမ္ဘာမြေပေါ် အာဏာစွဲကိုင်သည့် အထွတ်အထိပ် လူတစ်ဦးဖြစ်ကြောင်း သင် တွေးထင်သည်။ သင်၏ စိတ်ကူးထဲတွင် ဘုရားသခင်က ဤရာထူးမျိုးတွင်ရှိသည့် တစ်စုံတစ်ဦးဖြစ်သည်ဟု အမြဲ သင် တွေးထင်သောကြောင့် ဤအခြေခံအကြောင်းရင်းအရ ဘုရားသခင် လုပ်ဆောင်သည့်အရာများနှင့် ပြောဆိုသည့်အရာများအပေါ် မည်သည့် ရှုထောင့်အမြင်ကို သင် ခံယူလိမ့်မည်နည်း။ သင်တို့ကို ငါ ဥပမာအနည်းငယ်ပေးမည်ဖြစ်ပြီး ထို့နောက်တွင် မည်သည့် ရှုထောင့်အမြင်အား ငါ ဆိုလိုသည်ကို သင်တို့ နားလည်ကောင်း နားလည်သွားပေမည်။ လောကတွင် ဤဆိုရိုးစကားရှိ၏။ “ဘုရင်နဲ့ နီးနီးကပ်ကပ် နေရတာက ကျားတစ်ကောင်နဲ့ လှဲနေရသလိုပဲ အန္တရာယ်များတယ်”ဟူ၍ ဖြစ်သည်။ သို့ဆိုလျှင် ဤဆိုရိုးကို ဘုရားသခင်နှင့် ၎င်းတို့၏ ဆက်ဆံရေးအတွက် အသုံးပြုသည့် လူတစ်ဦးတလေ ရှိသလော။ (ရှိပါသည်။) ထိုသို့သော လူများရှိပြီး များစွာသောလူတို့သည် ဘုရားသခင်နှင့်ပတ်သက်၍ ဤရှုထောင့်အမြင်ကို ခံယူကြသည်။ ထို့နောက် ယခင်က ငါတို့ ဖော်ပြခဲ့သည့် “အခြားသူတို့အတွက် လူတို့ကို သတိပေးချက်တစ်ခု ဖြစ်စေခြင်း”ဟူသည့် ဆိုရိုးစကားရှိသည်။ ဤအရာကလည်း ဘုရားသခင်ကို ကမ္ဘာမြေပေါ်တွင် ရှင်ဘုရင်တစ်ပါး သို့မဟုတ် ဩဇာတိက္ကမနှင့် အဆင့်အတန်း ရှိသည့်သူတစ်ဦး ဖြစ်စေသလော။ (ဖြစ်စေပါသည်။) ၎င်းတို့သည် ဘုရားသခင်အပေါ် ဤအမြင်ရှိကြသောကြောင့် ဘုရားသခင်အပေါ် ဤသိနားလည်မှု ရှိကြခြင်း ဖြစ်ကာ ၎င်းတို့အနေဖြင့် လောကတွင် အဆင့်အတန်းရှိသည့် တစ်စုံတစ်ဦးအား သဘောထားသည့်အတိုင်း ဘုရားသခင်ကို သဘောထားကြသည်မှာ ၎င်းတို့တွင် ဘုရားသခင်နှင့် ဤဆက်ဆံရေးမျိုး ရှိကြသောကြောင့်ဖြစ်သည်၊ သူ့ကို ဤပုံစံဖြင့် ၎င်းတို့ မြင်ကြသောကြောင့်ဖြစ်သည်၊ ဤအရာက သူ၏ ပင်ကိုလက္ခဏာနှင့် အဆင့်အတန်းကို ၎င်းတို့ နားလည်သည့်ပုံစံ ဖြစ်သောကြောင့် ဖြစ်ပေသည်။ ဤသည်မှာ သဘာဝကျပေသည်။ ဤသို့ပြောထားသည့် နောက်ထပ် ဆိုးရိုးစကားတစ်ခု ရှိသည်။ “မိမိ၏ ဩဇာလွှမ်းမိုးမှုနယ်ပယ်အား ကျူးကျော်ဝင်ရောက်လာသူကို မည်သို့ သည်းခံနိုင်မည်နည်း”ဟူ၍ ဖြစ်သည်။ ဤသည်မှာ လောကီရှင်ဘုရင်များကိုလည်းကောင်း၊ အဆင့်အတန်းနှင့် ဩဇာတိက္ကမရှိသည့် လူတို့ကိုလည်းကောင်း ဖော်ပြသည့် နည်းလမ်းတစ်ခု ဖြစ်သည်။ သင်တို့ထဲမှ အချို့သည် ဤကဲ့သို့သော လူများကို သိကျွမ်းကောင်းသိကျွမ်းနိုင်သည် သို့မဟုတ် ယခင်က ပေါင်းသင်းဆက်ဆံခဲ့ပြီး ဖြစ်ကောင်းဖြစ်နိုင်သည်။ ပြီးလျှင် ဘုရားသခင်အတွက် ဤဆိုရိုးကို သင်တို့လည်း အသုံးပြုကောင်းပြုနိုင်ပေသည်။ ဆိုလိုသည်မှာ ဘုရားသခင်က တစ်စုံတစ်ရာကို လုပ်ဆောင်သည့်အချိန် သို့မဟုတ် ပြောဆိုသည့်အချိန်တွင် သင်သည် ထိုဆိုရိုးစကားများကို သူနှင့်ချိတ်ဆက်ပြီး ဘုရားသခင်ကို ထိုသို့ သဘောထားကောင်းထားနိုင်သည်။ သင်သည် ဘုရားသခင်ကို ထိုသို့ သဘောထားကာ သူ့အပေါ် ထိုရှုထောင့်အမြင်ရှိလျှင် ဘုရားသခင်နှင့် သင်၏ ဆက်ဆံရေးသည့် မည်သည့်အရာကဲ့သို့ အတိအကျ ဖြစ်လိမ့်မည်နည်း။ အတိုက်အခံဖြစ်လိမ့်မည်။ သင်၏ စိတ်ကူးတွင် ဘုရားကို သင် မည်မျှ လေးစားရိုသေကာ ကြောက်ရွံ့သည်ဖြစ်စေ၊ သင် မည်သို့ နာခံတတ်ကာ သူ့ကို မည်မျှ အရှုံးပေးအပ်နှံနိုင်သည်ဖြစ်စေ၊ ပြီးလျှင် သူ့အပေါ် သင်၏ သဘောထားက မည်သည့်အရာဖြစ်စေ ဘုရားသခင်နှင့် သင်၏ ဆက်ဆံရေးသည် အတိုက်အခံဖြစ်လိမ့်ဦးမည်ဖြစ်သည်။ ဤပုံစံဖြင့် ပြောခြင်းအားဖြင့် ငါ၏ စကားများက အနည်းငယ် စိတ်ကူးသက်သက် ဖြစ်ပုံပေါက်သည်ဟု သင်တို့ ထင်ကောင်းထင်နိုင်သော်လည်း ယင်းတို့ကို သင်တို့ သေချာစွာ တွေးဆကြည့်လျှင် ဤသည်မှာ အမှုအရာများ၏ ပကတိအခြေအနေ ဖြစ်သည်ကို သင် မြင်သည်မဟုတ်လော။ ကနေဒါ အသင်းတော်ရှိ အန္တိခရစ်၏ ကိစ္စရပ်ကို ငါ ကိုင်တွယ်သည်နှင့်တစ်ပြိုင်နက် အမှုအရာများကို သင့်အား ငါ သေချာစွာနှင့် အသေးစိတ် မရှင်းပြခဲ့သကဲ့သို့ ထိုလူများအား အဘယ်ကြောင့် ငါ ကိုင်တွယ်ခဲ့သည်ဟူသည့် အကြောင်းရင်းများကို သင့်အား ငါ မပြောပြခဲ့ပေ။ ထို့ကြောင့် များစွာသော လူတို့သည် ၎င်းတို့၏ ရှေ့ရေးများနှင့် ကံကြမ္မာအကြောင်း စိုးရိမ်လာခဲ့ကြသည်။ ဤစိုးရိမ်မှုသည် မည်သည့်နေရာမှ လာခဲ့သနည်း။ ဘုရားသခင်ကို လူတို့ အထင်လွဲခြင်းနှင့် ဘုရားသခင်ကို မသိကျွမ်းခြင်းတို့မှ လာ၏။ ဤသည်မှာ ဖြစ်ကြောင်းရင်းမြစ်ဖြစ်သည်။ ဘုရားသခင်အပေါ် သင်၏ သိနားလည်မှုသည် ဘုရားသခင်၏ အနှစ်သာရနှင့် ကိုက်ညီလျှင်၊ ဥပမာအနေဖြင့် ဘုရားသခင်၏ ဖြောင့်မတ်ခြင်း၊ ဩဇာအာဏာနှင့် ဉာဏ်ပညာတို့အပေါ် သင်၏ သိနားလည်မှုသည် သမ္မာတရားနှင့် ကိုက်ညီလျှင် ဘုရားသခင်က မည်သည့်အရာကို လုပ်ဆောင်သည်ဖြစ်စေ၊ အကြောင်းရင်းများကို သင် နားမလည်သကဲ့သို့ ဘုရားသခင်၏ ရည်ရွယ်ချက်များကို သင် နားမလည်လျှင်ပင် ဘုရားသခင်ကို သင် အထင်လွဲလိမ့်မည်လော။ လုံးဝ အထင်လွဲမည်မဟုတ်။ ကနေဒါ အသင်းတော်နှင့်ပတ်သက်သည့် ပြဿနာများကို ငါ ကိုင်တွယ်ပြီးဖြစ်သည်နှင့်တစ်ပြိုင်နက် လူအချို့က “ဤသည်မှာ သူတို့ကို သတိပေးချက်တစ်ခုဖြစ်စေဖို့နှင့် ကျွန်ုပ်တို့ ကြောက်လန့်စေဖို့ လုပ်ဆောင်ခြင်းဖြစ်သည်”ဟု ဆိုကြသည်။ ၎င်းတို့၏ ပြဿနာမှာ အဘယ်နည်း။ ၎င်းတို့ ပြောသည့်အရာသည် သမ္မာတရားနှင့် ကိုက်ညီသလော။ ယင်းက မှန်ကန်သည့် သိနားလည်မှုကို ပြသလော။ (မပြပါ။) အဘယ်ကြောင့် မပြသနည်း။ အလွန့်အလွန် ရိုးရှင်းသောအရာတစ်ခုကို သင်တို့အား ငါ ပြောမည်။ ၎င်းတို့၏ သိနားလည်မှုသည် အခြေအနေမှန်နှင့် ကွဲလွဲနေခဲ့သည်။ အဖြစ်မှန်များက ထိုကဲ့သို့ မဟုတ်ခဲ့သကဲ့သို့ ၎င်းတို့ နားလည်မှုလွဲခဲ့ကြပေသည်။ ယင်းမှာ ရိုးရှင်းသည့် စကားတစ်ခွန်း မဟုတ်လော။ (ဟုတ်ပါသည်။) သို့ဆိုလျှင် ဤကိစ္စကို ရှင်းပြန်ရန် သင်တို့သည် အဘယ်ကြောင့် ပင်ပန်းသော အားထုတ်မှုကို ပြုလုပ်ရသနည်း။ ယင်းကို ငါ လုံးဝ မစဉ်းစားခဲ့သကဲ့သို့ မည်သူ့ကိုမျှ ကြောက်လန့်စေဖို့ ငါ လုံးဝ အလိုမရှိခဲ့ပေ။ လူအများစုသည် နှစ်ကာလများတစ်လျှောက် မိမိတို့တာဝန်တွင် ထိရောက်မှု၌ အဆက်အပြတ် တိုးတက်နေကြပြီးဖြစ်သည်။ သို့ဆိုလျှင် ၎င်းတို့သည် ယခုတွင် မိမိတို့တာဝန်ကို စံနှုန်းပြည့်မီသည့် နည်းလမ်းဖြင့် ထမ်းဆောင်ကြသလော။ မထမ်းဆောင်ကြပေ။ သို့တိုင် ဤလူများသည် မိမိတို့တာဝန်တွင် စံနှုန်းပြည့်မီမည့် ဖြစ်စဉ်တွင် ရှိနေကြပြီး အသေးအဖွဲ ပြဿနာများ တစ်ခုတလေရှိလျှင် ငါ လွှတ်ပေးလိုက်သည်။ ဤဖြစ်စဉ်အတောအတွင်းတွင် လူအချို့က အဖျက်အမှောင့်များ ဖြစ်ကောင်းဖြစ်စေနိုင်သည်၊ အချို့က အချိန်ဆွဲကောင်း ဆွဲနိုင်သည်၊ သို့မဟုတ် လူအချို့ကြားတွင် အသေးအဖွဲ ပြဿနာအချို့ ဖြစ်ပေါ်ကောင်းဖြစ်ပေါ်နိုင်သော်လည်း ခြုံငုံကြည့်လျှင် ၎င်းတို့ အတော်လေး တော်ကြပေသည်။ သို့သော် သင်တို့ မမေ့သင့်သည့် အရာတစ်ခု ရှိသည်။ သင်တို့သည် မိမိတို့၏ တာဝန်ကို ထမ်းဆောင်ရန် လာခဲ့ခြင်းဖြစ်သည်။ သင်တို့ မည်မျှအလုပ်ကြိုးစားသည်ဖြစ်စေ၊ မည်မျှပင် ဆင်းရဲဒုက္ခ ခံရသည်ဖြစ်စေ၊ မည်မျှပင် ပြုပြင်ခြင်းခံရသည်ဖြစ်စေ သင်တို့သည် ဘုရားသခင်ကို ကျေးဇူးတင်သင့်သည်။ ဘုရားသခင်သည် သင်တို့ကို ဤအခွင့်အရေး ပေးခဲ့သည်မှာ သင်တို့သည် အမျိုးမျိုးသော မတူညီသည့် အခြေအနေများကို တွေ့ကြုံခံစားနိုင်ပြီး ပုဂ္ဂိုလ်ရေးရာ အတွေ့အကြုံအမျိုးမျိုးကို ရရှိလာနိုင်ရန် ဖြစ်သည်။ ဤသည်မှာ ကောင်းသောအရာဖြစ်ပြီး သင်တို့အနေဖြင့် သမ္မာတရားကို နားလည်နိုင်ရန်အတွက် ယင်းတို့အားလုံးကို လုပ်ဆောင်ခြင်းဖြစ်သည်။ သို့ဖြစ်၍ သင်တို့သည် မည်သည့်အရာကို စိုးရိမ်ပူပန်နေကြသနည်း။ သင်တို့သည် မည်သူ့ကို သတိထားရှောင်နေကြသနည်း။ ထိုကဲ့သို့ ဖြစ်ရန် မလိုအပ်ပေ။ သမ္မာတရားကို ပုံမှန်အတိုင်း လိုက်စားလော့၊ သင်တို့၏ သင့်တင့်လျောက်ပတ်သော နေရာကို ရှာဖွေလော့၊ သင်တို့၏ တာဝန်နှင့် သင်တို့အပေါ် ကျရောက်သော အလုပ်ကို ကောင်းစွာ လုပ်ဆောင်လော့၊ သို့ဆိုလျှင် လုံလောက်ပေပြီ။ ဤသည်မှာ သင်တို့ကို များစွာ တောင်းဆိုနေခြင်း မဟုတ်ပေ။

ကနေဒါ အသင်းတော်တွင် အန္တိခရစ် ပေါ်ထွန်းပြီး အဖျက်အမှောင့်လုပ်ခြင်းများ စတင်ဖြစ်စေသည့် အချိန်မှစ၍ ထိုလူများ ယနေ့ ၎င်းတို့ ရောက်ရှိနေသည့် အဆင့်သို့ ရောက်သည်အထိ ငါသည် ၎င်းတို့ကို အချိန်မည်မျှကြာအောင် သည်းခံခဲ့ပြီနည်း။ ၎င်းတို့နှင့်ပတ်သက်၍ မည်သည့်အရာ ဖြစ်ပျက်နေသည်ကို ငါလုံးဝ မသိဘဲ နေခဲ့သည် မဟုတ်၊ ငါသည် ယင်းကို အချိန်ကြာမြင့်စွာ သည်းခံခဲ့သည်။ ငါ မည်မျှ သည်းခံခဲ့သနည်း။ အချိန်ကြာမြင့်စွာပင် ၎င်းတို့သည် လက်စသတ်သောအလုပ်များကို မထုတ်လုပ်နိုင်ခဲ့ကြချေ၊ ၎င်းတို့သည် မိမိတို့၏ အလုပ်တွင် တိုးတက်မှု တစ်စုံတစ်ရာ မရှိခဲ့ကြ၊ ၎င်းတို့ထဲမှ တစ်ဦးတစ်ယောက်မျှ မိမိတို့၏ သင့်လျော်သော ကိစ္စရပ်များကို ဂရုမစိုက်ခဲ့ကြချေ၊ ၎င်းတို့အားလုံးသည် စိတ်ထင်ရာစိုင်း၍ မဆင်မခြင် ပြုမူကြကာ အကျင့်ပျက်၍ ထိန်းကွပ်မှုမရှိဘဲ လွန်ခဲ့သော အချိန်ကြာမြင့်စွာကတည်းက ကိုင်တွယ်ခြင်း ခံခဲ့ရသင့်သည်။ သင်တို့သည်လည်း စိတ်ထင်ရာစိုင်း၍ မဆင်မခြင် ပြုမူနိုင်စွမ်းရှိပြီး သင်တို့၏ သင့်လျော်သော ကိစ္စရပ်များကို ဂရုမစိုက်နိုင်ပါက သင်တို့ကို ငါ ကိုင်တွယ်ရန် မစောင့်လေနှင့်။ ထိုအစား သင်တို့ကိုယ်တိုင် အလျင်ဦးအောင် နုတ်ထွက်လော့၊ ယင်းက ပို၍ သိက္ခာရှိပေမည်။ ယင်းသည် သင့်တော်မှန်ကန်သော လုပ်ဆောင်မှု ဖြစ်မည်လော။ မဟုတ်ပေ၊ ယင်းသည် သင့်တော်မှန်ကန်သော လုပ်ဆောင်မှု မဟုတ်။ ထွက်ခွာသွားရန် အစဉ်မပြတ် မစဉ်းစားနှင့်၊ သင်တို့သည် ဤနေရာတွင် စွဲစွဲမြဲမြဲ အမြစ်တွယ်ရန်နှင့် သင်တို့၏ တာဝန်ကို ကောင်းစွာ ထမ်းဆောင်ရန် လိုအပ်သည်။ သင်တို့၏ တာဝန်ကို ကောင်းစွာ ထမ်းဆောင်နိုင်သည်ဖြစ်စေ၊ မထမ်းဆောင်နိုင်သည်ဖြစ်စေ အနည်းဆုံးအနေဖြင့် ယင်းတွင် သင်တို့၏ စိတ်နှစ်မြှုပ်ထားလော့။ ပြီးလျှင် အဆုံး၌ သင်တို့၏ တာဝန်အားလုံးကို ပြီးမြောက်စေရန် သေချာစေလော့။ တာဝန်ကို စွန့်ခွာထွက်ပြေးသူ မဖြစ်နှင့်။ လူအချို့က “ကျွန်ုပ်၏ အစွမ်းအစ ညံ့ဖျင်းသည်၊ ကျွန်ုပ်သည် ထိုမျှပညာမတတ်သကဲ့သို့ ပါရမီလည်း မရှိပါ။ ကျွန်ုပ်၏ စရိုက်လက္ခဏာတွင် ချို့ယွင်းချက်များ ရှိပြီး ကျွန်ုပ်၏ တာဝန်တွင် အခက်အခဲများကို အစဉ် ကြုံတွေ့ရသည်။ ကျွန်ုပ်၏ တာဝန်ကို ကောင်းစွာ မထမ်းဆောင်နိုင်ဘဲ ဖြုတ်ချခြင်းခံရလျှင် ကျွန်ုပ် ဘာလုပ်ရမည်နည်း” ဟု ပြောကြသည်။ သင်သည် မည်သည့်အရာကို ကြောက်ရွံ့သနည်း။ ဤအလုပ်ကို သင်တစ်ဦးတည်းဖြင့် ပြီးမြောက်အောင် လုပ်ဆောင်နိုင်သလော။ သင်သည် ကဏ္ဍတစ်ခုကိုသာ တာဝန်ယူခဲ့ခြင်း ဖြစ်သည်၊ အလုံးစုံကို တာဝန်ယူရန် သင့်အား တောင်းဆိုနေခြင်း မဟုတ်ပေ။ သင် လုပ်ဆောင်သင့်သည့် အရာများကိုသာ တာဝန်ယူလော့၊ ယင်းသည် လုံလောက်သည်။ ထိုသို့ဆိုလျှင် သင်သည် သင်၏ တာဝန်များကို ကောင်းမွန်စွာ ဖြည့်ဆည်းပြီး ဖြစ်လိမ့်မည် မဟုတ်လော။ ယင်းသည် အလွန် ရိုးရှင်းသည်၊ သင်သည် အဘယ်ကြောင့် အစဉ်သဖြင့် အလွန်ပင် သံသယများနေရသနည်း။ သင်သည် ကြွေကျသော သစ်ရွက်များက သင်၏ ဦးခေါင်းကို ထိမှန်ပြီး ကွဲအက်သွားမည်ကို ကြောက်ရွံ့နေကာ သင်၏ ကိုယ်ပိုင် အရေးပေါ် အစီအစဉ်များကို ရှေးဦးစွာ စဉ်းစားနေသည်။ ဤသည်မှာ အကျိုးမရှိဘူး မဟုတ်လော။ “အကျိုးမရှိခြင်း” က မည်သည့်အရာကို ဆိုလိုသနည်း။ ယင်းသည် တိုးတက်အောင် မကြိုးစားခြင်း၊ မိမိ၏ အစွမ်းကုန်ကို ပေးရန် ဆန္ဒမရှိခြင်း၊ အခမဲ့ ထမင်းစားလက်မှတ်ကို ရဖို့ အစဉ် လိုလားပြီး ကောင်းသောအရာများကို ခံစားလိုခြင်းကို ဆိုလိုသည်။ ဤကဲ့သို့သော လူများသည် အမှိုက်များ ဖြစ်ကြသည်။ လူအချို့သည် အလွန် စိတ်ထားသေးသိမ်ကြသည်။ ထိုသို့သော လူများကို ငါတို့ မည်သို့ သရုပ်ဖော်နိုင်မည်နည်း။ (၎င်းတို့သည် အလွန် စိတ်ထားသေးသိမ်ကြသည်။) အလွန် စိတ်ထားသေးသိမ်သော လူတစ်ဦးသည် ယုတ်ညံ့သော လူတစ်ဦးဖြစ်ပြီး မည်သည့် ယုတ်ညံ့သော လူမဆိုသည် လူကြီးလူကောင်းတစ်ဦး၏ စရိုက်ကို ၎င်းတို့၏ ကိုယ်ပိုင် ယုတ်ညံ့သော စံနှုန်းများဖြင့် တိုင်းတာနိုင်ပြီး အခြားသူများကို ၎င်းတို့ကဲ့သို့ပင် တစ်ကိုယ်ကောင်းဆန်ပြီး စက်ဆုပ်ဖွယ် ဖြစ်သည်ဟု မှတ်ယူနိုင်သည်။ ဤလူများသည် အကျိုးမရှိသူများ ဖြစ်ကြပြီး ၎င်းတို့သည် ဘုရားသခင်ကို ယုံကြည်လျှင်ပင် ၎င်းတို့အတွက် သမ္မာတရားကို လက်ခံရန် လွယ်ကူမည် မဟုတ်ပေ။ လူတစ်ဦးကို အလွန်နည်းသော ယုံကြည်ခြင်း ရှိစေသည့် အကြောင်းရင်းမှာ အဘယ်နည်း။ ယင်းသည် ၎င်းတို့က သမ္မာတရားကို နားမလည်ခြင်းကြောင့် ဖြစ်ပေါ်လာသည်။ သင်သည် အလွန်နည်းသော သမ္မာတရားများကို နားလည်ပြီး ယင်းတို့အပေါ် သင်၏ နားလည်မှုသည် အလွန် ပေါ့တန်နေပါက၊ ရလဒ်အနေဖြင့် သင်သည် ဘုရားသခင် တာဝန်ယူဆောင်ရွက်သော အလုပ်တိုင်းကို၊ ဘုရားသခင် လုပ်ဆောင်သော အရာအားလုံးကို၊ ဘုရားသခင်က သင့်အပေါ် ထားရှိသော တောင်းဆိုချက်တိုင်းကို နားမလည်နိုင်ပါက၊ သင်သည် ဤနားလည်မှုကို မရရှိနိုင်ပါက ဘုရားသခင်နှင့် စပ်လျဉ်းသော သံသယအမျိုးမျိုး၊ စိတ်ကူးစိတ်သန်းအမျိုးမျိုး၊ နားလည်မှုလွဲခြင်းအမျိုးမျိုးနှင့် အယူအဆအမျိုးမျိုးတို့သည် သင့်ထဲ၌ ပေါ်ပေါက်လာလိမ့်မည်။ သင်၏ စိတ်နှလုံးသည် ဤအရာများဖြင့်သာ ပြည့်နေပါက သင်သည် ဘုရားသခင်ကို စစ်မှန်သော ယုံကြည်ခြင်း ရှိနိုင်မည်လော။ သင်တို့သည် ဘုရားသခင်ကို စစ်မှန်သော ယုံကြည်ခြင်း မရှိကြ၊ ထိုအကြောင်းကြောင့် သင်တို့သည် အစဉ် စိတ်မသက်မသာ ခံစားရပြီး သင်တို့ မည်သည့်အချိန်တွင် ဖြုတ်ချခြင်းခံရမည်ကို မသိဘဲ စိုးရိမ်ပူပန်နေကြသည်။ သင်တို့သည် ကြောက်ရွံ့ခြင်းကို ခံစားရပြီး “ဘုရားသခင်သည် စစ်ဆေးမှုတစ်ခု ပြုလုပ်ရန် ဤနေရာသို့ အချိန်မရွေး ရောက်လာနိုင်သည်” ဟု တွေးထင်ကြသည်။ စိတ်အေးအေးထားလော့။ သင်တို့သည် ဘုရားအိမ်တော်က သင်တို့ကို ယုံကြည်အပ်နှံသော အလုပ်ကို ကောင်းစွာ လုပ်ဆောင်နေသမျှ ကာလပတ်လုံး သမ္မာတရားကို လိုက်စားခြင်းနှင့် အသက်ဝင်ရောက်မှုတွင် အနည်းငယ် လိုအပ်နေလျှင်ပင် ငါသည် ယင်းကို လျစ်လျူရှုလိုက်မည်။ စုဝေးပွဲများကို သင် တက်ရောက်ခြင်းနှင့် တရားဒေသနာများကို နားထောင်ခြင်း၊ သင်၏ အသင်းတော် အသက်တာနှင့် ဘုရားနှုတ်ကပတ်တော်များကို သင်၏ စားသောက်ခြင်းများ မည်သို့အခြေအနေ ရှိသည်ဟူသည်ကိုမူ ထိုအရာများကို ငါ စောင့်ကြည့်စစ်ဆေးမည် မဟုတ်သကဲ့သို့ သင်၏ အလုပ်နှင့် ပတ်သက်လာသည့်အခါ ငါ သင်တို့ကို နှောင့်ယှက်မည်မဟုတ်။ သင်တို့ကို ငါ အဘယ်ကြောင့် မနှောင့်ယှက်မည်နည်း။ အကြောင်းရင်းအချို့ရှိ၏။ အကြောင်းရင်းတစ်ခုမှာ သင်သည် အမျိုးမျိုးသော အတတ်ပညာဆိုင်ရာ ကျွမ်းကျင်မှုများကို ငါ့ထက် ပိုရင်းနှီးကျွမ်းဝင်သောကြောင့်ဖြစ်သည်။ လွန်ခဲ့သော နှစ်အနည်းငယ်အတွင်း အလုပ်လုပ်သည့် လုပ်ငန်းစဉ်တွင် သင်တို့၏ အတွေ့အကြုံ သို့မဟုတ် အတတ်ပညာဆိုင်ရာ ကျွမ်းကျင်မှုများအရ သင်တို့ တိုးတက်ပြီးဖြစ်သင့်ကာ သင်တို့၏ အလုပ်အတွက် အစီအစဉ်တစ်ခု စိတ်ကူးရသင့်ကြပြီးဖြစ်သည်။ အရေးအသားဖြင့်ဖြစ်စေ၊ နှုတ်ဖြင့်ဖြစ်စေ၊ အချို့သော စည်းမျဉ်းစည်းကမ်းများကို သင် အကျဉ်းချုပ်ပြီးဖြစ်သင့်သည်။ မည်သည့် အလုပ်လုပ်သောနည်းလမ်း သင် အသုံးပြုသည်ကို ငါ မသိသကဲ့သို့ သင်၏ အလုပ်အစီအစဉ်များနှင့် အလုပ်လုပ်သည့် နည်းစနစ်များအား ကမောက်ကမဖြစ်စေဖို့ ငါ ဆန္ဒမရှိပေ။ သင်တို့၏ကိုယ်ပိုင် ဟန်ပန်များဖြစ်စေ၊ ပုံစံများဖြစ်စေ၊ နည်းဥပဒေများဖြစ်စေ၊ စည်းမျဉ်းစည်းကမ်းများဖြစ်စေ ယင်းတို့အတိုင်း သင်တို့ လုပ်နိုင်ပြီး လွယ်ကူကာ အဆင်ပြေသည့်၊ လူတိုင်းကို လွတ်လပ်စေကာ လွတ်မြောက်စေပြီး ထိရောက်မှု မြင့်မားသည့်အဆင့်တစ်ခုကို ရလဒ်ဖြစ်ပေါ်စေသည့် မည်သည့်နည်းလမ်းဖြင့်မဆို အလုပ်ကို လုပ်ဆောင်နိုင်သည်။ ဆိုလိုသည်မှာ သင်၏ အလုပ်တွင် လွတ်လပ်ခွင့်အပြည့် ငါပေး၏။ အသင်းတော်များ အနီးဝန်းကျင်တွင် ငါ တစ်ခါတစ်ရံ လမ်းလျှောက်သော်လည်း သင်တို့ ငါ့ကို မမြင်ရန်အလို့ငှာ ငါ ဝေးဝေးနေ၏။ သင်တို့ လွတ်လပ်ကာ လွတ်မြောက်စေဖို့အတွက် ငါ အစွမ်းကုန် ကြိုးစားသည်။ ဤအရာကို ငါ အဘယ်ကြောင့် လုပ်ဆောင်သနည်း။ သင်တို့ထဲမှ မည်သူမျှသည် အတတ်ပညာဆိုင်ရာ ကျွမ်းကျင်မှုများနှင့် ထိုမျှရင်းနှီးခြင်း မရှိပေ။ သင်တို့သည် သင်ယူမှုဖြစ်စဉ်၏ တစ်စိတ်တစ်ပိုင်းအနေဖြင့် တဖြည်းဖြည်း လေ့လာစူးစမ်းရန် လိုအပ်သည်။ လူတို့အနေဖြင့် အတတ်ပညာဆိုင်ရာ ကျွမ်းကျင်မှုများကို သင်ယူနေသည်ဖြစ်စေ၊ သမ္မာတရားထဲသို့ ဝင်ရောက်နေကြသည်ဖြစ်စေ ၎င်းတို့အားလုံးတွင် ကိုယ်ပိုင် တိုးတက်မှုနှုန်းနှင့် ကျွမ်းကျင်မှုအဆင့်ရှိကြသည်။ သင်သည် လူတို့အား ၎င်းတို့၏ အစွမ်းအစများကို ကျော်လွန်သည့်အရာများအား လုပ်ဆောင်ရန် တိုက်တွန်း၍ မရပေ။ လူတို့အနေဖြင့် ဖြစ်စဉ်တစ်ခု ဖြစ်သန်းရမည်၊ ကျရှုံးမှုများ၊ ဆုတ်ဆိုင်းမှုများကို တွေ့ကြုံရမည်၊ သို့မဟုတ် ၎င်းတို့၏ အမှားများမှ သင်ခန်းစာအချို့ကို သင်ယူရမည်ဖြစ်ပြီး ထို့နောက်တွင် ရှေ့ဆက်ရမည့် လမ်းတစ်ခုကို တဖြည်းဖြည်း အကျဉ်းချုပ်ကာ နယ်ပယ်အားလုံးတွင် စည်းမျဉ်းအချို့ကို ကျွမ်းကျင်ပိုင်နိုင်ရမည်ဖြစ်သည်။ ထို့နောက်တွင် ၎င်းတို့အနေဖြင့် တိုးတက်မှုကို ဖြစ်နေစေကြလိမ့်မည်ဖြစ်သည်။ သင်တို့တွင် သင်တို့ကိုယ်ပိုင် အလုပ်လုပ်သည့်ပုံစံများနှင့် သင်တို့ကိုယ်ပိုင် နည်းစနစ်များ ရှိကြသည်။ ငါ့အနေဖြင့် ဤအရာများနှင့်စပ်လျဉ်း၍ သင်တို့ကို နှောင့်ယှက်ရန်မှာ သင့်တော်မည်မဟုတ်။ ထို့ကြောင့် သင်တို့၏ အလုပ်နှင့်ပတ်သက်သည့် ဤကိစ္စရပ်များနှင့်စပ်လျဉ်းသော ဆွေးနွေးမှုများတွင် ငါ ထိုမျှပါဝင်မှု သိပ်မရှိခြင်းဖြစ်သည်။ ဤသည်မှာ သင်တို့နှင့် ဆက်စပ်သည့် အကြောင်းရင်း ဖြစ်သည်။ ငါနှင့်ဆက်စပ်သည့် အဓိက အကြောင်းရင်းတစ်ခုလည်းရှိသည်။ ငါသည် သင်တိုနှင့်ပတ်သက်၍ ရိုးရိုးသားသားပြောမည်။ အတတ်ပညာ ကျွမ်းကျင်မှုများ သို့မဟုတ် အနုပညာအရဖြစ်စေ၊ သမ္မာတရားအရ ပို၍ပင်ဖြစ်စေ သင်တို့ သိမြင်ကာ စဉ်းစားနိုင်စွမ်းရှိသည့် အရာအားလုံးသည် ငါ့အတွက် အလွန်ပေါ့တန်ပေသည်။ ပိုမိုမြန်ဆန်သည့် တိုးတက်မှုဖြစ်စေဖို့ သင်တို့ကို အတင်းအကျပ်ပြုရန် ငါ ကြိုးစားခဲ့လျှင် သင်တို့ ခံနိုင်မည်လော။ သင်တို့ ခံနိုင်မည်မဟုတ်။ ငါ လိုအင်ဆန္ဒရှိသည့်အတိုင်း သင်တို့ကြားတွင် ပြုမူခဲ့လျှင် သင်တို့အပေါ် ငါ၏ တောင်းဆိုမှုများသည် သင်တို့၏ လက်ရှိ အတတ်ပညာဆိုင်ရာ စစ်မှန်သည့် ကျွမ်းကျင်မှုအဆင့်ကိုလည်းကောင်း၊ အသက်ဝင်ရောက်မှုနှင့် စပ်လျဉ်းသည့် သင်တို့၏ စစ်မှန်သော ဝိညာဉ်ရင့်ကျက်မှုကိုလည်းကောင်း ကျော်လွန်မည်ဖြစ်သည်။ ယင်းမှာ ငါ့အတွက် အလွန် ပင်ပန်းစရာဖြစ်မည်ဖြစ်ပြီး သင်တို့အတွက် အလွန်အားသွန်ခွန်စိုက်လုပ်ရမည် ဖြစ်သောကြောင့် ယင်းကို လုပ်ဆောင်ရန် ငါဆန္ဒမရှိပေ။ ငါတို့နှစ်ဦးလုံးသည် ကသိကအောက်ဖြစ်သော အခြေအနေတစ်ခုတွင် ရှိကြမည်ဖြစ်ပြီး ယင်းမှာ ကောင်းမည်မဟုတ်ပေ။ ဤသည်မှာ ငါ မြင်လိုသည့်အရာ မဟုတ်ပေ။ ဤသည်တို့မှာ ကိစ္စရပ်အပေါ် ငါ၏ အတွေးအမြင်များဖြစ်ပြီး ဤသည်မှာ အမှုအရာများ၏ ပကတိအခြေအနေဖြစ်သည်။ အကြောင်းရင်းနှစ်ခုဖြစ်သည့် သင်တို့နှင့် ဆက်စပ်သည့် အရာတစ်ခုနှင့် ဤကိစ္စရပ်အပေါ် ငါ၏ အကြံအစည်များ ရှိသည့်အရာတစ်ခုတို့ကြောင့် ငါသည် အမှုအရာများကို ဤနည်းဖြင့် ကိုင်တွယ်ပြီးဖြစ်သည်။ အမှုအရာများကို ဤနည်းဖြင့် ကိုင်တွယ်ခြင်းသည် သင်တို့၏ တဖြည်းဖြည်းချင်း ကြီးထွားမှုအတွက် သင့်တော်ပေသည်။ အသက်ဝင်ရောက်မှုနှင့် ပတ်သက်လာသည့်အခါတွင် သင်တို့တွင် ဘုရားနှုတ်ကပတ်တော် စာအုပ်များရှိသည်၊ စုဝေးပွဲမျိုးစုံနှင့် တရားဒေသနာမျိုးစုံရှိပြီး သင်တို့ကို ရေလောင်းကာ ထောက်ပံ့ပေးသည့် ခေါင်းဆောင်များနှင့် အမှုဆောင်များလည်း ရှိသည်။ သင်တို့ စားသောက်ကာ ရရှိနိုင်သည့် အလွန်များသော အမှုအရာများရှိသည်။ နောက်ထပ် သွင်ပြင်လက္ခဏာတစ်ခုမှာ လူတို့၏ အသက်တာ ကြီးထွားမှု ဖြစ်စဉ်သည် မြေကြီးထဲသို့ မျိုးစေ့ချပြီး ရေလောင်းခံရကာ မြေဆီဩဇာဖြည့်ခံရသည့်နောက် တဖြည်းဖြည်း အညှောက်ထွက်ကာ နောက်ဆုံးတွင် အသီးသီးသည်အထိ ကြီးထွားလာသည့် မျိုးစေ့တစ်စေ့နှင့် ဆင်တူသည်။ ထိုအရာသည် အလွန်နှေးကွေးသော ဖြစ်စဉ်တစ်ခု ဖြစ်သည်။ သင် ဖြတ်သန်းရသည့် နှေးကွေးသော ဖြစ်စဉ်သည် မျိုးစေ့တစ်စေ့က အညှောက်ပေါက်ခြင်းမှ အသီးသီးခြင်းထက် သာ၍ပင် နှေးကောင်းနှေးနိုင်သည်။ ယင်းမှာ အဘယ်ကြောင့်နည်း။ ဤအတွက် လူတို့အတွင်းတွင် ပါရှိသည့် လက်တွေ့ကျပြီး ဓမ္မဓိဋ္ဌာန်ကျသော အကြောင်းရင်းများစွာ ရှိသည်။ တစ်ခုမှာ လူတို့တွင် ဖောက်ပြန်ပျက်စီးသော စိတ်သဘောထားများ ရှိခြင်းဖြစ်သော်လည်း ယင်းနှင့်ပတ်သက်၍ ငါတို့ ပြောမည်မဟုတ်။ နောက်ထပ်တစ်ခုမှာ လူတို့သည် မလှုပ်မယှက်ဖြစ်ကာ မကြာခဏ အပျက်သဘောဆောင်တတ်ကြခြင်း ဖြစ်သည်။ ၎င်းတို့သည် သမ္မာတရား၊ အပြုသဘောဆောင်သည့် အရာများနှင့် ပတ်သက်လာသည့်အခါ ပျင်းရိကြပြီး ထုံထိုင်းကာ နှေးကွေးကြသည်။ ထို့အပြင် လူတို့သည် အပြုသဘောဆောင်သည့်အရာများကို မချစ်ကြပေ။ ထို့ကြောင့် လူတို့သည် သမ္မာတရားထဲသို့ ဝင်ရောက်ပြီး အသက်ဝင်ရောက်မှုကို ရရှိဖို့ ကြိုးစားသည့်အခါ ၎င်းတို့တွင် အခက်အခဲများကို ရင်ဆိုင်ကျော်ဖြတ်နေရပြီး လှိုင်းတံပိုးများနှင့် ဆန့်ကျင်လှေလှော်နေရသကဲ့သို့ ဖြစ်နေသည်။ လူတို့အတွက် ရေလိုက်ငါးလိုက်နေခြင်း၊ ကပ်ပါးရပ်ပါးလုပ်ခြင်း၊ လောကီရေးရာကို လိုက်စားခြင်းနှင့် ရေပန်းစားမှုများနောက် လိုက်ခြင်းသည် လွယ်ကူသည့်အရာဖြစ်သည့် ဘာသိဘာသာနှင့် ပေါ့ပေါ့ဆဆ အသက်ရှင်ခြင်းဖြစ်ပြီး ခံစားချက်အရဖြစ်သော ရှုထောင့်အမြင်မှဆိုရလျှင် လူတို့သည် ဤနည်းဖြင့် အမှန်တကယ် ပြုမူဆောင်ရွက်ချင်ကြလေသည်။ သို့သော် သမ္မာတရား လိုက်စားခြင်း၊ တရားမျှတသည့်အရာကို လုပ်ဆောင်ခြင်းနှင့် မိမိတို့၏ သင့်တင့်လျောက်ပတ်သော အလုပ်တာဝန်များကို အာရုံစိုက်နိုင်သည့် တရားမျှတစိတ်တစ်ခုရှိသော လူတို့ဖြစ်ခြင်းသည် ၎င်းတို့အတွက် အလွန်ပင်ပန်းရသောအရာ ဖြစ်လေသည်။ ၎င်းတို့သည် မိမိတို့၏ ခံစားချက်အရဖြစ်သော လိုအင်ဆန္ဒများ၊ မိမိတို့ကိုယ်ပိုင် ခံစားချက်များ၊ မိမိတို့ကိုယ်ပိုင် အယူအဆများကို ပုန်ကန်ရမည်ဖြစ်ပြီး မိမိတို့၏ ပျင်းရိမှုနှင့် အခြားထိုသို့သော ကောင်းကျိုးမပြုသကဲ့သို့ အပျက်သဘောဆောင်သော အရာများကိုလည်း ပုန်ကန်ရမည်ဖြစ်သည်။ မိမိတို့ စိတ်ကူးခဲ့သည့်အတိုင်း မဟုတ်သည့် လူများ၊ အလုပ် လုပ်ဖော်ကိုင်ဖက်များ သို့မဟုတ် ပတ်ဝန်းကျင်များကို ၎င်းတို့ ရင်ဆိုင်ရသည့်အခါဖြစ်စေ၊ စိတ်မချမ်းသာစရာ သို့မဟုတ် မကောင်းသော အမှုအရာများကို ၎င်းတို့ ကြားရသည့်အခါတွင်ပင်ဖြစ်စေ ၎င်းတို့အနေဖြင့် ဤအရာကို အောင်မြင်ကျော်လွှားဖို့ ဆုတောင်းခြင်းအပေါ် မှီခိုရမည်ဖြစ်သောကြောင့် ၎င်းတို့သည် ဘုရားသခင်ကို ၎င်းတို့၏ ယုံကြည်မှု၌ သမ္မာတရားကို လိုက်စားခြင်း လမ်းကြောင်းပေါ်တွင် ကြီးမားသော အတိုက်အခံကို ကြုံရကြလေသည်။ ၎င်းတို့သည် အထူးသဖြင့် စိတ်ပိုင်းဖြတ်ချက်ရှိပြီး အံ့ဖွယ်အားအင်ဖြင့် သမ္မာတရားကို လိုက်စားကြပါက တစ်နှစ် သို့မဟုတ် နှစ်နှစ်ကြာ တွေ့ကြုံပြီးသည့်နောက်တွင် တိုးတက်မှုအချို့ကို မြင်တွေ့ရလိမ့်မည်ဖြစ်သည်။ သို့တည်းမဟုတ်လျှင် မိမိတို့ နှစ်သက်သည့်အတိုင်း ၎င်းတို့ ပြုမူဆောင်ရွက်ပြီး အမှုအရာများအား သူ့အလိုလိုဖြစ်ခွင့်သာ ပေးမည်ဆိုလျှင် ၎င်းတို့၏ တိုးတက်မှုသည် အလွန်နှေးကွေးကြလိမ့်မည်။ အချိန်အတန်ကြာပြီးနောက် ၎င်းတို့အတွက် အထူးအရေးပါသော အဖြစ်အပျက်တစ်ခုဖြစ်သည့် အထူးဖြစ်ရပ်တစ်ခုကို ကြုံတွေ့ရကောင်း ကြုံရမည်ဖြစ်ပြီး ၎င်းတို့ သင်ခန်းစာတစ်ခု ယူမိကြလိမ့်မည်၊ ပြုပြင်ခံရလိမ့်မည်ဖြစ်ပြီး ၎င်းတို့၏ အတွင်းကျကျ စိတ်နှလုံးများတွင် ကြီးမားသော နာကျင်မှုကို ၎င်းတို့ ခံစားရလိမ့်မည်ဖြစ်ပြီး အလွန် ထိခိုက်ကြလိမ့်မည်ဖြစ်ကာ ယင်းနောက်တွင်သာ ၎င်းတို့၏ အသက်ဝင်ရောက်မှုနှင့်ပတ်သက်လာသည့်အခါ အပြုသဘောဆောင်သော ပြောင်းလဲမှု အနည်းငယ်ကို ၎င်းတို့ ပြုလုပ်နိုင်ကြလိမ့်မည်ဖြစ်သည်။ ဤ အပြုသဘောဆောင်သော ပြောင်းလဲမှုသည် ၎င်းတို့အား တိုးတက်မှု ဖြစ်နိုင်စေသလော။ မဖြစ်နိုင်စေပါ။ ၎င်းတို့၏ တိုးတက်မှုသည် ဤကာလအတောအတွင်း သမ္မာတရားကို ၎င်းတို့ရှာဖွေပုံအပေါ် မူတည်သည်။ ၎င်းတို့သည် ဆင်ခြေများသာ ဖန်တီးနိုင်သည့်လူများ၊ ဇာတိပကတိဆိုင်ရာ သက်သောင့်သက်သာ ဖြစ်ခြင်းကို အကြိုက်တွေ့ကြသည့် လူများနှင့် သမ္မာတရားကို အမှန်တကယ် မချစ်သည့်လူများဖြစ်လျှင် ဤအဖြစ်အပျက်မှ ၎င်းတို့ ရရှိသမျှမှာ အပေါ်ယံသင်ခန်းစာတစ်ခုထက် ဘာမျှပိုမည်မဟုတ်သကဲ့သို့ သမ္မာတရား သိနားလည်မှုတစ်ခုကို ၎င်းတို့ ရရှိကြမည် မဟုတ်ပေ။ သင့်ဘဝတိုးတက်မှု၏ နှေးကွေးသောအရှိန်နှင့်အညီ သင်တို့နှင့် ငါ၏ ပေါင်းသင်းဆက်ဆံမှုတွင် ငါသည် ခပ်ခွာခွာနေခြင်းကို ထိန်းသိမ်းပြီး ဤနည်းလမ်းကို ခံယူကျင့်သုံးသည်။ ဤသည်မှာ သင့်တင့်လျောက်ပတ်သည်ဟု သင်တို့ ထင်သလော။ (ထင်ပါသည်။) ဤသည်မှာ သင်တို့အတွက် အလွန် အကျိုးရှိပေသည်။ အနည်းဆုံးအနေဖြင့် သင်တို့သည် စိတ်အေးသက်သာ ရှိကြသည်။ ငါသည် သင်တို့ကို တစ်နေ့လုံး စောင့်ကြည့်ကာ သတိထားကြည့်နေရင်း တစ်ရက် ၂၄ နာရီလုံးလုံး သင်တို့ကို အပန်းဖြေခွင့်မပေးဘဲ၊ သင်တို့ကို ကြိုးစားပမ်းစားနှင့် မမောနိုင်မပန်းနိုင် အလုပ်လုပ်စေလျက် ငါသည် သင်တို့ ထမ်းရွက်ရန် အပိုဝန်ထုပ်ဝန်ပိုးတစ်ခုမျှ ပေးမည်မဟုတ်။ ယင်းကို လုပ်ဆောင်ရန် ငါ ဖန်တီးမည်မဟုတ်ဘဲ ထိုအစား သင်တို့နှင့်ပတ်သက်၍ အမှုအရာများကို သူ့အလိုလို ဖြစ်ခွင့်ပေးမည်ဖြစ်သည်။ ယင်းမှာ သင်တို့အနေဖြင့် စိတ်အလိုလိုက်ခြင်းအဖြစ်သို့ ကျဆင်းသွားနိုင်သည်ဟု ဆိုလိုသလော။ (မဟုတ်ပါ။) သို့ဆိုလျှင် သင်တို့ကို မစောင့်ကြည့်ဖို့ ဤရွေးချယ်မှုကို ငါ အဘယ်သို့ဖြစ်ပြီး ယုံကြည်စိတ်ချစွာ ပြုလုပ်နိုင်သနည်း။ အဘယ်ကြောင့်ဆိုသော် သန့်ရှင်းသော ဝိညာဉ်တော်၏ စေ့စေ့စပ်စပ်ကြည့်ရှုစစ်ဆေးခြင်း ရှိသောကြောင့် ဖြစ်သည်။ ထို့အပြင် တစ်စုံတစ်ဦးသည် သမ္မာတရားကို လိုက်စားလျှင်၊ ဤလိုအပ်ချက်ရှိပြီး ၎င်း၏ အတွင်းကျကျ စိတ်နှလုံးတွင် သမ္မာတရားကို လိုက်စားဖို့ လိုလားနေလျှင် ၎င်းကို သင် စောင့်ကြည့်မနေသည့် အချိန်တွင်ပင် ၎င်းက သမ္မာတရား လိုက်စားနေဆဲဖြစ်သည်။ ၎င်းသည် မိမိ၏ လျော်ကန်သော အရေးကိစ္စများကို အာရုံစိုက်သည့် ရည်မွန်သော လူတစ်ဦးဖြစ်သည်။ သူသည် ရည်မွန်သော လူတစ်ဦးမဟုတ်လျှင် ၎င်းကို သင် စောင့်ကြည့်လျှင်ပင် မည်သည့်အကျိုးမျှ ရှိမည်မဟုတ်ပေ။ ၎င်းတို့ကို သင် စောင့်ကြည့်နေချိန်တွင် သင့်ကို ဝတ်ကျေတမ်းကျေ ဆက်ဆံဖို့အတွက် အပေါ်ယံ နည်းလမ်းတစ်ခုခုဖြင့်သာ ပြုမူဆောင်ရွက်ကြပြီး တစ်ခဏမျှ သင် စောင့်ကြည့်မနေချိန်တွင် ၎င်းတို့ ပုံမှန်လုပ်ဆောင်သည့် နည်းလမ်းဖြင့်သာ ပြုမူဆောင်ရွက်ကြပြီး ၎င်းတို့ရှိခဲ့ကြသည့် ယခင်က ပကတိအခြေအနေသို့ ပြန်ရောက်သွားကြသည်။ သမ္မာတရားကို လိုက်စားခြင်းသည် လူတို့ စောင့်ကြည့်၍ရသည့် အရာတစ်ခုမဟုတ်ပေ။ ဤသည်မှာ ငါ လုံးလုံးလျားလျား နားလည်သည့်အရာတစ်ခုဖြစ်ပြီး ထိုအကြောင်းကြောင့် သင်တို့နှင့်အတူ ပေါင်းသင်းကာ ဆက်ဆံရန်အတွက် ဤနည်းလမ်းကို ငါ ခံယူကျင့်သုံးခြင်း ဖြစ်သည်။ ငါ့အနေဖြင့် ဤအရာကို လုပ်ဆောင်ရန် လုံးဝ သင့်တင့်လျောက်ပတ်ပေသည်။

ကနေဒါ အသင်းတော်နှင့်ဆိုင်သည့် ကိစ္စရပ်ကို ယခုတွင် အသေအချာ ရှင်းပြထားပြီးဖြစ်သည် မဟုတ်လော။ ပြီးလျှင် ဤကိစ္စရပ်မှနေ၍ သမ္မာတရားအချို့ကို သင်တို့ နားလည်ပြီလော။ အနာဂတ်တွင် ထိုသို့သော ကိစ္စရပ်တစ်ခုကို သင်တို့ တစ်ဖန် ကြုံရလျှင် ထိုအရာသည် အခြားသူတို့အတွက် စံနမူနာတစ်ခုချမှတ်ရန် လူတို့ကို ပြင်းထန်စွာ အပြစ်ဒဏ်ပေးခြင်းနှင့် အခြားသူတို့အတွက် ၎င်းတို့ကို သတိပေးချက်တစ်ခုဖြစ်စေခြင်း ကိစ္စတစ်ခုဖြစ်သည်ဟု သင်တို့ ပြောလိမ့်ဦးမည်လော။ ဤအရာမဖြစ်မီတွင် ဘုရားသခင်နှင့် သင်၏ ဆက်ဆံရေးကို မည်သူကမျှ ချိုးဖျက်နိုင်မည်မဟုတ်သကဲ့သို့ သင်သည် ဘုရားသခင်နှင့် သဟဇာတဖြစ်နှင့်ပြီးဖြစ်သည်ဟု သင် ခံစားခဲ့ရသည်။ သို့သော် ဤကိစ္စရပ်ကို သင် ကြုံရသည့်အခါ သင်ပိုင်ဆိုင်သည့် ထိုသေးငယ်သည့် ဝိညာဉ်ရင့်ကျက်မှု အနည်းငယ်က ပေါ်လွင်သွားခဲ့သည်။ မည်သည့် ဝိညာဉ်ရင့်ကျက်မှုနည်း။ သင့်အနေဖြင့် လေးလံသည့် ဝန်ထုပ်ကို ထမ်းရွက်ပြီး ဆင်းရဲဒုက္ခခံနိုင်မည်၊ သင်၏ စိတ်ပိုင်းဖြတ်ချက်နှင့် ယုံကြည်ခြင်းတို့က ယခင်က သာ၍ ကြီးမားပြီး မကြာခင် သင် စုံလင်အောင်ပြုခြင်းခံရမည်ဟု သင် တွေးထင်ခဲ့သည်။ ဤသည်မှာ သင်၏ စိတ်နှလုံးတွင် သင်ထားရှိသည့် မှားယွင်းသော သိမြင်နားလည်ခြင်းဖြစ်ခဲ့သည်။ ပြီးလျှင် ယခု မည်သည့်အရာကို သင် စဉ်းစားသနည်း။ သင်၏ တွေးခေါ်မှုသည် အနည်းငယ် အလောကြီးနေ၏။ ငါ့ကို ကြည့်လော့။ ငါသည် အပြင်ပန်းတွင် ဤသို့ထင်ရသည်။ ငါ့ကို ထိတွေ့ပြီး မြင်နိုင်သည်။ ငါ၏ ပင်ကိုစရိုက်က ပွင့်လင်းကာ သိသာရှင်းလင်းသည်ဟု ယူဆ၍ ရနိုင်သလော။ ငါ၏ ပင်ကိုစရိုက်မှ အကဲဖြတ်သည့်အခါ၊ ငါသည် ပြဿနာတစ်ခု ပေါ်ပေါက်သည့်အခါ သင်မသိအောင် လုပ်ဆောင်ပြီး သင်တို့အား မည်သည့်အရာမျှ မပြောဘဲ တိတ်တဆိတ် ဆောင်ရွက်ပြီးနောက် ငါ၏ ရည်ရွယ်ချက်များက မည်သည့်အရာဖြစ်သည်ကို သင်တို့အား ခန့်မှန်းစေသည့်လူတစ်ဦး မဟုတ်ပေ။ ငါသည် ထိုလူစားမျိုး မဟုတ်။ မည်သည့် ပြဿနာ ပေါ်ပေါက်သည်ဖြစ်စေ သင်တို့ထံ ထိုအရာကို ရှင်းလင်းစွာ ငါ အမြဲ ရှင်းပြသည်။ သို့တိုင် သင်တို့သည် ထိုသို့သော သဘောတရားတစ်စုံကို အကျဉ်းချုပ်ပြောကာ “ဤသည်မှာ ဘုရားသခင်အပေါ် ငါ၏ အမြင့်ဆုံးသော သိနားလည်မှုဖြစ်သည်”ဟု ဆိုနိုင်ကြဆဲဖြစ်သည်။ ဤသိနားလည်မှုအပေါ် သင် မည်သို့ တွေးထင်သနည်း။ ယခု သင်သည် သင်ခန်းစာတစ်ခု သင်ယူပြီးဖြစ်သည် မဟုတ်လော။ ဤသည်မှာ ဘုရားသခင်အပေါ် သင်တို့၏ သိနားလည်မှုတွင် သင်တို့၏ အကြီးမားဆုံးသော ကျရှုံးမှုဖြစ်လေပြီဟု ဆို၍ရနိုင်သလော။ ငါ ပြောသည့် စကားများကို သင်တို့ ကြားနိုင်ပြီး ငါ၏ အသွင်အပြင်ကို မြင်နိုင်ကာ ငါသည် ထိတွေ့ပြီး မြင်၍ရနိုင်သည့် သွေးသားရှိသော လူတစ်ဦးဖြစ်သည်။ ငါသည် ထိုဆောင်ရွက်ပုံနည်းလမ်းကို ခံယူခဲ့ပြီး သင်တို့ထဲမှ မည်သူကမျှ ထိုအရာကို နားမလည်နိုင်ခဲ့သကဲ့သို့ ငါတို့သည် ဘုံသဘောတူညီချက်တစ်ခု မရနိုင်ခဲ့ကြပေ။ ငါတို့တွင် ဖွင့်ဟရန်မလိုသော အပြန်အလှန် နားလည်မှု အနည်းငယ်မျှပင် မရှိခဲ့ကြပေ။ သင်သည် ဘုရားသခင်နှင့် အလွန် ဝေးကွာနေသည်တကား။ သင်သည် ဘုရားသခင်ကို သိနားလည်ခြင်းမှ အလှမ်းဝေးနေဆဲဖြစ်သည်။ ဤသည်တို့မှာ စစ်မှန်သော စကားများဖြစ်သည်။ ဤသည်မှာ စစ်မှန်သော အခြေအနေဖြစ်သည်။ သင်၏ တာဝန်ကို အနည်းငယ် ထမ်းဆောင်နိုင်ရုံဖြင့်၊ ဘုရားသခင်ကို နှစ်ပေါင်းများစွာ သင် ယုံကြည်ပြီးဖြစ်ကာ အယူဝါဒအချို့ကို သင် ပြောဆိုနိုင်ရုံဖြင့် ဘုရားသခင်ကို သင် နားလည်ခြင်းဖြစ်သည်ဟု မထင်လေနှင့်။ သင့်ကို ငါ ပြောမည်၊ သင်၏ တွေးခေါ်မှုက လောကြီးနေ၏။ သင်သည် ယင်းနှင့်ပတ်သက်၍ ဗဟုသုတနှင့်ပြည့်စုံနေသည်ဟု မထင်လေနှင့်။ အမှန်တွင် သင်သည် ဘုရားသခင်ကို သိနားလည်ခြင်းနှင့် ဝေးကွာနေဆဲဖြစ်သည်။ သင်သည် ဤသို့သော နားလည်မှုရဖို့ အမှန်တကယ်ပင် အလွန်ဝေးနေသေး၏။ မည်သည့် ကိစ္စရပ်တွင်မဆို လူတို့သည် ထုတ်ဖော်ခံရနိုင်ပြီး လူအချို့သည် ကနေဒါအသင်းတော်ကို ကိုင်တွယ်ခြင်းနှင့်ဆိုင်သည့် ဤကိစ္စရပ်အားဖြင့် ထုတ်ဖော်ခံရပြီးဖြစ်သည်။ လူတို့အနေဖြင့် ဘုရားသခင်၏ လုပ်ဆောင်ချက်များနှင့် စိတ်သဘောထားအကြောင်းကို သင်ယူရန်အလို့ငှာ၊ ၎င်းတို့၏ ပုန်ကန်မှုကို နားလည်ရန်အလို့ငှာ၊ ဘုရားသခင်နှင့် ၎င်းတို့၏ ဆက်ဆံရေးက အတိအကျ မည်သည့်အရာဖြစ်သည်ကို နားလည်ပြီး သမ္မာတရားနှင့်ဆိုင်သည့် ၎င်းတို့၏ သိနားလည်မှုနှင့် အသိပညာအပြင် ဘုရားသခင်အပေါ် ၎င်းတို့၏ သိနားလည်မှုက မည်သည့်အဆင့်တွင် အတိအကျရှိသည်ကို ရှင်းရှင်းလင်းလင်း မြင်ရန်အလို့ငှာ ဤမတူကွဲပြားသော အခြေအနေများနှင့် အဖြစ်အပျက်များမှတစ်ဆင့် အဆက်မပြတ် ကြီးထွားရမည်ဖြစ်ပြီး မိမိတို့ကိုယ်ကိုနှင့် ဘုရားသခင်ကို အဆက်မပြတ် သိနားလည်လာရမည်ဖြစ်သည်။ ဤကိစ္စရပ်များမှတစ်ဆင့် သင်၏ စစ်မှန်သော ဝိညာဉ်ရင့်ကျက်မှုနှင့် စစ်မှန်သော အခြေအနေတို့က တိုင်းတာခံရလိမ့်မည်ဖြစ်သည်။ ဤအကြိမ်တွင် သင်ခန်းစာတစ်ခုကို သင်တို့ ရပြီးဖြစ်သလော။ နောက်တစ်ကြိမ်တွင် ဤသိနားလည်မှုမျိုးမရှိရန် ကြိုးပမ်းလော့။ ထိုအရာသည် အလွန် ထိခိုက်စေသောအရာဖြစ်သည်၊ အလွန်မယုံနိုင်စရာချည်းသာ ဖြစ်သည်။ ဤကိစ္စရပ်ကို ထိုမျှရှည်ကြာစွာ ရှင်းပြထိုက်သည်ဟု သင်တို့ ထင်သလော။ မလိုအပ်ခဲ့သင့်ပေ။ မလိုအပ်ခဲ့သင့်ဟု ငါ အဘယ်ကြောင့် ပြောသနည်း။ သင်တို့ သဘောပေါက်ပြီးဖြစ်သည့် စကားများနှင့် အယူဝါဒများအရ သင်တို့သည် ဤကိစ္စရပ်နှင့်ဆိုင်သည့် အခက်အခဲကို ကျော်ဖြတ်နိုင်ခဲ့သင့်ပေသည်။ ထိုအရာနှင့်ပတ်သက်၍ သင်တို့ဘာသာ ချင့်ချိန်စဉ်းစားခြင်းနှင့် ထိုအရာအပေါ် လူတိုင်း အတူတကွ မိတ်သဟာယပြုခြင်းအားဖြင့် သင်တို့၏ သိနားလည်မှု အလွန် အစွန်းရောက်လာခြင်းမရှိဘဲ ထိုအရာကို သင်တို့ အတော်အတန် စင်ကြယ်သော နည်းလမ်းဖြင့် နားလည်နိုင်ခဲ့သင့်သည်။ သို့သော် မမျှော်လင့်ဘဲ အစွန်းရောက်သော သိနားလည်မှုများ ပေါ်ထွက်လာပြီးဖြစ်ကာ ငါ့အနေဖြင့် အချို့သော အသေးစိတ်အချက်များကို မိတ်သဟာယပြုဖို့ လိုအပ်လာပြီဖြစ်သည်။ ဤမိတ်သဟာယကို နားထောင်ပြီးနောက်တွင် သင်တို့၏ စိတ်နှလုံးများသည် ယခု တောက်ပသွားကြသည် မဟုတ်လော။ ဤကိစ္စရပ်နှင့်ပတ်သက်၍ ယခု သင်တို့တွင် နောက်ထပ် စိတ်ကူးတစ်ခုတလေမျှ မရှိသင့်ကြပေ၊ မှန်ပါသလော။ သို့ဖြစ်၍ ထိုလူများကို ငါကိုင်တွယ်ခဲ့သည့် နည်းလမ်းအား လွန်ကဲသည်ဟု သင်တို့ ယူဆကြသလော။ (မယူဆကြပါ။) ဤကိစ္စရပ်နှင့်ပတ်သက်သည့် ဆွေးနွေးမှုကို ဤတွင် ငါတို့ အဆုံးသတ်လိုက်ကြစို့၊ ပြီးလျှင် အဓိကအကြောင်းအရာနှင့် ပတ်သက်၍ ငါ စတင်မိတ်သဟာယပြုမည်ဖြစ်သည်။

အန္တိခရစ်များက မည်သို့ကောက်ကျစ်ဆိုးယုတ်ပုံ၊ အန္တရာယ်ပေးပုံနှင့် လှည့်ဖြားပုံတို့ကို စိတ်ဖြာလေ့လာဆွေးနွေးခြင်း

ပြီးခဲ့သည့်တစ်ကြိမ်တွင်၊ ငါတို့သည် အန္တိခရစ်များ၏ သတ္တမမြောက် သရုပ်သကန်ဖြစ်သော ၎င်းတို့သည် ကောက်ကျစ်ဆိုးယုတ်ကာ တစိမ့်စိမ့်နှင့် အန္တရာယ်ပေးတတ်ပြီး လှည့်ဖြားတတ်သည် ဟူသည့်အချက်ကို မိတ်သဟာယဖွဲ့ခဲ့ကြသည်။ မည်သည့် သွင်ပြင်လက္ခဏာကို ငါတို့ အဓိက မိတ်သဟာယဖွဲ့ခဲ့သနည်း။ အန္တိခရစ်များ မည်သို့ ကောက်ကျစ်ဆိုးယုတ်သည်ကို ငါတို့ ပြောခဲ့ကြသည်။ ၎င်းတို့ ကောက်ကျစ်ဆိုးယုတ်သည်ဟု အဘယ်ကြောင့် ငါတို့ ပြောရသနည်း။ ၎င်းတို့၏ သဘာဝအနှစ်သာရအတွင်းရှိ မည်သည့် အထူးစိတ်သဘောထားများ၊ သရုပ်သကန်များနှင့် လက္ခဏာရပ်များက ၎င်းတို့အား ကောက်ကျစ်ဆိုးယုတ်သောသူ၊ တစိမ့်စိမ့်နှင့် အန္တရာယ်ပေးတတ်ပြီး လှည့်ဖြားတတ်သောသူအဖြစ် သတ်မှတ်နိုင်သနည်း။ ၎င်းတို့၏ ကောက်ကျစ်ဆိုးယုတ်မှု တည်ရှိကြောင်းနှင့် ထိုအရာက ၎င်းတို့၏ စစ်မှန်သောအခြေအနေများနှင့် ကိုက်ညီကြောင်း သက်သေပြသည့် သိသာထင်ရှားသော လက္ခဏာများမှာ အဘယ်နည်း။ ဤကဲ့သို့သောလူများသည် ကောက်ကျစ်ဆိုးယုတ်သည်ဟု ပြောဆိုရန် ငါတို့အား အကြောင်းပြချက်ပေးသည့် ၎င်းတို့၏ သဘာဝအနှစ်သာရနှင့်ဆိုင်သည့် အဓိကလက္ခဏာရပ်များမှာ အဘယ်နည်း။ ကျေးဇူးပြု၍ သင်တို့၏ အတွေးအမြင်များကို မျှဝေကြလော့။ (အန္တိခရစ်များစွာတို့သည် သမ္မာတရားကို နားလည်ကြသော်လည်း၊ ထိုသမ္မာတရားကို မျက်နှာပြောင်တိုက် ဆန့်ကျင်ကြသည်။ မှန်ကန်သည့်အရာကို ရှင်းလင်းစွာ သိရှိကြသော်လည်း ၎င်းတို့၏ကိုယ်ပိုင်လမ်းကြောင်းကို လျှောက်လှမ်းရန် နှလုံးခိုင်မာစွာ ရွေးချယ်ကြသည်။ အန္တိခရစ်များ၏ ကောက်ကျစ်ဆိုးယုတ်မှုသည် သမ္မာတရားကို စစ်မှန်စွာ လိုက်စားသူများနှင့် အပြုသဘောဆောင်သော ပုဂ္ဂိုလ်များအပေါ် ၎င်းတို့၏ အခြေအမြစ်မရှိသော ရန်လိုမှုတွင်လည်း ပေါ်လွင်ထင်ရှားပါသည်။) (အန္တိခရစ်များသည် အခြားသူများ ကောင်းစားသည်ကို မမြင်လိုကြပါ။ ညီအစ်ကိုမောင်နှမများအတွက် ဘုရားအိမ်တော်က ပေးသည့် အကျိုးကျေးဇူးများကို ၎င်းတို့ကိုယ်တိုင်သာ မွေ့လျော်ခံစားလိုကြပြီး၊ ညီအစ်ကိုမောင်နှမများ မွေ့လျော်ခံစားကြရန် ၎င်းတို့ မလိုလားသောကြောင့် ဤအကျိုးကျေးဇူးများကို လက်ဆင့်မကမ်းကြပါ။) (ဘုရားသခင်၊ အဆင့်အတန်းရရှိရန် အန္တိခရစ်များက ဘုရားသခင်နှင့် သမ္မာတရားကို တန်ဆာပလာများအဖြစ် အသုံးပြုပုံနှင့်စပ်လျဉ်း၍ ကိုယ်တော်၏ ယခင်မိတ်သဟာယက ကျွန်ုပ်အပေါ် ပြင်းထန်သော ထင်မြင်ချက်မှုတစ်ခု ရှိစေခဲ့ပါသည်၊ ဤသည်မှာ အထူးသဖြင့် ကောက်ကျစ်ဆိုးယုတ်သည်ဟု ကျွန်ုပ်ခံစားရပါသည်။) သင်တို့အများစုသည် အချို့အရာများကို မှတ်မိကြသည်။ ဆိုလိုသည်မှာ အန္တိခရစ်များ၏ ကောက်ကျစ်ဆိုးယုတ်သော အနှစ်သာရကို မိတ်သဟာယပြုချိန်တွင် ငါပေးခဲ့သည့် ဥပမာအနည်းငယ်ကို မှတ်မိကြသည်။ သင်တို့သည် ဥပမာများကိုသာ မှတ်မိကြသော်လည်း၊ အန္တိခရစ်များ၏ ကောက်ကျစ်ဆိုးယုတ်သော အနှစ်သာရအပေါ် ငါ၏ မိတ်သဟာယဖွဲ့ခြင်းနှင့် စိတ်ဖြာလေ့လာဆွေးနွေးခြင်း အကြောင်းအရာကိုမူ သင်တို့ မေ့လျော့ကြလေပြီ။ သို့ဆိုလျှင် အန္တိခရစ်များ၏ ကောက်ကျစ်ဆိုးယုတ်သော သဘာဝအနှစ်သာရကို မိတ်သဟာယဖွဲ့ကာ စိတ်ဖြာလေ့လာဆွေးနွေးနေစဉ်တွင် ငါ ထည့်သွင်းစဉ်းစားခဲ့သည့် သမ္မာတရားများထဲမှ မည်မျှကို သင်တို့ နားလည်နိုင်ကြသနည်း။ သင်တို့သည် ဤအရာများကို မမှတ်မိနိုင်သည့်အတွက်၊ ယင်းက ထိုအချိန်တွင် ထိုအရာများထဲမှ တစ်ခုကိုမျှ သင်တို့ နားမလည်ခဲ့ကြောင်းကို ညွှန်ပြနေသည် မဟုတ်လော။ ငါ၏ မိတ်သဟာယက သင်တို့အပေါ် ပြင်းထန်သော ထင်မြင်ချက်တစ်ခု ချန်ထားခဲ့ပါက၊ အတိုင်းအတာတစ်ခုအထိ ၎င်းတို့ကို သင်တို့ မှတ်မိနိုင်ကြမည် မဟုတ်လော။ သင်တို့၏ မှတ်ဉာဏ်ထဲသို့ ရောက်ရှိလာသည့်အရာများသည် သင်တို့ နားလည်သည့်အရာများ မဟုတ်လော။ သင်တို့ ပြန်လည်အမှတ်မရနိုင်သည့်အရာများသည် သင်တို့ နားလည်ရန် အလွန်ခက်ခဲသည်ဟု သင်တို့တွေ့ရှိသည့်အရာများ၊ သို့မဟုတ် သင်တို့ တကယ်ကို နားမလည်နိုင်သည့်အရာများ မဟုတ်လော။ ထိုအချိန်က ထိုသမ္မာတရားများကို သင်တို့ ကြားသိခဲ့ချိန်တွင်၊ မှန်ကန်သည်ဟု သင်တို့ ထင်ခဲ့ကြပြီး၊ အယူဝါဒများအရ ထိုသမ္မာတရားများကို သင်တို့ မှတ်မိခဲ့ကြကာ၊ ထိုသို့ပြုလုပ်ရန် သင်တို့အတွက် ကြီးမားသော အားထုတ်မှု လိုအပ်ခဲ့သည်။ သို့သော် တစ်ညအိပ်ပြီးနောက်၊ ထိုသမ္မာတရားများကို သင်တို့ မေ့လျော့သွားကြသည်။ တစ်လကြာပြီးနောက်၊ ယင်းတို့က လုံးဝ မရှိတော့ပေ။ ဤသဘောပင် မဟုတ်လော။ ကိစ္စရပ်တစ်ခု သို့မဟုတ် လူတစ်ဦး၏ အနှစ်သာရကို ရိပ်စားမိရန်၊ သင်သည် သမ္မာတရားကို နားလည်ဖို့ လိုအပ်သည်။ သင်သည် ဘာသာတရားမရှိသူများ၏ အမြင်ရှုထောင့်များကို ဖက်တွယ်နေဆဲဖြစ်ပြီး၊ ဘာသာတရားမရှိသူများ၏ ပြောဆိုချက်များအပေါ် အခြေခံ၍ အမှုအရာများကို ရှုမြင်ပြီး စဉ်းစားဆင်ခြင်နေသေးပါက၊ သမ္မာတရားကို သင်နားမလည်ကြောင်း ယင်းက သက်သေပြသည်။ သင်သည် တရားဒေသနာများနှင့် မိတ်သဟာယများကို နားထောင်ခဲ့သည့် နှစ်အနည်းငယ်မှနေ၍ မည်သည့်အရာမျှ မရရှိခဲ့သကဲ့သို့ လူတို့က သင်နှင့်အတူ သမ္မာတရားကို မိတ်သဟာယဖွဲ့သည့်အခါ၊ ၎င်းတို့ မည်သို့ပင် ရှင်းပြပါစေ သင် နားမလည်နိုင်ပါက၊ ဤသည်မှာ သင်၌ သမ္မာတရားကို သဘောပေါက်နားလည်နိုင်စွမ်း မရှိကြောင်း ညွှန်ပြသည်၊ ယင်းကို ညံ့ဖျင်းသော အစွမ်းအစဟု ခေါ်သည်။ ထိုသို့ပင်ဖြစ်သည် မဟုတ်လော။ (ဟုတ်ပါသည်။) အန္တိခရစ်များ၏ ကောက်ကျစ်ဆိုးယုတ်မှုနှင့်စပ်လျဉ်း၍၊ သင်တို့ထဲမှ မည်သူကမျှ အရေးအကြီးဆုံးသော ပြောဆိုချက်ကို မဖော်ပြခဲ့ကြပေ။ အဘယ်ကြောင့် သင်တို့ မဖော်ပြခဲ့ကြသနည်း။ တစ်နည်းအားဖြင့်၊ အချိန်အတော်ကြာပြီဖြစ်ပြီး ထိုအရာကို သင်တို့ မေ့လျော့သွားကြပြီဖြစ်သောကြောင့် ဖြစ်သည်။ နောက်တစ်နည်းအားဖြင့်၊ ဤပြောဆိုချက်၏ အရေးပါမှုကို သင်တို့ သဘောပေါက်နားလည်ခြင်း မရှိခဲ့သောကြောင့် ဖြစ်သည်၊ ဤပြောဆိုချက်သည် အန္တိခရစ်များ၏ ကောက်ကျစ်ဆိုးယုတ်သော အနှစ်သာရကို ဖော်ထုတ်ပြီး ဖွင့်ချသည့် အဓိကကျသော ပြောဆိုချက်တစ်ခုဖြစ်ကြောင်းကို သင်တို့ မသိခဲ့ကြပေ။ ဤပြောဆိုချက်မှာ အဘယ်နည်း။ အန္တိခရစ်များ၏ ကောက်ကျစ်ဆိုးယုတ်မှုသည် အပြုသဘောဆောင်သော အရာအားလုံးနှင့် သမ္မာတရားနှင့် ဆက်စပ်သည့် အရာအားလုံးအပေါ် ၎င်းတို့၏ ရန်လိုမှုနှင့် စက်ဆုပ်ရွံရှာခြင်းတို့တွင် အဓိကအားဖြင့် ပေါ်လွင်ထင်ရှားသည်ဟူ၍ ဖြစ်သည်။ အန္တိခရစ်များသည် ဤအပြုသဘောဆောင်သော အရာများကို အဘယ်ကြောင့် ရန်လိုပြီး စက်ဆုပ်ရွံရှာကြသနည်း။ ဤအပြုသဘောဆောင်သော အရာများက ၎င်းတို့ကို ထိခိုက်နစ်နာစေပြီလော။ မထိခိုက်မနစ်နာစေပါ။ ယင်းတို့သည် ၎င်းတို့၏ အကျိုးစီးပွားများကို ထိပါးသလော။ တစ်ခါတစ်ရံတွင် ထိပါးကောင်းထိပါးနိုင်သည်၊ တစ်ခါတစ်ရံတွင် လုံးဝမထိပါးပါ။ သို့ဆိုလျှင် အန္တိခရစ်များသည် အပြုသဘောဆောင်သော အရာများအပေါ် အခြေအမြစ်မရှိဘဲ အဘယ်ကြောင့် ရန်လိုပြီး စက်ဆုပ်ရွံရှာကြသနည်း။ (ယင်းသည် ၎င်းတို့၏ သဘာဝ ဖြစ်ပါသည်။) ၎င်းတို့တွင် ဤ သဘာဝမျိုးရှိသည်၊ ၎င်းတို့သည် အပြုသဘောဆောင်သော အရာအားလုံးနှင့် သမ္မာတရားများအပေါ် ရန်လိုပြီး စက်ဆုပ်ရွံရှာကြသည်။ ဤအရာက အန္တိခရစ်များ၏ ကောက်ကျစ်ဆိုးယုတ်သော သဘာဝကို အတည်ပြုသည်။ ဤပြောဆိုချက်သည် အရေးကြီးသလော၊ အရေးမကြီးသလော။ ဤမျှ အရေးကြီးသော ပြောဆိုချက်တစ်ခုကို သင်တို့ မမှတ်မိကြပေ၊ အရေးမပါသည့်အရာများကိုသာ သင်တို့ မှတ်မိကြသည်။ အဘယ်ကြောင့် ငါသည် သင်တို့ကို ထိုမေးခွန်းများ မေးခဲ့သနည်း။ သင်တို့ စကားပြောရန်နှင့် ဤအရာများကို သင်တို့ မည်မျှအထိ သဘောပေါက်နားလည်သည်ကိုလည်းကောင်း၊ သင်တို့၏ စိတ်နှလုံးထဲတွင် မည်မျှ မှတ်မိနိုင်သည်ကိုလည်းကောင်း၊ ထိုအချိန်က မည်မျှ နားလည်နိုင်ခဲ့သည်ကိုလည်းကောင်း ငါမြင်တွေ့နိုင်ရန်အလို့ငှာ ဖြစ်သည်။ မျှော်လင့်ထားသည့်အတိုင်းပင်၊ သင်တို့သည် အသေးအဖွဲဖြစ်သော အမှုအရာ အနည်းငယ်ကိုသာ မှတ်မိကြသည်။ ငါပြောဆိုခဲ့သည့် အရာအားလုံးကို အကြောင်းမဲ့စကားစမြည်ပြောခြင်းများအဖြစ် သင်တို့ သဘောထားကြသည်။ ငါသည် ဤနေရာသို့ စကားစမြည်ပြောရန် လာခဲ့ခြင်းမဟုတ်ဘဲ၊ လူတို့အား မည်သို့ ခွဲခြားသိမြင်ရမည်ဟူသည်ကို သင်တို့အား ပြောပြရန်သာ လာခဲ့ခြင်း ဖြစ်သည်။ ငါဖော်ပြခဲ့သည့် ပြောဆိုချက်သည် အန္တိခရစ်များ၏ ကောက်ကျစ်ဆိုးယုတ်သော သဘာဝကို ခွဲခြားသိမြင်ရန် အမြင့်မားဆုံးသော သမ္မာတရားစည်းမျဉ်း ဖြစ်သည်။ သင်သည် ဤပြောဆိုချက်ကို အသုံးမပြုနိုင်ပါက၊ အန္တိခရစ်များ၏ ကောက်ကျစ်ဆိုးယုတ်သော သဘာဝကို ခွဲခြားသိမြင်နိုင်မည်မဟုတ်၊ သို့မဟုတ် သိရှိနိုင်မည်မဟုတ်ပေ။ ဥပမာအားဖြင့်၊ လူတစ်ဦးကို အန္တိခရစ်အဖြစ် သတ်မှတ်သည့်အခါ၊ အချို့လူများက “သူက ကျွန်ုပ်တို့အပေါ် ကောင်းပါသည်၊ သူက ချစ်ခင်တတ်ပြီး ကျွန်ုပ်တို့ကို ကူညီပါသည်။ ထိုသို့သော လူကောင်းတစ်ဦးကို အန္တိခရစ်အဖြစ် အဘယ်ကြောင့် သတ်မှတ်ရသနည်း”ဟု ပြောကောင်းပြောနိုင်ပါသည်။ အန္တိခရစ်များသည် အပေါ်ယံတွင် အခြားသူများအပေါ် ချစ်ခင်ပုံရသော်လည်း၊ ဘုရားသခင်၏ အလုပ်ကို နှောင့်ယှက်ပြီး အဖျက်အမှောင့်လုပ်ကာ၊ ဘုရားသခင်ကို အထူးသဖြင့် ဆန့်ကျင်ကြောင်း ထိုသူတို့ နားမလည်ကြပေ။ ၎င်းတို့၏ ဤအန္တရာယ်ပေးတတ်ပြီး စဉ်းလဲကောက်ကျစ်သောဘက်ခြမ်းသည် လူအများစု မမြင်နိုင်သောအရာတစ်ခု ဖြစ်သည်။ ထိုအရာကို ၎င်းတို့ လုံးဝ ခွဲခြားသိမြင်နိုင်ခြင်း မရှိသကဲ့သို့၊ ဘုရားသခင်ကို ၎င်းတို့ နားလည်မှုလွဲမှားကြပြီး၊ ဘုရားသခင်အပေါ် အယူအဆများ ဖြစ်ပေါ်ကာ၊ ဤအကြောင်းကြောင့် ဘုရားသခင်ကို ပြစ်တင်ရှုတ်ချပြီး စောဒကတက်ခြင်းပင် ပြုလုပ်ကြသည်။ ထိုသို့သောလူများသည် တကယ်ကို လူယုတ်မာများဖြစ်ကြပြီး ဘုရားသခင်၏ ကယ်တင်ခြင်းကို မရရှိနိုင်ကြပေ။ ဤသည်မှာ အဘယ်ကြောင့်ဆိုသော် ၎င်းတို့သည် အန္တိခရစ်များက လူတို့ကို မည်သို့ အမိဖမ်းသည်၊ မည်သို့ သွေးဆောင်ဖြားယောင်းသည်၊ မည်သို့ မျက်နှာလိုမျက်နှာရလုပ်သည် စသည့် အပေါ်ယံကိစ္စရပ်များကိုသာ မြင်ကြပြီး၊ အန္တိခရစ်များ၏ ကောက်ကျစ်ဆိုးယုတ်သော အနှစ်သာရကို သတိမပြုမိကြသကဲ့သို့၊ ဘုရားသခင်ကို အတိုက်အခံလုပ်ရန်နှင့် သီးခြားဖြစ်သော နယ်ပယ်များ တည်ထောင်ရန် အန္တိခရစ်များ အသုံးပြုသည့် နည်းလမ်းများကိုလည်း ၎င်းတို့ မမြင်ကြသောကြောင့် ဖြစ်သည်။ ဤအရာများကို ၎င်းတို့ အဘယ်ကြောင့် မမြင်နိုင်ကြသနည်း။ အဘယ်ကြောင့်ဆိုသော် ၎င်းတို့သည် သမ္မာတရားကို နားမလည်ကြသကဲ့သို့ လူတို့ကို ခွဲခြားသိမြင်နိုင်ခြင်း မရှိကြသောကြောင့် ဖြစ်သည်။ ၎င်းတို့သည် အစဉ်သဖြင့် အပြင်ပန်းဖြစ်စဉ်များ၏ အထင်အမြင်မှားစေခြင်းကို ခံရပြီး ပြဿနာ၏ အနှစ်သာရနှင့် အကျိုးဆက်များကို ရိပ်စားမိနိုင်ခြင်း မရှိကြပေ။ ၎င်းတို့သည် လူတို့ကို တိုင်းတာရန်နှင့် ၎င်းတို့အပေါ် စီရင်ချက်ချရန် လူတို့၏ ကိုယ်ကျင့်တရားနှင့်ဆိုင်သည့် ရိုးရာ လူသားအယူအဆများနှင့် လောကီရေးရာ နည်းလမ်းများကိုလည်း အစဉ်သဖြင့် အသုံးပြုကြသည်။ ရလဒ်အနေဖြင့်၊ ၎င်းတို့သည် အန္တိခရစ်များ၏ အထင်အမြင်မှားစေခြင်း ခံကြရပြီး၊ အန္တိခရစ်များ၏ ဘက်တွင် ရပ်တည်ကြကာ၊ ၎င်းတို့နှင့် ဘုရားသခင်ကြားတွင် ပဋိပက္ခများနှင့် ထိပ်တိုက်တွေ့ဆုံမှုများ ဖြစ်ပေါ်လာသည်။ ဤသည်မှာ မည်သူ၏အမှားဖြစ်သနည်း။ ဤအမှားသည် မည်သို့ ဖြစ်ပေါ်ခဲ့သနည်း။ ဤသည်မှာ ၎င်းတို့ သမ္မာတရားကို နားမလည်ခြင်း၊ ဘုရားသခင်၏ အမှုတော်ကို မသိရှိခြင်းနှင့် လူပုဂ္ဂိုလ်များ၊ အမှုအရာများကို ၎င်းတို့၏ အယူအဆများနှင့် စိတ်ကူးစိတ်သန်းများအပေါ် အခြေခံ၍ အစဉ်သဖြင့် ရှုမြင်ခြင်းတို့၏ အကျိုးဆက်ဖြစ်သည်။

