၂။ အန္တိခရစ်တို့၏ အကျိုးစီးပွားများ

ဃ။ ၎င်းတို့၏ အလားအလာများနှင့် ကံကြမ္မာ

ပထမဆုံးအနေဖြင့် ပြီးခဲ့သည့် စုဝေးပွဲတွင် ငါတို့ မိတ်သဟာယပြုခဲ့သည့်အရာကို ပြန်လည်ဆန်းစစ်ကြစို့။ (ပြီးခဲ့သည့်အခေါက်တွင် အန္တိခရစ်များက သူတို့၏ အလားအလာများနှင့် ကံကြမ္မာတို့ကို မည်သို့ သဘောထားပုံ၏ ဒုတိယအချက်ဖြစ်သည့် အန္တိခရစ်များက မိမိတို့၏တာဝန်ကို မည်သို့သဘောထားပုံ အကြောင်းကို ဘုရားသခင် မိတ်သဟာယပြုခဲ့ပါသည်။ အန္တိခရစ်များသည် သူတို့၏ တာဝန်အပေါ် သဘောထား သုံးမျိုးရှိသည်။ ဦးစွာပထမ ဘုရားသခင်က လူသားမျိုးနွယ်ကို ထောက်ပံ့ကာ ဦးဆောင်နေပြီးဖြစ်သည်။ ထို့ကြောင့် ဘုရားသခင် ရှေ့မှောက်တွင် ဖန်ဆင်းခံတစ်ဦးအဖြစ် မိမိ၏တာဝန်ကို ထမ်းဆောင်ခြင်းသည် လူသားမျိုးနွယ်ကြားတွင် လုံးဝ သင့်တင့်လျောက်ပတ်သည့်၊ သဘာဝကျပြီး လျော်ကန်သင့်မြတ်ကာ တရားအမျှတဆုံးနှင့် နှစ်သက်ဖွယ်အကောင်းဆုံးသော အရာဖြစ်သော်လည်း အန္တိခရစ်များက ထိုအရာကို အပေးအယူတစ်မျိုးအဖြစ် သဘောထားပြီး မိမိတို့တာဝန် ထမ်းဆောင်ခြင်းကို ကောင်းမွန်သည့် အလားအလာများနှင့် ကောင်းမွန်သည့် ခရီးပန်းတိုင်တစ်ခုအတွက် အလဲအလှယ် လုပ်ချင်ကြသည်။ ဒုတိယအနေဖြင့် ဘုရားသခင် အမှုပြုနေချိန်တွင်၊ သူသည် သမ္မာတရားများစွာကို ဖော်ပြသည်။ အန္တိခရစ်များက ဘုရားနှုတ်ကပတ်တော်များကို သမ္မာတရားအဖြစ်၊ လူသားမျိုးနွယ်က ကယ်တင်ခံရဖို့အလို့ငှာ ပိုင်ဆိုင်သင့်သည့်အရာ၊ လိုက်စားသင့်သည့်အရာ၊ လက်ခံသင့်ပြီး ဝင်ရောက်သင့်သည့် အရာတစ်ခုအဖြစ် သဘောမထားကြရုံမျှမကဘဲ ဆန့်ကျင်ဘက်အနေဖြင့် ၎င်းတို့က အလားအလာများ၊ ခရီးပန်းတိုင်၊ ဂုဏ်သတင်းနှင့် အဆင့်အတန်းတို့အား လိုက်စားခြင်းကိုလည်း သမ္မာတရားအဖြစ်လည်းကောင်း၊ ၎င်းတို့ ထိန်းသိမ်းပြီး ရရှိသင့်သည့် အရာများအဖြစ်လည်းကောင်း သဘောထားကြသည်။ တတိယအနေဖြင့် ဘုရားသခင်သည် လူသားမျိုးနွယ်ကို စီမံကာ ကယ်တင်ဖို့ အမှုပြုသော်လည်း အန္တိခရစ်များ၏ ရှုထောင့်အမြင်မှကြည့်သော် ဤသည်မှာ အပေးအယူတစ်ခုနှင့် ကစားပွဲတစ်ခုသာ ဖြစ်သည်။ လူတို့အနေဖြင့် ကောင်းကင်နိုင်ငံတော်၏ ကောင်းချီးများကို အလုပ်ကြိုးစားခြင်းနှင့် အပေးအယူမှတစ်ဆင့်သာ ရရှိနိုင်သည်ဟု ၎င်းတို့က ယုံကြည်ကြသည်။ ဘုရားသခင်က လူတို့အား မိမိတို့၏တာဝန်များကို ထမ်းဆောင်ဖို့ တောင်းဆိုခြင်းနှင့်ဆိုင်သည့် သမ္မာတရားအပေါ် အန္တိခရစ်များ၏ သဘောထားမှ အကဲဖြတ်သော် သူတို့၏ စိတ်သဘောထားက ကောက်ကျစ်ဆိုးယုတ်ပါသည်။) ဖြည့်စွက်ရမည့်အရာ တစ်ခုတလေ ရှိသလော။ (အန္တိခရစ်များက သူတို့၏ တာဝန် ထမ်းဆောင်ခြင်းကို ကောင်းချီးများအား လိုက်စားဖို့ တစ်ခုတည်းသော နည်းလမ်းအဖြစ် သဘောထားကြသည်။ ကောင်းချီးများရရှိဖို့ဖြစ်သော သူတို့၏ လိုအင်ဆန္ဒ ပျက်ပြယ်သွားသည်နှင့်တစ်ပြိုင်နက် သူတို့က ချက်ချင်း မိမိတို့တာဝန်ကို စွန့်ပစ်ကောင်းစွန့်ပစ်နိုင်သည် သို့မဟုတ် ဘုရားသခင်ကိုပင် စွန့်ခွာကောင်းစွန့်ခွာနိုင်သည်။ ဤသည်မှာ ကောင်းချီးများရရှိဖို့ဖြစ်သော သူတို့၏ လိုအင်ဆန္ဒ ပျက်ပြယ်သွားသည့်အခါ အန္တိခရစ်များ၏ သဘောထား ဖြစ်သည်။) (အန္တိခရစ်များက အမှန်တကယ် နောင်တမရကြပါ။ သူတို့က အနှောင့်အယှက်များနှင့် အဖျက်အမှောင့်များ ဖြစ်စေခဲ့သောကြောင့် သို့မဟုတ် မကောင်းမှုများ ကျူးလွန်ခဲ့သောကြောင့် ၎င်းတို့ တာဝန်ပြောင်းခြင်းခံရပြီး သို့မဟုတ် နှင်ထုတ်ခံရပြီး ဘုရားအိမ်တော်က သူတို့၏ တာဝန်ကို ထမ်းဆောင်ဖို့ နောက်ထပ် အခွင့်အရေးပေးသည့်အခါ သူတို့က ကျေးဇူးမတင်ရှိကြပါ။ ထိုအစား သူတို့သည် “သင် လိုအပ်သည့်အခါ ကျွန်ုပ်ကို ပြန်စေခိုင်းသော်လည်း သင် မလိုအပ်သည့်အခါ မောင်းထုတ်သည်”ဟု ပြောလျက် စောဒကတက်ကာ ဝေဖန်ကြသည်။ ဤအရာက အန္တိခရစ်များအနေဖြင့် လုံးဝ နောင်တရကြလိမ့်မည် မဟုတ်သည်ကို ပြသည်။) တိုတိုပြောရလျှင် အန္တိခရစ်များက ၎င်းတို့၏ တာဝန်များကို ၎င်းတို့ သဘောထားမှုနှင့် ဘုရားနှုတ်ကပတ်တော်များအပေါ် ၎င်းတို့၏ သဘောထားမှုတို့တွင် ပေါ်လာသည့် အနှစ်သာရများမှာ အခြေခံအားဖြင့် အတူတူပင် ဖြစ်သည်။ ၎င်းတို့သည် ဤမတူကွဲပြားသော အရာများအပေါ် ၎င်းတို့၏ သဘောထားမှုတွင် တူညီသည့် စိတ်သဘောထားများနှင့် တူညီသည့် အနှစ်သာရများကိုသာ ပေါ်လွင်စေကြခြင်း ဖြစ်သည်။ အန္တိခရစ်များက ၎င်းတို့၏ တာဝန်အပေါ် ၎င်းတို့၏ သဘောထားမှုတွင် ပေါ်လွင်စေသည့် အနှစ်သာရအားလုံးနှင့်ပတ်သက်၍ ပြီးခဲ့သည့်အခေါက်တွင် အခြေခံအားဖြင့် ငါတို့ မိတ်သဟာယပြုခဲ့ကြသည်။ အချက်တစ်မှာ ဘုရားနှုတ်ကပတ်တော်က သမ္မာတရားဖြစ်သည်ကို ၎င်းတို့ မယုံကြည်သကဲ့သို့ အသိအမှတ်ပြုရန် ငြင်းဆန်ကြသည်။ အချက်နှစ်မှာ ၎င်းတို့နှင့်အတူ ဘုရားနှုတ်ကပတ်တော်ကို သင် မိတ်သဟာယပြုပြီး ၎င်းတို့က သမ္မာတရားကို နားလည်နိုင်လျှင်ပင် လက်မခံကြပေ။ အချက်သုံးမှာ ဘုရားသခင်၏ အချုပ်အခြာအာဏာနှင့် အစီအစဉ်များကို ၎င်းတို့ ကျိုးနွံနာခံရန် ငြင်းဆန်ကြသည်။ အချက်လေးမှာ ၎င်းတို့ မည်သည့်အခါမျှ အမှန်တကယ် နောင်တမရကြပေ။ ဤသည်တို့မှာ ၎င်းတို့ သရုပ်သကန်များ၏ အနှစ်သာရများဖြစ်သည် မဟုတ်လော။ (ဟုတ်ပါသည်။) ဤအချက်လေးချက်ကို သင်တို့ အကျဉ်းချုပ်ခဲ့ကြသလော။ (မချုပ်ခဲ့ပါ။) သင်တို့ ပြောဆိုဆွေးနွေးခဲ့သည့် အရာအများစုမှာ ပြီးခဲ့သည့်အခေါက်တွင် ငါတို့ မိတ်သဟာယပြုခဲ့သည့် သရုပ်သကန်များထဲမှ အချို့ဖြစ်သော်လည်း ဤသရုပ်သကန်များ နောက်ကွယ်တွင် မည်သည့် အနှစ်သာရများ တည်ရှိသည်ဟူသည်ကို သင်တို့ မရိပ်စားသေးဘဲ ရှိနေကြဆဲ ဖြစ်သည်။ သမ္မာတရား၏ ရှေ့မှောက်နှင့် ဘုရားသခင်၏ ရှေ့မှောက်တွင် အန္တိခရစ်များ ပေါ်လွင်စေသည့် အနှစ်သာရများမှာ အသိအမှတ်ပြုရန်၊ လက်ခံရန်၊ ကျိုးနွံနာခံရန် သို့မဟုတ် နောင်တရရန် ငြင်းဆန်ခြင်းတစ်ခု အမြဲ ဖြစ်လေသည်။ ဤသည်မှာ အန္တိခရစ်များက ဘုရားနှုတ်ကပတ်တော်နှင့် ၎င်းတို့၏ တာဝန်ကို သဘောထားပုံဖြစ်သည့်အတွက် ပြုပြင်ခံရခြင်းကို ၎င်းတို့က မည်သို့ သဘောထားကြသနည်း။ ၎င်းတို့အနေဖြင့် အထက်တွင် ပြောခဲ့ပြီးဖြစ်သော အနှစ်သာရများ ပိုင်ဆိုင်ကြောင်းကို လူတို့မြင်ပြီး ၎င်းတို့သည် အန္တိခရစ်များ၊ ဘုရားသခင်၏ ရန်သူများနှင့် သမ္မာတရား၏ ရန်သူများဖြစ်သည်ကို အတည်ပြုရန် ထောက်ကူပေးသည့် အခြားမည်သည့် သရုပ်သကန်များ ရှိသနည်း။ ဤသည်မှာ ယနေ့ ငါတို့ဆက်လက် မိတ်သဟာယပြုမည့် တတိယအချက်ဖြစ်သော အန္တိခရစ်များက ပြုပြင်ခံရခြင်းကို မည်သို့ သဘောထားပုံ ဖြစ်သည်။ ဤအချက်သည် အန္တိခရစ်များက ၎င်းတို့၏ အလားအလာများနှင့် ကံကြမ္မာတို့ကို သဘောထားပုံနှင့်ဆိုင်သည့် တတိယမြောက် အကြောင်းအရာခွဲတစ်ခု ဖြစ်သည်။ ကြည့်လော့၊ သမ္မာတရားတစ်ခုစီကို မိတ်သဟာယပြုခြင်းသည် ထိုသို့သော တိကျသည့် မိတ်သဟာယ၊ တိကျသည့် ရှာဖွေခြင်းနှင့် တွေးဆခြင်း လိုအပ်ပေသည်။ ယေဘုယျကျသော ဝေါဟာရများဖြင့်သာ ငါ စကားပြောလျှင်၊ သမ္မာတရားအသီးသီး၏ လက်တွေ့ကျမှုများကို ပိုမိုတိကျသည့်နည်းလမ်းတစ်ခုဖြင့် သင် နားလည်နိုင်မည် မဟုတ်ပေ။ ကောင်းပေပြီ၊ ပြီးခဲ့သည့်အခေါက်တွင် ငါတို့ မိတ်သဟာယပြုခဲ့သည့် အကြောင်းအရာကို ထပ်၍ ငါတို့ ပြန်လည်ဆန်းစစ်မည် မဟုတ်ပေ။ ဤအကြိမ်တွင် တတိယအချက်နှင့်ပတ်သက်၍ ငါတို့ သတ်သတ်မှတ်မှတ် မိတ်သဟာယပြုမည် ဖြစ်သည်။

၃။ အန္တိခရစ်များက ပြုပြင်ခံရခြင်းကို မည်သို့သဘောထားပုံ

ပြုပြင်ခံရခြင်းသည် ဘုရားသခင်ကို ယုံကြည်သူတိုင်း တွေ့ကြုံရနိုင်သည့် အရာတစ်ခုဖြစ်သည်။ အထူးသဖြင့် တာဝန်တစ်ခုကို ထမ်းဆောင်ခြင်း လမ်းကြောင်းတွင် ပြုပြင်ခံရခြင်းနှင့်ဆိုင်သည့် ၎င်းတို့၏ အတွေ့အကြုံတိုးပွားသည်နှင့်အမျှ လူများစုသည် ပြုပြင်ခံရခြင်း၏ အဓိပ္ပာယ်ကို ပိုပိုပြီး သိလာကြသည်။ ပြုပြင်ခံရခြင်းတွင် အလွန်များသည့် အကျိုးကျေးဇူးများစွာရှိသည်ကို ၎င်းတို့ ခံစားရပြီး ပြုပြင်ခံရခြင်းကို မှန်ကန်စွာ ပိုပိုပြီး သဘောထားနိုင်ကြလေသည်။ ၎င်းတို့အနေဖြင့် တာဝန်တစ်ခုကို ထမ်းဆောင်နိုင်သရွေ့ မည်သည့်တာဝန်ကို ၎င်းတို့ ထမ်းဆောင်သည်ဖြစ်စေ လူတိုင်း ပြုပြင်ခံရမည့် အခွင့်အရေး ရှိလိမ့်မည်ဖြစ်သည်မှာ အမှန်ဖြစ်၏။ ပုံမှန်လူတို့က ပြုပြင်ခံရခြင်းကို မှန်ကန်စွာ သဘောထားနိုင်ကြသည်။ တစ်ဖက်တွင် ၎င်းတို့သည် ပြုပြင်ခံရခြင်းကို ဘုရားသခင်ထံ ကျိုးနွံနာခံသည့် စိတ်နှလုံးတစ်ခုဖြင့် လက်ခံနိုင်ကြပြီး အခြားတစ်ဖက်တွင် ၎င်းတို့၌ မည်သည့်ပြဿနာများ ရှိသည်ကိုလည်း ၎င်းတို့ ပြန်လည်သုံးသပ်ကာ သိရှိလာနိုင်ကြသည်။ ဤသည်မှာ သမ္မာတရားကို လိုက်စားသည့်လူများ ပြုပြင်ခြင်းခံရပုံတွင် တွေ့နေကျဖြစ်သော သဘောထားနှင့် ရှုထောင့်အမြင်တစ်ခု ဖြစ်သည်။ သို့ဆိုလျှင် အန္တိခရစ်များသည်လည်း ပြုပြင်ခံရခြင်းကို ဤနည်းဖြင့် သဘောထားကြသလော။ လုံးဝ သဘောမထားကြပေ။ အန္တိခရစ်များနှင့် သမ္မာတရားလိုက်စားသည့် လူတို့၏ သဘောထားများမှာ ပြုပြင်ခံရခြင်းကို ၎င်းတို့၏ သဘောထားမှုနှင့်ပတ်သက်လာသည့်အခါ ကွဲပြားဖို့ သေချာပေသည်။ ပထမဆုံးအနေဖြင့် အန္တိခရစ်များသည် ပြုပြင်ခံရခြင်းကိစ္စနှင့် ပတ်သက်လျှင် လက်မခံနိုင်ကြပေ။ ၎င်းတို့ လက်မခံနိုင်ရသည့် အကြောင်းပြချက်များရှိသည်။ အဓိကတစ်ခုမှာ ၎င်းတို့သည် ပြုပြင်ခံရသောအခါတွင် မျက်နှာငယ်ရသည်၊ ၎င်းတို့၏ ဂုဏ်သတင်း၊ အဆင့်အတန်းနှင့် ဂုဏ်သိက္ခာကို ဆုံးရှုံးရသည်၊ လူတိုင်း၏ ရှေ့တွင် ၎င်းတို့သည် ခေါင်းမဖော်နိုင်အောင် ဖြစ်သွားသည်ဟု ခံစားရခြင်းဖြစ်သည်။ ဤအရာများသည် ၎င်းတို့၏ စိတ်နှလုံးထဲတွင် သက်ရောက်မှုတစ်ခု ရှိသောကြောင့် ၎င်းတို့သည် ပြုပြင်ခံရခြင်းကို လက်ခံရန် ခက်ခဲသည်ဟု မြင်ကြသည်။ ၎င်းတို့ကို ပြုပြင်သူ မည်သူမဆိုသည် ၎င်းတို့အား အာဃာတဖြင့် ရန်လုပ်နေခြင်းဖြစ်ပြီး ၎င်းတို့၏ ရန်သူဖြစ်သည်ဟု ၎င်းတို့က ခံစားကြသည်။ ဤသည်မှာ ပြုပြင်ခြင်းခံရသောအခါတွင် အန္တိခရစ်တို့၏ စိတ်ထားဖြစ်သည်။ ဤအရာသည် အသေအချာပင်ဖြစ်သည်ဟု မှတ်ယူနိုင်သည်။ အမှန်တကယ်တွင် လူတစ်ယောက် သမ္မာတရားကို လက်ခံနိုင်ခြင်း ရှိမရှိ၊ အမှန်တကယ် ကျိုးနွံနာခံနိုင်ခြင်း ရှိမရှိမှာ ပြုပြင်ခြင်းကို ခံရချိန်တွင် အပေါ်လွင်ဆုံး ဖြစ်သည်။ အန္တိခရစ်များက ပြုပြင်ခြင်းကို အလွန်အတိုက်အခံ ဖြစ်ခြင်းသည် ၎င်းတို့သည် သမ္မာတရားကို ငြင်းပယ်ပြီး အနည်းငယ်မျှပင် လက်မခံသည်ကို ပြရန် လုံလောက်သည်။ ဤသို့ဆိုလျှင် ဤသည်မှာ ပြဿနာ၏ အခရာပင်ဖြစ်သည်။ ၎င်းတို့၏ မာနသည် ဤအကြောင်းကိစ္စ၏ အခရာမဟုတ်ပေ။ သမ္မာတရားကို လက်မခံခြင်းသည် ပြဿနာ၏ အနှစ်သာရဖြစ်သည်။ အန္တိခရစ်များသည် ပြုပြင်ခြင်း ခံရသောအခါ သိမ်မွေ့သောလေသံနှင့် သဘောထားဖြင့် ပြုလုပ်ရန် တောင်းဆိုကြသည်။ ပြုလုပ်သူ၏ လေသံသည် ပြင်းထန်ပြီး သဘောထားသည် ကြမ်းတမ်းလျှင် အန္တိခရစ်တစ်ယောက်သည် အတိုက်အခံပြုလုပ်မည်။ ပြီးလျှင် ရှက်စိတ်ကြောင့် အာခံပြီး ဒေါသထွက်လိမ့်မည်ဖြစ်သည်။ ၎င်းတို့တွင် ပေါ်လွင်လာသောအရာသည် မှန်ကန်ခြင်း ရှိမရှိ၊ အမှန်တရား ဟုတ်မဟုတ်ဆိုသည်ကို အရေးမစိုက်ပေ။ ပြီးလျှင် မည်သည့်နေရာတွင် ၎င်းတို့ မှားခဲ့သည်၊ သို့မဟုတ် သမ္မာတရားကို လက်ခံသင့်ခြင်း ရှိမရှိတို့ကို ဆင်ခြင်သုံးသပ်ခြင်း မရှိကြပေ။ ၎င်းတို့သည် ၎င်းတို့၏ ဘဝင်နှင့် မာနတို့ ထိခိုက်ခြင်း ရှိမရှိကိုသာ စဉ်းစားသည်။ အန္တိခရစ်များသည် ပြုပြင်ခြင်းက လူတို့အတွက် အထောက်အကူ ဖြစ်ကြောင်း၊ လူတို့အတွက် ချစ်ခြင်းဖြစ်ကြောင်း၊ လူတို့ကို ကယ်တင်ပေးကြောင်း၊ လူတို့အတွက် အကျိုးရှိကြောင်းတို့ကို လုံးဝ မသိမြင်နိုင်ကြပေ။ ဤအရာကိုပင် ၎င်းတို့ မမြင်နိုင်ပေ။ ဤသည်မှာ ၎င်းတို့က အနည်းငယ် ချင့်ချိန်နိုင်စွမ်း မရှိခြင်းနှင့် ကျိုးကြောင်းမသင့်ခြင်း မဟုတ်သလော။ ထို့ကြောင့် ပြုပြင်ခြင်းကို ရင်ဆိုင်ရသောအခါ အန္တိခရစ်တစ်ယောက်တွင် ထုတ်ဖော်သည်မှာ မည်သည့် စိတ်သဘောထားဖြစ်သနည်း။ ထိုစိတ်သဘောထားသည် သမ္မာတရားကို ငြင်းပယ်သည့် စိတ်သဘောထား ဖြစ်သည့်အပြင် မာနထောင်လွှားပြီး ခေါင်းမာသော စိတ်သဘောထားလည်းဖြစ်သည်မှာ သံသယရှိစရာမလိုပေ။ ဤသည်မှာ အန္တိခရစ်များ၏ သဘာဝအနှစ်သာရသည် သမ္မာတရားကို ငြင်းပယ်ပြီး မုန်းတီးခြင်းဖြစ်သည် ဆိုသည်ကို ထုတ်ဖော်ပြသည်။ ထို့ကြောင့် အန္တိခရစ်များသည် ပြုပြင်ခံရခြင်းကို အကြောက်ရွံ့ဆုံးဖြစ်သည်။ ၎င်းတို့ ပြုပြင်ခံရသည်နှင့်တစ်ပြိုင်နက် ၎င်းတို့၏ အကျည်းတန်သော အခြေအနေက လုံးဝ ဖော်ထုတ်ခြင်းခံရသည်။ အန္တိခရစ်များ ပြုပြင်ခြင်းခံရသည့်အခါ အန္တိခရစ်များက အန္တိခရစ်များဖြစ်ကြောင်း၊ ၎င်းတို့သည် သာမန် ဖောက်ပြန်ပျက်စီးသော လူတစ်ဦးနှင့် ကွဲပြားကြောင်းနှင့် ၎င်းတို့၏ သဘာဝ အနှစ်သာရမှာ သမ္မာတရားကို လိုက်စားသောသူတို့နှင့် ခြားနားကြောင်းကို အခြားသူတို့အား ရှင်းလင်းစွာ မြင်ခွင့်ပေးသော မည်သည့် သရုပ်သကန်များကို ၎င်းတို့ ပြသကြပြီး မည်သည့်အရာများကို ၎င်းတို့ ပြောဆိုကောင်း ပြောဆိုနိုင်မည်နည်း၊ သို့မဟုတ် လုပ်ဆောင်ကောင်း လုပ်ဆောင်နိုင်ကြမည်နည်း။ ဥပမာအနည်းငယ်ကို ငါ ပေးမည်ဖြစ်ပြီး ယင်းတို့ကို သင်တို့ စဉ်းစားကာ ဖြည့်စွက်နိုင်သည်။ အန္တိခရစ်များက ပြုပြင်ခံရသည့်အခါ ၎င်းတို့က ပထမဆုံး တွက်ချက်ပြီး စဉ်းစားကြသည်။ “မည်သည့် လူစားမျိုးက ငါ့ကို ပြုပြင်နေသနည်း။ မည်သည့်အရာကို သူ သိရှိနေသနည်း။ ဤအကြောင်းကို သူ မည်သို့ သိသနည်း။ ငါ့ကို သူ အဘယ်ကြောင့် ပြုပြင်သနည်း။ သူသည် ငါ့ကို အထင်သေးသလော။ သူ့ကို ပုန်ကန်ပြစ်မှားမိသည့် တစ်စုံတစ်ရာကို ငါ ပြောမိလေပြီလော။ ငါ့ထံတွင် ကောင်းမွန်သည့်အရာ တစ်စုံတစ်ခုရှိပြီး သူ့ကို မပေးခဲ့သောကြောင့် သူက ငါ့အပေါ် လက်စားချေနေပြီး သူသည် ငါ့ကို အကျပ်ကိုင်ဖို့အတွက် ဤအခွင့်အရေးကို အသုံးပြုနေခြင်း ဖြစ်သလော”ဟူ၍ ဖြစ်သည်။ ၎င်းတို့ကိုယ်ပိုင် ပြစ်မှားမှုများ၊ အတိတ်မှ မကောင်းမှုများနှင့် ၎င်းတို့ ထုတ်ဖော်ပြပြီးဖြစ်သည့် ဖောက်ပြန်ပျက်စီးသော စိတ်သဘောထားများကို ပြန်လည်သုံးသပ်ကာ သိရှိလာရမည့်အစား ပြုပြင်ခံရခြင်း ကိစ္စရပ်အတွင်းတွင် သဲလွန်စများကို ရှာချင်ကြသည်။ ထိုအရာနှင့်ပတ်သက်၍ သံသယဖြစ်ဖွယ်သောအရာ တစ်စုံတစ်ခုရှိသည်ဟု ၎င်းတို့ ခံစားမိကြသည်။ ဤသည်မှာ ပြုပြင်ခံရခြင်းကို ၎င်းတို့ သဘောထားပုံဖြစ်သည်။ ဤနေရာတွင် စစ်မှန်သည့် လက်ခံမှု တစ်ခုတလေ ရှိသလော။ စစ်မှန်သည့် အသိ သို့မဟုတ် ပြန်လည်သုံးသပ်မှု တစ်ခုတလေ ရှိသလော။ (မရှိပါ။) လူအများစုသည် ပြုပြင်ခံရသောအခါ ယင်းသည် ၎င်းတို့က ဖောက်ပြန်ပျက်စီးသော စိတ်သဘောထားများကို ထုတ်ဖော်ခြင်းကြောင့် ဖြစ်နိုင်သည်။ မသိနားမလည်ခြင်းကြောင့် မှားယွင်းသောအရာတစ်ခုခုကို လုပ်မိပြီး ဘုရားအိမ်တော်၏ အကျိုးစီးပွားများကို သစ္စာဖောက်သောကြောင့်လည်း ဖြစ်နိုင်သည်။ ယင်းမှာ ၎င်းတို့သည် မိမိတို့၏ တာဝန်တွင် ဝတ်ကျေတမ်းကျေ ဖြစ်ပြီး ဤအရာက ဘုရားအိမ်တော်၏ အလုပ်အပေါ် ဆုံးရှုံးမှုများ ဖြစ်စေသောကြောင့် ဖြစ်ကောင်းဖြစ်နိုင်သည်။ မုန်းတီးစက်ဆုပ်ဖွယ် အကောင်းဆုံးသော အရာမှာ လူတို့သည် အကန့်အသတ်မရှိဘဲ ၎င်းတို့ ဆန္ဒရှိသည့်အတိုင်း ပြောင်ပြောင်တင်းတင်းလုပ်ဆောင်ပြီ စည်းမျဉ်းများကို ချိုးဖောက်ကာ ဘုရားအိမ်တော်၏အလုပ်ကို နှောင့်ယှက်ဖျက်ဆီးသောအခါတွင် ဖြစ်သည်။ ဤသည်တို့မှာ လူတို့ ပြုပြင်ခံရသည့် အဓိက အကြောင်းရင်းများဖြစ်သည်။ လူတစ်ယောက်ကို ပြုပြင်ခံရခြင်းဖြစ်စေသည့် အခြေအနေများက မည်သို့ရှိသည်ဖြစ်စေ ယင်းအပေါ်တွင် အရေးအပါဆုံးသဘောထားက မည်သည့်အရာနည်း။ ရှေးဦးစွာ ယင်းကို လက်ခံရမည်။ သင့်ကို မည်သူက ပြုပြင်နေသည်ဖြစ်စေ၊ မည်သည့်အကြောင်းပြချက်ဖြစ်စေ၊ ကြမ်းတမ်းသည့်ပုံစံ ရှိသည်ဖြစ်စေ၊ လေသံနှင့် စကားအသုံးအနှုန်းက မည်သို့ဖြစ်စေ ယင်းကို လက်ခံသင့်သည်။ ထို့နောက်တွင် မည်သည့်အရာကို သင် မှားယွင်းစွာ လုပ်ဆောင်ခဲ့ကြောင်း၊ မည်သည့် ဖောက်ပြန်ပျက်စီးသော စိတ်သဘောထားကို သင်ထုတ်ဖော်ခဲ့ကြောင်းနှင့် သမ္မာတရားစည်းမျဉ်းများနှင့်အညီ သင်ဆောင်ရွက်ခဲ့ခြင်းရှိမရှိတို့ကို သင် သတိပြုမိသင့်သည်။ ပထမဆုံးအနေဖြင့် ဤသည်မှာ သင်ထားရှိသင့်သည့် သဘောထားဖြစ်သည်။ ဤသို့သော သဘောထားတစ်ခုကို အန္တိခရစ်များက ပိုင်ဆိုင်သလော။ မပိုင်ဆိုင်ပေ။ အစမှ အဆုံးအထိ ၎င်းတို့ ပွင့်လင်းစွာ ဖော်ပြသောသဘောထားသည် အတိုက်အခံလုပ်ခြင်းနှင့် ရွံရှာစက်ဆုပ်ခြင်း သဘောထားဖြစ်သည်။ ဤသို့သော သဘောထားတစ်ခုဖြင့် ၎င်းတို့သည် ဘုရားရှေ့တွင် ငြိမ်သက်ပြီး ပြုပြင်ခြင်းကို နှိမ့်ချစွာ လက်ခံနိုင်သလော။ မဟုတ်ပေ၊ ၎င်းတို့ လက်မခံနိုင်ပေ။ ဤသို့ဆိုလျှင် မည်သည့်အရာကို ၎င်းတို့ လုပ်ဆောင်မည်နည်း။ ရှေးဦးစွာ ၎င်းတို့သည် လူတို့၏ နားလည်ခြင်းနှင့် ခွင့်လွှတ်ခြင်းကို ရယူဖို့ မျှော်လင့်ချက်များဖြင့် ၎င်းတို့လုပ်ဆောင်ခဲ့သော အမှားများ၊ ၎င်းတို့ ထုတ်ဖော်ခဲ့သော ဖောက်ပြန်ပျက်စီးသော စိတ်သဘောထားတို့ကို ခုခံကာကွယ်ပြီး ငြင်းခုံလျက်ဖြင့် မှန်ကန်ကြောင်း ကျိုးကြောင်းပြပြောဆိုမှုများပြုလုပ်ပြီး အတင်းအဓမ္မငြင်းခုံလိမ့်မည်။ ဤနည်းအားဖြင့် ၎င်းတို့ကို ပြုပြင်သော စကားများကို ၎င်းတို့ လက်ခံရန်၊ သို့မဟုတ် မည်သည့်တာဝန်ကိုမျှ ခံယူဖို့ မလိုအပ်စေရန်ဖြစ်သည်။ ပြုပြင်ခံရခြင်းကို ရင်ဆိုင်ရသောအခါ ၎င်းတို့သည် မည်သည့်သဘောထားကို ထုတ်ဖော်ပြသနည်း။ “ငါသည် အပြစ်မပြုခဲ့ပါ။ မည်သည့်မှားယွင်းမှုကိုမျှ မလုပ်ဆောင်ခဲ့ပါ။ အမှားလုပ်မိလျှင် အကြောင်းပြချက်ရှိသည်။ ငါသည် တမင်ရည်ရွယ်၍ လုပ်ဆောင်ခဲ့ခြင်း မဟုတ်ပေ။ ယင်းအတွက် တာဝန်မခံရသင့်ပေ။ အနည်းငယ်သော အမှားများကို မည်သူကများ မပြုလုပ်သနည်း” ဟူ၍ ဖြစ်သည်။ ဤပြောဆိုချက်များနှင့် စကားစုများကို ၎င်းတို့က မလွတ်တမ်း အသုံးချသော်လည်း ၎င်းတို့သည် သမ္မာတရားကို မရှာဖွေသကဲ့သို့ ၎င်းတို့ပြုပြီးဖြစ်သည့် အမှားများကို၊ သို့မဟုတ် ၎င်းတို့ ထုတ်ဖော်ပြသည့် ဖောက်ပြန်ပျက်စီးသည့် စိတ်သဘောထားများကို ၎င်းတို့ အသိအမှတ်မပြုပေ။ ပြီးလျှင် ၎င်းတို့သည် မကောင်းမှုပြုလုပ်ရာတွင် မိမိတို့၏ ရည်ရွယ်ချက်နှင့် ပန်းတိုင်တို့က မည်သည့်အရာဖြစ်ကြောင်း သေချာပေါက် အသိအမှတ်မပြုကြပေ။ ၎င်းတို့ လုပ်ခဲ့သည့် အမှားများသည် မည်မျှသိသာထင်ရှားပါစေ၊ မည်မျှကြီးမားသည့် ဆုံးရှုံးမှုကို ၎င်းတို့ ဖြစ်စေခဲ့ပြီး ဖြစ်ပါစေ ဤအရာများကို ၎င်းတို့ လျစ်လျူရှုထားကြသည်။ ၎င်းတို့သည် စိုးစဉ်းမျှ ဝမ်းနည်းခြင်း သို့မဟုတ် အပြစ်ရှိသည့်စိတ်ဖြစ်ခြင်း မရှိကြဘဲ ၎င်းတို့၏ အသိစိတ်သည် အပြစ်တင်စိတ်ကို လုံးဝ မခံစားကြရပေ။ ထိုအစား ၎င်းတို့သည် မိမိတို့အစွမ်းရှိသမျှဖြင့် ကျိုးကြောင်းပြချက်ပေးပြီး စကားစစ်ထိုးကြကာ “လူတိုင်းတွင် ကျိုးကြောင်းခိုင်လုံသော အမြင်ရှုထောင့်တစ်ခု ရှိကြသည်။ လူတိုင်းတွင် အကြောင်းပြချက်ရှိသည်။ မည်သူက ပို၍ စကားပြောကောင်းသည်က အဓိကဖြစ်သည်။ ကျွန်ုပ်၏ ကျိုးကြောင်းပြချက်နှင့် ရှင်းပြချက်ကို လူအများစု လက်ခံအောင် လုပ်နိုင်လျှင် ကျွန်ုပ်နိုင်သည်။ သင်ပြောသည့် သမ္မာတရားများမှာ သမ္မာတရားမဟုတ်။ သင်၏ အချက်အလက်များကလည်း မခိုင်လုံပေ။ သင်က ကျွန်ုပ်ကို ရှုတ်ချချင်သလော။ မဖြစ်နိုင်ပေ” ဟူ၍ စဉ်းစားကြသည်။ အန္တိခရစ်တစ်ယောက်သည် ပြုပြင်ခံရသောအခါတွင် သူ၏ စိတ်နှလုံးနှင့် ဝိညာဉ်အတွင်းပိုင်း၌ အကြွင်းမဲ့၊ ပြတ်ပြတ်သားသား အတိုက်အခံဖြစ်ပြီး ရွံရှာစက်ဆုပ်ပြီး ငြင်းပယ်သည်။ သူ၏ သဘောထားက “မည်သည့်အရာကို သင်ပြောစရာရှိသည်ဖြစ်စေ၊ သင်သည် မည်မျှမှန်ကန်နေသည်ဖြစ်စေ ငါလက်ခံမည်မဟုတ်။ ဝန်ခံမည်မဟုတ်။ ငါ၏အမှားမဟုတ်” ဟူ၍ ဖြစ်သည်။ အမှန်တရားများက သူ၏ ဖောက်ပြန်ပျက်စီးသော စိတ်သဘောထားကို မည်မျှပေါ်လွင်စေသည်ဖြစ်စေ ၎င်းတို့က အသိအမှတ်မပြုပေ၊ လက်မခံပေ။ ဆက်လက်၍ အာခံပြီး ခုခံကြသည်။ သူတစ်ပါးတို့က မည်သို့ပြောပါစေ ၎င်းတို့က လက်မခံဘဲ၊ ဝန်မခံဘဲ “မည်သူက မည်သူ့ကို နိုင်အောင်ပြောနိုင်သည်ကို ကြည့်ကြစို့။ မည်သူက ပို၍ စကားပြောကောင်းသည်ကို ကြည့်ကြစို့။” ဟူ၍ စဉ်းစားကြသည်။ ဤသည်မှာ ပြုပြင်ခံရခြင်းကို အန္တိခရစ်များ သဘောထားပြုမူသော သဘောထားအမျိုးအစားတစ်ခု ဖြစ်သည်။

လူတစ်ဦးက သမ္မာတရားကို လက်ခံနိုင်ခြင်း ရှိမရှိသည် ၎င်းတို့ ပြုပြင်ခံရသည့်အခါ ပေါ်လွင်လာသည်။ အန္တိခရစ်များသည် စကားများနှင့် အယူဝါဒများကို ပြောဆိုသည့်အခါတွင် အလွန် ရှင်းလင်းကြသည်ချည်း ဖြစ်သော်လည်း၊ ၎င်းတို့ ပြုပြင်ခံရသည့်အခါတွင် ၎င်းတို့သည် အာခံမြဲအာခံကြသည်၊ ငြင်းမြဲငြင်းခုံကြပြီး အတိုက်အခံလုပ်မြဲ လုပ်နေကြကာ သမ္မာတရားကို လုံးဝ လက်မခံကြပေ။ ၎င်းတို့ ပုံမှန်အားဖြင့် တတွတ်တွတ်ရွတ်သည့် စကားများနှင့် အယူဝါဒတစ်ခုတလေကို ၎င်းတို့ လက်တွေ့မလုပ်ဆောင်နိုင်ကြပေ။ ဤသည်မှာ အဘယ်ကြောင့်နည်း။ အကြောင်းရင်းမှာ အန္တိခရစ်များသည် အနှစ်သာရအားဖြင့် သမ္မာတရားကို အလွန်အမင်း မနှစ်မြို့ကြခြင်း ဖြစ်သည်။ အန္တိခရစ်များ၏ စိတ်သဘောထားမှာ လွန်လွန်ကဲကဲ ရက်စက်ပြီး မာနထောင်လွှားသည်။ သမ္မာတရားနှင့် အမှန်တရားများ ရှေ့မှောက်တွင် ၎င်းတို့၏ သဘောထားမှာ စိတ်နှလုံးမာကျောခြင်း၊ အတိုက်အခံလုပ်ခြင်းနှင့် ရွံမုန်းခြင်း သဘောထားတစ်ခု အမြဲဖြစ်လေသည်။ ၎င်းတို့ ပြုပြင်ခံရသည့်အခါ မိမိတို့ကိုယ်ပိုင် ဂုဏ်သတင်းကို ထိန်းသိမ်းဖို့အတွက် ၎င်းတို့ တတ်နိုင်သမျှ မိမိတို့ကိုယ်ကို မှန်ကြောင်းပြကာ ရှင်းပြခြင်းအပြင် အန္တိခရစ်များတွင် အားအကောင်းဆုံးသော ခံယူချက်ရှိသည်။ “လူတစ်ဦးဦးကို မဟုတ်ဘဲ ဘုရားကို ကျွန်ုပ် ယုံကြည်သည်။ ဘုရားသခင်သည် ဖြောင့်မတ်ပြီး ထိုလူက ကျွန်ုပ်ကို မည်သို့ ပြုပြင်သည်ဖြစ်စေ၊ ကျွန်ုပ်၏ ကံကြမ္မာကို သူ အဆုံးအဖြတ်မပေးနိုင်ပါ။ သမ္မာတရားကို ကျွန်ုပ် လက်မခံနိုင်သော်လည်း သူသည် ထိုအရာနှင့်ပတ်သက်၍ မည်သည့်အရာကို လုပ်ဆောင်နိုင်သနည်း”ဟူ၍ ဖြစ်သည်။ ၎င်းတို့၏ စိတ်နှလုံးတွင် ၎င်းတို့သည် “ကမ္ဘာမြေပေါ်ရှိ ထိုလူ ပြောသည့်အရာများသည် မည်မျှ မှန်ကန်သည်ဖြစ်စေ သမ္မာတရားနှင့်အညီ ဖြစ်သည်ဖြစ်စေ ယင်းတို့သည် သမ္မာတရားမဟုတ်ပါ၊ ကောင်းကင်ဘုံရှိ ဘုရားထံမှ တိုက်ရိုက် မိန့်မြွက်ချက်များသည်သာ သမ္မာတရားဖြစ်သည်။ ကမ္ဘာမြေပေါ်ရှိ ထိုလူက လူတို့ကို မည်သို့ တရားစီရင်ကာ ပြစ်တင်ဆုံးမပြီး ပြုပြင်သည်ဖြစ်စေ၊ သူသည် မဖြောင့်မတ်ပါ၊ ကောင်းကင်ဘုံရှိ ဘုရားသည်သာ ဖြောင့်မတ်သည်”ဟူ၍ အာခံကြလေသည်။ ၎င်းတို့၏ မပြောထားသော သွယ်ဝိုက်ညွှန်းဆိုချက်မှာ အဘယ်နည်း။ “ကမ္ဘာမြေပေါ်ရှိ ဘုရားက ပြောသည့်အရာများသည် မည်မျှ မှန်ကန်သည်ဖြစ်စေ၊ သမ္မာတရားနှင့်အညီဖြစ်သည်ဖြစ်စေ ယင်းတို့သည် သမ္မာတရား မဟုတ်ပါ။ ကောင်းကင်ဘုံရှိ ဘုရားသည်သာ သမ္မာတရားဖြစ်သည်။ ကောင်းကင်ဘုံရှိ ဘုရားသည်သာ အကြီးမြတ်ဆုံး ဖြစ်သည်။ ကမ္ဘာမြေပေါ်ရှိ ဘုရားကလည်း သမ္မာတရားကို ဖော်ပြနိုင်သော်လည်း သူသည် ကောင်းကင်ဘုံရှိ ဘုရားနှင့် ယှဉ်၍မရပါ”ဟူ၍ ဖြစ်၏။ ဤသည်မှာ ၎င်းတို့ ဆိုလိုသည့်အရာဖြစ်သည် မဟုတ်လော။ (ဟုတ်ပါသည်။) “ကျွန်ုပ် ယုံကြည်သည့်အရာမှာ ကောင်းကင်ဘုံ၌ရှိသော ဘုရားဖြစ်သည်၊ မြေကြီးပေါ်က ဘုရားမဟုတ်ပါ။ ဤသာမန်လူဖြစ်သည့် သင်က ပြောဆိုသည့်စကားများသည် မည်မျှ မှန်ကန်သည်ဖြစ်စေ၊ သမ္မာတရားနှင့်အညီ ဖြစ်သည်ဖြစ်စေ သင်သည် ကောင်းကင်ဘုံ၌ရှိသော ဘုရား မဟုတ်ဘဲ ရှိနေဆဲ ဖြစ်သည်။ ကောင်းကင်ဘုံ၌ရှိသော ဘုရားသခင်သည် အရာရာအပေါ် အချုပ်အခြာအာဏာရှိသည်။ ကောင်းကင်ဘုံ၌ရှိသော ဘုရားသခင်သည် ကျွန်ုပ်၏ ကံကြမ္မာကို ဆုံးဖြတ်သည်။ ကမ္ဘာမြေပေါ်ရှိ ဘုရားသခင်သည် ကျွန်ုပ်၏ ကံကြမ္မာကို မဆုံးဖြတ်နိုင်ပါ။ ကမ္ဘာမြေပေါ်ရှိ ဘုရားက ပြောသည့်အရာများသည် သမ္မာတရားနှင့် မည်မျှ ကိုက်ညီသည်ဖြစ်စေ၊ ကျွန်ုပ် လက်ခံမည် မဟုတ်ပါ။ ကောင်းကင်ဘုံ၌ရှိသော ဘုရားကိုသာ ကျွန်ုပ် လက်ခံပြီး ကျိုးနွံနာခံသည်။ ကောင်းကင်ဘုံ၌ရှိသာ ဘုရားက ကျွန်ုပ်ကို မည်သို့ဆက်ဆံသည်ဖြစ်စေ၊ ကျွန်ုပ် ကျိုးနွံနာခံပါမည်”ဟူ၍ ဖြစ်သည်။ ဤစကားများသည် အန္တိခရစ်များက ပြုပြင်ခံရသည့်အချိန်တွင် ထုတ်ဖော်ပြသည့် စကားများချည်းသာ ဖြစ်သည်။ ယင်းတို့သည် ၎င်းတို့၏ စိတ်နှလုံးမှလာသော စကားများချည်းသာ ဖြစ်၏။ ၎င်းတို့၏ ဤအူလှိုက်သည်းလှိုက်ဖြစ်သော စကားများသည် ၎င်းတို့၏ စိတ်သဘောထားကို လုံးဝ ကိုယ်စားပြုပြီး သမ္မာတရားကို အလွန်အမင်း မနှစ်မြို့သကဲ့သို့ မုန်းတီးသည့် ၎င်းတို့၏ သဘာဝ အနှစ်သာရကို ထုတ်ဖော်လေသည်။ အန္တိခရစ်များက ဤစကားများကို ထုတ်ဖော်သည့်အခါ ၎င်းတို့၏ စစ်မှန်သော သဘောသဘာဝက လုံးဝ ဖွင့်ချခြင်းခံရသည်။ ဤစကားများကို ပြောဆိုနိုင်သည့် သူမည်သူမဆိုသည် အန္တိခရစ် အစစ်တစ်ဦးနှင့် စစ်မှန်သော နတ်ဆိုးနှင့် စာတန်တစ်ဦး ဖြစ်သည်ဟု ပြော၍ရသည်။ အချို့သော အန္တိခရစ်များသည် ပြုပြင်ခံနေရချိန်တွင် ရိုကျိုးခြင်းလည်းမရှိသကဲ့သို့ ခြယ်လှယ်လွန်းခြင်းလည်း မရှိသည့် အလျှော့မပေးသော သဘောထားတစ်ခုကို ပြကြသည်။ ၎င်းတို့သည် သမ္မာတရားကို လက်မခံကြ သို့မဟုတ် ပြုပြင်ခံရခြင်းကို လက်မခံကြသကဲ့သို့ မိမိတို့ကိုယ်ကိုလည်း အမှန်တကယ် သိရှိလာခြင်း မရှိကြချေ။ ထိုအစား ၎င်းတို့သည် မိမိတို့၏ ထိုခံယူချက်ထဲသို့ တပ်ခေါက်ပြီး ၎င်းတို့၏ မယုံကြည်သူ အနှစ်သာရကို လုံးဝ ဖော်ထုတ်လျက် မိမိတို့ကိုယ်ပိုင် ဂုဏ်သတင်း၊ အဆင့်အတန်းနှင့် အရေးပါမှုခံစားချက်ကို ခုခံကာကွယ်ရန် ထိုခံယူချက်ကို အသုံးပြုကြသည်။ ၎င်းတို့က လူတိုင်းကို ချေပကာ အနိုင်ယူဖို့နှင့် သမ္မာတရားကို ငြင်းပယ်ပြီး ကမ္ဘာမြေပေါ်ရှိ ဘုရားကို ငြင်းပယ်ဖို့အတွက် “ကျွန်ုပ်သည် လူတစ်ဦးဦးကို မဟုတ်ဘဲ ဘုရားကို ယုံကြည်ခြင်းဖြစ်ပြီး ဘုရားက ဖြောင့်မတ်သည်”ဟူသော စကားများကို အသုံးပြုကြသည်။ တစ်ချိန်တည်းတွင် ၎င်းတို့ကိုယ်ပိုင် အပြစ်များအတွက် ၎င်းတို့၏ တာဝန်ရှိခြင်းကို ဖုံးကွယ်ကာ ရှောင်လွဲဖို့ရန်လည်းကောင်း၊ ၎င်းတို့၏ ဖောက်ပြန်ပျက်စီးသော စိတ်သဘောထားများနှင့် ၎င်းတို့၏ သဘာဝ အနှစ်သာရတို့ကို ဖုံးကွယ်ရန်လည်းကောင်း ဤစကားများကို အသုံးပြုကြသည်။ အန္တိခရစ်များသည် ၎င်းတို့၏ ကိုယ်ပိုင် ဒုစရိုက်အမှုများကို ဖုံးကွယ်ဖို့အတွက် ၎င်းတို့၏ ခံယူချက်နှင့် သဘောတရားများကို အသုံးပြုကြပြီး မိမိတို့ကိုယ်ကို နှစ်သိမ့်ကာ ကာပြောဖို့အတွက်လည်း ယင်းတို့ကို အသုံးပြုကြသည်။ ၎င်းတို့သည် မိမိတို့ကိုယ်ကို မည်သို့ နှစ်သိမ့်ကြသနည်း။ ၎င်းတို့က “အဆင်ပြေပါသည်၊ ကမ္ဘာမြေပေါ်ရှိ ဤလူပြောသည့်အရာက အရေးမပါပါ။ သူ ပြောသည့်အရာများက မည်မျှ မှန်ကန်သည်ဖြစ်စေ ငါ လက်ခံမည် မဟုတ်ပါ။ ယင်းတို့ကို ငါ လက်မခံသရွေ့ သူပြောသည့်အရာများက အမှန်တရားများ မဟုတ်သကဲ့သို့ သမ္မာတရားနှင့် မကိုက်ညီပါ။ ထို့ကြောင့် ငါ ပြုမိသည့် မည်သည့် အမှားများ၊ မကောင်းမှုများ သို့မဟုတ် ပြစ်မှားမှုများအတွက်မဆို ငါ တာဝန်ယူဖို့ မလိုအပ်ပါ။ ငါ ကြိုက်သည့်အတိုင်းသာ ငါ လုပ်နိုင်သည်၊ ဟန်ပါပါ ဟိုသည်လျှောက်နိုင်ပြီး ယခင်ကလုပ်ဆောင်ခဲ့သည့်အတိုင်း အမှုအရာများကို ငါ့သဘောဖြင့် ငါ လုပ်နိုင်သည်”ဟု တွေးကြသည်။ ထို့ကြောင့် အန္တိခရစ်များသည် မည်သည့် သို့လောသို့လောဖြစ်ခြင်းမျှ လုံးဝ မရှိဘဲ၊ ရှက်စိတ်တစ်ခုမျှမရှိသေးဘဲ ကောင်းချီးများရဖို့ဖြစ်သော ၎င်းတို့၏ လိုအင်ဆန္ဒနှင့် ကြံရွယ်ချက်ကို တကယ့် အဆုံးထိတိုင် ဖက်တွယ်ရင်း မိမိတို့လမ်းကြောင်းကို ဤပုံစံဖြင့် ဆက်လျှောက်ကြသည်။ ဤသည်မှာ အန္တိခရစ်များ၏ စစ်မှန်သော သဘောသဘာဝ ဖြစ်သည်။

