နှုတ်ဆက်လိုက်ပါတယ်၊ လူမုန်းမခံချင်သူကြီးရေ

လူမုန်းမခံချင်သူတွေ အကြောင်းပြောတဲ့အခါမှာ၊ ဘုရားသခင်ကို ကျွန်မ မယုံကြည်ခင်က သူတို့တွေက အရမ်းကောင်းတယ်လို့ ကျွန်မ ထင်ခဲ့တယ်။ သူတို့မှာ သိမ်မွေ့တဲ့ စိတ်သဘောထားတွေ ရှိတယ်၊ ဘယ်သူ့ကိုမှ ဘယ်တော့မှ ဒေါသထွက်အောင် မလုပ်ဘူး၊ လူတိုင်းသူတို့ကို ခင်ကြတယ်၊ ပြီးတော့ သူတို့က ဘယ်သူ့ကိုမှ မစော်ကားဘူး။ ကျွန်မက ဒီလူမျိုးဖြစ်ဖို့ ဆန္ဒပြင်းပြတယ်။ ဘာဖြစ်လို့လဲဆိုတော့ ကျွန်မဟာ ငယ်ငယ်ကတည်းက “သဟဇာတဖြစ်ခြင်းသည် ဘဏ္ဍာသိုက်တစ်ခုဖြစ်သည်၊ သည်းခံစိတ်ရှည်ခြင်းက ဂုဏ်ရည်တစ်ခုဖြစ်သည်။” “စကားနည်းရန်စဲ” “မိမိကိုယ်ကို ကာကွယ်ရန် ဆိတ်ဆိတ်ငြိမ်နေ၍ အပြစ်တင်ခံရမှုမှ လွတ်မြောက်ရန်သာ ကြိုးစားပါ” တို့လိုမျိုး အရာတွေနဲ့ ကျွန်မရဲ့ ပညာရေးနဲ့ လူ့အဖွဲ့အစည်းတို့ကတစ်ဆင့် လွှမ်းမိုးတာကို ခံခဲ့ရလို့ပါ။ “ဘာကိုမှ လေးလေးနက်နက် မထားပါနဲ့” “အသိဉာဏ်ကင်းမဲ့ခြင်းသည် သုခချမ်းသာဖြစ်နေသောအခါ ဉာဏ်အမြော်အမြင်ရှိခြင်းသည် မိုက်မဲပေ၏” “မိတ်ဆွေကောင်းများ၏ကောင်းမှုများအပေါ် နှုတ်ဆိတ်နေပေးခြင်းသည် ကြာရှည်၍ ကောင်းမွန်သော ခင်မင်မှုဖြစ်စေ၏” ဆိုတာလည်းရှိတယ်။ “မိတ်ဆွေကောင်းများ၏အပြစ်များအပေါ် နှုတ်ဆိတ်နေပေးခြင်းသည် ကြာရှည်၍ ကောင်းမွန်သော ခင်မင်မှုဖြစ်စေ၏” ဆိုတာကမှ အမှန်ပါ။ ဒီ အယူအဆတွေအတိုင်း ရှင်သန်နေထိုင်ဖို့အတွက် ကျွန်မကိုယ်ပိုင်စကားတွေအဖြစ် ယူလိုက်တယ် မိသားစုဖြစ်စေ၊ မိတ်ဆွေ အပေါင်းအသင်းဖြစ်စေ၊ အသိဖြစ်စေ အရေးမကြီးဘူး၊ ကျွန်မ ဘယ်သူ့ကိုမှ မစော်ကားဘူး၊ ပြီးတော့ သူများတွေ လိုချင်တဲ့ဟာကို လိုက်လျောခဲ့တယ်။ ကျွန်မကို လူတွေနဲ့ ဆက်ဆံတတ်ပြီး၊ တည့်လို့ဆိုပြီး လူတိုင်းက ချီးမွမ်းကြတယ်။ ဒီဆိုးယုတ်ပြီး မှောင်မိုက်တဲ့ လူ့အဖွဲ့အစည်းမှာ ရှင်သန်ဖို့ဆိုတာ ကိုယ်အနားတစ်ဝိုက်မှာ ရှိတဲ့သူတွေနဲ့ ကောင်းမွန်တဲ့ ပေါင်းသင်းဆက်ဆံရေး ခိုင်မာအောင် ကြိုးပမ်းတာဖြစ်တယ်၊ အဲဒါကသာ ကိုယ့်ကိုယ်ကိုယ်အတွက် နေရာတစ်ခု တည်ထောင်ဖို့ တစ်ခုတည်းသော နည်းလမ်း ဖြစ်တယ်လို့လည်း ကျွန်မ ခံစားခဲ့ရတယ်။ ​နောက်ပိုင်းမှာ အနန္တတန်ခိုးရှင် ဘုရားသခင်ရဲ့ နောက်ဆုံးသောကာလ အမှုတော်ကို ကျွန်မ လက်ခံပြီးနောက်မှာမှ၊ ဘုရားနှုတ်ကပတ်တော်တွေရဲ့ တရားစီရင်ခြင်း နဲ့ ပြစ်တင်ဆုံးမခြင်းတို့ကို တွေ့ကြုံခံစားရပြီး၊ သမ္မာတရားတစ်ချို့ကို နားလည်သဘောပေါက်ခဲ့တယ် ဒီ ရှင်သန်နေထိုင်မှု သဘောတရားတွေဟာ စာတန်နဲ့ ဆိုင်တဲ့ဒဿနတွေ၊ စာတန်ရဲ့ အဆိပ်တွေဖြစ်တယ် ပြီးတော့ လူတွေ စွဲကိုင်သင့်တဲ့ အခြေခံမူတွေ မဟုတ်ဘူး ဆိုတာ နောက်ဆုံးမှာ ကျွန်မ တွေ့ခဲ့တယ်၊ ဒီနည်းနဲ့ အသက်ရှင်တာဟာ ကျွန်မဟာ ပိုပို ကလိမ်ကကျစ်ကျလာတယ်၊ လှည့်စားတယ်၊ တစ်ကိုယ်ကောင်းဆန်ပြီး၊ စက်ဆုပ်စရာကောင်းလာတယ်၊ ကျွန်မဟာ စာတန်နဲ့ ဆိုင်တဲ့ စိတ်သဘောထားတွေကိုသာ အသက်ရှင်နေထိုင်ပြီး၊ သင့်တော်တဲ့ လူသားပုံသဏ္ဌာန် မရှိဘူးဆိုတာကို ကျွန်မ မြင်ခဲ့တယ်။ ကျွန်မဟာ ကိုယ့်ကိုယ်ကိုယ် စမုန်းတီးလာပြီး၊ ဘုရားသခင်ဆီမှာ နောင်တရခဲ့တယ်။

၂၀၁၈ ခုနှစ်မှာ၊ ကျွန်မဟာ ခရိုင်ခေါင်းဆောင် တစ်ယောက် အဖြစ် ရွေးကောက်ခံရတယ်။ ပထမတော့၊ ကျွန်မက အသင်းတော်ရဲ့ အလုပ်အားလုံးအကြောင်းကို သိပ်မသိခဲ့ဘူး။ ကျွန်မနဲ့ တွဲရတဲ့ အစ်မလျူက ဒီတာဝန်ကို ထမ်းဆောင်ခဲ့တာ တစ်နှစ်ကျော်ကြာခဲ့ပြီ၊ ပြီးတော့ သူက အသင်းတော်အလုပ်ရဲ့ ရှုထောင့်မျိုးစုံကို နားလည်တယ်၊ ဒါကြောင့် ကျွန်မမှာ ရှိတဲ့ ပြဿနာတွေ ဒါမှမဟုတ် အခက်အခဲတွေ မှန်သမျှကို သူ့ကို ကျွန်မ မေးခဲ့တယ်၊ ပြီးတော့ သူက ကျွန်မကို အများကြီး ကူညီခဲ့တယ်။ ​နောက်ပိုင်းမှာ သူ့မှာ တာဝန်ရှိတဲ့ အသင်းတော် ခေါင်းဆောင် အစ်မကျန်းဟာ ရိုးအီနေတဲ့ စကားတွေ နဲ့ သြဝါဒတွေကို အစည်းအဝေးတွေမှာ ခရားရေလွှတ်ပြောရင်း၊ ဘာလက်တွေ့ကျတဲ့ အလုပ်ကိုမှ မလုပ်ဘဲ၊ သူ့ရဲ့ တာဝန်တွေကို ဟန်ဆောင်လုပ်တယ်၊ ပြီးတော့ မာနထောင်လွှားတယ်၊ ကိုယ့်ကိုယ်ကို မှန်တယ်လို့ထင်တယ်၊ ပြီးတော့ သူများတွေရဲ့ အကြံပြုချက်တွေ ဒါမှမဟုတ် အကူအညီတွေကို လက်မခံချင်ဘူး လို့ အစ်မလျူ ပြောပြတာကို နည်းနည်းကြားဖူးတယ်။ အဲဒီအချိန်က၊ ကျွန်မက ဒီအရာတွေအားလုံးဟာ လက်တွေ့ကျတဲ့ အလုပ်ကို မလုပ်တဲ့ ခေါင်းဆောင်အတုအယောင် တစ်ယောက်ရဲ့ လက္ခဏာတွေပဲ၊ ပြီးတော့ အစ်မလျူက အဲဒီအကြောင်းကို သိတဲ့အတွက်၊ သူက ဘာဖြစ်လို့ အပြောင်းအလဲတစ်ချို့ကို လုပ်ပြီး၊ အစ်မကျန်းကို မထုတ်လိုက်တာလဲလို့ တွေးမိတယ်။ သူ့ကို ကျွန်မ တစ်ခုခု ပြောချင်တယ်၊ ဒါပေမယ့် ကျွန်မဟာ ဒီတာဝန်ကို အခုမှ စထမ်းဆောင်တာဖြစ်ပြီး၊ အစ်မကျန်းကိုလည်း ကောင်းကောင်းမသိတော့၊ ကျွန်မ တစ်ခုခုကို တိုက်ရိုက်ပြောလိုက်ရင်၊ ကျွန်မက မဆင်မခြင်လုပ်ပြီး တခြားလူတွေကို ချစ်ချစ်ခင်ခင် မဆက်ဆံဘူးဆိုပြီး အစ်မလျူက ဝေဖန်နိုင်တယ် ဒါကိုတွေးရင်းနဲ့၊ ကျွန်မရဲ့ အတွေးတွေကို အစ်မလျူကို သွယ်ဝိုက် ဝေမျှခဲ့တယ်၊ ဒါပေမယ့် သူက အဲဒါကို သိပ်မတွေးဘဲ၊ မေတ္တာထားပြီး အစ်မကျန်းကို ကူညီဖို့ ကျွန်မကို ပြောခဲ့တယ်။ ကျွန်မက “အစ်မလျူက ခေါင်းဆောင်တွေကို အစားထိုးဖို့ အခြေခံစည်းမျဉ်းကို သိရမယ်၊ ဒါကြောင့် ငါသာ ဒါကို ထပ်ပြောလိုက်ရင်၊ သူဟာ လက်တွေ့ကျတဲ့ အလုပ်မလုပ်ဘူးလို့ ငါက ပြောတယ်လို့များ ထင်သွားမလား။ ပြီးတော့ ငါဟာ ပြဿနာအရမ်းရှာပြီး၊ ပေါင်းရသင်းရခက်တယ်လို့ သူက သေချာပေါက်ကို တွေးမှာ။ ဒါက ငါတို့ကြားမှာ ပဋိပက္ခဖြစ်စေရင်၊ ငါတို့တွေက အနာဂတ်မှာ လက်တွဲဖော်တွေအဖြစ် ငါတို့ တာဝန်တွေကို ဘယ်လိုထမ်းဆောင်မလဲ။” လို့တွေးမိတယ်။ အဲဒီအချိန်မှာ၊ ကျွန်မ ဘာမှ ထပ်မပြောဖို့ ဆုံးဖြတ်ခဲ့တယ်။