၂။ အပျက်သဘောဆောင်သောအရာများကို အန္တိခရစ်တို့၏ ချစ်ခြင်းအား စိတ်ဖြာလေ့လာဆွေးနွေးခြင်း

ယနေ့၊ ငါတို့သည် အန္တိခရစ်များ၏ သတ္တမမြောက် သရုပ်သကန်ဖြစ်သည့်၊ ၎င်းတို့သည် ကောက်ကျစ်ဆိုးယုတ်ကာ တစိမ့်စိမ့်နှင့် အန္တရာယ်ပေးတတ်ပြီး လှည့်ဖြားတတ်သည် ဟူသည့်အချက်ကို ဆက်လက်၍ မိတ်သဟာယဖွဲ့ကြမည်။ ကောက်ကျစ်ဆိုးယုတ်မှုတွင် အန္တရာယ်ပေးတတ်ခြင်းနှင့် လှည့်ဖြားတတ်ခြင်း နှစ်မျိုးလုံး ပါဝင်သည်နှင့်အမျှ ဤသရုပ်သကန်၏ အဓိကအချက်မှာ ၎င်းတို့၏ ကောက်ကျစ်ဆိုးယုတ်မှုဖြစ်သည်။ ကောက်ကျစ်ဆိုးယုတ်မှုသည် အန္တိခရစ်များ၏ အနှစ်သာရကို ကိုယ်စားပြုစဉ်တွင်၊ တစိမ့်စိမ့်အန္တရာယ်ပေးတတ်ခြင်းနှင့် လှည့်ဖြားခြင်းတို့မှာမူ ယင်းနှင့်စာလျှင် အရေးမပါသောအရာများ ဖြစ်ကြသည်။ ပြီးခဲ့သည့်အကြိမ်တွင်၊ ငါတို့သည် အန္တိခရစ်များ၏ ကောက်ကျစ်ဆိုးယုတ်သော အနှစ်သာရကို မိတ်သဟာယဖွဲ့ပြီး ဖော်ထုတ်ခဲ့ကြသည်။ ငါတို့သည် အန္တိခရစ်များ၏ အနှစ်သာရနှင့်ဆိုင်သည့် ဤအသွင်အပြင်ကို ဖော်ထုတ်ခြင်းနှင့်ပတ်သက်သည့် အချို့သောစကားလုံးများကို ထည့်သွင်းစဉ်းစားလျက် အချို့သော ယေဘုယျ အယူအဆများနှင့် အတော်အတန် အဓိပ္ပာယ်ဖွင့်ဆိုမှုပေးသည့် အကြောင်းအရာအချို့ကို မိတ်သဟာယဖွဲ့ခဲ့ကြသည်။ ယနေ့တွင်၊ ငါတို့သည် ဤအကြောင်းအရာကို ဆက်လက်၍ မိတ်သဟာယဖွဲ့ကြမည်။ အချို့က “ဤအကြောင်းအရာနှင့်ပတ်သက်လာသည့်အခါ မိတ်သဟာယဖွဲ့ရမည့်အရာ တစ်ခုတလေ ရှိပါသလော” ဟု မေးကောင်းမေးနိုင်သည်။ ရှိပေ၏။ ဤနေရာတွင် မိတ်သဟာယဖွဲ့ရန် လိုအပ်နေသေးသည့် အချို့သောအသေးစိတ်အချက်များ ရှိသည်။ ငါတို့သည် ယနေ့တွင် ဤအကြောင်းအရာကို မတူညီသောနည်းလမ်းဖြင့်လည်းကောင်း၊ မတူညီသောရှုထောင့်မှလည်းကောင်း မိတ်သဟာယဖွဲ့ကြမည်။ ပြီးခဲ့သည့်တစ်ကြိမ်က ငါတို့ မိတ်သဟာယဖွဲ့ခဲ့သည့် အန္တိခရစ်များ၏ ကောက်ကျစ်ဆိုးယုတ်သော သဘာဝ၏ အဓိက လက္ခဏာရပ်နှင့် သရုပ်သကန်မှာ အဘယ်နည်း။ အန္တိခရစ်များကဲ့သို့သော လူများသည် အပြုသဘောဆောင်သော အရာအားလုံးနှင့် သမ္မာတရားအပေါ် ရန်လိုပြီး စက်ဆုပ်ရွံရှာကြသည်။ သမ္မာတရားနှင့် အပြုသဘောဆောင်သော အရာများအပေါ် ၎င်းတို့၏ ရန်လိုမှုနှင့် စက်ဆုပ်ရွံရှာခြင်းသည် အကြောင်းပြချက် မလိုအပ်သကဲ့သို့၊ တစ်ဦးတလေ၏ လှုံ့ဆော်မှု၏ ရလဒ်အဖြစ် ဖြစ်ပျက်ခြင်းလည်း မဟုတ်သကဲ့သို့ ၎င်းတို့ နတ်ဆိုးစွဲကပ်ခြင်း၏ ရလဒ်လည်း သေချာပေါက် မဟုတ်ပေ။ ထိုအစား၊ ၎င်းတို့သည် ဤအရာများကို ပင်ကိုယ်အားဖြင့် မနှစ်သက်ကြခြင်းသာ ဖြစ်သည်။ ၎င်းတို့သည် ဤအရာများအပေါ် ရန်လိုပြီး စက်ဆုပ်ရွံရှာကြသည်၊ ၎င်းတို့၏ အသက်တာများနှင့် ၎င်းတို့၏ အရိုးများထဲတွင်၊ အပြုသဘောဆောင်သော အရာများနှင့် ကြုံတွေ့ရသည့်အခါ ရွံရှာမှုကို ခံစားကြရသည်။ သင်သည် ၎င်းတို့ထံ ဘုရားသခင်အကြောင်း သက်သေခံပါက သို့မဟုတ် သမ္မာတရားကို မိတ်သဟာယဖွဲ့ပါက၊ ၎င်းတို့သည် သင့်အပေါ် မုန်းတီးစိတ် ဖြစ်ပေါ်ကြလိမ့်မည်ဖြစ်ပြီး၊ သင့်ကို တိုက်ခိုက်ရန် စိတ်ကူးပင်ရှိကောင်း ရှိနိုင်သည်။ ပြီးခဲ့သည့် မိတ်သဟာယတွင် အပြုသဘောဆောင်သော အရာများအပေါ် အန္တိခရစ်များ ရန်လိုပြီး စက်ဆုပ်ရွံရှာခြင်းနှင့်ဆိုင်သည့် ဤသွင်ပြင်လက္ခဏာကို ငါတို့ ခြုံငုံဆွေးနွေးပြီးဖြစ်သောကြောင့်၊ ဤတစ်ကြိမ်တွင် ယင်းကို ငါတို့ ထပ်မံဆွေးနွေးတော့မည် မဟုတ်ပေ။ ဤမိတ်သဟာယတွင်၊ နောက်ထပ် သွင်ပြင်လက္ခဏာတစ်ခုကို ငါတို့ စူးစမ်းလေ့လာကြမည်။ ထိုနောက်ထပ် သွင်ပြင်လက္ခဏာမှာ အဘယ်နည်း။ အန္တိခရစ်များသည် အပြုသဘောဆောင်သော အရာများအပေါ် ရန်လိုပြီး စက်ဆုပ်ရွံရှာကြသည်၊ သို့ဆိုလျှင် ၎င်းတို့ မည်သည့်အရာကို နှစ်သက်ကြသနည်း။ ယနေ့တွင်၊ ငါတို့သည် ဤဘက်ခြမ်းနှင့် ရှုထောင့်အမြင်မှနေ၍ အန္တိခရစ်များ၏ ကောက်ကျစ်ဆိုးယုတ်သော သဘာဝကို ဆန်းစစ်ပြီး စိတ်ဖြာလေ့လာဆွေးနွေးကြမည်ဖြစ်သည်။ ဤသည်မှာ လိုအပ်သလော။ (လိုအပ်ပါသည်။) လိုအပ်ပေသည်။ သင်တို့ဘာသာ ထိုအရာကို သဘောပေါက်နိုင်ကြမည်လော။ (သဘောမပေါက်နိုင်ပါ။) အပြုသဘောဆောင်သော အရာများနှင့် သမ္မာတရားကို အန္တိခရစ်များ မနှစ်သက်ခြင်းသည် ၎င်းတို့၏ ကောက်ကျစ်ဆိုးယုတ်သော သဘာဝဖြစ်သည်။ သို့ဖြစ်၍၊ ဤအခြေခံအကြောင်းရင်းအရ၊ အန္တိခရစ်များ မည်သည့်အရာကို နှစ်သက်သည်၊ မည်သည့်အရာမျိုးများကို ၎င်းတို့ လုပ်ဆောင်ရန် နှစ်သက်သည်၊ ထို့အပြင် အမှုအရာများကို ၎င်းတို့ လုပ်ဆောင်သည့် နည်းလမ်းနှင့် နည်းစနစ်များနှင့် ၎င်းတို့ နှစ်သက်သည့် လူစားမျိုးတို့ကို သေချာစွာ စဉ်းစားဆင်ခြင်လော။ ဤသည်မှာ ၎င်းတို့၏ ကောက်ကျစ်ဆိုးယုတ်သော သဘာဝကို ရှုမြင်ရန် ပိုမိုကောင်းမွန်သော ရှုထောင့်နှင့် ဘက်ခြမ်းဖြစ်သည် မဟုတ်လော။ ဤအရာက ပိုမိုတိကျပြီး ဓမ္မဓိဋ္ဌာန်ကျသော အမြင်ကို ပေးသည်။ ပထမဦးစွာ၊ အန္တိခရစ်များသည် အပြုသဘောဆောင်သော အရာများကို မနှစ်သက်ကြပေ၊ ယင်းက ၎င်းတို့သည် ထိုအရာများကို ရန်လိုပြီး အပျက်သဘောဆောင်သော အရာများကို နှစ်သက်ကြောင်း သွယ်ဝိုက်ညွှန်းဆိုသည်။ အပျက်သဘောဆောင်သော အရာများ၏ ဥပမာအချို့မှာ အဘယ်နည်း။ လိမ်ညာမှုများနှင့် လှည့်ဖြားမှုများ ဖြစ်သည်။ ဤသည်တို့မှာ အပျက်သဘောဆောင်သော အရာများ မဟုတ်လော။ ဟုတ်ပေသည်၊ လိမ်ညာမှုများနှင့် လှည့်ဖြားမှုများသည် အပျက်သဘောဆောင်သော အရာများ ဖြစ်ကြသည်။ သို့ဆိုလျှင် လိမ်ညာမှုများနှင့် လှည့်ဖြားမှုများနှင့် ဆန့်ကျင်ဘက် အပြုသဘောဆောင်သောအရာမှာ အဘယ်နည်း။ (ရိုးသားခြင်းဖြစ်သည်။) မှန်သည်၊ ရိုးသားခြင်း ဖြစ်သည်။ စာတန်သည် ရိုးသားခြင်းကို နှစ်သက်သလော။ (မနှစ်သက်ပါ။) ၎င်းသည် လှည့်ဖြားခြင်းကို နှစ်သက်၏။ ဘုရားသခင်က လူသားများထံမှ ဦးစွာ တောင်းဆိုသည့်အရာမှာ အဘယ်နည်း။ ဘုရားသခင်က “သင်သည် ငါ့ကို ယုံကြည်ပြီး ငါ့နောက်သို့ လိုက်လိုပါက၊ ဦးစွာပထမအနေဖြင့် သင်သည် မည်ကဲ့သို့သော လူစားမျိုး ဖြစ်သင့်သနည်း” ဟု မိန့်တော်မူသည်။ (ရိုးသားသောသူတစ်ဦး ဖြစ်သင့်ပါသည်။) သို့ဆိုလျှင် စာတန်က လူတို့ကို လုပ်ဆောင်ရန် ပထမဆုံးသင်ကြားပေးသည့်အရာမှာ အဘယ်နည်း။ လိမ်ညာရန် ဖြစ်သည်။ အန္တိခရစ်များ၏ ကောက်ကျစ်ဆိုးယုတ်သော သဘာဝနှင့်ဆိုင်သည့် ပထမဆုံး သက်သေအထောက်အထားမှာ အဘယ်နည်း။ (လှည့်ဖြားခြင်း ဖြစ်သည်။) ဟုတ်ပေသည်၊ အန္တိခရစ်များက လှည့်ဖြားခြင်းကို နှစ်သက်သည်၊ လိမ်ညာမှုများကို နှစ်သက်ပြီး၊ ရိုးသားခြင်းကို စက်ဆုပ်ကာ မုန်းတီးကြသည်။ ရိုးသားခြင်းသည် အပြုသဘောဆောင်သော အရာဖြစ်သော်လည်း၊ ၎င်းတို့က မနှစ်သက်ဘဲ၊ ထိုအစား ယင်းအပေါ် ရွံရှာခြင်းနှင့် မုန်းတီးခြင်းကို ခံစားကြရသည်။ ဆန့်ကျင်ဘက်အားဖြင့်၊ ၎င်းတို့သည် လှည့်ဖြားခြင်းနှင့် လိမ်ညာမှုများကို နှစ်သက်ကြသည်။ တစ်စုံတစ်ဦးက အန္တိခရစ်များ၏ ရှေ့မှောက်၌ “သင်သည် အဆင့်အတန်းတစ်ခုမှနေ၍ အလုပ်ကို စီမံဆောင်ရွက်ရန် နှစ်သက်ပြီး၊ တစ်ခါတစ်ရံတွင် သင် ပျင်းရိသည်” ဟု မကြာခဏ ပြောလျက် အမှန်အတိုင်း စကားပြောပါက၊ အန္တိခရစ်များသည် ထိုအရာအပေါ် မည်သို့ ခံစားရသနည်း။ (၎င်းတို့ လက်မခံကြပါ။) ထိုအရာကို လက်မခံခြင်းသည် ၎င်းတို့ ပိုင်ဆိုင်သည့် သဘောထားများထဲမှ တစ်ခုဖြစ်သည်၊ သို့သော် ယင်းမျှသာလော။ အမှန်အတိုင်း ပြောဆိုသည့် ဤပုဂ္ဂိုလ်အပေါ် ၎င်းတို့၏ သဘောထားမှာ အဘယ်နည်း။ ၎င်းတို့သည် ရွံရှာပြီး ထိုသကို မနှစ်သက်ကြပေ။ အချို့အန္တိခရစ်များက ညီအစ်ကိုမောင်နှမများအား “ငါသည် သင်တို့ကို အချိန်အတန်ကြာ ဦးဆောင်ပြီးဖြစ်သည်။ ငါနှင့်ပတ်သက်၍ သင်တို့၏ ထင်မြင်ချက်များကို ကျေးဇူးပြုပြီး အားလုံးက ပြောပြကြပါလော့” ဟု ဆိုကြသည်။ လူတိုင်းက “သင်သည် အလွန်ရိုးသားသည့်အတွက်၊ သင့်ကို ကျွန်ုပ်တို့ တုံ့ပြန်ချက်အချို့ ပေးပါမည်” ဟု တွေးကြသည်။ အချို့က “သင်သည် သင်လုပ်ဆောင်သမျှ အရာအားလုံးတွင် အတော်အတန် အလေးအနက်ထားပြီး လုံ့လဝီရိယရှိသည်၊ သင်သည် ဆင်းရဲဒုက္ခများစွာကို သည်းညည်းခံခဲ့ရသည်။ ထိုအရာကို ကျွန်ုပ်တို့ မကြည့်ရက်နိုင်ခဲ့သကဲ့သို့ သင့်ကိုယ်စား ကျွန်ုပ်တို့ စိတ်သောကရောက်ခဲ့ရသည်။ ဘုရားအိမ်တော်က သင့်ကဲ့သို့သော ခေါင်းဆောင်များကို ပိုမိုအသုံးပြုသင့်ပေသည်။ အားနည်းချက်တစ်ခုကို ထောက်ပြရမည်ဆိုလျှင်၊ သင်သည် အလွန် အလေးအနက်ထားပြီး လုံ့လဝီရိယရှိခြင်းပင် ဖြစ်ပေမည်။ သင်သည် သင့်ကိုယ်သင့် အလုပ်ပိစေပြီး ပင်ပန်းနွမ်းနယ်သွားလျှင်၊ အလုပ်ဆက်လုပ်နိုင်တော့မည် မဟုတ်ပါ၊ ထိုအခါ ကျွန်ုပ်တို့ အဆုံးသတ်သွားမည် မဟုတ်လော။ မည်သူက ကျွန်ုပ်တို့ကို ဦးဆောင်မည်နည်း” ဟု ဆိုကြသည်။ အန္တိခရစ်များက ဤအရာကို ကြားသည့်အခါ၊ ၎င်းတို့ ကျေနပ်အားရကြသည်။ ထိုအရာက လိမ်ညာမှုဖြစ်ကြောင်း၊ ဤလူများသည် ၎င်းတို့ကို မျက်နှာလိုမျက်နှာရလုပ်နေကြခြင်းဖြစ်ကြောင်း ၎င်းတို့ သိကြသော်လည်း၊ နားထောင်ရန် လိုလားနေကြသည်။ အမှန်မှာ၊ ဤသို့ပြောဆိုနေသည့် လူများသည် ဤအန္တိခရစ်များကို အရူးလုပ်နေခြင်းဖြစ်သော်လည်း၊ ဤအန္တိခရစ်များသည် ဤစကားလုံးများ၏ စစ်မှန်သောသဘာဝကို ထုတ်ဖော်မည့်အစား အရူးလုပ်ခံရန်ကိုပင် လိုလားကြသည်။ အန္တိခရစ်များသည် ဤကဲ့သို့ မိမိတို့အား အလွန်အမင်း ဖော်လံဖားလုပ်ကြသူများကို ချစ်မြတ်နိုးကြသည်။ ဤပုဂ္ဂိုလ်များသည် အန္တိခရစ်များ၏ အပြစ်များ၊ ဖောက်ပြန်ပျက်စီးသော စိတ်သဘောထားများ၊ သို့မဟုတ် အားနည်းချက်များကို ထုတ်မပြောကြပေ။ ထိုအစား၊ ၎င်းတို့သည် အန္တိခရစ်များကို တိတ်တဆိတ် ချီးမွမ်းပြီး ချီးမြှောက်ကြသည်။ ၎င်းတို့၏ စကားလုံးများက လိမ်ညာမှုများနှင့် မြှောက်ပင့်မှုများဖြစ်ကြောင်း သိသာနေသော်လည်း၊ အန္တိခရစ်များက ဤစကားလုံးများကို နှစ်သိမ့်မှုနှင့် နှစ်သက်စရာအဖြစ် မြင်လျက် ဝမ်းမြောက်ဝမ်းသာ လက်ခံကြသည်။ အန္တိခရစ်များအတွက်၊ ဤစကားလုံးများသည် အထူးခြားဆုံးသော စားကောင်းသောက်ဖွယ်များကို မြည်းစမ်းရခြင်းထက် ပိုကောင်းသည်။ ဤစကားလုံးများကို ကြားပြီးနောက်၊ ၎င်းတို့သည် မိမိကိုယ်ကို ဟုတ်လှပြီဟု ဘဝင်ခိုက်သွားကြသည်။ ဤအရာက မည်သည့်အရာကို သရုပ်ဖော်သနည်း။ အန္တိခရစ်များအတွင်း၌ လိမ်ညာမှုများကို ချစ်မြတ်နိုးသည့် စိတ်သဘောထားတစ်ခုခု ရှိကြောင်းကို ထိုအရာက ပြသပေသည်။ တစ်စုံတစ်ဦးက ၎င်းတို့အား “သင်သည် အလွန်မာနထောင်လွှားပြီး လူတို့ကို မမျှမတဆက်ဆံသည်။ သင့်ကို ထောက်ခံသူများအပေါ် သင် ကောင်းသည်၊ သို့သော် တစ်စုံတစ်ဦးက သင်နှင့် ခပ်ကင်းကင်းနေလျှင် သို့မဟုတ် သင့်ကို မမြှောက်ပင့်လျှင်၊ သင်သည် ထိုသူကို သေးသိမ်စေပြီး လျစ်လျူရှုသည်” ဟု ပြောသည်ဆိုပါစို့။ ဤသည်တို့မှာ မှန်ကန်သော စကားလုံးများဖြစ်သည် မဟုတ်လော။ (ဟုတ်ပါသည်။) အန္တိခရစ်များက ဤအရာကို ကြားပြီးနောက် မည်သို့ ခံစားရသနည်း။ ၎င်းတို့ စိတ်မချမ်းမြေ့ ဖြစ်လာကြသည်။ ထိုအရာကို ၎င်းတို့ မကြားလိုကြ၊ လက်မခံနိုင်ကြပေ။ ၎င်းတို့သည် ကိစ္စရပ်များကို အကြောင်းပြချက်ပေးရန်နှင့် ဖော့ပြောရန် ဆင်ခြေများနှင့် အကြောင်းပြချက်များကို ရှာဖွေဖို့ ကြိုးစားကြသည်။ အန္တိခရစ်များကို လူကိုယ်တိုင် စဉ်ဆက်မပြတ် မြှောက်ပင့်သူများ၊ ၎င်းတို့ကို တိတ်တဆိတ် ချီးမွမ်းရန် အစဉ်သဖြင့် ကြားကောင်းသောစကားများ ပြောဆိုသူများနှင့် ၎င်းတို့၏ စကားလုံးများဖြင့် ၎င်းတို့ကို သိသိသာသာ လှည့်ဖြားသူများအတွက်မူ၊ အန္တိခရစ်များက ဤလူများကို မည်သည့်အခါမျှ မစုံစမ်းစစ်ဆေးကြပေ။ ထိုအစား၊ အန္တိခရစ်များက ထိုသူတို့ကို အရေးကြီးသော ပုဂ္ဂိုလ်များအဖြစ် အသုံးပြုကြသည်။ ၎င်းတို့သည် အမြဲ လိမ်ညာသူများကို အရေးကြီးသော ရာထူးများတွင်ပင် ထားရှိပြီး၊ အချို့သော အရေးပါပြီး ဂုဏ်သိက္ခာရှိသော တာဝန်များကို ထမ်းဆောင်ရန် ၎င်းတို့အား တာဝန်ပေးအပ်ကြသည်၊ တစ်ချိန်တည်းတွင် အစဉ်ရိုးသားစွာ ပြောဆိုသူများနှင့် ပြဿနာများကို မကြာခဏ တိုင်ကြားသူများကိုမူ၊ အထက်ခေါင်းဆောင်ပိုင်းသို့ ဝင်ရောက်ခွင့် သို့မဟုတ် လူအများစုနှင့် သိရှိခြင်း သို့မဟုတ် နီးစပ်ခြင်းမရှိအောင် တားဆီးလျက်၊ သိပ်မထင်ရှားသော ရာထူးများတွင် ၎င်းတို့၏ တာဝန်များကို ထမ်းဆောင်ရန် စီစဉ်ပေးကြသည်။ ဤလူများအနေဖြင့် မည်မျှ အရည်အချင်းရှိသည်ဖြစ်စေ သို့မဟုတ် ဘုရားအိမ်တော်၌ မည်သည့်တာဝန်များကို ၎င်းတို့ ထမ်းဆောင်နိုင်သည်ဖြစ်စေ အရေးမကြီးပေ။ အန္တိခရစ်များက ထိုအရာအားလုံးကို လျစ်လျူရှုကြသည်။ မည်သူက လှည့်ဖြားမှုကို လုပ်ဆောင်နိုင်သည်ဟူသည်နှင့် ၎င်းတို့အတွက် မည်သူ အကျိုးရှိသည်ဟူသည်တို့ကိုသာ ၎င်းတို့ ဂရုစိုက်ကြသည်၊ ဤသူတို့မှာ ဘုရားအိမ်တော်၏ အကျိုးစီးပွားများကို တစ်စက်မျှ မစဉ်းစားဘဲ အရေးကြီးသော ရာထူးများတွင် ၎င်းတို့ ခန့်ထားသည့် ပုဂ္ဂိုလ်များ ဖြစ်ကြသည်။

အန္တိခရစ်များသည် လှည့်ဖြားခြင်းနှင့် လိမ်ညာမှုများကို နှစ်သက်ကြသည်။ ဥပမာအားဖြင့်၊ ၎င်းတို့ တာဝန်ယူထားသည့် အသင်းတော်များသည် ဧဝံဂေလိအလုပ်ကို လုံးဝအာရုံမစိုက်သကဲ့သို့၊ ဧဝံဂေလိတရားဟောပြောရန် လူတို့ကို လေ့ကျင့်ပေးခြင်းအပေါ် အာရုံမစိုက်ဟု ဆိုပါစို့၊ ရလဒ်အနေဖြင့် ဧဝံဂေလိအလုပ်သည် ညံ့ဖျင်းသောရလဒ်များ ရရှိပြီး၊ လူအနည်းငယ်သာ ရရှိသည်ဆိုပါစို့။ သို့သော် အန္တိခရစ်များသည် လူတို့က တကယ့်အခြေအနေအား တိုင်ကြားမည်ကို ကြောက်ရွံ့ကြသည်။ ၎င်းတို့သည် ရိုးသားစွာပြောဆိုသူ မည်သူ့ကိုမဆို မုန်းတီးပြီး၊ လိမ်ညာနိုင်သူ၊ လှည့်ဖြားမှုကို လုပ်ဆောင်နိုင်သူနှင့် ဆိုးကျိုးဖြစ်စေသည့် သတင်းအချက်အလက်အားလုံးအား ဖုံးကွယ်နိုင်သူတို့ကို နှစ်သက်ကြသည်။ သို့ဆိုလျှင်၊ အန္တိခရစ်များသည် မည်သည့်ပြောဆိုမှုမျိုးကို အကြားချင်ဆုံးဖြစ်သနည်း။ “ကျွန်ုပ်တို့အသင်းတော်တွင် ဧဝံဂေလိတရားဟောပြောသူတိုင်းသည် သက်သေခံနိုင်စွမ်းရှိပြီး၊ ၎င်းတို့တစ်ဦးစီတိုင်းသည် ဧဝံဂေလိတရားဟောပြောရာတွင် ကျွမ်းကျင်သူ ဖြစ်သည်” ဟူ၍ ဖြစ်သည်။ ဤစကားလုံးများသည် လူတို့ကို လှည့်ဖြားရန် ရည်ရွယ်သည် မဟုတ်လော။ သို့သော် အန္တိခရစ်များသည် ထိုသို့သောအရာများကို ကြားရန် နှစ်သက်ကြသည်။ ဤအရာကို ကြားပြီးနောက် အန္တိခရစ်များက မည်သို့ တုံ့ပြန်ကြသနည်း။ ၎င်းတို့က “အလွန်ကောင်းပေသည်၊ ကျွန်ုပ်တို့အသင်းတော်၏ ဧဝံဂေလိအလုပ်၏ ရလဒ်များသည် တိုးတက်ကောင်းမွန်နေပြီး၊ အခြားအသင်းတော်များထက် များစွာ ပိုကောင်းသည်။ ကျွန်ုပ်တို့အသင်းတော်တွင် ဧဝံဂေလိတရားဟောပြောသူများသည် ထိုသို့ဟောပြောရာတွင် ကျွမ်းကျင်သူများချည်းသာ ဖြစ်ကြသည်”ဟု ဆိုကြသည်။ အန္တိခရစ်များနှင့် ၎င်းတို့ကို မြှောက်ပင့်သူများသည် ဤနည်းဖြင့် အချင်းချင်း ချီးကျူးကြပြီး၊ ၎င်းတို့၏ အရှက်မရှိသော မြှောက်ပင့်မှုကို အန္တိခရစ်များက မဖော်ထုတ်ကြပေ။ အန္တိခရစ်များသည် ဤပုံစံဖြင့် အလုပ်လုပ်ကြသည်၊ ၎င်းတို့၏ လက်အောက်ငယ်သားများက ၎င်းတို့ကို လှည့်ဖြားသည့်အခါ၊ ၎င်းတို့သည် လိုလိုလားလား အလှည့်ဖြားခံကြသည်။ အန္တိခရစ်များသည် ဤနည်းဖြင့်သာ အရူးလုပ်ကြသည်။ တစ်စုံတစ်ဦးက အခြေအနေမှန်ကို သိရှိပြီး ရှေ့သို့ထွက်ကာ “ဤသည်မှာ မတိကျပါ။ ကျွန်ုပ်တို့ ဧဝံဂေလိတရားဟောပြောနေသည့် လူ ၁၀ ဦးအနက်၊ နှစ်ဦးသည် သမ္မာတရားကို လက်မခံကြောင်း ကျွန်ုပ်တို့ ဆုံးဖြတ်ပြီးဖြစ်ကာ၊ ၎င်းတို့သည် စုံစမ်းစစ်ဆေးခြင်းကို စွန့်လွှတ်ပြီးဖြစ်သည်။ ကျန်ရှစ်ဦးအနက် သုံးဦးသာ ဘုရားသခင်ကို စစ်မှန်စွာ ယုံကြည်ကြသည်။ ထိုသုံးဦးကို ခေါ်ဆောင်လာရန် ကျွန်ုပ်တို့ အစွမ်းကုန် ကြိုးစားကြပါစို့”ဟု ပြောဆိုပါက၊ အခြေအနေ၏ အဖြစ်မှန်ကို ဖော်ထုတ်လိုက်သည့်အခါ၊ အန္တိခရစ်များက မည်သို့ တုံ့ပြန်ကြသနည်း။ ၎င်းတို့က “ထိုအရာများကို ငါမသိခဲ့ပါတကား”ဟု တွေးကြသည်။ အန္တိခရစ်များ မသိရှိသည့်အရာများ၏ အခြေအနေမှန်နှင့်ပတ်သက်၍ တစ်စုံတစ်ဦးက အမှန်အတိုင်း ပြောဆိုသည့်အခါ၊ ၎င်းတို့သည် ထိုသူတို့နှင့် သဘောတူသလော သို့မဟုတ် သဘောမတူသလော၊ ၎င်းတို့ ဝမ်းသာသလော သို့မဟုတ် ဝမ်းမသာသလော။ ၎င်းတို့ ဝမ်းမသာကြပေ။အဘယ်ကြောင့် ၎င်းတို့ ဝမ်းမသာကြသနည်း။ ၎င်းတို့သည် ခေါင်းဆောင်များဖြစ်ကြသော်လည်း၊ အသင်းတော်၏အလုပ်နှင့်စပ်လျဉ်းသည့် အသေးစိတ်အချက်အလက်များနှင့် အဖြစ်မှန်များကို ၎င်းတို့ မသိရှိကြသကဲ့သို့ သဘောပေါက်နားလည်ခြင်းလည်း မရှိကြပေ၊ အမှန်တကယ် ဖြစ်ပျက်နေသည့်အရာကို နားလည်သူတစ်ဦးက ၎င်းတို့အား အားလုံးရှင်းပြရန်ပင် လိုအပ်နေသည်။ အခြေအနေကို နားလည်ပြီး ရိုးသားစွာပြောဆိုသူတစ်ဦးက ဤကိစ္စရပ်များကို ရှင်းလင်းသွားစေသည့်အခါ၊ အန္တိခရစ်များ၏ ကနဦးခံစားချက်မှာ အဘယ်နည်း။ ၎င်းတို့သည် လုံးဝ မျက်နှာပျက်သွားပြီး၊ ၎င်းတို့၏ ဂုဏ်သတင်း ကျဆင်းသွားမည်ဟု ခံစားကြရသည်။ အန္တိခရစ်များ၏ ကောက်ကျစ်ဆိုးယုတ်သော သဘာဝကို ထောက်ရှုလျှင်၊ ၎င်းတို့ မည်သည့်အရာကို လုပ်ဆောင်ကြလိမ့်မည်နည်း။ ၎င်းတို့အတွင်း၌ မုန်းတီးစိတ် ဖြစ်ပေါ်လာလိမ့်မည်ဖြစ်ပြီး၊ ၎င်းတို့က “အသင် ဗလောင်းဗလဲပြောသူ၊ သင်သာ မပြောခဲ့လျှင်၊ ဤအရာသည် မည်သူမျှ သတိမပြုမိဘဲ ပြီးသွားလိမ့်မည်။ သင့်ကြောင့် လူတိုင်း ထိုအကြောင်းကို သိသွားကြပြီ၊ ၎င်းတို့သည် ငါ့အစား သင့်ကို စတင်၍ အထင်ကြီးလေးစားကောင်းလေးစားနိုင်သည်။ ဤသည်က ငါ့ကို အရည်အချင်းမရှိသူ၊ တကယ့်အလုပ်တစ်ခုမျှ မလုပ်ဆောင်သူကဲ့သို့ မဖြစ်စေဘူးလော။ သင့်ကို ငါ မှတ်ထားမည်။ သင်က အမှန်တရားကို ပြောသည်၊ အကြိမ်တိုင်း ငါ့ကို စိန်ခေါ်ပြီး ဆန့်ကျင်သည်။ သင့်ကို နောင်တရအောင် ငါ သေချာလုပ်မည်”ဟု တွေးကြလိမ့်မည်။ စဉ်းစားကြည့်လော့။ တာဝန်သိစွာ အလုပ်လုပ်သူများ၊ ရိုးသားစွာ ပြောဆိုသူများနှင့် မိမိတို့၏ တာဝန်များကို သစ္စာရှိစွာ ထမ်းဆောင်သူများအား ၎င်းတို့ မည်သို့ ရှုမြင်ကြသနည်း။ ၎င်းတို့သည် ထိုသူတို့ကို ရန်ဘက်များအဖြစ် ရှုမြင်ကြသည်။ ဤသည်မှာ အဖြစ်မှန်များကို လွဲမှားစေခြင်း မဟုတ်လော။ ၎င်းတို့သည် မိမိတို့၏ အလုပ်နှင့်ဆက်စပ်သော အမှားများအတွက် ချက်ချင်း ပူးပေါင်းဆောင်ရွက်ရန်နှင့် အစားထိုးလုပ်ဆောင်ရန် ပျက်ကွက်သည်သာမက၊ မိမိတို့၏ တာဝန်များကိုလည်း ဆက်လက်၍ လစ်လျူရှုကြသည်။ မှန်ကန်စွာ ပြောဆိုသူများနှင့် မိမိတို့၏ အလုပ်တွင် ဂရုတစိုက်ရှိပြီး တာဝန်သိစွာ လုပ်ဆောင်သူများအပေါ်၌ပင် မုန်းတီးစိတ် ထားရှိကြသည်။ ၎င်းတို့သည် ထိုသူတို့ကို ညှဉ်းပန်းနှိပ်စက်ရန်ပင် ကြိုးစားကောင်း ကြိုးစားနိုင်သည်။ ဤသည်မှာ အန္တိခရစ်များ၏ အပြုအမူ မဟုတ်လော။ (ဟုတ်ပါသည်။) ဤသည်မှာ မည်သည့် စိတ်သဘောထားမျိုး ဖြစ်သနည်း။ ဤသည်မှာ ကောက်ကျစ်ဆိုးယုတ်မှု ဖြစ်သည်။ အန္တိခရစ်များ၏ ကောက်ကျစ်ဆိုးယုတ်မှုသည် ဤနည်းဖြင့် ဖော်ထုတ်ခြင်းခံရသည်။ ရိုးသားသောသူတစ်ဦး ပေါ်လာသည့်အခါတိုင်း၊ တစ်စုံတစ်ဦးက ရိုးသားသော၊ မှန်ကန်သော စကားလုံးများကို ပြောဆိုသည့်အခါတိုင်းနှင့် တစ်စုံတစ်ဦးက စည်းမျဉ်းများကို လိုက်နာပြီး ကိစ္စရပ်၏ စစ်မှန်သော သဘောသဘာဝကို စုံစမ်းစစ်ဆေးသည့်အခါတိုင်းတွင် အန္တိခရစ်များသည် ၎င်းတို့ကို ရွံရှာပြီး စက်ဆုပ်ကြကာ၊ ၎င်းတို့၏ ကောက်ကျစ်ဆိုးယုတ်သော သဘာဝက ပေါက်ကွဲထွက်ပြီး သူ့ဘာသာ ထုတ်ဖော်ပြသလေသည်။ လှည့်ဖြားမှု ရှိသည့်အခါတိုင်းနှင့် လိမ်ညာမှုများကို ပြောဆိုသည့်အခါတိုင်းတွင်၊ အန္တိခရစ်များသည် ဝမ်းမြောက်ဝမ်းသာဖြစ်လာကြကာ၊ ထိုအရာကို အကြိုက်တွေ့ကြပြီး မိမိတို့ကိုယ်ကိုပင် မေ့လျော့သွားကြသည်။ သင်တို့ထဲမှ တစ်ဦးတလေက၊ “ဧကရာဇ်မင်း၏ ဝတ်ရုံသစ်များ”ကို ဖတ်ဖူးသလော။ အန္တိခရစ်များ၏ အပြုအမူသည် သဘာဝအားဖြင့် အတော်အတန် ဆင်တူသည်။ ထိုပုံပြင်တွင်၊ ဧကရာဇ်မင်းသည် လမ်းများပေါ်တွင် ကိုယ်လုံးတီးဖြင့် တိုင်းခန်းလှည့်လည်ခဲ့ပြီး၊ ထောင်ပေါင်းများစွာသော လူတို့က “ဧကရာဇ်မင်း၏ ဝတ်ရုံသစ်များသည် အမှန်ပင် လှပပါသည်တကား။ ဧကရာဇ်မင်းသည် အလွန်ပင် ကြည့်ကောင်းလှပါသည်တကား။ ဧကရာဇ်မင်းသည် အလွန်ပင် ကြီးမြတ်ပါသည်တကား။ ဧကရာဇ်မင်း၏ ဝတ်ရုံသစ်များသည် အမှန်ပင် မှော်ဆန်လှပါသည်တကား”ဟု ကြွေးကြော်ခဲ့ကြသည်။ လူတိုင်းက လိမ်ညာနေခဲ့ကြသည်။ ဧကရာဇ်မင်း သိခဲ့သလော။ သူသည် လုံးဝ ကိုယ်လုံးတီးဖြစ်နေခဲ့သည်၊ သူ့အနေဖြင့် မည်သည့်အဝတ်အစားမျှ မဝတ်ထားကြောင်းကို သူ မည်သို့ မသိရှိဘဲ နေနိုင်မည်နည်း။ ဤသည်ကို မိုက်မဲခြင်းဟု ခေါ်သည်။ သို့ဖြစ်၍၊ ဤကောက်ကျစ်ဆိုးယုတ်သော အန္တိခရစ်များသည် တစိမ့်စမ့်နှင့် အန္တရာယ်ပေးတတ်ပြီး လှည့်ဖြားတတ်သော်လည်း၊ ဉာဏ်ပညာ ကင်းမဲ့ကြသည်။ အဘယ်ကြောင့် ၎င်းတို့ ဉာဏ်ပညာ ကင်းမဲ့သည်ဟု ငါ ပြောရသနည်း။ အဘယ်ကြောင့်ဆိုသော် ၎င်းတို့သည် ထိုကိုယ်လုံးတီး ဧကရာဇ်မင်းကဲ့သို့ ဖြစ်သောကြောင့်ဖြစ်သည်။ သူသည် သူ့ကို လှည့်ဖြားရန် ရည်ရွယ်သည့် စကားလုံးများကို ခွဲခြားသိမြင်နိုင်ခြင်း မရှိခဲ့ပေ။ သူသည် မိမိ၏ အကျည်းတန်မှုကို ဖော်ထုတ်လျက်၊ ကိုယ်လုံးတီးဖြင့် လျှောက်သွားနိုင်စွမ်းပင် ရှိခဲ့သည်။ ဤသည်မှာ မိုက်မဲခြင်း မဟုတ်လော။ သို့ဆိုလျှင်၊ အန္တိခရစ်များ၏ ကောက်ကျစ်ဆိုးယုတ်မှုက မကြာခဏ ထုတ်ဖော်ပြသသည့်အရာမှာ အဘယ်နည်း။ ၎င်းတို့၏ မိုက်မဲခြင်း ဖြစ်သည်။

အန္တိခရစ်များသည် ကောက်ကျစ်ဆိုးယုတ်သော သဘာဝရှိသောကြောင့်၊ ၎င်းတို့သည် လှည့်ဖြားခြင်းနှင့် လိမ်ညာမှုများကို ချစ်မြတ်နိုးသော်လည်း ရိုးသားခြင်းကို မကြိုက်နှစ်သက်သောကြောင့်၊ ပြီးလျှင် ၎င်းတို့သည် မှန်သောစကားကို စက်ဆုပ်ရွံရှာသောကြောင့်၊ အန္တိခရစ်များ၏ အုပ်စိုးမှုအောက်ရှိ အသင်းတော်များတွင်၊ ရိုးသားသူများဖြစ်စေ၊ ရိုးသားရန် လိုက်စားနေသူများဖြစ်စေ၊ သမ္မာတရားကို လက်တွေ့လုပ်ဆောင်ပြီး လှည့်ဖြားရန် သို့မဟုတ် လိမ်ညာရန် မလိုလားသူများသည် မကြာခဏ ညှဉ်းဆဲခြင်းကို ခံကြရသည်။ ဤသည်မှာ ထိုသို့ဖြစ်သည်မဟုတ်လော။ သင်သည် အမှန်အတိုင်း ပို၍ ပြောလေ၊ အန္တိခရစ်တစ်ဦးက သင့်ကို ပို၍ ညှဉ်းဆဲလေ ဖြစ်လိမ့်မည်ဖြစ်ပြီး သင်သည် အမှန်အတိုင်း ပို၍ ပြောလေ၊ ၎င်းတို့က သင့်ကို ပို၍ မကြိုက်နှစ်သက်လေ ဖြစ်လိမ့်မည်။ ဆန့်ကျင်ဘက်အားဖြင့်၊ ၎င်းတို့ကို မြှောက်ပင့်ပြီး လှည့်ဖြားသူများသည် ၎င်းတို့၏အမြင်တွင် မျက်နှာသာရရှိပြီး အလွန်နှစ်သက်ခြင်းခံရသည်။ အန္တိခရစ်များသည် ကောက်ကျစ်ဆိုးယုတ်သည် မဟုတ်လော။ သင်တို့ပတ်ဝန်းကျင်တွင် ထိုသို့သော ကောက်ကျစ်ဆိုးယုတ်သည့် အန္တိခရစ်များ ရှိသလော။ ၎င်းတို့ကို သင်တို့ တစ်ခါမျှ ကြုံတွေ့ဖူးကြသလော။ ၎င်းတို့သည် လူတို့အား အမှန်အတိုင်း ပြောဆိုခွင့်မပြုပေ၊ အမှန်အတိုင်း ပြောဆိုသူမည်သူမဆို၏ ပါးစပ်ကို ပိတ်ထားစေကြသည်။ သင်သည် ၎င်းတို့၏ အပေါင်းအပါ ဖြစ်လာလျက် လိမ်ညာရန်နှင့် ၎င်းတို့ပြောသည့်အတိုင်း လိုက်လုပ်ရန် စီမံနိုင်ပါက၊ ၎င်းတို့သည် သင့်၏ ရန်သူ ဖြစ်တော့မည်မဟုတ်ပေ။ သင်သည် မရမက အမှန်အတိုင်း ပြောဆိုပြီး ကိစ္စရပ်များကို သမ္မာတရားစည်းမျဉ်းများအတိုင်း ကိုင်တွယ်ပါက၊ ၎င်းတို့သည် အနှေးနှင့်အမြန် သင့်ကို ညှဉ်းဆဲကြလိမ့်မည်။ သင်တို့ထဲမှ တစ်ဦးတလေသည် ညှဉ်းဆဲခံရပြီးပြီလော။ သင်သည် အယောင်ဆောင် ခေါင်းဆောင်များနှင့် အန္တိခရစ်များ၏ ဒုစရိုက်အမှုများကို ဖော်ထုတ်ခဲ့သောကြောင့်သက်သက်ညှဉ်းဆဲခြင်းခံခဲ့ရပြီး၊ အဆုံးတွင် သင်သည် ပြောချင်လျှင်ပင် မည်သည့်အရာကိုမျှ မပြောဝံ့သည့်အခြေအနေအထိ ညှဉ်းဆဲခြင်း ခံခဲ့ရသည်။ ဤသို့ ဖြစ်ဖူးသလော။ အမှန်အတိုင်း ပြောဆိုခြင်းနှင့် ပြဿနာများကို တိုင်ကြားခြင်းက သင့်အား ညှဉ်းဆဲခံရစေခဲ့သည်။ အသင်းတော်အမျိုးမျိုးတွင်၊ ပြဿနာများကို တိုင်ကြားသည့်အတွက် သင်တို့ထဲမှ တစ်ဦးတလေသည် ညှဉ်းဆဲခြင်း ခံရပြီးဖြစ်သလော။ အလိမ်အညာများ ပြောဆိုပြီး အသင်းတော်အား လှည့်ဖြားသူတစ်ဦးသည် ပြုပြင်ခံရပါက၊ သူသည် ညှဉ်းဆဲခံနေရခြင်းဖြစ်သလော။ (မဟုတ်ပါ။) ဤသည်မှာ ပုံမှန်ဆုံးမပဲ့ပြင်ခြင်း ဖြစ်သည်၊ ညှဉ်းဆဲခြင်းနှင့် မတူပေ။ ဤသည်မှာ သင်သည် သင်၏တာဝန်တွင် ပျက်ကွက်သောကြောင့်၊ သင်သည် စည်းမျဉ်းများကို ချိုးဖောက်သောကြောင့်၊ ပြီးလျှင် သင်သည် မှားယွင်းသောရည်ရွယ်ချက်များဖြင့် ပြုမူကျင့်ကြံကာ၊ လိမ်ညာပြီး လှည့်ဖြားသောကြောင့် ဖြစ်ပျက်ခြင်းဖြစ်ပြီး၊ ယင်းက ပြုပြင်ခြင်းကို ခံရစေသည်။ သို့ဖြစ်၍၊ ဘုရားသခင်၏ မျက်မှောက်တွင်၊ သင်သည် အမှန်အတိုင်း ပြောဆိုခြင်းအတွက် မည်သည့်အကျိုးဆက်ကိုမျှ လုံးဝခံရလိမ့်မည်မဟုတ်ပေ။ သို့သော်၊ စာတန်နှင့် အန္တိခရစ်များ၏ မျက်မှောက်တွင်၊ သင်သည် ပို၍ သတိထားရမည်။ ဤသည်မှာ “ဘုရင်နှင့် နီးနီးကပ်ကပ် နေရခြင်းက ကျားတစ်ကောင်နှင့် လှဲနေရသကဲ့သို့ အန္တရာယ်များသည်” ဟူသော ဆိုရိုးစကားကို ထင်ဟပ်စေသည်။ သင်သည် ၎င်းတို့နှင့် စကားပြောသည့်အခါ၊ ၎င်းတို့၏ စိတ်အခြေအနေကို အစဉ်သဖြင့် ထည့်သွင်းစဉ်းစားရမည်ဖြစ်ပြီး၊ ၎င်းတို့၏ ပျော်ရွှင်မှုကိုလည်းကောင်း၊ ၎င်းတို့၏ မျက်နှာအမူအရာသည် ညှိုးငယ်နေခြင်း သို့မဟုတ် ကြည်လင်နေခြင်း ရှိမရှိဟူသည်ကိုလည်းကောင်း အကဲဖြတ်ကာ၊ ၎င်းတို့၏ အတွေးအခေါ်များနှင့် ကိုက်ညီစေရန် မည်သည့်အရာပြောဆိုရမည်ကို ဆုံးဖြတ်ရမည်။ ဥပမာအားဖြင့်၊ အန္တိခရစ်တစ်ဦးက “ယနေ့ မိုးရွာမည်မဟုတ်လော” ဟု ပြောပါက၊ သင်က “ယနေ့ မိုးရွာမည်ဟု မိုးလေဝသခန့်မှန်းချက်က ဆိုသည်” ဟု ပြောရမည်။ အမှန်တကယ်တွင်၊ အန္တိခရစ်က ယနေ့ မိုးရွာနိုင်သည်ဟု ပြောသည့်အခါ၊ သူသည် အပြင်ထွက်ပြီး သူ၏တာဝန်ကို မထမ်းဆောင်လိုသောကြောင့် ဖြစ်သည်။ သင်က “ယနေ့ နေသာမည်ဟု မိုးလေဝသခန့်မှန်းချက်က ဆိုသည်” ဟု ပြောပါက၊ သူ ဒေါသထွက်လိမ့်မည်။ သင်က “အိုး၊ ကျွန်ုပ် မှားပြောမိပါသည်။ ယနေ့ မိုးရွာပါမည်”ဟု အမြန်ပြောရမည်။ အန္တိခရစ်က “သင်က မိုးမရွာဟု ယခုလေးတင် ပြောခဲ့သည်။အဘယ်သို့ဖြစ်ပြီး မိုးရွာမည်ဟု သင် ယခု ပြောနိုင်ရသနည်း” ဟု ဆိုသည်။ သင်က “ယခု နေသာနေခြင်းက ထိုအတိုင်း ဆက်လက်ရှိနေမည်ဟု မဆိုလိုပါ။ ‘မိုးကောင်းကင်တွင် မမျှော်လင့်သော မုန်တိုင်းများ ရှိတတ်သည်’ဟု ရှေးလူကြီးများ ပြောသည့်အတိုင်း၊ ရာသီဥတုခန့်မှန်းချက်များသည် အမြဲတမ်း မတိကျပါ။ သို့သော် သင်၏ အကဲဖြတ်ချက်မှာမူ အတိအကျ မှန်ကန်ပါသည်” ဟု တုံ့ပြန်ရမည်။ အန္တိခရစ်သည် ဤသည်ကို ကြားသည့်အခါ၊ နှစ်သက်သွားပြီး သင့်ကို စဉ်းစားချင့်ချိန်တတ်သည်ဟု ချီးမွမ်းသည်။ သင်တို့သည် ဤကဲ့သို့ ပြုမူကျင့်ကြံဖူးပါသလော။ သင်တို့ ပြုမူဖူးပေသည်၊ မှန်ပါသလော။ သင်တို့သည် လူတို့ကို အမှန်အတိုင်း ပြောဆိုခွင့်မပြုသကဲ့သို့ ထိုသို့ပြောဆိုသူမည်သူ့ကိုမဆို ညှဉ်းဆဲလျက် အန္တိခရစ်များ မကြာခဏ လုပ်ဆောင်လေ့ရှိသည့်အရာကို လုပ်ဆောင်နိုင်စွမ်း ရှိကြသလော။ သင်တို့အားလုံး နန်းတွင်းဇာတ်လမ်းများကို ကြည့်ဖူးကြသည် မဟုတ်လော။ နန်းတွင်း၌ ဧကရာဇ်မင်းနှင့် သူ၏မှူးမတ်များကြား ဆက်ဆံရေးမှာ အဘယ်နည်း။ ၎င်းတို့၏ ဆက်ဆံရေးကို ဝါကျတစ်ကြောင်းတည်းဖြင့် ဖော်ပြရန် မလွယ်ကူနိုင်သော်လည်း၊ ၎င်းတို့အကြားတွင် ဖြစ်စဉ်တစ်ခုရှိသည်၊ ယင်းမှာဧကရာဇ်မင်းသည် မည်သူမျှ၏ စကားကိုမျှ အပေါ်ယံအားဖြင့် လက်မခံခြင်းပင် ဖြစ်သည်။ သူသည် သူ၏မှူးမတ်များ ပြောဆိုသမျှအရာအားလုံးကို ဆန်းစစ်ပြီး စေ့စေ့စပ်စပ် ကြည့်ရှုစစ်ဆေးကာ၊ ယင်းကို အမှန်တရားအဖြစ် မည်သည့်အခါမျှ လက်မခံပေ။ ဤသည်မှာ သူ၏မှူးမတ်များ ပြောဆိုသည်ကို နားထောင်ခြင်းအတွက် သူ၏စည်းမျဉ်း ဖြစ်သည်။ မှူးမတ်များအတွက်မူ၊ ၎င်းတို့သည် ပြောဆိုထားခြင်းမရှိသည့် သွယ်ဝိုက်သောညွှန်းဆိုချက်များကို နားထောင်ရာတွင် ကျွမ်းကျင်ရမည်ဖြစ်သည်။ ဥပမာအားဖြင့်၊ ဧကရာဇ်မင်းက “ဝန်ကြီးချုပ်ဝမ်သည် ယနေ့ တစ်စုံတစ်ခုကို ဖော်ပြခဲ့သည်” စသည်ဖြင့် ပြောဆိုသည့်အခါ၊ လူတိုင်း ဤသည်ကို နားထောင်ပြီး “ဧကရာဇ်မင်းသည် ဝန်ကြီးချုပ်ဝမ်ကို ရာထူးတိုးပေးလိုပုံရသည်၊ သို့သော် သူသည် လူများက အုပ်စုဖွဲ့ခြင်း၊ ကိုယ်ကျိုးရှာခြင်းနှင့် ပုန်ကန်ခြင်းတို့အား ပြုလုပ်မည်ကို အကြောက်ဆုံးဖြစ်သောကြောင့်၊ ငါသည် ဝန်ကြီးချုပ်ဝမ်ကို လူသိရှင်ကြား ထောက်ခံ၍မရပါ။ ငါသည် သူ့ကို ဆန့်ကျင်ခြင်းလည်းမဟုတ်၊ ထောက်ခံခြင်းလည်းမဟုတ်သည့် အလယ်အလတ်တွင် ရပ်တည်ရမည်၊ သို့မှသာ ဧကရာဇ်မင်းသည် ငါ၏ စစ်မှန်သောရည်ရွယ်ချက်များကို ခွဲခြားသိမြင်နိုင်မည်မဟုတ်ပါ။ သို့သော် ငါသည် ဧကရာဇ်မင်း၏ အလိုတော်ကိုလည်း ဆန့်ကျင်နေခြင်းမဟုတ်ပါ” ဟု တွေးကြသည်။ သင်တို့ သိသလော၊ ၎င်းတို့၏စိတ်ထဲတွင်၊ ဝါကျတစ်ကြောင်းတည်းကပင် မြွေတစ်ကောင်၏ လမ်းကြောင်းထက်ပင် ပိုမိုရှုပ်ထွေးသော အတွန့်အတက်များဖြင့် များပြားလှသော အတွေးအခေါ်များ ပါဝင်နေသည်။ ၎င်းတို့ပြောဆိုသည့်အရာ၏ အဓိကအဓိပ္ပာယ်သည် မရေရာမှုဖြင့် ဖုံးလွှမ်းလျက်၊ လွယ်လင့်တကူမသိနိုင်ဘဲ ရှိနေသည်။ မည်သည့်ပြောဆိုချက်များက အမှန်ဖြစ်သည် သို့မဟုတ် အမှားဖြစ်သည်ဟူသည်တို့ကို ဆန်းစစ်ရန် နှစ်ပေါင်းများစွာ စုဆောင်းထားသည့် အတွေ့အကြုံ လိုအပ်ပြီး၊ ၎င်းတို့ ပုံမှန်အားဖြင့် မည်သို့ပြုမူပြောဆိုသည်ကို အခြေခံ၍ ၎င်းတို့၏ ရည်ရွယ်ရင်းအဓိပ္ပာယ်ကို သင် ပုံဖော်ရမည်ဖြစ်သည်။ တိုတိုပြောရလျှင်၊ ၎င်းတို့၏ ပြောဆိုချက်တွင် မှန်ကန်သော ပြောဆိုချက်တစ်ခုမျှမပါရှိဘဲ၊ ၎င်းတို့ပြောဆိုသမျှ အရာအားလုံးသည် လိမ်ညာမှုများသာ ဖြစ်သည်။ အဆင့်အတန်းနိမ့်သည်ဖြစ်စေ မြင့်သည်ဖြစ်စေ လူတိုင်း၏ အပြန်အလှန်ပြောဆိုမှုတွင် ကိုယ်ပိုင်ပြောဆိုပုံနည်းလမ်း ပါရှိသည်။ ၎င်းတို့သည် မိမိတို့၏ ကိုယ်ပိုင်ရပ်တည်ချက်မှ ပြောဆိုကြသော်လည်း၊ ၎င်းတို့ပြောဆိုသည့်အရာသည် သင်ကြားရသည့် ရိုးစင်းသော အဓိပ္ပာယ် မည်သည့်အခါမျှ မဟုတ်ပေ။ ယင်းသည် လိမ်ညာမှုများသာ ဖြစ်သည်။ လိမ်ညာမှုများသည် မည်သို့ ဖြစ်ပေါ်လာသနည်း။ အဘယ်ကြောင့်ဆိုသော် လူတို့သည် ၎င်းတို့၏ ပြောဆိုမှုများနှင့် လုပ်ဆောင်ချက်များထဲတွင် အချို့သောရည်ရွယ်ချက်များ၊ ရည်မှန်းချက်များနှင့် စေ့ဆော်မှုများ ပါရှိကြသောကြောင့်၊ ၎င်းတို့ ပြောဆိုသည့်အခါ၊ မိမိတို့၏ စကားလုံးများနှင့် မိမိတို့စကားလုံးများ၏ သွယ်ဝိုက်ညွှန်းဆိုချက်များကို ဂရုစိုက်ကြသည်၊ ၎င်းတို့သည် ကွေ့ဝိုက်ပြောဆိုကြပြီး၊ ၎င်းတို့တွင် ကိုယ်ပိုင်ပြောဆိုပုံနည်းလမ်း ရှိသည်။ ၎င်းတို့တွင် နည်းလမ်းတစ်ခုရှိသည်နှင့်တစ်ပြိုင်နက်၊ ယင်းသည် အမှန်အတိုင်း ပြောသောစကား ဖြစ်သေးသလော။ မဟုတ်တော့ပေ။ ၎င်းတို့၏ စကားလုံးများတွင် များစွာသော အဓိပ္ပာယ်အဆင့်ဆင့် ပါဝင်သည်၊ အမှန်နှင့်အမှား ရောနှောနေသည်၊ အချို့မှာ အမှန်ဖြစ်ပြီး၊ အချို့မှာ အမှားဖြစ်ကာ၊ အချို့မှာ လှည့်ဖြားရန် ရည်ရွယ်သည်။ မည်သို့ပင်ဖြစ်စေ၊ ၎င်းတို့သည် အမှန်အတိုင်း မဟုတ်ကြပေ။ ယခုလေးတင် ဖော်ပြခဲ့သည့် ဝန်ကြီးချုပ်ဝမ်၏ ဥပမာကို ယူကြည့်လော့။ တစ်စုံတစ်ဦးက နန်းတွင်း၌ ဝန်ကြီးချုပ်ဝမ်ကို ပွင့်ပွင့်လင်းလင်း ဆန့်ကျင်သည်။ သူ၏ဆန့်ကျင်မှုသည် အမှန် သို့မဟုတ် အမှားအဖြစ် ချက်ချင်း ပေါ်လွင်ထင်ရှားခြင်းမရှိပေ။ သင် ထပ်မံကြည့်ရှုရမည်။ နောက်တစ်ခန်းတွင်၊ သူသည် ဝန်ကြီးချုပ်ဝမ်၏အိမ်ရှိ လျှို့ဝှက်ဧည့်ခန်းတစ်ခု၌ သောက်စားနေသည်။ လက်စသတ်တော့ ၎င်းတို့နှစ်ဦး အတူတကွ လုပ်ဆောင်နေကြခြင်း ဖြစ်သည်။ ဤပုဂ္ဂိုလ်က ဝန်ကြီးချုပ်ဝမ်ကို ဆန့်ကျင်သည့်မြင်ကွင်းကိုသာ သင် ကြည့်ရှုပါက၊ ၎င်းတို့နှစ်ဦး အတူတကွ လုပ်ဆောင်နေကြသည်ကို သင် မည်သို့ မြင်နိုင်မည်နည်း။ အဘယ်ကြောင့် ထိုသူက ဝန်ကြီးချုပ်ဝန်ကို ဆန့်ကျင်ခဲ့သနည်း။ သံသယကိုရှောင်ရှားရန်နှင့် ဧကရာဇ်မင်းအား သတိလက်လွတ်ဖြစ်စေဖို့ ဤအရာကို အသုံးပြုကာ ၎င်းတို့နှစ်ဦး ပူးပေါင်းကြံစည်နေကြောင်း သံသယမဝင်အောင် တားဆီးရန် ဖြစ်သည်။။ ဤသည်မှာ နည်းဗျူဟာတစ်ခု မဟုတ်လော။ (ဟုတ်ပါသည်။) ဤလူများသည် အမှန်တရားနှင့်ဆိုင်သည့် စကားတစ်လုံးမျှ မပြောဝံ့သည့် ထိုအသိုင်းအဝိုင်းတွင် နေထိုင်ကြသည်။ နေ့စဉ်နေ့တိုင်း လိမ်ညာပြောဆိုခြင်းသည် အလွန်ပင်ပန်းစရာဖြစ်က၊ အဘယ်ကြောင့် ၎င်းတို့ မထွက်ခွာကြသနည်း။ ၎င်းတို့သည် သေဆုံးသွားသော ပြိုင်ဘက်တစ်ဦး၏ သင်္ချိုင်းသို့ပင် သွားရောက်လည်ပတ်ကြသည်၊ ယင်းမှာ မည်သည့်သဘောဖြစ်သနည်း။ ၎င်းတို့သည် အခြားသူများနှင့် တိုက်ခိုက်ရန နှစ်သက်ကြခြင်းသာဖြစ်သည်၊ တိုက်ခိုက်ခြင်းမရှိပါက၊ဘဝသည် ငြီးငွေ့ဖွယ်ကောင်းသည်ဟု ၎င်းတို့ ခံစားကြရသည်။ တိုက်ခိုက်ခြင်းမရှိပါက၊ ဤဘဝသည် အလွန် ထူးခြားချက်မရှိဟု ၎င်းတို့ တွေးကြသည်။ ဤအကြံအစည်များနှင့် လျှို့ဝှက်ကြံစည်မှုအားလုံး ၎င်းတို့စိတ်ထဲတွင် ရှိနေသော်လည်း အသုံးပြုရန် နေရာမရှိသောကြောင့်၊ မည်သူက သာလွန်သည်ကို သိမြင်ရန်အတွက်၊ တိုက်ခိုက်ရမည့် ပြိုင်ဘက်တစ်ဦး လိုအပ်သည်။ ထိုအခါမှ ၎င်းတို့၏ဘဝက တန်ဖိုးရှိသည်ဟု ၎င်းတို့ ခံစားကြရသည်။ ၎င်းတို့၏ပြိုင်ဘက် သေဆုံးသွားပါက၊ ၎င်းတို့၏ဘဝတွင် အဓိပ္ပာယ်မရှိတော့ဟု ၎င်းတို့ ခံစားကြရသည်။ ငါ့ကို ပြောလော့။ ဤကဲ့သို့သောလူများကို ပြုပြင်ပြောင်းလဲ၍ရနိုင်သလော။ (မရနိုင်ပါ။) ဤသည်မှာ ၎င်းတို့၏ သဘာဝဖြစ်သည်။ အန္တိခရစ်များတွင် ဤ သဘာဝမျိုးရှိသည်၊ ၎င်းတို့သည် အခြားသူများနှင့်လည်းကောင်း၊ ခေါင်းဆောင်များ၊ အမှုဆောင်များနှင့်လည်းကောင်း နေ့စဉ်နေ့တိုင်း တိုက်ခိုက်ကြသည်။ ၎င်းတို့သည် နေ့စဉ်နေ့တိုင်း လိမ်ညာပြောဆိုကာ လှည့်ဖြားလျက်၊ ဘုရားအိမ်တော်၏ အလုပ်ကို နှောင့်ယှက်ပြီး အဖျက်အမှောင့်လုပ်ကြလျက် ဘုရားသခင်နှင့်ပင် တိုက်ခိုက်ကြသည်။ ၎င်းတို့သည် တစ်ခဏမျှပင် ငြိမ်သက်စွာ မထိုင်နိုင်ကြပေ။ ၎င်းတို့ထံ မည်သို့ပင် မိတ်သဟာယဖွဲ့စေကာမူ၊ သမ္မာတရားကို ၎င်းတို့ လက်မခံနိုင်ကြပေ။ အဆင်းနီသော နဂါးကြီးကဲ့သို့ပင်၊ ၎င်းတို့ လုံးဝ ဖျက်ဆီးခြင်း မခံရမချင်း အနားယူကြမည် မဟုတ်ပေ။