အန္တိခရစ်တို့ ပြုပြင်ခြင်းခံရသည့်အခါတွင် ၎င်းတို့သည် ထုတ်ဖော်ခြင်းခံရသည်။ ဤသည်မှာ ၎င်းတို့၏ သဘာဝ အနှစ်သာရက ဖော်ထုတ်ခံရနိုင်ချေ အရှိဆုံး အချိန်ဖြစ်သည်။ ပထမဦးစွာ သူ၏မကောင်းမှုများကို သူဝန်ချနိုင်သလော။ ဒုတိယအနေဖြင့် သူ့ကိုယ်သူ ဆင်ခြင်သုံးသပ်နိုင်ပြီး သိမြင်နိုင်သလော။ ပြီးလျှင် တတိယအနေဖြင့် သူသည် ပြုပြင်ခြင်းခံရသောအခါ ဘုရားသခင်ထံမှ ခံယူနိုင်သလော။ ဤတိုင်းတာမှုသုံးခုဖြင့် အန္တိခရစ်တစ်ဦး၏ သဘာဝအနှစ်သာရကို မြင်နိုင်သည်။ လူတစ်ယောက်သည် သူ့အပေါ်သို့ ပြုပြင်ခြင်း ကျရောက်လာသောအခါ ကျိုးနွံနာခံနိုင်လျှင်၊ မိမိကိုယ်ကို ဆင်ခြင်သုံးသပ်နိုင်လျှင်၊ ဤသို့ဖြင့် သူကိုယ်တိုင်၏ ဖောက်ပြန်ပျက်စီးမှု ထုတ်ဖော်ချက်များနှင့် ဖောက်ပြန်ပျက်စီးသော အနှစ်သာရကို သိမြင်လာလျှင် ထိုသူသည် သမ္မာတရားကို လက်ခံနိုင်သူဖြစ်သည်။ အန္တိခရစ်တစ်ဦး မဟုတ်ပေ။ ဤအတိုင်းအတာသုံးခုသည် အန္တိခရစ်၌ မရှိသောအရာများ အတိအကျပင် ဖြစ်သည်။ အန္တိခရစ်တစ်ဦးသည် မည်သူကမျှ မမျှော်လင့်ထားသည့် အခြားအရာတစ်ခုကို လုပ်ဆောင်သည်။ ဆိုလိုသည်မှာ ၎င်းတို့ ပြုပြင်ခြင်းခံရသည့်အချိန်တွင် ၎င်းတို့သည် အခြေအမြစ်မရှိသော တန်ပြန်စွပ်စွဲမှုများ ပြုလုပ်ခြင်းပင် ဖြစ်သည်။ သူ၏ မှားယွင်းလုပ်ဆောင်မှုကို ဝန်ခံပြီး သူ၏ ဖောက်ပြန်ပျက်စီးသော စိတ်သဘောထားကို အသိအမှတ်ပြုရမည့်အစား သူ့အား ပြုပြင်သောသူကို ရှုတ်ချသည်။ ယင်းကို မည်သို့လုပ်ဆောင်သနည်း။ “ပြုပြင်ခြင်းအားလုံးက သေချာပေါက် မှန်နေသည်မဟုတ်။ ပြုပြင်ခြင်းက လူ့ရှုတ်ချမှု၊ လူ့တရားစီရင်မှုသက်သက်ပင်။ ဘုရားကိုယ်စား လုပ်ဆောင်ခြင်း မဟုတ်။ ဘုရားတစ်ပါးတည်းကသာ ဖြောင့်မတ်၏။ အခြားသူများကို ရှုတ်ချသည့် မည်သူမဆို ရှုတ်ချခြင်း ခံရမည်” ဟူ၍ ဆိုသည်။ ဤသည်မှာ အခြေအမြစ်မရှိသော တန်ပြန်စွပ်စွဲမှု မဟုတ်သလော။ ဤသို့သော အခြေအမြစ်မရှိသည့် တန်ပြန်စွပ်စွဲမှုများကို ပြုလုပ်သည်မှာ မည်သို့သောသူဖြစ်သနည်း။ ဆင်ခြင်တုံတရားမဲ့စွာ ဒုက္ခပေးသောသူတစ်ဦးသာလျှင် ဤသို့လုပ်ဆောင်လိမ့်မည်။ ပြီးလျှင် နတ်ဆိုးများနှင့် စာတန်၏ အမျိုးသာလျှင် ဤသို့ ပြုလုပ်လိမ့်မည်။ အသိစိတ်နှင့် ဆင်ခြင်တုံတရား ရှိသောသူတစ်ယောက်သည် ဤသို့သောအရာကို မည်သည့်အခါမျှ လုပ်ဆောင်မည်မဟုတ်ပေ။ ထို့ကြောင့် ပြုပြင်ခံရသည့်အခါ အခြေအမြစ်မရှိသော တန်ပြန်စွပ်စွဲချက်များ ပြုလုပ်ကြသူများသည် ဆိုးယုတ်သော လူများဖြစ်သည်။ ၎င်းတို့သည် နတ်ဆိုးများသာ ဖြစ်၏။ အန္တိခရစ်များက အခြေအမြစ်မရှိသည့် တန်ပြန်စွပ်စွဲချက်များ ပြုလုပ်ကြသည့်အခါ ၎င်းတို့က မည်သည့်အရာကို မကြာခဏ ပြောဆိုကြသနည်း။ “ဘုရားကို ကျွန်ုပ် ယုံကြည်ပြီး ဘုရားက ဖြောင့်မတ်သည်။ ကျွန်ုပ်သည် လူတစ်ဦးဦးကို မဟုတ်ဘဲ ဘုရားကို ကျိုးနွံနာခံပါသည်။ ပြုပြင်ခြင်းအားလုံးက အစဉ်သဖြင့် သေချာပေါက် မှန်ကန်နေခြင်းမျိုး မဟုတ်ပါ။ ဘုရားက ကျွန်ုပ်ကို ပြုပြင်လျှင် ကျွန်ုပ် လက်ခံမည်ဖြစ်သော်လည်း လူတို့က ကျွန်ုပ်ကို ပြုပြင်လျှင် ကျွန်ုပ် လက်ခံမည် မဟုတ်ပါ”ဟူ၍ ဖြစ်သည်။ အန္တိခရစ်များပြောကြမည့် ပထမဆုံးသောအရာမှာ “ဘုရားသခင်က ဖြောင့်မတ်သည်”ဟူ၍ဖြစ်သည်။ ၎င်းတို့၏ လေသံက မလိုမုန်းထားသော စိတ်နေစိတ်ထားတစ်ခု သယ်ဆောင်သည်ကို သင် ကြားနိုင်သည်။ ၎င်းတို့ပြောသည့် ဒုတိယအကြောင်းအရာမှာ “ကျွန်ုပ်သည် လူတစ်ဦးဦးကို မဟုတ်ဘဲ ဘုရားကို ကျိုးနွံနာခံသည်”ဟူ၍ ဖြစ်သည်။ ဤစကားနှစ်ခွန်းကို သင်တို့ ကြားဖူးသလော။ (ကြားဖူးပါသည်။) ယင်းတို့ကို သင်တို့ ပြောဖူးကြသလော။ (မပြောဖူးပါ။) လူအများစုက ဤစကားနှစ်ခွန်းကို မပြောဝံ့ကြချေ။ အပြုသဘောဆောင်ပြီး ၎င်းတို့ လက်ခံသင့်သည့် တစ်စုံတစ်ရာဖြစ်သည်ဟု ၎င်းတို့ ယုံကြည်သည့်အရာတစ်ခု ၎င်းတို့အပေါ် ဖြစ်ပျက်သည့်အခါတွင်သာ ၎င်းတို့က “ဘုရားသခင် အမှန်တကယ် ဖြောင့်မတ်ပါသည်။ ကျွန်ုပ်အနေဖြင့် ပြုပြင်ခံရကာ ဆုံးမပဲ့ပြင်ခြင်း ခံရသည်မှာ မှန်ကန်သည်” ဟု ပြောကြပေသည်။ ၎င်းတို့က ထိုအရာကို အပြုသဘောဆောင်သော ပုံစံတစ်ခုဖြင့် လက်ခံကြပြီး မိမိတို့ကိုယ်ပိုင် အကျိုးစီးပွားများကို ခုခံကာကွယ်ဖို့ သို့မဟုတ် မိမိတို့ကိုယ်ကို မှန်ကြောင်းပြပြီး ရှင်းပြဖို့အတွက် ဤစကားများကို လုံးဝ အသုံးမပြုကြချေ။ ၎င်းတို့က ဤစကားများနှင့် ဤအမှန်တရားကို လှိုက်လှိုက်လှဲလှဲ အမှန်တကယ် လက်ခံပြီး အသိအမှတ်ပြုကြသည်။ အန္တိခရစ်များ၏ သဘောထားက ကွဲပြားခြားနား၏။ ပြုပြင်ခံရသည့် အခြေအနေတွင် ၎င်းတို့က “ဘုရားကို ကျွန်ုပ် ယုံကြည်ပြီး ဘုရားက ဖြောင့်မတ်သည်။ ကျွန်ုပ်သည် လူတစ်ဦးဦးကို မဟုတ်ဘဲ ဘုရားကို ကျိုးနွံနာခံသည်”ဟု ပြောဖို့အတွက် ဤလေယူလေသိမ်း သို့မဟုတ် ဤကြံရွယ်ချက်မျိုးကို ၎င်းတို့က အသုံးပြုနိုင်ကြလေသည်။ ဤသည်မှာ မည်သည့်အရာကို ဆိုလိုသနည်း။ ၎င်းတို့သည် သမ္မာတရားကို လက်ခံသည့်လူများ ဖြစ်ကြသလော။ သေချာပေါက် မဟုတ်ကြပေ။ ပြုပြင်ခံရခြင်းက ဘုရားသခင်ထံမှ လာပြီး ဘုရားက အသိအမှတ်ပြုထားသည်ကို ၎င်းတို့ ငြင်းကြသည်။ ထိုအရာကို ဘုရားသခင်ထံမှ ၎င်းတို့ ခံယူနိုင်စွမ်းမရှိခြင်းသည် ၎င်းတို့အနေဖြင့် အရာရာအပေါ် ဘုရားသခင်၏ အချုပ်အခြာအာဏာရှိခြင်းကို အသိအမှတ်မပြုသကဲ့သို့ ဘုရားနှုတ်ကပတ်တော်များက သမ္မာတရား ဖြစ်သည်ကို မယုံကြည်ကြကြောင်း လုံးဝ သက်သေပြပေသည်။ သို့ဆိုလျှင် ဘုရားသခင်က ဖြောင့်မတ်သည်ဟု ၎င်းတို့က မည်သို့ အသိအမှတ်ပြုနိုင်ကြသနည်း။ ၎င်းတို့သည် အခြားသူများကို ရှုတ်ချဖို့၊ ၎င်းတို့ သဘောမကျသောသူများ၊ ၎င်းတို့ကို ပြုပြင်သောသူများနှင့် ၎င်းတို့၏ ဖောက်ပြန်ပျက်စီးသော စိတ်သဘောထားများကို ဖော်ထုတ်သောသူတို့အား ရှုတ်ချဖို့အတွက် အပေါ်ယံအားဖြင့် မှန်ကန်ပုံပေါ်သည့် ဤစကားများကို ၎င်းတို့ သိသာစွာ အသုံးပြုနေကြခြင်း ဖြစ်သည်။ ဤသည်တို့မှာ ဆိုးယုတ်သောလူတို့၏ လုပ်ရပ်များဖြစ်သည် မဟုတ်လော။ ဤသူများသည် ဆိုးယုတ်သောလူများဖြစ်၏။ ဆိုးယုတ်သော လူများသည် အရေးပါသည့် အခိုက်အတန့်များတွင် ဘုရားသခင်ကို အတိုက်အခံလုပ်ပြီး သမ္မာတရားကို ဆန့်ကျင်ဖို့ မှန်ကန်သည့် စကားများကို အသုံးပြုကောင်းပြုနိုင်ကြပြီး ၎င်းတို့၏ကိုယ်ပိုင် အကျိုးစီးပွားများ၊ ၎င်းတို့၏ကိုယ်ပိုင် ပုံရိပ်၊ ၎င်းတို့၏ကိုယ်ပိုင် သဘောသဘာဝနှင့် ဂုဏ်သတင်းတို့ကို ကာကွယ်ဖို့အတွက် မှန်ကန်သော စကားများကို အသုံးပြုကောင်းပြုနိုင်သည်။ ဤသည်မှာ အရှက်မဲ့ဖွယ်ဖြစ်သည် မဟုတ်လော။ “မတရားသောသူသည် မိမိမျက်နှာကို ခိုင်မာ စေတတ်၏။” (သုတ္တံကျမ်း ၂၁:၂၉)၊ ဤစာကြောင်းသည် ဆိုးယုတ်သောလူများနှင့် အန္တိခရစ်များ၌ သိသာထင်ရှားလေသည်။ အန္တိခရစ်များသည် ဤလူစားမျိုးများ ဖြစ်ကြသည်။

အန္တိခရစ်များပြောသည့် နောက်ထပ်အကြောင်းအရာမှာ “ကျွန်ုပ်သည် လူတစ်ဦးဦးကို မဟုတ်ဘဲ ဘုရားကို ယုံကြည်သည်”ဟူ၍ ဖြစ်၏။ ဤစာကြောင်းသည် အပေါ်ယံအားဖြင့် မှားသည်ဟု ထင်ရသလော။ (မထင်ရပါ။) ဘုရားသခင်ကို ယုံကြည်ခြင်းက မှန်ကန်သည်မှာ ပြောစရာမလိုပေ။ တစ်ဦးတစ်ယောက်က လူတစ်ဦးဦးကို ယုံကြည်၍ မရ။ ဤစကားများသည် အလွန် သင့်တင့်လျောက်ပတ်ပြီး မှန်ကန်၏။ ယင်းတို့နှင့်ပတ်သက်၍ မှားယွင်းသည့်အရာ ဘာမျှမရှိပေ။ ကံအကြောင်းမလှစွာပင် အန္တိခရစ်တစ်ဦး၏ နှုတ်မှ လာသည့်အခါတွင် ဤစာကြောင်း၏ အဓိပ္ပာယ်က ပြောင်းလဲသွားလေသည်။ ဤအဓိပ္ပာယ်ပြောင်းလဲခြင်းက မည်သည့်အရာကို ပြသနည်း။ အန္တိခရစ်များက ဒုက္ခပြဿနာမှ လွတ်အောင် အားထုတ်ဖို့နှင့် မိမိတို့ကိုယ်ကို ရှင်းပြဖို့အတွက် မှန်ကန်သည့် စကားများကို အသုံးပြုကြခြင်း ဖြစ်သည်။ ဤစကားများကို ပြောခြင်းနောက်ကွယ်တွင် ၎င်းတို့၏ ကြံရွယ်ချက်မှာ အဘယ်နည်း။ ဤစကားများကို ပြောဆိုခြင်းအတွက် ၎င်းတို့၏ အကြောင်းပြချက်မှာ အဘယ်နည်း။ ထိုအရာက ၎င်းတို့ အနှစ်သာရ၏ မည်သည့် သွင်ပြင်လက္ခဏာကို သက်သေပြသနည်း။ (သမ္မာတရားကို လက်မခံခြင်း၊ သမ္မာတရားကို မုန်းခြင်း ဖြစ်သည်။) မှန်ကန်ပေ၏၊ ၎င်းတို့က သမ္မာတရားကို လက်မခံကြပေ။ သို့ဆိုလျှင် ၎င်းတို့အနေဖြင့် သမ္မာတရားကို လက်မခံသော်လည်း “ထိုသမ္မာတရားကို ကျွန်ုပ် လက်မခံပါ။ သင် ပြောသည့်အရာက မှန်ကန်လျှင်ပင် ကျွန်ုပ် လက်မခံပါ”ဟု ပွင့်ပွင့်လင်းလင်း ပြောကြလိမ့်မည်လော။ ဤအရာကို ၎င်းတို့ ပြောလျှင် လူတို့က ၎င်းတို့ကို ထိုးထွင်းသိမြင်နိုင်ကြမည်ဖြစ်ပြီး လူတိုင်းက ၎င်းတို့ကို ငြင်းပယ်ကြမည့်အပြင် ၎င်းတို့၏ ခြေကုပ်ကို ထိန်းသိမ်းနိုင်ကြမည် မဟုတ်သောကြောင့် ဤအရာကို ၎င်းတို့ မပြောနိုင်ကြပေ။ ၎င်းတို့က ဤအရာများကို ၎င်းတို့၏ စိတ်နှလုံးများတွင် ရှင်းလင်းစွာ နားလည်ကြသည်။ ဤသည်မှာ အန္တိခရစ်များ၏ လှည့်ဖြားမှုနှင့် ကောက်ကျစ်ဆိုးယုတ်မှု တည်ရှိသောနေရာ ဖြစ်သည်။ ၎င်းတို့က “သင့်ကို ငါ ပွင့်ပွင့်လင်းလင်း ဆန့်ကျင်ဘက်ပြောလျှင်၊ သင့်ကို ပွင့်ပွင့်လင်းလင်း ကန့်ကွက်ပြီး ဆန့်ကျင်လျှင် သမ္မာတရားကို ငါ လက်မခံဟု သင် ပြောလိမ့်မည်။ ထိုသို့ဖြစ်လျှင် ငါ သမ္မာတရားလက်မခံသည်ကို သင့်အား ငါ မြင်ခွင့်ပေးမည်မဟုတ်ပါ။ ဤကိစ္စရပ်ကို ဖြေရှင်းပြီး မိမိကိုယ်ကို ကာကွယ်ဖို့အတွက် အခြားသောနည်းလမ်းများကို ငါ သုံးမည်”ဟု တွေးကြသည်။ ထို့ကြောင့် ၎င်းတို့က “ကျွန်ုပ်သည် လူတစ်ဦးဦးကိုမဟုတ်ဘဲ ဘုရားကို ယုံကြည်သည်”ဟု ပြောကြသည်။ ၎င်းတို့အနေဖြင့် ဘုရားသခင်ကို ယုံကြည်သည်ဖြစ်စေ၊ လူတစ်ဦးဦးကို ယုံကြည်သည်ဖြစ်စေ ဤနေရာတွင် ငါတို့ စိစစ်နေသည့်အရာမှာ အန္တိခရစ်များက သမ္မာတရားကို လက်ခံခြင်း ရှိမရှိဖြစ်သည်။ ၎င်းတို့သည် ဤအရာကို ပြောဆိုခြင်းအားဖြင့် အယူအဆများကို ရောထွေးစေကြခြင်း မဟုတ်လော။ ၎င်းတို့သည် အယူအဆများကို ရောထွေးစေပြီး လူတို့ကို နှစ်ပေါက်တစ်ပေါက်ရိုက်ဖို့ ကြိုးစားနေကြခြင်း ဖြစ်သည်။ သမ္မာတရားအား ၎င်းတို့ လက်ခံခြင်းမရှိသည်ကို လူတို့ မမြင်အောင် တားဆီးဖို့အတွက်၊ ၎င်းတို့အနေဖြင့် ဘုရားသခင်ကို အသိအမှတ်ပြုပြီး သမ္မာတရားကို အသိအမှတ်ပြုကြောင်း၊ ဘုရားသခင်ကို ယုံကြည်ပြီး ဘုရားသခင်က သမ္မာတရားဖြစ်သည်ကို ယုံကြည်ကြောင်းနှင့် ဘုရားသခင်က သမ္မာတရားဖြစ်သည့်အတွက်၊ လူတစ်ဦး ဖြစ်မလာနိုင်သည့်အပြင် သူ လူတစ်ဦးဖြစ်လာလျှင် သူ့ထံ၌ သမ္မာတရား မရှိကြောင်း၊ ပြီးလျှင် ထိုလူသည် ဘုရားသခင် မဟုတ်ကြောင်းတို့ကို ပြောဆိုကြသည်။ ဤအရာကို အခြေခံ၍ အကဲဖြတ်သော် ၎င်းတို့သည် အန္တိခရစ်များအဖြစ် ထုတ်ဖော်ခြင်းခံရပြီးသား ဖြစ်သည် မဟုတ်လော။ ဘုရားသခင်က ခရစ်တော် ဖြစ်လာနိုင်သကဲ့သို့ သာမန်လူတစ်ဦး ဖြစ်လာနိုင်သည်ကို ၎င်းတို့က တကယ်ပင် အသိအမှတ်မပြုကြပေ။ ကောင်းကင်ဘုံ၌ရှိသော ဘုရားသခင်၊ မြင်၍မရနိုင်သကဲ့သို့ လက်ဆုပ်လက်ကိုင်ပြ၍မရသည့်အပြင် ထင်ရာမြင်ရာ စိတ်ကူး၍ရပြီး လူ၏ အသုံးပြုခြင်းခံရနိုင်သည့် ဘုရားသခင်သည်သာ ဘုရားသခင်ဖြစ်သည်ဟု ၎င်းတို့ တွေးထင်ကြသည်။ ဤအမြင်နှင့် ပေါလု၏ အမြင်တို့ကြားတွင် တူညီမှုများ ရှိသလော။ (ရှိပါသည်။) ကမ္ဘာမြေပေါ်ရှိ ခရစ်တော်အပေါ် ပေါလု၏ သဘောထားမှာ အဘယ်နည်း။ ပေါလုက သူ့ကို အသိအမှတ်ပြုခဲ့သလော။ သူ့ကို လက်ခံခဲ့သလော။ (လက်မခံခဲ့ပါ။) ပေါလုက “ခရစ်တော်သည် အသက်ရှင်သော ဘုရား၏ သားတော်ဖြစ်ပြီး ကျွန်ုပ်တို့သည်လည်း အသက်ရှင်သော ဘုရား၏ သားများဖြစ်သည်။ ဤအရာက ကျွန်ုပ်တို့သည် ခရစ်တော်၏ ညီအစ်ကို မောင်နှမများချည်းသာဖြစ်ပြီး ဝါရင့်မှုအရ ကျွန်ုပ်တို့အားလုံး တန်းတူရည်တူ ဖြစ်ကြသည်ဟု ဆိုလိုသည်။ ကျွန်ုပ်တို့ ယုံကြည်သည့်ဘုရားသည် ကောင်းကင်ဘုံတွင်ရှိသည်။ ကမ္ဘာမြေပေါ်တွင် ဘုရားမရှိပါ။ ထို့ကြောင့် အထင်မလွဲကြနှင့်၊ ကမ္ဘာမြေပေါ်၌ရှိသော ဤလူသည် ခရစ်တော်ဖြစ်သည်၊ ဘုရား၏ သားဖြစ်သည်။ သူသည် ဘုရားနှင့် မတူပါ။ ကောင်းကင်ဘုံရှိ ဘုရားကို သူ ကိုယ်စားမပြုနိုင်ပါ။ လူသည် သူ့ကို သမ္မာတရားအဖြစ် သဘောထား၍မရနိုင်သကဲ့သို့ လူသည် သူ့နောက်လိုက်ဖို့ မလိုအပ်ပါ”ဟု ပြောခဲ့သည်။ “လူတစ်ဦးဦးကို မဟုတ်ဘဲ ဘုရားကို ကျွန်ုပ် ယုံကြည်သည်”ဟူသည့် အန္တိခရစ်များပြောသည့် စကားများမှ မည်သည့်အရာကို ငါတို့ စိစစ်နိုင်ကြသနည်း။ ပေါလုကဲ့သို့ပင် ၎င်းတို့သည် ကောင်းကင်ဘုံရှိ မရေရာသော ဘုရားသခင်ကိုသာ အသိအမှတ်ပြုကြပြီး ခရစ်တော်က ဘုရားသခင်ဖြစ်သည်ကို အသိအမှတ်မပြုကြပေ။ တစ်နည်းအားဖြင့် ဘုရားသခင်က လူ့ဇာတိခံယူပြီးဖြစ်ကာ သာမန်လူတစ်ဦး ဖြစ်လာပြီးဖြစ်သည်ကို ၎င်းတို့ အသိအမှတ်မပြုကြပေ။ ဤအခြေအနေတွင် အန္တိခရစ်များသည် ပေါလုနှင့် အတိအကျ တူညီကြသည်။ ၎င်းတို့၏ ဆိုလိုရင်းမှာ “ဘုရားကို သင်တို့ ယုံကြည်လျှင် လူတစ်ဦးဦးကို မဟုတ်ဘဲ ဘုရားကို ယုံကြည်ကြလော့။ လူတစ်ဦးဦးကို ယုံကြည်ခြင်းက အချည်းနှီးဖြစ်သည်။ လူတစ်ဦးဦးကို ယုံကြည်ခြင်းမှ သင် ကောင်းချီးများ မရရှိနိုင်ပါ။ ဘုရားကို ယုံကြည်ဖို့အတွက် သင့်အနေဖြင့် ကောင်းကင်ဘုံ၌ရှိသော ဘုရား၊ မြင်၍မရနိုင်သည့် ဘုရားကို ယုံကြည်ရမည်။ ကောင်းကင်ဘုံ၌ရှိသော ဘုရားသည် အလွန်ကြီးမြတ်ပြီး အလွန်တန်ခိုးကြီးသည်။ ကမ္ဘာမြေပေါ်ရှိ ဘုရားက မည်သည့်အရာကို လုပ်ဆောင်နိုင်သနည်း။ သမ္မာတရားအချို့ကိုသာ သူ ဖော်ပြနိုင်ပြီး မှန်ကန်သည့် စကားအချို့ကိုသာ ပြောနိုင်သည်”ဟူ၍ ဖြစ်၏။ ဤစကားများကို အခြေခံ၍ ၎င်းတို့၏ အနှစ်သာရကို ငါတို့ စိစစ်ကာ အကဲဖြတ်လျှင် ၎င်းတို့သည် ခရစ်တော်ကို အတိုက်အခံ လုပ်နေခြင်းဖြစ်သည်၊ ခရစ်တော်ကို အသိအမှတ်မပြုကြသကဲ့သို့ ဘုရားသခင်က လူ့ဇာတိခံယူပြီးဖြစ်သည်ဟူသည့် အချက်ကို ငြင်းပယ်နေကြခြင်း ဖြစ်သည်။ ၎င်းတို့သည် လုံးလုံးလျားလျား အန္တိခရစ်များ ဖြစ်ကြလေသည်။

အန္တိခရစ်များ ပြုပြင်ခံရသည့်အခါ၊ ဆုတ်ဆိုင်းမှုများကို ၎င်းတို့ ကြုံရသည့်အခါနှင့် တစ်စုံတစ်ဦးက ၎င်းတို့ကို ဖော်ထုတ်သည့်အခါတွင် ၎င်းတို့သည် မိမိတို့ကိုယ်ကို ခုခံပြောဆိုဖို့၊ ၎င်းတို့အပေါ် အခြားလူ၏ ဖော်ထုတ်ခြင်းကို ငြင်းပယ်ဖို့နှင့် ၎င်းတို့အပေါ် အခြားလူ၏ ပြုပြင်ခြင်းကို ငြင်းပယ်ဖို့အတွက် “ဘုရားက ဖြောင့်မတ်သည်”ဟူသည့် စကားရပ်ကို အသုံးပြုကြလေသည်။ မည်သည့်အရာဖြစ်စေ၊ ၎င်းတို့ ပြုပြင်ခံရသည့်အခါ ၎င်းတို့၏ အဓိက သဘောထားမှာ မိမိတို့ကိုယ်ကို ရှင်းပြကာ ခုခံကာကွယ်ဖို့ အစွမ်းကုန်လုပ်ဆောင်ရင်း အာခံခြင်း၊ အတိုက်အခံလုပ်ခြင်းနှင့် လက်မခံခြင်း သဘောထားတစ်ခု ဖြစ်သည်။ အချို့က “အချိန်က အရာရာကို ထုတ်ဖော်ပြလိမ့်မည်။ ဘုရားက ဖြောင့်မတ်သည်။ ဘုရားက တစ်နေ့တွင် ဤအရာကို ကျွန်ုပ်အတွက် ထုတ်ဖော်ပါစေ”ဟုပင် ပြောကြသည်။ ဖောက်ပြန်ပျက်စီးသော လူများဖြစ်လျက်ဖြင့် ၎င်းတို့သည် မိမိတို့တာဝန်ကို ထမ်းဆောင်ခြင်း လမ်းကြောင်းတွင် ဘုရားအိမ်တော်၏ အလုပ်ကို မည်မျှကြီးမားသည့် ဆုံးရှုံးမှုများ ဖြစ်ပေါ်စေသည်ဖြစ်စေ၊ ၎င်းတို့က ဤအရာကို ဂရုစိုက်ခြင်းမရှိ၊ သို့မဟုတ် အလေးဂရုပြုခြင်းတစ်ခုမျှ မရှိကြချေ။ ဤအမှန်တရား ဖော်ထုတ်ခံရလျှင် ဤဆုံးရှုံးမှုများကို ၎င်းတို့ ဖြစ်စေခဲ့ခြင်းဖြစ်ကြောင်းကို ၎င်းတို့ အသိအမှတ်မပြုကြသေးသကဲ့သို့ တာဝန်ယူဖို့ မလိုမလားဖြစ်နေကြသည်။ အဆုံးတွင် ၎င်းတို့ကို အစေခံဖို့နှင့် ၎င်းတို့အမှားများ ပြုမိသည့်အခါ ၎င်းတို့ကို ခုခံကာကွယ်ပေးဖို့ ဘုရားသခင်ရှိနေသည့်အလား၊ သူက ထိုဘုရားမျိုး ဖြစ်သည့်အလား ၎င်းတို့က ဘုရားသခင်အား ၎င်းတို့အတွက် ဤအရာကို ထုတ်ဖော်စေချင်ကြဆဲဖြစ်သည်။ ၎င်းတို့သည် သမ္မာတရားကို လက်မခံကြ၊ ပြုပြင်ခံရခြင်းကို လက်မခံနိုင်ကြသကဲ့သို့ မိမိတို့ကိုယ်ကို မသိရှိနိုင်ကြသော်လည်း ထိုမျှသာ မဟုတ်ပေ။ ၎င်းတို့အတွက် ရှင်းပြချက်များနှင့် ကျိုးကြောင်းပြချက်များ ပေးဖို့အတွက် ဘုရားသခင်ကိုပင် ၎င်းတို့ တောင်းဆိုကြသည်။ ဤသည်မှာ ရှက်ဖွယ်ကောင်းသောအရာတစ်ခု ဖြစ်သည် မဟုတ်လော။ ဤသည်မှာ အလွန်ရှက်ဖွယ်ကောင်းပေသည်။ အန္တိခရစ်များသည် လွန်လွန်ကဲကဲ အရှက်မဲ့သူများချည်းသာ ဖြစ်ပြီး လွန်လွန်ကဲကဲလည်း ကောက်ကျစ်ဆိုးယုတ်ကြသည်။ ဤသည်မှာ သွင်ပြင်လက္ခဏာတစ်ခု ဖြစ်သည်။ အန္တိခရစ်များအနေဖြင့် ၎င်းတို့ ပြုပြင်ခံရသည့်အခါ မည်သည့် စကားနှစ်ခွန်းကို မကြာခဏ ပြောဆိုကြသနည်း။ (“ကျွန်ုပ်သည် လူတစ်ဦးဦးကို မဟုတ်ဘဲ ဘုရားကို ယုံကြည်သည်” “ဘုရားသခင်က ဖြောင့်မတ်သည်”ဟူ၍ ဖြစ်သည်။) ဤသည်တို့မှာ ၎င်းတို့ အသုံးပြုနေကျ ဆိုရိုးနှစ်ခုဖြစ်သည်။ မှားယွင်းသည့် အခြားမည်သည့်အကြောင်းပြချက်မျိုးကိုမျှ ၎င်းတို့ မဟနိုင်ကြချေ။ ထိုသို့ ၎င်းတို့ မလုပ်ဝံ့ကြချေ။ ၎င်းတို့သည် မှားယွင်းသည့်အရာ တစ်စုံတစ်ခုကို မှန်ကန်သည့်အရာတစ်ခုအဖြစ်သို့ ပြောင်းလဲဖို့၊ ကောက်ကျစ်ဆိုးယုတ်သည့် အရာတစ်ခုကို တရားမျှတသည့် အရာတစ်ခုအဖြစ်သို့ ပြောင်းလဲဖို့၊ ၎င်းတို့ ဖြစ်စေမိပြီးဖြစ်သည့် ၎င်းတို့၏ အမှားများနှင့် ဆုံးရှုံးမှုများကို တရားသောအရာတစ်ခုအဖြစ်သို့ ပြောင်းလဲဖို့အတွက် ကြိုးစားရင်း လူတို့ကို အထင်အမြင်မှားစေရန်၊ မိမိတို့ကိုယ်တိုင်အတွက် မတော်တရော် ငြင်းခုံရန် မှန်ကန်သည့် ပြောဆိုချက်နှစ်ခုကို အသုံးပြုကြသည်။ ၎င်းတို့သည် ဤအရာများအားလုံးကို ကလောင်တစ်ချက်ဖြင့် ဆုံးရှုံးမှုအဖြစ် သတ်မှတ်လိုက်ဖို့ရန်၊ ယင်းတို့ကို လုံးဝ ဖျက်လိုက်ပြီး မတည်ရှိသည့်ဟန်ဆောင်ဖို့အတွက် ဤစကားနှစ်ခွန်းကို အသုံးပြုချင်ကြပြီး ၎င်းတို့ အမြဲ ယုံကြည်ပြီးသည့်အတိုင်း ဆက်လက်ယုံကြည်ကြလေသည်။ အန္တိခရစ်များ၏ ဤသရုပ်သကန်တွင် နောင်တတရားရှိသလော။ (မရှိပါ။) ၎င်းတို့ နောင်တမရသည်သာမက အန္တိခရစ်များ၏ နောက်ထပ် သရုပ်သကန်ဖြစ်သည့် သမ္မာတရားကို အလွန်အမင်း မနှစ်မြို့ခြင်း၊ မာနထောင်လွှားမှု၊ ကောက်ကျစ်ဆိုးယုတ်မှုနှင့် ရက်စက်မှုတို့ကိုလည်း ပေါ်လွင်စေကြသည်။ ၎င်းတို့က “သင်သည် လူတစ်ဦးသာဖြစ်သည်၊ သင့်ကို ငါ မကြောက်ပါ”ဟု စဉ်းစားလျက် ၎င်းတို့ကို ပြုပြင်ပေးနေသူ မည်သူကိုမဆို ၎င်းတို့ အထင်သေးကြသည့်အချက်တွင် ၎င်းတို့၏ မာနထောင်လွှားမှုက ပေါ်လွင်ပေသည်။ ဤသည်မှာ မာနထောင်လွှားသည် မဟုတ်လော။ (ဟုတ်ပါသည်။) ၎င်းတို့သည် ကောက်ကျစ်ဆိုးယုတ်မှုက မည်သည့်နည်းလမ်းဖြင့် ထင်ရှားသနည်း။ (အခြေအမြစ်မရှိသည့် တန်ပြန်စွပ်စွဲချက်များကို ပြုလုပ်ခြင်းဖြစ်သည်။) အခြေအမြစ်မရှိသည့် တန်ပြန်စွပ်စွဲချက်များကို ပြုလုပ်ခြင်းသည် သွင်ပြင်လက္ခဏာတစ်ခုဖြစ်ပြီး နောက်ထပ် သွင်ပြင်လက္ခဏာမှာ မိမိတို့ကိုယ်ကို ရှင်းပြဖို့၊ မှန်ကြောင်းပြဖို့နှင့် ခုခံကာကွယ်ဖို့အတွက် မှန်ကန်သည့် စကားများကို အသုံးပြုခြင်း ဖြစ်သည်။ ဤအရာအတွင်းတွင် အခြားမည်သည့် စိတ်သဘောထား တည်ရှိသနည်း။ အခြေအမြစ်မရှိသည့် တန်ပြစ်စွပ်စွဲချက်များကို ပြုလုပ်ခြင်းသည်လည်း ရက်စက်၏။ ဘုရားနှုတ်ကပတ်တော်များက သမ္မာတရားဖြစ်သည်ကို အန္တိခရစ်များက အသိအမှတ်မပြုကြပေ။ တစ်စုံတစ်ဦးက ၎င်းတို့၏ ဤအနှစ်သာရကို ဖော်ထုတ်လျှင် သမ္မာတရားကို ၎င်းတို့ အသိအမှတ်မပြုသည့်အချက်အား ၎င်းတို့ လက်မခံဘဲရှိကြနေကြဆဲ ဖြစ်သည်။ ၎င်းတို့သည် မိမိတို့ကိုယ်ကို သုံးသပ်ဆင်ခြင်ခြင်းမရှိသကဲ့သို့ သိရှိရန် မကြိုးစားကြပေ။ ထိုအစား အခြားသူတို့ကို ရှုတ်ချဖို့အတွက် အခြေအမြစ်မရှိသည့် တန်ပြန်စွပ်စွဲချက်များကို ၎င်းတို့ ပြုလုပ်ပြီး မှန်ကန်ကာ နားကြားကောင်းသည့်စကားများကို အသုံးပြုကြသည်။ အခြားသူတို့ကို ရှုတ်ချဖို့ ၎င်းတို့ အသုံးပြုသည့် နည်းလမ်းများနှင့် ဆိုရိုးများမှာ မသိမသာ ဒုက္ခပေးသည့်အပြင် ကောက်ကျစ်ဆိုးယုတ်ခြင်းလည်းရှိသည်။ အခြားလူများက ၎င်းတို့ နောက်ထပ် မည်သည့်အရာ ပြောမည်ကို မသိသကဲ့သို့ ၎င်းတို့ကို ဘာမျှမလုပ်ဆောင်နိုင်ဖို့အလို့ငှာ ၎င်းတို့သည် အခြားသူတို့ကို ရှုတ်ချပြီး နှုတ်ဆိတ်သွားစေဖို့အတွက် မည်သည့် စကားလုံးများ အသုံးပြုရမည်ကို သိကြသည်။ ဤသည်မှာ ကောက်ကျစ်ဆိုးယုတ်ခြင်း ဖြစ်သည်။ ၎င်းတို့၏ ဤနည်းလမ်းနှင့် လက်တွေ့လုပ်ဆောင်မှုသည် လုံးလုံးလျားလျား ရက်စက်သော စိတ်သဘောထားတစ်ခု ဖြစ်သည်။ ဤသည်တို့မှာ အန္တိခရစ်များ ပြုပြင်ခံရသည့် ကိစ္စရပ်မှ ငါတို့ စိစစ်နိုင်သည့် အန္တိခရစ်များ၏ စိတ်သဘောထားအချို့ ဖြစ်သည်။ အန္တိခရစ်များ၏ ဤစိတ်သဘောထားများနှင့် ထုတ်ဖော်ပြချက်များသည် ငါတို့ ယခင်က ပြောဆိုခဲ့ကြသည့် အချက်လေးချက်နှင့် ကိုက်ညီသည် မဟုတ်လော။ (ကိုက်ညီပါသည်။) ထိုအချက်လေးချက်မှာ အဘယ်နည်း။ (အချက်တစ်မှာ ဘုရားနှုတ်ကပတ်တော်က သမ္မာတရားဖြစ်သည်ကို ၎င်းတို့ မယုံကြည်သကဲ့သို့ အသိအမှတ်ပြုရန် ငြင်းဆန်ကြသည်။ အချက်နှစ်မှာ ၎င်းတို့နှင့်အတူ ဘုရားနှုတ်ကပတ်တော်ကို သင် မိတ်သဟာယပြုပြီး ၎င်းတို့က သမ္မာတရားကို နားလည်နိုင်လျှင်ပင် လက်မခံကြပေ။ အချက်သုံးမှာ ဘုရားသခင်၏ အချုပ်အခြာအာဏာနှင့် အစီအစဉ်များကို ၎င်းတို့ ကျိုးနွံနာခံရန် ငြင်းဆန်ကြသည်။ အချက်လေးမှာ ၎င်းတို့ မည်သည့်အခါမျှ အမှန်တကယ် နောင်တမရကြပေ။) မယုံကြည်ခြင်း၊ လက်မခံခြင်း၊ ကျိုးနွံနာခံမှုမရှိခြင်းနှင့် နောင်တမရခြင်းဟူသော ဤ “မဟုတ်ခြင်း လေးခု”သည် အန္တိခရစ်များ၏ အနှစ်သာရကို ကိုယ်စားပြု၏။ အန္တိခရစ်များက သမ္မာတရားကို လုံးဝ လက်ခံကြလိမ့်မည် မဟုတ်သကဲ့သို့ အမှန်တရားရှေ့တွင် မည်သည့်အခါတွင်မျှ ဦးညွှတ်ကြလိမ့်မည် မဟုတ်ပေ။ ဤသည်မှာ ခေါင်းမာသော နောင်တမရခြင်းဖြစ်ပြီး အန္တိခရစ်များ၏ သဘာဝမှ ထွက်လာသည့် အရာတစ်ခု ဖြစ်သည်။ ဤသည်မှာ အန္တိခရစ်များက ပြုပြင်ခံရခြင်းအား သဘောထားပုံနှင့်ဆိုင်သည့် ပထမဆုံး သရုပ်သကန်ဖြစ်သည်။ အန္တိခရစ်များက တူညီသည့် စိတ်သဘောထား အနှစ်သာရ ရှိကြသော်လည်း ၎င်းတို့၏ နှုတ်များမှလာသည့် ကျော်ကြားသော ဆိုရိုးများနှင့် ကြီးမြတ်သော ဆောင်ပုဒ်များသည် သေချာပေါက် အတိအကျ မတူညီကြပေ။ တစ်ခါတစ်ရံ အန္တိခရစ်များက ဤအရာကို ပြောကောင်းပြောနိုင်ပြီး တစ်ခါတစ်ရံတွင် ထိုအရာကို ပြောကောင်းပြောနိုင်သည်။ သို့သော် ၎င်းတို့၏ နှုတ်များမှ မည်သည့် စကားမျိုး ထွက်လာသည်ဖြစ်စေ ယင်း၏ ထူးခြားသောလက္ခဏာများနှင့် အနှစ်သာရတို့က အတူတူပင် ဖြစ်လိမ့်မည်။ ၎င်းတို့ စကားများ၏ အနှစ်သာရသည် သမ္မာတရားကို လက်မခံသည့် အနှစ်သာရ ဖြစ်သည်။ ၎င်းတို့က သမ္မာတရားကို လက်မခံလျှင် ၎င်းတို့၏ ဤစကားများက မည်သည့်အရာများသာ ဖြစ်သနည်း။ သမ္မာတရားနှင့်ကိုက်ညီသော စကားများဖြစ်သလော။ လူသား စကားများလော သို့မဟုတ် လူ့ကျင့်ဝတ်များနှင့် ကိုက်ညီသည့် စကားများလော။ ယင်းတို့သည် အသိစိတ်၊ ဆင်ခြင်တုံတရားတို့နှင့် ကိုက်ညီသည့် စကားများဖြစ်သလော။ (နတ်ဆိုးဆန်သော စကားများဖြစ်သည်။) မှန်ပေ၏။ ယင်းတို့ကို အနှစ်မဲ့သော စကားများ သို့မဟုတ် နားဝေတိမ်တောင်ဖြစ်ရသော စကားများဟု ခေါ်ဆိုခြင်းက ယင်းတို့ကို အတော်ပင် တိကျမှန်ကန်စွာ သရုပ်ဖော်ခြင်းမရှိဘဲ ယင်းတို့က ဆိုးယုတ်သော စကားများဖြစ်သည်ဟု ပြောခြင်းသည် ပြဿနာကို ရှင်းပြပေသည်။