အစ်မကျန်းရဲ့ ပြဿနာတွေကို ဖော်ထုတ်ပြီး စိစစ်ဖို့ အစ်မကျန်းနဲ့ နည်းနည်းလောက် ကျွန်မ မိတ်သဟာယပြုခဲ့တယ်။ သူက အဲဒါကို လက်မခံချင်ရုံမကဘူး၊ ကျွန်မနဲ့ပါ စကားများခဲ့တယ်။ မကြာခင်မှာ၊ ညီအစ်ကိုမောင်နှမတစ်ချို့က အစ်မကျန်းဟာ လက်တွေ့ကျတဲ့ အလုပ်ကို မလုပ်ဆောင်လို့ဆိုပြီး စတိုင်လာကြတယ်။ အစ်မကျန်းရဲ့ ပြဿနာဟာ အရေးကြီးတယ်ဆိုတာကို အဲဒီအချိန်မှ ကျွန်မ နားလည်ခဲ့တယ်၊ ပြီးတော့ ကျွန်မတို့က အဲဒါကို အချိန်မီ မကိုင်တွယ်ဘူးဆိုရင်၊ အဲဒါက အသင်းတော်ရဲ့ အလုပ်နဲ့ ကျွန်မတို့ ညီအစ်ကိုမောင်နှမတွေရဲ့ အသက်တာဝင်ရောက်မှုကို နှောင့်နှေးစေလိမ့်မယ်။ ဒါကြောင့် အစ်မကျန်းကို ထုတ်ပစ်ဖို့ ကိစ္စကို ကျွန်မ အစ်မလျူကို ထပ်ပြောပြခဲ့တယ်။ ဒါပေမယ့် အစ်မလျူက၊ “ဒီတိုင်ကြားချက်တွေကို အစ်မတို့ အကြီးအကဲတွေကို ပို့လိုက်ပြီ၊ အစ်မတို့ သူ့ကို မထုတ်ခင် ဒီကိစ္စကို သူတို့ အကုန်အစင် စစ်ပြီးတဲ့အထိ စောင့်လိုက်ရအောင်။” ကျွန်မက၊ “တိုင်ကြားချက်တွေ နဲ့ အခြေအနေကို စုံစမ်းတာတို့ကတစ်ဆင့်၊ အစ်မကျန်းက လက်တွေ့ကျတဲ့ အလုပ်ကို မလုပ်ခဲ့တာ၊ ဟန်ဆောင်နေခဲ့တာနဲ့ ရိုးအီနေတဲ့အရာတွေ နဲ့ သြဝါဒတွေကိုသာ အချိန်အကြာကြီးပြောနေခဲ့တာတွေကို ငါတို့မြင်နိုင်တယ်။ သူဟာ ခေါင်းဆောင်အတုအယောင် ဆိုတာ ငါတို့ သိပြီးသား ဖြစ်လို့၊ အခြေခံစည်းမျဉ်းတွေအရ၊ သူ့ကို ချက်ချင်းထုတ်ပစ်သင့်တယ်။” လို့ ကျွန်မ တွေးမိတယ်။ “ကျွန်မတို့က ခရိုင်ခေါင်းဆောင်တွေဖြစ်တယ်၊ ပြီးတော့ ခေါင်းဆောင် အတုအယောင် တစ်ယောက်က အသင်းတော်မှာ ပေါ်လာခဲ့ပြီ၊ ဒါပေမယ့် အဲဒါကို ချက်ချင်း ကိုင်တွယ်ဖြေရှင်းမယ့်အစား၊ ငါတို့က အဲဒါကို ငါတို့အကြီးအကဲတွေဆီကို တွန်းပို့နေကြတယ်။ ဒါဟာ အချိန်ဆွဲနေပြီး ခေါင်းဆောင်အတုအယောင်က ငါတို့ ညီအစ်ကိုမောင်နှမတွေကို ဆက် ထိခိုက်အောင်လုပ်ဖို့ ခွင့်ပြုနေတာပဲ မဟုတ်ဘူးလား။ ဒါဟာ စာတန်နဲ့ ရပ်တည်ပြီး၊ ဘုရားသခင်ကို ဆန့်ကျင်နေတာ သက်သက်ပါပဲ။” အဲဒီအကြောင်းကို အစ်မလျူကို ကျွန်မ ထပ်ပြောပြချင်တယ်၊ ဒါပေမယ့်၊ ဒါကို ကျွန်မ အရင်တစ်ခါ ပြောပြတုန်းက သူက အစ်မကျန်းကို အစားမထိုးချင်ဘဲ၊ သူ့ကို ချစ်ချစ်ခင်ခင် ဆက်ဆံဖို့ပဲ ကျွန်မကို ပြောခဲ့တယ်ဆိုတာ ကျွန်မ တွေးမိတယ်။ သူတို့နှစ်ယောက်က ဆက်ဆံရေးအတော်အဆင်ပြေတာကို ကျွန်မ တွေ့ခဲ့တယ် ဒါကြောင့် အစ်မကျန်းကို ထုတ်ပစ်ဖို့ ကိစ္စကို ကျွန်မ ထပ်ပြောခဲ့ရင်၊ ကျွန်မဟာ အရမ်း မာနကြီးတယ်လို့ အစ်မလျူက ပြောနိုင်တယ်။ အလုပ်တစ်ခုမှာ လူသစ်တွေက သူတို့ရဲ့ထက်မြက်မှုကို ပြရတယ်။ ဒါဆိုရင် ကျွန်မက သက်သက် ပညာပြနေတယ်လို့ သူ မထင်နိုင်ဘူးလား ကျွန်မ ဘာမှ မပြောဖို့ ဆုံးဖြတ်လိုက်တယ်။ အနည်းဆုံးတော့ ကျွန်မတို့ရဲ့ အကြီးအကဲတွေက အချက်အလက်တွေကို စုံစမ်းပြီး စစ်ဆေးနေတယ်။ နောက်ထပ် ရက်လေးနည်းနည်းလောက်က ဘာမှမဖြစ်လောက်ပါဘူး။ ဒါကြောင့် ကျွန်မ စကားတွေ ပါးစပ်ဖျားတင် ချုပ်တည်းထားခဲ့တယ်။ ရက်နည်းနည်းကြာပြီး ကျွန်မတို့ အကြီးအကဲတွေက အဲဒီကိစ္စကို စုံစမ်းစစ်ဆေးပြီးနောက်မှာ၊ ကျွန်မတို့က အသင်းတော်အလုပ်ကို နှောင့်ယှက်ပြီး၊ အလျဉ်ပြတ်စေတယ်၊ ပြီးတော့ ကျွန်မတို့ ညီအစ်ကိုမောင်နှမတွေရဲ့ အသက်တာ ဝင်ရောက်မှုကိုလည်း နှောင့်နှေးစေတယ်လို့ ပြောပြီး ခေါင်းဆောင် အတုအယောင် တစ်ယောက်ကို ချက်ချင်း မကိုင်တွယ်တဲ့အတွက် ကျွန်မတို့ကို ဆူပူခဲ့တယ်၊ ဒါဟာ စာတန်ရဲ့ ကြံရာပါတွေအဖြစ် ပြုမူခြင်းဖြစ်ပြီး ကျွန်မတို့ ညီအစ်ကိုမောင်နှမတွေကို ထိခိုက်နေတာ ဖြစ်တယ်လို့ သူတို့က ပြောတယ်။ ဒါကို ကြားပြီး၊ ကျွန်မ စိတ်မချမ်းမြေ့ဖြစ်ရတယ်။ ကျွန်မဟာ ကျွန်မရှင်းရှင်းလင်းလင်း သိထားတဲ့ သမ္မာတရားကို လက်တွေ့မလုပ်ဆောင်သလို၊ အခြေခံစည်းမျဉ်းတွေကိုလည်း မထိန်းသိမ်းခဲ့ဘူးဆိုတာကို ကျွန်မ နားလည်လိုက်တယ်။ ကျွန်မက ခေါင်းဆောင် အတုအယောင် တစ်ယောက်ကို တကယ့်ကို အကာအကွယ်ပေးခဲ့တယ်။ ကျွန်မက သူ့အတွက် ဖုံးဖိနေခဲ့တယ်။ ဒါကြောင့် သူ့ကို ကျွန်မ ချက်ချင်း ထုတ်ပစ်ခဲ့တယ်။ ဒါပေမယ့် နောက်ပိုင်းမှာ ကျွန်မဟာ ကိုယ့်ကိုယ်ကို အပြစ်တင်မိပြီး ကသိကအောက် ဖြစ်တာကိုသာ ခံစားခဲ့ရတယ်၊ ပြီးတော့ ကျွန်မဟာ ကိုယ့်ကိုယ်ကိုယ် ပြန်သုံးသပ်ကြည့်ဖို့ ဆက်မလုပ်ဖြစ်တော့ဘူး အစ်မလျူက အစည်းအဝေးတွေမှာ ရိုးအီနေတဲ့ စကားတွေနဲ့ သြဝါဒတွေသာ အမြဲတမ်း ပြောတာရယ်၊ ပြီးတော့ သူက ညီအစ်ကိုမောင်နှမတွေရဲ့ ပြဿနာတွေ နဲ့ အခက်အခဲတွေကို မဖြေရှင်းနိုင်ဘူး ဆိုတာရယ်ကို နောက်ပိုင်းမှာ ကျွန်မ သိခဲ့တယ်။ သူ့ပြဿနာတွေ နဲ့ ချို့ယွင်းချက်တစ်ချို့တို့ကို ကျွန်မ ထောက်ပြတဲ့အချိန်မှာ၊ သူက အဲဒါတွေကို လက်မခံချင်ဘဲ၊ ကျွန်မနဲ့ ငြင်းခုံဖို့၊ စကားအချေအတင်ပြောဖို့ ကြိုးစားတယ်။ သူတာဝန်ရှိတဲ့ အလုပ်မှာ ဘာမှ မပြီးမြောက်ခဲ့ဘူး၊ ပြီးတော့ ကျွန်မတို့ အကြီးအကဲတွေက သူ့ကို ပြုပြင်ပြီး ကိုင်တွယ်ဖြေရှင်းတဲ့အချိန်မှာ၊ အဲဒါကို သူ လက်မခံချင်ဘူး။ သူက စောဒကတက်တာတွေနဲ့ အထင်လွဲတာတွေမှာ နှစ်မြုပ်နေပြီး၊ အပျက်သဘောဆောင်လာပြီး၊ သူ့အလုပ်မှာ ခိုကပ်တယ်။ အဲဒီအချိန်က၊ သူ့အခြေအနေကို ကျွန်မ ထုတ်ဖော်ချင်တယ်၊ ဒါပေမယ့် သူ့လက်တွဲဖော်အနေနဲ့၊ ကျွန်မတို့ အလုပ်တွေကို ကောင်းကောင်းမလုပ်ရင်၊ ကျွန်မလည်း တာဝန်ရှိတယ်ဆိုတာရယ်၊ သူ့ပြဿနာတွေကို ကျွန်မ စိစစ်လိုက်ရင်၊ ကျွန်မက နားလည်မှုမရှိဘူးလို့ သူက ပြောလိမ့်မယ်ဆိုတာကို ကျွန်မ သဘောပေါက်လိုက်တယ်၊ ဒါကြောင့် ကျွန်မ မဝံ့ရဲခဲ့ဘူး။ အဲဒီအစား ကျွန်မက သူ့ကို အပျက်သဘောမဆောင်ဖို့ နှစ်သိမ့်ပြီး အားပေးဖို့သာ ကြိုးစားခဲ့တယ်။ ဒါပေမယ့် အဲဒီနောက်မှာ၊ အစ်မလျူဟာ တစ်စက်မှ မပြောင်းလဲသေးတာကို ကျွန်မ သဘောပေါက်လိုက်တယ်။ သူ့ ကိုယ့်ကိုယ်ကိုယ် လုံးဝ သတိမပြုမိဘူး။ ဒီလိုသာ ဆက်ဖြစ်နေရင်၊ အသင်းတော်ရဲ့ အလုပ်ကို နှောင့်နှေးစေပြီး၊ ကျွန်မတို့ရဲ့ ညီအစ်ကိုမောင်နှမတွေကိုသာ ထိခိုက်စေမယ်။ ဒီဟာတွေကို ကျွန်မတို့ အကြီးအကဲတွေကို အမြန်ဆုံး တိုင်ရမယ်ဆိုတာ ကျွန်မ သဘောပေါက်လိုက်တယ်။ အသင်းတော်က အကြမ်းဖျင်း ထင်မြင်ချက် စစ်တမ်းတစ်ခု ကောက်ဖြစ်တယ်၊ ပြီးတော့ ကျွန်မတို့ အကြီးအကဲတွေက အစ်မလျူနဲ့ ပတ်သက်တဲ့ အကဲဖြတ်ချက် တစ်ခု ကျွန်မကို ရေးခိုင်းခဲ့တယ်။ အဲဒါကို ရေးဖို့ ကျွန်မ စပြင်ခဲ့တယ်၊ ဒါပေမယ့် ညီအစ်ကိုမောင်နှမ အများစုက သူ့နဲ့ ပတ်သက်ရင် ချင့်ချိန်နိုင်စွမ်း မရှိဘဲ၊ သူ့ကို တကယ်ကို ထောက်ပံ့တယ်ဆိုတာကို ကျွန်မ သတိရမိတယ်။ ဒါကြောင့် အစ်မလျူရဲ့ ပြဿနာတွေကို တိုင်ကြားဖို့ ကျွန်မက အရဲစွန့်လိုက်ရင်၊ ကျွန်မက အရာအားလုံးကို ပြောရေးဆိုခွင့်ရှိဖို့အတွက်၊ ကျိတ်ကြံနေပြီး၊ သူ့ကို ဖယ်ရှားချင်တယ်လို့ သူတို့က ပြောလာမလား။ အဲဒီထက်ကို တာဝန်တွေ ထမ်းဆောင်ရာမှာ ကျွန်မတို့က လက်တွဲဖော်တွေဖြစ်တယ်၊ ပြီးတော့ ကျွန်မကို သူ အများကြီး ကူညီခဲ့တယ်။ သူသာ တကယ် အလုပ်ပြုတ်သွားခဲ့ရင်၊ သူက ကျွန်မကို မုန်းမှာ မဟုတ်ဘူးလား။ ကျွန်မ စိတ်ထဲမှာ ချီတုံချတုံဖြစ်ပြီး၊ သူက လက်တွေ့ကျတဲ့ အလုပ်မလုပ်တာ ဒါမှမဟုတ် သမ္မာတရားကို လက်မခံတာတို့နဲ့ ပတ်သက်ပြီး အသေးစိတ်တွေကို လျှော့လျှော့ပေါ့ပေါ့ပြောဖို့ နောက်ဆုံးမှာ ဆုံးဖြတ်လိုက်တယ်။ ဒါပေမယ့် ကျွန်မရဲ့ အကဲဖြတ်ချက်ကို တင်သွင်းပြီးနောက်မှာ၊ ကျွန်မရဲ့ နှလုံးသားထဲက စိုးရိမ်ပူပန်မှုကို မဖြေဖျောက်နိုင်ခဲ့ဘူး။ ကျွန်မဟာ အမှန်တရားတွေကို ဖုံးကွယ်ပြီး၊ ဘုရားသခင်ကို လှည့်စားနေတယ်ဆိုတာကို ကျွန်မ သိခဲ့တယ်၊ ပြီးတော့ ဝိညာဉ်ရေးရာ မှောင်မိုက်မှုကို ကျွန်မ အရင်ကထက် ပိုခံစားခဲ့ရတယ်။ ကျွန်မက ဘုရားနှုတ်ကပတ်တော်တွေကို ဖတ်တဲ့ အချိန်မှာ အမြဲတမ်း ခေါင်းညိတ်ခဲ့တယ်၊ ပြီးတော့ ဝတ်ပြုအစည်းအဝေးတွေကနေ ဘာဉာဏ်အလင်းပေးခြင်း အလင်းပြခြင်းကိုမှ မရခဲ့ဘူး။ ကျွန်မရဲ့ ညီအစ်ကိုမောင်နှမတွေမှာ ရှိတဲ့ ဘာပြဿနာကိုမှ ကျွန်မ ရှာမတွေ့ခဲ့ဘူး။ ကျွန်မဟာ အင်အား တစ်စက်မှ မရှိဘဲ နေ့တိုင်း အိုးနင်းခွက်နင်းနဲ့ပဲ ပြီးမြောက်သွားတယ်၊ ပြီးတော့ ဘုရားသခင်က ကျွန်မကို စွန့်ပစ်သွားပြီလို့ ကျွန်မ ခံစားခဲ့ရတယ်။