အန္တိခရစ်များသည် အမှန်အတိုင်းပြောဆိုသူတို့ကို မနှစ်သက်ကြ၊ ရိုးသားသောလူတို့ကိုလည်း ၎င်းတို့ မနှစ်သက်ကြပေ။ ၎င်းတို့သည် လှည့်ဖြားခြင်းနှင့် လိမ်ညာမှုများကို နှစ်သက်ကြသည်။ သို့ဆိုလျှင် ဘုရားသခင်အပေါ် ၎င်းတို့၏ သဘောထားမှာ အဘယ်နည်း။ ဥပမာအားဖြင့်၊ လူတို့ကို ရိုးသားရန် ဘုရားသခင် တောင်းဆိုသည့်အပေါ် ၎င်းတို့၏ သဘောထားမှာ အဘယ်နည်း။ ပထမဆုံးအနေဖြင့်၊ ၎င်းတို့သည် ဤသမ္မာတရားကို မထီမဲ့မြင်ပြုကြသည်။ အပြုသဘောဆောင်သော အရာများကို ၎င်းတို့၏ မထီမဲ့မြင်ပြုနိုင်စွမ်းသည် ၎င်းတို့၏ပြဿနာကို အမှန်တကယ် ညွှန်ပြနေပြီး၊ ၎င်းတို့၏သဘာဝက ကောက်ကျစ်ဆိုးယုတ်သည်ကို သက်သေပြနှင့်ပြီးဖြစ်သည်။ သို့သော်၊ ဤသည်မှာ ပြီးပြည့်စုံသည့် သို့မဟုတ် အလုံးစုံဖြစ်သော အခြေအနေ မဟုတ်ပေ။ ပို၍နက်ရှိုင်းစွာ တူးဆွကြည့်လျှင်၊ လူတို့အား ရိုးသားရန် ဘုရားသခင်၏ တောင်းဆိုချက်ကို အန္တိခရစ်များက မည်သို့ နားလည်ကြသနည်း။ ၎င်းတို့က၊ “ရိုးသားသောလူတစ်ဦးဖြစ်ခြင်း၊ အရာအားလုံးကို ဘုရားသခင်ထံ ပြောဆိုခြင်း၊ သူ့ကို အရာအားလုံး ပြောပြခြင်းနှင့် ညီအစ်ကိုမောင်နှမများနှင့် အရာအားလုံးကို ပွင့်လင်းစွာ မျှဝေခြင်းက၊ ကျွန်ုပ်၏ဂုဏ်သိက္ခာကို ဆုံးရှုံးခြင်းဟု ဆိုလိုသည် မဟုတ်လော။ ထိုအရာကဂုဏ်သိက္ခာမရှိခြင်း၊ ကိုယ်ပိုင်ဟန်မရှိခြင်းနှင့် ကိုယ်ရေးကိုယ်တာလုံခြုံမှု လုံးဝမရှိခြင်းကို ဆိုလိုသည်။ ဤသည်မှာ ဆိုးရွားလှသည်၊ ဤသည်မှာ မည်သည့် သမ္မာတရားမျိုး ဖြစ်သနည်း”ဟု ဆိုကောင်းဆိုနိုင်သည်။ ၎င်းတို့သည် ထိုအရာကို ဤသို့ ရှုမြင်ကြသည် မဟုတ်လော။ အန္တိခရစ်များသည် ရိုးသားခြင်းနှင့်ပတ်သက်သည့် ဘုရားသခင်၏ နှုတ်ကပတ်တော်များနှင့် တောင်းဆိုချက်ကို ၎င်းတို့၏စိတ်နှလုံး အတွင်းနက်နက်၌ မထီမဲ့မြင်ပြုသည်သာမက၊ ၎င်းတို့သည် ထိုအရာကို ရှုတ်ချခြင်းပင် ပြုကောင်းပြုနိုင်သည်။ ၎င်းတို့သည် ထိုအရာကို ရှုတ်ချနိုင်ပါက၊ ရိုးသားသောလူများ ဖြစ်နိုင်ကြသလော။ လုံးဝမဖြစ်နိုင်ပေ။ ၎င်းတို့သည် လုံးဝ မရိုးသားနိုင်ကြပေ။ လူအချို့က ၎င်းတို့ လိမ်လည်ပြောဆိုခဲ့ကြောင်း ဝန်ခံသည်ကို တွေ့မြင်သည့်အခါ အန္တိခရစ်များ၏ တုံ့ပြန်မှုမှာ အဘယ်နည်း။ ၎င်းတို့၏စိတ်နှလုံး အတွင်းနက်နက်နေရာများတွင် ၎င်းတို့သည် ထိုသို့သောအပြုအမူကို မထီမဲ့မြင်ပြုပြီး လှောင်ပြောင်ကြသည်။ ရိုးသားရန် ကြိုးစားသည့်လူများသည် အလွန်မိုက်မဲသည်ဟု ၎င်းတို့ ယုံကြည်ကြသည်။ ရိုးသားသောလူတို့ကို မိုက်မဲသောသူများအဖြစ် ၎င်းတို့ သတ်မှတ်ခြင်းသည် ကောက်ကျစ်ဆိုးယုတ်သည် မဟုတ်လော။ (ကောက်ကျစ်ဆိုးယုတ်ပါသည်။) ဤသည်မှာ ကောက်ကျစ်ဆိုးယုတ်ပေသည်။ ၎င်းတို့က၊ “ယနေ့ခေတ် လူ့အဖွဲ့အစည်းတွင် မည်သူက အမှန်တရားကို ပြောဆိုသနည်း။ ဘုရားသခင်က သင့်ကို ရိုးသားရန် တောင်းဆိုပြီး၊ သင်က အမှန်တကယ် ရိုးသားရန် ကြိုးစားသည်၊ သင်သည် ထိုသို့သောကိစ္စရပ်များအကြောင်းကိုပင် ရိုးသားစွာ ပြောဆိုသည်။ သင်သည် အမှန်ပင် မယုံနိုင်လောက်အောင် မိုက်မဲပါတကား” ဟု တွေးကြသည်။ ၎င်းတို့၏စိတ်နှလုံး အတွင်းနက်နက်နေရာများတွင် ရိုးသားသောလူများအပေါ် ၎င်းတို့ခံစားရသည့် အထင်သေးခြင်းက၊ ၎င်းတို့သည် ဤသမ္မာတရားကို ရှုတ်ချပြီး စက်ဆုပ်ရွံရှာကြောင်း၊ ၎င်းတို့သည် ယင်းကို လက်မခံသကဲ့သို့ ကျိုးနွံနာခံခြင်းလည်း မရှိကြောင်း သက်သေပြပေသည်။ ဤသည်မှာ အန္တိခရစ်များ၏ ကောက်ကျစ်ဆိုးယုတ်မှုဖြစ်သည် မဟုတ်လော။ ဤသမ္မာတရားသည် သိသာထင်ရှားစွာပင် အပြုသဘောဆောင်သော အရာတစ်ခုဖြစ်ပြီး၊ မိမိတို့၏ ကျင့်ကြံပြုမူခြင်းနှင့်ပတ်သက်လျှင် လူတို့ ပိုင်ဆိုင်သင့်သည့် ပုံမှန်လူ့သဘာဝကို အသက်ရှင်နေထိုင်ခြင်း၏ သွင်ပြင်လက္ခဏာတစ်ခုဖြစ်သော်လည်း၊ အန္တိခရစ်များကမူ ယင်းကို ရှုတ်ချကြလေသည်။ ဤသည်မှာ ကောက်ကျစ်ဆိုးယုတ်ပေသည်။ အသင်းတော်၌၊ ပြဿနာများကို တိုင်ကြားခြင်းကြောင့် သို့မဟုတ် အထက်သို့ အခြေအနေမှန်ကို ဖော်ပြခြင်းကြောင့် အချို့သောခေါင်းဆောင်များ၏ “ပြုပြင်ခြင်း” ကို ခံရခြင်းဖြင့် အဆုံးသတ်ကာ၊ ညှဉ်းဆဲခံရသည့် လူများ မကြာခဏ ရှိတတ်သည်။ တစ်ခါတစ်ရံတွင်၊ အထက်မှ အသင်းတော်ရှိ အခြေအနေကို မေးမြန်းသည့်အခါ၊ အချို့ခေါင်းဆောင်များသည် အပြုသဘောဆောင်သော အရာများကိုသာ အစီရင်ခံကြပြီး အပျက်သဘောဆောင်သော အရာများကို ချန်လှပ်ထားကြသည်။ ဤခေါင်းဆောင်များ၏ အစီရင်ခံချက်များက အဖြစ်မှန်မဟုတ်ကြောင်းကို လူအချို့က ကြားပြီး ၎င်းတို့ကို အမှန်အတိုင်းပြောရန် တောင်းဆိုသည့်အခါ၊ ဤခေါင်းဆောင်များသည် ထိုသူတို့ကို ဘေးသို့တွန်းထုတ်ပြီး၊ အမှန်တရားကို မပြောအောင် တားဆီးကြသည်။ အချို့လူများသည် အန္တိခရစ်များ၏ အမှုအရာများ လုပ်ဆောင်ပုံနည်းလမ်းကို လက်မခံကြပေ။ ၎င်းတို့က၊ “သင်သည် ရိုးသားစွာ ပြောဆိုမည်မဟုတ်သောကြောင့်၊ ငါသည် သင့်ကို ခေါင်းဆောင်တစ်ဦးကဲ့သို့ သဘောထားမည်မဟုတ်။ ငါသည် အထက်ကို အမှန်တရား ပြောပြမည်။ ၎င်းတို့ ငါ့အား ပြုပြင်မည်ကို ငါမကြောက်ပါ” ဟု တွေးကြသည်။ သို့ဖြစ်၍၊ ၎င်းတို့သည် စစ်မှန်သည့် အခြေအနေကို အထက်သို့ သစ္စာရှိစွာ အစီရင်ခံကြသည်။ ၎င်းတို့ ဤသို့ပြုသည့်အခါ၊ ယင်းသည် အသင်းတော်၏ အဖြစ်မှန်ကို ပေါ်လွင်သွားစေသည်။ အဘယ်သို့ဖြစ်သနည်း။ အဘယ်ကြောင့်ဆိုသော် ဤလူများသည် ထိုအန္တိခရစ်များနှင့်ပတ်သက်သည့် အဖြစ်မှန်များကို ဖော်ထုတ်ခဲ့သောကြောင့်ဖြစ်သည်။ ၎င်းတို့သည် အရေးကိစ္စများ၏ အခြေအနေမှန်ကို ဖော်ထုတ်ကြပြီး ဖြစ်သည်။ အန္တိခရစ်များက ဤအရာကို သဘောတူကြသလော။ ၎င်းတို့သည် ထိုအရာကို သည်းခံနိုင်ကြသလော။ ကိစ္စရပ်အား တိုင်ကြားခဲ့သည့်လူများကို ၎င်းတို့သည် လုံးဝ အလွတ်ပေးလိမ့်မည် မဟုတ်။ အန္တိခရစ်များက မည်သည့်အရာကို လုပ်ဆောင်ကြသနည်း။ ထို့နောက် မကြာမီတွင်ပင်၊ ၎င်းတို့သည် ဤကိစ္စနှင့်ပတ်သက်၍ အစည်းအဝေးတစ်ခု ခေါ်ယူပြီး၊ လူတို့အား ထိုအရာကို ဆွေးနွေးရန် တောင်းဆိုပြီး ၎င်းတို့၏တုံ့ပြန်မှုများကို စောင့်ကြည့်လေသည်။ လူအများစုသည် လွယ်လွယ်နှင့် ယိမ်းယိုင်သွားကြလျက် ထိုကိစ္စရပ်ကို စဉ်းစားပြီး၊ “တစ်စုံတစ်ဦးက အဖြစ်မှန်များကို တိုင်ကြားခဲ့ပြီး၊ ယခု ဤခေါင်းဆောင်က အန္တရာယ်ကျရောက်နေသည်။ ဖြစ်ပျက်နေသည့်အရာကို ငါတို့ မတိုင်ကြားခဲ့ပါ၊ အထက်မှ ဤခေါင်းဆောင်ကို အပြစ်ပေးရန် ဆုံးဖြတ်ပါက၊ ငါတို့သည် ၎င်းတို့နှင့်အတူ ငြိစွန်းမိသွားမည် မဟုတ်လော”ဟု တွေးကြသည်။ သို့ဖြစ်၍၊ ဤလူများသည် ခေါင်းဆောင်များကို ကာကွယ်ရန် နည်းလမ်းများ ရှာဖွေကြပြီး၊ ရလဒ်အနေဖြင့် အမှန်တရားကို တိုင်ကြားခဲ့သည့်လူများသည် အဆက်အသွယ်ဖြတ်ခံရကြသည်။ ဤနည်းအားဖြင့်၊ အန္တိခရစ်များသည် ၎င်းတို့အလိုရှိသလို လုပ်ဆောင်နိုင်ကြသည်၊ အဘယ်ကြောင့်ဆိုသော် မည်သည့် မကောင်းမှုကို ၎င်းတို့ လုပ်ဆောင်သည်ဖြစ်စေ၊ မည်သူမျှ အထက်သို့ အခြေအနေကို မတိုင်ကြားဝံ့ကြသောကြောင့်ဖြစ်ပြီး၊ ထိုသို့ဖြင့် ၎င်းတို့သည် မိမိတို့၏ရည်မှန်းချက်များကို စွမ်းဆောင်ရရှိကြသည်။ ထို့ကြောင့်၊ အချို့လူများအတွက်၊ အထက်သို့ အခြေအနေကို တိုင်ကြားခြင်းသည် လက်တွေ့အခက်အခဲများစွာကို ဖြစ်ပေါ်စေသည်။ ၎င်းတို့သည် အဖြစ်မှန်များကို သိရှိကြသော်လည်း၊ အန္တိခရစ်များက ၎င်းတို့ကို အမြဲ နှုတ်ဆိတ်စေလိုကြသည်။ ကြောက်ရွံ့ခြင်းနှင့် မဝံ့ရဲခြင်းတို့ကြောင့်၊ ၎င်းတို့သည် ်လျှော့ပေးကြပြီး၊ ထိုသို့လုပ်ဆောင်ခြင်းဖြင့် ၎င်းတို့သည် အန္တိခရစ်များ၏ အကျပ်ကိုင်ခြင်းကို ခံရကြသည် မဟုတ်လော။ အဆုံးတွင်၊ ဤအန္တိခရစ်များသည် ထုတ်ဖော်ခံရပြီး ထုတ်ပယ်ခံလိုက်ရသည်နှင့်တစ်ပြိုင်နက်၊ လျှော့ပေးခဲ့သည့်လူများက မည်သို့ခံစားရမည်ဟု သင်တို့ ထင်ပါသနည်း။ ၎င်းတို့ နောင်တရကြသလော။ (နောင်တရကြပါသည်။) ၎င်းတို့က၊ “အမှုအရာများ ဤသို့အဆုံးသတ်မည်ကိုသာ ငါသိခဲ့မည်ဆိုလျှင်၊ ငါ လက်လျှော့ခဲ့မည်မဟုတ်ပါ။ သူတို့ ထုတ်ပယ်ခံရသည်အထိ သူတို့ကို ငါ ဆက်လက်ဖော်ထုတ်ပြီး သူတို့၏ပြဿနာများကို တိုင်ကြားခဲ့သင့်သည်” ဟု တွေးလျက် ဝမ်းလည်းဝမ်းသာသကဲ့သို့ နောင်တလည်းရကြလေသည်။ သို့သော် လူအများစုသည် ထိုသို့ မလုပ်ဆောင်နိုင်ကြပေ၊ ၎င်းတို့ အလွန် သတ္တိနည်းကြလေသည်။

အန္တိခရစ်များသည် လှည့်ဖြားခြင်းနှင့် လိမ်ညာမှုများကို နှစ်သက်ပြီး ရိုးသားခြင်းကို စက်ဆုပ်ရွံရှာကြသည်၊ ဤသည်မှာ ၎င်းတို့၏ ကောက်ကျစ်ဆိုးယုတ်သော သဘာဝ၏ ပထမဆုံး သိသာထင်ရှားသော သရုပ်သကန် ဖြစ်သည်။ သင်တို့ သိကြသလော။ အချို့လူများသည် လူတို့ နားလည်သဘောပေါက်ရန် ခက်ခဲသည့် နည်းလမ်းဖြင့် အမြဲ စကားပြောဆိုကြသည်။ တစ်ခါတစ်ရံတွင် ၎င်းတို့၏ ဝါကျများသည် အစရှိသော်လည်း အဆုံးမရှိပေ။ တစ်ခါတစ်ရံတွင် အဆုံးရှိသော်လည်း အစမရှိပေ။ ၎င်းတို့သည် မည်သည့်အရာကို ပြောဖို့ရည်ရွယ်သည်ကို သင် မသိနိုင်ပေ။ ၎င်းတို့ပြောသည့် မည်သည့်အရာကမျှ သင့်အတွက် အဓိပ္ပာယ်မရှိပေ။ သင်က ၎င်းတို့ကို ရှင်းရှင်းလင်းလင်း ရှင်းပြခိုင်းလျှင် ၎င်းတို့က ရှင်းပြမည်မဟုတ်။ ၎င်းတို့သည် ၎င်းတို့၏ စကားများတွင် နာမ်စားများကို မကြာခဏ အသုံးပြုသည်။ ဥပမာ ၎င်းတို့သည် တစ်စုံတစ်ခုကို သတင်းပို့ပြီး “ဒီလူက...ဟိုဟာလေ...သူက ဒါကို စဉ်းစားနေတယ်။ ပြီးတော့ ညီအစ်ကိုမောင်နှမတွေက သိပ်ပြီးတော့...” ဟူ၍ ပြောသည်။ ၎င်းတို့သည် နာရီများစွာ ဆက်လက်ပြောဆိုနိုင်ပြီး မိမိတို့ကိုယ်ကို ရှင်းလင်းစွာ ဖော်ပြခြင်း မရှိသေးဘဲ အထစ်ထစ်အငေါ့ငေါ့ပြောသည်။ မိမိတို့ စာကြောင်းများကို ပြီးအောင်မပြောဘဲ ၊ တစ်ခုနှင့်တစ်ခု အဆက်အစပ်မရှိသည့် စကားလုံးအချို့ကိုသာပြောကာ သင်သည် ယင်းကိုကြားပြီးနောက်တွင် မည်သည့်အရာမျှ နားလည်မသွားဘဲ စိတ်ပင်ရှုပ်သွားသည်။ အမှန်တွင် ၎င်းတို့သည် များစွာ လေ့လာမှုများ ဆောင်ရွက်ပြီးဖြစ်ကာ ပညာကောင်းစွာ တတ်မြောက်ထားသည်။ ဤသို့ဆိုလျှင် ၎င်းတို့သည် အဘယ်ကြောင့် ဝါကျတစ်ကြောင်းကို အပြည့်အစုံ ပြောဆိုနိုင်စွမ်းမရှိသနည်း။ ဤသည်မှာ စိတ်သဘောထားပြဿနာတစ်ခုဖြစ်သည်။ ၎င်းတို့သည်အလွန်ပင် မယုံကြည်ရဖြစ်သည်မှာ အမှန်တရား အနည်းငယ်မျှကိုပင် ပြောဆိုရန်အလွန်အမင်း အားစိုက်ရလေသည်။ အန္တိခရစ်တို့ပြောသည့်အရာမှန်သမျှတွင် အာရုံစိုက်ခြင်းမရှိ။ အစဉ်သဖြင့် အစရှိပြီး အဆုံးမရှိပေ။ ၎င်းတို့သည် စာကြောင်းတစ်ဝက်ကို ရှေ့နောက်မစဉ်းစားဘဲ ပြောချပြီး အခြားတစ်ဝက်ကို မျိုသိပ်လိုက်ကာ ၎င်းတို့ဆိုလိုသည့်အရာကို သင့်ကို နားမလည်စေချင်ဘဲ ၎င်းတို့က သင့်ကို ခန့်မှန်းစေချင်သောကြောင့် အမြဲ သွေးတိုးစမ်းနေကြလေသည်။ ၎င်းတို့က သင့်ကို တိုက်ရိုက်ပြောလျှင် ၎င်းတို့ပြောသည့်အရာကို သင်သဘောပေါက်ပြီး ၎င်းတို့ကို ရိပ်စားမိမည် မဟုတ်လော။ ဤအရာကို ၎င်းတို့ အလိုမရှိပေ။ အဘယ်အရာကို ၎င်းတို့ အလိုရှိသနည်း။ ၎င်းတို့က သင့်ကို သင့်ဘာသာ ခန့်မှန်းစေချင်သည်။ သင်ခန့်မှန်းသည့်အရာက မှန်သည်ဟု ၎င်းတို့က သင့်ကို လိုလိုချင်ချင် ယုံကြည်ခွင့်ပြုသည်။ ဤဖြစ်ရပ်တွင် ဤအရာကို ၎င်းတို့က မပြောခဲ့ပေ။ ထို့ကြောင့် ၎င်းတို့တွင် မည်သည့်တာဝန်မျှမရှိပေ။ ထို့အပြင် ယင်းတို့၏ အဓိပ္ပာယ်က မည်သည့်အရာဖြစ်သည်ဟု သင်၏ ခန့်မှန်းချက်ကို သင်ပြောသည့်အခါ ၎င်းတို့က မည်သည့်အရာကို ရသနည်း။ သင်၏ ခန့်မှန်းချက်သည် အတိအကျပင် ၎င်းတို့ ကြားလိုသည့်အရာဖြစ်ပြီး ထိုအရေးကိစ္စနှင့်ပတ်သက်၍ သင်၏ အယူအဆများနှင့် အမြင်များကို ၎င်းတို့ သိရသည်။ ထိုမှနေ၍ ၎င်းတို့သည် မည်သည့်အရာကို ပြောရမည်၊ မည်သည့်အရာကို မပြောရမည်၊ မည်သို့ပြောရမည်တို့ကို ရွေးချယ်လျက် စကားကို စိစိစစ်စစ် ရွေးနုတ်၍ပြောကြလိမ့်မည်။ ထို့နောက် ၎င်းတို့၏ အစီအစဉ်တွင် နောက်တစ်ဆင့်ကို လှမ်းကြလိမ့်မည်။ ဝါကျတိုင်းက ထောင်ချောက်တစ်ခုဖြင့် အဆုံးသတ်ပြီး ၎င်းတို့ပြောသည်ကို သင်နားထောင်သည်နှင့်အမျှ၊ သင်က ၎င်းတို့၏ စာကြောင်းများကို အပြီးသတ်စဉ်းစားနေလျှင်၊ သင်သည် ထောင်ချောက်အတွင်းသို့ လုံးဝ ကျရောက်သွားပြီး ဖြစ်လိမ့်မည်။ ၎င်းတို့သည် ဤသို့ အစဉ်စကားပြောရသည်မှာ ပင်ပန်းသလော။ ၎င်းတို့၏ စိတ်သဘောထားသည် ကောက်ကျစ်ဆိုးယုတ်သည်။ ၎င်းတို့ မပင်ပန်းကြပေ။ ယင်းသည် ၎င်းတို့အတွက် လုံးဝ ဖြစ်ရိုးဖြစ်စဉ်ပင် ဖြစ်သည်။ သင့်အတွက် ဤထောင်ချောက်များကို ၎င်းတို့က အဘယ်ကြောင့် ဖန်တီးလိုကြသနည်း။ အဘယ်ကြောင့်ဆိုသော် သင်၏ အမြင်များကို ၎င်းတို့က ရှင်းရှင်းလင်းလင်း မမြင်နိုင်ကြပေ။ ၎င်းတို့ကို သင်ရိပ်စားမိမည်ကို ၎င်းတို့ ကြောက်ရွံ့ကြသည်။ တစ်ချိန်တည်းတွင် ၎င်းတို့ကို သင်နားလည်ခြင်းမရှိအောင် ၎င်းတို့က ကြိုးစားနေခြင်းဖြစ်သည်။ ၎င်းတို့က သင့်ကို နားလည်အောင် ကြိုးစားနေခြင်းဖြစ်သည်။ ၎င်းတို့သည် သင်၏ အမြင်များ၊ အယူအဆများ၊ နည်းလမ်းများကို သင့်ထံမှ နှိုက်ယူလိုသည်။ အောင်မြင်လျှင် ၎င်းတို့၏ ထောင်ချောက်များက အလုပ်ဖြစ်ပြီး ဖြစ်သည်။ အချို့လူတို့က “အင်း”၊ “အော်” ဟု မကြာခဏပြောလျက် အချိန်ဆွဲကြသည်။ ၎င်းတို့သည် အတိအကျ အမြင်တစ်ခုကို မဖော်ပြပေ။ အခြားလူတို့က “ဒီလိုမျိုး”၊ “ဒါဆို...” ဟု ပြောလျက်၊ ၎င်းတို့ အမှန်တကယ် စဉ်းစားနေသည့်အရာကို ဖုံးကွယ်လျက်၊ ၎င်းတို့ အမှန်တကယ် ပြောလိုသည့်အရာအစား ဤအရာကို အသုံးပြုလျက် အချိန်ဆွဲကြသည်။ ၎င်းတို့၏ ဝါကျတိုင်းတွင် အသုံးမဝင်ဘဲ သုံးနှုန်းနေသော စကားများ၊ ကြိယာဝိသေသနများ၊ အကူကြိယာများ များစွာရှိကြသည်။ ၎င်းတို့၏ စကားများကို သင် မှတ်တမ်းတင်ထားပြီး ထုတ်ရေးထားလျှင် အကြောင်းအရာနှင့်ပတ်သက်၍ ၎င်းတို့၏ အမြင်များ၊ သို့မဟုတ် သဘောထားများကို မည်သည့်စကားကမျှ ထုတ်ဖော်ခြင်းမရှိသည်ကို သင် တွေ့ရှိရမည်။ ၎င်းတို့၏ စကားများအားလုံးတွင် ဖုံးကွယ်နေသော ထောင်ချောက်များ၊ စုံစမ်းသွေးဆောင်မှုများနှင့် ဆွဲဆောင်မှုများပါဝင်သည်။ ဤစိတ်သဘောထားသည် အဘယ်နည်း။ (ကောက်ကျစ်ဆိုးယုတ်ပါသည်။) အလွန်ကောက်ကျစ်ဆိုးယုတ်ပေသည်။ လှည့်ဖြားခြင်း ပါဝင်သလော။ ၎င်းတို့ ဖန်တီးသည့် ဤထောင်ချောက်များ၊ စုံစမ်းသွေးဆောင်မှုများနှင့် ဆွဲဆောင်မှုများကို လှည့်ဖြားခြင်းဟု ခေါ်သည်။ ဤသည်မှာ အန္တိခရစ်များ၏ ကောက်ကျစ်ဆိုးယုတ်သော အနှစ်သာရရှိသည့်လူတို့၏ တွေ့ရလေ့ရှိသော ထူးခြားသည့် ပင်ကိုလက္ခဏာတစ်ခုဖြစ်သည်။ ဤ အတွေ့ရများသော ပင်ကိုလက္ခဏာသည် မည်သို့ ထင်ရှားပြသသနည်း။ ၎င်းတို့သည် သတင်းကောင်းများကို သတင်းပို့ပြီး မကောင်းသောသတင်းများကို သတင်းမပို့ပေ။ ၎င်းတို့သည် ကျေနပ်ဖွယ် အသုံးအနှုန်းများကို အထူးသီးသန့်ပြောသည်။ ၎င်းတို့သည် အထစ်ထစ်အငေါ့ငေါ့ ပြောသည်။ ယင်းတို့၏ တကယ့်အဓိပ္ပာယ်ကို တချို့တစ်ဝက်ဖုံးကွယ်သည်။ ရှုပ်ထွေးစွာ ပြောသည်။ မရေရာစွာ ပြောသည်။ ပြီးလျှင် ၎င်းတို့၏ စကားများတွင် စုံစမ်းသွေးဆောင်မှုများပါသည်။ ဤအရာများသည် ထောင်ချောက်များသာ ဖြစ်ပြီး ယင်းတို့သည် လှည့်ဖြားမှုနည်းလမ်းများချည်းသာ ဖြစ်ပေသည်။

အန္တိခရစ်အများစုသည် ဤသရုပ်သကန်များကို ပြသကြပြီး ဤနည်းဖြင့် ပြောဆိုပြုမူကြသည်။ သင်တို့သည် ၎င်းတို့နှင့် အချိန်ကြာမြင့်စွာ ထိတွေ့ဆက်ဆံရပါက ဤအရာကို ခွဲခြားသိမြင်နိုင်မည်လော။ ၎င်းတို့ကို သင်တို့ ရိပ်စားမိနိုင်မည်လော။ ပထမဆုံးအနေဖြင့်၊ ၎င်းတို့က ရိုးသားသောလူများဟုတ်သလောဟူသည်ကို သင်ဆုံးဖြတ်ရမည်။ အခြားသူများကို ရိုးသားရန်နှင့် အမှန်အတိုင်းပြောဆိုရန် ၎င်းတို့ မည်မျှပင် တောင်းဆိုပါစေ၊ ၎င်းတို့ကိုယ်တိုင်က ရိုးသားသောလူများဖြစ်သလော၊ ရိုးသားရန် ကြိုးပမ်းနေကြသလောဟူသည်နှင့် ရိုးသားသောလူများအပေါ် ၎င်းတို့၏အမြင်နှင့် သဘောထားမှာ အဘယ်အရာဖြစ်သည်ဟူသည်တို့ကိုသင ကြည့်ရှုရမည်။ ၎င်းတို့၏စိတ်နှလုံး အတွင်းနက်နက်နေရာများတွင် ရိုးသားသောလူများကို ၎င်းတို့ ရွံရှာခြင်း၊ စက်ဆုပ်ရွံရှာခြင်းနှင့် ခွဲခြားဆက်ဆံခြင်း ရှိသလော သို့မဟုတ် ၎င်းတို့သည်လည်း စိတ်ထဲတွင် ရိုးသားသောလူများဖြစ်လိုသော်လည်း၊ ထိုသို့ပြုလုပ်ရန် အခက်တွေ့ပြီး စိန်ခေါ်မှုဖြစ်နေသောကြောင့် ၎င်းတို့ စွမ်းဆောင်ရရှိနိုင်ခြင်း မရှိသလောဟူသည်တို့ကို ကြည့်ရှုလော့။ ဤအရာများထဲမှ မည်သည့်အရာသည် ၎င်းတို့၏အခြေအနေဖြစ်သည်ကို သင်တို့ ရှာဖွေဖော်ထုတ်ရန် လိုအပ်သည်။ ဤအရာကို သင်တို့ ခွဲခြားသိမြင်နိုင်မည်လော။ အချိန်တိုအတွင်းတွင်၊ သင်တို့အနေဖြင့် ထိုသို့ လုပ်ဆောင်ကောင်း လုပ်ဆောင်နိုင်မည်မဟုတ်။ အဘယ်ကြောင့်ဆိုသော် ၎င်းတို့၏ လှည့်ဖြားတတ်သောနည်းလမ်းများက ပါးနပ်ပါက၊ ၎င်းတို့ကို သင်တို့ မရိပ်စားမိခြင်းဖြစ်နိုင်သောကြောင့် ဖြစ်သည်။ သို့သော်၊ အချိန်ကြာလာသည်နှင့်အမျှ၊ လူတိုင်းက ၎င်းတို့ကို ရိပ်စားမိနိုင်ကြလိမ့်မည်။၎င်းတို့သည် မိမိတို့ကိုယ်တိုင်နှင့်ပတ်သက်သည့် အမှန်တရားကို ထာဝစဉ် ဖုံးကွယ်မထားနိုင်ပေ။ ထိုအရာသည်အဆင်းနီသော နဂါးကြီးက မိမိသည် “ပြည်သူကို အမှုထမ်းနေသည်” ဟူသည်နှင့် “လူတို့၏ ပြည့်သူ့ဝန်ထမ်းအဖြစ် ဆောင်ရွက်နေသည်” ဟု မကြာခဏ ပြောဆိုပုံနှင့် တူသည်။ သို့သော် ယနေ့ခေတ်တွင် ၎င်းသည် ပြည်သူ၏ပါတီဖြစ်သည်ဟု မည်သူက ယုံကြည်သေးသနည်း။ ၎င်းသည် ပြည်သူကိုယ်စား ဆုံးဖြတ်ချက်များ ချမှတ်နေသည်ဟု မည်သူက ယုံကြည်သေးသနည်း။ မည်သူမျှ ထိုသို့ မယုံကြည်ကြတော့ပေ၊ မှန်ပါသလော။ ကနဦးတွင်၊ ပြည်သူလူထုသည် ကွန်မြူနစ်ပါတီနှင့်အတူ ၎င်းတို့၏ကံကြမ္မာကို ပြောင်းလဲနိုင်ပြီး ဆရာသခင်များဖြစ်လာနိုင်မည်၊ ၎င်းသည် ပြည်သူကို အမှုထမ်းပြီး ၎င်းတို့၏ပြည်သူ့ဝန်ထမ်းအဖြစ် ဆောင်ရွက်လိမ့်မည်ဟု တွေးထင်လျက် အကောင်းမြင်သောမျှော်လင့်ချက်များ ထားရှိခဲ့ကြသည်။ သို့သော် ယနေ့ခေတ်တွင်၊ ၎င်း၏နတ်ဆိုးဆန်သော စကားများကို မည်သူက ယုံကြည်သေးသနည်း။ လူတို့က ယခုအခါ ၎င်းကို မည်သို့ အကဲဖြတ်ကြသနည်း။ ၎င်းသည် အများပြည်သူ၏ ရန်သူတော်ကြီး ဖြစ်လာပြီဖြစ်သည်။ သို့ဆိုလျှင်၊ ၎င်းသည် ပြည်သူ့ဝန်ထမ်းအဖြစ်မှ ရန်သူတော်ကြီးအဖြစ်သို့ မည်သို့ ပြောင်းလဲသွားခဲ့သနည်း။ ၎င်း၏လုပ်ရပ်များမှတစ်ဆင့်လည်းကောင်း၊ ၎င်း၏လုပ်ရပ်များကို ၎င်း၏စကားလုံးများနှင့် နှိုင်းယှဉ်ခြင်းအားဖြင့်လည်းကောင်း၊ ၎င်းပြောဆိုခဲ့သည့်အရာအားလုံးသည် မိမိကိုယ်ကို ဖိုးဖိဖာထေးရန် ရည်ရွယ်သည့် လှည့်ဖြားတတ်သော လိမ်ညာမှုများ၊ မုသားများနှင့် စကားလုံးများသာဖြစ်ကြောင်း လူတို့ ရှာဖွေတွေ့ရှိခဲ့ကြသည်။ ၎င်းသည် နားကြားအကောင်းဆုံးသောစကားလုံးများကို ပြောဆိုခဲ့သော်လည်း အဆိုးရွားဆုံးသောအရာများကို လုပ်ဆောင်ခဲ့သည်။ အန္တိခရစ်များသည်လည်း ဤကဲ့သို့ပင် ဖြစ်သည်။ ဥပမာအားဖြင့်၊ ၎င်းတို့သည် ညီအစ်ကိုမောင်နှမများအား “သင်တို့သည် သင်တို့၏တာဝန်များကို သစ္စာရှိစွာ ထမ်းဆောင်သင့်သည်၊ ထိုတာဝန်များကို ကိုယ်ရေးကိုယ်တာ မသန့်ရှင်းမှုများဖြင့် မရောနှောစေနှင့်” ဟု ပြောဆိုကြသည်။ သို့သော် ထိုအကြောင်းကို စဉ်းစားကြည့်လော့၊ ၎င်းတို့ကိုယ်တိုင် ဤနည်းအတိုင်း ပြုမူကြပါသလော။ သင်သည် ၎င်းတို့အား တစ်စုံတစ်ခုကို အကြံပြုသည့်အခါ၊ သင်သည် သင်၏ထင်မြင်ချက်ကို အနည်းငယ်မျှသာ ထုတ်ဖော်ပြသည်နှင့်တစ်ပြိုင်နက်၊ ၎င်းတို့သည် ယင်းကို သဘောတူမည်မဟုတ် သို့မဟုတ် လက်ခံမည် မဟုတ်ပေ။ ၎င်းတို့၏တစ်ကိုယ်ရေ အကျိုးစီးပွားများသည် ၎င်းတို့၏တာဝန်များ သို့မဟုတ် ဘုရားအိမ်တော်၏ အကျိုးစီးပွားများနှင့် ထိပ်တိုက်တွေ့သည့်အခါ၊ ၎င်းတို့သည် အမြတ်အစွန်းရှိသမျှအတွက် တိုက်ခိုက်ကြပြီး တစ်စမျှ လက်လွှတ်မည်မဟုတ်ပေ။ ၎င်းတို့၏အပြုအမူနှင့်ပတ်သက်၍ စဉ်းစားကြည့်လော့၊ ထို့နောက် ၎င်းတို့ပြောဆိုသည့်အရာနှင့် နှိုင်းယှဉ်ကြည့်လော့။ ် မည်သည့်အရာကို သင်သတိပြုမိသနည်း။ ၎င်းတို့၏စကားလုံးများသည် ကြားကောင်းသော်လည်း ထိုစကားအားလုံးသည် လူတို့ကို လှည့်ဖြားရန် ရည်ရွယ်သည့် မုသားများချည်းသာဖြစ်သည်။ ၎င်းတို့သည် မိမိတို့၏အကျိုးစီးပွားများအတွက် လျှို့ဝှက်ကြံစည်ပြီး တိုက်ခိုက်သည့်အခါ၊ ၎င်းတို့၏အပြုအမူအပြင်၊ ၎င်းတို့လုပ်ရပ်များ၏ ရည်ရွယ်ချက်များ၊ နည်းလမ်းများနှင့် နည်းစနစ်များအားလုံးသည် အစစ်အမှန်များသာဖြစ်သည်။ အတုအယောင်များ မဟုတ်ကြပေ။ ဤအရာများကို အခြေခံ၍၊ သင်သည် အန္တိခရစ်များအပေါ် ပိုင်းခြားသိမြင်မှုတစ်ခုခု ရရှိနိုင်သည်။

အန္တိခရစ်များသည် အလိမ်အညာများနှင့် လှည့်ဖြားမှုများကို ချစ်မြတ်နိုးကြသည်၊ အခြားမည်သည့်အရာကို ၎င်းတို့ နှစ်သက်ကြသေးသနည်း။ ၎င်းတို့သည် နည်းဗျူဟာများ၊ အကြံအစည်များနှင့် လျှို့ဝှက်ကြံစည်မှုများကို နှစ်သက်ကြသည်။ ၎င်းတို့သည် သမ္မာတရားကို မည်သည့်အခါမျှ မရှာဖွေဘဲ၊ အလိမ်အညာများနှင့် လှည့်ဖြားမှုများအပေါ် လုံးလုံးလျားလျား မှီခိုကာ အကြံအစည်များနှင့် လျှို့ဝှက်ကြံစည်မှုများကို အသုံးပြုလျက်၊ စာတန်၏ အတွေးအခေါ်အတိုင်း ဆောင်ရွက်ကြသည်။ သင်သည် သမ္မာတရားကို မည်မျှပင် ရှင်းလင်းစွာ မိတ်သဟာယဖွဲ့သည်ဖြစ်စေ၊ ၎င်းတို့က အသိအမှတ်ပြုသည့်အနေဖြင့် ခေါင်းညိတ်ပြလျှင်ပင်၊ ၎င်းတို့သည် သမ္မာတရားစည်းမျဉ်းများအတိုင်း ပြုမူဆောင်ရွက်ကြမည်မဟုတ်ပေ။ ထိုအစား၊ ၎င်းတို့သည် အကြံအစည်များနှင့် လျှို့ဝှက်ကြံစည်မှုများကို အသုံးပြုလျက် ဦးနှောက်ခြောက်ခံစဉ်းစားကာ လုပ်ဆောင်ကြလိမ့်မည်။ သင်သည် သမ္မာတရားကို မည်မျှပင် ရှင်းလင်းစွာ မိတ်သဟာယဖွဲ့သည်ဖြစ်စေ၊ ၎င်းတို့ နားမလည်နိုင်ဟု ထင်ရသည်။ ၎င်းတို့သည် မိမိတို့လုပ်ဆောင်လိုသည့်အတိုင်း၊ မိမိတို့ဆန္ဒရှိသည့်အတိုင်း၊ မိမိတို့၏ကိုယ်ကျိုးစီးပွားအတွက် အကျိုးရှိမည့် မည်သည့်နည်းလမ်းဖြင့်မဆို အမှုအရာများကို ယတိပြတ် လုပ်ဆောင်ကြသည်။ ၎င်းတို့သည် မိမိတို့၏စစ်မှန်သော သဘောသဘာဝနှင့် စစ်မှန်သော စရိုက်ကို ဖုံးကွယ်လျက်၊ လူတို့ကို အရူးလုပ်ပြီး လှည့်ဖြားလျက် ချောမွေ့စွာ ပြောဆိုကြသည်၊ အခြားသူများသည် အလှည့်စားခံရသည့်အခါ၊ ၎င်းတို့ ကျေနပ်အားရကြပြီး၊ ၎င်းတို့၏ ရည်မှန်းချက်များနှင့် လိုအင်ဆန္ဒများ ပြည့်ဝသွားပြီဖြစ်သည်။ ဤသည်မှာ အန္တိခရစ်များ၏ တသမတ်တည်းဖြစ်သော နည်းလမ်းနှင့် လုပ်နည်းကိုင်နည်းဖြစ်သည်။ မိမိတို့ပြောဆိုပုံတွင် ဖြောင့်မတ်ရိုးသားသူများ၊ ရိုးသားစွာ စကားပြောပြီး မိမိတို့၏ကိုယ်ပိုင် အပျက်သဘောဆောင်ခြင်း၊ အားနည်းခြင်းနှင့် ပုန်ကန်တတ်သော အနေအထားများနှင့်ပတ်သက်၍ ပွင့်လင်းစွာ မိတ်သဟာယဖွဲ့သူများ၊ စိတ်ရင်းအတိုင်း စကားပြောသူများဖြစ်ကြသည့် ထိုရိုးသားသောလူများနှင့်ပတ်သက်၍မူ၊ အန္တိခရစ်များသည် ၎င်းတို့ကို စိတ်အတွင်းထဲမှ ရွံရှာပြီး ခွဲခြားဆက်ဆံကြသည်။ ၎င်းတို့သည် မိမိတို့ကဲ့သို့ပင် ကောက်ကျစ်စဉ်းလဲသောနည်းလမ်းဖြင့် စကားပြောဆိုပြီး သမ္မာတရားကို လက်တွေ့မလုပ်ဆောင်သည့်လူများကို နှစ်သက်ကြသည်။ ထိုသို့သောလူများနှင့် ကြုံရသည့်အခါ၊ ၎င်းတို့သည် မိမိတို့နှင့်တူသောသူတစ်ဦးကို တွေ့ရှိရပြီးဖြစ်သည့်အလား မိမိတို့၏စိတ်နှလုံးထဲ၌ ဝမ်းမြောက်ဝမ်းသာဖြစ်ကြသည်။ အခြားသူများက မိမိတို့ထက် ပိုတော်မည်ကို သို့မဟုတ် မိမိတို့ကို ပိုင်းခြားသိမြင်နိုင်မည်ကို ၎င်းတို့ မစိုးရိမ်တော့ပေ။ ဤသည်မှာ အန္တိခရစ်များ၏ ကောက်ကျစ်ဆိုးယုတ်သော သဘာဝနှင့်ဆိုင်သည့် သရုပ်သကန်တစ်ခုဖြစ်သည် မဟုတ်လော။ ၎င်းတို့ ကောက်ကျစ်ဆိုးယုတ်ကြောင်းကို ထိုအရာက သရုပ်မဖော်နိုင်သလော။ (သရုပ်ဖော်နိုင်ပါသည်။) အဘယ်ကြောင့် ဤကိစ္စရပ်များက အန္တိခရစ်များ ကောက်ကျစ်ဆိုးယုတ်ကြောင်းကို သရုပ်ဖော်နိုင်သနည်း။ အပြုသဘောဆောင်သော အရာများနှင့် သမ္မာတရားသည် အသိစိတ်ရှိသော ဆင်ခြင်တုံတရားရှိသည့် မည်သည့်ဖန်ဆင်းခံမဆို ချစ်မြတ်နိုးသင့်သည့်အရာ ဖြစ်သည်။ သို့သော်၊ အန္တိခရစ်များနှင့်ပတ်သက်လာသည့်အခါ၊ ၎င်းတို့သည် ဤအပြုသဘောဆောင်သော အရာများကို အမင်္ဂလာတစ်ခုအဖြစ်လည်းကောင်း၊ မိမိတို့အတွက် ဆူးငြောင့်ခလုတ်တစ်ခုအဖြစ်လည်းကောင်း သဘောထားကြသည်။ ယင်းတို့ကို လိုက်နာသူ သို့မဟုတ် လက်တွေ့လုပ်ဆောင်သူ မည်သူမဆို ၎င်းတို့၏ရန်သူ ဖြစ်လာပြီး၊ ၎င်းတို့သည် ထိုသို့သောပုဂ္ဂိုလ်များအပေါ် ရန်လိုကြသည်။ ဤသည်မှာ ယောဘအပေါ် စာတန်၏ ရန်လိုခြင်းသဘာဝနှင့် ဆင်တူသည် မဟုတ်လော။ (ဆင်တူပါသည်။) ယင်းသည် စာတန်နှင့်တစ်ထပ်တည်းဖြစ်သော သဘာဝ၊ စိတ်သဘောထားနှင့် အနှစ်သာရ ဖြစ်သည်။ အန္တိခရစ်များ၏ သဘာဝသည် စာတန်ထံမှ ပေါ်ပေါက်ပြီး၊ ၎င်းတို့သည် စာတန်နှင့် တစ်မျိုးတစ်စားတည်း ဖြစ်ကြသည်။ ထို့ကြောင့်၊ အန္တိခရစ်များသည် စာတန်နှင့် ပူးပေါင်းကြံစည်ကြသည်။ ဤပြောဆိုချက်သည် လွန်ကဲသလော။ လုံးဝမလွန်ကဲပေ၊ ယင်းသည် လုံးဝ မှန်ကန်ပေသည်။ အဘယ်ကြောင့်နည်း။ အဘယ်ကြောင့်ဆိုသော် အန္တိခရစ်များသည် အပြုသဘောဆောင်သော အရာများကို မချစ်မြတ်နိုးသောကြောင့် ဖြစ်သည်။ ၎င်းတို့သည် လှည့်ဖြားမှုကို လုပ်ဆောင်ခြင်းအား နှစ်သက်သည်၊ ၎င်းတို့သည် အလိမ်အညာများ၊ အထင်အမြင်မှားစေသော အသွင်အပြင်များနှင့် ဟန်ဆောင်မှုများကို နှစ်သက်ကြသည်။ တစ်စုံတစ်ဦးက ၎င်းတို့၏သရုပ်မှန်ကို ဖော်ထုတ်ပါက၊ ၎င်းတို့သည် ထိုအရာကို ဝမ်းမြောက်စွာ ကျိုးနွံနာခံပြီး လက်ခံနိုင်ကြသလော။ ၎င်းတို့သည် ထိုအရာကို လက်ခံနိုင်မည် မဟုတ်သည်သာမက၊ ဆဲဆိုကြိမ်းမောင်းမှုများစွာဖြင့် တုံ့ပြန်ကြပေမည်။ အဖြစ်မှန်ကို ပြောဆိုသူများ သို့မဟုတ် ၎င်းတို့၏စစ်မှန်သော သဘောသဘာဝကို ဖော်ထုတ်သူများသည် ၎င်းတို့ကို ဒေါသထွက်စေပြီး ဒေါသူပုန်ထစေမည်ဖြစ်သည်။ ဥပမာအားဖြင့်၊ ဟန်ဆောင်မှု၌ အလွန်ကျွမ်းကျင်သော အန္တိခရစ်တစ်ဦး ရှိကောင်းရှိနိုင်သည်။ လူတိုင်းက ထိုသူကို လူကောင်းတစ်ဦးအဖြစ် သိမြင်ကြသည်၊ ချစ်ခင်တတ်သည်၊ လူတို့ကို စာနာထောက်ထားနိုင်သည်၊ အခြားသူများ၏အခက်အခဲများကို နားလည်နိုင်သည်၊ အားနည်းပြီး အပျက်သဘောဆောင်သူတို့ကို မကြာခဏ ထောက်မကူညီတတ်သည်။ အခြားသူများတွင် အခက်အခဲတစ်ခုတလေ ရှိသည့်အခါတိုင်းတွင်၊ ၎င်းတို့သည် စာနာထောက်ထားနိုင်ကြပြီး ခွင့်လွှတ်နိုင်စွမ်းရှိသည်။ လူတို့၏စိတ်နှလုံးများထဲတွင်၊ ဤအန္တိခရစ်သည် ဘုရားသခင်ထက် ပို၍ကြီးမြတ်သည်။ သီလရှိသည့်ဟန် ပြုသော ဤပုဂ္ဂိုလ်နှင့်စပ်လျဉ်း၍၊ သင်သည် ၎င်းတို့၏ဟန်ဆောင်မှုနှင့် အယောင်ဆောင်လိမ်လည်မှုကို ဖော်ထုတ်ပါက၊ သင်သည် ၎င်းတို့အား အဖြစ်မှန်ကို ပြောပြပါက၊ ၎င်းတို့ လက်ခံနိုင်ကြသလော။ လက်ခံကြလိမ့်မည် မဟုတ်သည်သာမက၊ ၎င်းတို့၏ဟန်ဆောင်မှုနှင့် အယောင်ဆောင်လိမ်လည်မှုကို ပိုမိုတိုးမြှင့်လုပ်ဆောင်လာကြလိမ့်မည်။ ငါ့ကို ပြောလော့။ ဖာရိရှဲများက အခြားသူများကြားသိစေရန်အတွက် ဆုတောင်းပြီး ဖတ်ရှုရန်လမ်းထောင့်များ၌ ကျမ်းစာများကို သယ်ဆောင်ချိန်တွင် သင်သည်၎င်းတို့၏ဟန်ဆောင်မှုကို ဖော်ထုတ်ပြီး၊ ၎င်းတို့က လူအများမြင်စေရန် ပြုလုပ်နေခြင်းဖြစ်ကြောင်း ၎င်းတို့အား ပြောဆိုပါက၊ သင်ပြောသည့်အရာကို ၎င်းတို့ဝန်ခံကြမည်လော။ ၎င်းတို့ ဝမ်းမြောက်စွာ လက်ခံကြမည်လော။ သင်၏စကားလုံးများကို ၎င်းတို့ ဆင်ခြင်သုံးသပ်ကြမည်လော။ ၎င်းတို့လုပ်ဆောင်နေသည့်အရာသည် ဟန်ဆောင်လိမ်လည်မှုနှင့် လှည့်ဖြားမှုဖြစ်ကြောင်းကို ၎င်းတို့ ဝန်ခံနိုင်ကြမည်လော။ ၎င်းတို့အနေဖြင့် ဆင်ခြင်သုံးသပ်ပြီး၊ နောင်တရကာ၊ ဤသို့ နောက်တစ်ဖန် ပြုမူခြင်းမပြုဘဲ နေနိုင်ကြမည်လော။ လုံးဝ နေနိုင်ကြမည် မဟုတ်ပေ။ သင်က ဆက်လက်၍၊ “သင်၏လုပ်ရပ်များသည် လူတို့ကို အထင်အမြင်မှားစေပြီး သင်သည် ငရဲသို့သွားကာ အပြစ်ပေးခံရလိမ့်မည်”ဟု ပြောဆိုပါက၊ ယင်းသည် အမှန်တရားကို ပြောဆိုနေခြင်းဖြစ်မည် မဟုတ်လော။ (ဟုတ်ပါသည်။) အမှန်တရားကို ပြောဆိုနေခြင်း ဖြစ်သည်။ ထိုအရာကို ၎င်းတို့ လက်ခံကြမည်လော။ လက်ခံကြမည် မဟုတ်ပေ၊ ၎င်းတို့သည် ချက်ချင်း ဒေါသထွက်လာပြီး၊ “သင်ဘာပြောသနည်း။ ကျွန်ုပ်ငရဲကျပြီး အပြစ်ပေးခံရမည်ဟု သင်ပြောနေခြင်းဖြစ်သလော။ ယင်းမှာ များသွားပေပြီ။ ကျွန်ုပ်သည် ဘုရားကို ယုံကြည်ခြင်းဖြစ်သည်၊ သင့်ကို ယုံကြည်ခြင်း မဟုတ်ပါ။ သင်၏စကားများက ဘာမျှ အရာမရောက်ပါ” ဟု ဆိုကြလိမ့်မည်။ ယင်းမျှနှင့် ပြီးသွားပြီလော။ ၎င်းတို့သည် နောက်ထပ် မည်သည့်အရာကို လုပ်ဆောင်ကြမည်နည်း။ ၎င်းတို့က ဆက်လက်၍၊ “ကျွန်ုပ်သည် နေရာအနှံ့ ခရီးသွားခဲ့သည်၊ လူပေါင်းများစွာကို ဧဝံဂေလိတရား ဟောပြောခဲ့သည်၊ အလွန်တရာ အကျိုးဖြစ်ထွန်းခဲ့သည်၊ လက်ဝါးကပ်တိုင်များစွာကို သယ်ပိုးခဲ့သည်၊ ထောင်ထဲတွင် ဆင်းရဲဒုက္ခများစွာ ခံစားရပြီးဖြစ်သည်။ အသင် ကလေးငယ်၊ သခင်ဘုရားကို ကျွန်ုပ် စတင်ယုံကြည်ခဲ့ချိန်က သင်သည် သင့်အမေ၏ ဗိုက်ထဲတွင် ရှိနေတုန်းပဲဖြစ်သည်” ဟု ဆိုကြလိမ့်မည်။ ၎င်းတို့၏သဘာဝ ဖော်ထုတ်ခံလိုက်ရသည်၊ မှန်ပါသလော။ ၎င်းတို့သည် သည်းခံခြင်းနှင့် ခွင့်လွှတ်ခြင်းအကြောင်းကို ဟောပြောကြသည် မဟုတ်လော။ သို့ဆိုလျှင် ဤသေးငယ်သောကိစ္စကို အဘယ်ကြောင့် ၎င်းတို့ သည်းမခံနိုင်ကြသနည်း။ အဘယ်ကြောင့် ၎င်းတို့ သည်းမခံနိုင်ကြသနည်း။ အဘယ်ကြောင့်ဆိုသော် သင်သည် အမှန်တရားကို ပြောဆိုပြီးဖြစ်သောကြောင့်၊ သင်သည် ၎င်းတို့၏ သရုပ်အမှန်ကို ဖော်ထုတ်ပြီးဖြစ်ကာ ၎င်းတို့တွင် ခရီးပန်းတိုင်မရှိကြသောကြောင့်ဖြစ်သည်။ ၎င်းတို့သည် ဤအရာကို သည်းခံနိုင်ပါဦးမည်လော။ ၎င်းတို့သည် အန္တိခရစ်များမဟုတ်ပါက၊ ၎င်းတို့သည် အန္တိခရစ်များ၏လမ်းကြောင်းပေါ်တွင် ရှိနေသော်လည်း သမ္မာတရားကို လက်ခံနိုင်ပြီး အယောင်ဆောင်လိမ်လည်မှု၏ သရုပ်သကန်တစ်ခုကိုလည်း ပြသပါက၊ သင်သည် ၎င်းတို့၏ အယောင်ဆောင်လိမ်လည်မှုကို ဖော်ထုတ်လျှင် ၎င်းတို့သည် မည်သည့်အရာကို လုပ်ဆောင်ကြလိမ့်မည်နည်း။ ၎င်းတို့သည် မိမိတို့ကိုယ်ကို ချက်ချင်း ဆင်ခြင်သုံးသပ်ခြင်း ပြုလုပ်မည်မဟုတ်ဘဲ၊ ထိုသို့ပြုလုပ်သည်ဟု ဆိုခြင်းသည် လက်တွေ့မကျသကဲ့သို့ အနှစ်သာရမဲ့သည်ဟု ထင်ကောင်းထင်ရနိုင်သည်။ သို့သော်၊ ဤအရာကို ကြားရခြင်းအတွက် သာမန်လူအများစု၏ ပထမဆုံးတုံ့ပြန်မှုမှာ ၎င်းတို့၏စိတ်နှလုံးထဲတွင် စူးရှသောနာကျင်မှုကို ခံစားရခြင်း ဖြစ်သည်။ ဤစူးရှသောနာကျင်မှုက မည်သည့်အရာကို ညွှန်ပြသနည်း။ ၎င်းတို့ကြားသိရသည့်အရာကြောင့် ၎င်းတို့ ထိခိုက်သည်ဟု ဆိုလိုသည်။ တစ်စုံတစ်ဦးက အလွန် မဆင်မခြင်ပြုမူဝံ့ပြီး၊ အမှန်တရားကို ပြောဆိုဝံ့ကာ၊ ၎င်းတို့၏ရှေ့မှောက်၌ ဤကဲ့သို့ ၎င်းတို့ကို ရှုတ်ချဝံ့လိမ့်မည်ဟု ၎င်းတို့ မမျှော်လင့်ခဲ့ပေ။ ဤစကားလုံးများသည် ၎င်းတို့ လုံးဝ မမျှော်လင့်ခဲ့သကဲ့သို့ ယခင်က မကြားခဲ့ဖူးသည့်အရာ ဖြစ်သည်။ ထို့အပြင်၊ ၎င်းတို့တွင် ရှက်စိတ်တစ်ခုရှိပြီး သိက္ခာဆယ်လိုကြလေသည်။ ဆုတောင်းကာ ကျမ်းစာဖတ်ရန် လမ်းထောင့်၌ရပ်ခြင်းက လူတို့ကို အထင်အမြင်မှားစေသည်ဟု သင်ပြောဆိုသည့်အပေါ် ၎င်းတို့ အချိန်ယူစဉ်းစားသည်နှင့်အမျှ၊ မိမိကိုယ်ကို ဆန်းစစ်ပြီးနောက်တွင်၊ ဤသို့ပြုလုပ်ခြင်းသည် ၎င်းတို့ မည်မျှ ဆက်ကပ်အပ်နှံကြောင်း၊ သခင်ဘုရားကို မည်မျှ ချစ်မြတ်နိုးကြောင်းနှင့် မည်မျှ ဆင်းရဲဒုက္ခခံစားနိုင်ကြောင်း လူတို့ကို ပြသရန် အမှန်ပင်ဖြစ်သည်ကို ၎င်းတို့ ရှာဖွေတွေ့ရှိကြသည်၊ ဤသည်မှာ ဟန်ဆောင်လိမ်လည်မှုဖြစ်ပြီး၊ သင်ပြောဆိုခဲ့သည့်အရာ မှန်ကန်ကြောင်းကို ၎င်းတို့ ရှာဖွေတွေ့ရှိကြသည်။ ၎င်းတို့အနေဖြင့် ဤကဲ့သို့ ဆက်လက်ပြုမူနေပါက၊ အခြားသူများကို မျက်နှာပြနိုင်တော့မည်မဟုတ်ကြောင်း ၎င်းတို့ ရှာဖွေတွေ့ရှိကြသည်။ ၎င်းတို့တွင် ရှက်စိတ်တစ်ခုရှိပြီး၊ ထိုရှက်စိတ်နှင့်အတူ၊ ၎င်းတို့သည် မိမိတို့ကိုယ်ကို အတိုင်းအတာတစ်ခုအထိ ချုပ်တည်းနိုင်ပြီး၊ မိမိတို့၏ အရှက်ကင်းမဲ့ပြီး ၎င်းတို့အတွက် သိက္ခာကျစေမည့် ဒုစရိုက်အမှုများ သို့မဟုတ် မိမိတို့၏လုပ်ရပ်များကို ရပ်တန့်နိုင်ကောင်း ရပ်တန့်နိုင်သည်။ ၎င်းတို့အနေ့ဖြင့် ဤကဲ့သို့ ဆက်လက်၍ မပြုမူတော့သည့်အခါ ယင်းက မည်သည့်အရာကို ဆိုလိုသနည်း။ နောင်တရခြင်း အရိပ်အယောင်တစ်ခုကို သွယ်ဝိုက်ညွှန်းဆိုသည်။ ၎င်းတို့ သေချာပေါက် နောင်တရမည်ဟု မသေချာသော်လည်း၊ အနည်းဆုံးအနေဖြင့် နောင်တရနိုင်ခြေ ရှိသည်၊ ယင်းသည် အန္တိခရစ်များနှင့် ဖာရိရှဲများထက် များစွာ ပိုကောင်းသည်။ မည်သည့်အရာက ပိုကောင်းစေသနည်း။ အဘယ်ကြောင့်ဆိုသော် ၎င်းတို့တွင် အသိစိတ်နှင့် ရှက်စိတ်တစ်ခုရှိသောကြောင့်၊ အခြားသူများ၏ ဖော်ထုတ်သည့်စကားလုံးများသည် ၎င်းတို့၏စိတ်နှလုံးကို စူးရှစွာ ထိခိုက်စေခြင်းဖြစ်သည်။ ၎င်းတို့သည် အရှက်ရပြီး မိမိတို့၏ဂုဏ်သိက္ခာ ထိခိုက်ခံရသည်ဟု ခံစားကောင်းခံစားရနိုင်သော်လည်း၊ ဤစကားလုံးများက မှန်ကန်ကြောင်းကို အနည်းဆုံးအနေဖြင့် ၎င်းတို့ အသိအမှတ်ပြုနိုင်သည်။ ၎င်းတို့သည် သိက္ခာကို အဖတ်မဆယ်နိုင်လျှင်ပင်၊ စိတ်ထဲတွင်မူ၊ ၎င်းတို့သည် ထိုစကားလုံးများကို အသိအမှတ်ပြုပြီး ကျိုးနွံနာခံနှင့်ပြီးဖြစ်ကာ၊ လက်ခံနှင့်ပြီးဖြစ်သည်။ အန္တိခရစ်များသည် မည်သို့ ကွဲပြားကြသနည်း။ အန္တိခရစ်များက ကောက်ကျစ်ဆိုးယုတ်သည်ဟု ငါတို့ အဘယ်ကြောင့် ပြောဆိုရသနည်း။ အန္တိခရစ်များ၏ ကောက်ကျစ်ဆိုးယုတ်မှုသည် မှန်ကန်သည့်အရာတစ်ခုကို ၎င်းတို့ ကြားသိသည့်အခါ၊ ထိုအရာကို ၎င်းတို့ လက်မခံနိုင်ရုံသာမက၊ ပြောင်းပြန်ပင်ဖြစ်ပြီး ၎င်းတို့ မုန်းတီးကြသည်ဟူသောအချက်တွင် တည်ရှိသည်။ ထို့အပြင်၊ ၎င်းတို့သည် မိမိတို့ကိုယ်ကို ကာကွယ်ရန်နှင့် ရှင်းပြရန်အတွက် ဆင်ခြေများ၊ အကြောင်းပြချက်များနှင့် အမျိုးမျိုးသော ဓမ္မဓိဋ္ဌာန်ကျသည့် အချက်များကို ရှာဖွေလျက်၊ မိမိတို့၏ကိုယ်ပိုင်နည်းလမ်းများကို အားကိုးအထားပြုကြသည်။ ၎င်းတို့သည် မည်သည့်ရည်ရွယ်ချက်ကို စွမ်းဆောင်ရရှိရန် ရည်မှန်းကြသနည်း။ ၎င်းတို့သည် အပျက်သဘောဆောင်သော အရာများကို အပြုသဘောဆောင်သော အရာများအဖြစ်သို့လည်းကောင်း၊ အပြုသဘောဆောင်သော အရာများကို အပျက်သဘောဆောင်သော အရာများအဖြစ်သို့လည်းကောင်း ပြောင်းလဲစေရန် ရည်မှန်းကြသည်၊ အခြေအနေကို ၎င်းတို့ ပြောင်းပြန်လှန်လိုကြသည်။ ဤသည်မှာ ကောက်ကျစ်ဆိုးယုတ်သည် မဟုတ်ပါလော။ ၎င်းတို့က၊ “သင် မည်မျှပင် မှန်ကန်သည်ဖြစ်စေ၊ သို့မဟုတ် သင်၏စကားလုံးများသည် သမ္မာတရားနှင့် မည်မျှပင် ကိုက်ညီသည်ဖြစ်စေ၊ သင်သည် ငါ၏ ကျလောက်အောင် အပြောကောင်းခြင်းကို ကြံ့ကြံ့ခံနိုင်သလော။ ငါပြောဆိုသည့် စကားလုံးအားလုံးသည် သိသာထင်ရှားစွာပင် မဟုတ်မမှန်မှု၊ လိမ်လည်လှည့်ဖြားမှုများနှင့် အထင်အမြင်မှားစေမှုများ ဖြစ်နေသော်လည်း၊ သင်ပြောဆိုသည့်အရာကို ငါ ငြင်းပယ်ပြီး ရှုတ်ချနေလိမ့်ဦးမည် ဖြစ်သည်”ဟု တွေးကြသည်။ ဤသည်မှာ ကောက်ကျစ်ဆိုးယုတ်သည် မဟုတ်ပါလော။ အမှန်ပင်၊ ဤသည်မှာ ကောက်ကျစ်ဆိုးယုတ်ပေသည်။ အန္တိခရစ်များသည် လူကောင်းများကို မြင်သည့်အခါ၊ ၎င်းတို့၏စိတ်နှလုံးထဲ၌ ထိုသူတို့ကို ရိုးသားသည်ဟု မယူဆဟူ၍ သင်တို့ ထင်သလော။ ၎င်းတို့သည် ထိုသူတို့ကို ရိုးသားသောလူများနှင့် သမ္မာတရားကို လိုက်စားသူများအဖြစ် အမှန်ပင် ယူဆကြပေ၏။၊ သို့သော် ရိုးသားခြင်းနှင့် သမ္မာတရားကို လိုက်စားခြင်းတို့အပေါ် ၎င်းတို့၏အဓိပ္ပာယ်ဖွင့်ဆိုချက်မှာ အဘယ်နည်း။ ရိုးသားသောလူများသည် မိုက်မဲသည်ဟု ၎င်းတို့ တွေးကြသည်။ ၎င်းတို့သည် သမ္မာတရား လိုက်စားခြင်းအပေါ် ရွံရှာခြင်း၊ စက်ဆုပ်ခြင်းနှင့် ရန်လိုခြင်းတို့ ဖြစ်ကြသည်။ ထိုအရာသည် မဟုတ်မမှန်ဟု ၎င်းတို့ ယုံကြည်ကြသည်၊ သမ္မာတရားကို လိုက်စားရန်အတွက် အရာအားလုံးကို စွန့်လွှတ်ပြီး မည်သူမဆိုထံ မည်သည့်အရာကိုမဆို ပြောဆိုကာ အရာအားလုံးကို ဘုရားသခင်ထံ ဆက်ကပ်အပ်နှံရလောက်အောင် မိုက်မဲသူ မည်သူမျှ ရှိနိုင်မည်မဟုတ်ဟု ၎င်းတို့ ယုံကြည်ကြသည်။ မည်သူမျှ ထိုမျှ မမိုက်မဲပေ။ ဤလုပ်ရပ်အားလုံးက မှန်ကန်ခြင်းမရှိဟု ၎င်းတို့ ခံစားရပြီး၊ ထိုလုပ်ရပ်များထဲမှ တစ်ခုကိုမျှ ၎င်းတို့ မယုံကြည်ကြပေ။ အန္တိခရစ်များသည် ဘုရားသခင်က အနန္တတန်ခိုးရှင်ဖြစ်ပြီး ဖြောင့်မတ်သည်ဟု ယုံကြည်ကြသလော။ (မယုံကြည်ကြပါ။) သို့ဖြစ်၍၊ ၎င်းတို့သည် ဤအရာအားလုံး၏နောက်ကွယ်တွင် မိမိတို့၏စိတ်များထဲ၌ မေးခွန်းများထုတ်ကြလေသည်။ ဤနေရာတွင်ရှိသည့် သွယ်ဝိုက်သောညွှန်းဆိုချက်မှာ အဘယ်နည်း။ ဤမေးခွန်းတစ်ပုံကြီးကို ငါတို့ မည်သို့ အဓိပ္ပာယ်ကောက်ယူကြသနည်း။ ၎င်းတို့သည် ထိုအရာကို သံသယဝင်ခြင်း သို့မဟုတ် မေးခွန်းထုတ်ခြင်းမျှသာ မဟုတ်ပေ၊ အဆုံးတွင်၊ ၎င်းတို့သည် ထိုအရာကို ငြင်းလည်းငြင်းပယ်ပြီး အခြေအနေကို ပြောင်းပြန်လှန်ရန် ရည်မှန်းကြသည်။ အခြေအနေကို ပြောင်းပြန်လှန်ခြင်းဟု ဆိုခြင်းအားဖြင့် မည်သည့်အရာကို ငါဆိုလိုသနည်း။ ၎င်းတို့က၊ “အလွန်တရားမျှတနေခြင်းက ဘာအသုံးဝင်သနည်း။ အလိမ်အညာတစ်ခုကို အကြိမ်တစ်ထောင် ထပ်ခါထပ်ခါ ပြောဆိုပါက၊ အမှန်တရား ဖြစ်လာသည်။ မည်သူကမျှ အမှန်တရားကို မပြောဆိုပါက၊ ယင်းသည် အမှန်တရားမဟုတ်သကဲ့သို့ အသုံးမဝင်ပါ၊ ယင်းသည် အလိမ်အညာတစ်ခုသာ ဖြစ်သည်”ဟု တွေးကြသည်။ ဤသည်မှာ အမှားနှင့်အမှန်ကို လှည့်လိုက်ခြင်း မဟုတ်လော။ ဤသည်မှာ စာတန်၏ ကောက်ကျစ်ဆိုးယုတ်မှုဖြစ်သည်၊ အဖြစ်မှန်များကို လွဲချော်စေခြင်းနှင့် အမှားနှင့်အမှန်ကို လှည့်ခြင်းဖြစ်သည်။ ဤသည်မှာ ၎င်းတို့ နှစ်သက်သည့်အရာ ဖြစ်သည်။ အန္တိခရစ်များသည် ဟန်ဆောင်မှုနှင့် လှည့်ဖြားမှုတို့၌ ထူးချွန်ကြသည်။ ၎င်းတို့ ထူးချွန်သည့်အရာသည်၊ ၎င်းတို့၏ပင်ကိုစရိုက်၌ ရှိရင်းစွဲဖြစ်ပြီး၊ ၎င်းတို့၏ပင်ကိုစရိုက်၌ ရှိရင်းစွဲဖြစ်သောအရာသည် ၎င်းတို့၏သဘာဝအနှစ်သာရ၌ ရှိသည့်အရာ အတိအကျပင် ဖြစ်သည်မှာ အမှန်ဖြစ်၏။ ထို့ထက်ပင်ပို၍၊ ယင်းသည် ၎င်းတို့ မက်မောတောင့်တပြီး ချစ်မြတ်နိုးသည့်အရာဖြစ်ကာ လောက၌ ၎င်းတို့ ရှင်သန်ပုံအတွက် စည်းမျဉ်းလည်း ဖြစ်သည်။ ၎င်းတို့သည် “လူကောင်းတို့ သက်တမ်းတို၍ လူဆိုးတို့ အသက်ရှည်၏၊” “ကိုယ့်အတွက်ပဲ ကိုယ်ကြည့်။ ဘယ်သူသေသေ ငတေမာပြီးရော။” “လူတစ်ဦး၏ကံကြမ္မာသည် ထိုသူ၏လက်ထဲတွင် ရှိ၏။” “လူသည် သဘာဝကို အောင်နိုင်လိမ့်မည်၊” စသည့်အရာကဲ့သို့သော ဆိုရိုးစကားများကို ယုံကြည်ကြသည်။ ဤပြောဆိုချက်များထဲမှ တစ်ခုတလေသည် ပုံမှန်လူများ နားလည်သဘောပေါက်နိုင်သည့် လူ့သဘာဝ သို့မဟုတ် သဘာဝနိယာမများနှင့် ကိုက်ညီသလော။ တစ်ခုမျှ မကိုက်ညီပေ။ သို့ဆိုလျှင် အန္တိခရစ်များသည် စာတန်၏ ဤနတ်ဆိုးဆန်သော ဆိုရိုးစကားများကို အဘယ်ကြောင့် အလွန် နှစ်သက်ကြပြီး မိမိတို့၏ဆောင်ပုဒ်များအဖြစ်ပင် သဘောထားကြသနည်း။ ၎င်းတို့၏သဘာဝက အလွန် ကောက်ကျစ်ဆိုးယုတ်သောကြောင့်ဖြစ်သည်ဟုသာ ဆိုနိုင်ပေသည်။

တစ်နှစ်ဝန်းကျင်ကာလအတွင်း ငါ အကြိမ်အနည်းငယ် တွေ့ဆုံခဲ့ဖူးသည့် အသင်းတော်ခေါင်းဆောင်တစ်ဦး ရှိခဲ့သည်။ ငါတို့ တွေ့ဆုံရန် အခွင့်အရေး အကြိမ်ကြိမ် ရခဲ့ကြသော်လည်း သူသည် စကားကို လွတ်လွတ်လပ်လပ် ပြောတတ်သူတစ်ဦး မဟုတ်သောကြောင့် ငါတို့၏ စကားပြောဆိုမှုများက အကန့်အသတ်ရှိခဲ့သည်။ “စကားကို လွတ်လွတ်လပ်လပ် ပြောတတ်သူတစ်ဦး မဟုတ်” ဆိုသည်မှာ အဘယ်အရာကို ဆိုလိုသနည်း။ သင်က သူ့ကို မေးခွန်းများ မေးသည့်အခါမှာပင် သူသည် စကားများများ ပြောလေ့မရှိခြင်းကို ဆိုလိုသည်။ ယခုတွင် သူသည် အသင်းတော်ရှိ အခြားသူများနှင့် သူ၏ ထိတွေ့ဆက်ဆံမှုများတွင် ဤအတိုင်းပင် ဖြစ်ခဲ့သလော။ ဖြစ်နိုင်ခြေရှိသော အခြေအနေနှစ်မျိုး ရှိခဲ့သည်။ သူနှင့် စိတ်သဘောထားတိုက်ဆိုင်သူများနှင့်ဆိုလျှင် သူသည် ပြောစရာစကား များစွာရှိသည်။ သို့ရာတွင်၊ သူနှင့် စိတ်သဘောထား မတိုက်ဆိုင်သူများနှင့်ဆိုလျှင်မူ သူသည် သတိထားလာတတ်ပြီး စကားကို သိပ်လွတ်လွတ်လပ်လပ် မပြောတော့ပေ။ နောက်ပိုင်းတွင်၊ သူနှင့် ငါ ပြောဆိုဆက်ဆံခဲ့သည့်ကာလအတွင်း သူသည် စုစုပေါင်း “စံတင်လောက်သော” စကားစု ငါးခုကို ပြောခဲ့ကြောင်း ငါ ပေါင်းရုံးသုံးသပ်မိသည်။ သူသည် စကားကို လွတ်လွတ်လပ်လပ် မပြောခဲ့သည့်အပြင် တစ်စုံတစ်ခုကို သူပြောလိုက်သည့်အခါတွင် ယင်းသည် “စံတင်လောက်သော” စကားစုတစ်ခု ဖြစ်လာတတ်သည်။ ဤသည်မှာ မည်သည့် လူစားမျိုး ဖြစ်သနည်း။ သူ့ကို “အောင်မြင်ကျော်ကြားသော ပုဂ္ဂိုလ်” ဟု ငါတို့ ခေါ်နိုင်သလော။ အသင်းတော်ခေါင်းဆောင်များ သို့မဟုတ် အမှုဆောင်များအနေဖြင့် ငါနှင့် ထိတွေ့ဆက်ဆံပြီး ကိစ္စရပ်များကို ဆွေးနွေးခြင်းသည် အတော်လေး ပုံမှန်ဖြစ်သည် မဟုတ်လော။ သို့ရာတွင်၊ ဤလူမှာမူ တစ်မူထူးခြားနေခဲ့သည်။ သူသည် စကားစု ငါးခုကိုသာ ပြောခဲ့သည်၊ မယုံနိုင်အောင်ပင် “စံတင်လောက်သော” စကားစု ငါးခု ဖြစ်သည်။ ဤစကားစုများကို အဘယ်အရာက ဤမျှ “စံတင်လောက်အောင်” ဖြစ်စေသည်ကို နားထောင်ကြည့်ကြပါစို့။ သူ၏ စကားစုတစ်ခုစီတိုင်း၌ ၎င်း၏ကိုယ်ပိုင် ဆက်စပ်သောအကြောင်းအရာနှင့် ၎င်းနောက်ကွယ်မှ ဇာတ်လမ်းအနည်းအကျဉ်းတစ်ခုစီ ရှိသည်။ သူ၏ ပထမဆုံးစကားစု မည်သည့်နေရာမှ လာသည်ကို အစပြု၍ ပြောကြစို့။