အန္တိခရစ်များ ပြုပြင်ခံရသည့်အခါ၊ ညီအစ်ကို မောင်နှမများ၏ ဝေဖန်ခြင်းနှင့် ဖော်ထုတ်ခြင်းကို ၎င်းတို့ ခံရသည့်အခါ အခြား မည်သည့်စကားများကို ၎င်းတို့ ပြောကြသနည်း။ အချို့သော အန္တိခရစ်များက အမှားတစ်ခု ပြုမိကြသည် သို့မဟုတ် လူတို့ကို အထင်အမြင်မှားစေဖို့ နတ်ဆိုးဆန်သော စကားအချို့ကို ပြောကြသည်။ ဤအရာကို ညီအစ်ကို မောင်နှမများက မြင်သည့်အခါ ၎င်းတို့ကို စိတ်မချရသကဲ့သို့ လှည့်ဖြားတတ်သောသူအဖြစ် ဖော်ထုတ်လျက် ဝေဖန်ပြီး ပြုပြင်ကြသည်။ ၎င်းတို့အနေဖြင့် အပြင်ပန်းတွင် အာခံတတ်ခြင်း မရှိသော်လည်း စိတ်ထဲတွင်မူ “သင် မည်သည့်အရာကို သိသနည်း။ သင်သည် ငါ့လောက် နှံ့စပ်သလော။ ဘုရားကို ငါ့လောက် နှစ်များစွာ သင် ယုံကြည်ပြီးဖြစ်သလော။ ဘုရားကို နှစ်ပေါင်းမည်မျှ သင် ယုံကြည်ပြီးပြီနည်း။ ငါသည် သင့်အဆင့်အတိုင်း လိုက်နိမ့်ပေးမည် မဟုတ်”ဟု ပြောသည့်အလား အတိုက်အခံ ဖြစ်ကြသည်။ ခေါင်းဆောင်များနှင့် အမှုဆောင်များက ၎င်းတို့ကို ပြုပြင်နေချိန်တွင် မယုံရသည့် သဘောထားတစ်ခုကို ခံယူကောင်းခံယူကြမည်ဖြစ်သည်။ အပြင်ပန်းအားဖြင့် ထိုသူများအား နှပ်ချကာ ကြားကောင်းသော စကားများကို ပြောဆိုသော်လည်း လက်စားချေဖို့ အခွင့်အရေးတစ်ခုကို ရှာဖွေလျက် တိတ်တဆိတ် မကျေမနပ်ဖြစ်ပြီး အာခံကြလေသည်။ ၎င်းတို့ကို ပြုပြင်သည်မှာ သာမန် ညီအစ်ကို သို့မဟုတ် ညီအစ်မတစ်ဦး ဖြစ်လျှင် အန္တိခရစ်များက ထိုမျှ ကောင်းမွန်စွာ မပြုမူကြ။ ၎င်းတို့ ဒေါသထွက်လာလိမ့်မည်ဖြစ်ပြီး စိတ်တိုလာကြလိမ့်မည်ဖြစ်ကာ တန်ပြန်တိုက်ခိုက်ပြီး လက်တုံ့ပြန်ကြလိမ့်မည်။ ၎င်းတို့ တန်ပြန်တိုက်ခိုက်ပြီး လက်တုံ့ပြန်ကြသည့်အခါ “သင်သည် ကျွန်ုပ်ကို ပြုပြင်ဖို့ ဝါနုပါသေးသည်။ ဘုရားကို ကျွန်ုပ် မယုံကြည်ခဲ့လျှင် မည်သူ့ကိုမျှ ကြောက်ရွံ့မည် မဟုတ်ပါ”ဟူသကဲ့သို့သော အရာတစ်ခုကို မကြာခဏ ပြောဆိုကြသည်။ ဤစကားများနှင့်ပတ်သက်၍ မှားယွင်းသည့်အရာ တစ်ခုတလေ ရှိသလော။ ဤသည်တို့မှာ ဘာသာတရားမရှိသူများနှင့် တကယ့်ကို သိမ်ဖျင်းသောလူတို့ ပြောလေ့ရှိသည့် စကားမျိုးဖြစ်သည်။ အသင်းတော်တွင် ဤအရာကို အဘယ်သို့ဖြစ်ပြီး ကြားရသနည်း။ ဤကဲ့သို့ ပြောဆိုနိုင်သည့်လူများသည် တစ်မူထူးခြားသောအဖွဲ့တစ်ခု ဖြစ်ပြီး ဤတစ်မူထူးခြားသော အဖွဲ့က တစ်မူထူးခြားသော ပင်ကိုစရိုက်တစ်ခု ပိုင်ဆိုင်သည်။ ၎င်းတို့၏ ပင်ကိုစရိုက်က အဘယ်သို့ တစ်မူထူးခြားသနည်း။ ထိုသို့သောလူများသည် အသင်းတော်အတွင်းတွင် ဝါရင့်မှုနှင့်ပတ်သက်ပြီး မကြာခဏ စဉ်းစားကြသည်။ လူတိုင်းကို ၎င်းတို့ထက် နိမ့်ကျသည့်အလား မြင်ကြသည်၊ လူတိုင်းကို မနှစ်သက်ကြသကဲ့သို့ လူတိုင်းကို ဩဝါဒခြွေချင်ကြသည်၊ အပြစ်ဒဏ်ပေးချင်ကြပြီး ကြိုးကိုင်ညွှန်ကြားချင်ကြသည်။ ၎င်းတို့အနေဖြင့် ဘုရားသခင်ကို ယုံကြည်သော်လည်း ၎င်းတို့၏ တွဲဖက်ဖြစ်ဖို့ မည်သူမျှ အရည်အချင်း ပြည့်မီခြင်းမရှိဟု ၎င်းတို့က တွေးထင်ကြသည်။ လူတို့က ၎င်းတို့၏ ဖောက်ပြန်ပျက်စီးသော စိတ်သဘောထားကို ဖော်ထုတ်ပြီး သမ္မာတရားနှင့် မကိုက်ညီသည့် ၎င်းတို့ ပြသခဲ့သည့် စကားများနှင့် လုပ်ရပ်များကို ပြုပြင်ပေးလျက် ၎င်းတို့ကို ညီအစ်ကို မောင်နှမများကဲ့သို့ ဆက်ဆံပြီး ၎င်းတို့နှင့် ရင်းရင်းနှီးနှီး ပွင့်ပွင့်လင်းလင်း ပြောဆိုဆွေးနွေးမှုများ ရှိသည့်အခါ ၎င်းတို့ထံမှ ဤမာနထောင်လွှားသော စကားများ ထွက်လာကြသည်မှာ မဆန်းပေ။ ၎င်းတို့က ဘုရားအိမ်တော်ကို လူ့အဖွဲ့အစည်း အဖြစ်လည်းကောင်း၊ ၎င်းတို့၏ ကိုယ်ပိုင် ပိုင်နက်အဖြစ်လည်းကောင်း သဘောထားကြပြီး အသင်းတော်၏ ညီအစ်ကို မောင်နှမများကို မိမိတို့၏ အငယ်တန်းများအဖြစ် သဘောထားကြသည်။ ညီအစ်ကို မောင်နှမများက လူ့အဖွဲ့အစည်းနှင့်ဆိုင်သည့် ကိစ္စရပ်များကို အနည်းအကျဉ်းသာ သိပြီး အပေါ်ယံဆန်သော သိနားလည်မှုတစ်ခုသာ ပိုင်ဆိုင်သည်၊ လူ့အဖွဲ့အစည်း၏ အောက်ဆုံးတွင်ရှိကြသည်၊ အခြားသူများ၏ အထင်သေးခြင်း၊ ပေါ့ပြက်ပြက်ဆက်ဆံခြင်းနှင့် နင်းချေခြင်းတို့ကို ခံရမည့်သူများဖြစ်သည်ဟု ၎င်းတို့က စဉ်းစားကြသည်။ ညီအစ်ကို မောင်နှမများအားလုံးသည် အနိုင်ကျင့်ပြီး ပေါ့ပြက်ပြက်ဆက်ဆံဖို့ လွယ်ကူကြပြီး ၎င်းတို့က ထိုသို့သော လူစားမျိုး ဖြစ်လိမ့်မည်မဟုတ်ဟု တွေးထင်ကြသည်။ ထို့ကြောင့် ၎င်းတို့ကို ပြုပြင်ပြီး ဖော်ထုတ်သောသူ မည်သူမဆိုသည် ၎င်းတို့ကို အနိုင်ကျင့်နေခြင်း၊ သေးသိမ်စေခြင်းနှင့် ဖယ်ကြဉ်နေကြခြင်းဖြစ်သည်ဟု ၎င်းတို့က တွေးထင်ကြသည်။ ၎င်းတို့၏ စိတ်နှလုံးများတွင် ၎င်းတို့က “သင် ငါ့ကို အပြစ်ဒဏ်ပေးပြီး အနိုင်ကျင့်နိုင်မည်ဟု မထင်နှင့်။ သင်သည် ဝါနုပါသေးသည်”ဟူ၍ သတိထားရှောင်နှင့်ကြပြီးဖြစ်သည်။ ဤသည်မှာ “သူရဲကောင်းဆန်သည့် စိတ်ဓာတ်”တစ်ခုရှိသော တစ်စုံတစ်ဦးက ပြောမည့်အရာတစ်ခု ဖြစ်သည် မဟုတ်လော။ ကံအကြောင်းမလှစွာပင် ဤစကားများသည် သမ္မာတရား မဟုတ်ပေ။ သင့်တွင် စိတ်ဓာတ် သို့မဟုတ် ကိုယ်ကျင့်သိက္ခာမည်မျှ ရှိသည်ဖြစ်စေ သင့်ကို ဘုရားသခင်က အသိအမှတ်ပြုလိမ့်မည် မဟုတ်။ ဘုရားသခင်သည် ထိုသို့သော စိတ်သဘောထားများနှင့် ဤစကားများကို ပြောသည့် လူများအား စက်ဆုပ်၏။ ဘုရားသခင်ရှေ့မှောက်၌ ဤအရာမျိုးများကို ပြောဆိုသည့်လူများသည် ဘုရားသခင်၏ ပြစ်တင်ရှုတ်ချခြင်းနှင့် ပစ်ပယ်ခြင်းကို ခံရကြသည်။ ဤစကားများကို သမ္မာတရားဖြစ်သည့်အလား စွဲကိုင်သောလူများသည် ဘုရားသခင်၏ ကယ်တင်ခြင်းကို လုံးဝ မခံရနိုင်ပေ။ ထို့ကြောင့် နောက်ထပ် ကြည့်လိုက်ကြစို့၊ ဤစကားများနှင့်ပတ်သက်၍ မည်သည့်အရာ မှားယွင်းသနည်း။ လူတိုင်းသည် သမ္မာတရားရှေ့မှောက်တွင် တန်းတူညီမျှဖြစ်ပြီး ဘုရားအိမ်တော်၌ မိမိတို့တာဝန်များကို ထမ်းဆောင်သောသူတို့အတွက် အသက်အရွယ်တွင်ဖြစ်စေ၊ နိမ့်ကျမှုနှင့် မြင့်မြတ်မှုတွင်ဖြစ်စေ ခြားနားချက်များ မရှိပေ။ လူတိုင်းသည် မိမိတို့တာဝန်ရှေ့မှောက်တွင် တန်းတူဖြစ်သည်။ မတူကွဲပြားသည့် အလုပ်များကို ၎င်းတို့ လုပ်ဆောင်ကြခြင်းသာ ဖြစ်သည်။ မည်သူက ဝါရင့်မှုရှိသည်ဟူသည်အရမူ ၎င်းတို့ကြားတွင် ခြားနားချက်များ မရှိပေ။ သမ္မာတရားရှေ့မှောက်တွင် လူတိုင်း နှိမ့်ချမြဲနှိမ့်ချနေသင့်သည်၊ ကျိုးနွံနာခံပြီး လက်ခံတတ်သော စိတ်နှလုံး ရှိမြဲရှိနေသင့်သည်။ လူတို့အနေဖြင့် ဤဆင်ခြင်တုံတရားနှင့် ဤသဘောထား ပိုင်ဆိုင်သင့်သည်။ ထို့ကြောင့် “သင်သည် ကျွန်ုပ်ကို ပြုပြင်ဖို့ ဝါနုပါသေးသည်”ဟုပြောသည့်လူများသည် လူ့အဖွဲ့အစည်း၏ သဘောထား၊ အတွေးအမြင်စနစ်နှင့် သိမ်ဖျင်းမှုတို့ဖြင့် ပြည့်နေကြသည် မဟုတ်လော။ ၎င်းတို့က ဘုရားအိမ်တော်ကို လူ့အဖွဲ့အစည်းအဖြစ် သဘောထားကြသည်။ ဘုရားအိမ်တော်၏ ညီအစ်ကို မောင်နှမများကို လူ့အဖွဲ့အစည်း၏ အောက်ဆုံးအဆင့်တွင်ရှိသည့် ခုခံနိုင်စွမ်းမရှိသော အုပ်စုတစ်စုအဖြစ် သဘောထားကြပြီး မိမိတို့ကိုယ်ကို အရာရာ၏ သခင်၊ မည်သူမျှ ထိ၍မရ သို့မဟုတ် ရန်စ၍မရသည့်အပြင် မိမိတို့ကို ဖော်ထုတ်ကာ ပြုပြင်သည့်သူတို့အတွက် အသေအချာပင် အကျိုးယုတ်သော အဆုံးသတ်များ ဖြစ်စေသည့် သူတစ်ဦးအဖြစ် သဘောထားကြသည်။ ဘုရားအိမ်တော်သည် လူ့အဖွဲ့အစည်းနှင့် အတူတူပင်ဖြစ်သည်ဟု ၎င်းတို့ တွေးထင်ကြပြီး အလျှော့မပေးသည့်အပြင် ခြယ်လှယ်လွန်းသောသူ မည်သူမဆို ခိုင်မာစွာ ရပ်တည်နိုင်လိမ့်မည်ဖြစ်ကြောင်း၊ ရက်စက်၊ ကြမ်းကြုတ်ကာ ဆိုးယုတ်သောသူတို့ကို မည်သူကမျှ ထိပါးရဲလိမ့်မည် မဟုတ်ကြောင်း ၎င်းတို့ တွေးထင်ကြပြီး ပြုပြင်ခြင်းကို လက်ခံသည့်လူများသည် အရည်အချင်းမပြည့်မီသကဲ့သို့ မတတ်စွမ်းနိုင်သည့်သူများချည်းသာ ဖြစ်သည်ဟု ယုံကြည်ကြလေသည်။ အရည်အချင်းအချို့ရှိသော လူများကို မည်သူကမျှ ထိပါးဝံ့လိမ့်မည် မဟုတ်သကဲ့သို့ ထိုသူတို့က အမှားများပြုလုပ်လျှင်ပင် မည်သူကမျှ ဖော်ထုတ်ဝံ့ကြလိမ့်မည် မဟုတ်ကြောင်းနှင့် ၎င်းတို့သည် ဖြိုဖျက်၍မရသော လူကြမ်းကြီးများဖြစ်ကြောင်း ၎င်းတို့က ယုံကြည်ကြသည်။ လောက၌ မည်သည့်အဖွဲ့တွင် ၎င်းတို့ ရောက်သည်ဖြစ်စေ၊ ၎င်းတို့အနေဖြင့် အခြားသူတို့၏ အနိုင်ကျင့်ခြင်း သို့မဟုတ် သာမန်ကာလျှံကာ ဩဇာပေးခြင်း မခံရလောက်အောင် အာဏာရှိကာ ရက်စက်ရမည်ဖြစ်ပြီး အတော်အတန် ဆိုးယုတ်ရမည်ဖြစ်သည်ဟု အန္တိခရစ်များက တွေးထင်ကြသည်။ ဤသည်မှာ အစွမ်းအစနှင့် အရည်အချင်းဖြစ်သည်ဟု ၎င်းတို့က ထင်မြင်ကြပြီး အဆင့်အတန်း၊ ကျော်ကြားမှုနှင့် အကျိုးအမြတ်များကို ရရှိကာ နောက်ဆုံးတွင် ကောင်းမွန်သည့် ခရီးပန်းတိုင်တစ်ခုကို အရယူဖို့အတွက် ဤအစွမ်းအစကို အသုံးပြုချင်ကြသည်။ ဤသည်မှာ မည်သည့် စိတ်သဘောထား ဖြစ်သနည်း။ ထိုအရာသည် ရက်စက်သည့်အပြင် ကောက်ကျစ်ဆိုးယုတ်ခြင်းလည်း ဖြစ်၏။ အန္တိခရစ်များက တရားဒေသနာများကို မည်မျှကြားသည်ဖြစ်စေ သမ္မာတရားကို နားမလည်နိုင်ကြပေ။ ဘုရားအိမ်တော်တွင် သမ္မာတရား အုပ်စိုးသည်ကို ၎င်းတို့ မမြင်နိုင်ကြ။ သမ္မာတရားကို လက်ခံသည့်သူများ ကြုံရသော အပြောင်းအလဲများကို ၎င်းတို့ မမြင်နိုင်သကဲ့သို့ အမှန်တကယ် မြင်နိုင်လျှင်ပင် ယင်းတို့ကို အပြောင်းအလဲများအဖြစ် အသိအမှတ် မပြုကြပေ။ ဤအပြောင်းအလဲများက ဟန်ဆောင်မှုနှင့် မိမိကိုယ်ကို ချုပ်တည်းခြင်း၏ ရလဒ်တစ်ခုသာဖြစ်ပြီး ၎င်းတို့အနေဖြင့် ထိုအတွက် မိမိတို့ကိုယ်ကို ချုပ်တည်းမည်မဟုတ်သကဲ့သို့ အမှုအရာများကိုလည်း ဤအတိုင်း ငြိမ်ခံနေမည် မဟုတ်ဟု စဉ်းစားကြသည်။ ၎င်းတို့တွင် ဤဆင်ခြင်တွေးခေါ်မှုစနစ်မျိုး ရှိကြသောကြောင့် “သင့်အနေဖြင့် ကျွန်ုပ်ကို အပြစ်ဒဏ်ပေးပြီး အနိုင်ကျင့်နိုင်သည်ဟု မထင်လေနှင့်”ဟူသကဲ့သို့သော အရာမျိုးများကို ပြောနိုင်ကြလေသည်။ ဤသည်မှာ အန္တိခရစ်များ၏ ကောက်ကျစ်ဆိုးယုတ်မှုဖြစ်သည် မဟုတ်လော။ ထိုသို့သော အတွေးများနှင့် အမြင်ရှုထောင့်များက ကောက်ကျစ်ဆိုးယုတ်ပေသည်။ ၎င်းတို့က ဤစကားများကို ပြောနိုင်ပြီး ဤသို့ ပြုမူဆောင်ရွက်နိုင်သည်မှာ ၎င်းတို့၏ ရက်စက်သော စိတ်သဘောထားနှင့်ဆိုင်သည့် ထုတ်ဖော်ချက်တစ်ခု ဖြစ်သည်။ ထိုသို့သော လူများသည် အသင်းတော်တွင် ရှိသလော။ ညီအစ်ကို မောင်နှမများက ၎င်းတို့ကို ရင်းရင်းနှီးနှီး ပွင့်ပွင့်လင်းလင်း စကားပြောသည့်အခါ၊ ၎င်းတို့ကို ဖော်ထုတ်သည့်အခါ၊ ၎င်းတို့၏ ပြဿနာများ၊ အားနည်းချက်များနှင့် ဖောက်ပြန်ပျက်စီးခြင်း ထုတ်ဖော်မှုများအကြောင်းကို ပြောဆိုဆွေးနွေးသည့်အခါ ၎င်းတို့ အနိုင်ကျင့်ခံရပြီး အရှက်ခွဲခံရသည်ဟု စဉ်းစားကာ အလေးအနက် မထားကြချေ။ ထို့နောက် ၎င်းတို့က “ကျွန်ုပ်ကို ပြုပြင်ဖို့ သင် ဝါနုပါသေးသည်”ဟု ပြောကြသည်။ ပြုပြင်ခံရခြင်းကို လက်ခံသည့်သူ မည်သူ့ကို ၎င်းတို့ မြင်သည်ဖြစ်စေ ၎င်းတို့က “ပြုပြင်ခံရခြင်းကို လက်ခံခြင်းအားဖြင့် သမ္မာတရားကို သင် ရရှိနိုင်သလော။ ယင်းမှာ ဖြစ်နိုင်မည် မဟုတ်ပါ”ဟု အမြဲ စဉ်းစားကြလိမ့်မည်။ ဤအရာကို ၎င်းတို့ အသိအမှတ်မပြုကြပေ။ လူတို့ကို ပြုပြင်ခြင်းက အနိုင်ကျင့်ခြင်းဖြစ်ပြီး ထိုသူတို့ကို အပြစ်ဒဏ်ပေးဖို့အတွက် နိုင်ကွက်ရှာခြင်း ဖြစ်သည်ဟူ၍လည်းကောင်း၊ လူတို့က မာယာကင်းလွန်းသောကြောင့် သေးငယ်သည့် အမှားအချို့ ပြုလုပ်မိသည့်အခါ အနိုင်ကျင့်ခြင်း ခံရသည်ဟူ၍လည်းကောင်း ၎င်းတို့က တွေးထင်ကြသည်။ လူတို့ကို ပြုပြင်ခြင်းသည် ထိုသူတို့ကို ချစ်ခြင်းနှင့် ထိုသူတို့ကို ကူညီခြင်းဖြစ်သည်ဟု ၎င်းတို့က အသိအမှတ်မပြုကြပေ။ လူတို့အနေဖြင့် ပြုပြင်ခြင်းကို လက်ခံသည့်အခါတွင်သာ အမှန်တကယ် နောင်တရပြီး ပြောင်းလဲနိုင်ကြသည်ကို ၎င်းတို့ အသိအမှတ်မပြုကြသကဲ့သို့ ဘုရားအိမ်တော်တွင် သမ္မာတရား အုပ်စိုးသည်ဟူသည့် အချက်ကို သာ၍ပင် အသိအမှတ်မပြုကြပေ။ ထို့ကြောင့် အန္တိခရစ်များက “ငါ့ကို ပြုပြင်သူ မည်သူ့ကိုမျှ ငါ လုံးဝ အလွတ်ပေးလိမ့်မည် မဟုတ်ပါ။ တစ်ဦးတစ်ယောက်အား ငါ့ကို အနိုင်ကျင့်ခွင့်ပေးဖို့မှာ မဖြစ်နိုင်ပါ”ဟု မိမိတို့ကိုယ်ကို မကြာခဏ ပြောကြခြင်းဖြစ်လေသည်။ မည်သည့် လူစားမျိုးက ထိုသို့သော စကားများကို ပြောနိုင်ကြသနည်း။ သမ္မာတရားကို လက်မခံသကဲ့သို့ ထိုသမ္မာတရားကို မုန်းသောသူတို့သာ ထိုသို့သော စကားများကို ပြောနိုင်ကြပေသည်။ ဤရက်စက်သော စိတ်သဘောထားမျိုး ရှိပြီး ထိုသို့သော စကားများကို ပြောနိုင်သူ မည်သူမဆိုတွင် အန္တိခရစ်များ၏ သဘာဝ အနှစ်သာရရှိပြီး ၎င်းသည် စာတန်၏ အမျိုး ဖြစ်သည်။

ပြုပြင်ခံရသည့်အခါ အန္တိခရစ်များက နောက်ထပ် စကားရပ်တစ်ခုကိုလည်း ပြောကြသည်။ “ဘုရားကို ကျွန်ုပ် မယုံကြည်လျှင် မည်သူ့ကိုမျှ ဂရုစိုက်မည် မဟုတ်ပါ”ဟူ၍ ဖြစ်သည်။ ဤစကားရပ်က မည်သည့်အရာကို ဆိုလိုသနည်း။ ထိုအရာသည် အန္တိခရစ် တစ်မျိုးမျိုးက ပြောနေကျ စကားတစ်ခွန်း ဖြစ်သည်။ ဤအရာကို ၎င်းတို့ ပြောသည့်အတွက် ငါတို့ စိစစ်ကြစို့။ ဤစကားများကို ၎င်းတို့ ပြောနိုင်သည်နှင့်အမျှ ယင်းတို့တွင် အဓိပ္ပာယ်တစ်ခုခု ရှိရမည်ဖြစ်သည်။ အပေါ်ယံအားဖြင့် ဤလူတို့သည် ဘုရားသခင်ကို စတင်၍ ယုံကြည်ခဲ့ကတည်းက ကြီးမားသည့် ပြောင်းလဲမှုတစ်ခု ကြုံရပြီးဖြစ်ကြောင်း ဤစကားများက ပြောသည်ဟု ထင်ရသည်။ ဤစကားများအတွင်းတွင် “ဘုရားက ကျွန်ုပ်ကို ပြောင်းလဲစေပြီးဖြစ်သည်၊ ဘုရားက ကျွန်ုပ်ကို သိမ်းပိုက်ပြီးဖြစ်သည်။ ဘုရားက ကျွန်ုပ်ကို မပြောင်းလဲသေးလျှင် ကျွန်ုပ်သည် သည်းမခံနိုင်လောက်အောင် မာနထောင်လွှားသူတစ်ဦး ဖြစ်ပေမည်”ဟူသကဲ့သို့သော ကျေးဇူးသိစိတ်တစ်ခု ရှိသည်ဟု ထင်ရသည်။ အပေါ်ယံတွင် ဤစကားများသည် ကျေးဇူးသိခြင်းနှင့်ဆိုင်သည့် တွေးခေါ်မှု အလေ့အထတစ်ခု ပါရှိပုံရသော်လည်း အခြားသော ရှုထောင့်အမြင်မှ စိစစ်သော် ယင်းတို့နှင့်ပတ်သက်၍ ကြီးမားသည့် ပြဿနာတစ်ခု ရှိပေသည်။ အန္တိခရစ်များက ဘုရားသခင်ကို ၎င်းတို့ မယုံကြည်မီတွင် မည်သူ့ကိုမျှ ဂရုမစိုက်ခဲ့ကြဟု ပြောကြသည်။ ဤလူများ၏ စိတ်သဘောထားမှာ အဘယ်နည်း။ (မာနထောင်လွှားပြီး ရက်စက်သော စိတ်သဘောထားဖြစ်သည်။) ၎င်းတို့သည် အလွန့်အလွန် မာနထောင်လွှားပြီး ရက်စက်သော လူများဖြစ်သည့်အပြင် ဘုရားသခင်ကို ၎င်းတို့ မယုံကြည်ခဲ့လျှင် ကြီးမားသော ဆိုးယုတ်မှုရှိသော လူများ ဖြစ်ပေမည်။ မည်သူ့ကိုမျှ ဂရုမစိုက်ခြင်းသည် မည်သူ့ကိုမျှ အလေးမထားခြင်းကို ဆိုလိုသည်။ ယင်းမှာ လူတိုင်းက ၎င်းတို့ ခြေအောက်တွင် နင်းချေခြင်းခံရသည်ဟူ၍လည်းကောင်း၊ အခြားလူများက မည်မျှကြီးမြတ်သည်ဖြစ်စေ၊ ကောင်းမြတ်သည်ဖြစ်စေ ထိုသူတို့သည် ၎င်းတို့၏အမြင်တွင် ဘာမျှမဟုတ်ကြဟူ၍လည်းကောင်း ဆိုလိုပေသည်။ မည်သူ့ကိုမျှ ၎င်းတို့ အလျှော့မပေးကြ၊ လူတိုင်းကို အထင်အမြင်သေးကြပြီး မည်သူ့ကိုမျှ အစေမခံကြပေ။ လူတစ်ဦးကို အစေခံဖို့အတွက် ၎င်းတို့ စေခိုင်းခံရမည်ဆိုလျှင် ထိုအရာက ၎င်းတို့၏ သိက္ခာကို ထိခိုက်မည်ဖြစ်သည်။ ၎င်းတို့၏ အစေခံမှုနှင့် ထိုက်တန်သူ တစ်ဦးတလေရှိလျှင် ထိုသူမှာ ကောင်းကင်ဘုံ၌ရှိသော ဘုရားသခင်သာ ဖြစ်သည်။ ယခု ဘုရားသခင်ကို ၎င်းတို့ ယုံကြည်သဖြင့် မည်သူ့ကိုမျှ ဂရုမစိုက်သည့် ဤသရုပ်သကန်နှင့် ထုတ်ဖော်ပြချက်ကို ၎င်းတို့ ချုပ်တည်းပြီးဖြစ်ကာ ဘုရားအိမ်တော်သို့ လာပြီးနောက်တွင် ပုံမှန်လူများကဲ့သို့ ကိစ္စရပ်များကို ကိုင်တွယ်ကာ အခြားသူများနှင့် ဆက်ဆံရင်း အဖွဲ့တစ်ခုတွင် အခြားသူများနှင့်အတူ အလုပ်လုပ်ဖို့ အင်တင်တင်ဖြင့် နှိမ်ချခဲ့ရပြီးဖြစ်သည်။ သို့သော် ကိစ္စရပ်များကို ၎င်းတို့ ကိုင်တွယ်ပြီး အခြားသူများနှင့် ဆက်ဆံသည့်အခါတွင် အချို့သော အရာများသည် သေချာပေါက်ပင် ၎င်းတို့ ဖြစ်စေချင်သည့်အတိုင်း မဖြစ်ကြသကဲ့သို့ ဤအရာက ၎င်းတို့၏ စိတ်သဘောထားအား တစ်ဖန် ပွင့်ထွက်သွားစေပြီး ဤစကားများကို ထွက်ပေါ်လာစေသည်။ နဂိုမူလက အပြင်လောက၌ ဘုရားသခင်ကို ၎င်းတို့ မယုံကြည်ခဲ့ချိန်တွင် မည်သူ့ကိုမျှ ၎င်းတို့ အလျှော့မပေးခဲ့ကြသကဲ့သို့ မည်သူမျှ ၎င်းတို့နှင့် မဆက်ဆံထိုက်ဟု တွေးခဲ့ကြသည်။ သို့ဆိုလျှင် ဘုရားသခင်ကို ၎င်းတို့ စတင်ယုံကြည်ခဲ့ကတည်းက ၎င်းတို့သည် ဘုရားအိမ်တော်၌ရှိသော ညီအစ်ကို သို့မဟုတ် ညီအစ်မတစ်ဦးတလေကို အလျှော့ပေးကြလေပြီလော။ (အလျှော့မပေးကြပါ။) ၎င်းတို့ မည်သည့် အဖွဲ့တွင်ရှိသည်ဖြစ်စေ၊ ပုံမှန်လူ့သဘာဝနှင့် ပုံမှန်ဆင်ခြင်တုံတရား ရှိသည့် လူတစ်ဦးသည် ဤကဲ့သို့ ကျင့်ကြံပြုမူမည်လော။ (ကျင့်ကြံပြုမူမည် မဟုတ်ပါ။) ဘာသာတရားမရှိသူများကပင်လျှင် “လမ်းအတူလျှောက်နေသည့် မည်သည့်လူသုံးယောက်တွင်မဆို ငါ၏ ဆရာဖြစ်နိုင်သည့်သူ အနည်းဆုံးတစ်ဦးတော့ ရှိ၏”ဟု ပြောကြသည်။ ဆိုလိုသည်မှာ မည်သည့်လူသုံးဦးတွင်မဆို သင့်ထက် သာ၍ အားကောင်းပြီး ပိုတော်သည့် လူတစ်ဦး၊ သင်၏ ဆရာဖြစ်နိုင်ပြီး သင့်ကို ကူညီနိုင်သည့်လူတစ်ဦး မုချ ရှိသည်ဟူ၍ ဖြစ်၏။ ဘာသာတရားမရှိသူများက ထိုသို့သော စကားများကို ပြောကြသောကြောင့် ဤမာနထောင်လွှားသော လူများသည် ဤစကားများအား မှန်ကန်သည်ဟု အသိအမှတ်ပြုကြသလော။ ၎င်းတို့သည် အဖွဲ့တစ်ခုတွင် အခြားသူများနှင့် တန်းတူရည်တူ ဆက်ဆံနိုင်ကြသလော။ ၎င်းတို့ ဆင်ခြင်တုံတရား ရှိနိုင်ကြသလော။ (မရှိနိုင်ပါ။) သို့ဆိုလျှင် ၎င်းတို့အနေဖြင့် ဘုရားသခင်ကို ယုံကြည်ခြင်းမရှိသည့် ဘာသာတရားမရှိသူများကြားတွင် ရှိသည့်အခါ ဤအန္တိခရစ်များသည် မည်သည့် လူစားမျိုး ဖြစ်ကြသနည်း။ (၎င်းတို့သည် ဆက်ဆံရခက်သော လူများဖြစ်သည်။) မှန်ပေ၏၊ ၎င်းတို့သည် လူလိမ်လူညစ်များ ဖြစ်ကြသည်၊ ဆက်ဆံရခက်သော လူများဖြစ်သည်။ ၎င်းတို့နှင့်ပတ်သက်၍ မည်သူကမျှ ဘာမျှ မလုပ်ဆောင်နိုင်ပေ။ မည်သူကမျှ ၎င်းတို့ကို ရန်မစဝံ့၊ ဒေါသထွက်အောင် မလုပ်ဝံ့ သို့မဟုတ် မထိဝံ့ကြပေ။ ၎င်းတို့သည် လူလိမ်လူညစ်များဖြစ်၏။ ၎င်းတို့ကို သင် ဒေါသထွက်အောင် လုပ်မိလျှင် အကျိုးဆက်များ ရှိလိမ့်မည်။ ထိုအရာသည် ရက်စက်သော မကောင်းဆိုးဝါးတစ်ကောင်ကို ဒေါသထွက်စေခြင်းနှင့်တူသည်။ ပုံမှန်အားဖြင့် လူ့အဖွဲ့အစည်းတွင် မည်သူကမျှ ထိုသို့သောလူတို့ကို သွားမရှုပ်ဝံ့ကြချေ။ အမှုအရာများကို ကိုင်တွယ်ဖြေရှင်းရာတွင် ၎င်းတို့၏ စိတ်သဘောထားနှင့် စည်းမျဉ်းများမှာ ရိုင်းစိုင်းပြီး မလျော်မကန်ပြုမူရန်နှင့် အကြိမ်တိုင်းတွင် ပြဿနာကို လှုံ့ဆော်ရန် ဖြစ်သည်။ မည်သူကမျှ ၎င်းတို့ကို ဒေါသမထွက်စေဝံ့ကြ၊ ၎င်းတို့ကို မည်သူကမျှ မထိဝံ့ကြသကဲ့သို့ မည်သူကမျှ ၎င်းတို့ကို အနိုင်မကျင့်ဝံ့ကြချေ။ ၎င်းတို့သည်သာ လူတို့ကို အနိုင်ကျင့်သည့်သူများ ဖြစ်သည်။ ဤအရာက ၎င်းတို့၏ ရည်မှန်းချက်ကို ဖြစ်မြောက်အောင်မြင်စေသည်။ ထို့ကြောင့် ဘုရားအိမ်တော်သို့ လာပြီးနောက်တွင် ၎င်းတို့ ပြောင်းလဲနိုင်ကြသလော။ ၎င်းတို့သည် ပြောင်းလဲပြီးဖြစ်သလော။ (မဟုတ်ပါ၊ ၎င်းတို့ မပြောင်းလဲသေးပါ။) ၎င်းတို့ မပြောင်းလဲသေးကြောင်း၊ မပြောင်းလဲနိုင်ကြောင်းကို မည်သည့်အရာက ငါတို့အား ပြသသနည်း။ (၎င်းတို့က “ဘုရားကို ကျွန်ုပ် မယုံကြည်ခဲ့လျှင် မည်သူ့ကိုမျှ ဂရုစိုက်မည် မဟုတ်ပါ”ဟု ပြောသည့်အချက် ဖြစ်သည်။) ၎င်းတို့သည် ပုံမှန်အားဖြင့် ဤစကားများကို မပြောကြပေ။ မည်သည့် အခြေအနေတွင် ၎င်းတို့က ဤစကားများကို ပြောဆိုကြသနည်း။ တစ်စုံတစ်ဦးက ၎င်းတို့၏ အားနည်းချက်များကို ထောက်ပြသည့်အခါ၊ ၎င်းတို့၏ ဂုဏ်သိက္ခာအား ထိခိုက်နစ်နာစေသည့်အရာများကို ပြောသည့်အခါ သို့မဟုတ် အနာပေါ်တုတ်ကျသည့်အခါ “ဘုရားကို ကျွန်ုပ် မယုံကြည်ခဲ့လျှင် မည်သူ့ကိုမျှ ဂရုစိုက်မည် မဟုတ်ပါ။ သင်သည် ငါနှင့် ရန်ဖြစ်ဝံ့သည်၊ သင့်ကိုယ်သင် အဘယ်သူဖြစ်သည်ဟုများ အောက်မေ့နေသနည်း”ဟူသော ဤစကားရပ်ကို ၎င်းတို့က ရှေ့နောက်မစဉ်းစားဘဲ ပြောကြသည်။ ဤသည်မှာ မည်သည့် စိတ်သဘောထား ဖြစ်သနည်း။ ၎င်းတို့က “ဘုရားကို မယုံကြည်မီတွင် မည်သူ့ကိုမျှ ငါ ဂရုမစိုက်ခဲ့ပါ”ဟု ပြောလျက် ဤစကားရပ်မတိုင်မီတွင် အထူးပြုပုဒ်တစ်ခုကိုပင် ဖြည့်စွက်လေသည်။ ယခုအခါတွင် ဘုရားသခင်ကို သင် ယုံကြည်သည့်တိုင် သင်သည် မည်သူ့ကိုမျှ အလျှော့ပေးခြင်း သို့မဟုတ် နားထောင်ခြင်းမရှိဘဲ ရှိနေသေးသည် မဟုတ်လော။ သင်သည် မပြောင်းလဲဘဲ ပကတိအတိုင်းရှိနေသော နတ်ဆိုးနှင့် စာတန် ဖြစ်နေဆဲဖြစ်သည် မဟုတ်လော။ ဘုရားသခင်ကို ယုံကြည်လာပြီးနောက်တွင် ၎င်းတို့သည် တိုးတက်ပြောင်းလဲပြီး ဖြစ်သကဲ့သို့ ခံစားကြသည်။ ၎င်းတို့ တိုးတက်ပြောင်းလဲပြီးဖြစ်လျှင် ဤစကားများကို အဘယ်သို့ဖြစ်ပြီး ဟနိုင်ကြသနည်း။ ၎င်းတို့တွင် အသိစိတ် သို့မဟုတ် ဆင်ခြင်တုံတရား လုံးဝ မရှိကြသကဲ့သို့ ပွင့်ပွင့်လင်းလင်း ကြွေးကြော်ပြောဆိုကာ “ကျွန်ုပ်သည် လူမိုက်တစ်ဦးဖြစ်ပြီး မည်သူ့ကိုမျှ မကြောက်ပါ”ဟူ၍ အခြားသူတို့ကို အသိပေးဝံ့ကြသည်။ နိုင်လိုမင်းထက်ပြုသူ၊ လူလိမ်လူညစ်တစ်ဦးနှင့် လူမိုက်တစ်ဦးက ကြွားဝါစရာ မည်သည့်အကြောင်း ရှိသနည်း။ ၎င်းတို့ လေလုံးထွားစရာ မည်သည့်အကြောင်းရှိသနည်း။ သို့တိုင် အန္တိခရစ်များသည် ဤပုံစံဖြင့် အမှန်ပင် လေလုံးထွားကြသည်။ တစ်ချိန်က ၎င်းတို့ နိုင်လိုမင်းထက်ပြုသူတစ်ဦး ဖြစ်ခဲ့ကြသည်ဟူသည့်အချက်ကို မိမိတို့၏ ဂုဏ်အသရေတင့်သော အတိတ်အဖြစ် သဘောထားကြပြီး ထိုအရာကို ဘုရားအိမ်တော်၌ ကြွားလုံးထုတ်ကြသည်။ ဘုရားအိမ်တော်သည် မည်သည့်နေရာမျိုး ဖြစ်သနည်း။ ဤသည်မှာ သမ္မာတရား အုပ်စိုးသည့်နေရာတစ်ခု ဖြစ်သည်။ လူတို့ကို ဘုရားသခင် ကယ်တင်သည့် သန့်ရှင်းခြင်းနှင့်ဆိုင်သော နေရာတစ်ခု ဖြစ်သည်။ ဤနတ်ဆိုးဆန်သော စကားများအား သင် ပြောနေသည်ကို ထိုအိမ်တော်က အဘယ်သို့ဖြစ်ပြီး သည်းခံနိုင်မည်နည်း။ အန္တိခရစ်များတွင် ရှက်စိတ်မရှိ၊ ဤအရာများက နတ်ဆိုးဆန်သော စကားများဖြစ်သည်ကို ၎င်းတို့ မသိကြသကဲ့သို့ ကောင်းမွန်သည့် စကားများနှင့် သမ္မာတရားဖြစ်သည့်အလား ကြွားလုံးပင် ထုတ်ကြသည်။ ၎င်းတို့သည် အမှန်တကယ်ပင် အရှက်မဲ့သော လူများဖြစ်သည်၊ လုံးဝ အရှက်မဲ့ကြပြီး စက်ဆုပ်ဖွယ်ရာဖြစ်သည်တကား။ ဤလူစားမျိုးက သင့်ကို နတ်ဆိုးဆန်သော စကားများပြောသည့်အခါ သင်တို့တွင် ပြန်လည်ချေပချက်အဖြစ် ပြောစရာ သင့်တော်သည့်စကားတစ်ခု ရှိသလော။ (ဤကဲ့သို့သော လူတစ်ဦးကို တစ်ကြိမ် ကျွန်ုပ် ဆုံခဲ့သည်။ သူသည် အသင်းတော်တွင် မည်သူ့ကိုမျှ အလျှော့မပေးခဲ့ပါ။ ထိုအချိန်တွင် ကျွန်ုပ်ကို ဝေဖန်ရန် သူက ဤကဲ့သို့သော စကားများကို ပြောဆိုခဲ့သည်။ ကျွန်ုပ်တွင် မည်သည့်ထိုးထွင်းသိမြင်မှုမျှ မရှိခဲ့သည့်အပြင် ထိုအရာကို ကျွန်ုပ် လက်ခံကြောင်း သူ့ကို ပြောခဲ့သည်။) ဤကဲ့သို့ သင် တုံ့ပြန်ပြောဆိုခဲ့သည်။ ဤကဲ့သို့ ဖြေခြင်းက မမှန်ကန်ခဲ့ပေ။ သင်သည် သက်သေခံခြင်းမရှိခဲ့ပေ။ သူ၏ ပြဿနာများကို သင် ထောက်ပြပြီး သူ့ကို အရှက်ရအောင် လုပ်ရမည်ဖြစ်သည်။ နတ်ဆိုးဆန်သော စကားများကို သူ ပြောသည့်အခါတွင် သင် အရှုံးပေးရမည်မဟုတ်သကဲ့သို့ ထိုနတ်ဆိုးဆန်သော စကားများကို မနာခံရ။ သူ့ကို သင် ဖော်ထုတ်ရမည်။ ဘုရားသခင်၏ အောင်မြင်သောသူများထဲမှတစ်ဦးဖြစ်ပြီး ဘုရားသခင်အတွက် သက်သေခံဖို့ရန်၊ သင်သည် နတ်ဆိုးများနှင့် စာတန်ကို အရှက်ခွဲနိုင်ရမည်ဖြစ်ပြီး စာတန်ကို အရှက်ခွဲနိုင်ပြီး သမ္မာတရားနှင့် ကိုက်ညီနိုင်သည့် စကားများကို သင် ပြောနိုင်ရမည်။ ထိုအရာကို သူ လက်မခံလျှင်ပင် သူ့အနေဖြင့် ဘာမျှ ပြောစရာရှိလိမ့်မည် မဟုတ်သကဲ့သို့ လိုက်လျောညီထွေ ပြုမူနေထိုင်ပြီး ကျိုးနွံနာခံလိမ့်မည်။ ဤလူစားမျိုးကို ခြောက်လှန့်ခြင်းက အလုပ်ဖြစ်လိမ့်မည်လော။ ၎င်းတို့ကို ပြစ်တင်ရှုတ်ချခြင်းကကော အဘယ်သို့နည်း။ ၎င်းတို့နှင့်အတူ ဆွေးနွေးပြီး ၎င်းတို့ကို ချော့မော့ပြောဆိုခြင်းကကော အဘယ်သို့နည်း။ (အလုပ်ဖြစ်မည် မဟုတ်ပါ။) သို့ဆိုလျှင် မည်သည့်အရာက အလုပ်ဖြစ်လိမ့်မည်နည်း။ (တစ်စုံတစ်ဦးက ထိုသို့သော စကားများကို အသင်းတော်တွင် ပြောလျှင် ကျွန်ုပ်က “သင်သည် ရိုင်းစိုင်းစွာ ပြုမူဖို့ ကြိုးစားနေသလော။ ညီအစ်ကို မောင်နှမများက သမ္မာတရားအား မိတ်သဟာယပြုနေသည်ကို သင် ပုံမှန်အားဖြင့် နားထောင်နိုင်ပြီး သမ္မာတရားကို လက်ခံနိုင်လျှင် ယင်းမှာ အဆင်ပြေသော်လည်း ဤနေရာ၌ သင် ရိုင်းစိုင်းစွာ ပြုမူချင်လျှင် ထွက်သွားလော့။ ဘုရားအိမ်တော်က သင့်ကို ဤနေရာတွင် ရိုင်းစိုင်းစွာပြုမူခွင့်မပြုပါ။ သင်၏ ဤစကားများက သမ္မာတရားနှင့် မကိုက်ညီပါ။ ဤနေရာတွင် သူတစ်ပါး၏ လက်ညှိုးထိုးခံရအောင် မလုပ်ပါနှင့်”ဟု ပြောမည်ဖြစ်သည်။) ဤစကားများက အလွန်အစွမ်းတန်ခိုး ရှိသော်လည်း ဤလူစားမျိုးသည် နိုင်လိုမင်းထက်ပြုသူများနှင့် ဓားပြများဖြစ်သည်။ ထိုသို့သော စကားများကို ၎င်းတို့ ကြောက်ရွံ့ကြသလော။ (မကြောက်ရွံ့ပါ။)