ကျွန်မတို့ အကြီးအကဲတွေက နောက်ပိုင်းမှာ အမှုအရာတွေကို စုံစမ်းစစ်ဆေးပြီး၊ အစ်မလျူက လက်တွေ့ကျတဲ့ အလုပ်တွေကို မလုပ်တဲ့ ခေါင်းဆောင် အတုအယောင် တစ်ယောက် အနေနဲ့ အလုပ်ထုတ်ခံခဲ့ရတယ်။ အဲဒီအချိန်တုန်းက ကျွန်မ တော်တော်အရှက်ရပြီး ကိုယ့်ကိုယ်ကိုယ် အပြစ်တင်မိတယ် အထူးသဖြင့် ဘုရားနှုတ်ကပတ်တော်တွေကို ကျွန်မ တွေးမိတဲ့အချိန်မှာပေါ့ “အလယ်အလတ် လမ်းစဉ်လိုက်သူတို့ အားလုံးသည် အန္တရာယ် အပြုဆုံးသူတို့ဖြစ်သည်။ ထိုသူတို့သည် မည်သူ့ကိုမျှ မစော်ကားမိစေဖို့ ကြိုးစားကြသည်၊ ထိုသူတို့သည် လူမုန်းမခံချင်သူများဖြစ်သည်၊ ထိုသူတို့သည် အမှုအရာများကို လိုက်လျော၍ မည်သူမျှ ထိုသူတို့ကို မခန့်မှန်းနိုင်ပေ။ ထိုသို့သော သူသည် အသက်ရှင် နေသော စာတန်ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို လက်တွေ့ကျင့်သုံးခြင်းအားဖြင့်သာ သင်သည် ပျက်စီးသော စိတ်သဘောထား၏ ချည်နှောင်ခြင်းများကို ဖယ်ရှားပစ်နိုင်သည်”) လူမုန်းမခံချင်သူတွေဟာ အန္တရာယ်ပြုမယ့် လက္ခဏာ အရှိဆုံးနဲ့ အစဉ်းလဲဆုံး ဖြစ်ပြီး အသက်ရှင်နေတဲ့ စာတန်တွေ ဖြစ်တယ်လို့ ဘုရားနှုတ်ကပတ်တော်တွေက ထုတ်ဖော်တယ်။ အဲဒါဟာ ကျွန်မပဲ ဆိုတာကို ကျွန်မ နားလည်သဘောပေါက်ခဲ့တယ်။ အစ်မလျူဟာ ခေါင်းဆောင်အတုအယောင် တစ်ယောက်ဖြစ်တယ်ဆိုတာ ကျွန်မသိခဲ့တာ ကြာပြီ၊ ဒါပေမယ့် ကျွန်မနဲ့ သူ့ရဲ့ ပေါင်းသင်းဆက်ဆံရေး နဲ့ ကိုယ့်ကိုယ်ကိုယ် ကာကွယ်ဖို့၊ ကျွန်မဟာ ဘုရားသခင်ကို ပုန်ကန်ပြစ်မှားပြီး သမ္မာတရားကို လက်တွေ့မလုပ်ဆောင်ဖို့ကိုဘဲ ရွေးချယ်ခဲ့တယ်။ ကျွန်မဟာ ခေါင်းဆောင်အတုအယောင် တစ်ယောက်အတွက် ထပ် ဖုံးဖိထားခဲ့ပြီး၊ ဘုရားသခင်ရဲ့ စိတ်သဘောထားကို ပုန်ကန်ပြစ်မှားတဲ့အပြင်၊ အပြစ်တစ်ခုကို ကျူးလွန်မိခဲ့တယ်။ ကျွန်မတော့ သွားပြီ၊ ကျွန်မလိုလူမျိုးကို ဘုရားသခင်က ကယ်တင်မှာ မဟုတ်ဘူးလို့ ကျွန်မခံစားခဲ့ရတယ်။ ကျွန်မ သုံးလေးရက်လောက် စိတ်ဆင်းရဲပြီး အပျက်သဘောဆောင်ပြီး နေနေခဲ့တယ် တစ်ခုခုလုပ်ဖို့တောင် စိတ်လုံးဝ မပါတော့ဘူး။ ဒါပေမယ့် နောက်ပိုင်းမှာ ဘုရားနှုတ်ကပတ်တော်တွေကို ကျွန်မ သတိရမိတယ်။ “သင်သည် မည်သို့သော အမှားများကို ကျူးလွန်ထားသည်ဖြစ်စေ၊ သင်သည် မည်မျှ လမ်းလွဲနေသည်ဖြစ်စေ၊ သို့မဟုတ် သင်သည် မည်မျှ ချိုးဖောက်ထားသည်ဖြစ်စေ၊ ဤအရာတို့သည် ဘုရားသခင်ကို နားလည်ရန် သင်၏ရှာဖွေမှု၌ သင်နှင့်အတူ သယ်ဆောင်သွားရမည့် ဝန်ထုပ်ဝန်ပိုးများ သို့မဟုတ် အပို ဝန်စည်စလယ်များ ဖြစ်မလာ ပါစေနှင့်- ရှေ့သို့သာ ဆက်၍ ချီတက်လော့။ မည်သည့်အချိန်၌ ပေါ်ပေါက်သည်ဖြစ်စေ၊ လူသား၏ကယ်တင်ခြင်းဖြစ်သော ဘုရားသခင်၏ နှလုံးသားသည် ဘယ်သောအခါမျှ မပြောင်းလဲချေ။ ဤသည်မှာ ဘုရားသခင်၏ အနှစ်သာရတွင် အဖိုးတန်ဆုံး အစိတ်အပိုင်းဖြစ်၏။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၆)”) ကျွန်မဟာ ဘုရားသခင်ရဲ့ ဒီနှုတ်ကပတ်တော်တွေကို ထပ်ခါထပ်ခါ အာရုံပြုခဲ့တယ်၊ ပြီးတော့ စကားလုံးတိုင်းနဲ့ စာကြောင်းတိုင်းက ကျွန်မအတွက် သနားကရုဏာနဲ့ မျှော်လင့်ချက်တို့ကို သယ်ဆောင်လာတယ်လို့ ခံစားခဲ့ရတယ်။ ကျွန်မရဲ့ ဆိုးယုတ်မှုတွေက ဘုရားသခင်ရဲ့ စိတ်သဘောထားကို ပုန်ကန်ပြစ်မှားခဲ့ပေမယ့်လည်း၊ ဘုရားသခင်က ကျွန်မကို နှစ်သိမ့်ဖို့နဲ့ အားပေးဖို့ သူ့နှုတ်ကပတ်တော်တွေကို သုံးခဲ့ပါသေးတယ်၊ ပြီးတော့ ရှေ့ကိုဆက်သွားဖို့လည်း ပြောခဲ့တယ်။ ကျွန်မ အရမ်းကို ကျေးဇူးတင်ခဲ့တယ်၊ ပြီးတော့ နောက်ထပ် အပျက်သဘောမဆောင်တော့ဖို့ကို ကိုယ့်ကိုယ်ကိုယ် ပြောခဲ့တယ်။ ကျွန်မ ရှုံးနိမ့်တိုင်း၊ ကိုယ့်ကိုယ်ကိုယ် မြေကြီးပေါ်ကနေ ပြန်ဆွဲထူခဲ့တယ်။ ကျွန်မဟာ ကိုယ့်ပြဿနာတွေကို ပြန်သုံးသပ်နိုင်ပြီး၊ နားလည်သင့်တယ်၊ ပြီးတော့ အဲဒီပြဿနာတွေကို ဖြေရှင်းဖို့ သမ္မာတရားကို ရှာဖွေသင့်တယ်။