ဤခေါင်းဆောင်ဦးဆောင်သော အသင်းတော်တွင် မကောင်းမှုအချို့ လုပ်ဆောင်ပြီး အသင်းတော်အလုပ်ကို နှောင့်ယှက်ခဲ့သော ဆိုးယုတ်သူတစ်ဦး ရှိခဲ့သည်။ သူသည် ဆိုးယုတ်သူတစ်ဦးဖြစ်ကြောင်း လူတိုင်းမြင်တွေ့ခဲ့သောကြောင့် ၎င်းတို့သည် သူ့အကြောင်းကို စတင် မိတ်သဟာယဖွဲ့ကာ ဆွေးနွေးခဲ့ကြသည်။ အကယ်၍ သူ့ကို နှင်ထုတ်ပြီး ထွက်သွားခိုင်းမည်ဆိုလျှင် မည်သည့် မကောင်းမှုများကို သူ လုပ်ဆောင်ခဲ့သည်ဆိုသည်နှင့် အဘယ်ကြောင့် ဆိုးယုတ်သူအဖြစ် သတ်မှတ်ခံရပြီး ထွက်သွားခိုင်းခံရသည်ကို လူတိုင်းသိရှိရန်အလို့ငှာ အသင်းတော်တွင် သူ့အကြောင်း အသိပေးကြေညာချက်တစ်ခု ပြုလုပ်ရန် လိုအပ်မည်ဖြစ်သည်။ ထိုဆိုးယုတ်သူ ပြုခဲ့သော မကောင်းမှုအချို့ကို ဖော်ထုတ်နေခဲ့သော်လည်း၊ များသောအားဖြင့် စကားသိပ်မပြောသော ဤခေါင်းဆောင်က “သူက ကောင်းစေဖို့ ရည်ရွယ်ခဲ့ခြင်းဖြစ်သည်”ဟု ထုတ်ပြောလေသည်။ ထိုဆိုးယုတ်သူက မကောင်းမှုများပြုလုပ်ပြီး အသင်းတော်အလုပ်ကို နှောင့်ယှက်သည်ကို သူမည်သို့ ရှုမြင်ခဲ့သနည်း။ “ဤရောင်းရင်းက ကောင်းစေဖို့ ရည်ရွယ်ခဲ့ခြင်းဖြစ်သည် ”ဟူ၍။ လူဆိုးတစ်ဦးပြုသော မကောင်းမှုများသည် ထိုသူက ကောင်းစေဖို့ ရည်ရွယ်သရွေ့ သမ္မာတရားနှင့် ကိုက်ညီသည်ဟု သူယုံကြည်ခဲ့သည်။ သူ့အတွက်မူ၊ ၎င်းတို့၏ လုပ်ရပ်များနှင့်ဆိုင်သည့် သဘာဝက ကောင်းသည်ဖြစ်စေ ဆိုးသည်ဖြစ်စေ၊ သို့မဟုတ် ၎င်းတို့လုပ်ရပ်များ၏ အကျိုးဆက်များက မည်သို့ပင်ဖြစ်စေ၊ ကောင်းစေဖို့ ၎င်းတို့ ရည်ရွယ်သရွေ့ ၎င်းတို့ဖြစ်စေသော အနှောင့်အယှက်များနှင့် အဖျက်အမှောင့်များသည်ပင်လျှင် သမ္မာတရားနှင့် ကိုက်ညီပေသည်။ “သူက ကောင်းစေဖို့ ရည်ရွယ်ခဲ့သည်။” ယင်းမှာ ဤခေါင်းဆောင်ပြောခဲ့သော ပထမဆုံးစကားစု ဖြစ်သည်။ ထိုသို့သောစကားမျိုး သင်တို့ ကြားဖူးသလော။ ဆိုးယုတ်သူတစ်ဦးသည် မကောင်းမှုကို သိသာထင်ရှားစွာပြုနေသော်လည်း တစ်စုံတစ်ယောက်က ထိုသူသည် ထိုမကောင်းမှုများကို လုပ်ဆောင်နေစဉ် ကောင်းသော ရည်ရွယ်ချက်များ ထားရှိခဲ့သည်ဟု ဆိုနေသည်။ လူတိုင်းသည် ဤစကားစုအပေါ် ပိုင်းခြားသိမြင်နိုင်စွမ်း ရှိကြသလော။ လူအများစုက တစ်စုံတစ်ယောက်သည် ကောင်းစေဖို့ ရည်ရွယ်သရွေ့ ထိုသူကို မကိုင်တွယ်သင့်ကြောင်းနှင့် တစ်စုံတစ်ယောက်က ကောင်းသော ရည်ရွယ်ချက်ဖြင့် မကောင်းမှုပြုပါက မကောင်းမှုကို တမင်လုပ်ဆောင်ခြင်းမဟုတ်ကြောင်း တွေးထင်ကြသောကြောင့် အချို့လူများသည် ဤစကားစုအားဖြင့် အထင်အမြင်မှားသွားနိုင်သည်ဟု ငါယုံကြည်သည်။ ထိုသို့ ဤခေါင်းဆောင်၏ စေ့ဆော်ခြင်းနှင့် အထင်အမြင်မှားစေခြင်းခံရပြီးနောက်တွင်၊ လူအချို့သည် ခေါင်းဆောင်ဘက်သို့ပါသွားပြီး ထိုဆိုးယုတ်သည့်လူကို စတင်ကိုယ်ချင်းစာကြခြင်းက ဖြစ်နိုင်ပေသည်။ ဤခေါင်းဆောင်၏ အထင်အမြင်မှားစေခြင်းသာ မရှိခဲ့ပါက၊ လူအများစုသည် ဤကိစ္စကို မှန်ကန်စွာ နားလည်ကြမည်ဖြစ်ပြီး ထိုဆိုးယုတ်သူကို မကောင်းမှုပြုသည့်အတွက် နှင်ထုတ်ကာ ထုတ်ပစ်သင့်သည်ဟု တွေးထင်ခဲ့ကြမည်ဖြစ်သည်။ သို့သော် ဤခေါင်းဆောင်၏ လှုံ့ဆော်မှုနှင့် အထင်အမြင်မှားစေမှုတို့ကို ခံရပြီးနောက် အချို့လူများက “သူက ကောင်းစေဖို့ ရည်ရွယ်သည်၊ ယင်းမှာ အဓိပ္ပာယ်ရှိပါသည်။ တစ်ခါတစ်ရံ ငါတို့လည်း ထိုသို့ပင်ဖြစ်သည်။ ထို့ကြောင့် ကောင်းမွန်သည့် ရည်ရွယ်ချက်များဖြင့် မကောင်းသည့်အရာတစ်စုံတစ်ခုကို ငါတို့ လုပ်ဆောင်မိလျှင်၊ ငါတို့လည်း ရှင်းလင်းဖယ်ရှားခံရပြီး ထွက်သွားခိုင်းခံရမည်လော” ဟု တွေးမိကြသည်။ ရလဒ်အနေဖြင့် ၎င်းတို့သည် ဤခေါင်းဆောင်၏ဘက်သို့ ပါသွားကြသည်။ အဘယ်ကြောင့်နည်း။ ၎င်းတို့သည် မိမိတို့၏ ကိုယ်ပိုင် အနာဂတ်နှင့်ပတ်သက်၍ စဉ်းစားနေခဲ့ကြသောကြောင့် ဖြစ်သည်။ ဤခေါင်းဆောင်ပြောသော စကားစုကို လူတို့လက်ခံရန် လွယ်ကူခဲ့သည် မဟုတ်လော။ ထိုစကားစုကို ၎င်းတို့ လက်ခံခြင်း၏ အကျိုးဆက်များမှာ အဘယ်နည်း။ ၎င်းတို့သည် ဘုရားသခင်နှင့်ပတ်သက်၍၊ သူ၏ ဖြောင့်မတ်သော စိတ်သဘောထားနှင့်ပတ်သက်၍လည်းကောင်း၊ အမှုအရာများ လုပ်ဆောင်ခြင်းအတွက် သူ၏ စည်းမျဉ်းများနှင့်ပတ်သက်၍လည်းကောင်း သံသယဖြစ်ပေါ်ကြလေသည်။ ၎င်းတို့သည် အမှုအရာများကို လုပ်ဆောင်ခြင်းအတွက် ဘုရားအိမ်တော်တွင်ရှိသည့် စည်းမျဉ်းများနှင့်ပတ်သက်၍ သံသယများ ဖြစ်ပေါ်လာခဲ့ကြသည်။ ထိုအရာများနှင့်ပတ်သက်၍ မေးခွန်းများထုတ်ကြကာ ထို့နောက် ရှုတ်ချကြလေသည်။ ၎င်းတို့သည် ဤသံသယများကို မိမိတို့၏စိတ်နှလုံးထဲတွင် ထားရှိကြသည်။ အမှန်တကယ်တွင်၊ ဤဆိုးယုတ်သူသည် မကောင်းမှုတစ်ခု လုပ်ဆောင်ခဲ့သောကြောင့် ထုတ်ပစ်ခံရခြင်းမဟုတ်ပေ။ ဘုရားအိမ်တော်၌၊ မည်သူမဆို ကာယအလုပ်လုပ်သည်ဖြစ်စေ၊ အထူးတာဝန်ထမ်းဆောင်သည်ဖြစ်စေ၊ သို့မဟုတ် နည်းပညာပိုင်းဆိုင်ရာ ကျွမ်းကျင်မှုများပါဝင်သော တာဝန်ထမ်းဆောင်သည်ဖြစ်စေ၊ ရံဖန်ရံခါ အမှားလုပ်မိရုံမျှဖြင့် ထုတ်ပစ်ခံရခြင်း မရှိပေ။ ၎င်းတို့အားလုံးသည် အသင်းတော်ခေါင်းဆောင်များနှင့် ညီအစ်ကိုမောင်နှမများက ၎င်းတို့၏ တစ်သမတ်တည်းဖြစ်သော အပြုအမူကို စုပေါင်း၍ သတ်မှတ်ခြင်းကို ခံကြရပြီး ထို့နောက်တွင် ကိုင်တွယ်ဖြေရှင်းခြင်း ခံကြရခြင်းဖြစ်သည်။ ဥပမာအားဖြင့်၊ တစ်စုံတစ်ယောက်သည် အလုပ်လုပ်သင့်သည့်အချိန်တွင် အမြဲပျင်းရိနေပြီး အလုပ်ကို ရှောင်ရှားရန် ဆင်ခြေများပေးပါက၊ ဤအပြုအမူအပေါ်အခြေခံ၍ ၎င်းတို့ကို ထုတ်ပစ်ခြင်းသည် သင့်လျော်သလော။ (သင့်လျော်ပါသည်။) မှန်ပေ၏။ သင့်လျော်ပေသည်။ ဥပမာအနေဖြင့်၊ သင့်ကို သန့်ရှင်းရေးလုပ်ရန် တာဝန်ပေးထားပြီး၊ သင်က မကြာခဏ နေကြာစေ့စားခြင်း၊ လက်ဖက်ရည်သောက်ခြင်း၊ သတင်းစာဖတ်ခြင်းနှင့် နေကြာစေ့အခွံများကို ပေါ့ပေါ့ဆဆ လွှင့်ပစ်ခြင်းတို့ ပြုလုပ်နေလျှင်၊ သင်သည် သင်၏တာဝန်များကို ပေါ့လျော့နေသည် မဟုတ်လော။ သင်သည် သန့်ရှင်းရေးမလုပ်ရုံသာမက ရှုပ်ပွအောင်လည်း ဖန်တီးနေသည်၊ ယင်းမှာ သင်သည် သင်၏တာဝန်များကို လျစ်လျူရှုနေခြင်း ဖြစ်သည်ဟု ဆိုလိုပေသည်။ အကယ်၍ သင်သည် သင်၏အလုပ်တွင် အရည်အချင်းမပြည့်မီပါက၊ သင့်ကို ထုတ်ပစ်ခြင်းသည် စည်းမျဉ်းများနှင့် လုံးဝကိုက်ညီပြီး ထိုအရာနှင့်ပတ်သက်၍ သင် မငြင်းခုံသင့်ပေ။ သို့သော်လည်း ဤအသင်းတော်ခေါင်းဆောင်က ထိုလူသည် ကောင်းစေဖို့ ရည်ရွယ်ကြောင်းအခိုင်အမာဆိုသဖြင့် ယင်းက လူတို့ကို အထင်အမြင်မှားစေခဲ့သည်။ ခေါင်းဆောင်က ဤသို့ လူတို့ကို လှုံ့ဆော်ပြီး အထင်အမြင်မှားစေပြီးနောက် ၎င်းတို့ထဲမှ အချို့သည် သူ၏ဦးဆောင်မှုနောက်သို့လိုက်ကြပြီး ဘုံသဘောတူညီချက်တစ်ခု ရရှိခဲ့ကြသည်။ သို့သော် ၎င်းတို့သည် ဤသို့ပြုမူကြသောအခါ ဘုရားသခင်နှင့် သမ္မာတရားစည်းမျဉ်းများကို မည်သည့်နေရာတွင် ထားရှိခဲ့ကြသနည်း။ ၎င်းတို့သည် “ကျွန်ုပ်တို့အသင်းတော်” နှင့် “ကျွန်ုပ်တို့၏ဘုရားအိမ်တော်” ဟု ပြောဆိုကြလျက် မိသားစုတစ်ခုကဲ့သို့ ဖြစ်လာခဲ့ကြသည်။ “အသင်းတော်” နှင့် “ဘုရားအိမ်တော်”ကို မည်သို့ အဓိပ္ပာယ်ဖွင့်ဆိုသနည်း။ ဘုရားသခင်မရှိသောနေရာ၌ ဘုရားအိမ်တော် ရှိနိုင်သလော။ (မရှိနိုင်ပါ။) နေရာတစ်နေရာ၌ ဘုရားသခင်မရှိပါက ထိုနေရာတွင် အသင်းတော် တည်ရှိနိုင်သလော သို့မဟုတ် တည်ထောင်၍ရနိုင်သလော။ (တည်ထောင်၍မရနိုင်ပါ။) သို့ဆိုလျှင် ၎င်းတို့က “ကျွန်ုပ်တို့၏”ဟု ပြောသောအခါ မည်သည့်အရာကိုဆိုလိုကြသနည်း။ ဘုရားသခင်နှင့် ၎င်းတို့ ခွဲထွက်သွားကြပြီဟု ဆိုလိုပေသည်။ အသင်းတော်သည် ဤမပြတ်သားသော ခေါင်းဆောင်၏ အသင်းတော်ဖြစ်လာခဲ့သည်၊ သူသည် အသင်းတော်၏ ဆရာသခင်ဖြစ်လာစဉ်တွင် ညီအစ်ကိုမောင်နှမများဟု ခေါ်သောသူတို့နှင့် မပြတ်သားသောလူများသည် သူနှင့် အုပ်စုဖွဲ့ကာ သူ့အပေါ် ဆွေမျိုးများကဲ့သို့ ပြုမူဆက်ဆံကြသည်။ ၎င်းတို့သည် ဘုရားသခင်နှင့် ကင်းကွာသွားကြသဖြင့် ဘုရားသခင်သည် “ဘုရားအိမ်တော်” ၏ အပြင်ဘက်တွင်ရှိသော အခန်းကဏ္ဍတစ်ခုကို ဆောင်ရွက်ခဲ့ရသည်။ ဤသည်တို့မှာ ဤအခြေအနေများအောက်တွင် ဤခေါင်းဆောင်က ထိုပထမဆုံးစကားစုကို ပြောဆိုခဲ့ချိန်၌ ဖြစ်ပေါ်လာခဲ့သည့် အကျိုးဆက်များပင် ဖြစ်သည်။ လူတိုင်းက “ငါတို့အသင်းတော်ခေါင်းဆောင်က တရားမျှတသည်၊ ငါတို့ကို သူ အလေးထားသည်၊ ငါတို့၏ အားနည်းချက်များကို ခွင့်လွှတ်ပေးပြီး ငါတို့အတွက်ပင် ပြောပေးသည်။ ငါတို့အမှားများ ပြုလုပ်မိသည့်အခါ၊ ဘုရားသခင်က ငါတို့ကို အမြဲဖော်ထုတ်ကာ ပြုပြင်သည်။ သို့သော် ငါတို့ခေါင်းဆောင်သည် ကြက်ပေါက်လေးများကို ကာကွယ်ပေးသည့် ကြက်မကြီးကဲ့သို့ ငါတို့ကို အမြဲကာကွယ်ပေးသည်။ အနီးဝန်းကျင်တွင်သူရှိနေလျှင် ငါတို့သည် မည်သည့် မတရားမှုများကိုမျှ ခံစားရမည်မဟုတ်ပါ” ဟု တွေးလျက် သူ့ကို အထူးသဖြင့် ထောက်ခံကြလေသည်။ လူတိုင်းက သူ့ကို ကျေးဇူးတင်ခဲ့ကြသည်။ ဤသည်တို့မှာ ဤခေါင်းဆောင်ပြောခဲ့သော ပထမဆုံးစကားစု၏ အကျိုးဆက်များ ဖြစ်ကြသည်။

ဤခေါင်းဆောင်ပြောခဲ့သော ဒုတိယစကားစုကို ဆက်ကြစို့။ အသင်းတော်၌ လူအများစု မဆောင်ရွက်နိုင်သည့် သို့မဟုတ် မိမိတို့၏တာဝန်များနှင့် အလုပ်များနေ၍ မလုပ်ကိုင်နိုင်သော ပြင်ပအရေးကိစ္စများနှင့်ပတ်သက်သည့် အလုပ်အချို့ ရှိခဲ့သည်။ ပြင်ပအရေးကိစ္စများကို ကိုင်တွယ်ရာတွင် ကျွမ်းကျင်သော အမည်ခံယုံကြည်သူအချို့ ရှိခဲ့ရာ ဘုရားအိမ်တော်က ဤအလုပ်များအား တာဝန်ယူဆောင်ရွက်စေရန် ထိုသို့သောလူတစ်ဦးကို ရရှိဖို့ ငွေအနည်းငယ် ခန့်ခွဲခဲ့ရပြီး၊ တစ်ခါတစ်ရံ ဘုရားအိမ်တော်သည် ၎င်းကိုယ်စား အလုပ်အတော်များများကို ထိုသူအား ကိုင်တွယ်စေရန်အတွက် ငွေအနည်းငယ်ပို၍ သုံးစွဲခဲ့ရသည်။ ငါ့ကို ပြောလော့၊ ဤသို့သောကိစ္စများကို ကိုင်တွယ်ရန် ဘုရားအိမ်တော်က အပို ယွမ်၂၀၀ သုံးစွဲခြင်းသည် စည်းမျဉ်းများကို ချိုးဖောက်ခဲ့ခြင်းဖြစ်သလော။ ထိုကိစ္စများကို ကိုင်တွယ်ရန် ဤသည်မှာ တစ်ခုတည်းသောနည်းလမ်းဖြစ်ပြီး၊ ယင်းက ကောင်းသောရလဒ်များ ရရှိစေခဲ့သောကြောင့် ၎င်းတို့က ထိုသို့ပင် ကိုင်တွယ်ခဲ့ခြင်း ဖြစ်သည်။ ထိုသူအား အပို ယွမ်၂၀၀ ပေးခြင်းက ဘုရားအိမ်တော်အတွက် ဤကိစ္စများကို ကိုင်တွယ်ရန် အဆင်ပြေစေခဲ့ပြီး ပြဿနာများစွာလည်း ပြေလည်သွားခဲ့သည်။ ထိုအပို ယွမ်၂၀၀ ကို သုံးစွဲခြင်းသည် တန်သလော။ (တန်ပါသည်။) လုံးဝကို တန်ခဲ့ပေသည်။ အမှုအရာများကို ဤသို့လုပ်ဆောင်ခြင်းက သင့်လျော်ခဲ့သည်။ အကယ်၍ ဘုရားအိမ်တော်က ထို ယွမ် ၂၀၀ကို ထိုအလုပ်များ မကိုင်တွယ်နိုင်သူတစ်ဦးအား ပေးခဲ့မည်ဆိုလျှင်၊ ယင်းသည် အလဟဿဖြုန်းတီးခြင်းသာ ဖြစ်ပေမည်။ ထို ယွမ်၂၀၀ ကို သူ့အားပေးခြင်းက ထိုအလုပ်များကို ကောင်းစွာလုပ်ဆောင်နိုင်မည်ဟု ဆိုလိုသည။ သို့ဖြစ်ရာ ဘုရားအိမ်တော်က အမှုအရာများကို ဤသို့ကိုင်တွယ်ခြင်းသည် စည်းမျဉ်းများနှင့် ကိုက်ညီသလော။ (ကိုက်ညီသည်။) သို့ဆိုလျှင်၊ ဤအကြောင်းကို ညီအစ်ကိုမောင်နှမများနှင့် မဆွေးနွေးခြင်း သို့မဟုတ် မပြောပြခြင်းသည် စည်းမျဉ်းများနှင့် ကိုက်ညီသလော။ (ကိုက်ညီပါသည်။) အထက်က အမှုအရာများကို ဤသို့ကိုင်တွယ်ပိုင်ခွင့်ရှိသလော။ (ရှိပါသည်။) ရှိသည်မှာ သေချာပေသည်။ သို့သော် ဤအသင်းတော်ခေါင်းဆောင်က၊ “ညီအစ်ကိုမောင်နှမတွေက ထိုသူကို နောက်ထပ် ယွမ်၂၀၀ ပေးထားသည်ဟု ပြောကြသည်။ ကျွန်ုပ်က ဤကိစ္စကို ညီအစ်ကိုမောင်နှမတွေကိုယ်စား မေးခြင်းသာ ဖြစ်သည်။ သူတို့က ဤစည်းမျဉ်းကို နားမလည်ကြသကဲ့သို့၊သမ္မာတရား၏ ဤသွင်ပြင်လက္ခဏာနှင့်ပတ်သက်၍ မည်သို့ မိတ်သဟာယပြုရမည်ကို ကျွန်ုပ်တို့ ရှာဖွေချင်ပါသည်” ဟု ပြောလေသည်။ သူသည် စကားကို တစ်ပိုင်းတစ်စသာ ပြောခဲ့သည်။ ဤသည်မှာ သူ၏ ဒုတိယစကားစု ဖြစ်သည်။ ဤစကားစုသည် “ကိုယ်တော်လုပ်သမျှအရာအားလုံးက စည်းမျဉ်းများနှင့် ကိုက်ညီသည်ဟု ကိုယ်တော်ပြောသော်လည်း၊ ဤအရာက မကိုက်ညီပါ။ ပြီးလျှင် ညီအစ်ကိုမောင်နှမအချို့က ထိုအရာနှင့်ပတ်သက်၍ သဘောထားအမြင်များနှင့် အယူအဆများ ရှိကြသည်။ ထို့ကြောင့် ကျွန်ုပ်က သူတို့ကိုယ်စား ကိုယ်တော့်ကို ထိုကိစ္စနှင့်ပတ်သက်၍ မေးခွန်းထုတ်ရမည်ဖြစ်သည်။ ဤကိစ္စကို ကိုယ်တော် မည်သို့ရှင်းပြမည်နည်း။ ကျွန်ုပ်ကို ရှင်းပြချက်တစ်ခုပေးပါ” ဟု ဆိုလိုသည့် မေးခွန်းတစ်ခု ဖြစ်သည်မှာ သိသာသည်။။ ယင်းမှာ မေးခွန်းတစ်ခုဖြစ်သည် မဟုတ်လော။ ယခု၊ ဤအရာအတွင်းတွင် သတင်းစကားမည်မျှ ပါဝင်သည်ကို ဆက်လက်စိစစ်ကြည့်ကြလော့။ သင်တို့ ဤသို့သောအရာကို ကြားရသည့်အခါ သင်တို့၏အမြင်မှာ အဘယ်နည်း။ ဤကိစ္စအပေါ်အခြေခံ၍ ဤလူကို သင်တို့ မည်သို့ရှုမြင်ကြသနည်း။ (ဘုရားသခင်၊ သူ၏ဤစကားစုတွင် မေးခွန်းထုတ်သည့်လေသံ ပါနေပါသည်။ သူသည် ဘုရားသခင်ကို မေးခွန်းထုတ်နေခြင်း ဖြစ်သည်။ အမှန်တကယ်တွင်၊ ဤကိစ္စအပေါ် သူ၏ ကိုယ်ပိုင်အယူအဆများ ရှိနေပါသည်။ သူ၏ကိုယ်ပိုင် စစ်မှန်သော အတွေးများကို သူ ထုတ်မပြောဘဲ၊ ထိုအစား ညီအစ်ကိုမောင်နှမများက အထက်၏ ဆုံးဖြတ်ချက်ကို လက်မခံနိုင်ခြင်းဖြစ်ကြောင်း၊ ၎င်းတို့တွင် သဘောထားအမြင်များ ရှိနေကြောင်း သူက ပြောခဲ့သည်။ အသင်းတော်ခေါင်းဆောင်တစ်ဦးအနေဖြင့် ညီအစ်ကိုမောင်နှမများတွင် အယူအဆများ ရှိသည့်အခါ၊ သူသည် ဤပြဿနာကိုဖြေရှင်းရန် သူတို့နှင့် သမ္မာတရားကို မိတ်သဟာယဖွဲ့သင့်သည်၊ သို့သော် သူသည် ဤပြဿနာကို မဖြေရှင်းရုံသာမက ဤအယူအဆများဖြင့် ဘုရားသခင်ကို မေးခွန်းထုတ်ရန် ရောက်လာခဲ့သည်။ သူ့တွင် လှည့်ဖြားတတ်ပြီး ကောက်ကျစ်ဆိုးယုတ်သော စိတ်သဘောထား ရှိနေပါသည်။) အချက်နှစ်ချက်ကို ဖော်ပြထားပြီးဖြစ်သည်။ ပထမအချက်မှာ သူသည် အထက်ကို မေးခွန်းထုတ်နေခြင်းဖြစ်ပြီး၊ အခြားအချက်မှာ သူ့အတွင်း၌ အယူအဆများ ရှိနှင့်ပြီးဖြစ်သော်လည်း သူက “ညီအစ်ကိုမောင်နှမတွေက စည်းမျဉ်းများကို နားမလည်ကြသကဲ့သို့ ထိုစည်းမျဉ်းများကို ရှာဖွေချင်ကြသည်”ဟု ပြောနေခဲ့ခြင်းပင် ဖြစ်သည်။ ဤစကားစုနှင့်ပတ်သက်၍ ပြဿနာတစ်ခု ရှိသလော။ ညီအစ်ကိုမောင်နှမများသည် သူ့အတွက် ထိုမျှအရေးကြီးခဲ့သလော။ သူသည် ညီအစ်ကိုမောင်နှမများ၏ အသက်ဝင်ရောက်မှုကို အလွန်အရေးကြီးသည်ဟု မှတ်ယူခဲ့သည့်အတွက်၊ ထိုသို့သော ပြင်းထန်သည့် အယူအဆများ ၎င်းတို့ ဖြစ်ပေါ်လာသည့်အခါ အဘယ်ကြောင့် သူက မဖြေရှင်းခဲ့သနည်း။ သူသည် သူ၏တာဝန်ကို တမင်ပျက်ကွက်နေခဲ့ခြင်း မဟုတ်လော။ သူသည် တာဝန်ကို တမင်ပျက်ကွက်နေခဲ့ခြင်းဖြစ်သည်။ သူသည် ပြဿနာကို မဖြေရှင်းခဲ့သည့်အပြင်၊ အထက်ကို မေးခွန်းထုတ်ရန် ညီအစ်ကိုမောင်နှမများ၏ အယူအဆများကိုပင် အရှက်မရှိယူဆောင်လာခဲ့သည်။ သို့ဖြစ်လျှင် သူက ဘာအသုံးကျခဲ့သနည်း။ အဘယ်အရာက သူ့ကို မေးခွန်းထုတ်နိုင်စွမ်းရှိစေခဲ့သနည်း။ သူ့တွင်လည်း အယူအဆများ ရှိခဲ့သည် မဟုတ်လော။ အထက်၏ ဆုံးဖြတ်ချက်နှင့်ပတ်သက်၍ သူ့တွင်လည်း အတွေးများ ရှိခဲ့သည် မဟုတ်လော။ ဤကိစ္စကို သင့်လျော်စွာမကိုင်တွယ်ခဲ့ဟု သူလည်း ခံစားခဲ့သည် မဟုတ်လော။ ထို ယွမ်၂၀၀ သည် သူ့အပေါ် သုံးစွဲခဲ့ခြင်းမဟုတ်သောကြောင့်၊ သူက အခွင့်အရေးလွဲချော်သွားသည်ဟု ခံစားခဲ့ရသည် မဟုတ်လော။ သူက “ထိုအပို ယွမ် ၂၀၀ ကို ငါရခဲ့သင့်သည်။၊ ငါတို့ ထိုငွေနှင့် ထိုက်တန်သည်။ ထိုလူသည် မယုံကြည်သူတစ်ဦးဖြစ်သည်၊ သူ မရခဲ့သင့်ပါ။ ငါတို့က ဘုရားကို အမှန်တကယ်ယုံကြည်ပြီး ငါတို့က ဘုရားအိမ်တော်၏ လူများဖြစ်သည်၊ သူက မဟုတ်ပါ” ဟု တွေးခဲ့သည်။ သူဆိုလိုသည့်အရာမှာ ထိုသို့ ဖြစ်သည် မဟုတ်လော။ (ဟုတ်ပါသည်။) သူ ဆိုလိုသည့်အရာမှာ ထိုသို့ အတိအကျပင် ဖြစ်သည်။ ပြီးလျှင် သူက ဤအရာကို တိုက်ရိုက်မပြောခဲ့ပေ။ သူက ထစ်ထစ်ငေါ့ငေါ့နှင့် ပြောခဲ့သည်။ ဤအရာကိုကြားပြီးနောက်တွင် သင်တို့ နားလည်သလော၊ နားမလည်သလော။ ငွေသုံးစွဲခြင်းနှင့်ဆိုင်သည့် ဤကိစ္စအပေါ် သင်တို့၏ သဘောထားမှာ အဘယ်နည်း။ လူအများစုက ဤအသေးအဖွဲဖြစ်သောကိစ္စကို နားလည်နိုင်ကြသည်။ ဘုရားအိမ်တော်၏ အလွန့်အလွန်ကြီးမားသော အလုပ်ကို ထည့်သွင်းစဉ်းစားသည့်အခါ၊ ထိုခေါင်းဆောင်သည် အပို ယွမ်၂၀၀ သုံးစွဲခြင်းကို အာရုံစိုက်ရန် အမှန်တကယ် လိုအပ်ခဲ့သလော။ ထို့အပြင်၊ ထိုငွေက သူ၏အိတ်ထဲမှ ထွက်လာခြင်းမဟုတ်သောကြောင့်၊ ထိုငွေနှင့်ပတ်သက်၍ အဘယ်ကြောင့် သူက အလွန် စိတ်သောကရောက်ခဲ့ရသနည်း။ အခြားသူများ လူကောင်းများဖြစ်နေသည်ကိုမြင်ရခြင်းအပေါ် သူက မနာလိုဖြစ်ခဲ့ခြင်းသာ ဖြစ်သည် မဟုတ်လော။ ယင်းမှာ သူ ဆိုလိုသည့်အရာ မဟုတ်လော။ ငါ ယခုတင် သင်တို့ကို ရှင်းပြခဲ့သည့်အရာကို သင်တို့ နားလည်နိုင်ကြသလော။ သင်တို့ထဲတွင် သဘောမတူဘဲ၊ “မဟုတ်ပါ။ ကျွန်ုပ်တို့မသိဘဲ အပို ယွမ်း ၂၀၀ သုံးခြင်းဖြစ်သည်။ ဤအရာအကြောင်းကို ကျွန်ုပ်တို့ သိပိုင်ခွင့်မရှိသည်မှာ ဆိုးရွားပေသည်။ ဤသည်မှာ ဘုရားအိမ်တော်၏ လှူဖွယ်ပစ္စည်းများကို ဖြုန်းတီးခြင်းဖြစ်သည် မဟုတ်လော” ဟု ပြောသူတစ်ဦးတလေ ရှိသလော။ ဘုရားအိမ်တော်၏ ယူဆချက်မှာ အဘယ်နည်း။ ပူဇော်သက္ကာများနှင့်ဆိုင်သည့် အမြင်သဘောတရားမှာ အဘယ်နည်း။ သင်တို့ကို ငါ ပြောမည်၊ လှူဖွယ်ပစ္စည်းများသည် လူတိုင်းနှင့်မသက်ဆိုင်၊ ညီအစ်ကိုမောင်နှမများနှင့် သက်ဆိုင်ခြင်း မရှိ။ အကယ်၍ ညီအစ်ကိုမောင်နှမများသာရှိပြီး ဘုရားသခင်မရှိပါက၊ ယင်းကို ဘုရားအိမ်တော်ဟု ခေါ်မည်မဟုတ်။ ဘုရားသခင် ပေါ်ထွန်းပြီး အမှုပြုသောအခါ၊ သူသည် လူတို့ကို မိမိရှေ့မှောက်သို့ခေါ်ပြီး အသင်းတော်ကို တည်ထောင်သောအခါ၌ ယင်းမှာ ဘုရားအိမ်တော် ဖြစ်သည်။ ညီအစ်ကိုမောင်နှမများက ဆယ်ဖို့တစ်ဖို့ ပူဇော်သည့်အခါ၊ ဘုရားအိမ်တော်သို့ ပူဇော်ခြင်းမဟုတ်သကဲ့သို့ အသင်းတော်သို့ ပူဇော်ခြင်းလည်း မဟုတ်ပေ။ မည်သည့်ပုဂ္ဂိုလ်ကိုမျှ ပူဇော်ခြင်း မဟုတ်သည်မှာလည်း သေချာသည်။ ဤဆယ်ဖို့တစ်ဖို့ကို ဘုရားသခင်ထံ ၎င်းတို့က ပူဇော်နေခြင်း ဖြစ်သည်။ ရိုးရှင်းသောဝေါဟာရဖြင့် ပြောရလျှင်၊ ထိုငွေကို ဘုရားသခင်အား ပေးအပ်ခြင်းဖြစ်သည်၊ ထိုငွေသည် သူ၏ သီးသန့်ပိုင်ဆိုင်မှုဖြစ်သည်။ သူ၏ သီးသန့်ပိုင်ဆိုင်မှုဟူသည်မှာ မည်သည့်အရာကို ဆိုလိုသနည်း။ ဘုရားသခင်က မိမိအလိုရှိသည့်အတိုင်း ခွဲဝေသုံးစွဲနိုင်ပြီး၊ ထိုခေါင်းဆောင်က ယင်းနှင့်ပတ်သက်၍ ပါဝင်ပတ်သက်ရန် အရည်အချင်းမမပြည့်မီဟု ဆိုလိုသည်။ သင်တို့ကို ငါ ပြောမည်၊ ဤကိစ္စကြောင့် မေးခွန်းများမေးခြင်းနှင့် သမ္မာတရားကို ရှာဖွေလိုခြင်းသည် အနည်းငယ် လွန်ကဲပြီး မလိုအပ်ခဲ့ပေ။ အယောင်ဆောင်ကာ ဟန်ဆောင်နေသည်မှာ သူ ဖြစ်သည်။ ဤခေါင်းဆောင်က သမ္မာတရားမရှာဖွေခဲ့သော အရေးပါသည့်ကိစ္စများစွာ ရှိခဲ့သော်လည်း၊ ဤကိစ္စတွင်သာ ထိုသမ္မာတရားကိုရှာဖွေရန် သူရွေးချယ်ခဲ့သည်။ သူသည် အဘယ်ကြောင့် ထိုဆိုးယုတ်သူကို မကိုင်တွယ်ခဲ့သနည်း။ သူက “ဤသူသည် မကောင်းမှုပြုခြင်း၏ သရုပ်သကန်အချို့ကို ပြသခဲ့သည်၊ ညီအစ်ကိုမောင်နှမအားလုံးက သူ့ကို ရွံရှာနေကြသည်။ ကျွန်ုပ်က ဤအရာကို ကိုင်တွယ်သင့်သည် မဟုတ်လော” ဟု ပြောလျက် အဘယ်ကြောင့် မရှာဖွေခဲ့သနည်း။ ထိုခေါင်းဆောင်က ထိုအကြောင်းကို မမေးခဲ့ပေ၊ သူသည် ဤဆိုးယုတ်သူကို လုံးဝ မသိကျိုးကျွန်ပြုခဲ့သည်။ ယင်းမှာ ပြဿနာတစ်ခု မဟုတ်လော။ ဤခေါင်းဆောင်ပြောခဲ့သော ပထမဆုံးစကားစုမှာ အဘယ်နည်း။ (“သူက ကောင်းစေဖို့ ရည်ရွယ်ခဲ့ခြင်းဖြစ်သည်”ဟူ၍ ဖြစ်ပါသည်။) “သူက ကောင်းစေဖို့ ရည်ရွယ်ခဲ့ခြင်းဖြစ်သည်။” ဤလူက အဘယ်မျှ “စေတနာရှိ”သည်ကို ကြည့်ကြပါလော့။ သူတော်ကောင်းယောင်ဆောင်သူတစ်ဦး ဖြစ်လိုက်လေခြင်းပါတကား။ သူသည် ကောက်ကျစ်ဆိုးယုတ်သော်လည်း၊ သူ၏စကားများမှာ စေတနာနှင့်လည်းကောင်း၊ ကိုယ်ကျင့်တရားနှင့်လည်းကောင်း ပြည့်နေခဲ့သည်။ သူ၏စကားများတွင် ပျားရည်ပါသော်လည်း၊ သူ၏နှလုံးသားထဲတွင် ဓားမြှောင်များ ရှိနေခဲ့ပြီး၊ သူသည် လူကဲ့သို့ မပြုမူခဲ့ပေ။ သူ၏ ဒုတိယစကားစုမှာ အဘယ်နည်း။ “ဘုရားအိမ်တော်က အလုပ်တစ်ခုပြီးမြောက်အောင်လုပ်ဖို့ တစ်စုံတစ်ယောက်ကို အပို ယွမ်၂၀၀ ပေးခဲ့သည်။ ဤကိစ္စရပ်တွင်ပါရှိသည့် စည်းမျဉ်းကို ကျွန်ုပ်တို့ မည်သို့နားလည်ပြီး သဘောပေါက်သင့်သည်ကို ညီအစ်ကိုမောင်နှမများကိုယ်စား ကျွန်ုပ် ရှာဖချင်ပါသည်”ဟူ၍ ဖြစ်သည်။ ငါက ဤအရာကို ပြောဆိုချက်အပြည့်အစုံတစ်ခုအနေဖြင့် ဖော်ပြပေးခဲ့ခြင်းဖြစ်သည်၊ သူက ထိုသို့ မပြောခဲ့သည်မှာ အမှန်ဖြစ်၏။ သူက သူဆိုလိုသည့်အရာကို နားလည်ရခက်စေလျက် တုံ့ဆိုင်းစွာ ပြောဆိုခဲ့သည်။ ယင်းမှာ သူ ပြောဆိုခဲ့သည့်ပုံစံသာ ဖြစ်သည်။ ဤသည်မှာ ထိုခေါင်းဆောင်ပြောခဲ့သော ဒုတိယစကားစု ဖြစ်သည်။

ယခု ထိုခေါင်းဆောင်ပြောခဲ့သော တတိယစကားစုကို နားထောင်ကြလော့။ လူတိုင်းသည် မြေတူးလျက် အတူတကွ အလုပ်လုပ်နေခဲ့ကြသည်။ လူတစ်ဦးစီတိုင်းကို ခြင်းတောင်းတစ်တောင်းအပြည့် မြေဖြည့်ရန် တာဝန်ပေးခြင်းခံခဲ့ရသည်။ မြန်ဆန်စွာ အလုပ်လုပ်ကာ ပထမဆုံး ပြီးစီးသည့်နောက် ရေအနည်းငယ်သောက်ပြီး အနားယူလျက် အခြားလူတိုင်းကို စောင့်ဆိုင်းနေခဲ့သည့် လူတစ်ဦးရှိသည်။ ထို့နောက် တစ်စုံတစ်ခု မှားယွင်းသွားခဲ့သည်။ အဘယ်အရာ မှားယွင်းခဲ့သနည်း။ တတိယပြဿနာ ပေါ်ပေါက်ခဲ့သည်။ ဤခေါင်းဆောင်က၊ “ကျွန်ုပ်တို့ထံတွင် အလုပ်လုပ်မြန်ပြီး လျင်မြန်စွာ လှုပ်ရှားတတ်သော လူတစ်ဦးရှိပါသည်၊ သို့သော် သူ့တွင် မှားယွင်းသောအရာ တစ်ခုရှိသည်။ အလုပ်ပြီးစီးပြီးနောက် သူသည် ထိုနေရာ၌ ထိုင်နေရုံသာထိုင်နေပြီး အခြားမည်သူ့ကိုမျှ မကူညီပါ၊ သို့ဖြစ်၍ လူတိုင်းသည် သူ့အပေါ် သဘောထားအမြင်များ စတင်၍ ဖြစ်ပေါ်နေကြပါသည်” ဟုပြောလျက် အထက်ကို တစ်ဖန် လာရောက်မေးမြန်းခဲ့သည်။ အထက် ညီအစ်ကိုက “သူသည် အလုပ်လုပ်သောအခါ ပုံမှန်အားဖြင့် ပျင်းရိတတ်သလော” ဟု မေးခဲ့သည်။ ဤခေါင်းဆောင်က “သူ ပျင်းရိခြင်း မရှိပါ။ အလုပ်ကို လျင်မြန်စွာ သူလုပ်ဆောင်တတ်ပြီး ပြီးစီးပြီးနောက် ထိုင်စောင့်နေရုံသာ စောင့်နေကာ မည်သူ့ကိုမျှ မကူညီပါ၊ သို့ဖြစ်၍ ညီအစ်ကိုမောင်နှမများက သူ့အပေါ် သဘောထားအမြင်များ ရှိနေကြပြီး သူကကရုဏာတရား ကင်းမဲ့သည်ဟု သူတို့ ဆိုကြသည်” ဟု ပြန်ဖြေခဲ့သည်။ ညီအစ်ကိုမောင်နှမများက ဤအရာကို ဖော်ပြသောအခါ ဤခေါင်းဆောင်မှာ စိတ်ဆင်းရဲသွားခဲ့သည်။ သူက “အလိုလေး၊ ထိုသူသည် အဘယ်မျှ ရက်စက်သည်ကို ကြည့်ပါ။ ကျွန်ုပ်၏ ညီအစ်ကိုမောင်နှမများက အလုပ်လုပ်ရာမှ ပင်ပန်းနေကြသည်၊ သူတို့က ဖြည်းညှင်းစွာ အလုပ်လုပ်ကြပြီး မည်သူကမျှ သူတို့ကို မကူညီပါ” ဟု စဉ်းစားခဲ့သည်။ အဖွဲ့တစ်ခုလုံးက စိတ်မချမ်းမသာ ဖြစ်ခဲ့ရသဖြင့် သူလည်း စိတ်မချမ်းမသာ ဖြစ်ခဲ့ရသည်။ သူသည် အဘယ်မျှ “စာနာတတ်” လိုက်ပါသနည်း။ သူသည် ဤ “ဝန်ထုပ်” ကို အထက်ထံသို့ တိုင်ကြားရန် မိမိနှင့်အတူယူဆောင်လာခဲ့သည်။ သူ ပထမဆုံး မေးခဲ့သည့်အရာမှာ “ဤသို့သော လူတစ်ဦးကို အပြစ်ပေး၍ ရနိုင်သလော” ဟူ၍ ဖြစ်သည်။ ငါ့ကို ပြောကြလော့၊ ဤသို့သော လူတစ်ဦးကို အပြစ်ပေး၍ ရနိုင်သည်ဟု သင်တို့ ထင်သလော။ (မရနိုင်ပါ။) သို့ဆိုလျှင် ဤအရာကို ကြားပြီးနောက် သင်တို့၏ တုံ့ပြန်မှုမှာ အဘယ်နည်း။ ထိုအရာနှင့်ပတ်သက်၍ သင်တို့ ရောထွေးသော စိတ်ခံစားမှုများ ရှိကြသလော။ သင်တို့ စိတ်မချမ်းမသာ ဖြစ်ကြသလော။ (ဖြစ်ပါသည်။) လူတို့အနေဖြင့် သမ္မာတရားကို နားလည်ပြီး အခြားသူများကို မျှတစွာ ဆက်ဆံရမည်ဟု ဘုရားအိမ်တော်က အစဉ်သဖြင့် မိတ်သဟာယပြုခဲ့သော်လည်း ဤသေးငယ်သော အရာကိုပင် သူ မလုပ်ဆောင်နိုင်ခဲ့ပေ။ ထိုသူကို အပြစ်ပေးခြင်းသည် မျှတမည်ဟု သူ ယုံကြည်ခဲ့သည်။ ဤသည်မှာ ကောက်ကျစ်ဆိုးယုတ်ခြင်း မဟုတ်လော။ (ဟုတ်ပါသည်။) သူက “ကျွန်ုပ်၏ ညီအစ်ကိုမောင်နှမများက ဆင်းရဲဒုက္ခခံစားနေကြရပြီး ဤသူ၌ ကရုဏာတရား ကင်းမဲ့ကြောင်း သူတို့က ကျွန်ုပ်ထံ တိုင်ကြားခဲ့ကြသည်။ ခေါင်းဆောင်တစ်ဦးအနေဖြင့် ဤလူတို့ကို ကျွန်ုပ် မည်သို့ စည်းရုံးသိမ်းသွင်းနိုင်မည်နည်း၊ သူတို့ကို မည်သို့ နှစ်သိမ့်နိုင်မည်နည်း၊ သူတို့ကို မည်သို့ ကာကွယ်နိုင်မည်နည်း၊ သူတို့ မတရားခံရခြင်း သို့မဟုတ် နစ်နာသည်ဟု ခံစားရခြင်းမရှိအောင် မည်သို့တားဆီးနိုင်မည်နည်း” ဟု စဉ်းစားခဲ့သည်။ သူ၏ ပထမဆုံး တုံ့ပြန်မှုမှာ ထိုသူကို အပြစ်ပေးရန်ဖြစ်ပြီး ထိုသူအပြစ်ပေးခြင်းဖြင့် လူတိုင်း၏ အမျက်ဒေါသ ပြေပျောက်သွားမည်ဖြစ်ကာ အရာရာတိုင်း မျှတပြီး သာတူညီမျှ ဖြစ်သွားမည်ဟု သူက တွေးထင်ခဲ့သည်။ သူ ဤသို့ ပြုလုပ်လိုခဲ့သည် မဟုတ်လော။ (ဟုတ်ပါသည်။) သူက “ငါတို့အားလုံး တူညီသောအစာကို စားကြသည်၊ တစ်နေရာတည်းတွင် နေထိုင်ကြပြီး ငါတို့အားလုံး အတူတူပင် ဆက်ဆံခြင်း ခံရသည်။ သင်သည် မြန်ဆန်စွာ အလုပ်လုပ်ဖို့အတွက် မည်သည့်လုပ်ပိုင်ခွင့်ရှိပါသနည်း။ အကယ်၍ သင်သည် လျင်မြန်စွာ အလုပ်လုပ်ပါက အခြားသူများကို အဘယ်ကြောင့် မကူညီသနည်း” ဟု စဉ်းစားခဲ့သည်။ ငါ့ကို ပြောကြလော့၊ ဤအရာကို ကြားပြီးနောက်တွင် လူတို့သည် မည်သို့ ခံစားကြရသနည်း။။ “မြန်ဆန်စွာ အလုပ်လုပ်ခြင်းက အပြစ်တစ်ခု ဖြစ်သည်။ ငါတို့အနေဖြင့် မည်သည့်အခါမျှ မြန်ဆန်စွာ အလုပ်မလုပ်သင့်ဟု ထင်ရသည်၊ ဤခေါင်းဆောင်၏ ထိန်းချုပ်မှုတွင် ငါတို့အတွက် မည်သည့်ကောင်းကျိုးမျှ ရှိမည်မဟုတ်ပါ။ မြန်ဆန်စွာအလုပ်လုပ်ခြင်းက မကောင်းသကဲ့သို့ တက်ကြွခြင်းသည်လည်း မကောင်းပါ။ နှေးကွေးခြင်းသည်သာ မျှတပေသည်” ဟူ၍ ဖြစ်သည်။ အထက်က ထိုခေါင်းဆောင်ကို “နှေးကွေးစွာ အလုပ်လုပ်သောသူတို့နှင့် ပတ်သက်၍ကော အဘယ်သို့နည်း။ သင် သူတို့ကို ဆုချီးမြှင့်ပါသလော” ဟု မေးခဲ့သည်။ ထိုခေါင်းဆောင်မှာ အကျပ်ရိုက်သွားသော်လည်း သူသည် မပြတ်မသားဖြစ်မနေခဲ့ပေ။ သူက “မဟုတ်ပါ၊ ကျွန်ုပ် သူတို့ကို ဆုမချီးမြှင့်နိုင်ပါ။ သို့ရာတွင် လျင်မြန်စွာ အလုပ်လုပ်သော ထိုလူကိုမူ အပြစ်ပေးသင့်ပါသည်။ ညီအစ်ကိုမောင်နှမများအားလုံးက သူ့ကို အပြစ်ပေးရန် လိုအပ်သည်ဟု ဆိုကြသည်” ဟု ပြောခဲ့သည်။ ယင်းမှာ သူ ပြောခဲ့သောစကားစု ဖြစ်သည်။ ငါ့ကို ပြောကြလော့၊ ဤစကားစုသည် ညီအစ်ကိုမောင်နှမများကို အမှန်တကယ် ကိုယ်စားပြုပါသလော၊ သို့မဟုတ် ခေါင်းဆောင်ကိုယ်တိုင်ကို ကိုယ်စားပြုပါသလော။ (ခေါင်းဆောင်ကိုယ်တိုင်ကို ကိုယ်စားပြုပါသည်။) ညီအစ်ကိုမောင်နှမများကို ဘေးဖယ်ထားကြပါစို့၊ သူတို့အထဲတွင် မရေရာသော လူအမျိုးမျိုး ရှိကြသည်၊ သမ္မာတရားကို မချစ်သောသူများ၊ မရိုးဖြောင့်သောပုံစံဖြင့် စကားပြောသောသူများ၊ တစ်ကိုယ်ကောင်းဆန်ပြီး မိမိအကျိုးသာကြည့်သောသူများ၊ ငြင်းခုံမှုများကို လှုံ့ဆော်သောသူများ၊ စည်းမျဉ်းများမရှိဘဲ စကားပြောသောသူများနှင့် ကိုယ်ကျင့်တရားအခြေခံမရှိဘဲ ပြုမူသောသူများ ဖြစ်သည်။ သူတို့အထဲတွင် မည်သို့သော လူစားမျိုးကို ရှာမတွေ့နိုင်သနည်း။ သို့ဆိုလျှင် အသင်းတော်ခေါင်းဆောင်တစ်ဦးအနေဖြင့် သူ၏ တာဝန်မှာ အဘယ်နည်း။ သြဇာလွှမ်းမိုးမှုရှိသော ညီအစ်ကိုမောင်နှမများအတွက် စကားပြောရန်၊ ဤကောက်ကျစ်ဆိုးယုတ်သော ရေပန်းစားမှုများနှင့် ဆိုးယုတ်သော ကျင့်ကြံပြုမူမှုများကို ခုခံကာကွယ်ရန်မှာ သူ၏ တာဝန်လော။ (မဟုတ်ပါ။) သို့ဆိုလျှင် သူ၏ တာဝန်မှာ အဘယ်နည်း။ ညီအစ်ကိုမောင်နှမများအကြား လွဲမှားခြင်းနှင့် သွေဖည်ခြင်းဆိုင်ရာ ပြဿနာများကို သူတွေ့ရှိသောအခါ ဤပြဿနာများကို သမ္မာတရားအသုံးပြု၍ ဖြေရှင်းရန်မှာ သူ၏ တာဝန်ဖြစ်သည်၊ သို့မှသာ ထိုလူတို့သည် မည်သည့်နေရာ၌ ပြဿနာများ ရှိသည်ကို နားလည်နိုင်မည်ဖြစ်ပြီး သူတို့၏ အခြေအနေများနှင့်ပတ်သက်သော ပြဿနာများကို နားလည်နိုင်မည်ဖြစ်ကာ သူတို့အား မိမိတို့ကိုယ်ကို သိရှိပြီး သမ္မာတရားကို နားလည်စေရန်၊ သူတို့ကို ဘုရားသခင်ရှေ့မှောက်သို့ ပို့ဆောင်ပေးရန် ဖြစ်သည်။ ဤသည်မှာ အသင်းတော်ခေါင်းဆောင်တစ်ဦး၏ တာဝန် မဟုတ်လော။ (ဟုတ်ပါသည်။) သူ ထိုတာဝန်ကို ဖြည့်ဆည်းခဲ့ပါသလော။ သူသည် ထိုတာဝန်ကို ဖြည့်ဆည်းရန် ပျက်ကွက်ခဲ့သည်သာမက ထိုကောက်ကျစ်ဆိုးယုတ်သော ရေပန်းစားမှုများနှင့် ဆိုးယုတ်သော ကျင့်ကြံပြုမူမှုများကိုပင် အားပေးခဲ့ပြီး အသင်းတော်ထဲ၌ ထိုအရာများပေါက်ဖွားပျံ့နှံ့ခြင်းကို ကာကွယ်ခြင်း၊ လှုံ့ဆော်ခြင်းနှင့် ခွင့်လွှတ်ခြင်းတို့ပင် င် ပြုခဲ့သည်။ ဤသည်မှာ ကောက်ကျစ်ဆိုးယုတ်ခြင်း မဟုတ်လော။ (ဟုတ်ပါသည်။) ငါ့ကို ပြောကြလော့၊ အထက်က ဤသို့ ကောက်ကျစ်ဆိုးယုတ်သည့် စိတ်သဘောထားရှိသော လူတစ်ဦးကို ပြုပြင်ကာဖော်ထုတ်ပြီးနောက် သူသည် မိမိစိတ်နှလုံးထဲ၌ အာခံလိမ့်မည်လော။ (အာခံပါလိမ့်မည်။) သေချာပေါက် အာခံလိမ့်မည်ဖြစ်သည်။ သူသည် အထက်က ပေးအပ်ထားသော စည်းမျဉ်းများအတိုင်း လူတို့ကို မျှတစွာ ဆက်ဆံလိမ့်မည်လော။ လုံးဝ ဆက်ဆံလိမ့်မည်မဟုတ်။ သူပြောခဲ့သော စကားများမှနေ၍ သူသည် လုံးလုံးလျားလျား မရိုးသားကြောင်းကို သင်တို့ သိမြင်နိုင်သည်။ နောက်ပိုင်းတွင် ငါ့ဘာသာ တွေးမိသည်မှာ၊ “အကယ်၍ လျင်မြန်စွာ အလုပ်လုပ်သောသူတို့ အပြစ်ပေးခံရမည်ဆိုလျှင် မည်သူသည် လျင်မြန်စွာ အလုပ်လုပ်ဝံ့လိမ့်မည်နည်း။ လူတိုင်းသည် လိပ်များလောက် နှေးကွေးလာကြလိမ့်မည်ဖြစ်ပြီး သုံးရက်ကြာအောင် လှည့်ပတ်နေသည့်တိုင် မြစ်ကမ်းပါးပေါ်သို့ မတက်နိုင်ဘဲ ဖြစ်နေကြလိမ့်မည်” ဟူ၍ ဖြစ်သည်။ ယင်းမှာ အမှုအရာများ ဖြစ်လိမ့်မည်ပုံစံ မဟုတ်လော။ လူတို့ကို မျှတစွာ ဆက်ဆံနိုင်စွမ်းမရှိခြင်းအပြင် ဤခေါင်းဆောင်၏ အဆိုးရွားဆုံးနှင့် အပြင်းထန်ဆုံးသော လက္ခဏာသွင်ပြင်၊ လူတို့ကို အများဆုံး အထင်အမြင်မှားစေနိုင်သည့် လက္ခဏာသွင်ပြင်တစ်ခုမှာ ညီအစ်ကိုမောင်နှမများက မည်သည့်မကောင်းသည့်အရာများကို ပြုလုပ်သည်ဖြစ်စေ သို့မဟုတ် မည်သည့်မှားယွင်းပြီး အဓိပ္ပာယ်မဲ့သော ရှုထောင့်အမြင်များကို ၎င်းတို့ ဖြန့်ဝေသည်ဖြစ်စေ သူသည် ၎င်းတို့ကို ပိုင်းခြားသိမြင်ပြီး ပြုပြင်ပေးရန် ပျက်ကွက်ရုံသာမက ၎င်းတို့ကို အလိုလိုက်ခြင်း၊ အကာအကွယ်ပေးခြင်းနှင့် ၎င်းတို့ ကျေနပ်အောင်ပင် ကြိုးစားခြင်းတို့ ဖြစ်သည်။ သူသည် အန္တရာယ်ရှိသော ပုဂ္ဂိုလ်တစ်ဦး မဟုတ်လော။ (ဟုတ်ပါသည်။) သူသည် အလွန့်အလွန် အန္တရာယ်ရှိပေသည်။ ဤသည်မှာ ထိုခေါင်းဆောင်ပြောခဲ့သော တတိယစကားစု ဖြစ်သည်။

စတုတ္ထစကားစုကို ဆက်ကြပါစို့။ ထိုခေါင်းဆောင် ကြီးကြပ်သော အသင်းတော်သို့ ငါ မကြာခဏ သွားလည်ပတ်လေ့ရှိပြီး သူတို့သည် ထိုနေရာ၌ ကြက်အချို့ကို ထိန်းသိမ်းထားကြသည်။ ငါ သွားရောက်လည်ပတ်သည့်အခါတိုင်းတွင် သူသည် ကြက်တစ်ကောင်ကို သတ်လေ့ရှိသည်။ တစ်နေ့တွင် ကြက်တစ်ကောင်ကို ကြက်စွပ်ပြုတ်အဖြစ် ချက်ပြုတ်မည်၊ နောက်တစ်နေ့တွင် ကြက်တစ်ကောင်ကို အနီရောက် ကြက်ချိုကြော်လုပ်မည်၊ နောက်တစ်နေ့တွင် ကြက်တစ်ကောင်ကို ကြက်သားမီးခိုးတိုက် ချက်မည်။ အကယ်၍ ငါသည် ထိုနေရာသို့ နေ့စဉ် သွားနေမည်ဆိုလျှင် ထိုကြက်အုပ်သည် ရက်အနည်းငယ်အတွင်း ကုန်ကောင်းကုန်သွားနိုင်သည်ဟု ငါ တွေးထင်မိသည်။ အဘယ်ကြောင့် ထိုသို့ ဖြစ်ရသနည်း။ ကြက်တစ်ကောင်ကို ချက်ပြုတ်သောအခါ တစ်ခါတစ်ရံ ငါသည် ကြားသားတုံးတစ်တုံး စားမည်ဖြစ်ပြီး တစ်ခါတစ်ရံ မည်သည့်အရာမျှ မစားချင်သော်လည်း ထိုလူတို့သည် မည်သို့ပင်ဖြစ်စေ ယင်းကို စားသုံးကြကာ အကြိမ်တိုင်း ကြက်တစ်ကောင်လုံး ကုန်သွားလေသည်။ နောက်ပိုင်းတွင် ငါ ဤသို့ ဆင်ခြင်မိသည်၊ အကယ်၍ ငါ သွားရောက်လည်ပတ်သည့်အခါတိုင်း ကြက်တစ်ကောင်လုံး ကုန်သွားမည်ဆိုလျှင် သူတို့၌ ကြက်မည်မျှပင် ရှိစေကာမူ ထိုသို့ စားသုံးခြင်းခံရသဖြင့် ကြာရှည်ခံမည် မဟုတ်ပေ။ သို့ဖြစ်၍ ငါသည် ထိုခေါင်းဆောင်အား သူ့အနေဖြင့် ကြက်များကို နောက်ထပ် သတ်နေ၍မဖြစ်တော့ကြောင်း ပြောခဲ့သည်။ ဤသည်မှာ လုပ်ဆောင်ရန် သင့်လျော်သည့်အရာ မဟုတ်လော။ (ဟုတ်ပါသည်။) ယခုတွင် ဤအရာက သူ့ကို အမှန်ပင် အကျပ်ရိုက်စေခဲ့သည်။ သူက “အကယ်၍ ကျွန်ုပ်တို့ ကြက်များ မသတ်နိုင်လျှင်၊...” ဟု ဆိုလျက် မေးခွန်းထုတ်လာခဲ့သည်။ သူ နောက်ဆက်တွဲ မေးခဲ့သည့်အရာကို သင်တို့ မသိကြပေ။ နောက်ဆုံးတွင် မည်သည့်အရာကို သူ မရဲတရဲ ပြောထွက်ခဲ့သနည်း။ “သို့ဆိုလျှင် သင် အဘယ်အရာ စားလိုပါသနည်း” ဟူ၍ ဖြစ်သည်။ ငါက “ကြက်များမှလွဲ၍ စားစရာ အခြားမည်သည့်အရာမျှ မရှိသလော။ ဥယျာဉ်ခြံထဲတွင် ဟင်းသီးဟင်းရွက်များ ပြည့်နေသည် မဟုတ်လော။ ထိုအရာများထဲမှ မည်သည့်အရာကိုမဆို ငါစား၍ အဆင်ပြေပါသည်” ဟု ပြောခဲ့သည်။ သူဆိုလိုသည်မှာ အကယ်၍ ကြက်များကို သူတို့သတ်ခွင့် မရှိပါက ငါသည် အသားတစ်ခုခုကို စားသုံးရန် လိုအပ်ဦးမည် ဟူ၍ ဖြစ်သည်။ သူက “စာနာတတ်” သူတစ်ဦး မဟုတ်လော။ ငါက “မည်သည့်အသားနည်း။ အကယ်၍ သင့်မှာ ဟင်းသီးဟင်းရွက်တွေ ရှိလျှင် ငါ အသားစားမည်မဟုတ်ပါ။ ကြက်များကိုသတ်ဖို့ သင့်ကို ငါ မပြောလျှင် မသတ်ပါနှင့်” ဟု ပြောခဲ့သည်။ ဤသည်မှာ နားလည်ရန် လွယ်ကူသင့်သည် မဟုတ်လော။ (လွယ်ကူသင့်ပါသည်။) သို့သော် သူ၏ အခြေအနေတွင်မူ ယင်းမှာ အကျပ်အတည်းတစ်ခု ဖြစ်လာခဲ့သည်။ ကြက်များကို သတ်၍မရခြင်းသည် သူ့ကို အမှန်ပင် သက်သောင့်သက်သာ မရှိစေခဲ့ပေ၊ သူသည် နတ်ပူးနေသော လူတစ်ဦးကဲ့သို့ အလွန် ထူးဆန်းစွာ ပြုမူလာခဲ့သည်။ ထိုတစ်ကြိမ်တွင် သူသည် ကြက်သား မစားနိုင်ခဲ့သည့်အတွက်၊ နောက်တစ်ကြိမ် ငါ သွားရောက်လည်ပတ်သောအခါ နောက်ထပ် မေးခွန်းတစ်ခုကို သူ မေးခဲ့ပြီး ယင်းက ကျွန်ုပ်တို့ကို ပဉ္စမစကားစုဆီသို့ ဆိုက်ရောက်စေသည်။ သူ၏ မေးခွန်းများက မည်သို့ ပိုပိုပြီး ရယ်စရာကောင်းလာသည်ကို နားထောင်ကြည့်ကြလော့။ မေးခွန်းမှာ အဘယ်နည်း။ သူက “ကြက်များကို ကျွန်ုပ်တို့ သတ်၍မရသည့်အတွက်၊ ပြီးလျှင် ယုန်များကိုလည်း ကျွန်ုပ်တို့ မွေးမြူထားသည့်အတွက် ထိုအစားသင် ယုန်သား စားမည်လော” ဟု ပြောခဲ့သည်။ ထိုအရာက ငါ့ကို အမှန်ပင် ဒေါသထွက်စေခဲ့သည်။ ငါက “ငါတို့ မွေးထားသည့် ယုန်လေးများက သူတို့၏ မျက်လုံးနီနီရဲရဲလေးများနှင့် ဖြူစွတ်နေသည့် အမွေးများဖြင့် အလွန်ချစ်စရာကောင်းသည်။ သူတို့သည် ပျော်ပျော်ရွှင်ရွှင် ဆော့ကစားနေကြသည်။ သင်သည် အဘယ်ကြောင့် အမြဲ အသားစားဖို့ စဉ်းစားနေသနည်း။ အသားမစားဘဲ မနေနိုင်သလော”ဟု ပြောခဲ့သည်။ ငါ နားမလည်ခဲ့။ သူတို့၏ မီးဖိုချောင်တွင် အသား တစ်ခါမျှ ပြတ်လပ်ခြင်း မရှိခဲ့ပေ။ ကြက်ပေါင်များနှင့် ဝက်နံရိုးများ မကုန်မခမ်းနိုင်အောင် ရှိနေခဲ့သည်။ သူ့အတွက် စားစရာအသား မရှိသကဲ့သို့ မဟုတ်ခဲ့ပေ၊ သို့ဖြစ်၍ သူသည် ယုန်များသတ်ခြင်းနှင့် ယုန်သားစားခြင်းအကြောင်း အဘယ်ကြောင့် ဆက်လက်၍ မေးမြန်းနေခဲ့သနည်း။ ငါက ဤစကားများဖြင့်သာ ပြန်လည်ချေပခဲ့သည်၊ “သူတို့ကို သင် သတ်ခွင့်မရှိပါ။ ဤသတ်ဖြတ်မှုအားလုံးက မည်သည့်အရာအတွက်နည်း” ဟူ၍ ဖြစ်သည်။ ငါ ဤသို့ တုံ့ပြန်သည်ကို သူ မြင်သောအခါ သူသည် ပြုပြင်ခံရမည်ကို ကြောက်ရွံ့လာပြီး နောက်ထပ် မည်သည့်မေးခွန်းကိုမျှ မမေးဝံ့တော့ပေ။ ထို့နောက်တွင် သူသည် မည်သည့်အစားအစာများကို ပြင်ဆင်ခဲ့သနည်း။ ဇွန်လနှင့် ဇူလိုင်လ ရာသီအတောအတွင်းတွင် ဥယျာဉ်ထဲ၌ အသီးအရွက်အမျိုးမျိုး ရှိနေခဲ့သည်၊ ဟင်းရွက်စိမ်းများနှင့် အသီးများသီးသော ဟင်းသီးဟင်းရွက်များ ပေါများနေခဲ့သည်။ တစ်နေ့တွင် ထိုခေါင်းဆောင်သည် စားပွဲတစ်လုံးအပြည့် ဟင်းပွဲများ ပြင်ဆင်ခဲ့သည်။ အဘယ်အရာ သူ ပြင်ဆင်ခဲ့သနည်း။ ပဲပင်ပေါက်ကြော်၊ ပဲပိစပ်ပင်ပေါက်ဟင်းချို၊ ငါးနှင့်ချက်ထားသော တို့ဟူး၊ ပဲစိမ်းနှင့် ကြက်ဥကြော်၊ မှိုခြောက်ကြော်တို့ ဖြစ်သည်၊ စားပွဲပေါ်တွင် ဟင်းရွက်စိမ်း ဟင်းသီးဟင်းရွက် တစ်ရွက်မျှပင် မရှိခဲ့ပေ။ ထိုခြောက်သွေ့သော ဟင်းပွဲအားလုံးကို ငါ တစ်ချက် ကြည့်လိုက်သည်။ ရာသီဥတုအရ လတ်ဆတ်သော အရာတစ်ခုခု လိုအပ်သော်လည်း သူ ပြင်ဆင်ထားသော အစားအစာများမှာ ရာသီဥတုနှင့် လုံးဝ မကိုက်ညီပေ။ ဤလူသည် ကောက်ကျစ်ဆိုးယုတ်နေသည် မဟုတ်လောဟု ငါ တွေးထင်မိသည်။ ဥယျာဉ်ထဲ၌ ဟင်းသီးဟင်းရွက်မျိုးစုံ ရှိနေခဲ့သည်။အဘယ်ကြောင့် ဟင်းရွက်စိမ်းအချို့ကို သူ မပြုလုပ်ခဲ့သနည်း။ အဆုံးတွင် သူ့ကို အမြန်ဆုံး ထုတ်ပစ်သင့်သည်ဟု ငါ ပြောခဲ့သည်။ သူကဲ့သို့သော လူတစ်ဦးက ချက်ပြုတ်ခြင်းကို ကြီးကြပ်ပါက လူတို့သည် ရာသီအလိုက် အစားအစာများကို မည်သည့်အခါမျှ စားသုံးရမည် မဟုတ်ပေ။ ထိုအစား သူတို့သည် ရာသီဥတုနှင့် မကိုက်ညီသော အစားအစာများကို အမြဲတမ်း စားသုံးကြရမည်ဖြစ်သည်။ ယင်းမှာ ပုံမှန်ဟုတ်ပါသလော။ ယင်းမှာ လုံးဝ ပုံမှန်မဟုတ်ပေ။

ဤခေါင်းဆောင်မေးခဲ့သော မေးခွန်းများနှင့် သူ၏ ချက်ပြုတ်ပုံချက်ပြုတ်နည်းမှတစ်ဆင့်၊ ပထမဦးစွာ သူ၏အကျင့်စရိုက်သည် ညံ့ဖျင်းကြောင်း၊ ဒုတိယအနေဖြင့် သူသည် ကောက်ကျစ်ဆိုးယုတ်ပြီး တိတ်တဆိတ်အန္တရာယ်ပြုတတ်သော စိတ်သဘောထားရှိကြောင်း၊ တတိယအနေဖြင့် သူသည် သမ္မာတရားကို မလိုက်စားကြောင်း ငါ သတိပြုမိခဲ့သည်။ သို့ရာတွင် မမျှော်လင့်ထားသည့်အရာတစ်ခု ရှိခဲ့သည်၊ ယင်းကို ထူးဆန်းသည်ဟုပင် သင် ခေါ်ဆိုနိုင်သည်။ အတိတ်ကာလတွင်၊ ဤအသင်းတော်၌ ရွေးကောက်ပွဲတစ်ခု ရှိသည့်အခါတိုင်း၊ သူသည် မဲအများဆုံး ရရှိခဲ့ပြီး ပြန်လည်ကျင်းပသည့် ရွေးကောက်ပွဲများတွင်ပင်၊ မဲအများဆုံးကို သူရရှိနေဆဲ ဖြစ်သည်။ ထိုသို့သောလူတစ်ဦးက အကြိမ်ကြိမ် မဲအရေအတွက်အများဆုံး ရရှိနေခြင်းမှာ အဘယ်အကြောင်းကြောင့် ဖြစ်သနည်း။ ဤအရာအတွက် နှစ်ဖက်စလုံး၌ အကြောင်းရင်းများ ရှိနေခဲ့သည် မဟုတ်လော။ (ဟုတ်ပါသည်။) ဤအရာအတွက် နှစ်ဖက်စလုံး၌ အကြောင်းရင်းများ ရှိခဲ့သည်။ အဓိကအကြောင်းရင်းများမှာ အဘယ်နည်း။ တစ်ဖက်တွင် ညီအစ်ကိုမောင်နှမအများစုသည် သမ္မာတရားကို လိုက်စားခြင်း သို့မဟုတ် နားလည်ခြင်း မရှိကြသကဲ့သို့ လူတို့ကို ပိုင်းခြားသိမြင်နိုင်ခြင်း ကင်းမဲ့ခဲ့ကြသည်။ အခြားတစ်ဖက်တွင် ဤအသင်းတော်ခေါင်းဆောင်သည် လူတို့ကို အလွန့်အလွန် အထင်အမြင်မှားစေနိုင်စွမ်း ရှိခဲ့သည်။ ဤလူက မည်သူဖြစ်ကြောင်းကို သင်တို့ မသိကြ၊ သူ လုပ်ဆောင်ခဲ့သည့်အရာကို သင်တို့ မမြင်ကြရသေးသည့်အပြင် မမြင်ကွယ်ရာတွင် သူသည် မည်သည့်လူစားမျိုးဖြစ်ကြောင်း သင်တို့ မသိကြပေ။ သို့သော် သူပြောခဲ့သော စကားစုငါးခုနှင့်အတူ ငါ ပြောပြီးသော ကိစ္စရပ်များကို အခြေခံ၍ သူသည် မည်သည့် လူစားမျိုးဖြစ်သည်ဟု သင်တို့ ဆိုကြမည်နည်း။ သူသည် အသင်းတော်ခေါင်းဆောင်တစ်ဦး ဖြစ်ရန် သင့်တော်ပါသလော။ (မသင့်တော်ပါ။) သို့ဆိုလျှင် ညီအစ်ကိုမောင်နှမများက သူ့ကို အဘယ်ကြောင့် ဆက်လက်၍ ရွေးကောက်နေခဲ့ကြသနည်း။ အကြောင်းမှာ သူ၌ နည်းဗျူဟာများရှိပြီး ဤလူတို့ကို အထင်အမြင်မှားစေခဲ့သောကြောင့် ဖြစ်သည်။ သူသည် အပေါ်ယံအားဖြင့် ထင်မြင်ရသလောက် လုံးဝ ရိုးသားဖြူစင်ပြီး လက်တွေ့ကျသူတစ်ဦး မဟုတ်ခဲ့ပေ။ သူ့တွင် နည်းဗျူဟာများ သေချာပေါက်ရှိခဲ့သည်။ နောက်ပိုင်းတွင် ထိုအသင်းတော်၌ ခေါင်းဆောင်တစ်ဦးအဖြစ် ပြုမူဆောင်ရွက်ရန် သင့်တော်သောလူများ မရှိကြောင်းနှင့် ဤရာထူး၌ အမှုထမ်းရန် အခြားတစ်စုံတစ်ဦးကို စေလွှတ်သင့်ကြောင်း ငါ ပြောခဲ့သည်။ သို့သော် လူအချို့ကနားမလည်ခဲ့ကြပေ။ ဤခေါင်းဆောင်ကို ညီအစ်ကိုမောင်နှမများက ရွေးချယ်ခဲ့ခြင်းမဟုတ်ဟု သူတို့ ခံစားခဲ့ကြသည်။ “ညီအစ်ကိုမောင်နှမများ” ကို မည်သို့ အဓိပ္ပာယ်ဖွင့်ဆိုသင့်သနည်း။ ညီအစ်ကိုမောင်နှမများသည် သမ္မာတရားကို ကိုယ်စားပြုပါသလော။ ဤသည်မှာ သူတို့ကို အဓိပ္ပာယ်ဖွင့်ဆိုသည့်ပုံစံ ဖြစ်သလော။ (မဟုတ်ပါ။) ညီအစ်ကိုမောင်နှမများက စုပေါင်း၍ တောင်းဆိုချက်တစ်ခု၊ စည်းမျဉ်းစည်းကမ်းတစ်ခု သို့မဟုတ် ထင်မြင်ယူဆချက်နှင့် အကြောင်းပြချက်တစ်ခုကို ဖန်တီးသောအခါ ဤအရာများသည် သမ္မာတရားနှင့် သေချာပေါက် ကိုက်ညီပါသလော။ ဘုရားသခင်သည် သူတို့၏ ပြဿနာများကို ထည့်သွင်းစဉ်းစားပြီး သူတို့ကို ဦးစွာ ဂရုစိုက်သင့်ပါသလော။ ဘုရားသခင်က ဤသို့ လုပ်ဆောင်၍ရသလော။ (လုပ်ဆောင်၍မရပါ။) သို့ဆိုလျှင် သူတို့ကို မည်သို့ သဘောထားသင့်သနည်း။ ဤညီအစ်ကိုမောင်နှမများကို မည်သို့ အဓိပ္ပာယ်ဖွင့်ဆိုသင့်သနည်း။ သူတို့အများစုသည် မိမိတို့၏ တာဝန်များကို ထမ်းဆောင်လိုစိတ်ရှိကြသည်၊ ကြိုးပမ်းကာ အလုပ်လုပ်လိုစိတ် ရှိကြသည်။ သို့သော် သမ္မာတရားကို မလိုက်စားကြပေ။ သူတို့သည်သမ္မာတရားကို သဘောပေါက်နားလည်နိုင်သည့် စွမ်းရည်နှင့် အစွမ်းအစ ကင်းမဲ့ကြသည်၊ သူတို့သည် မိုက်မဲကြ၏၊ ထုံထိုင်းကြ၏၊ ဉာဏ်ထိုင်းကြသည်၊ လူတို့ကို ပိုင်းခြားသိမြင်နိုင်စွမ်း သို့မဟုတ် အမှုအရာများကို ရိပ်စားမိနိုင်စွမ်း မရှိသည့်အပြင် တစ်ကိုယ်ကောင်းဆန်ပြီး မိမိအကျိုးသာကြည့်တတ်ကြသည်။ သူတို့သည် ကောင်းသော ရည်ရွယ်ချက်အချို့ ပိုင်ဆိုင်ပြီး ဘုရားသခင်အတွက် အမှုအရာများကို စွန့်လွှတ်ရန်၊ မိမိတို့ကိုယ်ကို အသုံးခံရန်နှင့် ကြိုးစားအားထုတ်ရန် လိုလားနေကြသော်လည်း သူတို့၏ ဆိုးရွားသော ချို့ယွင်းချက်မှာ အဘယ်နည်း။ သူတို့သည် သမ္မာတရားကို နားမလည်ကြ သို့မဟုတ် လက်မခံကြပေ။ သူတို့သည် “ကျွန်ုပ်ကို ကျွေးမွေးသောသူ မည်သူမဆို ကျွန်ုပ်၏ မိခင်ဖြစ်ပြီး ကျွန်ုပ်ကို ငွေပေးသောသူ မည်သူမဆို ကျွန်ုပ်၏ ဖခင်ဖြစ်သည်” ဟူသည့်အရာကို လိုက်နာစောင့်ထိန်းကြသည်။ သူတို့အပေါ် ကောင်းသောသူ သို့မဟုတ် သူတို့အတွက် အကျိုးရှိသောသူ၊ သူတို့ကိုယ်စား စကားပြောပြီး သူတို့ကို ကာကွယ်ပေးသောသူ မည်သူမဆိုသည် သူတို့ ရွေးချယ်သောသူ ဖြစ်သည်။ အကယ်၍ ထိုသို့သောလူများကို မိမိတို့၏ ကိုယ်ပိုင်ခေါင်းဆောင်အား ရွေးချယ်ခွင့်မည်ဆိုပါက၊ သူတို့သည် ခေါင်းဆောင်ကောင်းတစ်ဦးကို ရွေးကောက်တင်မြှောက်နိုင်မည်လော။ ရွေးကောက်နိုင်မည် မဟုတ်ပေ။ သူတို့သည် မိမိတို့၏ အသက်ဝင်ရောက်မှု၌ တိုးတက်မှုတစ်ခုတလေ ပြုလုပ်နိုင်မည်လော။ အကယ်၍ အထက်က သူတို့ကို အလွန်တစ်ဇွတ်ထိုးလုပ်ခွင့်ပြုပြီး အလွန် မဆင်မခြင် ပေါ့ပေါ့ဆဆ ပြုမူခွင့် ဆက်ပေးနေမည်ဆိုလျှင် ယင်းမှာ တာဝန်မဲ့ခြင်း ဖြစ်မည်မဟုတ်လော။ (ဟုတ်ပါသည်။) သူတို့သည် မရေမရာ ဖြစ်ခဲ့ကြသော်လည်း အထက်ကမူ ထိုသို့မဟုတ်ပေ၊ ဤလူတို့ ရွေးချယ်ခဲ့သော ခေါင်းဆောင်ကို ဖယ်ရှားပြီး အခြားတစ်စုံတစ်ဦးဖြင့် အစားထိုးခဲ့သည်။ ဤလူတို့သည် ခေါင်းဆောင်သစ်ကို လက်ခံလိုစိတ် မရှိခဲ့ကြသော်လည်း ထိုလူက တကယ့်အလုပ်အချို့ကို လုပ်ဆောင်နိုင်သရွေ့ လူတို့ကို အထင်အမြင်မှားစေခဲ့သော ထိုအယောင်ဆောင်ခေါင်းဆောင်ထက် များစွာ ပို၍ကောင်းပေသည်။ ဤညီအစ်ကိုမောင်နှမများသည် အထက်၏ စီစဉ်မှုကို နားမလည်ခဲ့ကြသော်လည်း သူတို့အနေဖြင့် သမ္မာတရားအချို့ကို သဘောပေါက်ပြီး အမှုအရာများကို နားလည်မှုအချို့ ရှိလာသောတစ်နေ့ ရောက်လာလိမ့်မည်ဖြစ်ပြီး ထို့အခါတွင် မည်သူက ကောင်းပြီး မည်သူက ဆိုးကြောင်းကို သူတို့ သိရှိလာကြလိမ့်မည်။ ဤသို့ ပြုမူဆောင်ရွက်ခြင်းအားဖြင့် အထက်သည် သူတို့အတွက် လုံးဝ တာဝန်ယူနေခဲ့ခြင်း ဖြစ်သည်။ ဤသို့ပြုလုပ်ခြင်းသည် သင့်လျော်ပါသလော။ (သင့်လျော်ပါသည်။) သူတို့ နားမလည်ခဲ့ကြသော်လည်း သူတို့အလိုရှိသော မည်သူ့ကိုမဆို ရွေးကောက်တင်မြှောက်ရာ၌ မိမိတို့သဘောအတိုင်း ပြုလုပ်ခွင့် သူတို့ကို ပေး၍မရပေ။ သူတို့ ပုန်ကန်လိုကြသလော။ အကယ်၍ သူတို့သည် မကောင်းမှုပြုလုပ်လိုလျှင်၊ စာတန်၏ ကြံရာပါများ ဖြစ်လာလိုလျှင် လုံးဝ ဖျက်ဆီးခြင်း ခံရလိမ့်မည်။ သို့ဖြစ်၍ အထက်က သူတို့အတွက် ဆုံးဖြတ်ချက်ချပြီး အခြားခေါင်းဆောင်တစ်ဦးကို ရွေးကောက်တင်မြှောက်ပေးခဲ့သည်။ သို့သော် ဤအရာကို သူတို့ လက်မခံခဲ့ကြပေ။ သူတို့ ရွေးချယ်ခဲ့သော ထိုလူက သင့်တော်သည်ဟု သူတို့ အခိုင်အမာ ဆိုခဲ့ကြသည်။ ဤသည်မှာ ကောက်ကျစ်ဆိုးယုတ်နေခြင်း မဟုတ်လော။ အဘယ်ကြောင့် ထိုသူ့ ကောင်းသည်ဟု သူတို့အမြဲတမ်း ထင်နေကြသနည်း။ ထိုသူနှင့်ပတ်သက်၍ အဘယ်အရာများ အလွန် ကောင်းမွန်နေသနည်း။ အဘယ်ကြောင့် သူတို့သည် သူ့ကို ထိန်းသိမ်းထားရန် ထိုမျှ စိတ်ပိုင်းဖြတ်ထားကြသနည်း။ ထိုနေရာ၌ ပြဿနာတစ်ခု ရှိပေသည်။ သူတို့သည် သတိမထားမိလိုက်ဘဲ ဤအယောင်ဆောင်ခေါင်းဆောင်၏ အထင်အမြင်မှားစေခြင်းနှင့် အန္တရာယ်ပြုခြင်းတို့ကို ခံခဲ့ကြရသည်။ သူတို့သည် အမှန်ပင် လူနုံလူအတစ်သိုက် ဖြစ်ကြသည်။ ဤကိစ္စနှင့်ပတ်သက်၍ ငါ ပြောဆိုခြင်း ပြီးဆုံးလေပြီ။ ငါတို့သည် ဤအယောင်ဆောင်ခေါင်းဆောင်ကဲ့သို့သော လူတို့ကို ဤအကြောင်းအရာအတွင်း၌ စိတ်ဖြာလေ့လာဆွေးနွေးရန်နှင့် ဆန်းစစ်ရန်အတွက် စံပြုလောက်သော ကိစ္စရပ်တစ်ခုအဖြစ် မှတ်ယူကြသည်၊ ဤသို့ပြုလုပ်ခြင်းသည် သင့်တင့်လျောက်ပတ်ပေသည်။ မည်သို့ပင်ဖြစ်စေ သူတို့၏ စိတ်သဘောထားများထဲရှိ ကောက်ကျစ်ဆိုးယုတ်ခြင်းကိုယ်၌က စံပြုလောက်ပေသည်။