သင်တို့အား အကြောင်းတစ်ခု ငါ ပြောပြမည်။ အတိတ်ကာလတွင် ဘုရားသခင်ကို ယုံကြည်ခြင်း အစမပြုမီတွင် စားဖိုမှူးတစ်ဦး လုပ်ခဲ့ဖူးသည့် လူတစ်ဦးနှင့် ငါ ထိတွေ့ဆက်ဆံခဲ့သည်။ တစ်ကြိမ်တွင် သူက ငါ့ကို “အပြင်လောက၌ ကျွန်ုပ် စားဖိုမှူးလုပ်ခဲ့ပြီး ထိုထိပ်တန်းပုဂ္ဂိုလ်များနှင့် ထိုအရာရှိကြီးများ လာရောက်သောက်စားကြသည့်အခါ ကျွန်ုပ်သည် သူတို့နှင့် ဘာမျှ မပတ်သက်ချင်ခဲ့ပါ။ သူတို့အတွက် ကျွန်ုပ် ချက်ပြုတ်ပေးခဲ့ချိန်တွင် လက်တစ်ဖက်ကို ခါးတွင်ထောက်ကာ ခြေတစ်ဖက်က ခြေဖျားထောက်လျက် ၎င်းတို့အတွက် လက်တစ်ဖက်တည်းဖြင့် ကျွန်ုပ် ချက်ပြုတ်ပေးခဲ့သည်”ဟု ပြောခဲ့သည်။ သူက ဤအရာကို ပြောလည်းပြော လက်တွေ့လည်းလုပ်ပြပြီး သူ၏ဟန်အမူအရာသည် အာခံနေသကဲ့သို့ပင် စိတ်ဆိုးမာန်ဆိုး ဖြစ်နေသည့်ပုံပေါ်နေခဲ့သည်။ သူ၏ သွယ်ဝိုက်ညွှန်းဆိုချက်မှာ “ဘာသာတရားမရှိသူများထဲမှ မည်သူမျှ ကျွန်ုပ်နှင့်တန်းတူ မဟုတ်သကဲ့သို့ သူတို့ထဲမှ မည်သူ့ကိုမျှ ကျွန်ုပ် အလျှော့ပေးမည် မဟုတ်ပါ။ ကျွန်ုပ်သည် အလွန်တတ်စွမ်းနိုင်ပြီး အပြင်လောကတွင် ကျွန်ုပ်ကဲ့သို့လူများက တော်ဖြောင့်ကြသည်။ အရာရှိများကို ကျွန်ုပ် ဂရုစိုက်လေ့မရှိပါ”ဟူ၍ ဖြစ်သည်။ သူသည် စကားပြောနေစဉ် လက်ဟန်ခြေဟန်များဖြင့် ပြသလျက် မိမိကိုယ်ကို ကျေနပ်နေပုံရပြီး ထိုလှုပ်ရှားမှုများကို အလွယ်ကလေး ပြသနေခဲ့သည်။ ထိုလှုပ်ရှားမှုများ၊ ဟန်ပန်နှင့် ကိုယ်ဟန်အနေအထားများကို ပြသရာတွင် သူသည် အလွန်ကျွမ်းကျင်ကြောင်း၊ ထိုအမူအရာများကို မကြာခဏ ပြုလုပ်လေ့ရှိကြောင်း ငါ မြင်ရသည်။ သူသည် အခြားသူတို့အား သူ့အပေါ် လေးစားစေလိုသည့် အားထုတ်မှုတစ်ခုဖြင့် သူ၏ “ဂုဏ်သရေရှိသော အတိတ်ကာလ” ကို ပြစားကာ ကြွားလုံးထုတ်ဖို့တည်းဟူသော ရည်ရွယ်ချက် အနည်းငယ်နှင့်အတူ ဤသရုပ်ပြမှုကို လုပ်ဆောင်နေခဲ့ခြင်း ဖြစ်ကြောင်းကို ငါ ပြောနိုင်သည်။ သူ ဤသို့ ပြုမူဆောင်ရွက်နေသည်ကို မြင်သည့်အခါ ငါ ပြုံးပြီးနောက် သူ့ကို “သို့ဆိုလျှင် သင့်တွင် မကောင်းသည့် စိတ်သဘောထားတစ်ခု ရှိပေသည်”ဟု ပြောခဲ့သည်။ ငါသည် ဤအရာကို အပြုံးဖြင့် ပြောခဲ့ပြီး အခြားမည်သည့်အရာကိုမျှ မပြောခဲ့ပေ။ သူ၏ မျက်နှာက ချက်ချင်းပင် ညှိုးကျသွားပြီး သူ၏ လှုပ်ရှားမှုများကို သူ ချက်ချင်းရပ်ကာ နှုတ်ဆိတ်သွားသည်။ ထိုအချိန်မှစ၍ သူ၏ “ဂုဏ်အသရေရှိသော အတိတ်”အကြောင်းကို သူ ထပ်မပြောတော့ပေ။ မည်သည့်အရာကို သူ့အား ငါ ပြောခဲ့သနည်း။ (သင့်တွင် မကောင်းသည့် စိတ်သဘောထားတစ်ခု ရှိပေသည်။) ဤအရာ၏ အဓိပ္ပာယ်မှာ အဘယ်နည်း။ (ထိုအရာက သူ၏ သဘာဝ အနှစ်သာရကို ထောက်ပြပြီး သူ အရှက်ရသွားခဲ့သည်။) မှန်ပေ၏။ သူ့ကို ငါ ဒေါသထွက်စေခဲ့သလော။ သူနှင့် ငါ ငြင်းခုံခဲ့သလော။ သူ၏ ဂုဏ်သိက္ခာကို ငါ ထိခိုက်ခဲ့သလော။ (မထိခိုက်ခဲ့ပါ။) သူ့ကို ငါက တဇောက်ကန်းဖြစ်စွာ ဆက်ဆံပြီး “ဤနေရာမှ ထွက်သွားလော့။ သင်သည် ဘုရားသခင်ကို အဘယ်ကြောင့် ယုံကြည်နေသနည်း” သို့မဟုတ် “သင်သည် သင်၏ “ထူးခြားပြောင်မြောက်သော အတိတ်”အကြောင်းကို ငါ့အား ပြောဖို့အတွက် ဝါနုပါသေးသည်”ဟု ငါ ပြောခဲ့သလော။ ဤနည်းလမ်းများကို ငါ သုံးခဲ့သလော။ (မသုံးခဲ့ပါ။) ဤအရာတစ်ခုကိုမျှ စောင်းပါးရိပ်ခြည်ပြောခြင်းမရှိဘဲ “သို့ဆိုလျှင် သင့်တွင် မကောင်းသည့် စိတ်သဘောထားတစ်ခု ရှိပေသည်”ဟူသော စကားတစ်ခွန်းကိုသာ ငါ ပြောခဲ့ပြီး သူ အရှက်ရကာ နှုတ်ဆိတ်သွားခဲ့သည်။ ငါသည် ငါ၏ ဆိုလိုချက်ကို ဆက်လက်၍ အသေးစိတ် ရှင်းပြရန် မလိုဘဲ သဘောပေါက်နားလည်သွားစေခဲ့သည်။ ချက်ချာပါးနပ်သည့် လူတစ်ဦးက ဤအရာကို ကြားလျှင် မည်သည့်အရာ ဆိုလိုသည်ကို ချက်ချင်း နားလည်မည်ဖြစ်ပြီး အနာဂတ်တွင် သာ၍ ချုပ်တည်းမည်ဖြစ်သည်။ ဤလုပ်နည်းကိုင်နည်းနှင့်ပတ်သက်၍ သင်တို့ အဘယ်သို့ တွေးထင်သနည်း။ (ကောင်းပါသည်။) သူ့ကို စိန်းစိန်းဝါးဝါးကြည့်ကာ ငြင်းခုံခြင်းသည် သင့်တင့်လျောက်ပတ်မည်လော။ (သင့်တင့်လျောက်ပတ်မည် မဟုတ်ပါ။) တစ်စုံတစ်ဦးက “ဘုရားကို ကျွန်ုပ် မယုံကြည်ခဲ့လျှင် မည်သူ့ကိုမျှ ဂရုစိုက်မည် မဟုတ်ပါ”ဟု ပြောလျှင် သင်က ၎င်းကို “ဘုရားသခင်ကို ယုံကြည်လာခြင်းမရှိမီ မည်သူ့ကိုမျှ သင် ဂရုမစိုက်ခဲ့လျှင် ယင်းမှာ သင်၌ မကောင်းသည့် စိတ်သဘောထားတစ်ခု ရှိခဲ့သည့် သဘောဖြစ်သည်။ ယခု သင်သည် ဘုရားသခင်ကို ယုံကြည်သည့်တိုင် မည်သူ့ကိုမျှ ဂရုမစိုက်လိုဘဲ ရှိနေသေးလျှင် ဤအရာက သင်သည် သာ၍ပင် ဆိုးရွားသည့် စိတ်သဘောထားရှိပြီး သင်၏ အနှစ်သာရနှင့်ပတ်သက်၍ တစ်စုံတစ်ရာ မှားယွင်းသည့်သဘော ဖြစ်သည်”ဟု ပြောသင့်သည်။ ဤအရာကိုသာ ပြောပြီး ၎င်းတို့၏ တုံ့ပြန်မှုနှင့် ၎င်းတို့၏ အပြုအမူကို စောင့်ကြည့်လေ့လာလော့။ ဤသည်မှာ အရှိုက်ကို ထိုးနှက်ခြင်းဟု ခေါ်သည်။ ဤစကားများကို ကြားသည့်အခါ ဆိုးယုတ်သောလူတို့သည် စိတ်မကောင်းဖြစ်ကြလိမ့်မည်လော။ ၎င်းတို့ ဝမ်းနည်းကြလိမ့်မည်။ ၎င်းတို့က “ဘုရားအပေါ် ငါ၏ ယုံကြည်မှုတွင် ပြောင်းလဲမှု ရရှိခဲ့ပြီးဖြစ်သည်ဟု ငါ တွေးထင်ခဲ့ပြီး ဘုရားကို ယုံကြည်လာခြင်းမရှိမီ ငါ၏ အရည်အချင်းများကို ပြစားပြီး ငါ၏ ဂုဏ်အသရေရှိသော အတိတ်ကို ကြွားလုံးထုတ်ဖို့ ဤစကားများကိုပင် ငါ သုံးခဲ့သည်။ သိနားလည်မှု ရှိသည့်သူတစ်ဦးက ဤကိစ္စရပ် နောက်ကွယ်ရှိ ရှက်ဖွယ်ကောင်းသော လျှို့ဝှက်ချက်အား ဖော်ထုတ်ပြီး ငါ့တွင် ကောင်းသည့် စိတ်သဘောထားရှိကြောင်း ထုတ်ဖော်လိမ့်မည်ဟု ငါ မမျှော်လင့်မိခဲ့ပါ”ဟု စဉ်းစားကြလိမ့်မည်။ မကောင်းသည့် စိတ်သဘောထားတစ်ခု၏ အဓိပ္ပာယ်မှာ အဘယ်နည်း။ ကောင်းကောင်းမွန်မွန် ပြောရလျှင် ထိုအရာသည် ၎င်းတို့၏ လူ့သဘာဝ ကောင်းမွန်ခြင်းမရှိဟု ဆိုလိုပေသည်။ ပို၍ ဘွင်းဘွင်းပြောရလျှင် ၎င်းတို့သည် အသုံးကျခြင်းမရှိဟု ဆိုလိုပေသည်။ လူ့အဖွဲ့အစည်းတွင် မည်သည့်လူများက အသုံးမကျကြသနည်း။ (လူရမ်းကားများ၊ လူမိုက်များ၊ နိုင်လိုမင်းထက်ပြုသူများနှင့် လူလိမ်လူညစ်များဖြစ်သည်။) မှန်ပေ၏၊ ထိုလူများပင် ဖြစ်သည်။ ၎င်းတို့ အသုံးမကျကြောင်းနှင့် ၎င်းတို့၏ စိတ်သဘောထားက မကောင်းကြောင်းကို သင် ပြောသည်နှင့် တစ်ပြိုင်နက် ၎င်းတို့က နားလည်လိမ့်မည်။ သင်က လူဆိုးလူပေများ၊ လူရမ်းကားများ၊ နိုင်လိုမင်းထက်ပြုသူများနှင့် ဆိုးယုတ်သောသူများတည်းဟူသော ဤအသုံးအနှုန်းများနှင့် လူစားမျိုးများအား ရည်ညွှန်းနေခြင်းဖြစ်သည်ကို ၎င်းတို့ နားလည်ကြလိမ့်မည်။ ဤအတန်းအစားနှင့် ၎င်းတို့ သက်ဆိုင်သည်ကို ကြားသည့်အခါ ၎င်းတို့ ဝမ်းသာကြလိမ့်မည်လော။ (ဝမ်းသာကြမည်မဟုတ်ပါ။) ၎င်းတို့ လုံးဝ ဝမ်းသာကြမည်မဟုတ်။ ပြီးလျှင် သင်သည် အခြားတစ်ခုတလေကို ပြောစရာ လိုအပ်လိမ့်မည်လော။ (လိုအပ်လိမ့်မည် မဟုတ်ပါ။) ၎င်းတို့၏ ရှက်ဖွယ်ကောင်းသော လျှို့ဝှက်ချက်သည် စာတစ်ကြောင်းဖြင့် ဖော်ထုတ်ခံရပြီး ဖြစ်လိမ့်မည်။ “သို့ဖြစ်၍ သင်သည် ထိုလူစားမျိုးဖြစ်သည်။ သင်သည် အပျက်သဘောဆောင်သည့် အရာများအကြောင်းကို အပြုသဘောဆောင်သည့် အရာများ ဖြစ်ခဲ့သည့်အလား ကြွားဝါလျက် ဤနေရာတွင် သင့်ကိုယ်သင် ကြွားလုံးထုတ်နေဆဲဖြစ်သည်။ မည်သည့်အရာကို လုပ်ဆောင်ဖို့ သင် ကြိုးစားနေသနည်း။ ဤသည်မှာ ဘုရားသခင်၏ အိမ်တော်ဖြစ်သည်၊ ဤနေရာတွင် မကြွားနှင့်။ ဤသည်မှာ သင်အတွက် ကြွားရမည့်နေရာ မဟုတ်ပေ။ သင် ကြွားလိုလျှင် ထွက်သွားလော့။ ဘုရားအိမ်တော်သည် သမ္မာတရား အုပ်စိုးသည့်နေရာတစ်ခုဖြစ်သည်၊ သင် ဝင့်ဝင့်ကြွားကြွား လျှောက်ပြီး သင်၏ ဒုစရိုက်အမှုများကို ကြေညာရမည့် တစ်နေရာရာ မဟုတ်ပေ။ ဘုရားအိမ်တော်တွင် ကောက်ကျစ်ဆိုးယုတ်ပြီး အပျက်သဘောဆောင်သည့်အရာများကို ကြွားလုံးထုတ်ခြင်းအားဖြင့် မည်သည့်အရာကို သင် ဆိုလိုသနည်း။ သင်၏ ဆိုလိုရင်းမှာ ဘုရားသခင်၏ အမှုတော်က သင့်အထဲတွင် ရလဒ်များ စွမ်းဆောင်ရရှိပြီးဖြစ်သည်ဟူ၏။ ယင်းကို ဘုရားသခင်က ပြောခဲ့သလော။ သင်သည် ဘုရားသခင်ကို ကျေးဇူးတင်နေခြင်း မရှိပေ။ သင်သည် သင်၏ ဒုစရိုက်အမှုများကို ကြွားဝါနေခဲ့ခြင်း ဖြစ်သည်။ ဤစကားများဖြင့် မည်သူ့ကို သင် လှည့်ဖြားဖို့ ကြိုးစားနေသနည်း။ သုံးနှစ်အရွယ် ကလေးတစ်ဦးကို သင် အရူးလုပ်ကောင်း လုပ်နိုင်မည်ဖြစ်သော်လည်း ညီအစ်ကို မောင်နှမများကို သင် အရူးလုပ်၍မရပါ။ ဤအရာမှ သင် လွတ်မြောက်မသွားနိုင်ပါ”ဟူ၍ ဖြစ်သည်။ ၎င်းတို့သည် ဤပုံစံဖြင့် ဖော်ထုတ်ခြင်းခံရကြသည်။ အန္တိခရစ်များက ဤအရာကို ကြားပြီးသည်နှင့်တစ်ပြိုင်နက် ပထမဦးစွာ ၎င်းတို့အပေါ် သင် မလိုမုန်းထား စိတ်မရှိသည်ကို ခံစားမိကြလိမ့်မည်။ ဒုတိယအနေဖြင့် သင်၏ စကားများက တိကျမှန်ကန်လိမ့်မည်။ တတိယအနေဖြင့် ၎င်းတို့ကို သင် ရည်ရွယ်တိုက်ခိုက်ခြင်း ရှိခဲ့မည် မဟုတ်ပေ။ ပြီးလျှင် စတုတ္ထအနေဖြင့် ဤစကားများက အမှန်တရားဖြစ်ပြီး ယင်းတို့ကို ပြောဆိုရာ၌ သင် လုံးဝ ချဲ့ကားပြောဆိုခဲ့မည် မဟုတ်ပေ။ ဤစကားများကို ၎င်းတို့ ကြားပြီးသည်နှင့်တစ်ပြိုင်နက် ၎င်းတို့သည် မိမိတို့ကိုယ်ကို ချက်ချင်း ချုပ်တည်းလိမ့်မည်။ ၎င်းတို့သည် အဘယ်ကြောင့် မိမိတို့ကိုယ်ကို ချုပ်တည်းကြလိမ့်မည်နည်း။ သင်၏ စကားများက ၎င်းတို့ကို ကသိကအောက် ဖြစ်စေမည်ဖြစ်ပြီး ၎င်းတို့ကို အရှက်ရစေလိမ့်မည်။ ၎င်းတို့အနေဖြင့် သင့်ရှေ့မှောက်တွင် တစ်ဖန် ရှိသည့်အခါ ထိုသို့သော စကားများကို ထပ်ပြောဖို့ ရှက်ကြလိမ့်မည်။ ထိုသို့သော အရာများကို ၎င်းတို့ တစ်ဖန်ပြောဆိုလျှင်ပင် သင့်တော်သော အချိန်အခါကို ရှာရလိမ့်မည်ဖြစ်ပြီး မည်သူ နားထောင်နေသည်ကို စစ်ဆေးရလိမ့်မည်။ မည်သို့ဆိုစေ သင်၏ ရှေ့မှောက်တွင် ထိုအရာများကို ၎င်းတို့ တစ်ဖန် ပြောဝံ့ကြလိမ့်မည် မဟုတ်ပေ။ ဤအရာက ၎င်းတို့ကို ချိုးနှိမ်ပြီးဖြစ်သည် မဟုတ်လော။ ထိုသို့သော လူတစ်ဦးကို သင် ကြုံလျှင် ၎င်းအား ဤကဲ့သို့ သင် ပြောဝံ့လိမ့်မည်လော။ (ပြောဝံ့ပါမည်။) ဤလူစားမျိုးကို ဆက်ဆံရမည့် နည်းလမ်းတစ်ခု ရှိသည်။ သင်သည် တဇောက်ကန်းဖြစ်ဖို့ သို့မဟုတ် ရိုင်းစိုင်းဖို့ မလိုအပ်ပေ၊ အပြုံးတစ်ချက်ဖြင့်သာ ၎င်းတို့ကို ချိုးနှိမ်လော့။ ဤအရာကို စာတန်အား ဖော်ထုတ်ခြင်းနှင့် အရှက်ခွဲခြင်းဟု ခေါ်သည်။ ဤအရာကို မိမိ၏ သက်သေခံချက်တွင် ခိုင်မာစွာ ရပ်တည်ခြင်းဟုခေါ်သည်။ ၎င်းတို့ကို သင်၏ ဖော်ထုတ်နိုင်စွမ်းက သင်သည် ၎င်းတို့ကို ထိုးထွင်းသိမြင်မိပြီး ဖြစ်ကြောင်း၊ ၎င်းတို့ကဲ့သို့သော လူများကို သင် မနှစ်သက်ကြောင်း၊ ၎င်းတို့ကဲ့သို့သော လူများကို သင် မုန်းကြောင်း၊ ၎င်းတို့ကဲ့သို့သော လူများကို သင် အထင်သေးကြောင်း သက်သေပြပေသည်။ ဤလူများသည် အပျက်သဘောဆောင်သည့် စရိုက်လက္ခဏာများနှင့်ဆိုင်သည့် လူတန်းစားများထဲတွင် ရှိပြီး သင်သည် ၎င်းတို့နှင့် လုံးဝ ဆန့်ကျင်ဘက် ဖြစ်သည်။ သင့်ရှေ့တွင် ၎င်းတို့ သိမ်ငယ်ကြသည်။ သင်သည် ၎င်းတို့ထက် သာ၍ အားကြီးပြီး သာ၍ တော်ဖြောင့်ပေသည်။

အန္တိခရစ်များ ပြုပြင်ခံရသည့်အခါ၊ ရံဖန်ရံခါ ညီအစ်ကို မောင်နှမများ၏ ဖော်ထုတ်ခြင်းကို ၎င်းတို့ ခံရသည့်အခါ မည်သည့် အရှက်မဲ့သော စကားနှစ်ခွန်းကို ၎င်းတို့ ဟကြသနည်း။ (“သင်သည် ကျွန်ုပ်ကို ပြုပြင်ဖို့ ဝါနုလွန်းပါသေးသည်” “ဘုရားကို ကျွန်ုပ် မယုံကြည်ခဲ့လျှင် မည်သူ့ကိုမျှ ဂရုစိုက်မည် မဟုတ်ပါ”ဟူသည်တို့ ဖြစ်သည်။) လူအများစုက ဤစကားနှစ်ခွန်းကို ပြောနိုင်ကြမည် မဟုတ်၊ ဟုတ်သလော။ ဤစကားများတွင် မည်သည့် ထူးခြားသော လက္ခဏာများရှိသနည်း။ ယင်းတို့သည် စာတန်၏ ဟိတ်ဟန်ထုတ်ခြင်းနှင့် စာတန်၏ ကောက်ကျစ်ဆိုးယုတ်သော စိတ်သဘောထားတို့၏ အဟန့်ကောင်းသော ပုံစံဖြင့် လူမိုက်ဆန်ပြီး သိမ်ဖျင်းသည်။ ဤစကားများသည် ပုံမှန်လူတစ်ဦး၏ နှုတ်မှ ထွက်လာမည်မဟုတ်သည်မှာ သိသာထင်ရှားသည်၊ အထူးသဖြင့် သမ္မာတရားကို လိုက်စားသော တစ်စုံတစ်ဦးထံမှ ထွက်လာမည် မဟုတ်ပေ။ ဤစကားများကို ပြောသည့်သူများတွင် စာတန်၏ ရက်စက်သော စိတ်သဘောထား ရှိသည်မှာ သိသာထင်ရှားလှသည်။ ၎င်းတို့သည် ဆိုးယုတ်ကြပြီး အန္တိခရစ်များ ဖြစ်ကြသည်။ သမ္မာတရားကို ၎င်းတို့ မချစ်ကြသကဲ့သို့ ဆိုးယုတ်သည့် အင်အားစုများ၊ အကြမ်းဖက်မှု၊ စာတန်၏ ရက်စက်သော အင်အားစုများနှင့် စိတ်သဘောထားတို့ကို ကြည်ညိုကြသည်။ ၎င်းတို့ ပြောသည့် ဤစကားနှစ်ခွန်းမျှမှပင် ဤအနှစ်သာရကို ရိပ်စားမိနိုင်သည်။ ဤစကားများကို ၎င်းတို့ ပြောသည့်အခါ ၎င်းတို့၏ စိတ်သဘောထားများနှင့် အနှစ်သာရတို့ ထုတ်ဖော်ခံရသည်။ သာမန်ဖြစ်သည့်၊ ပုံမှန်ဖြစ်သည့်၊ ဖောက်ပြန်ပျက်စီးသော လူသားမျိုးနွယ်ထဲတွင် ဤစကားများကို ပြောသည့် မည်သူမဆိုသည် အသုံးမကျသကဲ့သို့ ဤစကားများကို ကြားလင့်ကစား မပြောသည့်သူ မည်သူမဆို၊ ဤစကားများကို ပြောသည့်သူများက ရှက်ဖွယ်ကောင်းပြီး ရက်စက်သည်ဟု ထင်သောသူ၊ မိမိတို့ကိုယ်၌က ဤပုံစံဖြင့် စကားမပြောနိုင်သူ၊ တစ်စုံတစ်ဦးကို ၎င်းတို့ မည်မျှ မုန်းသည်ဖြစ်စေ၊ မကျေမချမ်းဖြစ်ပြီး အထင်သေးသည်ဖြစ်စေ ဤစကားများကို ပြောဖို့ မဖြစ်နိုင်သူနှင့် ဤစကားများကို ပြောသည့်လူတို့အား အထင်သေးသောသူ မည်သူမဆိုတို့ဖြစ်သည့် ထိုသို့သောလူများသည် ရှက်စိတ်တစ်ခုခု ရှိနေဆဲဖြစ်ပြီး ၎င်းတို့၏ လူ့သဘာဝ၌ တော်ဖြောင့်သော ဘက်ခြမ်းရှိနေဆဲဖြစ်သည်။ သို့သော် ဤစကားများကို မကြာခဏ ပြောသည့်သူများ၊ ဤစကားများကို အမှုအရာများ ၎င်းတို့ ကိုင်တွယ်ကာ ကျင့်ကြံပြုမူပုံအတွက် အမြင့်မားဆုံးသော စည်းမျဉ်းများအဖြစ် မကြာခဏ သဘောထားသောသူများသည် ဧကန်မုချ စာတန်၏ ဂိုဏ်းဝင် အန္တိခရစ်များ ဖြစ်ပေသည်။ လူအချို့က “ဘုရားသခင်ကို မယုံကြည်မီတွင် ဤစကားများ ကောင်းသလော၊ သို့မဟုတ် ဆိုးသလောဟူသည်ကို ကျွန်ုပ် မသိခဲ့ပါ။ ကျွန်ုပ် ငယ်ရွယ်ချိန်တွင် ထိုစကားများကို သုံးခဲ့သော်လည်း အသက်အနည်းငယ်ကြီးလာပြီး ပိုရင့်ကျက်လာပြီးနောက်တွင် ထိုစကားများကို ကျွန်ုပ် မပြောတော့ပါ”ဟု ပြောကြသည်။ ဤသည်တို့မှာ အန္တိခရစ်များ ဖြစ်သလော။ မဟုတ်ပေ။ လူတို့သည် ငယ်ရွယ်ပြီး မသိနားမလည်ခဲ့ချိန်တွင် လူ့အဖွဲ့အစည်းနှင့်လည်းကောင်း၊ လူထုနှင့်လည်းကောင်း ပထမဆုံး ကြုံရသောအခါ ဤစကားများကို ကောင်းသော စကားများ၊ တည်ကြည်ဖြောင့်မတ်သော စကားများအဖြစ် သဘောထားမိကြသည်။ ၎င်းတို့သည် အလွန်ငယ်ရွယ်ပြီး မရင့်ကျက်ခြင်းသာ ဖြစ်သည်။ ၎င်းတို့ အနည်းငယ်ကြီးပြင်းလာပြီး ကောင်းမြတ်ခြင်းနှင့် ဆိုးယုတ်ခြင်းကို ခွဲခြားနိုင်သည့်အခါ၊ လူကောင်းနှင့် လူဆိုးကို ခြားနားသိမြင်နိုင်သည့်အခါတွင် ဤစကားများကို မပြောကြတော့ပေ။ ထိုသို့သော လူများတွင် အသိစိတ်နှင့် ဆင်ခြင်တုံတရား အနည်းငယ် ရှိနေကြဆဲဖြစ်သည်။ ဤအနည်းငယ်သော အသိစိတ်နှင့် ဆင်ခြင်တုံတရားက မည်သည့်နေရာမှ လာသနည်း။ ၎င်းတို့၏ ကောင်းမြတ်ခြင်းနှင့် ဆိုးယုတ်ခြင်းကို ခွဲခြားနိုင်စွမ်း၊ မည်သည့်အရာက ဟုတ်မှန်ခြင်းဖြစ်ပြီး မည်သည့်အရာက မုသားဖြစ်သည်၊ မည်သည့်အရာက မှန်ကန်ပြီး မည်သည့်အရာက မှားယွင်းသည်ဟူသည်ကို သိနိုင်စွမ်းမှ လာပေသည်၊ ၎င်းတို့ ပြုမူ၊ ပြောဆိုပုံ၊ အမှုအရာများကို ကိုင်တွယ်ပြီး ကျင့်ကြံပြုမူပုံတွင် ရွေးချယ်မှုများနှင့် စည်းများ ရှိကြခြင်းမှ လာပေသည်။ ထိုအရာသည် ၎င်းတို့အနေဖြင့် စာတန်များ မဟုတ်ကြခြင်း၊ ဆိုးယုတ်သောလူများ မဟုတ်ကြခြင်း၊ သားရဲတိရစ္ဆာန်များ မဟုတ်ကြခြင်းမှ လာသည်၊ ၎င်းတို့က စံနှုန်းများ၊ စည်းမျဉ်းများဖြင့် ကျင့်ကြံပြုမူခြင်းနှင့် တည်ကြည်ဖြောင့်မတ်သောလူများဖြစ်ခြင်းမှ လာပေသည်။

အန္တိခရစ်များကို ဖော်ထုတ်ခြင်းအားဖြင့် ၎င်းတို့၏ “ဉာဏ်ပညာရှိသော စကားများ”၊ ၎င်းတို့ ဘဝဆောင်ပုဒ်များနှင့် ၎င်းတို့၏ မကြာခဏ ပြောဆိုသည့် ဆိုရိုးများအားလုံး ထုတ်ဖော်ခံရသည်။ ဤအရာများ ထုတ်ဖော်ခံရသည်နှင့်အမျှ ၎င်းတို့၏ သဘာဝ အနှစ်သာရလည်း ပေါ်ထွက်လာကာ အခြားသူတို့အား ပိုပိုပြီး ရှင်းလင်းစွာ မြင်တွေ့ရန် ထောက်ကူပေးလေသည်။ ဤအရာများကို ဖော်ထုတ်ခြင်းမရှိဘဲ လူတို့က ဤရံဖန်ရံခါ သို့မဟုတ် မကြာခဏ ကြားရသည့် စကားများကို သာမန်စကားများအဖြစ် သဘောထားကြကာ ယင်းတို့အပေါ် ပိုင်းခြားသိမြင်မှုမရှိကြလျှင် ၎င်းတို့သည် ထိုစကားများကို ခွဲခြားနိုင်ကြမည် မဟုတ်ပေ။ သင်သည် ထိုစကားများကို မခွဲခြားနိုင်လျှင် သမ္မာတရားနှင့်ဆိုင်သည့် သင်၏ သိနားလည်မှု သို့မဟုတ် အမှန်နှင့်အမှားကို သိသည့် သင်၏ အသိပညာသည် အဘယ် အသုံးဝင်သနည်း။ ဤအရာများက သင်၏ ရပ်တည်ချက်ကို လွှမ်းမိုးနိုင်သလော။ သင်၏ ရှုထောင့်ကို လွှမ်းမိုးနိုင်သလော။ (မလွှမ်းမိုးနိုင်ပါ။) သို့ဆိုလျှင် သင်သည် မည်သည့်အရာက ဖောက်ပြန်ပျက်စီးမှု၏ ပုံမှန် ထုတ်ဖော်ချက်တစ်ခုဖြစ်ပြီး မည်သည့်အရာက အန္တိခရစ်၏ အနှစ်သာရနှင့်ဆိုင်သည့် သရုပ်သကန်တစ်ခု ဖြစ်သည်ကို ပိုင်းခြားသိမြင်နိုင်ခြင်း မရှိပေ။ ဤအနှစ်သာရများကို သင် ရှင်းလင်းစွာ ပိုင်းခြားသိမြင်နိုင်သည့်အခါ ယင်းတို့ကို တိကျမှန်ကန်စွာ ခွဲခြားပြီး အသေးစိတ်ချပြနိုင်ကာ အမျိုးမျိုးသော သရုပ်သကန်များ၊ ထုတ်ဖော်ချက်များ၊ စိတ်သဘောထားများအပြင် အပြုသဘောဆောင်ခြင်းနှင့် အပျက်သဘောဆောင်ခြင်း၊ ပုံမှန်နှင့် မူမမှန်သောအရာတို့၏ အနှစ်သာရများကို ရှင်းလင်းစွာ ပိုင်းခြားသိမြင်နိုင်သည့်အခါ ထိုအခါမှသာ လူများနှင့် အမှုအရာများကို သာ၍ မှန်ကန်တိကျစွာ သင် ပိုင်းခြားသိမြင်နိုင်လိမ့်မည် ဖြစ်သည်။ သို့မဟုတ်လျှင် အန္တိခရစ်တစ်ဦး၏ သရုပ်သကန်တစ်ခုမှာ သာမန် ဖောက်ပြန်ပျက်စီးခြင်း သို့မဟုတ် ပုံမှန် ထုတ်ဖော်ချက်တစ်ခုဖြစ်သည်ဟု သင် မှားယွင်းစွာ တွေးထင်မိလိမ့်မည်ဖြစ်ပြီး ဖောက်ပြန်ပျက်စီးခြင်း၏ သာမန် ထုတ်ဖော်ချက်အချို့ကို အန္တိခရစ်များ၏ အနှစ်သာရနှင့်ဆိုင်သည့် သရုပ်သကန်များအဖြစ် သင် တစ်ခါတစ်ရံ တလွဲထင်မိလိမ့်မည်ဖြစ်သည်။ ဤသည်မှာ ရောထွေးမိခြင်း ဖြစ်သည် မဟုတ်လော။ သင့်အနေဖြင့် ခေါင်းဆောင်တစ်ဦးဖြစ်ပြီး သင်၏ တာဝန်နယ်ပယ်အတွင်းတွင် အန္တိခရစ်များရှိသည် ဆိုပါစို့။ ၎င်းတို့ကို သင် နေခွင့်ပေးပြီး ဖောက်ပြန်ပျက်စီးမှု ထုတ်ဖော်ချက်များရှိသည့် သာမန် ညီအစ်ကို မောင်နှမများကို သင် နှင်ထုတ်ပါက ဤသည်မှာ အမှားတစ်ခု ဖြစ်သည် မဟုတ်လော။ (ဟုတ်ပါသည်။) ထို့ကြောင့် ဤအသေးစိတ်ကျပြီး တိကျသည့် ခြားနားချက်များကို သိနားလည်ခြင်းက အလွန်အရေးကြီးပေသည်။

အန္တိခရစ်များက ပြုပြင်ခြင်းကို ရင်ဆိုင်ရသည့်အခါ ၎င်းတို့၏ သရုပ်သကန်များသည် ငါတို့ ယခုတင် ဆွေးနွေးပြီးသည့်အရာထက် များစွာ သာ၍ဆိုးရွားသည်။ ၎င်းတို့သည် မဖွယ်မရာသော စကားနှစ်ခွန်းသာ ပြောလိမ့်မည် မဟုတ်၊ သို့မဟုတ် အနည်းငယ် မကျေမချမ်း ဖြစ်ရုံမျှဖြစ်လိမ့်မည် မဟုတ်ပေ။ ၎င်းတို့သည် သာ၍များသော အမှုအရာများကို လုပ်ဆောင်လိမ့်မည်ဖြစ်ပြီး သာ၍ မဖွယ်မရာသော စကားများကို ပြောလိမ့်မည်။ ထို့ထက်ပင်ပို၍ သာ၍များသော ဆိုးယုတ်သည့် အရာအချို့၊ ဘုရားအိမ်တော်၏ အလုပ်ကို အပြင်းအထန် အဖျက်အမှောင့်လုပ်ပြီး ပုံမှန် အသင်းတော် အသက်တာကို အဖျက်အမှောင့်လုပ်သည့် အရာအချို့ကို ၎င်းတို့က လုပ်ဆောင်ကြလိမ့်မည်။ ယခုတွင် ၎င်းတို့က အန္တိခရစ်များဖြစ်ကြောင်း၊ ၎င်းတို့၏ လုပ်ဆောင်ချက်များနှင့် ကျင့်ကြံပြုမူခြင်းတို့က အန္တိခရစ်များ၏ လုပ်ဆောင်ချက်များနှင့် ကျင့်ကြံပြုမူခြင်းများဖြစ်ကြောင်းနှင့် ၎င်းတို့၏ စိတ်သဘောထားများက အန္တိခရစ်များ၏ စိတ်သဘောထားများ ဖြစ်ကြောင်းတို့ကို လူတို့အား ရှင်းလင်းစွာ မြင်ခွင့်ပေးပြီး ထိုးထွင်းသိမြင်ခွင့်ပေးသည့် စကားနှစ်ခွန်းသုံးခွန်း ပြောဆိုခြင်းအပြင် အခြားမည်သည့်အရာကို အန္တိခရစ်များ လုပ်ဆောင်နိုင်သည်နှင့်ပတ်သက်၍ ကြိုးစားမိတ်သဟာယပြုကြလော့။ ဤနည်းဖြင့် သာ၍ ကြီးမားသော အဖျက်အမှောင့်များ မဖန်တီးမီတွင် ဤအန္တိခရစ်များကို ညီအစ်ကို မောင်နှမများက အန္တိခရစ်များအဖြစ် ပိုင်းခြားသိမြင်ကာ ခွဲခြားနိုင်ကြပေသည်။ ဤနည်းအားဖြင့် တစ်ဖက်တွင် ညီအစ်ကို မောင်နှမများက ၎င်းတို့၏ အသက်ဝင်ရောက်မှုအတွက် သာ၍ ကြီးမားသော ဘေးဒုက္ခကို ခံစားရခြင်းအား ရှောင်ရှားနိုင်ပြီး အခြားတစ်ဖက်တွင် ဘုရားအိမ်တော်၏ အလုပ်ကို အန္တိခရစ်များက ဖြစ်စေသည့် နှောင့်ယှက်ခြင်းနှင့် အဖျက်အမှောင့်လုပ်ခြင်းတို့အား တားဆီး၍ရနိုင်ပေသည်။ ဤပြဿနာကို သာ၍ စောစီးစွာ ရှာဖွေတွေ့ရှိခြင်း၊ ဖြေရှင်းခြင်း၊ တားဆီးခြင်းနှင့် ပြုပြင်ခြင်းသည် နောက်ကျမှ လုပ်ဆောင်သည်ထက် သာ၍ ကောင်းသည် မဟုတ်လော။ (ကောင်းပါသည်။) သို့ဆိုလျှင် ဆက်လက်၍ မိတ်သဟာယပြုလော့။ (အန္တိခရစ်များက ပြုပြင်ခံရသည့်အခါ သမ္မာတရားကို လက်မခံသကဲ့သို့ လူတို့ကို တိုက်ခိုက်ဖို့ အချို့သော စကားများကို ပြောကြသည်။ ၎င်းတို့ကို မည်သူက အကြံပေးသည်ဖြစ်စေ ထိုအကြံက ၎င်းတို့၏ အဆင့်အတန်း သို့မဟုတ် မာနကို ထိသရွေ့၊ အန္တိခရစ်များက အသင်းတော်တွင် ထိုလူကို ဝေဖန်ကြလိမ့်မည်ဖြစ်ပြီး မိမိတို့၏ အဆင့်အတန်းနှင့် မာနကို ခုခံကာကွယ်ဖို့အတွက် သမ္မာတရားကို လွဲချော်စေကြလိမ့်မည်။) အခြားတစ်ခုတလေ ရှိသလော။ (သူ့အတွက် ဆိုးကျိုးဖြစ်စေသောအရာ တစ်ခုတလေကို လုပ်ဆောင်ခဲ့သူ မည်သူကိုမဆို သတ်ဖို့ ခြိမ်းခြောက်ခဲ့သည့် ဆိုးယုတ်သော လူတစ်ဦးကို တစ်ချိန်က ကျွန်ုပ် တွေ့ဆုံခဲ့သည်။ ထိုအချိန်က သမ္မာတရားကို ကျွန်ုပ်တို့ နားမလည်ခဲ့ကြသကဲ့သို့ ထိုးထွင်းသိမြင်မှု ကင်းမဲ့ခဲ့ကြသည်။ ကျွန်ုပ်တို့က သူ့ကို ကြောက်ရွံ့ခဲ့ကြသည်။ သူသည် သူ၏ တာဝန်ကို ထမ်းဆောင်နေစဉ် ထင်ရာမြင်ရာနှင့် မဆင်မခြင် ပြုမူခဲ့ပြီး သူ၏ အလုပ်တွင် ပြဿနာအချို့ကို ကျွန်ုပ်တို့ မြင်ကာ သူ့ကို တိုင်ကြားချင်ခဲ့ကြချိန်တွင် သူသည် ကျွန်ုပ်တို့ကို ဟန့်တားပြီး တိုင်ကြားခွင့်မပေးခဲ့ပါ။ ကျွန်ုပ်တို့က သမ္မာတရားကို မပိုင်ဆိုင်ခဲ့သောကြောင့် ထိုအချိန်တွင် ပြန်မငြင်းခုံဝံ့ခဲ့ကြသကဲ့သို့ သူ့ကို ချက်ချင်း မတိုင်ကြားခဲ့ကြပါ။ ယင်းက နောက်ဆုံးတွင် အသင်းတော်၏ အလုပ်ကို ကြီးမားသည့် ဆုံးရှုံးမှုများ ဖြစ်စေခဲ့သည်။ ဤသည်မှာ ကျွန်ုပ်တို့က အန္တိခရစ်များအပေါ် ထိုးထွင်းသိမြင်မှု ကင်းမဲ့ခဲ့ခြင်းအားဖြင့် ဖြစ်ခဲ့ခြင်းဖြစ်သည်။ သူသည် နောက်ထပ် ဒုစရိုက်အမှုများစွာ ပြုလုပ်ပြီးသည့်နောက်တွင်သာ နှင်ထုတ်ခြင်းခံခဲ့ရသည်။) ဤကိစ္စရပ်တွင် သင်တို့သည် သင်တို့၏ သက်သေခံချက်၌ ခိုင်မာစွာ ရပ်တည်ဖို့ သို့မဟုတ် ဘုရားအိမ်တော်၏ အကျိုးစီးပွားများကို ကာကွယ်ဖို့ ပျက်ကွက်ခဲ့ကြပြီး ဘုရားအိမ်တော်၏ အလုပ်ကို ဆုံးရှုံးမှုများ ဖြစ်ခွင့်ပေးခဲ့သည်။ သင်တို့သည် ဤအရာအတွက် တာဝန်ရှိပေသည်။ ယခုတွင် ဤလူသည် တရားနည်းလမ်းကျစွာ နှင်ထုတ်ခံခဲ့ရခြင်းဖြစ်ပြီး မတော်မတရား ဆက်ဆံခံရခြင်း မဟုတ်ဟု ထင်ရသည်။ သင်တို့သည် အနာဂတ်တွင် ဤလူစားမျိုးနှင့် တစ်ဖန် ကြုံရလျှင် ၎င်းကို သင်တို့ ထိုးထွင်းသိမြင်နိုင်ကြလိမ့်မည်လော။ (ဘုရားသခင်၏ မိတ်သဟာယမှတစ်ဆင့် အန္တိခရစ်များကို ထိုးထွင်းသိမြင်ခြင်းနှင့်ပတ်သက်သည့် သမ္မာတရား၏ ဤသွင်ပြင်လက္ခဏာအပေါ်အနည်းငယ် သာ၍ ရှင်းလင်းသွားသည်ဟု ကျွန်ုပ် ခံစားရပါသည်။)