​နောက်ပိုင်းမှာ ဘုရားနှုတ်ကပတ်တော်တွေရဲ့ နောက်ထပ် ကျမ်းပိုဒ်တစ်ခုကို ဖတ်ရတယ်။ “ဘုရားသခင်အတွက် ဖြောင့်မတ်ခြင်းကို သင်လက်တွေ့ကျင့်သုံးနိုင်သလော။ ငါ့အတွက် သင်ရပ်တည်လျက်၊ ပြောဆိုနိုင်သလော။ သင်သည် တည်ကြည်ခိုင်မာစွာ သမ္မာတရားကို လက်တွေ့လုပ်ဆောင်နိုင်သလော။ စာတန်၏ လုပ်ရပ်အားလုံးကို တွန်းလှန်တိုက်ခိုက်ရန် သင်သည် ရဲရင့်ခြင်း အလုံအလောက်ရှိသလော။ သင်၏ စိတ်ခံစားမှုများကို ဘေးဖယ်ကာ၊ ငါ၏ သမ္မာတရားအတွက် စာတန်ကို ဖော်ထုတ်ပေးနိုင်သလော။ သင့်အထဲတွင် ငါ၏ အလိုကို ပြည့်စုံစေခွင့် ပေးနိုင်သလော။ အရေးပါသောအချိန်တွင် သင်၏ နှလုံးသားကို သင်သည် ပေးရန်ကမ်းလှမ်းခဲ့ပြီးသလော။ သင်သည် ငါ၏အလိုကို ဆောင်ရွက်သော သူတစ်စုံတစ်ဦးလော။ ဤအရာအကြောင်း သင့်ကိုယ်သင် မကြာခဏမေး၍ စဉ်းစားလော့။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၃” အစအဦး၌ ခရစ်တော်၏မိန့်မြွက်ချက်များ) ဘုရားသခင်ရဲ့ နှုတ်ကပတ်တော်တွေနဲ့ ဒေသနာတွေကို ဖတ်ပြီးနောက်မှာ၊ မချိတင်ကဲဝေဒနာတစ်ခု ကျွန်မရဲ့ နှလုံးသားကို ထိုးဖောက်သွားတာကို ကျွန်မ ခံစားခဲ့ရတယ်။ ကျွန်မဟာ မယုံရတဲ့၊ လည်တဲ့ လူမုန်းမခံချင်သူတစ်ယောက်သာ ဖြစ်တာကို ကျွန်မ တွေ့လိုက်တယ်။ ဒီပြဿနာကို ရင်ဆိုင်ပြီး၊ ကျွန်မဟာ ကိုယ့်ကိုယ်ကိုယ် ကာကွယ်ဖို့ တတ်နိုင်သမျှ လုပ်ခဲ့ပြီး၊ ဘုရားအိမ်တော်ရဲ့ အကျိုးစီးပွားကို မထောက်ထားခဲ့ဘူး၊ ပြီးတော့ ကျွန်မရဲ့ တာဝန်တွေမှာ တာဝန်သိစိတ် ဒါမှမဟုတ် ဝန်ကိုထမ်းတဲ့စိတ်တစ်ခုမှ မရှိခဲ့ဘူး။ ​ခေါင်းဆောင် အတုအယောင်တွေ ပေါ်လာတဲ့အချိန်မှာ ကျွန်မဟာ ချက်ချင်း ကိုင်တွယ်ဖြေရှင်းခဲ့သင့်တယ်၊ ဒါပေမယ့် အဲဒီအစား၊ ကိုယ့်ကိုယ်ကိုယ် ကာကွယ်ဖို့အတွက်နဲ့ အစ်မလျူကို စော်ကားမိမှာကို ကြောက်တဲ့အတွက်၊ ကျွန်မဟာ သမ္မာတရားကို လက်တွေ့လုပ်ဆောင်ဖို့ ဒါမှမဟုတ် ဖော်ထုတ်ပြီး တိုင်ကြားဖို့တို့ကို အရမ်းကြောက်ခဲ့တယ်။ ကျွန်မဟာ သမ္မာတရားကို တမင်တကာ ဖုံးကွယ်ထားခဲ့ပြီး၊ သူ့ကို ကာကွယ်ဖို့ ဖုံးဖိထားခဲ့တယ်။ ရလဒ်အနေနဲ့ အသင်းတော်အလုပ်ရဲ့ ရှုထောင့်တိုင်းဟာ ထိခိုက်ခဲ့တယ်၊ ကျွန်မရဲ့ ညီအစ်ကိုမောင်နှမတွေမှာ သင့်တော်တဲ့ အသင်းတော် အသက်တာ မရှိခဲ့ဘူး။ ဘုရားသခင်ရဲ့ အိမ်တော်က ကျွန်မကို အဲဒီလို အရေးကြီးတဲ့ တာဝန်တစ်ခုကို ယုံယုံကြည်ကြည် အပ်နှံခဲ့ပေမယ့်၊ အသင်းတော်ထဲမှာ ခေါင်းဆောင်အတုအယောင်တွေ ပေါ်လာတဲ့အချိန်မှာ၊ ကျွန်မရဲ့ ကိုယ်ပိုင် အကျိုးစီးပွားတွေကို ကာကွယ်ဖို့ သမ္မာတရားရဲ့ အခြေခံစည်းမျဉ်းတွေကို သစ္စာဖောက်ခဲ့တယ်၊ စာတန်နဲ့ မကြာမကြာ ရပ်တည်ခဲ့ပြီး၊ သူတို့ကို ကာကွယ်ခဲ့တယ်လို့ ကျွန်မ တွေးမိတယ်။ အသင်းတော် အလုပ် ထိခိုက်မှာကို ကျွန်မ ကောင်းကောင်း သတိပြုမိပြီးသား ဖြစ်ပေမယ့်၊ ကျွန်မဟာ သမ္မာတရားကို လက်တွေ့မလုပ်ဆောင်သလို၊ ဖြောင့်မတ်ခြင်းကိုလည်း မထိန်းသိမ်းခဲ့ပါဘူး။ တစ်ယောက်ယောက်ကို ထိခိုက်မိသွားနိုင်တဲ့အချိန်တိုင်း၊ ကျွန်မက သမ္မာတရားရဲ့ အခြေခံမူတွေကို စွန့်ပစ်ခဲ့တယ်။ ကျွန်မဟာ ကိုယ့်ကိုယ်ပိုင် အကျိုးစီးပွားအတွက် တစ်ကိုယ်ကောင်းဆန်ဆန် ပြုမူနေခဲ့တယ်။ အမှုအရာတွေကို ဒီနည်းနဲ့ လုပ်ဆောင်ခဲ့တာဟာ ဘုရားအိမ်တော်ရဲ့ အမှုတော်ကို နှောင့်ယှက် ဖျက်ဆီးနေပြီး၊ စာတန်ရဲ့ ကြံရာပါအဖြစ် ပြုမူနေခဲ့တာ မဟုတ်ဘူးလား။ ကျွန်မဟာ သမ္မာတရားကို လက်တွေ့မလုပ်ဆောင်ရဲသလို၊ အခြေခံစည်းမျဉ်းတွေကိုလည်း မထိန်းသိမ်းရဲဘူး။ ကျွန်မက လုံးဝ မဖြောင့်မတ်ခဲ့ဘူး။ ကျွန်မဟာ အသင်းတော် ခေါင်းဆောင်တစ်ယောက်ဖြစ်ဖို့ ဘယ်လိုသင့်တော်မလဲ။ ကျွန်မက တစ်ကိုယ်ကောင်းဆန်တယ်၊ စက်ဆုပ်စရာကောင်းတယ်၊ မယုံရဘူး၊ လှည့်စားတယ်၊ ပြီးတော့ သေးသိမ်တယ်။ ဘုရားနှုတ်ကပတ်တော်တွေမှာ ဘုရားသခင်က လူမုန်းမခံချင်သူတွေကို ရွံမုန်းပြီး၊ စက်ဆုပ်တဲ့အပြင်၊ သူတို့ကို မကယ်တင်ဘူး၊ ဘုရားအိမ်တော်က လူမုန်းမခံချင်သူတွေကို ခေါင်းဆောင်တွေအနေနဲ့ လက်ခံဖို့ ပြတ်ပြတ်သားသား ငြင်းဆန်တယ် ဒါဟာ သူတို့က ဆိုးယုတ်တဲ့နှလုံးသားတွေရှိပြီး၊ ဘုရားအိမ်တော်နဲ့ သူတို့ရဲ့ ညီအစ်ကိုမောင်နှမတွေကိုသာ ထိခိုက်စေနိုင်လို့ပဲ လို့ ပြောထားတာကို ကျွန်မ ဆင်ခြင်မိရင် တော်တော်နာကျင်တယ် ခေါင်းဆောင် အတုအယောင်တွေကို ကာကွယ်ပြီး၊ ဖုံးဖိပေးနေလို့၊ ကျွန်မဟာ ဘုရားသခင်ကို ပုန်ကန်ပြစ်မှားခဲ့ပြီးပြီ၊ ပြီးတော့ သူ့စိတ်သဘောထားကိုလည်း ပုန်ကန်ပြစ်မှားခဲ့ပြီးပြီ၊ ဒါကြောင့် ကျွန်မက ဘုရားသခင် ရှေ့တော်မှောက်ကိုသွားပြီး၊ သူ့ဆီမှာ ဆုတောင်းခဲ့တယ်။ “ဘုရားသခင်၊ ကျွန်မဟာ ကိုယ်တော့် အလိုတော်ကို မကြာခဏ ချိုးဖောက်ခဲ့ပါတယ်။ သမ္မာတရားကို ကျွန်မ ရှင်းရှင်းလင်းလင်း သိခဲ့ပေမယ့်၊ လက်တွေ့မလုပ်ဆောင်ခဲ့ဘူး၊ ပြီးတော့ အဲဒီလိုနေနေဆဲမှာပဲ အသင်းတော်ရဲ့ အလုပ်ကို ထိခိုက်စေခဲ့တယ်။ ကိုယ်တော်ရဲ့ ကျိန်ဆဲမှု နဲ့ အပြစ်ဒဏ်တွေကို လက်ခံဖို့ ကျွန်မ ဆန္ဒရှိပါတယ်။ ကိုယ်တော် ကျွန်မကို အနာဂတ်မှာ ဘယ်လိုပဲ ဆက်ဆံပါစေ၊ ကျွန်မ ကိုယ်တော့်ကို နာခံပြီး၊ နောင်တရဖို့ ဆန္ဒရှိပါတယ်။”