အန္တိခရစ်များ၏ သတ္တမမြောက် သရုပ်သကန်အတွင်းရှိ ကောက်ကျစ်ဆိုးယုတ်ခြင်းနှင့်ပတ်သက်၍ ငါတို့၏ မိတ်သဟာယနှင့်ပတ်သက်လာသည့်အခါ၊ ဤတိကျသော ဥပမာများကို ပေါင်းစပ်ခြင်းမှတစ်ဆင့်၊ ၎င်းတို့ကို ဆန်းစစ်လေ့လာပြီး နှိုင်းယှဉ်ခြင်းမှတစ်ဆင့်၊ဤအကြောင်းအရာသည် သင့်အတွက် ပို၍ ရှင်းလင်းလာပြီလော။ ငါယခုတင် ဆွေးနွေးခဲ့သော ဤလူသည် အနာဂတ်တွင် သမ္မာတရားကို လိုက်စားနိုင်ခြင်း ရှိမရှိဟူသည်မှာ မသိရပေ။ ထိုအရာသည် ပြောရန် ခက်ခဲပြီး ယခု မည်သည့်ကောက်ချက်ကိုမျှ ကျွန်ုပ်တို့ ဆွဲမည်မဟုတ်။ သို့ရာတွင် အချက်တစ်ချက်မှာ သေချာပါသည်၊ သူ၏ စိတ်သဘောထား၊ အနှစ်သာရနှင့် သဘာဝအားလုံး ကောက်ကျစ်ဆိုးယုတ်ခဲ့သည်။ သို့ဆိုလျှင် သူ အဘယ်အရာကို ချစ်မြတ်နိုးခဲ့သနည်း။ မျှတမှုနှင့် ဖြောင့်မတ်ခြင်းကို ချစ်မြတ်နိုးခဲ့ပါသလော။ ဘုရားသခင် ပြောဆိုခဲ့သော သမ္မာတရားအမျိုးမျိုးကို သူ ချစ်မြတ်နိုးခဲ့ပါသလော။ ရိုးသားသောလူတစ်ဦး ဖြစ်ခြင်း၊ အခြားသူများကို မျှတစွာ ဆက်ဆံခြင်း၊ စည်းမျဉ်းများဖြင့် ပြုမူခြင်းနှင့် သမ္မာတရားကို ရှာဖွေခြင်းတို့ကို သူ ချစ်မြတ်နိုးခဲ့ပါသလော။ သူသည် ဤအရာများကို ချစ်မြတ်နိုးခဲ့ပါသလော။ သူသည် ယင်းတို့ထဲမှ မည်သည့်အရာကိုမျှ မချစ်မြတ်နိုးခဲ့ပေ၊ ဤသည်မှာ တစ်ရာရာခိုင်နှုန်း သေချာပါသည်။ သူပြောခဲ့သော ဤစကားစုအနည်းငယ်နှင့် သူမေးခဲ့သော ဤမေးခွန်းအနည်းငယ်မှတစ်ဆင့်၊ သူ၏ စိတ်နှလုံးအတွင်းနှင့် သူ၏ အရိုးများထဲ၌ သူချစ်မြတ်နိုးခဲ့သော အရာများက ပေါ်လွင်သွားခဲ့သည်။ ထိုအရာများထဲတွင် အပြုသဘောဆောင်သော အရာများနှင့် ကိုက်ညီသည့် အရာတစ်ခုမျှ မရှိခဲ့ပေ။ သူနှစ်သက်ပြီး ကာကွယ်ပေးလိုစိတ်ရှိခဲ့သော လူများမှာ မည်သူများ ဖြစ်သနည်း။ သူသည် မကောင်းမှုပြုသောသူများ၊ အသင်းတော်အလုပ်ကို အဖျက်အမှောင့်လုပ်သောသူများ၊ သစ္စာစောင့်သိမှု လုံးဝကင်းမဲ့ပြီး မိမိတို့၏ တာဝန်များကို ထမ်းဆောင်ရာ၌ မကောင်းမှုများစွာတွင် ပါဝင်ပတ်သက်သောသူများကို ကာကွယ်ခဲ့သည်။ သူသည် ထိုသို့သောလူများကို အမျက်ဒေါသဖြင့် သို့မဟုတ် မုန်းတီးခြင်းဖြင့် မရှုမြင်ခဲ့ပေ၊ သူတို့အတွက်ပင် ထောက်ခံပြောဆိုပေးပြီး ကာကွယ်ပေးခဲ့သည်။ ဤသည်မှာ အဘယ်အရာကို ညွှန်ပြသနည်း။ သူတို့က တစ်မျိုးတစ်စားတည်းဖြစ်ကြသည်ကို ညွှန်ပြပေသည်။ သူတို့တွင်တူညီသော အကျိုးစီးပွားများနှင့် တူညီသော အနှစ်သာရ ရှိကြသည်။ သူတို့သည် ပင်ကိုအားဖြင့် အချင်းချင်း သဘောတူညီမှုရှိကြပြီး ဆိုးရွားသော အမျိုးအစားတစ်ခုတည်းရှိသည့် လူနှစ်ဦး ဖြစ်ကြသည်။ အချို့သော ညီအစ်ကိုမောင်နှမများက ဘုရားသခင်၏ နှုတ်ကပတ်တော်များနှင့် လုပ်ဆောင်ချက်များအပေါ် အယူအဆများနှင့် အထင်လွဲမှားမှုများကို ဆက်လက်ထားရှိသောအခါ ဤခေါင်းဆောင် မည်သို့ ခံစားခဲ့သနည်း။ ဤပြဿနာများကို ဖြေရှင်းခြင်းနှင့် ပတ်သက်လာသည့်အခါ သူသည် ဝန်ထုပ်ထမ်းသလော။ (မထမ်းပါ။) သူသည် ဤဝန်ထုပ် မထမ်းခဲ့ပေ။ ဤပြဿနာများကို သူ မဖြေရှင်းခဲ့ သို့မဟုတ် ဤကိစ္စရပ်များကို အာရုံမစိုက်ခဲ့ပေ၊ သူသည် ယင်းတို့ကို မသိကျိုးကျွန်ပြုခဲ့သည်။ တစ်စုံတစ်ယောက်က ဘုရားသခင်၏ နာမတော်ကို အရှက်ရစေသောအခါ၊ သို့မဟုတ် ဘုရားအိမ်တော်၏ အလုပ်ကို နှောင့်ယှက်ကာ ဖျက်လိုဖျက်ဆီးလုပ်သောအခါ၊ တစ်စုံတစ်ယောက်က သစ္စာစောင့်သိမှု ကင်းမဲ့ပြီး မိမိ၏တာဝန်ကို ဝတ်ကျေတမ်းကျေ ထမ်းဆောင်သောအခါ၊ သို့မဟုတ် မိမိ၏တာဝန်ကို ထမ်းဆောင်စဉ်တွင် ဘုရားအိမ်တော်၏ အကျိုးစီးပွားကို ထိခိုက်စေပြီး နှောင့်ယှက်မှုနှင့် ဖျက်ဆီးမှုကို ဖြစ်ပေါ်စေသောအခါ၊ သို့မဟုတ် အပျက်သဘောဆောင်မှုကို ဖွင့်ထုတ်ပြီး အယူအဆများကို ဖြန့်ဝေသောအခါ ဤအရာများထဲမှ တစ်ခုခုကို ပြဿနာအဖြစ် သူ သတ်မှတ်နိုင်ခဲ့ပါသလော။ သူသည် ယင်းတို့ကို ပြဿနာများအဖြစ် မသတ်မှတ်နိုင်ခဲ့ပေ။ သူက “ဤပြဿနာများ တည်ရှိနေခြင်းသည် ပုံမှန်ပင်ဖြစ်သည်။ မည်သူသည် ဖောက်ပြန်ပျက်စီးခြင်း၏ ထုတ်ဖော်ချက်များ မရှိဘဲ နေသနည်း”ဟု တွေးခဲ့သည်။ သူသည် အဘယ်အရာကို သွယ်ဝိုက်ညွှန်းဆိုနေခဲ့သနည်း။ ထိုလူတို့သည် ဤသို့ ပြုမူရမည်ဖြစ်ပြီး ထိုသို့ဖြင့် သူသည် ထိုမျှ ဆိုးရွားပုံပေါ်မည်မဟုတ်၊ သူသည် “ပုန်းကွယ်” နိုင်ပြီး “အကာအကွယ်ပေးခြင်း” ခံရမည်ဟု သူ သွယ်ဝိုက်ညွှန်းဆိုနေခဲ့ခြင်း ဖြစ်သည်။ ဤသည်မှာ ကောက်ကျစ်ဆိုးယုတ်ခြင်း မဟုတ်လော။ ဤလူတို့သည် အဆက်မပြတ် နှောင့်ယှက်မှုများနှင့် အဖျက်အမှောင့်လုပ်ခြင်းများကို ဖြစ်စေခဲ့ပြီး သူသည် ၎င်းတို့ကို မကိုင်တွယ်ခဲ့ပေ။ ဤအရာကို အခြေခံ၍ ငါ့ကို ပြောကြလော့၊ သူ၌ တရားမျှတစိတ် ရှိခဲ့ပါသလော။ သူသည် သမ္မာတရားကို ချစ်မြတ်နိုးခဲ့ပါသလော။ ဘုရားအိမ်တော်ကို သူ မည်သည့် နေရာမျိုးအဖြစ် မှတ်ယူခဲ့သနည်း။ သူသည် ဘုရားအိမ်တော်ကို ရိုးသားသောလူများ၊ ဘုရားသခင်အပေါ် သစ္စာစောင့်သိသောလူများ၊ ဘုရားသခင်၏ လမ်းခရီးကို လိုက်လျှောက်ပြီး မိမိတို့၏ တာဝန်များကို ထမ်းဆောင်စဉ် မိမိတို့၏ နေရာကို သိသောလူများဖြင့် ပြည့်စေရန် အလိုမရှိခဲ့ပေ။ သူသည် လူတိုင်းအား ဘုရားသခင်၏ နှုတ်ကပတ်တော်များနှင့်ပတ်သက်၍ ပွင့်လင်းစွာ မိတ်သဟာယမဖွဲ့စေချင်ခဲ့၊ ဘုရားသခင်ကို ကျိုးနွံနာခံပြီး သူ့ကို သက်သေမခံစေချင်ခဲ့ပေ။ သူသည် ဘုရားအိမ်တော်ရှိ လူတိုင်းအား ထိုသို့ မဖြစ်စေချင်ခဲ့ပေ။ သို့ဆိုလျှင် သူ အလိုရှိခဲ့သည်မှာ အဘယ်အရာ ဖြစ်သနည်း။ လူတိုင်း မိမိအကျိုးအတွက်သာ ဆက်သွယ်မှုများ ပြုလုပ်ကြရန်၊ အချင်းချင်း၏ အကျိုးစီးပွားကို ကာကွယ်စောင့်ရှောက်ကြရန်၊ အခြားမည်သူ့ကိုမျှ မထိခိုက်စေရန် သို့မဟုတ် မည်သူတစ်ဦးတစ်ယောက်၏ လျှို့ဝှက်ချက်များကိုမျှ မဖော်ထုတ်ရန် သူ အလိုရှိခဲ့သည်။သူသည် လူတိုင်းအား အချင်းချင်း ကာကွယ်စေချင်ပြီး ခိုလှုံခွင့်ပေးစေချင်ကြသည်၊ အခြားသူများ ပြုလုပ်ခဲ့သော မကောင်းမှုတစ်ခုခုကို ပြင်ပလူများမသိအောင် ဖုံးကွယ်ထားစေချင်ပြီး တစ်စုတစ်စည်းတည်း ပြုမူဆောင်ရွက်ကြစေချင်ခဲ့သည်။ ယင်းမှာ သူ အလိုရှိခဲ့သည့်အရာ ဖြစ်သည်။ တစ်စုံတစ်ယောက်က အခြားတစ်ဦး၏ မကောင်းမှုများနှင့် စစ်မှန်သော အခြေအနေများကို လူသိရှင်ကြား ထုတ်ဖော်ပြီး ဤအရာများကို လူသိရှင်ကြား ဖြစ်စေကာ တိုက်ရိုက်ပြောဆိုပြီး လူတိုင်းအား ၎င်းတို့အကြောင်း သိစေသောအခါ သူသည် ထိုသို့သော လုပ်ရပ်များကို မုန်းတီးပြီး စက်ဆုပ်ရွံရှာခဲ့သည်။ မကောင်းမှုများကို ဖုံးကွယ်ပြီး ဖုံးဖိထားသည့်အခါ၊ မုသားများ ဖော်ထုတ်ခြင်းမခံရသည့်အခါတွင်လည်းကောင်း၊ လှည့်ဖြားမှု၌ ပါဝင်ပတ်သက်သူ သို့မဟုတ် ဘုရားအိမ်တော်၏ အကျိုးစီးပွားကို ထိခိုက်စေသူ မည်သူမဆို စည်းမျဉ်းများအတိုင်း ကိုင်တွယ်ဖြေရှင်းခြင်း မခံရသည့်အခါတွင်လည်းကောင်း သူ နှစ်သက်ခဲ့သည်။ သူ ကြီးကြပ်သော အသင်းတော်၌ ဘုရားသခင်၏ နှုတ်ကပတ်တော်များနှင့် စီမံအုပ်ချုပ်ရေးဆိုင်ရာ အမိန့်များ၊ ဘုရားအိမ်တော်၏ အလုပ်အစီအစဉ်များသည် မည်သည့်အရာ ဖြစ်လာခဲ့သနည်း။ ယင်းတို့သည် အနှစ်မဲ့သော စကားများ ဖြစ်လာခဲ့ပြီး အကောင်အထည်ဖော်နိုင်ခြင်း မရှိတော့ပေ။ အဘယ်ကြောင့် အကောင်အထည်ဖော်နိုင်ခြင်း မရှိခဲ့သနည်း။ အဘယ်ကြောင့်ဆိုသော် ၎င်းတို့ကို သူက ဟန့်တားပိတ်ဆို့ခဲ့သောကြောင့် ဖြစ်သည်။ သူသည် ၎င်းတို့ကို ဖြတ်တောက်တားဆီးသည့် အဆီးအတားတစ်ခုဖြစ်လာခဲ့သည်။ ဤသည်မှာ အန္တိခရစ်များက မိမိတို့၏ ကိုယ်ပိုင်ရည်မှန်းချက်များကို စွမ်းဆောင်ရရှိရန်အလို့ငှာ အချက်အလက်များကို လွဲချော်စေခြင်း၊ အချို့သော နည်းဗျူဟာများကို အသုံးပြုခြင်းနှင့် အခြားသူများကို အရူးလုပ်ပြီး လှည့်စားရန် အချို့သော အကြံအစည်များနှင့် ပရိယာယ်များ၌ ပါဝင်ပတ်သက်ခြင်းတို့အားဖြင့် ထုတ်ဖော်သည့် ကောက်ကျစ်ဆိုးယုတ်သော စိတ်သဘောထား ဖြစ်သည်။

အန္တိခရစ်များ အာဏာစွဲကိုင်သော အသင်းတော်များတွင် ဘုရားအိမ်တော်၏ အလုပ်အစီအစဉ်များကို အကောင်အထည်ဖော်နိုင်ခြင်း မရှိပေ။ တစ်ချိန်တည်းမှာပင် ထိုအသင်းတော်များအတွင်း၌ ထူးဆန်းသော ဖြစ်စဉ်တစ်ခု ဖြစ်ပေါ်သည်၊ ယင်းမှာ အကောင်အထည်ဖော်ခြင်း ခံရသည့် တစ်ခုတည်းသောအလုပ်မှာ ဘုရားအိမ်တော်၏ အလုပ်အစီအစဉ်များနှင့် မည်သည့် ပတ်သက်မှုမျှမရှိသော သို့မဟုတ် ဆန့်ကျင်သော အလုပ်ဖြစ်ပြီး၊ ယင်းက ညီအစ်ကိုမောင်နှမများအကြား မတူညီသော ထင်မြင်ယူဆချက်များနှင့် အငြင်းပွားမှုများကို ပေါ်ပေါက်စေကာ အသင်းတော်ကို ကမောက်ကမဖြစ်စေသည်။ ခေါင်းဆောင်အတုအယောင်များသည် မည်သို့ ပြုမူကြသနည်း။ ၎င်းတို့သည် ဘုရားအိမ်တော်၏ အလုပ်အစီအစဉ်များအတိုင်း အလုပ်မလုပ်ကြပေ၊ ယင်းမှာ သူတို့သည် လုပ်စရာဘာမျှမရှိသည့်အလားဖြစ်ပြီး အလုပ်အစီအစဉ်များကို လုံးဝ တုံ့ပြန်ခြင်းမရှိကြပေ။ ဤခေါင်းဆောင်များ လက်အောက်ရှိ လူတို့သည် ဘာမျှမသိကြပေ၊ စည်းမဲ့ကမ်းမဲ့ သဲတစ်ပုံကဲ့သို့ပင် သူတို့ကို စုစည်းပေးသူ မည်သူမျှ မရှိဘဲ လူတိုင်းက မိမိတို့အလိုရှိသည့်အရာကို မိမိတို့အလိုရှိသည့်အတိုင်း ပြုလုပ်ကြသည်။ ခေါင်းဆောင်အတုအယောင်များသည် မည်သည့်ထုတ်ပြန်ချက်ကိုမျှ မဖော်ပြကြသကဲ့သို့ ဤတာဝန်ကိုလည်း မယူကြပေ။ သို့ရာတွင် အန္တိခရစ်များမှာမူ မတူကွဲပြားစွာ ပြုမူကြသည်။ ၎င်းတို့သည် အလုပ်အစီအစဉ်များကို အကောင်အထည်ဖော်ရန် ပျက်ကွက်ရုံသာမက မိမိတို့၏ ကိုယ်ပိုင်ထုတ်ပြန်ချက်များနှင့် ကျင့်ကြံပြုမူမှုများကိုလည်း ထုတ်ဖော်ကြသည်။ အချို့သည် အထက်၏ အလုပ်အစီအစဉ်များကို ယူဆောင်ပြီး ပြုပြင်မွမ်းမံကာ မိမိတို့၏ ကိုယ်ပိုင်ထုတ်ပြန်ချက်များအဖြစ်သို့ ပြောင်းလဲပြီးနောက် ယင်းတို့ကို အကောင်အထည်ဖော်ကြစဉ်တွင် အခြားသူများမှာမူ အထက်၏ အလုပ်အစီအစဉ်များအတိုင်း လုံးဝ ပြုမူခြင်းမရှိဘဲ မိမိတို့၏ ကိုယ်ပိုင်ကိစ္စကိုသာ လုပ်ဆောင်ကြသည်။ ၎င်းတို့သည် အထက်၏ အလုပ်အစီအစဉ်များကို ထိန်ချန်ထားပြီး အောက်သို့ မပို့ပေးဘဲ မိမိတို့လက်အောက်ရှိသူများကို ဘာကိုမျှသိရှိခွင့်မပေးစဉ်တွင် မိမိတို့အလိုရှိရာကို ပြုလုပ်ကြပြီး မိမိတို့လက်အောက်ရှိသူများကို အထင်အမြင်မှားစေရန်နှင့် လှည့်ဖြားရန်အတွက် မိမိတို့၏ ကိုယ်ပိုင်သီအိုရီများနှင့် ထုတ်ပြန်ချက်များကိုပင် လုပ်ကြံဖန်တီးကြသည်။ သို့ဖြစ်၍ အပေါ်ယံအားဖြင့် အန္တိခရစ်များက မည်မျှ စွန့်လွှတ်နိုင်သည် သို့မဟုတ် မည်သို့သော ဆင်းရဲဒုက္ခအား သည်းညည်းခံနိုင်သည်ကို မကြည့်ကြနှင့်။ ၎င်းတို့၏ အပေါ်ယံ လုပ်ဆောင်ချက်များနှင့် အပြုအမူများကို ဘေးဖယ်ထားပြီး ၎င်းတို့လုပ်ဆောင်သော ဤအမှုအရာများ၏ အနှစ်သာရကို ကြည့်ကြလော့။ ၎င်းတို့သည် ဘုရားသခင်နှင့် မည်သည့် ဆက်ဆံရေးမျိုး ရှိကြသနည်း။ ၎င်းတို့သည် ဘုရားသခင် မိန့်ကြားခဲ့ပြီး လုပ်ဆောင်ခဲ့သမျှ အရာအားလုံးကို၊ သိနားလည်ရန် ညီအစ်ကို မောင်နှမတို့အား ဘုရားသခင် တောင်းဆိုသမျှ အရာအားလုံးနှင့် အသင်းတော်၏ အောက်ခြေအဆင့်တွင် အကောင်အထည်ဖော်ရန် သူတောင်းဆိုသမျှ အရာအားလုံးကို ဆန့်ကျင်ကြသည်၊ ဤအရာအားလုံးကို ၎င်းတို့ ဆန့်ကျင်ကြသည်။ အချို့က “ဤအရာများကို အကောင်အထည်ဖော်ရန် ပျက်ကွက်ခြင်းသည် ၎င်းတို့ကို ဆန့်ကျင်ခြင်းနှင့် တူညီပါသလော” ဟု မေးကောင်းမေးနိုင်ပါသည်။ ၎င်းတို့သည် အဘယ်ကြောင့် ဤအရာများကို အကောင်အထည်မဖော်ကြသနည်း။ အကြောင်းမှာ ထိုအရာများကို ၎င်းတို့ သဘောမတူကြသောကြောင့် ဖြစ်သည်။ ထိုအရာများအား ၎င်းတို့ သဘောမတူကြသည်ကို ထောက်ရှုလျှင် ၎င်းတို့သည် ဘုရားအိမ်တော်ထက် မြင့်မြတ်ကြသလော။ ဤအရာများအား ၎င်းတို့ သဘောမတူကြသည်ကို ထောက်ရှုလျှင် ၎င်းတို့၌ ပို၍ကောင်းမွန်သော အစီအစဉ်တစ်ခု ရှိသလော။ မရှိပေ။ သို့ဆိုလျှင် ၎င်းတို့သည် ဤအရာများကို သဘောမတူသောကြောင့်သက်သက် အဘယ်ကြောင့် ယင်းတို့ကို အကောင်အထည်မဖော်ဝံ့ဘဲနေကြသနည်း။ အကြောင်းမှာ ၎င်းတို့သည် အသင်းတော်ကို စိုးမိုးပြီး ထိန်းချုပ်လိုကြသောကြောင့် ဖြစ်သည်။ အကယ်၍ ၎င်းတို့အနေဖြင့် အလုပ်အစီအစဉ်များနှင့် အထက်၏ လိုအပ်ချက်များနှင့်အညီ အမှုအရာများကို အပြည့်အဝ အကောင်အထည်ဖော်ခဲ့ပါက ၎င်းတို့၏ ပံ့ပိုးကူညီမှုများက သတိပြုမိခြင်း ခံရမည်မဟုတ်၊ ထင်ပေါ်မည်မဟုတ်သကဲ့သို့ မည်သူမျှ မြင်တွေ့မည်မဟုတ်ဟု ယုံကြည်ကြလေသည်။ အန္တိခရစ်များအတွက်မူ ဤသည်မှာ ဘေးဒုက္ခတစ်ခု ဖြစ်ပေမည်။ လူတိုင်းက ဘုရားသခင်ကို သက်သေခံပြီး သမ္မာတရားကို ပုံမှန် မိတ်သဟာယဖွဲ့မည်ဆိုလျှင်၊ သမ္မာတရားကို လူတိုင်း နားလည်နိုင်ပြီး ကိစ္စရပ်များကို သမ္မာတရား၏ စည်းမျဉ်းများအတိုင်း ကိုင်တွယ်နိုင်ကာ ပြဿနာများနှင့် ရင်ဆိုင်ရသောအခါ သမ္မာတရားကို ရှာဖွေပြီး ဆုတောင်းကာ ဘုရားသခင်ကို တောင်းလျှောက်နိုင်မည်ဆိုလျှင် ၎င်းတို့၏ လုပ်ငန်းဆောင်တာက အဘယ်အရာ ဖြစ်မည်နည်း။ အန္တိခရစ်တို့သည် သမ္မာတရားကို မလိုက်စားကြသဖြင့် ၎င်းတို့တွင် လုပ်ငန်းဆောင်တာ ရှိမည်မဟုတ်ပေ။ ၎င်းတို့သည် အလှအပအဆင်တန်ဆာများမျှသာ ဖြစ်သွားကြမည်ဖြစ်သည်။ ၎င်းတို့အနေဖြင့် အလှအပအဆင်တန်ဆာများ ဖြစ်သွားပြီး မည်သူမျှက ၎င်းတို့ကို နောက်ထပ် အာရုံမစိုက်တော့ပါက ဤအရာကို ၎င်းတို့ လက်ခံကြမည်လော။ လက်ခံကြမည်မဟုတ်။ ၎င်းတို့သည် အခြေအနေကို အဖတ်ဆယ်ရန် နည်းလမ်းများကို စဉ်းစားကြပေမည်။ အန္တိခရစ်တို့သည် ကောက်ကျစ်ဆိုးယုတ်သော စိတ်သဘောထားနှင့် ကောက်ကျစ်ဆိုးယုတ်သော အနှစ်သာရကို ပိုင်ဆိုင်ကြသည်၊ ညီအစ်ကိုမောင်နှမများအားလုံးက သမ္မာတရားကို လိုက်စားပါက ၎င်းတို့ ထုတ်ဖော်ခံရမည်ကို ကြိုတင်မျှော်မှန်းနိုင်ကြသလော။ အန္တိခရစ်တို့သည် အလွန် ဆိုးရွားကြပြီး သမ္မာတရားကို မလိုက်စားကြပေ၊ ၎င်းတို့သည် ကောက်ကျစ်ဆိုးယုတ်သည်၊ လှည့်ဖြားတတ်သည်၊ တိတ်တဆိတ်အန္တရာယ်ပြုတတ်ပြီး အပြုသဘောဆောင်သော အရာများကို မချစ်မြတ်နိုးကြပေ။ အကယ်၍ လူတိုင်းက သမ္မာတရားကို နားလည်ပါက အန္တိခရစ်များအပေါ် ပိုင်းခြားသိမြင်မှု ရှိကြမည်ဖြစ်သည်။ အန္တိခရစ်တို့သည် ဤအရာကို သိရှိကြသလော။ သိရှိကြပေသည်။ ဤအရာကို ၎င်းတို့၏ စိတ်ဝိညာဉ်များတွင် ၎င်းတို့ ခံစားနိုင်သည်။ ယင်းမှာ သင်သည် တစ်နေရာရာသို့ သွားပြီး နတ်ဆိုးတစ်ကောင်နှင့် ကြုံတွေ့ရသကဲ့သို့ ဖြစ်သည်။ နတ်ဆိုးက သင့်ကို ကြည့်သောအခါ ၎င်းသည် သင့်ကို မနှစ်မြို့ဖွယ်အဖြစ် မြင်ပြီး တစ်ချက်ကြည့်ရုံမျှဖြင့် သင်သည် နတ်ဆိုးကို စက်ဆုပ်ဖွယ်အဖြစ် မြင်ကာ ၎င်းနှင့် စကားမပြောချင်ပေ။ အမှန်တကယ်တွင် ၎င်းသည် သင့်ကို ပုန်ကန်ပြစ်မှားခြင်း သို့မဟုတ် သင့်ကို ထိခိုက်စေသည့်အရာတစ်ခုတလေမျှ လုပ်ဆောင်ခြင်းမရှိခဲ့သော်လည်း သင်သည် ၎င်းကို ကြည့်ရသည်မှာ စက်ဆုပ်ဖွယ်အဖြစ်မြင်ပြီး ၎င်း စကားပြောသည်ကို နားထောင်ခြင်းက သင့်ကို ပို၍ပင် စက်ဆုပ်ရွံရှာစေသည်။ အမှန်တွင် ၎င်းသည် သင့်ကို မသိသကဲ့သို့ သင်သည်လည်း ၎င်းကို မသိပေ။ ဤနေရာတွင် အဘယ်အရာ ဖြစ်ပျက်နေသနည်း။ သင်တို့နှစ်ဦးသည် အမျိုးအစားမတူညီကြကြောင်းကို သင်၏ စိတ်ဝိညာဉ်၌ သင် ခံစားသိရှိနိုင်သည်။ အန္တိခရစ်တို့သည် ဘုရားသခင်၏ ရွေးချယ်ထားသောလူများ၏ ရန်သူများ ဖြစ်ကြသည်။ အကယ်၍ သင်သည် ၎င်းတို့နှင့် ဆက်ဆံသောအခါ သိမြင်မှု သို့မဟုတ် သတိပြုမိခြင်း မရှိပါက သင်သည် အတော်ပင် ထုံအသည် မဟုတ်လော။ အန္တိခရစ်တစ်ဦးသည် စကားများများမပြောဘဲ အကြောင်းပြချက်တစ်ခုကို ဖော်ပြစဉ်၊ ရှုထောင့်တစ်ခုကို တင်ပြစဉ် သို့မဟုတ် ၎င်း၏ လုပ်ရပ်များတွင် သဘောထားတစ်ခုခုကို ထားရှိနေစဉ် စကားအနည်းငယ်မျှသာ ပြောဆိုသောအခါ သင်သည် ဤအရာများကို ရှင်းလင်းစွာ မရိပ်စားမိနိုင်ဟု ဆိုကြပါစို့။ သင်သည် ထိုသူနှင့် အချိန်ကြာမြင့်စွာ ဆက်ဆံပြီး ဤသတိပြုမိခြင်း မရှိသေးဘဲ တစ်နေ့တွင် အထက်က ထိုသူကို အန္တိခရစ်တစ်ဦးအဖြစ် သတ်မှတ်လိုက်သောအခါမှသာ သင်သည် ဤအသိဉာဏ်ပွင့်လင်းမှုကို နောက်ဆုံးတွင် ရရှိပြီး အနည်းငယ် ကြောက်ရွံ့မှု ခံစားရကာ “ထိုမျှ သိသာထင်ရှားသော အန္တိခရစ်တစ်ဦးကို ငါ အဘယ်သို့ ပိုင်းခြားသိမြင်နိုင်ခြင်း မရှိခဲ့ပါသနည်း။ တကယ်ကို သီသီလေး လွတ်သွားခဲ့ပါသည်တကား” ဟု တွေးထင်မည်ဆိုလျှင် သင်သည် အဘယ်မျှ နှေးကွေးပြီး ထုံထိုင်းခြင်း ဖြစ်ရမည်နည်။

အန္တိခရစ်တို့၏ ကောက်ကျစ်ဆိုးယုတ်မှု၌ သိသာထင်ရှားသော လက္ခဏာရပ်တစ်ခု ရှိပြီး ယင်းကို ပိုင်းခြားသိမြင်ခြင်းနှင့်ဆိုင်သည့် လျှို့ဝှက်ချက်ကို သင်တို့အား ငါ မျှဝေမည်။ ယင်းမှာ ၎င်းတို့၏ စကားနှင့် လုပ်ရပ် နှစ်မျိုးစလုံးတွင် သင်သည် ၎င်းတို့၏ ခံစားမှုအထုအတည်များကို နားမလည်နိုင် သို့မဟုတ် ၎င်းတို့၏ စိတ်နှလုံးများထဲသို့ မမြင်နိုင်ခြင်း ဖြစ်သည်။ ၎င်းတို့က သင့်ကို စကားပြောသောအခါ ၎င်းတို့၏ မျက်လုံးများက အမြဲ ဝေ့လည်နေပြီး မည်သို့သော အကြံအစည်မျိုး ၎င်းတို့ ကြံစည်နေသည်ကို သင် မပြောနိုင်ပေ။ တစ်ခါတစ်ရံ ၎င်းတို့ သစ္စာစောင့်သိသည် သို့မဟုတ် အတော်ပင် ရိုးသားဖြူစင်သည်ဟု သင့်ကို ခံစားရစေသော်လည်း ဤသည်မှာ အမှန် မဟုတ်ပေ၊ သင်သည် ၎င်းတို့ကို မည်သည့်အခါမျှ မရိပ်စားမိနိုင်ပေ။ သင်သည် သင့်စိတ်နှလုံးထဲ၌ သီးခြားခံစားချက်တစ်ခု ရှိသည်၊ ၎င်းတို့၏ အတွေးအခေါ်များ၌ နက်ရှိုင်းသော သိမ်မွေ့နက်နဲခြင်းတစ်ခု၊ နားမလည်နိုင်သော နက်ရှိုင်းမှုတစ်ခု ရှိသည်၊ ၎င်းတို့သည် ကောက်ကျစ်စဉ်းလဲသည်ဟူသော ခံစားချက်တစ်ခု ရှိလေသည်။ ဤသည်မှာ အန္တိခရစ်တို့၏ ကောက်ကျစ်ဆိုးယုတ်မှုနှင့်ဆိုင်သည့် ပထမဆုံး လက္ခဏာရပ်ဖြစ်ပြီး ယင်းက အန္တိခရစ်တို့သည် ကောက်ကျစ်ဆိုးယုတ်မှုနှင့်ဆိုင်သည့် အရည်အသွေးတစ်ခုကို ပိုင်ဆိုင်ကြောင်း ညွှန်ပြသည်။ အန္တိခရစ်တို့၏ ကောက်ကျစ်ဆိုးယုတ်မှုနှင့်ဆိုင်သည့် ဒုတိယ လက္ခဏာရပ်မှာ အဘယ်နည်း။ ယင်းမှာ ၎င်းတို့ ပြောဆို၊ လုပ်ဆောင်သမျှ အရာအားလုံးသည် အလွန် အထင်အမြင်မှားစေခြင်း ဖြစ်သည်။ ဤအရာသည် မည်သည့်နေရာ၌ ထင်ရှားသနည်း။ လူတို့၏ စိတ်သဘောထားများကို ခံစားသိရှိရာ၌၊ လူတို့၏ အယူအဆများနှင့် စိတ်ကူးများနှင့် ကိုက်ညီပြီး လက်ခံရန် လွယ်ကူသော အရာများကို ပြောဆိုရာ၌ ၎င်းတို့၏ သီးခြား ကျွမ်းကျင်လိမ္မာမှုတွင်ထင်ရှားပေသည်။ သို့ရာတွင် သင် ပိုင်းခြားသိမြင်သင့်သော အရာတစ်ခု ရှိသည်၊ ၎င်းတို့သည် မိမိတို့ပြောဆိုသော နှစ်လိုဖွယ်အရာများကို မည်သည့်အခါမျှ သရုပ်ထင်စေခြင်း မရှိကြပေ။ ဥပမာအားဖြင့် ၎င်းတို့သည် အခြားသူများအား ရိုးသားသောလူများ မည်သို့ ဖြစ်လာရမည်ဆိုသည်နှင့် ၎င်းတို့အပေါ် တစ်စုံတစ်ရာ ကျရောက်သောအခါ မည်သို့ ဆုတောင်းပြီး ဘုရားသခင်ကို မိမိတို့၏ သခင်အဖြစ် ထားရှိရမည်ဟူသည်တို့ကို ပြောပြလျက် အယူဝါဒများကို ဟောကြသော်လည်း၊ အန္တိခရစ်များ ကိုယ်တိုင်အပေါ် တစ်စုံတစ်ရာ ဖြစ်ပျက်သောအခါ သမ္မာတရားကို ၎င်းတို့ လက်တွေ့မလုပ်ဆောင်ကြပေ။ ၎င်းတို့ ပြုလုပ်သမျှမှာ မိမိတို့၏ ကိုယ်ပိုင်အလိုဆန္ဒအတိုင်း ပြုမူခြင်း၊ မိမိတို့ကိုယ်ကို အကျိုးပြုစေမည့် နည်းလမ်းပေါင်းများစွာကို စဉ်းစားခြင်း၊ အခြားလူတိုင်းကို ၎င်းတို့အား အစေခံစေပြီး ၎င်းတို့၏ ကိစ္စရပ်များကို ကိုင်တွယ်စေခြင်းတို့ ဖြစ်သည်။ ၎င်းတို့သည် ဘုရားသခင်ကို မည်သည့်အခါမျှ ဆုမတောင်းကြသကဲ့သို့ မိမိတို့၏ သခင်အဖြစ်လည်း သူ့ကို မထားရှိကြပေ။ ၎င်းတို့သည် နားကြားကောင်းသော အရာများကို ပြောဆိုကြသော်လည်း ၎င်းတို့၏ လုပ်ရပ်များက ၎င်းတို့ ပြောဆိုသည့်အရာနှင့် မကိုက်ညီပေ။ အရေးယူဆောင်ရွက်သည့်အခါ ၎င်းတို့ ပထမဆုံး ထည့်သွင်းစဉ်းစားသည့်အရာမှာ မိမိတို့ကိုယ်တိုင်အတွက် အကျိုးအမြတ် ဖြစ်သည်။ ၎င်းတို့သည် ဘုရားသခင်၏ စီစဉ်ညွှန်ကြားမှုများနှင့် အစီအစဉ်များကို လက်မခံကြပေ။ အမှုအရာများကို လုပ်ဆောင်သောအခါ ၎င်းတို့ နာခံခြင်းမရှိကြောင်း၊ မိမိတို့ကိုယ်ကို အကျိုးပြုမည့် နည်းလမ်းတစ်ခုနှင့် ရှေ့ဆက်ရမည့် နည်းလမ်းတစ်ခုကို ၎င်းတို့ အမြဲတမ်း ရှာဖွေနေကြောင်း လူတို့က မြင်တွေ့ကြသည်။ ဤသည်မှာ လူတို့ မြင်တွေ့နိုင်သော အန္တိခရစ်တို့၏ လှည့်ဖြားတတ်ပြီး ကောက်ကျစ်ဆိုးယုတ်သည့် ဘက်ခြမ်း ဖြစ်သည်။ အလုပ်လုပ်သောအခါ တစ်ခါတစ်ရံ အန္တိခရစ်တို့သည် အခက်အခဲကို ကြံ့ကြံ့ခံနိုင်ပြီး အဖိုးအခ ပေးနိုင်ကာ တစ်ခါတစ်ရံ အိပ်စက်ခြင်းနှင့် အစာစားခြင်းကိုပင် စွန့်လွှတ်နိုင်သော်လည်း ၎င်းတို့သည် အဆင့်အတန်းရရှိရန် သို့မဟုတ် နာမည်ကျော်ကြားဖို့အတွက်သာ ဤအရာကို လုပ်ဆောင်ကြခြင်း ဖြစ်သည်။ ၎င်းတို့သည် မိမိတို့၏ ရည်မှန်းချက်များနှင့် ပန်းတိုင်များအတွက် အခက်အခဲကို ခံစားကြသော်လည်း ဘုရားအိမ်တော်က ၎င်းတို့အတွက် စီစဉ်ပေးသော အရေးကြီးသည့်အလုပ်နှင့်ပတ်သက်၍မူ ဝတ်ကျေတမ်းကျေ လုပ်ဆောင်ကြပြီး ယင်းကို လုပ်သည်ဆိုရိုမျှသာ လုပ်ဆောင်ကြလေသည်။ သို့ဆိုလျှင် ၎င်းတို့သည် မိမိတို့ လုပ်ဆောင်သမျှ အရာအားလုံး၌ ဘုရားသခင်၏ အစီအစဉ်များကို ကျိုးနွံနာခံကြသလော။ မိမိတို့၏ တာဝန်များကို ၎င်းတို့ ထမ်းဆောင်နေကြသလော။ ဤနေရာ၌ ပြဿနာတစ်ခု ရှိသည်။ အခြား အပြုအမူတစ်မျိုးလည်း ရှိသေးသည်၊ ယင်းမှာ ညီအစ်ကိုမောင်နှမများက မတူညီသော ထင်မြင်ယူဆချက်များကို တင်ပြသောအခါ အန္တိခရစ်တို့သည် လှည့်ပတ်ပြောဆိုလျက်၊ လူတို့အား ထိုညီအစ်ကိုမောင်နှမများနှင့်အတူ အန္တိခရစ်တို့ မိတ်သဟာယဖွဲ့ပြီး ဆွေးနွေးခဲ့သည်ဟု တွေးထင်စေလျက် ဝေ့ဝိုက်သောနည်းလမ်းဖြင့် ထိုထင်မြင်ယူဆချက်များကို ငြင်းပယ်ကြလေသည်။ သို့သော် အဆုံးစွန်တွင်မူ လူတိုင်းက ၎င်းတို့ ပြောသည့်အတိုင်း လုပ်ဆောင်ရမည် ဖြစ်သည်။ လူတို့က ၎င်းတို့၏ စိတ်ကူးများကို လိုက်နာပြီး ၎င်းတို့ ပြောသည့်အတိုင်း လုပ်ဆောင်ကြရန်အလို့ငှာ ၎င်းတို့သည် အခြားလူတို့၏ အကြံပြုချက်များကို ပိတ်ပင်ရန် နည်းလမ်းများကို အမြဲတမ်း ရှာဖွေနေကြသည်။ဤသည်မှာ သမ္မာတရား စည်းမျဉ်းများကို ရှာဖွေခြင်းလော။ သေချာပေါက် မဟုတ်ပေ။ သို့ဆိုလျှင် ၎င်းတို့ အလုပ်၏ စည်းမျဉ်းမှာ အဘယ်နည်း။ ယင်းမှာ လူတိုင်းက ၎င်းတို့စကားနားထောင်ပြီး ၎င်းတို့ကို နာခံရမည်၊ ၎င်းတို့ထက် ပို၍ အလေးဂရုပြုရမည့်သူ မရှိဟူသည့်အပြင် ၎င်းတို့၏ စိတ်ကူးများက အကောင်းဆုံးနှင့် အမြင့်မြတ်ဆုံး ဖြစ်သည် ဟူ၍ ဖြစ်သည်။ အန္တိခရစ်တို့သည် ၎င်းတို့ ပြောဆိုသည့်အရာ မှန်ကန်ကြောင်း၊ ၎င်းတို့သည် သမ္မာတရားဖြစ်ကြောင်း လူတိုင်းကို ခံစားစေလိုကြသည်။ ဤသည်မှာ ကောက်ကျစ်ဆိုးယုတ်သည် မဟုတ်လော။ ဤသည်မှာ အန္တိခရစ်တို့၏ ကောက်ကျစ်ဆိုးယုတ်မှုနှင့်ဆိုင်သည့် ဒုတိယ လက္ခဏာရပ် ဖြစ်သည်။ အန္တိခရစ်တို့၏ ကောက်ကျစ်ဆိုးယုတ်မှုနှင့်ဆိုင်သည့် တတိယ လက္ခဏာရပ်မှာ ၎င်းတို့သည် မိမိတို့ကိုယ်ကို သက်သေခံသောအခါ မိမိတို့၏ ပံ့ပိုးကူညီမှုများ၊ မိမိတို့ ခံစားခဲ့ရသော အခက်အခဲများနှင့် လူတိုင်းအတွက် ၎င်းတို့ လုပ်ဆောင်ခဲ့သော အကျိုးရှိသည့်အရာများကို မကြာခဏ သက်သေခံကြပြီး လူတို့အား ၎င်းတို့အနေဖြင့် အန္တိခရစ်တို့၏ အရိပ်ကိုခိုနေကြခြင်းဖြစ်ကြောင်းကို သတိရစေဖို့အလို့ငှာ ယင်းတို့ကို လူတို့၏ စိတ်ထဲသို့ ရိုက်သွင်းပေးကြလေသည်။ အကယ်၍ တစ်စုံတစ်ယောက်က အန္တိခရစ်တစ်ဦးကို ချီးကျူးပါက သို့မဟုတ် ကျေးဇူးတင်ပါက ၎င်းတို့က၊ “ဘုရားသခင်ကို ကျေးဇူးတင်ပါ။ ဤသည်မှာ ဘုရား၏ လုပ်ဆောင်မှုသာဖြစ်သည်။ ဘုရား၏ ကျေးဇူးတော်သည် ကျွန်ုပ်တို့အတွက် လုံလောက်ပါသည်” ဟူကဲ့သို့သော အလွန် ဝိညာဉ်ရေးရာပြည့်ဝသည့် စကားအချို့ကိုပင် ပြောကောင်းပြောနိုင်သည်။ လူတိုင်းက ၎င်းတို့အား အတော်ပင် ဝိညာဉ်ရေးရာပြည့်ဝကြောင်း၊ ၎င်းတို့အနေဖြင့်ဘုရားသခင်၏ ကောင်းသော အစေခံတစ်ဦး ဖြစ်ကြောင်းကို မြင်တွေ့ကြမည် ဖြစ်သည်။ လက်တွေ့တွင် ၎င်းတို့သည် မိမိတို့ကိုယ်ကို ချီးမြှောက်ပြီး သက်သေခံနေကြခြင်း ဖြစ်ကာ ၎င်းတို့၏ စိတ်နှလုံးထဲ၌ ဘုရားသခင်အတွက် နေရာ လုံးဝ မရှိပေ။ အခြားလူတိုင်း၏ စိတ်ထဲ၌ အန္တိခရစ်၏ အဆင့်အတန်းသည် ဘုရားသခင်၏ အဆင့်အတန်းထက် များစွာ ကျော်လွန်နှင့်ပြီးသား ဖြစ်သည်။ ဤသည်မှာ အန္တိခရစ်များ မိမိတို့ကိုယ်ကို သက်သေခံခြင်း၏ စစ်မှန်သော သက်သေအထောက်အထားဖြစ်သည် မဟုတ်လော။ အန္တိခရစ်တစ်ဦးက အာဏာစွဲကိုင်ပြီး ထိန်းချုပ်ထားသော အသင်းတော်များတွင် ၎င်းတို့သည် လူတို့၏ စိတ်နှလုံးထဲ၌ အမြင့်ဆုံးသော အဆင့်အတန်း ရှိကြသည်။ ဘုရားသခင်က ဒုတိယ သို့မဟုတ် တတိယနေရာ၌သာ ရှိနိုင်သည်။ အကယ်၍ ဘုရားသခင်သည် အန္တိခရစ်တစ်ဦးက အာဏာစွဲကိုင်ထားသော အသင်းတော်သို့ သွားပြီး တစ်စုံတစ်ခု ပြောဆိုပါက သူပြောဆိုသည့်အရာသည် ထိုနေရာရှိ လူတို့က နားဝင်ကြလိမ့်မည်လော။ ယင်းကို စိတ်နှလုံးထဲမှ ၎င်းတို့ လက်ခံကြလိမ့်မည်လော။ ပြောရန် ခက်ခဲသည်။ ဤသည်မှာ အန္တိခရစ်များက မိမိတို့ကိုယ်ကို သက်သေခံရန် မည်မျှ ကြိုးစားအားထုတ်ကြသည်ကို သက်သေပြဖို့ လုံလောက်သည်။ ၎င်းတို့သည် ဘုရားသခင်အတွက် လုံးဝ သက်သေမခံကြဘဲ ဘုရားသခင်အတွက် သက်သေခံရန် မိမိတို့၏ အခွင့်အရေးအားလုံးကို မိမိတို့ကိုယ်ကို သက်သေခံရန်အတွက်သာ အသုံးပြုကြသည်။ အန္တိခရစ်များ အသုံးပြုသော ဤနည်းဗျူဟာသည် တိတ်တဆိတ်အန္တရာယ်ပြုတတ်သည် မဟုတ်လော။ ယင်းမှာ အလွန့်အလွန် ကောက်ကျစ်ဆိုးယုတ်သည် မဟုတ်လော။ ဤနေရာ၌ မိတ်သဟာယဖွဲ့ခဲ့သော ဤလက္ခဏာရပ်သုံးခုအားဖြင့် အန္တိခရစ်များကို ပိုင်းခြားသိမြင်ရန် လွယ်ကူပေသည်။

အန္တိခရစ်တို့၌ နောက်ထပ် လက္ခဏာရပ်တစ်ခု ရှိပြီး ယင်းမှာ ၎င်းတို့၏ ကောက်ကျစ်ဆိုးယုတ်သော စိတ်သဘောထားနှင့်ဆိုင်သည့် အဓိက သရုပ်သကန်တစ်ခုလည်း ဖြစ်သည်။ ယင်းမှာ ဘုရားအိမ်တော်က သမ္မာတရားကို မည်သို့ပင် မိတ်သဟာယဖွဲ့စေကာမူ၊ ဘုရားသခင်၏ ရွေးချယ်ထားသောလူများက ၎င်းတို့၏ မိမိကိုယ်ကို သိကျွမ်းခြင်းအပေါ် မည်သို့ပင် မိတ်သဟာယဖွဲ့စေကာမူ၊ သို့မဟုတ် တရားစီရင်ခြင်း၊ ပြစ်တင်ဆုံးမခြင်းနှင့် ပြုပြင်ခြင်းတို့ကို မည်သို့ပင် လက်ခံစေကာမူ အန္တိခရစ်တို့က ထိုအရာကို လုံးဝ ဂရုမစိုက်ခြင်း ဖြစ်သည်။ ၎င်းတို့သည် ကျော်ကြားမှု၊ အကျိုးအမြတ်နှင့် အဆင့်အတန်းကို လိုက်စားနေကြဆဲဖြစ်ပြီး ကောင်းချီးမင်္ဂလာများ ရရှိရန် ၎င်းတို့၏ ရည်ရွယ်ချက်နှင့် လိုအင်ဆန္ဒကို မည်သည့်အခါမျှ မစွန့်လွှတ်ကြပေ။ အန္တိခရစ်တို့၏ စိတ်များထဲတွင်၊ လူတစ်ဦးသည် တာဝန်တစ်ခုကို ထမ်းဆောင်နိုင်သရွေ့၊ အဖိုးအခတစ်ခုကို ပေးဆပ်နိုင်ပြီး အခက်အခဲအချို့ကို ခံစားနိုင်သရွေ့ ထိုသူသည် ဘုရားသခင်၏ ကောင်းချီးပေးခြင်းခံရသင့်သည် ဟူ၍ ဖြစ်သည်။ သို့ဖြစ်၍ အသင်းတော်အလုပ်ကို အတန်ကြာ လုပ်ဆောင်ပြီးနောက် ၎င်းတို့သည် အသင်းတော်အတွက် ၎င်းတို့ လုပ်ဆောင်ခဲ့သော အလုပ်များ၊ ဘုရားအိမ်တော်အတွက် ၎င်းတို့ ပြုလုပ်ခဲ့သော ပံ့ပိုးမှုများနှင့် ညီအစ်ကိုမောင်နှမများအတွက် ၎င်းတို့ လုပ်ဆောင်ခဲ့သော အရာများကို စတင်၍ စာရင်းပြုစုကြသည်။ ၎င်းတို့သည် မိမိတို့ လုပ်ဆောင်သည့်အရာက အကျိုးနပ်ခြင်းရှိမရှိကို ဆုံးဖြတ်နိုင်ရန်အလို့ငှာ ဘုရားသခင်ထံမှ မည်သည့် ကျေးဇူးတော်များနှင့် ကောင်းချီးမင်္ဂလာများကို ရရှိမည်ကို စောင့်ဆိုင်းလျက် ဤအရာအားလုံးကို မိမိတို့၏ စိတ်ထဲ၌ ခိုင်မြဲစွာ မှတ်သားထားကြလေသည်။ အဘယ်ကြောင့် ထိုသို့သော အမှုအရာများနှင့်ပတ်သက်၍ ၎င်းတို့ အမြဲ စိတ်စွဲလမ်းနေကြသနည်း။ ၎င်းတို့၏ စိတ်နှလုံးအတွင်း၌ ၎င်းတို့ လိုက်စားနေသည့်အရာမှာ အဘယ်အရာ ဖြစ်သနည်း။ ဘုရားသခင်၌ ၎င်းတို့ ယုံကြည်ခြင်း၏ ရည်မှန်းချက်မှာ အဘယ်အရာ ဖြစ်သနည်း။ အစကတည်းမှစ၍၊ ဘုရားသခင်၌ ၎င်းတို့၏ ယုံကြည်ခြင်းသည် ကောင်းချီးမင်္ဂလာများ ရရှိခြင်းနှင့်ပတ်သက်နေခဲ့သည်။ ပြီးလျှင် ၎င်းတို့သည် တရားဒေသနာများကို နှစ်ပေါင်းမည်မျှ နားထောင်သည်ဖြစ်စေ၊ ဘုရားနှုတ်ကပတ်တော်များကို ၎င်းတို့ မည်မျှ စားသောက်သည်ဖြစ်စေ၊ အယူဝါဒ မည်မျှ နားလည်သည်ဖြစ်စေ ၎င်းတို့သည် ကောင်းချီးခံစားရန်ဖြစ်သည့် ၎င်းတို့၏ လိုအင်ဆန္ဒနှင့် ရည်ရွယ်ချက်ကို မည်သည့်အခါမျှ စွန့်လွှတ်ကြလိမ့်မည် မဟုတ်ပေ။ ၎င်းတို့အနေဖြင့် တာဝန်သိတတ်သော ဖန်ဆင်းခံတစ်ဦး ဖြစ်ရန်လည်းကောင်း၊ ဘုရားသခင်၏ အချုပ်အခြာအာဏာနှင့် အစီအစဉ်များကို လက်ခံရန်လည်းကောင်း သင် တောင်းဆိုပါက ၎င်းတို့က “ထိုအရာသည် ကျွန်ုပ်နှင့် မည်သည့် ပတ်သက်မှုမျှမရှိပါ။ ယင်းမှာ ကျွန်ုပ် ကြိုးပမ်းသင့်သည့်အရာ မဟုတ်ပါ။ ကျွန်ုပ် ကြိုးပမ်းသင့်သည့်အရာမှာ တိုက်ပွဲကို ကျွန်ုပ် တိုက်ခိုက်ပြီးသည့်အခါ၊ လိုအပ်သော ကြိုးပမ်းအားထုတ်မှုကို ကျွန်ုပ် ပြုလုပ်ပြီး လိုအပ်သော အခက်အခဲကို ကျွန်ုပ် ခံစားပြီးသည့်အခါ၊ ဘုရား တောင်းဆိုသည့်အတိုင်း ဤအရာကို ကျွန်ုပ် လုပ်ဆောင်ပြီးသည်နှင့်တစ်ပြိုင်နက် ဘုရားသည် ကျွန်ုပ်ကို ဆုချီးမြှင့်ပြီး ဆက်ရှိနေခွင့်ပြုသင့်ကာ နိုင်ငံတော်၌ သရဖူဆောင်းခွင့်ပြုသင့်ပြီး ဘုရား၏လူများထက် ပို၍မြင့်သော ရာထူးကို ကိုင်စွဲခွင့်ပေးသင့်သည်။ အနည်းဆုံးအနေဖြင့် ကျွန်ုပ်သည် မြို့နှစ်မြို့ သို့မဟုတ် သုံးမြို့ကို အုပ်ချုပ်သင့်သည်” ဟု ပြောဆိုကြလိမ့်မည်။ ဤသည်မှာ အန္တိခရစ်တို့ အရေးအထားဆုံးသော အရာဖြစ်သည်။ ဘုရားအိမ်တော်က သမ္မာတရားကို မည်သို့ပင် မိတ်သဟာယဖွဲ့စေကာမူ ကောင်းချီးမင်္ဂလာများ ရရှိရန်ဖြစ်သော ၎င်းတို့၏ ရည်ရွယ်ချက်နှင့် လိုအင်ဆန္ဒကို ဖယ်ရှား၍မရနိုင်ပေ၊ ၎င်းတို့သည် ပေါလုနှင့် လူတစ်မျိုးတစ်စားတည်း ဖြစ်ကြသည်။ ထိုသို့သော ဗြောင်ကျသော အပေးအယူတစ်ခုသည် ကောက်ကျစ်ဆိုးယုတ်ပြီး ရက်စက်ကြမ်းကြုတ်သော စိတ်သဘောထားတစ်မျိုးကို ထားရှိသည် မဟုတ်လော။ အချို့သော ဘာသာရေးသမားများက “ကျွန်ုပ်တို့၏ မျိုးဆက်သည် လက်ဝါးကပ်တိုင်လမ်းကြောင်းပေါ်တွင် ဘုရားနောက်လိုက်ကြသည်။ ဘုရားက ကျွန်ုပ်တို့ကို ရွေးချယ်ခဲ့သည်၊ ထို့ကြောင့် ကျွန်ုပ်တို့သည် ကောင်းချီးခံစားပိုင်ခွင့် ရှိသည်။ ကျွန်ုပ်တို့သည် ဆင်းရဲဒုက္ခခံစားခဲ့ပြီး အဖိုးအခကို ပေးဆပ်ပြီးဖြစ်ကာ ခါးသီးသော ခွက်ဖလားထဲမှ စပျစ်ရည်ကို သောက်ကြပြီးဖြစ်သည်။ ကျွန်ုပ်တို့ထဲမှ အချို့သည် ဖမ်းဆီးခြင်းခံရကာ ထောင်ဒဏ်ချမှတ်ခြင်းကိုပင် ခံရပြီးဖြစ်သည်။ ဤဆင်းရဲဒုက္ခအားလုံးကို ခံစားပြီးနောက်၊ တရားဒေသနာများစွာကို နားထောင်ပြီးနောက်၊ သမ္မာကျမ်းစာအကြောင်း များစွာ လေ့လာသင်ယူပြီးနောက်၊ အကယ်၍ တစ်နေ့တွင် ကျွန်ုပ်တို့သည် ကောင်းချီးမခံစားရပါက၊ တတိယကောင်းကင်ဘုံသို့ ကျွန်ုပ်တို့သွားပြီး ဘုရားနှင့် အငြင်းအခုံပြုကြမည်ဖြစ်သည်”ဟု ပြောဆိုကြသည်။ သင်တို့သည် ဤသို့သော အရာတစ်ခုတလေကို ကြားဖူးသလော။၎င်းတို့သည် ဘုရားသခင်နှင့် အငြင်းအခုံပြုရန် တတိယကောင်းကင်ဘုံသို့ သွားမည်ဟု ဆိုကြသည်၊ ယင်းမှာ အဘယ်မျှ ရဲတင်းလိုက်သနည်း။ ယင်းကို ကြားရုံမျှက သင်တို့ကို ကြောက်ရွံ့မှု မဖြစ်စေသလော။ မည်သူသည် ဘုရားသခင် စမ်းကာ အငြင်းအခုံပြုဝံ့သနည်း။ ကံကောင်းထောက်မစွာပင် ၎င်းတို့ ယုံကြည်သော ယေရှုသည် ကောင်းကင်ဘုံသို့ အချိန်ကြာမြင့်စွာကပင် တက်ကြွသွားပြီး ဖြစ်သည်။ အကယ်၍ ယေရှုသည် မြေကြီးပေါ်၌ ရှိနေသေးမည်ဆိုလျှင် ၎င်းတို့သည် သူ့ကို တစ်ဖန် ကားစင်တင်ဖို့ ကြိုးစားကြမည် မဟုတ်လော။ အချို့သောလူတို့သည် လူတို့၌ ဤသို့သော သတ္တိနှင့် စိတ်ပိုင်းဖြတ်မှုမျိုး ရှိသင့်သည်ဟု တွေးထင်လျက် ဘုရားသခင်ကို စတင်ယုံကြည်ခါစတွင် ထိုသို့သော စကားများသည် အစွမ်းထက်ပြီး စွဲဆောင်မှုရှိသည်ဟု အစပိုင်း၌ ခံစားကောင်းခံစားရနိုင်သည်မှာ အမှန်ဖြစ်၏။ သို့သော် ယခုအချိန်အထိ ယုံကြည်လာပြီးနောက် ဤစကားများကို သင်တို့ မည်သို့ ရှုမြင်ကြသနည်း။ ထိုသို့သောလူများသည် ကောင်းကင်တမန်မင်းများဖြစ်ကြသည် မဟုတ်လော။ ၎င်းတို့သည် စာတန်များဖြစ်ကြသည် မဟုတ်လော။ သင်သည် မည်သူနှင့်မဆို အငြင်းအခုံပြုနိုင်သော်လည်း ဘုရားသခင်နှင့်မူ ငြင်းခုံ၍မရနိုင်ပေ။ သင်သည် ထိုသို့သော အရာတစ်ခုကို မလုပ်ဆောင်သင့် သို့မဟုတ် လုပ်ဆောင်ဖို့ စဉ်းစားပင် မစဉ်းစားသင့်ပေ။ ကောင်းချီးမင်္ဂလာများသည် ဘုရားသခင်ထံမှ လာသည်၊ သူသည် မိမိအလိုရှိသော မည်သူ့ကိုမဆို ထိုကောင်းချီးများကို ပေးသည်။ အကယ်၍ သင်သည် ကောင်းချီးမင်္ဂလာများ လက်ခံရရှိရန် သတ်မှတ်ချက်များ ပြည့်မီပြီး ဘုရားသခင်က ထိုကောင်းချီးများကို သင့်အား မပေးအပ်သည့်တိုင် သင်သည် ဘုရားသခင်နှင့် အငြင်းအခုံ မပြုသင့်ပေ။ စကြဝဠာတစ်ခုလုံးနှင့် လူသားမျိုးနွယ်အားလုံးသည် ဘုရားသခင်၏ အုပ်စိုးမှုအောက်၌ ရှိသည်၊ ဘုရားသခင်က အဆုံးအဖြတ်ပေးသည်။ သေးငယ်သော လူသားတစ်ဦးမျှသာဖြစ်သည့် သင်သည် ဘုရားသခင်နှင့် အဘယ်သို့ဖြစ်ပြီး အငြင်းအခုံပြုဝံ့သနည်း။ သင်၏ စွမ်းရည်များကို သင် အဘယ်သို့ဖြစ်ပြီး အလွန် အထင်ကြီးနိုင်ရပါသနည်း။ သင် မည်သူဖြစ်သည်ကို သိရှိရန် မှန်ကို အဘယ်ကြောင့် မကြည့်သနည်း။ ဖန်ဆင်းရှင်ကို ဤသို့ ကန့်ကွက်ပြောဆိုပြီး ယှဉ်ပြိုင်ဝံ့ခြင်းအားဖြင့် သင်သည် သေခြင်းကို ဖိတ်ခေါ်နေသည် မဟုတ်လော။ “အကယ်၍ တစ်နေ့တွင် ကျွန်ုပ်တို့ ကောင်းချီးမခံစားရပါက၊ တတိယကောင်းကင်ဘုံသို့ ကျွန်ုပ်တို့ သွားပြီး ဘုရားနှင့် အငြင်းအခုံပြုကြမည်” ဟူသည်မှာ ဘုရားသခင်ကို ပွင့်လင်းစွာ ကန့်ကွက်ပြောဆိုသော ထုတ်ပြန်ချက်တစ်ခု ဖြစ်သည်။ တတိယကောင်းကင်ဘုံသည် မည်သည့် နေရာမျိုး ဖြစ်သနည်း။ ဘုရားသခင် စံမြန်းရာအရပ် ဖြစ်သည်။ ဘုရားသခင်နှင့် အငြင်းအခုံပြုရန် တတိယကောင်းကင်ဘုံသို့ သွားဝံ့ခြင်းသည် ဘုရားသခင်ကို “ဖြုတ်ချရန်” ကြိုးစားခြင်းနှင့် ညီမျှသည်။ ဤသည်မှာ အမှန်တကယ်ပင်ဖြစ်သည် မဟုတ်လော။ အချို့က “ဤအရာသည် အန္တိခရစ်များနှင့် မည်သည့် ပတ်သက်မှုရှိသနည်း”ဟု မေးကောင်းမေးနိုင်ပါသည်။ ၎င်းတို့နှင့် များစွာ ပတ်သက်သည်၊ အကြောင်းမှာ ဘုရားသခင်နှင့် အငြင်းအခုံပြုရန် တတိယကောင်းကင်ဘုံသို့ သွားလိုသောသူအားလုံးသည် အန္တိခရစ်များ ဖြစ်ကြသောကြောင့် ဖြစ်သည်။ အန္တိခရစ်များသာလျှင် ထိုသို့သော စကားများကို ပြောဆိုနိုင်ကြသည်။ ဤသို့သော စကားများသည် အန္တိခရစ်တို့က ၎တို့၏ စိတ်နှလုံးအတွင်း၌ ထားရှိသော သဘောထားဖြစ်သည်။ ဤသည်မှာ ၎င်းတို့၏ ကောက်ကျစ်ဆိုးယုတ်မှု ဖြစ်သည်။ အန္တိခရစ်တို့သည် ဤစကားများကို ပွင့်လင်းစွာ ပြောကောင်းမပြောနိုင်သော်လည်း ၎င်းတို့၏ စိတ်နှလုံးအတွင်း၌ ဤအရာများကို အမှန်တကယ် ထားရှိကြသည်၊ ၎င်းတို့က ထိုအရာများကိုမထုတ်ဖော်ပြဝံ့သကဲ့သို့ မည်သူတစ်ဦးတစ်ယောက်ကိုမျှ ထိုအရာများအကြောင်း သိရှိခွင့် မပေးကြခြင်းသာ ဖြစ်သည်။ သို့ရာတွင် ၎င်းတို့၏ စိတ်နှလုံးအတွင်းရှိ လိုအင်ဆန္ဒများနှင့် ရည်မှန်းချက်များသည် မငြိမ်းနိုင်သော မီးများကဲ့သို့ လောင်ကျွမ်းနေသည်။ ဤသည်မှာ အဘယ်ကြောင့်နည်း။ အကြောင်းမှာ အန္တိခရစ်တို့သည် သမ္မာတရားကို မချစ်မြတ်နိုးသောကြောင့် ဖြစ်သည်။ ၎င်းတို့သည် ဘုရားသခင်၏ မျှတမှုနှင့် ဖြောင့်မတ်ခြင်း၊ ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်းတို့ကို မချစ်မြတ်နိုးကြသကဲ့သို့ ဘုရားသခင်၏ အနန္တတန်ခိုး၊ ဉာဏ်ပညာနှင့် အရာခပ်သိမ်းအပေါ် သူ၏ အချုပ်အခြာအာဏာတို့ကိုလည်း သေချာပေါက် မချစ်မြတ်နိုးကြပေ။ ၎င်းတို့သည် ဤအရာများထဲမှ မည်သည့်အရာကိုမျှ မချစ်မြတ်နိုးကြဘဲ ယင်းတို့ကို မုန်းတီးကြသည်။ သို့ဆိုလျှင် အဘယ်အရာကို ၎င်းတို့ ချစ်မြတ်နိုးကြသနည်း။ ၎င်းတို့သည် အဆင့်အတန်းကို ချစ်မြတ်နိုးပြီး ဆုလာဘ်များကို ဂရုစိုက်ကြသည်။ ၎င်းတို့က “ကျွန်ုပ်တွင် ဆုကျေးဇူးများ၊ အရည်အချင်းများနှင့် စွမ်းရည်များ ရှိသည်။ ကျွန်ုပ်သည် အသင်းတော်အတွက် ကြိုးစားအားထုတ်ခဲ့ပြီးဖြစ်သောကြောင့် ဘုရားက ငါ့ကို ပြန်ဆပ်ပေးပြီး ဆုလာဘ်များ ပေးရမည်” ဟု ပြောဆိုကြသည်။ ၎င်းတို့ ဒုက္ခရောက်ပြီ မဟုတ်လော။ ဤသည်မှာ သေခြင်းကို ဖိတ်ခေါ်နေခြင်း မဟုတ်လော။ ယင်းမှာ ဘုရားသခင်ကို တိုက်ရိုက် စိန်ခေါ်ခြင်း မဟုတ်လော။ ဖန်ဆင်းရှင်ကို စိန်ခေါ်နေခြင်း မဟုတ်လော။ ၎င်းတို့၏ လှံသွားများကို ဘုရားသခင်၊ ဖန်ဆင်းရှင်ထံသို့ တိုက်ရိုက် ချိန်ရွယ်ဝံ့ခြင်းသည် ကောင်းကင်တမန်မင်း၊ စာတန်သာလျှင် လုပ်ဆောင်နိုင်စွမ်းရှိသော အရာတစ်ခု ဖြစ်သည်။ အကယ်၍ ထိုသို့သော သဘောထာအမြင်များရှိသည့်၊ ထိုသို့သော လုပ်ရပ်များကို လုပ်ဆောင်နိုင်စွမ်းရှိသော လူများ အမှန်တကယ် ရှိနေပါက ၎င်းတို့သည် အန္တိခရစ်များ ဖြစ်သည်မှာ သံသယဖြစ်ဖွယ် မရှိပေ။ မြေကြီးပေါ်၌ အန္တိခရစ်များသာလျှင် ဘုရားသခင်ကို ဤသို့ ပွင့်လင်းစွာ အတိုက်အခံလုပ်ပြီး သူ့အပေါ် တရားစီရင်ဝံ့ကြသည်။ အချို့က “ကျွန်ုပ်တို့ မြင်တွေ့ခဲ့သော အန္တိခရစ်တို့သည် ဤမျှ ရဲတင်းခြင်း သို့မဟုတ် မျက်နှာပြောင်တိုက်ခြင်း မရှိခဲ့ကြပါ” ဟု ဆိုကောင်းဆိုနိုင်သည်။ ဤအရာကို အန္တိခရစ်တို့ ရှိနေသော ပတ်ဝန်းကျင်နှင့် အခြေအနေအရ ရှုမြင်ရန် လိုအပ်သည်။ ၎င်းတို့အနေဖြင့် အာဏာ အပြည့်အဝ မရရှိသေးသကဲ့သို့ အခြေမကျသေးမီတွင် ၎င်းတို့၏ ထေ့ငေါ့သော မကျေနပ်သံများကို မည်သို့ ထုတ်ဖော်ဝံ့မည်နည်း။ အန္တိခရစ်တို့သည် ထကြွရန် အခါသင့်သော အချိန်ကို စောင့်ဆိုင်းလျက် မိမိတို့အချိန်ကို စောင့်ဖို့သိကြသည်။ ၎င်းတို့ မိမိတို့ကိုယ်ပိုင် အခြေအနေသို့ ရောက်ရှိသောအခါ ၎င်းတို့၏ ထေငေါ့သော မကျေနပ်သံများက လုံးဝ ပေါ်လွင်သွားလိမ့်မည်။ အချို့သော အန္တိခရစ်တို့သည် အဆင့်အတန်း ကင်းမဲ့နေစဉ် မိမိတို့၏ စစ်မှန်သော စရိုက်ကို အတော်ပင် ကောင်းမွန်စွာ ဖုံးကွယ်ထားကြပြီး အပေါ်ယံအားဖြင့် ၎င်းတို့တွင် မည်သည့်ပြဿနာမျှ မမြင်ရနိုင်သော်လည်း အဆင့်အတန်းကို ၎င်းတို့ ရရှိပြီး အခြေကျသည်နှင့်တစ်ပြိုင်နက် ၎င်းတို့၏ ကောက်ကျစ်ဆိုးယုတ်မှုနှင့် အကျည်းတန်မှုတို့က လုံးဝ ဖွင့်ချခြင်းခံရလေသည်။ ယင်းမှာ သမ္မာတရား လက်တွေ့ကျမှု ကင်းမဲ့သော အချို့သောလူများကဲ့သို့ ဖြစ်သည်။ ၎င်းတို့၌ မည်သည့်အဆင့်အတန်းမျှ မရှိသောအခါ ၎င်းတို့သည် ပြုပြင်ခြင်းကို အင်တင်တင်ဖြင့်သာ ကျိုးနွံနာခံနိုင်ပြီး ၎င်းတို့၏ စိတ်နှလုံးများထဲ၌ ဆန့်ကျင်ဖီဆန်ခြင်း မရှိကြပေ။ သို့ရာတွင် အကယ်၍ ၎င်းတို့သည် ခေါင်းဆောင်များ သို့မဟုတ် အမှုဆောင်များ ဖြစ်လာပြီး ဘုရားသခင်၏ ရွေးချယ်ထားသောလူများအကြား ဂုဏ်ဒြပ်အချို့ ရရှိပါက ၎င်းတို့ ပြုပြင်ခြင်း ခံရသောအခါ ၎င်းတို့၏ သရုပ်အမှန်များကို ဖော်ထုတ်ပြီး ဘုရားသခင်နှင့် စတင်အငြင်းအခုံပြုကာ သူ့ကို ကန့်ကွက်ပြောဆိုရန် အလွန် အလားအလာရှိပေသည်။ ယင်းမှာ အချို့သောလူတို့က ပုံမှန်အခြေအနေများတွင် မိမိတို့၏ တာဝန်များကို ကောင်းမွန်စွာ ထမ်းဆောင်ပြီး မည်သည့်မကျေနပ်ချက်မျှ မရှိကြသော်လည်း အကယ်၍ ကင်ဆာရောဂါနှင့်လည်းကောင်း၊ လျင်မြန်စွာ ချဉ်းကပ်လာသော သေခြင်းနှင့်လည်းကောင်း ရင်ဆိုင်ရပါက ၎င်းတို့၏ သရုပ်အမှန်များအား ဖော်ထုတ်ရန် အလွန် အလားအလာရှိသည့်ပုံစံသကဲ့သို့ ဖြစ်သည်။ ၎င်းတို့သည် ဘုရားသခင်ကို မကျေမနပ် ပြောဆိုခြင်း၊ သူနှင့် အငြင်းအခုံပြုခြင်း၊ သူ့ကို ကန့်ကွက်ပြောဆိုခြင်းတို့အား စတင်ပြုလုပ်ကြလိမ့်မည်။ အန္တိခရစ်များဖြစ်သည့်၊ ဤလူအုပ်စုသည် သမ္မာတရားကို အလွန်အမင်း မနှစ်မြို့သကဲ့သို့ သမ္မာတရားကို မုန်းတီးကြကာ မည်သည့်အခါမျှ လက်တွေ့မလုပ်ဆောင်ကြပေ။ သို့ဆိုလျှင် ၎င်းတို့သည် ဖော်ထုတ်ခံရကာ ထုတ်ဖော်ပြခံရပြီးသည့်နောက်တွင်ပင် အဘယ်ကြောင့် အသင်းတော်၌ အလုပ်လုပ်လိုစိတ်ရှိပြီး အသေးငယ်ဆုံးသော နောက်လိုက်တစ်ဦးအဖြစ်ပင် ရှိနေလိုကြသနည်း။ အဘယ်အရာ ဖြစ်ပျက်နေသနည်း။ ၎င်းတို့တွင် ပန်းတိုင်တစ်ခု ရှိသည်၊ ၎င်းတို့သည် ကောင်းချီးမင်္ဂလာများ ရရှိရန် ၎င်းတို့၏ ရည်ရွယ်ချက်ကို မည်သည့်အခါမျှ မစွန့်လွှတ်ခဲ့ကြပေ။ ၎င်းတို့၏ စိတ်နေစိတ်ထားမှာ “ငါသည် ဤနောက်ဆုံးသော အသက်ကယ်ကြိုးကို ဆုပ်ကိုင်ထားမည်။ အကယ်၍ ကောင်းချီးမင်္ဂလာများကို ငါ မရရှိနိုင်ပါက ဘုရားကို ငါ ဘယ်တော့မှ တစ်ယောက်တည်း ထားမည်မဟုတ်။ အကယ်၍ ငါသည် ကောင်းချီးမင်္ဂလာများကို မရရှိနိုင်ပါက ဘုရားသည် ဘုရားမဟုတ်ပါ” ဟူ၍ ဖြစ်သည်။ ဤသည်မှာ မည်သည့် စိတ်သဘောထားမျိုး ဖြစ်သနည်း။ ဘုရားသခင်ကို ဗြောင်ကျကျ ငြင်းပယ်ဝံ့ပြီး သူ့ကို ကန့်ကွက်ပြောဆိုဝံ့ခြင်းသည် ကောက်ကျစ်ဆိုးယုတ်မှု ဖြစ်သည်။ ၎င်းတို့တွင် ကောင်းချီးမင်္ဂလာများ ရရှိရန် အနည်းငယ်မျှသော မျှော်လင့်ချက်ပင် ရှိနေသရွေ့ ၎င်းတို့သည် ဘုရားအိမ်တော်၌ နေထိုင်ပြီး ထိုကောင်းချီးမင်္ဂလာများကို စောင့်ဆိုင်းနေကြလိမ့်မည်။ ဤအရာကို မည်သို့ သတိပြုမိနိုင်သနည်း။ ၎င်းတို့သည် ကောင်းမြတ်သယောင် ဟန်ဆောင်လျက် ဖာရိရှဲများကဲ့သို့ ဖြစ်ကြသည်။ ဤနောက်ကွယ်ရှိ ရည်ရွယ်ချက်နှင့် ပန်းတိုင်မှာ သိသာထင်ရှားသည် မဟုတ်လော။ ၎င်းတို့၏ အပြင်ပန်း အပြုအမူ မည်မျှပင် ကောင်းမွန်ပုံပေါ်စေကာမူ၊ အပြင်ပန်း၌ ၎င်းတို့ မည်မျှပင် ဆင်းရဲဒုက္ခခံစားရစေကာမူ ၎င်းတို့သည် သမ္မာတရားကို မည်သည့်အခါမျှ လက်တွေ့မလုပ်ဆောင်ကြပေ။ ၎င်းတို့ ပြုမူသောအခါ သမ္မာတရားကို မရှာဖွေကြ သို့မဟုတ် ဘုရားသခင်ကို ဆုမတောင်းကြ၊ သူ၏ ရည်ရွယ်ချက်များကို မရှာဖွေကြပေ။ ၎င်းတို့သည် ဘုရားသခင် နှစ်သက်သော အမှုအရာများကို မည်သည့်အခါမျှ မလုပ်ဆောင်ကြပေ။ ထိုအစား ၎င်းတို့သည် မိမိတို့လုပ်ဆောင်လိုသော အရာနှင့် မိမိတို့နှစ်သက်သော အရာကိုသာ လုပ်ဆောင်ကြပြီး ကောင်းချီးမင်္ဂလာများအတွက် မိမိတို့၏ ကိုယ်ပိုင်ရည်မှန်းချက်နှင့် လိုအင်ဆန္ဒကို ဖြည့်ဆည်းရန်သာ ကြိုးပမ်းကြသည်။ ဤအရာက ၎င်းတို့ကို ဒုက္ခရောက်စေမည် မဟုတ်လော။ ဤအရာက အန္တိခရစ်တို့၏ အနှစ်သာရကို ဖော်ထုတ်ခြင်း မဟုတ်လော။ အန္တိခရစ်တို့ ချစ်မြတ်နိုးပြီး လိုက်စားသည့်အရာသည် ၎င်းတို့၏ စာတန်ဆန်သော စိတ်သဘောထားကိုသာ ကိုယ်စားပြုသည်။ ၎င်းတို့သည် မိမိတို့ချစ်မြတ်နိုးပြီး လိုက်စားသည့်အရာကို ဘုရားသခင် နှစ်သက်သော အပြုသဘောဆောင်သည့်အရာများအဖြစ် သဘောထားကြပြီး သူ့အား ထိုအရာများကို လက်ခံပြီး ကောင်းချီးပေးစေရန် ကြိုးစားကြသည်။ ဤသည်မှာ သမ္မာတရား စည်းမျဉ်းများနှင့် ကိုက်ညီသလော။ ဤသည်မှာ ဘုရားသခင်ကို ဆန့်ကျင်ပြီး မိမိကိုယ်ကို သူ့နှင့် ဆန့်ကျင်ဘက်ပြုခြင်း မဟုတ်လော။ အန္တိခရစ်တို့သည် အကြိမ်တိုင်း၌ ဘုရားသခင်နှင့် အပေးအယူလုပ်ရန် ကြိုးစားကြသည်။ ၎င်းတို့သည် မိမိတို့၏ ကိုယ်ပိုင်ဆင်းရဲဒုက္ခနှင့် အဖိုးအခပေးခြင်းတို့ကို ဘုရားသခင်ထံမှ ဆုလာဘ်များနှင့် သရဖူများ တောင်းဆိုရန် အသုံးပြုကြပြီး ကောင်းမွန်သော ပန်းတိုင်တစ်ခုအတွက် လဲလှယ်ရန် အသုံးပြုကြသည်။ သို့သော် ၎င်းတို့ အတွက်မှားခဲ့ကြသည် မဟုတ်လော။ ဘုရားသခင်ကို ဤသို့ ဆန့်ကျင်ခြင်းအားဖြင့် ၎င်းတို့သည် ဘုရားသခင်၏ အပြစ်ပေးခြင်းနှင့် မည်သို့ မကြုံတွေ့ဘဲ နေနိုင်မည်နည်း။ ဤသည်မှာ ၎င်းတို့၏ အပြစ်များအတွက် ၎င်းတို့ ထိုက်တန်သည့်အရာ ဖြစ်သည်။ ဤသည်မှာ ဒဏ်ခတ်ခံရခြင်းဖြစ်သည်။