ဘုရားအိမ်တော်က အန္တိခရစ်များကို အဘယ်ကြောင့် နှင်ထုတ်ချင်သနည်း။ ၎င်းတို့ကို ဆက်နေခိုင်းပြီး အစေခံမှုပေးခွင့်ပြုခြင်းက အဆင်ပြေမည်လော။ ၎င်းတို့ကို နောင်တရဖို့ အခွင့်အရေးပေးခြင်းက အဆင်ပြေမည်လော။ (အဆင်ပြေမည် မဟုတ်ပါ။) ၎င်းတို့အနေဖြင့် သမ္မာတရားကို လိုက်စားနိုင်မည့် အခွင့်အရေးတစ်ခုတလေ ရှိသလော။ (အန္တိခရစ်များက သမ္မာတရားကို မလိုက်စားနိုင်ကြပါ။) ယခုတွင် အန္တိခရစ်များသည် စာတန်နှင့် သက်ဆိုင်သည့် ဆိုးယုတ်သော လူများဖြစ်ပြီး နောင်တမရနိုင်ကြောင်းကို သင် သိရှိပြီးဖြစ်သည်။ ယင်းကြောင့် ၎င်းတို့ နှင်ထုတ်ခံရခြင်းဖြစ်သည်။ မည်သူမျှ ပေါ့ပေါ့တန်တန် နှင်ထုတ်ခြင်းမခံကြရပေ။ လူတို့အနေဖြင့် အမှားမှားအယွင်းယွင်း စွပ်စွဲမခံရဖို့အလို့ငှာလည်းကောင်း၊ မည်သူမျှ ပေါ့ပေါ့တန်တန် နှင်ထုတ်မခံရဖို့ သို့မဟုတ် ဖျက်ဆီးခြင်း မခံရဖို့အလို့ငှာလည်းကောင်း ဘုရားအိမ်တော်သည် ၎င်းတို့ကို နောင်တရဖို့ အခွင့်အရေးများ ထပ်တလဲလဲ ပေးကာ လူးသာလွန့်သာ အခြေအနေ ပေးလျက် စိတ်ရှည်ခြင်းကို အကြိမ်ကြိမ် ကျင့်သုံးလေသည်။ ဘုရားသခင်ကို နှစ်ပေါင်းများစွာ ယုံကြည်ဖို့မှာ ၎င်းတို့အတွက် လွယ်ကူသောအရာတစ်ခု မဟုတ်ပေ။ ဘုရားအိမ်တော်သည် ၎င်းတို့ အပြည့်အဝ ပိုင်းခြားသိမြင်ခြင်းကို မခံရမချင်း၊ ၎င်းတို့ လုံးဝ ထုတ်ဖော်မခံရမချင်း လူတိုင်းအပေါ် သည်းခံသည်။ သို့သော် အန္တိခရစ်များသည် နောင်တရနိုင်ကြသလော။ ၎င်းတို့ နောင်တမရနိုင်ကြပေ။ ဘုရားအိမ်တော်၌ ၎င်းတို့ ဆောင်ရွက်သည့် အခန်းကဏ္ဍသည် ဘုရားအိမ်တော်၏ အလုပ်ကို ဖျက်ဆီး၊ နှောင့်ယှက်ကာ အဖျက်အမှောင့် လုပ်နေသည့် စာတန်၏ လက်ပါးစေများ၏ အခန်းကဏ္ဍဖြစ်သည်။ ၎င်းတို့တွင် ဆုကျေးဇူးနှင့် ပါရမီအချို့ရှိလျှင်ပင် ၎င်းတို့အနေဖြင့် မိမိတို့တာဝန်ကို ကောင်းစွာ ထမ်းဆောင်ဖို့ သို့မဟုတ် မှန်ကန်သည့် လမ်းကြောင်းပေါ် တက်ရောက်ဖို့ တကယ်ကို မကြိုးစားနိုင်ပေ။ အန္တိခရစ်များတွင် အသုံးဝင်သော သွင်ပြင်လက္ခဏာအချို့ ရှိလျှင်ပင် ၎င်းတို့သည် ဘုရားအိမ်တော်၌ ဘုရားသခင်၏ အမှုတော်အတွက် အပြုသဘောဆောင်သည့် ပံ့ပိုးမှုတစ်ခုကို လုံးဝ ပြုလုပ်ကြမည် မဟုတ်ပေ။ ၎င်းတို့သည် ဘုရားသခင်၏ အမှုတော်ကို နှောင့်ယှက်ခြင်း၊ အဖျက်အမှောင့်လုပ်ပြီး ယုတ်လျော့စေခြင်းတို့သာ ပြုလုပ်ကြပြီး ကောင်းမွန်သည့်အရာများကို မလုပ်ဆောင်ကြပေ။ သင်က ၎င်းတို့ကို စောင့်ကြည့်လေ့လာဖို့ ဆက်နေခိုင်းပြီး နောင်တရဖို့ အခွင့်အရေးပေးသော်လည်း ၎င်းတို့က နောင်တရနိုင်စွမ်း မရှိခဲ့ကြပေ။ နောက်ဆုံးတွင် ခံယူကျင့်သုံးခဲ့သည့် ဖြေရှင်းချက်မှာ ၎င်းတို့ကို နှင်ထုတ်ခြင်း ဖြစ်သည်။ ၎င်းတို့ကို မနှင်ထုတ်မီတွင် ဤလူစားမျိုးသည် နောင်တရဖို့ထက် သေဆုံးလိုမည့်အန္တိခရစ်တစ်ဦးဖြစ်ကြောင်း၊ ၎င်းတို့သည် ဘုရားသခင်နှင့် သမ္မာတရားအပေါ် ဆန့်ကျင်လိုကြကြောင်း အမှန်တရားကို သင် ထိုးထွင်းသိမြင်နှင့်ခဲ့ပြီးဖြစ်သည်။ ထို့ကြောင့် ၎င်းတို့ နှင်ထုတ်ခံခဲ့ကြရခြင်း ဖြစ်သည်။ ၎င်းတို့သည် လူကောင်းတစ်ဦးဖြစ်လျှင် နှင်ထုတ်ခြင်းခံခဲ့ကြပြီး ဖြစ်မည်လော။ ၎င်းတို့က သမ္မာတရားကို လက်ခံပြီး နောက်တရနိုင်ခဲ့မည်ဆိုလျှင် နှင်ထုတ်ခြင်းခံခဲ့ကြပြီးဖြစ်မည်လော။ အလွန်ဆုံးအနေဖြင့် ၎င်းတို့၏ တာဝန်မှ ၎င်းတို့ ထုတ်ပယ်ခံရပြီး ဖြစ်မည်ဖြစ်ကာ ဝိညာဉ်ရေးရာ ဆက်ကပ်ခြင်းများနှင့် ပြန်လည်သုံးသပ်ခြင်းကို ပါဝင်ဆောင်ရွက်ဖို့ စေလွှတ်ခြင်းခံရပြီး ဖြစ်မည်ဖြစ်သည်။ ၎င်းတို့ နှင်ထုတ်ခံရပြီးဖြစ်မည် မဟုတ်ပေ။ ဘုရားအိမ်တော်က တစ်စုံတစ်ဦးကို နှင်ထုတ်ဖို့ ဆုံးဖြတ်သည်နှင့်တစ်ပြိုင်နက် ဤလူကို ဘုရားအိမ်တော်တွင် နေခွင့်ပေးလျှင် ဘေးဆိုးတစ်ခု ဖြစ်မည်ဟု ဆိုလိုပေသည်။ ၎င်းတို့သည် ကောင်းမွန်သည့်အရာများ လုပ်ဆောင်မည် မဟုတ်၊ အနှောင့်အယှက်များနှင့် အဖျက်အမှောင့်များကိုသာ ဖြစ်စေမည်ဖြစ်ပြီး မကောင်းသည့် အရာမျိုးစုံကို လုပ်ဆောင်မည် ဖြစ်သည်။ ၎င်းတို့ ရှိသည့် မည်သည့်အသင်းတော်မဆို သဲများကဲ့သို့ လူစုကွဲသွားသည့်အဆင့်ထိ၊ အလုပ်တန့်သွားသည့်အဆင့်ထိ၊ လူအများစုက အလွန် မျှော်လင့်ချက်ကုန်ပြီး ဘုရားသခင်၌ ၎င်းတို့၏ ယုံကြည်ခြင်း ဆုံးရှုံးကာ လူအချို့သည် မိမိတို့၏ ယုံကြည်ခြင်းကိုပင် ရပ်တန့်ချင်သကဲ့သို့ မိမိတို့၏ တာဝန်များကို ဆက်မလုပ်ဆောင်နိုင်တော့သည့်အဆင့်ထိ ၎င်းတို့၏ အဖျက်အမှောင့်လုပ်ခြင်းခံရမည် ဖြစ်သည်။ ဤအတွက် အကြောင်းရင်းမှာ အဘယ်နည်း။ ထိုအရာကို အန္တိခရစ်များ၏ အဖျက်အမှောင့်လုပ်ခြင်းများက ဖြစ်စေခြင်း ဖြစ်သည်။ ဤအသင်းတော်က မျှော်လင့်ချက်တစ်ခုတလေ ရှိဖို့အတွက်၊ အသင်းတော် အသက်တာက ပုံမှန်ဖြစ်လာဖို့အတွက်နှင့် ဘုရားသခင်၏ ရွေးချယ်ထားသော လူတို့က ဘုရားသခင်ကို ယုံကြည်ခြင်း လမ်းကြောင်းမှန်ထဲသို့ ဝင်ရောက်နိုင်ဖို့အတွက် ဤအန္တိခရစ်ကို ကိုင်တွယ်ရမည်၊ ရှင်းလင်းပစ်ပြီး နှင်ထုတ်ရမည်ဖြစ်သည်။ လူအချို့က “ဘုရားသခင်သည် ချစ်ခြင်းမေတ္တာဖြစ်သောကြောင့် ကျွန်ုပ်တို့လည်း အန္တိခရစ်များကို နောင်တရဖို့ အခွင့်အရေး ပေးသင့်သည်”ဟု ပြောကြသည်။ ဤစကားများက အလွန်ကောင်းပုံရသော်လည်း ယင်းမှာ အမှုအရာများ အမှန်တကယ် ဖြစ်သည့်ပုံစံဖြစ်သလော။ သေချာ လေ့လာဆန်းစစ်လော့။ နှင်ထုတ်ခံခဲ့ရသည့် မည်သည့် အန္တိခရစ်များနှင့် ဆိုးယုတ်သော လူတို့သည် နောက်ပိုင်းတွင် မိမိတို့ကိုယ်ကို သိရှိလာကြပြီး သမ္မာတရားကို လိုက်စားကာ ချစ်နိုင်ကြသနည်း။ မည်သူတို့သည် နောင်တရခဲ့ကြသနည်း။ ၎င်းတို့ထဲမှ မည်သူမျှ နောင်တမရခဲ့သကဲ့သို့ ၎င်းတို့အားလုံးက မိမိတို့ အပြစ်များကို ဝန်ချဖို့ ခေါင်းမာစွာ ငြင်းဆန်ခဲ့ကြပြီး နှစ်ပေါင်းမည်မျှကြာပြီးနောက်တွင်ဖြစ်စေ ၎င်းတို့ကို သင် တစ်ဖန် မြင်တွေ့ရသည့်အခါ ၎င်းတို့က ဤပုံစံ ဖြစ်နေဆဲဖြစ်သည်၊ ထိုစဉ်အချိန်က ဖြစ်ပျက်ခဲ့သည့် ထိုအရာများကို ဖက်တွယ်နေကြဆဲဖြစ်ပြီး လက်မလွှတ်ဘဲ ရှိနေဆဲ၊ မိမိတို့ကိုယ်ကို မှန်ကြောင်းပြကာ ရှင်းပြဖို့ ကြိုးစားနေကြဆဲ ဖြစ်သည်။ ၎င်းတို့၏ စိတ်သဘောထားက လုံးဝ မပြောင်းလဲသေးပေ။ ၎င်းတို့ကို သင်က ပြန်လက်ခံပြီး အသင်းတော် အသက်တာကို ပြန်စခွင့်ပေးကာ တာဝန်တစ်ခုကို ထမ်းဆောင်ခွင့်ပေးလျှင် အသင်းတော်၏ အလုပ်ကို ၎င်းတို့ နှောင့်ယှက်ကာ အဖျက်အမှောင့် လုပ်ကြလိမ့်ဦးမည် ဖြစ်သည်။ ပေါလုကဲ့သို့ပင် ၎င်းတို့သည် မိမိတို့ကိုယ်ကို ဂုဏ်တင်ချီးကျူးကာ သက်သေခံရင်း တစ်ပုံစံတည်းသော အမှားဟောင်းများကိုပင် ပြုမိကြလိမ့်မည် ဖြစ်သည်။ ၎င်းတို့သည် သမ္မာတရား လိုက်စားခြင်း လမ်းကြောင်းကို လုံးဝ မလျှောက်နိုင်ကြသကဲ့သို့ ၎င်းတို့၏ လမ်းကြောင်းဟောင်း၊ အန္တိခရစ်တစ်ဦး၏ လမ်းကြောင်း၊ ပေါလု၏ လမ်းကြောင်းကို လျှောက်ကြလိမ့်မည် ဖြစ်သည်။ ဤသည်မှာ အန္တိခရစ်များကို နှင်ထုတ်ခြင်းအတွက် အခြေခံအကြောင်းရင်း ဖြစ်သည်။

၎င်းတို့၏ မလိုမုန်းထားသော သဘာဝကြောင့်၊ အန္တိခရစ်များသည် သမ္မာတရား လိုက်စားသောသူ မည်သူကိုမဆို အလျှော့မပေးကြပေ။ တကယ့် အလုပ်အချို့ လုပ်ဆောင်နိုင်သည့် မည်သည့်ခေါင်းဆောင်များနှင့် အမှုဆောင်များကိုမဆို ၎င်းတို့က အထင်သေးကြပြီး ၎င်းတို့ကိုယ်တိုင်သာ မှန်ကန်ကာ အခြားသူများအားလုံး မှားယွင်းသည့်အလား ခေါင်းဆောင်များနှင့် အမှုဆောင်များအားလုံးကို အယောင်ဆောင်အဖြစ် အမည်တပ်ကြသည်။ ၎င်းတို့ကို သမ္မာတရားဖြင့် မည်သို့မိတ်သဟာယ ပြုပေးသည်ဖြစ်စေ ပြုပြင်ခြင်းကို ၎င်းတို့ လုံးဝ လက်ခံကြလိမ့်မည် မဟုတ်သကဲ့သို့ ၎င်းတို့ကိုယ်ပိုင် အမြင်များကို ထိန်းသိမ်းကြလိမ့်ဦးမည်ဖြစ်သည်။ အကယ်၍ ၎င်းတို့အား ပြုပြင်သူ မည်သူမဆိုက ၎င်းတို့ကို အပြည့်အဝ သိမ်းသွင်းစည်းရုံးနိုင်ခြင်း မရှိလျှင် ထိုအရာကို ၎င်းတို့ လက်မခံကြလိမ့်မည် မဟုတ်။ ပြုပြင်ခံရခြင်းက အချည်းနှီးဖြစ်ပြီး သမ္မာတရားနှင့် မည်သည့် ပတ်သက်မှုမျှမရှိဟု ၎င်းတို့ တွေးထင်ကြသည်။ ဤသည်မှာ ၎င်းတို့၏ အမြင်ရှုထောင့်ဖြစ်သည်။ ၎င်းတို့သည် မိမိတို့၏ ကိုယ်ပိုင်အမြင်ရှုထောင့်များကို အစဉ်သဖြင့် ထိန်းသိမ်းသောကြောင့် သမ္မာတရားကို လက်ခံဖို့ ၎င်းတို့အတွက် အလွန်ခက်ခဲပြီး တစ်ချိန်တည်းတွင် ၎င်းတို့ကို ပြုပြင်သူတို့အား ၎င်းတို့က ဝေဖန်ကာ ရှုတ်ချကြသည်။ ပြုပြင်ခံရခြင်းကို ၎င်းတို့ သဘောထားပုံတွင် အန္တိခရစ်များက မည်သည့်စိတ်သဘောထားကို ထုတ်ဖော်ကြသနည်း။ အန္တိခရစ်များ၏ သဘာဝ အနှစ်သာရက မည်သည့်အရာဖြစ်သည်ကို သင်တို့ မြင်နိုင်သလော။ အန္တိခရစ်တို့၏ သဘာဝရှိ အဓိကစရိုက်များမှ တစ်ခုမှာ ရက်စက်ကြမ်းကြုတ်ခြင်း ဖြစ်သည်။ “ရက်စက်ကြမ်းကြုတ်ခြင်း” ဆိုသည်မှာ မည်သည့်အရာကို ဆိုလိုသနည်း။ ယင်းက ၎င်းတို့၌ သမ္မာတရားနှင့်စပ်လျဉ်း၍ အထူးသဖြင့် ဆိုးယုတ်သော သဘောထားရှိခြင်း ဖြစ်သည်၊ သမ္မာတရားကို ကျိုးနွံနာခံနိုင်ခြင်း မရှိရုံသာမက၊ လက်ခံဖို့ ငြင်းဆန်ရုံသာမက ၎င်းတို့ကို ပြုပြင်သူတို့ကိုပင် ပြစ်တင်ရှုတ်ချလေသည်။ ယင်းမှာ အန္တိခရစ်တို့၏ ရက်စက်ကြမ်းကြုတ်သည့် စိတ်သဘောထား ဖြစ်သည်။ ပြုပြင်ခံရခြင်းကို လက်ခံသူ မည်သူမဆိုသည် အနိုင်ကျင့်ခြင်းကို ခုခံနိုင်စွမ်း မရှိကြောင်းနှင့် အခြားသူများကို အစဉ်သဖြင့် ပြုပြင်သည့်လူများသည် အစဉ်သဖြင့် ရန်စပြီး အနိုင်ကျင့်လိုသည့် လူများဖြစ်သည်ဟု အန္တိခရစ်တို့က ထင်ကြသည်။ ထို့ကြောင့် အန္တိခရစ်တစ်ဦးသည် ၎င်းတို့ကို ပြုပြင်သည့်သူ မည်သူကိုမဆိုအား ခုခံလိမ့်မည် ဖြစ်ပြီး ထိုလူကို ခက်ခဲစေလိမ့်မည်။ ပြီးလျှင် အန္တိခရစ်တစ်ဦး၏ ချို့ယွင်းချက်များ၊ ဖောက်ပြန်ပျက်စီးခြင်းတို့ကို ဆွေးနွေးပြောဆိုလာသည့် မည်သူ့ကိုမဆိုဖြစ်စေ၊ ၎င်းတို့ကို သမ္မာတရားနှင့် ဘုရားသခင်၏ ရည်ရွယ်ချက်များအကြောင်း မိတ်သဟာယပြုသည့်သူ မည်သူ့ကိုမဆိုဖြစ်စေ၊ ၎င်းတို့အား မိမိတို့ကိုယ်ကို သိစေသည့် မည်သူ့ကိုမဆိုဖြစ်စေ ထိုလူသည် ၎င်းတို့အား ခက်ခဲအောင် လုပ်နေသည်ဟု တွေးထင်ကြပြီး ထိုလူကို သဘောမကျပေ။ ၎င်းတို့သည် ထိုလူကို အလွန်အမင်း မုန်းတီးကြပြီး ထိုသူကို လက်စားချေမည်ဖြစ်ကာ ထိုလူအတွက် ကိစ္စများကို ခက်ခဲအောင် လုပ်ဆောင်ကြလိမ့်မည်။ ဤသည်မှာ ငါတို့ မိတ်သဟာယပြုကြမည့် အန္တိခရစ်တို့က ပြုပြင်ခံရခြင်းအား သဘောထားပုံနှင့်ဆိုင်သော နောက်ထပ် သရုပ်သကန်တစ်ခု ဖြစ်သည်။ ၎င်းတို့ကို ပြုပြင်ပြီး ဖော်ထုတ်သည့် မည်သူ့ကိုမဆို ၎င်းတို့က မုန်းတီးကြသည်။ ဤသည်မှာ အန္တိခရစ်များတွင် အလွန် သိသာထင်ရှားသော သရုပ်သကန်တစ်ခု ဖြစ်သည်။ မည်သို့သော လူစားမျိုးများသည် ထိုသို့သော ရက်စက်ကြမ်းကြုတ်သည့် စိတ်သဘောထားကို ပိုင်ဆိုင်ကြသနည်း။ ဆိုးယုတ်သည့် လူများဖြစ်သည်။ အမှန်မှာမူ အန္တိခရစ်တို့သည် ဆိုးယုတ်သော လူများဖြစ်သည်။ ထို့ကြောင့် ဆိုးယုတ်သော လူများနှင့် အန္တိခရစ်တို့သာလျှင် ထိုသို့သော ကြမ်းကြုတ်ရက်စက်သည့် စိတ်သဘောထားကို ပိုင်ဆိုင်သည့်သူများ ဖြစ်သည်။ ကြမ်းကြုတ်ရက်စက်သော လူတစ်ဦးသည် စေတနာထားသည့် တိုက်တွန်းအားပေးခြင်းမျိုး၊ စွပ်စွဲခြင်းမျိုး၊ သွန်သင်ခြင်းမျိုး၊ သို့မဟုတ် အကူအညီမျိုး တစ်ခုတလေကို ကြုံရသည့်အခါ ၎င်းတို့၏ သဘောထားသည် ကျေးဇူးတင်ရှိခြင်း၊ သို့မဟုတ် နှိမ်ချစွာ လက်ခံခြင်း ဖြစ်ရမည့်အစား အရှက်ကြောင့် အမျက်ဒေါသထွက်ပြီး အလွန်အမင်း ရန်လိုခြင်း၊ မုန်းတီးခြင်းနှင့် လက်တုံ့ပြန်ခြင်းတို့ပင် ဖြစ်လေသည်။ “လတ်တလောတွင် သင်သည် စည်းမျဉ်းနှင့်အညီ မပြုမူဘဲ အထိန်းအကွပ်မဲ့နေခဲ့ပြီး သင်၏ တာဝန်ကို ထမ်းဆောင်နေစဉ်တွင် သင့်ကိုယ်သင် တစ်စိုက်မတ်မတ် ကြွားလုံးထုတ်နေခဲ့သည်။ သင်သည် အဆင့်အတန်းအတွက် အလုပ်လုပ်နေခဲ့ပြီး သင်၏ တာဝန်ကို လုံးဝ ကမောက်ကမ ဖြစ်စေခဲ့သည်။ သင်သည် ဘုရားသခင်နှင့်ပတ်သက်၍ ဖြောင့်မတ်လေပြီလော။ သင်၏ တာဝန်ကို လုပ်ဆောင်သည့်အခါ အဘယ်ကြောင့် သမ္မာတရားကို သင် မရှာသေးသနည်း။ စည်းမျဉ်းအတိုင်း အဘယ်ကြောင့် သင် ပြုမူဆောင်ရွက်ခြင်း မရှိသေးသနည်း။ ညီအစ်ကို မောင်နှမများက သမ္မာတရားနှင့်ပတ်သက်၍ သင်နှင့်အတူ မိတ်သဟာယပြုသည့်အခါ သင် အဘယ်ကြောင့် လက်မခံခဲ့သနည်း။ ယင်းတို့ကို သင် အဘယ်ကြောင့် လျစ်လျူရှုလေပြီနည်း။ သင် နှစ်သက်သည့်အတိုင်း အဘယ်ကြောင့် သင် ဆက်လုပ်ဆောင်လေပြီနည်း”ဟု ပြောဆိုခြင်းဖြင့် အန္တိခရစ်တစ်ဦးကို ပြုပြင်ကာ ဖော်ထုတ်သည့်သူအချို့ ရှိသည်။ ဖောက်ပြန်ပျက်စီးခြင်းနှင့် ဆိုင်သည့် ၎င်း၏ ထုတ်ဖော်ခြင်းကို ဖော်ထုတ်သည့် ဤအဘယ်ကြောင့်ဟူသည်အရာအချို့၊ ဤစကားများသည် ၎င်းကို စိတ်အနှောင့်အယှက်ဖြစ်စေသည်။ “အဘယ်ကြောင့်နည်း။ “အဘယ်ကြောင့်”ဟူသည့်အရာ မရှိပါ။ ငါ အလိုရှိသည့် မည်သည့်အရာကိုမဆို ငါ လုပ်ဆောင်သည်။ ငါ့ကို ပြုပြင်ရန် မည်သည့်အရာက သင့်အား အခွင့်ပေးသနည်း။ ထိုသို့လုပ်ဆောင်ရအောင် သင်သည် အဘယ်သူများနည်း။ ငါသည် တစ်ဇွတ်ထိုးလုပ်တတ်သည်။ ထိုအရာနှင့်ပတ်သက်၍ သင် မည်သည့်အရာကို လုပ်ဆောင်နိုင်သနည်း။ ယခုတွင် ငါ ဤအသက်အရွယ်ကို ရောက်ပြီဖြစ်သဖြင့် ငါ့ကို အဘယ်သူမျှ ဤသို့ မပြောဝံ့ပေ။ ငါတစ်ဦးတည်းသာ အခြားသူများကို ဤပုံစံဖြင့် စကားပြောနိုင်သည်။ အခြားမည်သူကမျှ ငါ့ကို ဤကဲ့သို့ စကားမပြောနိုင်ပါ။ မည်သူက ငါ့ကို ဩဝါဒပေးဝံ့သနည်း။ ငါ့ကို ဩဝါဒပေးနိုင်သည့်လူ မမွေးသေးပါ။ သင် ငါ့ကို ဩဝါဒပေးနိုင်သည်ဟု အမှန်တကယ် ထင်သလော”ဟူ၍ ဖြစ်သည်။ ၎င်း၏ စိတ်နှလုံးအတွင်းတွင် အမုန်းတရားဖြစ်ပေါ်ပြီး လက်စားချေဖို့အတွက် အခွင့်အရေးကို ရှာဖွေလေသည်။ ၎င်း၏ စိတ်ထဲတွင် ၎င်းက “ငါ့ကို ပြုပြင်နေသည့် ဤလူသည် အသင်းတော်တွင် တန်ခိုးအာဏာရှိသူလော။ ငါ သူ့ကို လက်တုံ့ပြန်မည်ဆိုလျှင် သူ့အတွက် မည်သူက ရပ်တည်ပေးမည်နည်း။ ငါ သူ့ကို ဒုက္ခပေးမည်ဆိုလျှင် အသင်းတော်က ငါ့ကို ကိုင်တွယ်ဖြေရှင်းလိမ့်မည်လော။ ငါ့တွင် ဖြေရှင်းချက်တစ်ခုရှိသည်။ သူ့ကို ငါ ကိုယ်တိုင်ကိုယ်ကျ လက်တုံ့ပြန်မည် မဟုတ်ပါ။ တစ်စုံတစ်ခုကို လုံးဝ လျှို့ဝှက်စွာဖြင့် ငါ လုပ်ဆောင်မည်။ သူ့ကို ဝေဒနာခံစားစေကာ အရှက်ရစေရန်အတွက် သူ၏ မိသားစုကို ငါ တစ်စုံတစ်ခု လုပ်ဆောင်မည်၊ ထိုသို့ဖြင့် ငါသည် ဤမကျေမချမ်းဖြစ်ခြင်းမှ လွတ်မြောက်မည်ဖြစ်သည်။ ငါ လက်စားချေကိုချေရမည်။ ဤကိစ္စကို ယခု ငါ ဘေးချိတ်ထား၍မရပါ။ အခြားသူများက ငါ့ကို ဩဇာပေးနိုင်ရန်အလို့ငှာ ဘုရားကို ငါ ယုံကြည်လာခဲ့ခြင်း မဟုတ်သကဲ့သို့ အခြားသူများအား ငါ့ကို စိတ်တိုင်းကျ အနိုင်ကျင့်ခွင့်ပေးရန်အတွက် ဤနေရာသို့ ငါ လာခဲ့ခြင်း မဟုတ်ပါ။ ငါသည် ကောင်းချီးမင်္ဂလာများရရှိရန်နှင့် ကောင်းကင်နိုင်ငံတော်သို့ ဝင်ရောက်ရန် လာခဲ့ခြင်းဖြစ်သည်။ သစ်တစ်ပင်သည် သစ်ခေါက်ကို လိုအပ်သကဲ့သို့ လူတို့သည် ဂုဏ်သိက္ခာကို လိုအပ်သည်။ လူတို့သည် မိမိတို့၏ ဂုဏ်သိက္ခာအတွက် တိုက်ခိုက်ရန် ရဲရင့်ခြင်းရှိရမည်။ ငါ့ကို ဖော်ထုတ်ရလောက်အောင် သင်သည် ရဲတင်းလိုက်လေခြင်း။ ဤသည်မှာ အနိုင်ကျင့်ခြင်းပင်ဖြစ်သည်။ ယခုအခါ သင်သည် ငါ့ကို အရေးပါသည့် ပုဂ္ဂိုလ်တစ်ဦးအဖြစ် မဆက်ဆံသဖြင့် ငါသည် သင့်ကို ဒုက္ခပေးမည်ဖြစ်ပြီး ငါသည် သင့်ကို အကျိုးဆက်များ ခံစားစေမည်။ ထိပ်တိုက်ရင်ဆိုင်ဖြေရှင်းကြစို့၊ ပြီးလျှင် မည်သူက ပို၍ရက်စက်သည်ကို ကြည့်ကြစို့"ဟူ၍ အပိုင်ကြံနေကြလေသည်။ ဖော်ထုတ်သည့် စကားအနည်းငယ်မျှက အန္တိခရစ်များကို အမျက်ထွက်စေပြီး ၎င်းတို့ထဲတွင် ကြီးမားလှသည့် အမုန်းတရားကို ဖြစ်ပေါ်စေခဲ့ကာ လက်စားချေဖို့အတွက် များစွာ အားထုတ်လုပ်ဆောင်စေလေတော့သည်။ ၎င်းတို့၏ ကြမ်းတမ်းရက်စက်သော စိတ်သဘောထားသည် လုံးဝ ပေါ်လွင်ထင်ရှားလျက် ရှိသည်။ ၎င်းတို့အနေဖြင့် အခြားတစ်ဦးကို မုန်းတီးမှုကြောင့် လက်တုံ့ပြန်သည့်အခါ ထိုသူအပေါ် မုန်းတီးမှု သို့မဟုတ် ယခင်ကရှိခဲ့သည့် အာဃာတကြောင့် မဟုတ်ဘဲ ထိုသူက ၎င်းတို့၏ အမှားများကို ဖော်ထုတ်ခဲ့သောကြောင့်သာ ဖြစ်သည်မှာ အမှန်ဖြစ်၏။ ဤအရာက မည်သူလုပ်ဆောင်သည်ဖြစ်စေ၊ အန္တိခရစ်နှင့် ထိုသူ၏ ဆက်ဆံရေးက မည်သို့ဖြစ်စေ အန္တိခရစ်တစ်ဦးကို ဖော်ထုတ်သည့် လုပ်ရပ်သက်သက်က ထိုအန္တိခရစ်၏ မုန်းတီးမှုကို အစပျိုးစေနိုင်ပြီး ၎င်း၏ လက်စားချေမှုအား ဖြစ်ပေါ်စေနိုင်သည်ကို ပြသနေသည်။ မည်သူဖြစ်စေ၊ ၎င်းသည် သမ္မာတရားကို နားလည်သည်ဖြစ်စေ၊ နားမလည်သည်ဖြစ်စေ၊ ခေါင်းဆောင်တစ်ဦး ဖြစ်သည်ဖြစ်စေ၊ အမှုဆောင်တစ်ဦးဖြစ်သည်ဖြစ်စေ၊ ဘုရားသခင် ရွေးချယ်ထားသော လူတို့ထဲမှ သာမန်အဖွဲ့ဝင်တစ်ဦး ဖြစ်သည်ဖြစ်စေ မည်သူတစ်ဦးတစ်ယောက်က အန္တိခရစ်ကို ဖော်ထုတ်ပြီး ပြုပြင်သရွေ့ ထိုသူကို ရန်သူတစ်ဦးအဖြစ် ၎င်းက သဘောထားလိမ့်မည် ဖြစ်သည်။ ၎င်းက “ကျွန်ုပ်ကို ပြုပြင်သူ မည်သူကိုမဆို ကျွန်ုပ် ကြမ်းကြမ်းတမ်းတမ်း ဆက်ဆံမည်ဖြစ်သည်။ ကျွန်ုပ်ကို ပြုပြင်သူ၊ ကျွန်ုပ်၏ လျှို့ဝှက်ချက်များကို ဖော်ထုတ်သူ၊ ကျွန်ုပ်အား ဘုရားအိမ်တော်၏ နှင်ထုတ်ခြင်းခံရအောင် လုပ်ဆောင်သူ၊ သို့မဟုတ် ကျွန်ုပ်၏ ကောင်းချီးဝေစုကို လုယက်သူ မည်သူကိုမဆို ကျွန်ုပ် လုံးဝ လွှတ်ထားမည် မဟုတ်ပါ။ ယင်းမှာ ဤလောကီ ကမ္ဘာတွင် ငါ၏ ပကတိအခြေအနေ ဖြစ်သည်။ မည်သူကမျှ ငါ့ကို ဒုက္ခမပေးဝံ့ပါ။ ငါ့ကို ဒုက္ခပေးဝံ့သည့်လူ မမွေးသေးပါ”ဟုပင် ပွင့်ပွင့်လင်းလင်း ပြောဆိုလိမ့်မည်။ ဤသည်တို့မှာ အန္တိခရစ်များက ပြုပြင်ခြင်းကို ရင်ဆိုင်ရသည့်အခါ ထုတ်ဖော်ပြောဆိုလေ့ရှိကြသည့် ကြမ်းတမ်းသော စကားများဖြစ်သည်။ ဤကြမ်းတမ်းသော စကားများကို ၎င်းတို့ ထုတ်ဖော်ပြောဆိုသည့်အခါ အခြားသူတို့ကို ခြိမ်းခြောက်ရန်မဟုတ်သကဲ့သို့ မိမိတို့ကိုယ်ကို ကာကွယ်ရန် ၎င်းတို့က ဖွင့်ထုတ်ပြောဆိုနေခြင်းလည်း မဟုတ်ပေ။ ၎င်းတို့သည် အမှန်တကယ် မကောင်းမှုကို လုပ်ဆောင်နိုင်စွမ်းရှိကြပြီး ၎င်းတို့အတွက် ရရှိနိုင်သော မည်သည့်နည်းလမ်းကိုမဆို အောက်တန်းအကျခံ၍ ကျင့်သုံးကြလိမ့်မည်။ ဤသည်မှာ အန္တိခရစ်များ၏ ရက်စက်သော စိတ်သဘောထား ဖြစ်သည်။ အချို့သော ခေါင်းဆောင်များနှင့် အမှုဆောင်များက ဤကဲ့သို့သော အန္တိခရစ်များကို ကြုံရသည့်အခါ ထိုသူတို့ကို ဖော်ထုတ်ဖို့ သို့မဟုတ် ထိုသူတို့အပေါ် အရေးယူဆောင်ရွက်ဖို့ သတ္တိမရှိကြဘဲ အန္တိခရစ်များက သာ၍ပင် ဆိုးလာကြလေတော့သည်။ ၎င်းတို့၏ မကောင်းမှုပြုခြင်းက သာ၍ပင် အရှက်မဲ့လာသည်၊ ၎င်းတို့က လူတို့ကို အထင်အမြင်မှားစေပြီး အဖျက်အမှောင့်လုပ်ရန် ကြိုးစားမြဲကြိုးစားနေကြပြီး ထိုလူအများစုကို အထင်အမြင်မှားစေကာ ထိန်းချုပ်သည့်အဖြစ်သို့ နောက်ဆုံး၌ ရောက်ရှိသွားကြသည်။ ဤသည်မှာ ဘေးဒုက္ခဖြစ်စေသောအရာ ဖြစ်သည်။ အချို့သော အန္တိခရစ်များသည် ညီအစ်ကို မောင်နှမများကြောင့် ၎င်းတို့၏ ဒုစရိုက်အမှုများ ဖော်ထုတ်ခံကြောင်း သို့မဟုတ် အထက်လူကြီးများထံသို့ တိုင်ကြားခံရကြောင်း သိသွားသည့်အခါ ၎င်းတို့သည် ထိုသူတို့ကို လက်စားချေကာ အဆင်းနီသော နဂါးကြီးလက်သို့ လွှဲအပ်ကြလေသည်။ ထိုသူတို့ကို ၎င်းတို့က စာတန်၏ အုပ်ချုပ်မှုသို့ အပ်ကြသည်။ ဤသည်မှာ ရက်စက်သော စိတ်သဘောထားတစ်ခု ဖြစ်သည် မဟုတ်လော။ ပြီးလျှင် အန္တိခရစ်များက အလွန် ရက်စက်သည်ကို ထောက်ရှုသော် ၎င်းတို့သည် ဘုရားသခင်ကို အမှန်တကယ် ယုံကြည်ကြသလော။ လုံးဝ မယုံကြည်ကြပေ။ ၎င်းတို့သည် စာတန်၏ လက်ပါးစေများဖြစ်ကြပြီး အသင်းတော်ကို အဖျက်အမှောင့်လုပ်ရန် လာကြခြင်းဖြစ်သည်။ ၎င်းတို့သည် ဘုရားအိမ်တော်ထဲသို့ လှည့်ဖြားခြင်းဖြင့် ဝင်ရောက်လာသော မကောင်းဆိုးဝါးများဖြစ်ပြီး ဘုရားသခင်၏ အမှုတော်ကို နှောင့်ယှက်ကာ ထိခိုက်စေခြင်းမှလွဲ၍ မည်သည့်အရာမျှ မလုပ်ဆောင်ကြဘဲ ဘုရားသခင်ကို ဆန့်ကျင်ကြသည်။ ထို့ကြောင့် အန္တိခရစ်များသည် ဘုရားသခင်နှင့် ဘုရားသခင် ရွေးချယ်ထားသူများ၏ ရန်သူများဖြစ်ကြသည်။ အန္တိခရစ် မကောင်းဆိုးဝါးများကို ညီအစ်ကို မောင်နှမများကဲ့သို့ ဆက်ဆံခြင်းသည် ဆိုးရွားသော အမှားတစ်ခု ဖြစ်ပေမည်။ သင့်အနေဖြင့် ထိုသို့သော အရာတစ်ခုကို လုပ်ဆောင်သည်ဟူသည်မှာ သင်သည် မျက်ကန်းဖြစ်ရပေမည်။ အန္တိခရစ်တစ်ဦးသည် ညီအစ်ကိုတစ်ဦး သို့မဟုတ် ညီအစ်မတစ်ဦးဖြစ်သည့်အလား ရေလောင်းခြင်း၊ ကျွေးမွေးခြင်းနှင့် ထောက်ပံ့ပေးခြင်းခံရလျှင် သို့မဟုတ် သမ္မာတရား လိုက်စားသောသူတစ်ဦး ဖြစ်သည့်အလား ရာထူးတိုးခြင်းခံရပြီး အရေးကြီးသည့် အခန်းကဏ္ဍတစ်ခုကို ပေးခြင်းခံရလျှင် ခေါင်းဆောင်သည် ကြီးမားသည့် မကောင်းမှုကို ကျူးလွန်နေခြင်းဖြစ်သည်။ ၎င်းသည် အန္တိခရစ်၏ မကောင်းမှုတွင် ပါဝင်ပတ်သက်နေကြခြင်းဖြစ်ပြီး ၎င်းကို ဖယ်ရှားရှင်းလင်းရမည်ဖြစ်သည်။ ထိုသို့သော အယောင်ဆောင် ခေါင်းဆောင်များသည် အန္တိခရစ်များ၏ ကြံရာပါများဖြစ်ပြီး ၎င်းတို့ကိုယ်တိုင်က ရှင်းလင်းပစ်ကာ နှင်ထုတ်ခြင်းခံရသင့်သည့် အန္တိခရစ်များဖြစ်သည်ဟု ပြောပါက တရားနည်းလမ်းကျပေသည်။

အန္တိခရစ်များ ပြုပြင်ခံရသည့်အခါ ၎င်းတို့၏ သဘောထားက လက်ခံပြီး နာခံသည့် သဘောထားတစ်ခု မဟုတ်ပေ။ ထိုအစား ၎င်းတို့သည် ထိုအရာကို အတိုက်အခံလုပ်ကာ အလွန်အမင်း မနှစ်မြို့ခြင်း ရှိကြပေသည်။ ယင်းက အမုန်းတရား ဖြစ်စေသည်။ ၎င်းတို့သည် မိမိတို့ကို ပြုပြင်သူတိုင်း၊ ၎င်းတို့၏ အိမ်တွင်း အရှုပ်တော်ပုံကို ထုတ်ဖော်ပြီး ၎င်းတို့၏ အမှန်တကယ်ဖြစ်သော အခြေအနေများကို ဖော်ထုတ်သည့် လူတိုင်းအား ၎င်းတို့၏ စိတ်နှလုံးအတွင်းထဲတွင် မုန်းတီးကြသည်။ ၎င်းတို့က မည်သည့်အတိုင်းအတာထိ သင့်ကို မုန်းကြသနည်း။ ၎င်းတို့က မုန်းတီးစိတ်ဖြင့် အံကြိတ်လျက် ၎င်းတို့၏ မြင်ကွင်းမှ သင် ပျောက်ကွယ်သွားမည်ကို အလိုရှိကြပြီး သင်တို့နှစ်ဦး အတူနေ၍မရဟု ခံစားနေကြသည်။ အန္တိခရစ်များသည် လူတို့နှင့်ပတ်သက်၍ ဤကဲ့သို့ဖြစ်ကြလျှင် ၎င်းတို့ကို ဖော်ထုတ်ကာ ရှုတ်ချသည့် ဘုရားနှုတ်ကပတ်တော်များအား ၎င်းတို့ လက်ခံနိုင်ကြသလော။ လက်မခံနိုင်ကြပေ။ ၎င်းတို့ကို ဖော်ထုတ်သည့် မည်သူမဆိုကို ၎င်းတို့သည် မိမိတို့အား ဖော်ထုတ်ခြင်းနှင့် မိမိတို့ကို မထောက်ခံရုံဖြင့် မုန်းကြလိမ့်မည်ဖြစ်ပြီး ထိုသူတို့အား လက်တုံ့ပြန်ကြလိမ့်မည်။ ၎င်းတို့သည် မိမိတို့ကို ပြုပြင်ခဲ့သူအား မိမိတို့ မြင်ကွင်းမှ ပျောက်ကွယ်သွားစေလိုကြသည်။ ထိုသူ အဆင်ပြေနေသည်ကို မြင်ရခြင်းအား ၎င်းတို့ မခံနိုင်ကြပေ။ ဤလူက သေဆုံးသွားလျှင် သို့မဟုတ် ကပ်ဘေး ကြုံတွေ့ရလျှင် ၎င်းတို့ ပျော်ရွှင်ကြပေမည်။ ဤလူ အသက်ရှိကာ ဘုရားအိမ်တော်၌ မိမိတာဝန်ကို ထမ်းဆောင်နေသေးပြီး အရာရာက ပုံမှန်အတိုင်း ဖြစ်နေသရွေ့ ၎င်းတို့၏ စိတ်နှလုံးတွင် ဆင်းရဲဒုက္ခခံစားရသည်၊ မသက်မသာဖြစ်ကာ မခံမရပ်နိုင်ဖြစ်ခြင်းတို့ကို ခံစားရလေသည်။ ၎င်းတို့တွင် တစ်စုံတစ်ဦးအပေါ် လက်တုံ့ပြန်ဖို့ နည်းလမ်းမရှိသည့်အခါ ထိုသူကို တိတ်တဆိတ် ကျိန်ဆဲလေသည်၊ သို့မဟုတ် ထိုလူအပေါ် ဘုရားသခင်က အပြစ်ဒဏ်ပေးခြင်းနှင့် ဒဏ်ခတ်ခြင်းတို့ ဆောင်ကြဉ်းပေးရန်နှင့် ဘုရားသခင်က ၎င်းတို့၏ နစ်နာချက်များကို တရားသဖြင့်ဖြစ်အောင် လုပ်ပေးရန်အတွက်ပင် ဆုတောင်းကြလေသည်။ အန္တိခရစ်များက ဤအမုန်းတရား ဖြစ်ပြီးသည်နှင့်တစ်ပြိုင်နက် ဤအရာက လုပ်ရပ်တသီတတန်းကို ဖြစ်စေသည်။ ဤလုပ်ရပ်များတွင် လက်တုံ့ပြန်ခြင်းနှင့် ကျိန်ဆဲခြင်းများအပြင်၊ အမုန်းတရားမှ အစပြုသည့် အခြားသူများကို အမှုဆင်ခြင်း၊ အသရေဖျက်ခြင်းနှင့် ပြစ်တင်ရှုတ်ချခြင်းတို့ကဲ့သို့သော အခြားလုပ်ရပ်အချို့ ပါဝင်သည်မှာ အမှန်ဖြစ်၏။ တစ်စုံတစ်ဦးက ၎င်းတို့ကို ပြုပြင်သည့်အခါ သူ၏ နောက်ကွယ်တွင် ၎င်းတို့က ထိုလူကို အကြည်ညိုပျက်အောင် လုပ်ကြလိမ့်မည်။ တစ်စုံတစ်ရာကို မှန်ကန်သည်ဟု ထိုလူက ပြောသည့်အခါ ၎င်းတို့က ထိုအရာ မှားယွင်းသည်ဟု ပြောကြလိမ့်မည်။ ထိုလူ၏ နောက်ကွယ်တွင် အလိမ်အညာများ ဖြန့်ပြီး အဖျက်အမှောင့်များ ဖြစ်စေလျက် ၎င်းလုပ်ဆောင်သည့် အပြုသဘောဆောင်သော အရာအားလုံးကို လွဲချော်စေပြီး အပျက်သဘောဖြစ်စေမည် ဖြစ်သည်။ မသိနားမလည်သကဲ့သို့ အမှုအရာများကို မရိပ်စားမိနိုင်သည့် သို့မဟုတ် မိမိတို့ကိုယ်တိုင်အတွက် ပိုင်းခြားသိမြင်နိုင်ခြင်း မရှိသည့် အခြားသူများကို ၎င်းတို့ဘက်တွင် ပူးပေါင်းဖို့နှင့် ၎င်းတို့ကို ထောက်ကူစေဖို့ရန်အလို့ငှာ ၎င်းတို့က လှုံ့ဆော်ပြီး ဆွဲဆောင်ကြလိမ့်မည်။ ၎င်းတို့ကို ပြုပြင်သည့် လူက မကောင်းသည့်အရာတစ်ခုမျှ မလုပ်ဆောင်ခဲ့သည်မှာ သိသာသော်လည်း ထိုသူအပေါ် မကောင်းမှုအချို့ကို ပုံထားချင်ကြဆဲဖြစ်သည်။ ထိုသို့ဖြင့် ထိုသူသည် ဤအမှုအရာမျိုးများ ပြုလုပ်သည်ဟု လူတိုင်းအား မှားယွင်းစွာ ယုံကြည်စေပြီးနောက် ထိုသူကို လူတိုင်း အတူတကွ ငြင်းပယ်ကြစေဖို့အလို့ငှာ ဖြစ်သည်။ အန္တိခရစ်များသည် ဤနည်းဖြင့် အသင်းတော် အသက်တာကို အဖျက်အမှောင့်လုပ်ကာ လူတို့အား ထိုသူတို့၏ တာဝန်ထမ်းဆောင်မှုတွင် အဖျက်အမှောင့်လုပ်ကြသည်။ ၎င်းတို့၏ ရည်မှန်းချက်ပန်းတိုင်မှာ အဘယ်နည်း။ ၎င်းတို့ကို ပြုပြင်သည့်လူအား အခက်အခဲဖြစ်စေရန်နှင့် လူတိုင်းအား ထိုသူ့ကို စွန့်ပစ်စေရန် ဖြစ်သည်။ “သင်သည် ကျွန်ုပ်ကို ပြုပြင်ကာ အခက်အခဲ ဖြစ်စေခဲ့သည်။ ထို့ကြောင့် ထိုအရာနှင့်ပတ်သက်၍ သင့်ကို ကျွန်ုပ် အေးအေးဆေးဆေးနေခွင့်ပေးလိမ့်မည် မဟုတ်ပါ။ ပြုပြင်ခံရခြင်းနှင့် စွန့်ပစ်ခံရခြင်းက မည်သည့်အရာနှင့် တူသည်ကို သင့်အား ကျွန်ုပ် မြည်းစမ်းစေမည်။ သင် ကျွန်ုပ်ကို မည်သို့ပင် ဆက်ဆံပါစေ ယင်းအတိုင်း သင့်ကို ကျွန်ုပ် ဆက်ဆံမည်။ ကျွန်ုပ်ကို သင် အေးအေးဆေးဆေး နေခွင့်မပေးလျှင် သင်သည်လည်း အေးအေးဆေးဆေး နေခွင့်ရလိမ့်မည် မထင်နှင့်”ဟု ပြောသော အန္တိခရစ်အချို့လည်း ရှိပေသည်။ အန္တိခရစ်များ မကောင်းမှုကို လုပ်ဆောင်သည့်အခါ အချို့သော ခေါင်းဆောင်များနှင့် အမှုဆောင်များက စကားစမြည်ပြောဆိုဖို့အတွက် ၎င်းတို့ကို ဖုန်းခေါ်ကြသည်။ ၎င်းတို့ နောင်တရရမည်ဖြစ်ကြောင်း ပြောကြပြီး ၎င်းတို့ကို ကူညီကာ ထောက်ပံ့ပေးဖို့အတွက် ဘုရားနှုတ်ကပတ်တော်များကို ဖတ်ပြကြသည်။ ထိုအရာကို ၎င်းတို့က လက်မခံရုံမက ခေါင်းဆောင်က စစ်မှန်သည့် မည်သည့်အလုပ်မျှ မလုပ်သကဲ့သို့ ပြဿနာများကို ဖြေရှင်းဖို့ ဘုရားနှုတ်ကပတ်တော်ကို လုံးဝ အသုံးပြုခြင်းမရှိဟူသည့် ကောလာဟလများကိုလည်း အစပြုကြသည်။ အမှန်တွင် ခေါင်းဆောင်က ထိုသို့သော အလုပ်ကို လုပ်ဆောင်ပြီးဖြစ်ကာ ၎င်းတို့က ပြန်လှည့်ပြီး အမှန်တရားများကို လွဲချော်စေကာ မိမိတို့ကို ကူညီနေသည့်လူအား အသရေဖျက်ကြခြင်း ဖြစ်သည်။ ဤသည်မှာ ရက်စက်သည် မဟုတ်လော။ အပြည့်အဝ သိလျက်ဖြင့် ဤဆိုးယုတ်သော လူများနှင့် အန္တိခရစ်များသည် အပြုသဘောဆောင်သည့်အရာများက အပျက်သဘောဆောင်ခြင်းဖြစ်ကြောင်း၊ မိမိတို့၏ အပြစ်များ၊ အမှားများ၊ ကောက်ကျစ်ဆိုးယုတ်သော လုပ်ဆောင်ချက်များနှင့် မလိုမုန်းထားသော လုပ်ရပ်များကို သမ္မာတရားနှင့် ကိုက်ညီသည့် အပြုသဘောဆောင်သော အရာများဖြစ်ကြောင်း အခိုင်အမာဆိုကြသည်။ မိမိတို့တာဝန်ကို ထမ်းဆောင်နေစဉ် မည်မျှ ကြီးမားသည့် အမှားတစ်ခု ၎င်းတို့ ပြုလုပ်မိသည်ဖြစ်စေ၊ အသင်းတော်အလုပ်ကို မည်မျှ ထိခိုက်နစ်နာစေသည်ဖြစ်စေ ထိုအရာကို အသိအမှတ်မပြုကြ သို့မဟုတ် အလေးအနက် လုံးဝ သဘောမထားကြပေ။ ထိုအကြောင်းကို ၎င်းတို့ ပြောဆိုသည့်အခါ ပေါ့ပျက်ပျက်နှင့် အဖြစ်သဘောသာ ပြောဆိုကြလေသည်။ ဤကိစ္စရပ်ကြောင့် ၎င်းတို့ကို ပြုပြင်သည့်လူက ၎င်းတို့၏ အမြင်တွင် အပြစ်သားတစ်ဦးဖြစ်လာပြီး ထိုအစား ဝေဖန်မှု၏ ပစ်မှတ်ဖြစ်လာခဲ့သည်။ ဤသည်မှာ အဖြူကို အမည်းဟု ခေါ်ဆိုခြင်းဖြစ်သည် မဟုတ်လော။ အချို့သော အန္တိခရစ်များသည် ခေါင်းဆောင်တစ်ဦး သို့မဟုတ် အမှုဆောင်တစ်ဦး၏ ပြုပြင်ခြင်းခံရသည့်အခါ “ကျွန်ုပ်တို့ ညီအစ်ကို မောင်နှမများ ပြုမိသည့် အမှားများအားလုံးသည် မသိနားမလည်ခြင်းနှင့် ခေါင်းဆောင်များ၊ တာဝန်ရှိသူများက ကောင်းစွာ အလုပ်လုပ်ဖို့ ပျက်ကွက်ခြင်းတို့ကြောင့် ဖြစ်ရခြင်း ဖြစ်သည်။ ခေါင်းဆောင်များနှင့် အမှုဆောင်များက မိမိတို့အလုပ်အား မည်သို့ ဆောင်ရွက်ရမည်ကို သိခဲ့ကြလျှင် ကျွန်ုပ်တို့ကို ချက်ချင်း သတိပေးချက်များ ပေးခဲ့ပြီး အမှုအရာများကို ကောင်းစွာ စီမံခဲ့ကြမည်ဆိုလျှင် ဘုရားအိမ်တော်အတွက် ဆုံးရှုံးမှုများက လျော့နည်းသွားမည် မဟုတ်လော။ ထို့ကြောင့် မည်သည့် အမှားများကို ကျွန်ုပ်တို့ ပြုလုပ်မိသည်ဖြစ်စေ ခေါင်းဆောင်နှင့် အမှုဆောင်များကို လုံးဝ အပြစ်တင်ရမည်ဖြစ်ပြီး ၎င်းတို့က အကြီးမားဆုံး တာဝန်ယူသင့်ကြပေသည်”ဟု ဆိုလျက် မှားယွင်းသည့် တန်ပြန်စွပ်စွဲချက်များပင် ပြုလုပ်ကြလေသည်။ ဤသည်မှာ မှားယွင်းသည့် တန်ပြန်ပြောဆိုချက်များကို ပြုလုပ်ခြင်း မဟုတ်လော။ ဤမှားယွင်းသော တန်ပြန်ပြောဆိုချက်များသည် အဖြူကို အမည်းဟု ခေါ်ဆိုခြင်းဖြစ်ပြီး လက်တုံ့ပြန်ခြင်းပုံစံတစ်ခု ဖြစ်သည်။