ဆုတောင်းပြီးနောက်မှာ၊ ကျွန်မက လူတွေကို ဘာဖြစ်လို့ ကျေနပ်စေဖို့ ကြိုးစားခဲ့တာလဲ၊ ကျွန်မဟာ အမှုအရာတွေ ဖြစ်လာတဲ့အခါမှာ သမ္မာတရားကို ဘာဖြစ်လို့ လက်တွေ့မလုပ်ဆောင်နိုင်တာလဲ ဆိုတာကို တွေးမိတယ်။ ကျွန်မကို ထိန်းချုပ်နေတဲ့အရာက ဘာများလဲ။ ​နောက်ပိုင်းမှာ ဘုရားနှုတ်ကပတ်တော်တွေရဲ့ နောက်ထပ် ကျမ်းပိုဒ်တစ်ခုကို ကျွန်မ ဖတ်ရတယ်။ “စာတန်သည် နိုင်ငံတော်အစိုးရများ၏ ပညာရေးနှင့် လွှမ်းမိုးမှု၊ ကျော်ကြားသူများနှင့် ကြီးမြတ်သူများမှတစ်ဆင့် လူတို့ကို ဖောက်ပြန်ဖျက်ဆီးသည်။ သူတို့၏ ပေါက်ကရစကားတို့သည် လူတို့၏ ဘဝနှင့် သဘာဝဗီဇဖြစ်လာသည်။ ‘မိမိကိုယ်သာ ကိုးကွယ်ရာဖြစ်၏’ ဆိုသည်မှာ ခပ်သိမ်းသောလူတို့အထဲသို့ သွတ်သွင်းပေးထားသည့် လူသိများသော စာတန်နှင့်ဆိုင်သည့် ဆိုရိုးတစ်ခုဖြစ်ပြီး လူတို့၏ဘဝများ ဖြစ်လာလေပြီ။ ဤကဲ့သို့သော အသက်ရှင်သန်ခြင်းအတွက် သဘောတရားခံယူချက်ဆိုင်ရာ အခြားစကားလုံးများလည်း ရှိသည်။ စာတန်သည် လူတို့ကို ပညာပေးဖို့ နိုင်ငံတစ်နိုင်ငံစီ၏ နှစ်လိုဖွယ်ကောင်းသော ရိုးရာယဉ်ကျေးမှုကို အသုံးပြုလျက် လူသားမျိုးနွယ်ကို အတိုင်းမသိ ပျက်စီးခြင်း၏ ချောက်နက်ထဲသို့ ကျဆင်းနစ်မြှုပ်သွားစေပြီး အဆုံးတွင် လူတို့သည် စာတန်ကိုအစေခံ၍ ဘုရားသခင်ကို ခုခံသောကြောင့် ဘုရားသခင်၏ ဖျက်ဆီးခြင်းကို ခံကြရသည်။...လူတို့၏ အသက်တာ၌၊ သူတို့၏ အပြုအမူ၊ အခြားသူများနှင့် သူတို့၏ ဆက်ဆံမှုများထဲ၌ စာတန်၏ အဆိပ်များစွာ ရှိနေသေးသည်။ ၎င်းတို့သည် သမ္မာတရားတစ်စက်မျှပင် မရှိလုနီးပါးဖြစ်သည်။ ဥပမာအားဖြင့် သူတို့၏ အသက်ရှင်သန်ခြင်း အတွက် သဘောတရားခံယူချက်များ၊ သူတို့၏ အမှုအရာများကို ဆောင်ရွက်သည့် နည်းလမ်းများနှင့် သူတို့၏ နီတိများတို့သည် အဆင်းနီသော နဂါးကြီး၏ အဆိပ်များနှင့် ပြည့်နှက်နေပြီး၊ သူတို့အားလုံးသည် စာတန်ထံမှ လာကြသည်။ ထို့ကြောင့် လူတို့၏ အရိုးများနှင့် အသွေးတို့၌ စီးဆင်းကြသော အရာအားလုံးသည် စာတန်၏ အရာများ အားလုံး ဖြစ်ပေသည်။ ထိုအရာရှိများ၊ သြဇာအာဏာရှိသူများနှင့် အောင်မြင်မှုကို စွမ်းဆောင်ရရှိသောသူများ အားလုံးတို့တွင် မိမိ၏ကိုယ်ပိုင် လမ်းကြောင်းနှင့် အောင်မြင်မှုအတွက် လျှို့ဝှက်ချက်တို့ ရှိပေသည်။ ထိုလျှို့ဝှက်ချက်များသည် သူတို့သဘာဝဗီဇ၏ ကောင်းမွန်လှသော ကိုယ်စားပြုချက် ဖြစ်သည် မဟုတ်လော။... လူသားသည် စာတန်၏ နက်ရှိုင်းစွာ ဖောက်ပြန်ဖျက်ဆီးခြင်း ခံခဲ့ရသည်။ စာတန်၏ အဆိပ်သည် ခပ်သိမ်းသော လူပုဂ္ဂိုလ်တိုင်း၏ အသွေးထဲ၌ စီးဆင်းနေပြီး လူသား၏ သဘာဝသည် ထင်ထင်ရှားရှား ဖောက်ပြန်ကာ ဆိုးယုတ်၍ ခေတ်နောက်ပြန်ဆွဲတတ်ပြီး စာတန်၏ ဒဿနများနှင့် ပြည့်နှက်၍ ထိုဒဿနများထဲ၌ နှစ်မြှုပ်၏၊ ၎င်းသည် ဘုရားသခင်ကို ဆန့်ကျင်ပုန်ကန်သော သဘာဝလုံးလုံးပင် ဖြစ်သည်။ ထို့ကြောင့်ပင် လူတို့သည် ဘုရားသခင်ကို ခုခံကြပြီး ဆန့်ကျင်ကြခြင်း ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူ့သဘာဝကို သိရှိရန် နည်းလမ်း”) ဘုရားနှုတ်ကပတ်တော်တွေကို ဖတ်ပြီးနောက်မှာ၊ ကျွန်မဟာ လူမုန်းမခံချင်သူတစ်ယောက်လို ပြုမူခဲ့ရတဲ့ အကြောင်းအရင်း ဇာစ်မြစ်ကို ရှာတွေ့ခဲ့တယ်။ အဲဒါဟာ ကျွန်မ ငယ်ငယ်လေးကတည်းက၊ ကျွန်မဟာ တရုတ်ကွန်မြူနစ်ပါတီရဲ့ ပညာပေးတာခံရလို့၊ ပြီးတော့၊ ကျွန်မက “မိမိကိုယ်သာ ကိုးကွယ်ရာဖြစ်၏”၊ “လူသားတို့သည် သန့်ရှင်းသူများ မဟုတ်ပါ။ ၎င်းတို့သည် မည်သို့ အပြစ်ကင်းနိုင်မည်နည်း။” “စကားနည်းရန်စဲ” “မိမိကိုယ်ကို ကာကွယ်ရန် ဆိတ်ဆိတ်ငြိမ်နေ၍ အပြစ်တင်ခံရမှုမှ လွတ်မြောက်ရန်သာ ကြိုးစားပါ” “မိတ်ဆွေကောင်းများ၏အပြစ်များအပေါ် နှုတ်ဆိတ်နေပေးခြင်းသည် ကြာရှည်၍ ကောင်းမွန်သော ခင်မင်မှုဖြစ်စေ၏” ဆိုတဲ့ လောကီဒဿနတွေ၊ ယုတ္တိတွေ နဲ့ စည်းမျဉ်းတွေ အမျိုးမျိုးနဲ့ ပြည့်နေခဲ့လို့ပါ။ ကျွန်မရဲ့ နှလုံးသားထဲမှာ ဒီအရာတွေကို နက်နက်ရှိုင်းရှိုင်း သွတ်သွင်းထားတာကို ခံရပြီး၊ ကျွန်မက အဲဒါတွေနဲ့ အသက်ရှင်နေခဲ့ပါတယ်။ ကျွန်မက ပိုပြီးတော့မာနထောင်လွှားလာတယ်၊ ကိုယ့်ကိုယ်ကိုယ် မှန်တယ်လို့ထင်လာတယ်၊ တစ်ကိုယ်ကောင်းဆန်လာတယ်၊ စက်ဆုပ်စရာကောင်းလာတယ်၊ မယုံရတော့ဘူး ပြီးတော့ ပို လှည့်စားတတ်လာတယ်။ ဒီအရာတွေကို ကျွန်မ ဘဝ ဆောင်ပုဒ်တွေ လုပ်ခဲ့တယ်။ လူတွေနဲ့ သင့်မြတ်ဖို့ ကျွန်မဟာ သူများတွေရဲ့ စကားတိုင်း နဲ့ မျက်နှာအမူအရာတိုင်းကို သေသေချာချာ စောင့်ကြည့်လေ့လာတယ်၊ ပြီးတော့ လူတိုင်းနဲ့ ကျွန်မရဲ့ ပေါင်းသင်းဆက်ဆံရေးတွေကို ကျွန်မက သတိနဲ့ ဆက်ဆံခဲ့တယ်။ ကျွန်မက လူမုန်းမခံချင်သူတစ်ယောက် ဖြစ်ခဲ့တယ်၊ သာမန်အဆင့်ရှိတဲ့ လမ်းကြောင်းပေါ် ကလျှောက်ခဲ့တယ်။ ဘယ်သူ့ကိုမှ မစော်ကားခဲ့ဘူး၊ ကျွန်မက သမ္မာတရားကို မပြောရဲသလို၊ ဖြောင့်မတ်ခြင်းကိုလည်း မထိန်းသိမ်းရဲဘူး၊ ပြီးတော့ သိက္ခာတစ်စက်မှ မရှိဘဲ နေခဲ့တယ်။ ​ခေါင်းဆောင်အတုအယောင်တွေ အသင်းတော်မှာ ပေါ်လာတဲ့အချိန်မှာ၊ အစ်မလျူကို စော်ကားမိမှာကို ကြောက်တာနဲ့၊ ကျွန်မရဲ့ အခြေခံမူတွေကို ကျွန်မ စွန့်ပစ်ခဲ့ပြီး၊ သူရဲဘောနည်းသူတစ်ယောက် အဖြစ် ရွေးချယ်ခဲ့တယ်၊ ပြီးတော့ ကျွန်မရဲ့ ညီအစ်ကိုမောင်နှမတွေကို ထိခိုက်ဖို့နဲ့၊ ဘုရားအိမ်တော်ရဲ့ အလုပ်ကို နှောင့်ယှက်ဖို့ သူတို့ကို ကျွန်မ ခွင့်ပြုခဲ့တယ်။ ကျွန်မက ကိုယ့်ကိုယ်ကိုယ် လူကောင်းတစ်ယောက်လို့ ဘယ်လိုခေါ်နိုင်တာလဲ။ ကျွန်မက စိတ်နှလုံးမကောင်းခဲ့ဘူး၊ လူ့အကြိုက်ဆောင်သူတစ်ယောက်၊ စာတန်ရဲ့ စက်ဆုပ်စရာကောင်းတဲ့ ကျွန်တစ်ယောက်ပါ။ ကျွန်မက သတ္တိစိတ် ဒါမှမဟုတ် ဖြောင့်မတ်စိတ် တစ်စက်မှ မရှိဘူး။ ကျွန်မသာ အစ်မလျူကို စိစစ်ပြီး၊ ကူညီခဲ့ရင်၊ သူဟာ အပြစ်တွေအများကြီး လုပ်ခဲ့နိုင်မှာ မဟုတ်ဘူး၊ ဘုရားအိမ်တော်ရဲ့ အမှုတော်၊ ညီအစ်ကိုမောင်နှမတွေရဲ့ အသက်တာဝင်ရောက်မှုတို့လည်း နှောင့်ယှက်ခံရချင်မှ ခံရမှာ၊ ပြီးတော့ ကျွန်မလည်း ဘုရားသခင်ရဲ့ စိတ်သဘောထားကို ပုန်ကန်ပြစ်မှားမိချင်မှ ပြစ်မှားမိမယ်။ ဒါဆို အဲဒီနောက်မှာ၊ ဒီစာတန်နဲ့ဆိုင်တဲ့ လောကီဒဿနတွေနဲ့ အသက်ရှင်တာ၊ ပြီးတော့ လူမုန်းမခံချင်သူတစ်ယောက် ဖြစ်တာတို့က လူတွေကို ထိခိုက်စေတာ ဒါမှမဟုတ် သူတို့ကို ပျက်စီးစေတာသာ ရှိပြီး၊ ကျွန်မကိုလည်း အဲဒီလိုပဲ ဖြစ်စေတယ်ဆိုတာကို ကျွန်မ နောက်ဆုံးမှာ မြင်ခဲ့တယ်။ ဒီစာတန်နဲ့ဆိုင်တဲ့ လောကီဒဿနတွေ၊ ယုတ္တိတွေနဲ့ စည်းမျဉ်းတွေက လူတွေကို လှည့်စားပြီး၊ ဖောက်ပြန်ပျက်စီးစေတယ်ဆိုတာကို အမှန်တရားတွေက ထုတ်ဖော်တာကနေ ကျွန်မ နောက်ဆုံးမှာ တွေ့ရပြီ၊ အဲဒါတွေဟာ ဘုရားနှုတ်ကပတ်တော်၊ သမ္မာတရားနဲ့ ရန်ဘက်ပဲ။ ကျွန်မတို့ဟာ ဒီစာတန်နဲ့ဆိုင်တဲ့ ဒဿနတွေနဲ့ အသက်ရှင်နေထိုင်တဲ့အခါ၊ ကျွန်မတို့က ဘယ်လောက်ပဲ ကြင်နာတယ်၊ သိမ်မွေ့တယ် ဒါမှမဟုတ် နှစ်လိုဖွယ်ရှိတယ်လို့ မြင်ရပေမယ့် ကျွန်မတို့က မယုံရဘဲ၊ လှည့်စားတယ်၊ စက်ဆုပ်စရာကောင်းတယ်၊ ပြီးတော့ ပျော့ညံ့နေပါသေးတယ်။ ကျွန်မတို့က သမ္မာတရားကို လက်တွေ့မလုပ်ဆောင်ဘဲ၊ နောင်တမရဘူး၊ ပြီးတော့ မပြောင်းလဲဘူးဆိုရင်၊ ကျွန်မတို့ကို ဘုရားသခင်က စွန့်ပစ်ပြီး၊ သုတ်သင်ဖယ်ရှင်းတာကို သေချာပေါက်ခံရလိမ့်မယ်။