တစ်ချိန်က သီချင်းဆိုခြင်းနှင့် ကခုန်ခြင်းအတတ်ပညာကို အနည်းငယ်သိသော အန္တိခရစ်တစ်ဦး ရှိခဲ့ပြီး ထိုအချိန်က သူ့ကို သံစုံသီဆိုအဖွဲ့ရှိ ညီအစ်ကိုမောင်နှမများအား အတတ်ပညာအကြောင်း လေ့လာရန် ဦးဆောင်စေဖို့ စီစဉ်ခဲ့သည်။ ထိုညီအစ်ကိုမောင်နှမများသည် ငယ်ရွယ်ကြပြီး အများစုက ဘုရားသခင်ကို အချိန်ကြာမြင့်စွာ ယုံကြည်ခဲ့ကြခြင်း မရှိပေ။ ၎င်းတို့သည် စိတ်အားထက်သန်ပြီး မိမိတို့၏ တာဝန်များကို ထမ်းဆောင်လိုစိတ်ရှိကြရုံမျှသာ ဖြစ်သည်။ သို့သော် ၎င်းတို့သည် သမ္မာတရားကို နားမလည်ခဲ့ကြသကဲ့သို့ ၎င်းတို့ထဲမှ အချို့သည် အခြေခံအုတ်မြစ်ကိုပင် မချခဲ့ကြသေးပေ။ ထိုအန္တိခရစ် အလုပ်လုပ်နေစဉ်တွင် သူသည် ၎င်းတို့ကို သန့်ရှင်းသောဝိညာဉ်တော်၏ အလုပ်နှင့်ဆိုင်သည့် ခံစားချက်အား တွေ့ကြုံခံစားစေရန် လမ်းညွှန်ခဲ့ပြီး ဘုရားမျက်မှောက်တော်နှင့်ဆိုင်သည့် ခံစားချက်နှင့် ဘုရားမရှိခြင်းနှင့်ဆိုင်သည့် ခံစားချက်တို့ကြား ခြားနားချက်ကို တွေ့ကြုံခံစားစေ ရန် သည်။ သူသည် ၎င်းတို့အား မိမိတို့၏ ခံစားချက်များအပေါ် အမြဲ မှီခိုစေခဲ့သည်။ သူသည် သမ္မာတရားကို နားမလည်ခဲ့သကဲ့သို့ စစ်မှန်သော အတွေ့အကြုံ တစ်ခုတလေမျှလည်း မရှိခဲ့ဘဲ သူ၏ အယူအဆများနှင့် စိတ်ကူးများကို အခြေခံ၍ ညီအစ်ကိုမောင်နှမများအား ဤသို့ အထင်အမြင်မှားစေပြီး လမ်းလွဲစေခဲ့သည်။ သူ့အနေဖြင့် သမ္မာတရား လက်တွေ့ကျမှု မရှိကြောင်းကို အထက်က သိရှိခဲ့ပြီး သူ့အား အတတ်ပညာကို သင်ကြားရှင်းပြရန်သာ စေခိုင်းခဲ့သည်။ သူ့တာဝန်၏ ဤကဏ္ဍကို ဖြည့်ဆည်းခြင်းသည် စံချိန်မီပြီး သူ၏ တာဝန်ဝတ္တရားများအား ဖြည့်ဆည်းပြီးဖြစ်သည်ဟု မှတ်ယူခံရပြီးသား ဖြစ်ပေမည်။ သို့သော် သူသည် “သမ္မာတရားအကြောင်း မိတ်သဟာယဖွဲ့” လိုနေဆဲဖြစ်ပြီး လူတို့အား ၎င်းတို့၏ ခံစားချက်များကို သဘောပေါက်စေကာ ၎င်းတို့၏ ခံစားချက်များအပေါ် မှီခိုစေချင်နေဆဲ ဖြစ်သည်။ ဤသို့ ပြုမူခြင်းအားဖြင့် လူတို့အား ဝိညာဉ်ဆိုး၏အလုပ်နှင့်ဆိုင်သည့် သဘာဝလွန် ခံစားချက်ထဲသို့ ဆောင်ကြဉ်းရန် သူ့အတွက် လွယ်ကူမည် မဟုတ်လော။ ဤသည်မှာ အလွန် အန္တရာယ်များလှပါသည်တကား။ ဝိညာဉ်ဆိုးတစ်ခုက ဤသို့သော အခွင့်အရေးတစ်ခုကို အမိအရအသုံးချပြီး လူတစ်ဦးအား ပူးကပ်လိုက်သည်နှင့်တစ်ပြိုင်နက် ထိုလူသည် ပျက်စီးသွားလေသည်။ လေ့ကျင့်ရေးကာလအတောအတွင်းတွင် သူသည် ဤလူတို့အား ဆုတောင်းစေခဲ့ပြီး ဆုတောင်းပြီးနောက် သန့်ရှင်းသောဝိညာဉ်တော် မည်သို့ အလုပ်လုပ်နေသည်ကိုလည်းကောင်း၊ ၎င်းတို့နေဖြင့် ချွေးထွက်ခြင်း၊ မျက်ရည်ကျခြင်း သို့မဟုတ် ၎င်းတို့၏ ခန္ဓာကိုယ်များ၌ အခြားမည်သည့် ခံစားချက်များ ရှိမရှိဟူသည်ကိုလည်းကောင်း ကြည့်ရှုစေခဲ့သည်။ သူသည် ဤအရာများကို အလေးပေးခဲ့သော်လည်း လက်တွေ့တွင် ဤအရာများကို လုံလောက်အောင် ရှင်းလင်းစွာရှင်းပြထားပြီးဖြစ်သည်။ အလွန်များသည့် သမ္မာတရားများ ရှိနေသော်လည်း သူသည် ထိုသမ္မာတရားများအကြောင်းကို မိတ်သဟာယမဖွဲ့ခဲ့သကဲ့သို့ ထိုလူတို့အား ဘုရားသခင်၏ နှုတ်ကပတ်တော်များကို စားသောက်ရန်လည်း ဦးဆောင်ခြင်းမပြုခဲ့သည့်အပြင် သူ၏ သင့်လျော်သော အလုပ်ကို အာရုံစိုက်ရန် ပျက်ကွက်ခဲ့သည်။ သူသည် ညီအစ်ကိုမောင်နှမများကို အကများ တီထွင်ဖန်တီးခွင့် မပြုခဲ့ဘဲ လူတိုင်းကို စင်မြင့်ပေါ်၌ မိမိတို့စိတ်တိုင်းကျ ကခုန်စေပြီး သူတို့အလိုရှိသည့်အတိုင်း ဖြစ်သလိုဖန်တီးစေကာ “အဆင်ပြေပါသည်၊ ဘုရားက ကျွန်ုပ်တို့ကို ဦးဆောင်နေသည်၊ ထို့ကြောင့် ကျွန်ုပ်တို့ မကြောက်ပါ၊ သန့်ရှင်းသောဝိညာဉ်တော်က အလုပ်လုပ်နေသည်” ဟုပင် ပြောဆိုခဲ့သည်။ ဤအန္တိခရစ်သည် သမ္မာတရားကို နားမလည်ခဲ့သဖြင့် မိုက်မဲသောအရာများကို အမြဲ လုပ်ဆောင်ခဲ့သည်။ ညီအစ်ကိုမောင်နှမများသည် မည်သည့် ပိုင်းခြားသိမြင်မှုမျှမရှိခဲ့ကြသောကြောင့် သူ့စကားကိုနားထောင်ပြီး “ဘုရားသခင်၊ ကျေးဇူးပြုပြီး အလုပ်လုပ်တော်မူပါ၊ ဘုရားသခင်၊ အလုပ်လုပ်တော်မူပါ...” ဟု စတင်ဆုတောင်းခဲ့ကြသည်။ ၎င်းတို့သည် “စိတ်နှလုံးအကြွင်းမဲ့” ဆုတောင်းရန် အကောင်းဆုံး ကြိုးစားခဲ့ကြပြီး ဆုတောင်းပြီးနောက်တွင် ငိုပင်ငိုကြွေးခဲ့ကြကာ၊ ထို့နောက်တွင် စင်မြင့်ပေါ်သို့ တက်ပြီး အကများကို ဖြစ်သလိုဖန်တီးခဲ့ကြသည်။ စင်မြင့်အောက်မှ ကြည့်ရှုနေသူတို့သည် အခြေအနေသည် အလွန်ကောင်းမွန်ပြီး သန့်ရှင်းသောဝိညာဉ်တော်က အားကြီးသော အလုပ်ကို လုပ်ဆောင်နေသည်ဟု အမှန်ပင် ခံစားခဲ့ကြသည်တကား။ ၎င်းတို့သည် အခြားသူများ ကခုန်နေသည်ကို ကြည့်ရှုလျက် သန့်ရှင်းသော ဝိညာဉ်တော်၏ အလုပ်ကို ခံစားကြရသည့်အလား မျက်ရည်ကျခဲ့ကြသည်။ အဆုံးတွင် ဤလူတို့သည် ဤအရာအားလုံးကို မှတ်တမ်းတင်ပြီး ငါ့အား ပြသရန် ဓာတ်ပုံများ ရိုက်ယူခဲ့ကြသည်။ ဓာတ်ပုံများထဲရှိ အချို့သောလူတို့သည် မျက်စိမှိတ်လျက် ငိုကြွေးနေကြပြီး ဆောင်းတွင်း၌ ၎င်းတို့၏ မျက်နှာများမှာ အပူရှိန်ကြောင့် နီရဲနေကြသည်။ ပြဿနာ ဖြစ်ပေါ်လာတော့မည်ကိုလည်းကောင်း၊ ဤလူတို့သည် သူ၏လက်ထဲ၌ ပျက်စီးသွားကြတော့မည်ကိုလည်ကောင်း ငါ မြင်တွေ့ခဲ့သည်။ သူ့ကို အတတ်ပညာအား သင်ကြားပေးရန်သာ တောင်းဆိုခဲ့ခြင်းဖြစ်ပြီး သူသည် မည်သည့် သမ္မာတရားကိုမျှ နားမလည်ခဲ့ပေ။ သူသည် သန့်ရှင်းသောဝိညာဉ်တော်၏ အလုပ်နှင့်ဆိုင်သည့် ခံစားချက်ကို ရှာတွေ့လိုလျက် သူ၏ စိတ်ကူးများကို အခြေခံ၍ ကြောင်းကျိုးမမြင်ဘဲ ပြုမူခဲ့ခြင်းသာ ဖြစ်သည်။ သန့်ရှင်းသောဝိညာဉ်တော်၏ အလုပ်သည် ခံစားချက်များနှင့်ဆိုင်သည့် ကိစ္စရပ်တစ်ခုလော။ သင်သည် သမ္မာတရားကို နားလည်ရမည်၊ ယင်းမှာ စစ်မှန်သည်။ ခံစားချက်များချည်းသက်သက်မှာ အနှစ်မဲ့ပြီး အချည်းနှီးဖြစ်သည်။ သင်၏ ခံစားချက်များကို အခြေခံ၍ သင်သည် သမ္မာတရားနှင့် ဘုရားသခင်၏ ရည်ရွယ်ချက်များကို နားလည်နိုင်သလော။ လုံးဝ နားမလည်နိုင်ပေ။ သင်သည် ခံစားချက်တစ်ခုကို ရှာဖွေရန် မလိုအပ်ပေ၊ သင်သည် ဘုရားသခင်၏ နှုတ်ကပတ်တော်များကို အခြေခံ၍ စည်းမျဉ်းများနှင့် ဘုရားသခင်၏ ရည်ရွယ်ချက်များကို ရှာဖွေရန်သာ လိုအပ်ပြီး ထို့နောက် သင့်အပေါ် ကျရောက်သော အမှုအရာများနှင့် ယင်းတို့ကို နှိုင်းယှဉ်ကြည့်လော့။ ဤသည်မှာ အလွန် လက်တွေ့ကျပြီး သင်သည် သမ္မာတရားကို တဖြည်းဖြည်း နားလည်လာလိမ့်မည်။ သင်သည် ဘုရားသခင်၏ နှုတ်ကပတ်တော်များအတိုင်း လက်တွေ့လုပ်ဆောင်သောအခါ သန့်ရှင်းသောဝိညာဉ်တော်သည် အလိုအလျောက် စတင်အလုပ်လုပ်လာလိမ့်မည်။ သန့်ရှင်းသောဝိညာဉ်တော်က အလုပ်မလုပ်လျှင်ပင်၊ သင်သည် ဘုရားသခင်၏ နှုတ်ကပတ်တော်များအတိုင်း လက်တွေ့လုပ်ဆောင်ခဲ့ပြီးဖြစ်သဖြင့်၊ ဘုရားသခင်သည် သင့်ကို သူ၏ နောက်လိုက်တစ်ဦးအဖြစ် အသိအမှတ်ပြုလိမ့်မည်၊ ဤသည်မှာ အလွန် လက်တွေ့ကျသည်၊ ဤသည်မှာ အမှန်ကန်ဆုံးသော အရာဖြစ်ပေသည်။ ထိုအန္တိခရစ်သည် ဤနည်းလမ်းဖြင့် မိတ်သဟာယမဖွဲ့ခဲ့ဘဲ ထိုလူတို့အား ခံစားချက်များ၊ နိမိတ်လက္ခဏာများနှင့် အံ့ဖွယ်အမှုများကဲ့သို့သော အရာများနှင့် အိပ်မက်များကို ရှာဖွေရန် အဆက်မပြတ် အားပေးခဲ့သည်။ ဤသည်မှာ ဝိညာဉ်ရေးရာ သိနားလည်မှု ကင်းမဲ့သော သာမန်လူတစ်ဦးက မိုက်မဲပြီး အသိဉာဏ်မဲ့သော ကလေးတစ်စုအား ရယ်ဖွယ်ကောင်းသော အရာများ ပြုလုပ်ရန် ဦးဆောင်နေခြင်း ဖြစ်သည်။ ဓာတ်ပုံများထဲရှိ လူတို့သည် ငိုကြွေးမြည်တမ်းနေခဲ့ကြသည်။ ယင်းက အဘယ်အရာကို ကိုယ်စားပြုသနည်း။ ထိုအရာက မည်သည့်အရာကိုမျှ ကိုယ်စားမပြုသော်လည်း သူလုပ်ဆောင်နေခဲ့သည့်အရာ၏ သဘောသဘာဝကို ရှင်းပြသည့် တစ်စုံတစ်ရာ ရှိနေသည်။ ဤအန္တိခရစ်သည် ဤအရာအားလုံးကို ဓာတ်ပုံများ ရိုက်ယူပြီး “ဘုရားသခင်၏ အလုပ၏ အသေးစိတ်အချက်များ” ဟု အမည်တပ်ခဲ့သည်။ ဤ “အသေးစိတ်အချက်များ” ဟူသည်မှာ အဘယ်အရာများ ဖြစ်သနည်း။ ထိုလူတို့သည် သမ္မာတရားကို နားမလည်ခဲ့ကြပေ။ ၎င်းတို့သည် သန့်ရှင်းသောဝိညာဉ်တော်၏ အလုပ်နှင့်ဆိုင်သည့် ခံစားချက်ကို ရှာဖွေခဲ့ကြပြီး မည်သည့်အကြောင်းပြချက်ကောင်းမျှမရှိဘဲ ဖြစ်သလိုဖန်တီးခဲ့ကြကာ ၎င်းတို့ ကခုန်သည့်အခါတိုင်း ကွဲပြားနေခဲ့သည်။ အကြောင်းမှာ အကြိမ်တိုင်း ခံစားချက် မတူညီခဲ့သကဲ့သို့ ဘုရားသခင်၏ “ဦးဆောင်မှု” မှာလည်း မတူညီခဲ့သောကြောင့် ဖြစ်သည်။ ယင်းတို့သည် “အသေးစိတ်အချက်များ” ဖြစ်သည်။ ထို “အသေးစိတ်အချက်များ” တွင် အခြားမည်သည့်အရာများ ပါဝင်ခဲ့သေးသနည်း။ ထိုအရာများသည် သန့်ရှင်းသောဝိညာဉ်တော်၏ အလုပ်နှင့်ဆိုင်သည့် အကျိုးဆက်များဖြစ်သည်ဟုလည်း အန္တိခရစ်က ပြောဆိုခဲ့သည်။ ဤအရာကို သူ ပြောဆိုသောအခါ ညီအစ်ကိုမောင်နှမများသည် မိမိတို့၏ ယုံကြည်ခြင်းနှင့် ဝိညာဉ်ရင့်ကျက်မှုတို့ ရုတ်တရက် သိသိသာသာ ကြီးထွားလာခဲ့သည့်အလား ပို၍ စိတ်လှုပ်ရှားလာခဲ့ကြသည်။ အဘယ်ကြောင့် သူက “အသေးစိတ်အချက်များ”ဟု ပြောဆိုခဲ့သနည်း။ “အသေးစိတ်အချက်များ” ဟူသော စကားလုံးသည် အဘယ်မှ လာခဲ့သနည်း။ တစ်ချိန်က ဘုရားသခင်၏ အလုပ၏ အသေးစိတ်အချက်များကို ငါ ဖော်ပြခဲ့ဖူးသည်။ ဤအသေးစိတ်အချက်များက အဘယ်အရာကို ရည်ညွှန်းသနည်း။ ယင်းတို့သည် လူက မြင်နိုင်ကာ သဘောပေါက်နိုင်သည့် လူတို့အပေါ် ဘုရားသခင်၏ အလုပ်၏ ရလဒ်များဖြစ်ပြီး သဘာဝလွန်ခြင်း သို့မဟုတ် မရေရာခြင်း မရှိပေ။ ယင်းတို့သည် သင် ခံစားနိုင်သောအရာတစ်ခု ဖြစ်သည်။ ယင်းတို့သည် ဘုရားသခင်က သင့်အပေါ် အလုပ်များစွာ လုပ်ဆောင်ခဲ့ပြီး သင့်အား နှုတ်ကပတ်တော်များစွာ ပြောကြားခဲ့ကာ၊ သူ၏ နှလုံးသွေးကို ပေးဆပ်၍ ကြိုးပမ်းဆောင်ရွက်တော်မူပြီး ထိုသို့ဖြင့် သင်၏ တည်ရှိခြင်းနည်းလမ်း၊ အမှုအရာများအပေါ် သင်၏ ရှုထောင့်အမြင်များ၊ အမှုအရာများကို လုပ်ဆောင်စဉ် သင် ထားရှိသော သဘောထား၊ ဘုရားသခင်အပေါ် သင်၏ သဘောထားအပြင် သင်၏ အခြားသော အစိတ်အပိုင်းများကို ပြောင်းလဲစေခဲ့သည့်အခါ ဖြစ်သည်။ ဆိုလိုသည်မှာ ယင်းတို့သည် ဘုရားအမှုတော်၏ အကျိုးများနှင့် အသီးအပွင့်များ ဖြစ်သည်။ ဤသည်မှာ အသေးစိတ်အချက်များဟု ဆိုလိုသည့်အရာ ဖြစ်သည်။ ထိုအန္တိခရစ်သည်လည်း သူလုပ်ဆောင်ခဲ့သော ဤအရာများကို “အသေးစိတ်အချက်များ” ဟု ခေါ်ဆိုခဲ့သည်။ ဤအရာများ၏ သဘောသဘာဝကို ယခုလောလောဆယ် ဘေးဖယ်ထားလျက်၊ ဤစကားစုကို ဆန်းစစ်ကြည့်ရုံမျှဖြင့် သင်တို့ အဘယ်အရာကို မြင်တွေ့နိုင်သနည်း။ ဘုရားသခင်သည် လူတို့အပေါ် အမှုပြုပြီး ၎င်းတို့အပေါ် သူပြုသည့် အမှု၏ အသေးစိတ်အချက်များကို လူ မြင်တွေ့ကြလိမ့်မည်ဟု သူ ပြောဆိုပြီးဖြစ်သော်လည်း ဤအန္တိခရစ်က လူတိုင်းအား သောင်းကျန်းစေရန် ဦးဆောင်ခဲ့ပြီး အရာရာကို ကမောက်ကမဖြစ်စေခဲ့သည့်တိုင် သူက ဤအရာများကို “အသေးစိတ်အချက်များ” ဟုလည်း ခေါ်ဆိုခဲ့သည်၊ သူသည် အဘယ်အရာကို လုပ်ဆောင်ရန် ကြိုးစားနေခြင်းဖြစ်သနည်း။ (သူသည် ဘုရားသခင်နှင့် တန်းတူဖြစ်လိုခဲ့ပါသည်။) မှန်ပေသည်။ သူ၏ “အသေးစိတ်အချက်များ” ဟူသော ဝေါဟာရအား အသုံးပြုခြင်းသည် အဘယ်မှ လာခဲ့သနည်း။ ယင်းမှာ ဘုရားသခင်နှင့် တန်းတူဖြစ်လိုပြီး ဘုရားသခင်ကို အတုယူလိုသော သူ၏ ဆန္ဒမှ ဖြစ်လာခဲ့ခြင်း ဖြစ်သည်။ ဤဝေါဟာရကို အသုံးပြုခြင်းအားဖြင့် သူက၊ “ဘုရားသည် အသေးစိတ်ကျကျ အမှုပြုပြီး ငါ ဤလူအုပ်စုကို လုပ်ဆောင်ရန် ဦးဆောင်နေသည့်အရာသည်လည်း အသေးစိတ်ကျကျ ဖြစ်သည်” ဟု ဆိုလိုပေသည်။“အသေးစိတ်အချက်များ” ဟူသည့်အရာအတွက် နောက်ဆက်တွဲ အထူးပြုပုဒ်မှာ “ဘုရားအမှုတော်၏” ဟူ၍ ဖြစ်သော်လည်း အမှန်တွင် သူ၏ စိတ်နှလုံးထဲ၌ သူသည်သန့်ရှင်းသောဝိညာဉ်တော်၏ အလုပ၏ အသေးစိတ်အချက်များ၏ အကျိုးဆက်များကို မိမိကိုယ်တိုင်အတွက် မှတ်ယူနေခြင်းဖြစ်ပြီး ယင်းမှာ အန္တိခရစ်တို့ လုပ်ဆောင်သည့်အရာ ဖြစ်သည်။ ထင်ပေါ်ကျော်ကြားမည့် အခွင့်အရေးတစ်ခု ရှိသည့်အခါတိုင်း၊ အခွင့်အလမ်း အရိပ်အမြွက်မျှ ရှိသည့်အခါတိုင်း ၎င်းတို့က လက်လွှတ်ခံမည်မဟုတ်ပေ။ ၎င်းတို့သည် လူများအတွက် ဘုရားသခင်နှင့် ယှဉ်ပြိုင်ကြလိမ့်မည်။ မည်သည့်လူစားမျိုးအတွက် ၎င်းတို့ ယှဉ်ပြိုင်ကြသနည်း။ ၎င်းတို့ထဲမှ အချို့သည် သမ္မာတရားကို နားမလည်ကြ၊ ၎င်းတို့သည် သမ္မာတရား၏ စည်းမျဉ်းများအတိုင်း လူတို့ကို မပိုင်းခြားနိုင်ကြသကဲ့သို့ မိုက်မဲပြီး မသိနားမလည်ဖြစ်ကြသည်။ ၎င်းတို့ထဲမှ အချို့သည် သမ္မာတရားကို မလိုက်စားကြသကဲ့သို့ လူအုပ်နောက်လိုက်ကာ အပြင်ပန်း၌ ကြောင်းကျိုးမမြင်ဘဲ ပြုမူခြင်းကို နှစ်သက်ကြသည်။ ယုံကြည်သူသစ်များဖြစ်ပြီး မလေးနက်သည့် အခြေခံအုတ်မြစ်တစ်ခုရှိသည့်သူ အချို့လည်းရှိသည်။ ၎င်းတို့သည် ဘုရားသခင်ကို ယုံကြည်ခြင်းဆိုသည်မှာ အဘယ်အရာဖြစ်သည်ကို ၎င်းတို့ နားမလည်ကြသေးဘဲ အန္တိခရစ်များ၏ အထင်အမြင်မှားစေခြင်းကို ခံကြရလေသည်။ ဤအပြုအမူက နောက်ပိုင်းတွင် အချိန်မီ တားဆီးခြင်းခံခဲ့ရသည်။ ယင်းက တားဆီးခြင်းခံခဲ့ရသည်ဟူသော အချက်မှာ သိပ်ပြီး ထူးခြားသောအရာ မဟုတ်သော်လည်း အန္တိခရစ် လုပ်ဆောင်ခဲ့သော မိုက်မဲသည့်အရာများက တစ်ချိန်တည်းမှာပင် ဖော်ထုတ်ခြင်း ခံခဲ့ရသည်ဟု ဆိုလိုသည်။ လူတိုင်းက မိတ်သဟာယဖွဲ့ပြီး ပြန်လည်စဉ်းစားကြသည်နှင့်မျှ၊ ၎င်းတို့က “ဤအန္တိခရစ် ရောက်မလာမီတွင် ကျွန်ုပ်တို့ သီချင်းဆိုသောအခါ သီချင်းသီဆိုခြင်း၏ အတတ်ပညာဆိုင်ရာနှင့် နည်းစနစ်ပိုင်းဆိုင်ရာ ကဏ္ဍများတွင် တစ်ခါတစ်ရံ နားမလည်နိုင်ကြသော်လည်း၊ သီချင်းဆိုသည့်အခါ ကျွန်ုပ်တို့ နှလုံးသွင်းနိုင်ခဲ့သည်ဟူ၍လည်းကောင်း၊ စကားလုံးတိုင်းကို စိတ်ပါလက်ပါ သီဆိုနိုင်ခဲ့သည်ဟူ၍လည်းကောင်း ခံစားခဲ့ရသည်။ သူရောက်လာပြီး အတတ်ပညာဆိုင်ရာသီအိုရီအချို့ကို ပြောပြီးနောက်တွင်၊ ကျွန်ုပ်တို့အားလုံး ရှေ့မဆက်နိုင်ဖြစ်သွားသည်ဟု ခံစားရပြီး သီချင်းမဆိုချင်ကြတော့ပါ။ အဘယ်ကြောင့်ဆိုသော် စကားလုံးတိုင်းတွင် ဘုရားသခင် ပြောနေသည့်အရာကို ကျွန်ုပ်တို့ မမြည်းစမ်းနိုင်တော့ခြင်းကြောင့် ဖြစ်သည်၊ ဘုရားသခင်ကိုကျွန်ုပ်တို့ မခံစားရတော့ပါ” ဟု ပြောဆိုခဲ့ကြသည်။ ဤလူတို့သည် ဒုက္ခရောက်နေခဲ့ကြသည် မဟုတ်လော။ အန္တိခရစ်များသည် ပြုမူဆောင်ရွက်ရန် ၎င်းတို့၏ လက်များကို လှမ်းသည်နှင့်တစ်ပြိုင်နက် ၎င်းတို့ ဖြစ်ပေါ်စေသော အကျိုးဆက်များမှာ လူတို့က မည်သည့်နေရာ၌ ဘုရားသခင် ရှိသည်ကို နောက်ထပ် မခံစားနိုင်တော့သကဲ့သို့ သင့်တင့်လျောက်ပတ်စွာ မည်သို့ ပြုမူရမည်ကို မသိတော့ခြင်း ဖြစ်သည်။ ၎င်းတို့သည် မိမိတို့၏ ဦးတည်ရာကို ပျောက်ဆုံးသွားကြသည်။ လူတို့သည် ဘုရားသခင်ကို မခံစားနိုင်တော့သည်နှင့်တစ်ပြိုင်နက် မိမိတို့၏ တာဝန်များကို ကောင်းစွာ ဖြည့်ဆည်းနိုင်ကြသေးသလော။ ၎င်းတို့သည် ဘုရားသခင်အတွက် သက်သေခံရန်အလို့ငှာ သစ္စာစောင့်သိမှုဖြင့် အမှုအရာများကို ပြုလုပ်နိုင်ကြသေးသလော။ လူသားများသည် စာတန်၏ ဖောက်ပြန်ပျက်စီးစေခြင်းကို ခံရပြီးနောက် သီးခြားလက္ခဏာရပ်တစ်ခု ၎င်းတို့တွင် ဖြစ်ပေါ်လာခဲ့သည်။ ယင်းမှာ လူအုပ်နောက်လိုက်ခြင်းကို နှစ်သက်ခြင်းဖြစ်သည်။ ၎င်းတို့သည် ယင်ကောင်များကဲ့သို့ ဖြစ်သည်။ ရှင်းလင်းသော ပန်းတိုင်တစ်ခု ရှိရန် မလိုအပ်ပေ။ ခေါင်းဆောင်တစ်ဦး ရှိနေသရွေ့ အခြားလူတို့သည် ၎င်းတို့နှင့်အတူ ကြောင်းကျိုးမမြင်ဘဲ အပြောင်အပြက်ပြုလုပ်ရာတွင် ပူးပေါင်းကြလိမ့်မည်။ အကြောင်းမှာ ထိုသို့ပြုလုပ်ခြင်းက ပို၍ သက်ဝင်လှုပ်ရှားမှုရှိပြီး ထိုနည်းလမ်းအတိုင်း ပြုမူသောအခါ မိမိတို့ကိုယ်ကို ချုပ်တည်းရန် မလိုအပ်သောကြောင့်ဖြစ်သည်။ ၎င်းတို့၏ လုပ်ဆောင်ချက်များအတွက် အခြေခံစည်းမျဉ်း မရှိသကဲ့သို့ မည်သူမျှ စည်းမျဉ်းများအတိုင်း မပြုမူကြပေ။ ၎င်းတို့အနေဖြင့် ဆုတောင်းရန် သို့မဟုတ် ရှာဖွေရန် မလိုအပ်ပေ။ ဘာသာတရားကိုင်းရှိုင်းရန် သို့မဟုတ် တိတ်ဆိတ်ငြိမ်သက်ရန် မလိုအပ်ပေ။ ၎င်းတို့၌ ဦးခေါင်းများရှိပြီး အသက်ရှူနိုင်သရွေ့ ထိုပုံစံဖြင့် ပြုမူနိုင်ကြသည်။ ဤသည်မှာ တိရစ္ဆာန်များနှင့် အနည်းနှင့်အများ တူညီသည် မဟုတ်လော။ ဖောက်ပြန်ပျက်စီးသော လူသားများသည် ဤလက္ခဏာရပ်ကို ပိုင်ဆိုင်သောကြောင့် အလွယ်တကူ အထင်အမြင်မှားစေခြင်း ခံကြရသော်လည်း အကယ်၍ သင်သည် သမ္မာတရားကို နားလည်ပြီး ဤအရာများကို ပိုင်းခြားသိမြင်နိုင်ပါက အလွယ်တကူအထင်အမြင်မှားစေခြင်း ခံရမည်မဟုတ်ပေ။ ဤအန္တိခရစ် ဖော်ထုတ်ခြင်း ခံရပြီးနောက်တွင်၊ လူတိုင်းက သူပြောခဲ့သော အထင်အမြင်မှားစေသည့်အရာများနှင့် ထိုပုံစံဖြင့် ပြုမူရန် သူအသုံးပြုခဲ့သော နည်းဗျူဟာများကို စိတ်ဖြာလေ့လာဆွေးနွေးခဲ့ကြပြီး ဤအရာများကို ဘုရားသခင်၏ နှုတ်ကပတ်တော်များနှင့် နှိုင်းယှဉ်ခဲ့ကြသည်။ ၎င်းတို့ကဤလူသည် လူတို့ကို အထင်အမြင်မှားစေရာ၌ အလွန် တော်ကြောင်း၊ သူသည် အမှုအရာများကို ဖရိုဖရဲ ဖြစ်စေခဲ့ကြောင်း၊ ၎င်းတို့ကို သူ လုပ်ဆောင်စေခဲ့သည့်အရာက အတော် အထင်ကြီးစရာဖြစ်ပြီး သန့်ရှင်းသောဝိညာဉ်တော်၏ အားကြီးသော အလုပ်ကို ၎င်းတို့ ခံစားနေခဲ့ရသည်ဟု ထင်ရသော်လည်း၊ လက်တွေ့တွင် ၎င်းတို့သည် ဘုရားသခင်ကို လုံးဝ မခံစားနိုင်ခဲ့ကြောင်းတို့ကို နားလည်သဘောပေါက်ခဲ့ကြသည်။ အပေါ်ယံအားဖြင့်၊ လူတိုင်းသည် ကြီးမားသော စိတ်အားထက်သန်မှုကို ပိုင်ဆိုင်ထားကြပြီး ၎င်းတို့၏ ယုံကြည်ခြင်းနှင့် ဝိညာဉ်ရင့်ကျက်မှုတို့က ရုတ်တရက် ကြီးထွားလာခဲ့သည့်အလား ထင်ရသော်လည်း လက်တွေ့တွင် ဤသည်မှာ အထင်မှားခြင်းတစ်ခု၊ ဝိညာဉ်ဆိုးတစ်ခု၏ လုပ်ဆောင်ချက် ဖြစ်နေခဲ့သည်။ ဤသဘာဝလွန် အခြေအနေများ ဖြစ်ပေါ်ခဲ့သဖြင့် သန့်ရှင်းသောဝိညာဉ်တော် အလုပ်မလုပ်ခဲ့ပေ။ ဤနောက်ပိုင်း အချိန်ကာလတစ်ခုကြာ၊ သမ္မာတရားကို မိတ်သဟာယဖွဲ့ခြင်းမှတစ်ဆင့်၊ လူတိုင်းက အန္တိခရစ်ကို ပိုင်းခြားသိမြင်နိုင်ခဲ့ကြပြီး ၎င်းတို့၏ အခြေအနေများက တဖြည်းဖြည်း ပုံမှန်ပြန်ဖြစ်လာခဲ့သည်။ ဤလူတို့သည် အန္တိခရစ်၏ အထင်အမြင်မှားစေခြင်းကို ခံခဲ့ရပြီး ငါနှင့် ပို၍ အလှမ်းဝေးခဲ့ကြပြီး ဖြစ်သည်။ ငါ စကားပြောသောအခါ ဤလူတို့သည် ငါ့ကို မရင်းနှီးသော လူတစ်ဦးကဲ့သို့ ကြည့်ခဲ့ကြပြီး ငါ၏ မေးခွန်းများကို မဖြေချင်ခဲ့ကြသကဲ့သို့ ငါတို့သည် ချက်ချင်းပင် သူစိမ်းများကဲ့သို့ ဖြစ်လာခဲ့ကြသည်။ ၎င်းတို့သည် တစ်စုံတစ်ရာကို နာခံခြင်းမပြုမီ အန္တိခရစ် စကားပြောသည်ကို စောင့်ဆိုင်းခဲ့ကြသည်၊ အန္တိခရစ် ပြောသည့် မည်သည့်အရာကိုမဆို ၎င်းတို့ နားထောင်ခဲ့ကြပြီး သူပြောသည့် မည်သည့်အရာမဆိုက ၎င်းတို့ကို ကိုယ်စားပြုခဲ့သည်။ သို့ဖြစ်၍ ဤလူတို့သည် မည်သည့်အရာတွင်မျှ ပြောဆိုပိုင်ခွင့် မရှိခဲ့သော်လည်း ပြောပိုင်ခွင့်မရှိဖို့ကိုပင် ၎င်းတို့က လိုလားနေခဲ့ကြသည်။ ၎င်းတို့သည် သူစကားပြောသည်ကို စောင့်ဆိုင်းခဲ့ကြပြီး သူ၏ ထိန်းချုပ်မှုကို ခံခဲ့ကြသည်။ ဝိညာဉ်ဆိုးများနှင့် အန္တိခရစ်တို့သည် လူတို့ကို အထင်အမြင်မှားစေရန် ထိုသို့သောအရာများကို လုပ်ဆောင်ကြသည်။

အချို့သော ကောက်ကျစ်ဆိုးယုတ်သည့်အရာများကို စကားလုံးများဖြင့် ရှင်းလင်းစွာ ဖော်ပြနိုင်ပြီး စိတ်ဖြာလေ့လာဆွေးနွေးနိုင်သော်လည်း အခြားအရာများကိုမူ ၎င်းတို့အတွင်း၌ နတ်ဆိုးများ အလုပ်လုပ်နေသည်ဟုသာ ဆိုနိုင်ပြီး စကားလုံးများဖြင့် ရှင်းလင်းစွာ ဖော်ပြ၍မရနိုင်ပေ။ ယင်းတို့ကို သင်၏ ခံစားချက်များ သို့မဟုတ် သင် နားလည်သော သမ္မာတရားများနှင့် သင်၏ အတွေ့အကြုံများကို အခြေခံ၍သာ ပိုင်းခြားသိမြင်နိုင်မည် ဖြစ်သည်။ ဤအန္တိခရစ်သည် လျင်မြန်စွာ ပိုင်းခြားသိမြင်ခြင်းခံရပြီး ကိုင်တွယ်ဖြေရှင်းခြင်းခံရကာ အသင်းတော်အသက်တာ ပုံမှန်ပြန်ဖြစ်သွားခဲ့သည်။ နောက်ပိုင်းတွင် ဤအဖြစ်အပျက်နှင့်ပတ်သက်၍ မိတ်သဟာယဖွဲ့ကြသောအခါ စွဲကျန်နေသော ကြောက်ရွံ့မှုကို ခံစားခဲ့ကြရသည်။ ၎င်းတို့က “ယင်းသည် အမှန်ပင် အန္တရာယ်များခဲ့သည်။ ထိုအန္တိခရစ်၏ ‘အသေးစိတ်အချက်များ’ ဟုခေါ်သော အရာများက ကျွန်ုပ်တို့ကို အလွန်ဆိုးရွားစွာ ထိခိုက်နစ်နာစေခဲ့သဖြင့် ကျွန်ုပ်တို့သည် သူ၏လက်ထဲ၌ ပျက်စီးလုနီးပါး ဖြစ်ခဲ့ရသည်”ဟု ပြောဆိုခဲ့ကြသည်။ ထို့ကြောင့် သင်တို့သည် အန္တိခရစ်များကို ပိုင်းခြားသိမြင်တတ်ရန် သင်ယူရမည်။ အကယ်၍ သင်သည် အန္တိခရစ်များအား ပိုင်းခြားသိမြင်ခြင်းကို မည်သည့်အခါမျှ အလေးအနက်မထားပါက အန္တရာယ်များလိမ့်မည်ဖြစ်ပြီး ၎င်းတို့၏ အထင်အမြင်မှားစေခြင်းကို သင် မည်သည့်အချိန် သို့မဟုတ် မည်သည့်အခါသမယ၌ ခံရလိမ့်မည်ကို မည်သူ သိနိုင်မည်နည်း။ သင်သည် အဘယ်အရာ ဖြစ်ပျက်နေသည်ကို မသိဘဲ နားဝေတိမ်တောင်ဖြစ်သော ပုံစံဖြင့် အန္တိခရစ်တစ်ဦးနောက်သို့ပင် လိုက်သွားနိုင်သည်။ ထိုအချိန်၌ ထိုအရာနှင့်ပတ်သက်၍ တစ်ခုတလေ မှားယွင်းနေသည်ဟု သင် ခံစားရမည်မဟုတ်ဘဲ ဤအန္တိခရစ် ပြောဆိုသည့်အရာ မှန်ကန်သည်ဟုပင် သင် ခံစားရလိမ့်မည်။ ဤနည်းဖြင့် သင်သည် သတိမထားမိဘဲ အထင်အမြင်မှားစေခြင်း ခံရပြီး ဖြစ်လိမ့်မည်။ သင် အထင်အမြင်မှားစေခြင်း ခံရပြီးသည့် အချက်က သင်သည် ဘုရားသခင်ကို သစ္စာဖောက်ခဲ့ပြီးဖြစ်ကြောင်း ပြသပြီး ထို့နောက်တွင် ဘုရားသခင်သည် သင့်ကို ကယ်တင်မည့်နည်းလမ်း ရှိလိမ့်မည်မဟုတ်။ ပုံမှန်အားဖြင့် ကောင်းမွန်စွာ ပြုမူဆောင်ရွက်သော လူအချို့ ရှိကြသော်လည်း အချိန်တစ်ခုကြာ ၎င်းတို့သည် အန္တိခရစ်များ၏ လှည့်ဖြားခြင်းကို ခံကြရပြီး အဆုံးတွင် အသင်းတော်က ၎င်းတို့ကို ဖျောင်းဖျတားမြစ်ခြင်းနှင့် မိတ်သဟာယဖွဲ့ခြင်းမှတစ်ဆင့် ပြန်လည်ခေါ်ဆောင်လာသည်။ သို့ရာတွင် သမ္မာတရားကို ၎င်းတို့အား မည်မျှ မိတ်သဟာယဖွဲ့စေကာမူ ပြန်မလာဘဲ အန္တိခရစ်များနှင့် အတူလိုက်ပါလုပ်ဆောင်ရန် အခိုင်အမာဆုံးဖြတ်ပြီးသောသူအချို့ ရှိကြသည်။ ထိုအခါ ၎င်းတို့သည် လုံးဝ ပျက်စီးသွားကြသည် မဟုတ်လော။ ၎င်းတို့သည် ပြန်လှည့်ရန် ခိုင်မာစွာ ငြင်းပယ်ကြပြီး ဘုရားသခင်က ၎င်းတို့အပေါ် နောက်ထပ် အလုပ်မလုပ်တော့ပေ။ အချို့သောလူတို့သည် ပိုင်းခြားသိမြင်နိုင်စွမ်း ကင်းမဲ့ကြပြီး “ထိုသူသည် အတော်ပင် ရည်မွန်ပေသည်။ သူသည် ဘုရားသခင်ကို နှစ်ပေါင်းများစွာ ယုံကြည်ခဲ့ပြီး အမှုအရာများကို စွန့်လွှတ်ကာ မိမိကိုယ်ကို အသုံးခံခဲ့သည်၊ သူသည် မိမိ၏ တာဝန်ကို အတော်ပင် သစ္စာရှိစွာ ထမ်းဆောင်လေ့ရှိခဲ့ကြသည်။ ဘုရားသခင်အပေါ် သူ၏ ယုံကြည်ခြင်းက ကြီးမားခဲ့ပြီး သူသည် စစ်မှန်သော ယုံကြည်သူတစ်ဦး ဖြစ်ခဲ့သည်၊ သူ့ကို ကျွန်ုပ်တို့နောက်ထပ် အခွင့်အရေးတစ်ခု ပေးသင့်သည် မဟုတ်လော” ဟုပြောလျက် ဤလူစားမျိုးအတွက် စိတ်မကောင်းဖြစ်ကြလေသည်။ ဤရှုထောင့်အမြင် မှန်ကန်သလော။ သမ္မာတရားနှင့် ကိုက်ညီသလော။ လူတို့သည် အခြားလူတစ်ဦး၏ အပေါ်ယံကိုသာ မြင်နိုင်ကြသော်လည်း ၎င်းတို့၏ စိတ်နှလုံးကို မမြင်နိုင်ကြပေ။ ထိုသူတို့က အမှန်တကယ် မည်သည့် လူစားမျိုးဖြစ်သည် သို့မဟုတ် မည်သည့် အနှစ်သာရမျိုး ရှိသည်ကို ၎င်းတို့ ရှင်းလင်းစွာ မမြင်နိုင်ကြပေ။ ၎င်းတို့သည် ထိုသူတို့နှင့် အချိန်ကာလတစ်ခုကြာ ထိတွေ့ဆက်ဆံခြင်းရှိရမည် သို့မဟုတ် ထိုသူတို့ကို စောင့်ကြည့်လေ့လာခြင်း ပြုလုပ်ရမည်ဖြစ်ပြီး လူတို့က ထိုသူကို ရိပ်စားမိနိုင်ရန်အလို့ငှာ ထိုသူသည် မိမိကို ဖော်ထုတ်မည့် အဖြစ်အပျက်များနှင့် ကြုံတွေ့ရမည် ဖြစ်သည်။ ထို့အပြင် အကယ်၍ သင်သည် ဤလူတို့ကို သင်၏ စိတ်နှလုံးကြင်နာမှုကြောင့် ကူညီရန် ကြိုးစားသော်လည်း ၎င်းတို့နှင့် မည်မျှပင် သင် မိတ်သဟာယဖွဲ့စေကာမူ ၎င်းတို့ ပြန်မလှည့်လာပါက ထိုအရာအားလုံး၏ နောက်ကွယ်တွင် မည်သည့် အကြောင်းရင်းရှိသည်ကို သင် သိရှိမည်မဟုတ်ပေ။ လက်တွေ့တွင် ဘုရားသခင်သည် ဤလူတို့ကို ရိပ်စားမိပြီးဖြစ်ကာ ၎င်းတို့ကို ဖယ်ရှားရှင်းလင်းပြီးဖြစ်သည်။ ဘုရားသခင်က ၎င်းတို့ကို အဘယ်ကြောင့် ဖယ်ရှားရှင်းလင်းခဲ့သနည်း။ အလွယ်ကူအရှင်းလင်းဆုံးသော အကြောင်းရင်းမှာ အချို့သော အန္တိခရစ်တို့သည် သိသာထင်ရှားစွာပင် နတ်ဆိုးများ ဖြစ်ကြပြီး ၎င်းတို့အတွင်း၌ နတ်ဆိုးများ အလုပ်လုပ်နေသော အန္တိခရစ်များအဖြစ် သတ်မှတ်ခြင်း ခံရနိုင်သောကြောင့် ဖြစ်သည်။ အကယ်၍ လူတို့သည် အချိန်ကာလတစ်ခုကြာ ၎င်းတို့နောက်လိုက်ပါက၊ ၎င်းတို့၏ စိတ်နှလုံးများ မှောင်မိုက်သွားလိမ့်မည်ဖြစ်ပြီး ၎င်းတို့ ပြိုလဲကျသွားအောင်ပင် အလွန် အားနည်းလာကြလိမ့်မည်။ ယင်းက ဘုရားသခင်သည် ၎င်းတို့ကို ကြာမြင့်စွာကပင် စွန့်လွှတ်ပြီးဖြစ်ကြောင်း သက်သေပြသည်။ ဘုရားသခင်၌ ဖြောင့်မတ်သော စိတ်သဘောထားရှိပြီး စာတန်ကို သူ မုန်းတီးသည်။ ဤလူတို့သည် စာတန်နှင့် နတ်ဆိုးများနောက်သို့ လိုက်ကြသည့်အတွက်၊ ဘုရားသခင်သည် ၎င်းတို့ကို သူ၏ နောက်လိုက်များအဖြစ် ဆက်လက်၍ အသိအမှတ်ပြုနိုင်သလော။ ဘုရားသခင်သည် သန့်ရှင်းပြီး မကောင်းမှုကို ရွံရှာသည်။ နတ်ဆိုးများနောက်သို့ လိုက်ပြီးသောသူတို့ကို သူအလိုမရှိပေ။ အခြားသူများက ထိုသူတို့ကို လူကောင်းများအဖြစ် တွေးထင်သည့်တိုင် ၎င်းတို့ကို သူ အလိုမရှိပေ။ မကောင်းမှုကို ဘုရားသခင် ရွံရှာသည်ဟူသည်မှာ အဘယ်အရာကို ဆိုလိုသနည်း။ “မကောင်းမှုကို ရွံရှာခြင်း” က အဘယ်အရာကို ညွှန်ပြသနည်း။ ယခု ငါ ပြောဆိုသည့်အရာကို နားထောင်ကြလော့၊ ပြီးလျှင် သင်တို့ နားလည်ကြလိမ့်မည်။ ဘုရားသခင်က လူတစ်ဦးကို ရွေးကောက်သည့်အချိန်မှစ၍ ဘုရားသခင်က သမ္မာတရား၊ ဖြောင့်မတ်ခြင်း၊ ဉာဏ်ပညာနှင့် အနန္တတန်ခိုးဖြစ်ကြောင်း၊ သူသည် တစ်ဆူတည်းသော ဘုရားဖြစ်ကြောင်း ထိုသူက အသိအမှတ်ပြုသည်အထိ၊ ဤအရာများကို ၎င်းတို့ နားလည်သည်နှင့်တစ်ပြိုင်နက်လည်းကောင်း၊ ၎င်းတို့တွင် အတွေ့အကြုံအချို့ရှိပြီးနောက်တွင်လည်းကောင်း၊ ၎င်းတို့၏ စိတ်နှလုံးအတွင်း၌ ၎င်းတို့သည် ဘုရားသခင်၏ စိတ်သဘောထား၊ အနှစ်သာရနှင့် သူ၏ အရာအားလုံးနှင့်ဖြစ်ခြင်းတို့အပေါ် အခြေခံသိနားလည်မှုတစ်ခု ရှိလိမ့်မည်ဖြစ်ပြီး ဤအခြေခံသိနားလည်မှုသည် ၎င်းတို့၏ ယုံကြည်ခြင်း ဖြစ်လာလိမ့်မည်။ ထိုအရာက ၎င်းတို့ကို ဘုရားသခင်နောက်သို့ လိုက်ရန်၊ ဘုရားသခင်အတွက် မိမိတို့ကိုယ်ကို အသုံးခံရန်နှင့် မိမိတို့၏ တာဝန်ကို ထမ်းဆောင်ရန်လည်း လှုံ့ဆော်ပေးလိမ့်မည်။ ၎င်းတို့တွင်အတွေ့အကြုံရှိသည်နှင့်တစ်ပြိုင်နက်၊ သမ္မာတရားကို နားလည်ပြီး၊ ဘုရားသခင်၏ စိတ်သဘောထားအပေါ် ၎င်းတို့၏ သိနားလည်မှုနှင့် ဘုရားသခင်အပေါ် ၎င်းတို့၏ အသိပညာတို့က ၎င်းတို့၏ စိတ်နှလုံးထဲ၌ အမြစ်တွယ်သွားသည်နှင့်တစ်ပြိုင်နက်၊ ၎င်းတို့အနေဖြင့် ဤဝိညာဉ်ရင့်ကျက်မှုကို ပိုင်ဆိုင်သောအခါ၊ ဘုရားသခင်ကို ငြင်းပယ်ကြလိမ့်မည်မဟုတ်ပေ။ သို့သော် အကယ်၍ ၎င်းတို့၌ ခရစ်တော်၊ လက်တွေ့ကျသော ဘုရားသခင်အပေါ် စစ်မှန်သော အသိပညာ မရှိပါက၊ အကယ်၍ ၎င်းတို့သည် အန္တိခရစ်တစ်ဦးကို ကိုးကွယ်ပြီး သူ့နောက်လိုက်မည့် အလားအလာရှိပါက ၎င်းတို့အန္တရာယ်၌ ရှိနေဆဲ ဖြစ်သည်။ ၎င်းတို့အနေဖြင့် ကောက်ကျစ်ဆိုးယုတ်သော အန္တိခရစ်တစ်ဦးနောက်သို့ လိုက်ရန် လူ့ဇာတိခံ ခရစ်တော်ကို ကျောခိုင်းသွားနိုင်သေးသည်။ ဤသည်မှာ ခရစ်တော်ကို ပွင့်လင်းစွာ ငြင်းပယ်ပြီး ဘုရားသခင်နှင့် အဆက်အသွယ်ဖြတ်တောက်ခြင်း ဖြစ်ပေမည်။ ဤအရာ၏ ဝှက်ထားသော အဓိပ္ပာယ်မှာ “ ဘုရားသခင်နောက်သို့ ကျွန်ုပ် နောက်ထပ် မလိုက်တော့ပါ။ စာတန်နောက်သို့ ကျွန်ုပ် လိုက်မည်။ စာတန်ကို ကျွန်ုပ် ချစ်ပြီး သူ့ကို အစေခံလိုစိတ် ရှိသည်။ စာတန်နောက်သို့ ကျွန်ုပ် လိုက်လိုစိတ် ရှိသည်။ သူက ကျွန်ုပ်ကို မည်သို့ ဆက်ဆံသည်ဖြစ်စေ၊ သူ ကျွန်ုပ်ကို မည်သို့ပင် ဖျက်ဆီးသည်ဖြစ်စေ၊ နင်းချေသည်ဖြစ်စေ၊ ဖောက်ပြန်ပျက်စီးစေသည်ဖြစ်စေ ကျွန်ုပ် ဝမ်းသာအားရဖြစ်မည်။ ဘုရားသခင် မည်မျှပင် ဖြောင့်မတ်ပြီး သန့်ရှင်းသည်ဖြစ်စေ၊ သမ္မာတရား မည်မျှ သူ ဖော်ပြသည်ဖြစ်စေ သူ့နောက်သို့ ကျွန်ုပ် လိုက်လိုစိတ် မရှိပါ။ သမ္မာတရားကို ကျွန်ုပ် မနှစ်သက်ပါ။ ကျော်ကြားမှု၊ အဆင့်အတန်း၊ ဆုလာဘ်များနှင့် သရဖူများကို ကျွန်ုပ် နှစ်သက်သည်။ ၎င်းတို့ကို ကျွန်ုပ် မရရှိနိုင်လျှင်ပင်၊ ၎င်းတို့ကို ကျွန်ုပ် နှစ်သက်သည်” ဟူ၍ ဖြစ်သည်။ ထိုသို့ဖြင့်ပင် ၎င်းတို့သည် မိမိတို့နှင့် လုံးဝမသက်ဆိုင်သော လူတစ်ဦးနောက်သို့ လိုက်သွားခဲ့ကြပြီး ဘုရားသခင်ကို ဆန့်ကျင်သော အန္တိခရစ်တစ်ဦးနှင့်အတူ လစ်ပြေးသွားခဲ့ကြသည်။ ဘုရားသခင်သည် ဤကဲ့သို့သော လူတစ်ဦးကို အလိုရှိဦးမည်လော။ သေချာပေါက် အလိုရှိမည်မဟုတ်ပေ။ ၎င်းတို့ကို ဘုရားသခင်က အလိုမရှိခြင်းသည် ကျိုးကြောင်းဆီလျော်သလော။ အလွန့်အလွန် ဆီလျော်လှသည်။ ဘုရားသခင်သည် မကောင်းမှုကို ရွံရှာသော ဘုရားဖြစ်ကြောင်းနှင့် သူသန့်ရှင်းကြောင်းကို အယူဝါဒမှ သင်တို့ သိရှိကြသည်။ ဤအယူဝါဒကို သင်နားလည်သော်လည်း ဤသို့သော လူများကို ဘုရားသခင် မည်သို့ သဘောထားသည်ကို သင် သိသလော။ အကယ်၍ ဘုရားသခင်သည် တစ်စုံတစ်ဦးကို ပစ်ပယ်လျှင်၊ ၎င်းတို့ကို မဆိုင်းမတွ စွန့်လွှတ်လိမ့်မည်။ ငါ ပြောဆိုသည့်အရာသည် အမှုအရာများဖြစ်သည့်ပုံစံ မဟုတ်လော။ (ဟုတ်ပါသည်။) ဤသည်မှာ အမှုအရာများဖြစ်သည့်ပုံစံ ဖြစ်သည်။ သို့ဆိုလျှင် ဤကဲ့သို့သော လူတစ်ဦးကို ဘုရားသခင်က စွန့်လွှတ်ခြင်းသည် သူ့၌ ရက်စက်သော စိတ်နှလုံးရှိသည်ဟု ဆိုလိုသလော။ (မဆိုလိုပါ။) ဘုရားသခင်သည် သူ၏ လုပ်ဆောင်ချက်များ၌ စည်းမျဉ်းရှိသည်။ အကယ်၍ သင်သည် ဘုရားသခင် မည်သူဖြစ်သည်ကို သိသော်လည်း သူ့နောက်သို့ လိုက်ရန် မနှစ်သက်ပါက၊ စာတန် မည်သူဖြစ်သည်ကို သင် သိပါလျက်နှင့် သူ့နောက်သို့ မရမကလိုက်ပါက ဘုရားသခင်သည် သင့်ကို အတင်းအကျပ် ပြုမည်မဟုတ်။ ရှေ့ဆက်ပြီး စာတန်နောက်သို့ ထာဝစဉ် လိုက်သွားလော့။ ပြန်မလာနှင့်။ ဘုရားသခင်က သင့်ကို စွန့်လွှတ်ပြီးဖြစ်သည်။ ဘုရားသခင်၏ စိတ်သဘောထားကို မည်သို့ နားလည်နိုင်မည်နည်း။ ဘုရားသခင်၏ စိတ်သဘောထားသည် ဖြောင့်မတ်ပြီး သန့်ရှင်းသည်၊ သူ၏ စိတ်သဘောထား၌ မကောင်းမှုကို ရွံရှာသော အရိပ်လက္ခဏာတစ်ခု ရှိသည်။ တစ်နည်းအားဖြင့်ဆိုသော် ဖန်ဆင်းခံတစ်ဦးအနေဖြင့် သင်သည် အကျင့်ပျက်ရန် လိုလားနေပါက၊ ဘုရားသခင် အခြားမည်သည့်အရာကို ပြောဆိုနိုင်ဦးမည်နည်း။ ဘုရားသခင်သည် လူတို့အား ၎င်းတို့ မလိုလားသော အမှုအရာများကို ပြုလုပ်ရန် မည်သည့်အခါမျှ အတင်းအကျပ် မပြုပေ။ သူသည် လူတို့ကို သမ္မာတရား လက်ခံရန် မည်သည့်အခါမျှ အတင်းအကျပ် မပြု။ အကယ်၍ သင်သည် အကျင့်ပျက်ရန် ဆန္ဒရှိပါက ယင်းမှာ သင်၏ ကိုယ်ပိုင်ရွေးချယ်မှု ဖြစ်သည်။ နောက်ဆုံးတွင် အကျိုးဆက်များကို ခံစားရမည်မှာ သင်သာဖြစ်ပြီး သင့်ကိုယ်သင်သာလျှင် အပြစ်တင်ရမည် ဖြစ်သည်။ လူတို့ကို ကိုင်တွယ်ဖြေရှင်းခြင်းအတွက် ဘုရားသခင်၏ စည်းမျဉ်းများသည် မပြောင်းလဲနိုင်ပေ။ သို့ဖြစ်၍ အကယ်၍ သင်သည် အကျင့်ပျက်ခြင်းဖြင့် ကျေနပ်အားရပါက သင်၏ မလွဲမသွေဖြစ်သော အဆုံးသတ်မှာ အပြစ်ပေးခံရခြင်း ဖြစ်သည်။ သင့်အနေဖြင့် ဘုရားသခင်နောက်သို့ နှစ်ပေါင်းမည်မျှ လိုက်ခဲ့သည်ဖြစ်စေ အရေးမကြီးပေ။ သင့်အနေဖြင့် အကျင့်ပျက်ရန် ဆန္ဒရှိပါက ဘုရားသခင်သည် သင့်ကို နောင်တရရန် အတင်းအကျပ် ပြုမည်မဟုတ်။ စာတန်နောက်သို့ လိုက်ရန်၊ စာတန်၏ အထင်အမြင်မှားစေခြင်းနှင့် ဖျက်ဆီးခြင်းကို ခံရရန် လိုလားနေသူမှာ သင်ဖြစ်ပြီး သို့ဖြစ်၍ အဆုံးတွင် အကျိုးဆက်များကို ခံစားရမည့်သူမှာ သင်သာ ဖြစ်သည်။ အချို့သောလူတို့သည် ဤသို့သော လူများအတွက် စိတ်မကောင်းဖြစ်ကြပြီး၊ ၎င်းတို့ကို ကူညီရာ၌ ကြင်နာမှုကို ဖြုန်းတီးကြသော်လည်း ထိုလူတို့က ၎င်းတို့ကို မည်မျှပင် တိုက်တွန်းအားပေးစေကာမူ ၎င်းတို့ ပြန်မလှည့်လာကြပေ။ ဤနေရာတွင် အဘယ်အရာ ဖြစ်ပျက်နေသနည်း။ အမှန်တရားမှာ ဘုရားသခင်သည် ဤသို့သော လူတစ်ဦးကို ကယ်တင်ခြင်းမရှိ။ သူသည် ၎င်းတို့ကို အလိုမရှိပေ။ ထိုအရာနှင့်ပတ်သက်၍ လူသားက မည်သည့်အရာ လုပ်ဆောင်နိုင်သနည်း။ ထိုအရာသည် အခြေခံအကြောင်းရင်း ဖြစ်သည်။ သို့သော် လူတို့က အခြေအနေတစ်ခုကို ရှင်းလင်းစွာ မမြင်နိုင်သောအခါ မိမိတို့ လုပ်ဆောင်သင့်သည့်အရာကို လုပ်ဆောင်သင့်ပြီး မိမိတို့ ထမ်းဆောင်သင့်သော တာဝန်ဝတ္တရားများကို ထမ်းဆောင်သင့်သည်။ ဤတာဝန်များကို ထမ်းဆောင်ခြင်းမှ မည်သည့် အကျိုးဆက်များ ဖြစ်လာလိမ့်မည်ဟူသည်အတွက်မူ၊ ၎င်းတို့သည် ဘုရားသခင်၏ ဦးဆောင်မှုကို ရှုမြင်ရမည် ဖြစ်သည်။ ငါ ပြောဆိုခဲ့သော ဤအသေးစိတ်အချက်များမှတစ်ဆင့် “ဘုရားသခင်သည် မကောင်းမှုကို ရွံရှာသော ဘုရားဖြစ်သည်” ဟူသည့် စကားစုကို သင်တို့ အနည်းငယ် နားလည်လာကြပြီ မဟုတ်လော။ ဤသည်မှာ ယင်း၏ သွင်ပြင်လက္ခဏာတစ်ခုဖြစ်ပြီး နတ်ဆိုးများ၏ စွန်းထင်းစေခြင်း ခံရသောသူတို့ကို ဘုရားသခင် အလိုမရှိခြင်း ဖြစ်သည်။ ဘုရားသခင်က ၎င်းတို့ကို အလိုမရှိသည့် အကြောင်းရင်းမှာ အဘယ်နည်း။ သင်သည် စာတန်ကို ရွေးချယ်ပြီးလျှင်၊ ဘုရားသခင်က သင့်ကို အဘယ်သို့ဖြစ်ပြီး အလိုရှိနိုင်ဦးမည်နည်း။ သင်သည် စာတန်ကို ရွေးချယ်ပြီးဖြစ်လျှင်၊ ဘုရားသခင်က သင့်ကို ပြန်လာစေရန် အဘယ်သို့ သနားကရုဏာထားပြီး သင့်စိတ်နှလုံးကို လှုံ့ဆော်ပေးနိုင်ဦးမည်နည်း။ ဘုရားသခင်သည် ထိုအရာကို လုပ်ဆောင်နိုင်စွမ်းရှိသလော။ သူသည် လုပ်နိုင်စွမ်းရှိသည်ထက်ပင်ပိုသော်လည်း သူ၏ စိတ်သဘောထားက ဖြောင့်မတ်သောကြောင့်လည်းကောင်း၊ သူသည် မကောင်းမှုကို ရွံရှာသော ဘုရားဖြစ်သောကြောင့်လည်းကောင်း ဤအလုပ်ကို မလုပ်ဆောင်ရန် သူ ရွေးချယ်ပေသည်။

ပြီးခဲ့သည့်တစ်ကြိမ်က၊ ငါတို့၏ မိတ်သဟာယသည် အန္တိခရစ်တို့၏ ကောက်ကျစ်ဆိုးယုတ်သော အနှစ်သာရ၏ အဓိကသရုပ်သကန်မှာ အပြုသဘောဆောင်သော အရာအားလုံးနှင့် သမ္မာတရားအားလုံးအပေါ် ၎င်းတို့၏ ရန်လိုခြင်းနှင့် စက်ဆုပ်ရွံရှာခြင်း မည်သို့ဖြစ်သည်ဟူသည့်အချက်ကို အဓိကထားခဲ့သည်။ ယနေ့တွင် ငါသည် နောက်ထပ်ရှုထောင့်အမြင်တစ်ခုမှ မိတ်သဟာယဖွဲ့နေခြင်းဖြစ်ပြီး၊ ယင်းမှာ အန္တိခရစ်တို့သည် အပြုသဘောဆောင်သော အရာများနှင့် ဆန့်ကျင်သည့်အရာအားလုံးကို ချစ်မြတ်နိုးကြသည်ဟူ၍ ဖြစ်သည်။ ပြီးလျှင် ယင်းမှာ အဘယ်အရာ ဖြစ်သနည်း။ (အပျက်သဘောဆောင်သော အရာများဖြစ်သည်။) အပျက်သဘောဆောင်သော အရာများဖြစ်သည်။ ဆိုလိုသည်မှာ သမ္မာတရားကို ဆန့်ကျင်သည့်၊ ဆန့်ကျင်ဘက်ပြုကာ သဘောမတူညီသည့်အရာအားလုံး ဖြစ်သည်။ အန္တိခရစ်တို့သည် အပြုသဘောဆောင်သော အရာများကို မနှစ်သက်ကြပေ။ သို့ဖြစ်၍ ၎င်းတို့ ကြိုက်နှစ်သက်သည့်အရာတစ်ခုခု ရှိရမည် မဟုတ်လော။ ပြီးလျှင် အဘယ်အရာကို ၎င်းတို့ ကြိုက်နှစ်သက်ကြသနည်း။ ၎င်းတို့သည် လှည့်ဖြားခြင်းနှင့် မုသားများအပြင် အကြံအစည်များ၊ ပရိယာယ်များနှင့် နည်းဗျူဟာများကို ကြိုက်နှစ်သက်ကြသည်။ မိမိတို့၏ အားလပ်ချိန်များတွင် စစ်ရေးဗျူဟာသုံးဆယ့်ခြောက်မျိုးကို ဖတ်ရှုသော အန္တိခရစ်များ ရှိသလော။ ထိုသို့ ငါ ထင်မြင်မိသည်။ စစ်ရေးဗျူဟာသုံးဆယ့်ခြောက်မျိုးကို ငါဖတ်သည်ဟု သင်တို့ ထင်ကြသလော။ ငါ မဖတ်ပေ။ ယင်းကို ငါ မလေ့လာပေ။ ယင်းကို ဖတ်ရှုခြင်းက အဘယ်အကျိုးရှိသနည်း။ ယင်းကို ဖတ်ရှုခြင်းက ငါ့ကို အော်ဂလီဆန်စေပြီး ဗိုက်နာစေသည်။ သင်တို့သည် စစ်ရေးဗျူဟာသုံးဆယ့်ခြောက်မျိုးကို ဖတ်ရှုပြီးနောက်တွင် မည်သို့ ခံစားရသနည်း။ ကောက်ကျစ်ဆိုးယုတ်သော လူသားမျိုးနွယ်အပေါ် သင့်အား ပို၍ပင် စက်ဆုပ်ရွံရှာစေသည် မဟုတ်လော။ ဤစိတ်ခံစားချက်ကို သင် တွေ့ကြုံခံစားရသလော။ ယင်းကို ပို၍ ဖတ်ရှုလေ၊ ပို၍ စက်ဆုပ်ရွံရှာလေ ဖြစ်သည်။ ဤသူသည် အလွန်ပင် ဆိုးရွားလှသည်ဟု သင် ခံစားရသည်။ အသေးအဖွဲကိစ္စတိုင်းအတွက် ဗျူဟာများ အသုံးပြုရခြင်း၊ ထိုသို့သောအတိုင်းအတာများထိတိုင် အပင်ပန်းခံရခြင်း၊ ညဘက် အိပ်မပျော်နိုင်ခြင်း သို့မဟုတ် နေ့ဘက် အစာမစားနိုင်ခြင်းနှင့် မည်သို့ တိုက်ခိုက်ရမည်ကို အဖြေရှာရန် မိမိ၏ဦးနှောက်ကို အလွန်အမင်း အသုံးပြုရခြင်းတို့သည် အကျိုးနပ်သလော။ အချို့သော အန္တိခရစ်များသည် ၎င်းတို့၏ အားလပ်ချိန်များတွင် စစ်ရေးဗျူဟာသုံးဆယ့်ခြောက်မျိုးကို လေ့လာကောင်းလေ့လာနိုင်ပြီး အခြားလူတစ်ဦး၏ ဉာဏ်ရည်နှင့် ဘုရားသခင်၏ ဉာဏ်ရည်တို့ကို ယှဉ်ပြိုင်ကောင်းယှဉ်ပြိုင်နိုင်သည်။ ၎င်းတို့သည် မုသားများ၊ လှည့်ဖြားခြင်း၊ ပရိယာယ်များ၊ အကြံအစည်များအပြင် နည်းစနစ်များနှင့် နည်းဗျူဟာများကို နှစ်သက်ကြသည်။ သို့သော် ၎င်းတို့သည် ဘုရားသခင်၏ မျှတမှုနှင့် ဖြောင့်မတ်ခြင်းကို ကြိုက်နှစ်သက်ကြသလော။ မျှတမှုနှင့် ဖြောင့်မတ်ခြင်း၏ ဆန့်ကျင်ဘက်စကားလုံးမှာ အဘယ်နည်း။ (ကောက်ကျစ်ဆိုးယုတ်မှုနှင့် အကျည်းတန်မှုဖြစ်သည်။) ကောက်ကျစ်ဆိုးယုတ်မှုနှင့် အကျည်းတန်မှု ဖြစ်သည်။ ၎င်းတို့သည် အကျည်းတန်သော အရာများ၊ အလွန်မတရားသကဲ့သို့ မျှတမှုမရှိသော အရာအားလုံး၊ မတရားသဖြင့်ဖြစ်ပြီး မလျော်ကန်သော အရာအားလုံးကို ကြိုက်နှစ်သက်ကြသည်။ ဥပမာအနေနှင့်၊ သမ္မာတရားကို လူတို့ လိုက်စားခြင်းသည် တရားမျှတသော အကြောင်းတရားတစ်ခု ဖြစ်သည်။ အန္တိခရစ်တို့က ဤအရာကို မည်သို့ အဓိပ္ပာယ်ဖွင့်ဆိုကြသနည်း။ ၎င်းတို့က “သမ္မာတရားကို လိုက်စားသောသူတို့သည် လူနုံလူအများ ဖြစ်ကြသည်။ အကယ်၍ လူတစ်ဦးသည် မိမိတို့ အလိုရှိသည့်အတိုင်း အသက်မရှင်ပါက အသက်ရှင်ခြင်း၏ တန်ဖိုးမှာ အဘယ်နည်း။ လူတို့သည် မိမိတို့ကိုယ်တိုင်အတွက် အသက်ရှင်ရမည်ဖြစ်ပြီး သမ္မာတရားနှင့် တရားမျှတမှုအတွက် အသက်ရှင်သောသူတို့မူကား၊ ထိုလူအားလုံးသည် လူနုံလူအများသာ ဖြစ်ကြသည်”ဟု ဆိုကြသည်။ ယင်းမှာ ၎င်းတို့၏ သဘောထား ဖြစ်သည်။ သို့ဆိုလျှင် ၎င်းတို့သည် တရားမျှတသော အမှုအရာများကို လုပ်ဆောင်နိုင်စွမ်း ရှိကြသလော။ မရှိကြပေ။ အသင်းတော်၏ အလုပ်ကို အဖျက်အမှောင့်လုပ်ကာ နှောင့်ယှက်သည့် အမှုအရာများ အသင်းတော်၌ ပေါ်ပေါက်လာသောအခါ ၎င်းတို့ ထကြွပြီး ထုတ်ဖော်ပြောဆိုနိုင်ကြသလော။ ၎င်းတို့ ထကြွခြင်း မရှိရုံသာမက၊ ဤကံအကြောင်းမလှသည့်အဖြစ် တိတ်တဆိတ် သဘောကျကာ ဝမ်းသာကြသည်။ ၎င်းတို့သည် မကောင်းသည့် မျိုးစေ့များ ဖြစ်ကြသည်။ ၎င်းတို့သည် ဘုရားအိမ်တော်၏ အလုပ်နှင့်သက်ဆိုင်သော ကိစ္စရပ်များအတွက် မည်သည့်အခါမျှ စိုးရိမ်ပူပန်ခြင်း မရှိကြသကဲ့သို့ ဘုရားသခင်၏ ရွေးချယ်ထားသောလူများကို ကာကွယ်ရန် မည်သည့်အခါမျှ ထကြွပြီး မည်သည့်အရာကိုမျှ လုပ်ဆောင်ခြင်းလည်း မရှိကြပေ။ မကောင်းမှုပြုသောသူများက မကောင်းမှုပြုလုပ်သည်ကို မြင်သောအခါတွင်လည်းကောင်း၊ လူဆိုးများက အသင်းတော်ကို အနိုင်ကျင့်ဗိုလ်ကျသည်ကို မြင်သောအခါတွင်လည်းကောင်း တိတ်တဆိတ် သဘောကျကာ ဘုရားအိမ်တော်ကို ပြက်ရယ်ပြုသောသူတို့သည် မည်သည့် လူစားမျိုးများ ဖြစ်ကြသနည်း။ ၎င်းတို့သည် ကောက်ကျစ်ဆိုးယုတ်သော ပုဂ္ဂိုလ်များ ဖြစ်ကြသည်။ သို့ဆိုလျှင် ဤမကောင်းသောလူများကို အကာအကွယ်ပေးနိုင်စွမ်းရှိသော ခေါင်းဆောင်များသည် မည်သည့် လူစားမျိုးများ ဖြစ်ကြသနည်း။ ၎င်းတို့က အန္တိခရစ်များ ဖြစ်ကြသည်။ ၎င်းတို့သည် မိမိတို့၏ ကိုယ်ပိုင်အကျိုးစီးပွားများ ထိခိုက်နစ်နာခြင်းကို ခွင့်ပြုမည်မဟုတ်သော်လည်း အသင်းတော်၏ အကျိုးစီးပွားများ ထိခိုက်နစ်နာသောအခါ မျက်တောင်တစ်ချက် မခတ်ကြသကဲ့သို့ လုံးဝ ဝမ်းနည်းခြင်းလည်း မရှိကြပေ။ မမြင်ကွယ်ရာတွင် မည်သည့်အရာကိုမျှ ၎င်းတို့ ဆုံးရှုံးခြင်း မရှိသည့်အတွက် ဝမ်းပင်ဝမ်းသာနေကြသည်။ ဤသည်မှာ အန္တိခရစ်တို့၏ ကောက်ကျစ်ဆိုးယုတ်မှု ဖြစ်သည်။