အန္တိခရစ်များတွင် အလွန့်အလွန် ရက်စက်သော စိတ်သဘောထားများ ရှိကြသည်။ သင်သည် ၎င်းတို့ကို ပြုပြင်ရန် သို့မဟုတ် ဖော်ထုတ်ရန် ကြိုးစားလျှင် ၎င်းတို့က သင့်ကို မုန်းကြလိမ့်မည်ဖြစ်ပြီး အဆိပ်ပြင်းသော မြွေများဖြစ်သည့်အလား သင့်ကို မညှာမတာ တိုက်ခိုက်လိမ့်မည်။ သင်သည် မည်မျှ ကြိုးစားသည်ဖြစ်စေ ၎င်းတို့ကို လှုပ်ခါနိုင်မည်မဟုတ်၊ သို့မဟုတ် ခါချနိုင်မည် မဟုတ်ပေ။ ထိုသို့သော အန္တိခရစ်များကို သင်တို့ ကြုံရသည့်အခါ ကြောက်ရွံ့မိကြသလော။ လူအချို့သည် အမှန်တကယ် ကြောက်လန့်ကာ “သူတို့ကို ကျွန်ုပ် မပြုပြင်ဝံ့ပါ။ သူတို့သည် အဆိပ်ပြင်းသော မြွေများကဲ့သို့ အလွန် ကြမ်းကြုတ်ပြီး ကျွန်ုပ်၏ တစ်ကိုယ်လုံးအနှံ့ သူတို့ ရစ်ပတ်လိုက်လျှင် ကျွန်ုပ် ဇာတ်သိမ်းပြီဖြစ်သည်”ဟု ပြောကြသည်။ ဤသည်တို့မှာ မည်သည့် လူစားမျိုးများ ဖြစ်သနည်း။ ၎င်းတို့သည် ဝိညာဉ်ရင့်ကျက်မှု အလွန် သေးငယ်ကြသည်၊ မည်သည့်အရာအတွက်မျှ မကောင်းကြ၊ ခရစ်တော်၏ စစ်သားကောင်းများ မဟုတ်ကြသကဲ့သို့ ဘုရားသခင်ကိုလည်း သက်သေမခံနိုင်ကြပေ။ ထို့ကြောင့် ထိုသို့သော အန္တိခရစ်များကို သင်တို့ ကြုံသည့်အခါ မည်သည့်အရာကို သင် လုပ်ဆောင်သင့်သနည်း။ ၎င်းတို့က သင့်ကို ခြိမ်းခြောက်လျှင်၊ သို့မဟုတ် သင့်အသက်ကို နုတ်ယူဖို့ ကြိုးစားလျှင် သင် ကြောက်ရွံ့မည်လော။ ထိုသို့သော အခြေအနေများတွင် သင်၏ ညီအစ်ကို မောင်နှမများနှင့် သင် အမြန် ပူးပေါင်းကာ ရပ်တည်ရမည်၊ စုံစမ်းစစ်ဆေးရမည်၊ အထောက်အထား စုဆောင်းရမည်ဖြစ်ပြီး အသင်းတော်မှ အန္တိခရစ်များ ရှင်းလင်းသွားသည်ထိ ၎င်းကို ဖော်ထုတ်ရမည်ဖြစ်သည်။ ဤသည်မှာ ပြဿနာကို အကုန်အစင် ဖြေရှင်းခြင်း ဖြစ်သည်။ အန္တိခရစ်တစ်ဦးကို သင် ရှာဖွေတွေ့ရှိကာ ၎င်းတွင် ဆိုးယုတ်သော လူတစ်ဦး၏ အင်္ဂါရပ်များရှိပြီး အခြားသူများကို အပြစ်ပေးကာ လက်တုံ့ပြန်နိုင်သည်ကို သင် ရှင်းလင်းစွာ ပိုင်းခြားသိမြင်လျှင် ၎င်းတို့ မကောင်းမှုကျူးလွန်သည်ထိ မစောင့်နှင့်၊ ပြီးလျှင် ထိုအရာကို သင် မကိုင်တွယ်မီ သက်သေအထောက်အထားကို စုလော့။ ဤသည်မှာ ဘာသိဘာသာ နေခြင်းဖြစ်ပြီး ဆုံးရှုံးမှုအနည်းငယ်ပင် ဖြစ်စေနှင့်ပြီးဖြစ်လိမ့်မည်။ အန္တိခရစ်များက ၎င်းတို့တွင် ဆိုးယုတ်သော လူတစ်ဦး၏ အင်္ဂါရပ်များ ရှိသည်ကို ပြကာ ၎င်းတို့၏ မသိမသာဒုက္ခပေးပြီး မလိုမုန်းထားသော စိတ်သဘောထားကို ထုတ်ဖော်ပြ၍ ၎င်းတို့ လုပ်ဆောင်တော့မည့်အချိန်သည် ၎င်းတို့ကို ကိုင်တွယ်ရန်၊ ဖြေရှင်းရန်၊ ရှင်းလင်းပစ်ပြီး နှင်ထုတ်ရန် အကောင်းဆုံးဖြစ်သည်။ ဤသည်မှာ သင့်တင့်လျောက်ပတ်မှု အရှိဆုံးသော လုပ်နည်းကိုင်နည်း ဖြစ်သည်။ လူအချို့သည် အန္တိခရစ်များထံမှ လက်တုံ့ပြန်ခြင်းကို ကြောက်ရွံ့ပြီး ၎င်းတို့ကို မဖော်ထုတ်ဝံ့ကြချေ။ ဤသည်မှာ မိုက်မဲသည် မဟုတ်လော။ သင်သည် ဘုရားအိမ်တော်၏ အကျိုးစီးပွားများကို မကာကွယ်နိုင်ပေ။ ယင်းက သင်သည် ဘုရားသခင်ကို သစ္စာစောင့်သိမှုမရှိကြောင်း ပင်ကိုအားဖြင့် ပြသလေသည်။ အန္တိခရစ်က သင့်အပေါ် လက်တုံ့ပြန်ရန် နိုင်ကွက်တစ်ခု ရှာတွေ့မည်ကို သင် စိုးရွံ့သည်။ ပြဿနာမှာ မည်သည့်အရာဖြစ်သနည်း။ ဘုရားသခင်၏ ဖြောင့်မတ်ခြင်းကို သင် ယုံကြည်ကိုးစားမှု မရှိခြင်း ဖြစ်နိုင်မည်လော။ ဘုရားအိမ်တော်တွင် သမ္မာတရား အုပ်စိုးသည်ကို သင် မသိသလော။ သင့်တွင်ရှိသည့် ဖောက်ပြန်ပျက်စီးခြင်နှင့်ဆိုင်သော ကိစ္စအချို့ကို အန္တိခရစ်က ထိန်းချုပ်နိုင်ပြီး ထိုအရာနှင့်ပတ်သက်၍ ရေးကြီးခွင့်ကျယ်လုပ်လျှင်ပင် သင် မစိုးရွံ့သင့်ပေ။ ဘုရားအိမ်တော်တွင် ပြဿနာများကို သမ္မာတရား စည်းမျဉ်းများပေါ်အခြေခံ၍ ကိုင်တွယ်ပေသည်။ ပြစ်မှားခြင်းများကို ပြုလုပ်ခြင်းက တစ်စုံတစ်ဦးသည် ဆိုးယုတ်သော လူတစ်ဦးဖြစ်သည်ဟု မဆိုလိုပေ။ ဘုရားအိမ်တော်က ခဏတာ ဖောက်ပြန်ပျက်စီးမှု ထုတ်ဖော်ပြခြင်း သို့မဟုတ် ရံဖန်ရံခါ ပြစ်မှားခြင်းကြောင့် တစ်စုံတစ်ဦးကို လုံးဝ ကိုင်တွယ်ခြင်းမရှိပေ။ အဖျက်အမှောင့်များကို တစ်စိုက်မတ်မတ် ဖန်တီးပြီး မကောင်းမှုလုပ်ဆောင်ကာ သမ္မာတရား စိုးစဉ်းမျှကိုပင် လက်မခံသည့် ထိုအန္တိခရစ်များနှင့် ဆိုးယုတ်သော လူတို့ကို ဘုရားအိမ်တော်က ကိုင်တွယ်ဖြေရှင်းသည်။ ဘုရားအိမ်တော်က လူကောင်းတစ်ဦးကို မည်သည့်အခါတွင်မျှ မတရားလုပ်လိမ့်မည် မဟုတ်ပေ။ လူတိုင်းကို မျှတစွာ ဆက်ဆံသည်။ အယောင်ဆောင် ခေါင်းဆောင်များ သို့မဟုတ် အန္တိခရစ်များက လူကောင်းတစ်ဦးကို မမှန်မကန် စွပ်စွဲလျှင်ပင် ဘုရားအိမ်တော်က ထိုသူတို့ကို သင်္ကာရှင်းပေးလိမ့်မည်ဖြစ်သည်။ အသင်းတော်က အန္တိခရစ်များကို ဖော်ထုတ်နိုင်ကာ တရားမျှတစိတ်ရှိသည့် လူကောင်းတစ်ဦးကို မည်သည့်အခါတွင်မျှ ရှင်းလင်းပစ်လိမ့်မည် မဟုတ်၊ သို့မဟုတ် ကိုင်တွယ်လိမ့်မည် မဟုတ်ပေ။ မိမိတို့ကို လက်တုံ့ပြန်ရန် အန္တိခရစ်များက နိုင်ကွက် ရှာတွေ့မည်ကို လူတို့ အမြဲ ကြောက်ကြသည်။ သို့သော် ဘုရားသခင်ကို ပုန်ကန်ပြစ်မှားမိကာ သူ၏ ပစ်ပယ်ခြင်းခံရမည်ကို သင် မကြောက်သလော။ သင့်အပေါ် လက်တုံ့ပြန်ရန် အန္တိခရစ်တစ်ဦးက နိုင်ကွက် ရှာတွေ့သွားမည်ကို သင် ကြောက်ရွံ့လျှင် ၎င်းကို တိုင်ကြားပြီး ဖော်ထုတ်ရန် အန္တိခရစ်၏ ဒုစရိုက်အမှုများနှင့်ဆိုင်သည့် အထောက်အထားကို အဘယ်ကြောင့် လက်မလွှတ်တမ်း အသုံးမပြုသနည်း။ ထိုသို့ လုပ်ဆောင်ခြင်းဖြင့် သင်သည် ဘုရားသခင် ရွေးချယ်ထားသော လူတို့၏ အသိအမှတ်ပြုခြင်းနှင့် ထောက်ခံအားပေးခြင်းကို ရရှိလိမ့်မည်ဖြစ်ပြီး အရေးအကြီးဆုံးမှာ ဘုရားသခင်က သင်၏ ကောင်းမှုများနှင့် တရားမျှတသော လုပ်ရပ်များကို အောက်မေ့သတိရလိမ့်မည် ဖြစ်သည်။ ထို့ကြောင့် ဤအရာကို အဘယ်ကြောင့် မလုပ်ဆောင်သနည်း။ ဘုရားသခင် ရွေးချယ်ထားသော လူတို့သည် စိတ်ထဲတွင် ဘုရားသခင်၏ တာဝန်ပေးစေခိုင်းချက်ကို အမြဲ ထားရှိသင့်သည်။ ဆိုးယုတ်သော လူတို့နှင့် အန္တိခရစ်များကို ဖယ်ရှားခြင်းသည် စာတန်နှင့် စစ်ပွဲတွင် အရေးအကြီးဆုံးသော တိုက်ပွဲဖြစ်သည်။ ဤတိုက်ပွဲကို အောင်မြင်လျှင် အောင်မြင်သောသူ၏ သက်သေခံချက်တစ်ခု ဖြစ်လာလိမ့်မည်။ စာတန်များနှင့် နတ်ဆိုးများကို အသေအလဲရင်ဆိုင်ခြင်းသည် ဘုရားသခင် ရွေးချယ်ထားသော လူတို့၌ ရှိသင့်သည့် အတွေ့အကြုံဆိုင်ရာ သက်သေခံချက်တစ်ခု ဖြစ်သည်။ ထိုအရာသည် အောင်မြင်သောသူများ ပိုင်ဆိုင်သင့်သည့် သမ္မာတရား စစ်မှန်မှုတစ်ခု ဖြစ်သည်။ ဘုရားသခင်သည် လူတို့အပေါ် အလွန်များသော သမ္မာတရားကို ပေးသနားပြီးဖြစ်သည်၊ သင့်အနေဖြင့် သက်သေခံကာ အသင်းတော်၏ အလုပ်ကို ကာကွယ်ပေးခြင်းတည်းဟူသော ရည်ရွယ်ချက်အတွက် ထိုမျှအချိန်ကြာမြင့်စွာ သင့်ကို ဦးဆောင်လမ်းပြပြီးဖြစ်ကာ သင့်အတွက် အလွန်များစွာ ထောက်ပံ့ပေးပြီးဖြစ်သည်။ ဖြစ်ချင်တော့ ဆိုးယုတ်သော လူများနှင့် အန္တိခရစ်တို့က ဒုစရိုက်အမှုများကို လုပ်ဆောင်ကာ အသင်းတော်အလုပ်ကို အဖျက်အမှောင့်လုပ်သည့်အခါတွင် သင်သည် ကြောက်တတ်လာကာ ဆုတ်ခွာလျက် သင်၏ ခေါင်းပေါ် လက်မြှောက်၍ ထွက်ပြေးသွားလေသည်။ သင်သည် အသုံးမကျသောသူတစ်ဦး ဖြစ်သည်။ သင်သည် စာတန်ကို အောင်မြင်နိုင်ခြင်းမရှိ၊ သင်သည် သက်သေခံခြင်း မရှိသေးသကဲ့သို့ ဘုရားသခင်က သင့်ကို အလွန်မုန်းတီးသည်။ ဤအလွန်အရေးပါသော အခိုက်အတန့်တွင် သင်သည် ထရပ်ကာ စာတန်နှင့် စစ်ဆင်နွှဲရမည်၊ အန္တိခရစ်များ၏ ဒုစရိုက်အမှုများကို ဖော်ထုတ်ရမည်၊ ၎င်းတို့ကို ပုန်းကွယ်ရမည့်နေရာ မပေးဘဲ အသင်းတော်မှ ဖယ်ရှားလျက် ပြစ်တင်ရှုတ်ချကာ ကျိန်ဆဲရမည်ဖြစ်သည်။ ဤအရာကိုသာ စာတန်အပေါ် အောင်နိုင်မှု ရရှိခြင်းနှင့် ၎င်းတို့၏ ကံကြမ္မာကို အဆုံးသတ်ခြင်းအဖြစ် သတ်မှတ်၍ရနိုင်သည်။ သင်သည် ဘုရားသခင်ရွေးချယ်ထားသော လူများထဲမှ တစ်ဦး၊ ဘုရားသခင်၏ နောက်လိုက်တစ်ဦး ဖြစ်သည်။ စိန်ခေါ်မှုများကို သင်ကြောက်ရွံ့၍မရပေ။ သမ္မာတရား စည်းမျဉ်းများအတိုင်း သင် ပြုမူဆောင်ရွက်ရမည်ဖြစ်သည်။ ဤသည်မှာ အောင်မြင်သောသူတစ်ဦးဖြစ်ခြင်း ဟူသည့်အရာ ဖြစ်သည်။ သင်သည် စိန်ခေါ်မှုများကို ကြောက်ရွံ့ပြီး ဆိုးယုတ်သော လူများ သို့မဟုတ် အန္တိခရစ်များထံမှ လက်တုံ့ပြန်ခြင်းကို ကြောက်ရွံ့သောကြောင့် အပေးအယူလုပ်လျှင် သင်သည် ဘုရားသခင်၏ နောက်လိုက်တစ်ဦး မဟုတ်သကဲ့သို့ ဘုရားသခင် ရွေးချယ်ထားသော လူများထဲမှ တစ်ဦးလည်း မဟုတ်ချေ။ သင်သည် အသုံးမကျသူ၊ အစေခံသူများထက်ပင် နိမ့်ကျသူတစ်ဦး ဖြစ်သည်။ အချို့သော သူရဲဘောကြောင်သူတို့က “အန္တိခရစ်များသည် အလွန် ရှိန်လောက်စရာ ဖြစ်သည်။ သူတို့သည် မည်သည့်အရာကိုမဆို တတ်စွမ်းနိုင်ကြသည်။ ကျွန်ုပ်ကို သူတို့ လက်တုံ့ပြန်လျှင် အဘယ်သို့ဖြစ်မည်နည်း”ဟု ပြောကောင်းပြောကြမည်။ ဤသည်မှာ နားဝေတိမ်တောင်ဖြစ်သော စကားဖြစ်သည်။ အန္တိခရစ်များထံမှ လက်တုံ့ပြန်ခြင်းကို သင် ကြောက်လျှင် ဘုရားသခင်၌ သင်၏ ယုံကြည်ခြင်းမှာ အဘယ်မှာနည်း။ ဘုရားသခင်သည် သင့်ဘဝ၏ အလွန်များလှစွာသော နှစ်ကာလများတစ်လျှောက် သင့်ကို ကွယ်ကာပေးထားပြီ မဟုတ်လော။ အန္တိခရစ်များသည်လည်း ဘုရားသခင်၏ လက်ထဲတွင် ရှိသည် မဟုတ်လော။ ဘုရားသခင်က အခွင့်မပေးလျှင် ၎င်းတို့က သင့်ကို မည်သည့်အရာ လုပ်ဆောင်နိုင်သနည်း။ ထို့အပြင် ဆိုးယုတ်သော အန္တိခရစ်များက မည်သို့မည်ပုံရှိနိုင်သည်ဖြစ်စေ ၎င်းတို့ အမှန်တကယ် တတ်စွမ်းနိုင်သည်မှာ မည်သည့်အရာဖြစ်သနည်း။ ပေါင်းစည်းကာ ၎င်းတို့ကို ဖော်ထုတ်ရန်နှင့် ကိုင်တွယ်ရန်မှာ ဘုရားသခင် ရွေးချယ်ထားသော လူတို့အတွက် လွယ်ကူလွန်းသည်သာ ဖြစ်သည် မဟုတ်လော။ ထို့ကြောင့် အန္တိခရစ်များကို အဘယ်ကြောင့် ကြောက်ရွံ့သနည်း။ ထိုသို့သော လူများသည် အသုံးမကျသကဲ့သို့ ဘုရားသခင်နောက်လိုက်ဖို့ မထိုက်တန်ကြပေ။ အိမ်သို့ ပြန်သွားလော့၊ သင်၏ သားသမီးများကို ပြုစုပျိုးထောင်ကာ သင့်ဘဝကို အသက်ရှင်လော့။ အန္တိခရစ်များက အသင်းတော် အလုပ်ကို အဖျက်အမှောင့်လုပ်ကာ ဘုရားသခင် ရွေးချယ်ထားသော လူတို့ကို ထိခိုက်နစ်နာစေခြင်းအား ရင်ဆိုင်ရာတွင် ဘုရားသခင် ရွေးချယ်ထားသော လူတို့က ၎င်းတို့၏ ဒုစရိုက်အမှုများကို မည်သို့ တုံ့ပြန်သင့်သနည်း။ ဘုရားသခင်နောက် လိုက်သူများက ၎င်းတို့၏ သက်သေခံချက်တွင် မည်သို့ ခိုင်ခိုင်မာမာ ရပ်တည်သင့်သနည်း။ စာတန်နှင့် အန္တိခရစ် အင်အားစုများကို ၎င်းတို့မည်သို့ ဆန့်ကျင်တိုက်ခိုက်သင့်သနည်း။ အန္တိခရစ်များက အဖျက်အမှောင့်လုပ်ချိန်၊ မကောင်းမှုလုပ်ပြီး ဘုရားသခင်ကို ဆန့်ကျင်ချိန်တွင် ဘုရားသခင်ကို သင်ကျိုးနွံနာခံပြီး သစ္စာစောင့်သိခြင်း ရှိမရှိ၊ ဘေးထွက်ထိုင်ကာ ဘုရားသခင်ကို သစ္စာဖောက်ခြင်း ရှိမရှိဟူသည်တို့က အပြည့်အဝ ထုတ်ဖော်ခံရလိမ့်မည်ဖြစ်သည်။ သင်သည် ဘုရားသခင်ကို ကျိုးနွံနာခံကာ သူ့ကို သစ္စာစောင့်သိသူတစ်ဦး မဟုတ်လျှင် သူ့ကို သစ္စာဖောက်သောသူတစ်ဦး ဖြစ်သည်။ အခြားရွေးချယ်စရာ မရှိပေ။ နားဝေတိမ်တောင်ဖြစ်သောသူအချို့နှင့် ထိုးထွင်းသိမြင်မှု ကင်းမဲ့သောသူအချို့သည် အလယ်အလတ်လမ်းစဉ်ကို လိုက်ရန် ရွေးချယ်ကြပြီး ကြားနေသောသူများ ဖြစ်လာကြသည်။ ဘုရားသခင်၏ အမြင်တွင် ဤလူများသည် ဘုရားသခင်ကို သစ္စာစောင့်သိမှု ကင်းမဲ့ပြီး သူ့ကို သစ္စာဖောက်သောသူများ ဖြစ်ကြသည်။ အချို့သော နားဝေတိမ်တောင်ဖြစ်သည့် ပုဂ္ဂိုလ်များသည် ၎င်းတို့၏ သူရဲဘောကြောင်မှုကြောင့် အန္တိခရစ်များ၏ အပြစ်ဒဏ်ပေးခြင်းကို ကြောက်ရွံ့ကြပြီး ၎င်းတို့၏ စိတ်နှလုံးများတွင် ၎င်းတို့က “ကျွန်ုပ် မည်သည့်အရာကို လုပ်ဆောင်ရမည်နည်း”ဟု မရပ်မနား မေးကြသည်။ ဤသည်မှာ သင် မေးနေသင့်သည့် မေးခွန်းမဟုတ်ပေ။ သင် မည်သည့်အရာကို လုပ်ဆောင်သင့်သနည်း။ (ကျွန်ုပ်တို့ကိုယ်ပိုင် တာဝန်များကို ကောင်းမွန်စွာ ဖြည့်ဆည်းပါ။ အန္တိခရစ်များ၏ ဒုစရိုက်အမှုများကို အပြည့်အဝ ဖော်ထုတ်ပါ၊ ညီအစ်ကို မောင်နှမများအား ထိုးထွင်းသိမြင်နိုင်စွမ်းကို လက်တွေ့လုပ်ဆောင်ကာ အန္တိခရစ်များကို ငြင်းပယ်ပုံအား သင်ယူနိုင်စေပါ။ ကျွန်ုပ်တို့ကိုယ်ပိုင် ဘေးကင်းလုံခြုံမှုကို ကျွန်ုပ်တို့ စိတ်မဝင်စားသင့်ပါ။ ကျွန်ုပ်တို့အတွက် စဉ်းစားဖို့ အရေးအကြီးဆုံးသော အရာမှာ ဆိုးယုတ်သောလူတို့က အသင်းတော်၏ အလုပ်ကို အဖျက်အမှောင့်လုပ်နေချိန်တွင် ကျွန်ုပ်တို့၏ တာဝန်ကို မည်သို့ ဖြည့်ဆည်းရမည်ဟူ၍ ဖြစ်သည်။) ထိုအရာက သင်၏ မိသားစုကို ထိခိုက်မည်ဆိုလျှင်ကော အဘယ်သို့နည်း။ (ကျွန်ုပ်တို့၏ တာဝန်ကို မဆိုင်းမတွ ကျွန်ုပ်တို့ ကောင်းကောင်းမွန်မွန် ဖြည့်ဆည်းသင့်သည်။ ကျွန်ုပ်တို့ မိသားစု၏ လုံခြုံဘေးကင်းရေးအတွက် ချစ်ခင်တွယ်တာသော ပူပန်မှုများကြောင့် ကျွန်ုပ်တို့သည် မိမိတာဝန်ကို စွန့်လွှတ်ပစ်ပယ်ခြင်း သို့မဟုတ် မိမိ၏သက်သေခံချက်တွင် ခိုင်မြဲစွာရပ်တည်ရန် ပျက်ကွက်ခြင်း မပြုသင့်ပါ။) မှန်ပေ၏။ ဦးစွာပထမ သင်၏ သက်သေတွင် သင် ခိုင်မာစွာ ရပ်တည်ရမည်ဖြစ်ပြီး အန္တိခရစ်များနှင့် ဆိုးယုတ်သော လူတို့က ဘုရားအိမ်တော်တွင် နေရာမရှိကြဖို့အလို့ငှာ ပြုလုပ်ရင်း ၎င်းတို့ကို အဆုံးထိတိုင် ဆန့်ကျင်တိုက်ခိုက်ရမည်။ ၎င်းတို့အနေဖြင့် အလုပ်လုပ်ပေးဖို့ လိုလားကြလျှင် စည်းမျဉ်းများအတိုင်း လုပ်ဆောင်ခွင့်ပေးပြီး ၎င်းတို့ လုပ်ဆောင်နိုင်သည့် မည်သည့်အရာကိုမဆို လုပ်ဆောင်ခွင့်ပေးလော့။ အလုပ်လုပ်ပေးဖို့ ၎င်းတို့ မလိုမလားဖြစ်နေလျှင် ဘုရားအိမ်တော်၌ အသင်းတော်၏ အလုပ်ကို ၎င်းတို့ မနှောင့်ယှက်နိုင်ရန်၊ အဖျက်အမှောင့်မလုပ်နိုင်ရန် သို့မဟုတ် မဖျက်ဆီးနိုင်ရန်အလို့ငှာ လူတိုင်း အတူတကွ ပေါင်းစည်းပြီး ၎င်းတို့ကို နှင်ထုတ်ရမည်။ ဤသည်မှာ သင် လုပ်ဆောင်သင့်သည့် ပထမဆုံးသောအရာဖြစ်ပြီး သင် ခိုင်မာစွာ ရပ်တည်သင့်သည့် သက်သေ ဖြစ်သည်။ ထို့အပြင် သင်၏ မိသားစုနှင့် သင်၏ဘဝသည် ဘုရားသခင်၏ လက်တွင် အားလုံးရှိပြီး စာတန်က မဆင်မခြင် မပြုမူဝံ့ကြောင်းကို သင် နားလည်ရန် လိုအပ်သည်။ ဘုရားသခင် ပြောခဲ့သည်မှာ “ဘုရားသခင်၏ ခွင့်ပြုချက်မပါဘဲ ရေတစ်စက်၊ သို့မဟုတ် ကုန်းမြေပေါ်က သဲတစ်ပွင့်ကို ထိရန်ပင် စာတန်အတွက် ခက်ခဲသည်။ ဘုရားသခင်၏ ခွင့်ပြုချက်မပါဘဲ ဘုရားသခင်ဖန်ဆင်းခဲ့သည့် လူသားမျိုးနွယ်ကို မဆိုထားနှင့် စာတန်သည် ကုန်းမြေပေါ်က ပုရွက်ဆိတ်များကိုပင်လျှင် ရွှေ့ပိုင်ခွင့်မရှိပေ။” ဤစကားများကို သင်သည် မည်သည့်အတိုင်းအတာအထိ ယုံကြည်နိုင်သနည်း။ အန္တိခရစ်များနှင့် ဆိုးယုတ်သောလူများကို တိုက်ခိုက်ခြင်းသည် သင့်ယုံကြည်ခြင်း၏အရွယ်အစားကို ထုတ်ဖော်ပြသည်။ အကယ်၍ သင့်တွင် ဘုရားသခင်ထံ အမှန်တကယ် ယုံကြည်ခြင်းရှိပါက သင့်တွင် စစ်မှန်သော ယုံကြည်ခြင်းရှိပြီဖြစ်သည်။ အကယ်၍ သင့်တွင် ဘုရားသခင်ထံ ယုံကြည်ခြင်း အနည်းငယ်မျှသာ ရှိပါက၊ ပြီးလျှင် ထိုယုံကြည်ခြင်းသည် မရေရာသကဲ့သို့ ပေါ့တန်ပါက သင့်တွင် စစ်မှန်သောယုံကြည်ခြင်း မရှိပေ။ အကယ်၍ သင်သည် ဤအရာများအားလုံးအပေါ် ဘုရားသခင်က အချုပ်အခြာအာဏာရှင် ဖြစ်နိုင်ကြောင်းနှင့် စာတန်သည် ဘုရားသခင်၏ အုပ်စိုးမှုအောက်တွင် ရှိကြောင်းကို မယုံကြည်ပါက၊ သင်သည် အန္တိခရစ်များနှင့် ဆိုးယုတ်သောလူများကို ကြောက်ရွံ့နေသေးပါက၊ အသင်းတော်တွင် ၎င်းတို့က မကောင်းမှုများ ကျူးလွန်ခြင်း၊ အသင်းတော်၏ အမှုတော်ကို ၎င်းတို့ နှောင့်ယှက်ခြင်းနှင့် ပျက်စီးစေခြင်းတို့ကို သည်းခံနိုင်သည့်အပြင် ၎င်းကို ရပ်တည်ပြီး တိုက်ခိုက်ရဲခြင်း မရှိဘဲ စာတန်နှင့် အပေးအယူလုပ်နိုင်ပြီး သို့မဟုတ် သင့်ကိုယ်သင် ကာကွယ်ဖို့ ၎င်း၏သနားညှာတာမှုကို တောင်းခံနိုင်ပြီး၊ သင်သည် စွန့်ခွာထွက်ပြေးသူတစ်ဦး၊ လူ့အကြိုက်လိုက်သူတစ်ဦးနှင့် ဘေးမှနေ၍ ရပ်ကြည့်နေသူတစ်ဦး ဖြစ်လာပါက သင့်တွင် ဘုရားသခင်အပေါ် အမှန်တကယ် ယုံကြည်ခြင်း ကင်းမဲ့လေသည်။ ဘုရားသခင်အပေါ် သင်၏ယုံကြည်ခြင်းသည် မေးခွန်းတစ်ခု ဖြစ်လာသည်မှာ သင်၏ယုံကြည်ခြင်းကို အလွန်အမင်း နုံချာစေလေသည်။ အန္တိခရစ်များနှင့် ဆိုးယုတ်သော လူတို့က ဘုရားအိမ်တော်၌ အဖျက်အမှောင့်များနှင့် အနှောင့်အယှက်များ ဖြစ်စေသည်ကို သင် မြင်သော်လည်း ဂရုမစိုက်ဘဲရှိနေချိန်တွင်၊ သင်၏ ကိုယ်ပိုင် ဘဝ၊ သင်၏ မိသားစုနှင့် သင်၏ အကျိုးစီးပွားအားလုံးကို ကာကွယ်ဖို့အလို့ငှာ ဘုရားအိမ်တော်နှင့် သူ၏ ရွေးချယ်ထားသော လူတို့၏ အကျိုးစီးပွားများကို သင် သစ္စာဖောက်သည့်အခါ သင်သည် သစ္စာဖောက်တစ်ဦး၊ ယုဒတစ်ဦး ဖြစ်လာပေသည်။ ဤသည်မှာ ရှင်းလင်းသိသာနေပေသည်။ ငါတို့သည် အန္တိခရစ်များနှင့် ဆိုးယုတ်သောလူတို့အား မည်သို့ ထိုးထွင်းသိမြင်ကာ သတိပြုရမည်ကို ဆွေးနွေးရင်း ၎င်းတို့အကြောင်းကို မကြာခဏ မိတ်သဟာယပြုကာ စိစစ်ကြသည်။ အားလုံးမှာ သမ္မတရားနှင့်ပတ်သက်၍ ရှင်းလင်းစွာ မိတ်သဟာယပြုဖို့နှင့် လူတို့အနေဖြင့် ဆိုးယုတ်သောလူများနှင့် အန္တိခရစ်များကို ဖော်ထုတ်နိုင်ကြဖို့အလို့ငှာ ၎င်းတို့အပေါ် ထိုးထွင်းသိမြင်မှုအား လူတို့ကို ပေးဖို့တည်းဟူသော ရည်ရွယ်ချက်အတွက် ဖြစ်သည်။ ဤနည်းဖြင့် ဘုရားသခင် ရွေးချယ်ထားသော လူတို့သည် အန္တိခရစ်များ၏ အထင်အမြင်မှားစေခြင်း သို့မဟုတ် အဖျက်အမှောင့်လုပ်ခြင်း ခံရတော့မည်မဟုတ်သကဲ့သို့ ၎င်းတို့အနေဖြင့် စာတန်၏ စွမ်းအားနှင့် ကျေးကျွန်ဘဝမှ ရုန်းထွက်လွတ်မြောက်နိုင်ကြလေသည်။ သို့သော် လူအချို့သည် မိမိတို့၏ စိတ်နှလုံးများ၌ လောကီဆိုင်ရာ ဆက်ဆံမှုများအတွက် အတွေးအခေါ်များ ရှိနေကြဆဲဖြစ်သည်။ ၎င်းတို့သည် ဆိုးယုတ်သော လူတို့နှင့် အန္တိခရစ်များကို ထိုးထွင်းသိမြင်ဖို့ မကြိုးစားကြပေ။ ထိုအစား လူ့အကြိုက်လိုက်သူများ အခန်းကဏ္ဍကို ဆောင်ရွက်ကြသည်။ ၎င်းတို့က အန္တိခရစ်များကို ဆန့်ကျင်တိုက်ခိုက်ခြင်း မရှိကြ၊ ထိုသူတို့နှင့် ရှင်းလင်းသည့် စည်းများ ချမှတ်ခြင်း မရှိကြသည့်အပြင် မိမိတို့ကိုယ်ပိုင် အကျိုးစီးပွားများကို ်ကာကွယ်ဖို့အတွက် ဖော့ထားသည့် အလွန်အကျွံမဟုတ်သော လုပ်နည်းကိုင်နည်းတစ်ခုကို ရွေးချယ်ကြသည်။ ၎င်းတို့သည် နတ်ဆိုးများကို ပြုစုပျိုးထောင်ခြင်းအားဖြင့် ကြီးမားသောအန္တရာယ်ကို ဖိတ်ခေါ်ရင်း ဤဆိုးယုတ်သည့် လူများနှင့် အန္တိခရစ်များဖြစ်သည့် ဤနတ်ဆိုးများကို ဘုရားအိမ်တော်တွင် ဆက်နေခွင့်ပေးကြသည်။ ၎င်းတို့က ဤနတ်ဆိုးများအား အသင်းတော်၏ အလုပ်ကိုလည်းကောင်း၊ ညီအစ်ကို မောင်နှမများကို ၎င်းတို့၏ တာဝန်များကို ထမ်းဆောင်ခြင်းကိုလည်းကောင်း အထိန်းအကွပ်မဲ့စွာဖြင့် တားဆီးခွင့်ပေးကြသည်။ ထိုသို့သော လူများသည် မည်သည့် အခန်းကဏ္ဍကို ဆောင်ရွက်ကြသနည်း။ ထိုသူတို့သည် အန္တိခရစ်များအတွက် အကာအကွယ်တစ်ခုနှင့် ၎င်းတို့အတွက် ကြံရာပါများ ဖြစ်လာကြသည်။ သင်သည် အန္တိခရစ်များကဲ့သို့ အလားတူ အမှုအရာများကို လုပ်ကောင်းမလုပ်နိုင်သော်လည်း သို့မဟုတ် အလားတူ ဒုစရိုက်အမှုများကို ကျူးလွန်ကောင်းမကျူးလွန်နိုင်သော်လည်း ၎င်းတို့၏ ဒုစရိုက်အမှုများတွင် သင် ပါဝင်ပေသည်။ သင် ရှုတ်ချခံရပေမည်။ သင်သည် အန္တိခရစ်များကို မည်သည့် အရေးယူဆောင်ရွက်မှုမျှ မလုပ်ဘဲ သို့မဟုတ် မည်သည့်အရာကိုမျှ မလုပ်ဘဲ သင့်အနီးဝန်းကျင်တွင် အကြီးအကျယ် ကသောင်းကနင်း ဖြစ်ခွင့်ပေးလျက် သည်းခံပြီး ကာကွယ်ပေးနေသည်။ သင်သည် အန္တိခရစ်များ၏ မကောင်းမှုတွင် ပါဝင်သည် မဟုတ်လော။ ဤအရာကြောင့် အချို့သော အယောင်ဆောင် ခေါင်းဆောင်များနှင့် လူ့အကြိုက်လိုက်သူများက အန္တိခရစ်များအတွက် ကြံရာပါများ ဖြစ်လာကြပေသည်။ အန္တိခရစ်များက အသင်းတော်၏ အလုပ်ကို အဖျက်အမှောင့်လုပ်နေသည်ကို မျက်မြင်ကြုံတွေ့သော်လည်း ဖော်ထုတ်ခြင်းမရှိ သို့မဟုတ် ၎င်းတို့နှင့်ပတ်သက်၍ ရှင်းလင်းသည့် စည်းများ သတ်မှတ်ခြင်းမရှိသည့် မည်သူမဆိုသည် ၎င်းတို့အတွက် လက်ပါးစေများနှင့် ကြံရာပါများ ဖြစ်လာကြသည်။ ၎င်းတို့သည် ဘုရားသခင်ကို ကျိုးနွံနာခံခြင်းနှင့် သစ္စာစောင့်သိခြင်း မရှိကြပေ။ ဘုရားသခင်နှင့် စာတန်ကြားမှ အလွန်အရေးပါသော စစ်ပွဲအခိုက်အတန့်များတွင် ၎င်းတို့သည် အန္တိခရစ်များကို ကာကွယ်ကာ ဘုရားသခင်ကို သစ္စာဖောက်ရင်း စာတန်ဘက်တွင် ရပ်တည်ကြသည်။ ထိုသို့သော လူများသည် ဘုရားသခင်အတွက် စက်ဆုပ်မုန်းတီးဖွယ် ဖြစ်သည်။

အန္တိခရစ်များသည် ပြုပြင်ခံရခြင်းကို ကြုံတွေ့သောအခါ အလွန်အမင်း အာခံမှုကို မကြာခဏ ပြသကြသည်။ ထို့နောက်တွင် ၎င်းတို့သည် မိမိအတွက် ငြင်းခုံရန် စတင်ပြီး အကောင်းဆုံး ကြိုးစားကြကာ လူတို့ကို အထင်အမြင်မှားစေရန်အတွက် လှည့်ပတ်ပြောဆိုခြင်းနှင့် စကားပြောကောင်းခြင်းကို အသုံးပြုကြ၏။ ဤသည်မှာ အလွန်ပင် အတွေ့ရများသည်။ သမ္မာတရားကို လက်ခံရန် အန္တိခရစ်တို့ ငြင်းဆန်မှု၏ သရုပ်သကန်မှာ သမ္မာတရားကို မုန်းတီးပြီး အလွန်အမင်း မနှစ်မြို့ခြင်းဖြစ်သည့် ၎င်းတို့၏ စာတန်ဆန်သော သဘာဝကို အပြည့်အဝ ဖော်ထုတ်သည်။ ၎င်းတို့သည် စာတန်၏ အမျိုးအစားနှင့်သာ လုံးဝသက်ဆိုင်၏။ အန္တိခရစ်များသည် မည်သည့်အရာကို လုပ်ဆောင်သည်ဖြစ်စေ ၎င်းတို့၏ စိတ်သဘောထားနှင့် အနှစ်သာရက ဖော်ထုတ်ပြခြင်းခံရသည်။ အထူးသဖြင့် ဘုရားသခင်၏ အိမ်တော်တွင် ၎င်းတို့လုပ်သမျှတိုင်းသည် သမ္မာတရားကို ဆန့်ကျင်သည်၊ ဘုရားသခင်၏ ပြစ်တင်ရှုတ်ချခြင်းခံရပြီး ဘုရားသခင်ကို အတိုက်အခံလုပ်သည့် ဒုစရိုက်အမှုများဖြစ်သည်၊ ပြီးလျှင် ၎င်းတို့လုပ်ဆောင်သည့် ဤအရာအားလုံးတို့သည် အန္တိခရစ်များက စာတန်များနှင့် နတ်ဆိုးများ ဖြစ်သည်ကို အပြည့်အဝ အတည်ပြုပေးသည်။ ထို့ကြောင့် ၎င်းတို့သည် ပြုပြင်ခံရခြင်းကို လက်ခံခြင်းနှင့် ပတ်သက်လာလျှင် အသေအချာပင် မပျော်မရွှင်ဖြစ်ပြီး အတိအကျပင် ဆန္ဒမရှိပေ။ သို့သော် အာခံခြင်းနှင့် ဆန့်ကျင်ခြင်းအပြင် ၎င်းတို့သည် ပြုပြင်ခြင်းကိုလည်း မုန်းတီးသည်။ ၎င်းတို့ကို ပြုပြင်သောသူများကိုလည်း မုန်းတီးသည်။ ၎င်းတို့၏ သဘာဝ အနှစ်သာရကို ဖော်ထုတ်သော၊ ၎င်းတို့၏ ဒုစရိုက်အမှုများကို ဖော်ထုတ်သောသူတို့ကို မုန်းတီးသည်။ အန္တိခရစ်များက ၎င်းတို့ကို ဖော်ထုတ်သည့် မည်သူမဆိုသည် ၎င်းတို့ကို အခက်အခဲဖြစ်အောင် ပြုလုပ်နေခြင်းသက်သက်သာ ဖြစ်သည်ဟု ထင်သည်။ ထို့ကြောင့် ၎င်းတို့သည် မိမိတို့ကို ဖော်ထုတ်သောသူ မည်သူကိုမဆို ယှဉ်ပြိုင်ပြီး တိုက်ခိုက်သည်။ အန္တိခရစ်တို့၏ ဤသဘာဝမျိုးကြောင့် ၎င်းတို့ကို ပြုပြင်သောသူ မည်သူမဆိုအပေါ် လုံးဝ ကြင်နာမည် မဟုတ်သကဲ့သို့ ထိုသို့ပြုလုပ်သော မည်သူမဆိုကို သည်းခံမည်မဟုတ်၊ သို့မဟုတ် လက်ခံလိုက်လျောမည်မဟုတ်။ ထိုသို့ပြုလုပ်သောသူ မည်သူမဆိုအပေါ် ကျေးဇူးတင်ဖို့၊ သို့မဟုတ် ချီးမွမ်းဖို့မှာ ပို၍ပင် မဖြစ်နိုင်ပေ။ ဆန့်ကျင်ဘက်အနေဖြင့် တစ်စုံတစ်ယောက်က ၎င်းတို့ကို ပြုပြင်လျှင် ဂုဏ်သိက္ခာဆုံးရှုံးအောင်၊ မျက်နှာပျက်အောင် ပြုလုပ်လျှင် ၎င်းတို့၏ စိတ်နှလုံး၌ ဤလူအတွက် မုန်းတီးမှုများ သိုထားလိမ့်မည်။ ထိုသူကို လက်စားချေရန် အခွင့်အရေးတစ်ခုကို ရှာဖွေလိုလိမ့်မည်။ ၎င်းတို့သည် သူတစ်ပါးတို့အပေါ် အဘယ်မုန်းတီးမှု ရှိသနည်း။ ဤသည်မှာ ၎င်းတို့ထင်မြင်သည့်အရာဖြစ်ပြီး “ယနေ့တွင် သင်ကျွန်ုပ်ကို ပြုပြင်ခဲ့သည်။ ယခု ကျွန်ုပ်တို့၏ ရန်စကို ကျောက်တွင် ရေးထွင်းပြီးလေပြီ။ သင့်လမ်း သင်သွားတော့၊ ကျွန်ုပ်လည်း ကိုယ့်လမ်း ကိုယ်သွားမည်။ သို့သော် ကျွန်ုပ် အရလက်စားချေမည်ဟု ကျိန်ဆို၏။ သင်၏အမှားကို ကျွန်ုပ်ထံ ဝန်ခံလျှင်၊ ကျွန်ုပ်ကို ဦးညွှတ်လျှင်၊ ဒူးထောက်ပြီး တောင်းပန်လျှင် သင့်ကို ခွင့်လွှတ်ပေးမည်။ ဤသို့မဟုတ်လျှင်ကား ကျွန်ုပ်သည် ဤကိစ္စကို မည်သည့်အခါမျှ လက်လွှတ်မည်မဟုတ်” ဟူ၍ အခြားသူများရှေ့တွင် ပွင့်ပွင့်လင်းလင်း ပြောလိမ့်မည်။ အန္တိခရစ်များသည် မည်သည့်အရာကို ပြောသည်ဖြစ်စေ၊ လုပ်ဆောင်သည်ဖြစ်စေ ၎င်းတို့အပေါ် မည်သူမဆို၏ ကြင်နာသော ပြုပြင်ခြင်း၊ သို့မဟုတ် ကိုင်တွယ်ဖြေရှင်းခြင်းကို၊ သို့မဟုတ် မည်သူမဆို၏ ရိုးသားသော အကူအညီကို ဘုရားသခင်၏ ချစ်ခြင်းနှင့် ကယ်တင်ခြင်းတို့ ရောက်ရှိလာမှုအဖြစ် မည်သည့်အခါမျှ မမြင်ပေ။ ထိုအစား အရှက်ခွဲခံရသည့် လက္ခဏာတစ်ခုအဖြစ်၊ ၎င်းတို့ အရှက်အရဆုံးသော အခိုက်အတန့်အဖြစ် မြင်ကြသည်။ ဤသည်မှာ အန္တိခရစ်များသည် သမ္မာတရားကို လုံးဝ လက်မခံကြကြောင်းနှင့် ၎င်းတို့၏ စိတ်သဘောထားသည် သမ္မာတရားကို အလွန်အမင်း မနှစ်မြို့သကဲ့သို့ မုန်းတီးသည့် စိတ်သဘောထားတစ်ခု ဖြစ်ကြောင်းကို ပြသ၏။ ပြုပြင်ခံရသောကြောင့် အခြားသူများအပေါ် လက်တုံ့ပြန်ခဲ့သည့် ဆိုးယုတ်သောလူ တစ်ဦးတလေကိုဖြစ်စေ၊ အန္တိခရစ်များ တစ်ဦးတလေကိုဖြစ်စေ သင်တို့ တွေ့ဆုံဖူးကြသလော။ (တွေ့ဆုံဖူးပါသည်။) ၎င်းတို့က မည်သို့ လက်တုံ့ပြန်ခဲ့ကြသနည်း။ ၎င်းတို့၏ လက်တုံ့ပြန်ခြင်း နည်းလမ်းက ဆိုးရွားခဲ့သလော။ (ဆိုးရွားခဲ့ပါသည်။ အသင်းတော်တွင် ဒုစရိုက်အမှုအချို့ကို လုပ်ဆောင်ခဲ့သည့် အန္တိခရစ်တစ်ဦးကို တစ်ခါက ကျွန်ုပ် ဆုံခဲ့ပြီး အသင်းတော် ခေါင်းဆောင်က သူ၏ အပြုအမူကို ဖော်ထုတ်ပြီးနောက်တွင် သူသည် ဤခေါင်းဆောင်က မည်သည့် စစ်မှန်သော အလုပ်ကိုမျှ မလုပ်ခဲ့ပုံနှင့် မိမိရှေ့မှောက်သို့ လူတို့ကို ရောက်လာစေဖို့အတွက် စကားများနှင့် အယူဝါဒများ ပြောခဲ့ပုံတို့ကို ပြောဆိုလျက် အသင်းတော်တွင် ကောလာဟလများကို စတင် ဖြန့်ဝေကြသည်။ ထို့နောက်တွင် ဤအန္တိခရစ်ကို ကျွန်ုပ်တို့ သွားဖော်ထုတ်သည့်အခါ အစတွင် သူက မိမိကိုယ်ကို ဟန်ဆောင်နိုင်ခဲ့သော်လည်း သူ့ကို ကျွန်ုပ်တို့ ဆက်လက် ဖော်ထုတ်သည့်အခါ သူက “ကျွန်ုပ်၏ အိမ်နောက်တွင် ရဲစခန်းတစ်ခုရှိသည်၊ သူတို့က ကျွန်ုပ်အိမ်ကို မကြာခဏ လာကြသည်”ဟု ဆိုလျက် ကျွန်ုပ်တို့ကို ခြိမ်းခြောက်ခဲ့သည်။ သူ၏ ဆိုလိုရင်းအဓိပ္ပာယ်မှာ သူ့ကို ကျွန်ုပ်တို့ တစ်ဖန် ဖော်ထုတ်လျှင် သူက ကျွန်ုပ်တို့ကို ရဲတိုင်မည်ဟူ၍ ဖြစ်သည်။ သူ၏ ရက်စက်ခြင်းက ပေါ်လွင်သွားခဲ့သည်။) (တစ်ခါက အန္တိခရစ်တစ်ဦးကို ကျွန်ုပ် ကြုံခဲ့ရသည်။ ညီအစ်မတစ်ဦးက သူ့ကို တိုင်ကြားသည့် စာတစ်စောင်ကို ရေးသားခဲ့ပြီး သူက ဤစာကို တွေ့ခဲ့ချိန်တွင် ဤညီအစ်မ နေထိုင်ခဲ့သည့် နေရာတွင် အန္တရာယ်များသော အခြေအနေတစ်ခု တိုက်တိုက်ဆိုင်ဆိုင် ဖြစ်ပျက်ခဲ့သည်။ ထို့ကြောင့် သူသည် အသင်းတော်၏ အဓိက လုပ်ဖော်ဆောင်ဖက်အားလုံးကို စုစည်းလိုက်ပြီး “ဤညီအစ်မက ကျွန်ုပ်ကို တိုင်ကြားသည့် စာတစ်စောင်ရေးသားပြီးနောက် သူ နေထိုင်သည့် နေရာတွင် အန္တရာယ်များသည့် အခြေအနေတစ်ခု အဘယ်ကြောင့် ရုတ်တရက် ဖြစ်ပေါ်ခဲ့သနည်း။ အချည်းနှီးဖြစ်သော အလုပ်ကို ဘုရားသခင်က မုချ မလုပ်ပါ။ သူသည် တစ်စုံတစ်ဦးကို ထုတ်ဖော်တော့မည် ဖြစ်ကောင်းဖြစ်နိုင်သည်”ဟု ပြောလေသည်။ ထို့နောက်တွင် ထိုညီအစ်မနှင့်ပတ်သက်၍ ပြဿနာတစ်ခုခု ရှိသည်ဟု လူတိုင်းအား ယုံကြည်စေလျက် ထိုညီအစ်မကို လက်ညှိုးထိုးစေသည့် လှုံ့ဆော်သောအရာအချို့ကို သူက ပြောဆိုခဲ့သည်။ အဆုံးတွင် ထိုညီအစ်မသည် ဖြုတ်ချခံရပြီး အဝေးသို့ ပို့ခြင်းခံခဲ့ရကာ သူမ၏ စာသည်လည်း ဘေးဖယ်ခြင်းခံရပြီး ထိုစာကို ကိုင်တွယ်ဖြေရှင်းခြင်း မရှိခဲ့ပေ။ ထို့နောက်တွင် အစမှအဆုံးထိ အန္တိခရစ် ပြောခဲ့သည့် အရာကို ကျွန်ုပ်တို့ နှိုင်းယှဉ်ချိန်ဆခဲ့ပြီး သူသည် ကျွန်ုပ်တို့အား တစ်ယောက်ကိုတစ်မျိုး ပြောဆိုခဲ့ကြောင်း သိရှိခဲ့ရသည်။ သူသည် အလွန် အန္တရာယ်ပေးမည့်လက္ခဏာရှိပြီး လှည့်ဖြားတတ်ခဲ့သည်ကို ကျွန်ုပ်တို့ တွေ့ခဲ့ကြသည်။ နောက်ဆုံးတွင် မိတ်သဟာယပြုခြင်းမှတစ်ဆင့် သူ့ကို ကျွန်ုပ်တို့ ခွဲခြားသိမြင်ခဲ့ကြပြီး ထိုကိစ္စကို တရားမျှတစွာ ကိုင်တွယ်ဖြေရှင်းခဲ့သည်။) ယခုတွင် အန္တိခရစ်များအားလုံးက ဆိုးယုတ်သော လူများဖြစ်ပြီး ဆိုးယုတ်သော လူများက တန်ခိုးအာဏာ စွဲကိုင်သရွေ့ ၎င်းတို့အားလုံးသည် အန္တိခရစ်များချည်းသာဖြစ်သည်မှာ အခိုင်အမာဖြစ်ပေသည်။