နောက်ပိုင်းမှာ ဘုရားနှုတ်ကပတ်တော်ရဲ့ နောက်ထပ်ကျမ်းပိုဒ်တစ်ခုကို ကျွန်မ ဖတ်ခဲ့ရတယ်။ “ဘုရားသခင်၌ သစ္စာရှိခြင်း၏ အနှစ်သာရရှိသဖြင့် သူ၏နှုတ်ကပတ်တော်ကို အမြဲ ယုံကြည်စိတ်ချနိုင်သည်။ ထို့အပြင် သူ၏ လုပ်ဆောင်ချက်များမှာ အမှားကင်းပြီး သံသယရှိရန်မလိုပေ။ ထို့ကြောင့် သူ့အပေါ် ပကတိရိုးသားဖြောင့်မတ်သူများကို ဘုရားသခင်က နှစ်သက်ခြင်း ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သတိပေးချက် သုံးချက်”) “လူတို့အား ရိုးသားကြရန် ဘုရားသခင်တောင်းဆိုခြင်းမှာ သူသည် လိမ်လည်လှည့်ဖြားသောသူများကို တကယ်ကို စက်ဆုပ်ရွံရှာကြောင်းနှင့်၊ လိမ်လည်လှည့်ဖြားသော လူများကို မနှစ်သက်ကြောင်း သက်သေပြခြင်းဖြစ်သည်။ လိမ်လည်လှည့်ဖြားသောလူများကို ဘုရားသခင် မနှစ်သက်ရခြင်းမှာ သူသည် ၎င်းတို့၏ အပြုအမူများ၊ စိတ်သဘောထားနှင့် အရင်းခံအကြောင်းများကို မကြိုက်ကြောင်း ဆိုလိုခြင်းဖြစ်သည်။ ဆိုလိုသည်မှာ ၎င်းတို့ အမှုအရာများအား လုပ်ဆောင်ပုံကို သူမကြိုက်ခြင်း ဖြစ်သည်။ ထို့ကြောင့် အကယ်၍ ငါတို့သည် ဘုရားသခင်ကို ကျေနပ်အားရစေရမည် ဆိုပါက၊ ငါတို့သည် ပထမဦးစွာ ငါတို့၏အပြုအမူများနှင့် ငါတို့ ရပ်တည်သည့် နည်းလမ်းကို ပထမဦးစွာ ပြောင်းလဲရမည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ရိုးသားသောလူတစ်ဦးဖြစ်ခြင်း၏ အခြေခံအကျဆုံး လက်တွေ့လုပ်ဆောင်ချက်”) “သင်သည် ယုံကြည်ခြင်းရှိသည်နှင့် တစ်ပြိုင်နက်၊ ဘုရားသခင်ရှေ့သို့ လာသော်လည်း အပြုအမူဟောင်းဖြင့် အသက်ရှင်နေသေးပါက ဘုရားသခင်၌ သင်၏ယုံကြည်မှုမှာ အဓိပ္ပာယ်ရှိသလော။ တန်ဖိုးရှိသလော။ သင့်ဘဝ ရည်မှန်းချက်များနှင့် အခြေခံ သဘောတရားများနှင့် သင် အသက်ရှင်ပုံ မပြောင်းလဲ ရသေးဘဲ၊ မယုံကြည်သူများ၏အထက်၌ သင့်ကိုရှိစေသည့် တစ်ခုတည်းသောအရာမှာ ဘုရားသခင်ကို သင်အသိအမှတ်ပြုခြင်းပင် ဖြစ်လေသည်။ သင်သည် ဘုရားသခင်နောက် လိုက်လျှောက်ပုံရသော်လည်း သင်၏ အသက်တာ စိတ်သဘောထား အနည်းငယ်မျှ မပြောင်းလဲရသေးပေ။ အဆုံးတွင် သင်သည် ကယ်တင်ခံရလိမ့်မည် မဟုတ်ပေ။ အခြေအနေမှာ ထိုသို့ဖြစ်သည်နှင့်အညီ၊ ဤသည်မှာ အချည်းနှီးသောယုံကြည်မှုနှင့် အချည်းနှီးသောဝမ်းမြောက်မှု ဖြစ်သည်မဟုတ်လော။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို လက်တွေ့ကျင့်သုံးခြင်းအားဖြင့်သာ သင်သည် ပျက်စီးသော စိတ်သဘောထား၏ ချည်နှောင်ခြင်းများကို ဖယ်ရှားပစ်နိုင်သည်”) ဘုရားသခင်ရဲ့ နှုတ်ကပတ်တော်ကို ဖတ်ပြီးနောက်မှာ ဘုရားသခင်က အနှစ်သာရအားဖြင့် သစ္စာစောင့်သိတယ်။ ဘုရားသခင်က ရိုးသားတဲ့လူတွေကို နှစ်သက်ပြီး၊ လှည့်စားသူတွေကို မုန်းတီးတယ်ဆိုတာကို ကျွန်မ တွေ့ရတယ်။ ဒီစာတန်နဲ့ဆိုင်တဲ့ ဒဿနတွေနဲ့ ကျွန်မ အသက်ရှင်နေတဲ့ အချိန်မှာ၊ အမှုအရာတွေနဲ့ ပတ်သက်တဲ့ ကျွန်မရဲ့ ရှုထောင့်တွေ၊ ကိုယ့်ကိုယ်ကိုယ် ပြုမူနေထိုင်ပုံတွေက လုံးဝ မပြောင်းလဲခဲ့ဘူး။ ကျွန်မဟာ မယုံကြည်သူတွေအတိုင်းပါပဲ။ အဲဒီနည်းလမ်းနဲ့ ဘုရားသခင်ကို ကျွန်မ နှစ်တွေ ဘယ်လောက်ကြာအောင် ယုံကြည်ခဲ့ပါစေ၊ ကျွန်မဟာ သမ္မာတရား ဒါမှမဟုတ် ကယ်တင်ခြင်း အပြည့်အဝကို လုံးဝ ရမှာမဟုတ်ဘူး။ သမ္မာတရားကို လက်တွေ့လုပ်ဆောင်သူတွေ၊ ရိုးသားတဲ့သူတွေ၊ သူတို့နှလုံးသားတွေထဲမှာ လှည့်စားမှု မရှိတဲ့သူတွေ၊ သမ္မာတရားရဲ့ အခြေခံမူတွေကို ထိန်းသိမ်းဖို့ သတ္တိရှိသူတွေ၊ တရားမျှတမှုအသိစိတ် တစ်ခု ရှိသူတွေ၊ ပြီးတော့ အမှုအရာအားလုံးမှာ ဘုရားသခင်ရဲ့ ဘက်ကရပ်ပြီးတော့၊ ဘုရားရဲ့ အလိုတော်ကို ထောက်ထားသူတွေက ဘုရားသခင်ကို ချစ်တဲ့လူတွေဖြစ်တယ်၊ ပြီးတော့ သူ့ကယ်တင်ခြင်းကို အပြည့်အဝ ခံရနိုင်သူတွေဖြစ်တယ်။ ဘုရားသခင် လိုလားတဲ့အရာကို နားလည်ပြီးနောက်မှာ၊ ကျွန်မဟာ နောင်တရပြီး၊ သမ္မာတရားကို လက်တွေ့လုပ်ဆောင်မယ်၊ ပြီးတော့ ရိုးသားသူတစ်ယောက် ဖြစ်ပါမယ်လို့ ဘုရားသခင်ကို ဆုတောင်းပြီး၊ သစ္စာဆိုခဲ့တယ်။