အန္တိခရစ်များက သမ္မာတရားကို အလွန်အမင်း မနှစ်မြို့ကြပုံ၊ မဖြောင့်မတ်သကဲ့သို့ ကောက်ကျစ်ဆိုးယုတ်သည့် အရာများကို ၎င်းတို့ နှစ်သက်ပုံ၊ အကျိုးစီးပွားများနှင့် ကောင်းချီးမင်္ဂလာများကို လိုက်စားကြပုံ၊ ကောင်းချီးများရရန်ဖြစ်သော ၎င်းတို့၏ ရည်ရွယ်ချက်များနှင့် လိုအင်ဆန္ဒတို့ကို လုံးဝ လက်မလွှတ်ကြဘဲ ဘုရားသခင်နှင့် အပေးအယူလုပ်ရန် အမြဲ ကြိုးစားကြပုံအကြောင်းကို ငါတို့ ယခုတင် ပြောဆိုခဲ့ကြသည်။ ထို့ကြောင့် ဤကိစ္စရပ်ကို မည်သို့ ပိုင်းခြားသိမြင်ကာ အမျိုးအစားခွဲခြားသင့်သနည်း။ အခြားအရာအားလုံးထက် အကျိုးအမြတ်ကို ဦးစားပေးခြင်းဖြစ်သည်ဟု ငါတို့ ခေါ်လိုက်လျှင် ယင်းမှာ ပျော့လွန်းပေမည်။ ထိုအရာက ပေါလုက သူ၏ ကိုယ်၌ ဆူးတစ်ချောင်း ရှိကြောင်းနှင့် သူ၏ အပြစ်များကို ဖြေရန်အလို့ငှာ သူ အလုပ်လုပ်သင့်ကြောင်း အသိအမှတ်ပြုခဲ့သော်လည်း အဆုံးတွင် ဓမ္မသရဖူကို ရရှိရန် ဆန္ဒရှိခဲ့သေးသည့် ပုံစံကဲ့သို့ ဖြစ်သည်။ ဤအရာ၏ သဘာဝမှာ အဘယ်နည်း။ (ရက်စက်ခြင်းဖြစ်သည်။) ထိုအရာသည် ရက်စက်သော စိတ်သဘောထားတစ်မျိုး ဖြစ်သည်။ သို့သော် ဤအရာ၏ သဘာဝမှာ အဘယ်နည်း။ (ဘုရားသခင်နှင့် အပေးအယူလုပ်ခြင်း ဖြစ်သည်။) ထိုအရာတွင် ဤသဘာဝရှိ၏။ သူသည် အရာရာကို အပေးအယူတစ်ခုအဖြစ် သဘောထားလျက် သူ လုပ်ဆောင်ခဲ့သမျှတိုင်းတွင် အကျိုးအမြတ်ကို ရှာဖွေခဲ့သည်။ ဘာသာတရားမရှိသောသူတို့ကြားတွင် ဆိုရိုးစကားတစ်ခု ရှိသည်။ “အခမဲ့နေ့လည်စာဟူသည်မှာ မရှိပါ”ဟူ၍ ဖြစ်သည်။ အန္တိခရစ်များသည်လည်း “သင့်အတွက် ငါ အလုပ်လုပ်လျှင် အပြန်အလှန်အနေဖြင့် မည်သည့်အရာကို သင် ပေးမည်နည်း။ မည်သည့် အကျိုးကျေးဇူးများကို ငါ ရရှိနိုင်သနည်း”ဟု တွေးလျက် ဤဆင်ခြင်တွေးခေါ်မှုစနစ်ကို ထားရှိကြသည်။ ဤသဘာဝကို မည်သို့ ပေါင်းရုံးဖော်ပြသင့်သနည်း။ ထိုအရာကို အကျိုးအမြတ်များ၊ အရာအားလုံးထက် အကျိုးအမြတ်ကို ဦးစားပေးခြင်း၊ တစ်ကိုယ်ကောင်းဆန်ခြင်းနှင့် စက်ဆုပ်ဖွယ်ဖြစ်ခြင်းတို့က လှုံ့ဆော်ခြင်း ဖြစ်သည်။ ဤသည်မှာ အန္တိခရစ်များ၏ သဘာဝ အနှစ်သာရ ဖြစ်သည်။ ၎င်းတို့သည် အကျိုးအမြတ်နှင့် ကောင်းချီးများ ရရှိရန် ရည်ရွယ်ချက်တစ်ခုတည်းအတွက် ဘုရားသခင်ကို ယုံကြည်ကြသည်။ ဆင်းရဲဒုက္ခတစ်ခုခုကို ၎င်းတို့ ခါးစည်းခံရလျှင်၊ သို့မဟုတ် အဖိုးအခအချို့ကို ပေးရလျှင် ဘုရားသခင်နှင့် အပေးအယူလုပ်ရန်အလို့ငှာသာ ဖြစ်သည်။ ကောင်းချီးများနှင့် ဆုလာဘ်များ ရရှိရန်ဖြစ်သော ၎င်းတို့၏ ရည်ရွယ်ချက်နှင့် လိုအင်ဆန္ဒတို့သည် အလွန်ကြီးမားပြီး ထိုအရာကို ၎င်းတို့က တင်းကျပ်စွာ ဖက်တွယ်ကြသည်။ ဘုရားသခင် ဖော်ပြပြီးဖြစ်သည့် သမ္မာတရားများစွာထဲမှ တစ်ခုကိုမျှ ၎င်းတို့ လက်မခံကြပေ။ ၎င်းတို့က ဘုရားသခင်ကို ယုံကြည်ခြင်းသည် ကောင်းချီးများ ရရှိခြင်းနှင့် ကောင်းမွန်သော ခရီးပန်းတိုင်တစ်ခုကို အရယူခြင်းအကြောင်းသာ ဖြစ်ကြောင်း၊ ယင်းမှာ အမြင့်ဆုံးသော စည်းမျဉ်းဖြစ်ပြီး ထိုအရာကို မည်သည့်အရာကမျှ မကျော်လွန်နိုင်ကြောင်း ၎င်းတို့၏ စိတ်နှလုံးများတွင် အမြဲ တွေးထင်ကြသည်။ ကောင်းချီးများ ရရှိဖို့အတွက် မဟုတ်လျှင် လူတို့အနေဖြင့် ဘုရားသခင်ကို မယုံကြည်သင့်ကြောင်းနှင့် ကောင်းချီးများအတွက် မဟုတ်လျှင် ဘုရားသခင်ကို ယုံကြည်မှုသည် မည်သည့် အဓိပ္ပာယ် သို့မဟုတ် တန်ဖိုးမျှ ရှိမည်မဟုတ်ကြောင်း၊ ထိုအရာက အဓိပ္ပာယ်နှင့် တန်ဖိုး ဆုံးရှုံးမည်ဖြစ်ကြောင်း ၎င်းတို့ တွေးထင်ကြလေသည်။ ဤအရာများကို အန္တိခရစ်များထဲသို့ အခြားတစ်စုံတစ်ဦးက သွတ်သွင်းပေးခဲ့ခြင်း ဖြစ်သလော။ ယင်းတို့သည် အခြားတစ်စုံတစ်ဦး၏ လေ့ကျင့်သင်ကြားပေးခြင်း သို့မဟုတ် လွှမ်းမိုးမှုမှ ဆင်းသက်သလော။ မဟုတ်ပေ၊ ယင်းတို့ကို မည်သူမျှ ပြောင်းလဲ၍ မရနိုင်သည့်အရာတစ်ခု ဖြစ်သော အန္တိခရစ်များ၏ ပင်ကိုသဘာဝ အနှစ်သာရက အဆုံးအဖြတ်ပေးခြင်းဖြစ်သည်။ လူ့ဇာတိခံ ဘုရားသခင်က ယနေ့ခေတ်တွင် နှုတ်ကပတ်တော်များစွာ ပြောဆိုနေလင့်ကစား အန္တိခရစ်များက ထိုအရာများထဲမှ တစ်ခုကိုမျှ လက်မခံကြဘဲ ထိုအစား ယင်းတို့ကို အတိုက်အခံလုပ်ကာ ပြစ်တင်ရှုတ်ချကြလေသည်။ သမ္မာတရားကို ၎င်းတို့၏ အလွန်အမင်း မနှစ်မြို့ခြင်းနှင့် သမ္မာတရားကို မုန်းတီးခြင်း သဘာဝသည် လုံးဝ မပြောင်းလဲနိုင်ပေ။ ယင်းတို့ မပြောင်းလဲနိုင်လျှင် ဤအရာက မည်သည့်အရာကို ညွှန်ပြသနည်း။ ၎င်းတို့၏ သဘာဝက ကောက်ကျစ်ဆိုးယုတ်ကြောင်း ညွှန်ပြပေသည်။ ဤသည်မှာ သမ္မာတရားကို လိုက်စားခြင်း၊ မလိုက်စားခြင်း ကိစ္စတစ်ခု မဟုတ်ပေ။ ဤသည်မှာ ကောက်ကျစ်ဆိုးယုတ်သော စိတ်သဘောထားတစ်ခု ဖြစ်သည်။ ဘုရားသခင်ကို ပြောင်ပြောင်တင်းတင်း ကန့်ကွက်ပြောဆိုခြင်းနှင့် ဘုရားသခင်ကို ရန်လုပ်ခြင်းဖြစ်သည်။ ဤသည်မှာ အန္တိခရစ်များ၏ သဘာဝ အနှစ်သာရဖြစ်သည်။ ၎င်းတို့၏ စစ်မှန်သော စရိုက်အမှန်သာဖြစ်သည်။ အန္တိခရစ်တို့သည် ဘုရားသခင်ကို ဗြောင်ကျကျ ကန့်ကွက်ပြောဆိုပြီး ဆန့်ကျင်နိုင်ကြသည့်အတွက်၊ ၎င်းတို့၏ စိတ်သဘောထားမှာ အဘယ်နည်း။ ယင်းမှာ ကောက်ကျစ်ဆိုးယုတ်သည်။ အဘယ်ကြောင့် ကောက်ကျစ်ဆိုးယုတ်သည်ဟု ငါ ဆိုရသနည်း။ အန္တိခရစ်တို့သည် ကောင်းချီးမင်္ဂလာများ ရရှိခြင်းအတွက်၊ ကျော်ကြားမှု၊ အကျိုးအမြတ်နှင့် အဆင့်အတန်းတို့အတွက် ဘုရားသခင်ကို ဆန့်ကျင်ပြီး သူ့ကို ကန့်ကွက်ပြောဆိုဝံ့ကြသည်။ အဘယ်ကြောင့် ဤအရာကို ၎င်းတို့ ပြုလုပ်ဝံ့ကြသနည်း။ ၎င်းတို့၏ စိတ်နှလုံးအတွင်း၌ ၎င်းတို့ကို စိုးမိုးအုပ်ချုပ်သော အင်အားစုတစ်ခု၊ ကောက်ကျစ်ဆိုးယုတ်သော စိတ်သဘောထားတစ်ခု ရှိနေသောကြောင့် ၎င်းတို့သည် မဆင်မခြင် ပြုမူနိုင်ကြပြီး ဘုရားသခင်နှင့် အငြင်းအခုံပြုကာ သူ့ကိုကန့်ကွက်ပြောဆိုနိုင်ကြခြင်း ဖြစ်သည်။ ဘုရားသခင်က ၎င်းတို့အား သရဖူပေးမည်မဟုတ်ဟု မပြောမီတွင်ပင်၊ ၎င်းတို့၏ ခရီးပန်းတိုင်ကို ဘုရားသခင် မဖယ်ရှားမီတွင်ပင် ၎င်းတို့၏ ကောက်ကျစ်ဆိုးယုတ်သော စိတ်သဘောထားသည် ၎င်းတို့၏ စိတ်နှလုံးအတွင်းမှ ပေါက်ကွဲထွက်လာပြီး ၎င်းတို့က “အကယ်၍ သင်သည် ကျွန်ုပ်ကို သရဖူနှင့် ခရီးပန်းတိုင်တစ်ခု မပေးပါက၊ တတိယကောင်းကင်ဘုံသို့ ကျွန်ုပ်သွားပြီး သင်နှင့် အငြင်းအခုံပြုမည်”ဟု ပြောဆိုကြသည်။ အကယ်၍ ၎င်းတို့၏ ကောက်ကျစ်ဆိုးယုတ်သော စိတ်သဘောထားကြောင့်သာ မဟုတ်ခဲ့ပါက၊ ၎င်းတို့သည် ထိုသို့သော အားအင်ကို အဘယ်မှာ ရှာတွေ့မည်နည်း။ လူအများစုသည် ထိုသို့သော အားအင်ကို မွေးနိုင်ကြသလော။ ဘုရားသခင်၏ နှုတ်ကပတ်တော်များက သမ္မာတရားဖြစ်သည်ကို အန္တိခရစ်များက အဘယ်ကြောင့် မယုံကြည်ကြသနည်း။ ၎င်းတို့သည် ကောင်းချီးမင်္ဂလာများအတွက် မိမိတို့၏ လိုအင်ဆန္ဒကို ခေါင်းမာစွာ အဘယ်ကြောင့် စွဲကိုင်ထားကြသနည်း။ ဤသည်မှာ ၎င်းတို့၏ ကောက်ကျစ်ဆိုးယုတ်မှု တစ်ဖန် ဖြစ်သည်မဟုတ်လော။ (ဟုတ်ပါသည်။) ဘုရားသခင်က လူတို့အား ပေးအပ်ရန် ကတိပြုထားသော တကယ့်ကောင်းချီးမင်္ဂလာများက အန္တိခရစ်တို့၏ ရည်မှန်းချက်နှင့် လိုအင်ဆန္ဒ ဖြစ်လာခဲ့သည်။ ၎င်းတို့သည် ထိုကောင်းချီးများကိုရရှိရန် စိတ်ပိုင်းဖြတ်ထားကြသော်လည်း ဘုရားသခင်၏ လမ်းခရီးကို မလိုက်လျှောက်လိုကြသကဲ့သို့ သမ္မာတရားကို မချစ်မြတ်နိုးကြပေ။ ထိုအစား ၎င်းတို့သည် ကောင်းချီးမင်္ဂလာများ၊ ဆုလာဘ်များနှင့် သရဖူများကို လိုက်စားကြသည်။ ဘုရားသခင်က ဤအရာများကို ၎င်းတို့အား ပေးမည်မဟုတ်ဟု မပြောမီတွင်ပင်၎င်းတို့သည် ဘုရားသခင်နှင့် ယှဉ်ပြိုင်လိုကြသည်။ ၎င်းတို့၏ ဆင်ခြင်တွေးခေါ်မှုစနစ်မှာ အဘယ်နည်း။ “အကယ်၍ ကျွန်ုပ်သည် ကောင်းချီးမင်္ဂလာများနှင့် ဆုလာဘ်များကို မရရှိနိုင်ပါက သင်နှင့် အငြင်းအခုံပြုမည်၊ သင့်ကို ဆန့်ကျင်မည်၊ သင်သည် ဘုရားမဟုတ်ဟု ကျွန်ုပ် ပြောဆိုမည်” ဟူ၍ ဖြစ်သည်။ ထိုသို့သော စကားများ ပြောဆိုခြင်းအားဖြင့် ၎င်းတို့သည် ဘုရားသခင်ကို ခြိမ်းခြောက်နေကြသည် မဟုတ်လော။ ၎င်းတို့သည် သူ့ကို ဖြုတ်ချရန် ကြိုးစားနေကြသည် မဟုတ်လော။ အရာခပ်သိမ်းအပေါ် ဘုရားသခင်၏ အချုပ်အခြာအာဏာကိုပင် ၎င်းတို့ ငြင်းပယ်ဝံ့ကြသည်။ ဘုရားသခင်၏ လုပ်ဆောင်ချက်များက ၎င်းတို့၏ အလိုဆန္ဒနှင့် မကိုက်ညီသရွေ့ ဘုရားသခင်က ဖန်ဆင်းရှင်ဖြစ်ကြောင်း၊ တစ်ဆူတည်းသော စစ်မှန်သည့် ဘုရားဖြစ်ကြောင်းကို ၎င်းတို့ ငြင်းပယ်ဝံ့ကြသည်။ ဤသည်မှာ စာတန်၏ စိတ်သဘောထား မဟုတ်လော။ ဤသည်မှာ စာတန်၏ ကောက်ကျစ်ဆိုးယုတ်မှု မဟုတ်လော။ အန္တိခရစ်တို့ ပြုမူပုံနှင့် ဘုရားသခင်အပေါ် စာတန်၏ သဘောထားအကြား ကွာခြားမှုတစ်ခုတလေ ရှိသလော။ ဤချဉ်းကပ်မှုနှစ်ခုကို လုံးဝ ညီမျှသည်ဟု သတ်မှတ်၍ရနိုင်သည်။ အန္တိခရစ်တို့သည် အရာခပ်သိမ်းအပေါ် ဘုရားသခင်၏ အချုပ်အခြာအာဏာကို အသိအမှတ်ပြုရန် ငြင်းပယ်ကြပြီး ၎င်းတို့သည် ဘုရားသခင်၏ လက်တော်မှ ကောင်းချီးမင်္ဂလာများ၊ ဆုလာဘ်များနှင့် သရဖူများကို လုယူလိုကြသည်။ ဤသည်မှာ မည်သည့် စိတ်သဘောထားမျိုး ဖြစ်သနည်း။ ၎င်းတို့သည် မည်သည့်အကြောင်းရင်းပေါ်တွင် ဤသို့ ပြုမူရန်နှင့် အမှုအရာများကို သိမ်းပိုက်ရယူရန် ဆန္ဒရှိကြသနည်း။ ၎င်းတို့အနေဖြင့် ထိုသို့သော အားအင်ကို မည်သို့ မွေးနိုင်ကြသနည်း။ ဤအရာအတွက် အကြောင်းရင်းကို ယခု အကျဉ်းချုပ်ဖော်ပြနိုင်သည်။ ဤသည်မှာ အန္တိခရစ်တို့၏ ကောက်ကျစ်ဆိုးယုတ်မှု ဖြစ်သည်။ အန္တိခရစ်တို့သည် သမ္မာတရားကို ချစ်မြတ်နိုးခြင်းမရှိကြသည့်တိုင် ကောင်းချီးမင်္ဂလာများနှင့် သရဖူများကို ရရှိလိုနေဆဲဖြစ်ပြီး ဤဆုလာဘ်များကို ဘုရားသခင်၏ လက်တော်မှ သိမ်းပိုက်ရယူချင်နေဆဲ ဖြစ်သည်။ ဤသည်မှာ သေခြင်းကို ဖိတ်ခေါ်နေခြင်း မဟုတ်လော။ သေခြင်းကို ၎င်းတို့ ဖိတ်ခေါ်နေခြင်းဖြစ်သည်ကို ၎င်းတို့ သိရှိကြသလော။ (မသိရှိကြပါ။) ဆုလာဘ်များ ရရှိခြင်းက မဖြစ်နိုင်ကြောင်း ရေးရေးမျှဖြစ်သော ခံစားချက်တစ်ခုလည်း ရှိကောင်းရှိနိုင်သဖြင့် ရှေးဦးစွာ ၎င်းတို့က “အကယ်၍ ကောင်းချီးမင်္ဂလာများကို ကျွန်ုပ် မရရှိနိုင်ပါက၊ တတိယကောင်းကင်ဘုံသို့ ကျွန်ုပ်သွားပြီး ဘုရားနှင့် အငြင်းအခုံပြုမည်” ဟူသကဲ့သို့သော ထုတ်ပြန်ချက်တစ်ခုကို ပြောဆိုကြသည်။ကောင်းချီးမင်္ဂလာများ ရရှိရန်မှာ ၎င်းတို့အတွက် ဖြစ်နိုင်လိမ့်မည်မဟုတ်ကြောင်း ၎င်းတို့ ကြိုတင်မြင်တွေ့ပြီး ဖြစ်နေသည်။ အမှန်တွင်တော့၊ စာတန်သည် နှစ်ပေါင်းများစွာ အာကာသကောင်းကင်အလယ်၌ ဘုရားသခင်ကို ကန့်ကွက်ပြောဆိုပြီးဖြစ်ကာ ဘုရားသခင်က သူ့ကို အဘယ်အရာ ပေးပြီးဖြစ်သနည်း။ သူ့အတွက် ဘုရားသခင်၏ တစ်ခုတည်းသော ထုတ်ပြန်ချက်မှာ “အလုပ် ပြီးဆုံးပြီးနောက် သင့်ကို အနက်ဆုံးသောတွင်းထဲသို့ ငါ ချပစ်မည်။ သင်သည် အနက်ဆုံးသောတွင်းနှင့် သက်ဆိုင်သည်” ဟူ၍ ဖြစ်သည်။ ဤသည်မှာ စာတန်အတွက် ဘုရားသခင်၏ တစ်ခုတည်းသော “ကတိ” ဖြစ်သည်။ သူက ဆုလာဘ်များကို လိုချင်တပ်မက်နေဆဲဖြစ်သည်မှာ မူမမှန်ဖြစ်နေသည် မဟုတ်လော။ ဤသည်မှာ ကောက်ကျစ်ဆိုးယုတ်မှု ဖြစ်သည်။ အန္တိခရစ်တို့၏ ပင်ကိုအနှစ်သာရသည် ဘုရားသခင်ကို ဆန့်ကျင်လိုပြီး အန္တိခရစ်တို့ ကိုယ်တိုင်ပင် ဤသည်မှာ အဘယ်ကြောင့်ဖြစ်သည်ကို မသိကြပေ။ ၎င်းတို့၏ စိတ်နှလုံးများသည် ကောင်းချီးမင်္ဂလာများနှင့် သရဖူများ ရရှိခြင်း တစ်ခုတည်းအပေါ်၌သာ အာရုံစိုက်ထားကြသည်။ တစ်ခုတလေက သမ္မာတရား သို့မဟုတ် ဘုရားသခင်နှင့် ပါဝင်ပတ်သက်သည့်အခါတိုင်း ၎င်းတို့အတွင်း၌ ဆန့်ကျင်မှုနှင့် အမျက်ဒေါသတို့ ထွက်ပေါ်လာသည်။ ဤသည်မှာ ကောက်ကျစ်ဆိုးယုတ်မှု ဖြစ်သည်။ ပုံမှန်လူတို့သည် အန္တိခရစ်တို့၏ အတွင်းစိတ်ခံစားချက်များကို နားလည်နိုင်ဖွယ်မရှိ။ အန္တိခရစ်တို့အတွက် အတော်ပင် ခက်ခဲလှသည်။ အန္တိခရစ်တို့သည် ထိုသို့သော ကြီးမားလှသည့် ရည်မှန်းချက်များကို ပိုင်ဆိုင်ကြသည်၊ ၎င်းတို့သည် မိမိတို့အတွင်း၌ ထိုသို့သော ကြီးမားလှသည့် ကောက်ကျစ်ဆိုးယုတ်သော အားအင်နှင့် ကောင်းချီးမင်္ဂလာများအတွက် ထိုသို့သော ကြီးမားလှသည့် လိုအင်ဆန္ဒ ထားရှိကြသည်။ သူတို့ကို လိုအင်ဆန္ဒဖြင့် လောင်ကျွမ်းနေသည်ဟု ဖော်ပြနိုင်သည်။ သို့သော် ဘုရားအိမ်တော်က သမ္မာတရားကို အဆက်မပြတ် မိတ်သဟာယဖွဲ့သည်၊ ယင်းကို ကြားရသည်မှာ ၎င်းတို့အတွက် အလွန် နာကျင်ပြီး ခက်ခဲရပေမည်။ ၎င်းတို့သည် ယင်းကို ကြံ့ကြံ့ခံနိုင်ရန်အလို့ငှာ မိမိတို့ကိုယ်ကို နစ်နာစေပြီး အလွန်တရာ ဟန်ဆောင်ကြသည်။ ဤသည်မှာ ကောက်ကျစ်ဆိုးယုတ်သော အားအင်တစ်မျိုးဖြစ်သည် မဟုတ်လော။ အကယ်၍ သာမန်လူတို့က သမ္မာတရားကို မချစ်မြတ်နိုးပါက အသင်းတော်အသက်တာကို စိတ်ဝင်စားဖွယ်ရာအဖြစ် ၎င်းတို့ မြင်မည်မဟုတ်သကဲ့သို့ ယင်းအပေါ် စက်ဆုပ်ရွံရှာစိတ်တစ်ခုပင် ခံစားရပေမည်။ ဘုရားသခင်၏ နှုတ်ကပတ်တော်များကို ဖတ်ရှုခြင်းနှင့် သမ္မာတရားကို မိတ်သဟာယဖွဲ့ခြင်းသည် ၎င်းတို့အတွက် ပျော်ရွှင်မှုထက် ဆင်းရဲဒုက္ခကဲ့သို့ ပို၍ ခံစားရပေမည်။ သို့ဆိုလျှင် အန္တိခရစ်တို့သည် ထိုအရာကို ကြံ့ကြံ့ခံနိုင်ကြသနည်း။ အကြောင်းမှာ ကောင်းချီးမင်္ဂလာများအတွက် ၎င်းတို့၏ လိုအင်ဆန္ဒက အလွန် ကြီးမားလှသဖြင့် ယင်းက ၎င်းတို့ကို မိမိတို့ကိုယ်ကို နစ်နာစေပြီး အင်တင်တင်ဖြင့် ကြံ့ကြံ့ခံရန် လှုံ့ဆော်သောကြောင့် ဖြစ်သည်။ ထို့အပြင် ၎င်းတို့သည် စာတန်၏ အစေခံများအဖြစ် ပြုမူရန် ဘုရားအိမ်တော်သို့ ခိုးဝင်ကြပြီး အသင်းတော်အလုပ်ကို နှောင့်ယှက်မှုများနှင့် အဖျက်အမှောင့်များဖြစ်စေရန် မိမိတို့ကိုယ်ကို ဆက်ကပ်အပ်နှံကြသည်။ ဤသည်မှာ ၎င်းတို့၏ တာဝန်ဖြစ်သည်ဟု ၎င်းတို့ ယုံကြည်ကြပြီး ဘုရားသခင်ကို အတိုက်အခံပြုသည့် ၎င်းတို့၏ တာဝန် မပြီးမြောက်မချင်း ၎င်းတို့ စိတ်မသက်မသာ ခံစားရကာ စာတန်ကို စိတ်ပျက်စေခဲ့သည်ဟု ခံစားရကြသည်။ ဤသည်မှာ အန္တိခရစ်တို့၏ သဘာဝအားဖြင့် ဆုံးဖြတ်ထားခြင်း ဖြစ်သည်။

အန္တိခရစ်တို့သည် အဆင့်အတန်းကို သိသာထင်ရှားသည့် နှစ်သက်မှုရှိကြပြီး ဤအရာကို လူတိုင်း သိရှိကြသည်။ ၎င်းတို့သည် အဆင့်အတန်းကို မည်သည့်အတိုင်းအတာအထိ နှစ်သက်ကြသနည်း။ ဤအရာ၏ သရုပ်သကန်များမှာ အဘယ်နည်း။ ပထမဦးစွာ ၎င်းတို့သည် မျက်နှာလိုအားရလုပ်ခြင်းမှတစ်ဆင့်ဖြစ်စေ လှည့်ဖြားသော နည်းလမ်းများမှတစ်ဆင့်ဖြစ်စေ၊ လူတို့၏ စိတ်နှလုံးများကို စည်းရုံးသိမ်းသွင်းရန် ကောင်းသာ အရာများ လုပ်ဆောင်ခြင်းအားဖြင့်ဖြစ်စေ အဆင့်တက်ဖို့ မည်သည့်အခွင့်အရေးကိုမဆို လက်မလွှတ်တမ်း အသုံးချကြသည်။ မည်သို့ပင်ဖြစ်စေ တက်ရန် အခွင့်အရေးတစ်ခု ရှိသည့်အခါတိုင်း ၎င်းတို့က ရယူကြသည်။ အဆင့်အတန်း ၎င်းတို့ ရရှိသည်နှင့်တစ်ပြိုင်နက်၊ ယင်းကို ယခင်ကထက်ပင် ပို၍ တန်ဖိုးထားကြသည်။ ပုံမှန်လူတို့က အဆင့်အတန်း ရရှိသောအခါ ရှက်စိတ်တစ်ခုရှိကြပြီး မိမိတို့ကိုယ်ကို အနည်းငယ် ချုပ်တည်းကြသည်။ ထို့အပြင် ဘုရားအိမ်တော်ရှိ ခေါင်းဆောင်တစ်ဦး သို့မဟုတ် အမှုဆောင်တစ်ဦး၏ ရာထူးသည် တာဝန်တစ်ခု ဖြစ်သည်။ အဆင့်အတန်း သို့မဟုတ် အရာရှိရာထူးတစ်ခု မဟုတ်ဘဲ တာဝန်တစ်ခု ဖြစ်သည်။ တစ်ခါတစ်ရံ ဤပုံမှန်လူတို့သည် ယခုတွင် ၎င်းတို့အနေဖြင့် အရာရှိရာထူးတစ်ခု၌ ရှိနေသည်ဟု တွေးထင်လျက် မိမိတို့ကိုယ်ကို ကြွားဝါခြင်းဖြင့် မိမိတို့၏ ဖောက်ပြန်ပျက်စီးသော စိတ်သဘောထားအချို့ကို ထုတ်ဖော်ကောင်း ထုတ်ဖော်ကြပေမည်။ ပုံမှန်လူတို့သည် ရံဖန်ရံခါဤသို့ ပြုမူခြင်းကို အတော်အတန်လက်ခံနိုင်ဖွယ်ဖြစ်သည်ဟု မြင်ကြသော်လည်း၊ အကယ်၍ ၎င်းတို့ ပုံမှန် ပြုလုပ်ပါက မိမိတို့ကိုယ်ကို စက်ဆုပ်ရွံရှာကြမည်ဖြစ်ပြီး ၎င်းတို့၏ ညီအစ်ကိုမောင်နှမများက သတိပြုမိမည်ကို ကြောက်ရွံ့ကြလိမ့်မည်။ ၎င်းတို့၌ ဂုဏ်သိက္ခာနှင့် အရှက်တရား ရှိကြသဖြင့် မိမိတို့ကိုယ်ကို အနည်းငယ် ချုပ်တည်းကြသည်။ သမ္မာတရားကို နားလည်ပြီးနောက် ၎င်းတို့သည် အဆင့်အတန်းအပေါ် တဖြည်းဖြည်း အရေးထားမှုနည်းလာကြသည်။ ဤအရာက မည်သည့် အပြုသဘောဆောင်သော သက်ရောက်မှု ရှိမည်ဖြစ်ပြီး မည်သည့် ကောင်းမွန်သော ရလဒ်များကို ဆောင်ကြဉ်းပေးမည်နည်း။ ယင်းက ၎င်းတို့အား မိမိတို့၏ တာဝန်ကို စိတ်အေးချမ်းမှုဖြင့် ထမ်းဆောင်နိုင်စေမည် ဖြစ်သည်။ ၎င်းတို့၏ လက်ရှိ အခန်းကဏ္ဍ မည်သို့ပင်ဖြစ်စေ ၎င်းတို့က ထိုအရာကို တာဝန်တစ်ခုအဖြစ် မှတ်ယူကြလိမ့်မည်။ ၎င်းတို့သည် ဦးဆောင်ရန် ရွေးချယ်ခြင်း ခံခဲ့ကြရသည့်အတွက်၊ ခေါင်းဆောင်မှုသည် တစ်ချိန်တည်းမှာပင် လူသားအတွက် ဝန်ထုပ်ဝန်ပိုးတစ်ခုနှင့် တာဝန်တစ်ခု ဖြစ်သောကြောင့် ရှေးဦးစွာ ၎င်းတို့သည် ဤတာဝန်၏ နယ်ပယ်တွင် အကျုံးဝင်သောအရာများက မည်သည့်အရာများဖြစ်သည်ကို နားလည်ရမည် ဖြစ်သည်။ သင်သည် ခေါင်းဆောင်မှု အခန်းကဏ္ဍ၌ မရှိသောအခါ အချို့သော ကိစ္စရပ်များကို စိတ်ဝင်စားရန် မလိုအပ်သကဲ့သို့ သင်၌ အမှန်တကယ် မည်သည့်ဝန်ထုပ်ဝန်ပိုးမျှ မရှိပေ။ သို့သော် ခေါင်းဆောင်မှု အခန်းကဏ္ဍကို သင်ယူသောအခါ သင်၏ တာဝန်များအား ကောင်းမွန်စွာ မည်သို့ ထမ်းဆောင်ရမည်ကိုလည်းကောင်း၊ ဘုရားအိမ်တော်၏ စည်းမျဉ်းများနှင့် အလုပ်အစီအစဉ်များနှင့်အညီ သင်၏ တာဝန်အား မည်သို့ ထမ်းဆောင်ရမည်ကိုလည်းကောင်း သင် နားလည်သဘောပေါက်ရန် လိုအပ်သည်။ သမ္မာတရားကို လိုက်စားသောသူတို့သည် ဤကဲ့သို့သော အပြုသဘောဆောင်သည့် ဦးတည်ချက်ဖြင့် တိုးတက်နိုင်ကြသည်။ သို့ဆိုလျှင် အဆင့်အတန်းကို ၎င်းတို့ ချဉ်းကပ်ပုံအရ အန္တိခရစ်များနှင့် သမ္မာတရားကို လိုက်စားသောသူတို့အကြား ကွာခြားချက်မှာ အဘယ်နည်း။ အန္တိခရစ်တို့သည် မိမိတို့၏ အဆင့်အတန်းကို စိတ်အားထက်သန်စွာ လိုက်စားခြင်း၊ တန်ဖိုးထားခြင်းနှင့် စီမံခန့်ခွဲခြင်းတို့ ပြုကြသည်။ ၎င်းတို့သည် အကြိမ်တိုင်းတွင် မိမိတို့၏ အဆင့်အတန်းအကြောင်း စဉ်းစားကြသည်။ အဆင့်အတန်းသည် ၎င်းတို့၏ အသက်သွေးကြောကဲ့သို့ ဖြစ်သည်။ အကယ်၍ အခြားသူများက ၎င်းတို့ကို လေးစားခြင်းမရှိပါက သို့မဟုတ် ၎င်းတို့အနေဖြင့် မတော်တဆ စကားမှားပြောမိပြီး အခြားသူများ ၎င်းတို့ကို အထင်သေးပါက၊ ၎င်းတို့သည် အခြားလူတို့၏ စိတ်နှလုံးထဲ၌ ၎င်းတို့၏ နေရာကို ဆုံးရှုံးပါက ၎င်းတို့သည် မိမိတို့၏ အဆင့်အတန်းနှင့်ပတ်သက်၍ အဆက်မပြတ် စိုးရိမ်ပူပန်ကြမည်ဖြစ်ပြီး ၎င်းတို့ ပြုမူပုံနှင့် စကားပြောပုံ၌ အလွန် သတိထားလာကြလိမ့်မည်။ သင် သမ္မာတရားကို လိုက်စားခြင်းအပေါ် မည်သို့ပင် မိတ်သဟာယဖွဲ့စေကာမူ ၎င်းတို့ နားလည်နိုင်ကြမည်မဟုတ်ပေ။ ၎င်းတို့ နားလည်နိုင်သော တစ်ခုတည်းသောအရာမှာ အဘယ်နည်း။ “ငါ ဤ‘အစိုးရရာထူး’ကို ကောင်းမွန်စွာ မည်သို့ ထမ်းဆောင်နိုင်မည်နည်း။ အရာရှိတစ်ဦးကဲ့သို့ မည်သို့ ပြုမူနိုင်မည်နည်း” ဟူ၍ ဖြစ်သည်။ ဤအရာ၏ တိကျသော သရုပ်သကန်အချို့ ရှိသည်။ ဥပမာအားဖြင့် အသင်းတော်ခေါင်းဆောင်တစ်ဦးသည် ညီအစ်ကိုမောင်နှမ နှစ်ဆယ်ကျော်နှင့်အတူ အဖွဲ့ဓာတ်ပုံရိုက်သောအခါ ဂုဏ်သိက္ခာနှင့် ရှက်စိတ်ရှိသည့် တစ်စုံတစ်ဦးသည် မည်သည့်နေရာ၌ ထိုင်ရန် ရွေးချယ်မည်နည်း။ ၎င်းတို့အနေဖြင့် ထိုင်ရန် ဘေးဘက်ရှိ ထောင့်တစ်နေရာကို ရှာဖွေကြပေမည်။ အန္တိခရစ်တို့သည် အများအားဖြင့် မည်သည့်နေရာ၌ ထိုင်ကြသနည်း။ (အလယ်၌ထိုင်ကြသည်။) ၎င်းတို့ အလယ်၌ ထိုင်ခြင်းသည် လူတိုင်း၏ ဆန္ဒလော သို့မဟုတ် ၎င်းတို့၏ ကိုယ်ပိုင်ဆန္ဒလော။ (၎င်းတို့၏ ကိုယ်ပိုင်ဆန္ဒ ဖြစ်ပါသည်။) တစ်ခါတစ်ရံ လူတိုင်းက ၎င်းတို့ကို အဓိကကျသော နေရာသို့ အတင်းအကျပ်တွန်းပို့လျက် ၎င်းတို့အတွက် အလယ်၌ နေရာတစ်ခု ချန်ထားပေးပြီး ၎င်းတို့၏ စိတ်နှလုံးထဲ၌ ၎င်းတို့က၊ “လူတိုင်းထံမှ ငါ ထောက်ခံမှု အဘယ်မျှ ရထားသည်ကို ကြည့်ပါ။ ငါ ဤနေရာတွင် ထိုင်ရမည်။ လူတိုင်း၏ စိတ်နှလုံးထဲတွင် ငါ နေရာတစ်နေရာ ရှိသည်ကို ဤနေရာမှ ငါ မြင်နိုင်သည်။ သူတို့သည် ငါမရှိဘဲ မဖြစ်နိုင်ပါ” ဟူ၍ မိမိတို့ကိုယ်ကို အလွန်ကျေနပ်နေကြသည်။ ၎င်းတို့သည် အတော်ပင် ဝမ်းသာပြီး ကျေနပ်နေကြသည်။ အကယ်၍ လူတိုင်းက ၎င်းတို့အတွက် အလယ်၌ နေရာတစ်ခု ချန်ထားပေးသည့် စိတ်ကူးကို ၎င်းတို့ မကြိုက်ပါက အဘယ်ကြောင့် ထိုနေရာတွင် ၎င်းတို့ သွားထိုင်ကြမည်နည်း။ ၎င်းတို့အနေဖြင့် ထိုသီးခြားအချိန်အခါ၌ မိမိတို့ ရာထူးနှင့် ယင်းက ဆောင်ကြဉ်းပေးသော ခံစားချက်ကို လုံးလုံးလျားလျား နှစ်သက်ခံစားနေကြသည်မှာ သိသာထင်ရှားသည်။ ၎င်းတို့သည် ထိုအချိန်အခါ၏ ခံစားချက်ကို အမှန်တကယ် လိုအပ်ပြီး တန်ဖိုးထားကြသောကြောင့် မိမိတို့အနေဖြင့် ထိုရာထူးကို မငြင်းပယ်ကြခြင်း ဖြစ်သည်။ ဤခေါင်းဆောင်သည် အခြားလူ ဒါဇင်ပေါင်းများစွာ ဝန်းရံခြင်းခံရလျက် အလယ်တည့်တည့်၌ ထိုင်နေပြီး မိမိတို့ကိုယ်ကို ထင်ပေါ်စေရန် အခုအခံတစ်ခုကိုပင် အသုံးပြုကြသည်။ ၎င်းတို့က “တခြားလူများနှင့် အရပ်အမောင်းတူနေခြင်းက မဖြစ်ပါ။ ဤအရာကခေါင်းဆောင်တစ်ဦးအနေဖြင့် ငါ၏ ထူးခြားမှုကို ဘယ်လိုပြသနိုင်မည်နည်း။ ငါ့အနေဖြင့် မိမိကိုယ်ကို အနည်းငယ် မြှင့်တင်ရမည်၊ အလယ်တွင် ထိုင်ရမည်၊ ထိုအခါငါ ပေါ်လွင်မည်ဖြစ်သည်။ ဤသည်မှာ ထိုင်ရမည့် သင့်တော်မှန်ကန်သည့်နေရာကို သိခြင်းဖြစ်သည်။ လူတိုင်းက ဓာတ်ပုံကြည့်သောအခါ၊ ပထမဆုံး မြင်ရမည့်အရာမှာ ငါဖြစ်သည်။ သူတို့က ‘ဤသည်မှာ ကျွန်ုပ်တို့၏ခေါင်းဆောင် မည်သူမည်ဝါတည်း’ဟုပြောကြလိမ့်မည်။ ဂုဏ်ယူစရာကောင်းလိုက်လေခြင်းပါတကား။ ဤဓာတ်ပုံက နှစ်ပေါင်းများစွာ တည်တံ့နေမည်ဖြစ်သည်။ လူများက ငါ့ကို မမြင်နိုင်ဘဲ တဖြည်းဖြည်း မေ့သွားလျှင်၊ ငါ ခေါင်းဆောင်ဖြစ်ခြင်းက မည်သည့်အဓိပ္ပာယ်ရှိမည်နည်း” ဟု တွေးကြသည်။ ဤသည်မှာ ၎င်းတို့၏ အဆင့်အတန်းကို ၎င်းတို့ အလွန် တန်ဖိုးထားပုံ ဖြစ်သည်။

တစ်ကြိမ်တွင်၊ အခြေအနေကို လေ့လာရန် အသင်းတော်တစ်ခုမှ လူအချို့ကို ငါ ရှာဖွေခဲ့သည်။ ၎င်းတို့၏ ဗီဒီယိုကို ဖွင့်ပြီးနောက် အလယ်တွင် နေရာချန်ထားလျက် ၎င်းတို့အားလုံး ကင်မရာရှေ့၌ ထိုင်ကြသည်။ အဘယ်ကြောင့်ဖြစ်သည်ကို ငါ နားမလည်ခဲ့ဘဲ ကင်မရာ၏ဘောင်မှာ ထိုမျှ မကြီးသည့်အတွက်၊ ၎င်းတို့၏ မျက်နှာတစ်ခြမ်းသာ ပေါ်နေ၍ ကြည့်ရဆိုးနေသည့်အတွက် အလယ်ဗဟိုသို့ ပို၍ တိုးကပ်ရန် ၎င်းတို့ကို ငါ အကြံပြုခဲ့သည်။ ထို့နောက် ၎င်းတို့သည် အလယ်ဗဟိုသို့ အနည်းငယ် ရွှေ့ခဲ့ကြသော်လည်း အလယ်၌ လွတ်နေသော ထိုင်ခုံတစ်လုံးကို ချန်ထားဆဲ ဖြစ်သည်။ ငါက၊“အလယ်တွင် အဘယ်ကြောင့် မည်သူမျှ မထိုင်ကြသနည်း။ ထိုနေရာတွင် ဗုဒ္ဓရုပ်ပွားတော်တစ်ဆူ ရှိနေသည့်အလားဖြစ်သည်။ အဘယ်ကြောင့် မည်သူမျှ ထိုနေရာသို့ မသွားဝံ့ကြသနည်း” ဟူ၍ မိမိဘာသာ တိုးတိုး ရေရွတ်မိသည်။ ထို့နောက် အထွတ်အမြတ်ထားအပ်သော ဗုဒ္ဓရုပ်ပွားတော်တစ်ဆူကဲ့သို့ပင် ထင်ရလျက် လုံးဝန်း ပြည့်ဖြိုးသည့် အတော်ပင် ဝသော လူတစ်ဦး ရောက်လာပြီး အလယ်တည့်တည့်၌ ပစ်ထိုင်လိုက်လေသည်။ အလယ်ခုံသည် သူ့အတွက် ချန်ထားခြင်းဖြစ်ကြောင်း ထင်ရှားသွားသည်။ ဤလူသည် မည်သူဖြစ်သည်ကို သင်တို့ ခန့်မှန်းနိုင်ကြသလော။ (ခေါင်းဆောင်ဖြစ်သည်။) မှန်ပေသည်၊ သူသည် အလယ်တည့်တည့်၌ ထိုင်ခဲ့သည်။ ယင်းမှာ အဆင့်အတန်း သင်္ကေတ ဖြစ်သည်။ ဗုဒ္ဓရုပ်ပွားတော်တစ်ဆူနှင့်တူသည့် ဤနတ်ဆိုး ရောက်ရှိလာပြီး ထိုနေရာ၌ ထိုင်နေသောအခါ၊ သူသည် ထိုနေရာကို သူ၏ ထိုက်တန်သောနေရာဖြစ်သကဲ့သို့ အလွန် သဘာဝကျကျ နေရာယူခဲ့သည်။ လူတိုင်းသည် တစ်ဖက်တစ်ချက်စီ၌ ထိုင်ရန် အလွန် ဝမ်းသာနေကြပြီး သူ့ကို အလွန်အမင်း “နားလည်” သကဲ့သို့ အထူး နှစ်သက်မြတ်နိုးမှုဖြင့် ကြည့်ရှုနေကြသည်။ ၎င်းတို့က “အာ၊ သင် နောက်ဆုံးတော့ ရောက်လာပြီ။ ကျွန်ုပ်တို့ သင့်ကို အချိန်အကြာကြီး စောင့်နေခဲ့ခြင်း ဖြစ်သည်” ဟု ပြောဆိုသည့် ဖော်လံဖားအုပ်စုတစ်စုကဲ့သို့ ခံစားခဲ့ရသည်။ ငါ စကားပြောနေစဉ် တစ်စုံတစ်ဦးမျှ ယင်းကို အာရုံစိုက်ခြင်း မရှိခဲ့ပေ။ ၎င်းတို့သည် ခေါင်းဆောင်ကို စောင့်မျှော်နေခဲ့ကြသည်။ ဤအထွတ်အမြတ်ထားခံရသည့် “ဗုဒ္ဓရုပ်ပွားတော်”သည် ရှေးဦးစွာ ထွက်ပေါ်လာရမည် ဖြစ်သည်။ အကယ်၍ သူ ထွက်မလာပါက ငါ စကားဆက်ပြောနိုင်မည် မဟုတ်ပေ။ သူသည် ထိုနေရာ၌ မည်သို့ ထိုင်နိုင်ခဲ့ပြီး ထိုမျှ သဘာဝကျကျ မည်သို့ ထိုင်နိုင်ခဲ့သနည်း။ ဤအရာသည် သူ၏ ပုံမှန် နှစ်သက်မှုများ၊ ဦးစားပေးမှုများ၊ လိုက်စားမှုများနှင့် ပတ်သက်မှုတစ်ခုတလေရှိသလော။ (ရှိပါသည်။) ဤလူတို့သည် အများအားဖြင့် မည်သို့သော မြင်ကွင်းမျိုးကို ဖော်ပြကြမည်နည်း။ သင်တို့၏ စိတ်ကူးကို အသုံးပြုပြီး ထိုအကြောင်းကို စဉ်းစားကြည့်ကြလော့။ ဤခေါင်းဆောင်သည် စုဝေးပွဲတစ်ခုကို လက်ခံကျင်းပသောအခါ သို့မဟုတ် လူတို့က မိမိတို့၏ တာဝန်များကို ထမ်းဆောင်နေသော အခန်းတစ်ခန်းသို့ ဝင်ရောက်သောအခါ ၎င်းတို့က သူ့ကို မည်သို့ ဆက်ဆံကြသနည်း။ သူသည် ဘိုးဘေးတစ်ဦး သို့မဟုတ် ဗုဒ္ဓရုပ်ပွားတော်တစ်ဆူကဲ့သို့ ဖြစ်သည်။ ၎င်းတို့သည် သူ့ကို ထိုင်ခုံတစ်ခု ချက်ချင်း ကမ်းပေးကြပြီး အဓိကထိုင်ခုံကို သူ့အတွက် ချန်ထားပေးရမည် ဖြစ်သည်။ အကယ်၍ သူ့အတွက် ယင်းကို ၎င်းတို့ မချန်ထားပါက အဆင်ပြေမည်လော။ ထိုအချိန်အခါ၌ ကင်မရာပေါ်တွင် ငါ မြင်တွေ့ခဲ့သော ဖြစ်စဉ်ကို အခြေခံ၍ ၎င်းတို့အနေဖြင့် သူ့အတွက် အဓိကထိုင်ခုံကို မချန်ထားပါက အဆင်ပြေဖွယ်မရှိပေ။ ယင်းမှာ စည်းမျဉ်းတစ်ခု၊ မရေးထားသော စည်းမျဉ်းတစ်ခု ဖြစ်လာခဲ့သည်။ “ဗုဒ္ဓရုပ်ပွားတော်” ရောက်ရှိလာသောအခါ သူ့ကို အဓိကထိုင်ခုံ ချက်ချင်း ပေးအပ်ရမည် ဖြစ်သည်။ အကယ်၍ “ဗုဒ္ဓရုပ်ပွားတော်”က ထိုနေရာ၌ မရှိပါက အဓိကထိုင်ခုံက လွတ်နေရမည် ဖြစ်သည်။ ယင်းကို အဆင့်အတန်းဟု ခေါ်သည်။ သင်တို့ထဲမှ တစ်ဦးတလေက ဤသို့ ပြုမူပြီး အဆင့်အတန်းကို အရာခပ်သိမ်းထက် ပို၍ မြင့်မြတ်သည်ဟု မှတ်ယူသလော။ ငါ ယခုတင် ဖော်ပြခဲ့သော မြင်ကွင်းမှ သင်တို့ အဘယ်အရာကို သတိပြုမိနိုင်ကြသနည်း။ မတူကွဲပြားသောလူတို့သည် အဆင့်အတန်းကို ကွဲပြားစွာ သဘောထားကြသည်။ သမ္မာတရားကို ချစ်မြတ်နိုးသောသူတို့သည် ဘုရားသခင်၏ တာဝန်ပေးစေခိုင်းချက်ကို မိမိတို့၏ စိတ်နှလုံးထဲ၌ တန်ဖိုးထားလျက် မိမိတို့၏ အဆင့်အတန်းကို တာဝန်တစ်ခုအဖြစ် မှတ်ယူကြသည်။ ၎င်းတို့သည် မိမိတို့၏ တာဝန်ကို လက်ခံကြသော်လည်း မိမိတို့၏ အဆင့်အတန်းကို အခိုင်အမာ မပြောဆိုကြပေ။ အချို့သောလူတို့သည် အဆင့်အတန်းကို ဝန်ထုပ်ဝန်ပိုးတစ်ခုအဖြစ် ရှုမြင်ကြပြီး ယင်းမှာ ၎င်းတို့ကို ဖိအားများ၊ ချုပ်ချယ်မှုများနှင့် ဒုက္ခများကိုပင် ဆောင်ကြဉ်းပေးသော နောက်ဆက်တွဲ ဝန်ထုပ်တစ်ခုဖြစ်သည်ဟု ယုံကြည်ကြသည်။ သို့ရာတွင် အဆင့်အတန်းကို ကိုးကွယ်သောသူတို့သည် အဆင့်အတန်းကို အရာရှိတစ်ဦးဖြစ်ခြင်းကဲ့သို့ သဘောထားကြပြီး ယင်း၏ အကျိုးကျေးဇူးများကို အမြဲ မွေ့လျော်ခံစားကြသည်။ ၎င်းတို့သည် အဆင့်အတန်းမရှိဘဲ အသက်မရှင်နိုင်ကြပေ။ ထိုအဆင့်အတန်းကို ၎င်းတို့ ရရှိသည်နှင့်တစ်ပြိုင်နက် မိမိတို့၏ အသက်များနှင့် မိမိတို့၏ ကိုယ်ပိုင်ဂုဏ်သိက္ခာအပါအဝင် အရာခပ်သိမ်းကို ယင်းအတွက် စတေးရန် လိုလိုလားလား ရှိကြသည်။ ၎င်းတို့သည် မိမိတို့၏ ခန္ဓာကိုယ်များကိုပင် ယင်းအတွက် ရောင်းချရန် လိုလိုလားလား ရှိကြသည်။ ဤသည်မှာ ကောက်ကျစ်ဆိုးယုတ်သည် မဟုတ်လော။ (ကောက်ကျစ်ဆိုးယုတ်ပါသည်။) ဤအရာကို ကောက်ကျစ်ဆိုးယုတ်မှုဟု ခေါ်သည်။ ၎င်းတို့၏ အမြင်တွင် အဆင့်အတန်းမှာ အဘယ်နည်း။ ယင်းမှာ ထိပ်ဆုံးသို့ ရောက်ရှိရန် လမ်းကြောင်းတစ်ခုနှင့် နည်းလမ်းတစ်ခုဖြစ်ပြီး ၎င်းတို့၏ ပင်ကိုလက္ခဏာ၊ ကံကြမ္မာနှင့် လူတို့အကြား ရပ်တည်ချက်ကို ပြောင်းလဲရန် နည်းလမ်းတစ်ခု ဖြစ်သည်။ ထို့ကြောင့် ၎င်းတို့သည် အဆင့်အတန်းကို အလွန် တန်ဖိုးထားကြသည်။ ထိုအဆင့်အတန်းကို ၎င်းတို့ ရရှိပြီး လူတို့က ၎င်းတို့ကို နားထောင်ကြကာ၊ ၎င်းတို့ကို နာခံကြသည်နှင့်တစ်ပြိုင်နက်၎င်းတို့ကို အလိုလိုက်ကြကာ၊ အရာရာတိုင်း၌ ၎င်းတို့ကို မျက်နှာလုပ်ကြသည်နှင့်တစ်ပြိုင်နက်၊ ဤအရာအားလုံးကြောင့် စက်ဆုပ်ရွံရှာခြင်းကို ခံစားရမည့်အစား ၎င်းတို့သည် ထိုအရာ၌ အလွန့်အလွန် ဝမ်းမြောက်ကြသည်။ အလယ်ခုံကို ယူခဲ့သော ထိုခေါင်းဆောင်ကဲ့သို့ပင်၊ သူ၏ ကိုယ်ဟန်အနေအထားမှာ အလွန် သက်သောင့်သက်သာရှိပြီး လွတ်လပ်ပေါ့ပါးကာ ထိုအတွက် အလွန်ကြီးမားသော ပျော်ရွှင်မှုနှင့် မွေ့လျော်ခံစားသည့်စိတ် ရှိခဲ့သည်။ ဤသည်မှာ ကောက်ကျစ်ဆိုးယုတ်သည် မဟုတ်လော။ အကယ်၍ လူတစ်ဦးသည် အဆင့်အတန်းက ဆောင်ကြဉ်းပေးသော သာလွန်ကောင်းမွန်သော ခံစားချက်အားလုံးနှင့် အကျိုးကျေးဇူးအားလုံးကို အထူးနှစ်သက်ခံစားပြီး ဤအရာများကို အထူး လိုက်စားကာ တန်ဖိုးထားလျက် ၎င်းတို့ကို လက်လွှတ်ရန် မလိုလားပါက ထိုလူသည် အလွန့်အလွန် ကောက်ကျစ်ဆိုးယုတ်ပေသည်။ ၎င်းတို့ အလွန့်အလွန် ကောက်ကျစ်ဆိုးယုတ်သည်ဟု ငါ အဘယ်ကြောင့် ဆိုရသနည်း။ အဆင့်အတန်းရှိသောလူများကို ဖော်လံဖားသော၊ နှစ်လိုဖွယ်စကားများ ပြောဆိုသော၊ ချီးကျူးစကားများ ဆိုသောသူတို့နှင့် ပတ်သက်လာသည့်အခါ၊ ၎င်းတို့ ပြောဆိုနေသည့်အရာမှာ အဘယ်နည်း။ ၎င်းတို့သည် မမှန်သောစကားများ၊ အရှက်မဲ့သောစကားများ၊ ရွံရှာဖွယ်ရာဖြစ်ပြီး စက်ဆုပ်ဖွယ်စကားများ၊ လှည့်ဖြားသောစကားများနှင့် ကြား၍ပင် မကောင်းသော အရာအချို့ကိုပင် ပြောဆိုနေကြပေသည်။ ဥပမာအားဖြင့် အဆင့်အတန်းရှိသော တစ်စုံတစ်ဦး၌ ချွန်သောမျက်နှာရှိသည့် မျောက်နှင့်တူသော ပါးပြင်များဖြင့် အမှန်တကယ် အလွန် အကျည်းတန်သော သားတစ်ဦး ရှိသည် ဆိုကြပါစို့။ ထိုဖော်လံဖားများက သူ အကျည်းတန်သည်ဟု ပြောဆိုကြမည်လော။ အဘယ်အရာကို ၎င်းတို့ ပြောဆိုကြမည်နည်း။ (သူ တကယ်ကို ချောမောခန့်ညားပါသည်။) “သူ အလွန် ချောမောခန့်ညားပါသည်” ဟု ပြောဆိုရုံမျှဖြင့် ၎င်းတို့အတွက် လုံလောက်သလော။ ၎င်းတို့က “သူ့တွင် ပြည့်ဖြိုးသည့် နဖူးနှင့် ကျယ်ပြန့်ပြီး လုံးဝန်းသော မေးရိုးရှိသည်။ သူသည် အနာဂတ်တွင် ချမ်းသာပြီး အဆင့်အတန်းမြင့်မားမည့် သူ၏ မျက်နှာမျိုး ရှိသည်” ဟူကဲ့သို့သော ရွံရှာဖွယ် တစ်စုံတစ်ခုကို ပြောဆိုရမည် ဖြစ်သည်။ ဤသည်မှာ အမှန်တကယ် မဟုတ်ကြောင်း သိသာနေသည့်တိုင် ၎င်းတို့သည် ဤမုသားများကို ပွင့်လင်းစွာ ပြောဆိုဝံ့ကြဆဲ ဖြစ်သည်။ ထိုအရာရှိက ဤအရာကို ကြားသောအခါ ဝမ်းမြောက်ဝမ်းသာ ဖြစ်သွားသည်။ ဤအရာများကို သူ ကြားလိုသည်၊ သူသည် ထိုအရာများ နားထောင်ရသည်ကို နှစ်သက်သည်။ ထိုအရာများ နားထောင်သည်ကို သူမည်မျှ နှစ်သက်သနည်း။ အကယ်၍ မည်သူကမျှ သူ၏ ရှေ့မှောက်၌ ဤအရေခြုံစကားများ၊ ဖော်လံဖားစကားများနှင့် လှည့်ဖြားသောစကားများကို မပြောဆိုပါက၊ အကယ်၍ မည်သူကမျှ သူ့ကို ပျော်ရွှင်စေပြီး ကျေနပ်စေရန် မမှန်သကဲ့သို့ စက်ဆုပ်ဖွယ်သော စကားများကို မပြောဆိုပါက ဘဝက စိတ်ဝင်စားဖွယ်မရှိဟု သူ မြင်မည်ဖြစ်သည်။ ဤသည်မှာ ကောက်ကျစ်ဆိုးယုတ်သည် မဟုတ်လော။ (ကောက်ကျစ်ဆိုးယုတ်ပါသည်။) ဤသည်မှာ အလွန် ကောက်ကျစ်ဆိုးယုတ်ပေသည်။ ၎င်းတို့ကိုယ်တိုင် မုသားများ ပြောဆိုသောအခါ ယင်းမှာ အတော်ပင် အော်ဂလီဆန်စရာ ဖြစ်နေပြီးဖြစ်သော်လည်း သူသည် အခြားသော လူလိမ်များကိုလည်း နံစော်သော ယင်ကောင်အုပ်တစ်အုပ်ကဲ့သို့ သူ့အား ဝန်းရံနေခြင်းကိုလည်း နှစ်သက်ပြီး ဤအရာကို သူ မည်သည့်အခါမျှ ငြီးငွေ့ခြင်း မရှိပေ။ သူသည် စကားလုံးများဖြင့် ကျွမ်းကျင်သော၊ ဖော်လံဖားခြင်းနှင့် မျက်နှာလိုအားရလုပ်ခြင်း၌ တော်သော၊ သွယ်ဝိုက်သောနည်းလမ်းဖြင့် စကားပြောဆိုသော မည်သူ့ကိုမဆို ချစ်မြတ်နိုးသည်၊ ဤလူတို့ကို သူ၏ အနီးအနား၌ ထားရှိပြီး အရေးကြီးသော ရာထူးများ၌ ထားလေသည်။ ထိုသို့သော ခေါင်းဆောင်များသည် အန္တရာယ်၌ ရှိနေကြသည် မဟုတ်လော။ ၎င်းတို့သည် မည်သည့် အလုပ်မျိုးကို ပြီးမြောက်အောင် လုပ်ဆောင်နိုင်မည်နည်း။ အကယ်၍ အသင်းတော်သည် ၎င်းတို့၏ ထိန်းချုပ်မှုအောက်သို့ ကျရောက်သွားပါက အဆုံးသတ်သွားမည် မဟုတ်လော။ သန့်ရှင်းသောဝိညာဉ်တော်၏ အလုပ် ရှိနိုင်ဦးမည်လော။

ခေါင်းဆောင်အချို့က စားသောက်ရသည်ကို နှစ်သက်ကြကြောင်း ငါ ကြားရလေပြီ။ ချက်ပြုတ်ရာ၌ မကျွမ်းကျင်သကဲ့သို့ ကောင်းမွန်သည့် အစားအစာများ မပြင်ဆင်တတ်သော ညီအစ်ကိုမောင်နှမများနှင့်အတူ ၎င်းတို့ နေထိုင်ခဲ့ချိန်တွင် မိမိတို့အပေါ် မျက်နှာလုပ်တတ်ပြီး မြှောက်ပင့်တတ်ကာ မိမိတို့အတွက် နေ့စဉ် အရသာရှိသော အစားအစာများကို အထူး ပြင်ဆင်ပေးမည့် အိမ်ရှင်တစ်ဦးကို ၎င်းတို့ ရှာဖွေကြသည်။ နေ့စဉ် ခေါင်းဆောင်များက၊ “ဘုရားကို ကျေးဇူးတင်ပါသည်၊ နေ့စဉ် ဘုရား၏ ပွဲတော်ကို ငါတို့ ခံစားကြရသည်။ ဤသည်မှာ အမှန်ပင် ဘုရား၏ ကျေးဇူးတော် ဖြစ်သည်” ဟု ပြောဆိုလျက် မိမိတို့၏ စိတ်နှလုံး ကျေနပ်အားရသည်ထိ စားသောက်ကြလေသည်။ ထိုသို့သောလူများတွင် အန္တရာယ် ရှိပေသည်။ ၎င်းတို့သည် အန္တိခရစ်များ မဟုတ်သေးလျှင်ပင်၊ ၎င်းတို့၌ အန္တိခရစ်တစ်ဦး၏ သဘာဝအနှစ်သာရနှင့် ကောက်ကျစ်ဆိုးယုတ်သော စိတ်သဘောထား ရှိကြောင်းနှင့် လတ်တလောတွင် အန္တိခရစ်တစ်ဦး၏ လမ်းကြောင်းပေါ်၌ လျှောက်လှမ်းနေကြောင်းကို ၎င်းတို့၏ အပြုအမူကဖော်ထုတ်ပြီးသားဖြစ်သည်။ ၎င်းတို့ အန္တိခရစ်များ ဖြစ်လာနိုင်ခြင်းရှိမရှိ၊ ၎င်းတို့အနေဖြင့် အန္တိခရစ်များ ဟုတ်မဟုတ်ဟူသည်မှာ ၎င်းတို့ ရွေးချယ်သည့် လမ်းကြောင်းပေါ်၌ မူတည်သည်။ ၎င်းတို့သည် လတ်တလောတွင် အန္တိခရစ်တစ်ဦး၏ လမ်းကြောင်းပေါ်၌ လျှောက်လှမ်းနေကြပြီး ၎င်းတို့၏ စိတ်သဘောထားအနှစ်သာရသည် အန္တိခရစ်တစ်ဦး၏ စိတ်သဘောထားအနှစ်သာရနှင့် ကိုက်ညီနေသည်မှာ အတော်ပင် သိသာထင်ရှားသည်။ ဤသည်မှာ အဘယ့်ကြောင့်ဆိုသော် ၎င်းတို့သည် အပျက်သဘောဆောင်သော အရာများကို နှစ်သက်ပြီး အပြုသဘောဆောင်သော အရာများကို မနှစ်သက်သောကြောင့် ဖြစ်သည်။ ၎င်းတို့သည် အပြုသဘောဆောင်သော အရာများကို မိမိတို့၏ စိတ်နှလုံးထဲ၌ ပြစ်တင်ရှုတ်ချကာ ငြင်းပယ်လျက် မထီမဲ့မြင်ပြုကြသည်။ အဘယ်အရာကို ၎င်းတို့ လက်ခံကြသနည်း။ တမင်လိမ်လည်လှည့်စားခြင်း၊ မုသားများ၊ ပြီးလျှင် အပျက်သဘောဆောင်သော အရာများနှင့် သက်ဆိုင်သည့်အရာအားလုံး ဖြစ်သည်။ ငါသည် နေရာတစ်ခုခုသို့ ရောက်ရှိသောအခါ အချို့လူများက “ကိုယ်တော် ကြည့်ရတာ နေကောင်းသည့်ပုံမရပါ။ ခဏ အနားယူပါ” ဟု ပြောဆိုကြသည်။ ငါ နေကောင်းခြင်း ရှိမရှိဟူသည်နှင့် ငါ အနားယူရန် လိုအပ်သည့်အချိန်ဟူသည့် ဤအရာများကို ငါ့ဘာသာ သိသည်။ သင်တို့သည် တော်ယောင်ဆောင်ရန် မလိုအပ်သကဲ့သို့ သင်တို့ မည်မျှ လိမ္မာပါးနပ်ကြောင်းကို ကြွားဝါရန်လည်း မလိုအပ်ပေ။ ဤအရာကို ငါ လက်မခံ၊ စက်ဆုပ်ရွံရှာသည်။ ငါ မည်သည့် လူစားမျိုးကို နှစ်သက်သနည်း။ တစ်စုံတစ်ခု ဖြစ်ပျက်သောအခါ ချက်ချင်း မိတ်သဟာယဖွဲ့နိုင်ပြီး မိမိတို့၏ စိတ်ထဲတွင်ရှိအရာကို ငါ့အား ပြောဆိုနိုင်သောသူများ ဖြစ်သည်။ သင်တို့၏ အခက်အခဲများကို ဖြေရှင်းရန် သင်တို့နှင့် ငါ မိတ်သဟာယဖွဲ့ပြီး သင်တို့သည် ငါနှင့် ပို၍ ရင်းနှီးသော ဆက်ဆံရေး ရှိနိုင်မည်။ သင်တို့ကိုယ်သင်တို့ မျက်နှာလုပ်ပြီး ငါ့ကို ကျေနပ်အောင် ကြိုးစားခြင်းနှင့်ပတ်သက်၍ စိုးရိမ်ပူပန်ခြင်း မရှိနှင့်။ ယင်းမှာ အလွန် စက်ဆုပ်ဖွယ်ကောင်းသည်။ ၎င်းတို့ကို ငါ ရွံ့ရှာဖွယ်အဖြစ် မြင်သောကြောင့် ဤသို့သောလူများသည် ငါနှင့် ဝေးဝေးနေသင့်သည်။ ငါသည် သင်တို့ကို စိတ်အနှောင့်အယှက်ဖြစ်စေသော ယင်ကောင် သို့မဟုတ် ပိုးမွှားတစ်ခုအဖြစ် သတ်မှတ်သည်။ သင်တို့ ဝေးဝေးနေကြလော့။ အချို့လူများက “ကိုယ်တော့်အနားတွင် ကိုယ်တော့်ကို အစေခံရန် တစ်စုံတစ်ဦး မလိုအပ်သလော”ဟု ပြောဆိုကြသည်။ သင်၏ အမြင်တွင် ငါ၏ ပင်ကိုလက္ခဏာနှင့် အဆင့်အတန်းအရ၊ လိုက်လျောညီထွေသော ဆက်ဆံမှုနှင့် အစေခံမှုတစ်ခုခု ရှိသင့်သည်။ သို့သော် ယင်းကို ငါ မလိုအပ်ပေ။ ဤအရာများကို သင်မလုပ်ဆောင်ရပေ၊ နားလည်သလော။ ငါသည် ဤအရာများအပေါ် စက်ဆုပ်ရွံရှာမှုနှင့် မုန်းတီးမှုကို ခံစားရသည်။ အကယ်၍ သင်သည် ငါ့အပေါ် စာနာထောက်ထားပြီး ဂရုစိုက်ရန် သင်၏ စိတ်နှလုံးထဲ၌ အမှန်တကယ် ရှိပါက ထိုသို့ပြုလုပ်ရန် သင့်လျော်သော နည်းလမ်းများစွာ ရှိသည်။ ဥပမာအားဖြင့် သင့်ကို တစ်စုံတစ်ခု ပြုလုပ်ရန် ငါပြောဆိုပါက သင်သည် ယင်းကို နာခံစွာ လိုက်နာဆောင်ရွက်ပြီး အခက်အခဲများ ကြုံတွေ့ရသောအခါ ယင်းတို့ကို ငါနှင့် ချက်ချင်း ဆွေးနွေးနိုင်သည်။ သို့ရာတွင် မည်သည့်အရာကို သင်ပြုလုပ်သည်ဖြစ်စေ နားကြားကောင်းသည့် မြှောင့်ပင့်စကားများစွာကို ပြောဆိုလျက် ရာထူးရှိသောလူများကို မျက်နှာလုပ်သော ဘာသာတရားမရှိသူတို့၏ နည်းလမ်းကို အတုမယူနှင့်။ ၎င်းတို့ကို ငါ မကြားလိုပေ။ ငါသည် သိသာစွာပင် အရပ်မရှည်သော်လည်း သင်က “ကိုယ်တော် အရပ်မရှည်သည့်တိုင် ကိုယ်တော်သည် ကျွန်ုပ်တို့ထက် အရပ်ပိုရှည်သည်” ဟု အခိုင်အမာ ဆိုနေသည်။ ယင်းကို ငါ မကြားလို။ သို့ဖြစ်၍ သင်တို့ မည်သည့်အရာကို လုပ်ဆောင်သည်ဖြစ်စေ ငါ့ကို မပြောနှင့်။ သင်သည် မှားယွင်းသောလူကို ပြောဆိုနေခြင်း ဖြစ်သည်။ အန္တိခရစ်တို့သည် ဤ စကားမျိုးတို့ကို ကြားလိုကြသည်။ ဥပမာအားဖြင့် ၎င်းတို့သည် မိမိတို့လက်အောက်ရှိ ညီအစ်ကိုမောင်နှမများကို “ငါ ဝနေသလော” ဟု မေးမြန်းကြသည်။ အချို့လူများက “သင် ဝနေသည့်တိုင် သင်က ကျွန်ုပ်တို့ထက် ပိုကြည့်ကောင်းသည်” ဟု ပြောဆိုကြသည်။ “သို့ဆိုလျှင် ငါ ပိန်နေသလော” “သင် ပိန်နေသည့်တိုင် သင်က အံ့သြဖွယ်ကောင်းနေသည်။ မည်သို့ပင်ဖြစ်စေ သင်က ဖက်ရှင်မော်ဒယ်တစ်ဦးကဲ့သို့ပင်ဖြစ်သည်၊ သင့်အပေါ်၌ အရာရာတိုင်းက ကြည့်ကောင်းနေသည်” ဟူ၍ ဖြစ်သည်။ အန္တိခရစ်တို့သည် ဤအရာကို ကြားသောအခါ ဝမ်းမြောက်ဝမ်းသာ ဖြစ်ကြပြီး သင့်ကို ၎င်းတို့၏ ရဲဘော်ရဲဘက်များနှင့် မဟာမိတ်များအဖြစ် မှတ်ယူကြသည်။ အန္တိခရစ်တို့ နှစ်သက်သော ဤအရာအားလုံးသည် ရွံရှာဖွယ်ကောင်းပြီး ကောက်ကျစ်ဆိုးယုတ်သည်၊ သို့မဟုတ်ပါက ၎င်းတို့ကို ကောက်ကျစ်ဆိုးယုတ်သည်ဟု မည်သို့ ခေါ်ဆိုနိုင်မည်နည်း။ အန္တိခရစ်တို့သည် အသိစိတ်၊ ဆင်ခြင်တုံတရား၊ အရှက်တရားနှင့် ဂုဏ်သိက္ခာကဲ့သို့သော ပုံမှန်လူ့သဘာဝ၏ အစိတ်အပိုင်းများအပြင် ပုံမှန်လူ့သဘာဝရှိ အခြားအရာများထဲမှ အကောင်းနှင့်အဆိုး၊ အဖြူနှင့်အမည်း၊ အမှားနှင့်အမှန်တို့အကြား ပိုင်းခြားသိမြင်နိုင်စွမ်းကို ချစ်မြတ်နိုးကြသလော။ အန္တိခရစ်တို့သည် ရှက်စိတ်ရှိသောလူများကို ချစ်မြတ်နိုးကြသလော။ ၎င်းတို့သည် ဂုဏ်သိက္ခာရှိသောလူများကို ချစ်မြတ်နိုးကြသလော။ ၎င်းတို့သည် အရှက်မဲ့သော၊ မည်သည့်အသိမျှမရှိသကဲ့သို့ စိတ်အနှောင့်အယှက်ဖြစ်ခြင်းမရှိဘဲ ချိုလွန်းသောပုံစံဖြင့် စကားပြောဆိုနိုင်သောသူများကို ချစ်မြတ်နိုးကြသည်။ ၎င်းတို့၌ ရှက်စိတ် ကင်းမဲ့နေကြသည် မဟုတ်လော။ သင်၏ စကားများက ပို၍ ချိုလေ၊ ၎င်းတို့က ပို၍ ပျော်ရွှင်လေ ဖြစ်သည်။ အန္တိခရစ်တို့၏ နှစ်သက်မှုများနှင့် အမှုအရာအမျိုးမျိုးအပေါ် ၎င်းတို့၏ သဘောထားများအပြင် ၎င်းတို့၏ ရွေးချယ်မှုများနှင့် ဦးတည်ချက်တို့ကို ကြည့်သည့်အခါ၊ ၎င်းတို့၏ ကောက်ကျစ်ဆိုးယုတ်မှုက အကန့်အသတ်များမရှိသည်မှာ သိသာထင်ရှားသည်။ သမ္မာတရားအား နားလည်သောသူတို့ကို ထားလိုက်လော့။ လူ့အဖွဲ့အစည်းတွင် တရားမျှတစိတ် အနည်းငယ်မျှသာရှိသော လူများပင် ထိုသို့သော အပြုအမူမျိုးကို မနှစ်သက်ကြပေ။ သင်တို့ မြင်သလော။ အရာရှိအသိုင်းအဝိုင်းများရှိ အချို့သောလူတို့သည် ရာထူးရှိသောသူများကို အသည်းအသန် မျက်နှာလုပ်ကြသည်။ ၎င်းတို့သည် ၊ ရာထူးရှိသောသူများ လိုအပ်သည့် မည်သည့်အရာကိုမဆို ပေးကြပြီး မိမိတို့၏ ဇနီးများကိုပင် စွန့်လွှတ်ကြသည်။ ၎င်းတို့၌ ဂုဏ်သိက္ခာ ကင်းမဲ့ကြသည် မဟုတ်လော။ (ကင်းမဲ့ပါသည်။) ထို့အပြင် အချို့သော အရာရှိများသည် လိင်တူဆက်ဆံမှု၌ ပါဝင်ပတ်သက်ကြပြီး ဤအရာရှိများကဲ့သို့ပင် လိင်တူသော အချို့လူများသည် မိမိတို့ ကိုယ်တိုင် မလိုလားသည့်တိုင် ၎င်းတို့နှင့် ရင်းနှီးကျွမ်းဝင်အောင် ပြုလုပ်ကြလိမ့်မည်။ သင်တို့သည် ထိုသို့သောအရာများကို ပြုလုပ်နိုင်ကြမည်လော။ (လုပ်ဆောင်နိုင်မည် မဟုတ်ပါ။) သို့သော် ၎င်းတို့ ပြုလုပ်နိုင်ကြသည်။ ၎င်းတို့၌ ကိုယ်ကျင့်တရားအခြေခံ မရှိ၊ ရှက်စိတ်မရှိ၊ အသိစိတ်နှင့်ဆိုင်သော အသိမရှိ၊ ဆင်ခြင်တုံတရား မရှိပေ။ ထို့ကြောင့် ဤအရာများကို ၎င်းတို့ ပြုလုပ်ကြခြင်း ဖြစ်သည်။ သင်တို့ကို ပြဇာတ်တစ်ခုရှိ စာကြောင်းများအတိုင်း သရုပ်ဆောင်ခိုင်းမည်ဆိုလျှင် ၎င်းတို့ ပြောဆိုသော ထိုအရာများကို သင်တို့ ဖွင့်ဟပြောဆိုနိုင်မည်ပင် မဟုတ်ပေ။ ဤလူတို့သည် ပြဇာတ်သရုပ်ဆောင်များထက်ပင် ပို၍ ချိုသာနေကြသည်။ ပြဇာတ်သရုပ်ဆောင်များဟုဆိုရာတွင် မည်သည့်အရာကို ငါ ဆိုလိုသနည်း။ မိမိတို့ကိုယ်လုံးတီးဖြင့်ရှိနေစဉ် မြင်တွေ့ခံရခြင်း သို့မဟုတ် လာရောက်ကြည့်ရှုခြင်းခံရသည့်အခါ စိတ်မဆိုးဘဲ မျက်တောင်တစ်ချက်မခတ်သောသူများကို ငါ ဆိုလိုခြင်း ဖြစ်သည်။ ထိုသို့သောလူများကို ပြဇာတ်သရုပ်ဆောင်များဟု ခေါ်သည်။ သို့ဖြစ်၍ မိမိတို့၏ ရွံရှာဖွယ်ဖြစ်ပြီး စက်ဆုပ်ဖွယ်စကားများ၊ ကောက်ကျစ်ဆိုးယုတ်သော အရာများကို နှစ်သက်မှုတို့ရှိသည့်ဤဖော်လံဖားများသည် ထိုပြဇာတ်သရုပ်ဆောင်များထက်ပင် ပို၍ ဆိုးရွားကြသည်။ ဒုတိယလူတို့သည် မိမိတို့၏ ခန္ဓာကိုယ်များကိုသာ ရောင်းချကြသော်လည်း အန္တိခရစ်များဟု သိရသည့် ဤကောက်ကျစ်ဆိုးယုတ်သော လူစုက အဘယ်အရာကို ရောင်းချကြသနည်း။ ၎င်းတို့၏ စိတ်ဝိညာဉ်များကို ရောင်းချကြသည်။ ၎င်းတို့သည် ရွေးနှုတ်၍မရနိုင်သော မကောင်းဆိုးဝါးတစ်သိုက် ဖြစ်ကြသည်။ ထို့ကြောင့် ဤလူတို့ကို သမ္မာတရား ပြောဆိုခြင်းသည် ဝက်များရှေ့၌ ပုလဲများ ချထားခြင်းနှင့် တူသည်။ သမ္မာတရားကို ချစ်မြတ်နိုးရန် ၎င်းတို့အတွက် မဖြစ်နိုင်ပေ။ ဤသည်မှာ အဆင့်အတန်းကို ၎င်းတို့ ချဉ်းကပ်ပုံဖြစ်ပြီး ယင်းနှင့်အတူ ပါလာသော သာလွန်ကောင်းမွန်သော ခံစားချက်အမျိုးမျိုးနှင့် အခြား ကောင်းသော ခံစားချက်များကို ခံစားကြလေသည်။ ဤမွေ့လျော်ခံစားမှုမှ ရရှိသော ခံစားချက်အမျိုးမျိုးမှာ အဘယ်နည်း။ ယင်းတို့သည် အပြုသဘောဆောင်သောအရာများလော သို့မဟုတ် အပျက်သဘောဆောင်သော အရာများ ဖြစ်သလော။ ဤသည်တို့မှာ အပျက်သဘောဆောင်သော အရာများချည်းသာ ဖြစ်ကြသည်။ အဆင့်အတန်းကို ၎င်းတို့ ရရှိသောအခါ လူတို့က ၎င်းတို့ကို ဖော်လံဖားခြင်း၊ ၎င်းတို့လိုအပ်သည်တို့ကို ဖြည့်ဆည်းပေးခြင်းနှင့် ၎င်းတို့၏ အကျိုးစီးပွားများကို ဖြည့်ဆည်းပေးခြင်းတို့အား မွေ့လျော်ခံစားရန် ၎င်းတို့ မျှော်လင့်ကြသည်။ ၎င်းတို့သည် အထူးအရေးပေးဆက်ဆံမှုကိုလည်း ခံစားလိုကြသည်။ ၎င်းတို့၏ အစားအသောက်၊ နေရာထိုင်ခင်းနှင့် ၎င်းတို့ အသုံးပြုသော အရာများအားလုံးသည် အထူးကောင်းမွန်ရမည်ဖြစ်ပြီး ၎င်းတို့သည် အရာရာတိုင်း၌ အခြားသူများနှင့် ကွဲပြားရမည် ဖြစ်သည်။ သင်၏ ထိုရုပ်ခန္ဓာကိုယ်သည် အခြားသူတို့၏ ရုပ်ခန္ဓာကိုယ်နှင့် အမှန်တကယ် တစ်ခုတလေ ကွာခြားသလော။ အန္တိခရစ်တို့က အဆင့်အတန်းကို ရရှိသည်နှင့်တစ်ပြိုင်နက် ၎င်းတို့ကို နေရာချထားရန် မြေကြီးပေါ်၌ နေရာတစ်နေရာမျှ မရှိတော့သည့်အလား၊ ၎င်းတို့က မိမိတို့ကိုယ်ကို မြင့်မြတ်ပြီး ထူးကဲသည်ဟု ယုံကြည်ကြသည်။ ၎င်းတို့သည် “နှင်းဆီပန်းခင်းပေါ်၌” ထိုင်ရမည်ဖြစ်ပြီး လူတို့အား မိမိတို့ကို ပူဇော်မှုများ ပြုစေရမည် ဖြစ်သည်။ ထိုသို့ မဟုတ်လော။ ငါ့ကို ပြောလော့၊ ဤသည်တို့မှာ ပုံမှန်လူတို့ အများအားဖြင့် လက်သင့်ခံကြသည့် စိတ်ကူးများဖြစ်သလော။ ၎င်းတို့၌ အဆင့်အတန်း ရှိသည်ဖြစ်စေ၊ မရှိသည်ဖြစ်စေ ပုံမှန်လူတို့သည် ထိုအတွက် ရည်မှန်းချက်နှင့် လိုအင်ဆန္ဒတစ်ခုခု ရှိကောင်းရှိနိုင်သော်လည်း ၎င်းတို့၌ အရှက်တရား၊ အသိစိတ်နှင့် ဆင်ခြင်တုံတရား ရှိသောကြောင့်၊ သမ္မာတရားအပေါ် ယခုအနည်းငယ် နားလည်မှု ရှိသည့်အပြင် အဆင့်အတန်းအပေါ် ၎င်းတို့၏ စွဲလမ်းမှုမှာ လျော့ပါးပြီး မှေးမှိန်သွားသည်။ ထို့အပြင် ၎င်းတို့သည် အဆင့်အတန်းနှင့်အတူ ပါလာသော အကျိုးကျေးဇူးများအပေါ် အရေးထားမှု လျော့နည်းသွားနိုင်ပြီး ယင်းက ဆောင်ကြဉ်းပေးသော အကျိုးကျေးဇူးများကို အရေးမပါဟု ၎င်းတို့ ရှုမြင်နိုင်ပါက ၎င်းတို့သည် အခြားလူတို့၏ ဖော်လံဖားမှုနှင့် ချိုသာသောစကားများ၊ ကပ်ဖားခြင်းနှင့် အခြား ထိုသို့သော အပြုအမူများကိုလည်း စက်ဆုပ်ရွံရှာခြင်း ခံစားရနိုင်ပြီး ထိုသို့သော အရာများနှင့် ခပ်ကင်းကင်းနေနိုင်သည် သို့မဟုတ် ကျောခိုင်းကာ စွန့်လွှတ်ခြင်းပင် ပြုနိုင်သည်။ သို့သော် အန္တိခရစ်တို့သည် ဤအရာများကို စွန့်လွှတ်နိုင်သလော သို့မဟုတ် လက်လွှတ်နိုင်ကြသလော။ လုံးဝ လက်မလွှတ်နိုင်ပေ။ အကယ်၍ သင်တို့သည် ၎င်းတို့ကို ဤအရာများအား လက်လွှတ်ရန် တောင်းဆိုပါက ၎င်းတို့၏ အသက်ကို တောင်းဆိုနေသည့်အလား ဖြစ်သည်။ သို့မဟုတ်ပါက အချို့သောလူတို့သည် မိမိတို့၏ အဆင့်အတန်းကို ဆုံးရှုံးသည်နှင့်တစ်ပြိုင်နက် “ကျွန်ုပ်နောက်ထပ် ယုံကြည်တော့မည် မဟုတ်ပါ။ ကျွန်ုပ် အသက်ဆက်ရှင်မည်မဟုတ်ပါ။ ဘဝက အသက်မရှင်ထိုက်ပါ” ဟု အဘယ်ကြောင့် ပြောဆိုကြမည်နည်း။ ဤနေရာ၌ တစ်စုံတစ်ခု ဖြစ်ပျက်နေသည် မဟုတ်လော။ အဘယ်ကြောင့် အဆင့်အတန်းသည် ၎င်းတို့အတွက် အလွန်အရေးကြီးနေရသနည်း။ ၎င်းတို့သည် ထူးခြားချက်မရှိသကဲ့သို့ သာမန်ဖြစ်သော ဘဝဖြင့် အသက်မရှင်နိုင်ကြပေ။ ၎င်းတို့၌ အဆင့်အတန်း ရှိရမည်။ ၎င်းတို့သည် လူအများအထက်တွင် ရပ်တည်ပြီး အခြားသူတို့၏ အရိုအသေပြုခြင်း၊ ကိုးကွယ်ခြင်းနှင့် ချီးမြှောက်ခြင်းအပြင် ၎င်းတို့ကို ဖြည့်ဆည်းပေးရန်၊ လှည့်ဖြားရန်နှင့် ဖော်လံဖားရန် ရည်ရွယ်သော မုသားများကိုပါ ခံစားရမည် ဖြစ်သည်။ ၎င်းတို့သည် ဤအရာများ၌ နှစ်သက်ခံစားလိုကြသည်။ ပုံမှန်လူ့သဘာဝရှိသောလူတို့သည် ထိုသို့သော အရာများ၌ လိုလိုလားလား နှစ်သက်ခံစားကြသလော။ သေချာပေါက် မခံစားကြပေ။ ယင်းက ၎င်းတို့ကို နေသားမကျဖြစ်စေသည်။ အဘယ်ကြောင့် အန္တိခရစ်တို့သည် ဤအရာများကို မွေ့လျော်ခံစားရန် နှစ်သက်ကြသနည်း။ အကြောင်းမှာ ၎င်းတို့အတွင်း၌ စာတန်ဆန်သော စိတ်သဘောထားများ ရှိသောကြောင့် ဖြစ်သည်။ စာတန်၏ အမျိုးအစားဝင်များသာလျှင် ဤအရာများကို လိုက်စားပြီး ထိုသို့သော တောင်းဆိုချက်များ ရှိကြသည်။ ပုံမှန်လူတို့သည် ဤအရာများကို အတန်ကြာ မွေ့လျော်ခံစားနိုင်သော်လည်း ယင်းတို့ကို အဓိပ္ပာယ်မဲ့ပြီး စိတ်အနှောင့်အယှက်ဖြစ်ဖွယ်ဟု မြင်လာကြကာ ထို့နောက်တွင် ထိုအရာများအားလုံးနှင့် ဝေးဝေးနေကြသည်။ သို့သော် အချို့သောလူတို့သည် ယင်းတို့ကို လက်လွှတ်ဖို့ ခေါင်းမာစွာ ငြင်းပယ်ကြသည်။ ဥပမာအားဖြင့် အဘယ်ကြောင့် အချို့သော ရုပ်ရှင်သရုပ်ဆောင်များသည် အသက်အရွယ် ကြီးရင့်လာသည့်တိုင် ရုပ်ရှင်လောကမှ လုံးဝအနားမယူကြသနည်း။ အကြောင်းမှာ ထိုဂုဏ်ရောင်ဂုဏ်ဝါမရှိဘဲ၊ ၎င်းတို့ကို ဝန်းရံနေသောလူများမရှိဘဲ ၎င်းတို့၏ ဘဝက ငြီးငွေ့ဖွယ်အတိဖြစ်သောကြောင့် ဖြစ်သည်။ ၎င်းတို့သည် ကောင်းကင်ကြီး မပြာတော့သကဲ့သို့၊ ၎င်းတို့၏ ဘဝက ဦးတည်မရှိသည့်အပြင် အဓိပ္ပာယ်မဲ့ပြီး တန်ဖိုးမရှိ ဖြစ်လာခဲ့သကဲ့သို့ ခံစားရကြသည်။ ၎င်းတို့၏ ဘဝတစ်ခုလုံး မျှော်လင့်အားရဖွယ်မရှိဟု ၎င်းတို့ ခံစားရသဖြင့် ၎င်းတို့သည် ထူးချွန်ပြောင်မြောက်သော သရုပ်ဆောင်ဖြစ်ခြင်း၏ ခံစားချက်ကို ပြန်လည်ခံစားရန် ရုပ်ရှင်လောကသို့ ပြန်သွားရပေသည်။ အန္တိခရစ်တို့သည် ၎င်းတို့နှင့် တူညီသော အရည်အသွေးကို မျှဝေခံစားကြသည်။ ၎င်းတို့သည် အလားတူ ကောက်ကျစ်ဆိုးယုတ်သော စိတ်သဘောထားနှင့် အနှစ်သာရကို ပိုင်ဆိုင်ကြသည်။ အန္တိခရစ်တို့ အဆင့်အတန်း ရရှိသောအခါ နေရာတိုင်း၌ ထိုအဆင့်အတန်းကို ကြွားလုံးထုတ်ကြပြီး မိမိတို့၏ အိမ်များ၌ပင် အာဏာရှင်ဆန်သော အခန်းကဏ္ဍကို ယူကာ ၎င်းတို့၏ မိသားစုဝင်များအား ၎င်းတို့ကို နာခံစေကြသည်။ အန္တိခရစ်တို့သည် ကောက်ကျစ်ဆိုးယုတ်သော စိတ်သဘောထားနှင့် အနှစ်သာရကို ပိုင်ဆိုင်ကြပြီး ၎င်းတို့သည် အဆင့်အတန်းကို အထူးနှစ်သက်မြတ်နိုးမှုဖြင့် သဘောထားကြကာ ယင်းကို ထုတ်ဖော်ပြသရန်နှင့် ကြွားလုံးထုတ်ရန် အစွမ်းကုန် ကြိုးစားကြသည်။ ဤအရာက အဘယ်အရာကို ပြသသနည်း။ ဤလူတို့သည် ရှက်စိတ်ရှိကြသလော။ မရှိကြပေ။ ၎င်းတို့သည် အဆင့်အတန်းကို ရရှိပြီး ၎င်းတို့၏ ပင်ကိုလက္ခဏာ ပြောင်းလဲသွားသည်ဟု ထင်မှတ်ကြကာ ၎င်းတို့၏ မိဘများနှင့် ၎င်းတို့၏ ဆက်ဆံရေးသည်ပင် ပြောင်းလဲသွားသည်။ ဤနေရာ၌ ပြဿနာတစ်ခု ရှိနေသည် မဟုတ်လော။ ယင်းမှာ မလျော်ကန်ပေ။ ။ အဆင့်အတန်းအပေါ် ထိုသို့သော သဘောထားကို ၎င်းတို့ စွဲကိုင်ထားနိုင်ခြင်းသည် သူတို့၏ ကောက်ကျစ်ဆိုးယုတ်သော အနှစ်သာရကို ဖော်ထုတ်သည့် သက်သေတစ်မျိုး ဖြစ်သည်။