အန္တိခရစ်များက အသင်းတော်တွင် အဖျက်အမှောင့်လုပ်ခြင်းများ ဖြစ်နေစေသည့်အခါ ယင်းသည် ကောင်းမွန်သည့်အရာတစ်ခုလော၊ သို့မဟုတ် ဆိုးသည့်အရာ တစ်ခုလော။ (ဆိုးပါသည်။) မည်သည့်နည်းလမ်းဖြင့် ဆိုးသနည်း။ ဘုရားသခင်က အမှားတစ်ခုကို ပြုလုပ်ခဲ့သလော။ ဘုရားသခင်က သေချာစွာ မစောင့်ကြည့်ဘဲ အန္တိခရစ်များကို သူ၏ အိမ်တော်ထဲသို့ ထိုးဖောက်ဝင်ရောက်ခွင့် ပြုခဲ့သလော။ (မပြုခဲ့ပါ။) သို့ဆိုလျှင် မည်သည့်အရာ ဖြစ်နေသနည်း။ (ကျွန်ုပ်တို့က ပိုင်းခြားသိမြင်နိုင်စွမ်း တိုးပွားလာဖို့အတွက်၊ အန္တိခရစ်များ၏ သဘာဝ အနှစ်သာရကို ထိုးထွင်းသိမြင်နိုင်ရန် သင်ယူဖို့၊ စာတန်အား ကျွန်ုပ်တို့ကို တစ်ဖန် လုံးဝ အရူးလုပ်ခွင့်မပေးဘဲ ဘုရားသခင်ကို ကျွန်ုပ်တို့၏ သက်သေခံချက်၌ ခိုင်မာစွာ ရပ်တည်နိုင်ဖို့အလို့ငှာ ဘုရားသခင်က အန္တိခရစ်များကို အသင်းတော်ထဲသို့ ထိုးဖောက်ဝင်ရောက်ခွင့်ပေးပါသည်။ ဤသည်မှာ ကျွန်ုပ်တို့အတွက် ဘုရားသခင်၏ ကယ်တင်ခြင်း ဖြစ်သည်။) စာတန်က မည်သို့ ကောက်ကျစ်ဆိုးယုတ်သည်၊ ရက်စက်ပြီး မလိုမုန်းထားစိတ်ရှိသည်၊ စာတန်က သမ္မာတရားကို အလွန်အမင်း မနှစ်မြို့သကဲ့သို့ မုန်းသည်ကို ငါတို့ အမြဲ ပြောဆိုကြသော်လည်း ဤအရာကို သင် မြင်နိုင်သလော။ ဝိညာဉ်ရေးရာ နယ်ပယ်၌ စာတန်က မည်သည့်အရာ လုပ်ဆောင်သည်ကို သင် မြင်နိုင်သလော။ ၎င်းက မည်သို့ စကားပြောဆိုပြီး ပြုမူသည်၊ သမ္မာတရားနှင့် ဘုရားသခင်အပေါ် ၎င်း၏ သဘောထားက မည်သည့်အရာဖြစ်သည်၊ ၎င်း၏ ကောက်ကျစ်ဆိုးယုတ်မှုက မည်သည့်နေရာတွင် တည်ရှိသည်ဟူ၍ ဤအရာများထဲမှ တစ်ခုကိုမျှ သင် မမြင်နိုင်ပေ။ ထို့ကြောင့် စာတန်က ကောက်ကျစ်ဆိုးယုတ်ကြောင်း၊ ၎င်းက ဘုရားသခင်ကို အတိုက်အခံလုပ်ကြောင်းနှင့် ၎င်းက သမ္မာတရားကို အလွန်အမင်း မနှစ်မြို့ကြောင်း ငါတို့ မည်သို့ ပြောဆိုသည်ဖြစ်စေ သင်၏ စိတ်တွင် ဤသည်မှာ စကားတစ်ခွန်းမျှသာ ဖြစ်သည်။ ထိုအရာအတွက် စစ်မှန်သည့် ပုံရိပ်မရှိပေ။ ထိုအရာသည် အလွန်ပေါ့တန်ပြီး လက်တွေ့မကျပေ။ လက်တွေ့ကျသော ရည်ညွှန်းချက်တစ်ခုအဖြစ် အသုံးမဝင်ပေ။ သို့သော် တစ်ဦးတစ်ယောက်သည် အန္တိခရစ်တစ်ဦးနှင့် ထိတွေ့ဆက်ဆံလာရသည့်အခါတွင် စာတန်၏ ကောက်ကျစ်ဆိုးယုတ်သည့်၊ ရက်စက်သော စိတ်သဘောထားနှင့် သမ္မာတရားကို အလွန်အမင်း မနှစ်မြို့ခြင်းနှင့်ဆိုင်သည့် ၎င်း၏ အနှစ်သာရကို အနည်းငယ် ပိုမိုရှင်းလင်းစွာ မြင်ရပြီး စာတန်အပေါ် ၎င်း၏ သိနားလည်မှုက အနည်းငယ် ပို၍ ပြတ်သားကာ လက်တွေ့ကျလေသည်။ လူတို့အနေဖြင့် ထိတွေ့ဆက်ဆံလာရပြီး မြင်ဖို့အတွက် ဤစစ်မှန်သော ပုံစံများနှင့် ဥပမာများမရှိဘဲနှင့် ၎င်းတို့၏ သမ္မာတရားကို သိနားလည်ခြင်းဟု ခေါ်သောအရာသည် မရှင်းမလင်း ဖြစ်မည်၊ ပေါ့တန်မည်ဖြစ်ပြီး လက်တွေ့ကျမည် မဟုတ်ပေ။ သို့သော် လူတို့သည် ဤအန္တိခရစ်များ၊ ဆိုးယုတ်သောလူတို့နှင့် အစစ်အမှန် ထိတွေ့ဆက်ဆံလာရသည့်အခါ မကောင်းမှုကို ၎င်းတို့ လုပ်ဆောင်ပြီး ဘုရားသခင်ကို အတိုက်အခံလုပ်ကြပုံအား ၎င်းတို့ မြင်နိုင်ပြီး စာတန်၏ သဘာဝ အနှစ်သာရကို ၎င်းတို့ ခွဲခြားနိုင်ကြသည်။ ဤဆိုးယုတ်သော လူများနှင့် အန္တိခရစ်တို့က လူ့ဇာတိခံ စာတန်ဖြစ်ကြောင်း၊ ထိုသူတို့သည် အသက်ရှင်နေသော စာတန်များ၊ အသက်ရှင်နေသော နတ်ဆိုးများ ဖြစ်ကြောင်း ၎င်းတို့ မြင်ကြသည်။ အန္တိခရစ်များ၊ ဆိုးယုတ်သော လူတို့နှင့် ထိတွေ့ဆက်ဆံခြင်းက ထိုသို့သော အကျိုးတရားတစ်ခု ရှိနိုင်သည်။ စာတန်က ဆိုးယုတ်သော လူတစ်ဦး သို့မဟုတ် အန္တိခရစ်တစ်ဦးအဖြစ် လူ့ဇာတိခံယူသည့်အခါ ၎င်း၏ ဇာတိပကတိခန္ဓာ တတ်စွမ်းနိုင်မှုများသည်သာ အလွန် ကြီးမြတ်သော်လည်း ၎င်းသည် မကောင်းသည့်အရာများစွာကို လုပ်ဆောင်နိုင်ဆဲဖြစ်ကာ ဒုက္ခပြဿနာများစွာ ဖြစ်စေနိုင်ဆဲဖြစ်ပြီး ကျင့်ကြံပြုမူခြင်းနှင့် လုပ်ဆောင်ချက်တွင် အလွန် ကောက်ကျစ်ဆိုးယုတ်ပြီး ယုတ်မာနိုင်ကြဆဲ ဖြစ်သည်။ ထို့ကြောင့် ဝိညာဉ်ရေးရာ နယ်ပယ်၌ စာတန်လုပ်ဆောင်သည့် မကောင်းမှုသည် ဇာတ်ပကတိဖြင့် အသက်ရှင်သည့် ဆိုးယုတ်သော လူများနှင့် အန္တိခရစ်များအားလုံး လုပ်ဆောင်သည့် မကောင်းမှုပမာဏထက် အဆတစ်ရာ သို့မဟုတ် အဆတစ်ထောင် သာ၍ ကြီးမားရပေမည်။ ထို့ကြောင့် ဆိုးယုတ်သော လူများ၊ အန္တိခရစ်များနှင့် ထိတွေ့ဆက်ဆံလာရခြင်းဖြင့် လူတို့ သင်ယူသည့် သင်ခန်းစာများမှာ ပိုင်းခြားသိမြင်မှုကို ဖြစ်ပေါ်ခြင်းနှင့် စာတန်၏ သဘာဝကို ရှင်းလင်းစွာ မြင်ခြင်းအတွက် ကြီးမားသည့် အထောက်အကူဖြစ်ပေသည်။ ယင်းတို့က မည်သည့်အရာများသည် အပြုသဘောဆောင်ပြီး မည်သည့်အရာများက အပျက်သဘောဆောင်သည်၊ မည်သည့်အရာကို ဘုရားသခင်က စက်ဆုပ်ပြီး မည်သည့်အရာက သူ့အတွက် နှစ်သက်ဖွယ်ဖြစ်သည်၊ မည်သည့်အရာက သမ္မာတရားဖြစ်ပြီး မည်သည့်အရာက မှားယွင်းပြီး အဓိပ္ပာယ်မဲ့သောအရာဖြစ်သည်၊ မည်သည့်အရာက တရားမျှတမှုဖြစ်ပြီး မည်သည့်အရာက ကောက်ကျစ်ဆိုးယုတ်မှုဖြစ်သည်၊ မည်သည့်အရာ အတိအကျကို ဘုရားသခင်က မုန်းတီးပြီး မည်သည့်အရာ အတိအကျကို သူ ချစ်သည်၊ ပြီးလျှင် မည်သည့်လူများကို ဘုရားသခင်က ငြင်းပယ်ကာ ဖယ်ရှားရှင်းလင်းပြီး မည်သည်တို့ကို အသိအမှတ်ပြုကာ ရယူသည်ဟူသည်တို့ကို ပိုင်းခြားသိမြင်ဖို့ သင်ယူရန် လူတို့ကို ထောက်ကူပေးသည်။ ဤမေးခွန်းများကို အယူဝါဒအရသာ နားလည်ဖို့ ကြိုးစားခြင်းက အချည်းနှီး ဖြစ်သည်။ အကြင်သူသည် အမှုအရာများစွာ၊ အထူးသဖြင့် ဆိုးယုတ်သော လူများနှင့် အန္တိခရစ်များ၏ အထင်အမြင်မှားစေခြင်းနှင့် အဖျက်အမှောင့်လုပ်ခြင်းတို့ကို တွေ့ကြုံရမည် ဖြစ်သည်။ အကြင်သူသည် စစ်မှန်သည့် ပိုင်းခြားသိမြင်မှု ရှိမှသာ ဤသမ္မာတရားများစွာကို နားလည်နိုင်ပြီး ဘုရားသခင် တောင်းဆိုသည့်အရာနှင့် သူ ရယူလိုသည့်အရာအပေါ် သာ၍ နက်ရှိုင်းပြီး သာ၍ လက်တွေ့ကျသော သိနားလည်မှုတစ်ခုသို့ ရောက်ရှိလာနိုင်ပေသည်။ ဤအရာက ဘုရားသခင်၏ ရည်ရွယ်ချက်များနှင့်ပတ်သက်၍ သာ၍ ကြီးမားသည့် သိနားလည်မှုတစ်ခု ဖြစ်ပေါ်စေသည့် မဟုတ်လော။ ဘုရားသခင်က သမ္မာတရားဖြစ်ပြီး ချစ်ခင်နှစ်လိုဖွယ်အကောင်းဆုံးသော အရှင်ဖြစ်သည်ကို ထိုအရာက သင့်အား သာ၍ သေချာစေနိုင်သည် မဟုတ်လော။ (သေချာစေနိုင်ပါသည်။) ဘုရားသခင်သည် လူတို့အား ဤအရာများကို တွေ့ကြုံခြင်း လမ်းကြောင်း၌ သင်ခန်းစာများ သင်ယူစေပြီး ပိုင်းခြားသိမြင်မှု ဖြစ်ပေါ်စေသည့်အပြင်၊ လူအမျိုးအစားတစ်မျိုးစီကိုလည်း ထုတ်ဖော်ပြနေစဉ် လူတို့ကိုလည်း သေချာပေါက် လေ့ကျင့်ပေးနေသည်။ လူအချို့က ဆိုးယုတ်သော လူတစ်ဦး သို့မဟုတ် အန္တိခရစ်တစ်ဦးကို ကြုံရသည့်အခါ ထိုသူတို့က ၎င်းကို မဖော်ထုတ်ဝံ့ သို့မဟုတ် မခွဲခြားဝံကြသကဲ့သို့ ၎င်းနှင့် ထိတွေ့ဆက်ဆံဝံ့ခြင်း မရှိကြချေ။ ၎င်းက အဆိပ်ရှိသော မြွေတစ်ကောင် ဖြစ်သည့်အလား ထိုသူတို့က ကြောက်ကြပြီး ၎င်းကို ရှောင်ရှားဖို့သာ ကြိုးစားကြသည်။ ထိုသို့သော လူများသည် သင်ခန်းစာများ သင်ယူဖို့ အလွန် ကြောက်ကြပြီး ပိုင်းခြားသိမြင်နိုင်စွမ်း ဖြစ်ပေါ်ကြလိမ့်မည် မဟုတ်ပေ။ ဆိုးယုတ်သောလူတစ်ဦး သို့မဟုတ် အန္တိခရစ်တစ်ဦးကို ကြုံရသည့် လူအချို့သည် သင်ခန်းစာများ သင်ယူခြင်း သို့မဟုတ် ပိုင်းခြားသိမြင်နိုင်စွမ်း ရရှိခြင်းအား အာရုံမစိုက်ကြချေ။ ၎င်းတို့သည် ထိုသူတို့ကို ဆက်ဆံရာတွင် မိမိတို့၏ တဇောက်ကန်းဖြစ်ခြင်းအား ဦးဆောင်ခွင့်ပြုကြပြီး အန္တိခရစ်တစ်ဦးကို ဖော်ထုတ်ကာ ခွဲခြားရမည့် အချိန်ရောက်လာသည့်အခါ ၎င်းတို့သည် အသုံးမဝင်နိုင်ပေ သို့မဟုတ် လက်တွေ့ကျသည့် မည်သည့်အရာကိုမျှ မလုပ်ဆောင်နိုင်ပေ။ အန္တိခရစ်တစ်ဦးက မကောင်းမှုများစွာ လုပ်ဆောင်နေသည်ကို လူအချို့က မြင်ပြီး ထိုအရာအပေါ် စိတ်နှလုံးထဲတွင် အလွန်အမင်း မနှစ်မြို့ကြသော်လည်း ထိုအရာနှင့်ပတ်သက်၍ ၎င်းတို့ လုပ်ဆောင်နိုင်သည့်အရာ တစ်ခုမျှ လုံးလုံး မရှိ၊ ၎င်းတို့ လွတ်လပ်စွာ လုပ်ဆောင်၍မရနိုင်ဟု ခံစားကြသည်။ သို့ဖြစ်၍ ၎င်းတို့သည် အန္တိခရစ်များ၏ ထင်ရာမြင်ရာ ပေါ့ပျက်ပျက် ဆက်ဆံခြင်းခံရပြီး ၎င်းတို့က ဤအရာကို သည်းခံမြဲသည်းခံကာ ကြိတ်မှိတ်လက်ခံထားကြသည်။ ၎င်းတို့သည် အန္တိခရစ်အား မဆင်မခြင် ပြုမူဆောင်ရွက်ခွင့်ပေးပြီး အသင်းတော်၏ အလုပ်ကို အဖျက်အမှောင့် လုပ်ခွင့်ပေးကာ ထိုအန္တိခရစ်ကို တိုင်ကြားခြင်း၊ ဖော်ထုတ်ခြင်း မရှိကြချေ။ ၎င်းတို့သည် လူသားများအဖြစ် မိမိတို့၏ ဝတ္တရားနှင့် တာဝန်တွင် ပျက်ကွက်ကြပြီး ဖြစ်သည်။ တိုတိုပြောရလျှင် ဆိုးယုတ်သော လူများနှင့် အန္တိခရစ်များက အကြီးအကျယ် ထကြွသောင်းကျန်းပြီး ၎င်းတို့ အလိုရှိသည့်အတိုင်း လုပ်ဆောင်သည့်အခါ ဤအရာက လူမျိုးစုံကို ထုတ်ဖော်ပြကာ သမ္မာတရားကို လိုက်စားပြီး တရားမျှတစိတ်ရှိသူတို့အား ပိုင်းခြားသိမြင်နိုင်စွမ်းနှင့် ထိုးထွင်းအမြင်တို့တွင် တိုးပွားရန် ထောက်ကူပေးလျက်၊ ဤအရာမှ တစ်စုံတစ်ရာကို သင်ယူပြီး ဘုရားသခင်၏ ရည်ရွယ်ချက်များကို နားလည်ရန် ထောက်ကူပေးလျက် ၎င်းတို့ကို လေ့ကျင့်ပေးရန်လည်း ဆောင်ရွက်သည်မှာ အမှန်ဖြစ်သည်။ ဘုရားသခင်၏ ရည်ရွယ်ချက်များထဲမှ မည်သည့်အရာကို ၎င်းတို့ နားလည်လာကြသနည်း။ ဘုရားသခင်က အန္တိခရစ်များကို မကယ်တင်ဘဲ အစေခံမှုပေးရန် သက်သက် အသုံးပြုကြောင်းနှင့် အန္တိခရစ်များက အစေခံမှုပေးခြင်းကို လုပ်ဆောင်ပြီးသည့်အခါ ၎င်းတို့သည် ဆိုးယုတ်သော လူများ၊ စာတန်နှင့်သက်ဆိုင်သော လူများဖြစ်ကြသည့်အတွက် ၎င်းတို့ကို ဘုရားသခင်က ထုတ်ဖော်ကာ ဖယ်ရှားရှင်းလင်းပြီး နောက်ဆုံးတွင် အပြစ်ပေးကြောင်းကို ၎င်းတို့အား မြင်စေသည်။ ဘုရားသခင် ကယ်တင်သောသူတို့မှာ ၎င်းတို့၏ ဖောက်ပြန်ပျက်စီးသော စိတ်သဘောထားများ ရှိလင့်ကစား အပြုသဘောဆောင်သော အရာများကို ချစ်ပြီး ဘုရားသခင်က သမ္မာတရားဖြစ်သည်ကို အသိအမှတ်ပြုကာ သူ၏ အချုပ်အခြာအာဏာနှင့် အစီအစဉ်များကို ကျိုးနွံနာခံသောသူ၊ ပြီးလျှင် ပြစ်မှားမှုတစ်ခုကို ကျူးလွန်မိပြီးနောက် အမှန်တကယ် နောင်တရနိုင်သောလူတစ်စု ဖြစ်သည်။ ဤလူများသည် ပြုပြင်ခံရခြင်း၊ တရားစီရင်ခံရခြင်းနှင့် ပြစ်တင်ဆုံးမခံရခြင်းတို့ကို လကခံနိုင်ကြပြီး ထို့ထက်ပင်ပို၍ အခြားသူတို့က ၎င်းတို့ကို ဖော်ထုတ်သည့်အခါ သို့မဟုတ် ၎င်းတို့၏ ပြဿနာများကို ထောက်ပြသည့်အခါ ထိုအရာကို မှန်ကန်စွာဖြင့် ချဉ်းကပ်နိုင်ကြလေသည်။ ဘုရားသခင် မည်သို့ အမှုပြုသည်ဖြစ်စေ၊ ထိုအရာကို လက်ခံနိုင်ပြီး ကျိုးနွံနာခံနိုင်ကာ ထိုအရာမှ တစ်စုံတစ်ရာကို သင်ယူနိုင်သူများ၊ ထိုသို့သောသူများသည် ဘုရားသခင်နောက်သို့ အမှန်တကယ် လိုက်သောလူစု၊ သူ၏ အမှုတော်ကို တွေ့ကြုံပြီး သူ၏ ရယူခြင်းခံရသော လူစု ဖြစ်သည်။

ဤအရာက ပြုပြင်ခံရခြင်းကို အန္တိခရစ်များ ဆက်ဆံပုံနှင့်ဆိုင်သည့် သရုပ်သကန်များအပေါ် ငါတို့၏ မိတ်သဟာယကို အဆုံးသတ်သည်။ နောက်ပိုင်းတွင် ညီအစ်ကို မောင်နှမများက ပိုင်းခြားသိမြင်နိုင်စွမ်း ရရှိနိုင်ကြဖို့အလို့ငှာ သင်တို့ ကိုယ်တိုင်ကိုယ်ကျ မြင်ရပြီးဖြစ်သည့် သို့မဟုတ် တွေ့ကြုံရပြီးဖြစ်သည့် ဥပမာအချို့ကို ရှာနိုင်ပြီး ယင်းတို့၏ အနှစ်သာရအပေါ် အခြေခံ၍ စိစစ်ပြီး မိတ်သဟာယပြုနိုင်သည်။ ညီအစ်ကို မောင်နှမများက ပိုင်းခြားသိမြင်နိုင်စွမ်း ရရှိခြင်းနှင့်ဆိုင်သည့် ရည်မှန်းချက်မှာ အဘယ်နည်း။ ပိုများသော လူတို့အား အန္တိခရစ်များကို ငြင်းပယ်ရန်၊ အသင်းတော်ရှိ ၎င်းတို့၏ ဒုစရိုက်အမှုများအား တားဆီးကာ ကန့်သတ်ရန်နှင့် လူတို့က တာဝန်များကို ထမ်းဆောင်ကြသည့် အသင်းတော်နှင့် အရေးကြီးသောနေရာများတွင် အနှောင့်အယှက်များနှင့် အဖျက်အမှောင့်လုပ်ခြင်းများ ဖြစ်စေခြင်း သို့မဟုတ် အသင်းတော်၏ အလုပ်ကို ဆုံးရှုံးမှုတစ်ခုတလေ ဖြစ်စေခြင်းမှ ၎င်းတို့ကို တားဆီးရန် ထောက်ကူပေးဖို့ ဖြစ်သည်။ ဤအရာကို အန္တိခရစ်များနှင့် ဆိုးယုတ်သောလူတို့ကို ချုပ်နှောင်ခြင်းဟု ခေါ်သည်။ အန္တိခရစ် အများစုက ဘုရားသခင်ကို လူသိရှင်ကြား မဝေဖန်သေးသော်လည်း သို့မဟုတ် အသင်းတော်တွင် ဘုရားသခင်ကို အတိုက်အခံမလုပ်သေးသော်လည်း ၎င်းတို့က မကောင်းမှုများစွာကို ခိုးကြောင်ခိုးဝှက် ကျူးလွန်ကြသည်။ အသင်းတော် အသက်တာကို ၎င်းတို့က အဖျက်အမှောင့်လုပ်ပြီး ခေါင်းဆောင်များနှင့် အမှုဆောင်များက သမ္မာတရားကို မိတ်သဟာယပြုခြင်းနှင့် စည်းမျဉ်းများအတိုင်း ပြုမူဆောင်ရွက်နေကြခြင်းတို့ကို တားဆီးကြပြီး အဖျက်အမှောင့်လုပ်ကြလေသည်။ ၎င်းတို့သည် ဘုရားအိမ်တော်၏ အလုပ်နှင့်ပတ်သက်၍ ထောက်ထားစာနာမှုမရှိသည့် မှတ်ချက်များနှင့် ထင်ရာမြင်ရာ ဝေဖန်မှုများကို ပြုလုပ်ကြသည်။ ခေါင်းဆောင်များနှင့် အမှုဆောင်များကိုပင် ရှုတ်ချကြသည်၊ ဘုရားသခင် ရွေးချယ်ထားသော လူတို့ကို အထင်အမြင်မှားစေကြပြီး ဘုရားသခင် ရွေးချယ်ထားသောလူတို့က မိမိတို့၏ တာဝန်များကို ထမ်းဆောင်ခြင်း၏ ရလဒ်များအား ထိခိုက်စေလျက် အသင်းတော်အလုပ်ကို အဖျက်အမှောင့်လုပ်ခြင်းများ ဖြစ်စေကြသည်။ ဤသည်မှာ ဘုရားသခင်၏ အမှုတော်ကို အဖျက်အမှောင့်လုပ်ခြင်းနှင့်ဆိုင်သည့် ကြီးမားသော မကောင်းမှု ဖြစ်သည်။ ဆိုးယုတ်သော အန္တိခရစ်များ လုပ်ဆောင်သည့် မကောင်းမှုသည် ကြီးမားသည့် မကောင်းမှုတစ်ခု၊ အဖတ်ဆယ်၍မရနိုင်သည့် ရှုတ်ချပြစ်တင်ထိုက်သော မကောင်းမှုတစ်ခုဖြစ်သည်ကို ဘုရားသခင် ရွေးချယ်ထားသော လူအားလုံးက သိရမည်ဖြစ်သည်။ ထို့ကြောင့် အန္တိခရစ်များသည် ဘုရားအိမ်တော်၌ ချုပ်နှောင်ခြင်းနှင့် ကန့်သတ်ခြင်း ခံရမည့်သူများ အမြဲ ဖြစ်ကြသည်။ အန္တိခရစ်များသည် အသင်းတော်မှ နှင်ထုတ်ခြင်း ခံရမည်ဖြစ်သည်။ ဤသည်မှာ ဘုရားသခင်၏ ရည်ရွယ်ချက်နှင့်အညီ ဖြစ်သည်။ အန္တိခရစ်များကို အသင်းတော်တွင် တစ်ဇွတ်ထိုးလုပ်ခွင်ပေးပြီး ထင်ရာမြင်ရာလုပ်ခွင့်ပေးလျှင်၊ ၎င်းတို့ ထိန်းချုပ်လိုပြီး ခြိမ်းခြောက်လိုသည့် သို့မဟုတ် အထင်မြင်မှားစေလိုပြီး လှည့်ဖြားလိုသည့် ညီအစ်ကို မောင်နှမများကို ဆောင်ပုဒ်တစ်ခုတလေနှင့် အကြောင်းပြချက်များ ဟစ်ကြွေးခွင့်ပေးပြီး ခေါင်းဆောင်များနှင့် အမှုဆောင်များက ဤအရာကို လျစ်လျူရှုကာ အရေးယူဆောင်ရွက်ခြင်း မရှိသကဲ့သို့ အန္တိခရစ်များအား စိတ်အနှောင့်အယှက်ပေးမိမည်ကို ကြောက်သည့်အတွက် ၎င်းတို့ကို ဖော်ထုတ်ဖို့ သို့မဟုတ် ကန့်သတ်ချုပ်ချယ်ဖို့ မဝံ့မရဲဖြစ်သည့်အပြင် ဤအရာက ထိုအသင်းတော်၏ ညီအစ်ကို မောင်နှမများအား အန္တိခရစ်များ၏ ပေါ့ပြက်ပြက်ဆက်ဆံခြင်းခံရစေပြီး အဖျက်အမှောင့်လုပ်ခြင်းခံရစေလျှင် ထိုအသင်းတော်၏ ခေါင်းဆောင်များသည် လူ့အကြိုက်လိုက်သူများ ဖြစ်သည်။ ၎င်းတို့သည် ဖယ်ရှားရှင်းလင်းခြင်းခံရသင့်သည့် အမှိုက်များဖြစ်ကြသည်။ အသင်းတော်တစ်ပါး၏ ခေါင်းဆောင်များသည် အန္တိခရစ်များနှင့် ဆိုးယုတ်သော လူတို့အပေါ် ပိုင်းခြားသိမြင်နိုင်စွမ်း ရှိပြီး ဘုရားအိမ်တော်၏ အလုပ်ကို ကာကွယ်ဖို့အတွက် ဘုရားသခင် ရွေးချယ်ထားသည့် လူတို့အား ရပ်တည်နိုင်စေကာ ထိုသူတို့ကို ဖော်ထုတ်နိုင်စေပြီး နတ်ဆိုးများကို ရှင်းလင်းပစ်စေနိုင်လျှင် ဤအရာက နတ်ဆိုးများနှင့် စာတန်ကို အရှက်ရစေလိမ့်မည်ဖြစ်သကဲ့သို့ ဘုရားသခင်၏ ရည်ရွယ်ချက်ကိုလည်း အထမြောက်စေလိမ့်မည် ဖြစ်သည်။ ဤအသင်းတော်၏ ခေါင်းဆောင်များသည် သမ္မာတရား စစ်မှန်မှုကို ပိုင်ဆိုင်သည့် အရည်အချင်းပြည့်မီသော ခေါင်းဆောင်များ ဖြစ်ကြသည်။ အသင်းတော်တစ်ပါးသည် အန္တိခရစ်တစ်ဦး၏ အဖျက်အမှောင့်လုပ်ခြင်းကို ခံစားရပြီး ညီအစ်ကို မောင်နှမများ၏ ဖော်ထုတ်ခြင်းနှင့် ငြင်းပယ်ခြင်းခံရပြီးနောက်တွင် အန္တိခရစ်က ထိုညီအစ်ကို မောင်နှမများအပေါ် အသည်းအသန် လက်တုံ့ပြန်လျှင်၊ ဖိနှိပ်ပြီး ရှုတ်ချလျှင်၊ အသင်းတော် ခေါင်းဆောင်များက ဘာမျှ လုပ်ဆောင်ခြင်းမရှိလျှင်၊ မသိကျိုးကျွန်ပြုပြီး မည်သူကိုမျှ စိတ်အနှောင့်အယှက်မဖြစ်စေဖို့ ကြိုးစားလျှင် ထိုခေါင်းဆောင်များသည် အယောင်ဆောင် ခေါင်းဆောင်များဖြစ်ကြ၏။ ၎င်းတို့သည် အမှိုက်ဖြစ်ပြီး ဖယ်ရှားရှင်းလင်းခြင်းခံရသင့်ပေသည်။ အသင်းတော် ခေါင်းဆောင်တစ်ဦးအနေဖြင့် ပြဿနာများကို ဖြေရှင်းဖို့ သမ္မာတရားကို အသုံးမပြုနိုင်လျှင်၊ အန္တိခရစ်များကို ဖော်ထုတ်နိုင်ခြင်းမရှိ၊ ကန့်သတ်နိုင်ခြင်း မရှိသကဲ့သို့ ရွေးထုတ်နိုင်ခြင်းမရှိလျှင်၊ အသင်းတော်၌ အန္တိခရစ်များကို ၎င်းတို့ ဆန္ဒရှိသည့်အတိုင်း အထိန်းအကွပ်မဲ့ လုပ်ဆောင်ခွင့်ပေးလျှင်၊ သောင်းကျန်းခွင့်ပေးလျှင်၊ ဘုရားသခင် ရွေးချယ်ထားသောသူတို့အား အထင်အမြင်မှားစေခြင်းမှ ကာကွယ်ပေးနိုင်ခြင်း မရှိလျှင်၊ ဘုရားသခင် ရွေးချယ်ထားသောသူတို့က မိမိတို့တာဝန်ကို ပုံမှန်လုပ်ဆောင်နိုင်ဖို့အလို့ငှာ ၎င်းတို့ကို မကာကွယ်ပေးနိုင်လျှင်၊ ထို့အပြင် အသင်းတော် အလုပ်၏ ပုံမှန် တိုးတက်မှုကို ထိန်းသိမ်းနိုင်ခြင်း မရှိလျှင် ထိုခေါင်းဆောင်သည် အမှိုက်ဖြစ်ပြီး ဖယ်ရှားရှင်းလင်းခြင်းခံရသင့်ပေသည်။ ထိုအန္တိခရစ်က ကြမ်းကြုတ်ရက်စက်ပြီး အကြင်နာမဲ့ကြသောကြောင့် အသင်းတော်တစ်ပါး၏ ခေါင်းဆောင်များ အန္တိခရစ်တစ်ဦးကို ဖော်ထုတ်ဖို့၊ ပြုပြင်ဖို့၊ ကန့်သတ်ပြီး အရေးယူဆောင်ရွက်ဖို့ စိုးရွံ့ကာ ထိုသို့ဖြင့် ၎င်းတို့အား နိုင်လိုမင်းထက်ပြုသူတစ်ဦး ဖြစ်လာစေလျက်၊ မိမိတို့ အလိုရှိသည့် မည်သည့်အရာကိုမဆို လုပ်ဆောင်စေကာ အသင်းတော်၏ အလုပ်များစွာကို တုံ့ဆိုင်းရပ်တန့်စေလျက်၊ ယင်းတို့ကို လုံးဝဥဿုံ ရပ်သွားစေလျက်၊ အသင်းတော်တွင် အထိန်းအကွပ်မဲ့ လုပ်ဆောင်ခွင့်ပေးလျှင် ဤအသင်းတော်၏ ခေါင်းဆောင်များသည်လည်း အမှိုက်ဖြစ်ပြီး ဖယ်ရှားရှင်းလင်းခံရသင့်ကြပေသည်။ အသင်းတော်တစ်ပါး၏ ခေါင်းဆောင်များသည် လက်တုံ့ပြန်မှုကို ကြောက်ရွံ့သောကြောင့် အသင်းတော် အသက်တာနှင့် ညီအစ်ကို မောင်နှမများ၏ အသက်ဝင်ရောက်မှုကို အကြီးစား တားဆီးပိတ်ဆို့မှု၊ အဖျက်အမှောင့်လုပ်ခြင်းနှင့် ထိခိုက်နစ်နာမှုဖြစ်စေရင်း အန္တိခရစ်တစ်ဦးကို ဖော်ထုတ်ဖို့ သတ္တိ လုံးဝ မရှိကြသည့်အပြင် အန္တိခရစ်များ၏ ဒုစရိုက်အမှုများကို ထိန်းချုပ်ဟန့်တားဖို့ လုံးဝ မကြိုးစားလျှင် ဤအသင်းတော်၏ ခေါင်းဆောင်များသည်လည်း အမှိုက်ဖြစ်ပြီး ဖယ်ရှားရှင်းလင်းခံရသင့်ပေသည်။ ထိုသို့သော လူတို့၏ ဆက်လက်ခေါင်းဆောင်မှုကို သင်တို့ ထောက်ခံချက်ပေးမည်လော။ (ပေးမည် မဟုတ်ပါ။) သို့ဆိုလျှင် ဤကဲ့သို့သော ခေါင်းဆောင်များကို သင်တို့ ကြုံရသည့်အခါ မည်သည့်အရာကို လုပ်ဆောင်သင့်သနည်း။ သင်က ၎င်းတို့အား မေးမြန်းသင့်သည်မှာ “အန္တိခရစ်များက ထိုသို့ကြီးမားသော မကောင်းမှုကို ကျူးလွန်သည်၊ သူတို့သည် အသင်းတော်တွင် အထိမ်းအကွပ်မဲ့ လုပ်ဆောင်နေကြသည်၊ လွှဲပြောင်းယူဖို့ ကြိုးစားနေကြသည်၊ သင်သည် သူတို့ကို ထိန်းချုပ်နိုင်သလော။ သူတို့ကို ဖော်ထုတ်ဖို့ သင့်တွင် သတ္တိ ရှိသလော။ သူတို့အပေါ် သင်သည် အရေးယူဆောင်ရွက်ဝံ့ခြင်း မရှိလျှင် နုတ်ထွက်သင့်သည်။ ရာထူးမှဆင်းရာတွင် သင်အချိန်မဆွဲသင့်။ သင်သည် သင်၏ ကိုယ်ပိုင် ဇာတိပကတိ အကျိုးစီးပွားများကို ကာကွယ်ပြီး အန္တိခရစ်များကို ကြောက်စိတ်ဖြင့် ညီအစ်ကို မောင်နှမများကို အန္တိခရစ်များနှင့် ဆိုးယုတ်သောလူများထံ လွှဲပြောင်းပေးလျှင် သင်သည် ကျိန်ခြင်းခံရသင့်ပေသည်။ ခေါင်းဆောင်တစ်ဦးဖြစ်ဖို့ သင် မသင့်တော်ပေ။ သင်သည် အမှိုက်ဖြစ်သည်၊ လူသေတစ်ဦးဖြစ်သည်” ဟူ၍ ဖြစ်လေသည်။ ထိုသို့သော အယောင်ဆောင် ခေါင်းဆောင်များသည် ဖော်ထုတ်ခံရသင့်ပြီး ထုတ်ပယ်ခံရသင့်ပေသည်။ ၎င်းတို့က စစ်မှန်သည့် အလုပ်ကို မလုပ်ကြပေ။ ဆိုးယုတ်သော လူများနှင့် ရင်ဆိုင်ရသည့်အခါ ၎င်းတို့သည် ညီအစ်ကို မောင်နှမများကို မကာကွယ်ကြဘဲ ရှက်ဖွယ်ကောင်းသော ဖြစ်တည်မှုကို အချိန်ဆွဲရင်း ဆိုးယုတ်သောလူများကို ဒူးထောက်ပြီး ထိုသူတို့ထံ လိုက်လျောချက်များ ပြုလုပ်ကာ အသနားခံကြသည်။ ထိုသို့သော ခေါင်းဆောင်များသည် အမှိုက်ဖြစ်၏။ ၎င်းတို့သည် သစ္စာဖောက်များဖြစ်ပြီး ငြင်းပယ်ခံရသင့်ပေသည်။