လနည်းနည်းကြာပြီးနောက်မှာ၊ ကျွန်မရဲ့ လက်တွဲဖော်အသစ် အစ်ကိုလီဟာ အစည်းအဝေးတွေမှာ ရိုးအီနေတဲ့ အရာတွေနဲ့ သြဝါဒတွေကို အမြဲပြောပြီး၊ ကြွားဝါနေတာကို တွေ့လိုက်ရတယ်။ ကျွန်မက သူနဲ့ နည်းနည်းလောက် မိတ်သဟာယပြုခဲ့ပေမယ့်၊ တိုးတက်မှု တစ်ခုမှ မတွေ့ခဲ့ဘူး၊ ဒါကြောင့် အဲဒီအကြောင်းကို ကျွန်မတို့ရဲ့ အကြီးအကဲတွေကို ကျွန်မ ပြောပြလိုက်တယ်။ ဒါပေမယ့် အဲဒီနောက်မှာ၊ သူတို့က ကျွန်မကို သူ့အပြုအမူတွေကို ဆန်းစစ်ပြီး ဖော်ထုတ်ခိုင်းတယ်၊ ပြီးတော့ ကျွန်မ စပြီး ကြောက်ရွံ့လာတယ်။ ကျွန်မဟာ ဒီအမှုအရာတွေနဲ့ ပတ်သက်ရင် အာစေးထည့်ထားသလို ခံစားရတယ်၊ ဘာဖြစ်လို့လဲဆိုတော့ အစ်ကိုလီက အဲဒီမှာ သူ့တာဝန်တွေကို ထမ်းဆောင်နေခဲ့တာ လူတကာထက် ကြာမြင့်ခဲ့ပြီဖြစ်လို့၊ သူက အကြီးအကဲတစ်ယောက် လိုလို မြင်ခံရတယ်၊ ပြီးတော့ အရင်ကလည်း သူက ကျွန်မရဲ့ အလုပ်ထဲမှာ ကူညီခဲ့တယ်။ သူ့အခြေအနေကို ကျွန်မ ဖော်ထုတ်လိုက်ရင်၊ သူက ကျွန်မကို ဘာတွေးတော့မလဲ။ သူက စော်ကားခံရတယ်လို့ ခံစားရမလား။ အဲဒီနောက်မှာ ဘုရားနှုတ်ကပတ်တော်တွေရဲ့ ဒီကျမ်းပိုဒ်ကို ကျွန်မ ဖတ်ရတယ်။ “‘သဘောကောင်းသော လူတစ်ဦး’ ၏ စိတ်ဓါတ်လှုံ့ဆော်မှုများနှင့် ရှုထောင့်အမြင် သင့်တွင် ရှိလျှင်၊ ထိုသို့သော ကိစ္စရပ်များတွင် သင်အမြဲ လဲကျပြီး ကျရှုံးလိမ့်မည်။ သို့ဆိုလျှင် ထိုသို့သော အခြေအနေများတွင် သင် မည်သည့်အရာကို လုပ်ဆောင်သင့်သနည်း။ ထိုသို့သော အရာများနှင့် ရင်ဆိုင်ရသည့်အခါ၊ ဘုရားသခင်ထံ သင် ဆုတောင်းရမည်။ ဘုရားသခင်က သင့်ကို ခွန်အားပေး၍ သင့်အား အခြေခံသဘောတရားကို လိုက်နာနိုင်စေရန်၊ သင် လုပ်သင့်သည့်အရာကို လုပ်ဆောင်နိုင်စေရန်၊ အခြေခံ သဘောတရား အတိုင်း အမှုအရာများကို ကိုင်တွယ်နိုင်စေရန်၊ သင်၏အနေအထားအတိုင်း ရပ်တည်ခွင့်ပေးရန် နှင့် ဘုရားသခင်အိမ်တော်၏ အမှုတော်ဆီသို့ အန္တရာယ် ရောက်လာခွင့် မပေးရန်အတွက် တောင်းလျှောက်လော့။ သင်သည် မိမိ၏ ကိုယ်ကျိုးစီးပွား၊ ဂုဏ်သတင်း နှင့် ‘သဘောကောင်းသော လူတစ်ဦး’ နှင့်ဆိုင်သော ရှုထောင့်တို့ကို သင် စွန့်လွှတ်နိုင်လျှင်၊ သင်လုပ်သင့်သည့် အရာကို ရိုးသားသည့် စိတ်နှလုံးဖြင့် မမှိတ်မသုန် လုပ်ဆောင်နိုင်လျှင်၊ စာတန်ကို သင် အနိုင်ယူပြီး လိမ့်မည်ဖြစ်ပြီး၊ သမ္မာတရား၏ ဤရှုထောင့်ကို သင် ရရှိပြီး ဖြစ်လိမ့်မည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင့်ကိုယ်သင် သိရှိသည့်အခါမှသာ သမ္မာတရားကို သင်ရှာဖွေလိုက်စားနိုင်သည်”) ဘုရားသခင်ရဲ့ဒီ နှုတ်ကပတ်တော် ကျမ်းပိုဒ်ကို ဖတ်ရတာက ဘုရားသခင်က ကျွန်မကို စမ်းသပ်နေပြီး၊ ကျွန်မ နောင်တရဖို့ အခွင့်အလမ်း တစ်ခုပေးနေတာကြောင့် ဒီအခြေအနေက ကျွန်မအပေါ် ကျရောက်ရတယ်ဆိုပြီး စိတ်ထဲမှာရှင်းရှင်းလင်းလင်း သိရတယ် ကျွန်မက အဲဒီကိစ္စကို ဘယ်လိုကိုင်တွယ်မလဲ ဆိုတာကို ဘုရားသခင်က မြင်ချင်တယ်။ ကျွန်မ အရင်က လုပ်ခဲ့သလို သူများတွေနဲ့ ကျွန်မရဲ့ ပေါင်းသင်းဆက်ဆံရေးကို ကာကွယ်ဖို့ ကိုယ့်ကိုယ်ကိုယ် ခွင့်မပြုနိုင်တော့ဘူး။ အသင်းတော်ရဲ့ အလုပ်ကို ကျွန်မ ရှေ့တန်းတင်ရတယ်၊ သမ္မာတရားကို လက်တွေ့လုပ်ဆောင်ရတယ်၊ ပြီးတော့ ဖြောင့်မတ်ခြင်းကို ထိန်းသိမ်းရတယ်။ အစ်ကိုလီက သမ္မာတရားကို ရှာဖွေသူတစ်ယောက် ဖြစ်ခဲ့ရင်၊ သူဟာ ကိုယ့်ကိုယ်ကိုယ် သုံးသပ်ပြီး နားလည်ဖို့အတွက် မိတ်သဟာယဖွဲ့ခြင်း၊ စိစစ်လေ့လာခြင်းတို့ကို ပြုလုပ်နိုင်တယ် ဒါက သူ့ရဲ့အသက်တာဝင်ရောက်မှုကို အထောက်အကူပြုမယ် အဲဒီနောက်မှာ အပြစ်တွေ ထပ်လုပ်တာကို ရှောင်နိုင်မယ်။ ဒါကြောင့် ကျွန်မ အစ်ကိုလီကို တွေ့ဖို့ သွားခဲ့တယ်၊ ပြီးတော့ ဘုရားနှုတ်ကပတ်တော်တွေကို သုံးပြီး သူ့အခြေအနေနဲ့ အပြုအမူတွေကို တစ်ခုပြီးတစ်ခု ထုတ်ဖော်ပြီး၊ ဆန်းစစ်တယ်။ ကျွန်မကို အံ့အားသင့်စေတာကတော့ သူက ကျွန်မကို မကျေမချမ်း မဖြစ်ရုံမကဘဲ၊ “အစ်မသာ ကျွန်တော့်ကို ဒီနည်းနဲ့ ထုတ်ဖော်ပြီး ဆန်းစစ်တာ မရှိခဲ့ဘူးဆိုရင်၊ ကျွန်တော့် ပြဿနာတွေအကြောင်း ကျွန်တော် လုံးဝ သိခဲ့မှာမဟုတ်ဘူး။ ကျွန်တော်ဟာ ပြန်သုံးသပ်ပြီး၊ ဝင်ရောက်မှု ရဖို့ တကယ်ကို လိုအပ်နေတယ်။” လို့ နောင်တနဲ့ ပြောခဲ့တယ်။ အဲဒီစကားတွေကို အစ်ကိုလီပြောတာ ကြားရတာဟာ ကျွန်မအတွက် အရမ်းကို တို့ထိခံခဲ့ရပါတယ်။ သူ့ကို ထုတ်ဖော်လိုက်လို့ သူက ကျွန်မကို မကျေမချမ်းဖြစ်စေမှာကို ကျွန်မ စိုးရိမ်နေခဲ့တာပါ။ ဒါပေမယ့်လည်း အဲဒါဟာ လုံးလုံး ကျွန်မရဲ့ ကိုယ်ပိုင် စိတ်ကူး ဖြစ်ပါတယ်။ အဲဒီအချိန်မှာ၊ ကျွန်မဟာ သမ္မာတရားကို လက်တွေ့လုပ်ဆောင်ခြင်း နဲ့ ရိုးသားတဲ့ လူတစ်ယောက် ဖြစ်ခြင်းက စိတ်တည်ငြိမ်ပြီး၊ ငြိမ်သက်မှုကို ယူလာပေးတယ်၊ ပြီးတော့ ကျွန်မတို့ကို ဘုရားသခင်ဆီကို ပိုပို နီးကပ်အောင် ခေါ်လာပေးတယ် ဆိုတာကို အမှန်တကယ် တွေ့ကြုံခံစားလိုက်ရပါတယ်။ ဘုရားအိမ်တော်ရဲ့ အမှုတော်ကို ကာကွယ်ဖို့ တစ်ခုတည်းသော နည်းလမ်းက၊ သမ္မာတရားကို လက်တွေ့လုပ်ဆောင်ဖို့ နဲ့ အမှုအရာတွေကို အခြေခံစည်းမျဉ်းတွေအတိုင်း ကိုင်တွယ်ဖြေရှင်းဖို့ ဖြစ်တယ်ဆိုတာကိုလည်း ကျွန်မ တကယ်စစ်စစ် တွေ့ကြုံခံစားရပါတယ်။ ဒါဟာ ကျွန်မတို့ရဲ့ ညီအစ်ကို မောင်နှမတွေကို တကယ် ကူညီဖို့ တစ်ခုတည်းသော နည်းလမ်းဖြစ်တယ်။