ဘုရားသခင်သည် ဖန်ဆင်းရှင်ဖြစ်သည်။ သူ၏ ပင်ကိုလက္ခဏာနှင့် အဆင့်အတန်းသည် အမြင့်ဆုံးဖြစ်သည်။ ဘုရားသခင်သည် ဩဇာအာဏာ၊ ဉာဏ်ပညာနှင့် တန်ခိုးတို့ကို ပိုင်ဆိုင်သည်။ ပြီးလျှင် သူ့တွင် သူ၏ကိုယ်ပိုင်စိတ်သဘောထား၊ သူ၏ကိုယ်ပိုင်ပိုင်ဆိုင်မှုများနှင့် ဖြစ်ခြင်းတို့ရှိသည်။ ဘုရားသခင်သည် လူသားမျိုးနွယ်နှင့် ဖန်ဆင်းခြင်းအားလုံးအလယ်တွင် နှစ်မည်မျှအလုပ်လုပ်နေခဲ့သည်ကို သိသည့်သူ တစ်ဦးတလေ ရှိသလော။ ဘုရားသခင် အလုပ်လုပ်နေပြီး လူသားမျိုးနွယ်တစ်ရပ်လုံးကို စီမံနေခဲ့သည့် အတိအကျ နှစ်အရေအတွက်ကို မသိရပေ။ မည်သူကမျှ တိကျသော ကိန်းဂဏန်းကို မပေးနိုင်ပေ။ ပြီးလျှင် ဘုရားသခင်က ဤအမှုကိစ္စများကို လူသားမျိုးနွယ်ထံ အသိပေးခြင်း မရှိပေ။ သို့ရာတွင် စာတန်က ဤသို့သောအရာတစ်ခုကို လုပ်ဆောင်သည်ဆိုလျှင် သူသည် ဤအရာကို အသိပေးမည်လော။ အသေအချာပင် အသိပေးမည် ဖြစ်သည်။ သူသည် ပိုမိုများပြားသောလူတို့အား အထင်အမြင်မှားစေပြီး သူ၏ပါဝင်ပံ့ပိုးမှုကို လူတို့ ပို၍သတိပြုမိစေရန်အတွက် သူ့ကိုယ်သူ ကိုယ်ရည်သွေးပြချင်သည်။ ဘုရားသခင်က ဤအမှုကိစ္စများကို အဘယ်ကြောင့် အသိမပေးသနည်း။ ဘုရားသခင်၏ အနှစ်သာရတွင် နှိမ့်ချပြီး ကွယ်ဝှက်နေသော သွင်ပြင်လက္ခဏာတစ်ခုရှိသည်။ နှိမ့်ချခြင်းနှင့် ကွယ်ဝှက်ခြင်း၏ ဆန့်ကျင်ဘက်မှာ အဘယ်နည်း။ မာနထောင်လွှားခြင်းနှင့် ကိုယ့်ဂုဏ်ကိုယ်ဖော်ခြင်းဖြစ်သည်။ ဘုရားသခင် လုပ်ဆောင်သည့် အမှုက မည်မျှကြီးမားသည်ဖြစ်စေ၊ သူသည် လူတို့အား ၎င်းတို့ သဘောပေါက်နားလည်နိုင်သည့်အရာကိုသာ ပြောပြသည်။ လူတို့ အသိပညာ ရရှိကာ၊ သူပြုလုပ်သော အမှုအားဖြင့် သူ၏ အနှစ်သာရကို သိရှိလာခွင့်ပေးခြင်းဖြင့် ကျေနပ်သည်။ ဤသည်က လူတို့အား မည်သို့သော အကျိုးကျေးဇူးများကို ဆောင်ကြဉ်းပေးသနည်း။ ဤသည်က မည်သို့သော အကျိုးဆက်ကို ရရှိစေသနည်း။ လူတို့အနေဖြင့် ဘုရားသခင်ကို ကိုးကွယ်နိုင်ရန်အလို့ငှာ ဤအရာများကို သိရှိရမည် ဖြစ်သလော။ ယင်းမှာ အမှန်တကယ် ထိုသို့မဟုတ်ပေ။ လူတို့က ဘုရားသခင်ကို ကိုးကွယ်နိုင်ခြင်းသည် နောက်ဆုံး ဓမ္မဓိဋ္ဌာန်ကျသော ရလဒ်ဖြစ်သော်လည်း ဤအရာများကို လူတို့အား သိရှိခွင့်ပေးရာတွင် ဘုရားသခင်၏ မူလရည်ရွယ်ချက်မှာ အဘယ်နည်း။ ယင်းမှာ ဤအရာများကို ၎င်းတို့ သိရှိပြီးနောက်၊ ဘုရားသခင်က လူသားမျိုးနွယ်အား မည်သို့ စီမံသည်၊ သူက လူသားမျိုးနွယ်အပေါ် မည်သို့ အချုပ်အခြာအာဏာစွဲကိုင်ပြီး စီစဉ်သည်ဟူသည်တို့ကို ၎င်းတို့ နားလည်ပြီးနောက်၊ ၎င်းတို့အား ဘုရားသခင်၏ အချုပ်အခြာအာဏာကို ကျိုးနွံနာခံနိုင်စေရန်၊ အချည်းနှီးသော အတိုက်အခံလုပ်မှုကို နောက်ထပ် မပြုလုပ်ကြရန်၊ လမ်းမှားသို့ နောက်ထပ် မရောက်ရှိကြရန် ဖြစ်သည်၊ ဤနည်းအားဖြင့် လူတို့သည် ဆင်းရဲဒုက္ခခံစားရခြင်းက များစွာ လျော့နည်းသွားလိမ့်မည်ဖြစ်သည်။ ဘုရားသခင် ပေးအပ်သော နည်းလမ်းများနှင့် နိယာမများနှင့်အညီသော်လည်းကောင်း၊ သူ၏ သတ်မှတ်ချက်များနှင့် သူပေးအပ်သော စည်းမျဉ်းများအတိုင်းလည်းကောင်း အလိုအလျောက် အသက်ရှင်ကာ တည်ရှိခြင်းဖြင့် သင်တို့သည် စာတန်၏ လက်အောက်သို့ နောက်ထပ် ကျရောက်တော့မည်မဟုတ်သကဲ့သို့ ဒုတိယအကြိမ် ဖောက်ပြန်ပျက်စီးကာ နင်းချေခြင်း ခံရလိမ့်မည်မဟုတ်ပေ။ ထိုအစား သင်တို့သည် ဘုရားသခင် ထူထောင်ထားသော စည်းမျဉ်းများအတွင်း၌ ထာဝစဉ် အသက်ရှင်လိမ့်မည်၊ လူသားပုံသဏ္ဌာန်ဖြင့်လည်းကောင်း၊ ဖန်ဆင်းခံတစ်ဦးအဖြစ်လည်းကောင်း အသက်ရှင်လိမ့်မည်ဖြစ်ပြီး ဘုရားသခင်၏ ဂရုစိုက်မှုနှင့် ကာကွယ်မှုတို့ကို လက်ခံရရှိလိမ့်မည်။ ဤသည်မှာ ဘုရားအမှုတော်၏ မူလရည်ရွယ်ချက်နှင့် ရည်မှန်းချက် ဖြစ်သည်။ သို့ဆိုလျှင် ဘုရားသခင် လုပ်ဆောင်ခဲ့သော ကြီးမားလှသည့် အမှုနှင့်ပတ်သက်၍ သူသည် ထိုအရာကို ပြသဖူးသလော။ သူပြုပြီးသည့်အရာကို လူတို့အား သူ ပြောဖူးသလော။ မည်သည့်အခါမျှ မပြောခဲ့ပေ။ လူများစွာတို့သည် ဘုရားသခင် လုပ်ဆောင်ပြီးသည့်အရာ သို့မဟုတ် မည်သည့် အမှုအရာအမျိုးအစားများအား ဘုရားသခင် လုပ်ဆောင်ပြီးဖြစ်ကာ မည်သည့်အရာများအား မလုပ်ဆောင်ရသေးသည်ကို မသိကြပေ။ လက်တွေ့တွင် ဘုရားသခင်သည် များစွာသော အမှုအရာများကို လုပ်ဆောင်ပြီးဖြစ်သော်လည်း သူသည် ဤအရာများကို လူသားမျိုးနွယ်ထံ မည်သည့်အခါမျှ ထုတ်ဖော်ပြောကြားခဲ့ခြင်း မရှိပေ။ ဘုရားသခင်သည် ယင်းတို့ကို လူသားမျိုးနွယ်ထံ ထုတ်ဖော်ပြောကြားခြင်းမရှိ။ သင်တို့ လုပ်ဆောင်ရန် လိုအပ်သမျှမှာ သင်တို့ သိသင့်သိထိုက်သည့်အရာကို ရှင်းလင်းစွာ သိရှိရန်ဖြစ်သည်။ အနာဂတ်တွင် လူသားမျိုးနွယ်သည် မြေကြီးပေါ်၌ ပုံမှန်အတိုင်း တည်ရှိနိုင်ပြီး ဘုရားသခင်၏ ဦးဆောင်မှုကို လက်ခံနိုင်လိမ့်မည်ဖြစ်ကာ ဘုရားသခင်က လူသားမျိုးနွယ်ထဲသို့ ရောက်ရှိလာသောအခါ လူတို့သည် ဘုရားသခင်နှင့် ပုံမှန် ဆက်ဆံမှုများ ရှိနိုင်ကြလိမ့်မည်၊ သူ့ကို လက်ခံနိုင်ကြလိမ့်မည်၊ သူ့ကို ကိုးကွယ်နိုင်ကြလိမ့်မည်၊ သူ၏ နှုတ်ကပတ်တော်များကို နားထောင်နိုင်ကြလိမ့်မည်ဖြစ်ပြီး စာတန်နှင့်အတူ နောက်ထပ် လျှောက်လှမ်းကြတော့မည်မဟုတ်ပေ။ ဤနည်းအားဖြင့် ဘုရားသခင်၏ နိုင်ငံတော်သည် မြေကြီးပေါ်၌ ပေါ်ထွန်းလာလိမ့်မည်ဖြစ်ပြီး မြေကြီးပေါ်၌ သူ့ကို ကိုးကွယ်နိုင်သော လူတစ်စု၊ သူ၏ နှုတ်ကပတ်တော်များကို နားထောင်ပြီး လက်တွေ့လုပ်ဆောင်နိုင်သော လူတစ်စု ရှိလာလိမ့်မည်။ ဘုရားသခင်၏ အမှုတော်သည် ထိုသို့ဖြင့် ပြီးမြောက်လိမ့်မည်။ ဤရလဒ်ကို ရရှိခြင်းက လုံလောက်ပေသည်။ သို့ဖြစ်၍ ဘုရားသခင်က တစ်ခုတလေကို လုပ်ဆောင်သောအခါ၊အကယ်၍ သင်တို့သည် ယင်းကို နားမလည် သို့မဟုတ် သတိမပြုမိပါက ဘုရားသခင်က သင်တို့ကို ရှင်းပြလိမ့်မည်မဟုတ်။ အဘယ်ကြောင့် သူရှင်းမပြသနည်း။ ထိုသို့ပြုလုပ်ရန် မလိုအပ်သောကြောင့် ဖြစ်သည်။ သင်တို့ နားမလည်သော အမှုအရာများစွာ ရှိပြီး ဘုရားသခင်သည် ဤအရာများကို သင်တို့ သိရှိစေရန် သို့မဟုတ် သူ၏ ပင်ကိုလက္ခဏာနှင့် အနှစ်သာရကို နားလည်စေရန် သို့မဟုတ် သူ၏ တန်ခိုးကို နားလည်စေရန်အလို့ငှာ အချို့နက်နဲသောအရာများကို သင်တို့အား ထုတ်ဖော်ပြလိမ့်မည် မဟုတ်ပေ။ ဘုရားသခင်က ဤအလုပ်ကို မလုပ်ပေ။ လတ်တလောတွင် ဘုရားသခင်က မည်သည့်အရာ လုပ်ဆောင်ခြင်းကို အာရုံစိုက်နေသနည်း။ သူသည် လူတို့အား သမ္မာတရား နားလည်စေခြင်းကို အာရုံစိုက်နေသည်။ သမ္မာတရားကို သင် နားလည်သည်နှင့်တစ်ပြိုင်နက် ဘုရားသခင်ကို သိရှိလာလိမ့်မည်၊ သင်၏ အသက်တာအတွက် အခြေခံအုတ်မြစ်တစ်ခု ရှိလိမ့်မည်ဖြစ်ပြီးအနာဂတ်တွင် ဘုရားသခင်ကို ကျိုးနွံနာခံကာ ကိုးကွယ်နိုင်လိမ့်မည်။ စာတန်ကိုလည်း သင် ပိုင်းခြားသိမြင်ပြီး စွန့်လွှတ်နိုင်လိမ့်မည်ဖြစ်သည်။ သူ၏ အထင်အမြင်မှားစေခြင်းခံရတော့မည် မဟုတ်၊ သို့မဟုတ် သူနှင့်အတူ လိုက်ပါတော့မည် မဟုတ်ပေ။ ထို့နောက် သူ၏ အမှုတော် ပြီးစီးပေသည်။ ထိုနက်နဲသောအရာများနှင့် ပတ်သက်၍မူ လူသားမျိုးနွယ်သည် အနာဂတ်တွင် ယင်းတို့ကို နားလည်ရန် အခွင့်အရေး ရရှိလိမ့်မည်ဖြစ်သော်လည်း ဘုရားသခင်၏ လုပ်ဆောင်ချက်များနှင့်ဆိုင်သည့် နက်နဲသောအရာများမှာ မယုံနိုင်လောက်အောင် ကျယ်ပြန့်လှပြီး အကယ်၍ ဘုရားသခင်က ယင်းတို့ကို သင့်အား ထုတ်ဖော်ပြလျှင်ပင်၊ သင် နားလည်မည်ဟု သေချာပေါက် မဆိုလိုပေ။ အကယ်၍ သင်တို့သည် ယင်းတို့နှင့် ထိတွေ့ရလျှင်ပင်၊ သင်တို့ နားလည်ခြင်း သို့မဟုတ် သဘောပေါက်ခြင်း မရှိနိုင်ပေ။ အဘယ်ကြောင့် ဤသို့ ဖြစ်ရသနည်း။ အကြောင်းမှာ ဖန်ဆင်းခံများနှင့် ဘုရားသခင်အကြား၊ လူသား၏ အတွေးအခေါ်များနှင့် ဘုရားသခင်၏ စိတ်ကူးများကြား အကွာအဝေးတစ်ခု တည်ရှိနေသောကြောင့် ဖြစ်သည်။ ဥပမာအားဖြင့် သက်တံ့သည် ဘုရားသခင်နှင့် လူသားမျိုးနွယ်အကြား ပဋိညာဉ်၏ နိမိတ်လက္ခဏာဖြစ်သည်ကို သင်တို့ သိကောင်းသိနိုင်သော်လည်း သက်တံက မည်သို့ ဖြစ်ပေါ်လာသည်ကို သင် သိသလော။ အကယ်၍ ဘုရားသခင်က ဤနက်နဲသောအရာကို သင့်အား ရှင်းပြမည်ဆိုလျှင် သင် နားလည်မည်လော။ သင် နားလည်မည်မဟုတ်သောကြောင့် ဘုရားသခင်က သင့်ကို မပြောခြင်း ဖြစ်သည်။ သူ ပြောလျှင်၊ ထိုအရာက သင့်အတွက် ဝန်ထုပ်ဝန်ပိုး ဖြစ်ပေမည်။ သင်သည် ထိုအရာကို လေ့လာကာ စိစစ်ရန် လိုအပ်မည်ဖြစ်ပြီး ယင်းက သင့်အတွက် ဒုက္ခတစ်ခု ဖြစ်ပေမည်။ ထို့ကြောင့် ဘုရားသခင်သည် နက်နဲသောအရာများနှင့်ပတ်သက်၍ များစွာ မပြောပေ။ သို့သော် စာတန်နှင့်ဆိုင်သော လူသားသည် ဤနက်နဲသောအရာများကို သိရှိပါက တိတ်ဆိတ်စွာ နေနိုင်မည်လော။ လုံးဝ နေနိုင်မည်မဟုတ်။ ဤသည်မှာ ၎င်းတို့၏ အနှစ်သာရ ကွာခြားသည့်နေရာ ဖြစ်သည်။ ဘုရားသခင်သည် လူသားမျိုးနွယ်ထံ နှစ်ချီ ထုတ်ဖော်ပြပြီးဖြစ်သော်လည်း လူတို့ မည်သည့်အခါမျှ နားမလည်နိုင်သော အမှုအရာများစွာကို ရှင်းပြသလော။ သူသည် သဘာဝလွန် အမှုအရာများကို လုပ်ဆောင်သလော။ မလုပ်ဆောင်ပေ။ လူသားမျိုးနွယ်ကို ဘုရားသခင် ဖန်ဆင်းထားခြင်းဖြစ်ပြီး လူတို့ မည်မျှ နားလည်နိုင်ပြီး၊ မည်သည့်အတိုင်းအတာအထိ နားလည်နိုင်သည်ကို ဘုရားသခင် သိသည်။ ဤအရာများကို လူတို့၏ မျက်စိရှေ့မှောက်၌ ထားသော်လည်း အကယ်၍ လူတို့ နားလည်ရန် မလိုအပ်ပါက ၎င်းတို့အားဉာဏ်အလင်းပေးရန် သို့မဟုတ် ဤအရာများကို လူတို့အပေါ် ချမှတ်ပြီး ၎င်းတို့အတွက် ဝန်ထုပ်ဝန်ပိုးများ ဖြစ်လာစေရန် မလိုအပ်ပေ။ သို့ဖြစ်၍ ဘုရားသခင်က ထိုနည်းလမ်းအတိုင်း အမှုမပြုပေ။။ ထို့ကြောင့်၊ ဘုရားသခင်၏ လုပ်ဆောင်မှုများတွင် စည်းမျဉ်းများရှိသည်။ လူသားမျိုးနွယ်အပေါ်သူ၏ ဆက်ဆံနည်းသည် ချစ်မြတ်နိုးခြင်း၊ စာနာထောက်ထားခြင်း၊ ချစ်ခြင်းတစ်မျိုး ဖြစ်သည်။ ဘုရားသခင်က လူတို့အတွက် အကောင်းဆုံးဖြစ်သည့်အရာကို အလိုရှိသည်။ ဤသည်မှာ ဘုရားသခင်၏ လုပ်ဆောင်မှုအားလုံး နောက်ကွယ်ရှိ အရင်းအမြစ်နှင့် နဂိုမူလရည်ရွယ်ချက်ဖြစ်သည်။ အခြားတစ်ဖက်တွင် စာတန်သည် သူ့ကိုယ်သူ ကိုယ်ရည်သွေးသည်။ လူတို့အပေါ် အဓမ္မလုပ်ဆောင်သည်။ သူ့အား ကိုးကွယ်ပြီး သူ၏ အထင်အမြင်မှားစေခြင်းကို ခံရရန် လူတို့အား လုပ်ဆောင်သည်။ ပြီးလျှင် လူတို့အား အကျင့်ပျက်သောသူ ဖြစ်လာစေသည်။ ဤသို့ဖြင့် ၎င်းတို့သည် တဖြည်းဖြည်းချင်းဖြင့် အသက်ရှင်သော နတ်ဆိုးများအဖြစ် ပြောင်းသွားပြီး ပျက်စီးခြင်းသို့ ဦးတည်ကြသည်။ သို့သော် ဘုရားသခင်ကို သင်ယုံကြည်သောအခါ သမ္မာတရားကို နားလည်ပြီး ရရှိလျှင် သင်သည် စာတန်၏ စွမ်းအားမှ လွတ်မြောက်နိုင်ပြီး ကယ်တင်ခြင်းကို ရယူနိုင်သည်။ ဖျက်ဆီးခြင်းခံရသည့် အဆုံးသတ်ကို သင် ရင်ဆိုင်ရမည်မဟုတ်။ စာတန်သည် လူတို့က အဆင်ပြေနေသည်ကို မြင်ရဖို့ကို မခံမရပ်နိုင်ပေ။ ပြီးလျှင် လူတို့ရှင်သည်၊ သေသည်ကို သူ ဂရုမစိုက်ပေ။ သူ့ကိုယ်သူ၊ သူ၏ကိုယ်ပိုင် အကျိုးအမြတ်နှင့် သူ၏ ကိုယ်ပိုင်သာယာမှုကိုသာ ဂရုစိုက်ကာ သူ့တွင် ချစ်ခြင်း၊ သနားကရုဏာ၊ သည်းခံခြင်းနှင့် ခွင့်လွှတ်ခြင်း ကင်းမဲ့သည်။ စာတန်သည် ဤအရည်အသွေးများကို မပိုင်ဆိုင်ပေ။ ဘုရားသခင်သာ ဤအပြုသဘောဆောင်သော အရာများကို ပိုင်ဆိုင်သည်။ ဘုရားသခင်သည် လူသားတို့အပေါ် သိသာထင်ရှားသည့် အလုပ်ပမာဏအထိ လုပ်ဆောင်ပြီးဖြစ်သည်။ သို့သော် ဤအကြောင်းကို သူ တစ်ခါဖူးမျှ ပြောခဲ့ဖူးသလော။ ရှင်းပြခဲ့ဖူးသလော။ ကြေညာခဲ့ဖူးသလော။ မကြေညာခဲ့ဖူးပေ။ လူတို့က ဘုရားသခင်ကို မည်သို့ နားလည်မှုလွဲသည်ဖြစ်စေ ဘုရားသခင်က ရှင်းမပြပေ။ ဘုရားသခင်၏ ရှုထောင့်မှကြည့်လျှင် သင်သည် အသက်ခြောက်ဆယ် သို့မဟုတ် ရှစ်ဆယ်ပင် ဖြစ်စေကာမူ ဘုရားသခင်အပေါ် သင်၏ သိနားလည်မှုက အလွန် အကန့်အသတ်ရှိပြီး သင် မည်မျှ နည်းပါးစွာ သိရှိသည်ကို အခြေခံကြည့်လျှင် သင်သည် ကလေးတစ်ဦးသာ ဖြစ်နေသေးသည်။ ဘုရားသခင်သည် သင့်ကို အပြစ်မတင်ပေ။ သင်သည် မရင့်ကျက်သေးသော ကလေးတစ်ဦးသာ ဖြစ်နေသေးသည်။ အချို့သောလူတို့သည် နှစ်ပေါင်းများစွာ အသက်ရှင်ခဲ့ပြီး ၎င်းတို့၏ ခန္ဓာကိုယ်က အသက်အရွယ်ကြီးရင့်ခြင်း၏ လက္ခဏာများ ပြသနေသည်မှာ အရေးမကြီးပေ။ ဘုရားသခင်အပေါ် ၎င်းတို့၏ သိနားလည်မှုက အလွန်ပင် ကလေးဆန်ပြီး အပေါ်ယံဖြစ်နေဆဲဖြစ်သည်။ ဘုရားသခင်သည် သင့်ကို အပြစ်မတင်ပေ။ သင် နားမလည်လျှင် နားမလည်သည်သာဖြစ်သည်။ ယင်းမှာ သင်၏ အစွမ်းအစနှင့် သင်၏ တတ်စွမ်းနိုင်ခြင်းဖြစ်ပြီး ပြောင်းလဲ၍မရနိုင်ပေ။ ဘုရားသခင်က သင့်အပေါ် မည်သည့်အရာကိုမျှ အတင်းအကျပ် ပြုလိမ့်မည် မဟုတ်။ ဘုရားသခင်သည် လူတို့အား သူ့အတွက် သက်သေခံရန် တောင်းဆိုသော်လည်း သူ့ကိုယ်သူ သက်သေခံခဲ့သလော။ (မခံခဲ့ပါ။) အခြားတစ်ဖက်တွင် စာတန်ကမူ သူလုပ်ဆောင်သည့် အသေးငယ်ဆုံးသောအရာအကြောင်းကိုပင် လူတို့မသိမည်ကို ကြောက်ရွံ့သည်။ အန္တိခရစ်များသည် မကွာခြားပေ။ ၎င်းတို့သည် ၎င်းတို့လုပ်ဆောင်သည့် သေးငယ်သောအရာတိုင်းအား လူတိုင်း၏ ရှေ့တွင် ကြွားဝါပြောဆိုကြသည်။ ၎င်းတို့ပြောသည်ကို ကြားရာတွင် ၎င်းတို့သည် ဘုရားသခင်ကို သက်သေခံနေသည့်ပုံစံရှိသည်။ သို့သော် သေချာစွာ နားထောင်လျှင် ၎င်းတို့သည် ဘုရားသခင်ကို သက်သေခံနေခြင်းမဟုတ်ဘဲ ကြွားဝါနေခြင်း၊ မိမိတို့ကိုယ်ကို မြှင့်တင်နေခြင်းဖြစ်သည်ကို သင် တွေ့ရှိရလိမ့်မည်။ ၎င်းတို့ပြောသည့်အရာနောက်ကွယ်ရှိ ရည်ရွယ်ချက်နှင့် အနှစ်သာရသည် ဘုရားသခင်ရွေးချယ်ထားသောသူတို့ကိုရဖို့ ဘုရားနှင့် ဖက်ပြိုင်ရန်၊ ဂုဏ်အဆင့်အတန်းကို ရရှိရန်ဖြစ်သည်။ ဘုရားသခင်သည် နှိမ့်ချမှုရှိပြီး ဖုံးကွယ်ထားလျက် စာတန်မှာမူ သူ့ကိုယ်သူ ဝါကြွားသည်။ ခြားနားချက် ရှိသလော။ ကြွားဝါခြင်းနှင့် နှိမ့်ချခြင်း၊ ဖုံးကွယ်ခြင်းတွင် မည်သည့်အရာသည် အပြုသဘောဆောင်သောအရာဖြစ်သနည်း။ (နှိမ့်ချခြင်းနှင့် ဖုံးကွယ်ခြင်းတို့ ဖြစ်ပါသည်။) စာတန်ကို နှိမ့်ချမှုရှိသည်ဟု ဖော်ပြ၍ ရသလော။ (မရပါ။) အဘယ်ကြောင့်နည်း။ သူ၏ ကောက်ကျစ်စဉ်းလဲသော သဘာဝအနှစ်သာရကို အကဲဖြတ်ရလျှင် သူသည် အသုံးမကျသော အမှိုက်စတစ်စပင် ဖြစ်သည်။ စာတန်အနေဖြင့် သူ့ကိုယ်သူ မဝါကြွားလျှင် မူမမှန်ဖြစ်နေပေမည်။ စာတန်ကို “နှိမ့်ချမှုရှိသည်” ဟု အဘယ်သို့လျှင် ခေါ်နိုင်မည်နည်း။ “နှိမ့်ချခြင်း” ဟူသည်ကို ဘုရားသခင်နှင့်ပတ်သက်၍ ပြောရသည်။ ဘုရားသခင်၏ မည်သူမည်ဝါဖြစ်ခြင်း၊ အဖြစ်အနေနှင့် စိတ်နေသဘောထားတို့မှာ အလွန်မြင့်မြတ်ပြီး ဂုဏ်သရေရှိသည်၊ သို့သော် သူသည် မည်သည့်အခါမျှ မကြွားဝါပေ။ ဘုရားသခင်သည် နှိမ့်ချမှုရှိပြီး ဖုံးကွယ်ထားသည်၊ ထို့ကြောင့် သူပြုလုပ်ထားသော အရာကို လူတို့က မမြင်ပေ။ သို့သော် သူသည် ထိုသို့မထင်မပေါ် အလုပ်လုပ်စဉ်တွင် လူသားမျိုးနွယ်မှာ ကြည့်ရှုစောင့်ရှောက်ခြင်း၊ အာဟာရပေးခြင်းနှင့် လမ်းပြခြင်းကို စဉ်ဆက်မပြတ် ခံရ၏။ ဤအရာအားလုံးကို ဘုရားသခင်က စီမံထားခြင်း ဖြစ်လေသည်။ ဘုရားသခင်က ဤအရာများကို ဘယ်တော့မျှ မကြေညာ၊ ဘယ်တော့မျှ မဖော်ပြသည်မှာ ဖုံးကွယ်ထားခြင်းနှင့် နှိမ့်ချခြင်းမဟုတ်သလော။ ဘုရားသခင်၌ နှိမ့်ချမှုရှိရခြင်း အကြောင်းရင်း အတိအကျမှာ သူသည် ဤအရာများကို ပြုလုပ်နိုင်သော်လည်း ယင်းတို့ကို မည်သည့်အခါမျှ ထုတ်မပြော၊ သို့မဟုတ် မကြေညာ၊ ယင်းတို့ကို လူတို့နှင့် မငြင်းခုံသောကြောင့် ဖြစ်သည်။ သင်သည် ထိုကဲ့သို့သော အရာများကို ပြုလုပ်နိုင်စွမ်း မရှိဘဲလျက် နှိမ့်ချခြင်းအကြောင်းပြောဖို့ သင့်မှာ အဘယ်အခွင့်ရှိသနည်း။ သင်သည် ထိုအရာများ တစ်ခုကိုမျှ မလုပ်ခဲ့သော်လည်း ယင်းတို့အတွက် ချီးကျူးမှုရရန် မရမက တောင်းဆိုနေပေသည်။ ဤသည်ကို အရှက်မဲ့ခြင်းဟု ခေါ်၏။ လူသားမျိုးနွယ်ကို လမ်းပြလျက် ဘုရားသခင်သည် အလွန်ကြီးမြတ်သောအလုပ်ကို လုပ်ဆောင်သည်။ စကြဝဠာတစ်ခုလုံးကို ဦးဆောင်သည်။ သူ၏အာဏာနှင့် ဘုန်းတန်ခိုးသည် အလွန်ကျယ်ပြန့်သည်။ သို့တိုင်အောင် သူသည် “ငါ၏တန်ခိုးသည် သာလွန်ထူးခြားသည်” ဟု မည်သည့်အခါမျှ မဆိုပေ။ သူသည် အရာရာအပေါ် အုပ်စိုးလျက်၊ လူသားမျိုးနွယ်ကို ပြုစုပျိုးထောင်ပြီး ပံ့ပိုးလျက်၊ လူသားမျိုးနွယ်ကို မျိုးဆက်တစ်ဆက်ပြီးတစ်ဆက် ဆက်လက်တည်ရှိစေလျက် အရာအားလုံးအထဲတွင် သူသည် ပုန်းကွယ်မြဲ ပုန်းကွယ်လျက်ရှိသည်။ ဥပမာ လေနှင့် နေရောင်၊ သို့မဟုတ် ကမ္ဘာပေါ်တွင် လူသားဖြစ်တည်မှုအတွက် လိုအပ်သော အရာဝတ္ထုပစ္စည်းများအားလုံးကို ကြည့်လော့။ ယင်းတို့အားလုံးသည် ရပ်တန့်ခြင်းမရှိဘဲ ရှေ့ဆက်ရွေ့လျားသည်။ လူသားအတွက် ဘုရားသခင်က ထောက်ပံ့သည်မှာ မေးခွန်းထုတ်စရာမလိုပေ။ စာတန်က ကောင်းသောအရာတစ်ခုခုပြုလုပ်လျှင် တိတ်ဆိတ်စွာနေပြီး တိမ်မြုပ်နေသော သူရဲကောင်းတစ်ယောက်အဖြစ် နေမည်လော။ လုံးဝ မဟုတ်ပေ။ ဤသည်မှာ အသင်းတော်၌ အန္တရာယ်ရှိသောအလုပ်ကို ယခင်က တာဝန်ယူဆောင်ရွက်ခဲ့သော၊ အရာဝတ္ထုများကို စွန့်လွှတ်ပြီး ဒုက္ခကို ကြံ့ကြံ့ခံခဲ့သော၊ ထောင်ကျခဲ့ရခြင်းပင်ဖြစ်နိုင်သော အန္တိခရစ်အချို့ ရှိခဲ့သည့်ပုံစံကဲ့သို့ပင်ဖြစ်သည်။ ဘုရားအိမ်တော်၏အလုပ်၏ ကဏ္ဍတစ်ခုတွင် တစ်ချိန်က ပါဝင်ပံ့ပိုးခဲ့သောသူအချို့လည်းရှိသည်။ ၎င်းတို့က ဤအရာများကို မည်သည့်အခါမျှ မမေ့ပေ။ ၎င်းတို့သည် ဤအရာတို့အတွက် တစ်သက်လုံး နာမည်ရသင့်သည်ဟု ထင်မြင်ကြသည်။ ဤအရာတို့သည် ၎င်းတို့တစ်သက်လုံးအတွက် အရင်းအနှီးဖြစ်သည်ဟု ထင်မြင်ကြသည်။ ဤသည်မှာ လူတို့သည် မည်မျှသေးနုပ်သည်ကို ပြသည်။ လူတို့သည် အမှန်တကယ်ကို သေးနုပ်ပြီး စာတန်က အရှက်မဲ့သည်။

ငါ့ကို ပြောလော့၊ အကယ်၍ အန္တိခရစ်တို့သည် ဘုရားသခင်နှင့် တန်းတူ အဆင့်အတန်း ရှိခဲ့ပါက ၎င်းတို့သည် အဘယ်အရာကို စားသုံးပြီး အဘယ်အရာကို ဝတ်ဆင်ရမည်နည်း။ အကောင်းဆုံးသော အစားအစာများကို စားသုံးပြီး အကောင်းဆုံးသော တံဆိပ်များကို ဝတ်ဆင်ကြရမည် မဟုတ်လော။ သို့ဖြစ်၍ ရုပ်ဝတ္ထုပစ္စည်းများအတွက် ၎င်းတို့၏ တောင်းဆိုချက်များနှင့်စပ်လျဉ်း၍ ငါ့ကို ပြောလော့၊ ၎င်းတို့တွင် အချို့သော သတ်မှတ်ချက်များ ရှိသည် မဟုတ်လော။ တစ်နေရာရာသို့ ၎င်းတို့ သွားသောအခါ လေယာဉ်ပျံဖြင့် သွားဖို့ လိုသည်။ ထိုနေရာသို့ ၎င်းတို့ ရောက်ရှိသောအခါ သာမန်ညီအစ်ကိုမောင်နှမများက ၎င်းတို့ကို မိမိတို့၏ အိမ်များ၌ ဧည့်ခံ၍ရသလော။ ၎င်းတို့ဧည့်ခံ၍ရသည့်တိုင် ထိုအန္တိခရစ်တို့သည် ၎င်းတို့နှင့်အတူ နေထိုင်ကြမည်မဟုတ်ပေ။ အဆင့်မြင့်ဟိုတယ်တစ်ခု၌ ၎င်းတို့ တည်းခိုကြရမည်ဖြစ်သည်။ အန္တိခရစ်တို့သည် ၎င်းတို့၏ သတ်မှတ်ချက်များနှင့်ပတ်သက်၍ အလွန် ဇီဇာကြောင်ကြသည် မဟုတ်လော။ အဆင့်အတန်းက ၎င်းတို့ထံ ဆောင်ကြဉ်းပေးမည့် ဂုဏ်၊ ပျော်ရွှင်မှုနှင့် ဝင့်ဝါမှုတို့နှင့်ပတ်သက်၍မူ ဤအရာများကို ၎င်းတို့ စွန့်လွှတ်နိုင်ကြသလော။ ၎င်းတို့၌ သင့်လျော်သော အခြေအနေများနှင့် အခွင့်အလမ်းများ ရှိနေသရွေ့ ၎င်းတို့သည် ဤအရာများကို များပြားစွာ ရယူကြပြီး မွေ့လျော်ခံစားကြသည်။ ၎င်းတို့၏ စည်းမျဉ်းများမှာ အဘယ်နည်း။ ၎င်းတို့၌ အဆင့်အတန်း ရှိနေသရွေ့ ငွေကို လက်ဝယ်ရရှိနိုင်ပြီး နာမည်ကြီးတံဆိပ် အဝတ်အစားများနှင့် အသုံးအဆောင်ပစ္စည်းများကို ဝတ်ဆင်နိုင်ကြသည်။ သာမန်ပစ္စည်းများကို ဝတ်ဆင်လိုစိတ်မရှိကြပေ။ နာမည်ကြီးတံဆိပ်များကို ၎င်းတို့ ဝတ်ဆင်မှဖြစ်ပေမည်။ ၎င်းတို့၏ လည်စည်းများ၊ ဝတ်စုံများ၊ ရှပ်အင်္ကျီများ၊ လက်ကောက်ဝတ်ကြယ်သီးများ၊ ရွှေဆွဲကြိုးများနှင့် ခါးပတ်များတို့ဖြစ်သည့် အရာရာတိုင်းသည် နာမည်ကြီးတံဆိပ် ဖြစ်သည်။ ဤသည်မှာ ကောင်းသော နိမိတ်လက္ခဏာတစ်ခု မဟုတ်ပေ။ ညီအစ်ကိုမောင်နှမများသည် ထိုအရာကြောင့် ဆင်းရဲဒုက္ခ ခံစားကြရသည် မဟုတ်လော။ ညီအစ်ကိုမောင်နှမများ ပေးသော ငွေကို ဤအန္တိခရစ်တို့က နာမည်ကြီးတံဆိပ် ပစ္စည်းများ ဝယ်ယူရန် အသုံးပြုကြသည်။ ဤသည်မှာ ၎င်းတို့ လုပ်ဆောင်ခဲ့သော ကြီးမားသည့် မကောင်းမှုတစ်ခု မဟုတ်လော။ ထိုအရာကို ၎င်းတို့၏ ဆိုးယုတ်မှုက ဖြစ်စေသည်မဟုတ်လော။ ဤသည်တို့မှာ ၎င်းတို့ လုပ်ဆောင်နိုင်သည့် အမှုအရာအမျိုးအစားများ ဖြစ်သည်။ ခေါင်းဆောင်မှုအခန်းကဏ္ဍကို ပထမဆုံး ရယူသောအခါ ရိုးရိုးကုပ်ကုပ် ဝတ်စားဆင်ယင်ခဲ့သော လူတစ်ဦး ရှိခဲ့ပြီး သူ့တွင် နာမည်ကြီးတံဆိပ် သို့မဟုတ် အဆင့်မြင့်အဝတ်အစားများ မဟုတ်သော အဝတ်အစား သုံးစုံမှ ငါးစုံအထိသာ ရှိခဲ့သည်။ ခေါင်းဆောင်မှု၌ နှစ်အနည်းငယ်ကြာ လုပ်ဆောင်ပြီးနောက် မည်သည့် စစ်မှန်သော အလုပ်ကိုမျှ သူမလုပ်ဆောင်ခဲ့သောကြောင့် ထုတ်ပယ်ခြင်း ခံခဲ့ရသည်။ သူ ထွက်ခွာသွားခဲ့ချိန်တွင်၊ သူသည် ကားတစ်စီးအပြည့် ပစ္စည်းများဖြစ်သည့် နာမည်ကြီးတံဆိပ် အဝတ်အစားများ၊ အိတ်များ၊ ကောင်းမွန်သော ပစ္စည်းမျိုးစုံကို ယူဆောင်သွားခဲ့သည်။ သူသည် ခေါင်းဆောင်တစ်ဦးအနေဖြင့် မည်သည့်ငွေမျှ မရှာဖွေခဲ့ပေ။ သို့ဆိုလျှင် ဤပစ္စည်းများက မည်သည့်နေရာမှ လာခဲ့သနည်း။ယင်းတို့သည် သူ၏ အဆင့်အတန်းမှ လာခဲ့ခြင်း ဖြစ်သည်။ အခြားသူများက ဤအရာများကို သူ့အတွက် ဝယ်ပေးသောအခါ သူ ငြင်းပယ်ခဲ့မည်ဆိုလျှင် ညီအစ်ကိုမောင်နှမများက သူ့အတွက် ထိုအရာများကို မရမက ဝယ်ပေးကြဦးမည်လော။ ထိုသို့သော အရာမျိုး ဖြစ်ပျက်ခဲ့မည်လော။ ဤအရာများကို သူမလိုချင်ခဲ့ပါက ညီအစ်ကိုမောင်နှမများက သူ့အတွက် ဝယ်ပေးခဲ့ကြမည်မဟုတ်ပေ။ ဤနေရာ၌ ပြဿနာမှာ အဘယ်နည်း။ သူသည် ဤကုန်ပစ္စည်းများကို အတင်းအကျပ်နှင့် လောဘကြီးစွာ ရယူသိမ်းပိုက်နေခဲ့ခြင်း ဖြစ်သည်။ တစ်နည်းအားဖြင့် သူသည် ညီအစ်ကိုမောင်နှမများကို ငွေညှစ်ခဲ့ခြင်းဖြစ်ပြီး နောက်တစ်နည်းအားဖြင့် သူသည် ထိုပစ္စည်းများကို မိမိကိုယ်တိုင် တက်ကြွစွာ ဝယ်ယူခဲ့ခြင်း ဖြစ်သည်။ ထို့အပြင် သူသည် ညီအစ်ကိုမောင်နှမများအား ဤအရာများကို သူ့အတွက် ဝယ်ပေးစေခဲ့ပြီး အကယ်၍ တစ်စုံတစ်ဦးက ငြင်းပယ်ပါက ထိုသူကို သူက ညှဉ်းပန်းနှိပ်စက်ကာ အခက်တွေ့စေခဲ့သည်။ ဤအကြောင်းရင်းများအားလုံး သက်ရောက်မှု ရှိခဲ့သည်။ အဆုံးတွင် သူသည် “များပြားလှသော အကျိုး” ကို ရရှိခဲ့ပြီး ချမ်းသာကြွယ်ဝလာခဲ့သည်။ ဤခေါင်းဆောင်မျိုးကို သင်တို့ အားကျကြသလော။ အကယ်၍ သင်တို့၌ အခွင့်အရေးရှိခဲ့ပါက ဤဥစ္စာဓနမျိုးကို သင်တို့လည်း ရရှိနိုင်မည်လော။ ငါ သင်တို့ကို ပြောမည်၊ ဤကဲ့သို့သော ချမ်းသာကြွယ်ဝမှု ရရှိခြင်းသည် မကောင်းပေ။ အကျိုးဆက်များ ရှိသည်တကား။ အချို့သောလူတို့က ခေါင်းဆောင်များ ဖြစ်လာသောအခါ ဤအရာများ ၎င်းတို့ထံ ဖြစ်ပျက်လာမည်ကို ကြောက်ရွံ့ကြသည်။ သွေးဆောင်မှုများက အလွန် ကြီးမားလွန်းမည်ဖြစ်ကြောင်း၊ ဤသွေးဆောင်မှုများကို ရှောင်ရှားရန် သို့မဟုတ် ကိုင်တွယ်ဖြေရှင်းရန် ခက်ခဲမည်ဖြစ်ကြောင်း၊ ထိုစုံစမ်းသွေးဆောင်မှုများအား ကျရှုံးရန် လွယ်ကူမည်ဖြစ်ကြောင်းတို့ကို သူတို့ တွေးမိကြသည်။ သို့သော် အချို့သောလူတို့မူကား ဂရုမစိုက်ကြဘဲ “ဤသည်မှာ ပုံမှန်ဖြစ်သည်။ မည်သူသည် ထိုသို့သော အရာများကို မွေ့လျော်မခံစားဘဲ ရာထူးယူထားသနည်း။ အစကတည်းက ရာထူးကို အဘယ်ကြောင့် ယူရသနည်း။ ယင်းမှာ အဓိကအချက်ပင် ဖြစ်သည်” ဟူ၍ စဉ်းစားကြလေသည်။ ဤသည်မှာ မည်သည့် သဘောထားမျိုး ဖြစ်သနည်း။ အန္တိခရစ်တို့၏ သဘောထားဖြစ်ပြီး ဤလူတို့တွင် အန္တရာယ် ရှိနေသည်။

ငါသည် ယခုတွင် အနှစ်သုံးဆယ်နီးပါး အလုပ်လုပ်နေခဲ့ပြီးဖြစ်သည်။ ငါသည် တစ်ဦးတလေထံမှ တစ်ခုခုကို ညစ်ယူဖူးသလော။ ဥပမာအားဖြင့် အကယ်၍ တစ်စုံတစ်ဦးက ကောင်းမွန်သော လက်ဝတ်ရတနာများ ဝတ်ဆင်ထားသည်ကို ငါ မြင်ခဲ့ပါက “သင်၏ လက်ဝတ်ရတနာများကို ငါ့အား ပေးပါ။ထိုအရာသည် သင်နှင့် မလိုက်ဖက်ပါ။ ရွှေနှင့်ငွေ လက်ဝတ်ရတနာများသည် အဆင့်အတန်းရှိသောလူများအတွက် ရည်ရွယ်ထားခြင်းဖြစ်ပြီး အဆင့်အတန်းမရှိသောသူများ မဝတ်ဆင်သင့်ပါ” ဟူသကဲ့သို့သော သတင်းစကားတစ်ခု ပေးပို့ခြင်းအားဖြင့် ၎င်းတို့ထံမှ ထိုအရာကို ငါ ညှစ်ယူခဲ့သလော။ ဤအရာသည် ဖြစ်ပျက်ဖူးသလော။ မဖြစ်ခဲ့ပါ။ အချို့သော ညီအစ်ကိုမောင်နှမများသည် ငွေအနည်းငယ် ရှိပြီး ငါ့အတွက် သားရေဂျာကင် သို့မဟုတ် တစ်စုံတစ်ခု ဝယ်ပေးခဲ့သည့်အခါ၌ပင် ယင်းကို ငါ အမြဲ ပြန်ပေးခဲ့သည်။ ထိုအရာကို ငါ မကြိုက်သောကြောင့် မဟုတ်။ ထိုသို့သော အရာများအတွက် ငါ အသုံးမလိုသောကြောင့်သာ ဖြစ်သည်။ နောက်ပိုင်းတွင် ထိုအကြောင်းကို ငါ တွေးမိသည်။ “ဤအရာများကို ငါ မည်သို့ သင့်လျော်စွာ ကိုင်တွယ်သင့်သနည်း။ ထိုအရာများကို ဝယ်ခဲ့သောလူများ စိတ်ထိခိုက်ခြင်းမရှိအောင် ရှောင်ရှားရန် ငါ အဘယ်အရာကို လုပ်ဆောင်သင့်သနည်း” ဟူ၍ ဖြစ်သည်။ ညီအစ်ကိုမောင်နှမများက စည်းမျဉ်းများအတိုင်း ထိုပစ္စည်းများကို ဖြန့်ဝေနိုင်ရန်အလို့ငှာ ယင်းတို့ကို အသင်းတော်သို့ ငါယူဆောင်သွားခဲ့သည်။ အကယ်၍ တစ်စုံတစ်ဦးက တန်ဖိုးရှိသော ပစ္စည်းများကို ဝယ်ယူလိုစိတ်ရှိပါက အသင်းတော်က ထိုပစ္စည်းများကို လျှော့ဈေးဖြင့် ရောင်းချပေးမည်ဖြစ်သည်။ ယင်းမှာ ငွေရှာဖွေခြင်းအကြောင်း မဟုတ်။ နှစ်ဦးနှစ်ဖက်အတွက် သင့်လျော်သော နည်းလမ်းဖြင့် အမှုအရာများကို ကိုင်တွယ်ဖြေရှင်းခြင်းနှင့်သာ သက်ဆိုင်သည်။ မည်သူမျှ ဤအရာများကို အခမဲ့ မရရှိသင့်ပေ။ အကြောင်းမှာ ထိုအရာများသည် မူလက သင်တို့အတွက် ရည်ရွယ်ထားခြင်း မဟုတ်သောကြောင့် ဖြစ်သည်။ ဤပစ္စည်းများသည် အကန့်အသတ်ရှိပြီး လူတိုင်းအကြား ညီတူညီမျှ ဖြန့်ဝေ၍မရနိုင်သည့်အပြင် မည်သူကိုမျှ ပေးအပ်ရန် သင့်တင့်လျောက်ပတ်ခြင်း မရှိခဲ့ပေ။ ထို့ကြောင့် တစ်ခုတည်းသော ရွေးချယ်စရာမှာ ငွေရှိပြီး ထိုပစ္စည်းများကို ဝယ်ယူလိုစိတ် ရှိသောသူတို့က ရှေ့ဆက်ပြီး ဝယ်ယူရန်သာ ဖြစ်သည်။ ထိုပစ္စည်းများသည် ဈေးကွက်၌ ရောင်းချသည်ထက် သေချာပေါက် ဈေးချိုသည်။ ထို့ကြောင့် ယင်းမှာ ဘုရားအိမ်တော်မှ အကူအညီတစ်ခု ဖြစ်သည်။ ငါသည် အမှုအရာများကို ဤနည်းဖြင့် လုပ်ဆောင်ပိုင်ခွင့် ရှိသည်။ ယင်းမှာ အဘယ့်ကြောင့်ဆိုသော် တစ်စုံတစ်ခုကို ငါ့အား ပေးထားသည်နှင့်တစ်ပြိုင်နက် ယင်းမှာ ငါပိုင်သည့်အရာ ဖြစ်လာခဲ့ပြီး သင့်လျော်သည်ဟု ငါ မြင်သည့်အတိုင်း ကိုင်တွယ်ပိုင်ခွင့်ရှိသောကြောင့် ဖြစ်သည်။ ထိုအရာသည် ပထမဆုံး ဝယ်ယူခဲ့သောသူနှင့် မည်သည့် ပတ်သက်မှုမျှ မရှိတော့ပေ။ ကိစ္စရပ်များကို ဤနည်းလမ်းအတိုင်း ကိုင်တွယ်ဖြေရှင်းခြင်းအားဖြင့် ငါသည် ထိုသူ၏ ဂုဏ်သိက္ခာကို ထောက်ထားပြီးဖြစ်သည်။ ဤလုပ်နည်းကိုင်နည်းမှာ လုံးဝ သင့်လျော်သည့်အတွက် ကန့်ကွက်ချက်များ မရှိသင့်ပေ။ ညီအစ်ကိုမောင်နှမများစွာတို့သည် ငါကို ပစ္စည်းများ ဝယ်ပေးခဲ့ကြသည်။ ငါ့ကို ပစ္စည်းများ ဝယ်ပေးရန် တောင်းဆိုဖို့ မဆိုထားနှင့်၊ ၎င်းတို့ကို ငါ တာဝန်ပင်မပေးခဲ့ပေ။ ၎င်းတို့သည် ဤအရာကို လုပ်ဆောင်လိုစိတ်ရှိခဲ့ကြသည်။ ယင်းကို ငါ အသိအမှတ်ပြုခဲ့သော်လည်း ငါ မလိုအပ်သောကြောင့် ငါ လက်မခံနိုင်ခဲ့သော အရာများစွာ ရှိခဲ့သည်။ ဤသည်မှာ လက်တွေ့ကျသော ကိစ္စရပ်တစ်ခု ဖြစ်သည်။ ငါ ပြောဆိုခဲ့သည့်အရာသည် သင့်တင့်လျောက်ပတ်သလော။ (သင့်တင့်လျောက်ပတ်ပါသည်)။ ငါ၏ ကိုင်တွယ်ဖြေရှင်းပုံမှာလည်း သင့်တင့်လျောက်ပတ်ခဲ့သလော။ (သင့်တင့်လျောက်ပတ်ခဲ့ပါသည်)။ အအေးဒဏ်ကို ငါ မခံနိုင်သကဲ့သို့ အအေးစာများ မစားကြောင်းကို သိသော ညီအစ်ကိုမောင်နှမအချို့လည်း ရှိခဲ့သည်။ ထို့ကြောင့် ၎င်းတို့က “အစာအိမ်အေးခြင်း” အတွက် ငါ့ကို ဆေးအချို့ ဝယ်ပေးခဲ့ကြသည်။ သို့ရာတွင် ထိုဆေးများကို သောက်သုံးပြီးနောက် ငါ သိပ်နေကောင်းသက်သာသည်ဟု မခံစားခဲ့ရပေ။ ငါ၏ ခန္ဓာကိုယ်က ထိုသို့သော စမ်းသပ်မှုများကို မခံနိုင်တော့သဖြင့် ငါ သတိထားရမည့် ဆေးများစွာ ရှိသည်။ ဤအရာကို သင်တို့ နားလည်ရမည်။ အချို့သော ညီအစ်ကိုမောင်နှမများသည် တောင်ပေါ်ဂျင်ဆင်း၊ ဂျင်ဆင်းနီနှင့် အခြား အားဖြည့်ဆေးအမျိုးအစားများကဲ့သို့သော ကျန်းမာရေးဖြည့်စွက်စာအချို့ကိုလည်း ဝယ်ပေးခဲ့ကြသည်။ ထိုအရာများထဲမှ မည်သည့်အရာကိုမျှ ငါ မသောက်သုံးနိုင်ခဲ့ပေ။ အဘယ်ကြောင့်နည်း။ အကြောင်းမှာ ထိုဆေးများသည် ငါနှင့် မသင့်လျော်သောကြောင့် ဖြစ်သည်။ ယင်းမှာ ညီအစ်ကိုမောင်နှမများက ငါ့ကို ဝယ်ပေးခဲ့သည့်အရာ သို့မဟုတ် ထိုဆေးများအား ဝယ်ယူခဲ့သည့်နေရာကို ငါ အထင်သေးသောကြောင့် မဟုတ်။ ထိုဆေးများကို ငါ အသုံးမပြုနိုင်ခြင်းသာဖြစ်သည်။ ထိုဆေးများကို ငါ အသုံးမပြုနိုင်ခဲ့ပေ။ ကောင်းမွန်သော အရာအားလုံးသည် လူတိုင်းအတွက် သင့်လျော်သည်မဟုတ်ပေ။ အပြင်ဘက်တွင် ကောင်းမွန်သော အရာများစွာ ရှိနေပြီး အကယ်၍ သင်သည် ကောင်းမွန်သော အရာတစ်ခုခုကို သောက်သုံးပြီးနောက် ထိုအရာက ဆိုးကျိုး သို့မဟုတ် ဓာတ်မတည့်မှုတစ်ခုခုကို ဖြစ်ပေါ်စေပါက သင့်အတွက် ကောင်းမွန်သော အရာတစ်ခု မဟုတ်ပေ။ သို့ဆိုလျှင် ဤအရာကို မည်သို့ ကိုင်တွယ်သင့်သနည်း။ ထိုအရာကို အသုံးပြုဖို့ သင့်လျော်သောသူတို့ကို အသုံးပြုခွင့်ပေးခြင်းက အကောင်းဆုံး ဖြစ်သည်။ ထို့ကြောင့် ငါ သင်တို့ကို ပြောမည်၊ မည်သူက ငါ့ကို ပစ္စည်းများ ဝယ်ပေးဖို့ ငွေသုံးစွဲနေသည်ဖြစ်စေ ဤစကားများကို အမှတ်ရလော့။ ထိုပစ္စည်းများကို မဝယ်နှင့်။ အကယ်၍ ငါ တစ်စုံတစ်ခု လိုအပ်ပါက သင့်ကို တိုက်ရိုက် ပြောမည်ဖြစ်ပြီး ထိုအရာနှင့်ပတ်သက်၍ ငါ အလွန်ယဉ်ကျေးသိမ်မွေ့မည်မဟုတ်ပေ။ နားလည်သလော။ သို့သော် ဤအရာများကို ငါ့ထံ သင်တို့ ယူဆောင်လာပြီး ငါကမလိုအပ် သို့မဟုတ် ယင်းတို့ကမသင့်လျော်ဟု ပြောဆိုပါက ယင်းမှာလည်း ငါက သင်တို့ကို ယဉ်ကျေးပြနေခြင်း မဟုတ်ပေ။ ယင်းက မမှန်သောအရာ သို့မဟုတ် သူတော်ကောင်းယောင်ဆောင်ခြင်း မဟုတ်ပေ။ ငါ ပြောဆိုသမျှတိုင်းက စစ်မှန်သည်၊ အားလုံးက အမှန်ဖြစ်သည်။ ကျေးဇူးပြု၍ ငါ စကားပြောသောအခါ အတိအလင်း ဖော်ပြမထားသော ဆိုလိုချက်ကို သုံးသပ်ဖော်ထုတ်ခြင်း မရှိနှင့်။ ငါ မလိုအပ်ဟု ပြောဆိုသောအခါ ငါ မလိုအပ်ဟု ဆိုလိုခြင်း ဖြစ်သည်။ငါ အသုံးမပြုနိုင်ဟု ပြောဆိုသောအခါ ငါ အသုံးမပြုနိုင်ဟု ဆိုလိုခြင်း ဖြစ်သည်။ သင်တို့ မည်သည့်အရာကိုမဆို လုပ်ဆောင်သည်ဖြစ်စေ ပစ္စည်းများ ဝယ်ယူရန် စဉ်းစားခြင်းဖြင့် သင်တို့၏ အချိန်ကို မဖြုန်းတီးနှင့် သို့မဟုတ် ငွေကို အလဟဿမသုံးစွဲနှင့်။ ကောင်းမွန်သော အရာအားလုံးကို ဘုရားသခင်အား ပေးသင့်သည်ဟု မထင်လေနှင့်။ ထိုအရာများအား ငါ လိုအပ်သည်၊ မလိုအပ်သည်ကို သင်တို့ သိပင်သိကြသလော။ အကယ်၍ ထိုအရာများကို ငါ မလိုအပ်ပါက သင်တို့ အချည်းနှီး ဝယ်ယူကြပြီးဖြစ်သည် မဟုတ်လော။ အကယ်၍ သင်တို့သည် ငါ့အတွက် တစ်စုံတစ်ရာကို အမှန်တကယ် ဝယ်ယူလိုခဲ့ပါက ငါ သင်တို့ကို ပြောမည်။ ငါ့ကို မည်သည့်အရာမျှ မဝယ်ပေးနှင့်။ လူတိုင်းနှင့် မျှဝေရန် ငါ့အတွက် ထိုအရာကို ဝယ်ယူခဲ့ခြင်းဖြစ်သည်ဟု သင်တို့ ဆိုပါက ကောင်းပြီ၊ ငါ ဖြန့်ဝေပေးနိုင်သည်။ ထိုသို့သော အမှုအရာများကို ငါ သဘောထားပုံနှင့်လည်းကောင်း၊ အဆင့်အတန်းနှင့် ရာထူးက ဆောင်ကြဉ်းပေးသော ရုပ်ဝတ္ထုပစ္စည်းများကို ငါ သဘောထားပုံနှင့်လည်းကောင်း ပတ်သက်လာလျှင် ဤသည်မှာ ငါ၏ သဘောထား ဖြစ်သည်။ အန္တိခရစ်တို့သည် ဤကိစ္စရပ်များကို ထိုနည်းအတိုင်း သဘောထားကြသလော။ (သဘောမထားကြပါ)။ ပထမဦးစွာ ၎င်းတို့သည် မည်သည့်အရာကိုမျှ သေချာပေါက် မငြင်းပယ်ကြပေ။ ပို၍များလေ ပို၍ကောင်းလေ ဖြစ်သည်။ မည်သူက ၎င်းတို့ကို လက်ဆောင်များ ပေးပို့သည်ဖြစ်စေ သို့မဟုတ် ထိုလက်ဆောင်များက မည်သည့်အရာများ ဖြစ်သည်ဖြစ်စေ ၎င်းတို့က လက်ခံကြသည်။ ဒုတိယအနေဖြင့် ၎င်းတို့သည် လူတို့ထံမှ အချို့သော အရာများကို အသေအချာ ညှစ်ယူကြပြီး နောက်ဆုံးတွင် မိမိတို့ကိုယ်တိုင်အတွက် အချို့သော အရာများကို ရယူကြသည်။ ဤသည်မှာ ၎င်းတို့ ရှာဖွေသည့်အရာနှင့် ၎င်းတို့ လိုချင်သည့်အရာ ဖြစ်သည်။ ယင်းမှာ ၎င်းတို့ လိုက်စားသော အဆင့်အတန်းက ၎င်းတို့ကို ဆောင်ကြဉ်းပေးသည့်အရာ ဖြစ်သည်။

အန္တိခရစ်တို့၏ ကောက်ကျစ်ဆိုးယုတ်သော အနှစ်သာရနှင့်စပ်လျဉ်း၍ ပြီးခဲ့သည့်အကြိမ်နှင့် ယနေ့ ငါတို့၏ မိတ်သဟာယဖွဲ့ခြင်း နှစ်ခုလုံးကို အခြေခံ၍ ဤကောက်ကျစ်ဆိုးယုတ်သော အနှစ်သာရကို ဖော်ထုတ်သည့် ဝါကျတစ်ကြောင်းတည်းဖြင့် အကျဉ်းချုပ်ဖော်ပြချက်တစ်ခုကို သင်တို့ စိတ်ကူးရနိုင်ကြသလော။ အန္တိခရစ်တို့တွင်ရှိသည့် ကောက်ကျစ်ဆိုးယုတ်မှု၏ အကြီးမားဆုံးသော လက္ခဏာရပ်မှာ ဤသို့ဖြစ်သည်။ ၎င်းတို့သည် အပြုသဘောဆောင်သော အရာအားလုံး၊ တရားမျှတပြီး သမ္မာတရားနှင့် ကိုက်ညီသော အရာအားလုံး၊ လူသားမျိုးနွယ်ကြားတွင် နှစ်သက်ဖွယ်ဖြစ်သည်ဟု မှတ်ယူခံရသော အရာအားလုံးကို ရှုတ်ချကြသည်။ ၎င်းတို့သည် ဤအရာများကို မုန်းတီးပြီး အလွန်အမင်း မနှစ်မြို့ကြပေ။ ဆန့်ကျင်ဘက်အနေဖြင့်၊ အပျက်သဘောဆောင်သော အရာအားလုံးနှင့် အသိစိတ်၊ ဆင်ခြင်တုံတရားနှင့် တရားမျှတစိတ်ရှိသောလူများက ရှုတ်ချပြီး အထင်သေးသော အရာအားလုံးသည် အန္တိခရစ်တို့ နှစ်သက်မြတ်နိုးသည့်အရာ အတိအကျ ဖြစ်သည်။ ဤသည်တို့မှာ ၎င်းတို့ လိုက်စားပြီး တန်ဖိုးထားသော အရာများ ဖြစ်ကြသည်။ ဤအရာကို အကျဉ်းချုပ်ဖော်ပြနိုင်သော နောက်ထပ် ဝါကျတစ်ကြောင်းလည်း ရှိသေးသည်။ အန္တိခရစ်တို့သည် ဘုရားသခင်ထံမှ လာသော အပြုသဘောဆောင်သည့်အရာအားလုံးကို မုန်းတီးကြပြီး ဘုရားသခင် ချစ်မြတ်နိုးသည့်အရာကို မုန်းတီးကြကာ ယင်းအစား ဘုရားသခင် စက်ဆုပ်ရွံရှာပြီး ရှုတ်ချသည့်အရာများကို အတိအကျ ချစ်မြတ်နိုးကြသည်။ ဤသည်မှာ အန္တိခရစ်တို့တွင်ရှိသည့် ကောက်ကျစ်ဆိုးယုတ်မှု ဖြစ်သည်။ ဤကောက်ကျစ်ဆိုးယုတ်မှု၏ အဓိက လက္ခဏာရပ်မှာ အဘယ်နည်း။ အကျည်းတန်ပြီး အပျက်သဘောဆောင်သော အရာအားလုံးကို အထူး နှစ်သက်မှုရှိစဉ်တွင် နှစ်သက်ဖွယ်ဖြစ်သော၊ အပြုသဘောဆောင်သောအရာ၊ သမ္မာတရားနှင့် ကိုက်ညီသော အရာအားလုံးကိုမူ စက်ဆုပ်ရွံရှာပြီး ရန်လိုမှု ပြသကြခြင်း ဖြစ်သည်။ ယင်းမှာ ကောက်ကျစ်ဆိုးယုတ်မှုဖြစ်သောအရာ ဖြစ်သည်။ သင်တို့ နားလည်ကြသည် မဟုတ်လော။ ယနေ့ မိတ်သဟာယတွင် “အန္တိခရစ်တို့ ချစ်မြတ်နိုးသည့်အရာ” ဟူသော အကြောင်းအရာ ပါဝင်ခဲ့သည်။ ဥပမာအချို့ကိုလည်း ငါတို့ ပေးခဲ့ပြီး ထိုဥပမာများထဲမှ အချို့မှာ အခြားဥပမာများထက် ပို၍ သမားရိုးကျဖြစ်သော်လည်း အားလုံးကို အန္တိခရစ်တို့၏ ကောက်ကျစ်ဆိုးယုတ်သော သဘာဝအနှစ်သာရအား ရှင်းပြရန် သက်သေအဖြစ် အသုံးပြုနိုင်သည်။ ဆက်လက်၍၊ ဤအရာပြီးနောက် သင်တို့ လုပ်ဆောင်ရန် လိုအပ်သည့်အရာမှာ မည်သည့် ကောက်ကျစ်ဆိုးယုတ်သော သို့မဟုတ် အပြုသဘောဆောင်သော အရာများကို သင်တို့ မြင်ကာ နားလည်ကြသည်၊ အန္တိခရစ်တို့က မည်သည့် အပျက်သဘောဆောင်သော အရာများကို ချစ်ကြသည်၊ မည်သည့် အပြုသဘောဆောင်သော အရာများကို ၎င်းတို့ မုန်းကြသည်ဟူသည်နှင့် သင်တို့ နားလည်နိုင်သည့်အရာက မည်သည့်အရာဖြစ်သည်ဟူသည်တို့အပြင် သင်တို့ မြင်တွေ့ပြီး တွေ့ကြုံခံစားရသည့်အရာတို့ကို ဆင်ခြင်သုံးသပ်ကာ မိတ်သဟာယဖွဲ့ရန် ဖြစ်သည်။ အန္တိခရစ်များနှင့် သာမန် ဖောက်ပြန်ပျက်စီးသော လူသားများသည် ၎င်းတို့၏ စိတ်သဘောထားများနှင့် အနှစ်သာရများနှင့်ပတ်သက်၍ အချို့သော ပြဿနာများကို မျှဝေခံစားကြပြီး ဤတူညီမှုများ၏ ပြင်းထန်မှုမှာ ကွဲပြားနိုင်သော်လည်း ၎င်းတို့၏ စိတ်သဘောထားများ၏ အနှစ်သာရများမှာ တူညီကြသည်။ ၎င်းတို့ လျှောက်လှမ်းသော လမ်းကြောင်းများနှင့် ၎င်းတို့ လိုက်စားသော ရည်မှန်းချက်ပန်းတိုင်များမှာလည်း ကွဲပြားနိုင်သော်လည်း ၎င်းတို့သည် တူညီသော ဖောက်ပြန်ပျက်စီးသည့် စိတ်သဘောထားအနှစ်သာရများစွာကို ထုတ်ဖော်ပြသကြသည်။ ထို့ကြောင့် အန္တိခရစ်တို့၏ အနှစ်သာရနှင့်ဆိုင်သည့် သွင်ပြင်လက္ခဏာအမျိုးမျိုးကို ဖော်ထုတ်ခြင်းသည် ဖောက်ပြန်ပျက်စီးသော လူတိုင်းအတွက် အထောက်အကူပြုသည်။ အကယ်၍ ဘုရားသခင်၏ ရွေးချယ်ထားသောလူများသည် အန္တိခရစ်တို့၏ အနှစ်သာရကို ပိုင်းခြားသိမြင်နိုင်ပါက ၎င်းတို့သည် ထိုအန္တိခရစ်များ၏ အထင်အမြင်မှားစေခြင်းကို ခံရလိမ့်မည်မဟုတ်သကဲ့သို့ ထိုအန္တိခရစ်များကို ကိုးကွယ်လိမ့်မည်မဟုတ်၊ သို့မဟုတ် ထိုအန္တိခရစ်များနောက်သို့ လိုက်လိမ့်မည်မဟုတ်သည်မှာလည်း သေချာနိုင်ပေသည်။

၂၀၁၉ ခုနှစ်၊ သြဂုတ်လ ၇ ရက်