ဆက်လက်၍ နောက်တစ်ချက်ဖြစ်သည့် ပြုပြင်ခံရသည့်အခါ ၎င်းတို့၏ အလားအလာများနှင့် ကံကြမ္မာတို့အပေါ် အန္တိခရစ်များ၏ သဘောထား ပေါ်လွင်လာပုံကို ငါတို့ မိတ်သဟာယပြုမည်ဖြစ်သည်။ ဘုရားသခင်၏အိမ်တော်တွင် အလုပ်လုပ်သော အန္တိခရစ်အချို့သည် စေ့စပ်သေချာစွာ လုပ်ဆောင်ရန်၊ အမှားများပြုလုပ်ခြင်း၊ ပြုပြင်ခံရခြင်း၊ အထက်ကို စိတ်ဆိုးစေခြင်း၊ သို့မဟုတ် မကောင်းသည့်အရာတစ်ခုခု လုပ်ဆောင်နေသည်ကို ၎င်းတို့၏ ခေါင်းဆောင်များက ဖမ်းမိခြင်းတို့ကို ရှောင်ကြဉ်ရန် တိတ်တဆိတ် စိတ်ပိုင်းဖြတ်ထားကြသည်။ ပြီးလျှင် ၎င်းတို့သည် ကောင်းမှုများလုပ်ဆောင်သောအခါ ကြည့်ရှုသောသူများရှိနေစေရန် သေချာအောင် ပြုလုပ်ကြသည်။ သို့တိုင်အောင် ၎င်းတို့သည် မည်မျှ စေ့စပ်သေချာပါစေ ၎င်းတို့၏ ကြံရွယ်ချက်များနှင့် ၎င်းတို့လျှောက်သောလမ်းကြောင်းက မမှန်ကန်သောကြောင့်၊ ကျော်ကြားမှု၊ အကျိုးအမြတ်နှင့် အဆင့်အတန်းအတွက်သာ စကားပြောပြီး လုပ်ဆောင်ကာ သမ္မာတရားကို လုံးဝ မရှာဖွေသောကြောင့် ၎င်းတို့သည် စည်းမျဉ်းများကို မကြာခဏ ချိုးဖောက်ကြသည်။ အသင်းတော်အလုပ်ကို နှောင့်ယှက်ဖျက်ဆီးကြသည်။ စာတန်၏ လက်ပါးစေအဖြစ် ပြုမူပြီး ပြစ်မှားမှုများစွာကိုပင် မကြာခဏ ကျူးလွန်ကြသည်။ ဤသို့သောသူများက မကြာခဏ စည်းမျဉ်းများကို ချိုးဖောက်ပြီး ပြစ်မှားမှုများကို ကျူးလွန်သည်မှာ အလွန်ပင် အတွေ့ရများပြီး တကယ်ကို ထုံးစံအတိုင်းပင် ဖြစ်လေသည်။ ထို့ကြောင့် ၎င်းတို့အတွက် ပြုပြင်ခံရခြင်းကို ရှောင်ရန် အလွန် ခက်ခဲသည်မှာ မှန်သည်။ အချို့ အန္တိခရစ်များသည် ပြင်းထန်စွာ ပြုပြင်ခြင်းခံရသောကြောင့် ထုတ်ဖော်ခြင်းခံရပြီး ဖယ်ရှားရှင်းလင်းခြင်းခံရသည်ကို ၎င်းတို့ မြင်ပြီးဖြစ်သည်။ ဤအရာများကို ၎င်းတို့ကိုယ်တိုင်၏ မျက်လုံးများဖြင့် မြင်တွေ့ပြီး ဖြစ်သည်။ အန္တိခရစ်များသည် အဘယ်ကြောင့် အလွန်သတိရှိစွာ လုပ်ဆောင်ကြသနည်း။ သေချာသည်မှာ အကြောင်းပြချက်တစ်ခုက ၎င်းတို့သည် ထုတ်ဖော်ခြင်းနှင့် ဖယ်ရှားရှင်းလင်းခြင်းအား ခံရမည်ကို ကြောက်သောကြောင့် ဖြစ်သည်။ “ငါ ဂရုစိုက်ရမည်။ တကယ်တမ်းတွင် ‘သတိထားခြင်းက ဘေးကင်းလုံခြုံဖို့ အရေးကြီးဆုံးဖြစ်သည်’။ ပြီးလျှင် ‘ကောင်းသည့်သူများက ငြိမ်းချမ်းသည့် သဘာဝရှိသည်’ မကောင်းသည့်အရာလုပ်ခြင်း၊ ပြဿနာတက်ခြင်းများကို ရှောင်ဖို့ အချိန်တိုင်း ဤစည်းမျဉ်းများကို လိုက်နာပြီး ကိုယ့်ကိုယ်ကိုယ် သတိပေးရမည်။ ငါ့ဖောက်ပြန်ပျက်စီးမှုနှင့် ရည်ရွယ်ချက်များကို ချုပ်တည်းပြီး မည်သူ့ကိုမျှ တွေ့ခွင့်ပေး၍ မဖြစ်ပါ။ ငါအမှားမလုပ်ဘဲ အဆုံးထိ ဇွဲရှိရှိနှင့် လုပ်နိုင်လျှင် ကောင်းချီးများရမည်ဖြစ်သည်။ ကပ်ဘေးများကို ရှောင်နိုင်မည်။ ဘုရားအပေါ် ငါ၏ယုံကြည်မှုတွင် တစ်စုံတစ်ခုကို ငါရရှိလိမ့်မည်” ဟူ၍ စဉ်းစားကြသည်။ ၎င်းတို့သည် ဤနည်းအားဖြင့် မကြာခဏ မိမိတို့ကိုယ်ကို တိုက်တွန်းကြသည်။ လှုံ့ဆော်ပြီး အားပေးကြသည်။ ၎င်းတို့သည် အမှားလုပ်လျှင် ကောင်းချီးရဖို့ ၎င်းတို့၏ အခွင့်အရေးများက သိသိသာသာ ယုတ်လျော့သွားလိမ့်မည်ဟု ၎င်းတို့၏ စိတ်ထဲတွင် ယုံကြည်ကြသည်။ ဤသည်မှာ ၎င်းတို့၏ စိတ်နှလုံးအတွင်းထဲတွင် နေရာယူနေသော တွက်ချက်မှုနှင့် ယုံကြည်မှုမဟုတ်သလော။ အန္တိခရစ်များ၏ ဤတွက်ချက်မှု၊ သို့မဟုတ် ယုံကြည်မှုသည် မှန်သည်၊ သို့မဟုတ် မှားသည်ကို ဘေးဖယ်ထားပြီး ယင်းကို အခြေခံကြည့်လျှင် ၎င်းတို့သည် ပြုပြင်ခြင်းကို ခံရသောအခါ မည်သည့်အရာကို အစိုးရိမ်ဆုံး ဖြစ်မည်နည်း။ (၎င်းတို့၏ အလားအလာများနှင့် ကံကြမ္မာတို့ဖြစ်သည်။) ၎င်းတို့သည် ပြုပြင်ခြင်းကို ၎င်းတို့၏ အလားအလာများနှင့် ကံကြမ္မာတို့ဖြင့် ဆက်စပ်သည်။ ဤသည်မှာ ၎င်းတို့၏ ကောက်ကျစ်ဆိုးယုတ်သော သဘာဝနှင့် သက်ဆိုင်သည်။ ၎င်းတို့က စဉ်းစားကြသည်။ “ငါက ဖယ်ရှားရှင်းလင်းခံရမှာဖြစ်လို့ ဒီလိုမျိုး ပြုပြင်ခံရတာလား။ ငါ့ကို အလိုမရှိတော့လို့လား။ ဘုရားအိမ်တော်က ငါ့ကို ဒီတာဝန်ထမ်းဆောင်ခြင်းက တားမှာလား။ ငါက ယုံကြည်ထိုက်တဲ့ ပုံစံမရှိဘူးလား။ ငါ့ထက် ပိုတော်တဲ့သူတစ်ယောက်နဲ့ ငါ့ကို အစားထိုးတာ ခံရမှာလား။ ငါ ဖယ်ရှားရှင်းလင်းခံရရင် ကောင်းချီးခံရနိုင်သေးလား။ ကောင်းကင်နိုင်ငံတော်ကို ဝင်လို့ရသေးလား။ ငါ့ရဲ့ စွမ်းဆောင်မှုက သိပ်ပြီး ကျေနပ်စရာမရှိတဲ့ ပုံစံပဲ။ ဒီတော့ နောက်ကျရင် ငါ ပိုဂရုစိုက်ရမယ်။ နာခံပြီး လိမ္မာဖို့၊ ဘာပြဿနာမှမရှာဖို့ သင်ယူရမယ်။ စိတ်ရှည်ဖို့ သင်ယူရမယ်။ ပြီးတော့ သိုသိုသိပ်သိပ်နေပြီး ရှင်သန်ရမယ်။ နေ့တိုင်း ငါ အလုပ်လုပ်တဲ့အခါမှာ ငါက ကြိုးတန်းပေါ် လမ်းလျှောက်နေသလို စိတ်ကူးရမယ်။ သတိလွတ်လို့ မဖြစ်ဘူး။ ငါဒီတစ်ကြိမ်မှာ ပေါ့ဆပြီး လူသိသွားသလို ပြုပြင်ခံရပေမဲ့ သူတို့ရဲ့ လေသံတွေက အရမ်းတင်းကျပ်ပုံမပေါ်ဘူး။ ဒီပြဿနာက သိပ်မဆိုးတဲ့ ပုံစံပဲ။ ငါ့မှာ အခွင့်အရေးရှိသေးတဲ့ ပုံစံရှိတယ်။ ကပ်ဘေးတွေကနေ ငါ လွတ်မြောက်ပြီး ကောင်းချီးခံစားရနိုင်သေးတယ်။ ဒီတော့ ဒါကို ငါ နှိမ့်နှိမ့်ချချနဲ့ လက်ခံသင့်တယ်။ ငါက ဖယ်ရှားရှင်းလင်းခံရဖို့၊ နှင်ထုတ်ခံရဖို့ မပြောနဲ့၊ တာဝန်ပြောင်းတာ ခံရမှာမျိုး မဟုတ်ဘူးလေ။ ဒီတော့ ဒီလိုပုံစံနဲ့ ပြုပြင်တာခံရတာကို ငါလက်ခံနိုင်ပါတယ်” ဟူ၍ ဖြစ်သည်။ ဤသည်မှာ ပြုပြင်ခြင်းကို လက်ခံသည့် သဘောထားဖြစ်သလော။ ဤသည်မှာ မိမိ၏ ဖောက်ပြန်ပျက်စီးသော စိတ်သဘောထားကို အမှန်တကယ် သိခြင်းဖြစ်သလော။ ဤသည်မှာ အမှန်တကယ် နောင်တရလိုပြီး မိမိ၏ ပြုမူကျင့်ကြံပုံကို ကောင်းစွာ ပြောင်းလဲလိုခြင်း ဖြစ်သလော။ ဤသည်မှာ စည်းမျဉ်းများနှင့်အညီ လုပ်ဆောင်ရန် အမှန်တကယ် စိတ်ဆုံးဖြတ်ခြင်းဖြစ်သလော။ မဟုတ်ပေ။ ဤသို့ဆိုလျှင် အဘယ်ကြောင့် ၎င်းတို့က ဤသို့ လုပ်ဆောင်သနည်း။ ကပ်ဘေးများကို ၎င်းတို့ ရှောင်ရှားနိုင်ပြီး ကောင်းချီးခံရနိုင်သည်ဆိုသည့် မျှော်လင့်ချက် တစ်စွန်းတစ်စကြောင့် ဖြစ်သည်။ ထိုမျှော်လင့်ချက် တစ်စွန်းတစ်စ ရှိနေသေးသရွေ့ ၎င်းတို့က မိမိတို့အကြောင်းကို လူသိအောင် မပြနိုင်ပေ။ ၎င်းတို့၏ သရုပ်မှန်ကို ထုတ်ဖော်မပြနိုင်ပေ။ ၎င်းတို့၏ စိတ်နှလုံးအတွင်းထဲတွင် မည်သည့်အရာရှိသည်ကို အခြားလူများအား ပြောမပြနိုင်ပေ။ စိတ်အတွင်းတွင် ၎င်းတို့ ထားရှိသော မကျေနပ်ချက်ကို အခြားလူများအား သိခွင့်မပေးနိုင်ပေ။ ၎င်းတို့သည် ဤအရာများကို ကွယ်ဝှက်ထားရမည်၊ ၎င်းတို့သည် သတိကြီးစွာဖြင့် နေရမည်ဖြစ်ပြီး ၎င်းတို့၏ တကယ့် အရှိအတိုင်းကို အခြားလူများအား မြင်ခွင့်ပေး၍မရပေ။ ထို့ကြောင့် ၎င်းတို့သည် ပြုပြင်ခြင်းကို ခံရပြီးနောက်တွင် လုံးဝ မပြောင်းလဲပေ။ ယခင်က ၎င်းတို့ လုပ်ဆောင်သည့်အတိုင်း ဆက်၍ လုပ်ဆောင်ကြသည်။ ဤသို့ဆိုလျှင် ၎င်းတို့လုပ်ရပ်များနောက်ကွယ်ရှိ အခြေခံသဘောတရားမှာ အဘယ်နည်း။ အရာရာ၌ ၎င်းတို့၏ ကိုယ်ပိုင်အကျိုးစီးပွားများကို ကာကွယ်ရန်သာဖြစ်သည်။ ၎င်းတို့သည် မည်သည့်အမှားများကို ပြုလုပ်သည်ဖြစ်စေ အခြားလူများကို သိခွင့်မပေးပေ။ ၎င်းတို့သည် အမှားများ၊ သို့မဟုတ် အားနည်းချက်များ မရှိသည့် ပြည့်စုံသောသူများ ဖြစ်သည်၊ မည်သည့်အခါမျှ အမှားမလုပ်ဟု ၎င်းတို့အနီးတွင် ရှိသောသူများကို ထင်စေရန် လုပ်ဆောင်သည်။ ဤသည်မှာ ၎င်းတို့က ဟန်ဆောင်သည့်ပုံစံဖြစ်သည်။ ၎င်းတို့သည် အချိန်ကြာမြင့်စွာ ဆက်လက် ဟန်ဆောင်ပြီးနောက်တွင် ၎င်းတို့သည် ကပ်ဘေးများမှ လွတ်မြောက်ဖို့၊ ကောင်းချီးခံရဖို့၊ ကောင်းကင်နိုင်ငံတော်ကို ဝင်ရဖို့ အနည်းနှင့်အများ သေချာသည်ဟု ယုံကြည်မှုရှိကြသည်။ သို့သော် ၎င်းတို့၏ လုပ်ရပ်များတွင် စည်းမျဉ်းများကို မကြာခဏ ချိုးဖောက်ကြသောကြောင့် ၎င်းတို့ ပြုပြင်ခံရသည်ကို မမျှော်လင့်ဘဲ တွေ့မြင်ကြရသည်။ ပြုပြင်ခံရခြင်းက ၎င်းတို့ကို စိတ်ထိခိုက်စေသည်။ “ကျွန်ုပ် အလွန် များစွာ ဆင်းရဲဒုက္ခခံပြီဖြစ်သည်။ သင်သည် ကျွန်ုပ်ကို အဘယ်ကြောင့် ပြုပြင်နိုင်ရသနည်း။ အဘယ်ကြောင့် ကောင်းချီးမင်္ဂလာများ ရရှိခြင်းနှင့်ဆိုင်သည့် ကြီးမြတ်သော အရာသည် ကျွန်ုပ်ထံ မဖြစ်သေးသနည်း။ ထိုအရာသည် အဘယ်ကြောင့် ကျွန်ုပ်နှင့် အလွန် အလှမ်းဝေးနေဆဲဖြစ်သနည်း။ ဤဆင်းရဲဒုက္ခသည် မည်သည့်အချိန်တွင် အဆုံးသတ်လိမ့်မည်နည်း”ဟူ၍ဖြစ်သည်။ ပြီးလျှင် ပြုပြင်ခြင်းနှင့်ဆိုင်သည့် စကားများကို ၎င်းတို့ ကြားသည့်အခါ ငါ တစ်ဖန် ဝတ်ကျေတမ်းကျေဖြစ်ပြီး သမ္မာတရားကို မလိုက်စားသည့်အပြင် ဘုရားအိမ်တော်၏ အလုပ်ကို အဖျက်အမှောင့်လုပ်သည့် ဆိုးယုတ်သော အရာများကို တစ်ဇွတ်ထိုး လုပ်ဆောင်မိလျှင် ငါ ဖယ်ရှားရှင်းလင်းခံရပြီး နှင်ထုတ်ခံရလိမ့်မည်။ ထိုအခါ ငါ၏ အလားအလာများနှင့် ကံကြမ္မာတို့ကို ငါ ဆုံးရှုံးရမည် မဟုတ်လော။ ဘုရားကို ယုံကြည်သည့် ဤနှစ်ကာလများတွင် ငါ ကြုံရပြီးဖြစ်သည့် ဆင်းရဲဒုက္ခအားလုံးက အချည်းနှီးဖြစ်လိမ့်မည်”ဟု ၎င်းတို့က စဉ်းစားကြသည်။ ၎င်းတို့က စိတ်ရှည်ခြင်းနှင့် မိမိကိုယ်ကို ချုပ်တည်းခြင်းအား ထပ်တလဲလဲ လက်တွေ့လုပ်ဆောင်ပြီး ၎င်းတို့၏ စိတ်နှလုံးများတွင် ၎င်းတို့က “ဤအရာကို ငါ သည်းညည်းခံရမည်။ ငါ သည်းညည်းခံရမည်။ သည်းညည်းမခံလျှင် ငါ ကြုံရပြီးဖြစ်သည့် ဆင်းရဲဒုက္ခနှင့် မတရားမှုအားလုံးက အချည်းနှီးဖြစ်သွားလိမ့်မည်။ ငါ ဆက်လက် သည်းခံကြိုးပမ်းရမည်။ တကယ့်အဆုံးတိုင် ငါ သည်းခံကြိုးပမ်းလျှင် ကယ်တင်ခံရလိမ့်မည်။ တစ်ဦးတလေက ငါ့ထံ မဖွယ်မရာ တစ်စုံတစ်ခုပြောလျှင် သူတို့ကို ငါ မကြားချင်ယောင်သာ ဆောင်လိုက်မည်။ သူတို့က ငါ့အကြောင်းပြောနေခြင်း မဟုတ်ဘဲ အခြားတစ်စုံတစ်ဦးအကြောင်း ပြောနေသည့်အလား ငါ ပြုမူမည်”ဟု ပြောကြသည်။ သို့သော် ၎င်းတို့ မည်သို့ နားထောင်ကြသည်ဖြစ်စေ ထိုအရာက ၎င်းတို့တွင် ခရီးပန်းတိုင်မရှိသည့် သဘောဖြစ်သည်ဟု ခံစားကြဆဲဖြစ်သည်။ ဤအကြိမ်တွင် ပြုပြင်ခံရခြင်းဖြင့် ၎င်းတို့ ပြစ်တင်ရှုတ်ချခံရခြင်း ဖြစ်သည်ဟု ခံစားကြရဆဲဖြစ်သည်။ ၎င်းတို့သည် မျှော်လင့်ချက်မဲ့ကြသည်၊ မနက်ဖြန်မရှိသည့်အပြင် အနာဂတ်မဲ့လျက် စိတ်ပျက်လက်ပျက် ဖြစ်ကြလေသည်။ ဤအခိုက်အတန့်တွင် ဤဆိုးယုတ်သော လူများနှင့် အန္တိခရစ်များသည် စိတ်ရှည်နေနိုင်မြဲ နေနိုင်ကြသလော။ (စိတ်မရှည်နိုင်ကြပါ။ ကောင်းချီးခံစားရခြင်းနှင့်ဆိုင်သည့် ၎င်းတို့၏ မျှော်လင့်ချက်များ အစိတ်စိတ်အမြွှာမြွှာကွဲသွားသည်ကို ၎င်းတို့မြင်ရသောကြောင့် စိတ်ရှည်မြဲ စိတ်ရှည်နေနိုင်ခြင်း မရှိကြပါ။) ၎င်းတို့က စိတ်ရှည်မြဲ စိတ်ရှည်နေနိုင်ခြင်း မရှိရုံမျှဖြစ်ကြသလော။ ၎င်းတို့သည် တစ်စုံတစ်ခုကို ဆောင်ရွက်ကြမည် မဟုတ်လော။ (ဟုတ်ပါသည်။) မည်သည့် လုပ်ရပ်များကို ၎င်းတို့ လုပ်ဆောင်ကြမည်နည်း။ (၎င်းတို့က အပျက်သဘောဆောင်ခြင်းကို ဖြန့်ကောင်းဖြန့်နိုင်ပြီး ပိုင်းခြားသိမြင်နိုင်စွမ်း ကင်းမဲ့သည့် ညီအစ်ကို မောင်နှမအချို့ကို မိမိတို့ဘက်တွင်နေအောင်၊ မိမိတို့ကို ခုခံကာကွယ်ပေးပြီး မိမိတို့၏ နစ်နာချက်များကို ညည်းညူပေးအောင် အထင်အမြင်မှားကောင်း မှားစေနိုင်သည်။) မှန်၏၊ ၎င်းတို့ မျှော်လင့်ချက်မဲ့သည်ဟု ခံစားရသည်နှင့်တစ်ပြိုင်နက် တစ်စုံတစ်ခုကို ဆောင်ရွက်ကြလိမ့်မည် ဖြစ်သည်။ ၎င်းတို့က “သင်သည် ငါ့ကို လေ့ကျင့်ပေးနေခြင်းမရှိပါ သို့မဟုတ် အရေးကြီးသည့် ရာထူးများတွင် ငါ့ကို မထားတော့သကဲ့သို့ ငါ့ကို ဖယ်ရှားရှင်းလင်းချင်နေသည်။ ငါ ကောင်းချီးမခံစားရနိုင်လျှင် သင်ကိုယ်တိုင် ကောင်းချီးခံရဖို့အကြောင်းကို တွေးပင် မတွေးနှင့်။ ဤနေရာက ငါ့ကို မခေါ်ထားလျှင် အပြင်၌ ငါ့အတွက် နေရာတစ်ခုရှိသည်။ သို့သော် ငါ ထွက်သွားလျှင် ငါနှင့်အတူ နောက်ထပ် လူတစ်ဦးကို ဆွဲခေါ်သွားမည်။ သင်သည် ငါ့အပေါ် ရက်စက်လေပြီ။ ထို့ကြောင့် သင့်ကို ငါ မတရားလုပ်မည်။ သင်သည် ငါ့ကို ဖယ်ရှားရှင်းလင်းချင်ခဲ့သည် မဟုတ်လော။ ထိုအရာကို ပြောဆိုခြင်းအတွက် သင် ပေးဆပ်ရလိမ့်မည်”ဟူ၍ စဉ်းစားကြလိမ့်မည်။ ၎င်းတို့သည် ရင်ဆိုင်တိုက်ခိုက်ရန် အသင့်ဖြစ်ကာ စတင်၍ ပွက်ပွက်ညံအောင် ကန့်ကွက်ကြလိမ့်မည်ဖြစ်ပြီး သမ္မာတရားကို မုန်းတီးသည့် ၎င်းတို့၏ သဘာဝ အနှစ်သာရက ပေါ်သွားလိမ့်မည်။ ထို့နောက် ၎င်းတို့၏ ကောင်းချီးခံစားရမည့် မျှော်လင့်ချက်များ အစိတ်စိတ်အမြွှာမြွှာ ကွဲသွားသဖြင့် ၎င်းတို့၏ စိတ်ထက်သန်မှု၊ ၎င်းတို့၏ စွန့်လွှတ်မှု၊ ၎င်းတို့၏ အသုံးခံမှုများ၊ ၎င်းတို့၏ ဆင်းရဲဒုက္ခခံစားခြင်းနှင့် အဖိုးအခ ပေးဆပ်ခြင်းအားလုံးတို့သည် ပျောက်ကွယ်သွားလိမ့်မည်။ ထိုအချိန်တွင် ဘုရားသခင်အတွက် မိမိတို့ကိုယ်ကို အသုံးခံခြင်းအတွက် ၎င်းတို့၏ မူလ စိတ်ထက်သန်မှုနှင့် ၎င်းတို့၏ ဆင်းရဲဒုက္ခ ခံစားရခြင်းအပြင် အဖိုးအခပေးခြင်းတို့သည် အယောင်ဆောင်ချည်းသာ ဖြစ်ပြီး အတုအယောင်တစ်ခုသာဖြစ်သည်ကို လူတို့က မြင်နိုင်ကြလိမ့်မည်ဖြစ်သည်။

အန္တိခရစ်များက လူစားထိုးခံရသည်နှင့်တစ်ပြိုင်နက် သို့မဟုတ် ဖယ်ရှားရှင်းလင်းခံရသည်နှင့်တစ်ပြိုင်နက် ၎င်းတို့သည် ရင်ဆိုင်တိုက်ခိုက်ရန် အသင့်ဖြစ်ကြပြီး ချုပ်တည်းခြင်းမရှိဘဲ ညည်းညူကြကာ ၎င်းတို့၏ ဘီလူးသရဲစီးသော ဘက်ခြမ်းက ပေါ်လာသည်။ ဘီလူးသရဲစီးသော မည်သည့်ဘက်ခြမ်းက ပေါ်လာသနည်း။ အတိတ်တွင် ၎င်းတို့သည် သမ္မာတရားကို လိုက်စားပြီး ကယ်တင်ခြင်းရဖို့အလို့ငှာ မိမိတို့တာဝန်များကို လုံးဝ မထမ်းဆောင်ခဲ့ကြဘဲ ကောင်းချီးများရရှိဖို့ ထမ်းဆောင်ခဲ့ကြကာ ယခုတွင် ဤအမှန်တရားအကြောင်းကို ၎င်းတို့က ပြောပြီး စစ်မှန်သည့် အခြေအနေကို ထုတ်ဖော်ကြသည်။ ၎င်းတို့က “ကျွန်ုပ်သည် ကောင်းကင်နိုင်ငံတော်ထဲသို့ ဝင်ရောက်ဖို့ သို့မဟုတ် နောက်ပိုင်းတွင် ကောင်းချီးများနှင့် ကြီးမားသော ဂုဏ်အသရေ ရရှိဖို့အတွက် မကြိုးစားခဲ့လျှင် နောက်ချေးထက် နိမ့်ကျသည့်လူများဖြစ်သော သင်တို့နှင့် ကျွန်ုပ် ရောနှောနေခဲ့မည်လော။ ကျွန်ုပ်၏ ပါဝင်ပတ်သက်ခြင်းနှင့် သင်တို့ ထိုက်တန်ကြသလော။ သင်တို့သည် ကျွန်ုပ်ကို မလေ့ကျင့်ပေးကြ သို့မဟုတ် ကျွန်ုပ်ကို ရာထူး မတိုးပေးကြသကဲ့သို့ ကျွန်ုပ်ကို ဖယ်ရှားရှင်းလင်းချင်နေကြသည်။ တစ်နေ့တွင် ကျွန်ုပ်ကို သင်တို့ ဖယ်ရှားရှင်းလင်းခြင်းအတွက် ပေးရမည့် အဖိုးအခတစ်ခုနှင့် ထိုအရာကြောင့် သင် ခံစားရမည့် အကျိုးဆက်များ ရှိလိမ့်မည်ကို သင့်အား ကျွန်ုပ် ပြမည်” ပြောကြသည်။ အန္တိခရစ်များက ဤအယူအဆများကို ဖြန့်ကြပြီး ဤနတ်ဆိုးဆန်သော စကားများက ၎င်းတို့ထံမှ လွှတ်ခနဲ ထွက်လာသည်။ ၎င်းတို့ ရင်ဆိုင်တိုက်ခိုက်ဖို့ အသင့်ဖြစ်ပြီးသည်နှင့်တစ်ပြိုင်နက် ၎င်းတို့၏ မလိုမုန်းထားသော သဘာဝနှင့် ရက်စက်သော စိတ်သဘောထားတို့က ပေါ်လာပြီး အယူအဆများကို ၎င်းတို့ စတင်၍ ဖြန့်ကြလေသည်။ ယုံကြည်သူသစ်များဖြစ်ကြသူများ၊ အတော်အတန် ဝိညာဉ်ရင့်ကျက်မှု သေးငယ်ပြီး ပိုင်းခြားသိမြင်နိုင်စွမ်း ကင်းမဲ့သူများ၊ သမ္မာတရား မလိုက်စားကြသူများနှင့် မကြာခဏ အပျက်သဘောဆောင်ကာ အားနည်းကြသူများကိုလည်း ၎င်းတို့က စတင်ချောဆွဲကြပြီး မိမိတို့တာဝန်များကို တစ်စိုက်မတ်မတ် ဝတ်ကျေတမ်းကျေဖြစ်ကြကာ ဘုရားသခင်ကို အမှန်တကယ် မယုံကြည်ကြသူများကိုလည်း ချောဆွဲကြသည်။ ၎င်းတို့က “ငါ့ကို သင် ဖယ်ရှားရှင်းလင်းလျှင် ငါနှင့် အတူ အခြားသူအချို့ကို ငါ ဆွဲချသွားမည်”ဟု မိမိတို့ကိုယ်ကို ပြောကြသည့်အတိုင်းပင်ဖြစ်သည်။ ၎င်းတို့၏ စာတန်ဆန်သော သဘာဝက ဖော်ထုတ်ခံရပြီးဖြစ်သည် မဟုတ်လော။ ပုံမှန်လူတို့က ဤအရာကို လုပ်ဆောင်ကြမည်လော။ ယေဘုယျအနေဖြင့် ဖောက်ပြန်ပျက်စီးသော စိတ်သဘောထားရှိသည့် လူတို့သည် အထုတ်ခံရသည့်အခါ မိမိတို့ကိုယ်ကို မျှော်လင့်ချက်မဲ့သည်ဟု ယုံကြည်လျက် ဝမ်းနည်းကာ စိတ်ထိခိုက်ခံစားရုံသာဖြစ်ကြသော်လည်း ၎င်းတို့၏ အသိစိတ်က ၎င်းတို့အား “ဤသည်မှာ ငါတို့၏ အပြစ်ဖြစ်သည်။ ငါတို့တာဝန်များကို ငါတို့ မဖြည့်ဆည်းကြလေပြီ။ အနာဂတ်တွင် ပိုကောင်းအောင် လုပ်ဆောင်ဖို့ ငါ ကြိုးပမ်းမည်ဖြစ်ပြီး ဘုရားက ငါ့ကို မည်သို့ ဆက်ဆံမည်ဆိုသည်နှင့် ငါနှင့်ပတ်သက်၍ မည်သည့် ဆုံးဖြတ်ချက်များ သူပြုလုပ်မည်ဆိုသည်တို့အတွက်မူ ယင်းမှာ ဘုရားသခင်၏ ကိစ္စဖြစ်သည်။ လူတို့အနေဖြင့် ဘုရားသခင်အပေါ် တောင်းဆိုချက်များ ပြုလုပ်ပိုင်ခွင့်မရှိပေ။ ဘုရားသခင်၏ လုပ်ရပ်များသည် လူတို့၏ သရုပ်သကန်များပေါ် အခြေခံသည် မဟုတ်လော။ အကြင်သူသည် မှားယွင်းသည့် လမ်းကြောင်းကို လျှောက်လျှင် ဆုံးမပဲ့ပြင်ခြင်းနှင့် ရိုက်နှက်ဆုံးမခြင်းခံရသင့်သည်။ ဤသည်မှာ သိသာထင်ရှားပေသည်။ ယခုအခါတွင် ဝမ်းနည်းစရာ ကောင်းသည့်အရာမှာ ငါ့ထံတွင် ညံ့ဖျင်းသည့် အစွမ်းအစရှိပြီး ဘုရားသခင်၏ ရည်ရွယ်ချက်များကို အထမြောက်အောင် ဆောင်ရွက်နိုင်ခြင်း မရှိဘဲ သမ္မာတရား စည်းမျဉ်းများကို ငါ နားမလည်သကဲ့သို့ ငါ၏ ဖောက်ပြန်ပျက်စီးသော စိတ်သဘောထားများကို အခြေခံ၍ ထင်ရာမြင်ရာနှင့် တစ်ဇွတ်ထိုး ပြုမူခြင်းဖြစ်သည်။ ငါသည် ဖယ်ရှားရှင်းလင်းခံထိုက်သော်လည်း အနာဂတ်တွင် ထိုအတွက် ပြုပြင်ဖို့ အခွင့်အရေး ရှိလိမ့်မည်ဟု မျှော်လင့်ပါသည်”ဟု စဉ်းစားစေသည်။ အသိစိတ် အနည်းငယ်ရှိသည့် လူတို့သည် လမ်းကြောင်းတစ်ခုကို ဤကဲ့သို့ လျှောက်လှမ်းကြလိမ့်မည်။ ၎င်းတို့က ထိုပြဿနာကို ဤနည်းဖြင့် စဉ်းစားရန် ရွေးချယ်ကြပြီး အဆုံးတွင် ထိုပြဿနာကို ဤနည်းဖြင့် ဖြေရှင်းရန်လည်း ရွေးချယ်ကြသည်။ ဤအရာအတွင်းတွင် သမ္မာတရားကို လက်တွေ့လုပ်ဆောင်ခြင်းနှင့်ဆိုင်သည့် အရိပ်လက္ခဏာများစွာ မရှိသော်လည်း ဤလူများတွင် အသိစိတ်များ ရှိကြသောကြောင့်၊ ဘုရားသခင်ကို အတိုက်အခံလုပ်သည့်အထိ၊ ဘုရားသခင်အပေါ် ပြစ်မှားစော်ကားသည့်အထိ၊ သို့မဟုတ် ဘုရားသခင်ကို ဆန့်ကျင်သည့်အထိ လုပ်ဆောင်ကြမည် မဟုတ်ပေ။ သို့သော် အန္တိခရစ်များကမူ ထိုသို့မဟုတ်ကြပေ။ ၎င်းတို့တွင် ရက်စက်သော သဘာဝ ရှိကြသောကြောင့် ဘုရားသခင်အပေါ် ပင်ကိုအားဖြင့် ရန်မူလိုကြသည်။ ၎င်းတို့၏ အလားအလာများနှင့် ကံကြမ္မာတို့ ခြိမ်းခြောက်ခံရသည့်အခါ သို့မဟုတ် နုတ်ယူခြင်းခံရသည့်အခါ၊ အသက်ရှင်ဖို့ အခွင့်အရေးတစ်ခုမျှ ၎င်းတို့ မမြင်နိုင်သည့်အခါ လုပ်ဆောင်ရန် ၎င်းတို့ ဆုံးဖြတ်သည့်အရာမှာ အယူအဆများကို ဖြန့်ဝေဖို့၊ ဘုရားသခင်၏ အမှုတော်ကို ဝေဖန်ဖို့နှင့် ၎င်းတို့နှင့် အပေါက်အလမ်းတည့်သည့် မယုံကြည်သူများအား ဘုရားအိမ်တော်၏ အလုပ်ကို ၎င်းတို့နှင့်အတူ အဖျက်အမှောင့်လုပ်စေဖို့ ဖြစ်သည်။ ၎င်းတို့၏အတိတ်က ကောင်းမှုများနှင့် ပြစ်မှားမှု တစ်ခုတလေအပြင် ဘုရားအိမ်တော်၏ အလုပ်ကိုဖြစ်စေ၊ ပိုင်ဆိုင်မှုပစ္စည်းကိုဖြစ်စေ ၎င်းတို့ ဖြစ်စေခဲ့သည့် ဆုံးရှုံးမှုများ တစ်ခုတလေကို တာဝန်ယူရန်ပင် ၎င်းတို့ ငြင်းဆန်ကြသည်။ ဘုရားအိမ်တော်က ၎င်းတို့ကို ကိုင်တွယ်ပြီး ဖယ်ရှားရှင်းလင်းသည့်အခါ အန္တိခရစ်များ မကြာခဏ အပြောဆုံးဖြစ်သည့် စကားတစ်ခွန်းကို ၎င်းတို့က ပြောကြသည်။ ထိုစကားမှာ အဘယ်နည်း။ (ဤနေရာက ငါ့ကို မခေါ်ထားလျှင် အပြင်၌ ငါ့အတွက် နေရာတစ်ခုရှိသည်။) ဤသည်မှာ နောက်ထပ် နတ်ဆိုးဆန်သော စကားဖြစ်သည် မဟုတ်လော။ ဤသည်မှာ ပုံမှန်လူ့သဘာဝ၊ ရှက်စိတ်တစ်ခုနှင့် အသိစိတ်တစ်ခုရှိသည့် လူတစ်ဦး ပြောနိုင်မည် မဟုတ်သည့် အရာတစ်ခု ဖြစ်သည်။ ယင်းတို့ကို ငါတို့က နတ်ဆိုးဆန်သော စကားများဟု ခေါ်သည်။ ဤသည်တို့မှာ အန္တိခရစ်များက ပြုပြင်ခံရပြီး ၎င်းတို့၏ အဆင့်အတန်းနှင့် ဂုဏ်သတင်းက အန္တရာယ်ရှိသည်၊ ၎င်းတို့၏ အဆင့်အတန်းနှင့် သိက္ခာတို့ ခြိမ်းခြောက်ခံနေရသည်ဟူ၍လည်းကောင်း၊ အထူးသဖြင့် ၎င်းတို့၏ အလားအလာများနှင့် ကံကြမ္မာတို့ကို နုတ်ယူသွားတော့မည် ဟူ၍လည်းကောင်း ၎င်းတို့ ခံစားရချိန်တွင် ထုတ်ဖော်ကြသည့် ရက်စက်သော စိတ်သဘောထားများ၏ အမျိုးမျိုးသော သရုပ်သကန်များဖြစ်သည်။ ဤကဲ့သို့ တစ်ချိန်တည်းတွင် ၎င်းတို့၏ မယုံကြည်သူ အနှစ်သာရက ထွက်ပေါ်လာသည်။ အမှန်တွင် လူတို့အနေဖြင့် မိမိတို့တာဝန်များကို ထမ်းဆောင်မှုတွင် တစ်ဇွတ်ထိုးနှင့် ထင်ရာမြင်ရာ ပြုမူဆောင်ရွက်ကြကာ ထိုသို့ဖြင့် ဘုရားအိမ်တော်၏ အလုပ်ကို နှောင့်ယှက်ပြီး အဖျက်အမှောင့်လုပ်ကြကာ ပြန်လည်သုံးသပ်ခြင်း သို့မဟုတ် နောင်တရခြင်း မရှိသောကြောင့်သာ ဘုရားအိမ်တော်က ၎င်းတို့ကို ပြုပြင်ခြင်း ဖြစ်သည်။ ထိုအခါမှသာ ဘုရားအိမ်တော်က ၎င်းတို့ကို ပြုပြင်ပေသည်။ ဤအခြေအနေတွင် ၎င်းတို့ ပြုပြင်ခံရခြင်းသည် ၎င်းတို့ ဖယ်ရှားရှင်းလင်းခံရခြင်းဖြစ်သည်ဟု ဆိုလိုသလော။ (မဟုတ်ပါ။) လုံးဝ မဟုတ်ပေ၊ လူတို့က ဤအရာကို အပြုသဘောဆောင်သော ပုံစံဖြင့် လက်ခံသင့်သည်။ ဤအခြေအနေတွင် ဘုရားအားဖြင့်ဖြစ်စေ၊ လူအားဖြင့်ဖြစ်စေ၊ ခေါင်းဆောင်များနှင့် အမှုဆောင်များမှလာသည်ဖြစ်စေ၊ ညီအစ်ကို မောင်နှမများထံမှ လာသည်ဖြစ်စေ မည်သည့် ပြုပြင်မှုမဆိုသည် မလိုမုန်းထားခြင်း မရှိသကဲ့သို့ အသင်းတော်အလုပ်အတွက် အကျိုးရှိပေသည်။ လူတစ်ဦးက တစ်ဇွတ်ထိုးဆန်စွာနှင့် ထင်ရာမြင်ရာ ပြုမူပြီး ဘုရားအိမ်တော်၏ အလုပ်ကို အဖျက်အမှောင့်လုပ်ပြီးချိန်တွင် ထိုသူကို ပြုပြင်ပေးနိုင်ခြင်းသည် တရားပြီး အပြုသဘောဆောင်သော အရာတစ်ခု ဖြစ်သည်။ ဤသည်မှာ ဖြောင့်မှန်သောလူများနှင့် သမ္မာတရားကို ချစ်သောသူတို့ လုပ်ဆောင်သင့်သည့် အရာတစ်ခု ဖြစ်သည်။ သို့သော် ပြစ်မှားမှုများကို ကျူးလွန်မိပြီးဖြစ်သောကြောင့် ပြုပြင်ခံရသည့် လူများသည် ထိုပြုပြင်ခြင်းကို လက်ခံရမည့်အစား အမုန်းတရားနှင့် လက်တုံ့ပြန်တတ်သည့် စိတ်နေစိတ်ထားတစ်ခု ဖြစ်လျက် အာခံသည့်အခါတွင် ဤသည်မှာ သင့်တင့်လျောက်ပတ်ခြင်း မရှိသကဲ့သို့ ကောက်ကျစ်ဆိုးယုတ်ပေသည်။ ဘုရားအိမ်တော်တွင် များစွာသော လူတို့က တာဝန်များကို ထမ်းဆောင်ကြသည်။ ၎င်းတို့ထဲတွင် မည်သူသည် ပြုပြင်ခံရခြင်းကို မတွေ့ကြုံရသေးသနည်း။ လူမည်မျှသည် ပြုပြင်ခံရသောကြောင့် အပျက်သဘောဆောင်လာပြီး အာခံကြပြီနည်း သို့မဟုတ် ၎င်းတို့ ကောင်းချီးခံစားရမည် မဟုတ်သကဲ့သို့ မျှော်လင့်ချက်မဲ့သည်ဟု ခံစားရင်း လူမည်မျှက မိမိကိုယ်ကို သတ်သေဖို့ပင် ကြိုးပမ်းခဲ့သနည်း သို့မဟုတ် ထို့ကြောင့် မိမိတို့တာဝန်ကို စွန့်ချင်ကြသနည်း၊ ရိုင်းစိုင်းပြီး ဝုန်းဒိုင်းကြဲချင်ကြကာ အခြားသူများကို စတင်၍ မုန်းတီးပြီး ထိုသူတို့အပေါ်ကိုပင် လက်တုံ့ပြန်ချင်ကြသနည်း။ အမှန်တကယ်ပင် ထိုသို့သော လူများစွာ မရှိပေ။ ဆိုးယုတ်သော လူတို့သာ ထိုသို့သောအရာများကို လုပ်ဆောင်နိုင်ကြသည်။ ဆိုးယုတ်သော လူတို့ကသာ ပြုပြင်ခံရခြင်းအား တဇောက်ကန်း လူတို့၏ မမှန်မကန် ဆက်ဆံသည်ကို ခံရခြင်းအဖြစ် သဘောထားနိုင်ကြသည်။ ဘုရားအိမ်တော်က ပြောဆိုသည့် ပြုပြင်ခြင်းအားလုံးက လျော်ကန်သည်မှာ ပြောစရာမလိုပေ။ အသင်းတော်၏ အလုပ်နှင့် လူတစ်ဦးချင်း၏ အသက်ဝင်ရောက်မှုအတွက် လုပ်ဆောင်သည်ချည်းသာ ဖြစ်သည်။ ထိုအရာသည် ဘုရားသခင်၏ ရည်ရွယ်ချက်များနှင့်အညီဖြစ်သည့် အပြုသဘောဆောင်သော အရာတစ်ခုဖြစ်ပြီး ဘုရားနှုတ်ကပတ်တော်နှင့် လုံးဝ ကိုက်ညီသည်။ အန္တိခရစ်များ ပြုပြင်ခံရသည့်အခါ ၎င်းတို့က ထိုပြုပြင်ခြင်းကို မိမိတို့ကိုယ်ပိုင် အကျိုးစီးပွားနှင့် ဆက်စပ်စေပြီး အထူးသဖြင့် ၎င်းတို့၏ အလားအလာများနှင့် ကံကြမ္မာတို့နှင့် ဆက်စပ်စေလျက် မိမိတို့၏ ဂုဏ်သတင်း၊ အဆင့်အတန်းနှင့် ဂုဏ်သိက္ခာတို့ကို ခုခံကာကွယ်ဖို့ အမြဲ ကြိုးစားကြသည်။ ပြုပြင်ခံရခြင်းက ၎င်းတို့၏ ဂုဏ်သတင်း၊ အဆင့်အတန်းနှင့် ဂုဏ်သိက္ခာတို့အတွက် အကျိုးယုတ်စေလျှင် လက်မခံနိုင်ကြပေ။ ၎င်းတို့ ပြင်းထန်စွာ ပြုပြင်ခံရပြီး ထိုအရာက ၎င်းတို့၏ ဂုဏ်သတင်း၊ အဆင့်အတန်းနှင့် ဂုဏ်သိက္ခာတို့ကို ဖျက်ဆီးသည်သာမက ၎င်းတို့၏ အလားအလာများနှင့် ကံကြမ္မာတို့ကို ခြိမ်းခြောက်လျှင် ထိုအရာကို ၎င်းတို့က သာ၍ပင် လက်မခံနိုင်ကြပေ။ တိုတိုပြောရလျှင် မည်သူက ၎င်းတို့ကို ပြုပြင်သည်ဖြစ်စေ၊ အန္တိခရစ်များက ထိုအရာကို ဘုရားသခင်ထံမှ မခံယူနိုင်ကြ၊ မိမိတို့ကိုယ်ကို ပြန်လည်သုံးသပ်ပြီး မသိမြင်နိုင်ကြ၊ ပြုပြင်ခံရခြင်းမှ သင်ခန်းစာများကို မသင်ယူနိုင်ကြ၊ စစ်မှန်သည့် နောင်တကို မရရှိနိုင်ကြ သို့မဟုတ် မိမိတို့တာဝန်အပေါ် သာ၍ကောင်းသည့် ထမ်းဆောင်မှုကို စွမ်းဆောင်ရရှိနိုင်ခြင်း မရှိကြချေ။ ထိုအစား ၎င်းတို့သည် မိမိတို့ စိတ်နှလုံးများတွင် သဘောထားကွဲလွဲမှုရှိကြပြီး ထိုအရာကို လက်ခံဖို့ အာခံကာ ငြင်းပယ်သည့် သဘောထားတစ်ခုကို ခံယူကြသည်။ ဤသည်မှာ ပြုပြင်ခံရခြင်းအပေါ် အန္တိခရစ်များ၏ သဘောထားဖြစ်ပြီး သမ္မာတရားအပေါ် ၎င်းတို့၏ သဘောထားကိုလည်း ကိုယ်စားပြုပေသည်။

ပြုပြင်ခံရခြင်းနှင့် ပတ်သက်လာလျှင် အနည်းဆုံးအနေဖြင့် လူတို့ သိသင့်သောအရာမှာ အဘယ်အရာနည်း။ မိမိတာဝန်ကို လုံလောက်စွာ ထမ်းဆောင်ရန်အတွက် ပြုပြင်ခံရခြင်းကို တွေ့ကြုံရမည်။ ယင်းသည် မရှိမဖြစ်ဖြစ်သည်။ ယင်းသည် နေ့စဉ်လူတို့ ရင်ဆိုင်ရမည့်အရာ တစ်ခုဖြစ်ပြီး ဘုရားသခင်အပေါ် ၎င်းတို့၏ ယုံကြည်ခြင်းတွင် ကယ်တင်ခြင်းကို ရယူဖို့အလို့ငှာ မကြာခဏ ကြုံတွေ့ရမည့်အရာတစ်ခု ဖြစ်သည်။ မည်သူကမျှ ပြုပြင်ခံရခြင်းနှင့် ကင်းကွာ၍ မရပေ။ တစ်စုံတစ်ဦးကို ပြုပြင်ခြင်းသည် ၎င်းတို့၏ အလားအလာများနှင့် ကံကြမ္မာတို့ ပါဝင်သည့် အရာတစ်ခု ဟုတ်သလော။ (မဟုတ်ပါ။) ဤသို့ဆိုလျှင် လူတစ်ဦးကို ပြုပြင်ခြင်းသည် အဘယ်အတွက် လုပ်ဆောင်ခြင်းဖြစ်သနည်း။ ယင်းကို လုပ်ဆောင်သည်မှာ လူတို့ကို ရှုတ်ချရန်အတွက်လော။ (မဟုတ်ပါ။ ယင်းမှာ လူများကို သမ္မာတရားကို နားလည်ပြီး ၎င်းတို့၏တာဝန်ကို စည်းမျဉ်းများနှင့်အညီ ထမ်းဆောင်ရန် ကူညီဖို့အတွက် လုပ်ဆောင်ခြင်းဖြစ်သည်။) မှန်ပေ၏။ ထိုအရာသည် ယင်းနှင့်ပတ်သက်သည့် အမှန်ကန်ဆုံး နားလည်မှုဖြစ်သည်။ တစ်စုံတစ်ဦးကို ပြုပြင်ခြင်းသည် ဆုံးမပဲ့ပြင်ခြင်းတစ်မျိုးဖြစ်သည်၊ ရိုက်နှက်ဆုံးမခြင်းတစ်မျိုးဖြစ်သည်၊ ပြီးလျှင် ပင်ကိုအားဖြင့် လူများကို ကူညီခြင်းနှင့်၊ ကုစားပေးခြင်း ပုံစံတစ်ခုလည်း ဖြစ်သည်။ ပြုပြင်ခံရခြင်းက သင်၏မမှန်ကန်သော လိုက်စားမှုကို အချိန်မီ ပြောင်းလဲခွင့်ပြုသည်။ ယင်းက သင် လက်ရှိ ရှိနေသောပြဿနာများကိုချက်ချင်းသတိပြုမိစေပြီး သင်ဖော်ထုတ်သည့် ဖောက်ပြန်ပျက်စီးသော စိတ်သဘောထားများကို အချိန်မီ သတိပြုမိစေသည်။ မည်သို့ပင်ဖြစ်စေ ပြုပြင်ခြင်းက သင်၏ အမှားများကို သိမြင်စေပြီး သင်၏တာဝန်များကို စည်းမျဉ်းများနှင့်အညီ ထမ်းဆောင်ဖို့ ထောက်ကူပေးသည်၊ ယင်းက သင့်ကို သွေဖည်မှုများ ဖြစ်စေခြင်းနှင့် လမ်းလွဲခြင်းတို့မှ အချိန်မီ ကယ်တင်ပေးသည်။ ပြီးလျှင် ဘေးဒုက္ခများ ဖြစ်စေခြင်းမှ သင့်ကို တားဆီးပေးသည်။ ဤသည်မှာ လူတို့အတွက် အကြီးဆုံးအကူအညီ၊ အကြီးဆုံး ကုစားမှုမဟုတ်သလော။ အသိစိတ်နှင့် ဆင်ခြင်တုံတရားရှိသူများသည် ပြုပြင်ခံရခြင်းကို မှန်ကန်စွာ ခံယူသင့်သည်။ အန္တိခရစ်များက ပြုပြင်ခံရခြင်းကို အဘယ်ကြောင့် လက်မခံနိုင်ကြသနည်း။ အဘယ်ကြောင့်ဆိုသော် ပြုပြင်ခံရခြင်းက လူထံမှလာပြီး ဘုရားသခင်ထံမှ မဟုတ်ဟု ၎င်းတို့ တွေးထင်ကြသောကြောင့် ဖြစ်သည်။ ၎င်းတို့ကို ပြုပြင်သူ မည်သူမဆိုက ၎င်းတို့အတွက် ဘဝကို ခက်ခဲစေခြင်းဖြစ်ပြီး ၎င်းတို့ကို အပြစ်ဒဏ်ပေးနေခြင်းဖြစ်သည်ဟု ၎င်းတို့က တွေးထင်ကြသည်။ အန္တိခရစ်များ၏ စိတ်နေသဘောထားမှ အကဲဖြတ်သည့်အခါ ၎င်းတို့သည် အဓိကအားဖြင့် သမ္မာတရားကို လက်မခံကြသောကြောင့် ပြုပြင်ခံရခြင်းကို လက်ခံဖို့ ငြင်းကြပေသည်။ ပြုပြင်ခံရခြင်းမှ သင်ခန်းစာများကို ၎င်းတို့ မသင်ယူနိုင်ကြသကဲ့သို့ မိမိတို့ကိုယ်ကို မသိရှိနိုင်ကြ သို့မဟုတ် သမ္မာတရားကို မရှာဖွေနိုင်ကြပေ။ ဤသည်မှာ ပြုပြင်ခံရခြင်းကို ၎င်းတို့ လက်မခံခြင်း၏ ရင်းမြစ်ဖြစ်သည်။ ၎င်းတို့၏ စိတ်နှလုံးများတွင် ထိုသို့သော ကြီးမားသည့် ပြဿနာတစ်ခု တည်ရှိသည်။ ယင်းက အန္တိခရစ်များ၏ သဘာဝ အနှစ်သာရမှာ သမ္မာတရားကို အလွန်အမင်း မနှစ်မြို့ခြင်းနှင့် သမ္မာတရားကို ရန်လိုခြင်းဖြစ်သည်ဟု အတည်ပြုလေသည်။

၂၀၂၀ ခုနှစ်၊ မေလ ၂ ရက်