ဘုရားသခင်ရဲ့ တရားစီရင်ခြင်း နှင့် ပြစ်တင်ဆုံးမခြင်းတို့ကတစ်ဆင့်၊ ကျွန်မရဲ့ မှားယွင်းတဲ့ အမြင်တစ်ချို့က ပြောင်းလဲသွားခဲ့ပါပြီ၊ ပြီးတော့ ကျွန်မရဲ့ မယုံရတဲ့၊ လူလည်ကျတဲ့၊ တစ်ကိုယ်ကောင်းဆန်တဲ့၊ စက်ဆုပ်စရာကောင်းတဲ့ စာတန် စိတ်သဘောထားက နည်းနည်း ပြောင်းလဲခဲ့ပါတယ်။ အခုတော့ ကျွန်မရဲ့ ညီအစ်ကိုမောင်နှမတွေ ဖောက်ပြန်ပျက်စီးမှုကို ပြလာတာကို ကျွန်မ တွေ့တဲ့အခါမှာ၊ ဒါမှမဟုတ် အမှုအရာတွေကို သမ္မာတရားရဲ့ အခြေခံမူကို ဖောက်ဖျက်တဲ့ နည်းလမ်းတွေနဲ့ ကိုင်တွယ်ဖြေရှင်းတဲ့အခါမှာ၊ ကျွန်မက သူတို့ကို မဖုံးဖိပေးတော့ဘူး၊ မကာပေးတော့ဘူး၊ လူတွေနဲ့ ကျွန်မရဲ့ ပေါင်းသင်းဆက်ဆံရေးတွေကို မကာကွယ်တော့ဘူး။ ကျွန်မက သမ္မာတရားကို လက်တွေ့လုပ်ဆောင်တာ၊ မိတ်သဟာယပြုတာ၊ ကူညီတာ၊ အမှုအရာတွေကို ထောက်ပြတာ နဲ့ အမှုအရာတွေကို ထုတ်ဖော်တာတို့ကို တာဝန်သိတတ် အသိဉာဏ်ရှိရှိ လုပ်ဆောင်တယ်။ တစ်ခါတစ်လေမှာ ကျွန်မဟာ သူများတွေကို စော်ကားမိမှာကို ချီတုံချတုံဖြစ်ပြီး၊ ကြောက်နေခဲ့ပေမယ့်လည်း၊ သမ္မာတရားရဲ့ အခြေခံမူတွေအတိုင်း လက်တွေ့လုပ်ဆောင်ပြီး၊ စာတန်နဲ့ဆိုင်တဲ့ ဒဿနတွေနဲ့ နောက်ထပ် အသက်မရှင်တော့ဘဲ၊ ကျွန်မက ဘုရားသခင်ဆီကို ဆုတောင်းပြီး၊ ကိုယ့်ကိုယ်ကိုယ် စွန့်ပစ်ခဲ့တယ်၊ ဒီလက်တွေ့လုပ်ဆောင်မှုမျိုးနဲ့၊ ကျွန်မဟာ အရမ်းကို ငြိမ်သက်ပြီး၊ တည်ငြိမ်တာကို ခံစားရတယ်။ တော်တော်ကို လွတ်လပ်သွားတာပဲ။ ဒီပြောင်းလဲမှုတွေ အောင်မြင်ရရှိတာနဲ့ ဒါတွေအားလုံးကို ရရှိတာဟာ ဘုရားနှုတ်ကပတ်တော်တွေရဲ့ တရားစီရင်ခြင်း နဲ့ ပြစ်တင်ဆုံးမခြင်းတို့ရဲ့ ရလဒ်ပဲဖြစ်ပါတယ်။

အရှေ့သို့- ကျော်ကြားမှုနှင့် အကျိုးအမြတ်ကို ရှာဖွေခြင်း နေ့ရက်များ

နောက်တစ်ခုသို့- ဝိညာဉ်ရေးရာ တိုက်ပွဲ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

ကျွန်မ ကြုံခဲ့ရသော စမ်းသပ်မှု

အနန္တတန်ခိုးရှိသော ဘုရားသခင် ပြောသည်မှာ- “ငါ၏လုပ်ဆောင်ချက်များသည် ကမ်းခြေများရှိ သဲလုံးများထက် အရေအတွက်သာ၍ များပြားပြီး ငါ၏ဉာဏ်ပညာ သည်လည်း...

ထိုနေ့တွင် ကောင်းကင်က အထူးသဖြင့် ကြည်လင်ပြီး နေသာသည်

ကျန်းယင်၊ တရုတ်နိုင်ငံ ကျွန်မ တရုတ်နိုင်ငံရှိ ကိုယ်ပိုင်မူ သုံးရပ်သုံး အသင်းတော်တွင် ယုံကြည်သူတစ်ဦး ဖြစ်ခဲ့ပါသည်။ ဝတ်ပြုအစည်းအဝေးများ၌...

နောက်ဆုံးသောကာလတွင် ဘုရားသခင်၏ ကယ်တင်ခြင်းကို လက်ခံပြီးနောက် ကျွန်ုပ်တို့သည် အသက်တာအသစ်ကို ရရှိသည်။

ကျူရီချူး၊ မလေးရှား ကျွန်မက အလှဖန်တီးရှင်တစ်ယောက် ဖြစ်ပြီး၊ ကျွန်မ ခင်ပွန်းက လယ်သမားတစ်ယောက်ဖြစ်သည်။ ကျွန်မတို့က မလေးရှားရှိ အမျိုးသမီးများ...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ နောက်ဆုံးသော ကာလ ခရစ်တော်— ကယ်တင်ရှင်၏ ပေါ်ထွန်းခြင်းနှင့် အမှုတော် နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်